\id 2CO  
\h २ कोरिन्‍थी 
\toc1 २ कोरिन्‍थी 
\toc2 २ कोरिन्‍थी 
\toc3 २कोरिन्‍थी 
\mt1 २ कोरिन्‍थी 
\ip \bd ब्रेक्‍ब मुर: \bd* एको चिठी ब्रेक्‍ब आ नें चिठी आ ङोंइती “पावल नङ” देंत। 
\ip \bd गेना ब्रेक्‍शो: \bd* पावल मासीडोनीया रागीम बाक्‍शा, ५७ ए. डी. नोले ङा महिना मेर ब्रेक्‍शो बाक्‍त। 
\ip \bd मार ब्रेक्‍शो:\bd* 
\io1 १. पावल थमा सुइक्‍ब आन दातेमी रिम्‍शो दुम्‍त, दे शुश ग्‍येरसीशो लोव़। \em २कोरिन्‍थी १:१२-२:४\em* 
\io1 २. थमा सुइक्‍बपुकी हाइश्‍शो दुम्‍चा माल्‍नीम। \em २कोरिन्‍थी ८:१- ९:-१५\em* 
\io1 ३. पावल नु यहूदी आन पतीके। \em २कोरिन्‍थी १०:१-१२:१८ \em* 
\c 1  
\s1 ङोंइती ङा लोव़ 
\p  
\v 1 परमप्रभु यावे आ दाक्‍शो पा ख्रीस्‍त येसु आ सोइश्‍शो गो पावल नङ। इं लोक्‍ब तिमोथी नु गोमी कोरिन्‍थ सहर ङा परमप्रभु यावे कली थमा सुइश्‍शा ग्रुम्‍ब इन कली नु आकाया रागीम बाक्‍ब थमा सुइक्‍ब नेल्‍ल आन कली एको चिठी ब्रेक्‍शा सोइक्‍ताक्‍स्‍कु। \em १कोरिन्‍थी १:१\em* 
\v 2 इं आफ परमप्रभु यावे नु प्रभु येसु ख्रीस्‍तमी इन कली शिशी पा इन थुं नाइश्‍शा बाक्‍चा गेम्‍सेक्‍ल। 
\s1 परमप्रभु कली ठेयब सेल्‍शो 
\p  
\v 3 इं प्रभु येसु ख्रीस्‍त आ आफ परमप्रभु यावे कली “गे रिम्‍शो पाइब ननी” देंशा ठेयब सेल्‍नीकी। मारदे हना मेको शिशी पाइब आफ, थुं नाइक्‍पाइक्‍ब नु थुं बारपाइक्‍ब परमप्रभु यावे बाक्‍ब, दे तुइक्‍नीकी। \em रोमी १५:५\em* 
\v 4 गो शुश श्‍येत जकानु, परमप्रभु यावेमी आंइ थुं नाइक्‍पाइश्‍शा बारपाइक्‍ब। मिनु आंइ थुं नांइ‍सीशा, गोपुकीमी यो श्‍येत जाइब आन कली आन थुं नाइक्‍पाइश्‍शा, बारपाइक्‍ने चाप्‍नीकी।  
\v 5 ख्रीस्‍त आ नेंमी गिश श्‍येत जाइनीकी, मिश ख्रीस्‍त आ नेंमी थुं नाइक्‍पाइक्‍चा पुंइसीनीकी। \em भजन संग्रह ३४:२०; रोमी ८:१७; भजन संग्रह ९४:१९\em* 
\v 6 आंइ श्‍येत जशोमी इन थुं नाइक्‍पाइक्‍ब। मिनु रिम्‍शो दुम्‍ब। गो आंइ थुं नाइक्‍पाइक्‍चा पुंइसीशोमी गे इन थुं नाइक्‍पाइक्‍चा पुंइसाक्‍नी। गे आंइ खोदेंशो दुम्‍शा, श्‍येत फाल्‍शा बाक्‍तीनी हना, गे आंइ खोदेंशो पा थुं नाइक्‍पाइक्‍चा पुंइसीनीनी। \em २कोरिन्‍थी ४:८-११,१५\em* 
\v 7 आंइ जशो श्‍येत गे यो जाइनीनी। मिनु आंइ खोदेंशो पा थुं नाइक्‍पाइक्‍चा पुंइसीनीनी। आंइ खोदेंशो पा, थुं नाइक्‍पाइक्‍चा पुंइसीनीनी, दे तुइश्‍शा, आस पचा मप्रोंइथु बाक्‍नीकी। 
\p  
\v 8 आंइ दाक्‍शो लोक्‍बपुकी, एसीया रागीमी बाक्‍कानु, शुश श्‍येत जाइतक। श्‍येत जचा आ पर्बम लोव़ मख्रुइक्‍थु, तुइक्‍पाइक्‍नन्‍नी। आंइ जशो श्‍येत मार बाक्‍ब देंशा हना, बेक्‍चा ङा सम्‍म दुम्‍शो नकी। \em प्रेरित १९:२३-४०; १कोरिन्‍थी १५:३२\em* 
\v 9 साइक्‍चा पुंइसीशो खोदेंशो दुम्‍तक। मो दुम्‍तक हना यो “परमप्रभु यावेम बेक्‍शो मुर आन कली सेंब। मोपतीके मेको कली थमा सुइय्‍य। मेको क्‍येङा लाक्‍शा सुइमी इं कली प्रोंइने मचाप्‍नीम” दे मिम्‍शा बाक्‍तक।  
\v 10 मिनु परमप्रभु यावेमी मोदेंशो बेक्‍चा ङा दुम्‍शो रे प्रोंइतीकी। मिनु मुल नोले यो आंइ कली श्‍येत रे प्रोंइब, दे तुइक्‍नीकी।  
\v 11 मोपतीके परमप्रभु कली “श्‍येत रे प्रोंइयीकी” दे पुंइना पुंइन बाक्‍नीकी। मिनु गेपुकीमी यो “पावल नु आ वारच आन कली श्‍येत रे प्रोनीन” दे पुनीने। नोले आंइ कली श्‍येत रे प्रोंइशो तशा, शुश मुरुमी “गे रिम्‍शो पाइब ननी, आंइ पुंइशो गेतीकी, रिम्‍शो पाइतीनी” दे परमप्रभु कली ठेयब सेल्‍नीम, दे तुइक्‍नीकी। \em फिलिप्‍पी १:१९\em* 
\s1 रिम्‍शो पाइतक, दे लोव़ थोक्‍शो 
\p  
\v 12 गो आंइ नें बोरपा बाक्‍नीकी। मारदे हना परमप्रभु यावेमी सक्ति गेतीकी। मिनु मेको आन मुर दुम्‍शा, मुर नेल्‍ल आन कुल, इन कुल यो रिम्‍शो थुं रे पा गेय कोंइताक्‍क। आंम आंइ रागी ङा जोक्‍तीक तुइक्‍तीक रे ममाइ। तन्‍न परमप्रभु यावे आ शिशीम पतीके बाक्‍ब। \em २कोरिन्‍थी २:१७; हिब्रू १३:१८; १कोरिन्‍थी १:१७\em* 
\v 13 मिनु गो इन कली नेल्‍ल रुप्‍चा ङा नु पढेचा ङा लोव़ ब्रेक्‍नीकी। मुल गे नेल्‍ल रुप्‍तीनी, दे गो आस पाइनुङ।  
\v 14 गे दोपा आंइ पर्बम इन नें बोरपाइक्‍ने चाप्‍नीनी, मोपान इं प्रभु येसु आ नाक्‍ती जाक्‍मेनु, गोपुकीमी इन कली तशा, आंइ नें बोरपाइक्‍ने चाप्‍नीकी। \em २कोरिन्‍थी ५:१२; फिलिप्‍पी २:१६\em* 
\p  
\v 15 मारदे हना गो मेको नेल्‍ल तुइक्‍ताक्‍ङ। गे शुश ग्‍येरसीशा बाक्‍कीन, दे ङोंइती इन बाक्‍तीके जाक्‍चा मिम्‍ताक्‍ङ।  
\v 16 गो मासीडोनीया लङानु, इन कली ग्रुम्‍नुङ। मिनु मासीडोनीया रे लेङङानु, इन बाक्‍तीके जाक्‍नुङ। मिनु गेपुकीमी आं कली यहूदीया रागी सम्‍म चोक्‍नीनी, दे आस पाता। \em १कोरिन्‍थी १६:५-६\em* 
\v 17 मोदेंशो आस पा, मरिम्‍शो पङा ङा? मार, मोदेंशो मिम्‍शा, रागी ङा मुर खोदेंशो पङा ङा? मार मेको आन खोदेंशो काइले ना दुम्‍बा, काइले ना मदुम्‍बा देंन ङा?  
\v 18 परमप्रभु यावेमी आ देंशो खाप्‍ब, दे नेल्‍लेम तुइक्‍नीम। गोपुकीमी इन कली देंशो लोव़ थमान बाक्‍ब। दुम्‍बा कों, मदुम्‍बा कों, मार तुइक्‍चा देंशो लोव़ दुम्‍सीन मदुम्‍ब।  
\v 19 सिल्‍वानस, तिमोथी नु गो सांफामी इन कली परमप्रभु यावेमी आ तौ येसु ख्रीस्‍त आ लोव़ नेंपाइक्‍तक। मेको लोव़ थमा दुम्‍बा कों मदुम्‍बा, मार तुइक्‍चा देंशो लोव़ ममाइ। येसु ख्रीस्‍त थमा बाक्‍ब। \em प्रेरित १८:५\em* 
\v 20 परमप्रभु यावे आ गेशो लोव़ नेल्‍ल येसु ख्रीस्‍तमी खाप्‍तु। मोपतीके गो मेको आ नेंमी आमेन देंनीकी। मिनु परमप्रभु यावे कली “ठेयब बाक्‍नीनी” दे ठेयब सेल्‍नीकी। \em प्रकाश ३:१४\em* 
\v 21 परमप्रभु यावेमी आंइ कली नु इन कली ख्रीस्‍तमी काथा वोइश्‍शा, आ मुर दुम्‍पाइक्‍तु, आ गेय पाइब सेल्‍तु। \em १यूहन्‍ना २:२७\em* 
\v 22 मेकोमी इं कली छाप थोक्‍ताक्‍व। मिनु आ सोक्‍त इं थुंमी वोइक्‍तु। मेको सोक्‍त बैना खोदेंशो पा गेप्‍तु। \em एफिसी १:१३; २कोरिन्‍थी ५:५; रोमी ८:१६\em* 
\p  
\v 23 परमप्रभु यावे कली सांकछी वोइश्‍शा, इन कली थमा पा देंनुङ, गो इन कली हुइक्‍चा कली कोरिन्‍थ मजाक्‍ङ।  
\v 24 गो इन थमा सुइक्‍तीके कली हुकुम मपाइ‍नीकी। इन ग्‍येरसीचा ङा पा, गे नु गेय पाइनीकी। मारदे हना इन थमा सुइक्‍तीके बोल्‍यो बाक्‍ब। \em २कोरिन्‍थी ४:५; १पत्रुस ५:३\em* 
\c 2  
\p  
\v 1 गो इन कली लेंशा श्‍येत गेचा कली कोरिन्‍थ मपीनुङ, दे मिम्‍ताक्‍ङ।  
\v 2 मारदे हना गो इन कली श्‍येत गेता हना, आं श्‍येत गेशो मुर आन क्‍येङा लाक्‍शा, सुमी आं कली ग्‍येरपाइक्‍ने चाप्‍बा ङा?  
