\id PHP  
\h फिलिप्‍पी 
\toc1 फिलिप्‍पी 
\toc2 फिलिप्‍पी 
\toc3 फिलिप्‍पी 
\mt1 फिलिप्‍पी 
\ip \bd ब्रेक्‍ब मुर:\bd* पावलमी एको चिठी ब्रेक्‍शो बाक्‍ब। 
\ip \bd गेना ब्रेक्‍शो:\bd* एको चिठी ६३ ए. डी. नुप्‍ची ना कि ६४ ए. डी. गोची ना ब्रेक्‍शो मिम्‍नीम। एको चिठी ब्रेक्‍ची ना पावलमी “जेल्‍खान रे प्रोंइचा पुंइसीनुङ” दे आस पाप्‍तु। 
\ip \bd मार ब्रेक्‍शो:\bd* पावलमी जेल्‍खानम यो ग्‍येरपाइक्‍ब लोव़ शेंब। थमा सुइक्‍बपुकीमी श्‍येत जाम्‍तेक्‍म हना यो, येसु ख्रीस्‍त कली मप्रोंइचा। थमा सुइक्‍बपुकीमी दूली शेंब आन पर्बम होस पचा माल्‍नीम। प्रभु आ पशो मिम्‍शा, ग्‍येरसीचा माल्‍नीम। पावलमी फिलिप्‍पी आन गुइ रे क्‍येट ताप्‍तु। मेको आ पर्बम “रिम्‍शो पाइब बाक्‍नीनी” दे ब्रेक्‍शो बाक्‍ब। 
\c 1  
\s1 ङोंइती ङा लोव़ 
\p  
\v 1 पावल नु तिमोथी, गो निक्‍शी ख्रीस्‍त येसु आ वाइल नस्‍कु। फिलिप्‍पी सहरम बाक्‍शो ख्रीस्‍त येसु कली थमा सुइक्‍ब नेल्‍ल इन कली, थमा सुइक्‍ब आन कली कोव़ब नु ग्रुम्‍तीके ङा गेय पाइब इन कली चिठी ब्रेक्‍ताक्‍ङ। \em प्रेरित १६:३\em* 
\p  
\v 2 इं आफ परमप्रभु यावे नु प्रभु येसु ख्रीस्‍तमी इन कली शिशी पा थुं नाइक्‍चा गेम्‍सेक्‍ल। 
\s1 पावल आ प्रार्थना 
\p  
\v 3 गो इन कली मिम्‍शा, आं परमप्रभु यावे कली “गे रिम्‍शो पाइतीनी” देंनुङ। \em रोमी १:८; १कोरिन्‍थी १:४\em* 
\v 4 गो परमप्रभु यावे नु लोव़ पङानु, गेना हना यो नेल्‍ल इन कली मिम्‍शा, ग्‍येरशा पाइनुङ।  
\v 5 ङोंइती रे मुल सम्‍म ग्‍येरपाइक्‍ब लोव़ पचा कली आं कली वारच पाइतीनी।  
\v 6 इन आगामी रिम्‍शो गेय गोइबमी येसु ख्रीस्‍त आ जाक्‍ची ना सम्‍म थुम्‍ब, दे तुइक्‍नुङ। \em फिलिप्‍पी २:१३; १कोरिन्‍थी १:८\em* 
\v 7 नेल्‍ल इन पर्बम मोदेंशो मिम्‍चा ठीक बाक्‍ब। मारदे हना गो इन कली शुश दाक्‍नुङ। आं जेल्‍खानमी चोक्‍चा पुंइसीशो, निसाफ पची ना नु ग्‍येरपाइक्‍ब लोव़ शेंची ना गो इन कली मिम्‍नुङ। गो नेल्‍ल खाल का ङा शिशी ताइब बाक्‍नय।  
\v 8 ख्रीस्‍त येसुमी आं कली दाक्‍पाइक्‍तीके थुं गेतीके गो इन कली ग्रुम्‍चा शुश दाक्‍ताक्‍ङ, परमप्रभु यावेमी मेको तुइक्‍ब। 
\p  
\v 9 आं प्रार्थना मार बाक्‍ब देंशा हना, इन दाक्‍चा शुश बारशा, रिम्‍शो नु मरिम्‍शो मार बाक्‍बा से रुप्‍‍ने चाप्‍नील, दे पुंइशा, परमप्रभु यावे नु लोव़ पचा बाक्‍ब। \em फिलेमोन ६\em* 
\v 10 मोपा गे नेल्‍ल क्‍येङा रिम्‍शो मार में, दे तुइश्‍शा, ख्रीस्‍त आ नाक्‍ती पाप मपाइब नु दोस मताइब दुम्‍नीनी। \em रोमी १२:२; एफिसी ५:१०; १थिस्‍सलोनिकी ५:२३\em* 
