\id ROM  
\ide UTF8
\h ROMA 
\toc1 Paulo ena uriuri roma enadi 
\toc2 Roma 
\toc3 Rom. 
\mt1 PAULO ENA URIURI ROMA ENADI  
\c 1  
\p
\v 1 Eau Paulo, Iesu Keriso ena heaheari, se eogahaigu ea hemala aposotolo, Eaubada ena evanelia arinai se torelaegu,  
\v 2 ia ede ena peroveta awadi eai uriuri tabudi eai nabada i ribahesunumadao,  
\v 3 eda Guiau ia Natuna Iesu Keriso ribana, ia ede buluma dobilana eai Davida tumana eai ie tubu.  
\v 4 Ia Eaubada Natuna se ribaei ma‐gigiborina, lolo dumaduma earuana arinai, mate eai i torouioma debana eai;  
\v 5 ia arinai ainauia eo aposotolo paisoana ai abidi, eanua gamagari boeadi eai sunuma nuatuna ai awaabiei, ia esana debana eai;  
\v 6 isi boeadi eai omi hinage se eogahaimiu Iesu Keriso enana.   
\p
\v 7 Omi gamagarimiu Roma eai taumia e, Eaubada i gadosisiemiu, hetabu tataomiu se eogahaimiu: ainauia enamiu, eo loni Eaubada tamada arinai se laowa, eo Guiau Iesu Keriso arinai se laowa hinage.   
\p
\v 8 Bagubaguna, omi gamagarimiu debamiu eai egu Eaubada ea lautoiei Keriso debana eai, paana emi sunuma wasana tanoubu gamagamagari eai se wasaduaiei.  
\v 9 Paana Eaubada i itaguo, ia ede nuagu eai ia Natuna ena evanelia boeana eai ea heaheayaiei, na nige egu aba‐aiyawasi egu uura eai esamiu ea ataidi huia gamagamagari;  
\v 10 ea aiboda, bena huia ta dobila aisana Eaubada ena nuatu debana eai, abo ea laowa arimiu eai.  
\v 11 Egu gadosisi lailai bena ea itamiu, galewa ainauiana bena ea leawa, arinai abo nuamiu se paipai;  
\v 12 ia ede, bena omi eo eau sunumada esega debana eai arinai abo maemiu ta nuaadidiri.  
\v 13 Egu tataoyao e, tabu nuamiu se ponopono, huia gamagari eau nuagu bena ea laowa (nabada se hemodegu), arimiu eai hinage bena agu paisoa aniona ea abi, doha hinage ea aabi Murimuri‐tataodi headi aridi eai.  
\v 14 Eau Heleni tataodi ea nuahaiedi, eo hemahemanabara tataodi ea nuahaiedi: tatao sonoga, eo tatao hinage nige se sonoga.  
\v 15 Na nuagu i gigibori omi Roma taumia hinage bena ea lauguguiaimiu.   
\p
\v 16 Keriso ena evanelia nige ea taumaeamaeaei; paana ia ede Eaubada ena gigibori i lau e abihemaurina eai, tatao gamagamagari tau‐sunusunuma aridi eai, esau eo esau; bagubaguna Iudea tataodi aridi eai, eo Heleni tataodi aridi eai hinage.  
\v 17 Arinai ede Eaubada ena laulau dudurai se hemasarahama, sunuma eai i lau sunuma eai, doha se uriyao, “Tatao laulau dudurai edi sunuma eai abo se mauri.”   
\p
\v 18 Na Eaubada ena ouyalayala galewa eai i dobima se hemahemasaraha tatao aridi eai isi Eaubada matausina nige se matausi, eo laulau baaea gamagamagari se abiwataidi; arinai riba mamohoina se oitawai.  
\v 19 Eaubada i ouyalayala paana Eaubada ribana aridi eai i masamasaraha; Eaubada i heitadio,  
\v 20 tanoubu ena huia tubu eai i laoma, ia ena abi eamuyamui, ena gigibori i miahai nige nosina, eo ia Eaubadana hinage, se masarahao nimana ginauridi aridi eai; tatao gamagari abo se ita. Arinai nige edi abaaihare;  
\v 21 isi Eaubada se nuatuiyao, na nige se hedebasae eo nige se awaeaubadaei, eo hinage nige se laulautoiei; isi mo edi nuatu se haihaiawayagara gaibu mo, eo nuadi se hedigabu eo se hemasigiri;  
\v 22 isibom si ene se sonoga, arinai se hemala eauyaure,  
\v 23 to Eaubada miatahitahina nige se aiaihelahui, oitau mo se ginauridi adi ao doha tatao, eo doha manu, eo sarai, eo ginauri se daladalausi, se aiaihelahuidi.   
\p
\v 24 Arinai Eaubada edi nuatu biibiidi aridi eai i buigabaedio, taudi nige se heasisiedi na se hebaaeauioidi laulau biibiidi aridi eai.  
\v 25 Paana Eaubada ena riba mamohoina se he’ori, se awa‐boraboraei, eo ginauri se hetubudi meta mo se aihelahuidi eo se awa‐eaubadaedi, Tauhetubudi nige se nuatuwatai, ia ede i sae ariri i lau e nige nosina! Amen.   
\p
\v 26 Paana ede meta Eaubada i mosegabaedi gadosisi baaeadi aridi eai; edi sisine ma‐heledi sisineyao taudi se hebaaeadi,  
\v 27 eo tatao hinage, sisine nige se nuatuidi, ma‐heledi tatao mo edi lelehi se bii, eo se laulau baaea, edi laulau taumaeamaeana, maisana isibom taudi eai se hearoyao.   
\p
\v 28 Isi Eaubada nuatuna nige se henua arinai Eaubada nuatu eauyaure abo i hegadosisidi, laulau gewagewadi abo se abidi.  
\v 29 Abi‐baaea gamagamagari se monau, laulau baaea, ginauri se gadosisi gaibuidi, nuabaaea. Aiaromagigiri se monau, eo aiunu, eo lululu, eo laulau borabora, eo se haihaigum, se riba moninihi,  
\v 30 isi dagila eai tauaileta, Eaubada tauhewaiununa, tauisuisugara eo se riba‐tausaeuioidi, tauribapasipasiuioidi, baaea tauhetubuna, tamadiyao sinadiyao tau‐awayagaraedi,  
\v 31 eauyauredi, isibom edi riba tau‐utusidi, gadosisi mamohoi nige abina se ata, nuadi se oiura, nuatoatoa nige abina se ata.  
\v 32 Isi Eaubada ena abihedudurai ribana se nuatuiyao, ede teina ginauri tauabidi abo se mate, taiede na se ginauridi mo, eo hinage isi wau laulau tauabidi wa nuadi se loloedi.   
\c 2  
\p
\v 1 Tau e, oa bena u heduhedudurai nige em aba ribaduduraina; paana ena tau esau u hegiru meta doha hinage u hegiruuioim, paana ede oa, tauheduhedudurai, hinage em laulau meta doha mo.  
\v 2 Na ai nuatuiyao Eaubada ena hedudurai i taru isi teina baaea tauabidi ta potadi eai, i dudurai mo.  
\v 3 Tau e, oa teina baaea tauabidi u heduduraidi, eo em laulau hinage doha, em nuatu saha u ene Eaubada ena hedudurai abo u dagogabaei?  
\v 4 E, ena lolo saesae‐ariridi, eo ena nuapaipai, eo ena nuatoatoa i laulau, u halanuinuiedi; nige u nuatui Eaubada ena abilolo ede i woeaim eo i henuabuim?  
\v 5 Na nuam i oiura eo nige begana i bui arinai ouyalayala u peiauri nonohai, abo u hearo ouyalayala asubenana eai, Eaubada ena laulau dudurai heduduraina asubenana eai ne abo se hemasaraha.  
\v 6 Hari tau, hari tau, ia maisadi abo i mosei edi laulau gonogonoadi mo:  
\v 7 headi laulau lolo se nuatupaipaiedi, hedebasae eo heasisi eo mauri nige i posa se eooidi, aridi eai mauri nige nosina abo i mosei:  
\v 8 na isi taululusenauri, eo riba mamohoina nige se awaabiei, laulau gewagewa mo se awaabiei, aridi eai, ribasuu eo ouyalayala abo i mosedi.  
\v 9 Amamna lailai eo nuadubu lailai tatao gamagaridi, esau eo esau nige esau i deha, baaea tauabidi abo se hearodi, Iudea tataodi se abi bagubaguna, abotai Heleni tataodi hinage;  
\v 10 na namanamari, eo hedebasae, eo loni, tatao gamagaridi, esau eo esau, lolo tauabidi abo se hearodi, Iudea tataodi se abi bagunai, abotai Heleni tataodi hinage.  
\v 11 Paana ede Eaubada tatao nige i heasisi‐napaidi.   
\p
\v 12 Isi se laulau gaibu laugagaeo nige se nuatui, eo edi laulau se baaea, abo hinage se posa mo, nige laugagaeo eai; isi laugagaeona se nuatui, eo edi laugagaeo se baaea, laugagaeona eai hinage abo se heduduraidi.  
\v 13 Paana tatao laugagaeona beadi eai mo se ataataiei, isi nige se dudurai Eaubada matana eai, laugagaeo tauabidi mo isi abo se heduduraidi.  
\v 14 Ena Etene tataodi, isi laugagaeona nige se abi, na laugagaeona dobilana se launapai mo, isi laugagaeona nige se abi, taiede, isibom doha i hemala edi laugagaeo.  
\v 15 Isi nuaboeadi eai laugagaeo laulauna se urihemasarahao, nuadi hinage se taeataea, eo nuadi se hegiruuioidi e se heduduraiuioidi,  
\v 16 nei asubenana ne Eaubada tatao edi nuatu eamuyamuidi abo i lauhetaladi, Iesu Keriso arinai, doha egu evanelia ribana wa.   
\p
\v 17 Hage ena esam se tore si ene oa Iudea tauna, laugagaeona eai u mia taubiga, eo Eaubada u ribatausae,  
\v 18 ia ena nuatu u ita‐komakomaniyao, eo ginauri lolololodi u awaloloedi, laugagaeona ribana eai se ribahasahasai mo;  
\v 19 eo em nuatu adidiri u ene taumatagibugibudi tauwoeaidi ede oa, eo tatao masigiri boeana eai se mia tauhemaradi ede oa,  
\v 20 tatao supusupudi eo kaimou, oa tauheatadi, laugagaeona eai doha riba mamohoina eo sonoga adi ao ue abi;  
\v 21 oa, tau esau u heata, oabom nige u heatauioim? Oa u guguia tau esau arinai, u ene tabu i aiyahari, oa u aiyahari, e nige’e?  
