\id 2TH  
\h २ थिस्‍सलोनिकी 
\toc1 २ थिस्‍सलोनिकी 
\toc2 २ थिस्‍सलोनिकी 
\toc3 २थिस्‍सलोनिकी 
\mt1 २ थिस्‍सलोनिकी 
\ip \bd ब्रेक्‍ब मुर:\bd* एको चिठी पावल थिस्‍सलोनिकी आन कली आ नोले ब्रेक्‍शो चिठी बाक्‍ब। 
\ip \bd गेना ब्रेक्‍शो:\bd* थिस्‍सलोनिकी ङा थमा सुइक्‍ब आन कली ङोंइती ब्रेक्‍शो चिठीम ब्रेक्‍शो खोदेंशो बाक्‍तेक्‍म। पावल सिल्‍वानस नु तिमोथी बाक्‍शो कोरिन्‍थ सहरम बाक्‍शो बाक्‍त। मोपतीके एको चिठी ५३ ए. डी. ङा बर्स ङा नोले ङा महिनाम ब्रेक्‍शो बाक्‍ब, दे मिम्‍नीम। 
\ip \bd मार ब्रेक्‍शो:\bd* ङोंइती ङा चिठीम नोले थिस्‍सलोनिकी ङा थमा सुइक्‍बम रिम्‍शो पाम्‍तेक्‍म हना यो, का निक्‍शी चहिं हेंथे पाम्‍तेक्‍म। मुल पावलमी ग्रुम्‍तीक ङा शेंब कली थमा सुइक्‍ब आन कली गेय रिम्‍शो पचा कली ठीक सेल्‍चा माल्‍ब, दे ब्रेक्‍शो बाक्‍ब। 
\c 1  
\s1 ङोंइती ङा लोव़ 
\p  
\v 1 गो पावल नङ। सिल्‍वानस नु तिमोथी यो गो नु बाक्‍नीस। गो इं आफ परमप्रभु यावे नु प्रभु येसु ख्रीस्‍त कली थमा सुइक्‍ब थिस्‍सलोनिकी सहर ङा इन कली चिठी ब्रेक्‍ताक्‍ङ। \em १थिस्‍सलोनिकी १:१\em* 
\v 2 इं आफ, परमप्रभु यावे नु प्रभु येसु ख्रीस्‍तमी इन कली शिशी पा, इन थुं नाइश्‍शा बाक्‍चा गेम्‍सेक्‍ल। 
\s1 श्‍येतम खोइल थेक्‍शा बाक्‍शो 
\p  
\v 3 आंइ लोक्‍बपुकी, इन कली मिम्‍शा, परमप्रभु यावे कली “गे रिम्‍शो पाइब बाक्‍नीनी” देंचा ठीक बाक्‍ब। मारदे हना इन थमा सुइक्‍तीके हु बारशा, इन दाक्‍मुतीक यो बारना बारन लाइब। \em १थिस्‍सलोनिकी १:२-३\em* 
\v 4 मोदेंशो दुम्‍शा, गेपुकी खेदा पचा पुंइसीशा, श्‍येत फाल्‍शोमी खोइल थेक्‍शा थमा सुइक्‍ब बाक्‍नीनी, दे गोपुकीमी परमप्रभु यावे कली थमा सुइक्‍ब आन ग्रुम्‍तीकेमी इन पर्बम ग्‍येरशो लोव़ पाइनीकी। \em २कोरिन्‍थी ७:४\em* 
\v 5 गेपुकी परमप्रभु यावे आ राज्‍यम शिरशो मुर दुम्‍तीनी। मिनु मेको राज्‍य आ पर्बम श्‍येत जाइनीनी। परमप्रभु यावेमी इन कली श्‍येत जचा गेप्‍तु हना यो, ठीक निसाफ पाइब बाक्‍ब। \em फिलिप्‍पी १:२८\em* 
\s1 निसाफ पची नाक्‍त 
\p  
\v 6 परमप्रभु यावेमी थमा पा इन कली श्‍येत गेब आन कली क्‍येक्‍क लेप्‍ब। \em रोमी १२:१९; प्रकाश १८:६-७\em* 
