\id 1JN - My Project 1 
\h 1 YOWAANA 
\toc1 Ebaruwa esookere eya YOWAANA 
\toc2 1 Yowaana 
\toc3 1Yow 
\mt2 Ebaruwa esookere eya 
\mt1 YOWAANA 
\imt1 Amangʼana ku owuimpi 
\ip Omujoji owa ebaruwa isatu ezia Yowaana ari *Omutumwa Yowaana, owawanga omulala ku awiiko wasatu Yakoobo ni Petro awaawanga ampi ni Yesu ino. Iye nio owajoja ebuuki ezia Owusasuko ni *injiili eya Yowaana. Ngʼinwawu Yowaana yaetwanga Saloome kandi yawanga wamwawu Maaria ngʼinwawu Yesu. Ebaruwa isatu zino (1 Yowaana, 2 Yowaana ni 3 Yowaana) ziajojwa ampi-ampi mu emiaka egituukre mu owulamu owua Yowaana, agati ya emiaka egia 85 ni 95. Yowaana yajoja ebaruwa zino alala ni injiili eya Yowaana andi na ari ku omugizi ogwa Efeeso, mu ekialo ekia *Eesia Ekitono, aa yawanga ki omukangasi omunene otiirwe ino owa ekaniisa mu emiaka giae egituukre. 
\ip Ebaruwa esookere eno yajojerwa Awakristo awaawanga mu ewitemo ewigawuke-gawuuke. Yowaana yawaizurizianga okuwa no owuiko agati yaawu ni Katonda, kandi agati yaawu aweene. Awasiagizia ku okulonda engerera ezia owuweeyi ezialowanga mbwe Yesu yaiwulwa kandi afwa ki omuntu. Awagerezi awaweeyi awo waagereranga mbwe Yesu yawanga mala no omufwano ogwa omuntu, ni yawanga mala omwoyo omusa, kandi mbwe yawulanga mu omuwiri olwa yaitwa ku *omusalaaba. Lwona awasiagizia ku engerera embiiwi ewoola mbwe owulamu owua Owukristo wuri mala ku okumanya ekilootu ni ngʼani ku ekia okola no omuwiri gwao. Yowaana awagaania mbwe okumanya okusugre kuema ku *Omwoyo Omweru ogwa Katonda kandi mbwe Yesu *Kristo Omuzia owa Katonda, yawanga omuntu kuwuene. Awalaga mbwe ekineene okukira wiona no okuwa no olugonzi, okurekerana amawi, okuwa mu okuikumia okwa Awakristo, okukira owuoni, okuwa no owuene mu owuinunuzi, owueru alala no owulamu owutariwua. 
\c 1  
\s1 Ingʼana erireeta owulamu 
\p  
\v 1 Tuwajojera ku ingʼana erireeta\f + \fr 1:1 \ft Ingʼana erigamba-gambwako ano ni Yesu *Kristo.\f* owulamu erimiire okuweerao okuemera mu owutanikro. Ifwe tumiire okuriwurra, kandi okuriwona na amiiso giifu aweene. Ee, tumiire okuriwarra geeza kandi turiamba no okuriamba na amakono.  
\v 2 Owulamu wuno wualaganiwua. Twawuwona kandi tuwugamba-gambako ni tuwalaga amangʼana ku owulamu owutariwua, owuawanga ni Katonda kandi owumiire okulaganiwua ku ifwe.\x - \xo 1:2 \xt Yowa 1:1–2, 14; 4:14; 6:35; 8:12; 11:25; 15:27\x* 
\v 3 Tuwalanzizia ekia tumiire okuwurra kandi tuwona, kugere mwona muwe ni ifwe mu owulala. Kandi turi mu owulala ni Katonda alala no omuzia waae Yesu *Kristo.  
\v 4 Tuwajojera amangʼana gano kugere emioyo giifu giizule du no owusangaavu.\x - \xo 1:4 \xt Yowa 15:11\x* 
\s1 Okuwa mu owueru 
\p  
\v 5 Owutumwa owua Katonda amiire okutu-aa mbwe tuwalanzizie ni mbwe, Katonda no owueru kandi ekierema kimuwulamo namba wutono.\x - \xo 1:5 \xt 1Timo 6:16\x* 
\v 6 Kutio ni tuwoola mbwe turi mu owulala nae, ni kandi tukiagenda-genda mu ekierema, ao otio tuweeya kandi owuene wuwula mu owulamu wuifu.\x - \xo 1:6 \xt 1Yow 2:4\x* 
\v 7 Ni, ni tugenda-genda mu owueru, mala kiomo iye omwene ari mu owueru, ifwe awari no okuganya ku Katonda, tuwa no owulala omuntu no omwina waae, kandi amasaai aga Yesu omuzia waae gatueruyia ku owuoni wuifu.\x - \xo 1:7 \xt Isaa 2:5; Yowa 12:35; Efee 5:8; Awaib 9:12; Owus 1:5; 7:14\x* 
\p  
\v 8 Ni tuwoola mbwe tuwula no owuoni, ao tuisemerezia aweene kandi owuene wutuwulamo, yaaya.  
