\id RUT  
\h रूथ 
\toc1 रूथ 
\toc2 रूथ 
\toc3 रूथ 
\mt1 रूथ 
\ip \bd ब्रेक्‍ब मुर:\bd* साइ ङा टाल्‍मुत माइश्‍शो किताबमी “एको किताब ब्रेक्‍ब सामुएल बाक्‍ब” दे ब्रेक्‍शो बाक्‍ब। 
\ip \bd गेना ब्रेक्‍शो:\bd* दाऊद आ सासन पची ना ब्रेक्‍शो बाक्‍ब। मेको आ सासन ११०४-९६५ बि. सी.म बाक्‍शो बाक्‍त। 
\ip \bd मार ब्रेक्‍शो:\bd* एको किताब ङा लोव़ परमप्रभु यावेमी आ वोंइश बेक्‍शो मीश मुर नु रोम रोइक्‍च आन कली शिशी पशो सांक‍छी बाक्‍ब। रूथ मोआबी दुम्‍शा यो परमप्रभु यावे कली थमा सुइक्‍ब दुम्‍त। मेकोमी बोआज नु ग्‍युंबे पा येसु आ किकी पिपी दुम्‍‍त। \em मत्ती १:५\em* 
\c 1  
\s1 नाओमी नु आ खिं ङा मुर 
\p  
\v 1 निसाफ पाइबपुकीमी इस्राएली आन कली हुकुम पची ना, अन्‍काल दुम्‍माक्‍त। मोपतीके यहूदा रागी ङा बेथलेहेम रे मुर का, आ मीश नु आ तौ निक्‍शी लाइश्‍शा, मोआबी आन रागीम बाक्‍थ लमाक्‍त। \em गन्‍ती २५:१-५; १सामुएल २२:३-४\em* 
\v 2 मेको मुर आ नें एलीमेलेक बाक्‍माक्‍त। आ मीश आ नें नाओमी नु आ तौ निक्‍शी आस नें का के माहलोन, का के किल्‍योन बाक्‍माक्‍त। मेकोपुकी यहूदा रागी ङा बेथलेहेम एफ्राथाह सहरम बाक्‍शो बाक्‍मा बाक्‍त। मिनु मोआबी आन रागी जाक्‍दीश्‍शा, मेक उइ बाक्‍मा बाक्‍त। \em उत्‍पत्ती ४८:७; मीका ५:१\em* 
\v 3 मिनु नाओमी आ वोंइश एलीमेलेक बेक्‍शा, नाओमी नु आ तौ निक्‍शी प्रोंइचा पुंइसमा बाक्‍त। \em ब्‍यवस्‍था ७:३; ब्‍यवस्‍था २३:४; नेहेम्‍याह १३:२३\em* 
\v 4 मिनु मेको आ तौ निक्‍शीमी मोआबी मीश आल चाक्‍ग्‍से बाक्‍त। का आ नें ओरपा, का आ नें रूथ बाक्‍माक्‍त। मेकोपुकी मेकेर १० बर्स बाक्‍मा बाक्‍त।  
\v 5 मिनु माहलोन नु किल्‍योन निम्‍फा बेक्‍सा बाक्‍त। मोपा आ वोंइश नु आ तौ निम्‍फा बेक्‍शा, नाओमी ला लीमाक्‍त। 
\s1 रूथ नु आ शिमी 
\p  
\v 6 मिनु नोले नाओमी आ चाइमी निक्‍शी नु मोआब रे आ रागी लेत्‍चा चिक्‍ता बाक्‍त। मारदे हना मोआब रागीम बाक्‍मेनु, नाओमीमी “परमप्रभु यावेम आ मुर आन कली मिम्‍शा, मेको आन कली जचा गेप्‍तु” देंशो लोव़ नेना बाक्‍त। \em २राजा ८:३\em* 
\v 7 मिनु मेको आ चाइमी निक्‍शी नु आ बाक्‍तीके रे गाक्‍शा, यहूदा रागी लमा बाक्‍त।  
\v 8 मिनु नाओमीमी आ चाइमी निक्‍शी आस कली “इस इस माइत लेतीसे। गे दोपा बेक्‍शो आन कली नु आं कली रिम्‍शो पसी, मोपा परमप्रभु यावेमी इस कली रिम्‍शो पवल।  
\v 9 परमप्रभु यावेमी इस कली अर्को वोंइश गेशा, इस थुं नाइश्‍शा बाक्‍चा गेवल” देंमाक्‍त। मिनु आ चाइमी आस कली पुक्‍पु पाइश्‍शा, नेल्‍ल ङाक्‍मा बाक्‍त। \em रूथ ३:१\em* 
\v 10 मिनु आ चाइमी निक्‍शीमी “गो थमा पा इन मुर आन बाक्‍तीके लाइनस्‍कु” देंसा बाक्‍त।  
\v 11 मिनु नाओमीमी “आं चाइमी निक्‍शी लेतीसे। मारदे गो नु लचा दाक्‍नीसी? मार, गो इस वोंइश दुम्‍पाइक्‍चा कली तौ थीने चाप्‍नुङा ङा?  
