\id JOB  
\h अय्‍युब 
\toc1 अय्‍युब 
\toc2 अय्‍युब 
\toc3 अय्‍युब 
\mt1 अय्‍युब 
\ip \bd ब्रेक्‍ब मुर:\bd* साइ ङा टाल्‍मुत माइश्‍शो किताबम मोसा एको किताब ब्रेक्‍ब मुर बाक्‍ब, दे ब्रेक्‍शो बाक्‍ब। तन्‍न अर्को जोक्‍ब तुइक्‍ब मोसा आ बाक्‍ची ना क्‍येङा नोले ङा मुर ब्रेक्‍ब बाक्‍नीम देंनीम। 
\ip \bd गेना बाक्‍शो:\bd* अय्‍युब ठेयब मुर दुम्‍शा, मोसा आ क्‍येङा ङोंइती, अब्राहाम, इसहाक नु याकूब आन बाक्‍ची ना ब्रोंइशो बाक्‍त। एको काथा ला ममाइ, थमा पा अय्‍युब मुर का बाक्‍त, दे उत्‍पत्ती रे यो तुंइसीब। अय्‍युब किताबम ब्रेक्‍शो नें उत्‍पत्तीमी यो बाक्‍नीम।
\tr
\tc1 ऊज 
\tc2 अय्‍युब १:१ 
\tc3 उत्‍पत्ती १०:२३
\tr
\tc1 साबा 
\tc2 अय्‍युब १:१५
\tc3 उत्‍पत्ती १०:२८
\tr
\tc1 कल्‍दी रागी
\tc2 अय्‍युब १:१७ 
\tc3 उत्‍पत्ती ११:३१
\tr
\tc1 एलीफाज 
\tc2 अय्‍युब २:११ 
\tc3 उत्‍पत्ती ३६:१५
\tr
\tc1 शुआह 
\tc2 अय्‍युब २:११ 
\tc3 उत्‍पत्ती २५:२ नु अर्को। 
\ip \bd मार ब्रेक्‍शो:\bd* 
\io1 १. अय्‍युब शुश शोंप पाइश्‍शो नु श्‍येत जाइब दुम्‍शो \em अय्‍युब १:-३:-\em* 
\io1 २. अय्‍युब आ वारच नु लोव़ पशो \em अय्‍युब ४:-३७:-\em* 
\io1 ३. अय्‍युब परमप्रभु नु लोव़ पशो \em अय्‍युब ३८:-४२:६\em* 
\io1 ४. अय्‍युब श्‍येत जवा नोले \em अय्‍युब ४२:७-१७\em* 
\c 1  
\s1 अय्‍युब कली नाक्‍शो 
\p  
\v 1 साइ नेसी ऊज रागीमी अय्‍युब नें पाइश्‍शो मुर का बाक्‍माक्‍‍त। मेको ब्रोंइम सम्‍म दोस मतथु नु रिम्‍शो थुं पाइश्‍शो दुम्‍शा बाक्‍चा माल्‍ब मुर बाक्‍माक्‍त। मेको परमप्रभु कली मान पा हिंशा मरिम्‍शो पतीक रे ङोन बाक्‍ब मुर बाक्‍माक्‍‍त। \em येरमीया २५:२०; बिलाप ४:२१; इजीकीएल १४:२४,२०; याकूब ५:११\em* 
\v 2 मेको के ७ जना तौ नु तमी सां बाक्‍मा बाक्‍त।  
\v 3 मेको के ७ हजार भेडा, हजार सां दल‍ओंठ, ५ सहे हाल ब्‍यफ नु ५ सहे गधा बाक्‍मा बाक्‍त। मिनु शुश वाइलीम वाइल यो बाक्‍मा बाक्‍त। मोपा अय्‍युब पूर्ब ङा नेल्‍ल क्‍येङा शोंप पाइश्‍शो नु ठेयब मुर बाक्‍माक्‍त।  
\v 4 मेको आ तौपुकीम पाल्‍पालो पा आन आन खिंमी भोज पतीक पाइबाक्‍मा बाक्‍त। मिनु मेकोपुकीम जचा तूचा कली आन समी सांफा आन कली यो ब्रेप्‍‍बाक्‍मा बाक्‍त।  
\v 5 मिनु अय्‍युबम मेको आन भोज पतीक नाक्‍त नेल्‍ल नुम नोले, आ तमी तौ आन कली “परमप्रभु आ ङोंइती ठीक सेल्‍सीन” देंथ, मुर सोइक्‍बाक्‍माक्‍त। मिनु अय्‍युबमी सुनी कना बोक्‍शा, मेको आन पर्बम चोशा चढ़ेतीक का का चढ़ेशा, मेको आन पाप क्‍याम्‍तीक गेय पाइबाक्‍माक्‍त। मारदे हना मेकोमी “आं आलपुकीम मारेइ पा परमप्रभु आ पर्बम पाप पामे कों” दे मिम्‍शा, गेना हना यो मो पाइबाक्‍माक्‍त। 
\s1 ङोंइती ङा खेयप नाक्‍शो 
\p  
\v 6 मिनु काबु स्‍वर्गम बाक्‍ब परमप्रभु आ मुरपुकी परमप्रभु यावे आ ङोंइती जाक्‍मानु, सैतान यो मेकोपुकी नु जाक्‍माक्‍त। \em अय्‍युब २:१; उत्‍पत्ती ६:२; १इतिहास २१:१\em* 
\v 7 मिनु परमप्रभु यावेमी सैतान कली “गे ते रे जाक्‍ङे?” दे हिल्‍लो पवा बाक्‍त। मिनु सैतानमी परमप्रभु यावे कली “रागी ङा एर ओंथ नेल्‍ल हिरशा जाक्‍ती” देंमाक्‍त।  
\v 8 मिनु परमप्रभु यावेमी सैतान कली “गे आं गेय पाइब अय्‍युब कली तवी? परमप्रभु कली मान पा हिंब, मरिम्‍शो पतीक रे ङोन बाक्‍ब, रागीम मेको खोदेंशो पा पाप मपाइब नु ब्रेम्‍शो मुर अरु सुइ मबाक्‍नीम” दे मदा बाक्‍त।  
\v 9 मिनु सैतानमी परमप्रभु यावे कली “मार, अय्‍युब परमप्रभु कली मो मान पा हिंशो बाक्‍बा ङा? \em भजन संग्रह ७३:१३\em* 
\v 10 गे मेको कली मेको आ खिं, आ शोंप नु आ मारेइ मारेइ नेल्‍ल एर ओंथ तेइ तेइ रे थरपु हिरशा, मवोइश्‍शो बाक्‍नीनी ङा? मेको आ गेय नेल्‍लेम गे आसीक गेशा वोइश्‍शो बाक्‍नीनी। मेको आ क्‍यारश भेडा नु बी ब्‍यफ शुश दुम्‍शो बाक्‍नीम।  
\v 11 तन्‍न गे इन गुइ दिंशा, मेको आ मारेइ मारेइ थि‍ने। मिनु मेकोमी इन कली इन ङोंइतीन सराप चीले पाइब” देंमाक्‍त।  
\v 12 मिनु परमप्रभु यावेम सैतान कली “दुम्‍ब मोदेंशोन दुम्‍ल। मेको के मार मार बाक्‍मे, मेको नेल्‍ल इ मिम्‍शो पावो। तन्‍न अय्‍युब कली चहिं मारेइ मपतो” दे मदा बाक्‍त। मिनु सैतान परमप्रभु यावे आ ङोंइती रे गाक्‍माक्‍त। \em ब्‍यवस्‍था ८:२\em* 
\s1 अय्‍युब आ मारेइ मारेइ खतम दुम्‍शो 
\p  
\v 13 मिनु काबु अय्‍युब आ तमी तौ आन ठेयब लोक्‍ब आ खिंम, जन जन, तून तून बाक्‍मा बाक्‍‍त।  
\v 14 मेको नाक्‍ती लोव़ कुरब मुर का दोरशा जाक्‍शा अय्‍युब कली “ब्‍यफपुकी वाक्‍ना वाक्‍न बाक्‍मानु नु गधापुकी मेको आन नेक्‍था जोना जोन बाक्‍मानु,  
\v 15 साबा रागी ङा मुरपुकी जाक्‍शा, गोठला आन कली लडाइ तोशा साइक्‍तेक्‍म। मिनु मेको मारेइ मारेइ योल्‍ताक्‍म। इन कली एको लोव़ शोव़चा कली गो का ला ब्रोंइती” देंमाक्‍त।  
\v 16 मेकोमी मेको लोव़ पन पना अर्को लोव़ कुरब मुर का जाक्‍शा, मेकोमी “परमप्रभु आ मी सरीङ रे दोक्‍शा, भेडा नु गोठला नेल्‍ल आन कली नेक्‍तु। इन कली एको लोव़ शोव़चा कली गो का ला ब्रोंइती” देंमाक्‍त। \em भजन संग्रह ७८:४८\em* 
\v 17 मिनु मेकोम लोव़ पन पना, अर्को लोव़ कुरब मुर का जाक्‍शा “हुल सां कल्‍दी रागी ङा मुर जाक्‍शा, गोठला आन कली तरवारम क्‍योरशा दल‍ओंठ नेल्‍ल योल्‍ताक्‍म। इन कली एको लोव़ शोव़चा कली गो का ला ब्रोंइती” देंमाक्‍त। \em येरमीया ५१:२४\em* 
\v 18 मेकोम लोव़ पन पना अर्को यो दोरशा जाक्‍शा “इन तमी तौ आन ठेयब लोक्‍ब आ खिंम जना जन तूना तून बाक्‍तेक्‍म।  
\v 19 मेना गोरशो रागी रे फश गिवार जाक्‍शा, खिं आ एर ओंथ नेल्‍ल रे थोक्‍ताक्‍व। मिनु मेको खिं मेको आन तार ब्रेश्‍शा, मेको नेल्‍ल आन कली चिप्‍शा साइक्‍तु। इन कली एको लोव़ शोव़चा कली गो का ला ब्रोंइती” देंमाक्‍त। 
\p  
\v 20 मिनु अय्‍युब बोक्‍शा आ वा खाक्‍गा बाक्‍त। आ चां प्रेक्‍गा बाक्‍त। मिनु खुम्‍की पा बाप्‍शा,  
\v 21 “गो आं ममा आ कोव़ज रे शिश्रा यिती। शिश्रा लेश्‍शा लाइनुङ। गो ते रे श्‍येत्‍थी जाक्‍ङा, मेकेन श्‍येत्‍थी लेश्‍शा, लाइनुङ। मेको नेल्‍ल परमप्रभु यावेमी गेती। मिनु मेकोमी नेल्‍ल लेश्‍शा लाइक्‍तु। परमप्रभु यावे आ नें ठेयब बाक्‍ल” देंमाक्‍त। \em उपदेसक ५:१४; १तिमोथी ६:७; याकूब ५:११\em* 
\p  
\v 22 मेको नेल्‍लेमी अय्‍युबमी पाप मपवा बाक्‍त। परमप्रभु कली दोस मगेवा बाक्‍त। 
\c 2  
\s1 निक्‍शी खेयप नाक्‍शो 
\p  
\v 1 मिनु काबु स्‍वर्गम बाक्‍ब परमप्रभु आ मुरपुकी परमप्रभु यावे आ ङोंइती जाक्‍मानु, सैतान यो मेकोपुकी नु परमप्रभु यावे आ ङोंइती जाक्‍माक्‍त। \em अय्‍युब १:६\em* 
\v 2 मिनु परमप्रभु यावेम सैतान कली “गे ते रे जाक्‍ङे?” दे हिल्‍लो पवा बाक्‍त। मिनु मेकोमी परमप्रभु यावे कली “रागी ङा एर ओंथ नेल्‍ल हिरशा जाक्‍ती” देंमाक्‍त।  
\v 3 मिनु परमप्रभु यावेम सैतान कली “गे आं गेय पाइब अय्‍युब कली तवी? रागीमी मेको खोदेंशो अरु सुइ मबाक्‍नीम। मेको दोस मताइब, गेना हना यो ठीक पाइब नु आं कली मान पा हिंब बाक्‍ब। मेकोम मरिम्‍शो मपाइब। गे मेको कली श्‍‍येत गेचा कली आं कली क्‍युक्‍ती, हना यो मुल सम्‍म मेको आ थमा सुइक्‍तीके ग्‍येत्‍थ लुक्‍च मदुम्‍शो बाक्‍ब” दे मदा बाक्‍त।  
\v 4 मिनु सैतानम परमप्रभु यावे कली “कुशुल आ पा ङा कुशुल। मुरुम ब्रोंइचा कली आ मारेइ मारेइ मगेबा ङा?  
\v 5 इन गुइ दिंशा, मेको आ रुश नु श्‍ये थि‍ने। मिनु मेकोम इन ङोंइतीन इन कली सराप चीले पाइब” दे लोव़ लेत्‍ता बाक्‍त।  
\v 6 मिनु परमप्रभु यावेम सैतान कली “लो मो हना, मेको कली इ मिम्‍शो पावो। तन्‍न मेको कली मसतो” देंमाक्‍त। 
\p  
\v 7 मिनु सैतान परमप्रभु यावे आ ङोंइती रे गाक्‍माक्‍त। मेकोमी अय्‍युब आ पिया रे खोइल सम्‍म गार मुपदा बाक्‍त। \em ब्‍यवस्‍था २८:२७\em* 
\v 8 मिनु अय्‍युबम ब्‍वाम्‍सीचा कली गर आ गम्‍टे का शेशा पुलु तार निस्‍से बाक्‍त। 
\p  
\v 9 मिनु मेको आ मीशेमी मेको कली “मार, गे मुल सम्‍म थमा सुइक्‍चा मप्रोंइनीनी? परमप्रभु कली सराप चीले पा बेक्‍कीन” दे मदा बाक्‍त।  
\v 10 तन्‍न अय्‍युबमी “गे मूर्ख मीश मुर खोदेंशो पा लोव़ पाप्‍तीवी। परमप्रभु आ गेशो रिम्‍शो चहिं ताक्‍शा, मरिम्‍शो चहिं मताक्‍चा ङा?” दे मदा बाक्‍त। मेको लोव़ नेल्‍लेम अय्‍युबमी मारेइ पाप मपवा बाक्‍त। \em अय्‍युब १:२२\em* 
\s1 अय्‍युब आ वारच सां जाक्‍शो 
\p  
\v 11 मिनु अय्‍युब आ वारच सांम मेको कली मोदेंशो श्‍येत दुम्‍शो लोव़ नेन्‍मे बाक्‍त। मेको आन नें तेमान ङा एलीफाज, शुआह ङा बिल्‍दाद नु नामा ङा सोफार बाक्‍मा बाक्‍त। मिनु मेकोपुकीम मेको कली लेम्‍चा कली नु मेको आ थुं नाइक्‍पाइक्‍चा कली गारशा आन खिं प्रोंइशा अय्‍युब आ खिंम जाक्‍मा बाक्‍त। \em उत्‍पत्ती ३६:१५; येरमीया ४९:७; उत्‍पत्ती २५:२; यहोसु १५:४१\em* 
\v 12 मिनु मेकोपुकीम अय्‍युब कली ङोन रे तशा, अय्‍युब कली मतुइक्‍तमे बाक्‍त। मिनु मेकोपुकीम अय्‍युब कली तुइक्‍तमे नोले वाइ ब्रेश्‍शा ङाक्‍शा, श्‍येत लाक्‍शा आन वा खाक्‍शा, आन पियाम फुरक फुंइस‍मा बाक्‍त।  
\v 13 मिनु मेकोपुकी ७ नाक्‍ती नु ७ नाक्‍दो मारेइ लोव़ मपथु, मेको आ नेक्‍था खपीम निस्‍समा बाक्‍त। मारदे हना मेकोपुकीम अय्‍युब कली शुश श्‍येत दुम्‍शो तामे बाक्‍त। 
\c 3  
\s1 अय्‍युबम लोव़ पशो 
\p  
\v 1 मिनु नोले अय्‍युबम आ जरमेशो नाक्‍ती कली सराप चीले पवा बाक्‍त। \em येरमीया २०:१४-१८\em* 
\v 2 मिनु अय्‍युबम  
\v 3 “आं जरमेशो नाक्‍त खतम दुम्‍ल। ‘वोंइश आल का जोल्‍शो बाक्‍ब’ देंशो नाक्‍दो खतम दुम्‍ल।  
\v 4 मेको नाक्‍त छिङछिङ दुम्‍ल। परमप्रभुम मेको कली ममिम्‍तल। मेको नाक्‍ती हाम्‍सो मदुम्‍ल।  
\v 5 मेको नाक्‍ती कली क्‍येर छिङछिङम सुमल। मेको गोस्‍सुम सुम‍ल। मेको आ छिङछिङ हिंचा ङा दुम्‍ल।  
\v 6 मेको नाक्‍दो कली थम छिङछिङम सुमल। बर्स ङा नाक्‍त आन दातेम मेको ग्‍येरचा मतवल। महिना ङा हिक्‍तीकेम मेको नाक्‍ती हिक्‍चा मपुंइसेक्‍ल।  
\v 7 मेको नाक्‍दो आल मथीब दुम्‍‍ल। मेको नाक्‍दोमी ग्‍येरशो सेंदा मनेंसेक्‍ल।  
\v 8 नाक्‍त कली सराप चीले पाइ‍ब मुरुम, मेको नाक्‍ती कली सराप चीले पवल। मेकोम लेव्‍याथन कली पोक्‍चा कली ठीक दुम्‍शो बाक्‍ब।  
\v 9 मेको आ सुनी ङा सोरुल आ हाम्‍सो मतांइसेल। मेकोम नां सोव़चा कली रिम्‍शो मोशा दुम्‍ल। नां दाप्‍शो गेनायो तचा मतवल।  
\v 10 मारदे हना मेकोम आं कली जरमेब ममा कली मतेक्‍गा। मिनु आं कली श्‍येत मजचा ङा पा मख्रुइक्‍ती। 
\p  
\v 11 गो मारदे जरमेसी ङा चोटीन मबेक्‍ङा? गो मारदे कोव़ज रे ग्रूङानु मबेक्‍ङा?  
\v 12 मारदे आं कली वोइक्‍चा कली थुकु बाक्‍मे? मारदे आं कली तुंइचा कली दूध बाक्‍मे?  
\v 13 मो दुम्‍शो हना, गो सिक्‍सी पा गोल्‍शो बाक्‍ङ वा। गो इप्‍शा नाइश्‍शा बाक्‍ङ वा। \em २सामुएल १८:१८\em* 
\v 14 गो रागी ङा पिपपुकी नु मेको आन कली अर्ती गेबपुकी नु बाक्‍ङ वा। मेकोपुकीम आंम आन कली ब्रेश्‍शो दरवारपुकी लेंशा सेल्‍नीम।  
\v 15 शुश सुन पाइश्‍शो तौ नु बाक्‍ङ वा। मेकोपुकीम आन खिं चांदीम प्रिंनीम।  
\v 16 मारदे गो शाम्‍शो आल खोदेंशो पा थिम्‍चा मपुंइसीङा? मो दुम्‍शो हना गो हाम्‍सो गेनायो मतशो आल खोदेंशो पा बाक्‍ङ वा।  
\v 17 मेकेर परमप्रभु यावे आ अरेशो मटीबपुकीम ग्रांग्‍ये माग्‍ये पने मचाप्‍नीम। मेकेर दशो मुरपुकी नाइक्‍चा ताइनीम।  
\v 18 मेकेर चोक्‍शा वोइश्‍शोपुकी नाइक्‍चा ताइनीम। गेय पपाइक्‍ब आ सेंदा मनेंसीब।  
\v 19 मेकेर ठेयब नु आइक्‍च नेल्‍ल बाक्‍नीम। वाइलीम वाइल यो आन होव़प रे ब्रोंइशो बाक्‍नीम। 
\p  
\v 20 श्‍येत जाइब कली मारदे हाम्‍सो तचा गेशो बाक्‍बा? आन थुं लुक्‍च लशो कली मारदे ब्रोंइचा गेशो बाक्‍बा?  
\v 21 मेकोमी बेक्चा कली रिम्‍शो बाक्‍ब। तन्‍न मेको मबेक्‍ब। मेकोमी थिम्‍शा वोइश्‍शो शोंप दोशा माल्‍शो क्‍येङा यो शुश माल्‍ब। \em प्रकाश ९:६\em* 
\v 22 मेकोपुकी तुरसुम जाक्‍दीम्‍मानु आन थुं नाइश्‍शा, शुश ग्‍येरसीनीम।  
\v 23 परमप्रभुम लां मताइब आन कली मारदे हाम्‍सो गेशो बाक्‍बा? मेको आन एर ओंथ नेल्‍ल रे थरपु हिरशो बाक्‍ब। \em अय्‍युब १९:८\em* 
\v 24 आं जचा थोव़क आ पा ङा हुकयी पतीके दुम्‍शो बाक्‍ब। आं हुक‍यी पशो ब्‍वाक्‍कु खोदेंशो पा यीब।  
\v 25 गो मार मिम्‍शा हिंङा, मेकोमीन थित्‍ती। गो मार तशा शुश हिंङा, मेको आं तार जाक्‍त।  
\v 26 आं थुं मनांइसीब। गो सिक्‍सी पा मबाक्‍नुङ। नाइक्‍चा मताइनुङ। श्‍येत ला जाक्‍ब” देंमाक्‍त। 
\c 4  
\s1 एलीफाजम लोव़ पशो 
\p  
\v 1 मिनु तेमान ङा एलीफाजमी अय्‍युब कली  
\v 2 “मार, सुइमी गे नु लोव़ पचा माल्‍तु हना, इन थुं खाइक्‍पाइक्‍नीनी? तन्‍न सु मब्‍वाक्‍थु बाक्‍ने चाप्‍नीमी ङा?  
\v 3 गे शुश मुर आन कली शेंताक्‍नी। गे मचाप्‍ब मुर आन कली बोल्‍यो सेल्‍तीनी।  
\v 4 दाइल पा गोल्‍शो आन कली इन लोव़मी आन थुं बारपाइक्‍तीनी। मिनु गे खोइल मथेक्‍ब आन कली खोइल थेक्‍ब सेल्‍तीनी।  
\v 5 तन्‍न मुल इन तार मोदेंशो श्‍येत जाक्‍मेनु, गे फाल्‍ने मचाप्‍ब दुम्‍शो बाक्‍नीनी। मेको श्‍येतमी इन कली थिवानु, इन थुं लुक्‍च लशो बाक्‍ब।  
\v 6 मार इन परमप्रभु कली मान पा हिंतीकेम थमा मसुइक्‍नीनी? इन ठीक पतीकेमी आस मगेबा? 
\p  
\v 7 मारेइ दोस मताइब मुर खतम दुम्‍शो बाक्‍नीमी? मेको मिम्‍तीन। गेना हना यो रिम्‍शो पाइब मुर साइक्‍चा पुंइसीनीमी?  
\v 8 मरिम्‍शो पाइब नु ग्रांग्‍ये माग्‍ये पोक्‍ब आंम आन पशो ताइनीम। \em हितोपदेस २२:८\em* 
\v 9 परमप्रभु आ मुइश्‍शोम मेकोपुकी खतम दुम्‍‍नीम। मिनु मेको आ गाइश्‍शो आ मीम नेक्‍चा पुंइसीनीम।  
\v 10 गुप्‍स ग्रीमल, बोल्‍यो गुप्‍स ङरर ङरर पामेक्‍ल। मो हना यो ठिटा गुप्‍स आन ख्रुइ जिक्‍चा पुंइसाक्‍म।  
\v 11 बोल्‍यो गुप्‍सपुकी सिखार ब्‍वचा मतथु नुप्‍नीम। मिनु छाउरी गुप्‍स आन चाइक्‍ब एर ओंथ ब्राइ‍नीम। 
\p  
\v 12 आइक्‍च लोव़ का आं नोफाम नेंता। मिनु गो शिप शिप पा लोव़ पशो नेंता।  
\v 13 नाक्‍दो ङोमु ततीके बाक्‍ब। मुर ठेयब निन्‍द्रा पशो बाक्‍नीम। \em अय्‍युब ३३:१५; उत्‍पत्ती १५:१२\em* 
\v 14 मोदुम्‍तीके गो शुश हिंशा ख्रिंख्रि पाता। मिनु मेकोम आं पोक्‍च कली शुश ख्रिंख्रि पपाइक्‍तु।  
\v 15 फश का आं ङोंइती रे पा लत। मिनु आं रां ङा चां बोक्‍तेक्‍म।  
\v 16 मेको दिक्‍शा बाक्‍‍त। तन्‍न मेको मार बाक्‍मे, गो मारेइ मतुइक्‍तु। आं ङोंइती मार कका राप्‍त। नोले सिक्‍सी दुम्‍‍शा, सेंदा का ग्रूत।  
\v 17 मेको सेंदामी ‘मार बेक्‍शा लाइब मुर परमप्रभु आ ङोंइती नेल्‍लेम ठीक पाइब दुम्‍ने चाप्‍बा ङा? मुर आ कली सेल्‍ब क्‍येङा रिम्‍शो दुम्‍ने चाप्‍बा ङा?’ देंत। \em १राजा ८:४६; भजन संग्रह १४:३; हितोपदेस २०:९\em* 
\v 18 परमप्रभुम आ गेय पाइब आन कली थमा मसुइक्‍ब। मिनु आ स्‍वर्ग ङा गेय पाइब आन कली दोस गेब। \em अय्‍युब १५:१५\em* 
\v 19 मिनु खप के खिंम बाक्‍ब मुर मेको आन क्‍येङा शुश दोस मताइनीमी ङा? मुर आन जग फुरक बाक्‍ब। मेको तुम्‍ब खोदेंशो पा दिप्‍शा साइक्‍चा पुंइसीनीम।  
\v 20 मेकोपुकी नाक्‍त काम साइक्‍चा पुंइसीनीम। सुइम मतुइक्‍थु बेक्‍नीम।  
\v 21 मेको आन ताम्‍बु ङा डोरी ग्रुंइशो बाक्‍ब। मेकोपुकी जोक्‍ब तुइक्‍ब मदुम्‍‍थु बेक्‍नीमी” देंमाक्‍त। 
\c 5  
\s1 एलीफाज आ लोव़ 
\p  
\v 1 मिनु एलीफाजमी “मुल ब्रेश्‍शा कोव़ङीन। इन कली सुम लोव़ लेप्‍बाक्‍मा? गे सु कली ‘वारच पाइय्‍यीनी’ दे ब्रेत्‍‍नीनी?  
\v 2 गाइक्‍तीकेम मूर्ख आन कली साइक्‍ब। मिनु गेहे पतीकेम मारेइ मजोक्‍ब आन कली साइक्‍ब।  
\v 3 गो मूर्ख आन शाक्‍श थोक्‍शो तशो बाक्‍नुङ। तन्‍न गो काले‍मीन मेको आन खिं कली सराप चीले पाइक्‍ता। \em भजन संग्रह ३७:३५-३६\em* 
\v 4 मेको आन आल कोव़ब मुर मबाक्‍नीम। मेकोपुकी ठेयब लाप्‍चोम साइक्‍चा पुंइसीनीम। मेको आन कली प्रोंइब सुइ मबाक्‍ब।  
\v 5 शोव़लु बेक्‍शोपुकीम मेको आन खुप्‍शो मारेइ मारेइ नेक्‍नीम। आन जचा थोव़क चू आन दाते रे यो खुप्‍शा योल्‍नीम। तूतू दाक्‍शोपुकी मेको आन शोंप तशा वाल्‍नीम।  
\v 6 मारदे हना श्‍येत जतीके फुरक रे मजाक्‍ब। खप रे श्‍येत मग्रूब।  
\v 7 मुरपुकी श्‍येत जचा कली जरमेसीनीम। मेकोपुकी मी आ फिलीङगो खोदेंशो पा जाम्‍नीम। 
\p  
\v 8 गो मेको नङ हना, गो परमप्रभु कली मलु वा। आं पुंइशो लोव़ परमप्रभु कली देंङ वा।  
\v 9 मेकोमी ठेयब, रुप्‍ने मचाप्‍चा ङा नु छक लाक्‍चा ङा गेय हिक्‍ने मचाप्‍चा ङा पा पाइब। \em अय्‍युब ९:१०\em* 
\v 10 मेकोम खप कली रेउ यिपाइक्‍ब। मिनु रू कली ब्‍वाक्‍कु सोइक्‍ब।  
\v 11 मेकोम महिक्‍सीशो मुर आन कली ठेयब सेल्‍ब। मिनु रोंका पाइब आन कली लेंशा ग्‍येरपाइक्‍‍ब। \em भजन संग्रह ७५:८; लूका १:५२\em* 
\v 12 मेकोम मरिम्‍शो मिम्‍शा पाइब आन कली आन मिम्‍शो मदुम्‍पाइक्‍ब। मिनु मेकोपुकीम आन मिम्‍शो पने मचाप्‍नीम।  
\v 13 मेकोमी आंम कली जोक्‍ब तुइक्‍ब मिम्‍शा गेय पाइब कली आंम गेयमी मेको कली ग्‍याइक्‍पाइक्‍ब। मिनु आन मरिम्‍शो मिम्‍शो रीब पा खतम दुम्‍ब। \em १कोरिन्‍थी ३:१९\em* 
\v 14 मेको आन कली नाक्‍तीन छिङछिङ दुम्‍ब। मिनु नाक्‍ती उइक्‍थ दुम्‍मेनु, मेकोपुकी नाक्‍दो खोदेंशो पा सुल्‍शा गाक्‍नीम। \em यसैया ५९:९-१०\em* 
\v 15 तन्‍न मेकोम मारेइ मथीब आन कली आन मरिम्‍शो लोव़ रे प्रोंइब। मिनु सक्ति पाइश्‍शो आन गुइ रे प्रोंइब।  
\v 16 मोपतीके प्रुङग आन आस बाक्‍ब। मिनु ठीक मपाइबपुकीमी आन शोव़ ख्रेप्‍चा माल्‍नीम। 
\p  
\v 17 परमप्रभुमी ठीक सेल्‍चा पुंइसीशो मुर ग्‍येरसीशो बाक्‍नीम। मोपतीके नेल्‍ल क्‍येङा ठेयब सक्ति पाइश्‍शो आ शेंशो आइक्‍च ममिम्‍तीन। \em भजन संग्रह ९४:१२; हितोपदेस ३:११\em* 
\v 18 मारदे हना मेकोमी गार सेल्‍ब। मिनु मेकोमीन फ्रेंब। मेकोमी तुप्‍ब। मिनु मेकोमीन सापाइक्‍ब। \em ब्‍यवस्‍था ३२:३९; होसे ६:१\em* 
\v 19 मेकोमी इन कली ६ खेयप श्‍येत दुम्‍त हना यो, प्रोंइब। ७ खेयप ङा श्‍येतमी इन कली मथी‍ब। \em भजन संग्रह ३७:२४; हितोपदेस २४:१६\em* 
\v 20 मेकोमी अन्‍काल दुम्‍मेनु, इन कली बेक्‍चा रे प्रोंइब। मिनु लडाइ दुम्‍मेनु, तरवार रे प्रोंइब।  
\v 21 मेकोम इन कली शुक्‍शी पाइब रे प्रोंइ‍ब। मिनु खतम दुम्‍तीक नाक्‍त जाक्‍मेनु गे हिंचा ममाल्‍नीनी।  
\v 22 खतम दुम्‍तीके नु अन्‍काल जाक्‍मेनु, गे रिश्‍शा बाक्‍नीनी। मिनु गे ब्‍वाकी ङा जन्‍तु आन क्‍येङा हिंचा ममाल्‍नीनी।  
\v 23 इन रूमी फुल्‍लु मबाक्‍नीम। मिनु ब्‍वाकी ङा जन्‍तुपुकीम इन कली श्‍येत मगेनीम। \em यसैया ११:६-९; होसे २:२०\em* 
\v 24 गे इन ताम्‍बु मारेइ मदुम्‍शो बाक्‍ब दे तुइश्‍शो बाक्‍नीनी। मिनु गे इन क्‍यारश भेडा कली हिक्‍शा कोव़नीनु, का यो मजाम्‍शो बाक्‍नीम।  
\v 25 इन चच युइ शुश दुम्‍शो बाक्‍नीम। इन आल घांस खोदेंशो पा शुश दुम्‍शो बाक्‍नीम।  
\v 26 गे खूशो दुम्‍शा बेक्‍नीनी। बाली नाली ओंइची ना खोदेंशो पा, इन नाक्‍त जाक्‍ब।  
\v 27 गोपुकीम एको आन पर्बम हिल्‍लो हिक्‍सी पाइतक। मिनु नेल्‍ल थमा बाक्‍ब। मोपतीके एको नेनीन। मिनु तुइक्‍तीन” दे एलीफाजमी अय्‍युब कली मदा बाक्‍त। 
\c 6  
\s1 अय्‍युबमी लोव़ लेश्‍शो 
\p  
\v 1 मिनु अय्‍युबमी  
\v 2 “आं सुर्ता नाक्ने चाप्‍शो हना नु आ शुश हिंचा ङा श्‍येत नाक्‍शो हना,  
\v 3 मेको समुन्‍द्र ङा बाल्‍वा आन क्‍येङा यो शुश हेल्‍शो दुम वा। मोपतीके आं लोव़ रिम्‍शो मबा‍क्‍म कों।  
\v 4 नेल्‍ल क्‍येङा ठेयब सक्ति पाइश्‍शो आ ब्राम आं कली ग्रुक्‍शो बाक्‍नीम। आं सोक्‍तीम मेको आन बीख तूचा माल्‍ब। परमप्रभुमी आं कली हिंपाइश्‍शो बाक्‍ब। \em भजन संग्रह ३८:३\em* 
\v 5 ब्‍वाकी ङा गधा घांस ब्‍ववानु, ग्रीबा ङा? ब्‍यफ आ खोले जवानु, ग्रीबा ङा?  
