\id 1TH  
\h १ थिस्‍सलोनिकी 
\toc1 १ थिस्‍सलोनिकी 
\toc2 १ थिस्‍सलोनिकी 
\toc3 १थिस्‍सलोनिकी 
\mt1 १ थिस्‍सलोनिकी 
\ip \bd ब्रेक्‍ब मुर: \bd*एको चिठी पावल थिस्‍सलोनिकी आन कली आ ङोंइती ब्रेक्‍शो चिठी बाक्‍ब। 
\ip \bd गेना ब्रेक्‍शो\bd*: पावल निक्‍शी खेयप रागी रागी लशा, कोरिन्‍थ सहरम बाक्‍शा, एको चिठी ५३ ए. डी. मेको बर्स ङा ङोंइती ङा महिनाम ब्रेक्‍शो बाक्‍ब। 
\ip \bd मार ब्रेक्‍शो:\bd* 
\io1 १. पावलमी श्‍येत जाइब नक थमा सुइक्‍ब आन थुं बारपाइक्‍तु। 
\io1 २. पावलमी थमा सुइक्‍ब आन कली प्रभु कली शिरशो गेय पचा आ पर्बम अरेब। 
\io1 ३. पावलमी येसु ख्रीस्‍त दोपा लेश्‍शा जाक्‍बा, मेको शेंब। मारदे हना दूली शेंब ग्रुम्‍तीकेम जाक्‍शा, मुर आन थुं क्‍याल्‍तेक्‍म। 
\c 1  
\s1 ङोंइती ङा लोव़ 
\p  
\v 1 गो पावल नङ। सिल्‍वानस नु तिमोथी यो गो नु बाक्‍नीस। गो इं आफ परमप्रभु यावे नु इं प्रभु येसु ख्रीस्‍त कली थमा सुइक्‍ब थिस्‍सलोनिकी सहर ङा इन कली चिठी ब्रेक्‍ताक्‍ङ। येसु ख्रीस्‍तमी इन कली शिशी पा इन थुं नाइक्‍चा गेवल। \em प्रेरित १५:४०; प्रेरित १६:१-३,१९; प्रेरित १७:१-९; २थिस्‍सलोनिकी १:१\em* 
\s1 थिस्‍सलोनिकी ङा थमा सुइक्‍ब 
\p  
\v 2 गोपुकी प्रार्थना पकानु, परमप्रभु यावे कली “गे थिस्‍सलोनिकी सहर ङा थमा सुइक्‍ब नेल्‍ल आन रिम्‍शो पाइतीनी” दे गेना हना यो देंनीकी।  
\v 3 गोपुकी इं आफ परमप्रभु यावे आ ङोंइती इन थमा सुइक्‍तीके ङा गेय, दाक्‍चा ङा गेय नु इं प्रभु येसु ख्रीस्‍त कली आस पतीके मिम्‍ना मिम्‍न बाक्‍नीकी। \em १कोरिन्‍थी १३:१३\em* 
\v 4 आंइ थमा सुइक्‍ब लोक्‍बपुकी, परमप्रभु यावेमी इन कली दाक्‍शा योव़तु, दे तुइक्‍नीकी।  
\v 5 मारदे हना इन कली शेंशो ग्‍येरपाइक्‍ब लोव़ पचा ला मशेंदक, सक्ति यो ताइतीनी। परमप्रभु यावे आ सोक्‍तीमी आंइ कली शुश तुइक्‍तीक थुं गेशा प्रिंताक्‍व। गोपुकी दोदेंशो मुर बाक्‍नीकी, दे गेपुकी नु बाक्‍शा कोंइताक्‍क। मिनु गे तुइक्‍ताक्‍नी। \em १कोरिन्‍थी २:५\em* 
\v 6 गेपुकी आंइ खोदेंशो नु प्रभु खोदेंशो पाइब दुम्‍तीनी। मारदे हना गेपुकी शुश श्‍येत जशा, परमप्रभु यावे आ लोव़ नेंतीनी। मिनु परमप्रभु यावे आ सोक्‍तीमी इन थुं ग्‍येरपाइक्‍तु। \em २थिस्‍सलोनिकी ३:७\em* 
