\id 2PE  
\h २ पत्रुस 
\toc1 २ पत्रुस 
\toc2 २ पत्रुस 
\toc3 २पत्रुस 
\mt1 २ पत्रुस 
\ip \bd ब्रेक्‍ब मुर: \bd* पत्रुसमी एको चिठी थमा सुइक्‍ब आन कली नोले ब्रेक्‍शो बाक्‍त। 
\ip \bd गेना ब्रेक्‍शो: \bd* एको चिठी ङोंइती ङा क्‍येङा इच्‍का नोले ६४-६५ ए. डी.मी मेर ब्रेक्‍शो बाक्‍त। 
\ip \bd मार ब्रेक्‍शो: \bd* पत्रुसमी थमा सुइक्‍ब आन कली परमप्रभु यावे आ लोव़ पाइब आन ब्रेक्‍शो लोव़ तुइश्‍शा नु होस पा बाक्‍कीन, दे अरेशो बाक्‍त। मारदे हना मेको आन दाते रे दूली शेंब बोक्‍तेक्‍म। मेको दूली शेंबपुकी दोदेंशो बाक्‍नीमदेंशा हना, 
\io1 १. प्रभु येसु ख्रीस्‍त परमप्रभु यावे आ तौ मबाक्‍ब। 
\io1 २. क्‍येट शुश दाक्‍ब बाक्‍नीम। 
\io1 ३. मरिम्‍शो पचा मुने मपाइनीम। 
\io1 ४. नक नु बोल्‍यो मदुम्‍शो थमा सुइक्‍ब आन कली हेंथे लां कोंइनीम। 
\c 1  
\s1 ङोंइती ङा लोव़ 
\p  
\v 1 गो येसु ख्रीस्‍त आ वाइल नु आ सोइश्‍शो, सिमोन पत्रुस नङ। इं परमप्रभु यावे नु पाप रे प्रोंइब येसु ख्रीस्‍त रे पा ठीक दुम्‍तय, दे थमा सुइश्‍शा, थुं का दुम्‍तय। मोपतीके इन कली एको चिठी ब्रेक्‍ताक्‍ङ।  
\v 2 परमप्रभु यावे नु प्रभु येसु कली तुइक्‍तीकेमी शिशी नु इन थुं नाइक्‍तीके बारना बारन लल। 
\s1 थमा सुइक्‍चा नु गेय गारचा माल्‍ब 
\p  
\v 3 परमप्रभु यावे आ सक्तिमी ब्रोंइचा नु परमप्रभु यावे आ ङोंइती बाक्‍चा कली मार मार माल्‍या, मेको नेल्‍ल इं कली मो गेप्‍तु। दोपा गेप्‍तु देंशा हना, मेको कली तुइक्‍तीके गेप्‍तु। आ छेङछेङमी बाक्‍चा नु आ पतीके नेल्‍ल पचा कली योव़तु। \em १पत्रुस २:४\em* 
\v 4 मोपा आ नेल्‍ल क्‍येङा ठेयब थोक्‍शा पशो लोव़ गेप्‍तु। मेको तुइश्‍शा, गेपुकी रागी ङा मुर आन दला दाक्‍स पतीके रे ब्रोंइशा, प्रोक्‍ने चाप्‍नीनी। मोपा गेपुकी परमप्रभु यावे आ पशो खोदेंशो पाइब दुम्‍नीनी।  
\v 5 मोपतीके गे इन थमा सुइक्‍तीके नु इन पशो गेय गारचा माल्‍ब। इन पशो गेय नु “परमप्रभु यावे आ दाक्‍शो मार बाक्‍मे?” दे तुइक्‍चा माल्‍नीनी। \em गलाती ५:६,२२\em* 
\v 6 इन तुइक्‍तीकेमी आंमा अरेसीचा माल्‍नीनी। आंमा कली अरेसीतीके, पपाइक्‍तीके नु थमा सुइक्‍तीके मप्रोंइनुङ, दे खोइली थेक्‍शा बाक्‍चा माल्‍नीनी। इन खोइली थेक्‍शा बाक्‍तीकेमी परमप्रभु यावे खोदेंशो पा गेय पने।  
\v 7 परमप्रभु यावे खोदेंशो पा गेय पशा, थमा सुइक्‍ब आन कली आंम इन लोक्‍ब खोदेंशो पचा माल्‍नीनी। लोक्‍ब खोदेंशो पा दाक्‍चा माल्‍नीनी। \em गलाती ६:१०\em* 
