\id MAL  
\h मलाकी 
\toc1 मलाकी 
\toc2 मलाकी 
\toc3 मलाकी 
\mt1 मलाकी 
\ip \bd ब्रेक्‍ब मुर:\bd* हिब्रू लोव़मी मलाकी आ अर्थ “आं लोव़ कुरब” बाक्‍ब। साइ ङोंइती ङा थमा सुइक्‍ब हिरोनिमुस शुश ब्रेक्‍ब मुर का बाक्‍त। मेकोमी “आं लोव़ कुरब” नें पाइश्‍शो, परमप्रभु यावे आ खिं लेंशा सेल्‍ब, जोक्‍ब तुइक्‍ब एज्रा आ ख्रुइश्‍शो नें बाक्‍ब, देंब। मुरपुकीम चहिं मेको दुम्‍ने मचाप्‍ब देंशो बाक्‍तेक्‍म। 
\ip \bd गेना ब्रेक्‍शो:\bd* नेहेम्‍याहमी इस्राएली आन पर्बम ब्रेक्‍शो नु मलाकी किताबम ब्रेक्‍शो लोव़ शुश गारब। इस्राएली ग्‍याइश्‍शा लाइक्‍चा पुंइसीमा नोले लेश्‍शा यरूसलेमम बाक्‍शो बाक्‍तेक्‍म। शुश मुरुमी अर्को रागी ङा मीश चाक्‍शो बाक्‍तेक्‍म। मेना ४३२ बि. सी. बाक्‍शो बाक्‍त। 
\ip \bd मार ब्रेक्‍शो:\bd* 
\io1 १. मुर आन थमा सुइक्‍चा गाम्‍त। \em मलाकी २:८; नेहेम्‍याह १३:२९\em* 
\io1 २. अर्को रागी ङा मीश आल कली चाक्‍शो बाक्‍तेक्‍म। \em मलाकी २:११-१२; नेहेम्‍याह १३:२३-२५\em* 
\io1 ३. १० भाग मगेब दुम्‍शो बाक्‍तेक्‍म। \em मलाकी ३:८-१०; नेहेम्‍याह १३:१०\em* मेको नेल्‍ल तशा यो, परमप्रभु यावेमी “गो इन कली दाक्‍नुङ। आं गे लेत्‍तीन। गो इन कली आसीक गेनुङ” दे लोव़ कुरब का सोइश्‍शो बाक्‍त। 
\c 1  
\s1 परमप्रभुम इस्राएली आन कली दाक्‍शो 
\p  
\v 1 मलाकीमी इस्राएली आन कली परमप्रभु यावे आ पशो लोव़ देंत।  
\v 2 परमप्रभु यावेमी “गो इन कली दाक्‍ताक्‍ङ। गेपुकीमी चहिं ‘दोपा आंइ कली दाक्‍तीनी ङा? मार, एसाव याकूब आ लोक्‍ब ममाइ ङा?’ देंनीनी। मिनु परमप्रभु यावेमी गो याकूब कली शुश दाक्‍ताक्‍ङ। \em उत्‍पत्ती २५:२३; रोमी ९:१३\em* 
\v 3 तन्‍न एसाव कली काइ मदाक्‍तु। मोपतीके मेको आ बाक्‍तीक पहाड कली गोरशो रागी सेल्‍ता। आ थेरशो रू सिवार आन बाक्‍तीक दुम्‍पाइक्‍ता” देंत। \em यसैया ३४:१३\em* 
\v 4 मिनु एदोम ङा मुरपुकीमी “गोपुकी ब्रुंइसाक्‍व हना यो, गो लेंशा मेको ब्रेश्‍शो नेल्‍ल सेल्‍नीकी” देंतेक्‍म। मुर नेल्‍ल आन परमप्रभु यावेमी “मेकोपुकीमी सेल्‍तेक्‍म हना यो, गो प्रेत्‍नुङ। मिनु अरु मुरपुकीमी मेको आ पर्बम ‘एको ठीक मपाइब रागी का बाक्‍ब। परमप्रभु यावे मेको रागी तशा, गेना हना यो गाइक्‍ब’ ” देंनीम।  
\v 5 गेपुकीमी मेको नेल्‍ल तशा “तेइ तेइ रागी ङा मुरपुकीमी परमप्रभु यावे कली ठेयब सेल्‍नीम” दे लोव़ पाइनीनी। 
\s1 ग्रांग्रा दिचा ङा थोव़क चढ़ेशो 
\p  