\v 12 आं चाइमी निक्‍शी लेतीस। गो खाल्‍पी दुम्‍शा, ग्‍युंबे पने मचाप्‍नुङ। गो आल मिम्‍शा, मुलाक्‍दोन वोंइश नु बाक्‍शा, तौ थिती हना यो, मेको मकोल्‍म सम्‍म  
\v 13 रिम्‍शा बाक्‍ने चाप्‍नीसी? मेको आस कली रिम्‍शा, अर्को ग्‍युंबे मपथु बाक्‍नीसी? मदुम्‍ब, आं चाइमी निक्‍शी। मारदे हना इस क्‍येङा गो परमप्रभु यावे आ गुइ रे श्‍येत जाइब बाक्‍ती” देंमाक्‍त।  
\v 14 मिनु मेकोपुकी लेंशा ङाक्‍मा बाक्‍त। मेको नोले ओरपामी आ शिमी कली पुक्‍पु पाइश्‍शा वोइश्‍शा, आ मुर आन बाक्‍तीके लेम्‍माक्‍त। रूथ चहिं आ शिमी नुन बाक्‍माक्‍त। 
\p  
\v 15 मिनु नाओमीमी “नेनो, इ देउरानी आ मुर आन बाक्‍तीके नु आ देवी देवताम लेत्‍त। गे इ देउरानी आ पशो खोदेंशो पावो” देंमाक्‍त।  
\v 16 मिनु रूथमी “इन कली प्रोंइपाइश्‍शा, आं कली लेश्‍शा, सोइक्‍चा कली ढिपी मपाइय्‍यीनी। गे ते लाइनीनी, गो यो मेकेन लाइनुङ। गे ते बाक्‍नीनी, गो यो मेकेन बाक्‍नुङ। इन मुरपुकी आं मुर दुम्‍नीम। इन परमप्रभु आं परमप्रभु दुम्‍ब।  
\v 17 गे ते बेक्‍नीनी, गो यो मेकेन बेक्‍नुङ। मिनु मेकेन थिम्‍चा पुंइसीनुङ। गो मबेक्‍थु इन कली प्रोंइतन्‍नी हना, परमप्रभु यावेमी सजाइ गेयील” देंमाक्‍त।  
\v 18 मिनु नाओमीमी रूथमी आ कली प्रोंइसीन मप्रोंइब, दे तुइश्‍शा, अरु मारेइ मदेंमाक्‍त।  
\v 19 मिनु मेको निम्‍फा गाक्‍शा, बेथलेहेम जाक्‍सा बाक्‍त। मिनु बेथलेहेम जाक्‍सानु, सहर ङा मुर नेल्‍लेमी मेको आस पर्बम लोव़ पामे बाक्‍त। मिनु मीश मुरपुकीमी “मार, एको नाओमीन बाक्‍बा?” देंमा बाक्‍त।  
\v 20 मिनु नाओमीमी “आं कली नाओमी मदेनीन। मारा देनीन। मारदे हना नेल्‍ल क्‍येङा सक्ति पाइश्‍शो परमप्रभु यावेमी आं कली मरिम्‍शो पाइश्‍शा, श्‍येत जपाइक्‍ती। \em नाओमी देंशो दारशो रुम्‍सीब, मारा चहिं कशो रुम्‍सीब।\em* 
\v 21 गो मारेइ मारेइमी गाप्‍शा लशो नङ। मुल परमप्रभु यावेमी श्‍येत्‍थ लेश्‍शा चाक्‍ती। गे मारदे आं कली नाओमी देंनीनी? नेल्‍ल सक्ति पाइश्‍शो परमप्रभु यावेमी आं कली दोस गेशा, मरिम्‍शो पाइक्‍ती” देंमाक्‍त। 
\p  
\v 22 मोपा नाओमी नु आ चाइमी मोआबी रूथ मोआब रागी रे बेथलेहेम जाक्‍सा बाक्‍त। मेको बेथलेहेमम जाक्‍सानु, क्‍योव़ज मीशो बाक्‍माक्‍त। 
\c 2  
\s1 रूथ सिला माल्‍दीशो 
\p  
