\id REV  
\h प्रकाश 
\toc1 प्रकाश 
\toc2 प्रकाश 
\toc3 प्रकाश 
\mt1 प्रकाश 
\ip \bd ब्रेक्‍ब मुर:\bd* एको किताब येसु आ शेंसीब यूहन्‍ना आ ब्रेक्‍शो बाक्‍ब। थमा सुइक्‍ब आन ग्रुम्‍तीके ङा इतिहासम मोदेंशो ब्रेक्‍शो बाक्‍त। 
\ip \bd गेना ब्रेक्‍शो:\bd* इरेनेयुस, थमा सुइक्‍ब आन इतिहास ब्रेक्‍बमी “प्रकाश सासन पाइब दोमीतीयन आ सासन पशो नुप्‍ची ना ब्रेक्‍शो बाक्‍ब” दें‍ब। मेको ९४-९५ ए. डी. मेर बाक्‍त। 
\ip \bd मार ब्रेक्‍शो:\bd* 
\io1 १. प्रभु येसु ख्रीस्‍त नु मेको कली थमा सुइक्‍ब आन ग्रुम्‍तीके। \em प्रकाश १:- ३:-\em* 
\io1 २. प्रभु येसु ख्रीस्‍त नु रागी रागी ङा मुर \em प्रकाश ४:-; - ११:१४ \em* 
\io1 ३. सैतान नु थमा सुइक्‍ब आन जोरी सत्रु \em प्रकाश ११:१५; - १४:२०\em* 
\io1 ४. थमा सुइक्‍ब आन जोरी सत्रु ब्रुशो \em प्रकाश १५:१; - १९:२१ \em* 
\io1 ५. येसु ख्रीस्‍त नु आ राज्‍य \em प्रकाश २०:१; - २२:२१\em* 
\c 1  
\s1 ङोंइती ङा लोव़ 
\p  
\v 1 परमप्रभु यावेमी येसु ख्रीस्‍त कली “मार मार दुम्‍चा चिक्‍ता, आ रागी ङा वाइलीम वाइलपुकीमी तुइक्‍तमेक्‍ल” दे कोंइताक्‍व। मिनु येसु ख्रीस्‍तमी आ स्‍वर्ग ङा गेय पाइब कली आ वाइल यूहन्‍ना आ बाक्‍तीके सोइक्‍ताक्‍व। मारदे सोइक्‍ताक्‍व देंशा हना, मेको दुम्‍चशो लोव़ शेंथ सोइक्‍ताक्‍व।  
\v 2 मिनु गो, यूहन्‍नामी, परमप्रभु यावे आ लोव़ नेंता, येसु ख्रीस्‍त आ पशो ताता। मिनु मेको नेल्‍ल आन सांकछी दुम्‍ती।  
\v 3 मिनु सु सुमी परमप्रभु यावेमी तुइक्‍पाइश्‍शो एको किताब ङा लोव़ पढेनीमी, नेंनीमी नु टीनीमी, मेको आसीक रशो नु ग्‍येरसीशो मुर दुम्‍नीम। मारदे हना मेको लोव़ दुम्‍चशो बाक्‍त। \em १यूहन्‍ना १:१-२; यूहन्‍ना २१:२४; प्रकाश २२:१०\em* 
\s1 एसीया ङा ग्रुम्‍तीके कली चिठी 
\p  
\v 4 गो यूहन्‍नामी एसीया ङा येसु ख्रीस्‍त कली थमा सुइक्‍ब ७ ओटा सहर ङा थमा सुइक्‍ब आन ग्रुम्‍तीके ङा शेंब आन कली चिठी ब्रेक्‍ताक्‍ङ। मिनु मुल बाक्‍ब, ङोंइती बाक्‍शो, नोले यो जाक्‍बमी नु परमप्रभु यावे आ ठेयब नित्‍तीके आ ङोंइती बाक्‍ब ७ ओटा ठाउं ङा परमप्रभु यावे आ सोक्‍तीमी इन कली “शिशी तशा नु थुं नाइश्‍शा बाक्‍चा तामेक्‍ल” देंताक्‍स। \em प्रस्‍थान ३:१४-१५; प्रकाश ३:१; प्रकाश ५:६\em* 
\v 5 मिनु येसु ख्रीस्‍तमी यो मो देंत। मिनु मेको सु बाक्‍ब देंशा हना, परमप्रभु यावे आ देंशो थमा पाइब सांकछी नु नेल्‍ल क्‍येङा ङोंइती बेक्‍शो रे सेंसीशो नु रागी ङा पिप आन कली सासन पाइब बाक्‍ब। येसु ख्रीस्‍तमी इं कली दाक्‍शा, आ हुशेमी इं पाप रे प्रोंइतु। \em प्रकाश ३:१४; यूहन्‍ना १८:३७; १तिमोथी ६:१३\em* 
\v 6 इं कली परमप्रभु यावे, आ आफ आ राज्‍य ङा मुर सेल्‍शा, परमप्रभु यावे आ ङोंइती राप्‍ब सेल्‍तु। मोपतीके आ छेङछेङ नु सक्ति गेना हना यो बाक्‍ल, आमेन। \em प्रकाश ५:१०; प्रस्‍थान १९:६; १पत्रुस २:५,९\em* 
\v 7 मिनु येसु ख्रीस्‍त लेश्‍शा, दोपा यीबा देंशा हना, सरीङ रे गोस्‍सुमी गिल्‍सीशा यीब। मिनु मुर नेल्‍लेमी मेको कली यिन यिन पशो ताइनीम। मेको कली साइक्‍पाइक्‍बपुकीमी यो ताइनीम। मिनु थर थर ङा मुरपुकीम मेको कली तशा, रोंका पा ङाक्‍नीम। एको थमा लोव़ बाक्‍ब। आमेन। \em मत्ती २४:३०; जकरिया १२:१०; यूहन्‍ना १९:३७\em* 
\p  
\v 8 परमप्रभु यावे मुल बाक्‍ब, ङोंइती यो बाक्‍शो बाक्‍त। मिनु नोले यो जाक्‍ब। नेल्‍ल सक्ति पाइश्‍शो परमप्रभु यावेमी “गो आल्‍फा नु ओमेगा नङ” देंत। \em आल्‍फा नु ओमेगा माइश्‍शो ग्रीक लोव़मी ङोंइती नु नोले ङा अच्‍छेर बाक्‍नीस।\em*\em प्रकाश २१:६; यसैया ४१:४; प्रकाश ४:८\em* 
\s1 येसुमी यूहन्‍ना कली पपाइश्‍शो गेय 
\p  
\v 9 मिनु गो इन लोक्‍ब यूहन्‍ना, येसु ख्रीस्‍त कली थमा सुइक्‍ब नङ। गो इन बुदी श्‍येत जशो परमप्रभु यावे आ राज्‍य ङा मुर यो नङ। मोपतीके श्‍येत जशा, इन खोदेंशो पा येसु ख्रीस्‍त कली रिम्‍शा बाक्‍नुङ। गो येसु आ सांकछी दुम्‍ती। मिनु परमप्रभु यावे आ लोव़ शेंताक्‍ङ। मोपतीके मुरुमी आं कली पात्‍मोस माइश्‍शो टापुमी लाइश्‍शा प्रोंइ‍तीमी।  
\v 10 मिनु गो परमप्रभु यावे आ नाक्‍त परमप्रभु यावे आ सोक्‍तीम बाक्‍ती। मिनु आं नोले तुराही ताप्‍शो खोदेंशो ठेयब सेंदा नेंता।  
\v 11 मेको सेंदामी आं कली “मार मार ताइनेवे, मेको नेल्‍ल कागजम ब्रेक्‍तो। मिनु ब्रेक्‍शा ङा मिन, एसीया ङा ७ ओटा सहर ङा येसु ख्रीस्‍त कली थमा सुइक्‍ब आन ग्रुम्‍तीके ङा मुर आन कली सोइक्‍तो। मेको ७ ओटा सहर चहिं एफिसस, स्‍मिरना पेरगामोम, थिआटीरा, सारडीस, फिलाडेल्‍फीया नु लाओडीसीया नम” देंत।  
\v 12 मिनु गो नु लोव़ पाइब कली कोव़ङु, दे बिर लेत्‍ती। लेश्‍शा कोव़ङुनु, ७ ओटा सुन के दियारीम बत्ती ब्रशो ताता।  
\v 13 मेको ७ ओटा दियारी आन दातेमी मुर का बाक्‍शो खोदेंशो ताता। मेको मुर दोदेंशो तांइसाक्‍व देंशा हना, खोइली सम्‍म लाइश्‍शो वा फेक्‍शो नु सुन के किप्‍तीके कुचुमी किप्‍शो बाक्‍त। \em प्रकाश २:१; दानीएल ७:१३ \em* 
\v 14 मेको आ पिया नु आ चां बुश ऊन नु फुं खोदेंशो बुश तांइसाक्‍व। आ मिक्‍च हुरुर पा ब्रशो मी खोदेंशो तांइसाक्‍व। \em प्रकाश २:१८; प्रकाश १९:१२\em* 
\v 15 आ खोइली याप्‍पाइश्‍शा टल्‍केशो कांसा खोदेंशो तांइसाक्‍व। मिनु आ सेंदा ठेयब खोला आन रेयके खोदेंशो नेंसाक्‍व।  
\v 16 मिनु मेको आ ग्‍युरा गुइमी ७ ओटा सोरुल शेशो बाक्‍त। मिनु निम्‍फा गे क्‍योरतीक पाइश्‍शो हेश्‍शो तरवार का आ शोव़ रे ग्रूत। मिनु आ कुल नाक्‍त ङा नां खोदेंशो पा कोव़ने मचाप्‍चा ङा तांइसाक्‍व। 
\p  
\v 17 मिनु गोमी मेको मोदेंशो तङानु, बेक्‍शो मुर खोदेंब पा मेको आ खोइलीम गोल्‍ती। मिनु मेकोमी चहिं आ ग्‍युरा गुइ आं तारी वोइश्‍शा “महिनो, गो नेल्‍ल क्‍येङा ङोंइती नु नेल्‍ल क्‍येङा नोले ङा नङ। \em दानीएल ८:१८\em* 
\v 18 ब्रोंइशा बाक्‍ब नङ। गो बेक्‍शा यो, लेंशा मबेक्‍चा ङा पा ब्रोंइती। मिनु नरक नु बेक्‍शा लशो मुर आन बाक्‍तीक ङा रोक्‍तीक सांचो गो नु बाक्‍ब।  
\v 19 गे मार मार तवी, मेको ब्रेक्‍तो। गे मार ब्रेक्‍चा माल्‍नेवे देंशा हना, मुल मार बाक्‍बा, नोले मार दुम्‍बा, मेको नेल्‍ल ब्रेक्‍तो। 
\p  
\v 20 मिनु आं ग्‍युरा गुइमी बाक्‍शो ७ ओटा सोरुल नु ७ ओटा खपीम बाक्‍शो सुन के दियारी आ ख्रुइश्‍शो अर्थ मार बाक्‍ब देंशा हना, मेको आं गुइमी तशो ७ ओटा सोरुलपुकी मेको एसीया ङा ७ ओटा सहर ङा थमा सुइक्‍ब आन ग्रुम्‍तीके ङा शेंब नम। मेको ७ ओटा दियारी चहिं मेको एसीया ङा ७ ओटा सहर ङा थमा सुइक्‍ब आन ग्रुम्‍तीके ङा मुर नम” दे माइक्‍ती। 
\c 2  
\s1 एफिसस कली चिठी 
\p  
\v 1 मिनु येसु ख्रीस्‍तमी आं कली एफिसस सहर ङा थमा सुइक्‍ब आन शेंब कली ब्रेक्‍पाइक्‍ती। एको आ ग्‍युरा गुइमी ७ ओटा सोरुल नु ७ ओटा सुन के दियारी आन दातेमी हिरब आ लोव़ बाक्‍ब। \em प्रेरित १८:१९\em* 
\v 2 मेकोमी “गो इन पशो गेय, इन फाल्‍शो श्‍येत नेल्‍ल तुइक्‍नुङ। मिनु गे मरिम्‍शो मुर आन कली फाल्‍ने मचाप्‍नीनी। मिनु गे सोइश्‍शो, आं लोव़ शेंब दुम्‍खु पाइब मुर आन कली नाक्‍शा, जोल्‍फे बाक्‍नीम, दे तुइक्‍नीनी। \em १यूहन्‍ना ४:१\em* 
\v 3 गे फाल्‍शा, आं कली थमा सुइक्‍तीनी। मोपा थमा सुइक्‍चा मदथु, आं पर्बम श्‍येत फाल्‍नीनी, दे गो तुइक्‍नुङ। \em १तिमोथी ५:१२\em* 
\v 4 तन्‍न गो इन कली लोव़ का पचा माल्‍नुङ। मार लोव़ पचा माल्‍नुङ देंशा हना, ङोंइती गे आं कली थमा पा दाक्‍ताक्‍नी। मुल चहिं ङोंइती ङा खोदेंशो पा दाक्‍चा प्रोंइतीनी।  
\v 5 इन ङोंइती ङा आं कली दाक्‍शो मिम्‍तीने। इन थुं आं गे लेत्‍तीने। मिनु इन ङोंइती ङा पशो गेय पने। गे मेको दाक्‍चा ङा गेय मपाइतीनी हना, गो इन बाक्‍तीके जाक्‍शा, इन दियारी आ बाक्‍तीके रे तिल्‍नुङ।  
\v 6 तन्‍न इन गेय का रिम्‍शो बाक्‍ब। गेपुकी निकोलाइटन आन शेंतीके ङा गेय ग्रांग्रा दीनीनी। गो यो ग्रांग्रा दीनुङ। \em भजन संग्रह १३९:२१\em* 
\v 7 परमप्रभु यावे आ सोक्‍तीमी थमा सुइक्‍ब मुर आन कली शेंशो लोव़ सु सुमी नेंने चाप्‍नीमी, मेकोमी नेन्‍मेक्‍ल। सु सुमी सैतान कली ग्रानीमी, मेको आन कली परमप्रभु यावे आ रूमी बाक्‍ब ब्रोंइतीक रवा आ फल ब्‍वचा गेनुङ” दे ब्रेक्‍पाइक्‍ती। \em प्रकाश २२:२; उत्‍पत्ती २:९\em* 
\s1 स्‍मिरना कली चिठी 
\p  
\v 8 मिनु येसु ख्रीस्‍तमी आं कली स्‍मिरना सहर ङा थमा सुइक्‍ब आन शेंब कली ब्रेक्‍पाइक्‍ती। मेकोमी “गो नेल्‍ल क्‍येङा ङोंइती नु नेल्‍ल क्‍येङा नोले नङ। गो बेक्‍शा यो ब्रोंइती” देंत। \em प्रकाश १:११; प्रकाश १:१८\em* 
\v 9 मेकोमी “गो इन श्‍येत जशो तुइक्‍नुङ। गे थमा पा प्रुङग बाक्‍नीनी, दे गो तुइक्‍नुङ। तन्‍न गे इन थुंम शोंप पाइश्‍शो बाक्‍नीनी, दे यो तुइक्‍नुङ। मरिम्‍शो लोव़ पाइब सु सु नमी देंशा हना ‘यहूदी नकी’ देंखु पाइबपुकी सैतानमी शेंशो मुर नम। \em याकूब २:५; प्रकाश ३:९\em* 
\v 10 मिनु मुल इन कली श्‍येत दुम्‍चाप्‍तु। तन्‍न महिनीने। नेनीन, मुल दियाबलस सैतानमी गे का निक्‍शी इन कली थुं थाम्‍चा कली जेल्‍खानम चोक्‍पाइक्‍ब। गे १० नाक्‍त सम्‍म ला श्‍येत जाइनीनी। साइक्‍चाम्‍तेक्‍म हना यो, फाल्‍शा थमा सुइक्‍चा मप्रोनीन। मो पाइतीनी हना, गो इन कली गेना हना यो ब्रोंइशा बाक्‍तीक सिरपेच गेनुङ। \em मत्ती १०:१९,२८; प्रकाश ३:११; २तिमोथी ४:८\em* 
\v 11 परमप्रभु यावे आ सोक्‍तीमी थमा सुइक्‍ब मुर आन कली शेंशो लोव़ सु सुमी नेंने चाप्‍नीमी, मेकोमी नेन्‍मेक्‍ल। सु सुमी सैतान कली ग्रानीमी, मेको निक्‍शी खेयप बेक्‍चा ममाल्‍नीम। मिनु परमप्रभु यावेमी गेशो सजाइ यो मताइनीम” दे ब्रेक्‍पाइक्‍ती। \em प्रकाश २०:१४\em* 
\s1 पेरगामोम कली चिठी 
\p  
\v 12 मिनु येसु ख्रीस्‍तमी आं कली पेरगामोम सहर ङा थमा सुइक्‍ब आन शेंब कली ब्रेक्‍पाइक्‍ती। आ शोव़ रे निम्‍फा गे क्‍योरतीक पाइश्‍शो हेश्‍शो तरवार पाइश्‍शोमी  
\v 13 “इन बाक्‍तीक सहरम सैतान आ नित्‍तीके बाक्‍ब, दे गो तुइक्‍नुङ। गेपुकीमी ‘गो येसु ख्रीस्‍त आ मुर नकी’ दे आं कली थमा सुइक्‍चा मप्रोंइनी। मिनु इन सहरम सैतान आ नित्‍तीके बाक्‍मेनु, अन्‍टीपास माइश्‍शो आं कली मप्रोंइथु, थमा सुइक्‍ब नु आं लोव़ शेंब बाक्‍त। मिनु मुरुमी मेको कली सैतान आ बाक्‍तीकेमी बाक्‍शा, साइक्‍तेक्‍म हना यो, गे आं कली थमा सुइक्‍चा मप्रोंइनी।  
\v 14 तन्‍न गो इन कली लोव़ का पचा माल्‍नुङ। मार लोव़ पचा माल्‍नुङ देंशो हना, गे का निक्‍शीमी मरिम्‍शो गेय पाइतीनी। इन ग्रुम्‍तीके ङा का निक्‍शीमी बालाम माइश्‍शो मुर आ शेंशो थमा सुइक्‍नीमी। बालाममी मार शेंताक्‍व देंशा हना, ङोंइती बालाक माइश्‍शो पिप कली इस्राएल जात ङा वोंइश मुर आन कली खतम सेल्‍तु। दोपा खतम सेल्‍तु देंशा हना, चढ़ेशो थोव़क ब्‍वपाइक्‍तु। मिनु तेल्‍लेम पपाइक्‍तु। \em गन्‍ती ३१:१६; २पत्रुस २:१५; यहूदा :११\em* 
\v 15 मिनु गे इन ग्रुम्‍तीकेमी निकोलाइटन आन शेंशो लोव़ का निक्‍शीमी थमा सुइक्‍नीमी।  
\v 16 मोपतीके इन थुं गो आं गे लेत्‍तीन। मलेत्‍ताक्‍नी हना, गो इन ग्रुम्‍तीकेमी रीब पा जाक्‍नुङ। मिनु आं शोव़ ङा तरवारमी मेको नु लडाइ पाइनुङ।  
\v 17 परमप्रभु यावे आ सोक्‍तीमी थमा सुइक्‍ब मुर आन कली शेंशो लोव़ सु सुमी नेंने चाप्‍नीमी, मेकोमी नेन्‍मेक्‍ल। मिनु सु सुमी सैतान कली ग्रानीमी, मेको आन कली ख्रुइश्‍शा वोइश्‍शो मन्‍ना शोब्‍ले गेनुङ। मिनु गोमी मेको ग्राब आन कली बुश हीरा का का गेनुङ। मेको बुश हीरा तार हीरा ताइब आन नक नें ब्रेक्‍शो बाक्‍ब। मेको नें हीरा ताइबमी ला तुइक्‍नीम। अर्को मुरुमी चहिं मतुइक्‍नीम” दे ब्रेक्‍पाइक्‍ती। \em भजन संग्रह ७८:२४; यसैया ६२:२\em* 
\s1 थिआटीरा कली चिठी 
\p  
\v 18 मिनु परमप्रभु यावे आ तौमी आं कली थिआटीरा सहर ङा थमा सुइक्‍ब आन शेंब कली ब्रेक्‍पाइक्‍ती। एको आ मिक्‍च हुरुर पा ब्रशो मी खोदेंशो तांइसीशो नु आ खोइली याप्‍पाइश्‍शो टल्‍केशो कांसा खोदेंशो तांइसीशो आ लोव़ बाक्‍ब। \em प्रेरित १६:१४; प्रकाश १:१४-१५\em* 
\v 19 मेकोमी “गो इन पशो गेय तुइक्‍नुङ। इन आं कली दाक्‍शो, इन थमा सुइश्‍शो, इन थमा सुइक्‍ब आन कली पशो गेय नु इन श्‍येत फाल्‍शो तुइक्‍नुङ। गे ङोंइती क्‍येङा शुश गेय पाइनीनी।  
\v 20 तन्‍न इन कली लोव़ का पचा माल्‍नुङ। मार लोव़ पचा माल्‍नुङ देंशा हना, गे इजेबेल माइश्‍शो मीश मुर कली इन ग्रुम्‍तीकेमी बाक्‍चा गेतीनी। इजेबेलमी ‘गो परमप्रभु यावेमी तुइक्‍पाइश्‍शो लोव़ पाइब नङ’ देंखु पा, आं गेय पाइब आन कली मरिम्‍शो पचा शेंताक्‍मी। मार मरिम्‍शो पचा शेंताक्‍मी देंशा हना, तेल्‍लेम पचा नु मूर्ति कली चढ़ेशो थोव़क जचा ब्‍वचा दुम्‍ब, दे शेंताक्‍मी। \em २राजा ९:२२\em* 
\v 21 गोमी मेको कली ‘इ थुं आं गे लेत्‍तो। इ तेल्‍लेम पचा ताइक्‍तो’ दे रिम्‍ताक्‍ङ। मेकोमी आ थुं गो आं गे लेत्‍चा नु आ तेल्‍लेम पचा ताइक्‍ने मबीस।  
\v 22 मिनु गो मेको कली रोइ पपाइक्‍नुङ। मिनु मेको नु तेल्‍लेम पाइब आन तेल्‍लेम पचा प्रोंइशा, गो आं गे लेत्‍ने मबिस्‍साक्‍म हना, मेको आन कली यो ठेयब श्‍येत गेनुङमी।  
\v 23 आ आल आन कली मुर साइक्‍ब रोइम साइक्‍नुङमी। मेको आन श्‍येत जशा, बेक्‍शो तशा ‘गोम पाप्‍तु’ दे थमा सुइक्‍ब नेल्‍लेमी तुइक्‍नीमी। मिनु थमा सुइक्‍ब आन ग्रुम्‍तीके ङा मुर नेल्‍लेमी ‘येसु ख्रीस्‍तमी मुर आन थुं नु आन पशो तुइक्‍ब। मिनु नोले दोपा पामे, मोपा गेब’ दे तुइक्‍नीम। \em भजन संग्रह ७:१०; येरमीया १७:१०\em* 
