\id JOL  
\h योएल 
\toc1 योएल 
\toc2 योएल 
\toc3 योएल 
\mt1 योएल 
\ip \bd ब्रेक्‍ब मुर:\bd* योएल आ नें आ अर्थ “परमप्रभु यावे, परमप्रभु बाक्‍ब” देंशो बाक्‍ब। मेको आ आफ पेथुएल आ पर्बम मारेइ मतुंइसीब। योएलम यहूदा राज्‍यमी परमप्रभु आ लोव़ पशो बाक्‍त। 
\ip \bd गेना ब्रेक्‍शो:\bd* मुर काम अथाल्‍याहम आंम कली पिपीम सेल्‍सेनु, पिप आ तौ योआश चढ़ेब येहो-यादाम परमप्रभु आ खिंम ख्रुइश्‍शा वोइश्‍शो ना, ८०० बि. सी.म खोदेंशो एको किताब ब्रेक्‍शो बाक्‍ब, दे मिम्‍नीम। 
\ip \bd मार ब्रेक्‍शो:\bd* मालेपुकीमी इस्राएल रागी कली निक्‍शी खेयप रागी नेल्‍ल खतम सेल्‍तेक्‍म। रेउ मयितीके परमप्रभु यावे आ गेशो सजाइ बाक्‍त। मोपतीके योएलम मुर आन कली परमप्रभु यावे गे ले‍तीन। परमप्रभु यावेम आ गे लेश्‍शो मुर आन कली माफ गेब। \em योएल २:१३\em* आन साम्‍शो नेल्‍ल लेप्‍ब। \em योएल २:२५\em* योएलमी “इस्राएली ला ममाइ, अर्को रागी ङा मुरपुकीमी यो, परमप्रभु यावे आ श्‍येत रे प्रोंइशो तने चाप्‍नीम” देंशो बाक्‍ब। 
\c 1  
\s1 सल्‍हा मालेमी श्‍येत गेशो 
\p  
\v 1 परमप्रभु यावेमी पेथुएल आ तौ योएल कली देंशो लोव़ एको बाक्‍ब।  
\v 2 मिनु मेको लोव़ मार बाक्‍त देंशा हना “गे खाल्‍पापुकी, एको लोव़ नेनीन। रागीम बाक्‍ब मुर नेल्‍ल इन नोफा दाइश्‍शा नेनीन। मार, इन ब्रोंइतीक नाक्‍ती नु इन किकी पिपी आन ब्रोंइतीक नाक्‍तीम ओदेंशो दुम्‍शो बाक्‍मे?  
\v 3 गे एको लोव़ इन तमी तौ आन कली देनीन। मिनु इन तमी तौपुकीमी आन तमी तौ आन कली देंपतीन। मिनु मेकोपुकीमी आन चच युइ आन कली देंमल।  
\v 4 घांस ख्रोइश्‍शा ब्‍वाइब मालेपुकीमी मार मार प्रोन्‍मे, मेको लेस्‍वा मालेपुकीमी नेक्‍तेक्‍म। मिनु लेस्‍वा मालेपुकीमी मार मार प्रोन्‍मे, मेको तोङ‍ले मालेपुकीमी नेक्‍तेक्‍म। मिनु तोङले मालेपुकीमी मार मार प्रोन्‍मे, मेको सल्‍हा मालेपुकीमी नेक्‍तेक्‍म। \em योएल २:२५\em* 
\v 5 मिनु गे दुक्‍शा बाक्‍बपुकी सेंसीशा, ङाक्‍कीन। मिनु अङगुर शांबु तूशा दुक्‍ब नेल्‍ल नक अङगुर शांबु आ पर्बम रोंका पने। मारदे हना मेको इन शोव़ रे रोंइ‍सीशो बाक्‍ब।  
\v 6 ठेयब रागी ङा मुरपुकी आं रागीम ओव़तेक्‍म। मेको सक्ति पाइश्‍शो नु हिक्‍ने मचाप्‍चा ङा पा शुश बाक्‍नीम। मेको आ ख्रुइ गुप्‍स आन ख्रुइ खोदेंशो बाक्‍नीम। मिनु मेको आन लाइश्‍शो ख्रुइ, छाउरी गुप्‍स आ ख्रुइ खोदेंशो बाक्‍नीम। \em योएल २:२\em* 
\v 7 मेकोपुकीमी आं अङगुर रू खतम पोक्‍शा, आं फोव़शी रवा नेल्‍ल तिम्‍शा चेत्‍तेक्‍म। मेकोपुकीमी मेको आन कोक्‍ते नेल्‍ल थुरशा, ताइक्‍ताक्‍म। मेको आन राशी नेल्‍ल बुश दुम्‍‍तेक्‍म। 
\p  
