\id PSA  
\h भजन संग्रह 
\toc1 भजन संग्रह 
\toc2 भजन संग्रह 
\toc3 भजन संग्रह 
\mt1 भजन संग्रह 
\ip \bd ब्रेक्‍ब मुर:\bd* भजन संग्रह कली हिब्रू लोव़मी “ठेयब सेल्‍तीक कुम्‍सो” देंनीम। १५० ओटा कुम्‍सोमी ७३ ओटा कुम्‍सो पिप दाऊदम ब्रेक्‍शो बाक्‍ब। २ ओटा भजन संग्रह सोलोमनमी सेल्‍शो बाक्‍त। ५० ओटा कुम्‍सो आन ब्रेक्‍ब मुर मतुंइ‍सीब। लीशो २५ ओटा कुम्‍सो कोराह आ तौपुकी, आसाफ, मोसा, एथान नु हेमान आन सेल्‍शो बाक्‍नीम। भजन संग्रह आगामी ५ ओटा किताब बाक्‍नीम। 
\io1 १. ङोंइती ङा किताब १-४१ सम्‍म मेको कली दाऊद आ किताब देंने चाम्सीब। 
\io1 २. मेको आ नोले ङा किताब ४२-७२ सम्‍म कोराह आ तौ आन सेल्‍शो कुम्‍सो रे गोइब। एकेर आसाफ, दाऊद नु अरु मतुइश्‍शो मुर आन के यो बाक्‍नीम। मेको कली कोराह आ तौ आन किताब देंनीम। 
\io1 ३. मेको आ नोले ङा किताब ७३-८९ सम्‍म एकेर आसाफ आ ८ ओटा कुम्‍सो बाक्‍नीम। तन्‍न कोराह आ तौपुकी, दाऊद, हेमान नु एथान आन कुम्‍सो यो बाक्‍नीम। एको कली आसाफ आ किताब देंनीम। 
\io1 ४. मेको आ नोले ङा किताब ९०-१०६ सम्‍म मोसा आ कुम्‍सो, दाऊद आ कुम्‍सो निक्‍शी नु मतुइश्‍‍शो मुर आन के १४ ओटा कुम्‍सो बाक्‍नीम। मोपतीके मेको कली मतुइश्‍शो मुर आन ब्रेक्‍शो किताब देंनीम। 
\io1 ५. नेल्‍ल क्‍येङा नोले ङा किताबम १०७-१५० सम्‍म बाक्‍ब। एकेर २८ ओटाकुम्‍सो मतुइश्‍शो मुर, दाऊद आ १५ ओटा कुम्‍सो नु सोलोमन आ कुम्‍सो का बाक्‍नीम। एको किताब कली चाड ङा कुम्‍सो किताब देंनीम। 
\ip \bd गेना ब्रेक्‍शो:\bd* एको कुम्‍सो नेल्‍ल गेना ब्रेक्‍शो बाक्‍नीमी, देंने मचाप्‍सीब। तन्‍न पिप दाऊद रे इजीकीएल सम्‍म ३०० बर्समी ब्रेक्‍शो बाक्‍नीम। का निक्‍शी कुम्‍सो मेको क्‍येङा माइत यो बाक्‍नीम। 
\ip \bd मार ब्रेक्‍शो:\bd* भजन संग्रह ङा लोव़ नेल्‍ल क्‍येङा शुश माइत नु नक लोव़ ङा किताबम यहूदी आन ठेयब किताब बाक्‍ब। मेको शुश मुर आन पर्बम लोव़ बाक्‍त हना यो, भजन संग्रह ङा ठेयब लोव़ परमप्रभु यावे कली ठेयब सेल्‍तीक कुम्‍सो बाक्‍नीम। 
\c 1  
\s1 परमप्रभु कली टीब नु मटीब 
\p  
\v 1 सु परमप्रभु आ अरेशो लोव़ मटीब नु मगाक्‍बा, पापी आन लां मखोइक्‍बा नु परमप्रभु आ पर्बम शुक्‍शी पाइब नु मबाक्‍बा, मेको ग्‍येरसीशो मुर दुम्‍‍ब। \em भजन संग्रह २६:४; भजन संग्रह ११९:१; हितोपदेस ४:१४; येरमीया १५:१७\em* 
\v 2 मेको मुरुमी परमप्रभु यावे आ अरेशो लोव़ दाक्‍शा, नाक्‍दो नाक्‍ती मेको कली मिम्‍ना मिम्‍न बाक्‍ब। \em भजन संग्रह ११९:१४८; यहोसु १:८\em* 
\p  
\v 3 मिनु मेको मुर खोला आ नेक्‍था ख्रुम्‍शो रवा खोदेंशो बाक्‍ब। दोपा मेको आ फल सित्‍ची ना सिप्‍बा नु आ सफा यो महेम्‍थु बाक्‍बा, मोपा मेको मुर आ पतीक नेल्‍ल रिम्‍शो बाक्‍ब। \em भजन संग्रह ९२:१३-१५; येरमीया १७:८\em* 
\p  
\v 4 परमप्रभु आ अरेशो मटीबपुकी चहिं मोदेंशो मबाक्‍नीम। मेकोपुकी फशेमी बेरपाइश्‍शो भूस खोदेंशो बाक्‍नीम।  
\v 5 मिनु मेको निसाफ दुम नाक्‍ती जाम्‍शा लाइनीम। पापीपुकी ठीक पाइबपुकी नु बाक्‍चा मताइनीम।  
\v 6 परमप्रभु यावेमी ठीक पाइब आन कली लां कोंइब। आ अरेशो मटीब आन लां चहिं जाम्‍शा लाइब। 
\c 2  
\s1 परमप्रभु आ तौ आ सासन 
\p  
\v 1 मारदे रागी रागी ङा मुर नेल्‍ल गारशा, परमप्रभु यावे आ पर्बम गाइक्‍नीमी? मारदे जात जात ङा मुर जाम्‍शा लाइब मरिम्‍शो ला मिम्‍नीमी? \em प्रेरित ४:२५-२६; प्रकाश ११:१८\em* 
\v 2 मारदे रागी ङा पिपपुकी ठेयब मुरपुकी नु गारशा, परमप्रभु यावे नु आ तेल लुक्‍शा सोइश्‍शो आस पर्बम  
\v 3 “मेको आस देंशो मपय, मेको आस कली मटिय” दे लोव़ पमुइनीमी? \em येरमीया ५:५\em* 
\p  
\v 4 मिनु स्‍वर्गम बाक्‍ब परमप्रभु चहिं मेको मुर आन कली तशा, रिप्‍ब। मेको आन पशो तशा शुक्‍शी पाइब। \em भजन संग्रह ५९:९\em* 
\v 5 मिनु नोले मेको गाइश्‍शा, लोव़ पाइब। मोपा चुरशा, मेको आन कली हिंच कोंइब। \em यसैया ३४:२; प्रकाश ६:१५-१७\em* 
\v 6 मिनु मेकोमी “गो आं सियोन डांडामी आं तेल लुक्‍शा सोइश्‍शो पिप कली वोइक्‍ता” देंत। \em जकरिया ८:३\em* 
\v 7 परमप्रभु यावेमी लोव़ पा आं कली “गे आं तौ नवे, मुलाक्‍ती गो इ कली सेल्‍ता” देंत। \em भजन संग्रह ८९:२७-२८; २सामुएल ७:१४; प्रेरित १३:३३; हिब्रू १:५, हिब्रू १:५; हिब्रू ५:५\em* 
\p  
\v 8 मिनु लेंशा परमप्रभु यावेमी आं कली “गे आं कली पुंइतीवी हना, गो रागी रागी ङा मुर इ कली गेनुङ। रागी ङा सुर सम्‍म नेल्‍ल इ कली गेनुङ। \em दानीएल ७:१३-१४; हिब्रू १:२\em* 
\v 9 गे मेको आन कली फलाम के कोक्‍केमी खप के सेल्‍शो ग्‍योंब प्रोल्‍शो खोदेंशो पा प्रोल्‍नेवे” दे लोव़ पाप्‍तु। \em प्रकाश २:२७; प्रकाश १२:५; प्रकाश १९:१५\em* 
\p  
\v 10 मोपतीके गे पिपपुकी, जोक्‍ब तुइक्‍ब दुम्‍शा बाक्‍कीन। गे निसाफ पाइब हिंशा, होस पा रुप्‍ब दुमीन।  
\v 11 परमप्रभु यावे कली मान पा हिंशा, मेको आ देंशो गेय पने। हिंशा ख्रिंख्रि पा मेको आ ङोंइती ग्‍येरशा बाप्‍पीन। \em फिलिप्‍पी २:१२; हिब्रू १२:२८\em* 
\v 12 मिनु आ तौ आ ङोंइती बाप्‍शा, आ खोइल पुक्‍पु पने। मेको गाइक्‍ताक्‍व हना, गेपुकी लांमीन जाम्‍शा लाइनीनी। मो मपाइतीनी हना, गाइक्‍चा चिक्‍शो बाक्‍ब। सु सु मेको कली थमा सुइश्‍शा, आ नेक्‍था लाइनीमी, मेको ग्‍येरसीशो मुर दुम्‍‍नीमी। 
\c 3  
\s1 सुनी ङा कुम्‍सो 
\d आ तौ अब्‍सालोम रे प्रोक्‍म ना ङा दाऊद आ कुम्‍सो। २सामुएल १५:- 
\p  
\v 1 परमप्रभु यावे, आं कली श्‍येत गेब शुश बाक्‍नीमी। आं जोरी सत्रु शुश बाक्‍नीम।  
\v 2 मिनु मेकोपुकीमी आं पर्बम “परमप्रभुमी मेको कली श्‍येत रे मप्रोंइब” देंनीम। \em ठेयब सेंदा पा।\em* 
\v 3 परमप्रभु यावे, गे आं एर ओंथ वोइश्‍शो तेक्‍तीके खोदेंशो बाक्‍नीनी। गे आं कली ठेयब सेल्‍पाइक्‍ब, आं थुं बारपाइक्‍ब नु आं पिया पोक्‍ब बाक्‍नीनी। \em उत्‍पत्ती १५:१\em* 
\v 4 गो परमप्रभु यावे कली ब्रेत्‍नुङ। मिनु आं कली आ योव़शो डांडा रे लोव़ लेप्‍ब। \em ठेयब सेंदा पा।\em* 
\p  
\v 5 गो इप्‍शा, निन्‍द्रा पा, सेंसाक्‍यी, मारदे हना परमप्रभु यावे आं कली कोव़ब बाक्‍ब। \em भजन संग्रह ४:९\em* 
\v 6 गो आं कली हजार हजार मुरपुकीमी पुम्‍ताक्‍यीमी हना यो, महिंनुङ। \em भजन संग्रह २७:३\em* 
\p  
\v 7 आं परमप्रभु यावे, बोक्‍कीन। आं परमप्रभु, आं जोरी सत्रु रे प्रोंइयीनी। मिनु गे मेको आन चोव़चो राप्‍तीने। इन अरेशो लोव़ मटीब आन ख्रुइ जिक्‍तीने। \em गन्‍ती १०:३५\em* 
\v 8 परमप्रभु यावे, गे मुर आन कली प्रोंइब बाक्‍नीनी। इन आसीक इन मुर नु बाक्‍ब। \em ठेयब सेंदा पा।\em* 
\c 4  
\s1 नाक्‍दो ङा पुंइशो लोव़ 
\d कुम्‍सो पपाइक्‍ब कली तार पाइश्‍शो ताप्‍तीके ताप्‍शा पतीक दाऊद आ कुम्‍सो। 
\p  
\v 1 गो इन कली लोव़ पङानु, आं कली लोव़ लेत्‍तीने। गे आं कली ठीक सेल्‍ब परमप्रभु बाक्‍नीनी। गो श्‍येत जङानु, आं कली बाक्‍तीक गेतीनी। गे आं कली शिशी पने। आं पुंइशो नेंशा गेयीनी।  
\v 2 गे मुरपुकी, गेना सम्‍म आं कली मान मपाइनीनी? गेना सम्‍म गेपुकी जाम्‍शा लाइब थोव़क दाक्‍नीनी नु जोल पाइनीनी? \em ठेयब सेंदा पा।\em* 
\v 3 परमप्रभु यावेमी आ कली टीब आन कली आ नेक्‍था वोइक्‍चा कली योव़शो बाक्‍त, दे तुइक्‍तीन। मिनु परमप्रभु यावेमी आं पुंइशो लोव़ नेंब।  
\v 4 गेपुकी गाइश्‍शा, पाप मपने। इन ब्राख्‍येम इप्‍शा, इन थुं नु लोव़ पने। मिनु सिक्‍सी पा बाक्‍कीन। \em ठेयब सेंदा पा।\em*\em एफिसी ४:२६\em* 
\v 5 मिनु परमप्रभु यावे कली ठीक पतीक चढ़ेने। आ देंशो लोव़ थमा सुइश्‍शा पने। \em भजन संग्रह ५१:१९,२१; १पत्रुस २:५ \em* 
\v 6 शुश मुरुमी “सुमी आंइ कली रिम्‍शो बाक्‍चा गेबा” दे हिल्‍लो पाइनीम। परमप्रभु यावे, इन कुल ङा छेङछेङ आंइ तार ब्रपतीन। \em गन्‍ती ६:२५\em* 
\v 7 मेकोपुकी नु अन्‍न नु अङगुर रस शुश बाक्‍त हना यो, गे आं कली मेको आन क्‍येङा ग्‍येरपाइक्‍तीनी।  
\v 8 गो हेम पा बाक्‍शा, इप्‍शा निन्‍द्रा पाइनुङ। मारदे हना परमप्रभु यावे, गे आं कली श्‍येत मजपाइक्‍थु, बाक्‍चा गेनीनी। \em भजन संग्रह ३:६\em* 
\c 5  
\s1 सुनी ङा पुंइशो लोव़ 
\d कुम्‍सो पपाइक्‍ब कली मुराली ताप्‍शा पतीके। दाऊद आ कुम्‍सो। 
\p  
\v 1 परमप्रभु यावे, आं देंशो लोव़ नेनीने। आं हुकयी पशो नेनीन।  
\v 2 आं पिप, परमप्रभु, आं ठेयब सेंदा नेनीने। मारदे हना गो इन कली लोव़ पा पुंइनुङ।  
\v 3 परमप्रभु यावे, गे सुनी कना आं सेंदा नेंनीनी। गो मार माल्‍नुङा, मेको इन कली पुंइशा, रिम्‍शा बाक्‍नुङ।  
\v 4 मिनु गे मरिम्‍शो पाइब आन कली मदाक्‍ब परमप्रभु बाक्‍नीनी। इन अरेशो मटीब काइ यो गे नु बाक्‍ने मचाप्‍नीम।  
\v 5 ठेयब लेश्‍शो मुरपुकी इन ङोंइती राप्‍ने मचाप्‍नीम। गे मरिम्‍शो पाइब आन कली मदाक्‍नीनी।  
\v 6 गे जोल पाइब आन कली खतम पाइनीनी। मिनु हुश ख्राक्‍श पोक्‍ब नु थमा मसुइक्‍ब मुर आन कली ग्रांग्रा दित्‍नीनी।  
\v 7 गो चहिं इन गेना हना यो ठेयब दाक्‍तीकेमी इन खिं ओव़चा ताइनुङ। मिनु गो इन कली मान पा हिंशा, इन खिं गे कोव़शा, पोक्‍च थेक्‍शा ठेयब सेल्‍नुङ। \em भजन संग्रह २६:८\em* 
\p  
\v 8 आं जोरी सत्रु शुश बाक्‍नीमी। मोपतीके आं कली इन ठीक पतीके लां कोंइदीने। आं ङोंइती इन लां ठीक सेलीन। 
\p  
\v 9 आं जोरी सत्रुमी जोल ला पाइनीम। आन थुंमी “दोपा खतम सेल्‍नुङा” दे ला मिम्‍नीम। आन लकचा मुर थिम्‍तीके खोदेंशो बाक्‍ब। मेकोपुकी मिलो शिलो पाइब बाक्‍नीम। \em रोमी ३:१३\em* 
\v 10 परमप्रभु, मेको आन मरिम्‍शो पशो आंम आन कली दुम्‍ल। मेको आन शुश मरिम्‍शो पशो आ पर्बम मेको आन कली इन ङोंइती रे तिलीन। मारदे हना मेको इन कली मटीब बाक्‍तेक्‍म।  
\v 11 सुमी इन कली थमा सुइक्‍नीमी, मेको ग्‍येरसीनीम। मेकोपुकी गेना हना यो शुश ग्‍येरशा, इन खाल पतीकेमी ग्‍येरशा बाक्‍नीम। मिनु इन कली तुइश्‍शा, इन नें दाक्‍शा, ग्‍येरशा कुम्‍सो पाइनीम।  
\v 12 मिनु परमप्रभु यावे, गे मेको ठीक पाइब आन कली आसीक गेनीनी। इन दाक्‍तीके मेको आन कली एर ओंथ वोइश्‍शो तेक्‍तीक खोदेंशो बाक्‍ब। 
\c 6  
\s1 श्‍येत जाइब आ पुंइशो लोव़ 
\d कुम्‍सो पपाइक्‍ब कली ८ ओटा तार पाइश्‍शो ताप्‍तीके ताप्‍शा पतीके दाऊद आ कुम्‍सो। 
\p  
\v 1 परमप्रभु यावे, गे आं कली तशा गाइक्‍ताक्‍नी हना यो, सजाइ मगेयीनी। गे गाइक्‍ताक्‍नी हना यो, आं कली श्‍येत मगेयीनी। \em येरमीया १०:२४\em* 
\v 2 परमप्रभु यावे, गे आं कली शिशी पने। मारदे हना गो बेक्‍चा चिक्‍शो बाक्‍नुङ। गे आं कली सापाइय्‍यीनी। मारदे हना आं खोइली ख्रिंख्रि पाइब।  
\v 3 मिनु आं थुं यो हिंशो बाक्‍ब। परमप्रभु यावे, गे गेना सम्‍म आं कली मोदेंशो पा बाक्‍पाइक्‍नीनी? 
\p  
\v 4 परमप्रभु यावे, गे आं गे लेतीने। इन गेना हना यो दाक्‍तीकेमी आं थुं बेक्‍चा रे प्रोंइ‍यीनी।  
\v 5 मारदे हना बेक्‍शो नोले सुइ मुरुमी इन कली ममिम्‍नीम। मिनु बेक्‍शो मुर आन बाक्‍तीकेमी सुइमी इन कली ठेयब मसेल्‍नीमी। \em भजन संग्रह ३०:१०; भजन संग्रह ८८:११; भजन संग्रह ११५:१७-१८; यसैया ३८:१८\em* 
\v 6 गो थुं खाइश्‍शा, ङाक्‍शा दती। गो नाक्‍दो आं खाट नेल्‍ल प्रेक्‍कुमी जिप्‍पाइक्‍नुङ। आं इप्‍तीकेमी ङाक्‍शा ला बाक्‍नुङ।  
\v 7 सुर्ता पतीके मिक्‍च मताइब खोदेंशो दुम्‍ती। मारदे हना आं जोरी सत्रु शुश बाक्‍नीम।  
\v 8 गे मरिम्‍शो पाइबपुकी, आं क्‍येङा ङोन लने। मारदे हना परमप्रभु यावेमी आं ङाक्‍शो नेंतु।  
\v 9 परमप्रभु यावेमी आं पुंइशो लोव़ नेंतु। मिनु परमप्रभु यावेमी आं पुंइशो गेब।  
\v 10 आं जोरी सत्रु नेल्‍ल मुने दोक्‍शा, शुश श्‍येत जाइब दुम्‍नीम। मिनु मुने दोक्‍शा, आन बाक्‍तीके लेत्‍नीम। 
\c 7  
\s1 परमप्रभु ठीक निसाफ पाइब 
\d दाऊदमी बेन्‍यामीन थर ङा कूश माइश्‍शो मुर रे श्‍येत जशा, परमप्रभु यावे आ ङोंइती पशो कुम्‍सो। 
\p  
\v 1 परमप्रभु यावे, आं परमप्रभु, गो इन कली जिम्‍मा गेंसीनुङ। मिनु खेदा पाइब नेल्‍ल आन गुइ रे आं कली प्रोंइ‍यीनी।  
\v 2 गे आं कली मप्रोंइतीनी हना, मेकोपुकीमी आं कली गुप्‍सम खोदेंशो पा दिप्‍शा ब्‍वाइनीम। मिनु सुइमी आं कली मेको आन गुइ रे प्रोंइने मचाप्‍नीम। 
\p  
\v 3 परमप्रभु यावे, आं परमप्रभु, मेको आन देंशो खोदेंशो पा, गो आं गुइमी मरिम्‍शो पाता हना, \em अय्‍युब ३१:७-३४\em* 
\v 4 गो गे नु दुशा बाक्‍ब आन कली श्‍येत गेता हना, आं कली बित्‍चीम श्‍येत गेमेनु, गो क्‍येक्‍क लेत्‍ताक्‍ङमी हना,  
\v 5 आं जोरी सत्रुम आं कली खेदा पा ग्रामल। मिनु आं कली खपीम दिप्‍शा साइय्‍यीमील। मिनु आं नें जाम्‍शा लल। \em ठेयब सेंदा पा।\em* 
\p  
\v 6 परमप्रभु यावे, गे गाइश्‍शा, बोक्‍कीन। आं जोरी सत्रु आन पशो तशा, आं कली वारच पथ बोक्‍कीन। गे “गो निसाफ पचा माल्‍नुङ” दे लोव़ पाइतीनी।  
\v 7 मिनु रागी रागी ङा मुरपुकी इन ङोंइती राप्‍नीम। मोपतीके इर ङा इन बाक्‍तीकेम मेको आन कली निसाफ पचा कली इन ठेयब नित्‍तीकेमी निस्‍सीन।  
\v 8 परमप्रभु यावे जात जात ङा मुर आन कली निसाफ पाइब बाक्‍ब। परमप्रभु यावे, आं ठीक पशो नु आं आगाम बाक्‍शो ठीक पाइब थुं तशा, आं कली निसाफ पने। \em भजन संग्रह १८:२१-२७\em* 
\v 9 इन अरेशो मटीब आन मरिम्‍शो पतीके थुम्‍पतीन। मिनु नोले गे ठीक पाइब आन कली बोल्‍यो सेलीन। ठीक पाइब परमप्रभु, गे मुर आन थुं नु आन पतीके नाक्‍ब बाक्‍नीनी। \em भजन संग्रह १०४:३५; भजन संग्रह १३९:१; येरमीया ११:२०; प्रकाश २:२३\em* 
\v 10 परमप्रभु आं तेक्‍तीके बाक्‍ब। मेकोमी रिम्‍शो थुं पाइश्‍शो आन कली श्‍येत रे प्रोंइब।  
\v 11 परमप्रभु ठीक निसाफ पाइब बाक्‍ब। नाक्‍त किंत किंत मेको पापी आन कली तशा गाइक्‍ब।  
\v 12 थमा पा आ जोरी सत्रुम आन तरवार शेप्‍नीम। आन लिब्रा कीशा आप्‍चा कली ठीक पाइनीम। \em ब्‍यवस्‍था ३२:४१\em* 
\v 13 मिनु आन साइक्‍तीक या आंम कली ठीक पशो बाक्‍नीम। आन ब्राम मी ब्रपाइश्‍शो बाक्‍नीम।  
\v 14 नेनीन, मेकोमी मरिम्‍शो ला मिम्‍नीम। मिनु श्‍येतम ब्रीशा, जोल पना पन बाक्‍नीम।  
\v 15 मेकोपुकीमी बिक्‍तीक दोइनीम। मिनु नोले आंम आन दोशो बिक्‍तीकेमी आंमा बिक्‍नीम। \em हितोपदेस २६:२७\em* 
\v 16 मुर आन कली गेचशो श्‍येत आंमान जाइनीम। मेको आन हुश ख्राक्‍श पोक्‍शो आंम आन पियामीन मोंइसीब। 
\p  
\v 17 गो परमप्रभु यावे आ ठीक पशो तशा, मेको कली “गे रिम्‍शो पाइब बाक्‍नीनी” दे कुम्‍सो पाइनुङ। गो परमप्रभु यावे, नेल्‍ल क्‍येङा ठेयब आ नें आ पर्बम कुम्‍सो पाइनुङ। 
\c 8  
\s1 परमप्रभुम आ रिम्‍स कोंइशो 
\d कुम्‍सो पपाइक्‍ब कली गित्‍तीथ कुम्‍सो आ लायो ङा दाऊद आ कुम्‍सो। 
\p  
\v 1 परमप्रभु यावे, आंइ परमप्रभु, रागी नेल्‍लेमी इन नें ठेयब बाक्‍ब। गे इन छेङछेङ सरीङ क्‍येङा आइक्‍था वोइक्‍तीनी। \em प्रस्‍थान ३:१३-१५\em* 
\v 2 आइक्‍च आल नु बुकलु आलपुकीमी इन कली ठेयब सेल्‍पांइसाक्‍नी। मोपा गे इन जोरी सत्रु नु क्‍येक्‍क लेप्‍ब आन कली ब्‍वालेइ पपाइक्‍तीनी। \em मत्ती २१:१६\em* 
\v 3 गो सरीङ गे कोव़ङुनु, इन सेल्‍शो तास्‍ला नु सोरुल तातामी,  
\v 4 गे मोपा ठेयब थोव़क सेल्‍तीनी हना, मुर आन पर्बम दोपा मिम्‍ने चाप्‍नीनी? दोपा मेको आन कली कोव़नीनी। \em हिब्रू २:६-८\em* 
\v 5 गे मुर आन कली इन स्‍वर्ग ङा गेय पाइब आन क्‍येङा इच्‍का ला आइक्‍च सेल्‍तीनी। मुर आन कली मान नु छेङछेङमी सिरपेच गुप्‍शो खोदेंशो पा ग्‍योम्‍ताक्‍नी। \em हिब्रू २:६-८\em* 
\v 6 मिनु इन सेल्‍शो मारेइ मारेइ आन कली हुकुम पाइब सेल्‍तीनी। मोपा मुर इन सेल्‍शो आन दातेमी नेल्‍ल क्‍येङा ठेयब बाक्‍ब। \em उत्‍पत्ती १:२७\em* 
\v 7 भेडा, बी ब्‍यफ, ब्‍वाकी ङा जन्‍तु,  
\v 8 चिक्‍ब, समुन्‍द्रमी बाक्‍ब ङांइ नु समुन्‍द्रमी मार मार बाक्‍मा, मेको नेल्‍ल आन कली हुकुम पाइब सेल्‍तीनी। \em १कोरिन्‍थी १५:२७\em* 
\v 9 परमप्रभु यावे, आंइ परमप्रभु, रागी नेल्‍लेमी इन नें ठेयब बाक्‍ब। 
\c 9  
\s1 “गे रिम्शो पाइतीनी” दे कुम्‍सो पशो 
\d कुम्‍सो पपाइक्‍ब कली मुथ-लाब्‍बेन कुम्‍सो आ लायो। दाऊद आ कुम्‍सो। 
\p  
\v 1 परमप्रभु यावे, गो आं थुं नेल्‍लेमी इन कली “गे रिम्‍शो पाइतीनी” दे इन कली ठेयब सेल्‍नुङ। इन पशो छक लाक्‍चा ङा गेय नेल्‍ल आन कली नेंपाइक्‍नुङमी। \em भजन संग्रह ४४:२\em* 
\v 2 इन कली तुइश्‍शा, ग्‍येरनुङ। शुश ग्‍येरशा, गो इन कली ठेयब सेल्‍तीक कुम्‍सो पाइनुङ। गे नेल्‍ल क्‍येङा ठेयब बाक्‍नीनी।  
\v 3 आं जोरी सत्रु इन कली तशा, आन जाक्‍शो लां रे लेश्‍शा प्रोक्‍शा लमानु, गुल गाल थिश्‍शा, साइक्‍चा पुंइसाक्‍म। 
\p  
\v 4 मारदे हना गे ठीक निसाफ पाइब बाक्‍शा, इन ठेयब नित्‍तीकेमी निश्‍शो बाक्‍तीनी। मिनु आं ठीक गेय पशो तुइश्‍शा, गे आं कली निसाफ पाइतीनी।  
\v 5 मिनु गे रागी रागी ङा मुर आन कली हुइक्‍ताक्‍नी। इन अरेशो मटीब आन कली साइक्‍तीनी। मेको आन नें लेंशा ममिम्‍चा ङा पा क्‍याम्‍ताक्‍नी।  
\v 6 परमप्रभु, आं जोरी सत्रु आन खिं गेनायो मसेल्‍चा ङा पा प्रेत्‍तीनी। गे मेको आन सहर हु हा प्रेत्‍तीनी। मिनु मेको आन नें यो काइ मलीथु, जाम्‍शा लत। \em भजन संग्रह ३४:१७\em* 
\p  
\v 7 तन्‍न परमप्रभु यावे गेना हना यो बाक्‍ब। निसाफ पचा कली आ ठेयब नित्‍तीके ठीक पशो बाक्‍ब।  
\v 8 मिनु रागी रागी ङा मुर आन कली आ ठीक पतीकेमी निसाफ पाइब। जात जात ङा मुर आन कली आन कुल मकोव़थु, निसाफ पाइब।  
\v 9 परमप्रभु यावे दिप्‍चा पुंइसीशो मुर आन कली बोल्‍यो दरवार खोदेंशो बाक्‍ब। श्‍येत जशो आन कली बोल्‍यो ख्रुइश्‍शा बाक्‍तीक बाक्‍ब।  
\v 10 परमप्रभु यावे, इन नें तुइक्‍बपुकीमी इन कली थमा सुइक्‍नीम। मारदे हना गे इन कली माल्‍ब आन कली मप्रोंइनीनी।  
\v 11 सियोन डांडामी बाक्‍ब परमप्रभु यावे कली ठेयब सेल्‍तीक कुम्‍सो पने। जात जात ङा मुर आन कली आ पशो शेंदीने।  
\v 12 मिनु परमप्रभुमी मुर साइक्‍ब आन कली आन क्‍येक्‍क लेप्‍ब। मिनु श्‍येत जशो आन ङाक्‍शो मिम्‍ब। \em उत्‍पत्ती ४:१०; उत्‍पत्ती ९:५; भजन संग्रह ७२:४; उत्‍पत्ती १६:११\em* 
\p  
\v 13 परमप्रभु यावे, आं कली शिशी पने, आं कली मदाक्‍बपुकीमी गेशो श्‍येत कोव़ङीन। गे आं कली बेक्‍चा चिक्‍शो रे प्रोंइतीनी।  
\v 14 मिनु ब्रोंइशा, गो परमप्रभु आ योव़शो सियोन ङा ठेयब लाप्‍चोम मुर आन कली “परमप्रभुमी आं कली श्‍येत रे प्रोंइती” दे इन कली ठेयब सेल्‍शा, ग्‍येरसीशा तुइक्‍पाइक्‍नुङमी। \em भजन संग्रह २२:२३; भजन संग्रह १३:६\em* 
\v 15 रागी रागी ङा मुरपुकी आंमा दोशो ठेयब खाल्‍टाम बिक्‍शो बाक्‍नीम। मिनु आन दाइश्‍शो ग्‍याइलीमी आंमा रेश्‍शो बाक्‍नीम। 
\p  
\v 16 परमप्रभु यावेमी मेको ठीक निसाफ पाइब बाक्‍ब, दे मुर नेल्‍ल कली तुइक्‍पाइश्‍शो बाक्‍ब। आ अरेशो मटीब मुर आंम आन पशोमीन खतम दुम्‍नीम। \em ताप्‍तीकेमी ठेयब सेंदा पा।\em* 
\v 17 परमप्रभु आ अरेशो मटीब रागी रागी ङा मुरपुकी नु मटीबपुकी बेक्‍शो मुर आन बाक्‍तीकेम लाइब बाक्‍नीम।  
\v 18 परमप्रभुमी श्‍येत जाइब आन कली मप्रेंब। मिनु प्रुङग आन आस पशो गेना हना यो मिम्‍ब। \em भजन संग्रह २२:२५; भजन संग्रह १०:१७\em* 
\v 19 परमप्रभु यावे, बोक्‍कीन। मुरपुकी मग्रामल। रागी रागी ङा मुर इन ङोंइती जाक्‍शा, निसाफ पचा पुंइसमल। \em गन्‍ती १०:३५\em* 
\v 20 परमप्रभु यावे, मेको आन कली हिंपतीन। रागी रागी ङा मुरपुकीमी “गो मुर ला बाक्‍नय” दे तुइक्‍तमेक्‍ल। \em ठेयब सेंदा पा।\em* 
\c 10  
\s1 थमा मसुइक्‍ब आन शुक्‍शी पशो 
\p  
\v 1 परमप्रभु यावे, गो आंइ श्‍येत जची ना, मारदे ङोन बाक्‍शा, ख्रुइक्‍नीनी?  
\v 2 परमप्रभु आ अरेशो लोव़ मटीबपुकीमी ठेयब लेश्‍शो दुम्‍शा, प्रुङग आन कली खेदा पाइनीम। मेको आन मरिम्‍शो मिम्‍तीके नु आन पतीकेमी ग्‍याइक्‍चा पुंइसीनीम।  
\v 3 परमप्रभु आ अरेशो लोव़ मटीबपुकीमी “आं द‍ला दाक्‍स नेल्‍ल पने चाप्‍नुङ” दे ठेयब लेत्‍नीम। लोभी आन कली आसीक गेनीम। मिनु परमप्रभु यावे कली मान मपथु, महिंथु, मेको आ पर्बम शुक्‍शी लोव़ पाइनीम।  
\v 4 मिनु ठेयब लेश्‍शा, आन थुंमी “परमप्रभुमी आंइ कली मरिम्‍शो मसुइक्‍ब। मारदे हना मेको मबाक्‍ब” दे मिम्‍नीम।  
\v 5 मोपा यो मारेइ मारेइम गाप्‍शा श्‍येत मजाइनीम। मारदे मेकोपुकीमी इन निसाफ पशो मताइनीमी? मेकोपुकीमी आन जोरी सत्रु आन क्‍येङा महिंथु मेको आन कली ग्रानीम। \em आमोस ६:३\em* 
\v 6 मिनु मेकोपुकीमी आन थुंमी “गो श्‍येत मजाइनुङ। आं चच युइ सम्‍म यो श्‍येत मजाइनीम” दे मिम्‍नीम। \em भजन संग्रह ७३:६-८\em* 
\v 7 मेको मुरपुकीमी सराप नु जोल पना पन बाक्‍शा, अरु आन कली दिप्‍शो बाक्‍नीम। मेको आन लोव़मी श्‍येत नु मरिम्‍शो ला दुम्‍पाइक्‍नीम। \em रोमी ३:१४\em* 
\v 8 मेकोपुकीमी गाउं मेर ख्रुइश्‍शा बाक्‍शा, दोस मताइब आन कली साइक्‍नीम। श्‍येत जाइब आन कली यो बाप्‍शा बाक्‍नीम।  
\v 9 गुप्‍स ब्‍वाकीम बाप्‍शो खोदेंशो पा ख्रुइश्‍शा, प्रुङग आन कली रिम्‍नीम। प्रुङग आन कली आन ब्‍वारदम रेश्‍शा ग्‍याइक्‍नीम।  
\v 10 मिनु मेको गु बाप्‍शा बाक्‍नीम। श्‍येत जाइबपुकी मेको आन सक्तिमी गोल्‍नीम।  
\v 11 मेको आन थुंमी “परमप्रभुमी आंइ पशो मताइब। आ कुल ख्रुइक्‍ताक्‍व, आंइ पशो प्रेंब” दे मिम्‍नीम। \em भजन संग्रह ७३:११; भजन संग्रह ९४:७; यसैया २९:१५\em* 
\p  
\v 12 परमप्रभु यावे, परमप्रभु, बोक्‍कीन। परमप्रभु, इन गुइ क्‍युक्‍शा मरिम्‍शो पाइब आन कली सजाइ गेने। दिप्‍चा पुंइसीशो आन कली मिम्‍शा, वारच पने। \em गन्‍ती १०:३५\em* 
\v 13 मारदे मेको इन अरेशो मटीब मुरपुकीमी परमप्रभु कली शुक्‍शी पाइनीमी? मारदे मेकोपुकीमी “आं कली दोसी मसुइक्‍ब” दे मिम्‍नीमी?  
\v 14 परमप्रभु, गे नेल्‍ल ताइतीनी। गे श्‍येत जाइब नु मरिम्‍शो पाइक्‍चा पुंइसीब आन कली वारच पाइश्‍शा, क्‍येक्‍क लेप्‍ब बाक्‍नीनी। मेको श्‍येत जाइबपुकी इन कली जिम्‍मा गेंसीशो बाक्‍नीम। गे रोम रोइक्‍च आन कली वारच पाइब बाक्‍नीनी। \em भजन संग्रह ६८:६; प्रस्‍थान २२:२२\em* 
\v 15 गे इन अरेशो मटीब नु काइ मरिम्‍शो पाइब आन गुइ जिक्‍तीन। मेको आन ख्रुइश्‍शा मरिम्‍शो पशो कली निसाफ पने! मिनु मोदेंशो नोले मलीनीम। \em अय्‍युब ३८:१५\em* 
\v 16 परमप्रभु यावे गेना हना यो पिप बाक्‍ब। रागी रागी ङा मुरपुकी आ राज्‍य रे दिल्‍शा, जाम्‍शा लाइनीम।  
\v 17 परमप्रभु यावे, गे ब्रेम्‍शो मुर आन पुंइशो लोव़ नेंतीनी। गे मेको आन थुं बारपाइश्‍शा, आन पुंइशो लोव़ नेंचा कली नोफा दाइश्‍शा बाक्‍तीनी।  
\v 18 गे रोम रोइक्‍च नु दिप्‍चा पुंइसीशो मुर आन पर्बम ठीक निसाफ पाइनीनी। मो दुम्‍मेनु, मुरपुकीमी अरु आन कली लेंशा श्‍येत मगेनीम। 
\c 11  
\s1 परमप्रभु ठीक पाइब बाक्‍ब 
\d कुम्‍सो पपाइक्‍ब कली दाऊद आ कुम्‍सो। 
\p  
\v 1 गो परमप्रभु यावे कली जिम्‍मा गेसाक्‍यी। गेपुकीम आं कली “चिक्‍ब खोदेंशो पा पहाडम बेरो” दे दोपा देंने चाप्‍नीनी?  
\v 2 नेनीन, इन अरेशो मटीबपुकीमी आन लिब्रा कीशा, आन ब्रा डोरीम वोइश्‍शा, ठीक पाइब रिम्‍शो थुं पाइश्‍शो मुर आन कली ख्रुइश्‍शा आप्‍नीम।  
\v 3 जगन ब्रेत्‍त हना, ठीक पाइबम मार पने चाप्‍बा ङा?  
\v 4 परमप्रभु यावे आ खिंमी बाक्‍ब। आ ठेयब नित्‍तीके स्‍वर्गम बाक्‍ब। मिनु उइ कोव़ना कोव़न मुर आन कली नाक्‍ब। \em हाबाकुक २:२०; यसैया ६६:१; भजन संग्रह ३३:१३-१४\em* 
\v 5 परमप्रभु यावेमी ठीक पाइब नु आ अरेशो मटीब आन कली नाक्‍ब। मिनु हुश ख्राक्‍श पोक्‍चा दाक्‍ब आन कली काइ मदाक्‍ब।  
\v 6 परमप्रभुमी आ अरेशो मटीब आन तारी मी नु गन्‍धक यिपाइक्‍ब। मिनु मेको आन तारी होश फश पपाइक्‍ब। मरिम्‍शो पाइब मोदेंशो पाइक्‍चा पुंइसीशो बाक्‍नीम।  
\v 7 परमप्रभु यावे ठीक पाइब बाक्‍ब। मोपतीके ठीक पतीके दाक्‍ब। मिनु रिम्‍शो थुं पाइश्‍शो मुरपुकीमी आ कुल ताइनीम। \em मत्ती ५:८\em* 
\c 12  
\s1 मरिम्‍शो पाइब आन पर्बम लोव़ 
\d कुम्‍सो पपाइक्‍ब कली ८ ओटा तार पाइश्‍शो ताप्‍तीके ताप्‍शा पतीके दाऊद आ कुम्‍सो। 
\p  
\v 1 परमप्रभु यावे, वारच पाइक्‍की। इन लां खोइक्‍ब जाम्‍शा लाम्‍तेक्‍म। मुर आन दातेमी इन कली थमा सुइक्‍बपुकी यो मबाक्‍नीम।  
\v 2 नेल्‍लेमी आन नेक्‍था ङा मुर नु जोल ला पमुइनीम। चिप्‍लो लोव़ पाइब थुं निक्‍शी पाइश्‍शो ला बाक्‍नीम। 
\p  
\v 3 परमप्रभु यावेमी, मिलो शिलो पाइब नु ठेयब लेश्‍शो लोव़ पाइब नेल्‍ल आन कली क्‍याम्‍दल।  
\v 4 मोदेंशो ठेयब लेश्‍शो लोव़ पाइबपुकीमी “आंइ लोव़मीन ग्रानीकी। गो जोक्‍ब तुइक्‍ब बाक्‍नीकी। आंइ प्रभु सु बाक्‍बा ङा?” देंनीम। \em भजन संग्रह ७३:८-९; अय्‍युब २१:१४-१५\em* 
\p  
\v 5 परमप्रभु यावेमी “गो प्रुङग आन कली दिप्‍शो ताता। श्‍येत जाइब आन ङाक्‍शो नेंता। मोपतीके गो मुल बोक्‍नुङ, मेको आन कली श्‍येत मजतीकेम वोइक्‍नुङ” देंब। 
\p  
\v 6 परमप्रभु यावे आ लोव़ थमा बाक्‍ब। मेको ७ खेयप यपाइश्‍शो क्‍येख चांदी खोदेंशो बाक्‍ब। 
\p  
\v 7 परमप्रभु यावे, गे इन मुर आन कली कोव़शा, आंइ कली मरिम्‍शो पाला ङा मुर रे प्रोंइकी।  
\v 8 मारदे हना मुर आन दातेमी इन अरेशो मपाइब शुश दुम्‍शा, मरिम्‍शो पाइबपुकी तेइ तेइ ब्रशो बाक्‍नीम। 
\c 13  
\s1 “वारच पने” दे पुंइशो 
\d कुम्‍सो प‍पाइक्‍ब कली दाऊद आ कुम्‍सो। 
\p  
\v 1 परमप्रभु यावे, आं कली गेना सम्‍म प्रेंनीनी? गेना सम्‍म इन कुल ख्रुइक्‍नीनी? \em भजन संग्रह ७७:८; हाबाकुक १:२\em* 
\v 2 गो गेना सम्‍म सुर्ता पा, नाक्‍त किंत किंत आं थुं खाइश्‍शा बाक्‍चा माल्‍नुङा? आं जोरी सत्रु गेना सम्‍म आं क्‍येङा बोल्‍यो बाक्‍नीमी? 
\p  
\v 3 परमप्रभु यावे, आं परमप्रभु, आं कली मिम्‍शा, आं लोव़ लेत्‍तीनी। आ बोल लेंशा गेयीनी। मो मपाइतीनी हना, गो बेक्‍नुङ।  
\v 4 मोदेंशो दुम्‍मेनु, आं जोरी सत्रुम “गो मेको कली ग्रानीकी” दे आं कली हिम्‍सीशो तशा, ग्‍येरसीनीम। 
\p  
\v 5 तन्‍न गो “गे गेना हना यो दाक्‍ब बाक्‍नीनी” दे थमा सुइक्‍नुङ। इन वारच पा प्रोंइतीके तशा, आं थुं ग्‍येरना ग्‍येरन बाक्‍ब।  
\v 6 परमप्रभु यावेमी आं कली रिम्‍शो वारच पाइक्‍ती। गो मेको कली कुम्‍सो पाइनुङ। 
\c 14  
\s1 थमा मसुइक्‍ब आन ब्रुतीके 
\d कुम्‍सो पपाइक्‍ब कली दाऊद आ कुम्‍सो। भजन संग्रह ५३:- 
\p  
\v 1 मूर्खपुकीमी “परमप्रभु मबाक्‍ब” दे मिम्‍नीम। मेकोपुकी ग्रांग्रा दिचा ङा दुम्‍शा, मरिम्‍शो गेय पाइनीम। मेको आन दातेमी रिम्‍शो पाइब सुइ मबाक्‍नीम।  
\v 2 परमप्रभु यावेमी स्‍वर्ग रे मुर आन कली कोव़ब। मारदे कोव़ब देंशा हना, मुर आन दातेमी जोक्‍ब तुइक्‍ब परमप्रभु कली माल्‍ब, सुइ बाक्‍मा कों, दे कोव़ब।  
\v 3 तन्‍न मुर नेल्‍ल परमप्रभु कली प्रोंइशा, दूली पाइब दुम्‍तेक्‍म। रिम्‍शो पाइब का यो मबाक्‍नीम। \em उत्‍पत्ती ६:१२; रोमी ३:१०-१२\em* 
\p  
\v 4 मरिम्‍शो पाइबपुकीमी परमप्रभु यावे कली मतुइक्‍नीम। आ मुर आन कली शोब्‍ले जशो खोदेंशो पा नेक्‍नीम। मेकोपुकीमी परमप्रभु यावे कली यो मपुंइनीम। \em मीका ३:३\em* 
\v 5 मिनु नोले मेकोपुकी शुश हिंशा, ख्रिंख्रि पाइनीम। मारदे हना परमप्रभु ठीक पाइब आन दातेमी बाक्‍ब।  
\v 6 मुरपुकीमी प्रुङग आन मिम्‍शो बिग्रेचा दाक्‍नीम। तन्‍न परमप्रभु यावे मेको आन ख्रुइक्‍तीके बाक्‍ब। 
\p  
\v 7 सियोन रे इस्राएली आन ब्रोंइतीके तामेक्‍ल। परमप्रभु यावेमी आ मुर आन कली प्रोनानु, याकूब आ चच युइ, इस्राएली नेल्‍ल ग्‍येरसीमल। \em भजन संग्रह १२६:१\em* 
\c 15  
\s1 सु परमप्रभु नु बाक्‍ने चाप्‍बा ङा? 
\d दाऊद आ कुम्‍सो। भजन संग्रह २४:२-६; यसैया ३३:१४-१६ 
\p  
\v 1 परमप्रभु यावे, इन बाक्‍तीकेमी सु बाक्‍ने चाप्‍बा ङा? इन डांडाम सु बाक्‍चा ताइबा ङा? \em उपदेसक ४:१७\em* 
\p  
\v 2 सुमी रिम्‍शो पना पन बाक्‍शा, ठीक गेय ला पाइबा नु आ थुं नेल्‍लेमी थमा लोव़ ला पाइबा,  
\v 3 सुमी अरु आन लोव़ मपाइबा, आ नेक्‍था ङा मुर आन कली काइ मरिम्‍शो मपथु, शुक्‍शी मपाइबा,  
\v 4 सुमी परमप्रभु आ अरेशो मटीब आन कली महिक्‍थु, परमप्रभु यावे कली मान पा हिंब आन कली चहिं हिक्‍ना हिक्‍न बाक्‍बा, कसम जशा, श्‍येत दुम्‍मेनु यो, आ कसम जशो मप्रोंइथु बाक्‍बा,  
\v 5 सुमी क्‍येट जेर गेशा, चाइक्‍ब मताक्‍बा, सुमी दोस मताइब कली श्‍येत गेचा कली घूस मजाइबा, मोदेंशो मुर गेना हना यो महिम्‍सीथु, परमप्रभु यावे आ बाक्‍तीकेम बाक्‍चा ताइब। \em प्रस्‍थान २२:२४; ब्‍यवस्‍था २३:२०-२१\em* 
\c 16  
\s1 दाऊदमी परमप्रभु नु लोव़ पशो 
\d दाऊद आ कुम्‍सो। 
\p  
\v 1 “परमप्रभु, आं कली कोव़यीनी। मारदे हना गो इन कली जिम्‍मा गेंसीशो बाक्‍नुङ।  
\v 2 गो परमप्रभु यावे कली ‘गे आं परमप्रभु बाक्‍नीनी। गो इन क्‍येङा अर्को मारेइ रिम्‍शो मतुइक्‍नुङ’ देंती। \em भजन संग्रह ७३:२५\em* 
\v 3 रागीम बाक्‍ब इन योव़शो मुर, थमा पा ठेयब मुर बाक्‍नीम। गो मेको मुर आन कली तशा ग्‍येरसीनुङ।  
\v 4 मिनु देवी देवता आन नोले खोइक्‍ब आन श्‍येत बारना बारन लाइब। मेको आन तूतीक चढ़ेतीक ङा हुश गेनायो मचढ़ेनुङ। मेको आन नें यो मथीनुङ। 
\p  
\v 5 परमप्रभु यावे, गे आं भाग बाक्‍नीनी। मिनु आं कचौरा प्रिंनीनी। गे आं थेरशो रू कोव़ब बाक्‍नीनी। \em भजन संग्रह ७३:२६; गन्‍ती १८:२०; बिलाप ३:२४\em* 
\v 6 इन गेशो रू रिम्‍शो बाक्‍ब। गो थम रिम्‍शो शोंप ताता।  
\v 7 आं कली अर्ती गेब, परमप्रभु यावे कली ठेयब सेल्‍नुङ। नाक्‍दो यो आं थुंमी आं कली मोदेंशो पचा शेंब।  
\v 8 गो परमप्रभु यावे कली गेना हना यो आं ङोंइती वोइक्‍ता। मोपा मेको आं ग्‍युरा गे बाक्‍मेनु, गो महिम्‍सीनुङ। \em प्रेरित २:२५-२८\em* 
\v 9 मोपतीके आं थुं ग्‍येरसीब। गो आं थुंमी कुम्‍सो पाइनुङ। गो महिंथु बाक्‍ने चाप्‍नुङ।  
\v 10 मारदे हना गे आं कली बेक्‍चा मगेनीनी। इन योव़शो कली राक्‍चा मगेनीनी। \em प्रेरित १३:३५\em* 
\v 11 गे आं कली ब्रोंइतीक लां कोंइनीनी। गो इन ङोंइती बाक्‍ङानु, आं थुं ग्‍येरतीकेम ब्रीब। इन ग्‍युरा गे बाक्‍ङानु, गेना हना यो थम रिम्‍शो दुम्‍नुङ” दे लोव़ पाता। 
\c 17  
\s1 परमप्रभु कली “वारच पने” देंशो 
\d दाऊद आ पुंइशो लोव़। 
\p  
\v 1 “परमप्रभु यावे, गे ठीक पशो आ पर्बम आं लोव़ नेनीन। आं ब्रेश्‍शो नेनीन। आं जोल मपथु पुंइशो लोव़ इन नोफा दाइश्‍शा नेनीन।  
\v 2 आं ठीक दुम्‍तीके इन लां रे जाक्‍मल। गे आं ठीक पतीके ताइनीनी। \em भजन संग्रह ४३:१\em* 
\v 3 गे आं कली नाक्‍ताक्‍नी। नाक्‍दो यो आं कली नाक्‍शा, आं आगामी मारेइ मरिम्‍शो मथिन्‍नी। गो मरिम्‍शो लोव़ मपाइनुङ, दे आं थुं फ्रेंशा बाक्‍ती। \em भजन संग्रह १३९:१\em* 
\v 4 मुर आन पतीके तशा, गो इन लोव़ मिम्‍शा, हुश ख्राक्‍श पोक्‍ब आन लां मखोइक्‍नुङ।  
\v 5 आं खोइली मग्रेक्‍चा ङा पा इन लांम थेक्‍शो बाक्‍ती। 
\p  
\v 6 गो इन कली लोव़ पाता, मारदे हना गे आं लोव़ नेंनीनी। परमप्रभु, इन नोफा आं गे दाइश्‍शा, आं लोव़ नेनीन।  
\v 7 आं कली इन गेना हना यो दाक्‍तीक इन ग्‍युरा गुइमी इन कली थमा सुइक्‍ब आन कली आन जोरी सत्रु रे प्रोंइनीनी।  
\v 8 मिक्‍च दोदेंशो रिम्‍शो पा वोइश्‍शो बाक्‍बा, मोदेंशो पा आं कली यो रिम्‍शो पा वोतीन। इन फ्रां आगाम पुप्‍तीनी। \em ब्‍यवस्‍था ३२:१०; भजन संग्रह ६१:५; भजन संग्रह ६३:८; प्रस्‍थान ३७:७-९\em* 
\v 9 मोपा इन अरेशो मटीब, आं कली साइक्‍चा कली पुम्‍बपुकीमी आं कली मथित्‍नीम।  
\v 10 मेको आन थुं खकटा पा, ठेयब लेश्‍शो लोव़ ला पाइनीम।  
\v 11 गो ते लती हना यो, मेकोपुकीमी आं कली पुम्‍नीम। आं कली साइक्‍चा माल्‍नीम।  
\v 12 मेकोपुकी शोव़लु बेक्‍शो गुप्‍स खोदेंशो बाक्‍नीम। ठिटा गुप्‍सम बाप्‍शो खोदेंशो पा बाप्‍शो बाक्‍नीम। 
\p  
\v 13 परमप्रभु यावे, बोक्‍कीन। मेको आन कली दोक्‍पतीन। आं कली इन तरवारमी इन अरेशो मटीब मुर रे प्रोंइ‍यीनी। \em गन्‍ती १०:३५\em* 
\v 14 परमप्रभु यावे, इन गुइमी रागी दाक्‍ब मुर आन गुइ रे प्रोंइ‍यीनी। मेकोपुकी मबेक्‍मा सम्‍म रिम्‍शो ला ताइनीम। गे मेको आन कोव़ज ब्रोव़शो थोव़कम प्रिंनीनी। मेको आन तौपुकी यो रूथ्री जाइनीमी। मिनु आन लीशो मारेइ मारेइ आन तौपुकीम ताइनीम।  
\v 15 गो चहिं ठीक पा बाक्‍शा, थमा पा इन कुल ताइनुङ। सुनी सेंसीशा, इन कली तशा, रूशो खोदेंशो दुम्‍शा, ग्‍येरसीनुङ” देंती। 
\c 18  
\s1 परमप्रभु कली ठेयब सेल्‍शो 
\d कुम्‍सो पपाइक्‍ब कली परमप्रभु यावे आ गेय पाइब दाऊद आ कुम्‍सो। परमप्रभु यावेमी दाऊद कली आ जोरी सत्रु नु सावल आ गुइ रे प्रोना नोले दाऊद आ पशो कुम्‍सो। 
\p \em २सामुएल २२:-\em* 
\v 1 परमप्रभु यावे, गे आं सक्ति बाक्‍नीनी। गो इन कली दाक्‍नुङ।  
\v 2 परमप्रभु यावे आं सेरथे फुल्‍लु, आं बोल्‍यो दरवार नु आं जोरी सत्रु रे प्रोंइब बाक्‍ब। आं परमप्रभु, गे आं ख्रुइक्‍तीके सेरथे फुल्‍लु बाक्‍नीनी। परमप्रभु आं तेक्‍तीके नु आं कली ग्‍येरपाइक्‍ब, आं कली प्रोंइब नु आ बोल्‍यो दरवार बाक्‍ब। \em ब्‍यवस्‍था ३२:१८\em* 
\v 3 गो परमप्रभु यावे नु लोव़ पाइनुङ। मेको ठेयब सेल्‍चा पुंइसीब बाक्‍ब। मेकोम आं कली आं जोरी सत्रु रे प्रोंइब। 
\p  
\v 4 गो साइक्‍चा पुंइसीचशो दुम्‍शा, हेरा बेक्‍ती। आं कली साइक्‍ब ब्‍वाक्‍कु आ छाल खोदेंशो पा जाक्‍शा, हिंपाइक्‍ती। \em भजन संग्रह ११६:३\em* 
\v 5 थमा पा साइक्‍चा पुंइसीब दुम्‍ती। साइक्‍बमी आं कली ब्‍वारदम खोदेंशो पा रुक्‍ताक्‍यी।  
\v 6 गो श्‍येत जङानु, परमप्रभु यावे कली “वारच पने” दे आं परमप्रभु कली ठेयब सेंदा पा पुंइता। मिनु परमप्रभु आ बाक्‍तीकेम बाक्‍शा, आं सेंदा नेंतु। आं पुंइशो लोव़ रुप्‍तु। 
\p  
\v 7 रागी हिम्‍शा, ख्रिनु कुत। मिनु डांडा नेल्‍ल हिम्‍साक्‍म। मारदे हिम्‍साक्‍म देंशा हना, परमप्रभु आ गाइक्‍तीकेम हिम्‍साक्‍म।  
\v 8 आ नें रे कुन कुत। आ शोव़ रे ठेयब मी ग्रूशा, ब्रशो कोइला हुरुर पा बेरतेक्‍म। \em प्रस्‍थान १९:१८\em* 
\v 9 मिनु परमप्रभु सरीङ रे यित। आ खोइल आगामी क्‍येर गोस्‍स के छिङछिङ बाक्‍त। \em भजन संग्रह १४४:५-७\em* 
\v 10 मेको करूब का ङोइश्‍शा, फशेम बेरत। \em भजन संग्रह ९९:१\em* 
\v 11 छिङछिङमी ख्रुइश्‍शा, आ एर ओंथ नेल्‍ल ब्‍वाक्‍कु कुरशो क्‍येर गोस्‍स बाक्‍तेक्‍म।  
\v 12 परमप्रभु आ छेङछेङ रे मुप्‍स, मी ब्रशो कोइला नु चिला खोदेंशो पा गोस्‍स ग्रूतेक्‍म।  
\v 13 परमप्रभु यावेमी सरीङ रे बुंबु पशो खोदेंशो पा आ सेंदा नेंपाइश्‍शो बाक्‍त।  
\v 14 मिनु मेकोमी आ ब्रा आबानु, आं जोरी सत्रु ब्रपाइक्‍तीमी। ठेयब चिला पपाइश्‍शा, प्रोक्‍पाइक्‍तीमी।  
\v 15 परमप्रभु यावे इन हुइक्‍तीकेमी नु इन नें रे ग्रूशो सोक्‍तमी समुन्‍द्र नु रागी आ जग ग्रूत। 
\p  
\v 16 परमप्रभुमी इर रे आं गुइ ग्‍याइश्‍शा, ठेयब ब्‍वाक्‍कु रे कीशा ग्रुंइताक्‍यी।  
\v 17 मिनु आं कली मदाक्‍बपुकी नु आं क्‍येङा बोल्‍यो जोरी सत्रु रे प्रोंइती।  
\v 18 श्‍येत जङा नाक्‍त आं जोरी सत्रुम पुम्‍ताक्‍यीमी, तन्‍न परमप्रभु यावेमी वारच पाइक्‍ती।  
\v 19 मिनु आं कली प्रोंइशा, रिम्‍शो ब्रोंइशा बाक्‍तीकेम चाक्‍ती। मारदे हना आं कली दाक्‍शो बाक्‍त। 
\p  
\v 20 गो दोदेंशो पा ठीक पङा, मोदेंशो पा परमप्रभु यावेमी आं कली पाप रे ङोन बाक्‍शो तशा, आं कली रिम्‍शो पाइक्‍ती।  
\v 21 मिनु गो परमप्रभु यावे आ लां गाक्‍शा, आ अरेशो टिशा, आं परमप्रभु रे नोले मशोंइसीङ।  
\v 22 आ पतीके लोव़ नेल्‍ल आं ङोंइती बाक्‍तेक्‍म। गो मेको आ फुल्‍लुम मुशा ब्रेक्‍शो लोव़ का यो मप्रोनु।  
\v 23 मिनु मेको आ ङोंइती गो दोस मताइब बाक्‍ती। मिनु गो ठीक मपतीके रे ङोन बाक्‍ती।  
\v 24 गो दोदेंशो पा ठीक पङा, मोदेंशो पा परमप्रभु यावेमी आं कली आ ङोंइती पाप रे ङोन बाक्‍शो तशा, रिम्‍शो पाइक्‍ती।  
\v 25 गे जमान खाप्‍ब आन कली जमान खाप्‍ब बाक्‍नीनी। गे ठीक पाइब आन कली इन ठीक पतीके कोंइनीनी।  
\v 26 गे पाप रे ङोन बाक्‍ब आन कली इन पाप रे ङोन बाक्‍तीके कोंइनीनी। तन्‍न गे दूली पाइबपुकी नु काइ मगारनीनी।  
\v 27 गे दिप्‍चा पुंइसीशो मुर आन कली श्‍येत रे प्रोंइनीनी। मिनु ठेयब लेश्‍शो मुर आन कली आइक्‍च सेल्‍नीनी। \em अय्‍युब २२:२९\em* 
\v 28 गे आं बत्ती ब्रपाइक्‍नीनी। परमप्रभु यावे, आं परमप्रभु, गे आं छिङछिङ कली छेङछेङ सेल्‍नीनी।  
\v 29 इन वारच पाइक्‍तीके गो शुश जोरी सत्रु नु ग्रानुङ। इन वारच पाइक्‍तीके गो ठेयब गारो प्रेक्‍शा ख्राक्‍ने चाप्‍नुङ। 
\p  
\v 30 परमप्रभु आ लां ठीक बाक्‍ब। परमप्रभु यावे आ लोव़ क्‍येख सुन खोदेंशो बाक्‍ब। सु सु मेको कली जिम्‍मा गेंसीनीमी, मेको आन कली तेक्‍तीक बाक्‍ब।  
\v 31 परमप्रभु यावे क्‍येङा अर्को सु परमप्रभु बाक्‍बा ङा? आंइ परमप्रभु क्‍येङा अर्को तेको सेरथे फुल्‍लु बाक्‍बा ङा?  