\v 6 मिनु मुर नेल्‍ल आन परमप्रभु यावेमी आ नें आइक्‍च सेल्‍ब चढ़ेब आन कली “तौपुकीमी आन आफ कली मान पाइनीम। मिनु गेय पाइबपुकीमी आन होव़प कली यो मान पाइनीम। गो इन आफ नङ हना, मारदे आं कली मान मपाइनीनी? गो इन होव़प नङ हना, मारदे आं कली मान पा महिंनीनी?” देंत। मिनु गेपुकीमी “गो दोपा इन नें आइक्‍च सेल्‍का?” देंतीनी। \em प्रस्‍थान २०:१२\em* 
\v 7 परमप्रभुमी “गेपुकी आं कली ग्रांग्रा दिचा ङा थोव़क आं चढ़ेतीकेमी चढ़ेनीनी। मिनु गेपुकीमी ‘दोपा इन कली ग्रांग्रा दिपाइक्‍का?’ दे लोव़ पाइनीनी। परमप्रभु यावे आ टेबल कली मारेइ खोइ मलाक्‍नीनी।  
\v 8 गेपुकीमी मिक्‍च मताइब बस्‍तु चढ़ेथ चाक्‍नीनी। मिनु मेको दूली मबाक्‍ब देंनीनी। खोइल मदुक्‍ब नु रोइ पशो बस्‍तु चढ़ेचा दूली मबाक्‍ब देंनीनी। मिनु इन रागी ङा ठेयब मुर कली मोदेंशो गेनीनु, मार, मेको ग्‍येरशा ताक्‍शा, इन कली दाक्‍बा ङा?” दे मुर नेल्‍ल आन परमप्रभु यावेमी देंत। \em लेवी २२:२०,२३\em* 
\p  
\v 9 मिनु “परमप्रभु आंइ कली शिशी पन” दे पुनीन। “गेपुकीमी मोदेंशो मरिम्‍शो थोव़क चढ़ेशा मरिम्‍शो पाइतीनी। मिनु इन कली दोपा शिशी पाइनुङा?” दे मुर नेल्‍ल आन परमप्रभु यावेमी देंत।  
\v 10 मिनु लेंशा “गेपुकीमी आं चढ़ेतीकेमी मो मी मुइक्‍चा क्‍येङा का लशा लाप्‍चो चोक्‍नी हना, रिम्‍शो दुम वा। गो इन कली तशा मग्‍येरसीशो बाक्‍नुङ। मिनु इन चढ़ेशो यो मताक्‍नुङ” दे मुर नेल्‍ल आन परमप्रभु यावेमी देंत। \em मलाकी २:१३; यसैया १:१३\em* 
\v 11 “नां दाप्‍तीक रे नां पेरतीक सम्‍म रागी रागी ङा मुर आन दातेमी आं नें ठेयब बाक्‍ब। रागी नेल्‍ल ङा मुरपुकीमी आं कली धूप चोशा, रिम्‍शो थोव़क चढ़ेनीम। मारदे हना रागी रागी ङा मुर आन दातेमी आं नें ठेयब बाक्‍ब” दे मुर नेल्‍ल आन परमप्रभु यावेमी देंत। \em यसैया ६०:१-७\em* 
\v 12 मिनु “गेपुकीमी ‘परमप्रभु आ टेबल ग्रांग्रा दिचा ङा बाक्‍ब, मेक बाक्‍शो थोव़क यो ठीक दुम्‍चा ममाल्‍ब’ दे आं नें कली आइक्‍च सेल्‍नीनी।  
\v 13 मिनु गेपुकीमी ‘एको गिश श्‍येत बाक्‍बा’ दे आं कली चढ़ेतीक आ पर्बम इन नें क्रुप्‍नीनी। गेपुकीमी रोइश्‍शो बस्‍तु चाक्‍नीनी। खोइल मदुक्‍ब नु रोइ पशो बस्‍तु चढ़ेथ चाक्‍नीनी। मार, गो इन चढ़ेशो ग्‍येरशा ताक्‍चा माल्‍नुङा ङा?” दे परमप्रभु यावेमी देंत।  
\v 14 “सु सुमी आंम बस्‍तु आन बगाल रे पा ‘रिम्‍शो बस्‍तु चढ़ेनुङ’ देंनीमी, तन्‍न नोले मरिम्‍शो चढ़ेनीमी, मेको जोल पाइब सराप राइनीम। मारदे हना गो ठेयब पिप नङ। आं नें रागी रागी नेल्‍ल ङा मुर आन दातेमी हिंचा ङा बाक्‍ब” दे मुर नेल्‍ल आन परमप्रभु यावेमी देंत। \em लेवी २२:१९\em* 
