\id NAM 
\ide UTF-8
\h Annabi Naxumu
\toc1 Ala xa masenyi Annabi Naxumu bɛ
\toc2 Annabi Naxumu
\toc3 Nax
\mt Ala xa masenyi Annabi Naxumu bɛ
\imt Masenyi nde yi Kitaabui xa fe ra
\ip Asiriya xa mangɛya nu bara sɛnbɛ sɔtɔ ɲɛ kɛmɛ solomasaxan beenu Annabi Isa xa bari Isirayila bɔxi ma tɛmui naxɛ. Na waxati ɲamanɛ birin nu na a xa yaamari xɔrɔxɔɛ bun ma. Ninewe nu findixi a xa mangataa nan na. Asiriyakae mu nu birama Alatala xa sɛriyɛ fɔxɔ ra fefe ma.
\ip Na kui Annabi Naxumu Isirayilaka naxa yi masenyi ti e xa fe ra. Masenyi na a ra naxan xɔrɔxɔ, barima e xa fe mu nu rafanxi Ala ma. Annabi Naxumu to gɛ Ala xa sɛnbɛ magaaxuxi masende Asiriyakae bɛ, a naxa a fala e bɛ e fama gbaloe ɲaaxi sɔtɔde e xa yunubie xa fe ra. Na kiiti nu fatanxi Ala nan na. Ala naxa Babilɔnkae xɛɛ Ninewe kanade ɲɛ kɛmɛ senni beenu Annabi Isa xa waxati.
\ip Na masenyi nu xɔrɔxɔ Asiriyakae bɛ, kɔnɔ a nu findixi fe fanyi nan na Isirayilakae bɛ, naxee nu tɔɔrɔma e yaxuie xa yaamari bun ma. Annabi Naxumu naxa a masen e bɛ a yunubitɔɛe fama e xa kobiɲa sare sɔtɔde Alatala yi ra. Ala xa kiiti xɔrɔxɔɛ Asiriyakae bɛ, a nu limaniya fima Isirayilakae ma.
\ip Hali to, Ala xa ɲama nɔma sɛɛwade na xa fe ra. E xa a kolon Alatala fama mixi ɲaaxie makiitide, a fa e sare ragbilen e ma. Won birin a kolon tinxinyi fan, kɔnɔ a nɔma lude won bɛ alɔ tinxintareya na sɔɔnɛyafe yi duniɲa kui, barima fe ɲaaxi gbo, tinxintɔɛe fan na tɔɔrɔfe. Yi kitaabui a masenma won bɛ tinxintare mu geenima, Alatala xa tinxinyi nan mixi geenima duniɲa bɛndɛ fuɲi fari nun aligiyama. Ala xa mixi birin makiiti a xa sɛriyɛ ra. Amina.
\imte Ala xa masenyi Annabi Naxumu bɛ
\c 1
\s Ala xa xɔnɛ Ninewe xili ma
\p
\v 1 Masenyi xɔrɔxɔɛ nan ya Ninewe xa fe ra, Ala naxan masen Annabi Naxumu Elekosika bɛ.
\q Alatala magaaxu, a gbeɲɔxɔfe mu kanama.
\q
\v 2 Alatala a gbeɲɔxɔma nɛ,
\q a xa xɔnɛ sɛnbɛ gbo a yaxuie mabiri,
\q a mu diɲɛma e ma mafuren mafuren.
\b
\q
\v 3 Kɔnɔ Alatala mu xɔnɔma mafuren mafuren,
\q a sɛnbɛ gbo han.
\q Alatala mixi ɲaaxi sare ragbilenma nɛ fe ɲaaxi rabae ma.
\q A xa ɲɛrɛ luma nɛ alɔ turunnaadɛ naxan xube ratema,
\q a tixi nuxuie fari.
\q
\v 4 A na xaaɲɛ baa ma, a xɔrima nɛ,
\q a xure birin naxara,
\q a Basan nun Karemele findi gbengberenyi ra,
\q a Liban sansie lisima nɛ.
\q
\v 5 A geyae rasɛrɛnma nɛ, e xunu alɔ kumi ture.
\q Bɔxi sɛrɛnma nɛ a ya i, duniɲa mixie bɔɲɛ minima nɛ.
\q
\v 6 Nde nɔma tide a xa xɔnɛ ya ra?
\q Nde nɔma tide a xa bɔɲɛte ya i?
\q A xa xɔnɛ luma nɛ alɔ tɛ, naxan gɛmɛe bulama.
\q
\v 7 Alatala fan, a kantari fima nɛ tɔɔrɔmixie ma,
\q a mɛɛnima nɛ mixie ma naxee e yɛtɛ taxuma a ra.
\q
\v 8 Kɔnɔ a Ninewe xun nakanama nɛ,
\q a a yaxuie kerima dimi nan kui.
