\id HAB 
\ide UTF-8
\h Annabi Habakuku
\toc1 Ala xa masenyi Annabi Habakuku bɛ
\toc2 Annabi Habakuku
\toc3 Hab
\mt Ala xa masenyi Annabi Habakuku bɛ
\imt Masenyi nde yi Kitaabui xa fe ra
\ip Annabi Habakuku xa kitaabui fɔlɔma maxɔrinyi nan ma a naxan ti Alatala ma: «Munfera i xa ɲama na tɔɔrɛ kui?» Alatala naxa a yaabi a xɔrɔxɔɛ ra, a falafe ra e xa tɔɔrɛ fama nɛ a xun masade. Ala nu bara natɛ tongo a xa kaafiri rawali na ɲaxankatɛ dɔxɔfe ra a xa ɲama ma.
\ip Kɔnɔ na kelixi munse ma? Annabi Habakuku xa kitaabui na tagi rabama a fanyi ra. Ala naxa a masen namiɲɔnmɛ saabui ra, na tɔɔrɛ birin fatanxi Isirayilakae xa wali ɲaaxi nan na, alɔ muɲɛ tife, yɛnɛ rabafe, siisife, nun kuye batufe. E to nu na mɔɔli rabama, na bara a niya Alatala xa natɛ xɔrɔxɔɛ tongo e xili ma.
\ip Alatala xa yaragaaxui naxa lu Annabi Habakuku bɔɲɛ ma. A naxa a maxandi a xa diɲɛ a xa ɲama xa yunubie ma. Alatala sɛnbɛ gbo, a magaaxu, kɔnɔ a xa xanunteya gbo na birin bɛ. Na nan a ra, Annabi Habakuku naxa a xaxili ti Ala ra. A naxa natɛ tongo a xa lu Ala sagoe hali na findi ɲaxankatɛ xɔrɔxɔɛ ra a bɛ.
\ip Ala xa won mali alako na xaxili xa lu won birin yi ra. Amina.
\imte Ala xa masenyi Annabi Habakuku bɛ
\c 1
\s Annabi Habakuku xa yaxaseri masa singe
\p
\v 1 Annabi Habakuku xa masenyi nan ya, Alatala naxan masen a bɛ:
\q
\v 2 «Alatala, n xa i maxandi han tɛmui mundun?
\q Munfe ra i mu n ma dubɛ suxuxi?
\q N bara n mawa i bɛ gere xa fe ra,
\q kɔnɔ han ya i mu nu muxu ratanga.
\q
\v 3 Munfe ra i tinxi n ya xa kobiɲa to?
\q I tinxi yi tɔɔrɛ mɔɔli ra munfe ra?
\q Gbaloe nun gere na n ya ra tɛmui birin.
\q Lantareya nun kalamui bara gbo yɛ.
\q
\v 4 Mixie bara gbilen i xa sɛriyɛ fɔxɔ ra.
\q E bara i xa yaamari lu na.
\q Tinxintare fuma tinxintɔɛ ma. Sɛriyɛ mu na sɔnɔn.»
\b
\s Alatala xa yaabi singe
\q
\v 5 «Wo wo ya ti ɲamanɛe ra, wo e mato.
\q Wo kaabama nɛ, wo dɛ ixara,
\q barima fe nde na rabafe wo xa waxati kui
\q wo mu lama naxan na,
\q hali na sa fala wo bɛ.
\q
\v 6 N na Kalidikae xun nakelife.
\q Si kinikinitare nan e ra.
\q E ɲamanɛ gbɛtɛe isama
\q alako e xa bɔxie rasuxu, e gbe mu naxan na.
\q
\v 7 E magaaxu, e mu fan.
\q E yaamari tima yɛtɛ igboɲa nan na.
\q
\v 8 E xa soee xulun baratɛe bɛ.
\q E xaaɲɛ wulai baree bɛ naxee minima kɔɛ ra.
\q E xa soee fama sɛnbɛ ra kelife yire makuye.
