\id 1PE  
\h १ पत्रुस 
\toc1 १ पत्रुस 
\toc2 १ पत्रुस 
\toc3 १पत्रुस 
\mt1 १ पत्रुस 
\ip \bd ब्रेक्‍ब मुर:\bd* एको चिठी येसु आ शेंसीब पत्रुसमी इस्राएली मदुम्‍शो मुर आन कली ब्रेक्‍शो बाक्‍त। 
\ip \bd गेना ब्रेक्‍शो:\bd* एको चिठी ६४ ए. डी. नोले ब्रेक्‍शो बाक्‍त। मेना रोम सहर ङा मुरपुकीमी थमा सुइक्‍ब आन कली शुश खेदा पा, साइक्‍चा गोव़मे बाक्‍त। रोम सहर कली यो बेबीलोन यो देंनीम। \em १पत्रुस ५:१३\em* 
\ip \bd मार ब्रेक्‍शो:\bd* पत्रुसमी थमा सुइक्‍ब आन कली “बोल्‍यो दुमीन। थमा सुइक्‍बपुकीमी श्‍येत जचा माल्‍नीम” दे ब्रेक्‍शो बाक्‍त। 
\c 1  
\s1 ङोंइती ङा लोव़ 
\p  
\v 1 गो येसु ख्रीस्‍त आ सोइश्‍शो पत्रुस नङ। एको चिठी पोन्‍टस, गलातीया, कापाडोसीया, एसीया नु बिथीनीया रागीम ब्रशा बाक्‍शो इस्राएल रागी ङा थमा सुइक्‍ब, इन कली ब्रेक्‍ताक्‍न्‍नी। \em हिब्रू १३:१४\em* 
\v 2 इं आफ परमप्रभु यावेमी इन कली योव़शा, आ मुर दुम्‍नीम देंत। मिनु आ सोक्‍तीमी इन कली येसु ख्रीस्‍त कली टीब सेल्‍तु। आ हुशेमी चोव़खो सेल्‍तु। परमप्रभु यावे आ गेशो शिशी नु थुं नाइक्‍तीके ङोंइती क्‍येङा मुल गे नु शुश बाक्‍ल। \em रोमी ८:२९\em* 
\s1 ब्रोंइचा आ पर्बम शेंशो 
\p  
\v 3 इं प्रभु येसु ख्रीस्‍त आ आफ नेल्‍ल आसीक पाइश्‍शो बाक्‍ब, दे गो मान पय। मेको आ शुश शिशी पतीके नु येसु ख्रीस्‍त बेक्‍शो रे सेंसीशोमी इं कली ब्रोंइशा बाक्‍तीक आस गेशा, नक जरमेशो मुर सेल्‍तु। \em कलस्‍सी १:५\em* 
\v 4 मिनु इं कली स्‍वर्गमी जाम्‍शा मलाइब, काइ मबिग्रेब नु गेना हना यो लीब शोंप वोइश्‍शो बाक्‍ब। \em कलस्‍सी १:१२\em* 
\v 5 परमप्रभु यावे आ सक्तिमी इं कली कोव़ब। गो पाप रे ब्रोंइशो मुर बाक्‍नय, दे थमा सुइक्‍नय। मेको नेल्‍ल नोले ङा नाक्‍तीमी कोंइब। \em यूहन्‍ना १०:२८\em* 
\v 6 गे मेको तुइश्‍शा, ग्‍येरनीनी। मुल इच्‍का नाक्‍त सम्‍म थुं थाम्‍चा कली मार मार श्‍येत जाइनीनी। \em १पत्रुस ५:१०; २कोरिन्‍थी ४:१७\em* 
\v 7 मारदे श्‍येत जाइनीनी देंशा हना, इन थमा सुइश्‍शो थमा कों, जोल कों, दे नाक्‍चा कली श्‍येत जाइनीनी। मोपा श्‍येत जाइतीनी हना, इन थमा सुइक्‍तीके मीम याप्‍पाइश्‍शो सुन क्‍येङा शुश क्‍येट लाइब दुम्‍ब। मिनु येसु ख्रीस्‍त आ यिची ना ठेयब सेल्‍तीक, छेङछेङ नु मान पतीक दुम्‍ब। \em हितोपदेस १७:३, यसैया ४८:१०\em* 
\v 8 गे मेको कली मताइतीनी हना यो, दाक्‍नीनी। मेको कली मुल सम्‍म मतथु यो, थमा सुइक्‍तीनी। गे गिश ग्‍येरना ग्‍येरन बाक्‍शो बाक्‍नीनी, देंने मचाप्‍नीनी। \em यूहन्‍ना २०:२९; २कोरिन्‍थी ५:७\em* 
\v 9 इन थमा सुइक्‍तीकेमी पाप रे ब्रोंइचा ताइनीनी। 
\p  
\v 10 साइ ङोंइती परमप्रभु यावे आ लोव़ पाइबपुकीमी गे शिशी ताइब दुम्‍नीनी, दे लोव़ पशो बाक्‍तेक्‍म। मिनु पाप रे ब्रोंइतीके तुइक्‍चा कली शुश माल्‍शो बाक्‍तेक्‍म। \em लूका १०:२४\em* 
