\id HAB  
\h हबकुक 
\toc1 हबकुक 
\toc2 हबकुक 
\toc3 हबकुक 
\mt1 हबकुक 
\ip \bd ब्रेक्‍ब मुर:\bd* एको किताब हबकुकमी ब्रेक्‍शो बाक्‍ब। हबकुक आ अर्थ “मुप्‍ब मुर”, “शुश दाक्‍ब मुर” बाक्‍ब। मेको परमप्रभु यावे आ लोव़ पाइब बाक्‍त। 
\ip \bd गेना ब्रेक्‍शो:\bd* कल्‍दी आन लडाइ पाइबपुकी ६०५ बि. सी.म निनवे ग्राशा, बारना बारन लशो बाक्‍तेक्‍म। \em हबकुक १:६\em* हबकुकम एको किताब यहूदा ङा पिप योसीयाह आ पाला ६३९-६०९ बि. सी.म नु यहूदा ङा पिप योयाकीम ६०९-५९८ बि. सी.म आस सासन पचा क्‍येङा ङोंइती ब्रेक्‍शो बाक्‍त। हबकुक येरमीया आ लोव़ पची ना यो बाक्‍शो बाक्‍त। 
\ip \bd मारदे ब्रेक्‍शो:\bd* परमप्रभु यावेमी इस्राएली आन कली निसाफ पाइब। इस्राएली आन कली श्‍येत गेब सजाइ गेचा पुंइसीनीम। ठीक पाइब आन थमा सुइक्‍तीके ब्रोंइनीम। 
\c 1  
\s1 मरिम्‍शो दुम्‍तीके आ पर्बम लोव़ 
\p  
\v 1 एको परमप्रभु यावे आ लोव़ पाइब हबकुकमी परमप्रभु यावे रे पा नोले दुम्‍ब ततीक तशो बाक्‍ब।  
\v 2 मिनु हबकुकमी “परमप्रभु यावे, गो गेना सम्‍म इन कली ‘वारच पन’ दे पुंइनुङा? गे काइ मनेंनीनी? ‘हुश ख्राक्‍श पोक्‍नीम’ दे थोइनुङ। तन्‍न गे काइ मप्रोंइनीनी।  
\v 3 गे मारदे आं कली मरिम्‍शो पशो तपाइक्‍नीनी? गे मारदे आं कली श्‍येत जशो तपाइक्‍नीनी? खतम सेल्‍तीके नु जिचा पोक्‍तीक आं ङोंइती बाक्‍नीस। तेइ तेइ राम्‍शी पचा नु जिचा ला पोक्‍नीम।  
\v 4 मिनु इन अरेशो मपाइनीम। ठीक पाइबपुकीमी ग्राने मचाप्‍नीम। इन अरेशो मटीबपुकीमी ठीक पाइब आन कली पुम्‍नीम। मिनु निसाफ पतीके दूली दुम्‍ब” देंती। 
\s1 कल्‍दी आन पर्बम लोव़ पशो 
\p  
\v 5 मिनु परमप्रभुमी आं कली “रागी रागी ङा मुर आन कली कोव़ङो। मेको आन कली कोव़शा, गे छक लाक्‍नेवे। मारदे हना इन ब्रोंइतीक नाक्‍तीमी गेय का पशो बाक्‍ब। मेको इ कली देंतेक्‍म हना यो, गे मेको थमा मसुइक्‍नेवे। \em प्रेरित १३:४१\em* 
\v 6 गो कल्‍दी ङा मुर आन कली पोक्‍‍नुङमी। मेको हिंचा ङा नु शिशी मपाइक्ब बाक्‍नीम। मेकोपुकीमी रागी नेल्‍ल कली ग्राशा, मुर आन खिं नु बाक्‍तीके रोइक्‍नीम।  
\v 7 मेकोपुकी श्‍येत गेब नु शुश हिंचा ङा बाक्‍नीम। मिनु ‘मार ठीक निसाफ पतीके बाक्‍बा? सु मान ताइब बाक्‍बा’ दे आंमान दें‍नीम।  
\v 8 मेको आन शारा जोइ आन क्‍येङा रीब पा दोरब बाक्‍नीम। मिनु नाक्‍दो ग्रूब फर खोदेंशो पा साइक्‍ब बाक्‍नीम। मेको आन शारा बारनीम। मेको आन शारा ङोइक्‍ब ङोन रागी रे जाक्‍नीम। ककाकुली खोदेंशो पा बेरशा, रीब पा सिखार ग्‍याइक्‍नीम। \em सेफन्‍याह ३:३\em* 
