\id GAL  
\h गलाती 
\toc1 गलाती 
\toc2 गलाती 
\toc3 गलाती 
\mt1 गलाती 
\ip \bd ब्रेक्‍ब मुर:\bd* एको चिठी पावलम गलातीया रागीम बाक्‍ब यहूदी आन कली ब्रेक्‍शो बाक्‍त। 
\ip \bd गेना ब्रेक्‍शो:\bd* एको चिठी ब्रेक्‍चा क्‍येङा ङोंइती पावलामी निक्‍शी खेयप गलाती आन कली शेंचा कली मेकेर बाक्‍शो बाक्‍त। \em प्रेरित १६:६; प्रेरित १८:२३\em* मेको निक्‍शी खेयप लशा, लेंशा लची ना ब्रेक्‍शो बाक्‍त। मेको ५५ ए. डी. बाक्‍त। 
\ip \bd मार ब्रेक्‍शो:\bd* गलातीपुकीमी पावल आ शेंशो मुल रे “येसु ख्रीस्‍त आ पतीक रे ला परमप्रभु यावे आ मुर दुम्‍ने चाप्‍नीम” दे शेंशो, दे मगारब मिम्‍तमे बाक्‍त। मेकोपुकी लेंशा “यहूदी आन माइत पतीके पचा माल्‍ब” दे दूली शेंब आन लोव़ नेंचा गोम्‍तेक्‍म। “येसु ला पाप रे प्रोंइब बाक्‍ब” देंशो एको चिठी ङा ठेयब लोव़ बाक्‍ब। 
\c 1  
\s1 ङोंइती ङा लोव़ 
\p  
\v 1 गो सोइश्‍शो ब्रेत्‍चा पुंइसीशो पावल नङ। आं शेंतीके लोव़ मुर आन लोव़ ममाइ। मुरपुकीम सोइश्‍शो यो मनङ। येसु ख्रीस्‍त कली बेक्‍शो रे सेंब इं आफ परमप्रभु यावे नु येसु ख्रीस्‍त आस सोइश्‍शो नङ। \em गलाती १:११-१२\em* 
\v 2 गो नु काथा बाक्‍ब थमा सुइक्‍ब लोक्‍बपुकीमी गलातीया रागीम बाक्‍ब येसु ख्रीस्‍त आ नेंमी देल्‍ब इन कली एको चिठी सोइक्‍ताक्‍क।  
\v 3 इं आफ परमप्रभु यावे नु प्रभु येसु ख्रीस्‍तम इन कली शिशी पा इन थुं नाइश्‍शा बाक्‍चा गेम्‍सेक्‍ल।  
\v 4 प्रभु येसु ख्रीस्‍तमी इं पाप क्‍याम्‍चा नु रागीम ग्रूशो मरिम्‍शो पतीके रे प्रोंइचा कली आ गिंम गेप्‍तु। आ मोदेंशो पशो चहिं इं आफ परमप्रभु यावे आ दाक्‍शो बाक्‍त। \em गलाती २:२०; १तिमोथी २:६; तीतस २:१४; १यूहन्‍ना ५:१९\em* 
\v 5 इं आफ परमप्रभु यावे कली ठेयब सेल्‍चा गेनायो मप्रोंइय। आमेन। 
\s1 येसु ख्रीस्‍त आ लोव़ का ला बाक्‍ब 
\p  
\v 6 इन कली तशा, गो छक लाक्‍ती। मारदे हना इन कली येसु ख्रीस्‍त रे पा शिशी पा आ गे ब्रेप्‍ब कली प्रोंइशा, अर्को आन ग्‍येरपाइक्‍ब लोव़ नेंतीनी।  
\v 7 थमा लोव़ चहिं का ला बाक्‍ब, दे रुपीन। ख्रीस्‍त आ ग्‍येरपाइक्‍ब लोव़ दूली पा शेंबपुकी जाक्‍शा, आन दूली शेंशोमी इन थुं क्‍याल्‍पाइक्‍तेक्‍म। \em प्रेरित १५:१,२४\em* 
\v 8 मिनु गोपुकी ङोंइती आंइ शेंशो ग्‍येरपाइक्‍ब लोव़ क्‍येङा अर्को ग्‍येरपाइक्‍ब लोव़ शेंताक्‍क हना, गोपुकी सराप रकल। परमप्रभु यावे आ स्‍वर्ग ङा गेय पाइबमी मोपा अर्को ग्‍येरपाइक्‍ब लोव़ शेंताक्‍व हना मेको यो सराप रल।  
\v 9 गो इन कली “सु सुमी अर्को ग्‍येरपाइक्‍ब लोव़ शेंनीमी, मेको सराप रमल” दे लेंशा देंनुङ। \em १तिमोथी ६:३\em* 
\v 10 मार, गो मुर आन थुं नुपाइक्‍चा माल्‍नुङा ङा? गो परमप्रभु यावे आ थुं कका नुपाइक्‍चा माल्‍नुङ। गो मुर आन थुं नुपाइक्‍तीके लोव़ पाता हना, ख्रीस्‍त आ गेय पाइब माइक्‍चा मपुंइसीनुङ। \em १थिस्‍सलोनिकी २:४-६\em* 
\s1 पावलम आंम पर्बम लोव़ पशो 
\p  
\v 11 आं लोक्‍बपुकी, गोमी इन कली शेंशो ग्‍येरपाइक्‍तीक लोव़ मुर आन लोव़ मबाक्‍ब।  
\v 12 गो मेको मुरुमी शेंशा नेंपाइश्‍शो मनङ। येसु ख्रीस्‍तमी तपांइसीशा, शेंताक्‍यी। \em प्रेरित ९:१-१५\em* 
\v 13 साइ गो दोपा यहूदी धर्म ब्रङा, मेको नेंशा तुइश्‍शो बाक्‍नीनी। मेना गो येसु ख्रीस्‍त आ नेंमी देल्‍ब आन कली खेदा पपाइश्‍शा ग्‍याइक्‍पाइश्‍शा चोक्‍पाइश्‍शा, श्‍येत गेतामी। मेको आन कली साम्‍चा, दे शुश गेय पाता।  
\v 14 आं पालामी नेल्‍ल आन क्‍येङा शुश धर्म पा आंइ यहूदी आन रिती थिती पाता। अरु आन कली यो आंइ किकी पिपीम पशो रिती थिती पपाइक्‍नुङमी, दे आं थुं फ्रेंशा बाक्‍शो नङ। \em प्रेरित २३:६; प्रेरित २६:५\em* 
\v 15 परमप्रभु यावेमी चहिं काबु आं मोदेंशो पचा तेक्‍ती। मारदे हना आ दाक्‍शो पा आं जरमेचा ङोंइती रे योव़शा, आ लोव़ शेंब सेल्‍ने थुम्‍शो बाक्‍माक्‍त। \em येरमीया १:५; रोमी १:१\em* 
\v 16 मोपतीके आ तौ येसु ख्रीस्‍त कली तपाइक्‍ती। मिनु शुश अर्को रागी ङा मुर आन कली आ तौ आ पर्बम शेंथ सोइक्‍ताक्‍यी। मेको शेंचा आ पर्बम गो सुइ नु लोव़सी मपङ। अर्को मुर आन अर्ती यो मनेंनु। \em मत्ती १६:१७; गलाती २:७\em* 
\v 17 गो यरूसलेमम बाक्‍ब आं ङोंइती ब्रेत्‍चा पुंइसीशा शेंथ सोइश्‍शो आन कली ग्रुम्‍थ यो मलङ। अराब रागी लशा हिरशा, दमस्‍कस सहर जाक्‍दीश्‍शा बाक्‍ती।  
\v 18 मिनु बर्स सां नोले केफास ग्रुम्‍थ यरूसलेम लती। मिनु केफास नु १५ नाक्‍ती सम्‍म बाक्‍ती। \em यूहन्‍ना १:४२; प्रेरित ९:२६-२७\em* 