\v 8 मिनु कन्‍ने मीश आलमी अरन्‍डी फेक्‍शा, आ ग्‍युंबे पचशो वोंइश आल आ पर्बम दोपा रोंका पाइबा, मोपा रोंका पने।  
\v 9 अन्‍न चढ़ेतीके नु तूचा थोव़क चढ़ेतीके परमप्रभु यावे आ खिंमी चढ़ेचा देक्‍शो बाक्‍ब। परमप्रभु यावे आ ङोंइती गेय पाइब चढ़ेबपुकी रोंका पाइनीम। \em योएल २:१४\em* 
\v 10 मिनु रू नेल्‍ल श्‍येत्‍थ दुम्‍शो बाक्‍नीम। खप रोंका पाइब। मारदे हना अन्‍न नेल्‍ल खतम दुम्‍शो बाक्‍ब। अङगुर आ रस सोव़त। तेल रवा आन फल सोव़तेक्‍म। 
\p  
\v 11 गे रूम गेय पाइबपुकी सुर्ता पने। अङगुर ख्रुम्‍बपुकी रोंका पने। क्‍योव़ज चेरब आ पर्बम यो रोंका पने। मारदे हना बाली नाली खतम दुम्‍शो बाक्‍नीम।  
\v 12 अङगुर बोट सोल सुल बेक्‍तेक्‍म। फोव़शी रवा यो सोव़तेक्‍म। अनार, खजूर, स्‍याउ रवा नु रू ङा रवा नेल्‍ल सोव़तेक्‍म। थमा पा, मुर आन दातेमी मुर आन ग्‍येरतीक थुं यो मेको खोदेंशो पा नुप्‍शो बाक्‍ब। 
\p  
\v 13 चढ़ेबपुकी, सुर्ता पा अरन्‍डी फेक्‍शा रोंका पने। चढ़ेतीकेमी गेय पाइबपुकी रोंका पने। आं परमप्रभु आ गेय पाइबपुकी, नाक्‍दो यो सुर्ता पा अरन्‍डी फेक्‍शा बाक्‍कीन। मारदे हना इन परमप्रभु आ खिंमी अन्‍न चढ़ेतीके नु तूचा थोव़क चढ़ेतीके देक्‍शो बाक्‍ब। 
\p  
\v 14 मिनु माइजा बाक्‍चा कली मुर आन कली खुप्‍तीन। परमप्रभु यावे आ खिंम रागीम बाक्‍ब मुर नेल्‍ल बुक्‍शा, खाल्‍पा आन कली ब्रेत्‍तीन। गे खाल्‍पा नु मुर आन कली परमप्रभु यावे, इन परमप्रभु आ खिंम पुक्‍कीन। मिनु परमप्रभु यावे कली ठेयब सेंदा पा ‘वारच पाइक्‍की’ दे पुनीन” देंत। \em भजन संग्रह १०४:१०,११; योएल २:१५\em* 
\s1 योएलमी रोंका पशो 
\p  
\v 15 मिनु योएलमी “परमप्रभु यावे आ जाक्‍चा चिक्‍शो नाक्‍त आ पर्बम आबी आबी, मारदे हना मुल मेको नाक्‍त जाक्‍ब। नेल्‍ल क्‍येङा सक्ति पाइश्‍शो खतम पोक्‍‍तीके जाक्‍ब। \em योएल २:१; यसैया १३:६\em* 
\v 16 मार, इं जचा थोव़क इं ङोंइती रे मरोइक्‍से ङा? मार, ग्‍येरशा सोम्‍शा बाक्‍तीके आंइ परमप्रभु आ खिं रे मयोल्‍म ङा? \em ब्‍यवस्‍था १६:३१\em* 
\p  
\v 17 वांचेर नेल्‍ल खप आगाम सोव़शा रोम्‍शा लीतेक्‍म। अन्‍न वोइक्‍तीक खिं ब्रेश्‍शो बाक्‍नीम। अन्‍न वोइक्‍तीक श्‍येत्‍थ दुम्‍तेक्‍म। मारदे हना अन्‍न मदुम।  
\v 18 मिनु बस्‍तु भाव रोंका पाइनीमी। बी ब्‍यफ जोतीक मबाक्‍तीके हिरना हिरन बाक्‍नीम। क्‍यारश भेडा आन हुल यो श्‍येत जशो बाक्‍नीम। 
\p  
\v 19 परमप्रभु यावे, गो इन कली वाइ ब्रेश्‍शा थोइनुङ। मारदे हना बी ब्‍यफ नु क्‍यारश भेडा आन जोतीके मीम नेक्‍शो बाक्‍ब। मिनु मीम रू ङा रवा नेल्‍ल नेक्‍शो बाक्‍ब। \em योएल २:३\em* 