\v 11 गेपुकी येसु ख्रीस्‍तमी पपाइश्‍शो ठीक पतीकेमी ब्रीशो बाक्‍तीनी हना, परमप्रभु यावे सक्ति पाइश्‍शो नु ठेयब बाक्‍ब, दे तुंइसीब। \em एफिसी ५:९\em* 
\s1 पावलमी पशो लोव़ 
\p  
\v 12 आं लोक्‍बपुकी, आं कली दुम्‍शो श्‍येतमी ग्‍येरपाइक्‍ब लोव़ ब्रपाइक्‍तु। \em १तिमोथी २:९\em* 
\v 13 हुकुम पाइब आ खिं ङा मुर नु अरु नेल्‍लेमी गो ख्रीस्‍त कली थमा सुइश्‍शो आ पर्बम जेल्‍खानम बाक्‍ती, दे तुइक्‍ताक्‍म। \em फिलिप्‍पी ४:२२\em* 
\v 14 मिनु प्रभु कली थमा सुइक्‍ब लोक्‍ब शुशेमी आं कली जेल्‍खानमी बाक्‍शो तशा, प्रभु कली थमा सुइक्‍तीक बारपा महिंथु, परमप्रभु यावे आ लोव़ पाइनीम। 
\p  
\v 15 का निक्‍शीमी गेहे पशा, नेल्‍ल क्‍येङा ठेयब नङ, दे ख्रीस्‍त आ पर्बम शेंनीम। का निक्‍शीमी चहिं रिम्‍शो थुं पा शेंनीम।  
\v 16 मोपा शेंबपुकीमी आं कली दाक्‍शा, गो परमप्रभु यावे आ ग्‍येरपाइक्‍ब लोव़ पतीके एकेर बाक्‍नुङ, दे तुइक्‍नीम।  
\v 17 गेहे पा ख्रीस्‍त आ लोव़ शेंबपुकीम चहिं “गो नेल्‍ल क्‍येङा ठेयब नङ” दे रिम्‍शो थुं मपथु, आं कली जेल्‍खानम श्‍येत तेम्‍चा मिम्‍नीम।  
\v 18 मिनु मार? ठेयब लेश्‍शा हना यो, थमा पा हना यो, ख्रीस्‍त आ पर्बम लोव़ पाम्‍तेक्‍म हना, गो शुश ग्‍येरसीनुङ। \em फिलिप्‍पी २:१७-१८\em* 
\p  
\v 19 इन परमप्रभु यावे कली पुंइतीके नु येसु ख्रीस्‍त आ सोक्‍तीम आं कली वारच पतीके गो एको श्‍येत रे ब्रोंइनुङ, दे तुइक्‍नुङ। \em २कोरिन्‍थी १:११\em* 
\v 20 गो काइ मुने मदोक्‍नुङ, दे तुइश्‍शा, आस पाइनुङ। मिनु काइ महिंब दुम्‍शा, ब्रोंइती हना यो, साइक्‍तीमी हना यो, मुरपुकीमी गेना हना यो ख्रीस्‍त कली ठेयब सेल्‍मेक्‍ल, देंनुङ।  
\v 21 मारदे हना ब्रोंइङानु, ख्रीस्‍त कली ब्रोंइनुङ, साइक्‍तीमी हना यो, ग्रानुङ। \em गलाती २:२०\em* 
\v 22 गो ब्रोंइती हना, ख्रीस्‍त आ गेय पाइनुङ। तन्‍न तेको गेय योव़नुङा मेको मतुइक्‍नुङ।  
\v 23 गो निम्‍फा आस दातेमी बाक्‍नुङ। मेकेर रे लशा, ख्रीस्‍त नु बाक्‍चा आं दाक्‍शो बाक्‍ब। मारदे हना मेको शुश रिम्‍शो बाक्‍ब। \em २कोरिन्‍थी ५:८\em* 
\v 24 गो ब्रोंइती हना, इन कली शुश रिम्‍शो दुम्‍ब।  
\v 25 मोदेंब दुम्‍ब, दे तुइश्‍शा, इन थमा सुइक्‍चा नु ग्‍येरपाइक्‍तीके बारल, दे गो गेपुकी नु बाक्‍नुङ, दे तुइक्‍नुङ। \em फिलिप्‍पी २:२४\em* 
\v 26 मारदे हना गो इन कली लेंशा ग्रुम्‍थ जाक्‍नुङ, गेपुकीमी आं जाक्‍शो आ पर्बम ख्रीस्‍त येसु कली ठेयब सेल्‍नीनी। 
