\id JUD  
\h यहूदा 
\toc1 यहूदा 
\toc2 यहूदा 
\toc3 यहूदा 
\mt1 यहूदा 
\ip \bd ब्रेक्‍ब मुर:\bd* एको चिठी याकूब आ लोक्‍ब यहूदाम ब्रेक्‍शो बाक्‍ब। आंम कली “येसु आ वाइल” देंब। ङोंइती थमा मसुइक्‍ब बाक्‍शा, नोले थमा सुइक्‍ब दुम्‍त। \em प्रेरित १:१४\em* 
\ip \bd गेना ब्रेक्‍शो:\bd* एको चिठी ६६ ए. डी. नु ६८ ए. डी. दातेमी ब्रेक्‍शो बाक्‍ब। थमा सुइक्‍बपुकीमी येसु आ सोइश्‍शो मुर आन कली आंमन तशो बाक्‍तेक्‍म। 
\ip \bd मारदे ब्रेक्‍शो:\bd* एको चिठी रिम्‍शो थमा सुइक्‍चा आ पर्बम ब्रेक्‍शो बाक्‍ब। 
\io1 १. ङोंइती ङा लोव़ \em यहूदा १:१-२\em* 
\io1 २. दूली शेंब आन पर्बम लोव़ \em यहूदा १:३-१३\em* 
\io1 ३. दूली शेंब सजाइ ताइनीम \em यहूदा १:१४-२६\em* 
\io1 ४. थमा सुइक्‍तीके बोल्‍यो दुम्‍चा माल्‍ब नु नोले ङा लोव़ \em यहूदा १:१७-२५ \em* 
\c 1  
\s1 ङोंइती ङा लोव़ 
\p  
\v 1 गो याकूब आ लोक्‍ब यहूदा नङ। गो येसु ख्रीस्‍त आ वाइल दुम्‍ती। परमप्रभु यावे, इं आफ आ दाक्‍शो नु येसु ख्रीस्‍त कली योव़शा वोइश्‍शो मुर, इन कली ब्रेक्‍ताक्‍ङ। \em मत्ती १३:५५\em* 
\v 2 परमप्रभु यावे आ दाक्‍तीके, थुं नाइक्‍तीके नु दाक्‍मुतीके गेपुकी नु शुश बाक्‍ल। 
\s1 दूली शेंब आन पर्बम शेंशो 
\r २पत्रुस २:- 
\p  
\v 3 आं दाक्‍शो लोक्‍बपुकी, गो इन कली इं पाप रे प्रोंइतीक आ पर्बम ब्रेक्‍चा दाक्‍ती। थमा सुइक्‍तीके आ पर्बम दोपा गेय पचा, दे इन कली शेंचा दाक्‍ताक्‍ङ। मेको थमा सुइक्‍तीक पाप रे ङोन बाक्‍ब आन कली ङोंइती रे शेंने थुम्‍शो बाक्‍त। \em १तिमोथी १:१८\em* 
\v 4 तन्‍न का निक्‍शी निसाफ पाइक्‍चा पुंइसीबपुकीमी “थमा सुइक्‍ब बाक्‍नीक” देंखु पा, थमा सुइक्‍ब आन ग्रुम्‍तीकेमी बाक्‍नीम। मेकोपुकीमी परमप्रभु यावे कली मटिथु “परमप्रभु यावेमी शिशी पाइब” दे मिम्‍शा, आंम दला दाक्‍स पना पन बाक्‍नीम। मिनु इं होव़प, प्रभु येसु ख्रीस्‍त आ पर्बम “परमप्रभु यावे आ तौ ममाइ” देंनीम।  
\v 5 गेपुकी ङोंइती रे “दोपा ठीक पा थमा सुइक्‍चा” दे नेल्‍ल शेंसीशो बाक्‍तीनी हना यो, गो इन कली लेंशा मेको शेंशो लोव़ मिम्‍पाइक्‍चा दाक्‍नुङ। मार मिम्‍पाइक्‍चा दाक्‍नुङ देंशा हना, परमप्रभु यावेमी आ मुर आन कली इजीप्‍त रागी रे प्रोंइपाइश्‍शा, तन्‍न नोले मेको थमा मसुइक्‍ब आन कली सदा बाक्‍त। \em गन्‍ती १४:३५; १कोरिन्‍थी १०:५\em* 
