\id ZEP  
\h सेफन्‍याह 
\toc1 सेफन्‍याह 
\toc2 सेफन्‍याह 
\toc3 सेफन्‍याह 
\mt1 सेफन्‍याह 
\ip \bd ब्रेक्‍ब मुर:\bd* एको किताब सेफन्‍याहमी ब्रेक्‍शो बाक्‍ब। मेको मुर आ पर्बम शुश मतुंइसीब। मेको हिज्कीयाह आ युइ बाक्‍ब। मेको हिज्‍‍कीयाह पिप हिज्‍‍कीयाह यो दुम्‍ने चाप्‍ब। एको किताब आइक्‍च बाक्‍त हना यो, ख्रीस्‍त आ पर्बम शुश लोव़ बाक्‍ब। 
\ip \bd गेना ब्रेक्‍शो:\bd* पिप योसीयाहम सासन पची ना ६४१-६१० बि. सी. मेर सेफन्‍याहमी एको किताब ब्रेक्‍शो बाक्‍त। अरेशो किताब थित्‍चा क्‍येङा ङोंइती एको किताब ब्रेक्‍शो बाक्‍त, दे मिम्‍नीम। 
\ip \bd मार ब्रेक्‍शो:\bd* 
\io1 १. परमप्रभु यावे आ निसाफ पतीक नाक्‍त जाक्‍ब। \em सेफन्‍याह १:१-४\em* 
\io1 २. निसाफ पशो मार कली बाक्‍बा? \em सेफन्‍याह १:५-१८\em* 
\io1 ३. अर्को रागीम यो निसाफ ताइनीम। \em सेफन्‍याह २:१-३:८\em* 
\io1 ४. नोले ङा रिम्‍शो दुम्‍तीके जाक्‍ब। \em सेफन्‍याह २:-३:-\em* 
\c 1  
\s1 ङोंइती ङा लोव़ 
\p  
\v 1 यहूदा ङा पिप आमोन आ तौ योसीयाहमी सासन पवा ना परमप्रभु यावेमी सेफन्‍याह कली लोव़ पाप्‍तु। सेफन्‍याह आ आफ कूशी बाक्‍माक्‍त। कूशी आ आफ गेदाल्‍याह बाक्‍माक्‍‍त। गेदाल्‍याह आ आफ अमारयाह बाक्‍माक्‍‍त। मिनु अमारयाह आ आफ हिज्‍कीयाह बाक्‍माक्‍त। \em येरमीया १:२\em* 
\s1 नेल्‍ल खतम दुम्‍तीक नाक्‍त जाक्‍ब 
\p  
\v 2 परमप्रभु यावेमी मार लोव़ पाप्‍तु देंशा हना “गो रागी नेल्‍ल ङा मारेइ मारेइ खतम सेल्‍नुङ।  
\v 3 मुर नु बी ब्‍यफ, क्‍यारश भेडा, जन्‍तु नेल्‍ल आन कली खतम सेल्‍नुङ। सरीङ ङा चिक्‍ब, समुन्‍द्र ङा ङांइ नेल्‍ल आन कली साइक्‍नुङमी। रागी ङा मुर नेल्‍ल आन कली खतम सेल्‍नुङ। परमप्रभु यावे आ अरेशो मटीब आन कली दाइल पपाइक्‍नुङ। गो मुर नेल्‍ल आन कली रागी नेल्‍ल रे क्‍याम्‍नुङ। \em मत्ती १३:४१\em* 
\s1 यहूदा ङा मुर आन कली हुइश्‍शो 
\p  
\v 4 गो यहूदा रागी नु यरूसलेममी बाक्‍ब मुर नेल्‍ल आन पर्बम आं गुइ क्‍युक्‍नुङ। मिनु मेकेर बाल देवता कली पूजा पतीके नु मेको कली चढ़ेब आन नें मलीचा ङा पा क्‍याम्‍नुङ। \em २राजा २३:५; होसे १०:५\em* 
\v 5 खिं तार बाक्‍शा, नां तास्‍ला नु सोरुल आन ङोंइती बाप्‍ब, परमप्रभु यावे आ ङोंइती बाप्‍शा आ नें थिशा कसम जाइब। मोलेक आ नें यो थिशा कसम जाइब। \em येरमीया १९:१३; येरमीया ४९:१\em* 