\v 1 मिनु नाओमी आ वोंइश एलीमेलेक आ खिं ङा शुश शोंप पाइश्‍शो नु ठेयब मुर का बाक्‍माक्‍त। मेको आ नें बोआज बाक्‍माक्‍त।  
\v 2 मिनु मोआबी रूथमी नाओमी कली “गो रूम लशा, सु सुम आं कली शिशी पाइनीमी, मेको आन नोनोले सिला बाला गुप्‍दी ङा?” देंमाक्‍त। मिनु आ शिमीमी “दुम्‍ब, आं चाइमी लावो” देंमाक्‍त।  
\v 3 मिनु रूथ लशा, रिक्‍ब आन नोनोले सिला बाला गुबा बाक्‍त। आ जाक्‍दीश्‍शो रू चहिं एलीमेलेक आ खिं ङा मुर बोआज आ रू बाक्‍माक्‍त।  
\v 4 मेना बोआज बेथलेहेम रे जाक्‍माक्‍त। मिनु मेकोमी रिक्‍ब आन कली “परमप्रभु यावे गेपुकी नु बाक्‍ल” देंमाक्‍त। मिनु रिक्‍बपुकीमी यो “परमप्रभु यावेमी इन कली आसीक गेवल” देंमा बाक्‍त। \em रूथ १:२\em* 
\v 5 मिनु बोआजमी आ गेय पाइब आन कली कोव़ब कली “एको मीश आल सुम?” दे हिल्‍लो पवा बाक्‍त।  
\v 6 मिनु मेको गेय पाइब आन कली कोव़ब मुरुमी “एको मोआब रागी रे नाओमी नु जाक्‍शो मोआबी मीश आल बाक्‍ब।  
\v 7 एकोमी आं कली ‘रिक्‍ब आन नोनोले मुठा आन नेक्‍था यो सिला गुप्‍चा गेयीनी’ दे पुंइतु। मिनु एको सुनी रे इच्‍कका ला नाइश्‍शा, सिला गुप्‍स ङा गुप्‍स बाक्‍त” देंमाक्‍त।  
\v 8 मिनु बोआजमी रूथ कली “नेनो, गे अरु आन रू सिला गुप्‍थ मलावो। आं गेय पाइब मीश मुर आन नेक्‍थान बाक्‍को।  
\v 9 मुरपुकीम ते ते रिक्‍नीमी, मेके मेके लावो। आं गेय पाइब वोंइश मुर आन कली ‘इ कली मथिचा’ दे माइक्‍तामी। तूतू दाक्‍ते हना, वोंइश मुर आन चाक्‍शो गर ङा ब्‍वाक्‍कु तूङो” देंमाक्‍त।  
\v 10 मिनु रूथ मेको आ ङोंइती बाप्‍शा, मेको कली “गो अर्को रागी ङा मुर नङ, दे तुइश्‍शा यो मारदे आं कली इश ङा शिशी पाइय्‍यीनी?” देंमाक्‍त। \em ब्‍यवस्‍था २३:४-६\em* 
\v 11 मिनु बोआजमी “इ वोंइश बेक्‍म नोले इ शिमी कली दोदेंशो रिम्‍शो पवी, मेको नेल्‍ल मुरपुकीम आं कली माइक्‍तीमी। गे इ आम आफ, इ जरमेशो रागी प्रोंइशा, मतुइश्‍शो मुर आंइ बाक्‍तीके जाक्‍ते। \em रूथ १:१६,१७\em* 
\v 12 परमप्रभु यावेमी इ कली रिम्‍शो पवल। परमप्रभु यावे, इस्राएली आन परमप्रभुम इ कली वारच पवल, दे मेको आ नेक्‍था जाक्‍ते। मेकोमी इ माल्‍शो नेल्‍ल गेवल” देंमाक्‍त। \em भजन संग्रह ३६:८\em* 