\v 8 गेपुकी मोदेंशो शुश पाइतीनी हना, इं प्रभु येसु ख्रीस्‍त कली तुइक्‍तीकेमी रिम्‍शो पा शुश फल सिश्‍शो खोदेंशो दुम्‍ब।  
\v 9 सुम मोदेंशो मपाइबा, मेको ब्रा ब्रा पा ताइब बाक्‍ब। मेको मुर आ ङोंइती पशो पाप क्‍याम्‍शो बाक्‍ब, दे प्रेंशो बाक्‍ब। \em १यूहन्‍ना २:९,११\em* 
\v 10 मोपतीके आं लोक्‍बपुकी, गेपुकीमी “गो ब्रेश्‍शो नु योव़शो मुर बाक्‍नीकी” दे गेना हना यो मिम्‍चा माल्‍नीनी। मो पाइतीनी हना, गे गेनायो नोले मशोंइ‍‍सीनीनी।  
\v 11 मिनु नोले पाप रे प्रोंइब इं प्रभु येसु ख्रीस्‍तमी इन कली आ गेना हना यो लीब राज्‍यमी रिम्‍शो पा ओव़चा गेब। 
\p  
\v 12 मोपतीके गो इन कली नेल्‍ल नाक्‍ती मोदेंशो मिम्‍पाइक्‍नुङ। गेपुकी मेको तुइश्‍शा नु थमा शेंतीके पाइब दुम्‍तीनी हना यो, गो इन कली मिम्‍पाइक्‍नुङ।  
\v 13 गो ब्रोंइङा सम्‍म इन कली मिम्‍पाइक्‍चा रिम्‍शो बाक्‍ब, दे मिम्‍नुङ। \em २कोरिन्‍थी ५:१\em* 
\v 14 इं प्रभु येसु ख्रीस्‍तमी “गे शुश नाक्‍त मलीनेवे” दे कोंइताक्‍यी। \em यूहन्‍ना २१:१८-१९\em* 
\v 15 मिनु आं लचा नोले गे नेल्‍ल नाक्‍ती आं शेंशो मिम्‍ने चाप्‍नीनी, दे शुश गेय पना पन बाक्‍नुङ। 
\s1 छिङछिङम ब्रशो बत्ती 
\p  
\v 16 गोपुकीमी इन कली इं प्रभु येसु ख्रीस्‍त आ सक्ति नु आ रागीम जाक्‍शो आ पर्बम मुर आन सेल्‍शो कथा मशेंदक। तन्‍न गोपुकीमी “येसु ख्रीस्‍त नेल्‍ल क्‍येङा ठेयब बाक्‍ब” दे आंम आंइ मिक्‍चीम ताइतक।  
\v 17 इं आफ परमप्रभु यावेमी मेको कली मान पशा, आ छेङछेङ तपाइश्‍शा “मेको आं दाक्‍शो तौ बाक्‍ब। मेको कली तशा, गो ग्‍येरसाक्‍यी” देंशो सेंदा छेङछेङ रे ग्रूत। \em मत्ती १७:५\em* 
\v 18 गोपुकीमी मेको सेंदा सरीङ रे नेंतक। मारदे हना गोपुकी मेको नु परमप्रभु यावे आ डांडाम बाक्‍शो नकी।  
\v 19 मिनु गोपुकीमी साइ ङा परमप्रभु यावे आ लोव़ पाइब आन पशो लोव़ मुल रिम्‍शो पा रुप्‍तक। गे यो परमप्रभु यावे आ साइ ङा लोव़ पाइब आन ब्रेक्‍शो लोव़ रुप्‍चा नु तुइक्‍चा कली छिङछिङमी ब्रशो बत्ती खोदेंशो पा होस पा बाक्‍कीन। मिनु नोले इन थुंमी सुक्‍कुर सोरुल खोदेंशो पा छेङछेङ दुम्‍नीनु, आन ब्रेक्‍शो नेल्‍ल रुप्‍नीनी। \em भजन संग्रह ११९:१०५\em* 
\v 20 गेपुकी ङोंइती मार रुप्‍चा माल्‍नीनी देंशा हना, परमप्रभु यावे आ साइ ङा लोव़ पाइब आन ब्रेक्‍शो लोव़ मुर आन मिम्‍शो लोव़ ममाइ,  