\v 32 परमप्रभुमी आं कली शुश सक्ति पाइश्‍शो सेल्‍ती। मेकोमी आं लां ठीक सेल्‍ब।  
\v 33 मेकोमी आं खोइली किश्‍श आ खोइली खोदेंशो सेल्‍शा, लाइश्‍शो इर ङा बाक्‍तीकेमी राप्‍पाइक्‍ती।  
\v 34 मेकोमी आं कली लडाइ पचा नु आं गुइ कली कांसा के लिब्रा खुक्‍चा शेंब।  
\v 35 गे ब्रोंइतीके ङा इन तेक्‍तीक आं कली गेतीनी। इन ग्‍युरा गुइमी आं कली वारच पाइश्‍शा, ठेयब सेल्‍तीनी।  
\v 36 आं लां ठेयब सेल्‍तीनी। मोपतीके आं खोइली मग्रेक्‍थु, गाक्‍ने चाप्‍नुङ। 
\p  
\v 37 गो आं जोरी सत्रु आन कली खेदा पा थित्‍तामी। मेको आन कली साइक्‍ने मथुमु सम्‍म गो मलेङङ।  
\v 38 गो मेको आन कली बोक्‍ने मचाप्‍चा ङा पा तुप्‍तामी। मेकोपुकी आं खोइलीम गोल्‍तेक्‍म।  
\v 39 मारदे हना गे आं कली लडाइ पचा कली शुश सक्ति गेतीनी। आं जोरी सत्रु आन कली आं खोइलीम बाप्‍पाइक्‍तीनी।  
\v 40 गे आं जोरी सत्रु आन कली प्रोक्‍‍पाइक्‍तीनी। मिनु गो आं कली काइ मदाक्‍ब आन कली साइक्‍ता‍मी।  
\v 41 मेकोपुकीमी “वारच पाइक्‍की” दे ग्रीमानु, मेको आन कली प्रोंइब सुइ मबा। परमप्रभु यावे कली पुंइतेक्‍म हना यो, मेकोमी मेको आन कली लोव़ मलेत्‍त। \em हितोपदेस १:२८\em* 
\v 42 मिनु गो मेको आन कली फशेम बेरपाइश्‍शो फुरक खोदेंशो पा फस सेल्‍तामी। गो मेको आन कली लां ङा ग्रांग्रा खोदेंशो पा ताइक्‍‍ताक्‍ङमी।  
\v 43 गे मुर आन साइक्‍तीक रे आं कली प्रोंइतीनी। रागी रागी कली सासन पाइब सेल्‍तीनी। आं मतुइश्‍शो जात ङा मुरपुकी आं गेय पाइब दुम्‍तेक्‍म।  
\v 44 आं अरेशो नेन्‍मेनु, मेकोपुकीम टिम्‍तेक्‍म। अर्को रागी ङा मुरपुकी आं ङोंइती बाप्‍तेक्‍म।  
\v 45 अर्को रागी ङा मुरपुकी ख्रिंख्रि पा हिंशा आन बोल्‍यो दरवार रे ग्रूतेक्‍म। 
\p  
\v 46 परमप्रभु यावे ब्रोंइशा बाक्‍ब आं सेरथे फुल्‍लु ठेयब दुम्‍ल। आं कली प्रोंइब परमप्रभु मान ताइब बाक्‍ल।  
\v 47 परमप्रभुमी आं कली क्‍येक्‍क लेत्‍तीक सक्ति गेशा, जात जात ङा मुर आन कली आं सासनम बाक्‍ब सेल्‍तु।  
\v 48 मेकोमी आं जोरी सत्रु रे प्रोंइती। मेको आन क्‍येङा आं कली ठेयब सेल्‍ती। मिनु आं कली दिप्‍शा हुश ख्राक्‍श पोक्‍ब आन क्‍येङा प्रोंइती। 
\p  
\v 49 मोपतीके परमप्रभु यावे, रागी रागी ङा मुर आन दातेमी गो इन नें ठेयब सेल्‍शा, इन कली कुम्‍सो पाइनुङ। \em रोमी १५:९\em* 
\v 50 परमप्रभुमी आ पिप कली शुश ग्राब सेल्‍तु। आ तेल लुक्‍शो पिप दाऊद नु आ चच युइ आन कली गेना हना यो दाक्‍ब। \em २सामुएल ७:१२-१६\em* 
\c 19  
\s1 परमप्रभु आ सेल्‍शो नेल्‍ल रिम्‍शो बाक्‍ब 
\d कुम्‍सो पपाइक्‍ब कली दाऊद आ कुम्‍सो। 
\p  
\v 1 सरीङमी परमप्रभु आ छेङछेङ आ पर्बम लोव़ पाइब। सरीङ आ ठेयब दुम्‍तीकेमी परमप्रभु आ गेय आ पर्बम लोव़ पाइब। \em रोमी १:१९-२०\em* 
\v 2 नाक्‍त कामी अर्को नाक्‍त कली शेंब। नाक्‍दो कामी अर्को नाक्‍दो कली देंब।  
\v 3 मारेइ लोव़ मबाक्‍ब। ब्‍वाक्‍शो यो मनेंसीब।  
\v 4 मो हना यो रागी नेल्‍लेम तुइक्‍नीम। मेकोमी सरीङम नां कली बाक्‍तीक सेल्‍तु। \em रोमी १०:१८\em* 
\p  
\v 5 मेको नां ग्‍युंबे पचा चिक्‍शो ग्‍युम्‍ले खोदेंशो बाक्‍ब। मेको ग्‍येरसीशा आ लां गाक्‍ब।  
\v 6 मेको पूर्ब रे दाप्‍शा, तेइ तेइ हिरसीब। मेको आ नाप्‍शो रे मारेइ ख्रुइश्‍शा लीने मचाप्‍नीम। 
\p  
\v 7 परमप्रभु यावे आ अरेशो लोव़ नेल्‍ल आन कली गारब। मेकोमी लेंशा ब्रोंइपाइक्‍ब। परमप्रभु यावे आ देंतीके थमा लोव़ बाक्‍ब। मेकोमी मतुइक्‍ब आन कली तुइक्‍ब सेल्‍ब।  
\v 8 परमप्रभु यावे आ ब्रेक्‍शा अरेशो लोव़ ठीक बाक्‍शा, मुर आन थुं ग्‍येरपाइक्‍ब। परमप्रभु यावे आ शेंशोमी मुर मिक्‍च ताइब दुम्‍नीम।  
\v 9 परमप्रभु यावे कली मान पा हिंचा रिम्‍शो दुम्‍शा, गेना हना यो लीब। परमप्रभु यावे आ निसाफ पतीक लोव़ थमा नु गेना हना यो ठीक बाक्‍नीम।  
\v 10 मेको सुन क्‍येङा यो शुश माल्‍चा ङा, क्‍येख सुन क्‍येङा यो क्‍येट लाइब खोदेंशो बाक्‍ब। मेको चाका रे याप्‍शो खुदो क्‍येङा यो जिज बाक्‍ब। 
\p  
\v 11 मेकोमी इन गेय पाइब कली होस पा बाक्‍पाइक्‍ब। मेको लोव़ टीबपुकीम ठेयब इनाम ताइनीम।  
\v 12 आ मतुइक्‍थु दूली पशो, सुम तुइक्‍बा ङा? आं मतुइक्‍थु मरिम्‍शो पशो माफ गेयीनी। \em अय्‍युब ४२:३-६\em* 
\v 13 इन गेय पाइब कली ठेयब लेश्‍शो दुम्‍तीक रे तेक्‍कीन। ठेयब लेश्‍शो दुम्‍तीकेमी आं कली हुकुम मपवल। मोपा गो दोस नु हेंथे पतीक रे ब्रोंइनुङ। 
\p  
\v 14 परमप्रभु यावे, आं सेरथे फुल्‍लु नु आं कली श्‍येत रे प्रोंइब, आं पशो लोव़ नु आं मिम्‍शो ब्रने। 
\c 20  
\s1 ग्राचा कली पुंइशो लोव़ 
\d कुम्‍सो पपाइक्‍ब कली दाऊद आ कुम्‍सो। 
\p  
\v 1 गे श्‍येत जनीनु, परमप्रभु यावेमी इन लोव़ लेत्‍तल। याकूब आ परमप्रभु आ नें आ पर्बम इन जोरी सत्रुम थिन्‍ने मचाप्‍मेक्‍ल। \em हितोपदेस १८:१०\em* 
\v 2 मेकोमी आ बाक्‍तीक रे इन कली वारच पाइब सोइक्‍तल। सियोन रे इन कली वारच पवल।  
\v 3 मेकोमी इन चढ़ेशो नु चोशा चढ़ेशो नेल्‍ल मिम्‍शा ब्रवल। \em ठेयब सेंदा पा।\em* 
\v 4 मेकोमी इन दाक्‍शो नेल्‍ल गेवल। इन मिम्‍शो नेल्‍ल खबल। \em भजन संग्रह २१:३\em* 
\v 5 गो इन ग्राशो तशा, ग्‍येरशा ग्रीशा आंइ परमप्रभु आ नेंमी छेदर पोक्‍नीकी। परमप्रभु यावेमी इन पुंइशो नेल्‍ल गेवल। 
\p  
\v 6 परमप्रभु यावेमी आ तेल लुक्‍शो पिप कली प्रोंइब, दे मुल तुइक्‍ताक्‍ङ। आ स्‍वर्ग ङा बाक्‍तीकेमी यो इन लोव़ नेंशा, आ सक्ति पाइश्‍शो ग्‍युरा गुइमी वारच पाइब। \em प्रस्‍थान १५:६\em* 
\v 7 कोइ मुरपुकीमी शारा, बग्‍गी तशा, ग्रानीकी, दे मिम्‍नीम। तन्‍न गोपुकी परमप्रभु यावे, आंइ परमप्रभु आ नें मिम्‍शा, ग्रानीकी। \em भजन संग्रह ३३:१७; ब्‍यवस्‍था २०:१; यसैया ३१:१\em* 
\v 8 मेकोपुकी गोल्‍नीम। तन्‍न गोपुकी राप्‍स ङा राप्‍स बाक्‍नीकी। 
\p  
\v 9 परमप्रभु यावे, आंइ पिप कली ग्रापतीन। गो पुंइकानु, आंइ लोव़ लेत्‍तीन। 
\c 21  
\s1 परमप्रभुम पिप कली वारच पशो 
\d कुम्‍सो पपाइक्‍ब कली दाऊद आ कुम्‍सो। 
\p  
\v 1 परमप्रभु यावे, इन सक्ति तशा, पिप ग्‍येरसाक्‍व। इन प्रोंइतीकेमी मेको शुश ग्‍येरसाक्‍व।  
\v 2 गे आ थुं ङा दाक्‍शो गेतीनी। आ पुंइशो “मगेनुङ” मदेंनी। \em ठेयब सेंदा पा।\em*\em भजन संग्रह २०:५; भजन संग्रह ३७:४\em* 
\p  
\v 3 गे मेको कली आसीक गेशा, रिम्‍शो पाइक्‍तीनी। मिनु आ पियाम क्‍येख सुन के सिरपेच गुप्‍ताक्‍नी।  
\v 4 मेकोमी “ब्रोंइचा गेयी” दे इन कली पुंइतु। मिनु गे मेको कली गेना हना यो ब्रोंइशा, बाक्‍चा गेतीनी। \em भजन संग्रह ६१:७\em* 
\v 5 इन प्रोंइतीकेमी आ दारस ठेयब दुम्‍त। शोंप नु मान ततीके मेको तारी वोइक्‍तीनी।  
\v 6 गे मेको कली गेना हना यो आसीक राइब सेल्‍शा, इन ङोंइती ग्‍येरपाइक्‍तीनी। 
\p  
\v 7 मारदे हना पिपमी परमप्रभु यावे कली थमा सुइश्‍शा, नेल्‍ल क्‍येङा ठेयब आ गेना हना यो दाक्‍तीकेमी पोक्‍च थेक्‍शा बाक्‍ब।  
\v 8 गे इन गुइमी इन जोरी सत्रु नेल्‍ल आन कली माल्‍शा ग्‍याइक्‍नीनी। इन कली काइ मदाक्‍ब आन कली इन ग्‍युरा गुइमी साइक्‍नीनी।  
\v 9 इन जाक्‍ची ना मेको आन कली ठेयब चुप्‍लुम हुम्‍शो खोदेंशो पा हुम्‍नीनी। परमप्रभु यावे, गे चुरशा, मेको आन कली दाक्‍शो खोदेंशो पा मीम दाक्‍पाइक्‍नीनी।  
\v 10 मेको आन चच युइ आन कली रागी रे क्‍याम्‍नीनी। आन आल आन कली मुर आन दाते रे क्‍याम्‍नीनी।  
\v 11 मेकोपुकीमी इन कली मरिम्‍शो पचा, दे मिम्‍शो बाक्‍तेक्‍म हना यो, आन मिम्‍शो पने मचाप्‍नीम। \em यसैया ८:१०\em* 
\v 12 गे मेको आन कली प्रोक्‍पाइश्‍शा, आन कुलम ख्रपाइक्‍चा कली लिब्रा कीनीनी। 
\p  
\v 13 परमप्रभु यावे, इन सक्तिम बोक्‍नीनी। गोपुकीमी कुम्‍सो पशा, इन सक्ति ठेयब बाक्‍ब, दे इन कली ठेयब सेल्‍नीकी। 
\c 22  
\s1 श्‍येत जाप्‍तु हना यो, छेङछेङ ताइब 
\d कुम्‍सो पपाइक्‍ब कली सुनी ङा किश्‍श आ लायो ङा दाऊद आ कुम्‍सो। यसैया ५३:-; मत्ती २७:३५-४६ 
\p  
\v 1 आं परमप्रभु, आं परमप्रभु, गे मारदे आं कली प्रोंइयीनी? मारदे गे आं कली वारच मप‍थु, ङोन बाक्‍नीनी। मारदे आं थोशो मनेंनीनी। \em मत्ती २७:४६\em* 
\v 2 आं परमप्रभु, गो इन कली नाक्‍त ब्रेङङानु, गे लोव़ मलेत्‍तीनी। गो नाक्‍दो ब्रेङङानु यो, आं थुं नाइक्‍चा मतङ।  
\v 3 मिनु इस्राएलीपुकीम इन कली ठेयब सेल्‍तीक कुम्‍सो पामेनु, गे का ला मेको आन तार बाक्‍नीनी।  
\v 4 आंइ किकी पिपीम इन कली थमा सुइक्‍ना सुइक्‍न बाक्‍शो बाक्‍मा बाक्‍त। गे मेको आन कली आन जोरी सत्रु रे प्रोंइशो बाक्‍तीनी।  
\v 5 इन कली पुंइशा ब्रेश्‍शा, ब्रोंइचा तशो बाक्‍तेक्‍म। इन कली जिम्‍मा गेंसीशा, थमा सुइश्‍शा, मुने मदोक्‍म। \em भजन संग्रह २५:२-३\em* 
\v 6 गो चहिं मुर मदुम्‍‍थु, लुस्‍पु खोदेंशो दुम्‍ती। मुरपुकीम आं कली शुक्‍शी पा ग्रांग्रा दित्‍नीम। \em अय्‍युब २५:६; यसैया ४१:१४\em* 
\v 7 आं कली ताइब नेल्‍लेमी आं पर्बम रिश्‍शा, ठेयब लेश्‍शो लोव़ पशा, आन पिया हिम्‍नीम। \em अय्‍युब १६:१०\em* 
\v 8 मिनु मेकोपुकीमी “परमप्रभु यावे कली थमा सुइक्‍ब, परमप्रभु यावेमी इन कली श्‍येत रे प्रोनल। मारदे हना परमप्रभुमी इन कली दाक्‍ब” दे शुक्‍शी पाइनीम। \em मत्ती २७:४३\em* 
\v 9 गो मोदेंब दुम्‍ती हना यो, गे आं कली जरमेपपाइक्‍तीनी। गो आं ममा आ दूध तूङु रे आं कली कोव़तीनी। 
\p  
\v 10 ङोंइती रे गो इन के दुम्‍ती। आं ममामी थियी रे गे आं परमप्रभु बाक्‍नीनी।  
\v 11 गे आं रे ङोन मबाक्‍कीन। मारदे हना गो श्‍येत जचा चिक्‍शो बाक्‍नुङ। वारच पाइब सुइ मबाक्‍नी‍म। 
\p  
\v 12 ठेयब सांढेपुकीमी पुम्‍ताक्‍यीमी। बाशान रागी ङा हिंचा ङा सांढेपुकीमी यो पुम्‍ताक्‍यीमी।  
\v 13 शोव़लु बेक्‍शा ग्रीशो गुप्‍स खोदेंशो पा आन शोव़ पाक्‍शा, ग्राम्‍चा चिक्‍ताक्‍यीमी।  
\v 14 गो लुक्‍शो ब्‍वाक्‍कु खोदेंशो दुम्‍ती। आं रुश नेल्‍ल गलाक गुलुक दुम्‍तेक्‍म। आं लुङगीर मयीन खोदेंशो दुम्‍शा, यशो बाक्‍ब।  
\v 15 आं सक्ति ग्‍युम्‍त। ब्रोल्‍शो खप के गर खोदेंशो दुम्‍त। आं शोव़ सोव़त। मिनु गे आं कली साइक्‍चा ठीक पाइतीनी। \em यूहन्‍ना १९:२८\em* 
\p  
\v 16 कुचुमपुकीमी आं कली पुम्‍ताक्‍यीमी। काइ मरिम्‍शो पाइब आन हुल आं एर ओंथ बाक्‍नीम। आं गुइ खोइली ख्रित्‍ताक्‍यीमी। \em यूहन्‍ना २०:२५,२७\em* 
\v 17 गो आं रुश का का पा हिक्‍ने चाप्‍नुङ। मेकोपुकीमी आं कली शुक्‍शी पा कोव़स ङा कोव़स बाक्‍नीम।  
\v 18 आं वासी योक्‍सीशा, आं फेक्‍शो वा आ पर्बम “सुम ताइबा” दे फेन्‍टे ग्‍यारनीम। \em यूहन्‍ना १९:२४\em* 
\v 19 परमप्रभु यावे, गे आं क्‍येङा ङोन मबाक्‍कीन। गे आं कली सक्ति गेब बाक्‍नीनी। गे रीब पा आं कली वारच पाइय्‍यीनी। 
\p  
\v 20 आं कली तरवार नु कुचुम रे प्रोंइयीनी।  
\v 21 गुप्‍स आ शोव़ नु ब्‍वाकी ङा सांढे आन ग्रोव़ रे प्रोंइयीनी। \em दानीएल ६:२३\em* 
\p  
\v 22 गो “इन नें ठेयब बाक्‍ब” दे आं लोक्‍ब आन कली शेंनुङमी। मिनु थमा सुइक्‍ब आन ग्रुम्‍तीकेमी इन नें ठेयब सेल्‍नुङ। \em भजन संग्रह २६:१२; हिब्रू २:१२\em* 
\v 23 गे परमप्रभु यावे कली मान पा हिंबपुकीमी, मेको कली ठेयब सेलीन। याकूब आ चच युइ, मेको कली “गे नेल्‍ल क्‍येङा ठेयब बाक्‍नीनी” देनीन। इस्राएल आ चच युइ नेल्‍ल मेको कली मान पा हिनीन।  
\v 24 मारदे हना मेकोमी श्‍येत जाइब आन श्‍येत तशा, आ कुल मख्रुइक्‍थु, आं ब्रेश्‍शो नेंतु। \em हिब्रू १५:७\em* 
\p  
\v 25 ठेयब ग्रुम्‍तीकेमी आं इन कली ठेयब सेल्‍तीक कुम्‍सो इन लां रे जाक्‍ब। आं कसम जशो इन कली मान पा हिंब आन ङोंइती खाप्‍नुङ।  
\v 26 प्रुङग मुरपुकी जशा रूनीम। मिनु परमप्रभु यावे कली माल्‍बपुकीमी “परमप्रभु यावे ठेयब बाक्‍ब” देंनीम। गेपुकी गेना हना यो ब्रोंइशा बाक्‍चा ताइनीनी। \em भजन संग्रह ६९:३३\em* 
\v 27 रागी रागी ङा मुरपुकीमी आं कली मिम्‍शा, परमप्रभु यावे गे लाइनीम। मिनु रागी ङा खिं खिं ङा मुरपुकी परमप्रभु आ ङोंइती बाप्‍नीम।  
\v 28 मारदे हना मेको राज्‍य परमप्रभु यावे केन बाक्‍ब। मिनु मेकोमी रागी रागी ङा मुर आन कली सासन पाइब।  
\v 29 रागी रागी ङा जाइब तूब, शुश क्‍येट थीबपुकी परमप्रभु आ ङोंइती बाप्‍नीम। मिनु बेक्‍शा, फुरक दुम्‍ब नेल्‍ले मेको आ ङोंइती बाप्‍नीम।  
\v 30 मिनु मेको आन चच युइपुकीमी मेको कली सेवा पाइनीम। मिनु आन नोले ङा पाला ङा मुर परमप्रभु यावे आ पर्बम शेंचा पुंइसीनीम।  
\v 31 मेकोपुकीम नोले जरमेशो मुर आन कली परमप्रभु आ ठीक पतीके आ पर्बम शेंनीम। मेकोमी प्रोंइतु, दे नेल्‍ल आन कली तुइक्‍पाइक्‍नीम। 
\c 23  
\s1 रिम्‍शो गोठला 
\d दाऊद आ कुम्‍सो। 
\p  
\v 1 परमप्रभु यावे आं गोठला बाक्‍ब। आं माल्‍शो नेल्‍ल बाक्‍ब। \em उत्‍पत्ती ४८:१५; यसैया ४०:११; यूहन्‍ना १०:११-३०\em* 
\v 2 आं कली रिम्‍शो घांस बाक्‍तीकेम इप्‍पाइक्‍ब। ब्रोव़शो ब्‍वाक्‍कु आ नेक्‍था चाक्‍दीप्‍ब। \em इजीकीएल ३४:१३-१४; प्रकाश ७:१७\em* 
\v 3 मेकोमी आं थुं बारपाइक्‍ब। आं कली आंम आ नें आ पर्बम ठीक लां कोंइब।  
\v 4 मिनु गो बेक्‍चा ङा बेंसीम गाक्‍ती हना यो, महिंनुङ। मारदे हना गे गो नु बाक्‍नीनी। इन कोक्‍के तशा आं थुं नाइश्‍शा ग्‍येरनुङ। \em भजन संग्रह ४६:३\em* 
\v 5 गे आं कली आं जोरी सत्रु आन ङोंइती थुल्‍नीनी। आं पिया तार तेल लुक्‍नीनी। आं कचौरा क्‍युप्‍चा ङा पा प्रिंताक्‍नी। \em भजन संग्रह ३६:९\em* 
\v 6 थमा पा गो मबेक्‍ङा सम्‍म परमप्रभु आ रिम्‍शो पतीके नु आ दाक्‍तीके गो नु बाक्‍ब। मिनु गो गेना हना यो परमप्रभु यावे आ खिंम बाक्‍नुङ। \em भजन संग्रह ८४:५\em* 
\c 24  
\s1 परमप्रभु आ बाक्‍तीक ओव़शो 
\d दाऊद आ कुम्‍सो। 
\p  
\v 1 रागी नेल्‍ल, मेकेर ङा मारेइ मारेइ नु मेकेर ङा ब्रोंइशा बाक्‍ब नेल्‍ल परमप्रभु यावे केन बाक्‍नीम। \em यूहन्‍ना १:११; १कोरिन्‍थी १०:२६\em* 
\v 2 मारदे हना परमप्रभुमी मेको नेल्‍ल आन कली ब्‍वाक्‍कु तारी सेल्‍शा, शुश ब्‍वाक्‍कु तारी लीमल, दे सेल्‍शो बाक्‍त। 
\p  
\v 3 सु परमप्रभु यावे आ डांडा ङोइक्‍चा ताइबा ङा? सु आ योव़शो बाक्‍तीकेम बाक्‍ने चाप्‍बा ङा? \em भजन संग्रह १५:-\em* 
\v 4 आन गुइमी काइ मरिम्‍शो मपाइबपुकी, रिम्‍शो थुं पाइश्‍शोपुकी, मूर्ति आन ङोंइती सेउ मपाइबपुकी नु जोल पा कसम मजाइबपुकी ला मेकेर ङोइक्‍ने चाप्‍नीम।  
\v 5 मेकोपुकीमी परमप्रभु यावे आ आसीक ताइनीम। मिनु पाप रे प्रोंइब परमप्रभुमी मेको आन कली आ ठीक पतीके गेब। \em यसैया ४८:१८\em* 
\v 6 मोदेंशो मुरपुकी परमप्रभु कली माल्‍ब बाक्‍नीम। मिनु “याकूब आ परमप्रभु, इन कुल तचा दाक्‍‍नीक” देंनीम। \em ठेयब सेंदा पा।\em* 
\p  
\v 7 मिनु “गे ठेयब लाप्‍चोपुकी इन पिया पोक्‍कीन। माइत लाप्‍चोपुकी रोक्‍सीन। मिनु मेकेर रे छेङछेङ ङा पिप ओव़ल। \em २सामुएल ६:१-१९; यसैया ४०:३-४\em* 
\v 8 मेको छेङछेङ ङा पिप सु बाक्‍मे? मेको मारेइ मारेइ पने चाप्‍ब ठेयब सक्ति पाइश्‍शो परमप्रभु यावे बाक्‍ब। परमप्रभु यावे लडाइम ग्राब बाक्‍ब।  
\v 9 गे ठेयब लाप्‍चोपुकी इन पिया पोक्‍कीन। माइत लाप्‍चोपुकी रोक्‍सीन। मिनु मेकेर रे छेङछेङ ङा पिप ओव़ल।  
\v 10 मेको छेङछेङ ङा पिप सु बाक्‍मे? मेको मुर नेल्‍ल आन परमप्रभु यावे बाक्‍ब। मेको छेङछेङ ङा पिप बाक्‍ब”। \em ठेयब सेंदा पा।\em* 
\c 25  
\s1 परमप्रभुमी माफ गेशा, लां कोंइब 
\d दाऊद आ कुम्‍सो। 
\p  
\v 1 परमप्रभु यावे, गो आं थुंमी इन नेक्‍था दुम्‍नुङ।  
\v 2 आं परमप्रभु, गो इन कली मिम्‍शा, महिंथु बाक्‍शो बाक्‍नुङ। गो मुने मदोक्‍ङल। आं जोरी सत्रु आं क्‍येङा मग्रामल।  
\v 3 इन लां कोव़ब नेल्‍ल मुने मदोक्‍मल। मोशान श्‍येत गेबपुकी चहिं मुने दोक्‍मल। 
\p  
\v 4 परमप्रभु यावे, आं कली इन लां कोंइदीनी। इन गाक्‍तीक लां शेंदीनी।  
\v 5 इन थमा पतीकेम आं कली गाक्‍चा, शेंदीनी। मारदे हना गे आं कली श्‍येत रे प्रोंइब परमप्रभु बाक्‍नीनी। गो नाक्‍त रे इन लां कोव़शा, बाक्‍नुङ।  
\v 6 परमप्रभु यावे, इन शिशी नु गेना हना यो दाक्‍तीके कली मिम्‍तीन। मारदे हना मेको साइ ङोंइती रेन बाक्‍त।  
\v 7 गो ठिटा बाक्‍ङा ना आं पशो पाप नु आं मरिम्‍शो पशो प्रेंदीन। परमप्रभु यावे, इन गेना हना यो दाक्‍तीके नु रिम्‍शो पतीकेम आं कली मिम्‍तीन।  
\v 8 परमप्रभु यावे रिम्‍शो नु रिम्‍शो थुं पाइश्‍शो बाक्‍ब। मोपतीके मेकोमी पाप पाइब आन कली आ लां आ पर्बम शेंब।  
\v 9 ब्रेम्‍शो आन कली ठीक लां कोंइशा, आ लां शेंब।  
\v 10 परमप्रभु यावे आ कबल नु आ देंशो टीब नेल्‍ल परमप्रभु आ गेना हना यो दाक्‍तीके नु आ दाक्‍शा मप्रोंइतीकेमी ब्रीशो बाक्‍नीम।  
\v 11 परमप्रभु यावे, आं पाप ठेयब बाक्‍त हना यो, इन नें आ पर्बम आं ठीक मपशो माफ गेयीनी। \em प्रस्‍थान ३४:६-७\em* 
\p  
\v 12 सु सुमी परमप्रभु यावे कली मान पा हिंनीमी, मेको आन कली तेको लां लचा माल्‍नीमी, मेको शेंब।  
\v 13 मिनु मेको आन माल्‍शो नेल्‍ल तशा, आन थुं नाइक्‍नीम। मेको आन आलपुकीम मेको रागी ताइनीम। \em भजन संग्रह ३७:९\em* 
\v 14 परमप्रभु यावे आ कली मान पा हिंब आन वारच बाक्‍ब। मिनु मेको आन कली आ कबल शेंब।  
\v 15 गो गेना हना यो परमप्रभु यावे गे ला कोव़नुङ। मारदे हना मेकोमी आं खोइली ब्‍वारद रे प्रोंइब। 
\p  
\v 16 गे आं गे हिरसीने। मिनु आं कली शिशी पाइय्‍यीनी। मारदे हना गो आं का दुम्‍शा, श्‍येत जशो बाक्‍नुङ।  
\v 17 आं थुं ङा श्‍येत बारशो बाक्‍नीम। मेको श्‍येत रे प्रोंइयीनी।  
\v 18 आं श्‍येत जशो नु आ थुं खाइश्‍शो कोव़ङीन। मिनु आं पशो पाप नेल्‍ल क्‍याम्‍दीने।  
\v 19 आं जोरी सत्रु आन कली कोव़ङीन, मारदे हना मेको शुश बाक्‍नीम। मिनु मेकोपुकीमी आं कली काइ मदाक्‍नीम। \em भजन संग्रह ३५:१९\em* 
\v 20 आं कली खाल पा प्रोंइ‍यीनी। गो मुने मदोक्‍ङल। मारदे हना इन कली जिम्‍मा गेसाक्‍यी।  
\v 21 रिम्‍शो पतीके नु रिम्‍शो थुं बाक्‍‍तीकेमी आं कली खाल पयील। मारदे हना गो इन लां कोव़शो बाक्‍नुङ।  
\v 22 परमप्रभु, इस्राएल कली आ श्‍येत नेल्‍ल रे प्रोनीन। \em भजन संग्रह १३०:८\em* 
\c 26  
\s1 परमप्रभु आ ङोंइती लोव़ पशो 
\d दाऊद आ कुम्‍सो। 
\p  
\v 1 परमप्रभु यावे, आं कली निसाफ पने। गो मारेइ दोस तचा ङा गेय मपङ। परमप्रभु यावे, गो इन कली जिम्‍मा गेंसीशा, महिम्‍सीथु बाक्‍ती।  
\v 2 परमप्रभु यावे, गे आं कली नाक्‍तीन। आं थुं नु मिम्‍तीक नाक्‍शा कोव़ङीन। 
\p  
\v 3 इन गेना हना यो दाक्‍तीक आं ङोंइती बाक्‍ब। मिनु गो इन कली मप्रोंइथु, गाक्‍शो बाक्‍नुङ।  
\v 4 गो दूली पाइब मुरपुकी नु मबाक्‍ङ। मिनु जोल पाइबपुकी नु गारशा गेय मपङ। \em भजन संग्रह १:३\em* 
\v 5 मरिम्‍शो पाइब आन देल्‍तीके ग्रांग्रा दीनुङ। मिनु इन अरेशो मटीब नु मबाक्‍नुङ।  
\v 6 आं गुइमी मारेइ मरिम्‍शो मपङ। परमप्रभु यावे, इन कली ठेयब सेल्‍शा, इन चढ़ेतीके आ एर ओंथ हिरशा बाक्‍नुङ। \em ब्‍यवस्‍था २१:६-७; मत्ती २७:२४\em* 
\v 7 मेना इन नें ठेयब सेल्‍ना सेल्‍न कुम्‍सो पा, इन पशो छक लाक्‍चा ङा गेय नेल्‍ल ठेयब सेंदाम शेंनुङ।  
\v 8 परमप्रभु यावे, इन बाक्‍तीक खिं नु इन छेङछेङ दाक्‍नुङ। \em भजन संग्रह २२:४; भजन संग्रह १२२:१-२\em* 
\p  
\v 9 आं कली मरिम्‍शो पाइब नु हुश ख्राक्‍श पोक्‍ब नु मसाइय्‍यीनी।  
\v 10 मेकोपुकीम मरिम्‍शो ला पशा, घूस जाइनीम।  
\v 11 गो चहिं, मारेइ दोस तचा ङा गेय मपथु, बाक्‍शो बाक्‍नुङ। आं कली शिशी पचा मप्रोंइयीनी।  
\v 12 परमप्रभु यावे, गो दिंममी राप्‍शा, शुश मुर आन ग्रुम्‍तीकेमी इन कली ठेयब सेल्‍नुङ। \em भजन संग्रह २२:२३\em* 
\c 27  
\s1 परमप्रभु यावे नु थुं का दुम्‍शो 
\d दाऊद आ कुम्‍सो। 
\p  
\v 1 परमप्रभु यावे आं छेङछेङ नु आं कली श्‍येत रे प्रोंइब बाक्‍ब। गो सु नु हिंचा माल्‍नुङा ङा? परमप्रभु यावे आं ब्रोंइतीक सक्ति नु आं ख्रुइक्‍तीक बाक्‍ब। आं कली सुम हिंच कोंइने चाप्‍बा ङा? \em मीका ७:८; भजन संग्रह ५६:५\em* 
\v 2 मरिम्‍शो मुरपुकी आं श्‍ये ब्‍वचा कली आं नेक्‍था जाक्‍मानु, आं कली खेदा पाइब नु आं जोरी सत्रु दाइल पपाइश्‍शा खोल्‍चा पुंइसाक्‍म।  
\v 3 मिनु ठेयब लडाइ पाइब हुलम पुम्‍ताक्‍यीमी हना यो, गो महिंनुङ। जिचा पोक्‍तेक्‍म हना यो “परमप्रभुमी आं कली प्रोंइब” दे थमा सुइश्‍शा बाक्‍नुङ। \em भजन संग्रह ३:७\em* 
\p  
\v 4 गो परमप्रभु यावे नु लोव़ का पुंइनुङ। मिनु मेको माल्‍ना माल्‍न बाक्‍नुङ। मेको मार बाक्‍ब देंशा हना “गो मबेक्‍ङा सम्‍म परमप्रभु यावे आ बाक्‍तीकेमी बाक्‍शा, परमप्रभु यावे आ रिम्‍शो पतीके तचा नु आ खिंम मेको कली माल्‍शा तुइक्‍चा दाक्‍नुङ। \em भजन संग्रह २६:८; भजन संग्रह ४२:५; भजन संग्रह ६३:३; भजन संग्रह ८४:४,५,११\em* 
\v 5 मारदे हना श्‍येत दुम नाक्‍ती, मेकोमी आं कली आ बाक्‍तीकेमी ख्रुइश्‍शा वोइक्‍ब। मिनु आं कली सेरथे फुल्‍लु तारी वोइक्‍ब। \em भजन संग्रह ३१:२१\em* 
\v 6 मोपा आं एर ओंथ बाक्‍शो जोरी सत्रु आन ङोंइती आं पिया पोक्‍ब। मिनु गो ग्‍येरशा ठेयब सेंदामी परमप्रभु यावे कली चढ़ेशा, कुम्‍सो पाइनुङ। 
\p  
\v 7 परमप्रभु यावे, गो इन कली ब्रेङङानु, गे आं लोव़ नेंशा, शिशी पा आं पुंइशो गेयीनी।  
\v 8 परमप्रभु यावे, इन लोव़मी ‘आं कली मालीन’ दे ब्रेक्‍शो खोदेंशो पा, आं थुंमी इन कली माल्‍नुङ। \em ब्‍यवस्‍था ४:२९\em* 
\v 9 इन कुल आं क्‍येङा मख्रुइक्‍तीन। इन गाइक्‍तीकेमी इन गेय पाइब, आं कली, मतिल्‍यीनी। गे आं कली वारच पाइब बाक्‍नीनी। गो नु बाक्‍शा, मप्रोंइयीनी। गे आं कली श्‍येत रे प्रोंइब बाक्‍नीनी।  
\v 10 आं आम आफोमी आं कली प्रोंइतीसी हना यो, परमप्रभु यावेमी आं कली कोव़ब।  
\v 11 परमप्रभु यावे, आं कली इन लां शेंदीनी। मिनु आं जोरी सत्रु आन पर्बमी आं कली ठीक लां कोंइदीनी। \em भजन संग्रह ८६:११; भजन संग्रह १३९:२४\em* 
\v 12 आं कली खेदा पाइब आन गुइमी मगेयीनी। मारदे हना मेको जोल पा सांकछी बाक्‍शो बाक्‍नीम। मेकोपुकी हुश ख्राक्‍श पोक्‍ब बाक्‍नीम।  
\v 13 गो ब्रोंइशा बाक्‍ब आन बाक्‍तीकेमी, परमप्रभु यावे आ रिम्‍शो पतीके ताइनुङ, दे थमा सुइक्‍नुङ” दे लोव़ पाता। \em यसैया ३८:११\em* 
\v 14 गो इ कली “परमप्रभु यावे आ वारच पतीके रिम्‍दो। बोल्‍यो दुमो। इ थुं बारपतो। मिनु परमप्रभु यावे आ वारच पतीके रिम्‍दो” दे कुम्‍सो पाता। 
\c 28  
\s1 शिशी नु वारच पतीके पुंइशो 
\d दाऊद आ कुम्‍सो। 
\p  
\v 1 परमप्रभु यावे, गो इन कली लोव़ पाइनुङ। गे आं सेरथे फुल्‍लु बाक्‍नीनी। आं कली लोव़ मलेत्‍थु, आं क्‍येङा ङोन मलने। मो पाइतीनी हना, गो बेक्‍शो मुर खोदेंशो दुम्‍नुङ।  
\v 2 आं पुंइशो लोव़ नेनीन। गो इन योव़शो बाक्‍तीके रे आं गुइ पोक्‍शा “वारच पाइय्‍यीनी” दे आं ब्रेश्‍शो लोव़ नेनीन।  
\v 3 आं कली इन अरेशो मटीब नु मरिम्‍शो पाइब मुर नु मक्‍याम्‍दीन। मेको आन नेक्‍था ङा मुर नु गारशो लोव़ पाइनीम। तन्‍न आन थुं मरिम्‍शो पतीकेमी ब्रीशो बाक्‍नीम। \em २सामुएल २०:९-१०\em* 
\v 4 मेको आन पशो नु थाम्‍पा मरिम्‍शो पशो आ पर्बम क्‍येक्‍क लेत्‍तीन। दोदेंशो पा पामे, मोदेंशो पा क्‍येक्‍क लेत्‍तीन।  
\v 5 मेकोपुकीमी परमप्रभु यावे आ पशो नु आ गुइमी सेल्‍शो मारेइ ममिम्‍नीम। परमप्रभुमी मेको आन कली गेनायो मबोक्‍चा ङा पा क्‍याम्‍शा, लेंशा मसेल्‍ब। \em यसैया ५:१२-१३\em* 
\p  
\v 6 गो परमप्रभु यावे कली ठेयब सेल्‍नुङ। मारदे हना “आं कली वारच पाइय्‍यीनी” दे आं पुंइशो नेंतु।  
\v 7 परमप्रभु यावे आं सक्ति नु आं तेक्‍तीके बाक्‍ब। गो मेको कली थमा सुइक्‍ता। मोपा आं कली वारच पाइक्‍ती। मोपतीके गो थाम्‍पा ग्‍येरसीशो बाक्‍नुङ। गो आं कुम्‍सोमी मेको कली ठेयब सेल्‍नुङ। 
\p  
\v 8 परमप्रभु यावे आ मुर आन सक्ति बाक्‍ब। आ तेल लुक्‍शो पिप कली प्रोंइब बाक्‍ब।  
\v 9 इन मुर आन कली प्रोनीन। इन रागी कली आसीक गेने। मिनु मेको आन कली गेना हना यो गोठला खोदेंशो पा योव़शा, गुप्‍शा, कुरशा पने। 
\c 29  
\s1 परमप्रभु कली ठेयब सेल्‍शो 
\d दाऊद आ कुम्‍सो। 
\p  
\v 1 गे सक्ति पाइश्‍शो आन तौपुकी, परमप्रभु यावे कली “गे सक्ति नु छेङछेङ पाइश्‍शो बाक्‍नीनी” देनीन। \em भजन संग्रह १०३:२०-२१\em* 
\v 2 गे परमप्रभु यावे कली “इन नें नेल्‍ल आन क्‍येङा ठेयब बाक्‍ब” देनीन। गे परमप्रभु यावे आ दाक्‍तीकेमी ग्‍योम्‍सीशा परमप्रभु यावे आ ङोंइती बाप्‍पीन।  
\v 3 परमप्रभु यावे आ सेंदा ब्‍वाक्‍कु तारी बाक्‍ब। छेङछेङ ङा परमप्रभुमी ठेयब ब्‍वाक्‍कु तारी बुंबु पपाइक्‍ब। परमप्रभु यावे ब्‍वाक्‍कु तारी बाक्‍ब।  
\v 4 परमप्रभु यावे आ सेंदा सक्ति पाइश्‍शो बाक्‍ब। परमप्रभु यावे आ सेंदा नेल्‍ल मान ततीक बाक्‍ब।  
\v 5 परमप्रभु यावे आ सेंदामी लेबानोन ङा लाइश्‍शो रवा आन कली जिक्‍ब। परमप्रभु यावे आ लोव़मी लेबानोन ङा लाइश्‍शो रवा आन कली जिक्‍ब।  
\v 6 मेकोमी लेबानोन डांडा कली बाछा नु हेरमोन डांडा कली ब्‍वाकी ङा ब्‍यफ खोदेंशो पा प्रेक्‍पाइक्‍ब। \em ब्‍यवस्‍था ३:८-९\em* 
\v 7 परमप्रभु यावे आ सेंदा चिला खोदेंशो बाक्‍ब।  
\v 8 परमप्रभु यावे आ सेंदामी गोरशो रागी हिम्‍पाइक्‍ब। परमप्रभु यावेमी कादेश माइश्‍शो गोरशो रागी हिम्‍पाइक्‍ब।  
\v 9 परमप्रभु यावे आ सेंदामी ठेयब रवा कली जिक्‍पाइक्‍ब। ब्‍वाकी ङा रवा नेल्‍ल शोल्‍मो पा खोल्‍ब। मिनु नेल्‍लेमी “परमप्रभु ला ठेयब बाक्‍ब” दे आ बाक्‍तीकेमी लोव़ पाइनीम। 
\p  
\v 10 परमप्रभु यावे आ ठेयब नित्‍तीके ब्‍वाक्‍कु तारी बाक्‍ब। मेको आ ठेयब नित्‍तीकेम निश्‍शा, गेना हना यो सासन पाइब।  
\v 11 परमप्रभु यावेमी आ मुर आन कली सक्ति गेब। परमप्रभु यावेमी आ मुर आन कली आसीक गेशा, थुं नाइक्‍पाइक्‍ब। 
\c 30  
\s1 बेक्‍चा रे प्रोंइशो 
\d परमप्रभु यावे आ खिं सेल्‍ने नुम्‍मेनु पतीक, दाऊद आ कुम्‍सो। 
\p  
\v 1 परमप्रभु यावे, गो इन कली मान पाइनुङ। मारदे हना गे आं कली उइ रे ग्‍येत्‍थ पोक्‍तीनी। मिनु आं जोरी सत्रु आन कली आं पर्बम ग्‍येरचा मगेनी।  
\v 2 परमप्रभु यावे, आं परमप्रभु, इन कली “वारच पाइय्‍यीनी” दे ब्रेङङानु, गे आं कली सापाइक्‍तीनी।  
\v 3 परमप्रभु यावे, गे आं कली बेक्‍शो मुर आन बाक्‍तीक रे ग्रुंइताक्‍यीनी। बेक्‍शो मुर आन दातेमी आं कली ब्रोंइतीक सोक्‍त गेशा, प्रोंइतीनी। \em भजन संग्रह ११६:३,४, ७-९\em* 
\p  
\v 4 परमप्रभु यावे कली टीबपुकी, मेको कली कुम्‍सो पने। मिनु आ नें ठेयब से‍लीन।  
\v 5 मारदे हना आ गाइक्‍तीक इच्‍का ला बाक्‍ब। तन्‍न आ शिशी पतीके ब्रोंइशो सम्‍म लीब। मुर नाक्‍दो रे ङाक्‍चा माल्‍ताक्‍व हना यो, सुनी ग्‍येरपाइक्‍चा पुंइसीब। \em यसैया ५४:७-८\em* 
\p  
\v 6 गो थुं नाइश्‍शा बाक्‍ङानु “गो गेनायो महिम्‍सीनुङ” देंती।  
\v 7 परमप्रभु यावे गेमी शिशी पा आं डांडा बोल्‍यो सेल्‍तीनी। मिनु नोले इन कुल ख्रुइक्‍तीनीनु, गो हिंती।  
\v 8 परमप्रभु यावे, गो इन कली पुंइता। गो इन कली ब्रेत्‍ती।  
\v 9 गो बेक्‍ङानु, इन कली मार रिम्‍शो दुम्‍बा ङा? फुरकुमी इन कली ठेयब सेल्‍बा ङा? मार, इन दाक्‍शा गेनायो मप्रोंइतीक आ पर्बम शेंबा ङा? \em भजन संग्रह ६:६\em* 
\v 10 परमप्रभु यावे, आं लोव़ नेनीन। आं कली शिशी पाइय्‍यीनी। आं कली वारच पाइब दुमीन। 
\p  
\v 11 गो रोंका पाइब मुर, सिल पाइब दुम्‍ती। आं रोंका पतीक अरन्‍डी प्रुइश्‍शा, ग्‍येरतीक किप्‍शुर खोदेंशो पा किप्‍ताक्‍यीनी।  
\v 12 गो सिक्‍सी पा मबाक्‍थु, इन पर्बम कुम्‍सो पाइनुङ। परमप्रभु यावे, गेना हना यो बाक्‍ब आं परमप्रभु, गो इन कली ठेयब सेल्‍नुङ। 
\c 31  
\s1 परमप्रभु कली जिम्‍मा गेंसीशो 
\d कुम्‍सो पपाइक्‍ब कली दाऊद आ कुम्‍सो। 
\p  
\v 1 परमप्रभु यावे गो इन कली जिम्‍मा गेसीनुङ। गो गेनायो मुने मदोक्‍ङल। इन ठीक पतीकेमी आं कली प्रोंइयीनी।  
\v 2 इन नोफा दाइक्‍तीने, आं कली रीब पा प्रोंइयीनी। गे आं ख्रुइक्‍तीक सेरथे फुल्‍लु नु आं कली प्रोंइब बोल्‍यो दरवार दुमीन। \em भजन संग्रह ७१:३\em* 
\v 3 इन नें आ पर्बम आं कली शेंशा, लां कोंइदीनी। मारदे हना गे आं सेरथे फुल्‍लु नु आं बोल्‍यो दरवार बाक्‍नीनी।  
\v 4 मेकोपुकीमी आं कली मतचा ङा पा ब्‍वारद दाइक्‍ताक्‍म। आं कली प्रोंइयीनी। मारदे हना गे आं सक्ति बाक्‍नीनी।  
\v 5 आं सोक्‍त इन गुइमी जिम्‍मा गेनुङ। परमप्रभु यावे, गे आं कली श्‍येत रे प्रोंइतीनी। गे इन मुर आन कली दाक्‍शा मप्रोंइब परमप्रभु बाक्‍नीनी। \em लूका २३:४६\em* 
\v 6 गो शोर गाक्‍शो मूर्ति आन कली सेउ पाइब आन कली ग्रांग्रा दित्‍नुङमी। गो परमप्रभु यावे इन कली जिम्‍मा गेसाक्‍यी।  
\v 7 इन गेना हना यो दाक्‍तीक तशा, ग्‍येरना ग्‍येरन बाक्‍ती। मारदे हना गे आं श्‍येत तशा, आं थुं लुक्‍च लशो तुइश्‍शो बाक्‍नीनी।  
\v 8 गे आं कली आं जोरी सत्रु आन गुइमी मगेनी। गे आं कली रिम्‍शो ठेयब बाक्‍तीकेमी बाक्‍पाइक्‍तीनी। 
\p  
\v 9 परमप्रभु यावे, आं कली शिशी पाइय्‍यीनी। मारदे हना गो श्‍येत जशो बाक्‍नुङ। आं थुं लुक्‍च दुम्‍तीके आं मिक्‍च ओव़शो नु आं रां सोव़शो बाक्‍ब।  
\v 10 आं थुं ग्‍येत्‍थ लुक्‍च लतीके, गो बेक्‍चा चिक्‍शो बाक्‍ती। हुक‍यी पतीकेमी आ ब्रोंइतीक नाक्‍ती योल्‍तेक्‍म। आं ठीक मपशोमी आं बोल नेल्‍ल ग्‍युम्‍शो बाक्‍ब। मिनु आं रुश नेल्‍ल मुक्‍शो बाक्‍नीम।  
\v 11 आं जोरी सत्रु आन क्‍येङा आं नेक्‍था ङा मुरपुकीमी शुश शुक्‍शी पाइक्‍चा पुंइसीब दुम्‍ती। आं तुइश्‍शो मुर आं कली तशा हिंनीम। आं कली लांम ग्रुम्‍ब मुरपुकी आं कली तशा हिंशा प्रोक्‍नीम।  
\v 12 बेक्‍शो मुर खोदेंशो पा सुइमी आं कली ममिम्‍नीम। गो ब्रोल्‍शो गर खोदेंशो दुम्‍ती।  
\v 13 गो ते लती हना यो हिंतीके ला बाक्‍ब। मारदे हना शुशेमी आं पर्बम जोल पा लोव़ पशो नेंता। मेकोपुकी बुक्‍शा, आं कली साइक्‍चा कली सल्‍ला पाम्‍तेक्‍म। \em येरमीया २०:३\em* 
\p  
\v 14 तन्‍न परमप्रभु यावे, इन कली जिम्‍मा गेंसीशो बाक्‍नुङ। गो “गे आं परमप्रभु बाक्‍नीनी” देंती।  
\v 15 आं ब्रोंइतीक नाक्‍ती इन गुइमीन बाक्‍ब। आं जोरी सत्रु नु आं कली खेदा पाइबपुकी रे प्रोंइयीनी। \em भजन संग्रह १३९:१६; उपदेसक ३:१-८\em* 
\v 16 इन छेङछेङ ङा कुल इन वाइल तारी वोतीन। इन शिशी पतीकेमी आं कली प्रोंइयीनी। \em भजन संग्रह ८०:४; गन्‍ती ६:२५\em* 
\v 17 परमप्रभु यावे, गो मुने मदोक्‍ङल। मारदे हना गो इन कली “वारच पने” दे पुंइता। इन अरेशो मटीबपुकी मुने दोक्‍मल। मेकोपुकी बेक्‍शो मुर आन बाक्‍तीकेम सिक्‍सी पा बाक्‍मल।  
\v 18 ठेयब लेश्‍शो मुरपुकीम ठीक पाइब आन कली आइक्‍च सेल्‍शा, मरिम्‍शो पाइनीम। जोल पा लोव़ पाइनीम। मेको आन शोव़ ख्रेप्‍तीन। 
\p  
\v 19 गे इन कली मान पा हिंब आन कली गेना हना यो शुश दाक्‍नीनी। इन कली जिम्‍मा गेंसीब आन कली दाक्‍तीके मुर आन ङोंइती कोंइनीनी।  
\v 20 इन मुर आन कली मरिम्‍शो मुर आन क्‍येङा प्रोंइचा, दे इन बाक्‍तीकेमी ख्रुइक्‍नीनी। गे इन मुर आन कली मरिम्‍शो लोव़ पाइब आन क्‍येङा ख्रुइक्‍नीनी। \em भजन संग्रह २७:५\em* 
\p  
\v 21 परमप्रभु यावे ठेयब बाक्‍ब। आं कली बोल्‍यो सहरम पुम्‍शो खोदेंशो पा आ छक लाक्‍चा ङा दाक्‍तीके कोंइताक्‍यी।  
\v 22 ङोंइती गो हिंशा “गे आं कली मताइनीनी” देंती हना यो “वारच पाइय्‍यीनी” दे आं पुंइशो लोव़ नेंतीनी। 
\p  
\v 23 परमप्रभु यावे आ मुर नेल्‍लेमी परमप्रभु कली दाक्‍तीन। परमप्रभु यावेमी आ कली थमा सुइक्‍ब आन कली कोव़ब। ठेयब लेश्‍शो आन कली आन क्‍येक्‍क लेप्‍ब।  
\v 24 परमप्रभु यावे आ लां कोव़शा रिम्‍बपुकी, सक्ति पाइश्‍शा, ठेयब थुं पाइश्‍शो दुमीन। 
\c 32  
\s1 मरिम्‍शो पशो क्‍याम्‍चा पुंइसीशो 
\d शेंतीक लोव़ ङा दाऊद आ कुम्‍सो। 
\p  
\v 1 सु सु आन हेंथे पशो क्‍याम्‍चा पुंइसीशो बाक्‍मा, मेको ग्‍येरसीशो मुर बाक्‍नीम। मारदे हना आन पाप सुम्‍शो बाक्‍ब। \em रोमी ४:६-८\em* 
\v 2 परमप्रभु यावेमी सु सु आन मरिम्‍शो पशो ममिम्‍बा, मेको ग्‍येरसीशो बाक्‍नीम। मेको आन थुंमी जोल पतीक काइ मबाक्‍ब। 
\p  
\v 3 गो आं मरिम्‍शो पशो आ पर्बम सिक्‍सी पा बाक्‍शा, नाक्‍त रे आं श्‍येत जशोमी हुक‍यी पाता। मिनु आं रुश नेल्‍ल मुक्‍ताक्‍मे।  
\v 4 मारदे हना नाक्‍दो नाक्‍ती इन गुइमी चिप्‍ताक्‍यीनी। गो नाप्‍शो नांम किक्‍शो खोदेंशो दुम्‍ती। \em ठेयब सेंदा पा।\em*\em भजन संग्रह ३८:१९; हितोपदेस २८:१३; याकूब ५:१६; यसैया ३८:१७\em* 
\v 5 मिनु “गो परमप्रभु यावे कली आं पाप शोव़नुङ” देंशा, गो आं मरिम्‍शो पशो इन ङोंइती मख्रुइक्‍तु। मिनु गे आं मरिम्‍शो पशो क्‍याम्‍ताक्‍नी। \em ठेयब सेंदा पा।\em* 
\p  
\v 6 मोपतीके इन कली टीब मुर नेल्‍लेम श्‍येत जशा, इन कली लोव़ पाइनीम। मिनु ब्‍वाक्‍कु बारशा जाक्‍त हना यो, मेको आन बाक्‍तीके मजाक्‍दीप्‍ब।  
\v 7 गे आं ख्रुइश्‍शा बाक्‍तीके बाक्‍नीनी। गे आं कली श्‍येत रे प्रोंइनीनी। गे आं कली श्‍येत रे प्रोंइतीक कुम्‍सो पपाइक्‍नीनी। \em ठेयब सेंदा पा।\em* 
\p  
\v 8 मिनु परमप्रभुमी “गे तेको लांम गाक्‍चा माल्‍नीनी, मेको इन कली शेंनन्‍नी। गो इन कली कोव़शा, लां कोंइनन्‍नी।  
\v 9 गे मिम्‍तीके मपाइश्‍शो शारा नु खच्‍चर खोदेंशो मदुमीन। मेको आन कली बिप्‍पाइक्‍चा कली लगम नु चलेतीके माल्‍ब। मो मदुम्‍त हना, मेकोपुकी इन नेक्‍था मजाक्‍नीम” देंत। 
\p  
\v 10 इन अरेशो मटीबपुकी शुश श्‍येत जाइनीम। तन्‍न परमप्रभु यावे कली थमा सुइक्‍बपुकी आ गेना हना यो दाक्‍तीक ताइनीम।  
\v 11 गे ठीक पाइबपुकी, परमप्रभु यावे कली मिम्‍शा ग्‍येरसीने। रिम्‍शो थुं पाइश्‍शोपुकी ग्‍येरशा, कुम्‍सो पने। 
\c 33  
\s1 परमप्रभु कली ठेयब सेल्‍शो कुम्‍सो 
\p  
\v 1 ठीक पाइबपुकी परमप्रभु यावे कली मिम्‍शा ग्‍येरसीने। रिम्‍शो थुं पाइश्‍शोपुकीमी परमप्रभु यावे कली ठेयब सेल्‍तीक कुम्‍सो पचा शिरनीम।  
\v 2 बीना ताप्‍शा, परमप्रभु यावे कली ठेयब सेलीन। १० ओटा तार पाइश्‍शो ठेयब ताप्‍तीक ताप्‍शा, मेको कली कुम्‍सो पने।  
\v 3 मेको कली नक कुम्‍सो का पने। रिम्‍शो पा ताप्‍शा, ग्‍येरसीने। \em भजन संग्रह ४०:४; भजन संग्रह ९६:१; भजन संग्रह ९८:३; भजन संग्रह १४४:९; भजन संग्रह १४९:१; यसैया ४२:१०; प्रकाश ५:९\em* 
\v 4 मारदे हना परमप्रभु यावे आ लोव़ थमा बाक्‍ब। मिनु मेको आ गेय नेल्‍ल आ दाक्‍शा मप्रोंइतीकेमी पाइब।  
\v 5 मेकोमी ठीक पतीके नु ठीक निसाफ दाक्‍ब। रागी नेल्‍ल परमप्रभु यावे आ गेना हना यो दाक्‍तीकेमी ब्रीशो बाक्‍ब। 
\p  
\v 6 परमप्रभु यावेमी लोव़ पशा, सरीङ सेल्‍तु। आ मुइश्‍शोमी सोरुल नेल्‍ल दुम्‍तेक्‍म। \em उत्‍पत्ती १:६,१४\em* 
\v 7 मेकोमी समुन्‍द्र ङा ब्‍वाक्‍कु कली गारो खोदेंशो पा राप्‍पाइश्‍शो बाक्‍त। मिनु मेको कली वोइक्‍तीकेमी वोइश्‍शो बाक्‍त। \em भजन संग्रह १०४:९\em* 
\v 8 रागी नु मेकेर बाक्‍ब मुर नेल्‍ले परमप्रभु यावे कली मान पा हिंमल।  
\v 9 मारदे हना परमप्रभुमी लोव़ पा मारेइ मारेइ दुम्‍शो बाक्‍त। मेकोमी अरेवानु, दुम्‍शो बाक्‍तेक्‍म। \em भजन संग्रह १४८:५\em* 
\v 10 परमप्रभु यावेमी रागी रागी ङा मुर आन मिम्‍शा पशो खतम सेल्‍ब। मेकोमी जात जात ङा मुर आन मिम्‍शो गेय शोर गाक्‍शो सेल्‍ब।  
\v 11 परमप्रभु यावे आ मिम्‍शो गेना हना यो लीब। आ थुंम मिम्‍शो नेल्‍ल पाला सम्‍म लीब।  
\v 12 तेको रागीम परमप्रभु, आं परमप्रभु यावे बाक्‍बा, मेको ग्‍येरसीशो रागी बाक्‍ब। मारदे हना मेको योव़सीशो रागी बाक्‍ब। \em ब्‍यवस्‍था ३३:२९\em* 
\v 13 परमप्रभु यावेमी स्‍वर्ग रे कोव़शा, मुर नेल्‍ल आन कली ताइब।  
\v 14 मेकोमी आ बाक्‍तीक रे रागीम बाक्‍ब मुर नेल्‍ल आन कली कोव़ब।  
\v 15 मेकोमी मुर नेल्‍ल आन थुं ङा मिम्‍तीके सेल्‍ब। मुर नेल्‍ल आन पशो यो कोव़ब। \em हितोपदेस २१:१\em* 
\p  
\v 16 मिनु सुइ पिप लडाइ पाइब आन पतीकेमी ब्रोंइने मचाप्‍नीम। लडाइ पाइब मुर आन ठेयब बोलम ब्रोंइने मचाप्‍नीम। \em १सामुएल १७:-\em* 
\v 17 मिनु “लडाइम शुश शारा बाक्‍तीके ब्रोंइनीकी” देंचा जोल बाक्‍ब। मेको आन ठेयब सक्तिम यो प्रोंइने मचाप्‍ब। \em भजन संग्रह २०:८\em* 
\v 18 परमप्रभु यावेमी आ कली मान पा हिंब नु आ गेना हना यो दाक्‍तीक कली रिम्‍ब आन कली कोव़ब।  
\v 19 मिनु मेको आन कली बेक्‍चा रे प्रोंइब। मिनु अन्‍काल दुम्‍मेनु, ब्रोंइपाइक्‍ब।  
\v 20 गोपुकी परमप्रभु यावे आ लां कोव़शो बाक्‍नीक। मेको आंइ कली वारच पाइब नु तेक्‍तीके बाक्‍ब।  
\v 21 मिनु परमप्रभु आ पर्बम आंइ थुं ग्‍येरब। मारदे हना गोपुकी मेको आ नेंमी जिम्‍मा गेसाक्‍क।  
\v 22 परमप्रभु यावे, गो दोपा इन लां कोव़का, मोपा इन गेना हना यो दाक्‍तीके गोपुकी नु बाक्‍ल। 
\c 34  
\s1 परमप्रभुमी कोव़शो 
\d दाऊद आ कुम्‍सो। दाऊदमी पिप अबीमेलेक क्‍येङा हिंशा, निप्‍स ग्‍यशो दुम्‍ची ना पशो कुम्‍सो। अबीमेलेकमी दाऊद कली खेरानु, दाऊद लशो। १सामुएल २१:१४-१६ 
\p  
\v 1 गो परमप्रभु यावे कली गेना हना यो ठेयब सेल्‍नुङ। मेको कली ठेयब सेल्‍तीक लोव़ गेना हना यो आं शोव़म बाक्‍ब।  
\v 2 परमप्रभु यावे कली मिम्‍तीके आं थुं बारशा, ग्‍येरब। ब्रेम्‍शो थुं पाइश्‍शोपुकी यो एको नेंशा, ग्‍येरसीनीम।  
\v 3 गे गो नु परमप्रभु यावे कली ठेयब सेलीन। मिनु गो नेल्‍ल गारशा, आ नें ठेयब सेल्‍य। 
\p  
\v 4 मिनु गो परमप्रभु यावे कली माल्‍ता। मेकोमी आं लोव़ लेत्‍ताक्‍यी। मेकोमी आं कली हिंतीक नु श्‍येत रे प्रोंइती।  
\v 5 मेको आ लां कोव़बपुकी ग्‍येरशो दुम्‍नीम। मेकोपुकी मुने मदोक्‍मल।  
\v 6 एको श्‍येत जाइबम पुंइतु। मिनु परमप्रभु यावेमी आ लोव़ नेंशा, आ श्‍येत रे प्रोंइतु।  
\v 7 परमप्रभु यावे आ स्‍वर्ग ङा गेय पाइबम परमप्रभु कली मान पा हिंब नेल्‍ल आन एर ओंथ बाक्‍शा, खाल पाइब। मिनु मेको आन कली आन श्‍येत रे प्रोंइब। \em भजन संग्रह ९१:११; उत्‍पत्ती ३२:२-३; २राजा ६:१७\em* 
\v 8 परमप्रभु यावे कली कोव़ङीन, मेको रिम्‍शो बाक्‍ब। मेको कली जिम्‍मा गेंसीबपुकी ग्‍येरसीशो बाक्‍नीम। \em १ पत्रुस २:३\em* 
\v 9 परमप्रभु यावे आ मुरपुकी मेको कली मान पा हिनीन। मारदे हना मेको कली मान पा हिंबपुकी मारेइ मारेइम गाप्‍शो बाक्‍नीम।  
\v 10 शुश क्‍येट थीब आन तमी तौ जचा ब्‍वचा मतथु, शोव़लु बेक्‍नीम। तन्‍न परमप्रभु यावे कली माल्‍ब मारेइ मारेइम गाप्‍शो बाक्‍नीम। \em लूका १:५३\em* 
\p  
\v 11 आलपुकी, एक जाक्‍कीन। मिनु आं लोव़ नेनीन। गो इन कली परमप्रभु यावे कली मान पा हिंतीके आ पर्बम शेंनन्‍नी। 
\p  
\v 12 सु सुमी शुश नाक्‍ती ब्रोंइचा नु रिम्‍शो तचा दाक्‍नीमी,  
\v 13 मेको मरिम्‍शो लोव़ नु जोल पतीके रे ङोन बाक्‍चा माल्‍नीम।  
\v 14 मरिम्‍शो पतीके रे लेश्‍शा, रिम्‍शो पने। थुं नाइश्‍शा बाक्‍तीके माल्‍शा बाक्‍कीन। 
\p  
\v 15 परमप्रभु यावेमी ठीक पाइब आन गे कोव़शा, मेको आन पुंइशो नेंब।  
\v 16 परमप्रभु यावेमी मरिम्‍शो पाइब आन कली कोव़ना कोव़न बाक्‍ब। मिनु मेको आन कली मिम्‍तीके का यो मवोइक्‍थु रागी रे क्‍याम्‍ब। \em हितोपदेस १०:७\em* 
\v 17 ठीक पाइबपुकीमी पुंइनीम। मिनु परमप्रभु यावेमी मेको आन पुंइशो नेंशा, आन श्‍येत नेल्‍ल रे प्रोंइब।  
\v 18 परमप्रभु यावे थुं लुक्‍च लशो आन नेक्‍था बाक्‍ब। आन थुं बेक्‍शो आन कली प्रोंइब। \em भजन संग्रह ५१:१९\em* 
\v 19 ठीक पाइबपुकी शुश श्‍येत जाइनीम। तन्‍न परमप्रभु यावेमी मेको आन कली श्‍येत नेल्‍ल रे प्रोंइब। \em २कोरिन्‍थी १:५\em* 
\v 20 मिनु मेकोमी आन रुश नेल्‍ल कोव़ब। मुरुम का यो मजिक्‍नीम। \em यूहन्‍ना १९:३६; प्रस्‍थान १२:४६\em* 
\v 21 मिनु परमप्रभु आ अरेशो मटीब आन मरिम्‍शो पतीकेमी साइक्‍चा पुंइसीनीम। ठीक पाइब आन कली मदाक्‍बपुकी दोस तशा सजाइ ताइनीम।  
\v 22 परमप्रभु यावेमी आ गेय पाइब आन कली श्‍येत रे प्रोंइब। मेको कली जिम्‍मा गेंसीबपुकी दोस मतथु, काइ सजाइ मताइनीम। 
\c 35  
\s1 जोरी सत्रु कली निसाफ पने, देंशो 
\d दाऊद आ कुम्‍सो। 
\p  
\v 1 परमप्रभु यावे, आं कली जिचा तोइब आन कली जिचा तोने। आं कली लडाइ तोइब आन कली लडाइ तोने।  
\v 2 ठेयब तेक्‍तीक नु या शेशा, आं कली वारच पथ बोक्‍कीन।  
\v 3 इन तूतीक नु तरवार शेशा, आं कली खेदा पाइब आन लां तेक्‍कीन। मिनु आं थुं कली “गो इ कली प्रोंइब नङ” देनीन।  
\v 4 आं कली साइक्‍चा माल्‍बपुकी खतम दुम्‍शा, मुने दोक्‍मल। आं कली मरिम्‍शो पाइक्‍चा, दे मिम्‍बपुकी नोले लेश्‍शा, मुने दोक्‍मल।  
\v 5 मेकोपुकी फशेम योल्‍शो भूस खोदेंशो दुम्‍मल। मिनु परमप्रभु यावे आ स्‍वर्ग ङा गेय पाइबमी मेको आन कली खेदा पस ङा पस पवल।  
\v 6 मेको आन लां छिङछिङ नु ग्रेक्‍शा थित्‍तीके दुम्‍ल। मोपा यो परमप्रभु यावे आ स्‍वर्ग ङा गेय पाइबमी खेदा पवल। 
\p  
\v 7 मारदे हना मेकोपुकीमी मोशान आं कली ब्‍वारद दाइक्‍ताक्‍यीमी। मिनु मोशान आं कली साइक्‍चा कली बिक्‍तीक दोम्‍तेक्‍म। 
\p  
\v 8 मेको आन मतुइक्‍थु, हिंचा ङा ठेयब श्‍येत दुम्‍ल। मिनु मेको आन ख्रुइश्‍शा दाइश्‍शो ब्‍वारदम आंमान रेम्‍मल। मेको आन दोशो बिक्‍तीकेमी आंमान बिक्‍शा, बेक्‍मल।  
\v 9 गो चहिं परमप्रभु यावेमी आं कली प्रोंइशो तशा ग्‍येरसीनुङ।  
\v 10 मिनु गो आं रां नेल्‍लेमी “परमप्रभु यावे, इन खोदेंशो सु बाक्‍बा?” देंनुङ। गे मचाप्‍ब नु श्‍येत जाइब आन कली बोल्‍यो मुर आ गुइ रे प्रोंइनीनी। 
\p  
\v 11 जोल पाइब सांकछीपुकी ग्रूनीम। मिनु आं मतुइश्‍शो लोव़ हिल्‍लो पाइनीम।  
\v 12 गो मेको आन कली रिम्‍शो पाता। मेकोपुकीम चहिं मरिम्‍शो पाइक्‍तीमी। गो का ला दुम्‍ती, सुइम आं कली वारच मपाइय्‍यीमी।  
\v 13 मेकोपुकी रोइ पामेनु, गो अरन्‍डी फेक्‍शा, माइजा बाक्‍शा, सुर्ता पाता। गो बाप्‍शा मेको आन पर्बम परमप्रभु कली पुंइता। \em अय्‍युब ३१:२९\em* 
\v 14 आं वारच नु आं लोक्‍ब आन पर्बम खोदेंशो पा, मेको आन पर्बम रोंका पाता। आं ममा आ पर्बम खोदेंशो पा आं पिया खुक्‍शा, रोंका पाता। \em रोमी १२:१५\em* 
\v 15 तन्‍न गो दाइल पांइसीङानु, मेकोपुकी रिश्‍शा, आं पर्बम शुक्‍शी पचा कली बुक्‍तेक्‍म। आं मतुइश्‍शो शुक्‍शी पाइबपुकी आं कली मरिम्‍शो पचा कली बुक्‍तेक्‍म। मिनु मेकोपुकीम आं कली शुक्‍शी पस ङा पस पतीमी।  
\v 16 मेकोपुकी नेल्‍ल क्‍येङा मरिम्‍शो दुम्‍शा, शुक्‍शी पा, आन ख्रुइ शेप्‍नीम। 
\p  
\v 17 परमप्रभु, गे गेना सम्‍म मेको आन कली कोव़शा बाक्‍नीनी? परमप्रभु मरिम्‍शो पाइबपुकी रे आं कली प्रोंइयीनी। आं कली नेल्‍ल क्‍येङा बोल्‍यो मुर रे प्रोंइयीनी?  
\v 18 मिनु गो शुश मुर आन ङोंइती इन कली “गे ठेयब बाक्‍नीनी” देंनुङ। ठेयब हुल आन दातेमी इन कली कुम्‍सो पा ठेयब सेल्‍नुङ।  
\v 19 मेकोपुकी मोशान आं जोरी सत्रु दुम्‍शा, आं पर्बम ग्‍येरचा मतामेक्‍ल। मोशान खेदा पाइबपुकी आं पर्बम आन मिक्‍च रिक्‍चा मतामेक्‍ल। \em भजन संग्रह २५:१९; भजन संग्रह ६९:५\em* 
\v 20 मारदे हना मेकोपुकी थुं नाइश्‍शा बाक्‍तीक आ पर्बम लोव़ मपाइनीम। रागीम थुं नाइश्‍शा बाक्‍ब आन कली जोल पा दोस गेचा कली मिम्‍नीम।  
\v 21 मेकोपुकीमी ठेयब शोव़ सेल्‍शा, आं पर्बम “आहा आहा, आंइ मिक्‍चीम तचा ताइतक” देंनीम।  
\v 22 परमप्रभु यावे, गे एको ताइतीनी। मिनु सिक्‍सी पा मबाक्‍कीन। परमप्रभु यावे आं क्‍येङा ङोन मदुमीन।  
\v 23 बोक्‍कीने। मिनु आं कली वारच पाइय्‍यीनी। परमप्रभु, आं परमप्रभु यावे, आं पोन बोक्‍कीन।  
\v 24 परमप्रभु यावे, आं परमप्रभु, इन ठीक पतीकेम आं कली निसाफ पने। आं पर्बम मेकोपुकी ग्‍येरचा मतामेक्‍ल।  
\v 25 मेकोपुकीमी आन थुंमी “आहा, आंइ मिम्‍शो दुम्‍त” देंचा मतामेक्‍ल। मेकोपुकीमी “गो मेको कली खतम पोक्‍तक” देंचा मतामेक्‍ल। 
\p  
\v 26 गो श्‍येत जङानु, आं पर्बम रिप्‍ब नेल्‍ले मुने दोक्‍मल। मिनु मेको “क्‍येङा ठेयब नकी” देंबपुकी मुने दोक्‍शा आइक्‍च सेल्‍चा पुंइसीमल।  
\v 27 आं कली दाक्‍बपुकी आं ठीक पशो तशा, ग्‍येरसीशा कुम्‍सो पामेक्‍ल। मिनु मेकोपुकीमी गेना हना यो “परमप्रभु यावे आ नें ठेयब बाक्‍ल। मेकोमी आ गेय पाइब कली रिम्‍शो दुम्‍शो तचा दाक्‍ब” देंमल।  
\v 28 मिनु गो नाक्‍त रे इन ठीक पतीके नु इन ठेयब दुम्‍तीके आ पर्बम लोव़ पाइनुङ। 
\c 36  
\s1 परमप्रभु आ रिम्‍शो पतीके 
\d कुम्‍सो पपाइक्‍ब कली परमप्रभु यावे आ गेय पाइब दाऊद आ कुम्‍सो। 
\p  
\v 1 परमप्रभु आ अरेशो मटीब आन थुंमी हेंथे पतीक लोव़ बाक्‍ब। मार लोव़ बाक्‍ब देंशा हना “मेकोपुकीम परमप्रभु कली मान पा महिंनीम” देंशो लोव़ बाक्‍ब। \em रोमी ३:१८\em* 
\v 2 मेकोपुकी ठेयब लेश्‍शा “आंइ मरिम्‍शो पशो गेनायो मतुंइसीब, गो दोस मताइनय” दे मिम्‍नीम। \em रोमी ३:१८\em* 
\v 3 मेको आन लोव़ मरिम्‍शो नु जोल ला बाक्‍ब। मेकोपुकीमी रुप्‍ब थुंम मिम्‍शा, रिम्‍शो पचा प्रोंइने थुम्‍शो बाक्‍नीम।  
\v 4 मेको आन ब्राख्‍येम बाक्‍मानु, आन मरिम्‍शो पतीक ला मिम्‍ना मिम्‍न बाक्‍नीम। मेको मरिम्‍शो लां खोइक्‍नीम। मेकोमी आन थुंमी “मरिम्‍शो पशो ग्रांग्रा दिशा मपाइनीकी” दे मदेंनीम। \em मीका २:१\em* 
\v 5 परमप्रभु यावे, इन गेना हना यो दाक्‍तीके सरीङ सम्‍म जाक्‍दीश्‍शो बाक्‍ब। इन दाक्‍शा मप्रोंइतीके गोस्‍स क्‍येङा इर बाक्‍ब।  
\v 6 इन ठीक पतीके ठेयब डांडापुकी खोदेंशो नु इन निसाफ पशो शुश लुक्‍च लशो समुन्‍द्र खोदेंशो बाक्‍ब। गे मुरपुकी, बी ब्‍यफ, क्‍यारश भेडा नु जन्‍तु आन कली कोव़शा, श्‍येत रे प्रोंइनीनी।  
\v 7 परमप्रभु, इन गेना हना यो दाक्‍तीक थम रिम्‍शो बाक्‍ब। मिनु मुरपुकी इन फ्रां आगाम फाम्‍सीनीम।  
\v 8 मेकोपुकी इन खिं ङा जचा तूचामी रूनीम। गे मेको आन कली इन ग्‍येरतीकेमी ग्‍येरपाइक्‍नीनी।  
\v 9 मारदे हना गे नु ब्रोंइतीके बाक्‍ब। मिनु गो इन छेङछेङमी हाम्‍सो ताइनीकी। \em येरमीया २:१३; यूहन्‍ना ४:१४\em* 
\p  
\v 10 इन गेना हना यो दाक्‍तीके इन कली तुइक्‍ब आन तार मोतीन। इन ठीक पतीके रिम्‍शो थुं पाइश्‍शो आन तार मोतीन।  
\v 11 मिनु ठेयब लेश्‍शो मुर आन खोइलीम आं कली मदिम्‍दीमील। इन अरेशो मटीबपुकीमी आं कली मखेरयीमील।  
\v 12 मरिम्‍शो पाइबपुकी गोल्‍शा, खतम दुम्‍शो बाक्‍नीम। मेकोपुकी बोक्‍ने मचाप्‍चा ङा पा गोल्‍शो बाक्‍नीम। 
\c 37  
\s1 टीब नु मटीब आन पर्बम 
\d दाऊद आ कुम्‍सो। 
\p  
\v 1 परमप्रभु आ अरेशो मटीब आन कली तशा, गाइश्‍शा, चुरशा मपने। दूली पाइब आन कली तशा, गेहे मपने। \em हितोपदेस २४:१९\em* 
\v 2 मारदे हना मेकोपुकी घांस खोदेंशो पा रीब पा सोव़नीम। गिग खाइ खोदेंशो पा सोल सुल बेक्‍नीम।  
\v 3 परमप्रभु यावे कली जिम्‍मा गेंसीशा, रिम्‍शो पने। रागीम रिम्‍शो दुम्‍शा बाक्‍चा ताइनीनी।  
\v 4 परमप्रभु यावे कली तुइश्‍शा, ग्‍येरसीने। मेकोमी इन थुंम पुंइशो गेब। \em भजन संग्रह २०:५\em* 
\v 5 गे परमप्रभु यावे कली जिम्‍मा गेसीने। मिनु मेकोमी इन पर्बम गेय पाइब।  
\v 6 मेकोमी इन ठीक दुम्‍तीके छेङछेङ खोदेंशो पा ग्रूपाइक्‍ब। इन ठीक पतीके नाक्‍ती खोदेंशो दुम्‍पाइक्‍ब। \em मीका ७:९\em* 
\v 7 परमप्रभु यावे आ ङोंइती सिक्‍सी पा बाक्‍शा, मेकोमी पाइब, दे रिम्‍दीन। आन द‍ला दाक्‍स पाइब नु मरिम्‍शो मिम्‍शा पाइब आन पर्बम मचुरीने।  
\v 8 गाइक्‍चा नु चुरचा प्रोनीन। मगाइक्‍तीन। मारदे हना मो पतीकेमी इन कली मरिम्‍शो पपाइक्‍ब।  
\v 9 परमप्रभु आ अरेशो मटीब क्‍याम्‍चा पुंइसीनीम। तन्‍न परमप्रभु यावे आ लां कोव़बपुकी रागीम बाक्‍चा ताइनीम।  
\v 10 इच्‍का नाक्‍त नोले परमप्रभु आ अरेशो मटीब मलीनीम। गेपुकीमी मेको आन कली माल्‍तीनी हना यो, मथित्‍नीनी। मेको आन बाक्‍तीके श्‍येत्‍थ बाक्‍ब।  
\v 11 ब्रेम्‍शोपुकी रागीम बाक्‍चा ताइनीम। मारेइ मारेइ तशा ग्‍येरशा, ठेयब थुं पा बाक्‍चा ताइनीम। \em मत्ती ५:५\em* 
\p  
\v 12 मिनु परमप्रभु आ अरेशो मटीबपुकीमी ठीक पाइब मुर आन पर्बम “दोपा श्‍येत गेचा नमी” दे मिम्‍शा, आन ख्रुइ शेप्‍शो बाक्‍नीम।  
\v 13 तन्‍न परमप्रभु मेको आन कली तशा, रिप्‍ब। मारदे हना मेको आन नाक्‍त नुप्‍शो तुइश्‍शो बाक्‍ब। \em अय्‍युब १८:२०\em* 
\v 14 परमप्रभु आ अरेशो मटीबपुकीमी प्रुङग नु श्‍येत जाइब आन कली साइक्‍चा कली तरवार शोइक्‍नीम। आन लिब्रा कीनीम। रिम्‍शो थुं पाइश्‍शो मुर आन कली साइक्‍चा माल्‍नीम।  
\v 15 तन्‍न मेको आन तरवारमी आंमा आन लुङगीर तूचा पुंइसीनीम। आन लिब्रा जिक्‍नीम। 
\p  
\v 16 परमप्रभु आ अरेशो मटीब आन शुश शोंप क्‍येङा ठीक पाइब आन इच्‍का खोइ शोंप रिम्‍शो बाक्‍ब। \em हितोपदेस १५:१६\em* 
\v 17 मारदे हना परमप्रभु यावे आ अरेशो मटीब आन गुइ जिक्‍चा पुंइसीनीम। परमप्रभु यावेमी ठीक पाइब आन कली रिम्‍शो पा बाक्‍चा गेब।  
\v 18 परमप्रभु यावेमी दोस मताइब आन नाक्‍ती तुइक्‍ब। मिनु मेको आन शोंप गेना हना यो लीब। \em उपदेसक ८:१२\em* 
\v 19 ठेयब श्‍येत दुम नाक्‍ती मेकोपुकी मुने मदोक्‍नीम। मिनु अन्‍काल दुम नाक्‍ती मेकोपुकी जशा रूचा ताइनीम। \em हितोपदेस १०:३\em* 
\v 20 परमप्रभु आ अरेशो मटीबपुकी खतम दुम्‍नीम। मिनु परमप्रभु यावे आ जोरी सत्रु दिंम ङा रिम्‍शो घांस खोदेंशो बाक्‍नीम। मिनु मेकोपुकी सोल सुल बेक्‍शा, कुन खोदेंशो पा जाम्‍शा लाइनीम। 
\p  
\v 21 परमप्रभु आ अरेशो मटीबपुकीमी जेर जशा, मथाप्‍नीम। मिनु ठीक पाइबपुकीमी हाइश्‍शो दुम्‍शा गेनीम।  
\v 22 परमप्रभु रे आसीक ताइबपुकीमी रागी ताइनीम। परमप्रभु रे सराप ताइबपुकी जाम्‍शा लाइनीम।  
\v 23 परमप्रभु यावेमी आ मुर आन थेक्‍तीक बोल्‍यो सेल्‍ब। मेको आन कली तशा ग्‍येरब।  
\v 24 मेको दाइल पांइसाक्‍म हना यो, मगोल्‍नीम। मारदे हना परमप्रभु यावेमी मेको आन गुइ ग्‍याइश्‍शा, तिक्‍ब। \em हितोपदेस २४:१६\em* 
\p  
\v 25 गो ठिटा बाक्‍ती, मुल खाल्‍पा दुम्‍ती। तन्‍न ठीक पाइबपुकी नु आन तमी तौ नु चच युइमी मुल सम्‍म पुंइशा जशो गेनायो मतङमी।  
\v 26 मिनु मेकोपुकीमी नेल्‍ल नाक्‍ती हाइश्‍शो दुम्‍‍शा, प्रुङग आन कली मार मार गेनीम। मिनु मेको आन आलपुकीमी आसीक ताइनीम।  
\v 27 मरिम्‍शो पतीके रे ङोन बाक्‍कीन। रिम्‍शो पने। मिनु गे गेना हना यो ब्रोंइचा ताइनीनी।  
\v 28 मारदे हना परमप्रभु यावेमी ठीक निसाफ दाक्‍ब। आ कली मप्रोंइब आन कली नेल्‍ल नाक्‍त गेना हना यो कोव़ब। ठीक पाइब गेना हना यो रिम्‍शो बाक्‍चा ताइनीम। तन्‍न आ अरेशो मटीब आन तमी तौ नु चच युइ तिल्‍चा पुंइसीनीम।  
\v 29 ठीक पाइबपुकीमी रागी ताइनीम। मिनु गेना हना यो मेकेर बाक्‍नीम। \em यसैया ६०:२१\em* 
\p  
\v 30 ठीक पाइबपुकीमी जोक्‍तीक तुइक्‍तीक लोव़ पाइनीम। मिनु मेकोपुकीम ठीक पतीके शेंनीम।  
\v 31 आन परमप्रभु आ अरेशो लोव़ मेको आन थुंमी बाक्‍ब। मिनु हेंथे मपथु, परमप्रभु आ लांम गाक्‍नीम।  
\v 32 परमप्रभु आ अरेशो मटीबपुकीमी बाप्‍शा, ठीक पाइब आन कली साइक्‍चा माल्‍नीम।  
\v 33 तन्‍न परमप्रभु यावेमी ठीक पाइब आन कली मेको आन गुइम दुम्‍चा मगेब। ठीक पाइब आन निसाफ दुम्‍मेनु, दोस मताइब दुम्‍पाइक्‍ब।  
\v 34 परमप्रभु यावे कली रिम्‍दीन। मेको आ लांम गाक्‍कीन। मेकोमी इन कली ठेयब सेल्‍शा, रागी इन कली गेब। मिनु गे परमप्रभु आ अरेशो मटीब आन कली खतम सेल्‍चा ताइनीनी। 
\p  
\v 35 गो परमप्रभु आ अरेशो मटीब लेबानोन ङा ठेयब रवा खोदेंशो दुम्‍शो ताता। \em १सामुएल ३५:२-३८; इजीकीएल ३१:३-१४\em* 
\v 36 मिनु गो आ बाक्‍तीक कोव़ता, मेको मुर मबा। गो मेको कली माल्‍ता, मथिदु।  
\v 37 दोस मताइब आन कली कोव़ङीन। रिम्‍शो थुं पाइश्‍शो मुर कली कोव़ङीन। मारदे हना मेकोपुकी थुं नाइश्‍शा बाक्‍शो बाक्‍नीम। \em उत्‍पत्ती ३९:७-९\em* 
\v 38 तन्‍न हेंथे पाइब नेल्‍ल खतम दुम्‍नीम। परमप्रभु आ अरेशो लोव़ मटीब नेल्‍ल खतम दुम्‍नीम। आन तमी तौ चच युइ यो तिल्‍चा पुंइसीनीम।  
\v 39 परमप्रभु यावे ठीक पाइब आन कली वारच पाइब बाक्‍ब। मिनु मेको आन कली श्‍येत दुम्‍मेनु, मेको आन फाम्‍सीतीके दरवार बाक्‍ब।  
\v 40 परमप्रभु यावेमी मेको आन कली वारच पा प्रोंइब। मिनु आ अरेशो मटीब आन गुइ रे प्रोंइब। मारदे हना मेकोपुकी परमप्रभु कली जिम्‍मा गेंसीशो बाक्‍नीम। \em लूका १८:७-८\em* 
\c 38  
\s1 मरिम्‍शो पशो क्‍याम्‍चा, दे पुंइशो 
\d मप्रेंथु मिम्‍चा कली दाऊद आ कुम्‍सो। 
\p  
\v 1 परमप्रभु यावे इन गाइक्‍तीकेमी आं कली महुइक्‍तीनी। इन चुरतीकेमी आं कली सजाइ मगेयीनी।  
\v 2 मारदे हना इन ब्राम आं कली देश्‍शो बाक्‍नीम। मिनु इन गुइमी आं कली चिप्‍शो बाक्‍ब। \em अय्‍युब ६:४\em* 
\v 3 इन गाइक्‍तीकेमी आं रां नेल्‍ल खाइश्‍शो बाक्‍ब। आं मरिम्‍शो पतीकेम आं रुश नेल्‍ल मुक्‍शो खोदेंशो बाक्‍नीम।  
\v 4 आं मरिम्‍शो पशोमी आं पिया सम्‍म ग्रुम्‍शो बाक्‍ब। मेको आं कुरने मचाप्‍चा ङा पा हेल्‍शो बाक्‍नीम। \em बिलाप १:१४;\em* 
\p  
\v 5 आं निप्‍स काप्‍शो आ पर्बम आं गार राक्‍शा, रिना पाइश्‍शो बाक्‍नीम।  
\v 6 गो नाक्‍त रे आं पिया खुक्‍शा, रोंका पा गुर ब्‍वेशा गाक्‍शो बाक्‍नुङ।  
\v 7 आं ची नेल्‍ल खाइश्‍शो बाक्‍ब। आं रां नेल्‍ल सेस मबाक्‍ब।  
\v 8 गो गलाक गुलुक दुम्‍शा, काइ सक्ति मपाइश्‍शो दुम्‍शो बाक्‍ती। आं थुं ङा श्‍येतम शुश हुक‍यी पाइनुङ। 
\p  
\v 9 आं परमप्रभु, गे आं दाक्‍शो नेल्‍ल तुइश्‍शो बाक्‍नीनी। आं हुक‍यी पतीके यो तुइश्‍शो बाक्‍नीनी।  
\v 10 आं लुङगीर प्रेक्‍शा, आं सक्ति जाम्‍त। आं मिक्‍च ब्रा ब्रा दुम्‍शो बाक्‍ब।  
\v 11 आं वारच नु आं खिं ङा मुर आं श्‍येत तशा, ङोन बाक्‍नीम। मिनु आं नेक्‍था ङा मुरपुकीमी ङोन रे कोव़नीम। \em भजन संग्रह ६९:९; भजन संग्रह ८९:९; अय्‍युब १९:१३-१९\em* 
\v 12 आं कली साइक्‍चा माल्‍बपुकीमी ब्‍वारद दाइश्‍शा, वोइश्‍शो बाक्‍नीम। आं कली श्‍येत दुम्‍शो कोव़कोव़ दाक्‍बपुकीमी “मेको कली दोपा श्‍येत गेचा, दोपा मेको आ पर्बम जोल पचा” दे नाक्‍त रे लोव़ पाइनीम।  
\v 13 गो नोफा मनेंब मुर खोदेंशो दुम्‍ती, मनेंनुङ। ब्‍वाक्‍ने मचाप्‍ब मुर खोदेंशो दुम्‍ती, काइ लोव़ मपाइनुङ। \em भजन संग्रह ३९:९३\em* 
\v 14 गो थमा पा नोफा मनेंब खोदेंशो दुम्‍शा, मारेइ लोव़ मलेत्‍नुङ।  
\v 15 परमप्रभु यावे, गो इन कली रिम्‍नुङ। गे आं लोव़ लेत्‍नीनी। गे परमप्रभु यावे, आं परमप्रभु बाक्‍नीनी।  
\v 16 मिनु गो “मेकोपुकीमी आं पर्बम शुक्‍शी पा ग्‍येरचा मतामेक्‍ल। आं कली ग्रेक्‍शो तशा, बोरचा मतामेक्‍ल” देंती।  
\v 17 मारदे हना गो दाइल पांइसीचा चिक्‍शो बाक्‍नुङ। गो श्‍येत जस ङा जस बाक्‍नुङ।  
\v 18 गो आं काइ मरिम्‍शो पशो शोव़नुङ। आं मरिम्‍शो पशो मिम्‍शा सुर्ता पाइनुङ। \em भजन संग्रह ३२:५;\em* 
\v 19 आं जोरी सत्रु चहिं रिम्‍शो पा ब्रोंइशा, बोल्‍यो दुम्‍शो बाक्‍नीम। आं कली मोशान मदाक्‍ब शुश बाक्‍नीम।  
\v 20 मुरपुकीमी आं रिम्‍शो पशो आ पा ङा आं कली मरिम्‍शो पाइ‍नीम। मारदे हना गो रिम्‍शो पाइब बाक्‍ती हना यो, आं कली खेदा पाइनीम।  
\v 21 परमप्रभु यावे, आं परमप्रभु, आं कली मप्रोंइयीनी। आं क्‍येङा ङोन मदुमीन।  
\v 22 परमप्रभु, आं कली वारच पाइश्‍शा, श्‍येत रे प्रोंइचा कली रीब पा जाक्‍कीन। 
\c 39  
\s1 मुर आ ब्रोंइतीक इच्‍का ला बाक्‍ब 
\d कुम्‍सो पपाइक्‍ब येदुथून कली। दाऊद आ कुम्‍सो। 
\p \em १इतिहास २५:१,३\em* 
\v 1 मिनु गो “गो आं गेय नेल्‍ल होस पा पाइक्‍नुङ। गो लोव़ पचा यो होस पा पाइक्‍नुङ। मरिम्‍शो पाइबपुकी आं नेक्‍था बाक्‍तेक्‍म हना, गो सिक्‍सी पा बाक्‍नुङ” देंती।  
\v 2 गो मब्‍वाक्‍थु, सिक्‍सी पा बाक्‍ती। मिनु रिम्‍शो लोव़ यो मपथु, आं थुं ङा श्‍येत बारत। \em भजन संग्रह ३८:१४\em* 
\v 3 आं थुं चोशो बाक्‍त। शुश मिम्‍शा, मी ब्रशो खोदेंशो दुम्‍ती। 
\p  
\v 4 “परमप्रभु यावे, आं बेक्‍तीक नाक्‍त कोंइदीनी। आं ब्रोंइचा गिश नाक्‍त लीमे तुइक्‍पाइय्‍यीनी। गो रीब पा जाम्‍शा लाइब मुर बाक्‍नुङ। \em भजन संग्रह ९०:१२; अय्‍युब १४:५\em* 
\v 5 गे आं ब्रोंइतीक नाक्‍त बित्‍ता का निक्‍शी खोदेंशो सेल्‍तीनी। आं ब्रोंइतीक नाक्‍त इन ङोंइती मारेइ ममाइ। मुर नेल्‍ले आन ब्रोंइतीके जाम्‍शा लाइब फश खोदेंशो बाक्‍नीम” देंती। \em भजन संग्रह ९०:५-६\em*\em ठेयब सेंदा पा।\em* 
\v 6 मुरपुकी वांकु खोदेंशो पा गाक्‍शो बाक्‍नीम। मेकोपुकी मोशा सुर्ता पाइनीम। शुश शोंप तेल्‍नीम। मेको सुम जाइबा मतुइक्‍नीम। \em भजन संग्रह ४९:१७-२१; उपदेसक २:१८-२१; लूका १२:१५-२१\em* 
\p  
\v 7 “परमप्रभु, गो मार कली रिम्‍ना रिम्‍न बाक्‍नुङा? गो इन लां ला कोव़शा बाक्‍नुङ।  
\v 8 आं मरिम्‍शो पशो रे प्रोंइयीनी। मूर्खपुकीम आं कली शुक्‍शी मपामेक्‍ल।  
\v 9 गो सिक्‍सी पा बाक्‍शा मब्‍वाक्‍ङ। मारदे हना गे मो पपाइक्‍तीनी।  
\v 10 इन याम पाइश्‍शो लेत्‍तीन। गो इन तुप्‍शोमी जाम्‍शा लाइब दुम्‍ती।  
\v 11 गे मुर आन कली पाप पशो आ पर्बम तुप्‍तीनी। आ दाक्‍शो तुाम्‍बुम वा नेक्‍शो खोदेंशो पा जाम्‍शा लाइब। थमा पा मुर नेल्‍ले आन ब्रोंइतीक जाम्‍शा लाइब फश खोदेंशो बाक्‍नीम। \em ठेयब सेंदा पा।\em* 
\p  
\v 12 परमप्रभु यावे, आं पुंइशो लोव़ नेनीन। आं वाइ ब्रेश्‍शो नेनीन। आं ङाक्‍शो तशा, वारच पाइय्‍यीनी। मारदे हना गो इन ङोंइती आं किकी पिप खोदेंशो पा, रागी ङा पौना खोदेंशो बाक्‍नुङ। \em भजन संग्रह ११९:१९; लेवी २५:२३; १ पत्रुस २:११; हिब्रू ११:१३\em* 
\v 13 आं बेक्‍चा ङोंइती आं पर्बम गाइक्‍चा प्रोनीन। मिनु गो लेंशा ग्‍येरशा बाक्‍चा तङल” दे पुंइता। 
\c 40  
\s1 “परमप्रभुमी वारच पाप्‍तु” देंशो 
\d कुम्‍सो पपाइक्‍ब कली दाऊद आ कुम्‍सो। 
\p  
\v 1 गो परमप्रभु यावे कली रिम्‍स ङा रिम्‍स बाक्‍ती। मेकोमी आं गे कोव़शा, आं वाइ ब्रेश्‍शा, पुंइशो लोव़ नेंतु।  
\v 2 मेकोमी आं कली ग्रांग्रा दिचा ङा हिलोम बिक्‍शा बेक्‍तीक रे ग्रुंइताक्‍यी। मिनु आं कली सेरथे फुल्‍लु का तार राप्‍पाइक्‍ती। मिनु महिम्‍सीचा ङा पा नाइक्‍पाइक्‍ती।  
\v 3 मेकोमी आं कली नक कुम्‍सो का पपाइक्‍ती। आंइ परमप्रभु कली ठेयब सेल्‍तीक कुम्‍सो पपाइक्‍ती। मिनु शुश मुरुम एको तशा, नेंशा, परमप्रभु यावे कली मान पा हिंशा, मेको कली थमा सुइक्‍नीम। \em भजन संग्रह ३३:३\em* 
\v 4 सु सुमी परमप्रभु यावे कली थमा सुइक्‍नीमी, मेको ग्‍येरसीशो मुर बाक्‍नीमी। मेकोपुकी ठेयब लेश्‍शो नु जोल ङा सक्ति पाइश्‍शो देवी देवता गे लाइब नु मबाक्‍नीम। 
\p  
\v 5 मिनु गो “परमप्रभु यावे, आं परमप्रभु, गे आंइ पर्बम पशो छक लाक्‍चा ङा गेय नु इन मिम्‍शो कोंइताक्‍की। मेको शुश बाक्‍नीम। इन खोदेंशो सुइ मबाक्‍नीम। गो मेको आन कली शेंशें दाक्‍ती, देंती हना यो, नेल्‍ल शेंने मचबु। मारदे हना मेको शुश बाक्‍नीम। \em भजन संग्रह १३९:१७-१८\em* 
\v 6 गे मार मार क्‍योरशा चढ़ेशो नु जचा चढ़ेशो तशा मग्‍येरसीनी। तन्‍न इन अरेशो लोव़ नेंचा कली नोफा दाइक्‍ब सेल्‍तीनी, चोशा चढ़ेशो नु पाप आ पर्बम चढ़ेशो मपुंइनी। \em भजन संग्रह ५०:८-१३; भजन संग्रह ५१:१८; १सामुएल १५:२२; हिब्रू १०:५-१०\em* 
\v 7 मिनु गो ‘गो एक बाक्‍ती, दे परमप्रभु यावे आ लोव़मी आं पर्बम ब्रेक्‍शो बाक्‍ब’ देंती।  
\v 8 परमप्रभु, गो इन दाक्‍शो पशोमी आं कली ग्‍येरपाइक्‍ब। इन अरेशो लोव़ आं थुंम बाक्‍ब।  
\v 9 गो ठेयब ग्रुम्‍तीकेमी इन रिम्‍शो ब्रोंइतीक लोव़ आ पर्बम लोव़ पाइनुङ। परमप्रभु यावे, गो सिक्‍सी पा मबाक्‍नुङ। मेको गे तुइक्‍नीनी।  
\v 10 गो इन मुर आन कली श्‍येत रे प्रोंइतीके आं थुंम ख्रुइश्‍शा मवोइक्‍थु, इन दाक्‍शा मप्रोंइतीके नु मुर आन कली श्‍येत रे प्रोंइतीके आ पर्बम लोव़ पाता। गो इन गेना हना यो दाक्‍तीके नु दाक्‍शा मप्रोंइतीके आ पर्बम मख्रुइक्‍थु, ठेयब ग्रुम्‍तीकेमी शेंताक्‍ङमी।  
\v 11 परमप्रभु यावे, गे इन शिशी पतीके मतेक्‍कीन। इन गेना हना यो दाक्‍तीक नु दाक्‍शा गेनायो मप्रोंइतीकेम आं कली गेना हना यो खाल पयीसील।  
\v 12 मारदे हना हिक्‍ने मचाप्‍चा ङा श्‍येतपुकीमी आं कली पुम्‍शो बाक्‍नीम। आं मरिम्‍शो पतीकेम आं पिया खुक्‍शो बाक्‍ती। मेकोपुकी आं पिया ङा चां क्‍येङा यो शुश बाक्‍नीम। मोपा आं थुं लुक्‍च लशो बाक्‍ब।  
\v 13 परमप्रभु यावे, श्‍येत रे प्रोंइयीनी। परमप्रभु यावे, आं कली वारच पाइक्‍चा कली रीब पा जाक्‍कीन। \em भजन संग्रह ७०:-\em* 
\v 14 आं कली साइक्‍चा माल्‍ब नेल्‍ले मुने दोक्‍शा, ग्‍येत्‍थ लुक्‍च दुम्‍मल। आं कली श्‍येत जशो दाक्‍ब नेल्‍ल लेश्‍शा लशा, खतम दुम्‍मल।  
\v 15 आं कली शुक्‍शी पाइबपुकीमी ‘आहा, आहा’ देंशो, नेल्‍ल रे मुने दोक्‍मल।  
\v 16 तन्‍न सु सुमी इन कली माल्‍नीमी, मेको नेल्‍ले इन पर्बम शुश ग्‍येरसमल। आन श्‍येत रे प्रोंइचा पुंइसीब नेल्‍लेमी गेना हना यो ‘परमप्रभु यावे ठेयब बाक्‍ब’ देंमल।  
\v 17 गो प्रुङग नु श्‍येत जाइब बाक्‍ती हना यो, परमप्रभुम आं कली मिम्‍ब। गे आं कली वारच पाइब नु आं कली श्‍येत रे प्रोंइब बाक्‍नीनी। आं परमप्रभु देश मपने” दे लोव़ पाता। 
\c 41  
\s1 रोइ पाइबमी परमप्रभु कली पुंइशो 
\d कुम्‍सो पपाइक्‍ब कली दाऊद आ कुम्‍सो। 
\p  
\v 1 सु सुमी प्रुङग मुर आन पर्बम सुर्ता पा, वारच पाइनीमी, मेको आन कली परमप्रभु यावेमी आन श्‍येत रे प्रोंइब। \em हितोपदेस १४:२१; मत्ती ५:७\em* 
\v 2 परमप्रभु यावेमी मेको आन कली कोव़शा, खाल पा प्रोंइब। मेको रागीम बाक्‍मानु, ग्‍येरसमल। गे मेको आन कली आन जोरी सत्रु आन गुइम मगेनीनी।  
\v 3 मेकोपुकी रोइ पा गोल्‍शा बाक्‍मानु, परमप्रभु यावेमी मेको आन रोइ सापाइक्‍ब।  
\v 4 गो “परमप्रभु यावे आं कली शिशी पा सापाइय्‍यीनी। मारदे हना गो इन कली मरिम्‍शो पाता” देंती।  
\v 5 आं जोरी सत्रुमी “मेको गेना बेक्‍बा ङा, आ नें क्‍याम्‍सीबा?” देंनीम।  
\v 6 मिनु आं कली सु सुम कोव़थ जाक्‍नीमी, मेकोमी आं कली रिम्‍शो लोव़ पखु पाइनीम। मिनु नोले आं पर्बम “मार, मरिम्‍शो लोव़ पङ” दे मिम्‍शा, मरिम्‍शो लोव़ ब्रपाइक्‍नीम।  
\v 7 आं कली ग्रांग्रा दिप्‍ब नेल्‍ल ग्रुम्‍शा, आं पर्बम “मार मरिम्‍शो पाइक्‍चा” दे नोफा मुइक्‍मुइक्‍नीम।  
\v 8 मेकोपुकीमी “मेको कली बेक्‍तीक रोइमी ग्‍याइश्‍शो बाक्‍ब, आ गोल्‍तीक रे मबोक्‍ब” देंनीम।  
\v 9 गो आं नेक्‍था ङा वारच, आं शोब्‍ले जाइबमी यो, आं कली ताइक्‍चा कली आ खोइल क्‍युक्‍तु।  
\v 10 परमप्रभु यावे, गे आं कली शिशी पाइश्‍शा, पोक्‍यीनी। मिनु गो मेको आन कली क्‍येक्‍क लेन्‍ने चबुल। \em भजन संग्रह ५५:१३-१५; यूहन्‍ना १३:१८; प्रेरित १:१६\em* 
\p  
\v 11 मोदेंशो पाइतीनी हना, गे आं कली दाक्‍नीनी, दे तुइक्‍नुङ। मारदे हना आं जोरी सत्रु आं पर्बम ग्‍येरचा मताइनीम।  
\v 12 आं रिम्‍शो थुं आ पर्बम गे आं कली ग्‍योम्‍ताक्‍यीनी। मिनु गे आं कली गेना हना यो इन ङोंइती राप्‍पाइक्‍तीनी। 
\p  
\v 13 परमप्रभु यावे, इस्राएली आन परमप्रभु कली “गे गेना हना यो ठेयब बाक्‍नीनी। मेको थमा बाक्‍ब” देंमल। आमेन आमेन। \em भजन संग्रह ७२:१८; भजन संग्रह ८९:५३; भजन संग्रह १०६:४८; भजन संग्रह १५०:६\em* 
\c 42  
\s1 ठेयब श्‍येतम परमप्रभु कली मिम्‍शो 
\d कुम्‍सो पपाइक्‍ब कली शेंतीक कुम्‍सो। कोराह आ तौ आन कुम्‍सो। १इतिहास ६:१६,२२; २इतिहास २०:१९ 
\p  
\v 1 दोपा रोकोशेमी खोला ङा ब्‍वाक्‍कु तूतू दाक्‍शा ब्‍वाक्‍कु मिम्‍बा, मोपा आं थुंमी यो परमप्रभु, इन कली मिम्‍ब।  
\v 2 मोपा आं थुं ब्रोंइशा बाक्‍ब परमप्रभु आ नेक्‍था बाक्‍चा दाक्‍ब। गो गेना परमप्रभु आ ङोंइती बाक्‍चा ताइनुङा? \em भजन संग्रह ६३:२; भजन संग्रह ८४:३; भजन संग्रह १४३:६\em* 
\v 3 आं प्रेक्‍कु नाक्‍दो नाक्‍ती आं जचा थोव़क दुम्‍शो बाक्‍ब। मारदे हना मुरपुकीमी नाक्‍त किंत किंत “इ परमप्रभु ते बाक्‍मे?” दे शुक्‍शी पा हिल्‍लो पस ङा पस बाक्‍नीम। \em भजन संग्रह ७९:१०\em* 
\v 4 मिनु गो मेको नेल्‍ल मिम्‍शा, परमप्रभु, इन खिं लाइब शुश मुर आन कली लां कोंइशा, मेकोपुकी नु लना लन बाक्‍ङानु, ग्‍‍येरसीशा “गे रिम्‍शो पाइब बाक्‍नीनी” दे गो नेल्‍लेमी कुम्‍सो पा चाड मानेतक। \em भजन संग्रह २७:४\em* 
\p  
\v 5 आं थुं, गे मारदे लुक्‍च लाइनेवे? मारदे ग्‍येत्‍थ लुक्‍च दुम्‍नेवे? परमप्रभुमी मार पाइबा, मेको रिम्‍दो। मिनु नोले मेकोमी आं कली श्‍येत रे प्रोंइशो तशा, गो परमप्रभु कली ठेयब सेल्‍नुङ। मारदे हना मेको आं कली श्‍येत रे प्रोंइब नु आं परमप्रभु बाक्‍ब।  
\v 6 आं परमप्रभु, आं थुं, ग्‍येत्‍थ लुक्‍च दुम्‍त। गो यर्दन ङा दिंम नु हेरमोन ङा मिसार डांडा रे इन कली मिम्‍नुङ।  
\v 7 मिनु इन बारशो ब्‍वाक्‍कु आ ग्रीशोमी अर्को ब्‍वाक्‍कु कली ब्रेप्‍ब। मेको इन ब्‍वाक्‍कु आ छालमी आं कली सुम्‍शो बाक्‍ब। 
\p  
\v 8 मिनु गो नाक्‍ती परमप्रभु यावे आ गेना हना यो दाक्‍तीके तुइक्‍नुङ। मिनु नाक्‍दो आ कुम्‍सो आं थुंमी बाक्‍ब। मेको आं कली ब्रोंइचा गेब परमप्रभु नु लोव़ पतीके बाक्‍ब। 
\p  
\v 9 गो परमप्रभु, आं सेरथे फुल्‍लु कली “गे मारदे आं कली प्रेंदीनी? गो मारदे आं जोरी सत्रु रे पा खेदा पचा पुंइसीशा, थुं ग्‍येत्‍थ लुक्‍च दुम्‍शा, गाक्‍चा माल्‍ङा?” देंती। \em ब्‍यवस्‍था ३२:४\em* 
\v 10 आं कली दिप्‍बपुकीमी आं रुश जिक्‍शो खोदेंशो पा शुक्‍शी पाइनीम। मिनु मेकोपुकीमी गेना हना यो “इ परमप्रभु ते बाक्‍मे” दे शुक्‍शी पा, हिल्‍लो पस ङा पस बाक्‍नीम। 
\p  
\v 11 आं थुं, गे मारदे लुक्‍च लाइनेवे? मारदे ग्‍येत्‍थ लुक्‍च दुम्‍नेवे? परमप्रभुमी मार पाइबा, मेको रिम्‍दो। मिनु नोले आं कली श्‍येत रे प्रोंइशो तशा, गो परमप्रभु कली ठेयब सेल्‍नुङ। मारदे हना मेको आं कली श्‍येत रे प्रोंइब नु आं परमप्रभु बाक्‍ब। 
\c 43  
\s1 “वारच पाइय्‍यीनी” दे पुंइशो 
\p  
\v 1 परमप्रभु, आं कली वारच पाइय्‍यीनी। इन कली थमा मसुइक्‍ब मुर आन पर्बम आं पोन बोक्‍कीन। मिनु जोल पाइब नु मरिम्‍शो पाइब मुरपुकी रे आं कली प्रोंइयीनी।  
\v 2 परमप्रभु, गे आं कली प्रोंइब बोल्‍यो दरवार बाक्‍नीनी। गे आं कली मारदे प्रोंइयीनी? गो मारदे आं जोरी सत्रुम खेदा पचा पुंइसीशा, रोंका पचा माल्‍ङा?  
