\id MAT  
\ide UTF8
\h MATAIO 
\toc1 Mataio ena evanelia 
\toc2 Mataio 
\toc3 Mt. 
\mt1 MATAIO ENA EVANELIA  
\c 1  
\p
\v 1 Iesu Keriso, Davida natuna, ia urutubunayao bukana ede.   
\p
\v 2 Aberahama Isaako i hetubu, Isaako Iakobo i hetubu, Iakobo Iuda ma ena tataoyao i hetubudi.  
\v 3 Na Iuda Peresa eo Sera i hetubudi, Tamara arinai i abidi, Peresa Heserona i hetubu, Heserona Rama i hetubu,  
\v 4 Rama Aminadaba i hetubu, Aminadaba Nasona i hetubu, Nasona Salamona i hetubu,  
\v 5 Salamona Boasa i hetubu, Rahaba arinai ie abi, Boasa Obeda i hetubu, Ruta arinai ie abi, Obeda Iese i hetubu,  
\v 6 na Iese Davida i hetubu, ia ede wasawasa.  
\p Davida Solomona i hetubu, Uria monena arinai,  
\v 7 Solomona Rehoboama i hetubu, Rehoboama Abia i hetubu, Abia Asa i hetubu,  
\v 8 Asa Iosapata i hetubu, Iosapata Iorama i hetubu, Iorama Usia i hetubu,  
\v 9 Usia Iotama i hetubu, Iotama Ahasa i hetubu, Ahasa Hesekia i hetubu,  
\v 10 Hesekia Manase i hetubu, Manase Amona i hetubu, Amona Iosia i hetubu,  
\v 11 Iosia Iekonia maena tataoyao i hetubudi, huiana se toaidi se laedi Babulonia eai.   
\p
\v 12 Babulonia eai se laedi wa, murina eai Iekonia Salatiela i hetubu, Salatiela Serubabela i hetubu,  
\v 13 Serubabela Abiuda i hetubu, Abiuda Eliakima i hetubu, Eliakima Asora i hetubu,  
\v 14 Asora Sadoka i hetubu, Sadoka Akima i hetubu, Akima Eliuda i hetubu,  
\v 15 Eliuda Eleasara i hetubu, Eleasara Matana i hetubu, Matana Iakobo i hetubu,  
\v 16 Iakobo Iosepa, Maria monena, i hetubu, arinai abo Iesu, esana Keriso, ie tubuma.   
\p
\v 17 Isidi gamagaridi Aberahama i hetubudi i lau e Davida arinai, isidi saudoudoi‐hasi, eo Davida ena huia eai i lau e se toaidi se laedi Babulonia eai, isidi saudoudoi‐hasi hinage, eo se laedi Babulonia i lau e Keriso arinai, isidi saudoudoi‐hasi.   
\p
\v 18 Keriso edi huia labasina eai doha ede ina: ia sinana Maria Iosepa sora nige i tawasorai, taudi labui sora nige se mia esega, Earua Tabuna ia i heabiabi.  
\v 19 Monena Iosepa ia tau‐laulaududuraina, nige i henua tatao Maria se ita, bena i torehesuarayamuyamui.  
\v 20 Na ena nuatu i nuatudadaasa, enosuai eai Guiau ena aneru i taumasaraha ia arinai i ene, “Iosepa, Davida natuna e, tabu u matausi Maria monem u bodai, na Earua Tabuna ia i heabiabi;  
\v 21 abo i haisu, natuna tau abo i labasi, esana abo u tore Iesu, paana ede tatao, ia enanayao, edi baaea eai abo i hemauridi.”  
\v 22 Teina ginauri gamagaridi ta se tubu, bena Guiau ena riba, peroveta awana eai wa, abo i tubu, doha i ene:   
\pi1
\v 23 “Hage au ita, hasara nuanuasupuna esau abo ie boga, abo hinage i haisu, natuna‐tau abo i labasi, esana abo se tore Emanuela,” (Is. 7.14)  
\m (heaheasonina ede ina, Eaubada maeda.) (Is. 7, 8, 10)  
\v 24 Iosepa eno eai i siliata, abo i toro aneru ena riba wa i lauwatai, monena i woeai,  
\v 25 na sora nige i bodai i lau e natuna‐tau i labasi, abo esana ie tore Iesu.   
\c 2  
\s1 Magoi tataodi se lagema bena Iesu se ita.  
\p
\v 1 Iesu se labasi wa Betelehema eai, Iudea eai, Heroda wasawasa ena huia eai, tatao sonoga headi tupo aruabu eai se laoma, Ierusalema eai se lage si ene:  
\v 2 “Iudea edi wasawasa se labasiyao ia ede haedi? Tupo aruabu eai ena ipola ai itayao, ai laoma ia bena ai aihelahui.”  
\v 3 Heroda wasawasa riba wa i ataiei aruana ie loi, eo Ierusalema gamagamagari maenayao;  
\v 4 ia kohena lailaidi eo tatao edi tau‐uriuri gamagamagari i heoigogoidi i hetalaidi, Keriso haedi eai abo se labasi.  
\v 5 Ia se heriba si ene, “Betelehema eai, Iudea eai, paana peroveta esau ie uri ina doha:   
\pi1
\v 6 ‘Na oa Betelehema e, Iuda oeana eai ta, nige u gagiri ariri wasawasa Iuda aridi eai, paana ede oa guaguam eai Tanuaga abo i laoma, egu tataoyao Isaraela abo i tanuagaidi.’” (Mi. 5.2)   
\p
\v 7 Heroda sonoga tataodi wa abo i eogamahimahihiedima, ipola edi huia itana wa i oimurikomakomanidi;  
\v 8 abo i hetamaridi se lau Betelehema, i ene, “Au lau kaimou wa au eooi komakomani, ena au lobai au uioma au heribagu, abo hinage ea lau ia ea aihelahui.”   
\p
\v 9 Wasawasa arinana se ataiei nonohai, abo se lau ipola wa tupo aruabu eai se ita wa, i eda‐bagunaedi, i lau e kaimou wa ena abamia potana eai i alasi.  
\v 10 Isi ipola wa se ita abo se kode, se kode ariariri;  
\v 11 na se lage numa alona eai, kaimou wa se ita, ma sinana Maria, arinai se tabaohu‐dobi ia se aihelahui. Edi ginauri se abihemasarahadi ia se ainauiai, \tl gold,\tl* eo muramurapanepane, eo muro.  
\v 12 Enosuai eai Eaubada i ribahesanapuedi tabu se uio Heroda arinai, to se uio edi eanua hari dobila eai.   
\p
\v 13 Isi se lauo, na aneru enosuai eai i taumasaraha Iosepa arinai i ene, “U torohai, kaimou me ma sinana u laedi, u dagoedi Aigupito eai, nei eai au mai i lau e abo ea heribam; paana Heroda kaimou me i eooi bena i unui.”  
\v 14 Ia abo i torohai, kaimou ma sinana maiona eai i woeaidi, i laedi Aigupito eai,  
\v 15 nei eai se mia i lau e Heroda ie mate. Arinai Guiau ena riba i ribaei wa peroveta awana eai, abo se hemamohoiei, si ene, “Aigupito eai natugu‐tau ea eogaiyama ede.”   
\qr (Hos. 11.1).  
\p
\v 16 Heroda abo i nuatu‐lobai, tatao sonoga omi‐hede se borai, abo i ouyalayala ariri, tatao headi i hetamaridi se lau Betelehema eo se tauhetaiiri, merumeru‐tatao gagiridi se unuidi, isi edi borimai labui, eo gamagaridi hinage edi borimai sora nige se helabui, lahinai i oimuri komakomani wa tatao sonoga aridi eai.  
\v 17 Abotai riba wa peroveta Ieremia i ribaei wa, se hemamohoiei, doha i ene:   
\q1
\v 18 “Rama, eanuana eai dou gurumoana ie sae, se ataiei,  
\q1 Rahela nanatunayao doudi ie dou,  
\q1 ia taba nige nuana i biga  
\q1 paana se tauyamui‐aririo.” (Iere 31.15)   
\s1 Aigupito eai se uio Nasareta  
\r Lk. 2.39, 40  
\p
\v 19 Na huiana Heroda i mateo, Guiau ena aneru Iosepa enosuai eai i taumasaraha, Aigupito eai, i ene,  
\v 20 “U torohai, gama gagirina me ma sinana u woeauioidi u laedi Isaraela oeana eai, isi gama gagirina se eooi bena se unui wa se mateo.”  
\v 21 Ia abo i torohai, gama gagirina wa ma sinana i woeaidi Isaraela oeana eai se laoma.  
\v 22 Ia wasa i ataiei Arekelao, Heroda natuna, tamana i helaudamai, ia ede wasawasa Iudea eai, bena i uio nei eai na i matausi; abo Eaubada enosuai eai i ribahesanapuei, arinai i lausuara Galilaia tehana eai.  
\v 23 Ia abo i lage eanua esana Nasareta, arinai se mia, arinai ede peroveta edi riba esau se hemamohoiei, doha si ene, “Ia abo se ribaei Nasanasareta.”   
\c 3  
\s1 Ioane Bapatiso ana wawari  
\r Mk. 1.3-8; Lk. 3.2-7; Io. 1.6-8, 19-28  
\p
\v 1 Nei asubenadi ne Ioane Bapatiso i laoma, Iudea barbarana eai i laulauguguia,  
\v 2 ena ribariba i ene, “Nuamiu au buidi, galewa basileiana i hanahanaumao.”  
\v 3 Ia ede teina Isaia peroveta ie ribaei wa i ene:  
\q1 “Esau arinana barabara eai i eogaeoga, i ene,  
\q1 Guiau ena eda au abihetoanonohai,  
\q1 ena dobila au heduduraidi.” (Is. 40.3.)   
\m
\v 4 Ioane ana lulu kamela wuiana, ana auduaduari sarai opina ie lio; ana aiai madimadi eo amoamo nuura eai se lobai.  
\v 5 Ierusalema tataodi eo Iudea tataodi gamagamagari se lau ia arinai, eo Ioridano hasarina taumiaidi hinage,  
\v 6 na Ioridano sagana eai ia i bapatisoidi, isi edi baaea se ribahemasarahadi.   
\p
\v 7 Ia abo Parisea eo Sadukea gamagaridi i itadi ena bapatiso hesabana se laoma, i ribalau aridi eai i ene, “Mota nanatudiyao e! Eai i heribanonohaimiuo ouyalayala i laolaoma bena au dagoei me?  
\v 8 Nuabui uauana au hemasarahadi,  
\v 9 na tabu emi nuatu ina doha au ene, ‘Aberahama ai tamamai ede’; ea heribamiu Eaubada abina i ata ina we’u eai ta Aberahama nanatunayao i hetubudi.  
\v 10 Abo‐ina ilama se toreyao oeagi paadi eai, oeagi gamagaridi uadi nige se lolo abo se oiheguridi, se gabalaedi oeagi alaalasina boena eai.   
\p
\v 11 “Mamohoi eau goila eai ea hebapatisoimiu ta emi nuabui eai, na ia murigu eai i laoma ia mo i sae ariri ede, eau nige ea lolo ia ena ae‐um ea baheidi; ia Earua Tabuna ma‐alaalasina arinai abo i hebapatisoimiu.  
\v 12 Ena tapitapi nimana eai, ena \f + \fr 3.12 \ft wheat.\f* sitona ena aba‐tapitapi matuna abo i tapitapi komakomani, sitona aiaina abo i tanogogoi i tore ena sanara eai, wenudi wa abo i gabu oeagi alaalasina eai, i lau e nige nosina.”   
\s1 Iesu se hebapatisoi  
\r Mk. 1.9-11; Lk. 3.21, 22; Io. 1.31-34  
\p
\v 13 Iesu abotai Galilaia eai i laoma Ioridano eai, Ioane arinai, ia bena i hebapatisoi.  
\v 14 Ioane bena i ribanuahi, i ene, “I lolo taba oa mo u hebapatisoigu, u laoma arigu eai, wa?”  
\v 15 Na Iesu ena riba i heuio i ene, “Taiede ta lauwatai; i lolo bena laulau dudurai gamagamagari ta abi‐heohidi.” Arinai abo ie eari.  
\v 16 Iesu se hebapatiso‐nonohaiyao, ma‐esega goila eai i gaeosaema, galewa abo i taigari ia matana eai, Eaubada ena Earua ie ita i dobima doha bunebune, ie toa ia potana eai;  
\v 17 arina esau galewa eai i ribama, i ene, “Natuyogoyogoigu ede ina, ia arinai nuagu i lolo ariri.”   
\c 4  
\s1 Iesu se nohoi  
\r Mk. 1.12; Lk. 4.1-13; Gen. 3.6  
\p
\v 1 Earua Iesu abo i woeai barabara eai, diabolo ia bena i nohoi.  
\v 2 Asubena tatao‐labui‐se‐mate eo maiona tatao‐labui‐se‐mate i aiudi, abo i guriam.  
\v 3 Taunoho wa abo i laoma ia arinai i ene, “Ena oa Eaubada Natuna, teina we’u ta u heribadi abo se hemala \f + \fr 4.3 \ft bread.\f* areto.”  
\v 4 I ribalau i ene, “Se uriyao si ene,  
\q1 ‘Tau taba nige areto eai mo i mauri,  
\q1 na riba gamagamagari eai hinage Eaubada awana eai se laoma.’” (Deu. 8.3).   
\m
\v 5 Diabolo ia abo i woeai i laei eanua tabuna eai, i hetoro dubu lailai isu saesaena eai,  
\v 6 abo i heriba i ene, “Ena oa Eaubada Natuna, hage u gabodobem; doha se uriyao si ene,  
\q1 ‘Ena aneru i hetorodi se itawataim;’  
\m eo  
\q1 ‘Nimadi eai abo se abiisinim,  
\q1 ata aem u hetupanei we’u eai.’”   
\qr (Psa. 9.11, 12).  
\m
\v 7 Iesu abo i ribalau i ene, “Hinage se uriyao si ene, ‘Guiau em Eaubada tabu u nohoi.’”  
\v 8 Hinage diabolo ia abo i woeai i laei oea tupi lohaloha‐aririna eai, tanoubu basileia gamagamagari ia i heita, itaitadi se lolo ariri;  
\v 9 na i heriba i ene, “Teina ginauri gamagamagari ta abo ea lediwa, ena u tabaohuiguma, u aihelahuigu.”  
\v 10 Iesu abo i ribalau ia arinai i ene, “Satani e, u lausuara! se uriyao si ene,  
\q1 ‘Guiau em Eaubada iabom taba u aihelahui mo, ia iabom u heaeaiei ede.’”   
\m
\v 11 Arinai abo diabolo ia i laugabaei, abotai aneru se laoma se bobodiei.   
\s1 Iesu Kaperanauma eai i lage, ana wawari i hetubu  
\r Mk. 1.14; Lk. 4.14, 15  
\p
\v 12 Iesu wasa i ataiei Ioane se toai se laei numamasigiri eai, abo i torohai i lau Galilaia;  
\v 13 Nasareta i laugabaei i laoma Kaperanauma eai ie mia, gabogabo hasarina eai, Sebulona eo Napatali edi oea sigasigadi eai,  
\v 14 bena riba Isaia peroveta i ribaei abo se lauhetubu, i ene ina doha:   
\q1
\v 15 “Sebulona oeana eo Napatali oeana,  
\q1 teha gabogabo, Ioridano hari tehana eai,  
\q1 Galilaia, Murimuri‐tataodi enadi wa:   
\q1
\v 16 tatao, masigiri boeana eai se babawa,  
\q1 marana lailai se ita,  
\q1 isi hinage mate tehana eai se bawa, eo mate loguloguna eai, aridi eai mara i iuyari.”   
\m
\v 17 Nei huiana ne Iesu i lauguguia hetubu, i ene, “Nuamiu au buidi, paana galewa basileiana ede i hanahanaumao.”   
\s1 Petero maena Anederea edi eoga  
\r Mk. 1.16-20; Lk. 5.2-11  
\p
\v 18 Iesu i tautausi Galilaia gabogabona hasarina eai, tataoyao labui i itadi, esau Simona, iaede esana se ribaei Petero, eo ena tau Anederea, hiana se galaei gabogabo eai; paana isi tauyamayama.  
\v 19 I heribadi i ene, “Au hemuriwataiguma, abo ea hetoromiu au hemala tauyama, tatao abo au aitoa.”  
\v 20 Maesega edi hiana se laugabaedi, ia se lauwatai.  
\v 21 Abo i laulau e, tau esau maena doga ie itadi, Iamesi Sebedaio natuna, eo ena tau Ioane, taudi labui ma tamadi, isi waga eai, edi hiana se eoma, na i eogaidi.  
\v 22 Maesega edi waga eo tamadi wa se laugabaedi, ia se lauwatai.   
\p
\v 23 Iesu Galilaia i lauhetaiiri, edi sunago alodi eai i laulauheata, basileia evaneliana i lauguguiai, tauaiaiiwala gamagamagari hinage tatao boeadi eai, i hemauridi.  
\v 24 Arinai ia wasana i tadada i lau e Suria i hetaiiri, tau‐asiasiebo gamagamagari, eo headi hari iwala, hari amamna, se hearodi se woeaidima ia arinai to i hemauridi.  
\v 25 Moutuadi lailai ia se lauwatai, Galilaia eai se laoma, eo Ierusalema hinage, eo Iudea, eo Ioridano hari teha eai.   
\c 5  
\s1 Oea tupi eai guguiana  
\r Lk. 6.20-49  
\s1 Ribahewoiwoina.  
\p
\v 1 Moutuadi wa i itadi, i dalasae oea, eai i bawabigabiga ena heaheatayao abo se laoma ia arinai.  
\v 2 Awana i dabari i heatadi, i ene:   
\p
\v 3 “Tatao se nuatudobidobiuiodi nuadi abo se kode, galewa basileiana isi enadi.   
\p
\v 4 “Isi taunuanuadubu nuadi abo se kode paana ede abo se henuabigadi.   
\p
\v 5 “Tatao iila‐lolololodi nuadi abo se kode tanoubu abo se abi enadi.   
\p
\v 6 “Isi laulau‐dudurai arinai se guriam eo gadodi se magu, nuadi abo se kode, abo bogadi se sese.   
\p
\v 7 Isi taunuatoatoa nuadi abo se kode, paana ede isi hinage abo se nuatoatoaidi.   
\p
\v 8 “Isi tau‐nua’aa’aa nuadi abo se kode, isi Eaubada abo se ita.   
\p
\v 9 “Isi taulaulaubiri nuadi abo se kode, isi abo esadi se ribaedi Eaubada nanatunayao.   
\p
\v 10 “Isi laulau dudurai debana eai se hebaaeadi, nuadi abo se kode galewa basileiana isi enadi.   
\p
\v 11 “Taba tatao se isugaraemiu, eo se hebaaeamiu eo wasamiu gamagaridi se hebaaeadi, se bora‐auridi, eau debagu eai, nuamiu abo se kode.  
\v 12 Au kode, abo au kode ariri, emi maisa galewa eai ie lai, peroveta se mugamugaiemiu, isi hinage se hebaaeadi doha nei.   
\s1 Tauataiena se heaheasoniei  
\r Mk. 4.21-23; Lk. 8.16-18  
\p
\v 13 “Omi tanoubu aritana; na taba arita i gouai edoha ena heahearitana? Abo nige ana abi, se gabaei mo, tatao abo se ututawatawai.   
\p
\v 14 “Omi tanoubu marana. Eanua oea tupina eai se hetoro taba nige i tauyamui.  
\v 15 Hinage lamepa nige se healasi abo gulewa eai se hebuitawai, se tore lamepa ena aba‐ota eai, abo tatao gamagaridi numa alona eai i hemaradi.  
\v 16 Hinage doha emi mara au hesinadi tatao matadi eai, emi abi lolodi se itadi arinai abo Tamamiu galewa eai se hedebasaei.   
\s1 Keriso ena nuatu laugagaeona arinai.  
\p
\v 17 “Tabu emi nuatu au ene ea laoma ta laugagaeo eo peroveta ea hebaaeadi; nige ea laoma ta ea hebaaeadi, ea hemamohoiedi mo.  
\v 18 Mamohoi ea heribamiu ta, galewa eo tanoubu abo se lautom, \tl iota\tl* esau eo riba gagiri‐konekonena esau laugagaeo eai, taba nige se lautom, i lau e ginauri gamagamagari so hemamohoiheohidi.  
\v 19 Ena tau esau teina laugagaeo ta gagirina esega i utusi, eo tatao i heatadi se utusi, ia abo se ribadobedobei galewa basileiana eai; na ena tau esau i lauwataidi eo i heatadi, ia abo se riba‐tausaei galewa basileiana eai.  
\v 20 Ea heribamiu ta ena emi laulau dudurai, tau‐uriuri eo Parisea edi laulau dudurai nige se hemuridi, taba nige au lusora galewa basileiana eai.   
\p
\v 21 “Au ataieyao tatao mumuga eai wa se heribadi si ene, ‘Tabu u aiunu; (Exod. 20.13) taba esa, esa i aiunu se laei aba‐hekiraino eai.’  
\v 22 Eau ea heribamiu ea ene taba esa, esa ena tau esau i ouyalayalaei mo, ia hinage taba se laei aba‐hekiraino eai; eo esa, esa ena tau i \f + \fr 5.22 \ft Raka, Heleni edi riba baaea esau.\f* riba‐hebaaeaei, ia taba se laei Sunederi matadi eai, eo esa, esa i ene, ‘Yauyaurem!’ ia taba Gehena alaalasina i matausiei.  
\v 23 Ena taba em ainauia u peiauri dubu hatahatana tabuna eai, arinai abo nuam i sae eham esau u hebaaea,  
\v 24 em ainauia wa ue tore hatahata tabuna nuanuana eai, sora u laugabaei, u lau ma‐eham au hainuabiga baguna, abotai abo u laoma em ainauia u mose.  
\v 25 Em tau u heyalaei wa maidam au hainuabiga heuheula, sora dobila eai taumi labui au laulau esega lauhetala hesabana; ata em tau u heyalaei wa i laem tauhedudurai arinai, tauhedudurai abo i mosem tauitaitawata arinai, oa abo se tutuguduim.  
\v 26 Mamohoi ea heribam ta, taba nige u lulagema i lau e sora em pene u hemaisaheohidi.   
\p
\v 27 Au ataieyao tatao mumuga eai si ene, ‘Tabu u ganaganawari.’ (Exod. 20.14).  
\v 28 Na eau ea heribamiu ta ea ene taba tau esau sine esau i italau i lelehiei, ia nuana eai i ganawario.  
\v 29 Ena mata tutum i hegurim u lamohai, u gabahesuara; i lolo matam esega u hebaaea, ata ma‐taum i ohihai abo se gabalaem Gehena eai.  
\v 30 Ena nima tutum i hegurim u tomgabaei; i lolo nimam esega u hebaaea, ata ma‐taum i ohihai abo se gabadobem Gehena eai.   
\s1 Iesu inawase ribana i ribaei.  
\r Mt. 19.3-11; Mk. 10.2-12; 1 Kor. 7.10-15  
\p
\v 31 “Hinage si ene, ‘taba esa, esa monena i gegebiei, abo ena inawase pepana i mosei.’ (Deu. 24.1)  
\v 32 Na eau ea heribamiu ta ea ene, ena tau esau monena i gegebiei, sine wa nige i ganaganawari, arinai abo sine wa i heganaganawari; eo esa, esa sine se gegebiei wa i tawasorai, ia hinage abo i ganaganawari.   
\p
\v 33 “Hinage au ataieyao isi mumuga tataodi si ene, ‘Tabu au aigora borabora, (Exod. 20.7) na emi aigora Guiau arinai abo au hemamohoiei’,  
\v 34 Na eau ea heribamiu ta ea ene, Tabu au aigora, tabu galewa arinai, Eaubada ena terona meta,  
\v 35 tabu tanoubu arinai, aena ana bou meta, tabu Ierusalema arinai, wasawasa lailai ena eanua meta.  
\v 36 Tabu u aigora urum arinai, nige abina u ata maiawana esega u heposiposi e u hedubaduba.  
\v 37 Em riba u ribaei mo u ene ‘E, E, e Nige’e, Nige’e,’ ina u helaidi ede baaea arinai i tubuma.   
\p
\v 38 “Au ataieyao isi si ene, ‘Mata helena mata maisana, mo’a helena mo’a maisana;’ (Ex. 21.24)  
\v 39 Na eau ea heribamiu ta ea ene, tau baaea i hebaaeam tabu u hemaisa; esa eo esa parea‐tutum ie wai, u sinibui parea esau hinage u mosei;  
\v 40 ena tau esau i woeaim tauhedudurai matana eai em pereue bena i abi, em pereue lohaloha u mosei hinage;  
\v 41 taba esau i hetaladuim i ene u laoma ta lau maila esega, besi maila labui maem au lau.  
\v 42 Tau esau saha i aiboda arim eai u mosei, esau saha bena i sagenai tabu u otaotaei.   
\p
\v 43 “Au ataieyao si ene, ‘Helem‐taumia u gadosisiei (Lev. 19.18) na em waiunu u aiouei.’  