\q E mafura alɔ sɛgɛ, naxan goroma tɔxɔɛ yɔrɛ fɔxɔ ra.
\q
\v 9 Yi ɲama fama kanari nan xili ma,
\q e yae banbanxi e sigade ra.
\q E mixi suxuxie malanma alɔ mɛyɛnyi.
\q
\v 10 E yoma mangɛe ma, e kuntigie mayelema.
\q E mu gaaxuma yire makantaxi ya ra.
\q E bɛndɛ matema tɛtɛ ra, alako e xa so naa kui.
\q
\v 11 E dangima alɔ foye belebele.
\q E gbataxi fe ɲaaxi rabade.
\q E bara e sɛnbɛ findi e xa ala ra.»
\s Annabi Habakuku xa yaxaseri masa firin nde
\q
\v 12 N Marigi Sɛniyɛntɔɛ, n Marigi Alatala,
\q i na na kabi fe fɔlɔ fɔlɛ.
\q E mu fama muxu faxade.
\q Alatala, i fama e tan nan makiitide.
\q N Kanta Gɛmɛ na i tan nan na,
\q i e ɲaxankatama nɛ.
\q
\v 13 I yae sɛniyɛn, i mu wama kobiɲa tofe,
\q i fe ɲaaxi xɔnxi.
\q Awa, munfe ra i mu yanfantee halakima?
\q Munfe ra i mu sese niyama tinxintaree ra
\q e tinxintɔɛe tɔɔrɔma tɛmui naxɛ?
\q
\v 14 I bara adamadie lu alɔ yɛxɛ naxee na baa ma,
\q alɔ subee mangɛ mu na naxee bɛ.
\q
\v 15 Muxu yaxuie muxu suxuma kɔnyi ra,
\q e muxu suxuma yɛlɛ ra.
\q E na gɛ muxu malande bɛki kui, e ɲɛlɛxin.
\q
\v 16 Na tɛmui e sɛrɛxɛ mɔɔli birin bama a xa yɛlɛ bɛ,
\q barima na nan bara a niya e xa fɛɛrɛ gbegbe sɔtɔ.
\q E donse fanyi donma a tan nan saabui ra.
\q
\v 17 A lanma e xa yɛlɛ xa nu siga yɛxɛe suxu ra,
\q e xa nu bɔnsɔɛe rahalaki kinikinitareɲa kui?
\c 2
\s Alatala xa yaabi firin nde
\q
\v 1 «N fa tima tɛtɛ nan fari. N xa mamɛ ti.
\q N xa a kolon a naxan masenma n bɛ,
\q a n ma yaxaseri masa yaabima ki naxɛ.»
\b
\p
\v 2 Alatala naxa n yaabi yi masenyi ra:
\q «I xa n ma masenyi sɛbɛ,
\q i xa a sɛbɛ a fanyi ra walaxɛe ma,
\q alako naxee a xaranma,
\q e xa nɔ birade a fɔxɔ ra sɛnbɛ ra.
\q
\v 3 Yi masenyi kamali waxati fafe,
\q a mu kanama, wule mu a ra.
\q Xa i a to a taaxirima kamalide,
\q i xa mamɛ ti.
\q A kamalife mu buma.»
\b
\q
\v 4 «Yɛtɛ igboe mato. A waxɔnfe mu tinxin,
\q kɔnɔ tinxintɔɛ tan kisima a xa danxaniya nan saabui ra.
\q
\v 5 Beere mixi mayanfama.
\q Yɛtɛ igboe mu raxaraxi.
\q A mu wasama, alɔ aligiyama mu wasama ki naxɛ.
\q A ɲamanɛ birin findima a gbe nan na,
\q a si birin sa a xa nɔɛ bun ma.
\q
\v 6 Na sie mu yoma a ma xɛ?
\q E mu a mayelema xɛ, e a findi dɛi sigi ra?»
\s Dankari singe
\q «E fama nɛ a falade,
\q ‹Ɲaxankatɛ na mixi bɛ
\q naxan se malanma a gbe mu naxan na.