\v 7 मोपा गेपुकी मासीडोनीया नु आकाया रागी ङा थमा सुइक्‍ब आन कली रिम्‍शो कोंइतीक दुम्‍तीनी।  
\v 8 ङोंइती गेपुकी प्रभु आ लोव़ मासीडोनीया नु आकाया रागी ङा मुर आन कली शेंताक्‍नी। मेको आन कली ला ममाइ, नेल्‍ल अर्को रागी ङा मुरपुकीमी यो इन परमप्रभु यावे थमा सुइक्‍तीके तुइक्‍ताक्‍म। मोपतीके गो मेकेर शेंचा ममाल्‍नीकी। \em रोमी १:८\em* 
\v 9 मेकोपुकीमी इं पर्बम लोव़ पाम्‍तेक्‍म। मार लोव़ पाम्‍तेक्‍म देंशा हना, थिस्‍सलोनिकी सहर ङा मुरपुकीमी आंइ कली मिश रिम्‍शो ब्राम्‍तेक्‍म। मिनु गेपुकी इन मूर्ति कली प्रोंइशा, परमप्रभु यावे कली थमा सुइक्‍ब दुम्‍शा, ब्रोंइशा बाक्‍ब, थमा परमप्रभु यावे आ गेय पाइब दुम्‍तीनी। \em प्रेरित १४:१५; १कोरिन्‍थी १२:२\em* 
\v 10 मिनु बेक्‍शो रे सेंशो परमप्रभु यावे आ तौ लेंशा सरीङ रे यीब, दे रिम्‍शा बाक्‍तीनी। येसुमी इं कली परमप्रभु यावे आ गाइक्‍चा रे प्रोंइब। \em तीतस २:१३\em* 
\c 2  
\s1 पावल आ गेय 
\p  
\v 1 आंइ लोक्‍बपुकी, इन कली ग्रुम्‍चा मोशा मदुम्‍शो बाक्‍त, दे तुइक्‍नीनी।  
\v 2 गोपुकी ङोंइती फिलिप्‍पी सहरमी श्‍येत जशा, मुरपुकीमी आंइ कली शुक्‍शी पाम्‍तेक्‍म, दे तुइक्‍नीनी। शुश शुक्‍शी पाम्‍तेक्‍म हना यो, परमप्रभु यावेमी आंइ कली वारच पाइब, दे थमा सुइश्‍शा, परमप्रभु यावे आ ग्‍येरपाइक्‍ब लोव़ इन कली शेंताक्‍क। \em प्रेरित १६:२०-२४; प्रेरित १७:१-५\em* 
\v 3 गोपुकीमी इन कली मुरुम पशो जोल रे मशेंदक। ठेयब दुम्‍कल, दे ममिम्‍तक। \em २कोरिन्‍थी ४:२; २कोरिन्‍थी ११:७; यूहन्‍ना ५:४४\em* 
\v 4 परमप्रभु यावेमी आंइ कली ग्‍येरपाइक्‍ब लोव़ शेंचा, दे शेंब सेल्‍तीकी। मोपतीके गोपुकी मुर आन दाक्‍शो लोव़ मशेंथु, परमप्रभु यावे आ दाक्‍शो लोव़ शेंशा गाक्‍तक। मेकोमी आंइ थुं कली नाक्‍शा कोव़ब। \em गलाती १:१०\em* 
\v 5 गो इन कली मिलो शिलो मपक, दे तुइक्‍नीनी। इन क्‍येट ताइनीकी कों, दे मिम्‍शा मशेंदक, मेको परमप्रभु यावेमी तुइक्‍ब। \em मत्ती १२:४०; प्रेरित २०:३३\em* 
\v 6 गे नु अरु मुरपुकीमी आंइ कली ठेयब सेलीन, दे मशेंदक।  