\v 6 मब्रोव़शो जचा थोव़क हिक्‍सी मसुप्‍थु जने चाम्‍सीबा? मार ब्‍वोफु आ बुश ब्रोव़शो बाक्‍बा ङा?  
\v 7 गो मेको जचा मदाक्‍नुङ। आं कली काइ मब्रोव़ब। 
\p  
\v 8 गो आं पुंइशो तङ हना, परमप्रभुम आं माल्‍शो गेशो हना,  
\v 9 आं कली खतम सेल वा। परमप्रभुमी आं कली साइय्‍यी वा।  
\v 10 मेको मोदेंशो दुम्‍शो हना, आं थुं नांइस वा। मिनु शुश खाइश्‍शा यो ग्‍येरसीङ वा। मारदे हना गो का ला परमप्रभु आ लोव़ मलाक्‍शो बाक्‍नुङ।  
\v 11 गो आं रिम्‍शा बाक्‍‍तीक सक्ति बाक्‍बा ङा? गो दोपा बेक्‍नुङा। गो रिम्‍शा बाक्‍ने चाप्‍नुङा ङा?  
\v 12 आं सक्ति फुल्‍लु खोदेंशो बाक्‍बा ङा? आं श्‍ये कांसा के बाक्‍बा ङा?  
\v 13 थमा पा, गो आंम कली तिक्‍शा वोइक्‍ने मचाप्‍नुङ। आं सक्ति नेल्‍ल लत। 
\p  
\v 14 सुमी आन वारच कली शिशी मपाइनीमी, मेकोम नेल्‍ल क्‍येङा सक्ति पाइश्‍शो कली मान पा हिंचा थुम्‍शो बाक्‍नीम।  
\v 15 आं लोक्‍बपुकी बारशा यीब खोला खोदेंशो बाक्‍नीम। सोव़शो खोला खोदेंशो बाक्‍नीम। \em भजन संग्रह ३८:१२\em* 
\v 16 आन ब्‍वाक्‍कु मरिम्‍शो दुम्‍शा, फुं यशो खोदेंशो पा जाम्‍ब।  
\v 17 मिनु नाप्‍शोमी मेको आ शाइक्‍तीक रे जाम्‍ब।  
\v 18 मिनु लां गाक्‍ब आन लां रे हिरना हिरन गाक्‍नीम। मिनु मेकोपुकी मुर मबाक्‍तीकेम गाक्‍शा, बेक्‍नीम।  
\v 19 तेमा ङा लां गाक्‍बपुकीम तूचा कली मेको खोला ङा ब्‍वाक्‍कु माल्‍तेक्‍म। साबा ङा ग्‍याप्‍ब लेयबपुकीम मेको ब्‍वाक्‍कु तूचा कली आस पाम्‍तेक्‍म। \em अय्‍युब १:१५\em* 
\v 20 मेको आन आस सोव़शो खोला तशा बेक्‍त। मेकेर जाक्‍दीश्‍शा आन थुं बेक्‍त।  
\v 21 मुल गे आं कली मोदेंशो दुम्‍तीनी। गे आं खतम दुम्‍तीके तशा हिनीनी।  
\v 22 गो इन कली ‘आं कली कोसेली चाक्‍कीन’ देंङा ङा? गो इन कली ‘इन शोंप गेयीनी’ देंङा ङा?  
\v 23 मिनु ‘आं कली आं जोरी सत्रु आन गुइ रे प्रोंइ‍‍यीनी’ देंङा ङा? ‘आं कली दिप्‍ब आन गुइ रे प्रोंइ‍यीनी’ दे गो इन कली गेनायो मदेंङ। 
\p  
\v 24 आं कली शेंदीनी। मिनु गो सिक्‍सी पा नेंनुङ। गो मार दूली पङा, आं कली रुप्‍पतीन।  
\v 25 थमा लोव़ बोल्‍यो बाक्‍नीमी। तन्‍न इन देंशो लोव़ मार रिम्‍शो बाक्‍बा ङा?  
\v 26 गे आं लोव़ रिम्‍शो सेल्चा माल्‍नीनी? गे थुं लुक्‍च लशो मुर आ लोव़ फश बाक्‍ब, दे मिम्‍नीनी?  
\v 27 गेपुकीमी रोम रोइक्‍च आन पर्बम फेन्‍टे आप्‍नीनी। मिनु इन वारच आन पर्बम मार मार फाइक्‍नीनी। 
\p  
\v 28 मुल आं कली कोव़ङीन। गो इन कली जोल मपाइनुङ।  
\v 29 गे खिं ले‍तीन। मिनु आं पर्बम अरु मरिम्‍शो मपने। लेतीन। मारदे हना गो ठीक पाइब बाक्‍नुङ।  
\v 30 मार, आं लोव़म मारेइ जोल बाक्‍बा? मार, आं लोव़म रिम्‍शो नु मरिम्‍शो तिल्‍ने मचाप्‍बा ङा?” दे अय्‍युबमी आ वारच कली लोव़ लेत्‍ता बाक्‍त। 
\c 7  
\s1 अय्‍युबमी परमप्रभु नु लोव़ पशो 
\p  
\v 1 मिनु अय्‍युबमी “मुर रागीम बाक्‍मानु, शुश गेय पचा माल्‍नीम। मेको आन नाक्‍ती गेय पाइब आन नाक्‍त खोदेंशो बाक्‍नीम। \em अय्‍युब १४:६\em* 
\v 2 मेको नाक्‍दो ङा वांकु रिम्‍शो वाइलीम वाइल खोदेंशो पा बाक्‍नीम। आ गेय पशो ङा गाल्‍च ताक्‍चा कली रिम्‍शा बाक्‍शो खोदेंशो बाक्‍नीम।  
\v 3 गो महिना नेल्‍ल मोशीन सोइक्‍ताक्‍ङमी। नाक्‍दो कुस कुस श्‍येत जतीके आं भाग बाक्‍ब।  
\v 4 गो नाक्‍दो इप्‍चा कली गोल्‍ङानु, गेना नां सोव़बा, दे मिम्‍नुङ। तन्‍न नाक्‍दो शुश लाइश्‍शो दुम्‍ब। मिनु गो नां मसोव़म सम्‍म एर ओंथ लोक्‍सीशा बाक्‍नुङ।  
\v 5 आं रां लुस्पुम ब्रीशा, फुरक लुम्‍सीशो बाक्‍ब। मिनु आं कुशुल जेश्‍शा नेंने ग्रूशो बाक्‍ब।  
\v 6 आं नाक्‍त वा प्रोव़ब आन थूरी क्‍येङा यो रीब पा लाइ‍नीम। मेको नेल्‍ल आस मपाइश्‍शो दुम्‍‍नीम। \em यसैया ३८:१२\em* 
\p  
\v 7 आं ब्रोंइतीक नाक्‍ती का ले कीशो सोक्‍त खोदेंशो बाक्‍नीम, दे मिम्‍तीन। गो लेंशा रिम्‍शो नाक्‍त तचा मताइनुङ।  
\v 8 आं कली ताइबमी लेंशा गेनायो मताइब। गे आं कली कोव़नीनु, गो लने थुम्‍शो बाक्‍नुङ।  
\v 9 गोस्‍स ब्रशा जाम्‍शो खोदेंशो पा बेक्‍शो मुर आन बाक्‍तीक उइ लाइबपुकी गेनायो लेश्‍शा मजाक्‍नीम।  
\v 10 मेको आन खिंम लेश्‍शा मजाक्‍नीम। मिनु मेको आन बाक्‍‍तीकेमी मेको आन कली मतुइक्‍नीम। \em अय्‍युब १०:२१; अय्‍युब १४:१२; भजन संग्रह १०३:१६\em* 
\p  
\v 11 मोपतीके गो सिक्‍सी पा मबाक्‍नुङ। गो आं थुं ङा श्‍येतम लोव़ पाइ‍नुङ। गो आं लुक्‍च लशो थुंम लोव़ पाइनुङ।  
\v 12 मार, गो समुन्‍द्र नङा? गो समुन्‍द्र ङा ठेयब जन्‍तु नङा? गे मारदे आं कली खाल पाइब वोइक्‍नीनी?  
\v 13 गो आं ब्राख्‍येम गोल्‍शा, आं थुं नाइक्ब, दे मिम्‍नुङ। इप्ङानु आं श्‍येत प्रेंनुङ, दे मिम्‍नुङ।  
\v 14 तन्‍न मेना गे आं कली आं ङोमुम हिंपाइक्‍नीनी। मिनु कोंइतीक कोंइशा आं कली हिंच कोंइनीनी।  
\v 15 मोपतीके गो मेको रांम ब्रोंइचा क्‍येङा सोक्‍त मकीथु बेक्‍चा दाक्‍नुङ।  
\v 16 गो ब्रोंइशा बाक्‍चा मदाक्‍नुङ। गो गेना हना यो ब्रोंइशा बाक्‍चा मदाक्‍नुङ। गे आं कली प्रोंइ‍‍यीनी। मारदे हना आं ब्रोंइशो का ले कीशो सोक्‍त खोदेंशो बाक्‍ब। \em १राजा १९:४\em* 
\v 17 मुर मार नमी ङा? गे मेको आन पर्बम शुश मिम्‍नीनी? मारदे गे मेको आन कली शुश दाक्‍नीनी। \em भजन संग्रह ८:४; भजन संग्रह १४४:३\em* 
\v 18 गे मेको आन कली सुनी कुस कुस कोव़नीनी। गे मेको आन कली गेना हना यो नाक्‍शा कोव़नीनी  
\v 19 गिश सम्‍म आं रे इन मिक्‍च हिरनीनी? शेप्‍‍चुक मदाक्‍गु सम्‍म आं कली प्रोंइ‍‍यीनी।  
\v 20 गो पाप पाता हना यो, इन कली मार दुम्‍बा ङा, गे मुर आ थुं नाक्‍शा कोव़नीनी? गे मारदे आं कली खेदा पस ङा पस बाक्‍नीनी। गे मारदे आं कली तशा ब्रीनीनी?  
\v 21 गे मारदे आं हेंथे पशो माफ मगेयीनी? मारदे आं मरिम्‍शो पशो मक्‍याम्‍नीनी? मुल गो बेक्‍नुङ। मिनु गे आं कली माल्‍तीनी हना यो, मथित्‍नीनी” दे अय्‍युबमी परमप्रभु यावे कली देंमाक्‍त। 
\c 8  
\s1 बिल्‍दाद आ ङोंइती ङा लोव़ 
\p  
\v 1 मिनु शुआह ङा बिल्‍दादमी लोव़ लेश्‍शा  
\v 2 “गे गेना सम्‍म ओदेंशो लोव़ पस ङा पस बाक्‍नीनी। इन लोव़ ठेयब फश ला बाक्‍नीम।  
\v 3 मार, परमप्रभुम दूली निसाफ पाइबा ङा? मार, नेल्‍ल क्‍येङा सक्ति पाइश्‍शो परमप्रभुम मार ठीक बाक्‍बा, मेको मतुइक्‍बा ङा? \em अय्‍युब ३४:१०\em* 
\v 4 इन तमी तौपुकीम मेको आ पर्बम पाप पाम्‍तेक्‍म। मोपतीके मेकोम मेको आन कली आन हेंथे पशो मोइक्‍ताक्‍व। \em अय्‍युब १:४-५\em* 
\v 5 गे नेल्‍ल क्‍येङा सक्ति पाइश्‍शो परमप्रभु कली माल्‍तीनी नु मेको कली पुंइतीनी हना,  
\v 6 गे ग्रांग्रा मदिचा ङा नु गेना हना यो रिम्‍शो पाइब बाक्‍तीनी हना, मेको थमा पा इन पोन बोक्‍ब। मिनु मेकोम इन खिं लेंशा, ङोंइती ङा खोदेंशो पा गेब। \em भजन संग्रह ३५:२३\em* 
\v 7 मिनु इन ङोंइती ङा बाक्‍शो क्‍येङा, इन नोले ङा बाक्‍शो शोंप शुश दुम्‍ब। \em अय्‍युब ४२:१०\em* 
\p  
\v 8 ङोंइती ङा पाला ङा मुर आन कली हिल्‍लो पने। मिनु मेको आन किकी पिपी आन मिम्‍शा पशो, मिम्‍तीन।  
\v 9 मारदे हना गोपुकी सिनाक्‍त ला जरमेशो बाक्‍नीकी। मिनु गो मारेइ मतुइक्‍ब बाक्‍नीकी। रागीम आंइ नाक्‍ती वांकु खोदेंशो ला बाक्‍ब।  
\v 10 मेको किकी पिपीम इन कली मशेंनीमी? इन कली लोव़ मपाइनीमी? इन कली आन रुप्‍शो लोव़ मशेंनीमी? 
\p  
\v 11 ब्‍वाक्‍कु मबाक्‍तीकेम कागज सेल्‍तीक बोट मवानीम। ब्‍वाक्‍कु मबाक्‍तीकेम बुदी मीलु लाइश्‍शो मदुम्‍नीम।  
\v 12 मेको कोल्‍ना कोल्‍न बाक्‍मानु, रिक्‍ची मजाक्‍थु, घांस क्‍येङा यो रीब पा सोल सुल बेक्‍नीमी।  
\v 13 परमप्रभु कली प्रेंबपुकी यो मोदेंशोन दुम्‍नीम। परमप्रभु कली मटीब मुर आन आस यो मोपा जाम्‍शा लाइब। \em अय्‍युब ११:२०; हितोपदेस १०:२८\em* 
\v 14 मेको आन आंमा कली थमा सुइक्‍तीक थम आइक्‍च श्‍येले खोदेंशो बाक्‍ब। मेको आन आस माख्रा आ जाल खोदेंशो बाक्‍ब।  
\v 15 मेको आ जालम रक एश्‍शा बाक्‍त हना, मेको कली मतिक्‍ब। मेको कली ग्‍याइक्‍ताक्‍व हना यो, मेको ब्रेप्‍ब।  
\v 16 परमप्रभु यावे आ अरेशो मटीबपुकी नां तशो घांस सुवा खोदेंशो पा वानीम। मिनु मेको आन शाक्‍श तेइ तेइ ब्रशा लाइनीम।  
\v 17 मेको आन शाक्‍शम फुल्‍लु आन कली रुक्‍नीम। मिनु मेको फुल्‍लु आन दातेम बाक्‍नीम।  
\v 18 मेको आन बाक्‍तीक रे खतम दुम्‍मानु, आन बाक्‍तीकेम मेको आन कली ‘गो इन कली गेनायो मत‍शो नङ’ देंब।  
\v 19 मेको आन ग्‍येरशा ब्रोंइतीक नाक्‍ती मोदेंशो बाक्‍नीम। मिनु अर्को तेइ तेइ खप रे वाशा ग्रूनीम। 
\p  
\v 20 नेनीन, परमप्रभुमी दोस मताइब मुर कली मतिल्‍ब। मेकोम मरिम्‍शो गेय पाइब मुर आन कली वारच मपाइब।  
\v 21 मो हना यो, मेकोमी इन कली रिप्‍पाइक्‍ब। ग्‍येरशा ठेयब सेंदाम लोव़ पपाइक्‍ब।  
\v 22 मिनु परमप्रभुमी इन कली काइ मदाक्‍ब आन मुने दोक्‍पाइक्‍ब। मिनु परमप्रभु यावे आ अरेशो मटीब आन ताम्‍बु जाम्‍शा लाइनीम” दे बिल्‍दादमी अय्‍युब कली देंमाक्‍त। 
\c 9  
\s1 अय्‍युबमी लोव़ लेश्‍शो 
\p  
\v 1 मिनु अय्‍युबम लोव़ लेश्‍शा  
\v 2 “गो एको थमा बाक्‍ब, दे तुइक्‍नुङ। तन्‍न परमप्रभु आ ङोंइती बेक्‍शा लाइब मुर दोपा ठीक बाक्‍ने चाप्‍बा ङा? \em अय्‍युब ४०:३-५; भजन संग्रह १४३:२\em* 
\v 3 सुइमी मेको नु लोव़ जिपाइक्‍चा मिम्‍ताक्‍व हना, मेकोम हजार का लोव़म लोव़ का यो लेन्‍ने मचाप्‍ब। \em भजन संग्रह १९:१३\em* 
\v 4 मेको जोक्‍ब तुइक्‍ब नु सक्ति पाइश्‍शो बाक्‍ब। मेको कली मटिथु, सु ग्‍येत्‍थ लने चाप्‍बा ङा?  
\v 5 मेकोम डांडा आन कली आन मतुइक्‍थुन याक्‍ब। मिनु गाइश्‍शा, मेको आन कली लोक्‍ब।  
\v 6 मेकोम रागी कली आ बाक्‍‍तीक रे हिक्‍ब। मिनु मेको आ थाम नेल्‍ल ख्रिंख्रि पाइनीम।  
\v 7 मेकोम नां कली ‘मदपो’ दे अरेब। मिनु सोरुल आन छेङछेङ साम्‍ब।  
\v 8 मेको आ कामीन सरीङ प्राक्‍शो बाक्‍ब। मेको समुन्‍द्र आ छाल तार गाक्‍ब।  
\v 9 मेकोमी सप्‍तबर्सी, मिर्गसीरा नु किरकिटी सोरुल नु दक्‍खिन ङा सोरुल आन हुल सेल्‍तु। \em अय्‍युब ३८:३१; आमोस ५:८\em* 
\v 10 मेकोम ठेयब नु मरुप्‍चा ङा गेय पाइब। मिनु हिक्‍ने मचाप्‍चा ङा छक लाक्‍चा ङा गेय पाइब। \em अय्‍युब ५:९\em* 
\v 11 मेको आं बाक्‍‍तीक रे पा लाइब। गो मेको कली मताइनुङ। मेको आ लां खोइश्‍शा गाक्‍मेनु, गो मतुइक्‍नुङ।  
\v 12 मेकोम रोइक्‍ताक्‍व हना, मेको कली सुम तेक्‍ने चाप्‍बा ङा? सुमी मेको कली ‘गे मार पनी’ दे हिल्‍लो पने चाप्‍बा ङा? 
\p  
\v 13 परमप्रभुम आ गाइक्‍चा मलेप्‍ब। राहाब माइश्‍शो समुन्‍द्र ङा ठेयब जन्‍तु कली वारच पाइबपुकी मेको आ खोइलीम बाप्‍नीम। \em अय्‍युब २६:१२; भजन संग्रह ८९:११\em* 
\v 14 मोदेंशो बाक्‍त हना, गो मेको कली दोपा लोव़ लेन्‍ने चाप्‍नुङा ङा? गो मार लोव़ देंनुङा ङा?  
\v 15 गो दोस मतशो बाक्‍‍ती हना यो, मेको कली लोव़ लेन्‍ने मचाप्‍नुङ। आं कली दोस गेब कली गो ‘शिशी पाइय्‍यीनी’ दे पुंइने ला चाप्‍नुङ।  
\v 16 गो मेको कली ब्रेत्‍तुनु, लोव़ लेत्‍ताक्‍यी हना यो, मेकोम आं लोव़ नेंतु, दे थमा मसुइक्‍नुङ।  
\v 17 मारदे हना मेकोमी आं कली फश गिवारम खतम सेल्‍ब। मोशान आं गार शुश सेल्‍ब।  
\v 18 मेकोम आं कली लेंशा सोक्‍त कीचा यो मगेब। श्‍येत जपाइश्‍शा आं थुं लुक्‍च लपाइक्‍ब।  
\v 19 एको सक्ति पाइश्‍शो लोव़ बाक्‍त हना, मेको आं क्‍येङा बोल्‍यो बाक्‍ब। एको ठीक पतीके लोव़ बाक्‍‍त हना, मेको कली सुम सेन्‍ने चाप्‍बा ङा? \em अय्‍युब ९:३३\em* 
\v 20 गो दोस मताइब बाक्‍‍ती हना यो, आं लोव़मीन आं कली दोस ताइब सेल्‍ब। गो दोस मपाइश्‍शो बाक्‍‍ती हना यो, मेकोमी ‘गे दोस ताइब बाक्‍नेवे’ दे चिन्‍ड कोंइब।  
\v 21 गो दोस मताइब बाक्‍नुङ। मो हना यो गो आं पर्बम मारेइ मतुइक्‍नुङ। गो ब्रोंइचा मदाक्‍नुङ।  
\v 22 लोव़ नेल्‍ल कान बाक्‍ब। मोपतीके गो मेकोम दोस मताइब नु आ अरेशो मटीब निम्‍फा आस कली खतम सेल्‍ब, देंनुङ। \em अय्‍युब ८:२०; उपदेसक ९:२-३\em* 
\v 23 हिंचा ङा श्‍येतमी कालेमीन मुर कली साइक्‍ब। मेकोम दोस मताइब आन हिंचा ङा श्‍येत जशो आ पर्बम शुक्‍शी पाइब।  
\v 24 रागी परमप्रभु यावे आ अरेशो मटीब आन गुइमी गेशो बाक्‍ब। मेकोम निसाफ पाइब आन मिक्‍च सिल्‍ब। मेकोम मो मपाप्‍तु हना, सुम पाइबा ङा? 
\p  
\v 25 आं ब्रोंइतीक नाक्‍त दोरब आन क्‍येङा यो शुश दोरशो बाक्‍ब। मारेइ ग्‍येरतीक मत‍थु, मेको नुम्‍ना नुम्‍न लाइनीम।  
\v 26 मेको बुदी मीलु के सेल्‍शो डोंगा खोदेंशो पा, रीब पा शाइश्‍शा लाइनीम। ब्‍वारदे आन सिखार तार जुक्‍शो खोदेंशो पा लाइनीम।  
\v 27 गो आं श्‍येत प्रेंनुङ। गो ग्‍येरशो कुल कोंइशा रित्‍नुङ, दें‍ती हना यो,  
\v 28 गो आं श्‍येत जचा माल्‍शो तशा हिंनुङ। मारदे हना गे आं कली दोस मताइब मदेंनीनी, दे तुइक्‍नुङ।  
\v 29 गो दोस ताइब दुम्‍ने थुम्‍शो बाक्‍‍ती हना, मोशान मारदे श्‍येत पाइनुङा?  
\v 30 गो साबुनम चिक्‍साक्‍यी हना यो, आं गुइ थम सफा पा चिक्‍साक्‍यी हना यो, \em येरमीया २:२२\em* 
\v 31 गे आं कली हिलोमीन ब्‍वारनीनी। मिनु आं वाम यो आं कली ग्रांग्रा दिप्‍ब।  
\v 32 मेको आं खोदेंशो बेक्‍शा लाइब मुर ममाइ। मिनु गो मेको कली लोव़ लेन्‍ने मचाप्‍नुङ। मोदेंशो दुम हना, निसाफ पाइब आन ङोंइती लोव़ पने चबु वा। \em उपदेसक ६:१०\em* 
\v 33 आंस दातेम गारपाइक्‍ब सुइ मबाक्‍म। आंस दातेम गुइ वोइक्‍ब सुइ मबाक्‍म।  
\v 34 परमप्रभुम आ कोक्‍के आं ची रे याक्‍त हना, आं कली महिंपद हना,  
\v 35 गो मेको नु महिंथु लोव़ पङ वा। तन्‍न आ मिम्‍शो दुम्‍मेनु, गो तुइक्‍‍नुङ” दे अय्‍युबमी शुआह ङा बिल्‍दाद कली देंमाक्‍त। 
\c 10  
\s1 अय्‍युब आ थुं लुक्‍च लशो 
\p  
\v 1 मिनु अय्‍युबम “गो ब्रोंइचा मदाक्‍नुङ। गो आं श्‍येत आ पर्बम लोव़ पस ङा पस बाक्‍नुङ। गो आं कशो थुंमी लोव़ पाइनुङ।  
\v 2 गो परमप्रभु कली ‘आं कली सजाइ मगे‍यीनी’ देंनुङ। आं कली मारदे निसाफ पाइनीनी, मेको शेंदीनी।  
\v 3 गे मुर आन कली दिप्‍शा, ग्‍येरनीनी? इन सेल्‍शो आन कली ममिम्‍चा रिम्‍शो लाक्‍नीनी? इन अरेशो लोव़ मटीबमी मरिम्‍शो पशो दाक्‍‍नीनी?  
\v 4 इन मिक्‍च मुर आन मिक्‍च खोदेंशो बाक्‍बा? गे मुर आन कोव़शो खोदेंशो पा कोव़नीनी? \em १सामुएल १६:७\em* 
\v 5 इन नाक्‍ती बेक्‍शा लाइब मुर आन नाक्‍त खोदेंशो बाक्‍नीमी? इन ब्रोंइतीक बर्स मुर आन बर्स खोदेंशो बाक्‍नीमी?  
\v 6 गे आं मरिम्‍शो पशो माल्‍शा, आं पाप थिश्‍शा ग्रुंइनीनी?  
\v 7 गो दोस मताइब बाक्‍नुङ, दे गे तुइक्‍ताक्‍नी हना यो, इन गुइ रे आं कली सुइम प्रोंइने मचाप्‍ब, दे यो तुइक्‍नीनी।  
\v 8 ङोंइती गे आं कली सेल्‍तीनी। मुल आं कली खतम पोक्‍‍नीनी? \em भजन संग्रह १३९:१४\em* 
\v 9 गे आं कली खप के सेल्‍तीनी। मेको मिम्‍तीन। मिनु मुल फुरक सेल्‍नीनी? \em अय्‍युब ३३:६; उत्‍पत्ती २:७; उत्‍पत्ती ३:१९\em* 
\v 10 गे आं कली दूध मोइश्‍शो खोदेंशो पा आं ममा आ कोव़जीम वोइक्‍तीनी। मोदेंशो पा आं रां सेल्‍तीनी?  
\v 11 गे आं कली श्‍ये नु कुशुलम ग्‍योम्‍शा, रुश नु नाडीम बोइक्‍ताक्‍यीनी।  
\v 12 गे आं कली ब्रोंइतीक सोक्‍त गेतीनी। मिनु गेना हना यो दाक्‍ताक्‍नी। मिनु आं कली ब्रोंइचा गेचा कली कोव़शा वोइक्‍तीनी।  
\v 13 आं कली श्‍येत गेचा कली ङोंइती रे इन थुंम ख्रुइश्‍शा वोइक्‍तीनी। मेको इन थुंम बाक्‍त, दे तुइक्‍ताक्‍ङ।  
\v 14 गो पाप पाता हना, गे आं कली कोव़ना कोव़न बाक्‍नीनी। मिनु आं मरिम्‍शो पशो मक्‍याम्‍नीनी।  
\v 15 गो थमान इन अरेशो मटीब बाक्‍‍ती हना, आं कली हिंचा ङा दुम्‍ल। गो ठीक पाइब बाक्‍‍ती हना यो, आं पिया पोक्‍ने मचाप्‍नुङ। मारदे हना गो आं मुनेम ब्रीशा, आं श्‍येत तना तन बाक्‍नुङ।  
\v 16 गो ठेयब लेश्‍शो बाक्‍‍ती हना, गे गुप्‍स कली सिखार ग्‍यारशो खोदेंशो पा आं कली माल्‍यीनी वा। मिनु लेंशा इन ठेयब सक्तिम श्‍येत गेयीनी वा। \em यसैया ३८:१३\em* 
\v 17 गे आं मरिम्‍शो पशो आ पर्बम नक सांकछी चाक्‍नीनी। मिनु आं पर्बम इन गाइक्‍तीक तेम्‍नीनी। आं पर्बम इन हुल हुल लडाइ पाइबपुकी चाक्‍नीनी। 
\p  
\v 18 गे मारदे आं कली जरमेपपाइक्‍नी? आं कली सुइम मतथु, बेक्‍शो नङ हना, रिम्‍शो दुम वा। \em अय्‍युब ३:११; येरमीया २०:१४\em* 
\v 19 गो जरमेसीन मजरमेशो नङ हना, शाम्‍सीशा तुरसुम जाक्‍दीश्‍शो नङ हना, दुम वा।  
\v 20 आं ब्रोंइतीक नाक्‍ती शुश मबाक्‍नीम। आं कली आं कान प्रोंइ‍‍यीनी। मिनु आं थुं इच्‍का नांइ‍सीबा कों?  
\v 21 लेश्‍शा मजाक्‍तीक रागीम लचा क्‍येङा ङोंइती, थम छिङछिङ नु क्‍येर नाक्‍दो  
\v 22 नु ग्रांग्‍ये माग्‍ये दुम्‍तीकेम लचा क्‍येङा ङोंइती आं कली आं कान प्रोंइ‍‍यीनी। मेकेर ङा छेङछेङ यो छिङछिङ दुम्‍त” दे अय्‍युबम परमप्रभु कली देंमाक्‍त। \em अय्‍युब ७:१०\em* 
\c 11  
\s1 सोफारमी अय्‍युब कली दोस गेशो 
\p  
\v 1 मिनु नामा ङा सोफारमी  
\v 2 “मार, गो एको इश्‍का लोव़ आ पर्बम लोव़ मलेत्‍नुङा? मार एको लोव़माते आ लोव़ नेल्‍ल ठीक बाक्‍बा ङा?  
\v 3 इन गेनायो मनुप्‍तीक लोव़म मुर आन कली सिक्‍सी पपाइक्‍बा? गे शुक्‍शी पनीनु, इन कली मुने मदुम्‍बा?  
\v 4 गे ‘आं शेंशो ठीक बाक्‍ब। परमप्रभु, आ ङोंइती गो ग्रांग्रा मदिशो बाक्‍ती’ देंनीनी। \em अय्‍युब ९:२१; अय्‍युब १०:७\em* 
\v 5 परमप्रभु ब्‍वाक्‍ल। मिनु इन कली लोव़ पवल दे आस पाइनुङ।  
\v 6 मिनु मेकोमी ख्रुइश्‍शो तुइक्‍तीक इन कली शेंदल। मारदे हना तुइक्‍तीक शुश बाक्‍नीम। परमप्रभुम इन मरिम्‍शो पशो आ पा ङा तचा माल्‍शो सजाइ मगेव। इच्‍का ला गेप्‍तु। 
\p  
\v 7 मार, गे परमप्रभु आ ख्रुइश्‍शोम मिम्‍शो तुइक्‍ने चाप्‍नीनी? गे नेल्‍ल क्‍येङा ठेयब सक्ति पाइश्‍शोम मार पने चाप्‍बा, मेको तुइक्‍ने चाप्‍नीनी?  