\v 22 Oa u ene tatao tabu se ganaganawari, oa u ganaganawari, e nige’e? Oa oitau u halanuinuiedi wa, numa tabuna ginaurina u abiabi‐gaibuidi, e nige’e?  
\v 23 Oa laugagaeona arinai u ribapasipasiuioim, oa laugagaeona u utusi, arinai Eaubada u hebaaea, e nige’e?  
\v 24 Doha se uriyao, “Paana ede omi, Murimuri‐tataodi boeadi eai Eaubada esana se riba‐baaeaei.”  
\v 25 Mamohoi ena laugagaeona u sogohididini abo peritome i lolo; na ena laugagaeona u utusi em peritome taba nige peritome, ginauri gaibu mo.   
\p
\v 26 Arinai ena tatao nige se peritome wa, laugagaeona laulau duduraina se sogohididini, tatao wa nige se heperitomedi wa abo se hemala peritome, e nige’e?  
\v 27 Tau nige se peritome laugageona i abiwatai, oa abo i hegirum, oa ena laugagaeona u utuutusi, e nige’e?  
\v 28 Ia se ribaei Iudea‐tauna ia nige Iudea tauna mamohoi; eo peritome bulumana eai mo nige peritome mamohoi.  
\v 29 Iudea tauna mamohoi ena nuatu doha hinage Iudea, eo peritome mamohoina hinage ia ede nuana eai, earuana eai, nige uriuri eai; hedebasaena tatao aridi eai nige’e, Eaubada mo arinai i laoma.   
\c 3  
\p
\v 1 Iudea tataodi edi lolo saha abo se abi? Hinage peritome, aisana lolona arinai abo se hetubu?  
\v 2 Edi lolo i lai ariri; bagubaguna isi aridi eai Eaubada ena riba mamohoina se mosei.  
\v 3 Ie saha isi headi riba wa nige se nuatuwatai? Edi awayagara Eaubada ena abiesega ta abo i heberuberu wa?  
\v 4 Taba nige’e! Ita ta ’ne Eaubada ia mamohoi na tatao gamagamagari se borabora, doha hinage se uriyao si ene, “Em riba aridi eai abo se heduduraim: ena se hekirainom abo u adidiri.”  
\v 5 Ena eda laulau gewagewa Eaubada ena laulau dudurai i hemasaraha abo ita ta ’ne edoha? Bena Eaubada ena laulau se gewagewa tatao ena i hemaisadi, wa? (Egu riba ta ea riba doha tatao edi riba.)  
\v 6 Nige ariariri! Ena meta doha Eaubada tanoubu edoha i heduheduduraidi?  
\v 7 Ena egu riba borabora Eaubada ena riba mamohoina i hemasaraha, arinai ia se hedebasae; ie saha se lauhetalagu doha eau tau baabaaeana?  
\v 8 Hinage ie saha nige ta ’ne (doha hinage tatao borabora headi si ene ai ene), “Besi, ta laulau baaea, arinai lolo ta hetubu”? Tatao doha nei maisana lailai abo se abi, i dudurai.   
\p
\v 9 Abo edohana? Ita Iudea ta saetawatawaidi? Nige’e, nige ariariri: nabada wa Iudea eo Heleni eau ea heoiesegaidi baaea eai se laulau.  
\v 10 Doha se uriyao si ene,  
\q1 “Nige esau ena laulau se dudurai, nige esega;   
\q1
\v 11 nige esau i nuatulobai, nige esau Eaubada i eooi.   
\q1
\v 12 Gamagaridi dobila eai se laulausuara, se baaeagogo;  
\q1 nige esau ena laulau se lolo, nige esega.” (Psa. 14.1-2; 53.1-2.)   
\q1
\v 13 “Gadodi doha bousa se soeauri, memenadi eai se ribaborabora;  
\q1 “Sopa aloalodi eai mota edi haha abamate.”   
\q1
\v 14 “Awadi ribahemate eo kalapi se monau.”   
\q1
\v 15 “Aedi se heula, osina bena se heboriri,   
\q1
\v 16 sabom eo nuadubu edi dobila eai se toro.   
\q1
\v 17 Loni dobilana nige abina se ata.”   
\q1
\v 18 “Eaubada matausina matadi eai nige’e.” (Psa. 5.9; 140.3; 10.7; Is. 59.7-8; Psa. 36.1.)   
\p
\v 19 Na, ta nuatui riba gamagamagari laugagaeo eai se uridi isi laugagaeo tauabidi edi riba: awadi gamagamagari bena se guduohidi, abo tanoubu gamagamagari se ohihai, Eaubada matana eai se hegirudi.  
\v 20 Arinai ede laugagaeo abiabidi eai nige tau esau ia matana eai abo se hedudurai; paana laugagaeona eai baaea se nuatulobai ede.  
\v 21 Na abotai abo Eaubada ena laulau dudurai se hemasarahayama, laugagaeona eai nige’e, ia ede laugagaeona eo peroveta se hemasaraha mo,  
\v 22 Eaubada ena laulau dudurai, ia ede Iesu Keriso sunumana tauataataiena gamagamagaridi enadi. Nige hinehinerina,  
\v 23 paana tatao gamagamagari edi laulau se baaea Eaubada ena namanamari sora nige se lobai;  
\v 24 ena ainauia eai se hedudurainapaidi, abihemauri debana eai Keriso Iesu boeana eai.  
\v 25 ia Eaubada i hetoro hemasarahayao, baaea bena i saugabaei, ia osinana eai, sunuma eai ta abi enada. Teina arinai Eaubada ena laulau dudurai i masaraha, nabada wa baaeadi i nuatugabaedi ena healapaipai debana eai;  
\v 26 ena laulau dudurai aba‐italobaina, ea ’ne teina huia ena laulau dudurai abo i masaraha, iaede Iesu tausunumaena ia abo i hemauri ede.   
\p
\v 27 Eda ribapasipasi wa haedi? Se guduhai. Aitea laugagaeona eai? Laulau laugagaeona? Nige’e, na sunuma laugagaeona mo.  
\v 28 Paana ta nuatui ta ’ne tau esau abo i dudurai sunumana eai mo, laugagaeo abiwataina eai nige’e.  
\v 29 E ia Iudea tataodi isibom mo edi Eaubada wa? Murimuri‐tataodi edi Eaubada hinage, e nige’e? E, mamohoi, Murimuri‐tataodi edi Eaubada hinage.  
\v 30 Ia ede Eaubada mamohoina esega, peritome tataodi sunuma debana eai abo i heduduraidi, eo tatao nige se heperitomedi sunuma eai abo i heduduraidi hinage.  
\v 31 Sunuma ta arinai laugagaeona ta helautom wa? Nige ariariri! Laugagaeona abo ta hetoro adiadidiri ede.   
\c 4  
\p
\v 1 Aberahama, urutubuda tanoubu eai ta, edohana abo ta ribaei?  
\v 2 Ena Aberahama ena laulau debadi eai ia se hedudurai, ena aba ribatausaeuioi ede meta; na Eaubada matana eai nige’e.  
\v 3 Uriuri tabudi si ene edoha? Aberahama Eaubada i nuatuwatai arinai ede se nuatulaei si ene, laulau duduraina meta.  
\v 4 Na paisoa tau‐abina ia nige se ainauiai, na se hemaisa mo.  
\v 5 Ia wa nige i paisoa, na tatao baaea tauheduduraidi i nuatuwatai mo, ena sunuma abo se ribaei laulau‐dudurai.  
\v 6 Doha hinage Davida ena uriuri eai tau ena nuawoiwoina i ribaei, ia wa Eaubada i awa‐laulaududuraiei, nige ena paipaisoa debadi eai; i ene:   
\q1
\v 7 “Isi edi laulau baaea se ribagigiridio,  
\q1 edi laulau baaea se poitawaidio, nuadi se woiwoina;   
\q1
\v 8 tau Eaubada nige i riba‐taubaaeaei, nuana i woiwoina.” (Psa. 32.1-2.)   
\p
\v 9 Wau nuawoiwoina wa, isi tau‐peritome isibom abo se abi, e tatao nige se heperitomedi abo se abi hinage? Paana ita ta ’ne, Aberahama ena sunuma debana eai ia se awataulaulaududuraiei.  
\v 10 Edoha edi awaawa‐taulaulaududuraiena? Ia se heperitomeyao, e sora nige se heperitome? Ia sora nige se heperitome.  
\v 11 Ia se heperitome doha heiheinoi mo, ena sunuma laulaududuraina heiheinoina huia ne sora nige se heperitome wa; ia abo tauataiena gamagamagari tamadi eai ie lau, isi wa nige se heperitomedi, edi sunuma debana eai mo se awaawa‐taulaulaududuraiedi.  
\v 12 Eo ia abo tauperiperitome tamadi eai ie lau, na isi mo nige’e, isi hinage gamagamagaridi tamadi Aberahama ena sunuma laulauna se laulauwatai, sunuma wa i abiyao ia sora nige se heperitome.   
\p
\v 13 Paana ribahesunuma wa, Aberahama eo ia pesipesinayao aridi eai se ribaei si ene ia tanoubu abo i tanuagaei, nige laugagaeona debana eai i laoma, na sunuma laulau‐duduraina mo.  
\v 14 Na, ena tau‐laulaududurai laugagaeona eai, isi tanoubu abo se tanuagaei, sunuma abo nige aniona, eo ribahesunuma wa hinage nige ana ao.  
\v 15 Paana ede laugagaeona wa ouyalayala aba‐hetubuna ede: na haedi eai laugagaeona nige’e, laugagaeo utusina nige’e.   
\p
\v 16 Arinai sunuma eai mo ribahesunuma wa i tubuma, ainauia debana eai, bena ia pesipesinayao gamagamagari aridi eai ribahesunuma wa tatao se hemamohoiei; isibom laugagaeo ribana eai enadi mo nige’e, isi hinage enadi Aberahama ena sunuma tau‐abina, ia gamagarida tamada ede,  
\v 17 doha se uriyao si ene, “Ea hetorom oa eanua gamagaridi urutubudi eai u lau;” (Gen. 17.5.) Eaubada i sunumawatai wa matana eai, ia taumatemate tauhemauridi, eo ginauri sora nige se hetubudi ena riba eai abo se tubu.  