\v 19 मेना ख्रीस्‍त आ सोइश्‍शो सुइ आन कली मग्रुमुमी। प्रभु आ लोक्‍ब याकूब चहिं ग्रुम्‍ता। \em मत्ती १३:५५\em* 
\v 20 गोम इन कली ब्रेक्‍शो लोव़ थमान बाक्‍ब, देंनुङ। जोल ममाइ, दे परमप्रभु यावेमी तुइक्‍ब।  
\v 21 नोले यरूसलेम रे गाक्‍शा, सिरीया नु सिलीसीया रागी हिरथ लती। \em प्रेरित ९:३०\em* 
\v 22 यहूदीया रागीम बाक्‍ब ख्रीस्‍त कली थमा सुइक्‍ब आन ग्रुम्‍तीकेमी आं कली गेनायो मतशो बाक्‍मा बाक्‍त।  
\v 23 मेकोपुकीमी आं पर्बमी “साइ इं कली खेदा पा एको लोव़ साम्‍चा देंबमी मुल एको लोव़न शेंना शेंन ब्रपाइक्‍बाक्‍त” दे नेंशो बाक्‍तेक्‍म ने।  
\v 24 मेको नेंशा परमप्रभु यावे कली ठेयब सेल्‍तेक्‍म ने। 
\c 2  
\s1 सोइश्‍शोपुकीमी ब्रशो 
\p  
\v 1 यरूसलेममी केफास नु याकूब ग्रुम्‍शा, १४ बर्स नोले लेंशा, यरूसलेम लती। गो नु बारनाबास यो लत। तीतस कली यो लाइक्‍तस्‍कु। \em प्रेरित १५:१-२९; प्रेरित ४:३६\em* 
\v 2 येसु ख्रीस्‍तमी यरूसलेमम बाक्‍ब सोइश्‍शोपुकी नु लोव़सी पथ लावो, दे तुइक्‍पाइक्‍तीके लशो नङ। मिनु जाक्‍दीश्‍शा, सोइश्‍शोपुकी नु अरु आन कली लां कोंइब दुम्‍शो आन कली खुप्‍शा, अर्को रागी ङा मुर आन कली मार मार शेंदुमी, मेको नेंपाइक्‍तामी। मारदे हना मेकोपुकीमी गोम शेंशो तुइक्‍चा माल्‍नीम। मतुइक्‍ताक्‍म हना, आं मिम्‍शो नु आन मिम्‍शो मगारब। मिनु आं देंशो मनेंनीम, दे मिम्‍शो नङ। मिनु मेको नेंपदुमीनु, आं देंशो ठीक लाक्‍तेक्‍म।  
\v 3 मारदे हना गो नु लशो ग्रीक ङा तीतस कली ख्रोइक्‍तीक चिनु ख्रोइक्‍पांइसो मदेंथु, ब्राम्‍तेक्‍म। \em प्रेरित १६:३; १कोरिन्‍थी ९:२१\em* 
\v 4 तन्‍न मेकेर खुम्‍सीशा बाक्‍ब आन मतुइक्‍थु थमा सुइक्‍ब दुम्‍खु पा, दूली शेंब ब्‍वांइ‍साक्‍म। मोपा गोपुकी नु ब्‍वांइ‍सीशा, आंइ थुं कोव़शा बाक्‍तेक्‍म। गोपुकी ख्रीस्‍त येसुमी यहूदी आन रिती थिती पचा प्रोंइशा बाक्‍तक। तन्‍न मेकोपुकीमी यहूदी आन रिती थितीम लेप्‍पाइक्‍चा बोल पाम्‍तेक्‍म।  
\v 5 येसु ख्रीस्‍त आ लोव़ थमा बाक्‍ब देंशा, मेको दूली शेंब आन लोव़ नेंशा, छिन का यो गु ब्रेश्‍शा मबाक्‍क। मिनु मोदेंशो पशोमी इन कली शेंशो ग्‍येरपाइक्‍ब लोव़ थमा बाक्‍ब, दे कोंइताक्‍क। \em गलाती ३:१\em* 
\p  
\v 6 परमप्रभु यावेमी मुर आन कली ठेयब आइक्‍च मसेल्‍ब। मुर आन थुं नेल्‍ल तुइक्‍ब। मुल लां कोंइब दुम्‍शो आन कली मान पाइनुङमी। मेको लां कोंइबपुकीमी अर्को लोव़ शेंचा कली मतेम्‍देम।  
\v 7 मेकोपुकीमी आं कली परमप्रभु यावेमी अर्को रागी ङा मुर आन कली शेंथ सोइक्‍ताक्‍व, पत्रुस कली चहिं यहूदी आन कली शेंथ सोइक्‍ताक्‍व, दे रुप्‍तेक्‍म। \em एफिसी ३:१२\em* 
\v 8 पत्रुस कली यहूदी आन कली शेंथ सोइक्‍ब नु आं कली अर्को रागी ङा मुर आन कली शेंथ सोइक्‍ब कानाइ बाक्‍ब, दे रुप्‍तेक्‍म।  
\v 9 गो थमा पा एको शेंतीक गेय कली योव़शो नङ, दे रुप्‍शा, याकूब, केफास नु यूहन्‍ना सांफामी बारनाबास नु आं कली “गो इं यहूदी आन कली शेंनीकी। गे निक्‍शी चहिं अर्को रागी ङा मुर आन कली शेंथ लसे” देंशा, ग्‍युरा गुइमी ग्‍याइश्‍शा, लोव़सी गारपाइक्‍तेक्‍म। \em यूहन्‍ना १:४२\em* 
\v 10 मिनु दोपा शेंचा, मार शेंचा, दे मारेइ मदेंम। मथीब आन कली शिशी पाइक्‍चा ला देंतेक्‍म। मेको आन लोव़ टिशा, शुश आन कली शिशी पाइक्‍तामी। \em प्रेरित ११:२९-३०; २कोरिन्‍थी ८:९\em* 
\s1 केफास कली हुइश्‍शो 
\p  
\v 11 काबु केफास एन्‍टीओकमी जाक्‍त। मिनु ग्रुम्‍स्‍कुनु हुइक्‍ताक्‍ङ। मारदे हना आ पशो तशा आं थुं मनुङ।  
\v 12 ङोंइती मेकोमी अर्को रागी ङा थमा सुइक्‍ब नु काथा जशा, नोले याकूबमी सोइश्‍शो वारच का निक्‍शी जाक्‍मा रे यहूदीपुकी नु ला जचा गोप्‍तु। मारदे हना यहूदी जात ङा थमा सुइक्‍बपुकीमी आ कली मोदेंशो पा जशो तशा, मरिम्‍शो सुइक्‍नीम, आ लोव़ यो मनेंनीम, दे हिंशा मो पाप्‍तु। \em प्रेरित ११:२-३\em* 
\v 13 मोदेंशो पाइब आ ला ममाइ। यहूदी थमा सुइक्‍ब नेल्‍लेमी दिल्‍शा, जखु पा कोंइताक्‍म। बारनाबासमी यो आन पशो खोदेंशो पचा गोप्‍तु।  
\v 14 मिनु मेको आन मोदेंशो पशो चहिं ख्रीस्‍त आ लोव़ नु मगारब देंती। मोपतीके मेको आन कली खुप्‍शा, केफास कली “गे यहूदी नवे। तन्‍न इं यहूदी बुद पा आन पतीके पचा प्रोंइशा, अर्को रागी ङा मुर खोदेंशो दुम्‍ते। मोपतीके अर्को रागी ङा मुर आन कली इं यहूदी रिती थिती पपाइक्‍चा दुम्‍बा?  