\v 20 मिनु ब्‍वाकी ङा जन्‍तुपुकीमी यो इन कली थोशो बाक्‍नीम। मारदे हना खोला सोव़शो बाक्‍नीम। मिनु मीम गोरशो रागी ङा बस्‍तु भाव योव़तीक ङा घांस नेल्‍ल नेक्‍शो बाक्‍ब” देंत। \em भजन संग्रह १०४:१०-११\em* 
\c 2  
\s1 परमप्रभुम निसाफ पचा चिक्‍शो 
\p  
\v 1 सियोनमी तुराही ताप्‍पीन। आं डांडामी शुश ग्रीब ताप्‍तीक ग्रोव़ ताप्‍पीन। रागीम बाक्‍ब मुर नेल्‍ल गिक गिक पा ख्रिंख्रि पामेक्‍ल। मारदे हना परमप्रभु यावे आ जाक्‍‍शो नाक्‍त नेक्‍था जाक्‍शो बाक्‍ब। मेको जाक्‍चा चिक्‍शो बाक्‍ब। \em योएल १:१५\em* 
\v 2 मेको नाक्‍ती छिङछिङ नु हिंचा ङा बाक्‍ब। मेको थम ठेयब गोस्‍स नु छिङछिङमी सुम्‍शो बाक्‍ब। मिनु ठेयब सक्ति पाइश्‍शो लडाइ पाइब आन हुलमी डांडा आन कली क्‍येर गोस्‍सुम सुम्‍शो खोदेंशो पा सुम्‍शो बाक्‍नीम। मेको मोदेंशो ङोंइती गेनायो मदुम्‍शो बाक्‍त। मिनु नोले ङा मुर आन पालाम यो मोदेंशो गेनायो मदुम्‍ब। \em योएल १:६; प्रस्‍थान १०:१३-१५\em* 
\p  
\v 3 मेको आन ङोंइङोंइती मीम मारेइ मारेइ नेक्‍ब। मिनु मेको आन नोनोले मी ब्राइब। मेको आन ङोंइती रूपुकी एदेन ङा फल फुल रू खोदेंशो बाक्‍नीम। मेको आन नोले गोरशो रागी खोदेंशो दुम्‍नीम। मेकोपुकी रे मारेइ मब्रोंइनीम। \em योएल १:१९\em* 
\p  
\v 4 मेको आन कुल शारा आन कुल खोदेंशो बाक्‍नीम। लडाइ पाइब शारा ङोइक्‍ब खोदेंशो पा बारनीम।  
\v 5 मेकोपुकी बग्‍गी दोरशो रेयके खोदेंशो पा पहाड तार दोरनीम। मीम आइक्‍च शी दाक्‍शो खोदेंशो पा रेयके पाइनीम। मेकोपुकी सक्ति पाइश्‍शो लडाइ पाइब आन हुलमी लडाइ पचा चिक्‍शो खोदेंशो बाक्‍नीम। 
\p  
\v 6 मिनु जात जात ङा मुर मेको आन कली तशा हिंशा, आन कुल राव किक्‍पाइक्‍नीम।  
\v 7 मेकोपुकी लडाइ पाइबपुकी खोदेंशो पा बारशा, गारो ङोंइसीनीम। मेको का का पा आन गाक्‍शो लां मप्रोंइथु, आन लांम गाक्‍नीम।  
\v 8 मेकोपुकी मचुमुथु गाक्‍शा, लां का खोइक्‍नीम। मिनु या कुरशो आन जोरी सत्रु आन हुलम ओव़नीम। मिनु सुइमी मेको आन कली तेक्‍ने मचाप्‍नीम।  
\v 9 मेकोपुकी सहर कली लडाइ तोचा कली गारो तार दोरनीम। मेकोपुकी खिं ङा झेल रे खुइ खोदेंशो पा ओव़नीम। 
\p  
\v 10 मिनु मेको आन ङोंइती रागीम ख्रिनु कुइब। सरीङ हिम्‍सीब। नां नु तास्‍ला छिङछिङ दुम्‍नीस। मिनु सोरुलमी आन हाम्‍सो मकोंइनीम। \em योएल ३:४; यसैया १३:१०\em* 
\v 11 मिनु परमप्रभु यावे आ लडाइ पाइब आन ङोंइती ठेयब सेंदा पा लोव़ पाइब। मेको आ लडाइ पाइब सक्ति पाइश्‍शो नु शुश बाक्‍नीम। मिनु मेको आ देंशो टीब हिक्‍ने मचाप्‍चा ङा बाक्‍नीम। परमप्रभु यावे आ निसाफ पतीक नाक्‍ती ठेयब नु थम हिंचा ङा बाक्‍ब। मेको सुम फाल्‍ने चाप्‍नीमी ङा? 