\v 9 Ni, ni tuwoorre owuoni wuifu, Katonda aaza okuturekera owuoni wuifu wuona kandi aaza okutueruyia mu owuoni owua tumiire okukola wuona, aeniki ari omulongoole kandi arindre okuifuuwa kwae.\x - \xo 1:9 \xt Zabu 32:3–5; Awaib 10:22\x* 
\v 10 Ni tuwoola mbwe tukiari okukola owuoni, tugera Katonda yawa omuweeyi kandi amangʼana gaae gawula ni iwaga mu owulamu wuifu. 
\c 2  
\p  
\v 1 Waana wange, mbajojera amangʼana gano kugere mutakola owuoni. Ni, no omuntu okorre owuoni, turi no Omulongoole Yesu *Kristo, otuiyembra Katonda aturekere.\x - \xo 2:1 \xt Awaru 8:34; Awaib 7:25\x* 
\v 2 Iye nio omusango ogututoorrao okuswawukwa ni Katonda ku owuoni wuifu. Ni ngari omusango ku ifwe twengʼene yaaya, ni ku awantu awa ku ekialo kiona.\x - \xo 2:2 \xt Yowa 1:29; 1Yow 4:10\x* 
\v 3 Tuesa okumanya geeza mbwe kuwuene tumanyire Katonda, mala ni kuri mbwe turindre *ensikirra ziae.  
\v 4 Omuntu owoola mbwe amanyire Katonda, ni ngakola ewia Katonda asikiire, iye ari omuweeyi kandi owuene owua Katonda wumuwulamo.\x - \xo 2:4 \xt Yowa 8:44; 1Yow 1:6; 4:6\x* 
\v 5 Ni, no omuntu arindre amangʼana gaae, olugonzi olwa tugonziizie nalwo Katonda\f + \fr 2:5 \ft Ano olugonzi luesa okutoolwa ki olwa Katonda atugonziizie nalwo, olwa tugonziizie nalwo Katonda namba olufwanana no olwa Katonda.\f* luuza okutuuka kuwuene mu owulamu wuae. Engira eya tumanyiramo mbwe turi ku Katonda eri ntino:\x - \xo 2:5 \xt Yowa 14:15; 1Yow 2:17; 5:3; 2Yow 6\x* 
\v 6 Omuntu-umuntu owoola mbwe amenyere ku Katonda, paka amenye owulamu owufwanana no owua Yesu yamenya.\x - \xo 2:6 \xt Yowa 13:15; 15:4–5\x* 
\s1 Ensikirra empia eya okugonzania omuntu no omwina waae 
\p  
\v 7 Awiiko wange awa ngonziizie, ngʼambajojera ensikirra empia yaaya. Ni mbajojera mala ensikirra enkulu, eya mumiire okuwa nayo okuemera mu okutanika kwinyu okuwa no okuganya ku Kristo eria. Ensikirra enkulu yazane na amangʼana amalootu aga mumiire okuwa ni muwurra.\x - \xo 2:7 \xt 1Yow 2:24; 3:11\x* 
\v 8 Ni mu engira indi, mbajojera ensikirra empia. Owuene owua ensikirra eno wuwonekana ku Yesu Kristo ni ku inywe mwona, aeniki ekierema ekimiire okuwa ni kiambre ekialo kiwua kandi nyingeeno owueru owua kuwuene wumiire okutanika okuwala.\x - \xo 2:8 \xt Yowa 13:34\x*\x - \xo 2:8 \xt Yowa 8:12; Awaru 13:12\x* 
\p  
\v 9 Omuntu owoola mbwe ari mu owueru, na akiaregere omwina waae, omuntu oyo akiari mu ekierema.\x - \xo 2:9 \xt 1Yow 3:10, 15; 4:20\x* 
\v 10 No omuntu ogonziizie omwina waae, iye ari mu owueru kandi kiwulao ekintu ekiiza kiamuguunya\f + \fr 2:10 \ft Ano olugonzi luesa okutoolwa ki olwa Katonda atugonziizie nalwo, olwa tugonziizie nalwo Katonda namba olufwanana no olwa Katonda.\f* mala yagwa mu owuoni.  