\v 6 परमप्रभु यावे आ स्‍वर्ग ङा गेय पाइब का निक्‍शीमी परमप्रभु यावे कली मटिथु आन बाक्‍तीके प्रोंइतेक्‍म। परमप्रभु यावेमी मेको आन कली ठेयब निसाफ पची नाक्‍त सम्‍म गेना हना यो मप्रोंइचा ङा पा साङलोमी पाइश्‍शा, नेल्‍ल क्‍येङा मरिम्‍शो बाक्‍तीक छिङछिङमी वोइश्‍शो बाक्‍ब। \em उत्‍पत्ती ६:२-४\em* 
\v 7 सोदोम, गोमोररा नु आस एर ओंथ बाक्‍शो सहर ङा मुरपुकीमी आन खोदेंशो पा ग्रांग्रा दिचा ङा नु मपचा ङा दूली गेय पशो बाक्‍तेक्‍म। परमप्रभुमी मेको आन कली कोंइतीक दुम्‍पाइक्‍चा कली गेना हना यो ब्रशो मीमी सजाइ गेशो बाक्‍त। \em उत्‍पत्ती १९:१,४-११\em* 
\v 8 मोदेंशो तुइश्‍शा यो मेको थमा सुइक्‍नीकी देंखु पाइबपुकीमी आंम मिम्‍तीके पशा, आंम रां कली ग्रांग्रा दिचा ङा सेल्‍तेक्‍म। मिनु अधिकार पाइब आन कली मटिथु, स्‍वर्गम बाक्‍ब आन पर्बम शुक्‍शी पाइनीम।  
\v 9 परमप्रभु यावे आ नेल्‍ल क्‍येङा ठेयब स्‍वर्ग ङा गेय पाइब मिकाएलमी चहिं सैतान कली मोसा आ बेक्‍शो रां आ पर्बम लोव़ पशा “परमप्रभुमी इ कली हुइक्‍ब” दे आंमा शुक्‍शी पा निसाफ पचा हिंमाक्‍त। \em दानीएल १२:१; जकरिया ३:२\em* 
\v 10 मेको मुरपुकी चहिं आन मतुइश्‍शो नेल्‍ल आन पर्बम शुक्‍शी पाइनीम। मिनु मिम्‍तीक मपाइश्‍शो बस्‍तु भाव आन तुइश्‍शोमी खोदेंशो पाइनीम। मिनु मेको पशा, खतम सेल्‍चा पुंइसीनीम।  
\v 11 मेको आन पर्बम आबी। काइन खोदेंशो दुम्‍शो बाक्‍तेक्‍म। बालाम बुदी परमप्रभु यावे कली मटिथु, क्‍येट आ पर्बम दूली गेय पाइनीम। मिनु कोराह माइश्‍शो मुर खोदेंशो पा जाम्‍शा लाइनीम। \em उत्‍पत्ती ४:८; गन्‍ती ३१:१६; गन्‍ती १६:-\em* 
\v 12 मेकोपुकी इन ग्रुम्‍मुशो भोजमी जाक्‍शा, दाइल पपाइक्‍ब फुल्‍लु खोदेंशो पा बाक्‍नीमी। आंम दातेम ग्‍येरपमुइनीम, तन्‍न महिंथु आंम कोव़ज ला प्रिंनीम। मेको रेउ मपाइश्‍शो फशेम बेरशो गोस्‍स खोदेंशो बाक्‍नीम। फल सित्‍ची ना फल मसिप्‍ब रवा खोदेंशो बाक्‍नीम। शाक्‍श दुल्‍शो रवा खोदेंशो पा, निक्‍शी खेयप बेक्‍शो बाक्‍नीम। \em १कोरिन्‍थी ११:२१\em* 
\v 13 मेको समुन्‍द्र ङा ठेयब हिंचा ङा छाल खोदेंशो बाक्‍नीम। आंम मुने ङा बोग्‍यो ग्रुंइनीम। दोक्‍शो सोरुल खोदेंशो बाक्‍नीम। मेको आन कली नेल्‍ल क्‍येङा मरिम्‍शो छिङछिङ ङा बाक्‍तीके वोइश्‍शो बाक्‍ब। \em यसैया ५७:२०\em* 
\p  
\v 14 मिनु आदम रे ७ पाला नोले ङा हनोक माइश्‍शो मुर का बाक्‍त। मेकोमी मोदेंशो मुर आ पर्बम परमप्रभु यावेमी तुइक्‍पाइश्‍शो लोव़ पवा बाक्‍त। मेकोमी “नेनीन, प्रभु नु आ योव़शो हजार हजार जाक्‍तेक्‍म। \em हनोक कली हिब्रू लोव़मी एनोक देंनीम।\em*\em उत्‍पत्ती ५:२१\em* 