\v 21 मुर आन थुं रे मपीब। तन्‍न परमप्रभु यावे आ सोक्‍तीम आ मुर आन कली सुम्‍शा, परमप्रभु यावे आ लोव़ ब्रेक्‍पाइश्‍शो बाक्‍ब, दे रुप्‍चा माल्‍नीनी। \em १तिमोथी ३:१६-१७\em* 
\c 2  
\s1 दूली शेंबपुकी 
\r यहूदा ३-१९ 
\p  
\v 1 साइ ङोंइती परमप्रभु यावे आ लोव़ जोल पा दूली शेंबपुकी बाक्‍मा बाक्‍त। मुल मोदेंशो जोल पा शेंबपुकी इन ग्रुम्‍तीक खिंमी यो जाक्‍नीमी। मेकोपुकीमी ख्रुइश्‍शोमी खतम सेल्‍ब शेंतीके शेंनीमी। प्रभुमी मेको आन कली ग्‍याप्‍शा यो, मेकोपुकी “गो मेको कली मतुइक्‍नुङ” दे जाम्‍शा लाइब बाक्‍नीम। \em मत्ती २४:११; १तिमोथी ४:१\em* 
\v 2 शुशेमी आन शेंशो नेंशा, हेंथे पा दला दाक्‍स यो पाइनीम। मुरपुकीमी मेको आन कली तशा थमा लां कली शुक्‍शी लोव़ पाइनीम।  
\v 3 मेको आन शीम पतीकेमी इन कली दूली लोव़ पा, इन क्‍येट योल्‍नीम। मेकोपुकी ङोंइती रे नरक लचा चिक्‍शो बाक्‍नीम। 
\p  
\v 4 का निक्‍शी परमप्रभु यावे आ स्‍वर्ग ङा गेय पाइबपुकी यो पाप पतीके शिशी मतामे। परमप्रभु यावेमी मेको आन कली नरकमी ताइश्‍शा, नेल्‍ल क्‍येङा मरिम्‍शो बाक्‍तीकेमी सोइक्‍ताक्‍मी। मिनु निसाफ पची नाक्‍त सम्‍म छिङछिङमी चोक्‍शा वोइक्‍तीमी।  
\v 5 मिनु परमप्रभु यावेमी साइ ङा मुर आन कली शिशी मपथु, नोआह ला ठीक पाइब बाक्‍तीके मेको नु अरु ७ जना आन कली ला श्‍येत रे प्रोंइतीमी। मेना परमप्रभु यावेमी रागी नेल्‍ल ब्‍वाक्‍कुमी ब्रीपाइश्‍शा, आ कली मटीब आन कली साइश्‍शो बाक्‍त। \em उत्‍पत्ती ८:१८; १पत्रुस ३:२०; २पत्रुस ३:६\em* 
\v 6 परमप्रभु यावेमी सोदोम नु गोमोररा माइश्‍शो सहर निक्‍शी कली मीम क्रोइश्‍शा, पुलु सेल्‍शो बाक्‍त। मेको मटीब आन कली कोंइतीक चिनु बाक्‍त। \em उत्‍पत्ती १९:२४-२५\em* 
\v 7 परमप्रभु यावेमी ठीक पाइब लोत माइश्‍शो मुर कली श्‍येत रे प्रोंइशो बाक्‍त। लोतमी पाप पाइब आन कली तशा, आ थुं शुश मनुशो बाक्‍त।  
\v 8 मारदे हना मेको ठीक पाइबमी नाक्‍त किंत किंत आन ग्रांग्रा दिचा ङा गेय तशा नु नेंशा, आ ठीक मिम्‍तीक थुं शुश खाइश्‍शो बाक्‍त।  
\v 9 परमप्रभु यावेमी चहिं आंम कली टीब मुर आन कली “दोपा थुं थाम्‍चा ङा श्‍येत रे ग्रुंइनुङा” दे तुइक्‍ब। मिनु ठीक मपाइब आन कली सजाइ गेचा कली निसाफ पची नाक्‍त सम्‍म वोइक्‍ब। \em १कोरिन्‍थी १०:१३\em* 