\v 13 मिनु रूथमी “प्रभु, इन ङोंइती शिशी ताता। गे आं थुं नाइक्‍पाइक्‍तीनी। गो इन गेय पाइब मबाक्‍ती हना यो, गे आं कली रिम्‍शो लोव़ पाइतीनी” देंमाक्‍त।  
\v 14 मिनु लाम्‍ज जची ना, बोआजमी मेको कली “एक पिवो। शोब्‍ले जावो। इ शोब्‍ले अङगुर शांबुम तेप्‍तो” देंमाक्‍त। मिनु रूथ रिक्‍ब मुर नु निस्‍से बाक्‍त। मिनु बोआजमी मेको कली कारशो क्‍योव़ज गेवा बाक्‍त। रूथमी रूथ्री सम्‍म जशा, हेंशा वोदा बाक्‍त।  
\v 15 मिनु मेको बोक्‍शा, सिला गुप्‍थ लमाक्‍त। बोआजमी आ गेय पाइब वोंइश मुर आन कली “मेको कली मुठा आन नेक्‍नेक्‍था यो सिला गुप्‍चा गेने, महुइक्‍तीन।  
\v 16 इच्‍का बाला तोक्‍शा गेने। मिनु गुबानु, महुइक्‍तीन” दे माइक्‍मी बाक्‍त। \em लेवी १०:९-१०\em* 
\v 17 मोपा रूथ नां रिक्‍चावा सम्‍म सिला गुम्‍ना गुम्‍न बाक्‍माक्‍त। मिनु तुबानु, एफाह का क्‍योव़ज दुम्‍माक्‍त। \em एफाह का २२ लिटर पुक्‍तीके खोदेंशो बाक्‍‍ब।\em* 
\p  
\v 18 मिनु मेको कुरशा, सहर जाक्‍माक्‍त। आ शिमीमी मिश ङा क्‍योव़ज गुप्‍शा, चाक्‍शो तवा बाक्‍त। मिनु रूथमी आ हेंशो जचा थोव़क यो ग्रुंइशा, आ शिमी कली गेवा बाक्‍त।  
\v 19 मिनु आ शिमीमी “मुलाक्‍ती सिला गुप्‍थ ते लवे? इ कली शिशी पाइब मुर आसीक तवल” देंमाक्‍त। मिनु रूथमी ते सिला गुबा आ शिमी कली शेंदा बाक्‍त। “मुलाक्‍ती आं सिला गुप्‍शो रू ङा होव़प आ नें बोआज बाक्‍त” देंमाक्‍त।  
\v 20 मिनु नाओमीमी आ चाइमी कली “परमप्रभु यावेमी मेको कली आसीक गेवल। मिनु बेक्‍शो नु ब्रोंइशो मुर आन कली शिशी पचा मप्रोन। मेको मुर इस खाल ङा बाक्‍ब” देंमाक्‍त। \em रूथ ४:४\em* 
\v 21 मिनु मोआबी रूथमी “मेकोमी आं कली ‘क्‍योव़ज नेल्‍ल ओंइने मथुमु सम्‍म आं मुरपुकी नु सिला गुप्‍थ जाक्‍को’ देंत” देंमाक्‍त।  
\v 22 मिनु नाओमीमी “आं चाइमी, मेको आ गेय पाइब मीश मुर नु गाक्‍चा रिम्‍शो बाक्‍ब। इ कली सुइमी अर्को आन रूमी श्‍येत मगेमेक्‍ल” देंमाक्‍त।  
\v 23 मोपतीके क्‍योव़ज नु चेरब रिक्‍ने मनुम्‍म सम्‍म, रूथ बोआज आ गेय पाइब मीश मुरपुकी नु सिला गुबा बाक्‍त। मिनु आ शिमी नु बाक्‍बाक्‍माक्‍त। 
\c 3  
\s1 रूथमी नाओमी आ लोव़ टिशो 
\p  
\v 1 मिनु रूथ आ शिमी नाओमीमी “आं चाइमी, इ कली रिम्‍शो दुम्‍चा कली इ खिं पशा बाक्‍शो तचा दाक्‍नुङ।  