\s1 परमप्रभुमी “आं गे लेतीन” देंशो 
\p  
\v 12 परमप्रभु यावेमी “इन थुं नेल्‍लेमी आं गे ले‍तीन। गे माइजा बाक्‍शा, ङाक्‍शा नु रोंका पा आं गे ले‍तीन। \em इजीकीएल ३३:११\em* 
\v 13 गे रोंका पा इन वा मखाक्‍कीन। इन थुं खाक्‍कीन। गेपुकी परमप्रभु यावे, इन परमप्रभु गे ले‍तीन। मारदे हना मेकोमी शिशी पा दाक्‍ब। मेको रीब पा मगाइक्‍ब। गेना हना यो दाक्‍ब नु रीब पा सजाइ मगेब बाक्‍ब। \em प्रस्‍थान ३४:६\em* 
\v 14 मिनु परमप्रभु यावेमी आ थुं लेश्‍शा, सजाइ मगेथु, आसीक गेबा कों? मेको सुम तुइक्‍बा ङा? मिनु गेपुकीम परमप्रभु यावे, इन परमप्रभु कली अन्‍न चढ़ेतीक नु तूचा थोव़क चढ़ेतीके चढ़ेने। \em योना ३:९\em* 
\p  
\v 15 सियोनमी तुराही ताप्‍‍पीन। माइजा बाक्‍चा कली मुर आन कली खुप्‍तीन। मिनु चाड मानेचा कली मुर आन कली ब्रेत्‍तीन। \em योएल १:१४\em* 
\v 16 मुर नेल्‍ल आन कली खुप्‍तीन। बुक्‍शो मुर नेल्‍ल आन कली परमप्रभु यावे आ ङोंइती ठीक सेलीन। खाल्‍पा आन कली खुप्‍तीन। आल आन कली खुप्‍तीन। दूध तूब आल आन कली यो खुप्‍तीन। ग्‍युम्‍ले आ कोठा रे ग्रूल। मिनु ग्‍युम्‍ली आ बाक्‍तीक रे जाक्‍ल। 
\p  
\v 17 परमप्रभु यावे आ ङोंइती गेय पाइब चढ़ेबपुकी परमप्रभु यावे आ खिं ङा पिंडी नु चढ़ेतीक आ दातेम ङाक्‍म‍ल” देंत। मेकोपुकीमी “परमप्रभु यावे इन मुर आन कली सजाइ मगेने। रागी रागी ङा मुर आन ङोंइती इन मुर आन कली शुक्‍शी नु तोक्‍शा लोव़ पाइक्‍तीक दुम्‍चा मगेने। मिनु जात जात ङा मुरपुकीमी ‘मार, मेको आन परमप्रभु ते बाक्‍म?’ देंचा मतामेक्‍ल” देंतेक्‍म। \em भजन संग्रह ७९:१०\em* 
\s1 परमप्रभुमी लोव़ लेश्‍शो 
\p  
\v 18 मिनु परमप्रभु यावेमी आ रागी आ पर्बम रुश पा, आ मुर आन कली शिशी पाप्‍तु।  
\v 19 मिनु परमप्रभु यावेमी आ मुर आन कली मिम्‍शा “गो इन कली अन्‍न, अङगुर शांबु नु तेल सोइक्‍नन्‍नी। मिनु गे रूनीनी। मिनु गो इन कली रागी रागी ङा मुर आन दातेमी गेनायो शुक्‍शी पाइक्‍तीक दुम्‍चा मगेनन्‍नी। \em योएल २६:२७\em* 
\p  
\v 20 गो उत्तर रे जाक्‍शो लडाइ पाइब आन कली इन क्‍येङा ङोन खेरनुङमी। गो मेको आन कली कोक्‍त। मुल गोरशो रागीमी खेरनुङमी। मेको आन ङोंइती ङा हुल आन कली पूर्ब ङा समुन्‍द्र गे नु मेको आन नोले ङा हुल आन कली पच्‍छिम ङा समुन्‍द्र गे खेरनुङमी। मिनु मेको आन राक्‍शो रिना इर गे लाइब” दे परमप्रभुमी देंत। मेकोमी थमा पा ठेयब गेय पशो बाक्‍ब। 