\v 6 गो, परमप्रभु यावे, आं कली ममाल्‍थु, मपुंइथु आं नोले खोइक्‍चा प्रोंइशा, नोले शोंइसीब आन कली खतम पोक्‍नुङमी। 
\p  
\v 7 परमप्रभु, परमप्रभु यावे आ ङोंइती सिक्‍सी पने। मारदे हना परमप्रभु यावे आ नाक्‍त जाक्‍चा चिक्‍शो बाक्‍ब। परमप्रभु यावेमी चढ़ेतीक चाड का ठीक पाप्‍तु। परमप्रभु यावेमीआ ब्रेश्‍शो मुर आन कली ठीक सेल्तीमी। \em हबकुक २:२०\em* 
\v 8 परमप्रभु यावे आ चढ़ेतीक नाक्‍त गो सरकार आ ठेयब मुर, पिप आ तौपुकी नु अर्को रागी ङा मुर आन वा फेक्‍ब नेल्‍ल आन कली सजाइ गेनुङमी। \em हबकुक २:२०\em* 
\v 9 मेको नाक्‍त सु सु लाप्‍चो रे ओव़नीमी, मेको आन कली सजाइ गेनुङ। मारदे हना मेकोपुकीमी आन होव़प आ खिं तुम्‍‍मुचा, जिचा खेचा नु जोल पतीकेमी प्रिंनीम” देंत। 
\p  
\v 10 मिनु परमप्रभु यावेमी “मेको नाक्‍त ङांइ लाप्‍चो रे ठेयब सेंदा पा ङाक्‍शो, नक सहर रे रोंका पशो नु डांडा रे पा ठेयब रेयके पशो नेंसीब।  
\v 11 गे माकतेशम बाक्‍बपुकी रोंका पने। मारदे हना ग्‍याप्‍ब लेयब नेल्‍ल खतम दुम्‍तेक्‍म। चांदी नाक्‍ब नेल्‍ल क्‍याम्‍चा पुंइसाक्‍म। \em माकतेश यरूसलेम सहर ङा बजार का बाक्‍त।\em* 
\v 12 मेना गो यरूसलेममी बत्ती दाशा मुर आन कली माल्‍शा, सजाइ गेनुङ। मारदे हना मेकोपुकीमी अल्‍सी पा आन थुंमी ‘परमप्रभु यावेमी रिम्‍शो नु मरिम्‍शो मारेइ यो मपाइब’ दे मिम्‍नीम।  
\v 13 मेको आन शोंप नेल्‍ल रोइक्‍चा पुंइसीनीम। मेको आन खिं ब्रेत्‍नीम। मेकोपुकीमी खिं सेल्‍तेक्‍म हना यो, मेकेर बाक्‍चा मताइनीम। मेकोपुकीम अङगुर ख्रुम्‍तेक्‍म हना यो, अङगुर शांबु तूचा मताइनीम। \em ब्‍यवस्‍था २८:३०,३९; आमोस ५:११\em* 
\s1 परमप्रभु आ ठेयब नाक्‍त 
\p  
\v 14 परमप्रभु यावे आ ठेयब नाक्‍त जाक्‍चा चिक्‍शो बाक्‍ब। मेको रीब पा जाक्‍ब। नोफा दाइश्‍शा नेनीन। परमप्रभु यावे आ ठेयब नाक्‍त, श्‍येत ङा नाक्‍त बाक्‍ब। लडाइ पाइबपुकी थम ठेयब सेंदा पा ग्रीनीम। \em योएल १:१५\em* 
\v 15 मेको नाक्‍त गाइक्‍चा ङा नाक्‍त दुम्‍ब। श्‍येत नु हिंचा ङा नाक्‍त दुम्‍ब। नेल्‍ल ब्रेत्‍तीक नु खतम दुम्‍तीक नाक्‍त दुम्‍ब। मेको नाक्‍त छिङछिङ नु हिंचा ङा दुम्‍ब। गोस्‍सुम गिल्‍शो नु शुश छिङछिङ ङा नाक्‍त दुम्‍ब।  