\v 10 मिनु सु सु आन दला दाक्‍स नु ग्रांग्रा दिचा ङा गेय पाइनीमी नु अधिकार गेशो आन कली मटीनीमी, मेकोपुकीमी नेल्‍ल क्‍येङा शुश सजाइ ताइनीम। मोदेंशो जोल पा शेंब काइ महिंब दुम्‍शा, ठेयब लेश्‍शा, थमा सुइक्‍ब आन कली शुक्‍शी पचा महिंनीम।  
\v 11 तन्‍न परमप्रभु यावे आ स्‍वर्ग ङा गेय पाइबपुकी मेको आन क्‍येङा ठेयब नु सक्ति पाइश्‍शो बाक्‍तेक्‍म हना यो, मेको जोल पा शेंब आन कली प्रभु आ ङोंइती दोस मगेनीम।  
\v 12 मेको दूली शेंब ममिम्‍ब ग्‍याइक्‍चा नु साइक्‍चा पुंइसीचा कली जरमेशो बस्‍तु भाव खोदेंशो पा, आन तुइश्‍शो ला पाइनीम। मेकोपुकीम काइ मरुप्‍नीम। तन्‍न शुक्‍शी पाइनीम। मिनु बस्‍तु भाव खोदेंशो पा खतम दुम्‍नीम।  
\v 13 आन मरिम्‍शो पशो आ पर्बम मरिम्‍शो पाइक्‍चा पुंइसीनीम। नाक्‍तीम आन दला दाक्‍स पशा ग्‍येरशा बाक्‍नीमी। गेपुकी नु भोज जशा, मुने दोक्‍चा ङा पा इन ग्रुम्‍तीक खिं मरिम्‍शो लुम्‍सीशो सेल्‍ब बाक्‍नीम।  
\v 14 मेकोपुकीमी मुर आन मीश तशा वाल्‍नीम। पाप पचा गेनायो “मोक्‍ल” मदेंनीम। सक्ति मपाइश्‍शो थमा सुइक्‍ब आन कली लेम्‍शा, आंम दूली लां खोइक्‍पाइक्‍नीमी। मेकोपुकी शीम बाक्‍नीम। मिनु सराप रशो मुर बाक्‍नीम।  
\v 15 ठीक लां प्रोंइशा, हेंथे गाक्‍शा, बेओर आ तौ बालाम माइश्‍शो मुर खोदेंशो दुम्‍तेक्‍म। बालाममी मार पशो बाक्‍त देंशा हना, मरिम्‍शो गेय पतीके रे ताक्‍शो क्‍येट शुश दाक्‍शो बाक्‍त। \em गन्‍ती २२:७-३५\em* 
\v 16 मेकोमी मरिम्‍शो मिम्‍शा पचा चिक्‍तानु, हुइक्‍चा पुंइसे बाक्‍त। दोपा हुइक्‍चा पुंइसे बाक्‍त देंशा हना, मब्‍वाक्‍ब गधामी मुर आ सेंदामी लोव़ पवा बाक्‍त। मिनु परमप्रभु यावे आ लोव़ पाइब कली मेको आ मरिम्‍शो गेय रे तेक्‍गा बाक्‍त।  
\v 17 मेको दूली शेंबपुकी ब्‍वाक्‍कु मयीब धारा नु फशेम बेरपाइश्‍शो गोस्‍स खोदेंशो बाक्‍नीम। मेको नेल्‍ल क्‍येङा छिङछिङ ङा बाक्‍तीकेमी वोइक्‍चा पुंइसीनीम।  
\v 18 मेकोपुकीमी हेंथे लोव़ पा पाप रे प्रोंइचा पुंइसीशो नक थमा सुइक्‍ब दुम्‍शो मुर आन कली आन हेंथे पतीके ग्रांग्रा दिचा ङा गेय पपाइक्‍नीम।  
\v 19 मेकोपुकीमी “गे पाप रे प्रोंइशो मुर बाक्‍नीनी” दे लोव़ पाइनीम। तन्‍न ग्रांग्रा दिचा ङा गेय आन वाइल बाक्‍नीम। मार मारमी मुर आन कली ग्राबा, मेको आन वाइल दुम्‍नीम। \em गलाती ५:१३; १पत्रुस २:१६\em* 