\v 2 बोआज इं खाल ङा मुर बाक्‍ब। गे मेको आ गेय पाइब मीश मुरपुकी नु बाक्‍ते। मुलाक्‍दो मेकोमी आ क्‍योव़ज तुप्‍तीकेम गेय पाइब।  
\v 3 मोपतीके गे चिक्‍शा, तेल ख्रेक्‍शा, रिम्‍शो वा फेक्‍शा, क्‍योव़ज तुप्‍तीकेम लावो। बोआजम मजवा मतूङा सम्‍म मतपांइसो।  
\v 4 मिनु मेको इप्‍दीमेनु, आ इप्‍तीके कोव़शा वोतो। मिनु नोले लशा, आ खोइल गे ङा फेक्‍शो वा हुक्‍शा गोलो। मिनु गे मार पचा माल्‍नेवे, मेकोमी इ कली देंब” देंमाक्‍त।  
\v 5 मिनु रूथमी “इन देंशो, नेल्‍ल पाइनुङ” देंमाक्‍त।  
\v 6 मिनु रूथ क्‍योव़ज तुप्‍तीके लशा, आ शिमी आ देंशो खोदेंशो पवा बाक्‍त। 
\p  
\v 7 बोआज जशा, तूशा ग्‍येरसे बाक्‍त। मिनु क्‍योव़ज पुक्‍तीके आ नोले इप्‍थ लमाक्‍त। मिनु रूथ बोआज आ मतुइक्‍चा ङा पा जाक्‍शा, आ खोइली गे ङा वा हुक्‍शा, गोल्‍माक्‍त।  
\v 8 मिनु नाक्‍दो उइक्‍थ दुम्‍मेनु, बोआज सेंसे बाक्‍त। मिनु आ खोइल गे मीश मुर का गोल्‍शो तवा बाक्‍त।  
\v 9 मिनु बोआजमी “गे सु नवे?” दे हिल्‍लो पवा बाक्‍त। मिनु मेकोमी “गो इन वाइलीम रूथ नङ। गे आंइ खाल ङा मुर बाक्‍नीनी, इन वा फेक्‍तीनी” देंमाक्‍त। \em इजीकीएल १६:८\em* 
\v 10 मिनु बोआजमी “परमप्रभु यावेमी इ कली आसीक गेवल। ङोंइती पशो क्‍येङा मुल ङा इ पशो रिम्‍शो बाक्‍ब। गे क्‍येट थीब नु मथीब सुइ ठिटा वोंइश मुर आन नोले मखोदी। \em रूथ २:११\em* 
\v 11 गे महिंथु बाक्‍को। इ माल्‍शो गो नेल्‍ल पाइनुङ। गे रिम्‍शो मीश मुर बाक्‍नेवे। सहर ङा मुर नेल्‍लेमी तुइश्‍शो बाक्‍नीम।  
\v 12 गो थमा पा इ खाल ङा मुर बाक्‍नुङ। तन्‍न आं क्‍येङा यो आं नेक्‍था ङा अर्को मुर का बाक्‍‍ब।  
\v 13 मुलाक्‍दो एके बाक्‍को। दीसा सुनी मेको मुरुमी इ नेक्‍था ङा मुर आ पचा माल्‍शो गेय पाइब, मपाप्‍तु हना, परमप्रभु यावे ब्रोंइ‍शा बाक्‍शो खोदेंशो पा, गो एको गेय पाइनुङ। नां मसोव़म सम्‍म इपो” देंमाक्‍त।  
\v 14 मिनु रूथ नां मसोव़म सम्‍म इम्‍माक्‍त। मिनु रिम्‍शो पा नां मसोव़थु बोक्‍माक्‍त। मिनु बोआजमी “क्‍योव़ज तुप्‍तीकेमी मीश मुर का बाक्‍त, दे सुइम मतुइक्‍तमेक्‍ल।  
\v 15 इ कुप्‍नी दाइक्‍तो” देंमाक्‍त। मिनु रूथमी दाइक्‍तानु, ६ सेआह क्‍योव़ज गेशा कुरपदा बाक्‍त। मिनु रूथ सहर लेम्‍माक्‍त। \em सेआह का ७ लिटर खोदेंशो बाक्‍ब। मिनु ६ पुक्‍तीके ४२ लिटर कि १० पाथी खोदेंशो बाक्‍ब।\em* 