\s1 थमा सुइक्‍ब श्‍येत जाइनीम 
\p  
\v 27 गे इन नाक्‍त किंत किंत ङा पतीकेमी ख्रीस्‍त आ ग्‍येरपाइक्‍ब लोव़ कली शिरशो दुम्‍शा बाक्‍कीन। गो गेपुकी नु बाक्‍ती हना यो, मबाक्‍ती हना यो, इन सोक्‍त का दुम्‍शा, इन थुं का दुम्‍शा, ग्‍येरपाइक्‍ब लोव़ ङा थमा सुइक्‍तीके गेय पा वारच पमुने।  
\v 28 इन कली श्‍येत गेब आन कली तशा काइ महिनीन। मेकोन मेको आन कली ब्रुतीक चिनु बाक्‍ब। इन कली चहिं ब्रोंइतीक चिनु दुम्‍ब। मेको परमप्रभु यावे रे दुम्‍ब। \em २थिस्‍सलोनिकी १:५\em* 
\v 29 ख्रीस्‍त कली थमा सुइक्‍चा ला इन कली गेशो ममाइ, तन्‍न मेको आ पर्बम श्‍येत जचा यो गेशो बाक्‍ब।  
\v 30 मुल आं श्‍येत जशो खोदेंशो पा, गेपुकी यो श्‍येत जाइनीनी। \em प्रेरित १६:२२\em* 
\c 2  
\s1 ख्रीस्‍त खोदेंशो दुमीन 
\p  
\v 1 ख्रीस्‍त आ पर्बम इन दातेमी थुं बारपाइक्‍तीके, दाक्‍शा वारच पाइब, दे थुं नाइक्‍तीके, थमा सुइश्‍शा थुं का दुम्‍तीके, दाक्‍मुतीके नु शिशी पतीके बाक्‍तेक्‍म हना,  
\v 2 गेपुकी खाल का ङा दुम्‍शा, उइक्‍थ उइक्‍थ पा दाक्‍मुशा, नेल्‍ल गारशा थुं का दुम्‍शा, आं कली शुश ग्‍येरपाइक्‍नीनी।  
\v 3 गेपुकी ठेयब लेश्‍शा “गो ठेयब नङ” दे मिम्‍शा, काइ गेय मपने। ब्रेम्‍शो थुंमी “मेको मुर आं क्‍येङा ठेयब बाक्‍ब” दे मिम्‍तीन। \em गलाती ५:२६; रोमी १२:१०\em* 
\v 4 गेपुकी का का पा नेल्‍लेमी आंम दाक्‍शो ला ममिम्‍थु, अरु मुर आन दाक्‍शो “मार बाक्‍मे” मेको यो मिम्‍तीन। \em १कोरिन्‍थी १०:२४; १कोरिन्‍थी १३:५\em* 
\v 5 ख्रीस्‍त येसु नु बाक्‍शो थुं इन दातेमी कोंइदीन।  
\v 6 ख्रीस्‍त येसु परमप्रभु यावे नु उइक्‍थ दुम्‍शो बाक्‍त हना यो “परमप्रभु यावे नु उइक्‍थ दुम्‍ती” दे ममिम्‍थु, \em यूहन्‍ना १:१२; यूहन्‍ना १७:५\em* 
\v 7 मेको नेल्‍ल प्रोंइशा, वाइल खोदेंशो दुम्‍शा, मुर दुम्‍शा जरमेसाक्‍व। \em यसैया ५३:३; मत्ती २०:२८; २कोरिन्‍थी ८:९; हिब्रू २:१४,१७\em* 
\v 8 मिनु मुर दुम्‍शा, साइक्‍चा पुंइसीचा सम्‍म परमप्रभु यावे कली टिशा, शीम क्‍याइश्‍शा साइक्‍चा पुंइसीशा, आ ब्रेम्‍शो थुं कोंइताक्‍व। \em लूका १४:११; हिब्रू १२:२; हिब्रू ५:८\em* 
\v 9 मोपतीके परमप्रभु यावेमी मेको कली नेल्‍ल क्‍येङा ठेयब सेल्‍शा, आ नें यो अरु आन क्‍येङा ठेयब सेल्‍तु। \em प्रेरित २:३३; एफिसी १:२१; हिब्रू १:३-४\em* 