\q A xa doni xun nan tun luma masa ra.
\q Yi fe mɔɔli buma han mun tɛmui?
\q
\v 7 Naxee xa doni na i ma, nee mu kelima xɛ,
\q e i raxunu, e i suxu, e e gbe ɲɔxɔ i ma?
\q
\v 8 I to bara si gbegbe xun nakana,
\q naxee luxi fa, nee nan fama i fan xun nakanade.
\q E na rabama nɛ i to bara mixi wuli ifili,
\q i to bara bɔxie nun taae kana, i naakae fan faxa.›»
\s Dankari firin nde
\q
\v 9 «Ɲaxankatɛ na mixi bɛ
\q naxan geenima tinxintareya kui
\q alako a xa banxi fanyi ti a yɛtɛ bɛ
\q tɔɔrɛ yo mu na dɛnnaxɛ.
\q
\v 10 I naxan nabaxi a findima yaagi nan na i xa mixie bɛ.
\q I ɲaxankatɛ naxan saxi ɲamae ma,
\q a fama gbilende nɛ i ma.
\q
\v 11 I xa banxi tixi gɛmɛ naxan na,
\q wuri naxan banbanxi a fari,
\q e fama nɛ seedeɲɔxɔya bade i xili ma.»
\s Dankari saxan nde
\q
\v 12 «Ɲaxankatɛ na mixi bɛ
\q naxan taa tima faxɛ ti saabui ra,
\q naxan a xa taa ragboma fe kobi saabui ra.
\q
\v 13 Mangɛ Alatala bara a niya,
\q ɲamae xa wali birin xa gan,
\q e xa wakili findima fe fufafui nan na.
\q
\v 14 Duniɲa birin fama nɛ Alatala xa nɔrɛ kolonde,
\q alɔ banbaranyi gboma ki naxɛ baa ma.»
\s Dankari naani nde
\q
\v 15 «Ɲaxankatɛ na mixi bɛ
\q naxan a boore rasiisima
\q alako sade fe xa lu e tagi.
\q
\v 16 I xa xunnakeli findima nɛ yaagi ra.
\q I fan xa beere min, i xa sade fe kolon.
\q Alatala xa xɔnɛ fafe i ma,
\q a i xa xunnakeli mafindima yaagi nan na.
\q
\v 17 I fe kobi naxan nabaxi Liban,
\q na sare fama nɛ gbilende i ma.
\q I bara xurusee kasara,
\q i bara mixie faxa,
\q i bara bɔxi nun taae kana, a nun e xa mixie.
\q Na ɲaxankatɛ birin fama nɛ gbilende i ma.»
\s Dankari suuli nde
\q
\v 18 «Kuye munse fanxi mixi ma?
\q Mixi xa mu a yailanma?
\q A wule nan tun masenma.
\q A yailanma man fa a yɛtɛ taxu a ra.
\q A bara ala boboe yailan.
\q
\v 19 Ɲaxankatɛ na mixi bɛ
\q naxan a falama wuri masolixi bɛ, ‹Keli,›
\q naxan wɔyɛnma gɛmɛ boboxi bɛ, ‹Xunu.›
\q Kuye munse masenma i bɛ?
\q Hali xɛɛma nun gbeti lu a ma,
\q xaxili tan yo mu na a bɛ.
\q
\v 20 Kɔnɔ Alatala na a xa hɔrɔmɔbanxi kui.
\q Duniɲa birin xa a sabari a ya i.»
\c 3
\s Annabi Habakuku xa Ala maxandi
\p
\v 1 Annabi Habakuku xa Ala maxandi nan ya, naxan bama bɛɛti ki ma.
\q
\v 2 Alatala, n bara i xa masenyi mɛ,
\q n bara kaaba i xa wali ma.
\q I xa a ragiri yi waxati ma,
\q i xa a rakamali mixie ya xɔri.
\q Kɔnɔ i naxa nɛɛmu i xa kinikini ma i xa xɔnɛ kui.
