\id ROM Carla DeBruyn; Rework - JMW
\ide UTF-8
\h رْ مَ
\toc1 عَلَ شَ مَسٍنيِ عَننَبِ ثْلُ نَشَن سّبّ رْ مَ دَنشَنِيَتْي حَمَ مَ
\toc2 رْ مَ
\mt عَلَ شَ مَسٍنيِ
\mt عَننَبِ ثْلُ نَشَن سّبّ
\mt رْ مَ دَنشَنِيَتْي حَمَ مَ
\imt مَسٍنيِ ندٍ يِ كِتَابُي شَ قٍ رَ
\ip عِسَ شَ قٍ قْلْ عِسِرَيِلَ بْشِ نّ، كْنْ عَ مُ بُ نَ شِبَارُ قَ رَيٍنسٍن يِرٍ مَكُيٍ. مِشِ نَشٍيٍ كَوَندِ مّشِ عِسَ شَ قٍ رَ دَرِ سَلَمُ، عٍ نَشَ سِفَ يِرٍ بِرِن نَ مَسٍنيِ رَ. مِشِ فبٍفبٍ نَشَ دَنشَنِيَ عِسَ مَ نَ مِشِ مْولِيٍ سَابُي رَ. عَننَبِ ثْلُ قَن نُ بِيَاسِ رَ مِنِمَ عَلَكٌ عَ شَ كَوَندِ تِ، سِ بِرِن شَ عِسَ شَ قٍ كٌلٌن. عَ شَ وَلِ نُ بَرَ سْونّيَ كِ قَنيِ رَ، هَن عِسَيَنكَيٍ نُ تٌمَ بْشِ بِرِن مَ نَشٍيٍ نُ نَ رْ مَ شَ مَنفّيَ بُن مَ. عَ شَ بِيَاسِ سَشَن ندٍ كُي، عَ نَشَ بَتَاشّ سّبّ عِسَيَنكَيٍ مَ نَشٍيٍ نُ نَ رْ مَ مَنفَتَا. عَ نُ وَ مَ سِفَقٍ عٍ شّيبُدٍ، عٍ قَن شَ عَ مَلِ عَ شَ كَوَندِ تِ يِرٍ مَكُيٍ.
\ip نَ بَتَاشّ قِندِشِ يِ كِتَابُي نَن نَ. ثْلُ نُ وَ مَ عَلَ شَ كِسِ شَ مَسٍنيِ شَرَنقٍ رْ مَكَيٍ رَ يِ سّبّلِ سَابُي رَ. عَ بَرَ نَ كِسِ شَ قٍ تَفِ رَبَ عَ قَنيِ رَ، عَ شَ قِيشّ مِشِيٍ بّ نَشٍيٍ نُ يُوِقِيٍ شَ دِينّ كٌلٌن، عَ نُن مِشِ نَشٍيٍ مُ فّشِ عَ كٌلٌندٍ. نَ مَسٍنيِ قْلْمَ يُنُبِ شَ قٍ شَرَنيِ نَن مَ. بٍينُن مِشِ شَ كِسِ كٌلٌن، قٌ عَ شَ عَ كٌلٌن عَ قِندِشِ يُنُبِتْي نَن نَ نَشَن لَنمَ عَ شَ حَشَنكَتَ يَهَننَمَ عَ شَ يُنُبِيٍ شَ قٍ رَ. دِينّلَ يٌ، دِينّتَرٍ يٌ، عٍ بِرِن نَ يُنُبِ شَ نْي نَن بُن مَ.
\ip نَ نَن عَ تٌشِ، ثْلُ عَ مَسٍنمَ وٌن بّ عَ عَ لَنمَ وٌن شَ وٌن شَشِلِ تِ عَلَ رَ عَلَكٌ وٌن شَ كِسِ سْتْ. مِشِ مُ نْمَ عَ يّتّ رَكِسِدٍ عَ شَ يُنُبِيٍ مَ. عَ هَيِ نَ مَرَكِسِمَ مَ نَشَن نْمَ نَ رَبَدٍ عَ بّ. يِ كِتَابُي نَ تَفِ رَبَمَ عَ قَنيِ رَ. عَ نَشّ عَ عِسَ شَ سّرّشّ نَن فبَنسَن نْمَ قِندِدٍ عَدَ مَدِيٍ شُنسَرٍ رَ، عٍ شَ يُنُبِيٍ شَ شَقَرِ. عَ لَنمَ مِشِيٍ شَ نَ قٍ كٌلٌن، عٍ شَ لَ عَ رَ.
\ip نَ دَنفِ شَنبِ، ثْلُ مَسٍنيِ فبّتّ تِمَ نَشَن دَنشَنِيَتْي حّرّ كِ تَفِ رَبَمَ. مِشِ نَ دَنشَنِيَ عِسَ مَ، عَلَتَلَ عَ شَشِلِ سّنِيّنشِ رَفٌرٌ مَ نّ عَ بْحّ مَ، عَ قَ بِرَ عَلَتَلَ وَشْنقٍ قْشْ رَ. نَ كَنيِ فبِلٍنمَ نّ قٍ حَاشِ قْشْ رَ، عَ تِ كِرَ قَنيِ شْن، عَ قِندِ مِسَالِ رَ بِرِن بّ. عَلَ نَ قْلْ عِسِرَيِلَ بْنسْي نّ، كْنْ عَ وَ مَ سِ بِرِن قَن شَ سٌ عَ شَ نِينِ بُن مَ.
\ip عَلَ شَ وٌن مَلِ يِ كِتَابُي سَابُي رَ عَلَكٌ وٌن قَن شَ يِفِيَدٍ سْتْ عَلَتَلَ شْنيِ. عَمِنَ.
\imte عَلَ شَ مَسٍنيِ
\imte عَننَبِ ثْلُ نَشَن سّبّ
\imte رْ مَ دَنشَنِيَتْي حَمَ مَ
\cl سٌرَ
\c 1
\s ثْلُ، عِسَ شَ شِبَارُ قَنيِ كَوَندِلَ
\p
\v 1 ﭑ تَن ثْلُ نَن يِ كِ، عَلَ شَ مِشِ سُفَندِشِ عِسَ شَ كٌنيِ دِ. عَلَ بَرَ ﭑ شِلِ ﭑ شَ قِندِ عَ شَ شّيرَ رَ، عَ ﭑ سُفَندِ ﭑ شَ عَ شَ شِبَارُ قَنيِ رَيٍنسٍن يّ.
\p
\v 2 تّمُي دَنفِشِ، عَلَ نُ بَرَ عَ شَ يِ شِبَارُ قَنيِ لَايِدِ عَ شَ نَمِحْنمّيٍ شُي رَ كِتَابُي سّنِيّنشِ كُي. 
\v 3 يِ شِبَارُ قَنيِ قِندِشِ عَ شَ دِ نَن شَ قٍ رَ، نَشَن بَرِ دَوُدَ بْنسْي كُي عَ عَدَ مَ كِ مَ. 
\v 4 شَشِلِ سّنِيّنشِ قَن بَرَ عَ مَسٍن سّنبّ رَ عَ عَلَ شَ دِ نَ عَ رَ. عَ نَ مَسٍن عَ شَ مَرَكٍلِ نَن سَابُي رَ قَشّ مَ. وٌن مَرِفِ نَن نَ عِسَ رَ، عَلَ شَ مِشِ سُفَندِشِ. 
\v 5 عَ تَن نَن سَابُي عَ نِيَشِ عَلَ هِننّشِ مُشُ رَ مُشُ شَ قِندِ شّيرَيٍ رَ عَ شِلِ شَ قٍ رَ، عَلَكٌ سِ بِرِن شَ دَنشَنِيَ عَ مَ، عٍ شَ بِرَ عَ قْشْ رَ. 
\v 6 وٌ قَن نَ نَ يَ مَ، عَلَ شَ مِشِ سُفَندِشِ عِسَ وٌ تَن نَشٍيٍ شِلِشِ. 
\v 7 ﭑ يِ سّبّقٍ وٌ تَن رْ مَكَيٍ نَن مَ عَلَ نَشٍيٍ شَنُشِ، عَ نَشٍيٍ شِلِشِ وٌ شَ قِندِ عَ شَ سّنِيّنتْييٍ رَ. وٌن بَبَ عَلَ نُن عَ شَ مِشِ سُفَندِشِ مَرِفِ عِسَ شَ هِننّ نُن بْحّسَ قِ وٌ مَ.
\p
\v 8 عَ قْلّ رَ، ﭑ نَن ﭑ مَرِفِ عَلَ تَنتُمَ نّ وٌ بِرِن شَ قٍ رَ عَ شَ مِشِ سُفَندِشِ عِسَ سَابُي رَ، بَرِ مَ وٌ شَ دَنشَنِيَ شِلِ بَرَ دِن دُنِحَ بِرِن نَ. 
\v 9 ﭑ مَرِفِ عَلَ، ﭑ نَشَن بَتُمَ ﭑ نِي بِرِن نَ ﭑ تٌ عَ شَ دِ شَ شِبَارُ قَنيِ رَيٍنسٍنمَ، عَ تَن عَ كٌلٌن عَ ﭑ نَ نْندِ نَن قَلَقٍ وٌ بّ. عَ تَن نَن ﭑ سٍيدٍ رَ، قَ عَ قَلَ، ﭑ عَ مَشَندِ مَ وٌ بّ تّمُي بِرِن. 
\v 10 ﭑ مَن عَلَ مَشَندِ مَ، شَ عَ سَفٌ نَ عَ رَ، عَ شَ عَ نِيَ ﭑ شَ نْ سِفَدٍ وٌ شْنيِ قَ. 
\v 11 بَرِ مَ وٌ تٌ شْلِ نَ ﭑ مَ كِ قَنيِ، عَلَكٌ ﭑ شَ نْ وٌ سّنبّ سٌدٍ عَلَ شَ كِ ندٍيٍ رَ. 
\v 12 عَ شْلِ ﭑ مَ وٌن شَ وٌن بٌرٍ رَلِمَنِيَ وٌن مَ دَنشَنِيَ سَابُي رَ، وٌن بِرِن شَ سّنبّ سْتْ وٌن بٌرٍ رَ.
\p
\v 13 ﭑ نفَشَكٍرٍنيِيٍ، ﭑ وَ مَ وٌ شَ عَ كٌلٌن عَ سَنمَيَ وُيَشِ نَن يِ كِ ﭑ بَرَ نَتّ تٌنفٌ ﭑ شَ سِفَ وٌ شْنيِ ﭑ شَ سَ ﭑ مَ وَلِ تِدٍ ندٍ تٌ وٌ تَفِ عَلْ ﭑ عَ تٌشِ كِ نَشّ حَمَنّ فبّتّيٍ تَفِ، كْنْ هَن تٌ عَ مُ سْونّيَ ﭑ بّ. 
\v 14 قٌ ﭑ شَ وْيّن مِشِ بِرِن بّ، تَا عِدْشْييٍ نُن دَاشَ عِدْشْييٍ، شَرَن مِشِيٍ نُن شَرَنتَرٍيٍ. 
\v 15 نَ نَ عَ رَ عَ شْلِ ﭑ مَ كِ قَنيِ ﭑ شَ شِبَارُ قَنيِ كَوَندِ وٌ تَن رْ مَكَيٍ قَن بّ.
\p
\v 16 ﭑ مُ يَافِمَ مَرِفِ شَ شِبَارُ قَنيِ مَسٍندٍ مِشِ يٌ بّ، بَرِ مَ عَ تَن نَن سَابُي عَ نِيَمَ عَلَ دَنشَنِيَتْي بِرِن نَكِسِمَ. يِ كِسِ قِشِ يُوِقِيٍ نَن سِنفٍ مَ، عَ قَ قِ سِ فبّتّيٍ قَن مَ. 
\v 17 يِ شِبَارُ قَنيِ بَرَ عَ مَكّنّن عَ تِنشِنيِ نَشَن كٍلِمَ عَلَ مَ عَ سْتْمَ دَنشَنِيَ نَن تُن سَابُي رَ، عَلْ عَ سّبّشِ كِتَابُي كُي كِ نَشّ؛
\q «مِشِ تِنشِنشِ كِسِمَ دَنشَنِيَ نَن سَابُي رَ.»
\s عَدَ مَدِيٍ تٌندِقٍ عَلَ شَ نْندِ رَ
\p
\v 18 عَلَ شَ شْنّ فٌرٌ مَ كٍلِ كٌورٍ تِنشِنتَرٍيٍ نُن كَاقِرِيٍ شِلِ مَ. يِ مِشِيٍ نْندِ نْشُنمَ عٍ شَ تِنشِنتَرٍيَ سَابُي رَ. 
\v 19 عَنُن مِشِ نْمَ نَشَن كٌلٌندٍ عَلَ شَ قٍ كُي، عَ قِيشّشِ عٍ بّ قْين، بَرِ مَ عَلَ بَرَ عَ مَكّنّن عٍ بّ. 
\v 20 كَبِ دُنِحَ دَا تّمُي، عَلَ نَشَن مُ تٌمَ، عَ نَشَ عَ يّتّ مَسٍن. عَدَ مَدِ بِرِن نْمَ عَ كٌلٌندٍ عَ عَلَ نَ نَ يَتِ، نَشَن سّنبّ مُ دَنمَ، بَرِ مَ يِ بَرَ مَكّنّن عٍ بّ عَ قِيشّ رَ عَ شَ وَلِ قْشِ سَابُي رَ. نَ كُي، تِنشِنتَرٍيٍ مُ نْمَ سٍسٍ قَلَدٍ نَشَن كِيتِ قَنمَ عٍ بّ، 
\v 21 بَرِ مَ هَلِ عٍ تٌ عَلَ كٌلٌنشِ، عٍ بَرَ تٌندِ عَ تَنتُدٍ، عٍ تٌندِ عَ بِنيَدٍ عَ شَ مَنفّيَ كُي. عٍ شَشِلِ بَرَ بِرَ قٍ قُقَقُ قْشْ رَ، عٍ بْحّ بَرَ لُ دِ مِ كُي. 
\v 22 عٍ عٍ يّتّ مَتْشْمَ عٍ شَ شَشِلِمَيَ رَ، كْنْ عٍ بَرَ قِندِ دَشُييٍ رَ. 
\v 23 عٍ بَرَ تٌندِ عَلَ بَتُدٍ نَشَن نَ نَ عَبَدَن، عٍ كُيٍ مَسٌلِشِيٍ بَتُ نَشٍيٍ مِسَالِشِ عَدَ مَدِ رَ نَشَن قَشَمَ، عَ نُن نَشٍيٍ مِسَالِشِ شْنِ، سُبٍ، نُن بُبُسٍ رَ.
\p
\v 24 نَ نَن عَ نِيَ عَلَ نَشَ عٍ رَبٌلٌ عٍ شَ يُنُبِ قٍيٍ كُي، عٍ بْحّ كّنّنيِ مَ. نَ كُي، عٍ نَشَ قٍ مَيَافِشِيٍ رَبَ عٍ بٌرٍ رَ. 
\v 25 عٍ نَشَ عَلَ شَ نْندِ مَسَرَ وُلٍ رَ، عٍ مَن قَ دَالِ بَتُ، بٍينُن عٍ شَ دَالِ مَنفّ نَن بَتُ، عَ تَن نَشَن لَن عَ شَ بَتُ عَبَدَن. عَمِنَ.
\p
\v 26 نَ نَ عَ رَ عَلَ نَشَ عٍ رَبٌلٌ عٍ شَ بِرَ عٍ وَشْنقٍ مَيَافِشِيٍ قْشْ رَ. عٍ شَ فِنّيٍ نَشَ عٍ نُن شّمّ شَ كَقُحْشْيَ مَسَرَ فِنّ قِرِن شَ كَقُحْشْيَ رَ. 
\v 27 شّمّيٍ قَن نَشَ مّي فِنّيٍ شَ كَقُحْشْيَ رَ، عٍ قَ بِرَ عٍ بٌورٍ شّمّيٍ كَقُحْشْيَ قْشْ رَ. عٍ نَشَ قٍ مَيَافِشِيٍ رَبَ عٍ بٌرٍ رَ، عٍ عٍ شَ وَلِ كٌبِ سَرٍ سْتْ نَشَن دَشَ.
\p
\v 28 عٍ تٌ تٌندِ عَلَ كٌلٌندٍ عَلَ رَ، عَ نَشَ عٍ رَبٌلٌ عٍ يّتّ كَن شَشِلِ كٌبِيٍ يِ، عٍ نُ قٍيٍ رَبَ نَشٍيٍ مُ رَدَشَ. 
\v 29 عٍ بْحّ رَقٍشِ تِنشِنتَرٍيَ مْولِ بِرِن نَ؛ وَلِ كٌبِ رَبَقٍ، وَ سَتَرٍيَ، حَاشُحَ. مِلَنتٍيَ، مِشِ قَشَقٍ، مِشِ تَفِ عِسٌقٍ، مِشِ مَيٍندٍنقٍ، نُن يَ عِشَرٍيَ مُ حْنمَ عٍ تَفِ. 
\v 30 نَاقِشِيٍ، مِشِ مَقَلّيٍ، عَلَ يَشُييٍ، كٌنبِتِيٍ، يّتّ عِفبٌييٍ نُن دّ عِفبٌييٍ نَن عٍ رَ. عٍ قٍ كٌبِيٍ شَبُمَ نَشٍيٍ سِنفٍ مُ نُ كٌلٌن، عٍ حَن مُ عٍ بَرِ مِشِيٍ دَنشُنمَ. 
\v 31 شَشِلِتَرٍ، دُفُتّفّ يَنقّ، كِنِكِنِتَرٍ، نُن هِننّتَرٍ نَن نَ عٍ رَ. 
\v 32 عَلَ شَ سّرِيّ عَ مَسٍنشِ نّ، عَ نَشٍيٍ نَ قٍيٍ رَبَمَ، قَشّ نَن دَشَشِ عٍ بّ. هَلِ عٍ تٌ نَ كٌلٌن، عٍ نَ قٍ هَرَ مُشِيٍ نَن يَتِ رَبَمَ، عٍ مَن مِشِ رَلِمَنِيَمَ نَشٍيٍ قَن نَ قٍ مْولِ رَبَمَ.
\c 2
\s عَلَ شَ كِيتِ
\p
\v 1 نَ كُي، شَ عِ مِشِ يُفٍ مَكِيتِمَ، دِحّ يٌ مُ نَ عِ بّ، عِ قِندِ مِشِ يٌ رَ. عِ نّ عِ بٌورٍ يُفٍ مَكِيتِمَ، عِ نَ عِ يّتّ نَن سَقٍ فٍيلِ، بَرِ مَ عِ تَن نَشَن مِشِ يُفٍ مَكِيتِمَ، وٌ بِرِن وَلِ كٌبِ كٍرٍن نَن شُن مَ. 
\v 2 وٌن بِرِن عَ كٌلٌن عَ عَلَ شَ كِيتِ تِنشِن عَ نَ يِ مِشِ مْولِيٍ شَ وَلِ كٌبِيٍ سَرٍ قِ. 
\v 3 عِ تَن نَشَن مِشِ يُفٍ مَكِيتِمَ، عَ مَن قَ لِ وٌ بِرِن نَ وَلِ كٌبِ كٍرٍن نَن شُن مَ، عِ حْشْ عَ مَ عَ عِ قَمَ تَنفَدٍ عَلَ شَ كِيتِ مَ؟ 
\v 4 كَ عِ يٌشِ نّ عَلَ مَ بَ، عَ شَ قَنيِ نُن عَ شَ دِحّ نُن عَ شَ بْحّ بّشِ تٌ فبٌشِ؟ عِ مُ عَ كٌلٌن عَ عَلَ عَ شَ قَنيِ نَن مَسٍنمَ عِ بّ عَلَكٌ عِ شَ تُوبِ؟ 
\v 5 كْنْ عِ تٌ عِ تُلِ شْرْشْشِ، عِ تٌندِ تُوبِدٍ، عِ نَ عَلَ شَ شْنّ نَن نَفبٌقٍ عِ يّتّ شِلِ مَ كِيتِ سَ لْشْي، عَلَ شَ كِيتِ تِنشِنشِ مَكّنّنمَ تّمُي نَشّ. 
\v 6 عَلَ كَنكَن شَ وَلِ سَرٍ قِمَ نّ. 
\v 7 نَشٍيٍ عٍ تُننَبّشِ وَلِ قَنيِ رَبَقٍ مَ، عٍ شُننَكٍلِ، يِفِ، نُن كِسِ قٍن عَلَ رَ، عَلَ كِسِ قِمَ نّ عٍ مَ. 