\v 3 गो ङोंइती मार मिम्‍शा ब्रेक्‍ताक्‍ङ देंशा हना, गो जाक्‍ङानु, सु मुरपुकीमी आं कली ग्‍येरपाइक्‍चा माल्‍नीमी, मेको रे पा आं थुं मखाइक्‍ल, दे ब्रेक्‍ताक्‍ङ। मारदे हना गो ग्‍येरसीङानु, गे नेल्‍ल ग्‍येरसीनीनी, दे थमा सुइक्‍नुङ।  
\v 4 एको चिठी ब्रेक्‍तुनु, आं थुं खाइश्‍शा “दोपा अर्ती गेङमी? हुइश्‍शा रिम्‍शो दुम्‍नीमी कों? दोपा रिम्‍शो दुम्‍नीमी?” दे इन कली शुश मिम्‍शा, ङाक्‍थ्री दुम्‍ती। इन थुं खाइक्‍पाइक्‍चा कली ममाइ, इन कली दाक्‍तीके मोदेंशो दुम्‍त, दे मिम्‍तीन। 
\s1 माफ पुंइब आन कली माफ गेचा 
\p  
\v 5 इन वारच कामी इन थुं खाइक्‍पदा बाक्‍त, दे रुप्‍ता। आं थुं खाइक्‍पाइश्‍शो क्‍येङा नेल्‍ल इन थुं खाइक्‍पाइक्‍तु।  
\v 6 मेको कली गे नेल्‍ल इन मिम्‍शा गेशो सजाइ ठीक बाक्‍ब।  
\v 7 मुल ङा मेरे माफ गेने। आ थुं नाइक्‍पाइश्‍शा बारपतीन। मोदेंशो मपाइतीनी हना, आ मरिम्‍शो पशो मिम्‍शा, आ कांइचीक बाक्‍शा, बेक्‍शो खोदेंशो दुम्‍ब।  
\v 8 मोपतीके मेको कली ब्रशा, दाक्‍तीन, दे इन कली पुंइनुङ।  
\v 9 गे टीनीनी देय मटीनीनी, दे गो इन कली ङोंइती ङा चिठी सोइश्‍शो नङ।  
\v 10 गेपुकीमी सु सु आन कली माफ गेनी, गो यो मेको आन कली माफ गेता। माफ गेङानु, इन पर्बम ख्रीस्‍त आ ङोंइती गेता। \em यूहन्‍ना २०:२३\em* 
\v 11 सैतानमी इं कली खतम सेल्‍चा मतवल। मारदे हना मेको आ मिम्‍शो गो नेल्‍ल तुइक्‍नय। \em लूका २२:३१; १पत्रुस ५:८\em* 
\s1 ख्रीस्‍त आ लोव़मी ग्राना ग्रान लशो 
\p  
\v 12 गो त्रोआस सहरमी ख्रीस्‍त आ ग्‍येरपाइक्‍तीक लोव़ शेंथ जाक्‍ङानु, प्रभुमी आं कली नक लाप्‍चो का रोक्‍शा गेती। \em प्रेरित १४:२७; १कोरिन्‍थी १६:९\em* 
\v 13 तन्‍न आं दाक्‍शो लोक्‍ब तीतस कली मग्रुम्‍थु, आं थुं मनाइक्‍स। मोपतीके मेको आन कली प्रोंइ‍शा, मासीडोनीया लती। \em २कोरिन्‍थी ७:६; प्रेरित २०:१\em* 
\p  
\v 14 तन्‍न परमप्रभु यावे कली “गे रिम्‍शो पाइब बाक्‍ननी” दे ठेयब सेल्‍नीकी। मारदे हना ख्रीस्‍त आ नेंमी ग्राना ग्रान लाइनीकी। मोपा शेंना शेंन हिरशा गाक्‍कानु, ब्रोव़शो रिना पाइश्‍शो खोदेंशो पा नेल्‍लेमी ख्रीस्‍त कली तुइक्‍नीमी।  
\v 15 मारदे हना गो पाप रे ब्रोंइशा बाक्‍ब नु जाम्‍शा लाइब आन दातेमी गो परमप्रभु यावे आ ङोंइती ख्रीस्‍त आ ब्रोव़शो नाम्‍सीशो बाक्‍नीकी। \em १कोरिन्‍थी १:१८\em* 
\v 16 गो जाम्‍शा लाइब आन कली बेक्‍चा ङा रिना नु पाप रे ब्रोंइशा बाक्‍ब आन कली ब्रोंइचा ङा रिना बाक्‍नीकी। मोदेंशो लोव़ शेंचा कली सुम जिम्‍मा ब्रने चाप्‍नीमी? \em लूका २:३४; २कोरिन्‍थी ३:५\em* 
\v 17 तन्‍न गो परमप्रभु यावे आ लोव़ ग्‍याप्‍ब लेयब खोदेंशो पा मलेयनीकी। गो ठीक पाइब मुर बाक्‍नीकी। गो परमप्रभु यावे आ सोइश्‍शो, परमप्रभु यावे आ ङोंइती ख्रीस्‍त आ नेंमी शेंनीकी। \em २कोरिन्‍थी १:१२; २कोरिन्‍थी ४:२; १पत्रुस ४:११\em* 
\c 3  
\s1 नक कबल ङा गेय 
\p  
\v 1 गो मेकोपुकीमी लोव़ पशो खोदेंब पा ठेयब सेल्‍सीनीकी ङा? मेकोपुकीमी सिफारीस कागज ग्रुंइनीमी। मिनु गोपुकी यो मोदेंशो कागज कुरशा, शेंना शेंन गाक्‍चा माल्‍नीकी ङा? \em २कोरिन्‍थी ५:१२\em* 
\v 2 मोदेंशो आंइ कागज चहिं गेपुकी दुम्‍तीनी। गे आंइ थुंमी ब्रेक्‍शो बाक्‍नीनी। मिनु मुर नेल्‍लेमी इन पर्बम तुइक्‍ने चाप्‍नीम। \em १कोरिन्‍थी ९:२\em* 
\v 3 गे ख्रीस्‍तमी ब्रेक्‍शो चिठी दुम्‍तीनी। कागज मसीमी ब्रेक्‍शो ममाइ। फुल्‍लु मुशा ब्रेक्‍शो यो ममाइ। ब्रोंइचा गेब परमप्रभु यावे आ सोक्‍तीमी इन थुंमी ब्रेक्‍शो बाक्‍ब। \em प्रस्‍थान २४:१२\em* 
\p  
\v 4 ख्रीस्‍त आ नेंमी परमप्रभु यावे कली थमा सुइक्‍नीकी।  
\v 5 गो शेंदकानु, आंम जोक्‍तीक तुइक्‍तीक मकोंइनीकी। आंइ लोव़ शेंतीके परमप्रभु यावेमी पपाइश्‍शो बाक्‍ब, दे तुइक्‍नीकी। \em २कोरिन्‍थी २:१६\em* 
\v 6 मेकोमी आंइ कली जोक्‍ब तुइक्‍ब सेल्‍शा, आ नक कबल ङा लोव़ शेंथ सोइक्‍ताक्‍की। ब्रेक्‍शा ममाइ, तन्‍न आ सोक्‍तीमी गेप्‍तु। ब्रेक्‍शोमी साइक्‍ब, तन्‍न आ सोक्‍तीमी ब्रोंइचा गेब। \em येरमीया ३१:३१; १कोरिन्‍थी ११:२५; रोमी ७:६; यूहन्‍ना ६:६३\em* 
\s1 नक कबल ठेयब बाक्‍ब 
\p  
\v 7 बेक्‍तीक चाक्‍ब कबल फुल्‍लुमी मुशा, ब्रेक्‍शो बाक्‍माक्‍त। मेको आ छेङछेङ थम ठेयब बाक्‍त। मेकोम पतीके इस्राएलीपुकीम मोसा आ कुल कोव़ने मचाबेम। तन्‍न नोले मेको छेङछेङ ग्‍युम्‍ना ग्‍युम्‍न लत। \em प्रस्‍थान ३४:२९-३५\em* 
\v 8 परमप्रभु यावे आ सोक्‍त आ कबल मेको क्‍येङा छेङछेङ मदुम्‍बा ङा? \em गलाती ३:२,५\em* 
\v 9 मारदे हना बेक्‍तीक कबल छेङछेङ बाक्‍त हना, ठीक पतीके आ कबल मेको क्‍येङा शुश छेङछेङ दुम्‍चा माल्‍ब। \em रोमी १:१७; रोमी ३:२१\em* 
\v 10 मेको ङोंइती छेङछेङ पाइश्‍शो बाक्‍त। मुल आ छेङछेङ नेल्‍ल जाम्‍शा लत। मारदे हना मुल मेको क्‍येङा शुश छेङछेङ पाइश्‍शो जाक्‍त।  
\v 11 ङोंइती ङा जाम्‍शा लाइब कबल छेङछेङ पाइश्‍शो बाक्‍ब। मुल लीशो कबल आ छेङछेङ गिश ठेयब बाक्‍म माइ? 
\p  
\v 12 मोदेंशो आस पतीके गो काइ महिंब दुम्‍शो बाक्‍नीकी।  
\v 13 साइ मोसामी पशो खोदेंशो मपाइनीकी। मोसामी इस्राएलीपुकीमी आ कुल ङा छेङछेङ ग्‍युम्‍ना ग्‍युम्‍न लशो मतामेक्‍ल, दे आ कुल वामी गिल्‍से बाक्‍त।  
\v 14 मोसामी इस्राएली आन कली परमप्रभु यावे आ देंशो लोव़ शेंदीमी बाक्‍त। मेकोपुकी चहिं मारेइ मरुप्‍ब दुम्‍मा बाक्‍त। मुल यो मरुप्‍ब बाक्‍नीम। साइ ङा लोव़ नेंपदमेनु, मेको आन थुं वाम गिल्‍शो खोदेंब दुम्‍शा, लोव़ मरुप्‍नीम। ख्रीस्‍तमी ला मेको आन थुंमी गिल्‍शो वा प्राक्‍शा रुप्‍ब सेल्‍ने चाप्‍ब। \em प्रेरित २८:२७; रोमी ११:२५\em* 
\v 15 मुल यो मोसाम ब्रेक्‍शो लोव़ नेन्‍मेनु, आन थुं गिल्‍सीशो बाक्‍ब।  
\v 16 तन्‍न सुमी आ थुं प्रभु गे हिरबा, मेको आ थुंमी गिल्‍शो वा हुक्‍सी‍शा, रुप्‍ब दुम्‍ब। \em रोमी ११:२३,२६; प्रस्‍थान ३४:३४\em* 
\v 17 मारदे हना प्रभु सोक्‍त बाक्‍ब। प्रभु आ सोक्‍ती ते बाक्‍बा, मेकेर पाप आ सजाइ रे ब्रोंइतीके बाक्‍ब।  
\v 18 गो नेल्‍ल इं थुं गिल्‍शो वा हुक्‍शा, प्रभु आ छेङछेङ कोंइशा, प्रभु आ छेङछेङ पाइश्‍शो खोदेंशो दुम्‍शा फाइक्‍चा पुंइसाक्‍य। मेको फाइक्‍तीके बारना बारन लशा, इं कली छेङछेङ का रे अर्को छेङछेङम फाइक्‍ब। मेको नेल्‍ल प्रभु रे जाक्‍ब। मेको सोक्‍त बाक्‍ब। \em २कोरिन्‍थी ४:६\em* 
\c 4  
\s1 ख्रीस्‍त आ वाइल दुम्‍शा, शेंशा गाक्‍‍शो 
\p  
\v 1 गोपुकी नु परमप्रभु यावे आ शिशी बाक्‍तीके मेको शेंब दुम्‍तक। मोपतीके गेनायो आइक्‍च थुं पाइश्‍शो मदुम्‍नीकी। \em २कोरिन्‍थी ३:६; १कोरिन्‍थी ७:२५\em* 
\v 2 गोपुकीमी मुने दोक्‍तीक ख्रुइश्‍शा पतीक गेय प्रोंइशो बाक्‍नीक। मरिम्‍शो पा परमप्रभु यावे आ लोव़ फाइक्‍चा रे ङोन बाक्‍नीकी। तन्‍न परमप्रभु यावे आ लोव़ तुइक्‍पाइक्‍तीकेमी मुर नेल्‍ल नु परमप्रभु यावे आ ङोंइती ब्रचा ङा बाक्‍नीकी। \em २कोरिन्‍थी २:१७; १थिस्‍सलोनिकी २:५\em* 