\v 20 मुरपुकी इं प्रभु येसु ख्रीस्‍त कली तुइक्‍तीकेमी रागी रागी ङा मुर आन पाप रे ब्रोंइशो बाक्‍तेक्‍म हना, मेको लेंशा पापमी मुर कली ग्रात हना, मेको पाप आ वाइल दुम्‍नीम। मेको आन कली ङोंइती ङा दुम्‍तीके क्‍येङा नोले शुश मरिम्‍शो दुम वा। \em मत्ती १२:४५\em* 
\v 21 मुरपुकीमी ठीक लां गाक्‍चा तुइश्‍शा यो, मेको ङोंइती रे पाप रे ङोन बाक्‍चा, दे परमप्रभु यावे आ अरेशो लोव़ प्रोंइशा, पापम लेत्‍तेक्‍म हना, मेको तुइक्‍चा क्‍येङा गेनायो मतुइश्‍शो हना रिम्‍शो दुम वा। \em लूका १२:४७-४८\em* 
\v 22 मिनु मुर आन देंतीक लोव़ “कुचुममी आ मेशो लेंशा जाइब।” मिनु “पोव़ कली गिश चिक्‍शा हना यो, लेंशा ग्रांग्रामी ग्रुम्‍दीब” देंशो लोव़ थमा बाक्‍ब। \em हितोपदेस २६:११\em* 
\c 3  
\s1 येसु आ जाक्‍ची नाक्‍त 
\p  
\v 1 आं दाक्‍शो लोक्‍बपुकी, गो इन कली चिठी निक्‍शी ब्रेक्‍ताक्‍ङ। गो एको चिठी निक्‍शीमी इन थुंमी मिम्‍पाइश्‍शा फ्रुक्‍पाइक्‍ता। \em २पत्रुस १:१३\em* 
\v 2 इन कली मार फ्रुक्‍पाइक्‍चा दाक्‍ताक्‍ङ देंशा हना, परमप्रभु यावे आ साइ ङा लोव़ पाइब आन ब्रेक्‍शो लोव़ फ्रुक्‍पाइक्‍चा दाक्‍ताक्‍ङ। पाप रे प्रोंइब प्रभु आ अरेशो लोव़ इन कली मिम्‍पाइक्‍चा दाक्‍ताक्‍ङ। इन शेंबपुकीमी इन कली शेंताक्‍मे।  
\v 3 नोले ङा नाक्‍त शुक्‍शी पाइबपुकी जाक्‍नीमी, दे तुइक्‍चा माल्‍नीनी। मेकोपुकीमी शुक्‍शी पा, आंम दला दाक्‍स पाइनीम। \em १तिमोथी ४:१; यहूदा:१८\em* 
\v 4 मेकोपुकीमी “लेंशा जाक्‍नुङ देंब, ते जाक्‍मे? इं किकी पिपी बेक्‍शो बाक्‍तेक्‍म। रागी सेल्‍चा रे ओदेंशो बाक्‍त” देंनीमी। \em यसैया ५:१९; इजीकीएल १२:२२; मत्ती २४:२८\em* 
\v 5 मेको शुक्‍शी पाइबपुकीमी “ङोंइती परमप्रभु यावेमी लोव़ पशा, सरीङ कली मसेल। रागी नु ब्‍वाक्‍कु यो मफ्रादीम्‍सी” दे शेंनीम। \em मत्ती २४:३८; उत्‍पत्ती १:२,६,९; भजन संग्रह २४:२\em* 
\v 6 मेना रागी नु मुर नेल्‍ल आन कली ब्‍वाक्‍कुमी ख्रुम्‍शा सदा बाक्‍त। \em २पत्रुस २:५; उत्‍पत्ती ७:२१\em* 
\v 7 मुल सम्‍म बाक्‍ब सरीङ नु रागी कली “बाक्‍ल” दे परमप्रभु यावेमी खाल का ङा लोव़ पशा, वोदा बाक्‍त। परमप्रभु यावेमी रागी नु मटीब मुर नेल्‍ल आन कली मीम क्रोइक्‍चा, दे निसाफ पची नाक्‍त सम्‍म कली वोइश्‍शो बाक्‍त। 
\p  
\v 8 मिनु आं दाक्‍शो लोक्‍बपुकी, प्रभु कली नाक्‍त का हजार का बर्स खोदेंशो बाक्‍ब। मिनु हजार का बर्स नाक्‍त का खोदेंशो बाक्‍ब। \em भजन संग्रह ९०:४\em* 