\v 3 इन छेङछेङ नु इन थमा पतीके सोइक्‍तीन। मिनु मेकोमी आं कली लां कोंइशा इन डांडा नु इन बाक्‍तीकेमी चाक्‍यील।  
\v 4 मेना गो परमप्रभु कली चढ़ेतीकेम जाक्‍नुङ। मिनु परमप्रभुमी आं कली शुश ग्‍येरपाइश्‍शा, आं थुं नाइक्‍पाइक्‍ब। परमप्रभु, आं परमप्रभु, गो ठेयब ताप्‍तीक ताप्‍शा, कुम्‍सो पा इन कली ठेयब सेल्‍नुङ। 
\p  
\v 5 आं थुं, गे मारदे लुक्‍च लाइनेवे? मारदे ग्‍येत्‍थ लुक्‍च दुम्‍नेवे? परमप्रभुम मार पाइबा, मेको रिम्‍दो। मिनु नोले आं कली श्‍येत रे प्रोंइशो तशा, गो परमप्रभु कली ठेयब सेल्‍नुङ। मारदे हना मेको आं कली श्‍येत रे प्रोंइब नु आं परमप्रभु बाक्‍ब। 
\c 44  
\s1 “लेंशा वारच पने” दे पुंइशो 
\d कुम्‍सो पपाइक्‍ब कली सेल्‍शो शेंतीक कुम्‍सो। कोराह आ तौ आन कुम्‍सो। 
\p  
\v 1 परमप्रभु, साइ आंइ किकी पिपीमी आन पालामी पशो इन गेय नेल्‍ल आंइ कली शेंताक्‍म। मिनु गो मेको नेल्‍ल नेंतक। \em ब्‍यवस्‍था ६:२०-२५\em* 
\v 2 गे रागी रागी ङा मुर आन कली खेरशा, आंइ किकी पिपी आन कली बाक्‍पाइश्‍शो बाक्‍तीनी। गे मेको मुर आन कली क्‍याम्‍शा, आंइ किकी पिपी आन कली सोशा बोशा ब्रपाइश्‍शो बाक्‍तीनी। मोपा मेको आन कली प्रोंइशो बाक्‍तीनी।  
\v 3 मेको आन तरवारम मेको रागी मग्राशो बाक्‍तेक्‍म। आन सक्तिमी यो मग्राशो बाक्‍तेक्‍म। इन सक्ति नु इन कुल ङा छेङछेङमी ग्रातेक्‍म। मारदे हना गे मेको आन कली दाक्‍शो बाक्‍ती‍नी। 
\p  
\v 4 गे आं पिप नु आं परमप्रभु बाक्‍नीनी। याकूब कली ग्रापतीन।  
\v 5 इन पतीकेमी आंइ जोरी सत्रु आन कली ग्रानीकी। इन नेंमी आंइ जोरी सत्रु आन कली दिम्‍शा साइक्‍नीकी।  
\v 6 गो आं लिब्राम ग्राती, मदेंनुङ। मिनु आं तरवारम यो आं कली ग्रापाइक्‍ने मचाप्‍ब।  
\v 7 तन्‍न गे आंइ कली आंइ जोरी सत्रु आन क्‍येङा ग्रापाइक्‍तीनी। मिनु आंइ कली काइ मदाक्‍ब आन कली वाम ग्‍याम सेल्‍तीनी।  
\v 8 गोपुकीमी नाक्‍त किंत किंत परमप्रभु कली मिम्‍शा, आंइ नें बोरपाइक्‍नीकी। मिनु गोपुकीमी गेना हना यो “इन नें ठेयब बाक्‍ब” दे ठेयब सेल्‍नीकी। \em ठेयब सेंदा पा।\em*\em येरमीया ८:२२-२३\em* 
\p  
\v 9 तन्‍न गे आंइ कली प्रोंइशा, श्‍येत जपाइक्‍तीनी। मिनु गे आंइ लडाइ पाइब नु मलनी।  
\v 10 मिनु गे आंइ कली आंइ जोरी सत्रु आन क्‍येङा ब्रुपाइक्‍तीनी। मिनु आंइ कली मदाक्‍बपुकीमी आंइ मार मार रोइश्‍शा लाइक्‍तेक्‍म।  
\v 11 गे आंइ कली क्‍योरचा पुंइसीब भेडा खोदेंशो पा प्रोंइतीनी। मिनु आंइ कली रागी रागीम ब्रपाइक्‍तीनी।  
\v 12 गे इन मुर आन कली मोशा लेयतीनी। मिनु मेको आन कली लेयशा, मारेइ ताक्‍चा थुं मपनी। 
\p  
\v 13 आंइ नेक्‍था ङा मुर आन ङोंइती आंइ कली गाइश्‍शा, शुक्‍शी पाइक्‍चा पुंइसीब सेल्‍तीनी। गे मुर आन कली आंइ पर्बम तोक्‍शो नु मरिम्‍शो लोव़ पपाइक्‍तीनी। \em १कोरिन्‍थी १५:३१; रोमी ८:३६; भजन संग्रह ७९:४; १राजा ९:७\em* 
\v 14 गे आंइ कली रागी रागी ङा मुर आन दातेम शुक्‍शी पाइक्‍चा पुंइसीब सेल्‍तीनी। मुरपुकीमी आंइ कली तशा, आन पिया हिम्‍नीम।  
\v 15 गो नाक्‍त किंत किंत मुने दोक्‍नुङ। आं मुनेमी आं कुल सुम्‍सीशो बाक्‍नुङ।  
\v 16 आं कली शुक्‍शी पाइब, मरिम्‍शो लोव़ पाइब, जोरी सत्रुमी पतीके नु क्‍येक्‍क लेप्‍ब आन पतीके मोदेंशो दुम्‍शो बाक्‍नुङ। 
\p  
\v 17 मोदेंशो दुम्‍त हना यो, गो इन कली मप्रेंदक। मिनु इन कबल यो मप्रोंइक।  
\v 18 गो नोले मशोंइसक। इन लां रे ग्‍येत्‍थ लुक्‍च मपक।  
\v 19 तन्‍न गे आंइ कली फस पोक्‍शा, सिवार आन बाक्‍तीक खोदेंशो पा छिङछिङमी सुम्‍तीनी। 
\p  
\v 20 गो आंइ परमप्रभु आ नें प्रेंशो नकी नु अरु देवी देवता आन कली पूजा पशो नकी हना,  
\v 21 मार, परमप्रभुमी मतुइक्‍बा ङा? मारदे हना परमप्रभुमी मुर आन थुं ङा ख्रुइश्‍शो नेल्‍ल तुइक्‍ब।  
\v 22 मो हना यो गो इन पर्बम नाक्‍त रे साइक्‍चा पुंइसीनीकी। मिनु क्‍योरचा चिक्‍शो भेडा खोदेंशो पा हिक्‍सीशो बाक्‍नीकी। \em १कोरिन्‍थी १५:३१; रोमी ८:३६\em* 
\v 23 बोक्‍कीन, परमप्रभु, गे मारदे इप्‍नीनी? सेंसीने। आंइ कली मो पा मप्रोनीने।  
\v 24 गे मारदे इन कुल ख्रुइक्‍नीनी? मिनु आंइ श्‍येत नु आंइ कली दिप्‍शो प्रेंनीनी?  
\v 25 आंइ थुं लुक्‍च लशो बाक्‍ब। आंइ रां खपीम गोल्‍शो बाक्‍ब।  
\v 26 बोक्‍कीन। मिनु आंइ कली वारच पने। इन गेना हना यो दाक्‍तीकेमी आंइ कली एको श्‍येत रे प्रोंइकी। 
\c 45  
\s1 पिप आ ग्‍युंबे कली कुम्‍सो 
\d कुम्‍सो पपाइक्‍ब कली लिली फू ङा कुम्‍सो आ लायो। शेंतीक कुम्‍सो। कोराह आ तौ आन कुम्‍सो। ग्‍युंबे ङा कुम्‍सो। 
\p  
\v 1 आं थुं रिम्‍शो लोव़मी ब्रीतीके गो पिप कली कुम्‍सो पाइक्‍नुङ। आं लें थाम्‍पा ब्रेक्‍स जोक्‍ब मुर आन कलम खोदेंशो दुम्‍शो बाक्‍ब। 
\p  
\v 2 गे वोंइश मुर आन दातेमी नेल्‍ल क्‍येङा रिम्‍शो बाक्‍नीनी। इन लोव़ यो शुश रिम्‍शो बाक्‍ब। मारदे हना परमप्रभुमी इन कली गेना हना यो लीब आसीक गेशो बाक्‍ब।  
\v 3 गे बोल्‍यो मुर, इन किप्‍शुर किप्‍शा इन तरवार पिम्‍सीन। मिनु इन दारस नु इन मान ततीके कोंइदीन।  
\v 4 इन मान ततीकेमी, थमा पतीके, ब्रेम्‍शो थुं दुम्‍तीके नु इन ठीक पतीकेमी गाक्‍शा, इन सक्तिमी छक लाक्‍चा ङा गेय कोंइदीन।  
\v 5 गे इन हेश्‍शो ब्रामी इन जोरी सत्रु आन लुङगीरमी देत्‍नीम। जात जात ङा मुर इन ङोंइती साइक्‍चा पुंइसीनीम।  
\v 6 परमप्रभु, इन ठेयब नित्‍तीके गेना हना यो लीब। इन ठीक पतीके इन राज दन्‍ड खोदेंशो बाक्‍ब। \em हिब्रू १:८-९\em*\em हिब्रू १:८,९\em* 
\v 7 गे ठीक पतीके दाक्‍नीनी। इन अरेशो मटीब आन कली चहिं काइ मदाक्‍नीनी। मोपतीके परमप्रभु, इन परमप्रभुमी इन वारच नेल्‍ल आन क्‍येङा इन कली दाक्‍शा, इन कली तेल लुक्‍शो खोदेंशो पा ग्‍येरपाइक्‍तु।  
\v 8 इन वा नेल्‍ल एलोव़, मूरे नु ब्रोव़शो रिना पाइश्‍शो बाक्‍नीम। हात्ती आ दारामी दारपाइश्‍शो दरवारम बाक्‍शा, तार पाइश्‍शो ताप्‍तीके ताप्‍शा इन कली ग्‍येरपाइक्‍ब।  
\v 9 इन कली मान पाइब आन दातेमी पिप आन तमी यो बाक्‍नीम। इन ग्‍युरा गे ओफीर ङा सुनम ग्‍योम्‍सीशो पिपीम राप्‍ब। 
\p  
\v 10 आं तमी, नोफा दाइश्‍शा, नेनो। इ रागी नु इ खिं ङा मुर आन कली प्रेंदो।  
\v 11 पिपमी इ दारस तशा, इ कली दाक्‍शो बाक्‍ब। मेको कली जिम्‍मा गेंसीशा मान पावो। मारदे हना मेको इ प्रभु बाक्‍ब।  
\v 12 टायर सहर ङा मीश आलपुकी कोसेली चाक्‍शा, जाक्‍नीम। रागी रागी ङा शुश क्‍येट थीब मुरपुकीम इन शिशी माल्‍नीम। 
\p  
\v 13 पिप आ तमी थम दारशो नु सुन के श्‍येलेम प्रोव़शो वा फेक्‍शा, आ बाक्‍तीकेम बाक्‍ब।  
\v 14 मिनु बुटा आप्‍शो वा फेक्‍पाइश्‍शा, मेको कली पिप आ बाक्‍तीके चाक्‍नीम। मेको आ गेय पाइब मीश आल आ नोले खोइक्‍पाइश्‍शा, पिप आ बाक्‍तीकेमी जाक्‍नीम।  
\v 15 मिनु मुरपुकीमी मेको आन कली ग्‍येरशो कुम्‍सो पा लां कोंइनीम। मिनु पिप आ खिं ओंइनीम। 
\p  
\v 16 मिनु इन आफ आ पा ङा इन तौपुकी दुम्‍नीम। गे मेको आन कली रागी ङा सासन पाइब सेल्‍नीनी।  
\v 17 गो इन नें इन चच युइ आन पाला नेल्‍ल मिम्‍पाइक्‍नुङ। मोपतीके जात जात ङा मुरपुकीमी इन कली गेना हना यो ठेयब सेल्‍नीम। 
\c 46  
\s1 परमप्रभु आंइ नेक्‍था बाक्‍ब 
\d कुम्‍सो पपाइक्‍ब कली अलामोथ कुम्‍सो आ लायो। कोराह आ तौ आन कुम्‍सो। 
\p  
\v 1 परमप्रभु आंइ ख्रुइश्‍शा बाक्‍तीके नु आंइ सक्ति बाक्‍ब। गो श्‍येत जकानु, गेना हना यो आंइ नेक्‍था बाक्‍शा वारच पाइब बाक्‍ब।  
\v 2 मोपतीके गो महिंनीकी। रागी नु डांडापुकी हिम्‍सीशा समुन्‍द्रम ग्रुम्‍तेक्‍म हना यो गो महिंनीकी।  
\v 3 मिनु समुन्‍द्र ग्रीशा, बोग्‍यो पोक्‍तु हना यो नु ब्रुइश्‍शा कुशा, डांडापुकी हिम्‍ताक्‍व हना यो गो महिंनीकी। \em ठेयब सेंदा पा।\em* 
\p  
\v 4 मिनु ठेयब खोला का बाक्‍ब। मेको रे पा ब्राशो आइक्‍च खोलापुकीमी परमप्रभु आ बाक्‍तीके सहर कली ग्‍येरपाइक्‍नीम। मेको नेल्‍ल क्‍येङा ठेयब आ बाक्‍तीके सहर बाक्‍त। \em यसैया १२:५\em* 
\v 5 मिनु परमप्रभु मेको सहरम बाक्‍ब। मिनु मेको महिम्‍सीब। परमप्रभुमी मेको सहर कली नां सोव़म रेन वारच पाइब।  
\v 6 मिनु रागी रागी ङा मुरपुकी जिशा खेशा पाइनीम। राज्‍यपुकी क्‍याम्‍चा पुंइसीनीम। परमप्रभुमी आ सेंदा नेंपाइक्‍तु हना, रागी नेल्‍ल याइनीम। 
\p  
\v 7 मुर नेल्‍ल आन परमप्रभु यावे गोपुकी नु बाक्‍ब। याकूब आ परमप्रभु आंइ बोल्‍यो दरवार बाक्‍ब। \em ठेयब सेंदा पा।\em* 
\p  
\v 8 परमप्रभु यावे आ ठेयब गेय कोव़थ जाक्‍कीन। मेकोमी रागी खतम पोक्‍शो कोव़ङीन। \em २राजा १९:३५\em* 
\v 9 मेकोमी नेल्‍ल क्‍येङा ङोन रागी सम्‍म ङा लडाइ तेक्‍ब। मेकोमी लिब्रा जिक्‍शा नु तूतीक नेल्‍ल टुक्रा टुक्रा सेल्‍ब। तेक्‍तीके नेल्‍ल मीम हुम्‍ब। \em भजन संग्रह ७६:४\em* 
\v 10 मेकोमी “सिक्‍सी पा बाक्‍कीन। गो परमप्रभु नङ, दे तुइक्‍तीन। गो रागी रागी ङा मुर आन दातेमी ठेयब दुम्‍नुङ। गो रागी नेल्‍लेमी नेल्‍ल क्‍येङा ठेयब दुम्‍नुङ” देंत। 
\p  
\v 11 मुर नेल्‍ल आन परमप्रभु यावे गोपुकी नु बाक्‍ब। याकूब आ परमप्रभु आंइ बोल्‍यो दरवार बाक्‍ब। \em ठेयब सेंदा पा।\em* 
\c 47  
\s1 परमप्रभु रागी नेल्‍ल ङा पिप बाक्‍ब 
\d कुम्‍सो पपाइक्‍ब कली कोराह आ तौ आन कुम्‍सो। 
\p  
\v 1 जात जात ङा मुर नेल्‍लेमी इन गुइ फ्रोक्‍तीन। गे ग्‍येरशा, परमप्रभु कली कुम्‍सो पने।  
\v 2 मारदे हना परमप्रभु यावे, नेल्‍ल क्‍येङा ठेयब नु हिंचा ङा बाक्‍ब। मेको रागी नेल्‍ल ङा ठेयब पिप बाक्‍ब।  
\v 3 मेकोमी रागी आन कली आंइ के सेल्‍शा, शुश मुर आन कली आंइ कली हुकुम पचा गेप्‍तु।  
\v 4 मेकोमी आंइ कली शोंप योव़शा गेप्‍तु। मेको याकूब आ दाक्‍शो रागी बाक्‍त। मारदे हना परमप्रभुमी याकूब कली शुश दाक्‍ताक्‍व।\em ठेयब सेंदा पा।\em*\em ब्‍यवस्‍था ३२:९\em* 
\p  
\v 5 मुरपुकी शुश ग्‍येरसमानु, परमप्रभु आ नित्‍तीकेम लाइब। परमप्रभु यावे तुराही ताप्‍शो नेंशा लाइब।  
\v 6 परमप्रभु कली ठेयब सेल्‍तीक कुम्‍सो पने। लेंशा ठेयब सेल्‍तीक कुम्‍सो पने। आंइ पिप कली ठेयब सेल्‍तीक कुम्‍सो पने। लेंशा ठेयब सेल्‍तीक कुम्‍सो पने।  
\v 7 मारदे हना परमप्रभु रागी नेल्‍ल ङा पिप बाक्‍ब। मेको कली ठेयब सेल्‍तीक कुम्‍सो का पने। \em भजन संग्रह ९३:१\em* 
\v 8 परमप्रभुमी रागी रागी नेल्‍ल आन कली सासन पाइब। मिनु परमप्रभु आंम आ ठेयब नित्‍तीकेमी निप्‍ब।  
\v 9 मिनु जात जात ङा सासन पाइबपुकी नु अब्राहाम आ परमप्रभु आ मुर नेल्‍ल मेकेर ग्रुम्‍शो बाक्‍नीम। मारदे हना रागी रागी ङा पिपपुकी परमप्रभु आ गुइमी बाक्‍नीम। मेको थम ठेयब बाक्‍ब। 
\c 48  
\s1 सियोन आ दारस नु सक्ति 
\d कोराह आ तौ आन कुम्‍सो। 
\p  
\v 1 परमप्रभु यावे ठेयब बाक्‍ब। परमप्रभु आ बाक्‍तीक सहरम बाक्‍शा, मान पाइक्‍चा पुंइसीब बाक्‍ब। \em भजन संग्रह ४६:५-६\em* 
\v 2 आ डांडा दारशो नु लाइश्‍शो बाक्‍ब। मुर नेल्‍ले मेको तशा ग्‍येरसीनीम। सियोन डांडा उत्तर गे बाक्‍ब। मेको ठेयब पिप आ बाक्‍तीक सहर बाक्‍ब। \em बिलाप २:१५; मत्ती ५:३५\em* 
\v 3 मिनु परमप्रभु मेको सहर ङा बोल्‍यो दरवारम बाक्‍ब। मेको ठेयब नु सक्ति पाइश्‍शो बाक्‍ब, दे नेल्‍लेम तुइक्‍नीम।  
\v 4 पिप नेल्‍ले ग्रुम्‍शा, हुल हुल पा लडाइ पचा कली आ ङोंइती बारतेक्‍म। \em २राजा १८:१७-१८; मलाकी १:११\em* 
\v 5 मिनु मेकोपुकीमी मेको तशा, छक लाक्‍शा, हिंशा, प्रोक्‍तेक्‍मे।  
\v 6 मिनु मेक उइ गिक गिक पा ख्रिंख्रि पाम्‍तेक्‍म। आल थिची ना ङा रोइ पशो मीश मुर खोदेंशो दुम्‍तेक्‍म।  
\v 7 गे टारसीस ङा जहाज आन कली पूर्ब ङा फश पतीकेमी खतम सेल्‍तीनी।  
\v 8 आंइ ङोंइती नेंशो लोव़, मुर नेल्‍ल आन परमप्रभु यावे आ सहरम ताइतक। मार ताइतक देंशा हना, आंइ परमप्रभुमी आ सहर गेना हना यो लीपाइक्‍चा कली बोल्‍यो सेल्‍तु। \em ठेयब सेंदा पा।\em* 
\v 9 परमप्रभु, गो इन खिंमी बाक्‍शा, इन गेना हना यो दाक्‍तीके मिम्‍शा, बाक्‍नीकी।  
\v 10 परमप्रभु इन नें नु इन कली ठेयब सेल्‍तीके रागी आ सुर सम्‍म बाक्‍ब। गे इन सक्तिमी ग्राना ग्रान बाक्‍नीनी।  
\v 11 सियोन डांडा ग्‍येरसेक्‍ल। यहूदा ङा सहर नेल्‍ले इन निसाफ पशोमी ग्‍येरसमल।  
\v 12 सियोन आ एर ओंथ हिरशा, मेकेर ङा लाइश्‍शो खिं हिक्‍कीन।  
\v 13 मेकेर ङा बोल्‍यो गारोपुकी रिम्‍शो पा कोव़ङीन। आ बोल्‍यो दरवार यो रिम्‍शो पा कोव़ङीन। मिनु नोले गे इन चच युइ आन कली मेको आन पर्बम शेंने चाप्‍नीनी।  
\v 14 मारदे हना मेको परमप्रभु, आंइ परमप्रभु बाक्‍ब। मेकोमी गेना हना यो आंइ कली लां कोंइब। \em यसैया २५:९\em* 
\c 49  
\s1 शुश क्‍येटीम बेक्‍चा रे प्रोंइने मचाप्‍ब 
\d कुम्‍सो पपाइक्‍ब कली कोराह आ तौ आन कुम्‍सो। 
\p  
\v 1 जात जात ङा मुर नेल्‍ले, नेनीन।  
\v 2 ठेयब नु आइक्‍च, क्‍येट थीब नु प्रुङग नेल्‍लेमी नोफा दाइश्‍शा, नेनीन।  
\v 3 मिनु गो जोक्‍शा तुइश्‍शा लोव़ पाइनुङ। आं थुंमी मिम्‍शा पशो लोव़मी मुर आन कली रुप्‍‍ब सेल्‍ब।  
\v 4 गो अर्ती ङा लोव़ का नेंता। गो ठेयब ताप्‍तीके ताप्‍शा, आं लोव़ रुप्‍पाइक्‍नुङ।  
\v 5 मिनु श्‍येत जतीक नाक्‍ती जाक्‍मेनु, श्‍येत गेबपुकीमी आन ठीक मपशोमी आं एर ओंथ रे पुम्‍दीमीनु, गो मारदे हिंनुङा ङा?  
\v 6 मेकोपुकीमी आन शुश क्‍येटीम थमा सुइक्‍नीमी। आन शुश क्‍येटीम ठेयब लेत्‍नीमी।  
\v 7 सुइमी आंम लोक्‍ब कली क्‍येट थाप्‍शा, बेक्‍चा रे प्रोंइने मचाप्‍ब। मोपा मेकोमी परमप्रभु कली शुश क्‍येट थाप्‍शा आ गिंम प्रोंइने मचाप्‍ब। \em मीका ६:६-८; मत्ती १६:२६\em* 
\v 8 बेक्‍चा रे ब्रोंइतीक शुश ठेयब बाक्‍ब। मेको मुरुम गेनायो ग्‍याप्‍ने मचाप्‍नीम। \em मत्ती १६:२६\em* 
\v 9 गेना हना यो ब्रोंइशा बाक्‍ब, सुइ मबाक्‍नीम। मुर नेल्‍ले थिम्‍चा पुंइसीनीम। 
\p  
\v 10 मिनु नेल्‍लेमी जोक्‍ब तुइक्‍ब मुर, मूर्ख नु मिम्‍तीक मपाइश्‍शो नेल्‍ल बेक्‍नीम, दे तुइश्‍शो बाक्‍नीम। मिनु आन शुश क्‍येट नेल्‍ल अरु आन कली प्रोंइशा लाइनीम। \em उपदेसक २:१६; उपदेसक ६:२\em* 
\v 11 मिनु आन तुरस गेना हना यो मेको आन खिं दुम्‍ब। मोदेंशो पाला नेल्‍ल आन कली दुम्‍ब। मिनु मेकोपुकीमी आन नें आन रू कली वोइश्‍शो बाक्‍तेक्‍म हना यो, मोदेंशो दुम्‍नीम। 
\p  
\v 12 गिश क्‍येट थीब बाक्‍तेक्‍म हना यो, मुरपुकी मलीनीम। मेकोपुकी बेक्‍शा लाइब जन्‍तु खोदेंशो बाक्‍नीम। \em उपदेसक ३:१९\em* 
\v 13 आंम आन मिम्‍शो थमा सुइक्‍ब नु मेको आन लोव़ नेंशा, ग्‍येरसीब मेको आन नोले ङा मुर यो मोदेंशो दुम्‍नीम। \em ठेयब सेंदा पा।\em* 
\p  
\v 14 मेकोपुकी भेडा खोदेंशो पा बेक्‍चा कली बाक्‍नीम। बेक्‍पाइक्‍बमी मेको आन कली दाक्‍ब। सुनी कना रिम्‍शो थुं पाइश्‍शो मुरपुकीमी मेको आन कली हुकुम पाइनीम। मेको आन बाक्‍तीके रे ङोन दुम्‍शा, आन रां तुरसुम राक्‍शा लाइनीम।  
\v 15 तन्‍न परमप्रभुमी आं कली तुरस रे प्रोंइब। मेकोमी थमा पा आ बाक्‍तीकेम लाइक्‍ब। \em ठेयब सेंदा पा।\em*\em होसे १३:१४; भजन संग्रह ७३:२४\em* 
\p  
\v 16 मिनु गे शुश क्‍येट चेम्‍शा, आन खिं दारपाइक्‍ना पाइक्‍न बाक्‍ब मुर आन कली तशा, महिंनीन। \em अय्‍युब २१:७-१५\em* 
\v 17 मारदे हना मेको बेक्‍मानु, मारेइ मलाइक्‍नीम। मेको आन मार मार आन नोले खोइश्‍शा, मलाइनीम। \em उपदेसक ५:१४; १तिमोथी ६:७\em* 
\v 18 मिनु मेको ब्रोंइमा सम्‍म “गो आसीक ताइब नकी” देंनीम। मुरपुकीमी थीब मुर आन कली ठेयब सेल्‍नीम। \em १तिमोथी ६:७ लूका १२:१६-२१; लूका १६:१९-३१\em* 
\v 19 मो हना यो मेको बेक्‍शा, आन किकी पिपी आन बाक्‍तीके लाइनीम। मेकोपुकीमी गेनायो हाम्‍सो मताइनीम।  
\v 20 मुर गिश क्‍येट थीब बाक्‍तेक्‍म हना यो, मेको बेक्‍शा लाइब बस्‍तु भाव खोदेंशो बाक्‍नीम। 
\c 50  
\s1 परमप्रभु रिम्‍शो निसाफ पाइब 
\d आसाफ आ कुम्‍सो। 
\p  
\v 1 ठेयब सक्ति पाइश्‍शो, परमप्रभु, परमप्रभु यावेमी लोव़ पाप्‍तु। नां दाप्‍तीक रे नां पेरतीक सम्‍म ङा रागी कली लोव़ पाप्‍तु। \em १इतिहास २५:१\em* 
\v 2 परमप्रभु सियोन रे आ दारसम ग्‍योम्‍सीशा छेङछेङ दुम्‍शा, ग्रूशो बाक्‍ब। \em यसैया ६२:१\em* 
\v 3 आंइ परमप्रभु जाक्‍शा, सिक्‍सी पा मबाक्‍ब। मेको आ ङोंइती ग्राव ग्रु दाक्‍ब मी ब्राइब। मिनु आ एर ओंथ नेल्‍ले कुमीर गिमीर पा फश गिवार पाइब।  
\v 4 मेकोमी आ मुर आन कली निसाफ पचा कली सरीङ नु रागी ङा नेल्‍ल आन कली ब्रेप्‍ब। \em ब्‍यवस्‍था ३२:१; यसैया १:२\em* 
\v 5 परमप्रभुमी “आं कली थमा सुइक्‍ब आन कली खुप्‍तीन। मेकोपुकीमी मार मार क्‍योरशा चढ़ेशा, गो नु कबल पाम्‍तेक्‍म” देंब। \em प्रस्‍थान २४:४-११\em* 
\v 6 मिनु स्‍वर्गम बाक्‍बपुकीमी “एको ठीक पाइब बाक्‍ब। मारदे हना परमप्रभुमी एको मुर आन कली निसाफ पाइब” देंनीम। \em ठेयब सेंदा पा।\em* 
\p  
\v 7 मिनु परमप्रभुमी “आं मुरपुकी, नेनीन। गो इन कली लोव़ पाइनुङ। गो इस्राएली इन कली दोस गेशा, लोव़ पाइनुङ। गो परमप्रभु, इन परमप्रभु नङ। \em प्रस्‍थान २०:२\em* 
\v 8 इन मार मार चढ़ेशो आ पर्बम गो इन कली दोस मगेनुङ। इन चोशा चढ़ेशो गेना हना यो आं ङोंइती बाक्‍नीम। \em भजन संग्रह ४०:७; १सामुएल १५:२२; यसैया १:११\em* 
\v 9 गो इन खिं ङा ब्‍यफ नु इन गोठ ङा बोकापुकी ममाल्‍नुङ।  
\v 10 मारदे हना ब्‍वाकी ङा जन्‍तु नेल्‍ल नु हजार हजार डांडा ङा बी ब्‍यफ नेल्‍ल आं केन नम।  
\v 11 मिनु गो सरीङ ङा चिक्‍ब नेल्‍ल आन कली तुइक्‍नुङ। मिनु रागी ङा सोक्‍त पाइश्‍शो नेल्‍ल आं केन नम।  
\v 12 गो शोव़लु बाक्‍शो नङ हना यो, इन कली मदेंङ वा। मारदे हना रागी नु रागीम बाक्‍शो मारेइ मारेइ आं केन नम।  
\v 13 मार, गो ब्‍यफ आन श्‍ये ब्‍वाइनुङा ङा? बोका आन हुश तूनुङा ङा?  
\v 14 गे आं कली ‘गे रिम्‍शो पाइब बाक्‍नीनी’ देनीन। मिनु नेल्‍ल क्‍येङा ठेयब, आं कली इन कसम जशो खपीन। \em योना २:१०\em* 
\v 15 मिनु श्‍येत जनी नाक्‍त आं कली पुनीन। मिनु गो इन कली श्‍येत रे प्रोंइनन्‍नी। मिनु आं कली ‘गे ठेयब बाक्‍नीनी’ देंनीनी” देंत। \em भजन संग्रह ९१:१५\em* 
\p  
\v 16 तन्‍न परमप्रभुमी आ अरेशो मटीब आन कली “आं फुल्‍लुम मुशा ब्रेक्‍शो लोव़ मारदे पढेनी? आं कबल आ पर्बम मारदे लोव़ पनी? \em रोमी २:२१-२३\em* 
\v 17 गे आं शेंशो लोव़ ग्रांग्रा दीतीनी। मिनु आं लोव़ प्रोंइतीनी।  
\v 18 गे खुइ आन कली ग्रुम्‍नीनु, खुइ आन वारच दुम्‍तीनी। मिनु गे खुइ नु हेंथे गाक्‍ब नु गारतीनी।  
\v 19 गे मरिम्‍शो लोव़ पाइब नु जोल पाइब बाक्‍नीनी।  
\v 20 मिनु गे इन लोक्‍ब आन कली दोस गेशा बाक्‍नीनी। मिनु क्‍यी का रे जरमेशो इन लोक्‍ब आन कली शुक्‍शी पाइनीनी। \em उत्‍पत्ती २:२१\em* 
\v 21 गे मेको नेल्‍ल पाइतीनी हना यो, गो सिक्‍सी पा बाक्‍ती। गे आं खोदेंशो मिम्‍साक्‍नी। तन्‍न गो इन कली हुइश्‍‍शा, इन दोस कोंइनन्‍नी।  
\v 22 गे परमप्रभु कली प्रेंबपुकी तुइक्‍तीन। मो मपाइतीनी हना, गो इन कली साइक्‍नन्‍नी। मिनु इन कली सुइमी प्रोंइने मचाप्‍नीम।  
\v 23 सु सुमी ‘गे रिम्‍शो पाइब बाक्‍नीनी’ देंनीमी, मेकोपुकीमी आं कली ठेयब सेल्‍नीम। मिनु गो मेको आन कली लां सेल्‍नुङ। गो मेको आन कली आं पाप रे प्रोंइतीके कोंइनुङमी” दे परमप्रभुमी देंत। 
\c 51  
\s1 आं पाप क्‍याम्‍दीन, दे पुंइशो 
\d कुम्‍सो पपाइक्‍ब कली दाऊदमी बाथ्‍शेबा नु हेंथे पवा नोले नाथान जाक्‍मेनु, पशो दाऊद आ कुम्‍सो। २सामुएल १२:१-१५ 
\p  
\v 1 परमप्रभु इन गेना हना यो दाक्‍तीकेमी आं कली शिशी पने। इन शुश शिशीमी आं हेंथे पशो क्‍याम्‍दीन। \em लूका १८:१७\em* 
\v 2 परमप्रभु, इन शिशी पतीकेमी आं मरिम्‍शो पशो नेल्‍ल मुरशा गेयीनी। मिनु आं कली पाप रे प्रोंइयीनी।  
\v 3 मारदे हना गो आं मरिम्‍शो पशो तुइक्‍नुङ। मिनु आं पाप गेना हना यो मिम्‍नुङ।  
\v 4 गो इन ङोंइती ला पाप पाता। इन ङोंइती इन मदाक्‍शो पाता। गे आं कली निसाफ पा, ठीक पाइब बाक्‍नीनी। आं कली निसाफ पा सजाइ गेतीनी, गे मेको आ पर्बम दोस मताइब बाक्‍नीनी।  
\v 5 थमा पा, गो जरमेसी ङा रेन मरिम्‍शो पाइब बाक्‍ती। आं ममा आ कोव़जम जोल्‍ङा रेन मरिम्‍शो पाइब बाक्‍ती। \em रोमी ३:४; यूहन्‍ना ३:६\em* 
\v 6 गे आंम पर्बम आंम थुं ङा थमा मिम्‍तीकेम दाक्‍नीनी। मोपतीके गे आं थुं कली जोक्‍तीक तुइक्‍तीक शेंदीने। 
\p  
\v 7 गे हिस्सोप के ब्राक्‍सुमी आं पाप क्‍याम्‍दीन। मिनु आं पाप क्‍याम्‍सीशो बाक्‍ब। मिनु आं कली चिक्‍तीनी। मिनु गो फुं क्‍येङा बुश दुम्‍नुङ। \em प्रस्थान १२:२२-२३; यसैया १:१८\em* 
\v 8 आं कली ग्‍येरतीके नु थुं नाइक्‍तीके लोव़ नेंपाइय्‍यीनी। मिनु इन फस पोक्‍शो आं रुश लेंशा ग्‍येरसमल। \em भजन संग्रह ३२:३-४\em* 
\v 9 इन कुल आं पाप रे ख्रुइक्‍तीन। मिनु आं मरिम्‍शो पशो नेल्‍ल क्‍याम्‍दीन। 
\p  
\v 10 परमप्रभु, आं थुं क्‍येख सुन खोदेंशो सेलीन। मिनु नक नु ठीक पाइब सोक्‍त गेयीनी। \em मत्ती ५:८; इजीकीएल ३६:२६-२७\em* 
\v 11 आं कली इन ङोंइती रे मखेरयीनी। इन सोक्‍त आं रे मलतीन।  
\v 12 इन पाप रे प्रोंइतीके आ पर्बम ग्‍येरशो लेंशा गेयीनी। आं थुं इन देंशो खोदेंशो सेलीन। 
\p  
\v 13 मिनु गो मरिम्‍शो पाइब आन कली इन लां कोंइनुङमी। मिनु पाप पाइबपुकी इन गे लेत्‍नीम।  
\v 14 परमप्रभु, गे आं कली पाप रे प्रोंइब परमप्रभु बाक्‍नीनी। आं हुश ख्राक्‍श पोक्‍शो पाप रे प्रोंइयीनी। मिनु गो इन प्रोंइतीके आ पर्बम कुम्‍सो पाइनुङ।  
\v 15 परमप्रभु आं कली लोव़ पपाइय्‍यीनी। मिनु गो इन कली ठेयब सेल्‍नुङ।  
\v 16 गे मार मार क्‍योरशा, चढ़ेशोमी मग्‍येरनीनी। ग्‍येरसीनी हना, गो क्‍योरशा चढ़ेङ वा। गे चोशा चढ़ेशोम मग्‍येरसीनीनी। \em भजन संग्रह ४०:७\em* 
\v 17 परमप्रभु, गे मरिम्‍शो पशो आ पर्बम जिक्‍शो थुं नु ब्रेम्‍शो मुर आन थुं दाक्‍नीनी। \em भजन संग्रह ३४:३९\em* 
\p  
\v 18 इन दाक्‍शो खोदेंशो पा सियोन कली रिम्‍शो दुम्‍तीक गेने। यरूसलेम ङा गारो लेंशा सेलीने।  
\v 19 मिनु नोले मुरपुकीमी ठीक पा चढ़ेनीम। मुरपुकीमी इन कली ग्‍येरपाइक्‍चा कली चोशा चढ़ेतीक नेल्‍ल चढ़ेनीम। मिनु इन कली ब्‍यफ चढ़ेनीम। 
\c 52  
\s1 परमप्रभु आ शिशी नु निसाफ 
\d कुम्‍सो पपाइक्‍ब कली। शेंतीक कुम्‍सो एदोमी दोएगमी सावल कली “दाऊद अहीमेलेक आ बाक्‍तीकेम ख्रुंइसाक्‍व” देंचा नोले ङा दाऊद आ कुम्‍सो। १सामुएल २२:९-१९ 
\p  
\v 1 गे थम बोल्‍यो मुर, मारदे मरिम्‍शो पचा आ पर्बम बोरनीनी? परमप्रभु आ शिशी नाक्‍त रे लीब।  
\v 2 गे नाक्‍त रे खतम सेल्‍चा आ पर्बम मिम्‍नीनी? इन शोव़ शेप्‍शो करद खोदेंशो बाक्‍ब। गे जोल पाइब ला बाक्‍नीनी।  
\v 3 गे रिम्‍शो पचा क्‍येङा मरिम्‍शो पचा ला दाक्‍नीनी। थमा लोव़ पचा क्‍येङा जोल पचा ला दाक्‍नीनी। \em ठेयब सेंदा पा।\em* 
\v 4 गे जोल पाइब मुर, मारेइ मारेइ खतम सेल्‍तीक लोव़ ला दाक्‍नीनी। 
\p  
\v 5 परमप्रभुमी थमा पा इन कली गेना हना यो कली खतम सेल्‍ब। मेकोमी इन कली इन बाक्‍तीके रे कीशा, ग्रुंइब। मिनु मेकोमी इन कली ब्रोंइशा बाक्‍तीक रागी रे इन शाक्‍श सुन्‍दा उइश्‍शा, ताइक्‍ब। \em ठेयब सेंदा पा।।\em* 
\v 6 ठीक पाइबपुकी मेको आन कली तशा, हिंनीम। मिनु मेकोपुकीमी रिश्‍शा कोव़शा \em भजन संग्रह ९१:८\em* 
\v 7 एको मुर कली कोव़ङीन। एकोमी परमप्रभु कली जिम्‍मा मगेंसे। आ शुश शोंपोम “गो मारेइ मारेइ पने चाप्‍नुङ देंशा, अरु आन कली खतम पोक्‍शा, बोल्‍यो दुम्‍त” दे रिश्‍शा, कोव़नीम। 
\p  
\v 8 तन्‍न गो परमप्रभु आ खिंमी गिग तेल रवा खोदेंशो बाक्‍नुङ। गो आं कली गेना हना यो दाक्‍ब परमप्रभु कली थमा सुइक्‍नुङ। \em भजन संग्रह ९२:१३-१६\em* 
\v 9 गो “इन पशो आ पर्बम गेना हना यो इन कली ठेयब सेल्‍नुङ। गो इन नें ‘पाप रे प्रोंइब बाक्‍ब’ दे आस पाइनुङ। मारदे हना इन नें रिम्‍शो बाक्‍ब। गो इन कली थमा सुइक्‍ब आन दातेमी ठेयब सेल्‍नुङ” देंती। 
\c 53  
\s1 मुर आन मरिम्‍शो पशो 
\d कुम्‍सो पपाइक्‍ब कली महलाथ नें पाइश्‍शो कुम्‍सो आ लायो। दाऊद आ शेंतीक कुम्‍सो। भजन संग्रह १४:- 
\p  
\v 1 मूर्खपुकीमी आन थुंमी “परमप्रभु मबाक्‍ब” देंनीम। मेकोपुकी काइ मरिम्‍शो दुम्‍शा ग्रांग्रा दिचा ङा गेय पाइनीम। रिम्‍शो पाइब का यो मबाक्‍नीम। 
\p  
\v 2 मिनु परमप्रभुमी स्‍वर्ग रे मुर आन कली कोव़ब। मारदे कोव़ब देंशा हना, आ कली माल्‍ब, रुप्‍ब मुर का बाक्‍म कों, दे कोव़ब।  
\v 3 मुर नेल्‍ले हेंथे लां खोइश्‍शो बाक्‍नीम। मेको नेल्‍ले दूली पाइब बाक्‍नीम। रिम्‍शो पाइब का यो मबाक्‍नीम।  
\v 4 मार, मरिम्‍शो पाइबपुकी मारेइ मशेंसीनीमी? मेकोपुकीमी शोब्‍ले जशो खोदेंशो पा आं मुर आन कली नेक्‍नीम। मेकोपुकीमी परमप्रभु कली काइ मपुंइनीम।  
\v 5 मिनु नोले मेकोपुकी थाम्‍पा हिंनीम। ङोंइती मोपा हिंतीके मबा। मारदे हना परमप्रभुमी थमा मसुइक्‍ब आन रुश फ्राइब। मिनु मेकोपुकी मुने दोक्‍नीम। मारदे हना परमप्रभुमी मेको आन कली तिल्‍शो बाक्‍ब।  
\v 6 इस्राएल कली श्‍येत रे प्रोंइब सियोन रे जाक्‍शो हना, गिश रिम्‍शो दुम वा। परमप्रभुमी आ मुर आन कली थुं नाइश्‍शा, रिम्‍शो पा बाक्‍तीक लेंशा गेप्‍तु हना, याकूब आ मुर कुम्‍सो पाइनीम। मिनु इस्राएल ङा मुर ग्‍येरसीनीम। 
\c 54  
\s1 “जोरी सत्रु रे प्रोनीन” दे पुंइशो 
\d कुम्‍सो पपाइक्‍ब कली तार पाइश्‍शो ताप्‍तीके ताप्‍शा, शेंतीक कुम्‍सो। जीफ ङा मुरपुकीमी सावल कली “दाऊद आंइ दातेमी ख्रुंइसीब” देंशो ना ङा दाऊद आ कुम्‍सो। १सामुएल २३:१९; १सामुएल २६:१ 
\p  
\v 1 परमप्रभु, इन नेंमी आं कली प्रोंइयीनी। इन ठेयब सक्तिमी आं कली दोस मताइब बाक्‍ब, दे कोंइदीन।  
\v 2 परमप्रभु, आं लोव़ नेनीन, आं पुंइशो लोव़ नेनीने। 
\p  
\v 3 मरिम्‍शो पाइबपुकी आं गे बारतेक्‍म। हुश ख्राक्‍श पोक्‍बपुकीमी साइक्‍चा माल्‍तीमी। मेकोपुकी परमप्रभु कली ममिम्‍थु, महिंनीम। \em ठेयब सेंदा पा।\em* 
\p  
\v 4 परमप्रभु थमा पा आं कली वारच पाइब बाक्‍ब। मेको आं कली ब्रोंइचा गेब बाक्‍ब।  
\v 5 सु सुम आं कली मरिम्‍शो पाइ‍नीमी, मेको आन कली मरिम्‍शो दुम्‍ल। इन दाक्‍शा मप्रोंइतीकेमी मेको आन कली खतम पोक्‍कीन। 
\p  
\v 6 परमप्रभु, गो इन कली आं दाक्‍तीके चढ़ेनुङ। परमप्रभु यावे, गो इन कली “गे रिम्‍शो पाइब बाक्‍नीनी” दे इन नें ठेयब सेल्‍नुङ। मारदे हना परमप्रभु यावे रिम्‍शो पाइब बाक्‍ब।  
\v 7 गे आं श्‍येत नेल्‍ल रे प्रोंइतीनी। मिनु गो आं जोरी सत्रु आन कली ग्राती। 
\c 55  
\s1 “आ वारचम प्रोनानु” पुंइशो 
\d कुम्‍सो पपाइक्‍ब कली तार पाइश्‍शो ताप्‍तीके ताप्‍शा शेंतीक। दाऊद आ कुम्‍सो। 
\p  
\v 1 परमप्रभु, आं लोव़ नेनीन। आं ङोंइती रे इन कुल मख्रुइक्‍तीन।  
\v 2 आं पुंइशो नेंशा, लोव़ लेत्‍तीनी। गो श्‍येत जशा, आं थुं ग्‍येत्‍थ लुक्‍च दुम्‍शा, मारदे रोंका पा गाक्‍ती देंशा हना,  
\v 3 गो आं जोरी सत्रु आन लोव़ नेंशा, इन अरेशो मटीबपुकीम श्‍येत गेतीके रोंका पा गाक्‍ती। मारदे हना मेकोपुकी गाइश्‍शा आं जोरी सत्रु दुम्‍शा, श्‍येत गेतीमी। 
\p  
\v 4 आं थुं ग्‍येत्‍थ लुक्‍च पशो बाक्‍ब। आं कली बेक्‍चा ङा हिंतीकेमी सुम्‍ती।  
\v 5 गो हिंशा ख्रिंख्रि पाता। गो साप्‍पा हिंनुङ।  
\v 6 गो आं के “ढुकुर खोदेंशो पा फ्रां बाक्‍शो हना, बेरशा लशा, नांइसीङ वा” देंती।  
\v 7 गो थमा पा बेरशा ङोन लशा, गोरशो रागीम बाक्‍ङ वा। \em ठेयब सेंदा पा।\em* 
\v 8 गो फश गिवार रे प्रोक्‍शा, रीब पा फाम्‍सीङ वा। 
\p  
\v 9 परमप्रभु, मरिम्‍शो पाइब आन मिम्‍शो खतम पा गेने। मेको आन लोव़ खाल्‍शा गेने। मारदे हना गो सहरमी हुश ख्राक्‍श पोक्‍शो नु जिशो खेशो ला ताता।  
\v 10 मेकोपुकी नाक्‍दो नाक्‍ती सहर ङा गारो ङोइश्‍शा एर ओंथ हिरशो बाक्‍नीम। मेको सहरम मरिम्‍शो पतीके नु श्‍येत ला बाक्‍ब।  
\v 11 मेको सहरम मारेइ मारेइ खतम पोक्‍ब बाक्‍ब। मुर आन कली दिप्‍तीके नु जोल पतीके सहर प्रोंइशा मलाइनीम। 
\p  
\v 12 आं कली काइ मदाक्‍बमी शुक्‍शी पाइय्‍यी हना, गो फाल्‍ने चबु वा। जोरी सत्रुमी आं कली लडाइ तोशो नम हना, गो मेको आन क्‍येङा प्रोक्‍शा ख्रुंइसीङ वा। \em भजन संग्रह ४१:१०\em* 
\v 13 तन्‍न गे आ खोदेंशो मुर बाक्‍ते। गो नु बाक्‍ब आं वारच बाक्‍नेवे।  
\v 14 ङोंइती गो गे नु ग्‍येरशा बाक्‍शो बाक्‍ती। गो मुरपुकी नु परमप्रभु आ खिंम काथा गाक्‍शो नय। 
\p  
\v 15 बेक्‍पाइक्‍बमी आं जोरी सत्रु आन कली आन मतुइक्‍चा ङा पा जाक्‍शा दाक्‍गल। मेकोपुकी सेलीन बेक्‍शो मुर आन बाक्‍तीके लमल। मारदे हना मेको आन दातेमी मरिम्‍शो पतीके बाक्‍ब। \em गन्‍ती १६:३१-३३\em* 
\v 16 तन्‍न गो परमप्रभु कली पुंइनुङ। मिनु मेकोमी आं कली प्रोंइब।  
\v 17 गो सुनी, नाक्‍दो, नाक्‍ती श्‍येत जङानु, परमप्रभु कली आं श्‍येत आ पर्बम पुंइनुङ। मिनु मेकोमी आं लोव़ नेंब।  
\v 18 मेकोमी आं कली लडाइ रे मारेइ दुम्‍पाइक्‍थु, प्रोंइब। शुश मुरुमी आं कली मदाक्‍ताक्‍यीमी हना यो, प्रोंइब।  
\v 19 परमप्रभु गेना हना यो ठेयब नित्‍तीकेमी निश्‍शो बाक्‍ब। मेकोमी मेको आन लोव़ नेंशा, श्‍येत गेब। \em ठेयब सेंदा पा।\em* मारदे हना मेकोपुकीमी आन लां गेनायो ठीक मसेल्‍नीम। परमप्रभु कली मान पा महिंनीम।  
\v 20 आं वारचमी आं कली जोल पा श्‍येत गेती। मेकोमी आ कबल प्रोंइतु।  
\v 21 मिनु मेकोमी मिलो शिलो लोव़ पाप्‍तु। तन्‍न मेको आ थुंमी जिचा खेचा ला बाक्‍ब। मेको आ लोव़ तेल ख्रेक्‍शो खोदेंशो बाक्‍ब। तन्‍न आ आगाम शोइश्‍शो तरवार बाक्‍ब। \em येरमीया ९:७\em* 
\p  
\v 22 इन थुं ङा श्‍येत नु मार पचा दो पचा देंतीके परमप्रभु यावे आ ङोंइती वोतीन। मिनु मेकोमी इन कली कुक्‍ब। मेकोमी ठीक पाइब आन कली गेनायो हिम्‍सीचा मगेब। \em १पत्रुस ५:७\em* 
\v 23 तन्‍न परमप्रभु, गे मरिम्‍शो पाइब आन कली खतम दुम्‍तीकेमी ताइक्‍नीनी। हुश ख्राक्‍श पोक्‍ब नु जोल पाइब आन ब्रोंइतीक नाक्‍त उइक्‍थ यो मब्रोंइनीम। तन्‍न गो इन कली थमा सुइश्‍शा बाक्‍नुङ। \em भजन संग्रह १०२:२५\em* 
\c 56  
\s1 थमा सुइक्‍ब थुं महिंब थुं बाक्‍ब 
\d कुम्‍सो पपाइक्‍ब कली ङोन ङा रवाम बाक्‍शो ढुकुर आ कुम्‍सो आ लायो। पलिस्‍तीपुकीमी गाथ सहरम दाऊद कली ग्‍याइक्‍ची ना ङा दाऊद आ कुम्‍सो। १सामुएल २१:१०-१५ 
\p  
\v 1 परमप्रभु आं कली शिशी पाइय्‍यीनी। मारदे हना मुरपुकीमी आं कली शुश खेदा पाइनीमी। नाक्‍त रे आं कली दिप्‍शो बाक्‍नीम।  
\v 2 नेल्‍ल क्‍येङा ठेयब, नाक्‍त रे आं कली दिप्बपुकीमी आं कली श्‍येत गेनीमी। आं कली खेदा पाइब शुश बाक्‍नीम।  
\v 3 गो हिंङानु, इन कली थमा सुइक्‍नुङ।  
\v 4 मिनु गो परमप्रभु आ लोव़ ठेयब सेल्‍नुङ। मेकोमी प्रोंइब, दे थमा सुइश्‍शा, महिंथु बाक्‍नुङ। मुरपुकीमी आं कली मार पाइक्‍ने चाप्‍नीमी ङा? \em भजन संग्रह २७:१; भजन संग्रह ११८:६; यसैया १२:२; यसैया ५१:१२; मत्ती १०:२८\em* 
\p  
\v 5 नाक्‍त रे मेकोपुकीमी आं लोव़ दूली सेल्‍शा लोव़ पाइनीम। मेको आन मिम्‍शो नेल्‍ले आं कली श्‍येत गेचा कली ला बाक्‍ब।  
\v 6 मिनु मेकोपुकीमी आं कली क्‍यारी पा बाप्‍शा साइक्‍चा माल्‍नीम। 
\p  
\v 7 परमप्रभु, मेको आन कली काइ प्रोक्‍चा मगेन। इन गाइक्‍चामी मेको मुर आन कली खतम पोक्‍कीन।  
\v 8 आं रोंका पशो मिम्‍तीन। आं प्रेक्‍कु इन ग्‍यों‍बुम कुर पा वोतीन। मार, मेको इन लोव़ ब्रेक्‍शो किताबम ब्रेक्‍शो मबाक्‍बा ङा? 
\p  
\v 9 मिनु गो इन कली “वारच पाइय्‍यीनी” दे पुनुनु, आं जोरी सत्रु लेश्‍शा प्रोक्‍नीम। मिनु परमप्रभुमी आं कली दाक्‍ब, दे तुइक्‍नुङ।  
\v 10 गो परमप्रभु आ लोव़ ठेयब सेल्‍नुङ। गो परमप्रभु यावे आ लोव़ आ पर्बम ग्‍येरशा लोव़ पाइनुङ।  
\v 11 गो “परमप्रभुमी श्‍येत रे प्रोंइब” दे थमा सुइश्‍शा, महिंथु बाक्‍नुङ। मुरपुकीमी आं कली मार पाइक्‍ने चाप्‍नीमी ङा? 
\p  
\v 12 परमप्रभु, गो गे नु कसम जशो, खाप्‍चा माल्‍नुङ। गो इन कली “गे रिम्‍शो पाइब बाक्‍नीनी” दे चढ़ेतीके चढ़ेनुङ।  
\v 13 मारदे हना गे आं कली बेक्‍चा रे प्रोंइतीनी। मिनु आं कली गोल्‍चा रे प्रोंइतीनी। परमप्रभु, गो ब्रोंइशो आन छेङछेङम गाक्‍चा तङल। \em अय्‍युब ३३:३०\em* 
\c 57  
\s1 श्‍येत रे प्रोंइब, दे पुंइतीक 
\d कुम्‍सो पपाइक्‍ब कली खतम मसेलो देंशो कुम्‍सो आ लायो। दाऊद सावल रे प्रोक्‍मेनु, पुक्‍खीम बाक्‍शा, पशो कुम्‍सो। १सामुएल २२:१ 
\p  
\v 1 परमप्रभु शिशी पने। आं कली शिशी पाइय्‍यीनी। मारदे हना आं थुं गे नु ख्रुंइसीब। एको खतम पोक्‍ब फश गिवार मनुम्‍‍म सम्‍म गो इन फ्रां आगामी ख्रुंइसीशा बाक्‍नुङ। \em भजन संग्रह १७:८; भजन संग्रह ९१:१-२\em* 
\p  
\v 2 गो नेल्‍ल क्‍येङा ठेयब, परमप्रभु कली ब्रेत्‍नुङ। परमप्रभुमी आं पर्बम आ मिम्‍शो खाप्‍ब।  
\v 3 मेकोमी स्‍वर्ग रे वारच पाइब सोइश्‍शा, आं कली प्रोंइब। मिनु आं कली खेदा पाइब आन कली हुइक्‍ब। \em ठेयब सेंदा पा।\em* परमप्रभुमी आं कली गेना हना यो दाक्‍ब। आ दाक्‍शा मप्रोंइतीकेमी आं कली कोव़ब। 
\p  
\v 4 गो गुप्‍स आन दातेमी बाक्‍शो बाक्‍नुङ। गो मुर ब्‍वाइब जन्‍तु आन दातेमी गोल्‍शो बाक्‍नुङ। मेको मुर आन ख्रुइ तूतीक नु ब्रा खोदेंशो बाक्‍नीम। मेको आन लें हेश्‍शो तरवार खोदेंशो बाक्‍ब। 
\p  
\v 5 परमप्रभु, गे सरीङ क्‍येङा ठेयब बाक्‍नीनी। मिनु रागी इन सक्तिम प्रिंदीन।  
\v 6 मेकोपुकीमी आं खोइली रेप्‍पाइक्‍चा कली ब्‍वारद दाइक्‍ताक्‍म। गो श्‍येत जशा गुर ब्‍वेशो बाक्‍नुङ। मेकोपुकीमी आं लांम खाल्‍टा दोम्‍तेक्‍म। तन्‍न मेकोपुकी मेकेर आंमा बिक्‍तेक्‍म। \em ठेयब सेंदा पा।\em* 
\p  
\v 7 परमप्रभु, आं थुं ग्‍येत्‍थ लुक्‍च मपथु बाक्‍ब। गो ताप्‍तीक ताप्‍शा कुम्‍सो पाइनुङ। \em भजन संग्रह १०८:२-६\em* 
\v 8 आं थुं सेंशा बोक्‍को। ताप्‍तीकपुकी ठीक पा बाक्‍कीन। मारदे हना गो नां सोव़चा क्‍येङा ङोंइती कुम्‍सो पाइनुङ। 
\p  
\v 9 परमप्रभु, गो जात जात ङा मुर आन दातेमी इन कली ठेयब सेल्‍नुङ। गो रागी रागी आन दातेमी इन पर्बम कुम्‍सो पाइनुङ।  
\v 10 मारदे हना इन गेना हना यो दाक्‍तीके सरीङ सम्‍म जाक्‍दीश्‍शो ठेयब बाक्‍ब। मिनु इन दाक्‍शा मप्रोंइतीके गोस्‍स सम्‍म जाक्‍दीश्‍शो ठेयब बाक्‍ब।  
\v 11 परमप्रभु, गे सरीङ क्‍येङा ठेयब बाक्‍नीनी। मिनु रागी इन सक्तिम प्रिंदीन। 
\c 58  
\s1 मरिम्‍शो पाइब कली सजाइ 
\d कुम्‍सो पपाइक्‍ब कली कुम्‍सो आ लायो, खतम मसेलो देंशो दाऊद आ सेल्‍शो कुम्‍सो। भजन संग्रह ८२:२-४ 
\p  
\v 1 गे निसाफ पाइबपुकी, ठीक लोव़ पाइनीनी? गे मुर आन कली ठीक निसाफ पाइब बाक्‍नीनी?  