\v 44 Ea heribamiu ta ea ene, Emi waiunu au gadosisiedi, isi se hebaaeamiu; eo se heamamnamiu, enadi au lau‐uura,  
\v 45 arinai abo Tamamiu galewa eai nanatunayao omi; ena mahana i hesina tatao baaea eo tatao lolo potadi eai, eo nabu i hetaru taulaulau‐dudurai eo taulaulaugewagewa potadi eai.  
\v 46 Taba taugadosisiemiu mo au gadosisiedi, emi lolo saha? \f + \fr 5.46 \ft Isi ede takisi‐tautano, abi‐gaibu tataodi.\f* Telona tataodi meta doha se abi, e nige’e?  
\v 47 Taba ehamiuyao mo au aitoiedi, edohana tatao headi au hemuridi? Murimuri‐tataodi isi hinage se abi doha nei, e nige’e?  
\v 48 Omi bena au lolo‐esegaimiu, doha Tamamiu galewa eai i lolodumaduma.   
\c 6  
\s1 Guguia oea‐tupi eai wa, se laelaei.  
\p
\v 1 “Au komanimiu emi laulau duduraidi nige au abidi tatao matadi eai, bena se itamiu; ata nige maisana au abi Tamamiu galewa eai wa arinai.   
\p
\v 2 “Em ainauia u mosei, tabu bogigi u iuhi nonohai, doha tatao borabora sunago alodi eai, eo dobiladi eai, bena tatao se itadi eo se hedebasaedi. Mamohoi ea heribamiu ta, isi maisana se abiyao.  
\v 3 Na oa taba u ainauia, nima‐tutum ena abiabi tabu nima‐seuseurim i ita,  
\v 4 arinai em ainauia abo u mosemodigaui; Tamam i ita‐modigauiyao ia abo i hemaisa.   
\p
\v 5 “Ena u uura hinage, tabu oa doha tatao borabora; paana isi edi gadosisi bena se totoro se uura sunago alodi eai, eo dobila konadi eai, tatao bena se itadi. Mamohoi ea heribamiu ta, isi maisadi se abiyao.  
\v 6 Na oa ena u lau‐uura, u lulau em biriutusi alona eai, dobila abo u gudu, u lau‐uura Tamam i mia‐modigau arinai; eo Tamam i ita‐modigaui, abo i ainauiaim.   
\p
\v 7 “Au laulau‐uura wa, tabu riba nige aniodi au ribaedi mo, doha hinage Murimuri tataodi; isi edi nuatu si ene riba se hegamagari abo se ataiei.  
\v 8 Omi tabu doha isi, sora nige au aiboda, Tamamiu i nuatuiyao abi saha, abi saha lolodi bena au abidi.   
\s1 Uura mamohoi tautauna  
\r Lk. 11.1-13  
\q1
\v 9 “Ina doha au uura, au ene:  
\q1 Tamamai e, galewa eai,  
\q1 Esam se hetabuei,   
\q1
\v 10 Em basileia bena i laoma,  
\q1 Em nuatu tanoubu eai ta bena se lauwatai  
\q1 Doha galewa eai laulauna,   
\q1
\v 11 Aiai ama wau‐ta u leama;   
\q1
\v 12 Ema baaea u nuatugabaedi,  
\q1 Doha hinage ai, tauhebaaeamai edi baaea ai nuatugabaedi;   
\q1
\v 13 Ena noho ai hearo tabu u hesagugabaemai,  
\q1 Na baaea eai mo u hesaguhaimai.  
\q1 (Basileiana enam, gigiborina enam, tepo saesaena enam, ana huia, ana tasi, Amen.)   
\m
\v 14 Ena tatao edi baaea au ribagigiridi, Tamamiu galewa eai omi emi baaea abo hinage i ribagigiridi;  
\v 15 ena tatao edi baaea nige au ribagigiridi, Tamamiu omi emi baaea hinage taba nige i ribagigiridi.   
\p
\v 16 “Hinage taba au aiudi tabu omi doha tatao borabora matadi se welawelai, adi ao hinage se hebaaeadi, tatao, bena se itadi se aiudi. Mamohoi ea heribamiu ta, edi ainauia se abiyao.  
\v 17 Na oa taba u aiudi, urum u heyausi, u mata bui hinage,  
\v 18 tatao taba nige bena se itam u aiudi wa, Tamam iabom ena abamiamodigau eai bena i itam; Tamam wa i itamodigaui abo i ainauiaim.   
\s1 Gogo lauheatana: basileia laugagaeona.  
\p
\v 19 “Emi gogo tabu au peigogoidi tanoubu eai ta, inai manumanu eo masi abo se hebaaeadi, eo tauaiaiyahari se lopa abo se aiyahari,  
\v 20 na emi gogo galewa eai mo au peigogoidi, nei eai manumanu eo masi nige se hebaaeadi, eo hinage tauaiaiyahari nige se lopa se aiyahari.  
\v 21 Emi gogo abatoredi ede, nuamiu abo hinage nei eai.   
\p
\v 22 “Tauda lampana ede mata. Arinai ena matam i lau dudurai esega, taum i ohihai abo i mara gudui;  
\v 23 taba matam i baaea, taum i ohihai abo i masigiri gudui. Taba marana boeam eai i masigiri, abo i masigiri dumaduma meta!   
\p
\v 24 “Nige tau esau abo tanuaga labui i heaeaiedi; esau abo i hewaiunuei, esau i gadosisiei, e esau i nuatuaririei, esau i isuewaei. Eaubada eo mamona taba nige au heaeai‐esegaidi.   
\s1 Eda dobila se lau baaea: ta ene Tamada i nuatuida.  
\p
\v 25 “Arinai ede ea heribamiu ta, tabu maurimiu au nuatudaoiei, saha abo au ai, saha abo au nom, saha abo au lui. Mauri mo i sae, aiai nige’e, tau hinage i sae, lulu nige’e, wa?  
\v 26 Galewa manudi hage au itadi: nige adi se uma, nige se lau‐oea, eo nige edi sanara, taiede Tamamiu galewa eai i heaidi. Omi isi au saetawatawaidi, e nige’e?  
\v 27 Omi esau taba i nuatudaoi, eai abo ena mauri huiana i heloha kubita esega?  
\v 28 Eo saha lulu au nuatudaoiei? Oea baiobaiodi hage au nuatuidi, isi nige se paisoa, nige se lulu‐haturi;  
\v 29 hinage ea heribamiu ta, Solomona ana pasa lolodi eai ana ao nige i lolo doha hinage isi.  
\v 30 Taba Eaubada ina doha oea leidi i heluidi, wau ie ota, maraitom se gabu um boeana eai, omi abo nige i heluimiu wa, sunuma gagiri tataomiu e?  
\v 31 Arinai ede tabu emi nua‐mode au ene, ‘Saha abo ai aidi?’ e ‘Saha abo ai nomdi?’ e ‘Saha abo ai luidi?’  
\v 32 Teina ginauri gamagamagari ta Murimuri‐tataodi se eooyooidi ede; Tamamiu galewa eai i itayao teina ginauri gamagamagari ta nige au abidi.  
\v 33 Na Eaubada ena basileia au eoobagunai, eo ena laulau‐duduraina hinage, abotai abo wau ginauri gamagaridi wa se heoiesegaidiwa.   
\p
\v 34 “Tabu maraitom enana u modei, sora maraitom iabom enana abo gonoana, maraitom ena baaea saha maraitom abo u nuatui.   
\c 7  
\p
\v 1 “Tabu u hegihegiru, ata oa hinage se hegirum.  
\v 2 Giru wa arinai u hegiru arinai oa abo hinage se hegirum, eo nonoi wa arinai u nonoiei abo hinage se nonoiyawa arim eai.  
\v 3 Ue saha muari u ita em tau matana eai, na oeagi oa matam eai nige u nuatui?  
\v 4 Hinage edoha em ribariba em tau arinai u ene, ‘Muari matam eai me bena ea abihai,’ na oeagi sora oa matam eai ie ota?  
\v 5 Oa tauboraborasom, oeagi oa matam boeana eai u abihai bagunai, arinai abo u ita‐loloei em tau matana muarina abo u abihai.   
\s1 Uura lauheatana  
\r Lk. 11.1-13  
\p
\v 6 “Ginauri tabuna tabu u mosei kedewa aridi eai, hinage tabu em giniuba matamatapoudi u gabaedi sarai aridi eai, ata aedi eai, se utu‐tawatawaidi, abo se sinibui se letaim.   
\p
\v 7 “U aiboda, abo se leawa; u eoo, abo u lobai; u ipeipesi, dobila guduna abo se soeawa.  
\v 8 Paana ia i aiaiboda abo i abi, eo ia i eoo abo i lobai, eo ia i ipeipesi ia arinai abo se soe.  
\v 9 Aitea tau arimiu eai, taba natuna falawa i aiboda, we’u abo i mosei, wa?  
\v 10 Taba eama i aiboda, mota abo i mosei?  
\v 11 Taba omi, baaea tataomiuyao, abidi au atao ainauia lolodi au mosedi nanatumiuyao aridi eai, Tamamiu galewa eai iabom ginauri lolodi abo i mosei tauaiaiboda aridi eai, e nige’e?  
\v 12 Abiabidi gamagamagari u henua tatao se abidi arim eai, doha nei hinage u abidi isi aridi eai; teina ta laugagaeo eo peroveta ribadi ede.   
\s1 Dobila labui  
\r Sal. 1  
\p
\v 13 “Au lusoralau dobila gagirina arinai; paana dobila sorasorana ie lai, eo edana i magaga i lau e mate arinai, tatao gamagaridi abo se lulagelau arinai.  
\v 14 Paana ede abalusoralauna i ahiahi, eo eda sausauaina mo i lau e mauri arinai, tatao hisahisawaidi mo se lobai.   
\p
\v 15 “Peroveta borabora au komanidi, se laowa arimiu eai adi lulu mamoe uiadi, boeadi eai doha \f + \fr 7.15 \ft English eai si ene \fq wolves.\f* luko aiailetadi.  
\v 16 Uauadi arinai abo au italobaidi. Malanurinuri eai tatao abo vine se abidi wa? eo popohauhau eai abo kuhou hinage se gigidi, wa?  
\v 17 Iaede, oeagi lolodi uaua lolodi se toredi, na oeagi baaeadi uaua baaeadi se toredi.  
\v 18 Oeagi lolona uaua baaeana taba nige i tore, oeagi baaeana hinage uaua lolona taba nige i tore.  
\v 19 Oeagi gamagaridi esau eo esau uaua lolodi nige se toredi se oiheguridi, abo se gabalaedi oeagi alaalasina boeana eai.  
\v 20 Arinai ede, uauadi eai abo au italobaidi.   
\s1 Iesu ta ribaribaei to nige ta sunumawatai, i baaea.  
\p
\v 21 “Isi gamagaridi arigu eai si ene, ‘Guiau e, Guiau e,’ headi taba nige se lusora galewa basileiana eai, na iabom mo Tamagu galewa eai i mia ena nuatu i ginauriwatai.  
\v 22 Nei asubenana ne gamagaridi abo se ribalaoma arigu eai si ene, ‘Guiau e, Guiau e, ai ede esam eai ai riba‐peroveta e nige’e, wa? Esam eai demoni ai aiduiedi e nige’e, wa? Esam eai laulau gigiboridi ai ginauridi e nige’e, wa?’  
\v 23 Abo ea riba masaraha aridi eai ea ene, ‘Eau ea hekaumiu; omi baaea tauabidi, au lausuaraegu.’   
\s1 Numa aba‐tore labui  
\r Lk. 6.47-49  
\p
\v 24 “Esa eo esa teina egu riba ta i ataiedi, eo i lauwataidi, ea ene ia doha tausonosonogana esau, ena numa malamalatete potana eai i hetoro;  
\v 25 nabu abo ie taru, eo abaita ie didi, eo mana ie toa, numa wa ie eai, nige i guri, paana ede malamalatete potana eai se hetoro.  
\v 26 Esa eo esa teina egu riba ta i ataiedi, eo nige i lauwataidi, abo se heaheasoniei ia tauyauyaurena, ena numa malageregere eai mo i hetoro;  
\v 27 nabu abo ie taru, eo abaita ie didi, eo mana ie toa, numa wa ie eai, abo ie guri; i tatagorigori ariri.”   
\p
\v 28 Iesu teina riba ta i riba lautom, tatao ena guguia se nooei,  
\v 29 paana ede i heatadi ena riba ma gigiborina, nige doha tau‐uriuri tataodi.   
\c 8  
\s1 Iesu lepera tauna i hemauri  
\r Mk. 1.40; Lk. 5.12-14  
\p
\v 1 Ia oea eai wa ie leta ie dobi, moutuadi lailai se hemuriwatai;  
\v 2 lepera tauna esau i laoma ia arinai, i turibono ia matana eai, i ene, “Guiau e, ena u henua, oa abina u ata u heaagu.”  
\v 3 Iesu nimana i loloilaei, tau wa i abiita, i ene, “Ea henua, oa abo u aa.” Maesega ana lepera ie uru.  
\v 4 Iesu ia i heriba i ene, “Tabu tau esau arinai u wasawasaei; u lau mo kohena arinai, ainauia Mose i ribaei wa u mosei, laulau ta u hemasaraha aridi eai.” (Lev. 14.4).   
\s1 Iesu kenturion ena heaheari i hemauri  
\r Lk. 7.10  
\p
\v 5 Ia abo i lulage Kaperenauma eai, kenturion esau i laoma ia arinai, i awanoridaoi,  
\v 6 i ene, “Guiau e, Tauheaeaiegu numa eai ie ota i palisi, tauna se amamna ariri.”  
\v 7 Iesu ia i heriba, i ene, “Ea laowa, abo ea hemauri.”  
\v 8 Kenturion i ribauio i ene, “Guiau e, eau nige ea lolo bena u laoma egu numa alona eai: em riba mo u ribaei, to egu heaeai tauna abo i mauri.  
\v 9 Eau hinage tanuaga esau ea heaeaiei, eo hinage tauiala tanuagadi ede eau: tau esau ea heriba ea ene, ‘U lau,’ abo i lau: ea heriba ea ene, ‘U laoma,’ abo i laoma: egu heaeai tauna arinai ea ene, ‘U ginauri,’ abo i ginauri.”  
\v 10 Ena riba Iesu i ataiei ie noo, isi taulauwataina i heribadi i ene, “Mamohoi ea heribamiu ta, nige sunuma doha ina ea ita, Isaraela eai nige esau doha.  
\v 11 Ea heribamiu ta, tatao gamagaridi teha aruabu, eo teha eahala abo se laoma maedi Aberahama, eo Isaako, eo Iakobo se bawabigabiga galewa basileiana eai.  
\v 12 Na basileia nanatunayao masigiri ariariri boeana eai abo se gabalaedi, nei eai abo se doudou, eo gadigadidi se taburuyahisidi.”  
\v 13 Iesu kenturion i heriba, i ene, “U lau, em sunuma wa abo ie tubu.” Ena heaeai tauna edi huia ribariba eai ne ie mauri.   
\s1 Iesu, Petero bosiana sine i hemauri  
\r Mk. 1.29-34; Lk. 4.38-41  
\p
\v 14 Abotai abo Iesu i lagema Petero ena numa eai, ia bosiana i ita ie ota, tauna se gigibori ariri.  
\v 15 Ia nimana i abiitalaei, ena gigibori i lautom: abo i toro i heaeaiedi.  
\v 16 I maimailahio, demoni tauluidi gamagaridi se woeaidima ia arinai: ena riba eai earua i aiduiedi, eo isi hinage tauasiasiebo gamagamagari i hemauridi.  
\v 17 Arinai abo riba wa Isaia peroveta i ribaei, se hemamohoiei, i ene, “Eda beruberu ia i abihaidi, eo eda asiebo i bahedi.” (Is. 53.4).   
\p
\v 18 Iesu moutuadi lailai i itadi, ia se lauwatai, i lauhesomdi bena abo se lau hari teha eai ne.   
\s1 Isi Iesu se ribaribaei mo  
\r Lk. 9.57-62  
\p
\v 19 Tauuriuri esau i laoma ia i heriba i ene, “Tanuagagu e, taba em abasae, em abadobi eai ea lauwataim.”  
\v 20 Iesu ia i heriba i ene \f + \fr 8.20 \ft English si ene, \fq foxes.\f*“Alope edi guda, ewa manudi edi noi se abidi; na Tau Natuna uruna nige ena aba‐aiunuaena.”  
\v 21 Heaheata esau ia i heriba i ene, “Guiau e, bena ea lau tamagu ea tore bagunai.”  
\v 22 Iesu ia i heriba i ene, “U lauwataiguma mo: taumatemate isibom edi taumatemate abo se toredi.”   
\s1 Iesu mana eo butubutu i ribahetarudi.  
\r Mk. 4.36-41; Lk. 8.22-25  
\p
\v 23 Ia abo i gerusae waga eai, ena heaheatayao ia se hemuriwatai.  
\v 24 Gabogabo eai mana lailai i lagelage, butubutu waga i poii: na ia ma‐enona.  
\v 25 Ena heaheatayao se laoma ia se hanoi, si ene, “Guiau e, u hemaurida: ata ta mate.”  
\v 26 Ia i heribadi i ene, “Omi saha au matausini? emi sunuma i gagiri.” Ia abo i toro mana eo gabogabo i ribahetarudi: abo i daumori ariri.  
\v 27 Tatao wa se noo, si ene, “Tau ta edohana ina, mana eo gabogabo ena riba se ataiei!”   
\s1 Gadara eai Iesu demoni i aiduiedi  
\r Mk. 5.1-21; Lk. 8.26-40  
\p
\v 28 Ia abo ie duna hari teha eai Geresene oeana eai, tatao labui demoni se luidi maedi se hailobai, isi bousa eai se loama, se hemahemanabara ariri, arinai tatao nei dobila wa se laulaugabaei.  
\v 29 Isi se eabayaba, si ene, “Oa Eaubada Natuna e, saha abo ai abi arim eai? Oa u laoma ina bena u heamamnanonohaimai?”  
\v 30 Sarai eawoidi esau se dumuri eda lohaloha eai.  
\v 31 Demoni ia se awanorini, si ene, “Ena u aiduiemai u hetamarihesuaramai nei sarai eawoidi ne boeadi eai.”  
\v 32 Ia abo i heribadi, i ene, “Au lau.” Abo se lulagema murimuri eai, eo se lulau sarai eawoidi boeadi eai; na eawoidi wa se ohihai abo se aitautau se dobi padipadi eai, se mate ohi gabogabo eai.  
\v 33 Isi sarai tausuisuidi abo se dago, se laulau e eanua eai se lage, wasa wa se heribadi, eo demoni tauluidi wasana hinage.  
\v 34 Eanua tataodi gamagamagari abo se laoma bena Iesu maedi se hailobai, ia se ita se aiboda adidiri ia arinai, si ene, “bena ama sigasiga ta u laugabaei.”   
\c 9  
\s1 Iesu i uio Kaperenauma eai; tau palisi i hemauri  
\r Mk. 2.3-13; Lk. 5.18-26  
\p
\v 1 Ia waga eai ie geru ie lau hari sana awasi eai, abo ie lage ena eanua eai.  
\v 2 Na, tau esau ena asiebo i palisi, ie ota hatahata eai, se baheiama: Iesu edi nuatu adidirina i itayao, asiebo palisi tauabina wa i heriba, i ene, “Natugu e, u kode mo; em baaea se ribagigiridio.”  
\v 3 Tauuriuri headi se heunaboisaha, si ene, “Tau ta Eaubada i arina baaeai.”  
\v 4 Iesu, edi nuatu i nuatulobaiyao, i ene, “Saha baaeana au heunaboisahaei?  
\v 5 Aitea i masamasaraha ede, ea ene, ‘Em baaea se ribagigiridi,’ e ea ene, ‘U torohai, u lau?’  
\v 6 Omi bena au ita Tau Natuna tanoubu eai ta, ia gigiborina eai, baaea i ribagigiridi (asiebo palisi tau‐abina i heriba, i ene), U torohai, em eba u nou, u lau em numa eai.”  
\v 7 Ia i torohai, i lau ena numa eai.  
\v 8 Moutuadi se ita se matausi Eaubada se hedebasaei, ena gigibori nei doha i mosei tatao aridi eai.   
\s1 Mataio se eogai  
\r Mk. 2.14; Lk. 5.27-29  
\p
\v 9 Nei eai Iesu i torohai i lau, tau esau ie ita, esana Mataio, takisi numana eai i babawa, ia i heriba, i ene, “U lauwataiguma.” Ia abo i torohai, ia i hemuriwatai.   
\s1 Iesu Parisea edi riba i heuio  
\r Mk. 2.15-20; Lk. 5.29-35  
\p
\v 10 Iesu i bawabigabiga, numa eai i aiai, eo takisitautano gamagamagari, eo tatao baabaaea se laoma Iesu maena heaheatayao maedi se bawagogo.  
\v 11 Parisea abo se itadi, ena heaheatayao se heribadi si ene, “Tanuagamiu ie saha takisi tataodi, eo tatao baabaaea maedi se aiai esega?”  
\v 12 Iesu riba wa i ataiei, i ene, “Taumaumauri doketa nige se abi, tauasiasiebo mo.  
\v 13 Au lau teina riba ta aniona au eooi. ‘Eau nuatoatoa ea henua, aitalasm nige’e (Hos. 6.6):’ paana ede nige ea laoma taulaulau‐dudurai ea eogaidi, tatao baabaaeadi mo.”   
\p
\v 14 Ioane ena heaheatayao abo se laoma Iesu arinai, si ene, “Ai, eo Parisea, huia gamagamagari ai aiaiudi, oaem heaheatayao se saha nige se aiaiudi hinage?”  
\v 15 Iesu i heribadi i ene, “Wa, tautawasora harihariu ena heriam se nuadubu tautawasora maedi sora se miaesega? Na huiana abo i lagema, tautawasora harihariu abo se laesuara, nei asubenadi eai abo se aiaiudi.”   
\s1 Parabole: lulu eo iledi  
\r Mk. 2.21, 22; Lk. 5.36-39  
\p
\v 16 Nige tau esau lulu harihariuna i popoi lulu beabeana arinai, bena se bodigudui abo se tapurisi uio, lulu wa abo i tapurisi ariri.  
\v 17 Hinage tatao waina harihariuna nige se hegoi sarai opina iledi beabeadi alodi eai, ata doha iledi wa se tapurisi, waina abo i boriri, eo iledi abo se baaea; na waina harihariuna se hegoi sarai opina iledi harihariudi alodi eai, abo se lolo labulabui.”   
\s1 Iesu, sine eo Iairo natuna siu i hemauridi  
\r Mk. 5.22-43; Lk. 8.41-56  
\p
\v 18 Teina riba ta Iesu i heriheribadi, na sunago tanuagana esau i laoma ia i aihelahui, i ene. “Natugu siu ie mateo: na taba u laoma nimam u saosae ia potana eai, abo i mauri.”  
\v 19 Iesu abo i torohai, ia i lauwatai, ena heaheata maenayao hinage.  
\v 20 Na, sine esau ana asiebo borimai saudoudoilabui osina ie didi, ia murina eai i moninihima ana lulu dedeana i heasailaei.  
\v 21 Ena nuatu i ene, “Ena ana lulu mo ea heasai, taugu abo se lolo.”  
\v 22 Iesu abo i torobui sine wa i ita, i ene, “Natugu e, nuam i biga, oa sunusunumam eai taum se lolo’o”.  
\v 23 Iesu abo i awasae sunago tanuagana ena numa eai tatao huelele se oioini i itadi, eo tatao se doudou.  
\v 24 I heribadi i ene, “Au pesagorigori; siu me nige i mate, ie eno mo.” Isi ia se marumaruhiei, eo se talatalawasiei.  
\v 25 Tatao wa se pesagorigori abo i lulau biri eai, siu nimana eai i abilau, ia abo i toro.  
\v 26 Teina wasa ta ie lau nei oea ne i tauhetaiiri.   
\s1 Taumatagibugibu labui matadi se helaladi.  
\p
\v 27 Iesu nei dimo ne abo i laugabaei, taumatagibugibu labui ia se lauwatai, se eogayoga, si ene, “Davida natuna e, u nuatoatoaimai.”  
\v 28 Ia abo i awasae numa eai, taumatagibugibudi se laoma ia arinai: Iesu i heribadi, i ene, “Emi nuatu i adidiri au ene ina ta abina ea ata?” Se heriba si ene, “Guiau e, hedeona.”  
\v 29 Isi matadi i abiitadi, i ene, “Emi sunuma doha meta arinai abo i tubu arimiu eai.”  
\v 30 Matadi abo se lala; arinai abo Iesu awadi i tawaidi, i ene, “Wasa ta tabu tau esau i ataiei,”  
\v 31 Isi abo se lau ia wasana se duai oea se hetaiiri.   
\p
\v 32 Ma laudi, dobila eai tau unaunana, demoni ia se lui, se woeayama Iesu arinai.  
