\id ZEC 
\ide UTF-8
\h عَننَبِ سَكَرِ
\toc1 عَلَ شَ مَسٍنيِ عَننَبِ سَكَرِ بّ
\toc2 عَننَبِ سَكَرِ
\toc3 سَك
\mt عَننَبِ سَكَرِ شَ كِتَابُي
\imt مَسٍنيِ ندٍ يِ كِتَابُي شَ قٍ رَ
\ip عَلَ نَشَ عَننَبِ سَكَرِ شّي دَرِ سَلَمُ ثٍرِ سٍ مَنفّ دَرِيُسِ شَ وَشَتِ. عِسِرَيِلَكَيٍ نُ بَرَ حّ تٌنفٌ سٌلٌقٍرٍ رَبَ كٌنيِيَ كُي ثٍرِ سٍ بْشِ مَ عٍ شَ كُيٍ بَتُي شَ قٍ رَ، كْنْ عَلَ نَشَ عَ نِيَ دَرِيُسِ شَ عٍ بّحِن فبِلٍنقٍ رَ عِسِرَيِلَ بْشِ مَ. عٍ تٌ مّننِ لِ عٍ شَ تَايٍ نُن عَلَ شَ هْرْ مْلِنفِرَ بَنشِ بِرِن نُ بَرَ كَنَ. عٍ نَشَ وَلِ سُشُ نٍيٍ يَءِلَنقٍ رَ، كْنْ عٍ يَشُييٍ نَشَ عٍ تْورْ. نَ كُي عَلَ نَشَ عَننَبِ سَكَرِ نُن عَننَبِ هَفٍ شّي دَرِ سَلَمُ عَلَكٌ عٍ شَ عِسِرَيِلَكَيٍ رَلِمَنِيَ.
\ip عَننَبِ سَكَرِ شَ مَسٍنيِ قْلْمَ لَامَتُنيِ سٌلٌمَسَشَن نَن مَ، نَشٍيٍ عَ مَسٍنمَ عَ عَلَ قَمَ نّ عِسِرَيِلَكَيٍ مَلِدٍ عٍ شَ وَلِ كُي. عَ مَن عَ مَسٍنمَ عَ عَلَ قَمَ نّ سِيٍ حَشَنكَتَدٍ نَشٍيٍ نَ عَ شَ حَمَ تْورْقٍ. عَلَ لِمَنِيَ قِمَ نّ عَ شَ مِشِيٍ مَ عَننَبِ سَكَرِ شَ مَسٍنيِ سَابُي رَ.
\ip عِسِرَيِلَ شَ شُننَكٍلِ مُ قِندِ مَ قٍ قَنيِ رَ عٍ تَن فبَنسَن بّ. دُنِحَ نَ عَ تٌ عَلَ مّينِمَ عِسِرَيِلَ مَ كِ نَشّ، عٍ قَن دَنشَنِيَمَ نّ عَلَ مَ، عٍ بِرَ عِسِرَيِلَكَيٍ قْشْ رَ. عَلَ عِسِرَيِلَكَ ندٍ رَكٍلِمَ نَشَن مِسَالِمَ سّرّشّدُبّ كُنتِفِ رَ. نَ شّمّ قِندِ مَ عِسِرَيِلَ مَنفّ شُنفبٍ نَن نَ، عَلَ شَ مِشِ سُفَندِشِ، نَشَن عٍ شُن تِمَ عَلَ شَ كِرَ مَ.
\ip يِ سَاتّ عَلَ نَشَن تٌنفٌشِ عِسِرَيِلَ بّ عَ قِندِ مَ نّ لْننِ بٍلٍبٍلٍ رَ تٌ مِشِيٍ بّ. عَلَ وَ مَ نّ دُنِحَ بِرِن شَ بِرَ عَ شَ سّرِيّ قْشْ رَ، عٍ شَ لَ عَلَ شَ شَنُنتٍيَ رَ عَلَكٌ عٍ شَ كِسِ سْتْ. شَ عَ سَ لِ عَدَ مَدِيٍ تٌندِ مَ عَلَ شَ مَلِ رَ، عٍ سَرٍ حَاشِ سْتْمَ نّ عٍ حّرّ كِ شَ قٍ رَ. عَلَ وَ مَ مِشِ رَكِسِقٍ. نَ نَن عَ رَ عَ نَشَ مَرَكِسِمَ شّي وٌن مَ عَلَكٌ لَنيِ شَ لُ عَلَتَلَ نُن عَدَ مَ تَفِ. عَلَ شَ نَ سْونّيَ وٌن بِرِن بّ، وٌن قَن شَ تِن نَ رَ. عَمِنَ.
\imte عَننَبِ سَكَرِ شَ كِتَابُي
\c 1
\s لَامَتُنيِ سِنفٍ؛ فبِلٍنقٍ عَلَ مَ
\p
\v 1 دَرِيُسِ شَ مَنفّيَ حّ قِرِن ندٍ كِكٍ سٌلٌمَسَشَن ندٍ كُي، عَلَتَلَ نَشَ عَ مَسٍن عَننَبِ سَكَرِ بّ، بّرّكَيَ شَ دِ، عِدٌ شَ مَمَدِ قَنيِ، عَ نَشّ، 
\v 2 «عَلَتَلَ بَرَ شْنْ وٌ بٍنبَيٍ مَ. 
\v 3 كْنْ، عِ شَ عَ قَلَ، مَنفّ عَلَتَلَ شَ مَسٍنيِ نَن يَ؛ ‹ﭑ تَن مَنفّ عَلَتَلَ بَرَ عَ قَلَ وٌ بّ، وٌ شَ فبِلٍن ﭑ مَ. نَ تّمُي ﭑ قَن فبِلٍنمَ نّ وٌ مَ. 
\v 4 وٌ نَشَ لُ عَلْ وٌ بٍنبَيٍ. سِنفٍ نَمِحْنمّيٍ نُ بَرَ عَ مَسٍن عٍ بّ، «مَنفّ عَلَتَلَ شَ مَسٍنيِ نَن يَ، وٌ فبِلٍن وٌ شَ قٍ حَاشِيٍ نُن وٌ شَ كّوَلِ حَاشِيٍ قْشْ رَ.» كْنْ عٍ مُ عٍ تُلِ مَتِ ﭑ مَ مَسٍنيِ رَ، عٍ مُ ﭑ شُي سُشُ. ﭑ تَن عَلَتَلَ شَ مَسٍنيِ نَن نَ كِ. 
\v 5 وٌ بٍنبَيٍ نَ مِندٍن؟ نَمِحْنمّيٍ فٌ؟ عٍ مُ قَشَمَ شّ؟ 
\v 6 ﭑ مَ مَسٍنيِ نُن ﭑ مَ سّرِيّ، عَ مُ وٌ بٍنبَيٍ لِشِ؟›»
\p عَ تٌ فّ نَ مَسٍنيِ رَ، حَمَ نَشَ تُوبِ، عٍ قَ عَ قَلَ عٍ بٌورٍ بّ، «مَنفّ عَلَتَلَ بَرَ وٌن مَ قٍ رَبَشِيٍ سَرٍ رَفبِلٍن وٌن مَ.»
\p
\v 7 كِكٍ قُ نُن كٍرٍن ندٍ شِ مْشْحّن نُن نَانِ ندٍ، سٍبَتِ كِكٍ، دَرِيُسِ شَ مَنفّيَ حّ قِرِن ندٍ، عَلَتَلَ نَشَ عَ مَسٍن عَننَبِ سَكَرِ بّ، بّرّكَيَ شَ دِ، عِدٌ شَ مَمَدِ، 
\v 8 «تٌ كْي رَ ﭑ بَرَ يِ لَامَتُنيِ تٌ. شّمّ ندٍ نُ نَ سٌي فبٍيلِ قَرِ، عَ نُ تِشِ مِرِتِ وُرِيٍ تَفِ قٌلٍ كُي. سٌي فبٍيلِيٍ، سٌي قْورّيٍ، نُن سٌي قِيشّيٍ نُ نَ عَ شَنبِ رَ. 
\v 9 ﭑ نَشَ عَ مَشْرِن، ‹ﭑ مَرِفِ، مُنسٍ نَ يٍيٍ تَن نَ؟› مَلٍكّ نَشَن نُ وْيّنمَ ﭑ نَ، عَ نَشَ عَ قَلَ، ‹ﭑ عَ مَسٍنمَ نّ عِ بّ.› 
\v 10 مِشِ نَشَن نُ تِشِ مِرِتِ وُرِيٍ تَفِ، عَ نَشَ عَ قَلَ، ‹عَلَتَلَ شَ شّيرَيٍ نَن عٍ رَ نَشٍيٍ دُنِحَ عِحّرّ مَ.› 
\v 11 عٍ نَشَ دّنتّفّ سَ عَلَتَلَ شَ مَلٍكّ بّ نَشَن نُ تِشِ مِرِتِ وُرِيٍ تَفِ، ‹مُشُ بَرَ دُنِحَ بِرِن عِحّرّ، دُنِحَ مِشِ بِرِن رَشَرَشِ، عٍ نَ بْحّسَ كُي.› 
\v 12 عَلَتَلَ شَ مَلٍكّ نَشَ عَ قَلَ، ‹مَنفّ عَلَتَلَ، عِ قَمَ كِنِكِنِدٍ دَرِ سَلَمُ نُن يُدَيَ شَ تَايٍ مَ مُن تّمُي؟ عِ شْنْشِ عٍ مَ كَبِ حّ تٌنفٌ سٌلٌقٍرٍ.› 
\v 13 عَلَتَلَ نَشَ نَ مَلٍكّ رَلِمَنِيَ، عَ عَ مَدُندُ، مَلٍكّ نَشَن نُ وْيّنمَ ﭑ نَ.»
\p
\v 14 «نَ مَلٍكّ نَشَ عَ قَلَ ﭑ بّ، ‹عِ شَ عَ قَلَ، مَنفّ عَلَتَلَ شَ مَسٍنيِ نَن يَ؛ دَرِ سَلَمُ نُن سِيٌن رَقَن ﭑ مَ. ﭑ مُ تِنمَ عٍ شَ بِرَ شَنُنتٍنيِ فبّتّ قْشْ رَ. 
\v 15 ﭑ بَرَ شْنْ سِ فبّتّيٍ مَ نَشٍيٍ حْشْ عَ مَ تْورّ يٌ مُ نْمَ عٍ لِدٍ. سِنفٍ ﭑ نُ شْنْشِ دٌندٌرٌنتِ ﭑ مَ حَمَ مَ، كْنْ سِيٍ تَن بَرَ ندٍ سَ ﭑ مَ حَمَ شَ تْورّ شُن مَ.›»
\p
\v 16 «نَ نَن عَ رَ، عَلَتَلَ نَشَ عَ مَسٍن، ‹ﭑ مَن كِنِكِنِمَ نّ دَرِ سَلَمُ مَ، ﭑ مَن ﭑ مَ بَنشِ تِمَ نّ. لُوتِ عِبّندُنمَ نّ دَرِ سَلَمُ تَا شُن مَ عَلَكٌ نَ شَ مَنِيَ، نَ تَا مَن شَ فبِلٍن تِ رَ.› مَنفّ عَلَتَلَ شَ مَسٍنيِ نَن نَ كِ. 