\p  
\v 21 रागी ङा मुर महिनीन। गे ग्‍येरशा सोम्‍सीशा बाक्‍कीन। परमप्रभु यावेमी ठेयब गेय पशो बाक्‍ब।  
\v 22 गे ब्‍वाकी ङा जन्‍तु महिनीन। मारदे हना गोरशो रागी ङा योव़तीक गिगी दुम्‍शो बाक्‍ब। रवाम फल सित्‍नीम। फोव़शी रवा नु अङगुर आ बोटमी शुश फल सित्‍नीम। 
\p  
\v 23 गे सियोन ङा मुरपुकी ग्‍येरसीन। गेपुकी परमप्रभु यावे, इन परमप्रभु आ पर्बम शुश ग्‍येरसीन। मारदे हना मेकोमी आ ठीक पतीकेम इन कली ङोंइती ङा रेउ गेशो बाक्‍त। मेकोमी इन कली शुश रेउ गेशो बाक्‍त। ङोंइती नु नोले ङा रेउ ङोंइती खोदेंशो पा गेशो बाक्‍त। \em येरमीया ५:२४\em* 
\v 24 मिनु खलापुकी अन्‍नमी ब्रीनीम। गरपुकी नक अङगुर शांबु नु तेलम ब्रीशा क्‍युप्‍नीम। 
\p  
\v 25 परमप्रभु यावेमी “गो इन कली लेस्‍वा माले, तोङले माले, सल्‍हा माले नु घांस ख्रोइश्‍शा ब्‍वाइब माले आन नेक्‍शो नेल्‍ल लेश्‍शा गेनन्‍नी। मेको आं सोइश्‍शो लडाइ पाइबपुकी बाक्‍तेक्‍म। गो मेको आन कली इन दातेमी सोइक्‍ताक्‍ङमी। \em योएल १:४\em* 
\p  
\v 26 मिनु गे शुश जचा तशा रूनीनी। मिनु इन पर्बम छक लाक्‍चा ङा गेय पाइब परमप्रभु यावे, इन परमप्रभु आ नें ठेयब सेल्‍चा माल्‍नीनी। मिनु आं मुरपुकी लेंशा गेनायो मुने मदोक्‍नीम। \em ब्‍यवस्‍था ८:१०\em* 
\v 27 गो इस्राएली आन दातेमी बाक्‍शो बाक्‍नुङ। गो परमप्रभु यावे, इन परमप्रभु नङ। आं क्‍येङा लाक्‍शा, अर्को परमप्रभु मबाक्‍ब, दे गे तुइक्चा माल्‍‍नीनी। मिनु आं मुरपुकी लेंशा गेनायो मुने मदोक्‍नीम। 
\s1 परमप्रभु आ सोक्‍त मोइक्‍तीके 
\r प्रेरित २:१६-२१ 
\p  
\v 28 मिनु नोले गो आं सोक्‍त मुर नेल्‍ल आन तार मोइक्‍नुङ। मिनु इन तमी तौपुकीमी आं लोव़ पाइनीम। इन खाल्‍पापुकीमी ङोमु ताइनीम। मिनु इन वोंइश आलपुकीमी आं कोंइशो ताइनीम। \em गन्‍ती ११:२९; यसैया ४४:३; इजीकीएल ३९:२९; तीतस ३:५-६\em* 
\v 29 मेको नाक्‍ती गो वाइलीम वाइल आन तारी यो आं सोक्‍त मोइक्‍नुङ। 
\p  
\v 30 गो सरीङ नु रागीम चिन्‍ड कोंइनुङमी। हुश, मी नु कुन के थाम कोंइनुङमी। \em होसे ७:१\em* 
\v 31 परमप्रभु यावे आ ठेयब हिंचा ङा नाक्‍त जाक्‍चा क्‍येङा ङोंइती नां छिङछिङ दुम्‍ब। मिनु तास्‍ला हुश दुम्‍ब” देंशो बाक्‍ब। \em योएल २:२,१०,११; मत्ती २४:२९; प्रकाश ६:१२\em* 