\v 18 Ia ena sunuma doha nige aniona, taiede i sunumawatai mo, eanua gamagamagari bena abo i hemala tamadi; doha se ribaei wa si ene, “Doha hinage meta pesipesimyao abo se gamagari.” (Gen. 15.5.)  
\v 19 Tauna i nuatui se beruberuo, ena gigibori se lautom’o, na ena borimai handere i hanahanau, eo Sara i nuatui i agari hinage, taiede ena sunuma nige i beruberu.  
\v 20 Eaubada ena ribahesunuma nige i awayagaraei, eo nige i tagugu, ena sunuma mo i adidiri, eo Eaubada i ribatausaei;  
\v 21 ena nuatu adidirina eai i ene, saha eo saha i ribahesunumaei abo hinage abina i ata i hemamohoiei.  
\v 22 Arinai ede ena sunuma ia arinai se awa‐laulaududuraiei. (Gen. 15.6.)  
\v 23 Se uri wa si ene, “Ia arinai se awa‐laulaududuraiei;” iabom mo nige se nuatui,  
\v 24 se nuatuida hinage. Ita arida eai nige baeaona sunumada abo se awa‐laulaududuraiei, ita Iesu eda Guiau mate eai i hetorouioi, tausunusunumaena.  
\v 25 Eda laulau baaea debadi eai ia se moselaei, eo ia se hetorouioi eda aba‐heduduraida ede.   
\c 5  
\p
\v 1 Na sunuma eai se heduduraida wa, arinai Eaubada maeda ta loni eda Guiau Iesu Keriso debana eai.  
\v 2 Ia arinai hinage ta lage Eaubada nualolona eai, arinai ta totoro, eo ta kode, paana Eaubada ena namanamari boeana eai ita eda tupo ta abi.  
\v 3 Meta mo nige’e, eda amamna eai hinage arinai ta kode paana ta nuatui amamna nuapaipai i hetubu,  
\v 4 eo nuapaipai tau ena nuaadidiri i hetubu; eo nuaadidiri arinai sunuma i tubuma hinage;  
\v 5 eo ena ta sunusunumaei taba nige ta taumaeamaea, paana Eaubada ena gadosisi nuaboeada eai se ini‐hemonauboriboriri, Earua Tabuna debana eai ia ede se leamao.   
\p
\v 6 Paana ita ma‐beruberuda, huiana i lagema, Keriso, tatao Eaubada matausina nige se matausi, debadi eai ie mate.  
\v 7 Taulaulaududurai mo debana eai taba nige tau esau ie mate; taiede tau lolo ariri debana eai ibai headi abo se mate, e nige’e?  
\v 8 Na Eaubada ena gadosisi arida eai i hemasarahayama ede ina, ita ma laulau baabaaeada eai Keriso debada eai ie mate.  
\v 9 Arinai ede ia osinana debana eai se heduduraida wa, ia debana eai hinage Eaubada ena ouyalayala eai abo se hemaurida.  
\v 10 Ena ita ma‐waiunuda Eaubada arinai ta labini ia Natuna matena eai, na ta labinieiyao wa, abo ta mauri hinage, ena mauri eai.  
\v 11 Na meta mo nige’e, Eaubada ta kodei hinage eda Guiau Iesu Keriso debana eai, ia arinai maeda ta labini‐esegaidao.   
\p
\v 12 Na doha tau esega arinai baaea ie tubu tanoubu eai ta, eo mate hinage baaea debana eai; arinai hinage tatao gamagamagari mate se hearo, paana tatao gamagamagari edi laulau se baaea.  
\v 13 Paana sora laugagaeona nige se hetubu baaea i tubuo tanoubu eai ta; na ena nige laugagaeo taba nige se awa‐laulaubaaeaei.  
\v 14 Taiede Adamu ena huia eai i lau e Mose ena huia eai mate i gigibori, isi hinage se hearo isi nige se laulau baaea doha Adamu, ia ede abo i laoma wa tautauna ede.   
\p
\v 15 Ainauia ta abinapai wa, baaea i saetawatawai. Ena tau esega ena baaea debana eai tatao gamagamagari se mateo, Eaubada ena ainauia, arinai tau esega, Iesu Keriso, i aiainauia‐napai wa, abo i tadada hinage, tatao gamagamagari enadi.  
\v 16 Hinage ainauia wa nige doha baaea wa tau esega i hetubu; paana tau esega debana eai se lauhetala eo se hemaisa, na ainauia dumaduma wa baaea gamagamagari abaheduduraidi ede.  
\v 17 Ena tau esega baaeana eai mate i tanuaga, tau esega debana eai, isi ainauia lailai eo laulau dudurai ainauiana nige maisana tauabidi edi mauri eai abo se tanuaga, tau esega mo, Iesu Keriso, debana eai.   
\p
\v 18 Arinai doha tau esega ena baaea debana eai tatao gamagamagari se hegirudi, se hemaisadi; hinage tau esega ena laulau dudurai debana eai ainauia dumaduma tatao gamagamagari se abi, i lau e abaheduduraidi ede, eo edi mauri.  
\v 19 Doha hinage tau esega ena awayagara debana eai tatao gamagamagari se hemala tatao baabaaeadi, tau esega ena awaabi debana eai hinage tatao gamagamagari abo se hemala tatao laulau‐duduraidi.  
\v 20 Laugagaeo i lagema, baaea wa bena i hetadada. Na haedi baaea ena aba‐tadada wa, temetai ainauia abo i hetadada‐lailai.  
\v 21 Doha baaea i tanuagaida i laulau e mate eai, hinage ainauia laulau‐dudurai debana eai bena i tanuagaida i laulau e mauri nige nosina ta lobai, eda Guiau Iesu Keriso debana eai.   
\c 6  
\p
\v 1 Abo ta ene edoha? Baaea ta abididini ainauia bena i hetadada?  
\v 2 Nige ariariri! Ita baaea eai ta mamate abo edoha eda abiabididinina?  
\v 3 Au nuatui e nige’e ita gamagarida Iesu esana eai se hebapatisoida, ia matena eai se hebapatisoida?  
\v 4 Arinai bapatiso eai, ia maeda mate eai se toretoretau‐esegaida; na doha Keriso mate eai se hetorouioi Tamana ena gigibori eai, ita hinage abo ta laulau mauri harihariuna eai.   
\p
\v 5 Taba ena mate eai ia maeda ta heoiesegaida, ena torouio eai hinage ia maeda abo ta heoiesegaida.  
\v 6 Teina ta nuatui tauda beabeana ia maeda se hesatauroesegaida; baaea tauda bena se hetatagorigori, maraitom asubena baaea taba nige ta heayaiei.  
\v 7 Paana ia mate i hearo baaea maisana i toreyao.  
\v 8 Na ena Keriso maeda ta mate esega, hinage eda nuatu ta ’ne maeda abo ta mauri esega.  
\v 9 Paana ta nuatuiyao Keriso mate eai se hetorouioi taba nige i mateuio: ia arinai mate ena gigibori i lautomesegai.  
\v 10 Ma esega mo baaea arinai mate i matei; na Eaubada arinai mauri i mauriei.  
\v 11 Omi hinage au nuatui, baaea arinai au mateo, na Eaubada arinai au mauri eda Guiau Iesu Keriso debana eai.   
\p
\v 12 Taumiu posaposadi eai tabu baaea i tanuagaidi, gadosisi baaeadi ata au awaabiedi.  
\v 13 Eaumiu hinage tabu au moselaedi, doha laulau‐baaea abiabina, baaea eai; na au moseuioimiu Eaubada arinai, doha aue mate wa eo au torouio, eo eaumiu hinage au moselaedio, doha laulau‐dudurai abiabina, Eaubada arinai.  
\v 14 Baaea taba nige i tanuagaimiu, paana laugagaeona nige i tanuagaimiu, ainauia mo omi i tanuagaimiu.   
\p
\v 15 Abo edoha? Abo ta baaea paana laugagaeona nige i tanuagaida? Nige ariariri?  
\v 16-17 Omi abina au ata, e nige’e, ia arinai au moseuioimiu, au heayaiei, awana au abi, ia ena heaheari omi, paana ia awana au abi; e taba baaea ena heaheari, i lau mate eai, e awaabi ena heaheari, i lau laulau‐dudurai eai? Eaubada ta lautoiei omi nabada wa baaea ena heaheari eai aue lau, na lauheata se leawa ma nuaadidirimiu au awaabieiyao.  
\v 18 Baaea eai se iairihaimiu wa, abo omi au hemala laulau‐dudurai ena heaheari.  
\v 19 Emi beruberu debadi eai ea ribariba ta doha tatao edi riba: na doha eaumiu au moselaedi laulau biibiidi, eo hari laulau hari laulau baaeadi edi heaheari eai se lau; hinage doha meta huia ta eaumiu abo au moselaedi laulau‐dudurai ena heaheari eai se lau emi aba hetabuemiu ede.   
\p
\v 20 Na omi baaea ena heaheari huiana eai wa laulau‐dudurai nige i tanuagaimiu.  
\v 21 Ginauri wa huia ta au taumaeamaeaedi, aniodi saha saha aridi eai au abidi? Meta ginauri me adi sigasiga eai ede mate.  
\v 22-23 Na baaea eai se iairihaimiu, eo au hemala Eaubada ena heaheari, aniomiu au abidi laulau tabuna eai, eo adi sigasiga hinage mauri nige nosina. Paana baaea maisana ede mate, na Eaubada ena ainauia ede mauri nige nosina eda Guiau Iesu Keriso debana eai.   
\c 7  
\p
\v 1 Egu tataoyao e, au nuatui, e nige’e (ea ribariba laugagaeona taunuatuina aridi eai ina), laugagaeo tatao edi mauri huiana eai mo i tanuagaidi?  
\v 2 Sine esau i tawasora laugagaeona eai, ia ma maumaurina eai monena arinai i patudidini, na ia ena ie mate, abo monena laugagaeona arinai sine wa se iairihai.  
\v 3 Arinai taba ia monena ma miana eai na tau esau i tawasorai, ia esana abo se ribaei sine ganaganawarina. Na taba monena i mateo laugagaeo arinai se iairihai; tau esau ie hai temeta nige ganawari.   
\p
\v 4 Egu tataoyao e, Keriso tauna debana eai omi hinage laugagaeona eai aue mate; esau bena au tawasorai, ia ede ia mate eai wa se hetorouioi, ita bena anioda ta hetubu Eaubada enana.  