\c 2  
\s1 चढ़ेब आन कली अरेशो 
\p  
\v 1 मिनु मुर नेल्‍ल आन परमप्रभु यावेमी “गे चढ़ेबपुकी, एको शेंशो लोव़ इन कली बाक्‍ब।  
\v 2 गे इन नोफा मदाइक्‍ताक्‍नी नु आं नें कली मान पचा कली ममिम्‍ताक्‍नी हना, गो इन कली सराप पाइनन्‍नी। इन कली गेशो आसीक सराप दुम्‍ब। मारदे हना गे काइ मटीब बाक्‍नीनी। गो थमा पा इन आसीक कली सराप सेल्‍नुङ। \em ब्‍यवस्‍था २८:१५\em* 
\v 3 गो इन पतीके इन आल आन कली हुइक्‍नुङ। इन चढ़ेशो बस्‍तु आन गा क्‍यी ङा ग्रांग्रा इन कुलम देप्‍नुङ। मिनु इन कली आं ङोंइती रे तिल्‍नुङ। 
\p  
\v 4 गो लेवी नु पशो कबल गेना हना यो लील, दे इन कली मेको शेंतीक सोइक्‍ताक्‍ङ।  
\v 5 आं पशो कबल ब्रोंइतीक नु थुं नाइक्‍तीक कबल बाक्‍ब। गो मेको कबल आं कली मान पा हिंल, दे गेता। मेकोमी आं कली मान पा आं नें थिचा शुश हिंत।  
\v 6 मेकोमी रिम्‍शो शेंतीक लोव़ पाप्‍तु। गेनायो दूली मशेंद। थम रिम्‍शो नु ठीक पतीकेमी गो नु गाक्‍त। मिनु मेकोमी ठीक मपाइब शुश मुर आन कली आन मरिम्‍शो पतीक रे लेप्‍पाइक्‍तु। 
\p  
\v 7 चढ़ेबपुकीमी तुइक्‍तीक लोव़ होस पा पचा माल्‍नीम। मिनु मुरपुकीमी मेको आन शेंशो नेंचा माल्‍नीम। मारदे हना चढ़ेबपुकी मुर नेल्‍ल आन परमप्रभु यावे आ सोइश्‍शो लोव़ पाइब बाक्‍नीम। \em ब्‍यवस्‍था ३३:१०; हाग्‍गै १:१३\em* 
\v 8 गेपुकी चहिं आं लां प्रोंइ‍शा, हेंथे गाक्‍तीनी। इन दूली शेंतीकेमी गे शुश मुर आन कली हेंथे गाक्‍ब सेल्‍तीनी। गेपुकीमी लेवी नु पशो कबल खतम सेल्‍तीनी” दे मुर नेल्‍ल आन परमप्रभु यावेमी देंत।  
\v 9 परमप्रभुमी “मोपतीके गो इन कली मुर नेल्‍ल आन ङोंइती आइक्‍च नु महिक्‍सीशो सेल्‍ता। मारदे हना गेपुकीमी आं लां प्रोंइतीनी। आं शेंशो लोव़ मटिथु, कुल कोव़मुशा हुकुम पाइतीनी” देंत। 
\s1 यहूदा आ मरिम्‍शो पशो 
\p  
\v 10 मार, गो नेल्‍ल इं आफ कान ममाइ ङा? मार, परमप्रभु कामीन इं कली मसेला ङा? मारदे गोपुकीमी कामी अर्को कली थमा मसुइक्‍थु, इं किकी पिपी आन कली गेशो कबल ख्रोइक्‍नया? \em मलाकी १:६; अय्‍युब ३१:१५; एफिसी ४:६\em* 
\p  
\v 11 यहूदामी आं कली प्रोंइती। मिनु इस्राएल नु यरूसलेममी ग्रांग्रा दित्‍चा ङा गेय दुम्‍शो बाक्‍ब। मारदे हना यहूदामी परमप्रभु यावे आ दाक्‍शो बाक्‍तीके ग्रांग्रा दिशो सेल्‍तु। दोपा मोदेंशो सेल्‍तु देंशा हना, आंम तौ आन कली देवी देवता आन कली ठेयब सेल्‍ब मुर आन तमी चाक्‍तु। \em एज्रा ९:२\em* 