\v 16 मिनु आ शिमी आ बाक्‍तीके जाक्‍दीम्‍मेनु, आ शिमीमी “आं चाइमी, मार दुम्‍मे?” दे हिल्‍लो पवा बाक्‍त।  
\v 17 मिनु रूथमी बोआजमी पशो नेल्‍ल शेंशा “मेकोमी आं कली ‘इ शिमी आ बाक्‍तीके श्‍येत्‍थ मलेतो’ दे आं कली ६ सेआह क्‍योव़ज गेती” देंमाक्‍त। \em सेआह का ७ लिटर खोदेंशो बाक्‍ब। \em* 
\v 18 मिनु नाओमीमी “आं चाइमी, एको दोदेंशो दुम्‍बा, मतुइक्‍ती सम्‍म इ थुं नाइश्‍शा बाक्‍को। मारदे हना मेकोमी मेको गेय मुलाक्‍तीन मथुमा सम्‍म आ थुं यो नाइक्‍चा मताइब” देंमाक्‍त। 
\c 4  
\s1 बोआजम आ नेक्‍था ङा मुर ग्रुम्‍शो 
\p  
\v 1 मिनु बोआज सहर ङा गारो ङा ठेयब लाप्‍चोम लशा, मेकेर निश्‍शा बाक्‍माक्‍त। मिनु याम का नोले रूथ आ नेक्‍था ङा मुर जाक्‍शो तशा, बोआजमी आ नें थिशा “एके पिशा, निस्‍सो” दे ब्रेत्‍ता बाक्‍त। मिनु मेको निस्‍से बाक्‍त।  
\v 2 मिनु बोआजमी १० जना सहर ङा खाल्‍पा आन कली यो तेक्‍शा “निस्‍सीने” देंमाक्‍त। मिनु मेकोपुकी निस्‍समा बाक्‍त।  
\v 3 मिनु बोआजमी रूथ आ नेक्‍था ङा मुर कली “मोआब रागी रे जाक्‍शो नाओमीमी इं लोक्‍ब एलीमेलेक आ रू लेयचा चिक्‍शो बाक्‍ब।  
\v 4 गो इ कली मो देंङ, देंशो नङ। एको सहर ङा मुरपुकी नु खाल्‍पा आन ङोंइती गे ग्‍याप्‍चा दाक्‍नेवे हना, ग्‍यापो। ग्‍याप्‍चा मदाक्‍नेवे हना, आं कली तुइक्‍पाइय्‍यी। मारदे हना इ नेक्‍था ङा मुर गो नङ” देंमाक्‍त। मिनु मेको मुरुमी “गो ग्‍याप्‍नुङ” देंमाक्‍त। \em लेवी २५:२५; येरमीया ३२\em* 
\v 5 मिनु बोआजमी “नाओमी रे मेको रू ग्यबी नाक्‍ती, गे बेक्‍शो मुर आ मीश मोआबी रूथ यो ताइनेवे। मेको बेक्‍शो मुर आ नें आ थेरशो रू नु लील, दे मो दुम्‍चा माल्‍ब” देंमाक्‍त। \em ब्‍यवस्‍था २५:५-६\em* 
\v 6 मिनु रूथ आ नेक्‍था ङा मुरुमी “गो ग्‍याप्‍ता हना, आं आंम थेरशो रू मरिम्‍शो दुम्‍ब। आं पचा माल्‍शो गेय गेन पावो। गो ग्‍याप्‍ने मचाप्‍नुङ” देंमाक्‍त।  
\v 7 इस्राएल रागीमी ङोंइती रू ग्‍याप्‍मेनु, लेयङमेनु, रू ङा होव़प फांइसीमानु, रू लेयबमी ग्‍याप्‍ब कली आ जुत्ता प्रुइश्‍शा गेचा माल्‍बाक्‍माक्‍त। इस्राएलमी लोव़ फाइक्‍चा मततीके आ पर्बम मोदेंशो पचा माल्‍बाक्‍माक्‍त। \em ब्‍यवस्‍था २५:७-१०\em* 
\v 8 मिनु रूथ आ नेक्‍था ङा मुरुमी बोआज कली “गे ग्‍याम्‍सो” दे आ जुत्ता प्रुइश्‍शा गेवा बाक्‍त।  