\v 7 गे श्‍येत जाइब इन कली नु आंइ कली इं थुं नाइक्‍चा गेब। गेना थुं नाइक्‍चा गेब देंशा हना, प्रभु येसु नु आ सक्ति पाइश्‍शो स्‍वर्ग ङा गेय पाइबपुकी सरीङ रे ग्रूची ना इं थुं नाइक्‍चा गेब। \em मत्ती १६:२७; मत्ती २५:३१-४६; १थिस्‍सलोनिकी ४:१६\em* 
\v 8 मेको नु हुरुर पा ब्रशो मी सरीङ रे यीब। प्रभुमी परमप्रभु यावे कली मतुइक्‍ब नु आ ग्‍येरपाइक्‍ब लोव़ मटीब आन कली क्‍येक्‍क लेप्‍ब। \em रोमी २:८\em* 
\v 9 मेको मुरपुकी गेना हना यो साम्‍सीशो दुम्‍शा, प्रभु आ कुल मताइनीम। आ सक्ति ङा छेङछेङ यो मताइनीम।  
\v 10 थमा सुइक्‍बपुकी चहिं आ जाक्‍ची नाक्‍त आ नें ठेयब सेल्‍शा, थमा सुइक्‍ब नेल्‍लेमी आ छेङछेङ तशा छक लाक्‍नीम। मारदे हना गेपुकी आंइ शेंशो लोव़ थमा सुइक्‍तीनी। 
\p  
\v 11 मोपतीके गो इन पर्बम प्रार्थना पना पन बाक्‍नीकी। परमप्रभु यावेमी इन कली ब्रेश्‍शा, आ ब्रेश्‍शो शिरशो सेलल, दे गोपुकीमी गेना हना यो, पुंइना पुंइन बाक्‍नीकी। इन रिम्‍शो पतीके नु इन थमा सुइश्‍शो ङा गेय आ सक्तिमी पपदल।  
\v 12 मो दुम्‍शा, इं प्रभु येसु आ नें इन पर्बम ठेयब सेल्‍नीम। गेपुकी आ मुर दुम्‍शा, मान ताइ‍नीनी। मेको इं परमप्रभु यावे नु प्रभु येसु ख्रीस्‍त आस शिशी ङा गेय बाक्‍ब। 
\c 2  
\s1 येसु ख्रीस्‍त यिचा आ पर्बम 
\p  
\v 1 आंइ लोक्‍बपुकी, इं प्रभु येसु ख्रीस्‍त यिशा, गोपुकी नु ग्रुम्‍चा आ पर्बमी \em १थिस्‍सलोनिकी ४:१३-१७\em* 
\v 2 इन थुं मक्‍यन। सोक्‍तीमी कोंइताक्‍व देंखु पाइनीम। आंइ ब्रेक्‍शो चिठी जाक्‍त, देंखु पाइबमी “प्रभु आ नाक्‍त जाक्‍शा नुप्‍त” दे लोव़ पाम्‍तेक्‍म हना यो, थमा मसुतीन। \em २पत्रुस ३:१५-१६\em* 
\v 3 इन कली दूली शेंतीके शेंब आन कली थमा मसुतीन। मारदे हना प्रभु येसु ख्रीस्‍त आ नाक्‍त जाक्‍चा क्‍येङा ङोंइती परमप्रभु यावे कली मटिथु नेल्‍ल क्‍येङा मरिम्‍शो पाइब का ग्रूब। मेको कली जाम्‍शा लाइब आ तौ यो देंनीम। \em १तिमोथी ४:१; १यूहन्‍ना २:१८\em* 
\v 4 मेकोमी “मानेचा ङा मारेइ मबा” देंब। परमप्रभु यावे नु मानेचा ङा थोव़क आन क्‍येङा आंम कली ठेयब सेल्‍शा, परमप्रभु यावे आ खिंमी निश्‍शा “गो का ला परमप्रभु यावे नङ” देंब। \em दानीएल ११:३६; मत्ती २४:१५\em* 
\v 5 गेपुकी नु बाक्‍ङानु, इन कली मोदेंशो लोव़ पाता। गेपुकी आं शेंशो ममिम्‍नीनी?  