\v 17 عِ مَن شَ عَ قَلَ، ‹مَنفّ عَلَتَلَ شَ مَسٍنيِ نَن يَ؛ هَرِفٍ مَن لُمَ ﭑ مَ تَايٍ كُي، ﭑ مَن سِيٌن مَدُندُ مَ نّ، ﭑ مَن دَرِ سَلَمُ سُفَندِ مَ نّ.›»
\s لَامَتُنيِ قِرِن ندٍ؛ قٍرِيٍ نُن شَبُييٍ
\p
\v 18 ﭑ نَشَ يِ لَامَتُنيِ تٌ؛ ﭑ بَرَ قٍرِ نَانِ تٌ. 
\v 19 ﭑ بَرَ مَلٍكّ مَشْرِن، نَشَن نُ وْيّنمَ ﭑ نَ، «مُنسٍ نَ يٍيٍ رَ؟» عَ نَشَ ﭑ يَابِ، «سّنبّمَيٍ نَن يٍيٍ رَ نَشٍيٍ يُدَيَ، عِسِرَيِلَ، نُن دَرِ سَلَمُ رَيٍنسٍنشِ.»
\p
\v 20 نَ تّمُي، عَلَتَلَ نَشَ شَبُي نَانِ مَسٍن ﭑ بّ. 
\v 21 ﭑ نَشَ مَشْرِنيِ تِ، «يٍيٍ قَشِ مُنسٍ رَبَدٍ بٍ؟» عَ نَشَ ﭑ يَابِ، «يِ قٍرِ نَانِ مِسَالِشِ سّنبّمَيٍ نَن نَ نَشٍيٍ يُدَيَ رَيٍنسٍنشِ مِشِ يٌ مُ نْ عَ شُنيِ رَكٍلِدٍ. كْنْ يِ شَبُييٍ قَشِ عٍ مَفَاشُدٍ نّ، عٍ سِ فبّتّ سّنبّمَيٍ رَبِرَ، نَشٍيٍ كٍلِشِ يُدَيَ بْشِ شِلِ مَ عَلَكٌ عٍ شَ يُدَيَكَيٍ رَيٍنسٍن.»
\c 2
\s لَامَتُنيِ سَشَن ندٍ؛ مَنِيَ لُوتِ
\p
\v 1 ﭑ نَشَ يِ لَامَتُنيِ تٌ؛ شّمّ ندٍ نُ نَ، مَنِيَ لُوتِ نُ سُشُشِ عَ يِ رَ. 
\v 2 ﭑ نَشَ عَ مَشْرِن، «عِ سِفَ مِندٍن؟» عَ نَشَ ﭑ يَابِ، «ﭑ دَرِ سَلَمُ نَن مَنِيَقٍ، عَلَكٌ ﭑ شَ عَ فبٌي نُن عَ كُيّيَ كٌلٌن.»
\p
\v 3 مَلٍكّ نَشَن نُ وْيّنمَ ﭑ نَ، عَ نَشَ سِفَ يَرٍ، مَلٍكّ فبّتّ نَشَ قَ عَ رَلَندٍ. 
\v 4 عَ نَشَ عَ قَلَ عَ بّ، «عِ فِ، سَ عَ قَلَ يِ سّفّتَلَ بّ، عَ دَرِ سَلَمُكَيٍ نُن شُرُ سٍيٍ قَمَ نّ وُيَدٍ هَن تّتّ مُ نْ عٍ رَبِلِندٍ سْنْن.» 
\v 5 عَلَتَلَ شَ مَسٍنيِ نَن يَ؛ «ﭑ تَن يَتِ عٍ مَكَنتَمَ نّ. ﭑ لُمَ نّ عٍ بّ عَلْ تّتّ تّ دَاشِ، ﭑ مَ نْرّ قَ لُ عٍ تَفِ.»
\p
\v 6 عَلَتَلَ شَ مَسٍنيِ نَن يَ؛
\q «وٌ وٌ فِ، وٌ وٌ فِ!
\q وٌ شَ كٍلِ حَمَنّ مَ نَشَن نَ كْولَ مَ.»
\q عَلَتَلَ شَ مَسٍنيِ نَن يَ؛
\q «سِنفٍ ﭑ نُ بَرَ وٌ رَيٍنسٍن يّ دُنِحَ مَ.
\q
\v 7 سِيٌن مِشِيٍ، وٌ وٌ فِ.
\q وٌ تَن نَشٍيٍ نَ بَبِلْن،
\q وٌ شَ كٍلِ نَا.»
\q
\v 8 مَنفّ عَلَتَلَ نَشَ عَ مَسٍن ﭑ بّ،
\q عَ نَشَن شّيشِ بِنيّ كُي،
\q قٍ قَلَقٍ يِ سِيٍ شَ قٍ رَ نَشٍيٍ وٌ تْورْشِ؛
\q «نَشَن عَ بّلّشّ دِنمَ وٌ رَ،
\q عَ لُشِ نّ عَلْ نَ كَنيِ بَرَ عَ بّلّشّ دِن عَلَ رَ.»
\q
\v 9 ﭑ نَ كٍلِ عٍ شِلِ مَ،
\q عٍ قِندِ عٍ شَ كٌنيِيٍ شَ كٌنيِيٍ رَ.
\q نَ كُي وٌ عَ كٌلٌنمَ نّ
\q عَ مَنفّ عَلَتَلَ نَن ﭑ شّيشِ.
\b
\q
\v 10 «دَرِ سَلَمُكَيٍ، وٌ وٌ شُي عِتٍ سّيوّ كُي،
\q بَرِ مَ ﭑ قَمَ نّ لُدٍ وٌ تَفِ.»
\q عَلَتَلَ شَ مَسٍنيِ نَن نَ كِ.
\q
\v 11 سِ وُيَشِ قَمَ نّ عَلَتَلَ مَ نَ لْشْي،
\q عٍ قَ قِندِ ﭑ مَ حَمَ رَ.
\q ﭑ لُمَ نّ وٌ تَفِ،
\q وٌ قَ عَ كٌلٌن
\q عَ مَنفّ عَلَتَلَ نَن ﭑ شّيشِ وٌ مَ.
\q
\v 12 يُدَيَ مَن قِندِ مَ عَلَتَلَ فبٍ نَن نَ
\q عَ شَ بْشِ سّنِيّنشِ كُي.
\q عَ مَن قَمَ نّ دَرِ سَلَمُ سُفَندِدٍ.
\q
\v 13 عَدَ مَدِ بِرِن شَ عَ سَبَرِ عَلَتَلَ بّ،
\q عَ نَ كٍلِقٍ عَ شَ يِرٍ سّنِيّنشِ.
\c 3
\s لَامَتُنيِ نَانِ ندٍ؛ سّرّشّدُبّ كُنتِفِ
\p
\v 1 عَ نَشَ سّرّشّدُبّ كُنتِفِ يٌسُوٍ مَسٍن ﭑ بّ، عَ نُ تِشِ عَلَتَلَ شَ مَلٍكّ يَ عِ. سٍنتَنّ نُ تِشِ عَ يِرٍقَنيِ مَ عَ شَ عَ تْوحّفّ. 
\v 2 عَلَتَلَ نَشَ عَ قَلَ سٍنتَنّ بّ، «ﭑ تَن، عَلَتَلَ نَشَن دَرِ سَلَمُ سُفَندِشِ، ﭑ بَرَ عَ قَلَ عِ بّ سٍنتَنّ، عِ سَبَرِ! يٍفٍ شُنتُنيِ شَ مُ نَ يِ شّمّ رَ نَشَن بَشِ تّ دّ عِ؟»
\p
\v 3 يٌسُوٍ نُ تِشِ مَلٍكّ يَ عِ، دُفِ نْشْشِ نَن نُ رَفٌرٌشِ عَ مَ. 
\v 4 مَلٍكّ نَشَ عَ قَلَ عَ بٌورٍيٍ بّ نَشٍيٍ نُ تِشِ يٌسُوٍ سّيتِ مَ، «وٌ دُفِ نْشْشِيٍ بَ عَ مَ.» عَ مَن نَشَ عَ قَلَ يٌسُوٍ بّ، «عَ مَتٌ، ﭑ بَرَ عِ شَ يُنُبِ بَ، ﭑ بَرَ دُفِ تٌقَنيِيٍ رَفٌرٌ عِ مَ.» 
\v 5 ﭑ نَشَ عَ قَلَ، «وٌ شَ شُنيِ رَتٌقَن سٍ سّنِيّنشِ دْشْ عَ شُنيِ مَ.» عٍ نَشَ شُنيِ رَتٌقَن سٍ سّنِيّنشِ دْشْ عَ شُنيِ مَ، عٍ نَشَ دُفِيٍ رَفٌرٌ عَ مَ. عَلَتَلَ شَ مَلٍكّ نُ تِشِ نَا.
\p
\v 6 عَلَتَلَ شَ مَلٍكّ نَشَ يِ مَسٍنيِ تِ يٌسُوٍ بّ، 
\v 7 «مَنفّ عَلَتَلَ شَ مَسٍنيِ نَن يَ؛ شَ عِ حّرّ ﭑ مَ كِرَيٍ شْن، شَ عِ ﭑ مَ يَامَرِيٍ سُشُ، عِ قَمَ نّ ﭑ مَ بَنشِ رَحّرّدٍ، عِ قَ ﭑ مَ تّتّ مَكَنتَدٍ. نَ تّمُي عِ يِرٍ سْتْمَ نّ بٍ يٍيٍ تَفِ. 
\v 8 سّرّشّدُبّ كُنتِفِ يٌسُوٍ، عِ تَن نُن نَشٍيٍ دْشْشِ عِ يَ عِ، وٌ وٌ تُلِ مَتِ. وٌ بَرَ قِندِ مِسَالِ رَ. ﭑ قَمَ ﭑ مَ كٌنيِ شّيدٍ، نَشَن شِلِ ‹سَلٌنيِ.› 
\v 9 وٌ شَ فّمّ مَتٌ ﭑ نَشَن دْشْشِ يٌسُوٍ يَ عِ. يَ سٌلٌقٍرٍ نَ نَ فّمّ كٍرٍنيِ مَ. ﭑ سّبّلِ تِمَ نّ عَ مَ، ﭑ مَن قَ يِ بْشِ شَ يُنُبِ بَ لْشْي كٍرٍن كُي.» مَنفّ عَلَتَلَ شَ مَسٍنيِ نَن نَ كِ. 