\v 16 गारोम हिरशो सहरपुकी नु गारो ङा कुनाम बाक्‍शो लाइश्‍शो खिं आन कली लडाइ तोचा कली तुराही ताप्‍शो नु लडाइ ङा रेयके पशो नेंसीब। \em येरमीया ३०:७\em* 
\v 17 गो मुर आन कली शुश श्‍येत गे‍नुङ। मिनु मेको मिक्‍च मताइब खोदेंशो पा गाक्‍नीम। मारदे हना मेकोपुकीम परमप्रभु यावे आ ङोंइती पाप पाम्‍तेक्‍म। मेको आन हुश फुरक खोदेंशो नु श्‍ये ख्री खोदेंशो पा ताइक्‍नीम।  
\v 18 परमप्रभु यावे गाइक्‍ची नाक्‍ती मेको आन चांदीमी मप्रोंइब। मेको आन सुनमी यो मेको आन कली प्रोंइने मचाप्‍ब। मेको आ मी खोदेंशो पा गाइक्‍तीकेमी रागी नेल्‍ल क्रोइक्‍ब। मेकोमी रागीम बाक्‍ब नेल्‍ल आन कली थम मरिम्‍शो पा साइश्‍शा क्‍याम्‍ब” दे परमप्रभु यावेमी देंत। \em इजीकीएल ७:१९\em* 
\c 2  
\s1 पलिस्‍ती आन कली लोव़ 
\p  
\v 1 मिनु मेकोमी “गे मुने मपाइश्‍शो रागी ङा मुर, गे नेल्‍ल काथा बुक्‍कीन। 
\p  
\v 2 इन नाक्‍त फशेम बेरशो भूस खोदेंशो पा लाक्‍नीम। आ योव़शो नाक्‍त जाक्‍चा, परमप्रभु यावे आ शुश गाइश्‍शो इन तार जुक्‍चा नु परमप्रभु यावे आ गाइश्‍शो नाक्‍त जाक्‍चा क्‍येङा ङोंइती,  
\v 3 गे रागी ङा परमप्रभु यावे आ ङोंइती ठीक पाइब नु ब्रेम्‍शो मुरपुकी परमप्रभु यावे कली मालीन। गे ठीक पाइब नु ब्रेम्‍शो थुं पाइश्‍शो दुम्‍चा मालीन। मिनु परमप्रभु यावेमी आ गाइश्‍शो नाक्‍त इन कली ख्रुइक्‍बा कों? \em आमोस ५:१५\em* 
\v 4 गाजा मुर मबाक्‍थु, श्‍येत्‍थ दुम्‍ब। अश्‍कलोन नेल्‍ल ब्रेश्‍शा खतम दुम्‍शा प्रोंइसीब। नाक्‍ती उइक्‍थ दुम्‍मेनु अश्‍‍दोद ङा मुर खेरचा पुंइसीनीम। एक्रोन चहिं तुल्‍चा पुंइसीब। 
\p  
\v 5 आबी आबी, समुन्‍द्र आ शुंगीम बाक्‍ब केरेथी जात ङा मुर परमप्रभु यावे आ लोव़ इन कली ‘गे पलिस्‍ती आन रागी बाक्‍ब, कनानी, इ कली सुइ मुर मबाक्‍चा ङा पा खतम सेल्‍नुङ’ देंत। \em १सामुएल ३०:१४; येरमीया ४७:-\em* 
\v 6 केरेथी आन बाक्‍तीक समुन्‍द्र आ शुंगी ङा रागी बी ब्‍यफ, क्‍यारश भेडा योव़तीके दुम्‍ब। भेडा गोठला आन बाक्‍तीक दुम्‍ब। मेको आन भेडा मेकेर वोइक्‍नीम।  
\v 7 मेको समुन्‍द्र आ शुंगी ङा रागी यहूदा आ खिं ङा लीशो मुर आन के दुम्‍ब। मेकोपुकीमी मेकेर आन बी ब्‍यफ, क्‍यारश भेडा योव़नीम। नाक्‍दो मेकोपुकी अश्‍कलोन आ खिंपुकीम इप्‍नीम। मारदे हना परमप्रभु यावे, आन परमप्रभुमी मेको आन कली कोव़ब। मिनु मेको आन कली ङोंइती खोदेंशो पा रिम्‍शो पा बाक्‍चा गेब” देंत। \em सेफन्‍याह ३:२०\em* 