\b
\q
\v 9 Ninewe, wo fɛɛrɛ mundun fenfe Alatala xili ma?
\q A tan nan sɔntɔɛ tima kerenyi ra.
\q
\v 10 E fama nɛ lude alɔ e kankanxi tunbe kunsie nan na,
\q alɔ e siisixi beere nan na,
\q alɔ sɛxɛ xaraxi naxan ganxi feo.
\q
\v 11 Nineweka nde bara fe ɲaaxi raba Alatala ra,
\q a mixie rasixi fe kobi nan ma.
\b
\q
\v 12 Ala xa masenyi nan ya e xa fe ra:
\q «Hali wo yaxuie wuya, e xun fama nɛ rakanade, e ɲɔn.
\q N bara wo tan Yudayakae tɔɔrɔ,
\q kɔnɔ n mu na rabama sɔnɔn.
\q
\v 13 Yakɔsi n wo bama nɛ wo yaxuie xa nɔɛ bun ma,
\q n luutie bolon wo xirixi naxee ra.»
\b
\q
\v 14 Alatala xa masenyi nan ya wo tan Ninewekae xa fe ra:
\q «Wo bɔnsɔɛ fama nɛ ɲɔnde.
\q N wo xa kuye masolixie nun wo xa kuye naxee yailanxi wure ra,
\q naxee na wo xa alae xa banxie kui, n nee birin kanama nɛ.
\q N wo sɔntɔma nɛ, barima wo ɲaaxu.»
\s Ninewe xa ɲaxankatɛ
\q
\v 15 Xɛɛra na fafe geyae fari,
\q a fafe xibaarui fanyi ra wo bɛ,
\q a bɔɲɛsa masenyi nan tima wo bɛ.
\q Yudayakae, wo xa wo xa salie raba,
\q wo xa wo xa laayidie rakamali Ala bɛ,
\q barima mixi ɲaaxie mu fama wo sɔntɔde sɔnɔn.
\c 2
\b
\q
\v 1 Ninewekae, wo yaxuie na fafe wo xili ma.
\q Wo wo xa tɛtɛ makanta,
\q wo mɛɛni wo xa kira ma,
\q wo wo tagi ixiri,
\q wo xa limaniya, wo xa sɛnbɛ sɔtɔ,
\q
\v 2 barima Alatala fama nɛ Yaxuba xun nakelide,
\q a fama nɛ Isirayila itede,
\q hali kasarɛ to ti e xa bɔxi ma, e xa sansie naxa tuxunsan.
\b
\q
\v 3 Wo yaxuie xa sɔɔrie na wure lefae gbeelixi xaninfe,
\q donma gbeeli ragoroxi e ma.
\q E xa sɔɔri ragisee yanbama a fanyi ra,
\q e xa tanbɛe xaaɲɛxi gere xili ma.
\q
\v 4 Na gisee e gima kirae ra,
\q e gbataxi sofe ra gere kui.
\q E luxi alɔ seyamakɔnyi naxan dangima koore ra.
\b
\q
\v 5 Sɔɔri sugandixie xɛɛma naa,
\q e xulun sigafe ra taa tɛtɛ yire, e sa gere so.
\q
\v 6 E mangɛ xa banxi naadɛ rabi, e birin so na kui.
\q
\v 7 Yaamari fixi taakae xa xanin konyiya kui.
\q A xa ginɛe sigama nɛ wa ra sunnunyi kui.
\q
\v 8 Ninewe bara lu alɔ ye ragatade ibɔɔxi,
\q a ye fa mini bɔxi ma.
\q Nde a falama, «Wo ba na rabafe, wo keli naa.»
\q Kɔnɔ mixi yo mu gbilenma na fɔxɔ ra.
\q
\v 9 Booree a falama, «Wo gbeti nun xɛɛma tongo.
\q Naafuli gbegbe na e yi ra.»
\q
\v 10 Kasarɛ, tuxunsanyi, nun gbaloe!
\q Limaniya bara ba e yi ra,
\q e sanyie mu xanfe e bun ma,
\q e bɔɲɛ na tɔɔrɔfe,
\q e lahalɛ bara masara.
\b
\q
\v 11 Taa sɛnbɛma naxan nu luxi alɔ yɛtɛ lude,
\q yɛtɛ yɔrɛe nun e nga nu malabuxi xaxilisa kui dɛnnaxɛ,
\q na taa munse sɔtɔxi yi ki?
\q
\v 12 Na yɛtɛ sɛnbɛma nu sube faxama a xa ginɛ nun a xa die bɛ,
\q a nu a xɔnyi rafema sube ibɔɔxi ra.