\v 5 Na ita buluma ena huia eai sora ma miamiada wa, tauda lelehidi baaeadi laugagaeo i hesohesomdi, eauda eai se paipaisoa bena anioda ta hetubu mate enana.  
\v 6 Na huia ta laugagaeona eai se abigabaeda, ena abiabididinida wa i mateo; ita taba nige ta heayaiei gaibui doha beabeana wa, na miamia harihariuna eai mo, Earua enana.   
\p
\v 7 Ita abo ta ene edoha? Laugagaeona i baaea ede? Nige ariariri! Nige’e, baaea taba nige ea nuatui, na laugagaeo mo ia tauhemasarahana; gadolelehi taba nige ea nuatui, na laugagaeo mo i ene, “Tabu hari tau ena ginauri nuam se lauedi.”  
\v 8 Baaea ena dobila i lobai laugagaeona eai hari baaea, hari baaea, i hemasarahadi. Na, taba laugagaeo nige’e, baaea abo ie mate.  
\v 9 Nabada wa sora nige laugagaeona, na ea mauri: na laugagaeona i laoma, baaea abo i mauri, eau mo ea mamate.  
\v 10 Laugagaeona wa mauri bena i leama, mate mo i hetubuyama.  
\v 11 Paana ede baaea ena dobila i lobai laugagaeona eai, i boraigu, arinai i unuhemategu.  
\v 12 Arinai ta ’ne laugagaeona ede laugagaeo tabuna, eo duduraina, eo lolona.   
\p
\v 13 Ginauri lolona ede meta, arigu eai abo i hemala mate wa? Nige ariariri! Na baaea mo ginauri lolona debana eai mate i hetubu, bena abo baaea se italobai komakomani, eo bena baaea, laugagaeo debana eai, baaea laina ana ao abo i masamasaraha.  
\v 14 Ita ta nuatuiyao laugagaeo ia earuana eai heaheasonina ede; eau mo bulumagu eai ta, baaea arinai se unegabaeguo.  
\v 15 Na egu abiabi nige ea ene eau egu abiabi: saha eo saha ea henua ea abidi, nige ea abidi, na meta mo nige ea henuadi, ia ede ea abidi.  
\v 16-17 Ena saha nige ea henua, meta mo ea abidi ede, arinai abo ea ene laugagaeo i lolo. Eau eaubom nige ea abidi, baaea mo nuaboeagu eai ie mia, ia tauabidi ede.  
\v 18 Ea nuatuiyao eau nuaboeagu eai (ia ede bulumagu boeana eai) nige ginauri lolona esau ie mia; eau egu nuatu ea ene bena ea lolo, na ia mo nige egu gigibori.  
\v 19 Laulau lolo ea henua ea abi, nige ea abi: baaea nige ea henuhenua, meta mo ea abiabini.  
\v 20 Na ena meta mo ea abidi nige ea henuadi ia mo ea abidi, taba nige ea ’ne eau ea abidi, na baaea boeagu eai ie mia, ia tauabidi ede.   
\p
\v 21 Laugagaeo esau ea lobai ede ina: eau ea henua ea laulau lolo, baaea mo i wesewesegu.  
\v 22 Paana nuaboeagu eai Eaubada ena laugagaeo ea henua aririei,  
\v 23 eaugu eai mo laugagaeo udoi ea ita, nuagu laugagaeona maena se haihaiabi, eo baaea laugagaeona eaugu eai i toaigu, i tanuagaigu.  
\v 24 Ea ene kapore eau tau baabaaeagu ta! Teina mate ta taugu eai, eai abo i hemaurigu?  
\v 25 Eaubada ea lautoiei, eda Guiau Iesu Keriso debana eai! Arinai ea ene, nuagu eai eau eaubom Eaubada ena laugagaeo ea heaheayaiei, na bulumagu eai mo baaea laugagaeona ea heaheayaiei.   
\c 8  
\p
\v 1 Arinai ede isi Iesu Keriso boeana eai nige edi abahebaaeadi, isi buluma dobilana nige se laulauwatai, na Earua mo se laulauwatai.  
\v 2 Paana mauri Earuana laugagaeona Keriso Iesu boeana eai, baaea eo mate laugagaeona eai i iairihaiguo.  
\v 3 Na saha wa laugagaeo nige abina i ata i abi paana, buluma eai, i beruberu, Eaubada ia Natuna baaea hesabana i hetamariyama, ana ao hinage doha buluma baaeana, na ia buluma eai baaea i awabaaeaei.  
\v 4 Laugagaeo laulau‐duduraina abo se hemamohoiei ita boeada eai wa ita nige buluma ta lauwatai, na Earua mo ta lauwatai.  
\v 5 Isi buluma se lauwatai, buluma ginauridi mo se nuatuidi; na isi Earua se lauwatai, Earua ginauridi se nuatuidi.  
\v 6 Paana nuada eai buluma ginauridi ta nuanuatuidi ta mate; na Earua enana ta nuanuatuidi abo ta mauri eo ta loni.  
\v 7 Paana buluma nuatuna ta nuatu‐daoiei Eaubada abo ta hewaiunuei ede, Eaubada ena laugagaeo nige ta awaabiei, nige abina ta ata.  
\v 8 Isi buluma nuanuatuina eai se laulau, Eaubada henualolona abina nige se ata.   
\p
\v 9 Na omi nige buluma boeana eai, na Earua boeana eai, ena Eaubada Earuana i miamia boeamiu eai. Ena tau esau Keriso Earuana nige i abi ia nige Keriso enana.  
\v 10 Eo ena Keriso i miamia nuaboeamiu eai taumiu ena se mate baaea debana eai, taiede earuamiu se mauri laulau‐dudurai debana eai.  
\v 11 Na taba Iesu mate eai tauhetorouioina Earuana i miamia nuaboeamiu eai, ia Keriso mate eai i hetorouioi wa taumiu posaposadi abo i hemauridi, Earuana i miamia boeamiu eai wa debana eai.   
\p
\v 12 Egu tataoyao e, ita buluma nige ta mose‐hagai, buluma gadosisina ata ta lauwatai.  
\v 13 Ena buluma gadosisina au lauwatai, abo au mate; na ena Earua debana eai taumiu laulaudi au unuidi, abo au mauri.  
\v 14 Paana isi gamagamagaridi Eaubada Earuana i woeawoeaidi, isi Eaubada nanatunayao ede.  
\v 15 Paana omi earuamiu taba nige au abiuioidi doha se paiuioimiu, eo doha matausi arinai au guriuio; na omi gigiori earuana au abi, au hemala‐natu. Arinai ena ta eaba lailai ta ene “Aba! Tamada e!”  
\v 16 ia Earuana ma earuada ede se oiribaribaei, ita Eaubada nanatunayao;  
\v 17 na taba ita ia nanatunayao ita hinage ena gogo tauabina, eo Keriso maeda tau‐abiesegaina, ena taba ena amamna ta hearoesegai eo maeda ena hedebasae ta hearo hinage.   
\p
\v 18 Amamna wa huia ta ta abidi se gagiri ariri, hedebaesae abotai abo se hemasarahayama boeada eai, meta mo ea nuatui ede i lai ariariri.  
\v 19 Ginauri eo abi gamagamagari se hetubudi wa, Eaubada nanatunayao edi hedebasae se bagibagiwatai, ma‐nualelehidi.  
\v 20 Paana ede abi gamagamagari se hetubudi se guridobi, se laulau gaibu mo, isi nige edi nuatu eai na tauheguridi mo ena nuatu eai se laulau; edi sunusunuma paana  
\v 21 ede abi gamagamagari posaposadi adi auau eai abo se hemauridi, eo abo se lulagema Eaubada nanatunayao edi iairihai lolo‐dumadumana eai.  
\v 22 Ita ta nuatui abi gamagamagari se ohihai se lepalepagogo, eo se amamna ariri i laoma e huia ta.  
\v 23 Nige isibom mo, na ita hinage Earua ena uaua ealahouna tauabina, ita hinage ta lepalepa nuaboeada eai, gigiorina ta bagibagiei, ia ede tauda wa abo se hemauridi.  
\v 24 Paana ita sunuma debana eai ta mauri; na sunuma ne se itaitai, meta nige sunuma mamohoina; tau ginauri matana eai ie ita saha abo i sunumaei?  
\v 25 Na ena ginauri nige ta ita, ta sunumaei, iaede abo ta bagiwatai, ma‐nuapaipaida.   
\p
\v 26 Doha hinage eda beruberu eai Earua i sagusaguida, saha eo saha bena ta lau‐uuraedi, duduraina nige abina ta ata, na Earua iabom enada i aiboda gadogadora, taba nige ta ribaei, nige arinana.  
\v 27 Nuataueooidi Earua ena nuatu aniona i itayao, paana ede ia hetabu tataodi enadi i aiaiboda, Eaubada ena nuatu mo i lauwatai.   
\p
\v 28 Ta nuatuiyao ginauri gamagamagari se lauloloesegaidi isi Eaubada taugadosisiena aridi eai, isi ia ena nuatu eai se eogahaidi.  
\v 29 Na isi i ita‐nonohaidio hinage i henuatu‐auridio ia Natuna ana ao abo hinage se abiwatai, ena tataoyao gamagamagari aridi eai ia bena abo i hemala natu‐ealahouna.  
\v 30 Isi i henuatuauridio wa, hinage i eogahaidi; isi i eogahaidi wa, hinage i heduduraidi; eo isi i heduduraidi wa, hinage i hedebasaedi.   
\p
\v 31 Teina ribadi ta aridi eai abo ta ene edoha? Taba Eaubada i torotaunida, eai abo i guduguduida?  
\v 32 Ia, Natuna nige i nuahi na ita gamagarida debada eai i moselaei, ia maena hinage abo ginauri gamagamagari i ledima‐esegaidima, e nige’e?  
\v 33 Eaubada ena tauhinehineri tataodi, eai abo riba esau arinai i hegirudi? Eaubada ia tauheduduraina ede.  
\v 34 Eai abo i riba‐hebaaea? Keriso Iesu ie mate ede, taiede i torouio, ia Eaubada nimatutuna eai ie mia, eo enada i aiaiboda.  
\v 35 Keriso ena gadosisi eai ta, eai abo i abihesuarada? Amamna lailai e, nuadubu e, se hebaaeada e, guriam e, tauahaaha e, mate hanahanau e, elepa wa?  
\v 36 Doha se uriyao si ene,  
\q1 “Oa debam eai se unuimai, asubena gamagamagari;  
\q1 se abimai doha mamoe, bena abo se unuidi.” (Psa. 44.22.)   