\v 24 तन्‍न थिआटीरा ङा थमा सुइक्‍ब आन ग्रुम्‍तीकेमी इजेबेल आ शेंशो मपाइबपुकी यो बाक्‍नीम। मेकोपुकीमी इजेबेल आ शेंसीब बुदी सैतान आ ठेयब गेय यो मतुइक्‍नीम। मिनु आं कली रिम्‍शो पा थमा सुइक्‍ब आन कली अर्को श्‍येत मगेनुङ।  
\v 25 गे इन तुइश्‍शो गो मजाक्‍ङा सम्‍म पना पन बाक्‍कीन। \em प्रकाश ३:११\em* 
\v 26 सु सुमी सैतान कली ग्रानीमी, मेकोमी बेक्‍ची ना सम्‍म आं गेय पाइनीमी, गो मेको आन कली रागी रागी ङा मुर आन कली सासन पतीके सक्ति गेनुङ।  
\v 27 मिनु मेकोपुकीमी खप के ग्‍योंब आन कली फलाम के कोक्‍केमी चोंइटा चोंइटा पशो बुद पा रागी ङा मुर आन कली सासन पाइनीम। गो यो मोदेंशो सक्ति आं आफ रे तशो नङ। \em भजन संग्रह २:८-९\em* 
\v 28 मिनु गोमी मेको सैतान कली ग्राब आन कली सुनी ङा सुक्‍कुर सोरुल गेनुङ।  
\v 29 परमप्रभु यावे आ सोक्‍तीमी थमा सुइक्‍ब मुर आन कली शेंशो लोव़ सु सुमी नेंने चाप्‍नीमी, मेकोमी नेन्‍मेक्‍ल” दे ब्रेक्‍पाइक्‍ती। 
\c 3  
\s1 सारडीस कली चिठी 
\p  
\v 1 मिनु येसु ख्रीस्‍तमी आं कली सारडीस सहर ङा थमा सुइक्‍ब आन शेंब कली ब्रेक्‍पाइक्‍ती। एको ७ ओटा ठाउं ङा परमप्रभु यावे आ सोक्‍त नु ७ ओटा सोरुल नु बाक्‍ब आ लोव़ बाक्‍ब। मेकोमी “गो इन पशो गेय तुइक्‍नुङ। गेपुकीमी चहिं ‘गो ख्रीस्‍त कली थमा सुइश्‍शा, ब्रोंइशा बाक्‍नीकी’ देंनीनी। तन्‍न इन थमा सुइक्‍तीके बेक्‍शो खोदेंब पा इप्‍शो बाक्‍ब। \em प्रकाश १:४\em* 
\v 2 मोपतीके सेंशा बोक्‍कीन। इन बेक्‍चा चिक्‍शो थमा सुइक्‍तीके बारपतीन। गोमी इन गेय ताता। मेको इन गेय आं परमप्रभु यावे कली मगारनीम। \em लूका २२:३२\em* 
\v 3 मिनु इन तशो नु इन नेंशो मिम्‍तीन। मेको कली मप्रेंथु, इन थुं गो आं गे लेत्‍तीन। गे मो मपाइतीनी हना, गो खुइ खोदेंशो पा इन बाक्‍तीकेमी जाक्‍नुङ। मिनु गो गेना जाक्‍नुङा, गे मतुइक्‍नीनी। \em १थिस्‍सलोनिकी ५:२\em* 
\v 4 मिनु सारडीस सहर ङा थमा सुइक्‍ब आन ग्रुम्‍तीकेमी का निक्‍शी रिम्‍शो पा थमा सुइक्‍ब यो बाक्‍नीम। मेकोपुकीमी पाप मपाम, मोपा आन वा मलुम्‍सीशो बाक्‍ब। मारदे हना मेको आन नाक्‍त किंत ङा गेय परमप्रभु यावे कली गारब। मोपतीके मेकोपुकी गो नु बुश वा फेक्‍शा, हिरचा शिरनीम। \em यहूदा :२३\em* 
\v 5 सु सुमी सैतान कली ग्रानीमी, मेको आन कली मोपा बुश वा फेक्‍चा गेनुङ। मिनु मेको आन नें परमप्रभु यावे नु ब्रोंइचा ताइब आन नें ब्रेक्‍शो किताब रे मक्‍याम्‍नुङ। गोमी आं आफ नु आ स्‍वर्ग ङा गेय पाइब आन ङोंइती ‘मेको आं मुर नम’ देंनुङ। \em प्रकाश ७:१३; लूका १०:२०; मत्ती १०:३२\em* 
\v 6 परमप्रभु यावे आ सोक्‍तीमी थमा सुइक्‍ब आन कली शेंशो लोव़ सु सुम नेंने चाप्‍नीमी, मेकोमी नेन्‍मेक्‍ल” दे ब्रेक्‍पाइक्‍ती। 
\s1 फिलाडेल्‍फीया कली चिठी 
\p  
\v 7 मिनु येसु ख्रीस्‍तमी आं कली फिलाडेल्‍फीया सहर ङा थमा सुइक्‍ब आन शेंब कली ब्रेक्‍पाइक्‍ती। मेको परमप्रभु यावे आ तौ, थमा पा पाप रे प्रोंइब, दाऊद आ राज्‍य ङा सांचो थीबमी लाप्‍चो रोक्‍गा ङा मेरे सुइमी चोक्‍ने मचाप्‍नीम। मिनु चोक्‍गा ङा मेरे सुइमी रोक्‍ने मचाप्‍नीमी। \em यसैया २२:२२\em* 
\v 8 मेकोमी “गो इन पशो गेय तुइक्‍नुङ। गे इन सक्ति आइक्‍च बाक्‍त हना यो, आं देंशो टीतीनी। मिनु गेपुकीमी ‘येसु ख्रीस्‍त कली मतुइक्‍नुङ’ दे गेनायो मदेंनी। मोपतीके गो इन कली लाप्‍चो रोक्‍शा वोइक्‍ता। मेको सुइमी चोक्‍ने मचाप्‍नीम।  
\v 9 मिनु इन ग्रुम्‍तीकेमी का निक्‍शीमी ‘यहूदी नकी’ दे जोल पाइनीम। मेकोपुकी चहिं सैतान आ शेंशो मुर बाक्‍नीम। नेनीन, गो मेको आन कली इन खोइलीमी बाप्‍शा सेउ पपाइक्‍नुङ। गोमी इन कली दाक्‍नुङ, दे मेको आन कली तुइक्‍पाइक्‍नुङ। \em प्रकाश २:९; यसैया ४९:२३; यसैया ६०:१४\em* 
\v 10 मिनु गे शुश श्‍येत फाल्‍शा, आं देंशो लोव़ मप्रोंइनी। मोपतीके रागी नेल्‍ल ङा मुर आन थुं थाम्‍चा कली जाक्‍शो श्‍येत रे प्रोंइनन्‍नी। \em प्रकाश १४:१२; मत्ती ६:१३\em* 
\v 11 मिनु गो फ्रा लेश्‍शा यीनुङ। थमा सुइक्‍चा मप्रोनीन। मोपा बाक्‍तीनी हना, सुइमी इन सिरपेच रोइक्‍ने मचाप्‍नीम। \em प्रकाश २:१०\em* 
\v 12 सु सुमी सैतान कली ग्रानीमी, गोमी मेको आन कली आं परमप्रभु यावे आ खिं ङा थाम खोदेंशो बोल्‍यो सेल्‍नुङ। मिनु मेको गेना हना यो परमप्रभु यावे आ खिंमी बाक्‍नीम। मिनु मेको मुर आन तारी आं परमप्रभु यावे आ नें, आं परमप्रभु यावे आ सहर आ नें नु आं नक नें ब्रेक्‍नुङ। आं परमप्रभु यावे आ सहर चहिं नक यरूसलेम माइश्‍शो बाक्‍ब। मेको नक यरूसलेम आं परमप्रभु यावे आ बाक्‍तीक स्‍वर्ग रे यीब। \em प्रकाश १४:१; प्रकाश २१:२\em* 
\v 13 परमप्रभु यावे आ सोक्‍तीमी थमा सुइक्‍ब आन कली शेंशो लोव़ सु सुमी नेंने चाप्‍नीमी, मेकोमी नेन्‍मेक्‍ल” दे ब्रेक्‍पाइक्‍ती। 
\s1 लाओडीसीया कली चिठी 
\p  
\v 14 मिनु येसु ख्रीस्‍तमी आं कली लाओडीसीया सहर ङा थमा सुइक्‍ब आन शेंब कली ब्रेक्‍पाइक्‍ती। एको आमेन माइश्‍शो, दीगो पाइब परमप्रभु यावे आ सांकछी नु रागी नु मारेइ मारेइ सेल्‍ब आ लोव़ बाक्‍ब। \em कलस्‍सी २:१; कलस्‍सी ४:१३; २कोरिन्‍थी १:२०; प्रकाश १:५; कलस्‍सी १:१५ \em* 
\v 15 मेकोमी “गो इन पशो गेय तुइक्‍नुङ। इन थमा सुइक्‍चा सिक्‍स यो ममाइ, होश यो ममाइ, कि सिक्‍स कि होश दुम्‍शो हना, रिम्‍शो दुम वा।  
\v 16 तन्‍न इन थमा सुइक्‍तीके गाम्‍चा चिक्‍शो बाक्‍ब। मोपतीके गो इन कली तेशा ताइक्‍नुङ।  
\v 17 मिनु गेपुकीमी ‘आंइ के शुश शोंप बाक्‍ब। गो शोंप पाइश्‍शो नकी। गो मारेइ ममाल्‍नीकी’ देंनीनी। तन्‍न गो इन कली श्‍येत जाइब नु प्रुङग, मिक्‍च मताइब नु हेरा शिश्रा गाक्‍शा पुंइब खोदेंशो दुम्‍शो ताता। \em १कोरिन्‍थी ३:१८; १कोरिन्‍थी ४:८\em* 
\v 18 मोपतीके गो इन कली लोव़ का पाइनुङ, मार लोव़ पाइनुङ देंशा हना, गे शोंप पाइश्‍शो दुम्‍चा कली आं सुन ग्‍यापीन। मेको सुन याप्‍पाइश्‍शो बाक्‍ब। मेको ग्‍याप्‍तीनी हना, गे शोंप पाइश्‍शो दुम्‍नीनी। मिनु फेक्‍चा कली बुश वा ग्‍यापीन। मेको ग्‍याप्‍तीनी हना, मुने मदोक्‍नीनी। मिनु इन मिक्‍च, सापाइक्‍चा कली मिक्‍चीम ख्रेक्‍तीके ग्‍यापीन। ग्‍याप्‍शा ख्रेक्‍साक्‍नी हना, गे ताइनीनी।  
\v 19 गो आं दाक्‍शो मुर आन कली आन मरिम्‍शो पतीके कोंइनुङ। नोले गो मेको आन कली श्‍येत गेशा, आल खोदेंशो पा शेंनुङ। इन थुं गो आं गे लेत्‍तीन। इन थमा सुइक्‍तीके बारपतीन। \em हितोपदेस ३:१२; १कोरिन्‍थी ११:३२; हिब्रू १२:६\em* 
\v 20 नेनीन, गो लाङगाम जाक्‍शा ‘बाक्‍नी?’ दे ब्रेत्‍नुङ। सु सुमी आं सेंदा नेंशा ‘ओव़ङीन’ देंनीमी, गो मेको नु बाक्‍थ ओव़नुङ। मिनु मेको नु काथा बाक्‍शा, खमे जाइनुङ। \em यूहन्‍ना १४:२३\em* 
\v 21 सु सुमी सैतान कली ग्रानीमी, मेको आन कली आं ठेयब नित्‍तीकेमी निप्‍पाइक्‍नुङ। गो ङोंइती ग्राती। मोपा गो आं आफ आ ठेयब नित्‍तीकेमी आफ नु निस्‍साक्‍यी। \em मत्ती १९:२८\em* 
\v 22 परमप्रभु यावे आ सोक्‍तीमी थमा सुइक्‍ब आन कली शेंशो लोव़ सु सुमी नेंने चाप्‍नीमी, मेकोमी नेन्‍मेक्‍ल” दे ब्रेक्‍पाइक्‍ती। 
\c 4  
\s1 परमप्रभु कली पशो कुम्‍सो 
\p  
\v 1 मिनु नोले सरीङ गे कोव़ता। मिनु मेकेर लाप्‍चो का रोक्‍शा वोइश्‍शो ताता। मिनु ङोंइती आं नेंशो तुराही ताप्‍शो खोदेंशो ठेयब सेंदा लेंशा नेंता। मेको सेंदामी “एक कुवो। नोले मार दुम्‍‍बा, गो इ कली कोंइनन” दे माइक्‍ती। \em प्रकाश १:१०\em* 
\v 2 मिनु गो परमप्रभु यावे आ सोक्‍तीमी ब्रीती। स्‍वर्गमी ठेयब नित्‍तीके वोइश्‍शो ताता। मेको ठेयब नित्‍तीकेमी का निश्‍शो ताता। \em भजन संग्रह ४७:९; यसैया ६:१; इजीकीएल १:२६-२८\em* 
\v 3 मेको ठेयब नित्‍तीके बुश नु लल टल्‍केशो हीरा खोदेंशो तांइसाक्‍व। मेको ठेयब नित्‍तीके आ एर ओंथ वाक्‍श दाप्‍शो ताता। मेको वाक्‍श गिग हीरा खोदेंशो तांइसाक्‍व।  
\v 4 मिनु ठेयब नित्‍तीके आ एर ओंथ २४ ओटा आइक्‍च नित्‍तीकपुकी बाक्‍तेक्‍म। मेको नित्‍तीकपुकीमी बुश वा फेक्‍शो नु आन पियामी सुन के सिरपेच गुप्‍शो २४ जना शेंब खाल्‍पा निश्‍शो बाक्‍तेक्‍म। \em प्रस्‍थान १९:१६; प्रकाश १:४\em* 
\v 5 मिनु मेको नित्‍तीक रे चिला दाप्‍शो तांइसाक्‍व। मिनु बुंबु पशो रेयके नु सेंदापुकी नेंसाक्‍व। मिनु ठेयब नित्‍तीक आ ङोंइती ७ ओटा ब्रशो तोव़शी बाक्‍तेक्‍म। मेको ७ ओटा तोव़शी चहिं परमप्रभु यावे आ ७ ठाउंम बाक्‍शो सोक्‍त बाक्‍तेक्‍म। \em प्रस्‍थान १९:१६\em* 
\v 6 मिनु नित्‍तीक आ ङोंइती समुन्‍द्र खोदेंशो दिंम का बाक्‍त। मेको दिंम सिसा खोदेंब टल्‍केशो तांइसाक्‍व। मिनु मेको ठेयब नित्‍तीके आ एर ओंथ आन रां नेल्‍ले शुश मिक्‍च पाइश्‍शो ४ ओटा सेस जन्‍तु बाक्‍तेक्‍म। \em इजीकीएल १:५,१०,२२\em* 
\v 7 मेको सेस जन्‍तुपुकी दोदेंब तांइसाक्‍म देंशा हना, ङोंइती ङा जन्‍तु गुप्‍स खोदेंशो तांइसाक्‍व, अर्को सेस जन्‍तु बोहोर खोदेंशो तांइसाक्‍व। नोले ङा सेस जन्‍तु आ कुल मुर के खोदेंशो तांइसाक्‍व। मिनु नेल्‍ल क्‍येङा नोले ङा सेस जन्‍तु बेरशो ककाकुली खोदेंशो तांइसाक्‍व। \em इजीकीएल १०:१४\em* 
\v 8 मिनु मेको सेस जन्‍तु ६, ६ ओटा फ्रां पाइश्‍शो बाक्‍तेक्‍मे। मेको आन फ्रां नेल्‍ल नु आन रां नेल्‍लेमी मिक्‍च पाइश्‍शो बाक्‍तेक्‍म। मिनु मेकोपुकी नाक्‍दो नाक्‍त परमप्रभु यावे कली कुम्‍सो पना पन बाक्‍बाक्‍तेक्‍म। मार कुम्‍सो पाइबाक्‍तेक्‍म देंशा हना, “परमप्रभु यावे, गे का ला परमप्रभु ननी। गे नेल्‍ल सक्ति पाइश्‍शो बाक्‍नीनी। गे ङोंइती बाक्‍शो बाक्‍तीनी। मुल यो बाक्‍नीनी। मिनु नोले यो जाक्‍नीनी” दे कुम्‍सो पना पन बाक्‍बाक्‍तेक्‍म। \em यसैया ६:२-३; प्रस्‍थान ३:१४\em* 
\v 9 मोपा मेको ४ ओटा सेस जन्‍तुम गेना हना यो ब्रोंइशा बाक्‍ब ठेयब नित्‍तीकेमी निप्‍ब कली “गे छेङछेङ, मान ताइब नु रिम्‍शो पाइब बाक्‍नीनी” देंमानु,  
\v 10 मेको २४ जना शेंब खाल्‍पामी मेको ठेयब नित्‍तीकेमी निप्‍ब आ ङोंइती आन पोक्‍च थेक्‍शा सेउ पाम्‍तेक्‍म। मिनु गेना हना यो ब्रोंइशा बाक्‍ब कली मान पाम्‍तेक्‍म। मिनु मेकोपुकीमी आन सिरपेच पुइश्‍शा, मेको ठेयब नित्‍तीकेमी निप्‍ब आ ङोंइती वोइश्‍शा  
\v 11 “गे प्रभु, आंइ परमप्रभु यावे ननी। गे सक्ति पाइश्‍शा, छेङछेङम बाक्‍शा, मान ताइब बाक्‍नीनी। मारदे हना गे मारेइ मारेइ सेल्‍तीनी, मोपा इन दाक्‍शा सेल्‍शो मुल सम्‍म बाक्‍ब” दे कुम्‍सो पना पन बाक्‍तेक्‍म। 
\c 5  
\s1 छाप थोक्‍शो कागज 
\p  
\v 1 मिनु गो मेको ठेयब नित्‍तीकेमी निप्‍ब आ ग्‍युरा गुइमी ओल्‍शो कागज का शेशो ताता। मेको कागजम निम्‍फा गे ब्रेक्‍शो बाक्‍त। मिनु मेको कागज ७ ओटा छाप थोक्‍शा, प्राक्‍ने मचाप्‍चा ङा सेल्‍शो बाक्‍त। \em प्रकाश ४:३; इजीकीएल २:१-१०\em* 
\v 2 मिनु गो सक्ति पाइश्‍शो परमप्रभु यावे आ स्‍वर्ग ङा गेय पाइब का ताता। मेकोमी ठेयब सेंदामी “सुमी मेको ७ ओटा छाप प्रुइश्‍शा, कागज प्राक्‍ने चाप्‍बा?” दे हिल्‍लो पाप्‍तु।  
\v 3 मिनु स्‍वर्गमी, रागीमी नु रागी आगाम बाक्‍बपुकीमी सुइमी मेको कागज प्राक्‍ने मचबेम, कोव़ने यो मचबेम।  
\v 4 मोपतीके गो शुश ङाक्‍ती। मारदे हना सुइमी मेको कागज प्राक्‍ने मचबेम, कोव़ने यो मचबेम।  
\v 5 मिनु मेको शेंब खाल्‍पा कामी आं कली “मङाक्‍को। मेको गुप्‍स, यहूदा आ थर ङा पिप दाऊद आ खिं ङा बाक्‍ब। मेकोमी सैतान कली ग्रात। मोपा मेको कागज ङा ७ ओटा छाप प्रुइश्‍शा प्राक्‍ने चाप्‍ब” देंत। \em उत्‍पत्ती ४९:९-१०; यसैया ११:१\em* 
\s1 पाठा कली नक कुम्‍सो पशो 
\p  
\v 6 मिनु गोमी ठेयब नित्‍तीके, ४ ओटा सेस जन्‍तु नु शेंब खाल्‍पा आन दातेमी क्‍योरशो पाठा खोदेंशो पा दोक राप्‍शो ताता। मेको पाठा के ७ ओटा ग्रोव़ नु ७ ओटा मिक्‍च बाक्‍त। मेको मिक्‍च चहिं परमप्रभु यावेमी रागी रागीमी सोइश्‍शो परमप्रभु यावे आ ७ ओटा सोक्‍त बाक्‍तेक्‍म। \em यसैया ५३:७; यूहन्‍ना १:२९\em* 
\v 7 मिनु मेको पाठामी मेको ठेयब नित्‍तीकेम निप्‍ब आ ग्‍युरा गुइ रे मेको कागज ताक्‍तु।  
\v 8 मोपा ताक्‍गानु, सेस जन्‍तु नु शेंब खाल्‍पापुकी पाठा आ ङोंइती पोक्‍च थेक्‍शा बाप्‍तेक्‍म। मेकोपुकीमी ठेयब ताप्‍तीके नु सुन के थनौरो कुरशो बाक्‍तेक्‍म। मिनु सुन के थनौरो चहिं धूपमी ब्रीशो बाक्‍तेक्‍म। मेको धूपमी ब्रीशो थनौरो चहिं थमा सुइक्‍ब मुर आन मान पशो नु पुंइशो लोव़ बाक्‍तेक्‍म।  
\v 9 मिनु मेकोपुकीमी पाठा कली नक कुम्‍सो का पाम्‍तेक्‍म। मार नक कुम्‍सो पाम्‍तेक्‍म देंशा हना “मेको कागज ताक्‍ने नु प्राक्‍ने चाप्‍ब, गे का ला ननी। मारदे हना गे मुर आन कली परमप्रभु यावे आ नेक्‍था बाक्‍पाइक्‍चा कली ग्‍याप्‍तीनी। दोपा ग्‍याप्‍तीनी देंशा हना, साइक्‍चा पुंइसीशा, इन हुश शाइश्‍शा ग्‍याप्‍तीनी। मिनु गे मार मुर ग्‍याप्‍तीनी देंशा हना, नेल्‍ल थर रे, नेल्‍ले लोव़ रे, नेल्‍ल जात रे नु नेल्‍ल रागी रे मुरपुकी ग्‍याप्‍तीनी। \em भजन संग्रह ३३:३\em* 
\v 10 मिनु गे मेको आन कली परमप्रभु यावे आ राज्‍य ङा पिप नु आ ङोंइती राप्‍ब सेल्‍तीनी। मिनु रागी नेल्‍ल कली सासन पाइब यो सेल्‍तीनी” दे कुम्‍सो पाम्‍तेक्‍म। \em प्रकाश १:६; प्रस्‍थान १९:६\em* 
\s1 पाठा कली मान पशो 
\p  
\v 11 मिनु मेको ठेयब नित्‍तीके गे कोव़ना कोव़न बाक्‍ङानु, सेस जन्‍तु नु शेंब खाल्‍पा आन एर ओंथ शुश परमप्रभु यावे आ स्‍वर्ग ङा गेय पाइब आन सेंदा नेंता। मिनु मेकोपुकी गिश बाक्‍तेक्‍म देंशा हना, हजार हजार, लाख लाख बाक्‍तेक्‍म। \em हिब्रू १२:२२\em* 
\v 12 मिनु मेकोपुकीमी “मेको साइक्‍चा पुंइसीशो पाठा का ला सक्ति पाइश्‍शो, शोंप पाइश्‍शो, जोक्‍तीक तुइक्‍तीक, बोल, मान, छेङछेङ नु रिम्‍शो पाइब बाक्‍नीनी देंचा शिरशो बाक्‍ब” दे ठेयब सेंदामी देंतेक्‍म। \em १इतिहास २९:११; फिलिप्‍पी २:९-१०\em* 