\b
\q
\v 13 Mangɛ Alatala xa masenyi nan ya:
\q «N kelima nɛ wo xili ma,
\q n wo xa sɔɔri ragisee ganma nɛ,
\q n wo xa yɛtɛ yɔrɛe faxama nɛ santidɛgɛma ra,
\q n sube birin bama nɛ wo yi ra duniɲa.
\q Wo xa xɛɛrae xui mu mɛma sɔnɔn.»
\c 3
\s Ninewe xa ɲɔnyi
\q
\v 1 Ɲaxankatɛ na yi taa faxɛti bɛ,
\q naxan nafexi yanfanteya, se muɲaxie, nun tɔɔrɔmixie ra.
\q
\v 2 Luxusinyi xui minima naa,
\q sɔɔri ragise sanyie xui minima,
\q soee e gima, sɔɔri ragise e imaxama.
\q
\v 3 Soe ragie geresoma,
\q santidɛgɛma lintanma alɔ tɛ luutie,
\q tanbɛ wolima alɔ seyamakɔnyie,
\q mixi faxaxie ralantanxi yire birin ma,
\q fure saxie mu ɲɔnma,
\q mixie e sanyi radinma furee ra.
\q
\v 4 Na birin fatanxi a xa sɛniyɛntareɲa nan ma.
\q A sie mabɛndunma a xa langoeɲa ra,
\q a ɲamanɛe madaxuma a duureya ra.
\b
\q
\v 5 Mangɛ Alatala xa masenyi nan ya:
\q «N kelima nɛ wo xili ma,
\q n wo rayaagima nɛ si birin ya xɔri,
\q n wo mageli ti ɲamanɛe birin ya i.
\q
\v 6 N wo makotoma nɛ nɔxɔɛ ra, n wo rayaagi.
\q
\v 7 Na kui, mixi yo na wo to, a a gima nɛ wo ma,
\q a fa a fala, ‹Ninewe bara kana.
\q Nde kinikinima a ma?
\q Nde a madunduma?›»
\b
\q
\v 8 Ninewe, wo fisa Tebese bɛ,
\q taa naxan dɔxɔxi Nili xure salonyie tagi,
\q ye gbo dɛnnaxɛ?
\q Baa nu findixi a xa tɛtɛ makantaxi nan na.
\q
\v 9 Kusi nun Misira nu sɛnbɛ fima nɛ a ma,
\q Puti nun Libiya nu a malima.
\q
\v 10 Kɔnɔ Tebese fan bara xanin konyiya kui ɲamanɛ ma,
\q a xa die bara faxa kira xunyie ra,
\q a xa kuntigie bara mayegeti sigafe ra konyiya kui.
\q
\v 11 Wo tan dagalanma nɛ alɔ siisilae,
\q wo wo nɔxunma nɛ wo yaxuie ya ra.
\b
\q
\v 12 Wo xa banxi makantaxie luxi nɛ alɔ xɔrɛ bilie,
\q foye naxee bogi rayolonma mixie xa debe kui naxee wama e donfe.
\q
\v 13 Ginɛ doro nan fa luxi wo xa bɔxi ma,
\q sɔɔrie mu na sɔnɔn naxee wo makantama,
\q wo xa naadɛe rabixi wo yaxuie ya ra, tɛ bara na balansee gan.
\b
\q
\v 14 Wo ye ba, barima gere na fafe,
\q wo nde sa wo xa tɛtɛ fari.
\q Wo boora rafala, wo biriki bɔnbɔ.
\q
\v 15 Mɛnni, tɛ fama nɛ wo xa taa gande alɔ tugumie,
\q santidɛgɛma fama nɛ wo sɔntɔde.
\q Wo wo malan alɔ tugumie,
\q wo wo malan alɔ katoe.
\q
\v 16 Wo bara yulɛe rawuya wo xɔnyi dangife tunbuie ra koore ma.
\q Wo bara lu alɔ tugumie naxee tuganma, e siga.
\q
\v 17 Wo xa sɔɔrie luxi nɛ alɔ tugumi naxee na tɛtɛ fari gɛɛsɛgɛ,
\q kɔnɔ soge na te, e tugan,
\q e siga yire mixi mu dɛnnaxɛ kolon.
\b
\q
\v 18 Asiriya mangɛ, i xa yareratie na xife,
\q i xa kuntigie saxi,
\q i xa ɲama bara yensen yɛ geyae fari,
\q mixi yo mu nɔma e xunlande.
\q
\v 19 I xa gbaloe gbo, i xa fi mu yalanma.
\q Mixi naxee birin i xa tɔɔrɛ xa fe mɛma,
\q e e bɛlɛxɛ bɔnbɔma nɛ ɲɛlɛxinyi ma,
\q barima mixi yo mu na wo mu kobiɲa rabaxi naxan na.