\v 9 मेकोपुकी ङोंइती बारशा, हुश ख्राक्‍श पोक्‍‍चा कली जाक्‍नीम। मिनु मुर आन कली बाल्‍वा खोदेंशो हिक्‍ने मचाप्‍चा ङा पा शुश ग्‍याइश्‍शा, खुप्‍नीम।  
\v 10 मिनु पिप आन पर्बम शुक्‍शी पाइनीम। हुकुम पाइब आन पर्बम तोक्‍शो लोव़ पा रित्‍नीम। मेकोपुकीमी बोल्‍यो दरवार आन पर्बम ‘गो ग्रानय’ दे खप तेल्‍शा ङोइश्‍शा लशा, आंम के सेल्‍नीम।  
\v 11 मेको फश खोदेंशो पा गाक्‍नीम। मिनु पाप पा दोस ताइब दुम्‍‍नीम। मेकोपुकीमी आंम सक्ति कली ला थमा सुइक्‍नीम” देंत। 
\s1 हबकुकम परमप्रभु कली पुंइशो 
\p  
\v 12 मिनु हबकुकमी “परमप्रभु यावे, आं परमप्रभु, गे का ला आं परमप्रभु बाक्‍नीनी। गो मबेक्‍नीकी। परमप्रभु यावे, गे मेको आन कली निसाफ पचा कली योव़तीनी। गे, आं सेरथे फुल्‍लु, गे मेको आन कली सजाइ गेचा कली वोइक्‍तीनी। \em येरमीया १०:२४\em* 
\v 13 गे मरिम्‍शो पशो काइ तने मचाप्‍नीनी। मरिम्‍शो पशो फाल्‍ने मचाप्‍नीनी। मोदेंशो बाक्‍त हना यो, थम मरिम्‍शो पाइब आन कली तशा, मारदे मारेइ मदेंनीनी? इन अरेशो मटीबपुकीमी आंम क्‍येङा ठीक पाइब मुर आन कली सद‍मेनु, गे मारदे सिक्‍सी पा बाक्‍नीनी?  
\v 14 गे मुर आन कली समुन्‍द्र ङा ङांइ खोदेंशो सेल्‍तीनी। सासन पाइब मबाक्‍शो ग्रेशा गाक्‍ब आइक्‍च जन्‍तु खोदेंशो सेल्‍तीनी। 
\p  
\v 15 मिनु आन जोरी सत्रुमी नेल्‍ल आन कली बोल्‍सीमी खोदेंशो पा रेत्‍नीम। मेको आन कली ग्‍याइलीम पिक्‍शा, ग्रुंइनीम। आन ग्‍याइक्‍तीकेमी खुप्‍नीम। मिनु ङांइ रेश्‍शो खोदेंशो पा ग्‍येरशो बाक्‍नीम।  
\v 16 मोपतीके मेकोपुकीमी आन ग्‍याइल कली क्‍योरशा चढ़ेनीम। आन ग्‍याइक्‍तीके कली चोशा चढ़ेनीम। मारदे हना मेको ग्‍याइल नु ग्‍याइक्‍तीके रे पा शुश तशा, ब्रोव़शो जाइनीम।  
\v 17 मार, मेकोपुकीमी आन ग्‍याइलीम रेन्‍ना रेन्‍न, रागी रागी ङा मुर आन कली शिशी मपथु, खतम सेल्‍ना सेल्‍न बाक्‍चा गेनीनी?” दे हबकुकमी परमप्रभु कली देंत। 
\c 2  
\s1 परमप्रभुमी लोव़ लेश्‍शो 
\p  
\v 1 गो नेल्‍ल तचा ङा पा राप्‍शा बाक्‍नुङ। गो गारो ङोइश्‍शा कोव़नुङ। मिनु परमप्रभु यावेमी आं कली मार देंबा, मेको नेल्‍ल तशा नेंशा बाक्‍नुङ। आं कली मारेइ लोव़ लेप्‍बा कों, दे रिम्‍नुङ। \em यसैया २१:८\em* 
\v 2 मिनु नोले परमप्रभु यावेमी आं कली “गे इ तशो नेंशो ब्रेक्‍तो। रिम्‍शो पा रुप्‍चा ङा पा फुल्‍लु तार ब्रेक्‍तो। मिनु सु मेकेर लाइबा, मेकोम रीब पा पढेने चाप्‍ब। \em यसैया ३०:८; प्रकाश १:११,१९\em* 