\v 33 Demoni wa se aiduieyao, abo tauunaunana wa ie riba: moutuadi lailai se nooei, si ene, “Nabada wa, Isaraela eai laulau ina doha nige ta itaitai.”  
\v 34 Parisea tataodi mo si ene, “Demoni edi wasawasa ena gigibori eai, arinai demoni i aiduiedi.”   
\s1 Iesu Galilaia eai i lauguguia  
\r Mk. 6.5, 6  
\p
\v 35 Iesu edi eanua lailaidi, eo edi eanua gagiridi hinage gamagaridi i tautausidi, edi sunago alodi eai i lauheataedi, basileia wasa lolona i lauguguiaedi, asiebo eo iwala gamagamagari i hemauridi.  
\v 36 Moutuadi lailai i itadi i nuatoatoaedi paana ede se nuadubu, eo se tatagorigori, doha mamoe nige taumiataunidi.  
\v 37 Ena heaheatayao abo i heribadi, i ene, “Aiai sunasuna se gamagari ariri: na tauabidi eseesegadi mo.  
\v 38 Guiau, aiai wa tanuagana, arinai au uura bena taupaisoa headi i hetamaridi ana aiai sunasuna abo se abidi.”   
\c 10  
\p
\v 1 Ena heaheatayao saudoudoi‐labui i eogaidi ia arinai, gigibori abo i mosei aridi eai earua biibiidi abo se guduguduidi eo se aiduiedi, eo asiebo, eo iwala gamagamagari abo se hemauridi.  
\v 2 Aposotolo saudoudoi‐labui wa esadi ede ina; Bagubagunana ede Simona, esana ede Petero, eo ana taumurita Anederea; Iamesi, Sebedaio natuna, eo ena tau Ioane.  
\v 3 Pilipo, eo Batolomaio; Toma, eo Mataio takisi tautano; Iamesi, Alepaia natuna, eo Tadaio;  
\v 4 Simona, Kanana tauna, eo Iuda Isakariota ia ede taumoruina wa.   
\p
\v 5 Isi tatao saudoudoi‐labui Iesu i hetamaridi, eo i lauhesomdi, i ene, “Etene edi eanua dobiladi tabu au lauwataidi, eo Samaria eanuadi hinage tabu au lulage aridi eai.  
\v 6 Mamoe se tatagorigori Isaraela numadi eai, au lau hesabadi.  
\v 7 Au lau ma guguiamiu au ene, ‘Galewa basileiana i hanahanaumao.’  
\v 8 Tauasiasiebo au hemauridi, lepera au heaadi, taumatemate au hetorouioidi, demoni au aiduiedi: ginauri gamagaridi aue abidi hinage au ainauiaidi nige maisadi.  
\v 9 Tabu \tl gold\tl* eo \tl silver\tl*, eo pene au usaidi emi tobo eai.  
\v 10 Emi lauwasi tobo tabu au laei, tabu pereue labui, tabu aeum, tabu tue hinage, paana ede taupaisoa ana aiai taba se mosei.  
\v 11 Ena eanua esa, eanua esa au lulage aridi eai, au lauhesio, eai nei eai ena abi se lolo; arinai au mia e abo au lau.  
\v 12 Ena au awasae numa esau alona eai, au lautoiedi.  
\v 13 Numa wa ena edi abi se lolo, emi loni au tore aridi eai: ena edi abi nige se lolo, emi loni au abiuioi.  
\v 14 Esa, esa nige i eogaisinimiu, emi riba hinage nige i ataiedi, ena numa, eo eanua me au laugabaedi, aemiu muaridi au oiluiluigabaedi.  
\v 15 Mamohoi, ea heribamiu ta, hedudurai asubenana eai Sodoma eo Gomora edi baaea nige si ene ie lai, doha wau eanua wa.   
\p
\v 16 “Na, ea hetamarimiu ta omi doha mamoe luko boeadi eai; arinai abo au sonoga doha mota, au taubiga doha bunebune.  
\v 17 Tatao au komanidi; isi abo se laemiu kaunisila aridi eai, edi sunago alodi eai hinage abo se pidirimiu.  
\v 18 Eau debagu eai abo se woeaimiu gavana eo wasawasa matadi eai, bena isi aridi eai, eo etene aridi eai hinage au hemasarahagu.  
\v 19 Isi se toaimiu se laemiu wa, tabu emi nuatu au ene edoha emi ribariba: paana ede nei huia eai ne riba se leawa abo au ribaei.  
\v 20 Paana ede omi nige au riba, Tamamiu ena Earua boeamiu eai, ia abo i riba.  
\v 21 Taubaguna ana taumurita abo i mosei se unuhemate, eo tamana ia natuna abo hinage doha, merumeru abo tamadiyao eo sinadiyao se hewaiunuedi, abo se unuhematedi.  
\v 22 Tatao gamagaridi taba se hewaiunuemiu eau esagu debana eai: na ia i sogohididini i lau e anasigana eai, abo se hemauri.  
\v 23 Taba teina eanua eai ta se heamamnamiu, au dago, au lau hari eanua: mamohoi ea heribamiu ta, Isaraela eanuadi sora nige au baeawaheohidi, Tau Natuna abo i lagema.   
\p
\v 24 “Tauheaheata ana tanuaga nige i saepoi, eo tauheaeai ena guiau nige i saetawatawai.  
\v 25 Tauheaheata nuana i lolo ena si ene ia doha ana tanuaga: eo tau heaeai doha ena Guiau. Taba numa tanuagana esana se tore Belesebulo, ena numa tataodi hinage esadi nei doha se toredi, e nige’e?   
\p
\v 26 “Arinai tabu au matausiedi: paana ede ginauri esana se hebuitawai, abotai abo i masaraha; eo se toreyamui, hinage abo se ita‐lobai.  
\v 27 Riba wa ea heribamiu wa masigiri boeana eai, marana eai au ribaei; eo riba wa beamiu eai au ataiedi wa, numa ewadi eai au guguia hemasarahadi.  
\v 28 Isi taumiu mo tauunuidi tabu au matausiedi, earuamiu unuina nige abina se ata: na ia mo au matausiei ede, earuamiu eo taumi taba i hebaaeaesegaidi gehena eai.  
\v 29 Manu gagiridi labui se unedi maisadi pene esega, e nige’e wa? taba nige esau i beu tano eai, Tamamiu abo i ita.  
\v 30 Urumiu maiawadi gamagamagari se hasiriheohidio.  
\v 31 Arinai tabu au matausi, manu gagiridi gamagamagari nige se sae doha omi.  
\v 32 Ena tau esa, esa, i ribahemasarahagu tatao matadi eai, eau hinage ia abo ea ribahemasaraha Tamagu galewa eai ie mia, ia matana eai.  
\v 33 Ena esa, esa, i hareregu tatao matadi eai, eau hinage ia abo ea harere Tamagu galewa eai ie mia, ia matana eai.   
\p
\v 34 “Tabu nuamiu au ene ea laoma tanoubu eai loni ea leama: loni taba nige ea leama, elepa mo.  
\v 35 Ea laoma ta bena tau ia tamana abo i hewaiunuei: natuna siu, sinana hinage bena i hewaiunuei: lawana hinage bosiana‐sine, bena i hewaiunuei.  
\v 36 Tau esau ena waiunuyao isi ede ena numa tataodi. (Mic. 7.6)  
\v 37 Ia tamana eo sinana i gadosisiedi, nige i gadosisiegu doha i gadosisiedi, ia nige gonoana agu sagu; ia natuna tau, eo natuna sine i gadosisiedi, nige i gadosisiegu doha i godosisiedi, ia nige i hedebasaegu.  
\v 38 Ia ena satauro nige i abiisini, abo i lauwataigu, ia nige i hedebasaegu.  
\v 39 Ia mauri i lobai, ena mauri abo i tauyamui, ia ena mauri i nuagabaei eau debagu eai ena mauri abo i lobai.   
\p
\v 40 “Ia i taubigaimiu i taubigaigu hinage, ia i taubigaigu tauhetamariguma hinage i taubigai.  
\v 41 Ia peroveta i taubigai peroveta esana eai, peroveta ainauiana abo i abi, ia taulaulau‐duduraina i taubigai taulaulau‐duduraina esana eai, taulaulau‐duduraina ainauiana abo i abi.  
\v 42 Ena tau esa, esa goila nomnom kaputi esau mo i mosei merumeru gagirina esau arinai heaheata esana eai, mamohoi ea heribamiu ta ia ainauiana taba nige ie dabu.”   
\c 11  
\p
\v 1 Iesu ena heaheatayao saudoudoi‐labui i lauhesomnonohaidi, nei dimo ne abo i laugabaei edi eanua eai bena i lauheata eo i lauguguia.   
\s1 Ioane Baptiso ena heaheatayao i hetamaridi Iesu se hesioei  
\r Lk. 7.18-35  
\p
\v 2 Na, Ioane numa masigiri eai Keriso ana paisoa wasana i ataiei, ena heaheatayao labui i hetamaridi,  
\v 3 Iesu arinai si ene, “Ia bena i laoma wa ia ede oa, e esau abo ai eooi?”  
\v 4 Iesu arinadi i heuio, i ene, “Au lau ginauri wa au ataiedi, eo au itadi, Ioane au heitauioi au ene,  
\v 5 Taumatagibugibu matadi se helaladi, taulaulaudae se tautausi, lepera tataodi se heaadi, tau beado’odo’o riba se ataiei, tau matemate se abihetorodi, eo taugogogesagesa wasa lolona se lauguguiaidi.  
\v 6 Taba tau esa, eo esa nige i nuabaaea arigu eai, nuana abo i woiwoina.”   
\p
\v 7 Ma laudi, na Iesu moutuadi Ioane ribana enadi i ribahetubu i ene, “Aue lau barabara eai wa saha bena au ita? Didiari esau mana i iuhihe’eoeo?  
\v 8 Aue lau saha bena au ita? Tau esau ana lulu bigabigana i lui? hage isi lulu bigabigana se lui wasawasa edi numa eai se mia.  
\v 9 Aue lau saha bena au ita? Peroveta wa? Hedeona, ea heribamiu ta, ia peroveta saesaena.  
\v 10 Ia ede teina, doha se uri wa si ene, ‘Hage, egu tauwasa matam eai ea hetamarimugaiem em dobila i abinonohai.’  
\v 11 Mamohoi, ea heribamiu ta, isi wa sisine se labasidi nige esau ie toro, Ioane Bapatiso mo ia i saetawatawai ede; na ia galewa basileiana eai i murimuritama Ioane Bapatiso abo i saetawatawai.  
\v 12 Ioane Bapatiso huiana eai, i laoma e huia ta, galewa basileiana se laugirihai, eo tatao adiadidiri edi adidiri eai se laugirihai.  
\v 13 Peroveta gamagamagari eo laugagaeo hinage se ribaperoveta i laoma e Ioane huiana eai.  
\v 14 Ena au ataiei, Elia ede ina, ia ede si ene abo i laoma wa.  
\v 15 Ia beana eai i ataiei, abo i ataieididini.   
\p
\v 16 “Teina isi ta saha arinai ea heaheasoniei? Doha ede merumeru se bawagogo abauneune eai, adi sasaguyao se eogaidi, si ene.  
\v 17 ‘Huelele aie iuhiawa, nige aue saga: ai dou nuanuadubuemiu, nige aue dou.’  
\v 18 Ioane i laoma aiai nige ie ai, waina nige ie nom, abo si ene, ‘Demoni esau ia boeana eai.’  
\v 19 Tau Natuna i laoma aiai ie ai, eo waina ie nom, abo si ene, ‘Au ita, tauaiaisom, eo waina taunomnomsom, takisi tautano eo tatao baabaaeadi ehadi.’ Sonoga nanatunayao aridi eai sonoga wa se hemasaraha.”   
\s1 Iesu se otaotaei: hekiraino i ribanonohai.  
\p
\v 20 Abotai abo eanua headi aridi eai ena laulau gigibori i hemasarahadi i ribasuuidi, paana ede nuadi nige se buidi.  
\v 21 I ene, “Kapore Korasina! Kapore Betesaida! paana ede laulau gigiboridi emi eanua eai se ginauridi wa, taba Turo eo Sidona eai se ginauridi isi nabada nuadi se buidi, eo baeki eo ahu se aiouiaedi.  
\v 22 Teina ea heribamiu ta, hedudurai asubenana i lagema Turo eo Sidona taba nige se hegirudaoiedi, omi mo abo se hegirumiu.  
\v 23 Kaperenauma e hinage, oa se heawasaem galewa eai, abo u dobi hade eai: paana ede taba laulau gigiboridi se ginauridi Sodoma eai, doha se ginauridi em eanua eai, ia abo ie mia e huia ta.  
\v 24 Teina ea heribamiu ta Hedudurai asubenana i lagema, Sodoma taba nige se hegirudaoiei, oa mo abo se hegirum.”   
\p
\v 25 Nei huiana ne Iesu riba i heuio, i ene, “Tamagu, galewa eo tanoubu Guiauna e, ea lautoiem ta, paana teina ginauridi tatao sonoga, eo tatao sibasiba matadi eai u toreyamuidi: na kaimou aridi eai u hemasarahadi.  
\v 26 Taiede Tamagu e: nei doha oa matam eai u ene i lolo.  
\v 27 Tamagu ginauri gamagamagari i ledima eau arigu eai: nige tau esau Natuna i itayao, Tamana iabom: hinage nige tau esau Tamana i itayao, Natuna iabom, eo ia hinage esa, eo esa, aridi eai Natuna wa ia i henua i hemasaraha.  
\v 28 Omi gamagarimiu amnamiu se baaea, eo ami bahebahe se porohe, au laoma eau arigu eai, abo ea heaiyawasimiu.  
\v 29 Egu oibahe au tore gedugedumiu eai, eo arigu eai au napuhai: paana ede eau ea dobidobiegu eo eau taumanamanabiga: earuamiu edi abaaiyawasi abo au lobai.  
\v 30 Paana ede agu oibahe i masamasaraha, eo agu bahebahe i mamala.”   
\c 12  
\s1 Iesu i ene ia sabati Guiauna  
\r Mk. 2.23-28; Lk. 6.1-5  
\p
\v 1 Nei huiana ne, sabate esau, Iesu i oilulau \f + \fr 12.1 \fq wheat, \ft arinai \fq flour \ft se lauginauri.\f* sitona oeadi eai; ena heaheatayao se guriam, arinai sitona aiaidi se wolahaidi, se aidi.  
\v 2 Parisea abo se ita, ia se heriba si ene, “U ita, em heaheatayao sabate laugagaeona se utusi ne.”  
\v 3 Ia abo i heribadi i ene, “Davida ena laulau nige au hasiri wa? huia ne i guriam, eo ana sasaguyao hinage;  
\v 4 ia i awasae Eaubada ena numa eai, areto i aiai, ia ma ana sasaguyao, laugagaeo se utusi, paana kohena tataodi isibom areto wa tauaidi ede. (1 Sam. 21.1-6).  
\v 5 Laugagaeo eai hinage nige au hasiri wa, si ene, asubena sabate kohena tataodi dubu alodi eai sabate laugagaeona taba se utusi, nige se baaea?  
\v 6 Na, ea heribamiu ta, ea ene, ginauri esau inai dubu wa ia i saetawatawai.  
\v 7 Taba teina riba ta abina au ata, doha si ene, ‘Nuatoatoa ea henua, aitalasam nige’e,’ tatao nige adi giru taba nige au nuatu hebaaeadi. (Hos. 6.6)  
\v 8 Tau Natuna ia sabate ena Guiau ede.”   
\s1 Sabate eai tau nimana ie tubu ea’eyaelua se helolo.  
\r Mk. 3.1-6; Lk. 6.6-11  
\p
\v 9 Nei dimo ne i laugabaei abo i awasae edi sunago alona eai.  
\v 10 Na, tau esau nei eai nimana esau i tubu ea’eyaelua. Ia se oimurini si ene, “Huia sabate eai taba ta hemauri abo i lolo?” ia bena abo se hegiru.  
\v 11 Iesu i heribadi i ene, “Aitea tau arimiu eai wa, ena mamoe esega dumaduma, asubena sabate eai ie beu hua eai, abo i abilau i abiisiniama, e nige’e wa?  
\v 12 Tau mamoe i saetawatawai. Arinai i lolo asubena sabate eai laulau lolo au laulauedi.”  
\v 13 Ia abo tau wa i heriba i ene, “Nimam u heleleama.” Nimana i helelelaei: i lolo’o, doha hinage nimana esau.  
\v 14 Parisea abo se lulage ia abo se oiribaei, si ene, edoha edi abiabina ia taba se unui.   
\s1 Iesu eo moutuadi lailai (Tiberia gabogabona eai).  
\r Mk. 3.7-12  
\p
\v 15 Edi nuatu Iesu i itayao nei dimo ne abo i laugabaei: tatao gamagamagari ia se lauwatai: gamagaridi hinage i woisidi;  
\v 16 Ia abo i lauhesomdi, i ene ia tabu se wasawasaei.  
\v 17 Arinai abo riba esau Isaia peroveta i ribaei si hemamohoiei, i ene,  
\v 18 “Egu heaeai tauna au ita, ia ea hinahinawai; ia ea gadoisiei, eo ea nualoloei: earuagu ea toresae ia potana eai: ia hedudurai Murimuri‐tataodi abo i heitadi.  
\v 19 Ia nige i haihaiawayagara, eo nige i sagasagari: dobila eai ia arinana taba nige esau i ataiei  
\v 20 Didiari leleana taba nige i goduhai, oeagi gagirina taba nige i heboso, i lau e ena hedudurai eai se mauri.  
\v 21 Ia esana Murimuri‐tataodi abo se sunumawatai.” (Is. 41.8; 42.1).   
\s1 Tau demoni se lui se hemauri  
\r Mk. 3.22-30; Lk. 11.14-23  
\p
\v 22 Abotai abo tau esau demoni i lui se woeaiama Iesu arinai, ia matana se gibu, eo i unauna hinage: Iesu ia i hemauri, arinai abo taumatagibugibu eo tauunauna wa ie riba, eo matana se lala.  
\v 23 Tatao gamagamagari se nooei, si ene, “Ina ta Davida natuna, e nige’e?”  
\v 24 Parisea teina riba ta se ataiei, si ene, “Ina tau ta Belesebulo, demoni edi wasawasa, ena gigibori eai demoni wa i aiduiedi.”  
\v 25 Iesu edi nuatu i nuatulobaiyao, arinai i heribadi, i ene, “Basileia ena isibom se haitoremuri abo se lautom: eo eanua, e numa, taba se haitoremuriuioidi abo nige se toro:  
\v 26 Taba Satani, Satani i aiduiei iabom i haitoremuriuioi: ena basileia edohana abo i toro?  
\v 27 Taba eau Belesebulo gigiborina eai demoni ea aiduiedi, omi nanatumiuyao eai gigiborina eai abo se aiduiedi hinage? Isi mo abo tauhegirumiu.  
\v 28 Taba eau demoni ea aiduiedi Eaubada ena Earua gigiborina eai, Eaubada ena basileia ede i lageo omi potamiu eai.  
\v 29 Tau adiadidiri ena numa edoha edi lulusaena ena ginauri abo se girihaidi, taba ena tauadiadidirina se aubagunai, abotai abo ena numa ginauridi se abidi.  
\v 30 Taba tau nige i sagusaguigu ia abo i guduguduigu; taba tau nige i tanogogo‐saguigu abo i hetatagorigori.   
\s1 Baaea esau taba nige se ribagigiri  
\r Mk. 3.29-30  
\p
\v 31 Arinai ea heribamiu ea ene, Tatao edi baaea gamagamagari, eo riba baaea hinage abo se ribagigiridi, na ena Earua Tabuna se riba baaeaei taba nige se ribagigiri.  
\v 32 Taba tau esa, eo esa Tau Natuna i hebaaea, edi baaea wa abo se ribagigiri: taba tau esa, eo esa Earua Tabuna i hebaaea ena baaea taba nige se ribagigiri: ina tanoubu maurina eai ta, eo galewa maurina eai hinage.   
\p
\v 33 “Oeagi lolona uauana hinage i lolo: oeagi baaeana uauana i baaea: oeagi abaitalobaina ede uauana.  
\v 34 Omi mota nanatudiyao e, au baaea: edohana abo riba lolodi au ribaedi wa? Tau awana ribana nua i monau‐boriboriri arinai se tubuma.  
\v 35 Tau lolo ena ginauri lolodi abo i hemasarahadi, tau baaea ena ginauri baaeadi abo i hemasarahadi.  
\v 36 Ea heribamiu ta, Hedudurai asubenana eai riba gaibu gamagamagari tatao se ribaedi, abo se hemasarahadi, eo aridi eai se hegirudi.  
\v 37 Emi riba abo se helolomiu: eo emi riba abo se hegirumiu hinage.”   
\s1 Peroveta Iona heiheinoina: Iesu ena mate eo torouio i ribanonohai  
\r Lk. 11.29, 30  
\p
\v 38 Arinai abo tauuriuri headi, eo Parisea headi Iesu se heriba si ene, “Tanuagamai e, heiheinoim esau bena ai ita.”  
\v 39 Ia arinadi i heuio i heribadi, i ene, “Isina baaeana, eo isina nige se sunusunuma, heiheinoina se eooi: taba nige heiheinoina esau se mosei na Iona peroveta mo heiheinoina wa.  
\v 40 Doha ulaulasi Iona ie dom wa, bogana alona eai ie mia asubena haiona eo maiona haiona: doha ede Tau Natuna hinage i mia tano boeana eai asubena haiona eo maiona haiona.  
\v 41 Hedudurai huiana eai Nineva tataodi abo se totoro teina isina ta maenayao, abo hinage se hegirudi: paana ede Iona ena lauguguia arinai nuadi se buidi: esau ede ina, Iona i saetawatawai.  
\v 42 Hedudurai huiana eai tupo eawana edi wasawasa sine abo i toro teina isi ta maenayao abo hinage i hegirudi: ia tanoubu sigana eai i laoma bena Solomona ena sonoga i ataiei: esau ede ina, Solomona i saetawatawai.   
\s1 Isi se heduduraiuioidi edi lolo nige adi ao  
\r Lk. 11.24-26  
\p
\v 43 “Earua bii tau esau nuana eai i laugabaei, i lau dimo pitapitari eai bena ena abaaieawasi i eooi, na nige i lobai.  
\v 44 E abo i ene, Abo ea uio egu numa eai arinai ea laoma ta: abo i laoma, ie ita numa ahaaha mo, eo se uiauiaauri, eo se deuri.  
\v 45 Ia abo i lau, maenayao earua baaea haligigilabui i laedi se lulau tau wa boeana eai, se miahai: lahinae tau wa ena baaea i gagiri, ina huia ta mo ie lai. Teina isina baaeana ta abo hinage doha nei.”   
\p
\v 46 Moutuana wa aridi eai ma ribaribana, sinana eo ena tataoyao murimuri eai se totoro, bena se ribalau ia arinai.  
\v 47 Tau esau ia i heriba i ene, “Sinam eo em tataoyao murimuri eai se totoro, si ene bena si ribalaowa.”  
\v 48 Wau tau wa, tauheribana, arinana i heuio i ene, “Sinagu eai? eo egu tataoyao aidimodi?”  
\v 49 Ia nimana i helelelaei ena heaheatayao aridi eai to i ene, “Hage sinagu eo egu tataoyao au itadi.  
\v 50 Eai to eai Tamagu galewa eai gadohina i gadohiei egu tau ede, eo lougu ede, eo sinagu ede.”   
\c 13  
\s1 Galewa basileiana riba eamueamuidi: uaua tauhesuruna  
\r Mk. 4.1-25; Lk. 8.4-18  
\p
\v 1 Nei asubenana ne Iesu numa i laugabaei, i dobi salagomgom eai i bawabigabiga.  
\v 2 Moutuana lailai se oigogo ia arinai, arinai abo ie geru waga esau eai, ie bawabigabiga, moutuana lailai wa geregere eai se totoro.  
\v 3 Riba gamagaridi aridi eai i heribaparaboledi, i ene, “Tuma tauhesuruna ie lau i hesuruauri.  
\v 4 Ia ma hesuhesuruna, tuma headi eda gegesina eai se beu to manu se laoma se aidi.  
\v 5 Headi malatetapari eai se beu, tano i teriteri, se ini heuheula, paana tano nige ie buluma,  
\v 6 mahana abo i dalasae i sinaidi, nige lamdi, arinai se wowoea.  
\v 7 Headi nurinuri boeadi eai se beu, nurinuri se ini se imaguduidi.  
\v 8 Na, headi tano lolona eai se beu, abo se ua, headi sinau tatao‐haligigi‐si‐mate, headi sinau tatao‐haiona‐si‐mate, headi tau‐esega‐i‐mate‐saudoudoi.  
\v 9 Ia beana eai i ataiei, abo i ataieididini.”   
\p
\v 10 Heaheata se laoma, se ribalau ia arinai si ene, “Ue saha u heribaparaboledi ne?”  
\v 11 Aridi eai arinadi i heuio i ene, “Galewa basileia sonogadi eamuyamuidi omi abina au ata, isi nige abina se ata.  