\v 12 परमप्रभु यावेमी मोदेंशो पाइब मुर आन कली याकूब आ मुर आन बाक्‍तीक ताम्‍बु रे तिल्‍ब। मिनु मेकोपुकीम मुर नेल्‍ल आन परमप्रभु यावे कली गेनायो चढ़ेचा मताइनीम। 
\p  
\v 13 गेपुकीमी अर्को मार पाइनीनी देंशा हना, परमप्रभु यावे आ चढ़ेतीके आ नेक्‍था ङाक्‍शा, रोंका पा इन प्रेक्‍कुमी जित्‍नीनी। मारदे हना इन चढ़ेशो ग्‍येरशा मब्राइब। \em मलाकी १:१०\em* 
\v 14 मिनु गेपुकीमी “मारदे मब्राइबा”? दे हिल्‍लो पाइनीनी। मारदे हना गे इन ठिटा बाक्‍ची ना ङा मीश प्रोंइतीनी। मेको आ पर्बम परमप्रभु यावे सांकछी बाक्‍ब। मेको इ वारच इ मीश बाक्‍ब, इ कबल पा चाक्‍शो मीश बाक्‍ब। 
\p  
\v 15 परमप्रभुम मेको निक्‍शी आस कली कान मसेला ङा? मेको आस सोक्‍त नु गिंम परमप्रभु यावे के बाक्‍नीस। मारदे मेको निक्‍शी आस कली कान सेल्‍तु देंशा हना, आस आल परमप्रभु आ मुर दुम्‍मल, दे कान सेल्‍तु। मोपतीके गेपुकी आंम थुं आ पर्बम होस पा, सुइमी आंम ठिटा बाक्‍‍ची ना ङा मीश कली मप्रोनीन।  
\v 16 मारदे हना परमप्रभु यावे, इस्राएली आन परमप्रभुमी गो मीश, वोंइश कली प्रोंइब मुर काइ मदाक्‍नुङ। आन जिशो मदाक्‍नुङ। मोपतीके इन थुं फ्रेंदीन। इन मीश मप्रोंइब दुमीन। \em ब्‍यवस्‍था २४:१\em* 
\s1 परमप्रभु आ निसाफ पतीक नाक्‍त 
\p  
\v 17 गे इन लोव़मी परमप्रभु यावे कली ब्रीपाइक्‍तीनी। मोपा यो गेपुकीमी “गोपुकीमी मार लोव़मी इन कली ब्रीपाइक्‍का?” देंतीनी। गेपुकीमी “दूली लोव़ पा मरिम्‍शो गेय पाइब नेल्‍ल परमप्रभु यावे आ ङोंइती ठीक बाक्‍नीम। मिनु मेको, मेको आन कली तशा ग्‍येरसीशो बाक्‍ब” दे “निसाफ पाइब परमप्रभु ते बाक्‍बा ङा?” दे यो देंनीनी। \em मलाकी ३:१३-१४\em* 
\c 3  
\p  
\v 1 परमप्रभुमी “नेनीन, गो आं लोव़ पाइब आं ङोंइती सोइक्‍नुङ। मेकोमी आं ङोंइती आं लां सेल्‍चा माल्‍ब। इन माल्‍शो प्रभु रीब पा आ खिंम जाक्‍ब। मेको इन माल्‍शो कबल ङा लोव़ चोक्‍ब बाक्‍ब। गे मेको कली शुश दाक्‍नीनी” दे मुर नेल्‍ल आन परमप्रभु यावेमी देंत। \em मत्ती ११:१०; मर्कूस १:२; लूका १:१७\em* 
\v 2 मिनु मेकोमी “तन्‍न आ जाक्‍ची नाक्‍त सु फाल्‍ने चाप्‍बा ङा? आ ग्रूची ना सु राप्‍शा बाक्‍ने चाप्‍बा ङा? मारदे हना मेको तुप्‍तीलमी मुइश्‍शो मी नु वा मुरब आ वा बुश सेल्‍तीक खोदेंशो बाक्‍ब। \em यसैया १:२५\em* 
\v 3 मेको चांदी यपाइश्‍शा रिम्‍शो सेल्‍ब खोदेंशो पा निसाफ पाइब बाक्‍ब। लेवी आ चच युइ आन कली सुन चांदी खोदेंशो पा यपाइश्‍शा रिम्‍शो सेल्‍ब। नोले मेकोपुकीमी परमप्रभु यावे कली ठीक पा चढ़ेनीम। \em जकरिया १३:९\em* 
