\id NAM  
\h नहुम 
\toc1 नहुम 
\toc2 नहुम 
\toc3 नहुम 
\mt1 नहुम 
\ip \bd ब्रेक्‍ब मुर:\bd* एको किताब परमप्रभु यावे आ लोव़ पाइब नहुममी ब्रेक्‍शो बाक्‍ब। 
\ip \bd गेना ब्रेक्‍शो:\bd* ६६३-६०६ बि. सी. मेर नहुम आ बाक्‍ची ना ब्रेक्‍शो बाक्‍ब। 
\ip \bd मारदे ब्रेक्‍शो:\bd* एको किताब योना आ ब्रेक्‍शो किताब खोदेंशो पा निनवे सहर आ पर्बम ला परमप्रभु यावे आ लोव़ बाक्‍ब। 
\io1 १. निनवे सहर निसाफ पाइक्‍चा पुंइसीब 
\io1 २. निनवे सहर लडाइम फ्रुचा नु नेल्‍ल रोइक्‍चा पुंइसीब 
\io1 ३. निनवे सहर ङा मुर आन मरिम्‍शो पशो 
\c 1  
\s1 परमप्रभु निनवे सहर तशा गाइश्‍शो 
\p  
\v 1 एको निनवे सहर आ पर्बम परमप्रभु यावे आ पशो लोव़ बाक्‍ब। एको एल्‍कोश ङा नहुममी तशा ब्रेक्‍शो लोव़ बाक्‍ब। मेकोमी मार ब्रेक्‍शो बाक्‍ब देंशा हना,  
\v 2 परमप्रभु यावे रुश पाइब नु क्‍येक्‍क लेप्‍ब परमप्रभु बाक्‍ब। परमप्रभु यावेमी आ जोरी सत्रु आन कली क्‍येक्‍क लेप्‍ब। मेको आन कली तशा गाइक्‍ब। परमप्रभु यावेमी आ जोरी सत्रु आन कली क्‍येक्‍क लेश्‍शा, मेको आन कली तशा शुश चुरब। \em प्रस्‍थान २०:५; ब्‍यवस्‍था ४:२४\em* 
\v 3 परमप्रभु यावे ओंखां ओंखां पा गाइक्‍ब। तन्‍न मेको ठेयब सक्ति पाइश्‍शो बाक्‍ब। मिनु परमप्रभु यावेमी दोस ताइब आन कली सजाइ मगेथु मप्रोंइब। मेको आ लां फश गिवारम बाक्‍ब। मिनु गोस्‍स मेको आ खोइल ङा फुरक बाक्‍नीम। \em प्रस्‍थान ३४:६-७\em* 
\v 4 मेकोमी ठेयब समुन्‍द्र कली हुइक्‍तानु, सोव़ब। मेकोमी खोला नेल्‍ल आन कली सोव़पाइक्‍ब। बाशान ङा बी ब्‍यफ योव़तीके नु कारमेल पहाड ङा मारेइ मारेइ सोल सुल बेक्‍नीम। लेबानोन ङा फू यो सोल सुल बेक्‍नीम।  
\v 5 मेको आ ङोंइती डांडा नेल्‍ल ख्रिंख्रि पाइनीम। मिनु पहाड दिंम दुम्‍नीम। रागी नु रागीम बाक्‍ब नेल्‍ल हिम्‍सीनीम। \em भजन संग्रह ९७:५\em* 
\p  
\v 6 परमप्रभु यावे गाइक्‍तानु, मेको आ ङोंइती सु राप्‍ने चाप्‍‍बा ङा? मेको आ चुरशो सुम फाल्‍ने चाप्‍बा ङा? मेको आ गाइश्‍शो मी खोदेंशो पा ब्राइब। मिनु मेकोमी सेरथे फुल्‍लु आन कली प्रोल्‍ब।  