\v 3 मारदे हना इ त‍शो आं देंशो नाक्‍ती जाक्‍ब। मेको दीसा नित्‍थी मदुम्‍त हना यो, मेको कली रिम्‍शा बाक्‍को। मेको थमा पा दुम्‍ब। देश मपाइब। \em इजीकीएल १२:२३; २ पत्रुस ३:९\em* 
\v 4 गे ठेयब लेश्‍शो कली कोव़ङो। मेको आ थुं मरिम्‍शो बाक्‍ब। तन्‍न ठीक पाइब आं कली थमा सुइश्‍शा ब्रोंइब।  
\v 5 मिनु शुश शोंप कली थमा सुइक्‍चा दूली बाक्‍ब। ठेयब लेश्‍शो मुर मलीब। मेको आ शोव़ तुरस खोदेंशो पा पाक्‍शा बाक्‍ब। बेक्‍पाइक्‍ब खोदेंशो पा गेनायो मरूब। रागी रागी ङा मुर नेल्‍ल आन कली खुप्‍शा आंम के सेल्‍ब” देंत। 
\s1 मुर आन कली दिप्‍ब कली हुइश्‍शो 
\p  
\v 6 मिनु “मुर नेल्‍लेमी मोदेंशो मुर आ पर्बम मुने तोक्‍चा ङा लोव़ पाइनीम। मेको आ पर्बम शुक्‍शी लोव़ पा, आबी आबी, गे अरु मुर आन शोंप आंम कली तेल्‍तीवी। गे गेना सम्‍म अरु मुरुमी इ कली गेशो क्‍येट आंम कली वोइक्‍नेवे?  
\v 7 मार, इ कली जेर गेबपुकी कालेमीन मबोक्‍नीमी ङा? मेकोपुकी सेंसीशा इ कली महिंपाइक्‍नीमी ङा? मेना गे श्‍येत जाइब दुम्‍नेवे।  
\v 8 मारदे हना गे रागी रागी ङा शुश मुर आन शोंप रोइक्‍ताक्‍नी। मुल चहिं इ साइक्‍तीक रे ब्रोंइशोपुकीमी इ के बाक्‍शो नेल्‍ल रोइक्‍नीम। गे मुर आन कली हुश ख्राक्‍श पोक्‍तीवी। गे रागी, सहरपुकी नु मेकेर बाक्‍ब मुर नेल्‍ल आन कली खतम सेल्‍तीवी” देंत। \em हबकुक २:१७\em* 
\p  
\v 9 “आबी आबी, गे मरिम्‍शो पा क्‍येट चेम्‍नेवे। मोपा इ खिं ङा मुर आन कली खतम सेल्‍नेवे। तन्‍न गे ‘श्‍येत मजाइनुङ’ दे इ खिं इर सेल्‍तीवी।  
\v 10 गेम शुश जात जात ङा मुर साइक्‍तीके, इ खिं ङा मुर आन कली मुने तोक्‍शा, साइक्‍चा पुंइसीनेवे।  
\v 11 गारो ङा फु‍ल्‍लुमी इ पर्बम ‘वारच पने’ दे ग्रीनीम। मिनु थाम आ तार ङा शीमी मेको कली लोव़ लेप्‍ब” देंत। \em लूका १९:४०\em* 
\p  
\v 12 “आबी आबी, गे हुश ख्राक्‍श पोक्‍तीकेमी, सहर का सेल्‍तीवी। गे ठीक मपतीकेमी सहर आ जग वोइक्‍ब बाक्‍नेवे। \em येरमीया २२:१३; मीका ३:१०\em* 
\v 13 जात जात ङा मुर आन गेय नेल्‍ल मी कली ला दुम्‍ब। रागी रागी ङा मुरपुकी मली‍चा ङा गेय पचा कली सोम्‍सीनीमी, दे मुर नेल्‍ल आन परमप्रभु यावे आ देंशो मबाक्‍बा ङा? \em येरमीया ५१:५८\em* 
\v 14 तन्‍न रागी नेल्‍ल परमप्रभु यावे आ सक्ति ङा तुइक्‍तीकेम ब्रीशो बाक्‍ब। ब्‍वाक्‍कुमी समुन्‍द्र ब्रीशो खोदेंशो पा ब्रीशो बाक्‍ब” देंत। \em यसैया ११:९\em* 
\p  
\v 15 “आबी आबी, गे इ नेक्‍था बाक्‍ब मुर आन कली मुने तोक्‍चा कली इ दुक्‍तीक थोव़क तुंइशा दुक्‍पाइक्‍नेवे।  