\v 2 ममाइ, गे इन थुंमी ठीक ममिम्‍नीनी। मिनु गे रागीम हुश ख्राक्‍श पोक्‍नीनी।  
\v 3 परमप्रभु आ अरेशो मटीबपुकी जरमेसमा रेन मरिम्‍शो पाइनीम। कोव़ज रेन मरिम्‍शो पाइब दुम्‍शो बाक्‍नीम। मिनु जोल पाइनीम।  
\v 4 मेको आन बीस बुस्‍स आन बीस खोदेंशो बाक्‍ब। मेको थम ठेयब बुस्‍स आन नोफा सुशो खोदेंशो बाक्‍नीम।  
\v 5 मिनु मन्‍तर तन्‍तर पाइब नु नु टुना मुना पाइब आन लोव़ मनेंनीम। 
\p  
\v 6 परमप्रभु, मेको आन ख्रुइ जिक्‍तीन। परमप्रभु यावे, गुप्‍स आन ख्रुइ तुल्‍दीन।  
\v 7 मेकोपुकी शाइश्‍‍शो ब्‍वाक्‍कु खोदेंशो पा जाम्‍शा, लमल। मेकोपुकीमी लिब्राम ब्रा आप्‍मेनु, मेको आन ब्रा हेंथे लमल।  
\v 8 मेकोपुकी गाक्‍ना गाक्‍न यशा, दे खोदेंशो दुम्‍मल। मेकोपुकीमी शाम्‍शो आलपुकीम खोदेंशो पा नां मतामेक्‍ल। 
\p  
\v 9 इन ग्‍योंबपुकी सोव़शो चूमी ब्रशो मीम होचा क्‍येङा ङोंइती, मरिम्‍शो पाइबपुकी जाम्‍शा लाइनीम।  
\v 10 मिनु ठीक पाइबपुकी मरिम्‍शो पाइब आन कली क्‍येक्‍क लेश्‍शो तशा, ग्‍येरसीनीम। मिनु मेको आन हुशेम गाक्‍नीम।  
\v 11 मिनु मुरपुकीमी “ठीक पाइबपुकीमी थमा पा इनाम ताइनीम। थमा पा, परमप्रभु रागीम निसाफ पाइब बाक्‍ब” देंनीम। 
\c 59  
\s1 “जोरी सत्रु रे प्रोनीन” दे पुंइशो 
\d कुम्‍सो पपाइक्‍ब कली खतम मसेलो देंशो कुम्‍सो आ लायो। दाऊद आ कुम्‍सो। सावलमी दाऊद आ खिंम बाक्‍म कों, मेको कली साइक्‍चा, दे क्‍यारी पथ सोइश्‍शो बाक्‍त। १सामुएल १९:११ 
\p  
\v 1 आं परमप्रभु, आं जोरी सत्रु रे प्रोंइयीनी। आं कली मरिम्‍शो पाइब आन क्‍येङा प्रोंइयीनी।  
\v 2 आं कली मरिम्‍शो पाइब नु हुश ख्राक्‍श पोक्‍ब आन रे प्रोंइयीनी।  
\v 3 कोव़ङीन, मेकोपुकीमी आं कली साइक्‍चा कली बाप्‍शा बाक्‍शो बाक्‍नीम। परमप्रभु यावे, गो मारेइ मरिम्‍शो मपथु, मेको मुर साइक्‍बपुकीमी आं कली जिचा तोशो बाक्‍नीम।  
\v 4 गो मारेइ मरिम्‍शो मपथु, मेकोपुकीमी आं कली साइक्‍चा चिक्‍शो बाक्‍नीम। आं श्‍येत जशो कोव़ङीन। मिनु वारच पाइक्‍चा कली बोक्‍कीन।  
\v 5 परमप्रभु यावे, मुर नेल्‍ल आन परमप्रभु, इस्राएल आ परमप्रभु, रागी रागी आन कली सजाइ गेचा कली बोक्‍कीन। इन कली प्रोंइशा, मरिम्‍शो पाइब आन कली काइ शिशी मपने। \em ठेयब सेंदा पा।\em* 
\p  
\v 6 नाक्‍दो कुस कुस मेकोपुकी सहर आ एर ओंथ कुचुम खोदेंशो पा ङरर ङरर पा हिरसीनीम।  
\v 7 मेकोपुकीमी आन शोव़ रे मार ग्रुंइबाक्‍मा? मेकोपुकीमी साइक्‍चा ङा लोव़ पाइनीम। मिनु मेकोपुकीमी “सुम नेंबा ङा” देंनीम।  
\v 8 तन्‍न परमप्रभु यावे, गे मेको आन पर्बम रित्‍नीनी। गे रागी रागी नेल्‍ल आन पर्बम रित्‍नीनी। 
\p  
\v 9 गे आं सक्ति बाक्‍नीनी। गो इन कली ठेयब सेल्‍शा कुम्‍सो पाइनुङ। परमप्रभु, गे आं बोल्‍यो दरवार बाक्‍नीनी। \em भजन संग्रह ९:१०-११\em* 
\v 10 परमप्रभुम आं कली गेना हना यो दाक्‍तीकेम ग्रुम्‍ब। मिनु मेकोमी आं कली आं जोरी सत्रु आन कली ग्रापाइक्‍ब।  
\v 11 मेको आन कली मसतीन। मो पाइतीनी हना, आं मुरपुकीमी प्रेंनीमी। परमप्रभु, गे आंइ तेक्‍तीक बाक्‍नीनी। गे मेको आन कली इन सक्तिमी एर ओंथ ब्रपाइश्‍शा, आइक्‍च सेलीन।  
\v 12 मेको आन पशो लोव़मी, आन ठेयब लेश्‍शो कोंइनीमी। गे गाइश्‍शा मेको आन सराप पतीके नु जोल पतीके खतम पोक्‍कीन।  
\v 13 मेको आन कली इन गाइक्‍तीकेमी सतीन। गे मेको आन कली रागी रे क्‍याम्‍ताक्‍नी हना, मुर नेल्‍लेमी परमप्रभुमी याकूब कली सासन पाइब, दे तुइक्‍नीम। \em ठेयब सेंदा पा।\em* 
\p  
\v 14 नाक्‍दो कुस कुस मेकोपुकी सहर आ एर ओंथ कुचुम खोदेंशो पा ङरर ङरर पा हिरसीनीम।  
\v 15 मेकोपुकी जचा थोव़क माल्‍थ गाक्‍नीम। मिनु मरूतेक्‍म हना, ग्रीनीम।  
\v 16 तन्‍न गो चहिं इन सक्ति आ पर्बम कुम्‍सो पाइनुङ। सुनी कना गो इन गेना हना यो दाक्‍शो आ पर्बम कुम्‍सो पाइनुङ। मारदे हना गे आं ब्रोंइशा बाक्‍तीक बोल्‍यो दरवार बाक्‍नीनी। मिनु श्‍येत जङानु, आं ख्रुइक्‍तीक बाक्‍नीनी।  
\v 17 गे, आं सक्ति बाक्‍नीनी, गो इन कली ठेयब सेल्‍तीक कुम्‍सो पाइनुङ। गे आं बोल्‍यो दरवार नु आं कली गेना हना यो दाक्‍ब परमप्रभु बाक्‍नीनी। 
\c 60  
\s1 लडाइ ब्रुशा पुंइशो 
\d कुम्‍सो पपाइक्‍ब कली कबल ङा फू आ लायो। दाऊद आ सेल्‍शो शेंतीक कुम्‍सो। मेकोमी अराम-नहाराइन नु अराम-सोबाह नु लडाइ पवानु, योआब लेश्‍शा, १२ हजार एदोमी कली हिक्‍सी दिंमम साइक्‍तु। २सामुएल ८:३,१३; २सामुएल १०:१३,१८ 
\p  
\v 1 परमप्रभु, गे आंइ कली वारच पाइक्‍चा प्रोंइशो बाक्‍तीनी। गे आंइ लडाइ पतीके कली प्रोंइशो बाक्‍तीनी। गे आंइ पर्बम थाम्‍पा गाइक्‍ताक्‍नी। मुल आंइ कली ङोंइती ङा खोदेंशो पा रिम्‍शो सेलीन।  
\v 2 गे ख्रिनु कुपाइक्‍तीनी। मिनु रागी कली चेत्‍तीनी। मेको जेश्‍शो लेंशा सेलीन। मारदे हना हिम्‍सीन सीन बाक्‍ब।  
\v 3 परमप्रभु, गे इन मुर आन कली ठेयब श्‍येत जपाइक्‍तीनी। गे आंइ कली दिङ दाङ गोल्‍ब तूचा थोव़क तूपाइक्‍तीनी। \em भजन संग्रह ७५:९\em* 
\p  
\v 4 मिनु इन क्‍येङा मान पा हिंब आन कली प्रोक्‍तीक लां कोंइचा कली चिन्‍ड का वोइक्‍तीनी। मेकेर लमानु, ब्राम मख्राइ‍नीम। \em ठेयब सेंदा पा।\em*\em प्रस्‍थान १७:१५\em* 
\p  
\v 5 इन सक्तिमी आंइ कली प्रोनीन। मिनु इन दाक्‍शो मुरपुकी ब्रोंइचा तामेक्‍ल। \em भजन संग्रह १०८:७-१४\em* 
\v 6 परमप्रभुमी आ बाक्‍तीक रे “ग्‍येरपाइक्‍तीकेमी, गो शेकेम कली योक्‍नुङ। सुक्‍कोथ ङा दिंम पुक्‍नुङ।  
\v 7 गिलाद नु मनस्‍से आं के बाक्‍नीस। एफ्राइम आं पियाम गुप्‍तीक बाक्‍ब। यहूदा आं राज दन्‍ड बाक्‍ब। \em उत्‍पत्ती ४९:१०\em* 
\v 8 मोआब आं चिक्‍तीके बोस बाक्‍ब। गो एदोम तार आं जुत्ता ब्‍वारनुङ। गो पलिस्‍ती आन कली ग्रानुङ। 
\p  
\v 9 सुम आं कली गारो हिरशो सहर सम्‍म चाक्‍दीप्‍बा? सुम आं कली लां कोंइशा, एदोम सम्‍म चाक्‍दीप्‍बा?” देंत।  
\v 10 परमप्रभु, गे आंइ क्‍येङा ङोन मलनी? गे आंइ कली प्रोंइतीनी। गे आंइ लडाइ पाइबपुकी नु मलाइनीनी। 
\p  
\v 11 मिनु आंइ जोरी सत्रु क्‍येङा ग्रा‍चा कली आंइ कली वारच पने। मारदे हना मुर आन वारच पशो शोर गाक्‍शो बाक्‍ब।  
\v 12 गो परमप्रभु आ वारच पाइश्‍शोमी ग्रानीकी। मिनु मेकोमी आंइ जोरी सत्रु आन कली दिम्‍ब। 
\c 61  
\s1 परमप्रभुमी वारच पशो 
\d कुम्‍सो पपाइक्‍ब कली तार पाइश्‍शो ताप्‍तीके ताप्‍शा पतीक, दाऊद आ कुम्‍सो। 
\p  
\v 1 परमप्रभु, आं ब्रेश्‍‍शो नेनीन। आं पुंइशो लोव़ नेनीन।  
\v 2 गो ङोन रागी रे इन कली ब्रेत्‍नुङ। आं थुं ग्‍येत्‍थ लुक्‍च दुम्‍मेनु, ब्रेत्‍नुङ। आं कली लाइश्‍शो सेरथे फुल्‍लु तार लाइय्‍यीनी।  
\v 3 मारदे हना गे आं ख्रुइक्‍तीके बाक्‍नीनी। गे ङोंइती रे आं जोरी सत्रुमी मथित्‍तीके बोल्‍यो लाइश्‍शो खिं बाक्‍नीनी। \em भजन संग्रह ७१:३; हितोपदेस १८:१०\em* 
\p  
\v 4 गे आं कली इन ताम्‍बुमी गेना हना यो बाक्‍चा गेने। मिनु इन फ्रां आगाम ख्रुंइसीनुङ।\em ठेयब सेंदा पा।\em*\em भजन संग्रह १७:८\em* 
\v 5 परमप्रभु, गे आं कसम जशो नेंतीनी। गे इन नें कली मान पा हिंब आन कली गेशो खोदेंशो पा, आं कली यो गेतीनी। 
\p  
\v 6 पिप कली शुश ब्रोंइतीक नाक्‍त गेने। शुश पाला सम्‍म आ ब्रोंइतीक नाक्‍त बारपतीन। \em भजन संग्रह २१:५\em* 
\v 7 मेको परमप्रभु आ ङोंइती गेना हना यो आ नित्‍तीकेम बाक्‍चा तवल। इन गेना हना यो दाक्‍तीके नु इन दाक्‍शा मप्रोंइतीकेमी मेको कली खाल पपतीन। \em २सामुएल ७:१६\em* 
\p  
\v 8 मेना गो इन नें गेना हना यो ठेयब सेल्‍तीक कुम्‍सो पाइनुङ। मिनु नाक्‍त किंत किंत गो आं कसम जशो खाप्‍नुङ। 
\c 62  
\s1 परमप्रभुमी प्रोंइब, देंशो 
\d कुम्‍सो पपाइक्‍ब येदुथून कली दाऊद आ कुम्‍सो। 
\p  
\v 1 आं थुंम सिक्‍सी पा परमप्रभु कली रिम्‍ब। मेकोमी आं कली प्रोंइब। \em यसैया ३०:१५\em* 
\v 2 मेको ला आं सेरथे फुल्‍लु नु आं कली वारच पाइब बाक्‍ब। मेको आं बोल्‍यो दरवार बाक्‍ब। गो गेनायो महिम्‍‍सीनुङ। \em भजन संग्रह १८:३\em* 
\p  
\v 3 गे नेल्‍लेमी मुर का कली गेना सम्‍म बाप्‍शा साइक्‍चा माल्‍नीनी? गे गोल्‍चा चिक्‍शो गारो नु ब्रेत्‍चा चिक्‍शो थरपु खोदेंशो मुर कली खोल्‍नीनी?  
\v 4 मेकोपुकीमी ठेयब मुर कली साइक्‍चा माल्‍शो बाक्‍नीम। मेकोपुकी जोल पतीकेमी ग्‍येरसीनीम। मिनु शोव़म आसीक गेखु पाइनीम। तन्‍न आन थुंमी चहिं सराप पाइनीम। \em ठेयब सेंदा पा।\em* 
\p  
\v 5 आं थुंम सिक्‍सी पा परमप्रभु कली ला रिम्‍ब। मारदे हना गो मेको कली आस पाइनुङ।  
\v 6 मेको ला आं सेरथे फुल्‍लु नु आं कली वारच पाइब बाक्‍ब। मेको आं बोल्‍यो दरवार बाक्‍ब। गो महिम्‍‍सीनुङ।  
\v 7 आं कली श्‍येत रे प्रोंइतीके नु मान ततीके परमप्रभु रे जाक्‍ब। परमप्रभु आं ख्रुइक्‍तीक सेरथे फुल्‍लु नु आं बोल्‍यो दरवार बाक्‍ब।  
\v 8 मुर नेल्‍ले, गेना हना यो परमप्रभु कली थमा सुतीन। मेको आ ङोंइती इन थुं ङा लोव़ देंनीन। मारदे हना परमप्रभु इं ख्रुइक्‍तीके बाक्‍ब। \em ठेयब सेंदा पा।\em* 
\p  
\v 9 महिक्‍सीशो मुरपुकी फश ला बाक्‍नीम। हिक्‍सीशो मुर आन ठेयब दुम्‍तीके जोल ला बाक्‍ब। मेकोपुकी नाक्‍सीमानु, मारेइ मबाक्‍नीम। हिक्‍सीशो नु महिक्‍सीशो मुर नेल्‍ल मुठी का सोक्‍त ङा ला बाक्‍नीम।  
\v 10 मुर आन कली दिप्‍शा “रिम्‍शो दुम्‍नुङ” दे ममिम्‍तीन। खुइ पशो मार मार तशा, ठेयब मलेतीन। इन शोंप शुश दुम्‍त हना यो, मेको कली थमा मसुतीन। \em मत्ती १९:२२; लूका १२:१५-२१; १तिमोथी ६:९,१७\em* 
\p  
\v 11 परमप्रभुमी लोव़ पाप्‍तु। गो लोव़ निक्‍शी नेंता “परमप्रभु के सक्ति बाक्‍ब।  
\v 12 परमप्रभु यावे गेना हना यो दाक्‍ब बाक्‍ब” देंशो नेंता। गे थमा पा मुर नेल्‍ल आन कली आन पशो खोदेंशो पा गेनीनी। \em रोमी २:६-११\em* 
\c 63  
\s1 परमप्रभु नु बाक्‍चा दाक्‍शो 
\d यहूदा आ गोरशो रागीम बाक्‍शो ना ङा दाऊद आ कुम्‍सो। १सामुएल २२:५ 
\p  
\v 1 परमप्रभु, गे आं परमप्रभु बाक्‍नीनी। गो इन कली थमा पा माल्‍नुङ। गो ब्‍वाक्‍कु तूतू दाक्‍शो खोदेंशो पा आं थुंमी इन कली माल्‍नुङ। गो ब्‍वाक्‍कु मबाक्‍शो रागीम ब्‍वाक्‍कु माल्‍शो खोदेंशो पा इन कली माल्‍स ङा माल्‍स बाक्‍नुङ। \em भजन संग्रह ४२:३\em* 
\p  
\v 2 गो इन कली इन बाक्‍तीकेमी ताता। मिनु इन सक्ति नु छेङछेङ ताता।  
\v 3 आं ब्रोंइतीके क्‍येङा इन गेना हना यो दाक्‍तीके ठेयब बाक्‍ब। मोपतीके गो इन कली ठेयब सेल्‍नुङ।  
\v 4 गो मबेक्‍ङा सम्‍म इन कली ठेयब सेल्‍नुङ। मिनु गो आं गुइ पोक्‍शा, इन कली प्रार्थना पाइनुङ।  
\v 5 ब्रोव़शो जशो खोदेंशो पा इन कली मिम्‍शा ग्‍येरनुङ। गो कुम्‍सो पा इन कली ठेयब सेल्‍नुङ।  
\v 6 गो आं ब्राख्‍येम बाक्‍ङानु, इन कली मिम्‍नुङ। मिनु नाक्‍दो यो इन कली मिम्‍शा बाक्‍नुङ। \em येरमीया २६:९\em* 
\v 7 मारदे हना गे आं कली वारच पाइब बाक्‍नीनी। मोपतीके गो इन प्रोंइतीके तुइश्‍शा, कुम्‍सो पाइनुङ। \em भजन संग्रह १७:८\em* 
\v 8 आं थुं गे नु बाक्‍ब। गे आं कली कोव़ब बाक्‍नीनी। 
\p  
\v 9 तन्‍न आं कली साइक्‍चा माल्‍बपुकी खतम दुम्‍शा, खप आगा ओव़नीम।  
\v 10 मेकोपुकी तरवारम साइक्‍चा पुंइसीनीम। मिनु सिवारम मेको आन कली ब्‍वाइनीम। 
\p  
\v 11 तन्‍न पिप चहिं परमप्रभु नु थुं नाइश्‍शा ग्‍येरशा बाक्‍ब। परमप्रभु आ नेंम कसम जाइबपुकीमी मेको कली ठेयब सेल्‍नीम। तन्‍न जोल पाइबपुकी ब्‍वाक्‍चा मताइनीम। 
\c 64  
\s1 परमप्रभुमी निसाफ पवल 
\d कुम्‍सो पपाइक्‍ब कली दाऊद आ कुम्‍सो। 
\p  
\v 1 परमप्रभु, आं कली श्‍येत गेशो आ पर्बम इन कली शेंदुनु, आं लोव़ नेनीन। आं कली आं जोरी सत्रु आन क्‍येङा प्रोंइयीनी।  
\v 2 इन अरेशो मटीब आन क्‍येङा ख्रुइक्‍तीनी। मरिम्‍शो पाइब आन ख्रुइश्‍शा मिम्‍शो रे ख्रुइक्‍तीनी। 
\p  
\v 3 मेकोपुकीमी तरवार खोदेंशो पा आन लें हेप्‍पाइक्‍नीम। मेको आन लोव़मी साइक्‍ब ब्रा खोदेंशो पा आप्‍नीम।  
\v 4 मेकोपुकीमी बाप्‍शा, दोस मपाइश्‍शो मुर आन कली आप्‍नीम। मेकोपुकीमी मेको आन कली महिंथु ब्रा ब्रु आप्‍नीम। 
\p  
\v 5 मिनु मेकोपुकीमी आन मरिम्‍शो पशो आ पर्बम आंम आंमा ठीक पाइतीनी, देंमुइनीम। ख्रुइश्‍शा ब्‍वारद दाइक्‍तीक आ पर्बम लोव़ पाइनीम। मेकोपुकीमी “इं कली सुम ताइबा ङा” देंनीम। \em भजन संग्रह ९४:७\em* 
\v 6 मेकोपुकीमी मरिम्‍शो पतीक आ पर्बम गारशा “गो शुश मिम्‍शा, गेय पाइतय” देंनीम। थमा पा मुर आन मिम्‍तीके नु थुं मरिम्‍शो बाक्‍ब। 
\p  
\v 7 तन्‍न परमप्रभुमी मेको आन कली ब्रा आप्‍ब। मिनु मेको आन मतुइक्‍थु गोल्‍नीम।  
\v 8 परमप्रभुमी मेको आन कली आन लोव़ आ पर्बम खतम सेल्‍ब। मेको आन कली साइक्‍ब। मिनु मेको आन कली ताइब नेल्‍लेमी हिंशा आन पिया हिक्‍नीम।  
\v 9 नोले मुर नेल्‍ल हिंनीम। मिनु परमप्रभु आ पशो आ पर्बम लोव़ पाइनीम। मिनु मेको आ पशो मिम्‍नीम। \em प्रस्‍थान ८:१५\em* 
\v 10 ठीक पाइबपुकी परमप्रभु यावे आ पर्बम ग्‍येरसीने। मिनु मेको नु ख्रुंइसीन। रिम्‍शो थुं पाइश्‍शो मुर नेल्‍ले ग्‍येरसीन। 
\c 65  
\s1 परमप्रभु कली ठेयब सेल्‍शो 
\d कुम्‍सो पपाइक्‍ब कली। दाऊद आ कुम्‍सो। 
\p  
\v 1 परमप्रभु, सियोनमी इन कली ठेयब सेल्‍तीक कुम्‍सो पाइनीमी। मिनु आंइ कसम जशो नेल्‍ल इन ङोंइती खाप्‍नीकी।  
\v 2 गे प्रार्थना नेंब बाक्‍नीनी। मोपतीके मुर नेल्‍ल इन ङोंइती जाक्‍नीम।  
\v 3 गो आंइ पापमी ग्रुम्‍कानु, आंइ मरिम्‍शो पशो माफ गेतीनी।  
\v 4 सु सु इन योव़चा पुंइसीशो बाक्‍नीमी, मेकोपुकी ग्‍येरसीशो बाक्‍नीमी। मेको आन कली इन खिंम बाक्‍पाइक्‍चा कली चाक्‍नीनी। गो इन खिं, इन आंम बाक्‍तीके ङा ब्रोव़शो थोव़कमी रू‍नीकी। \em भजन संग्रह ६३:३-४; भजन संग्रह ८४:२-५; ब्‍यवस्‍था ४:७\em* 
\p  
\v 5 आंइ पुंइशो लोव़ इन ठेयब गेयमी आंइ कली प्रोंइशा लोव़ लेत्‍नीनी। परमप्रभु, आंइ कली श्‍येत रे प्रोंइब बाक्‍नीनी। गे ङोन बाक्‍ब रागी नु नेल्‍ल क्‍येङा ङोन ङा समुन्‍द्र आ नेक्‍था बाक्‍ब आन आस बाक्‍नीनी।  
\v 6 गे इन सक्तिमी डांडा नेल्‍ल सेल्‍तीनी। गे ठेयब सक्ति पाइश्‍शो बाक्‍नीनी।  
\v 7 गे समुन्‍द्र आन ग्रीशो सिक्‍सी पपाइक्‍तीनी। गे समुन्‍द्र आन बोक्‍शो नाइक्‍पाइक्‍नीनी। मिनु जात जात ङा मुर आन जिचा खेचा साम्‍नीनी। \em भजन संग्रह ८९:१०\em* 
\v 8 मिनु ङोन ङोन रागीम बाक्‍बपुकी इन छक लाक्‍चा ङा गेय तशा हिंनीम। परमप्रभु, गे नां दाप्‍तीके नु नां पेरतीकेम बाक्‍ब आन कली ग्‍येरसीशा कुम्‍सो पपाइक्‍नीनी।  
\v 9 गे रागी हिरशा, रेउ यिपाइक्‍‍नीनी। गे मेको कली शुश ग्रेल्‍पाइक्‍नीनी। परमप्रभु आ खोला ब्‍वाक्‍कुम ब्रीशो बाक्‍नीम। मोपा मुर आन कली शुश अन्‍न ख्रेल्‍नीनी। मारदे हना मेकोन इन मिम्‍शो बाक्‍ब। \em भजन संग्रह ६७:७\em* 
\v 10 गे रू नेल्‍ल ब्‍वाक्‍कुम जिप्‍पाइक्‍नीनी। मेको कली थेल्‍नीनी। रेउ यिपाइश्‍शा, मेको कली मार मार वापाइक्‍ब सेल्‍नीनी। मिनु मेकेर सिश्‍शो अन्‍न कली आसीक गेनीनी। \em भजन संग्रह १०४:१३-१६\em* 
\v 11 गे इन गेना हना यो दाक्‍तीकेमी शुश अन्‍न ग्रेल्‍ब सेल्‍नीनी। इन बग्‍गी मारेइ मारेइम ब्रीशो बाक्‍नीम।  
\v 12 गोरशो रागी ङा बी ब्‍यफ योव़तीके गिग दुम्‍नीम। पहाड थाम्‍पा ग्‍येरसीशो बाक्‍नीम।  
\v 13 योव़तीके नेल्‍ल क्‍यारश भेडापुकीमी ब्रीशो बाक्‍नीम। दिंमपुकी अन्‍नमी सुम्‍सीशो बाक्‍नीम। मेकोपुकी शुश ग्‍येरसीशा कुम्‍सो पाइनीम। 
\c 66  
\s1 परमप्रभु वारच पाइब बाक्‍ब 
\d कुम्‍सो पपाइक्‍ब कली कुम्‍सो का। 
\p  
\v 1 ए रागी ङा मुर नेल्‍ले, ग्‍येरशा परमप्रभु कली कुम्‍सो पने।  
\v 2 गे परमप्रभु कली “इन नें ठेयब बाक्‍ब” दे कुम्‍सो पने। मेको कली रिम्‍शो कुम्‍सो पने।  
\v 3 मिनु परमप्रभु कली “इन गेय ठेयब नु हिंचा ङा बाक्‍नीमी। इन जोरी सत्रु इन ङोंइती हिंशा, ख्रिंख्रि पा बाप्‍नीम। मारदे हना इन सक्ति थम ठेयब बाक्‍ब” देनीन।  
\v 4 रागी ङा मुर नेल्‍ल इन ङोंइती बाप्‍नीम। मेकोपुकीमी इन कली ठेयब सेल्‍शा, कुम्‍सो पाइनीम। मिनु इन नें कली ठेयब सेल्‍शा, कुम्‍सो पाइनीम। \em ठेयब सेंदा पा।\em* 
\p  
\v 5 जाक्‍कीन, परमप्रभु आ गेय कोव़ङीन। मेकोमी मुर आन दातेमी ठेयब नु हिंचा ङा गेय पाप्‍तु।  
\v 6 मेकोमी समुन्‍द्रम सोव़शो लां सेल्‍तु। मुरपुकी सोव़शो लांम गाक्‍शा, खोला शोक्‍साक्‍म। मेकेर गो मेको आ पर्बम ग्‍येरसाक्‍क। \em प्रस्‍थान १४:२१-२२; यहोसु ३:१६-१७\em* 
\v 7 मेकोमी आ सक्तिमी गेना हना यो सासन पाइब। मेकोमी रागी रागी आन कली कोव़ब। मेको कली मटीब ठेयब मलेम्‍मल। \em ठेयब सेंदा पा।\em* 
\p  
\v 8 जात जात ङा मुरपुकी, आंइ परमप्रभु कली ठेयब सेलीन। मेको कली ठेयब सेल्‍शो लोव़ नेंसेक्‍ल।  
\v 9 मेकोमी आंइ कली बेक्‍चा रे प्रोंइतु। आंइ कली ग्रेक्‍चा मगेव।  
\v 10 मारदे हना परमप्रभु, गे आंइ कली नाक्‍ताक्‍नी। गे आंइ कली चांदी यपाइश्‍शो खोदेंशो पा यपाइक्‍तीनी। \em हितोपदेस १७:३\em* 
\v 11 गे आंइ कली जेल्‍खानम चोक्‍पाइक्‍तीनी। मिनु हेल्‍शो भारी कुरपाइक्‍तीनी।  
\v 12 गे मुर आन कली आंइ पियाम थेक्‍पाइक्‍तीनी। गो मी नु ब्‍वाक्‍कुम गाक्‍तक। तन्‍न गे आंइ कली ठेयब रागीम चाक्‍तीनी। \em यसैया ४३:२\em* 
\p  
\v 13 गो इन खिंमी चोशा चढ़ेचा कली जाक्‍नुङ। मिनु आं पशो कसम खाप्‍नुङ।  
\v 14 गो श्‍येत जङानु, कसम जाता। मिनु मुल खाप्‍नुङ।  
\v 15 गो इन कली दोम्‍शो बस्‍तु चढ़ेनुङ। गो बोका चढ़ेनुङ। गो ब्‍यफपुकी नु क्‍यारश चढ़ेनुङ। \em ठेयब सेंदा पा।\em* 
\p  
\v 16 परमप्रभु कली मान पा हिंबपुकी, नेल्‍ल जाक्‍शा नेनीन। मेकोमी आं पर्बम मार पवा, मेको गो इन कली शेंनुङ।  
\v 17 गो मेको कली ठेयब सेंदा पा पुंइता। गो मेको कली ठेयब सेल्‍ता।  
\v 18 आं थुंमी पाप बाक्‍शो हना, परमप्रभुमी आं लोव़ मनेन वा। \em हितोपदेस २८:९\em* 
\v 19 तन्‍न परमप्रभुमी आं लोव़ थमा पा नेंतु। मेकोमी आं पुंइशो लोव़ नेंतु।  
\v 20 परमप्रभु ठेयब बाक्‍ल। मारदे हना मेकोमी आं पुंइशो लोव़ गेती। मिनु आं कली गेना हना यो दाक्‍ब। 
\c 67  
\s1 “रिम्‍शो पाइतीनी” दे कुम्‍सो पशो 
\d कुम्‍सो पपाइक्‍ब कली तार पाइश्‍शो ताप्‍तीके ताप्‍शा पतीक कुम्‍सो। 
\p  
\v 1 परमप्रभुमी इं कली शिशी पा आसीक गेवल। मिनु इं कली आ शिशी कोंइदल। \em ठेयब सेंदा पा।\em*\em गन्‍ती ६:२४-२५\em* 
\v 2 रागी रागी ङा मुरपुकीमी इन लां नु इन प्रोंइतीक सक्ति तुइक्‍तमेक्‍ल। 
\p  
\v 3 परमप्रभु, जात जात ङा मुरपुकीमी इन कली ठेयब सेल्‍मेक्‍ल। मिनु मुर नेल्‍लेमी इन कली ठेयब सेल्‍मेक्‍ल।  
\v 4 रागी रागी ङा मुरपुकी ग्‍येरशा सोम्‍शा, कुम्‍सो पामेक्‍ल। मारदे हना गे जात जात ङा मुर आन कली कुल मकोव़थु निसाफ पाइनीनी। मिनु रागी रागी ङा मुर आन कली इन लां कोंइनीनी। \em ठेयब सेंदा पा।\em* 
\v 5 परमप्रभु, जात जात ङा मुरपुकीमी इन कली ठेयब सेल्‍मेक्‍ल। मिनु जात जात ङा मुर नेल्‍लेमी इन कली ठेयब सेल्‍मेक्‍ल।  
\v 6 मिनु रूम अन्‍न ख्रेल्‍ब। इं परमप्रभुमी इं कली आसीक गेब। \em भजन संग्रह ६५:१०\em* 
\v 7 परमप्रभुम, इं कली आसीक गेना गेन बाक्‍ब। मिनु रागी ङा मुर नेल्‍ले मेको कली मान पा हिंनीम। 
\c 68  
\s1 परमप्रभु कली कुम्‍सो पशो 
\d कुम्‍सो पपाइक्‍ब कली दाऊद आ कुम्‍सो। 
\p  
\v 1 परमप्रभु बोक्‍ब। मिनु आ जोरी सत्रु ब्रशा, आ ङोंइती रे प्रोक्‍नीम। \em गन्‍ती १०:३५\em* 
\v 2 दोपा फशेमी कुन बेरपाइश्‍शा योल्‍बा, मोपा मेको आन कली बेरपाइश्‍शा योल्‍पतीन। मी आ नेक्‍था मयीन यशो खोदेंशो पा परमप्रभु आ अरेशो मटीबपुकी मेको आ ङोंइती जाम्‍शा लाइनीम।  
\v 3 तन्‍न ठीक पाइबपुकी परमप्रभु आ ङोंइती ग्‍येरसमल। मेकोपुकी ग्‍येरशा सोम्‍शा बाक्‍मल। 
\p  
\v 4 परमप्रभु कली कुम्‍सो पने। मेको आ नें आ पर्बम कुम्‍सो पने। गोस्‍स तार गाक्‍ब कली ठेयब सेल्‍तीक कुम्‍सो पने। मेको आ नें परम‍प्रभु यावे बाक्‍ब। गे मेको आ ङोंइती ग्‍येरशा सोम्‍शा बाक्‍कीन। \em यसैया ५७:१४\em* 
\v 5 परमप्रभु आ बाक्‍तीकेमी बाक्‍शा, रोम रोइक्‍च आन आफ बाक्‍ब। वोंइश बेक्‍शो मीश मुर आन कली वारच पाइब यो बाक्‍ब। \em भजन संग्रह १०:१४\em* 
\v 6 परमप्रभुमी आ का ला बाक्‍शो मुर कली बाक्‍तीक खिं गेब। मेकोमी चोक्‍सीशो आन कली प्रोंइशा रिम्‍शो सेल्‍ब। तन्‍न मटीबपुकी चहिं नांम दुप्‍शा सोव़शो रागीम बाक्‍चा माल्‍नीम। 
\p  
\v 7 परमप्रभु, गे इन मुर आन ङोंइङोंइती गाक्‍तीनी। गे मेको आन कली गोरशो रागीम खुल्‍नीनी। \em ठेयब सेंदा पा।\em*\em प्रस्‍थान १३:२१\em* 
\v 8 परमप्रभु सीनैम बाक्‍ब। इस्राएली आन परमप्रभु आ ङोंइती ख्रिनु कुत। मिनु शुश रेउ यित। \em प्रस्‍थान १९:१६-१८\em* 
\v 9 परमप्रभु, गे ठेयब रेउ यिपाइक्‍तीनी। इन सोव़ने थुम्‍शो रागी जिप्‍पाइक्‍तीनी।  
\v 10 इन मुर आन कली मेको रागीम बाक्‍पाइक्‍तीनी। मिनु गे, परमप्रभु, इन दाक्‍तीकेमी श्‍येत जाइब आन कली थुल्‍तीनी। 
\p  
\v 11 परमप्रभुमी आ लोव़ नेंपाइक्‍तु। मिनु मेको लोव़ शेंब मीश मुर शुश दुम्‍तेक्‍म। \em यसैया ५२:७\em* 
\v 12 लडाइ पाइब आन पिप हिंशा दाम दाम पा प्रोक्‍नीम। मिनु मीश मुरपुकीमी मेको प्रोक्‍ब आन प्रोंइशो मारेइ मारेइ योक्‍सीनीम।  
\v 13 गे चहिं भेडा आन दातेमी इप्‍चा दाक्‍नीनी? चांदीम गिल्‍शो फ्रां पाइश्‍शो ढुकुर बाक्‍ब। मिनु आ ओफ्‍लापुकी टल्‍केशो सुनमी गिल्‍शो बाक्‍नीम।  
\v 14 मिनु नेल्‍ल क्‍येङा सक्ति पाइश्‍शोमी पिप आन कली ब्रपाइक्‍ची ना सल्‍मोन डांडामी फुं यिपाइक्‍तु। \em न्‍यायाधीस ५:१६\em* 
\p  
\v 15 बाशान ङा डांडा परमप्रभु आ डांडा बाक्‍ब। मेको थम ठेयब बाक्‍ब। मेकेर डांडा शुश बाक्‍नीम।  
\v 16 गे शुश डांडा पाइश्‍शो पहाड, मारदे गे परमप्रभु आ सासन पचा कली योव़शो डांडा गे कोव़शा, गेहे पाइनीनी? मेकेर परमप्रभु गेना हना यो बाक्‍ब। \em भजन संग्रह १३२:१३\em* 
\v 17 परमप्रभु आ बग्‍गी हजार हजार क्‍येङा शुश बाक्‍नीम। मिनु परमप्रभु सीनै रे आ बाक्‍तीकेम जाक्‍शो बाक्‍ब।  
\v 18 गे इर ङोइश्‍शा लाइतीनी। ग्‍याइश्‍शो मुर आन कली लाइक्‍तीनी। मुर आन दातेमी गे मारेइ मारेइ ताइतीनी। ङोंइती मटीब आन दातेमी यो ताइतीनी। परमप्रभु यावे मेकेर बाक्‍ब। \em एफिसी ४:८-१०\em* 
\v 19 परमप्रभु कली नाक्‍त किंत किंत ठेयब सेल्‍मेक्‍ल। मेको आंइ श्‍येत कुरशा, आंइ जोरी सत्रु रे प्रोंइब बाक्‍ब।\em ठेयब सेंदा पा।\em*\em १कोरिन्‍थी १०:१३\em* 
\p  
\v 20 आंइ परमप्रभु श्‍येत रे प्रोंइब बाक्‍ब। मिनु परमप्रभु यावेमी बेक्‍चा रे प्रोंइ‍ब। 
\p  
\v 21 परमप्रभुमी थमा पा आ जोरी सत्रु आन पिया प्रोल्‍ब। मेको मुर आन चां पाइश्‍शो पिया पापम ब्रीशो बाक्‍ब।  
\v 22 मिनु परमप्रभुमी “गो मेको आन कली बाशान रे चाक्‍नुङमी। मेको आन कली समुन्‍द्र आगा रे ग्रुंइनुङमी।  
\v 23 गेपुकीमी इन खोइली इन जोरी सत्रु आन हुशेम ख्रुम्‍नीनी। मिनु इन कुचुमपुकीमी यो आन भाग ताइनीम” देंत। 
\p  
\v 24 परमप्रभु, मुरपुकीमी इन कली ताइनीम। आं परमप्रभु, आं पिप कली आ बाक्‍तीकेम लशो ताइनीम। \em भजन संग्रह २४:७; २सामुएल ६:१३-१५\em* 
\v 25 ङोंइङोंइती कुम्‍सो पाइबपुकी गाक्‍नीम। मेको आन नोले मार मार ताप्‍बपुकी गाक्‍नीम। मिनु मेको आन एर ओंथ खैजडी ताप्‍ब मीश आलपुकी गाक्‍नीम। \em प्रस्‍थान १५:२०\em* 
\v 26 परमप्रभु कली ग्रुम्‍तीकेमी ठेयब सेलीन। परमप्रभु यावे कली इस्राएली आन ग्रुम्‍तीकेमी ठेयब सेलीन। \em यसैया ४८:१\em* 
\v 27 नेल्‍ल क्‍येङा आइक्‍च थर बेन्‍यामीन आ खिं ङा मुरपुकीमी मेको आन कली लां कोंइनीम। यहूदा आ थर ङा ठेयब मुर, जबूलून आ थर नु नाप्‍ताली आ थर ङा ठेयब मुर मेको हुलम बाक्‍नीम।  
\v 28 परमप्रभु इन सक्ति कोंइदीन। ङोंइती पशो खोदेंशो पा परमप्रभु, इन सक्ति कोंइदीन।  
\v 29 मिनु पिपपुकीमी इन कली यरूसलेम ङा इन खिं आ पर्बम मार मार चाक्‍नीम। \em भजन संग्रह ७२:१०\em* 
\v 30 बुदी मीलु आन दातेम बाक्‍ब जन्‍तु खोदेंशो मुर आन कली हुइक्‍तीन। जात जात ङा बाछा आन दातेम बाक्‍ब ब्‍यफ खोदेंशो मुर आन हुल कली खेरीन। मेकोपुकी ब्रुमा नोले चांदी चाक्‍चा माल्‍नीम। लडाइ पचा दाक्‍ब जात जात ङा मुर आन कली ब्रपतीन।  
\v 31 इजीप्‍त रे मुर जाक्‍नीम। एथीयोपीया ङा मुरपुकी परमप्रभु कली जिम्‍मा गेंसीनीम। \em यसैया १८:७; यसैया १९:२१; यसैया ४५:१४ प्रेरित ८:२७\em* 
\v 32 ए रागी ङा राज्‍यपुकी, परमप्रभु कली कुम्‍सो पने। परमप्रभु यावे कली ठेयब सेल्‍तीक कुम्‍सो पने। \em ठेयब सेंदा पा।\em* 
\v 33 परमप्रभु ङोंइती रे स्‍वर्गम बाक्‍ब। मेको आ सेंदा बुंबु पशो खोदेंशो सक्ति पाइश्‍शो बाक्‍ब।  
\v 34 परमप्रभु सक्ति पाइश्‍शो बाक्‍ब। मेको कली इस्राएलीम मान पाइनीम। मेको आ सक्ति सरीङम बाक्‍ब।  
\v 35 परमप्रभु, इन बाक्‍तीकेमी हिंचा ङा बाक्‍नीनी। इस्राएली आन परमप्रभुम आ मुर आन कली सक्ति नु बोल गेब। परमप्रभु ठेयब बाक्‍ब। 
\c 69  
\s1 “वारच पने” दे पुंइशो 
\d कुम्‍सो पपाइक्‍ब कली लिली फू आ लायो। दाऊद आ कुम्‍सो। 
\p  
\v 1 “परमप्रभु, आं कली श्‍येत रे प्रोंइयीनी। मारदे हना ब्‍वाक्‍कु आं शुर सम्‍म जाक्‍शो बाक्‍ब।  
\v 2 गो थेक्‍‍तीक मबाक्‍शो हिलो आगाम ग्रुम्‍ना ग्रुम्‍न बाक्‍नुङ। शुश लुक्‍च लशो ब्‍वाक्‍कुमी ग्रुम्‍ना ग्रुम्‍न बाक्‍नुङ। आं एर ओंथ ब्‍वाक्‍कु ला बाक्‍ब।  
\v 3 गो ‘वारच पने’ दे प्रवा किवा पा दती। आं सेंदा सोव़ती। आं परमप्रभु कली माल्‍शा आं मिक्‍च ब्राब्रा दुम्‍ती।  
\v 4 आं कली मोशा काइ मदाक्‍बपुकी आं चां क्‍येङा यो शुश बाक्‍नीम। मिनु मेकोपुकी मोशा आं जोरी सत्रु दुम्‍शो बाक्‍नीम। मेकोपुकीमी आं कली साइक्‍चा माल्‍शो बाक्‍नीम। आं मरोइश्‍शो मार मार थोव़क, मेकोपुकीमी ‘लेत्‍तो’ देंनीम। \em यूहन्‍ना १५:२५\em* 
\p  
\v 5 परमप्रभु, गे आं दूली पशो तुइश्‍शो बाक्‍नीनी। आं दोस इन ङोंइती मख्रुइश्‍शो बाक्‍ब। 
\p  
\v 6 इन कली आस पाइबपुकी आं पतीके मुने मदोक्‍मल। परमप्रभु, मुर नेल्‍ल आन परमप्रभु यावे, इन कली माल्‍बपुकी आं पतीके मुने मदोक्‍मल। गे इस्राएली आन परमप्रभु बाक्‍नीनी।  
\v 7 गो इन पर्बम शुक्‍शी पाइक्‍चा पुंइसीनुङ। मिनु मुनेमी आं कुल सुम्‍सीशो बाक्‍नुङ। \em भजन संग्रह ४४:२३\em* 
\v 8 गो आं लोक्‍ब आन दातेमी मतुइश्‍शो मुर खोदेंशो दुम्‍शो बाक्‍नुङ। गो आं ममा आ तौ आंइ दातेमी अर्को रागी ङा मुर खोदेंशो दुम्‍ती। \em भजन संग्रह ३८:१२\em* 
\v 9 मारदे हना इन खिं कली दाक्‍तीके नाक्‍त किंत किंत आं ङोंइती बाक्‍ब। इन कली पशो शुक्‍शी आं कली दुम्‍त। \em भजन संग्रह ११९:१३९; यूहन्‍ना २:१७; रोमी १५:३\em* 
\v 10 गो ङाक्‍शा, माइजा बाक्‍ङानु, मुरपुकीमी रित्‍ताक्‍यीमी।  
\v 11 गो भाङग्रा फेक्‍सीङानु, मुरपुकीमी आं कली शुक्‍शी पाइक्‍तीमी।  
\v 12 ठेयब लाप्‍चोम बाक्‍बपुकीमी आं कली शुक्‍शी पाइनीम। दुक्‍शो मुरपुकीमी आं पर्बम कुम्‍सो पाइनीम। \em अय्‍युब ३०:९\em* 
\p  
\v 13 तन्‍न परमप्रभु यावे, गो इन कली इन शिशी पाइक्‍ची ना लोव़ पाइनुङ। इन गेना हना यो दाक्‍तीकेमी आं पुंइशो श्‍येत रे प्रोंइतीके गेयीनी। परमप्रभु आं कली लोव़ लेत्‍तीनी। \em यसैया ४९:८\em* 
\v 14 आं कली हिलोमी ग्रुम्‍तीक रे प्रोंइयीनी। आं कली ग्रुम्‍चा मगेयीनी। आं कली काइ मदाक्‍बपुकी रे प्रोंइयीनी। मेको बारशो ब्‍वाक्‍कु रे प्रोंइयीनी।  
\v 15 बारशो ब्‍वाक्‍कुम आं कली मसुम्‍यील। ब्‍वाक्‍कुम मयोल्‍दील। बेक्‍शो मुर आन बाक्‍तीकेमी आं कली मब्रेत्‍तील। \em उत्‍पत्ती २९:३\em* 
\v 16 परमप्रभु यावे, इन गेना हना यो दाक्‍तीकेमी आं कली लोव़ लेत्‍तीनी। इन ठेयब शिशी आं गे लेत्‍तीन। \em गन्‍ती ६:२६\em* 
\v 17 इन कुल इन गेय पाइब रे मख्रुइक्‍तीन। गो श्‍येत जशो बाक्‍नुङ। आं कली रीब पा लोव़ लेत्‍तीनी।  
\v 18 आं नेक्‍था जाक्‍कीन। मिनु आं कली प्रोंइयीनी। आं जोरी सत्रु रे आं कली प्रोंइयीनी।  
\v 19 मुरपुकीमी आं पर्बम दोपा रित्‍तीमी, मुने तोक्‍यीमी नु शुक्‍शी पाइय्‍यीमी, गे मेको नेल्‍ल तुइक्‍नीनी। आं जोरी सत्रु नेल्‍ल इन ङोंइती बाक्‍नीम।  
\v 20 आं कली रिश्‍शा कोव़शो आ पर्बम आं थुं जिक्‍शो बाक्‍ब। मिनु गो मारेइ पने मचाप्‍ब दुम्‍शो बाक्‍ती। आं कली शिशी पाइब ‘सुइ बाक्‍मा कों’ दे कोव़ता, तन्‍न सुइ मबाक्‍म। लेम्‍ब यो सुइ मबाक्‍म।  
\v 21 मेकोपुकीमी आं जचा थोव़कमी खाइल कुर पा गेतीमी। गो तूतू दाक्‍ङानु, ग्‍युरशो तूचा थोव़‍क गेतीमी। \em मत्ती २७:३४,४८\em* 
\p  
\v 22 मेको आन जचा थोव़क आन ब्‍वारद दुम्‍ल। मेको आन कली वारच पाइब आन बेक्‍तीक दुम्‍ल। \em रोमी ११:९-१०\em* 
\v 23 मेको आन मिक्‍ची ब्राब्रा दुम्‍शा, मताइब दुम्‍मल। मेको आन ची गेना हना यो गुर ब्‍वेशो दुम्‍ल।  
\v 24 गे इन गाइक्‍चा मेको आन कली मोइक्‍तीन। इन गाइश्‍शो मेको आन कली दुम्‍ल।  
\v 25 मेको आन बाक्‍तीके श्‍येत्‍थ दुम्‍ल। मेको आन ताम्‍बुम सुइ मलीमल। \em प्रेरित १:२०\em* 
\v 26 मारदे हना इन तुप्‍शो मुर कली खेदा पाइनीम। मेकोपुकीमी इन खाइक्‍पाइश्‍शो मुर आन कली लडाइ तोइनीम।  
\v 27 मेको आन ठीक मपतीकेम ठीक मपतीक तेम्‍दीन। मेकोपुकीम इन पाप रे प्रोंइतीके मतामेक्‍ल।  
\v 28 ब्रोंइतीक किताब रे मेको आन नें क्‍याम्‍सेक्‍ल। ठीक पाइब आन नें ब्रेक्‍शो किताबमी मेको आन नें मबाक्‍ल। \em प्रस्‍थान ३२:३२-३३; दानीएल १२:१; लूका १०:२०; फिलिप्‍पी ४:३\em* 
\v 29 परमप्रभु, गो श्‍येत जशा, रोइ पशो बाक्‍नुङ। इन प्रोंइतीकेमी आं कली खाल पयील” दे परमप्रभु कली लोव़ पाता। 
\p  
\v 30 गो कुम्‍सो पा, परमप्रभु आ नें ठेयब सेल्‍नुङ। “गे रिम्‍शो पाइब बाक्‍नीनी” दे मेको कली ठेयब सेल्‍नुङ।  
\v 31 मार मार क्‍योरशा, चढ़ेशो क्‍येङा एको कुम्‍सो नेंशा, परमप्रभु यावे ग्‍येरसीब। ग्रोव़ नु गेंच पाइश्‍शो ब्‍यफ चढ़ेशो क्‍येङा यो शुश ग्‍येरसीब। \em भजन संग्रह ५०:८-१३\em* 
\v 32 दिप्‍चा पुंइसीशो मुरपुकी मेको तशा ग्‍येरसीनीम। परमप्रभु यावे कली माल्‍बपुकी, इन थुं ग्‍येत्‍थ लुक्‍च मदुम्‍ल।  
\v 33 परमप्रभु यावेमी प्रुङग आन पुंइशो नेंब। मिनु ग्‍याइक्‍चा पुंइसीशो आ मुर आन कली आइक्‍च ममिम्‍ब।  
\v 34 सरीङ नु रागीमी मेको कली ठेयब सेल्‍सेक्‍ल। समुन्‍द्र नु मेकेर बाक्‍शो नेल्‍लेमी मेको कली ठेयब सेल्‍मेक्‍ल।  
\v 35 मारदे हना परमप्रभुमी सियोन कली प्रोंइब। मिनु यहूदा ङा सहरपुकी लेंशा सेल्‍ब। मिनु मुरपुकी मेकेर बाक्‍शा, मेको आन के दुम्‍ब।  
\v 36 मिनु मेको आ गेय पाइब आन आल आन के यो दुम्‍ब। मेको आ नें दाक्‍बपुकी मेकेर बाक्‍नीम। 
\c 70  
\s1 “आं कली राइक्‍तीनी” दे पुंइशो 
\d कुम्‍सो पपाइक्‍ब कली मिम्‍पाइक्‍चा कली दाऊद आ कुम्‍सो। भजन संग्रह ४०:१४-१८ 
\p  
\v 1 “परमप्रभु, आं कली राइक्‍चा कली रीब पा जाक्‍कीन। परमप्रभु यावे आं कली वारच पचा कली रीब पा जाक्‍कीन।  
\v 2 आं कली साइक्‍चा माल्‍बपुकी मुने दोक्‍शा, वाम ग्‍याम दुम्‍मल। आं कली मरिम्‍शो दुम्‍शो दाक्‍बपुकी प्रोक्‍शा, ठेयब मुने दोक्‍मल।  
\v 3 मिनु सुमी आं पर्बम ‘ठीक दुम्‍त!’ देंमा, मेको मुने पा लल गोंगो जिमल।  
\v 4 तन्‍न सु सुमी इन कली माल्‍नीमी, मेकोपुकी इन पर्बम ग्‍येरशा सोम्‍शा बाक्‍मल। सु सुमी इन पाप रे प्रोंइतीक दाक्‍नीमी, मेकोपुकीमी गेना हना यो ‘परमप्रभु ठेयब बाक्‍ब’ देंमल। 
\p  
\v 5 गो प्रुङग नु श्‍येत जाइब बाक्‍ती हना यो, परमप्रभु रीब पा आं बाक्‍तीक जाक्‍कीन। गे आं कली वारच पाइब नु आं कली राइक्‍ब बाक्‍नीनी। परमप्रभु यावे, रीब पा जाक्‍कीन” दे पुंइता। 
\c 71  
\s1 खाल्‍पा दुम्‍शो ना ङा पुंइशो 
\p  
\v 1 परमप्रभु यावे, गो इन कली जिम्‍मा गेंसीशो बाक्‍नुङ। गो गेनायो मुने मदोक्‍ङल।  
\v 2 इन ठीक पतीकेम आं कली राइश्‍शा प्रोंइयीनी। आं लोव़ नेंशा, आं कली प्रोंइयीनी।  
\v 3 आं प्रोक्‍शा लशा ख्रुइश्‍शा बाक्‍तीके सेरथे फुल्‍लु दुमीन। गे आं कली प्रोंइचा कली ब्रोंइशा बाक्‍तीक दरवार बाक्‍नीनी। मारदे हना गे आं सेरथे फुल्‍लु नु आं ब्रोंइशा बाक्‍तीक दरवार बाक्‍नीनी। \em भजन संग्रह ३१:३-४\em* 
\v 4 आं परमप्रभु, गे आं कली इन अरेशो मटीब आन गुइ रे राइक्‍तीनी। ठीक मपाइब नु तुप्‍शा दिप्‍ब मुर आन गुइ रे राइक्‍तीनी। 
\p  
\v 5 मारदे हना परमप्रभु यावे, गे आं आस बाक्‍नीनी। गो आ ठिटा दुम्‍ङा रेन इन कली थमा सुइक्‍ता।  
\v 6 गो जरमेसीङा रेन इन कली थमा सुइक्‍ता। गे आं ममा आ कोव़ज रेन आं कली कोव़ब बाक्‍तीनी। गो इन कली गेना हना यो ठेयब सेल्‍नुङ।  
\v 7 शुश मुरपुकीमी आं कली तशा “परमप्रभुमी मेको कली ताइक्‍ताक्‍व” दे मिम्‍नीम। तन्‍न गे आं ख्रुइश्‍शा बाक्‍तीक बाक्‍नीनी।  
\v 8 गो इन कली गेना हना यो ठेयब सेल्‍नुङ। गो नाक्‍त रे इन नें ठेयब सेल्‍नुङ। 
\p  
\v 9 गो खूशो दुम्‍ङानु, आं कली मप्रोंइयीनी। आं सक्ति जाम्‍मेनु यो आं कली मप्रोंइयीनी।  
\v 10 मारदे हना आं जोरी सत्रुमी आं पर्बम मरिम्‍शो लोव़ पाइनीम। आं कली साइक्‍चा माल्‍बपुकीमी लोव़ गारपाइक्‍नीम।  
\v 11 मेकोपुकीमी “परमप्रभुमी मेको कली वारच पचा प्रोंइशो बाक्‍ब। मेको कली खेदा पा ग्‍याइक्‍तय। मारदे हना मेको कली राइक्‍ब सुइ मबाक्‍नीम” देंनीम।  
\v 12 परमप्रभु, आं क्‍येङा ङोन मबाक्‍कीन। आं परमप्रभु, आं कली राइक्‍चा कली रीब पा जाक्‍कीन।  
\v 13 आं कली दोस गेबपुकी मुने दोक्‍शा खतम दुम्‍मल। आं कली साइक्‍चा माल्‍बपुकी तोक्‍शा लोव़ पाइक्‍चा, शुक्‍शी पाइक्‍चा नु आइक्‍च सेल्‍चा पुंइसमल। 
\p  
\v 14 तन्‍न गो चहिं इन कली आस पस ङा पस बाक्‍नुङ। गो इन कली ङोंइती क्‍येङा ठेयब सेल्‍नुङ।  
\v 15 गो इन ठीक पतीके आ पर्बम लोव़ पाइनुङ। गे आं कली गिश खेयप प्रोंइ‍यीनी, मतुइक्‍ताक्‍ङ हना यो, गो इन श्‍येत रे प्रोंइतीके आ पर्बम नाक्‍त रे लोव़ पाइनुङ।  
\v 16 परमप्रभु, गो इन सक्ति पाइश्‍शो गेय आ पर्बम शेंना शेंन गाक्‍नुङ। मिनु इन ठीक पतीके आ पर्बम इन कली ठेयब सेल्‍नुङ।  
\v 17 परमप्रभु, गो ठिटा बाक्‍ङा रेन, गे आं कली शेंताक्‍यीनी। मिनु गो मुल सम्‍म इन छक लाक्‍चा ङा गेय आ पर्बम लोव़ पाइनुङ।  
\v 18 परमप्रभु, गो खूशो दुम्‍शा, आं चां बोइक्‍म सम्‍म यो, आं कली मप्रोंइयीनी। मिनु गो आं नोले ङा पाला ङा मुर आन कली इन सक्ति नु इन ठीक पतीके आ पर्बम शेंनुङ। \em यसैया ४६:४\em* 
\p  
\v 19 मिनु इन ठीक पतीके ठेयब दुम्‍शा, इर सरीङ थीब। गे थम ठेयब गेय पाइतीनी। परमप्रभु, इन खोदेंशो अरु सु बाक्‍नीमी ङा?  
\v 20 गे आं कली शुश नु ठेयब श्‍येत जपाइक्‍तीनी हना यो, लेंशा ब्रोंइचा गेनीनी। गे आं कली लुक्‍च लतीक रे लेंशा ग्‍येत्‍थ लपाइक्‍नीनी। \em १सामुएल २:६\em* 
\v 21 गे आं कली लेंशा मान ताइब सेल्‍शा लेम्‍नीनी। 
\p  
\v 22 आं परमप्रभु, गो इन दाक्‍शा गेनायो मप्रोंइतीके आ पर्बम ठेयब तार पाइश्‍शो ताप्‍तीके ताप्‍शा, ठेयब सेल्‍नुङ। गे इस्राएली आन का ला परमप्रभु बाक्‍नीनी। गो बीना ताप्‍शा इन कली कुम्‍सो पाइनुङ। गे इस्राएली आन का ला परमप्रभु बाक्‍नीनी। \em २राजा १९:२२; यसैया ४३:३\em* 
\v 23 गे आं कली श्‍येत रे प्रोंइब बाक्‍तीनी। मोपतीके गो ग्‍येरशा सोम्‍शा इन कली कुम्‍सो पा ठेयब सेल्‍नुङ।  
\v 24 गो इन ठीक पतीके आ पर्बम नाक्‍त रे लोव़ पाइनुङ। मारदे हना आं कली खती पचा माल्‍बपुकी मुने दोक्‍शा, मार पचा ना मार पचा दुम्‍तेक्‍म। 
\c 72  
\s1 पिप आ पर्बम पुंइशो 
\d सोलोमन आ कुम्‍सो। 
\p  
\v 1 परमप्रभु, पिप कली इन निसाफ ङा लोव़ गेने। पिप आ तौ कली इन ठीक पतीके गेने।  
\v 2 मेकोमी इन मुर आन कली ठीक पतीकेमी निसाफ पवल। इन प्रुङग मुर आन कली ठीक पा निसाफ पवल।  
\v 3 मोदेंशो ठीक पतीके तशा, डांडा नु पहाड ङा रूपुकी अन्‍न ग्रेल्‍ब दुम्‍मल।  
\v 4 मेकोमी मुर आन दातेमी प्रुङग आन कली कोव़ङल। मिनु श्‍येत जाइब आन तमी तौ आन कली प्रोनल। मेकोमी दिप्‍ब आन कली खतम पोक्‍गल। 
\p  
\v 5 नां तास्‍ला बाक्‍सा सम्‍म नु मुर नेल्‍ल आन पाला सम्‍म मेको ब्रोंइशा बाक्‍ल।  
\v 6 मिनु मेको घांस रिक्‍शो दिंममी रेउ यिशो खोदेंशो दुम्‍ल। रेउमी रागी कली जिप्‍पाइश्‍शो खोदेंशो दुम्‍ल।  
\v 7 मेको आ पालामी मुर आन दातेमी ठीक पतीके ठेयब दुम्‍ल। मिनु तास्‍ला लीम सम्‍म मुर आन थुं नाइक्‍तीक दुम्‍ल। 
\p  
\v 8 मेकोमी समुन्‍द्र का रे अर्को समुन्‍द्र सम्‍म नु ठेयब खोला रे रागी आ सुर सम्‍म सासन पवल। \em जकरिया ९:१०\em* 
\v 9 गोरशो रागी ङा मुरपुकी मेको आ ङोंइती बाम्‍मल। मिनु आ जोरी सत्रुमी फुरक तुक्‍गमेक्‍ल।  
\v 10 टारशीश नु ङोन ङा टापु ङा पिपपुकीमी मेको कली तिरो थाप्‍तमेक्‍ल। शेबा नु सेबा ङा पिपपुकीमी मेको कली कोसेली चाक्‍गमेक्‍ल। \em यसैया ६०:९; भजन संग्रह ६८:३०; १राजा १०:१-२\em* 
\v 11 पिप नेल्‍ल मेको आ ङोंइती बाम्‍मल। मिनु रागी रागी ङा मुर नेल्‍लेमी मेको कली गेय पामेक्‍ल। 
\p  
\v 12 मारदे हना मेकोमी आ कली पुंइब श्‍येत जाइब आन कली प्रोंइब। वारच पाइब मबाक्‍शो प्रुङग आन कली वारच पाइब। \em अय्‍युब ३६:१५\em* 
\v 13 मचाप्‍ब नु श्‍येत जाइब आन कली शिशी पाइब। मेकोमी प्रुङग आन कली साइक्‍तीक रे प्रोंइब।  
\v 14 मेको आन कली दिप्‍तीक नु हुश ख्राक्‍श पोक्‍तीक रे प्रोंइब। मारदे हना मेको आ ङोंइती हिक्‍सीशो बाक्‍नीम। \em भजन संग्रह ९:१३; भजन संग्रह ११६:१५\em* 
\p  
\v 15 मेको शुश नाक्‍त ब्रोंइल। शेबा ङा सुन मेको कली चाक्‍गमेक्‍ल। मुरपुकीमी मेको आ पर्बम प्रार्थना पस ङा पस पामेक्‍ल। नाक्‍त रे मेको कली आसीक गेमेक्‍ल।  
\v 16 मिनु रागी शुश अन्‍नम ब्रील। डांडा तार यो अन्‍न ग्रेल्‍ल। मिनु फल फुल लेबानोन ङा खोदेंशो पा सिल्‍ल। सहरम बाक्‍ब मुर घांस खोदेंशो पा सोशा बोशा शुश दुम्‍मल।  
\v 17 मेको आ नें गेना हना यो लील। नां बाक्‍म सम्‍म आ नें ठेयब बाक्‍ल। रागी रागी ङा मुर नेल्‍लेम मेको रे पा आसीक तामेक्‍ल। मिनु मेकोपुकीमी मेको आ पर्बम “ग्‍येरसीशो मुर बाक्‍ब” देंमल। \em उत्‍पत्ती १२:३; उत्‍पत्ती २२:१८\em* 
\p  
\v 18 परमप्रभु, परमप्रभु यावे, इस्राएली आन परमप्रभु ठेयब बाक्‍ब। मेकोमी ला छक लाक्‍चा ङा गेय पाइब। \em भजन संग्रह ४१:१४\em* 
\v 19 मेको आ नें गेना हना यो ठेयब बाक्‍ब। रागी नेल्‍ल आ सक्तिमी ब्रील। आमेन, मेको थमा बाक्‍ब। \em यसैया ६:३\em* 
\v 20 येस्‍से आ तौ दाऊद आ प्रार्थना एकोन बाक्‍नीम। 
\c 73  
\s1 “परमप्रभु, गो इन मुर नङ” देंशो 
\d आसाफ आ कुम्‍सो। 
\p  
\v 1 परमप्रभु इस्राएल ङा मुर आन कली थमा पा रिम्‍शो पाइब बाक्‍ब। आन पाप क्‍याम्‍चा पुंइसीशा, रिम्‍शो थुं पाइश्‍शो आन कली रिम्‍शो पाइब बाक्‍ब। \em अय्‍युब २१:७\em* 
\v 2 तन्‍न गो ग्रेक्‍शा, आं थेक्‍तीक साम्‍चा चिक्‍शो बाक्‍ती।  
\v 3 मारदे हना गो परमप्रभु आ अरेशो मटीब आन रिम्‍शो दुम्‍शो तशा नु मेको आन ठेयब लेश्‍शो तशा, गेहे पाता।  
\v 4 मेको आन कली श्‍येत मबाक्‍ब। मेकोपुकी रोइ मपशो नु बोल्‍यो बाक्‍नीम।  
\v 5 मेकोपुकी अरुपुकीम खोदेंशो पा श्‍येत मजाइनीम। मेकोपुकी अरु खोदेंशो पा श्‍येत मदुम्‍नीम।  
\v 6 मोपतीके ठेयब लेत्‍तीके मेको आन माला खोदेंशो दुम्‍ब। आन दिप्‍शा हुश ख्राक्‍श पोक्‍तीके आन फेक्‍तीक वा खोदेंशो दुम्‍ब।  
\v 7 मेको आन खकटा थुंम मरिम्‍शो पतीके बाक्‍ब। मेको आन थुं ङा मरिम्‍शो पतीके मिम्‍शा, मिम्‍ने मजाप्‍शो बाक्‍ब।  
\v 8 मेकोपुकीमी शुक्‍शी पा मरिम्‍शो लोव़ पाइनीम। मिनु आन ठेयब लेत्‍तीकेमी मुर आन कली हिंच कोंइनीम।  
\v 9 मेकोपुकीमी “स्‍वर्ग नेल्‍ल आंइ के बाक्‍ब” देंनीम। मिनु रागी नेल्‍ल आंम के सेल्‍नीम।  
\v 10 मोपतीके मुरपुकी मेको आन गे लेत्‍नीम। मिनु आन लोव़ थमा सुइश्‍शा आन नोले खोइश्‍शा मेको आन कली ठेयब सेल्‍नीम।  
\v 11 मिनु मेकोपुकीमी “परमप्रभुमी दोपा तुइक्‍बा ङा? मार मेको नेल्‍ल क्‍येङा ठेयब तुइक्‍ब बाक्‍बा ङा?” देंनीम। \em भजन संग्रह १०:११\em* 
\v 12 परमप्रभु आ अरेशो मटीबपुकी मोदेंशो बाक्‍नीम। मेकोपुकी महिंथु, क्‍येट चेम्‍ना चेम्‍न बाक्‍नीम।  
\v 13 गो आयेसो ला रिम्‍शो थुं पाइश्‍शो दुम्‍ङा बाक्‍त। मिनु मोशा दोस मताइब दुम्‍ङा बाक्‍त। \em मलाकी ३:१४\em* 
\v 14 गो नाक्‍त रे हिंचा ङा श्‍येत जाता। मिनु सुनी कुस कुस सजाइ ताता।  
\v 15 गो मेको आन खोदेंशो पाता हना, गो इन मुर आन कली मरिम्‍शो पदुमी वा।  
\v 16 गो एको नेल्‍ल रुप्‍चा माल्‍ता, आं कली थम श्‍येत दुम्‍त।  
\v 17 मिनु गो परमप्रभु आ खिं ओव़ती। मेना गो मेको आन कली नोले मार दुम्‍बा, मेको नेल्‍ल तुइक्‍ताक्‍ङ। 
\p  
\v 18 गे मेको आन कली थमा पा ग्रेक्‍तीके लांम गाक्‍पाइक्‍नीनी। गे मेको आन कली खतम पोक्‍नीनी।  
\v 19 मेको मतुइक्‍थु रीब पा खतम दुम्‍नीम। मेकोपुकी हिंतीकेमी योल्‍चा पुंइसीशो बाक्‍नीम।  
\v 20 दोपा मुरपुकी सुनी सेंसीमानु, ङोमु पशा, थमा ममाइ, दे तुइक्‍नीमी, मोपा परमप्रभु, गे बोक्‍ची ना मेको आन कली क्‍याम्‍नीनी। 
\p  
\v 21 ङोंइती आ थुं लुक्‍च लशा, कशो दुम्‍शो बाक्‍त।  
\v 22 गो ममिम्‍ब नु मारेइ मतुइक्‍ब बाक्‍ती। इन ङोंइती जन्‍तु खोदेंशो बाक्‍ती।  
\v 23 मो हना यो गो गेना हना यो गे नु काथा बाक्‍नुङ। गे आं ग्‍युरा गुइ ग्‍याइश्‍शो बाक्‍नीनी। \em रोमी ८:३५-३९ \em* 
\v 24 गे आं कली इन लोव़मी लां कोंइनीनी। मिनु नोले गे आं कली छेङछेङम ताक्‍नीनी। \em भजन संग्रह ४९:१६\em* 
\v 25 स्‍वर्गम इन ङा लाक्‍शा, अरु आं के सु बाक्‍नीमी ङा? रागीमी यो आं माल्‍शो इन ङा लाक्‍शा अरु सुइ मबाक्‍नीम।  
\v 26 आं रां नु आं थुं निम्‍फा ग्‍येत्‍थ लुक्‍च दुम्‍शो बाक्‍नीस। तन्‍न परमप्रभु गेना हना यो आं सक्ति नु आं भाग बाक्‍ब। \em भजन संग्रह १६:५\em* 
\p  
\v 27 इन क्‍येङा ङोन बाक्‍बपुकी थमा पा जाम्‍शा लाइनीम। गे इन क्‍येङा नोले शोंइसीशो नेल्‍ल आन कली खतम पोक्‍नीनी।  
\v 28 तन्‍न गो चहिं परमप्रभु आ नेक्‍था बाक्‍चा दाक्‍नुङ। परमप्रभु यावे आं प्रोक्‍शा लशा बाक्‍तीक बाक्‍ब। गो इन पशो गेय नेल्‍ल आन पर्बम लोव़ पाइनुङ। 
\c 74  
\s1 “श्‍येत रे प्रोंइयीकी” दे पुंइशो 
\d शेंतीक कुम्‍सो। आसाफ आ कुम्‍सो। 
\p  
\v 1 परमप्रभु, गे मारदे आंइ कली मदाक्‍थु, गेना हना यो प्रोंइनीनी? इन भेडा आन कली तशा मारदे गाइक्‍नीनी?  
\v 2 साइ इन ग्‍याप्‍शो मुर आन कली मिम्‍तीन। इन के सेल्‍चा कली श्‍येत रे प्रोंइशो मुर आन कली मिम्‍तीन। गे इन बाक्‍तीक सियोन डांडा कली मिम्‍तीन। \em भजन संग्रह ७६:३\em* 
\v 3 मिनु गे इन ब्रेश्‍शो खिं कली कोव़थ लने। इन जोरी सत्रुमी इन खिं मोदेंशो पा खतम पोक्‍तेक्‍म।  
\v 4 इन जोरी सत्रुमी इन बाक्‍तीक नेल्‍ल खतम पोक्‍तेक्‍म। मेकोपुकीमी मेकेर आन छेदर ग्रुक्‍ताक्‍मे।  
\v 5 मेकोपुकीमी रवा तिम्‍शा, नेल्‍ल श्‍येत्‍थ पोक्‍ब मुर खोदेंशो पा पाम्‍तेक्‍म।  
\v 6 मेकोपुकीमी ग्‍येत्‍थ ङा लाप्‍चो ङा बुटा आप्‍शो गारो ङा शी नेल्‍ल आन खा नु घनमी खतम पोक्‍तेक्‍म।  
\v 7 मेकोपुकीमी इन खिं कली मी सुइक्‍ताक्‍म। रागीमी इन ग्रुम्‍तीक खिं नेल्‍ल मी सुइश्‍शा खतम सेल्‍तेक्‍म। \em २राजा २५:९\em* 
\v 8 मेकोपुकीमी आन थुंमी “गो एको आन कली नेल्‍ल खतम पोक्‍नीकी” देंतेक्‍म। मेकोपुकीमी रागीम बाक्‍शो इन नेंम बुक्‍तीके खिं नेल्‍ले मी सुइक्‍ताक्‍म।  
\v 9 गोपुकीमी मारेइ छक लाक्‍चा ङा गेय मतक। मुल परमप्रभु आ लोव़ पाइब सुइ मलीम। गेना सम्‍म एको ओदेंशो दुम्‍बा, गो सुइम मतुइक्‍नीकी। 
\p  
\v 10 परमप्रभु, इन जोरी सत्रुमी इन कली गेना सम्‍म शाक्‍नीमी? मार, जोरी सत्रुमी इन नें आ पर्बम गेना हना यो शुक्‍शी पस ङा पस बाक्‍नीमी?  
\v 11 गे मारदे इन सक्ति मकोंइनीनी? इन गुइ इन वा आगा रे ग्रुंइदीन। मिनु मेको आन कली खतम पोक्‍कीन। 
\p  
\v 12 परमप्रभु, गे साइ नेसी रे ङा आं पिप बाक्‍नीनी। गे रागी रागी आन कली प्रोंइनीनी।  
\v 13 गे इन सक्तिमी समुन्‍द्र कली फ्राताक्‍नी। गे समुन्‍द्रमी बाक्‍ब ठेयब जन्‍तु आन पिया प्रोल्‍तीनी। \em भजन संग्रह १०४:६-८; प्रस्‍थान १४:२१-२२; यसैया २७:१\em* 
\v 14 गे लेव्‍याथन आ पियापुकी प्रोल्‍तीनी। मिनु मेको कली गोरशो रागी ङा जन्‍तु आन कली ब्‍वचा गेतीनी। \em अय्‍युब ४०:२५\em* 
\v 15 ब्‍वाक्‍कु बुक्‍पाइक्‍ब नु खोल्‍सा सेल्‍ब गे बाक्‍नीनी। मिनु गे गेना हना यो यिस ङा यिस बाक्‍ब ठेयब खोला आन कली सोव़पाइक्‍तीनी।  
\v 16 नाक्‍दो इन के बाक्‍ब। मिनु नाक्‍ती यो इन के बाक्‍ब। गे नां नु तास्‍ला सेल्‍तीनी। \em भजन संग्रह १०४:१९\em* 
\v 17 गे रागी रागी आन सांद वोइक्‍तीनी। गे हिंउद नु बर्खा सेल्‍तीनी। 
\p  
\v 18 परमप्रभु यावे इन जोरी सत्रुमी इन कली दोपा शाक्‍ग्‍मे। मिनु इन कली मटीबपुकीमी दोपा इन नें आ पर्बम शुक्‍‍शी पामे? मेको मिम्‍तीन।  
\v 19 गे इन ढुकुर ब्‍वाकी ङा जन्‍तु आन कली मगेने। गे इन श्‍येत जशो मुर आन कली गेना हना यो मिम्‍शा बाक्‍कीन।  
\v 20 गे इन कबल खपीन। मारदे हना रागी ङा ख्रुइक्‍तीके नेल्‍ले हिंतीके नु हुश ख्राक्‍श पतीकेमी ब्रीशो बाक्‍नीम।  
\v 21 दिप्‍चा पुंइसीब आन कली मुने दोक्‍चा मगेने। प्रुङग नु श्‍येत जाइबपुकीमी इन नें ठेयब सेल्‍मेक्‍ल।  
\v 22 परमप्रभु, बोक्‍कीन। मिनु इन पर्बम लडाइ पने। मटीबपुकीमी नाक्‍त रे इन कली शाक्‍शो, मिम्‍तीन। \em भजन संग्रह १४:१-३\em* 
\v 23 इन पर्बम दूली लोव़ पाइब आन रेयके नु इन जोरी सत्रु आन लडाइ पस ङा पस पशो मप्रेंदीन। 
\c 75  
\s1 परमप्रभुमी निसाफ पशो 
\d कुम्‍सो पपाइक्‍ब कली खतम मसेलो देंशो कुम्‍सो आ लायो। आसाफ आ कुम्‍सो। 
\p  
\v 1 परमप्रभु, गो इन कली “गे आंइ कली रिम्‍शो पाइतीनी” देंनीकी। मारदे हना इन नें आ पर्बम नेंशो बाक्‍नीकी। मुरपुकीमी इन छक लाक्‍चा ङा गेय आ पर्बम लोव़ पना पन बाक्‍नीम। \em यसैया ४६:१३\em* 
\p  
\v 2 गे “गो आं देंशो नाक्‍ती गो ठीक निसाफ पाइब नङ।  
\v 3 रागी रागीम ख्रिनु कुमेनु, मुर नेल्‍ले ख्रिंख्रि पाइनीम। तन्‍न रागी ङा जग वोइक्‍ब गो नङ” देंतीनी। \em ठेयब सेंदा पा।\em* 
\p  
\v 4 गे ठेयब लेश्‍शो आन कली “ठेयब लेश्‍शो मदुमीन” देंशा, इन अरेशो मटीब आन कली “मबोरीन” देंतीनी।  
\v 5 गे “स्‍वर्ग आ पर्बम ठेयब लोव़ मपने। मिनु इन शुर किरशा लोव़ मपने” देंतीनी। 
\p  
\v 6 पूर्ब, पच्‍छिम नु गोरशो रागी तेइ रे सुइमी मुर आन कली ठेयब सेल्‍ने मचाप्‍नीम।  
\v 7 तन्‍न परमप्रभुमी मुर आन कली निसाफ पाइब। मेकोमी का निक्‍शी आन कली दिप्‍ब, का निक्‍शी आन कली क्‍युक्‍ब। \em १सामुएल २:७\em* 
\p  
\v 8 परमप्रभु यावे आ गुइमी बोटको का बाक्‍ब। मेकेर मार मार सुप्‍शो बोग्‍यो बोक्‍शो अङगुर शांबु बाक्‍ब। परमप्रभुमी मेको तूचा गेब। मिनु रागी रागी ङा आ अरेशो मटीबपुकीमी मेको तूचा माल्‍नीम। \em भजन संग्रह ६०:५; येरमीया २५:१५-१६\em* 
\v 9 तन्‍न गो चहिं मुर आन दातेमी शुश ग्‍येरसीशो लोव़ पाइनुङ। गो याकूब आ परमप्रभु कली ठेयब सेल्‍शा, कुम्‍सो पाइनुङ।  
\v 10 गे इन अरेशो मटीब नेल्‍ल आन कली आइक्‍च सेल्‍नीनी। तन्‍न ठीक पाइबपुकी ठेयब सेल्‍चा पुंइसीनीम। 
\c 76  
\s1 सक्ति पाइश्‍शो परमप्रभु यावेमी ग्राब 
\d कुम्‍सो पपाइक्‍ब कली तार पाइश्‍शो ताप्‍तीके ताप्‍शा पतीके, आसाफ आ कुम्‍सो। 
\p  
\v 1 यहूदा आ रागीमी परमप्रभु कली तुइक्‍नीम। मेको आ नें इस्राएल रागीमी ठेयब बाक्‍ब।  
\v 2 आ ताम्‍बु सालेम सहरमी बाक्‍ब। आ बाक्‍तीके सियोनमी बाक्‍ब। \em भजन संग्रह १३२:१३\em* 
\v 3 मेकोमी मेकेर ब्रशो ब्रापुकी, तेक्‍तीकपुकी, तरवार नु लडाइ पतीक मारेइ मारेइ जिक्‍तीमी। \em ठेयब सेंदा पा।\em*\em भजन संग्रह ४६:१०\em* 
\p  
\v 4 गे छेङछेङमी नां खोदेंशो तांइसीनीनी। गे गेना हना यो लीब पहाड क्‍येङा यो ठेयब बाक्‍नीनी।  
\v 5 महिंब मुरपुकी रोइक्‍चा पुंइसाक्‍म। मेकोपुकी साइक्‍चा पुंइसाक्‍म। लडाइ पाइब आन दातेमी कामी यो आन गुइ क्‍युक्‍ने मचबेम।  
\v 6 याकूब आ परमप्रभु, इन हुइश्‍शोमी शारा नु शारा ङोइक्‍ब निम्‍फा बेक्‍ताक्‍स।  
\v 7 गे मान पा हिंचा माल्‍शो बाक्‍नीनी। गे गाइक्‍तीनीनु, इन ङोंइती सु राप्‍ने चाप्‍बा ङा?  
\v 8 गे स्‍वर्ग रे इन निसाफ नेंपाइक्‍तीनी। मिनु रागी हिंशा, सिक्‍सी पाप्‍तु। \em भजन संग्रह ४६:१; हबकुक २:२०\em* 
\v 9 मेना परमप्रभु, गे रागीम दिप्‍चा पुंइसीशो नेल्‍ल आन कली प्रोंइचा कली निसाफ पथ बोक्‍तीनी। \em ठेयब सेंदा पा। \em* 
\v 10 थमा पा, मुर आन गाइक्‍तीकेमी इन कली ठेयब सेल्‍ब। मिनु इच्‍का ली‍शो गाइक्‍तीकेमी इन कली ठेयब सेल्‍ब। 
\p  
\v 11 परमप्रभु यावे, इन परमप्रभु आ नें थिशा कसम जशो खपीन। मेको आ नेक्‍था बाक्‍ब नेल्‍लेमी मान पा हिंचा ङा परमप्रभु कली कोसेली चाक्‍ग्‍मेक्‍ल।  
\v 12 मेकोमी सासन पाइब आन ठेयब लेत्‍तीके फस पोक्‍ब। मेको रागी ङा पिप आन कली हिंपाइक्‍ब बाक्‍ब। 
\c 77  
\s1 श्‍येत दुम्‍मेनु, लेम्‍शो 
\d कुम्‍सो पपाइक्‍ब शें‍ब येदुथून कली आसाफ आ कुम्‍सो। 
\p  
\v 1 गो परमप्रभु कली “वारच पाइय्‍यीनी। आं लोव़ नेनीन” दे ठेयब सेंदा पा ब्रेत्‍ती।  
\v 2 गो श्‍येत जङानु, परमप्रभु कली माल्‍ता। गो नाक्‍दो यो मदथु, परमप्रभु कली पुंइता। आं थुं खाइक्‍स ङा खाइक्‍स बाक्‍त। 
\p  
\v 3 गो परमप्रभु कली मिम्‍ताक्‍ङ, गो रोंका पाता। गो आं श्‍येत मिम्‍ना मिम्‍न बाक्‍ती। मिनु आं थुं लुक्‍च लत। \em ठेयब सेंदा पा।\em* 
\v 4 “गे आं कली निन्‍द्रा पचा यो मगेनीनी। मिनु गो शुश श्‍येत जशा, ब्‍वाक्‍ने यो मचबु।  
\v 5 गो ङोंइती ङा नाक्‍त नु साइ ङा बर्सपुकी मिम्‍ताक्‍ङ। \em भजन संग्रह १४३:५\em* 
\v 6 गो नाक्‍दो आं थुंमी रिम्‍शो बाक्‍बा देय मरिम्‍शो बाक्‍बा” दे मिम्‍स ङा मिम्‍स बाक्‍ती। 
\p  
\v 7 मार, परमप्रभुमी गेनायो आं कली मब्राइबा? मिनु मेकोमी गेनायो शिशी मपाइबा?  
\v 8 मेको आ गेना हना यो दाक्‍तीक जाम्‍शो बाक्‍बा? मेको आ थोक्‍शा पशो लोव़ शोर गाक्‍शो दुम्‍शो बाक्‍बा?  