\v 10 «نَ لْشْي، وٌ وٌ بٌورٍ شِلِمَ نّ، وٌ شَ لُ يِرٍ كٍرٍن وٌ شَ وّنِ بِلِ نُن شْرّ بِلِ بُن مَ.» مَنفّ عَلَتَلَ شَ مَسٍنيِ نَن نَ كِ.
\c 4
\s لَامَتُنيِ سُولِ ندٍ؛ لَنثُي دْشْ سٍ
\p
\v 1 مَلٍكّ نَشَن نُ وْيّنمَ ﭑ نَ، عَ نَشَ قَ ﭑ نَشُنُدٍ، عَلْ عٍ مِشِ رَشُنُمَ كِ نَشّ شِشْلِ مَ. 
\v 2 عَ نَشَ ﭑ مَشْرِن، «عِ مُنسٍ تٌشِ؟» ﭑ نَشَ عَ يَابِ، «ﭑ لَنثُي دْشْ سٍ شّيمَ دَاشِ نَن تٌشِ، بِتِرّ نَ عَ شُنتَفِ، تُرٍ رَ عَ كُي. لَنثُي سٌلٌقٍرٍ فبَكُشِ عَ مَ، تُرٍ فٌرٌدٍ سٌلٌقٍرٍ، تُرٍ رَ سٌمَ نَ لَنثُي سٌلٌقٍرٍيٍ كُي. 
\v 3 عٌلِوِ وُرِ بِلِ قِرِن تِشِ تُرٍ بِتِرّ سّيتِ قِرِنيِيٍ مَ، كٍرٍن عَ يِرٍقَنيِ مَ، كٍرٍن عَ كْولَ مَ.» 
\v 4 ﭑ نَشَ مَلٍكّ مَشْرِن، نَشَن نُ وْيّنمَ ﭑ نَ، «ﭑ مَرِفِ، مُنسٍ نَ يٍيٍ رَ؟» 
\v 5 عَ نَشَ عَ قَلَ ﭑ بّ، «عِ مُ عَ كٌلٌن؟» ﭑ نَشَ عَ يَابِ؛ «ﭑ مَرِفِ، ﭑ مُ عَ كٌلٌن.» 
\v 6 نَ تّمُي عَ نَشَ عَ مَسٍن ﭑ بّ، «عَلَتَلَ شَ مَسٍنيِ نَن يَ، عَ نَشَن تِشِ سٌرٌبَبٍلِ بّ، ‹وٌ سّنبّ مُ نْمَ سٍسٍ رَ. ﭑ تَن نَن شَشِلِ نْمَ عَ رَبَدٍ.› مَنفّ عَلَتَلَ شَ مَسٍنيِ نَن يَ.»
\p
\v 7 «فٍيَ شُنفبٍ نَشَن نَ سٌرٌبَبٍلِ يَ رَ، ﭑ نَ قِندِ مَ نّ قِيلِ رَ. عَ قَمَ نّ فّمّ قَنيِ رَ مِنِدٍ بَنشِ تِ سٍ رَ، حَمَ قَ عَ قَلَ عٍ شُي عِتٍشِ رَ، ‹عَلَ شَ هِننّ عَ رَ، عَلَ شَ هِننّ عَ رَ!›»
\p
\v 8 عَلَتَلَ نَشَ يِ مَسٍنيِ تِ ﭑ بّ، 
\v 9 «سٌرٌبَبٍلِ بَرَ يِ بَنشِ تِ قْلْ، عَ مَن عَ رَحْنمَ نّ.» نَ كُي وٌ عَ كٌلٌنمَ نّ عَ مَنفّ عَلَتَلَ نَن ﭑ شّيشِ وٌ يِرٍ. 
\v 10 ندٍ يٌمَ قٍ قْلّ شُرِ مَ؟ حَمَ نَ وَلِ سٍ تٌ سٌرٌبَبٍلِ بّلّشّ، عٍ حّلّشِنمَ نّ.
\p مَلٍكّ نَشَ عَ قَلَ ﭑ بّ، «نَ لَنثُي سٌلٌقٍرٍ قِندِشِ عَلَتَلَ يَيٍ نَن نَ نَشٍيٍ دُنِحَ عِحّرّ مَ.» 
\v 11 ﭑ نَشَ عَ مَشْرِن عَ مَ، «مُنسٍ نَ نَ عٌلِوِ وُرِ بِلِ قِرِنيِ رَ، نَشٍيٍ نَ لَنثُي دْشْ سٍ يِرٍقَنيِ مَ نُن عَ كْولَ مَ؟» 
\v 12 ﭑ مَن نَشَ عَ مَشْرِن عَ مَ، «مُنسٍ نَ نَ عٌلِوِ سَلٌنيِ قِرِنيِيٍ رَ، نَشٍيٍ نَ تُرٍ فٌرٌدٍ شّيمَ دَاشِ قِرِنيِيٍ سّيتِ مَ، عٌلِوِ تُرٍ دَنفِمَ نَشٍيٍ كُي؟» 
\v 13 عَ نَشَ عَ قَلَ ﭑ بّ، «عِ مُ عَ كٌلٌن عٍ نَشٍيٍ مِسَالِشِ؟» ﭑ نَشَ عَ يَابِ، «ﭑ مَرِفِ، ﭑ مُ عَ كٌلٌن.» 
\v 14 عَ نَشَ عَ قَلَ ﭑ بّ، «مِشِ قِرِن نَن عٍ رَ عَلَ نَشٍيٍ سُفَندِشِ، عَ تُرٍ عِقِلِ عٍ شُنيِيٍ مَ، عٍ شَ وَلِ دُنِحَ بِرِن مَرِفِ بّ.»
\c 5
\s لَامَتُنيِ سٍننِ ندٍ؛ دَنكّ كّيدِ
\p
\v 1 ﭑ مَن نَشَ لَامَتُنيِ تٌ نَشَن قِندِشِ كّيدِ مَكُنتَنشِ رَ كٌورٍ مَ. 
\v 2 مَلٍكّ نَشَ ﭑ مَشْرِن، «عِ مُنسٍ تٌشِ؟» ﭑ نَشَ عَ يَابِ، «ﭑ كّيدِ مَكُنتَنشِ نَن تٌشِ كٌورٍ مَ، عَ كُيَ نْنفْن يَ مْشْحّن، عَ عِفبٌ نْنفْن يَ قُ.» 
\v 3 عَ نَشَ عَ قَلَ ﭑ بّ، «دَنكّ سّبّشِ نَ كّيدِ مَ نَشَن مَسٍنشِ بْشِ يِرٍ بِرِن. عَ سّبّشِ مُحّتِ نُن مِشِيٍ نَن بّ، نَشٍيٍ عٍ كَلِمَ وُلٍ رَ، عٍ بِرِن قَمَ نّ كٍرِدٍ يِ بْشِ مَ. 
\v 4 مَنفّ عَلَتَلَ شَ مَسٍنيِ نَن يَ، ‹ﭑ يِ دَنكّ رَ سٌمَ نّ مُحّتِيٍ شَ بَنشِيٍ كُي، عَ نُن مِشِ نَشٍيٍ عٍ كَلِمَ ﭑ شِلِ رَ كْنْ عٍ قَ وُلٍ قَلَ. نَ دَنكّ لُمَ نّ عٍ شَ بَنشِيٍ كُي هَن عَ بِرِن كَنَ.›»
\s لَامَتُنيِ سٌلٌقٍرٍ ندٍ؛ فِنّ نَ بُسَلِ كُي
\p
\v 5 مَلٍكّ نَشَن نُ وْيّنمَ ﭑ نَ، عَ نَشَ مَكْرّ ﭑ نَ، عَ قَ عَ قَلَ ﭑ بّ، «عَ مَتٌ نَشَن نَ مِنِقٍ يَكْسِ.» 
\v 6 ﭑ نَشَ عَ مَشْرِن، «مُنسٍ عَ رَ؟» عَ نَشَ ﭑ يَابِ، «بُسَلِ نَن عَ رَ، حَمَ شَ قٍ حَاشِيٍ نَ نَشَن كُي.» 
\v 7 دّرَكٌتٍ بِنيٍ تٌ بَ عَ دّ رَ، عَ نَشَ عَ تٌ فِنّ ندٍ دْشْشِ عَ كُي. 
\v 8 مَلٍكّ نَشَ عَ قَلَ ﭑ بّ، «قٍ حَاشِ مِسَالِ نَن يِ فِنّ رَ.» عَ مَن نَشَ فِنّ رَدِن بُسَلِ كُي، عَ قَ عَ دّ رَكٌتٌ دّرَكٌتٍ بِنيٍ رَ.
\p
\v 9 ﭑ تٌ ﭑ يَ رَكٍلِ، ﭑ نَشَ فِنّ قِرِن تٌ. فَبُتٍنيِ فبٌنفبٌي دَاشِيٍ نُ نَ عٍ مَ، عٍ نُ نَ حّرّقٍ كٌورٍ مَ. عٍ نَشَ نَ بُسَلِ تٌنفٌ، عٍ عَ شَنِن كٌورٍ مَ. 
\v 10 ﭑ نَشَ مَلٍكّ مَشْرِن، نَشَن نُ وْيّنمَ ﭑ نَ، «عٍ نَ بُسَلِ شَنِنقٍ مِندٍن؟» 
\v 11 عَ نَشَ ﭑ يَابِ، «عٍ نَ عَ شَنِنقٍ بَبِلْن بْشِ نَن مَ، عٍ بَنشِ تِمَ عَ بّ دّننَشّ، عَ شَ لُ نَا.»
\c 6
\s لَامَتُنيِ سٌلٌمَسَشَن ندٍ؛ سْورِ رَفِسٍ نَانِ
\p
\v 1 ﭑ مَن نَشَ لَامَتُنيِ تٌ. سْورِ رَفِسٍ نَانِ نُ نَ مِنِقٍ فٍيَ قِرِنيِيٍ لٌنفٌرِ رَ. نَ فٍيَيٍ نُ يَءِلَنشِ يْشُي نَن نَ. 
\v 2 سٌي فبٍيلِيٍ نَن نُ نَ سْورِ رَفِسٍ سِنفٍ بّندُنقٍ، سٌي قْورّيٍ نَن نُ نَ سْورِ رَفِسٍ قِرِن ندٍ بّندُنقٍ، 
\v 3 سٌي قِيشّيٍ نَن نُ نَ سْورِ رَفِسٍ سَشَن ندٍ بّندُنقٍ، سٌي مَكَتُنشِيٍ نَن نُ نَ سْورِ رَفِسٍ نَانِ ندٍ بّندُنقٍ. 
\v 4 ﭑ نَشَ مَلٍكّ مَشْرِن، نَشَن نُ وْيّنمَ ﭑ نَ، «ﭑ مَرِفِ، مُنسٍ يٍيٍ رَ؟»
\p
\v 5 مَلٍكّ نَشَ ﭑ يَابِ، «قٌيٍ نَانِ نَن عٍ رَ، دُنِحَ مَرِفِ نَ نَشٍيٍ رَ مِنِقٍ. 