\v 11 No omuntu oregere omwina waae, iye ari mu ekierema kandi akiagenda-genda mu ekierema. Afwana omuwuunu otamanyire aa agia aeniki ekierema kimumwamiizie amiiso ti! 
\q1  
\v 12 Mbajojera inywe awaana wange awa ngonziizie, 
\q2 aeniki mumiire okurekerwa amawi giinyu goona 
\q2 ku eriina eria Yesu Kristo.\x - \xo 2:12 \xt Awat 4:12; 1Yow 3:5\x* 
\q1  
\v 13 Mbajojera inywe waise, 
\q2 aeniki mumanyire Kristo, 
\q2 owawangao okuemera mu owutanikro. 
\q1 Mbajojera inywe awawuuka, 
\q2 aeniki mumiire okukira *Ekikeeno. 
\q1 Mbajojera inywe awaana wange awa ngonziizie, 
\q2 aeniki mumiire okumanya Katonda Ise. 
\q1  
\v 14 Mbajojera inywe waise, 
\q2 aeniki mumanyire Kristo, 
\q2 iye owawangao okuemera mu owutanikro. 
\q1 Mbajojera inywe awawuuka, 
\q2 aeniki muri awakalangufu, 
\q2 Ingʼana eria Katonda riwamenyeremo 
\q2 kandi mumiire okukira Ekikeeno. 
\s1 Mutaaza mwagonzia ekialo 
\p  
\v 15 Mutaaza mwagonzia ekialo namba ewintu ewiri ku ekialo. No omuntu agonziizie ekialo, ngagonziizie Katonda Ise,\f + \fr 2:15 \ft Warrako 2:5.\f* yaaya.\x - \xo 2:15 \xt Yako 4:4\x* 
\v 16 Ni kutio aeniki ewintu wiona ewiri ku ekialo, kiomo okuizula no okuagala okwa omuwiri ne ewintu ewisangaazia mala amiiso, alala no okuitumbula okwa awantu waitumbula ne ewintu ewia wari nawio nakuwa ewia wakola, wiona wiema mala ku ekialo, ni ngʼani ku Katonda, yaaya.\x - \xo 2:16 \xt Awaru 13:14; Efee 2:3\x* 
\v 17 Ekialo ne ewintu ewiriko wiona wiiza okuwua. No omuntu okola okuagala okwa Katonda, iye ari no owulamu owutariwua.\x - \xo 2:17 \xt 1Kori 7:31; 1Yow 2:5\x* 
\s1 Awazigu awa Kristo 
\p  
\v 18 Waana wange, zino nizio enyinga ezia owutuuko. Mala kiomo mumiire okuwurra mbwe omuntu olwania Kristo aaza okuuza. Namba nyingeeno awamulwania awangi wamiire okuuza. Kandi kino nikio ekigera ni tumanya mbwe turi mu amiire aga owutuuko.\x - \xo 2:18 \xt 2Thes 2:3–4; 1Yow 4:3; 2Yow 7\x* 
\v 19 Awantu wano waatusomoka watureka. Ni ngawakawanga awalala ku ifwe kuwuene, aeniki waweeko awalala ku ifwe, kangato wakiari ni ifwe. No okureka okwa waatureka kulagana geeza mbwe awulao namba omulala ku iwo owawanga omulala ku ifwe.\x - \xo 2:19 \xt Awat 20:30\x* 
\p  
\v 20 Ni inywe, Kristo Omweru amiire *okuwafukako *Omwoyo Omweru ogwa Katonda,\f + \fr 2:20 \ft Nakuwa \fq Katonda Omweru amiire *okuwawaka na amavuta.\f* kutio mumanyire owuene.\x - \xo 2:20 \xt 1Yow 2:27\x* 
\v 21 Ngʼambajojera amangʼana gano mbwe ngʼamumanyire owuene yaaya, ni mbajojera aeniki mumanyire owuene owuo kandi mumanyire mbwe wuwulao owuweeyi owuesa wuawa mu owuene. 