\v 9 मार, परमप्रभुमी शिशी पचा प्रेंशो बाक्‍बा? मेको गाइश्‍शा, आ शिशी पतीके तेक्‍शो बाक्‍बा? \em ठेयब सेंदा पा।\em* 
\v 10 मिनु गो “नेल्‍ल क्‍येङा ठेयबमी आ थुं फाइक्‍तीके आं कली श्‍येत दुम्‍त” दे मिम्‍ताक्‍ङ। 
\p  
\v 11 मिनु “परमप्रभु यावे, गो इन पशो मिम्‍नुङ। गो इन साइ ङोंइती ङा पशो छक लाक्‍चा ङा गेय मप्रेंनुङ।  
\v 12 गो इन पशो नेल्‍ल मिम्‍स ङा मिम्‍स बाक्‍नुङ। साइ ङोंइती ङा इन छक लाक्‍चा ङा गेय आ पर्बम मिम्‍नुङ।  
\v 13 परमप्रभु, इन लां ठीक बाक्‍ब। आंइ परमप्रभु खोदेंशो ठेयब अरु तेको देवता बाक्‍बा ङा? \em प्रस्‍थान १५:११\em* 
\v 14 गे छक लाक्‍चा ङा गेय पाइब परमप्रभु बाक्‍नीनी। गे जात जात ङा मुर आन दातेमी इन सक्ति कोंइताक्‍नी।  
\v 15 गे इन सक्तिमी इन मुर आन कली प्रोंइतीनी। गे याकूब, योसेफ नु आ चच युइ आन कली प्रोंइतीनी। \em ठेयब सेंदा पा।\em* 
\p  
\v 16 परमप्रभु, समुन्‍द्र ङा ब्‍वाक्‍कु इन कली तशा हिंतेक्‍म। शुश लुक्‍च लशो समुन्‍द्र ख्रिंख्रि पाप्‍तु।  
\v 17 मिनु गोस्‍सुमी रेउ यिपाइक्‍तेक्‍म। सरीङ रे ठेयब बुंबु पाप्‍तु। इन चिला तेइ तेइ ब्रत।  
\v 18 फश गिवारम इन बुंबु पशो नेंसाक्‍व। इन चिलामी रागी नेल्‍ल छेङछेङ दुम्‍त। रागी ख्रिंख्रि पा हिम्‍साक्‍व।  
\v 19 इन लां समुन्‍द्र रे पा लशो बाक्‍त। इन गाक्‍शो लां ठेयब समुन्‍द्र आ दातेमी बाक्‍त। मो हना यो इन खोइलीम दिम्‍शो मारेइ मतांइसे। \em प्रस्‍थान १४:२१-३१\em* 
\v 20 मोसा नु हारून आस गुइ रे पा, गे इन मुर आन कली भेडा आन हुल खुल्‍शो खोदेंशो पा गाक्‍पाइक्‍तीनी” दे परमप्रभु कली लोव़ पता। 
\c 78  
\s1 परमप्रभुमी मार मार पवा 
\d शेंतीक कुम्‍सो। आसाफ आ कुम्‍सो। 
\p \em भजन संग्रह १०६:-\em* 
\v 1 आं मुरपुकी, आं शेंशो लोव़ नेनीन। इन नोफा दाइश्‍शा आं लोव़ नेनीन।  
\v 2 गो कथा पा लोव़ शेंनुङ। साइ ङोंइती ङा लोव़ पाइनुङ। \em मत्ती १३:३५\em* 
\v 3 एको लोव़ आंइ किकी पिपीमी आंइ कली नेंपाइश्‍शो नु तुइक्‍पाइश्‍शो बाक्‍नीम। \em प्रस्‍थान १३:१४; ब्‍यवस्‍था ४:९-१०\em* 
\v 4 गोपुकी एको लोव़ मेको आन तौ चच आन क्‍येङा मख्रुइक्‍नय। मिनु नोले दुम्‍ब पाला ङा मुर आन कली यो परमप्रभु यावे आ ठेयब नु सक्ति पाइश्‍शो छक लाक्‍चा ङा गेय आ पर्बम शेंनीकी। 
\p  
\v 5 मेकोमी याकूब आ मुर आन कली दोपा बाक्‍चा माल्‍बा, मेको देंत। मेकोमी इस्राएलमी मेको आ अरेशो लोव़ वोइक्‍तु। मिनु परमप्रभुमी आंइ किकी पिपी आन कली “इन आल आन कली शेंदीने” दे माइक्‍तीमी।  
\v 6 मेको आन नोले ङा पाला ङा मुरपुकीमी एको लोव़ नेल्‍ल तुइक्‍तमेक्‍ल। मिनु मेको आन क्‍येङा नोले जरमेशो आल कोल्‍शा तुइश्‍शा, मेकोपुकीमी आन आल आन कली शेंदमेक्‍ल।  
\v 7 मोपा मेकोपुकीमी परमप्रभु कली थमा सुदमेक्‍ल। मिनु आ पशो मप्रेंदमेक्‍ल। मिनु आ शेंशो टीमेक्‍ल।  
\v 8 मेको आन किकी पिपी खोदेंशो मदुम्‍मल। मेकोपुकी खकटा थुं पाइश्‍शो नु मटीब पाला ङा मुर बाक्‍तेक्‍म। मेकोपुकी नोले शोंइसीशा, परमप्रभु कली प्रोंइतेक्‍म। \em ब्‍यवस्‍था ३२:५-६\em* 
\p  
\v 9 एफ्राइम ङा मुरपुकी लिब्रा शेशा, ठीक दुम्‍शा, लडाइ दुम्‍मेनु, प्रोक्‍तेक्‍म। \em न्‍यायाधीस २:११-१३\em* 
\v 10 मेकोपुकीमी परमप्रभु आ कबल पशो मटीम। मिनु मेको आ अरेशो लोव़ मटीम।  
\v 11 मेकोपुकीमी परमप्रभु आ गेय नु आन ङोंइती पशो छक लाक्‍चा ङा गेय प्रेंताक्‍म।  
\v 12 मेकोमी मेको आन किकी पिपी आन ङोंइती इजीप्‍त नु सोआन रागीमी छक लाक्‍चा ङा गेय पशो बाक्‍त।  
\v 13 मेकोमी समुन्‍द्र कली फ्राशा, लां सेल्‍तु। मिनु मेको लां रे पा मेको आन कली आइक्‍ची हांबु शोक्‍ताक्‍मी। मेकोमी ब्‍वाक्‍कु कली गारो खोदेंशो पा एर ओंथ राप्‍पाइक्‍तु। \em प्रस्‍थान १४:२१-२२\em* 
\v 14 मेकोमी मेको आन कली नाक्‍त गोस्‍सुम नु नाक्‍दो मी आ हाम्‍सोमी लां कोंइताक्‍व। \em प्रस्‍थान १३:२१\em* 
\v 15 मेकोमी गोरशो रागीमी सेरथे फुल्‍लु कली प्रोल्‍शा ब्‍वाक्‍कु बुक्‍पाइक्‍तु। मिनु शुश ब्‍वाक्‍कु तूचा गेम्‍तीमी। \em प्रस्‍थान १७:६; गन्‍ती २०:७-११; ब्‍यवस्‍था ३२:१८\em* 
\v 16 सेरथे फुल्‍लु रे पा ब्‍वाक्‍कु बुक्‍पाइक्‍तु। मिनु खोला खोदेंशो पा शाइक्‍पाइक्‍तु। 
\p  
\v 17 तन्‍न मेकोपुकीमी गोरशो रागीमी नेल्‍ल क्‍येङा ठेयब कली मटिथु, मरिम्‍शो पा ङोंइती क्‍येङा शुश पाप पाम्‍तेक्‍म।  
\v 18 मेकोपुकीमी आन दाक्‍शो पा जचा थोव़क पुंइशा, परमप्रभु आ थुं नाक्‍ताक्‍म। \em प्रस्‍थान १६:३; गन्‍ती ११:४\em* 
\v 19 मेकोपुकीमी थमा मसुइक्‍थु “मार, परमप्रभुम गोरशो रागीम जचा थोव़क गेने चाप्‍बा ङा?  
\v 20 मेकोमी सेरथे फुल्‍लु तुप्‍शा प्रोल्‍शा ब्‍वाक्‍कु बुक्‍पाइश्‍शा, शुश खोला सेल्‍तु। मार, मेकोमी आ मुर आन कली शोब्‍ले नु श्‍ये यो गेने चाप्‍बा ङा?” देंतेक्‍म। 
\p  
\v 21 मिनु परमप्रभु यावे मेको आन लोव़ नेंशा, थाम्‍पा गाइक्‍ताक्‍व। मिनु परमप्रभुमी याकूब कली दाक्‍पाइक्‍चा कली मी सोइक्‍ताक्‍व। मिनु इस्राएली आन पर्बम शुश चुरत। \em गन्‍ती ११:१\em* 
\v 22 मारदे हना मेकोपुकीमी परमप्रभु कली थमा मसुदेम। मिनु “परमप्रभुमी आंइ कली प्रोंइने मचाप्‍ब” देंतेक्‍म।  
\v 23 मो हना यो मेकोमी सरीङ कली अरेशा सरीङ ङा लाप्‍चो रोक्‍पाइश्‍शा गेप्‍तु।  
\v 24 मेकोमी मुर आन कली थुल्‍चा कली सरीङ रे मन्‍ना यिपाइक्‍तु। मेको आन कली स्‍वर्ग ङा अन्‍न गेप्‍तु। \em प्रस्‍थान १६:४,१४,१५\em* 
\v 25 मुर नेल्‍लेमी परमप्रभु आ स्‍वर्ग ङा गेय पाइब आन शोब्‍ले जाम्‍तेक्‍म। परमप्रभुमी मेको आन कली शुश जचा गेप्‍तु।  
\v 26 मेकोमी सरीङमी पूर्ब ङा फश सोइक्‍ताक्‍व। मिनु मेको आ सक्तिमी दक्‍खिन रे फश पपाइक्‍तु। \em गन्‍ती ११:३१-३३\em* 
\v 27 मेकोमी फुरक खोदेंशो पा श्‍ये यिपाइक्‍तु। समुन्‍द्र ङा बाल्‍वा खोदेंशो पा चिक्‍ब यिपाइक्‍तु।  
\v 28 मेको चिक्‍ब आन कली आन बाक्‍तीके एर ओंथ दोक्‍पाइक्‍तु।  
\v 29 मिनु मेकोपुकी मेको ब्‍वशा रूतेक्‍म। मारदे हना परमप्रभुमी मेको आन कली आन पुंइशो खोदेंशो पा गेप्‍तु।  
\v 30 तन्‍न मेकोपुकीमी ब्‍वना ब्‍वन, आन ब्‍वशो श्‍ये आन शोव़म बाक्‍ना बाक्‍न,  
\v 31 परमप्रभु शुश गाइक्‍ताक्‍व। मिनु मेको आन दातेम नेल्‍ल क्‍येङा बोल्‍यो मुर आन कली साइक्‍तीमी। इस्राएल ङा ठिटा नेल्‍ल आन कली साइक्‍तीमी। 
\p  
\v 32 मो पा यो मेकोपुकीम पाप पस ङा पस बाक्‍तेक्‍म। मेको आ छक लाक्‍चा ङा गेय तशा यो, मेकोपुकीमी थमा मसुदेम।  
\v 33 मोपतीके परमप्रभुमी मेको आन नाक्‍त मोशा नु मेको आन बर्सपुकी श्‍येत जपाइश्‍शा साम्‍तु। \em गन्‍ती १४:२२-२३; १कोरिन्‍थी १०:५\em* 
\v 34 परमप्रभुमी मेको आन दातेमी का निक्‍शी सदानु, मेको लीशोपुकी मेको गे लेश्‍शा, मेको कली थाम्‍पा माल्‍तेक्‍म।  
\v 35 मिनु मेकोपुकीमी परमप्रभु आन सेरथे फुल्‍लु नु नेल्‍ल क्‍येङा ठेयब परमप्रभु मेको आन कली श्‍येत रे प्रोंइब बाक्‍माक्‍त, दे तुइक्‍ताक्‍म।  
\v 36 तन्‍न मेकोपुकीमी आन शोव़म ला लोव़ पाम्‍तेक्‍म। मेकोपुकीमी जोल ला पाम्‍तेक्‍म।  
\v 37 आन थुंमी थमा पा मेको आ नोले मखोदेम। आ पशो कबल मटीमे।  
\v 38 मो हना यो परमप्रभु शिशी पाइब बाक्‍तीके मेको आन ठीक मपशो माफ गेम्‍तीमी। मेको आन कली मसद। खेयप खेयप मेको आन पर्बम आ गाइश्‍शो तेक्‍तु। मेकोमी आ गाइश्‍शो नेल्‍ल मग्रुंइद।  
\v 39 परमप्रभुमी “मेको मुर ला बाक्‍नीम। फश खोदेंशो पा लाक्‍नीम। मिनु लेश्‍शा मजाक्‍नीम” दे मिम्‍ताक्‍व। \em भजन संग्रह १०३:१४-१६\em* 
\v 40 मेकोपुकीमी गोरशो रागीम शुश खेयप परमप्रभु कली मटीमे। परमप्रभु कली मुर मबाक्‍तीकेमी श्‍येत गेम्‍तेक्‍म।  
\v 41 मेकोपुकीमी लेंना लेंन आ थुं नाक्‍ताक्‍म। मिनु इस्राएली आन का ला बाक्‍शो परमप्रभु कली गाइक्‍पाइक्‍तेक्‍म।  
\v 42 मेकोपुकीमी आ सक्ति ममिम्‍तेम। मेको आन कली आन जोरी सत्रु रे प्रोंइशो यो ममिम्‍तेम।  
\v 43 परमप्रभुमी इजीप्‍तमी आ चिन्‍ड कोंइशा, सोआन रागीमी छक लाक्‍चा ङा गेय पची ना  
\v 44 खोला ङा ब्‍वाक्‍कु हुश सेल्‍शो बाक्‍त। मिनु इजीप्‍तीपुकीमी मेको ब्‍वाक्‍कु तूने मचबेम। \em प्रस्‍थान ७:१९-२०\em* 
\v 45 मेकोमी मेको आन बाक्‍तीकेमी चुरमु बोपाइश्‍शो बाक्‍त। मिनु मेकोपुकीमी मेको आन कली क्राइक्‍तेक्‍म। मिनु परमप्रभुमी क्रुक्‍क्रु ग्रूपाइक्‍तु। मेकोपुकीमी मेको आन कली खतम सेल्‍तेक्‍म। \em प्रस्‍थान ८:२०; प्रस्‍थान ८:२\em* 
\v 46 परमप्रभुमी मेको आन बाली नाली माले आन कली गेम्‍तीमी। मेको आन शुश गेय पा वापाइश्‍शो बाली नाली सल्‍हापुकीम नेक्‍पाइक्‍तु। \em प्रस्‍थान १०:१३\em* 
\v 47 मेकोमी मेको आन अङगुर बोट मुप्‍सीमी नु आन फोव़शी फुरशेम खतम पोक्‍पाइक्‍तु। \em प्रस्‍थान ९:२५\em* 
\v 48 मेकोमी मेको आन बी ब्‍यफ मुप्‍सीम नु क्‍यारश भेडा आन कली चिलामी आप्‍तु।  
\v 49 मेको आन पर्बम गाइश्‍शा, चुरशा, श्‍येत गेपाइक्‍चा कली खतम सेल्‍ब स्‍वर्ग ङा गेय पाइब आन कली सोइक्‍ताक्‍व।  
\v 50 मेकोमी आ गाइक्‍तीक कली लां का सेल्‍तु। मिनु मेको आन कली बेक्‍चा रे मप्रोन। मेको आन कली मुर बेक्‍तीक रोइ पपाइक्‍तीमी। \em प्रस्‍थान ९:८-१२\em* 
\v 51 मेकोमी इजीप्‍त ङा मुर, हाम आ चच युइ आन ङोंइती जरमेशो तौ नेल्‍ल साइक्‍तु। \em प्रस्‍थान १२:२९\em* 
\v 52 मिनु नोले आ मुर आन कली भेडा खोदेंशो पा ग्रुंइताक्‍व। मिनु मेको आन कली भेडा आन हुल खोदेंशो पा गोरशो रागीमी लां कोंइशा गाक्‍पाइक्‍तीमी। \em भजन संग्रह ७७:२१\em* 
\v 53 मेकोमी मेको आन कली मारेइ श्‍येत मदुम्‍पाइक्‍थु गाक्‍पाइक्‍तीमी। मोपतीके मेकोपुकी काइ महिंम। आन जोरी सत्रु समुन्‍द्रम ग्रुम्‍शा बेक्‍तेक्‍म। \em प्रस्‍थान १४:१९,२२,२७\em* 
\v 54 मोपा परमप्रभुमी आ मुर आन कली आ रागीमी चाक्‍तु। आ सक्तिमी ग्राशो डांडाम चाक्‍तु। \em प्रस्‍थान १५:१७\em* 
\v 55 रागी रागी ङा मुर आन कली मेको आन ङोंइती रे खेरतु। मिनु इस्राएली आन कली मेको रागी योक्‍शा, गेम्‍तीमी। मिनु इस्राएल आ थर थर ङा मुर आन कली आन ताम्‍बुमी बाक्‍चा गेम्‍तीमी। 
\p  
\v 56 तन्‍न मेकोपुकीमी परमप्रभु आ थुं थाम्‍तेक्‍म। नेल्‍ल क्‍येङा ठेयब परमप्रभु कली मटीम। मिनु मेको आ अरेशो लोव़ मबिस्‍सम।  
\v 57 मेको आन किकी पिपी खोदेंशो पा नोले शोंइसाक्‍म। मिनु मेकोपुकी ब्रोइक्‍चशो लिब्रा खोदेंशो पा दूली पाइब दुम्‍तेक्‍म।  
\v 58 मेकोपुकीमी आन मूर्ति वोइश्‍शो डांडामी परमप्रभु कली गाइक्‍पाइक्‍तेक्‍म। मेको आन सेल्‍शो मूर्तिमी मेको कली गेहे पपाइक्‍तेक्‍म। \em ब्‍यवस्‍था ३२:२१\em* 
\v 59 परमप्रभुमी मेको नेंशा, थाम्‍पा गाइक्‍ताक्‍व। मिनु इस्राएली आन कली थमा पा वारच मपाइक्‍थु प्रोंइतीमी।  
\v 60 मेकोमी शिलो ङा आ बाक्‍तीके प्रोंइतु। मेको ताम्‍बु मुर आन बाक्‍तीके आन दातेमी वोइश्‍शो बाक्‍त। \em १सामुएल १:३; १सामुएल ४:११; येरमीया ७:१२\em* 
\v 61 मेकोमी आ कबल पशो सन्‍दोस आ जोरी सत्रु आन गुइमी गेप्‍तु। मोपा सक्ति पाइश्‍शो कली रोइक्‍पाइक्‍तु। \em भजन संग्रह १३२:८; १सामुएल ४:२१\em* 
\v 62 मेकोमी आ मुर आन कली तरवारम साइक्‍पाइक्‍चा कली गेप्‍तु। मिनु आ योव़शो मुर आन कली तशा, थाम्‍पा गाइक्‍ताक्‍व।  
\v 63 मिनु मीम मेको आन ठिटा वोंइश मुर आन कली दाक्‍तीमी। मिनु आन तमी आन कली ग्‍युंबे पाइक्‍चा मतामे।  
\v 64 मेको आ चढ़ेबपुकी तरवारम क्‍योरचा पुंइसाक्‍म। मिनु मेको आन मीश रोंका पने मचबेम। \em १सामुएल ४:१७-२०\em* 
\v 65 मिनु नोले परमप्रभु निन्‍द्रा रे सेंसीशो खोदेंशो पा सेंसाक्‍व। लडाइ पाइब मुर अङगुर शांबु तूशा नोले रिम्‍शो दुम्‍शो खोदेंशो पा, ठेयब सेंदाम ग्रीत।  
\v 66 मिनु मेकोमी आ जोरी सत्रु आन कली एर ओंथ ब्रपाइक्‍तु। मेकोमी मेको आन कली गेना हना यो मुने दोक्‍पाइक्‍तु। \em १सामुएल ५:६-१२\em* 
\p  
\v 67 मेकोमी योसेफ आ थर ङा मुर आन कली प्रोंइतु। एफ्राइम आ खिं ङा मुर आन कली यो मयोव़ङ।  
\v 68 तन्‍न मेकोमी यहूदा आ खिं ङा मुर आन कली योव़तु। मेकोमी आ दाक्‍शो सियोन डांडा कली यो योव़तु। \em २इतिहास ६:६\em* 
\v 69 मेकोमी आ बाक्‍तीके लाइक्‍पाइश्‍शा, इर स्‍वर्ग खोदेंशो सेल्‍तु। आ गेना हना यो कली सेल्‍शो रागी खोदेंशो पा सेल्‍तु।  
\v 70 मेकोमी आ गेय पाइब दाऊद कली भेडा गोठ रे योव़तु।  
\v 71 परमप्रभुमी दाऊद कली गिक्‍शो भेडा आन कली योव़तीक गेय रे ग्रुंइताक्‍व। मेकोमी दाऊद कली याकूब आ थर ङा, परमप्रभु आ मुर आन कली कोव़चा कली ग्रुंइताक्‍व। मेको इस्राएल ङा मुर परमप्रभु आ शोंप बाक्‍नीम। \em १सामुएल १६:११-१२; २सामुएल ७:८\em* 
\v 72 दाऊदमी आ थुं ङा रिम्‍शो पतीकेमी मेको आन कली कोव़तीमी। मेकोमी जोक्‍ब तुइक्‍ब दुम्‍शा, मेको आन कली लां कोंइताक्‍मी। 
\c 79  
\s1 यरूसलेम आ पर्बम रोंका पशो 
\d आसाफ आ कुम्‍सो। 
\p  
\v 1 परमप्रभु, रागी रागी ङा मुरपुकी इन योव़शो रागीम जाक्‍तेक्‍म। मेकोपुकीमी इन खिं कली ग्रांग्रा दिशो सेल्‍तेक्‍म। यरूसलेम कली प्रेश्‍शा, फुल्‍लु देल्‍शो खोदेंशो सेल्‍तेक्‍म।  
\v 2 मेकोपुकीमी इन गेय पाइब आन बेक्‍शो रां चिक्‍ब आन कली ब्‍वचा गेम्‍तेक्‍म। मिनु इन योव़शो मुर आन श्‍ये ब्‍वाकी ङा जन्‍तु आन कली ब्‍वचा गेम्‍तेक्‍म।  
\v 3 मेकोपुकीमी मेको आन हुश ब्‍वाक्‍कु खोदेंशो पा यरूसलेम आ एर ओंथ नेल्‍ल शाइक्‍पाइक्‍तेक्‍म। मिनु मेको आन कली थिम्‍ब सुइ मबाक्‍म।  
\v 4 आंइ नेक्‍था बाक्‍ब मुरपुकीमी आंइ कली शुक्‍शी पाइक्‍नीम। मिनु आंइ एर ओंथ ङा मुरपुकीमी आंइ कली रिश्‍शा तोक्‍शा लोव़ पाइनीम। \em भजन संग्रह ४४:१४\em* 
\p  
\v 5 परमप्रभु यावे, गे गेना सम्‍म गाइक्‍स ङा गाइक्‍स बाक्‍नीनी? इन गेहे पतीके गेना सम्‍म मी खोदेंशो पा ब्रस ङा ब्रस बाक्‍बा?  
\v 6 इन कली मतुइक्‍ब रागी रागी ङा मुर नु इन नें मथीब राज्‍य आन तार इन गाइक्‍चा मोतीन। \em येरमीया १०:२५\em* 
\v 7 मारदे हना मेकोपुकीमी याकूब आ थर ङा मुर आन कली खतम सेल्‍शो दाक्‍तेक्‍म। मिनु आन बाक्‍तीक खिं प्रेश्‍शा खतम सेल्‍तेक्‍म। 
\p  
\v 8 आंइ किकी पिपी आन पशो पाप आ क्‍येक्‍क आंइ कली मलेत्‍तीन। आंइ कली रीब पा इन शिशी गेकी। मारदे हना आंइ थुं लुक्‍च लशो बाक्‍ब।  
\v 9 आंइ कली श्‍येत रे प्रोंइब परमप्रभु, इन नें ङा सक्तिमी आंइ कली वारच पने। इन नें आ पर्बम आंइ कली प्रोनीन। मिनु आंइ पाप क्‍याम्‍दीने।  
\v 10 मारदे रागी रागी ङा मुरपुकीमी “मेको आन परमप्रभु ते बाक्‍म?” दे हिल्‍लो पाइनीमी। रागी रागी ङा मुरपुकीमी इन मुर आन कली आन ङोंइती साइश्‍शो आ क्‍येक्‍क लेप्‍ब, दे तुइक्‍तमेक्‍ल। \em भजन संग्रह ११५:२; योएल २:१७\em* 
\v 11 चोक्‍चा पुंइसीशो आन हुकयी पशो इन ङोंइती जाक्‍ल। साइक्‍चा पुंइसीब दुम्‍शो आन कली इन सक्तिमी प्रोनीन।  
\v 12 परमप्रभु आ पर्बम शुक्‍शी पा मुरपुकीमी मुने तोक्‍चा माल्‍शो बाक्‍नीमी। मेको मो पशो ङा आंइ नेक्‍था ङा मुर आन कली ७ खेयप क्‍येक्‍क लेत्‍तीन। \em भजन संग्रह १३७:७-९\em* 
\v 13 गो इन मुर, इन योव़शो भेडा खोदेंशो नकी। गो इन कली “गे रिम्‍शो पाइब बाक्‍नीनी” दे आंइ चच युइ आन पाला सम्‍म ठेयब सेल्‍नीकी। मिनु इन पर्बम लोव़ पाइनीकी। 
\c 80  
\s1 परमप्रभु, आंइ कली लेंशा सेल्‍की 
\d कुम्‍सो पपाइक्‍ब कली लिली फू आ लायो ङा कबल पतीक, आसाफ आ कुम्‍सो। 
\p  
\v 1 इस्राएल ङा गोठला, आंइ लोव़ नेनीन। गे योसेफ कली भेडा आन हुल खोदेंशो पा खुल्‍तीनी। गे करूब आन तार ठेयब नित्‍तीकेमी नित्‍नीनी। \em भजन संग्रह १८:११; २सामुएल ६:२\em* 
\v 2 एफ्राइम, बेन्‍यामीन नु मनस्‍से आन ङोंइती इन छेङछेङ कोंइदीन। मिनु इन सक्ति कोंइशा, आंइ कली प्रोंइथ जाक्‍कीन। 
\p  
\v 3 परमप्रभु, आंइ कली लेंशा सेल्‍की। इन कुल ङा छेङछेङ आंइ तार वोतीन। मिनु गो ब्रोंइने चाप्‍कल। 
\p  
\v 4 परमप्रभु यावे, मुर नेल्‍ल आन परमप्रभु, इन मुर आन पुंइशो आ पर्बम गेना सम्‍म गाइक्‍नीनी?  
\v 5 गे मेको आन कली श्‍येत ङा शोब्‍ले जपाइक्‍तीनी। मिनु आन प्रेक्‍कु तूचा ब्‍वाक्‍कु खोदेंशो पा शुश दुम्‍त।  
\v 6 गे आंइ कली आंइ नेक्‍था ङा मुर आन कली जीब सेल्‍शो बाक्‍तीनी। मिनु आंइ जोरी सत्रुमी आंइ कली शुक्‍शी पाइब सेल्‍तीनी। 
\p  
\v 7 मुर नेल्‍ल आन परमप्रभु, आंइ कली लेंशा सेल्‍की। इन कुल ङा छेङछेङ आंइ तार वोतीन। मिनु गो ब्रोंइने चाप्‍कल। 
\p  
\v 8 गे इजीप्‍त रे अङगुर बोट का चाक्‍तीनी। मिनु रागी रागी ङा मुर आन कली खेरशा, मेको ख्रुम्‍तीनी। \em यसैया ५:१-७; येरमीया २:२१\em* 
\v 9 गे मेकेर मेको कली ख्रुम्‍तीक रू का सेल्‍तीनी। मिनु मेको शाक्‍श थोक्‍शा, रागी नेल्‍ल ब्रीत।  
\v 10 पहाड नेल्‍ल मेको आ वांकुम सुम्‍साक्‍म। मिनु मेको आ लाइश्‍शो परमप्रभु आ राशीम रवा नेल्‍ल सुम्‍साक्‍म।  
\v 11 मेको आ राशी समुन्‍द्र सम्‍म जाक्‍दीत्‍तेक्‍म। मिनु मेको आ कोच्‍वा चहिं ठेयब खोला सम्‍म जाक्‍दीत्‍तेक्‍म। \em होसे १०:१\em* 
\v 12 मारदे गे मेको आन गारो प्रेन्‍नी? मेकेर गाक्‍ब नेल्‍लेमी मेको आ फल सेक्‍नीम।  
\v 13 ब्‍वाकी ङा पोव़पुकीमी मेको कली खतम पोक्‍नीम। मिनु ब्‍वाकी ङा जन्‍तुपुकी मेकेर जोइनीम। 
\p  
\v 14 मुर नेल्‍ल आन परमप्रभु, आंइ कली कोव़ङीन। सरीङ रे उइ कोव़ङीन। मेको अङगुर बोट कली कोव़ङीन। \em होसे ११:१\em* 
\v 15 इन सक्तिमी ख्रुम्‍शो बोट कली कोव़ङीन। गे इन तौ इन कली कोल्‍पाइक्‍तीनी।  
\v 16 आंइ जोरी सत्रुमी मेको कली तुल्‍शा, मीम चोम्‍तेक्‍म। मेकोपुकी इन हुइश्‍शोमी खतम दुम्‍मल। \em इजीकीएल १५:२-४\em* 
\v 17 इन ग्‍युरा गे बाक्‍ब मुर आ तारी इन गुइ लील। मेको कली थुल्‍शा कोल्‍पाइक्‍तीनी।  
\v 18 मिनु गो इन ङोंइती रे गेनायो नोले मशोंइसीनीकी। आंइ कली ब्रोंइचा गेकी। मिनु गो इन नें थिशा, प्रार्थना पाइनीकी।  
\v 19 परमप्रभु यावे, मुर नेल्‍ल आन परमप्रभु, आंइ कली लेंशा सेल्‍की। इन कुल ङा छेङछेङ आंइ तार वोतीन। मिनु गो ब्रोंइनीकी। 
\c 81  
\s1 इस्राएलीपुकीमी मटिशो 
\d कुम्‍सो पपाइक्‍ब कली गित्‍तीथ ताप्‍शा पतीके, आसाफ आ कुम्‍सो। 
\p  
\v 1 आंइ कली सक्ति गेब परमप्रभु कली कुम्‍सो पने। ग्‍येरशा सोम्‍शा ठेयब सेंदा पा याकूब आ परमप्रभु कली कुम्‍सो पने।  
\v 2 खैजडी ताप्‍शा, कुम्‍सो पने। रिम्‍शो बीना नु तार पाइश्‍शो ठेयब ताप्‍तीक ताप्‍शा कुम्‍सो का पने।  
\v 3 औंसी, पूर्ने नु इं ठेयब चाड नाक्‍त तुराही तापीन। \em लेवी २३:२४\em* 
\v 4 मारदे हना मोदेंशो चाड मानेचा इस्राएल ङा गेना हना यो पतीके बाक्‍ब। मेको याकूब आ परमप्रभु आ अरेशो बाक्‍ब।  
\v 5 मेको लोव़ परमप्रभुमी इजीप्‍त रे ग्रुंइशो योसेफ आ मुर आन कली अरेशो लोव़ बाक्‍ब। गो मतुइश्‍शो सेंदा का नेंतक।  
\v 6 मेको सेंदामी “गो इन बला रे भारी शोल्‍ता। गे भारी कुरचा ममाल्‍नीनी। \em प्रस्‍थान ६:६; यसैया ९:३\em* 
\v 7 गे श्‍येत जनीनु, आं कली ब्रेत्‍ताक्‍‍नी। मिनु गो इन कली प्रोंइतन्‍नी। गो इन कली बुंबु रे लोव़ लेत्‍ताक्‍न्‍नी। गो मेरीबा ङा ब्‍वाक्‍कुमी इन कली थुं थाम्‍शा कोव़तन्‍नी।\em ठेयब सेंदा पा।\em*\em प्रस्‍थान १९:१६; प्रस्‍थान १७:२-७; गन्‍ती २०:१३\em* 
\v 8 आं मुरपुकी, आं अरेशो नेनीन। इस्राएलीपुकी, गे आं लोव़ नेंशो ननी हना, रिम्‍शो दुम वा।  
\v 9 इन दातेमी देवी देवता आन कली बाक्‍चा मगेने। अर्को रागी ङा देवी देवता आन ङोंइती बाप्‍शा, सेउ मपने। \em प्रस्‍थान २०:२-३\em* 
\v 10 गो परमप्रभु यावे, इन परमप्रभु नङ। गो इन कली इजीप्‍त रे ग्रुंइशा एक चाक्‍तन्‍नी। इन शोव़ पाक्‍कीन, मिनु गो प्रिंनन्‍नी।  
\v 11 तन्‍न आं मुरपुकीमी आं लोव़ मनेनेम। इस्राएल आ मुरपुकीम आं कली मदाक्‍थु, आं देंशो मबिस्‍सम।  
\v 12 मोपतीके गो ‘आन दाक्‍स पामेक्‍ल’ दे आन दला दाक्‍स पचा गेतामी।  
\v 13 आं मुरपुकीमी आं लोव़ नेंशो नम हना, इस्राएल ङा मुर आं लांम गाक्‍शो नम हना,  
\v 14 गो मेको आन कली रीब पा आन जोरी सत्रु रे प्रोनुमी वा। मेको आन जोरी सत्रु आन कली खतम पोक्‍गुमी वा।  
\v 15 परमप्रभु यावे कली काइ मदाक्‍बपुकी हिंशा आं ङोंइती बांबा पा गाक्‍म वा। मिनु मोदेंशो गेना हना यो दुम वा।  
\v 16 मिनु गो इस्राएल ङा मुर, इन कली नेल्‍ल क्‍येङा रिम्‍शो चेरब जचा गेन्‍नी वा। मिनु रोका खुदोमी रूपाइक्‍न्‍नी वा” दे परमप्रभुमी देंत। \em ब्‍यवस्‍था ३२:१३\em* 
\c 82  
\s1 हुकुम पाइब आन कली हुइश्‍शो 
\d आसाफ आ कुम्‍सो। 
\p  
\v 1 परमप्रभु आ मुर आन ग्रुम्‍तीकेमी बाक्‍शो बाक्‍ब। मेकोमी आ मुर आन दातेमी निसाफ पाइब। \em १राजा २२:१९\em* 
\v 2 मेकोमी “गे गेना सम्‍म ठीक निसाफ मपाइनीनी? गे गेना सम्‍म परमप्रभु यावे आ अरेशो मटीब आन कुल कोव़नीनी?\em ठेयब सेंदा पा।\em*\em ब्‍यवस्‍था १:१७\em* 
\p  
\v 3 गे मचाप्‍ब नु रोम रोइक्‍च आन कली ठीक पा निसाफ पने। प्रुङग नु दिप्‍चा पुंइसीशो आन कली ठीक निसाफ पने। \em यसैया १:१७\em* 
\v 4 मचाप्‍ब नु श्‍येत जाइब आन कली, परमप्रभु यावे आ अरेशो मटीब आन गुइ रे प्रोनीन। 
\p  
\v 5 हुकुम पाइबपुकीमी मारेइ मजोक्‍नीम, मतुइक्‍नीम। मेकोपुकी छिङछिङम गाक्‍शो बाक्‍नीम। रागी आ जग नेल्‍ल हिम्‍सीशो बाक्‍नीम।  
\v 6 गो इन पर्बम ‘गे अधिकार पाइश्‍शो बाक्‍नीनी। गे नेल्‍ल क्‍येङा ठेयब आ तौ बाक्‍नीनी। \em यूहन्‍ना १०:३४\em* 
\v 7 मो हना यो गे मुर खोदेंशो पा बेक्‍नीनी। अरु मरिम्‍शो पा हुकुम पाइब खोदेंशो पा खतम दुम्‍नीनी’ ” दे परमप्रभुम देंत। \em उत्‍पत्ती १८:२५\em* 
\v 8 परमप्रभु बोक्‍कीन। मिनु रागी कली निसाफ पने। मारदे हना रागी नेल्‍ल इन के बाक्‍नीम। 
\c 83  
\s1 लडाइ पची ना पुंइशो लोव़ 
\d आसाफ आ कुम्सो। 
\p  
\v 1 “परमप्रभु, गे सिक्‍सी पा मबाक्‍कीन। मारेइ पने मचाप्‍ब खोदेंशो मदुमीन।  
\v 2 इन जोरी सत्रु शुश ग्‍याल्‍शो बाक्‍नीमी। कोव़ङीन, मेकोपुकी बारशा, ग्राचा चिक्‍शो बाक्‍नीम।  
\v 3 मेकोपुकीमी इन मुर आन कली दोपा साइक्‍चा, दे लोव़ गारपाइक्‍नीम। इन कोव़शो मुर आन कली मरिम्‍शो पचा कली ख्रुइश्‍शा लोव़ गारपाइक्‍नीम। \em भजन संग्रह ३५:२०\em* 
\v 4 मेकोपुकीमी ‘जाक्‍कीन, गो मेको आन रागी मलीचा ङा पा क्‍याम्‍दय। मिनु इस्राएल आ नें मलील’ देंनीम।  
\v 5 मेकोपुकी थुं का दुम्‍शा, इन कली मरिम्‍शो पचा कली लोव़ गारपाइक्‍नीम।  
\v 6 मेको एदोम, इश्‍‍माएल, मोआब नु हाग्री आ मुरपुकी,  
\v 7 गेबाल, अम्‍मोन, अमालेक, पलिस्‍ती नु टायर ङा मुरपुकी बाक्‍नीम।  
\v 8 अस्‍सुर यो मेकोपुकी नु गारशो बाक्‍ब। मेको नेल्‍ल लोत आ खिं ङा सक्ति पाइश्‍शो मुर बाक्‍नीम। \em ठेयब सेंदा पा।\em* 
\p  
\v 9 मिदयानी आन कली पाइश्‍शो खोदेंशो पा मेको आन कली पतीन। सीसेरा नु याबीन कली किशोन खोलाम पाइश्‍शो खोदेंशो पतीन। \em न्‍यायाधीस ७:१४; यसैया ९:३; न्‍यायाधीस ४:२\em* 
\v 10 मेकोपुकी एन-डोर सहरम खतम दुम्‍शा, रू कली मोव़ल खोदेंशो दुम्‍तेक्‍म।  
\v 11 गे मेको आन कली नु मेको आन ठेयब मुर आन कली ओरेब नु जेयब आस कली खोदेंशो सेलीन। मेको आन सासन पाइब नेल्‍ल कली जेबाह नु साल्‍मुन्‍ना खोदेंशो सेलीन। \em न्‍यायाधीस ७:२५; न्‍यायाधीस ८:२१\em* 
\v 12 मेकोपुकीमी ‘परमप्रभु आ रिम्‍शो रागी इं के सेल्‍य’ देंमुम्‍तेक्‍म। 
\p  
\v 13 आं परमप्रभु, मेको आन कली फशेम योल्‍शो फुरक नु फशेम बेरपाइश्‍शो भूस खोदेंशो सेलीन।  
\v 14 दोपा मीम ब्‍वाकी नेक्‍बा नु आ होशेमी पहाड जेप्‍बा,  
\v 15 मोपा इन फश गिवारम मेको आन कली खेदा पने। इन फश गिवारम मेको आन कली हिंच कोंइदीन।  
\v 16 मेको आन कली मुने तोक्‍कीन। मोपा मुरपुकीमी परमप्रभु यावे, इन कली माल्‍मेक्‍ल।  
\v 17 मेकोपुकी गेना हना यो मुने दोक्‍मल। आन थुं लुक्‍च लमल। मेकोपुकी मुने दोक्‍शा, खतम दुम्‍मल।  
\v 18 मेकोपुकीमी इन नें परमप्रभु यावे बाक्‍ब, दे तुइक्‍तमेक्‍ल। गे रागी ङा नेल्‍ल क्‍येङा ठेयब बाक्‍नीनी” दे परमप्रभु कली ठेयब सेल्ता। \em होसे १२:१६\em* 
\c 84  
\s1 परमप्रभु आ खिं कली दाक्‍शो 
\d कुम्‍सो पपाइक्‍ब कली गित्‍तीथ ताप्‍शा पतीके कोराह आ तौ आन कुम्‍सो। १इतिहास २६:१ 
\p  
\v 1 “मुर नेल्‍ल आन परमप्रभु यावे, इन बाक्‍तीके गिश रिम्‍शो बाक्‍ब।  
\v 2 गो आं थुं नेल्‍लेमी परमप्रभु यावे आ खिं ङा लाङगा लचा दाक्‍नुङ। गो ग्‍येरशा सोम्‍शा ब्रोंइशा बाक्‍ब परमप्रभु कली कुम्‍सो पाइनुङ। \em भजन संग्रह ४२:३\em* 
\p  
\v 3 मिनु चिक्‍बपुकीमी यो इन चढ़ेतीके आ नेक्‍थामी ग्‍योव़ सेल्‍शा, आन चाइक्‍ब पुक्‍नीम। गे, मुर नेल्‍ल आन परमप्रभु यावे, आं पिप नु आं परमप्रभु बाक्‍नीनी।  
\v 4 इन खिंम बाक्‍चा ताइब आसीक तशो बाक्‍नीम। मेकोपुकीमी गेना हना यो इन कली कुम्‍सो पा ठेयब सेल्‍नीम।\em ठेयब सेंदा पा।\em*\em भजन संग्रह ६५:५\em* 
\v 5 गे इन सक्ति ताइब नेल्‍ल ग्‍येरसीशो बाक्‍नीम। मेको आन थुंमी सियोन कली मिम्‍ना मिम्‍न बाक्‍नीम।  
\v 6 मेकोपुकी बाका माइश्‍शो गोरशो रागी ङा दिंम रे पा लमानु, मेकोपुकीमी मेकेर ब्‍वाक्‍कु बुक्‍शो रागी सेल्‍नीम। ङोंइती रेउ यिशा, ब्‍वाक्‍कु देम्‍ब।  
\v 7 मेकोपुकी शुश बोल्‍यो दुम्‍नीम। मेकोपुकी परमप्रभु आ ङोंइती सियोनम जाक्‍नीम।  
\v 8 परमप्रभु यावे, मुर नेल्‍ल आन परमप्रभु, आं पुंइशो लोव़ नेनीन। याकूब आ परमप्रभु आं लोव़ नेनीन! \em ठेयब सेंदा पा।\em* 
\v 9 परमप्रभु, आंइ कली कोव़ब कली कोव़ङीन। इन आंइ कली गेशो पिप कली कोव़ङीन। 
\p  
\v 10 मिनु हजार का नाक्‍त ते ते बाक्‍चा क्‍येङा काबु नाक्‍त इन खिंम बाक्‍चा रिम्‍शो बाक्‍ब। इन अरेशो मटीब आन ताम्‍बुम बाक्‍चा क्‍येङा आं परमप्रभु आ खिं ङा लाप्‍चो खाल पाइब दुम्‍चा दाक्‍नुङ। \em भजन संग्रह २७:४\em* 
\v 11 मारदे हना परमप्रभु, परमप्रभु यावे नां नु तेक्‍तीक बाक्‍ब। परमप्रभु यावेम ठेयब दुम्‍तीक नु मान गेब। मेकोमी ठीक लां खोइक्‍ब आन कली रिम्‍शो पाइब।  
\v 12 मुर नेल्‍ल आन परमप्रभु यावे, इन कली जिम्‍मा गेंसीशो थमा सुइक्‍बपुकी ग्‍येरसीशो बाक्‍नीम” देंती। 
\c 85  
\s1 थुं नाइक्‍तीक लोव़ 
\d कुम्‍सो पपाइक्‍ब कली कोराह आ तौ आन कुम्‍सो। 
\p  
\v 1 परमप्रभु यावे, गे इन रागी कली शिशी पाइतीनी। याकूब आ रिम्‍शो दुम्‍तीके लेंशा सेल्‍‍तीनी।  
\v 2 गे इन मुर आन ठीक मपशो माफ गेतीनी। मेको आन पाप नेल्‍ल सुम्‍तीनी। \em ठेयब सेंदा पा।\em* 
\v 3 गे इन गाइक्‍चा नेल्‍ल साम्‍तीनी। मिनु चुरचा प्रोंइतीनी। 
\p  
\v 4 आंइ कली पाप रे प्रोंइब परमप्रभु, आंइ कली लेंशा ङोंइती ङा खोदेंशो सेल्‍की। मिनु इन आंइ कली मदाक्‍तीके समीन।  
\v 5 मार, गे गेना हना यो गोपुकी नु गाइक्‍स ङा गाइक्‍स बाक्‍नीनी? गे गोपुकी नु आंइ चच युइ आन पाला सम्‍म गाइक्‍स ङा गाइक्‍स बाक्‍नीनी?  
\v 6 मार, गे इन मुर आंइ कली गे नु ग्‍येरसीचा कली लेंशा, मबोक्‍पाइक्‍नीनी?  
\v 7 परमप्रभु यावे, गे इन गेनायो मनुप्‍ब दाक्‍तीके कोंइदीकी। मिनु आंइ कली श्‍येत रे प्रोंइकी। 
\p  
\v 8 परमप्रभु, परमप्रभु यावेमी मार देंबा, आं कली नेंपतीन। मेकोमी आ मुर, आ लोव़ टीब नु आंम कली जिम्‍मा गेंसीशो मुरपुकी नु थुं नाइक्‍तीक लोव़ पाइब। मेको आन कली लेंशा दूली गाक्‍चा मगेने। \em येरमीया २९:११; मीका ५:४\em* 
\v 9 परमप्रभु कली मान पा हिंब मुर ब्रोंइचा ताइनीम। मेको आ छेङछेङ इं रागीम बाक्‍ल। 
\p  
\v 10 गेना हना यो दाक्‍तीक नु थमा पा दाक्‍शा मप्रोंइतीक गारनीस। ठीक पतीक नु थुं नाइक्‍तीक पुक्‍पु पमुइनीस।  
\v 11 थमा पा दाक्‍शा मप्रोंइतीके खप रे वाशो खोदेंशो पा ग्रूब। मिनु ठीक पतीकेमी सरीङ रे कोव़ब।  
\v 12 परमप्रभु यावेमी मार रिम्‍शो बाक्‍मे, मेको गेब। मिनु आंइ रागीम बाली नाली ग्रेल्‍पाइक्‍ब।  
\v 13 ठीक पतीकेमी मेको आ ङोंइती गाक्‍शा, आन लां सेल्‍ब। 
\c 86  
\s1 श्‍येत जशोनु, पुंइशो लोव़ 
\d दाऊदमी परमप्रभु कली पुंइशो लोव़। 
\p  
\v 1 परमप्रभु यावे, आं पुंइशो लोव़ नेनीन। मिनु लोव़ लेत्‍तीनी। मारदे हना गो प्रुङग नु श्‍येत जशो बाक्‍नुङ।  
\v 2 आं कली खाल पा साइक्‍चा मगेयीनी। मारदे हना गो इन कली थमा सुइश्‍शा, इन गेय पाइब नङ। गे आं परमप्रभु बाक्‍नीनी।  
\v 3 परमप्रभु, आं कली शिशी पाइय्‍यीनी। मारदे हना गो नाक्‍त रे इन कली ब्रेश्‍शो बाक्‍नुङ।  
\v 4 इन गेय पाइब आ थुं ग्‍येरपतीन। मारदे हना गो आं थुं परमप्रभु, इन कली जिम्‍मा गेनुङ।  
\v 5 परमप्रभु, गे रिम्‍शो पाइब नु माफ गेब बाक्‍नीनी। इन कली पुंइब नेल्‍ल आन कली गेना हना यो दाक्‍नीनी।  
\v 6 परमप्रभु यावे आं पुंइशो लोव़ नेनीने। मिनु शिशी पाइक्‍चा कली आं पुंइशो नेनीन।  
\v 7 गो श्‍येत जङानु इन कली पुंइनुङ। मिनु गे आं लोव़ लेत्‍नीनी। \em भजन संग्रह ५०:१५\em* 
\p  
\v 8 परमप्रभु, देवी देवता आन दातेमी इन खोदेंशो अरु तेकोइ मबाक्‍नीम। इन पशो गेय खोदेंशो पा अरु सुइम मपाइनीम। \em भजन संग्रह १३५:५; प्रस्‍थान १५:११\em* 
\v 9 परमप्रभु, इन सेल्‍शो रागी रागी ङा मुर इन ङोंइती बाप्‍शा, इन नें थिशा, इन कली ठेयब सेल्‍चा माल्‍नीम।  
\v 10 मारदे हना गे ठेयब बाक्‍नीनी। मिनु छक लाक्‍चा ङा गेय पाइनीनी। गे ला परमप्रभु बाक्‍नीनी।  
\v 11 परमप्रभु यावे, आं कली इन लां खोइक्‍चा शेंदीनी। मिनु गो इन थमा पतीकेमी गाक्‍नुङ। आं कली थुं का पा इन कली मान पा हिंब सेल्‍यीनी। \em यूहन्‍ना १४:६\em* 
\v 12 परमप्रभु यावे, आं परमप्रभु, गो आं थुं नेल्‍लेमी “गे रिम्‍शो पाइब बाक्‍नीनी” देंनुङ। मिनु गो गेना हना यो इन नें ठेयब सेल्‍नुङ।  
\v 13 मारदे हना इन गेना हना यो आं कली दाक्‍तीके ठेयब बाक्‍ब। गे आं कली बेक्‍शो मुर आन नेल्‍ल क्‍येङा आगा ङा बाक्‍तीके रे प्रोंइतीनी।  
\v 14 परमप्रभु, शिशी मपाइब मुरपुकीमी आं कली खेदा पतीमी। मरिम्‍शो पाइब आन हुलमी साइक्‍चा माल्‍तीमी। मेकोपुकीमी इन कली ममिम्‍नीम।  
\v 15 तन्‍न परमप्रभु, गे दाक्‍ब नु शिशी पाइब परमप्रभु बाक्‍नीनी। रीब पा मगाइक्‍ब, गेना हना यो दाक्‍शा मप्रोंइब बाक्‍नीनी। \em भजन संग्रह १०३:८; प्रस्‍थान ३४:६\em* 
\v 16 आं कली कोव़शा, शिशी पाइय्‍यीनी। इन गेय पाइब कली इन सक्ति गेने। इन वाइलीम आ तौ कली श्‍येत रे प्रोनीन।  
\v 17 गे इन दाक्‍तीके चिन्‍ड का गेयीनी। मिनु आं कली काइ मदाक्‍बपुकी मेको तशा, मुने दोक्‍मल। मारदे हना परमप्रभु यावे, गे आं कली वारच पाइतीनी। मिनु लेम्‍ताक्‍यीनी। 
\c 87  
\s1 मुर आन नें आ किताबम ब्रेक्‍शो 
\d कोराह आ तौ आन कुम्‍सो। 
\p  
\v 1 परमप्रभुम आ डांडामी आ सहर सेल्‍तु।  
\v 2 परमप्रभु यावेमी याकूब आ मुर आन बाक्‍तीके क्‍येङा सियोन सहर ङा गारो ङा लाप्‍चो दाक्‍ब।  
\v 3 परमप्रभुम आ सहर आ पर्बम रिम्‍शो लोव़ पशो बाक्‍ब। \em ठेयब सेंदा पा।\em* 
\p  
\v 4 राहाब नु बेबीलोनम आं कली तुइक्‍नीस। पलिस्‍ती आन रागी, टायर नु एथीयोपीया यो मेको नु बाक्‍नीम। मिनु मेको आन पर्बम “एको नु मेको मेकेर जरमेशो नम” देंनीम। \em इजीप्‍त रागी कली राहाब यो देंनीम।\em*\em भजन संग्रह ६७:४-५\em* 
\v 5 सियोन आ पर्बम चहिं “मुर नेल्‍ल मेकेर रेन जरमेशो बाक्‍नीम। मारदे हना नेल्‍ल क्‍येङा ठेयबमी मेको कली रिम्‍शो सेल्‍शा कोव़ब” देंनीम।  
\v 6 परमप्रभु यावेमी जात जात ङा मुर आन नें का का पा आ किताबमी ब्रेक्‍ब। मिनु “एको नु मेको सियोनमी जरमेशो बाक्‍ब” दे ब्रेक्‍ब। \em ठेयब सेंदा पा।\em* 
\v 7 कुम्‍सो पाइब नु सिल पाइबपुकीमी “आंइ आसीक नेल्‍ल सियोनम बाक्‍ब” दे कुम्‍सो पाइनीम। \em भजन संग्रह ३६:१०\em* 
\c 88  
\s1 “वारच पाइय्‍यीनी” दे पुंइशो 
\d कुम्‍सो पपाइक्‍ब कली महलेथ आ कुम्‍सो। कोराह आ तौ आन कुम्‍सो। एज्राह आ मुर हेमान आ सेल्‍शो शेंतीक कुम्‍सो। 
\p \em १इतिहास ६:१८\em* 
\v 1 परमप्रभु यावे, आं परमप्रभु, गे आं कली श्‍येत रे प्रोंइब बाक्‍नीनी। नाक्‍दो नाक्‍त गो इन ङोंइती पुंइशो बाक्‍नुङ।  
\v 2 आं पुंइशो लोव़ इन ङोंइती जाक्‍ल। आं लोव़ नेनीन। 
\p  
\v 3 मारदे हना आं थुं श्‍येतम ब्रीशो बाक्‍ब। मिनु गो बेक्‍चा चिक्‍शो बाक्‍नुङ।  
\v 4 गो बेक्‍शा लाइब मुर नु हिक्‍सीशो दुम्‍ती। गो सक्ति मपाइश्‍शो मुर खोदेंशो दुम्‍ती।  
\v 5 गो बेक्‍शो मुरपुकी नु तिल्‍चा पुंइसीशो बाक्‍नुङ। तुरसुम बाक्‍शो साइक्‍चा पुंइसीशो मुर खोदेंशो दुम्‍ती। मोपा इन क्‍येङा ङोन बाक्‍शो इन मफ्रुक्‍शो मुर खोदेंशो दुम्‍ती।  
\v 6 गे आं कली बेक्‍शो मुर आन बाक्‍तीके छिङछिङ ङा नेल्‍ल क्‍येङा आगा ङा बाक्‍तीकेमी वोइक्‍तीनी।  
\v 7 इन गाइक्‍तीकेमी आं कली दिप्‍शो बाक्‍ब। मिनु इन छालम आं कली सुम्‍तीनी। \em ठेयब सेंदा पा।\em* 
\p  
\v 8 गे आं वारच आन कली गो नु ग्रुम्‍चा हिंपाइक्‍तीनी। गो आं वारच आन कली हिंचा ङा दुम्‍ती। गो चोक्‍सीशो, श्‍येत रे ब्रोंइशा, प्रोक्‍ने मचाप्‍नुङ। \em भजन संग्रह ३८:१२\em* 
\v 9 सुर्ता पतीके आं मिक्‍च ब्रा ब्रा दुम्‍ती। परमप्रभु यावे, गो नाक्‍त किंत किंत इन कली पुंइना पुंइन बाक्‍नुङ। मिनु इन नेंमी आं गुइ पोक्‍नुङ।  
\v 10 मार, गे बेक्‍शो मुर आन कली छक लाक्‍चा ङा गेय पाइनीनी? मार, मेको बेक्‍शो मुरपुकीम बोक्‍शा, इन कली ठेयब सेल्‍नीमी? \em ठेयब सेंदा पा।\em*\em भजन संग्रह ६:६; यसैया ३८:१८\em* 
\p  
\v 11 मार, गे इन गेना हना यो दाक्‍तीके आ पर्बम बेक्‍शो मुर आन बाक्‍तीकेमी लोव़ पाइनीमी? इन दाक्‍शा मप्रोंइतीके आ पर्बम तुरसुम शेंनीमी?  
\v 12 मार, इन छक लाक्‍चा ङा गेय छिङछिङमी तुइक्‍नीमी? इन श्‍येत रे प्रोंइतीके बेक्‍शो मुर आन दातेमी तुइक्‍नीमी ङा? 
\p  
\v 13 परमप्रभु यावे, गो चहिं सुनी कना इन कली लोव़ पाइनुङ।  
\v 14 परमप्रभु यावे, गे आं कली मारदे प्रोंइ‍यीनी? मारदे इन कुल ख्रुइक्‍तीनी?  
\v 15 गो ठिटा रेन श्‍येत जशा, बेक्‍चा चिक्‍शो बाक्‍नुङ। इन हिंच कोंइशोमी गो श्‍येत जशो बाक्‍नुङ। मिनु आं थुं लुक्‍च लशो बाक्‍ब।  
\v 16 गे आं पर्बम गाइक्‍ताक्‍नी। इन हिंच कोंइशोमी आं कली खतम पोक्‍शो बाक्‍ब।  
\v 17 मेकोपुकीम नाक्‍त रे ब्‍वाक्‍कु खोदेंशो पा आं एर ओंथ नेल्‍ल हिरशो बाक्‍नीम। मेकोपुकीम आं कली पुम्‍शा हिंच कोंइताक्‍यीमी।  
\v 18 गे आं कली दाक्‍ब नु आं वारच आन कली आं कली तशा हिंपाइक्‍तीनी। मिनु छिङछिङ आं नेक्‍था ङा वारच दुम्‍शो बाक्‍ब। 
\c 89  
\s1 परमप्रभुम आ दाक्‍तीके मप्रोंइब 
\d एज्राह आ मुर एथान आ कुम्‍सो। 
\p  
\v 1 परमप्रभु यावे, गो इन गेना हना यो दाक्‍तीक आ पर्बम कुम्‍सो पाइनुङ। गो नेल्‍ल पाला ङा मुर आन कली इन दाक्‍तीकेम गेनायो मप्रोंइब बाक्‍नीनी, दे शेंनुङ।  
\v 2 गे इन दाक्‍तीक गेना हना यो लीपाइक्‍चा कली वोइक्‍तीनी। इन दाक्‍शा गेनायो मप्रोंइतीके सरीङ खोदेंशो ठेयब बाक्‍ब।  
\v 3 गे “गो आं योव़शो नु कबल पाता। आं गेय पाइब दाऊद नु कसम जाता। मार कसम जाता देंशा हना, \em यसैया ५५:३; भजन संग्रह १३२:११\em* 
\v 4 गो गेना हना यो इ चच युइ रे पिप का सेल्‍नुङ। मिनु इ पिप दुम्‍तीके नेल्‍ल आन पाला सम्‍म लीपाइक्‍नुङ” देंतीनी। \em ठेयब सेंदा पा।\em*\em २सामुएल ७:१६; प्रेरित २:३०\em* 
\p  
\v 5 परमप्रभु यावे, स्‍वर्गम बाक्‍ब नेल्‍लेमी इन छक लाक्‍चा ङा गेय आ पर्बम इन कली ठेयब सेल्‍नीम। इन मुर आन ग्रुम्‍तीकेमी इन दाक्‍शा गेनायो मप्रोंइ‍तीके आ पर्बम इन कली ठेयब सेल्‍नीम।  
\v 6 सरीङमी परमप्रभु यावे कली सु नु थाप्‍ने चाम्‍सीबा ङा? मिनु स्‍वर्गम बाक्‍ब आन दातेमी सु परमप्रभु यावे खोदेंशो बाक्‍बा ङा? \em १राजा २२:१९\em* 
\v 7 आंम मुर आन बुक्‍तीकेमी परमप्रभु कली मान पा हिंनीम। मेको आ एर ओंथ बाक्‍ब नेल्‍ल आन क्‍येङा मेको शुश ठेयब नु मान पा हिंचा माल्‍शो बाक्‍ब।  
\v 8 परमप्रभु यावे, मुर नेल्‍ल आन परमप्रभु, इन खोदेंशो ठेयब सक्ति पाइश्‍शो सु बाक्‍बा ङा? इन दाक्‍शा मप्रोंइतीके इन एर ओंथ बाक्‍ब।  
\v 9 गे बारशो समुन्‍द्र कली हुकुम पाइनीनी। मिनु मेको आन छाल बोक्‍मेनु गे नाइक्‍पाइक्‍नीनी। \em भजन संग्रह ६५:८; मत्ती ८:२६\em* 
\v 10 गे राहाब कली बेक्‍शो जन्‍तु खोदेंशो पा साइक्‍तीनी। इन जोरी सत्रु आन कली इन सक्तिमी एर ओंथ ब्रपाइक्‍तीनी। \em इजीप्‍त रागी कली राहाब यो देंनीम। भजन संग्रह ८७:४\em*\em अय्‍युब ९:१३; अय्‍युब २६:१२; यसैया ३०:७; यसैया ५१:९\em* 
\v 11 सरीङ नु रागी निम्‍फा इन के बाक्‍नीस। रागी नु मेकेर बाक्‍शो नेल्‍ल इन सेल्‍शो बाक्‍नीम। \em भजन संग्रह २४:१\em* 
\v 12 उ‍त्तर नु दक्‍खिन इन सेल्‍शो बाक्‍नीस। ताबोर नु हेरमोन इन नेंम ग्‍येरशा कुम्‍सो पाइनीस।  
\v 13 गे सक्ति पाइश्‍शो बाक्‍नीनी। गे बोल्‍यो नु ठेयब बाक्‍नीनी।  
\v 14 ठीक पतीक नु कुल मकोव़थु निसाफ पतीके इन राज्‍य ङा सक्ति बाक्‍ब। इन दाक्‍शा गेनायो मप्रोंइतीके इन ङोंइती बाक्‍ब।  
\v 15 इन कली ग्‍येरशा ठेयब सेल्‍बपुकी ग्‍येरसीशो मुर बाक्‍नीम। मारदे हना मेकोपुकी, परमप्रभु यावे, इन ङोंइती ङा छेङछेङमी गाक्‍नीम।  
\v 16 मेकोपुकी नाक्‍त रे इन नेंमी ग्‍येरसीनीम। मिनु इन ठीक पतीकेमी थुं नाइश्‍शा बाक्‍नीम।  
\v 17 मारदे हना गे मेको आन सक्ति गेब बाक्‍नीनी। मिनु गो इन शिशीमी आंइ पिया पोक्‍शो बाक्‍नीकी।  
\v 18 आंइ तेक्‍तीके, आंइ पिप इस्राएल ङा परमप्रभु यावे केन बाक्‍ब। 
\p  
\v 19 साइ ङोंइती गे इन कली मप्रोंइब मुर आन कली कोंइतीक कोंइशा, लोव़ पाइतीनी। मिनु गे “गो लडाइ पाइब का कली सक्ति गेता। गो मुर आन दाते रे का कली ठेयब सेल्‍ता। \em १सामुएल १३:१४; १सामुएल १६:१३\em* 
\v 20 गो आं गेय पाइब, दाऊद कली थित्‍ता। गो मेको तारी तेल लुक्‍ताक्‍ङ।  
\v 21 मिनु गो मेको कली कोव़नुङ। मिनु सक्ति गेनुङ।  
\v 22 आ जोरी सत्रुमी मेको कली ग्राने मचाप्‍नीम। परमप्रभु आ अरेशो मटीबपुकीमी मेको कली दिप्‍ने मचाप्‍नीम।  
\v 23 मेको आ जोरी सत्रु आन कली मेको आ ङोंइती खतम पोक्‍नुङ। मिनु मेको कली काइ मदाक्‍ब आन कली साइक्‍नुङमी।  
\v 24 आं दाक्‍शा मप्रोंइतीके नु आं गेना हना यो दाक्‍तीके मेको नु बाक्‍ब। मिनु आं नेंमी मेकोमी आ पिया पोक्‍ने चाप्‍ब। आ सक्ति बारब।  
\v 25 गो मेको कली समुन्‍द्र नु ठेयब खोला नेल्‍ल कली हुकुम पाइब सेल्‍नुङ। \em भजन संग्रह ७२:८\em* 
\v 26 मेकोमी आं कली ‘गे आं आफ बाक्‍नीनी। आं परमप्रभु, आं कली श्‍येत रे प्रोंइब सेरथे फुल्‍लु बाक्‍नीनी’ देंब। \em २सामुएल ७:१४\em* 
\v 27 गो मेको कली आं ङोंइती जरमेशो तौ सेल्‍नुङ। रागी ङा पिप नेल्‍ल आन पिप सेल्‍नुङ।  
\v 28 गो मेको कली गेना हना यो दाक्‍नुङ। मिनु मेको नु पशो कबल खाप्‍नुङ।  
\v 29 गो मेको आ चच युइ आन कली गेनायो मग्‍याम्‍चा ङा पा वोइक्‍नुङ। मिनु मेको आ सासन पतीके सरीङ लीम सम्‍म बाक्‍ब।  
\v 30 तन्‍न मेको आ चच युइपुकीमी आं अरेशो लोव़ प्रोंइतेक्‍म हना, आं निसाफ पतीके लोव़ मटिम्‍तेक्‍म हना,  
\v 31 आं पचा देंशो, आं फुल्‍लुम मुशा ब्रेक्‍शो लोव़ मपाम्‍तेक्‍म हना, आं शेंशो मटिम्‍तेक्‍म हना,  
\v 32 गो मेको आन पाप आ पर्बम कोक्‍केमी सजाइ गेनुङमी। गो मेको आन ठीक मपशो आ पर्बम तुप्‍शा सजाइ गेनुङमी।  
\v 33 तन्‍न गो मेको आन कली आं गेना हना यो दाक्‍तीकेम मप्रोंइनुङ। आं दाक्‍शा मप्रोंइतीके मेको नु लीब।  
\v 34 गो आं कबल नेल्‍ल खाप्‍नुङ। आं ङोंइती देंशो लोव़ थमा पा पाइनुङ।  
\v 35 गो आं नेंमी काले कसम जाता, गो दाऊद कली जोल मपाइनुङ।  
\v 36 मेको आ चच युइ गेना हना यो लीनीम। मिनु मेको आ सासन पतीके आं ङोंइती नां बाक्‍म सम्‍म बाक्‍ब। \em भजन संग्रह ७२:१७\em* 
\v 37 तास्‍ला खोदेंशो पा मेको आ सासन पतीके गेना हना यो बाक्‍ब। सरीङ बाक्‍शो खोदेंशो पा गेना हना यो बाक्‍ब” देंतीनी। \em ठेयब सेंदा पा\em*\em उत्‍पत्ती ९:१३\em* 
\p  
\v 38 तन्‍न गे इन तेल लुक्‍शो कली प्रोंइशो बाक्‍तीनी। गे इन तेल लुक्‍शो आ पर्बम शुश गाइक्‍ताक्‍नी।  
\v 39 गे इन गेय पाइब नु पशो कबल प्रोंइशो बाक्‍तीनी। गे मेको आ सिरपेच खपीम ताइश्‍शा, ग्रांग्रा दिशो सेल्‍तीनी।  
\v 40 आ गारो नेल्‍ल प्रेश्‍शा, आ दरवार नेल्‍ल खतम पोक्‍तीनी।  
\v 41 मेको लां रे पा लाइब नेल्‍लेमी मेको आ मार मार रोइश्‍शा लाइक्‍तेक्‍म। मेको आ नेक्‍था ङा मुरपुकीमी मेको कली शुक्‍शी पाइक्‍तेक्‍म।  
\v 42 गे मेको आ जोरी सत्रु आन कली बोल्‍यो सेल्‍तीनी। गे मेको आ जोरी सत्रु नेल्‍ल आन कली ग्‍येरपाइश्‍शो बाक्‍तीनी।  
\v 43 गे मेको कली ब्रुपाइक्‍तीनी। मिनु लडाइमी वारच मपाइक्‍नी।  
\v 44 गे मेको आ ठेयब दुम्‍तीके खतम पोक्‍तीनी। मिनु मेको आ सासन पतीके साम्‍शा गेतीनी।  
\v 45 मेको आ ब्रोंइतीके नाक्‍त इच्‍का ला सेल्‍तीनी। गे मेको कली मुनेम सुम्‍पाइक्‍तीनी। \em ठेयब सेंदा पा।\em* 
\p  
\v 46 परमप्रभु यावे, गे गेना सम्‍म ख्रुइश्‍शा बाक्‍नीनी? इन गाइक्‍चा गेना सम्‍म मी खोदेंशो पा ब्राइबा?  
\v 47 परमप्रभु, आं ब्रोंइशा बाक्‍तीक नाक्‍त इच्‍का ला बाक्‍ब। गे मुर नेल्‍ल आन कली जाम्‍शा लाइब सेल्‍शो बाक्‍नीनी।  
\v 48 मार, मुर गेनायो मबेक्‍थु, ब्रोंइशा बाक्‍नीमी? सुम आंम कली बेक्‍तीक रे प्रोंइने चाप्‍बा ङा? \em ठेयब सेंदा पा।\em* 
\p  
\v 49 परमप्रभु यावे, इन साइ ङा गेना हना यो दाक्‍तीके ते लाक्‍गा? गे दाऊद कली कसम जशा, इन दाक्‍शा मप्रोंइतीकेमी लोव़ पाइतीनी।  
\v 50 परमप्रभु यावे, दोपा इन गेय पाइब, गो शुक्‍शी पा रिश्‍शा कोव़चा पुंइसीङा, मेको मिम्‍तीन। गो मारदे जात जात ङा मुरपुकीमी शुक्‍शी पाइश्‍शो फाल्‍चा माल्‍ङा? मेको यो मिम्‍तीन। \em भजन संग्रह ४४:१-२५\em* 
\v 51 परमप्रभु यावे, मारदे इन जोरी सत्रुमी आं कली शुक्‍शी पाइय्‍यीमी? मेकोपुकीमी मारदे इन तेल लुक्‍शो, आं कली ते ते थेक्‍तु, मेक मेक शुक्‍शी पाइय्‍यीमी?  
\v 52 परमप्रभु यावे गेना हना यो ठेयब बाक्‍ल। मेको थमा बाक्‍ब, आमेन। \em भजन संग्रह ४१:१४\em* 
\c 90  
\s1 परमप्रभु ख्रुंइसीतीके बाक्‍ब 
\d परमप्रभु आ मुर मोसा आ पुंइशो लोव़। 
\p  
\v 1 परमप्रभु गे नेल्‍ल पाला सम्‍म आंइ बाक्‍तीके दुम्‍शो बाक्‍नीनी।  
\v 2 मिनु पहाड दुम्‍चा क्‍येङा ङोंइती नु रागी सेल्‍चा क्‍येङा ङोंइती गे गेना हना यो बाक्‍ब परमप्रभु बाक्‍तीनी। 
\p  
\v 3 गे मुर आन कली लेंशा फुरक दुम्‍पाइक्‍नीनी। मिनु गे “मुरपुकी, आं गे ले‍तीन” देंनीनी। \em भजन संग्रह १४६:४; उपदेसक १:४\em* 
\v 4 हजार का बर्स इन कली सिनाक्‍त खोदेंशो बाक्‍ब। नाक्‍दो का इन कली याम का खोदेंशो बाक्‍ब। \em २पत्रुस ३:८\em* 
\v 5 गे मुर आन कली फिक्‍‍शा, लाइक्‍नीनी। मुर आन ब्रोंइतीक ङोमु तशो खोदेंशो बाक्‍ब। मेकोपुकी सुनी नक वाशो घांस खोदेंशो बाक्‍नीम। \em भजन संग्रह १०२:१२; भजन संग्रह १०३:१५; अय्‍युब १४:२; यसैया ४०:६; १पत्रुस १:२४-२५\em* 
\v 6 मेको सुनी गिग दुम्‍नीम। मिनु नाक्‍दो सोल सुल बेक्‍नीम। 
\p  
\v 7 गो इन गाइश्‍शोमी खतम दुम्‍शो बाक्‍नीकी। मिनु इन चुरशो तशा हिंनीकी।  
\v 8 आंइ मरिम्‍शो पशो इन ङोंइती वोइश्‍शो बाक्‍तीनी। आंइ ख्रुइश्‍शा पशो इन कुल ङा छेङछेङ आ ङोंइती बाक्‍ब।  
\v 9 गो आंइ नाक्‍त नेल्‍ले इन गाइश्‍शोमी लाक्‍शो बाक्‍नीकी। आंइ नाक्‍त नेल्‍ल हुक‍यी पशो खोदेंशो पा लाक्‍नीम।  
\v 10 आंइ ब्रोंइतीके ७० बर्स ला बाक्‍ब। बोल पा ब्रोंइतक हना, ८० बर्स सम्‍म ब्रोंइनीकी। मो हना यो आंइ ब्रोंइतीक नाक्‍ती नेल्‍ल श्‍येत नु मरिम्‍शो दुम्‍तीके ला बाक्‍ब। ब्रोंइतीक नाक्‍ती रीब पा नुप्‍ब। मिनु गो बेक्‍शा लाइनीकी। \em उपदेसक १:३\em* 
\p  
\v 11 इन गाइक्‍तीक सक्ति सुम तुइक्‍बा? गो इन गाइक्‍तीके आ पर्बम इन क्‍येङा हिंनीकी।  
\v 12 मोपतीके आंइ ब्रोंइतीक नाक्‍ती गिश बाक्‍नीमी मिम्‍शा, हिक्‍चा शेंदीकी। मिनु गो जोक्‍ब तुइक्‍ब थुं पाइश्‍शो दुम्‍कल। \em भजन संग्रह ३९:५-७\em* 
\p  
\v 13 परमप्रभु यावे, गेना सम्‍म ङोन बाक्‍नीनी? आंइ गे लेतीन। इन गेय पाइब आंइ कली शिशी पने।  
\v 14 सुनी आंइ कली इन गेना हना यो दाक्‍तीकेमी ग्‍येरपाइक्‍की। मिनु गो ब्रोंइका सम्‍म ग्‍येरशा कुम्‍सो पा बाक्‍ने चाप्‍कल।  
\v 15 गे गिश नाक्‍त सम्‍म आंइ कली श्‍येत गेनी? मिश नाक्‍त सम्‍म आंइ कली ग्‍येरपाइक्‍की। गो शुश बर्स श्‍येत जाइतक।  
\v 16 इन गेय पाइबपुकीमी इन गेय तुइक्‍तमेक्‍ल। मिनु मेको आन आल आन कली इन छेङछेङ ङा सक्ति कोंइदीन। \em यसैया ५:१२\em* 
\v 17 परमप्रभु यावे, आंइ परमप्रभु, इन शिशी आंइ तार बाक्‍‍ल। मिनु आंइ गुइ ङा गेय रिम्‍शो दुम्‍ल। थमा पा, आंइ पशो नेल्‍ल रिम्‍शो सेलीन। 
\c 91  
\s1 श्‍येत रे प्रोंइतीके 
\p  
\v 1 सु नेल्‍ल क्‍येङा ठेयब आ फाप्‍तीकेम बाक्‍बा नु नेल्‍ल क्‍येङा सक्ति पाइश्‍शो आ नेक्‍था बाक्‍बा,  
\v 2 मेकोमी परमप्रभु यावे कली “गे आं ख्रुइक्‍तीक नु आं बोल्‍यो दरवार बाक्‍नीनी। गे आं परमप्रभु बाक्‍नीनी। गो इन कली थमा सुइक्‍नुङ” देंब।  
\v 3 मेकोमी इ कली चिक्‍ब ग्‍याइक्‍ब मुर आ ब्‍वारद नु मुर साइक्‍ब रोइ रे प्रोंइब।  
\v 4 मेकोमी इ कली आ फ्रांमी फाप्‍ब। मिनु गे मेको आ फ्रां आगामी ख्रुइश्‍शा बाक्‍नेवे। मेको आ दाक्‍शा गेनायो मप्रोंइतीके इ तेक्‍तीक नु गारो दुम्‍ब।  
\v 5 मिनु गे नाक्‍दो ङा हिंतीके नु नाक्‍ती बेरशा जाक्‍ब ब्रा तशा महिंनेवे।  
\v 6 छिङछिङम जाक्‍ब मुर साइक्‍ब रोइ नु नाक्‍ती याक्‍सीब रोइ तशा महिंनेवे।  
\v 7 मिनु हजार का जना मुर इ ङोंइती साइक्‍चा पुंइसीनीम। मिनु इ ग्‍युरा गे १० हजार मुर साइक्‍चा पुंइसाक्‍म हना यो, गे साइक्‍चा मपुंइसीनेवे।  
\v 8 परमप्रभु कली मटीबपुकी दोपा क्‍येक्‍क लेत्‍चा पुंइसीनीमी, गे मेको ताइनेवे।  
\v 9 मारदे हना गे “परमप्रभु यावे आं ख्रुइक्‍तीके बाक्‍ब” देंते। मिनु गे नेल्‍ल क्‍येङा ठेयब कली इ बाक्‍तीक सेल्‍तीवी।  
\v 10 इ कली मारेइ मरिम्‍शो मदुम्‍ब। इ बाक्‍तीक आ नेक्‍था मारेइ हिंचा ङा मदुम्‍ब।  
\v 11 मारदे हना मेकोमी आ स्‍वर्ग ङा गेय पाइब आन कली इ लां नेल्‍लेमी इ कली वारच पपाइक्‍ब। \em मत्ती ४:६\em* 
\v 12 मेकोपुकीमी इ कली आन गुइ गुइम ताक्‍शा कुरनीम। इ खोइली फुल्‍लुम मथोक्‍पाइक्‍चा कली मोदेंशो पाइनीम।  
\v 13 गे गुप्‍स नु बीस पाइश्‍शो बुस्‍स दिम्‍नेवे। मेको बोल्‍यो बाक्‍तेक्‍म हना यो, मेको आन कली दिम्‍शा साइक्‍नेवे। \em लूका १०:१९\em* 
\p  
\v 14 मिनु परमप्रभुमी “मेकोमी आं कली दाक्‍तीके, गो मेको कली श्‍येत रे प्रोंइनुङ। मेकोमी आं नें तुइक्‍तीके, गो मेको कली फाप्‍नुङ।  
\v 15 मेकोमी आं कली थोइब। मिनु गो आ लोव़ लेत्‍नुङ। मेको श्‍येत जवानु, गो मेको नु बाक्‍नुङ। मेको कली श्‍येत रे प्रोंइशा, मान ताइब सेल्‍नुङ। \em भजन संग्रह ५०:१५\em* 
\v 16 गो मेको कली शुश ब्रोंइचा गेशा, आं प्रोंइतीके तपाइक्‍नुङ” दे परमप्रभुमी देंत। \em यसैया ५२:१०\em* 
\c 92  
\s1 परमप्रभु कली पुंइशो 
\d नाइक्‍तीक नाक्‍त पतीक कुम्‍सो। 
\p  
\v 1 परमप्रभु यावे कली “गे रिम्‍शो पाइब बाक्‍नीनी” देंचा रिम्‍शो बाक्‍ब। मिनु “इन नें नेल्‍ल क्‍येङा ठेयब बाक्‍ब” दे कुम्‍सो पचा रिम्‍शो बाक्‍ब। \em भजन संग्रह १४७:१\em* 
\v 2 सुनी इन गेना हना यो दाक्‍तीके नु नाक्‍दो इन दाक्‍शा मप्रोंइतीके आ पर्बम लोव़ पचा रिम्‍शो बाक्‍ब।  
\v 3 बेन्‍जो नु तार पाइश्‍शो ठेयब ताप्‍तीक ताप्‍शा, बीना आ लायोमी मोदेंशो कुम्‍सो पचा रिम्‍शो बाक्‍ब।  
\v 4 मिनु गो “परमप्रभु यावे, इन पशोमी आं कली ग्‍येरपाइक्‍तीनी” दे इन पशो तशा, ग्‍येरशा कुम्‍सो पाइनुङ।  
\v 5 परमप्रभु यावे, इन गेय थम ठेयब बाक्‍नीम। इन मिम्‍तीके यो थम ठेयब बाक्‍ब। \em भजन संग्रह १०४:२४; यसैया ५५:९\em* 
\v 6 निप्‍स मपाइश्‍शो मुरपुकीमी मेको तुइक्‍ने मचाप्‍नीम। मूर्खपुकीमी मेको रुप्‍ने मचाप्‍नीम।  
\v 7 मिनु परमप्रभु आ अरेशो मटीबपुकी घांस खोदेंशो पा बारनीम। मरिम्‍शो पाइबपुकी फू खोदेंशो पा बोइक्‍नीम। नोले मेकोपुकी गेनायो मलीचा ङा पा क्‍याम्‍चा पुंइसीनीम।  
\v 8 तन्‍न परमप्रभु यावे, गे गेना हना यो ठेयब सेल्‍चा पुंइसीनीनी।  
\v 9 परमप्रभु यावे, इन जोरी सत्रु क्‍याम्‍चा पुंइसीनीम। मरिम्‍शो पाइब नेल्‍ल एर ओंथ ब्राइनीम। 
\p  
\v 10 गे आं कली ब्‍वाकी ङा ब्‍यफ खोदेंशो पा सक्ति गेतीनी। आं कली नेल्‍ल क्‍येङा रिम्‍शो तेल लुक्‍ताक्‍यीनी। \em भजन संग्रह २३:५\em* 
\v 11 गो आं जोरी सत्रु ब्रुशो तशा ग्‍येरसीनुङ। आं कली मरिम्‍शो पाइबपुकी खतम दुम्‍शो लोव़ नेंशा, ग्‍येरसीनुङ। 
\p  
\v 12 ठीक पाइबपुकी चहिं खजूर रवा खोदेंशो पा बारनीम। मेकोपुकी लेबानोन ङा लाइश्‍शो रवा खोदेंशो पा लाइक्‍नीम। \em भजन संग्रह १:३; भजन संग्रह ५२:१०\em* 
\v 13 मेकोपुकी आंइ परमप्रभु यावे आ खिंमी ख्रुम्‍शो दुम्‍शा, आंइ परमप्रभु आ लाङगाम बोइक्‍नीम।  
\v 14 मिनु मेकोपुकी शुश बर्स दुम्‍मानु यो, फल सित्‍नीम। मेकोपुकी गिग नु नक ङा नक लीनीम।  
\v 15 मिनु गो “परमप्रभु यावे गेना हना यो ठीक पाइब बाक्‍ब। मेको आं सेरथे फुल्‍लु बाक्‍ब। मेको नु मारेइ मरिम्‍शो मबाक्‍ब” देंनुङ। \em ब्‍यवस्‍था ४२:४\em* 
\c 93  
\s1 परमप्रभु आ ठेयब दुम्‍तीके 
\p  
\v 1 परमप्रभु यावेमी सासन पाइब। मेको पिप आ वाम ग्‍योम्‍सीशो बाक्‍ब। परमप्रभु यावेमी आ सक्ति किम्‍सीशो बाक्‍ब। रागी आ जग बोल्‍यो बाक्‍ब, मेको गेनायो महिम्‍सीब। \em भजन संग्रह ४७:८; भजन संग्रह ९६:१०; भजन संग्रह ९७:१; भजन संग्रह ९८:६; भजन संग्रह ९९:१; भजन संग्रह १४६:१०; प्रस्‍थान १५:१८\em* 
\v 2 इन ठेयब नित्‍तीके साइ ङोंइती रे वोइश्‍शो बाक्‍त। गे साइ रेन बाक्‍शो बाक्‍तीनी।  
\v 3 परमप्रभु यावे, समुन्‍द्र बारशा कुशो बाक्‍ब। मेको आ छाल आ रेयके ठेयब दुम्‍शो बाक्‍ब।  
\v 4 ठेयब समुन्‍द्र आ रेयके नु समुन्‍द्र आ बोल्‍यो छाल क्‍येङा इरीम बाक्‍ब। परमप्रभु यावे नेल्‍ल क्‍येङा ठेयब सक्ति पाइश्‍शो बाक्‍ब।  
\v 5 इन देंशो लोव़ गेना हना यो बाक्‍नीम। परमप्रभु यावे, इन खिं गेना हना यो इन सक्तिमी ब्रीशो बाक्‍ब। 
\c 94  
\s1 ब्रोंइचा आ पर्बम पुंइशो लोव़ 
\p  
\v 1 परमप्रभुमी क्‍येक्‍क लेप्‍ब। परमप्रभु यावे, परमप्रभु, इन छेङछेङ कोंइदीन। \em ब्‍यवस्‍था ३२:३५\em* 
\v 2 रागी कली निसाफ पाइब, बोक्‍कीन। मिनु ठेयब लेश्‍शो आन कली आन पशो ङा क्‍येक्‍क लेत्‍तीन। \em उत्‍पत्ती १८:२५\em* 
\v 3 परमप्रभु यावे, इन अरेशो मटीबपुकी गेना सम्‍म ठेयब लेत्‍नीमी? 