\v 15 गोपुकी यहूदी नय। अर्को रागी ङा मुरपुकीमी परमप्रभु यावे कली मतुइक्‍नीमी। आ अरेशो लोव़ मतुइक्‍थु, मटीनीम। गो मोदेंशो मनय।  
\v 16 इं यहूदी रिती थिती पतीके ठीक मदुम्‍नय। ख्रीस्‍त येसु कली थमा सुइक्‍तीके ठीक दुम्‍नय, दे रुप्‍तय। मोपतीके इं यहूदी रिती थिती पचा प्रोंइशा, ख्रीस्‍त येसु कली थमा सुइक्‍तय। गो लेंशा देंनुङ, रिती थिती पतीके सुइ ठीक मदुम्‍नीम। परमप्रभु यावेमी मुर आन कली येसु ख्रीस्‍त कली थमा सुइश्‍शो तशा, ठीक दुम्‍पाइक्‍ब। \em रोमी ३:२०,२८; एफिसी २:८\em* 
\v 17 गो यहूदी बाक्‍तय हना यो, येसु ख्रीस्‍त कली थमा सुइक्‍तीके ठीक दुम्‍तय। मोपान अर्को रागी ङा मुर खोदेंशो दुम्‍तय। मिनु येसु ख्रीस्‍तमी मुर आन कली पापी सेल्‍शा, पाप बारपाइक्‍ब, दे मिम्‍चा ङा? मोदेंशो ममिम्‍चा।  
\v 18 गो रिती थिती पचा प्रोंइता। मुल लेंशा रिती थिती पशा, ठीक दुम्‍चा माल्‍ता हना, गो थमान परमप्रभु यावे आ लोव़ मटीब दुम्‍नुङ, दे रुप्‍ता।  
\v 19 गो यहूदी आन पतीके आन पर्बम बेक्‍शो मुर दुम्‍ती। ख्रीस्‍त नु काथा शीम कांटी थोक्‍शा, क्‍याइश्‍शा साइक्‍चा पुंइसाक्‍यी। मुल गो परमप्रभु यावे आ दाक्‍शो पा ब्रोंइनुङ।  
\v 20 तन्‍न गो मब्रोंइनुङ। ख्रीस्‍त आं आगामी ब्रोंइब। तन्‍न आं मुल ब्रोंइतीके गो परमप्रभु यावे आ तौ कली थमा सुइश्‍शा ब्रोंइनुङ। मेकोमी आं कली शुश दाक्‍शा, आं पशो पाप आ पर्बम साइक्‍चा पुंइसाक्‍व। \em यूहन्‍ना १७:२३; प्रेरित १:४\em* 
\v 21 परमप्रभु यावेमी मो गेशो शिशी खेर मसोइक्‍नुङ। यहूदी आन पतीके पाप रे ब्रोंइसीब हना, ख्रीस्‍त साइक्‍चा पुंइसीशा बेक्‍शो शोर गाक्‍शो मदुम्‍बा ङा?” दे केफास नु मेकेर देल्‍शा बाक्‍ब आन कली माइक्‍तामी। 
\c 3  
\s1 थमा सुइश्‍शोमी ठीक दुम्‍सीब 
\p  
\v 1 ए गलातीपुकी, गे मरुप्‍ब मुर दुम्‍नी बाक्‍त। सुमी मोपा इन थुं हिरदा? येसु ख्रीस्‍त कली शीम केप्‍शा कांटी थोक्‍शा क्‍याइश्‍शा साइक्‍तेक्‍म, दे इन मिक्‍चीमी तशो खोदेंब पा नेंपाइक्‍तान्‍नी। मुल मेको लोव़ प्रेंदीनी?  
\v 2 मुल लोव़ का निक्‍शी हिल्‍लो पाइक्‍नन्‍नी। परमप्रभु यावे आ सोक्‍त दोपा तनी? यहूदी आन पतीक पशोमी तनी देय ख्रीस्‍त आ लोव़ थमा सुइश्‍शोमी तनी? लो देनीन।  
\v 3 मारेइ मरुप्‍ब मुर दुम्‍नी? परमप्रभु यावे आ सोक्‍तीम प्रिंशो थुं गेचा पुंइसीशा, प्रभु आ लां खोइक्‍चा गोइतीनी। मिनु मुल मुर आ थुंमी मिम्‍शो पशा, जाक्‍दीय्‍य, दे मिम्‍तीनी?  
\v 4 प्रभु आ लां खोइश्‍शा गाक्‍नीनु, मारेइ मारेइ ताइतीनी। मुल मेको लां प्रोंइतीनी हना, मेको नेल्‍ल मसाम्‍नीनी ङा?  