\p  
\v 22 Katio omuweeyi naanu? Ari omuntu olowa mbwe Yesu ngaari Omulowole owa Katonda. Omuntu ofwana oyo nio olwania Kristo kandi alowa Katonda Ise alala ni Katonda Omuzia oona.\x - \xo 2:22 \xt 1Yow 4:2–3; 2Yow 7\x* 
\v 23 Awulao-uwula omuntu okawa ni Katonda, ni kandi alowa Omuzia waae. Oganyire Omuzia owa Katonda, ari ni Katonda Ise oona.\x - \xo 2:23 \xt 1Yow 4:15; 2Yow 9\x* 
\p  
\v 24 Mukole wukalu muwone mbwe muandre ku amangʼana aga mwamiire okuwa ni muwurra okuemera kuluweri. Ni mukorre mutio, nikwo muuza okugia emberi okuanda ku Katonda ni ku Omuzia waae yoona.\x - \xo 2:24 \xt 1Yow 2:7\x* 
\v 25 Kandi Kristo omwene yaifuuwa mbwe aaza okutu-aa owulamu owutariwua.\x - \xo 2:25 \xt Yowa 5:24\x* 
\p  
\v 26 Mbajojera amangʼana gano ku amangʼana aga awantu awaagala okuwatoola ku engira endootu.  
\v 27 Ni inywe Omwoyo Omweru ogwa Katonda owa Yesu Kristo yawafukako awarimo kandi kiwulao ekia muagarra omuntu wundi awagerere. Omwoyo Omweru ogwa Katonda owarimo oyo, awagerera ewintu wiona. Ari owa kuwuene kandi ngʼano owa owuweeyi, yaaya. Mala kiomo amiire okuwagerera mbwe mukole, muande ku Yesu Kristo.\x - \xo 2:27 \xt Yowa 14:16, 26\x* 
\s1 Awaana awa Katonda 
\p  
\v 28 Kutio waana wange, mugie emberi mu okuganya ku Kristo kugere nyanga na ari-irana ensuuko zitatuamba. Ni tugie emberi waae no owusiani mu okuirana kwae.\x - \xo 2:28 \xt Yowa 15:4–5; 1Yow 3:21\x* 
\v 29 Aeniki mumanyire mbwe Kristo ari omulongoole, mumanyire lwona mbwe awantu woona awakola ewintu ewisugre emberi wa Katonda wari awaana awa Katonda.\x - \xo 2:29 \xt 1Yow 3:7, 10\x* 
\c 3  
\p  
\v 1 Muwoneko kiomo olugonzi olwa Katonda ari nalwo ni ifwe, luri olukaate! Olugonzi olwo nilwo olugera ni tuetwa awaana awa Katonda. Kandi ni kuwuene mbwe turi awaana waae. Ne ekigera na awantu awa ekialo ngawatumanyire, kiri mbwe yoona ngawakamumanya, yaaya.\x - \xo 3:1 \xt Yowa 1:12; Awaru 8:14–17; 1Yow 3:10; 4:6\x* 
\v 2 Awiiko wange awa ngonziizie, ifwe twona nyingeeno turi awaana awa Katonda. Kukawa kutio, tukiari okumanyisiwua kiomo tuuza okufwanana, yaaya. Ne ekia tumanyire ni mbwe *Kristo na aaza okuirana, turifwanana nae aeniki tuuza okumuwona kiomo ariwa.\x - \xo 3:2 \xt 1Kori 13:12; 2Kori 3:18; Filiip 3:21; Kolo 3:4\x* 
\v 3 Omuntu-umuntu ori no okurindirra kuno, aieruyia iye omwene, awe omweru mala kiomo Kristo ari omweru. 
\p  
\v 4 Omuntu-umuntu okola owuoni aona *ensikirra eya Katonda, aeniki okukola owuoni no okuona ensikirra.  
\v 5 Mumanyire mbwe Kristo yaaza kugere atutooleko amawi giifu kandi mbwe iye awulamo owuoni, namba wutono.\x - \xo 3:5 \xt Yowa 1:29; 2Kori 5:21; 1Pet 2:24; 1Yow 1:7, 9; 2:2, 12, 22; 3:18; 4:10\x* 
\v 6 Awulao omuntu omenyere ku Kristo ogia emberi na akola owuoni. Omuntu-umuntu ogia emberi na akola owuoni, iye akiari okumuwona lwona ngamumanyire.\x - \xo 3:6 \xt Yowa 15:4–5; 1Yow 3:9; 5:18\x* 
\p  
\v 7 Waana wange, mutaaza mwaganya omuntu yawasemerezia. Omuntu-umuntu okola ewintu ewisugre emberi wa Katonda, ari omuigolovu mala kiomo Kristo ari omuigolovu.  