\v 7 परमप्रभु यावे रिम्‍शो पाइब बाक्‍ब। मेको श्‍येत जशो नाक्‍ती ख्रुइश्‍शा ब्रोंइशा बाक्‍तीक बाक्‍ब। सु मेकेर प्रोक्‍शा लाइबा, मेको ख्रुइश्‍शा बाक्‍चा ताइब। \em ब्‍यवस्‍था ४:३१; भजन संग्रह १:६\em* 
\v 8 मेकोमी बारशो ब्‍वाक्‍कुमी निनवे कली खतम सेल्‍‍ब। मेकोमी आ जोरी सत्रु आन कली खेरशा छिङछिङमी सोइक्‍ब।  
\v 9 गे मारदे परमप्रभु यावे कली मरिम्‍शो पचा कली लोव़ गारपाइक्‍नीनी? मेकोमी इन कली खतम पोक्‍ब। गे मेको आ पर्बम मरिम्‍शो पचा कली निक्‍शी खेयप बोक्‍ने मचाप्‍नीनी।  
\v 10 आ जोरी सत्रु चूम रेश्‍शो खोदेंशो पा रेश्‍शो बाक्‍नीम। मिनु दुक्‍शो मुर खोदेंशो पा दुक्‍नीम। मिनु सोव़शो नल खोदेंशो पा मीम नेक्‍चा पुंइसीनीम।  
\v 11 निनवे, परमप्रभु यावे कली मरिम्‍शो पचा कली लोव़ गारपाइक्‍ब नु काइ मरिम्‍शो सल्‍ला पाइब इ दाते रे ग्रूशो बाक्‍नीम। 
\p  
\v 12 परमप्रभु यावे आ लोव़ मार बाक्‍ब देंशा हना “मेको थम सक्ति पाइश्‍शो नु शुश मुर बाक्‍तेक्‍म हना यो, साइश्‍शा क्‍याम्‍चा पुंइसीनीम। यहूदा, गो इ कली श्‍येत गेतन हना यो, मुल इ कली श्‍येत मगेनन।  
\v 13 मिनु मुल गो इ कली श्‍येत गेबपुकी रे प्रोंइनुङ। मिनु इ कली फ्रेंशो डोरी प्रोइक्‍नुङ” दे परमप्रभु यावेमी देंशो बाक्‍ब। 
\p  
\v 14 निनवे, परमप्रभु यावेमी इ पर्बम लोव़ का अरेशो बाक्‍ब। मेकोमी मार अरेशो बाक्‍ब देंशा हना “मुल रे इ नें वोइक्‍ब मुर सुइ मलीनीम। गो इ परमप्रभु आ खिं रे इ मुशा सेल्‍शो मूर्ति नु चेम्‍शा सेल्‍शो मूर्ति ग्रुंइनुङ। गो इ कली तुरस ठीक सेल्‍नुङ। मारदे हना गे काइ मरिम्‍शो पाइब बाक्‍नेवे” दे अरेशो बाक्‍ब। 
\p  
\v 15 कोव़ङीन, रिम्‍शो लोव़ पाइब का पहाडम गाक्‍ब। मेकोम थुं नाइक्‍तीक लोव़ शेंब। यहूदा ङा मुरपुकी, इन चाड मानेन। इन कसम जशो खपीन। मारदे हना काइ मरिम्‍शो पाइब इन बाक्‍तीकेमी लेंशा मजाक्‍नीम। मेको नेल्‍ल क्‍याम्‍चा पुंइसाक्‍म। 
\c 2  
\s1 निनवे जाम्‍शा लाइब 
\p  
\v 1 निनवे, इ कली खतम सेल्‍ब जाक्‍शो बाक्‍ब। इ बोल्‍यो दरवार खाल पावो। इ लां रिम्‍शो पा कोव़ङो। इ किप्‍शुर किम्‍सो। इ बोल नेल्‍ल ग्रुंइदो। \em यसैया ५२:७; नहुम १:११\em* 
\p  