\v 8 كْنْ نَشٍيٍ عٍ يّتّ كّنّنقٍ تُن نَبَمَ، عٍ تٌندِ نْندِ نُن تِنشِنيِ رَ، عٍ بِرَ قٍ كٌبِ قْشْ رَ، عَلَ شَ شْنّ نُن فبَلٌي نَن تُن نَفَتَشِ عٍ بّ. 
\v 9 حَشَنكَتّ نُن بْحّكَنّ نَن لُمَ عَدَ مَدِ بِرِن بّ نَشٍيٍ قٍ كٌبِ رَبَمَ، عَ قْلْ يُوِقِيٍ مَ، عَ سَ دْشْ سِ فبّتّيٍ رَ. 
\v 10 كْنْ شُننَكٍلِ، بِنيّ، نُن بْحّسَ لُمَ مِشِ بِرِن بّ نَشٍيٍ قٍ قَنيِ رَبَمَ، عَ قْلْ يُوِقِيٍ مَ، عَ سَ دْشْ سِ فبّتّيٍ رَ، 
\v 11 بَرِ مَ عَلَ تَن مُ مِشِ يٌ رَقِسَ عَ بٌورٍ بّ.
\p
\v 12 يُنُبِتْييٍ نَشٍيٍ بِرِن مُ عَلَ شَ سّرِيّ كٌلٌن عَننَبِ مُنسَ نَشَن قِشِ، عٍ بْنْمَ نّ، كْنْ عٍ مُ مَكِيتِمَ نَ سّرِيّ رَ. يُنُبِتْييٍ نَشٍيٍ سّرِيّ كٌلٌن عَننَبِ مُنسَ نَشَن قِشِ، عٍ تَن نَن مَكِيتِمَ نَ سّرِيّ رَ. 
\v 13 نَشٍيٍ عٍ تُلِ مَتِمَ عَلَ شَ سّرِيّ رَ، نٍيٍ شَ مُ قِندِشِ تِنشِنتْييٍ رَ عَلَ يَ عِ. نَشٍيٍ عَلَ شَ سّرِيّ رَبَتُمَ، نٍيٍ نَن قِندِ مَ تِنشِنتْييٍ رَ. 
\v 14 عَننَبِ مُنسَ مُ عَلَ شَ سّرِيّ سٌ سِ فبّتّيٍ يِ، نَشٍيٍ مُ قِندِ يُوِقِيٍ رَ. كْنْ عٍ نَ عَلَ شَ سّرِيّ رَبَتُ تّمُي نَشّ عٍ يّتّ حَنِفٍ مَ، عٍ بَرَ عَ كٌلٌن عَ لَنمَ عٍ شَ نَشَن نَبَ، هَلِ عٍ تٌ مُ عَلَ شَ سّرِيّ سْتْ. 
\v 15 عٍ بَرَ عَ مَسٍن عَ عَلَ شَ سّرِيّ سّبّشِ عٍ بْحّ مَ. وٌن عَ كٌلٌن عَ نْندِ نَ عَ رَ بَرِ مَ عٍ شَشِلِ عٍ رَ سِمَ، «يِ حَنِفٍ مُ قَن،» شَ نَ مُ، «يِ حَنِفٍ نَن قَن.» 
\v 16 عَ رَبَمَ نَ كِ نّ، عَلَ نّ كِيتِ سَمَ لْشْ نَشّ عَ شَ مِشِ سُفَندِشِ عِسَ سَابُي رَ، عَ مِشِيٍ فُندٌ بِرِن مَكِيتِ. ﭑ شِبَارُ قَنيِ نَشَن كَوَندِ مَ، عَ نَ نَن مَسٍنشِ.
\s يُوِقِيٍ نُن مُنسَ شَ سّرِيّ
\p
\v 17 كْنْ عِ تَن نَشّ عَ يُوِقِ نَن نَ عِ رَ. عِ شَشِلِ تِشِ مُنسَ شَ سّرِيّ نَن نَ. عِ عَ مَحْشُنشِ عَ عِ كِسِمَ نَ نَن سَابُي رَ. عِ تٌ بَرَ عَلَ كٌلٌن، نَ نَ عَ رَ عِ عِ يّتّ عِفبٌمَ. 
\v 18 عِ عَلَ سَفٌ كٌلٌن. عِ قَتَ قٍ قَنيِ سُفَندِدٍ بَرِ مَ عِ عَلَ شَ سّرِيّ شَرَنشِ. 
\v 19 عِ لَشِ عَ رَ عَ عِ تَن نَن قِندِشِ دْنشُييٍ رَحّرّ مَ رَ، عَ عِ تَن نَن قِندِشِ تّ رَدّشّ رَ مِشِيٍ بّ نَشٍيٍ نَ دِ مِ كُي. 
\v 20 عِ لَشِ عَ رَ عَ عِ تَن نَن قِندِشِ شَشِلِتَرٍيٍ رَ سِمَ نُن دِ مّيٍ كَرَ مْشْيٍ رَ، بَرِ مَ لْننِ نُن نْندِ بِرِن نَ عِ يِ رَ عِ تٌ دِينّ سّرِيّ كٌلٌنشِ. 
\v 21 عِ تَن نَشَن بٌورٍ شَرَنمَ، عِ مُ عِ يّتّ شَرَنمَ! عِ تَن نَشَن مِشِيٍ تُلِ عِبَمَ مُحّ تِقٍ رَ، عِ مُحّ تِمَ! 
\v 22 عِ تَن نَشَن عَ قَلَمَ عَ مِشِيٍ نَشَ يّنّ رَبَ، عِ يّنّ رَبَمَ! عِ تَن نَشَن يٍلٍ نَ كُيٍ بَتُقٍ رَ، عِ كُيٍ بَتُدٍ سٍيٍ مُحَمَ! 
\v 23 عِ تَن نَشَن عِ يّتّ عِفبٌمَ عِ تٌ عَلَ شَ سّرِيّ كٌلٌنشِ، عِ نَ عَلَ يٍلٍبُقٍ نّ نَ كِ، عِ نَ عَ شَ سّرِيّ مَتَندِقٍ! 
\v 24 نَ نَ عَ رَ، عَ سّبّشِ كِتَابُي كُي، «سِ فبّتّيٍ عَلَ بّشُمَ وٌ تَن عِسِرَيِلَكَيٍ شَ قٍ رَ.»
\p
\v 25 سُننّ تِدٍ نَ نَ نّ شَ عِ سَ عَلَ شَ سّرِيّ رَبَتُشِ. كْنْ شَ عِ سَ عَ شَ سّرِيّ مَتَندِ مَ، عِ شَ سُننّ بَرَ قِندِ عِ بّ سُننَتَرٍيَ رَ. 
\v 26 نَ كُي، شَ عَ سَ لِ سُننَتَرٍ سَ حّرّ عَلَ شَ سّرِيّ مَ، عَ عَ رَبَتُ، عَ شَ سُننَتَرٍيَ مُ قِندِ مَ عَ بّ سُننّ شَ رَ؟ 
\v 27 نَشٍيٍ مُ سُننَشِ عٍ قَتٍ بّندّ مَ، كْنْ عٍ عَلَ شَ سّرِيّ رَبَتُشِ، نٍيٍ وَلِ كِ نَن قَمَ عِ مَكِيتِدٍ. مِشِ سُننَشِ نَن عِ رَ، عَلَ شَ سّرِيّ سّبّشِ نَ عِ يِ، كْنْ عِ عَلَ شَ سّرِيّ مَتَندِ مَ. 
\v 28 عِ نَشَن مَسٍنمَ كّنّ مَ مِشِيٍ يَ عِ، نَ شَ مُ عِ قِندِشِ يُوِقِ رَ. تْنشُمَ نَشَن تٌمَ عِ قَتٍ مَ، نَ شَ مُ عَ مَسٍنشِ عَ عِ سُننَشِ يَتِ. 
\v 29 مِشِ قِندِقٍ يُوِقِ رَ، نَ كٌلٌنمَ بْحّ نَن مَ. سُننّ يّتّ يّتّ قَن، سُننّ نَ عَ رَ نَشَن سْتْمَ بْحّ مَ، شَشِلِ سّنِيّنشِ سَابُي رَ. عَ مُ كٍلِمَ دِينّ سّرِيّ سّبّشِ شَ مَ. سُننّ نَ مِشِ نَشَن بْحّ مَ، عَ شَ مَتْشْي مُ كٍلِمَ مِشِ شَ مَ، عَ كٍلِمَ عَلَ نَن مَ.
\c 3
\p
\v 1 تِدٍ مُندُن قَ نَ قِندِقٍ يُوِقِ رَ؟ سُننّ تِدٍ نَ نَ يِرٍ؟ 
\v 2 عِيٌ، يِ قٍيٍ تِدٍ فبٌ كِ قَنيِ. عَ قْلّ رَ، عَلَ عَ شَ مَسٍنيِ تَشُ يُوِقِيٍ نَن نَ. 
\v 3 كْنْ شَ عَ سَ لِ فٌ، ندٍيٍ نَ عٍ يَ مَ عٍ كٌبٍ رَ سٌشِ عَلَ رَ، نَ نْمَ عَ نِيَدٍ عَلَ قَن شَ عَ كٌبٍ رَ سٌ عٍ رَ؟ 
\v 4 عَستْقُلَهِ. عَدَ مَدِ بِرِن قِندِشِ وُلٍ قَلّ نَن نَ، كْنْ عَ شَ كٌلٌن عَ عَلَ نْندِ كَنيِ مُ نْمَ وُلٍ قَلَدٍ. عَ سّبّشِ كِتَابُي كُي؛
\q «نَ كُي، عِ شَ وْيّنيِ قِندِ مَ نْندِ نَن نَ.
\q كِيتِ لُمَ عِ تَن نَن بّ تّمُي بِرِن.»
\p
\v 5 كْنْ شَ وٌن مَ تِنشِنتَرٍيَ قَ عَ مَسٍنمَ نّ مِشِيٍ بّ عَ عَلَ تِنشِن، وٌن قَ نَ مَ دِ؟ عَلَ نَ شْنْ وٌن مَ، وٌن شَ عَ قَلَ عَ مُ تِنشِن؟ ﭑ وْيّنقٍ نّ عَلْ مِشِيٍ وْيّنمَ كِ نَشّ. 
\v 6 عَستْقُلَهِ! شَ عَلَ مُ تِنشِن، عَ دُنِحَ مَكِيتِمَ دِ؟
\p
\v 7 ندٍ نْمَ عَ قَلَدٍ، «شَ ﭑ مَ وُلٍ عَلَ شَ نْندِ مَكّنّنمَ دُنِحَ بّ عَلَكٌ عَلَ شَ تَنتُي سْتْ، مُنقٍ رَ عَ قَ ﭑ قِندِ مَ يُنُبِتْي رَ؟» 
\v 8 وٌن حَن شَ عَ قَلَ، «وٌن شَ قٍ حَاشِ رَبَ عَلَكٌ عَ شَ سَ قِندِ قٍ قَنيِ رَ.» مُشُ شِلِ كَنّيٍ نَ نَن قَلَمَ مُشُ شُن مَ، عَ مُشُ شَ مَسٍنيِ نَن نَ كِ. كْنْ عَلَ نَ عٍ مَكِيتِ، عٍ قَن عٍ سَرٍ سْتْمَ نّ.
\s عَدَ مَدِيٍ شَ تِنشِنتَرٍيَ
\p
\v 9 وٌن مُنسٍ قَلَمَ قَ؟ وٌن شَ عَ قَلَ عَ وٌن تَن يُوِقِيٍ تِنشِن دَنفِ سِ فبّتّيٍ رَ؟ عَدٍ، نَ مُ عَ رَ قٍوٌ، بَرِ مَ عَلْ وٌن حَن بَرَ عَ تٌ، يُوِقِيٍ بَ، سِ فبّتّيٍ بَ، بِرِن نَ يُنُبِ نَن شَ نْي بُن مَ. 
\v 10 عَ سّبّشِ؛
\q «مِشِ يٌ مُ تِنشِن،
\q2 هَلِ مِشِ كٍرٍن.
\q
\v 11 قٍ كٌلٌنيِ يٌ مُ نَ،
\q2 مِشِ يٌ مُ عَلَ قٍنقٍ.
\q
\v 12 بِرِن بَرَ كِرَ قَنيِ بّحِن،
\q2 عٍ بِرِن شُن بَرَ رَكَنَ.
\q مِشِ يٌ مُ نَ نَشَن قٍ قَنيِ رَبَمَ،
\q2 هَلِ مِشِ كٍرٍن، عَ مُ نَ.
\q
\v 13 عٍ دّ قِندِشِ فَبُرِ دّ عِبِشِ نَن نَ،
\q2 عٍ نّنيِ قِندِشِ مِشِ مَيٍندٍن سٍ نَن نَ.
\q بْشِمَسٍ شْنّ نَن مِنِمَ عٍ دّ كِرِ رَ،
\q2
\v 14 دَنكّ نُن وْيّن شْنّ نَن عٍ دّ رَقٍشِ.
\q
\v 15 عٍ سَنيِ شُلُن وُلِ رَ مِنِقٍ رَ،
\q2
\v 16 عٍ دَنفِ دّدّ، عٍ كَنَرِ نُن نِمِسّ نَن لُمَ عٍ شَنبِ رَ.
\q
\v 17 عٍ مُ بْحّسَ كِرَ كٌلٌن،
\q2
\v 18 عٍ مُ عَلَ يَرَفَاشُي كٌلٌن.»
\p
\v 19 وٌن عَ كٌلٌن عَلَ شَ سّرِيّ نَشَن بِرِن مَسٍنشِ، عَ عَ مَسٍنشِ مِشِيٍ نَن بّ نَشٍيٍ نَ عَ شَ سّرِيّ نْي بُن مَ، عَلَكٌ دّ بِرِن شَ بَلَن، سّرِيّ شَ بِرِن سُشُ عَلَ يَ عِ. 
\v 20 نَ كُي، عَدَ مَدِ يٌ مُ قِندِ مَ تِنشِنتْي رَ عَلَ يَ عِ سّرِيّ رَبَتُقٍ سَابُي رَ، بَرِ مَ سّرِيّ تَن يُنُبِ نَن تُن مَكّنّنمَ، عَدَ مَدِ شَ عَ كٌلٌن عَ يُنُبِتْي نَ عَ رَ.
\s تِنشِنيِ نَشَن كٍلِمَ عَلَ مَ،
\s نَشَن سْتْمَ دَنشَنِيَ سَابُي رَ
\p
\v 21 كْنْ يَكْسِ، تِنشِنيِ بَرَ مَكّنّن نَشَن مُ كٍلِمَ سّرِيّ رَبَتُقٍ مَ. عَ كٍلِمَ عَلَ يّتّ نَن مَ، عَلْ عَ سّبّشِ سّرِيّ نُن نَمِحْنمّيٍ شَ كِتَابُييٍ كُي كِ نَشّ. 
\v 22 يِ تِنشِنيِ نَشَن كٍلِمَ عَلَ مَ عَ سْتْمَ دَنشَنِيَ نَن سَابُي رَ، بِرِن عَ سْتْ نَشٍيٍ دَنشَنِيَشِ عَلَ شَ مِشِ سُفَندِشِ عِسَ مَ. عَلَ مُ مِشِ يٌ رَقِسَشِ عَ بٌورٍ بّ، 
\v 23 بَرِ مَ بِرِن قِندِشِ يُنُبِتْي نَن نَ، بِرِن بَرَ فَن عَلَ شَ نْرّ رَ، 
\v 24 بِرِن تِنشِنيِ سْتْمَ عَلَ شَ هِننّ نَن تُن سَابُي رَ. عَلَ عَدَ مَ كِمَ يِ تِنشِنيِ رَ وٌن شُنسَرَ مَ عِسَ نَن سَابُي رَ، عَ شَ مِشِ سُفَندِشِ. 
\v 25 عَلَ عَ تَن نَن قِندِ سّرّشّ رَ، عَ وُلِ رَ مِنِشِ نّ عَلَكٌ نَشٍيٍ نَ دَنشَنِيَ عَ مَ، عٍ شَ يُنُبِيٍ شَ شَقَرِ. يِ عَ مَسٍنشِ نّ عَ عَلَ تِنشِن، بَرِ مَ عَ شَ دِحّ كُي، عَ نُ بَرَ عَدَ مَدِيٍ شَ يُنُبِيٍ لُ نَ عٍ مُ مَكِيتِ، عٍ نَشٍيٍ رَبَشِ وَشَتِ دَنفِشِ. 
\v 26 كْنْ يِ وَشَتِ عَلَ بَرَ عَ شَ تِنشِنيِ مَسٍن عَلَكٌ بِرِن شَ عَ كٌلٌن عَ عَ تِنشِن، عٍ مَن شَ عَ كٌلٌن عَ عَ تَن نَن تِنشِنيِ قِمَ مِشِ مَ نَشَن دَنشَنِيَشِ عِسَ مَ.
\p
\v 27 نَ كُي، مِشِ قَ عَ يّتّ عِفبٌمَ مُنسٍ شَ قٍ رَ؟ قٍقٍ! مُنقٍ رَ؟ مِشِ نْمَ عَ يّتّ مَتْشْدٍ عَ تٌ دِينّ سّرِيّ رَبَتُشِ؟ عَدٍ، بَرِ مَ تِنشِنيِ سْتْمَ دَنشَنِيَ نَن تُن سَابُي رَ. 
\v 28 وٌن عَ كٌلٌن عَ دَنشَنِيَ نَن مِشِ مَتِنشِنمَ عَلَ يَ عِ، سّرِيّ شَ كّوَلِيٍ شَ مُ عَ رَ. 
\v 29 كَ عَلَ قِندِشِ يُوِقِيٍ فبَنسَن نَن مَرِفِ عَلَ رَ؟ سِ فبّتّيٍ قَن مَرِفِ عَلَ شَ مُ عَ رَ؟ عِيٌ، سِ فبّتّيٍ قَن مَرِفِ عَلَ نَن يَتِ عَ رَ، 
\v 30 بَرِ مَ عَلَ كٍرٍن ثٍتِ نَ عَ رَ. عَ تَن نَن مِشِ سُننَشِيٍ مَتِنشِنمَ عَ يَ عِ دَنشَنِيَ سَابُي رَ، عَ مَن تِنشِنيِ قِمَ سُننَتَرٍيٍ قَن مَ نَ دَنشَنِيَ كٍرٍنيِ نَن سَابُي رَ. 
\v 31 وٌن قَ نَ مَ دِ؟ وٌن شَ عَ قَلَ عَ عَلَ شَ سّرِيّ تِدٍ مُ نَ وٌن تٌ دَنشَنِيَشِ عِسَ مَ؟ عَستْقُلَهِ! وٌن حَن بَرَ عَلَ شَ سّرِيّ تِدٍ رَ مِنِ.
\c 4
\s عِبُرَهِمَ قِندِقٍ تِنشِنتْي رَ عَلَ يَ عِ دَنشَنِيَ سَابُي رَ
\p
\v 1 وٌن شَ مِسَالِ تٌنفٌ عِبُرَهِمَ مَ، وٌن تَن يُوِقِيٍ بٍنبَ. عَ مُنسٍ كٌلٌن يِ شَ قٍ رَ؟ 
\v 2 شَ عَ سَ لِ نُ عِبُرَهِمَ قِندِ تِنشِنتْي رَ عَ شَ وَلِ نَن سَابُي رَ، عَ نُ نْمَ عَ يّتّ مَتْشْدٍ، كْنْ عَلَ تَن يَ عِ مُ عَ رَ. 
\v 3 كِتَابُي مُنسٍ قَلَشِ نَ شَ قٍ رَ؟ «عِبُرَهِمَ نَشَ دَنشَنِيَ عَلَ مَ، عَلَ نَشَ نَ قِندِ تِنشِنيِ رَ عَ بّ.» 
\v 4 وَلِكّ نَ عَ سَرٍ سْتْ، نَ مُ قِندِ مَ عَ بّ كِ شَ رَ، بَرِ مَ عَ شَ وَلِ سَرٍ نَ عَ رَ عَ لَنمَ عَ شَ نَشَن سْتْ. 
\v 5 كْنْ مِشِ نَشَن شَشِلِ مُ تِشِ عَ شَ وَلِ رَ، نَشَن دَنشَنِيَشِ مَرِفِ مَ نَشَن مِشِ كٌبِ قِندِ مَ تِنشِنتْي رَ، عَلَ نَ كَنيِ شَ دَنشَنِيَ قِندِ مَ عَ بّ تِنشِنيِ نَن نَ. 
\v 6 دَوُدَ قَن عَ مَسٍن نّ عَ هّيرِ نَ مِشِ بّ عَلَ بَرَ نَشَن قِندِ تِنشِنتْي رَ عَ يَ عِ، بَقٍ عَ شَ وَلِيٍ رَ؛
\q
\v 7 «هّيرِ نَ مِشِيٍ بّ،
\q2 عَلَ بَرَ دِحّ نَشٍيٍ شَ وَلِ كٌبِيٍ مَ،
\q2 نَشٍيٍ شَ يُنُبِيٍ بَرَ شَقَرِ.