\v 6 سٌي قْورّيٍ سِفَمَ حَمَنّ كْولَ نَن مَ، سٌي قِيشّيٍ سِفَمَ حَمَنّ سٌفٍفٌرٌدٍ نَن مَ، سٌي مَكَتُنشِيٍ سِفَمَ حَمَنّ يِرٍقَنيِ نَن مَ.» 
\v 7 يِ سٌي سّنبّمَيٍ تٌ نُ وَ مَ سِفَقٍ دُنِحَ عِحّرّدٍ، مَلٍكّ ندٍ نَشَ عَ قَلَ عٍ بّ، «وٌ سِفَ بْشِ عِحّرّدٍ.» عٍ نَشَ كٍلِ كٍرٍن نَ. 
\v 8 عَلَ نَشَ عَ قَلَ ﭑ بّ عَ شُي عِتٍشِ رَ، «عِ بَرَ عَ مَتٌ، نَشٍيٍ سِفَشِ حَمَنّ كْولَ مَ، عٍ بَرَ ﭑ وَشْنقٍ رَبَ نَا.»
\s يٌسُوٍ شَ مَنفّيَ
\p
\v 9 عَلَتَلَ شَ مَسٍنيِ نَن يَ؛ 
\v 10 «شٍلٍدَيِ، تٌبِيَ، نُن يّدَيَ نَ قَ كٍلِقٍ كٌنيِيَ كُي بَبِلْن بْشِ مَ، عِ شَ عٍ شَ قَنفَدَ مَيٍ رَ سُشُ. نَ لْشْي عِ شَ سِفَ سٌقٌنِ شَ دِ يٌسِيَ يِرٍ 
\v 11 نَ فبٍتِ نُن نَ شّيمَ رَ. عِ شَ مَنفّيَ تْنشُمَ رَقَلَ نَ رَ، عِ قَ عَ دْشْ سّرّشّدُبّ كُنتِفِ يٌسُوٍ شُن مَ، يٍهٌسَدَكِ شَ دِ. 
\v 12 عِ شَ عَ قَلَ عَ بّ، ‹مَنفّ عَلَتَلَ شَ مَسٍنيِ نَن يَ؛ يِ مِشِ نَشَن شِلِ «سَلٌنيِ.» نَ سَلٌنيِ بُلَمَ نّ، عَ قَ عَلَتَلَ شَ هْرْ مْبَنشِ تِ. 
\v 13 عَ تَن نَن عَلَتَلَ شَ هْرْ مْبَنشِ تِمَ، مَنفّيَ تْنشُمَ لُمَ نّ عَ يِ، عَ دْشْ عَ شَ كِبَنيِ كُي، عَ حَمَ يَمَرِ. سّرّشّدُبّ ندٍ قَن دْشْمَ نّ عَ شَ كِبَنيِ كُي. بْحّسَ لُ عٍ قِرِنيِ تَفِ.› 
\v 14 مَنفّيَ تْنشُمَ لُمَ نّ عَلَتَلَ شَ هْرْ مْبَنشِ كُي هٍلٍمِ، تٌبِيَ، يّدَيَ، نُن سٌقٌنِ شَ دِ هٍنِ يِ رَ.»
\p
\v 15 «مِشِ نَشٍيٍ مَكُيَ، نٍيٍ قَمَ نّ عَلَتَلَ شَ هْرْ مْبَنشِ تِدٍ. نَ كُي وٌ عَ كٌلٌنمَ نّ عَ مَنفّ عَلَتَلَ نَن ﭑ شّيشِ وٌ مَ. نَ بِرِن قَمَ نّ رَبَدٍ شَ وٌ وٌ مَرِفِ عَلَتَلَ شُي سُشُ عَ قَنيِ رَ.»
\c 7
\s سُنيِ
\p
\v 1 دَرِيُسِ شَ مَنفّيَ حّ نَانِ ندٍ، كِسِلٍوِ كِكٍ سٌلٌمَنَانِ ندٍ، شِ نَانِ ندٍ لْشْي، عَلَتَلَ نَشَ مَسٍنيِ تِ عَننَبِ سَكَرِ بّ. 
\v 2 بٍتٍلِكَيٍ نُ بَرَ سَرٍ سٍرِ نُن رٍفٍمِ مٍلٍكِ نُن عٍ شَ مِشِيٍ شّي عَلَتَلَ مَشَندِدٍ. 
\v 3 عٍ مَن شَ مَنفّ عَلَتَلَ شَ سّرّشّدُبّيٍ، نَشٍيٍ نُ نَ هْرْ مْبَنشِ كُي، عَ نُن نَمِحْنمّيٍ مَشْرِن، «مُشُ لَن مُشُ شَ مُشُ وَ شُي رَ مِنِ كِكٍ سُولِ ندٍ رَ، مُشُ شَ سُنيِ سُشُ عَلْ مُشُ عَ رَبَشِ حّ وُيَشِيٍ رَ كِ نَشّ؟»
\p
\v 4 مَنفّ عَلَتَلَ نَشَ مَسٍنيِ تِ ﭑ بّ يِ كِ، 
\v 5 «حَمَ نُن سّرّشّدُبّيٍ مَشْرِن ﭑ بّ، ‹وٌ تٌ نُ سُنيِ سُشُمَ سُننُنيِ كُي نَ كِكٍ سُولِ ندٍيٍ نُن نَ كِكٍ سٌلٌقٍرٍ ندٍيٍ حّ تٌنفٌ سٌلٌقٍرٍ بُن مَ، وٌ نُ سُنمَ ﭑ تَن نَن بّ؟ 
\v 6 وٌ تٌ نُ وٌ دّفٍمَ نُن وٌ وٌ مِنمَ، وٌ مُ عَ رَبَشِ وٌ يّتّ شَ بّ؟ 
\v 7 عَلَتَلَ مُ نَ مَسٍنيِ مْولِ تِ عَ شَ نَمِحْنمّ سِنفٍيٍ سَابُي شَ رَ، دَرِ سَلَمُ نُن عَ رَبِلِنيِ نُ سَبَتِشِ بْحّسَ كُي تّمُي نَشّ؟ نَ تّمُي، مِشِيٍ نُ نَ نٍفٍوِ نُن سٍقٍلَ بْشِ مَ.›»
\p
\v 8 عَلَتَلَ نَشَ مَسٍنيِ تِ عَننَبِ سَكَرِ بّ يِ كِ، 
\v 9 «مَنفّ عَلَتَلَ شَ مَسٍنيِ نَن يَ؛ ‹وٌ شَ كِيتِ سَ تِنشِنيِ كُي. وٌ شَ هِننّ وٌ بٌورٍ رَ كِنِكِنِ كُي. 
\v 10 وٌ نَشَ كَاحّ فِنّيٍ، كِرِدِيٍ، بْشِ شْحّيٍ، نُن سٍتَرٍيٍ تْورْ. وٌ نَشَ نَتّ حَاشِ تٌنفٌ وٌ بْحّ كُي وٌ بٌورٍيٍ شَ قٍ رَ.› 
\v 11 كْنْ عٍ مُ تِن نَ مَسٍنيِ رَ، عٍ نَشَ عٍ كٌبٍ سٌ، عٍ مُ عٍ تُلِ مَتِ نَ رَ. 
\v 12 عٍ بْحّيٍ نَشَ شْرْشْ عَلْ دِيَمَن، عٍ نَشَ تٌندِ مَنفّ عَلَتَلَ شَ سّرِيّ سُشُدٍ، عَ شَشِلِ سّنِيّنشِ نُ بَرَ نَشَن نَسَنبَ نَمِحْنمّ سِنفٍيٍ مَ. نَ نَن عَ رَ مَنفّ عَلَتَلَ نَشَ شْنْ عٍ مَ عَ بٍلٍبٍلٍ رَ. 
\v 13 عَ تٌ عٍ شِلِ، عٍ نَشَ تٌندِ عَ شُي سُشُدٍ. يَكْسِ، شَ عٍ تَن بَرَ عَ شِلِ، عَ مُ عٍ شَ مَشَندِ سُشُمَ دٍ.» مَنفّ عَلَتَلَ شَ مَسٍنيِ نَن يَ، 
\v 14 «ﭑ عٍ رَيٍنسٍن نّ سِيٍ بِرِن يَ مَ عٍ مُ نَشٍيٍ كٌلٌن. عٍ تٌ كٍلِ عٍ شَ بْشِ مَ، دّننَشّ نُ بَرَ رَبّحِن، مِشِ يٌ مُ دَنفِمَ دّننَشّ، مِشِ يٌ مُ سِفَمَ دّننَشّ. بْشِ قَنيِ قِندِ فبَلٌي بْشِ رَ عٍ تَن نَن سَابُي رَ.»
\c 8
\s عَلَ شَ لَايِدِ دَرِ سَلَمُ شَ قٍ رَ
\p
\v 1 مَنفّ عَلَتَلَ شَ مَسٍنيِ نَن يَ؛ 
\v 2 مَنفّ عَلَتَلَ نَشَ عَ مَسٍن، «ﭑ مُ وَ مَ ﭑ قِرِن ندٍ شْن سِيٌن. ﭑ مَ حَمَ شَ قٍ شْرْشْ ﭑ مَ كِ قَنيِ.» 
\v 3 عَلَتَلَ نَشَ عَ مَسٍن، «ﭑ مَن قَمَ نّ سِيٌن، ﭑ شَ لُ وٌ تَفِ دَرِ سَلَمُ. دَرِ سَلَمُ قَمَ نّ شِلِدٍ ‹تَا نْندِلَ.› مَنفّ عَلَتَلَ شَ فٍيَ قَمَ نّ شِلِدٍ ‹فٍيَ سّنِيّنشِ.›»
\p
\v 4 مَنفّ عَلَتَلَ شَ مَسٍنيِ نَن يَ؛ «شّمْشِيٍ نُن حّلّشّقٌرِيٍ مَن لُمَ نّ دَرِ سَلَمُ مَلَن يِرٍ، يِسُشُوُرِ سُشُ عٍ يِ عٍ شَ سِمَيَ شْننَكُيٍ شَ قٍ رَ. 
\v 5 دِ مّدِيٍ قَن لُمَ نّ بٍرٍ رَ تَا مَلَندٍيٍ.»
\p
\v 6 مَنفّ عَلَتَلَ شَ مَسٍنيِ نَن يَ، «هَلِ عَ قَ قِندِ تّرّننَ رَ يِ وَشَتِ حَمَ دْنشْي بّ، مَنفّ عَلَتَلَ مُ نْمَ كَابَدٍ نَ قٍ مَ.»
\p
\v 7 مَنفّ عَلَتَلَ شَ مَسٍنيِ نَن يَ، «ﭑ نَن ﭑ مَ حَمَ رَكِسِمَ نّ حَمَنّيٍ مَ نَشٍيٍ كٍلِمَ سٌفٍتٍدٍ نُن سٌفٍفٌرٌدٍ. 