\v 3 आंइ शेंशो ग्‍येरपाइक्‍तीक लोव़ वाम गिल्‍सीशो बाक्‍त हना यो, जाम्‍शा लाइब मुर कली ला मोपा गिल्सीशो बाक्‍ब। \em १कोरिन्‍थी १:१८\em* 
\v 4 मेको आन थुं दोपा मोदेंशो दुम्‍त देंशा हना, रागी कली हुकुम पाइब सैतानमी मेको आन कली मिक्‍च मताइब खोदेंशो पा मरुप्‍ब सेल्‍शो बाक्‍त। मोपा ख्रीस्‍त आ ग्‍येरपाइक्‍ब लोव़ आ छेङछेङ तने मचाप्‍नीम। ख्रीस्‍त परमप्रभु यावे आ कोंइतीके बाक्‍ब। \em हिब्रू १:३\em* 
\v 5 गो आंम पर्बम मशेंनीकी। तन्‍न येसु ख्रीस्‍त प्रभु बाक्‍ब, दे शेंनीकी। मिनु येसु आ पतीके गो इन गेय पाइब दुम्‍तक।  
\v 6 परमप्रभु यावेमी “छिङछिङ जाम्‍शा, छेङछेङ दुम्‍ल” देंमाक्‍त। मेकोमी आंइ थुंमी छेङछेङ ब्रपाइश्‍शो बाक्‍त। गो परमप्रभु यावे आ छेङछेङ ख्रीस्‍त रे पा रुप्‍नीकी। \em उत्‍पत्ती १:३; २कोरिन्‍थी ३:१८\em* 
\s1 खप के गरम शोंप कुरशो 
\p  
\v 7 मेको ठेयब सक्ति परमप्रभु यावे के बाक्‍ब, दे कोंइचा कली मेको छेङछेङ खप के गर गो आंइ रां आगाम बाक्‍ब। \em १कोरिन्‍थी ४:११-१३; २कोरिन्‍थी ११:२३-२७\em* 
\v 8 गो शुश श्‍येत जाइतक हना यो, खतम मदुम्‍क। मारेइ पने मचाप्‍ब दुम्‍तक हना यो, आइक्‍च थुं पाइश्‍शो मदुम्‍क।  
\v 9 गो खेदा पचा पुंइसाक्‍क हना यो, आंइ कली कोव़ब बाक्‍ब। खोल्‍चा पुंइसाक्‍क हना यो, मनुप्‍क।  
\v 10 येसु आ लोव़ शेंना शेंन गाक्‍कानु, येसु बेक्‍चा ङा श्‍येत जशो खोदेंशो पा, गो यो बेक्‍चा ङा श्‍येत जाइनीकी। तन्‍न येसु बेक्‍शो रे सेंचा पुंइसीशो खोदेंशो पा, सक्ति पाइश्‍शो दुम्‍नीकी। \em १कोरिन्‍थी १५:३१; गलाती ६:१७\em* 
\v 11 ब्रोंइतक हना यो, येसु आ पर्बम बेक्‍चा ङा बाक्‍नीकी। मोपा आंइ बेक्‍चा ङा रांमी येसु आ ब्रोंइतीक सक्ति बाक्‍ब। \em रोमी ८:३६; फिलिप्‍पी ३:२१\em* 
\v 12 आंइ रांमी बेक्‍चा ङा श्‍येत जशा, इन कली ख्रीस्‍त आ लोव़ शेंताक्‍क। आंइ गेय रे पा गे ब्रोंइचा ताइतीनी। 
\p  
\v 13 साइ ङा लोव़ ब्रेक्‍ब कामी “गो थमा सुइक्‍नुङ। मोपतीके आं थमा सुइश्‍शो नेंपाइक्‍नुङमी” दे ब्रेक्‍शो बाक्‍ब। मोदेंशो ब्रेक्‍ब थमा सुइक्‍तीक सोक्‍त का दुम्‍शा, गो यो थमा सुइक्‍नीकी। मिनु आंइ थमा सुइश्‍शो मुर आन कली नेंपाइक्‍नीकी। \em भजन संग्रह ११६:१०\em* 
\v 14 मार लोव़ थमा सुइश्‍शा, नेंपाइक्‍नीकी देंशा हना “प्रभु येसु कली बेक्‍शो रे सेंबमी आंइ कली यो येसु नु सेंब” दे लोव़ बाक्‍ब। मिनु मेकोमी गे, गो नेल्‍ल इं कली आ ङोंइती बाक्‍चा गेब। \em १कोरिन्‍थी ६:१४\em* 
\v 15 मारदे हना मेको नेल्‍ल इन पर्बम बाक्‍ब। परमप्रभु यावे आ शिशी शुश मुरुम नेंतेक्‍म हना, मेको क्‍येङा शुश मुरुम मेको कली ठेयब सेल्‍नीम। \em २कोरिन्‍थी १:६,११\em* 
\p  
\v 16 ठेयब थुं पा शेंना शेंन गाक्‍नीकी। आंइ रां बेक्‍चशो तांइसाक्‍व हना यो, आंइ थुं चहिं बारना बारन लशो बाक्‍ब। \em एफिसी ३:१६\em* 
\v 17 मारदे हना मुल जशो श्‍येत इच्‍का ला बाक्‍ब। नोले मेकोमी इं कली मरुप्‍चा ङा ठेयब छेङछेङमी बाक्‍चा गेब। \em रोमी ८:१७-१८; १पत्रुस १:६\em* 
\v 18 मारदे हना गो मिक्‍चीमी तशो थोव़क ममाइ। तन्‍न मिक्‍चीम मतशो थोव़क ला कोव़नीकी। तशो थोव़क जाम्‍शा लाइनीम। मतशो थोव़क चहिं मजाम्‍थु, गेना हना यो लीनीम। \em हिब्रू ११:१\em* 
\c 5  
\s1 प्रभु नु काथा बाक्‍चा दाक्‍शो 
\p  
\v 1 इं रां, रागी ङा ताम्‍बु खोदेंशो बाक्‍ब। मेको जाम्‍शा लाइब बाक्‍त। मेको जाम्‍शा लत हना यो, परमप्रभु यावेमी इं कली नक बाक्‍तीके गेब। मेको खिं गुइम सेल्‍शो मबाक्‍ब। मेको गेना हना यो लीब स्‍वर्ग ङा खिं बाक्‍ब। \em २पत्रुस १:१४\em* 
\v 2 गो एकेर बाक्‍शा, रोंका पाइनीकी, आंइ स्‍वर्ग ङा खिंम बाक्‍चा दाक्‍नीकी।  
\v 3 मेको नक बाक्‍तीके ओव़चा चहिं माइत वा प्रुइश्‍शा, नक वा फेक्‍शो खोदेंशो बाक्‍ब। मोपा शिश्रा मदुम्‍नीकी।  
\v 4 मुल सम्‍म रागी ङा रांम बाक्‍नीकी, सुर्ता पना पन बाक्‍नीकी। शिश्रा दुम्‍चा कली ममाइ। तन्‍न नक फेक्‍शो खोदेंशो पा, आंइ जाम्‍शा लाइब रां गेना हना यो ब्रोंइशा बाक्‍ब स्‍वर्ग ङा रां दुम्‍ल। \em १कोरिन्‍थी १५:५१-५३\em* 
\v 5 मोदेंशो दुम्‍चा कली परमप्रभु यावेमी आंइ कली ठीक पा वोइश्‍शो बाक्‍त। मेकोमी आंइ कली आ सोक्‍त बैना खोदेंशो पा गेप्‍तु। \em २कोरिन्‍थी १:२२; रोमी ८:१६,२३; एफिसी १:१३-१४ \em* 
\v 6 मोदेंशो दुम्‍मेनु, ठेयब थुं पाइश्‍शो दुम्‍शा बाक्‍नय। रांमी बाक्‍यानु, प्रभु रे ङोन बाक्‍नीकी। \em हिब्रू ११:१३\em* 
\v 7 मारदे हना गो थमा सुइक्‍तीकेमी गाक्‍नीकी। ततीकेमी मगाक्‍नीकी।  
\v 8 गो ठेयब थुं पाइश्‍शो बाक्‍नीकी। गो रां रे ङोन दुम्‍शा, प्रभु नु बाक्‍चा दाक्‍नीकी। \em फिलिप्‍पी १:२३\em* 
\v 9 मोपतीके गो रांम बाक्‍शा हना यो, मबाक्‍शा हना यो, प्रभु कली ग्‍येरपाइक्‍चा दाक्‍नीकी।  
\v 10 मारदे हना गो नेल्‍ल ख्रीस्‍त आ ङोंइती निसाफ पची ना जाक्‍चा माल्‍नीकी। रांम बाक्‍यानु, इं रांम पशो रिम्‍शो नु मरिम्‍शो नेल्‍ल ताइनीकी। \em प्रेरित १७:३१; रोमी २:१६; रोमी १४:१०; यूहन्‍ना ५:२९; एफिसी ६:८\em* 
\s1 पाप रे प्रोंइब कली ग्‍येरपाइय्‍य 
\p  
\v 11 गोपुकी प्रभु कली मान पा हिंशा तुइक्‍तीके गो मुर आन कली शेंनीकी। परमप्रभु यावेमी आंइ पशो नेल्‍ल तुइक्‍ब। मिनु गे यो तुइक्‍नीनी, दे आस पाइनीकी।  
\v 12 गो आंइ कली इन ङोंइती ठेयब मसेल्‍सीनीकी। तन्‍न आंइ पर्बम बोरशा, आंम आन कली ठेयब सेल्‍सीबपुकीमी शोव़मी ला गेय पाइनीम। थुंमी मारेइ ममिम्‍नीम। मोदेंशो मुर आन कली लोव़ लेत्‍चा कली आंइ देंशो लोव़ तुइक्‍ब दुमीने। \em २कोरिन्‍थी ३:१; २कोरिन्‍थी १०:१२\em* 
\v 13 गो मरुप्‍चा ङा बाक्‍तक हना, गो परमप्रभु यावे कली ठेयब सेल्‍चा कली मोदेंशो दुम्‍तक। गो रुप्‍चा ङा बाक्‍तक हना, मेको इन कली दुम्‍ब।  
\v 14 मारदे हना ख्रीस्‍तमी इं कली दाक्‍ब, दे शुश मिम्‍नीकी। मेको नेल्‍ल मुर आन पर्बम बेक्‍त, दे तुइश्‍शा, गो नेल्‍ल बेक्‍चा ङा मुर बाक्‍नय, दे तुइक्‍नीकी।  
\v 15 मिनु मेको नेल्‍ल आन पर्बम बेक्‍त। मिनु ब्रोंइशोपुकी मुल रे आंम पर्बम मब्रोंइमल। तन्‍न येसु कली ब्रोंइमल। मारदे हना मेको आन पर्बम साइश्‍‍शा, सेंसीचा पुंइसाक्‍व। \em रोमी १४:७-८\em* 
\p  
\v 16 गो मुल रे मुर नेल्‍ल आन कली रागी ङा मुर खोदेंशो पा मकोव़नीकी। खेयप का गो ख्रीस्‍त कली मुर खोदेंशो पा कोव़तक। मुल मोदेंशो ममिम्‍नीकी।  
\v 17 सुइ ख्रीस्‍त आगाम बाक्‍त हना, मेको नक सेल्‍सीशो मुर का दुम्‍ब। ङोंइती ङा नेल्‍ल जाम्‍शा लत। नेल्‍ल नक दुम्‍ने नुप्‍त। \em रोमी ८:१०; गलाती २:२०; गलाती ६:१५; प्रकाश २१:५\em* 
\v 18 मेको नेल्‍ल परमप्रभु यावेम पशो बाक्‍ब। परमप्रभु यावेमी आंइ कली ख्रीस्‍त रे पा आं नु गारपाइक्‍तु। मिनु आंइ कली मेको गारपाइक्‍तीक गेय पपाइक्‍तु। \em रोमी ५:१०\em* 