\p  
\v 4 मेकोपुकीम ठेयब लेश्‍शो लोव़ ला पाइनीम। मरिम्‍शो पाइब नेल्‍लेम आन नें बोरपाइक्‍नीम।  
\v 5 परमप्रभु यावे, मेकोपुकीमी इन मुर आन कली दिम्‍शा ताइश्‍शा पशो बाक्‍नीम। इन योव़शो रागी खतम पोक्‍शो बाक्‍नीम।  
\v 6 मेकोपुकीमी आन वोंइश बेक्‍शो मीश मुर नु अर्को रागी ङा मुर आन कली साइश्‍शो बाक्‍नीम। मिनु रोम रोइक्‍च आन कली यो साइश्‍शो बाक्‍नीम।  
\v 7 मिनु मेकोपुकीमी “परमप्रभु यावेमी मताइब। याकूब आ परमप्रभुमी मतुइक्‍ब” देंनीम। \em भजन संग्रह १०:११\em* 
\p  
\v 8 गे, निप्‍स मपाइश्‍शो मुरपुकी रुपीन। गे, मूर्खपुकी गेना जोक्‍ब तुइक्‍ब दुम्‍नीनी?  
\v 9 इन नोफा सेल्‍बमी मनेंबा ङा? मिक्‍च सेल्‍बमी मताइबा ङा? \em प्रस्‍थान ४:११\em* 
\v 10 रागी रागी ङा मुर आन कली सजाइ गेबमी इन कली सजाइ मगेबा ङा? मेकोमी मुर आन कली मारेइ मारेइ तुइक्‍पाइक्‍ब।  
\v 11 परमप्रभु यावेमी मुर आन मिम्‍शो तुइक्‍ब। मेकोमी इं मिम्‍शो नेल्‍ल जाम्‍शा लाइब, दे यो तुइक्‍ब। \em १कोरिन्‍थी १:२०\em* 
\p  
\v 12 परमप्रभु यावे, गे सु सु कली सजाइ गेशा, शेंदीनी, मेको ग्‍येरसीशो मुर दुम्‍नीम। मारदे हना मेको आन कली इन अरेशो लोव़ शेंनीनी। \em अय्‍युब ५:१७\em* 
\v 13 इन अरेशो मटीब मबेक्‍मा सम्‍म, गे मेको इन शेंशो आन कली श्‍येत रे नाइक्‍चा गेनीनी।  
\v 14 मारदे हना परमप्रभु यावेमी आ मुर आन कली मप्रोंइब। मिनु आ योव़शो रागी यो मप्रोंइब। \em यसैया ३७:३३-३५\em* 
\v 15 ठीक मुर लेंशा ठीक पतीके ताइनीम। ब्रेम्‍शो थुं पाइश्‍शो मुर ठीक लां खोइक्‍नीम। 
\p  
\v 16 परमप्रभु आ अरेशो लोव़ मटीब आन पर्बम सु पोन बोक्‍बा? मरिम्‍शो पाइब आन पर्बम सु पोन बोक्‍बा? \em भजन संग्रह ११५:१७\em* 
\v 17 परमप्रभु यावेम आं कली वारच मपाइश्‍शो हना, गो बेक्‍शो मुर आन बाक्‍तीके जाक्‍दीङ वा।  
\v 18 गो “आं खोइल ग्रेक्‍त” देंती। मिनु परमप्रभु यावे, इन गेना हना यो दाक्‍तीकेमी तिक्‍तीनी।  
\v 19 गो आं थुंमी थाम्‍पा सुर्ता पाता। इन लेम्‍शोमी आं थुं नांइसाक्‍व। \em २कोरिन्‍थी १:४-५\em* 
\v 20 मार, इन अरेशो मटीब हुकुम पाइबपुकी गे नु गारनीमी ङा? मेकोपुकीमी इन फुल्‍लुम मुशा ब्रेक्‍शो लोव़ दूली सेल्‍शो बाक्‍नीमी।  
\v 21 मेकोपुकीमी ठीक पाइब आन पर्बम दोपा मरिम्‍शो पचा, दे लोव़ गारपाइक्‍नीम। मिनु दोस मताइब आन कली साइक्‍नीम।  
\v 22 तन्‍न परमप्रभु यावे आं बोल्‍यो दरवार नु आं ख्रुइक्‍तीक सेरथे फुल्‍लु बाक्‍ब।  
\v 23 मेकोमी मेको आन मरिम्‍शो पशो आन पिया तार मोइक्‍ब। मिनु मेको आन अरेशो मटितीके मेको आन कली साइक्‍ब। परमप्रभु यावे, आंइ परमप्रभुमी मेको आन कली खतम पोक्‍ब। 
\c 95  
\s1 ठेयब सेल्‍तीक कुम्‍सो पय 
\p  
\v 1 जाक्‍कीन, ग्‍येरसीशा परमप्रभु यावे कली कुम्‍सो पय। इं कली श्‍येत रे प्रोंइब सेरथे फुल्‍लु कली ठेयब सेंदा पा कुम्‍सो पय।  
\v 2 “गे रिम्‍शो पाइब बाक्‍नीनी” देंना देंन, मेको आ ङोंइती लय। कुम्‍सो पा मेको कली ठेयब सेल्‍य।  
\v 3 मारदे हना परमप्रभु यावे ठेयब परमप्रभु बाक्‍ब। देवी देवता नेल्‍ल आन ठेयब पिप बाक्‍ब। \em प्रस्‍थान १५:११\em* 
\v 4 मिनु रागी ङा उइ रे डांडा ङा इर सम्‍म नेल्‍ल मेको आ गुइम बाक्‍ब।  
\v 5 समुन्‍द्र नु सोव़शो रागी नेल्‍ल मेको आ सेल्‍शो बाक्‍ब। 
\p  
\v 6 जाक्‍कीन, मेको कली बाप्‍शा ठेयब सेल्‍य। इं कली सेल्‍ब, परमप्रभु यावे आ ङोंइती पोक्‍च थेक्‍तय।  
\v 7 मारदे हना मेको इं परमप्रभु बाक्‍ब। गो मेको आ योव़शो भेडा नय। मिनु मुलाक्‍त मेको आ सेंदा नेनीन। \em भजन संग्रह १००:३; यूहन्‍ना १०:२७-२८\em* 
\p  
\v 8 गेपुकी मेरीबाम पशो खोदेंशो पा इन थुं खकटा मसेलीन। गेपुकी गोरशो रागी मास्‍साह माइश्‍शोमी बाक्‍ची ना पशो खोदेंशो मपने। \em हिब्रू ३:७-८; हिब्रू ४:७\em* 
\v 9 परमप्रभुमी “इन किकी पिपीमी आं पशो गेय नेल्‍ल ताम्‍तेक्‍म हना यो, मेकोपुकीमी आं कली नाक्‍शा कोव़तीमी। \em प्रस्‍थान १७:२,७\em* 
\v 10 गो ४० बर्स सम्‍म मेकोपुकी नु गाइक्‍ताक्‍ङ। एको दूली पाइब मुर बाक्‍नीम। आं कली मटीब बाक्‍नीम।  
\v 11 मोपतीके गो आं गाइक्‍तीकेमी ‘एको आन कली आं थुं नाइक्‍पाइक्‍तीके मगेनुङ’ दे कसम जाता” दे परमप्रभुम देंत। \em गन्‍ती १४:२२-२३; हिब्रू ४:३\em* 
\c 96  
\s1 परमप्रभु रागी नेल्‍ल ङा पिप बाक्‍ब 
\d १इतिहास १६:२३-३३ 
\p  
\v 1 परमप्रभु यावे कली नक कुम्‍सो का पय। रागी रागी ङा मुर नेल्‍लेमी परमप्रभु यावे कली कुम्‍सो पने।  
\v 2 परमप्रभु यावे कली कुम्‍सो पने। आ नें ठेयब सेलीन। गे नाक्‍त किंत किंत मेको मुर आन कली श्‍येत रे प्रोंइशो आ पर्बम रागी रागी ङा मुर आन कली शेंदीने।  
\v 3 रागी रागी ङा मुर आन दातेमी मेको आ सक्ति आ पर्बम लोव़ पने। जात जात ङा मुर आन दातेमी आ छक लाक्‍चा ङा गेय आ पर्बम लोव़ पने।  
\v 4 मारदे हना परमप्रभु यावे ठेयब बाक्‍ब। ठेयब सेल्‍शा मान पाइक्‍चा पुंइसीब बाक्‍ब। मेको देवी देवता नेल्‍ल आन क्‍येङा मान पा हिंचा माल्‍शो बाक्‍ब।  
\v 5 मारदे हना जात जात ङा मुर आन देवी देवता शोर गाक्‍शो मूर्ति ला बाक्‍नीम। तन्‍न परमप्रभु यावेमी सरीङ सेल्‍तु।  
\v 6 मान ततीके नु नेल्‍ल क्‍येङा ठेयब दुम्‍तीके मेको नु बाक्‍ब। मेको आ बाक्‍तीक सक्ति नु छेङछेङम ब्रीशो बाक्‍ब। 
\p  
\v 7 गे रागीम बाक्‍ब खिं खिं ङा मुरपुकीमी परमप्रभु यावे कली “गे सक्ति नु छेङछेङ पाइश्‍शो बाक्‍नीनी” दे ठेयब सेलीन।  
\v 8 गेपुकीमी परमप्रभु यावे आ नें थिशा, मेको कली “गे ठेयब बाक्‍नीनी” देनीन। चढ़ेतीक चाक्‍शा, मेको आ बाक्‍तीक ङा लाङगाम जाक्‍कीन।  
\v 9 रिम्‍शो पतीकेमी ग्‍योम्‍सीशा, परमप्रभु यावे कली “गे ठेयब बाक्‍नीनी” दे लोव़ पने। रागी ङा मुर नेल्‍ले मेको आ ङोंइती मेको कली मान पा ख्रिंख्रि पने।  
\v 10 गे रागी रागी ङा मुर आन दातेमी “परमप्रभु यावे पिप बाक्‍ब” दे शेंदीन। रागी महिम्‍सीचा ङा पा सेल्‍शो बाक्‍ब। मेको मयाक्‍‍सीब। मेकोमी जात जात ङा मुर आन कली कुल मकोव़थु निसाफ पाइब। \em भजन संग्रह ९३:१\em* 
\v 11 सरीङ नु रागी ग्‍येरसीसल। समुन्‍द्र नु मेकेर बाक्‍ब नेल्‍ल रेयके पामेक्‍ल। \em भजन संग्रह ९८:७-९; यसैया ४९:१३\em* 
\v 12 रू नु मेकेर वाशो नेल्‍ल ग्‍येरसीमल। मिनु ब्‍वाकीम बाक्‍शो रवा नेल्‍ल ग्‍येरशा,  
\v 13 परमप्रभु यावे आ ङोंइती कुम्‍सो पाइनीम। मारदे हना परमप्रभु यावे जाक्‍ब। मेको रागी कली निसाफ पथ जाक्‍ब। मेकोमी रागी नेल्‍ल कली ठीक पतीकेमी निसाफ पाइब। मिनु जात जात ङा मुर आन कली थमा पा आन कुल मकोव़थु निसाफ पाइब। \em भजन संग्रह ८२:८; प्रेरित १७:३\em* 
\c 97  
\s1 परमप्रभु नेल्‍ल क्‍येङा ठेयब बाक्‍ब 
\p  
\v 1 परमप्रभु यावे पिप बाक्‍ब। रागी ग्‍येरसेक्‍ल। ङोन ङोन ङा रागी ङा मुरपुकी यो ग्‍येरसीमल। \em भजन संग्रह ९३:१\em* 
\v 2 मेको आ एर ओंथ गोस्‍स नु ठेयब छिङछिङ बाक्‍ब। ठीक पतीके नु ठीक निसाफ मेको आ सासन पतीक जग बाक्‍ब।  
\v 3 मेको आ ङोंइङोंइती मी लशा, आ एर ओंथ ङा जोरी सत्रु नेल्‍ल आन कली दाक्‍ब। \em हबकुक ३:४\em* 
\v 4 मेको आ चिलामी रागी नेल्‍ल हाम्‍सो दुम्‍ब। रागी रागी ङा मुर मेको तशा ख्रिंख्रि पाइनीम।  
\v 5 परमप्रभु यावे आ ङोंइती डांडा मयीन खोदेंशो पा याइनीम। रागी नेल्‍ल परमप्रभु यावे आ ङोंइती मोदेंशो दुम्‍ब। \em यहोसु ३:१३\em* 
\p  
\v 6 मिनु स्‍वर्गम मेको आ ठीक पतीके नेल्‍ल कोंइब। जात जात ङा मुर नेल्‍लेमी मेको आ छेङछेङ ताइनीम। \em भजन संग्रह ६७:५-६; यसैया २४:२१-२२\em* 
\v 7 मूर्ति पूजा पाइब नेल्‍ल मुने तोक्‍चा पुंइसीनीम। मूर्ति कली थमा सुइक्‍बपुकी मुने दोक्‍नीम। देवी देवता नेल्‍ल परमप्रभु आ ङोंइती बाप्‍पीन। \em येरमीया ४६:२५; हिब्रू १:६\em* 
\p  
\v 8 परमप्रभु यावे आ निसाफ पशो नेंशा, सियोन नु यहूदा ङा सहर नेल्‍ल ग्‍येरसीनीम।  
\v 9 मारदे हना परमप्रभु यावे, गे रागी ङा नेल्‍ल क्‍येङा ठेयब बाक्‍नीनी। देवी देवता नेल्‍ल आन क्‍येङा गे शुश ठेयब बाक्‍नीनी। \em प्रस्‍थान १५:११\em* 
\p  
\v 10 परमप्रभु यावेमी मरिम्‍शो पतीक कली काइ मदाक्‍ब मुर आन कली दाक्‍ब। आ कली थमा सुइक्‍ब आन कली कोव़ब। मेको आन कली आ अरेशो मटीब आन गुइ रे प्रोंइब।  
\v 11 ठीक पाइब आन कली छेङछेङ बाक्‍ब। मिनु ब्रेम्‍शो थुं पाइश्‍शो मुर आन कली ग्‍येरतीक बाक्‍ब।  
\v 12 ठीक पाइबपुकी परमप्रभु यावे नु ग्‍येरसीन। मेको कली “गे रिम्‍शो पाइब बाक्‍नीनी” देनीन। 
\c 98  
\s1 परमप्रभुमी वारच पाइब 
\d कुम्‍सो का। 
\p  
\v 1 परमप्रभु यावे कली नक कुम्‍सो का पय। मारदे हना मेकोमी छक लाक्‍चा ङा गेय पाप्‍तु। मेको आ ठेयब सक्तिमी ग्रात। \em भजन संग्रह ३३:३; यसैया ५९:१६; यसैया ६३:५\em* 
\v 2 परमप्रभु यावेमी आ ग्रातीके कोंइशा, आ श्‍येत रे प्रोंइतीके रागी रागी आन ङोंइती कोंइताक्‍व।  
\v 3 मेकोमी इस्राएली आन कली आ गेना हना यो दाक्‍तीके नु आ दाक्‍शा मप्रोंइतीके कोंइताक्‍व। रागी नेल्‍ल ङा मुरपुकीमी आंइ परमप्रभुम मेको आन कली श्‍येत रे प्रोंइशो ताम्‍तेक्‍म। \em यसैया ५२:१०\em* 
\p  
\v 4 रागी रागी ङा मुर नेल्‍ल परमप्रभु यावे कली ग्‍येरसीशा कुम्‍सो पने। साप्‍पा ग्‍येरसीशा मेको कली ठेयब सेलीन।  
\v 5 गे ठेयब नु आइक्‍च तार पाइश्‍शो ताप्‍तीक ताप्‍शा परमप्रभु यावे कली कुम्‍सो पा ठेयब सेलीन।  
\v 6 आंइ पिप, परमप्रभु यावे आ ङोंइती ग्‍येरसीशा तुराही नु ग्रोव़ ताप्‍पीन। \em भजन संग्रह ९३:१\em* 
\p  
\v 7 समुन्‍द्र नु मेकेर बाक्‍ब नेल्‍लेमी परमप्रभु कली ठेयब सेलीन। रागी नु रागीम बाक्‍ब नेल्‍लेमी यो परमप्रभु कली ठेयब सेलीन। \em भजन संग्रह ९६:११-१३\em* 
\v 8 समुन्‍द्र ङा छालपुकीमी आन गुइ फ्रोक्‍चा माल्‍नीम। डांडा नेल्‍ल ग्‍येरसीशा परमप्रभु यावे आ ङोंइती कालेम कुम्‍सो पने।  
\v 9 मारदे हना परमप्रभु यावे रागी कली निसाफ पथ जाक्‍ब। मेकोमी ठीक पा जात जात ङा मुर आन कुल मकोव़थु निसाफ पाइब। 
\c 99  
\s1 परमप्रभु यावे पिप बाक्‍ब 
\p  
\v 1 परमप्रभु यावे पिप बाक्‍ब। जात जात ङा मुरपुकी ख्रिंख्रि पामेक्‍ल। मेको करूब आन तारी बाक्‍ब। रागीम ख्रिनु कुल। \em भजन संग्रह ९३:१; भजन संग्रह १८:११\em* 
\v 2 परमप्रभु यावे सियोनम ठेयब बाक्‍ब। जात जात ङा मुर नेल्‍ल आन क्‍येङा ठेयब बाक्‍ब।  
\v 3 मेको नेल्‍लेमी इन ठेयब नु हिंचा ङा नें कली ठेयब सेल्‍मेक्‍ल। परमप्रभु यावे का ला बाक्‍ब।  
\v 4 सक्ति पाइश्‍शो पिपम, ठीक निसाफ दाक्‍ब, गे कुल मकोव़थु, याकूब आ रागीमी ठीक पतीके नु ठीक निसाफ वोइक्‍तीनी। \em यसैया ९:६\em* 
\v 5 परमप्रभु यावे, आंइ परमप्रभु कली ठेयब सेलीन। आ खोइल थेक्‍तीकेमी मान पने। मारदे हना मेको का ला परमप्रभु बाक्‍ब। \em भजन संग्रह १३२:७-८; १इतिहास २८:२; बिलाप २:१\em* 
\p  
\v 6 मोसा नु हारून मेको कली चढ़ेब बाक्‍ताक्‍स। परमप्रभु यावे कली पुंइशा लोव़ पाइब आन दातेमी सामुएल का यो बाक्‍त। मेकोपुकीमी परमप्रभु यावे कली पुंइशा लोव़ पामेनु, मेकोमी मेको आन कली लोव़ लेश्‍शो बाक्‍त।  
\v 7 मेकोमी गोस्‍स के थाम रे पा मेकोपुकी नु लोव़ पशो बाक्‍त। मेकोपुकीमी मेको आ देंशो नु आ फुल्‍लुम मुशा ब्रेक्‍शो लोव़ टिशो बाक्‍‍तेक्‍म। 
\p  
\v 8 परमप्रभु यावे, आंइ परमप्रभु, गे मेको आन कली लोव़ लेश्‍शो बाक्‍तीनी। गे मेको आन कली माफ गेब परमप्रभु बाक्‍तीनी। गे मेको आन मरिम्‍शो पशो आ क्‍येक्‍क यो लेश्‍शो बाक्‍तीनी। \em प्रस्‍थान ३४:७\em* 
\v 9 परमप्रभु यावे, आंइ परमप्रभु कली ठेयब सेलीन। मेको कली आ डांडाम मान पने। मारदे हना परमप्रभु यावे, आंइ परमप्रभु का ला बाक्‍ब। 
\c 100  
\s1 “रिम्‍शो पाइब बाक्‍ब” दे पशो कुम्‍सो 
\d परमप्रभु कली “गे रिम्‍शो पाइब बाक्‍नीनी” दे चढ़ेतीकेम पशो कुम्‍सो। 
\p  
\v 1 रागी रागी ङा मुर नेल्‍ल परमप्रभु यावे कली ग्‍येरसीशा कुम्‍सो पने।  
\v 2 ग्‍येरसीशा परमप्रभु यावे कली ठेयब सेलीन। गे कुम्‍सो पना पन आ नेक्‍था लने।  
\v 3 परमप्रभु यावे का ला परमप्रभु बाक्‍ब, दे रुपीन। मेकोमी इं कली सेल्‍शो बाक्‍त, गो मेको आ मुर बाक्‍नय। गो मेको आ योव़तीक ङा भेडा बाक्‍नय। \em भजन संग्रह ९५:७\em* 
\p  
\v 4 मिनु “गे रिम्‍शो पाइब बाक्‍नीनी” दे आ ठेयब लाप्‍चो रे ओव़ङीन। आ कली मान पा आ लाङगाम ठेयब सेल्‍तीक कुम्‍सो पने। मेको कली “गे रिम्‍शो पाइब बाक्‍नीनी” दे आ नें कली मान पा ठेयब सेलीने। \em भजन संग्रह १०६:१\em* 
\v 5 मारदे हना परमप्रभु यावे रिम्‍शो पाइब बाक्‍ब। मिनु आ गेना हना यो दाक्‍तीके लीब। मिनु आ दाक्‍शा मप्रोंइतीके नेल्‍ल पाला सम्‍म बाक्‍ब। 
\c 101  
\s1 पिप आ मिम्‍शो लोव़ 
\d दाऊद आ कुम्‍सो। 
\p  
\v 1 परमप्रभु यावे, गो इन दाक्‍शा मप्रोंइतीक नु इन ठीक निसाफ पतीक आ पर्बम इन कली कुम्‍सो पाइनुङ।  
\v 2 गो दोस मततीक लां शेंसीचा दाक्‍नुङ। गो मेको गेना पने चाप्‍नुङा? गो आं खिंमी रिम्‍शो थुं पाइश्‍शो मुर दुम्‍शा बाक्‍चा दाक्‍नुङ।  
\v 3 गो मारेइ मरिम्‍शो मिम्‍शा कोव़चा मदाक्‍नुङ। नोले शोंइसीब आन पतीके काइ मदाक्‍नुङ। गो मोदेंशो मदुम्‍ङल। \em हितोपदेस २०:८,२८\em* 
\v 4 दूली पतीक थुं आं क्‍येङा ङोन बाक्‍चा माल्‍ब। मिनु गो मरिम्‍शो पतीके यो तुइक्‍चा मदाक्‍नुङ।  
\v 5 सु आ नेक्‍था ङा मुर आन पर्बम मरिम्‍शो लोव़ पाइबा, गो मेको कली खतम सेल्‍नुङ। ठेयब लेश्‍शो नु बोरशो थुं पाइश्‍शो मुर आन कली आं नेक्‍था बाक्‍चा मगेनुङ।  
\v 6 गो रागी ङा थमा सुइक्‍चा पुंइसीब मुर आन कली दाक्‍शा कोव़नुङ। मिनु गो नु बाक्‍चा गेनुङमी। सु सु दोस मततीक लां गाक्‍नीमी, मेको आन कली आं गेय पाइ‍ब सेल्‍नुङमी। \em हितोपदेस २२:११\em* 
\v 7 दूली पाइब आन कली आं खिंम बाक्‍चा मगेनुङमी। जोल पाइबपुकी आं ङोंइती बाक्‍चा मताइनीम।  
\v 8 गो सुनी कुस कुस रागीम बाक्‍ब परमप्रभु आ अरेशो लोव़ मटीब आन कली खतम सेल्‍नुङमी। मोपा परमप्रभु यावे आ सहरम बाक्‍ब मरिम्‍शो पाइब मलीनीम। \em हितोपदेस २०:२६\em* 
\c 102  
\s1 श्‍येत जशा आस पशो 
\d श्‍येत जाइबमी परमप्रभु यावे आ ङोंइती पुंइ‍शो। 
\p  
\v 1 परमप्रभु यावे आं पुंइशो नेनीन। आं ङाक्‍शा पुंइशो इन बाक्‍तीकेम जाक्‍‍ल।  
\v 2 गो श्‍येत जङा नाक्‍ती इन कुल मख्रुइक्‍तीन। गो ब्रेङङा नाक्‍ती आं लोव़ फ्रा लेत्‍तीनी। 
\p  
\v 3 मारदे हना आं नाक्‍त कुन बुद पा जाम्‍नीम। मिनु आं रुश नेल्‍ल ठेयब मीम नाप्‍शो खोदेंशो पा चोशो बाक्‍नीम।  
\v 4 आं थुं घांस खोदेंशो पा बेक्‍ब। मोपतीके गो आं शोब्‍ले यो जने मचबु।  
\v 5 हुक‍यी पा आं कुशुल नेल्‍ल रुशेम क्‍येप्‍शो बाक्‍नीम।  
\v 6 गो गोरशो रागी ङा हुहुचील खोदेंशो दुम्‍शो बाक्‍नुङ। गो ब्रेश्‍शो खिं आन दातेम बाक्‍ब बुक्‍स खोदेंशो दुम्‍शो बाक्‍नुङ।  
\v 7 गो इप्‍‍ने मचाप्‍थु, खिं तार आ का ला बाक्‍शो चिक्‍ब खोदेंशो दुम्‍शो बाक्‍नुङ।  
\v 8 नेल्‍ल नाक्‍त आं जोरी सत्रुमी आं कली शुक्‍शी पा बाक्‍नीम। आं कली शुक्‍शी पाइबपुकीमी आं नें थिशा साराप पाइनीम।  
\v 9 मारदे हना गो शोब्‍ले खोदेंशो पा पुलु जाइनुङ। मिनु प्रेक्‍कु ब्‍वाइश्‍शो ब्‍वाक्‍कु तूनुङ।  
\v 10 एको नेल्‍ल इन गाइक्‍तीकेमी दुम्‍शो बाक्‍ब। मारदे हना गे आं कली क्‍युक्‍शा, ताइक्‍ताक्‍यीनी।  
\v 11 आं ब्रोंइतीक नाक्‍त पेरचा चिक्‍शो नां खोदेंशो बाक्‍ब। मिनु गो घांस खोदेंशो पा बेक्‍शो बाक्‍नुङ। \em भजन संग्रह ९०:५-६\em* 
\p  
\v 12 परमप्रभु यावे, गे गेना हना यो पिप बाक्‍नीनी। मिनु गे नेल्‍ल पाला सम्‍म बाक्‍नीनी। \em भजन संग्रह १३५:१३\em* 
\v 13 गे बोक्‍शा, सियोन कली थमा पा शिशी पाइनीनी। मेको कली शिशी पतीक नाक्‍त जाक्‍शो बाक्‍ब।  
\v 14 मारदे हना इन गेय पाइबपुकीमी मेकेर ङा फुल्‍लु यो दाक्‍नीम। मिनु मेकेर ङा फुरक कली यो शिशी पाइनीम।  
\v 15 रागी रागी ङा मुरपुकी परमप्रभु यावे आ नें नेंशा हिंनीम। रागी ङा पिप नेल्‍ले मेको आ सक्ति तशा हिंनीम।  
\v 16 मारदे हना परमप्रभु यावेमी सियोन कली लेंशा सेल्‍ब। मिनु आ छेङछेङमी ग्रूब।  
\v 17 मेकोमी श्‍येत जाइब आन पुंइशो नेंब। मिनु आन पुंइशो गेब। 
\p  
\v 18 एको लोव़ मुल जाक्‍ब पाला आन कली ब्रेक्‍चा माल्‍ब। मिनु नोले जरमेबपुकीमी परमप्रभु यावे कली ठेयब सेल्‍नीम।  
\v 19 मारदे हना परमप्रभु यावेमी इर आ बाक्‍तीक रे कोव़शो बाक्‍ब। परमप्रभु यावेमी स्‍वर्ग रे कोव़शो बाक्‍ब। \em भजन संग्रह १४:२\em* 
\v 20 मेकोमी ग्‍याइश्‍शा चोक्‍चा पुंइसीशो आन हुक‍यी पशो नेंब। मिनु साइक्‍चा पुंइसीब आन कली प्रोंइब।  
\v 21 मोपा “परमप्रभु यावे ठेयब बाक्‍ब” दे सियोन ङा मुर आन कली शेंदमेक्‍ल। मिनु यरूसलेम ङा मुरपुकीम मेको कली ठेयब सेल्‍मेक्‍ल।  
\v 22 मिनु जात जात नु राज्‍य राज्‍य ङा मुर बुक्‍शा, परमप्रभु यावे कली ठेयब सेल्‍नीम। \em भजन संग्रह ८७:४; येरमीया ६०:३-१०; लूका १३:२९-३०\em* 
\p  
\v 23 गो ठिटा बाक्‍ना बाक्‍न, परमप्रभुमी आं सक्ति क्‍‍युम्‍ताक्‍यी, आं ब्रोंइतीक नाक्‍त क्‍युम्‍ताक्‍यी।  
\v 24 मिनु गो “आं परमप्रभु, आं कली बेक्‍ची मजाक्‍थु, मलाइय्‍यीनी। इन नाक्‍त नेल्‍ल पाला सम्‍म लीनीम” देंती। \em भजन संग्रह ५५:२४\em* 
\p  
\v 25 साइ ङोंइती गे रागी आ जग सेल्‍शो बाक्‍तीनी। मिनु सरीङ इन गुइ ङा गेय बाक्‍ब। \em हिब्रू १:१०-१२\em* 
\v 26 मेको नेल्‍ल जाम्‍शा लाइनीम। तन्‍न गे गेना हना यो बाक्‍नीनी। मेको रागी नु सरीङ वा खोदेंशो पा माइत दुम्‍शा जेक्‍नीम। गे फेक्‍तीके वा फाइश्‍शो खोदेंशो पा, मेको आन कली फाइक्‍नीनी। मिनु मेकोपुकी जाम्‍शा लाइनीम। \em २पत्रुस ३:१०\em* 
\v 27 तन्‍न गे गेना हना यो खाल का ङा बाक्‍नीनी। मिनु इन नाक्‍त गेनायो मनुप्‍नीम।  
\v 28 इन गेय पाइब आन चच युइ रिम्‍शो पा बाक्‍चा माल्‍‍नीम। मिनु आन चच युइ इन ङोंइती बोल्‍यो दुम्‍शा बाक्‍नीम। 
\c 103  
\s1 परमप्रभु कली ठेयब सेल्‍शो 
\d दाऊद आ कुम्‍सो। 
\p  
\v 1 आं थुं, परमप्रभु यावे कली ठेयब सेलो। मिनु गो आं थुं नेल्‍लेमी आ नें ठेयब सेल्‍नुङ।  
\v 2 आं थुं, परमप्रभु यावे कली ठेयब सेलो। मिनु इ कली रिम्‍शो पशो नेल्‍ल मप्रेंदो। \em ब्‍यवस्‍था ४:९\em* 
\v 3 मेकोमी इ मरिम्‍शो पशो नेल्‍ल क्‍याम्‍शा गेशो बाक्‍ब। मिनु इ रोइ नेल्‍ल सापाइक्‍ब। \em भजन संग्रह ३२:१\em* 
\v 4 मेकोमी इ कली खतम दुम्‍तीक रे प्रोंइब। इ कली आ गेना हना यो दाक्‍तीके नु शिशी पतीकेमी कोव़ब।  
\v 5 मेकोमी इ ब्रोंइतीक नाक्‍त नेल्‍ल इ माल्‍शो खाप्‍शा गेब। मिनु इ ब्रोंइतीके ककाकुली के खोदेंशो पा लेंशा ठिटा सेल्‍ब। \em यसैया ४०:३१\em* 
\v 6 परमप्रभु यावेमी दिप्‍चा पुंइसीशो नेल्‍ल आन कली वारच पा ठीक निसाफ पाइब।  
\v 7 मेकोमी मोसा कली आ लां नु इस्राएल ङा मुर आन कली आ गेय कोंइताक्‍व। \em प्रस्‍थान ३३:१३\em* 
\v 8 परमप्रभु यावे शिशी पाइब नु रिम्‍शो पाइब बाक्‍ब। मेको रीब पा मगाइक्‍थु, आ गेना हना यो दाक्‍तीके शुश कोंइब। \em भजन संग्रह ८६:१५\em* 
\v 9 मेकोमी गेना हना यो “गे दूली पाइतीनी” मदेंब। मिनु गेना हना यो मगाइक्‍ब। \em यसैया ५७:१६\em* 
\v 10 मेकोमी इं पशो पाप आ पर्बम सजाइ मगेब। मिनु इं मरिम्‍शो पशो ङा क्‍येक्‍क मलेप्‍ब।  
\v 11 रागी रे सरीङ दोशो इर बाक्‍बा, मोशोन आ गेना हना यो दाक्‍तीके आ कली मान पा हिंब आन कली पशो बाक्‍ब। \em भजन संग्रह ३६:६; यसैया ५५:८-९\em* 
\v 12 नां दाप्‍तीक रे नां पेरतीक दोशो ङोन बाक्‍बा, मोशोन आंइ मरिम्‍शो पशो नेल्‍ल ङोन तिल्‍शो बाक्‍ब।  
\v 13 आफोमी आ तमी तौ आन कली दोदेंशो पा शिशी पाइबा, मोदेंशो पा परमप्रभु यावेमी आ कली मान पा हिंब आन कली शिशी पशो बाक्‍ब। \em लूका १५:११-२४\em* 
\v 14 मारदे हना गो दोपा सेल्‍सीशो बाक्‍नीकी, मेकोमी तुइक्‍ब। मेकोमी गो फुरक ला बाक्‍नीक, दे यो तुइक्‍ब। \em उत्‍पत्ती २:७; उत्‍पत्ती ३:१९\em* 
\p  
\v 15 मुर आन ब्रोंइतीके घांस खोदेंशो बाक्‍ब। रूमी बोइश्‍शो फू खोदेंशो पा बोइक्‍ब। \em भजन संग्रह ९०:५-६; अय्‍युब ७:१०\em* 
\v 16 मिनु फश पवानु, मेको जाम्‍शा लाइब। मिनु आ बाक्‍तीक यो मतुइक्‍ब।  
\v 17 तन्‍न परमप्रभु यावे आ गेना हना यो दाक्‍तीक आ कली मान पा हिंब नु गेना हना यो लीब। मिनु आ ठीक पतीके आन तौ चच आन पाला सम्‍म लीब। \em लूका १:५०\em* 
\v 18 सु सुमी कबल पा, आ शेंशो टीनीमी, मेकोपुकी नु आ गेना हना यो दाक्‍तीक लीब। 
\p  
\v 19 परमप्रभु यावेमी आ ठेयब नित्‍तीके स्‍वर्गम वोइश्‍शो बाक्‍ब। मिनु स्‍वर्ग नु रागीम बाक्‍शो नेल्‍ल कली सासन पाइब।  
\v 20 परमप्रभु यावे आ स्‍वर्ग ङा गेय पाइबपुकी, परमप्रभु यावे कली ठेयब सेलीन। गे सक्ति पाइश्‍शो, आ देंशो टीबपुकी मेको कली ठेयब सेलीन। \em यसैया ६:१-४; भजन संग्रह २९:१; भजन संग्रह १४८:-; दानीएल ७:१०\em* 
\v 21 गे स्‍वर्ग ङा गेय पाइबपुकी परमप्रभु यावे कली ठेयब सेलीन। आ गेय पाइब नेल्‍ल परमप्रभु यावे आ दाक्‍शो पने।  
\v 22 परमप्रभु यावे आ सासन पतीकेमी बाक्‍शो, आ सेल्‍शो नेल्‍लेमी परमप्रभु यावे कली ठेयब सेलीन। आं थुं, परमप्रभु यावे कली ठेयब सेलो। 
\c 104  
\s1 परमप्रभु ठेयब बाक्‍ब 
\p  
\v 1 आं थुं, परमप्रभु यावे कली ठेयब सेलो। परमप्रभु यावे, आं परमप्रभु गे थम ठेयब बाक्‍नीनी। ठेयब दुम्‍तीके नु मान ततीके इन के बाक्‍ब।  
\v 2 गे छेङछेङ कली वा फेक्‍शो खोदेंशो पा फेक्‍शो बाक्‍नीनी। मिनु सरीङ कली ताम्‍बु खोदेंशो पा प्राक्‍शा कीशो बाक्‍नीनी।  
\v 3 गे इन बाक्‍तीक ङा थाम ब्‍वाक्‍कु तारी सेल्‍शो बाक्‍नीनी। गे गोस्‍स कली इन बग्‍गी सेल्‍शो बाक्‍नीनी। मिनु गे फश आ फ्रां तार ङोइश्‍शा गाक्‍ब बाक्‍नीनी। \em उत्‍पत्ती १:६-८; भजन संग्रह १८:१०-१२\em* 
\v 4 मिनु गे फश कली इन लोव़ चोव़ब नु मी कली इन गेय पाइब सेल्‍शो बाक्‍नीनी। \em हिब्रू १:७\em* 
\v 5 रागी गेना यो महिम्‍सेक्‍ल, दे आ जग वोइक्‍तीनी। \em मत्ती २४:३५; प्रकाश २१:१\em* 
\v 6 गे मेको कली वा बुद पा ब्‍वाक्‍कुमी सुम्‍तीनी। मिनु ब्‍वाक्‍कु डांडा तार सम्‍म जाक्‍दीश्‍शो बाक्‍त।  
\v 7 गे हुइक्‍तीनीनु, मेको प्रोक्‍ब। इन बुंबु पशो सेंदामी मेको दोरोर पा लाइब।  
\v 8 मेको ब्‍वाक्‍कु डांडा ग्‍येत्‍थ बार‍शा, दिंम मेर शाइक्‍ब। मिनु इन देंशो बाक्‍तीके सम्‍म लाइनीम।  
\v 9 मेको लेंशा रागी कली सुम्‍थ मजाक्‍मल, दे गे सांद सेल्‍तीनी। \em अय्‍युब ३८:८-११; हितोपदेस ८:२९\em* 
\p  
\v 10 गे दिंम मेर ब्‍वाक्‍कु बुक्‍तीक सेल्‍तीनी। मिनु मेको डांडा आन दाते रे शाइश्‍शा लाइनीम।  
\v 11 गे ब्‍वाकी ङा जन्‍तु नेल्‍ल आन कली तूचा गेनीनी। ब्‍वाकी ङा गधापुकीमी यो मेकेर ङा ब्‍वाक्‍कु तूशा, ब्रोंइनीम।  
\v 12 मेको खोला आन नेक्‍था चिक्‍बपुकीमी आन ग्‍योव़ सेल्‍नीम। मिनु राशीम बाक्‍शा कुम्‍सो पाइनीम।  
\v 13 इन इर ङा बाक्‍तीक रे रेउ यिपाइश्‍शा डांडा आन कली जिप्‍पाइक्‍नीनी। इन गेय पशोमी रागी नेल्‍ल ग्‍येरसीनीम। 
\p  
\v 14 गे बी ब्‍यफ आन कली घांस वापाइक्‍नीनी। मिनु खप रे मुर आन कली जचा थोव़क वापाइक्‍नीनी।  
\v 15 मिनु गे मुर आन थुं ग्‍येरपाइक्‍चा कली अङगुर सिप्‍पाइक्‍नीनी। मिनु आन कुल दारपाइक्‍चा कली तेल नु आन रां बोल्‍यो सेल्‍चा कली शोब्‍ले गेनीनी।  
\v 16 परमप्रभु यावे आ ख्रुम्‍शो लेबानोन ङा लाइश्‍शो रवा शुश ब्‍वाक्‍कु ताइब बाक्‍नीमी।  
\v 17 मेकेर चिक्‍बमी आन ग्‍योव़ सेल्‍नीम। मिनु ठेयब बुश चिक्‍बपुकीमी स‍ला रवाम आन ग्‍योव़ सेल्‍नीम।  
\v 18 लाइश्‍शो डांडापुकी ब्‍वाकी ङा क्‍यारश आन कली बाक्‍नीम। सेरथे फुल्‍लु आइक्‍च जन्‍तु आन ख्रुइक्‍तीके बाक्‍नीम। 
\p  
\v 19 मिनु गे बर्खा नु हिंउद कोंइचा कली तास्‍ला सेल्‍तीनी। नांमी आ दाप्‍तीक पेरतीक तुइक्‍ब। \em भजन संग्रह ७४:१६\em* 
\v 20 गे छिङछिङ सेल्‍नीनी। मिनु नाक्‍दो दुम्‍ब। मेना ब्‍वाकी ङा जन्‍तु ग्रूनीम।  
\v 21 मिनु गुप्‍स आ चाइक्‍बपुकीमी सिखार माल्‍शा, ग्रीशा आन जचा थोव़क परमप्रभु आ गुइ रे पुंइनीम।  
\v 22 मिनु नां दाप्‍‍मेनु, मेको आन पुक्‍खीम लशा, ख्रुइश्‍शा गोल्‍नीम।  
\v 23 मुरपुकी चहिं आन गेय पथ लाइनीम। मिनु नाक्‍दो सम्‍म गेय पाइनीम। 
\p  
\v 24 परमप्रभु यावे, इन गेय ठेयब नु शुश बाक्‍नीम। गे जोक्‍ब तुइक्‍ब दुम्‍शा, नेल्‍ल सेल्‍तीनी। रागी नेल्‍ल इन सेल्‍शो मारेइ मारेइम ब्रीशो बाक्‍ब। \em उत्‍पत्ती १:३१\em* 
\v 25 मेकेर ठेयब नु ब्रेम्‍शो समुन्‍द्र बाक्‍ब। मिनु मेकेर हिक्‍ने मचाप्‍चा ङा पा ठेयब नु आइक्‍च जन्‍तु रमल ग्‍यमल पा बाक्‍नीम।  
\v 26 मेकेर रे जहाजपुकी यो गाक्‍नीम। मिनु गे मेकेर ग्‍यारचा कली लेव्‍याथन यो सेल्‍तीनी। 
\p  
\v 27 मिनु मेको नेल्‍लेमी “जचा थोव़क गेकी” दे इन कली कोव़नीम। \em भजन संग्रह १४५:१५-१६\em* 
\v 28 गे मेको आन कली गेनीनु, मेकोपुकीमी खुप्‍नीम। इन मुठी प्राक्‍नीनु, मेकोपुकी ब्रोव़शो नु रिम्‍शो थोव़कीमी रूनीम।  
\v 29 मिनु इन कुल ख्रुइक्‍तीनीनु, मेकोपुकी श्‍येत जाइनीम। मेको आन सोक्‍त लाइक्‍नीनु, मेकोपुकी बेक्‍नीम। मिनु लेंशा फुरक दुम्‍नीम। \em उत्‍पत्ती ३:१९\em* 
\v 30 मिनु इन सोक्‍त सोइश्‍शा, मेको आन कली सेल्‍नीनी। मिनु गे रू आन कली लेंशा सेल्‍नीनी। 
\p  
\v 31 परमप्रभु यावे आ सक्ति गेना हना यो लीशा बाक्‍ल। परमप्रभु यावे आ गेय तशा, आंमा ग्‍येरसेक्‍ल।  
\v 32 गे रागी कली कोव़नीनु, मेको ख्रिंख्रि पाइब। गे डांडा कली थिनीनु, कुन ग्रूब।  
\v 33 गो ब्रोंइङा सम्‍म परमप्रभु यावे कली कुम्‍सो पना पन बाक्‍नुङ। गो मबेक्‍ङा सम्‍म आं परमप्रभु कली ठेयब सेल्‍शा, कुम्‍सो पना पन बाक्‍नुङ।  
\v 34 मेकोमी आं मिम्‍शो दाक्‍तल। मारदे हना गो परमप्रभु यावे कली मिम्‍शा ग्‍येरसीनुङ।  
\v 35 पाप पाइबपुकी रागी रे क्‍याम्‍चा पुंइसीमल। मिनु आ अरेशो मपाइबपुकी मलीमल। आं थुं परमप्रभु यावे कली ठेयब सेलो। परमप्रभु यावे कली ठेयब सेलो। 
\c 105  
\s1 परमप्रभु कली मान पतीके 
\p  
\v 1 परमप्रभु यावे कली “गे रिम्‍शो पाइब बाक्‍नीनी” दे लोव़ पने। जात जात ङा मुर आन कली परमप्रभु आ पशो तुइक्‍पतीन। \em इतिहास १६:८-२२\em* 
\v 2 मेको कली कुम्‍सो पने। मेको कली ठेयब सेल्‍तीक कुम्‍सो पने। मुर आन कली आ पशो छक लाक्‍चा ङा गेय शेंदीन।  
\v 3 गे परमप्रभु आ नें तुइक्‍तीके ग्‍येरसीन। परमप्रभु यावे कली माल्‍ब आन थुं ग्‍येरसीमल।  
\v 4 गे परमप्रभु यावे नु आ सक्ति मालीन। गे गेना हना यो मेको आ नेक्‍था बाक्‍चा मालीन।  
\v 5 गे मेको आ पशो रिम्‍शो गेय मिम्‍तीन। आ छक लाक्‍चा ङा गेय नु आ निसाफ पशो मिम्‍तीन।  
\v 6 मेको आ गेय पाइब अब्राहाम आ चच युइ नु याकूब आ तौपुकी, आ योव़शो नेल्‍ल मिम्‍तीन। 
\p  
\v 7 मेको परमप्रभु यावे, आंइ परमप्रभु बाक्‍ब। मेको आ निसाफ रागी नेल्‍ल कली बाक्‍ब।  
\v 8 मेकोमी आ पशो कबल गेना हना यो मिम्‍ब। आ देंशो लोव़ हजार हजार पाला सम्‍म मिम्‍ब। \em ब्‍यवस्‍था ७:९\em* 
\v 9 मेकोमी अब्राहाम नु मेको कबल पशो बाक्‍त। मिनु इसहाक नु यो थोक्‍शा लोव़ पशो बाक्‍त।  
\v 10 मेकोमी आ फुल्‍लुम मुशा ब्रेक्‍शो लोव़ याकूब कली गे‍शो बाक्‍त। मिनु मेको इस्राएल कली गेना हना लीब कबल बाक्‍ब।  
\v 11 मेकोमी “गो इ कली कनान रागी गेनुङ। मेको इन के दुम्‍ब” देंशो बाक्‍त। \em उत्‍पत्ती १२:७\em* 
\v 12 मेना मेको आन कली हिक्‍शोनु, इच्‍का खोइ ला बाक्‍मा बाक्‍त। मिनु मेकेर अर्को रागी ङा मुर यो बाक्‍मा बाक्‍त।  
\v 13 मेकोपुकी रागी का रे अर्को रागी नु राज्‍य का रे अर्को राज्‍य पा हिरना हिरन बाक्‍बाक्‍मा बाक्‍त।  
\v 14 परमप्रभुमी मेको आन कली सुइमी श्‍येत गेचा मगेमी बाक्‍त। मिनु मेको आन पर्बम पिप आन कली हुइक्‍तीमी बाक्‍त। \em गन्‍ती २३:७-१०\em* 
\v 15 मेकोमी “आं तेल लुक्‍शो आन कली मथिने। आं लोव़ पाइब आन कली मारेइ मपतीन” दे हुइक्‍तीमी बाक्‍त। 
\p  
\v 16 मिनु परमप्रभुमी मेको रागीमी अन्‍काल सोइश्‍शा, अन्‍न नेल्‍ल खतम सेल्‍शा, \em उत्‍पत्ती ४१:५४\em* 
\v 17 मुर का कली मेको आन ङोंइती सोइक्‍ता बाक्‍त। मेको योसेफ वाइल सेल्‍चा कली लेयचा पुंइसीशो बाक्‍त। \em उत्‍पत्ती ३७:२८\em* 
\v 18 मिनु मेको कली आ खोइलीम साङलो पाइश्‍शा, आ शुरमी फलाम के साङलो पाइक्‍तमे बाक्‍त।  
\v 19 मिनु योसेफ आ लोव़ थमा मदुम सम्‍म, परमप्रभु यावेमी मेको कली वारच पवा बाक्‍त।  
\v 20 मिनु पिपमी मुर सोइश्‍शा, मेको कली प्रोना बाक्‍त। जात जात ङा मुर आन कली सासन पाइबमी मेको कली प्रोना बाक्‍त। \em उत्‍पत्ती ४१:१४\em* 
\v 21 मिनु मेकोमी योसेफ कली आ दरवार ङा ठेयब मुर सेल्‍शा, आ शोंप नेल्‍ल आन होव़प सेला बाक्‍त।  
\v 22 मिनु आ आइक्‍च हुकुम पाइब आन कली शेंचा नु खाल्‍पा आन कली तुइक्‍ब सेल्‍चा कली योसेफ कली वोदा बाक्‍त। 
\p  
\v 23 मिनु इस्राएल ङा मुर इजीप्‍तमी ओव़मा बाक्‍त। मिनु याकूब हाम आ रागीमी बाक्‍ब दुम्‍माक्‍त। \em उत्‍पत्ती ४६:१,७\em* 
\v 24 मिनु परमप्रभु यावेमी आ मुर आन कली शुश सोशा बोशा सेल्‍मी बाक्‍त। मिनु मेको आन कली आन जोरी सत्रु आन क्‍येङा बोल्‍यो सेल्‍मी बाक्‍त। \em प्रस्‍थान १:७,१२\em* 
\v 25 परमप्रभुमी इजीप्‍ती आन थुं इस्राएली आन कली काइ मदाक्‍ब सेल्‍मी बाक्‍त। मिनु इस्राएली आन कली काइ मरिम्‍शो पाइब सेल्‍मी बाक्‍त। 
\p  
\v 26 मिनु परमप्रभुमी आ योव़शो गेय पाइब मोसा नु हारून आस कली मेकेर सोइक्‍ता बाक्‍त। \em प्रस्‍थान ३:१०; प्रस्‍थान ४:१४-१६\em* 
\v 27 मेको निक्‍शीमी हाम आ रागी ङा मुर आन दातेमी परमप्रभु आ चिन्‍ड नु छक लाक्‍चा ङा गेय कोंइद‍से बाक्‍त। \em प्रस्‍थान ७:-१२:-\em* 
\v 28 मेकोमी छिङछिङ सोइक्‍ता बाक्‍त। मिनु मेकेर छिङछिङ दुम्‍माक्‍‍त। तन्‍न मेकोपुकीमी मेको आ लोव़ मटीमे बाक्‍त।  
\v 29 मेकोमी मेको आन ब्‍वाक्‍कु हुश से‍लानु, मेकेर ङा ङांइ नेल्‍ल बेक्‍मा बाक्‍त।  
\v 30 आन रागीमी क्रुक्‍क्रुपुकी जाक्‍शा, आन पिप आन बाक्‍तीके सम्‍म जाक्‍दी‍म्‍मा बाक्‍त।  
\v 31 परमप्रभुमी लोव़ पवानु, आन रागी भुस्‍ना नु चुरमुमी ब्रीमा बाक्‍त।  
\v 32 मेकोमी रेउ आ पा ङा मुप्‍स यिपदा बाक्‍त। मिनु मेको रागी नेल्‍लेमी चिला दाप्‍पदा बाक्‍त।  
\v 33 मिनु मेकोमी आन अङगुर बोट नु फोव़शी रवा नेल्‍ल खतम सेल्‍शा, रागी नेल्‍ल ङा रवा फस पोक्‍गा बाक्‍त।  
\v 34 मेकोमी लोव़ पवानु, माले जाक्‍‍मा बाक्‍त। हिक्‍ने मचाप्‍चा ङा पा माले नु आन चाइक्‍ब शुश जाक्‍मा बाक्‍त।  
\v 35 मेकोपुकीमी मेको रागी ङा बाक्‍शो गिग नु फल फुल नेल्‍ल नेक्‍गमे बाक्‍त।  
\v 36 मिनु मेकोमी आन ङोंइती थिशो तौ सदा बाक्‍त। आन ङोंइती ङा बोल ङा आल खतम सेला बाक्‍त। 
\p  
\v 37 मिनु नोले परमप्रभुमी इस्राएली आन कली सुन चांदी कुरपाइश्‍शा मेक रे ग्रुंइदीमी बाक्‍त। मिनु मेको रे ग्रूब नेल्‍ल बोल्‍यो बाक्‍मा बाक्‍त। \em प्रस्‍थान १२:३५\em* 
\v 38 मिनु इजीप्‍त रागी ङा मुरपुकी इस्राएलीपुकी ग्रूशा लमानु, शुश ग्‍येरसामा बाक्‍त। मारदे हना मेको आन कली तशा शुश हिंशो बाक्‍मा बाक्‍त।  
\v 39 मिनु परमप्रभुमी आ मुर आन कली सुम्‍चा कली गोस्‍स सोइक्‍ता बाक्‍त। मिनु नाक्‍दो गाक्‍चा कली मी के थाम गेमी बाक्‍त। \em प्रस्‍थान १४:२०\em* 
\v 40 मेको आन पुंइतीके मेको आन कली चिक्‍ब गेमी बाक्‍त। मिनु सरीङ रे जचा थोव़क यिपदा बाक्‍त। \em प्रस्‍थान १६:१३-१५\em* 
\v 41 मेकोमी सेरथे फुल्‍लु रे ब्‍वाक्‍क बुक्‍पदा बाक्‍त। मिनु मेको गोरशो रागीमी खोला खोदेंशो पा शांइसे बाक्‍त। \em प्रस्‍थान १७:६\em* 
\v 42 मारदे हना परमप्रभुमी आ थोक्‍शा पशो लोव़ नु आ गेय पाइब, अब्राहाम कली मिम्‍ता बाक्‍त। 
\p  
\v 43 मोपा परमप्रभुमी आ योव़शो मुर आन कली ग्‍येरपाइश्‍शा ग्रुंइदीमी बाक्‍त। मिनु मेकोपुकी कुम्‍सो पा ग्रू‍मा बाक्‍त।  
\v 44 मिनु परमप्रभुमी रागी रागी ङा मुर आन रागी नु आन शोंप मेको आन कली गेमी बाक्‍त।  
\v 45 मेकोपुकीमी परमप्रभुमी फुल्‍लुम मुशा ब्रेक्‍शो लोव़, आ अरेशो लोव़ टीमेक्‍ल, दे मोदेंशो पवा बाक्‍त। परमप्रभु यावे कली ठेयब सेलीन। 
\c 106  
\s1 ठेयब सेल्तीके 
\p  
\v 1 परमप्रभु यावे कली ठेयब सेलीन। गेपुकीमी “गे रिम्‍शो पाइब बाक्‍नीनी” दे लोव़ पने। मारदे हना मेको रिम्‍शो पाइब बाक्‍ब। मिनु आ दाक्‍तीके गेना हना यो लीब। \em भजन संग्रह १००:४-५; प्रस्‍थान १०७:१; प्रस्‍थान ११८:१; १इतिहास १६:३४\em* 
\v 2 सुमी परमप्रभु यावे आ सक्ति पाइश्‍शो गेय आ पर्बम देंने चाप्‍बा ङा? सुमी मेको कली ठेयब सेल्‍तीक नेल्‍ल देंने चाप्‍बा ङा? \em यूहन्‍ना २१:२५; हिब्रू ११:३२\em* 
\v 3 सु सुमी ठीक पा निसाफ पाइनीमी नु गेना हना यो ठीक बाक्‍नीमी, मेको ग्‍येरसीशो मुर बाक्‍नीम। 
\p  
\v 4 परमप्रभु यावे, गे इन मुर आन कली शिशी पनी ना, आं कली यो मिम्‍तीन। मेको आन कली प्रोंइनीनु, आं कली यो वारच पन।  
\v 5 मिनु मोपा गो इन योव़शो मुर आन रिम्‍शो पा बाक्‍शो तने चाप्‍नुङ। मिनु इन मुर ग्‍येरसीशा बाक्‍शो तशा, ग्‍येरसीनुङ। गो इन योव़शो मुर दुम्‍शा ग्‍येरसीनुङ। 
\p  
\v 6 गोपुकी नु आंइ किकी पिपीम पाप पाइतक। गोपुकीमी मरिम्‍शो पा इन अरेशो लोव़ मटिक। \em दानीएल ९:५\em* 
\v 7 इजीप्‍त रागीम बाक्‍शो आंइ किकी पिपीम इन छक लाक्‍चा ङा गेय ममिम्‍शो बाक्‍तेक्‍म। मिनु इन शुश गेना हना यो दाक्‍तीके प्रेंशो बाक्‍तेक्‍म। मिनु लल समुन्‍द्रमी नेल्‍ल क्‍येङा ठेयब कली गाइश्‍शा लोव़ पशो बाक्‍तेक्‍म। \em प्रस्‍थान १४:११-१२\em* 
\v 8 मोदेंशो पाम्‍तेक्‍म हना यो, परमप्रभुमी आ नें आ पर्बम मेको आन कली श्‍येत रे प्रोंइशो बाक्‍त। मोदेंशो पा आ ठेयब सक्ति कोंइशो बाक्‍त।  
\v 9 मेकोमी लल समुन्‍द्र कली हुइक्‍तानु, सोव़शो बाक्‍त। मिनु मेको आन कली गोरशो रागी खोदेंशो पा, समुन्‍द्र ङा लां रे खुल्‍शो बाक्‍त।  
\v 10 मिनु मेको आन कली आन जोरी सत्रु आन गुइ रे प्रोंइशो बाक्‍त। मोपा आ प्रोंइशो मुर दुम्‍शो बाक्‍तेक्‍म।  
\v 11 मेको ब्‍वाक्‍कुमी आन जोरी सत्रु आन कली सुम्‍शा साइश्‍शा, का यो मलीशो बाक्‍तेक्‍म।  
\v 12 मिनु नोले आ देंशो थमा सुइश्‍शो बाक्‍तेक्‍म। मिनु परमप्रभु कली ठेयब सेल्‍तीक कुम्‍सो पशो बाक्‍तेक्‍म। \em प्रस्‍थान १५:२१\em* 
\p  
\v 13 तन्‍न मेकोपुकीमी परमप्रभु आ पशो रीब पा प्रेंशो बाक्‍तेक्‍म। मेको आ अर्ती नेंचा मबिश्‍शो बाक्‍तेक्‍म।  
\v 14 मिनु मेकोपुकी गोरशो रागीम बाक्‍मानु, आन शोव़ रक सुइश्‍शो बाक्‍त। मिनु परमप्रभु कली गोरशो रागीम नाक्‍शा कोव़शो बाक्‍तेक्‍म। \em गन्‍ती ११:४-६\em* 
\v 15 मिनु परमप्रभुमी मेको आन पुंइशो गेशो बाक्‍त। तन्‍न मेको आन दातेमी बेक्‍तीक रोइ सोइश्‍शो बाक्‍त। 
\p  
\v 16 मिनु मेकोपुकीमी परमप्रभु यावे रे पा योव़सीशो मोसा नु हारून आस कली गेहे पशो बाक्‍‍तेक्‍म। \em गन्‍ती १६:१-३\em* 
\v 17 मिनु रागी जेश्‍शा, दाथान कली दाक्‍शो बाक्‍त। मिनु अबीराम आ हुल कली सुम्शो बाक्‍त। \em गन्‍ती १६:३१-३५\em* 
\v 18 मिनु मेको आन दातेमी मी ग्रूशा, परमप्रभु आ अरेशो मपाइब आन कली ग्राव ग्रु दाक्‍शो बाक्‍त। 
\p  
\v 19 मेकोपुकीमी होरेब डांडाम बाछा का सेल्‍शा, मेको मूर्ति कली पूजा पशो बाक्‍‍तेक्‍म। \em प्रस्‍थान ३२:१-६\em* 
\v 20 मेकोपुकीमी आन मान पशो परमप्रभु आ पा ङा घांस ब्‍वाइब ब्‍यफ आ मूर्ति कली ठेयब सेल्‍शो बाक्‍तेक्‍म। \em रोमी १:२३\em* 
\v 21 मेकोपुकीमी आन कली श्‍येत रे प्रोंइब नु इजीप्‍तम ठेयब गेय पाइब आन परमप्रभु कली प्रेंशो बाक्‍तेक्‍म। \em ब्‍यवस्‍था ३२:१८\em* 
\v 22 मेकोमी हाम आ रागीमी छक लाक्‍चा ङा गेय नु लल समुन्‍द्र आ नेक्‍था शुश हिंचा ङा गेय पशो बाक्‍त।  
\v 23 मोपतीके मेकोमी “मेको आन कली खतम सेल्‍नुङ” दे मिम्‍शो बाक्‍त। तन्‍न आ योव़शो मुर मोसामी “मेको आन कली मोदेंशो मपचा” दे पुंइशो बाक्‍त। मिनु आ गाइश्‍शो नाइश्‍शो बाक्‍त। \em प्रस्‍थान ३२:११,३२; ब्‍यवस्‍था ९:२५-२९; इजीकीएल १३:४-५\em* 
\p  
\v 24 मिनु नोले मेकोपुकीमी परमप्रभु आ गेशो रागी मदाक्‍शो बाक्‍तेक्‍म। आ थोक्‍शा पशो लोव़ थमा मसुइश्‍शो बाक्‍तेक्‍म। \em गन्‍ती १४:२-४; ब्‍यवस्‍था ८:७-१०\em* 
\v 25 मेकोपुकीमी आन ताम्‍बुम गन गन पशो बाक्‍तेक्‍म। मिनु परमप्रभु यावे आ देंशो मटिशो बाक्‍तेक्‍म।  
\v 26 मोपतीके मेको आन कली “गो इन कली गोरशो रागीम साइक्‍नुङ।  
\v 27 मिनु इन चच युइ आन कली रागी रागीम फ्राइनुङ” दे कसम जशो बाक्‍त। 
\p  
\v 28 मिनु मेकोपुकीमी पेओर ङा बाल कली पूजा पशो बाक्‍तेक्‍म। मिनु बेक्‍शो मुर आन कली चढ़ेशो ज‍शो बाक्‍तेक्‍म। \em गन्‍ती २५:३\em* 
\v 29 मेकोपुकीमी आन पतीकेमी परमप्रभु कली गाइक्‍पाइश्‍शो बाक्‍तेक्‍म। मिनु मेको आन दातेम बेक्‍तीक रोइ ग्रूशो बाक्‍त।  
\v 30 मिनु फिनेहास बोक्‍शा परमप्रभु कली पुंइशो बाक्‍त। मिनु मेको मुर बेक्‍तीक रोइ नांइसीशो बाक्‍त। \em गन्‍ती २५:१२-१३\em* 
\v 31 मेको आ पुंइतीके इस्राएलीपुकीमी “फिनेहास ठीक पाइब बाक्‍ब” दे शुश पाला सम्‍म मिम्‍शो बाक्‍तेक्‍म।  
\v 32 मेकोपुकीमी मेरीबा ङा ब्‍वाक्‍कु आ नेक्‍था परमप्रभु कली गाइक्‍पाइश्‍शो बाक्‍तेक्‍म। मोपतीके मेको आन पर्बम मोसा कली मरिम्‍शो दुम्‍शो बाक्‍त। \em गन्‍ती २०:२-१३\em* 
\v 33 मेकोपुकीमी मोसा कली गाइक्‍पदमेनु, मोसाम मरिम्‍शो लोव़ पशो बाक्‍त। 
\p  
\v 34 मिनु मेकोपुकीमी परमप्रभु यावे आ देंशो खोदेंशो पा जात जात ङा मुर आन कली मसदमे बाक्‍त। \em ब्‍यवस्‍था ७:१२; ब्‍यवस्‍था १२:२-३; न्‍यायाधीस १:२८; न्‍यायाधीस २:२३-३:६\em* 
\v 35 मेकोपुकीमी रागी रागी ङा मीश आल आन कली ग्‍युंबे पामे बाक्‍त। मिनु रागी रागी ङा मुर आन पशो यो पामे बाक्‍त।  
\v 36 मेकोपुकीमी मेको आन मूर्ति आन कली पूजा पामे बाक्‍त। मिनु मेको आन कली ग्‍याइल खोदेंशो दुम्‍माक्‍‍त।  
\v 37 मेकोपुकीमी आंम तमी तौ वोल आन कली चढ़ेमे बाक्‍त। \em २राजा २१:६,१६\em* 
\v 38 मेकोपुकीमी आन पाप मपशो तमी तौ आन कली कनानी आन मूर्ति कली चढ़ेशा, आन हुश जारदमे बाक्‍त। मेको आन हुशेमी मेको रागी ग्रांग्रा दिशो दुम्‍माक्‍त।  
\v 39 मोपा मेको आन गेयम पतीके ग्रांग्रा दिशो दुम्‍शा, तेल्‍लेम खोदेंशो दुम्‍मा बाक्‍त। 
\p  
\v 40 मोपतीके परमप्रभु यावे आ मुर नु गाइक्‍ता बाक्‍त। आ योव़शो मुर आन कली तशा ग्रांग्रा दिमाक्‍त।  
\v 41 मिनु मेकोमी मेको आन कली रागी रागी ङा मुर आन गुइम गेमी बाक्‍त। मिनु मेको आन जोरी सत्रुम मेको आन कली सासन पामे बाक्‍त। \em न्‍यायाधीस २:१४\em* 
\v 42 मिनु आन जोरी सत्रुमी मेको आन कली दिप्‍शा, आन सक्तिम हुकुम पामे बाक्‍त।  
\v 43 मिनु परमप्रभुमी मेको आन कली शुश खेयप प्रोंइमी बाक्‍त। तन्‍न मेकोपुकीमी गेनायो परमप्रभु कली मटीमे बाक्‍त। मेको आन मरिम्‍शो पतीकेमी खतम दुम्‍मा बाक्‍त।  
\v 44 तन्‍न परमप्रभुमी मेको आन ङाक्‍शो नेंशा, आन श्‍येत जशो रे प्रोंइमी बाक्‍त।  
\v 45 मिनु मेकोमी मेको आन कली पशो कबल मिम्‍ता बाक्‍त। मिनु मेको आ गेना हना यो शुश दाक्‍तीक ङा शिशी कोंइदीमी बाक्‍त।  
\v 46 मिनु परमप्रभुमी इस्राएली आन कली सासन पाइब आन थुंमी शिशी पतीक कुर पवा बाक्‍त।  
\v 47 मिनु गे “परमप्रभु यावे, आंइ परमप्रभु, आंइ कली प्रोनीन। मिनु इन कली ‘गे रिम्‍शो पाइब बाक्‍नीनी’ देंचा कली नु इन नें ठेयब सेल्‍शा ग्‍येरसीचा कली आंइ कली रागी रागी रे खुप्‍तीन। \em ब्‍यवस्‍था ३०:३; १इतिहास १६:३५\em* 
\p  
\v 48 परमप्रभु यावे, इस्राएली आन परमप्रभु गेना हना यो ठेयब बाक्‍ल। मिनु मुरपुकीमी ‘मोदेंशो दुम्‍ल। आमेन’ देनीन” परमप्रभु यावे ठेयब बाक्‍ब। \em भजन संग्रह ४१:१४; १इतिहास १६:३६\em* 
\c 107  
\s1 “गे रिम्‍शो पाइब बाक्‍नीनी” देंशो 
\p  
\v 1 गे परमप्रभु यावे कली “गे रिम्‍शो पाइब बाक्‍नीनी” दे कुम्‍सो पने। मारदे हना मेको आ दाक्‍तीके गेना हना यो लीब। \em भजन संग्रह १०६:१\em* 
\v 2 परमप्रभु यावेमी श्‍येत रे प्रोंइचा पुंइसीशोपुकीमी मोपा कुम्‍सो पचा माल्‍नीम।  
\v 3 मेको आन कली रागी रागी रे खुप्‍ताक्‍मी। पूर्ब, पच्‍छिम, उत्तर, दक्‍खिन नु ब्‍वाक्‍कु बुक्‍तीके रे नु ब्‍वाक्‍कु शाइक्‍तीक रे खुप्‍ताक्‍मी। 
\p  
\v 4 का निक्‍शी गोरशो रागी मेर हिर‍शा, मुर बाक्‍तीक सहर मथिदेम।  
\v 5 मेकोपुकी जचा तूचा मतथु बेक्‍चा चिक्‍ताक्‍मे।  
\v 6 मोपा श्‍येत जशा, परमप्रभु यावे कली पुंइतेक्‍म। मिनु मेकोमी मेको आन कली आन श्‍येत रे प्रोंइतु।  
\v 7 मेकोमी मेको आन कली पित्‍थ लांम खुल्‍तीमी। मिनु मुर बाक्‍तीक सहरम चाक्‍दीत्‍ती‍मी।  
\v 8 मेकोपुकीमी परमप्रभु यावे कली “गे रिम्‍शो पाइब बाक्‍नीनी” देंचा माल्‍नीम। मारदे हना मेकोमी मुर आन कली गेना हना यो दाक्‍शा, मेको आन कली वारच पा, छक लाक्‍चा ङा गेय पाइब।  
\v 9 मेकोमी तूतू दाक्‍ब आन कली तूपाइक्‍ब। मिनु शोव़लु बेक्‍शो आन कली ब्रोव़शो जचा थोव़कमी रूपाइक्‍ब। \em लूका १:५३\em* 
\p  
\v 10 का निक्‍शी श्‍येत जशा छिङछिङम बाक्‍तेक्‍म। चोक्‍चा पुंइसीशोपुकी साङलोम पाइक्‍चा पुंइसीशा, श्‍येत जशो बाक्‍तेक्‍म।  
\v 11 मारदे हना मेकोपुकीमी परमप्रभु आ लोव़ मटिशो बाक्‍तेक्‍म। नेल्‍ल क्‍येङा ठेयब आ अर्ती मनेनेम।  
\v 12 मोपतीके मेकोपुकीमी शुश गेय पचा माल्‍तेक्‍म। मेकोपुकी गोल्‍तेक्‍म। तन्‍न मेको आन कली वारच पाइब सुइ मबाक्‍म।  
\v 13 मोपा श्‍येत जशा, परमप्रभु यावे कली पुंइतेक्‍म। मिनु मेकोमी मेको आन कली आन श्‍येत रे प्रोंइतु।  
\v 14 मेकोमी मेको आन कली आन श्‍येत नु छिङछिङ रे ग्रुंइताक्‍मी। मिनु मेको आन साङलो प्रोइक्‍तु।  
\v 15 मेकोपुकीमी परमप्रभु यावे कली “गे रिम्‍शो पाइब बाक्‍नीनी” देंचा माल्‍नीम। मारदे हना मेकोमी मुर आन कली गेना हना यो दाक्‍शा, मेको आन कली वारच पा, छक लाक्‍चा ङा गेय पाइब।  
\v 16 मेकोमी कांसा के लाप्‍चोपुकी प्रोल्‍ब। मिनु फलाम के बार जिक्‍ब। 
\p  
\v 17 का निक्‍शी मूर्ख दुम्‍शा, आंम आन मरिम्‍शो पतीकेमी श्‍येत जाम्‍तेक्‍म।  
\v 18 मेकोपुकीमी जचा थोव़क ग्रांग्रा दिशा, मारेइ जत मदाक्‍म। मिनु बेक्‍चा चिक्‍ताक्‍म।  
\v 19 मोपा श्‍येत जशा, परमप्रभु यावे कली पुंइतेक्‍म। मिनु मेकोमी मेको आन कली आन श्‍येत रे प्रोंइतु।  
\v 20 मेकोमी आ लोव़ सोइश्‍शा, मेको आन कली सापाइक्‍तु। मेको आन कली बेक्‍चा रे प्रोंइतु।  
\v 21 मेकोपुकीमी परमप्रभु यावे कली “गे रिम्‍शो पाइब बाक्‍नीनी” देंचा माल्‍नीम। मारदे हना मेकोमी मुर आन कली गेना हना यो दाक्‍शा, मेको आन कली वारच पा, छक लाक्‍चा ङा गेय पाइब।  
\v 22 मेकोपुकीमी “गे रिम्‍शो पाइब बाक्‍नीनी” दे चढ़ेमेक्‍ल। मिनु परमप्रभु आ पशो नेल्‍ल ग्‍येरशा कुम्‍सो पा शेंदमेक्‍ल। 
\p  
\v 23 का निक्‍शी जहाज ङोइश्‍शा, समुन्‍द्रम लाम्‍तेक्‍म। मेकोपुकी ग्‍याप्‍ब लेयब दुम्‍शा, ठेयब समुन्‍द्रम गाक्‍तेक्‍म।  
\v 24 परमप्रभु यावेमी ठेयब समुन्‍द्रम मार मार छक लाक्‍चा ङा गेय पवा, मेको ताम्‍तेक्‍म।  
\v 25 मिनु मेकोमी अरेशा, ठेयब फश गिवार पपाइक्‍तु। मिनु ठेयब समुन्‍द्र आ छाल पोक्‍तु।  
\v 26 मेकोपुकी सरीङ सम्‍म जाक्‍दीत्‍तेक्‍म। मिनु लेंशा ठेयब समुन्‍द्रमी दोक्‍तेक्‍म। मिनु मेकोपुकी शुश हिंशा वाम ग्‍याम दुम्‍तेक्‍म।  
\v 27 मिनु मेकोपुकी दुक्‍शो मुर खोदेंशो पा गोल्‍चा चिक्‍शा गाक्‍तेक्‍म। मिनु मारेइ पने मचाप्‍ब दुम्‍तेक्‍म।  
\v 28 मोपा श्‍येत जशा, परमप्रभु यावे कली पुंइतेक्‍म। मिनु मेकोमी मेको आन कली आन श्‍येत रे प्रोंइतु।  
\v 29 मेकोमी फश गिवार दिक्‍पाइक्‍तु। मिनु ठेयब समुन्‍द्र आ छाल दिक्‍तेक्‍म।  
\v 30 मिनु फश गिवार दिक्‍मेनु, मेकोपुकी ग्‍येरसाक्‍म। मिनु मेकोमी मेको आन कली आन जहाज नाइक्‍तीकेम चाक्‍दीत्‍तु।  
\v 31 मेकोपुकीमी परमप्रभु यावे कली “गे रिम्‍शो पाइब बाक्‍नीनी” देंचा माल्‍नीम। मारदे हना मेकोमी मुर आन कली गेना हना यो दाक्‍शा, मेको आन कली वारच पा, छक लाक्‍चा ङा गेय पाइब।  
\v 32 मेकोपुकीमी मुर आन ग्रुम्‍तीकेमी परमप्रभु कली ठेयब सेल्‍मेक्‍ल। खाल्‍पा आन दातेमी “परमप्रभु ठेयब बाक्‍ब” देंमल। 
\p  
\v 33 मेकोमी खोला आन कली गोरशो रागी सेल्‍ब। ब्‍वाक्‍कु बुक्‍तीके आन कली सोव़शो रागी दुम्‍पाइक्‍ब।  
\v 34 मेकोमी ग्रेल्‍ब रू कली हिक्‍सी रू सेल्‍ब। मारदे हना मेकेर बाक्‍ब मुर आ अरेशो मटीब बाक्‍नीम। \em उत्‍पत्ती १९:२४-२५\em* 
\v 35 मेकोमी गोरशो रागी कली दोम्‍ली बाक्‍शो रागी सेल्‍ब। मिनु थाम्‍पा सोव़शो रागीम शुश ब्‍वाक्‍कु बुक्‍पाइक्‍ब।  
\v 36 मेकेर शोव़लु बेक्‍शो मुर आन कली बाक्‍चा गेब। मिनु मेकोपुकीमी मेकेर बाक्‍तीक सहर सेल्‍नीम।  
\v 37 मेकोपुकीमी रूमी वांचेर शोक्‍नीम। अङगुर ख्रुम्‍नीम। मिनु मेको नेल्‍ल शुश ग्रेल्‍नीम।  
\v 38 मेकोपुकी परमप्रभु आ आसीक तशा, सोशा बोशा दुम्‍‍नीम। मिनु आन बी ब्‍यफ आन कली यो शुश दुम्‍पाइक्‍ब। 
\p  
\v 39 मिनु मेकोपुकी दिप्‍चा पुंइसीतीके नु श्‍येत जतीके शुश मलीशो बाक्‍तेक्‍म।  
\v 40 मिनु परमप्रभुमी मेकेर ङा हुकुम पाइब आन कली लां मबाक्‍शो गोरशो रागीम गाक्‍पाइक्‍तीमी। \em अय्‍युब १२:२१\em* 
\v 41 तन्‍न मेकोमी श्‍येत जाइब आन कली श्‍येत रे प्रोंइब। मिनु मेको आन खिं ङा मुर आन कली भेडा आन हुल खोदेंशो पा शुश सेल्‍ब।  
\v 42 मिनु रिम्‍शो थुं पाइश्‍शो मुरपुकी मेको तशा, ग्‍येरसीनीम। मिनु परमप्रभु आ अरेशो मटीब कोव़स ङा कोव़स दुम्‍शा ब्‍वाक्‍ने मचाप्‍नीम। \em अय्‍युब २२:१९-२०\em* 
\v 43 सु जोक्‍ब तुइक्‍ब बाक्‍मे, मेकोमी एको लोव़ रुबल। मिनु परमप्रभु यावे आ गेना हना यो दाक्‍तीके आ पर्बम मिम्‍तल। 
\c 108  
\s1 ठेयब सेल्‍तीक कुम्‍सो 
\d दाऊद आ कुम्‍सो। 
\p  
\v 1 परमप्रभु, गो थमा सुइक्‍ब दुम्‍ती। गो थमा पा इन नोले खोइक्‍ब दुम्‍ती। गो ताप्‍तीक ताप्‍शा कुम्‍सो पाइनुङ। आं थुं मुल सेंसो! \em भजन संग्रह ५७:८-१२\em* 
\v 2 ठेयब तार पाइश्‍शो ताप्‍तीके नु बीना बोक्‍कीस। गो सुनी कली सेंपाइक्‍नुङ।  
\v 3 परमप्रभु यावे गो जात जात ङा मुर आन दातेमी इन कली “गे रिम्‍शो पाइब बाक्‍नीनी” देंनुङ। मिनु रागी रागी ङा मुर आन दातेमी इन कली ठेयब सेल्‍शा कुम्‍सो पाइनुङ।  
\v 4 मारदे हना इन गेना हना यो दाक्‍तीक सरीङ खोदेंशो ठेयब बाक्‍ब। मिनु इन दाक्‍शा मप्रोंइतीके गोस्‍स खोदेंशो पा इर ङोन लाइब। \em भजन संग्रह ३६:६; भजन संग्रह ५७:११\em* 
\p  
\v 5 परमप्रभु, गे सरीङ क्‍येङा यो ठेयब बाक्‍नीनी। इन छेङछेङ रागी नेल्‍ल आन तार बाक्‍ल।  
\v 6 मिनु इन सक्तिमी आंइ कली वारच पने। मिनु आं लोव़ लेत्‍तीनी। इन दाक्‍शोपुकी ब्रोंइमल। \em भजन संग्रह ६:७-१४\em* 
\p  
\v 7 परमप्रभुमी आ बाक्‍तीक रे “गो ग्‍येरसीशा शेकेम कली योक्‍नुङ। मिनु सुक्‍कोथ ङा दिंम पुक्‍शा, योक्‍नुङ।  
\v 8 गिलाद आं के बाक्‍ब। मिनु मनस्‍से यो आं केन बाक्‍ब। एफ्राइम आं फलाम के ताकी बाक्‍ब। यहूदा आं राज दन्‍ड बाक्‍ब।  
\v 9 मोआब आं ब्‍वाक्‍कु तेम्‍तीक बोस बाक्‍ब। गो एदोम तार आं जुत्ता ब्‍‍वारनुङ। गो पलिस्‍ती आन कली ग्राशा, ग्‍येरशा ग्रीनुङ” देंत। 
\p  
\v 10 सुम आं कली गारो हिरशो सहर सम्‍म चाक्‍दीप्‍बा? सुम आं कली लां कोंइशा एदोम सम्‍म चाक्‍दीप्‍बा?  