\v 6 मेको नेल्‍ल क्‍येङा मरिम्‍शो पाइब कली तेक्‍ब कली तुइक्‍नीनी। मेको तेक्‍बमी मेको कली देंशो ना ला ग्रूचा गेब।  
\v 7 आ मरिम्‍शो गेय चहिं मुल बाक्‍ब। तन्‍न मतांइसीब। तेक्‍ब मयाक्‍से सम्‍म मेको ग्रूने मचाप्‍ब।  
\v 8 नेल्‍ल क्‍येङा मरिम्‍शो पाइब ग्रूचा तवा नोले, प्रभु येसुमी आ जाक्‍शो नु आ मुइश्‍शोमी साइक्‍ब। \em यसैया ११:४; प्रकाश १९:१५,२०\em* 
\v 9 मेको नेल्‍ल क्‍येङा मरिम्‍शो पाइबम चहिं सैतान आ सक्ति तशा, चिन्‍ड नु छक लाक्‍चा ङा गेय पखु पाइब। \em मत्ती २४:२४; प्रकाश १३:११-१४\em* 
\v 10 जाम्‍शा लाइब आन कली जोल शेंब। मारदे हना मेकोपुकीमी थमा शेंतीक नेंचा मदाक्‍तेम। मिनु पाप रे ब्रोंइतीक ताक्‍चा मदाक्‍तेम।  
\v 11 परमप्रभु यावेमी मेको आन कली दूली शेंतीक थमा सुइक्‍पाइक्‍ब। \em २तिमोथी ४:४\em* 
\v 12 दूली शेंतीक थमा सुइक्‍बपुकी जाम्‍शा लाइनीम। मारदे हना थमा लोव़ थमा मसुइक्‍थु, मदुम्‍शो गेय दाक्‍ताक्‍मे। 
\s1 थमा शेंतीकेमी बाक्‍चा 
\p  
\v 13 प्रभु आ दाक्‍शो लोक्‍बपुकी, गोपुकीमी गेना हना यो इन कली मिम्‍शा, परमप्रभु यावे कली “गे रिम्‍शो पाइब बाक्‍नीनी” देंनीकी। मारदे हना परमप्रभु यावेमी इन कली ङोंइती रे आ मुर दुम्‍नीम, दे योव़तु। दोपा आ मुर दुम्‍नीनी देंशा हना, परमप्रभु यावे आ सोक्‍तीमी इन कली पाप रे ङोन वोइश्‍शा, थमा शेंतीके थमा सुइक्‍पाइक्‍तु। \em रोमी ८:३०\em* 
\p  
\v 14 गोपुकीमी इन कली ग्‍येरपाइक्‍ब लोव़ पकानु, मेकोमी इं प्रभु येसु ख्रीस्‍त आ छेङछेङ पाइश्‍शो मुर दुम्‍मल, दे इन कली ब्रेत्‍ताक्‍व।  
\v 15 आंइ लोक्‍बपुकी, खोइल थेक्‍शा बाक्‍कीन। आंइ शेंशो मप्रोनीन। गो शोव़म शेंशो नु चिठीम ब्रेक्‍शा शेंशो मप्रोनीन। \em २थिस्‍सलोनिकी ३:६\em* 
\v 16 इं प्रभु येसु ख्रीस्‍त नु इं आफ परमप्रभु यावे आस शिशीमी इं कली दाक्‍शा, गेना हना यो थुं बारपाइश्‍शा, रिम्‍शो आस गेम्‍ताक्‍स।  
\v 17 इन थुं बारपाइश्‍शा, इन कली रिम्‍शो गेय नु रिम्‍शो लोव़ पचा गेम्‍सेक्‍ल। 
\c 3  
\s1 पावलमी प्रार्थना पुंइशो 
\p  
\v 1 मिनु आंइ लोक्‍बपुकी, आंइ कली मिम्‍शा, प्रार्थना पने। आंइ पर्बम परमप्रभु यावे कली मार पुंइचा देंशा हना, इन दातेमी खोदेंशो पा, प्रभु आ लोव़ तेइ तेइ साव सुव ब्रशा लल। \em एफिसी ६:१८-१९; कलस्‍सी ४:३; १थिस्‍सलोनिकी ५:२५\em* 
\v 2 गोपुकी दूली पाइब नु मरिम्‍शो मुर रे ब्रोंइचा तकल, दे प्रार्थना पने। मारदे हना मेकोपुकी थमा मसुइक्‍ब बाक्‍नीमी।  