\v 12 Eai to eai i abi enana hinage abo se mosei, enana abo se hegamagari; eai to eai nige i abi, enana begana abo se laeudoiei.  
\v 13 Arinai ede aridi eai ea heribaparaboledi: paana se itaita taba nige se ita, eo se ataiei taba nige se ataiei, eo nige se nuatui.  
\v 14 Riba peroveta Isaia i ribaei, aridi eai se hemamohoiei, doha i ene,  
\q1 ‘Se ataiei, ataiena taba nige abina se ata:  
\q2 se ita, itana taba nige se italobai.   
\q1
\v 15 Teina tatao ta nuadi se porohe,  
\q2 beadi hinage se do’odo’o,  
\q2 matadi se hegibudi;  
\q1 ata huia esau matadi eai se italobai,  
\q2 eo beadi eai se atailobai,  
\q1 eo nuadi eai se nuatulobai,  
\q2 e abo nuadi se buidi eo ea hemauridi.’ (Is. 6.9-10).   
\m
\v 16 Omi matamiu se lolo, paana ede se ita; beamiu hinage paana ede se ataiei.  
\v 17 Ea heribamiu mamohoi, peroveta eo laulaududurai tataodi gamagaridi edi gadosisi esega bena teina ginauri ta se itadi doha omi au itadi, to nige se itadi eo teina ginauri ta au ataiedi isi hinage bena se ataiedi, nige se ataiedi.   
\p
\v 18 “Tauhesuhesuruna ena parabole abo au ataiei.  
\v 19 Tau basileia ribana i ataiei, eo nige i nuatui, earua baaea abo i laoma riba wa se hesuru nuana eai i abihai i laei. Ia ede tuma se taru wa dobila gegesina eai.  
\v 20 Ia malatetepari eai tuma i abidi, ia ede riba wa i ataiei, eo ie kode hinage:  
\v 21 Taiede iabom nige lamna, huia kuukuu mo ie dudu: e amamna eo baaea i hearodi riba wa debana eai, arinai abo nuana i beruberu.  
\v 22 Ia nurinuri boeadi eai tuma se taru wa ia ede riba wa i ataiei: tanoubu nuatudi, eo gogo gadosisidi boraboradi, riba wa arinai se hetaupurupuru, abo nige i ua.  
\v 23 Na ia tano lolona eai uaua i abidi ia ede riba wa i ataiei, eo aniona i itayao: uaua gamagaridi abo i hemasarahadi, headi sinau tatao‐haligigi‐si‐mate, headi sinau tatao‐haiona‐si‐mate, headi tau‐esega‐i‐mate‐saudoudoi.”   
\s1 Abi eamuyamui helabuina: Sisania sitona boeadi eai  
\p
\v 24 Parabole esau hinage abo i heribadi, i ene, “Galewa basileiana doha ede tau esau tuma lolodi ena oea eai i lauhesuru.  
\v 25 Tatao ma enodi ana waiunu i laoma sisania sitona boeadi eai i hesuruauridi, abo ie lau.  
\v 26 Tuma se kapokiarima, e abo sisania se taumasaraha hinage.  
\v 27 Numa tanuagana ena heaheari tataodi se laoma se ribalau ia arinai si ene, ‘Taubada e, em oea eai tuma lolodi u umaidi e nige’e wa? sisania ne haedi se laolaoma?’  
\v 28 I ribalau aridi eai i ene, ‘Waiunu esau ena laulau meta.’ Ena heaheari wa se ribalau ia arinai si ene, ‘U ene edoha, abo ai lau sisania ai laahaidi wa?’  
\v 29 I ene, ‘Nige’e, ata sisania wa au laahaidi sitona hinage au laaesegaidi.  
\v 30 Se ini labulabui i lau e se suna: aiai ena huia suna eai abo tauabidi ea heribadi ea ene, ‘Sisania au tanogogo bagunaedi au auaugogoidi au gabudi: sitona wa egu sanara eai au peiauridi.’”   
\s1 Abi eamuyamui hehaionana: sinapi uauana  
\r Mk. 4.30-32  
\p
\v 31 Parabole esau hinage i heribadi i ene, “Galewa basileiana doha ede sinapi tumana esega, tau esau ie abi, to ena oea eai i umai.  
\v 32 Tuma gamagaridi iabom i gagiri ariri: taiede i ini lailai, abo oeagi gagiridi i tubuhemuridi, doha i hemala oeagi lailai, malagaibu manudi se laoma se toalau lagana eai.”   
\s1 Abi eamuyamui hehasina; yeast  
\r Lk. 13.20-21  
\p
\v 33 Parabole esau hinage i heribadi i ene, “Galewa basileiana doha ede \tl yeast\tl*, sine esau i abi, falawa nonoi haiona boeadi eai i toreyamui, e abotai abo ie seseohi.”   
\p
\v 34 Teina ginauri gamagaridi parabole eai Iesu ie ribalau moutuana aridi eai: nige riba udoi, i ribaparabole mo.  
\v 35 Peroveta i ribaei bena arinai se hemamohoiei si ene, “Parabole eai, awagu abo ea dabari: riba headi eamuyamuidi tanoubu huia hetubuna eai wa abo ea ribaedi.” (Psa. 78.2).   
\s1 Abi eamuyamui helabuina se riba hasahasai.  
\p
\v 36 Iesu moutuana i hetamaridi se lau, abo i awasae numa alona eai: ena heaheatayao se laoma ia arinai si ene, “Parabole sisania oeana eai wa u riba‐hemasarahayama.”  
\v 37 Ia abo i ribalau isi aridi eai i ene, “Ia tuma lolona i hesuru wa ia ede Tau Natuna.  
\v 38 Oeana ede tanoubu: tuma lolodi basileia nanatunayao ede: sisania isi ede tau baaea nanatunayao.  
\v 39 Waiunu tauhesuhesuruna ia ede diabolo: na ena huia suna tanoubu ena abalautom: na tau‐tanogogoi ede aneru.  
\v 40 Sisania se tanogogoidi eo se gabudi oeagi alalasina eai: tanoubu ena huia lautom abo doha ede nei.  
\v 41 Tau Natuna ena aneru abo i hetamaridi, ena basileia eai ginauri gamagaridi se baaea, eo isi se laulaubaaea hinage, abo se tanogogoidi se gabaedi;  
\v 42 se gabalaedi oeagi alaalasina boeana eai: nei eai se doudou, eo moadi se taburuyahisidi.  
\v 43 Nei huiana ne laulau dudurai tataodi Tamadi ena basileia eai abo se namanamari doha mahana. Ia beana eai i ataiei, abo i ataieididini.   
\s1 Abi eamuyamui hehaligigina gogo se toreyamui:  
\p
\v 44 “Galewa basileiana hinage doha ede gogo esau i tauyamui oea eai, tau esau i lobai, abo i toreyamui, ma nualolona i lau ena ginauri gamagaridi i une gabaedi, abo oea wa ie une.   
\s1 Abi eamuyamui hehaligigi‐esegana: giniuba.  
\p
\v 45 “Galewa basileiana hinage doha ede tau uneune esau, giniuba matamatapoudi i eooidi.  
\v 46 Esau abo i lobai maisana i lai ariri, i lau ena ginauri maudoidi i unegabaedi, abo matapou wa ie une.   
\s1 Abi eamuyamui hehaligigi‐labuina: hiana.  
\p
\v 47 “Galewa basileiana hinage doha ede hiana, gabogabo eai se galaei, hari eama, hari eama gamagaridi se toaidi:  
\v 48 ie monau, abo se gomosaei geregere eai; se bawa, lolodi abo se usaidi odi alodi eai, baaeadi abo se gabaedi.  
\v 49 Tanoubu ena huia lautom ia ede doha nei: aneru abo se laoma laulau‐baaea tataodi laulau‐dudurai tataodi se pei labuidi.  
\v 50 Abo se gabalaedi oeagi alaalasina boeana eai: nei eai se doudou, eo moadi se taburuyahisidi.”   
\p
\v 51 Iesu i ribalau isi aridi eai, i ene, “Teina riba gamagaridi aniodi au itadio wa?” Ia se heriba si ene, “E.”  
\v 52 Abo i ribalau isi aridi eai i ene, “Arinai tauuriuri gamagaridi se hemala galewa basileiana ena heaheatayao, isi doha numa tanuagana, ena gogo aridi eai ginauri harihariudi eo ginauri beabeadi i hemasarahadi.”   
\s1 Iesu i uio Nasareta eai: se otaotaeuioi  
\r Mk. 6.1-6; Lk. 4.16-32  
\p
\v 53 Iesu nei parabole ne i riba lautom abo i laugabaedi.  
\v 54 Ia abo ie lage ena eanua tahunuana eai, edi sunago eai abo i lauheataedi, arinai se noo ariri, si ene, “Tau ta teina sonoga ta haedi i lealeama, eo teina laulau gigiboridi ta?  
\v 55 Teina kamda natuna, e nige’e wa? Ia sinana ede Maria, e nige’e? Ena tataoyao ede Iamesi, eo Iose, eo Simona, eo Iudasi, e nige’e?  
\v 56 Ia lounayao hinage gamagaridi maedi ta miamia esega wa, e nige’e? Teina tau ta ginauridi ta haedi i abiabidima?”  
\v 57 Isi ia abo se ouyalayalaei. Na Iesu abo i ribalau aridi eai, i ene, “Peroveta se heasisiei, ena eanua tahunuana eai mo nige’e, ena numa eai mo nige’e.”  
\v 58 Nei eai laulau gigibori nige i ginauri hegamagari paana ede ia nige se sunusunumaei.   
\c 14  
\s1 Heroda nuana i ipeipesi: Ioane Bapatiso se unui wa  
\r Mk. 6.14-29; Lk. 9.7-9  
\p
\v 1 Nei huiana ne Heroda tetarake, Iesu wasana lailai i ataiei.  
\v 2 Ia ena heaheariyao i heribadi, i ene, “Ina ta Ioane Bapatiso ede; ia mate eai i torouio, arinai ede laulau gigiboridi ta i hemasarahadi.”  
\v 3 Nabada wa Heroda Ioane i toaiyao, eo i auyao, abo i tutugudui numa masigiri eai, ana mata paana ede Herodia, ena tau Pilipo monena.  
\v 4 Ioane ia i heriba i ene, “Ia ue abi arinai laugagaeo u utusi.”  
\v 5 Ia Ioane bena i unui, na tatao gamagaridi i matausiedi, paana ede isi si ene ia peroveta.  
\v 6 Heroda edi huia labasina huiana eai, Herodia natuna siu ana taumana matadi eai ie saga, Heroda i henualolo.  
\v 7 Arinai abo Heroda i ribahesunumalaei ma aigorana, i ene, ena ginauri saha, saha i aibodaidi, abo i mosei.  
\v 8 Sinana siu wa i ribahasahasaiyao, arinai i ene, “Ioane Bapatiso uruuruna se usai gaeba eai u leama.”  
\v 9 Wasawasa abo nuana i baaea; paana mo i aigorayao, eo isi maenayao se aiaisega debadi eai, arinai i hetaladuidi.  
\v 10 I hetamaridi, Ioane numa masigiri eai gadona se tom.  
\v 11 Ia uruuruna gaeba alona eai se leama se mosei siu wa arinai: ia abo i laei sinana arinai.  
\v 12 Ioane ena heaheatayao se laoma eaibarabarana se laei, se tore, abo se lau Iesu se heriba.   
\p
\v 13 Iesu wasana i ataiei, nei eai i gerugabaei, i lau malatupama eai: ena lau wa tatao se ataiei, eanua se laugabaedi, ia se lauwatai.  
\v 14 Iesu i lagema, moutuana lailai i itadi, i nuatoatoaidi, isi enadi tauasiasiebo i hemauridi.   
\s1 Tausani haligigi se heaidi  
\r Mk. 6.30-44; Lk. 9.10-17; Io. 6.1-14  
\p
\v 15 I maimailahio abo ena heaheatayao se laoma ia arinai, si ene, “Malatupama ina, huiana i lauo: moutuadi ta u hetamaridi se laugorigori, se lau gougou headi aridi eai, aiai adi se uneune.”  
\v 16 Iesu i heribadi, i ene, “Se lau se saha: aiai adi au mosedi.”  
\v 17 Ia se heriba, si ene, “Ina ama falawa haligigi mo, eo eama labui.”  
\v 18 I ene, “Au ledima arigu eai.”  
\v 19 Moutuana wa i hetaladuidi se bawabigabiga lei potana eai. Falawa haligigi eo eama labui wa i abidi i itasae galewa eai i aihelahui, i ihidi, abo falawa wa i mosei ena heaheatayao aridi eai, isi abo se mosei tatao moutuana wa aridi eai.  
\v 20 Isi gamagamagari se aiai, e bogadi se sese, mapuradi, se tanogogoidi bosa saudoudoi‐labui se monau.  
\v 21 Isi tauaina nuana tatao tausani haligigi, sisine eo merumeru nige se hasiriesegaidi.   
\s1 Iesu gabogabo potana eai i laulau: Petero ena sunuma gagirina  
\r Mk. 6.45-56; Io. 6.15-21  
\p
\v 22 Arinai abo Iesu ena heaheatayao i lauhesomdi bena waga eai abo se geru, se baguna hari sana awasi eai: ia moutuana lailai wa abo i hetamarigorigoridi.  
\v 23 I hetamarigorigoridio abo i dalasae oea esau arinai, i lausuara i lau‐uura; i maimailahi iabom nei eai.  
\v 24 Waga wa gabogabo awaawasina eai wowori i hetahetaipiledi: mana i loaoa.  
\v 25 Maiona boeana eai, mahana hasi, Iesu ie lau isi aridi eai, gabogabo potana eai ie lau.  
\v 26 Ena heaheatayao ia se ita i laulau gabogabo potana eai, aruadi se loi, si ene earuyarua esau nei: se matausi, se eabayaba.  
\v 27 Arinai Iesu i heribalaedi, i ene, “Nuamiu se taru: eau ede, tabu au matausi.”   
\p
\v 28 Petero ia arinana i heuio, i ene, “Guiau e, taba oa ede, u ribama abo ea laowa gabogabo potana eai.”  
\v 29 I ene, “U laoma.” Petero waga abo i pesagabaei, i laulau gabogabo potana eai, i lau Iesu arinai.  
\v 30 Ia mana lailai ie ita i matausi: abo i sariri, ie eaba, i ene, “Guiau e, u hemauriguma.”  
\v 31 Arinai abo Iesu nimana i helelelaei, i abiisini, i ribalau ia arinai, i ene, “Oa nige u sunumaegu, ue saha nuam i ponoponousi?”  
\v 32 Isi abo se lage waga eai, mana wa ie motu.  
\v 33 Isi waga taugeruina ia se aihelahui, si ene, “Mamohoi, oa Eaubada Natuna ede.”   
\p
\v 34 Isi abo se duna hari sana awasi eai, se lage Genesereta oeana eai.  
\v 35 Nei eanua ne tataodi ia se nuatui, abo se lau hetamari se lau gougou gamagari aridi eai, tatao asiasiebo gamagamagari se laedi ia arinai.  
\v 36 Isi ia se nuaoini bena ana lulu dedeana se abiita mo: gamagaridi hinage se abiitalaei abo se mauri.   
\c 15  
\p
\v 1 Tauuriuri eo Parisea headi, Ierusalema tataodi, abo se laoma Iesu arinai, si ene,  
\v 2 “Mumuga tataodi edi riba em heaheatayao se saha se utusidi? Isi aiai se ai nige se nima deuri.”  
\v 3 Iesu i ribalau isi aridi eai i ene, “Hinage aue saha emi riba mo aridi eai Eaubada ena laugagaeo au utusi?  
\v 4 Paana ede Eaubada i hetaladui i ene, ‘Tamam eo sinam u taubigaidi’ (Ex. 20.12) eo hinage i ene, ‘Ia ena tamana eo sinana i arina baaeaidi ia abo i mate’ (Ex. 21.17).  
\v 5 Omi au ene, ‘Taba esau, eo esau tamana eo sinana i heriba i ene, Ainauiana, ginauri saha eo saha bena au abidi arigu eai wa, eo  
\v 6 tamana eo sinana nige i taubigaidi, i lolo hinage.’ Emi laulau mo aridi eai Eaubada ena laugagaeo au hetaupurupurudi.  
\v 7 Omi tataoboraborasom, Isaia i ribaperovetamamohoiemiu, i ene:   
\q1
\v 8 ‘Teina tatao ta sopadi eai mo se hedebasaegu:  
\q1 isi nuadi se lausuaraaririegu.   
\q1
\v 9 Se aihelahu‐gaibuigu mo,  
\q1 tatao edi riba eo edi lau‐gagaeo se laulauheataedi’”   
\qr (Is. 29.13).  
\p
\v 10 Moutuana i eogalaedi i heribadi, i ene, “Au ataiei, eo au nuatui:  
\v 11 Taba tau ginauri i toresaei awana eai taba nige i hebaaea: ginauri awana eai i lulagema meta tauhebaaeana ede.”  
\v 12 Ena heaheatayao se laoma ia arinai si ene, “U itayao teina riba ta Parisea se ataiei na se ouealayala?”  
\v 13 Ia i heribadi i ene, “Oeagi gamagaridi Tamagu nige i umaidi, abo se laahaidi.  
\v 14 Se otawa taumatagibugibu ma heledi taumatagibugibu se woeaidi. Taba taumatagibugibu ma helena taumatagibugibu i woeai abo se beulabulabui hua eai.”  
\v 15 Petero ia arinana i heuio i ene, “Teina parabole ta u ribahasahasaimai.”  
\v 16 Iesu i ene, “Omi hinage ma nuaponoponomiu mo?  
\v 17 Sora nige abina aue ata ginauri esadi au toresaedi awamiu eai se dobi bogamiu eai abo au tarugabaedi.  
\v 18 Nei ginauridi ne tau awana eai se lulagema nuana eai se tubuma: isi mo tau wa se hebaaea.  
\v 19 Paana ede nuatu baaeadi, eo aiaiunudi, eo ganaganawaridi, eo laulau niginigidi, eo aiaiyaharidi, eo ribaribagewadi, eo eaubada arinabaaeaina nua eai se saema.  
\v 20 Teina ginauridi ta tau aba hebaaeana ede; na taba aiai se ai mo nige se nimadeuri, meta tau aba hebaaeana nige’e.”   
\s1 Kanana sinena natuna siu se hemauri  
\r Mk. 7.24-30  
\p
\v 21 Iesu nei dimo ne i laugabaei, ie lau Turo eo Sidona edi teha eai.  
\v 22 Nei tehana eai ne Kanana sinena esau i laoma ia arinai i eabayabaei i ene, “Guiau Davida natuna e, u nuatoatoaiguma: natugu siu diabolo esau i heouyalayalaei.”  
\v 23 Nige riba esau arinai sine wa arinana i heuio. Ena heaheatayao se laoma ia se nuaoini, si ene, “U aiduiei, i eabayabasom murida eai.”  
\v 24 Isi arinadi i heuio i ene, “Se hetamariguma inai, boga Isaraela edi mamoe tautauyamui hesabadi mo.”  
\v 25 Sine wa abo i laoma ia aena eai i gurisalaoba, i aiboda, i ene, “Guiau e, u saguigu.”  
\v 26 Iesu ia i heriba i ene, “Nige i dudurai merumeru adi falawa se abi se gabalaei kedewa aridi eai.”  
\v 27 Ia abo i ene, “Guiau e, mamohoi; taiede falawa mapuradi tanuagadi edi hatahata eai se beu, kedewa hinage se aiaidi.”  
\v 28 Iesu ia arinana abo i heuio i ene, “Sine e, em sunuma i lai ariri: ginauri wa u gadosisiei wa abo u abiheohi.” Arinai abo ia natuna wa i mauri.   
\s1 Tatao moutuadi se hemauridi  
\r Mk. 7.31-37  
\p
\v 29 Nei tehana ne Iesu i laugabaei, Galilaia gabogabona hanahanauna eai ie lage: abo i dalasae oea esau eai, nei eai i bawabigabiga.  
\v 30 Moutuadi lailai se laoma ia arinai, tatao laulaudaedi, eo tatao matagibugibudi, eo tatao unaunadi, eo tauaiaiiwala, eo hari asiebo, hari asiebo gamagaridi, hinage se woeaidima Iesu aena eai se hebawadi, ia abo i hemauridi.  
\v 31 Arinai ede moutuadi wa se nooei, paana ede matadi eai tatao unaunadi se riba, eo tatao aiaiiwaladi se lolo, eo tatao laulaudaedi se lau toditodi, eo tatao matagibugibudi matadi se lala: isi Isaraela edi Eaubada abo se hedebasae.   
\s1 Tatao tausani hasi se heaidi  
\r Mk. 8.1-9  
\p
\v 32 Iesu ena heaheatayao i eogaidima, aridi eai i ene, “Moutuana ta ea nuatoatoaidi isi asubena haiona arigu eai se mia, nige adi aiai: taba nige ea hetamaridi ma aiwesaridi, ata eda eai se aitu.”  
\v 33 Ena heaheatayao se ribalau ia arinai si ene, “Ina malatupama eai ta, haedi aiai gamagaridi abaabina, moutuana lailai ta abo ta hebogasesedi?”  
\v 34 Iesu i ribalau isi aridi eai i ene, “Ami falawa wa hisa?” Si ene, “Haligigi‐labui mo, eo eama gagiridi hisahisadi mo.”  
\v 35 Moutuana i hetaladuidi abo tano eai se bawabigabiga.  
\v 36 Falawa haligigi‐labui, eo eama wa i abidi, i aihelahui, i ihidi, ena heaheatayao aridi eai i mosedi, ena heaheatayao hinage se mosedi moutuana wa aridi eai.  
\v 37 Isi gamagaridi se aiai, e bogadi se sese: aiai mapurana se tanogogoi, bosa haligigi‐labui se usahemonaudi.  
\v 38 Isi tauaina tatao tausani hasi, sisine eo merumeru hinage nige se hasiridi.  
\v 39 Moutuana abo i hetamaridi, ia abo ie geru, ie lau Magadala oeana eai.   
\c 16  
\s1 Iesu Parisea i ribasuuidi  
\r Mk. 8.10-12  
\p
\v 1 Parisea eo Sadukea hinage abo se laoma ia se nohoi, si ene galewa heiheinoina bena abo i heitadi.  
\v 2 Ie ribalau isi aridi eai, i ene, “Maimailahi eai, au ene, ‘Abo i siwaro’: paana ede i aitala sabesabe.  
\v 3 Eo maratomtom eai, au ene, ‘Wau ta abo ania i eabatutu’: paana ede ania i baaea. Omi tau boraborasom, galewa matana au nuatuiyao; na huiadi heiheinoidi abidi nige aue ata?  
\v 4 Isi baaeana, eo isi ganaganawarina heiheinoina se eooi; heiheinoina taba nige se mosei aridi eai, na Iona peroveta, ia heiheinoina mo.” Ia abo i laugabaedi, i lau.   
\s1 Yeast heiheinoina Iesu i ribahasahasai  
\r Mk. 8.13-21  
\p
\v 5 Ena heaheatayao se duna hari sana avasi eai, adi falawa nuadi se huiedi.  
\v 6 Iesu i heribadi i ene, “Parisea eo Sadukea edi \tl yeast\tl* au nuatui, au komakomanini.”  
\v 7 Isi se heunaboisaha si ene, “Ena riba paana ede falawa wa nige ta abidima.  
\v 8 Iesu edi nuatu i nuatuiyao, i heribadi, i ene, “Emi sunuma i gagiri, aue saha au heunaboisahausi, paana falawa nige au abidima?  
\v 9 Omi sora abina nige au ata, sora nige au nuatui hinage, falawa haligigi eo tatao tausani haligigi eo bosa hisa au hemonaudi wa?  
\v 10 Falawa haligigi‐labui, eo tatao tausani hasi, bosa hisa au tanogogoidi wa?  
\v 11 Aue saha nige au nuatui egu riba ta nige falawa ribana, Parisea eo Sadukea mo edi \tl yeast\tl* bena au komakomanidi?”  
\v 12 Arinai abo nuadi se taigari, falawa ena \tl yeast\tl* wa nige i ribaei bena se komakomanini, Parisea eo Sadukea mo edi laulauheata.   
\s1 Petero Iesu i riba wasawasaei  
\r Mt. 16.13-20; Mk. 8.27-37; Lk. 9.18-22; Io. 6.68-69  
\p
\v 13 Iesu Kaisaria Pilipi ana siga eai i laoma, i oimurilau ena heaheatayao aridi eai, i ene, “Eau, Tau Natuna, tatao si ene eau eai?”  
\v 14 Si ene, “Headi si ene Ioane Bapatiso eo headi si ene Elia, headi hinage si ene Ieremia, e peroveta wa esau.”  
\v 15 I ribalau aridi eai, i ene, “Omi au ene eau hede eai?”  
\v 16 Simona Petero ia arinana i heuio i ene, “Oa Keriso Eaubada maumaurina Natuna.”   
\s1 Ekalesia se riba hetubu.  