\v 8 ﭑ عٍ رَفبِلٍنمَ نّ دَرِ سَلَمُ. عٍ قِندِ مَ نّ ﭑ مَ حَمَ رَ، ﭑ قَن قِندِ عٍ مَرِفِ عَلَ رَ نْندِ نُن تِنشِنيِ كُي.»
\p
\v 9 مَنفّ عَلَتَلَ شَ مَسٍنيِ نَن يَ، «وٌ وٌ سّنبّ سٌ، وٌ تَن نَشٍيٍ نُ بَرَ يِ مَسٍنيِ مّ نَمِحْنمّيٍ سَابُي رَ مَنفّ عَلَتَلَ شَ بَنشِ كْورِن تّمُي نَشّ. وٌ وٌ سّنبّ سٌ عَلَكٌ يِ بَنشِ شَ حْن. 
\v 10 بٍينُ نَ وَلِ شَ قْلْ، وَلِ سَرٍ يٌ مُ نُ نَ وَلِكّيٍ بّ. هَلِ نِنفٍيٍ مُ دٌنسٍ سْتْ عٍ شَ وَلِ كُي. وَلِ بِرِن مُ نُ نْمَ سْونّيَدٍ، بَرِ مَ ﭑ نُ بَرَ يَشُيحَ رَ مِنِ مِشِيٍ تَفِ. 
\v 11 كْنْ يَكْسِ ﭑ مُ يِ حَمَ دْنشْي تْورْ مَ عَلْ سِنفٍ.» مَنفّ عَلَتَلَ شَ مَسٍنيِ نَن نَ كِ.
\p
\v 12 «بْحّسَ لُمَ نّ بْشِ مَ. وّنِ بِلِيٍ بٌفِمَ نّ، بْشِ دَشَمُي رَ مِنِمَ نّ، تُنّ يٍ قَمَ نّ. ﭑ نَ بِرِن سٌمَ نّ يِ حَمَ دْنشْي يِ رَ عٍ كّ رَ. 
\v 13 سِنفٍ يُدَيَ بْنسْي نُن عِسِرَيِلَ بْنسْي قِندِ نّ دَنكّ رَ سِيٍ تَفِ، كْنْ يَكْسِ، ﭑ تٌ وٌ رَكِسِ، وٌ قِندِ مَ نّ عٍ بّ سَابُي رَ عٍ بَرَكّ سْتْ. وٌ نَشَ فَاشُ، وٌ وٌ سّنبّ سٌ.»
\p
\v 14 مَنفّ عَلَتَلَ شَ مَسٍنيِ نَن يَ، «وٌ بٍنبَيٍ تٌ ﭑ نَشْنْ، ﭑ نَشَ نَتّ تٌنفٌ ﭑ شَ وٌ حَشَنكَتَ. ﭑ مُ تِن فبِلٍندٍ نَ نَتّ قْشْ رَ. 
\v 15 كْنْ يَكْسِ ﭑ بَرَ نَتّ تٌنفٌ، ﭑ شَ قٍ قَنيِ رَبَ وٌ بّ، دَرِ سَلَمُ نُن يُدَيَ بْنسْي. وٌ نَشَ فَاشُ. 
\v 16 وٌ شَ يِ مَسٍنيِ رَبَتُ؛ وٌ شَ نْندِ قَلَ وٌ بٌورٍ بّ، وٌ شَ كِيتِ سَ نْندِ نُن تِنشِنيِ كُي. 
\v 17 حَاشُيحَ نَشَ لُ وٌ بْحّ كُي وٌ بٌورٍيٍ مَبِرِ. وٌ نَشَ وٌ كَلِ وُلٍ كُي، بَرِ مَ نَ قٍ مْولِ مُ رَقَن ﭑ مَ.» مَنفّ عَلَتَلَ شَ مَسٍنيِ نَن نَ كِ.
\p
\v 18 مَنفّ عَلَتَلَ شَ مَسٍنيِ نَن يَ، 
\v 19 «مَنفّ عَلَتَلَ نَشَ عَ مَسٍن وٌ سُنيِ نَشٍيٍ سُشُمَ كِكٍ نَانِ ندٍ، كِكٍ سُولِ ندٍ، كِكٍ سٌلٌقٍرٍ ندٍ، نُن كِكٍ قُ ندٍ رَ، نٍيٍ شَ قِندِ سَلِ سّيوّ دَاشِيٍ رَ. نْندِ نُن بْحّسَ شَ رَقَن وٌ مَ.»
\p
\v 20 مَنفّ عَلَتَلَ شَ مَسٍنيِ نَن يَ، «مِشِ فبٍفبٍ قَمَ نّ قَدٍ كٍلِقٍ حَمَنّ فبّتّيٍ مَ. 
\v 21 مِشِيٍ لُمَ سِفَ رَ يِرٍ فبّتّ عٍ سَ عَ قَلَ مّننِكَيٍ بّ، ‹وٌن شّي مَنفّ عَلَتَلَ مَشَندِدٍ، وٌن بِرِن نَ عَ رَ.› 
\v 22 سّنبّمَ وُيَشِيٍ كٍلِقٍ حَمَنّ فبّتّيٍ مَ، عٍ قَمَ نّ مَنفّ عَلَتَلَ قٍندٍ دَرِ سَلَمُ، عٍ عَ مَشَندِ.»
\p
\v 23 مَنفّ عَلَتَلَ شَ مَسٍنيِ نَن يَ، «نَ لْشْييٍ حَمَنّ فبّتّيٍ مِشِ قُ قَمَ نّ كَنكَندٍ يُوِقِ كٍرٍن مَ، عٍ قَ عَ قَلَ عَ بّ، ‹وٌن بِرِن نَ عَ رَ، بَرِ مَ مُشُ بَرَ عَ كٌلٌن عَلَ نَ وٌ قّ مَ.›»
\c 9
\s سِ فبّتّيٍ شَ كِيتِ
\p
\v 1 عَلَتَلَ بَرَ مَسٍنيِ شْرْشْي تِ
\q شَدَرَكِ شَ بْشِ شَ قٍ رَ.
\q نَ مَسٍنيِ بَرَ دَ مَسِ تَا قَن لِ.
\q عَلَتَلَ فبٍ نَن عَدَ مَدِ بِرِن نَ،
\q عِسِرَيِلَ بْنسْييٍ قَن عَ فبٍ.
\q
\v 2 نَ مَسٍنيِ بَرَ شَمَتَ تَا لِ،
\q نَشَن نَ دَ مَسِ نَانِنيِ مَبِرِ.
\q عَ بَرَ تِرٍ نُن سِدْن قَن لِ،
\q هَلِ لْننِلَيٍ نَن تٌ عٍ رَ.
\q
\v 3 تِرٍ بَرَ تَا مَكَنتَشِ تِ،
\q عَ شَ فبٍتِ بَرَ فبٌ عَلْ مّيّنيِ،
\q عَ شَ شّيمَ بَرَ فبٌ عَلْ بٌورَ.
\q
\v 4 كْنْ مَرِفِ نَ بِرِن بَمَ نّ عَ يِ،
\q عَ عَ شَ تّتّ رَدِن بَا مَ، عَ قَ تَا فَن.
\q
\v 5 عَسِكَلْن نَ نَ تٌ،
\q عَ قَن لُمَ نّ فَاشُي كُي.
\q فَسَ نُن عٍكِرٌن قَن فَاشُمَ نّ،
\q عٍ سّرّنمَ نّ بَرِ مَ عٍ شَ شُننَكٍلِ بَرَ قِندِ يَافِ رَ.
\q فَسَ مَنفّ قَشَمَ نّ،
\q مِشِ يٌ مُ لُمَ عَسِكَلْن سْنْن.
\q
\v 6 سِ مَسُنبُشِ قَمَ نّ سَبَتِدٍ عَسِدٌدِ.
\q «ﭑ قِلِسِتَكَيٍ شَ يّتّ عِفبٌحَ رَفٌرٌ مَ نّ.
\q
\v 7 ﭑ قَشّ تِقٍ حْنمَ نّ مّننِ.»
\q حَمَ دْنشْي قَمَ نّ بِرَدٍ مُشُ مَرِفِ عَلَ قْشْ رَ.
\q عٍ سَبَتِمَ نّ يُدَيَ شَبِلّيٍ يَ مَ.
\q عٍكِرٌن لُمَ نّ عَلْ يٍبُسُ.
\q
\v 8 «ﭑ نَ ﭑ مَ بَنشِ كَنتَ مَ نّ،
\q عَلَكٌ سْورِ فَلِ يٌ نَشَ عَ كَنَ.
\q نَشَن قَمَ، نَشَن دَنفِمَ،
\q عٍ مُ نْمَ سٍسٍ رَ،
\q بَرِ مَ يَكْسِ ﭑ حّنفِ سَشِ عَ شْن مَ.»
\b
\q
\v 9 سِيٌنكَيٍ، وٌ شَ حّلّشِن.
\q دَرِ سَلَمُكَيٍ، وٌ شَ وٌ شُي عِتٍ سّيوّ كُي.
\q وٌ شَ مَنفّ نَ قَقٍ وٌ يِرٍ.
\q عَ تِنشِن. عَ كِسِشِ.
\q عَ مُ عَ يّتّ عِفبٌمَ،
\q عَ سٌمَ تَا كُي سٌقَلٍ نَن قَرِ،
\q سٌقَلٍ شّمّمَ، سٌقَلٍ فِنّمَ شَ دِ.
\q
\v 10 «ﭑ سْورِ رَفِسٍ بَمَ نّ عٍقِرَ مِ بْشِ مَ،
\q ﭑ سٌييٍ بَمَ نّ دَرِ سَلَمُ.
\q فٍرٍ سٌ شَلِيٍ مُ لُمَ نَا.»
\q عَ بْحّسَ نَن مَسٍنمَ سِيٍ بّ.
\q عَ شَ مَنفّيَ شُنفبٌمَ نّ يِرٍ بِرِن،
\q كٍلِقٍ بَا شُنفبٍ مَ، عَ سَ دْشْ شُرٍ شُنفبٍ رَ.
\q
\v 11 «ﭑ بَرَ وٌ شَ مِشِ سُشُشِيٍ شُن سَرَ
\q وٌن مَ سَاتّ شَ قٍ رَ
\q نَشَن شِرِشِ سّرّشّ وُلِ دَاشِ رَ.
\q عٍ نُ نَ قٍ شْرْشْي كُي،
\q عَلْ مِشِ نَشٍيٍ رَفٌرٌشِ كْلْنيِ ندٍ كُي، يٍ مُ نَ نَشَن كُي.
\q
\v 12 وٌ شَ فبِلٍن تَا مَكَنتَشِ كُي،
\q وٌ تَن فٍيلِمَنِ نَشٍيٍ شَشِلِ تِشِ ﭑ نَ.