\v 7 गोपुकी ख्रीस्‍त आ सोइश्‍शो दुम्‍शा, इन गुइ रे मार मार ताक्‍चा ठीक दुम वा। तन्‍न गो आल कली दूध तुंइब ममा खोदेंशो पा, इन कली कोव़तक।  
\v 8 गोपुकीमी इन कली शुश दाक्‍शा, परमप्रभु यावे आ ग्‍येरपाइक्‍ब लोव़ शेंचा ला ममाइ, तन्‍न शेंचा आ पर्बम बेक्‍चा माल्‍तक हना यो, बेक्‍नीकी। \em २कोरिन्‍थी १२:१५\em* 
\p  
\v 9 आंइ लोक्‍बपुकी, गे नु बाक्‍शा, शुश गेय पाइतक, दे तुइक्‍नीनी। गोपुकीमी परमप्रभु यावे आ ग्‍येरपाइक्‍ब लोव़ शेंदकानु, इन कली श्‍येत मगेचा, दे नाक्‍दो नाक्‍त गेय पाइतक। \em प्रेरित १८:३; प्रेरित २०:३३-३४; १कोरिन्‍थी ४:१२; २थिस्‍सलोनिकी ३:८\em* 
\v 10 गो ठीक, रिम्‍शो नु परमप्रभु यावे आ गेय ला पाइतक। परमप्रभु यावेमी मेको तुइक्‍ब। मिनु गे थमा सुइक्‍बमी यो तुइक्‍नीनी। 
\p  
\v 11 मिनु गोपुकीमी आल आन कली रिम्‍शो अरेब आफ खोदेंशो पा इन कली अरेतक। इन थुं बारपाइश्‍शा  
\v 12 “परमप्रभु यावे आ मुर दुम्‍शा, मेको आ ङोंइती शिरशो दुम्‍शा बाक्‍कीन” दे इन कली पन कि पन, दे शेंशा शुश अरेतक। परमप्रभु यावेमी इन कली आंम राज्‍य नु आ छेङछेङमी बाक्‍चा गेचा कली ब्रेप्‍ब। \em एफिसी ४:१-२; फिलिप्‍पी १:२७\em* 
\s1 थिस्‍सलोनिकी आन श्‍येत 
\p  
\v 13 गेपुकीमी आंइ शेंशो परमप्रभु यावे आ लोव़ नेंशा, मुर आ लोव़ ममाइ, थमा पा परमप्रभु यावे आ लोव़ बाक्‍ब, दे तुइक्‍ताक्‍नी। थमा सुइश्‍शा मेको लोव़मी इन थुंमी गेय पना पन बाक्‍ब। मो दुम्‍मेनु, गोपुकीमी परमप्रभु यावे कली “गे थिस्‍सलोनिकी ङा मुर आन कली रिम्‍शो पाइतीनी” देंना देंन बाक्‍नीकी। \em गलाती १:११-१२\em* 
\v 14 आंइ लोक्‍बपुकी, गे यहूदीया ङा परमप्रभु यावे आ ग्रुम्‍तीक ङा ख्रीस्‍त येसुमी बाक्‍ब थमा सुइक्‍ब खोदेंशो दुम्‍तीनी। मारदे हना यहूदीया ङा मुरपुकीमी आंम रागी ङा थमा सुइक्‍ब आन कली श्‍येत गेशो खोदेंशो पा, इन रागी ङा मुरपुकीमी यो इन कली श्‍येत गेम्‍तेक्‍म। \em प्रेरित ८:१; प्रेरित १७:५-६\em* 
\p  
\v 15 यहूदीया ङा मुरपुकीमी प्रभु येसु कली नु परमप्रभु यावे आ लोव़ पाइब आन कली साइश्‍शा, आंइ कली खेरतेक्‍म। मेकोपुकीमी मोपा परमप्रभु यावे कली मग्‍येरपदेम, मुर नेल्‍ल आन कली श्‍येत गेम्‍तेक्‍म। \em प्रेरित २:२३; मत्ती २३:३७; प्रेरित ७:५२\em* 