\v 8 मेको सरीङ क्‍येङा यो इर बाक्‍ब। गे मार पने चाप्‍नीनी ङा? मेको बेक्‍शो मुर आन बाक्‍‍तीक क्‍येङा यो लुक्‍च लशो बाक्‍ब। गे मार तुइक्‍ने चाप्‍नीनी ङा?  
\v 9 मेको पुक्‍शोनु रागी क्‍येङा यो लाइश्‍शो बाक्‍ब। मिनु समुन्‍द्र क्‍येङा यो ब्रेम्‍शो बाक्‍ब।  
\v 10 मेको जाक्‍शा, मुर आन कली जेल्‍खानम चोक्‍शा, मुर आन कली निसाफ पचा कली खुप्‍ताक्‍व हना, सुम मेको कली तेक्‍ने चाप्‍बा ङा?  
\v 11 सु सु शोर गाक्‍शो मुर बाक्‍मा, मेको परमप्रभुमी तुइक्‍ब। मेकोमी मरिम्‍शो पाइब आन कली तुइक्‍ब।  
\v 12 मूर्ख मुर रुप्‍ब दुम्‍ने मचाप्‍ब। मेको मो दुम्‍त हना, ब्‍वाकी ङा गधा आ चाइक्‍ब मुर दुम्‍शा जरमेशो खोदेंशो दुम्‍ब। 
\p  
\v 13 मो हना यो गे इन थुं परमप्रभु गे हिरनीनी, गे इन गुइ पोक्‍शा, मेको कली पुंइनीनी।  
\v 14 मिनु गे मरिम्‍शो पाइन बाक्‍तीनी हना, मेको कली थु‍मीन। मिनु परमप्रभु यावे आ अरेशो मटितीक इन ताम्‍बुम बाक्‍चा मगेन।  
\v 15 नोले गे थमा पा मारेइ दोस मतथु इन पिया पोक्‍नीनी। रिम्‍शो पा महिंथु बाक्‍नीनी।  
\v 16 मिनु गे इन श्‍येत प्रेंनीनी। गे मेको कली शाइश्‍शा लशो ब्‍वाक्‍कु खोदेंशो मिम्‍नीनी।  
\v 17 इन ब्रोंइतीक नाक्‍त ङा छेङछेङ खोदेंशो दुम्‍ब। मिनु इन श्‍येत ङा छिङछिङ सुनी ङा छेङछेङ खोदेंशो दुम्‍ब।  
\v 18 गे थमा सुइक्‍नीनी। मारदे हना मेकेर आस बाक्‍ब। गे कोव़चा पुंइसीशा, महिंथु रिम्‍शो पा बाक्‍नीनी। \em भजन संग्रह ४:९\em* 
\v 19 गे सुइ आन क्‍येङा महिंथु इप्‍‍नीनी। मिनु शुश मुरुम इन शिशी तचा कली आस पाइनीम।  
\v 20 तन्‍न परमप्रभु यावे आ अरेशो मटीब आन मिक्‍च मताइनीम। मेको आन प्रोक्‍तीक लां देक्‍‍ब। मिनु मेको आन आस बेक्‍चा बाक्‍ब” दे सोफारम अय्‍युब कली देंमाक्‍त। \em अय्‍युब ८:१४\em* 
\c 12  
\s1 अय्‍युबम सोफार कली लोव़ पशो 
\p  
\v 1 मिनु अय्‍युबम लोव़ लेश्‍शा  
\v 2 “गेपुकी थमा पा हिक्‍सीशो मुर बाक्‍नीनी। मिनु तुइक्‍तीके गेपुकी नु बेक्‍शा लाइब। गो मेको तुइक्‍नुङ।  
\v 3 तन्‍न इन खोदेंशो रुप्‍तीक थुं आं के यो बाक्‍ब। गो यो इन खोदेंशो जोक्‍ब तुइक्‍ब नङ। मेको मुर नेल्‍लेम तुइक्‍नीम।  
\v 4 आं वारचपुकीमी आं पर्बम रित्‍नीम। गो परमप्रभु कली पुंइता। मिनु मेकोमी लोव़ लेत्‍ताक्‍यी। गो ठीक पाइब दोस मताइब मुर बाक्‍ती हना यो, आं पर्बम रित्‍नीम।  
\v 5 श्‍येत मजाइब, रिम्‍शो पा बाक्‍ब मुरपुकीम हिंचा ङा श्‍येत जाइब आन कली तशा ग्रांग्रा दीनीम। गे श्‍येत जशा ग्रेक्‍चा चिक्‍शो कली श्‍येत तेम्‍नीनी।  
\v 6 मिनु रोइक्‍ब आन ताम्‍बुम थुं नाइश्‍शा बाक्‍नीम। मिनु परमप्रभु कली गाइक्‍पाइक्‍बपुकी रिम्‍शो पा ब्रोंइशा बाक्‍नीम। मेकोपुकीम आंम सक्ति कली ठेयब सेल्‍नीम। \em हबकुक १:११\em* 
\p  
\v 7 मुल ब्‍वाकी ङा जन्‍तु आन कली हिल्‍लो पने। मेकोपुकीम इन कली शेंनीम। सरीङम बेरब चिक्‍ब आन कली हिल्‍लो पने। मेकोपुकीम इन कली देंनीम।  
\v 8 गे खप कली हिल्‍लो पने। मेकोमी इन कली शेंब। समुन्‍द्र ङा ङांइपुकीम इन कली शेंनीम।  
\v 9 परमप्रभु यावेम मेको नेल्‍ल पशो बाक्‍ब, दे सुम मतुइक्‍नीमी ङा?  
\v 10 ब्रोंइशा बाक्‍ब नेल्‍ल आन ब्रोंइतीक नु मुर नेल्‍ल आन ब्रोंइतीक सोक्‍त मेको आ गुइमी बाक्‍ब। \em गन्‍ती १६:२२; प्रेरित १७:२८\em* 
\v 11 जचा थोव़क ब्रोव़शो नु मब्रोव़शो लेंम तुइश्‍शो खोदेंशो पा, पशो लोव़ रिम्‍शो नु मरिम्‍शो नोफाम मनेंबा ङा?  
\v 12 खाल्‍पा आन दातेम तुइक्‍तीक बाक्‍ब। खूशो आन दातेमी रुप्‍तीक बाक्‍ब। \em अय्‍युब ८:८\em* 
\p  
\v 13 मिनु परमप्रभु नु तुइक्‍तीक नु सक्ति बाक्‍शो बाक्‍ब। मेको नु अर्ती गेतीके नु रुप्‍तीक थुं बाक्‍शो बाक्‍ब।  
\v 14 मेकोमी प्रेत्‍तु हना, मेको लेंशा सेल्‍ने मचाप्‍नीम। मेकोमी मुर कली जेल्‍खानम चोक्‍तु हना, सुइमी मेको कली ग्रुंइने मचाप्‍नीम। \em प्रकाश ३:७\em* 
\v 15 मेकोमी ब्‍वाक्‍कु तेक्‍तु हना, रू नेल्‍ल सोव़नीम। मेकोमी ब्‍वाक्‍कु प्रोंइतु हना, रागी खतम पोक्‍ब। \em १राजा १७:१,७; उत्‍पत्ती ७:१९-२३\em* 
\v 16 सक्ति नु तुइक्‍तीक परमप्रभु नु बाक्‍ब। दूली पाइ‍ब नु दूली पपाइक्‍ब, निम्‍फा आ केन बाक्‍नीस। \em १राजा १२:२८-३०; २राजा १९:१०-३७\em* 
\v 17 मेकोमी अर्ती गेब आन कली मुने दोक्‍पाइक्‍ब। मिनु निसाफ पाइब आन कली मूर्ख सेल्‍ब।  
\v 18 पिप आन फेक्‍शो वा प्रुइक्‍ब। मिनु मेको आन कली किप्‍शुर क्‍यिप्‍पाइक्‍ब।  
\v 19 चढ़ेब आन कली मुने दोक्‍पाइश्‍शा सोइक्‍ब। ङोंइती रे गेय पाइब आन कली ग्रुंइब। \em १सामुएल २:३०-३२; १सामुएल २२:१८-१९\em* 
\v 20 थमा सुइक्‍चा पुंइसीशो शेंब आन कली सिक्‍सी पपाइक्‍ब। खाल्‍पा आन तुइक्‍तीक लोव़ शोर गाक्‍शो सेल्‍ब।  
\v 21 हुकुम पाइब आन कली शुक्‍शी पचा पुंइसीब सेल्‍‍ब। सक्ति पाइश्‍शो आन कली मचाप्‍ब सेल्‍ब। \em १सामुएल १७:५; १सामुएल ३१:९; २राजा १९:३७; दानीएल ४:२९,३०\em* 
\v 22 मेकोम छिङछिङ आगाम बाक्‍शो ग्रुंइब। मिनु थम छिङछिङ कली छेङछेङ सेल्‍ब।  
\v 23 रागी रागी आन कली हिक्‍सीशो सेल्‍ब। नोले मेको आन कली खतम सेल्‍ब। रागी रागी आन कली ठेयब सेल्‍शा, मेकेर ङा मुर आन कली एर ओंथ ब्रपाइक्‍ब।  
\v 24 रागी ङा हुकुम पाइब आन कली मरुप्‍ब सेल्‍‍ब। मिनु नोले मेको आन कली लां मबाक्‍शो गोरशो रागीम एर ओंथ हिरपाइक्‍ब।  
\v 25 मिनु मेकोपुकी हाम्‍सो मबाक्‍‍तीके, छिङछिङम सुल्‍शा गाक्‍नीम। मेको आन कली दुक्‍शो मुर खोदेंशो पा गोल्‍चा चिक्‍शा गाक्‍पाइक्‍ब। 
\c 13  
\s1 अय्‍युब आ लोव़ 
\p  
\v 1 गो मेको नेल्‍ल ताता। गो मेको नेंशा रुप्‍ता।  
\v 2 इन तुइश्‍शो, गो यो तुइक्‍नुङ। गो इन क्‍येङा मतुइक्‍ब मनङ।  
\v 3 तन्‍न गो नेल्‍ल क्‍येङा ठेयब सक्ति पाइश्‍शो आ ङोंइती लोव़ पाइनुङ। मिनु गो परमप्रभु नु लोव़ पा, आं पर्बम हिल्‍लो पाइ‍नुङ।  
\v 4 गेपुकीम चहिं इन जोल लोव़ पा ठेयब सेल्‍सीनीनी। गे शोर गाक्‍शो लेम्‍ब बाक्‍नीनी।  
\v 5 गेपुकी सिक्‍सी पा बाक्‍शो ननी हना, तुइक्‍ब मुर बाक्‍नीनी, दे तुंइस वा। \em हितोपदेस १७:२८\em* 
\v 6 मुल आं लोव़ नेनीन। पचा माल्‍शो लोव़ इन नोफा दाइश्‍शा नेनीन।  
\v 7 गेपुकी परमप्रभु आ लोव़ पखु पाइनीनी? मोदेंशो जोल लोव़ कली थमा बाक्‍ब, दे थमा सेल्‍नीनी?  
\v 8 मार गेपुकी परमप्रभु आ कुल कोव़शा, मेको आ पा ङा पचा माल्‍शो लोव़ देंनीनी?  
\v 9 परमप्रभुमी इन कली नाक्‍शा कोव़ङानु, गे नेल्‍ल ठीक बाक्‍नीनी? मार, मुर आन मिक्‍च सिल्‍शो खोदेंशो पा, मेको आ मिक्‍च यो सिल्‍ने चाप्‍नीनी?  
\v 10 गे ख्रुइश्‍शोमी कुल कोव़नीनी, परमप्रभुम इन कली थमा पा हुइक्‍ब।  
\v 11 परमप्रभु आ मान ततीकेम इन कली महिंपाइक्‍बा? मेको आ हिंच कोंइशोमी इन कली ग्‍येत्‍थ लुक्‍च मसेल्‍बा?  
\v 12 इन आं कली देंशो लोव़ पुलु ला बाक्‍नीम। इन बोल्‍यो अर्ती खप के बाक्‍‍नीम। 
\p  
\v 13 सिक्‍सी पा बाक्‍कीन। मिनु गो लोव़ पाइनुङ। मिनु आं पर्बम मार मार दुम्‍बा, दुम्‍ल।  
\v 14 गो ब्रोंइनुङा देय मब्रोंइनुङा। गो बेक्‍नुङा कों ब्रोंइनुङा।  
\v 15 मेकोम आं कली साइक्‍ब। गो आस मपाइनुङ। तन्‍न मुल गो आं लोव़ मेको आ ङोंइती वोइक्‍नुङ।  
\v 16 परमप्रभु कली मटीब मुर मेको आ ङोंइती जाक्‍ने मचाप्‍नीम। मेको आं कली प्रोंइतीक दुम्‍ब।  
\v 17 नोफा दाइश्‍शा, आं लोव़ नेनीन। मिनु आं शेंशो रिम्‍शो पा नेनीन।  
\v 18 गो आं देंचा माल्‍शो लोव़ ठीक पाता। मिनु नोले गो दोस मताइब बाक्‍नुङ, दे तुइक्‍नुङ।  
\v 19 सुमी आं कली कछडी बाक्‍शा, दोस गेने चाप्‍बा? मोदेंशो दुम्‍त हना, गो सिक्‍सी पा फाल्‍शा बाक्‍शा, बेक्‍नुङ।  
\v 20 परमप्रभु, गो इन कली थोव़क निक्‍शी पुंइनुङ। मिनु गो इन ङोंइती रे मख्रुइक्‍नुङ।  
\v 21 आं कली श्‍येत मगेयीनी। मिनु इन हिंपाइक्‍तीकेमी आं कली महिंप‍तीन। \em अय्‍युब ९:३४\em* 
\v 22 गे आं कली ब्रेत्‍तीनी। मिनु गो लोव़ लेत्‍नुङ। ङोंइती गो ब्‍वाक्‍नुङ। मिनु गे आं कली लोव़ लेत्‍तीनी।  
\v 23 आं मरिम्‍शो पशो नु आ पाप गिश बाक्‍नीमी? आं हेंथे पशो नु आं पाप तुइक्‍पाइय्‍यीनी।  
\v 24 गे मारदे इन कुल ख्रुइक्‍नीनी? मिनु आं कली इन जोरी सत्रु खोदेंशो पाइनीनी। \em अय्‍युब १९:११\em* 
\v 25 गे बेरशो सफा कली यो हिंच कोंइनीनी? गे सोव़शो भूस आ नोले खोइक्‍नीनी?  
\v 26 गे आं पर्बम कशो लोव़ ब्रेक्‍नीनी। मिनु आं ठिटा ना ङा मरिम्‍शो पशो आ पर्बम सजाइ गेतीनी। \em भजन संग्रह २५:७\em* 
\v 27 आं खोइलीम ठेंङरो थोक्‍ताक्‍नी। आं लां नेल्‍ल कोव़शा, वोइक्‍नीनी। \em अय्‍युब ३३:११\em* 
\v 28 मोपतीके मुर राक्‍शो थोव़क खोदेंशो पा जाम्‍नीमी। तुम्‍बुम ख्रोइश्‍शो वा खोदेंशो पा नुप्‍शो बाक्‍नीमी” दे अय्‍युबमी देंमाक्‍त। 
\c 14  
\s1 ब्रोंइचा नु बेक्‍चा आ पर्बम लोव़ 
\p  
\v 1 मिनु लेंशा अय्‍युबमी “मीश मुर रे जरमेशो बेक्‍शा लाइब मुर इच्‍का नाक्‍त ब्रोंइशा, श्‍येत ला जाइब।  
\v 2 मेको फू खोदेंशो पा बोइश्‍शा, सोल सुल बेक्‍ब। वांकु जाम्‍शो खोदेंशो पा जाम्‍शा लाइब। \em भजन संग्रह ९०:५\em* 
\v 3 गे मोदेंशो कोव़नीनी? मिनु गे आं कली निसाफ पाइनीनी?  
\v 4 सुमी ग्रांग्रा दिशो रे ग्रांग्रा मदिशो सेल्‍ने चाप्‍बा? सुइमी मचाप्‍ब।  
\v 5 मुर आ ब्रोंइतीक नाक्‍ती हिक्‍शा वोइश्‍शो बाक्‍नीम। मिनु मेको गिश महिना ब्रोंइ‍शो बाक्‍नीमी, मेको तुइक्‍नीनी। इन देंशो नाक्‍त लाक्‍ने मचाप्‍नीम। \em भजन संग्रह ३१:१६; भजन संग्रह ३९:५\em* 
\v 6 गे मुर आन कली मकोव़ङीन। मिनु नाक्‍त किंत किंत गेय पाइब मुर खोदेंशो ग्‍येरशा बाक्‍चा गेन। \em अय्‍युब ७१-२\em* 
\p  
\v 7 रवा कली आस बाक्‍ब। तिम्‍शो नोले यो कोच्‍वा दाप्‍ब। मिनु वाना वान बाक्‍नीम।  
\v 8 मेको आ शाक्‍श खप आगाम चोक्‍ताक्‍व हना यो, मेको आ ठुटा खप आगाम राक्‍त हना यो,  
\v 9 लेंशा इच्‍का ब्‍वाक्‍कु तवानु, वाब। मिनु ठेयब रवा खोदेंशो पा राशी दाप्‍ब।  
\v 10 तन्‍न बेक्‍शा लाइब मुर बेक्‍शा जाम्‍शा लाइनीम। मुर आ सोक्‍त लाइब। मिनु ते लाइ‍बा मतुंइसीब?  
\v 11 दोपा दोम्‍ली ङा ब्‍वाक्‍कु इच्‍का पा सोव़ना सोव़न लाइबा, दोपा खोला आइक्‍च दुम्‍ना दुम्‍न लशा सोव़बा,  
\v 12 मोपा बेक्‍शा लाइब मुर गोल्‍ब। मिनु मेको लेंशा गेनायो मबोक्‍ब। सरीङ मक्‍याम्‍से सम्‍म, बेक्‍शो मुर लेंशा मबोक्‍नीम। मेको आन निन्‍द्रा रे मसेंसीनीम। \em अय्‍युब ७:१०\em* 
\v 13 गे आं कली बेक्‍शो मुर आन बाक्‍तीकेम ख्रुइक्‍तीन। इन गाइश्‍शो मनाइक्‍तीनी सम्‍म आं कली ख्रुइक्‍तीन। मिनु नोले आं कली फ्रुक्‍शा, गो नु ग्रुम्‍तीक नाक्‍त का वोतीन। \em यसैया २६:२०\em* 
\v 14 मार, बेक्‍शो मुर लेंशा ब्रोंइनीमी ङा? गो रिम्‍शो नाक्‍त कली रिम्‍शा बाक्‍नुङ। आं श्‍येत मथु‍मु सम्‍म रिम्‍शा बाक्‍नुङ।  
\v 15 मिनु गे आं कली ब्रेन्‍नी नोले, गो इन कली लोव़ लेत्‍नुङ। मिनु गे इन आंम गुइम सेल्‍शो मुर, आं कली, शिशी पाइनीनी।  
\v 16 गे आं पशो नेल्‍ल मकोव़नीनी। गे आं पाप हिक्‍शा मवोइक्‍नीनी।  
\v 17 आं हेंथे पशो नेल्‍ल ब्रेक्‍शा, इन थैलोम वोइश्‍शो बाक्‍ब। गे आं मरिम्‍शो पशो नेल्‍ल सुम्‍शा वोइश्‍शो बाक्‍नीनी। \em होसे १३:१२\em* 
\p  
\v 18 मिनु डांडा ब्रेश्‍शा, जाम्‍शा लाइब। सेरथे फुल्‍लु मेको आ बाक्‍‍तीक रे याक्‍सीशो बाक्‍नीम।  
\v 19 ब्‍वाक्‍कुम फुल्‍लु आन कली योल्‍ब। बारशो ब्‍वाक्‍कुम रागी ङा खप योल्‍ब। मोपा गे मुर आन आस थुम्‍पाइक्‍नीनी। \em रोमी ५:५\em* 
\v 20 गे मेको आन कली गेना हना यो ग्रा‍नीनी। मिनु मुर बेक्‍नीम। गे मुर आन रां फाइश्‍शा ताइक्‍नीनी।  
\v 21 मेको आन आल ठेयब दुम्‍शा मान पाइक्‍चा पुंइसाक्‍म हना यो, मेकोपुकीम मतुइक्‍नीम। आइक्‍च सेल्‍चा पुंइसाक्‍म हना यो, मतुइक्‍नीम।  
\v 22 मेकोपुकीम आन रां ङा श्‍येत ला तुइक्‍नीम। मिनु आन पर्बम ला रोंका पाइनीम” दे अय्‍युबमी देंमाक्‍त। 
\c 15  
\s1 एलीफाजमी लोव़ पशो 
\p  
\v 1 मिनु तेमान ङा एलीफाजमी  
\v 2 “मार, जोक्‍ब तुइक्‍ब मुरुम ओदेंशो ङर ना पुं ङा लोव़ पा लोव़ लेत्‍चा दुम्‍बा? मेको आ कोव़जीम फश लोव़मी प्रिंचा दुम्‍बा?  
\v 3 जोक्‍ब तुइक्‍बमी इन कली शोर गाक्‍शो लोव़ लेत्‍चा दुम्‍बा? मारेइ रिम्‍शो मपाइब लोव़ लेत्‍चा दुम्‍बा?  
\v 4 गे परमप्रभु कली मान पा हिंतीके तेक्‍नीनी। मिनु परमप्रभु कली मिम्‍शा पुंइचा यो तेक्‍नीनी।  
\v 5 इन देंशो नेल्‍ल इन मरिम्‍शो पतीके रे पिशो बाक्‍ब। गे मिलो शिलो पशो दाक्‍नीनी।  
\v 6 इन आंम लोव़मी इन कली दोस ताइब सेल्‍ब। गो इन कली दोस मगेनुङ। इन लोव़ इन पर्बम सांकछी बाक्‍ब। 
\p  
\v 7 गे मुर आन दातेमी नेल्‍ल क्‍येङा ङोंइती जरमेशो ननी? मार गे डांडा आन क्‍येङा ङोंइती दुम्‍शो ननी?  
\v 8 गे परमप्रभु आ अर्ती गे‍तीकेमी बाक्‍शा नेंनी? तुइक्‍तीक इन के ला बाक्‍ब, दे मिम्‍नीनी? \em अय्‍युब ११:७; रोमी ११:३३\em* 
\v 9 गो आंइ मतुइश्‍शो गे मार तुइक्‍नीनी ङा? गो आंइ मरुप्‍‍शो गे मार रुप्‍‍नीनी ङा? \em अय्‍युब १३:२\em* 
\v 10 मिनु खाल्‍पा नु खूशोपुकी गो नु बाक्‍नीमी। इन आफ क्‍येङा यो खूशो मुर गोपुकी नु बाक्‍नीम।  
\v 11 परमप्रभुम इन कली लेम्‍शो आइक्‍च मिम्‍नीनी? इन कली आइक्‍च सेंदाम रिम्‍शो लोव़ पशोमी इन कली मगाम्‍मे?  
\v 12 मारदे इन थुंमी इन कली दूली सेल्‍बा? मिनु गे मारदे गाइश्‍शा, मिक्‍च केक्‍शा कोव़नी?  
\v 13 मारदे गे इन गाइक्‍तीक परमप्रभु कली कोंइनीनी? मिनु गे ओदेंशो लोव़ पाइनीनी?  
\v 14 बेक्‍शा लाइब मुर नेल्‍ल दोस ताइब दुम्‍नीम। मीश मुर रे जरमेशो सु ठीक पाइब बाक्‍ने चाप्‍बा ङा? \em अय्‍युब १४:४\em* 
\v 15 परमप्रभुम आंम आ मुर आन कली थमा मसुइक्‍ब। मिनु स्‍वर्गम बाक्‍ब यो मेको आ ङोंइती दोस ताइब बाक्‍नीम। \em अय्‍युब ४:१८; अय्‍युब २५:५\em* 
\v 16 मेको आन क्‍येङा ग्रांग्रा दिशो नु खराप दुम्‍शो कली दोपा थमा सुइक्‍बा ङा? मेकोमी मरिम्‍शो पतीक ब्‍वाक्‍कु तूशो खोदेंशो पा तूब कली दोपा थमा सुइक्‍बा ङा? 
\p  
\v 17 मिनु गो इन कली शेंनन्‍नी। आं लोव़ नेनीन। गो आं तशो इन कली शें‍नन्‍नी।  
\v 18 जोक्‍ब तुइक्‍बमी आन किकी पिपी रे आन तशो नेंशो लोव़ मख्रुइक्‍तमे बाक्‍त।  
\v 19 मेको आन कली रागी आंम के सेल्‍चा कली गेशो बाक्‍माक्‍त। मेको आन दातेम अर्को रागी ङा मुर सुइ मबाक्‍मा बाक्‍त।  
\v 20 परमप्रभु यावे आ अरेशो मटीब ब्रोंइमा सम्‍म श्‍येत जाइ‍नीम। मरिम्‍शो मुर आन ब्रोंइतीक बर्स नेल्‍ल मोदेंशो बाक्‍नीम। \em उत्‍पत्ती ४:१४\em* 
\v 21 मेकोपुकीम हिंचा ङा रेयके नेंनीमी। मेको मारेइ मारेइ गाप्‍शा बाक्‍मानु, मेको आन कली खतम सेल्‍ब जाक्‍ब।  
\v 22 मेकोपुकीमी ‘छिङछिङ रे लेत्‍ने मचाप्‍नीक’ दे हिंनीम। मेकोपुकी तरवारम क्‍योरचा पुंइसीनीम।  
\v 23 मेकोपुकी जचा थोव़क माल्‍शा, हिरना हिरन बाक्‍नीमी। मिनु आन श्‍येत जतीक नाक्‍ती जाक्‍चा चिक्‍शो बाक्‍ब, दे तुइक्‍नीमी।  
\v 24 मेकोपुकी श्‍येत नु हिंतीके आ पर्बम ख्रिंख्रि पाइनीम। मेकोपुकीमी परमप्रभु कली लडाइ तोइनीम। लडाइ पचा चिक्‍शो पिप खोदेंशो पा सासीशो बाक्‍नीम।  
\v 25 मारदे हना मेकोपुकीम परमप्रभु आ पर्बम आन गुइ क्‍युक्‍शो बाक्‍नीम। मिनु नेल्‍ल क्‍येङा ठेयब सक्ति पाइश्‍शो कली ‘गो इन क्‍येङा ठेयब नकी’ दे मेको कली मटीनीम।  
\v 26 मिनु ठेयब नु बोल्‍यो तेक्‍तीक शेशा परमप्रभु कली लडाइ तोचा कली बारशो बाक्‍नीम।  
\v 27 मारदे हना मेकोपुकी शुश जशा, दोम्‍शो बाक्‍नीम।  
\v 28 मेकोपुकी ब्रेश्‍शो सहर नु मुर मबाक्‍चा ङा खिंम बाक्‍नीम। मेको खिं ब्रेश्‍शा फुल्‍लु देल्‍शो बाक्‍नीम।  
\v 29 मेकोपुकी शोंप पाइश्‍शो मदुम्‍नीम। मेको आन शोंप मलीब। मेको रागीम मलीनीम।  
\v 30 मेकोपुकी छिङछिङ रे ब्रोंइने मचाप्‍नीम। मीम मेको आन ठोसा सोव़पाइक्‍ब। मेको आन फु कली फशेम योल्‍ब।  
\v 31 मेकोपुकीम मबाक्‍शो लोव़ कली थमा मसुदमेक्‍ल। मोपा आंम आन कली मरिम्‍शो मसेल्‍मेक्‍ल। मारदे हना मेकोपुकीम मेको आ पा ङा मारेइ मताइनीम।  
\v 32 मेको आन नाक्‍त जाक्‍चा क्‍येङा ङोंइतीन मेको आन मारेइ मारेइ नुप्‍ब। मिनु मेको आन राशी गिगी मदुम्‍नीम।  
\v 33 मेकोपुकी क्‍येखीन हेम्‍शो अङगुर बोट खोदेंशो दुम्‍नीम। मेको फू हेम्‍शो तेल रवा खोदेंशो दुम्‍नीम।  
\v 34 मारदे हना परमप्रभु आ अरेशो मटीब नु गाक्‍ब शोर गाक्‍शो बाक्‍ब। घूस जाइब आन ताम्‍बुपुकी मीम नेक्‍ब।  
\v 35 मेकोपुकीम आल कुरशो खोदेंशो पा मरिम्‍शो मिम्‍तीके कुरनीम। मिनु मरिम्‍शो पतीके जरमेनीम। मेको आन थुंम मरिम्‍शो पचा कली ठीक दुम्‍नीम” दे एलीफाजम अय्‍युब कली देंमाक्‍त। \em यसैया ५९:४\em* 
\c 16  
\s1 अय्‍युबमी लोव़ लेश्‍शो 
\p  
\v 1 मिनु अय्‍युबमी  
\v 2 “गो ओदेंशो लोव़ शुश नेंता। गे नेल्‍ल मोशा लेम्‍खु पाइब ला बाक्‍नीनी।  
\v 3 मार मेको फश लोव़ गेनायो मनुप्‍बा? मारम इन कली ओदेंशो लोव़ पपाइक्‍बा?  