\q
\v 8 هّيرِ نَ مِشِ بّ،
\q2 عَلَ مُ نَشَن شَ يُنُبِ رَبَشِ مَشْرِنمَ.»
\p
\v 9 نَ كُي، يِ هّيرِ نَشَن مَ قٍ قَلَشِ، مِشِ سُننَشِيٍ فبَنسَن نَن عَ سْتْمَ، كَ مِشِ سُننَتَرٍيٍ قَن نْمَ عَ سْتْدٍ؟ وٌن حَن بَرَ عَ قَلَ عَ عِبُرَهِمَ تٌ دَنشَنِيَ عَلَ مَ، عَلَ عَ شَ دَنشَنِيَ نَن قِندِ تِنشِنيِ رَ عَ بّ. 
\v 10 نَ رَبَشِ عَ بّ مُن تّمُي؟ عَ تٌ نُ سُننَشِ بَ، كَ عَ تٌ مُ نُ سُننَشِ؟ عَلَ نَ رَبَشِ عَ بّ تّمُي نَشّ، عِبُرَهِمَ مُ نُ سُننَشِ. 
\v 11 نَ شَنبِ، عَ نَشَ سُننَ عَلَكٌ عَ شَ قِندِ تْنشُمَ رَ نَشَن عَ مَسٍنمَ عَ عَلَ بَرَ عَ شَ دَنشَنِيَ قِندِ تِنشِنيِ رَ عَ بّ بٍينُن عَ شَ سُننَ. نَ كُي، عَ نَشَ قِندِ دَنشَنِيَتْي بِرِن بٍنبَ رَ نَشٍيٍ مُ سُننَشِ، عَلَ بَرَ نَشٍيٍ شَ دَنشَنِيَ قِندِ تِنشِنيِ رَ عٍ بّ. 
\v 12 عَ تَن نَن قِندِشِ مِشِ سُننَشِيٍ قَن بٍنبَ رَ نَشٍيٍ مُ عٍ شَشِلِ تِمَ عٍ شَ سُننّ رَ، كْنْ نَشٍيٍ مَن حّرّ مَ دَنشَنِيَ كُي عَلْ وٌن بٍنبَ عِبُرَهِمَ حّرّ كِ نَشّ بٍينُن عَ شَ سُننَ.
\p
\v 13 عَلَ لَايِدِ تٌنفٌ نّ عِبُرَهِمَ نُن عَ بْنسْي بّ، عَ عٍ قَمَ دُنِحَ سْتْدٍ كّ رَ. كْنْ نَ لَايِدِ مُ كٍلِ عَ شَ دِينّ سّرِيّ رَبَتُقٍ شَ مَ. عَ كٍلِشِ تِنشِنيِ نَن مَ عَ نَشَن سْتْ دَنشَنِيَ سَابُي رَ. 
\v 14 شَ عَ سَ لِ نُ سّرِيّ رَبَتُقٍ نَن عَ نِيَمَ مِشِيٍ شَ قِندِ كّتٌنفٌي رَ، دَنشَنِيَ تِدٍ يٌ مُ لُمَ نَ قَ، عَلَ شَ لَايِدِ قَن بَرَ كَنَ نَ تّمُي. 
\v 15 بَرِ مَ سّرِيّ قَمَ عَلَ شَ شْنّ نَن نَ، كْنْ سّرِيّ مُ نَ دّننَشّ، سّرِيّ مَتَندِ قَن مُ نَ.
\p
\v 16 نَ كُي، عَلَ شَ لَايِدِ سْتْمَ دَنشَنِيَ نَن سَابُي رَ، عَلَكٌ عَ شَ قِندِ عَلَ شَ هِننّ رَ عِبُرَهِمَ شَ دِيٍ بِرِن بّ، بِرِن شَ عَ سْتْ. عَ مُ قِندِ مَ سّرِيّ رَبَتُمَيٍ فبَنسَن شَ فبٍ رَ، كْنْ بِرِن فبٍ نَ عَ رَ نَشٍيٍ دَنشَنِيَشِ عَلْ عِبُرَهِمَ. عَ بَرَ قِندِ وٌن بِرِن بٍنبَ رَ 
\v 17 عَلْ عَ سّبّشِ كِ نَشّ، «ﭑ بَرَ عِ قِندِ سِ فبٍفبٍ بٍنبَ رَ.» عَ قِندِشِ وٌن بٍنبَ رَ عَلَ نَن يَ عِ، عَ دَنشَنِيَ نَشَن مَ، نَشَن نِي رَ سٌمَ قَشَمِشِيٍ قَتٍ، نَشَن سٍ بِرِن دَاشِ.
\p
\v 18 عِبُرَهِمَ تٌ دَنشَنِيَ، عَ نَشَ لَ عَ رَ عَ عَلَ قَمَ عَ شَ لَايِدِ رَكَمَلِدٍ عَلْ عَ قَلَشِ عَ بّ كِ نَشّ، «عِ بْنسْي وُيَمَ يِ كِ نّ.» عَ نَشَ عَ شَشِلِ تِ نَ رَ هَلِ عَ يَ تٌ مُ نُ تِشِ سٍسٍ رَ نَشَن عَ مَسٍنمَ عَ بّ عَ نَ قٍ قَمَ نّ رَكَمَلِدٍ. نَ كُي، عَ نَشَ قِندِ سِ فبٍفبٍ بٍنبَ رَ. 
\v 19 عِبُرَهِمَ نُ بَرَ سِمَيَ حّ كّمّ حْندْن سْتْ، عَ شَ سِمَيَ نُ بَرَ شُرُن، عَ شَ فِنّ سَرَ قَن مُ نُ نْمَ دِ بَرِدٍ سْنْن. كْنْ هَلِ عَ تٌ نَ بِرِن قَهَامُ، سٍسٍ مُ بَ عِبُرَهِمَ شَ دَنشَنِيَ رَ. 
\v 20 عَ مُ سِيكّ عَلَ شَ لَايِدِ مَ، عَ شَ دَنشَنِيَ حَن نَشَ سّنبّ سْتْ، عَ نُ عَلَ بَتُ. 
\v 21 عَ نُ لَشِ عَ رَ قٍوٌ، عَ عَلَ نْمَ عَ شَ لَايِدِ رَكَمَلِدٍ. 
\v 22 نَ نَ عَ رَ «عَلَ نَشَ نَ قِندِ تِنشِنيِ رَ عَ بّ.» 
\v 23 كْنْ كِتَابُي نَشَن مَسٍنشِ عَ قَلَقٍ رَ، «عَلَ نَشَ نَ قِندِ تِنشِنيِ رَ عَ بّ،» نَ مُ سّبّ عِبُرَهِمَ فبَنسَن شَ بّ. 
\v 24 عَ سّبّشِ وٌن تَن نَن قَن يَتِ بّ، وٌن تَن نَشٍيٍ دَنشَنِيَشِ عَلَ مَ نَشَن وٌن مَرِفِ عِسَ رَكٍلِ قَشّ مَ. عَلَ وٌن قَن مَ دَنشَنِيَ قِندِ مَ نّ تِنشِنيِ رَ وٌن بّ. 
\v 25 وٌن مَرِفِ قَشَ وٌن مَ يُنُبِيٍ نَن مَ قٍ رَ، عَ مَن نَشَ كٍلِ قَشّ مَ، عَلَكٌ وٌن شَ قِندِ تِنشِنتْييٍ رَ عَلَ يَ عِ.
\c 5
\s لَنيِ لُشِ وٌن نُن عَلَ تَفِ عِسَ نَن سَابُي رَ
\p
\v 1 نَ كُي وٌن تٌ بَرَ قِندِ تِنشِنتْييٍ رَ عَلَ يَ عِ دَنشَنِيَ سَابُي رَ، لَنيِ نُن بْحّسَ بَرَ لُ وٌن نُن عَلَ تَفِ وٌن مَرِفِ عِسَ سَابُي رَ، عَلَ شَ مِشِ سُفَندِشِ. 
\v 2 وٌن مَ دَنشَنِيَ مَرِفِ عِسَ مَ، نَ بَرَ وٌن نَسٌ عَلَ شَ هِننّ كُي وٌن قَ سَبَتِشِ نَشَن مَ. وٌن سّيوَشِ نَن قَ عَ رَ وٌن شَشِلِ تٌ تِشِ عَلَ شَ نْرّ رَ. 
\v 3 دَنفِ نَ قَن نَ، وٌن مَن سّيوَ مَ وٌن مَ تْورّ كُي، بَرِ مَ وٌن عَ كٌلٌن عَ تْورّ دُلُشْتْيَ نَن نَمِنِمَ. 
\v 4 وٌن مَ تُننَبّشِ قَن عَ نِيَمَ نّ وٌن شَ يُفٍ قَنيِ سْتْ نَشَن عَلَ كّنّنمَ. نَ يُفٍ مْولِ قَن عَ نِيَمَ نّ وٌن شَ وٌن شَشِلِ تِ عَلَ رَ. 
\v 5 وٌن مَن مُ يَافِمَ وٌن شَشِلِ تٌ تِشِ عَلَ رَ، بَرِ مَ عَلَ بَرَ عَ شَ شَنُنتٍيَ شّلّ وٌن بْحّ كُي عَ شَشِلِ سّنِيّنشِ سَابُي رَ عَ بَرَ نَشَن قِ وٌن مَ.
\p
\v 6 وَشَتِ تٌ كَمَلِ، وٌن سّنبّ يٌ مُ نُ نَ تّمُي نَشّ، عَلَ شَ مِشِ سُفَندِشِ نَشَ قَشَ يُنُبِتْييٍ بّ. 
\v 7 عَ شْرْشْ كِ قَنيِ مِشِ دِحّقٍ عَ نِي مَ تِنشِن مِشِ شَ قٍ رَ. كْنْ تّمُندٍ، مِشِ ندٍ قَن نْمَ لِمَنِيَدٍ عَ شَ قَشَمِشِ قَنيِ ندٍ بّ. 
\v 8 كْنْ عَلَ عَ شَ شَنُنتٍيَ مَسٍنشِ وٌن بّ يِ نَن نَ؛ وٌن نُ قِندِشِ يُنُبِتْييٍ رَ تّمُي نَشّ، عَلَ شَ مِشِ سُفَندِشِ نَشَ دِحّ عَ نِي مَ وٌن مَ قٍ رَ.
\p
\v 9 نَ كُي، وٌن تٌ بَرَ قِندِ تِنشِنتْييٍ رَ عَلَ يَ عِ عِسَ شَ سّرّشّ سَابُي رَ، وٌن شَ عَ كٌلٌن عَ مَن مُ تَفَنمَ وٌن نَكِسِدٍ عَلَ شَ فبَلٌي مَ. 
\v 10 بَرِ مَ وٌن نُ قِندِشِ عَلَ يَشُييٍ رَ تّمُي نَشّ، عَ شَ دِ شَ قَشّ سَابُي نَشَ وٌن تَفِ يَءِلَن، يَكْسِ وٌن نُن عَلَ تَفِ تٌ بَرَ يَءِلَن، وٌن عَ كٌلٌن عَ وٌن نَكِسِمَ نّ عَ شَ دِ شَ كِسِ سَابُي رَ. 
\v 11 نَ مَن قَرِ، وٌن سّيوَشِ نّ عَلَ رَ عَ شَ مِشِ سُفَندِشِ مَرِفِ عِسَ سَابُي رَ، نَشَن بَرَ وٌن نُن عَلَ تَفِ يَءِلَن.
\s عَدَ مَ قَقٍ قَشّ رَ،
\s عِسَ قَقٍ كِسِ رَ
\p
\v 12 نَ كُي، يُنُبِ نَشَ سٌ دُنِحَ مِشِ كٍرٍن سَابُي رَ. قَشّ قَن نَشَ سٌ دُنِحَ يُنُبِ شَ قٍ رَ، عَ دِن مِشِ بِرِن نَ بَرِ مَ عَدَ مَدِيٍ بِرِن بَرَ يُنُبِ رَبَ. 
\v 13 يُنُبِ نُ نَ دُنِحَ مَ بٍينُن عَلَ شَ عَ شَ سّرِيّ قِ عَننَبِ مُنسَ مَ، كْنْ شَ سّرِيّ مُ نَ، يُنُبِ قَن مُ نَ مِشِ يٌ مَ. 
\v 14 كْنْ قَشّ تَن نُ نَ دُنِحَ مَ، كٍلِ وٌن بٍنبَ عَدَ مَ مَ هَن عَننَبِ مُنسَ، هَلِ نَ مِشِيٍ شَ يُنُبِ تٌ مُ نُ لُشِ عَلْ وٌن بٍنبَ عَدَ مَ فبٍ نَشَن عَلَ شُي يَتِ مَتَندِ.
\p عَدَ مَ نُ مِسَالِشِ مِشِ نَن نَ نَشَن نُ قَقٍ. 
\v 15 كْنْ عَلَ وٌن كِشِ نَشَن نَ، نَ نُن بٍنبَ عَدَ مَ شَ يُنُبِ كٍرٍن مُ عَ رَ. عِيٌ، عَدَ مَدِ فبٍفبٍ قَشَشِ يِ مِشِ كٍرٍن شَ يُنُبِ نَن سَابُي رَ، كْنْ عَلَ شَ هِننّ دَنفِ نَ رَ كِ قَنيِ، بَرِ مَ عَ عَدَ مَدِيٍ كِشِ عَ شَ مِشِ سُفَندِشِ عِسَ نَشَن نَ، نَ بَرَ مِشِ فبٍفبٍ رَكِسِ عَ شَ هِننّ سَابُي رَ. 
\v 16 عَدَ مَ شَ يُنُبِ نُن عَلَ عَدَ مَدِيٍ كِشِ نَشَن نَ، عٍ قْشِ تَفِ عِكُيَ. مِشِ كٍرٍن شَ يُنُبِ تٌ مَكِيتِ، فبَلٌي نَن قَ. كْنْ عَلَ عَدَ مَدِيٍ كِشِ نَشَن نَ، عَ قَ مِشِ فبٍفبٍ شَ يُنُبِ رَبَ شَنبِ نّ، عَ قَ قّيرّ رَ مِشِ مَتِنشِنمَ كِ نَشّ عَلَ يَ عِ. 
\v 17 مِشِ كٍرٍن شَ يُنُبِ رَبَ نَشَ عَ نِيَ قَشّ شَ نْ دُنِحَ رَ، كْنْ عَلَ شَ مِشِ سُفَندِشِ عِسَ وَلِ قْشِ دَنفِ نَ رَ ثٌن! عَدَ مَدِيٍ نَشٍيٍ بَرَ عَلَ شَ هِننّ سْتْ نَشَن دَندٍ مُ نَ، عَ نُن عَ شَ تِنشِنيِ عَ وٌن كِشِ نَشَن نَ، نٍيٍ نْي سْتْمَ كِسِ كُي مِشِ كٍرٍن نَن سَابُي رَ، نَشَن قِندِ عَلَ شَ مِشِ سُفَندِشِ عِسَ رَ.
\p
\v 18 نَ كُي، مِشِ كٍرٍن شَ يُنُبِ نَشَ عَ نِيَ عَدَ مَدِيٍ بِرِن شَ لُ يُنُبِ شَ فبَلٌي بُن مَ، كْنْ مِشِ كٍرٍن شَ وَلِ تِنشِنشِ نَن مَن تِنشِنيِ نُن كِسِ قِمَ عَدَ مَدِيٍ بِرِن مَ. 
\v 19 عَلْ مِشِ كٍرٍن تٌ عَلَ شَ يَامَرِ مَتَندِ، عَدَ مَدِ بِرِن نَشَ قِندِ يُنُبِتْييٍ رَ نَ مِشِ كٍرٍنيِ سَابُي رَ، عَدَ مَدِ فبٍفبٍ مَن قِندِ مَ تِنشِنتْييٍ رَ عَلَ يَ عِ مِشِ كٍرٍن نَن قَن سَابُي رَ عَ تٌ عَلَ شَ يَامَرِ رَبَتُ.
\p
\v 20 سّرِيّ قِ نّ يُنُبِ شَ فبٌ. كْنْ يُنُبِ تٌ فبٌ، عَلَ شَ هِننّ نَشَ فبٌ كِ قَنيِ دَنفِ نَ رَ! 
\v 21 نَ كُي، يُنُبِ شَ نْي قِندِشِ قَشّ نَن نَ، كْنْ عَلَ شَ هِننّ شَ نْي قِندِ مَ تِنشِنيِ نَن نَ عَلَكٌ مِشِ شَ كِسِ عَبَدَن. نَ بِرِن نَبَمَ وٌن مَرِفِ عِسَ نَن سَابُي رَ، عَلَ شَ مِشِ سُفَندِشِ.
\c 6
\s كٌنيِيَ نَشَن مِشِ شَنِنمَ قَشّ مَ،
\s نُن كٌنيِيَ نَشَن مِشِ شَنِنمَ كِسِ مَ
\p
\v 1 وٌن قَ مُنسٍ قَلَمَ قَ؟ وٌن مَن شَ نُ لُ يُنُبِ رَبَ رَ، عَلَكٌ عَلَ شَ هِننّ شُن شَ مَسَ؟ 
\v 2 عَستْقُلَهِ! وٌن بَرَ وٌن كٌبٍ سٌ يُنُبِ رَ عَلْ قَشَمِشِ عَ كٌبٍ سٌمَ دُنِحَ رَ كِ نَشّ. وٌن مَن قَ نْمَ حّرّدٍ يُنُبِ كُي دِ؟ 
\v 3 وٌن تَن بِرِن نَشٍيٍ بَرَ وٌن شُنشَ يٍ شْورَ، وٌن نُن عَلَ شَ مِشِ سُفَندِشِ عِسَ نَن قَ عَ رَ قَ. وٌ مُ عَ كٌلٌن عَ وٌن شُنشَقٍ يٍ شْورَ نَ بَرَ مِسَالِ عِسَ شَ قَشّ رَ؟ 
\v 4 وٌن شُنشَقٍ يٍ شْورَ سَابُي رَ، وٌن نُن مَرِفِ عِسَ بَرَ قَشَ، وٌن مَن بَرَ سَ فَبُرِ عَ سّيتِ مَ. يِ رَبَشِ نّ عَلَكٌ وٌن قَن شَ دُنِحّءِفِرِ نّينّ تٌنفٌ، عَلْ عَلَ شَ مِشِ سُفَندِشِ كٍلِ قَشَمِشِيٍ تَفِ كِ نَشّ بَبَ عَلَ سّنبّ مَكَابَشِ سَابُي رَ.
\p
\v 5 نَ كُي، شَ وٌن نُن مَرِفِ عِسَ بَرَ قِندِ كٍرٍن نَ وٌن وٌن شُنشَشِ يٍ شْورَ تّمُي نَشّ عَ شَ قَشّ مَ مِسَالِ رَ، وٌن مَن قَمَ نّ رَكٍلِدٍ قَشّ مَ عَلْ عَ تَن. 
\v 6 وٌن شَ عَ كٌلٌن عَ وٌن مَ قٍ قٌرِ بَرَ بَنبَن وُرِ مَفَلَنبُشِ مَ عَ نُن مَرِفِ عِسَ رَ، عَلَكٌ وٌن يُفٍ قٌرِ شَ مَسَرَ نَشَن نُ يُنُبِ رَبَمَ، وٌن نَشَ قِندِ يُنُبِ شَ كٌنيِيٍ رَ سْنْن. 
\v 7 بَرِ مَ شَ مِشِ بَرَ قَشَ، عَ كَنيِ بَرَ فبِلٍن يُنُبِ رَبَقٍ قْشْ رَ. 
\v 8 يَكْسِ، شَ وٌن بَرَ قَشَ وٌن نُن عَلَ شَ مِشِ سُفَندِشِ، وٌن مَن لَشِ عَ رَ عَ وٌن كِسِمَ نّ وٌن نُن عَ تَن، 
\v 9 بَرِ مَ وٌن عَ كٌلٌن عَ عَلَ شَ مِشِ سُفَندِشِ تٌ بَرَ رَكٍلِ قَشّ مَ نَ كِ عَ مُ قَشَمَ سْنْن. قَشّ شَ نْي يٌ مُ نَ عَ قَرِ سْنْن. 
\v 10 عَ تٌ قَشَ، يُنُبِ مُ سٍسٍ نْمَ عَ رَ سْنْن. عَ تٌ بَرَ رَكٍلِ قَشّ مَ، عَ قَ كِسِشِ عَلَ نَن بّ. 