\v 15 परमप्रभु यावे कली मटीब नेल्‍ल आन कली आन थमा मसुइक्‍तीकेमी पशो मटितीके तपाइक्‍नीम। परमप्रभु यावे रे ङोन बाक्‍ब पापीपुकीम परमप्रभु यावे कली मार मार मरिम्‍शो लोव़ पामे, मेको आन कली निसाफ पशा, सजाइ गेचा, दे जाक्‍तेक्‍म” दे लोव़ पवा बाक्‍त।  
\v 16 मेकोपुकी गन गन पाइब बाक्‍नीम। मेकोपुकीमी “गो श्‍येत जना जन बाक्‍नुङ” दे गेनायो मग्‍येरथु, आन दला दाक्‍स पना पन बाक्‍नीम। ठेयब लोव़ पा, ठेयब लेश्‍शो मुर बाक्‍नीम। मेकोपुकीमी आंम कली ठेयब सेल्‍सीचा कली मुर आन कुल कोव़नीम। 
\s1 बोल्‍यो थमा सुइक्‍ब दुमीन 
\p  
\v 17 आं दाक्‍शो लोक्‍बपुकी, इं प्रभु येसु ख्रीस्‍त आ सोइश्‍शोपुकीमी ङोंइती देंशो लोव़ ति फ्रुक्‍शा मिम्‍चा माल्‍नीनी।  
\v 18 मेकोपुकीमी इन कली “मेको नोले ङा नाक्‍त शुक्‍शी लोव़ पाइनीम। परमप्रभु यावे कली मटिथु, आंम दला दाक्‍स पाइनीम” देंतेक्‍म। \em १तिमोथी ४:१; २पत्रुस ३:३\em* 
\v 19 मेकोपुकीम मुर आन कली ब्रापाइक्‍नीम। परमप्रभु यावे कली ममिम्‍थु, परमप्रभु यावे आ सोक्‍त मपाइश्‍शो बाक्‍नीम। \em १कोरिन्‍थी २:१४\em* 
\s1 परमप्रभु कली ठेयब सेल्‍चा 
\p  
\v 20 आं दाक्‍शो लोक्‍बपुकी, इन रिम्‍शो थमा सुइक्‍तीके बारपतीन। परमप्रभु यावे आ सोक्‍तीमी प्रार्थना पने। \em कलस्‍सी २:७; १थिस्‍सलोनिकी ५:११\em* 
\v 21 परमप्रभु यावेम इन कली दाक्‍ब, दे मिम्‍ना मिम्‍न बाक्‍कीन। इं प्रभु येसु ख्रीस्‍तमी इन कली दाक्‍शा, शिशी पशा, इन कली गेना हना यो परमप्रभु यावे नु बाक्‍चा गेब, दे रिम्‍शा बाक्‍कीन।  
\v 22 का निक्‍शी थमा सुइक्‍ने मचाप्‍शो मुर आन कली ठीक पा थमा सुइक्‍तीके शेंदीन।  
\v 23 का निक्‍शी कली मी रे फो फु ग्रुंइशो खोदेंशो पा प्रोनीन। का निक्‍शी कली शिशी पने, तन्‍न आन ग्रांग्रा दिचा ङा पाप क्‍येङा हिंशा, आन लुम्‍सीशो वासी यो मथिने। \em याकूब ५:९; प्रकाश ३:४\em* 
\s1 नोले ङा लोव़ 
\p  
\v 24 येसु ख्रीस्‍तमी इन कली पाप मपाइब सेल्‍ने चाप्‍ब। इन कली दोस मताइब सेल्‍शा, ग्‍येरसीशा, परमप्रभु यावे आ छेङछेङ आ ङोंइती राप्‍पाइक्‍ने चाप्‍ब। \em १थिस्‍सलोनिकी ५:२३\em* 
\v 25 परमप्रभु यावे का ला बाक्‍ब। मेकोमी इं प्रभु येसु ख्रीस्‍त आ पतीकेमी इं कली पाप रे प्रोंइतु। नेल्‍ल छेङछेङ पाइश्‍शो, नेल्‍ल क्‍येङा ठेयब दुम्‍तीके, नेल्‍ल सक्ति नु नेल्‍ल अधिकार मेको केन बाक्‍ब। मेको ङोंइती बाक्‍त। मुल यो बाक्‍ब। मिनु गेना हना यो बाक्‍ब। आमेन।