\v 32 मेना परमप्रभु यावे आ नें थोइब नेल्‍ल ब्रोंइचा ताइनीम। मारदे हना परमप्रभु यावेमी देंशो खोदेंशो पा सियोन डांडा नु यरूसलेममी परमप्रभु यावेमी ब्रेश्‍शोपुकी ब्रोंइचा ताइनीम। मिनु मेको प्रोंइशो आन दातेमी परमप्रभु यावे आ योव़शो मुर बाक्‍नीम। \em रोमी १०:१३; ओबदिया १७\em* 
\c 3  
\s1 मुर आन कली निसाफ पशो 
\p  
\v 1 परमप्रभु यावेमी “मेको नाक्‍ती गो यहूदा नु यरूसलेम आस रिम्‍शो दुम्‍तीक नाक्‍ती लेश्‍शा चाक्‍नुङ। \em होसे ७:१\em* 
\v 2 मिनु गो रागी रागी ङा मुर नेल्‍ल आन कली खुप्‍शा, येहो-शाफात आ दिंममी चाक्‍नुङमी। मिनु मेकेर मेको आन कली निसाफ पाइनुङ। मारदे हना मेकोपुकीमी आं मुर आन कली रागी रागी ङा मुर आन दातेमी ब्रपाइक्‍तेक्‍म। मिनु आं रागी भाग भाग सेल्‍तेक्‍म।  
\v 3 मेकोपुकीमी आं मुर आन पर्बम फेन्‍टे ग्‍यारतेक्‍म। मिनु वोंइश आल लेयशा, ते‍ल्‍लेम नु लाम्‍तेक्‍म। मीश आल आन कली लेयशा, अङगुर शांबु तूतेक्‍म। 
\p  
\v 4 टायर, सीदोन नु पलिस्‍ती आन रागी ङा मुरपुकी आं कली मार पाइ‍नीनी ङा? मार, आं पशो आ पर्बम आं कली क्‍येक्‍क लेत्‍नीनी? गेपुकीमी आं कली क्‍येक्‍क लेत्‍ताक्‍नी हना, गो मेको रीब पा इन पिया तार मोइक्‍नुङ।  
\v 5 मारदे हना गे आं सुन, चांदी नु थम रिम्‍शो थोव़क नेल्‍ल इन दरवारम लाइक्‍तीनी।  
\v 6 मिनु गे यहूदा नु यरूसलेम ङा मुर आन कली मेको आन रागी रे लाइश्‍शा, ग्रीस ङा मुर आन कली लेयतीनी।  
\v 7 मुल गो मेको आन कली लेयशो रागी रे ग्रुंइशा, चाक्‍नुङमी। मिनु गो इन श्‍येत गेशो लेंशा इन पिया तार मोइक्‍नुङ।  
\v 8 मुल गो इन तमी तौ आन कली यहूदा ङा मुर आन कली लेयनुङमी। मिनु मेकोपुकीमी मेको आन कली ङोन साबा रागी ङा मुर आन कली लेयनीम” दे परमप्रभु यावेमी देंशो बाक्‍ब। 
\p  
\v 9 मिनु परमप्रभुमी “एको लोव़ रागी रागी ङा मुर आन दातेम नेंपतीन। लडाइ पचा कली ठीक दुमीन। लडाइ पाइब आन कली ब्रेत्‍तीन। बुक्‍तीक आ नेक्‍था जाक्‍चा माल्‍नीम।  
\v 10 गे इन फाली शोल्‍शा, तुप्‍शा तरवार सेलीन। मिनु इन गुये तुप्‍शा, तूतीक भाला सेलीन। मिनु गे हिंब मुरपुकीमी ‘गो बोल्‍यो लडाइ पाइब नकी’ देनीन। \em यसैया २:४\em* 
\p  
\v 11 एर ओंथ बाक्‍शो रागी रागी ङा मुर नेल्‍ल रीब पा जाक्‍कीन। गे नेल्‍ल मेकेर खुम्‍सीन। परमप्रभु यावे, इन बोल्‍यो लडाइ पाइब आन कली उइ यितीन।  