\v 11 نَ كُي، وٌ شَ وٌ يّتّ تٌ قَشَمِشِ رَ يُنُبِ تَن مَبِرِ. وٌ مَن تٌ كِسِشِ، وٌ بَرَ قِندِ عَلَ نَن شَ كِسِ مِشِ رَ عَ شَ مِشِ سُفَندِشِ عِسَ سَابُي رَ.
\p
\v 12 نَ نَن عَ تٌشِ عَ مُ لَن يُنُبِ شَ نْ وٌ نِي رَ سْنْن، عَلَكٌ وٌ نَشَ بِرَ وٌ نِي وَشْنقٍ كٌبِيٍ قْشْ رَ. 
\v 13 وٌ نَشَ وٌ قَتٍ رَبٌلٌ يُنُبِ يِ، عَ شَ قِندِ قٍ كٌبِ رَبَسٍ رَ. وٌ شَ وٌ يّتّ بِرِن سَ عَلَ سَفٌي عَلْ مِشِ نَشٍيٍ كٍلِشِ قَشّ مَ، عٍ كِسِ. وٌ قَتٍ بِرِن شَ قِندِ تِنشِنيِ رَبَسٍ نَن نَ عَلَ بّ 
\v 14 نَ كُي، وٌ نَشَ عَ لُ يُنُبِ شَ نْ وٌ رَ، بَرِ مَ سّرِيّ شَ نْي مُ وٌ قَرِ سْنْن. وٌ قَ نَ عَلَ شَ هِننّ نَن كُي.
\p
\v 15 وٌن قَ نَ مَ دِ؟ سّرِيّ شَ نْي تٌ مُ وٌن قَرِ سْنْن وٌن تٌ قَ نَ عَلَ شَ هِننّ نَن كُي، وٌن شَ يُنُبِ رَبَ يِرٍ؟ عَستْقُلَهِ! 
\v 16 وٌ مُ عَ كٌلٌن عَ وٌ نَ وٌ يّتّ قِندِ مِشِ ندٍ شَ كٌنيِ رَ، قٌ وٌ شَ عَ شَ يَامَرِ بِرِن نَبَتُ؟ وٌ مُ عَ كٌلٌن عَ وٌ نَ نَشَن شَ يَامَرِ رَبَتُ، نَ نَن قِندِشِ وٌ مَرِفِ رَ، عَ نَ قَ قِندِ يُنُبِ رَ نَشَن وٌ شَنِنمَ قَشّ مَ، شَ نَ مُ عَ قِندِ عَلَ رَ نَشَن وٌ شَنِنمَ كِسِ مَ؟ 
\v 17 كْنْ عَلَ تَنتُ! وٌ تَن نَشٍيٍ نُ قِندِشِ يُنُبِ شَ كٌنيِيٍ رَ، نْندِ تٌ كَوَندِ وٌ بّ، وٌ نَ نَن نَبَتُقٍ قَ وٌ بْحّ بِرِن نَ. 
\v 18 وٌ بَرَ شْرّيَ يُنُبِ شَ كٌنيِيَ مَ، وٌ قَ قِندِشِ عَلَ شَ كٌنيِيٍ نَن نَ، عَلَكٌ وٌ شَ بِرَ تِنشِنيِ قْشْ رَ. 
\v 19 ﭑ وْيّنقٍ نّ وٌ بّ عَلْ مِشِيٍ وْيّنمَ كِ نَشّ، عَلَكٌ وٌ شَ قَهَامُي سْتْ. سِنفٍ رَ نُ، وٌ نُ وٌ يّتّ قِندِشِ يُنُبِ شَ كٌنيِيٍ نَن نَ، وٌ شَ وَلِ كٌبِيٍ نُ سِفَ شُن مَسَ رَ تُن. كْنْ يَكْسِ، وٌ شَ قِندِ تِنشِنيِ نَن شَ كٌنيِيٍ رَ، وٌ لُ سّنِيّنيِ كِرَ شْن.
\p
\v 20 وٌ تٌ نُ نَ يُنُبِ شَ كٌنيِيَ كُي، تِنشِنيِ شَ نْي يٌ مُ نُ نَ وٌ قَرِ. 
\v 21 وٌ نُ حّرّ مَ قٍ كٌبِ نَشٍيٍ كُي، وٌ قَ يَافِشِ نَشٍيٍ رَ تٌ، نٍيٍ مُنسٍ قَنشِ وٌ مَ؟ قَشّ فبَنسَن نَن قَمَ نَ قٍ مْولِيٍ شَنبِ رَ. 
\v 22 كْنْ يَكْسِ، وٌ تٌ بَرَ مِنِ يُنُبِ شَ كٌنيِيَ كُي، وٌ قِندِ عَلَ شَ كٌنيِيٍ رَ، وٌ سّنِيّنيِ نَن سْتْقٍ يِ كِ نَشَن عَ نِيَمَ وٌ شَ كِسِ عَبَدَن. 
\v 23 بَرِ مَ يُنُبِ سَرٍ قِندِشِ قَشّ نَن نَ، كْنْ عَلَ شَ كِ قِندِشِ عَ شَ هِننّ نَن نَ؛ وٌن شَ كِسِ عَبَدَن وٌن مَرِفِ عِسَ سَابُي رَ، عَلَ شَ مِشِ سُفَندِشِ.
\c 7
\s دَنشَنِيَتْي شَ يّتّ سْتْي سّرِيّ يِ
\p
\v 1 ﭑ نفَشَكٍرٍنيِيٍ، وٌ تٌ سّرِيّ كٌلٌن، وٌ مُ عَ كٌلٌن عَ سّرِيّ شَ نْي نَ مِشِ قَرِ هَن عَ شَ سِمَيَ دَندٍ فبَنسَن نّ؟ 
\v 2 نَ كُي، فِنّ نَشَن شَ قُتِ بَرَ شِرِ، عَ نَ قُتِ سّرِيّ بُن مَ هَن عَ شَ مْرِ شَ سِمَيَ دَن تّمُي نّ. كْنْ شَ عَ شَ مْرِ شَ سِمَيَ دَن، نَ قُتِ سّرِيّ قَن بَرَ دَن. 
\v 3 شَ عَ سَ لِ عَ شَ مْرِ نَ دُنِحَ مَ، عَ تَن قَ دْشْ شّمّ فبّتّ شْن، عَ بَرَ قِندِ يّنّلَ رَ. كْنْ شَ عَ شَ مْرِ قَشَ، عَ قَن بَرَ قُلُن نَ قُتِ سّرِيّ مَ. هَلِ عَ دْشْ شّمّ فبّتّ شْن مَ كْرّ، يّنّلَ مُ عَ رَ.
\p
\v 4 ﭑ نفَشَكٍرٍنيِيٍ، عَ نَ نَ كِ نّ وٌ قَن بّ. وٌ قَن بَرَ لُ عَلْ قَشَمِشِيٍ سّرِيّ تَن مَبِرِ، عَلَ شَ مِشِ سُفَندِشِ شَ قَشّ سَابُي رَ. وٌ قَ قِندِشِ فبّتّ نَن فبٍ رَ، عَ تَن نَشَن كٍلِشِ قَشَمِشِيٍ تَفِ، عَلَكٌ وٌن شَ وَلِ قَنيِ رَبَ عَلَ بّ. 
\v 5 بَرِ مَ، وٌن تٌ نُ حّرّ مَ وٌن يّتّ وَشْنقٍ كٌبِيٍ مَ، سّرِيّ نُ وٌن بْحّ رَتٍمَ يُنُبِ رَبَقٍ مَ. وٌن تٌ نُ بِرَشِ نَ وَشْنقٍ كٌبِيٍ قْشْ رَ، نٍيٍ نُ وٌن شُن تِشِ قَشّ نَن نَ. 
\v 6 كْنْ يَكْسِ قَ، وٌن بَرَ شْرّيَ سْتْ سّرِيّ شَ كٌنيِيَ مَ، وٌن لُ عَلْ قَشَمِشِيٍ سّرِيّ تَن مَبِرِ. نَ كُي، وٌن مُ قَ وَلِمَ عَلَ بّ عَ كّحَ قٌرِ شَ مَ سْنْن، عَلْ وٌن تٌ نُ نَ سّرِيّ سّبّشِ شَ نْي بُن مَ تّمُي نَشّ. وٌن قَ وَلِمَ عَلَ بّ عَ كّحَ نّينّ نَن نَ، عَلَ شَشِلِ سّنِيّنشِ سَابُي رَ.
\s سّرِيّ نُن يُنُبِ
\p
\v 7 وٌن قَ نَ مَ دِ؟ سّرِيّ قِندِشِ يُنُبِ نَن نَ؟ عَستْقُلَهِ! سّرِيّ نَن عَ نِيَ ﭑ شَ يُنُبِ كٌلٌن، بَرِ مَ ﭑ مُ مِلَنتٍيَ كٌلٌنمَ نُ شَ سّرِيّ شَ مُ عَ قَلَ ﭑ بّ نُ، «عِ نَشَ مِلَ.» 
\v 8 كْنْ يُنُبِ نَشَ قّيرّ سْتْ يَامَرِ رَ، عَ مِلَنتٍيَ مْولِ بِرِن نَسٌ ﭑ بْحّ مَ، بَرِ مَ سّرِيّ مُ نَ دّننَشّ، يُنُبِ قَن مُ لُمَ نَا. 
\v 9 سِنفٍ رَ ﭑ نُ بَلٌشِ سّرِيّتَرٍيَ نَن كُي، كْنْ سّرِيّ تٌ قَ، يُنُبِ نَشَ بَلٌ ﭑ بْحّ كُي قَ، عَ ﭑ قِندِ قَشَمِشِ رَ. 
\v 10 يَامَرِ نَشَن نُ لَن عَ شَ قِندِ كِسِ رَ، نَ نَشَ قِندِ ﭑ بّ قَشّ رَ، 
\v 11 بَرِ مَ يُنُبِ تٌ قّيرّ سْتْ يَامَرِ رَ، عَ نَشَ ﭑ مَيٍندٍن، عَ ﭑ قَشَ يَامَرِ سَابُي رَ.
\p
\v 12 نَ كُي، سّرِيّ سّنِيّن، يَامَرِ قَن سّنِيّن، عَ تِنشِن، عَ مَن قَن. 
\v 13 وٌن شَ عَ قَلَ قَ، عَ قٍ قَنيِ بَرَ قِندِ قَشّ رَ ﭑ بّ؟ عَستْقُلَهِ! يُنُبِ نَن قِندِشِ قَشّ رَ ﭑ بّ قٍ قَنيِ سَابُي رَ، عَلَكٌ يُنُبِ شَ مَكّنّن يُنُبِ رَ، عَ شَ مِنِ عَ يُنُبِ كِ يَتِ مَ يَامَرِ سَابُي رَ.
\p
\v 14 وٌن عَ كٌلٌن عَ سّرِيّ كٍلِشِ عَلَ نَن مَ، كْنْ ﭑ تَن قِندِشِ عَدَ مَدِ نَن نَ، يُنُبِ شَ كٌنيِ. 
\v 15 ﭑ نَشَن نَبَمَ، ﭑ مُ عَ يَ يٌ كٌلٌن، بَرِ مَ ﭑ وَ مَ ﭑ شَ نَشَن نَبَ، ﭑ مُ نَ شَ رَبَمَ. ﭑ قٍ نَشَن شْنشِ، ﭑ نَ نَن يَتِ رَبَمَ. 
\v 16 شَ عَ سَ لِ ﭑ قٍ رَبَمَ ﭑ مُ وَ مَ ﭑ شَ نَشَن نَبَ، نَ عَ مَسٍنمَ نّ عَ ﭑ بَرَ لَ عَ رَ عَ سّرِيّ قَن. 
\v 17 نَ كُي، ﭑ تَن يّتّ يَتِ شَ مُ يِ قٍ رَبَقٍ. يُنُبِ نَشَن نَ ﭑ بْحّ مَ، نَ نَن عَ رَبَقٍ، 
\v 18 بَرِ مَ ﭑ عَ كٌلٌن، عَ قٍ قَنيِ يٌ مُ نَ ﭑ بْحّ مَ ﭑ يّتّ قَتٍ بّندّ تَن كّحَ مَ. نَتّ نَ ﭑ بّ ﭑ شَ قٍ قَنيِ رَبَ، كْنْ نْي مُ نَ ﭑ بّ ﭑ شَ عَ رَبَ. 
\v 19 ﭑ وَ مَ قٍ قَنيِ نَشَن نَبَقٍ، ﭑ مُ نَ شَ رَبَمَ. ﭑ مُ وَ مَ قٍ كٌبِ نَشَن نَبَقٍ، ﭑ نَ نَن يَتِ رَبَمَ. 
\v 20 نَ كُي، شَ عَ سَ لِ ﭑ قٍ رَبَمَ ﭑ مُ وَ مَ نَشَن نَبَقٍ، ﭑ تَن يّتّ يَتِ شَ مُ عَ رَبَقٍ. يُنُبِ نَشَن نَ ﭑ بْحّ مَ، نَ نَن نَ عَ رَبَقٍ.
\p
\v 21 نَ كُي، ﭑ يِ قٍ نَن تٌشِ ﭑ مَ دُنِحّءِفِرِ كُي؛ ﭑ نَ وَ قٍ قَنيِ رَبَقٍ، ﭑ مُ نْمَ قٍقٍ رَ قٌ قٍ كٌبِ. 
\v 22 ﭑ بْحّ تَن كُي، عَلَ شَ سّرِيّ رَقَن ﭑ مَ، 
\v 23 كْنْ ﭑ قٍ فبّتّ نَن تٌمَ ﭑ مَ، نَشَن عَ نِيَمَ ﭑ شَ يُنُبِ رَبَ. يِ قٍ نَشَن ﭑ شَنِنمَ يُنُبِ مَ، عَ سّرِيّ فٍرٍ مَ نَشَن نَقَن ﭑ شَشِلِ مَ، عَ ﭑ قِندِ عَ شَ كٌنيِ رَ. 
\v 24 ﭑ حَشَنكَتَشِ مَتٌ! ندٍ نْمَ ﭑ نَكِسِدٍ يِ قَتٍ بّندّ شَ نْي مَ نَشَن نَ ﭑ شَنِنقٍ قَشّ مَ؟ 
\v 25 تَنتُي شَ رَ سِفَ عَلَ مَ نَشَن وٌن نَكِسِمَ وٌن مَرِفِ عِسَ سَابُي رَ، عَ شَ مِشِ سُفَندِشِ!
\p نَ كُي، ﭑ شَشِلِ تَن مَ، ﭑ بَرَ قِندِ عَلَ شَ سّرِيّ شَ كٌنيِ رَ، كْنْ ﭑ قَتٍ بّندّ تَن مَ، ﭑ قِندِشِ سّرِيّ شَ كٌنيِ نَن نَ نَشَن ﭑ نَتُتُنمَ يُنُبِ مَ.
\c 8
\s عِسَيَنكَيٍ شَ كَلَمُتَرٍحَ
\p
\v 1 نَ كُي، كِيتِ مُ كَنَمَ مِشِيٍ رَ سْنْن نَشٍيٍ دَنشَنِيَشِ عَلَ شَ مِشِ سُفَندِشِ عِسَ مَ، نَشٍيٍ نَ عِسَ عِ، 
\v 2 بَرِ مَ عَلَ شَشِلِ سّنِيّنشِ شَ سّرِيّ نَشَن كِسِ قِمَ، عَ بَرَ وٌن نَمِنِ يُنُبِ نُن قَشّ شَ سّرِيّ شَ نْي بُن مَ مَرِفِ عِسَ سَابُي رَ. 
\v 3 دِينّ سّرِيّ مُ نْ نَشَن نَ، بَرِ مَ مِشِ وَشْنقٍ كٌبِ نُ بَرَ عَ رَهَلَكِ، عَلَ تَن نَ نَن نَبَشِ. عَ نَشَ مِشِ شَ يُنُبِ سّنبّ شُن نَكَنَ عَ تٌ عَ شَ دِ شّي يُنُبِتْي قَتٍ بّندّ مَنِيّ رَ عَ شَ قِندِ يُنُبِ سّرّشّ رَ. 
\v 4 نَ رَبَشِ نّ، عَلَكٌ سّرِيّ تِنشِنيِ نَشَن مَسٍنشِ، عَ شَ نْ رَكَمَلِدٍ وٌن بّ، وٌن تَن نَشٍيٍ مُ حّرّقٍ عَدَ مَ وَشْنقٍ كٌبِ مَ، وٌن تَن نَشٍيٍ نَ حّرّقٍ عَلَ شَشِلِ سّنِيّنشِ مَ.
\p
\v 5 نَشٍيٍ حّرّ مَ عَدَ مَ وَشْنقٍ مَ، عٍ شَشِلِ رَقٍشِ عَدَ مَ وَشْنقٍ نَن نَ. كْنْ نَشٍيٍ حّرّ مَ عَلَ شَشِلِ سّنِيّنشِ مَ، عٍ تَن نَقٍشِ عَلَ شَشِلِ سّنِيّنشِ وَشْنقٍ نَن نَ. 
\v 6 نَشٍيٍ عٍ شَشِلِ لُشِ قٍ كٌبِ رَبَقٍ مَ، عٍ شُن تِشِ قَشّ نَن نَ. كْنْ نَشٍيٍ عٍ شَشِلِ لُشِ عَلَ شَشِلِ سّنِيّنشِ شَ قٍ مَ، عٍ كِسِ نُن بْحّسَ نَن سْتْمَ. 
\v 7 نَشٍيٍ عٍ شَشِلِ لُشِ عٍ يّتّ وَشْنقٍ يِ، عٍ قِندِشِ عَلَ يَشُييٍ نَن نَ. عٍ مُ عَلَ شَ سّرِيّ رَبَتُمَ، عٍ حَن مُ نْمَ عَ رَبَتُدٍ. 
\v 8 نَشٍيٍ بِرَشِ عٍ يّتّ وَشْنقٍ قْشْ رَ، عٍ شَ قٍ مُ نْمَ عَلَ كّنّندٍ.
\p
\v 9 كْنْ وٌ تَن مُ نَ وٌ يّتّ سَفٌي سْنْن. شَ عَلَ شَشِلِ سّنِيّنشِ سَبَتِشِ وٌ عِ، وٌ قَ نَ عَلَ شَشِلِ سّنِيّنشِ نَن سَفٌي. عَلَ شَ مِشِ سُفَندِشِ شَشِلِ مُ نَ نَشَن يٌ يِ رَ، نَ كَنيِ مُ قِندِشِ عِسَ فبٍ رَ. 
\v 10 شَ وٌ نُن عَلَ شَ مِشِ سُفَندِشِ بَرَ قِندِ كٍرٍن نَ، وٌ قَتٍ بّندّ تَن قَشَمَ يُنُبِ نَن مَ قٍ رَ، كْنْ عَلَ شَشِلِ سّنِيّنشِ تَن وٌ رَكِسِمَ نّ بَرِ مَ وٌ بَرَ مَتِنشِن عَلَ يَ عِ. 
\v 11 عَلَ نَن عِسَ رَكٍلِ قَشَمِشِيٍ تَفِ. شَ عَ تَن عَلَ شَشِلِ نَن سَبَتِشِ وٌ عِ، عَ تَن نَشَن عَ شَ مِشِ سُفَندِشِ رَكٍلِ قَشّ مَ، عَ مَن قَمَ نّ وٌ قَتٍ بّندّ رَكِسِدٍ عَ شَشِلِ سَابُي رَ نَشَن سَبَتِشِ وٌ عِ.
\p
\v 12 نَ كُي، ﭑ نفَشَكٍرٍنيِيٍ، دٌنِ ندٍ نَ وٌن مَ، كْنْ عَ مُ نَ وٌن مَ وٌن يّتّ قَتٍ بّندّ شَ سّيتِ شّ. عَ مُ لَن وٌن مَن شَ لُ عَ سَفٌي سْنْن وٌن مَن شَ عَ وَشْنقٍ كٌبِ رَبَ. 
\v 13 شَ وٌ حّرّ قَتٍ بّندّ وَشْنقٍ كٌبِيٍ مَ، وٌ قَشَمَ نّ، كْنْ شَ وٌ فبِلٍن عٍ قْشْ رَ عَلَ شَشِلِ سّنِيّنشِ سَابُي رَ، وٌ كِسِمَ نّ، 
\v 14 بَرِ مَ عَلَ شَشِلِ سّنِيّنشِ مِشِ نَشٍيٍ بِرِن نَحّرّ مَ، عٍ تَن قِندِشِ عَلَ شَ دِيٍ نَن نَ. 