\v 16 दोपा श्‍येत गेम्‍तेक्‍म देंशा हना, रागी रागी ङा मुर आन कली पाप रे ब्रोंइचा ताइनीम, दे आंइ कली लोव़ पचा मगेम। मोदेंशो पा यहूदीम आन पाप गेना हना यो तेम्‍ना तेम्‍न बाक्‍नीम। मोपतीके परमप्रभु यावेमी मेको आन कली चुरशा सजाइ गेब। \em मत्ती २१:३२-३३\em* 
\p  
\v 17 आंइ लोक्‍बपुकी, गेपुकी नु मबाक्‍थु, गोपुकी रोइक्‍च खोदेंशो दुम्‍तक। इन बाक्‍तीकेमी जाक्‍चा मतथु, इन कली शुश मिम्‍शा ग्रुम ग्रुम दाक्‍तक।  
\v 18 गो इन कली ग्रुम ग्रुम दाक्‍बमी गो पावल चहिं शुश पिचा दाक्‍शो बाक्‍ती। तन्‍न सैतानमी आंइ कली ग्रुम्‍थ पिचा मगेव।  
\v 19 इं प्रभु येसु आ यिची ना गे आंइ आस पतीके, ग्‍येरतीके नु सिरपेच खोदेंशो बाक्‍नीनी। \em फिलिप्‍पी २:१६; फिलिप्‍पी ४:१\em* 
\v 20 इन कली तशा, ग्‍येरशा आंइ नें बोरपाइक्‍नीकी। 
\c 3  
\s1 तिमोथी लशा लेश्‍शो 
\p  
\v 1 मोपतीके गो इन कली श्‍येत जशो तशा, फाल्‍ने मचाप्‍क। गो निक्‍शी एथेन्‍स सहरम बाक्‍स्‍कु, दे सल्‍ला पाइतक। \em प्रेरित १७;१४-१६\em* 
\v 2 गो निक्‍शीमी आंस लोक्‍ब, गो नु परमप्रभु यावे आ गेय पाइब, ख्रीस्‍त आ ग्‍येरपाइक्‍ब लोव़ शेंब, तिमोथी कली इन थमा सुइक्‍तीक बारपाइक्‍चा नु इन कली अरेचा कली सोइक्‍ताक्‍स्‍कु। \em प्रेरित १६:१-३\em* 
\v 3 सुइमी श्‍येत जशा थमा सुइक्‍चा मप्रोन्‍मेक्‍ल। मारदे हना गोपुकीमी श्‍येत जचा माल्‍नय, दे तुइक्‍नीनी। \em प्रेरित १४:२२; एफिसी ३:१३; हिब्रू १०:३९; २तिमोथी ३:१२\em* 
\v 4 ङोंइती रे गो नु बाक्‍नीनु “श्‍येत जचा माल्‍नय” दे शेंताक्‍क। मुल आंइ शेंशो दुम्‍त। मेको यो तुइक्‍नीनी।  
\v 5 गो इन कली श्‍येत जशो तशा फाल्‍ने मचबु। मोपतीके तिमोथी कली इन थमा सुइक्‍तीक दोपा बाक्‍म, दे तुइक्‍चा कली कोव़थ सोइक्‍ताक्‍ङ। मुर आन कली पाप पपाइक्‍बमी इन कली बिग्रेवा कों, आंइ पशो गेय यो मोशा लम कों, दे गो हिंती। \em फिलिप्‍पी २:१६\em* 
\p  