\v 12 मिनु रागी रागी ङा मुर नेल्‍ल जोंब बोक्‍शा, खुम्‍सीशा येहो-शाफात आ दिंममी लमल। मारदे हना गो एर ओंथ ङा रागी ङा मुर नेल्‍ल आन कली निसाफ पाइनुङ। 
\p  
\v 13 मिनु इन गुयेमी रिक्‍चा ठीक दुमीन। मारदे हना बाली नाली खुप्‍ची जाक्‍शो बाक्‍ब। मिनु ओव़शा अङगुर ख्राक्‍कीन। मारदे हना कोल ब्रीशो बाक्‍त। गर ब्रीशा क्‍युप्‍शो बाक्‍नीम। मेको खोदेंशो पा आन मरिम्‍शो पशो शुश दुम्‍त। \em प्रकाश १४:१५; यसैया ६३:३,६; प्रकाश १४:१८\em* 
\p  
\v 14 मिनु निसाफ पतीक दिंममी शुश मुर जाक्‍स ङा जाक्‍स बाक्‍नीम। मारदे हना मेको दिंममी परमप्रभु यावे आ निसाफ पतीक नाक्‍ती जाक्‍चा चिक्‍शो बाक्‍ब।  
\v 15 नां नु तास्‍ला छिङछिङ दुम्‍नीस। मिनु सोरुलपुकीमी आन छेङछेङ मकोंइनीम” देंत। \em योएल २:१०; योएल ३:४\em* 
\p  
\v 16 परमप्रभु यावेम सियोन रे ठेयब सेंदा पा लोव़ पाइब। यरूसलेम रे पा आ सेंदा नेंपाइक्‍ब। सरीङ नु रागी ख्रिंख्रि पाइनीस। तन्‍न परमप्रभु यावे आ मुर आन कली ख्रुइश्‍शा बाक्‍तीक नु इस्राएल ङा मुर आन कली बोल्‍यो ब्रोंइशा बाक्‍तीक दरवार दुम्‍ब। \em आमोस १:२\em* 
\s1 परमप्रभु सियोनम बाक्‍ब 
\p  
\v 17 “गो, परमप्रभु यावे, इन परमप्रभु आं डांडा सियोनम बाक्‍नुङ, दे गे तुइक्‍नीनी। मिनु यरूसलेम आं के दुम्‍ब। मिनु रागी रागी ङा मुर मेको सहर ङा लां रे पा मलाक्‍नीम। \em इजीकीएल ३४:३०\em* 
\p  
\v 18 मेको नाक्‍ती डांडाम शुश अङगुर सित्‍नीम। मिनु पहाडम दूध शुश बाक्‍ब। यहूदा ङा खोला नेल्‍लेमी ब्‍वाक्‍कु शाइक्‍नीम। मिनु परमप्रभु यावे आ खिं रे पा ब्‍वाक्‍कु बुक्‍तीके शित्तीम ङा दिंम जिप्‍पाइक्‍ब। \em आमोस ९:१३; इजीकीएल ४७:१\em* 
\p  
\v 19 मिनु यहूदा ङा दोस मताइब मुर आन कली मरिम्‍शो पतीके नु हुश ख्राक्‍श पोक्‍तीके इजीप्‍त रागी मुर मबाक्‍तीके दुम्‍ब। मिनु एदोम चहिं कोक्‍त रागी दुम्‍ब।  
\v 20 तन्‍न यहूदा रागीम गेना हना यो मुर बाक्‍नीम। मिनु यरूसलेम नेल्‍ल पाला ङा मुर आन कली दुम्‍‍ब। \em ओबदिया १०:-\em* 
\v 21 गो मेको आन हुश ख्राक्‍श पोक्‍शो क्‍येक्‍क लेत्‍नुङमी। मिनु आन पाप मक्‍याम्‍नुङ” दे परमप्रभुमी देंत। परमप्रभु यावे सियोनम बाक्‍ब। \em ब्‍यवस्‍था ३२:४३; इजीकीएल ४८:३५\em*