\m
\v 37 Nige’e, teina ginauri gamagaridi ta boeadi eai ita abo ta adidiri ariariri, ia i gadosisieda wa debana eai.  
\v 38 Paana ea nuatuiyao, nige mate, eo nige mauri, eo nige aneru, eo nige guiau wasawasadi, eo nige gigibori, eo nige ginauri huia ta, eo nige ginauri sora nige se tubu,  
\v 39 eo nige ginauri saesaedi, eo nige ginauri dobidobidi, eo nige ginauri esau se hetubu, abidi se ata Eaubada ena gadosisi eai se abihesuarada, gadosisi wa iaede eda Guiau Keriso Iesu arinai.   
\c 9  
\p
\v 1 Keriso boeana eai ea riba mamohoi, nige ea riba borabora, nuaboeagu eai egu nuatu abaheduduraina Earua Tabuna i hemara hinage, ia maegu ai riba esega,  
\v 2 ea ’ne nuagu i mou ariri, eo egu nuadubu otana.  
\v 3 Eau egu gadosisi taba se ribahemategu mo, taba Keriso arinai se tomgabaegu egu tataoyao eo agu bogao mamohoi debadi eai.  
\v 4 Isi ede Isaraela tataodi, awa‐natu isi enadi, eo hedebasaena hinage, eo ribahesunuma; laugagaeo isi ede se mosedi, eo Eaubada ana paisoa aba‐heayaiena, eo aihelahuina;  
\v 5 eo urutubu, tamadiyao wa, isi enadi, adi bogao eai hinage Keriso i laoma. Eaubada, ia ginauri gamagamagari i saetawatawaedi, ia se aihelahui i lau e nige nosina. Amen.   
\p
\v 6 Tabu ta ene Eaubada ena riba nige aniona. Paana isi Isaraela tataodi wa, gamagaridi nige Isaraela mamohoi;  
\v 7 isi Aberahama pesipesinayao, gamagaridi ia nige nanatunayao, na si ene, “Isaako arinai pesipesim abo se hetoro.” (Gen. 21.12.)  
\v 8 Isi buluma nanatunayao nige Eaubada nanatunayao; na ribahesunuma nanatunayao isi ede se awa‐pesipesiedi.  
\v 9 Ribahesunuma ribana ede ina, i ene, “Teina huia ta borimai matada eai abo ea laoma, Sara natuna abo i labasi.” (Gen. 18.10.)  
\v 10 Eo teina mo nige’e; ita tamada Isaako arinai Rebeka ie boga;  
\v 11 (isi merumeru sora nige se tubuma, nige esau sora ena laulau se lolo, e se baaea, Eaubada ena nuatu bena i laulau wa, arinai tatao i hineridi nige laulau debadi eai, iabom mo tau‐eogahaidi ena nuatu.)  
\v 12 se ribalau Rebeka arinai, si ene, “Taubaguna ena taumurita abo i heayaiei.” (Gen. 25.23.)  
\v 13 Doha se uriyao si ene, “Iakobo ea gadosisiei, na Isoa ea hewaiunuei.” (Mal. 1.2, 3.)   
\p
\v 14 Ita abo ta ene edoha? Laulau gewagewa meta, Eaubada ena tupo eai, wa? Nige ariariri!  
\v 15 Doha i ribalau Mose arinai, i ene, “Isi bena ea laubiriedi abo ea laubiriedi, isi bena ea nuatoatoaidi, abo hinage ea nuatoatoaidi.” (Ex. 33.19.)  
\v 16 Arinai ta ene taunuatuina nige ena nuatu eai, eo tauaitautauina nige ena aipate eai, na Eaubada ena nuatoatoa eai mo, laubirina i hetubu.  
\v 17 Uriuri Tabuna eai Parao arinai si ene, “Teina hesabana ede ea hetorom ta, egu gigibori bena abo ea hemasaraha oa boeam eai, eau wasagu abo se ribaei tanoubu gamagamagari aridi eai.” (Ex. 9.16.)  
\v 18 Arinai isi i henua i laubiriedi abo i laubiriedi, eo isi i henua nuadi i heoiuradi abo i heoiuradi hinage.   
\p
\v 19 Abo u ribalaoma arigu eai u ene, “Ie saha i hegiruda? Ia nuana, eai abo i torogudui?”  
\v 20 Na, tau e, oa eai Eaubada u riba gudugudui wa? Ginauri se helasa abo i ribalau tauhelasana arinai i ene, “Ue saha u helasagu doha ede ina?” (Is. 29.16.)  
\v 21 Mono tauhelamona iabom ena nuatu mono pei esegana eai ginauri i lauginauri esau ana ao lolona, e ginauri esau paisoa dobidobina mo enana.  
\v 22 Ata bena Eaubada i henua ena ouyalayala i heitada, eo ena gigibori i hemasaraha, arinai baaea gulewadi, mate hesabana se ginauridi, i nuapaipaiedi,  
\v 23 arinai hinage ena hedebasae lolona bena i hemasaraha gulewa saesaedi, nuanuabigadi, ia i ginauri nonohaidi aba‐hedebasaena ede,  
\v 24 ia ede ita, ia i eogahaida wa, Iudea tataodi aridi eai mo nige’e, na Murimuri‐tataodi aridi eai hinage, wa?  
\v 25 Doha Hosea ena uriuri eai i ene,  
\q1 “Eau egu tataoyao abo ea ribaedi,  
\q2 isi nabada wa nige egu tataoyao;  
\q1 eo sine wa nige ea gadosisiei,  
\q2 abo ea gadosisiei.” (Hos. 2.23; 1 Pet. 2.10.)   
\q1
\v 26 “Dimo eai wa se ribalau aridi eai si ene, ‘Omi nige egu tataoyao,’ metai abo se ribaedi, ‘Eaubada maumaurina nanatunayao.’” (Hos. 1.10.)   
\p
\v 27 Isaia hinage, Isaraela ribana i eogayogaei i ene: “Isaraela nanatunayao ta hasiridi doha gabogabo geregerena, ia mo tupona, hagahagana mo, abo se hemauridi.  
\v 28 Paana Guiau ena hemaisa abo i hepaisoaei tanoubu eai ta, abo i heohi heulai.” (Is. 10.22; 28.22.)  
\v 29 Hinage doha Isaia i uri bagunaiyao, i ene,  
\q1 “Ena Moutuadi Guiauna ada isimurita nige i leama,  
\q1 ita nabada eai wa doha Sodoma ta hearoyao, eo doha Gomora.” (Is. 1.9.)   
\p
\v 30 Abo ta ene edoha? Murimuri‐tataodi nabada wa laulau‐dudurai nige se lauwatai, isi laulau‐dudurai se lobaiyao, laulau‐duduraina ta iaede sunuma eai i tubuma;  
\v 31 na Isaraela, isi laulau‐dudurai laugagaeona se lauwatai, hinage laulau‐dudurai laugagaeona nige se hemamohoiei.  
\v 32 Paana saha? Paana ede isi sunuma eai nige se eooi na laugagaeo laulaudi eai mo se eooi. Aba‐alabesibesi we’una ede meta, arinai se alabesibesi;  
\v 33 doha se uriyao, si ene,  
\q1 “Hage, Siona eai aba‐alabesibesi we’una  
\q2 ea totore,  
\q1 eo ae‐abahetupanei we’u‐dubana hinage,  
\q2 arinai tatao abo se beu;  
\q1 na eai to eai ia se nuatuwatai, taba nige se taumaeamaea.” (Is. 8.14; 28.16.)   
\c 10  
\p
\v 1 Egu tataoyao e, egu gadosisi lailai, eo egu uura Eaubada arinai Isaraela debadi eai, iaede teina: bena abo se hemauridi.  
\v 2 Ea itadio isi se adidiri Eaubada arinai, na se adidiri gaibu mo.  
\v 3 Paana isi Eaubada ena laulau‐dudurai se supusupuei, eo isibom edi laulau‐dudurai se eooi bena se hetubu: Eaubada ena laulau‐duduraina nige se nuatuwatai.  
\v 4 Paana Keriso ia laugagaeo sigana ede, tausunusunuma gamagamagari bena se heduduraidi.   
\p
\v 5 Laulau‐dudurai, laugagaeo eai i tubuma, Mose i ribahasahasaida, i ene tau esau teina ginauri ta i ginauridi abo i mauri debadi eai.  
\v 6 Na laulau‐dudurai sunuma eai i tubuma, i ene ina doha, “Tabu nuam eai u ene, ‘Eai abo i awasae galewa eai?’ (ia ede Keriso abo se woeadobeiyama),  
\v 7 e ‘Eai abo i letadobi doubo eai?’” (ia ede Keriso mate eai abo se woeaisiniyama).  
\v 8 Na i ene edoha? I ene, “Riba wa hanahanaum eai, awam eai eo nuam eai”: ia ede sunuma, ai lauguguiaei; (Deu. 30.12-14.)  
\v 9 paana taba awam eai Iesu u wasawasaei u ene ia Guiau, eo nuam eai u nuatuwatai u ene Eaubada ia mate eai i hetorouioi, oa abo u mauri.  
\v 10 Paana tau ma nuana i nuatuwatai i lau e laulau‐dudurai abo i tubu; eo awana eai hinage ia i wasawasaei arinai abo i mauri.  
\v 11 Uriuri tabuna eai si ene, “Ena tau esa, tau esa, ia i nuatuwatai taba nige i taumaeamaea. (Is. 28.16.)  
\v 12 Iudea tauna eo Heleni tauna isi nige udodoi; paana Eaubada esegana mo gamagarida i tanuagaida, isi gamagaridi se eogalau ia arinai ia i ainauiadaoiedi.  
\v 13 Tau esa, eo tau esa, se eogalau Guiau esana se atai, isi abo se mauri. (Ioela 2.32.)   
\p
\v 14 Na edohana abo tatao edi eogayogalau arinai, ena ia sora nige se ataataiwatai? Edohana abo edi ataataiena ena sora ia wasana nige se ataiei? Eo edohana edi ataiena ena nige enadi taulauguguia?  
\v 15 Abo edohana tatao edi laulauguguia, ena nige se hetamaridi? Doha se uriyao si ene, “Aedi adi ao tai se lolo, isi loni wasa‐lolona taulaulauguguiaina, eo ginauri lolodi wasadi lolodi tauleamana!” (Is. 52.7.)  
\v 16 Na isi headi evanelia nige se awaabiei. Doha Isaia i ene, “Guiau e, eai ema wasa i nuatuwataiyao?” (Is. 53.1.)  