\v 10 येसु आ नें नेंशा, स्‍वर्गम बाक्‍ब, रागीम नु रागी आगाम बाक्‍ब नेल्‍लेमी बाप्‍शा, पोक्‍च थेक्‍चा माल्‍नीम। \em यसैया ४५:२३; यूहन्‍ना ५:२३; प्रकाश ५:१२-१३\em* 
\v 11 मिनु नेल्‍लेमी “येसु ख्रीस्‍त प्रभु बाक्‍ब” दे परमप्रभु यावे, इन आफ कली ठेयब सेल्‍चा माल्‍नीम। \em प्रकाश ५:१३\em* 
\s1 परमप्रभु यावे आ आलपुकी 
\p  
\v 12 आं दाक्‍शो लोक्‍बपुकी, गेपुकीमी नेल्‍ल नाक्‍त आं देंशो टीतीनी। गो बाक्‍ङानु ला ममाइ, गो मबाक्‍ङानु यो मेको क्‍येङा शुश रिम्‍शो पने। गेपुकी हिंशा ख्रिंख्रि पा इन पाप रे ब्रोंइतीक गेय पने। \em १पत्रुस १:१७\em* 
\v 13 मारदे हना परमप्रभु यावेमी इन थुंमी गेय पाइब। मार गेय पाइब देंशा हना, आ दाक्‍शो पचा, दे इन कली दाक्‍ब थुं गेशा, गेय पपाइक्‍ब। \em फिलिप्‍पी १:६\em* 
\p  
\v 14 गेपुकीमी सुंइच मपथु, दाल्‍‍गीर मपथु, गेय पने।  
\v 15 मोपा दोस गेचा मपुंइसीब, परमप्रभु यावे आ रिम्‍शो आल दुम्‍नीनी। मरिम्‍शो नु दूली पाइब मुर आन दातेमी स्‍वर्ग ङा छेङछेङ खोदेंशो दुम्‍नीनी। \em फिलिप्‍पी १:१०; मत्ती ५:१४; एफिसी ५:८-९\em* 
\v 16 मोपा ब्रोंइचा गेब लोव़ मप्रोंइब दुम्‍‍नीनी। मिनु ख्रीस्‍त आ जाक्‍ची ना गो मो मगाक्‍ङ, मो गेय यो मपङ, दे ग्‍येरशा बाक्‍चा तङल। \em २कोरिन्‍थी १:१४; १थिस्‍सलोनिकी २:१९\em* 
\v 17 गो इन थमा सुइक्‍चा आ पर्बम गेय पा, साइक्‍चा पुंइसाक्‍यी हना यो, ग्‍येरसीनुङ। गे नेल्‍ल नु ग्‍येरशा बाक्‍नुङ। \em २तिमोथी ४:६\em* 
\v 18 मोपा गेपुकी यो ग्‍येरसीने। मिनु गो नेल्‍ल ग्‍येरसय। \em फिलिप्‍पी ४:४\em* 
\s1 तिमोथी नु इपाफ्रोडीटस 
\p  
\v 19 प्रभु येसुमी तिमोथी कली इन कली ग्रुम्‍थ सोइक्‍चा गेप्‍तु हना, ब्रा सोइक्‍नुङ। इन पर्बम लोव़ नेंशा, गो यो ग्‍येरसीनुङ।  
\v 20 मारदे हना मेको खोदेंशो अरु मबाक्‍नीम। “गेपुकी दोपा बाक्‍नी माइ” दे थमा पा शुश मिम्‍शा, सुर्ता पाप्‍तु। \em १कोरिन्‍थी १६:१०\em* 
\v 21 नेल्‍लेमी आंम आंम दाक्‍शो ला मिम्‍शा, पना पन बाक्‍नीमी। येसु ख्रीस्‍त आ दाक्‍शा मिम्‍शो चहिं मपाइनीम। \em २तिमोथी ४:१०,१६\em* 
\v 22 गेपुकीमी तिमोथी कली तुइक्‍नीनी। दोपा तौमी आ आफ नु गेय पाइबा, मोपा मेको गो नु परमप्रभु यावे आ ग्‍येरपाइक्‍ब लोव़ शेंथ गाक्‍त।  
\v 23 मोपतीके आं कली मार मार दुम्‍बा, मेको तुइक्‍तु नोले गो मेको कली इन बाक्‍तीक ब्रा सोइक्‍नुङ, दे आस पाता।  
\v 24 प्रभुमी आं कली एकेर रे प्रोंइब, दे थमा सुइक्‍नुङ। मिनु गो यो इच्‍का नाक्‍त नोले जाक्‍नुङ। \em फिलिप्‍पी १:२५\em* 
\p  