\s1 मोआबी नु अम्‍मोनी आन लोव़ 
\p  
\v 8 मिनु “गो मोआब नु अम्‍मोनी आन शुक्‍शी पशो नेंता। मेकोपुकीमी आं मुर आन कली मरिम्‍शो पाम्‍तेक्‍म। मेको आन रागी कली ‘खतम पोक्‍नीक’ दे हिंच कोंइताक्‍म। \em येरमीया ४८:-; येरमीया ४९:१-६\em* 
\v 9 मोपतीके मुर नेल्‍ल आन परमप्रभु यावे, इस्राएली आन परमप्रभुमी ‘गो ब्रोंइशा बाक्‍शो खोदेंशो पा, मोआब सोदोम खोदेंशो नु अम्‍मोन गोमोररा खोदेंशो दुम्‍ब। मेको आन बाक्‍तीके चूले वाशो नु हिक्‍सी खाल्‍टा बाक्‍शो रागी दुम्‍ब। मेको गेना हना यो मुर मबाक्‍तीक रागी दुम्‍ब। आं लीशो मुरपुकीमी मेको आन मार मार रोइक्‍नीम। मिनु आं रागी ङा ब्रोंइशो मुरपुकीमी मेकेर हुकुम पाइनीम। \em उत्‍पत्ती १९:२४-२५\em* 
\v 10 मेको आन ठेयब लेश्‍शो आ पा ङा मोदेंशो ताइनीम। मारदे हना मेकोपुकीमी मुर नेल्‍ल आन परमप्रभु यावे आ मुर आन कली शुक्‍शी पा आंम कली ठेयब सेल्‍शो बाक्‍नीम।  
\v 11 परमप्रभु यावेमी मेको आन कली थम मरिम्‍शो पाइब। रागी ङा देवी देवता नेल्‍ल आन कली खतम पोक्‍ब। नेल्‍ल आन बाक्‍तीकेमी बाक्‍शा, मेको आ ङोंइती बाप्‍चा माल्‍नीम। रागी रागी समुन्‍द्र आ सुंगी नु टापु ङा मुर नेल्‍ल परमप्रभु यावे आ ङोंइती बाप्‍नीम’ देंत। 
\s1 एथीयोपीया नु अस्‍सुर कली लोव़ 
\p  
\v 12 गे एथीयोपीया ङा मुर यो आं तरवारमी साइक्‍चा पुंइसीनीनी” दे परमप्रभु यावेमी देंत। \em इजीकीएल ३०:९\em* 
\v 13 मेकोमी उत्तर गे आ गुइ दिंशा अस्‍सुर कली खतम पोक्‍ब। निनवे कली कोक्‍त नु गोरशो रागी खोदेंशो सेल्‍ब। \em नहुम १:१\em* 
\p  
\v 14 मेकेर बी ब्‍यफ नु ब्‍वाकी ङा जन्‍तु नेल्‍ल इप्‍नीम। गोरशो रागी ङा बुक्‍स नु ग्रीब बुक्‍सपुकीम मेको आन थाम तारी ग्‍योव़ सेल्‍नीम। बुक्‍स झेल रे पा ग्रीनीम। खदपुकी लाप्‍चोम ग्रीनीम। मिनु दारपाइक्‍चा कली क्‍येप्‍शो शी नेल्‍ल लां रे तांइसीब। \em यसैया १३:२१; यसैया ३४:११\em* 
\v 15 मेको महिंथु थुं नाइश्‍शा बाक्‍ब सहर मबाक्‍बा ङा? मेकोमी आंम कली “गो गोन नङ। आं क्‍येङा लाक्‍शा अरु सुइ मबाक्‍नीम” देंत। मेको मुल दोदेंशो पा ब्रेश्‍शो दुम्‍मे? मेको ब्‍वाकी ङा जन्‍तु आन बाक्‍तीके दुम्‍त। मेको लां रे पा गाक्‍ब नेल्‍ल मेको तशा आबी, दे हिंशा ख्रिंख्रि पाइनीम। \em यसैया ४७:८\em* 