\v 4 गे आं खोदेंशो बाक्‍नी हना, गो यो इन खोदेंशो पा लोव़ पने चबु वा। गो इन कली यो मोदेंशो लोव़ पङ वा। गो इन कली शुक्‍शी पा आं पिया हिक्‍शा कोंइदन्‍नी वा। \em भजन संग्रह २२:८\em* 
\v 5 गो इन थुं बारपाइक्‍तीक लोव़ पङ वा। मिनु आं शिशी पाइक्‍तीकेमी इन कली लेम्‍द वा। 
\p  
\v 6 गो ब्‍वाक्‍ती हना यो, आं खाइश्‍शो मसाब। गो सिक्‍सी पा बाक्‍‍ती हना यो, श्‍येत जस ङा जस बाक्‍नुङ।  
\v 7 थमा पा, परमप्रभुम आं कली थाम्‍पा दपाइक्‍ती। आं एर ओंथ ङा नेल्‍ल आन कली खतम सेल्‍तु।  
\v 8 मेकोम आं कली रोम्‍पाइक्‍ती। मिनु एको आं पर्बम सांकछी दुम्‍शो बाक्‍ब। गो रुश नु कुशुल ला लीशो बाक्‍नुङ। एको यो आं पर्बम सांकछी दुम्‍शो बाक्‍ब।  
\v 9 परमप्रभुमी आ गाइश्‍शोमी आं कली एर ओंथ फ्रशो बाक्‍ब। मिनु आं कली काइ मदाक्‍ब। मेकोम आं पर्बम आ ख्रुइ शेप्‍शो बाक्‍ब। आं जोरी सत्रुमी आं कली सिम्‍ले पा कोव़शो बाक्‍नीम।  
\v 10 मुरपुकीम आं कली शुक्‍शी पशो बाक्‍तेक्‍म। मेकोपुकीम आं चोव़चो शुश राप्‍शो बाक्‍तेक्‍म। आं कली मरिम्‍शो पाइक्‍चा कली बुक्‍तेक्‍म।  
\v 11 परमप्रभुम आं कली थमा मसुइक्‍ब आन गुइमी गेशो बाक्‍ब। मिनु परमप्रभु यावेम आं कली आ अरेशो मटीब आन गुइम ब्‍वारशो बाक्‍ब।  
\v 12 गो रिम्‍शो पा बाक्‍शो नङ। तन्‍न मेकोमी आं कली ख्रोइक्‍तु। आं शुरम ग्‍याइश्‍शा चोकटा लाम्‍टा सेल्‍ती। मेकोम आं कली आ मिक्‍च आ क्रिक्‍बील सेल्‍ती। \em बिलाप ३:१२\em* 
\v 13 आ लिब्रा आप्‍बपुकीम आं एर ओंथ नेल्‍ल हिरशो बाक्‍नीम। मेकोम आं कली शिशी मपथु, आं चिच ख्रित्‍ताक्‍यी। मेकोम आं खाइल पुक्‍शा खपीम तोक्‍तु।  
\v 14 मेकोम आं कली पाक्‍ना पाक्‍न, लडाइ पाइब खोदेंशो पा आं गे बारब।  
\v 15 गो आं रां सुम्‍चा कली भाङग्रा फेक्‍साक्‍यी। गो आं पिया फुरकुम पुम्‍ता। \em लेवी ३७:३४\em* 
\v 16 ङाक्‍शा ङाक्‍शा आं कुल लल जिशो बाक्‍ब। आं मिक्‍च आ एर ओंथ नेल्‍ल क्‍येर दुम्‍शो बाक्‍ब।  
\v 17 मो हना यो आं गुइमी मरिम्‍शो मपशो बाक्‍ती। आं पुंइशो लोव़ रिम्‍शो बाक्‍ब। 
\p  
\v 18 ए खप, आं हुश मसुमो। आं पुंइशो लोव़ गेनायो मनांइसेक्‍ल। \em उत्‍पत्ती ४:१०; इजीकीएल २४:७-८\em* 
\v 19 मो हना यो आं सांकछी स्‍वर्गम बाक्‍ब। आं पर्बम लोव़ पाइब इर बाक्‍शो बाक्‍ब। \em अय्‍युब १७:३\em* 
\v 20 आं वारचम आं कली शुक्‍शी पाइनीम। गो ङाक्‍शा परमप्रभु गे कोव़नुङ। \em १सामुएल २:२५\em* 
\v 21 मेकोमी परमप्रभु नु आंस दातेमी निसाफ पवल। मुर नु आ वारच आन दातेमी दोपा निसाफ पाइबा, मोपा पवल।  
\v 22 इच्‍का बर्स नोले गो गेनायो मलेत्‍चा ङा पा लाइनुङ” देंमाक्‍त। \em अय्‍युब १०:२१\em* 
\c 17  
\s1 परमप्रभु कली “वारच पने” दे पुंइशो 
\p  
\v 1 मिनु अय्‍युबमी “आं थुं जिक्‍शो बाक्‍ब। आं नाक्‍त नुप्‍शा लशो बाक्‍नीम। आं कली तुरस ठीक दुम्‍शो बाक्‍ब।  
\v 2 थमा पा, आं एर ओंथ शुक्‍शी पाइब बाक्‍‍नीम। मेको आन शुक्‍शी पशो मारेइ ममिम्‍नुङ। \em अय्‍युब १६:१९\em* 
\p  
\v 3 परमप्रभु, गे आंमा आं जाकटी दुमीन। अरु सु आं पर्बम जमानी बाक्‍ने चाप्‍बा ङा?  
\v 4 गे मेको आन थुं रे रुप्‍तीक ग्रुंइताक्‍नी। मोपतीके गे मेको आन कली ठेयब दुम्‍चा मगेनी।  
\v 5 सुमी आ शोंप वारच आन कली कोंइशा योक्‍चा कली ब्रेप्‍बा, मेको आ आल जचा मताइनीम। 
\p  
\v 6 मेकोमी आं कली मुर नेल्‍ल आन दातेम कथा पतीक का सेल्‍शो बाक्‍ब। मुरपुकीमी आं ङोंइती तोक्सी‍नीम। \em अय्‍युब ३०:९\em* 
\v 7 आं मिक्‍च श्‍येत जतीके ब्रा ब्रा दुम्‍शो बाक्‍ब। आं गुइ खोइल सोव़शो बाक्‍नीम। गो वांकु खोदेंशो बाक्‍नुङ।  
\v 8 रिम्‍शो थुं पाइश्‍शो मुर मेको तशा, छक लाक्‍नीम। दोस मताइबपुकी परमप्रभु यावे आ अरेशो मटीब आन कली तशा गाइक्‍नीम।  
\v 9 मिनु ठीक पाइब मुर आंम लां रिम्‍शो पा गाक्‍नीम। मोदेंशो मुर बोल्‍यो क्‍येङा यो बोल्‍यो दुम्‍ना दुम्‍न लाइनीम।  
\v 10 मुल गे नेल्‍ल ले‍तीन। गो इन दातेमी निप्‍स पाइश्‍शो मुर का यो मतङमी।  
\v 11 आं नाक्‍त नुप्‍तेक्‍म। आं मिम्‍शो नेल्‍ल मोशा दुम्‍त। मिनु आं थुं ङा मिम्‍शो जाम्‍शा लत।  
\v 12 मेको मुरपुकीम नाक्‍दो कली नाक्‍त दें‍नीम। मिनु सुनी दुम्‍मेनु ‘नां रिक्‍त’ देंनीम।  
\v 13 गो आं आस पशो खिं बेक्‍शो मुर आन बाक्‍तीक बाक्‍त हना, आं ब्राख्‍ये छिङछिङम सेल्‍ता हना यो,  
\v 14 गो तुरस कली ‘गे आं आफ बाक्‍नीनी’ मिनु लुस्‍पु कली ‘आं ममा आं समी बाक्‍नीमी’ दें‍ती हना,  
\v 15 आं आस पशो ते लाक्‍गा? मिनु सुम आं पर्बम आस पाइबा?  
\v 16 मार एको बेक्‍शो मुर आन बाक्‍तीक आ नेक्‍था लाइबा? मार, गो नेल्‍ल उइ फुरकुम काथा लाइनया?” दे अय्‍युबम देंमाक्‍त। 
\c 18  
\s1 बिल्‍दादम लोव़ पशो 
\p  
\v 1 मिनु शुआह ङा बिल्‍दादमी  
\v 2 “गे एको लोव़ गेना थुम्‍नीनी? ङोंइती मिम्‍तीन। मिनु गो लोव़ पने चाप्‍नय।  
\v 3 मारदे आंइ कली बी ब्‍यफ खोदेंशो मिम्‍ती‍नी? गे मारदे आंइ कली निप्‍स मपाइश्‍शो सुइक्‍नीनी?  
\v 4 गे इन गाइश्‍शोम आंम कली खतम सेल्‍सीनीनी। मार, इन पर्बम गो रागी प्रोंइनीकी? सेरथे फुल्‍लु आन बाक्‍‍तीक रे याक्‍चा? 
\p  
\v 5 थमा पा, परमप्रभु यावे आ अरेशो मटीब आन बत्ती काप्‍ब। मिनु मेको आन मी ङा राप रे हाम्‍सो मग्रूब। \em हितोपदेस १३:९\em* 
\v 6 मेको आन ताम्‍बुम छेङछेङ, छिङछिङ दुम्‍ब। मिनु मेको आन बत्ती काप्‍शो बाक्‍ब। \em अय्‍युब २१:१७\em* 
\v 7 मेको आन लांमी आन खोइली ग्‍येत्‍थ लुक्‍च पाइब। मिनु मेको आन थुंम मिम्‍शा पशोमी मेको आन कली खोल्‍ब।  
\v 8 आंम खोइलीम मेको आन कली ब्‍वारदम लपाइक्‍‍ब। मेको ब्‍वारदम गिल्‍सीशा बिक्‍तीकेमी दोक्‍नीम।  
\v 9 मेको आन खोइली ब्रिम्‍सोम रेत्‍चा पुंइसीनीम। क्‍येयलम रेत्‍चा पुंइसीनीम।  
\v 10 मेको आन पर्बम खपीम ब्‍वारद आ डोरी ख्रुइश्‍शो बाक्‍ब। मोपा आन लांमी ब्‍वारद दाइश्‍शो बाक्‍ब।  
\v 11 शुश हिंतीकेम मेको आन कली ख्रिंख्रि पपाइक्‍ब। ते बाक्‍तेक्‍म हना यो, मेकेर हिंतीके यो बाक्‍ब। \em लेवी २६:३६\em* 
\v 12 मेकोपुकी शोव़लु बेक्‍तीके सक्ति मपाइश्‍शो बाक्‍नीम। मिनु श्‍येत दुम्‍शा गोल्‍नीम।  
\v 13 रोइ पतीकेमी मेको आन कुशुल नेल्‍ल नेक्‍शो बाक्‍ब। बेक्‍पाइक्‍ब रोइमी मेको आन गुइ खोइली मदुक्‍ब सेल्‍ब। \em गन्‍ती १२:१०-१२\em* 
\v 14 मेको आन ब्रोंइशा बाक्‍‍तीक रां आन पर्बम ‘रिम्‍शो बाक्‍ब’ दे थमा सुइश्‍शा, मुल रां रे ग्रुंइचा पुंइसीनीम। मिनु हिंपाइक्‍ब पिप आ बाक्‍‍तीके लाइक्‍चा पुंइसीनीम।  
\v 15 मेको आन ताम्‍बुम मारेइ मलीब। मेको आन बाक्‍‍तीकेम गन्‍धक ब्रुइश्‍शो बाक्‍ब।  
\v 16 मेको आन शाक्‍श खप आगाम सोव़नीम। मिनु आन राशी सोल सुल बेक्‍नीम।  
\v 17 रागी ङा मुरुम मेको आन कली प्रेंनीम। मेको आन नें ममिम्‍नीम।  
\v 18 मेको छेङछेङ रे छिङछिङम खेरचा पुंइसीनीम। मिनु रागी रे ग्रुंइचा पुंइसीनीम।  
\v 19 मेको आन आल मबाक्‍नीम। आन चच युइ यो मबाक्‍नीम। मेको आन ङोंइती ङा बाक्‍तीकेमी सुइ ब्रोंइशा मबाक्‍नी‍म।  
\v 20 पच्‍छिम ङा मुरपुकी मेको आन श्‍येत जशो नेंशा हिंनीम। पूर्ब ङा मुरपुकी शुश हिंशा ख्रिंख्रि पाइनीम। \em भजन संग्रह ३७:१३\em* 
\v 21 थमा पा, परमप्रभु आ अरेशो मटीब मुर आन बाक्‍तीके मोदेंशो दुम्‍ब। परमप्रभु कली मतुइक्‍ब मोदेंशोन दुम्‍नीम” दे बिल्‍दादम अय्‍युब कली लोव़ ले‍त्‍ता बाक्‍त। 
\c 19  
\s1 अय्‍युबम लोव़ लेश्‍शो 
\p  
\v 1 मिनु अय्‍युबमी  
\v 2 “गे आं कली गेना सम्‍म श्‍येत गेनीनी? मिनु इन लोव़मी आं कली मरिम्‍शो सेल्‍नीनी?  
\v 3 आं कली १० खेयप सम्‍म दोस गेतीनी। आं कली काइ मरिम्‍शो लोव़ पचा मुने मपाइनीनी?  
\v 4 गो थमा पा मरिम्‍शो पशो बाक्‍‍ती हना यो, मेको मरिम्‍शो पशो आं के बाक्‍ब।  
\v 5 थमा पा, गे आं क्‍येङा ठेयब दुम्‍चा मिम्‍नीनी। मिनु आं श्‍येत तशा, आं कली मरिम्‍शो सुइक्‍नीनी।  
\v 6 परमप्रभुमी आं कली मोशा श्‍येत गेती। आं एर ओंथ नेल्‍ल ब्‍वारद दाइश्‍शो बाक्ब।  
\v 7 गो ‘हुश ख्राक्‍श पोक्‍तीमी’ दे ग्रीती हना यो, आं कली लोव़ मलेप्‍ब। ‘वारच पाइय्‍यीनी’ दे पुंइता हना यो, निसाफ मताइनुङ। \em येरमीया २०:८; हबकुक १:२; अय्‍युब ३०:२०\em* 
\v 8 मेकोमी आं लां तेक्‍शो बाक्‍ब। मिनु ग्रूशा लने मचाप्‍नुङ। मिनु मेकोमी आं लां छिङछिङम सुम्‍तु। \em अय्‍युब ३:२३; बिलाप ३:७,९\em* 
\v 9 मेकोमी आं मान ततीक रोइक्‍ताक्‍यी। आं पिया रे आं सिरपेच पुइक्‍तु।  
\v 10 मेकोम आं कली लुक्‍च लाइब सेल्‍ती। गो खतम दुम्‍ती। रवा तुल्‍शो खोदेंशो पा आं आस नेल्‍ल नुप्‍पाइक्‍तु।  
\v 11 मेको आं पर्बम गाइक्‍ता‍क्‍व। मिनु आं कली आ जोरी सत्रु खोदेंशो मिम्‍ताक्‍यी। \em अय्‍युब १३:२४; अय्‍युब ३३:१०\em* 
\v 12 मेको आ लडाइ पाइबपुकी बुक्‍शा आं कली पुम्‍नीम। मेकोपुकीम आं ताम्‍बु आ एर ओंथ नेल्‍ल आन बाक्‍‍तीक सेल्‍नीम। 
\p  
\v 13 मेकोम आं खिं ङा मुर आन कली आं क्‍येङा ङोन वोइश्‍‍शो बाक्‍ब। आं वारच आं कली मतुइक्‍ब दुम्‍शो बाक्‍नीम। \em भजन संग्रह ३१:१२\em* 
\v 14 आं नेक्‍था ङा मुर नु गो नु गारब वारच आं क्‍येङा ङोन दुम्‍तेक्‍म। \em भजन संग्रह ३८:१२\em* 
\v 15 आं खिंम पौना दुम्‍शा बाक्‍बपुकीम प्रेंताक्‍यीमी। आं वाइलीमपुकीम आं कली अर्को रागी ङा मुर खोदेंशो पा मतुइश्‍शो खोदेंशो पाइनीम।  
\v 16 गो आं वाइल कली ब्रेत्‍नुङ। तन्‍न मेकोम लोव़ मलेप्‍ब। गो मेको कली शुश लेम्‍शा पुंइचा माल्‍नुङ।  
\v 17 आं सास आं मीश कली रिना नु ग्रांग्रा दिशो दुम्‍शो बाक्‍ब। गो आं खिं ङा मुर आन कली ग्रांग्रा दिशो दुम्‍शो बाक्‍ती।  
\v 18 आइक्‍च आलपुकीमी यो आं कली तशा ग्रांग्रा दित्‍नीम। मिनु आं कली तामेनु, मेकोपुकीम शुक्‍शी पाइनीम।  
\v 19 गो नु गारब वारच नेल्‍लेम आं कली ग्रांग्रा दित्‍नीम। आं दाक्‍शो मुरपुकी आं पर्बम दूली पा बोक्‍शो बाक्‍नीम।  
\v 20 आं के रुश नु कुशुल ला लीशो बाक्‍ब। गो बेक्‍चा चिक्‍शो बाक्‍ती।  
\v 21 आं वारचपुकी, आं कली शिशी पाइय्‍यीनी, शिशी पाइय्‍यीनी। मारदे हना परमप्रभुम आं कली दिप्‍शा, श्‍येत गेशो बाक्‍ब।  
\v 22 गेपुकीमी यो परमप्रभुमी आं कली खेदा पशो खोदेंशो पा मारदे खेदा पाइनीनी? मार, आं कली मिश ङा श्‍येत गेशा मरूनी? 
\p  
\v 23 आं पशो लोव़ ब्रेक्‍शो हना, मेको किताबम ब्रेक्‍शो हना, रिम्‍शो दुम वा।  
\v 24 मेको फलाम के याम मुशा नु सिसाम ब्रेक्‍शो हना, फुल्‍लुम गेना हना यो लीचा ङा पा मुशा ब्रेक्‍शो हना, रिम्‍शो दुम वा।  
\v 25 तन्‍न आं कली श्‍येत रे प्रोंइब का बाक्‍ब। मेको नोले ङा नाक्‍त रागीम जाक्‍शा आं सांकछी दुम्‍‍ब। मेको गो तुइक्‍नुङ। \em यसैया ४१:१४; होसे १३:१४; अय्‍युब २६:६\em* 
\v 26 मिनु आं कुशुल राक्‍शा खतम दुम नोले, गो आं रांमी परमप्रभु कली ताइनुङ। \em भजन संग्रह १७:१५; भजन संग्रह ७३:२४\em* 
\v 27 गो मेको कली आं मिक्‍चीमीन आं नेक्‍था ताइनुङ। गो मेको तचा कली शुश रिम्‍ना रिम्‍न बाक्‍नुङ।  
\v 28 गेपुकीम आं कली ‘एको कली दोपा खेदा पचा? मारदे हना श्‍येत आ शाक्‍श एको आ आगाम बाक्‍ब’ देंतीनी।  
\v 29 गेपुकी तरवार क्‍येङा हिनीन। मारदे हना गाइश्‍शो आ सजाइ तरवार रे पा जाक्‍ब। मिनु निसाफ का बाक्‍ब, दे तुइक्‍तीन” दे अय्‍युबम लोव़ लेत्‍ती‍मी बाक्‍त। 
\c 20  
\s1 सोफारमी लोव़ प‍शो 
\r अय्‍युब १५:-; १८:- 
\p  
\v 1 मिनु नामा ङा सोफारमी  
\v 2 “नोफा दाइक्‍तीन। आं मिम्‍शोम आं कली लोव़ लेप्‍पाइक्‍ब सेल्‍‍ती। मारदे हना गो आं थुं काइ मनुशो बाक्‍नुङ।  
\v 3 गो आं कली शुक्‍शी पशो लोव़ नेंशो बाक्‍नुङ। आं थुं ङा रुप्‍तीकेम आं कली लोव़ लेप्‍ब सेल्‍शो बाक्‍ब।  
\v 4 गे एको माइत लोव़ तुइक्‍नीनी? मुर रागीम बाक्‍मा रे एको लोव़ बाक्‍शो बाक्‍ब।  
\v 5 एको मार लोव़ बाक्‍ब देंशा हना, परमप्रभु यावे आ अरेशो मटीब आन ठेयब लेश्‍शो इच्‍का नाक्‍त ला लीब। मेको आन ग्‍येरसीशो याम का ला लीब।  
\v 6 मेको आन ठेयब लेत्‍तीक सरीङ खोइ लाइक्‍त हना यो नु मेको आन पियाम गोस्‍स कली थिप्‍तु हना यो, \em भजन संग्रह ३७:३५-३६\em* 
\v 7 मेको ख्री खोदेंशो पा जाम्‍नीम। मिनु मेको आन कली ताइब नेल्‍लेम ‘मेको ते लाक्‍गमे, खोइ?’ देंनीम। \em मीका ७:१०\em* 
\v 8 मेकोपुकी ङोमु पशो खोदेंशो पा जाम्‍शा लाइनीम। मेको आन कली मथिंसीब। मेकोपुकी नाक्‍दो तशो ततीक खोदेंशो पा जाम्‍शा लाइनीम।  
\v 9 मेको आन कली तुइक्‍बपुकीम लेंशा गेनायो मताइनीम। मिनु आन बाक्‍तीके रे यो जाम्‍शा लाइनीम। \em भजन संग्रह ३७:१०\em* 
\v 10 मेको आन आलपुकीम प्रुङग आन शिशी माल्‍नीम। मिनु मेको आन तौपुकीमी प्रुङग आन शोंप लाइश्‍शा गेनीम।  
\v 11 मेकोपुकी ठिटा दुम्‍शा, सक्ति पाइश्‍शो बाक्‍तेक्‍म हना यो, बेक्‍शा, तुरस ङा फुरकुम वोइक्‍चा पुंइसीनीम। 
\p  
\v 12 परमप्रभु यावे आ अरेशो मटीब आन मरिम्‍शो पशो मेको आन कली ब्रोव़शो बाक्‍त हना, मेको आन लें आगाम ख्रुइश्‍शा वोइक्‍नीम।  
\v 13 मेको आंम कली वोइश्‍शा, मप्रोंइब। मेको आन शोव़म वोइक्‍तेक्‍म हना यो,  
\v 14 मेको आन जचा थोव़क आन कोव़जम फांइसीब। मिनु मेकेर बुस्‍स आन बीस दुम्‍ब।  
\v 15 मेकोपुकीम मेको आन नेक्‍शो शोंप लेंशा मेचा माल्‍नीम। परमप्रभुमी मेको आन कली मेपाइक्‍ब।  
\v 16 मेकोपुकीम बुस्‍स आ बीस युप्‍नीम। मिनु बीस पाइश्‍शो बुस्‍सुमी मेको आन कली कोक्‍शा साइक्‍ब।  
\v 17 मेको आन के तर नु खुदो शुश बाक्‍त हना यो, ग्‍येरशा जचा तूचा मताइनीम।  
\v 18 मेको आन श्‍येत पा चेम्‍शो मारेइ मारेइ मजथु लेश्‍शा गेचा माल्‍नीम। मिनु आन ग्‍याप्‍शा लेयशा चेम्‍शो क्‍येट ग्‍येरशा ज‍चा मताइनीम। \em ब्‍यवस्‍था २८:३०-३३\em* 
\v 19 मारदे हना मेकोपुकीमी प्रुङग आन कली दिप्‍शा श्‍येत गेम्‍तेक्‍म। मेकोपुकीम आन मसेल्‍शो खिं आंम के सेल्‍शो बाक्‍नीम। 
\p  
\v 20 मेको आन शोव़लु गेनायो मउइक्‍ब। मिनु मेको आन शोंप मली‍ब।  
\v 21 मेकोपुकीम जामे नोले मारेइ महेक्‍ब। मोपा आन शोंप नेल्‍ल नुप्‍शा लाइब।  
\v 22 मेको आन मिम्‍शो नेल्‍ल गाप्‍त हना यो, मेकोपुकी श्‍येत जाइनीम। मारेइ मारेइ श्येत मेको आन तार कोम्‍सीब।  
\v 23 मेकोपुकी रूने थुम्‍मे नोले, परमप्रभुम आ गाइश्‍शो मेको आन तार मोइक्‍ब। दोशो जामे मोशो परमप्रभुम सजाइ गेचा पुंइसीनीम।  
\v 24 मेकोपुकी फलाम के या रे प्रोक्‍तेक्‍म हना यो, कांसा के ङर पाइश्‍शो ब्राम मेको आन कली ख्रिप्‍‍ब।  
\v 25 मेको ब्रा मेको आन कली ख्रिश्‍शा ग्रूनीम। मेको ब्रा आन टल्‍केशो ङरम मेको आन खाइल पुक्‍शा ग्रुंइब। मोपा मेको शुश हिंनीम। \em ब्‍यवस्‍था ३२:४१\em* 
\v 26 मेको आन शोंप कली थम छिङछिङमी रिम्‍शा बाक्‍शो बाक्‍ब। थाम्‍पा ब्रशो मीम मेको आन कली दाक्‍ब। मिनु आन ताम्‍बुम लीशो मारेइ मारेइ नेक्‍ब। \em ब्‍यवस्‍था ३२:२२\em* 
\v 27 स्‍वर्गम मेको आन मरिम्‍शो पशो नेल्‍ल कोंइब। रागी मेको आन कली दोस गेचा कली ठीक दुम्‍शो बाक्‍ब।  
\v 28 मेको आन खिं ङा शोंप नेल्‍ल योल्‍नीम। मेको गाइक्‍ता नाक्‍त मेको नेल्‍ल योल्‍नीम।  
\v 29 मेको परमप्रभु यावे आ अरेशो मटीब आन भाग बाक्‍ब। परमप्रभुमी गेशो इनाम मेकोन बाक्‍ब” दे लोव़ लेत्‍ता बाक्‍त। 
\c 21  
\s1 मटीब आन पर्बम शें‍शो 
\p  
\v 1 मिनु अय्‍युबमी  
\v 2 “इन नोफा दाइश्‍शा, आं लोव़ नेनीन। मेको आं कली इन गेशो लेम्‍तीके बाक्‍ब।  
\v 3 गो लोव़ पङानु, आं कली फाल्‍शा नेनीन। गो लोव़ थुमु नोले आं कली शुक्‍शी पने चाप्‍नीनी।  
\v 4 मार, आं थुं मनुथु पशो लोव़ बेक्‍शा लाइब मुर आन कली ममाइ। मारदे गो फाल्‍शा बाक्‍चा माल्‍नुङा?  
\v 5 आं कली कोव़यीनी। मिनु सिक्‍सी पने। मारदे हना गो ग्रांग्रा दि‍चा ङा तांइसीनुङ। इन शोव़ सुम्‍सीन। \em अय्‍युब ४०:४\em* 
\v 6 गो आं कली ‘मार दुम्‍बा’ दे मिम्‍नुङ। मिनु ग्रीचोक पा हिंनुङ। आं रां नेल्‍ल थुर थुर पा ख्रिंख्रि पाइब। 
\p  
\v 7 परमप्रभु यावे आ अरेशो मटीब मुर मारदे ब्रोंइना ब्रोंइन बाक्‍नीमी? मारदे मेकोपुकी खूशो दुम्‍मानु यो बोल्‍यो नु सक्ति पाइश्‍शो दुम्‍नीमी? \em येरमीया १२:१\em* 
\v 8 मेको आन तमी तौ मेकोपुकी नु बाक्‍नीमी। मिनु मेकोपुकीम आन चच युइ नेल्‍ल ताइनीम।  
\v 9 मेको आन खिंम महिंथु बाक्‍नीम। परमप्रभुम मेको आन कली सजाइ मगेब।  
\v 10 मेको आन बी ब्‍यफ सोशा बोशा दुम्‍नीम। बी नेल्‍ल गिक्‍नीमी, गेनायो मशाम्‍नीम।  
\v 11 मेको आन आल आन कली क्‍यारश भेडा आन पाठा खोदेंशो पा ग्‍यारथ सोइक्‍‍नीम। मिनु मेको आन आइक्‍च आल सिल पना पन प्रेक्‍शो बाक्‍नीम।  
\v 12 मेकोपुकी खैजडी नु बीना ताप्‍शा कुम्‍सो पाइनीम। मिनु बांसुरी ताप्‍शा ग्‍येरसीनीम।  
\v 13 मेकोपुकीम आन नाक्‍त ग्‍येरशा सोइक्‍नीम। मिनु मेको आन थुं नाइश्‍शा बेक्‍शो मुर आन बाक्‍‍तीक लाइनीम।  
\v 14 मेकोपुकीम परमप्रभु कली आंइ रे पा ङोन लन। गो इन लांम गाक्चा मदाक्‍नीकी, देंनीम। \em अय्‍युब २२:१७\em* 
\v 15 ‘नेल्‍ल क्‍येङा ठेयब सक्ति पाइश्‍शो सु बाक्‍म? गो मारदे मेको आ गेय पचा माल्‍नीकी? गो मेको कली पुंइशा मार ताइनीकी ङा?’ देंनीम। \em प्रस्‍थान ५:२; २ राजा १८:३५; भजन संग्रह १२:५; दानीएल ३:१५\em* 
\v 16 परमप्रभु यावे आ अरेशो मटीब आन सोशा बोशा लशो, मेको आंम आन पतीके ममाइ। मिनु आन मिम्‍शो तुइश्‍शा, गो ग्रांग्रा दीनुङ। \em अय्‍युब २२:१८\em* 
\p  
\v 17 परमप्रभु यावे आ अरेशो मटीब आन बत्ती गिश खेयप काम्‍सीबा? मेको आन पियाम गिश खेयप हिंचा ङा श्‍येत जुक्‍बा? शुश खेयप मजुक्‍‍ब। परमप्रभु आ गाइश्‍शोमी मेको आन कली गिश खेयप श्‍‍येत गेबा? शुश खेयप मगेब।  
\v 18 गिश खेयप फशेम बेरशो पराल खोदेंशो दुम्‍नीमी? मेकोपुकी गिश खेयप फश गिवारम बेरपाइश्‍शो भूस खोदेंशो दुम्‍नीमी? शुश खेयप मदुम्‍नीम। \em भजन संग्रह १:४\em* 
\v 19 गेपुकीम ‘परमप्रभुमी मेको आन मरिम्‍शो पतीके आन तमी तौ आन कली खेक्‍शा वोइक्‍ब’ देंनीनी। मोदेंशो मदुम्‍ल। तन्‍न मेकोमी मेको नेल्‍ल आन कली सजाइ गेवल। मिनु मेकोपुकीम तुइक्‍तमेक्‍ल। \em अय्‍युब २०:१०; प्रस्‍थान २०:५\em* 
\v 20 मेकोपुकीम आंमा आन कली खतम दुम्‍तीक तामेक्‍ल। मेकोपुकीम नेल्‍ल क्‍येङा ठेयब सक्ति पाइश्‍शो आ गाइश्‍शो तुइक्‍तमेक्‍ल।  
\v 21 मुर आन ब्रोंइतीक नुम नोले मेको आन खिं कोव़ने चाप्‍नीमी ङा? मेको आन ब्रोंइतीक नुप्‍ब।  
\v 22 मुरुम परमप्रभु कली जोक्‍तीक तुइक्‍तीक लोव़ शेंने चाप्‍नीमी ङा? मेकोमी इर बाक्‍ब आन कली यो निसाफ पाइब। \em उपदेसक ५:७\em* 
\v 23 का निक्‍शी मुर आन माल्‍शो नेल्‍ल गाप्‍शा बेक्नीम। मेको काइ महिंथु रिम्‍शा बाक्‍नीम।  
\v 24 मेको आन रां दोम्‍शो बाक्‍नीमी। मेको आन रुशेम मासी बाक्‍ना बाक्‍न बेक्‍नीम।  
\v 25 का निक्‍शी चहिं श्‍येतम ब्रीशा, आन थुं कशो दुम्‍शा बेक्‍नीम। मेकोपुकीम गेनायो ग्‍येरचा मतामे।  
\v 26 मिनु मेको नेल्‍ल काथा थिम्‍चा पुंइसीनीम। मिनु लुस्‍पुमी मेको आन कली सुम्‍नीम। \em अय्‍युब ३:१८-१९\em* 
\p  
\v 27 गेपुकी मार मिम्‍ना मिम्‍न बाक्‍नी, गो मेको रिम्‍शो पा तुइक्‍नुङ। मेको आं पर्बम दूली मिम्‍तीक लोव़ बाक्‍ब, दे गो तुइक्‍नुङ।  
\v 28 गेपुकीम ‘मेको सासन पाइब आ खिं ते बाक्‍म? मेको परमप्रभु यावे आ अरेशो मटीब मुर आन ताम्‍बु ते बाक्‍नीमी?’ दे हिल्‍लो पाइनीनी।  
\v 29 मार, गेपुकीम लां गाक्‍ब आन कली गेनायो हिल्‍लो मपनी? गे मेको आन देंशो मतुइक्‍नीनी?  
\v 30 शुश हिंचा ङा श्‍येत दुम्‍मेनु, परमप्रभु यावे आ अरेशो मटीबपुकी ब्रोंइचा ताइनीम। मिनु परमप्रभु आ गाइक्‍ची नाक्‍त मेकोपुकी प्रोंइचा पुंइसीनीम।  
\v 31 सुइम मेको आन कली दोस मगेनीम। सुइमी मेको आन मरिम्‍शो पशो आ पा ङा क्‍येक्‍क मलेत्‍नीम।  
\v 32 मिनु मेको बेक्‍शा, कुरशा तुरसुम लाइक्‍चा पुंइसीनीम। मिनु मेको आन तुरसुम खाल पाइब वोइक्‍नीम।  
\v 33 तुरस ङा खप यो मेको आन कली रिम्‍शो बाक्‍ब। मिनु शुश मुर मेको आन नोले खोइक्‍नीम। मिनु हिक्‍ने मचाप्‍चा ङा पा शुश मुर मेको आन क्‍येङा ङोंइती लाम्‍तेक्‍म।  
\v 34 गेपुकी इन देंशो फश लोव़म दोपा आं कली लेम्‍नीनी ङा?” दे अय्‍युबमी सोफार कली लोव़ लेत्‍ता बाक्‍त। 
\c 22  
\s1 एलीफाजमी अय्‍युब कली दोस गेशो 
\p  
\v 1 मिनु तेमान ङा एलीफाजमी  
\v 2 “बेक्‍शा लाइब मुरुम परमप्रभु कली मार पने चाप्‍बा ङा? शुश जोक्‍ब तुइक्‍ब मुरुम यो मेको कली मार गेय पने चाप्‍बा ङा?  