\v 9 मिनु बोआजमी खाल्‍पापुकी नु मेकेर बाक्‍ब मुर आन कली “गो एलीमेलेक, माहलोन नु किल्‍योन आन थेरशो रू नेल्‍ले नाओमी रे ग्‍याप्‍ता। गे मुलाक्‍ती सांकछी दुम्‍तीनी।  
\v 10 माहलोन आ मीश, मोआबी रूथ यो बेक्‍शो मुर आ नें, आ थेरशो रू नु लील, दे चाक्‍ता। मोपा आ लोक्‍ब आन दातेमी नु आ जरमेशो बाक्‍तीकेम आ नें लील, दे मो पाता। गेपुकी मुलाक्‍ती सांकछी दुम्‍तीनी” देंमाक्‍त।  
\v 11 मिनु ठेयब लाप्‍चोम बाक्‍ब नु खाल्‍पा नेल्‍लेमी “गो सांकछी दुम्‍तक। परमप्रभु यावेम एको इ खिंम जाक्‍शो मीश मुर कली राहेल नु लेआ खोदेंशो सेलल। मेको निक्‍शीमी इस्राएल आ खिं सेल्‍शो बाक्‍ताक्‍से। बेथलेहेम एफ्राथाहम इ नें ठेयब दुम्‍ल।  
\v 12 तामारम यहूदा रे थिशो पेरेस आ खिं खोदेंशो पा, परमप्रभु यावेमी एको ठिटी मीश मुर रे थिशो आलम इ खिं सेलल” देंमा बाक्‍त। \em उत्‍पत्ती ३८:२९\em* 
\s1 बोआजम रूथ कली ग्‍युंबे पशो 
\p  
\v 13 मिनु बोआजमी रूथ चाक्‍शा, मेको नु बाक्‍माक्‍त। मिनु परमप्रभु यावे आ आसीकमी रूथ कोव़ज कुरशा, तौ का थिमाक्‍त।  
\v 14 मिनु मीश मुरपुकीमी नाओमी कली “परमप्रभु यावे ठेयब बाक्‍ब। मेकोमी इ कली मुल इ खाल ङा मुर नु वोइक्‍ते। परमप्रभुम इ कली चच का गेते। एको आ नें इस्राएलम ठेयब दुम्‍ल।  
\v 15 एकोमी इ कली मुल नक ब्रोंइतीक गेशा, खाल्‍पी दुमेनु, इ कली थुल्‍ब। मारदे हना ७ जना तौ आन क्‍येङा इ कली दाक्‍ब चाइमीमी रिम्‍शो पशो बाक्‍ब” देंमा बाक्‍त।  
\v 16 मिनु नाओमीमी मेको आल ताक्‍शा, आ थुकुम वोइश्‍शा, मेको कली कोव़ब दुम्‍माक्‍त।  
\v 17 मिनु आ नेक्‍था ङा मीश मुरपुकीमी “नाओमी के चच का दुम्‍त। गो मेको आ नें ओबेद वोइय्‍य” देंमुमा बाक्‍त। मेकोन येस्‍से आ आफ, दाऊद आ बाजे बाक्‍माक्‍त। \em मत्ती १:५-६; लूका २:३२\em* 
\s1 दाऊद आ किकी पिपी 
\p  
\v 18 पेरेसम हेस्रोन थिमाक्‍त।  
\v 19 हेस्रोनम राम थिमाक्‍त। राममी अम्‍मीनादाब थिमाक्‍त। \em १इतिहास २:९-१५\em* 
\v 20 अम्‍मीनादाबमी नहशोन थिमाक्‍त। नहशोनमी साल्‍मोन थिमाक्‍त। \em गन्‍ती १:७\em* 
\v 21 साल्‍मोनमी बोआज थिमाक्‍त। बोआजमी ओबेद थि‍माक्‍त।  
\v 22 ओबेदमी येस्‍से थिमाक्‍त। येस्‍सेमी दाऊद थि‍माक्‍त। \em १सामुएल १६:१, ११-१३\em*