\v 19 परमप्रभु यावेमी ख्रीस्‍त रे पा मुर आन कली आ नु गारपाइक्‍तु। मेको आन मरिम्‍शो पशो नेल्‍ल प्रेंशा, गारपाइक्‍तीक गेय आंइ कली गेप्‍तु। \em रोमी ३:२४-२५; कलस्‍सी १:१९-२०\em* 
\v 20 मिनु गो ख्रीस्‍त आ पर्बम मुर आन कली गेय पाइब बाक्‍नीकी। परमप्रभु यावेमी आंइ पतीकेमी मुर आन कली ब्रेप्‍ब। गोपुकी ख्रीस्‍त आ पर्बम मुर नेल्‍ल आन कली “परमप्रभु यावे नु गारब दुमीने” दे शेंनीकी। \em लूका १०:१६\em* 
\v 21 परमप्रभु यावेमी काइ पाप मतुइश्‍शो ख्रीस्‍त कली पापी सेल्‍तु। मिनु गो ख्रीस्‍त आगाम बाक्‍शा, परमप्रभु यावे आ ङोंइती ठीक दुम्‍नीकी। \em यूहन्‍ना ८:४६; यसैया ५३:४-६; गलाती ३:१२; रोमी १:१७; १कोरिन्‍थी १:३०\em* 
\c 6  
\s1 पावल आ पशो गेय 
\p  
\v 1 गो परमप्रभु यावे नु गेय पतीके इन कली “परमप्रभु यावे आ शिशी त‍शा, मप्रेंदीन” देंनीकी। \em २कोरिन्‍थी १:२४\em* 
\v 2 मारदे हना मेकोमी “शिशी पची ना इ पुंइशो नेंता। गो पाप रे प्रोंइतीक नाक्‍तीमी इ कली वारच पाता” दे ब्रेक्‍शो बाक्‍ब। नेनीने, मुल शिशी पची ना बाक्‍ब। नेनीन मुल पाप रे प्रोंइतीक नाक्‍त बाक्‍ब। \em यसैया ४९:८; लूका ४:१९,२१\em* 
\v 3 प्रभुमी पपाइश्‍शो गेयम मारेइ दूली मपाइनीकी। सुइ आन थुं मक्‍याल्‍नीकी।  
\v 4 तन्‍न परमप्रभु यावे आ गेय पाइब दुम्‍शा, आंइ गेय नेल्‍ल रिम्‍शो पाइनीकी। गो शुश फाल्‍नीकी, खेदा पतीकेमी, श्‍येत जतीकेमी, हिंतीकेमी,  
\v 5 तुप्‍चा पुंइसीनीकी, चोक्‍चा पुंइसीनीकी, आं पर्बम हुल बोक्‍चा पुंइसीनीकी। बेक्‍चा ङा गेय पा दशा, इप्‍चा मतथु बाक्‍नीकी। माइजा बाक्‍नीकी, \em २कोरिन्‍थी ११:२३-२७; १कोरिन्‍थी ४:११-१३\em* 
\v 6 रिम्‍शो थुं कोंइनीकी, जोक्‍शो तुइश्‍शो गेय कोंइनीकी, मचबु देंब मदुम्‍नीकी, शिशी कोंइनीकी, परमप्रभु यावे आ सोक्‍तीम देंशो टीनीकी, मुर आन कली दाक्‍नीकी। \em १तिमोथी ४:१२; २कोरिन्‍थी ४:२; १कोरिन्‍थी २:४; एफिसी ६:१४-१७\em* 
\v 7 थमा लोव़ पाइनीकी, परमप्रभु यावे आ सक्तिमी गेय कोंइनीकी, ग्‍युरा नु पेरा निम्‍फा रे ठीक पतीके पाइश्‍शो बाक्‍नीकी।  
\v 8 आंइ नें चुइक्‍ताक्‍म हना यो, क्‍याम्‍ताक्‍म हना यो, आंइ कली मान पाम्‍तेक्‍म हना यो, ग्रांग्रा दिम्‍तेक्‍म हना यो, मेको आन पशो मारेइ मसुइक्‍नीकी। मुरपुकीमी आंइ पर्बम “जोल पा शेंशा, मुर आन थुं क्‍याल्‍शा हेंथे शेंनीम” देंतेक्‍म हना यो, गो थमा लोव़ शेंनीकी।  
\v 9 आंइ कली मतुइक्‍नीमी, तन्‍न तुइश्‍शो बाक्‍नीमी। बेक्‍चा चिक्‍शो, तन्‍न मबेक्‍शो बाक्‍नीकी। सजाइ तशो, तन्‍न साइक्‍चा मपुंसीशो बाक्‍नीकी। \em २कोरिन्‍थी ४:१०-११; भजन संग्रह ११८:८; प्रेरित १४:१९\em* 
\v 10 सुर्ता पशो, तन्‍न गेना हना यो ग्‍येरसीशो बाक्‍नीकी। प्रुङग दुम्‍शो, तन्‍न शुश आन कली शोंप सेल्‍नीकी। मारेइ मथीब दुम्‍शो, तन्‍न मारेइ मारेइमी गाप्‍शो बाक्‍नीकी। \em फिलिप्‍पी ४:१२-१३\em* 
\s1 प्रभु आ मुर दुम्‍शो कोंइदीने 
\p  
\v 11 गो कोरिन्‍थी इन कली शेंचा, शुश दाक्‍नीकी।  
\v 12 गोपुकीमी इन कली दाक्‍चा मतेक्‍नीकी। तन्‍न इन आंम थुंम आंइ कली दाक्‍चा तेक्‍ब।  
\v 13 मेको आ पा ङा, गो आल आन कली लोव़ पशो खोदेंशो पा, इन कली लोव़ पाइनुङ। इन थुं आंइ गे हिरदीन। \em १कोरिन्‍थी ४:१४\em* 
\p  
\v 14 नेनीन, थमा मसुइक्‍ब आन कली इन थुं मगेने। मारदे हना ठीक पतीके नु परमप्रभु यावे कली मटितीके दोपा गारनीस? छेङछेङ नु छिङछिङ दोपा गारनीसी? \em एफिसी ५:११\em* 
\v 15 ख्रीस्‍त नु सैतान बेलीआर दोपा उइक्‍थ उइक्‍थ दुम्‍ने मचाप्‍नीसी। थमा सुइक्‍ब नु मसुइक्‍ब मारम गारनीसी ङा?  
\v 16 परमप्रभु यावे आ खिं नु मूर्ति दोपा गारनीसी ङा? मारदे हना गो गेना हना यो ब्रोंइशा बाक्‍ब परमप्रभु यावे आ खिं बाक्‍नीकी। मिनु परमप्रभु यावेमी “आं मुर आगाम बाक्‍नुङ। मेको आन दातेम गाक्‍नुङ। मेको आन परमप्रभु यावे दुम्‍नुङ। मिनु मेकोपुकी आं मुर दुम्‍नीम” देंशो बाक्‍त। \em लेवी २६:११-१२; इजीकीएल ३७:२७; १कोरिन्‍थी ३:१६\em* 
\v 17 मोपतीके प्रभुमी “मेको आन दाते रे ग्रूशा, पिने। मेको आन दाते रे ब्राङीने। ग्रांग्रा दिशो मारेइ मथिने। मिनु गो इन कली ब्राइनुङ। \em प्रकाश १८:४\em* 
\v 18 मिनु गो इन आफ दुम्‍नुङ। मिनु गेपुकी आं तमी तौ दुम्‍नीनी” दे नेल्‍ल सक्ति पाइश्‍शो परमप्रभु यावेमी देंत, दे ब्रेक्‍शो बाक्‍ब। \em यसैया ५२:११; इजीकीएल २०:४१; २सामुएल ७:१४; यसैया ४३:६; होसे २:१\em* 
\c 7  
\s1 पावल ग्‍येरसीशो 
\p  
\v 1 आं दाक्‍शोपुकी, गो नेल्‍लेमी परमप्रभु यावे आ गेशो लोव़ तुइश्‍शो बाक्‍नय। मोपतीके इं रां थुं नेल्‍ल मरिम्‍शो पतीक रे ङोन बाक्‍नय। मिनु इं परमप्रभु यावे कली ला मान पा हिंशा ठेयब सेल्‍नय। 
\p  
\v 2 इन थुं आंइ गे हिरदीन। मारदे हना गो सुइ इन कली मरिम्‍शो मपक। सुइ आन कली मरिम्‍शो मसेल्‍क। सुइ रे पा मारेइ यो मताक्‍क। \em २कोरिन्‍थी १२:१७; प्रेरित २०:३२\em* 
\v 3 मेको इन कली दोस गेचा कली मदेंक। मारदे हना ङोंइती देंशो आं लोव़ लेंशा देंनुङ, इन कली दाक्‍नीकी। बेक्‍चा माल्‍तय हना यो, काथा बेक्‍य। ब्रोंइचा ताइतय हना यो, काथा ब्रोंइय। \em २कोरिन्‍थी ६:११-१३; रोमी ६:८\em* 
\v 4 मिनु इन कली तशा, ग्‍येरसीशा, आं थुं बोरनुङ। आं थुं नाइक्‍सीशा बारना बारन लत। श्‍येत जाता हना यो, इन कली तशा गो ग्‍येरस ङा ग्‍येरस बाक्‍ती। 
\s1 कोरिन्‍थी आन कली मिम्‍शा ग्‍येरशो 
\p  
\v 5 गो मासीडोनीया रागीम शेंना शेंन गाक्‍कानु, शुश श्‍येत जाइतक। मुरपुकीमी गडङ मडङ पा खेदा पा श्‍येत गेतीकी। मिनु शुश हिंचा माल्‍तक। \em प्रेरित २०:१-२; २कोरिन्‍थी ४:८\em* 
\v 6 तन्‍न परमप्रभु यावेमी आइक्‍च थुं पाइश्‍शो आन कली आन थुं बारपाइक्‍ब। मिनु तीतस जाक्‍शा आंइ थुं बारपाइक्‍तु। मिनु आंइ थुं बारत। \em २कोरिन्‍थी २:१३\em* 
\v 7 तीतस कली तशा ला ममाइ, तीतस आ लोव़ नेंशा, ठेयब थुं पाइश्‍शो दुम्‍तक। तीतसमी आंइ कली “कोरिन्‍थीपुकीमी थम रिम्‍शो पाइक्‍तीमी। आं कली शुश मान पशा कोंइताय्‍यीमी। आं थुं बारपाइक्‍तीमी” देंत। आ देंशो नेंशा गो थाम्‍पा ग्‍येरसाक्‍यी। 
\p  
\v 8 ङोंइती ङा चिठीमी इन थुं खाइक्‍पाइक्‍तन्‍नी, दे तुइक्‍ताक्‍ङ। मो हना यो मुल आं थुं मखाइक्‍ब। मारदे हना मेको इन थुं खाइश्‍शो शुश नाक्‍त मली, दे यो तुइक्‍ताक्‍ङ। \em २कोरिन्‍थी २:४\em* 
\v 9 इन थुं खाइश्‍शो तुइश्‍शा, गो मग्‍येरसीङ। आं ब्रेक्‍शो टिशा, इन थुं लेत्‍ताक्‍नी। गेपुकीम “परमप्रभु यावेमी इं कली लां कोंइचा नु रिम्‍शो सेल्‍चा कली थुं खाइक्‍पाइक्‍की बाक्‍त” दे रुप्‍तीनी। मोपतीके गो इन थुं लेश्‍शो तशा ग्‍येरसाक्‍यी।  
\v 10 परमप्रभु यावेमी थुं खाइक्‍पाइश्‍शो आन कली रिम्‍शो दुम्‍मल, दे मो पशो बाक्‍ब। रागी ङा थुं खाइक्‍पाइक्‍मुशोमी चहिं थुं साइक्‍ब। \em मत्ती २६:७५; लूका १५:१७-२४; मत्ती २७:३-५\em* 