\s1 शुश मुरुम मान पशो 
\p  
\v 13 मिनु स्‍वर्गमी बाक्‍ब, रागी नु रागी आगाम बाक्‍ब, समुन्‍द्र तारी नु आगाम बाक्‍ब नेल्‍लेमी “गेना हना यो ठेयब नित्‍तीकेमी निप्‍ब नु पाठा कली गे रिम्‍शो पाइब बाक्‍नीनी, मान, छेङछेङ ताइब नु सासन पाइब बाक्‍नीनी” देंशो नेंता।  
\v 14 मिनु मेको ४ ओटा सेस जन्‍तुमी “आमेन” देंतेक्‍म। मिनु मेको खाल्‍पापुकीमी बाप्‍शा सेउ पाम्‍तेक्‍म। 
\c 6  
\s1 पाठामी छाप प्राक्‍‍शो 
\p  
\v 1 मिनु मेको पाठामी मेको कागज रे ७ ओटा छाप रे का प्राक्‍‍शो ताता। मिनु सेस जन्‍तु कामी बुंबु पशो खोदेंशो पा “पिवो” दे ब्रेश्‍शो नेंता।  
\v 2 मिनु गो बुश शारा का ताता। मेको शारा ङोइक्‍बमी लिब्रा कुरशो बाक्‍त। मेको कली सिरपेच गेशो बाक्‍त। मिनु मेको ग्राना ग्रान गाक्‍त। \em जकरिया ६:१-८\em* 
\p  
\v 3 मिनु पाठामी मेको लीशो ६ ओटा छाप रे का प्राक्‍गानु, अर्को सेस जन्‍तुमी “पिवो” दे ब्रेश्‍शो नेंता।  
\v 4 मिनु गो अर्को शारा का ताता। मेको शारा चहिं शुश लल बाक्‍त। मिनु शारा ङोइक्‍ब कली रागी ङा मुर आन दुशा बाक्‍तीके नेल्‍ल रोइक्‍चा कली नु मुर क्‍योरमुपाइक्‍चा कली ठेयब चुक्‍ब गेशो बाक्‍त। 
\p  
\v 5 मिनु पाठामी मेको लीशो ५ ओटा छाप रे का प्राक्‍गानु, अर्को सेस जन्‍तुमी “पिवो” दे ब्रेश्‍शो नेंता। मिनु गो क्‍येर शारा का ताता। मेको शारा ङोइक्‍बमी तुला का ग्‍याइश्‍शो बाक्‍त।  
\v 6 मिनु गो मेको ४ ओटा सेस जन्‍तु आन दातेमी सेंदा कामी “काबु ङा गेय कली माना निक्‍शी चेरब फस गाल्‍च माल्‍ताक्‍व। मिनु काबु ङा गेय कली माना सां क्‍योव़ज फस गाल्‍च माल्‍ताक्‍व। तेल नु अङगुर शांबु कली चहिं मारेइ मपचा” देंशो नेंता। 
\p  
\v 7 मिनु पाठामी ४ ओटा लीशो छाप रे का प्राक्‍गानु, नोले ङा सेस जन्‍तुमी “पिवो” देंशो नेंता।  
\v 8 मिनु गो हौ शारा का ताता। मिनु मेको शारा ङोइक्‍ब आ नें चहिं साइक्‍पाइक्‍ब नु बेक्‍पाइक्‍ब बाक्‍त। मिनु रागी ङा बेक्‍शो मुरपुकीमी मेको आ नोले खोइक्‍तेक्‍म। मिनु मेको कली रागी ङा ४ भाग ङा भाग का मुर आन कली साइक्‍पाइक्‍चा, दे अधिकार गेशो बाक्‍त। दोपा साइक्‍पाइक्‍चा गेशो बाक्‍त देंशा हना, कोइ आन कली तरवारम साइक्‍पाइक्‍चा, कोइ आन कली अन्‍कालम बेक्‍पाइक्‍चा, कोइ आन कली मुर साइक्‍ब रोइ पा बेक्‍पाइक्‍चा नु कोइ आन कली जन्‍तुमी साइक्‍पाइक्‍चा, दे अधिकार गेशो बाक्‍त। \em इजीकीएल १४:२१\em* 
\p  
\v 9 मिनु पाठामी मेको लीशो छाप सां रे का प्राक्‍गानु, गो चढ़ेतीके आगाम शुश मुर आन कली ताता। मेकोपुकी परमप्रभु यावे आ लोव़ टिचा कली नु अर्को आन कली येसु ख्रीस्‍त परमप्रभु यावे आ तौ बाक्‍ब, दे शेंचा आ पर्बम साइक्‍चा पुंइसीशो मुर बाक्‍तेक्‍म।  
\v 10 मिनु मेकोपुकीमी ठेयब सेंदामी “परमप्रभु, गे का ला परमप्रभु नु थमा पा नेल्‍ल आन कली सासन पाइब बाक्‍नीनी। गेना आंइ कली साइक्‍ब आन कली निसाफ पाइनीनी? गेना रागीम बाक्‍ब आन कली क्‍येक्‍क लेत्‍नीनी?” देंतेक्‍म।  
\v 11 मिनु परमप्रभु यावे आ स्‍वर्ग ङा गेय पाइबमी मेको आन कली बुश वा का का फेक्‍चा कली गेप्‍तु। मिनु मेकोमी मेको आन कली “इच्‍का रिम्‍दीन, अर्को इन खोदेंशो पा येसु आ गेय पाइब नु अर्को थमा सुइक्‍ब लोक्‍ब इन बुदी साइक्‍चा पुंइसीमा सम्‍म रिम्‍दीन” देंत। 
\p  
\v 12 मिनु पाठामी मेको लीशो छाप निक्‍शी रे का प्राक्‍गानु, ठेयब ख्रिनु कुत। मिनु नां कुंखी खोदेंशो क्‍येर दुम्‍त। तास्‍ला चहिं हुश खोदेंशो लल दुम्‍त। \em यसैया २४:२१-२३; योएल ३:३-४; मत्ती २४:२९\em* 
\v 13 मिनु ठेयब फशेमी फोव़शी आ ममीशो गेडा तोक्‍शो खोदेंब पा सरीङ ङा सोरुलपुकी रागीमी दोक्‍तेक्‍म।  
\v 14 मिनु सरीङ ओल्‍शो कागज खोदेंशो पा लाक्‍तु। डांडा, टापु नेल्‍ल याक्‍साक्‍म। \em यसैया ३४:४\em* 
\v 15 मेना रागी ङा पिपपुकी नु ठेयब मुरपुकी, फौज ङा कप्‍तानपुकी, शोंप पाइश्‍शो नु बोल्‍यो मुरपुकी, वाइलीम वाइल नु मुर नेल्‍ल पहाड ङा सेरथे फुल्‍लु नु पुक्‍खीमी ख्रुंइ‍साक्‍म। \em यसैया २:१०,१९\em* 
\v 16 मिनु पहाड नु सेरथे फुल्‍लु कली “गो आंइ कली सुम्‍की। मेको ठेयब नित्‍तीकेमी निप्‍ब नु पाठा आस गाइक्‍चा रे आंइ कली ख्रुइक्‍तीकी। \em लूका २३:३०\em* 
\v 17 मारदे हना मेको आस गाइक्‍ची नाक्‍त जाक्‍त। सुइ मेको आस ङोंइती राप्‍ने मचाप्‍नीम” दे ठेयब सेंदामी ग्रीतेक्‍म। \em आमोस ५:१८; रोमी २:५; मलाकी ३:२\em* 
\c 7  
\s1 इस्राएली छाप थोक्‍सीशो 
\p  
\v 1 मिनु नोले गो ४ जना परमप्रभु यावे आ स्‍वर्ग ङा गेय पाइबपुकी रागी ङा ४ कुनामी राप्‍शो तातामी। मेकोपुकी रवा आ सफा काइ यो महिम्‍पाइक्‍चा, रागी नु समुन्‍द्रमी फश मपपाइक्‍चा कली राप्‍शो बाक्‍तेक्‍म। \em दानीएल ७:२\em* 
\v 2 मिनु अर्को परमप्रभु यावे आ स्‍वर्ग ङा गेय पाइब का नां दाप्‍तीके रे कुशो ताता। मिनु गेना हना यो ब्रोंइब परमप्रभु यावे आ छाप मेको नु बाक्‍शो बाक्‍त। मेकोमी रागी नु समुन्‍द्र बिग्रेचा कली अधिकार तशो ४ जना परमप्रभु यावे आ स्‍वर्ग ङा गेय पाइब आन कली ठेयब सेंदामी  
\v 3 “गोपुकीमी आंइ परमप्रभु यावे आ वाइलीम वाइल आन कुप्‍फीमी छाप मथोक्‍शो सम्‍म रागी, समुन्‍द्र नु रवा आन कली मबिग्रेने” देंत। \em प्रकाश ९:४; इजीकीएल ९:४,६\em* 
\v 4 मिनु गिश मुरपुकी छाप थोक्‍चा पुंइसीशो बाक्‍तेक्‍म देंशा हना, इस्राएली आन १२ थर ङा लाख का ४४ हजार मुर छाप थोक्‍चा पुंइसीशो बाक्‍तेक्‍म। मिनु इस्राएली आन थर ङा तेको तेको बाक्‍तेक्‍म देंशा हना, \em प्रकाश १४:१,३\em* 
\m  
\v 5 यहूदा आ थर रे १२ हजार, 
\m रूबेन आ थर रे १२ हजार, 
\m गाद आ थर रे १२ हजार, 
\m  
\v 6 आशेर आ थर रे १२ हजार, 
\m नाप्‍ताली आ थर रे १२ हजार, 
\m मनस्‍से आ थर रे १२ हजार, 
\m  
\v 7 सिमियोन आ थर रे १२ हजार, 
\m लेवी आ थर रे १२ हजार, 
\m इस्‍साकार आ थर रे १२ हजार, 
\m  
\v 8 जबूलून आ थर रे १२ हजार, 
\m योसेफ आ थर रे १२ हजार नु 
\m बेन्‍यामीन आ थर रे १२ हजार मुरपुकी छाप थोक्‍चा पुंइसीशो बाक्‍तेक्‍म। 
\s1 अर्को रागी ङा मुर 
\p  
\v 9 मिनु नोले हिक्‍ने मचाप्‍चा ङा पा रागी रागी नेल्‍ल ङा, जात नेल्‍ल ङा, थर नेल्‍ल ङा मुर नेल्‍ल नु लोव़ नेल्‍ल ङा मुर ठेयब नित्‍तीकेमी निप्‍ब नु पाठा आस ङोंइती राप्‍शो तातामी। मेकोपुकीम बुश वा फेक्‍शो बाक्‍तेक्‍म। मिनु आन गुइमी खजूर रवा आ राशी शेशो तातामी।  
\v 10 मिनु मेकोपुकीमी परमप्रभु यावे नु पाठा आस कली “मेको ठेयब नित्‍तीकेमी निप्‍ब आंइ परमप्रभु यावे नु पाठामी ला पाप रे प्रोंइने चाप्‍नीस” दे ठेयब सेंदामी ग्रीतेक्‍म।  
\v 11 मिनु परमप्रभु यावे आ स्‍वर्ग ङा गेय पाइब नेल्‍ले, ठेयब नित्‍तीके, शेंब खाल्‍पा नु मेको ४ ओटा सेस जन्‍तु आन एर ओंथ बाक्‍तेक्‍म। मिनु मेको नेल्‍लेमी ठेयब नित्‍तीकेमी निश्‍शो परमप्रभु यावे आ ङोंइती खुम्‍की पा बाप्‍शा, परमप्रभु यावे कली मान पाम्‍तेक्‍म।  
\v 12 मेकोपुकीमी “आमेन। नेल्‍ल आसीक गेचा नु छेङछेङ, जोक्‍ब तुइक्‍ब थुं, रिम्‍शो पाइब, मान सक्ति नु सासन पतीके नेल्‍ल गेना हना यो आंइ परमप्रभु यावे केन बाक्‍ल। आमेन” दे नेल्‍लेमी देंतेक्‍म। 
\p  
\v 13 मिनु मेको शेंब खाल्‍पा कामी आं कली “मेको बुश वा फेक्‍शो मुरपुकी सु नमी? ते रे जाक्‍मा?” दे हिल्‍लो पती।  
\v 14 मिनु गोमी “हजुर, गो मतुइक्‍नुङ, गे तुइक्‍नीनी” देंती। मिनु मेको खाल्‍पामी “मेकोपुकी ठेयब श्‍येत रे जाक्‍तेक्‍म। मिनु मेको आन मरिम्‍शो पतीके लुम्‍सीशो वा पाठा आ हुशेमी मुरतीके बुश दुम्‍त। \em मत्ती २४:२१; प्रकाश १२:११\em* 
\p  
\v 15 मो दुम्‍तीके मेकोपुकी परमप्रभु यावे आ ठेयब नित्‍तीके आ ङोंइती बाक्‍नीम। मिनु नाक्‍दो नाक्‍त परमप्रभु यावे आ खिंमी परमप्रभु यावे कली गेय पाइनीम। मिनु ठेयब नित्‍तीकेमी निप्‍बमी मेकोपुकी नु बाक्‍शा, मेको आन कली कोव़ब।  
\v 16 मुल मेकोपुकी लेंशा शोव़लु मबेक्‍नीम। तूतू मदाक्‍नीम। नां नु अर्को रापमी मेको आन कली गेनायो मनाप्‍ब। \em यसैया ४९:१०\em* 
\p  
\v 17 मारदे हना मेको ठेयब नित्‍तीके आ दातेमी बाक्‍शो पाठामी मेको आन कली कोव़शा, गोठला पाइब। मिनु मेकोमी मेको आन कली ब्रोंइचा गेब ब्‍वाक्‍कु बुक्‍तीके कोंइब। मोपा परमप्रभु यावेमी मेको आन प्रेक्‍कु फिक्‍ब” देंत। \em भजन संग्रह २३:२; प्रकाश २१:४; यसैया २५:८\em* 
\c 8  
\s1 पाठामी नोले ङा छाप प्राक्‍शो 
\p  
\v 1 मिनु पाठामी ७ ओटा छाप रे नेल्‍ल क्‍येङा नोले ङा छाप प्राक्‍गानु, आधा घन्‍टा सम्‍म स्‍वर्गमी सिक्‍सी पा काइ रेयके मपाम। \em हबकुक २:२०\em* 
\v 2 मिनु नोले गो ७ जना परमप्रभु यावे आ स्‍वर्ग ङा गेय पाइबपुकी परमप्रभु यावे आ ङोंइती राप्‍शो तातामी। मिनु मेकोपुकीमी तुराही का का ताक्‍तेक्‍म। \em मत्ती २४:३१\em* 
\p  
\v 3 मिनु अर्को परमप्रभु यावे आ गेय पाइब का जाक्‍शा, चढ़ेतीक आ नेक्‍था राप्‍त। मेकोमी सुन के थनौरो कुरशो ताता। मिनु मेकोमी शुश धूप ताक्‍तु। मार पचा कली ताक्‍तु देंशा हना, थमा सुइक्‍ब आन परमप्रभु यावे कली मान पशो नु पुंइशो लोव़ सुन के चढ़ेतीकेमी ब्‍वाइक्‍चा कली ताक्‍तु।  
\v 4 मिनु परमप्रभु यावे कली मान पा पुंइशो लोव़ नु मेको धूप आ कुन परमप्रभु यावे आ स्‍वर्ग ङा गेय पाइब आ गुइ ङा थनौरो रे परमप्रभु यावे आ ङोंइती लत।  
\v 5 मिनु नोले मेको परमप्रभु यावे आ स्‍वर्ग ङा गेय पाइबमी धूप चढ़ेतीके ङा मी लाइश्‍शा, मेको थनौरोमी कुर पाप्‍तु। मिनु रागीमी ताइक्‍ताक्‍व। मिनु रागीमी बुंबु पाप्‍तु, शुश रेयके पाप्‍तु। चिला पा ख्रिनु कुत। \em इजीकीएल १०:२\em* 
\s1 ङोंइती ङा ४ ओटा तुराही 
\p  
\v 6 मिनु मेको ७ ओटा तुराही शेयब परमप्रभु यावे आ स्‍वर्ग ङा गेय पाइबपुकीमी तुराही ताप्‍चा चिक्‍ताक्‍म।  
\v 7 मिनु ङोंइती ङा तुराही शेयब परमप्रभु यावे आ स्‍वर्ग ङा गेय पाइबमी ताप्‍तु। मोपा तबानु, सरीङ रे रागी तारी हुश ब्‍वांइ‍सीशो मुप्‍स नु मी यित। मिनु रागी के भाग सां ङा भाग का, रवा आन भाग सां ङा भाग का नु घांस नेल्‍ल दुप्‍शा नेक्‍तु। \em प्रस्‍थान ९:२३-२६\em* 
\p  
\v 8 मिनु लीशो ६ जना परमप्रभु यावे आ स्‍वर्ग ङा गेय पाइब कामी तुराही ताप्‍तु। मोपा तबानु, ठेयब मी ब्रशो डांडा खोदेंशो समुन्‍द्रमी ताइश्‍शो ताता। \em प्रस्‍थान ७:२०-२१\em* 
\v 9 मिनु समुन्‍द्र के भाग सां ङा भाग का हुश दुम्‍त। मेकेर बाक्‍ब जन्‍तु नु ङांइपुकी भाग सां ङा भाग का बेक्‍तेक्‍म। मिनु जाजपुकी भाग सां ङा भाग का खतम दुम्‍तेक्‍म। 
\p  
\v 10 मिनु लीशो ५ जना परमप्रभु यावे आ स्‍वर्ग ङा गेय पाइब कामी तुराही ताप्‍तु। मिनु सरीङ रे मी ब्रशो रांको खोदेंशो ठेयब सोरुल खोला इनार नु ब्‍वाक्‍कु बुक्‍तीके ङा भाग सां ङा भाग का तार दोक्‍त। \em यसैया १४:१२\em* 
\v 11 मेको सोरुल आ नें कशो बाक्‍त। तेकेर मेको सोरुल दोक्‍मे, मेकेर ङा ब्‍वाक्‍कु कशो दुम्‍त। मिनु शुश मुरपुकी मेको कशो दुम्‍शो ब्‍वाक्‍कु तूशा बेक्‍तेक्‍म। 
\p  
\v 12 मिनु लीशो ४ जना परमप्रभु यावे आ स्‍वर्ग ङा गेय पाइब ङा कामी तुराही ताप्‍तु। मिनु नां तास्‍ला नु सोरुल आन भाग सां ङा भाग का खतम दुम्‍तेक्‍म। मोपा छेङछेङ ङा भाग सां ङा भाग का छिङछिङ दुम्‍त। नाक्‍त ङा भाग सां ङा भाग का यो छिङछिङ दुम्‍त। मिनु नाक्‍दो ङा भाग सां ङा भाग का यो छिङछिङ दुम्‍त। \em प्रकाश ६:१२; प्रस्‍थान १०:२१\em* 
\p  
\v 13 मिनु नोले ककाकुली का सरीङमी बेरशो ताता। मेकोमी ठेयब सेंदामी “मुल परमप्रभु यावे आ स्‍वर्ग ङा गेय पाइब सांमी तुराही ताप्‍चा लीतेक्‍म। मेको आन ताप्‍शो रेयकेमी रागी ङा मुर आन कली थम हिंचा ङा दुम्‍चाप्‍तु। आबी आबी आबी, तुराही ग्रीशोमी रागी ङा मुरपुकी शुश श्‍येत जाइनीम” दे ग्रीशो नेंता। 
\c 9  
\s1 लीशो तुराही सां ङा निक्‍शी 
\p  
\v 1 मिनु लीशो ३ जना परमप्रभु यावे आ स्‍वर्ग ङा गेय पाइब कामी तुराही ताप्‍तु। मिनु गोमी सोरुल का सरीङ रे दोक्‍शो ताता। मेको सोरुलमी ठेयब दुइश्‍शो, पुं मपाइश्‍शो ढोडोङगा ङा लाप्‍चो रोक्‍तीके सांचो ताक्‍तु।  
\v 2 मिनु मेकोमी ठेयब दुइश्‍शो पुं मपाइश्‍शो ढोडोङगा ङा लाप्‍चो रोक्‍गानु, कुन ग्रूत। मेको कुन ठेयब मी आ कुन खोदेंब तांइसाक्‍व। मेको कुन ग्रूमेनु, नां नु सरीङ छिङछिङ दुम्‍त। \em योएल २:२,१०\em* 
\v 3 मिनु मेको कुन रे माले खोदेंशो रागीमी ग्रूतेक्‍म। मेको आन सक्ति रागी ङा बिच्‍छी आन के खोदेंशो बाक्‍त।  
\v 4 मिनु मेको आन कली “मेको रागी ङा घांस नु रवा ङा सफा मबिग्रेने, परमप्रभु यावे आ छाप कुप्‍फीमी मथोक्‍शो मुर आन कली ला श्‍येत गेने। \em प्रकाश ७:३\em* 
\v 5 मिनु मेको आन कली मसतीन, तन्‍न ५ महिना सम्‍म श्‍येत गेने” देंशो नेंता। मेको श्‍येत चहिं बिच्‍छीमी मुर आन कली क्राइश्‍शो खोदेंशो बाक्‍ब।  
\v 6 मिनु मोदेंशो दुम्‍मेनु, मुरपुकी बेक्‍चा दाक्‍नीम। तन्‍न बेक्‍ने मचाप्‍नीम। \em प्रकाश ६:३६\em* 
\p  
\v 7 मिनु मेको माले आन रां दोदेंशो तांइसाक्‍म देंशा हना, लडाइ पचा कली ठीक पा वोइश्‍शो शारा खोदेंशो तांइसाक्‍म। मेकोपुकी सुन के सिरपेच खोदेंशो गुप्‍शो बाक्‍तेक्‍म।  
\v 8 मेको आन चां मीश मुर आन चां खोदेंशो बाक्‍त। मेको आन ख्रुइ गुप्‍स आन ख्रुइ खोदेंशो बाक्‍त।  
\v 9 मेको आन कुचु ङा फेक्‍तीके फलाम के खोदेंशो बाक्‍त। मिनु मेको आन बेरशो रेयके चहिं शुश शारामी बग्‍गी कीशा, लडाइ पथ लशो रेयके खोदेंशो नेंसाक्‍व।  
\v 10 मेको आन मीलुमी बिच्‍छी के खोदेंशो फूरो बाक्‍त। मेको आन श्‍येत गेतीके या बाक्‍त। मिनु मुर आन कली ५ महिना सम्‍म श्‍येत गेचा अधिकार तशो बाक्‍तेक्‍म।  