\v 3 गे ठीक पाइब बाक्‍‍तीनी हना, नेल्‍ल क्‍येङा ठेयब सक्ति पाइश्‍शो कली मार रिम्‍शो दुम्‍बा ङा? इन पशो नेल्‍ल दोस मततीक बाक्‍त हना, मेको कली मार रिम्‍शो दुम्‍बा ङा? \em अय्‍युब ३५:६-८\em* 
\v 4 इन परमप्रभु कली मान पा हिं‍तीके आ पर्बम इन कली महुइक्‍ब। मेको आ पर्बम इन कली निसाफ मपाइब।  
\v 5 इन परमप्रभु यावे आ अरेशो मटितीके ठेयब बाक्‍ब। इन मरिम्‍शो पतीके गेनायो मनुप्‍ब।  
\v 6 गे मोशान इन लोक्‍ब आ वा जाकटी लाइक्‍तीनी। आन वा रोइश्‍शा शिश्रा सेल्‍‍तीनी। \em प्रस्‍थान २२:२५-२६; अय्‍युब २४:९-१०\em* 
\v 7 गे तूतू दाक्‍शा, लकचा सोव़शो मुर आन कली ब्‍वाक्‍कु मगेनी। मिनु शोव़लु बेक्‍शो मुर आन कली जचा थोव़क मगेनी। \em अय्‍युब ३१:१७; मत्ती २५:४२-४३\em* 
\v 8 सक्ति पाइश्‍शो मुर आन के शुश रू बाक्‍नीम। मेको आन दाक्‍शो मुर आन कली मेकेर बाक्चा गेनीम।  
\v 9 गे आन वोंइश बेक्‍शो मीश मुर आन कली श्‍येत्‍थ गुइ सोइक्‍ताक्‍नी। मिनु रोम रोइक्‍च आन तचा माल्‍शो मगेनी। \em अय्‍युब २९:१२-१३\em* 
\v 10 मोपतीके इन गाक्‍तीक लां आ एर ओंथ नेल्‍ल ब्‍वारद दाइश्‍शो बाक्‍नीम। मिनु इन कली इन मतुइक्‍चा ङा पा शुश हिंतीके जाक्‍ब।  
\v 11 मिनु तने मचाप्‍चा ङा छिङछिङम इन कली सुम्‍ब। मिनु ब्‍वाक्‍कु बारशा यिशा इन कली सुम्‍ब। 
\p  
\v 12 परमप्रभु इर स्‍वर्गम बाक्‍‍ब। सोरुल आन कली कोव़ङीन। गिश इर बाक्‍नीमी।  
\v 13 मोपतीके गे ‘परमप्रभुमी मार तुइक्‍बा ङा? मेकोम गोस्‍स आ छिङछिङ रे दोपा निसाफ पाइबा ङा?  
\v 14 गोस्‍स आ छिङछिङ मेको कली सुम्‍तीके, मेकोम आंइ कली तने मचाप्‍ब। मिनु मेको सरीङम एर ओंथ गाक्‍शा बाक्‍‍ब’ देंतीनी।  
\v 15 गे परमप्रभु यावे आ अरेशो मटीब आन माइत लां मप्रोंइब बाक्‍नीनी?  
\v 16 मेको आन नाक्‍त मजाक्‍थु साइक्‍चा पुंइसाक्‍म। मेको आन जग ब्‍वाक्‍कुम योल्‍ताक्‍व। \em अय्‍युब १५:३२-३३; उत्‍पत्ती ७:२१\em* 
\v 17 मेको मुरपुकीम परमप्रभु कली ‘आंइ रे पा ङोन लन। नेल्‍ल क्‍येङा सक्ति पाइश्‍शोमी आंइ कली मार पने चाप्‍बा ङा?’ देंतेक्‍म। \em अय्‍युब २१:१४\em* 
\v 18 मो हना यो मेकोमी, मेको आन खिं रिम्‍शो थोव़कमी प्रिंताक्‍व। तन्‍न परमप्रभु यावे आ अरेशो मटीब आन मिम्‍शो काइ मदाक्‍नुङ।  
\v 19 ठीक पाइबपुकी मेको आन कली तशा ग्‍येरसीनीम। दोस मताइबपुकीम मेको आन कली शुक्‍शी पा रित्‍नीम। \em भजन संग्रह १०७:४२\em* 
\v 20 मेकोपुकीमी ‘थमा पा, इं जोरी सत्रु साइक्‍चा पुंइसाक्‍म। मिनु मेको आन शोंप मीम नेक्‍तु’ देंनीम। 
\p  
\v 21 परमप्रभु नु गारीन। मिनु थुं नाइक्‍तीन। मो पाइतीनी हना इन रिम्‍शो दुम्‍तीके लेंशा ताइनीनी।  
\v 22 मेको आ शेंशो पने। मिनु इन थुंम वोतीन।  
\v 23 गे नेल्‍ल क्‍येङा ठेयब सक्ति पाइश्‍शो गे ले‍तीन। मिनु ङोंइती ङा खोदेंशो दुम्‍नीनी। गे इन ठीक मपतीके इन क्‍येङा ङोन वोतीन। \em अय्‍युब ८:५-७; अय्‍युब ११:१४-१५\em* 
\v 24 गे सुन फुरक खोदेंशो मिम्‍ताक्‍नी हना, ओफीर ङा सुन कली खोला ङा फुल्‍लु खोदेंशो मिम्‍ताक्‍नी हना,  
\v 25 नेल्‍ल क्‍येङा ठेयब सक्ति पाइश्‍शो इन शोंप दुम्‍ब। मेको इन सुन चांदी दुम्‍त हना,  
\v 26 मेना नेल्‍ल क्‍येङा ठेयब सक्ति पाइश्‍शो कली मिम्‍शा, ग्‍येरशा बाक्‍नीनी। मिनु गे इन पिया पोक्‍शा परमप्रभु गे कोव़नीनी।  
\v 27 गे मेको कली पुंइनीनु, मेकोमी इन पुंइशो नेंब। मिनु गे इन जशो कसम खाप्‍नीनी। \em भजन संग्रह ५०:१४-१५\em* 
\v 28 गे मार पाइनुङ, दे मिम्‍नीनी, मेको दुम्‍ब। मिनु इन लांम छेङछेङ दुम्‍ब।  
\v 29 मारदे हना मेकोमी ठेयब लेश्‍शो लोव़ पाइब आन कली आइक्‍च सेल्‍ब। ब्रेम्‍शो मुर आन कली चहिं प्रोंइब। \em १ पत्रुस ५:५\em* 
\v 30 मेकोमी दोस ताइब आन कली यो प्रोंइब। गे दोस मताइब बाक्‍‍तीके मेको आन कली प्रोंइब” दे एलीफाजमी अय्‍युब कली लोव़ लेत्‍ता बाक्‍त। \em भजन संग्रह १८:२१,२५; २कोरिन्‍थी ५:२\em* 
\c 23  
\s1 अय्‍युबम लोव़ पशो 
\p  
\v 1 मिनु अय्‍युबमी  
\v 2 “मुलाक्‍ती आं देंशो लोव़ थुं मनुचा ङा बाक्‍ब। गो हुकयी पना पन बाक्‍ती हना यो, परमप्रभुमी आं कली श्‍येत गेना गेन बाक्‍ब।  
\v 3 गो मेको कली ते बाक्‍बा, मेको तुइक्‍तु हना, गो मेको आ बाक्‍तीके लाङ वा।  
\v 4 गो आं श्‍येत मेको आ ङोंइती नेल्‍ल शोव़ङु वा। गो मेको कली आं देंचा माल्‍शो लोव़ नेल्‍ल देंङ वा।  
\v 5 मेकोमी आं कली मार लोव़ लेप्‍बाक्‍मे गो मेको तुइक्‍तु वा। मिनु गो मेकोम आं कली मार देंबाक्‍मे मेको रुबु वा।  
\v 6 मेको आ ठेयब सक्तिमी गो नु लोव़ पाइबा ङा? ममाइ, परमप्रभुमी आं कली गेनायो दोस मगेब।  
\v 7 रिम्‍शो थुं पाइश्‍शो मुरपुकीमी मेको नु लोव़ पने चाप्‍नीम। मिनु गो आं निसाफ पाइब रे गेना हना यो प्रोंइचा पुंइसीङ वा। 
\p  
\v 8 गो ङोंइती गे लती हना, मेको मेक मबाक्‍ब। गो नोले गे लेत्‍ती हना यो, मेको मेक मबाक्‍ब।  
\v 9 मेकोमी पेरा गे ख्रुइक्‍ताक्‍व हना, गो मेको कली मताइनुङ। गो ग्‍युरा गे हिरसीङानु यो मेको कली तने मचाप्‍नुङ। \em अय्‍युब ४२:५\em* 
\v 10 तन्‍न मेकोमी आं गाक्‍शो लां तुइक्‍ब। मेकोमी आं कली नाक्‍शा कोव़यीनु, गो सुन खोदेंशो दुम्‍नुङ। \em भजन संग्रह १७:३; भजन संग्रह १३९:२३-२४\em* 
\v 11 गो मेको आ नोले खोइश्‍शो बाक्‍नुङ। गो मेको आ लांम ला गाक्‍शो बाक्‍ती। गो ग्‍युरा पेरा मपङ।  
\v 12 गो मेको आ शेंशो पाता। मेको आ लोव़ नाक्‍त किंत किंत ङा आं जचा थोव़क क्‍येङा यो शुश मिम्‍ताक्‍ङ।  
\v 13 तन्‍न मेको आ कान बाक्‍ब। मिनु सुमी मेको कली तेक्‍ने चाप्‍बा ङा? मेकोमी आ मिम्‍शो खोदेंशो पाइब।  
\v 14 मेकोमी आं कली मार पचा मिम्‍बा, मेको नेल्‍ल पाइब। मिनु मोदेंशो शुश मिम्‍‍ब।  
\v 15 मोपतीके गो मेको नु ग्रुम्‍चा शुश हिंनुङ। गो मेको कली मिम्‍शा हिंशा ख्रिंख्रि पाइनुङ।  
\v 16 परमप्रभुम आं थुं थपाइश्‍शो बाक्‍ब। नेल्‍ल क्‍येङा ठेयब सक्ति पाइश्‍शोमी आं कली हिंपाइ‍क्‍ब।  
\v 17 छिङछिङमी आं कली सिक्‍सी पपाइक्‍ने मचाप्‍ब। मेको छिङछिङमी आं कली सुम्‍ने मचाप्‍ब” दे अय्‍युबमी देंमाक्‍त। 
\c 24  
\s1 परमप्रभु कली मटीब 
\p  
\v 1 मिनु अय्‍युबमी “नेल्‍ल क्‍येङा ठेयब सक्ति पाइश्‍शोमी निसाफ पतीके नाक्‍त मतुइक्‍पदा? आ नेक्‍था बाक्‍बपुकीम यो मेको आन नाक्‍त मारदे मतुइक्‍नीमी? \em उपदेसक ३:११; उपदेसक ८:६\em* 
\v 2 परमप्रभु यावे आ अरेशो मटीब मुरपुकीम सांद ङा फुल्‍लु याक्‍नीम। मेकोपुकीम क्‍यारश भेडा खुइ पशा योव़नीम। \em ब्‍यवस्‍था २७:१७\em* 
\v 3 मेकोपुकीम रोम रोइक्‍च आन गधा खुल्‍शा लाइक्‍नीम। मिनु वोंइश बेक्‍शो मीश मुर आन ब्‍यफ जाकटी वोंइ‍सीनीम।  
\v 4 मेकोपुकीम प्रुङग आन कली लां मेर चुशा थोक्‍शा गाक्‍नीम। रागी ङा प्रुङग आन कली ख्रुइक्पाइक्‍नीम।  
\v 5 ब्‍वाकी ङा गधा गोरशो रागीम जचा थोव़क माल्‍शा गाक्‍शो खोदेंशो पा, प्रुङगपुकी जचा थोव़क माल्‍शा गाक्‍नीम। मिनु गोरशो रागीम मेको आन तमी तौ आन कली जचा थोव़क माल्‍‍नीम।  
\v 6 प्रुङगपुकीम मुर आन रूम सिला माल्‍नीम। परमप्रभु यावे आ अरेशो मटीब मुर आन अङगुर रूम सिला पाइनीम।  
\v 7 वा मबाक्‍‍तीके मेकोपुकी शिश्रा इप्‍नीम। मेको आन के ग्‍यूमी फेक्‍तीक मबाक्‍ब।  
\v 8 मेको पहाडम बाक्‍शा रेउम जित्‍नीम। फाम्‍सीतीके मबाक्‍‍तीके, फुल्‍लु आ नेक्‍था फाम्‍सीनीम। 
\p  
\v 9 परमप्रभु यावे आ अरेशो मटीबपुकीम रोम रोइक्‍च आन कली आन ममा आ थुकु रे रोइश्‍शा, लाइनीम। मिनु मारेइ मथीब मुर आन आल आन कली आन जेर आ पा ङा लाइ‍नीम।  
\v 10 मेकोपुकी वा मबाक्‍‍तीके शिश्रा गाक्‍नीम। शोव़लु बेक्‍शा यो, क्‍योव़ज चेरब आ मुठा कुरनीम। \em यसैया ५८:७\em* 
\v 11 मेकोपुकीम गारो आन दातेमी तेल ख्राक्‍नीम। अङगुर ख्राक्‍तेक्‍म हना यो तूतू, दाक्‍शो बाक्‍नीम। \em याकूब ५:४\em* 
\v 12 सहर रे बेक्‍चा चिक्‍शो मुर आन हुकयी पशो नेंसीब। मिनु गार दुम्‍शो मुरुम ‘वारच पाइय्‍यीनी’ दे वाइ ब्रेप्‍ब। मो हना यो परमप्रभुम मेको आन पुंइशो मनेंब। 
\p  
\v 13 का निक्‍शी मुर छेङछेङ आ पर्बम मरिम्‍शो लोव़ पाइनीम। मेकोपुकीम छेङछेङ ङा लां मतुइक्‍थु, मगाक्‍नीम।  
\v 14 मुर साइक्‍ब मुर नां रिक्‍म नोले बोक्‍शा प्रुङग नु मारेइ मथीब आन कली साइक्‍ब। मिनु नाक्‍दो मेको खुइ खोदेंशो दुम्‍ब।  
\v 15 मुर आन मीश नु मुर आन वोंइश नु इप्‍ब नां रिक्‍चा रिम्‍ब। मिनु मेकोमी ‘नाक्‍दो सुइम आं कली मतुइक्‍तमेक्‍ल’ दे आ कुल फाइक्‍ब। \em भजन संग्रह १०:११\em* 
\v 16 खुइपुकी नाक्‍दो खिं प्रोल्‍शा ओव़नीम। मिनु नाक्‍त ख्रुंइसीनीम। मिनु मेकोपुकीम छेङछेङ मतुइक्‍नीम।  
\v 17 मारदे हना क्‍येर नाक्‍दो मेको आन कली सुनी बाक्‍ब। क्‍येर नाक्‍दो ङा शुश हिंतीके मेको आन वारच बाक्‍‍ब। 
\p  
\v 18 मेको मोदेंशो मुरपुकी ब्‍वाक्‍कु आ तार ङा बोग्‍यो खोदेंशो बाक्‍नीम। मेको आन थेरशो रू सराप चीले तशो बाक्‍नीम। सुइ मुर आन अङगुर रू गे मलाइनीम।  
\v 19 दोपा यशो फुं कली नां नु होशोम सोव़पाइक्‍बा, मोपा बेक्‍शो मुर आन बाक्‍तीकेमी पापी आन कली साम्‍पाइ‍क्‍ब।  
\v 20 मेको आन कली जरमेब कोव़जीम मेको आन कली प्रेंब। मिनु लुस्‍पु‍मी ‘मेको ब्रोव़शो बाक्‍नीम’ दे मिम्‍नीम। मुरुम मेको आन कली प्रें‍नीमी। मोपा परमप्रभु यावे आ अरेशो मटीबपुकी दिम्‍शो रवा खोदेंशो दुम्‍‍नीम। 
\p  
\v 21 मेकोपुकीमी आल मथीब मीश मुर आन कली श्‍येत गेनीम। मिनु आ वोंइश बेक्‍शो मीश मुर आन कली मारेइ रिम्‍शो मपाइ‍नीम।  
\v 22 मो हना यो परमप्रभु आ सक्तिमी मेको बोल्‍यो मुर आन कली ब्रोंइचा गेब। तन्‍न गेना बेक्‍नीमी मतुइक्‍नीम।  
\v 23 परमप्रभुम मेको आन कली प्रोंइतु हना यो, मेकोमी मेको आन कली गेना हना यो कोव़शो बाक्‍ब।  
\v 24 याम का कली मरिम्‍शो पाइबपुकी ग्‍येत्‍थ क्‍युक्‍चा पुंइसीनीम। मिनु नोले मेको जाम्‍नीम। अरु खोदेंशो पा मेकोपुकी यो बेक्‍शा लाइनीम। मिनु मेकोपुकी चेरब पेश्‍शो खोदेंशो पा पेत्‍सीनीम।  
\v 25 सुइमी आं कली ‘गे जोल पाइब नवे’ दे देंने मचाप्‍नीम। मिनु आं कली ‘फश लोव़ पाइब’ देंने मचाप्‍नीम” देंमाक्‍त। 
\c 25  
\s1 बिल्‍दादमी लोव़ पशो 
\p  
\v 1 मिनु शुआह ङा बिल्‍दादमी  
\v 2 “नेल्‍ल क्‍येङा ठेयब दुम्‍तीके नु मान पा हिं‍तीके परमप्रभु नु बाक्‍ब। मेकोमी इर स्‍वर्गम थुं नाइश्‍शा बाक्‍‍तीक सेल्‍ब।  
\v 3 मेको आ लडाइ पाइब हिक्‍ने मचाप्‍चा ङा बाक्‍नीम। मेको आ छेङछेङ नेल्‍ल आन बाक्‍तीके मजाक्‍बा ङा?  
\v 4 बेक्‍शा लाइब मुर दोपा परमप्रभु आ ङोंइती ठीक पाइब दुम्‍ने चाप्‍नीमी ङा? मीश मुर रे जरमेशो मुर दोपा ग्रांग्रा मदिचा ङा दुम्‍ने चाप्‍नीमी ङा? \em अय्‍युब ९:२; भजन संग्रह १४३:२\em* 
\v 5 मेको आ ङोंइती तास्‍लाम ठीक पा छेङछेङ मगेब। सोरुल आन छेङछेङ मगारचा ङा बाक्‍नीम। \em अय्‍युब १५:१५\em* 
\v 6 मिनु लुस्पु खोदेंशो मुर, दोपा परमप्रभु आ ङोंइती ठीक दुम्‍ने चाप्‍बा ङा?” दे बिल्‍दादम देंमाक्‍त। \em यसैया ४१:१४\em* 
\c 26  
\s1 अय्‍युबमी लोव़ लेश्‍शो 
\p  
\v 1 मिनु अय्‍युबमी  
\v 2 “गे दोपा बोल मपाइश्‍शो मुर कली वारच पाइक्‍नी? यो‍क्‍शो गुइ कली गे दोपा नाइक्‍चा गेनी?  
\v 3 गे मतुइक्‍ब मुर कली, अर्ती गेतीनी। मिनु गे शुश रिम्‍शो लोव़ शेंताक्‍नी।  
\v 4 ओदेंशो लोव़ पचा कली गे ते शेंसीनी? मिनु तेको सोक्‍त रे पा ओदेंशो लोव़ पनी?” दे अय्‍युबमी देंमाक्‍त। 
\p  
\v 5 “उइ ङा मुर आन वांकु ख्रिंख्रि पाइनीम। ब्‍वाक्‍कु नु मेकेर बाक्‍बपुकी यो ख्रिंख्रि पाइनीम।  
\v 6 परमप्रभु आ ङोंइती बेक्‍शो मुर आन बाक्‍‍तीके मख्रुंइसीशो बाक्‍ब। मिनु जाम्‍शा लतीके मसुम्‍सीशो बाक्‍ब। \em भजन संग्रह १३९:८; हितोपदेस १५:११; आमोस ९:२; प्रकाश ९:१\em* 
\v 7 मेकोम श्‍येत्‍थ बाक्‍तीकेमी उत्तर ङा सरीङ प्राक्‍ब। मिनु रागी कली मारेइ मबाक्‍तीकेम क्‍युक्‍ब।  
\v 8 मेकोमी ब्‍वाक्‍कु कली क्‍येर गोस्‍सुम तेक्‍शा वोइक्‍ब। मिनु मेको गोस्‍स मप्रोल्‍ब। ब्‍वाक्‍कु मग्रूब।  
\v 9 मेकोमी पूर्ने ङा तास्‍ला कली सुम्‍ब। मिनु आ गोस्‍सपुकी मेको आ तारी प्राक्‍ब।  
\v 10 मेकोमी ब्‍वाक्‍कु आ सुरम सांद वोइश्‍शो बाक्‍ब। छिङछिङ नु छेङछेङ फ्रा‍चा कली मो पशो बाक्‍ब।  
\v 11 मिनु सरीङ ङा थामपुकी हिम्‍‍सीनीम। परमप्रभु आ हुइश्‍शोमी हिंशा सिक्‍सी पाइनीम।  
\v 12 मेकोम आ सक्तिम समुन्‍द्र कली थेल्‍तु। मिनु आ रुप्‍तीकेम राहाब माइश्‍शो समुन्‍द्र ङा ठेयब जन्‍तु कली खतम सेल्‍तु। \em अय्‍युब ९:१३; भजन संग्रह ८९:११\em* 
\v 13 मेको आ फश पतीकेमी सरीङ हाक्‍साक्‍व। मेकोम दोरशा प्रोक्‍ब ठेयब जन्‍तु कली साइक्‍तु। \em यसैया २७:१\em* 
\v 14 मेको आ सक्ति ङा आइक्‍च गेय ला बाक्‍नीम। मेको रे गो आइक्‍च सेंदा ङा लोव़ ला नेंतक। मिनु मेको आ सक्तिम पशो बुंबु, सुम रुप्‍ने चाप्‍बा ङा?” देंमाक्‍त। 
\c 27  
\s1 अय्‍युबम लोव़ पशो 
\p  
\v 1 मिनु लेंशा अय्‍युबमी  
\v 2 “परमप्रभु यावे ब्रोंइशा बाक्‍शो खोदेंशो पा आं ठीक पशो आ पर्बम मारेइ मदे। नेल्‍ल क्‍येङा ठेयब सक्ति पाइश्‍शोम आं थुं खाइक्‍पाइश्‍शो बाक्‍ब।  
\v 3 गो आं रांम सोक्‍त बाक्‍म सम्‍म, परमप्रभु आ सोक्‍त आं नेंम बाक्‍म सम्‍म,  
\v 4 गो मारेइ जोल मपाइनुङ। मिनु मिलो शिलो मपाइनुङ। \em भजन संग्रह ३४:१४\em* 
\v 5 गो गेपुकी ठीक बाक्‍‍नीनी, दे मदेंनुङ। गो मबेक्‍ङा सम्‍म आं रिम्‍शो पतीक मप्रोंइनुङ।  
\v 6 गो आं ठीक पतीके कली गेनायो मप्रोंइनुङ। गो मबेक्ङा सम्‍म दोस मताइब बाक्‍नुङ। \em प्रेरित २४:१६; १कोरिन्‍थी ४:४\em* 
\p  
\v 7 आं जोरी सत्रु परमप्रभु यावे आ अरेशो मटीब खोदेंशो दुम्‍मल। आं कली मदाक्‍बपुकी ठीक मपाइब खोदेंशो दुम्‍मल।  
\v 8 परमप्रभु यावे आ अरेशो मटीब मुर बेक्‍चामेनु, परमप्रभुम मेको आन सोक्‍त लाइक्चावानु, मेको आन के मार आस बाक्‍बा ङा? \em लूका १२:२०\em* 
\v 9 श्‍येत जचा चिक्‍तमेनु, आन ङाक्‍शो परमप्रभुमी नेंबा ङा?  
\v 10 मार, मेकोपुकीम नेल्‍ल क्‍येङा ठेयब सक्ति पाइश्‍शो कली मिम्‍शा ग्‍येरसीनीमी? मेकोपुकीम गेना हना यो मेको कली मिम्‍शा पुंइनीमी ङा?  
\v 11 गो इन कली परमप्रभु आ पशो आ पर्बम शेंनुङ। गो नेल्‍ल क्‍येङा ठेयब सक्ति पाइश्‍शो आ मिम्‍शो मख्रुइक्‍नुङ।  
\v 12 मेको गे नेल्‍लेम ताइतीनी। गेपुकी मारदे फश लोव़ पाइनीनी? 
\p  
\v 13 परमप्रभु यावे आ अरेशो मटीब आन कली गेशो भाग एकोन बाक्‍ब। नेल्‍ल क्‍येङा ठेयब सक्ति पाइश्‍शोम शिशी मपाइक्‍ब आन कली गेशो भाग एकोन बाक्‍ब। \em हितोपदेस १३:२२; उपदेसक २:२६\em* 
\v 14 मेको आन तौ शुश बाक्‍तेक्‍म हना यो, मेकोपुकी तरवारम क्‍योरशा साइक्‍चा पुंइसीनीम। मिनु मेको आन चच युइ रूथ्री जचा मताइनीम। \em अय्‍युब २१:१९\em* 
\v 15 मिनु लीशोपुकी बेक्‍तीक रोइ पा बेक्‍शा थिम्‍चा पुंइसीनीम। मिनु आन मीशपुकी रोंका मपाइनीम।  
\v 16 मेकोपुकीम फुरक खोदेंशो पा चांदी खुप्‍ताक्‍म हना यो, खप खोदेंशो पा शुश वासी तेल्‍तेक्‍म हना यो,  
\v 17 मेकोपुकीम तेल्‍नीमी, तन्‍न ठीक पाइबपुकीम फेक्‍नीम। मिनु मेको आन चांदी दोस मताइब आन कली योक्‍शा गेनीम।  
\v 18 मेको आन खिं ग्‍‍योव़ खोदेंशो पा सेल्‍शो बाक्‍ब। अङगुर रू खाल पाइब मुर आन बाक्‍‍तीके खोदेंशो दुम्‍ब।  
\v 19 मेको शोंप पाइश्‍शो दुम्‍शा इप्‍नीम। तन्‍न मुल रे मोदेंशो मदुम्‍नीम। मेको बोक्‍मानु, मेको नेल्‍ल लने थुम्‍शो बाक्‍ब।  
\v 20 शुश हिंतीकेम मेको आन कली बारशो ब्‍वाक्‍कुम खोदेंशो पा सुम्‍ब। मिनु नाक्‍दो फश गिवारमी मेको आन कली योल्‍ब।  
\v 21 पूर्ब ङा फशेमी मेको आन कली बेर पा योल्‍ब। मिनु मेको आन बाक्‍तीके योल्‍चा पुंइसीनीम।  
\v 22 फशेमी शिशी मपथु, मेको आन कली योल्‍ब। मिनु मेकोपुकी मेकेर रे प्रोक्‍चा माल्‍नीम।  
\v 23 मेको फशेमी मेको आन कली तशा, आन गुइ फ्रेक्‍नीम। मेको आन बाक्‍तीकेम मेको आन कली शुक्‍शी पाइब” देंमाक्‍त। 
\c 28  
\s1 सोफार आ लोव़ 
\p  
\v 1 मिनु अय्‍युबमी “चांदी आन खानी बाक्‍नीम। सुन यपाइश्‍शा रिम्‍शो सेल्‍तीक बाक्‍नीम।  
\v 2 फलाम दोशा खप रे ग्रुंइनीम। फुल्‍लु रे तांबा यपाइश्‍शा ग्रुंइनीम।  
\v 3 मुरुम छिङछिङ कली थुम्‍पाइक्‍नीम। मेकोपुकी रागी आगा ङा छिङछिङम खानी माल्‍ना माल्‍न गाक्‍नीम।  
\v 4 मुर आन बाक्‍‍तीक रे शुश ङोन लाइनीम। मिनु मुरुम मथेक्‍तीक रागी लाइनीम। मेकोपुकीमी खानी आगा लतीक पोव़ला दोइनीम। मिनु मेकोपुकी सुइ मबाक्‍‍तीकेम डोरीम ग्‍युक्‍शा बिक्‍तीकेम गेय पाइनीम।  
\v 5 मिनु अन्‍न रू आन आगाम खानी दोना दोन बाक्‍नीम। मिनु नेल्‍ल खल्‍बल सेल्‍नीम। खप कली मी सेल्‍नीम।  
\v 6 मेको फुल्‍लु रे साफीर माइश्‍शो हीरा नु सुन के फुरक ग्रुंइनीम। 
\p  
\v 7 तेकोइ सिखार पाइब चिक्‍बीम मेकेर लतीक लां मतुइक्‍ब। मिनु ब्‍वारदे आ शुश ताइब मिक्‍चीमी यो मेको मतशो बाक्‍ब।  
\v 8 ठेयब लेश्‍शो जन्‍तु यो मेकेर मजाक्‍दीत्‍नीम। मिनु गुप्‍सपुकी मेको लां रे मलाइनीम। 
\p  
\v 9 मुरुम आन गुइमी सारो फुल्‍लु क्‍योरनीम। मिनु पहाड आन कली दिंम सेल्‍नीम।  
\v 10 मेकोपुकीम रोंगुम पोव़ला मुइनीम। मिनु शुश क्‍येट लाइब हीरापुकी ताइनीम।  
\v 11 मेकोपुकीम खोला आ बुक्‍तीक माल्‍नीम। मिनु रागीम थिम्‍शा वोइश्‍शो शोंप ग्रुंइनीम। 
\p  
\v 12 तन्‍न तुइक्‍‍तीक चहिं ते थिंसीबा? मिनु रुप्‍तीके ते बाक्‍बा?  
\v 13 बेक्‍शा लाइब मुरपुकीम मेको आ लां मतुइक्‍नीम। ब्रोंइशा बाक्‍ब मुर आन रागीम मेको मथिंसीब।  
\v 14 मिनु खप आ लुक्‍च लशोमी ‘मेको गो नु मबाक्‍ब’ देंब। मिनु समुन्‍द्रमी यो ‘मेको गो नु मबाक्‍ब’ देंब।  
\v 15 मुरुमी सुनमी रुप्‍तीके ग्‍याप्‍‍ने मचाप्‍नीम। चांदी नाक्‍शा यो मेको कली थाप्‍‍‍ने मचाप्‍नीम। \em हितोपदेस ३:१३-१५\em* 
\v 16 रुप्‍तीके कली ओफीर ङा सुन, शुश क्येट लाइब ओनीक्‍स नु साफीर माइश्‍शो हीरामी यो ग्‍याप्‍ने मचाप्‍नीम।  
\v 17 सुन नु सिसा आस क्‍येङा तुइक्‍तीके नु रुप्‍तीके ठेयब बाक्‍ब। क्‍येख सुन के गहाना नु यो मेको फाइक्‍ने मचाम्‍सीब।  
\v 18 ल‍ल मूगा नु टल्‍केब फुल्‍लु आ पर्बम लोव़ पचा ममाल्‍ब। तुइक्‍‍तीक थुं मोती आन क्‍येङा यो शुश क्येट लाइब बाक्‍ब। \em भजन संग्रह १११:१०; हितोपदेस १:७, ९:१०\em* 
\v 19 एथीयोपीया रागी ङा पुश्पराज माइश्‍शो हीरा मेको नु उइक्‍थ दुम्‍ने मचाप्‍ब। मेको क्‍येख सुनम ग्‍याप्‍‍‍‍ने मचाप्‍नीम। 
\p  
\v 20 मिनु तुइक्‍तीक थुं ते रे जाक्‍बा? मिनु रुप्‍‍तीके ते बाक्‍बा?  