\v 11 परमप्रभु गे आंइ कली प्रोंइतीनी। मुल गे आंइ लडाइ पाइब नु मगाक्‍नीनी।  
\v 12 गे आंइ जोरी सत्रु आन कली फ्रुचा कली वारच पने। मारदे हना मुर आन वारच पशो शोर गाक्‍शो बाक्‍ब।  
\v 13 गो परमप्रभु आ वारच प‍शोम ला ग्रानीकी। मिनु मेकोमी आंइ जोरी सत्रु आन कली दिम्‍ब। 
\c 109  
\s1 क्‍येक्‍क लेत्‍चा कली पुंइशो लोव़ 
\d कुम्‍सो पपाइक्‍ब कली दाऊद आ कुम्‍सो। 
\p  
\v 1 “परमप्रभु, गो इन कली ठेयब सेल्‍नुङ। गे सिक्‍सी पा मबाक्‍कीन।  
\v 2 मारदे हना इन अरेशो मटीब नु जोल पाइबपुकीमी आं पर्बम जोल पा लोव़ पाइनीम।  
\v 3 मेकोपुकीमी आं कली काइ मदाक्‍थु, लोव़ पा, आं कली जिचा तोशा मोशा ग्राम्‍नीम।  
\v 4 मेकोपुकीमी आं दाक्‍शो आ पा ङा, आं कली दोस गेनीम। मो हना यो गो मेको आन पर्बम पुंइनुङ।  
\v 5 मोपा मेकोपुकीमी आं रिम्‍शो पाइश्‍शो आ पा ङा मरिम्‍शो पाइनीम। आं दाक्‍शो आ पा ङा आं कली काइ मदाक्‍नीम। 
\p  
\v 6 मेकोपुकीमी मेको कली दोस गेचा कली परमप्रभु आ अरेशो मटीब का वोतीन। मेको कली दोस गेचा कली मेको आ ग्‍युरा गे राप्‍चा माल्‍ब। \em मत्ती ५:४३,४४; लूका २३:३४\em* 
\v 7 मिनु मेको आ निसाफ दुम्‍मेनु, मेको दोस ताइब दुम्‍ल। मिनु मेको आ परमप्रभु कली पुंइतीक लोव़ पाप दुम्‍ल।  
\v 8 मेको आ ब्रोंइतीके नाक्‍त इच्‍का ला दुम्‍ल। मिनु मेको आ गेय अर्कोम पवल। \em प्रेरित १:२०\em* 
\v 9 मेको आ तमी तौ रोम रोइक्‍च दुम्‍मल। मिनु मेको आ मीश वोंइश बेक्‍शो मीश दुम्‍ल।  
\v 10 मिनु आ तमी तौ हिरशा पुंइशा जाइब दुम्‍मल। मेको आन ब्रेश्‍शो खिं रे यो खेरचा पुंइसीमल।  
\v 11 मेको कली जेर गेबमी मेको आ मारेइ मारेइ नेक्‍गल। अरु मुरुमी मेको आ चेम्‍शो नेल्‍ल रोइक्‍तमेक्‍ल।  
\v 12 सुइमी मेको कली शिशी मकोंइदमेक्‍ल। आ तमी तौ आन कली यो शिशी मपामेक्‍ल।  
\v 13 मेको आ खिं ङा मुर नेल्‍ल क्‍याम्‍सीमल। मिनु आ तमी तौ आन पालाम मेको आन नें क्‍याम्‍सेक्‍ल। \em इजीकीएल १८:२०-२३\em* 
\v 14 मिनु परमप्रभु यावेमी मेको आ किकी पिपी आन पशो पाप मिम्‍चा माल्‍ब। मेको आ ममा आ पशो पाप मक्‍याम्‍सेक्‍ल। \em प्रस्‍थान २०:५\em* 
\v 15 मेको आन पाप गेना हना यो परमप्रभु यावे आ ङोंइती लील। मिनु सुइमी मेको आन कली रागीम ममिम्‍तमेक्‍ल।  
\v 16 मारदे हना मेकोमी काइ शिशी मपव। तन्‍न प्रुङग, श्‍येत जाइब नु थुं लुक्‍च लशो मुर आन कली साइक्‍चा कली खेदा पाप्‍तु।  
\v 17 मेकोमी सराप चीले पचा दाक्‍ताक्‍व। मिनु मेको सराप चीले रल। मेकोमी आसीक गेचा मदाक्‍त। मोपतीके आसीक मेको रे ङोन बाक्‍ल।  
\v 18 मेकोमी सराप चीले वा फेक्‍सीशो खोदेंशो पा फेक्‍साक्‍व। सराप आ रांम ब्‍वाक्‍कु खोदेंशो पा बाक्‍ल। तेल खोदेंशो पा मेको आ रुशेम ब्रील। \em गन्‍ती ५:२४\em* 
\v 19 मेकोमी सराप चीले आ वा खोदेंशो पा फेक्‍सेक्‍ल। मिनु किप्‍शुर खोदेंशो पा नाक्‍त किंत किंत किम्‍सेक्‍ल। 
\p  
\v 20 परमप्रभु यावेमी आं कली दोस गेब नु आ पर्बम मरिम्‍शो लोव़ पाइब कली मोदेंशो सजाइ गेवल।  
\v 21 तन्‍न परमप्रभु यावे, परमप्रभु, गे इन नें आ पर्बम आं कली वारच पाइय्‍यीनी। मारदे हना इन गेना हना यो दाक्‍तीके ठेयब बाक्‍ब।  
\v 22 गो प्रुङग नु श्‍येत जाइब दुम्‍ती। मिनु आं थुं खाइश्‍शो बाक्‍ब।  
\v 23 गो नां लाक्‍शो ना ङा वांकु खोदेंशो पा जाम्‍शो बाक्‍नुङ। थुर थुर पाइश्‍शो सल्‍हा खोदेंशो बाक्‍नुङ।  
\v 24 गो माइजा बाक्‍ङानु, आं खोइली योक्‍शो बाक्‍ब। मिनु गेयशो बाक्‍नुङ।  
\v 25 आं कली दोस गेबपुकी आ कली तशा गाइक्‍नीम। मिनु आन पिया हिम्‍‍नीम। 
\p  
\v 26 परमप्रभु यावे, आं परमप्रभु, वारच पाइय्‍यीनी। इन गेना हना यो दाक्‍तीकेमी आं कली प्रोंइ‍यीनी।  
\v 27 मेकोपुकीमी ‘परमप्रभु यावेम आं कली वारच पाइब’ दे तुइक्‍तमेक्‍ल।  
\v 28 मेकोपुकीमी सराप चीले पामेक्‍ल। तन्‍न गे आसीक गेने। मेकोपुकी बोक्‍मानु, मुने दोक्‍मल। तन्‍न इन गेय पाइब ग्‍येरसीब। \em लूका ६:२७-२८\em* 
\v 29 आं कली दोस गेब आन कुल मुनेम सुम्‍सीमल। मिनु आन मुने दोक्‍तीके फेक्‍तीके वा खोदेंशो पा फेक्‍सीमल।  
\v 30 गो परमप्रभु यावे कली ‘गे थम रिम्‍शो पाइब बाक्‍नीनी’ देंनुङ। शुश मुर आन दातेमी गो मेको कली ठेयब सेल्‍नुङ” देंती।  
\v 31 मारदे हना मेको श्‍येत जाइब आन कली साइक्‍ब आन गुइ रे प्रोंइशा वारच पाइब बाक्‍ब। 
\c 110  
\s1 परमप्रभुम पिप कली अधिकार गेब 
\d दाऊद आ कुम्‍सो। 
\p  
\v 1 परमप्रभु यावेमी, आं परमप्रभु कली “गे आं ग्‍युरा गे निस्‍सो। मिनु गो इ जोरी सत्रु आन कली इ खोइल थेक्‍तीके सेल्‍नुङमी। \em मत्ती २२:४४; प्रेरित २:३४; हिब्रू १:१३; १कोरिन्‍थी १५:२५; फिलिप्‍पी २:८-११; हिब्रू १०:१२-१३\em* 
\p  
\v 2 परमप्रभु यावेमी सियोन रे पा इन सक्ति ङा राज दन्‍ड दिंब। मिनु गे इन जोरी सत्रु आन कली सासन पने” देंत। \em भजन संग्रह २:६\em* 
\v 3 गे लडाइ पनी नाक्‍ती इन मुर आन थुंम ग्‍येरशा इन नोले खोइक्‍नीम। सुनी ङा सीत खोदेंशो पा इन रागी ङा ठिटापुकी खुम्‍सीशा इन नेक्‍था जाक्‍नीम।  
\v 4 मिनु परमप्रभु यावेमी “गे मेल्‍कीसेदेक खोदेंशो पा गेना हना यो चढ़ेब दुम्‍‍नेवे” दे कसम जाप्‍तु। मेकोमी आ थुं मफाइक्‍ब। \em उत्‍पत्ती १४:१८-२०; हिब्रू ५:६,१०; हिब्रू ६:२०; हिब्रू ७:१७,२१\em* 
\v 5 परमप्रभु इन ग्‍युरा गे बाक्‍ब। मेको गाइक्‍ता नाक्‍ती पिप आन कली खतम पोक्‍ब। \em भजन संग्रह २:२,५,९\em* 
\v 6 मेकोमी रागी रागी ङा मुर आन कली निसाफ पाइब। मिनु मेको आन रागी बेक्‍शो मुरुम प्रिंब। मिनु बेक्‍शो मुर आन पिया रागी मेर फ्राइब। \em दानीएल २:४४\em* 
\v 7 मेकोमी लां आ नेक्‍था ङा खोला ङा ब्‍वाक्‍कु तूब। मोपतीके मेको सक्ति पाइश्‍शो दुम्‍शा ग्राब। 
\c 111  
\s1 परमप्रभु कली ठेयब सेल्‍तीक कुम्‍सो 
\p  
\v 1 परमप्रभु यावे कली ठेयब सेलीन। गो रिम्‍शो थुं पाइश्‍शो मुर आन दातेमी आं थुं नेल्‍लेमी “परमप्रभु, गे रिम्‍शो पाइब बाक्‍नीनी” दे ग्रुम्‍तीकेम देंनुङ।  
\v 2 परमप्रभु यावे आ गेय थम ठेयब बाक्‍नीम। सु सुम मेको कली दाक्‍नीमी, मेकोपुकीमी मेको शेंसीनीम।  
\v 3 मेको आ गेय ठेयब नु मान पाइक्‍चा पुंइसीब बाक्‍नीम। मिनु परमप्रभु आ ठीक पतीके गेना हना यो लीब।  
\v 4 मेकोमी आ छक लाक्‍चा ङा गेय मिम्‍पाइश्‍शो बाक्‍ब। परमप्रभु यावे दाक्‍ब नु शिशी पाइब बाक्‍ब। \em प्रस्‍थान १२:१-२२\em* 
\v 5 मेकोमी आ कली मान पा हिंब आन कली जचा गेब। मिनु आ पशो कबल गेना हना यो मिम्‍ब। \em भजन संग्रह १४५:१५\em* 
\v 6 मेकोमी आ मुर आन कली रागी रागी ङा मुर आन शोंप गेशा, आ सक्ति कोंइशो बाक्‍ब।  
\v 7 मेको आ गेय नेल्‍ल आ देंशो खोदेंशो नु ठीक बाक्‍नीम। आ अरेशा ब्रेक्‍शो लोव़ नेल्‍ल थमा सुइक्‍चा माल्‍शो बाक्‍नीम।  
\v 8 मेको गेना हना यो लीब बाक्‍नीम। मुरपुकीमी मेको मप्रोंइथु, आन थुं नेल्‍लेमी टिचा माल्‍नीम।  
\v 9 मेकोमी आ मुर आन कली श्‍येत रे प्रोंइतु। मेकोमी आ पशो कबल गेनायो मक्‍याम्‍चा कली सेल्‍शो बाक्‍त। मेको आ नें का ला मान पा हिंचा ङा बाक्‍ब।  
\v 10 परमप्रभु यावे कली मान पा हिंचा तुइक्‍ब दुम्‍चा कली गोतीक बाक्‍ब। मिनु सु सुमी मेको पाइनीमी मेको शुश रुप्‍ब दुम्‍नीम। परमप्रभु कली ठेयब सेल्‍तीके गेना हना यो लीब। \em हितोपदेस १:७\em* 
\c 112  
\s1 दाक्‍चा मप्रोंइब आन ग्‍येरशो 
\p  
\v 1 परमप्रभु यावे कली ठेयब सेलीन। सु परमप्रभु यावे कली मान पा हिंबा, मेको ग्‍येरसीशो मुर बाक्‍ब। मेकोमी परमप्रभु आ शेंशो शुश दाक्‍ब। \em भजन संग्रह १:२; हितोपदेस २०:७\em* 
\v 2 मेको आ चच युइ रागीम ठेयब मुर दुम्‍नीम। रिम्‍शो थुं पाइश्‍शो मुर आन पाला आसीक राइनीम।  
\v 3 मेको आन खिंमी शोंप बाक्‍ब। मेको आन ठीक पतीके गेना हना यो लीब।  
\v 4 रिम्‍शो थुं पाइश्‍शो मुर छिङछिङम बाक्‍तेक्‍म हना यो, छेङछेङ दुम्‍ब। मेको मुर आन कली दाक्‍ब, शिशी पाइब नु ठीक पाइब बाक्‍नीम।  
\v 5 हाइश्‍शो दुम्‍शा, गेब मुर आन कली रिम्‍शो दुम्‍ब। मेकोपुकीमी आन गेय ठीक पतीकेमी पाइनीम।  
\v 6 ठीक पाइबपुकी गेनायो मप्रेंसीनीम। मेको आन कली मिम्‍तीके गेना हना यो लीब।  
\v 7 मेको मरिम्‍शो लोव़ नेंशा, महिंनीम। मेको आन थुं नेल्‍लेमी परमप्रभु यावे सक्ति पाइश्‍शो बाक्‍ब, दे तुइक्‍नीम।  
\v 8 मेको आन थुं ग्‍येत्‍थ लुक्‍च मपथु, महिंनीम। मिनु नोले आन जोरी सत्रु आन कली ब्रुशो ताइनीम। \em भजन संग्रह ९१:८\em* 
\v 9 मेकोपुकीमी हाइश्‍शो थुं पा प्रुङग आन कली मार मार गेम्‍तेक्‍म। मेको आन ठीक पतीके गेना हना यो लीब। मेको मान ताइब बाक्‍नीम। \em २कोरिन्‍थी ९:९\em* 
\v 10 मिनु परमप्रभु आ अरेशो मटीबपुकीमी मेको नेल्‍ल तशा आन थुं खुरसीनीम। मेको आन ख्रुइ शेप्‍शा, थाम्‍पा गाइक्‍नीम। मेको आन मिम्‍शो गेनायो मजाक्‍दीप्‍ब। 
\c 113  
\s1 परमप्रभु आ मान ततीके 
\p  
\v 1 परमप्रभु यावे कली ठेयब सेलीन। परमप्रभु यावे आ गेय पाइबपुकी परमप्रभु यावे आ नें ठेयब सेलीन। गे “परमप्रभु यावे आ नें ठेयब बाक्‍ब” देनीन।  
\v 2 परमप्रभु यावे आ नें मुल रे गेना हना यो ठेयब सेल्‍मेक्‍ल।  
\v 3 नां दाप्‍तीक रे नां पेरतीक सम्‍म परमप्रभु यावे आ नें ठेयब सेल्‍चा माल्‍नीम। \em भजन संग्रह ५०:१\em* 
\v 4 परमप्रभु यावे रागी रागी ङा नेल्‍ल आन क्‍येङा ठेयब बाक्‍ब। मेको आ छेङछेङ स्‍वर्ग क्‍येङा यो इर बाक्‍ब।  
\v 5 परमप्रभु यावे, आंइ परमप्रभु खोदेंशो अर्को सु बाक्‍बा ङा? सु नेल्‍ल क्‍येङा इर निश्‍शो बाक्‍बा ङा? \em प्रस्‍थान १५:११; यसैया ५७:१५\em* 
\v 6 मेकोमी सरीङ नु रागी कोव़‍ब।  
\v 7 मेकोमी प्रुङग आन कली फुरकुम निश्‍शो रे पोक्‍ब। मिनु श्‍येत जाइब आन कली ग्रांग्रा दितीक रे पोक्‍ब। \em १सामुएल २:८; लूका १:४८; उत्‍पत्ती ४१:४०-४१\em* 
\v 8 मेको आन कली आ मुर आन ठेयब मुर नु निप्‍पाइक्‍चा कली पोक्‍ब।  
\v 9 मिनु मेकोम आल मथीब मीश मुर आन कली ग्‍येरसीशो ममा सेल्‍ब। परमप्रभु यावे कली ठेयब सेलीन। \em उत्‍पत्ती २१:२ १सामुएल १:२०; लूका १:५७-५८\em* 
\c 114  
\s1 इस्राएलीपुकी इजीप्‍त रे ब्रोंइशो 
\p  
\v 1 इस्राएली इजीप्‍त रे ब्रोंइशा जाक्‍मानु, याकूब आ खिं ङा मुर अर्को जात ङा लोव़ ब्‍वाक्‍तीक रे ग्रूशा जाक्‍मानु, \em प्रस्‍थान १२:४१\em* 
\v 2 यहूदा परमप्रभु आ बाक्‍तीक नु इस्राएल आ राज्‍य दुम्‍त। 
\p  
\v 3 मोदेंशो दुम्‍शो तशा समुन्‍द्र प्रोक्‍त। यर्दन खोला दूली पा शाइक्‍त। \em प्रस्‍थान १४:२१-२२; यहोसु ३:१३,१६\em* 
\v 4 डांडा बोका खोदेंशो पा प्रेक्‍तेक्‍म। पहाड भेडा खोदेंशो पा प्रेक्‍तेक्‍म।  
\v 5 समुन्‍द्र, गे मारदे प्रोक्‍ङे? यर्दन खोला, मारदे दूली गे शांइसे? \em यहोसु ४:२३-२४\em* 
\v 6 डांडा गे मारदे बोका खोदेंशो पा प्रेक्‍नी? पहाड गे मारदे भेडा खोदेंशो पा प्रेक्‍नी?  
\v 7 रागी, परमप्रभु आ ङोंइती ख्रिंख्रि पावो। याकूब आ परमप्रभु आ ङोंइती ख्रिंख्रि पावो। \em प्रस्‍थान १९:१८\em* 
\v 8 मेकोमी सेरथे फुल्‍लु कली फाइश्‍शा, ब्‍वाक्‍कु देम्‍तीके सेल्‍तु। मिनु शेराल फुल्‍लु फाइश्‍शा, ब्‍वाक्‍कु बुक्‍तीके सेल्‍तु। \em प्रस्‍थान १७:६\em* 
\c 115  
\s1 परमप्रभु यावे ला परमप्रभु बाक्‍ब 
\d भजन संग्रह १३५:१५-२० 
\p  
\v 1 परमप्रभु यावे, आंइ कली ममाइ, इन नें ठेयब सेल्‍चा गेने। इन गेना हना यो दाक्‍तीके नु दाक्‍शा मप्रोंइतीके आ पर्बम इन नें ठेयब सेल्‍चा माल्‍शो बाक्‍ब।  
\v 2 रागी रागी ङा मुरपुकीमी “मेको आन परमप्रभु ते बाक्‍म?” दे मारदे हिल्‍लो पाइनीमी? \em भजन संग्रह ४२:४\em* 
\p  
\v 3 आंइ परमप्रभु स्‍वर्गम बाक्‍ब। मेकोमी मार दाक्‍ता, मेको पाइब।  
\v 4 मेको आन मूर्तिपुकी मुर आन गुइम सेल्‍शो सुन नु चांदी के बाक्‍नीम। \em ब्‍यवस्‍था ४:२८; यसैया ४४:९-२०\em* 
\v 5 मिनु मेको आन के शोव़ बाक्‍नीम, तन्‍न ब्‍वाक्‍ने मचाप्‍नीम। मिक्‍च बाक्‍नीम, तन्‍न तने मचाप्‍नीम।  
\v 6 मिनु मेको आन के नोफा बाक्‍नीम। तन्‍न नेंने मचाप्‍नीम। नें बाक्‍नीम, तन्‍न नाम्‍ने मचाप्‍नीम।  
\v 7 मेको आन के गुइ बाक्‍नीम, तन्‍न सुल्‍ने मचाप्‍नीम। खोइल बाक्‍नीम, तन्‍न गाक्‍ने मचाप्‍नीम। मेकोपुकीमी आन शोव़ रे मारेइ सेंदा ग्रुंइने मचाप्‍नीम।  
\v 8 मेको आन कली सेल्‍ब यो मोदेंशोन बाक्‍नीम। मिनु मेको आन कली थमा सुइक्‍ब यो मोदेंशोन दुम्‍नीम। 
\p  
\v 9 गे इस्राएलीपुकी, परमप्रभु यावे कली थमा सुतीन। मेको इन कली वारच पाइब नु तेक्‍तीक बाक्‍ब।  
\v 10 हारून आ खिं ङा मुरपुकी, परमप्रभु यावे कली थमा सुतीन। मेको इन कली वारच पाइब नु तेक्‍तीक बाक्‍ब।  
\v 11 सु सुम परमप्रभु यावे कली मान पा हिंशा, थमा सुइक्‍नीमी, मेको आन कली वारच पाइब नु तेक्‍तीक बाक्‍ब। 
\p  
\v 12 परमप्रभु यावेमी आंइ कली मिम्‍ब। मिनु आसीक गेब। मेकोमी इस्राएल ङा मुर आन कली आसीक गेब। मेकोमी हारून आ खिं ङा मुर आन कली आसीक गेब।  
\v 13 मेकोमी परमप्रभु यावे कली मान पा हिंब आइक्‍च ठेयब नेल्‍ल आन कली आसीक गेब। 
\p  
\v 14 परमप्रभु यावेमी इन कली नु इन आल आन कली सोशा बोशा दुम्‍पदल।  
\v 15 सरीङ नु रागी सेल्‍ब परमप्रभु यावेमी इन कली आसीक गेवल। \em भजन संग्रह १३४:३\em* 
\p  
\v 16 स्‍वर्ग परमप्रभु यावे केन बाक्‍ब। तन्‍न रागी चहिं मुर आन कली गेशो बाक्‍ब।  
\v 17 बेक्‍शो मुर नु बेक्‍शो मुर आन बाक्‍तीकेम लाइबपुकीमी परमप्रभु यावे कली ठेयब मसेल्‍नीम। \em यसैया ३८:१८\em* 
\v 18 तन्‍न गो दा मुल रे गेना हना यो परमप्रभु यावे कली ठेयब सेल्‍नीकी। परमप्रभु यावे कली ठेयब सेलीन। 
\c 116  
\s1 परमप्रभु कली ठेयब सेल्‍शो 
\p  
\v 1 गो परमप्रभु यावे कली दाक्‍नुङ। मारदे हना मेकोमी आं पुंइशो नु ब्रेश्‍शो नेंशो बाक्‍ब।  
\v 2 मेकोमी आं लोव़ नेंतु। मोपतीके गो ब्रोंइङा सम्‍म मेको कली पुंइशा लोव़ पाइनुङ।  
\v 3 गो बेक्‍चा चिक्‍शो बाक्‍ती। हेररा तुरसुम लाइक्‍चा पुंइसीशो बाक्‍ती। सुर्ता पतीके नु हिंतीके थुंम सुम्‍शो बाक्‍ती।  
\v 4 मेना गो परमप्रभु यावे आ नें थोशा “परमप्रभु यावे, आं कली ब्रोंइचा गेयीनी” दे पुंइता। 
\p  
\v 5 परमप्रभु यावे शिशी पाइब नु ठीक पाइब बाक्‍ब। आंइ परमप्रभु शुश दाक्‍ब बाक्‍ब।  
\v 6 परमप्रभु यावेम आइक्‍च थुं पाइश्‍शो आन कली कोव़ब। आं थुं लुक्‍च लमेनु, मेकोमी आं कली श्‍येत रे प्रोंइती।  
\v 7 आं थुं लेंशा नांइसो। मारदे हना परमप्रभु यावेमी इ कली रिम्‍शो पाइश्‍शो बाक्‍ब। \em भजन संग्रह ४२:६\em* 
\p  
\v 8 गे आं सोक्‍त कली बेक्‍चा रे प्रोंइशो बाक्‍तीनी। आं कली ङाक्‍तीक नु दाइल पाइक्‍तीक रे प्रोंइतीनी।  
\v 9 गो ब्रोंइशो मुर आन बाक्‍तीक रागीमी परमप्रभु यावे आ ङोंइती गाक्‍नुङ। \em भजन संग्रह १४२:६\em* 
\v 10 गो शुश श्‍येत जशा यो, आं थमा सुइक्‍तीक मप्रोनु।  
\v 11 गो सुर्ता पा श्‍येत जङानु “मुर नेल्‍ले जोल पाइब ला बाक्‍नीम” देंती। \em रोमी ३:४\em* 
\p  
\v 12 परमप्रभु यावेमी आं कली गिश रिम्‍शो पाइय्‍यी, गो मेको आ पा ङा मेको कली मार गेनुङा?  
\v 13 गो “गे आं कली श्‍येत रे प्रोंइतीनी” देंशा, परमप्रभु यावे आ नें थिशा, मेको कली ठेयब सेल्‍नुङ।  
\v 14 गो परमप्रभु यावे आ ङोंइती मुर आन दातेमी आं जशो कसम खाप्‍नुङ।  
\v 15 परमप्रभु यावे आ मुर बेक्‍चा मेको कली थम ठेयब बाक्‍ब। \em भजन संग्रह ७२:१४\em* 
\v 16 परमप्रभु यावे, गो इन गेय पाइब नङ। गो इन गेय पाइब मीश मुर आ तौ, इन वाइल नङ। गे आं कली बेक्‍तीक रे प्रोंइतीनी।  
\v 17 गो इन कली “गे रिम्‍शो पाइब बाक्‍नीनी” दे चढ़ेतीक चढ़ेनुङ। मिनु परमप्रभु यावे, इन नें थिशा, इन कली ठेयब सेल्‍नुङ। \em योना २:१०\em* 
\v 18 गो परमप्रभु यावे आ मुर नेल्‍ल आन ङोंइती आं जशो कसम खाप्‍नुङ।  
\v 19 परमप्रभु यावे आ खिं ङा लाङगा नु यरूसलेमम बाक्‍बपुकी परमप्रभु यावे कली ठेयब सेलीन। 
\c 117  
\s1 परमप्रभु कली ठेयब सेलीन 
\p  
\v 1 रागी रागी ङा मुर नेल्‍लेम परमप्रभु यावे कली ठेयब सेलीन। जात जात ङा मुर नेल्‍लेम मेको कली मान पने! \em रोमी १५:११\em* 
\v 2 मारदे हना परमप्रभु यावे आ गेना हना यो दाक्‍तीके नु आ दाक्‍शा गेनायो मप्रोंइतीके ठेयब बाक्‍ब। मिनु आ दाक्‍शा गेनायो मप्रोंइतीके गेना हना यो लीब। मोपतीके परमप्रभु यावे कली ठेयब सेलीन। \em प्रस्‍थान ३४:६\em* 
\c 118  
\s1 ठेयब सेल्‍तीक कुम्‍सो 
\p  
\v 1 परमप्रभु यावे कली “गे रिम्‍शो पाइब बाक्‍नीनी” देनीन। मारदे हना मेको रिम्‍शो पाइब बाक्‍ब। मिनु आ दाक्‍तीके गेना हना यो लीब। \em भजन संग्रह १०६:१\em* 
\v 2 इस्राएलीपुकीमी “मेको आ दाक्‍तीके गेना हना यो लीब” देंमल।  
\v 3 हारून आ खिं ङा मुरपुकीमी “मेको आ दाक्‍तीके गेना हना यो लीब” देंमल।  
\v 4 परमप्रभु यावे कली मान पा हिंबपुकीमी “मेको आ दाक्‍तीके गेना हना यो लीब” देंमल। 
\p  
\v 5 गो श्‍येत जङानु, परमप्रभु यावे कली पुंइता। मिनु मेकोमी आं लोव़ लेत्‍ताक्‍यी। मिनु आं कली श्‍येत रे प्रोंइती।  
\v 6 परमप्रभु यावे गो नु बाक्‍तीके गो महिंनुङ। मुरपुकीमी आं कली मार पाइक्‍ने चाप्‍नीमी ङा? \em रोमी ८:३१; भजन संग्रह ५६:५; हिब्रू १३:६\em* 
\v 7 परमप्रभु यावे गो नु बाक्‍शा, आं कली वारच पाइब बाक्‍ब। गो आं कली काइ मदाक्‍ब आन कली ग्राशा कोंइनुङमी।  
\v 8 मुर आन कली तशा “मेकोमी वारच पाइनीम” देंचा क्‍येङा परमप्रभु यावे नु फाम्‍सीचा रिम्‍शो बाक्‍ब। \em भजन संग्रह १४६:३\em* 
\v 9 मिनु हुकुम पाइब मुर आन कली तशा “मेकोमी वारच पाइनीम” देंचा क्‍येङा परमप्रभु यावे नु फाम्‍सीचा रिम्‍शो बाक्‍ब।  
\v 10 रागी रागी ङा मुर नेल्‍लेमी आं कली पुम्‍ताक्‍यीमी। तन्‍न गो परमप्रभु यावे आ नेंमी नेल्‍ल आन कली खतम पोक्‍ताक्‍मी।  
\v 11 मेकोपुकीमी आं कली तेइ तेइ रे पुम्‍ताक्‍यीमी। तन्‍न गो परमप्रभु यावे आ नेंमी नेल्‍ल आन कली खतम पोक्‍ताक्‍मी।  
\v 12 मेकोपुकीमी आं कली सुरबुम खोदेंशो पा गिल्‍तीमी। मेकोपुकी चूम ब्रशो मी खोदेंशो पा ब्राम्‍तेक्‍म। तन्‍न गो परमप्रभु यावे आ नेंमी मेको आन कली खतम पोक्‍ताक्‍मी।  
\v 13 गो नेप्‍चा पुंइसीशा, गोल्‍चा चिक्‍शो नङ। तन्‍न परमप्रभु यावेमी वारच पाइक्‍ती।  
\v 14 परमप्रभु यावे आं बोल नु सक्ति बाक्‍ब। मिनु मेको आं कली श्‍येत रे प्रोंइब दुम्‍शो बाक्‍ब। \em प्रस्‍थान १५:२\em* 
\v 15 ठीक पाइब आन ताम्‍बुमी ग्‍येरशो नु ग्राशा कुम्‍सो पशो नेंसीब। परमप्रभु यावेमी सक्ति पाइश्‍शो गेय पाइब।  
\v 16 परमप्रभु यावेमी “गो ग्राती” दे आ ग्‍युरा गुइ पोक्‍शो बाक्‍ब। परमप्रभु यावेमी सक्ति पाइश्‍शो गेय पाइब।  
\v 17 गो मबेक्‍नुङ, तन्‍न ब्रोंइशा बाक्‍शा, परमप्रभु यावे आ पशो नेल्‍ल शेंनुङमी।  
\v 18 परमप्रभु यावेमी आं कली शुश सजाइ गेती। तन्‍न बेक्‍चा मगेयी। \em २कोरिन्‍थी ६:९\em* 
\p  
\v 19 आं कली परमप्रभु यावे आ खिं ङा लाप्‍चो रोक्‍कीन। मिनु गो ओव़शा, परमप्रभु यावे कली “गे रिम्‍शो पाइब बाक्‍नीनी” देंनुङ।  
\v 20 एको परमप्रभु यावे आ लाप्‍चो बाक्‍ब। ठीक पाइबपुकी एको लाप्‍चो रे ओव़नीम। \em यसैया २६:२\em* 
\v 21 गे आं पुंइशो नेंशा, लोव़ लेत्‍ताक्‍यीनी। मोपतीके गो इन कली “गे रिम्‍शो पाइब बाक्‍नीनी” देंनुङ। गे आं कली श्‍येत रे प्रोंइब दुम्‍तीनी।  
\v 22 खिं सेल्‍बपुकीमी गारो प्रोव़ङमेनु “एको फुल्‍लु मगार” दे ताइक्‍तमे बाक्‍त। मिनु मेको मगारथु ताइश्‍शो फुल्‍लु चहिं जग ङा सुरे फुल्‍लु दुम्‍माक्‍त। \em यसैया २८:१६; मत्ती २१:४२\em* 
\v 23 मेको परमप्रभु यावेमी पशो बाक्‍ब। गो मेको तशा, छक लाक्‍नीकी।  
\v 24 परमप्रभु यावेमी मुलाक्‍ती ङा नाक्‍ती सेल्‍शो बाक्‍ब। गोपुकी कुम्‍सो पा ग्‍येरसय। 
\p  
\v 25 परमप्रभु यावे आंइ कली श्‍येत रे प्रोंइकी। परमप्रभु यावे आंइ गेय रिम्‍शो दुम्‍ल।  
\v 26 परमप्रभु यावे आ नेंमी जाक्‍ब आसीक रशो बाक्‍ब। गो परमप्रभु यावे आ खिं रे पा इन कली आसीक गेनीकी। \em मत्ती २१:९; मत्ती २३:३९\em* 
\v 27 परमप्रभु यावे ला परमप्रभु बाक्‍ब। मेकोमी आ छेङछेङ आंइ तार दाप्‍पाइश्‍शो बाक्‍ब। रवा आ राशी शेशा, ग्‍येरशा, चढ़ेतीक आ ग्रोव़ ग्‍योम्‍दीन। \em प्रस्‍थान २७:१-२\em* 
\v 28 गे आं परमप्रभु बाक्‍नीनी। गो इन कली “गे रिम्‍शो पाइब बाक्‍नीनी” देंनुङ। गे आं परमप्रभु बाक्‍नीनी। मिनु गो इन कली मान पा ठेयब सेल्‍नुङ।  
\v 29 गे परमप्रभु यावे कली “गे रिम्‍शो पाइब बाक्‍नीनी” देनीन। मारदे हना मेको रिम्‍शो पाइब बाक्‍ब। मिनु आ दाक्‍तीके गेना हना यो लीब। \em भजन संग्रह १०६:१; भजन संग्रह १०७:१; भजन संग्रह ११८:१; भजन संग्रह १३६:१\em* 
\c 119  
\s1 परमप्रभु आ अरेशो लोव़ ठेयब सेल्‍शो 
\d एको भजन संग्रह कली सुन के हिब्रू आकछेर यो देंनीम। मारदे हना मेको आ टुक्रा टुक्रा हिब्रू लोव़ ङा आल्‍फाबेट रे पा गोइनीम। ङोंइती ङा टुक्रा आलेफ देंसीब, अध्‍याय नेल्‍ल आन ङोंइती ङा हिब्रू आक‍छेर लोव़मी आलेफ बाक्‍ब। 
\s1 आलेफ 
\p  
\v 1 सु सु रिम्‍शो पाइनीमी नु दोस मताइब बाक्‍नीमी, मेको ग्‍येरसीशो मुर बाक्‍नीम। मारदे हना मेकोपुकीमी परमप्रभु यावे आ अरेशो टिशो बाक्‍नीम। \em भजन संग्रह ११२:१-२\em* 
\v 2 सु सुमी परमप्रभु आ देंशो मिम्‍शा पाइनीमी नु आन थुं नेल्‍लेमी मेको कली माल्‍नीमी, मेकोपुकी ग्‍येरसीशो मुर बाक्‍नीम।  
\v 3 मेको मुरपुकी काइ मरिम्‍शो मपथु, परमप्रभु आ लांम गाक्‍नीम।  
\v 4 गे इन ब्रेक्‍शा अरेशो आंइ कली होस पा पचा कली गेशो बाक्‍तीनी।  
\v 5 गो गेना हना यो इन फुल्‍लुम मुशा ब्रेक्‍शो लोव़ पशा गाक्‍ङल।  
\v 6 गो इन शेंतीके नेल्‍ले होस पा पशो नङ हना, मुने मदोक्‍ङ वा।  
\v 7 गो इन निसाफ पतीक लोव़ शेंसाक्‍यी हना, इन कली रिम्‍शो थुंमी ठेयब सेल्‍ने चाप्‍नुङ।  
\v 8 गो इन फुल्‍लुम मुशा ब्रेक्‍शो लोव़ टीनुङ। आं कली काइ मप्रोंइयीनी। 
\s1 बेथ 
\p  
\v 9 ठिटा वोंइश मुर दोपा हेंथे मपथु, आन लांम गाक्‍ने चाप्‍नीमी? मेको इन लोव़ टिशा ला मो पने चाप्‍नीम।  
\v 10 गो आं थुं नेल्‍लेमी इन कली माल्‍नुङ। आं कली इन शेंतीके रे ङोन लचा मगेयीनी।  
\v 11 गो मरिम्‍शो मपङल, दे इन लोव़ आं थुंम वोइश्‍शो बाक्‍नुङ।  
\v 12 परमप्रभु यावे, इन नें ठेयब बाक्‍ब। आं कली इन फुल्‍लुम मुशा ब्रेक्‍शो लोव़ शेंदीनी। \em भजन संग्रह ११९:२६,६४,६८\em* 
\v 13 गो इन देंशो पतीक लोव़ नेल्‍ल शेंनुङमी।  
\v 14 गो शुश शोंप तशा ग्‍येरसीशो मुर खोदेंशो पा इन देंशो लां तशा ग्‍येरसाक्‍यी।  
\v 15 गो इन ब्रेक्‍शा अरेशो मिम्‍ना मिम्‍न, इन लां कोव़शा गाक्‍नुङ।  
\v 16 गो इन फुल्‍लुम मुशा ब्रेक्‍शो लोव़ तुइश्‍शा, ग्‍येरसाक्‍यी। इन लोव़ मप्रेंनुङ। 
\s1 गिमेल 
\p  
\v 17 इन गेय पाइब कली रिम्‍शो पने। मिनु गो इन लोव़ टिशा ब्रोंइङल।  
\v 18 गे आं कली मिक्‍च ताइब सेल्‍यीनी। मोपा गो इन अरेशो लोव़ ङा छक लाक्‍चा ङा गेय तने चबुल।  
\v 19 गो रागीम पौना का बाक्‍नुङ। गे इन शेंतीके लोव़ आं मतुइक्‍चा ङा पा मख्रुइक्‍तीन। \em भजन संग्रह ३९:१३\em* 
\v 20 आं थुं गेना हना यो इन पतीक लोव़ तुइक्‍चा कली माल्‍स ङा माल्‍स बाक्‍ब।  
\v 21 गे इन शेंशो प्रोंइब ठेयब लेश्‍शो नु सराप रशो मुर आन कली हुइक्‍नीनी। \em ब्‍यवस्‍था २७:२६; गलाती ३:१०\em* 
\v 22 गे मेको आन शुक्‍शी पतीके नु दोस गेतीके आं क्‍येङा ङोन वोतीन। मारदे हना गो इन देंशो टीब मुर बाक्‍ती।  
\v 23 मिनु सासन पाइबपुकी बुक्‍शा, आं कली मरिम्‍शो पाइक्‍चा कली लोव़ गारपाइक्‍नीम। मो हना यो गो, इन गेय पाइबमी, इन फुल्‍लुम मुशा ब्रेक्‍शो लोव़ मिम्‍स ङा मिम्‍स बाक्‍नुङ।  
\v 24 इन देंशो लोव़ आं थुं ग्‍येरपाइक्‍ब नु आं कली अर्ती गेब बाक्‍नीम। 
\s1 दालेथ 
\p  
\v 25 आं थुं लुक्‍च लशो बाक्‍ब। इन लोव़ पतीकेमी आं थुं बारपाइय्‍यीनी।  
\v 26 गो इन कली आं पशो तुइक्‍पाइक्‍तन्‍नी। मिनु गे आं लोव़ लेत्‍ताक्‍नी। इन फुल्‍लुम मुशा ब्रेक्‍शो लोव़ शेंदीनी।  
\v 27 गे इन ब्रेक्‍शा अरेशो लोव़ रुप्‍पाइय्‍यीनी। मिनु गो इन छक लाक्‍चा ङा गेय मिम्‍स ङा मिम्‍स बाक्‍नुङ।  
\v 28 आं थुं सुर्ता पा लुक्‍च लत। इन लोव़ पतीकेमी आं कली ब्रोंइचा गेयीनी।  
\v 29 दूली लां आं क्‍येङा ङोन वो‍तीन। मिनु गे शिशी पा इन अरेशो लोव़ शेंदीनी। \em भजन संग्रह ११९:१०४,१२८\em* 
\v 30 गो इन कली मप्रोंइतीक लां योव़ता। गो इन पतीक लोव़ आं ङोंइती वोइक्‍ता।  
\v 31 परमप्रभु यावे, गो इन देंशो थमा पा पाइनुङ। आं कली मुने मदोक्‍पाइय्‍यीनी।  
\v 32 गो इन शेंशो पना पन बाक्‍ती। मिनु गे आं रुप्‍तीक थुं बारपाइक्‍नीनी। 
\s1 हे 
\p  
\v 33 परमप्रभु यावे, इन फुल्‍लुम मुशा ब्रेक्‍शो लोव़ शेंदीनी। मिनु गो मेको नोले सम्‍म मप्रोंइनुङ।  
\v 34 गे आं कली रुप्‍‍तीक थुं गेयीनी। मिनु गो इन अरेशो लोव़ आं थुं नेल्‍लेमी पाइनुङ।  
\v 35 इन शेंतीके लांम गाक्‍पाइय्‍यीनी। मारदे हना गो मेको कली दाक्‍नुङ।  
\v 36 आं थुं कली इन देंशो ला मिम्‍पतीन। शुश क्‍येट चेम्‍तीके ममिम्‍पतीन।  
\v 37 मरिम्‍शो थोव़क मकोव़पाइय्‍यीनी। इन दाक्‍चा ङा पा ब्रोंइचा गेयीनी।  
\v 38 गे इन गेय पाइब कली इन थोक्‍शा पशो लोव़ खाप्‍पीन। इन थोक्‍शा पशो लोव़ इन कली मान पा हिंब आन कली बाक्‍ब।  
\v 39 हिंचा ङा शुक्‍शी पाइक्‍चा पुंइसीतीक आं क्‍येङा ङोन वोतीन। मारदे हना इन पतीक लोव़ रिम्‍शो बाक्‍नीम।  
\v 40 इन ब्रेक्‍शा अरेशो लोव़ शुश दाक्‍नुङ। इन निसाफ पतीकेमी आं कली ब्रोंइचा गेयीनी। 
\s1 वाव 
\p  
\v 41 परमप्रभु यावे, इन गेना हना यो दाक्‍तीक आं कली दुम्‍ल। इन थोक्‍शा पशो लोव़ खोदेंशो पा आं कली श्‍येत रे प्रोंइ‍यीनी।  
\v 42 मिनु गो आं कली शुक्‍शी पाइब आन कली लोव़ लेन्‍ने चाप्‍नुङ। मारदे हना गो इन लोव़ थमा सुइक्‍नुङ।  
\v 43 गे इन थमा लोव़ पचा कली मतेक्‍यीनी। मारदे हना गो इन पतीक लोव़ आस पा बाक्‍नुङ।  
\v 44 गो इन अरेशो लोव़ थमा पा गेना हना यो टीनुङ।  
\v 45 मिनु गो सुइ क्‍येङा महिंथु बाक्‍नुङ। मारदे हना इन ब्रेक्‍शा अरेशो लोव़ माल्‍ता।  
\v 46 गो पिप आन ङोंइती इन देंशो लोव़ आ पर्बम लोव़ पाइनुङ। मिनु मुने मदोक्‍नुङ। \em मत्ती १०:१८\em* 
\v 47 गो इन शेंतीके तुइश्‍‍शा ग्‍येरसीनुङ। मारदे हना गो मेको कली दाक्‍नुङ।  
\v 48 गो इन शेंशो लोव़ ठेयब सेल्‍चा दाक्‍नुङ। मोपा इन फुल्‍लुम मुशा ब्रेक्‍शो लोव़ मिम्‍ना मिम्‍न बाक्‍नुङ। 
\s1 चायीन 
\p  
\v 49 इन गेय पाइब कली पशो लोव़ मिम्‍तीन। आं कली मेको आ लां कोव़पाइय्‍यीनी।  
\v 50 गो श्‍येत जङानु, इन थोक्‍शा पशो लोव़मी आं कली लेम्‍शा ब्रोंइचा गेब।  
\v 51 ठेयब लेश्‍शो मुरुमी आं कली शुश शुक्‍शी पाइनीम। तन्‍न गो इन अरेशो लोव़ मप्रोंइनुङ।  
\v 52 परमप्रभु यावे, गो इन साइ ङोंइती ङा पतीक लोव़ मिम्‍शा, आं थुं नाइक्‍नुङ।  
\v 53 इन अरेशो लोव़ प्रोंइब मुर आन पर्बम गो गाइश्‍शा चुरशा बाक्‍ती।  
\v 54 गो ते बाक्‍ती हना यो, इन फुल्‍लुम मुशा ब्रेक्‍शो लोव़ आं कुम्‍सो दुम्‍शो बाक्‍तेक्‍म।  
\v 55 परमप्रभु यावे, गो नाक्‍दो इन कली मिम्‍शा, इन अरेशो लोव़ पाइनुङ।  
\v 56 गो आसीक राइब दुम्‍ती। मारदे हना गो इन ब्रेक्‍शा अरेशो लोव़ टिशा बाक्‍‍ती। 
\s1 हेथ 
\p  
\v 57 परमप्रभु यावे, गे आं परमप्रभु बाक्‍नीनी। गो इन लोव़ टिना टिन बाक्‍नुङ।  
\v 58 गो आं थुं नेल्‍लेमी इन कली पुंइता। इन थोक्‍शा पशो लोव़ खोदेंशो पा, आं कली शिशी पाइय्‍यीनी।  
\v 59 गो इन पतीके मिम्‍शा, इन देंशो लोव़ ङा लांम गाक्‍नुङ।  
\v 60 गो इन शेंतीके रीब पा टीनुङ। गो देश मपाइनुङ।  
\v 61 इन अरेशो लोव़ मटीबपुकीमी आं कली फ्रेंताक्‍यीमी हना यो, गो इन अरेशो लोव़ मप्रेंनुङ।  
\v 62 गो नाक्‍दो बोक्‍शा, इन निसाफ पतीक लोव़ आ पर्बम इन कली ठेयब सेल्‍नुङ। \em भजन संग्रह ४२:९\em* 
\v 63 गो इन कली मान पा हिंब नु इन ब्रेक्‍शा अरेशो लोव़ टीब आन वारच नङ।  
\v 64 परमप्रभु यावे, रागी इन गेना हना यो दाक्‍तीकेमी ब्रीशो बाक्‍ब। इन फुल्‍लुम मुशा, ब्रेक्‍शो लोव़ शेंदीनी। 
\s1 टेथ 
\p  
\v 65 परमप्रभु यावे, इन लोव़ खोदेंशो पा गे इन गेय पाइब कली रिम्‍शो पाइक्‍तीनी।  
\v 66 आं कली रुप्‍ब नु तुइक्‍ब सेलीन। मारदे हना गो इन शेंतीके थमा सुइक्‍नुङ।  
\v 67 गो श्‍येत जचा क्‍येङा ङोंइती हेंथे लां खोइश्‍शो नङ। तन्‍न मुल इन लोव़ टीनुङ।  
\v 68 गे रिम्‍शो पाइब नु दाक्‍ब बाक्‍नीनी। मोपतीके आं कली इन फुल्‍लुम मुशा, ब्रेक्‍शो लोव़ शेंदीनी।  
\v 69 ठेयब लेश्‍शो मुरपुकीमी आं पर्बमी जोल पाइनीम। गो चहिं आं थुं नेल्‍लेमी इन ब्रेक्‍शा अरेशो लोव़ पना पन बाक्‍नुङ।  
\v 70 मेको आन थुं थांइशो बाक्‍ब। तन्‍न गो इन अरेशो लोव़ तुइश्‍शा ग्‍येरसीशो बाक्‍नुङ।  
\v 71 गे आं कली श्‍येत जपाइक्‍तीनी, मेको रिम्‍शो बाक्‍त। मोपा इन फुल्‍लुम मुशा ब्रेक्‍शो लोव़ शेंसाक्‍यी।  
\v 72 मिनु हजार हजार टुक्रा सुन चांदी क्‍येङा इन अरेशो लोव़ आं कली रिम्‍शो बाक्‍ब। 
\s1 योध 
\p  
\v 73 गे आं कली सेल्‍तीनी। मिनु इन शेंशो लोव़ शेंसीचा कली रुप्‍तीक थुं गेयीनी।  
\v 74 इन कली मान पा हिंबपुकी आं कली तशा ग्‍येरसीनीम। मारदे हना गो इन लोव़ ङा लां कोव़ना कोव़न बाक्‍नुङ।  
\v 75 परमप्रभु यावे, इन निसाफ पतीके ठीक बाक्‍नीम। गो मेको तुइक्‍नुङ। गे आं कली इन दाक्‍शा मप्रोंइतीकेमी श्‍येत गेतीनी।  
\v 76 इन गेय पाइब, आं कली इन गेना हना यो दाक्‍तीकेमी इन थोक्‍शा पशो लोव़ खोदेंशो पा लेम्‍दीनी।  
\v 77 गे आं कली शिशी पाइतीनी हना, गो ब्रोंइनुङ। मारदे हना इन अरेशो लोव़ तुइश्‍शा, ग्‍येरसाक्‍यी।  
\v 78 ठेयब लेश्‍शो मुर मुने दोक्‍मल। मारदे हना मेकोपुकीमी आं कली मो दिम्‍ताक्‍यीमी। गो चहिं इन अरेशा ब्रेक्‍शो लोव़ मिम्‍ना मिम्‍न बाक्‍नुङ।  
\v 79 इन कली मान पा हिंब आं नेक्‍था जाक्‍मल। मोपा इन देंशो लोव़ रुप्‍मेक्‍ल।  
\v 80 गो इन फुल्‍लुम मुशा ब्रेक्‍शो लोव़ पशा दोस मतङल। मोपा मुने मदोक्‍ङ‍ल। 
\s1 काफ 
\p  
\v 81 गो आं श्‍येतम इन प्रोंइतीक शुश माल्‍‍नुङ। मिनु गो इन लोव़ ङा लां कोव़ना कोव़न बाक्‍नुङ।  
\v 82 गो इन थोक्‍शा पशो लोव़ शुश रिम्‍ना रिम्‍न बाक्‍नुङ। मिनु “आं कली गेना लेम्‍नीनी?” दे हिल्‍लो पाइनुङ।  
\v 83 मारदे हना गो कुनम वोइश्‍शो कुशुल के थैलो खोदेंशो बाक्‍नुङ। मो हना यो गो इन फुल्‍लुम मुशा ब्रेक्‍शो लोव़ मप्रेंदु।  
\v 84 गो, इन गेय पाइब, दोशो सम्‍म फाल्‍चा माल्‍नुङा? गे आं कली खेदा पाइब आन कली गेना निसाफ पाइनीनी?  
\v 85 ठेयब लेश्‍शोपुकीमी आं कली खाल्‍टा दोम्‍तेक्‍म। मेकोपुकी इन अरेशो काइ मपाइब बाक्‍नीम।  
\v 86 इन शेंतीके नेल्‍ले गेना हना यो लीनीम। मिनु मेकोपुकीमी आं कली मोशा खेदा पाइनीम। आं कली वारच पाइय्‍यीनी।  
\v 87 मेकोपुकीमी आं कली रागी रे हेररा क्‍याम्‍ताक्‍यीमी। गो चहिं इन ब्रेक्‍शा अरेशो लोव़ मप्रोनु।  
\v 88 इन गेना हना यो दाक्‍तीकेमी ब्रोंइपाइय्‍यीनी। मोपा गो इन देंशो टिना टिन बाक्‍नुङ। 
\s1 लामेध 
\p  
\v 89 परमप्रभु यावे गेना हना यो बाक्‍ब। इन लोव़ स्‍वर्गम वोइश्‍शो बाक्‍ब। \em यसैया ४०:८\em* 
\v 90 इन मुर आन कली दाक्‍शा मप्रोंइतीके पाला पाला सम्‍म लीब। गे रागी सेल्‍शा वोइक्‍तीनी। मिनु मेको महिम्‍सीब।  
\v 91 इन लोव़ पतीकेमी मेको महिम्‍सीब। मारदे हना नेल्‍लेमी इन लोव़ टीनीम।  
\v 92 इन अरेशो लोव़म आं कली मग्‍येरपाइश्‍शो हना, गो आं श्‍येतम बेक्‍ङ वा। \em येरमीया १५:१६\em* 
\v 93 गो इन अरेशा ब्रेक्‍शो लोव़ गेनायो मप्रेंनुङ। मारदे हना गे मेको आ पतीकेमी आं कली ब्रोंइपाइक्‍तीनी।  
\v 94 गो इन मुर नङ। आं कली प्रोंइयीनी। मारदे हना गो इन ब्रेक्‍शा अरेशो लोव़ माल्‍ता।  
\v 95 इन अरेशो लोव़ मटीबपुकीमी आं कली साइक्‍चा कली बाप्‍शो बाक्‍नीमी। गो चहिं इन देंशो मिम्‍शा बाक्‍नुङ।  
\v 96 मुरुमी नेल्‍ल क्‍येङा रिम्‍शो मारेइ सेल्‍ने मचाप्‍नीम। गो मेको तुइक्‍नुङ। तन्‍न इन शेंशो लोव़ नेल्‍ल क्‍येङा रिम्‍शो बाक्‍ब। 
\s1 मेम 
\p  
\v 97 गो इन अरेशो लोव़ शुश दाक्‍नुङ। गो नाक्‍त किंत किंत मेको आ पर्बम मिम्‍नुङ। \em भजन संग्रह १:२\em* 
\v 98 गे इन शेंशो लोव़म आं जोरी सत्रु आन क्‍येङा आं कली तुइक्‍ब सेल्‍ब। मारदे हना मेको गेना हना यो गो नु बाक्‍ब।  
\v 99 मिनु आं कली शेंब आन क्‍येङा गो जोक्‍ब तुइक्‍ब दुम्‍ती। मारदे हना इन देंशो मिम्‍ना मिम्‍न बाक्‍ती।  
\v 100 गो खाल्‍पा आन क्‍येङा यो जोक्‍ब तुइक्‍ब दुम्‍‍ती। मारदे हना इन ब्रेक्‍शा अरेशो लोव़ टिना टिन बाक्‍नुङ।  
\v 101 गो इन लोव़ टिचा कली मरिम्‍शो लां मखोइक्‍थु बाक्‍नुङ।  
\v 102 गो इन देंशो पतीक लोव़ रे ङोन मलङ। मारदे हना गे आं कली शेंताक्‍यीनी।  
\v 103 इन देंशो लोव़ ब्रोव़शो बाक्‍ब। मेको खुदो क्‍येङा यो जिजी बाक्‍ब।  
\v 104 इन ब्रेक्‍शा अरेशो लोव़ रे रुप्‍ब दुम्‍ती। मोपतीके गो दूली पतीक नेल्‍ल काइ मदाक्‍नुङ। \em भजन संग्रह ११९:२९\em* 
\s1 नुन 
\p  
\v 105 इन लोव़ आं खोइली कली छेङछेङ बाक्‍ब, आं लां तचा कली रांको खोदेंशो बाक्‍ब। \em २पत्रुस १:१९\em* 
\v 106 गो इन निसाफ पतीक लोव़ पाइनुङ, दे कसम जशा खाप्‍ता।  
\v 107 परमप्रभु यावे, गो शुश श्‍येत जाइनुङ, इन लोव़म देंशो खोदेंशो पा आं कली ब्रोंइचा गेयीनी।  
\v 108 परमप्रभु यावे, गो इन कली ठेयब सेल्‍शो, चढ़ेतीक खोदेंशो पा ब्रने। मिनु आं कली इन पतीक लोव़ शेंदीनी। \em भजन संग्रह १९:१५\em* 
\v 109 गो गेना हना यो बेक्‍चा चिक्‍शा बाक्‍ती। मो हना यो गो इन अरेशो लोव़ मप्रेंनुङ।  
\v 110 इन अरेशो लोव़ मटीबपुकीमी आं कली ब्‍वारद दाइश्‍शो बाक्‍नीम। मो हना यो इन ब्रेक्‍शा अरेशो लोव़ मप्रोंइनुङ।  
\v 111 इन देंशो लोव़ गेना हना यो आं शोंप बाक्‍ब। मारदे हना मेकोमी आं थुं शुश ग्‍येरपाइक्‍ब।  
\v 112 गो इन फुल्‍लुम मुशा ब्रेक्‍शो लोव़ मबेक्ङा सम्‍म पाइनुङ, दे आं थुं फ्रेंशा बाक्‍ती। 
\s1 सामेख 
\p  
\v 113 गो थुं निक्‍शी पाइश्‍शो मुर आन कली काइ मदाक्‍नुङ। मिनु इन अरेशो लोव़ दाक्‍नुङ। \em भजन संग्रह ३१:७; १राजा १८:२१\em* 
\v 114 गे आं ख्रुइक्‍तीक नु तेक्‍तीक बाक्‍नीनी। गो इन लोव़ ङा लां कोव़ना कोव़न बाक्‍नुङ।  
\v 115 गो आं परमप्रभु आ शेंतीके पने चबुल, गे मरिम्‍शो पाइबपुकी, आं क्‍येङा ङोन लने।।  
\v 116 इन थोक्‍शा पशो लोव़ खोदेंशो पा आं कली ब्रोंइचा गेयीनी। मिनु गो इन लां कोव़शा, मुने मदोक्‍ङल।  
\v 117 आं कली प्रोंइचा कली वारच पाइय्‍यीनी। गो गेना हना यो इन फुल्‍लुम मुशा ब्रेक्‍शो लोव़ दाक्‍नुङ।  
\v 118 इन फुल्‍लुम मुशा ब्रेक्‍शो लोव़ ङा लां रे हेंथे गाक्‍ब नेल्‍ल आन कली तिल्‍तीनी। मारदे हना मेको आन लां जोल बाक्‍त।  
\v 119 रागी ङा इन अरेशो मटीब नेल्‍ल आन कली पु‍लु खोदेंशो पा फिक्‍तीनी। मोपतीके गो इन देंशो लोव़ दाक्‍नुङ। \em यसैया १:२५\em* 
\v 120 गो इन कली मान पा हिंशा ख्रिंख्रि पाइ‍नुङ। मिनु गो इन निसाफ पतीक मिम्‍शा हिंनुङ। 
\s1 आयीन 
\p  
\v 121 गो ठीक निसाफ पाता। आं कली दिप्‍ब आन कली जिम्‍मा मगेयीनी।  
\v 122 इन गेय पाइब कली वारच पा, रिम्‍शो पने। इन कली मटीबपुकीमी आं कली दिप्‍चा मगेने।  
\v 123 गो इन प्रोंइतीक नु इन ठीक निसाफ पा पशो लोव़ कली शुश कोव़शा रिम्‍नुङ।  
\v 124 इन गेय पाइब कली इन गेना हना यो दाक्‍तीकेमी वारच पने। मिनु आं कली इन फुल्‍लुम मुशा ब्रेक्‍शो लोव़ शेंदीनी।  
\v 125 गो इन गेय पाइब नङ। आं कली रुप्‍तीक थुं गेयीनी। मोपा गो इन देंशो रुप्‍ने चबुल।  
\v 126 परमप्रभु यावे, इन गेय पची ना दुम्‍शो बाक्‍ब। मारदे हना मुरपुकीम इन अरेशो लोव़ मटीम।  
\v 127 गो सुन नु क्‍येख सुन क्‍येङा इन शेंतीके दाक्‍नुङ।  
\v 128 मोपतीके गो आं लां नेल्‍लेमी इन ब्रेक्‍शा अरेशो लोव़ मिम्‍नुङ। मिनु दूली लां नेल्‍ल काइ मदाक्‍नुङ। \em भजन संग्रह ११९:२९\em* 
\s1 पे 
\p  
\v 129 इन देंशो लोव़ शुश रिम्‍शो बाक्‍नीम। मोपतीके गो मेको टिना टिन बाक्‍नुङ।  
\v 130 इन लोव़ नेंशोनु, रुप्‍तीक थुं गेब। मतुइक्‍ब आन कली तुइक्‍ब सेल्‍ब।  
\v 131 गो ब्‍वाक्‍कु तूतू दाक्‍शो खोदेंशो पा इन शेंशो लोव़ माल्‍ना माल्‍न बाक्‍नुङ।  
\v 132 गे आं गे लेश्‍शा शिशी पने। इन नें दाक्‍ब आन कली शिशी पशो खोदेंशो पा आं कली यो शिशी पने।  
\v 133 आं कली इन थोक्‍शा पशो लोव़ ङा लां गाक्‍पाइय्‍यीनी। मरिम्‍शो पतीकेम आं कली हुकुम पचा मगेने।  
\v 134 आं कली मुर आन दिप्‍तीक रे प्रोंइयीनी। मिनु गो इन ब्रेक्‍शा अरेशो लोव़ पने चबुल।  
\v 135 इन कुल इन गेय पाइब तार नां खोदेंशो पा ब्रपतीन। मिनु इन फुल्‍लुम मुशा ब्रेक्‍शो लोव़ आं कली शेंदीनी।  
\v 136 गो ङाक्‍नुङ। मारदे हना मुरपुकीमी इन अरेशो लोव़ मटीम। 
\s1 चाधे 
\p  
\v 137 परमप्रभु यावे, गे रिम्‍शो पाइब बाक्‍नीनी। मिनु इन पशो निसाफ ठीक बाक्‍नीम।  
\v 138 गे इन देंशो लोव़ ठीक निसाफ पतीकेमी वोइक्‍तीनी। गो मेको कली थमा सुइक्‍नीकी।  
\v 139 गो चुरना चुरन बाक्‍नुङ। मारदे हना आं कली खेदा पाइबपुकीमी इन लोव़ प्रेंताक्‍म। \em भजन संग्रह ६९:१०\em* 
\v 140 इन थोक्‍शा पशो लोव़ शुश रिम्‍शो बाक्‍ब। मिनु गो, इन गेय पाइबमी मेको दाक्‍नुङ।  
\v 141 गो आइक्‍च बाक्‍नुङ। आं कली सुइमी महिक्‍नीम। मो हना यो गो इन ब्रेक्‍शा अरेशो लोव़ मप्रेंनुङ।  
\v 142 इन निसाफ पतीके गेना हना यो ठीक बाक्‍ब। मिनु इन अरेशो लोव़ थमा लोव़ बाक्‍ब।  
\v 143 गो हिंती नु श्‍येत जाइब दुम्‍ती हना यो, इन शेंतीकेम आं कली ग्‍येरपाइक्‍ब।  
\v 144 इन देंशो गेना हना यो ठीक बाक्‍नीम। आं कली रुप्‍तीक थुं गेतीनी हना, गो ब्रोंइनुङ। 
\s1 क्‍वोफ 
\p  
\v 145 गो आं थुं नेल्‍लेमी इन कली पुंइनुङ। परमप्रभु यावे आं लोव़ लेत्‍तीनी। गो इन फुल्‍लुम मुशा ब्रेक्‍शो लोव़ टिना टिन बाक्‍नुङ।  
\v 146 गो इन कली “गे आं कली श्‍येत रे प्रोंइयीनी” दे पुंइनुङ। मिनु गो इन देंशो पाइनुङ।  
\v 147 गो नां मदाप्‍थु बोक्‍शा, इन कली “वारच पाइय्‍यीनी” दे पुंइनुङ। गो इन लोव़ ङा लां कोव़ना कोव़न बाक्‍नुङ।  
\v 148 गो इन थोक्‍शा पशो लोव़ मिम्‍चा कली नाक्‍दो सेंना सेंन बाक्‍ती।  
\v 149 इन गेना हना यो दाक्‍तीकेमी आं पुंइशो नेनीन। परमप्रभु यावे, इन निसाफ पतीकेमी आं कली ब्रोंइचा गेयीनी।  
\v 150 आं कली खेदा पाइबपुकी आं कली साइक्‍चा कली आं नेक्‍था जाक्‍नीम। मेकोपुकी इन अरेशो लोव़ रे ङोन बाक्‍नीम।  
\v 151 तन्‍न परमप्रभु यावे, गे आं नेक्‍था बाक्‍नीनी। इन शेंशो लोव़ नेल्‍ल थमा बाक्‍ब।  
\v 152 गो ङोंइती रे इन देंशो लोव़ पढेशा, मेको गेना हना यो कली सेल्‍शो बाक्‍ब, दे तुइक्‍ताक्‍ङ। 
\s1 रेश 
\p  
\v 153 आं श्‍येत जशो कोव़ङीन, गो श्‍येत जाइनुङ। मिनु आं कली प्रोंइयीनी। मारदे हना गो इन अरेशो लोव़ मप्रेंदु।  
\v 154 गे आं निसाफ पाइब दुमीन। मिनु आं कली प्रोंइयीनी। इन थोक्‍शा पशो लोव़ खोदेंशो पा ब्रोंइचा गेयीनी।  
\v 155 इन अरेशो लोव़ मटीब आन कली गे श्‍येत रे मप्रोंइनीनी। मारदे हना मेकोपुकीमी इन फुल्‍लुम मुशा ब्रेक्‍शो लोव़ पचा ममलेम।  
\v 156 परमप्रभु यावे, इन शिशी ठेयब बाक्‍ब। इन निसाफ पतीक लोव़ खोदेंशो पा आं कली ब्रोंइचा गेयीनी।  
\v 157 आं कली खेदा पाइब नु आं जोरी सत्रु शुश बाक्‍नीम। मो हना यो गो इन देंशो लोव़ मप्रोनु।  
\v 158 मेको नोले शोंइसीशो आन कली तशा ग्रांग्रा दीती। मारदे हना मेकोपुकीमी इन शेंशो टिचा प्रोंइतेक्‍म।  
\v 159 गो इन ब्रेक्‍शा अरेशो लोव़ दाक्‍नुङ, दे मिम्‍तीन। परमप्रभु यावे, इन गेना हना यो दाक्‍तीकेमी आं कली ब्रोंइचा गेयीनी।  
\v 160 इन लोव़ नेल्‍ले थमा बाक्‍ब। मिनु इन निसाफ पतीक लोव़ गेना हना यो ठीक बाक्‍नीम। \em यूहन्‍ना १७:१७\em* 
\s1 सिन नु शिन 
\p  
\v 161 ठेयब मुरपुकीमी आं कली बित्‍चीम खेदा पाइनीमी। तन्‍न आं थुं इन लोव़ क्‍येङा हिंब।  
\v 162 गो शुश शोंप तशा, ग्‍येरसीचा क्‍येङा इन लोव़ तशा ग्‍येरसाक्‍यी।  
\v 163 दूली पतीके नु जोल पतीक काइ मदाक्‍थु, ग्रांग्रा दीनुङ। तन्‍न इन अरेशो लोव़ दाक्‍नुङ।  
\v 164 गो इन निसाफ पतीक लोव़ आ पर्बम इन कली नाक्‍त किंत किंत ७ खेयप ठेयब सेल्‍नुङ।  
\v 165 इन अरेशो लोव़ दाक्‍बपुकी थुं नाइश्‍शा बाक्‍चा ताइनीम। मेको आन कली मारेइ श्‍येत मदुम्‍ब।  
\v 166 परमप्रभु यावे, गो इन श्‍येत रे प्रोंइतीक कली रिम्‍शा बाक्‍नुङ। मिनु इन शेंशो पाइनुङ।  
\v 167 गो इन देंशो लोव़ टिना टिन बाक्‍ती। मिनु गो मेको कली थाम्‍पा दाक्‍नुङ।  
\v 168 इन ब्रेक्‍शा अरेशो लोव़ नु इन देंशो लोव़ टिना टिन बाक्‍नुङ। मारदे हना आं पशो नेल्‍ल इन ङोंइती बाक्‍नीम। 
\s1 थाव 
\p  
\v 169 परमप्रभु यावे, आं पुंइशो लोव़ नेनीन। इन लोव़म देंशो खोदेंशो पा आं कली रुप्‍ब थुं गेयीनी।  
\v 170 आं पुंइशो लोव़ नेनीन। इन थोक्‍शा पशो लोव़ खोदेंशो पा श्‍येत रे प्रोंइयीनी।  
\v 171 गे आं कली इन फुल्‍लुम मुशा, ब्रेक्‍शो लोव़ शेंताक्‍यीनी। मोपतीके गो इन कली ठेयब सेल्‍ना सेल्‍न बाक्‍नुङ।  
\v 172 गो इन थोक्‍शा पशो लोव़ आ पर्बम कुम्‍सो पाइ‍नुङ। मारदे हना इन शेंशो लोव़ नेल्‍ल ठीक बाक्ब।  
\v 173 गे आं कली वारच पाइय्‍यीनी। मारदे हना गो इन ब्रेक्‍शा अरेशो लोव़ योव़शा, आं के सेल्‍तामी।  
\v 174 परमप्रभु यावे, गो इन श्‍येत रे प्रोंइतीक कली रिम्‍नुङ। इन अरेशो लोव़ दाक्‍शा ग्‍येरसीनुङ।  
\v 175 गे आं कली ब्रोंइचा गेयीनी। मिनु गो इन कली ठेयब सेल्‍नुङ। मिनु इन पतीक लोव़मी आं कली वारच पवल।  
\v 176 गो जाम्‍शो भेडा खोदेंशो पा लां जाम्‍शो बाक्‍नुङ। इन गेय पाइब, आं कली माल्‍यीनी। मारदे हना गो इन शेंशो लोव़ मप्रेंनुङ। \em यसैया ५३:६\em* 
\c 120  
\s1 “वारच पाइय्‍यीनी” दे पुंइशो 
\d लां ङा कुम्‍सो। 
\p  
\v 1 गो श्‍येत जङानु, परमप्रभु यावे कली पुंइनुङ। मिनु मेकोमी आं लोव़ लेप्‍ब।  
\v 2 परमप्रभु यावे, आं कली जोल पाइब नु लें निक्‍शी पाइश्‍शो मुर रे प्रोंइयीनी।  
\v 3 मिनु गे जोल पाइब, इ कली मार पचा? गे लें निक्‍शी पाइश्‍शो मुर इ कली अरु मार पाइक्‍चा माल्‍बा?  
\v 4 लडाइ पाइबमी आ हेश्‍शो ब्रा आप्‍ब। मिनु ब्रशो कोइला इ तार जुक्‍पाइक्‍नीम। 
\p  
\v 5 गो श्‍ये‍त जाइब दुम्‍ती। गो मेशेक रागीम बाक्‍चा माल्‍नुङ। केदार आ ताम्‍बु आन दातेम बाक्‍चा माल्‍नुङ।  
\v 6 गो थुं नाइश्‍शा बाक्‍चा काइ मदाक्‍ब आन दातेमी शुश बाक्‍ती।  
\v 7 गो थुं नाइश्‍शा बाक्‍चा दाक्‍ब मुर नङ। तन्‍न गो लोव़ पङानु, मेकोपुकी लडाइ पचा कली ठीक दुम्‍नीम। \em रोमी १२:१८\em* 
\c 121  
\s1 परमप्रभुम वारच पा, श्‍येत रे प्रोंइशो 
\d लां ङा कुम्‍सो। 
\p  
\v 1 गो डांडा गे कोव़नुङ। आं कली वारच पाइब ते रे जाक्‍बाक्‍मे?  