\c 3  
\s1 यरूसलेम आ नोले ङा नाक्‍त 
\p  
\v 1 मेकोमी “आं देंशो गेनायो मटीब, ग्रांग्रा दिचा ङा नु मुर आन कली दिप्‍ब सहर बाक्‍ब।  
\v 2 मेकोमी सुइ आन देंशो मटीब। रिम्‍शो पचा कली हुइश्‍शो लोव़ मनेंब। मेकोमी परमप्रभु यावे कली थमा मसुइक्‍थु, आ परमप्रभु आ नेक्‍था मजाक्‍ब। 
\p  
\v 3 मेको सहर ङा सरकार ङा ठेयब मुर ग्रीब गुप्‍स खोदेंशो बाक्‍नीम। मेको आ निसाफ पाइब नाक्‍दो गाक्‍शा, सुनी सम्‍म मारेइ महेंब फर नम। \em इजीकीएल २२:२७\em* 
\v 4 मेको आ परमप्रभु यावे आ लोव़ पाइबपुकी हेंथे पाइब नु थमा मसुइक्‍चा ङा मुर बाक्‍नीम। मेको आ चढ़ेबपुकीमी परमप्रभु यावे आ खिं ग्रांग्रा दिशो सेल्‍नीम। मेकोपुकीम परमप्रभु यावे आ अरेशो लोव़ हेंथे सेल्‍तेक्‍म। \em मीका ३:११\em* 
\v 5 मेको आन दा‍तेम बाक्‍ब परमप्रभु यावे ठीक पाइब बाक्‍ब। मेकोमी मारेइ मरिम्‍शो मपाइब। मेकोमी सुनी कुस कुस निसाफ पाइब। तेकोइ सुनी मप्रोंइब। तन्‍न ठीक मपाइबपुकी मुने दोक्‍शा लल मजिनीम। 
\p  
\v 6 गो रागी रागी ङा मुर आन कली खतम पोक्‍ता। मेको आन ब्रोंइशा बाक्‍तीक खिं प्रेश्‍शा गेता। मेको आन लां नेल्‍ल श्‍येत्‍थ सेल्‍ता। मेकेर रे सुइ मगाक्नीम। मेको आन सहरपुकी श्‍येत्‍थ बाक्‍नीम। मेकेर सुइ मुर मबाक्‍नीम।  
\v 7 मो पङा नोले मेको सहर ङा मुरपुकी आं कली तशा मान पा हिंनीम। आं देंशो पाइनीम, दे मिम्‍ताङ। तन्‍न मेकोपुकीमी ङोंइती क्‍येङा मरिम्‍शो गेय पाम्‍तेक्‍म” देंत। 
\p  
\v 8 परमप्रभु यावेमी “मोपतीके लोव़ पचा कली गो मजाक्‍ङा सम्‍म आं कली रिम्‍शा बाक्‍कीन। गो रागी रागी ङा मुर आन कली खुप्‍‍नुङ। गो राज्‍य राज्‍य ङा मुर आन कली ग्रुम्‍पाइ‍क्‍नुङ। मेको आन तारी आं गाइश्‍शो मोइक्‍नुङ। मारदे हना आं मी खोदेंशो पा गाइश्‍शोमी रागी रागी नेल्‍ल ग्रोइश्‍शा खतम दुम्‍नीम। \em योएल ४:२; भजन संग्रह ७९:६\em* 
\p  
\v 9 मेना जात जात ङा मुर आन कली रिम्‍शो लोव़ पाइब सेल्‍नुङ। मिनु मेको नेल्‍लेमी परमप्रभु यावे कली पुंइशा ठेयब सेल्‍मेक्‍ल। मेको नेल्‍ल गारशा आ गेय पामेक्‍ल।  