\v 17 Arinai ta ene ataiena debana eai sunuma ie tubu, eo Eaubada ena riba arinai ataiena ie tubu.   
\p
\v 18 Na ea hesio, isi nige se ataieyao, wa? E, mamohoi se ataieyao. “Dagugudi i lau e tanoubu i laugirihai, eo edi riba se lau tanoubu gamagamagari sigasigadi eai.” (Psa. 19.4.)  
\v 19 Na ea hesiouio, Isaraela nige se nuatui, wa? Bagubaguna eai Mose i ene, “Isi tatao gaibu aridi eai ea heaiaromagigiriemiu, eo eanua eauyaure aridi eai ea heouyalayalaemiu.” (Deu. 32.21.)  
\v 20 Isaia i riba adidiri ariri, i ene, “Isi nige se eooigu se lobaiguo, isi nige se hetalagu matadi eai ea toro masaraha.” (Is. 65.1.)  
\v 21 Na Isaraela aridi eai i ene, “Asubena gamagamagari nimagu ea helelelaedi tau awaawayagara eo tauhegihegirugaibu aridi eai.” (Is. 65.2.)   
\c 11  
\p
\v 1 Ea oimurini, ea ene, Eaubada ena tataoyao ta i gabaedi, wa? Nige ariariri! Eau hinage Isaraela tauna, eau Aberahama pesipesina esau, boga Beniamina.  
\v 2 Eaubada ena tataoyao wa, i nuatui‐nonohaidi, nige i gabaedi. Uriuri Tabuna ribana Elia ribana se ribaei au nuatui, e nige’e? Ia i aiboda Eaubada arinai Isaraela bena i gudugudui, i ene,  
\v 3 “Guiau e, isi em peroveta se unuidi, em abaaitalasam se heduigabaedi; eau eaubom ea mimia, eau hinage bena se unuigu.” (1. Kings 19.10.)  
\v 4 Ia arinana Eaubada i heuio, i ene edoha? I ene, “Tatao tausani haligigi‐labui ea abidi isi sora nige Baala nuanuana eai se turibono.” (1. Kings 19.18.)  
\v 5 Hinage doha teina huia ta ainauia hinerina debana eai tupona gagirina mo se mia.  
\v 6 Ena ainauia debana eai se hineridi, abo nige laulau debana eai, ata ainauia nige ainauia mamohoina.   
\p
\v 7 Abo edoha? Isaraela ginauri wa i eooi nige i lobai; tauhinehineridi se lobaiyao, na wau isi headi wa matadi se hegibudi.  
\v 8 Doha se uriyao si ene, “Eaubada mataenoeno earuana i mosei aridi eai, matadi taba nige se ita, eo beadi taba nige se ataiei i laoma e huia ta.” (Is. 29.10; Deu. 29.4.)  
\v 9 Na Davida hinage i ene, “Adi aiai abo i hemala sa’i eo i hemala puru beubeu, eo edi aba‐alabesibesi, eo edi abahemahemaisadi;  
\v 10 matadi abo se hegaugaudi isi taba nige se ita, eo huia gamagamagari dageladi abo u heporoudi.” (Psa. 69.22-23.)   
\p
\v 11 Ea oimuri, ea ene, isi se alabesibesi, abo se guri esegai? nige ariariri! Na isi edi guri eai Murimuri‐tataodi abo abihemauri se hearo; Isaraela abo se heaiaromagigiriedi.  
\v 12 Teina edi guri ta tanoubu edi abalolo, eo edi heberuberu wa Murimuri‐tataodi edi aba‐lolo hinage: sora isi se hetorouioidi abo se heloloaririedi.   
\p
\v 13 Omi Murimuri‐tataomiu ea ribalaowa arimiu eai, paana eau Etene edi aposotolo, egu paisoa ta ea hesae:  
\v 14 bena egu eanua tataodi egu abiabi eo iilagu eai abo ea headidiridi, isi headi abo se mauri.  
\v 15 Taba isi wa se tauotaotaedi, debadi eai tanoubu abo se laubiriei, ena se abiuioidi abo i hemala mate eai abahemauridi, e nige’e?  
\v 16 Ena elahouna se hetabuei, maudoina hinage se hetabuesegai; ena oeagi lamna se hetabuei, abo laganayao hinage.   
\p
\v 17 Ena laganayao headi se tagasi, eo oa, doha \tl olive\tl* nuura, lagam se torehepatulaei boeadi eai, eo \tl olive\tl* mamohoi wa lamna eo adidirina u abiesegai,  
\v 18 tabu hari laga aridi eai u ribapasipasiuioim. Na u ribapasipasiuioim wa, lamna oa nige u hetoro, lamna oa ede i hetorom.  
\v 19 Oa abo u ene, “Laganayao se hetagasidi bena se torehepatulaegu.”  
\v 20 Doha ede, isi nige se nuatuwatai arinai ede se tagasi; oa, sunuma debana eai, u helaudamaidi. Tabu u ribatausaem, na u matausi mo.  
\v 21 Ena Eaubada laganayao mamohoi nige i nuahidi, u komakomanim, ata hinage oa nige i nuahim.  
\v 22 Hage Eaubada ena abilolo eo ena abi‐ouyalayala u itadi; isi tauguri wa ena abi‐ouyalayala i beudobima potadi eai; na oa, ena abilolo i laowa arim eai ena u miahai ena abilolo boeana eai: ena nige’e, oa abo se tomgabaem.  
\v 23 Isi hinage ena edi awayagara eai nige se miatahitahi abo se tore‐hepatudima, paana Guiau torehepatuuioidi abina ie ata.  
\v 24 Ena oa, \tl olive\tl* nuura eai i ini gaibu, se talahaim, eo nige em aba’ini mamohoi na se torehepatum \tl olive\tl* lolona arinai, isi laganayao mamohoi wa, isibom edi \tl olive\tl* boeana eai abo se torehepatuuioidi, e nige’e?   
\p
\v 25 Egu tataoyao e, riba esau nabada wa nige se heribamonihinihimiu tabu nuamiu se ponoponoei, ata omibom ami sanapu nige se lolo; ia ede ea ene Isaraela matadi se hegaugaudi i lau e Murimuri‐tataodi gamagamagari se lageohima.  
\v 26 Arinai Isaraela se ohihai abo se hemauridi. Doha uriuri tabuna eai si ene,  
\q1 “Siona boeona eai Tauabihemauri abo i tubuma,  
\q1 Eaubada matausina nige se matausi, meta abo i duiei Iakobo arinai;”   
\q1
\v 27 “na egu ribahesunuma aridi eai ede ina:  
\q1 isi edi baaea abo ea laehesuaradi.”   
\qr (Is. 59.2-12; 27.9.)  
\m
\v 28 Evanelia arinai Iudea tataodi se hemala Eaubada ena waiunuyao omi debamiu eai; na Eaubada ena riba hinehineri eai, isi i gadosisiaririedi tamadiyao debadi eai.  
\v 29 Paana Eaubada ena ainauia eo ena eogayogahai, taba nige nuana i bui.  
\v 30 Doha hinage omi nabada wa Eaubada au awaawayagaraei, na huia ta isi edi awayagara debana eai nuatoatoa au lobai;  
\v 31 isi hinage huia ta se awayagara, nuatoatoa enamiu wa debana eai, bena isi hinage nuatoatoa abo se lobai.  
\v 32 Paana isi gamagaridi i awa‐tauawaawayagaraedi bena gamagaridi hinage abo i nuatoatoaheohidi.   
\p
\v 33 Eaubada ena sonoga eo ena nuatu sibasiba haedi edi abaohi! Ena nuatu dudurai taba nige esau i eooiheohi, ena laulau taba nige esau i italobai!   
\p
\v 34 “Guiau nuana, eai ie ita? Eo eai hinage ia i ribasagui?” (Is. 40.13-14.)  
\v 35 “Eai ginauri esau i mosei Eaubada arinai bena maisana abo i abiuioi?” (Job 35.7; 41.11.)  
\v 36 Paana ginauri gamagamagari se hetubudi ia enana, eo ia debana eai, eo ia arinai. Hedebasaena ia arinai, huia nige nosina. Amen.   
\c 12  
\p
\v 1 Egu tataoyao e, ea awanorilaowa arimiu eai Eaubada ena nuatoatoa arinai, taumiu ma aniodi au mosedi se hemala aitalasam maumaurina, aitalasam tabuna, Eaubada i henua‐aririei, iaede emi heaheari abananabuena.  
\v 2 Teina tanoubu ta edi laulau tabu au laulauwataidi, omi nuamiu au heharihariudi abo au hemala udoi, Eaubada ena nuatu lolodi, eo saesaedi, eo lolodumadumadi omi abo au italobaidi.   
\p
\v 3 Ainauia wa se leama arigu eai debana eai hari tau eo hari tau arimiu eai, ea ribalau aridi eai, ea ene tabu se ribatausaeuioidi, edi nuatu se nuatui komakomani, doha Eaubada sunuma nonoina i moseyao hari tau hari tau aridi eai.  
\v 4 Doha ita tauda esega mo, eo tauda eaudi se gamagari, eo eaudi adi paisoa udoi, udoi;  
\v 5 ita hinage ta gamagari, eo Keriso boeana eai tauda esega mo, eo hinage esau eo esau ta he‐eauesegaida.  
\v 6 Hari ainauia, hari ainauia, se ledimao arida eai ina: ena peroveta, abo ta riba peroveta, eda sunuma gonogonoana;  
\v 7 e ena ta tanuaga, abo ta tanuaga komakomani; ia i lauheata, abo i lauheata komkomani;  
\v 8 e ia i riba hepaipai, abo i ribahepaipai komakomani; eo ia i aiainauia abo nuana eai i mose‐esegai; ia i hesahesagu abo i abi ma‐nuagigiborina.   
\p
\v 9 Emi gadosisi, bena gadosisi mamohoi; ginauri i baaea au hewaiunuei; ginauri i lolo au patudidini arinai.  
\v 10 Au haigadosisiemiu doha omi boga esega tataomiuyao, helemiu tatao au heasisiedi, au hebagunadi.  
\v 11 Ami paisoa arinai tabu au welawelai, nuamiu se gigibori, Guiau au heayaiei.  
\v 12 Sunumamiu arinai au kode; se heamamnamiu, au nuapaipai; uura au uu’uura heneheneteawa.  
\v 13 Hetabu tataodi enadi au heonadi; au abiabitaumana i hemala emi laulau.   