\v 11 परमप्रभु यावेमी इन थुं खाइक्‍पाइश्‍शोमी मार दुम्‍मे, दे तुइक्‍तीने। गे रिम्‍शो दुम्‍चा कली शुश गेय पाइतीनी। गे सल्‍‍ला पा, जिशा, हिंशा, रिम्‍शो दुम्‍चा कली शुश बोल पा दोस मताइब दुम्‍चा कली गे मेको मुर कली सजाइ गेतीनी। मोपा गे दोस मताइब बाक्‍नीनी, दे कोंइताक्‍नी।  
\v 12 मुल देंचा लीशो लोव़ नेनीने, इन कली ङोंइती ब्रेक्‍शो चिठी मारदे ब्रेक्‍ताक्‍ङ देंशा हना, गेपुकी नु बाक्‍ब मरिम्‍शो पाइब नु मरिम्‍शो पचा पुंइसीब आस कली गारपाइक्‍चा लोव़ ला ममाइ। परमप्रभु यावेमी पावल कली अधिकार गेशो बाक्‍ब। मोपतीके आ देंशो टिचा माल्‍ब, दे रुप्‍शा, गेय कोंइदीने, दे ब्रेक्‍ताक्‍ङ।  
\v 13 मोपतीके गो इन कली आं देंशो टिशो तशा, ग्‍येरसाक्‍क। मिनु आंइ थुं नाइक्‍ताक्‍क। गेपुकीमी तीतस कली आ थुं नाइक्‍पाइक्‍तीनी। आ थुं नाइश्‍शो तशा शुश ग्‍येरसाक्‍क।  
\v 14 मोदेंशो पा तीतस कली यो “कोरिन्‍थीपुकीमी आं लोव़ टीनीमी, रिम्‍शो पाइनीम” दे थमा लोव़ पशो नङ। मुल तीतसमी इन कली आं लोव़ टिशो तशा, थमा बाक्‍माक्‍त, दे तुइक्‍ताक्‍व। मोपा आं कली मुने मतोक्‍नी। मोपतीके आं नें बोरपा बाक्‍ती।  
\v 15 तीतसमी इन टिशो तशा, ग्‍येरसाक्‍व। गे हिंशा, ख्रिंख्रि पा मेको कली ब्राइतीनी। मिनु इन कली शुश दाक्‍ताक्‍व।  
\v 16 गो इन रिम्‍शो पशो तशा ग्‍येरसाक्‍यी। मिनु इन कली थमा सुइक्‍ता। 
\c 8  
\s1 क्‍येट पोक्‍शो 
\p  
\v 1 आं लोक्‍बपुकी, परमप्रभु यावेमी मासीडोनीया रागीमी बाक्‍ब थमा सुइक्‍ब आन कली शिशी पशो आ पर्बम इन कली शेंनीकी। \em रोमी १५:२६\em* 
\v 2 मेकोपुकी शुश श्‍येत जाम्‍तेक्‍म हना यो, ग्‍येरसीशो बाक्‍नीम। प्रुङग बाक्‍तेक्‍म हना यो, अरु आन कली योक्‍शा गेम्‍तेक्‍म।  
\v 3 सुइमी गेन की गेन मदेंथु, आंमा आन दाक्‍शो पा आन चाप्‍शो क्‍येङा यो शुश गेम्‍तेक्‍म। आन चाप्‍शो क्‍येङा शुश गेशो आं मिक्‍चीमीन ताता।  
\v 4 मेकोपुकीमी आं कली “गो यो थमा सुइक्‍ब आन कली क्‍येट पोक्‍चा दाक्‍नीकी” दे पुंइतेक्‍म। \em प्रेरित ११:२९\em* 
\v 5 मेको आन मोदेंशो चहिं क्‍येट गेचा लोव़ ला ममाइ। ङोंइती मेकोपुकीमी आन थुं प्रभु कली गेम्‍तेक्‍म। मिनु परमप्रभु यावे आ दाक्‍शो पा, गोपुकी नु गारशा बाक्‍तेक्‍म। 
\p  
\v 6 ङोंइती तीतसमी इन कली क्‍येट पोक्‍पाइक्‍तु। मुल गो तीतस कली “इन क्‍येट पोक्‍तीके, रिम्‍शो गेय, थुमीन” दे अरेतक।  
\v 7 गे मार पाइतीनी हना यो, शुश पाइतीनी। इन थमा सुइक्‍चा, इन लोव़ पस जोक्‍चा, इन तुइक्‍चा, इन रिम्‍शो गेय पतीके नु इन आंइ कली दाक्‍तीकेमी शुश गेय पाइनीनी। मुल गे मेको दाक्‍तीक गेयमी यो रिम्‍शो गेय कोंइताक्‍नी। \em १कोरिन्‍थी १:५; १कोरिन्‍थी १६:१-२\em* 
\v 8 इन कली अधिकार तशो लोव़ मपाइनुङ। थमा पा दाक्‍चा दोपा तांइसीब देंशा हना, सुइमी गेन की गेन माइक्‍चा मपुंइसीथु, आंम थुंमी मिम्‍शा गेशो रे तांइसीब। शुशेमी मोपा गेम्‍तेक्‍म। मिनु गेपुकीमी यो दाक्‍तीक गेय कोंइदीने।  
\v 9 मारदे हना गे इं प्रभु येसु ख्रीस्‍त आ शिशी तुइक्‍नीनी। मेको शोंप पाइश्‍शो बाक्‍त हना यो इन पर्बम प्रुङग दुम्‍त। मेको प्रुङग दुम्‍तीकेम गे शोंप पाइश्‍शो दुमीन, दे मो पाप्‍तु। \em मत्ती ८:२०; फिलिप्‍पी २:७\em* 
\v 10 मिनु गो इन कली मार देंनुङ देंशा हना “बर्स का ङोंइती इन गोशो गेय थुम्‍चा मालीने” देंनुङ।  
\v 11 इन गेचा दाक्‍शो नु इन गेने चाप्‍चा ङा क्‍येट पोक्‍शा गारीन।  
\v 12 आंम के बाक्‍शो ला गेने जाप्‍ब, आंम के मबाक्‍शो गेने मजाप्‍ब। इन चाप्‍चा ङा पा गेने। \em हितोपदेस ३:२७-२८; मर्कूस १२:४३\em* 
\v 13 इन कली मजाक्‍दीत्‍चा ङा पा वोइश्‍शा, अरु आन कली आन माल्‍शो क्‍येङा शुश गेन मदेंनुङ। इन कली गप्‍ल, मेको आन कली यो गप्‍ल देंनुङ।  
\v 14 मुल इन के शुश बाक्‍मेनु, मथीब आन कली वारच पतीने। मिनु नोले मेको आन के शुश दुम्‍मेनु, इन कली यो वारच पाइनीम। मोपा वारच पा गेमुशोमी नेल्‍ल इं के बाक्‍शो उइक्‍थ उइक्‍थ दुम्‍ल, दे मिम्‍ताक्‍ङ।  
\v 15 मार ब्रेक्‍शो बाक्‍त देंशा हना “सु सुमी शुश खुप्‍तमे, मेको आन के महें। सु सुमी चहिं इच्‍का ला खुप्‍तमे, मेको आन कली यो जाक्‍दीत्‍त” दे ब्रेक्‍शो बाक्‍ब। \em प्रस्‍थान १६:१८\em* 
\p  
\v 16 गो परमप्रभु यावे कली “गे रिम्‍शो पाइब बाक्‍नीनी” दे ठेयब सेल्‍नुङ। मारदे हना तीतसमी कोरिन्‍थी इन कली शुश मिम्‍ताक्‍व।  
\v 17 गोपुकीमी तीतस कली “कोरिन्‍थी आन कली ग्रुम्‍थ लावो की लावो” दे सोइक्‍ताक्‍क। आंइ देंशो लोव़ टिशा, लशो ला ममाइ। आं यो ग्रुमग्रुम दाक्‍शा ग्‍येरसीशा पित, दे तुइक्‍नुङ। \em २कोरिन्‍थी ८:६; २कोरिन्‍थी ७:७,१५\em* 
\v 18 तीतस नु गाक्‍ब वारच का यो सोइक्‍ताक्‍क। थमा सुइक्‍ब नेल्‍लेमी मेको कली तुइश्‍शो बाक्‍नीमी। मारदे हना मेको येसु ख्रीस्‍त आ ग्‍येरपाइक्‍ब लोव़ रिम्‍शो पा शेंब, दे नें चलेशो बाक्‍ब। \em २कोरिन्‍थी १२:१८\em* 
\v 19 आ नें चलेशो ला ममाइ। थमा सुइक्‍बपुकी गारशा मेको कली गो नु क्य‍ेट पोक्‍शा गाक्‍चा कली योव़तेक्‍म। मेको गोपुकी नु शिशी पतीक गेय पाइब। गो मेको वारच पतीके प्रभु कली ठेयब सेल्‍चा कली पाइनीकी। \em गलाती २:१०\em* 
\v 20 मोपा सांकछी वोइक्‍कानु, मेको क्‍येट आ पर्बम मरिम्‍शो लोव़ पने मचाप्‍नीम।  
\v 21 गो प्रभु आ ङोंइती रिम्‍शो पशो ला ममाइ। मुर नेल्‍ल आन ङोंइती यो रिम्‍शो पशा कोंइनीकी।  
\v 22 मोपतीके मेको निक्‍शी नु आंइ लोक्‍ब का यो सोइक्‍नीकी। ङोंइती खेयप निक्‍शी सां सोइक्‍तकानु, मेको लोक्‍बमी रिम्‍शो गेय पा कोंइताक्‍व। मोपतीके मुल यो रिम्‍शो पाइब, दे तुइक्‍ताक्‍क। मेकोमी इन कली यो रिम्‍शो मिम्‍‍ब।  
\v 23 तीतस गो नु गारशा इन कली गेय पाइब बाक्‍ब। अर्को लोक्‍ब निक्‍शी थमा सुइक्‍ब आन सोइश्‍शो बाक्‍नीस। मेको ख्रीस्‍त आ नें ठेयब सेल्‍ब बाक्‍नीस। \em २कोरिन्‍थी ७:१३; २कोरिन्‍थी १२:१८\em* 
\v 24 मोपतीके मेको सां इन बाक्‍तीके जाक्‍मानु, मेको आन कली दाक्‍शा, वारच पतीने। मेको आन कली मार माल्‍दा, मेको गेने, आन लोव़ नेनीने। आं देंशो पाइतीनी हना, गोमी इन पर्बम पशो लोव़ थमा दुम्‍ब। मिनु गो ग्‍येरसीनुङ। थमा सुइक्‍ब नेल्‍लेमी यो “कोरिन्‍थीपुकीमी रिम्‍शो पामे बाक्‍त” दे तुइक्‍नीम। \em २कोरिन्‍थी ७:१४\em* 
\c 9  
\s1 दोपा शोक्‍ग‍मे, मोपा खुप्‍नीम 
\p  
\v 1 मेको क्‍येट पोक्‍चा आ पर्बम इन कली लेंशा शेंचा ममाल्‍नुङ।  
\v 2 साइ थोचे क्‍येट पोक्‍चा माल्‍ब देंशो नेंशा “पोक्‍नीकी की पोक्‍नीकी” दे प्रेक्‍तीनी। मिनु इन कली मोपा प्रेक्‍शो तशा, मासीडोनीयाम बाक्‍ब आन कली “आकाया ङा मुरपुकीम ग्‍येरसीशा क्‍येट पोक्‍नीम” दे लोव़ नेंपाइक्‍तामी। मिनु शुशेमी “गो यो पोक्‍नीकी” देंतेक्‍मे। \em २कोरिन्‍थी ८:१९\em* 
\v 3 साइ थोचे ङा बोरशो लोव़ जोल मदुम्‍ल। मिनु गे ठीक बाक्‍शा, लोक्‍ब सां आन कली क्‍येट पोक्‍शा वोतीन, दे इन बाक्‍तीक सोइक्‍ताक्‍क।  
\v 4 मारदे हना गो इन बाक्‍तीके जाक्‍ङानु, मासीडोनीया ङा मुर आन ङोंइती गे क्‍येट मपोक्‍थु बाक्‍शा मुने मदोक्‍कीन, दे मेको सां आन कली इन बाक्‍तीक सोइक्‍ताक्‍ङ।  