\b
\q
\v 3 N bara Ala Sɛniyɛnxi to fa ra kelife Teman mabiri,
\q kelife Paran geya ma.
\q Koore naxa rafe a xa nɔrɛ ra,
\q duniɲa naxa rafe a xa matɔxɔɛ ra.
\q
\v 4 Ala xa yanbɛ sɛnbɛ gbo.
\q Naiyalanyi nu kelima a bɛlɛxɛ kui,
\q a sɛnbɛ nɔxunxi dɛnnaxɛ.
\q
\v 5 Wugan fure nu a ɲɛrɛma a ya ra,
\q ɲaxankatɛ fan na a fɔxɔ ra.
\q
\v 6 A naxa ti, a duniɲa rasɛrɛn.
\q A nɛfɛ a mato, bɔnsɔɛe bara halaki.
\q Geya naxee ti duniɲa fɔlɛ ra,
\q nee naxa sɛrɛn,
\q e e igoro Alatala ya ra.
\q Fɔlɛ mu na Alatala bɛ.
\q
\v 7 N naxa Kusankae to ɲaxankata ra,
\q n naxa Madiyankae to sɛrɛn na.
\b
\q
\v 8 Alatala, i nu xɔnɔxi nɛ xuree ma?
\q I to ti i xa geresoe ya ra,
\q e nun e xa soee nun e xa gisee,
\q i nu xɔnɔxi nɛ baa ma?
\q
\v 9 I naxa i xa xali ramini,
\q i naxa tanbɛ wuyaxi suxu.
\q I naxa xuree rabɔɔ bɔxi ma.
\q
\v 10 Geyae to i to,
\q e naxa sɛrɛn.
\q Tunɛ xungbe naxa fa.
\q Baa naxa a xui ramini,
\q mɔrɔnyie naxa te.
\q
\v 11 Soge nun kike naxa e xa wali iti
\q e to i xa tanbɛe to yanba ra koore alɔ seyamakɔnyi.
\q
\v 12 I naxa ti bɔxi fari, i fa ɲamanɛe raboron ɲɛ i xa xɔnɛ kui.
\q
\v 13 I naxa i xa ɲama rakisi,
\q i man fa i xa Mixi Sugandixi ratanga.
\q I naxa bɔnsɔɛ kobie xa mangɛ butuxun,
\q i a xa see birin findi xube ra.
\q
\v 14 A xa sɔɔrie naxa mini muxu xili ma,
\q e xa tɔɔrɔmixie halaki ɲɛlɛxinyi kui gundo ra,
\q kɔnɔ i tan naxa e xa mangɛ sɔxɔ a yɛtɛ xa tanbɛ ra.
\q
\v 15 I naxa kira rabɔɔ i xa soee bɛ,
\q e xa dangi baa tagi.
\b
\q
\v 16 N to i xa masenyi mɛ,
\q n bɔɲɛ naxa mini a i, n dɛ naxa ixara,
\q n xɔrie naxa tagan, n sanyie naxa sɛrɛn.
\q N na lɔxɔɛ mamɛfe i muxu yaxuie ɲaxankatama lɔxɔɛ naxɛ.
\q
\v 17 Hali fuge mu na xɔrɛ bili ma,
\q hali wɛni bogi mu na a firi ma,
\q hali bogi yo mu bama wuri bilie kɔn na,
\q hali sansie mu fanma xɛ ma,
\q hali xurusee mu na kulɛ kui,
\q hali ninge keren mu lu gɔɔrɛ,
\q
\v 18 na birin kui, n Alatala matɔxɔma nɛ,
\q n sɛɛwa Ala ra, n ma Marakisima.
\q
\v 19 N sɛnbɛ na n Marigi Alatala nan na.
\q A n ma ɲɛrɛ sɔɔnɛyama nɛ fe xɔrɔxɔɛ kui,
\q alɔ xeli xa ɲɛrɛ sɔɔnɛyama geyae fari ki naxɛ.
\b
\p Yi sɛbɛxi bɛɛtiba mangɛ nan bɛ. A xa a ba kɔra xui ra.