\v 5 परमप्रभु यावेमी इन कली आ सोक्‍त गेशा, छक लाक्‍चा ङा गेय कोंइताक्‍व। यहूदी आन पतीक पशो तशा, मोदेंशो छक लाक्‍चा ङा गेय कोंइदा ङा? ख्रीस्‍त कली थमा सुइश्‍शो तशा, कका छक लाक्‍चा ङा गेय कोंइताक्‍व। 
\p  
\v 6 अब्राहाम आ पर्बम “अब्राहाममी परमप्रभु यावे कली थमा सुइक्‍तु। मिनु परमप्रभु यावेमी ठीक दुम्‍पाइक्‍तु” दे ब्रेक्‍शो बाक्‍ब। \em उत्‍पत्ती १५:६; रोमी ४:३\em* 
\v 7 थमा सुइक्‍तीके ठीक दुम्‍शो मुरपुकी अब्राहाम आ आल नम, दे रुपीने।  
\v 8 अर्को रागी ङा मुरपुकी थमा सुइक्‍तीकेमी ठीक दुम्‍पाइक्‍चा पुंइसीनीम, दे परमप्रभु यावे आ लोव़म ब्रेक्‍शो बाक्‍ब। मारदे हना अब्राहाम कली “इ लां रे पा नेल्‍ल रागी ङा मुरपुकीमी आसीक ताइनीम” दे ब्रेक्‍शो बाक्‍ब। \em उत्‍पत्ती १२:३\em* 
\v 9 मोपतीके सु सुमी अब्राहाममी थमा सुइश्‍शो खोदेंशो पा थमा सुदमे, मेकोपुकी अब्राहाम आ आसीक यो ताइनीम। \em रोमी ४:१६\em* 
\v 10 सु सुमी चहिं यहूदी आन पतीक पा, ठीक दुम्‍चा माल्‍मे, मेकोपुकी सराप राइनीम। मिनु “परमप्रभु यावेमी अरेशो लोव़ नेल्‍ल टिचा माल्‍ब। सु सुमी लोव़ नेल्‍ल टिशा पशा, का चहिं मटीमे, मेकोपुकी सराप राइनीम” दे ब्रेक्‍शो बाक्‍ब। \em ब्‍यवस्‍था २७:२६\em* 
\v 11 सुइमी यहूदी आन पतीक पशा परमप्रभु यावे आ ङोंइती ठीक मदुम्‍नीन, दे तुंइसीब। “थमा सुइश्‍शो रे पा ठीक दुम्‍पाइक्‍चा पुंइसीब चहिं गेना हना यो ठीक बाक्‍नीम” दे ब्रेक्‍शो बाक्‍ब। \em हबकुक २:४; रोमी १:१७; हिब्रू १०:३८\em* 
\v 12 परमप्रभु यावे आ अरेशो लोव़ येसु ख्रीस्‍त कली थमा सुइक्‍तीक रे मबाक्‍ब। “सुइम परमप्रभु यावे आ अरेशो पशो हना, मेको रे पा ब्रोंइ वा” दे ब्रेक्‍शो बाक्‍ब। \em लेवी १८:५\em* 
\v 13 ख्रीस्‍तमी सुइमी मेको लोव़ टिने मचाप्‍नीम, दे तुइश्‍शा, इं पा ङा सराप रशा, मेको सराप रे प्रोंइतु। मिनु “शीम क्‍याइश्‍शा साइक्‍चा पुंइसीबपुकी सराप रशो बाक्‍नीम” दे ब्रेक्‍शो बाक्‍ब। \em ब्‍यवस्‍था २१:२३; २कोरिन्‍थी ५:२१\em* 
\v 14 ख्रीस्‍त येसु सराप रमेनु, अर्को रागी ङा मुरपुकी यो अब्राहाम आ तशो आसीक ताइनीम। मिनु यहूदी आन पशो पतीक रे ममाइ। ख्रीस्‍त येसु कली थमा सुइश्‍शो रे पा गोपुकीमी परमप्रभु यावेमी गेनुङ देंशो आ सोक्‍त ताइतय, दे रुब्‍य। 
\s1 परमप्रभु आ गेशो नु अरेशो लोव़ 
\p  
\v 15 आं लोक्‍बपुकी, कथा सेल्‍शा रुप्‍पाइक्‍नन्‍नी, कागज ब्रेक्‍शा, ब्रेप्‍चो दिम्‍ने थुम्‍शो ङा मेरे मेको ब्रेक्‍शो लोव़ लीब। सुइमी मारेइ लोव़ क्‍याम्‍ने तेम्‍ने मचाप्‍नीम।  
\v 16 परमप्रभु यावेमी अब्राहाम नु अब्राहाम आ युइ का कली “इ लां रे पा रागी नेल्‍ल ङा मुरपुकी आसीक राइनीम” दे आ लोव़ गेशो बाक्‍त। शुश आन कली ममाइ “इ युइ का कली” दे ब्रेक्‍शो बाक्‍ब। मेको लोव़ खाप्‍ब चहिं ख्रीस्‍त बाक्‍ब। \em उत्‍पत्ती २२:१८ \em* 
\v 17 आं देंशो रुपीन। परमप्रभु यावेमी अब्राहाम कली गेशो लोव़ कागज ब्रेक्‍शा, ब्रेप्‍चो दिप्‍शो खोदेंशो बाक्‍ब। मेको लोव़ गेशा, ४ सहे ३० बर्स नोले आ अरेशो लोव़ तुइक्‍पाइश्‍शो बाक्‍त। मेको अरेशो लोव़मी ङोंइती गेशो लोव़ ख्रोइक्‍ने मचाप्‍ब। \em प्रस्‍थान १२:४०\em* 
\v 18 अरेशो लोव़ पतीके हक ताइब दुम हना, परमप्रभु यावे आ गेशो लोव़ ख्रोत वा। परमप्रभु यावेमी “हक ताइनेवे” दे अब्राहाम कली आ लोव़ गेशो बाक्‍त।  
\v 19 अरेशो लोव़ शोर गाक्‍शो मदुम्‍बा ङा? नेनीन, परमप्रभु यावेमी अब्राहाम कली गेशो लोव़ खाप्‍ब, दे तुइक्‍नय। मेको युइ मजरमेथु, परमप्रभु यावे आ अरेशो लोव़ रे पा पाप माइश्‍शो मार में, दे तुंइ‍सीशो बाक्‍त। मेको लोव़ परमप्रभु यावे आ स्‍वर्ग ङा गेय पाइबमी गारपाइक्‍ब का आ गुइमी गेशा, मुर आन कली तुइक्‍पदा बाक्‍त। \em रोमी ५:२०; प्रेरित ७:३८,५३; हिब्रू २:२; ब्‍यवस्‍था ५:५\em* 
\v 20 गारपाइक्‍तीक गेय पचा कली मुर का मदुम्‍ब। तन्‍न परमप्रभु यावे आ का ला बाक्‍शा लोव़ गेशो बाक्‍त। 
\p  
\v 21 अरेशो लोव़ नु परमप्रभु यावेमी गेशो लोव़ मगारचा ङा लोव़ नसी ङा? ममाइ। ब्रोंइचा गेचा कली अरेशो लोव़ का गेशो हना, थमा पा ठीक पतीके अरेशो लोव़ रे पा दुम वा। \em रोमी ८:२-४\em* 