\p
\v 17 Iesu i ribalau ia arinai i ene, “Simona Ba‐Iona e, oa u lolo! Teina ta buluma dobilana eai nige se hemasaraha arim eai, na Tamagu mo galewa eai ie mia, teina ta i hemasaraha arim eai.  
\v 18 Ea heribam ta hinage, oa Petero, teina we’u ta potana eai egu ekalesia abo ea hetoro; mate gigiboridi taba nige se heguri.  
\v 19 Galewa basileia kina abo ea lediwa saha eo saha tanoubu eai ta u audi, galewa eai hinage abo se audi: saha eo saha tanoubu eai ta u eairihaidi, galewa eai hinage abo se earihaidi.”  
\v 20 Ia ena heaheatayao awadi abo i tawaidi isi tabu tau esau se heriba si ene ia Iesu, Kerisona.   
\s1 Keriso, ia ena mate, eo ena tarouio i ribamaodai  
\r Mk. 8.31-38; Lk. 9.22-27  
\p
\v 21 Nei huiana ne Iesu ena heaheatayao i ribahasahasainonohaidi, ia abo i lau Ierusalema eai, babada eo kohena babadadi, eo tauuriuri tataodi nimadi eai baaea gamagaridi abo i hearodi, abo hinage se unuhemate, na asubena hehaionana eai abo i torouio.  
\v 22 Petero Iesu abo i laehesuara, ia i ribasuui, i ene, “Guiau e, Eaubada matana eai taba nige’e! meta taba nige u hearodi.”  
\v 23 I sinibui i ribalau Petero arinai, i ene, “Oa Satani, u lau murigu eai, u guduguduigu ta, Eaubada ena nuatu nige u nuatuidi, tatao edi nuatu mo u nuatuidi.”   
\p
\v 24 Iesu abo i ribalau ena heaheatayao aridi eai, i ene, “Ena tau esau bena i hemuriwataigu, iabom i nuagabaeuioi, ena satauro i abiisini, i lauwataigu.  
\v 25 Taba esau bena i mauri, ia maurina i nuatugabaei: taba esau debagu eai ia maurina i nuatugabaei, mauri wa abo i lobai.  
\v 26 Tau esau abo saha i abi, taba tanoubu ginauridi i abiheohidi, ia nuana mo abo i mate? Eo aisana abo i mosei ia maurina maisana?  
\v 27 Tau Natuna Tamana ana tepo saesaena eai abo i laoma, eo maena aneruyao hinage, tatao gamagaridi, esau eo esau se lolo, e se baaea, abo i hemaisadi, i hegonoahidi.   
\s1 Iesu matana se ori: basileia wa tautauna se heitadi  
\r Mk. 9.2-13; Lk. 9.28-36  
\p
\v 28 Mamohoi ea heribamiu ta, headi inai se totoro, mate sora taba nige se hearo, i lau e Tau Natuna se ita ena basileia eai i laoma.”   
\c 17  
\p
\v 1 Asubena haligigi‐esega se ohi, Iesu Petero eo Iamesi, eo ena tau Ioane i woeaudoiedi, se sae oea deba pogana eai.  
\v 2 Isi matadi eai ie ori: ana ao udoi, matana i namanamari doha mahana, eo ana lulu se posiposi, doha marana.  
\v 3 Arinai abo Mose, eo Elia se taumasaraha maedi se ribariba.  
\v 4 Petero i ribalau Iesu arinai, i ene, “Guiau e, i lolo inai mo ta mia: ena u henua apa haiona inai ta abidi: esau enam, esau Mose enana, eo esau Elia enana.”  
\v 5 Ina doha ena ribariba, abo eada namanamarina esau i poiitawaidi: arina esau eada boeana eai laoma i ene, “Natuyogoyogoigu ede teina, nuagu i helolo; ia au ataiei.”  
\v 6 Heaheatayao riba wa se ataiei, se guridobi se debatutu tano eai, se matausi ariri.  
\v 7 Iesu abo i laoma i abiisinidi, i ene, “Au torohai, tabu au matausi.”  
\v 8 Isi matadi se helabaisinidi, nige tau esau se ita, Iesu mo iabom.   
\p
\v 9 Abo oea eai wa se leta se dobi, Iesu awadi i tawaidi, i ene, “Wau ginauri wa tabu tau esau au heriba, i lau e, Tau Natuna mate eai se hetorouioi.”  
\v 10 Ena heaheatayao se oimurilau ia arinai si ene, “Tauuriuri se saha si ene Elia taba i lagebagunama?”  
\v 11 Iesu i ribalau isi aridi eai i ene, “Mamohoi, Elia abo i lagebagunama, abo hinage ginauri gamagamagari i heharihariudi.  
\v 12 Na ea heribamiu ta, Elia i lagenonohamao, ia nige se nuatui, ia arinai, edi nuatu aisana, aisana se lauwataiyao. Doha ede hinage Tau Natuna abo nimadi eai se heamamna.”  
\v 13 Ena heaheatayao se nuatui Ioane Bapatiso ribana wa i heribadi.   
\s1 Tauheaheata se beruberu, Keriso i gigibori  
\r Mk. 9.14-29; Lk. 9.37-43  
\p
\v 14 Abo se lulage moutuana aridi eai, tau esau i laoma ia arinai, i turibono, i ene,  
\v 15 “Guiau e, natugu tau u nuatoatoai: i auaulea, eo amnana i baaea ariri: huia gamagari ie guri oeagi alaalasina eai, eo huia gamagari i beu goila eai.  
\v 16 Ea woeaiama em heaheatayao aridi eai bena se abihemauri, nige abina se ata.”  
\v 17 Iesu arinana i heuio i ene, “Omi isi ta au supusupu, eo au awayagara, huia lohaloha eau maemiu wa? eo huia lohaloha ea taubigaimiu wa? Ia au woeaiama arigu eai.”  
\v 18 Iesu demoni i ribadebapogai, abo i lulage murimuri eai: gama wa nei awa ne arinai abo i mauri.  
\v 19 Ena heaheatayao abo se laumahimahihi se lau Iesu arinai, si ene, “Ie saha aiduiena nige abina ai ata?”  
\v 20 Iesu i ribalau isi aridi eai i ene, “Paana nige au sunuma adidiri: mamohoi ea heribamiu ta ena emi sunuma au abi doha sinapi tumana esau, abo au ribalau teina oea ta arinai au ene, ‘U lau nei dimo eai,’ abo hinage i lau: taba nige ginauri esau abo au hekau.  
\v 21 Teina doha uura eo aiudi aridi eai mo ta aiduiedi.”   
\s1 Iesu ia ena mate eo ena torouio i ribamaodaiuioi  
\r Mk. 9.30-32; Lk. 9.43-45  
\p
\v 22 Isi se oioigogo Galilaia eai Iesu i ribalau aridi eai i ene, “Tau Natuna tatao nimadi eai abo se heabimosei.  
\v 23 Arinai abo ia se unui, asubena hehaionana eai abo se hetorouioi.” Ena heaheatayao se nuadubu ariri.   
\s1 Laulau gigibori: takisi  
\r Mk. 12.13  
\p
\v 24 Se lage Kaperenauma eai takisi monina taupeigogoi se laoma Petero arinai, si ene, “Ami tanuaga takisi hinage abo i tore?”  
\v 25 I ene, “E.” Ia i awasaema numa‐alo eai Iesu i riba baguna i ene, “Simona e, em nuata saha? Tanoubu wasawasadi aidobudi aridi eai edi takisi monina se abi, nanatudiyao mamohoi aridi eai, e hari dodoga aridi eai?”  
\v 26 Petero i ene, “Hari dodoga aridi eai.” Iesu ia i heriba i ene, “Mamohoi, nanatudiyao mo nige’e.  
\v 27 Taiede, ata ta henuaponoponodi, u lau gabogabo eai auri u tudobei, em eama u atuibagunai u abi: awana u gasi, moni esega abo u lobai: meta u laei u mosei aridi eai, enagu, eo enam.”   
\c 18  
\s1 Guguia: riba paana merumeru gagirina  
\r Mk. 9.33-37; Lk. 9.46-48  
\p
\v 1 Arinai abo ena heaheatayao se laoma Iesu arinai si ene, “Galewa basileiana eai, eai, abo i sae ariri?”  
\v 2 Iesu merumeru gagirina esau i eogai, i hebawa boeadi eai.  
\v 3 I ene, “Mamohoi, ea heribamiu ta, ena nuamiu nige au buidi, eo ena nige au hemala merumeru gagiridi hinage, galewa basileiana taba nige au lusora arinai.  
\v 4 Taba esa, eo esa, i nuatudobidobiuioi doha ina merumeru ta, ia abo i sae ariri galewa basileiana eai.   
\p
\v 5 “Ena eai eo eai, esau doha ina merumeru gagirina ta esagu eai i oiami, iaede i oiamigu hinage.  
\v 6 Teina merumeru gagiridi tausunumaegu wa eai eo eai esau i healabesibesi, i lolo taba we’u lailai ia gadona eai se au, abo se heputuhai gabotum eai.   
\p
\v 7 “Kapore tanoubu, paana aba‐alabesibesina: alabesibesi taba se tubu, abo ahani tau wa arinai alabesibesi se tubu, kapore ia!  
\v 8 Arinai ena nimam e aem se healabesibesim, u tomhaidi, u gabahesuaradi, i lolo ma laulaudaem eai, eo ma nimakuukuum eai, mauri u abi, ena nimam labui eo aem labui se tudobem oeagi alaalasina boeana eai, i lau e nige nosina.  
\v 9 Eo ena matam i healabesibesim u lamohai, u gabahesuara: i lolo matam esega mauri u abi, ena matam labui abo se tudobem gehena oeagi alaalasina eai.   
\p
\v 10 “Au komakomanimiu, merumeru gagiridi tabu esau au isuewaei: ea heribamiu ta, galewa eai isi anerudi Tamagu galewa eai ia matana huia gamagari se ita.   
\s1 Mamoe i taueamui: Guiau taueooina.  
\r Lk. 15.3-7  
\p
\v 11 “Tau Natuna i laoma isi se tautauyamui bena i hemauridi.  
\v 12 Emi nuatu au ene edoha? Tau esau ena mamoe tatao‐haligigi‐se‐mate, esega ie gege, tau wa mamoe tatao‐hasi‐se‐mate‐saudoudoi‐haligigi‐hasi i laugabaedi, e nige’e wa, esau ie gege wa oea tupina eai i eooi?  
\v 13 Mamohoi ea heribamiu ta wau mamoe wa taba ena i lobai, arinai abo i kode ariri, mamoe tatao hasi‐se‐mate‐saudoudoi‐haligigi‐hasi nige se gege wa, nige i kodedaoiedi.  
\v 14 Doha ede Tamamiu galewa eai ena nuatu i ene, Teina merumeru gagiridi ta tabu esau i tauyamui.   
\p
\v 15 “Hinage ena em tau i hebaaeam, u lau ia arinai, ia eo oa, omibom mo, abo ena baaea u ribahasahasai: ena em riba i ataiei, em tau u hebiga.   
\s1 Ekalesia maraitom‐asubena edi abahedudurai.  
\p
\v 16 Ena nige i ataiei, tau esega, e tatao labui maemyao au lau, tauribataubiga tatao labui, e haiona awadi eai riba gamagaridi se hemamohoiedi.  
\v 17 Ena edi riba hinage i awayagaraei abo ekalesia u heribadi: ena ekalesia edi riba nige i ataiei, taiede, nuam eai i hemala etene, eo i hemala telona.  
\v 18 Mamohoi ea heribamiu ta, saha eo saha tanoubu eai ta au audi, galewa eai hinage abo se audi: saha eo saha tanoubu eai ta au eairihaidi, galewa eai hinage abo se eairihaidi.  
\v 19 Arimiu eai ea ribauioi ta, ea ene, ena taumi labui tanoubu eai, nuamiu lelena esega ginauri esana au aibodai, Tamagu galewa eai abo i leawa.  
\v 20 Ena labui, haiona, taba se oigogoesega eau esagu eai, eau metai isi boeadi eai.”   
\s1 Ribagigiri laugagaeona  
\r Lk. 17.3, 4  
\p
\v 21 Petero abo i laoma ia arinai i ene, “Guiau e, egu tau ma‐hisa i hebahebaaeagu, eo ena baaea ea nuatugabaei? Ma‐haligigi‐labui?”  
\v 22 Iesu i heribalaei i ene, “Ea heribam ta nige ma‐haligigi‐labui mo: ea ene ma‐tatao‐haiona‐se‐mate‐saudoudoi‐haligigi‐labui.   
\p
\v 23 “Galewa basileiana doha ede eanua wasawasana esau ena tatao paisoa edi buka ginauridi i hesioidi.  
\v 24 I lau hesioidi, abo esau i laoma ia arinai, ana hagahaga taleni tausani saudoudoi nige i hemaisadi.  
\v 25 Ia nige ena gogo, arinai tanuagana i lauhesomdi tau wa se une, monena hinage, eo nanatunayao. eo ena ginauri gamagaridi, wau maisana wa.  
\v 26 Taupaisoa wa i guridobi ia i tabaohui i ene, ‘Guiau e, agutoi, sora nuam i taru abotai abo ea hemaisaheohidi.’  
\v 27 Tanuagana taupaisoa i nuatoatoai, abo i eairigabaei, eo ena buka wa i hedudurai mo.  
\v 28 Wau taupaisoa wa, ie pesa murimuri eai, helena taupaisoa esau i lobai \f + \fr 18.28 \ft Nonoina eda moni eai doha \fq shilling \fq esega.\f* denari tatao‐haligigi‐se‐mate i mosehagahagaidi: ia i toai, gadona i lamosi, i ene, ‘Am haga wa maisadi u ledima.’  
\v 29 Helena taupaisoa i guridobi aena eai, i ribagadogadora ia arinai i ene, ‘Sora nuam ie taru abotai abo ea hemaisaheohidi.’  
\v 30 Ia nige i ataiei i lau i heduiahalai numa masigiri eai, i lau e ana haga wa i hemaisadi.  
\v 31 Helena taupaisoa tataodi wau laulau wa se ita nuadi se baaea ariri, se laoma ginauri gamagaridi adi tanuaga wa se heriba.  
\v 32 Ana tanuaga ia i eogai i ribalau ia arinai i ene, ‘Oa taupaisoa baaea e, am haga wa gamagaridi ea nuatugabaedi paana ede u awanorigu.  
\v 33 Helem taupaisoa hinage ue saha ia nige u nuatoatoai, doha hinage eau ea nuatoatoaim ta?’  
\v 34 Ana tanuaga i ouealayalaei abo i moselaei tauheamamna aridi eai i lau e ana haga i hemaisaheohidi.  
\v 35 Hinage nei doha, Tamagu galewa eai abo i abi omi arimiu eai, esa to esa, ena nuam eai em tau ena baaea, esau eo esau, nige u nuatugabaedi.”   
\c 19  
\s1 Iesu Iudea eai i miamiauio.  
\p
\v 1 E, abotai Iesu wau riba wa i ribalautom, Galilaia i laugabaei, abo i laoma Iudea ana sigasiga eai, Ioridano hari teha eai.  
\v 2 Moutuadi lailai ia se hemuriwatai: nei eai i hemauridi.   
\s1 Inawasei ribana Iesu i ribaei  
\r Mt. 5.31, 32; Mk. 10.1-12; Lk. 18; 1 Kor. 7.10-15  
\p
\v 3 Parisea hinage se laoma ia arinai, ia se nohoi, se ribalau ia arinai si ene, “Laugagaeo si ene edoha, tau, hari mata hari mata aridi eai, monena abo i inavasei, e nige’e?”  
\v 4 I ribalau aridi eai i ene, “Omi nige au hasiri si ene ia wa huia hetubudi eai i ginauridi, tau eo sine i ginauridi.  
\v 5 Eo i ene, ‘Arinai ede tau tamana eo sinana abo i laugabaedi, abo i patulau monena arinai: isi taudi labui abo bulumadi esega mo?’  
\v 6 Arinai isi labui nige’e, isi buluma esega mo. Arinai ede, saha Eaubada i hepatuesegai tabu tau esau i abihesuaradi.”  
\v 7 Isi ia si heriba si ene, “Na Mose ie saha i lauhesomdi i ene, inawasei pepana se abi abo sine wa i inawasei?”  
\v 8 Ie ribalau aridi eai i ene, “Nuamiu se oiura ariri, arinai Mose ie eari, monemiuyao abo au inawasedi: na huia bagubaguna eai wa nige doha nei.  
\v 9 Hinage ea heribamiu ta, ea ene, eai eo eai monena i inawasei sine esau abo i tawasorai, ia i ganawari: eo eai eo eai sine se inawasei wa i tawasorai, ia hinage i ganawari. Taba sine i ganawari, taiede, taba se inawasei.”   
\p
\v 10 Ena heaheatayao ia se heriba si ene, “Ena tau monena arinai doha nei, tawasora nige i lolo.”  
\v 11 Ia i heribadi i ene, “Tatao gamagari nige abina se ata riba ta se abi, isibom mo enadi, aridi eai se mosei.  
\v 12 Headi sinadiyao bogadi eai isi eunauka: headi tatao se heeunaukadi: headi hinage, galewa basileiana debana eai isibom nuadi se eunauka. Taba esau abina i ata riba ta i abi, abo i abi.”   
\s1 Merumeru gagiridi Iesu i oiamidi eo i awaloloedi  
\r Mk. 10.13-16; Lk. 18.15-17  
\p
\v 13 Abo merumeru gagiridi se woeaidima ia arinai bena nimana i toresaedi potadi eai, eo i lau‐uura: na ena heaheatayao se ribamataedi.  
\v 14 Iesu i ene, “Merumeru gagiridi au eari se laoma arigu eai, tabu au guduguduidi: galewa basileiana doha isi ede.”  
\v 15 Nimana i toresaedi potadi eai, nei dimo ne abo i laugabaei.   
\s1 Tanuaga hewari esau ribana, ia monamonaune tauna  
\r Mk. 10.17-30; Lk. 18.18-30; Lk. 10.25-30  
\p
\v 16 Esau abo i laoma ia arinai i heriba i ene, “Tauheaheata lolona e, laulau lolona esana abo ea abi, arinai abo ea mauri nige nosina?”  
\v 17 Ia i heriba i ene, “Ue saha u awanorigu? Nige esau i lolo, esega mo, ia ede Eaubada: taba u ene bena u lage mauri boeana eai, laugagaeo u sogohididini.”  
\v 18 Ia arinai i ene, “Aitea?” Iesu i, ene, “Tabu u aiunu, Tabu u ganaganawari, Tabu u aiaiyahari. Helem taumia tabu u hegirugaibui.  
\v 19 Tamam eo sinam u eogoeogoidi: eo Helem taumia u gadosisiei doha oabom u gadosisiuioim.”  
\v 20 Hewari wa i ribalau ia arinai i ene, “Ma‐hewarigu eai wa i laoma ina ta, teina ginauri gamagaridi ea nanabuheohidio: ginauri esana ea hedeha?”  
\v 21 Iesu i ribalau ia arinai i ene, “U henua u lolo esegaim u lau em gogo gamagaridi u unegabagabaedi, u mosedi gogogesagesa tataodi aridi eai: em gogo galewa eai abo se ota, abo u laoma u hemuriwataiguma.”  
\v 22 Na hewari wa, teina riba ta i ataiei, i lau‐suara, i nuadubu ariri: paana ede ena gogo se gamagari ariri.   
\p
\v 23 Iesu abo i ribalau ena heaheatayao aridi eai i ene, “Mamohoi, ea heribamiu ta, taumonamonaune bena i lusora Eaubada ena basileia eai, i hetahetalaahi.  
\v 24 Hinage ea heribauioimiu ta, ea ene, kamela taba i lusora diu gudana eai, taumonamonaune mo Eaubada ena basileia dobilana eai bena i lusora abo i ahi.”  
\v 25 Ena heaheatayao ina riba ta se ataiei, se noo ariariri, si ene, “Taba nei doha, eai abo i mauri?”  
\v 26 Na Iesu i ita lau aridi eai, abo i heribadi, i ene, “Tatao nige abina se ata: na Eaubada ginauri gamagamagari abidi ie ata.”   
\s1 Aposotolo edi abatoro maraitom‐asubena basileiana eai, Iesu i ribaei.  
\p
\v 27 Petero arinana i heuio i ene, “Ai ginauri gamagamagari ai nuagabaedi, ai hemuriwataim: saha abo ai abi?”  
\v 28 Iesu i ribalau isi aridi eai i ene, “Mamohoi ea heribamiu ta, omi au hemuriwataiguma wa, huiana eai ginauri se hetubuharihariudi, Tau Natuna ma ana tepo i bawasae ena terona eai, omi hinage abo au bawasae terona saudoudoi‐labui eai, Isaraela adi bogao saudoudoi‐labui abo au heduduraidi.  
\v 29 Tau esau, eo esau, numa i laugabaedi e, ena tataoyao e, lounayao e, tamana e, sinana e, monena e, nanatunayao e, oea e, eau debagu eai, ginauri gamagaridi taba i abidi, eo mauri nige nosina hinage abo i abi.  
\v 30 Na gamagaridi headi se bagubaguna abo se murimurita: eo isi se murimurita abo se bagubaguna.   
\c 20  
\s1 Parabole: vine oeana tatao taupaisoa.  
\p
\v 1 “Galewa basileiana doha ede tau esau ia numa tanuagana, mara‐tomtom eai abo i lau ena oea taupaisoaina i eoogogoidi.  
\v 2 Taupaisoa headi maenayao nuadi lelena esega si ene asubena esega maisana denari esega, abo i hetamaridi, se lau ena vine gana alo eai.  
\v 3 Mahana hehaionana eai hinage abo i uio, headi i itadi se totoro gaibu mo abauneune baubauna eai.  
\v 4 Ie ribalau aridi eai i ene, ‘Omi hinage au lau vine gana alo eai, maisana duduraina abo ea lediwa:’ Arinai isi abo se lau.  
\v 5 Hinage mahana doha hehaligigi‐esegana, eo mahana hehaligigi‐hasina eai, ie uio, ena laulau esega mo nei doha.  
\v 6 Eo mahana doha hesaudoudoi‐esegana eai abo i uio, headi hinage i itadi se totoro gaibu mo, ie ribalau aridi eai i ene, ‘Aue saha au totoro gaibu mo inai asubena lohaloha ta ie ohi?’  
\v 7 Ia se heriba si ene, ‘Nige tauhepaisoamai.’ I ribalau aridi eai i ene, ‘Omi hinage au lau vine gana alo eai.’  
\v 8 I maimailahi, vine oeana tanuagana tauitawataina i heriba i ene, ‘Tatao paisoa u eogaidima, edi maisa u mosedi, u hetubu taumurita aridi eai, i lau e taubaguna aridi eai.’  
\v 9 Isi mahana doha hesaudoudoi‐esegana eai se eogaidi wa se laoma, esa, eo esa, ena denari esega i abi.  
\v 10 Isi taubagubaguna wa se laoma, edi nuatu si ene enadi abo se helai; isi hinage denari esega esega mo se abi.  
\v 11 Isi se abiyao, numa tanuagana abo se gadigadiguguei,  
\v 12 si ene, ‘Teina ta taumuritama, mahana esega mo se paisoa, na u hemaisadi u heaigonogonoaimai, ai ai paisoa asubena lohaloha, eo mahana gigiborina eai.’  
\v 13 Tau wa arinana i heuio i ene, ‘Ehagu e, nige ea boraim, taoda labui ta oiribao, e nige’e, ta ene denari esega mo?  
\v 14 Enam me u abi, u lau em abalau eai: teina taumurimurita ta abo ea mosei doha hinage ea leawa.  
\v 15 Eaubom egu ginauri taba nuagu abo ea lauwatai e nige’e? Matam se baaea paana egu abi se lolo?’  
\v 16 Taiede isi taumurimurita abo se bagubaguna, isi taubagubaguna abo se murimurita: gamagaridi se eogaidi, hisahisawaidi mo se abihilehileidi.”   
\s1 Iesu ia ena mate eo ena torouio i ribauio  
\r Mk. 10.32-34; Lk. 18.31-34; Mt. 12.38-45; 16.21-28; 17.22, 23  
\p
\v 17 Iesu i sae Ierusalema, dobila eai ma launa heaheata saudoudoi‐labui i woeahesuaradi, i heribadi,  
\v 18 i ene, “Ta sae Ierusalema eai: Tau Natuna abo se heabimosei kohena lailaidi eo tauuriuri nimadi eai, abo se hegirunonohai abo i mate.  
\v 19 Ia abo se mosei Murimuri‐tataodi nimadi eai, abo se talatalawasiei, eo se pidiri, eo se hesatauro: asubena hehaionana eai abo i torouio.”   
\s1 Iesu ia ena mate eo ena torouio i ribauio  
\r Mk. 10.35-45  
\p
\v 20 Sebedaio nanatunayao sinadi, nanatunayao labui maenayao abo se laoma Iesu arinai, i tabaohu ia arinai, ginauri esau i aiboda‐gadogadolaei.  
