\id 3JN  
\h ३ यूहन्‍ना 
\toc1 ३ यूहन्‍ना 
\toc2 ३ यूहन्‍ना 
\toc3 ३यूहन्‍ना 
\mt1 ३ यूहन्‍ना 
\ip \bd ब्रेक्‍ब मुर: \bd* यूहन्‍ना आ नेल्‍ल क्‍येङा नोले ब्रेक्‍शो चिठी बाक्‍ब। 
\ip \bd गेना ब्रेक्‍शो:\bd* एको चिठी १०० ए. डी. क्‍येङा ङोंइती ब्रेक्‍शो बाक्‍ब। 
\ip \bd मार ब्रेक्‍शो:\bd* थमा शेंशो कोंइतीके नु दाक्‍चा मप्रोंइतीक आ पर्बम ब्रेक्‍शो लोव़ बाक्‍ब। 
\c 1  
\s1 ङोंइती ङा लोव़ 
\p  
\v 1 गो येसु ख्रीस्‍त कली थमा सुइक्‍ब आन शेंब खाल्‍पामी, आं थमा पा दाक्‍शो गायस इ कली एको चिठी ब्रेक्‍ताक्‍ङ। \em २यूहन्‍ना :१\em* 
\v 2 आं दाक्‍शो लोक्‍ब, इ जचा बाक्‍चा नेल्‍ल रिम्‍शो बाक्‍ल। इ थमा सुइक्‍तीके रिम्‍शो बाक्‍ब, दे गो तुइक्‍नुङ।  
\v 3 मिनु इ बाक्‍तीके रे जाक्‍ब थमा सुइक्‍बपुकीमी “गायस रिम्‍शो पा येसु ख्रीस्‍त आ पर्बम थमा लां खोइक्‍ब” दे शेंताक्‍यीमी। मेको नेंनुनु, गो शुश ग्‍येरसाक्‍यी। \em २यूहन्‍ना :४\em* 
\v 4 आं आलपुकी येसु ख्रीस्‍त आ पर्बम थमा लां खोइक्‍नीम देंशो नेंनुनु, आं कली नेल्‍ल क्‍येङा ग्‍येरपाइक्‍ब। 
\s1 गायसमी जाक्‍चा गेशो 
\p  
\v 5 आं दाक्‍शो लोक्‍ब, गे येसु ख्रीस्‍त कली थमा सुइक्‍ब आन कली वारच पाइतीनी, मोपा रिम्‍शो गेय पाइतीनी। मोदेंशो गेय अर्को सहर ङा येसु ख्रीस्‍त कली थमा सुइक्‍ब आन कली पाइतीनी, मेको थम रिम्‍शो बाक्‍ब।  
\v 6 इ खिंमी जाक्‍शा बाक्‍शा, थमा सुइक्‍बपुकीमी “गायसमी थमा सुइक्‍ब आन कली शुश दाक्‍शा, खिंमी बाक्‍चा गेप्‍तु” दे आंइ ग्रुम्‍तीकेमी नेंपाइक्‍तेक्‍म। मिनु गे मोपा येसु ख्रीस्‍त कली थमा सुइक्‍ब आन कली खिंमी बाक्‍चा गेचा ला ममाइ, तन्‍न आन लची ना मेकोपुकीमी मार मार माल्‍नीमी, मेको नेल्‍ल परमप्रभु यावेमी खोदेंशो पा गेशा सोइक्‍ताक्‍नी हना, गे रिम्‍शो दुम्‍नीनी। \em तीतस ३:१३\em* 
\v 7 मारदे हना मेकोपुकी येसु ख्रीस्‍त आ पर्बम शेंथ लाइनीम। मिनु थमा मसुइक्‍बपुकी रे मारेइ मलाइक्‍नीम। \em १कोरिन्‍थी ९:१२\em* 
\v 8 मिनु गोपुकीमी मोदेंशो मुर आन कली रिम्‍शो पा वारच पचा माल्‍नय। मो पयानु, गोपुकी मेकोपुकी नु गारशा, गेय पना पन बाक्‍नय। \em हिब्रू १३:२\em* 
\s1 ठेयब लेश्‍शो शेंब आ पर्बम 
\p  
\v 9 गो इन ग्रुम्‍तीके ङा थमा सुइक्‍ब आन कली ब्रेक्‍ताक्‍ङमी। तन्‍न डियोत्रीफसमी आंम कली ठेयब सेल्‍शा, गोपुकी आंइ कली मदाक्‍ब।  
\v 10 मिनु गो मेकेर जाक्‍शा, मेको आ पशो गेय आ पर्बम लोव़ पाइनुङ। मेकोम मार पाइब देंशा हना, आं कली श्‍येत गेचा, दे आं पर्बम काइ मरिम्‍शो लोव़ पना पन गाक्‍ब। मिनु मेको ला ममाइ, आं सोइश्‍शो लोक्‍ब आन कली जाक्‍चा मगेव। सु चहिं मेको आन कली जाक्‍चा गेचा दाक्‍बा, डियोत्रीफसमी मेको कली “जाक्‍चा गेचा मदुम्‍ब” देंब। मिनु मेकोपुकी आ देंशो मटिम्‍तेक्‍म हना, मेको आन कली थमा सुइक्‍ब आन ग्रुम्‍तीके रे तिल्‍ब। 
\p  
\v 11 आं दाक्‍शो थमा सुइक्‍ब लोक्‍ब, मरिम्‍शो मुर आन तस मखोतो। तन्‍न रिम्‍शो मुर आन तस खोतो। सु रिम्‍शो गेय पाइबा, मेको परमप्रभु यावे आ मुर बाक्‍ब। सु चहिं मरिम्‍शो पाइबा, मेको परमप्रभु यावे कली मतुइक्‍ब बाक्‍ब। 
\p  
\v 12 मिनु थमा सुइक्‍ब नेल्‍लेमी “देमेत्रीयस रिम्‍शो थमा सुइक्‍ब बाक्‍ब” दे तुइश्‍शा देंनीम। मिनु मेको आ थमा लां खोइक्‍तीकेमी, येसु ख्रीस्‍त नु थुं का बाक्‍ब, दे कोंइब। गो यो मेको आ पर्बम “देमेत्रीयस रिम्‍शो मुर बाक्‍ब” दे सांकछी गेनुङ। गो जोल मपाइनुङ, दे तुइक्‍नेवे। 
\s1 नोले ङा लोव़ 
\p  
\v 13 गो इ कली शुश ब्रेक्‍चा माल्‍ती हना यो, गो मसी नु कलममी मब्रेक्‍नुङ। \em २यूहन्‍ना :१२\em* 
\v 14 तन्‍न इ कली ग्रुम्‍थ जाक्‍चा कली आस पाइनुङ। मिनु ग्रुम्‍शा कोव़मुशा लोव़ पाइनस।  
\v 15 इ थुं नाइश्‍शा बाक्‍ल। आं वारचपुकीमी यो “गे रिम्‍शो बाक्‍कीन” दे आं कली ब्रेक्‍पाइक्‍तीमी। गे अरु थमा सुइक्‍ब वारच आन कली यो “रिम्‍शो बाक्‍कीने” दे का का पा आन नें थिशा, माइक्‍मी।