\v 22 तन्‍न परमप्रभु यावेमी ब्रेक्‍पाइश्‍शो लोव़मी “मुर नेल्‍ल पाप आ वाइलीम वाइल दुम्‍शो बाक्‍नीम” दे ब्रेक्‍शो बाक्‍ब। सु सुमी येसु ख्रीस्‍त कली थमा सुदमे, मेको आन थमा सुइश्‍शोमीन “पाप रे ब्रोंइचा ताइनीम” दे गेशो लोव़ खाप्‍शो ताम्‍तेक्‍म। \em रोमी ३:९-२०; रोमी ११:३२\em* 
\p  
\v 23 थमा सुइक्‍तीक जाक्‍चा क्‍येङा ङोंइती अरेशो लोव़ पना पन बाक्‍त‍क। मोपा थमा सुइक्‍तीक मजाक्‍म सम्‍म चोक्‍सीशो खोदेंशो बाक्‍तक। \em गलाती ४:३\em* 
\v 24 मोपतीके मेको अरेशो लोव़म आंइ कली हिंच कोंइ‍शा, ख्रीस्‍त आ लां गाक्‍पाइक्‍ब दुम्‍त। मोदेंशो बाक्‍त हना, थमा सुइक्‍तीक रे ठीक दुम्‍नय।  
\v 25 तन्‍न थमा सुइक्‍तीक जाक्‍चा नोले हिंच कोंइब ममाल्‍नय। \em रोमी १०:४\em* 
\v 26 ख्रीस्‍त येसु कली थमा सुइश्‍शा, गे नेल्‍ल परमप्रभु यावे आ तमी तौ दुम्‍तीनी। \em यूहन्‍ना १:१२; रोमी ८:१७\em* 
\v 27 गे ख्रीस्‍त आ नेंमी ब्‍वाक्‍कुम ख्रुम्‍शा ग्रुंइपांइसीशोपुकी येसु ख्रीस्‍त फेक्‍शो खोदेंशो पा, ख्रीस्‍त नु रां का दुम्‍तीनी। \em रोमी ६:३; रोमी १३:१४\em* 
\v 28 मोपा रां का दुम्‍शो आन कली यहूदी नु ग्रीक, वाइल नु होव़प, मीश मुर नु वोंइश मुर मतिल्‍सीब। मेको ख्रीस्‍त येसुम नेल्‍ल खाल का ङा बाक्‍नीम। \em रोमी १०:१२; १कोरिन्‍थी १२:१३\em* 
\v 29 ख्रीस्‍त नु रां का दुम्‍शा, अब्राहाम आ चच युइ दुम्‍तीनी। परमप्रभु यावेमी अब्राहाम कली गेशो लोव़ गाप्‍शा, हक ताइब दुम्‍तीनी। 
\c 4  
\s1 हक ताइब दुम्‍तय 
\p  
\v 1 मारेइ मतुइक्‍ब आल हक ताइब दुम्‍त हना यो, मेको खिं ङा तौ बाक्‍त हना यो, गेय पाइब वाइल खोदेंशो मिम्‍सीब।  
\v 2 मेको मकोल्‍म सम्‍म ठेयब मुर आन गुइमी बाक्‍ब। आ आफोमी “मुल आ हक गेचा” मदेंम सम्‍म आ तचा ङा हक मताइब।  
\v 3 गोपुकी मेको खिं ङा आल खोदेंशो बाक्‍तय। कोल्‍शा इं हक मतशो सम्‍म गो एको रागी ङा सक्ति आन वाइल दुम्‍शो बाक्‍तय। \em गलाती ५:१; कलस्‍सी २:२०\em* 
\v 4 मिनु नोले परमप्रभु यावेमी वोइश्‍शो नाक्‍त आ तौ कली सोइक्‍ताक्‍व। मेको आ तौ मीश मुर रे परमप्रभु यावे आ अरेशो लोव़मी जरमेसाक्‍व। \em मर्कूस १:१५; एफिसी १:१०\em* 
\v 5 मेकोमी मुर दुम्‍शा, यहूदी आन पतीक पाइब आन कली प्रोंइशा, परमप्रभु यावे आ तमी तौ सेल्‍तीमी।  
\v 6 गो आ तमी तौ दुम्‍शोपुकी परमप्रभु यावेमी आ तौ आ सोक्‍त गेचा पुंइसाक्‍य। मेको सोक्‍तीमी “आब्‍बा, आं दाक्‍शो आफ” देंब। \em रोमी ८:१५\em* 
\v 7 मोपतीके गो वाइलीम वाइल दुम्‍चा प्रोंइशा, परमप्रभु यावे आ तमी तौ दुम्‍शा, हक ताइब दुम्‍तय। \em रोमी ८:१६-१७\em* 
\s1 तमी तौ दुम्‍शोपुकी 
\p  
\v 8 ङोंइती गे परमप्रभु यावे कली मतुइक्‍थु, देवी देवता आन कली सेउ पा, मेको आन वाइलीम वाइल दुम्‍‍तीनी।  
\v 9 मुल चहिं परमप्रभु यावे कली तुइक्‍ताक्‍नी। मिनु परमप्रभु यावेमी यो इन कली तुइक्‍ताक्‍व। मिनु मुल लेंशा ङोंइती पशो खोदेंशो पचा दाक्‍नीनी?  
\v 10 गेपुकीमी बार, औंसी, पूर्ने नु रीतु मानेनीनी। शुश मोदेंशो रिती थिती पाइनीनी देंशो नेंता। \em रोमी १४:५; कलस्‍सी २:१६,२०,२१\em* 
\v 11 गो शुश श्‍येत पा येसु ख्रीस्‍त आ लोव़ शेंताक्‍न्‍नी। इन कली शेंशा श्‍येत ला जङा कों, दे मिम्‍ताक्‍ङ। \em २यूहन्‍ना ८\em* 
\p  
\v 12 आं लोक्‍बपुकी, गो रिती थिती पचा प्रोंइशा, येसु ख्रीस्‍त कली थमा सुइक्‍ता। आं खोदेंशो पा थमा सुइक्‍चा मप्रोंइथु बाक्‍कीन, दे इन कली देंनुङ। साइ गेपुकी नु बाक्‍ङानु, गारशा बाक्‍तय। गेपुकीमी आं कली वारच पशो मिम्‍शा, मुल यो मप्रेंनुङ।  
\v 13 मेना गो रोइ पा, मचाप्‍थु यो येसु ख्रीस्‍त आ ग्‍येरपाइक्‍ब लोव़ शेंताक्‍न्‍नी। \em १कोरिन्‍थी २:३; प्रेरित १६:६\em* 
\v 14 आं कली मोदेंशो रोइ पशो तशा ग्रांग्रा मदित्‍तीनी। मरिम्‍शो लोव़ यो मपाइय्‍यीनी। श्‍येत पा वारच पाइतीनी। परमप्रभु यावे आ स्‍वर्ग ङा गेय पाइब कली ब्रशो खोदेंशो पा मान पाइतीनी। ख्रीस्‍त येसु कली ब्रशो खोदेंशो पा ब्रतीनी।  
\v 15 मेना ग्‍येरसीशा बाक्‍तीनी। मुल इन ग्‍येरसीशो ते लाक्‍गा? मेना इन मिक्‍च फेश्‍शा, आं मिक्‍चीम केप्‍चा ङा दुम्‍तीनी। आं बेक्‍चा ङा गेपुकी बेक्‍चा ठीक दुम्‍तीनी।  
\v 16 मुल इन कली हुइश्‍शा, थमा लोव़ शेंदन्‍नीनु, आं कली मरिम्‍शो सुइक्‍नीनी?  