\v 11 मेकोपुकीमी आन आगामी बाक्‍शो ख्रीस्‍त आ सोक्‍त कली “पाप रे प्रोंइब सु बाक्‍मे, गेना जाक्‍बा?” दे हिल्‍लो पामे बाक्‍त। मोदेंशो पा माल्‍ना माल्‍न ख्रीस्‍त आ श्‍येत जचा नु छेङछेङम लचा आ पर्बमी नोले दुम्‍ब लोव़ पामे बाक्‍त। \em भजन संग्रह २२:-, यसैया ५२:१३- ५३:१२\em* 
\v 12 मेकोपुकीमी आन पाला ङा मुर आन कली ला लोव़ मपामे। नोले ङा मुर, इन कली यो लोव़ पा शेंदमे बाक्‍त। इन कली दोपा शेंदमे बाक्‍त देंशा हना, परमप्रभु यावेमी आ सोक्‍त स्‍वर्ग रे सोइश्‍शो बाक्‍त। मेको आ पतीकेमी शेंबपुकीमी इन कली ग्‍येरपाइक्‍ब लोव़ शेंताक्‍म। परमप्रभु यावे आ स्‍वर्ग ङा गेय पाइबपुकीम यो मेको तचा तुइक्‍चा दाक्‍नीम। \em एफिसी ३:१०\em* 
\s1 परमप्रभु आ मुर दिम्‍शो 
\p  
\v 13 मोपतीके इन थुं फ्रेंदीन। गेय पचा ङोंइती मिम्‍तीन। येसु ख्रीस्‍त जाक्‍मेनु, इन कली शिशी पाइब, दे आस पा बाक्‍कीन। \em लूका १२:३५-३६ \em* 
\v 14 मुल टीब आल खोदेंशो पा इन ङोंइती मतुइक्‍थु पशो मरिम्‍शो पचा क्‍येङा ङोन बाक्‍कीन। \em रोमी १२:२\em* 
\v 15 इन कली ब्रेप्‍ब, येसु ख्रीस्‍त दोदेंशो बाक्‍मे, गे यो मोदेंशो दुम्‍शा बाक्‍कीन।  
\v 16 परमप्रभु यावे आ ब्रेक्‍पाइश्‍शो लोव़मी “गेपुकी आं कली ला ठेयब सेलीन। मारदे हना गो का ला इन परमप्रभु नङ” दे ब्रेक्‍शो बाक्‍ब। \em लेवी १९:२\em* 
\p  
\v 17 गेपुकीमी परमप्रभु यावे कली “इं आफ” दे पुंइना पुंइन बाक्‍नीनी। मेकोमी मुर आन कुल मकोव़थु, आन पशो कोव़शा, निसाफ पाइब। मोपतीके गे रागीमी बाक्‍नीनु, पाप पचा हिनीन। \em रोमी २:११; फिलिप्‍पी २:१२\em* 
\v 18 इन किकी पिपी रे “गो नरक लाइब बाक्‍नीकी” दे तुइक्‍नीनी। मुल गे नरक लतीक लां रे प्रोंइचा पुंइसीशो बाक्‍तीनी। दोपा प्रोंइचा पुंइसीशो बाक्‍तीनी देंशा हना, जाम्‍शा लाइब सुन नु चांदी थाप्‍शा ममाइ, \em १कोरिन्‍थी ६:२०; १कोरिन्‍थी ७:२३; १पत्रुस ४:३\em* 
\v 19 येसु ख्रीस्‍तमी मारेइ मदुम्‍शो पाठा बुद पा आंम हुश शाइक्‍पाइश्‍शा इन कली नरक रे प्रोंइतु। \em हिब्रू ९:१४; यसैया ५३:७; यूहन्‍ना १:२९\em* 
\p  
\v 20 परमप्रभु यावेमी रागी सेल्‍चा क्‍येङा ङोंइती “येसु ख्रीस्‍त पाप रे प्रोंइब दुम्‍ब” दे मिम्‍शो बाक्‍माक्‍त। मेको रागी नुप्‍ची ना इन पर्बम तुइक्‍पाइश्‍शो बाक्‍त। \em रोमी १६:२५-२६\em* 
\v 21 गे येसु ख्रीस्‍त आ पतीके परमप्रभु यावे कली थमा सुइक्‍नीनी। मेकोमी येसु ख्रीस्‍त कली बेक्‍शो रे सेंपाइश्‍शा, छेङछेङम वोइक्‍तु। मोपतीके गे “परमप्रभु यावेमी इं कली कोव़ब” दे थमा सुइश्‍शा आस पने।  
\v 22 दोपा येसु ख्रीस्‍त आ देंशो टिशा, थमा गेय पा पाप रे ङोन बाक्‍नी, मोपा गे लोक्‍ब आन कली यो थमा पा दाक्‍नीनी। गे थमा सुइक्‍बपुकी इन थुं नेल्‍लेमी थमा पा दाक्‍मुने।  
\v 23 गे नक जरमेशो खोदेंशो बाक्‍नीनी। जाम्‍शा लाइब ममाइ। गेनायो मजाम्‍ब दुम्‍तीनी। मेकोन ब्रोंइचा गेब नु गेना हना यो लीब परमप्रभु यावे आ लोव़ बाक्‍ब। \em यूहन्‍ना १:१३; याकूब १:१-१८\em* 
\v 24 परमप्रभु यावे आ देंशो लोव़ मार बाक्‍त देंशा हना, रागी ङा मुर नेल्‍ल घांस खोदेंशो बाक्‍नीम। मेको आन दार‍स बोइश्‍शो फू खोदेंशो बाक्‍ब। आ घांस सोव़ब, मिनु फू यो हेम्‍ब। \em याकूब १:१०-११\em* 