\v 8 Omuntu-umuntu okola owuoni ari owa *Sataani, aeniki Sataani amiire okuweerako na akola owuoni okuemera mu owutanikro. Kandi Omuzia owa Katonda yaaza kugere aone emirimo egia Sataani.\x - \xo 3:8 \xt Math 12:26–29; Yowa 8:44\x* 
\v 9 Awulao omuntu ori omwana owa Katonda, ogia emberi okumenya mu owuoni, aeniki emwo endootu eya Katonda emurimo. Ngaesa okugia emberi okumenya mu owuoni aeniki ari omwana owa Katonda.  
\v 10 Eno nie engira eya tugawula nayo awaana awa Katonda na awaana awa Sataani: Omuntu-umuntu otakola ewintu ewisugre emberi wa Katonda ngari omwana owa Katonda. Lwona owula no olugonzi no omwina waae ngari omwana owa Katonda.\x - \xo 3:10 \xt 1Yow 2:9, 29\x* 
\s1 Mugonzanie omuntu no omwina waae 
\p  
\v 11 Owutumwa owua mumiire okuwurra okuemera mu owutanikro wuri mbwe tusugaane tugonzanie omuntu no omwina waae.\x - \xo 3:11 \xt Yowa 13:34; 1Yow 4:11\x* 
\v 12 Mutafwana ni Kaini owawanga owa Sataani, kandi owaita wamwawu waae. Ne ekiagera na amuita niki? Yamuita aeniki enkola ziae ziawanga embiiwi, ne ezia wamwawu waae ziawanga endootu.\x - \xo 3:12 \xt Owut 4:8; Yuuda 11\x* 
\p  
\v 13 Waamwifu, mutaaza mwawa no okuluguula ni muwona awantu awa ekialo ni wawaregere.\x - \xo 3:13 \xt Yowa 15:18–19\x* 
\v 14 Ifwe tumanyire mbwe tumiire okuambuka tuema mu olumbe tuingira mu owulamu. Ekitulaga tutio, no okugonzia okwa tugonziizie awiina wiifu. No omuntu-umuntu owula no olugonzi no omwina waae, iye akiari mu olumbe.\x - \xo 3:14 \xt Yowa 5:24\x* 
\v 15 Omuntu-umuntu oregere omwina waae ari omwisi. Ni mumanyire mbwe awulao omwisi ori no owulamu owutariwua.\x - \xo 3:15 \xt Math 5:21–22; Owus 21:8\x* 
\p  
\v 16 Okufumia okwa Yesu Kristo yatufumizia owulamu wuae kugera ni tumanya geeza ekia olugonzi luri. Kutio twona tusugaane tufumizie awiina wiifu owulamu wuifu.\x - \xo 3:16 \xt Yowa 15:13; Gala 1:4\x* 
\v 17 No omuntu ari ne ekintu mu amakono ekia aesa okutunzia nakio omwina waae ori amakono amasa, ni iye amuima chee, ao otio akawa no olugonzi olwa Katonda otie?\x - \xo 3:17 \xt Owuiz 15:7\x* 
\v 18 Waana wange, mutureke okugonzia awiina wiifu mala ne eminwa nakuwa na amangʼana amasa, ni mutuwe nawo no olugonzi olwa kuwuene, oluri ne enkola.\x - \xo 3:18 \xt Yako 2:15–17\x* 
\v 19 Mu engira eno, tuesa twamanya mbwe tumenyere mu owuene kandi tuuza okuwa no owusiani okuimerra emberi wa Katonda.  
\v 20 Aeniki namba ne emioyo giifu gitukengera ekiina mbwe turi awooni, Katonda ari omunene okukira emioyo giifu kandi amanyire ewintu wiona. 