\q تٌ ﭑ شَ عَ قَلَ وٌ بّ،
\q ﭑ وٌ هَرِفٍ رَفبِلٍنمَ نّ وٌ مَ،
\q ﭑ مَن قَ عَ شُنمَسَ.
\q
\v 13 يُدَيَ قِندِ مَ نّ ﭑ مَ شَلِ رَ.
\q عٍقِرَ مِ لُمَ نّ عَلْ ﭑ مَ تَنبّيٍ.
\q سِيٌنِكَيٍ قِندِ مَ نّ ﭑ مَ سْورِيٍ رَ
\q فِرّكِكَيٍ شِلِ مَ.
\q ﭑ مَ سَنتِدّفّمَ نَن عِ رَ.»
\b
\q
\v 14 عَلَتَلَ عَ يّتّ مَكّنّنمَ نّ عٍ بّ،
\q عَ شَ تَنبّ لُ عَلْ سٍيَمَكْنيِ.
\q مَرِفِ عَلَتَلَ سَرَ قٍمَ نّ،
\q عَ لُ عَلْ تُرُننَادّ.
\q
\v 15 مَنفّ عَلَتَلَ عٍ مَكَنتَمَ نّ.
\q عٍ شَ فٍرٍ سٌسٍيٍ كَنَرِ رَبَمَ نّ،
\q عٍ وُلِ عِقِلِ عَلْ سّرّشّدُبّيٍ
\q نَشَن شُرُ سٍ كْن نَشَبَمَ،
\q عٍ قَ نَ وُلِ كَسَن سّرّشّبَدٍ مَ.
\q
\v 16 عٍ مَرِفِ عَلَتَلَ عٍ رَكِسِمَ نّ نَ لْشْي،
\q عَلْ شُرُ سٍ دّ مَدٌنيِ عَ شَ شُرُ سٍيٍ كَنتَمَ كِ نَشّ.
\q عَلَ شَ حَمَ لُمَ نّ عَلْ دِيَمَن نَشَن يَنبَمَ بْشِ مَ.
\q
\v 17 عٍ تٌقَنمَ نّ، عٍ رَيَبُ.
\q بَلٌي قَنيِ سّفّتَلَيٍ شُنفبٌمَ نّ،
\q مِنسٍ قَنيِيٍ سُنفبُتُنيِيٍ رَيَبُ.
\c 10
\s عَلَ شَ هِننّ
\q
\v 1 وٌ شَ عَلَتَلَ مَشَندِ حّمّ تّمُي.
\q عَلَتَلَ قَمَ نّ تُنّ بٍلٍبٍلٍ رَ وٌ بّ،
\q عَلَكٌ وٌ شَ شّيٍ شَ قَن.
\q
\v 2 كُيٍيٍ وُلٍ قَلَمَ،
\q سٍمَتٌييٍ مُ نْندِ تٌمَ،
\q عٍ شِيٍيٍ قَسَرِ مَ وُلٍ رَ،
\q عٍ شَ مَدُندُي قُقَقُ نَ عَ رَ.
\q نَ بِرِن بَرَ عَ نِيَ حَمَ شَ لْي عَلْ شُرُ سٍيٍ.
\q عٍ نَ تْورّ كُي بَرِ مَ شُرُ سٍ دّ مَدٌنيِ مُ نَ عٍ بّ.
\q
\v 3 ﭑ بَرَ شْنْ نَ شُرُ سٍ دّ مَدٌنيِيٍ مَ.
\q ﭑ عٍ شَ يَرٍرَتِيٍ حَشَنكَتَمَ نّ.
\q يُدَيَ لُمَ نّ عَلْ مَنفّ عَلَتَلَ شَ شُرُ سٍيٍ،
\q عَ مّينِمَ نّ عٍ مَ.
\q عٍ قَمَ نّ بِنيّ سْتْدٍ،
\q عَلْ سْورِ مَنفّ شَ سٌي.
\q
\v 4 مِشِ ندٍ كٍلِمَ نّ يُدَيَ
\q نَشَن مِسَالِمَ فّمّ رَ بَنشِ تِشِ نَشَن قَرِ،
\q نَشَن مِسَالِمَ وُرِ رَ كِرِ بَنشِ شِرِشِ نَشَن نَ،
\q نَشَن مِسَالِمَ شَلِ فٍرٍ سٌسٍ رَ.
\q مَنفّ بِرِن قَتَنشِ يُدَيَ بْنسْي نَن نَ.
\q
\v 5 يُدَيَكَيٍ قِندِ مَ نّ سّنبّمَيٍ رَ،
\q نَشٍيٍ عٍ يَشُييٍ مَبٌرٌنمَ فٍرٍ كُي،
\q بَرِ مَ عَلَتَلَ نَ عٍ قّ مَ.
\q عٍ يَشُييٍ شَ سٌي رَفِمَيٍ لُمَ نّ يَافِ كُي.
\b
\q
\v 6 «ﭑ يُدَيَ بْنسْي شُن نَكٍلِمَ نّ،
\q ﭑ يُسُقُ بْنسْي رَكِسِ،
\q ﭑ عٍ شَ تَايٍ يَءِلَن،
\q بَرِ مَ ﭑ بَرَ كِنِكِنِ عٍ مَ.
\q عٍ قَمَ نّ لُدٍ عَلْ ﭑ مُ عٍ رَبّحِن.
\q عٍ مَرِفِ عَلَتَلَ نَن ﭑ نَ،
\q ﭑ عٍ شَ دُبَ سُشُمَ نّ.
\q
\v 7 عٍقِرَ مِ بْنسْي قَن قِندِ مَ نّ سّنبّمَيٍ رَ.
\q عٍ سّيوَ مَ نّ دَنفِقٍ سِيسِلَيٍ رَ.
\q عٍ شَ دِيٍ نَ بِرِن تٌمَ نّ، عٍ قَن حّلّشِن.
\q عٍ بِرِن بْحّ سّيوَ مَ نّ عَلَتَلَ شَ قٍ رَ.
\q
\v 8 ﭑ نَن ﭑ مَ حَمَ مَشِلِمَ نّ،
\q ﭑ شَ عٍ شُن سَرَ،
\q عٍ شَ وُيَ دَنفِقٍ سِنفٍ رَ.
\q
\v 9 هَلِ ﭑ تٌ عٍ رَيٍنسٍنشِ سِيٍ يَ مَ،
\q عٍ عٍ رَتُمَ نّ ﭑ مَ قٍ مَ يِرٍ مَكُيٍ.
\q عٍ تَن نُن عٍ شَ دِيٍ كِسِمَ نّ،
\q عٍ مَن قَ فبِلٍن عٍ شْنيِ.
\q
\v 10 ﭑ عٍ رَقَمَ نّ كٍلِقٍ مِسِرَ بْشِ مَ،
\q ﭑ عٍ مَلَن كٍلِقٍ عَسِرِيَ بْشِ مَ.
\q ﭑ مَن فَلَدِ نُن لِبَن بْشِ قِمَ نّ عٍ مَ،
\q كْنْ عٍ كْنتِ دَنفِمَ نّ نَ بِرِن نَ.
\q
\v 11 عٍ شَ تْورّ بَرَ لُ عَلْ بَا مْرْنيِيٍ،
\q كْنْ عَلَ نَ مْرْنيِيٍ رَفٌرٌ مَ نّ.
\q نِلِ شُرٍ بَرَ عَ نِيَ عٍ شَ لُ كٌنيِيَ كُي،
\q كْنْ نَ شُرٍ بَرَ شْرِ.
\q عَسِرِيَ شَ يّتّ عِفبٌحَ فٌرٌ مَ نّ،
\q مِسِرَ شَ مَنفّيَ حْن.
\q
\v 12 ﭑ تَن نَن عٍ سّنبّ سٌمَ،
\q عٍ قَمَ نّ حّرّدٍ ﭑ شِلِ رَ.»
\q عَلَتَلَ شَ مَسٍنيِ نَن نَ كِ.
\c 11
\s شُرُ سٍ دّ مَدٌنيِيٍ
\q
\v 1 لِبَن بْشِ، عِ شَ وُرِ بِرِن قَمَ نّ فَندٍ.
\q
\v 2 وٌ قَمَ نّ وَدٍ وٌ شُي عِتٍشِ رَ،
\q بَرِ مَ سِثِرّ، سّدِرِ، نُن كٌندٍ بِلِيٍ قَمَ نّ بِرَدٍ.
\q بَسَن وٌندِ بٍلٍبٍلٍ بَرَ كَنَ.
\q
\v 3 شُرُ سٍ دّ مَدٌنيِيٍ وَ مَ نّ،
\q بَرِ مَ قِيلِ بَرَ كَنَ.
\q يّتّيٍ شَاحّمَ نّ،
\q بَرِ مَ يُرُدّن قْتْنيِ بَرَ كَنَ.
\q
\v 4 ﭑ مَرِفِ عَلَتَلَ عَ مَسٍن نّ،
\q «وٌ شَ شُرُ سٍيٍ دّ مَدٌن،
\q نَشٍيٍ قَمَ قَشَدٍ.
\q
\v 5 مِشِ نَشٍيٍ عٍ سَرَ مَ
\q عٍ قَمَ نّ عٍ كْن نَشَبَدٍ كِنِكِنِتَرٍحَ كُي.
\q نَشٍيٍ عٍ مَتِمَ عٍ عَ قَلَمَ نّ،
\q ‹عَلَ تَنتُ. ﭑ بَرَ بَننَ.›
\q شُرُ سٍ دّ مَدٌنيِيٍ مُ كِنِكِنِمَ عٍ مَ.»
\q
\v 6 عَلَتَلَ شَ مَسٍنيِ نَن يَ؛
\q «ﭑ قَن مُ كِنِكِنِمَ يِ حَمَ مَ.
\q ﭑ بَرَ عٍ بِرِن لُ عٍ بٌورٍ يِ رَ،
\q عٍ شَ مَنفّ يِ رَ،
\q عَلَكٌ حَمَ شَ حَشَنكَتَ.
\q ﭑ مُ مِشِ يٌ رَتَنفَمَ نَ مَ.»
\b
\p
\v 7 نَ كُي ﭑ نَشَ شُرُ سٍيٍ تْورْشِ دّ مَدٌن، نَشٍيٍ نُ لَنشِ عٍ شَ قَشَ. ﭑ نَشَ يِسُشُوُرِ قِرِن تٌنفٌ. ﭑ نَشَ كٍرٍن شِلِ سَ «هِننّ،» بٌورٍ «لَنيِ.» ﭑ نَشَ شُرُ سٍيٍ دّ مَدٌن. 
\v 8 ﭑ نَشَ شُرُ سٍ دّ مَدٌنيِ سَشَن كٍرِ كِكٍ كٍرٍن بُن، بَرِ مَ عٍ مُ رَقَنشِ ﭑ مَ سْنْن، ﭑ قَن مُ رَقَنشِ عٍ مَ. 