\v 15 عَلَ مُ شَشِلِ قِشِ وٌ مَ نَشَن مَن وٌ قِندِ مَ فَاشُي شَ كٌنيِيٍ رَ. عَ عَ يّتّ شَشِلِ سّنِيّنشِ نَن قِشِ وٌ مَ نَشَن وٌ قِندِشِ عَ شَ دِيٍ رَ، نَشَن عَ نِيَمَ وٌن شَ نْ وٌن شُي عِتٍدٍ عَلَ مَ، وٌن نَ عَ شِلِ، «ﭑ بَ، ﭑ بَ!» 
\v 16 نَ كُي، عَلَ شَشِلِ سّنِيّنشِ نُن وٌن يّتّ شَشِلِ عَ مَسٍنمَ عَ وٌن قِندِشِ عَلَ شَ دِيٍ نَن نَ. 
\v 17 عَنُن، وٌن تٌ قِندِشِ عَ شَ دِيٍ رَ، وٌن بَرَ قِندِ عَلَ شَ كّتٌنفٌي رَ، وٌن نُن عَ شَ مِشِ سُفَندِشِ. بَرِ مَ، شَ وٌن تْورْ عَ شَ تْورّ، وٌن مَن قَمَ نّ شُننَكٍلِ سْتْدٍ عَلْ عَ تَن.
\s دَنشَنِيَتْييٍ شَشِلِ تِدٍ
\p
\v 18 ﭑ لَشِ عَ رَ وٌن تْورّ نَشَن تِمَ يِ دُنِحَ مَ يِ كِ، عَ نُن وٌن قَمَ شُننَكٍلِ نَشَن سْتْدٍ، عٍ تَفِ عِكُيَ كِ قَنيِ! عٍ حَن مُ نْمَ سَدٍ عٍ بٌورٍ مَ. 
\v 19 دَالِ بِرِن مَمّ تِقٍ وَشَتِ رَ، عَلَ عَ شَ دِيٍ مَكّنّنمَ تّمُي نَشّ، 
\v 20 بَرِ مَ دُنِحَ بِرِن نَ سٍنتَنّ شَ نْي بُن مَ، تِدٍ يٌ مُ نَشَن مَ. نَ مُ كٍلِشِ دُنِحَ يّتّ شَ مَ، عَ كٍلِشِ عَلَ نَن مَ. كْنْ نَ بِرِن كُي شَشِلِ تِدٍ لُشِ بِرِن بّ. 
\v 21 وَشَتِ قَمَ قَدٍ دَالِ قُلُنمَ تّمُي نَشّ كَنَرِ شَ كٌنيِيَ بُن، عَ قَن شْرّيَ نُن شُننَكٍلِ سْتْ عَ نُن عَلَ شَ دِيٍ رَ. 
\v 22 وٌن عَ كٌلٌن، عَ كَبِ عَ قْلّ هَن تٌ، دَالِ بِرِن نَ عَ كُي عِوَقٍ نّ تْورّ كُي، عَلْ فِنّ دِ قُرِ نَ كٍلِ عَ رَ. 
\v 23 كْنْ دَالِ فبَنسَن شَ مُ عَ رَ. هَلِ وٌن تَن نَشٍيٍ بَرَ عَلَ شَشِلِ سّنِيّنشِ سْتْ عَ شَ كِ سِنفٍ رَ، وٌن تَن يَتِ نَ وٌن كُي عِوَقٍ، هَن عَلَ وٌن قِندِ مَ عَ شَ دِيٍ رَ تّمُي نَشّ، عَ وٌن قَتٍ نْرْ. 
\v 24 وٌن شَشِلِ تٌ تِ عَ رَ، نَ نَن عَ رَ وٌن بَرَ كِسِ، كْنْ وٌن شَشِلِ مَن تِشِ عَ رَ. كْنْ شَ مِشِ يَ قٍ تٌ عَ شَشِلِ نُ تِشِ نَشَن نَ، نَ كَنيِ مُ عَ شَشِلِ تِمَ نَ رَ سْنْن. مِشِ نْمَ عَ شَشِلِ تِدٍ قٍ ندٍ رَ عَ حَن بَرَ نَشَن سْتْ؟ 
\v 25 كْنْ شَ وٌن شَشِلِ تِشِ قٍ ندٍ رَ وٌن مُ نَشَن تٌشِ سِندٍن، وٌن نَ مَمّمَ تُننَبّشِ نَن كُي.
\p
\v 26 عَلَ شَشِلِ سّنِيّنشِ قَن قَمَ نّ وٌن مَلِدٍ وٌن مَ سّنبّتَرٍيَ كُي. وٌن مُ عَ كٌلٌن عَ لَن وٌن شَ مَشَندِ نَشَن نَبَ، كْنْ عَلَ شَشِلِ سّنِيّنشِ نَن عَلَ مَشَندِ مَ وٌن بّ مَيَندِ شُي رَ نَشَن مُ نْمَ مَسَرَدٍ وْيّنيِ رَ. 
\v 27 عَنُن، عَلَ، نَشَن وٌن بْحّ مَ قٍ كٌلٌن، عَ عَ شَشِلِ سّنِيّنشِ شَ مَشَندِيٍ كٌلٌن، بَرِ مَ شَشِلِ سّنِيّنشِ مَشَندِ تِمَ سّنِيّنتْييٍ بّ عَلَ سَفٌي نَن مَ.
\p
\v 28 وٌن مَن عَ كٌلٌن عَ عَلَ وَلِمَ قٍ بِرِن كُي عَ شَنُنتٍنيِيٍ شَ مُنَقَنيِ نَن بّ، عَ بَرَ نَشٍيٍ شِلِ عَ يّتّ سَفٌي مَ. 
\v 29 بَرِ مَ عَلَ بَرَ مِشِ نَشٍيٍ سُفَندِ، عَ نُ عٍ كٌلٌن كَبِ قٍ قْلْ قْلّ، عَ نَشَ عَ رَفِرِ عٍ مَ عٍ شَ قِندِ عَ شَ دِ مَنِيّيٍ رَ، عَلَكٌ عَ شَ دِ تَن شَ قِندِ دِ سِنفٍ رَ عَ نفَشَكٍرٍنيِ فبٍفبٍ تَفِ. 
\v 30 عَ بَرَ نَ رَفِرِ نَشٍيٍ مَ، عَ مَن بَرَ عٍ شِلِ. عَ بَرَ نَشٍيٍ شِلِ، عَ مَن بَرَ عٍ قِندِ تِنشِنتْييٍ رَ عَ يَ عِ. عَ بَرَ نَشٍيٍ قِندِ تِنشِنتْييٍ رَ، عَ مَن بَرَ شُننَكٍلِ قِ عٍ مَ.
\s عَلَ شَ شَنُنتٍيَ عَ شَ دِيٍ بّ
\p
\v 31 وٌن مُنسٍ قَلَمَ نَ كُي قَ؟ عَلَ تٌ نَ وٌن بّ، ندٍ قَ نْمَ تِدٍ وٌن كَنكٍ؟ 
\v 32 عَ تَن نَشَن مُ تٌندِ عَ شَ دِ يَتِ مَ، عَ عَ بَ سّرّشّ رَ وٌن بِرِن بّ، عَ مُ قَمَ شّ وٌن كِدٍ سٍ بِرِن نَ سَقٍ رَ عَ شَ دِ شُن مَ؟ 
\v 33 ندٍ نْمَ عَلَ شَ مِشِ سُفَندِشِيٍ كَلَمُدٍ؟ عَلَ يّتّ نَن عٍ قِندِشِ تِنشِنتْييٍ رَ عَ يَ عِ. 
\v 34 ندٍ قَ كِيتِ رَكَنَمَ عٍ رَ سْنْن؟ عَلَ شَ مِشِ سُفَندِشِ عِسَ نَشَن قَشَ، عَلَ نَشَن مَن نَكٍلِ قَشّ مَ، عَ مَفٌرٌشِ عَلَ يِرٍقَنيِ مَ، عَ نُ عَ مَشَندِ وٌن بّ. 
\v 35 ندٍ قَ وٌن بَمَ عَلَ شَ مِشِ سُفَندِشِ شَ شَنُنتٍيَ يِ؟ مُنسٍ نْمَ نَ رَ؟ تْورّ، كَ شْرْشْي، كَ حَشَنكَتّ، كَ كَامّ، كَ لُقٍ شّحّ رَ، كَ قِتِنّ، كَ سَنتِدّفّمَ؟ 
\v 36 عَلْ عَ سّبّشِ كِ نَشّ،
\q «قّيحّن، عٍ مُشُ قَشَمَ عِ تَن نَن مَ قٍ رَ.
\q عٍ مُشُ قِندِشِ يّشّييٍ نَن نَ عٍ نَشٍيٍ كْن نَشَبَمَ.»
\m
\v 37 كْنْ نَ بِرِن كُي، وٌن بَرَ نْي سْتْ نَ قٍ بِرِن شُن مَ وٌن شَنُنتٍنيِ سَابُي رَ. 
\v 38 بَرِ مَ ﭑ لَشِ عَ رَ، عَ سٍسٍ مُ نْمَ وٌن بَدٍ عَلَ شَ شَنُنتٍيَ يِ. عَ قِندِ قَشّ رَ بَ، فبَلٌي بَ، مَلٍكّ بَ، حِننّيٍ بَ، يِ وَشَتِ بَ، وَشَتِ نَشَن سَ قَمَ بَ، سّنبّمَ نَشٍيٍ كُيٍ مَ بَ، 
\v 39 نَشَن بِرِن نَ دُنِحَ شُن مَ، نَشَن بِرِن نَ بْشِ بُن مَ، عَ قِندِ دَالِ يٌ رَ، عٍ سٍسٍ مُ نْمَ وٌن نُن عَلَ شَ شَنُنتٍيَ رَقَتَندٍ، عَ بَرَ نَشَن مَسٍن وٌن بّ وٌن مَرِفِ عِسَ سَابُي رَ، عَ شَ مِشِ سُفَندِشِ!
\c 9
\s عَلَ شَ سُفَندِ
\p
\v 1 ﭑ شَ نْندِ قَلَ وٌ بّ. ﭑ مُ وُلٍ قَلَمَ بَرِ مَ ﭑ قِندِشِ عَلَ شَ مِشِ سُفَندِشِ فبٍ نَن نَ. ﭑ سٌندٌنيِ نُن عَلَ شَشِلِ سّنِيّنشِ قَن قِندِشِ سٍيدٍيٍ نَن نَ، عَ نْندِ نَن عَ رَ 
\v 2 ﭑ بْحّ سُننُنشِ كِ قَنيِ، دَنيِ مُ نَشَن مَ، 
\v 3 ﭑ نفَشَكٍرٍنيِيٍ شَ قٍ رَ. شَ عَ سَ عٍ مَلِمَ نّ نُ، ﭑ تِنشِ عَ رَ ﭑ تَن يّتّ يَتِ شَ دَنكّ سْتْ، مُشُ نُن عَلَ شَ مِشِ سُفَندِشِ شَ قَتَن عٍ تَن مَ قٍ رَ، ﭑ بَرٍنيِيٍ مُشُ نُن نَشٍيٍ سِ كٍرٍن عَ رَ. 
\v 4 يُوِقِيٍ نَن نَ عٍ رَ، عَلَ نَشٍيٍ سُفَندِ عٍ شَ قِندِ عَ شَ دِيٍ رَ، عَ نَشَ عَ شَ نْرّ مَسٍن عٍ بّ. عَلَ سَاتّيٍ نُن لَايِدِيٍ تٌنفٌ عٍ تَن نَن بّ، عَ عَ شَ سّرِيّ نُن عَ بَتُ كِ قِ عٍ مَ. 
\v 5 عٍ تَن نَن بْنسْي بٍنبَيٍ نَ كِتَابُييٍ كُي، عَلَ شَ مِشِ سُفَندِشِ قَن كٍلِشِ عٍ تَن نَن بْنسْي تَفِ عَ قَتٍ بّندّ كِ مَ. تَنتُي نُن بَتُي شَ رَ سِفَ عَلَ مَ عَبَدَن، عَ تَن نَشَن نَ بِرِن شُن مَ. عَمِنَ.
\p
\v 6 كْنْ عَ مُ لُشِ شّ عَلْ عَلَ شَ لَايِدِ كَنَشِ نّ. بَرِ مَ نَشٍيٍ كٍلِ عِسِرَيِلَ بْنسْي، عٍ بِرِن شَ مُ قِندِ عِسِرَيِلَ دِيٍ يَتِ رَ. 
\v 7 عٍ تٌ بَرِشِ عِبُرَهِمَ بْنسْي، نَ مُ عَ قَلَشِ شّ دٍ عَ عٍ بِرِن نَن قِندِشِ عَ شَ دِيٍ يَتِ رَ، بَرِ مَ عَلَ عَ مَسٍن نّ عِبُرَهِمَ بّ، «عِسِيَفَ نَن قَمَ قِندِدٍ عِ بْنسْي رَ ﭑ نَشَن لَايِدِ عِ بّ.» 
\v 8 يِ عَ مَسٍنشِ نّ، عَ دِ نَشٍيٍ بَرِ عِبُرَهِمَ بّ عَ قَتٍ بّندّ كِ مَ، نٍيٍ شَ مُ قِندِشِ عَلَ شَ دِيٍ رَ. كْنْ دِ نَشٍيٍ بَرِ عَلَ شَ لَايِدِ سَابُي رَ، نٍيٍ نَن قِندِ عِبُرَهِمَ بْنسْي رَ عَلَ يَ عِ. 
\v 9 بَرِ مَ عَلَ يِ نَن لَايِدِ عِبُرَهِمَ بّ، «ﭑ فبِلٍنمَ تَمُنَ يِ تّمُي حْندْن، ﭑ عَ لِمَ سَرَ بَرَ دِ شّمّ سْتْ.»
\p
\v 10 نَ فبَنسَن قَن مُ عَ رَ. وٌن بٍنبَ عِسِيَفَ نَن قِندِشِ رٍبٍكَ شَ دِ قِرِن بِرِن بَبَ رَ. 
\v 11 كْنْ بٍينُن فُلِيٍ شَ بَرِ عٍ شَ قٍ قَنيِ شَ نَ مُ قٍ حَاشِ ندٍ رَبَ، عَلَ نَشَ دِ كٍرٍن سُفَندِ عٍ قِرِن تَفِ عَلَكٌ عَ سَفٌي شَ رَبَ. 
\v 12 يِ دِ مُ سُفَندِ كّوَلِيٍ يٌ شَ قٍ رَ. نَ سُفَندِ قِندِشِ عَلَ شَ شِلِ نَن نَ. نَ كُي، عَلَ نَشَ عَ مَسٍن رٍبٍكَ بّ، «قٌرِ نَن لُمَ عَ شُنيَ شَ نْي بُن مَ.» 
\v 13 عَلْ عَ سّبّشِ كِتَابُي كُي كِ نَشّ، «ﭑ بَرَ يَشُبَ شَنُ، كْنْ ﭑ بَرَ مّي عٍسَيُ تَن نَ.»
\p
\v 14 وٌن قَ نَ مَ دِ؟ وٌن شَ عَ قَلَ عَ عَلَ مُ تِنشِن؟ عَستْقُلَهِ! 
\v 15 عَلَ عَ مَسٍن نّ مُنسَ بّ، «ﭑ هِننّمَ مِشِ نَن نَ ﭑ نَ وَ هِننّقٍ نَشَن نَ. ﭑ كِنِكِنِمَ مِشِ نَن مَ ﭑ نَ وَ كِنِكِنِقٍ نَشَن مَ.» 
\v 16 نَ كُي، عَلَ شَ سُفَندِ مُ كٍلِمَ مِشِ وَشْنقٍ شَ مَ، شَ نَ مُ مِشِ شَ كَتّ مَ. عَ كٍلِمَ عَلَ شَ هِننّ نّ. 
\v 17 عَ سّبّشِ كِتَابُي كُي، عَلَ نَشَ عَ قَلَ قِرَوُنَ بّ، «ﭑ عِ رَكٍلِشِ نّ، ﭑ مَنفّيَ قِ عِ مَ، عَلَكٌ ﭑ شَ ﭑ سّنبّ مَسٍن عِ سَابُي رَ، دُنِحَ بِرِن شَ ﭑ شِلِ كٌلٌن.» 
\v 18 نَ كُي، عَ هِننّمَ مِشِ رَ عَ نَ وَ هِننّقٍ نَشَن يٌ رَ، عَ مَن مِشِ سٌندٌنيِ رَشْرْشْمَ عَ نَ وَ نَشَن سٌندٌنيِ رَشْرْشْقٍ.
\p
\v 19 ندٍ نْمَ عَ قَلَدٍ ﭑ بّ، «عَلَ قَ كٌتٍ سَمَ مِشِ شُن مَ مُنقٍ رَ؟ مِشِ نْمَ تٌندِدٍ عَ شَ مَرَفِرِ رَ يِرٍ؟» 
\v 20 كْنْ عِ تَن عَدَ مَدِ قِندِشِ ندٍ رَ عِ تٌ قَ عَلَ مَتَندِ مَ؟ قّحّ يَءِلَنشِ شَ عَ قَلَ عَ يَءِلَنمَ بّ، «مُنقٍ رَ عِ ﭑ يَءِلَنشِ يِ كِ؟» 
\v 21 عَ دِ، قّحّ يَءِلَنيِ نَ قّحّ قِرِن يَءِلَن بّندّ كٍرٍن نَ، عَ مُ نْمَ قّحّ كٍرٍن يَءِلَندٍ وَلِ ندٍ شَ قٍ رَ نَشَن تِدٍ فبٌ، عَ بٌورٍ قَن يَءِلَن وَلِ ندٍ شَ قٍ رَ نَشَن تِدٍ مُ فبٌ؟ 
\v 22 شَ عَ سَ لِ عَلَ وَ مَ عَ شَ شْنّ نُن عَ سّنبّ مَسٍنقٍ، عَ مُ نْمَ نَ رَبَدٍ شّ؟ كْنْ عَ شَ سَبَرِ شُنفبٍ كُي، عَلَ دِحّشِ مِشِيٍ مَ عَ شْنْشِ نَشٍيٍ مَ، فبَلٌي رَفَتَشِ نَشٍيٍ بّ. 
\v 23 عَ يِ رَبَشِ نّ عَلَكٌ عَ شَ عَ شَ نْرّ مَكَابَشِ مَسٍن عَ تٌ هِننّمَ مِشِيٍ رَ، عَ نُ بَرَ نَشٍيٍ سُفَندِ كَبِ عَ قْلّ، عٍ شَ نْرّ سْتْ. 
\v 24 وٌن تَن نَن قِندِشِ نَ مِشِيٍ رَ عَ بَرَ نَشٍيٍ شِلِ كٍلِ سِ بِرِن كُي. يُوِقِيٍ فبَنسَن مُ عَ رَ. 
\v 25 عَ عَ مَسٍنشِ عَننَبِ هٌسٍ شَ كِتَابُي كُي،
\q «نَشٍيٍ مُ قِندِشِ ﭑ مَ مِشِيٍ رَ،
\q ﭑ عٍ شِلِ قَلَمَ ‹ﭑ مَ مِشِيٍ.›
\q نَشَن مُ قِندِشِ ﭑ مَ حَمَ شَنُشِ رَ،
\q ﭑ عَ شِلِ قَلَمَ ‹ﭑ مَ حَمَ شَنُشِ.›»
\q
\v 26 «عَلَ مَن عَ قَلَ عٍ بّ دّننَشّ، ‹ﭑ مَ حَمَ مُ وٌ رَ،›
\q عَ عٍ شِلِ قَلَمَ نّ نَا، ‹عَلَ شَ دِيٍ، عَلَ نَشَن نَ نَ.›»
\p
\v 27 عَننَبِ عٍسَيِ قَن عَ شُي عِتٍ نّ عَ تٌ نُ كَوَندِ تِمَ عِسِرَيِلَ شَ قٍ رَ،
\q «هَلِ عِسِرَيِلَ مِشِيٍ وُيَ عَلْ مّيّن شْرِ نَشَن نَ بَا دّ،
\q عَ دْنشْي دِ نَن تُن كِسِمَ،
\q
\v 28 بَرِ مَ عَلَ نَشَن مَسٍنشِ،
\q عَ عَ رَبَمَ نّ دُنِحَ مَ،
\q عَ عَ رَكَمَلِ كٍرٍنيِ رَ.»
\m
\v 29 عَننَبِ عٍسَيِ مَن عَ مَسٍن نّ،
\q «شَ عَلَ سّنبّ بِرِن كَنيِ مُ بْنسْي ندٍ لُ وٌن بّ نُ،
\q وٌن لُمَ نّ نُ عَلْ سٌدٌ مَ،
\q وٌن مَنِيَمَ فٌمٌرَ نَن نَ نُ.»