\v 5 मोपतीके मेको सां आन कली आं क्‍येङा ङोंइती लने, दे सोइक्‍ताक्‍ङमी। मिनु गो जाक्‍ची ना “मुल क्‍येट पोक्‍कीन” देंशा, ग्रीचा ममाल्‍नुङ। सुइमी आन थुं मखाइक्‍थु ग्‍येरशा, आंम आ दाक्‍स पा, चाप्‍स पा गेने चाप्‍मेक्‍ल, दे लोक्‍ब सां आन कली आं क्‍येङा ङोंइती सोइक्‍ताक्‍ङमी। 
\p  
\v 6 आंम आन दाक्‍स पा, चाप्‍स पा, गेचा चहिं दोदेंशो रुम्‍सीब देंशा हना, वांचेर शोक्‍ग‍मेनु, इच्‍का ला शोक्‍बमी, इच्‍का ला खुप्‍चा ताइब। तन्‍न शुश शोक्‍बमी शुश खुप्‍चा ताइब। \em हितोपदेस ११:२४-२५; हितोपदेस १९:१७\em* 
\v 7 क्‍येट पोक्‍गु कों मपोक्‍गु, दे थुं निक्‍शी मपथु, सुइमी “गेव की गेव” माइक्‍चा मपुंइसीथु, आंम थुंमी मिम्‍शा, ग्‍येरसीशा गेचा माल्‍ब। ग्‍येरसीशा गेब कली परमप्रभु यावेमी दाक्‍ब। \em रोमी १२:८\em* 
\v 8 परमप्रभु यावेमी इन कली माल्‍शो क्‍येङा शुश गेने चाप्‍ब। मिनु मारेइ मारेइम गाप्‍शा, मारेइ वारच पचा ङा गेय बाक्‍त हना यो, गे पने चाप्‍नीनी।  
\v 9 मार ब्रेक्‍शो बाक्‍त, देंशा हना “मेकोमी वांचेर ब्‍वारब, प्रुङग आन कली गेब। मेको आ ठीक पशो गेना हना यो लीब” दे ब्रेक्‍शो बाक्‍ब। \em भजन संग्रह ११२:९\em* 
\v 10 शोक्‍ब कली वांचेर गेब। जचा दाक्‍ब कली जचा थोव़क गेबमी इन के बाक्‍शो यो बारपाइक्‍ब। मोपा इन ठीक पतीके ङा फल बारना बारन लाइब। \em इजीकीएल १०:१२\em* 
\v 11 मिनु गे शुश थीब दुम्‍शा, हाइश्‍शा गेशो तशा, गो परमप्रभु यावे कली “गे रिम्‍शो पाइब बाक्‍नीनी” दे ठेयब सेल्‍नीकी।  
\v 12 मोदेंशो हाइश्‍शा गेशोमी श्‍येत जशो थमा सुइक्‍ब आन कली रिम्‍शो दुम्‍ब। मोशो ला ममाइ, शुशेमी परमप्रभु यावे कली ठेयब सेल्‍नीम  
\v 13 एको क्‍येट पोक्‍तीक गेय पशा इन टितीक नाक्‍सीशो बाक्‍ब। मिनु गे परमप्रभु यावे कली ठेयब सेल्‍शो बाक्‍नीनी। मिनु इन हाइश्‍शा मेको आन कली नु अरु आन कली गेशोमी गे ख्रीस्‍त आ ग्‍येरपाइक्‍ब लोव़ तुइक्‍ब बाक्‍नीनी, दे कोंइनीनी।  
\v 14 परमप्रभु यावे आ शिशी गे नु बाक्‍तीके मेकोपुकीम इन कली प्रार्थना पाइनीमी।  
\v 15 परमप्रभु यावेमी इन कली देंने मचाप्‍चा ङा ठेयब कोसेली गेप्‍तु। मेको आ पर्बम मेको कली “गे रिम्‍शो पाइब बाक्‍नीनी” देंचा मप्रोंइनीक। 
\c 10  
\s1 पावल आ गेय 
\p  
\v 1 गो, ख्रीस्‍त आ ब्रेम्‍शो नु रिम्‍शो पतीकेमी, इन कली शेंना शेंन बाक्‍नुङ। गो इन नेक्‍था बाक्‍शा, ब्रेम्‍शो लोव़ पाइनुङ। तन्‍न गो ङोन बाक्‍ती हना, हुइश्‍शा लोव़ पाइनुङ।  
\v 2 गो इन बाक्‍तीके जाक्‍ङानु, चिठीम ब्रेक्‍शो लोव़ खोदेंशो पा हुइश्‍शा लोव़ पचा ममाल्‍ङल, दे मिम्‍शा ब्रेक्‍ताक्‍ङ। आंइ पर्बमी “रागी ङा मुर खोदेंशो पा शेंनीम” देंब आन कली हुइश्‍‍शो खोदेंशो पा इन कली हुइक्‍चा मदाक्‍नुङ। \em २कोरिन्‍थी १३:१-२; १कोरिन्‍थी ४:२१\em* 
\v 3 मारदे हना गो रागीम बाक्‍तक हना यो, रागी ङा मुर खोदेंशो पा मजीनीकी।  
\v 4 आंइ लडाइ पतीक या रागी ङा खोदेंशो मबाक्‍नीम। तन्‍न मेको परमप्रभु यावे आ सक्ति पाइश्‍शो बाक्‍नीम। मेकोमी मारेइ मारेइ खतम सेल्‍ने चाप्‍नीम। \em एफिसी ६:१३-१७ \em* 
\v 5 परमप्रभु यावे कली थमा सुइक्‍ब आन कली तेक्‍बमी पशो लोव़, ठेयब लेश्‍शा थमा मसुइक्‍तीक लोव़ खतम सेल्‍तक। मिनु ख्रीस्‍त आ लोव़ टीब दुम्‍पाइक्‍चा कली मटीब मिम्‍तीक नेल्‍ल ग्‍याइश्‍शा लाइक्‍ब खोदेंशो बाक्‍नीकी।  
\v 6 मिनु इन ख्रीस्‍त कली टिशो रिम्‍शो दुम्‍त हना, सु सुमी मटीमे, गो मेको आन कली सजाइ गेनीकी। 
\p  
\v 7 मिनु इन ङोंइती दोपा बाक्‍नीकी, मेको कोव़ङीन। सु सुमी “गो ख्रीस्‍त आ मुर दुम्‍ती” दे आन नें बोरपदमे, मेकोपुकीमी आंइ कली यो ख्रीस्‍त आ मुर बाक्‍नीम, दे रुप्‍मेक्‍ल।  
\v 8 गो आंइ अधिकार आ पर्बम बोरती हना यो, मुने मदोक्‍नुङ। मारदे हना मेको इन कली खतम सेल्‍चा कली ममाइ। तन्‍न इन कली रिम्‍शो सेल्‍चा कली प्रभुम गेती। \em २कोरिन्‍थी १३:१०; १कोरिन्‍थी ५:४-५\em* 
\v 9 आं ब्रेक्‍शो चिठी इन कली हिंपाइक्‍चा कली ममाइ, दे मिम्‍तीन।  
\v 10 मारदे हना मेकोपुकीमी “मेको आ ब्रेक्‍शो चिठी ठेयब नु बोल्‍यो लोव़म ब्रीशो बाक्‍नीम। तन्‍न आंमान जाक्‍त हना, मारेइ पने मचाप्‍ब नु ब्‍वाक्‍स मजोक्‍ब बाक्‍ब” देंनीम।  
\v 11 मोदेंशो मुरपुकीमी मार रुप्‍चा माल्‍नीम देंशा हना “गो मबाक्‍ची ना हुइश्‍शा शेंशा ब्रेक्‍शो लोव़, आंइ बाक्‍ची ना मपाइनीकी” दे रुप्‍मेक्‍ल। \em २कोरिन्‍थी १३:२,१०\em* 
\s1 ठेयब मनकी, दे रुप्‍पाइश्‍शो 
\p  
\v 12 आंमान ठेयब सेल्‍सीबपुकी नु मगारनीकी। आन पशो खोदेंशो यो मपाइनीकी। मेकोपुकीमी ठेयब सेल्‍सीशा, आंम आन जोक्‍तीक तुइक्‍तीक कोंइमुइनीम। मोदेंशो पशोमी “मारेइ मरुप्‍ब बाक्‍नीम” दे तुंइसीब। \em २कोरिन्‍थी ३:१; २कोरिन्‍थी ५:१२\em* 
\v 13 गो आंइ नें बोरपाइक्‍नीकी। मारदे हना परमप्रभु यावेमी आंइ कली अधिकार गेशा, इन कली शेंब सेल्‍तु। आ गेशो अधिकार ङा लाक्‍शा चहिं जोक्‍ब तुइक्‍ब नकी, दे बोरशा मगाक्‍नीकी। \em रोमी १५:२०; रोमी १२:३\em* 
\v 14 आंइ नें बोरपाइक्‍नीकी। मारदे हना आंइ क्‍येङा ङोंइती इन बाक्‍तीके ख्रीस्‍त आ ग्‍येरपाइक्‍तीक लोव़ नेंपाइक्‍थ सुइम मजाक्‍म, दे तुइक्‍ताक्‍क।  
\v 15 अरु मुरपुकीमी इन कली शेंशो आ पर्बम गो मबोर‍नीकी। तन्‍न इन थमा सुइक्‍तीके बारना बारन लमेनु, आंइ शेंतीके यो मेको नु बारना बारन लाइब।  
\v 16 मिनु इन बाक्‍तीक क्‍येङा लाक्‍शा, एर ओंथ ख्रीस्‍त आ ग्‍येरपाइक्‍तीक लोव़ शेंने चाप्‍नीकी। मुर आन शेंने थुम्‍शो ग्रुम्‍तीके आ पर्बम आंइ नें मबोरपाइक्‍नीकी।  
\v 17 सु बोरनीमी, मेको प्रभु आ पर्बम नें बोरपदमेक्‍ल। \em येरमीया ९:२३-२४; १कोरिन्‍थी १:३१\em* 
\v 18 सुमी आंम कली शेंब सेल्‍बा, मेको कली मब्राइनीम। तन्‍न प्रभुमी शेंब सेल्‍शो कली ब्राइनीम। \em १कोरिन्‍थी ४:५\em* 
\c 11  
\s1 दूली शेंब आन पर्बम लोव़ 
\p  
\v 1 गो इच्‍का निप्‍स ग्राइश्‍शो लोव़ पाइनुङ, गे आं लोव़ फाल्‍शा नेंशा गेयीनी।  
\v 2 इन कली मिम्‍शा, गो परमप्रभु यावेमी रुश पशो खोदेंशो दुम्‍ती। मारदे हना रिम्‍शो ग्‍युम्‍ली ग्‍युंबे पा गेशो खोदेंशो पा, इन कली ख्रीस्‍त कली गेतन्‍नी। \em एफिसी ५:२६-२७\em* 
\v 3 बुस्‍सुमी हव्‍वा कली मिलो शिलो पा जोल पा आ थुं हिरपा, परमप्रभु यावे कली मटीब सेल्‍शो खोदेंशो पा, दूली शेंबपुकीमी इन थुं क्‍याल्‍शा, ख्रीस्‍त कली दाक्‍चा रे हेंथे लां खोइक्‍पाइक्‍नीम। \em उत्‍पत्ती ३:४,१३\em* 
\v 4 मारदे हना मुर का जाक्‍शा, मेकोमी इन कली अर्को येसु आ पर्बम शेंब आंइ शेंशो खोदेंशो ममाइ, इन ङोंइती ताक्‍शो ममाइ, अर्को सोक्‍त ताक्‍पाइक्‍ब। अर्को ग्‍येरपाइक्‍तीक लोव़ नें‍पाइक्‍ब। मिनु गे रीब पा बित्‍नीनी। \em गलाती १:८-९\em* 
\v 5 गो मेको शुश जोक्‍ब तुइक्‍ब देखु पशो सोइश्‍शो आन क्‍येङा आइक्‍च मनङ। \em २कोरिन्‍थी १२:११\em* 