\v 25 तन्‍न परमप्रभु यावे आ देंशो लोव़ गेना हना यो लीब। मेको आ ग्‍येरपाइक्‍ब लोव़ बाक्‍ब। मिनु शेंबपुकीमी मेको इन कली शेंताक्‍मे। \em यसैया ४०:६-८\em* 
\c 2  
\s1 परमप्रभु आ योव़शो मुर 
\p  
\v 1 मोपतीके गे नेल्‍ल मरिम्‍शो पचा, मुर आन कली मरिम्‍शो लोव़ पतीक नु गाइक्‍तीके ताइक्‍तीन। मिनु जोल पतीके, गेहे पतीके नु मुर आन लोव़ कुरशा गाक्‍चा नेल्‍ल ताइक्‍तीन। \em याकूब १:२\em* 
\v 2 नक थिशो आलम दूध तूचा माल्‍शो खोदेंशो पा, गे यो परमप्रभु यावे आ लोव़ तुइक्‍चा मालीन। गे मोदेंशो पाइतीनी हना, इन पाप रे ब्रोंइशो थुं बारना बारन लाइब। \em हिब्रू ५:१२-१३; मत्ती १८:३\em* 
\v 3 मारदे हना गेमी परमप्रभु रिम्‍शो पाइब बाक्‍ब, दे तुइक्‍नीनी। \em भजन संग्रह ३४:१०\em* 
\p  
\v 4 येसु ख्रीस्‍त ब्रोंइचा गेब फुल्‍लु बाक्‍ब। मेको आ नेक्‍था लने। मुरपुकीमी मेको कली ममाल्‍शो फुल्‍लु खोदेंशो पा ताइक्‍ताक्‍म। तन्‍न परमप्रभु यावेमी “मेको कली योव़शो नु नेल्‍ल क्‍येङा दाक्‍शो बाक्‍ब” दे मिम्‍ब। \em भजन संग्रह ११८:२२; यसैया ८:१४-१५; मत्ती २१:४२\em* 
\v 5 मिनु गे यो ब्रोंइचा गेब फुल्‍लु खोदेंशो बाक्‍नीनी। मोपतीके परमप्रभु यावे आ सोक्‍तीम सेल्‍शो खिं ङा फुल्‍लु दुमीन। परमप्रभु यावे आ ङोंइती राप्‍ब मुर दुमीन। आ सोक्‍त ङा चढ़ेतीक गेय पा बाक्‍कीन। येसु ख्रीस्‍त आ पतीके परमप्रभु यावेमी इन पशो ताक्‍ब। \em एफिसी २:२१-२२; हिब्रू ३:६; रोमी १२:१\em* 
\v 6 मारदे हना परमप्रभु यावे आ लोव़मी मार ब्रेक्‍शो बाक्‍ब देंशा हना “नेनीन, गो सियोन डांडामी फुल्‍लु का वोइक्‍नुङ। मेको सुर ङा फुल्‍लु दुम्‍शा, योव़सीशा नु दाक्‍सीशा बाक्‍ब। सु सुमी मेको कली थमा सुद‍मे, मेको मुर मुने दोक्‍चा ममाल्‍नीम” दे ब्रेक्‍शो बाक्‍ब। \em यसैया २८:१६\em* 
\v 7 मोपतीके थमा सुइक्‍बपुकीमी मेको कली दाक्‍नीम। तन्‍न थमा मसुइक्‍ब खिं सेल्‍बपुकीमी मेको फुल्‍लु कली ताइश्‍शो बाक्‍तेक्‍म। तन्‍न मेको सुर ङा फुल्‍लु दुम्‍त।  
\v 8 मिनु लेंशा “मेको फुल्‍लुमी मुर आन कली दाइल प‍पाइक्‍ब। मेको ठेयब फुल्‍लुमी मुर आन कली थिप्‍पाइक्‍ब” दे ब्रेक्‍शो बाक्‍ब। मुरपुकीमी परमप्रभु यावे आ लोव़ मटितीके दाइल पांइसीनीम, दे ङोंइती मेको आ पर्बम देंशो बाक्‍ब। \em भजन संग्रह ११८:२२; यसैया ८:१४; रोमी ९:३३; लूका २:३४\em* 
\p  
\v 9 तन्‍न गे परमप्रभु यावे आ योव़शो मुर दुम्‍तीके, आ राज्‍य ङा चढ़ेब परमप्रभु यावे आ रागी ङा मुर दुम्‍तीनी। मारदे मोदेंशो दुम्‍तीनी देंशा हना, परमप्रभु यावेमी इन कली रिम्‍शो पशा, छिङछिङ रे ग्रुंइशा, आंम आ छक लाक्‍चा ङा छेङछेङमी वोइश्‍शो बाक्‍त। मिनु अरु नेल्‍ल आन कली शेंचा, दे मोदेंशो दुम्‍तीनी। \em प्रस्‍थान १९:६; यसैया ४३:२१; प्रकाश १:६; ब्‍यवस्‍था ४:२०; ब्‍यवस्था ७:६; एफिसी ५:८\em* 
\v 10 ङोंइती गे परमप्रभु यावे आ मुर मबाक्‍नी। मुल परमप्रभु यावे आ मुर दुम्‍तीनी। ङोंइती गे परमप्रभु यावे आ शिशी मतशो बाक्‍तीनी। तन्‍न मुल परमप्रभु यावे आ शिशी ताइब दुम्‍तीनी। \em होसे २:२५; रोमी ९:२४-२६\em* 