\v 21 Iesu i ribalau ia arinai i ene, “Saha u henua?” Ia arinai i ene, “Em basileia eai, taba u riba, nanatuguyao labui ta esau nimatutum eai i bawa, eo esau nimaseuseurim eai.”  
\v 22 Iesu i heuio i ene, “Au aiboda gaibu, nige au nuatui. Bia wa ea nonom ta, omi abina au ata au nom, eo bapatiso arinai se hebapatisoigu abo hinage se hebapatisoimiu wa?” Ia se heriba si ene, “Gonoamai.”  
\v 23 Ia abo i heribadi i ene, “Mamohoi egu bia wa abo au nom, bapatiso arinai se hebapatisoigu abo omi se hebapatisoimiu hinage: na nimatutugu eai se bawa, eo nimaseuseurigu eai, meta eau enagu nige’e, bena ea mosegaibui mo: headi, isibom enadi Tamagu i abinonohaiyao.”  
\v 24 Saudoudoi wa se ataiei, taudi labui wa se ouyalayalaedi.  
\v 25 Iesu i eogaidi i ene, “Au itayao Murimuri‐tataodi edi wasawasa tatao se lauhearidi, eo isi tatao babadadi hinage se lauhesomdi.  
\v 26 Tabu omi doha nei: esa, eo esa bena i saetawatawaimiu, ia abo enamiu taupaisoa eai i lau.  
\v 27 Taba esa, eo esa bena abo emi bada, ia abo enamiu tauheaheari eai i lau.  
\v 28 Doha hinage Tau Natuna nige i laoma bena ia se bobodiei, iabom mo tatao i bobodiedi, eo ena mauri i torehebiga tatao gamagaridi maisadi.”   
\s1 Tatao matagibugibu labui matadi se helaladi  
\r Mk. 10.46-52; Lk. 18.35-43  
\p
\v 29 Ieriko se laugabaei moutuana lailai ia se hemuriwatai.  
\v 30 Taumatagibugibu labui se babawa dobila hasarina eai, isi wasana se ataiei Iesu i baeawaidi, se eogalau ia arinai si ene, “Guiau e, oa Davida natuna e, u nuatoatoaimai.”  
\v 31 Moutuana wa se ribasuuidi si ene, “Au monou:” na se eogalailai si ene, “Guiau e, oa Davida natuna e, u nuatoatoaimai!”  
\v 32 Iesu abo i tarutoro i eogalau aridi eai, i ene, “Omi nuamiu saha, abo ea sahaimiu?”  
\v 33 Si ene, “Guiau e, bena matamai se lala.”  
\v 34 To Iesu i nuatoatoaidi matadi i abiitadi: matadi ma‐esega abo se lala, abo ia se hemuriwatai.   
\c 21  
\s1 Wasawasa tatao gamagaridi matadi eai i laoma edi wasawasa  
\r Zech. 9.9; Mk. 11.1-10; Lk. 19.29-38  
\p
\v 1 Isi Ierusalema se hanahanaui, Betepage eai se lage, Oliveta oeana eai, Iesu ena heaheatayao labui i hetamaridi.  
\v 2 Aridi eai i ene, “Au lau meta eanua matamiu eai me, au lage asini esau se auiao abo au lobai, ma natuna hinage: au eairidi, au woeaidima.  
\v 3 Ena tau esau i ene saha eo saha, abo au ene, ‘Guiau bena i abidi;’ ia ma esega abo i hetamaridi.”  
\v 4 Ina laulau gamagaridi se abidi, riba wa peroveta i ribaei wa abo se tubu, i ene ina doha.   
\q1
\v 5 “Omi, Siona natuna siu au heriba, au ene,  
\q1 Hage u ita, em Wasawasa i lagema arim eai,  
\q1 i bulobulou, asini potana eai ie bawa,  
\q1 iaede asini natuna.”   
\qr (Is. 62.11; Zech. 9.9).  
\m
\v 6 Ena heaheatayao abo se lau, se abi doha Iesu i lauhesomdi wa.  
\v 7 Asini ma natuna se woeaidima, adi lulu se lauwese potadi eai, ia abo se hebawasae potana eai.  
\v 8 Moutuadi lailai adi lulu se lauwese dobila eai: eo headi oeagi lagadi se talahaidi hinage, se lauweseauri dobila eai.  
\v 9 Moutuadi wa se bagubaguna, eo se murimurita, se eogayoga si ene, “Hosana, Davida Natuna arinai. Ia Guiau esana eai i lagema i lolo! Hosana galewa iniinipuripurina eai.” (Psa. 118.25, 26).  
\v 10 Ia Ierusalema eai i lagema, eanua tataodi se taguguohi, si ene, “Ina ta eai?”  
\v 11 Moutuana si ene, “Ina ede Iesu, ia Nasareta Galilaia perovetana.”   
\s1 Iesu numa tabuna ma‐helabuina i heaa.  
\r Mk. 11.15-18; Lk. 19.45-47; Io. 2.13-16  
\p
\v 12 Iesu i awasae Eaubada ena numa tabuna alona eai, tauuneune gamagaridi i aiduiedi, eo moni tauuneheduhedudu edi hatahata i ahalabuidi, isi bunebune tauuneune edi abababawa hinage doha.  
\v 13 Ie ribalau aridi eai, i ene, “Si uriyao, ‘Egu numa esana abo se tore uura numana’ (Is. 56.7): numa wa omi aue abi i hemala tauaiaigirihai edi abaoigogo.” (Iere. 7.11).   
\p
\v 14 Matagibugibu tataodi eo taulaulaudae se laoma ia arinai numa tabuna eai: ia i hemauridi.  
\v 15 Kohena lailaidi eo tauuriuri ena laulau gigiboridi se itadi eo, merumeru numa tabuna eai se eogayoga si ene, “Hosana, Davida Natuna arinai;” arinai nuadi se baaea ariri.  
\v 16 Eo se ribalau ia arinai si ene, “Edi ribariba ne u ataiei?” Iesu ie ribalau aridi eai i ene, “Hedeona; omi nige au hasiri, ‘Kaimou eo merumeru madomadodi awadi eai aihelahui abo ea hemamohoi?’” (Psa. 8.2).  
\v 17 Ia abo i laugabaedi, ie lau eanua murimurina eai, ie lau Betania eai; arinai ie eno.   
\s1 Suko nige aniona se hebaaea.  
\r Mk. 11.12-14, 20, 24  
\p
\v 18 Mara‐ie‐tom ie uio eanua, abo i guriam.  
\v 19 Kuhou esau, dobila hasarina eai ie ita; ie lage arinai, aiaina nige i lobai, lugu ahaahana mo, ie ribalau arinai i ene, “Tabu aiaim i tore, i lau e, ana huia ana tasi.” Nige baeaona kuhou wa abo i wowoea.  
\v 20 Ena heaheatayao se ita se noo, si ene, “Kuhou wa nige eawalana i wowoeaohi!”  
\v 21 Iesu arinadi i heuio i ene, “Mamohoi ea heribamiu ta, taba au sunuma, eo nuamiu nige se labulabui, omi wau kuhou abiabina wa abo meta doha emi abiabi, eo hinage ena au ribalau teina oea ta tupina arinai, au ene, ‘U lau suara, se tudobem gabogabo eai:’ abo ie tubu.  
\v 22 Ginauri gamagamagari saha eo saha uura eai au aibodaidi ma sunumamiu, abo au abidi.”   
\s1 Iesu se haiawaeagaraei  
\r Mk. 11.27-33; Lk. 20.1-8  
\p
\v 23 Numa tabuna alona eai kohena lailaidi, eo eanua babadadi sora ma heaheatana na se lagema ia arinai, si ene, “Eai ena gigibori eai teina ginauri ta u ginauridi? Gigibori ta eai i leawa?”  
\v 24 Iesu arinadi i heuio, ie ribalau aridi eai i ene. “Riba esau abo hinage ea hesio arimiu eai, enagu abo au ribama, abo hinage ea heribamiu teina gigiborina ta eai i leama.  
\v 25 Ioane ena bapatiso haedi ie abi? galewa eai, e tatao aridi eai?” Isi se heunaboisaha si ene, “Ena ta ene galewa eai i dobima, abo i ene, ‘Ie saha hede nige au ataiei?’  
\v 26 Ena ta ene, ‘Tatao aridi eai,’ tatao ta matausiedi, paana tatao gamagaridi si ene Ioane ia peroveta.”  
\v 27 Isi Iesu se heuio si ene, “Nige abina ai ata.” Aridi eai i ene, “Eau hinage nige ea heribamiu eai ena gigibori eai ina ginauri ta ea ginauridi.   
\s1 Parabole: tau nanatunayao labui.  
\p
\v 28 “Nuamiu au ene edoha? Tau esau ia nanatunayao labui: i laoma taubaguna arinai i ene, ‘Natugu e, wau ta u lau egu oea eai u paisoa.’  
\v 29 Ia arinana i heuio i ene, ‘Taba nige ea lau:’ abotai nuana ie bui, to abo ie lau.  
\v 30 I laoma taumurita arinai hinage, ena riba esega mo. Ia arinana i heuio i ene, ‘Taubada e, abo ea lau,’ to nige i lau.  
\v 31 Taudi labui aitea tamana ena nuatu i lauwatai?” Si ene, “Taubaguna.” Iesu ie ribalau isi aridi eai i ene, “Mamohoi, ea heribamiu ta ea ene, telona tataodi, eo laulau‐baaea sisinedi Eaubada ena basileia abo se lusorabagunaemiu.  
\v 32 Na, Ioane laulau‐dudurai dobilana eai i laoma arimiu eai, eo ia nige au sunumaei: telona tataodi eo laulau‐baaea sisinedi ia se sunusunumaei, au itayao, to murina eai nuamiu nige au buidi, ia bena au sunumaei.   
\s1 Parabole: numa tanuaga ena vine oeana aiaina i eooi  
\r Mk. 12.1-9; Lk. 20.9-19; Is. 5.1-7  
\p
\v 33 “Parabole esau abo au ataiei: Numa tanuagana esau ena vine ganana i umai: i gana hetaiiri, vine abatomna ie sara, numa siwasiwa ie abi, abo i mosei tatao paisoa aridi eai, ia abo i lau eanua esau eda lohaloha eai.  
\v 34 Ena huia ua ie lage, ena heaheari tataodi i hetamaridi tatao paisoa wa aridi eai, oea wa aiaina bena se abidi.  
\v 35 Tatao paisoa ena heaheari tataodi se toaidi, esau se pidiri, eo esau se unui, eo esau se lauwe’ui.  
\v 36 Abotai abo ena heaheari tataodi gamagaridi headi i hetamaridi: edi laulau esega mo aridi eai.  
\v 37 Murina eai ia natuna abo i hetamari aridi eai, i ene, ‘Natugu abo se hemataei.’  
\v 38 Tatao paisoa ia natuna se ita, se oioiriba si ene, ‘Oea tanuagana ede ina; ehei ta unui, ena oea ta abo ta girihai.’  
\v 39 Ia abo se toai, se gabadioi vine ganana murimurina eai, abo se unuhemate.  
\v 40 Vine ganana tanuagana abo i laoma, wau tatao paisoa abo i sahaidi?”  
\v 41 Ia arinai si ene, “Tatao baabaaeadi meta abo i unuhematedi, ena oea abo i moselaei hari tatao paisoa aridi eai, isi abo oea aiaina edi huia eai, abo se mosei ia arinai.”   
\p
\v 42 Iesu i ribalau aridi eai, i ene, “Omi, uriuri eai nige au hasiri wa, si ene,  
\q1 ‘We’u numa tauabidi se otaotaei,  
\q1 ia abo we’u tubeina eai ie lau:  
\q1 Guiau teina ie abi,  
\q1 ta itaitai, eo ta noonooei?’   
\m
\v 43 Arinai ea ribalaowa arimiu eai ta, ea ene, Eaubada ena basileia arimiu eai, abo se abiuioi, abo se mosei hari basileia tataodi enadi, isi aiaina mamohoina abo se mosei.  
\v 44 Eai to eai ina we’u ta potana eai se guridobi abo se tamogorugoru: eai to eai ina we’u ta taba i saidi, abo i hesarurugorigoridi.”   
\p
\v 45 Kohena lailaidi eo Parisea tataodi ena parabole se ataiedi, se nuatulobai isi adi riba.  
\v 46 Ia bena se abilau se toai, moutuana se matausiedi, paana si ene ia peroveta.   
\c 22  
\s1 Parabole: tawasora mataasina  
\r Lk. 14.16-24  
\p
\v 1 Iesu arinadi i heuio i ribaparaboleuioidi i ene:  
\v 2 “Galewa basileiana doha ede wasawasa esau ia natuna abo i hetawasora.  
\v 3 Ena heaheari tataodi i hetamaridi tatao i ribaedi se eogaidi bena se laoma tawasora eai: se awayagara, nige se laoma.  
\v 4 Ena heaheari tataodi headi i hetamariuioidi, i ene, ‘Isi se ribaedi wa au heribadi, au ene, Agu aiai ea abinonohaidi: egu bulumakau, eo egu suisui saraidi se unuidio, ginauri gamagaridi se abinonohaidio: au laoma tawasora arinai.’  
\v 5 Isi se alaliuliua edi dobila udoidi mo se lauwataidi esau i lau ena oea, esau i lau ena sitoa.  
\v 6 Tatao hisahisawaidi se mia, ena heaheari tataodi se toaidi se hebaaeaaririedi, eo se unuhematedi.  
\v 7 Wasawasa wa, wasana i ataiei, abo i ouyalayala: tauiala i hetamaridi, tauaiunu wa se unuidi, edi eanua hinage se gabugorigori.  
\v 8 Abotai abo i ribalau ena heaheari tataodi aridi eai i ene, ‘Tawasora se abinonohaiyao, isi ea ribaedi wa nige se lolo.  
\v 9 Au lau dobila lailaidi eai, isi gamagaridi au lobaidi, au heribadi abo se laoma tawasora eai.’  
\v 10 Heaheari wa abo se lau dobila lailaidi eai, isi gamagaridi se lobaidi se heoigogoidima, headi se baaea, headi se lolo: tawasora taumanana se gamagari.   
\p
\v 11 “Wasawasa wa i awasae numa alona eai taumana bena i itadi, na tau esau nei eai ie ita, ena hetahetawasora luluna wa nige i lui:  
\v 12 Ie ribalau ia arinai i ene, ‘Ehagu e, ue saha u laoma inai hetahetawasora luluna nige u lui?’ Ia nige arinana.  
\v 13 Wasawasa abo i ribalau heaheari wa aridi eai, i ene, ‘Nimana eo aena au auauidi, au laehesuara, au gabadobei masigiri boeana eai: nei eai abo se doudou, eo moadi se taburueahisidi.’  
\v 14 Na tatao gamagari se eogaidi, hisahisawaidi mo se abi hilehileidi.”   
\s1 Herodiana tataodi edi riba Iesu i heuio.  
\r Mk. 12.13-17; Lk. 20.20-26  
\p
\v 15 Parisea tataodi abo se oioiriba edoha edi abiabina ena riba wa abo se hepiripiri.  
\v 16 Edi heaheatayao, eo Herodiana tataodi headi se hetamaridi ia arinai si ene, “Tanuagamai e, ai itayao oa u dudurai mo, eo Eaubada ena dobila mamohoina u lauheataei, nige tau esau hinage u matausiei, paana ede taumonamonaune eo taugogogesagesa mo u nuatuidi gonogonoadi.  
\v 17 U heribamai, em nuatu saha? Laugagaeo i lolo wa si ene takisi monina se mosei Kaisara, e nige’e wa?”  
\v 18 Edi baaea Iesu i nuatuiyao i ene, “Aue saha au nohoigu ta, omi tauboraborasom?  
\v 19 Takisi monina esau hage au heitagu.” Abo denari esega se leama ia arinai.  
\v 20 Ie ribalau aridi eai i ene, “Eai ana ao ina, eo eai ena uriuri?”  
\v 21 Ia arinai si ene, “Kaisara enana.” Abo i ribalau aridi eai i ene, “Kaisara ena ginauri au laei Kaisara arinai, eo Eaubada ena ginauri au laei Eaubada arinai.”  
\v 22 Teina riba ta se ataiei se noonooei, ia se laugabaei se lau edi abalau eai.   
\s1 Sadukea edi riba Iesu i heuio.  
\r Mk. 12.18-27; Lk. 20.27-40  
\p
\v 23 Wau asubenana eai wa Sadukea tataodi, isi si ene nige torouiona, se laoma ia arinai se oimuri.  
\v 24 Si ene, “Tanuagamai e, Mose i ene, ‘Taba tau esau ie mate ia nige nanatunayao, ena tau ia wabuna abo i tawasorai, natuna taba se labasi abo si ene tau mate wa natuna.’ (Du. 25.5).  
\v 25 Arimai eai tatao haligigi‐labui bogadi esega: taubaguna sine i tawasorai e ie mate, nige natuna, arinai wabuna wa i mosei ena tau ie hai.  
\v 26 Helabuina hinage doha, eo hehaionana hinage, i lau e taiede hehaligigi‐labuina wabuna wa i tawasorai.  
\v 27 Murina eai sine hinage ie mate.  
\v 28 Torouio huiana i lagema sine wa, tataodi haligigi‐labui aitea monena ede? Isi gamagaridi ia se abi.”  
\v 29 Iesu arinadi i heuio, i ribalau aridi eai i ene, “Au ponori, uriuri nige abidi au ata, eo Eaubada ena gigibori hinage nige abina au ata.  
\v 30 Torouio huiana eai nige se tawasora, eo nige se hetahetawasoraidi, na isi galewa eai doha Eaubada ena aneru.  
\v 31 Taumatemate se torouio ribana wa Eaubada i ribalaowa arimiu eai nige au hasiri wa, i ene.  
\v 32 ‘Eau Aberahama ena Eaubada, eo Isaako ena Eaubada, eo Iakobo ena Eaubada (Ex. 3.6)?’ Eaubada, taumatemate nige edi Eaubada, taumaumauri mo edi Eaubada.”  
\v 33 Moutuana teina se ataiei, ena lauheata se noonooei.   
\s1 Parisea edi riba Iesu i heuio  
\r Mk. 12.28-31; Lk. 10.25-28  
\p
\v 34 Parisea abo se ataiei ia Sadukea i ribahetuuridi, edi abaoigogo esega.  
\v 35 Adi sagu esau, laugagaeo tauna, ia i hesiokamaliua, i ene,  
\v 36 “Tanuagamai e, laugagaeo ribadi eai, aitea i saesae ariri?”  
\v 37 Iesu i ribalau ia arinai i ene, “Guiau em Eaubada u gadosisiei ma nuam i ohi, eo ma earuam i ohi, eo ma nuanuatum i ohi (Deut. 6.5).  
\v 38 Teina laugagaeo ta i baguna, eo i sae ariri.  
\v 39 Helabuina hinage doha ede. Helem taumia u gadosisiei doha hinage oabom u gadosisiuioim (Lev. 19.18).  
\v 40 Teina laugagaeo labui ta aridi eai laugagaeo gamagaridi, eo peroveta ribadi se heabasisaedi.”   
\s1 Iesu Parisea i hesioidi  
\r Mk. 12.35-37; Lk. 20.41-44  
\p
\v 41 Parisea tataodi ma oigogodi eai na Iesu i oimuridi,  
\v 42 i ene, “Emi nuatu au ene Keriso eai? Ia eai natuna?” Isi se ribalau ia arinai si ene, “Davida natuna.”  
\v 43 Ie ribalau aridi eai i ene, “Edoha Davida Earua Tabuna debana eai i awaguiauei, i ene,  
\v 44 ‘Guiau ie ribalau egu Guiau arinai, i ene, Nimatutugu eai u bawa i lau e em waiunuyao se hemala aem adi bou?’ (Psa. 110.1).  
\v 45 Ena Davida ia i awaguiauei, edohana au ene ia natuna?”  
\v 46 Nige tau esau heuiona abo abina i ata: eo wau asubena eai i lau e, taba nige esau i hesiouio ia arinai.   
\c 23  
\s1 Parisea heiheinoina  
\r Mk. 12.38-40; Lk. 20.45-47  
\p
\v 1 Iesu abo i ribalau moutuana, eo ena heaheatayao hinage aridi eai,  
\v 2 I ene, “Tauuriuri eo Parisea tataodi Mose ena abababawa eai se bawa:  
\v 3 ginauri gambgamagari, saha eo saha, se lauhesommiu si ene au abiwataidi, abo au abiwataidi: edi laulau mo tabu au laulauedi: awadi mo ribaribadi na taba nige se abiwataidi.  
\v 4 Adi bahebahe poroporohedi se audi, se porohe ariri, se toresaedi tatao dabaearodi eai: isi nima gigidi nige esega se torelaei aridi eai.  
\v 5 Na edi laulau gamagamagari se laulauedi bena tatao abo se itadi, edi pilateri se hemagagadi, eo adi lulu dedeadi se helaidi.  
\v 6 Mataasi eai biri saesaedi se henuadi: eo sunago alodi eai abababawa saesaedi hinage se henuadi,  
\v 7 abauneune eai edi nuatu bena tatao abo se laulautoiedi, eo bena tatao abo se awatanuaga aridi eai.  
\v 8 Tabu au awatanuagauioimiu: ami tanuaga esega mo ede Keriso: omi gamagarimiu boga esega mo.  
\v 9 Tanoubu eai ta tabu tau esau au awatamaei: Tamamiu esega mo ia ede galewa eai.  
\v 10 Tabu se awatanuagaemiu hinage: ami Tanuaga esega mo, ia ede Keriso.  
\v 11 Ena arimiu eai esau i sae ariri, ia abo emi heaheari eai i lau.  
\v 12 Eai to eai ia abo i hedebasaeuioi abo se ribahetamolubulubu: ia i ribahetamolubulubuuioi ia abo se hedebasaei.   
\s1 Baaea gamagamagari Parisea abo se hearodi Iesu i ribaedi  
\r Mk. 12.38-40; Lk. 20.47  
\p
\v 13 “Tauuriuri eo Parisea tataomiu e, omi tauboraborasom, kapore omi! ouyalayala lailai abo au hearo! Galewa basileiana tatao matadi eai au gudugudui: omi nige au sora, eo isi hinage bena se lusora au lauguduguduidi.  
\v 14 Tauuriuri eo Parisea tataomiu e, omi tauboraborasom, kapore omi! ouyalayala lailai abo au hearo! sisine wabuwabu edi numa au aigirihaidi, na emi borabora emi uura au heloha: arinai mate lailai abo au hearo.  
\v 15 Tauuriuri eo Parisea tataomiu e, omi tauborabora, kapore omi! ouyalayala lailai abo au hearo: na gabogabo eo tanoubu au hetaiiri bena tau esega nuana au buihetaiiri, e au abi, ia abo au abi i hemala gehena natuna, abo i baaea ariri i dioimiu.   
\p
\v 16 “Omi tauwoeawoea matagibugibumiu, kapore omi! ouyalayala lailai abo au hearo: au ene ‘Eai eo eai numa tabuna arinai se aigora meta nige aniona: na eai eo eai numa tabuna ena \tl gold\tl* arinai se aigora, aigora mamohoina ede meta.’  
\v 17 Au eauyaure omi: eo ma matagibugibumiu: aitea i sae ariri, \tl gold\tl* wa, e numa tabuna \tl gold\tl* i hetabuei?  
\v 18 Eo hinage au ene, ‘Eai eo eai abaaitalasamna arinai i aigora, nige aniona meta, na eai eo eai ainauia abaaitalasamna potana eai arinai i aigora, aigora mamohoina ede meta.’  
\v 19 Omi tauwoeawoeaidi, matamiu se gibugibu mo: aitea i sae ariri, ainauia wa, e abaaitalasamna ainauia wa i hetabuei?  
\v 20 Arinai eai eo eai abaaitalasamna arinai i aigora, i aigora mamohoi, eo ginauri gamagaridi potana eai aridi eai i aigorai hinage.  
\v 21 Eai eo eai numa tabuna arinai i aigora, i aigora mamohoi, eo ia arinai i aigora hinage numa tabuna boeana eai ie mia.  
\v 22 Ia hinage galewa arinai i aigora, Eaubada ena terona arinai i aigora, eo ia arinai hinage terona potana eai ie bawa.   
\p
\v 23 “Tauuriuri eo Parisea tataomiu, omi tauboraborasom, kapore omi; ouyalayala lailai abo au hearo: omi \f + \fr 23.23 \ft Lugu panepanedi aiai abaheanihu, se tanoi abo tupona se mosei Kohena, ainauia gagagiridi.\f* mint, eo anise, eo kumino hesaudoudoidi eai Eaubada arinai au aiainauia na laugagaeo lailai, eo heduduraina, eo nuatoatoana, eo sunumawataina au nuagabaedi: i lolo teina au abidi eo meta headi me au abiesegaidi hinage.  
\v 24 Omi tauwoeawoea, mata gibugibumiu, niiniili esau au hegoilisi‐gabaei, na kamela mo abo au dom.   