\v 2 मारदे हना परमप्रभु यावेमी याकूब आ मान ततीके लेश्‍शा गेब। मिनु इस्राएल आ मान ततीके यो लेश्‍शा गेब। मरिम्‍शो पाइबपुकी इ रागी लें‍शा मओव़नीम। मेकोपुकी खतम सेल्‍चा पुंइसीशो बाक्‍नीम। 
\p  
\v 3 मेको आ लडाइ पाइब आन तेक्‍तीक लल बाक्‍नीम। मिनु मेकोपुकीम लल वा फेक्‍शो बाक्‍नीम। मेको लडाइ पथ लची नाक्‍ती, आन बग्‍गी ङा फलाम टल्‍केसीब। मेको आन तूतीके शेशा हिरनीम।  
\v 4 मेको आन बग्‍गीपुकी शुश दोर‍नीम। मेको सहर आ एर ओंथ शुश हिरशा गाक्‍नीम। मेको तोव़शी खोदेंशो तांइसीनीम। चिला दाप्‍शो खोदेंशो पा ग्रूनीम।  
\v 5 मेकोमी आ लडाइ पाइब आन कप्‍तान आन कली ब्रेप्‍ब। मेकोपुकी दाइल पा आ ङोंइती जाक्‍नीम। मिनु रीब पा सहर ङा गारो गे दोरनीम। मेकेर आन फाम्‍सीतीके सेल्‍शो बाक्‍ब।  
\v 6 ब्‍वाक्‍कु बारशा यीब। मिनु दरवार ख्रिंख्रि पाइब।  
\v 7 मेको सहर ङा पिपीम कली ग्‍याइश्‍शा, आ वा प्रुइश्‍शा लाइक्‍नीम। मेको आ वाइलीम नेल्‍ल ग्‍याइश्‍शा ङोन लाइक्‍चा पुंइसीनीम। मिनु मेकोपुकी कुचु तुप्‍शा ढुकुर खोदेंशो पा रोंका पा ङाक्‍नीम।  
\v 8 निनवे ब्‍वाक्‍कु शाइक्‍ना शाइक्‍न लाइब दोम्‍ली खोदेंशो बाक्‍ब। मिनु “रिम्‍दो रिम्‍दो” दे ब्रेश्‍शोनु यो, सुइमी लेश्‍शा मकोव़नीम।  
\v 9 मेको आ सुन नु चांदी रोइक्‍तीन। आ शोंप हिक्‍ने मचाप्‍चा ङा पा शुश बाक्‍नीम। शुश क्‍येट लाइब मारेइ मारेइ बाक्‍ब। 
\p  
\v 10 मेको सहर मारेइ मारेइ रोइश्‍शा श्‍येत्‍थ नु खतम पोक्‍चा पुंइसीशो बाक्‍ब। मिनु मुर आन थुं लुक्‍च लाइब, आन पोक्‍च ख्रिंख्रि पाइनीम। मिनु आन ची यो ख्रिंख्रि पशो बाक्‍नीम। मेको आन कुल बेक्‍शो मुर आन कुल खोदेंशो दुम्‍नीम।  
\v 11 निनवे सहर ङा गुप्‍स खोदेंशो ठेयब मुर आ दरवार मार दुम्मे? मेको आ गाक्‍तीक नु आ तमी तौ आन बाक्‍तीके मार दुम्‍मे? आ आल मेकेर बाक्‍शो बाक्‍तेक्‍म। मिनु सुइमी मेको आन कली श्‍येत मगेम। \em यसैया १३:७-८\em* 
\v 12 गुप्‍स खोदेंशो ठेयब मुरुमी आ तमी तौ आन कली शुश मार मार खुप्‍शो बाक्‍त। आ मीश कली मारेइ मारेइ चाक्‍शो बाक्‍त। आ दरवार शोंपोम प्रिंशो बाक्‍त। आ पुक्‍खी मार मार साइश्‍शा चाक्‍शा प्रिंशो बाक्‍ब।  