\v 4 मेना परमप्रभु यावेमी यहूदा नु यरूसलेममी चढ़ेशो साइ ङोंइती ङा खोदेंशो पा ब्राइब” देंत। 
\p  
\v 5 तन्‍न मेको क्‍येङा ङोंइती “गो निसाफ पचा कली इन बाक्‍तीकेमी जाक्‍नुङ। गो टुना मुना पाइबपुकी, मुर आन मीश वोंइश नु इप्‍बपुकी, जोल पा कसम जाइबपुकी, गेय पाइब आन कली गाल्‍च मगेबपुकी, वोंइश बेक्‍शो मीश मुर, रोम रोइक्‍च, नु अर्को रागी ङा मुर आन कली निसाफ पा मगेबपुकी नु आं क्‍येङा महिंब नेल्‍ल आन कली निसाफ पथ जाक्‍नुङ” दे मुर नेल्‍ल आन परमप्रभु यावेमी देंत। 
\s1 गेचा माल्‍शो १० भाग 
\p  
\v 6 मिनु मेकोमी “गो, परमप्रभु यावे, गेनायो मफांइसीनुङ। मोपतीके गे याकूब आ चच युइ मुल सम्‍म ब्रोंइशो बाक्‍नीनी।  
\v 7 इन किकी पिपी आन बाक्‍ची ना रे आं फुल्‍लुम मुशा ब्रेक्‍शो लोव़ मटिथु, हेंथे लां खोइक्‍तीनी। आं गे लेतीन। मिनु गो इन गे लेत्‍नुङ” दे मुर नेल्‍ल आन परमप्रभु यावेमी देंत। तन्‍न गेपुकीमी “गो दोपा लेत्‍चा?” देंतीनी। \em जकरिया १:३\em* 
\v 8 परमप्रभुमी “मार, मुरपुकीमी परमप्रभु आ मार मार खुइ पने चाप्‍नीमी ङा? तन्‍न गेपुकीम आं के खुइ पशो बाक्‍नीनी। मो हना यो गेपुकीमी ‘गोपुकीमी इन के मार खुइ पका ङा?’ देंनीनी। इन १० भाग ङा भाग का नु मार मार चढ़ेतीकेमी खुइ पशो बाक्‍नीनी। \em प्रस्‍थान २५:२\em* 
\v 9 गे सराप रशो दुम्‍तीनी। मारदे हना गे आं मार मार खुइ पाइब बाक्‍नीनी। गे इस्राएल नु मुर नेल्‍लेमी आं कली रोइक्‍ताक्‍यीनी। \em हाग्‍गै १:५-६\em* 
\v 10 गे नेल्‍लेमी इन १० भाग ङा भाग का वोइक्‍तीकेमी चाक्‍कीन। मिनु आं खिंमी जचा थोव़क बाक्‍ल। मोपा आं कली नाक्‍शा, कोव़ङीन। गो स्‍वर्ग ङा लाप्‍चो रोक्‍शा, इन कली शुश आसीक गेबाक्‍ङा, कों, मगेबाक्‍ङा” दे मुर नेल्‍ल आन परमप्रभु यावेमी देंत।  
\v 11 मिनु “गो इन रू ङा बाली नाली खतम मसेल्‍चा ङा पा माले आन कली हुइक्‍नुङमी। इन रूम बाक्‍शो अङगुर सिश्‍शा ग्रेल्‍नीम” दे मुर नेल्‍ल आन परमप्रभु यावेमी देंत। \em योएल १:४\em* 
\s1 परमप्रभुमी शिशी पाइब देंशो 
\p  
\v 12 मिनु “रागी रागी ङा मुर नेल्‍लेमी इन पर्बम ‘आसीक रशा, ग्‍येरशो मुर बाक्‍नीमी’ देंनीम। मारदे हना इन रागी थम आसीक रशो रागी दुम्‍ब” दे मुर नेल्‍ल आन परमप्रभु यावेमी देंत। 
\p  
\v 13 मिनु परमप्रभु यावेमी “गे आं पर्बम मरिम्‍शो लोव़ पाइतीनी हना यो ‘इन कली मार मरिम्‍शो लोव़ पका ङा?’ देंतीनी।  