\v 25 इन सोइश्‍शो आं कली वारच पाइब आं लोक्‍ब इपाफ्रोडीटस कली लेश्‍शा सोइक्‍नुङ। मेकोमी गो नु गेय पाप्‍तु। गो नु काथा गाक्‍शा, परमप्रभु यावे आ लोव़ शेंताक्‍व। \em फिलिप्‍पी ४:१८\em* 
\v 26 मेकोमी नेल्‍ल इन कली शुश मिम्‍ताक्‍व। मारदे हना गेपुकीमी “मेको रोइ पाप्‍तु” देंशो नेंतीनी ने। मोपतीके शुश सुर्ता पाप्‍तु।  
\v 27 इपाफ्रोडीटस थमा पा बेक्‍चा ङा रोइ पाप्‍तु। तन्‍न परमप्रभु यावेमी मेको कली शिशी पाइक्‍तु। मेको कली ला ममाइ, आं कली यो शिशी पाइक्‍ती। मोपतीके गो शुश श्‍येत मजङ।  
\v 28 मेको कली इन बाक्‍तीके सोइक्‍चा दाक्‍नुङ। गेपुकी मेको कली लेश्‍शा जाक्‍शो तशा, ग्‍येरनीनी। मो दुम्‍मेनु, आं हेल्‍शो थुं यो सोपी दुम्‍ब।  
\v 29 गेपुकीमी प्रभु आ नेंमी मेको कली रिम्‍शो पने, ग्‍येरसीने। मोदेंशो मुर कली ठेयब सेलीन। \em १कोरिन्‍थी १६:१६\em* 
\v 30 मेकोमी ख्रीस्‍त आ गेय पशा, आंम कली ममिम्‍थु, इन पा ङा आं कली वारच पथ जाक्‍मेनु, रोइ पा हेरा बेक्‍त। 
\c 3  
\s1 पावलम आ पर्बम पशो लोव़ 
\p  
\v 1 आं दाक्‍शो लोक्‍बपुकी आं नोले ङा लोव़ मार बाक्‍ब देंशा हना, प्रभु नु बाक्‍शा ग्‍येरसीने। मोदेंशो लोव़ गो इन कली ब्रेक्‍ना ब्रेक्‍न बाक्‍ती हना यो, श्‍येत ममिम्‍नुङ। मेको इन कली बोल्‍यो दुम्‍चा कली बाक्‍ब। \em फिलिप्‍पी २:१८; फिलिप्‍पी ४:४\em* 
\p  
\v 2 कुचुम खोदेंशो मुर आन क्‍येङा होस पा बाक्‍कीन। मरिम्‍शो गेय पाइब आन कली तशा, होस पा बाक्‍कीन। ख्रोइक्‍तीक चिनु ख्रोइक्‍चा माल्‍ब देंब, आन क्‍येङा यो होस पा बाक्‍कीन। \em प्रकाश २२:१५; गलाती ५:१२\em* 
\v 3 मारदे हना गोपुकी थमा ख्रोइक्‍तीक चिनु ङा मुर बाक्‍नय। गोपुकीमी परमप्रभु यावे आ सोक्‍त आ पतीकेमी खुम्‍की पा बाप्‍शा, परमप्रभु यावे कली गेय पशा, ख्रीस्‍त येसु आ पतीकेमी ग्‍येरस‍य। मुर आ पतीकेमी थमा मसुइय्‍य। \em रोमी २:२९\em* 
\v 4 गो मुर आन पतीके कली थमा सुइक्‍ने चाप्‍नुङ। मुरपुकीमी आन पतीकेमी थमा सुइक्‍ने चाप्‍नीमी, दे मिम्‍नीमी। मोदेंब दुम्‍त हना, गो यो मेको आन क्‍येङा शुश चाप्‍नुङ। \em २कोरिन्‍थी ११:१८,२२\em* 
\v 5 गो ८ नाक्‍त ङा आल बाक्‍ङानु, ख्रोइक्‍तीक चिनु ताता। गो इस्राएली नङ। गो बेन्‍यामीन आ थर ङा मुर नङ। हिब्रू मुर रे जरमेशो, हिब्रू नङ। परमप्रभु यावे आ अरेशो पशा, फरिसी दुम्‍ती। \em २तिमोथी १:३; प्रेरित २६:५\em* 
\v 6 गो थमा सुइक्‍ब आन कली खेदा पाता। परमप्रभु यावे आ अरेशो लोव़ टिशा, ठीक पाता, दे मिम्‍शा, दोस मताइब दुम्‍ती, देंती। \em प्रेरित ८:३\em* 