\v 13 मिनु मुर नेल्‍ल आन परमप्रभु यावेमी “गो इ कली काइ मदाक्‍थु, इ पर्बम बोक्‍ती। गो इ बग्‍गी चोशा गेनन। मिनु गुप्‍स आ चाइक्‍ब खोदेंशो इ तमी तौ तरवारमी साइक्‍चा पुंइसीनीम। इ रोइश्‍शो, इ साइश्‍शो रागी रे ग्रुंइनुङ। मिनु इ लोव़ कुरब मुर आन सेंदा मनेंसीब” देंशो बाक्‍ब। 
\c 3  
\s1 निनवे कली सजाइ 
\p  
\v 1 मिनु निनवे, गे हुश ख्राक्‍श पोक्‍ब सहर बाक्‍नेवे। इ दातेम शुश जोल पतीके बाक्‍ब। गे रोइश्‍शो थोव़कीम ब्रीशो बाक्‍नेवे। इ दातेमी रोइक्‍तीक गेनायो मनुप्‍ब। \em इजीकीएल ६:२,९\em* 
\v 2 मेकेर युक्‍शो रेयके, गुगील आन रेयके, शारा आन प्रेक्‍शो रेय‍के नु बग्‍गी आन दोरशो रेय‍के नेंसीशो बाक्‍ब।  
\v 3 शारा ङोइक्‍ब दोरोर पा गाक्‍नीम। आन टल्‍केशो तरवार शेशा, आन तूतीक झिल्‍झील पा कोंइनीम। बेक्‍शो मुर शुश बाक्‍नीम। हिक्‍ने मचाप्‍चा ङा पा साइश्‍शो मुर बाक्‍नीम। मुर शोल्‍मो पा साइश्‍शो बाक्‍नीम। मुरपुकी बेक्‍शो मुर तार दाइल पांइ‍सीन सीन गाक्‍नीम।  
\v 4 मेको तेल्‍लेम खोदेंशो सहरम हिक्‍ने मचाप्‍चा ङा पा मरिम्‍शो पतीकेमी रागी रागी ङा मुर आन कली आ खोदेंशो पपाइक्‍तीमी। रिम्‍शो मीश मुर नङ, देंखु पा, आ टुना मुना पतीकेमी जात जात ङा मुर आन कली दूली लां खोइक्‍पाइक्‍तीमी।  
\v 5 मिनु मुर नेल्‍ल आन परमप्रभु यावेमी “गो इ कली काइ मदाक्‍थु, इ पर्बम बोक्‍ती। गो इ गुने इ कुल सम्‍म क्‍युक्‍नुङ। मिनु रागी रागी ङा मुर आन कली इ भेत्रे रां कोंइनुङमी। राज्‍य राज्‍य ङा मुर आन कली इ मुने दोक्‍तीक कोंइनुङमी। \em यसैया ४७:३\em* 
\v 6 गो ग्रांग्रा दिशो थोव़क इ तारी ताइश्‍शा, इ कली थम मरिम्‍शो पाइनुङ। मिनु इ कली तशा मुर हिंतीक सेल्‍नुङ।  
\v 7 मिनु इ कली ताइब नेल्‍ल इ क्‍येङा हिंशा, नोले शोंइसीनीम। मिनु मेकोपुकीम ‘निनवे खतम दुम्‍त। मेको आ पर्बम सु रोंका पाइबा ङा? गो इ कली लेम्‍ब मुर ते थिन्‍ने चाप्‍नया ङा?’ देंनीम। 
\s1 निनवे आ खतम दुम्‍तीके 
\p  
\v 8 मार, गे थेबेस सहर क्‍येङा यो रिम्‍शो बाक्‍नेवे? मेको सहर नील खोला आ नेक्‍था बाक्‍शो बाक्‍ब। आ एर ओंथ नेल्‍ल ब्‍वाक्‍कु बाक्‍ब। मिनु मेको ब्‍वाक्‍कुमी मेको कली खाल पशो बाक्‍ब। मेको ब्‍वाक्‍कु गारो खोदेंशो बाक्‍ब। \em येरमीया ४६:२५\em* 
\v 9 एथीयोपीया रागी मेको आ सक्ति बाक्‍त। इजीप्‍त गेना हना यो आ सक्ति बाक्‍त। पूत नु लिबीया ङा मुर मेको कली वारच पाइब बाक्‍तेक्‍म। 