\v 21 मेको ब्रोंइशा बाक्‍ब नेल्‍ल आन ङोंइती रे ख्रुइश्‍शो बाक्‍ब। मेको सरीङम बेरब चिक्‍ब आन क्‍येङा यो ख्रुइश्‍शो बाक्‍ब।  
\v 22 जाम्‍शा लतीके नु बेक्‍पाइक्‍बमी ‘गो मेको आ पर्बम नेंशो ला बाक्‍नस्‍कु’ देंनीस। 
\p  
\v 23 तन्‍न परमप्रभुमी मेको आ लां तुइक्‍ब। मेको ते रे जाक्‍बा मेको यो तुइक्‍ब। \em हितोपदेस ८:२२-३१\em* 
\v 24 मारदे हना मेकोमी रागी आ एर ओंथ नेल्‍ल ताइब। मिनु सरीङ आगा ङा मारेइ मारेइ नेल्‍ल आन कली कोव़ब।  
\v 25 मेकोमी फश कली सक्ति गेप्‍तु। मिनु समुन्‍द्र आ सांद वोइक्‍तु।  
\v 26 मेकोम ‘दोशो रेउ यिचा माल्‍बा’ मेको अरेप्‍तु। मिनु बुंबु कली आ लां कोंइताक्‍व।  
\v 27 मेना मेकोम रुप्‍तीक नु तुइक्‍तीक कली तशा ‘एकेर बाक्‍ब। मोदेंशो दुम्‍चा माल्‍ब। मेको रिम्‍शो बाक्‍ब’ देंमाक्‍त।  
\v 28 मिनु मेकोमी मुर आन कली ‘परमप्रभु यावे कली मान पा हिंतीके तुइक्‍‍तीक बाक्‍ब। मरिम्‍शो पतीक रे ङोन बाक्‍चा रुप्‍तीके बाक्‍ब’ देंत” दे अय्‍युबमी देंमाक्‍त। \em भजन संग्रह १११:१०; हितोपदेस १:७\em* 
\c 29  
\s1 ङोंइती ङा ग्‍येरशा बाक्‍शो मिम्‍शो 
\p  
\v 1 मिनु लेंशा अय्‍युबमी  
\v 2 “गो ङोंइती ङा खोदेंशो बाक्ङ हना! मेना परमप्रभुमी आं कली कोव़शो बाक्‍‍त।  
\v 3 मेना मेको आ छेङछेङ आं पिया तार बाक्‍त। मिनु गो छिङछिङम मेको आ हाम्‍सोम गाक्‍ती। \em भजन संग्रह १८:२९\em* 
\v 4 गो आं थम रिम्‍शो नाक्‍तीम परमप्रभु आं वारच दुम्‍शा, आं नेक्‍था बाक्‍त। \em भजन संग्रह २५:१४\em* 
\v 5 मेना मेको नेल्‍ल क्‍येङा ठेयब सक्ति पाइश्‍शो गो नु बाक्‍शो बाक्‍त। मिनु आं तौपुकी आं एर ओंथ बाक्‍‍तेक्‍म।  
\v 6 मेना आं लांम दूध शाइश्‍शो बाक्‍‍त। मिनु सेरथे फुल्‍लु रे तेल के खोला शाइश्‍शो बाक्‍‍त।  
\v 7 गो आं बाक्‍‍तीके रे सहर ङा ठेयब लाप्‍चो रे पा लाङगा आं नित्‍तीकेमी नित्‍थ लङानु,  
\v 8 ठिटापुकीम आं कली तशा, लां प्रोंइशा गेतीमी। मिनु खूशोपुकी आं कली तशा मान पा राप्‍तेक्‍म।  
\v 9 ठेयब मुरपुकी सिक्‍सी पा बाक्‍तेक्‍म। मिनु मेकोपुकीम आन गुइमी आन शोव़ सुम्‍तेक्‍म।  
\v 10 सासन पाइब आन ब्‍वाक्‍चा देक्‍शा, सिक्‍सी पा बाक्‍तेक्‍म।  
\v 11 आं ब्‍वाक्‍शो नेंबपुकीम आं कली ठेयब सेल्‍तीमी। मिनु आं कली तशा ‘रिम्‍शो बाक्‍ब’ देंतेक्‍म।  
\v 12 मारदे हना गो ‘वारच पाइक्‍की’ देंब प्रुङग आन कली वारच पा प्रोंइतामी। वारच पाइब मबाक्‍शो रोम रोइक्‍च आन कली वारच पाइक्‍तामी। \em अय्‍युब ३१:१६; प्रस्‍थान २२:२१-२२\em* 
\v 13 मारेइ आस मबाक्‍शो मुरपुकीम आं कली आसीक गेतीमी। गो आन वोंइश बेक्‍शो मीश मुर आन थुं ग्‍येरपाइक्‍तामी।  
\v 14 गो ठीक पतीक कली वा फेक्‍सीशो खोदेंशो पा फेक्‍साक्‍यी। आं ठीक निसाफ पतीके आ वा नु आं फेटा खोदेंशो बाक्‍त।  
\v 15 गो मिक्‍च मताइब आन मिक्‍च दुम्‍ती। मिनु खोइल मदुक्‍ब आन खोइल दुम्‍ती।  
\v 16 मारेइ मथीब आन कली आन आफ खोदेंशो दुम्‍ती। गो अर्को रागी ङा मुर आन कली आन मुददा कोव़शा गेतामी। \em अय्‍युब ३१:१८\em* 
\v 17 गो ठीक मपाइब आन सक्ति नेल्‍ल खतम पोक्‍तामी। मिनु मेको आन रोइश्‍शो लेप्‍पाइक्‍ता।  
\v 18 मेना गो आं खिंम श्‍येत मजथु बेक्‍नुङ, दे मिम्‍शो नङ। मिनु गो शुश बर्स ब्रोंइनुङ, दे मिम्‍शो नङ।  
\v 19 आं शाक्‍श बारशा ब्‍वाक्‍कु बाक्‍तीक गे लाम्‍तेक्‍म। मिनु आं राशीम सीत बाक्‍त।  
\v 20 आं सक्ति गेना हना यो बाक्‍त। मिनु आं गुइ ङा लिब्रा गेना हना आप्‍ने चाप्‍शो बाक्‍ती। 
\p  
\v 21 गो लोव़ पङानु, मुर नेल्‍लेमी सिक्‍सी पा नेंतेक्‍म। मिनु नोफा दाइश्‍शा आ अर्थ नेंतेक्‍म।  
\v 22 गो आं लोव़ थुमु नोले सुइमी अरु लोव़ तेम्‍चा ममाल्‍देम। आं लोव़ मेको आन थुंमी सीत खोदेंशो पा जिन्‍ना जिन्‍न लत।  
\v 23 मेकोपुकीम बर्खा ङा रेउ रिम्‍शो खोदेंशो पा आं कली रिम्‍ताक्‍यीमी। मिनु नोले ङा रेउ रिम्‍शो खोदेंशो आन शोव़ वोक पाक्‍शा आं लोव़ नेंतेक्‍म।  
\v 24 गो ज्‍याउ रिस्‍सीङानु, आन थुं बारत। आं ग्‍येरशो कुल तशा, मेको आन कली लेम्‍तीक दुम्‍त।  
\v 25 गो मेको आन गाक्‍चा माल्‍शो लां योव़शा गेतामी। मिनु गो ‘ओं पने’ दे अरेतामी। गो पिप आ लडाइ पाइब आन दातेम बाक्‍शो खोदेंशो बाक्‍ती। गो रोंका पाइब आन कली लेम्‍ब खोदेंशो दुम्‍ती” दे अय्‍युबमी देंमाक्‍त। 
\c 30  
\s1 अय्‍युब आ थुं लुक्‍च लशो 
\p  
\v 1 मिनु अय्‍युबमी “मुल ठिटापुकी आं कली तशा शुक्‍शी पा रिस्‍साक्‍म। मेको आं क्‍येङा ठिटा बाक्‍नीम। मेको आन आफ आन कली गो आं क्‍‍यारश भेडा खाल पाइब कुचुमपुकी नु काथा वोइक्‍चा यो मशिरशो मिम्‍शो नङ। \em अय्‍युब १९:१८\em* 
\v 2 मेको आन गेय आं कली शोर गाक्‍शो बाक्‍त। मारदे हना मेको आन सक्ति ग्‍युम्‍ने थुम्‍शो बाक्‍‍त।  
\v 3 मेकोपुकी शुश प्रुङग नु शोव़लु बेक्‍शो बाक्‍‍तेक्‍म। मेकोपुकी गोरशो सोव़शो रागीम आन जचा थोव़क माल्‍तेक्‍म।  
\v 4 मेकोपुकीम हिक्‍सी ङाम्‍शो सुवा, बुटा आन स‍फा सेक्‍शा जाइनीम। मिनु मार मार आन शाक्‍श दोम्‍तेक्‍म।  
\v 5 मेकोपुकी मुर आन दाते रे तिल्‍चा पुंइसीशो बाक्‍तेक्‍म। मुरपुकीम मेको आन कली खेदा पशो खोदेंशो पा ग्रीतेक्‍म।  
\v 6 मेकोपुकी सोव़शो खोलामी, पुक्‍खी आगा नु ब्रोल्‍शो सेरथे फुल्‍लु मेर बाक्‍तेक्‍म।  
\v 7 मेकोपुकीमी बुटा आन आगामी ग्रीतेक्‍म। मिनु बुटा आगामी बुक्‍तेक्‍म।  
\v 8 मेको निप्‍स मपाइश्‍शो, महिक्‍सीशो मुर बाक्‍तेक्‍म। रागी रे तिल्‍शा खेरचा पुंइसीशो बाक्‍तेक्‍म। 
\p  
\v 9 मुल गो मेको आन शुक्‍शी पतीके कुम्‍सो दुम्‍ती। आं पर्बम शुक्‍शी लोव़ ला पाइनीम। \em भजन संग्रह ६९:१३; बिलाप ३:६३\em* 
\v 10 मेकोपुकीम आं कली ग्रांग्रा दि‍शो मिम्‍‍नीम। आं क्‍येङा ङोन बाक्‍‍नीम। आं कुलुम तोक्‍चा मुने मपाइनीम। \em अय्‍युब १७:६; मत्ती २६:६७\em* 
\v 11 मारदे हना परमप्रभुमी आं लिब्रा प्राक्‍शा, आं कली श्‍येत गेतीके, मेकोपुकीम आं ङोंइती ‘मारेइ मारेइ पने चाप्‍नीक’ दे मिम्‍नीम।  
\v 12 आं ग्‍युरा गे थम मरिम्‍शो मुर बोक्‍नीम। मिनु आं खोइली ग्रेक्‍पाइक्‍नीम। मिनु मेकोपुकीम आं गाक्‍तीक लां तेक्‍नीम।  
\v 13 मेकोपुकीम आं लां प्रेत्‍नीम। आं श्‍येत तेम्‍नीम। मिनु सुइमी मेको आन कली ‘मोदेंशो मपचा’ दे मतेक्‍नीम।  
\v 14 मेकोपुकी ठेयब पोव़लाम रिक्‍थ्री मरिक्‍थ्री पा ओव़नीम। मेकोपुकी ब्रेश्‍शो गारो रे नेम्‍मुशा जाक्‍नीम।  
\v 15 मिनु गो शुश हिंना हिंन बाक्‍नुङ। मेकोम आं मान ततीक फशेम खोदेंशो पा हुरुर पा योल्‍पाइक्‍तु। आं शोंप बाक्‍शा रिम्‍शो दुम्‍तीके गोस्‍स खोदेंशो पा जाम्‍शा लत। 
\p  
\v 16 मुल आं थुं बेक्‍ना बेक्‍न लशो बाक्‍ब। मिनु श्‍येत जतीक नाक्‍त ला लीशो बाक्‍नीम।  
\v 17 नाक्‍दो आं रुश शुश खाइक्नीम। मेको खाइक्‍तीके गेनायो मनाइक्‍ब।  
\v 18 परमप्रभुमी आ ठेयब सक्तिमी आं वा फ्रुप्‍ब। मिनु वाम शुरम खाइश्‍शो खोदेंशो पा खाइक्‍ब। \em अय्‍युब ७:५; अय्‍युब १६:८\em* 
\v 19 मेकोमी आं कली हिलोम ब्‍वारशो बाक्‍ब। मिनु गो फुरक नु पुलु खोदेंशो दुम्‍शो बाक्‍नुङ। 
\p  
\v 20 गो इन कली ‘वारच पाइय्‍यीनी’ दे पुंइता। तन्‍न गे आं कली लोव़ मलेत्‍तीनी। गो इन कली राप्‍शा रिम्‍शा बाक्‍ती। तन्‍न गे आं कली मकोव़यीनी। \em अय्‍युब १९:७; भजन संग्रह २२:३\em* 
\v 21 गे आं कली ठेयब श्‍येत गेब दुम्‍शो बाक्‍नीनी। इन ठेयब सक्तिमी आं कली खेदा पाइनीनी।  
\v 22 गे आं कली क्‍युक्‍शा फश गिवारम बेरपाइक्‍तीनी। मिनु आं थुं लुक्‍च लपाइक्‍तीनी।  
\v 23 गे आं कली साइक्‍नीनी, गो मेको तुइश्‍शो बाक्‍नुङ। ब्रोंइशो नेल्‍ल मेको लां लाइनीम। 
\p  
\v 24 थमा पा, मेकोमी प्रुङग आन कली श्‍येत मगेब। मुर श्‍येत जशा ‘वारच पाइय्‍यीनी’ दे ग्रीनीम।  
\v 25 मार, गो श्‍येत जशो मुर आन पर्बम मङाक्‍ङा ङा? मार, प्रुङग आन पर्बम आं थुं मखाइक्‍म ङा?  
\v 26 मो हना यो गो रिम्‍शो दुम्‍तीक आस पाता। तन्‍न मरिम्‍शो कका जाक्‍त। छेङछेङ रिम्‍शा बाक्‍ती। तन्‍न छिङछिङ कका जाक्‍त।  
\v 27 आं थुं गेना हना यो ग्‍येत्‍थ लुक्‍च दुम्‍ब। गो गेना हना यो श्‍येत जचा माल्‍नुङ।  
\v 28 गो क्‍येर नाक्‍दोम गाक्‍नुङ। गो ग्रुम्‍तीकेमी ‘वारच पाइय्‍यीनी’ दे पुंइनुङ।  
\v 29 गो सिवार आन लोक्‍ब दुम्‍शो बाक्‍नुङ। हुहुचील आन वारच दुम्‍शो बाक्‍नुङ।  
\v 30 आं कुशुल क्‍येर दुम्‍शा, आं रुश नेल्‍ल चोइनीम।  
\v 31 आं बीना रोंका पा ग्रीब। आं बांसुरी ङाक्‍शो मुर आन कली ताप्‍शो बाक्‍ब” देंमाक्‍त। 
\c 31  
\s1 अय्‍युबमी “गो ठीक पाइब नङ” देंशो 
\p  
\v 1 मिनु अय्‍युबमी “गो सुइ मीश आल आन कली मरिम्‍शो थुंम मकोव़चा कली, आं मिक्‍च नु कबल पाता। \em मत्ती ५:२८-२९\em* 
\v 2 मिनु परमप्रभुमी इर रे आं कली गे‍बा? नेल्‍ल क्‍येङा ठेयब सक्ति पाइश्‍शोमी मार शोंप गेबा?  
\v 3 मार, ठीक मपाइब आन कली शुश हिंचा ङा श्‍‍येत मदुम्‍बा ङा? मरिम्‍शो पाइब आन कली खतम दुम्‍तीकेम मसुम्‍बा ङा?  
\v 4 परमप्रभुम आं पशो नेल्‍ल तुइक्‍ब। मिनु आं गाक्‍शो नेल्‍ल कोव़ब। \em अय्‍युब २३:१०\em* 
\p  
\v 5 गो हेंथे गाक्‍शो बाक्‍‍ती हना, दूली लां गाक्‍शो बाक्‍ती हना,  
\v 6 परमप्रभुमी आं कली ठीक नाक्‍तीकेमी नाक्‍तील। मिनु मेकोमी आं गेना हना यो रिम्‍शो पशो तुइक्‍ब।  
\v 7 गो ठीक लां रे ग्‍येत्‍थ लुक्‍च लशो बाक्‍ती हना, आं थुंम आं मिक्‍चीम दाक्‍शो खोदेंशो पा पशो बाक्‍ती हना, आं गुइमी ग्रांग्रा दिशो गेय पशो बाक्‍ती हना,  
\v 8 आं ख्रुम्‍शो अन्‍न अरुम जामेक्‍ल। मिनु आं शोक्‍शो मारेइ मारेइ तुल्‍सीमल। \em उत्‍पत्ती २६:१६\em* 
\p  
\v 9 आं कली मीश मुरुम हेंथे गाक्‍पाइक्‍ती हना, गो आं नेक्‍था ङा मुर आन लाप्‍चोमी बाप्‍शा बाक्‍शो बाक्‍‍ती हना,  
\v 10 आं मीश अरु मुर आन वाइलीम दुम्‍शा लल। मिनु अरु मुर मेको नु इम्‍मल। \em २सामुएल १२:३२\em* 
\v 11 मारदे हना मेको थम मरिम्‍शो गेय बाक्‍ब। मेको निसाफ पचा कली मरिम्‍शो बाक्‍ब।  
\v 12 मेको जम्‍शा लतीकेम सोइक्‍ब मी खोदेंशो बाक्‍ब। मेकोमी आं बाक्‍शो मारेइ मारेइ खतम पोक्‍‍ब। 
\p  
\v 13 गो आं वाइलीम वाइल आन थुं मनुशो लोव़ पाता हना, सिक्‍सी पपाइक्‍तामी।  
\v 14 परमप्रभु आं पर्बम बोक्‍मेनु, गो मार पाइनुङा? मेकोमी आं कली लोव़ पथ ब्रेत्‍ताक्‍व हना, गो मार लोव़ लेत्नुङा?  
\v 15 आं ममा आ कोव़जम आं कली सेल्‍बम मेको आन कली यो मसेला ङा? मेकोमीन आंइ कली आंइ ममा आ कोव़जीम मसेला ङा? \em हितोपदेस १४:३१; मत्ती २५:४०\em* 
\p  
\v 16 गो प्रुङग आन कली आन माल्‍शो थोव़क मगेशो बाक्‍‍ती हना, आन वोंइश बेक्‍शो मीश मुर आन कली ङाक्‍पाइश्‍शो बाक्‍‍ती हना, \em अय्‍युब २९:१२\em* 
\v 17 गो आं जचा थोव़क आं कान जशो बाक्‍‍ती हना नु रोम रोइक्‍च आन कली योक्‍शा मगेशो बाक्‍‍ती हना, मोदेंशो दुम्‍ल।  
\v 18 गो रोम रोइक्‍च आन कली आन आफोमी खोदेंशो पा थुल्‍तामी। गो जरमेसीङ रेन आन वोंइश बेक्‍शो मीश मुर आन कली वारच पाइक्‍तामी। \em अय्‍युब २९:१६\em* 
\v 19 गो प्रुङग आन कली वा मफेक्‍शो ताता हना, नाक्‍दो फेक्‍तीक मबाक्‍शो बाक्‍त हना,  
\v 20 मेको आन कली आं भेडा आन ऊन रे सेल्‍शो फेक्‍तीकेम महोपाइक्‍तीके मेकोपुकीम आं कली आसीक मगे‍शो बाक्‍‍तेक्‍म हना,  
\v 21 गो रोम रोइक्‍च आन कली मरिम्‍शो पशो बाक्‍ती हना, ठेयब लाप्‍चोम बाक्‍बपुकीमी ‘गे ठीक पाइब बाक्‍नीनी’ देंशो बाक्‍तेक्‍म हना, \em रूथ ४:१-१०\em* 
\v 22 आं बला आं ची रे दोक्‍ल। आं गुइ जिक्‍‍शा दोक्‍ल।  
\v 23 तन्‍न गो परमप्रभु आ गेशो हिंचा ङा श्‍येत तशा हिंनुङ। मिनु गो मेको आ ठेयब मान ततीके फाल्‍ने मचबु। 
\p  
\v 24 गो सुन कली थमा सुइश्‍शो नङ हना, क्‍येख सुनमी आं कली रिम्‍शो ब्रोंइचा गेब, दे मिम्‍शो नङ हना, \em भजन संग्रह ५२:९\em* 
\v 25 गो आं ठेयब शोंप तशा शुश ग्‍येरसीशो बाक्‍ती हना, आं शुश मारेइ मारेइ बाक्‍शो आ पर्बम आं कली रिम्‍शो बाक्‍चा गेब, दे मिम्‍शो नङ हना,  
\v 26 गो नां गे कोव़शा मेको कली ठेयब सेल्‍शो नङ हना, तास्‍ला आ दारस कली ठेयब सेल्‍शो नङ हना, \em ब्‍यवस्‍था ४:१९\em* 
\v 27 मेकोम आं थुं कली ख्रुइश्‍शोमी हेंथे मिम्‍ब सेल्‍शो बाक्‍ती हना, मेको कली पुक्‍पु पाइक्‍चा कली आं गुइ क्‍युक्‍शो बाक्‍ती हना,  
\v 28 मेको नेल्‍ल सजाइ तचा ङा पाप दुम वा। मारदे हना गो स्‍वर्गम बाक्‍ब परमप्रभु आ पर्बम दूली लोव़ पाइब दुम्‍ङ वा। 
\p  
\v 29 गो आं कली काइ मदाक्‍बपुकीमी श्‍येत जशो तशा ग्‍येरशो बाक्‍ती हना, मेको आन कली मरिम्‍शो दुम्‍तीकेम सुमानु, ग्‍येरसीशो बाक्‍ती हना, \em हितोपदेस २४:१७; भजन संग्रह ५:५; भजन संग्रह ३५:१३-१४\em* 
\v 30 गो ‘मेकोपुकी बेक्‍मल’ दे सराप चीले पा पाप मपङ। \em १ पत्रुस ३:९\em* 
\v 31 आं गेय पाइब नेल्‍लेम गेनायो ‘अय्‍युब आ भोजम मुर मरूम’ मदेंम।  
\v 32 अर्को रागी ङा मुरपुकी गेनायो लांम इप्‍चा ममाल्‍म। लां गाक्‍ब आन कली गेना हना यो आं खिं ङा लाप्‍चो रोक्‍शो बाक्‍‍त। \em न्‍यायाधीस १९:२०-२१; १ पत्रुस ४:९; हिब्रू १३:२\em* 
\v 33 अरु मुरपुकीम आन हेंथे पशो ख्रुइक्‍चा माल्‍शो खोदेंशो पा, गो आं थुंमी आं मरिम्‍शो पशो मख्रुइक्‍तु।  
\v 34 मारदे हना गो हुलपुकीम मार देंनीमी, दे हिंती। मिनु खिं खिं ङा आन शुक्‍शी पतीक रे शुश हिंती। मोपतीके गो सिक्‍सी पा बाक्‍‍ती। गो खिं रे मग्रूङ। 
\p  
\v 35 गो आं लोव़ नेंब का बाक्‍शो हना, नेल्‍ल क्‍येङा ठेयब सक्ति पाइश्‍शोमी आं लोव़ लेत्‍तल। आं कली दोस गेशा ब्रेक्‍शो ब्रेक्‍स ते बाक्‍बा? \em अय्‍युब २३:३-७\em* 
\v 36 थमा पा, गो मेको आं बलाम लाम्‍सीङ वा। गो मेको सिरपेच खोदेंशो पा गुक्‍सीङ वा।  
\v 37 मिनु आं पशो गेय नेल्‍ल मेको कली शेंदु वा। गो मेको आ ङोंइती ठेयब मुर कली ग्रुम्‍थ लशो खोदेंशो पा लङ वा। 
\p  
\v 38 आं रू आं कली दोस गेशा ग्रीशो बाक्‍त हना, मेकेर ङा खप नेल्‍ल ङाक्‍शो नम हना,  
\v 39 मेकेर वाशो मार मार मथाप्‍थु, जशो बाक्‍‍ती हना, मेको रू आ होव़प कली श्‍येत गेशो बाक्‍‍ती हना,  
\v 40 चेरब आ पा ङा चोंक चू वामल। क्‍योव़ज आ पा ङा सुवा वामल” देंमाक्‍त। मोपा अय्‍युबमी आ लोव़ थुमा बाक्‍त। 
\c 32  
\s1 एलीहु आ लोव़ 
\r अय्‍युब ३२:- अय्‍युब ३७:- 
\p  
\v 1 मिनु मेको मुर सांमी अय्‍युब कली लोव़ पचा प्रोन्‍मे बाक्‍त। मारदे हना अय्‍युबम आंम कली “गो ठीक पाइब नङ” देंस ङा देंस पवा बाक्‍त।  
\v 2 मिनु राम आ खिं ङा बूज ङा बाराकेल आ तौ एलीहु गाइक्‍ता बाक्‍त। मारदे हना अय्‍युबमी आंम कली परमप्रभु आ ङोंइती शुश पाप मपाइब खोदेंशो सेल्‍से बाक्‍त। \em उत्‍पत्ती २२:२१; अय्‍युब १३:१८; अय्‍युब १९:६-७; अय्‍युब २५:५-६\em* 
\v 3 अय्‍युब आ वारच सां आन कली तशा यो गाइक्‍ता बाक्‍ब। मारदे हना मेकोपुकीमी अय्‍युब कली लोव़ लेत्‍ने मचाप्‍मे बाक्‍त। मो हना यो मेकोपुकीम अय्‍युब कली दोस ताइब सेल्‍मे बाक्‍त। \em अय्‍युब १५:४; अय्‍युब १८:२१; अय्‍युब २०:२९; अय्‍युब २२:५\em* 
\v 4 मेकोपुकी अय्‍युब नु लोव़ पामेनु एलीहु चहिं सिक्‍सी पा बाक्‍शो बाक्‍माक्‍त। मारदे हना, मेको आन क्‍येङा आल बाक्‍माक्‍त।  
\v 5 मिनु मेको सांमी अय्‍युब कली लोव़ लेन्‍ने मचाप्‍शो तशा, एलीहु गाइक्‍ता बाक्‍त। 
\p  
\v 6 मिनु बूज ङा बाराकेल आ तौ एलीहुम “गो आइक्‍चीन बाक्‍नुङ। गेपुकी खाल्‍पा बाक्‍नीनी। मोपतीके इन ङोंइती आं तुइश्‍शो मदेंङ, दे सिक्‍सी पा बाक्‍‍ती।  
\v 7 गो ‘खाल्‍पा मुर ब्‍वाक्‍चा माल्‍नीम। खूशोपुकीम आन तुइक्‍तीके शेंदमेक्‍ल’ देंती। \em अय्‍युब १२:१२\em* 
\v 8 बेक्‍शा लाइब मुरपुकी नु नेल्‍ल क्‍येङा ठेयब सक्ति पाइश्‍शो आ सोक्‍त बाक्‍ब। मिनु मेकोमी मुर आन कली रुप्‍तीक थुं गेब।  
\v 9 खाल्‍पापुकी ला जोक्‍ब तुइक्‍ब मबाक्‍नीम। खूशोपुकी यो मार ठीक बाक्‍बा, मेको मरुप्‍‍नीम।  
\v 10 मोपतीके गो आं लोव़ नेनीन। गो आं मिम्‍शो देंचा गेयीनी। 
\p  
\v 11 नेनीन। गो इन लोव़ नेंस ङा नेंस बाक्‍‍ती। गो इन लोव़ रिम्‍ना रिम्‍न बाक्‍ती। इन मिम्‍शा पशो जोक्‍तीक तुइक्‍तीक लोव़ नोफा दाइश्‍शा नेंशा बाक्‍‍ती।  
\v 12 गो इन देंशो लोव़ नेंना नेंन बाक्‍ती। तन्‍न गेपुकीम अय्‍युब कली शेंने मचाप्‍नी। मेको आ लोव़ यो लेन्‍ने मचाप्‍नी।  
\v 13 ‘गोपुकीम तुइक्‍तीक थुं तशो बाक्‍नीकी’ मदेंनी। ‘मुरपुकीम ममाइ परमप्रभुमीन मेको कली सजाइ गेवल’ मदेंनी।  
\v 14 तन्‍न अय्‍युबम आं पर्बम मारेइ मदे। गो इन लोव़ खोदेंशो पा मेको कली लोव़ मलेत्‍तु। 
\p  
\v 15 एकोपुकी श्‍येत्‍थ दुम्‍शो बाक्‍नीमी। मिनु एकोपुकीमी मारेइ लोव़ लेन्‍ने मचाप्‍नीम।  
\v 16 एकोपुकी मब्‍वाक्‍तेक्‍म हना यो, गो रिम्‍शा बाक्‍नुङा ङा? मारदे हना एकोपुकी राप्‍शा बाक्‍नीम, लोव़ चहिं मलेत्‍नीम।  
\v 17 मुल गो लोव़ लेत्‍नुङ। आं मिम्‍शो लोव़ पाइनुङ।  
\v 18 मारदे हना गो शुश लोव़ पचा माल्‍शो बाक्‍नुङ। आं आगा ङा सोक्‍तीमी आं कली लोव़ पपाइक्‍ब।  
\v 19 गो लोव़ पचा मताता हना, नक शांबुम ब्रीशो कुशुल के थैलो खोदेंशो पा बुक्‍ने चाप्‍नुङ।  
\v 20 आं थुं नाइक्‍पाइक्‍चा कली गो ब्‍वाक्‍चान माल्‍नुङ। गो लोव़ लेत्‍चा माल्‍नुङ।  
\v 21 गो सुइ आन कुल कोव़शा लोव़ मपाइनुङ। गो सुइ नु मिलो शिलो मपाइनुङ।  
\v 22 मारदे हना गो मिलो शिलो पस मजोक्‍नुङ। मो पाता हना आं कली सेल्‍बम आं कली रीब पा खतम पोक्ब। 
\c 33  
\p  
\v 1 अय्‍युब, मुल आं लोव़ नेनीन। आं देंशो लोव़ नेल्‍ल नोफा दाइश्‍शा नेनीन।  
\v 2 कोव़ङीन, गो लोव़ लेत्‍चा कली ठीक दुम्‍शो बाक्‍नुङ। आं शोव़ लोव़म ब्रीशो बाक्‍ब।  
\v 3 गो आं लोव़मी ‘गो रिम्‍शो थुं पाइश्‍शो मुर नङ’ दे कोंइनुङ। गो मार लोव़ देंनुङा, मेको थमा बाक्‍ब।  
\v 4 परमप्रभु आ सोक्‍तीम आं कली सेल्‍ती। मिनु नेल्‍ल क्‍येङा ठेयब सक्ति पाइश्‍शोमी आ ब्रोंइतीक सोक्‍त गेती  
\v 5 गे चाप्‍नीनी हना, आं लोव़ लेत्‍तीनी। इन देंचा माल्‍शो लोव़ ङोंइतीन मिम्‍तीन। मिनु गो नु लोव़ पने।  
\v 6 परमप्रभु आ ङोंइती गो यो इन खोदेंशोन नङ। गो यो खप केन सेल्‍शो नङ। \em अय्‍युब १०:९\em* 
\v 7 गे आं कली तशा महिनीन। गो इन कली श्‍येत मगेनुङ। 
\p  
\v 8 गो इन देंचा माल्‍शो लोव़ नेल्‍ल नेंता। मिनु इन ब्‍वाक्‍शो नेंता।  
\v 9 गे ‘गो दोस मताइब नु हेंथे मपाइब बाक्‍नुङ। गो मरिम्‍शो मपाइब, गेना हना यो रिम्‍शो पाइब बाक्‍नुङ’ \em अय्‍युब १६:१७; अय्‍युब २७:६; अय्‍युब ३१:१-४०\em* 
\v 10 मो हना यो ‘परमप्रभुम आं दोस थिन्‍ना थिन्‍न बाक्‍ब। मेकोमी आं कली आ जोरी सत्रु मिम्‍शो बाक्‍ब। \em अय्‍युब १३:२६; अय्‍युब १९:११\em* 
\v 11 आं खोइलीम ठेंङरो थोक्‍ताक्‍नी। आं लां नेल्‍ल कोव़शा, वोइक्‍नीनी’ दे लोव़ पाइतीनी। \em अय्‍युब १३:२७\em* 
\v 12 तन्‍न गे दूली मिम्‍ब बाक्‍नीनी। गो इन कली लोव़ लेत्‍नन्‍नी। बेक्‍शा लाइब मुर आन क्‍येङा परमप्रभु ठेयब बाक्‍ब।  
\v 13 गे मारदे परमप्रभु नु इन थुं मनुशो लोव़ पाइनीनी। मिनु गे ‘मेकोम आं लोव़ काइ मलेप्‍ब’ देंनीनी?  