\p
\v 14 Isi se heamamnamiu au abiloloedi; au abiabiloloedi, tabu au ariarina‐baaeaidi.  
\v 15 Isi taukodekode maemiu au kode esega, isi taudoudou maemiu au dou esega.  
\v 16 Ma nuaesegamiu au miataubiga, tabu au hetausaeuioimui, na tatao dobidobidi au italau aridi eai. Tabu omibom emi sanapu aridi eai au nuasaesae. (Prov. 3.7.)  
\v 17 Tau esau i hebaaeam, ena baaea tabu au hemaisa. Tatao gamagamagari matadi eai, ginauri duduraidi mo au nuatuidi, eo au abidi. (Prov. 3.4.)  
\v 18 Au aipate komakomani tatao gamagamagari gonoamiu au miaheboheboriedi ma‐lonimiu.  
\v 19 Ehaguyao e, egu gadosisi arimiu eai, tabu ami gum au abi, emi ouyalayala se otawa, paana ede se uriyao si ene, “Guiau i ene, eaubom mo gumgu abo ea abi, eau abo ea hemaisa.” (Deu. 32.35.)  
\v 20 Arinai ena ami waiunu i guriam, aiai ana au mosei, ena i gadomagu goila au henom, arinai oeagi mutuaridi alaalasidi au peigogoauri ia uru potana eai. (Prov. 25.21, 22.)  
\v 21 Baaea tabu i saetawatawaemiu, na omi laulau lolo eai baaea au saetawatawai mo.   
\c 13  
\p
\v 1 Tatao gamagamagari, tau esau, tau esau, adi tanuaga bena se awaawaabiedi. Paana wasawasa gamagamagari edi awa‐tanuaga Eaubada arinai i laoma: eda wasawasa huia ta, Eaubada i hetorodi.  
\v 2 Tau esau eo tau esau edi tanuaga se gudugudui, Eaubada ena nuatu hinage se gudugudui: isi tauguduguduidi wa isibom abo se hebaaeauioidi.  
\v 3 Paana tatao laulau‐dudurai, isi tanuagadi nige se matausiedi, na tatao laulau‐baaea mo tanuagadi se matausiedi. Am tanuaga abo nige u matausiei, wa? Besi em abiabi se lolo, ia abo nuana u helolo.  
\v 4 Ia Eaubada ena heaheari, bena i helolom. Na em laulau se baaea, abo u matausi; paana elepa nige i bahegaibui, ia Eaubada ena heaheari, ia taulaulau‐baaea abo i hemaisadi.  
\v 5 Arinai ia abo ta awaabiei, maisana abo nige ta hearo, ta awaabiei hinage nua‐abaheduduraina nuaboeada eai, debana eai.  
\v 6 Paana ede teina, omi hinage takisi au mosemosei, ina paisoa ta tauabina, isi hinage Eaubada ena heaheariyao.  
\v 7 Tatao gamagamagari enadi u hemaisadi: takisi au mosei takisi tauabidi aridi eai, eo \f + \fr 13.7 \fq customs \ft maisana.\f* telo au mosei telo tauabidi aridi eai, eo heasisi tataodi au heasisiedi, eo hedebasae tataodi au hedebasaedi.   
\p
\v 8 Tabu tau esau arinai au abiabi hagahaga, na au haigadosisiemiu mo; ia helena‐taumia i gadosisiei laugagaeo i abiheohidio.  
\v 9 Laugagaeona ede ina, tabu u ganaganawari, tau tabu u ai‐unu, tabu u aiyahari, tabu u monumonunu gaibu, tabu ginauri au gado‐lelehiedi, eo laugagaeo gamagamagari laugagaeo esega eai ta se abiesegaidi si ene: “Helem‐taumia tauna u gadosisiei doha oabom u gadosisiuioim.”  
\v 10 Gadosisi kamanina ede, helena‐taumia nige i hebaaea, arinai ede ta ene gadosisi laugagaeo i hemamohoiei.   
\p
\v 11 Ina riba ta abiwataidi paana au nuatui huiana i lagemao bena au eno lautom, na au eno‐toro. Paana abihemaurida i hanahanauma, nige doha nabada wa, huia ne ta nuatuwatabagunai wa.  
\v 12 Maiona nige eawalana abo i ohi, asubena i hanahanauma, ita masigiri abiabidi ta gabaedi, eo marana ena iala nimaabiana ta luidi.  
\v 13 Ta laulau‐komani, doha asubena eai ta laulau, tabu ta aiaisom eo ta nomnomyauyaure, tabu ta matamatae’o eo ta aiaihewahewari, tabu ta lululu eo ta aiaiaromagigiri.  
\v 14 Na omi Guiau Iesu Keriso au lui, tabu buluma ena sorasora au mosei, ena gadosisi baaea tabu au lauwataidi.   
\c 14  
\p
\v 1 Ia sunuma arinai i beruberu, au oiamiyama au awaehaei, na tabu bena au haiawayagara.  
\v 2 Paana tau esau ena sunuma eai i ene ginauri gamagamagari abo i aidi, tau esau i beruberu, arinai sarai i dabudabu.  
\v 3 Tau aiai wa taudabudabu tabu i isugaraei, eo taudabudabu wa tauaiai tabu i hegiru. Paana Eaubada ia tau wa i oiamiyama.  
\v 4 Oa eai tau esau ena tauheaheari u hetala? Ia ana tanuaga mamohoi matana eai i toro e i beu. Mamohoi abo se hetorodidini, Eaubada ia hetorona abina ie ata.   
\p
\v 5 Tau esau i ene asubena esau i sae ariri, tau esau enaba asubena gamagamagari gonogonoadi mo. Tatao gamagamagaridi tau esau, eo tau esau, isibom edi nuatu se nuatudidini.  
\v 6 Ia asubena wa i hetabuei, Guiau arinai i hetabuei; ia asubena nige i hetabuei hinage Guiau arinai nige i hetabuei. Tauaiai Guiau arinai i aiai paana Eaubada i lautoiei; tau dabudabu Guiau arinai i dabudabu, eo Eaubada hinage i lautoiei.  
\v 7 Paana nige tau esau arida eai iabom ena mauri i mauriei, eo nige tau esau iabom ena mate i matei.  
\v 8 Ena ta maumauri, Guiau arinai ta mauri; eo ena ta mamate, Guiau arinai ta mate. Arinai ta mauri, ta mate, ita Guiau enanayao.  
\v 9 Paana hesabana ede Keriso ie mate, eo i toro, eo i maurio tatao matematedi eo tatao maumauridi ia bena edi Guiau eai i lau.   
\p
\v 10 Ue saha em tau u hegiru? Ue saha em tau u isuewaei? Paana ita gamagarida abo ta toro Keriso ena aba‐lauhetala abababawana matana eai.  
\v 11 Doha se uriyao si ene, “Guiau ie riba, doha eau ma‐maurigu ede, turidi gamagamagari abo se turibono nuanuagu eai, eo memenadi gamagamagari Eaubada abo se wasawasaei.” (Is. 45.32.)  
\v 12 Ita gamagarida, tau esau eo tau esau, Eaubada arinai eda laulau abo ta wasawasaedi.   
\p
\v 13 Arinai tabu ita ta haiheduduraiuioida, na teina eda abahedudurai mo ta nuatui, ita tabu aba‐alabesibesi eo abaheguri esau ta tore eda tau esau ena eda eai.  
\v 14 Ea nuatui, eo Guiau Iesu i henuatuigu, nige ginauri esau i bii gaibu; ia mo ena nuatu eai i ene ginauri ie bii, iaede arinai ie bii ede.  
\v 15 Na ena em tau am aiai arinai u henuabaaea, meta nige gadosisi laulauna. Ia debana eai Keriso ie mate wa, am aiai eai tabu u hebaaea.  
\v 16 Em lolo tabu se awa‐baaeaei,  
\v 17 paana ede Eaubada ena basileia aiai nige’e, eo nomnom nige’e, na laulau‐dudurai mo eo loni, eo kode Earua Tabuna boeana eai.  
\v 18 Ia teina ginauri ta aridi eai Keriso i heayaiei Eaubada ia i nualoloei, eo tatao hinage ia se awaloloei.  
\v 19 Loni abahetubuna abiabina ita hesabana ta laulau, eo ginauridi hinage aridi eai tatao ta hesibasibadi.  
\v 20 Aiai sabina Eaubada ana paisoa tabu u hetatagorigori. Mamohoi ginauri gamagamagari se aa, ia mo tauaina ena i ene se baaea, ia arinai abo se hemala baaea.  
\v 21 I lolo sarai u otaotaei, eo waina hinage u otaotaei, eo laulau saha eo saha u otaotaedi, ata debadi eai em tau u healabesibesi, eo u heberuberu.  
\v 22 Sunusunumam oabom nuaboeam eai u abididini, Eaubada matana eai; tau wa i lolo ede ena ia nuana nige i hegiruuioi, ena abiabi e saha eo saha i aiaini, debadi eai.  
\v 23 Na ia nuana i labulabui, ena i aiai abo ana giru, paana sunuma mo debana eai nige i aiai; laulau aisana eo aisana nige sunuma eai se tubuma, isi baaeadi ede.   
\c 15  
\p
\v 1 Ita ta adidiri, tatao beruberu edi megomego eai taba ta lebohaidi, eo itabom tabu ta nuatuuioida.  
\v 2 Ita arida eai, esau eo esau, helena taumia taba i henualolo, ia wa i helolo abo i tubu hinage, sibasibana eai.  
\v 3 Paana Keriso iabom nige i henualolouioi, na doha se uriyao si ene, “Tatao se sagasagariem edi riba‐sagasagari se beuma potagu eai.” (Psa. 69.9.)  
\v 4 Paana uriuri gamagamagari nabada wa se uridio, se uridi eda abalaulauheata ede, ita uriuri tabudi edi henuabiga eo edi henuapaipai aridi eai eda sunuma abo ta lobai.  
\v 5 Nuapaipai eo nuabigabiga Eaubadana, ia abo i henuaesegaimiu au miataubiga doha hinage Keriso Iesu nuana;  
\v 6 omi ma nuamiu esega, eo ma awamiu esega, Eaubada bena au hedebasaei, ia ede eda Guiau Iesu Keriso ia Tamana.   
\p
\v 7 Arinai omibom au hai‐oiamiuioimiu, doha Keriso hinage ita i oiamida Eaubada ena hedebasae eai.  