\p  
\v 21 Awiiko wange awa ngonziizie, ne emioyo giifu gitatukengera ekiina mbwe turi awooni, tuwa no owusiani emberi wa Katonda kandi\x - \xo 3:21 \xt 1Yow 2:28; 4:17\x* 
\v 22 atu-aa ekintu-ukintu ekia tumusawire aeniki turindre ensikirra ziae kandi tukola ekintu ekimusangaazia.\x - \xo 3:22 \xt Yowa 15:16\x* 
\v 23 Ensikirra yazane eri mbwe tuganye ku eriina eria Omuzia waae Yesu Kristo, kandi mbwe tugonzanie omuntu no omwina waae kiomo yatusikirra.\x - \xo 3:23 \xt Yowa 6:29; 13:34\x* 
\v 24 Awantu awarindre ensikirra ziae, wamumenyeremo kandi yoona awamenyeremo. Kandi *Omwoyo Omweru ogwa Katonda owa yatu-aa, nio ogera ni tumanya mbwe atumenyeremo.\x - \xo 3:24 \xt Yowa 15:4–5; 1Yow 4:13\x* 
\c 4  
\s1 Omwoyo ogwa kuwuene no ogwa owuweeyi 
\p  
\v 1 Awiiko wange awa ngonziizie, mutaaza mwaganya awantu woona awawoola-uwoola ne eminwa mbwe wari no *Omwoyo Omweru ogwa Katonda. Ni mugeezaanie emioyo egia wari nagio egio kugere mumanye ni kuri kuwuene mbwe giema ku Katonda nakuwa yaaya. Paka tukole tutio aeniki *awagambi awa owuweeyi awangi wamiire okuuza ku ekialo.\x - \xo 4:1 \xt Math 7:15; 1Thes 5:21; 1Yow 2:18\x* 
\v 2 Engira eya oesa okumanyirimo mbwe omuntu ari no Omwoyo Omweru oemere ku Katonda ngino: Omuntu ori no omwoyo oguganya mbwe Yesu *Kristo yaaza ku ekialo kuno mu omuwiri ogwa omuntu, ari no Omwoyo Omweru ogwa Katonda.\x - \xo 4:2 \xt Yowa 1:14; 1Kori 12:3\x* 
\v 3 No omuntu-umuntu ori no omwoyo ogulowa Yesu Kristo, iye awula no Omwoyo Omweru ogwa Katonda. Omuntu ki oyo ari no omwoyo oguema ku omuzigu olwania Kristo, owa mwamiire okuwurra mbwe aaza ku ekialo. Kandi muwe no okumanya mbwe waamiire okuuza namba nyingeeno wari ku ekialo.\x - \xo 4:3 \xt 1Yow 2:18, 22\x* 
\p  
\v 4 Awaana wange awa ngonziizie, inywe muri awa Katonda kandi mumiire okukira awagambi awa owuweeyi wano woona. Muwakirre aeniki Kristo owarimo, ari omunene okukira *Sataani ori mu awantu awa ekialo.\x - \xo 4:4 \xt 1Yow 5:5\x* 
\v 5 Wari awantu awa ekialo, kutio wagamba-gamba ki awantu awa ekialo, kandi awantu awa ekialo wawategerezia.  
\v 6 Ni ifwe turi awantu awa Katonda kandi awamanyire Katonda niwo awategerezia amangʼana giifu. Omuntu-umuntu otamanyire Katonda ngatutegerezia, yaaya. Nintio tumanya okugawula Omwoyo owa kuwuene no omwoyo owa owuweeyi.\x - \xo 4:6 \xt 1Yow 3:1; 2:4\x* 
\s1 Olugonzi olwa Katonda no olugonzi lwifu 
\p  
\v 7 Awiiko wange, mutugonzanie omuntu no omwina waae, aeniki olugonzi luema ku Katonda. Omuntu-umuntu ogonziizie omwina waae, ari omwana owa Katonda kandi amanyire Katonda.  
\v 8 No omuntu otagonziizie omwina waae, iye ngamanyire Katonda yaaya aeniki Katonda no olugonzi.  
\v 9 Katonda yagera olugonzi olwa ari nalwo ni ifwe luwonekana geeza agati iifu, ku okutuma okwa yatuma Omuzia waae omulala engʼene ku ekialo, kugere ni kuwitra ku iye, tutuukre owulamu.  
\v 10 Olugonzi olwene, ngʼani mbwe ni ifwe awaagonzia Katonda, yaaya. Ni luri mbwe Katonda nio owatugonzia mala atuma Omuzia waae okuuza okutuweera omusango ogwa okufumia amawi giifu.\x - \xo 4:10 \xt Awaru 5:8; Yowa 3:16\x*\x - \xo 4:10 \xt 1Yow 2:2; 3:5\x* 
\p  
\v 11 Awiiko wange awa ngonziizie, aeniki Katonda yatugonzia tutio, kane twona tusugaane tugonzanie omuntu no omwina waae.\x - \xo 4:11 \xt Yowa 13:34; 1Yow 3:11; 4:21; 2Yow 5\x* 
\v 12 Awulao omuntu omiire okuwona Katonda. Kukawa kutio, ni tugonzaanie na awiina wiifu, Katonda atumenyamo kandi olugonzi lwae lutuuka kuwuene mu owulamu wuifu.\x - \xo 4:12 \xt Yowa 1:18; 1Yow 2:5; 4:17\x* 
\p  
\v 13 Tumanyire mbwe tumumenyeremo kandi yoona atumenyeremo, aeniki amiire okutu-aa Omwoyo gwae Omweru.\x - \xo 4:13 \xt Yowa 14:16; Awaru 8:4–6, 9, 14\x* 
\v 14 Ifwe twawona na amiiso kandi tulaga awantu woona mbwe Katonda Ise yatuma Omuzia waae okuuza okuwa Omununuzi owa awantu woona awari ku ekialo.\x - \xo 4:14 \xt Yowa 15:27; 4:25\x* 
\v 15 No omuntu aganyire mbwe Yesu ari Omuzia owa Katonda, Katonda amumenyamo kandi iye yoona amumenyeremo.\x - \xo 4:15 \xt 1Yow 2:23\x* 
\v 16 Kutio tumanyire kandi tuteere emioyo giifu ku olugonzi olwa Katonda ari nalwo ni ifwe. 