\v 6 मिनु तिमोथी इन कली ग्रुम्‍थ पिशा, लेश्‍शा जाक्‍त। मेकोमी इन थमा सुइक्‍तीके नु इन दाक्‍तीके रिम्‍शो बाक्‍ब। गेपुकी आंइ कली गेना हना यो शुश मिम्‍नीनी, गोपुकी खोदेंशो पा आंइ कली ग्रुम्‍चा दाक्‍नीनी, दे तिमोथीमी आंस कली देंत। \em प्रेरित १८:५\em* 
\v 7 आंइ लोक्‍बपुकी, गोपुकी शुश श्‍येत जाइतक हना यो, इन थमा सुइक्‍तीक आ पर्बम लोव़ नेंशा ग्‍येरसाक्‍क।  
\v 8 मारदे हना गे प्रभु कली मप्रोंइब बाक्‍नीनी, दे तुइश्‍शा, गोपुकी ङोंइती रोइ पशा, मुल चहिं साशा ब्रोंइशो मुर खोदेंशो बाक्‍नीकी।  
\v 9 गो परमप्रभु यावे आ ङोंइती “गे थिस्‍सलोनिकी सहर ङा थमा सुइक्‍ब आन कली रिम्‍शो पाइतीनी” दे शुश ग्‍येरशा, परमप्रभु यावे कली ठेयब सेल्‍नीकी। 
\p  
\v 10 मिनु नाक्‍दो नाक्‍त गोपुकी परमप्रभु यावे कली “थिस्‍सलोनिकी सहर ङा थमा सुइक्‍ब आन कली ग्रुम्‍थ सोइक्‍तीन। मुल सम्‍म मशेंथु लीशो लोव़ शेंथ सोइक्‍तीन” दे पुंइना पुंइन बाक्‍नीकी।  
\v 11 इं आफ परमप्रभु यावे नु इं प्रभु येसुमी आंइ कली गेपुकी नु ग्रुम्‍चा गेम्‍सेक्‍ल।  
\v 12 गोपुकीमी इन कली शुश दाक्‍शो खोदेंशो पा प्रभुमी इन दाक्‍चा शुश बारपाइश्‍शा, दाक्‍मुचा नु अरु आन कली यो दाक्‍ब दुमीन।  
\v 13 मोपा प्रभु येसु आ मुर नु जाक्‍ची ना इन थमा सुइक्‍तीक थुं बारपाइश्‍शा, दोस गेचा मपुंइसीब, इं आफ परमप्रभु यावे आ ङोंइती रिम्‍शो सेलल। \em १कोरिन्‍थी १:८; फिलिप्‍पी १:१० \em* 
\c 4  
\s1 परमप्रभु कली ग्‍येरपतीन 
\p  
\v 1 मिनु आंइ नोले ङा लोव़, आं लोक्‍बपुकी, प्रभु येसु आ नेंमी इन कली शुश शेंतीक नु अरेतीक लोव़ पाइनीकी। गेपुकी आंइ कली दोपा बाक्‍शो तनी, मोपा बाक्‍शा, परमप्रभु यावे कली ग्‍येरपतीन। गेपुकी मेको क्‍येङा यो शुश रिम्‍शो पने।  
\v 2 गोपुकीमी प्रभु येसु आ नेंमी इन कली मार अरेतीक लोव़ गेका, मेको गे तुइक्‍नीनी।  
\v 3 परमप्रभु यावे आ दाक्‍शो मार बाक्‍ब देंशा हना, मरिम्‍शो मपचा नु ग्रांग्रा दिशो गेय रे ङोन बाक्‍चा बाक्‍ब।  
\v 4 गे नेल्‍ल आंम मीश नु बाक्‍शा, हेंथे मगाक्‍थु, मान तचा कली शिरशो दुम्‍शा बाक्‍कीन।  
\v 5 अर्को रागी ङा परमप्रभु यावे कली मतुइक्‍ब मुरपुकीमी खोदेंशो पा ग्रांग्रा दिचा ङा गेयमी मबाक्‍कीन।  