\v 14 परमप्रभुमी खेयप का निक्‍शी लोव़ पाइब। तन्‍न मुरपुकीम मेको मरुप्‍‍नीम।  
\v 15 ङोमुमी, नाक्‍दो ततीकेमी, निन्‍द्रा पशोनु, बेक्‍शा लाइब मुर ब्राख्‍येम गोल्‍शा इम्‍‍मानु, \em अय्‍युब ४:१२-१६\em* 
\v 16 परमप्रभुम मेको आन नोफा नेंब सेल्‍ब। मिनु मेको आन कली शेंदानु, ‘परमप्रभु आ लोव़ बाक्‍माक्‍त’ दे तुइक्‍नीम। \em अय्‍युब ३६:१०\em* 
\v 17 मेकोमी मुर आन कली आन मरिम्‍शो पशो रे रिम्‍शो सेल्‍चा कली नु मेको आन ठेयब लेत्‍तीक तेक्‍चा कली लोव़ पाइब।  
\v 18 परमप्रभुम मेको कली बेक्‍चा रे प्रोंइचा दाक्‍ब। मेको आन कली तरवार रे प्रोंइचा दाक्‍ब।  
\v 19 मिनु मुर खाइक्‍स ङा खाइक्‍स पा आन ब्राख्‍‍येम इप्‍शा, सजाइ ताइनीम। मिनु आन रुश गेना हना यो ख्रिंख्रि पाइनीम।  
\v 20 मोपा मेकोपुकीम आन जचा थोव़क ग्रांग्रा दीनीम। मिनु थम ब्रोव़शो जचा थोव़क यो मदाक्‍नीम।  
\v 21 मिनु मेको आन रां गेयशा सोव़नीम। मिनु मेको आन ख्रुइश्‍शो रुश तांइसीनीम।  
\v 22 मेको आन सोक्‍त लचा चिक्‍शो बाक्‍ब। मेको आन ब्रोंइतीक नाक्‍त नुप्‍चा चिक्‍शो बाक्‍ब।  
\v 23 मो हना यो मेको मुर आन दातेमी का कली परमप्रभु आ हजार हजार स्‍वर्ग ङा गेय पाइब कामी वारच पा, मेकोमी ‘मेको रिम्‍शो थुं पाइश्‍शो मुर बाक्‍ब’ देंत हना,  
\v 24 मिनु मेकोमी मुर कली शिशी पा ‘मेको मुर कली बेक्‍चा रे प्रोनीन। मेको कली प्रोंइतीक थोव़क गो नु बाक्‍ब’ देंत हना, \em भजन संग्रह ४९:८-११\em* 
\v 25 मेको मुर आ श्‍ये ठिटा के खोदेंशो पा नक दुम्‍ब। मेको आ ठिटा ना ङा खोदेंशो दुम्‍‍ब। \em भजन संग्रह १०३:५\em* 
\v 26 मिनु मेकोमी प्रार्थना पवानु, परमप्रभुमी नेंब। मेको परमप्रभु आ ङोंइती बाक्‍शा, ग्‍येरसीशा कुम्‍सो पाइब। परमप्रभुम मेको आ ठीक पतीक लेंशा ङोंइती ङा खोदेंशो सेल्‍ब।  
\v 27 मिनु मेको मुरुम मुर आन बाक्‍‍तीक जाक्‍शा, मेको आन कली ‘गो पाप पाता। गो ठीक पतीके कली दूली सेल्‍ता। गो आं तचा माल्‍शो सजाइ मतङ।  
\v 28 मेकोमी आं सोक्‍त कली बेक्‍तीक रे प्रोंइतु। मिनु गो छेङछेङ तचा कली ब्रोंइती’ देंब। 
\p  
\v 29 परमप्रभुमी एको नेल्‍ल बेक्‍शा लाइब मुर आन पर्बम पाइब। खेयप निक्‍शी, खेयप सां सम्‍म मो पाइब।  
\v 30 बेक्‍चा चिक्‍शो मुर आन कली तुरसुम लचा रे लेप्‍पाइक्‍ब। मोपा ब्रोंइ‍तीक छेङछेङ लें‍शा ताइनीम। \em भजन संग्रह ५६:१४; भजन संग्रह १०३:४; भजन संग्रह ११६:९\em* 
\v 31 नेनीन अय्‍युब आं लोव़ नोफा दाइश्‍शा नेनीन। गे सिक्‍सी पा बाक्‍कीन। गो लोव़ पाइनुङ।  
\v 32 इन देंचा माल्‍शो मारेइ लोव़ बाक्‍त हना, आं कली देनीन। गे ब्‍वाक्‍कीन। मिनु गो इन पोन बोक्‍नुङ।  
\v 33 तन्‍न इन देंचा माल्‍शो लोव़ मबाक्‍‍त हना, सिक्‍सी पा आं लोव़ नेनीन। मिनु गो इन कली रुप्‍तीक लोव़ शेंनुङ” दे एलीहुम देंमाक्‍त। 
\c 34  
\s1 “परमप्रभु ठीक पाइब बाक्‍ब” देंशो 
\p  
\v 1 मिनु एलीहुमी  
\v 2 “जोक्‍ब तुइक्‍ब मुरपुकी आं लोव़ नेनीन। शुश जोक्‍ब मुरपुकी आं लोव़ इन नोफा दाइश्‍शा नेनीन। \em अय्‍युब १२:११\em* 
\v 3 मारदे हना दोपा नोफाम लोव़ नेंबा, मोपान लेंम जचा थोव़क थाम्‍ब।  
\v 4 मोपतीके मार ठीक बाक्‍बा, मेको गो आंमा योव़य। मिनु तेको लोव़ रिम्‍शो बाक्‍मे, मेको आंमा गारशा कोव़य।  
\v 5 मारदे हना अय्‍युबम ‘गो दोस मताइब मुर बाक्‍नुङ। तन्‍न परमप्रभुम आं कली ठीक निसाफ मगेयी। \em अय्‍युब ३३:९; अय्‍युब २७:२\em* 
\v 6 गो ठीक पाइब बाक्‍ती हना यो, आं कली जोल पाइब सुइक्‍‍ती। गो हेंथे मपाता हना यो, आं गार मसा’ दें‍त। \em अय्‍युब ९:१५,२०; अय्‍युब ६:४\em* 
\v 7 ब्‍वाक्‍कु तूशो खोदेंशो पा शुक्‍शी पाइब, अय्‍युब खोदेंशो अरु सुइ मबाक्‍नीम।  
\v 8 मेको मरिम्‍शो गेय पाइब नु बाक्‍‍ब। मिनु परमप्रभु यावे आ अरेशो मटीब नु गाक्‍ब। \em भजन संग्रह १:१\em* 
\v 9 मारदे हना मेकोमी ‘परमप्रभु कली ग्‍येरशा टिचा, शोर गाक्‍शो बाक्‍ब’ देंब। \em अय्‍युब ९:२२\em* 
\p  
\v 10 मोपतीके मारेइ मारेइ तुइक्‍ब मुरपुकी आं लोव़ नेनीन। परमप्रभुम गेनायो मरिम्‍शो मपाइब। नेल्‍ल क्‍येङा ठेयब सक्ति पाइश्‍शोमी गेनायो दूली मपाइब। \em अय्‍युब ८:३; ब्‍यवस्‍था ३२:४; २इतिहास १९:७\em* 
\v 11 मेकोमी मुर आन कली मेको आन पशो खोदेंशो पा पाइब। मार पाइनीमी, मेकोन ताइनीमी।  
\v 12 एको थमा लोव़ बाक्‍ब। परमप्रभुम गेनायो मरिम्‍शो मपाइब। नेल्‍ल क्‍येङा ठेयब सक्ति पाइश्‍शोमी दूली निसाफ मपाइब। \em अय्‍युब १९:६\em* 
\v 13 सुम रागी मेको आ जिम्‍माम गेवा? सुम मेको कली रागी नेल्‍ल ङा अधिकार गेवा?  
\v 14 मेकोमी ब्रोंइचा गेब सोक्‍त नु आ सास लेश्‍शा लाइक्‍चा मिम्‍ताक्‍व हना,  
\v 15 याम कामीन सोक्‍त पाइश्‍शो नेल्‍ल बेक्‍नीम। मिनु मुर लेंशा फुरकुम लेश्‍शा लाइनीम। \em भजन संग्रह १०४:२९\em* 
\p  
\v 16 गे इन के रुप्‍तीक थुं बाक्‍त हना, आं देंशो नेनीन। गो मार देंङा, मेको नोफा दाइश्‍शा नेनीन।  
\v 17 ठीक निसाफ कली काइ मदाक्‍ब मुर सासन पने चाप्‍बा ङा? मार, गे ठीक पाइब नु सक्ति पाइश्‍शो कली दोस ताइब मिम्‍नीनी?  
\v 18 सुमी पिप कली ‘हिंचा ङा मरिम्‍शो पाइब बाक्‍नीनी’ देंबा? मिनु ठेयब मुर आन कली ‘परमप्रभु यावे आ अरेशो मटीब बाक्‍नीनी’ देंबा?  
\v 19 मेकोम पिप आ तौ आन कुल मकोव़ब। मेकोम शोंप पाइश्‍शो नु प्रुङग नेल्‍ल आन कली उइक्‍थ मिम्‍ब। मारदे हना मेको नेल्‍ल आ सेल्‍शो नम।  
\v 20 मेकोपुकी याम कामीन बेक्‍शा लाइनीम। नाक्‍दो उइक्‍थ दुम्‍मेनु, मेकोपुकी ख्रिंख्रि पा बेक्‍नीम। सक्ति पाइश्‍शो मुर यो सुइम मारेइ मपाइक्‍थु बेक्‍नीम। 
\p  
\v 21 मेकोमी मुर नेल्‍ल आन पतीके कोव़शो बाक्‍ब। मिनु मेको आन गाक्‍शो नेल्‍ल कोव़शो बाक्‍ब। \em अय्‍युब ३१:४; हितोपदेस ५:२१\em* 
\v 22 मेकेर मरिम्‍शो पाइब आन ख्रुंइसी‍तीक छिङछिङ मबाक्‍ब। \em भजन संग्रह १३९:११-१२\em* 
\v 23 परमप्रभुम आ ङोंइती निसाफ पुंइथ जाक्‍ब मुर आन कली ‘एको नाक्‍त जाक्‍कीन’ मदेंशो बाक्‍ब।  
\v 24 मेकोम खुदील निदील मपथुन सक्ति पाइश्‍शो आन कली तिल्‍ब। मिनु मेको आन पा ङा अरु आन कली वोइक्‍ब।  
\v 25 मारदे हना मेकोम मेको आन पशो गेय नेल्‍ल तुइक्‍ब। मिनु मेको आन कली काबु नाक्‍दोमीन तिल्‍‍ब। मिनु मेकोपुकी खतम दुम्‍नीम।  
\v 26 परमप्रभु यावे आ अरेशो मटिशो आ पर्बम मेको कली खतम पोक्‍ब। मिनु मेको मुर नेल्‍लेम ताइनीम।  
\v 27 मारदे हना मेकोपुकी मेको आ नोले खोइक्‍चा प्रोंइतेक्‍म। मिनु आ कोंइशो लां ममिम्‍तेम।  
\v 28 मेकोपुकीम प्रुङग आन ङाक्‍शो मेको आ ङोंइती जाक्‍दीपपाइक्‍तेक्‍म। मेकोम मारेइ मथीब आन पुंइशा ब्रेश्‍शो नेंतु। \em उत्‍पत्ती १६:११\em* 
\v 29 तन्‍न मेको सिक्‍सी पा बाक्‍‍त हना, सुम मेको कली दोस गेने चाप्‍बा ङा? मेकोम आ कुल ख्रुइक्‍ताक्‍व हना, सुम मेको कली तने चाप्‍बा ङा? रागी ङा मुर नेल्‍ल कली नु मुर का कली मेको कान बाक्‍ब।  
\v 30 मिनु परमप्रभु कली मटीब मुरुम सासन मपवल। मिनु मुर आन कली श्‍‍येत गेब सासन पाइब मदुमल। 
\p  
\v 31 मिनु मेकोमी परमप्रभु कली ‘गो सजाइ फाल्‍ता। गो मुल रे मरिम्‍शो गेय मपाइक्‍नुङ।  
\v 32 आं मतुइश्‍शो आं कली शेंदीनी। गो मरिम्‍शो पाता हना यो, मुल रे मो मपाइनुङ’ देंब।  
\v 33 मार, मेकोम इन देंशो खोदेंशो पा इन कली पचा माल्‍बा ङा? मारदे हना गे आ देंशो मबित्‍नीनी। गे इन लां योव़चा माल्‍नीनी। गो मो मपाइनुङ। मोपतीके इन तुइश्‍शो आं कली शेंदीनी।  
\v 34 निप्‍स पाइश्‍शो मुर नेल्‍लेम नु जोक्‍ब तुइक्‍ब कामी आं लोव़ नेंशा  
\v 35 ‘अय्‍युब मजोक्‍थु, लोव़ पाइब बाक्‍ब। आ लोव़ मरुप्‍चा ङा बाक्‍ब’ देंनीम। \em अय्‍युब ३८:२\em* 
\v 36 अय्‍युबम मेको क्‍येङा तेम्‍शा श्‍येत जवल। मारदे हना आ लोव़ परमप्रभु आ अरेशो मटीब आन लोव़ खोदेंशो बाक्‍ब।  
\v 37 मेकोमी आ पाप तेम्‍ब। आंइ दातेमी शु‍श हेंथे पना पन बाक्‍ब। मिनु मेकोमी परमप्रभु आ पर्बम मरिम्‍शो लोव़ शुश तेम्‍ब” दे एलीहुमी देंमाक्‍त। 
\c 35  
\s1 एलीहु आ लोव़ 
\p  
\v 1 मिनु एलीहुमी  
\v 2 अय्‍युब कली “परमप्रभु आ ङोंइती ‘गो ठीक बाक्‍नुङ’ देंचा रिम्‍शो बाक्‍बा? \em अय्‍युब ३२:२\em* 
\v 3 गे मेको कली ‘गो पाप मपाता हना, मार दुम्‍बा ङा? मिनु पाप मपथु आं कली मार रिम्‍शो दुम्‍बा ङा?’ देंतीनी। \em अय्‍युब ३४:९\em* 
\v 4 गे नु इन वारच सां इन कली गो लोव़ लेत्‍नुङ।  
\v 5 इर सरीङ गे कोव़ङीन। इन क्‍येङा इर बाक्‍शो गोस्‍स कली कोव़ङीन।  
\v 6 गे पाप पाइतीनी हना, मेको कली मार दुम्‍बा ङा? गे शुश हेंथे पाइतीनी हना यो, मेको कली मार दुम्‍बा ङा?  
\v 7 गे ठीक पाइब दुम्‍तीनी हना, मेको कली मार गेनीनी ङा? इन गुइ रे मेकोम मार ताइबा ङा? \em अय्‍युब २२:२-३; रोमी ११:३५\em* 
\v 8 इन परमप्रभु यावे आ अरेशो मटितीके इन कली श्‍येत दुम्‍शो खोदेंशो पा अरु मुर आन कली यो श्‍येत दुम्‍ब। मिनु इन ठीक पतीके रिम्‍शो दुम्‍शो खोदेंशो पा अरु आन कली यो रिम्‍शो दुम्‍ब। 
\p  
\v 9 शुश दिप्‍चा पुंइसीतीके मुरपुकी वाइ ब्रेत्‍नीम। मिनु सक्ति पाइश्‍शो आन पर्बम पुंइशा ग्रीनीम।  
\v 10 तन्‍न सुइमी ‘आं कली सेल्‍ब परमप्रभु ते बाक्‍बा? नाक्‍दो आं कली ठेयब सेल्‍तीक कुम्‍सो गेब, परमप्रभु ते बाक्‍बा? \em प्रेरित १६:२५\em* 
\v 11 मेकोमी आंइ कली रागी ङा जन्‍तु आन क्‍येङा शुश शेंताक्‍की। मिनु सरीङ ङा चिक्‍ब आन क्‍येङा आंइ कली जोक्‍ब तुइक्‍ब सेल्‍तु?’ मदेंनीम।  
\v 12 मिनु मुरपुकीम ङाक्‍शा पुन्‍मेनु, मेको आन लोव़ मनेंब। मारदे हना मेको मरिम्‍शो पाइबपुकी ठेयब लेश्‍शो बाक्‍नीम।  
\v 13 थमा पा परमप्रभुमी मेको आन हेंथे पुंइशो लोव़ मनेंब। नेल्‍ल क्‍येङा ठेयब सक्ति पाइश्‍शोमी मेको लोव़ नोफा मदाइक्‍ब। \em यूहन्‍ना ९:३१\em* 
\v 14 मिनु गे ‘गो मेको कली मतङ’ देंनीनी। इन पशो नेल्‍ले मेको आ ङोंइती बाक्‍ब। मोपतीके रिम्‍दीन। \em अय्‍युब २३:८-९\em* 
\v 15 परमप्रभु आ गाइश्‍शोम सजाइ मगेब। मिनु हेंथे गाक्‍शो मकोव़ब। \em उपदेसक ८:११\em* 
\v 16 मोपतीके अय्‍युबम फश लोव़ ला पाप्‍तु। शुश फश लोव़ ला पाप्‍तु” देंमाक्‍त। 
\c 36  
\s1 परमप्रभु आ गेय ठेयब बाक्‍ब 
\p  
\v 1 मिनु एलीहुमी लेंशा  
\v 2 “गो नु फाल्‍शा बाक्‍तीनी हना, इन कली मारेइ कोंइनुङ। गो मुल यो परमप्रभु आ पर्बम इन कली लोव़ पचा माल्‍नुङ।  
\v 3 आं जोक्‍शो थुं ङा लोव़ ङोन रे चाक्‍नुङ। आं कली सेल्‍ब ठीक पाइब बाक्‍ब।  
\v 4 थमा पा, आं लोव़ हेंथे मबाक्‍ब। आं लोव़ थम पा जोक्‍ब तुइक्‍ब मुर इन ङोंइती बाक्‍ब। 
\p  
\v 5 थमा पा परमप्रभु सक्ति पाइश्‍शो बाक्‍ब। मेकोम सुइ आन कली आइक्‍च मसेल्‍ब। मेको आ जोक्‍तीक तुइक्‍तीक ठेयब बाक्‍ब।  
\v 6 मेकोमी आ अरेशो मटीब आन कली ब्रोंइचा मगेब। आइक्‍च मुर आन कली ठीक निसाफ पाइब। \em भजन संग्रह ७२:४,१२; भजन संग्रह १४६:७-९\em* 
\v 7 मेकोम ठीक पाइब आन कली कोव़ब। मिनु मेको आन कली गेना हना यो पिप नु वोइक्‍ब। मिनु मेकोपुकी ठेयब सेल्‍चा पुंइसीनीम। \em भजन संग्रह ११३:७-८\em* 
\v 8 तन्‍न मेको आन कली साङलोम पाइक्‍ताक्‍म हना, श्‍येत जाम्‍तेक्‍म हना,  
\v 9 मेको आन शुश हेंथे पशो नु ठेयब लेश्‍शो आ पर्बम परमप्रभुमी सजाइ गेशो बाक्‍ब।  
\v 10 मेकोमी मेको आन कली श्‍येत गेशा रुप्‍ब मुर सेल्‍ब। मिनु मेको आन मरिम्‍शो पतीक रे लेप्‍पाइक्‍चा कली अरेब। \em अय्‍युब ३३:१६\em* 
\v 11 मिनु मेकोपुकीम मेको आ लोव़ नेंतेक्‍म हना, मेको आ अरेशो टिशा आ गेय पाम्‍तेक्‍म हना, मेकोपुकीम आन लीशो नाक्‍ती रिम्‍शो पा बाक्‍चा ताइनीम। मिनु आन लीशो बर्स रिम्‍शो पा लाक्‍नीम।  
\v 12 तन्‍न मेकोपुकीम मेको आ लोव़ मनेंतेक्‍म हना, मारेइ मतुइक्‍थु, तरवारम साइक्‍चा पुंइसीनीम। 
\p  
\v 13 परमप्रभु कली मान मपाइब मुर गाइक्‍स ङा गाइक्‍स बाक्‍नीम। परमप्रभु रे पा सजाइ तामेनु, यो मेकोपुकीम ‘वारच पाइक्‍की’ दे मपुंइनीम।  
\v 14 मेकोपुकी ठिटा बाक्‍ची ना मुने दोक्‍शा बेक्‍नीम।  
\v 15 परमप्रभुमी श्‍येत जशो आन कली आन श्‍येत रे प्रोंइब। मोपा मेको आन श्‍येत तशा, रुप्‍ब दुम्‍नीम।  
\v 16 मोपा इन कली यो श्‍येत रे ग्रुंइब। इन कली रिम्‍शो बाक्‍तीकेमी वोइक्‍ब। गे लेंशा ब्रोव़शो जचा थोव़क जचा ताइनीनी। 
\p  
\v 17 गे मुल चहिं परमप्रभु यावे आ अरेशो मटीब आन ततीक सजाइ तन तन बाक्‍नीनी। मोपान मेको आन दोस नु सजाइम इन कली यो ग्‍याइक्‍ब।  
\v 18 होस पा बाक्‍कीन। इन गाइक्‍तीकेम इन कली शुक्‍शी मपपदल। मिनु शुश घूस जतीकेमी इन कली हेंथे पाइब मसेलल।  
\v 19 गे इन कली ‘वारच पाइय्‍यीनी’ दे ग्रीचा शोर गाक्‍शो बाक्‍ब। इन शुश शोंप नु इन सक्तिम इन कली श्‍येत रे प्रोंइने चाप्‍बा ङा?  
\v 20 गेना नां रिक्‍बा, मिनु इप्‍चा, दे ममिम्‍तीन। मारदे हना मुर आन इप्‍तीकेम साइक्‍चा पुंइसीनीम।  
\v 21 मरिम्‍शो पतीक गे मलन। होस पा बाक्‍कीन। मारदे हना गे मेको आ पर्बम श्‍येत जाइब दुम्‍तीनी।  
\v 22 परमप्रभु आ सक्तिम पतीके ठेयब सेल्‍चा पुंइसीब। मेको खोदेंशो शेंब अर्को सु बाक्‍बा ङा? \em भजन संग्रह २५:९\em* 
\v 23 सुम मेको कली आ लां कोंइशो बाक्‍बा? मिनु मेको कली ‘गे दूली पाइ‍तीनी’ दे सुम देंने चाप्‍बा ङा? 
\s1 एलीहु परमप्रभु कली ठेयब सेल्‍शो 
\p  
\v 24 गे मेको कली मेको आ गेय आ पर्बम ठेयब सेल्‍चा, मप्रेंदीन। मुरपुकीम मेको आ पर्बम कुम्‍सो पशो बाक्‍तेक्‍म।  
\v 25 मुर नेल्‍लेमी आ पशो तशा कोव़तेक्‍म। तन्‍न ङोन रे ला ताम्‍तेक्‍म।  
\v 26 परमप्रभु थमा पा ठेयब बाक्‍ब। मिनु गो मेको मतुइक्‍नीकी। मेको आ बर्स हिक्‍ने मचाम्‍सीब।  
\v 27 मेकोम ब्‍वाक्‍कु आ तेप्‍का गुप्‍ब। मिनु आ सेल्‍शो गोस्‍सुम वोइक्‍ब।  
\v 28 मिनु सरीङ रे रेउ यीब। मेकोमी मुर आन कली शुश जिप्‍पाइक्‍ब।  
\v 29 सुम गोस्‍स आ ब्रशो रुप्‍‍ने चाप्‍बा ङा? आ बाक्‍तीक रे बुंबु पशो सुम रुप्‍ने चाप्‍बा ङा?  
\v 30 मेकोमी सरीङ आ एर ओंथ आ चिला सोइक्‍ब। मिनु मेको समुन्‍द्र आगा सम्‍म लाइब।  
\v 31 मोपा मेकोम जात जात ङा मुर आन कली सासन पाइब। मिनु मेको आन कली शुश जचा थोव़क गेब।  
\v 32 मेको आ गुइम चिला बाक्‍ब। मिनु मेकोमी ख्रपाइक्‍चा कली आप्‍ब।  
\v 33 मेको चिला आ पपाइश्‍शो रेयकेम मेको आ सक्ति आ पर्बम लोव़ पाइब। मेको हेंथे गाक्‍ब आन पर्बम रुश पा शुश गाइक्‍ब। 
\c 37  
\s1 एलीहुम लेंशा लोव़ पशो 
\p  
\v 1 मेको तुइश्‍शा आं लुङगीर थाम्‍पा प्रेक्‍ब। मेको आ बाक्‍‍तीक प्रोंइ‍शा प्रेक्‍ब।  
\v 2 नेनीन, आ सेंदाम बुंबु पशो नेनीन। मिनु मेको आ शोव़म ब्‍वाक्‍शो ठेयब सेंदा नेनीन।  
\v 3 मेकोम सरीङ आ एर ओंथ आ सेंदा नेंपाइक्‍ब। आ चिला रागी ङा सुर सम्‍म दाप्‍पाइक्‍ब।  
\v 4 मेको आ नोले मेको आ ठेयब सेंदा नेंसीब। मेको आ मान पाइक्‍चा पुंइसीब सेंदा नेंसीब। मिनु मेकोम आ सेंदा नेंपाइक्‍ब। आ चिला पतीके मतेक्‍ब।  
\v 5 परमप्रभु आ सेंदा बुंबु पशो खोदेंशो हिं‍चा ङा पा नेंसीब। मेकोमी गोपुकीम मरुप्‍चा ङा पा ठेयब गेय पाइब।  
\v 6 मेकोम फुं कली ‘रागीम दोक्‍को’ देंब। मिनु रेउ कली ‘धारा खोदेंशो पा यीवो’ देंब।  
\v 7 मेको मुर नेल्‍ल आन चिन्‍ड का बाक्‍ब। मिनु आ सेल्‍शो मुर नेल्‍लेम ‘मेको परमप्रभुम पाप्‍तु’ दे तुइक्‍नीम।  
\v 8 मेना ब्‍वाकी ङा जन्‍तु आन पुक्‍खी गे लाइनीम। मिनु मेकेर लशा बाक्‍नीम। \em भजन संग्रह १०४:२१-२२\em* 
\v 9 फश गिवार आ बाक्‍‍तीक रे ग्रूब। मिनु फश रे पा ग्‍यू जाक्‍ब।  
\v 10 परमप्रभु आ सासमी फुं दुम्‍ब। मिनु ठेयब ब्‍वाक्‍कु नेल्‍ल रीब पा फुं दुम्‍नीम।  
\v 11 मेकोमी ठेयब गोस्‍स कली ब्‍वाक्‍कु कुरपाइक्‍ब। मिनु गोस्‍सपुकीमी आ चिला तेइ तेइ फ्राइनीम।  
\v 12 मेकोपुकी आ कोंइशो रागी आ एर ओंथ ङा लां नेल्‍ल गाक्‍नीम। मोपा मेकोपुकीमी परमप्रभु आ देंशो मुर बाक्‍शो रागी आ तार नेल्‍ल पाइनीम।  
\v 13 परमप्रभुम रागी जिप्‍पाइक्‍चा कली रेउ यिपाइक्‍ब। मेकोम मुर आन कली सजाइ गेचा कली नु आ रागी कली शिशी कोंइचा कली रेउ यिपाइक्‍ब। 
\p  
\v 14 अय्‍युब, गे एको लोव़ नेनीन। सिक्‍सी पा बाक्‍शा परमप्रभु आ छक लाक्‍चा ङा गेय मिम्‍तीन।  
\v 15 परमप्रभुम गोस्‍स आन गेय दोपा पपाइक्‍बा? मिनु आ गोस्‍स रे दोपा चिला दाप्‍पाइक्‍बा, मेको गे तुइक्‍नीनी ङा?  
\v 16 गोस्‍सपुकी दोपा सरीङम ग्‍युक्‍शा बाक्‍नीमी? मेको आ छक लाक्‍चा ङा गेय बाक्‍ब। मेको नेल्‍ल जोक्‍ब बाक्‍ब, दे गे मतुइक्‍नीनी?  
\v 17 दक्‍खिन ङा फशेम इन फेक्‍शो वा होश सेल्‍ब। रागी नेल्‍ल कली सिक्‍सी पपाइक्‍ब।  
\v 18 मार, गे परमप्रभु खोदेंशो पा कांसा के ऐना खोदेंशो सारो सरीङ कली प्राक्‍ने चाप्‍नीनी ङा?  
\v 19 मेको कली मार देंचा माल्‍बा, गे मेको आंइ कली शेंदीन। मारदे हना गो छिङछिङम पतीके मारेइ मिम्‍ने मचाप्‍नीकी।  
\v 20 गो मार देंनुङा, मेको कली हिल्‍लो पचा माल्‍नुङा ङा? सुइ मुरुम आंम कली दाक्‍चा पुंइसीचा मदाक्‍बा ङा?  
\v 21 हाम्‍सो बाक्‍त हना यो, गोस्‍सुम सुम्‍शो नां कली मुरुम तने मचाम्‍सीब। फशेमी गोस्‍स आन कली योल्‍दा नोले ला नां कली तने चाम्‍सीब।  
\v 22 मेको उत्तर रे हो हो पा दाप्‍शा ग्रूब। मेको परमप्रभु आ एर ओंथ छक लाक्‍चा ङा छेङछेङ बाक्‍ब।  
\v 23 तन्‍न गो नेल्‍ल क्‍येङा ठेयब सक्ति पाइश्‍शो कली थिन्‍ने मचाप्‍नीकी। मेको आ नेल्‍ल क्‍येङा सक्तिम गेय पाइब बाक्‍ब। मेकोमी निसाफ पशो नु ठीक पतीके गेनायो दूली मपाइब।  
\v 24 मोपतीके मुरपुकीम मेको कली तशा मान पा हिंनीम। मिनु आन थुंम ‘गो जोक्‍ब तुइक्‍ब नङ’ दे मिम्‍ब आन कली ठेयब ममिम्‍ब” दे एलीहुम देंमाक्‍त। 
\c 38  
\s1 परमप्रभुम अय्‍युब कली लोव़ पशो 
\r अय्‍युब ३८:-४२:- 
\p  
\v 1 मिनु परमप्रभु यावेमी अय्‍युब कली फश गिवार रे पा लोव़ लेश्‍शा, \em अय्‍युब ३१:३५\em* 
\v 2 “दूली लोव़ पा अर्ती गेब सु बाक्‍म? मारेइ मजोक्‍थु मार लोव़ पवा? \em अय्‍युब ३४:३५\em* 
\v 3 गे बोल्‍यो मुर खोदेंशो दुम्‍शा रपो। मिनु गो इ कली लोव़ हिल्‍लो पाइनुङ। मिनु गे लोव़ लेत्‍ती। 
\p  
\v 4 गो रागी आ जग वोदुनु, गे ते बाक्‍ङे? गे रुप्‍‍नेवे हना आं कली देनो।  
\v 5 मेको कली दोमो सेल्‍चा, दे सुम देंमे? गे तुइक्‍नेवे? मेको पुक्‍चा कली सुम डोरी कीङा। मेको गे तुइक्‍नेवे? \em हितोपदेस ३०:४\em* 
\v 6 मेको आ जग मार तार वोदा? मेको आ सुर ङा फुल्‍लु सुम वोदा?  