\v 8 Na ea ’ne Iesu Keriso i hemala Isaraela tataodi edi heaheari, Eaubada ena riba mamohoina bena i hemasaraha eo ribahesunuma wa Tamadayao aridi eai, bena i riba‐hemamohoiedi.  
\v 9 Eo Murimuritataodi hinage Eaubada bena se hedebasae ena nuatoatoa debana eai; doha se uriyao si ene, “Paana ede teina Murimuri‐tataodi boeadi eai eau abo ea wasawasaem eo esam eai hinage abo ea wana.” (Psa. 18.49.)   
\p
\v 10 Hinage i ene, “Omi Murimuri‐tataomiu e, ia ena tataoyao maemiu abo au kodeesega.” (Deu. 32.43.)   
\p
\v 11 Hinage i ene, “Omi Murimuri‐tataomiu e, Guiau au aihelahui; eo omi tatao gamagamagari, ia au hedebasaei.” (Psa. 117.1.)   
\p
\v 12 Eo hinage Isaia i ene, “Iese arinai lamna esau abo i tubuma, ia abo se hetoro Murimuri‐tataodi i tanuagaedi, basileiadi ia abo se sunusunumaei.” (Is. 11.1, 10.)  
\v 13 Eaubada, ia sunuma tauleamana wa, kode maudoina eo loni aridi eai abo i usahemonaumiu, emi sunusunuma aniona, arinai Earua Tabuna ena gigibori debana eai emi sunuma abo i tadada ariri.   
\p
\v 14 Egu tataoyao e, arimiu eai nuagu i taru paana ea nuatui hinage omi lolo au monau boriboriri, hinage headidiriuioimiu abina au atao.  
\v 15 Egu tataoyao e, taiede ea uriuri adiadidiri ta arimiu eai, nuamiu bena abo ea hesaedi, paana ainauia Eaubada i leama arigu eai wa,  
\v 16 arinai eau ea hemala Iesu Keriso ena heaheari Murimuri‐tataodi aridi eai. Eaubada ena evanelia eai eau kohena abiabina abo ea abiabini, Murimuri‐tataodi edi aitalasam eai Eaubada abo se henualolo, ia ede Earua Tabuna i hetabuei.  
\v 17 Keriso Iesu boeana eai, agu paisoa Eaubada enana taba ea riba‐pasipasiei.  
\v 18 Na taba nige saha ea ribaei, meta mo Keriso eau boeagu eai i ginauri, bena Murimuri‐tataodi i heawaabidi, riba eai eo laulau eai,  
\v 19 eo heiheinoidi gigigiboridi, eo noonoodi, Earua Tabuna gigiborina eai, arinai Ierusalema eai, i lau e Iliriko i hetaiiri sigasigana ede, Keriso ena evanelia ea lauguguiaheohi.  
\v 20 Taiede ea aipate bena evanelia ea lauguguiai nei dimodi eai ne Keriso esana sora nige se ataiei, ata esau ena paa potana eai ea tarini.  
\v 21 Na doha se uriyao si ene, “Tatao wa aridi eai ia wasana nige se duai, isi abo se ita; eo sora nige se ataiei, abo se nuatui.” (Is. 52.15.)   
\p
\v 22 Hinage paana ede ma hisa se hemodegu, sora nige ea laowa arimiu eai.  
\v 23 Na teina tupo eai ta dimo gamagamagari ea heohidio, hinage borimai gamagari egu gadosisi lailai bena ea laowa arimiu eai.  
\v 24 Sora ea lau Sipania abo hinage ea laowa arimiu eai; ea henua ea itamiu, metai ma adaugu abo egu dobila eai au hegerugu, na sora ta mia begana, egu amna lolo arimiu eai ea abi.  
\v 25 Abo ina ta ea dobi Ierusalema eai hetabu tataodi ea heayaiedi.  
\v 26 Maketonia eo Akaia tataodi, ma nuaamnadi hetabu tataodi gogogesagesadi Ierusalema eai se ainauiaidi.  
\v 27 Mamohoi nuadi se amna, iaede adi haga se hemaisa. Ena Murimuri‐tataodi Iudea tataodi edi earua ginaurina ainauiana tupona se abi, i lolo hinage isi buluma ginauridi aridi eai se heayaiedi.  
\v 28 Teina paisoa ta ea abiheohi, eo edi ainauia wa wau tatao wa ea mosei aridi eai, abotai egu lau Sipania, abo ea laowa.  
\v 29 Ea nuatui ena ea laowa arimiu eai, ea laowa Keriso ena ainauia lolona eai, hemonauboriboririna eai.   
\p
\v 30 Na egu tataoyao e, ea awanorilaowa arimiu eai, ea ene Guiau Iesu Keriso debana eai, eo Earua ena gadosisi hinage debana eai, omi maeguyao au adidiri emi uura Eaubada arinai, eau enagu.  
\v 31 Isi tauawaawayagara Iudea eai nimadi eai bena se hemaurigu, eo agu paisoa wa Ierusalema eai, hetabu tataodi abo se abi ma nualolodi;  
\v 32 eau Eaubada ena nuatu debana eai bena ea laowa makodegu, eau maemiu abo ta aiyawasi, nuada se gougouai.  
\v 33 Eaubada loni tauleamana, omi gamagarimiu maemiu i mia. Amen.   
\c 16  
\p
\v 1 Ita louda Pibe enana ai ribahesibasibamiu, ia ekalesia Kenekerea eai tauheayaiedi;  
\v 2 ia au oiamihai Guiau boeana eai, doha hetabu tataodi edi laulau, eo ana paisoa aisana aisana ia abo au sagusagui, paana ia tatao gamagamagari tau sagusaguidi ede, eo eau hinage i saguigu.   
\p
\v 3 Perisika eo Akula, helegu taupaipaisoa Keriso boeana eai, ea aitoiedi;  
\v 4 egu mauri debana eai isi edi mauri se torehebiga, isi ea lautoiedi, hinage nige eaubom mo, Murimuri‐tataodi edi ekalesia gamagamagari hinage se lautoiedi.  
\v 5 Hinage ekalesia isi edi numa eai wa, ea lautoiedi. Epaineto, ia ea gadosisiaririei ea aitoiei, ia Asia ealahouna Keriso arinai.  
\v 6 Maria hinage ea aitoiei, boeamiu eai i paisoa adidiri ariri.  
\v 7 Eo Anironiko, eo Iunia, egu eanua tataodi, ea lautoiedi, nabada wa se tutuguduesegaimai, isi aposotolo boeadi eai se sae ariri eo isi Keriso tauataiena bagubagunadi, huia ne eau soragu.  
\v 8 Amepelia, Guiau boeana eai ea gadosisiaririei, ea aitoiei.  
\v 9 Urobano, ada sagu Keriso boeana eai, ea aitoiei, eo Setaku hinage, ea gadosisiei.  
\v 10 Apele ea aitoiei, Keriso ia i nualoloei. Aritobulo ena dodogayao ea lautoiedi.  
\v 11 Eo egu eanua tauna Herodiona ea aitoiei. Isi Narikiso ena dodogayao Guiau boeana eai ea aitoiedi.  
\v 12 Terupaina eo Teruposa isi Guiau arinai se paisoa adidiri, ea aitoiedi. Paresida, ea gadosisiaririei, ia Guiau ana paisoa taupaipaisoa adidiriena, ea lautoiei.  
\v 13 Rupo, Guiau ena tauhinehinerina esau, ma sinana, ia eau sinagu hinage, ea lautoiedi.  
\v 14 Asukirito eo Pelegona, eo Heremese, eo Pateroba, eo Heremasa, eo eda tataoyao isi maedi se miamiaesega wa, ea lautoiedi.  
\v 15 Pilogogo eo Iulia, eo Nerea, eo ia louna hinage, eo Olumepa, eo hetabu tataodi gamagamagari isi maedi se miamiaesega wa, ea lautoiedi.  
\v 16 Alagoi tabuna arinai au haiaitoiemiu. Keriso ena ekalesia gamagamagari omi se lautoiemiu.   
\p
\v 17 Na egu tataoyao e, ea awanorilaowa arimiu eai, ea ene isi boeamiu eai se peilabuimiu eo se woeaponorimiu au itakomakomanidi; riba au ataieyao isi se laugudugudui: au otaotaedi.  
\v 18 Paana isi meta doha eda Guiau Iesu Keriso nige se heayaiei, isi bogadi mo se nuatuidi, edi riba amna eo edi ribapasipasi borabora arinai tatao supusupu se boraboraidi.  
\v 19 Omi emi awaabi tatao gamagamagari se nuatuiyao, arinai omi debamiu eai ea kode; egu nuatu ea ene bena lolo arinai au sonoga, na baaea arinai bena au supusupu.  
\v 20 Eaubada loni tauleawana, nige eawalana Satani abo i ututawatawai aemiu ubudi eai. Eda Guiau Iesu Keriso ena ainauia arimiu eai i ota. Amen.   
\p
\v 21 Timoteo, helegu‐taupaisoa, eo Lukiso, eo Iasona, eo Sosipatela, egu eanua tataodi, se aitoiemiu.   
\p
\v 22 Eau hinage, Teritio, teina leta tauurina ede, Guiau boeana eai ea lautoiemiu.   
\p
\v 23 Gaio, egu aba‐aitaumana eo ekalesia gamagamagari edi aba‐aitaumana, i lautoiemiu, eo Eraseto, eanua ta edi tobo tauitawataina, eo Kwareto hinage, eda tau esau, se lautoiemiu.  
\v 24 Eda Guiau Iesu Keriso ena ainauia omi gamagarimiu arimiu eai i ota. Amen.   
\p
\v 25 Ia arinai, henuapaipaimiu abina i ata, doha egu evanelia eai ea ribaei, eo Iesu Keriso ena lauguguia ribana eai hinage, doha hinage laulau‐eamuyamui se hemasarahamao, ia ede se toreyamui tanoubu ena abatubu eai wa, i laoma e huia ta.  
\v 26 Huia mo ta se hemasarahayama eo peroveta edi uriuri eai, Eaubada mauri nige nosina ena laugagaeo eai, eanua gamagamagari abo se heatadi, sunuma awaabina eai abo ie tubu.  
\v 27 Eaubada arinai, iabom i sonoga, Iesu Keriso debana eai ia se hedebasaei, i lau e ana huia, ana tasi. Amen. \f + \fr 16.27 \ft Korinito eai Roma enadi se uri, Pibe nimana eai se hetamari, ia ekalesia Kenekerea edi heaheari sinena esau.\f*