\v 6 सुइ वोंइश मुरुम आ लोक्‍ब कली मोदेंशो पा श्‍येत मगेवल। मारदे हना प्रभुमी मोदेंशो पाइब आन कली क्‍येक्‍क लेप्‍ब, दे ङोंइती रे इन कली शेंताक्‍क। \em लेवी १९:११\em* 
\v 7 परमप्रभु यावेमी इं कली ग्रांग्रा दिचा ङा गेय पचा कली मयोव़ङ। पाप रे ङोन बाक्‍चा कली योव़तु।  
\v 8 मोपतीके सुमी मेको लोव़ मटीबा, मेकोमी मुर आ लोव़ मटीब ममाइ, परमप्रभु यावे कली मटीब बाक्‍ब। परमप्रभु यावेमी इन कली आ सोक्‍त गेब। \em लूका १०:१६\em* 
\p  
\v 9 थमा सुइक्‍ब लोक्‍ब आन दाक्‍मुतीके आ पर्बम सुइ मुरुमी इन कली ब्रेक्‍चा ममाल्‍ब। मारदे हना परमप्रभु यावेमी इन कली दाक्‍मुचा माल्‍नीनी, दे आंमान शेंशो बाक्‍त। \em यूहन्‍ना १३:३४; लेवी १९:१८\em* 
\v 10 मिनु गेपुकी थमा पा मासीडोनीया रागी ङा लोक्‍ब नेल्‍ल आन कली दाक्‍नीनी। गोपुकीमी मेको क्‍येङा यो दाक्‍तीन, दे इन कली अरेनीकी।  
\v 11 गेपुकी दुशा बाक्‍कीन। आंम खिं ङा गेय ला मिम्‍तीने। आंमान गेय पना पन बाक्‍कीन। मेको इन कली अरेतीक लोव़ पाइतक। \em १थिस्‍सलोनिकी २:९; एफिसी ४:२८; २थिस्‍सलोनिकी ३:८,१२\em* 
\v 12 मो पाइतीनी हना, अरु मुरपुकीमी इन कली ठेयब सेल्‍नीम। मिनु सुइ के मारेइ ममाल्‍नीनी। \em कलस्‍सी ४:५\em* 
\s1 येसु यिचा आ पर्बम 
\p  
\v 13 आंइ लोक्‍बपुकी, बेक्‍शो मुर आ पर्बम रागी रागी ङा मुरपुकीमी हिशेक शुश पाइनीम। मारदे हना मेको आन के आस मबाक्‍ब। गेपुकी चहिं मतुइक्‍ब खोदेंशो पा, बेक्‍शो इन वारच आन पर्बम थुं खाइक्‍पाइश्‍शा मबाक्‍कीन। \em १कोरिन्‍थी १५:२०; एफिसी २:१२\em* 
\v 14 गोपुकी येसु बेक्‍शा सेंसाक्‍व, दे थमा सुइक्‍तय हना, परमप्रभु यावेमी येसु आ पतीकेमी बेक्‍शो मुर आन कली सेंशा चाक्‍ब। \em रोमी १४:९; १कोरिन्‍थी १५:३,९,१२\em* 
\v 15 मिनु गोपुकीमी इन कली प्रभु आ लोव़ रे “प्रभु आ यिचा सम्‍म बाक्‍बपुकी बेक्‍शो वारच आन क्‍येङा ङोंइती प्रभु कली ग्रुम्‍चा मताइनय” दे तुइक्‍पाइक्‍नीकी। \em मत्ती १६:२८; मत्ती २४:३०-३१; १कोरिन्‍थी १५:५१-५२; यूहन्‍ना १७:२४\em* 
\v 16 मारदे हना प्रभुमी आ मुर आन कली “कुन” दे ब्रेत्‍तानु, नेल्‍ल क्‍येङा ठेयब परमप्रभु यावे आ स्‍वर्ग ङा गेय पाइबमी यो ब्रेप्‍ब। परमप्रभु यावे आ तुराही ताप्‍शो नेंनीम। मेना प्रभु सरीङ रे यीब। ख्रीस्‍त कली थमा सुइश्‍शा बेक्‍शो मुरपुकी ङोंइती सेंसीनीम।  