\p
\v 30 وٌن قَ نَ مَ دِ؟ سِ فبّتّ نَشٍيٍ مُ نُ كَتَمَ عٍ شَ تِنشِنيِ سْتْ عَلَ يَ عِ، عٍ تَن بَرَ قَ عَ سْتْ دَنشَنِيَ سَابُي رَ، 
\v 31 كْنْ عِسِرَيِلَ حَمَ نَشَن نُ كَتَمَ عٍ شَ سّرِيّ رَبَتُ عَلَكٌ عٍ شَ تِنشِنيِ سْتْ عَلَ يَ عِ، عٍ تَن مُ نْ نَ سّرِيّ رَبَتُدٍ. 
\v 32 مُنقٍ رَ؟ بَرِ مَ عٍ مُ بِرَ تِنشِنيِ قْشْ رَ دَنشَنِيَ سَابُي رَ، عٍ حْشْ عَ مَ عَ عٍ نْمَ عَ سْتْدٍ عٍ شَ كّوَلِيٍ سَابُي رَ. عٍ بَرَ عٍ سَنيِ رَدِن فّمّ رَ نَشَن شِلِ قَلَمَ، «مِشِ رَبِرَ فّمّ». 
\v 33 عَلْ عَ سّبّشِ كِتَابُي كُي كِ نَشّ،
\q «وٌ عَ مَتٌ، ﭑ بَرَ فّمّ دْشْ سِيٌنِ،
\q مِشِيٍ عٍ سَن نَدِنمَ نَشَن نَ،
\q فّمّ نَشَن مِشِيٍ رَبِرَ مَ.
\q كْنْ نَشَن يٌ دَنشَنِيَ عَ مَ، نَ كَنيِ مُ يَافِمَ.»
\c 10
\s عِسِرَيِلَ تِنشِنيِ نَشَن سْتْمَ دَنشَنِيَ سَابُي رَ
\p
\v 1 ﭑ نفَشَكٍرٍنيِيٍ، ﭑ بْحّ وَشْنقٍ بِرِن نَ نَشَن نَ، يُوِقِيٍ شَ كِسِ سْتْ. ﭑ مَ عَلَ مَشَندِ نَن نَ كِ عٍ بّ. 
\v 2 ﭑ نَ عٍ سٍيدٍ رَ، عَ عٍ سّنبّ سَشِ عَلَ شَ قٍيٍ كُي، كْنْ نَ مُ كٍلِشِ لْننِ شَ مَ. 
\v 3 عٍ تٌ مُ عَ كٌلٌن عَلَ مِشِ مَتِنشِنمَ عَ يَ عِ كِ نَشّ، عٍ نَشَ كَتَ عٍ شَ عٍ يّتّ كَن مَتِنشِن. نَ كُي، عٍ مُ عٍ يّتّ مَفٌرٌ عَلَ بّ عَ تَن شَ تِنشِنيِ قِ عٍ مَ. 
\v 4 عَلَ شَ مِشِ سُفَندِشِ بَرَ فّ مُنسَ شَ سّرِيّ رَكَمَلِدٍ، عَلَكٌ نَشَن يٌ نَ دَنشَنِيَ عَ مَ، نَ كَنيِ شَ تِنشِنيِ سْتْ.
\p
\v 5 عَننَبِ مُنسَ تٌ نُ تِنشِنيِ شَ قٍ مَسٍنقٍ نَشَن سْتْمَ سّرِيّ رَبَتُقٍ مَ، عَ يِ نَن سّبّ كِتَابُي كُي، «مِشِ نَشَن يِ سّرِيّ رَبَتُمَ عَ سِمَيَ سْتْمَ نّ عَ سَابُي رَ.» 
\v 6 كْنْ عَ تٌ نُ تِنشِنيِ شَ قٍ مَسٍنقٍ نَشَن سْتْمَ دَنشَنِيَ سَابُي رَ، عَ يِ نَن سّبّ،
\q «عِ نَشَ عِ يّتّ مَشْرِن،
\q ‹ندٍ تٍمَ كٌورٍ؟›»
\q عَلَ شَ مِشِ سُفَندِشِ مُ فٌرٌشِ شّ كٍلِ كٌورٍ مَ؟
\q
\v 7 «شَ نَ مُ عَ رَ عِ عِ يّتّ مَشْرِن،
\q ‹ندٍ فٌرٌ مَ بْشِ بُن؟›»
\q عَلَ شَ مِشِ سُفَندِشِ مُ كٍلِشِ قَشَمِشِيٍ شَ تَفِ؟
\q
\v 8 كِتَابُي مُنسٍ مَسٍنشِ؟
\q «عَلَ شَ مَسٍنيِ مَكْرّ عِ رَ.
\q عَ نَ عِ دّ كِرِ مَ،
\q عَ نَ عِ بْحّ قَن مَ.»
\m نَ مَسٍنيِ قِندِشِ دَنشَنِيَ مَسٍنيِ نَن نَ مُشُ نَشَن كَوَندِقٍ؛ 
\v 9 عَ عِ نَ عَ قَلَ عِ دّ رَ عَ مَرِفِ نَن نَ عِسَ رَ، عِ مَن نَشَ لَ عَ رَ عِ بْحّ كُي عَ عَلَ بَرَ عَ رَكٍلِ قَشَمِشِيٍ تَفِ، عِ كِسِمَ نّ. 
\v 10 مِشِ دَنشَنِيَمَ يِ مَسٍنيِ مَ عَ بْحّ نَن كُي، عَ تِنشِنيِ سْتْ عَلَ يَ عِ. عَ نَ لَ عَ رَ، عَ عَ قَلَمَ عَ دّ نَن نَ، عَ كِسِ سْتْ. 
\v 11 كِتَابُي عَ مَسٍنشِ، «مِشِ يٌ دَنشَنِيَ عَ مَ، عَ كَنيِ مُ يَافِمَ.» 
\v 12 تَفِ رَ سَ يٌ مُ نَ يُوِقِيٍ نُن سِ فبّتّيٍ تَفِ. مَرِفِ كٍرٍن نَن نَ عٍ بِرِن بّ، عَ مَن مِشِ بِرِن كِمَ كِ قَنيِ رَ نَشٍيٍ نَ عَ شِلِ. 
\v 13 عَلْ كِتَابُي عَ مَسٍنشِ كِ نَشّ، «نَشَن يٌ نَ عَلَتَلَ شِلِ، نَ كَنيِ كِسِمَ نّ.»
\p
\v 14 كْنْ نَ كُي، عٍ نْمَ عَ شِلِدٍ دِ شَ عٍ مُ دَنشَنِيَشِ عَ مَ؟ عٍ قَ دَنشَنِيَمَ عَ مَ دِ شَ عٍ مُ نُ عَ شَ قٍ مّ؟ عٍ قَ عَ شَ قٍ مّمَ دِ شَ مِشِ يٌ مُ عٍ كَوَندِ مَ؟ 
\v 15 نَ كَوَندِ قَن تِمَ عٍ بّ دِ شَ مِشِيٍ مُ شّيشِ نَ قٍ مَ؟ عَ سّبّشِ، «شّيرَيٍ، نَشٍيٍ قَمَ شِبَارُ قَنيِ رَ، عٍ قَقٍ قَن كِ قَنيِ!»
\p
\v 16 كْنْ بِرِن شَ مُ يِ شِبَارُ قَنيِ سُشُشِ، بَرِ مَ عَننَبِ عٍسَيِ عَ مَسٍن نّ، «مَرِفِ، ندٍ لَشِ مُشُ شَ مَسٍنيِ رَ؟» 
\v 17 نَ كُي، مِشِيٍ دَنشَنِيَمَ نّ عٍ تٌ بَرَ عَلَ شَ مَسٍنيِ رَ مّ. عٍ عَلَ شَ مَسٍنيِ رَ مّمَ عَ شَ مِشِ سُفَندِشِ شَ مَسٍنيِ نَن سَابُي رَ. 
\v 18 كْنْ ﭑ شَ مَشْرِنيِ تِ، عٍ مُ يِ مَسٍنيِ رَ مّشِ شّ؟ عِيٌ شّ، بَرِ مَ كِتَابُي نَشّ،
\q «عٍ شُي بَرَ مِنِ دُنِحَ بِرِن مَ،
\q عٍ شَ مَسٍنيِ بَرَ سِفَ هَن دُنِحَ دَندٍ.»
\m
\v 19 ﭑ مَن شَ مَشْرِنيِ تِ، عِسِرَيِلَ حَمَ مُ مَسٍنيِ قَهَامُشِ شّ؟ يَابِ قْلّ رَ، عَلَ يِ نَن مَسٍن عَننَبِ مُنسَ سَابُي رَ،
\q «ﭑ عَ نِيَمَ نّ وٌ مِشِيٍ تْونّ
\q نَشٍيٍ حَن مُ قِندِشِ سِ يَتِ رَ.
\q ﭑ عَ نِيَمَ نّ وٌ بْحّ شَ تٍ سِ قَهَامُتَرٍ مَ.»
\q
\v 20 عَننَبِ عٍسَيِ قَن نَشَ شّيرَ عِبَ لِمَنِيَ رَ عَلَ تٌ يِ مَسٍنيِ قِ عَ مَ،
\q «مِشِيٍ بَرَ ﭑ تٌ نَشٍيٍ مُ نُ ﭑ قٍنمَ.
\q ﭑ بَرَ ﭑ يّتّ مَسٍن مِشِيٍ بّ نَشٍيٍ مُ نُ ﭑ مَشْرِنمَ سٍسٍ مَ.»
\m
\v 21 كْنْ عِسِرَيِلَ شَ قٍ رَ، عَ نَشّ،
\q «كٍلِ سٌفٍتٍدٍ مَ هَن سٌفٍفٌرٌدٍ،
\q ﭑ بّلّشّيٍ عِتَلَشِ يِ حَمَ بّ،
\q نَشَن ﭑ شُي مَتَندِ مَ،
\q نَشَن تٌندِ مَ ﭑ بّ.»
\c 11
\s عَلَ مُ مّيشِ عِسِرَيِلَ رَ
\p
\v 1 نَ كُي، ﭑ شَ مَشْرِنيِ تِ، عَلَ مّيشِ نّ عَ شَ حَمَ رَ؟ عَستْقُلَهِ! ﭑ تَن يّتّ قِندِشِ عِسِرَيِلَكَ نَن نَ، عِبُرَهِمَ شَ مَمَدِ، كٍلِقٍ بُنيَمِن بْنسْي. 
\v 2 عَلَ مُ مّيشِ عَ شَ حَمَ رَ عَ بَرَ نَشَن سُفَندِ نُ. وٌ مُ عَ كٌلٌن كِتَابُي نَشَن مَسٍنشِ عَننَبِ عٍلِيَ شَ قٍ رَ، عَ تٌ عَ شُي رَ سِفَ عَلَ مَ عِسِرَيِلَ شِلِ مَ؟ 
\v 3 عَ نَشّ، «مَرِفِ، عٍ بَرَ عِ شَ نَمِحْنمّيٍ قَشَ، عٍ بَرَ عِ شَ سّرّشّبَدٍيٍ رَبِرَ. ﭑ كٍرٍن ثٍتِ نَن قَ لُشِ، عٍ كَتَقٍ عٍ شَ ﭑ تَن قَن قَشَ.» 
\v 4 عَلَ قَ عَ يَابِ دِ؟ عَ نَشّ، «ﭑ بَرَ مِشِ وُلُ سٌلٌقٍرٍ رَفَتَ ﭑ يّتّ بّ نَشٍيٍ مُ نُ عٍ شِنبِ سِن بَالِ كُيٍ بّ.» 
\v 5 عَ مَن نَ نَ كِ نّ يَكْسِ. عَلَ شَ حَمَ دْنشْي لُشِ، عَ بَرَ نَشٍيٍ سُفَندِ عَ شَ هِننّ سَابُي رَ. 
\v 6 كْنْ شَ عَ بَرَ عٍ سُفَندِ هِننّ سَابُي رَ، كّوَلِ سَابُي شَ مُ عَ رَ سْنْن، شَ نَ مُ عَلَ شَ هِننّ مُ قِندِ مَ هِننّ يَتِ يَتِ رَ نُ.
\p
\v 7 وٌن قَ نَ مَ دِ؟ عِسِرَيِلَ نُ نَشَن قٍنقٍ عَ مُ عَ سْتْ، كْنْ عَلَ نُ بَرَ نَشٍيٍ سُفَندِ، نٍيٍ تَن بَرَ عَ سْتْ. عَ دْنشْييٍ تَن بْحّيٍ نَشَ بَلَن. 
\v 8 عَ سّبّشِ،
\q «عَلَ نَشَ عٍ شَشِلِ دْنشُ،
\q عَ عَ نِيَ عٍ يَيٍ مُ سٍ تٌ،
\q عٍ تُلِيٍ مُ قٍ مّ،
\q هَن يِ تٌ لْشْي.»
\m
\v 9 عَننَبِ دَوُدَ قَن نَشَ عَ مَسٍن،
\q «عٍ شَ شُلُنيِيٍ شَ قِندِ فَنتَنيِ رَ عٍ بّ،
\q يّلّ نَشَن عٍ سُشُمَ،
\q فّمّ نَشَن عٍ رَبِرَ مَ.
\q نَ شَ قِندِ عٍ شَ وَلِ سَرٍ رَ.
\q
\v 10 عٍ يَ شَ رَقْورْ، عٍ شَ دْنشُ.
\q عٍ شَ كُنكُرُن عٍ شَ تْورّ بُن مَ وَشَتِ بِرِن.»
\p
\v 11 نَ كُي، ﭑ مَن شَ مَشْرِنيِ تِ، عِسِرَيِلَكَيٍ تٌ بَرَ تَنتَن، عٍ بِرَ، عٍ مُ نْمَ رَكٍلِدٍ سْنْن؟ عَستْقُلَهِ! كْنْ عٍ شَ تَنتَنيِ بَرَ عَ نِيَ سِ فبّتّيٍ بِرِن شَ نْ كِسِ سْتْدٍ، عَلَكٌ نَ كِسِ شْلِ شَ عِسِرَيِلَكَيٍ قَن سُشُ. 
\v 12 عَ دِ، شَ عٍ شَ تَنتَنيِ قِندِشِ هّيرِ شُنفبٍ نَن نَ دُنِحَ بّ، عَ قِندِ بَرَكّ رَ سِ فبّتّيٍ قَن بّ، عٍ شَ قٍ نَ رَكَمَلِ، هّيرِ نُن بَرَكّ شُن مُ مَسَمَ شّ كِ قَنيِ؟
\p
\v 13 ﭑ شَ قَ وْيّن وٌ بّ، وٌ تَن نَشٍيٍ مُ قِندِشِ عِسِرَيِلَكَيٍ رَ. ﭑ تٌ قِندِشِ شّيرَ رَ وٌ تَن سِ فبّتّيٍ بّ، ﭑ سّيوَ مَ نّ ﭑ مَ وَلِ رَ، ﭑ عَ مَتْشْ، 
\v 14 عَلَكٌ تّمُندٍ نَ شَ عَ نِيَ ﭑ بٌورٍ يُوِقِيٍ شَ مِلَ ﭑ مَ مَسٍنيِ مَ، ندٍيٍ شَ نْ كِسِدٍ عٍ يَ مَ. 
\v 15 عَلَ عَ كٌبٍ سٌقٍ عٍ رَ، شَ نَ بَرَ عَ نِيَ لَنيِ شَ سٌ عَلَ نُن دُنِحَ تَفِ، عَ دِ، عَلَ عٍ رَفبِلٍنقٍ عَ يّتّ مَ، نَ مُ لُمَ شّ عَلْ مِشِ نَ رَكٍلِ قَشَمِشِيٍ يَ مَ؟ 
\v 16 شَ سَنسِ شْرِ شُن سِنفٍ بَرَ قِ عَلَ مَ، عَ دْنشْي بِرِن بَرَ قِندِ عَ فبٍ رَ. شَ وُرِ بِلِ سَنكٍ بَرَ قِ عَلَ مَ، عَ سَلٌنيِيٍ قَن بَرَ قِندِ عَ فبٍ رَ.
\p
\v 17 عَ لُشِ نّ عَلْ عٌلِوِ بِلِ سَلٌنيِ ندٍيٍ نَ شَبَ عَ بِلِ مَ عَلَكٌ وُلَ عٌلِوِ سَلٌنيِيٍ شَ دَقُ نَ شَبَدٍ رَ. عِ تَن مِسَالِشِ نَ وُلَ عٌلِوِ سَلٌنيِ نَن نَ، نَشَن بَلٌمَ نَ عٌلِوِ بِلِ سَابُي رَ، عِ دَقُشِ نَشَن نَ. 
\v 18 نَ كُي، عِ نَشَ عِ يّتّ عِفبٌ نَ سَلٌنيِ شَبَشِيٍ مَ. بٍينُن عِ شَ عِ يّتّ عِفبٌ، عِ مَحْشُن سِندٍن، عَ عِ تَن شَ مُ وُرِ بِلِ سَنكٍ رَبَلٌشِ. وُرِ بِلِ سَنكٍ نَن عِ تَن نَبَلٌشِ. 
\v 19 كْنْ عِ قَمَ نّ عَ قَلَدٍ، «وُرِ سَلٌنيِيٍ شَبَشِ نّ عَلَكٌ ﭑ تَن شَ دَقُ عٍ شَبَدٍ رَ.» 
\v 20 نْندِ نَ عَ رَ. عٍ شَبَ عٍ شَ دَنشَنِيَتَرٍحَ نَن مَ، عِ قَن دَقُشِ نَا عِ شَ دَنشَنِيَ نَن مَ قٍ رَ. كْنْ عِ نَشَ عِ يّتّ عِفبٌ. عِ حَن شَ فَاشُ، 
\v 21 بَرِ مَ شَ عَلَ مُ عٌلِوِ بِلِ قَنيِ سَلٌن سِنفٍيٍ لُ نَ، عَ مُ عِ قَن لُمَ نَ دٍ! 
\v 22 نَ كُي، عِ حْشْ سَ عَ شْن مَ عَ عَلَ شَ قَنيِ فبٌ، كْنْ عَ شَ قٍ مَن مَشْرْشْ. عَ شَ قٍ مَشْرْشْ مِشِيٍ نَن مَ نَشٍيٍ بَرَ عَ شَ كِرَ بّحِن، كْنْ عَ شَ قَنيِ فبٌ عِ تَن بّ شَ عِ لُمَ عَ شَ قَنيِ كِرَ شْن مَ. شَ نَ مُ عَ رَ عَ عِ قَن مَ قٍ رَبَمَ نّ عَلْ عَ نَ عٌلِوِ سَلٌنيِ شَ قٍ رَبَ كِ نَشّ. 
\v 23 يُوِقِيٍ قَن، شَ عٍ عٍ شَ دَنشَنِيَتَرٍحَ بّحِن، عٍ مَن قَمَ دَقُدٍ وُرِ بِلِ رَ، عٍ شَبَ نَشَن مَ، بَرِ مَ عَلَ سّنبّ فبٌ. عَ تَن نْمَ عٍ رَفبِلٍندٍ عٍ لُدٍ قٌرِ. 
\v 24 عِ تَن نُ قِندِشِ وُلَ عٌلِوِ سَلٌنيِ نَن نَ، نَشَن شَبَشِ عَ دَقُ عٌلِوِ بِلِ فبّتّ مَ، وٌ نُن نَشَن كٍرٍن مُ عَ رَ. شَ عَلَ بَرَ نَ رَبَ عِ بّ، عَ مُ تَفَنمَ عٌلِوِ بِلِ قَنيِ سَلٌنيِ رَفبِلٍندٍ عَ لُدٍ قٌرِ، عَ عَ دَقُ نَ عٌلِوِ بِلِ قَنيِ مَ، عٍ نُن نَشَن كٍرٍن عَ رَ.
\p
\v 25 ﭑ نفَشَكٍرٍنيِيٍ، ﭑ وَشِ نّ وٌ شَ يِ فُندٌ كٌلٌن، عَلَكٌ وٌ نَشَ وٌ يّتّ مَحْشُن لْننِلَيٍ رَ. عِسِرَيِلَكَيٍ بْحّ بَلَنشِ نّ سِندٍن، هَن بٍينُن سِ فبّتّ دَنشَنِيَتْييٍ كْنتِ شَ كَمَلِ. 
\v 26 نَ كُي، عِسِرَيِلَ بِرِن قَمَ نّ رَكِسِدٍ، عَلْ عَ سّبّشِ كِ نَشّ؛
\q «مِشِ شُنسَرَ مَ قَمَ نّ كٍلِ سِيٌنِ،
\q عَ يَشُبَ بْنسْي بَ عَلَ كٌلٌنتَرٍيَ قْشْ رَ.