\v 2 सरीङ नु रागी सेल्‍ब परमप्रभु यावेमी आं कली वारच पाइब। 
\p  
\v 3 मेकोमी इ खोइल ग्रेक्‍चा मगेब। इ कली कोव़ब गेनायो मइप्‍ब।  
\v 4 इस्राएली आन कली वारच पाइब थमा पा गेनायो मनांइसीब, गेनायो मइप्‍ब। 
\p  
\v 5 परमप्रभु यावे इ कली खाल पाइब बाक्‍ब। परमप्रभु यावे इ ग्‍युरा गे ङा फाम्‍सीतीके बाक्‍ब।  
\v 6 मिनु नाक्‍ती नांम इ कली मनाप्‍ब। नाक्‍दो तास्‍लाम इ कली मारेइ मरिम्‍शो पने मचाप्‍ब। 
\p  
\v 7 परमप्रभु यावेमी इ कली श्‍येत नेल्‍ल रे प्रोंइब। मेकोमी इ कली ब्रोंइचा गेब। \em गन्‍ती ६:२४-२६\em* 
\v 8 परमप्रभु यावेमी गे लाङगा खिंङगा पवीनु यो इ कली खाल पाइब। मुल रे गेना हना यो मो पाइब। \em ब्‍यवस्‍था २८:६\em* 
\c 122  
\s1 यरूसलेम आ पर्बम पुंइशो 
\d लां ङा कुम्‍सो। दाऊद आ कुम्‍सो। 
\p  
\v 1 मेकोपुकीमी आं कली “परमप्रभु यावे आ खिं लय” देंतेक्‍म। मिनु गो ग्‍येरसाक्‍यी। \em भजन संग्रह २६:८; इजीकीएल ४८:३५\em* 
\v 2 गोपुकीमी “यरूसलेम, इ ठेयब लाप्‍चोपुकीमी राप्‍शो बाक्‍नीकी” देंतक। 
\p  
\v 3 यरूसलेम रिम्‍शो पा सेल्‍शो सहर बाक्‍ब। मेकेर खिं नेक्‍नेक्‍था बाक्‍नीम।  
\v 4 मिनु इस्राएल आ थर थर ङा मुरपुकी परमप्रभु यावे आ मुर दुम्‍तीके मेकेर लाइनीम। परमप्रभु यावेमी इस्राएली आन कली दोपा अरेवा, मोपा मेकोपुकीमी मेकेर लशा “गे रिम्‍शो पाइब बाक्‍नीनी” दे आ नें ठेयब सेल्‍नीम।  
\v 5 मेकेर निसाफ पाइब आन नित्‍तीक बाक्‍नीम। मेकेर दाऊद आ चच युइ आन नित्‍तीके बाक्‍नीम। 
\p  
\v 6 यरूसलेम कली “रिम्‍शो दुम्‍ल” दे आसीक गेने। मिनु “यरूसलेम, इ कली दाक्‍बपुकी रिम्‍शो दुम्‍मल। \em जकरिया ४:७\em* 
\v 7 इ गारो आगामी थुं नाइश्‍शा बाक्‍तीक दुम्‍ल। इ गारो ङा लाइश्‍शो खिंमी मारेइ श्‍येत मदुम्‍ल” देनीन।  
\v 8 मिनु गो आं लोक्‍ब नु आं वारच आन पर्बम “इ आगामी थुं नाइश्‍शा बाक्‍तीक दुम्‍ल।  
\v 9 मिनु परमप्रभु यावे, आंइ परमप्रभु आ खिं आ पर्बम इन कली रिम्‍शो दुम्‍शो तचा दाक्‍नुङ” देंती। 
\c 123  
\s1 “शिशी पने” दे पुंइशो 
\d लां ङा कुम्‍सो। 
\p  
\v 1 इर स्‍वर्ग ङा नित्‍तीकेम बाक्‍ब, गो इन गे कोव़शा इन कली पुंइनुङ।  
\v 2 दोपा वाइलपुकीम आन होव़प आन गुइ गे कोव़नीमी नु वाइलीमपुकीमी आन होव़पोक्म आन गुइ गे कोव़नीम, मोपा गोपुकीमी परमप्रभु यावे गे कोव़नीकी। आंइ कली शिशी मपवा सम्‍म मोपा कोव़नीकी। 
\p  
\v 3 परमप्रभु यावे, आंइ कली शिशी पने। आंइ कली शिशी पने। मारदे हना गो शुश दिप्‍चा पुंइसीशो बाक्‍नीकी।  
\v 4 ठेयब लेश्‍शोपुकी नु मरिम्‍शो पाइबपुकीमी आंइ कली महिक्‍थु शुश श्‍येत गेतीके गो ब्रीताक्‍क। 
\c 124  
\s1 परमप्रभु यावेमी वारच पशो 
\d लां ङा कुम्‍सो। दाऊद आ कुम्‍सो। 
\p  
\v 1 परमप्रभु यावे गोपुकी नु मबाक्‍शो हना,  
\v 2 मुरपुकीमी आंइ कली लडाइ तोव़मेनु, परमप्रभु यावे गोपुकी नु मबाक्‍शो हना,  
\v 3 मेकोपुकीमी आंइ कली तशा गाइक्‍तमेनु, आंइ कली सेलीन दाक्‍गेम वा।  
\v 4 मिनु बारशा जाक्‍शो ब्‍वाक्‍कुम आंइ कली योल्‍द वा। मिनु मेको ब्‍वाक्‍कुम आंइ कली सुम वा। \em भजन संग्रह ६९:१६; भजन संग्रह ४२:८\em* 
\v 5 मेको बारशो ब्‍वाक्‍कुम आंइ कली मोशा योल्‍शा लद वा। 
\p  
\v 6 परमप्रभु यावे ठेयब बाक्‍ब। मारदे हना मेकोमी आंइ कली क्रिम्‍चा मगेव।  
\v 7 मिनु गोपुकी सिखारी आन ब्‍वारद रे ब्रोंइशो चिक्‍ब खोदेंशो पा प्रोक्‍तक। मेको ब्‍वारद ब्रोइक्‍त। मिनु गोपुकी प्रोक्‍तक। 
\p  
\v 8 सरीङ नु रागी सेल्‍ब परमप्रभु यावेमी आंइ कली वारच पशो बाक्‍ब। 
\c 125  
\s1 परमप्रभु आ मुर नु बाक्‍ब 
\d लां ङा कुम्‍सो। 
\p  
\v 1 परमप्रभु यावे कली थमा सुइक्‍बपुकी सियोन डांडा खोदेंशो बाक्‍नीमी। मेको याक्‍ने मचाप्‍सीब। गेना हना यो बाक्‍ब।  
\v 2 यरूसलेम आ एर ओंथ नेल्‍ल पहाड बाक्‍नीम। मिनु मुल रे गेना हना यो परमप्रभु यावेमी मेको खोदेंशो पा आ मुर आन एर ओंथ बाक्‍ब।  
\v 3 परमप्रभु आ अरेशो मटीब आन हुकुम पतीके ठीक पाइब आन रागीम मदुम्‍ब। मिनु ला ठीक पाइबपुकीमी दूली मपाइनीम। 
\p  
\v 4 परमप्रभु यावे, रिम्‍शो पाइब नु रिम्‍शो थुं पाइश्‍शो मुर आन कली रिम्‍शो पने।  
\v 5 तन्‍न परमप्रभु यावेमी नोले शोंइसीशा मरिम्‍शो लां खोइक्‍ब आन कली मरिम्‍शो पाइश्‍शा खतम पोक्‍ब। इस्राएलमी थुं नाइश्‍शा बाक्‍तीक दुम्‍ल। \em भजन संग्रह १२८:६; गलाती ६:१६\em* 
\c 126  
\s1 “वारच पने” दे पुंइशो 
\d लां ङा कुम्‍सो। 
\p  
\v 1 परमप्रभु यावेमी ग्‍याइश्‍शा लाइक्‍चा पुंइसीशो आन कली सियोनम लेश्‍शा चाक्‍गानु, गोपुकी ङोमु तशो खोदेंशो दुम्‍तक। \em भजन संग्रह १४:७\em* 
\v 2 मिनु गोपुकी शुश ग्‍येरसीशा रिस्‍साक्‍क। थाम्‍पा ग्‍येरशा ग्रीतक। मिनु रागी रागी ङा मुरपुकीमी “परमप्रभु यावेमी मेको आन कली वारच पा, ठेयब गेय पाप्‍तु” देंमुम्‍तेक्‍म।  
\v 3 परमप्रभु यावेमी आंइ कली थमा वारच पा ठेयब गेय पाप्‍तु। मिनु गो शुश ग्‍येरसाक्‍क। 
\p  
\v 4 परमप्रभु यावे, दोदेंशो पा नेगेब रागी ङा बारशो खोला शाइश्‍शा लाइनीमी, मोदेंशो पा आंइ रिम्‍शो दुम्‍तीके लेश्‍शा चाक्‍कीन।  
\v 5 मिनु ङाक्‍ना ङाक्‍न शोक्‍बपुकीमी ग्‍येरसीशा खुप्‍नीम। \em मत्ती ५:४\em* 
\v 6 ङाक्‍ना ङाक्‍न शोक्‍थ लाइनीम। तन्‍न ग्रेल्‍शो क्‍योव़ज चेरब कुरशा, ग्‍येरसीशा कुम्‍सो पा खिं लेत्‍नीम। \em यसैया ३५:१०\em* 
\c 127  
\s1 परमप्रभु रिम्‍शो नाक्‍त गेब बाक्‍ब 
\d लां ङा कुम्‍सो। सोलोमन आ कुम्‍सो। 
\p  
\v 1 परमप्रभु यावेमी खिं मसेल्‍शो हना, खिं सेल्‍ब आन गेय मोशा दुम वा। परमप्रभु यावेम सहर खाल मपशो हना, खाल पाइब आन खाल पशो मोशा दुम वा।  
\v 2 गे सुनी कना बोक्‍शा, नाक्‍दो सम्‍म शुश गेय पाइनीनी। मिनु इन शोब्‍ले सुर्ता पा जाइनीनी। मेको मोशा बाक्‍ब। मारदे हना परमप्रभुमी आ दाक्‍शो मुर आन कली इप्‍ची ना आन माल्‍शो गेब। \em हितोपदेस १०:२२\em* 
\p  
\v 3 तमी तौ परमप्रभु यावे आ गेशो बाक्‍नीम। आलपुकी मेको आ गेशो इनाम बाक्‍नीम। \em भजन संग्रह १२८ ३-४; उत्‍पत्ती ३०:२; उत्‍पत्ती ३३:५\em* 
\v 4 मिनु ठिटा ना थिशो तौपुकी लडाइ पाइब आन गुइम बाक्‍शो ब्रा खोदेंशो बाक्‍नीम।  
\v 5 सु सु आन ब्रा कुरतीके मेकोमी ब्रीशो बाक्‍नीमी, मेको मुर ग्‍येरसीशो बाक्‍नीम। मिनु मेकोपुकी ठेयब लाप्‍चोमी आन जोरी सत्रुमी लोव़ पा जिचा पोक्‍गमेनु, मुने मदोक्‍नीम। 
\c 128  
\s1 परमप्रभु आ आसीक 
\d लां ङा कुम्‍सो। 
\p  
\v 1 परमप्रभु यावे कली मान पा हिंबपुकी आसीक तशो बाक्‍नीम। मेकोपुकी परमप्रभु यावे आ लांम गाक्‍शो बाक्‍नीम।  
\v 2 गे इ पशो गेय रे जाइनेवे। गे ग्‍येरसीशा मारेइ मारेइमी दारनेवे। 
\p  
\v 3 मिनु इ मीश इ खिंमी सिश्‍शो अङगुर बोट खोदेंशो बाक्‍ब। इ आल इ खिंम तेल रवा आ कोच्‍वा दाप्‍शो खोदेंशो बाक्‍‍नीम। \em भजन संग्रह १२७:३\em* 
\v 4 मोपा परमप्रभु यावे कली मान पा हिंब मुर आसीक ताइब। 
\p  
\v 5 परमप्रभु यावेमी इ कली सियोन रे आसीक गेब। गे मबेक्‍थु नाक्‍त किंत किंत यरूसलेममी रिम्‍शो दुम्‍शो ताइनेवे।  
\v 6 मिनु गे इ चच युइ आन कली ताइनेवे। इस्राएली आन थुं नाइश्‍शा बाक्‍मल। \em उत्‍पत्ती ४८:११; भजन संग्रह १२५:५\em* 
\c 129  
\s1 जोरी सत्रु आन पर्बम पुंइशो 
\d लां ङा कुम्‍सो। 
\p  
\v 1 इस्राएलमी “मेकोपुकीमी गो ठिटा बाक्‍ङा रेन आं कली थाम्‍पा श्‍येत गेतीमी” देंत।  
\v 2 मिनु लेंशा “मेकोपुकीमी गो ठिटा बाक्‍ङा रेन आं कली थाम्‍पा श्‍येत गेतीमी। मो हना यो आं क्‍येङा ग्राने मचबेम।  
\v 3 ब्‍यफ वाक्‍बपुकीमी आं चीमी वाक्‍ताक्‍म। मिनु आं ची नेल्‍ल चेत्‍तेक्‍म” देंत। \em यसैया ५१:२३\em* 
\v 4 परमप्रभु यावे ठीक पाइब बाक्‍ब। मेकोमी आ अरेशो मटीब आन डोरी प्रोइश्‍शा गेप्‍तु। 
\p  
\v 5 सियोन कली काइ मदाक्‍बपुकी मुने दोक्‍शा, लेश्‍शा लमल।  
\v 6 मेकोपुकी खिं तार वाशो घांस खोदेंशो दुम्‍मल। मेको बारचा क्‍येङा ङोंइती सोव़नीम।  
\v 7 घांस रिक्‍बपुकीम मेको मुठी का यो रिक्‍ने मचाप्‍नीम। मुठा फ्रेंबपुकीम मेको अङला का यो प्रिंने मचाप्‍नीम।  
\v 8 मिनु मेको रे पा लाइबपुकीमी “गे परमप्रभु यावे आ आसीक रावो। परमप्रभु यावे आ नेंम इ कली आसीक गेनीकी” मदेंनीम। \em रूथ २:४\em* 
\c 130  
\s1 शुश श्‍येत दुम्‍ची ना पुंइशो 
\d लां ङा कुम्‍सो। 
\p  
\v 1 परमप्रभु यावे, गो हिंचा ङा श्‍येत जङानु, इन कली पुंइनुङ।  
\v 2 परमप्रभु यावे, आ लोव़ नेनीन। “शिशी पाइय्‍यीनी” दे आं पुंइशो लोव़ इन नोफा दाइक्‍तीन। 
\p  
\v 3 परमप्रभु यावे, गे आंइ मरिम्‍शो पशो मिम्‍ताक्‍नी हना, इन ङोंइती राप्‍ने चाप्‍नीमी ङा?  
\v 4 गे माफ गेनीनी। मोपतीके मुर इन कली मान पा हिंचा माल्‍नीम। \em यसैया ५५:७; रोमी ६:१-२\em* 
\p  
\v 5 गो परमप्रभु यावे कली रिम्‍नुङ। आं थुं नेल्‍लेमी यो रिम्‍नुङ। मिनु गो इन लोव़ आस पाइनुङ। \em यसैया २१:११; लूका १२:३५-३६\em* 
\v 6 नाक्‍दो खाल पाइबमी गेना नां सोव़बा, दे रिम्‍शो क्‍येङा यो, गो आं थुं नेल्‍लेमी परमप्रभु कली शुश रिम्‍नुङ।  
\v 7 इस्राएल, परमप्रभु यावे कली आस पा बाक्‍को। मारदे हना परमप्रभु यावेमी गेना हना यो दाक्‍ब। मेको नु मरिम्‍शो पशो रे प्रोंइतीक शुश बाक्‍ब।  
\v 8 मिनु मेकोमी इस्राएली आन कली आन मरिम्‍शो पशो नेल्‍ल रे प्रोंइब। \em मत्ती १:२१\em* 
\c 131  
\s1 ब्रेम्‍शो थुं पाइश्‍शो मुर ग्‍येरसीशो 
\d लां ङा कुम्‍सो। दाऊद आ कुम्‍सो। 
\p  
\v 1 परमप्रभु यावे, गो ठेयब मलेश्‍शो बाक्‍नुङ। गो मबोरशो बाक्‍नुङ। गो आं मचाप्‍चा ङा नु ठेयब गेयम मग्‍योल्‍नुङ।  
\v 2 मिनु आं थुं ग्‍येत्‍थ लुक्‍च मपथु, नाइश्‍शा बाक्‍‍ब। आं थुं आ ममा नु बाक्‍शो आइक्‍च आल खोदेंशो दुम्‍ब। आं थुं सिक्‍सी पा बाक्‍ब आल खोदेंशो बाक्‍ब। \em भजन संग्रह ६२:२\em* 
\v 3 इस्राएल, गे मुल रे गेना हना यो परमप्रभु यावे कली आस पा बाक्‍को। 
\c 132  
\s1 परमप्रभु आ खिं आ पर्बम पुंइशो 
\d लां ङा कुम्‍सो। 
\p  
\v 1 परमप्रभु यावे दाऊद कली फ्रुक्‍कीन। मेको आ श्‍येत फाल्‍शो नेल्‍ल मिम्‍तीन।  
\v 2 मेकोमी परमप्रभु यावे आ नेंम कसम जशो बाक्‍त। मिनु याकूब आ नेल्‍ल क्‍येङा सक्ति पाइश्‍शो आ नेंम कसम जाप्‍तु।  
\v 3 गो आं खिं मओव़नुङ। मिनु आं ब्राख्‍येम मइप्‍नुङ। \em २सामुएल ७:२; प्रेरित ७:४६\em* 
\v 4 गो निन्‍द्रा मपाइनुङ। गो मइप्‍नुङ।  
\v 5 मारदे मोदेंशो पाइनुङ देंशा हना, गो याकूब आ नेल्‍ल क्‍येङा सक्ति पाइश्‍शो आ बाक्‍तीक मथिदु, सम्‍म मो पाइनुङ। 
\p  
\v 6 गोपुकीमी एफ्राथाहमी परमप्रभु यावे आ कबल पशो सन्‍दोस आ पर्बम नेंतय। मिनु गोपुकीमी मेको यार सहर ङा दिंमम थित्‍तय। \em १सामुएल ७:१; १इतिहास १३:५-६\em* 
\v 7 गो मेको आ बाक्‍तीक लय। मिनु मेको आ खोइल थेक्‍तीक आ ङोंइती बाप्‍य। 
\p  
\v 8 परमप्रभु यावे बोक्‍कीन, इन नाइश्‍शा बाक्‍तीके नु इन सक्ति पाइश्‍शो कबल पशो सन्‍दोस बाक्‍तीकेम जाक्‍कीन। \em गन्‍ती १०:३५; २इतिहास ६:४१; भजन संग्रह ७८:६१\em* 
\v 9 इन कली चढ़ेबपुकीमी ठीक पतीके वा फेक्‍शो खोदेंशो पा फेक्‍समल। मिनु इन मुरपुकी ठेयब सेंदा पा ग्‍येरसमल।  
\v 10 इन गेय पाइब दाऊद आ पर्बम इन तेल लुक्‍शो कली मप्रोनीन। 
\p  
\v 11 परमप्रभु यावेमी दाऊद नु लोव़ पा कसम जशो बाक्‍त। मेकोमी “गो इ सासन पतीकेमी इ तौ का वोइक्‍नुङ” दे लोव़ पशो बाक्‍त। परमप्रभु यावेमी आ पशो लोव़ खाप्‍ब। \em भजन संग्रह ८९:४-५; हिब्रू ६:१७\em* 
\v 12 मेकोमी “इ तौपुकीमी आं कबल नु आं देंशो पाम्‍तेक्‍म हना, मेको आन तौपुकी यो इ सासन पतीकेम सासन पचा ताइनीम” देंशो बाक्‍त। 
\p  
\v 13 परमप्रभु यावेमी सियोन कली योव़शो बाक्‍ब। “आं बाक्‍तीके मेकेर बाक्‍ब” दे मिम्‍शो बाक्‍ब। \em भजन संग्रह ६८:१७; भजन संग्रह ७६:३\em* 
\v 14 मिनु परमप्रभुमी “एकेर नाइक्‍नुङ। एकेर गेना हना यो बाक्‍नुङ, मारदे हना गो मेको दाक्‍नुङ।  
\v 15 मिनु गो मेकेर ङा मुर आन कली शुश जचा तूचा गेशा, आसीक गेनुङमी। प्रुङग आन कली रूथ्री जचा गेनुङमी।  
\v 16 गो मेकेर ङा चढ़ेब आन कली मरिम्‍शो पतीके रे ब्रोंइतीक दोदेंशो बाक्‍बा तुइक्‍पाइक्‍नुङमी। मेकेर ङा थमा सुइक्‍बपुकी कुम्‍सो पा ग्‍येरसीनीम।  
\v 17 गो मेकेर दाऊद आ खिं ङा मुर आन मान बारपाइक्‍नुङ। आं तेल लुक्‍शो मुर कली रिम्‍शो तौ का गेता। \em १सामुएल २:१०; १राजा ११:३६\em* 
\v 18 गो मेको आ जोरी सत्रु आन कली मुने तोक्‍नुङमी। मिनु मेको रिम्‍शो पा सासन पाइब दुम्‍ब” दे परमप्रभुमी देंत। 
\c 133  
\s1 लोक्‍बपुकी गारशो 
\d लां ङा कुम्‍सो। दाऊद आ कुम्‍सो। 
\p  
\v 1 लोक्‍बपुकी गारशा बाक्‍चा शुश रिम्‍शो बाक्‍ब। \em उत्‍पत्ती १३:८\em* 
\v 2 मेको पियाम लुक्‍शो शुश क्‍येट थाप्‍शो तेल खोदेंशो बाक्‍ब। मेको हारून आ गल शोक्रे रे शाइश्‍शा, आ वा सम्‍म जाक्‍दीप्‍ब।  
\v 3 मेको हेरमोन डांडा ङा सीत सियोन डांडाम यिशो खोदेंशो बाक्‍ब। मेको गेना हना यो ब्रोंइतीक परमप्रभु यावे आ आसीक बाक्‍ब। 
\c 134  
\s1 नाक्‍दो ङा कुम्‍सो 
\d लां ङा कुम्सो। 
\p  
\v 1 नाक्‍दो परमप्रभु यावे आ खिंम बाक्‍शा, परमप्रभु यावे आ गेय पाइब नेल्‍लेमी परमप्रभु यावे कली ठेयब सेलीन।  
\v 2 मिनु परमप्रभु यावे आ खिंमी इन गुइ पोक्‍शा, परमप्रभु यावे कली ठेयब सेलीन।  
\v 3 सरीङ नु रागी सेल्‍ब परमप्रभु यावेमी सियोन रे इन कली आसीक गेवल। \em भजन संग्रह ११५:१५\em* 
\c 135  
\s1 परमप्रभु यावे आ ठेयब गेय 
\p  
\v 1 परमप्रभु यावे कली ठेयब सेलीन। परमप्रभु यावे आ नें ठेयब सेलीन। परमप्रभु यावे आ गेय पाइबपुकी, मेको कली ठेयब सेलीन।  
\v 2 गे परमप्रभु यावे आ खिंमी गेय पाइबपुकी नु आ खिं ङा लाङगाम बाक्‍बपुकी, आंइ परमप्रभु कली ठेयब सेलीन।  
\v 3 परमप्रभु यावे कली ठेयब सेलीन। मारदे हना परमप्रभु यावे रिम्‍शो पाइब बाक्‍ब। मेको कली कुम्‍सो पने। मारदे हना मेको रिम्‍शो बाक्‍ब।  
\v 4 परमप्रभु यावेमी याकूब कली आ मुर दुम्‍पाइक्‍चा कली नु इस्राएल कली आंम के सेल्‍चा कली योव़शो बाक्‍ब। \em प्रस्‍थान १९:५-६\em* 
\p  
\v 5 परमप्रभु यावे थम ठेयब बाक्‍ब। मेको गो तुइक्‍नुङ। मिनु आंइ परमप्रभु देवी देवता नेल्‍ल आन क्‍येङा ठेयब बाक्‍ब। \em भजन संग्रह ८६:८\em* 
\v 6 परमप्रभु यावेमी सरीङ, रागी, समुन्‍द्र नु समुन्‍द्र आ आगामी मार दाक्‍बा, मेको पाइब।  
\v 7 मेकोमी रागी आ सुर सुर रे गोस्‍स पोक्‍ब। मेकोमी चिला दाप्‍पाइश्‍शा, रेउ यिपाइक्‍ब। मिनु मेकोमी आ बाक्‍तीक रे फश पपाइक्‍ब। \em येरमीया १०:१३\em* 
\v 8 मेकोमी इजीप्‍त रागीमी मुर नु बी ब्‍यफ, क्‍यारश भेडा मारेइ मारेइ आन ङोंइती जरमेशा नेल्‍ल आन कली साइक्‍तीमी। \em प्रस्‍थान १२:२९\em* 
\v 9 मेकोमी इजीप्‍त रागीमी फाराओ नु आ गेय पाइब मुर नेल्‍ल आन ङोंइती चिन्‍ड नु छक लाक्‍चा ङा गेय कोंइताक्‍व। \em भजन संग्रह ७८:४२-५२\em* 
\v 10 मेकोमी शुश रागी आन कली खतम पोक्‍तीमी। मिनु मेकोमी बोल्‍यो पिप आन कली साइक्‍तीमी। \em गन्‍ती २१:२१-३५\em* 
\v 11 मेकोमी एमोरी आन पिप सीहोन, बाशान ङा पिप ओग नु कनान ङा पिप नेल्‍ल आन कली साइक्‍तीमी।  
\v 12 मिनु मेकोमी मेको आन रागी आ मुर, इस्राएली आन कली आन के सेल्‍चा कली गेम्‍तीमी। \em यहोसु १२:१-६\em* 
\p  
\v 13 परमप्रभु यावे इन नें गेना हना यो बाक्‍ब। परमप्रभु यावे इन नें गेनायो मक्‍याम्‍सीब। \em भजन संग्रह १०२:१३\em* 
\v 14 मारदे हना परमप्रभु यावेमी आ मुर आन कली निसाफ पतीकेमी वारच पाइब। मिनु आ गेय पाइब आन कली शिशी पाइब। \em ब्‍यवस्‍था ३२:३६\em* 
\p  
\v 15 रागी रागी ङा मुर आन मूर्ति सुन नु चांदी के बाक्‍नीम। मेको नेल्‍ले मुर आन सेल्‍शो ला बाक्‍नीम। \em भजन संग्रह ११५:४-११\em* 
\v 16 मेको आन के शोव़ बाक्‍ब, तन्‍न मब्‍वाक्‍नीम। मिक्‍च बाक्‍ब, तन्‍न मताइनीम।  
\v 17 नोफा बाक्‍ब, तन्‍न मनेंनीम। मेकोपुकीमी आन सोक्‍त कीने मचाप्‍नीम।  
\v 18 मेको आन कली सेल्‍बपुकी यो मोदेंशो दुम्‍मल। मिनु मेको आन कली थमा सुइक्‍बपुकी यो मोदेंशोन दुम्‍मल। 
\p  
\v 19 इस्राएल आ खिं ङा मुरपुकी, परमप्रभु यावे कली ठेयब सेलीन। हारून आ खिं ङा मुरपुकी परमप्रभु यावे कली ठेयब सेलीन।  
\v 20 लेवी आ मुरपुकी, परमप्रभु यावे कली ठेयब सेलीन। परमप्रभु यावे कली मान पा हिंबपुकी, परमप्रभु यावे कली ठेयब सेलीन।  
\v 21 सियोन रे परमप्रभु यावे कली ठेयब सेल्‍मेक्‍ल। यरूसलेमम बाक्‍बपुकीमी परमप्रभु यावे कली ठेयब सेल्‍मेक्‍ल। परमप्रभु यावे कली ठेयब सेलीन। 
\c 136  
\s1 परमप्रभु आ दाक्‍तीके लीब 
\p  
\v 1 परमप्रभु यावे कली “गे रिम्‍शो पाइब बाक्‍नीनी” देनीन। मारदे हना मेको रिम्‍शो पाइब बाक्‍ब। मेको आ दाक्‍तीके गेना हना यो लीब। \em भजन संग्रह १०१:६\em* 
\v 2 मिनु देवी देवता आन परमप्रभु कली “गे रिम्‍शो पाइब बाक्‍नीनी” देनीन। मारदे हना मेको आ दाक्‍तीके गेना हना यो लीब।  
\v 3 मिनु परमप्रभु, आन परमप्रभु कली “गे रिम्‍शो पाइब बाक्‍नीनी” देनीन। मारदे हना मेको आ दाक्‍तीके गेना हना यो लीब।  
\v 4 मेकोमी ला ठेयब छक लाक्‍चा ङा गेय पाइब। मारदे हना मेको आ दाक्‍तीके गेना हना यो लीब।  
\v 5 मेकोमी जोक्‍ब तुइक्‍ब दुम्‍‍तीकेमी सरीङ सेल्‍तु। मारदे हना मेको आ दाक्‍तीके गेना हना यो लीब।  
\v 6 मेकोमी ब्‍वाक्‍कु तार रागी सेल्‍तु। मारदे हना मेको आ दाक्‍तीके गेना हना यो लीब।  
\v 7 मेकोमी नां तास्‍ला सेल्‍तु। मारदे हना मेको आ दाक्‍तीके गेना हना यो लीब। \em उत्‍पत्ती १:१४-१८\em* 
\v 8 मेकोमी नाक्‍ती कली नां सेल्‍तु। मारदे हना मेको आ दाक्‍तीके गेना हना यो लीब।  
\v 9 मेकोमी नाक्‍दो कली तास्‍ला नु सोरुल सेल्‍तीमी। मारदे हना मेको आ दाक्‍तीके गेना हना यो लीब। 
\p  
\v 10 मेकोमी इजीप्‍त रागीमी ङोंइती जरमेशो नेल्‍ल आन कली साइक्‍तीमी। मारदे हना मेको आ दाक्‍तीके गेना हना यो लीब। \em भजन संग्रह १३५:८-१२\em* 
\v 11 मेकोमी इस्राएली आन कली इजीप्‍ती आन दाते रे ग्रुंइशा चाक्‍तीमी। मारदे हना मेको आ दाक्‍तीके गेना हना यो लीब।  
\v 12 मेकोमी आ ठेयब सक्तिमी मेको आन कली ग्रुंइशा चाक्‍तीमी। मारदे हना मेको आ दाक्‍तीके गेना हना यो लीब।  
\v 13 मेकोमी लल समुन्‍द्रमी लां सेल्‍तु। मारदे हना मेको आ दाक्‍तीके गेना हना यो लीब।  
\v 14 मेकोमी इस्राएली आन कली मेको लां रे पा शोक्‍पाइक्‍तीमी। मारदे हना मेको आ दाक्‍तीके गेना हना यो लीब।  
\v 15 मेकोमी फाराओ नु आ लडाइ पाइब आन कली लल समुन्‍द्रमी योल्‍पाइक्‍तु। मारदे हना मेको आ दाक्‍तीके गेना हना यो लीब।  
\v 16 मेकोमी आ मुर आन कली गोरशो रागीम लां कोंइताक्‍मी। मारदे हना मेको आ दाक्‍तीके गेना हना यो लीब।  
\v 17 मेकोमी ठेयब पिप आन कली साइक्‍तीमी। मारदे हना मेको आ दाक्‍तीके गेना हना यो लीब। \em गन्‍ती २१:२३-३५\em* 
\v 18 मेकोमी सक्ति पाइश्‍शो पिप आन कली साइक्‍तीमी। मारदे हना मेको आ दाक्‍तीके गेना हना यो लीब।  
\v 19 मेकोमी एमोरी आन पिप सीहोन कली साइक्‍तु। मारदे हना मेको आ दाक्‍तीके गेना हना यो लीब।  
\v 20 मेकोमी बाशान ङा पिप ओग कली साइक्‍तु। मारदे हना मेको आ दाक्‍तीके गेना हना यो लीब।  
\v 21 मेकोमी मेको आस रागी आ मुर आन कली योक्‍शा, गेम्‍तीमी। मारदे हना मेको आ दाक्‍तीके गेना हना यो लीब।  
\v 22 मेकोमी मेको रागी आ गेय पाइब इस्राएली आन कली गेम्‍तीमी। मारदे हना मेको आ दाक्‍तीके गेना हना यो लीब। 
\p  
\v 23 मेकोमी गो श्‍येत जकानु, आंइ कली मिम्‍ताक्‍व। मारदे हना मेको आ दाक्‍तीके गेना हना यो लीब।  
\v 24 मेकोमी आंइ कली आंइ जोरी सत्रु आन गुइ रे प्रोंइतु। मारदे हना मेको आ दाक्‍तीके गेना हना यो लीब।  
\v 25 मेकोमी ब्रोंइब नेल्‍ल आन कली जचा गेब। मारदे हना मेको आ दाक्‍तीके गेना हना यो लीब। \em भजन संग्रह १४५:१५\em* 
\p  
\v 26 स्‍वर्ग ङा परमप्रभु कली “गे रिम्‍शो पाइब बाक्‍नीनी” देनीन। मारदे हना मेको आ दाक्‍तीके गेना हना यो लीब। 
\c 137  
\s1 बेबीलोनम बाक्‍ब आन कुम्‍सो 
\p  
\v 1 गो बेबीलोन ङा खोला आ नेक्‍था बाक्‍शा, सियोन कली मिम्‍शा ङाक्‍तक।  
\v 2 गोपुकीमी आंइ तार पाइश्‍शो ताप्‍तीके मेकेर ङा रवामी क्‍युक्‍तक।  
\v 3 मारदे हना आंइ कली ग्‍याइश्‍शा लाइक्‍बपुकीमी मेकेर कुम्‍सो पपाइक्‍तेक्‍म। मिनु आंइ कली श्‍येत गेबपुकीमी ग्‍येरतीक कुम्‍सो पपाइक्‍तेक्‍म। मेकोपुकीमी आंइ कली “सियोन ङा कुम्‍सो का पने” देंतेक्‍म। 
\p  
\v 4 गो आंइ मतुइश्‍शो रागीमी परमप्रभु यावे आ कुम्‍सो दोपा पने चाप्‍नीकी?  
\v 5 गो यरूसलेम, इ कली प्रेंताक्‍ङ हना, आं ग्‍युरा गुइ मदुक्‍ब दुम्‍ल। \em येरमीया ५१:५०\em* 
\v 6 गो इ कली ममिम्‍शो नङ हना, गो यरूसलेम कली आं नेल्‍ल क्‍येङा ठेयब ग्‍येर‍तीके बाक्‍ब, दे ममिम्‍शो नङ हना, आं लें आं कुंकुम क्‍येप्‍तल। 
\p  
\v 7 परमप्रभु यावे, यरूसलेम खतम दुम नाक्‍ती एदोम ङा मुर मार पामे, मेको मिम्‍तीन। मेकोपुकीमी “एको कली प्रेतीन। जग रेन खतम पोक्‍कीन” दे वाइ ब्रेत्‍तेक्‍म। \em भजन संग्रह ७९:१२; ओबदिया १०:१५\em* 
\v 8 बेबीलोन सहर, गे मुल खतम पोक्‍चा पुंइसीनेवे। गे मार पवी मेको आ क्‍येक्‍क लेप्‍ब ग्‍येरसीशो मुर बाक्‍ब।  
\v 9 इन आल आन कली ग्‍याइश्‍शा, फुल्‍लु तार राप्‍शा साइक्‍ब, ग्‍येरसीशो बाक्‍नीम। \em यसैया १३:१६; रोमी १२:१९\em* 
\c 138  
\s1 ठेयब सेल्‍तीक कुम्‍सो 
\d दाऊद आ कुम्सो। 
\p  
\v 1 परमप्रभु, गो आं थुं नेल्‍लेमी इन कली ठेयब सेल्‍नुङ। गो देवी देवता आन ङोंइती इन कली ला ठेयब सेल्‍तीक कुम्‍सो पाइनुङ।  
\v 2 गो इन खिं गे बाप्‍शा, इन कली “गे रिम्‍शो पाइब बाक्‍नीनी” देंनुङ। मारदे हना इन गेना हना यो दाक्‍तीकेमी दाक्‍शा मप्रोंइनीनी। मिनु इन नें नु इन लोव़ नेल्‍ल आन क्‍येङा ठेयब बाक्‍नीम।  
\v 3 गो इन कली ब्रेङङानु, आं लोव़ लेत्‍ताक्‍यीनी। गे आं कली महिंब थुं गेशा, बोल्‍यो सेल्‍तीनी। 
\p  
\v 4 परमप्रभु यावे, रागी ङा पिप नेल्‍लेमी इन लोव़ नेंतेक्‍म। मोपतीके मेकोपुकीमी इन कली ठेयब सेल्‍मेक्‍ल। \em यसैया २:३\em* 
\v 5 मिनु मेकोपुकीमी परमप्रभु यावे आ लां आ पर्बम कुम्‍सो पामेक्‍ल। मारदे हना परमप्रभु यावे आ सक्ति थम ठेयब बाक्‍ब।  
\v 6 परमप्रभु यावे नेल्‍ल क्‍येङा ठेयब बाक्‍त हना यो, मेकोमी आइक्‍च मुर आन कली कोव़ब। तन्‍न ठेयब लेश्‍शो मुर आन क्‍येङा ङोन बाक्‍ब। 
\p  
\v 7 मिनु गो शुश श्‍येत जाता हना यो, गे आं कली प्रोंइनीनी। गे आं कली तशा आं जोरी सत्रु आन गाइश्‍शो रे प्रोंइ‍नीनी। गे इन सक्तिमी आं कली प्रोंइनीनी।  
\v 8 परमप्रभु यावेमी आं पर्बम आ पचा माल्‍शो नेल्‍ल पाइब। परमप्रभु यावे इन दाक्‍तीके गेना हना यो लीब। इन सेल्‍शो मुर, आं कली मप्रोनीन। 
\c 139  
\s1 परमप्रभुम मुर आन थुं तुइक्‍ब 
\d कुम्‍सो पपाइक्‍ब कली दाऊद आ कुम्‍सो। 
\p  
\v 1 परमप्रभु यावे, गे आं कली नाक्‍शा तुइश्‍शो बाक्‍नीनी। \em भजन संग्रह ७:१०; येरमीया १७:१०\em* 
\v 2 गे आं निश्‍शो बोक्‍शो तुइश्‍शो बाक्‍नीनी। आं मिम्‍शो नेल्‍ल तुइक्‍नीनी।  
\v 3 गे आं गाक्‍शो इप्‍शो थमा पा तुइक्‍नीनी। आं पशो नेल्‍ल गे तुइश्‍शो बाक्‍नीनी।  
\v 4 परमप्रभु यावे, गे आं ब्‍वाक्‍चा क्‍येङा ङोंइती आं लोव़ नेल्‍ल तुइक्‍नीनी।  
\v 5 गे आं एर ओंथ नेल्‍ल बाक्‍शा, इन गुइ आं तार वोइक्‍तीनी।  
\v 6 मेको तुइक्‍तीके आं कली थम ठेयब बाक्‍ब। मिनु गो मेको रुप्‍ने मचाप्‍नुङ। 
\p  
\v 7 मिनु गो इन सोक्‍त क्‍येङा ते लशा ख्रुइक्‍ने चाप्‍नुङा ङा? गो इन ङोंइती रे ते प्रोक्‍ने चाप्‍नुङा ङा?  
\v 8 गो सरीङ लती हना यो, गे मेके बाक्‍नीनी। गो बेक्‍शो मुर आन बाक्‍तीकेम आं बाक्‍तीक सेल्‍ता हना यो, गे मेके बाक्‍नीनी। \em आमोस ९:२\em* 
\v 9 गो नां दाप्‍तीक सम्‍म बेरशा लती हना यो, शुश ङोन समुन्‍द्र तार लती हना यो, \em योना १:३\em* 
\v 10 गे मेकेर यो आं कली लां कोंइनीनी। मिनु गे इन सक्तिमी आं कली वारच पाइनीनी।  
\v 11 मिनु गो “छिङछिङम आं कली सुम्‍शा, आ एर ओंथ ङा छेङछेङ नेल्‍ल नाक्‍दो खोदेंशो दुम्‍ल” देंती हना यो, \em अय्‍युब ३४:२२\em* 
\v 12 छिङछिङ इन कली छिङछिङ मदुम्‍ब। नाक्‍दो नाक्‍त खोदेंशो पा छेङछेङ दुम्‍ब। मारदे हना छिङछिङ इन कली छेङछेङ खोदेंशो बाक्‍ब। 
\p  
\v 13 मिनु गे आं आगा ङा मारेइ मारेइ सेल्‍तीनी। गे आं कली आं ममा आ कोव़जम सेल्‍तीनी।  
\v 14 गो इन कली ठेयब सेल्‍नुङ। मारदे हना गे आं कली छक लाक्‍चा ङा नु रिम्‍शो पा सेल्‍तीनी। इन गेय नेल्‍ल छक लाक्‍चा ङा बाक्‍नीम। गे आं कली थमा पा तुइश्‍शो बाक्‍नीनी।  
\v 15 गो ख्रुइश्‍शा जोल्‍ना जोल्‍न बाक्‍ङानु, गे आं कली तशो बाक्‍तीनी। मेना गो रागी आगाम जोल्‍ना जोल्‍न बाक्‍शो नङ।  
\v 16 गे आं मजोल्‍शो रां तशो बाक्‍तीनी। मिनु आं कली गेशो ब्रोंइतीक नाक्‍ती नेल्‍ले इन किताबम ब्रेक्‍शो बाक्‍तेक्‍म। मेको दुम्‍चा क्‍येङा ङोंइतीन ब्रेक्‍शो बाक्‍त। \em भजन संग्रह ३१:१६\em* 
\v 17 परमप्रभु, इन मिम्‍शो आं कली थम ठेयब बाक्‍ब। इन मिम्‍तीके शुश बाक्‍नीमी। \em भजन संग्रह ४०:६\em* 
\v 18 गो मेको आन कली हिक्‍चा माल्‍शो नङ हना, मेको बाल्‍वा क्‍येङा यो शुश दुम वा। गो सेंसीङानु, गो गे नु बाक्‍शो बाक्‍नुङ। \em भजन संग्रह ६३:७\em* 
\p  
\v 19 परमप्रभु, गे इन अरेशो मटीब आन कली साइक्‍नी हना, रिम्‍शो दुम वा। हुश ख्राक्‍श पोक्‍ब आं क्‍येङा ङोन लमल।  
\v 20 मेकोपुकीमी इन पर्बम मरिम्‍शो लोव़ पाइनीमी। मिनु ठेयब लेश्‍शा, शुश मरिम्‍शो पाइब बाक्‍नीमी।  
\v 21 परमप्रभु यावे, इन कली काइ मदाक्‍ब आन कली गो यो काइ मदाक्‍नुङमी। मिनु गो इन कली मरिम्‍शो पचा कली बोक्‍ब आन कली तशा ग्रांग्रा दित्‍नुङमी।  
\v 22 गो मेको आन कली थमा पा काइ मदाक्‍नुङमी। मिनु गो मेको आन कली आं जोरी सत्रु मिम्‍नुङमी।  
\v 23 परमप्रभु, गे आं कली नाक्‍शा, आं थुं कोव़यीनी। मिनु आं कली कोव़शा आं मिम्‍शो तुइक्‍तीन।  
\v 24 गो आं थुंम इन अरेशो मटितीके बाक्‍म कों? कोव़ङीन। मिनु गे आं कली गेना हना यो ब्रोंइशा बाक्‍तीक लांम खुल्‍यीनी। 
\c 140  
\s1 ब्रोंइचा आ पर्बम पुंइशो 
\d कुम्‍सो पपाइक्‍ब कली दाऊद आ कुम्‍सो। 
\p  
\v 1 परमप्रभु यावे, आं कली मरिम्‍शो पाइब आन गुइ रे प्रोंइयीनी। आं कली हुश ख्राक्‍श पोक्‍ब आन गुइ रे प्रोंइयीनी।  
\v 2 मेकोपुकीमी आन थुंमी मरिम्‍शो पतीक मिम्‍ना मिम्‍न बाक्‍नीम। मिनु जिचा पोक्‍नीम।  
\v 3 मेकोपुकी कोक्‍चा चिक्‍शो बुस्‍स खोदेंशो बाक्‍नीम। मेको आन लोव़ बुस्‍स आन बीस खोदेंशो बाक्‍ब। \em ठेयब सेंदा पा।\em*\em रोमी ३:१३\em* 
\p  
\v 4 परमप्रभु यावे, इन अरेशो मटीब नु हुश ख्राक्‍श पोक्‍ब मुर आं क्‍येङा ङोन वोतीन। मेकोपुकीमी आं कली दाइल पपाइक्‍चा माल्‍नीम।  
\v 5 ठेयब लेश्‍शो मुरपुकीमी ख्रुइश्‍शा आं कली ब्‍वारद दाइक्‍ताक्‍म। डोरी के ब्‍वारद दाइक्‍ताक्‍म। मेकोपुकीमी आं लांमी ब्‍वारद दाइक्‍ताक्‍म। \em ठेयब सेंदा पा\em* 
\p  
\v 6 मिनु गो परमप्रभु यावे कली “गे आं परमप्रभु बाक्‍नीनी। परमप्रभु यावे, गे आं पुंइशो लोव़ नेनीन। \em भजन संग्रह २२:११\em* 
\v 7 परमप्रभु यावे, आं परमप्रभु, गे इन सक्तिमी आं कली प्रोंइनीनी। लडाइ दुम्‍मेनु, गे आं कली प्रोंइनीनी।  
\v 8 परमप्रभु यावे, इन अरेशो मटीब आन मिम्‍शो दला दाक्‍स दुम्‍चा मगेने। मो दुम्‍त हना, मेकोपुकी ठेयब लेत्‍नीम। \em ठेयब सेंदा पा।\em* 
\p  
\v 9 मेको ठेयब लेश्‍शोपुकी आं एर ओंथ बाक्‍शो बाक्‍नीम। मेको आन मरिम्‍शो पशो आंमा रमल। \em ठेयब सेंदा पा।\em* 
\v 10 गे मेको आन तारी ब्रशो कोइला मोतीन। मेकोपुकी गेनायो ग्रूने मचाप्‍चा पा खाल्‍टाम बिक्‍मल।  
\v 11 मुर आन पर्बम जोल पाइब रागीम मदुम्‍मल। हुश ख्राक्‍श पोक्‍बपुकी रीब पा खतम दुम्‍मल। 
\p  
\v 12 परमप्रभु यावे, श्‍येत जशो आन कली वारच पाइब नु प्रुङग आन कली ठीक निसाफ पाइब बाक्‍नीनी, दे तुइक्‍नुङ।  
\v 13 ठीक पाइबपुकीमी, थमा पा इन नें ठेयब सेल्‍नीम। मिनु रिम्‍शो थुं पाइश्‍शो मुर इन ङोंइती बाक्‍नीम” देंती। 
\c 141  
\s1 “आं कली कोव़यीनी” दे पुंइशो 
\d दाऊद आ कुम्‍सो। 
\p  
\v 1 परमप्रभु यावे, गो इन कली पुंइनुङ। मिनु गे रीब पा जाक्‍कीन। गो इन कली पुंइशा ब्रेङङानु, आं ब्रेश्‍शो नेनीन।  
\v 2 आं पुंइशो लोव़ इन ङोंइती धूप खोदेंशो दुम्‍ल। मिनु आं गुइ क्‍युक्‍शो नाक्‍दो ङा चढ़ेशो खोदेंशो दुम्‍ल। \em प्रस्‍थान ३०:७; प्रस्‍थान २९:३९\em* 
\p  
\v 3 परमप्रभु यावे, आं शोव़मी खाल पाइब का वोतीन। आं कली मरिम्‍शो लोव़ पचा मगेयीनी। \em भजन संग्रह ३९:२; याकूब ३:५-६\em* 
\v 4 आं थुं कली मरिम्‍शो मिम्‍चा मगेने। मरिम्‍शो पाइब नु गारशा, इन मदाक्‍शो गेय पचा मगेने। मिनु गो मेको आन ब्रोव़शो जचा थोव़क जचा मदाक्‍नुङ। 
\p  
\v 5 ठीक पाइबमी आं कली तुप्‍‍यील। मेको आं शिशी बाक्‍ब। मेकोमी आं कली हुइक्‍तील। मेको आं पियाम लुक्‍शो तेल खोदेंशो दुम्‍ब। तन्‍न इन अरेशो मटीब आन तेल आं पियाम मलुम्‍सेक्‍ल। मो हना यो गो मेको आन मरिम्‍शो पशो आ पर्बम पुंइना पुंइन बाक्‍नुङ। \em लेवी १९:१७; हितोपदेस २७:५-६\em* 
\v 6 मेको आन निसाफ पाइब रोंगु रे तोक्‍चा पुंइसामानु, मरिम्‍शो पाइबपुकीमी आं लोव़ “थमा बाक्‍त” दे रुप्‍नीम।  
\v 7 दोपा फुल्‍लु प्रोल्‍शा रू मेर फ्राइनीमी, मोपान मेको आन रुश बेक्‍शो मुर आन बाक्‍तीकेमी ब्रशो बाक्‍नीम। 
\p  
\v 8 तन्‍न परमप्रभु यावे, आं परमप्रभु, गो इन गे कोव़नुङ। गो गे नु फाम्‍सीनुङ। गे आं कली बेक्‍चा मगेयीनी।  
\v 9 गे आं कली मेको आन दाइश्‍शो ब्‍वारद रे प्रोंइयीनी। आं कली मरिम्‍शो पाइब आन दाइश्‍शो ब्‍वारद रे प्रोंइयीनी।  
\v 10 इन अरेशो मटीब नेल्‍ले आंम आन दाइश्‍शो ब्‍वारदम रेम्‍मल। गो चहिं मारेइ मदुम्‍थु लाक्‍नुङ। 
\c 142  
\s1 “श्‍येत जशोनु, वारच पाइय्‍यीनी” 
\d शेंतीक कुम्‍सो। पुक्‍खीम बाक्‍शा, दाऊद आ सेल्‍शो कुम्‍सो। १सामुएल २४:४ 
\p  
\v 1 गो परमप्रभु यावे कली वाइ ब्रेत्‍नुङ। गो परमप्रभु यावे कली पुंइनुङ।  
\v 2 आं लोव़ नेल्‍ल मेको आ ङोंइती वोइक्‍नुङ। गो मेको कली आं श्‍येत नेल्‍ल देंनुङ।  
\v 3 आं थुं लुक्‍च लत हना, गो मार पचा माल्‍नुङा, गे मेको तुइक्‍नीनी। मुरपुकीमी आं गाक्‍तीक लांमी ब्‍वारद दाइक्‍ताक्‍म।  
\v 4 गो आं ग्‍युरा गे कोव़ता, मिनु आं कली मिम्‍ब सुइ मबाक्‍म। आं कली ख्रुइक्‍तीके तेइ मबाक्‍ब। सुइमी आं कली वारच मपाइय्‍यीमी। 
\p  
\v 5 परमप्रभु यावे गो इन कली ब्रेत्‍ताक्‍ङ। गो “गे आं ख्रुइक्‍तीके बाक्‍नीनी। ब्रोंइशा बाक्‍ब आन रागीमी गे आं भाग बाक्‍नीनी” देंती। \em भजन संग्रह २७:१३\em* 
\v 6 आं पुंइशो लोव़ नेनीन। मारदे हना आ थुं शुश लुक्‍च लत। आं कली खेदा पाइब रे प्रोंइयीनी। मारदे हना मेकोपुकी आं क्‍येङा बोल्‍यो बाक्‍नीम।  
\v 7 आं कली आं चोक्‍सीतीके रे प्रोंइयीनी। मिनु गो इन कली “गे रिम्‍शो पाइब बाक्‍नीनी” देंने चबुल। मिनु आं कली रिम्‍शो पशो तशा, ठीक पाइबपुकी आं एर ओंथ बाक्‍शा ग्‍येरसीनीम। 
\c 143  
\s1 श्‍येत जामेनु, पुंइशो 
\d दाऊद आ कुम्‍सो। 
\p  
\v 1 परमप्रभु यावे, आं पुंइशो लोव़ नेनीन। “गो शिशी तङल” दे इन दाक्‍शा मप्रोंइतीकेमी आं पुंइशो लोव़ नेनीन। मिनु इन ठीक पतीकेमी आं लोव़ लेत्‍तीनी।  
\v 2 मिनु इन गेय पाइब कली निसाफ पा दोस मगेने। मारदे हना ब्रोंइशोपुकी इन ङोंइती ठीक पाइब सुइ मबाक्‍नीम। \em भजन संग्रह १३०:३; अय्‍युब ९:२; रोमी ३:२०\em* 
\p  
\v 3 आं जोरी सत्रुमी आं कली खेदा पतीमी। आं कली खपीम खोल्‍शा, साइक्‍चा चिक्‍ताक्‍यीमी। मेकोपुकीमी आं कली बेक्‍शो मुर आन बाक्‍तीकेम खोदेंशो पा छिङछिङम बाक्‍पाइक्‍तीमी।  
\v 4 मोपतीके आं थुं लुक्‍च लत। मिनु गो वाम ग्‍याम दुम्‍ती। 
\p  
\v 5 गो साइ ङोंइती ङा नाक्‍त मिम्‍नुङ। मिनु इन गेय नेल्‍ल मिम्‍ना मिम्‍न बाक्‍नुङ। इन गुइम पशो नेल्‍ल मिम्‍नुङ। \em भजन संग्रह ७७:६\em* 
\v 6 गो आं गुइ इन गे दिंनुङ। मिनु कोक्‍त रूमी ब्‍वाक्‍कु माल्‍शो खोदेंशो पा, आं थुंमी इन कली माल्‍ब।\em ठेयब सेंदा पा।\em*\em भजन संग्रह ४२:२-३\em* 
\p  
\v 7 परमप्रभु यावे, गे आं कली रीब पा लोव़ लेत्‍तीनी। आं थुं लुक्‍च लशो बाक्‍ब। इन कुल आं क्‍येङा मख्रुइक्‍तीन। मो दुम्‍त हना, गो बेक्‍शो मुर आन बाक्‍तीक लाइब मुर खोदेंशो दुम्‍नुङ।  
\v 8 आं कली सुनी इन गेना हना यो दाक्‍तीके आ पर्बम नेंपाइय्‍यीनी। मारदे हना गो इन कली थमा सुइक्‍नुङ। गो तेको लां गाक्‍चा माल्‍नुङा, मेको आं कली शेंदीनी। गो इन लां कोव़शा बाक्‍नुङ।  
\v 9 परमप्रभु यावे, गे आं कली आं जोरी सत्रु रे प्रोंइयीनी। मारदे हना गो इन बाक्‍तीकेमी ख्रुइक्‍थ जाक्‍नुङ।  
\v 10 आं कली इन दाक्‍शो पचा कली शेंदीनी। मारदे हना गे आं परमप्रभु बाक्‍नीनी। इन रिम्‍शो सोक्‍तीम आं कली ठीक लांम गाक्‍‍पाइय्‍यीनी। 
\p  
\v 11 परमप्रभु यावे, इन नें आ पर्बम आं कली ब्रोंइचा गेयीनी। इन निसाफ पतीकेमी आं कली श्‍येत रे प्रोंइयीनी।  
\v 12 इन गेना हना यो दाक्‍तीकेमी आं जोरी सत्रु आन कली खतम पोक्‍कीन। मिनु आं जोरी सत्रु नेल्‍ल आन कली सतीन। मारदे हना गो इन गेय पाइब बाक्‍नुङ। 
\c 144  
\s1 ग्राचा कली पुंइशो लोव़ 
\d दाऊद आ कुम्‍सो। 
\p  
\v 1 परमप्रभु यावे, आं सेरथे फुल्‍लु, ठेयब बाक्‍ब। मेकोमी आं कली लडाइ पचा शेंब।  
\v 2 गो आं कली दाक्‍ब, आं दरवार, आं ख्रुइश्‍शा ब्रोंइ‍शा बाक्‍तीके, आं कली श्‍येत रे प्रोंइब नु आं तेक्‍तीक बाक्‍नीनी। गो इन बाक्‍तीकेमी ख्रुइश्‍शा बाक्‍नुङ। गे आं कली मुर आन कली सासन पाइब सेल्‍नीनी। \em भजन संग्रह १८:३\em* 
\p  
\v 3 परमप्रभु यावे, मुर आइक्‍च बाक्‍तेक्‍म हना यो, गे मेको आन कली कोव़नीनी। बेक्‍शा लाइब मुर मार नमी ङा? तन्‍न गे मेको आन कली मिम्‍नीनी।  
\v 4 मुर कीशो सोक्‍त खोदेंशो बाक्‍नीम। मेको आन ब्रोंइतीक नाक्‍ती जाम्‍शा लाइब वांकु खोदेंशो बाक्‍नीम। \em अय्‍युब १४:२\em* 
\p  
\v 5 परमप्रभु यावे, इन सरीङ रे तोइश्‍शा यिने। डांडा आन कली थिशा, कुन ग्रूपतीन। \em भजन संग्रह १८:१०-१७\em* 
\v 6 चिला दाप्‍पाइश्‍शा, मेको एर ओंथ ब्रपतीन। इन ब्रा आप्‍शा मेको आन कली खेदा पने।  
\v 7 इर रे इन गुइ दिंदीन। मिनु आं कली बारशो खोला नु अर्को रागी ङा मुर आन गुइ रे प्रोंइयीनी।  
\v 8 मेकोपुकीमी जोल नु मरिम्‍शो ला पाइनीम। 
\p  
\v 9 परमप्रभु, गो इन कली नक कुम्‍सो का पाइनुङ। १० ओटा तार पाइश्‍शो ताप्‍तीक ताप्‍शा, इन कली कुम्‍सो पाइनुङ। \em भजन संग्रह ३३:३\em* 
\v 10 गे पिप आन कली ग्रापाइक्‍नीनी। गे इन गेय पाइब दाऊद कली बेक्‍चा रे प्रोंइतीनी।  
\v 11 आं कली मुर साइक्‍ब तरवार रे प्रोंइयीनी। अर्को रागी ङा मुर आन गुइ रे प्रोंइयीनी। मेकोपुकीमी जोल नु मरिम्‍शो ला पाइनीम। 
\p  
\v 12 मिनु आंइ तौपुकी कोल्‍मानु, रवा खोदेंशो दुम्‍मल। आंइ तमीपुकी दरवारम बाक्‍शो मुशो थाम खोदेंशो दुम्‍मल।  
\v 13 आंइ अन्‍न वोइक्‍तीके शुश खाल ङा अन्‍नमी ब्रीमल। आंइ भेडा हजार हजार दुम्‍मल। आंइ भेडा आंइ रूम लाख लाख दुम्‍मल।  
\v 14 आंइ बीपुकी गिक्‍ब दुम्‍मल। आंइ गारो मब्रेल्‍ल। आंइ कली सुइमी ग्‍याइश्‍शा मलदमेक्‍ल। मिनु आंइ लांमी सुइ ङाक्‍शो मनेंसीब।  
\v 15 मोदेंशो आसीक ताइब मुर ग्‍येरसीशो बाक्‍नीम। सु मुर आन परमप्रभु, परमप्रभु यावे बाक्‍बा, मेको ग्‍येरसीशो मुर बाक्‍नीम। \em ब्‍यवस्‍था ३३:२९\em* 
\c 145  
\s1 ठेयब सेल्‍तीक कुम्‍सो 
\d परमप्रभु कली “ठेयब बाक्‍नीनी” देंशो दाऊद आ कुम्‍सो। 
\p  
\v 1 आं परमप्रभु, गे आं पिप बाक्‍नीनी। गो इन कली मान पाइनुङ। इन नें गेना हना यो ठेयब सेल्‍नुङ।  
\v 2 गो इन कली नाक्‍त किंत किंत ठेयब सेल्‍नुङ। गो इन नें गेना हना यो ठेयब सेल्‍नुङ।  
\v 3 परमप्रभु यावे ठेयब बाक्‍ब। मेको ठेयब सेल्‍चा शिरशो बाक्‍ब। मिनु मेको आ ठेयब दुम्‍तीके सुइमी रुप्‍ने मचाप्‍नीम। 
\p  
\v 4 पाला का ङा मुरुम आन नोले ङा पाला ङा मुर आन कली “इन गेय ठेयब बाक्‍नीम” दे शेंचा माल्‍नीम। मेकोपुकीमी इन सक्ति पाइश्‍शो गेय आ पर्बम लोव़ पचा माल्‍नीम।  
\v 5 आं पिप, गो इन शुश दारस ङा मान ततीके नु इन छक लाक्‍चा ङा गेय आ पर्बम मिम्‍ना मिम्‍न बाक्‍नुङ। \em भजन संग्रह १९:२-७\em* 
\v 6 मुरपुकीमी इन ठेयब सक्ति आ पर्बम लोव़ पचा माल्‍नीम। मिनु गो इन ठेयब दुम्‍तीके आ पर्बम शेंनुङमी।  
\v 7 मेकोपुकीमी इन शुश रिम्‍शो पतीके आ पर्बम चाड मानेचा माल्‍नीम। मिनु इन ठीक पतीके आ पर्बम ठेयब सेंदा पा कुम्‍सो पचा माल्‍नीम। 
\p  
\v 8 परमप्रभु यावे दाक्‍ब नु शिशी पाइब बाक्‍ब। मेको रीब पा मगाइक्‍ब। मिनु मेको आ गेना हना यो दाक्‍तीके ठेयब बाक्‍ब। \em प्रस्‍थान ३४:६\em* 
\v 9 परमप्रभु यावे नेल्‍ल आन कली रिम्‍शो पाइब बाक्‍ब। मिनु आ सेल्‍शो नेल्‍ल आन कली शिशी पाइब।  
\v 10 परमप्रभु यावे, इन सेल्‍शो मारेइ मारेइमी इन कली “गे रिम्‍शो पाइब बाक्‍नीनी” देंचा माल्‍नीम। मिनु इन कली थमा सुइक्‍बपुकीमी ठेयब सेल्‍चा माल्‍नीम।  
\v 11 मेकोपुकीमी इन राज्‍य ङा रिम्‍शो दुम्‍तीके आ पर्बम लोव़ पचा माल्‍नीम। इन सक्ति आ पर्बम लोव़ पचा माल्‍नीम।  
\v 12 मेकोपुकीमी इन ठेयब सक्ति पाइश्‍शो गेय नु इन राज्‍य ङा दारस आ पर्बम मुर आन कली तुइक्‍पाइक्‍चा माल्‍नीम।  
\v 13 इन राज्‍य गेना हना यो लीब राज्‍य बाक्‍ब। इन सासन पतीके पाला पाला सम्‍म बाक्‍ब। परमप्रभु यावेमी आ देंशो नेल्‍ल पाइब। मिनु आ पशो मारेइ मारेइ शिशीम पाइब। 
\p  
\v 14 मिनु परमप्रभु यावेमी गोल्‍शो नेल्‍ल आन कली पोक्‍ब। मेकोमी आन थुं लुक्‍च लशो आन कली आन थुं बारपाइक्‍ब। \em भजन संग्रह १४६:८\em* 
\v 15 मारेइ मारेइमी इन गे कोव़नीम। मारदे हना गे मेको आन कली आन जची ना जचा थोव़क गेनीनी। \em भजन संग्रह १०४:२७-२८; भजन संग्रह १३६:२५\em* 
\v 16 गे हाइश्‍शो दुम्‍शा, ब्रोंइब नेल्‍ल कली रूपाइक्‍नीनी।  
\v 17 परमप्रभु यावे नेल्‍ल ठीक पाइब बाक्‍ब। मिनु आ गेय नेल्‍ले शिशीम पाइब।  
\v 18 परमप्रभु यावे आ कली पुंइब नेल्‍ल आन नेक्‍था बाक्‍ब। सु सुमी मेको कली थमा पा पुंइनीमी, मेको आन नेक्‍था बाक्‍ब।  
\v 19 मेकोमी आ कली मान पा हिंब नेल्‍ल आन दाक्‍शो गेब। मेकोमी मेको आन पुंइशो नेंब। मिनु मेको आन कली श्‍येत रे प्रोंइब। \em हितोपदेस १०:२४\em* 
\v 20 परमप्रभु यावेम आ कली दाक्‍ब नेल्‍ल आन कली कोव़ब। तन्‍न मेकोमी आ अरेशो मटीब नेल्‍ल आन कली खतम पोक्‍ब। 
\p  
\v 21 गो परमप्रभु यावे कली ठेयब सेल्‍शा, लोव़ पाइनुङ। सोक्‍त पाइश्‍शो नेल्‍लेमी मेको कली गेना हना यो ठेयब सेल्‍नीम। 
\c 146  
\s1 मचाप्‍ब कली वारच पाइश्‍शो 
\p  
\v 1 परमप्रभु यावे कली ठेयब सेलो। आं थुं, परमप्रभु यावे कली ठेयब सेलो।  
\v 2 गो ब्रोंइङा सम्‍म परमप्रभु यावे कली ठेयब सेल्‍नुङ। गो मबेक्‍ङा सम्‍म आं परमप्रभु कली कुम्‍सो पा ठेयब सेल्‍नुङ।  
\v 3 गे रागी ङा सासन पाइब मुर आन कली थमा मसुतीन। मारदे हना मेकोपुकीमी अरु आन कली वारच पने मचाप्‍नीम। \em भजन संग्रह ११८:८-९; येरमीया १७:५\em* 
\v 4 मेको आन सोक्‍त लाइब। मिनु मेकोपुकी खप दुम्‍नीम। मेना मेको आन मिम्‍शा पशो नेल्‍ल जाम्‍शा लाइब। \em उत्‍पत्ती ३:१९; उपदेसक ३:२०\em* 
\p  
\v 5 याकूब आ परमप्रभुम वारच पाइक्‍चा पुंइसीब मुर, ग्‍येरसीशो बाक्‍नीम। मेकोपुकीमी परमप्रभु यावे, आन परमप्रभु आ लां कोव़शो बाक्‍नीम। \em येरमीया १७:७\em* 
\v 6 मेको सरीङ नु रागी समुन्‍द्र नु मेकेर बाक्‍ब आन कली सेल्‍ब बाक्‍ब। मेकोमी आ देंशो गेना हना यो पाइब।  
\v 7 मेकोमी दिप्‍चा पुंइसीब आन कली ठीक निसाफ पाइब। शोव़लु बेक्‍शो आन कली जचा गेब। परमप्रभु यावेमी चोक्‍चा पुंइसीशो आन कली प्रोंइब।  
\v 8 परमप्रभु यावेमी मिक्‍च मताइब आन कली ताइब सेल्‍ब। मिनु आन थुं लुक्‍च लशो मुर आन कली आन थुं बारपाइक्‍ब। परमप्रभु यावेमी ठीक पाइब आन कली दाक्‍ब। \em भजन संग्रह १४५:१४\em* 
\v 9 मिनु परमप्रभु यावेमी अर्को रागी ङा मुर आन कली कोव़ब। मेकोमी वोंइश बेक्‍शो मीश मुर नु रोम रोइक्‍च आन कली यो कोव़ब। तन्‍न आ अरेशो मटीब आन मिम्‍शो दुम्‍चा मगेब। \em प्रस्‍थान २२:२०-२१\em* 
\v 10 परमप्रभु यावेमी गेना हना यो सासन पाइब। सियोन, इ परमप्रभुमी पाला पाला सम्‍म सासन पाइब। परमप्रभु यावे कली ठेयब सेलीन। \em भजन संग्रह ९३:१\em* 
\c 147  
\s1 परमप्रभु कली ठेयब सेल्‍शो 
\p  
\v 1 परमप्रभु यावे कली ठेयब सेलीन। मारदे हना आंइ परमप्रभु कली ठेयब सेल्‍तीक कुम्‍सो पचा रिम्‍शो नु शिरशो बाक्‍ब। \em भजन संग्रह ९२:२\em* 
\v 2 परमप्रभु यावेमी यरूसलेम कली सेल्‍ब। मेकोमी इस्राएल रे खेरशो ब्रशा बाक्‍शो मुर आन कली खुप्‍ब।  
\v 3 मेकोमी थुं जिक्‍शो आन कली सापाइक्‍ब। मिनु मेको आन कली वाम फ्रेंब। \em यसैया ६१:१\em* 
\v 4 मेकोमी सोरुल आन कली हिक्‍शा, का का पा आन नें वोइक्‍ब। \em यसैया ४०:२६\em* 
\v 5 आंइ परमप्रभु ठेयब बाक्‍ब। मेको आ सक्ति नेल्‍ल क्‍येङा ठेयब बाक्‍ब। आ रुप्‍तीक सक्ति सुइम तुइक्‍ने मचाप्‍नीम। \em लूका १:५२\em* 
\v 6 परमप्रभु यावेम श्‍येत जाइब आन कली कोव़ब। तन्‍न आ अरेशो मटीब आन कली खपीम ताइक्‍ब। 
\p  
\v 7 गे परमप्रभु यावे कली ठेयब सेल्‍तीक कुम्‍सो पने। तार पाइश्‍शो ताप्‍तीके ताप्‍शा आंइ परमप्रभु कली कुम्‍सो पा ठेयब सेलीन।  
\v 8 मेकोमी सरीङ कली गोस्‍सुम सुम्‍पाइक्‍ब। रागी कली रेउ यिपाइक्‍ब। मिनु डांडाम घांस वापाइक्‍ब।  
\v 9 मेकोमी जन्‍तु नु बी ब्‍यफ आन कली थुल्‍ब। खद आन चाइक्‍ब आन कली यो जचा गेब। \em अय्‍युब ३८:४१\em* 
\v 10 मेको शारा आन सक्ति तशा मग्‍येरसीब। मुर आन रीब पा दोरशो मारेइ ममिम्‍ब।  
\v 11 तन्‍न परमप्रभु यावेमी आ कली मान पा हिंब नु आ गेना हना यो दाक्‍तीके कली रिम्‍ब आन कली दाक्‍ब। 
\p  
\v 12 यरूसलेम, परमप्रभु यावे कली ठेयब सेलो। सियोन, इ परमप्रभु कली ठेयब सेलो।  
\v 13 मारदे हना मेकोमी इ सहर ङा लाप्‍चोपुकी बोल्‍यो सेल्‍शो बाक्‍ब। मिनु इ आगाम बाक्‍ब आल आन कली आसीक गेब।  
\v 14 मेकोमी इ सांदमी लडाइ मदुम्‍पाइक्‍ब। मेकोमी इ कली रिम्‍शो चेरबीम रूपाइक्‍ब। 
\p  
\v 15 मेकोमी आ शेंतीके रागीम सोइक्‍ब। मेको आ लोव़ रीब पा तेइ ते ब्राइब। \em अय्‍युब ३८:२२-३०\em* 
\v 16 मेकोमी ऊन खोदेंशो पा फुं यिपाइक्‍ब। मिनु पुलु खोदेंशो पा फुरश यिपाइक्‍ब।  
\v 17 मेकोमी फुल्‍लु खोदेंशो पा मुप्‍स यिपाइक्‍ब। मेको आ काइश्‍शो फशेमी सु राप्‍ने चाप्‍बा ङा?  
\v 18 मेकोमी लोव़ पा फुरश यपाइक्‍ब। मेकोमी फश पपाइक्‍ब। मिनु ब्‍वाक्‍कु शाइक्‍पाइक्‍ब।  
\v 19 मेकोमी आ लोव़ याकूब कली शेंब। मिनु इस्राएल कली आ फुल्‍लुम मुशा ब्रेक्‍शो लोव़ नु आ पतीक लोव़ शेंब। \em ब्‍यवस्‍था ४:८; प्रेरित १४:१६; रोमी ३:२\em* 
\v 20 मेकोमी अर्को रागी ङा सुइ मुर आन पर्बम मोदेंशो मपावो। मिनु मेकोपुकीमी आ पतीक लोव़ मतुइक्‍नीम। परमप्रभु यावे कली ठेयब सेलीन। 
\c 148  
\s1 परमप्रभु कली ठेयब सेल्‍शो 
\p  
\v 1 परमप्रभु यावे कली ठेयब सेलीन। परमप्रभु यावे कली सरीङ रे ठेयब सेलीन। इर रे मेको कली ठेयब सेलीन। \em भजन संग्रह १०३:२०-२२\em* 
\v 2 आ स्‍वर्ग ङा गेय पाइबपुकी, मेको कली ठेयब सेलीन। आ स्‍वर्गम बाक्‍ब नेल्‍लेमी मेको कली ठेयब सेलीन।  
\v 3 नां नु तास्‍ला मेको कली ठेयब सेलीस। छेङछेङ पाइश्‍शो सोरुल नेल्‍लेमी मेको कली ठेयब सेलीन। \em उत्‍पत्ती १:१-२७\em* 
\v 4 नेल्‍ल क्‍येङा इर सरीङ नु मेको आ तार बाक्‍ब ब्‍वाक्‍कु नेल्‍लेमी मेको कली ठेयब सेलीन।  
\v 5 मेकोपुकीमी परमप्रभु यावे कली ठेयब सेल्‍मेक्‍ल। मारदे हना मेकोमी लोव़ पवानु, मेको दुम्‍तेक्‍म। \em भजन संग्रह ३३:९\em* 
\v 6 मेकोमी मेको आन कली गेना हना यो बाक्‍मल, दे वोइक्‍तु। मिनु मेकोमी मेको आन कली अरेवानु, आन बाक्‍तीकेम बाक्‍शा टिम्‍तेक्‍म। 
\p  
\v 7 रागी रे पा ब्‍वाक्‍कुम बाक्‍ब ठेयब जन्‍तु नु शुश लुक्‍च लशो ब्‍वाक्‍कु, परमप्रभु यावे कली ठेयब सेलीन।  
\v 8 मी नु मुप्‍स, फुं नु फुरश नु फश गिवारमी आ देंशो टीनीम। 
\p  
\v 9 पहाड नु डांडा, फल फुल सिप्‍ब रवा नु लाइश्‍शो रवा नेल्‍ले,  
\v 10 ब्‍वाकी ङा जन्‍तु नु बी ब्‍यफ नेल्‍ले, आइक्‍च खपीम ग्रे‍शा गाक्‍ब जन्‍तु नु बेरब चिक्‍ब नेल्‍ले  
\v 11 रागी ङा पिपपुकी नु जात जात ङा मुर नेल्‍ले, रागी ङा सासन नु हुकुम पाइब नेल्‍ले,  
\v 12 वोंइश आल नु मीश आल, खाल्‍पा खाल्‍पी नु आल नेल्‍लेमी परमप्रभु यावे कली ठेयब सेलीन।  
\v 13 मेको नेल्‍लेमी परमप्रभु यावे आ नें ठेयब सेल्‍मेक्‍ल। मारदे हना मेको आ नें ला ठेयब बाक्‍ब। मेको आ मान ततीक ङा छेङछेङ रागी नु सरीङ तार बाक्‍ब।  
\v 14 मेकोमी आ मुर आन कली सक्ति पाइश्‍शो नु ठेयब सेल्‍तु। आ कली थमा सुइक्‍ब नेल्‍ले नु आ नेक्‍था बाक्‍ब इस्राएलीपुकीमी परमप्रभु यावे कली ठेयब सेलीन। \em ब्‍यवस्‍था ४:७-८\em* 
\c 149  
\s1 परमप्रभु कली ठेयब सेल्‍शो 
\p  
\v 1 परमप्रभु यावे कली ठेयब सेलीन। परमप्रभु यावे कली नक कुम्‍सो का पने। थमा सुइक्‍ब आन ग्रुम्‍तीकेमी मेको कली ठेयब सेलीन। \em भजन संग्रह ३३:३\em* 
\v 2 इस्राएल आ कली सेल्‍ब आ पर्बम ग्‍येरसेक्‍ल। सियोन ङा मुर आन पिप आ पर्बम ग्‍येरसमल। \em भजन संग्रह १००:३; भजन संग्रह ९३:१\em* 
\v 3 मेकोपुकीमी सिल पना पन मेको आ नें ठेयब सेल्‍मेक्‍ल। खैजडी नु बीना ताप्‍शा, मेको कली कुम्‍सो पामेक्‍ल।  
\v 4 मारदे हना परमप्रभु यावे आ मुर आन पर्बम ग्‍येरसीशो बाक्‍ब। आइक्‍च मुर आन कली ग्रातीकेमी ग्‍योम्‍ब।  
\v 5 थमा सुइक्‍बपुकी शुश ग्‍येरसमल। मिनु आन ब्राख्‍येमी यो ग्‍येरशा कुम्‍सो पामेक्‍ल। 
\p  
\v 6 मेकोपुकीमी परमप्रभु कली ठेयब सेल्‍तीक कुम्‍सो पामेक्‍ल। मेको आन गुइमी निम्‍फा गे क्‍योरतीक पाइश्‍शो तरवार बाक्‍ल।  
\v 7 मेकोपुकीमी रागी रागी ङा मुर आन कली सजाइ गेशा, क्‍येक्‍क लेत्‍नीम।  
\v 8 मिनु मेको आन पिप आन कली साङलो नु मेको आन ठेयब मुर आन कली फलाम के फ्रेंतीकेम फ्रेंने चाप्‍नीम।  
\v 9 मिनु मेकोपुकीमी ब्रेक्‍शा अरेशो कोव़शा, मेको आन कली निसाफ पाइनीम। मेको परमप्रभु आ मुर आन रिम्‍शो बाक्‍ब। परमप्रभु यावे कली ठेयब सेलीन। \em यसैया ३४:-; यसैया ६३:४-६; योएल ४:२-२४\em* 
\c 150  
\s1 परमप्रभु कली ठेयब सेल्‍शो 
\p  
\v 1 परमप्रभु यावे कली ठेयब सेलीन। परमप्रभु कली आ बाक्‍तीकेमी ठेयब सेलीन। परमप्रभु यावे कली आ सरीङ ङा ठेयब बाक्‍तीकेमी ठेयब सेलीन।  
\v 2 मेको कली आ सक्ति पाइश्‍शो गेय आ पर्बम ठेयब सेलीन। मेको कली आ नेल्‍ल क्‍येङा ठेयब दुम्‍तीके आ पर्बम ठेयब सेलीन। 
\p  
\v 3 तुराही ताप्‍शा, मेको कली ठेयब सेलीन। तार पाइश्‍शो ताप्‍तीक नु ठेयब ताप्‍तीक ताप्‍शा, मेको कली ठेयब सेलीन।  
\v 4 खैजडी ताप्‍शा, सिल पा मेको कली ठेयब सेलीन। तार पाइश्‍शो ताप्‍तीक नु बांसुरी ताप्‍शा, मेको कली ठेयब सेलीन।  
\v 5 आइक्‍च बुप्‍केल ताप्‍शा, मेको कली ठेयब सेलीन। ठेयब सेंदा पा मुरब बुप्‍केल ताप्‍शा, मेको कली ठेयब सेलीन।  
\v 6 सोक्‍त पाइश्‍शो नेल्‍लेमी परमप्रभु यावे कली ठेयब सेलीन। परमप्रभु यावे कली ठेयब सेलीन। \em भजन संग्रह ४१:१४; प्रकाश ५:१३\em*