\v 17 नेनीने, दूली शेंबपुकीमी इन कली मिलो शिलो पा, येसु आ लां खोइक्‍चा प्रोंइपाइक्‍चा माल्‍नीम। मेकोपुकीमी इन कली मान पखु पा, आंम आन कली मान पपांइसीनीम। \em गलाती १:७\em* 
\v 18 शेंब आन लोव़ नेंचा रिम्‍शो बाक्‍ब। गेपुकी नु बाक्‍ती हना यो, मबाक्‍ती हना यो, शेंब आन लोव़ नेंचा मप्रोनीन। तन्‍न शेंशो लोव़ थमा बाक्‍म कों दूली बाक्‍म, मेको रुप्‍चा माल्‍नीनी।  
\v 19 आं दाक्‍शो आलपुकी, मीश मुरुमी आल थिचामेनु, श्‍येत जाइनीमी। शुश खाइक्‍ब। आल थिचशो मीश मुरुमी श्‍येत जशा खाइश्‍शो खोदेंशो पा, गो इन कली मिम्‍शा, श्‍येत जाइनुङ। इन थुंमी ख्रीस्‍त बारल, दे मिम्‍शा, मोदेंशो पा आं थुं खाइक्‍ती। \em १कोरिन्‍थी ४:१५\em* 
\v 20 गेपुकी नु काथा बाक्‍शा लोव़ पचा तङ हना, गिश रिम्‍शो दुम वा। गो इन कली तशा मार पचा दो पचा दुम्‍शो बाक्‍नुङ। 
\s1 अब्राहाम आ तौ निक्‍शी 
\p  
\v 21 गे रिती थिती पचा दाक्‍बपुकी, अरेशो लोव़मी मार ब्रेक्‍शो बाक्‍बा, मेको तुइक्‍नीनी?  
\v 22 मार ब्रेक्‍शो बाक्‍ब देंशा हना, अब्राहाम आ तौ निक्‍शी बाक्‍ताक्‍स। का वाइलीम आ तौ बाक्‍त, का ग्‍युंबे पशो मीश आ तौ बाक्‍त, दे ब्रेक्‍शो बाक्‍ब। \em उत्‍पत्ती १६:१५; उत्‍पत्ती २१:२\em* 
\v 23 वाइलीम आ तौ मुर आ दाक्‍शो पतीकेम जरमेशा ब्रोंइशो बाक्‍त। ग्‍युंबे पशो मीश आ तौ चहिं परमप्रभु यावेमी अब्राहाम कली गेशो लोव़ गाप्‍शा, जरमेशा ब्रोंइशो बाक्‍त। \em रोमी ९:७-९\em* 
\v 24 अब्राहाम आ ग्‍युंबे पशो मीश नु आ वाइलीम मीशेमी कबल पशा लां निक्‍शी कोंइनीसी। लां का सीनै ङा लां बाक्‍ब। मेकोपुकी वाइलीम वाइल बाक्‍तेक्‍म। मारदे हना हागार माइश्‍शो वाइलीम आ चच युइ बाक्‍तेक्‍म। \em गलाती ५:१; रोमी ८:१५\em* 
\v 25 हागार देंशो मार रुम्‍सीब देंशा हना, अराब रागी ङा सीनै डांडा रुम्‍सीब। सिनाक्‍त मुलाक्‍त यरूसलेममी बाक्‍बपुकीमी हागार आ लां खोइश्‍शा, रिती थिती पा वाइलीम वाइल दुम्‍शो बाक्‍नीम।  
\v 26 इर ङा यरूसलेम चहिं प्रोंइसीशो बाक्‍ब। मेको यरूसलेम कली इं ममा मिम्‍नय। \em हिब्रू १२:२२; प्रकाश २१:२\em* 
\v 27 मारदे हना “ए गेनायो आल मथीब मीश मुर, कुम्‍सो पा ग्‍येरसो। गे आल मथिशो मुर बाक्‍ते हना यो, इ कली ममा देंब शुश दुम्‍नीम। ग्‍युंबे पा आल थिशो नेल्‍ल आन क्‍येङा गे मान पाइक्‍चा पुंइसीनेवे” दे ब्रेक्‍शो बाक्‍ब। \em यसैया ५४:१\em* 
\v 28 आं लोक्‍बपुकी, इसहाक जरमेशो खोदेंशो पा गे परमप्रभु यावे आ गेशो लोव़ गाप्‍शा, आ तमी तौ दुम्‍तीनी।  
\v 29 मुर रे जरमेशोमी मेको सोक्‍त रे जरमेशो कली मदाक्‍थु हेला पा खेदा पाइब। मेको मोदेंशो मुल यो बाक्‍ब।  
\v 30 मिनु मार ब्रेक्‍शो बाक्‍त देंशो हना “वाइलीम आ तौ कली ग्रुंइशा खेरचा। मारदे हना वाइलीम आ तौ ग्‍युंबे पशो आ तौ नु हक मताइब” दे ब्रेक्‍शो बाक्‍ब। \em उत्‍पत्ती २१:१०\em* 
\v 31 आं लोक्‍बपुकी, वाइलीम आ चच युइ मनय। ग्‍युंबे पशो मीश आ चच युइ नय, दे रुब्‍य। 
\c 5  
\s1 परमप्रभु आ सोक्‍तीमी ब्रोंइशो 
\p  
\v 1 ख्रीस्‍तमी रिती थिती पतीके लां खोइक्‍चा प्रोंइपा, थमा सुइक्‍तीके लां कोंइशा, इं थुं हिरताक्‍व। मोपतीके जवा लाप्‍शो खोदेंशो पा लेंशा रिती थिती पा वाइलीम वाइल मदुमीने। \em गलाती ४:५; प्रेरित १५:१०\em* 
\v 2 गो पावलमी “ख्रोइक्‍तीक चिनु रिती थिती पाइतीनी हना, ख्रीस्‍त इन पा ङा बेक्‍शो, शोर गाक्‍शो मदुम्‍बा ङा? शोर गाक्‍शो दुम्‍ब” देंनुङ।  
\v 3 लोव़ थोक्‍शा का का पा शेंनन्‍नी, ख्रोइक्‍तीक चिनु ख्रोंइ‍सीबपुकीमी अरेशो लोव़ नु रिती थितीम बाक्‍शो नेल्‍ल पचा माल्‍नीम। का यो प्रोंइचा मदुम्‍ब।  
\v 4 सु सुमी रिती थिती पशोमी ठीक दुम्‍चा माल्‍मे, मेकोपुकीमी ख्रीस्‍त आ पशो साम्‍शा, मेको रे ङोन दुम्‍शा आ शिशी मताइनीम।  
\v 5 गोपुकी “ख्रीस्‍त आ पतीके ठीक दुम्‍तय” देंशा, परमप्रभु यावे आ सोक्‍तीमी तुइक्‍पाइक्‍चा पुंइसाक्‍य।  
\v 6 ख्रीस्‍त येसु नु थुं का दुम्‍शा, ख्रोइक्‍तीक चिनु ख्रोइश्‍शो, मख्रोइश्‍शो आन कली मतिल्‍थु, थमा सुइक्‍तीकेमी दुशा गारशा दाक्‍मुशा बाक्‍शोम सक्ति बाक्‍ब। \em गलाती ६:१५; रोमी २:२६; १कोरिन्‍थी ७:१९\em* 
\v 7 ङोंइती गे रिम्‍शो पाइतीनी। तन्‍न सुम इन कली थमा लोव़ मनेंथु, दूली शेंब आन लोव़ नेंचा, दे इन थुं हिरदा?  