\v 9 ﭑ نَشَ عَ قَلَ شُرُ سٍيٍ بّ، «ﭑ مُ وٌ دّ مَدٌنمَ سْنْن. نَشَن لَن عَ شَ قَشَ، عَ شَ قَشَ. نَشَن لَن عَ شَ سِفَ، عَ شَ سِفَ. نَشَن لَن عَ شَ لُ بٍ، عَ شَ عَ بٌورٍ قَشَ.» 
\v 10 ﭑ نَشَ ﭑ مَ يِسُشُوُرِ تٌنفٌ نَشَن شِلِ «هِننّ،» ﭑ نَشَ عَ عِفِرَ. نَ مِسَالِشِ سَاتّ نَن نَ نَشَن شِرِشِ ﭑ تَن نُن سِيٍ بِرِن تَفِ. نَ سَاتّ بَرَ كَنَ. 
\v 11 ﭑ تٌ نَ كَنَ شُرُ سٍيٍ تْورْشِ يَ شْرِ، عٍ نَشَ عَ كٌلٌن ﭑ نُ بَرَ عَلَتَلَ شَ مَسٍنيِ قَلَ. 
\v 12 ﭑ نَشَ عَ قَلَ عٍ بّ، «شَ عَ وٌ كّنّن، وٌ ﭑ مَ وَلِ سَرٍ قِ ﭑ مَ، شَ نَ مُ عَ رَ وٌ عَ لُ نَ.» عٍ نَشَ كْبِرِ كٌلٍ تٌنفٌ سَشَن قِ ﭑ مَ وَلِ سَرٍ رَ. 
\v 13 عَلَتَلَ نَشَ عَ قَلَ ﭑ بّ، «شَ عٍ ﭑ مَ وَلِ تِدٍ تٌمَ نَ كِ نّ، عَ سَرٍ مُ فبٌ، عَ وْلّ. قّحّ يَءِلَنمَ شَ نَ تٌنفٌ.» ﭑ نَشَ نَ كْبِرِ كٌلٍ تٌنفٌ سَشَن تٌنفٌ، ﭑ نَشَ عٍ وْلّ عَلَتَلَ شَ بَنشِ كُي مِشِ ندٍ بّ نَشَن قّحّيٍ يَءِلَنمَ. 
\v 14 نَ دَنفِ شَنبِ، ﭑ نَشَ ﭑ مَ يِسُشُوُرِ عِفِرَ نَشَن نُ شِلِ «لَنيِ،» بَرِ مَ لَنيِ مُ نَ يُدَيَ نُن عِسِرَيِلَ تَفِ سْنْن.
\p
\v 15 عَلَتَلَ نَشَ عَ قَلَ ﭑ بّ، «عِ مَن شَ شُرُ سٍ دّ مَدٌنيِ شَشِلِتَرٍ شَ وَلِسٍيٍ تٌنفٌ. 
\v 16 ﭑ شُرُ سٍ دّ مَدٌنيِ رَكٍلِمَ نّ يِ بْشِ مَ نَشَن مُ عَ حّنفِ سَمَ شُرُ سٍيٍ شْن مَ. شَ شُرُ سٍ كٍرٍن بَرَ لْي، عَ مُ سِفَمَ عَ قٍندٍ. شَ كٍرٍن بَرَ مَشْنْ، عَ مُ عَ دَندَنمَ. شَ كٍرٍن بَرَ شُنفبٌ قْلْ، عَ عَ سُبٍ بِرِن دٌنمَ نّ هَن عَ عَ تٌرٍ لِ.»
\b
\q
\v 17 «حَشَنكَتّ نَ شُرُ سٍ دّ مَدٌنيِ حَاشِ بّ،
\q نَشَن شُرُ سٍيٍ رَبّحِنمَ.
\q سَنتِدّفّمَ شَ عَ بّلّشّ سّفّ،
\q عَ شَ عَ يَ سْشْ.
\q عَ بّلّشّ نَشَ نْ قٍقٍ رَ،
\q عَ يَ نَشَ قٍ يٌ تٌ.»
\c 12
\s يُدَيَ شَ شُننَكٍلِ
\q
\v 1 عَلَتَلَ بَرَ مَسٍنيِ شْرْشْي تِ عِسِرَيِلَ شَ قٍ رَ.
\q عَلَتَلَ شَ مَسٍنيِ نَن يَ،
\q نَشَن كٌورٍ نُن بْشِ دَاشِ،
\q نَشَن شَشِلِ سٌ عَدَ مَدِ يِ رَ؛
\q
\v 2 «ﭑ قٍ شُنفبٍ رَبَمَ نّ دَرِ سَلَمُ بّ،
\q دُنِحَ سِيٍ تَفِ.
\q مِشِ نَ قَ دَرِ سَلَمُ فٍرٍدٍ،
\q ﭑ كَابَنَكٌ رَبَمَ نّ يُدَيَ بّ.
\q
\v 3 نَ لْشْي، ﭑ دَرِ سَلَمُ قِندِ مَ نّ فّمّ بِنيٍ رَ سِ بِرِن بّ.
\q نَشَن كَتَمَ نَ عِتٍقٍ رَ،
\q نَ كَنيِ مَشْنْمَ نّ.
\q دُنِحَ سِ بِرِن مَلَنمَ نّ عَ شِلِ مَ.»
\q
\v 4 عَلَتَلَ شَ مَسٍنيِ نَن يَ؛
\q «نَ لْشْي، ﭑ سْورِ نُن عَ شَ سٌي رَدَشُمَ نّ.
\q ﭑ نٍيٍ قِندِ دْنشُي رَ.
\q ﭑ يُدَيَ بْنسْي مَتٌمَ نّ،
\q ﭑ نَن ﭑ حّنفِ سَ عٍ شْن مَ.
\q
\v 5 يُدَيَ مَنفّيٍ عَ قَلَمَ نّ عٍ بْحّ كُي،
\q ‹دَرِ سَلَمُكَيٍ سّنبّ فبٌشِ
\q عٍ مَرِفِ عَلَتَلَ نَن سَابُي رَ.›
\q
\v 6 نَ لْشْي، ﭑ يُدَيَ مَنفّيٍ لُمَ نّ
\q عَلْ تّ وٌلٍنشِ يٍفٍ شْورَ،
\q شَ نَ مُ عَلْ تّ نَ دِن سّشّ رَ.
\q عٍ قَمَ نّ سِ بِرِن هَلَكِدٍ نَشَن نَ عٍ رَبِلِنيِ.
\q دَرِ سَلَمُ مُ كَنَمَ.
\q
\v 7 عَلَتَلَ يُدَيَ تَايٍ نَن سِنفٍ رَكِسِمَ،
\q عَلَكٌ دَوُدَ شَبِلّ نُن دَرِ سَلَمُكَيٍ
\q شَ بِنيّ نَشَ دَنفِ يُدَيَ مِشِيٍ رَ.
\q
\v 8 نَ لْشْي، عَلَتَلَ دَرِ سَلَمُكَيٍ مَكَنتَمَ نّ.
\q عَلَ عَ نِيَمَ نّ مِشِ تَفَنشِ شَ دَوُدَ سّنبّ سْتْ.
\q دَوُدَ شَبِلّ سّنبّ فبٌمَ نّ عَلَ سَابُي رَ.
\q عَلَتَلَ شَ مَلٍكّ عَ حّرّ مَ نّ عٍ يَ رَ.
\q
\v 9 نَ لْشْي، ﭑ سِ بِرِن هَلَكِمَ نّ
\q نَشٍيٍ دَرِ سَلَمُ فٍرٍ مَ.
\b
\q
\v 10 ﭑ هِننّ نُن كِنِكِنِ لُمَ نّ
\q دَوُدَ شَبِلّ نُن دَرِ سَلَمُكَيٍ شَشِلِ مَ.
\q عٍ قَمَ نّ عٍ يَ رَقِندِدٍ ﭑ مَ، عٍ ﭑ تَن نَشَن سْشْشِ.
\q عٍ سُننُنمَ نّ ﭑ مَ قٍ رَ،
\q عَلْ مِشِ نَشَن شَ دِ سِنفٍ بَرَ قَشَ.
\q عٍ عٍ وَ شُي رَ مِنِمَ نَ كِ نّ.
\q
\v 11 نَ لْشْي، سُننُنيِ فبٌمَ نّ دَرِ سَلَمُ،
\q عَلْ هَدَدَ رِ مْن سُننُنشِ مٍفِدٌ فُلُنبَ كُي كِ نَشّ.
\q
\v 12 حَمَ بِرِن سُننُنمَ نّ شَبِلّ كِ مَ.
\q دَوُدَ شَبِلّ لُمَ نّ عَ شَتِ مَ.
\q نَتَن شَبِلّ قَن لُمَ نّ عَ شَتِ مَ.
\q شّمّيٍ نُن فِنّيٍ مُ سُننُنمَ يِرٍ كٍرٍن.
\q
\v 13 لٍوِ شَبِلّ لُمَ نّ عَ شَتِ مَ.
\q سِمٍيِ شَبِلّ لُمَ نّ عَ شَتِ مَ.
\q شّمّيٍ نُن فِنّيٍ مُ سُننُنمَ يِرٍ كٍرٍن.
\q
\v 14 شَبِلّ بِرِن لُمَ نّ عَ شَتِ مَ.»
\c 13
\s حَمَ سّنِيّنشِ
\q
\v 1 نَ لْشْي، دُلٌنيِ مِنِمَ نّ
\q نَشَن نْمَ دَوُدَ شَبِلّ نُن دَرِ سَلَمُكَيٍ
\q يُنُبِ بَدٍ.
\q
\v 2 مَنفّ عَلَتَلَ شَ مَسٍنيِ نَن يَ؛
\q «نَ لْشْي، ﭑ كُيٍيٍ شِلِ بَمَ نّ وٌ دّ كُي،
\q وٌ نّيمُ عٍ مَ.
\q ﭑ عٍ شَ نَمِحْنمّيٍ نُن عٍ شَ سّنِيّنتَرٍحَ كٍرِ مَ نّ.
\q
\v 3 شَ مِشِ ندٍ سُو سَمَ نَمِحْنمّ مَسٍنيِ تِدٍ،
\q عَ نفَ نُن عَ بَبَ نَشَن عَ بَرِشِ عٍ عَ قَلَمَ عَ بّ،
\q ‹عِ شَ قَشَ، بَرِ مَ عِ بَرَ وُلٍ قَلَ عَلَتَلَ شِلِ رَ.›
\q عَ نفَ نُن عَ بَبَ نَشَن عَ بَرِشِ،
\q عٍ عَ سْشْمَ نّ نَ مَسٍنيِ شَ قٍ رَ.
\q
\v 4 نَ لْشْي، نَمِحْنمّيٍ بِرِن يَافِمَ نّ
\q عٍ شَ مَسٍنيِيٍ شَ قٍ رَ.
\q عٍ مُ نَمِحْنمّ دُفِ رَفٌرٌ مَ عٍ مَ سْنْن
\q عَلَكٌ عٍ شَ مِشِ مَدَشُ.