\p
\v 25 “Tauuriuri eo Parisea tataomiu e, omi tauboraborasom, kapore omi! ouyalayala lailai abo au hearo: kaputi eo gaeba murimuridi au deuriheaadi, nuaboeadi eai mo aigirihai, eo baaea apeapesuiana se ota.  
\v 26 Oa Parisea matagibugibum e, kaputi eo gaeba aloalodi u deuri bagunaedi, murimuridi abo hinage se aaesegaidi.   
\p
\v 27 “Tauuriuri eo Parisea tataomiu e, omi tauboraborasom, kapore omi! ouyalayala lailai abo au hearo: omi doha bousa se hepoahu‐heposiposidi, isi murimuridi itaitadi se lolo, na boeadi eai taumatemate siadadi, eo bii gamagamagari se monau.  
\v 28 Omi hinage doha ede tatao matadi eai emi laulau, opi murimurimiu eai mo se itadi si ene se dudurai, nuaboeamiu eai borabora eo baaea apeapesuiana se monau.   
\p
\v 29 “Tauuriuri eo Parisea tataomiu e, omi tauboraborasom, kapore omi! ouyalayala lailai abo au hearo: paana peroveta edi bousa au abidi, eo tau laulaududurai tataodi edi bousa au hepasadi.  
\v 30 Au ene, ‘Taba ai tamamaiyao edi huia eai wa ai mia, peroveta osinadi se heboriri taba nige ai saguidi.  
\v 31 Arinai ede au ribataubigauioimiu; peroveta tauunuidi nanatudiyao omi.  
\v 32 Tamamiuyao edi baaea sigasigadi omi au hemonaudi.  
\v 33 Omi mota e, omi mota isidi e, gehena matena eai emi abadago ede saha?  
\v 34 Arinai, hage, peroveta headi eo tatao sonoga, eo tauuriuri tataodi abo ea hetamaridiwa: headi abo au unuidi, eo au hesataurodi; headi emi sunago eai abo au pidiridi, hari eanua, hari eanua au henaudi abo au hebaaeadi.  
\v 35 Laulau dudurai tataodi osinadi gamagari tanoubu eai se heboriridi abo se laoma debamiu eai, Abela laulaududurai tauna osinana arinai se hetubu, i laoma e Sakaria, Barakia natuna osinana, ia au unui wa dubu eo abaaitalasamna duaduaridi eai.  
\v 36 Mamohoi, ea heribamiu ta, teina baaea gamagaridi, isi ta abo se hearodi.   
\s1 Iesu Ierusalema i laukaporei  
\r Lk. 13.34, 35  
\p
\v 37 “Ierusalema e, Ierusalema e, oa peroveta tauunuidi, eo headi wa se hetamaridiwa u lauwe’uidi, huia gamagari egu gadosisi bena nanatumyao ea heoigogoidi, doha kamkam nanatunayao mabena eai i obatawaidi, na omi au awayagara!  
\v 38 Emi numa se laugabaei au abi, numa ahaahana mo.  
\v 39 Ea heribamiu ta ea ene, maraitom asubena taba nige au itauioigu, i lau e abo au ene, ‘Ia i lolo Guiau esana eai i laoma.’”   
\c 24  
\s1 Oliveta guguiana: (1) numa tabuna abo se helopagorigori se ribanonohai  
\r Mk. 13.1-2; Lk. 21.5, 6  
\p
\v 1 Iesu dubu i laugabaei i lau murimuri eai: ena heaheatayao se laoma ia arinai dubu numadi bena ia se heita.  
\v 2 Iesu i ribalau isi aridi eai i ene, “Teina ginauri gamagaridi nige au itadi wa? Mamohoi ea ribalaowa arimiu eai, taba nige we’u esau i ota we’u esau potana eai, abo se heboloheohidi.”   
\s1 Oliveta guguiana: (2) hesio haiona  
\r Mk. 13.3, 4; Lk. 21.7  
\p
\v 3 Oliveta tupina eai ie bawa ena heaheatayao se lau mahimahihima, si ene, “U heribamai aitea huia eai ina ginauri ta abo se tubu? eo em uioma heiheinoina saha, eo tanoubu ena abalautom heiheinoina saha?”   
\s1 Oliveta guguiana: (3) teina isi ta ribana  
\r Mk. 13.5, 13; Lk. 21.8-19  
\p
\v 4 Iesu ie ribalau aridi eai i ene, “Au komakomanimiu, tabu tau esau i boraimiu.  
\v 5 Gamagaridi abo se lagema eau esagu eai, abo si ene, ‘Eau Keriso ede,’ gamagaridi hinage abo se boraidi.  
\v 6 Iala wasadi abo au ataiedi, eo iala ribadi hinage: tabu au nuadubu: teina ginauri gamagamagari abo se tubu baguna, e sigasigana sora.  
\v 7 Basileia esau eo basileia esau se iala, eo basileia esau eo basileia esau se iala (Is. 19.2); eo hari teha, hari teha eai, guriam abo se tubu, eo moniinii abo se hetabutabubu.  
\v 8 Teina ginauri gamagaridi ta aridi eai nuadubu ie tubu.   
\p
\v 9 “Omi abo se woealaemiu se henuadubumiu, eo abo se unuhematemiu; hinage basileia gamagaridi eai se ouyalayalaemiu esagu debana eai.  
\v 10 Nei huiana ne gamagaridi abo se alabesibesi (Is. 8.15), esau esau se haihaimoruuioidi, esau esau se haihaiouyalayalauioidi hinage.  
\v 11 Peroveta borabora gamagaridi abo se tubu, tatao gamagaridi abo se boraidi.  
\v 12 Paana baaea wa se gamagari ariri, arinai abo gamagaridi edi gadosisi se gogoma.  
\v 13 Ia ie dudu mo i lau e sigasigana eai, abo i mauri.  
\v 14 Teina basileia evaneliana tanoubu abo se lauguguiaheohi, hari tatao, hari tatao gamagaridi se ribahasahasaidi; abotai sigasigana abo i lagema.   
\s1 Oliveta guguiana: (4) nuadubu baaeana  
\r Mk. 13.14-23  
\p
\v 15 “Arinai ena nuadubu baaeana wa au ita, doha Daniela peroveta i ribaei wa (Dan. 9.27), dimo tabuna eai i totoro (eai to eai i hasiri abo i nuatui):  
\v 16 nei huiana ne isi Iudea taumiaina abo se dago oea tupidi eai.  
\v 17 Ia numa ewana eai ie bawa tabu i pesama ena ginauri i abidi numa eai:  
\v 18 hinage ia oea eai tabu i uioma ana lulu i abidi.  
\v 19 Kapore sisine taubogaboga, eo nei asubenana ne sisine nanatudiyao se hemadodi!  
\v 20 Au uura, bena emi huia dagodago eai ania nige se baaea, hinage asubena sabate nige’e.  
\v 21 Nei huiana ne nuadubu baaeana, nige baaea esau doha nei tanoubu se hetubu i laoma, i laoma, e teina huia ta, eo i lau e ana huia ana tasi (Dan. 12.1).  
\v 22 Asubena wa ena nige se hekuudi, taba nige tau esau i mauri, na tatao hilehileidi debadi eai nei asubenana ne abo se hekuudi.  
\v 23 Ena tau esau i ribalaowa i ene, ‘Keriso ia ede ina, Keriso ia ede nei’; ena riba tabu au ataiwatai.  
\v 24 Paana Keriso boraboradi abo se torohai, eo peroveta boraboradi hinage, isi heiheinoi eo noo lailaidi abo se hemasarahadi: mamohoi, ena abina se ata tatao hilehileidi wa abo se boraidi.  
\v 25 Au nuatui, ea heribanonohaimiuo.  
\v 26 Taba arimiu eai si ene, ‘Ia barabara eai ie mia’; tabu au lau arinai: taba hinage si ene, ‘ia i miayamui biriutusi eai’; riba wa tabu au ataiwatai.   
\s1 Oliveta guguiana: (5) Wasawasa ena uiouioma ma namanamarina  
\r Mk. 13.24-37; Lk. 21.25-36  
\p
\v 27 Doha namanamari i silima tupo aruabu eai, i lau e tupo ealasi eai: Tau Natuna ena laolaoma abo hinage doha ede meta.  
\v 28 Sinare ena abaota eai magesubu lailai abo se tupagogoesegai.   
\p
\v 29 “Nei huiana ne, nuadubu baaeana murina eai, maesega mahana abo i wahuwahuhuri, eo nawarai hinage taba nige i sina, eo ipora galewa eai abo se beuma, eo galewa gigiboridi abo se moimoiu (Isaia 13.10; 34.4).  
\v 30 Arinai abo Tau Natuna ia heiheinoina galewa eai abo i masarahama: tanoubu hari boga, hari boga abo se doudou, Tau Natuna abo se ita galewa eada boeadi eai i laolaoma, ma gigiborina eo ma namanamari‐aririna (Dan. 7.13).  
\v 31 Ia ena aneru abo i hetamaridi, bogigi arinana lailai eai (Isa. 27.13), tatao hilehileidi, enanayao, mana edi abatoama hasi eai, galewa sigana esau i lau e galewa sigana esau eai, abo se heoigogoidima (Deu. 28.64; 30.4).   
\s1 Parabole: Kuhou  
\r Mk. 13.28, 29; Lk. 21.29-31  
\p
\v 32 “Omi kuhou parabolena au nuatui: Lagana ma gubugubuna, lugudi i toredi, arinai au nuatui au ene, siwaro huiana i hanahanau.  
\v 33 Omi hinage doha meta, wau ginauri gamagamagaridi abo au itadi, abo au nuatui, au ene, i hanahanaumao, iaede dobila hasaridi eai.  
\v 34 Mamohoi ea heribamiu ta, teina isi ta sora taba nige i lautom, teina ginauri gamagaridi se tubunonohai.  
\v 35 Galewa eo tanoubu abo se lautom, na egu riba taba nige se lautom.   
\p
\v 36 “Na asubena ne eo awa ne nige tau esau abina i ata, galewa anerudi hinage nige’e, na Tamagu iabom mo.  
\v 37 Doha Noa asubenana eai wa (Gene. 7), Tau Natuna ena laolaoma abo doha ede.  
\v 38 Asubenadi wa dibori utuutu sora nige ie tubu, se aiai eo se nomnom, se tawasora eo se hai, i lau e nei asubenana ne Noa i lulau waga eai.  
\v 39 Nige se nuatui i lau e dibori utuutu i lagema, gamagaridi i ealuhaidi; Tau Natuna hinage ena laolaoma abo doha meta.  
\v 40 Nei huiana ne tatao labui abo se mia oea eai, esau abo se abihai, eo esau abo se laugabaei.  
\v 41 Sisine labui edi abagirigiri eai sitona abo se giri: esau abo se abihai, esau abo se laugabaei.  
\v 42 Au nuatuhetete: awa wa nige au nuatui arinai emi Guiau i laoma.  
\v 43 Teina au nuatui, ena numa tanuagana tauaiaigirihai ena huia lagema i nuatui, ia i silawahetete, ena numa taba nige se lopagorigori.  
\v 44 Arinai omi hinage au nuatuhetoanonohai: awa wa nige au nuanuatui arinai Tau Natuna abo i laoma.   
\p
\v 45 Eai heaheari tauna i lolo, eo i sonoga, ena guiau ia i hetoro ena numa tanuagana, ia nanatunayao aiai huiadi adi i mosedi?  
\v 46 Heaheari meta ena guiau ena huia lagema abo i lobai ena laulau nei doha, ia nuana i woiwoina.  
\v 47 Mamohoi ea heribamiu ta, ia abo heaheari wa i hetoro ena gogo gamagamagari tanuagadi eai ie lau.  
\v 48 Taba heaheari tauna baaeana nuagadona mo i ene, ‘Egu guiau ena laoma i boneawa’.  
\v 49 Ana sasaguyao abo i laulaulubidi, tatao eauyaure aridi eai hinage i aiai, eo i aiainom;  
\v 50 heaheari wa ena guiau abo i laoma asubenana wa nige i nuanuatui: hinage awa eai wa nige se ribaei,  
\v 51 ia abo i talautusihai, i hepatulaei tauborabora tataodi aridi eai: nei dimo eai ne abo se doudou eo moadi se taburuyahisidi.   
\c 25  
\s1 Oliveta guguiana: (6) parabole: sisine nuanuasupu haligigi se sonoga eo haligigi se eauyaure.  
\p
\v 1 “Galewa basileiana doha hasara nuanuasupudi saudoudoi, edi lamepa se abidi se lau tau‐bena‐i‐tawasora se laubagibagiei.  
\v 2 Haligigi se sibasiba, na haligigi se supusupu.  
\v 3 Isi tausupusupu wa edi lamepa se abidi, nige edi keresine.  
\v 4 Isi tausibasiba wa edi lamepa se abidi eo edi keresine iledi hinage se abidi.  
\v 5 Tau‐bena‐i‐tawasora wa i boneawa, isi gamagaridi matadi se enoeno, arinai se eno.  
\v 6 Bulinuana eai se hetalaneenee si ene, ‘Iei, tau‐bena‐i‐tawasora wa i laolaoma; au lau, au laubagibagiei.’  
\v 7 Hasara nuanuasupu gamagaridi abo se torohai, edi lamepa se ginauri nonohaidi.  
\v 8 Tausupusupu se ribalau tausibasiba aridi eai si ene, ‘Keresine ema bega au leama: ema lamepa se boso’o.’  
\v 9 Tausibasiba arinadi se heuio, si ene, ‘Nige’e; enamiu eai eo enamai eai ata nige gonogonoada: au lau tauuneune aridi eai, enamiu au uneune.’  
\v 10 Isi se lau se uneune wa, tau‐bena‐i‐tawasora wa i lagema; isi se abinonohao wa maenayao se lau tawasora eai: dobila abo se gudu.  
\v 11 Murina eai hasara nuanuasupusupu headi wa se laoma, si ene, ‘Guiau e, Guiau e, ema dobila u soeama.’  
\v 12 Arinadi i heuio i ene, ‘Mamohoi, ea heribamiu ta, ea hekaumiu.’  
\v 13 Omi au nuatuhetoanonohai, asubenana eo awana Tau Natuna arinai i laoma nige abina au ata.   
\s1 Oliveta guguiana: (7) Guiau ena uioma ena heaheari i lauitadi.  
\p
\v 14 “Galewa basileiana doha ede tau esau i lau eanua eda lohaloha eai, ena heaheari tataodi i eogaidi, ena gogo gamagaridi i mosei nimadi eai.  
\v 15 Esau taleni haligigi i mosei, eo esau labui, eo esau esega; tau esau, eo tau esau ena adidiri i heaigonogonoaiedi; ia abo ena adau i adauei.  
\v 16 Ia taleni haligigi wa i abidi i lau i paisoa arinai taleni haligigi hinage i hetubudi.  
\v 17 Ia labui i abidi, enana hinage i helai labui.  
\v 18 Na ia esega ie abi wa ie lau tano ie sara, ena Guiau ena moni arinai i puruyamui.  
\v 19 Huia lohaloha heaheari wa edi Guiau i laoma, aridi eai ena gogo i hesioedi.  
\v 20 Ia taleni haligigi i abidi wa i laoma haligigi i hetubudi wa hinage i ledima, i ene ‘Guiau e, taleni haligigi u ledima arigu eai wa: taleni haligigi hinage ea helaidi.’  
\v 21 Ena Guiau ia arinai i ene, ‘U abiloloedi, oa heaheari lolona, eo em nuatu se dudurai; ginauri hisahisawaidi u komakomanidi, abo ea hetorom ginauri gamagaridi abo oa tanuagadi eai u lau: em Guiau ena kode abo i hekodem.’  
\v 22 Ia hinage taleni labui i abidi wa i laoma i ene, ‘Guiau e, taleni labui u ledima wa; e labui hinage ea hetubudi.’  
\v 23 Ena Guiau i ribalau ia arinai i ene, ‘U abiloloedi, oa heaheari lolona, eo em nuatu se dudurai: ginauri hisahisawaidi u komakomanidi, abo ea hetorom ginauri gamagaridi abo oa tanuagadi eai u lau: em Guiau ena kode abo i hekodem.’  
\v 24 Ia taleni esega ie abi i laoma, i ene, ‘Guiau e, ea nuatuim oa tauawaawayagarana, em laulau enam u abigaibuidi mo, eo ginauri bena u tanogogoidi sora nige u lauhesurudi.  
\v 25 Eo ea matausi, ea lau em taleni tano eai ea puruyamui: enam me u abiuioiawa.’  
\v 26 Ena Guiau arinana i heuio i ene, ‘Oa heaheari baaeana, eo tauawaawabada, u nuatui wa egu laulau ginauri ea abigaibuidi mo, eo ginauri ea tanogogoauridi sora nige ea lauhesuru.  
\v 27 Ue saha egu moni nige u laei moni tauuneune aridi eai, abo ea uioma ta, egu moni ea abiuioi eo maisana hinage.  
\v 28 Wau taleni wa ia arinai au abi, au laei abo saudoudoi tauabidi arinai au mosei.  
\v 29 Paana ena tau esau eo tau esau i abi abo hinage se mosei, enana abo se gamagari ariri: ia ena nige i abi, enana begana abo hinage se abihai.  
\v 30 Heaheari baaeana wa au gabalaei masigiri boeana eai wa: nei dimo eai ne se doudou, eo moadi se taburuyahisidi.’   
\s1 Oliveta guguiana: (7) Guiau ena uioma Etene eanuadi i lauitadi  
\r Ioela. 3.11-16  
\p
\v 31 “Huiana Tau Natuna i laoma ma namanamarina, maena aneru hetahetabudi hinage, ia abo i bawasae ena terona namanamarina potana eai.  
\v 32 Ia nuanuana eai hari basileia, hari basileia tataodi se oigogo: ia abo i pei‐labuidi, doha mamoe taumiataunidi mamoe eo bokania i pei‐labuidi.  
\v 33 Ia abo mamoe i toredi ia nimatutuna eai, na bokania i toredi ia nimaseuseurina eai.  
\v 34 Abo Wasawasa ie ribalau isi ia nimatutuna eai aridi eai, i ene, ‘Au laoma, omi Tamagu i nuawoiwoinaemiu, basileia mumuga eai tanoubu se hetubu se abi nonohaiao au abi enamiu.  
\v 35 Paana ede ea guriam, agu aiai au leama; gadogu ie magu, goila eai au henomgu; eau taowawa, au taubigaigu;  
\v 36 nige agu lulu, au heluigu; ea asiebo, au itawataigu; eau numa masigiri eai ea mimia, hinage au laoma arigu eai.’  
\v 37 Tatao laulaududuraidi wa abo se ribalau ia arinai, si ene, ‘Guiau e, huia esana ai itam u guriam, am aiai ai leawa, hinage gadom ie magu, goila ai leawa ue nom?  
\v 38 Huia esana ai itam oa taowawa, ai taubigaim, nige am lulu, ai heluim?  
\v 39 Huia esana ai itam u asiebo, eo numa masigiri eai u miamia, hinage aie laowa?’  
\v 40 Wasawasa abo i ribalau isi aridi eai, i ene, ‘Mamohoi ea heribamiu ta, egu tau i hegehegegepo arinai ina laulau ta au laulauedi wa, doha ede au laulauedi arigu eai.’  
\v 41 Ia abo hinage i ribalau isi ia nimaseuseurina eai aridi eai, i ene, ‘Au lausuaraegu, au baaea ariri, au lau oeagi alaalasi nige nosina boeana eai, doha se ginauri nonohai diabolo maena aneru enadi:  
\v 42 paana ede ea guriam, agu aiai nige au leama; gadogu ie magu, agu goila nige au leduhieama au henomgu;  
\v 43 eau taowawa, nige au taubigaigu; nige agu lulu, lulu agu nige au leama; ea asiebo, eo numa masigiri eai se toregu, nige au laoma au itagu.’  
\v 44 Isi hinage abo se ribalau ia arinai si ene, ‘Guiau e, huia esana ai itam u guriam e gadom ie magu, e oa taowawa, e nige am lulu, e u asiebo, e numa masigiri eai u miamia, hinage nige ai taubigaim?’  
\v 45 Ia abo i ribalau isi aridi eai i ene, ‘Mamohoi ea heribamiu ta, doha teina egu tau i hegehegegepo nige au taubigai, nige au taubigaigu hinage.’  
\v 46 Isi abo se lau abamate nige nosina eai; na tatao laulau‐dudurai abo se mauri nige nosina.”   
\c 26  
\s1 Iudea adi tanuaga se oioiriba bena Iesu se unui  
\r Mk. 14.1, 2; Lk. 22.1, 2  
\p
\v 1 Iesu teina riba gamagaridi ta i riba‐lautom, ie ribalau ena heaheatayao aridi eai, i ene,  
\v 2 “Au nuatuiyao imaisina abo pasova se mataasiei, eo Tau Natuna se moruhai se hesatauro.”   
\p
\v 3 Kohena lailaidi, eo tauuriuri tataodi, eo eanua babadadi, se oigogo kohena saesaedaoina ena numa eai, ia esana ede Kaiapa.  
\v 4 Se oioiriba bena Iesu se toaliuliuai, ia abo se unui.  
\v 5 Na si ene, “Tabu mataasi eai ta, ata tatao se hetalagegagega.”   
\s1 Maria Betania Iesu i heyausi  
\r Mk. 14.3-9; Io. 12.1-8  
\p
\v 6 Iesu Betania eai ie mia, Simona, lepera tauna, ena numa eai i bawa bigabiga i aiai,  
\v 7 sine esau i laoma ia arinai alabata lasina i abiama, eausi alona eai, maisana i lai ariri, i hegoilaei ia boruboruna eai.  
\v 8 Ena heaheatayao se ita, se siayau, si ene, “Sanapu sahasaha ina i gaba gaibui ta?  
\v 9 Teina eausi ta taba se uneunei maisana lailai se abi, eo se mosei gogogesagesa tataodi aridi eai.”  
\v 10 Iesu i ataiei abo i ribalau aridi eai, i ene, “Sine ta sahaina au hemode? Laulau lolona i laulauei arigu eai ta.  
\v 11 Gogogesagesa tataodi huia gamagamagari maemiuyao se mia; eau nige huia gamagamagari maemiu.  
\v 12 Teina eausi i hegoi taugu eai ta, edi toregu i nuatunonohaiyao.  
\v 13 Ea heribamiu ta mamohoi, hari eanua, hari eanua eai, teina evanelia ta se lauguguiaei i lau e tanoubu i ohihai, sine ta ena laulau hinage abo se ribaei, ia abo abahenuaisinina.”   
\s1 Iudasi Isakariota Guiau i unelau  
\r Mk. 14.10, 11; Lk. 22.3-6  
\p
\v 14 Saudoudoi‐labui wa esau, esana Iuda Isakariota, ie pesa ie lau kohena lailaidi aridi eai.  
\v 15 Ie ribalau isi aridi eai, i ene, “Egu saha abo au leama ia abo ea leawa?” Ana mohara se ribaei \tl silver\tl* tau‐esega‐i‐mate‐soudoudoi.  
\v 16 Arinai ena dobila i eooi bena Iesu abo i morui.   
\s1 Pasova se abi nonohai  
\r Mk. 14.12-16; Lk. 22.14-20, 24-30  
\p
\v 17 Areto‐nige‐ie‐tubu mataasina asubena bagubagunana eai heaheatayao se laoma Iesu arinai si ene, “Ai lau haedi pasova em abaaina ai abihetoa nonohai?”  
\v 18 Ia i ene, “Au lau eanua eai tau esau arinai, au ene, ‘Tanuagada i ene, Egu huia i hanahanaumao: maegu heaheatayao pasova abo ai ai em numa eai.’”  
\v 19 Heaheatayao Iesu ena riba se lauwatai: pasova se abihetoa nonohai.   
\s1 Pasova murimurita aririna ede meta  
\r Mk. 14.17-21; Lk. 22.14-20, 24-30  
\p
\v 20 I maimailahi maenayao saudoudoi‐labui se bawabigabiga.  
\pc (Ioane 13.2-30 \tl au hasiri.\tl*)   
\m
\v 21 Isi ma aiaidi, i ene, “Ea heribamiu ta mamohoi ami sagu esau abo i moruigu.”  
\v 22 Isi abo se nuadubu ariri, esau, esau se ribalau ia arinai si ene, “Guiau e, eau wa?”  
\v 23 Arinadi i heuio i ene, “Ena ia nimana eo nimagu ai hedatuesegaidi gaeba alona eai, ia taumoruigu ede.  
\v 24 Tau Natuna abo i lau doha wasana se uri nonohaiyao: tau wa Tau Natuna taumoruina ede, kapore ia nuaahaahanina, tau ne i lolo taba ia nige se labasi.”  
\v 25 Iuda, taumoruina, ia arinana i heuio, i ene, “Tanuagagu e, eau wa?” Iesu ia arinai i ene, “Oa ede u ribaei.”   
\s1 Guiau ena mataasi tabuna Iesu i hetubu  
\r Mk. 14.22-25; Lk. 22.17-20; 1 Kor. 11.23-25  
\p
\v 26 Isi ma aiaidi, Iesu areto ie abi, i lautoi, i ihi, i mosei heaheatayao aridi eai, i ene, “Au abi au ai; taugu ede ina.”  