\s1 थमा सुइक्‍ब दोपा बाक्‍चा माल्‍नीमी 
\p  
\v 11 आं दाक्‍शो लोक्‍बपुकी, गो इन कली इन थुं बारपाइक्‍तीक लोव़ पाइनुङ। गो रागीम बाक्‍यानु, रागी ङा पौना खोदेंशो बाक्‍नय। मोपतीके इन दला दाक्‍स पा रागी ङा मुर खोदेंशो मपने। ग्रांग्रा दिचा ङा गेय रे ङोन बाक्‍कीन। मारदे हना मोदेंशो गेय इन थमा सुइक्‍तीक थुं नु जीब। \em भजन संग्रह ३९:१३\em* 
\v 12 थमा मसुइक्‍ब आन दातेमी रिम्‍शो पने। मेकोपुकीमी इन पर्बम “मरिम्‍शो पाइब बाक्‍नीम” दे मरिम्‍शो लोव़ पाम्‍तेक्‍म हना यो, इन रिम्‍शो पतीक तशा, परमप्रभु यावे नु ग्रुम्‍ची ना मेकोपुकीमी परमप्रभु यावे कली ठेयब सेल्‍मेक्‍ल। \em मत्ती ५:१६\em* 
\p  
\v 13 प्रभु आ पर्बम सरकारमी अधिकार गेशो मुर आन कली टिने। पिप नेल्‍ल क्‍येङा ठेयब बाक्‍ब। मोपतीके टिचा माल्‍नीनी। \em रोमी १३:१-७; तीतस ३:१\em* 
\v 14 मिनु आ वोइश्‍शो ठेयब मुर आन कली यो टिचा माल्‍नीनी। मेकोपुकी मरिम्‍शो पाइब आन कली सजाइ गेचा नु रिम्‍शो पाइब आन कली “गे रिम्‍शो पाइतीनी” देंचा कली वोइश्‍शो बाक्‍नीम।  
\v 15 परमप्रभु यावे आ दाक्‍शो मार बाक्‍ब देंशा हना, इन रिम्‍शो पतीकेमी मतुइक्‍ब नु निप्‍स मपाइश्‍शो आन कली सिक्‍सी पपतीन। \em १पत्रुस ३:१६; तीतस २:८\em* 
\v 16 पाप रे प्रोंइचा पुंइसीशो मुर दुम्‍शा बाक्‍कीन। “पाप रे ब्रोंइचा ताइनुङ” दे मिम्‍शा मरिम्‍शो मपने। परमप्रभु यावे आ वाइलीम वाइल दुम्‍शा बाक्‍कीन। \em गलाती ५:१३; २पत्रुस २:१९\em* 
\v 17 मुर नेल्‍ल आन कली मान पने। थमा सुइक्‍ब आन कली दाक्‍तीने। परमप्रभु यावे कली मान पा हिनीन, पिप कली मान पने। \em रोमी १२:१०; हितोपदेस २४:२१\em* 
\s1 येसु आ श्‍येत जशो कोंइतीके 
\p  
\v 18 गे खिं ङा गेय पाइबपुकी, इन होव़प क्‍येङा हिंशा टिने। रिम्‍शो पाइब होव़प कली ला ममाइ, मरिम्‍शो होव़प कली यो टिचा माल्‍नीनी। \em एफिसी ६:५; तीतस २:९\em* 
\v 19 इन होव़पमी इन कली बित्‍चीम श्‍येत गेम्‍तेक्‍म हना यो, गे परमप्रभु यावे कली मिम्‍शा, श्‍येत फाल्‍शा बाक्‍कीन। मेको परमप्रभु यावे आ दाक्‍शो बाक्‍ब।  
\v 20 गे मरिम्‍शो पशा, तुप्‍चा पुंइसीनीनु, मेको फाल्‍शा बाक्‍तीनी हना, मार रिम्‍शो पनी ङा? रिम्‍शो पशा यो, श्‍येत गेचा पुंइसीशा, फाल्‍शा बाक्‍तीनी हना, परमप्रभु यावे आ दाक्‍शो पाइनीनी। \em १पत्रुस ३:१४; मत्ती ५:१०\em* 
\v 21 मोदेंशो पचा, दे योव़शो ननी। ख्रीस्‍त यो इन पर्बम श्‍येत जशा, इन कली कोंइतीक दुम्‍त। मोपतीके गे आ खोदेंशो पचा माल्‍नीनी। \em १पत्रुस ३:१८; मत्ती १६:२४\em* 
\v 22 मेकोमी काइ पाप मपवो। जोल यो मपवो। \em यूहन्‍ना ८:४६; यसैया ५२:९\em* 
\v 23 मुरपुकीमी मेको कली शुक्‍शी लोव़ पाम्‍तेक्‍म हना यो, मेको आन कली लोव़ मलेत्‍त। मिनु श्‍येत जशा यो, मुर आन कली हिंच मकोंइद। तन्‍न ठीक पा निसाफ पाइब कली जिम्‍मा गेंसाक्‍व।  