\v 17 नोले ब्रोंइशा लीशो गोपुकी मेको नु गोस्‍सुमी क्‍युक्‍सीशा, मेकोपुकी नु लाइनय। मेकोपुकी नु सरीङमी देल्‍शा बाक्‍शा, प्रभु कली ग्रुम्‍नय। मोदेंशो पा गोपुकी गेना हना यो प्रभु नु काथा बाक्‍चा ताइनय। \em यूहन्‍ना १२:२६\em* 
\v 18 मोपतीके मेको लोव़ पा थुं बारपाइक्‍‍मुने। 
\c 5  
\s1 प्रभु आ नाक्‍त 
\p  
\v 1 आंइ लोक्‍बपुकी “गिश बर्स लीबा, गेना सम्‍म रिम्‍चा” दे इन कली ब्रेक्‍चा ममाल्‍नीकी। \em मत्ती २४:३६\em* 
\v 2 मारदे हना गेपुकी प्रभु आ नाक्‍त खुइ खोदेंशो पा जाक्‍ब, दे तुइक्‍नीनी। \em मत्ती २४:४२-४४; २पत्रुस ३:१०; प्रकाश ३:३; प्रकाश १६:१५\em* 
\v 3 मेना मुरुमी “दुशा बाक्‍नय, मारेइ मदुम्‍ब” देंतेक्‍म हना यो, आल कुरशो मीश मुर आल थिचा रोइ गेना पाइबा मतुइक्‍ब। मोदेंशो खोदेंशो पा मुरपुकी मब्रोंइचा ङा पा श्‍येत जाइनीम। \em येरमीया ६:१४; मत्ती २४:३९\em* 
\v 4 गे लोक्‍बपुकी चहिं छिङछिङम मबाक्‍नीनी। मेको नाक्‍त खुइ जाक्‍शो खोदेंशो पा इन कली महिंपाइक्‍ब।  
\v 5 मारदे हना गे नेल्‍ल छेङछेङ नु नाक्‍त ङा मुर बाक्‍नीनी। गोपुकी नाक्‍दो नु छिङछिङ ङा मुर मनय। \em रोमी १३:१२; एफिसी ५:९\em* 
\v 6 मोपतीके अरु खोदेंशो पा गो मइप्‍य, सासीशा “प्रभु यीब” दे मिम्‍ना मिम्‍न बाक्‍य। \em १पत्रुस ५:८\em* 
\v 7 इप्‍बपुकी नाक्‍दो इप्‍नीम, दुक्‍बपुकी नाक्‍दो दुक्‍शा बाक्‍नीम।  
\v 8 तन्‍न गोपुकी नाक्‍त ङा मुर दुम्‍शा “प्रभु यीब” दे मिम्‍ना मिम्‍न बाक्‍शा, परमप्रभु यावे आ या ङा पीतल के भोटो खोदेंशो पा, थमा सुइक्‍तीके नु दाक्‍तीके फेक्‍शा बाक्‍य। पीतल के ताकी गुप्‍शो खोदेंशो पा पाप रे प्रोंइशो बाक्‍नुङ, दे तुइश्‍शा आस पय। \em एफिसी ६:१४-१७\em* 
\v 9 मारदे हना परमप्रभु यावे इं पर्बम मगाइक्‍ब। प्रभु येसु ख्रीस्‍त आ पतीके पाप रे ब्रोंइब सेल्‍तु।  
\v 10 मेको इं पर्बम साइक्‍चा पुंइसाक्‍व। मो दुम्‍तीके गोपुकी इप्‍तय हना यो, मइप्‍तय हना यो, मेको नु ब्रोंइचा ताइनय। \em रोमी १४:८-९\em* 