\p Katonda no olugonzi, kandi omuntu-umuntu omenyere na awandi no olugonzi, omuntu oyo amenyere ku Katonda kandi Katonda oona amumenyeremo.\x - \xo 4:16 \xt Yowa 15:4–5\x* 
\v 17 Eno nio engira eya olugonzi olwa Katonda lutuuka kuwuene agati iifu. Kuno kuuza okugera tuwe awasiani owuire owua Kristo arikengra awantu ekiina. Ni kutio aeniki, mu owulamu wuifu ku ekialo kino, tufwanana ni Kristo.\x - \xo 4:17 \xt Yowa 3:18; 5:24–25; 1Yow 4:12; 3:21\x* 
\v 18 Wuwulao-uwula owuti aa olugonzi luri. Olugonzi oluri kuwuene lutoolao owuti aeniki okuswawukwa nikwo okureeta owuti. No omuntu ari no owuti, ao otio olugonzi olwa Katonda lukiari okutuuka kuwuene mu owulamu wuae. 
\p  
\v 19 Katonda nio owasooka okutugonzia kandi okwo nikwo okugera ni tumugonziizie kandi tugonziizie awiina wiifu. 
\p  
\v 20 No omuntu awoola mala no omunwa mbwe, “Ngonziizie Katonda,” ne eno aregere omwina waae, omuntu oyo ari omuweeyi. Omuntu owula no olugonzi no omwina waae owa awona, iye akagonzia otie Katonda awa akiari okuwona?\x - \xo 4:20 \xt 1Yow 2:9\x* 
\v 21 Kristo omwene yasikirra mbwe omuntu-umuntu ogonziizie Katonda paka agonzie omwina waae yoona.\x - \xo 4:21 \xt 1Yow 4:11\x* 
\c 5  
\s1 Okuwa no okuganya ku Yesu kureeta owulamu 
\p  
\v 1 Omuntu-umuntu ori no okuganya mbwe Yesu nio Omulowole owa Katonda, ari omwana owa Katonda. Lwona omuntu-umuntu ogonziizie Katonda Ise, agonziizie Omuzia waae yoona.\x - \xo 5:1 \xt Yowa 4:25\x* 
\v 2 Tuesa okumanya mbwe tugonziizie awaana awa Katonda ni tugonziizie Katonda kandi ni turindre *ensikirra ziae.  
\v 3 Aeniki, okugonzia Katonda no okurinda ensikirra ziae kandi ensikirra ziae ngaziri enkalu ziifu okurinda.\x - \xo 5:3 \xt Math 11:30\x* 
\v 4 Ni kutio aeniki awaana awa Katonda woona wakira ekialo. Kandi owukire wuno wureetwa no okuganya okwa turi nakwo ku *Kristo.\x - \xo 5:4 \xt Yowa 16:33\x* 
\v 5 Oesa okukira ekialo naanu katio? Ni mala ori no okuganya mbwe Yesu ari Omuzia owa Katonda engʼene.\x - \xo 5:5 \xt Awaru 8:37–39; 1Yow 4:4\x* 
\s1 Awasigiki awa Yesu Kristo 
\p  
\v 6 Yesu Kristo ono, nio owaaza ni kuwitra mu amasaai na amanzi. Mu okuuza kwae, ngakawitra mu amanzi gengʼene, ni yawitra mu amanzi na amasaai. Kandi *Omwoyo Omweru nio osigika amangʼana gano, aeniki Omwoyo Omweru ari kuwuene.\x - \xo 5:6 \xt Yowa 19:34; 16:13\x* 
\v 7 Ni kutio aeniki awagasigika wari wasatu:  
\v 8 Omwoyo Omweru ogwa Katonda, amanzi na amasaai, kandi woona waganyana ku ekingʼana kino.\f + \fr 5:8 \ft Amatu gandi amakulu gawoola mbwe: \fv \ft 7\+fv*\fq Wario wasatu ku igulu awasigika amangʼana gano: Katonda Ise, Ingʼana no Omwoyo Omweru; kandi woona wasatu wari ekintu ekilala. \fv \ft 8\+fv*\fq Lwona wario wasatu awasigika amangʼana gano ku ekialo: Omwoyo Omweru, Amanzi na Amasaai.\f* 
\p  
\v 9 Tutoola amangʼana aga awantu wawoola ki agari kuwuene. Kutio tusugaane tu-ee amangʼana aga Katonda omwene awoola ku Omuzia waae owuzito okukira.  