\v 9 प्रभुम आ देंशो लोव़ ठीक पा पाइब। तन्‍न का निक्‍शी मुरपुकीमी “प्रभुम आ देंशो मपाइब। नोले ला जाक्‍ब” देंनीम। तन्‍न प्रभुमी “सुइ जाम्‍शा मलमल। आं गे लेम्‍मल” दे रिम्‍ब। \em हबकुक २:३; १तिमोथी २:४\em* 
\v 10 प्रभु जाक्‍मेनु, खुइ जाक्‍शो खोदेंशो पा जाक्‍ब। मेना सरीङ ठेयब रेयके पा जाम्‍ब। मारेइ मारेइ ग्रोइश्‍शा नुप्‍नीम। रागी नु रागीम बाक्‍शो मारेइ मारेइ मीम खतम दुम्‍नीम। \em १थिस्‍सलोनिकी ५:२-३; मत्ती २४:२९; प्रकाश २०:११; यसैया २४:१९\em* 
\p  
\v 11 मोदेंशो दुम्‍मेनु, नेल्‍ल मीम ग्रोइश्‍शा, मारेइ मलीब। मोपतीके गेपुकी परमप्रभु यावे कली थमा सुइश्‍शा, आ देंशो लोव़ टिशा, पाप रे ङोन बाक्‍शा, परमप्रभु आ नेक्‍था बाक्‍चा माल्‍नीनी।  
\v 12 गेपुकी परमप्रभु यावे आ नाक्‍त जाक्‍ब, दे रिम्‍शा नु गेना दुम्‍बा, दे मिम्‍स ङा मिम्‍स बाक्‍चा माल्‍नीनी। मारदे हना मेना सरीङ नेल्‍ल मीम ग्रोइश्‍शा नुप्‍ब। मार मार बाक्‍मे, मेको नेल्‍ल मीम ग्रोइश्‍शा नुप्‍नीम।  
\v 13 तन्‍न आ ङोंइती देंशो “नक सरीङ नु नक रागी सेल्‍नुङ। मेकेर नेल्‍ल रिम्‍शो नु ठीक ला पाइनीम” देंशो लोव़ रिम्‍नय। \em यसैया ६५:१७; प्रकाश २१:१; प्रकाश २१:२७\em* 
\p  
\v 14 आं दाक्‍शो लोक्‍बपुकी, मोदेंशो रिम्‍शा, गल्‍ती मपाइब नु दोस मताइब दुम्‍चा कली शुश गेय पने। परमप्रभु यावेमी इन कली मोदेंशो पशो नु थुं नाइश्‍शा बाक्‍शो ग्रुम्‍चा दाक्‍ब। \em १कोरिन्‍थी १:७-८\em* 
\v 15 प्रभु आ रिम्‍ना रिम्‍न बाक्‍तीके मुर आन कली पाप रे प्रोंइचा बाक्‍ब, दे मिम्‍तीन। इं दाक्‍शो लोक्‍ब पावलमी आं खोदेंशो पा, इन कली आ तशो तुइक्‍तीकेमी चिठी ब्रेक्‍ताक्‍व। \em रोमी २:४\em* 
\v 16 मेको आ पर्बम आ चिठी नेल्‍लेमी लोव़ पाइब। पावल आ ब्रेक्‍शो लोव़ का निक्‍शी रुप्‍चा कली श्‍येत बाक्‍ब। मजोक्‍ब नु थमा मसुइक्‍ब मुरपुकीमी मेको दूली शेंनीम। परमप्रभु यावे आ ब्रेक्‍पाइश्‍शो अरु लोव़ यो दूली शेंनीम। मोपा आंमा जाम्‍शा लाइब दुम्‍नीम। 
\s1 नोले ङा लोव़ 
\p  
\v 17 मोपतीके आं दाक्‍शो लोक्‍बपुकी, गे मेको ङोंइती रे तुइश्‍शा, होस पा बाक्‍कीन। मोपा मबाक्‍तीनी हना, गेपुकी दूली शेंब आन दूली शेंतीके खोइश्‍शा, इन थमा सुइक्‍तीके साम्‍नीनी।  
\v 18 तन्‍न इं प्रभु, इं कली पाप रे प्रोंइब येसु ख्रीस्‍त आ शिशी नु मेको कली तुइक्‍तीकेम बारना बारन लल। मेको कली मुल नु गेना हना यो ठेयब सेल्‍य। आमेन।