\v 10 मिनु आं नें ठेयब सेल्‍ब एथीयोपीया ङा खोला आइक्‍ची हांम ङा ब्रशा बाक्‍शो आं मुरपुकीमी आं कली चढ़ेतीक थोव़क चाक्‍नीम। \em भजन संग्रह ६८:३२; यसैया १८:१; प्रेरित ८:२७\em* 
\p  
\v 11 मेको नाक्‍त आं कली मटिशो आ पर्बम गे मुने दोक्‍चा ममाल्‍नीनी। मेना इ दाते ङा ठेयब लेश्‍शो मुर आन कली ग्रुंइनुङमी। आं डांडामी गे लेंशा ठेयब लेश्‍शो मदुम्‍‍नेवे।  
\v 12 गो इ दातेमी ब्रेम्‍शो नु प्रुङग मुर लीचा गेनुङमी। मेकोपुकीम ‘परमप्रभु यावे आंइ कली वारच पाइब बाक्‍ब’ दे थमा सुइक्‍नीम। \em इजीकीएल ६:८\em* 
\v 13 इस्राएल ङा लीशोपुकीमी लेंशा दूली मपाइनीम। मेकोपुकीमी जोल मपाइनीम। हेंथे लोव़ मपाइनीम। मेकोपुकी जशा तूशा गोल्‍शा बाक्‍नीम। सुइम मेको आन कली हिंच मकोंइ‍नीम। 
\p  
\v 14 सियोन आ तमी, ठेयब सेंदा पा कुम्‍सो पावो। इस्राएल, ठेयब सेंदा पा ग्रीङो। यरूसलेम आ तमी इ थुं नेल्‍लेम ग्‍येरशा सोम्‍शा बाक्‍को।  
\v 15 परमप्रभु यावेमी इ सजाइ क्‍याम्‍शा गे‍शो बाक्‍ब। मेकोमी इ जोरी सत्रु आन कली सोइश्‍शो बाक्‍ब। इस्राएली आन पिप, परमप्रभु यावे गे नु बाक्‍ब। मुल ङा मेरे गे तेकोइ श्‍येत रे हिंचा ममाल्‍नेवे। \em जकरिया ९:९\em* 
\v 16 मेको नाक्‍त यरूसलेम कली सियोन ङा मुर महिनीन। गे शुश गेय पने।  
\v 17 परमप्रभु यावे, इन परमप्रभु इन दातेमी बाक्‍ब। मेको बोल्‍यो बाक्‍शा, श्‍येत रे प्रोंइब बाक्‍ब। मेको इन कली तशा, शुश ग्‍येरशो बाक्‍ब। मेकोमी आ दाक्‍तीकेमी इन कली नक मुर सेल्‍ब। मेकोमी इन कली तशा ग्‍येरशा कुम्‍सो पाइब। \em यसैया ६२:५\em* 
\v 18 चाडमी ग्‍येरशो खोदेंशो पा कुम्‍सो पाइब। आन क्‍येङा ङोन बाक्‍ब आन कली खुप्‍नुङ। मेको इन मुर नम। आं पर्बम शुक्‍शी पाइक्‍चा पुंइसीनीम।  
\v 19 मेना गो इन कली दिप्‍ब आन कली सजाइ गेनुङ। गो खोइल मदुक्‍ब आन कली श्‍येत रे प्रोंइ‍नुङ। मिनु ब्रशा बाक्‍शो आन कली खुप्‍नुङमी। मेको आन कली मुने तोक्‍शो रागीम आं पा ङा मान ताइब सेल्‍‍नुङमी। \em मीका ४:७\em* 
\v 20 मेना गो इन कली खुप्‍शा चाक्‍नन्‍नी। मारदे हना गो इन कली रागी नेल्‍ल ङा मुर आन दातेमी ठेयब सेल्‍शा, मान ताइब सेल्‍नन्‍नी। मिनु गो नेल्‍ल आन तचा ङा पा इन कली ङोंइती खोदेंशो पा रिम्‍शो पा बाक्‍चा गेनन्‍नी” दे परमप्रभु यावेमी देंत। \em सेफन्‍याह २:७; येरमीया २९:१४\em*