\v 24 मेको इं पाप क्‍याम्‍चा कली शीमी क्‍येप्‍शा कांटी थोक्‍शा साइक्‍चा पुंइसाक्‍व। इं पाप पतीक थुं साइक्‍चा नु इं ठीक पतीक थुं प्रोंइचा, दे साइक्‍चा पुंइसाक्‍व। मोपा मेको आ कांटी थोक्‍शो गारपुकीमी गे साशा ठीक दुम्‍तीनी। \em १यूहन्‍ना ३:५; गलाती ३:१३; रोमी ६:८,११\em* 
\v 25 ङोंइती गे हेंथे गाक्‍ब भेडा खोदेंशो बाक्‍तीनी। तन्‍न मुल इन गोठला नु इन थुं कोव़ब आ नेक्‍था लेश्‍शा जाक्‍तीनी। \em यसैया ५३:६; यूहन्‍ना १०:१२\em* 
\c 3  
\s1 मीश वोंइश कली अरेतीक लोव़ 
\p  
\v 1 गे मीश मुरपुकी, आंम वोंइश आ देंशो टिने। का निक्‍शी वोंइश मुरपुकी परमप्रभु यावे आ लोव़ मटीब बाक्‍तेक्‍म हना यो, आ मीश आ रिम्‍शो पशो तशा, लोव़ मपथु यो, थमा सुइक्‍ब दुम्‍नीम। \em एफिसी ५:२२; १कोरिन्‍थी ७:१६\em* 
\v 2 इन मान पशो नु इन पाप रे ङोन बाक्‍शो तशा, मोदेंशो पाइनीम।  
\v 3 रिम्‍शो पतीक मार बाक्‍ब देंशा हना, जाम्‍शा लाइब नोस पचा, चांमी मार मार चुंइसीचा, सुन पांइचा नु शुश क्‍येट लाइब वा फेक्‍चा ममाइ, \em यसैया ३:१८-२३; १तिमोथी २:९\em* 
\v 4 मुर आन थुंमी ख्रुइश्‍शो जाम्‍शा मलाइब पांइतीके बाक्‍ब। मेको मार बाक्‍ब देंशा हना, ब्रेम्‍शो नु सिक्‍सी पा बाक्‍तीक थुं बाक्‍ब। मेको परमप्रभु यावे आ ङोंइती शुश रिम्‍शो बाक्‍‍ब।  
\v 5 साइ ङोंइती पाप रे ङोन बाक्‍शो मीश मुरपुकीम परमप्रभु यावे कली आस पा आंम वोंइश कली टिशो बाक्‍तेक्‍म।  
\v 6 सारामी अब्राहाम कली मान पा टिशो बाक्‍त। मिनु मुल गे यो ठीक गेय पशा, श्‍येत जचा महिंथु, मेको आ तमी खोदेंशो दुम्‍तीनी। \em उत्‍पत्ती १८:१२\em* 
\p  
\v 7 गे वोंइश मुरपुकी, आंम मीश नु रिम्‍शो पा बाक्‍कीने। मीश मुरपुकी वोंइश मुर खोदेंशो पा बोल्‍यो मबाक्‍नीम, दे तुइक्‍नीनी। मेको मिम्‍शा, इन मीश कली मान पने। मारदे हना गे निम्‍फा परमप्रभु यावे आ शिशी ताइब बाक्‍नीसी। मो पाइतीनी हना, इन पुंइशो लोव़ परमप्रभु यावे आ ङोंइती मतेक्‍सीब। \em १कोरिन्‍थी ७:५; एफिसी ५:२५\em* 
\s1 थमा सुइक्‍ब आन कली अरेशो 
\p  
\v 8 मिनु नोले गे नेल्‍ल थुं का ङा दुम्‍शा, मुर आन कली दाक्‍शा, इन लोक्‍ब नु दाक्‍मुने। ब्रेम्‍शो थुं पाइश्‍शो मुर दुमीन।  
\v 9 इन कली मरिम्‍शो पाइब आन कली मरिम्‍शो मपने। इन कली शुक्‍शी लोव़ पाइब आन कली शुक्‍शी लोव़ मपने, आसीक गेने। मारदे हना गे आसीक ताइब दुम्‍चा कली योव़शो बाक्‍नीनी। \em १थिस्‍सलोनिकी ५:१५\em* 
\v 10 मिनु परमप्रभु यावे आ लोव़मी “सु सु ब्रोंइचा नु रिम्‍शो बाक्‍चा दाक्‍नीमी, मेकोमी शुक्‍शी लोव़ मपने। सुइ आन कली जोल मपने। मुर नु दुशा बाक्‍कीन। \em याकूब १:२६\em* 
\v 11 मरिम्‍शो पचा प्रोंइशा, ठीक गेय ला पने।  
\v 12 मारदे हना परमप्रभु यावेमी ठीक पाइब आन कली कोव़ब। आन पुंइशो लोव़ नेंचा कली आ नोफा दाइक्‍ब। तन्‍न मरिम्‍शो पाइब आन कली मकोव़ब, आन पुंइशो लोव़ यो मनेंब” दे ब्रेक्‍शो बाक्‍ब। \em भजन संग्रह ३४:१३-१७\em* 
\s1 येसु ख्रीस्‍त नेल्‍ल आन क्‍येङा ठेयब बाक्‍ब 
\p  
\v 13 गे ठीक गेय ला पाइतीनी हना, सुम इन कली श्‍येत गेबा ङा?  