\v 7 मेना सुनी ङा सोरुलपुकीमी कालेम कुम्‍सो पाम्‍तेक्‍म। मिनु स्‍वर्गम बाक्‍ब नेल्‍ल ग्‍येरसीशा ग्रीतेक्‍म। \em भजन संग्रह १९:२; अय्‍युब १:६\em* 
\p  
\v 8 समुन्‍द्र रागी आ कोव़ज रे बुक्‍शा ग्रूमानु, मेको ब्‍वाक्‍कु तेक्‍चा कली सुम लाप्‍चो चोक्‍गा? \em भजन संग्रह १०४:८-९; हितोपदेस ८:२९\em* 
\v 9 गो मेको कली गोस्‍स के फेक्‍तीक सेल्‍शा, क्‍येर नाक्‍दोम मेको कली गिल्‍शा वोइक्‍ता।  
\v 10 मेको आ सांद वोइश्‍शा, थरपु हिरशा, लाप्‍चोपुकी वोइक्‍ता।  
\v 11 मिनु गो मेको कली ‘गे ओशो सम्‍म ला जाक्‍ने चाप्‍नेवे। एकेर सम्‍म ला जाक्‍नेवे। इन ठेयब छालपुकी मेक उइ देक्‍चा माल्‍नीम’ दे माइक्‍तामी। 
\p  
\v 12 गे मुल सम्‍म ‘सुनी दुमो’ दे अरेवी? सुनी कली मेको आ बाक्‍‍तीके तुइक्‍पदी?  
\v 13 मेकोमी रागी आ सुर सम्‍म हाम्‍सो सेल्‍ब। आं अरेशो मटीब आन कली खेरचा कली हिम्‍ब।  
\v 14 दोपा खप रे मार मार सेल्‍सीबा, मोपा रागी फांइसीब। मेको वा कली रङम नुप्‍शो खोदेंशो बाक्‍ब।  
\v 15 आं अरेशो मटीबपुकीम छेङछेङ मताइनीम। मिनु मेको आन पोक्‍शो गुइ जिक्‍चा पुंइसीनीम। 
\p  
\v 16 गे समुन्‍द्र आ बुक्‍तीक सम्‍म जाक्‍दीने? आ नेल्‍ल क्‍येङा लुक्‍च ङा बाक्‍तीकेम हिरशा गाक्‍ङे?  
\v 17 बेक्‍पाइक्‍ब आ ठेयब लाप्‍चो इ कली कोंइदमे? गे क्‍येर नाक्‍दो ङा लाप्‍चोपुकी तवी?  
\v 18 गे रागी गिश ठेयब बाक्‍बा, दे तुइक्‍‍नेवे? गे मेको नेल्‍ल तुइक्‍नेवे हना, आं कली देनो। 
\p  
\v 19 छेङछेङ आ लतीक लां ते बाक्‍बा? मिनु छिङछिङ आ बाक्‍‍तीक ते बाक्‍बा?  
\v 20 गे मेको नेल्‍ल आन बाक्‍तीकेम ल‍ने चाप्‍नेवे? मिनु गे मेको आन बाक्‍‍तीक लतीक लां तुइक्‍नेवे?  
\v 21 थमा पा, गे मेको नेल्‍ल तुइक्‍नेवे। मारदे हना मेना गे जरमेने थुम्‍शो बाक्‍‍ते। मिनु गे शुश बर्स ब्रोंइने थुम्‍तीवी। 
\p  
\v 22 गे शुश फुं बाक्‍तीकेम ओव़ङे? गे शुश मुप्‍स बाक्‍तीक तवी? \em यहोसु १०:११; यसैया ३०:३०\em* 
\v 23 गो मेको श्‍येत ङा नाक्‍ती नु लडाइ ङा नाक्‍त कली खेक्‍शा वोइक्‍ता।  
\v 24 तेको लां रे छेङछेङ ब्राइबा? मिनु पूर्ब ङा फश ते रे ग्रूबा? 
\p  
\v 25 सुम ठेयब रेउ लतीक लां सेला? बुंबु पतीक आ लां सुम सेला? \em अय्‍युब २८:२६\em* 
\v 26 मेको मुर मबाक्‍शो रागी नु गोरशो रागी जिप्‍पाइक्‍चा कली बाक्‍ब।  
\v 27 मुर मबाक्‍शो रागी नु सोव़शो रागी गिगी सेल्‍चा कली सुम लां सेला? 
\p  
\v 28 मार रेउ आ आफ बाक्‍बा? सीत कली जरमेब सु बाक्‍बा?  
\v 29 सुका आ कोव़ज रे फुं जरमेसे? सरीङ रे दोक्‍ब फुरश आ ममा सु बाक्‍बा?  
\v 30 ब्‍वाक्‍कु फुल्‍लु खोदेंशो सारो दुम्‍ब। फुरश समुन्‍द्र आ तार सारो दुम्‍ब। 
\p  
\v 31 गे किरकिटी सोरुल आन कली पाइक्‍ने चाप्‍नेवे? गे मिर्गसीरा सोरुल कली खिक्‍‍शो डोरी आ गाठो प्राक्‍ने चाप्‍नेवे? \em अय्‍युब ९:९\em* 
\v 32 मार गे सोरुल आ हुल आन कली आन गाक्‍शो लां रे ग्रुंइने चाप्‍नेवे? सप्‍तबर्सी सोरुल आन हुल कली लां कोंइने चाप्‍नेवे?  
\v 33 मार गे स्‍वर्ग ङा फुल्‍लुम मुशा ब्रेक्‍शो तुइक्‍‍नेवे? गे रागीम मेको मोदेंशो सेल्‍ने चाप्‍नेवे? \em येरमीया ३३:२५\em* 
\v 34 गे गोस्‍स कली ‘रेउ यीवो’ दे अरेने चाप्‍नेवे? मिनु मोपा आंम कली जिप्‍पाइक्‍ने चाप्‍नेवे?  
\v 35 मार गे चिला कली आ लांम सोइक्‍ने चाप्‍नेवे? मार मेकोपुकीम ‘गो एक बाक्‍‍तक’ दे इ कली देंनीमी।  
\v 36 सुम थुं कली तुइक्‍तीक गेवा? सुम थुं कली रुप्‍तीक गेवा?  
\v 37 सरीङ ङा मारेइ मारेइ हिक्‍ने चाप्‍तीक तुइक्‍तीक थुं पाइश्‍शो सु बाक्‍बा? मिनु सरीङ ङा ब्‍वाक्‍कु वोइक्‍तीके रे सुम ब्‍वाक्‍कु थोक्‍ने चाप्‍बा?  
\v 38 मोदेंशो दुम्‍त हना, फुरक हिलो दुम्‍शा, खप डल्‍ला दुम्‍शा ग्‍याइक्मुशा बाक्‍नीमी। 
\p  
\v 39 गे गुप्‍स कली आ सिखार माल्‍शा गेने चाप्‍नेवे? मेको आ शोव़लु बेक्‍शो रूपाइक्‍ने चाप्‍नेवे?  
\v 40 मेको आन पुक्‍खीम बाक्‍नीम। ख्रुइश्‍शा सिखार बाप्‍शो बाक्‍नीम। गे मेको कली रूपाइक्‍ने चाप्‍नेवे?  
\v 41 एर ओंथ हिरशो खद आन चाइक्‍बमी जचा मतथु परमप्रभु कली पुन्‍मे नोले सुम मेको आन कली थुल्‍बा?” दे परमप्रभुमी अय्‍युब कली देंमाक्‍त। \em भजन संग्रह १४७:९\em* 
\c 39  
\s1 परमप्रभु आ हिल्‍लो पशो लोव़ 
\p  
\v 1 परमप्रभुमी अय्‍युब कली “रोको‍श गेना गिक्‍बा, गे तुइक्‍नेवे? छाउरी किश्‍श गिक्‍मेनु मेको तशो बाक्‍नेवे?  
\v 2 मेकोपुकीम कोव़जम चाइक्‍ब कुरमेनु, गे मेको आन महिना हिक्‍ने चाप्‍नेवे? गे मेको आन गिक्‍ची ना तुइक्‍नेवे?  
\v 3 मेकोपुकी गिक्‍चा कली बाप्‍नीम। मिनु आन चाइक्‍ब जरमेनीम। मिनु आन चाइक्‍ब ब्रोंइ‍शा बाक्‍नीम।  
\v 4 मिनु मेको आन चाइक्‍ब बोल्‍यो दुम्‍नीम। ब्‍वाकीम कोल्‍नीम। काबु ब्‍वाकी मेर लशा, लेश्‍शा मजाक्‍नीम। 
\p  
\v 5 सुम ब्‍वाकी ङा गधा कली प्रोंना। सुम मेको आ डोरी प्रुदा।  
\v 6 गो मेको आन कली ‘बाक्‍कीन’ दे गोरशो रागी गेता। मिनु हिक्‍सी बाक्‍शो रागी मेको आन कली गेता।  
\v 7 मेको सहर ङा रेयके रे ङोन बाक्‍नीम। मिनु मेकोम शारा दोरपाइक्‍ब आन ग्रीशो मनेंनीम।  
\v 8 मेकोम डांडा मेर आन जोतीक सेल्‍नीम। मिनु गिगी घांस नेल्‍ल माल्‍शा नेक्‍नीम। 
\p  
\v 9 मार ब्‍वाकी ङा सांढे ब्‍यफोम इ गेय पने बिप्‍बा? मार मेको इ घांस लाप्‍तीकेम नां सोंइबा?  
\v 10 गे मेको कली वाक्‍ने चाप्‍नेवे? मार मेकोमी दांदे पा इ रू दिंम सेल्‍बा?  
\v 11 मार गे मेको आ बोल तशा इ गेय पपाइक्‍नेवे? इन गेय नेल्‍ल पचा गेनेवे?  
\v 12 मेको इ अन्‍न कुरशा चाक्‍चा कली लेश्‍शा जाक्‍ब, दे थमा सुइक्‍नेवे? 
\p  
\v 13 ठेयब चिक्‍बीम ग्‍येरशा आ फ्रां हाम्‍ब। तन्‍न मेको सारस खोदेंशो पा बेरने मचाप्‍ब।  
\v 14 मेकोम आ ब्‍वोफु होल दे खपीम वोइक्‍ब। मिनु मेक उइ प्रोंइब।  
\v 15 मिनु मेको कली खोइलीम दिम्‍नीम, दे प्रेंब। ब्‍वाकी ङा जन्‍तुपुकीम दिम्‍ने चाप्‍नीम, दे ममिम्ब।  
\v 16 मेकोम आंम चाइक्‍ब, आ के ममाइ खोदेंशो पा, आन कली शिशी मपाइब। मेको आ ब्‍वोफु पतीके मोशा लत हना यो, महिंब।  
\v 17 परमप्रभुमी मारदे हना मेको कली तुइक्‍‍तीक थुं मपाइश्‍शो सेल्‍शो बाक्‍ब। मिनु मेको कली मारेइ मरुप्‍ब सेल्‍शा प्रोंइशो बाक्‍ब।  
\v 18 मिनु मेको दोरशा आ फ्रां प्राक्‍ब। मिनु शारा नु शारा ङोइक्‍ब आन कली कोव़शा रिप्‍ब। 
\p  
\v 19 गे शारा कली मेको आ बोल गेनेवे? मेको आ शुर चांम ग्‍योम्‍नेवे?  
\v 20 गे मेको कली सल्‍हा खोदेंशो पा प्रेक्‍‍पाइक्‍नेवे? मेको आ ठेयब सेंदा पा ग्रीशोम नेल्‍ल आन कली हिंपाइक्‍ब।  
\v 21 मेकोम आ गेंचम प्रेक्‍ना प्रेक्‍न राप्‍ब। मेकोम आ बोल नेल्‍ल कोंइशा, लडाइ पतीकेम लाइब।  
\v 22 मेकोम हिंतीक आ पर्बम मारेइ ममिम्‍ब। मेको तरवार तशा मप्रोक्‍ब।  
\v 23 मेको आ ब्रा हुरुर पा ग्रीब। मिनु मेकेर तूतीक नु तरवार हिरनीम।  
\v 24 तन्‍न मेको थाम्‍पा आ जोंब बोक्‍शा, दोरशा लाइब। तुराही ताप्‍शो नेनानु, मेको सिक्‍सी पा बाक्‍ने मचाप्‍ब।  
\v 25 मेकोम तुराही ताप्‍शो नेंशा ‘आहा’ देंब। मिनु मेकोम ङोन रेन लडाइ पाइब आन हुल नु लडाइ ङा रिना नेंब। 
\p  
\v 26 ब्‍वारदे आ फ्रां हाम्‍शा दक्‍खिन गे बेरचा कली इ रुप्‍तीकेमी शेंदी?  
\v 27 मार ककाकुलीम आ ग्‍योव़ इर रोंगुम सेल्‍चा कली इ अरेशो बाक्‍बा?  
\v 28 मेको रोंगुम बास बाक्‍ब। मिनु आ ग्‍योव़ मेकेन सेल्‍ब।  
\v 29 मेकेर रे आ सिखार कोव़ना कोव़न बाक्‍ब। मेकोमी ङोन ङोन नेल्‍ल रिम्‍शो पा तने चाप्‍ब।  
\v 30 मेको आ चाइक्‍बपुकीम हुश तूनीम। मेको ते ते मार मार सिखार बाक्‍मा, मेको मेकेर बाक्‍नीम” दे परमप्रभुम अय्‍युब कली देंमाक्‍त। \em हबकुक १:८; मत्ती २४:२८\em* 
\c 40  
\s1 अय्‍युबमी परमप्रभु कली लोव़ लेश्‍शो 
\p  
\v 1 मिनु परमप्रभु यावेमी लेंशा अय्‍युब कली  
\v 2 “नेल्‍ल क्‍येङा सक्ति पाइश्‍शो, गो आं कली दोस गेबमी आं कली लोव़ लेत्‍चा माल्‍ब” देंमाक्‍त। \em यसैया ४५:९\em* 
\p  
\v 3 मिनु नोले अय्‍युबमी परमप्रभु यावे कली लोव़ लेश्‍शा  
\v 4 “गो शोर गाक्‍शो मुरुम इन कली मार लोव़ लेन्‍ने चाप्‍नुङा ङा? गो आं गुइम आं शोव़ सुम्‍नुङ। \em उत्‍पत्ती ३२:९; यसैया ६:५; हितोपदेस ३०:३२\em* 
\v 5 गो खेयप का लोव़ पने थुम्‍ता। मुल लेंशा लोव़ मपाइनुङ। गो खेयप निक्‍शी ब्‍वाक्‍ती, मुल ब्‍वाक्‍तीक लोव़ मबाक्‍ब” देंमाक्‍त। 
\s1 परमप्रभु यावेमी आ सक्ति कोंइशो 
\p  
\v 6 मिनु परमप्रभु यावेम अय्‍युब कली फश गिवार रे पा लोव़ लेश्‍शा  
\v 7 “गे बोल्‍यो मुर खोदेंशो दुम्‍शा रपो। मिनु गो इ कली लोव़ हिल्‍लो पाइनुङ। मिनु गे लोव़ लेत्‍ती। \em अय्‍युब ३८:३\em* 
\v 8 गो आं कली ‘दूली पाइब’ देंनेवे? मिनु गे आंमा ठीक पाइब बाक्‍नुङ देंचा कली आं कली दोस गेनेवे?  
\v 9 मार इ सक्ति परमप्रभु के खोदेंशो बाक्‍बा? गे बुंबु पशो सेंदा खोदेंशो पा ग्रीने चाप्‍नेवे? 
\p  
\v 10 चाप्‍नेवे हना, मान ततीकेम नु ठेयब दुम्‍तीकेम आंम कली ग्‍योम्‍सो। गे इ एर ओंथ दारस नु छेङछेङ वोंइसो।  
\v 11 इ गाइक्‍तीक कोंइदो। मिनु ठेयब लेश्‍शो मुर आन कली कोव़शा, मेको आन कली दिप्‍शा आइक्‍च सेलो।  
\v 12 ठेयब लेश्‍शो मुर नेल्‍ल आन कली कोव़ङो। मेको आन कली आइक्‍च सेलो। मिनु आं अरेशो लोव़ मटीब आन कली आन राप्‍तीकेमी दिम्‍दीमी।  
\v 13 मेको नेल्‍ल आन कली खपीम ख्रुइक्‍तीमी। मिनु रागी आगाम मेको आन कुल ख्रुइक्‍पाइक्‍मी।  
\v 14 मिनु गो ‘इ ग्‍युरा गुइमी ग्राने चाप्‍बाक्‍‍ते’ दे थमा सुइक्‍नुङ। 
\p  
\v 15 गो इ कली सेल्‍शो खोदेंशो पा बेहेमोथ माइश्‍शो ठेयब जन्‍तु कली सेल्‍ता। मेकोमी बी ब्‍यफ खोदेंशो पा घांस ब्‍वाइब। \em बेहेमोथ ब्‍वाक्‍कु ङा ठेयब जन्‍तु बाक्‍ब।\em* 
\v 16 मेको आ सक्ति आ फिलाम बाक्‍ब। मिनु आ बोल आ कोव़जम बाक्‍ब।  
\v 17 मेको आ मीलु लेबानोन ङा लाइश्‍शो रवा खोदेंशो खकटा बाक्‍ब। मेको आ फिला ङा नाडी थम खांइसीशो बाक्‍नीम।  
\v 18 मेको आ रुश कांसा खोदेंशो बाक्‍नीम। मिनु मेको आ खोइली फलाम खोदेंशो बाक्‍नीम। 
\p  
\v 19 मेको परमप्रभु आ नेल्‍ल क्‍येङा ङोंइती ङा ठेयब गेय बाक्‍ब। मो हना यो मेको कली सेल्‍ब तरवार शेंशा ला मेको आ नेक्‍था लने चाप्‍ब।  
\v 20 डांडामी मेको आ जोतीक बाक्‍ब। ब्‍वाकी ङा जन्‍तु नेल्‍ल मेकेर ग्‍यारनीम।  
\v 21 मेको कमल फू आगाम इप्‍ब। मेको बुदी मीलु नु ब्‍वाक्‍कु बाक्‍‍तीक मेर ख्रुइश्‍शा बाक्‍ब।  
\v 22 कमल फूमी मेको कली आ वांकु गेब। मेको आ एर ओंथ ङा खोला मेर बुटा बाक्‍नीम।  
\v 23 मेको खोला बारशा कुत हना यो महिंब। बारशो खोला आ गे पित हना यो दिल थिश्‍शा इप्‍शा बाक्‍ब।  
\v 24 सुइ मुरुम मेको कली आ बोल्‍सीम रेत्‍ने मचाप्‍ब। सुम मेको आ मिक्‍च थि‍ने चाप्‍बा? सुम मेको कली ब्‍वारदम रेश्‍शा आ नें ख्रिन्‍ने चाप्‍बा ङा?” दे परमप्रभुमी अय्‍युब कली देंमाक्‍त। 
\c 41  
\s1 लेव्‍याथन आ पर्बम लोव़ 
\p  
\v 1 परमप्रभुमी “गे लेव्‍‍याथन माइश्‍शो ठेयब जन्‍तु कली बोल्‍सीमी रेत्‍ने चाप्‍नेवे? मेको आ लें डोरीम नेप्‍‍ने चाप्‍नेवे? \em भजन संग्रह ७४:१४\em* 
\v 2 गे मेको आ नें ख्रिश्‍शा डोरी लिक्‍ने चाप्‍नेवे? मेको आ शांपे बोल्‍सीम ब्‍वेक्‍ने चाप्‍नेवे।  
\v 3 मेकोमी ‘आं कली प्रोंइ‍यी, शिशी पाइय्‍यीनी’ दे पुंइबा? मेकोमी इ कली मिलो शिलो पाइबा ङा?  
\v 4 मेकोम गे नु कबल पाइबा? ‘गो गेना हना यो वाइल दुम्‍नुङ’ देंबा?  
\v 5 गे मेको नु चिक्‍ब खोदेंशो पा ग्‍यारने चाप्‍नेवे? मार, मेको कली इ मीश आल नु ग्‍यारचा कली पाइश्‍शा वोइक्‍चा दाक्‍नेवे?  
\v 6 मार, मेको आन पर्बम ग्‍याप्‍ब लेयबपुकीम ‘ओशो लाइब’ देंनीमी? ग्‍याप्‍ब लेयबमी आन दातेमी मेको कली भाग भाग सेल्‍नीमी?  
\v 7 मार, गे मेको आ कुशुल कली तूतीकेम तूने चाप्‍नेवे? मार, ङांइ साइक्‍तीक याम मेको आ पिया आप्‍ने चाप्‍नेवे?  
\v 8 गे ‘गो मेको नु लडाइ पाइनुङ’ दे मिम्‍ताक्‍वी हना, मिनु राम्‍शी पाप्‍तीवी हना, गे मोदेंशो लेंशा गेनायो मपाइक्‍नेवे।  
\v 9 सुम मेको कली ‘ग्‍याइक्‍नुङ’ दे मिम्‍बा, मेको मचाप्‍ब। सुम मेको कली ताइबा, मेको हिंशा गोल्‍ब।  
\v 10 मेको कली पोक्‍ने चाप्‍ब, सुइ मबाक्‍नीम। मोपा मेको आ ङोंइती सु राप्‍ने चाप्‍बा ङा?  
\v 11 गो आं कली लडाइ तोशा, सु ब्रोंइशा बाक्‍ने चाप्‍बा ङा? सरीङ आगा ङा मारेइ मारेइ आं केन नम। 
\p  
\v 12 गो मेको आ खोइली आ पर्बम लोव़ पाइनुङ। मेको आ सक्ति नु मेको आ दारस आ पर्बम इन कली लोव़ पाइनुङ।  
\v 13 मेको आ फेक्‍शो वा सुम प्रुइक्‍ने चाप्‍बा? मेको आ तेक्‍तीक कली सुम तूने चाप्‍बा?  
\v 14 सुम मेको आ शोव़ पाक्‍‍ने चाप्‍बा? मेको आ ख्रुइ हिंचा ङा बाक्‍नीम।  
\v 15 मेको आ ची तेक्‍तीकपुकीम सेल्‍सीशो बाक्‍ब। मेको थम नेक्‍था नेक्‍था पा गार पाइश्‍शा वोइश्‍शो खोदेंशो बाक्‍ब।  
\v 16 मेको का आ तार अर्को पा बाक्‍शो बाक्‍नीम। मोपतीके फश यो मेको आगा ओव़ने मचाप्‍ब।  
\v 17 मेकोपुकी का का पा अर्को नु ख्रोम्‍सीशा मब्राचा ङा पा बाक्‍शो बाक्‍नीम।  
\v 18 मेकोम हाक्‍च पवानु, मी ग्रूब। मिनु मेको आ मिक्‍च सुनी ङा नां खोदेंशो बाक्‍ब।  
\v 19 मेको आ शोव़ रे रांको नु मी आ फिलीङगो ग्रूनीम।  
\v 20 मेको आ नें रे कुन ग्रूब। मेको शुश ब्रुइश्‍शो रे ग्रूशो सोलोल खोदेंशो बाक्‍ब।  
\v 21 मेको आ सासमी कोइला ब्रपाइक्‍ब। मिनु मेको आ शोव़ रे हुरुर पा ब्रशो मी ग्रूब।  
\v 22 मेको आ शुर शुश बोल्‍यो बाक्‍ब। मेको आ एर ओंथ शुश हिंतीक बाक्‍ब।  
\v 23 मेको आ श्‍ये रोम्‍सीशो बाक्‍ब। मारेइम चिप्‍ताक्‍व हना यो, मेको कली मारेइ मदुम्‍ब।  
\v 24 मेको आ थुं फुल्‍लु खोदेंशो पा खकटा बाक्‍ब। मेको यात आ आगा ङा फुल्‍लु खोदेंशो पा खक‍टा बाक्‍ब।  
\v 25 मेको बोक्‍शा राम्‍मेनु, बोल्‍यो नेल्‍ल हिंनीम। मेकोम लडाइ तोवानु, मेको नेल्‍ल नोले शोंइसीनीम।  
\v 26 तेकोइ तरवारमी मेको कली साइक्‍ने मचाप्‍ब। तूतीक, ब्रा नु अरु आप्‍तीकेम मेको कली मारेइ मपाइब।  
\v 27 मेकोम फलाम कली पराल खोदेंशो मिम्‍ब। कांसा कली राक्‍शो शी खोदेंशो मिम्‍ब।  
\v 28 तेकोइ ब्राम मेको कली प्रोक्‍पाइक्‍ने मचाप्‍ब। हुरद ङा फुल्‍लु मेको कली भूस खोदेंशो बाक्‍‍ब।  
\v 29 थात्‍ला मेको कली भूस खोदेंशो बाक्‍‍ब। तूतीक शेशा बाक्‍शोनु, मेकोम रिश्‍शा कोव़ब।  
\v 30 मेको आ कोव़जीम हेश्‍शो गम्‍टे खोदेंशो बाक्‍ब। मेको गाक्‍मेनु दांदे पशो खोदेंशो पा गाक्‍ब।  
\v 31 मेकोम समुन्‍द्र ङा ब्‍वाक्‍कु कली ब्रुइश्‍शो खोदेंशो सेल्‍ब। मिनु समुन्‍द्र कली ग्‍योंबुम मलम खाल्‍शो खोदेंशो पा खाल्‍ब।  
\v 32 मेको गाक्‍मेनु आ नोले टल्‍केशो लां प्रोंइशा गाक्‍ब। मेको लां ठेयब समुन्‍द्र ङा बुश चां खोदेंशो तांइसीब।  
\v 33 रागीम मेको नु उइक्‍थ मारेइ मबाक्‍नीम। मेको हिंतीक मपाइश्‍शो बाक्‍ब।  
\v 34 मेकोमी ठेयब लेश्‍शो नेल्‍ल आन कली आइक्‍च मिम्‍ब। मेको ठेयब लेश्‍शो नेल्‍ल आन पिप बाक्‍ब” देंमाक्‍त। 
\c 42  
\s1 अय्‍युब परमप्रभु कली तुइक्‍ब दुम्‍शो 
\p  
\v 1 मिनु अय्‍युबम परमप्रभु यावे कली  
\v 2 “गे मारेइ मारेइ पने चाप्‍नीनी, दे गो तुइक्‍नुङ। इन मिम्‍शो मारेइ मारेइ सुइम क्‍याम्‍ने मचाप्‍नीम।  
\v 3 ‘दूली लोव़ पा अर्ती गेब सु बाक्‍म? मारेइ मजोक्‍थु मार लोव़ पवा?’ देंतीनी गो थमा पा, आंमा मरुप्‍थु लोव़ पाता। मेको आं रुप्‍ने मचाप्‍शो थम छक लाक्‍चा ङा बाक्‍नीम। \em अय्‍युब ३८:२\em* 
\v 4 मुल गो लोव़ पाइनुङ। नेनीन। गो इन कली लोव़ हिल्‍लो पाइनुङ। मिनु गे आं लोव़ लेत्‍तीनी। \em अय्‍युब ३८:४\em* 
\v 5 इन पर्बम नेंशो ला बाक्‍ती। तन्‍न मुल गो इन कली ताता। \em अय्‍युब १९:२६-२७\em* 
\v 6 मोपतीके गो आं कली आइक्‍च मिम्‍ताक्‍ङ। मिनु गो फुरक नु पुलुम बाक्‍शा, माफ पुंइनुङ” दे अय्‍युबमी देंमाक्‍त। 
\s1 अय्‍युब आ रिम्‍शो नाक्‍ती लेश्‍शो 
\p  
\v 7 मिनु परमप्रभु यावेम अय्‍युब नु लोव़ पने थुम्‍शा, मेकोम तेमान ङा एलीफाज कली “गे नु इ वारच निक्‍शी इन कली तशा, गो गाइश्‍शो बाक्‍नुङ। मारदे हना गे आं पर्बम थमा लोव़ मपनी। तन्‍न आं गेय पाइब अय्‍युबमी आं पर्बम थमा लोव़ पाप्‍तु।  
\v 8 मोपतीके गे ७ ओटा ब्‍यफ नु ७ ओटा सांड लाइश्‍शा आं गेय पाइब अय्‍युब आ बाक्‍‍तीके लने। मिनु गेपुकीम इन पर्बम चोशा चढ़ेतीक चढ़ेने। मिनु आं गेय पाइब अय्‍युबमी इन पर्बम आं कली माफ पुंइचा माल्‍ब। मिनु गो मेको आ पुंइशो लोव़ नेंनुङ। मिनु गे इन मूर्ख लोव़ पशो ङा सजाइ मगेनन्‍नी। मारदे हना गे आं पर्बम थमा लोव़ मपनी। तन्‍न आं गेय पाइब अय्‍युबमी आं पर्बम थमा लोव़ पाप्‍तु” देंमाक्‍त। \em १इतिहास १५:२६; इजीकीएल १४:१४\em* 
\v 9 मिनु तेमान ङा एलीफाज, शुआह ङा बिल्‍दाद नु नामा ङा सोफारमी परमप्रभु यावेम देंशो खोदेंशो पा‍मे बाक्‍त। मिनु परमप्रभु यावेमी अय्‍युब आ पुंइशो लोव़ नेना बाक्‍त। 
\p  
\v 10 मोपा अय्‍युबम आ वारच आन पर्बम पुना नोले, परमप्रभु यावेम अय्‍युब आ शोंप नेल्‍ल लेश्‍शा गेवा बाक्‍त। मिनु मेको आ शोंप नेल्‍ल, ङोंइती ङा क्‍येङा निक्‍शी खेयप शुश गेवा बाक्‍त। \em अय्‍युब १:२; अय्‍युब ८:७\em* 
\v 11 मेको नोले अय्‍युब आ लोक्‍ब नेल्‍ले, आ समी नेल्‍ले नु मेको आ ङोंइती ङा तुइश्‍शो मुर नेल्‍ल जाक्‍शा, मेको आ खिंम भोज जामे बाक्‍त। मिनु मेकोपुकीमी अय्‍युब कली “गे परमप्रभु यावे आ गुइ रे शुश श्‍‍येत नु मरिम्‍शो दुम्‍तीके ताइतीनी” दे मेको कली थम रिम्‍शो लोव़ पामे बाक्‍त। मिनु नेल्‍लेम मेको कली सुन के क्‍येट नु सुन के औंठी गेमे बाक्‍त। \em अय्‍युब १९:१३-१४,१९\em* 
\v 12 मिनु परमप्रभु यावेम अय्‍युब कली आ नोले ङा ब्रोंइशो नाक्‍ती कली आ ङोंइती ङा ब्रोंइशो नाक्‍ती क्‍येङा शुश आसीक गेवा बाक्‍त। मिनु मेको के १४ हजार भेडा, ६ हजार दल‍ओंठ, हजार का हाल ब्‍यफ नु हजार का गधा दुम्‍मा बाक्‍त।  
\v 13 मिनु मेको के ७ जना तौ नु तमी सां दुम्‍मा बाक्‍त। \em अय्‍युब १:२\em* 
\v 14 मेकोमी आ ङोंइती जरमेशो तमी आ नें येमीमाह, माइली आ नें केसीया नु कान्‍छी आ नें केरेन-हाप्‍पुक वोइक्‍मी बाक्‍त।  
\v 15 मिनु रागी नेल्‍लेम अय्‍युब आ तमी खोदेंशो दारशो अरु सुइ मबाक्‍मा बाक्‍त। मिनु मेको आन आफोम मेको आन कली आन लोक्‍बपुकी नु उइक्‍थ उइक्‍थ पा शोंप योक्‍शो गेमी बाक्‍त। \em गन्‍ती २७:८-११\em* 
\v 16 मेको नोले अय्‍युब सहे का ४० बर्स सम्‍म ब्रोंइमाक्‍त। मेकोम आ तौपुकी नु ४ पाला सम्‍म ङा चच युइ नेल्‍ल तवा बाक्‍त। \em भजन संग्रह ९०:१०\em* 
\v 17 मिनु नोले अय्‍युब आ नाक्‍त नेल्‍ल नेक्‍शा, शुश ब्रोंइशा खूशो दुम्‍शा बेक्‍माक्‍त। \em उत्‍पत्ती २५:८; उत्‍पत्ती ३५:२९; १इतिहास २९:२८\em*