\v 8 इन कली आ तमी तौ सेल्‍बमी मोदेंशो मपाइब।  
\v 9 बोरपाइक्‍ब ओख्‍ती इच्‍का खोइ सुप्‍शोमी शोब्‍ले नेल्‍ल बोरपाइक्‍ब, दे रुपीने। \em १कोरिन्‍थी ५:६\em* 
\v 10 गे आं शेंशो लोव़ थमा सुइक्‍चा मप्रोंइनीनी, दे प्रभु रे तुइक्‍ताक्‍ङ। सु सुमी इन कली दूली लोव़ शेंशा, इन थुं क्‍याल्‍पाइश्‍शा हिरदमे, मेको आन कली परमप्रभु यावेमी सजाइ गेब, दे यो तुइक्‍ताक्‍ङ। \em गलाती १:७\em* 
\v 11 आं लोक्‍बपुकी, नेनीन, गो ख्रोइक्‍तीक चिनु ख्रोइक्‍चा माल्‍ब, दे शेंथ गाक्‍शो नङ हना, खेदा पा श्‍येत गेचा मपुंइसीङ वा। गोमी येसु ख्रीस्‍त इं पा ङा बेक्‍त, दे थमा सुतीन, दे शेंना शेंन गाक्‍शो नङ। मेको शेंतीक आ पर्बम आन थुं मनुथु श्‍येत गेतीमी। \em १कोरिन्‍थी १५:३०; गलाती ६:१२; १कोरिन्‍थी १:२३\em* 
\v 12 इन थुं क्‍याल्‍पाइक्‍बपुकीमी आंम आन रांमी चिनु ख्रोदमेनु, खसी पशो दुम्‍मल, देंनुङ। 
\s1 परमप्रभु आ सोक्‍त नु मुर आ थुं 
\p  
\v 13 आं लोक्‍बपुकी, प्रभुमी रिती थिती पचा प्रोंइपाइक्‍तीकी, दे गेनायो मप्रेंदीने। मोपा ब्रोंइशा यो इन दला दाक्‍स मपने। तन्‍न दाक्‍मुशा, वारच पमुशा बाक्‍कीने। \em १पत्रुस २:१६; २पत्रुस २:१९\em* 
\v 14 “आंम इ कली दाक्‍शो खोदेंशो पा, इ नेक्‍था बाक्‍ब आन कली यो दाक्‍तो” देंशो लोव़मी परमप्रभु यावे आ अरेशो लोव़ नेल्‍ल बाक्‍ब। \em लेवी १९:१८\em* 
\v 15 गेपुकी कुचुम जिशा क्राइक्‍मुशो खोदेंशो पा जीतीनी हना, खतम दुम्‍नीकी, दे तुइक्‍तीन। \em याकूब ४:२\em* 
\p  
\v 16 लोव़ थोक्‍शा, का निक्‍शी नु तेम्‍शा शेंनन्‍नी, परमप्रभु यावे आ सोक्‍त रे पा ब्रोंइशा गेय पने। मो पाइतीनी हना ला, इन दला दाक्‍स मपाइनीनी, इन थुंमी मिम्‍शा मरिम्‍शो मपाइनीनी।  
\v 17 मुर आ थुंमी मिम्‍शो पचा नु परमप्रभु यावे आ सोक्‍तीम ब्रीशो थुं आ मिम्‍शो पचा मगारब। रिम्‍शो पय देंतीनी हना यो, रिम्‍शो पने मचाप्‍नीनी। \em रोमी ७:१५,२३\em* 
\v 18 परमप्रभु यावे आ सोक्‍तीमी चहिं इन कली गेय पपाइक्‍तु हना, रिम्‍शो पाइनीनी, अरेशो लोव़ मटीब यो मदुम्‍नीनी। 
\p  
\v 19 आन दला दाक्‍स पा मुर आ थुंमी मिम्‍शो पाइबपुकीमी दोदेंशो गेय पाइनीम देंशा हना, तेल्‍लेम पाइनीमी, ग्रांग्रा दिचा ङा गेय पाइनीमी, हेंथे गाक्‍नीमी, \em १कोरिन्‍थी ६:९-१०\em* 
\v 20 मूर्ति पूजा पाइनीमी, मन्‍तर तन्‍तर पाइ‍नीमी, जिचा पोक्‍नीमी, थुं खाइक्‍पाइक्‍नीमी, रुश पाइनीमी, शुश चुरनीमी, आंम कली ला मिम्‍नीमी, गाइश्‍शा बाक्‍नीमी, दुशा गारशा बाक्‍ब आन कली फ्रानीमी,  
\v 21 गेहे पाइनीमी, तूशा दुक्‍शा हेंथे पाइनीमी, शुश जाइनीमी। मारेइ मारेइ मरिम्‍शो पशा गाक्‍नीम। साइ गोमी मोदेंशो गेय पाइबपुकी परमप्रभु यावे आ राज्‍य ओव़चा मताइनीम, दे शेंताक्‍न्‍नी। मुल लेंशा मिम्‍पाइक्‍तन्‍नी। \em एफिसी ५:५; प्रकाश २२:१५\em* 
\p  
\v 22 परमप्रभु यावे आ सोक्‍तीमी ब्रीशो थुं पाइश्‍शोपुकीमी परमप्रभु यावे आ सोक्‍त रे पा दोदेंशो पाइनीम देंशा हना, दाक्‍मुइनीमी, ग्‍येरनीमी, थुं नाइक्‍नीमी, शुश फाल्‍नीमी, रिम्‍शो पाइनीमी, शिशी पाइनीमी, कबल खाप्‍नीमी,  
\v 23 ब्रेम्‍शो दुम्‍नीमी नु आंम कली चलेस जोक्‍नीमी। मोदेंशो पाइब मुर कली परमप्रभु यावे आ अरेशो लोव़मी मारेइ मपाइब। \em १तिमोथी १:९\em* 
\p  
\v 24 सु ख्रीस्‍त येसु आ मुर दुम्‍शो बाक्‍नीमी, मेकोपुकीमी आंम रां ङा दला दाक्‍स येसु ख्रीस्‍त खोदेंशो पा शीम क्‍याइक्‍ने थुम्‍शो बाक्‍नीमी। \em रोमी ६:६\em* 
\v 25 गो परमप्रभु यावे आ सोक्‍तीमी ब्रोंइतय हना, इं गेय यो परमप्रभु यावे आ सोक्‍तीमीन पय। \em रोमी ८:४\em* 
\v 26 मोपतीके ठेयब मसेल्‍सीय, मगाइक्‍मुय अरु आन कली रिम्‍शो दुम्‍शो तशा गेहे मपय। \em फिलिप्‍पी २:३\em* 
\c 6  
\s1 दाक्‍मुशा, रिम्‍शो गेय पा बाक्‍य 
\p  