\v 14 ठीक पशा यो मोशा श्‍येत जाइतीनी हना, आसीक ताइब दुम्‍नीनी। इन कली श्‍येत गेब कली महिनीन। इन थुंमी ग्‍येत्‍थ लुक्‍च मदुमीन। \em १पत्रुस २:२०; मत्ती ५:१०\em* 
\v 15 तन्‍न इन थुंमी “ख्रीस्‍त ला प्रभु बाक्‍ब” दे मेको कली ठेयब सेलीन। गे गेना हना यो “इन थमा सुइक्‍तीके मार में” दे हिल्‍लो पाइब आन कली लोव़ लेत्‍चा ठीक दुम्‍शा बाक्‍कीन। ब्रेम्‍शो थुंमी रिम्‍शो लोव़ पा लोव़ लेत्‍तीने। \em १पत्रुस २:२१-१४\em* 
\v 16 इन थुं ङा मिम्‍तीक कली पाप रे ङोन वोतीन। इन कली शुक्‍शी पाइबपुकी ख्रीस्‍त आ नेंमी रिम्‍शो पशो तशा, मुने दोक्‍मल। \em १पत्रुस ४:६\em* 
\v 17 मरिम्‍शो पशा श्‍येत जचा क्‍येङा ठीक पशा, श्‍येत जचा परमप्रभु यावे आ दाक्‍शो बाक्‍ब।  
\v 18 मारदे हना ख्रीस्‍त यो मुर नेल्‍ल आन पाप क्‍याम्‍चा कली साइक्‍चा पुंइसाक्‍व। ठीक पाइबमी ठीक मपाइब आन श्‍येत जाप्‍तु। मो पशा इं कली परमप्रभु यावे आ बाक्‍तीक चाक्‍दीप्‍ब। मोपतीके साइक्‍चा पुंइसीशा यो, सेंचा पुंइसाक्‍व।  
\v 19 नोले मेको आ सोक्‍त लशा, जेल्‍खानमी बाक्‍शो सोक्‍त आन कली लोव़ पाप्‍तु।  
\v 20 मेको सु बाक्‍तेक्‍म देंशा हना, साइ ङोंइती नोआहमी ठेयब डोंगा सेलानु, परमप्रभु यावेमी रिम्‍ना रिम्‍न बाक्‍शो बाक्‍त। तन्‍न परमप्रभु यावे कली काइ मटीब, नोआह आ पाला ङा बेक्‍शो मुर बाक्‍तेक्‍म। ८ जना मुर चहिं नोआह आ सेल्‍शो डोंगामी बाक्‍शा, ब्‍वाक्‍कु रे ब्रोंइचा ताम्‍तेक्‍म। \em उत्‍पत्ती ७:७; २पत्रुस २:५\em* 
\v 21 ब्‍वाक्‍कुमी ख्रुम्‍शा ग्रुंइतीके मेको नु गारचा ङा बाक्‍ब। मेकोमी इन कली मुल प्रोंइब। इन रां चिक्‍चा ममाइ, तन्‍न इन थुं ङा मिम्‍तीके रिम्‍शो दुम्‍ल, दे परमप्रभु यावे कली पुंइतीके बाक्‍ब। मेको नेल्‍ल येसु ख्रीस्‍त आ सेंसीशो रे जाक्‍ब। \em एफिसी ५:२६; हिब्रू १०:२२\em* 
\v 22 मेको स्‍वर्ग लशा, परमप्रभु यावे आ ग्‍युरा गे बाक्‍ब। परमप्रभु यावे आ स्‍वर्ग ङा गेय पाइबपुकी, अधिकार तशोपुकी नु सक्ति पाइश्‍शो नेल्‍लेमी मेको आ देंशो टीनीम। \em एफिसी १:२०-२१\em* 
\c 4  
\s1 थमा सुइक्‍ब श्‍येत जचा माल्‍नीम 
\p  
\v 1 दोपा ख्रीस्‍त रागीम बाक्‍शा, श्‍येत जवा, मोपा गो नेल्‍ल श्‍येत जचा माल्‍नय, दे मिम्‍तीन। सु सु रागीमी श्‍येत जाइनीमी, मेको मरिम्‍शो पतीक कली प्रोंइने थुम्‍शो बाक्‍नीम।  
\v 2 मिनु गे रागीमी बाक्‍नी सम्‍म इन दला दाक्‍स मपथु, परमप्रभु यावे आ दाक्‍शो पने।  
\v 3 ङोंइती परमप्रभु यावे कली मतुइक्‍थु मारेइ मारेइ पाइतीनी, मुल मेको गाप्‍त। थमा मसुइक्‍बपुकीमी मार पाइनीम देंशा हना, महिंब दुम्‍शा आन दला दाक्‍स पाइनीम। दुक्‍शा बाक्‍नीम, शुश जशा तूशा बाक्‍नीम नु ग्रांग्रा दिचा ङा मूर्ति पूजा पाइनीम। \em एफिसी २:२-३; तीतस ३:३\em* 
\v 4 गे चहिं मुल मेको आन पशो खोदेंशो मपाइनीनी। मोपतीके मेकोपुकी छक लाक्‍नीम। मिनु इन पर्बम शुक्‍शी पाइनीम।  
\v 5 तन्‍न मेकोपुकीमी बेक्‍शो नु ब्रोंइशो मुर आन कली निसाफ पाइब आ ङोंइती मेको आ पर्बम लोव़ पचा माल्‍नीम। \em २तिमोथी ४:१\em* 