\v 6 ब्‍वाक्‍स मजोक्‍ब बाक्‍ती हना यो, शुश जोक्‍ब बाक्‍नुङ। गो आंइ पतीकेमी कोंइताक्‍क। \em १कोरिन्‍थी २:१,२,१३; एफिसी ३:४\em* 
\p  
\v 7 गो ब्रेम्‍शो दुम्‍शा, इन कली ठेयब सेल्‍चा कली परमप्रभु यावे आ ग्‍येरपाइक्‍तीक लोव़ क्‍येट मताक्‍थु शेंताक्‍ङ। मार, मेको पाप मिम्‍नीनी? \em २कोरिन्‍थी १२:१३; मत्ती १०:८; १कोरिन्‍थी ९:१२-१८\em* 
\v 8 अर्को रागीम बाक्‍ब थमा सुइक्‍ब आन ग्रुम्‍तीके ङा आन क्‍येट रोइश्‍शो खोदेंशो पा ताक्‍शा, इन कली शेंताक्‍न्‍नी। \em फिलिप्‍पी ४:१०,१५\em* 
\v 9 गेपुकी नु बाक्‍शा शेंदन्‍नीनु, मासीडोनीया रागी रे जाक्‍शो थमा सुइक्‍ब लोक्‍बपुकीमी आं कली माल्‍शो थोव़क गेशा, वारच पाइक्‍तीमी। मोपा आन पशोमी गेपुकीमी मोशा शेंसीचा ताइतीनी। मुल यो मारेइ ताक्‍चा ममाल्‍ङल, दे मिम्‍ताक्‍ङ।  
\v 10 ख्रीस्‍त थमा बाक्‍ब, देंशो लोव़ लीशो खोदेंशो पा “कोरिन्‍थी आन कली आन क्‍येट मताक्‍थु, मोशा शेंताक्‍व” देंशो लोव़ आकाया रागीम ब्रशा लील, दे मिम्‍शा, मारेइ मताक्‍गु।  
\v 11 मो पङानु, इन कली मदाक्‍ब दुम्‍नुङा ङा? गोमी इन कली दाक्‍शो मदाक्‍शो परमप्रभु यावेमी तुइक्‍ब। 
\p  
\v 12 मुल सम्‍म दोपा बाक्‍ङा, मुल यो मोपान बाक्‍नुङ। मारदे हना दूली लोव़ शेंबपुकीमी “पावल नु आ वारचपुकीमी पशो खोदेंशो पा गो यो पाइनीकी” दे नें बोरपा गाक्‍नीम। मेको आन जोल ग्रुंइचा कली गो मारेइ मताक्‍थु शेंनीकी।  
\v 13 मेकोपुकी परमप्रभु यावे आ सोइश्‍शो मनम। ख्रुइश्‍शा जोल पा गेय पाइनीम। ख्रीस्‍त आ सोइश्‍शो दुम्‍खु पा शेंथ गाक्‍नीम। \em २कोरिन्‍थी २:१७\em* 
\v 14 मोपा गाक्‍तेक्‍म हना यो, मेको आन मोदेंशो पशो छक लाक्‍चा ङा ममाइ। मारदे हना सैतान यो परमप्रभु यावे आ स्‍वर्ग ङा गेय पाइब खोदेंब दुम्‍खु पा गेय पा गाक्‍ब।  
\v 15 मेकोपुकी रिम्‍शो गेय पाइब खोदेंशो दुम्‍खु पा गाक्‍नीम। मेको आन जोल नोले ग्रूब। मिनु आन गेय यो मलीब। 
\s1 पावल श्‍येत जशो 
\p  
\v 16 गो इन कली लेंशा देंनुङ, मार देंती हना यो, आं लोव़ नेंचा मप्रोनीन। गो निप्‍स ग्राइश्‍शो लोव़ पाइब खोदेंशो पा, आ नें बोरपाइश्‍शो लोव़ पना पन बाक्‍ती हना यो, आं लोव़ नेनीने। \em २कोरिन्‍थी १२:६\em* 
\v 17 मुल इन कली देंशो लोव़ प्रभुम गेशो अधिकार ङा लोव़ ममाइ। आं नें बोरपाइक्‍तीक लोव़ पा, गो निप्‍स ग्राइश्‍शो लोव़ पङ देंती।  
\v 18 मारदे हना शुश मुर रागी ङा लोव़मी ठेयब लेत्‍नीम। मोपतीके गो यो बोरनुङ।  
\v 19 गे ग्‍येरसीशा निप्‍स ग्राइश्‍शो आन लोव़ फाल्‍नीनी। मिनु आंम कली जोक्‍ब तुइक्‍ब मिम्‍नीनी। \em १कोरिन्‍थी ४:१०\em* 
\v 20 सुइ मुरुमी इन कली वाइलीम वाइल सेल्‍तेक्‍म हना, रोइक्‍ताक्‍म हना, जोल पाम्‍तेक्‍म हना, बोरशा कोंइताक्‍म हना नु इन चोचो राप्‍तेक्‍म हना यो फाल्‍शा बाक्‍बाक्‍तीनी।  
\v 21 गो मुने पा देंनुङ, मेको आन पशो खोदेंशो पने मचाप्‍क। सुइ मुर मारेइ आ पर्बम ठेयब लेश्‍शा बोरतेक्‍म हना, गो यो मेको आ पर्बम ठेयब लेश्‍शा बोरनुङ। गो मूर्ख खोदेंशो पा ब्‍वाक्‍नुङ।  
\v 22 मार, मेको हिब्रू नमी? गो हिब्रू नङ। मार, मेको इस्राएली नमी? गो इस्राएली नङ। मार, मेको अब्राहाम आ चच युइ नमी? गो यो अब्राहाम आ चच युइ नङ। \em फिलिप्‍पी ३:५\em* 
\v 23 मार, मेको ख्रीस्‍त आ गेय पाइब नमी? गो यो ख्रीस्‍त आ गेय पाइब नङ। गो मेको आन क्‍येङा रिम्‍शो गेय पाइब नङ। गो गशो मुरुम खोदेंशो लोव़ पाइनुङ। गो मेको आन क्‍येङा शुश गेय पाता। मेको आन क्‍येङा शुश चोक्‍चा पुंइसाक्‍यी। मेको आन क्‍येङा तुप्‍चा पुंइसाक्‍यी। हेर हेरा साइक्‍चा पुंइसाक्‍यी। \em १कोरिन्‍थी १५:१०; २कोरिन्‍थी ६:४-५\em* 
\v 24 यहूदीपुकीमी आं कली ५ खेयप ३९ कोर्रा आप्‍तीनी। \em ब्‍यवस्‍था २५:३\em* 
\v 25 खेयप सां कोक्‍केमी तुप्‍तीमी। काले फुल्‍लु आप्‍तीमी। खेयप सां आं ङोइश्‍शो जहाज समुन्‍द्रम ग्रुम्‍शा हेरा बेक्‍ती। मो दुम्‍मेनु, काब नाक्‍दो नाक्‍ती समुन्‍द्रम बाक्‍ती। \em प्रेरित १६:२२; प्रेरित १४:१९\em* 
\v 26 रागी रागी हिरशा गाक्‍ङानु, खोला शोक्‍सीङानु, हेर हेरा योल्‍ताक्‍यी। लांम बाप्‍शा बाक्‍ब खुइपुकीमी हेर हेरा साइक्‍तीमी। आंम यहूदीपुकीमी यो शुश श्‍येत गेतीमी। अर्को रागी ङा मुरपुकीमी यो हेर हेरा साइक्‍तीमी। सहर, गोरशो रागी, समुन्‍द्र ते ते हिरशा गाक्‍ङा, मेक मेक हिंना हिंन गाक्‍चा माल्‍ताक्‍यी। आं लोक्‍ब दुम्‍खु पा, थमा सुइक्‍ब नकी देंब नु गाक्‍ङानु, मेकोपुकीमी यो शुश श्‍येत गेतीमी।  
\v 27 येसु आ लोव़ शेंना शेंन गाक्‍ङानु, शुश गेय पा, शुश श्‍येत जशा, शुश नाक्‍दो इप्‍चा यो मतङ। जचा तूचा यो मतङ। ग्‍यूमी फेक्‍चा यो मतङ। \em २कोरिन्‍थी ६:५\em* 
\v 28 मोदेंशो श्‍येत आं रांमी जशो ला ममाइ। आं थुं यो मनाइक्‍स। मारदे हना थमा सुइक्‍ब आन कली दोपा मार पा रिम्‍शो सेलुमी, दे मिम्‍स ङा मिम्‍स बाक्‍ती। \em प्रेरित २०:१८-२१,३१\em* 
\v 29 मुरुमी “मचाप्‍नीकी” देंनीम। गो चहिं गेना हना यो चाप्‍नुङा ङा? मुरुम पाप पाम्‍तेक्‍म हना, गो शुश सुर्ता पाइनुङ।  
\v 30 गो आं नें बोरपा लोव़ पचा माल्‍नुङ हना, आं मचाप्‍शो आ पर्बम आं नें बोरपाइक्‍नुङ। \em २कोरिन्‍थी १२:५\em* 
\v 31 गेना हना यो ठेयब सेल्‍चा पुंइसीब प्रभु येसु आ आफ परमप्रभु यावेमी गो जोल मपाइनुङ, दे तुइक्‍ब।  
\v 32 साइ दमस्‍कस सहरमी बाक्‍ङानु, पिप अरेतस आ हुकुम पाइबमी आं कली ग्‍याइक्‍चा, दे सहर आ एर ओंथ आ सिपाहीपुकी वोइक्‍मी बाक्‍त।  
\v 33 तन्‍न थमा सुइक्‍बपुकीमी आं कली डोकोम कुरपा गारो ङा झेल रे ओंखां पा तोक्‍शा प्रोक्‍पाइक्‍तीमी। मोपा जोरी सत्रु आन गुइ रे ब्रोंइती। \em प्रेरित ९:२४-२५\em* 
\c 12  
\s1 मचाप्‍ब सक्ति पाइश्‍शा दुम्‍शो 
\p  
\v 1 नें बोरपाइक्‍तीक लोव़ शोर गाक्‍शो बाक्‍त हना यो, गो आं नें बोरपा लोव़ पचा मप्रोंइनुङ। मारदे हना प्रभुमी छेङछेङ पा तपांइसीशा तुइक्‍पाइक्‍ती, दे मुल सम्‍म इन मतुइश्‍शो लोव़ तुइक्‍पाइक्‍नन्‍नी।  
\v 2 गो ख्रीस्‍त आ मुर का कली तुइक्‍नुङ। १४ बर्स ङोंइती मेको स्‍वर्गम लाइक्‍चा पुंइसाक्‍व। रांम बाक्‍म, कों मबाक्‍म, गो मतुइक्‍नुङ। परमप्रभु यावेमी ला तुइक्‍ब।  
\v 3 मिनु गो मेको मुर परमप्रभु यावे आ बाक्‍तीके लाइक्‍चा पुंइसाक्‍व, दे तुइक्‍नुङ। रांम बाक्‍म, कों मबाक्‍म, गो मतुइक्‍नुङ। परमप्रभु यावेमी ला तुइक्‍ब।  
\v 4 मिनु मेको मुरुमी ख्रुइश्‍शो लोव़ नेंतु। मेको लोव़ मुरुम देंचा मदुम्‍ब।  
\v 5 मेको मुर आ पर्बम आं नें बोरपाइक्‍नुङ। आं पर्बम चहिं आं नें मबोरपाइक्‍नुङ। तन्‍न गो आं मचाप्‍शो आ पर्बम आं नें बोरपाइक्‍नुङ। \em २कोरिन्‍थी ११:३०\em* 
\v 6 मारेइ पने मचाप्‍ब दुम्‍तीके आं नें बोरपाइक्‍नुङ देंशोमी निप्‍स ग्राइश्‍शो लोव़ पाइब मदुम्‍नुङ। मारदे हना गो थमा लोव़ पाइनुङ। मारदे हना मुरपुकीमी आं कली तशा, आं लोव़ नेंशा आं पर्बम मार मिम्‍चा माल्‍बा, दे आंमा तुइक्‍तमेक्‍ल, दे मिम्‍शा बाक्‍नुङ। \em २कोरिन्‍थी १०:८\em* 