\q
\v 5 عٍ بِرِن عَ قَلَمَ نّ،
\q ‹نَمِحْنمّ مُ ﭑ نَ.
\q كَبِ ﭑ دِ مّدِ تّمُي ﭑ شّ نَن تُن سَقٍ.›
\q
\v 6 كْنْ عٍ عَ مَشْرِنمَ نّ،
\q ‹مُنسٍ نَ يِ نَرِ رَ عِ بّلّشّيٍ مَ؟›
\q عَ عٍ يَابِمَ نّ؛
\q ‹ﭑ شَنُنتٍنيِ نَن ﭑ مَشْنْشِ.›»
\b
\q
\v 7 «سَنتِدّفّمَ، كٍلِ ﭑ مَ شُرُ سٍ دّ مَدٌنيِ شِلِ مَ،
\q كٍلِ مِشِ شِلِ مَ نَشَن نَ ﭑ سّيتِ مَ.»
\q مَنفّ عَلَتَلَ شَ مَسٍنيِ نَن يَ؛
\q «سَنتِدّفّمَ، شُرُ سٍ دّ مَدٌنيِ قَشَ،
\q يّشّييٍ رَيٍنسٍن يّ.
\q ﭑ قَمَ نّ يّشّييْرّيٍ حَشَنكَتَدٍ.»
\q
\v 8 عَلَتَلَ شَ مَسٍنيِ نَن يَ؛
\q «حَمَ دْشْ قِرِن قَشَمَ نّ،
\q كْنْ عَ دْشْ سَشَن ندٍ بَلٌمَ نّ.
\q
\v 9 ﭑ نَ دْشْ سَشَن ندٍ سَمَ نّ تّ عِ،
\q ﭑ عٍ رَشُنُ عَلْ فبٍتِ.
\q ﭑ شَ عٍ مَتٌ عَلْ شّيمَ.
\q عَ نَ ﭑ مَشَندِ، ﭑ عَ شَ دُبَ سُشُمَ نّ.
\q ﭑ قَمَ نّ عَ مَسٍندٍ، ‹ﭑ مَ حَمَ نَن يَ،›
\q عَ قَن عَ مَسٍن، ‹عَلَتَلَ نَن مُشُ مَرِفِ عَلَ رَ.›»
\c 14
\s عَلَتَلَ قَ لْشْي
\p
\v 1 عَلَتَلَ شَ لْشْي قَقٍ.
\q وٌ يَشُييٍ وٌ هَرِفٍ عِتَشُنمَ نّ عٍ بٌورٍ مَ وٌ يَ شْرِ.
\q
\v 2 ﭑ سِ بِرِن مَلَنمَ نّ دَرِ سَلَمُ فٍرٍ شِلِ مَ.
\q عٍ سٌمَ نّ تَا كُي، عٍ بَنشِ كَنَ، عٍ دُتُن فِنّيٍ مَ.
\q عٍ حَمَ سّيتِ شَنِنمَ نّ كٌنيِيَ كُي،
\q عٍ بٌورٍ سّيتِ لُ تَا كُي.
\b
\q
\v 3 عَلَتَلَ كٍلِمَ نّ عَ سَ نَ سِيٍ فٍرٍ عَ فٍرٍ كِ مَ.
\q
\v 4 نَ لْشْي عَلَ تِمَ نّ عٌلِوِ فٍيَ قَرِ،
\q نَشَن نَ دَرِ سَلَمُ يَ رَ سٌفٍتٍدٍ مَبِرِ.
\q عٌلِوِ فٍيَ عِبْو مَ نّ عَ تَفِ،
\q كٍلِقٍ سٌفٍتٍدٍ هَن سٌفٍفٌرٌدٍ.
\q فُلُنبَ لُمَ نّ فٍيَ قِرِن تَفِ،
\q كٍرٍن نَ كْولَ مَ، كٍرٍن نَ يِرٍقَنيِ مَ.
\q
\v 5 نَ تّمُي وٌ وٌ فِمَ نّ فُلُنبَ كُي
\q ﭑ مَ فٍيَيٍ تَفِ هَن عَسٍلِ.
\q وٌ وٌ فِمَ نّ عَلْ وٌ وٌ فِشِ بْشِ شَ سّرّنيِ يَ رَ كِ نَشّ،
\q يُدَيَ مَنفّ يُسِيَ شَ وَشَتِ.
\q نَ تّمُي ﭑ مَرِفِ عَلَتَلَ قَمَ نّ،
\q عَ نُن عَ شَ سّنِيّنتْييٍ رَ.
\q
\v 6 نَ لْشْي، نَءِيَلَنيِ مُ لُمَ دُنِحَ مَ،
\q يَنبَسٍيٍ شُنُمَ نّ.
\q
\v 7 يَنيِ نُن كْي مُ نَ نَ لْشْي.
\q عَلَتَلَ نَن نَ لْشْي مْولِ كٌلٌن.
\q كْنْ نُنمَرٍ تّمُي نَءِيَلَنمَ نّ.
\b
\q
\v 8 نَ لْشْي، كِسِ يٍ مِنِمَ نّ دَرِ سَلَمُ،
\q سّيتِ تٍ سٌفٍتٍدٍ بَا مَبِرِ،
\q سّيتِ فٌرٌ سٌفٍفٌرٌدٍ بَا مَبِرِ.
\q عَ مِنِمَ نّ سٌفٍ قُرٍ نُن حّمّ تّمُي.
\q
\v 9 عَلَتَلَ نَن قِندِ مَ دُنِحَ بِرِن مَنفّ رَ.
\q نَ لْشْي، عَلَتَلَ نَن كٍرٍن قَمَ بَتُدٍ،
\q عَ شِلِ نَن فبَنسَن قَلَمَ.
\q
\v 10 دَرِ سَلَمُ بْشِ رَبِلِنيِ بِرِن
\q قِندِ مَ نّ مّرّ رَ،
\q كٍلِقٍ فٍبَ، سَ دْشْ رِ مْن نَ،
\q دَرِ سَلَمُ يِرٍقَنيِ مَ.
\q دَرِ سَلَمُ شَ قٍ عِتٍمَ نّ، عَ شَ نْي قَ يٍنسٍن يّ
\q كٍلِقٍ بُنيَمِن نَادّ مَ، سَ دْشْ نَادّ سِنفٍ رَ،
\q هَن تُنشُي نَادّ، هَن شَنَنّلِ كٌورٍ بَنشِ،
\q هَن مَنفّ شَ وّنِ يَءِلَندٍ.
\q
\v 11 مِشِيٍ سَبَتِمَ نّ تَا كُي،
\q عٍ مُ هَلَكِمَ سْنْن.
\q دَرِ سَلَمُ لُمَ نّ بْحّسَ كُي.
\b
\q
\v 12 عَلَتَلَ قَمَ نّ قُرٍ حَاشِ سِندٍ سِيٍ مَ
\q نَشٍيٍ دَرِ سَلَمُ فٍرٍشِ.
\q عٍ قَتٍ كِرِ بِرِن بْرْ مَ نّ بٍينُ عٍ شَ قَشَ.
\q عٍ يَيٍ بْرْ مَ نّ عٍ يَ يِلِ كُي،
\q عٍ نّنيِ بْرْ مَ نّ عٍ دّ كُي.
\q
\v 13 نَ لْشْي، عَلَتَلَ مِشِيٍ يَ عِسٌمَ نّ،
\q عٍ عٍ بٌورٍ سُشُ، عٍ عٍ بٌورٍ بْنبْ.
\q
\v 14 يُدَيَكَيٍ فٍرٍ تِمَ نّ دَرِ سَلَمُ.
\q عٍ نَاقُلِ بَمَ نّ سِيٍ يِ رَ نَشٍيٍ نَ عٍ رَبِلِنيِ،
\q شّيمَ، فبٍتِ، نُن دُفِ فبٍفبٍ.
\q
\v 15 نَ قُرٍ حَاشِ مْولِ ندٍ قَن سِنمَ نّ شُرُ سٍ بِرِن مَ؛
\q سٌييٍ، سٌقَلٍيٍ، حْشْمّيٍ.
\b
\q
\v 16 دَرِ سَلَمُ يَشُي نَشٍيٍ مُ قَشَشِ نَ كُي،
\q نٍيٍ لُمَ نّ تٍ رَ حّ بِرِن مَنفّ عَلَتَلَ بَتُدٍ،
\q عٍ شَ بَفٍ تِ سَلِ رَبَ نَ.
\q
\v 17 شَ دُنِحَ شَبِلّ ندٍ تٌندِ سِفَدٍ دَرِ سَلَمُ
\q مَنفّ عَلَتَلَ بَتُدٍ،
\q تُنّ مُ سِنمَ عٍ شَ بْشِ مَ.
\q
\v 18 شَ مِسِرَ شَبِلّ ندٍ تٌندِ سِفَدٍ،
\q تُنّ مُ فٌرٌ مَ مّننِ.
\q عَلَتَلَ شَ قُرٍ حَاشِ نَن نَ كِ،
\q عَ نَشَن نَفٌرٌ سِيٍ مَ،
\q نَشٍيٍ تٌندِشِ سِفَدٍ بَفٍ تِ سَلِ رَبَدٍ.
\q
\v 19 عَلَتَلَ مِسِرَ نُن سِ بِرِن حَشَنكَتَمَ نَ كِ نّ،
\q نَشٍيٍ تٌندِ سِفَدٍ بَفٍ تِ سَلِ رَبَدٍ.
\b
\q
\v 20 نَ لْشْي، بِرِن قِندِ مَ عَلَتَلَ فبٍ نَن نَ.
\q عَ قَمَ نّ سّبّدٍ تْلْنيِيٍ مَ نَشٍيٍ فبَكُشِ سٌييٍ رَ،
\q «عَلَتَلَ فبٍ.»
\q تُندٍ نَشٍيٍ سُبٍ فبَنسَن حِنمَ
\q عَلَتَلَ شَ هْرْ مْبَنشِ كُي،
\q نٍيٍ سّنِيّنمَ نّ عَلْ يِرَبَسٍيٍ
\q نَشٍيٍ رَوَلِمَ سّرّشّبَدٍ سّيتِ مَ.
\q
\v 21 تُندٍ بِرِن نَشٍيٍ نَ دَرِ سَلَمُ نُن يُدَيَ،
\q نٍيٍ بِرِن سّنِيّنمَ نّ،
\q نٍيٍ بِرِن قِندِ مَ نّ مَنفّ عَلَتَلَ فبٍ رَ.
\q مِشِ بِرِن نَشٍيٍ قَمَ سّرّشّ بَدٍ،
\q نٍيٍ قَمَ نّ تُندٍ ندٍيٍ رَ عَلَكٌ عٍ شَ كُرِ سٌ.
\q نَ لْشْي، كَنَان كَاقِرِ يٌ مُ سٌمَ
\q مَنفّ عَلَتَلَ شَ بَنشِ كُي.