\v 6 मोपतीके बेक्‍शो मुर आन कली यो परमप्रभु यावे आ ग्‍येरपाइक्‍ब लोव़ शेंशो बाक्‍त। परमप्रभु यावे खोदेंशो पा सोक्‍तीम ब्रोंइचा तामेक्‍ल, दे रागीमी बाक्‍मानु, निसाफ पचा पुंइसाक्‍म। \em १पत्रुस ३:१९\em* 
\s1 परमप्रभु आ पपाइश्‍शो गेय 
\p  
\v 7 रागी नु रागीमी बाक्‍शो मारेइ मारेइ नुप्‍चा चिक्‍शो बाक्‍तेक्‍म। मोपतीके इन गेय पचा ङोंइती मिम्‍शा नु आंम रां कली अरेशा प्रार्थना पने। \em १कोरिन्‍थी १०:११; १यूहन्‍ना २:१८\em* 
\v 8 नेल्‍ल क्‍येङा ठेयब मार बाक्‍ब देंशा हना, शुश दाक्‍मुचा बाक्‍ब। मारदे हना दाक्‍मुतीकेमी शुश पाप यो ग्‍याम्‍ब। \em हितोपदेस १०:१२; याकूब ५:२०\em* 
\v 9 मगाइक्‍थु बा‍स गेमुने।  
\v 10 परमप्रभु यावेमी इन कली गेय का का पपाइश्‍शो बाक्‍त। मोदेंशो पा वारच पमुने। परमप्रभु यावेमी गेशो गेय रिम्‍शो पने।  
\v 11 सुमी लोव़ पाइबा, मेकोमी परमप्रभु यावे आ ख्रुइश्‍शो लोव़ पवल। सुमी गेय पाइबा, मेकोमी परमप्रभु यावे आ गेशो सक्तिमी पवल। मोपा नेल्‍लेमी येसु ख्रीस्‍त आ नेंमी परमप्रभु यावे कली ठेयब सेल्‍मेक्‍ल। मेको छेङछेङमी बाक्‍शा, गेना हना यो सक्ति पाइश्‍शो बाक्‍ब। आमेन। \em रोमी १२:७\em* 
\s1 थमा सुइक्‍ब आन श्‍येत 
\p  
\v 12 मिनु आं दाक्‍शो लोक्‍बपुकी, इन कली थुं थाम्‍चा ङा श्‍येत शुश दुम्‍त हना, महिनीन। मेको मारेइ ममाइ। इन थमा सुइक्‍तीके नाक्‍चा कली बाक्‍ब। \em १पत्रुस १:६-७\em* 
\v 13 गे ख्रीस्‍त आ श्‍येत जशो खोदेंशो पा श्‍येत जाइतीनी हना, ग्‍येरसीने। मारदे हना आ छेङछेङ पा जाक्‍ची ना शुश ग्‍येरनीनी। \em प्रेरित ५:४१; याकूब १:२; रोमी ८:१७\em* 
\v 14 ख्रीस्‍त आ नेंमी श्‍येत जाइतीनी हना, आसीक ताइब दुम्‍‍नीनी। मारदे हना छेङछेङ ङा परमप्रभु यावे आ सोक्‍त गे नु बाक्‍ब। \em मत्ती ५:११; एफिसी १:१३ \em* 
\v 15 गेपुकी मुर कली साइक्‍ब, खुइ पाइब, ग्रांग्रा दिचा ङा गेय पाइब नु अरु आन कली ग्‍येत्‍थ लुक्‍च सेल्‍शा, सजाइ तपाइक्‍ब खोदेंशो मदुमीन।  
\v 16 तन्‍न गे थमा सुइक्‍ब दुम्‍शा, श्‍येत जाइतीनी हना, मुने मपने। येसु ख्रीस्‍त आ नेंमी परमप्रभु यावे कली ठेयब सेलीन। \em फिलिप्‍पी १:२०\em* 
\v 17 निसाफ पची ना दुम्‍चशो बाक्‍त। परमप्रभु यावे आ खिं ङा मुर ङोंइती निसाफ पचा पुंइसीनीम। मिनु गो ङोंइती ङा बाक्‍तय हना, ग्‍येरपाइक्‍ब लोव़ थमा मसुइक्‍ब आन कली दोदेंब दुम्‍बा? \em येरमीया २५:२९; इजीकीएल ९:६\em* 
\v 18 मिनु ठीक पाइब मुरपुकी हेरा ब्रोंइचा मताइब दुम्‍तेक्‍म हना, थमा मसुइक्‍ब नु मरिम्‍शो पाइबपुकी दोदेंशो दुम्‍नीमी? \em हितोपदेस ११:३१\em* 
\v 19 मोपतीके परमप्रभु यावेमी सु कली श्‍येत जचा गेबा, मेकोपुकीमी ठीक गेय पशा, आंम थुं परमप्रभु यावे कली जिम्‍मा गेमेक्‍ल। परमप्रभु यावेमी आ मुर आन कली गेनायो मप्रोंइब। \em भजन संग्रह ३१:६\em* 
\c 5  
\s1 खाल्‍पा नु ठिटा आन कली अरेशो 
\p  
\v 1 गो इन खोदेंशो खाल्‍पा नङ। गो थमा सुइक्‍ब आन दातेमी बाक्‍शो शेंब खाल्‍पा इन कली अर्ती गेनुङ। गो ख्रीस्‍त आ श्‍येत जशो तशो नङ। मुल गो जाक्‍चशो छेङछेङ ङा मुर यो दुम्‍ती। \em २यूहन्‍ना :१; मत्ती २६:३७,६९; रोमी ८:१७\em* 