\q
\v 27 سَاتّ نَن نَ كِ ﭑ نَشَن تٌنفٌمَ عٍ بّ،
\q ﭑ نَ عٍ شَ يُنُبِيٍ شَقَرِ لْشْ نَشّ.»
\p
\v 28 يُوِقِيٍ تٌ تٌندِشِ عَلَ شَ شِبَارُ قَنيِ رَ، عٍ قِندِشِ عَلَ يَشُييٍ رَ وٌ تَن نَن مَ مُنَقَنيِ شَ قٍ رَ. كْنْ عَلَ تٌ عٍ سُفَندِ عَ يّتّ بّ، عَ عٍ شَنُشِ عٍ بٍنبَيٍ نَن مَ قٍ رَ، 
\v 29 بَرِ مَ شَ عَلَ بَرَ عَ حَنِفٍ عَ شَ مِشِ ندٍيٍ شِلِ، عَ شَ عٍ بَرَكَ، نَ قٍ مُ كَنَمَ قٍوٌ! 
\v 30 سِنفٍ رَ نُ وٌ نُ قِندِشِ عَلَ مَتَندِلَيٍ نَن نَ، كْنْ يَكْسِ وٌ هِننّ سْتْشِ يُوِقِيٍ نَن مَ عَلَ مَتَندِ سَابُي رَ. 
\v 31 عٍ تَن بَرَ قَ قِندِ عَلَ مَتَندِلَيٍ رَ عَلَكٌ وٌ تَن شَ هِننّ سْتْ عَلَ يِ، نَ شَنبِ، عَ مَن شَ هِننّ عٍ قَن نَ. 
\v 32 نَ كُي، عَلَ بَرَ عَدَ مَ بِرِن لُ تِنشِنتَرٍيَ شَ نْي بُن مَ عَلَكٌ عَ شَ هِننّ عٍ بِرِن نَ.
\s عَلَ بَتُي
\q
\v 33 عٍٍ! دَنيِ مُ نَ عَلَ شَ مُنَقَنيِ مَ!
\q عَ شَشِلِ نُن عَ شَ قَهَامُي تِلِنيِ دَن مُ نَ!
\q عَ شَ نَتّ تٌنفٌشِ كُي مُ كٌلٌنمَ،
\q عَ حّرّ كِ مُ قَهَامُمَ!
\q
\v 34 ندٍ مَرِفِ شَ مَحْشُنيِ كٌلٌن؟
\q ندٍ نْمَ عَ رَ سِدٍ؟
\q
\v 35 ندٍ بَرَ عَ دٌنِ،
\q عَ نَشَن شَ دٌنِ رَفبِلٍنمَ عَ مَ؟
\q
\v 36 سٍ بِرِن كٍلِشِ عَ تَن نَن مَ،
\q سٍ بِرِن بَلٌشِ عَ تَن نَن سَابُي رَ،
\q عَ سٍ بِرِن دَاشِ عَ يّتّ نَن بّ.
\q تَنتُي نَ عَ بّ عَبَدَن! عَمِنَ.
\c 12
\s عَلَ شَ حَمَ حّرّ كِ
\p
\v 1 نَ كُي، ﭑ نفَشَكٍرٍنيِيٍ، عَلَ تٌ بَرَ هِننّ وٌ رَ، ﭑ بَرَ وٌ مَشَندِ وٌ شَ وٌ يّتّ بَ سّرّشّ رَ عَلَ بّ، سّرّشّ سّنِيّنشِ نَشَن بَمَ عَ حِحّ رَ، نَشَن نَقَنشِ عَلَ مَ. نَ نَن قِندِ مَ وٌ شَ بَتُي شْرِ رَ. 
\v 2 وٌ نَشَ وٌ حّرّ يِ دُنِحَ مِشِيٍ حّرّ كِ مَ. وٌ شَ عَ لُ عَلَ شَ وٌ حّرّ كِ قٌرِ مَسَرَ، عَ بْحّ نّينّ نُن شَشِلِ نّينّ قِ وٌ مَ. نَ كُي، وٌ نْمَ نّ عَلَ وَشْنقٍ قَنيِ كٌلٌندٍ، نَشَن عَ كّنّنشِ، نَشَن كَمَلِشِ.
\p
\v 3 عَلَ تٌ هِننّ ﭑ نَ، عَ ﭑ قِندِ عَ شَ شّيرَ رَ، ﭑ شَ وٌ رَ سِ؛ وٌ نَشَ وٌ يّتّ سَ يِرٍ، وٌ شَ قٍ مُ دّننَشَندٍ لِشِ. وٌ نَشَ وٌ يّتّ عِفبٌ، وٌ شَ وٌ يّتّ مَتٌ دَنشَنِيَ شَسَبِ نَن مَ، عَلَ بَرَ نَشَن قِ كَنكَن مَ. 
\v 4 قَتٍ كٍرٍن نَن نَ كَنكَن بّ، كْنْ نَ قَتٍ سَلٌنسٍيٍ وُيَ. قَتٍ سَلٌنسٍ بِرِن نُن عَ فبٍ وَلِ. 
\v 5 وٌن قَن نَ نَ كِ نّ. هَلِ وٌن تٌ وُيَشِ، وٌن بِرِن بَرَ قِندِ قَتٍ كٍرٍن نَ عَلَ شَ مِشِ سُفَندِشِ سَابُي رَ. وٌن لُشِ نّ عَلْ قَتٍ سَلٌنسٍيٍ نَشٍيٍ قَتُشِ عِسَ قَتٍ رَ وٌن مَن قَتُ وٌن بٌرٍ رَ، وٌن بِرِن قِندِ قَتٍ كٍرٍن نَ.
\p
\v 6 عَلَ وٌن كِمَ كِيٍ رَ نَشٍيٍ دْشْ وُيَ. عَ نَ رَبَمَ عَ شَ هِننّ بّرّ نَن مَ عَ بَرَ نَشَن حَنِفٍ كَنكَن بّ. شَ عَ مِشِ ندٍ كِشِ عَ شَ نْ وْيّندٍ عَلَ شِلِ رَ، نَ كَنيِ شَ وْيّن عَلَ شِلِ رَ عَ شَ دَنشَنِيَ شَسَبِ مَ. 
\v 7 شَ عَ ندٍ كِشِ مِشِ مَلِ وَلِ نَن نَ، نَ كَنيِ شَ مِشِيٍ مَلِ. شَ عَ ندٍ كِشِ مِشِ كَوَندِقٍ نَن نَ، نَ كَنيِ شَ كَوَندِ تِ. 
\v 8 شَ عَ ندٍ كِشِ مِشِ رَلِمَنِيَقٍ نَن نَ، نَ كَنيِ شَ مِشِيٍ رَلِمَنِيَ. شَ عَ ندٍ قِندِ مِشِ رَ نَشَن كِ تِمَ، نَ كَنيِ شَ مِشِيٍ كِ عَ قَنيِ رَ. شَ عَ ندٍ قِندِ يَرٍرَتِ رَ، عَ كَنيِ شَ نَ رَبَ عَ كِ مَ. شَ عَ ندٍ قِندِ تْورْ مِشِيٍ مَلِمَ رَ، عَ كَنيِ شَ نَ رَبَ سّيوّ رَ.
\p
\v 9 وٌ شَ مِشِيٍ شَنُ بْحّ قِيشّ رَ. وٌ شَ قٍ كٌبِ شْن، وٌ شَ قٍ قَنيِ سُشُ وٌ سّنبّ بِرِن نَ. 
\v 10 وٌ شَ وٌ بٌرٍ شَنُ نفَشَكٍرٍنيَ شَنُنتٍيَ نَن نَ. وٌ شَ وٌ بٌرٍ بِنيَ دَنفِقٍ وٌ يّتّ رَ. 
\v 11 وٌ تُن نَشَ رَشْنْ، وٌ شَ وٌ تُننَبّشِ. وٌ شَ وَكِلِ وٌ بْحّ بِرِن نَ. وٌ شَ وَلِ وٌ مَرِفِ بّ. 
\v 12 وٌ شَ سّيوَ قٍ مَ وٌ شَشِلِ تِشِ نَشَن نَ. وٌ شَ دُلُشْتْ وٌ شَ تْورّ كُي. وٌ نَشَ تَفَن عَلَ مَشَندِدٍ. 
\v 13 وٌ شَ سّنِيّنتْييٍ مَلِ عٍ شَ تْورّ كُي. وٌ شَ شْحّيٍ رَ سّنّ.
\p
\v 14 وٌ شَ عَلَ مَشَندِ مِشِيٍ بّ نَشٍيٍ وٌ حَشَنكَتَمَ. وٌ شَ دُبَ عٍ بّ، وٌ نَشَ عٍ دَنكَ. 
\v 15 وٌ شَ سّيوَ بٌورٍيٍ شَ سّيوّ، وٌ شَ سُننُن بٌورٍ شَ سُننُنيِ. 
\v 16 وٌ شَ لَن وٌ بٌرٍ مَ. وٌ نَشَ وٌ يّتّ عِفبٌ، يّتّ مَفٌرٍ نَن شَ رَقَن وٌ مَ. وٌ نَشَ وٌ يّتّ مَحْشُن لْننِلَيٍ رَ.
\p
\v 17 وٌ نَشَ قٍ كٌبِ حْشْ قٍ كٌبِ رَ. وٌ شَ كَتَ مِشِيٍ شَ وٌ كٌلٌن قٍ قَنيِ رَبَيٍ نَن نَ. 
\v 18 وٌ شَ وٌ نْ قٍ بِرِن نَبَ عَلَكٌ لَنيِ شَ لُ وٌ نُن مِشِ بِرِن تَفِ. 
\v 19 ﭑ شَنُنتٍنيِيٍ، وٌ نَشَ وٌ فبٍحْشْ وٌ يّتّ رَ، وٌ شَ نَ لُ عَلَ مَ، بَرِ مَ عَ سّبّشِ كِتَابُي كُي،
\q «عَلَ نَشّ، ﭑ تَن نَن وٌ فبٍحْشْمَ،
\q ﭑ تَن نَن قٍ كٌبِ رَفبِلٍنمَ عَ رَبَمَ مَ.»
\m
\v 20 عَ مَن سّبّشِ،
\q «شَ كَامّ نَ عِ يَشُي مَ، عِ شَ عَ كِ دٌنسٍ رَ.
\q شَ يٍ شْلِ نَ عَ مَ، عِ شَ عَ كِ يٍ رَ.
\q نَ كُي عَ لُشِ نّ عَلْ عِ نَ تّ وٌلٍيٍ عِبَفَنقٍ عَ شُنيِ مَ.»
\m
\v 21 وٌ نَشَ تِن قٍ كٌبِ شَ نْ وٌ رَ، وٌ تَن نَن شَ قٍ كٌبِ نْ، قٍ قَنيِ رَبَ رَ.
\c 13
\s عَلَ وَشْنقٍ
\p
\v 1 بِرِن شَ عَ يّتّ مَفٌرٌ عَ شَ مَنفّيٍ بّ، بَرِ مَ مَنفّيَ بِرِن كٍلِمَ عَلَ نَن مَ، عَ نَ عَ رَفِرِ نَشَن مَ. 
\v 2 نَ نَن عَ رَ، مِشِ نَشَن نَ مَنفّ مَتَندِ، نَ كَنيِ عَلَ نَن شَ يَامَرِ مَتَندِشِ. عَ قَمَ نّ عَ شَ نَ وَلِ كٌبِ سَرٍ سْتْدٍ. 
\v 3 وَلِ قَنيِ رَبَيٍ مُ فَاشُمَ مَنفّيٍ يَ رَ، وَلِ كٌبِ رَبَيٍ نَن فَاشُمَ عٍ يَ رَ. شَ عِ مُ وَ مَ عِ شَ فَاشُ مَنفّ يَ رَ، عِ شَ لُ كِرَ قَنيِ نَن شْن مَ. نَ كُي، مَنفّ قَمَ نّ عِ مَتْشْدٍ، 
\v 4 بَرِ مَ مَنفّ وَلِمَ عَلَ نَن بّ وٌ شَ مُنَقَنيِ شَ قٍ رَ. كْنْ شَ عِ قٍ كٌبِ رَبَ، عَ لَنمَ عِ شَ فَاشُ، بَرِ مَ سَنتِدّفّمَ مُ نَ مَنفّ يِ قُقَقُ شَ رَ. عَ تٌ نَ عَلَ شَ وَلِ نَن نَ، عَ عَلَ شَ شْنّ نَن مَسٍنمَ قٍ كٌبِ رَبَيٍ شِلِ مَ. 
\v 5 نَ نَن عَ تٌشِ، قٌ وٌ شَ وٌ يّتّ مَفٌرٌ نّ مَنفّيٍ بّ. وٌ نَ رَبَمَ نَ حَشَنكَتّ شَ قٍ فَاشُي مَ، عَ نُن مَن وٌ بْحّ نَن يَتِ وَ مَ وٌ شَ عَ رَبَ نَ كِ.
\p
\v 6 وٌ لَن وٌ شَ دُوتِ قِ نَ نَن مَ، بَرِ مَ دُوتِ مَشِلِيٍ قَن نَ عَلَ شَ يَامَرِ نَن نَ. 
\v 7 وٌ كَنكَن فبٍ سٌ عَ يِ، عَ لَن عَ شَ نَشَن سْتْ. وٌ دُوتِ سٌ دُوتِ مَشِلِيٍ يِ، وٌ وٌ مَفٌرٌ مِشِيٍ بّ وٌ لَنمَ وٌ شَ وٌ مَفٌرٌ نَشٍيٍ بّ، وٌ مِشِيٍ بِنيَ وٌ لَن وٌ شَ نَشٍيٍ بِنيَ.
\p
\v 8 مِشِ يٌ شَ دٌنِ نَشَ لُ وٌ مَ، وٌ شَ شَنُنتٍيَ نَن لَن عَ شَ لُ وٌ بٌرٍ بّ، بَرِ مَ نَشَن نَ عَ بٌورٍ مَشَنُ، عَ بَرَ سّرِيّ رَكَمَلِ. 
\v 9 عَلَ شَ يَامَرِيٍ عَلْ، «عِ نَشَ يّنّ رَبَ، عِ نَشَ مِشِ قَشَ، عِ نَشَ مُحّ تِ، عِ نَشَ مِلَ،» عَ نُن يَامَرِ فبّتّيٍ بِرِن، نٍيٍ مَلَنشِ قِندِشِ مَسٍنيِ كٍرٍن نَن نَ؛ عِ شَ عِ بٌورٍ شَنُ عَلْ عِ يّتّ يَتِ. 
\v 10 عِ نَ عِ بٌورٍ شَنُ، عِ مُ قٍقٍ كٌبِ نِيَمَ عَ رَ. نَ نَ عَ رَ، عِ بٌورٍ شَنُقٍ قِندِشِ عَلَ شَ سّرِيّ بِرِن نَبَتُقٍ نَن نَ.
\p
\v 11 نَ قٍ بِرِن كُي، وٌ عَ كٌلٌن وٌن نَ وَشَتِ نَشّ. شُنُ تّمُي بَرَ عَ لِ شِ شْلِ مَ، كِسِ بَرَ مَكْرّ وٌن نَ دَنفِ وَشَتِ رَ وٌن دَنشَنِيَشِ تّمُي نَشّ. 
\v 12 كْي بَرَ مَسِفَ، عَ فبٍ مُ لُشِ كُيٍ شَ عِبَ. وٌن شَ سٍنتَنّ شَ دِ مِ وَلِيٍ بّحِن، وٌن قَ عَلَ شَ نَءِيَلَنيِ مَ، وٌن شَ عَ شَ فٍرٍ سٌسٍيٍ تٌنفٌ. 
\v 13 وٌن شَ حّرّ تِنشِنيِ كُي عَلْ عَ لَنمَ وٌن شَ حّرّ كِ نَشّ عَلَ شَ نَءِيَلَنيِ كُي. وٌن نَشَ سِفَ شُلُن حَاشِ، وٌن نَشَ سِيسِ، وٌن نَشَ يّنّ نُن لَنفٌيحَ رَبَ، وٌن شَ فٍرٍ نُن تْونّ لُ نَ. 
\v 14 وٌ شَ عَلَ شَ مِشِ سُفَندِشِ عِسَ شَ قٍ نَن سُشُ، وٌ نَشَ بِرَ وٌ قَتٍ بّندّ وَشْنقٍ قْشْ رَ.
\c 14
\p
\v 1 وٌ شَ دَنشَنِيَتْي رَ سّنّ هَلِ عَ شَ دَنشَنِيَ مُ تِلِن. وٌ نَشَ عَ رَكِيتِ عَ شَ مَحْشُنيِ بِرِن شَ قٍ رَ. 
\v 2 مِشِ ندٍ نْمَ لَدٍ عَ رَ، عَ دٌنسٍ بِرِن رَدَشَشِ عَ بّ، كْنْ مِشِ فبّتّ نَشَن شَ دَنشَنِيَ مُ تِلِن، عَ نْمَ لَدٍ عَ رَ عَ سَنسِ بٌفِ فبَنسَن نَن نَدَشَشِ عَ بّ. 
\v 3 مِشِ نَشَن دٌنسٍ مْولِ بِرِن دٌنمَ، نَ مُ لَن عَ شَ عَ بٌورٍ رَحَاشُ نَشَن تٌندِ مَ دٌنسٍ ندٍ دٌنقٍ رَ. مِشِ نَشَن مُ سُبٍ دٌنمَ، نَ كَنيِ قَن مُ لَن عَ شَ عَ بٌورٍ مَكِيتِ نَشَن سُبٍ دٌنمَ، بَرِ مَ عَلَ نَ كَنيِ قَن نَسّنّمَ نّ. 
\v 4 ندٍ عِ قِندِشِ كِيتِسَ رَ مِشِ فبّتّ شَ كٌنيِ شُن مَ؟ عَ نَ تِ عَ مَرِفِ يَ عِ عَ شَ وَلِ شَ قٍ رَ، عَ شَن بَ، عَ مُ شَن بَ، نَ نَ عَ تَن نُن عَ مَرِفِ نَن تَفِ. عَنُن، عَ شَنمَ نّ، بَرِ مَ مَرِفِ عَلَ نْمَ عَ رَشَندٍ.
\p
\v 5 مِشِ ندٍ نْمَ لَدٍ عَ رَ عَ لْشْييٍ تِدٍ فبٌ عٍ بٌورٍ بّ، كْنْ مِشِ فبّتّ تَن بّ، لْشْي بِرِن لَن. كَنكَن لَشِ نَشَن نَ، عَ شَ لَ عَ رَ عَ بْحّ نَن يَتِ مَ. 
\v 6 نَشَن لَشِ عَ رَ عَ لْشْييٍ تِدٍ فبٌ عٍ بٌورٍ بّ، نَ كَنيِ لَشِ عَ رَ مَرِفِ نَن بّ. نَشَن دٌنسٍ مْولِ بِرِن دٌنمَ، عَ كَنيِ عَ رَبَمَ مَرِفِ نَن بّ، بَرِ مَ عَ تَنتُي رَ سِفَمَ عَلَ مَ عَ شَ بَلٌي شَ قٍ رَ. مِشِ نَشَن مُ دٌنسٍ ندٍ دٌنمَ، نَ كَنيِ قَن نَ رَبَمَ مَرِفِ نَن بّ، بَرِ مَ عَ قَن تَنتُي رَ سِفَمَ عَلَ مَ.
\p
\v 7 مِشِ يٌ فبٍ مُ عَ يّتّ رَ، كٍلِ يِ دُنِحَ، هَن لَاشِرَ. 
\v 8 شَ وٌن بَلٌ، شَ وٌن قَشَ، نَ بِرِن نَبَمَ مَرِفِ نَن بّ. شَ وٌن بَلٌشِ، شَ وٌن قَشَشِ، وٌن قِندِشِ مَرِفِ فبٍ نَن نَ، 
\v 9 بَرِ مَ عَلَ شَ مِشِ سُفَندِشِ قَشَ نّ، عَ مَن كٍلِ قَشّ مَ، عَلَكٌ عَ شَ قِندِ مِشِ قَشَشِيٍ نُن عَ بَلٌشِيٍ مَرِفِ رَ. 
\v 10 مُنقٍ رَ عِ تَن قَ عِ بٌورٍ مَكِيتِمَ؟ مُنقٍ رَ عِ عَ رَحَاشُمَ؟ وٌن بِرِن مُ قَمَ تِدٍ شّ عَلَ يَ عِ كِيتِ لْشْي؟ 
\v 11 عَ سّبّشِ كِتَابُي كُي،
\q مَرِفِ نَشّ، «ﭑ شَ نْندِ مَسٍن وٌ بّ.
\q بِرِن قَمَ نّ عٍ شِنبِ سِندٍ ﭑ بّ.