\v 11 मेको आन के पिप का बाक्‍त। मेको पिप सु बाक्‍त देंशा हना, दुइश्‍शो, पुं मपाइश्‍शो ढोडोङगा ङा गेय पाइब बाक्‍त। मेको पिप आ नें हिब्रू लोव़मी अब्‍बादोन नु ग्रीक लोव़मी अपोल्‍लीयोन देंनीम। \em मेको निम्‍फा आस अर्थ चहिं खतम पाइब बाक्‍ब।\em* 
\v 12 ङोंइती ङा हिंचा ङा श्‍येत नुप्‍त। मिनु अर्को हिंचा ङा श्‍येत निक्‍शी बाक्‍नीस। 
\p  
\v 13 मिनु लीशो निक्‍शी परमप्रभु यावे आ स्‍वर्ग ङा गेय पाइब कामी तुराही ताप्‍तु। मिनु गो परमप्रभु यावे आ ङोंइती वोइश्‍शो सुन के सेल्‍शो चढ़ेतीके आ ४ सुर रे सेंदा ग्रूशो नेंता। \em प्रकाश ८:३; प्रस्‍थान ३९:१-३\em* 
\v 14 मेको सेंदामी मेको तुराही ताप्‍ब परमप्रभु यावे आ स्‍वर्ग ङा गेय पाइब कली “युफ्रेटीस माइश्‍शो ठेयब खोला आ नेक्‍थाम पाइश्‍शो ४ जना सैतान आ गेय पाइब आन कली प्रोंइमी” देंशो नेंता। \em प्रकाश १६:१२\em* 
\v 15 मिनु मेको परमप्रभु यावे आ स्‍वर्ग ङा गेय पाइबमी मेको आन कली प्रोंइतु। मेकोपुकी ङोंइती मारदे पाइश्‍शा वोइश्‍शो बाक्‍तेक्‍म देंशा हना, परमप्रभु आ देंशो घन्‍टा, नाक्‍त, महिना नु बर्स नेल्‍ल रागी ङा मुरपुकी भाग सां ङा भाग का साइक्‍चा, दे ठीक पा वोइश्‍शो बाक्‍तेक्‍म। \em प्रकाश ८:-\em* 
\p  
\v 16 मिनु गोमी “शारा ङोइश्‍शो लडाइ पाइबपुकी २० करोड बाक्‍नीम” देंशो नेंता।  
\v 17 मिनु मेको शारा नु शारा ङोइक्‍बपुकी दोदेंशो तातामी देंशा हना, मेको शारा ङोइक्‍ब आन कुचुमी पीतल के फेक्‍तीके फेक्‍शो तातामी। मेको फेक्‍तीके मी खोदेंशो लल गिम गिम नु हौ ताता। मेको शारा आन पिया गुप्‍स आ पिया खोदेंशो ताता। मिनु आन शोव़ रे मी, कुन नु गन्‍धक ग्रूत।  
\v 18 मिनु मेको मी, कुन नु गन्‍धक रे मुरपुकी भाग सां ङा भाग का बेक्‍तेक्‍मे।  
\v 19 मिनु मेको शारा आन मीलु चहिं बुस्‍स आ पिया खोदेंशो तांइसाक्‍म। मोपतीके मेको शारा आन बोल शोव़ नु मीलुमी बाक्‍त। मिनु शोव़ नु मीलुमी मुर आन कली श्‍येत गेम्‍तेक्‍म। 
\p  
\v 20 मिनु मबेक्‍थु लीशो मुरपुकीमी मेको आन मरिम्‍शो पचा मप्रोनेम। मार मरिम्‍शो पाम्‍तेक्‍म देंशा हना, वोल नु देवी देवता आन कली खुम्‍की पा सेउ पाम्‍तेक्‍म। मताइब, मनेंब, मगाक्‍ब सुन, चांदी, कांसा, फुल्‍लु नु शी के सेल्‍शो मूर्ति आन कली खुम्‍की पा सेउ पाम्‍तेक्‍म। \em प्रकाश १६:९\em* 
\v 21 मिनु मेकोपुकीमी मुर साइक्‍चा, टुना मुना पचा, चिन्‍ता बाक्‍चा, तेल्‍लेम पचा नु खुइ पचा मप्रोनेम। मिनु आन थुं यो परमप्रभु यावे गे मलेत्‍तेम। 
\c 10  
\s1 यूहन्‍नाम इम्‍चीली किताब जशो 
\p  
\v 1 मिनु नोले गोमी सक्ति पाइश्‍शो परमप्रभु यावे आ स्‍वर्ग ङा गेय पाइब का गोस्‍सुमी गिल्‍सीशा, रागीमी यिशो ताता। मेको आ पियामी वाक्‍श दाप्‍शो बाक्‍त। मिनु मेको आ कुल नां खोदेंशो नु आ खोइली हुरुर पा ब्रशो मी के थाम खोदेंशो तांइसाक्‍व।  
\v 2 आ गुइमी इम्‍चीली प्राक्‍शो किताब शेशो बाक्‍त। मेको आ ग्‍युरा खोइली समुन्‍द्र तार नु आ पेरा खोइली चहिं रागी तार थेक्‍शा राप्‍त।  
\v 3 मेकोमी गुप्‍स खोदेंशो पा ठेयब सेंदामी ग्रीत। मोपा ग्रीमेनु, ७ ओटा बुंबुमी रेयके पाम्‍तेक्‍म। \em भजन संग्रह २९:३-९\em* 
\v 4 मेको ७ ओटा बुंबु आ लोव़ ब्रेक्‍चाङानु, सरीङ रे सेंदा कामी “मेको ७ ओटा बुंबु आन लोव़ मब्रेक्‍तो, मुर आन कली मशेंदो” देंशो नेंता। \em दानीएल १२:४,९\em* 
\p  
\v 5 मिनु ङोंइती तशो परमप्रभु यावे आ स्‍वर्ग ङा गेय पाइब ठेयब समुन्‍द्र नु रागीम खोइली थेक्‍बमी कसम जचा कली आ ग्‍युरा गुइ सरीङ गे पोक्‍तु।  
\v 6 मिनु मेकोमी दोपा कसम जाप्‍तु देंशा हना, गेना हना यो ब्रोंइशा बाक्‍ब, सरीङ नु सरीङम बाक्‍ब नेल्‍ल सेल्‍ब, रागी नु रागीम बाक्‍ब नेल्‍ल सेल्‍ब, समुन्‍द्र नु समुन्‍द्रम बाक्‍ब नेल्‍ल सेल्‍ब, परमप्रभु यावे आ नेंमी “मुल देश मपचा” दे कसम जाप्‍तु। \em दानीएल १२:७\em* 
\v 7 मिनु मेको आ कसम जशो लोव़ मार बाक्‍त देंशा हना “नेल्‍ल क्‍येङा नोले ङा परमप्रभु यावे आ स्‍वर्ग ङा गेय पाइबमी तुराही तबानु, परमप्रभु यावेमी आ लोव़ पाइब आन कली ‘मुल रिम्‍ची ना नुप्‍त’ दे ङोंइती रे मशेंशो परमप्रभु यावे आ ख्रुइश्‍शो लोव़ मुल दुम्‍चाप्‍तु” दे कसम जाप्‍तु। \em प्रकाश ११:१५; प्रेरित ३:२१\em* 
\p  
\v 8 मिनु मेको आं नेंशो स्‍वर्ग ङा सेंदामी आं कली लेंशा “लावो, मेको रागी नु समुन्‍द्र तार राप्‍शो परमप्रभु यावे आ स्‍वर्ग ङा गेय पाइब आ गुइमी बाक्‍शो किताब ताक्‍को” देंशो नेंता।  
\v 9 मिनु गो मेको परमप्रभु यावे आ स्‍वर्ग ङा गेय पाइब आ नेक्‍था लती। मिनु गोमी मेको कली “मेको इम्‍चीली किताब गेयीनी” देंती। मेकोमी “ताक्‍को। मिनु जावो। इ शोव़मी खुदो खोदेंशो पा ब्रोव़ब। मिनु इ कोव़जमी चहिं काइब” दे माइक्‍ती। \em इजीकीएल ३:१-३\em* 
\v 10 मिनु गो मेको इम्‍चीली किताब परमप्रभु यावे आ स्‍वर्ग ङा गेय पाइब आ गुइ रे ताक्‍शा ङा मिन जाता। आं शोव़मी खुदो खोदेंशो जिज दुम्‍त। दाक्‍गुनु चहिं आं कोव़ज कत।  
\v 11 मिनु लोव़ पाइब कामी आं कली “गे लेंशा शुश मुरपुकी, शुश रागी, शुश लोव़ ङा मुर नु शुश पिप आन ङोंइती परमप्रभु यावे आ लोव़ नेंपाइक्‍चा माल्‍नेवे” देंशो नेंता। \em येरमीया १:९-१०\em* 
\c 11  
\s1 यूहन्‍नाम पुक्‍तीक ताक्‍शो 
\p  
\v 1 मिनु परमप्रभु यावे आ स्‍वर्ग ङा गेय पाइब कामी पुक्‍तीक का गेती। मेकोमी आं कली “लो, बोक्‍को। परमप्रभु यावे आ खिं नु चढ़ेतीके पुक्‍को। परमप्रभु यावे आ खिं आगाम सेउ पाइब आन कली हिक्‍को। \em इजीकीएल ४०:३; जकरिया ३:५-६; इजीकीएल ४२:२०\em* 
\v 2 मिनु परमप्रभु यावे आ खिं ङा लाङगा रागी रागी ङा मुर आन कली गेशो बाक्‍त। मेको मपुक्‍को। मेकोपुकीमी परमप्रभु यावे आ योव़शो सहर ४२ महिना सम्‍म खोइलीमी दिप्‍शा ताइश्‍शा बिग्रेनीम” देंत। \em लूका २१:२४\em* 
\s1 परमप्रभु आ सांकछी निक्‍शी 
\p  
\v 3 मिनु नोले गो परमप्रभु यावेमी आ सांकछी निक्‍शी आस कली मार लोव़ पशो नेंता देंशा हना “गे आं लोव़ पाइब दुम्‍नीसी। गो इस कली आं लोव़ पचा कली सक्ति गेनुङ। गे निक्‍शीमी अरन्‍डी फेक्‍शा, हजार का सहे निक्‍शी ६० नाक्‍त सम्‍म आं लोव़ पाइनीसी” दे परमप्रभु यावेमी आ सांकछी निक्‍शी आस कली लोव़ पशो नेंता। \em प्रकाश १२:६\em* 
\p  
\v 4 मिनु मेको सांकछी तेल रवा निक्‍शी नु दियारी निक्‍शी खोदेंशो दुम्‍शा, रागी ङा प्रभु आ ङोंइती बाक्‍नीस। \em जकरिया ४:३,११-१४\em* 
\v 5 सु सुमी मेको निक्‍शी आस कली बिग्रेचा माल्‍नीमी, मेको साइक्‍चा पुंइसीनीम। दोपा साइक्‍चा पुंइसीनीम देंशा हना, मेको आस शोव़ रे मी ग्रूशा, मेको साइक्‍चा पुंइसीनीम।  
\v 6 मेको निक्‍शीमी परमप्रभु यावे आ लोव़ पाम्‍सेनु, रेउ मयिपाइक्‍ने चाप्‍नीस। मेकोमी ब्‍वाक्‍कु के हुश सेल्‍ने चाप्‍नीस। मिनु रागी कली मार श्‍येत गेचा दाक्‍तसे, मेकोन पने चाप्‍नीस। गिश खेयप मो पचा दाक्‍तसे, मिश खेयप यो पने चाप्‍नीस। \em १राजा १७:१; प्रस्‍थान ७:१९-२०\em* 
\v 7 मिनु मेको निक्‍शीमी परमप्रभु यावे आ लोव़ थुम्‍से नोले, मेको पुं मपाइश्‍शो ढोडोङगा रे ठेयब जन्‍तु कुशा, मेको निक्‍शी नु राम्‍शी पा ग्रात। ग्राशा ङा मिन मेको आस कली साइक्‍तु। \em प्रकाश १३:३; प्रकाश १३:७\em* 
\v 8 मेको आस बेक्‍शो रां चहिं ठेयब सहर ङा लांमी लीताक्‍से। मेको ठेयब सहर आ ख्रुइश्‍शो नें चहिं सोदोम नु इजीप्‍त माइश्‍शो बाक्‍त। मेको ठेयब सहरमी मुरपुकीमी मेको आस प्रभु कली शीम कांटी थोक्‍शा साइश्‍शो बाक्‍तेक्‍म।  
\v 9 मिनु थर नेल्‍ल ङा, जात नेल्‍ल ङा, आंम आंम लोव़ पाइब नु रागी रागी ङा मुर नेल्‍लेमी मेको आस बेक्‍शो रां नाक्‍त सां नु आधा मेकेर बाक्‍त। मुरपुकीमी मेको आस कली तुरसुमी वोइक्‍चा मगेमे।  
\v 10 मारदे हना मेको परमप्रभु यावे आ लोव़ पाइब निक्‍शीमी रागीम बाक्‍ब आन कली शुश श्‍येत गेतीके, रागीम बाक्‍बपुकीमी मेको आस कली साइश्‍शो तशा, शुश ग्‍येरशा, मार मार गेमुम्‍तेक्‍म। 
\p  
\v 11 मिनु नाक्‍त सां नु आधा नोले परमप्रभु यावे आ ब्रोंइचा गेब सोक्‍त मेको आस बेक्‍शो रांमी ओव़त। मिनु मेको निक्‍शी छुल छाल बोक्‍शा राप्‍ताक्‍स। मिनु रागी रागी ङा मुरपुकीमी मेको आस कली तशा थाम्‍पा हिंतेक्‍म।  
\v 12 मिनु सरीङ रे ठेयब सेंदामी मेको निक्‍शी आस कली “एक कुस” देंशो नेंताक्‍स। मिनु गोस्‍सुमी गिल्‍सीशा, इर सरीङ लाम्‍ताक्‍से। मेको आस जोरी सत्रुपुकीमी मेको आस कली सरीङ गे लशो ताम्‍तेक्‍म।  
\v 13 मिनु मेको निक्‍शी लसानु, ठेयब ख्रिनु कुत। मेको सहर ङा १० भाग ङा भाग का ब्रेत्‍त। मिनु ७ हजार मुर मेको ख्रिनुमी बेक्‍तेक्‍म। मेको लीशो मुरपुकी चहिं क्‍युल क्‍युल पा हिंशा, स्‍वर्ग ङा परमप्रभु यावे कली मान पाम्‍तेक्‍म।  
\v 14 हिंचा ङा श्‍येत निक्‍शी नुप्‍शा, नोले ङा हिंचा ङा श्‍येत जाक्‍चाप्‍तु। \em प्रकाश ९:१२\em* 
\s1 नेल्‍ल क्‍येङा नोले ङा तुराही 
\p  
\v 15 मिनु मेको नोले ङा परमप्रभु यावे आ स्‍वर्ग ङा गेय पाइबमी आ तुराही ताप्‍तु। मिनु स्‍वर्गमी ठेयब सेंदापुकी नेंता। मेकोपुकीमी “आंइ परमप्रभु नु आ ख्रीस्‍तमी रागी नेल्‍ल कली सासन पाइब दुम्‍ताक्‍से। मिनु गेना हना यो सासन पना पन बाक्‍नीसी” देंशो नेंता।  
\v 16 मिनु परमप्रभु यावे आ ङोंइती मेको २४ जना शेंब खाल्‍पा आन नित्‍तीकेमी निश्‍शा, परमप्रभु यावे आ ङोंइती खुम्‍की पा बाप्‍शा मान पाम्‍तेक्‍म। \em प्रकाश ४:४,१०\em* 
\v 17 मिनु मेकोपुकीमी “परमप्रभु यावे, गे नेल्‍ल सक्ति पाइश्‍शो परमप्रभु बाक्‍नीनी। गे मुल बाक्‍नीनी, ङोंइती यो बाक्‍तीनी। इन ठेयब सक्तिमी सासन पचा गोइतीनी।  
\v 18 मिनु रागी रागी ङा मुरपुकी गाइक्‍ताक्‍म। मिनु मेको आन पर्बम गाइक्‍ताक्‍नी। बेक्‍शो मुर आन कली निसाफ पची ना दुम्‍त। मिनु इन लोव़ पाइब, इन नोले खोइक्‍ब, इन नें कली मान पा हिंब, आइक्‍च नु ठेयब मुर नेल्‍ल आन कली इनाम गेची ना दुम्‍त। मिनु गे रागी कली बिग्रेब मुर आन कली बिग्रेथ जाक्‍तीनी” दे परमप्रभु यावे कली देंतेक्‍म। \em भजन संग्रह २:३\em* 
\v 19 मिनु परमप्रभु यावे आ स्‍वर्ग ङा खिं रोक्‍साक्‍व। मिनु मेको कबल पशो सन्‍दोस परमप्रभु यावे आ खिंम तांइसाक्‍व। मिनु चिला पाप्‍तु। शुश रेयके नु बुंबु पशो नेंसाक्‍व। ख्रिनु यो कुत। मिनु ठेयब मुप्‍स यित। \em प्रकाश १५:५\em* 
\c 12  
\s1 आल थिचा चिक्‍शो मीश मुर 
\p  
\v 1 मिनु गो सरीङमी ठेयब चिन्‍ड का ताता। मेको चिन्‍ड दोदेंब बाक्‍त देंशा हना, मीश मुर का नां फेक्‍सीशा, तास्‍ला तारी राप्‍शो बाक्‍त। मेको आ पियामी १२ ओटा सोरुल के सिरपेच गुप्‍शो बाक्‍त।  
\v 2 मिनु मेकोमी कोव़ज कुरशो बाक्‍त। मोपतीके सुत्‍केरी रोइम श्‍येत जशा, आल थिचा कली ग्रीशो बाक्‍त। 
\p  
\v 3 मिनु गो सरीङमी अर्को चिन्‍ड का ताता। मेको चिन्‍ड दोदेंब बाक्‍त देंशा हना, ठेयब लल बुस्‍स का बाक्‍त। मेको बुस्‍स के ७ ओटा पिया नु १० ओटा ग्रोव़ बाक्‍तेक्‍म। आ ७ ओटा पियामी ७ ओटा मुकुट गुप्‍शो बाक्‍त।  
\v 4 मेको आ मीलुमी सरीङ ङा सोरुल भाग सां ङा भाग का कीशा, रागीमी तोक्‍तीमी। मिनु मेको ठेयब बुस्‍स मेको आल थिचशो मीश मुर आ ङोंइती राप्‍शा, आ आल ब्‍वचा कली रिम्‍शा बाक्‍त। \em दानीएल ८:१०\em* 
\v 5 मिनु मेको मीश मुरुमी वोंइश आल का थित। मेको वोंइश आल नोले रागी ङा मुर आन कली फलाम के कोक्‍केमी सासन पाइब दुम्‍ब। मिनु परमप्रभु यावे आ स्‍वर्ग ङा गेय पाइबपुकीमी मेको वोंइश आल कली परमप्रभु यावे आ ठेयब नित्‍तीकेम लाइश्‍शा वोइक्‍तेक्‍म। \em भजन संग्रह २:९\em* 
\v 6 मिनु मेको मीश मुर आल थिशा नोले गोरशो रागीमी प्रोक्‍त। मेकेर परमप्रभु यावेमी बाक्‍तीके ठीक पशो बाक्‍त। मिनु मेको कली हजार का सहे निक्‍शी ६० नाक्‍त थुल्‍तेक्‍म। \em प्रकाश ११:३\em* 
\p  
\v 7 मिनु नोले स्‍वर्गमी परमप्रभु यावे आ ठेयब स्‍वर्ग ङा गेय पाइब मिकाएल माइश्‍शो नु आ गेय पाइबपुकी गारशा, ठेयब बुस्‍स नु आ गेय पाइबपुकी नु लडाइ पथ लाम्‍तेक्‍म।  
\v 8 मिनु ठेयब बुस्‍स आ गेय पाइबपुकी लडाइ पा ब्रुम्‍तेक्‍म। मिनु नोले मेको ठेयब बुस्‍स नु आ गेय पाइबपुकीमी स्‍वर्गमी बाक्‍तीक मथिदेम। \em उत्‍पत्ती ३:१\em* 
\p  
\v 9 मिनु मेको ठेयब बुस्‍स आ नें मार बाक्‍त देंशा हना, माइत बुस्‍स, दियाबलस, सैतान बाक्‍त। मिनु मेको रागी रागी नेल्‍ल ङा मुर आन कली पाप पपाइक्‍चा कली रागीमी तोक्‍चा पुंइसीशो बाक्‍त। मिनु मेको आ गेय पाइबपुकी यो रागीमी तोक्‍चा पुंइसीशो बाक्‍तेक्‍म। \em प्रकाश २०:२; उत्‍पत्ती ३:१; लूका १०:१८\em* 
\v 10 मिनु गो सरीङमी ठेयब सेंदा का नेंता। मिनु मेको सेंदामी “मुल थमा सुइक्‍ब आन कली आन पाप रे ब्रोंइतीके जाक्‍ने थुम्‍तु। आंइ परमप्रभु यावे आ सक्ति तांइसाक्‍व नु आ ख्रीस्‍त आ अधिकार जाक्‍त। मारदे हना थमा सुइक्‍ब आन कली दोस गेब रागीमी तोक्‍चा पुंइसाक्‍व। मेकोमी नाक्‍दो नाक्‍त इं परमप्रभु यावे आ ङोंइती आंइ लोक्‍ब आन कली दोस गेशो बाक्‍त। \em प्रकाश ११:१५\em* 
\v 11 मिनु थमा सुइक्‍बपुकीमी सैतान कली ग्राशो बाक्‍तेक्‍म। दोपा सैतान कली ग्राशो बाक्‍तेक्‍म देंशा हना, पाठा आ हुश चढ़ेशोमी नु आन सांकछी आन पतीके सैतान कली ग्राशो बाक्‍तेक्‍म। मेकोपुकीमी आंम कली ममिम्‍थु, येसु ख्रीस्‍त आ पर्बम साइक्‍चा पुंइसीचा यो महिंम। \em प्रकाश ७:१४; प्रकाश ६:९\em* 
\v 12 मोपतीके स्‍वर्ग नु स्‍वर्गमी बाक्‍ब नेल्‍ल ग्‍येरसीन। तन्‍न रागी नु समुन्‍द्रम श्‍येत दुम्‍चाप्‍तु। मारदे हना सैतान थाम्‍पा गाइश्‍शा, रागी नु समुन्‍द्रम यित। मारदे गाइक्‍ताक्‍व देंशा हना, मुल आ गेय पचा शुश नाक्‍त मली, दे तुइक्‍ताक्‍व” देंशो नेंता।  