\v 7 तन्‍न गो ख्रीस्‍त कली तुइश्‍शा, आंम कली ठेयब सेल्‍सीतीके नेल्‍ल ग्‍येरशा प्रोंइता। \em मत्ती १३:४४-४६\em* 
\v 8 थमा पा, गो आं ङोंइती ङा पशो जाम्‍शा लाइब बाक्‍ब, दे तुइक्‍ताक्‍ङ। मारदे हना आं प्रभु येसु ख्रीस्‍त कली तुइक्‍चा नेल्‍ल क्‍येङा ठेयब बाक्‍ब। मोपतीके मेको आ पर्बम आं पशो नेल्‍ल ताइश्‍शा, ग्रांग्रा दिचा ङा बाक्‍ब, दे तुइक्‍ताक्‍ङ। मारदे हना गो ख्रीस्‍त नु बाक्‍ब मुर दुम्‍ती।  
\v 9 मोपा आ मुर दुम्‍शा, परमप्रभु यावे आ अरेशो लोव़ ङा आंम ठीक पतीके मबाक्‍थु, ख्रीस्‍त कली थमा सुइक्‍तीकेमी ठीक दुम्‍तीके बाक्‍ब। मेको ठीक दुम्‍तीके परमप्रभु यावेमी गेशो थमा सुइक्‍तीके रे ला बाक्‍ब। \em रोमी ३:२२\em* 
\v 10 आं दाक्‍शो मार बाक्‍त देंशा हना, गो येसु ख्रीस्‍त कली तुइक्‍ने चबुल। आ सेंतीक सक्ति गो नु बाक्‍ल। दोपा श्‍येत जशा, साइक्‍चा पुंइसीशो बाक्‍मे, मोपा गो यो मोदेंशो दुम्‍ङल। \em रोमी ६:३-५; रोमी ८:१७; गलाती ६:१७ \em* 
\v 11 दुम्‍ने चाप्‍ब हना, गो यो बेक्‍शो रे सेंसीने चबुल, देंती। 
\s1 पावल आ माल्‍शो गेय 
\p  
\v 12 मुल सम्‍म गो मेको नेल्‍ल मतङ। मिनु ठीक मदुम्‍ङ। तन्‍न मेको आं के दुम्‍ल, दे शुश गेय पाइनुङ। मारदे हना ख्रीस्‍त येसुम आं कली आ मुर सेल्‍ती। \em कलस्‍सी १:२९; १तिमोथी ६:१२; प्रेरित ९:३-६\em* 
\v 13 आं लोक्‍बपुकी, मुल सम्‍म गो नेल्‍ल मतङ। तन्‍न गो मुल मार पाइनुङ देंशा हना, आं ङोंइती पशो नेल्‍ल प्रेंशा, मुल पचा माल्‍शो मार बाक्‍मे, मेकोन शुश पाइनुङ। \em लूका ९:६२\em* 
\v 14 परमप्रभु यावेमी ख्रीस्‍त येसु आ नेंमी आ बाक्‍तीके रे इनाम गेचा कली मार देंमे, मेकोन शुश पाइनुङ। \em १कोरिन्‍थी ९:२४\em* 
\p  
\v 15 इं दातेमी सु सु रुम्‍ने चाप्‍ब बाक्‍नी, मेकोमी आं खोदेंशो पा मिम्‍तीन। गेपुकीमी आं खोदेंशो पा ममिम्‍ताक्‍नी हना, परमप्रभु यावेमी इन कली तुइक्‍पदल।  
\v 16 गोपुकीम मार रुब्‍या, मेकोन पय। 
\s1 स्‍वर्ग ङा मुर 
\p  
\v 17 आं दाक्‍शो लोक्‍बपुकी, गेपुकी आं खोदेंशो दुमीने। आंइ खोदेंशो पा गेय पाइब आन कली कोव़शा, मेको आन खोदेंशो पने। \em १कोरिन्‍थी ११:१\em* 
\v 18 गो इन कली का निक्‍शी मुर आन पर्बम लोव़ पाता। मुल आं थुं खाइश्‍शा, ङाक्‍शा लोव़ पाइनुङ। मारदे हना मेकोपुकी ख्रीस्‍त आ जोरी सत्रु दुम्‍शा, आ बेक्‍शो आ पर्बम मारेइ ममिम्‍नीम। \em १कोरिन्‍थी १:२३; गलाती ६:१२\em* 