\v 10 Omuntu ki omuntu ori no okuganya ku Omuzia owa Katonda asigika ekingʼana kino mu omwoyo gwae. No omuntu owula no okuganya ku Omuzia owa Katonda, atoola Katonda ki omuweeyi aeniki alowere okuwa no okuganya ku amangʼana aga Katonda omwene nio owoorre ku Omuzia waae.\x - \xo 5:10 \xt Awaru 8:16; Gala 4:6\x* 
\v 11 Amangʼana agasigikwa gano gari mbwe Katonda amiire okutu-aa owulamu owutariwua kandi owulamu owuo wutuukrwa ku Omuzia waae.  
\v 12 Omuntu-umuntu ori no Omuzia owa Katonda mu omwoyo gwae ari no owulamu. No omuntu owula no Omuzia owa Katonda mu omwoyo awula no owulamu owuo chee.\x - \xo 5:12 \xt Yowa 5:24\x* 
\s1 Owulamu owutariwua 
\p  
\v 13 Mbajojera amangʼana gano, inywe awantu awari no okuganya ku eriina eria Omuzia owa Katonda, kugere muwe no okumanya mbwe muri no owulamu owutariwua.\x - \xo 5:13 \xt Yowa 20:31\x* 
\v 14 Turi no owusiani emberi wa Katonda mbwe ni tumusawire ekintu-ukintu, kikawa ki, nikulondokana no okuagala kwae, atuwurra.  
\v 15 Kandi kiomo tumanyire mbwe awurra okusawa kwifu otio, tuwa no okumanya mbwe ewintu ewia tumusawire wiona, tumiire okutuukra.\x - \xo 5:15 \xt Yowa 15:16\x*\x - \xo 5:15 \xt Mari 11:24\x* 
\p  
\v 16 No omuntu awuine waamwawu waae ku Kristo na akola owuoni owutaira omuntu mu olumbe, omuntu oyo asugaane amusawire Katonda kandi Katonda aaza oku-aa omuntu okorre owuoni oyo owulamu. Ngamba-gamba ku awantu awari no owuoni owutaira omuntu mu olumbe. Ni wurio owuoni owuira omuntu mu olumbe. Ngʼamboola mbwe omuntu asawire omuntu okorre owuoni owufwana wutio.\x - \xo 5:16 \xt Mari 3:28–29\x* 
\v 17 Ewintu ewiwiiwi wiona ewia awantu wakola wiri owuoni. Ni wurio owuoni owutaira omuntu mu olumbe. 
\p  
\v 18 Tumanyire mbwe awulao omwana owa Katonda, ogia emberi na akola-ukola owuoni. Kuri kutio aeniki Kristo owaiwulwa na amaani aga Katonda, amurinda kandi okwo kulowera *Ekikeeno okumuambako.\x - \xo 5:18 \xt Yowa 17:15; 1Yow 3:6\x* 
\v 19 Tumanyire mbwe ifwe turi awaana awa Katonda, ne ekialo kiona kikangatiirwe ne Ekikeeno.\x - \xo 5:19 \xt Yowa 12:31; Gala 1:4\x* 
\v 20 Lwona tumanyire mbwe Omuzia owa Katonda yamiire okuuza kandi amiire okutu-aa owuesani owua okuwurra, kugere tumanye Katonda omulala owa kuwuene. Kandi owulamu wuifu wuri ku Omuzia waae Yesu Kristo, ori kuwuene. Kristo ono nio Katonda owa kuwuene kandi nio owulamu owutariwua.\x - \xo 5:20 \xt Yowa 1:14, 18; 17:3; 20:28\x* 
\p  
\v 21 Kutio waana wange, muirinde geeza kugere muwe ale ni katonda ensaasa.\x - \xo 5:21 \xt 1Kori 10:14; 1Thes 1:9\x*