\v 13 मिनु मेको ठेयब बुस्‍सुम आंम कली रागीमी तोक्‍शो तशा, मेको वोंइश आल थीब मीश मुर कली “साइक्‍नुङ” दे खेदा पाप्‍तु।  
\v 14 मिनु मेको मीश मुरुमी ठेयब ककाकुली आ फ्रां निक्‍शी ताक्‍तु। मारदे ताक्‍तु देंशा हना, मेको ठेयब बुस्‍स रे ब्रोंइशा, गोरशो रागीमी बेरशा, प्रोक्‍चा कली ताक्‍तु। मेको गोरशो रागीमी परमप्रभु यावेमी आ दाक्‍ची ना सम्‍म मेकेर थुल्‍शो बाक्‍त।  
\v 15 मिनु मेको ठेयब बुस्‍सुमी “मेको मीश मुर कली योल्‍दल” दे आ शोव़ रे खोला खोदेंशो पा शुश ब्‍वाक्‍कु ग्रुंइताक्‍व।  
\v 16 रागीमी चहिं मेको मीश मुर कली वारच पाप्‍तु। दोपा वारच पाप्‍तु देंशा हना, रागी आ शोव़ पाक्‍शा, मेको ठेयब बुस्‍स आ शोव़ रे ग्रूशो खोला कली दाक्‍तु।  
\v 17 मिनु मेको ठेयब बुस्‍सुमी मीश मुर प्रोक्‍शो तशा, गाइश्‍शा, मेको मीश मुर आ चच युइ नु राम्‍शी पथ लत। आ चच युइ चहिं सु नम देंशा हना, परमप्रभु यावे आ शेंशो लोव़ टीब नु येसु कली थमा सुइश्‍शा, आ लोव़ पाइब नम।  
\v 18 मिनु मेको ठेयब बुस्‍स समुन्‍द्र आ नेक्‍था राप्‍शा, रिम्‍शा बाक्‍त। 
\c 13  
\s1 समुन्‍द्र रे ग्रूशो जन्‍तु 
\p  
\v 1 मिनु गो समुन्‍द्र रे ७ ओटा पिया नु १० ओटा ग्रोव़ पाइश्‍शो जन्‍तु का ग्रूशो ताता। मेको आ १० ओटा ग्रोव़मी १० ओटा मुकुट गुप्‍शो बाक्‍तेक्‍म। आ पियापुकीमी चहिं परमप्रभु कली शुक्‍शी पाइब नें ब्रेक्‍शो बाक्‍तेक्‍म। \em दानीएल ७:३-७\em* 
\v 2 मिनु आं तशो जन्‍तु जोइ खोदेंशो बाक्‍त। आ खोइल चहिं वां के खोदेंशो बाक्‍त। आ शोव़ गुप्‍स आ शोव़ खोदेंशो बाक्‍त। मिनु मेको ठेयब बुस्‍सुमी आ सक्ति आ नित्‍तीके नु आ ठेयब अधिकार मेको जन्‍तु कली गेप्‍तु। 
\p  
\v 3 मिनु मेको जन्‍तु आ ७ ओटा पिया ङा का साइक्‍चा ङा पा क्‍योरशो खोदेंशो ताता। तन्‍न आ ठेयब गार साशो बाक्‍त। मिनु रागी रागी ङा मुर नेल्‍ल मेको जन्‍तु तशा, छक लाक्‍शा, आ नोले खोइक्‍तेक्‍म।  
\v 4 ठेयब बुस्‍सुमी मेको जन्‍तु कली आ अधिकार गेतीके मुर नेल्‍लेमी ठेयब बुस्‍स कली खुम्‍की पा सेउ पाम्‍तेक्‍म। मिनु मेको जन्‍तु कली यो खुम्‍की पा “एको जन्‍तु खोदेंशो ठेयब सु बाक्‍मे? सु एको नु जिशा ग्राने चाप्‍बा?” दे सेउ पाम्‍तेक्‍म। 
\p  
\v 5 मिनु मेको जन्‍तु कली ठेयब लेश्‍शा, ब्‍वाक्‍चा नु परमप्रभु आ पर्बम मरिम्‍शो लोव़ पचा कली शोव़ गेशो बाक्‍त। मेको कली ४२ महिना सम्‍म सासन पचा कली अधिकार गेशो बाक्‍त। \em प्रकाश ११:२\em* 
\v 6 मेकोमी परमप्रभु यावे कली मरिम्‍शो लोव़ पाप्‍तु। मिनु मेकोमी आ नें आ पर्बम, आ बाक्‍तीके आ पर्बम नु आ बाक्‍तीकेमी बाक्‍ब आन पर्बम यो मरिम्‍शो लोव़ पाप्‍तु।  
\v 7 मेकोमी परमप्रभु यावे आ योव़शो मुरपुकी नु लडाइ पशा, ग्राचा कली अधिकार तशो बाक्‍त। मिनु मेको कली जात नेल्‍ल, मुर नेल्‍ल, आंम आंम लोव़ पाइब नु रागी रागी ङा मुर नेल्‍ल आन कली सासन पतीके अधिकार यो गेशो बाक्‍त। \em प्रकाश ११:७; दानीएल ७:२१\em* 
\v 8 मिनु सु सु आन नें क्‍योरशो पाठा आ ब्रोंइतीक किताबमी मब्रेक्‍शो बाक्‍मे, मेकोपुकीमी मेको जन्‍तु कली खुम्‍की पा सेउ पाइनीम। मेको किताब रागी सेल्‍चा क्‍येङा ङोंइती रे बाक्‍त।  
\v 9 सु सुमी परमप्रभु यावे आ लोव़ नेंशा, रुम्‍ने चाप्‍नीमी, मेकोमी नेन्‍मेक्‍ल।  
\v 10 सु जेल्‍खानमी लचा योव़सीशो बाक्‍मे, मेको जेल्‍खानमी लचा माल्‍ब। तन्‍न सुमी तरवारमी साइक्‍बा, मेको तरवारमी साइक्‍चा पुंइसीब। मिनु परमप्रभु यावे आ योव़शो मुरपुकीमी श्‍येत फाल्‍शो “परमप्रभु यावेमी तुइक्‍ब” दे थमा सुइश्‍शा बाक्‍चा माल्‍नीम। \em उत्‍पत्ती ९:६; मत्ती २६:५२; प्रकाश १४:१२\em* 
\s1 खप रे ग्रूशो जन्‍तु 
\p  
\v 11 मिनु गो खप रे अर्को जन्‍तु का ग्रूशो ताता। मेको के पाठा के खोदेंशो ग्रोव़ निक्‍शी बाक्‍त। मिनु मेकोमी ठेयब बुस्‍स खोदेंशो पा लोव़ पाइबाक्‍त।  
\v 12 ङोंइती ङा जन्‍तु नु बाक्‍शा, मेको ङोंइती ङा जन्‍तु आ अधिकार यो पाइक्‍बाक्‍त। मिनु मेकोमी रागी ङा मुर नेल्‍ल आन कली ङोंइती ङा जन्‍तु कली सेउ पपाइक्‍बाक्‍त। मेको ङोंइती ङा जन्‍तु चहिं तेको बाक्‍त देंशा हना, आ बेक्‍चा ङा गार साशो जन्‍तु बाक्‍त।  
\v 13 मिनु मेको नोले ङा जन्‍तुमी ठेयब छक लाक्‍चा ङा गेय पाप्‍तु। मार छक लाक्‍चा ङा गेय पाप्‍तु देंशा हना, मेकोमी मुर आन ङोंइती सरीङ रे मी यिपाइक्‍तु। \em मत्ती २४:२४; २थिस्‍सलोनिकी २:९\em* 
\v 14 मेकोमी ङोंइती ङा जन्‍तु नु बाक्‍शा, आ पशो छक लाक्‍चा ङा गेयमी मुर आन कली “परमप्रभु आ सक्ति पाइश्‍शो नङ” दे जोल पा छक लाक्‍चा ङा गेय पशा, मुर आन कली पाप पपाइक्‍तु। मार पाप पपाइक्‍तु देंशा हना, मेकोमी रागी ङा मुर आन कली “गार पाइश्‍शो जन्‍तु आ मूर्ति सेल्‍चा” दे शेंताक्‍मी।  
\v 15 मिनु मेकोमी जन्‍तु आ मूर्ति कली ब्रोंइचा सोक्‍त गेचा अधिकार यो तशो बाक्‍त। मिनु मेकोमी सोक्‍त गेवानु, मेको ब्रोंइतीक सोक्‍त पाइश्‍शो मूर्ति लोव़ पचा गोप्‍तु। मिनु मेको जन्‍तुमी मूर्ति आ ङोंइती खुम्‍की पा सेउ मपाइब मुर आन कली साइक्‍पाइक्‍तु।  
\v 16 मिनु मेको जन्‍तुम मार अर्को गेय पाप्‍तु देंशा हना, मेकोमी ठेयब नु आइक्‍च, शोंप पाइश्‍शो नु प्रुङग, वाइलीम वाइल नु मुर नेल्‍ल आन कली कि ग्‍युरा गुइमी कि कुप्‍फीमी चिन्‍ड वोइक्‍पाइक्‍तु। \em प्रकाश १९:२०\em* 
\v 17 मिनु सु सु चिन्‍ड मपाइश्‍शो बाक्‍मा, मेकोपुकीमी मारेइ ग्‍याप्‍ने नु लेयने मचबेम। मिनु मेको चिन्‍ड कि जन्‍तु आ नें कि आ हिक्‍तीक चिन्‍ड बाक्‍त।  
\v 18 मेको जन्‍तु आ नें आ हिक्‍तीक चिन्‍ड आ अर्थ मार बाक्‍मे, दे तुइक्‍चा कली जोक्‍ब तुइक्‍ब थुं माल्‍ब। जोक्‍ब मुरुमी जन्‍तु आ हिक्‍तीक चिन्‍ड तुइक्‍ब, मारदे हना मेको मुर आ हिक्‍तीक नु गारब। मेको हिक्‍तीक चहिं ६ सहे ६६ बाक्‍ब। \em प्रकाश १५:२\em* 
\c 14  
\s1 लाख का ४४ हजार मुर 
\p  
\v 1 मिनु नोले गो मेको पाठा सियोन डांडामी राप्‍शो ताता। मिनु लाख का ४४ हजार मुर पाठा नु बाक्‍तेक्‍म। मेको आन कुप्‍फीमी येसु नु आ आफ आ नें ब्रेक्‍सीशो बाक्‍त। \em प्रकाश ७:४; प्रकाश ३:१२\em* 
\v 2 मिनु गो स्‍वर्ग रे सेंदा का नेंता। मेको सेंदा दोदेंशो बाक्‍त देंशा हना, शुश ब्‍वाक्‍कु आ रेयके नु ठेयब बुंबु पशो रेयके खोदेंशो नेंता। तन्‍न शुश मुरपुकीमी ठेयब तार पाइश्‍शो ताप्‍तीके ताप्‍शो रेयके बाक्‍त। \em प्रकाश १:१५\em* 
\p  
\v 3 मिनु मेको ठेयब ताप्‍तीके ताप्‍बपुकीमी ठेयब नित्‍तीक आ ङोंइती, मेको ४ ओटा सेस जन्‍तु नु शेंब खाल्‍पा आन ङोंइती नक कुम्‍सो का पाम्‍तेक्‍म। मेको कुम्‍सो सुइमी शेंसीने मचबेम। तन्‍न मेको लाख का ४४ हजार मुरुम ला मेको कुम्‍सो शेंसीने चाप्‍तेक्‍म।  
\v 4 मिनु मेको मुरपुकी रागी ङा पाप रे ङोन बाक्‍शो बाक्‍तेक्‍म। मिनु मेकोपुकी पाठा तेक तेक लमे, मेक मेक लाइबाक्‍तेक्‍म। मेकोपुकी रागी ङा मुर आन दाते रे ग्रुंइशा, परमप्रभु यावे नु पाठा आस ङोंइती ङा योव़सीशो मुर बाक्‍तेक्‍म। \em १कोरिन्‍थी ७:१,८\em* 
\v 5 मिनु मेकोपुकीम काइ जोल मपशो बाक्‍तेक्‍म। मारदे हना पाप मपाइबपुकी बाक्‍तेक्‍म। 
\s1 स्‍वर्ग ङा गेय पाइब सां आन लोव़ 
\p  
\v 6 मिनु स्‍वर्ग आ दातेमी गो परमप्रभु यावे आ स्‍वर्ग ङा गेय पाइब का बेरशो ताता। मेको रागीमी लीशो मुर आन कली गेना हना यो पाप रे प्रोंइब जाक्‍त, दे ग्‍येरपाइक्‍ब लोव़ शेंथ यित। मेको नेल्‍ल रागी ङा, नेल्‍ल जात ङा, नेल्‍ल लोव़ पाइब नु शुश मुर आन कली शेंथ यित।  
\v 7 मिनु मेकोमी ठेयब सेंदामी “परमप्रभु यावेमी सरीङ, रागी, समुन्‍द्र नु ब्‍वाक्‍कु बुक्‍तीके नेल्‍ल सेल्‍तु। मोपतीके इन पोक्‍च थेक्‍शा, परमप्रभु यावे कली मान पा हिनीन। मेको कली ठेयब सेलीन। मिनु ‘गे नेल्‍ल सेल्‍ब ननी’ देंशा मान पने। मारदे हना मेको आ निसाफ पची ना दुम्‍त” देंत। 
\p  
\v 8 मिनु परमप्रभु यावे आ स्‍वर्ग ङा गेय पाइब अर्को कामी मेको ङोंइती ङा आ नोले खोइश्‍शा, मेकोमी “बेबीलोन माइश्‍शो ठेयब सहर खतम दुम्‍त। मारदे हना मेकोमी ङोंइती नेल्‍ल रागी ङा मुर आन कली पाप पपाइक्‍तु। रागी ङा मुरपुकी बेबीलोन आ पर्बम परमप्रभु यावे आ गाइश्‍शो ताम्‍तेक्‍म” देंत। \em प्रकाश १८:-; यसैया २१:९; येरमीया २५:१५-१६; येरमीया ५१:७\em* 
\p  
\v 9 मिनु सां आन दाते ङा परमप्रभु यावे आ स्‍वर्ग ङा गेय पाइबमी अर्को निक्‍शी आस नोले खोइश्‍शा, ठेयब सेंदामी “सु सुमी मेको जन्‍तु नु आ मूर्ति कली सेउ पाइनीमी, मेको आन कुप्‍फीमी कि ग्‍युरा गुइमी चिन्‍ड वोइक्‍पाइक्‍नीमी, \em प्रकाश १३:१२-१७\em* 
\v 10 मेको आन कली तशा, परमप्रभु यावे शुश गाइक्‍ब। मिनु मेको मुरपुकीमी आ गाइश्‍शो तचा माल्‍नीम। दोपा परमप्रभु आ गाइश्‍शो तचा माल्‍नीम देंशा हना, पाप रे ङोन बाक्‍ब परमप्रभु यावे आ स्‍वर्ग ङा गेय पाइब नु पाठा आस ङोंइती मेको मुरपुकी हुरुर पा ब्रशो मी नु गन्‍धकम श्‍येत जचा माल्‍नीम। \em भजन संग्रह ७५:७\em* 
\v 11 मेको मी आ कुन गेनायो मकाप्‍ब। मेको जन्‍तु नु जन्‍तु आ मूर्ति कली सेउ पाइबपुकी नु जन्‍तु आ नें आ चिन्‍ड वोइक्‍पाइक्‍बपुकी नाक्‍दो नाक्‍ती श्‍येत जना जन बाक्‍नीम” देंत। 
\p  
\v 12 मेना रागीमी परमप्रभु यावे आ योव़शो थमा सुइक्‍बपुकीमी श्‍येत फाल्‍चा माल्‍नीम। मारदे हना मेकोपुकीमी परमप्रभु यावे आ अरेशो लोव़ पाइनीम। मिनु येसु कली थमा सुइक्‍नीम। \em प्रकाश १३:१०\em* 
\v 13 मिनु गो स्‍वर्ग रे सेंदा का नेंता। मेकोमी “मुल रे सु सु प्रभु कली थमा सुइश्‍शा बेक्‍नीमी, मेकोपुकी ग्‍येरसमल। मेको लोव़ ब्रेक्‍तो” देंता। मिनु परमप्रभु यावे आ सोक्‍तीमी “थमा, मेको मुरपुकी ग्‍येरसीशो बाक्‍नीम। मारदे हना मेकोपुकीमी रागीमी परमप्रभु यावे आ गेय पशा नाइक्‍नीम। मिनु परमप्रभु यावेमी आन गेय तुइश्‍शा, आन तचा ङा गेब” देंत। \em फिलिप्‍पी १:२३; यसैया ५७:२; हिब्रू ४:३०; १तिमोथी ५:२४-२५\em* 
\s1 थमा मसुइक्‍ब आन कली निसाफ 
\p  
\v 14 मिनु नोले गो बुश गोस्‍स का ताता। मिनु मेको गोस्‍स तारी मुर का निश्‍शो खोदेंशो ताता। मेको आ पियामी सुन के सिरपेच गुप्‍शा ङा मिन आ गुइमी हेश्‍शो गुये का ग्‍याइश्‍शो ताता। \em दानीएल ७:१३; मर्कूस १३:२६\em* 
\v 15 मिनु गो अर्को परमप्रभु यावे आ स्‍वर्ग ङा गेय पाइब कली परमप्रभु यावे आ खिं रे ग्रूशो ताता। मिनु मेकोमी गोस्‍स तार बाक्‍ब कली ठेयब सेंदामी “रागी ङा बाली मीशो बाक्‍त। मुल रिक्‍ची ना दुम्‍त। मिनु मुल रिक्‍चा गोवो” देंत। \em योएल ४:१३; मत्ती १३:३९\em* 
\v 16 मिनु गोस्‍सुमी निप्‍बमी गुये शेशा, रागी कली मीशो बाली खोदेंशो पा रिक्‍तु। 
\p  
\v 17 मिनु गो अर्को परमप्रभु यावे आ स्‍वर्ग ङा गेय पाइब कली परमप्रभु यावे आ खिं रे ग्रूशो ताता। मेको नु यो हेश्‍शो गुये का बाक्‍त।  
\v 18 मिनु नोले अर्को परमप्रभु यावे आ स्‍वर्ग ङा गेय पाइब का धूप चढ़ेतीके रे ग्रूशो ताता। मेकोमी मी कली अधिकार पाइबाक्‍त। मेकोमी ठेयब सेंदामी हेश्‍शो गुये शेयब कली “रागी अङगुर रू खोदेंशो पा मीशो बाक्‍त। मोपतीके गुयेमी फल सेक्‍चा गोवो” देंशो नेंता।  
\v 19 मिनु परमप्रभु यावे आ स्‍वर्ग ङा गेय पाइबमी आ गुयेमी रागी कली फल सेक्‍शो खोदेंशो पा सेक्‍तु। सेक्‍शा खुप्‍शा, परमप्रभु यावे आ ठेयब फल कोलमी वोइक्‍तु। मेको कोल चहिं मार बाक्‍त देंशा हना, परमप्रभु यावे आ गाइक्‍चा बाक्‍त।  
\v 20 मिनु ख्राक्‍तीके सहर रे ङोन बाक्‍त। ख्राक्‍ग्‍मेनु, मेको कोल रे रस खोदेंशो पा हुश शांइ‍साक्‍व। मिनु मेको हुश १६ हजार स्‍तादीयोन ङोन दोक राप्‍शो शारा आ शोव़ सम्‍म लत। \em स्‍तादीयोन का १८५ मिटर बाक्‍ब।\em*\em यसैया ६३:३\em* 
\c 15  
\s1 लाख का ४४ हजार मुर 
\p  
\v 1 मिनु गो स्‍वर्गमी अर्को ठेयब नु छक लाक्‍चा ङा चिन्‍ड ताता। मेको चिन्‍ड दोदेंशो बाक्‍त देंशा हना, ७ जना परमप्रभु यावे आ स्‍वर्ग ङा गेय पाइबपुकीमी ७ ओटा श्‍येत गेचशो बाक्‍तेक्‍म। मिनु मेको श्‍येतपुकी नोले ङा बाक्‍तेक्‍म। मारदे हना मेको आन नोले परमप्रभु आ गाइक्‍चा नुप्‍ब। \em प्रकाश १६:१\em* 
\p  
\v 2 मिनु गो सिसा नु मी ब्‍वाइश्‍शो दोम्‍ली खोदेंशो दिंम का ताता। मेको दिंममी मुरपुकीम परमप्रभु यावे आ गेशो ठेयब ताप्‍तीके शेशा, राप्‍शो तातामी। मेको मुरपुकी चहिं सु बाक्‍तेक्‍म देंशा हना, मेकोपुकीमी मेको जन्‍तु कली ग्राशो बाक्‍तेक्‍मे। दोपा ग्रातेक्‍म देंशा हना, जन्‍तु नु जन्‍तु आ मूर्ति कली सेउ मपामे नु आ नें आ हिक्‍तीके चिन्‍ड यो मवोइक्‍पाइक्‍सीशो बाक्‍तेक्‍मे। \em प्रकाश ४:६\em* 
\v 3 मिनु परमप्रभु यावे आ वाइल मोसा नु पाठा आ कुम्‍सो पाम्‍तेक्‍म। मिनु मेको कुम्‍सोम मार लोव़ बाक्‍त देंशा हना “परमप्रभु यावे, गे नेल्‍ल सक्ति पाइश्‍शो परमप्रभु बाक्‍नीनी। इन गेय ठेयब नु छक लाक्‍चा बाक्‍नीमी। गे इन लां नेल्‍ल ठीक नु थमा बाक्‍नीमी। गे गेना हना यो पिप बाक्‍नीनी। \em प्रस्‍थान १५:१,११; येरमीया १०:६-७; ब्‍यवस्‍था ३२:४; भजन संग्रह १४५:१७\em* 
\v 4 नेल्‍लेमी इन कली मान पा हिंशा इन नें ठेयब सेल्‍नीमी। मारदे हना गे ला परमप्रभु बाक्‍नीनी। रागी रागी ङा मुर नेल्‍ले इन ङोंइती जाक्‍शा, पोक्‍च थेक्‍शा, खुम्‍की पा बाप्‍नीमी। मारदे हना इन निसाफ पतीके नेल्‍लेमी ताम्‍तेक्‍म” देंशो कुम्‍सो आ लोव़ बाक्‍त। \em भजन संग्रह ८६:९; येरमीया १६:१९-२१\em* 
\s1 गाइश्‍शो ङा ७ ओटा डप्‍का 
\p  
\v 5 मिनु नोले गो स्‍वर्गमी परमप्रभु यावे आ खिं रोक्‍शो ताता। \em प्रकाश ११:१९\em* 