\v 19 नोले मेकोपुकी जाम्‍शा लाइनीम। आन कोव़ज कली परमप्रभु यावे क्‍येङा ठेयब बाक्‍ब, दे मुने पचा ङा गेयमी आंम कली ठेयब सेल्‍सीशा, आन थुंमी रागी ङा माल्‍शो ला मिम्‍नीम। \em रोमी १६:१८\em* 
\v 20 तन्‍न इं बाक्‍तीक स्‍वर्गम बाक्‍ब। मारदे हना गो स्‍वर्ग ङा मुर नय। मेकेर रे इं पाप रे प्रोंइब प्रभु येसु ख्रीस्‍त जाक्‍ब, दे रिम्‍नय। \em एफिसी २:६; कलस्‍सी ३:१; हिब्रू १२:२२; तीतस २:१३\em* 
\v 21 मेकोमी इं बेक्‍चशो रां आ सक्ति पाइश्‍शो रां खोदेंशो सेल्‍ब। मेको आ सक्तिमी नेल्‍ल आन कली आ ङोंइती खुम्‍की पा बाप्‍पाइक्‍ब। \em १कोरिन्‍थी १५:४९; २कोरिन्‍थी ५:१; १यूहन्‍ना २:३\em* 
\c 4  
\s1 थुं का ङा दुमीन 
\p  
\v 1 मोपतीके आं दाक्‍शो लोक्‍बपुकी, प्रभु कली थमा सुइश्‍शा, खोइल थेक्‍शा बाक्‍कीन। गो इन कली दाक्‍शा शुश मिम्‍नुङ। गेपुकीम आं कली ग्‍येरपाइश्‍शा, आं ग्रातीक सिरपेच खोदेंशो दुम्‍तीनी। \em २कोरिन्‍थी १:१४; १थिस्‍सलोनिकी २:१९-२०\em* 
\p  
\v 2 इयोदीया नु सुन्‍तुके “प्रभु कली थमा सुइश्‍शा थुं का दुमीस” देंती।  
\v 3 मिनु गो नु गेय पाइब वारच, इ कली “मेको मीश मुर निक्‍शी आस कली वारच पावो” देंती। मारदे हना मेको निक्‍शीमी गो नु काथ काथा ग्‍येरपाइक्‍ब लोव़ शेंतीक गेय पाम्‍ताक्‍से। क्‍लेमेन्‍त नु अर्को वारच आन कली यो वारच पाम्‍ताक्‍से। मेको नेल्‍ल आन नें ब्रोंइतीक किताबमी ब्रेक्‍शो बाक्‍ब। \em लूका १०:२०\em* 
\s1 परमप्रभुमी गेशो थुं नाइक्‍तीक 
\p  
\v 4 प्रभु नु बाक्‍शा गेना हना यो ग्‍येरसीन। गो लेंशा “ग्‍येरसीने” देंनुङ। \em फिलिप्‍पी ३:१; २कोरिन्‍थी १३:११; १थिस्‍सलोनिकी ५:१६\em* 
\v 5 इन रिम्‍शो पतीके मुर नेल्‍ल आन कली कोंइदीने। प्रभु जाक्‍चशो बाक्‍ब। \em तीतस ३:२\em* 
\v 6 सुर्ता मपने। परमप्रभु यावे नु लोव़ पा, इन माल्‍शो पुंइशा “गे रिम्‍शो पाइब बाक्‍नीनी” दे परमप्रभु यावे कली देनीन। \em मत्ती ६:२५-३४; १पत्रुस ५:७\em* 
\v 7 परमप्रभु यावे आ गेशो थुं नाइक्‍तीके रुम्‍ने मचाप्‍चा ङा ठेयब बाक्‍ब। मेको थुं नाइक्‍तीके इन थुं नु इन मिम्‍शो ख्रीस्‍त येसु नु बाक्‍ब। \em यूहन्‍ना १४:२७; कलस्‍सी ३:१५\em* 
\p  
\v 8 आं लोक्‍बपुकी, आं नेल्‍ल क्‍येङा नोले ङा लोव़ मार बाक्‍ब देंशा हना, तेको थमा बाक्‍बा, तेको शिरशो बाक्‍बा, तेको ठीक बाक्‍बा, तेको ग्रांग्रा मदिशो बाक्‍बा, तेको दाक्‍चा ङा बाक्‍बा, तेको रिम्‍शो लोव़ बाक्‍बा, तेको नेल्‍ल क्‍येङा रिम्‍शो नु दोस गेचा मपुंइसीब बाक्‍बा, तेको “रिम्‍शो पाइब” दे माइक्‍चा पुंइसीब बाक्‍बा, मेको आ पर्बम मिम्‍तीन।  