\v 2 इन कली मार अर्ती गेनुङ देंशा हना, गे परमप्रभु यावे आ योव़शो मुर आन गोठला खोदेंशो दुम्‍शा, मेको आन कली रिम्‍शो पा कोव़ङीन। इन थुंमी “आं मदाक्‍शो गेय बाक्‍ब” दे मिम्‍शा ममाइ, तन्‍न “गो मेको गेय दाक्‍नुङ” दे ग्‍येरशा पने। “क्‍येट चेम्‍नुङ” दे मिम्‍शा ममाइ, तन्‍न रिम्‍शो शेंतीके गेय शुश पने। \em यूहन्‍ना २१:१६; प्रेरित २०:२८; १तिमोथी ३:२-७\em* 
\v 3 “गो परमप्रभु यावे आ योव़शो मुर आन कली हुकुम पाइब दुम्‍ती” दे ममाइ, तन्‍न मेको दोदेंब दुम्‍चा माल्‍नीमी, इन पशो गेयमी कोंइदीन। \em इजीकीएल ३४:२-४; २कोरिन्‍थी १:२४; तीतस २:७\em* 
\v 4 नेल्‍ल क्‍येङा ठेयब गोठला जाक्‍मेनु, गे गेना हना यो लीब परमप्रभु यावे आ छेङछेङ ङा सिरपेच ताइनीनी। \em हिब्रू १३:२०; १कोरिन्‍थी ९:२५; २तिमोथी ४:८\em* 
\v 5 मिनु गे ठिटापुकी, शेंब खाल्‍पा आन देंशो लोव़ टिने। गे नेल्‍ल ब्रेम्‍शो थुं पाइश्‍शो दुम्‍शा, गेय पमुने। मारदे हना परमप्रभु यावेमी ठेयब लेश्‍शो मुर आन कली मकोव़ब, ब्रेम्‍शो थुं पाइश्‍शो मुर आन कली ला शिशी पाइब। \em एफिसी ५:२१; अय्‍युब २२:२९; हितोपदेस ३:३४; मत्ती २३:१२; याकूब ४:६\em* 
\p  
\v 6 मोपतीके गेपुकीमी “नेल्‍ल सक्ति परमप्रभु यावे केन बाक्‍ब” दे आ देंशो लोव़ ब्रेम्‍शो थुंमी ठीक पा टिने। मो पाइतीनी हना, परमप्रभु यावेमी आ मिम्‍ची ना इन कली ठेयब सेल्‍ब। \em याकूब ४:६\em* 
\v 7 गेपुकीमी “मार जाइनीकी? मार तूनीकी? मार फेक्‍नीकी? मार दुम्‍नीकी?” दे हिंशा, सुर्ता पचा ममाल्‍नीनी। मारदे हना परमप्रभु यावेमी इन कली कोव़ब। \em भजन संग्रह ५५:२१; मत्ती ६:२५; फिलिप्‍पी ४:६\em* 
\v 8 गेय पचा ङोंइती मिम्‍तीन। होस पा बाक्‍कीन। मारदे हना इन कली मदाक्‍ब सैतानमी शोव़लु बेक्‍शो गुप्‍स खोदेंशो पा “सु कली ब्‍वाइनुङा” दे माल्‍ना माल्‍न गाक्‍ब। \em १थिस्‍सलोनिकी ५:६; लूका २२:३१; २कोरिन्‍थी २:११\em* 
\v 9 गेपुकीमी थमा सुइश्‍शा “गो सैतान कली तुइक्‍नुङ” दे मेको कली काइ मटिने। रागी नेल्‍ल ङा थमा सुइक्‍ब लोक्‍बपुकीम मोदेंशो श्‍येत जाइनीम दे तुइक्‍नीनी। 
\s1 पत्रुस आ गेशो आसीक 
\p  
\v 10 मिनु का निक्‍शी नाक्‍त श्‍येत जनी नोले नेल्‍ल शिशी पाइब परमप्रभु यावेमी “गेना हना यो छेङछेङमी बाक्‍चा गेनुङमी” दे ख्रीस्‍त आ नेंमी इन कली ब्रेश्‍शो बाक्‍त। मेकोमी इन कली आ राज्‍यम गारचा ङा सक्ति पाइश्‍शो नु ठीक सेल्‍ब। \em १पत्रुस १:६\em* 
\v 11 मेको गेना हना यो नेल्‍ल क्‍येङा ठेयब बाक्‍ब। आमेन। 
\s1 नोले ङा लोव़ 
\p  
\v 12 गो सिल्‍वानस थमा सुइक्‍ब लोक्‍ब बाक्‍ब, दे मिम्‍शा, आं ब्रेक्‍शो आइक्‍च चिठी मेको नु सोइक्‍ताक्‍ङ। गो इन कली परमप्रभु यावे आ थमा शिशी मार बाक्‍मे, मेको शेंताक्‍न्‍‍नी। मिनु गे मेको तुइश्‍शा, थमा सुइक्‍चा मप्रोंइथु बाक्‍कीन। \em प्रेरित १५:२२\em* 
\v 13 इन खोदेंशो बेबीलोनम बाक्‍शो योव़शोपुकीमी यो इन कली “रिम्‍शो बाक्‍कीन” दे आं कली ब्रेक्‍पाइक्‍तीमी। मिनु आं तौ मर्कूसमी यो मो देंत। \em २तिमोथी ४:११\em* 
\v 14 गे दाक्‍मुशा, प्रभु आ नेंमी मुम्‍मुने। परमप्रभु यावेमी ख्रीस्‍तम बाक्‍शो नेल्‍ल इन कली थुं नाइक्‍चा गेवल।