\v 6 मेकेर रे मेको ७ जना श्‍येत गेब परमप्रभु यावे आ स्‍वर्ग ङा गेय पाइबपुकी ग्रूतेक्‍म। मेकोपुकी रिम्‍शो टल्‍केशो बुश वा फेक्‍शा, सुन के पेटी किप्‍शो बाक्‍तेक्‍म।  
\v 7 मिनु मेको ४ ओटा सेस जन्‍तु ङा कामी मेको ७ जना परमप्रभु यावे आ स्‍वर्ग ङा गेय पाइब आन कली ७ ओटा सुन के डप्‍का गेप्‍तु। मेको सुन के डप्‍का गेना हना यो ब्रोंइशा बाक्‍ब परमप्रभु यावे आ गाइक्‍चामी ब्रीशो बाक्‍तेक्‍म। \em प्रकाश ४:६-८; प्रकाश १४:१०\em* 
\v 8 मिनु परमप्रभु यावे आ खिं परमप्रभु आ छेङछेङ नु सक्ति ङा कुनमी ब्रीशो बाक्‍त। मिनु परमप्रभु यावे आ ७ जना स्‍वर्ग ङा गेय पाइबपुकीमी श्‍येत मगेमे सम्‍म सुइ परमप्रभु यावे आ खिं ओव़ने मचाप्‍बाक्‍तेक्‍म। \em यसैया ६:४; प्रस्‍थान ४०:३४; १राजा ८:१-११; इजीकीएल ४४:४\em* 
\c 16  
\s1 मेको ७ ओटा श्‍येत 
\p  
\v 1 मिनु नोले गो परमप्रभु यावे आ खिं रे ठेयब सेंदा का नेंता। मेको सेंदामी परमप्रभु यावे आ ७ जना स्‍वर्ग ङा गेय पाइब आन कली “लने। परमप्रभु आ गाइक्‍चामी ब्रीशो ७ ओटा डप्‍का रागीमी मोतीन” देंत। 
\p  
\v 2 मिनु ङोंइती ङा परमप्रभु यावे आ स्‍वर्ग ङा गेय पाइबमी आ कुरशो डप्‍का रागी तार मोइक्‍तु। मिनु मेकोमी मोदानु, ठेयब जन्‍तु आ चिन्‍ड वोंइ‍सीब नु आ मूर्ति कली सेउ पाइबपुकी मरिम्‍शो पा खाइक्‍ब गार मुम्‍तेक्‍म। \em प्रस्‍थान ९:१०-११ \em* 
\p  
\v 3 मिनु अर्को परमप्रभु यावे आ स्‍वर्ग ङा गेय पाइबमी आ कुरशो डप्‍का समुन्‍द्र तार मोइक्‍तु। मिनु मेकोमी मोदानु, समुन्‍द्र ङा ब्‍वाक्‍कु क्‍योरशो मुर आन हुश खोदेंशो दुम्‍त। मिनु समुन्‍द्र ङा सेस जन्‍तु नु ङांइ नेल्‍ल बेक्‍तेक्‍म। 
\p  
\v 4 मिनु लेंशा अर्को परमप्रभु यावे आ स्‍वर्ग ङा गेय पाइबमी आ डप्‍का खोला नु ब्‍वाक्‍कु बुक्‍तीके तार मोइक्‍तु। मिनु मेकोमी मोदानु, मेको ब्‍वाक्‍कु हुश दुम्‍त। \em प्रस्‍थान ७:१७-२१\em* 
\v 5 मिनु ब्‍वाक्‍कु कली कोव़ब परमप्रभु यावे आ स्‍वर्ग ङा गेय पाइबमी परमप्रभु यावे कली “इन मुर आन कली पशो निसाफ ठीक बाक्‍ब। गे मुल बाक्‍नीनी। मिनु गे ङोंइती यो बाक्‍तीनी। गे का ला परमप्रभु बाक्‍नीनी।  
\v 6 रागी ङा मुरपुकीमी इन योव़शो मुर नु इन लोव़ पाइब आन कली क्‍योरशा, आन हुश शाइक्‍पाइश्‍शा साइक्‍तेक्‍म। मिनु गे मेको रागी ङा मुर आन कली हुश तूपाइक्‍तीनी। मार पामे, मेको ताम्‍तेक्‍म” देंशो नेंता। 
\p  
\v 7 मिनु गोमी मेको धूप चढ़ेतीके रे सेंदा कामी लोव़ पशो नेंता। मेकोमी “परमप्रभु यावे, गे नेल्‍ल सक्ति पाइश्‍शो परमप्रभु बाक्‍नीनी। मारेइ मारेइ पने चाप्‍नीनी। इन पशो निसाफ थमा नु ठीक बाक्‍नीमी” देंशो नेंता। \em प्रकाश ९:१३; प्रकाश ६:१०-११\em* 
\p  
\v 8 मिनु लेंशा अर्को परमप्रभु यावे आ स्‍वर्ग ङा गेय पाइबमी आ कुरशो डप्‍का नां तार मोइक्‍तु। मिनु मेकोमी मोदानु, नांमी मुर आन कली मीम खोदेंशो पा क्रोइक्‍चा गोप्‍तु।  
\v 9 मोपा शुश होशेमी मुरपुकी दुप्‍शा, श्‍येत जाम्‍तेक्‍म। मिनु दुप्‍शो आ पर्बम परमप्रभु यावे आ नें कली सराप पाम्‍तेक्‍म। मारदे हना मेकोमी श्‍येत गेप्‍तु। मिनु मेको मुर आन थुं परमप्रभु यावे गे मलेत्‍तेम। परमप्रभु यावे कली मान यो मपाम। 
\p  
\v 10 मिनु लेंशा अर्को परमप्रभु यावे आ स्‍वर्ग ङा गेय पाइबमी मेको आ कुरशो डप्‍का ठेयब जन्‍तु आ नित्‍तीकेमी मोइक्‍तु। मिनु मेकोमी मोदानु, मेको ठेयब जन्‍तु आ राज्‍यमी छिङछिङ दुम्‍त। मिनु मुरपुकीम शुश श्‍येत जाम्‍तेक्‍म।  
\v 11 मोपतीके स्‍वर्ग ङा परमप्रभु कली सराप पाम्‍तेक्‍म। मारदे हना मेकोमी ठेयब मरिम्‍शो गार दुम्‍पाइश्‍शा, श्‍येत गेप्‍तु। तन्‍न आन मरिम्‍शो पचा मप्रोनेम। 
\p  
\v 12 मिनु लेंशा अर्को परमप्रभु यावे आ स्‍वर्ग ङा गेय पाइबमी आ कुरशो डप्‍का युफ्रेटीस माइश्‍शो ठेयब खोलामी मोइक्‍तु। मिनु मेकोमी मोदानु, खोला ङा ब्‍वाक्‍कु सोव़त। मारदे सोव़त देंशा हना, नां दाप्‍तीके रे पीब पिप आन लां ठीक पचा कली सोव़त। \em यसैया ११:१५-१६\em* 
\v 13 मिनु गो ठेयब बुस्‍स, ठेयब जन्‍तु नु जोल पा परमप्रभु यावे आ लोव़ पाइब आन शोव़ रे क्रुक्‍क्रु खोदेंशो वोल सां ग्रूशो तातामी। \em प्रकाश १२:३\em* 
\v 14 मेकोपुकी छक लाक्‍चा ङा चिन्‍ड कोंइब सैतान आ गेय पाइब वोल बाक्‍तेक्‍म। मिनु मेकोपुकीमी परमप्रभु यावे, नेल्‍ल सक्ति पाइश्‍शो परमप्रभु आ ठेयब नाक्‍तीमी नु लडाइ पचा कली रागी रागी ङा पिप आन कली ब्रथ लाम्‍तेक्‍म। मो दुम्‍मेनु, येसुमी मुर आन कली  
\v 15 “नेनीन, गो खुइ खोदेंब पा जाक्‍नुङ। सु थमा सुइश्‍शा मइप्‍थु सेंशा, ठीक दुम्‍शा बाक्‍मे, मेको ग्‍येरसेक्‍ल। तन्‍न सु पाप पाइबा, मेको शिश्रा गाक्‍ब मुर खोदेंब पा मुने दोक्‍ब” दे येसुमी माइक्‍तीमी। \em १थिस्‍सलोनिकी ५:२\em* 
\v 16 मिनु मेको वोल सांमी रागी रागी ङा पिप ब्रथ लशा, जाक्‍शा, हिब्रू लोव़मी आरमागेडोन माइश्‍शो रागीमी खुम्‍साक्‍म। 
\p  
\v 17 मिनु नोले ङा परमप्रभु यावे आ स्‍वर्ग ङा गेय पाइबमी आ कुरशो डप्‍का फशेमी मोइक्‍तु। मिनु मेकोमी मोदानु, परमप्रभु यावे आ खिं रे नु आ नित्‍तीक रे ठेयब सेंदा कामी “मुल नुप्‍त” देंशो नेंता।  
\v 18 मिनु चिला, ठेयब रेयके, बुंबु पशा, ठेयब ख्रिनु कुत। मुरपुकी रागीमी बाक्‍मानु, मोमो ठेयब ख्रिनु गेनायो मकुशो बाक्‍माक्‍त।  
\v 19 मिनु मेको ठेयब सहर सां दुम्‍त। रागी रागी ङा सहरपुकी ब्रेत्‍तेक्‍म। मिनु परमप्रभु यावेमी बेबीलोन ठेयब सहर कली फ्रुक्‍तु। मारदे फ्रुक्‍तु देंशा हना, मेको मुर आन पाप तशा “गो सजाइ गेनुङमी” दे गाइश्‍शा फ्रुक्‍तु। \em प्रकाश १४:८-१०\em* 
\v 20 मेना टापु नेल्‍ल ब्‍वाक्‍कुमी सुम्‍साक्‍म, डांडापुकी ब्रेश्‍शा, दिंम दुम्‍तेक्‍म। \em प्रकाश ६:१४\em* 
\v 21 मिनु मुर आन बाक्‍तीकेमी शुश मुप्‍स यित। मेको मुप्‍स टलेन्‍ट का सम्‍म हेल्‍शो बाक्‍तेक्‍म। मिनु मेको मुप्‍स मुर तार दोक्‍मेनु, मुरपुकी मेको मुप्‍स तशा, परमप्रभु यावे कली सराप पाम्‍तेक्‍म। मारदे हना मेको मुप्‍सीम रागीमी बाक्‍ब मुर आन कली शुश हिंचा ङा श्‍येत गेप्‍तु। \em टलेन्‍ट ३५ किलो कोदेंशो बाक्‍ब।\em*\em प्रस्‍थान ९:२३\em* 
\c 17  
\s1 ठेयब तेल्‍लेम कली सजाइ 
\p  
\v 1 नोले गो परमप्रभु यावे आ स्‍वर्ग ङा गेय पाइब का ताता। मेको सु बाक्‍त देंशा हना, मेको ङोंइती ङा ७ जना श्‍येतमी ब्रीशो डप्‍का कुरबपुकी ङा का बाक्‍त। मिनु मेकोमी “एके पिवो, गो इ कली ब्‍वाक्‍कु तार बाक्‍ब ठेयब तेल्‍लेम कली गेशो सजाइ कोंइनन। \em प्रकाश १५:१\em* 
\v 2 रागी रागी ङा पिपपुकीमी मेको नु तेल्‍लेम पाम्‍तेक्‍म। मिनु मेको आन तेल्‍लेम पशो तशा, रागी रागी ङा मुरपुकीमी यो मोदेंशो पाम्‍तेक्‍म” दे आं कली देंत। 
\p  
\v 3 मिनु मेकोमी आं कली परमप्रभु यावे आ सोक्‍तीमी बाक्‍शा, मुर मबाक्‍तीकेमी लाइक्‍ती। मिनु गो मीश मुर का लल जन्‍तु तारी निश्‍शो ताता। मेको जन्‍तु दोदेंशो तांइसाक्‍व देंशा हना, आ रां नेल्‍ल परमप्रभु यावे कली मरिम्‍शो लोव़ ब्रेक्‍शा वोइश्‍शो बाक्‍त। मेको ७ ओटा पिया नु १० ओटा ग्रोव़ पाइश्‍शो बाक्‍त।  
\v 4 मिनु मेको मीश मुर दोदेंशो तांइसाक्‍व देंशा हना, पिप आन फेक्‍शो खोदेंशो वा नु लल वा फेक्‍शो बाक्‍त। सुन, हीरा नु मोती पांइशो बाक्‍त। मेकोमी सुन के कचौरा कुरशो बाक्‍त। मेको कचौरा आ तेल्‍लेम पतीके, ग्रांग्रा दिचा ङा नु मरिम्‍शो गेयमी ब्रीशो बाक्‍त। \em येरमीया ५१:७\em* 
\v 5 मिनु मेको आ कुप्‍फीमी ख्रुइश्‍शो लोव़मी आ नें ब्रेक्‍शो बाक्‍त। मार ब्रेक्‍शो बाक्‍त देंशा हना “बेबीलोन ठेयब सहर, तेल्‍लेमपुकी नु नेल्‍ल रागी रागी ङा ग्रांग्रा दिचा ङा आन ममा” दे ब्रेक्‍शो बाक्‍त।  
\v 6 मिनु गो मेको मीश मुर कली परमप्रभु यावे आ योव़शो मुर नु येसु आ सांकछी आन हुशेमी दुक्‍शो ताता। मेको कली तङानु, गो शुश छक लाक्‍ती। \em प्रकाश १८:२४\em* 
\v 7 परमप्रभु यावे आ स्‍वर्ग ङा गेय पाइबमी चहिं आं कली “गे मारदे छक लाक्‍ङे? मेको मीश मुर नु मेको आ ङोइश्‍शो ७ ओटा पिया नु १० ओटा ग्रोव़ पाइश्‍शो जन्‍तु आस ख्रुइश्‍शो लोव़ गो इ कली शेंनुङ।  
\v 8 इ तशो जन्‍तु ङोंइती बाक्‍त, मुल चहिं मबा। तन्‍न नोले पुं मपाइश्‍शो ढोडोङगा रे कुशा खतम दुम्‍ब। रागी सेल्‍चा रे ङा ब्रोंइतीक किताबमी आन नें मब्रेक्‍शो मुरपुकी चहिं मेको जन्‍तु तशा छक लाक्‍नीम। मारदे हना मेको जन्‍तु ङोंइती बाक्‍त, मुल मबा, नोले जाक्‍ब। 
\p  
\v 9 रुप्‍ब मुर आन कली एको तुइक्‍तीके लोव़ बाक्‍ब। मेको ७ ओटा पिया ७ ओटा डांडा नम। मेको मीश मुर मेको डांडा तार निप्‍ब। \em प्रकाश १३:१८\em* 
\v 10 मिनु मेको ७ ओटा डांडापुकी ७ ओटा पिप यो नम। मेको रे ५ ओटा बेक्‍शा लाक्‍तेक्‍म। मिनु कामी सासन पना पन बाक्‍ब। अर्को लीशो का चहिं मुल सम्‍म मजाक्‍शो बाक्‍त। मिनु नोले जाक्‍शा ङा मिन, छिन का ला सासन पाइब।  
\v 11 मिनु मेको ङोंइती बाक्‍शो नु मुल मबाक्‍शो जन्‍तु चहिं मेको अर्को ७ ओटा पिप आन नोले जाक्‍शो बाक्‍ब। मिनु नोले जाक्‍शो यो, मेको ७ ओटा रे जाक्‍ब। मिनु मेको नरक लाइब। 
\p  
\v 12 मिनु मेको इ तशो १० ओटा ग्रोव़ चहिं मुल सम्‍म सासन पचा मतशो १० जना पिप नम। मिनु मेको आन कली नु ठेयब जन्‍तु कली घन्‍टा का पिप आन अधिकार गेशो बाक्‍ब। \em प्रकाश १३:१\em* 
\v 13 मेको १० जना पिप थुं का दुम्‍शा, आन सक्ति नु अधिकार ठेयब जन्‍तु कली गेनीम।  
\v 14 मोदेंशो दुम्‍मेनु, मेकोपुकी पाठा नु लडाइ पाइनीम। मिनु लडाइमी पाठा ग्राब। मारदे पाठा ग्राब देंशा हना, मेको पाठा प्रभु आन प्रभु नु पिप आन पिप बाक्‍ब। मिनु मेको नु बाक्‍शोपुकी आ ब्रेश्‍शो नु योव़शो मुरपुकी बाक्‍नीमी। मेको नु बाक्‍बपुकी आ ब्रेश्‍शो नु योव़शो दीगो पाइब यो बाक्‍नीमी” दे आं कली देंत। \em प्रकाश १९:१६; प्रकाश १९:१४\em* 
\p  
\v 15 मिनु मेको परमप्रभु यावे आ स्‍वर्ग ङा गेय पाइबमी लेंशा “तेल्‍लेम आ नेक्‍था ङा शुश ब्‍वाक्‍कु, मार बाक्‍ब देंशा हना, मेको मुरपुकी नम। मिनु मेको शुश मुर आन हुल, रागी रागी ङा मुर नु शुश लोव़ ब्‍वाक्‍ब मुर बाक्‍नीम। \em यसैया ८:७; येरमीया ४७:२\em* 
\p  
\v 16 मेको इ तशो १० ओटा ग्रोव़ नु मेको ठेयब जन्‍तु मेको तेल्‍लेम आ जोरी सत्रु दुम्‍नीम। मेको कली श्‍येत गेशा, आ फेक्‍शो वा प्रुइक्‍नीम। मिनु आ श्‍ये ब्‍वाइनीम। मिनु आ लीशो नेल्‍ले मीम चोइनीम।  
\v 17 मारदे मोदेंशो पाइनीम देंशा हना, परमप्रभु यावेमी आ देंशो थमा दुम्‍पाइक्‍चा कली मेको आन थुं का दुम्‍पाइक्‍तीमी। मिनु मोपा मेको १० जना पिपमी राज्‍य नु सक्ति ठेयब जन्‍तु कली गेनीम। परमप्रभु यावे आ लोव़ खाप्‍चा कली मोदेंशो दुम्‍ब।  
\v 18 मिनु इ तशो मीश मुर चहिं ठेयब सहर बाक्‍ब। मेको रागी रागी ङा पिप आन कली सासन पाइब बाक्‍ब” दे शेंताक्‍यी। \em प्रकाश १८:१०\em* 
\c 18  
\s1 बेबीलोन सहर नुप्‍त 
\p  
\v 1 मिनु नोले गो शुश अधिकार पाइश्‍शो परमप्रभु यावे आ स्‍वर्ग ङा गेय पाइब का सरीङ रे यिशो ताता। मेको आ टल्‍केशोमी रागी नेल्‍ल छेङछेङ दुम्‍त। \em इजीकीएल ४३:२\em* 
\v 2 मिनु मेकोमी ठेयब सेंदामी “मेको ठेयब बेबीलोन सहर ब्रेश्‍शा नुप्‍त। मेको ब्रेश्‍शो सहर वोल आन बाक्‍तीके जेल्‍खान दुम्‍त। मेको ग्रांग्रा दिचा ङा चिक्‍ब आन जेल्‍खान दुम्‍त। \em प्रकाश १४:८; येरमीया १५:३९\em* 
\v 3 मारदे मेको सहर मोदेंशो दुम्‍त देंशा हना, रागी रागी ङा मुर नेल्‍लेमी आ ग्रांग्रा दिचा ङा गेय शेंसीशा मोदेंशो पाम्‍तेक्‍म। मिनु रागी रागी ङा पिपपुकीमी यो मोदेंशो पाम्‍तेक्‍म। मिनु रागी रागी ङा ग्‍याप्‍ब लेयबपुकी मेको सहर ङा शुश थोव़क रे शोंप पाइश्‍शो दुम्‍तेक्‍म” देंत। \em यसैया ५१:७; नाहुम ३:४\em* 
\v 4 मिनु नोले स्‍वर्ग रे अर्को सेंदा का नेंता। मेको सेंदामी “आं मुरपुकी, मेको सहर रे ग्रूशा पिने। मेकेर रे मग्रूतीनी हना, गे मेकोपुकी खोदेंशो मरिम्‍शो पाइनीनी। मोपा मरिम्‍शो पाइतीनी हना, मेको खोदेंशो पा सजाइ ताइनीनी। \em यसैया ४८:२०; येरमीया ५०:८; येरमीया ५१:६,४५; २कोरिन्‍थी ६:१७\em* 
\v 5 मेको आन मरिम्‍शो पशो देल्‍शा, सरीङ सम्‍म जाक्‍शो बाक्‍त। मिनु परमप्रभुमी मेको आन मरिम्‍शो पशो मिम्‍‍शो बाक्‍त। \em उत्‍पत्ती १८:२०-२१; येरमीया ५१:९\em* 
\v 6 मिनु गे इन कली गेशो श्‍येत मेको कली लेत्‍तीन। श्‍येत का ला ममाइ, निक्‍शी खेयप श्‍येत गेने। इन कली गेशो श्‍येत निक्‍शी खेयप गेचा ठीक दुम्‍ब। \em भजन संग्रह १३७:८; येरमीया ५०:१५,२९; २थिस्‍सलोनिकी १:६\em* 
\v 7 मिनु आंम कली गिश ठेयब सेला, मिश श्‍येत गेशा, सुर्ता नु रोंका पपतीन। मिनु मेकोमी आ थुंमी चहिं ‘गो पिपीम नङ। गो वोंइश बेक्‍शो मीश मुर मनङ। मोपतीके गो सुर्ता गेनायो मपाइनुङ’ देंब। \em यसैया ४७:७-९\em* 
\v 8 मोपा मोमो ठेयब लेश्‍शो लोव़ पतीके, काबु मेको कली श्‍येत दुम्‍ब। मेको कली मार श्‍येत दुम्‍ब देंशा हना, मेको सहरमी मुर साइक्‍ब रोइ जाक्‍ब, मिनु रोंका पाइनीम, अन्‍काल यो दुम्‍ब। मिनु मेको सहर मीम दुप्‍शा पुलु दुम्‍ब। मेको श्‍येत नेल्‍ल मारदे दुम्‍ब देंशा हना, मेको आन कली निसाफ पाइब परमप्रभु यावे सक्ति पाइश्‍शो बाक्‍ब” देंशो नेंता। 
\s1 मुरपुकी बेबीलोन तशा ङाक्‍शो 
\p  
\v 9 मिनु रागी रागी ङा पिपपुकी मेको नु तेल्‍लेम पाम्‍तेक्‍म। मेको आ शोंप यो दाक्‍शो बाक्‍तेक्‍म। मोपतीके मेकोपुकी ग्रोइश्‍‍शो सहर कली तशा, रोंका पा ङाक्‍नीम।  
\v 10 मिनु मेको आ श्‍येत तशा हिंशा, ङोन रे कोव़बपुकीमी “आबी, आबी, मेको ठेयब बेबीलोन माइश्‍शो सहर गिश दारशो सेल्‍शो बाक्‍त। मुल चहिं घन्‍टा कामी इ निसाफ दुम्‍त” देंनीम। \em येरमीया ५१:८\em* 