\v 3 प्रभुमी चहिं इन कली दाक्‍शा मप्रोंइब। इन थुं बारपाइक्‍ब। मरिम्‍शो रे ङोन वोइश्‍शा, इन कली कोव़ब। \em १थिस्‍सलोनिकी ५:२४; यूहन्‍ना १५:१७\em* 
\v 4 गोपुकीमी इन कली मार देंका, मेको पना पन बाक्‍शा, नोले यो पाइनीनी। प्रभुमी इन कली वारच पाइब, दे तुइक्‍नीकी। \em २कोरिन्‍थी ७:१६; गलाती ५:१०\em* 
\v 5 प्रभुमी इन कली परमप्रभु यावे आ दाक्‍तीके नु ख्रीस्‍त आ फाल्‍तीक रुप्‍पदल। 
\s1 गेय मपथु मबाक्‍चा 
\p  
\v 6 आंइ लोक्‍बपुकी, गोपुकीमी इं प्रभु येसु ख्रीस्‍त आ नेंमी इन कली मार देंनीकी देंशा हना, गेपुकी नु बाक्‍शो लोक्‍ब सु सुम गेय पचा मदाक्‍थु बाक्‍मा, मोदेंशो पा आंइ शेंशो मटीमे, मेको नु काइ मबाक्‍कीन। \em २थिस्‍सलोनिकी २:१५; मत्ती १८:१७; रोमी १६:१७\em* 
\v 7 गेपुकी दोपा आंइ खोदेंशो दुम्‍चा माल्‍नीनी, मेको आंमा तुइक्‍नीनी। इन दातेमी बाक्‍कानु, शुश गेय पाइतक। \em १थिस्‍सलोनिकी १:६\em* 
\v 8 सुइ आन के मोश मजक। गोपुकीमी नाक्‍दो नाक्‍त मदेंथु, सुइ कली श्‍येत मगेचा, दे गेय पना पन बाक्‍तक। \em १थिस्‍सलोनिकी २:९\em* 
\v 9 मोश जचा अधिकार बाक्‍त हना यो, दोपा रिम्‍शो पचा इन कली कोंइचा, दे मोदेंशो पाइतक। \em मत्ती १०:१०; प्रेरित २०:३५; फिलिप्‍पी ३:१७\em* 
\v 10 गोपुकीमी “सुमी गेय मपाइबा, मेकोमी जचा मतवल” दे ङोंइती रे गेपुकी नु बाक्‍शा देंतक।  
\v 11 इन दातेमी का निक्‍शीमी काइ गेय मपथु, हिरशा गाक्‍शा मो बाक्‍नीम, देंशो नेंतक।  
\v 12 गोपुकीमी मोदेंशो मुर आन कली प्रभु येसु ख्रीस्‍त आ नेंमी “रिम्‍शो गेय पने। आंम आंम जचा थोव़क जशा बाक्‍कीन” दे अरेनीकी। \em १थिस्‍सलोनिकी ४:११\em* 
\v 13 आंइ लोक्‍बपुकी, रिम्‍शो गेय पचा कली गेनायो मदने। \em गलाती ६:९\em* 
\p  
\v 14 मिनु सु सुमी आंइ ब्रेक्‍शो लोव़ मटीमे, मेको आन कली तुइश्‍शा वोतीन। मिनु मेकोपुकी नु मबाक्‍कीन। मोदेंशो पशो तशा, मेको मुरपुकी मुने दोक्‍नीम।  
\v 15 मोदेंशो पशा यो, मेको मुर कली जोरी सत्रु खोदेंशो पा ममिम्‍तीन। थमा सुइक्‍ब लोक्‍ब कली खोदेंशो अर्ती गेने। \em १थिस्‍सलोनिकी ५:१४\em* 
\s1 नोले ङा लोव़ 
\p  
\v 16 थुं नाइक्‍चा गेब प्रभुमी दोदेंशो बाक्‍तीनी हना यो, इन कली गेना हना यो थुं नाइक्‍चा गेवल। प्रभु गेपुकी नेल्‍ल नु बाक्‍ल। \em यूहन्‍ना १४:२७\em* 
\v 17 गो पावलमी एको चिठी आंमान ब्रेक्‍ताक्‍ङ। तेको चिठी ब्रेक्‍ताक्‍ङ हना यो, ओदेंब ब्रेक्‍नुङ, दे तुइक्‍नीनी। \em १कोरिन्‍थी १६:२१; गलाती ६:११; कलस्‍सी ४:१८\em* 
\v 18 इं प्रभु येसु ख्रीस्‍त आ शिशी गेपुकी नेल्‍ल नु लील।