\v 14 गेपुकीमी ‘परमप्रभु आ गेय पचा, मोशीन बाक्‍ब। आ शेंशो लोव़ पचा नु बेक्‍शो मुर आ पर्बम रोंका पशो खोदेंशो पा मुर नेल्‍ल आन परमप्रभु यावे आ ङोंइती रोंका पचा, मोशा बाक्‍ब। \em भजन संग्रह ७३:१३-१४; जकरिया ७:३,५\em* 
\v 15 मुल गो ठेयब लेश्‍शो मुर आन कली रिम्‍शो मुर बाक्‍नीम, देंनीकी। मारदे हना मरिम्‍शो पाइबपुकी दारनीम। परमप्रभु कली मरिम्‍शो पाइब ब्रोंइशा बाक्‍नीम’ देंनीनी” देंत। 
\p  
\v 16 मिनु परमप्रभु यावे क्‍येङा हिंब आन दातेमी लोव़ पाम्‍तेक्‍म। मिनु परमप्रभु यावेमी नोफा दाइश्‍शा, मेको आन लोव़ नेंतु। मिनु आ ङोंइती आ कली मान पा हिंब, आ नें ठेयब सेल्‍ब आन पर्बम मिम्‍तीक किताब ब्रेक्‍शो बाक्‍त।  
\v 17 मिनु मुर नेल्‍ल आन परमप्रभु यावेमी “मेको आं मुर दुम्‍नीम। आं निसाफ पतीक नाक्‍त आं नेक्‍था ङा मुर दुम्‍नीम। दोपा मुरुमी आंम कली गेय पाइब तौ कली शिशी पा वोइक्‍बा, मोपा गो मेको आन कली शिशी पा वोइक्‍नुङ। \em प्रस्‍थान १९:५\em* 
\v 18 मेको नाक्‍त ठीक पाइब नु परमप्रभु आ अरेशो मटीब खाल का ङा मदुम्‍नीम। मेको ताइनीनी। परमप्रभु कली गेय पाइब नु गेय मपाइब खाल का ङा मदुम्‍नीम। मेको यो ताइनीनी” देंत। 
\c 4  
\s1 परमप्रभु यावे आ नाक्‍त 
\p  
\v 1 मुर नेल्‍ल आन परमप्रभु यावेमी “आं निसाफ पतीक नाक्‍ती जाक्‍ब। मेको ठेयब मी खोदेंशो पा ब्रशो बाक्‍ब। मेना ठेयब लेश्‍शो नु मरिम्‍शो पाइब नेल्‍ल सोव़शो ठुटा खोदेंशो बाक्‍नीम। मेको नाक्‍ती मीम मेको आन कली नेक्‍ब। मिनु मेको आन शाक्‍श नु राशी यो मलीब।  
\v 2 तन्‍न गे आं नें कली मान पाइब, इन ङोंइती आं ठीक पतीके नां खोदेंशो पा दाप्‍ब। इन रोइ यो सानीनी। गे गोठ रे पा ग्रूशो बाछा खोदेंशो पा प्रेक्‍ना प्रेक्‍न दोरनीनी। \em लूका १:७८\em* 
\v 3 मिनु गेपुकीमी आं अरेशो लोव़ मटीब आन कली इन खोइलीमी दिम्‍नीनी। आं निसाफ पतीक नाक्‍ती मेको इन खोइलीम दिम्‍शा, पुलु खोदेंशो सेल्‍चा पुंइसीनीमी” दे मुर नेल्‍ल आन परमप्रभु यावेमी देंत। 
\p  
\v 4 परमप्रभुमी “आं वाइल मोसामी इन कली गेशो आं अरेशो लोव़ मिम्‍तीन। गो मेको फुल्‍लुम मुशा ब्रेक्‍शो लोव़ नु आं देंशो ठीक पतीक लोव़ होरेब डांडामी इस्राएली नेल्‍ल आन कली अरेचा कली गेता।  
\v 5 नेनीन, आं ठेयब नु हिंचा ङा नाक्‍त जाक्‍चा क्‍येङा ङोंइती आं लोव़ पाइब एलीया कली इन बाक्‍तीकेम सोइक्‍नुङ। \em मत्ती ११:१४; १७:११-१३; योएल ३:४\em* 
\v 6 मिनु मेकोमी आम आफ आस थुं आस आल गे नु आल आन थुं आम आफ गे लेप्‍पाइक्‍ब। मोदेंशो मदुम्‍त हना, गो रागी कली सराप पाइक्‍नुङ” दे परमप्रभु यावेमी देंत। \em लूका १:१७\em*