\v 11 मिनु रागी रागी ङा ग्‍याप्‍ब लेयबपुकी मेको सहर तशा, ङाक्‍शा रोंका पाइनीम। मारदे ङाक्‍शा रोंका पाइनीम देंशा हना, मेको आन लेयचा ङा थोव़क सुइमी मग्‍याप्‍नीम।  
\v 12 आन लेयचा ङा थोव़क मार बाक्‍त देंशा हना, सुन, चांदी, हीरा, मोती, शुश क्‍येट लाइब सुती वा, प्‍याजी रङ ङा वा, रेसम वा, लल वा, ब्रोव़शो रिना पाइश्‍शो शी, हात्ती आन ख्रुइ शुश क्‍येट लाइब शी, कांसा, फलाम नु दारशो फुल्‍लु रे सेल्‍शो थोव़कपुकी बाक्‍तेक्‍म।  
\v 13 मिनु सिन्‍कौली, चां ख्रेक्‍तीक तेल, मस्‍ला, ब्रोव़शो रिना पाइब तेल, धूप, अङगुर शांबु, जचा तेल, थम रिम्‍शो फस, चेरब, बी ब्‍यफ, भेडा, शारा, बग्‍गी नु वाइलीम वाइल मेको मुर आन लेयतीक थोव़कपुकी बाक्‍तेक्‍म।  
\v 14 मिनु मेको ग्‍याप्‍ब लेयबपुकीमी मेको सहर कली “इन दाक्‍शो ब्रोव़शो फल फुल जाम्‍तेक्‍म। इन ग्‍योम्‍सीचा, इन शोंप पाइश्‍शो दुम्‍चा नेल्‍ल गेनायो मथित्‍‍चा ङा पा जाम्‍शा लाम्‍तेक्‍म” देंतेक्‍म।  
\v 15 मिनु मेको सहर रे शोंप पाइश्‍शो ग्‍याप्‍ब लेयबपुकी सहर रे ङोन बाक्‍शा, मेको सहर कली गेशो सजाइ तशा हिंतेक्‍म। मिनु मेकोपुकीमी ङाक्‍शा रोंका पशा, 
\p  
\v 16 “आबी आबी, मेको ठेयब सहर, मेको सहर ङा मुरपुकी शुश क्‍येट लाइब सुती वा, प्‍याजी नु लल रङ ङा वा फेक्‍शो बाक्‍तेक्‍म। मिनु मेकोपुकीम शुश सुन, हीरा नु मोती पांइशो बाक्‍तेक्‍म। \em प्रकाश १७:४\em* 
\v 17 तन्‍न मुल घन्‍टा कामी मेको सहर ङा शोंपपुकी खतम दुम्‍तेक्‍म” देंतेक्‍म। मिनु डोंगा चलेबपुकी, डोंगामी गेय पाइबपुकी नु डोंगामी ङोइश्‍शा ग्‍याप्‍ब लेयब मुर नेल्‍ल सहर रे ङोन राप्‍शा, \em इजीकीएल २७:२७-३६\em* 
\v 18 सहर दुप्‍शो कुन तशा “मेरे सहर खोदेंब ठेयब अर्को मबा” दे ग्रीतेक्‍म।  
\v 19 मिनु मेकोपुकी सुर्ता पशा, रोंका पा ङाक्‍तेक्‍म। मेकोपुकीमी “आबी आबी, मेरे ठेयब सहर। मेरे सहर ङा डोंगा आन होव़पपुकी मेरे सहरमी मार मार लेयशा, शोंप पाइश्‍शो दुम्‍शो बाक्‍तेक्‍म। तन्‍न घन्‍टा कामी मेरे सहर जाम्‍शा लत।  
\v 20 मिनु स्‍वर्गमी बाक्‍ब नेल्‍ले ग्‍येरसीने। परमप्रभु यावे आ योव़शोपुकी, ख्रीस्‍त आ सोइश्‍शोपुकी नु परमप्रभु यावे आ लोव़ पाइबपुकी ग्‍येरसीने। मारदे हना, परमप्रभु यावेमी इन कली गेशो श्‍येत आ पर्बम मेको कली सजाइ गेप्‍तु” देंशो नेंता। \em येरमीया ५१:४८\em* 
\s1 बेबीलोन सहर मथिंसीब 
\p  
\v 21 मिनु बोल्‍यो परमप्रभु यावे आ स्‍वर्ग ङा गेय पाइबमी ठेयब यात खोदेंशो फुल्‍लु का क्‍युक्‍तु। मिनु मेको फुल्‍लु कली समुन्‍द्रमी ताइक्‍ताक्‍व। मेको परमप्रभु यावे आ स्‍वर्ग ङा गेय पाइबमी “मेको फुल्‍लु खोदेंशो पा ठेयब बेबीलोन सहर ताइक्‍चा पुंइसीब। मोपतीके मेको सहर गेनायो मथिंसीब। \em येरमीया ५१:६३-६४\em* 
\v 22 मिनु मेको ठेयब सहर दोपा नुप्‍ब देंशा हना, ठेयब ताप्‍तीके ताप्‍शो, कुम्‍सो पशो मुराली ताप्‍शो नु तुराही ताप्‍शो मेकेर लेंशा मनेंसीब। मिनु मार मार सेल्‍ब सीप पाइश्‍शो मुरपुकी मेकेर लेंशा मथिंसीब। यात हिल्‍शो आ रेयके मेकेर का यो लेंशा मनेंसीब। \em यसैया २४:८; इजीकीएल २६:१३\em* 
\v 23 मेकेर बत्ती दाशो हाम्‍सो का यो लेंशा मतांइसीब। मेकेर ग्‍युम्‍ले नु ग्‍युम्‍ली आस सेंदा लेंशा मनेंसीब। मारदे मोदेंशो दुम्‍ब देंशा हना, रागी ङा ठेयब मुर ग्‍याप्‍ब लेयबपुकी बाक्‍तेक्‍म। मेकोपुकीमी मेको आन टुना मुनामी रागी नेल्‍ल ङा मुर आन कली दूली लां खोइक्‍पाइक्‍तेक्‍म। \em येरमीया २५:१०; यसैया २३:८\em* 
\v 24 मिनु मेको सहर ङा मुरपुकीमी परमप्रभु यावे आ लोव़ पाइबपुकी नु परमप्रभु यावे आ योव़शो मुर आन कली साइश्‍शो बाक्‍तेक्‍म। नेल्‍ल रागी ङा सु सु मुर साइश्‍शो बाक्‍मा, मेको सहरमी साइश्‍शो बाक्‍तेक्‍मे” दे परमप्रभु यावे आ स्‍वर्ग ङा गेय पाइबमी देंत। \em प्रकाश ६:१०; प्रकाश १७:६\em* 
\c 19  
\s1 पाठा आ ग्‍युंबे 
\p  
\v 1 मिनु नोले गो स्‍वर्गमी शुश मुरपुकीम कुम्‍सो पशो ठेयब रेयके खोदेंशो नेंता। मिनु मेकोपुकीमी “हाल्‍लेलया, आंइ परमप्रभु ला मुर आन कली पाप रे प्रोंइब बाक्‍ब। छेङछेङ नु सक्ति नेल्‍ल आंइ परमप्रभु यावे केन बाक्‍ब।  
\v 2 मारदे हना परमप्रभु यावे आ पशो निसाफ थमा नु ठीक बाक्‍ब। मिनु परमप्रभु यावेमी रागी नेल्‍ल ङा मुर आन कली खतम सेल्‍ब तेल्‍लेम कली ठीक पा सजाइ गेप्‍तु। मेको तेल्‍लेममी शुश परमप्रभु यावे आ वाइलीम वाइल आन कली साइक्‍तीके, मुल मेको कली क्‍येक्‍क लेत्‍ताक्‍व” दे ग्रीशो नेंता। \em प्रकाश ६:३०; ब्‍यवस्‍था ३२:४३\em* 
\v 3 मिनु मेको स्‍वर्गमी बाक्‍बपुकीमी लेंशा “हाल्‍लेलया, मेको सहर दुप्‍शो आ कुन गेनायो मनुप्‍थु कुइब” देंतेक्‍म। 
\p  
\v 4 मिनु मेको २४ जना शेंब खाल्‍पा नु ४ ओटा सेस जन्‍तुपुकीमी आ ठेयब नित्‍तीकेमी निश्‍शो परमप्रभु यावे कली खुम्‍की पा बाप्‍शा सेउ पाम्‍तेक्‍म। मिनु मेकोपुकीमी “आमेन, हाल्‍लेलया” देंतेक्‍म। \em प्रकाश ४:४; प्रकाश ५:३१; प्रकाश ४:६; भजन संग्रह १०६:४८\em* 
\v 5 मिनु परमप्रभु यावे आ नित्‍तीक रे सेंदा का ग्रूशो नेंता। मेको सेंदामी “परमप्रभु यावे आ वाइलीम वाइल, परमप्रभु यावे कली मान पा हिंब आइक्‍च नु ठेयब मुर नेल्‍लेमी ‘आंइ परमप्रभु यावे नेल्‍ल क्‍येङा ठेयब बाक्‍ब’ देनीन” देंशो नेंता। 
\p  
\v 6 मिनु नोले गो शुश मुर आन सेंदा ठेयब खोला आ रेयके नु ठेयब बुंबु आ रेयके खोदेंशो पा नेंता। मिनु मेको सेंदामी “हाल्‍लेलया, प्रभु, नेल्‍ल सक्ति पाइश्‍शो आंइ परमप्रभु यावे नेल्‍ल सासन पाइब बाक्‍ब।  
\v 7 गो नेल्‍ल ग्‍येरसय। गो नेल्‍लेमी ‘इन सक्ति नेल्‍ल क्‍येङा ठेयब बाक्‍ब’ देंय। गो नेल्‍लेमी परमप्रभु यावे कली मान पय। मारदे हना पाठा आ ग्‍युंबे दुम्‍चशो बाक्‍त। मिनु आ ग्‍युम्‍लीम आंम कली ग्‍योम्‍सीशा, ठीक दुम्‍शो बाक्‍त। \em प्रकाश २१:९\em* 
\v 8 मेको ग्‍युम्‍ली कली सुती के रिम्‍शो बुश टल्‍केशो वा फेक्‍चा कली गेशो बाक्‍त” देंशो नेंता। मिनु मेको सुती के रिम्‍शो वा मार बाक्‍ब देंशा हना, परमप्रभु यावे आ योव़शो आन ठीक पतीके बाक्‍ब। \em यसैया ६१:१०\em* 
\v 9 मेको परमप्रभु यावे आ स्‍वर्ग ङा गेय पाइबमी आं कली “एको लोव़ ब्रेक्‍तो। पाठा आ ग्‍युंबे जचा कली ब्रेत्‍चा पुंइसीबपुकी ग्‍येरसीशो मुरपुकी बाक्‍नीम” दे माइक्‍ती। मिनु मेकोमी लेंशा आं कली “मेको थमा पा परमप्रभु आ लोव़ बाक्‍ब” दे माइक्‍ती। \em लूका १४:१५\em* 
\v 10 मिनु नोले गो मेको परमप्रभु यावे आ स्‍वर्ग ङा गेय पाइब कली सेउ पचा कली आ खोइलीमी बाप्‍ती। मेकोमी चहिं आं कली “मपावो। गो गे नु इ लोक्‍बपुकी खोदेंशो येसु आ लोव़ पाइब, परमप्रभु यावे आ वाइल नङ। परमप्रभु यावे कली मान पावो। मारदे हना येसु आ लोव़ पाइबपुकीम परमप्रभु यावेमी तुइक्‍पाइश्‍शो लोव़ ला पाइनीम” दे माइक्‍ती। \em प्रकाश २२:८-९\em* 
\s1 बुश शारा ङोइक्‍ब 
\p  
\v 11 मिनु नोले गो स्‍वर्ग रोक्‍सीशा, बुश शारा का ताता। मेको शारा तार ङोइक्‍ब का बाक्‍त। मेको शारा ङोइक्‍ब सु बाक्‍त देंशा हना, दीगो नु थमा पाइब माइश्‍शो बाक्‍त। मेको घूस मताक्‍थु ठीक पा निसाफ पाइब बाक्‍त। लडाइ पाइब यो बाक्‍त। \em मत्ती २४:३०; प्रकाश ३:३४; यसैया ११:४-५\em* 
\p  
\v 12 मिनु मेको दोदेंब तांइसाक्‍व देंशा हना, मेको आ मिक्‍च हुरुर पा ब्रशो मी खोदेंशो तांइसाक्‍व। आ पियामी शुश मुकुटपुकी बाक्‍तेक्‍म। मिनु मेको तारी नें का ब्रेक्‍शो बाक्‍त। मेको नें सुइमी मतुइक्‍नीम। मेकोम ला तुइक्‍ब। \em प्रकाश १:३४; प्रकाश ३:१२\em* 
\v 13 मिनु मेकोमी हुशेमी ख्रुम्‍शो वा फेक्‍शो बाक्‍त। आ नें परमप्रभु यावे आ लोव़ माइश्‍शो बाक्‍त। \em यसैया ६३:१-३; यूहन्‍ना १:१\em* 
\v 14 मिनु स्‍वर्ग ङा फौजपुकी बुश शारा ङोइश्‍शा, मेको आ नोले खोइश्‍शो बाक्‍तेक्‍म। मेको शारा ङोइक्‍बपुकी रिम्‍शो बुश सुती के वा फेक्‍शो बाक्‍तेक्‍म। \em प्रकाश १७:३४\em* 
\v 15 मिनु मेको ङोंइती ङा बुश शारा ङोइक्‍ब आ शोव़ रे रागी रागी ङा मुर आन कली साइक्‍चा कली हेश्‍शो तरवार का ग्रूत। मिनु मेकोमी फलाम के कोक्‍केमी मेको आन कली सासन पाइब, नेल्‍ल सक्ति पाइश्‍शो परमप्रभु यावे आ गाइक्‍चा ङा कोल खोइलीमी दिम्‍ब। \em भजन संग्रह २:९; प्रकाश १४:१९-२०\em* 
\v 16 मिनु मेको ङोंइती ङा शारा ङोइक्‍ब आ वा नु आ फिलामी नें का ब्रेक्‍शो बाक्‍त। मार नें ब्रेक्‍शो बाक्‍त देंशा हना, पिप आन पिप नु प्रभु आन प्रभु, दे ब्रेक्‍शो बाक्‍त। \em प्रकाश १:५; १तिमोथी ६:१५\em* 
\s1 ठेयब जन्‍तु नु जोल पाइब 
\p  
\v 17 मिनु नोले गो परमप्रभु यावे आ स्‍वर्ग ङा गेय पाइब का नांमी राप्‍शो ताता। मेकोमी शुश ग्‍येत्‍थ सरीङमी बेरब चिक्‍ब आन कली ठेयब सेंदामी “परमप्रभु यावे आ गेशो ब्‍वचा कली खुम्‍सीशा यिने। \em इजीकीएल ३९:४,१७-२०\em* 
\v 18 मार ब्‍वचा कली यिने देंशा हना, पिपी, कप्‍तान, बोल्‍यो मुर, शारा, शारा ङोइक्‍ब, वाइलीम वाइल, आइक्‍च नु ठेयब मुर नेल्‍ल आन श्‍ये ब्‍वचा कली यिने” दे ग्रीशा माइक्‍तीमी। 
\p  
\v 19 मिनु गो ठेयब जन्‍तु नु रागी ङा पिप आन फौजपुकी मेको ङोंइती ङा बुश शारा ङोइक्‍ब नु आ फौजपुकी नु लडाइ पचा कली खुम्‍सीशो ताता। \em प्रकाश १६:१४,१६\em* 
\v 20 मोपा मेकोपुकी लडाइ पामेनु, मेको ठेयब जन्‍तु नु जोल पा परमप्रभु यावे आ लोव़ पखु पाइब आस कली ग्‍याइक्‍ताक्‍म। परमप्रभु यावे आ लोव़ पखु पाइब चहिं ठेयब जन्‍तु नु बाक्‍शा, छक लाक्‍चा ङा गेय पाइब बाक्‍त। मोपा मेको ठेयब जन्‍तु नु आ मूर्ति कली पूजा पाइब नु आ चिन्‍ड वोइक्‍ब आन कली मरिम्‍शो लां शेंशा खोइक्‍पदा बाक्‍त। मिनु मेको निक्‍शी सेसीन गन्‍धक नु ठेयब मी ब्रतीकेमी हुम्‍चा पुंइसाक्‍स। \em प्रकाश १३:११-१७; २थिस्‍सलोनिकी २:८\em* 
\v 21 मिनु लीशो मेको आस फौजपुकी चहिं मेको बुश शारा ङोइक्‍ब आ शोव़ रे ग्रूशो तरवारमी साइक्‍चा पुंइसाक्‍म। मिनु चिक्‍बपुकी मेको नेल्‍ल आन श्‍ये ब्‍वशा रूतेक्‍म। 
\c 20  
\s1 सैतान कली पाइश्‍शो 
\p  
\v 1 मिनु नोले गो परमप्रभु यावे आ स्‍वर्ग ङा गेय पाइब स्‍वर्ग रे पुं मपाइश्‍शो ढोडोङगा ङा सांचो नु ठेयब साङलो शेशा, यिशो ताता। \em प्रकाश ९:१\em* 
\v 2 मिनु मेकोमी ठेयब बुस्‍स कली ग्‍याइश्‍शा पाइक्‍ताक्‍व। मेको ठेयब बुस्‍स आ नें मार बाक्‍त देंशा हना, साइ ङोंइती ङा बुस्‍स, दियाबलस नु सैतान मेको आ नें बाक्‍त। मिनु मेको परमप्रभु यावे आ स्‍वर्ग ङा गेय पाइबमी मेको कली हजार का बर्स सम्‍म पाइक्‍ताक्‍व। \em दियाबलस आ देंशो “मुर आन कली खाल्‍ब” बाक्‍ब।\em*\em प्रकाश १२:९\em* 
\v 3 मिनु रागी रागी ङा मुर आन कली मरिम्‍शो लां मकोंइदल, दे मेको कली पुं मपाइश्‍शो ढोडोङगामी तोक्‍तु। मिनु परमप्रभु यावे आ स्‍वर्ग ङा गेय पाइबमी मेको एफिसस ढोडोङगा चोक्‍शा, सांचो पाइश्‍शा, छाप थोक्‍ताक्‍व। मोपा मेको ठेयब बुस्‍स कली हजार का बर्स सम्‍म चोक्‍तु। मिनु हजार का बर्स नोले मेको छिन का कली प्रोंइचा पुंइसीब। 
\s1 हजार का बर्स ङा सासन 
\p  
\v 4 मिनु नोले गो नित्‍तीकपुकी ताता। मेको नित्‍तीकपुकीमी मुर निश्‍शो बाक्‍तेक्‍म। परमप्रभु यावेमी मेको आन कली निसाफ पचा गेप्‍तु। मिनु नोले गो येसु कली थमा सुइश्‍शा, आ लोव़ नु परमप्रभु यावे आ लोव़ पतीके आन पिया ख्रोइक्‍चा पुंइसीब आन कली तातामी। मेकोपुकीमी ठेयब जन्‍तु नु मेको आ मूर्ति कली पूजा मपामे बाक्‍त। मिनु मेको ठेयब जन्‍तु आ छाप आन कुप्‍फीम नु आन गुइमी यो वोइक्‍चा मबिस्‍समा बाक्‍त। मिनु मेको लेंशा ब्रोंइशा, ख्रीस्‍त नु हजार का बर्स सम्‍म सासन पाम्‍तेक्‍म। \em प्रकाश ३:२१; मत्ती १९:२८; १कोरिन्‍थी ६:२\em* 
\v 5 मिनु अर्को लीशो मुरपुकी चहिं हजार का बर्स नोले ला सेंसीनीम। मेको ङोंइती ङा सेंसीतीके बाक्‍ब। \em १थिस्‍सलोनिकी ४:१६\em* 
\v 6 मिनु सु सु ङोंइती बेक्‍शो रे सेंसीनीमी, मेको ग्‍येरशो नु परमप्रभु यावे आ योव़शो मुरपुकी बाक्‍नीम। मेको लेंशा मबेक्‍नीम। मेकोपुकीमी लेंशा बेक्‍चा मताइनीम। परमप्रभु यावे नु ख्रीस्‍त आस ङोंइती बाक्‍नीमी। मिनु हजार का बर्स सम्‍म ख्रीस्‍त नु सासन पाइनीम। 
\s1 नेल्‍ल क्‍येङा नोले ङा लडाइ 
\p  
\v 7 मिनु मेको हजार का बर्स नोले सैतान पुं मपाइश्‍शो ढोडोङगा रे प्रोंइचा पुंइसाक्‍व।  
\v 8 मोपा ग्रूशा, रागी नेल्‍ल ङा मुर आन कली परमप्रभु यावे कली मटिथु, हेंथे गाक्‍पाइक्‍तु। हेंथे गाक्‍बपुकी चहिं गोग नु मागोग माइश्‍शो ङा मुरपुकी देंनीम। मिनु सैतानमी हिक्‍ने मचाप्‍चा ङा मुर आन कली लडाइ पचा कली खुप्‍ताक्‍व। \em इजीकीएल ३८:२\em* 
\v 9 मिनु सैतान आ फौजपुकी रागी नेल्‍ल साप्‍शा, लडाइ पथ जाक्‍तेक्‍म। मेकोपुकीमी येसु ख्रीस्‍त कली थमा सुइक्‍ब, परमप्रभु यावे आ योव़शो आन बाक्‍तीके नु परमप्रभु यावे आ दाक्‍शो सहर कली पुम्‍ताक्‍म। तन्‍न स्‍वर्ग रे मी दोक्‍शा, मेको पुम्‍ब नेल्‍ल आन कली नेक्‍तीमी। 
\p  
\v 10 मिनु मुर आन कली मरिम्‍शो लां शेंब दियाबलस गन्‍धक रे हुरुर पा ब्रशो मी ब्रतीकेमी हुम्‍चा पुंइसाक्‍व। मेकेर ठेयब जन्‍तु नु जोल पा परमप्रभु यावे आ लोव़ पखु पाइब यो बाक्‍ताक्‍स। मिनु मेकेर बाक्‍बपुकी नाक्‍दो नाक्‍ती गेना हना यो श्‍येत गेचा पुंइसीनीम। \em प्रकाश १९:२०\em* 
\s1 ठेयब बुश नित्‍तीके 
\p  
\v 11 मिनु नोले गो ठेयब बुश नित्‍तीके का नु मेकेर निप्‍ब कली ताता। रागी नु स्‍वर्ग मेको कली तशा प्रोक्‍ताक्‍स। मिनु मेको आस कली बाक्‍तीके मबा। \em मत्ती २५:३१-४६; २पत्रुस ३:७,१०,१२\em* 