\v 11 मोपतीके अरेपमुशा, इन थुं बारपमुने। गेपुकी मोदेंशो पना पन यो बाक्‍तीनी। \em हिब्रू ३:१३\em* 
\s1 नोले ङा लोव़ 
\p  
\v 12 आंइ लोक्‍बपुकी, इन कली शेंब नु लां कोंइशा, अरेब आन कली रिम्‍शो पने, दे माइक्‍नीकी। \em १कोरिन्‍थी १६:१८\em* 
\v 13 मेकोपुकी नु शुश दाक्‍मुशा बाक्‍कीन। मारदे हना प्रभु आ गेय पाइब बाक्‍नीमी। 
\p  
\v 14 आंइ लोक्‍बपुकी, गेय मपाइब आन कली अरेपने। हिंब मुर आन थुं बारपतीन। मचाप्‍‍ब आन कली वारच पने। नेल्‍ल आन कली फाल्‍शा बाक्‍कीन। \em २थिस्‍सलोनिकी ३:१५\em* 
\v 15 मुरुमी इन कली मरिम्‍शो पाम्‍तेक्‍म हना, गेपुकी मेको आन कली मरिम्‍शो मपने। रिम्‍शो पमुचा माल्‍नीनी। अरु आन कली यो रिम्‍शो पने। \em हितोपदेस २०:२२; रोमी १२:१७,२१; १पत्रुस ३:९\em* 
\v 16 मिनु गेना हना यो ग्‍येरसीन। \em फिलिप्‍पी ४:४\em* 
\v 17 प्रार्थना पना पन बाक्‍कीन। \em लूका १८:१-८; रोमी १२:१२; एफिसी ६:१८; कलस्‍सी ४:२ \em* 
\v 18 मार दुम्‍त हना यो, परमप्रभु यावे कली “गे रिम्‍शो पाइब बाक्‍नीनी” देनीन। मारदे हना मेको परमप्रभु यावे आ दाक्‍शो बाक्‍ब। ख्रीस्‍त येसु आ नोले खोइक्‍ब मेको गेना हना यो देंचा माल्‍नीम। \em एफिसी ५:२०\em* 
\p  
\v 19 परमप्रभु यावे आ सोक्‍त कली मकाप्‍तीन। \em १कोरिन्‍थी १४:१,३९\em* 
\v 20 परमप्रभु यावेमी तुइक्‍पाइश्‍शो लोव़ पचा गेन।  
\v 21 तन्‍न परमप्रभु यावे आ लोव़ नु गारबा देय मगारबा, दे नाक्‍शा कोव़ङीन। गारत हना, मप्रेंदीने।  
\v 22 नेल्‍ल ग्रांग्रा दिचा ङा गेय क्‍येङा ङोन बाक्‍कीन। 
\p  
\v 23 थुं नाइक्‍पाइक्‍ब परमप्रभु यावेमी इन कली थम रिम्‍शो सेलल। इन सोक्‍त, थुं नु रां इं प्रभु येसु ख्रीस्‍त मयिम सम्‍म रिम्‍शो नु दोस मताइब दुम्‍शा बाक्‍मल।  
\v 24 इन कली ब्रेप्‍ब इन कली देंशो पाइब बाक्‍ब। मेकोमी थमा पाइब। \em १कोरिन्‍थी १:९; २थिस्‍सलोनिकी ३:३\em* 
\v 25 आंइ लोक्‍बपुकी, आंइ पर्बम परमप्रभु यावे कली पुनीन।  
\v 26 लोक्‍ब नेल्‍ल आन कली प्रभु आ नेंमी मुम्‍मुशा आसीक गेने।  
\v 27 प्रभु आ नेंमी एको चिठी लोक्‍ब नेल्‍ल आन कली पढेशा नेंपतीन।  
\v 28 इं प्रभु येसु ख्रीस्‍त आ शिशी गेपुकी नु लील।