\p  
\v 10 मो हना यो मेको ग्‍याइश्‍शा ग्रुंइचा पुंइसाक्‍व। मेको आ आलपुकी लांम ताइश्‍‍शा साइक्‍चा पुंइसाक्‍म। आ ठेयब मुर आन कली बाजी आप्‍शा लाइक्‍तेक्‍म। मिनु मेको आन नेल्‍ल क्‍येङा ठेयब मुर नेल्‍ल साङलोमी फ्रेंचा पुंइसाक्‍म। \em योएल ४:३\em* 
\v 11 गे यो दुक्‍शो दुम्‍नेवे। मिनु ख्रुइक्‍थ लाइनेवे। मिनु इ जोरी सत्रु रे पा ब्रोंइचा कली ख्रुंइसीतीक माल्‍नेवे। \em येरमीया २५:१५\em* 
\v 12 इ बोल्‍यो दरवार नेल्‍ल फोव़शी रवा आ ङोंइती मीशो गेडा खोदेंशो बाक्‍नीम। मेको रवा हिम्‍शोनु, मेको ब्‍वाइब आन शोव़मी दोक्‍नीम।  
\v 13 इ लडाइ पाइब आन कली कोव़ङो। मेको मीश मुर खोदेंशो बाक्‍नीम। इ रागी ङा ठेयब लाप्‍चो इ जोरी सत्रु आन कली रोक्‍सीशो बाक्‍नीम। लाप्‍चो आन आग्‍लो नेल्‍ल मीम नेक्‍शो बाक्‍नीम। 
\p  
\v 14 गे पुम्‍चा पुंइसीनेवे। मेको नाक्‍ती कली ब्‍वाक्‍कु प्रिंशा वोतो। इ गारो बोल्‍यो सेलो। हिलो निशा, इंटा सेलो।  
\v 15 मेकेर इ कली मीम दाक्‍ब। तरवारमी इ कली साइक्‍ब। मिनु मालेपुकीम मार मार नेक्‍शो खोदेंशो पा इ कली नेक्‍ब। गे माले खोदेंशो पा सोशो बोशो दुमीन। मिनु घांस ब्‍वाइब माले खोदेंशो पा सोशा बोशा शुश दुमीन। \em योएल १:४\em* 
\v 16 गे सरीङ ङा सोरुल क्‍येङा इ ग्‍याप्‍ब लेयब मुर शुश सेल्‍तीवी। मेको माले खोदेंशो पा आन कुशुल ताइश्‍शा बेरनीम।  
\v 17 इ कली खाल पाइब घांस ब्‍वाइब माले खोदेंशो बाक्‍नीम। मिनु इ सरकार ङा ठेयब मुर माले आन हुल खोदेंशो बाक्‍नीम। मेको ग्‍यू दुम्‍मेनु, गारो तार बाक्‍नीम। मिनु नां पवानु, मेको नेल्‍ल बेरशा लाइनीम। मेको ते लाइनीमी, सुइमी मतुइक्‍नीम। 
\p  
\v 18 अस्‍सुर ङा पिप, इ गोठलापुकी इप्‍शो बाक्‍नीम। इ ठेयब मुरपुकी नाइश्‍शा गोल्‍शा बाक्‍शो बाक्‍नीम। इ मुर नेल्‍ल डांडाम ब्रशो बाक्‍नीम। मिनु मेको आन कली खुप्‍ब सुइ मबाक्‍नीम।  
\v 19 इ गार कली मारेइम यो सापाइक्‍ने मजाप्‍ब। इ गार बेक्‍चा ङा बाक्‍ब। मिनु इ पर्बम लोव़ नेंब मुर नेल्‍ल शुश हिंनीमी। मारदे हना इ गेनायो मनुप्‍ब मरिम्‍शो पतीकेमी सुइ ब्रोंइने मचाप्‍शो बाक्‍तेक्‍म” देंत।