\v 1 आं लोक्‍बपुकी, सुमी आ थुंमी मिम्‍शा, दला दाक्‍स पा प्रभु आ देंशो मटिथु मरिम्‍शो दुम्‍मे, गे मेको कली परमप्रभु यावे आ सोक्‍तीमी ब्रीशो थुं पाइश्‍शोपुकीमी, ठेयब मलेत्‍थु, रिम्‍शो लोव़ पा, आ थुं परमप्रभु यावे गे लेप्‍पतीने। मो पनीनु, थुं थाम्‍चा मपुंइसेक्‍ल, दे होस पा बाक्‍कीन। \em मत्ती १८:१५; याकूब ५:१९\em* 
\v 2 कामी अर्को कली वारच पने। मोपा गे ख्रीस्‍त आ अरेशो लोव़ खाप्‍नीनी। \em २कोरिन्‍थी ११:२९\em* 
\v 3 सुइ ठेयब मसुंइ‍सेक्‍ल। मजोक्‍थु यो जोक्‍ब तुइक्‍ब नङ, दे ठेयब लेप्‍बमी आंम कली जोल पांइसीब।  
\v 4 परमप्रभु यावे आ सोक्‍तीम गेय पङा कों, आंम दला दाक्‍स पङा कों, दे का का पा मिम्‍शा तुइक्‍तीने। मिनु ला गे “गो रिम्‍शो पाता” देंने चाप्‍नीनी। \em २कोरिन्‍थी १३:५ \em* 
\v 5 मारदे हना नेल्‍लेमी आंम गेय आंमा पचा माल्‍ब। \em रोमी १४:१२\em* 
\p  
\v 6 ख्रीस्‍त आ लोव़ शेंचा पुंइसीबमी शेंब कली आ नु बाक्‍शो रिम्‍शो थोक्‍शा योक्‍शा गेवल। \em १कोरिन्‍थी ९:१४\em* 
\v 7 परमप्रभु यावे कली कोंइखु पा जोल पचा मदुम्‍ब। परमप्रभु यावेमी नेल्‍ल तुइश्‍शो बाक्‍ब। मोपतीके दूली ममिम्‍तीने। मुरपुकीमी मार शोक्‍ग‍मे, मेको रुप्‍नीम। \em येरमीया २१:१४\em* 
\v 8 आंम आन थुं ङा मिम्‍शो गेय पाम्‍तेक्‍म हना, मेको आन गेय मलीथु जाम्‍शा लाइब। मिनु आ यो जाम्‍शा लाइनीम। परमप्रभु यावे आ सोक्‍तीम गेय पाम्‍तेक्‍म हना, परमप्रभु यावे आ सोक्‍त रे पा गेना हना यो ब्रोंइशा बाक्‍चा ताइनीम। \em रोमी ८:१३\em* 
\v 9 रिम्‍शो गेय पचा मदने। मोपा ला गो रुप्‍ची ना रुप्‍ने चाप्‍नीकी। \em २थिस्‍सलोनिकी ३:१३\em* 
\v 10 सुइ कली रिम्‍शो पचा ताइतय हना, रिम्‍शो पय। नेल्‍ल क्‍येङा ङोंइती थमा सुइक्‍ब लोक्‍ब आन कली वारच पय। \em २पत्रुस १:७\em* 
\s1 नोले ङा लोव़ 
\p  
\v 11 ठेयब ठेयब अच्‍छेर ब्रेक्‍शो तशा, पावल आ ब्रेक्‍शो बाक्‍त, दे तुइक्‍नीनी।  
\v 12 दूली शेंबपुकीमी ख्रोइक्‍तीक चिनु ख्रोइक्‍चा माल्‍ब देंशा, इन कली यहूदी रिती थिती पपाइक्‍चा माल्‍नीम। “ख्रीस्‍त शीम केप्‍शा कांटी थोक्‍शा साइक्‍चा पुंइसाक्‍व” दे शेंतीक लोव़ आ पर्बम खेदा पचा पुंइसीब, दे तुइक्‍नीम। मोपतीके खेदा पचा मपुंइसेक्‍ल, दे दूली लोव़ शेंनीम। \em गलाती ५:११\em* 
\v 13 आंइ यहूदी रिती थिती नेल्‍ल मपाइनीमी, ख्रोइक्‍तीक चिनु ला ख्रोइक्‍नीम। मिनु इन कली ख्रोइक्‍तीक चिनु ख्रोइश्‍शो तचा दाक्‍नीम। मोदेंशो पशो तशा “आंइ शेंशो पामे बाक्‍त” दे आन नें बोरपाइश्‍शा गाक्‍चा ताइनीम।  
\v 14 नें बोरपाइक्‍चा दा गो यो आं नें बोरपाइश्‍शा गाक्‍ती। तन्‍न मुर आन पशो तशा ममाइ। इं प्रभु येसु ख्रीस्‍त इं पा ङा शीम केप्‍शा कांटी थोक्‍शा साइक्‍चा पुंइसीशा, इं पाप क्‍याम्‍ताक्‍व, दे ख्रीस्‍त आ पशो मिम्‍शा, आं नें बोरपाइश्‍शा गाक्‍ती। ख्रीस्‍त आ गेय ङा लाक्‍शा मारेइ ठेयब ममिम्‍नुङ। रागी ङा मिम्‍तीक पतीक नेल्‍ल बेक्‍शो खोदेंशो मिम्‍ताक्‍ङ। रागीमी यो आं कली बेक्‍शो खोदेंशो मिम्‍ताक्‍व। \em १कोरिन्‍थी १:३१; १कोरिन्‍थी २:२\em* 
\v 15 ख्रोइक्‍तीक चिनु ख्रोइक्‍चा, मख्रोइक्‍चा मेको ममिम्‍तीने। ख्रीस्‍त येसु नु थुं का दुम्‍शा, नक मुर दुम्‍चा चहिं नेल्‍ल क्‍येङा ठेयब बाक्‍ब, दे रुपीने। \em गलाती ५:६; १कोरिन्‍थी ७:१९; २कोरिन्‍थी ५:१७\em* 
\v 16 गे सु सु आं देंशो लोव़ टिशा पाइनीनी, मेको थुं नाइश्‍शा नु शिशी तशा बाक्‍चा ताइनीम। मेको ला ममाइ, परमप्रभु यावे कली थमा सुइक्‍ब, इस्राएली, दे नें वोइक्‍चा पुंइसीनीम। \em भजन संग्रह १२५:५\em* 
\p  
\v 17 मुल ङा मेरे सुइमी श्‍येत मगेयीमील। येसु आ नेंमी श्‍येत जशा, तुप्‍चा, युक्‍चा पुंइसीशो चिनु आं रांमी शुश बाक्‍ब। \em २कोरिन्‍थी ४:१० \em* 
\p  
\v 18 आं लोक्‍बपुकी, इं प्रभु येसु ख्रीस्‍तमी इन कली शिशी पा, आ सोक्‍त इन थुंमी लीपदल। आमेन।