\v 12 गो ठेयब बुश नित्‍तीके आ ङोंइती ठेयब नु आइक्‍च बेक्‍शो मुरपुकी राप्‍शो तातामी। किताबपुकी प्राक्‍शो बाक्‍तेक्‍म। मिनु गो अर्को किताब का यो प्राक्‍शो ताता। मेको ब्रोंइतीक किताब बाक्‍त। मिनु मेको ठेयब बुश नित्‍तीके आ ङोंइती राप्‍शो बेक्‍शो मुर आन निसाफ पचा पुंइसीनीम। दोपा निसाफ पचा पुंइसीनीम देंशा हना, मेकोपुकीमी रागीमी बाक्‍मानु, मार मार पामे, मेको किताबमी ब्रेक्‍शो पढेशा, निसाफ पचा पुंइसीनीम। \em यूहन्‍ना ५:२८-२९; दानीएल ७:१०\em* 
\p  
\v 13 मेको ठेयब बुश नित्‍तीके आ ङोंइती राप्‍शो बेक्‍शो मुरपुकी ते रे जाक्‍तेक्‍म देंशा हना, समुन्‍द्रमी बेक्‍शो मुरपुकी समुन्‍द्र रे जाक्‍तेक्‍म। बेक्‍पाइक्‍ब आ बेक्‍पाइश्‍शो नु बेक्‍शो आन बाक्‍तीके रे जाक्‍तेक्‍म। मिनु मेको नेल्‍ल रागीमी बाक्‍मानु, मार मार पामे, मेको निसाफ पचा पुंइसाक्‍म।  
\v 14 बेक्‍पाइक्‍ब नु बेक्‍शो आन बाक्‍तीके हुरुर पा ब्रशो मी ब्रतीकेमी हुम्‍चा पुंइसाक्‍स। मेको हुरुर पा ब्रशो मीमी हुम्‍सीशो मार बाक्‍त देंशा हना, मेको निक्‍शी खेयप बेक्‍चा ङा मेको नोले ङा बेक्‍चा बाक्‍त। \em १कोरिन्‍थी १५:२६,५५\em* 
\v 15 सु सु आन नें ब्रोंइतीक किताबमी मब्रेक्‍शो बाक्‍मे, मेको हुरुर पा ब्रशो मीमी हुम्‍चा पुंइसाक्‍म। 
\c 21  
\s1 नक यरूसलेम 
\p  
\v 1 नोले गो नक सरीङ नु नक रागी ताता। ङोंइती ङा सरीङ, ङोंइती ङा रागी नु समुन्‍द्र जाम्‍तेक्‍म। \em यसैया ६५:१७; २पत्रुस ३:१३\em* 
\v 2 परमप्रभु यावे आ सहर नक यरूसलेम माइश्‍शो परमप्रभु यावे आ बाक्‍तीके रे यिना यिन पाइश्‍शो ताता। मेको सहर ग्‍युम्‍ले कली ग्रुम्‍चशो ग्‍युम्‍ली खोदेंशो दुम्‍शा, ग्‍योम्‍सीशा यिशो बाक्‍त। \em गलाती ४:२६; हिब्रू १२:२२; प्रकाश १९:७-८\em* 
\v 3 मिनु गो ठेयब नित्‍तीके रे ठेयब सेंदा का ग्रूशो नेंता। मेकोमी “कोव़ङीन, परमप्रभु यावे आ बाक्‍तीकेमी मुरपुकी यो बाक्‍नीम। परमप्रभु यावे मुरपुकी नु बाक्‍ब। मेकोपुकी परमप्रभु यावे आ मुर बाक्‍नीम। मिनु परमप्रभु यावे आ मुरपुकी नु बाक्‍ब। \em प्रस्‍थान २९:४३५; येरमीया ७:२३\em* 
\v 4 परमप्रभु यावेमी मेको मुर आन कली लेम्‍शा, आन प्रेक्‍कु फिक्‍ब। मुल रे मुरपुकी मबेक्‍नीम। मोपतीके रोंका मपाइनीमी, मङाक्‍नीमी, श्‍येत यो मजाइनीम। मारदे हना ङोंइती मार मार बाक्‍मा, मेको नेल्‍ल नुप्‍तेक्‍म” दे ठेयब सेंदामी देंशो नेंता। \em प्रकाश ७:१७; यसैया २५:८; यसैया ३५:१०; यसैया ६५:३९\em* 
\p  
\v 5 मेको ठेयब नित्‍तीकेमी निप्‍बमी “नेनीन, गो नेल्‍ल नक सेल्‍नुङमी” देंत। मिनु नोले मेकोमी आं कली “मेको लोव़ ठीक नु थमा बाक्‍ब। मोपतीके ब्रेक्‍तो” देंत।  
\v 6 मिनु मेकोमी लेंशा आं कली “गो आल्‍फा नु ओमेगा नङ। नेल्‍ल क्‍येङा ङोंइती नु नेल्‍ल क्‍येङा नोले ङा गो नङ। सु सुमी तूतू दाक्‍नीमी, मेको आन कली ब्रोंइचा गेब ब्‍वाक्‍कु बुक्‍तीक रे मोशा तूचा गेनुङ। \em प्रकाश १:८; प्रकाश २२:१३\em* 
\v 7 सु सुमी सैतान कली ग्रानीमी, मेकोम आं देंशो नेल्‍ल ताइनीम। मिनु गो मेको ग्राब आन परमप्रभु यावे दुम्‍नुङ। मेकोपुकी चहिं आं तमी तौ दुम्‍नीम।  
\v 8 तन्‍न मुर तशा हिंबपुकी, परमप्रभु यावे कली थमा मसुइक्‍बपुकी, पापमी ग्रुम्‍शोपुकी, मुर आन कली साइक्‍बपुकी, तेल्‍लेम पाइबपुकी, टुना मुना पाइबपुकी, देवी देवता आन कली पूजा पाइबपुकी, नु जोल पाइबपुकी नेल्‍ल गन्‍धक रे हुरुर पा ब्रशो मीमी हुम्‍चा पुंइसीनीम। मिनु मेको नोले ङा बेक्‍तीक बाक्‍ब” दे माइक्‍ती। 
\p  
\v 9 मिनु नोले गो परमप्रभु यावे आ स्‍वर्ग ङा गेय पाइब का जाक्‍शो ताता। मेको सु बाक्‍त देंशा हना, ङोंइती ङा ७ जना श्‍येतमी ब्रीशो डप्‍का कुरबपुकी ङा का बाक्‍त। मेकोमी आं कली “एके पिवो, गो इ कली ग्‍युम्‍ली कोंइनुङ। मेको ग्‍युम्‍ली पाठा आ मीश बाक्‍ब” दे माइक्‍ती।  
\v 10 मेकोमी आं कली परमप्रभु यावे आ सोक्‍तीमी बाक्‍शा, ठेयब डांडा तार लाइक्‍ती। मिनु मेकेर आं कली परमप्रभु यावे आ बाक्‍तीके रे यिना यिन पाइश्‍शो परमप्रभु यावे आ योव़शो यरूसलेम माइश्‍शो सहर कोंइताक्‍यी। 
\p  
\v 11 मिनु मेको सहर दोदेंशो तांइसाक्‍व देंशा हना, परमप्रभु यावे आ छेङछेङ नु सक्ति पाइश्‍शो बाक्‍त। मिनु परमप्रभु यावे आ छेङछेङ नेल्‍ल क्‍येङा रिम्‍शो टल्‍केशो बुश यास्‍पेर माइश्‍शो हीरा खोदेंशो तांइसाक्‍व। 
\p  
\v 12 मिनु मेको सहर दोपा सेल्‍शो बाक्‍त देंशा हना, मेको सहर आ एर ओंथ ठेयब गारो प्रोव़शो बाक्‍त। मिनु मेको गारोमी १२ ओटा ठेयब लाप्‍चोपुकी बाक्‍तेक्‍म। मिनु १२ जना परमप्रभु यावे आ स्‍वर्ग ङा गेय पाइबपुकी मेको लाप्‍चो का कामी बाक्‍शो बाक्‍तेक्‍म। इस्राएल आ १२ जना तौ आन नें नु थर मेको लाप्‍चो का कामी ब्रेक्‍शो बाक्‍तेक्‍म।  
\v 13 मिनु मेको लाप्‍चोपुकी ते ते बाक्‍तेक्‍म देंशा हना, पूर्बम लाप्‍चो सां बाक्‍तेक्‍म। उत्तरम लाप्‍चो सां बाक्‍तेक्‍म। दक्‍खिनम लाप्‍चो सां बाक्‍तेक्‍म। पच्‍छिमम लाप्‍चो सां बाक्‍तेक्‍म।  
\v 14 मिनु मेको सहर ङा गारोमी १२ ओटा जग बाक्‍तेक्‍म। मेको जगमी पाठा आ सोइश्‍शो १२ जना आन नें ब्रेक्‍शो बाक्‍तेक्‍म। 
\p  
\v 15 मिनु गो नु लोव़ पाइबमी मेको सहर, लाप्‍चो नु गारो पुक्‍चा कली सुन के पुक्‍तीके का कुरशो बाक्‍त।  
\v 16 मिनु मेकोमी मेको सहर कली पुक्‍तु। मेको सहर ४ पाटे चारै सुर बराबर दुइश्‍शो १२ हजार स्‍तादीयोन बाक्‍त। आ ग्‍येत्‍थ गे यो मोशोन दुइश्‍शो बाक्‍त। \em स्‍तादीयोन का १८५ मिटर बाक्‍ब।\em* 
\p  
\v 17 मिनु मेकोमी सहर आ गारो पुक्‍गानु, सहे का ४४ कुबीत ब्रेम्‍शो बाक्‍त। मेको परमप्रभु यावे आ स्‍वर्ग ङा गेय पाइब आ पुक्‍तीके मुर आन पुक्‍तीके खोदेंशो बाक्‍त। \em कुबीत का गज का खोदेंशो, ०.५ मिटर बाक्‍ब। \em* 
\v 18 मेको गारो बुश टल्‍केशो हीरा के सेल्‍शो बाक्‍त। मेको सहर चहिं सिसा खोदेंशो मारेइ मब्‍वाइश्‍शो सुन के बाक्‍त।  
\v 19 मिनु गारो आ जग नेल्‍ल खाल ङा हीरापुकीम ग्‍योम्‍शो बाक्‍तेक्‍म। 
\p ङोंइती ङा जग सरीङ खोदेंशो नीलो यस्‍पेर माइश्‍शो हीरामी ग्‍योम्‍शो बाक्‍त। मेको आ नोले ङा जग साफीर माइश्‍शो हीरामी ग्‍योम्‍शो बाक्‍त। मेको आ नोले ङा जग बुश कल्‍केदोन माइश्‍शो हीरामी ग्‍योम्‍शो बाक्‍त। मेको आ नोले ङा जग गिगी स्‍मारग्‍द माइश्‍शो हीरामी ग्‍योम्‍शो बाक्‍त।  
\v 20 मेको आ नोले ङा जग सुन्‍तला रङ ङा सारदोनीक्‍स माइश्‍शो हीरामी ग्‍योम्‍शो बाक्‍त। मेको आ नोले ङा जग लल सारदीस माइश्‍शो हीरामी ग्‍योम्‍शो बाक्‍त। मेको आ नोले ङा जग हौ नु गिगी ब्‍वाइश्‍शो क्रीसोलीथ माइश्‍शो हीरामी ग्‍योम्‍शो बाक्‍त। मेको आ नोले ङा जग सुन रङ ङा बेरील माइश्‍शो हीरामी ग्‍योम्‍शो बाक्‍त। मेको आ नोले ङा जग शुश हौ तोपास माइश्‍शो हीरामी ग्‍योम्‍शो बाक्‍त। मेको आ नोले ङा जग गिगी क्रीसोप्रास माइश्‍शो हीरामी ग्‍योम्‍शो बाक्‍त। मेको आ नोले ङा जग लल नु नीलो ब्‍वाइश्‍शो हीयाचीन्‍त माइश्‍शो हीरामी ग्‍योम्‍शो बाक्‍त। मिनु नेल्‍ल क्‍येङा नोले ङा जग प्‍याजी रङ ङा आमेथीस्‍त माइश्‍शो हीरामी ग्‍योम्‍शो बाक्‍त। 
\p  
\v 21 मिनु मेको १२ ओटा लाप्‍चो चहिं १२ ओटा मोती के सेल्‍शो बाक्‍तेक्‍म। लाप्‍चो का मोती काम सेल्‍शो बाक्‍त। मिनु मेको सहर ङा लांपुकी सिसा खोदेंशो मारेइ मब्‍वाइश्‍शो सुन के बाक्‍तेक्‍म। 
\p  
\v 22 मिनु गो मेको सहरमी परमप्रभु यावे आ खिं मतङ। मारदे हना परमप्रभु यावे, नेल्‍ल सक्ति पाइश्‍शो परमप्रभु नु पाठा आंमान मेकेर बाक्‍नीस।  
\v 23 मिनु मेको सहरमी नां नु तास्‍ला दाप्‍चा ममाल्‍ब। मारदे हना परमप्रभु यावे आ छेङछेङ नेल्‍ल सहरमी दाप्‍ब। पाठा मुर आन कली छेङछेङ गेब बत्ती बाक्‍ब। \em यसैया ६०:३,५,११,१९,२०\em* 
\v 24 मिनु रागी रागी ङा मुरपुकी मेको सहर ङा छेङछेङमी बाक्‍नीम। मिनु रागी रागी ङा पिप आन शोंप नु दारस मेकेर चाक्‍नीम।  
\v 25 मेको सहर ङा लाप्‍चोपुकी गेना हना यो रोक्‍शो बाक्‍नीम। मारदे हना मेकेर गेनायो नाक्‍दो मदुम्‍ब। \em जकरिया १४:७\em* 
\v 26 मिनु रागी रागी ङा मुरपुकीमी आन शोंप नु दारस मेको सहरमी चाक्‍नीमी।  
\v 27 मिनु जाम्‍शा लाइबपुकी, ग्रांग्रा दिचा ङा गेय पाइबपुकी नु जोल पाइबपुकी चहिं मेको सहरमी ओव़चा मताइनीम। पाठा आ ब्रोंइतीक किताबमी नें ब्रेक्‍शोपुकी ला ओव़चा ताइनीम। 
\c 22  
\s1 ब्रोंइचा गेब खोला 
\p  
\v 1 मिनु परमप्रभु यावे आ स्‍वर्ग ङा गेय पाइबमी ब्रोंइचा गेब खोला कोंइताक्‍यी। मेको खोला टल्‍केशो सिसा खोदेंशो तांइसाक्‍व। मिनु मेको खोला परमप्रभु यावे नु पाठा आस ठेयब नित्‍तीके रे ग्रूशा, \em इजीकीएल ४७:१-१२; जकरिया १४:८; उत्‍पत्ती २:९-१०\em* 
\v 2 सहर ङा लां आ दाते रे पा शाइश्‍शो बाक्‍त। मेको खोला ओंथ हांबु नु आइक्‍ची हांबुमी ब्रोंइचा गेब रवा बाक्‍शो बाक्‍तेक्‍म। मेको ब्रोंइचा गेब रवापुकीमी १२ किसीम ङा फल सिप्‍बाक्‍तेक्‍म। महिनामी खेयप का सिबाक्‍तेक्‍म। मेको ब्रोंइचा गेब रवा आ सफा रागी रागी ङा मुर आन कली सापाइक्‍चा कली बाक्‍तेक्‍म।  
\v 3 मिनु मेको सहरमी सराप रशो काइ मबाक्‍नीम। मारदे हना परमप्रभु यावे नु पाठा आस ठेयब नित्‍तीके मेकेर बाक्‍ब। मिनु परमप्रभु यावे आ वाइलपुकीमी परमप्रभु यावे कली गेय पाइनीम। \em यहोसु ७:११-१३\em* 
\v 4 मेकोपुकीमी परमप्रभु यावे आ कुल ताइनीम। मेको आन कुप्‍फीमी परमप्रभु यावे आ नें ब्रेक्‍शो बाक्‍ब। \em प्रकाश ३:१२\em* 
\v 5 मेको सहरमी गेनायो नाक्‍दो मदुम्‍ब। मिनु मेको सहरमी बाक्‍ब आन कली बत्ती नु नां आ छेङछेङ यो ममाल्‍नीम। मारदे हना परमप्रभु, परमप्रभु यावे मेको आन छेङछेङ बाक्‍ब। मिनु मेकोपुकीमी गेना हना यो सासन पाइनीम। 
\s1 एको किताब आ पर्बम 
\p  
\v 6 मिनु मेकोमी आं कली “एको लोव़ नेल्‍ल थमा बाक्‍ब। मोपतीके थमा सुइक्‍ने चाप्‍नीम। परमप्रभु यावे आ लोव़ पाइब आन सोक्‍त ङा प्रभु बाक्‍ब। मोपतीके आ वाइलीम वाइल आन कली आ स्‍वर्ग ङा गेय पाइब का सोइक्‍ताक्‍व। मारदे सोइक्‍ताक्‍व देंशा हना, दुम्‍चशो लोव़ शेंथ सोइक्‍ताक्‍व। आमेन। \em प्रकाश १:१\em* 
\v 7 मिनु नेनीन, गो फ्रा लेश्‍शा जाक्‍नुङ” दे माइक्‍ती। सु सुमी एको किताबमी ब्रेक्‍शो लोव़ नेंशा पाइनीमी, मेको ग्‍येरसीशो मुर बाक्‍नीम। 
\p  
\v 8 गो यूहन्‍ना नङ। एको लोव़ नेंता नु मार दुम्‍चशो बाक्‍मे, मेको नेल्‍ल ताता। मिनु आं कली कोंइब परमप्रभु यावे आ स्‍वर्ग ङा गेय पाइब कली सेउ पचा कली आ खोइलीमी बाप्‍ती।  
\v 9 मेकोमी चहिं आं कली “मपावो, गो परमप्रभु यावे आ लोव़ पाइब इ लोक्‍बपुकी नु एको किताबमी ब्रेक्‍शो लोव़ पाइबपुकी खोदेंशो परमप्रभु यावे आ वाइल नङ। परमप्रभु यावे आ ङोंइती बाप्‍शा मान पावो” दे माइक्‍ती।  
\v 10 मिनु मेकोमी आं कली “एको किताबमी ब्रेक्‍शो लोव़ दुम्‍चाप्‍तु। मोपतीके ख्रुइश्‍शा मवोतो, पढेशा नेंपाइक्‍मी। \em प्रकाश १०:४; प्रकाश १:३\em* 
\v 11 सु सुमी पाप पाइनीमी, मेको पामेक्‍ल। सु सु ग्रांग्रा दिचा ङा बाक्‍मा, मेको मोदेंन बाक्‍मल। सु सु चहिं ठीक पाइब बाक्‍नीमी, मेको ठीक पा बाक्‍मल। सु सु प्रभु आ मुर बाक्‍मा, मेको मोदेंशोन बाक्‍मल” दे परमप्रभु यावे आ स्‍वर्ग ङा गेय पाइबमी देंत। \em दानीएल १२:१०\em* 
\p  
\v 12 मिनु नोले येसुमी “नेनो, गो फ्रा लेश्‍शा जाक्‍नुङ। मिनु जाक्‍शा, मुर नेल्‍ल आन कली आन पशो खोदेंशो पा गेनुङ। मेको आन गेय दोपा पामे, मोपा गेनुङ।  
\v 13 गो आल्‍फा नु ओमेगा नङ। नेल्‍ल क्‍येङा ङोंइती ङा नु नेल्‍ल क्‍येङा नोले ङा नङ। गोइब नु थुम्‍ब यो गो नङ। \em प्रकाश १:८; हिब्रू १३:८\em* 
\v 14 ग्‍येरसीशो मुर सु सु बाक्‍नीम देंशा हना, सु सुमी आन वा मुरमे, मेको आन कली ब्रोंइचा गेब रवा आ फल ब्‍वचा गेनुङ। मिनु मेको मुरपुकी मेको सहर ङा लाप्‍चो रे ओव़चा ताइनीम। \em प्रकाश ७:१४\em* 
\v 15 सु सुमी चहिं टुना मुना पाइनीमी, तेल्‍लेम पाइनीमी, मुर साइक्‍नीमी, मूर्ति नु फुल्‍लु कली सेउ पाइनीमी। जोल पना पन बाक्‍नीमी। मेको कुचुम खोदेंशो पा सहर रे लाङगा बाक्‍नीमी” देंत। \em प्रकाश २१:८,२७; १कोरिन्‍थी ६:९-१०\em* 
\p  
\v 16 मिनु येसुमी “गो येसु नङ। गो दाऊद पिपी क्‍येङा ङोंइती बाक्‍ती। मिनु आ चच युइ यो नङ। गो टल्‍केशो सुक्‍कुर सोरुल यो नङ। गो परमप्रभु यावे आ स्‍वर्ग ङा गेय पाइब कली थमा सुइक्‍ब आन ग्रुम्‍तीकेमी शेंथ सोइक्‍ताक्‍ङ” देंत। \em यसैया ११:१०; लूका १:७८\em* 
\p  
\v 17 मिनु परमप्रभु यावे आ सोक्‍त नु ग्‍युम्‍लीमी मुर आन कली “पिने” देंनीस। मिनु सु सुमी मेको लोव़ नेंनीमी, मेकोमी यो “पिने” देंमल। सु सु तूतू दाक्‍नी, पिने। मिनु ब्रोंइचा गेब ब्‍वाक्‍कु मोशा तूङीन। \em यसैया ५५:१; यूहन्‍ना ७:३७\em* 
\s1 नोले ङा लोव़ 
\p  
\v 18 सु सुमी एको किताबम ब्रेक्‍शो परमप्रभु यावेम तुइक्‍पाइश्‍शो लोव़ नेंनीमी, मेको आन कली गो लोव़ का पाइनुङ, मार लोव़ पाइनुङ देंशा हना, सु सुमी एको लोव़मी अर्को लोव़ तेम्‍नीमी, मेको सजाइ ताइनीमी। मार सजाइ ताइनीमी देंशा हना, परमप्रभु यावेमी एको किताबमी ब्रेक्‍शो श्‍येत मोदेंशो मुर आन कली गेब। \em ब्‍यवस्‍था ४:२\em* 
\v 19 सु सुमी परमप्रभु यावेमी तुइक्‍पाइश्‍शो एको किताबम ब्रेक्‍शो लोव़ ख्रोइक्‍नीमी, मेको यो सजाइ ताइनीम। मार सजाइ ताइनीम देंशा हना, परमप्रभु यावेमी मोदेंशो मुर आन कली ब्रोंइचा गेब रवा आ फल ब्‍वचा मगेब। मिनु मेको मुरपुकी परमप्रभु यावे आ योव़शो यरूसलेम सहरम ओव़चा यो मताइनीम। 
\p  
\v 20 मिनु एको लोव़ पाइबमी “आमेन, गो फ्रा लेश्‍शा यीनुङ” देंत। मिनु थमा सुइक्‍बपुकीमी “आमेन, प्रभु येसु जाक्‍कीन” देंतेक्‍म। \em १कोरिन्‍थी १६:२२\em* 
\v 21 प्रभु येसु आ शिशी नेल्‍ल नु बाक्‍ल।