\v 16 गे ठेयब दुम्‍चा क्‍येङा शुश मुने दोक्‍नेवे। मुल इ पालो जाक्‍त। गे यो तूशा, दुक्‍शा दाइल पांइसो। परमप्रभु यावेमी आ ग्‍युरा गुइ ङा कचौरा इ कली गे‍ब। मिनु इ ठेयब दुम्‍तीके मुने दोक्‍ब। \em येरमीया २५:१५,२६\em* 
\v 17 गे लेबानोन ङा ठेयब रवा नेल्‍ल तिम्‍तीवी। मेकेर ङा ब्‍वाकी ङा जन्‍तु नेल्‍ल आन कली मरिम्‍शो पाप्‍तीवी। मेको इ मरिम्‍शो पतीके क्‍येक्‍क लेत्‍चा पुंइसीब दुम्‍नेवे। मारदे हना गे मुर आन कली हुश ख्राक्‍श पोक्‍तीवी। मिनु रागी, सहरपुकी नु मेकेर बाक्‍ब मुर नेल्‍ल आन कली खतम सेल्‍तीवी” देंत। 
\s1 मूर्तिम मारेइ पने मचाप्‍नीम 
\p  
\v 18 मिनु “मूर्तिम मार गेय पने चाप्‍बा ङा? मुर आ चेम्‍शो मूर्ति जोल ला बाक्‍ब। मारदे हना मेको चेम्‍बमी आंम चेम्‍शो मूर्ति कली थमा सुइक्‍ब। तन्‍न मेको मूर्ति ब्‍वाक्‍ने मचाप्‍ब। \em यसैया ४४:१०-२०\em* 
\v 19 आबी आबी, गे शी कली ‘सेंसो’ दे ब्‍वाक्‍ने मचाप्‍ब फुल्‍लु कली ‘बोक्‍को’ देंनेवे। मार, मेकोमी मुर कली शेंने चाप्‍बा? मेको सुन चांदीमी गिल्‍शो बाक्‍त। तन्‍न मेको नु काइ ब्रोंइतीक सोक्‍त मबाक्‍ब। \em भजन संग्रह ११५:४-८\em* 
\v 20 मिनु परमप्रभु यावे आंम आ बाक्‍तीकेमी बाक्‍ब। रागी नेल्‍ल मेको आ ङोंइती मान पा सिक्‍सी पवल” देंत। \em भजन संग्रह ११:११; भजन संग्रह ७६:९; जकरिया २:१७; प्रेरित ८:३\em* 
\c 3  
\s1 हबकुक ग्‍येरसीशो 
\p  
\v 1 परमप्रभु यावे आ लोव़ पाइब हबकुकमी परमप्रभु यावे कली लोव़ पा कुम्‍सो पा ठेयब सेल्‍तु।  
\v 2 “परमप्रभु यावे, गो इन पशो नेल्‍ल नेंता। परमप्रभु यावे, गो इन पशो तशा, इन कली ठेयब सेल्‍नुङ। आंइ ब्रोंइतीक नाक्‍तीमी मेको लेंशा कोंइदीन। मेको तुइक्‍पतीन। गे गाइक्‍ताक्‍नी हना, यो इन शिशी मिम्‍तीन।  
\v 3 परमप्रभु तेमान रे पा जाक्‍त। मेको का ला परमप्रभु पारान डांडा रे जाक्‍त। ठेयब सेंदा पा आ ठेयब दुम्‍तीकेमी सरीङ सुम्‍शो बाक्‍त। आ मान ततीकेम रागी नेल्‍ल ब्रीशो बाक्‍त। \em ब्‍यवस्‍था ३३:२\em* 
\p  
\v 4 मेको आ छेङछेङ नां दाप्‍शो खोदेंशो बाक्‍त। आ गुइ रे पा चेयरे ग्रूशो बाक्‍त। मेकेर आ सक्ति ख्रुइश्‍शो बाक्‍ब।  
\v 5 आ ङोंइती मुर आन कली साइक्‍तीक रोइ लत। आ नोले मुर बेक्‍तीक रोइम खोइक्‍तु।  
\v 6 मेको गाक्‍‍शा नाइश्‍शा, रागी हिम्‍पाइक्‍तु। मेकोमी कोव़ङानु, रागी रागी ङा मुर आन कली ख्रिंख्रि पपाइक्‍तु। गेना हना यो बाक्‍ब डांडा ब्रेत्‍नीम। मेको गेना हना यो लीब पहाड नेल्‍ल यशो खोदेंशो पा दिंम दुम्‍तेक्‍म। मेकोमी साइ ङोंइती रे मोदेंशो पशो बाक्‍त। \em भजन संग्रह १०४:३२\em* 