\v 9 गो इन कली मार शेंदु, गे मार रुम्‍नी, मार नेंनी, आं कली मार पशो तनी, मेकोन पने। मो पाइतीनी हना, इन थुं नाइक्‍चा गेब परमप्रभु यावे गेपुकी नु बाक्‍ब। 
\s1 गेचा नु ताक्‍चा आ पर्बम 
\p  
\v 10 गो प्रभु नु बाक्‍शा शुश ग्‍येरसीनुङ। मारदे हना शुश नाक्‍त नोले गे आं कली लेंशा मिम्‍ताक्‍नी। गेपुकीमी आं कली नेल्‍ल नाक्‍त थमा पा मिम्‍शा बाक्‍तीनी। तन्‍न ङोंइती मारेइ सोइक्‍ने मचाप्‍शो बाक्‍तीनी। मुल चहिं सोइक्‍ताक्‍यीनी।  
\v 11 गो श्‍येत जचा आ पर्बम लोव़ मपाइनुङ। मार दुम्‍त हना यो, ग्‍येरसीशा बाक्‍चा, दे शेंसीशो नङ। \em १तिमोथी ६:६\em* 
\v 12 प्रुङग दुम्‍चा नु शोंप पाइश्‍शो दुम्‍चा, दोपा बाक्‍मे, गो मेको निम्‍फा तुइक्‍नुङ। गो गेना हना यो रूशा बाक्‍चा नु शोव़लु बेक्‍शा बाक्‍चा, निम्‍फा शेंसाक्‍यी। मोपा शुश बाक्‍त हना यो, काइ मबाक्‍त हना यो आं कली ठीक दुम्‍ब। \em २कोरिन्‍थी ६:१०\em* 
\v 13 आं कली सक्ति गेब आ नेंमी गो नेल्‍ल पने चाप्‍नुङ। \em २कोरिन्‍थी १२:१०\em* 
\p  
\v 14 दोदेंब दुम्‍त हना यो, गेपुकीम आं कली वारच पशा रिम्‍शो पाइतीनी।  
\v 15 ग्‍येरपाइक्‍ब लोव़ शेंचा ङोंइती मासीडोनीया रागी प्रोंइशा लङा नोले, सुइमी आं कली वारच मपामे, गे फिलिप्‍पीपुकीम ला पाइतीनी। गेपुकीम आं शेंशो ताइतीनी, मिनु इन वारच पशो गो ताता। \em २कोरिन्‍थी ११:९\em* 
\v 16 थिस्‍सलोनिकी सहरमी बाक्‍ङानु यो, गे निक्‍शी खेयप वारच पा क्‍येट सोइक्‍ताक्‍यीनी।  
\v 17 इन गेशो क्‍येट ममिम्‍नुङ, तन्‍न परमप्रभु यावेमी इन मो पशो तशा, इन कली रिम्‍शो पाइब। गो मोदेंशो तचा दाक्‍नुङ।  
\v 18 गो मार मार माल्‍ङा, आं माल्‍शो क्‍येङा शुश ताता। इपाफ्रोडीटसमी इन सोइश्‍शो क्‍येट गेती। मेको ब्रोव़शो रिना पाइश्‍शो परमप्रभु यावे कली चढ़ेशो खोदेंशो बाक्‍ब। परमप्रभु यावे इन मो पशो तशा ग्‍येरसाक्‍व। \em फिलिप्‍पी २:२५\em* 
\v 19 मिनु आं परमप्रभु यावेमी इन माल्‍शो नेल्‍ल आ स्‍वर्ग ङा बाक्‍तीक येसु ख्रीस्‍त आ पतीक रे शुश गेब।  
\v 20 इं आफ परमप्रभु यावे कली गेना हना यो ठेयब सेल्‍य। आमेन। 
\s1 नोले ङा लोव़ 
\p  
\v 21 ख्रीस्‍त येसुमी बाक्‍शो थमा सुइक्‍ब नेल्‍ल आन कली “रिम्‍शो बाक्‍कीन” मतीन। गो नु बाक्‍ब लोक्‍बपुकीमी “रिम्‍शो बाक्‍कीन” देंतेक्‍म।  
\v 22 सिजर आ खिं ङा नु अरु थमा सुइक्‍ब नेल्‍लेमी यो इन कली “रिम्‍शो बाक्‍कीन” देंतेक्‍म। \em फिलिप्‍पी १:१३\em* 
\v 23 प्रभु येसु ख्रीस्‍त आ शिशी गेपुकी नु बाक्‍ल।