\v 27 Bia ie abi, i lautoi, i mosei aridi eai, i ene, “Arinai gamagarimiu au nom;  
\v 28 osinagu ede ina gagaeo harihariuna eai, se heboriri tatao gamagaridi edi baaea abaribagigirina ede.  
\v 29 Ea heribamiu ta, vine masina taba nige ea nomuioi, i lau e asubenana eai eau maemiu abo ta nom‐esega Tamagu ena basileia eai.”  
\pc (Ioane, 14.1-31 \tl au hasiri.\tl*)   
\s1 Petero i uhara Iesu i ribanonohai  
\r Mk. 14.26-31; Lk. 22.31-34; Io. 13.36-38  
\p
\v 30 Wana esau se wana nonohai, abo se lau murimuri eai. Oliveta tupina eai.  
\pc (Ioane 15, 16, 17 \tl au hasiri.\tl*)   
\m
\v 31 Iesu i ribalau aridi eai, i ene, “Ina maiona ta gamagarimiu debagu eai abo au alabesibesi: doha se uriyao, si ene, ‘Mamoe tauitawataidi ea lubi, mamoe eawoidi abo se tatagorigori’ (Zech. 13.7).  
\v 32 Ea torouio abotai abo ea bagunaemiu Galilaia eai.”  
\v 33 Petero i ribalau ia arinai i ene, “Tatao gamagaridi debam eai abo se alabesibesi, eau taba nige ea alabesibesi.”  
\v 34 Iesu ia i heriba i ene, “Ea heribamiu ta mamohoi, ina maiona ta kamkam sora nige se dou, mahaiona abo u uharaegu.”  
\v 35 Petero i ribalau ia arinai i ene, “Eau maem abo ta mate esega, taba nige ea uharaem.” Nei doha hinage heaheatayao gamagaridi edi riba esega mo.   
\s1 Iesu amamna lailai i hearo oea eai  
\r Mk. 14.32-42; Lk. 22.40-46  
\p
\v 36 Iesu maedi abo se lage dimo esau eai esana Getesemani, heaheatayao aridi eai i ene, “Inai au bawa, ea lau kalau nei eai ea lau‐uura.”  
\v 37 Maenayao Petero eo Sebedaio nanatunayao labui i woeaidi, arinai abo i hetubu i nuadubu, eo nuana i porohe ariri.  
\v 38 Ie ribalau aridi eai i ene, “Amnagu i baaea ariri, ea nuadubu matemate: inai au bawa, maegu ta silasilawa.”   
\s1 Uura bagubaguna  
\r Mk. 14.35; Lk. 22.41, 42  
\m
\v 39 Ia abo i taulau, i guridobi debana ie tutu, i uura, i ene, “Tamagu e, ea ene bena bia ta u laeudoiei: taiede eau nige egu nuatu ea lauwatai: oabom mo em nuatu.”   
\s1 Heaheata ma‐enodi  
\r Mk. 14.37, 38, 40; Lk. 22.45, 46  
\m
\v 40 Ia abo i laoma heaheatayao aridi eai, ma‐enodi i lobaidi, i ribalau Petero arinai, i ene, “Ie saha mahana esega maeguyao nige ta silasilawa?  
\v 41 Au silasilawa, eo au uura, noho ata i hearomiu: earuamiu se eari, na bulumamiu se beruberu.”   
\s1 Uura helabuina  
\r Mk. 14.36; Lk. 22.44  
\m
\v 42 Ma‐labui ie uio, i uura, i ene, “Tamagu e, taba bia ta nige u laeudoiei u ene bena ea nom, oabom nuam.”  
\v 43 I uioma abo i lobaiuioidi se eno‐matemateuio: isi matadi se porohe.   
\s1 Uuru hehaionana  
\r Mk. 14.39  
\m
\v 44 I laugabaedi, ie uio, ma‐haiona i uura, ena riba esega mo.  
\v 45 Abotai abo i laoma ena heaheatayao aridi eai, i heribadi i ene, “Abo au eno‐eawasimiu; awa i hanahanaumao, Tau Natuna ia abo se morui se mosei tatao baaea nimadi eai.  
\v 46 Au torohai ta lau: taumoruigu i lagemao.”   
\s1 Iesu se morui eo se toai  
\r Mk. 14.43-50; Lk. 22.47-53; Io. 18.3-11  
\p
\v 47 Ia ma ribaribana, Iuda, saudoudoi‐labui esau, i lagema moutuana lailai maenayao, ma elepadi, eo ma kebukebubudi, kohena lailaidi, eo eanua babadadi aridi eai se laoma.  
\v 48 Taumoruina wa heiheinoi i heribadi i ene, “Ena esau ea alagoiei ne, iaede meta, au toai.”  
\v 49 Abo i lagema Iesu arinai, i ene, “Guiau e, Eauedo!” Abo ia i alagoiei.  
\v 50 Iesu i ribalau ia arinai i ene, “Ehagu e, saha hesabana u laoma ta?” Arinai abo se laoma, nimadi eai se abilau Iesu arinai, abo se laei.  
\v 51 Iesu ana sagu esau nimana i loloi, ena elepa i nuisihai, kohena lailai ena heaheari esau i lau‐elepai beana i talahai.  
\v 52 Iesu ie ribalau ia arinai i ene, “Em elepa u toreuioi ena abaota eai, paana isi gamagaridi se aielepa, elepa eai hinage abo se unuhematedi.  
\v 53 U nuatui, u ene bena nige egu nuatu abo ina ena ea lau‐uura Tamagu arinai, ia aneru legiona saudoudoi‐labui abo i hetamariesegaidima?  
\v 54 Ena meta doha uriuri tabudi abo edohana edi hemahemamohoiena, si ene taba meta doha.”  
\v 55 Nei awa ne arinai Iesu i ribalau moutuana aridi eai, i ene, “Au laoma au toaigu eau doha tauaiaiyahari ma elepamiu eo ma kebukebubumiu? Asubena gamagamagari numa tabuna eai ea bawa maemiu, ea laulauheata, nige au abilaoma arigu eai.”  
\v 56 Teina ginauri gamagamagari se abidi peroveta edi uriuri bena abo se hemamohoiedi. Heaheata gamagari ia abo se nuagabaei, se dagogorigori.   
\s1 Iesu se laei Kaiapa eo Sunaderi nuanuadi eai  
\r Mk. 14.53-65; Io. 18.12, 19-24  
\p
\v 57 Isi wa Iesu se toai, abo se laei kohena lailai Kaiapa arinai, nei eai tauuriuri eo babadadi se oigogo.  
\v 58 Petero muri ariri eai Iesu i laulauwatai se lau kohena saesaedaoina ena numa eai, ia i luhu heaheari maenayao se bawabigabiga, i itaitawatailaei.  
\v 59 Kohena lailaidi, eo babadadi, eo sunaderi gamagaridi, Iesu ana mata borabora se eooidi, ia bena se unuhemate.  
\v 60 Na nige se lobai: mataborabora gamagaridi tauribaedi se laoma, nige se lobai. Abotai abo mata borabora tauribaedi labui se laoma.  
\v 61 Si ene, “Teina tau ta i ene, ‘Eaubada ena numa tabuna lopagorigorina abina ea ata, eo asubena haiona eai abo ea hetorouioi.’”  
\v 62 Kohena saesaedaoina i toro i ribalau ia arinai, i ene, “Oa nige arinam? Wau taudi labui wa se ribataubigaim, u ene edoha?”  
\v 63 Iesu nige ariarinana. Kohena saesaedaoina ie ribalau ia arinai i ene, “Eaubada maumaurina debana eai ea hetaladuim ta, ena oa Keriso, Eaubada Natuna, u heribamai.”  
\v 64 Iesu i ribalau ia arinai, i ene, “Oa ede u ribaei: taiede ea heribam ta ea ene, abotai Tau Natuna abo au ita gigibori nimatutuna eai ie bawa, galewa eadadi boeadi eai i laolaoma.”  
\v 65 Kohena saesaedaoina ana lulu i purisihaidi, i ene, “Eaubada i ribahebaaea, ana mata saha ta eooi? Eaubada i ribahebaaea au ataieyao.  
\v 66 Emi nuatu saha?” Arinana se heuio si ene, “Ana mata nonohana, ia abo i mate.”  
\v 67 Ia matana se garigarisoi, ia se oioiahalai; headi ia se laulauwapai,  
\v 68 Si ene, “Oa Keriso, u riba peroveta arimai eai, Eai i lubim?”   
\s1 Petero Guiau i uharaei  
\r Mk. 14.66-72; Lk. 22.55-62; Io. 18.16-18  
\p
\v 69 Petero numa lailai wa murimurina eai i babawa: siu esau i laoma ia arinai, i ene, “Oa hinage Iesu Galilaia maem?”  
\v 70 Isi gamagaridi matadi eai ie uhara, i ene, “Em riba u ribaei nige ea itaitai.”  
\v 71 Ia abo i lau murimuri eai, dobila numana eai, siu esau ia ie ita isi nei eai i ribalau aridi eai i ene, “Teina tau ta hinage Iesu Nasareta maena.”  
\v 72 Abo ie uhara uio, eo i arina baaea, i ene, “Tau me nige ea nuatui.”  
\v 73 Abotai abo isi nei eai se totoro se laoma, se ribalau Petero arinai, si ene, “Mamohoi oa hinage adi sagu esau: arinam i hemasaraham.”  
\v 74 Arinai abo i arina baaea ariri, i ene, “Tau me nige ea itaitai.” Maesega kamkam abo ie dou masaraha.  
\v 75 Petero Iesu ena riba wa nuana ie sae, ia i heriba wa i ene, “Kamkam sora nige ie dou, ma‐haiona abo u uharaegu.” I lulage murimuri eai, i dou matemate.   
\c 27  
\s1 Sunederi Iesu se moselaei Pilato arinai  
\r Mk. 15.1; Lk. 23.1; Io. 18.28  
\p
\v 1 Mara‐ie‐tom kohena lailaidi, eo eanua babadadi gamagaridi se oioiriba Iesu bena se unui.  
\v 2 Ia abo se pai, se woealaei, se mosei gavana Ponotio Pilato arinai.   
\s1 Iuda ena nuaamamna lailai nige aniona  
\r A. adi H. 1.16-19  
\p
\v 3 Iuda, taumoruina wa, abo ie ita Iesu bena se unui, nuana i buibuini, \tl silver\tl* tau‐i‐mate‐saudoudoi i uioedi kohena lailaidi eo babadai aridi eai.  
\v 4 I ene, “Eau ea baaea, tau ne ea moruhaiyawa nige ena baaea.” Si ene, “Taiede, ai nige’e, oabom.”  
\v 5 \tl Silver\tl* wa i gabalaedi numa tabuna alona eai, i laugabaedi, ie lau i gadosoha.  
\v 6 Kohena lailaidi \tl silver\tl* se abidi, si ene, “Moni abatoredi eai taba nige ta toredi ata laugagaeo ta utusi, paana ede osina maisana.”  
\v 7 Se oioiriba, abo gurewa tauginaurina ena oea aridi eai se une, laolaoma tataodi bena edi bousa.  
\v 8 Arinai abo oea wa esana se tore, Osina oeana, i laoma e huia ta.  
\v 9 Arinai peroveta Ieremia ena riba se hemamohoiei, i ene ina doha, \tl “Silver\tl* tau‐i‐mate‐saudoudoi se abidi, ia maisana si ene gonogonoana, ia Isaraela nanatunayao maisana se ribaei.  
\v 10 Gurewa tauginaurina ena oea aridi eai se mosei, doha Guiau i hetorogu” (Zech. 11.13).   
\s1 Pilato Iesu i hesihesioi  
\r Mk. 15.2-5; Lk. 23.2, 3; Io. 18.29-38  
\p
\v 11 Iesu gavana matana eai i totoro: gavana i oimurini i ene, “Oa Iudea edi Wasawasa wa?” Iesu ia i heriba i ene, “Oa u ribaei.”  
\v 12 Kohena lailaidi, eo eanua babadadi ia se hegiru, ia nige arinana.  
\v 13 Pilato abo i ribalau ia arinai i ene, “Ginauri gamagari aridi eai se hegirum ta nige u ataiei?”  
\v 14 Nige riba esau awana eai i heuio: arinai gavana i noo ariri.   
\s1 Iesu e Baraba?  
\r Mk. 15.6, 15; Lk. 23.17, 25; Io. 18.38-40  
\p
\v 15 Gavana ena laulau, ina mataasi eai ta, tauauauna esau i eairihai, aitea tau wa tatao isibom se henua.  
\v 16 Nei eai tauauauna esau ia wasalaulau, esana Baraba.  
\v 17 Isi abo se oigogo, Pilato ie ribalau aridi eai, i ene, “Eai au henua ede abo ea eairigabaeawa? Baraba, e Iesu esana ede Keriso?”  
\v 18 I nuatulobaiyao edi aiaromagigiri eai ia se moselaei.  
\v 19 Ia i bawasae abaheduhedudurai eai, ia monena tau esau i hetamari ia arinai, i ene, “Taulaulaududuraina me tabu u sahai: wau asubena ta ia ea enoliuliuaei, nuagu i hisihisili ariri.”  
\v 20 Kohena lailaidi eo babadadi moutuana se nuanuaoidi bena Baraba se awanorini, na Iesu bena se unui.  
\v 21 Gavana arinadi, abo i heuio, i ene, “Taudi labui ta aitea abo ea eairigabaeawa?” Si ene, “Baraba.”  
\v 22 Pilato i ribalau isi aridi eai, i ene, “Iesu se ribaei Keriso wa, edoha egu abiabina?” Gamagaridi se ribalau ia arinai si ene, “Ia abo se hesatauro.”  
\v 23 Gavana i ene, “Paana saha? baaea esana ie abi?” Abo se eogalailai si ene, “Ia abo se hesatauro.”  
\v 24 Pilato i nuatuiyao ia awana taba nige se abi, eo se hetalagegagega, goila ie abi, moutuana wa matadi eai nimana i deuridi, i ene, “Tau laulaududuraina ta osinana se heboriri nige agu giru: omi omibom.”  
\v 25 Tatao gamagaridi ia arinana se heuio si ene, “Ia osinana potamai eai i ota, eo nanatumaiyao potadi eai hinage.”   
\s1 Baraba se eairihai  
\r Mk. 15.15; Lk. 23.24-25  
\m
\v 26 Ia Baraba abo i eairihai i laei aridi eai: eo Iesu i pidirihemate nonohai, abo i mosei nimadi eai ia bena se hesatauro.   
\s1 Wasawasa wa nurinuri eai se hekorona, eo se woealaei abahesatauro eai  
\r Mk. 15.16-23; Lk. 23.26-32; Io. 19.16-17  
\p
\v 27 Gavana ena iala tataodi Iesu se laei edi abaoigogo birina eai, iala bodadi gamagamagari se oigogo ia arinai.  
\v 28 Ana lulu se abihaidi, lulu buiabuia arinai ia se helui.  
\v 29 Oeagi nurinuridi arinai korona se haturi se heousaei ia uruna potana eai, eo didiari se tore ia nimatutuna eai: se turituribono ia matana eai, se liuliuaei, si ene, “Eauedo, Iudea edi Wasawasa e!”  
\v 30 Ia se garigarisoi, didiari wa se abi uruna eai se hotaei.  
\v 31 Se liua lautom, abo lulu wa se abihai, ana lulu mamohoi mo se helui, se woealaei bena se hesatauro.   
\p
\v 32 Se lulage murimuri eai, Kurene tauna esau se lobai, esana Simona: ia se lauhesom ena satauro i bahei.   
\s1 Abihesataurona  
\r Mk. 15.22-23; Lk. 23.33-43; Io. 19.17-24  
\p
\v 33 Isi abo se lage dimo esau eai esana Gologota, heaheasonina ede, uruuru moiarudi.  
\v 34 Isi vinega ma oeagi kalakalapina se heboriesegai se mosei bena i nom: i nom’ita abo i otaotaei.   
\s1 Keriso arinai laugagaeo se hemamohoiei  
\r Mt. 5.17, 18; Gal. 3.11-14  
\p
\v 35 Ia se hesatauro, ana lulu se soiedi, edi kelero se abi: peroveta ena riba bena arinai se hemamohoiei, doha i ene, “Agu lulu se soiedi, agu lulu arinai se hekelero.”  
\v 36 Nei eai se bawabigabiga ia se itaitai.  
\v 37 Uruna ewana eai ana mata se tore, se urisae, si ene, “TEINA TA IESU IUDEA EDI WASAWASA.”  
\v 38 Tauaiaiyahari labui maenayao se hesatauroesegaidi, esau nimatutuna eai, esau nimaseuseurina eai.  
\v 39 Isi se sae, se dobi se arina baaeaei eo se uruuruodei.  
\v 40 Si ene, “Oa numa tabuna tauailopaina, eo asubena haiona eai bena u hetorouioi wa, hage u hemauriuioim. Taba oa Eaubada Natuna hage satauro eai me u pesadobima.”  
\v 41 Hinage kohena lailaidi, eo tauuriuri tataodi, eo babadadi, ia se liuliuaei, si ene.  
\v 42 “Hari tatao mo i hemahemauridi: iabom hemauriuioina abina nige i ata. Ena ia Isaraela edi Wasawasa, satauro eai abo i pesadobima, ia abo ta sunusunumaei.  
\v 43 Eaubada i nuatuwatai: Eaubada ia besi i abi abo i hemauri: paana i ene. ‘Eau Eaubada Natuna.’”  
\v 44 Tauaiaiyahari hinage maenayao se hesatauroesegaidi wa, edi riba esega mo.   
\s1 Iesu Keriso i tubahai  
\r Mk. 15.33-41; Lk. 23.44-49; Io. 19.30-37  
\p
\v 45 Awa haligigi‐esega i lau e awa haligigi‐hasi tanoubu i amumugudui.  
\v 46 Awa haligigi‐hasi eai Iesu i eaba lailai, i ene, “Eli, Eli, lama sabatani?” heaheasonina ede, “Egu Eaubada, egu Eaubada, ue saha u nuagabaegu ta?”  
\v 47 Headi nei eai se totoro, arinana se ataiei, si ene, “Tau me Elia i eogai.”  
\v 48 Adi sagu esau i aitautau, baro ie abi, vinega i hemonau, didiari eai i auhepatu, i helelesae bena i nom.  
\v 49 Isi headi si ene, “Sora i otawa, ta ita Elia abo i laoma i hemauri?”  
\v 50 Iesu i eaba uio arinana lailai, abo i tubahai.   
\s1 Huia laugagaeona i lautom  
\r Io. 1.17; Heb. 9.3-8; 10.19-20  
\p
\v 51 Numa tabuna ana woeo i tapurisi labuini ewa eai ie dobi paa eai: tanoubu i tabutabubu, eo we’u se taigari.  
\v 52 Taumatemate bousadi se taigari; hetabu tataodi gamagaridi headiyao se eno abo se torouio.  
\v 53 Bousadi eai se lulagema ia torouiona murina eai, eo se lau eanua tabuna eai, se taumasaraha tatao headi aridi eai.  
\v 54 Kenturion, ma ana sasaguyao Iesu se itawatai wa, tanoubu i tabutabubu se ita, eo wau, ginauri headi wa hinage, arinai se matausi ariri, si ene, “Mamohoi ina Eaubada Natuna ede!”   
\p
\v 55 Nei eai hinage sisine gamagaridi muri ariri eai ia se itaitai: isi Galilaia eai Iesu se hemuriwataiama ia se tautaubigai.  
\v 56 Isi ede Maria Magadala, eo Maria Iamesi maena Iose sinadi, eo Sebedaio nanatunayao sinadi.   
\s1 Keriso bousa eai  
\r Mk. 15.43-47; Lk. 23.55-56; Io. 19.38-42  
\p
\v 57 I maimailahi, Arimatea tauna esau i laoma, ia taumonamonaune, esana ede Iosepa, ia hinage Iesu ena heaheata esau.  
\v 58 Ie lau Pilato arinai, Iesu sinarena wa i awanorini. Pilato abo i hetaladuidi sinarena se mosei ia arinai.  
\v 59 Iosepa sinare wa i leao, lulu \tl linen\tl* aa’aana arinai ie suma.  
\v 60 Ena bousa harihariuna alona eai ie tore, we’u eai duha se sara nonohaiyao: we’u nabunabutuana bousa wa se hebuigudui, ia abo i lau.  
\v 61 Nei eai Maria Magadala, eo Maria esau bousa hasarina eai se babawa.   
\s1 Bousa wa se gudu eo se itawatai.  
\p
\v 62 Abinonoha asubenana mara‐ie‐tom, kohena lailai eo Parisea tataodi se tupagogoma Pilato arinai.  
\v 63 Si ene, “Taubada e, nuamai se sae tauborabora me ma maurina ena ribariba i ene, ‘Asubena haiona murina eai abo ea torouio.’  
\v 64 Arinai u lauhesomdi bousa wa abo se itawataikomakomani i lau e asubena haiona wa se ohi, ata ena heaheatayao maiona eai se laumahimahihima, se laehesuara, abo tatao se heribadi si ene, ‘Mate eai i torouio:’ ata borabora murimuritana, borabora bagubagunana wa i saedioi.”  
\v 65 Pilato i ribalau aridi eai i ene, “Tauitaitawata tauiala au abidi au laedi: au lau bousa au gudu komakomani.”  
\v 66 Abo se lau bousa wa se itasipoi komakomani, we’u wa se buigudulaei tauitaitawata se hetorodi se itawatai.   
\c 28  
\s1 Iesu Keriso torouiona, nei asubenana ne wasana  
\r Mk. 16.1-14; Lk. 24.1-49; Io. 20.1-23  
\p
\v 1 Sabate wa ie ohi, asubena bagubagunana eai mara i uiari, Maria Magadala, eo Maria esau wa se laoma bousa bena se ita.  
\v 2 Na moniinii tano i hetabutabubu ariri: paana Guiau ena aneru galewa eai i dobima, i laoma we’u wa bousa guduna eai i buihai, abo i bawabigabiga potana eai.  
\v 3 Ia ana ao doha namanamari, eo ana lulu ie posiposi doha sinou.  
\v 4 Tauitaitawataina ia se matausiei, eo se tabutabubuei, doha se hemala taumatemate.  
\v 5 Aneru arinadi i heuio i ribalau sisine aridi eai i ene, “Tabu au matausi: ea nuatuiyao omi Iesu, ia se hesatauro wa, au eooi.  
\v 6 Ia inai nige’e: ia i toroo, doha i ribaeyao. Au laoma, Guiau edi abatorena ede au ita.  
\v 7 Au lau heuheula, ena heaheatayao au heribadi ia mate eai i torouio’o: ia abo i bagunawa Galilaia eai; taiede ea heribamiu ede ina.”  
\v 8 Isi se lauheuheula bousa wa se laugabaei nuadi se matamatausi eo se kode ariri: se aitautau bena ena heaheatayao wasana se heribadi.  
\v 9 Ma laudi ena heaheatayao bena wasana se heribadi, na Iesu i laubagibagiedi, i ene, “Eauedo!” Se laoma se abilau aena eai, ia se aihelahui.  
\v 10 Iesu abo i ribalau aridi eai, i ene, “Tabu au matausi: au lau egu tataoyao au heribadi se lau Galilaia eai, nei eai abo se itagu.”   
\p
\v 11 Ma laudi, na tauitaitawataina headi eanua eai se laoma, kohena lailaidi ginauri wa se tubu wa se heribadi.  
\v 12 Maedi babada abo se oigogo, se oioiriba, moni lailai se mosei iala tataodi aridi eai.  
\v 13 Si ene, “Omi abo au ene, ‘Maiona eai, ma enomai, ena heaheatayao se laoma se laemodigauiyao.’  
\v 14 Ena wasa ta ie tubu gavana i ataiei, ai abo enamiu ai riba, arinai abo au lolo.”  
\v 15 Arinai abo moni wa se abidi, doha wau se heatadi wa se abiwataidi: wau riba wa Iudea tataodi se ribaribaei i laoma e huia ta.   
\s1 Iesu Galilaia eai: lauhesomna saesaena  
\r Mk. 16.15-18  
\p
\v 16 Heaheata saudoudoi‐esega abo se lau Galilaia eai, oea tupina eai wa arinai Iesu i heribanonohaidio.  
\v 17 Ia abo se ita, se aihelahui: headi mo se heasaasaei.  
\v 18 Iesu i laoma i ribalau isi aridi eai, i ene, “Gigiboridi gamagamagari se ledima arigu eai, galewa eai eo tanoubu eai hinage.  
\v 19 Arinai abo au lau eanua gamagamagari au heatadi, au hebapatisoidi Tamana eo Natuna eo Earua Tabuna esana eai.  
\v 20 Hari ginauri hari ginauri gamagamagaridi ea lauhesommiu ta, abiabiwataina au heatadi, na huia gamagamagari eau maemiu, i lau e tanoubu ana sigasiga eai.” Amen.