\v 7 गो कुशन रागी ङा ताम्‍बुमी बाक्‍ब आन कली श्‍येत जशो ताता। मिदयान ङा ताम्‍बु आन सुम्‍तीके हिम्‍साक्‍म।  
\v 8 परमप्रभु यावे, गे खोलापुकी नु गाइक्‍तीनी? गे ठेयब समुन्‍द्र आ पर्बम चुरनी? इन शारा नु बग्‍गी आन कली लां कोंइशा ग्रातीनी।  
\v 9 गे इन लिब्रा ग्रुंइताक्‍नी। गे इन ब्रा ते देंनी मेक लत। गे खोला शाइक्‍‍तीकेमी रागी कली चेत्‍तीनी।  
\v 10 मिनु डांडापुकी इन कली तशा रोम्‍सीनीम। ठेयब रेउ यित। ठेयब समुन्‍द्र आ रेयके नेंसाक्‍व। \em भजन संग्रह ७७:१७\em* 
\v 11 इन आप्‍शो ब्रा जिल पा ब्रशा बेरमेनु, इन तूतीक जिल्‍मील पवानु, नां मसोव़। मिनु तास्‍ला सरीङम नांइसाक्‍व। \em यहोसु १०:१३\em* 
\v 12 गे गाइश्‍शा रागी तार गाक्‍तीनी। चुरशा रागी रागी ङा मुर आन कली दिप्‍शा साइक्‍तीनी।  
\v 13 गे इन आंम योव़शो मुर आन कली प्रोंइचा, दे जाक्‍तीनी। इन तेल लुक्‍शो मुर कली प्रोंइथ जाक्‍तीनी। तन्‍न गे इन अरेशो मटीब रागी ङा ठेयब मुर आ खिं तला तारी रे जग सम्‍म प्रेत्‍तीनी। \em भजन संग्रह १८:८,१६\em* 
\v 14 मिनु गे मेको आ लडाइ पाइब आन ब्राम आन पिया ख्रित्‍तीनी। मेकोपुकी ख्रुइश्‍शा बाक्‍ब प्रुङग मुर आन कली साइक्‍चा थुं पा फश गिवार खोदेंशो पा जाक्‍शो बाक्‍‍तेक्‍म।  
\v 15 गे ठेयब समुन्‍द्रमी आन शारा ओव़पाइश्‍शा, ठेयब ब्‍वाक्‍कु नेल्‍ल शाक्‍पाइक्‍तीनी। \em प्रस्‍थान १४:२६-२९\em* 
\p  
\v 16 गो इन सेंदा नेंनुनु, ख्रिंख्रि पाता। आं शोव़ यो ख्रिंख्रि पाप्‍तु। आं रुश आगा नेल्‍ल मुक्‍ताक्‍मे। खोइल ख्रिंख्रि पाप्‍तु। मो हना यो आंइ कली मरिम्‍शो पाइब मुर आन कली श्‍येत दुम नाक्‍ती कली रिम्‍शा बाक्‍ती। 
\p  
\v 17 फोव़शी रवा मबोइक्‍ब। अङगुर बोट मसिप्‍ब। तेल रवाम फल काइ मसिप्‍ब। रूमी अन्‍न मसिप्‍ब। गोठीम बी ब्‍यफ नु क्‍यारश भेडा मबाक्‍त हना यो,  
\v 18 गो परमप्रभु यावे कली तुइश्‍शा ग्‍येरसी‍नुङ। मिनु आं कली श्‍येत रे प्रोंइब परमप्रभु कली ठेयब सेल्‍शा ग्‍येरसीनुङ। \em यसैया ६१:१०\em* 
\v 19 परमप्रभु यावे, आं परमप्रभु आं सक्ति बाक्‍ब। मेकोमी आं खोइल किश्‍श आ खोइल खोदेंशो सेल्‍ब। मेकोमी आं कली ठेयब लाइश्‍शो डांडामी लतीक सक्ति गेब” दे कुम्‍सो पाप्‍तु। 
\p मेको कुम्‍सो शेंब कली तार पाइश्‍शो ताप्‍तीके ताप्‍शा, मेको कुम्‍सो पपाइक्‍चा माल्‍ब। \em भजन संग्रह १८:३४\em*