\v 7 गो शुश कोंइतीके तशा, मेको आ पर्बम ठेयब लेश्‍शा, नें मबोरपदुल, दे सैतान आ चू आं रांम गेती। मेको आं कली श्‍येत गेचा कली नु आं ठेयब लेत्‍तीक तेक्‍चा कली बाक्‍ब।  
\v 8 खेयप सां गो प्रभु कली “मोदेंशो चू रे प्रोंइयीनी” दे पुंइता।  
\v 9 तन्‍न मेकोमी आं कली “आं शिशी इ कली गारब। मारदे हना मचाप्‍ब मुर आगाम आं सक्ति नेल्‍ल क्‍येङा ठीक बाक्‍ब” देंत। मोपा तुइक्‍तु रे ख्रीस्‍त आ सक्ति गो नु बाक्‍शो तांइसेक्‍ल, दे गो मारेइ पने मचाप्‍ब दुम्‍शोमी, थाम्‍पा ग्‍येरसीशा आं नें बोरपाइक्‍नुङ।  
\v 10 मोपतीके ख्रीस्‍त आ सक्ति तांइसेक्‍ल, दे मारेइ पने मचाप्‍ब दुम्‍ती हना यो, शुक्‍शी लोव़ पाइक्‍चा पुंइसाक्‍यी हना यो, जचा फेक्‍चा मारेइम मजाक्‍दीत्‍ती हना यो, खेदा पचा पुंइसाक्‍यी हना यो नु दोदेंब श्‍येत गेचा पुंइसाक्‍यी हना यो, आं थुं नाइश्‍शा हेम्‍म पा बाक्‍नुङ। मारदे हना गो मारेइ पने मचाप्‍ब दुम्‍ङानु, सक्ति पाइश्‍शो बाक्‍नुङ, दे रुप्‍ता। \em फिलिप्‍पी ४:१३\em* 
\s1 थमा सुइक्‍ब आन कली शेंशो 
\p  
\v 11 गो निप्‍स ग्राइश्‍शो लोव़ पाइब खोदेंशो दुम्‍ती, दे तुइक्‍ताक्‍ङ। गेपुकीमी मोदेंशो पाइब सेल्‍तीनी। मारदे हना गेपुकीमी आं कली ठेयब सेल्‍चा माल्‍शो, दे तुइक्‍चा माल्‍शो ननी। गो मेको शुश जोक्‍ब तुइक्‍ब देखु पशो सोइश्‍शो आन क्‍येङा आइक्‍च मनङ। मो हना यो गो आइक्‍च दुम्‍ती। \em २कोरिन्‍थी ११:५\em* 
\v 12 ख्रीस्‍त आ सोइश्‍शोन बाक्‍माक्‍त, दे कोंइचा कली गेपुकी नु बाक्‍ङानु, चिन्‍ड नु छक लाक्‍चा ङा गेय कोव़चा ताइतीनी। \em रोमी १५:१९; हिब्रू २:४\em* 
\v 13 तेइ तेइ येसु आ नेंमी खुम्‍सीशा बाक्‍ब आन कली मारेइ मारेइ शेंशा, मारेइ मारेइ पशा कोंइशो खोदेंशो पा इन कली यो पशा कोंइताक्‍न्‍नी। मिनु मार लीम ङा? लोव़ का चहिं मार लीत देंशा हना, गेपुकी नु गो मारेइ मताक्‍गु। आं मताक्‍शोमी माफ गेयीनी। \em २कोरिन्‍थी ११:७-९\em* 
\v 14 मुल इन कली ग्रुम्‍थ पिङानु, खेयप सां दुम्‍ब। गो इन कली श्‍येत मगेनुङ। इन बाक्‍शो मारेइ मताक्‍नुङ। तन्‍न इन कली माल्‍नुङ। मारदे हना आलपुकीम आंम आफ कली शोंप मउप्‍नीम। तन्‍न आम आफोमी आन आल आ पर्बम शोंप उप्‍नीमी।  
\v 15 गो दोपा इन कली वारच पा रिम्‍शो थुं सेल्‍चा कली ग्‍येरसीशा, आं थुं गेनन्‍नी, मोपा इन कली दाक्‍चा ङा गेय पाता। मिनु गो चहिं इच्‍का ला दाक्‍चा पुंइसीनुङा ङा? \em फिलिप्‍पी २:१७\em* 
\v 16 इन मुर का निक्‍शीमी मार देंतेक्‍म देंशा हना “मारेइ मताक्‍नुङ देंशा, जोल पा शुश ताक्‍बाक्‍त” देंतेक्‍म।  
\v 17 मार, आं सोइश्‍शो आन गुइ रे गो मारेइ ताक्‍गु ङा? मार ताक्‍शा, इन कली श्‍येत गेमे ङा?  
\v 18 गो तीतस कली कोरिन्‍थी आन कली ग्रुम्‍थ लावो, दे सोइक्‍ताक्‍ङ। तीतस नु लोक्‍ब का यो सोइक्‍ताक्‍ङ। मिनु तीतसमी गेपुकी नु मारेइ ताक्‍गा ङा? आंस सोक्‍त का पा गेय मपस्‍कु ङा? \em २कोरिन्‍थी ८६,१६-१८\em* 
\p  
\v 19 “पावल नु आ वारचपुकीमी ब्रोंइचा कली लोव़ पाइबाक्‍तेक्‍म” देंशो मिम्‍ताक्‍नी हना, गे दूली मिम्‍ताक्‍नी। आंइ दाक्‍शो लोक्‍बपुकी, गो इन कली शेंशा लोव़ पकानु, परमप्रभु यावे आ ङोंइती जिम्‍मा ब्रशा ख्रीस्‍त आ अधिकार तशा, इन कली रिम्‍शो दुम्‍ल, दे मिम्‍शा शेंताक्‍क।  
\v 20 मुल ग्रुम्‍यानु, मार दुम्‍बा, दो दुम्‍ब, दे थुं ग्‍येत्‍थ लुक्‍च पा बाक्‍नुङ। मारदे हना ग्रुम्‍यानु, आं दाक्‍शो खोदेंशो मपाइनीनी कों, गो यो इन दाक्‍शो खोदेंशो मपाइनुङा कों? मिनु मगारथु, जिचा बोक्‍शा, गेहे पमुशा, गाइश्‍शा, आंम कली ठेयब सेल्‍मुशा, शुक्‍शी पमुशा, मुर आन पर्बम मरिम्‍शो लोव़ पा नोफा मुइक्‍मुशा, ठेयब लेश्‍शा, खडङ मडङ दुम्‍नया कों? \em २कोरिन्‍थी १०:२\em* 
\v 21 गो लेश्‍शा जाक्‍ङानु, परमप्रभु यावेमी आं कली आइक्‍च सेल्‍बा कों, दे हिंनुङ। मिनु ङोंइती पाप पाइब नु परमप्रभु यावे गे मलेप्‍ब आन पर्बम सुर्ता पचा माल्‍नुङा कों? ङोंइती मेकोपुकीमी ग्रांग्रा दिचा ङा, तेल्‍लेम नु हेंथे गेय पाम्‍तेक्‍म। \em २कोरिन्‍थी १३:२\em* 
\c 13  
\s1 हिंच कोंइशो 
\p  
\v 1 मुल गो इन कली ग्रुम्‍थ पिङानु, सां खेयप दुम्‍नुङ। निसाफ पामेनु, सांकछी निक्‍शी सां वोइश्‍शा, मेको आन लोव़मी दोस ग्रुंइशा, सजाइ गेचा माल्‍ब। \em ब्‍यवस्‍था १९:१५; मत्ती १८:१६\em* 
\v 2 मोपतीके सजाइ गेचा पुंइसीब आन कली सजाइ मगेथु, मप्रोंइनुङ। मारदे हना एको क्‍येङा ङोंइती जाक्‍ङानु, मो मपचा, दे शेंशो नन्‍नी।  
\v 3 गेपुकीमी “पावल ख्रीस्‍त आ सक्ति तशा, अधिकार पाइश्‍शो बाक्‍माक्‍त” दे इन मिक्‍चीमी तचा माल्‍बाक्‍तीनी, दे तुइक्‍ताक्‍ङ। ख्रीस्‍त इन दातेमी मचाप्‍ब ममाइ, शुश सक्ति पाइश्‍शो बाक्‍ब, दे कोंइताक्‍व।  
\v 4 मारदे हना मेको मचाप्‍ब दुम्‍शा, शीम केप्‍शा कांटी थोक्‍शा क्‍याइश्‍शा साइक्‍चा पुंइसाक्‍व। तन्‍न परमप्रभु यावे आ सक्तिमी बेक्‍शो रे सेंचा पुंइसाक्‍व। मोदेंशो पा गो यो मेको नु मारेइ पने मचाप्‍ब दुम्‍नीकी। तन्‍न गेपुकी नु बाक्‍कानु, बेक्‍शो रे सेंचा पुंइसीशा, परमप्रभु यावे आ सक्ति तशो सक्ति पाइश्‍शो गेय कोंइनीकी। 
\p  
\v 5 इन थमा सुइक्‍तीके ठीक बाक्‍बा देय मबाक्‍ब आंमा नाक्‍शा कोव़ङीने। आंमा नाक्‍तीन। येसु ख्रीस्‍त इन आगाम बाक्‍ब, दे मप्रेंदीन। मबाक्‍त हना इन गेय शोर गाक्‍शो दुम्‍ब।  
\v 6 गो आंइ शेंशोमी इन कली रिम्‍शो पाइतक, दे तुइक्‍नीकी। मिनु गे यो मोदेंशो मिम्‍नीनी, दे आस पाइनीकी।  
\v 7 गे मारेइ मरिम्‍शो मपन, दे गो परमप्रभु यावे कली पुंइनीकी। गो ग्राशो मुर खोदेंशो दुम्‍चा ममाइ, तन्‍न ठीक पाइब दुम्‍मीन। गो ठीक मपाइब खोदेंशो दुम्‍तक हना यो, गे रिम्‍शो पाइब दुम्‍नीकी।  
\v 8 गोपुकीमी थमा लोव़ थमा पाइनीकी। दूली नु जोल लोव़ कली थमा देंने मचाप्‍नीकी।  
\v 9 गो मारेइ पने मचाप्‍ब दुम्‍शो बाक्‍तक। तन्‍न इन कली बोल्‍यो दुम्‍शो तशा ग्‍येरनीकी। गो परमप्रभु यावे कली “कोरिन्‍थीपुकी रिम्‍शो दुम्‍मल” दे पुंइना पुंइन बाक्‍नीकी।  
\v 10 गो इन नेक्‍था मबाक्‍ङानु, एको चिठी ब्रेक्‍नुङ। मिनु आं जाक्‍ची ना गो इन कली हुइश्‍शा, प्रभुमी आं कली गेशो अधिकार कोंइचा ममाल्‍ङल। मेको अधिकार सेल्‍चा कली गेशो बाक्‍त, प्रेत्‍चा कली ममाइ। \em २कोरिन्‍थी १०:११; २कोरिन्‍थी १०:८\em* 
\s1 नोले ङा लोव़ 
\p  
\v 11 आं लोक्‍बपुकी, मुल रिम्‍शो बाक्‍कीन। रिम्‍शो पने। आं लोव़ नेंशा टीब दुमीने। इन दातेमी गारमुने। थुं नाइश्‍शा बाक्‍कीने। दाक्‍तीक नु थुं नाइक्‍तीक गेब परमप्रभु यावे गेपुकी नु बाक्‍ल। \em फिलिप्‍पी ४:४; रोमी १५:३३\em* 
\v 12 प्रभु आ नेंमी मुम्‍मुशा, आसीक गेमुने।  
\v 13 गो नु बाक्‍ब थमा सुइक्‍ब नेल्‍लेमी इन कली “रिम्‍शो बाक्‍कीन” देंतेक्‍म।  
\v 14 इं प्रभु येसु ख्रीस्‍त आ शिशी, परमप्रभु यावे आ दाक्‍तीके नु परमप्रभु यावे आ सोक्‍त गेना हना यो गेपुकी नु लील।