\q عَدَ مَدِ دّ بِرِن قَمَ عَ مَسٍندٍ، عَ ﭑ تَن نَن نَ عَلَ رَ.»
\m
\v 12 كَنكَن قَمَ نّ عَ شَ وَلِ دّنتّفّدٍ عَلَ بّ.
\p
\v 13 نَ كُي، وٌن نَشَ وٌن بٌرٍ مَكِيتِ. وٌن شَ قٍ بِرِن نَن نَبَ عَلَكٌ وٌن نَشَ وٌن نفَشَكٍرٍنيِ رَتَنتَن. 
\v 14 ﭑ تٌ دَنشَنِيَشِ مَرِفِ عِسَ مَ، ﭑ عَ كٌلٌن، ﭑ مَن لَشِ عَ رَ، عَ دٌنسٍ يٌ مُ نَ نَشَن قِندِشِ دٌنسٍ سّنِيّنتَرٍ رَ. كْنْ شَ عِ شَشِلِ بَرَ سِيكّ دٌنسٍ ندٍ شَ سّنِيّنتَرٍحَ مَ، نَ بَرَ قِندِ عِ بّ سٍ سّنِيّنتَرٍ رَ. 
\v 15 شَ عَ سَ لِ عِ دٌنسٍ ندٍ دٌنمَ نَشَن عِ نفَشَكٍرٍنيِ تْورْ مَ، عِ مُ حّرّقٍ شَنُنتٍيَ شَ مَ. عِ شَ دٌنسٍ شَ قٍ نَشَ عَ نِيَ عِ نفَشَكٍرٍنيِ شَ فَن كِسِ رَ، عَلَ شَ مِشِ سُفَندِشِ قَشَ نَشَن مَ قٍ رَ. 
\v 16 نَ كُي، عَ مُ لَن مِشِيٍ شَ قٍ كٌبِ قَلَ سٍ ندٍ شَ قٍ رَ، نَشَن قِندِشِ عَ قَنيِ رَ وٌ بّ. 
\v 17 عَلَ شَ مَنفّيَ نِينِ مُ قِندِشِ دٌنسٍ نُن مِنسٍ قٍ شَ رَ. عَ قِندِشِ تِنشِنيِ نُن سّيوّ قٍ نَن نَ، عَلَ شَشِلِ سّنِيّنشِ سَابُي رَ. 
\v 18 مِشِ نَشَن وَلِمَ عَلَ شَ مِشِ سُفَندِشِ بّ يِ مْولِ رَ، عَ رَقَنمَ نّ عَلَ مَ، عَ رَقَن مِشِيٍ قَن مَ.
\p
\v 19 نَ كُي، وٌن شَ قٍ بِرِن نَبَ عَلَكٌ لَنيِ شَ لُ وٌن تَفِ، وٌن شَ وٌن بٌرٍ شَ دَنشَنِيَ سّنبّ سٌ. 
\v 20 عِ نَشَ عَلَ شَ وَلِ شُن نَكَنَ دٌنسٍ ندٍ شَ قٍ رَ. عَ نْندِ كِ مَ، دٌنسٍ بِرِن دَشَ، كْنْ عَ مُ لَن مِشِ يٌ شَ دٌنسٍ ندٍ دٌن نَشَن عَ نفَشَكٍرٍنيِ رَتَنتَنمَ. 
\v 21 هَلِ مِشِ مُ سُبٍ يٌ دٌن، عَ مُ وّنِ يٌ مِن، عَ مُ قٍقٍ يٌ رَبَ نَشَن عَ نفَشَكٍرٍنيِ رَتَنتَنمَ، نَ نَن قَن.
\p
\v 22 مَحْشُنيِ يٌ نَ عِ بّ يِ شَ قٍ رَ، عِ شَ عَ لُ عِ نُن عَلَ تَفِ. سّيوّ نَ مِشِ بّ نَشَن مُ عَ يّتّ رَتْنمَ عَ شَ مَحْشُنيِ سَابُي رَ. 
\v 23 كْنْ شَ مِشِ دٌنسٍ ندٍ دٌنمَ عَ سِيكّشِ نَشَن مَ قٍ رَ، نَ كَنيِ بَرَ كِيتِ كَنَ عَ يّتّ بّ، بَرِ مَ عَ بَرَ قٍ رَبَ عَ مُ لَشِ نَشَن نَ. مِشِ مُ لَشِ قٍ نَشَن نَ، نَ تَن بَرَ قِندِ يُنُبِ قٍ رَ عَ بّ.
\c 15
\s دَنشَنِيَتْييٍ مَلِقٍ
\p
\v 1 وٌن تَن نَشٍيٍ شَ دَنشَنِيَ تِلِن، عَ لَنمَ وٌن شَ دِحّ مِشِيٍ بّ نَشٍيٍ شَ دَنشَنِيَ مُ تِلِن. وٌن نَشَ وٌن يّتّ وَشْنقٍ فبَنسَن شَ قٍن. 
\v 2 كَنكَن شَ عَ بٌورٍ نَن شَ هّيرِ قٍن، نَشَن نْمَ عَ مَلِدٍ عَ شَ دَنشَنِيَ شُن شَ مَسَ. 
\v 3 عَلَ شَ مِشِ سُفَندِشِ مُ عَ يّتّ وَشْنقٍ شَ قٍن. عَ عَ قَلَ نّ عَلْ عَ سّبّشِ كِتَابُي كُي كِ نَشّ،
\q «كٌنبِيٍ نَشٍيٍ عِلَنشِ عِ رَ،
\q نٍيٍ ﭑ تَن نَن لِشِ.»
\m
\v 4 قٍ نَشَن بِرِن سّبّشِ كِتَابُي كُي وَشَتِ دَنفِشِ، عٍ سّبّشِ نّ عَلَكٌ وٌن شَ قَهَامُي سْتْ، وٌن شَ وٌن تُننَبّشِ، وٌن شَ لِمَنِيَ، عَلَكٌ شَشِلِ تِدٍ شَ لُ وٌن بّ. 
\v 5 عَلَ، عَ تَن نَشَن تُننَبّشِيَ نُن لِمَنِيَ قِمَ، عَ شَ لَنيِ رَ سٌ وٌ تَفِ عَلْ عَ شَ مِشِ سُفَندِشِ عِسَ عَ مَسٍنشِ وٌ بّ كِ نَشّ، 
\v 6 عَلَكٌ وٌ شَ عَلَ مَتْشْ شَشِلِ نُن شُي كٍرٍن نَ، عَ تَن نَشَن قِندِشِ عَ شَ مِشِ سُفَندِشِ نُن وٌن مَرِفِ عِسَ بَبَ رَ.
\p
\v 7 نَ كُي، وٌ شَ وٌ بٌرٍ رَ سّنّ عَلْ عَلَ شَ مِشِ سُفَندِشِ وٌ رَ سّنّ كِ نَشّ، عَلَكٌ عَلَ شَ مَتْشْي سْتْ. 
\v 8 ﭑ شَ عَ قَلَ وٌ بّ، عَلَ شَ مِشِ سُفَندِشِ وَلِ نّ يُوِقِيٍ بّ عَلَكٌ عَ شَ عَ مَسٍن عَ عَلَ نَ عَ شُي شَنبِ رَ عَ تٌ بَرَ عَ شَ لَايِدِيٍ رَكَمَلِ عَ نَشٍيٍ تٌنفٌ عٍ بٍنبَيٍ بّ. 
\v 9 سِ فبّتّيٍ قَن عَلَ مَتْشْمَ عَ شَ هِننّ شَ قٍ رَ، عَلْ عَ سّبّشِ كِتَابُي كُي كِ نَشّ،
\q «نَ نَن عَ رَ ﭑ عِ مَتْشْمَ سِ بِرِن تَفِ،
\q ﭑ بّيتِ بَمَ نّ عِ شِلِ شَ بِنيّ بُن مَ.»
\m
\v 10 عَ مَن سّبّشِ،
\q «سِ فبّتّيٍ، وٌ نُن عَلَ شَ حَمَ شَ سّيوَ.»
\m
\v 11 عَ مَن سّبّشِ،
\q «وٌ تَن حَمَنّيٍ بِرِن،
\q وٌ مَرِفِ مَتْشْ،
\q سِ بِرِن شَ عَ تَنتُ.»
\m
\v 12 عَننَبِ عٍسَيِ مَن نَشَ عَ مَسٍن،
\q «يِسَيِ شَ دِ قَمَ نّ.
\q عَ قِندِ مَ نّ مَنفّ رَ سِ بِرِن شُن مَ،
\q عٍ قَن عٍ شَشِلِ تِمَ نّ عَ رَ.»
\m
\v 13 عَلَ، عَ تَن نَشَن شَشِلِ تِدٍ قِمَ، عَ شَ وٌ رَقٍ سّيوّ نُن بْحّسَ رَ دَنشَنِيَ كُي عَ مْولِ بِرِن نَ. نَ كُي، شَشِلِ تِدٍ لُمَ نّ وٌ بّ تّمُي بِرِن، عَلَ شَشِلِ سّنِيّنشِ شَ سّنبّ سَابُي رَ.
\s ثْلُ شَ وَلِ
\p
\v 14 ﭑ نفَشَكٍرٍنيِيٍ، ﭑ تَن عَ كٌلٌن وٌ بْحّ قَن، وٌ بَرَ لْننِ سْتْ عَ قَنيِ رَ، وٌ قَتَ وٌ بٌرٍ رَ سِدٍ. 
\v 15 كْنْ ﭑ تٌ سّبّلِ تِشِ وٌ مَ، ﭑ مَ مَسٍنيِ ندٍيٍ قِندِشِ مَسٍنيِ شْرْشْييٍ نَن نَ عَلَكٌ ﭑ شَ وٌ رَتُ، بَرِ مَ عَلَ تٌ هِننّشِ ﭑ نَ، 
\v 16 عَ بَرَ ﭑ قِندِ عَ شَ مِشِ سُفَندِشِ عِسَ شَ وَلِكّ رَ سِفَقٍ رَ سِ فبّتّيٍ مَ. نَ كُي، ﭑ سّرّشّدُبّ وَلِ نَن نَبَمَ ﭑ تٌ عَلَ شَ شِبَارُ قَنيِ كَوَندِ مَ سِ فبّتّيٍ بّ، عَلَكٌ عَلَ شَشِلِ سّنِيّنشِ شَ عٍ قِندِ سّرّشّ سّنِيّنشِ رَ نَشَن عَلَ كّنّنمَ.
\p
\v 17 نَ بِرِن كُي، ﭑ نُن عَلَ شَ مِشِ سُفَندِشِ عِسَ تٌ عَ رَ، ﭑ نْمَ سّيوَدٍ ﭑ مَ وَلِ رَ عَلَ بّ، 
\v 18 بَرِ مَ ﭑ مُ سُو سَمَ قٍقٍ شَ قٍ قَلَدٍ قٌ عَلَ شَ مِشِ سُفَندِشِ بَرَ نَشَن نَبَ ﭑ سَابُي رَ، عَلَكٌ سِ فبّتّيٍ شَ عَلَ شُي رَبَتُ. عَ بَرَ نَ رَبَ ﭑ مَ مَسٍنيِيٍ نُن ﭑ مَ كّوَلِيٍ سَابُي رَ، 
\v 19 كَابَنَكٌي نُن تْنشُمَيٍ شَ سّنبّ سَابُي رَ، عَ نُن عَلَ شَشِلِ سّنِيّنشِ سّنبّ سَابُي رَ. نَ كُي، كٍلِقٍ دَرِ سَلَمُ هَن عَ سَ دْشْ عِلِرِ رَ، ﭑ بَرَ عَلَ شَ مِشِ سُفَندِشِ شَ شِبَارُ قَنيِ رَيٍنسٍن يّ. 
\v 20 نَ بِرِن كُي، ﭑ كَتَشِ نّ ﭑ شَ مِشِيٍ كَوَندِ عِسَ شَ شِبَارُ قَنيِ رَ نَشٍيٍ مُ عَلَ شَ مِشِ سُفَندِشِ كٌلٌن. ﭑ مُ وَ نَ رَبَقٍ كَوَندِلَ فبّتّ دَنفِ قْشِ. 
\v 21 عَلْ عَ سّبّشِ كِتَابُي كُي كِ نَشّ،
\q «عَ شَ قٍ سِنفٍ مُ نُ قَلَ نَشٍيٍ بّ،
\q عٍ قَمَ نّ عَ كٌلٌندٍ.
\q مِشِ نَشٍيٍ سِنفٍ مُ نُ عَ شَ قٍ مّ،
\q عٍ قَمَ نّ عَ قَهَامُدٍ.»
\m
\v 22 يِ وَلِ نَن عَ نِيَشِ ﭑ مُ نْشِ سِفَدٍ وٌ يِرٍ.
\p
\v 23 يَكْسِ ﭑ مَ وَلِ بَرَ حْن يِ بْشِيٍ مَ. ﭑ نُ بَرَ وَ سِفَقٍ وٌ يِرٍ كَبِ حّ وُيَشِ. 
\v 24 عَ شْلِ ﭑ مَ ﭑ شَ دَنفِ وٌ يِرٍ ﭑ نَ كِرَ سُشُ سِفَقٍ رَ سِثَنيِ بْشِ مَ. وٌن شَ لُ يِرٍ كٍرٍن وَشَتِ ندٍ مَ عَلَكٌ ﭑ شَ حّلّشِن وٌ تٌقٍ رَ، عَ شْلِ ﭑ مَ وٌ شَ ﭑ مَلِ سِفَقٍ رَ سِثَنيِ. 
\v 25 يَكْسِ ﭑ نَ سِفَقٍ دَرِ سَلَمُ سّنِيّنتْييٍ مَلِدٍ، 
\v 26 بَرِ مَ دَنشَنِيَتْي حَمَيٍ نَشٍيٍ نَ مَسٍدٌن نُن عَكَيِ بْشِ مَ، عٍ عَ حَنِفٍ نّ عٍ شَ عٍ هَرِفٍ ندٍ مَلَن، عٍ شَ عَ رَ سَنبَ دَرِ سَلَمُ مِسِكِينّيٍ مَ نَشٍيٍ نَ نَ سّنِيّنتْييٍ يَ مَ. 
\v 27 عٍ تَن نَن عَ حَنِفٍشِ. عَنُن، عَ لَنمَ عٍ شَ نَ نَتّ تٌنفٌ بَرِ مَ يُوِقِيٍ تٌ قِندِ سَابُي رَ عٍ تَن سِ فبّتّيٍ بّ عَلَ شَ قٍيٍ كُي، عَ لَن نّ عٍ قَن شَ يُوِقِيٍ مَلِ بَلٌي قٍ رَ. 
\v 28 نَ كُي، ﭑ نَ فّ نَ وَلِ رَ، ﭑ يِ كْبِرِ سٌ عٍ يِ دَنشَنِيَتْييٍ بَرَ نَشَن نَسَنبَ، ﭑ دَنفِمَ وٌ يِرٍ سِفَقٍ رَ سِثَنيِ بْشِ مَ. 
\v 29 ﭑ عَ كٌلٌن ﭑ تٌ سِفَقٍ وٌ يِرٍ، نَ قِندِ مَ عَلَ شَ مِشِ سُفَندِشِ شَ بَرَكّ نَن نَ وٌ بّ.
\p
\v 30 ﭑ نفَشَكٍرٍنيِيٍ، ﭑ بَرَ وٌ مَيَندِ وٌن مَرِفِ عِسَ عَلَ شَ مِشِ سُفَندِشِ شَ قٍ رَ، عَ نُن شَنُنتٍيَ شَ قٍ رَ نَشَن كٍلِمَ عَلَ شَشِلِ سّنِيّنشِ مَ، وٌ شَ ﭑ مَلِ، وٌ شَ وَكِلِ ﭑ بّ عَلَ مَشَندِ كُي. 
\v 31 وٌ عَلَ مَشَندِ ﭑ بّ عَ شَ ﭑ نَتَنفَ يُدَيَ دَنشَنِيَتَرٍيٍ مَ، عَ نُن مَن، دَرِ سَلَمُ سّنِيّنتْييٍ شَ حّلّشِن عٍ مَلِسٍ رَ ﭑ سِفَقٍ نَشَن نَ عٍ شْن. 
\v 32 نَ كُي، شَ عَلَ تِن، ﭑ وٌ يِرٍ لِمَ سّيوّ كُي، وٌن نْ وٌن بٌرٍ سّنبّ سٌدٍ. 
\v 33 عَلَ، عَ تَن نَشَن بْحّسَ قِمَ، عَ شَ لُ وٌ بِرِن سّيتِ مَ. عَمِنَ.
\c 16
\s شّيبُي
\p
\v 1 ﭑ بَرَ وَ وٌن نفَشَكٍرٍنيِ فِنّمَ قٌوٍبٍ مَسٍنقٍ وٌ بّ، نَشَن دَنشَنِيَتْي حَمَ مَلِمَ سٍنشٍرٍيَ تَا كُي. 
\v 2 وٌ شَ عَ رَ سّنّ عِسَيَنكَ كِ مَ، عَلْ عَ لَنمَ سّنِيّنتْييٍ شَ عَ رَبَ كِ نَشّ. شَ عَ هَيِ نَ سٍ ندٍ مَ، وٌ شَ عَ مَلِ، بَرِ مَ عَ قَن بَرَ ﭑ تَن نُن مِشِ فبٍفبٍ مَلِ.
\p
\v 3 وٌ شَ ثِرِ سِلَ نُن عَكِلَ شّيبُ ﭑ بّ، ﭑ وَلِبٌورٍيٍ عَلَ شَ مِشِ سُفَندِشِ عِسَ شَ قٍ كُي. 
\v 4 عٍ قٍ بِرِن نَبَ نّ عٍ شَ ﭑ نِي رَتَنفَ بٍينُن عٍ شَ عٍ يّتّ رَتَنفَ. بَقٍ ﭑ تَن نَ، سِ فبّتّيٍ دَنشَنِيَتْي حَمَيٍ بِرِن عٍ تَنتُمَ نَ قٍ مَ. 
\v 5 وٌ مَن شَ دَنشَنِيَتْي حَمَ شّيبُ نَشَن عٍ مَلَنمَ عٍ شْنيِ.
\p وٌ شَ ﭑ شَنُنتٍنيِ عٍثٍنٍتٌ شّيبُ ﭑ بّ. عَ تَن نَن سِنفٍ دَنشَنِيَ عَلَ شَ مِشِ سُفَندِشِ مَ عَسِ بْشِ مَ. 
\v 6 وٌ شَ مَرِيَمَ شّيبُ ﭑ بّ، نَشَن بَرَ وَلِ وٌ يَ مَ كِ قَنيِ. 
\v 7 وٌ شَ ﭑ بٌورٍ يُوِقِيٍ عَندِرٌنِكُ نُن يُنِيَ شّيبُ، مُشُ نُن نَشٍيٍ بَرَ سَ فٍيلِ. عَلَ شَ شّيرَيٍ نَن عٍ رَ، نَشٍيٍ بَرَ كٌلٌن عَ قَنيِ رَ، نَشٍيٍ سِنفٍ دَنشَنِيَ ﭑ بّ عَلَ شَ مِشِ سُفَندِشِ مَ. 
\v 8 وٌ شَ عَنثِلِيَتُ شّيبُ ﭑ بّ، ﭑ شَنُنتٍنيِ مَرِفِ قْشْ رَ. 
\v 9 وٌ شَ مُشُ وَلِبٌورٍ عُرُبَنٌ نُن ﭑ شَنُنتٍنيِ سِتَشُسِ شّيبُ. 
\v 10 وٌ شَ عَثّلّسِ شّيبُ، نَشَن بَرَ عَ شَ دَنشَنِيَ مَسٍن عَلَ شَ مِشِ سُفَندِشِ مَ. وٌ شَ عَرِ سِتٌبُلٌ شَ مِشِيٍ شّيبُ ﭑ بّ. 
\v 11 وٌ شَ ﭑ بٌورٍ يُوِقِ هٍرٌدِيٌن شّيبُ ﭑ بّ. وٌ شَ نَرِ سِسٌ شَ مِشِيٍ شّيبُ ﭑ بّ، نَشٍيٍ دَنشَنِيَشِ مَرِفِ مَ.
\p
\v 12 وٌ شَ تِرِقٍنَ نُن تِرِقٌسَ شّيبُ ﭑ بّ. فِنّيٍ نَشٍيٍ عٍ رَ، عٍ وَلِمَ مَرِفِ بّ. وٌ شَ ﭑ شَنُنتٍنيِ ثٍرٍ سِدِ شّيبُ. عَ قَن بَرَ وَلِ مَرِفِ بّ كِ قَنيِ. 
\v 13 وٌ رُقُ شّيبُ، نَشَن سُفَندِشِ مَرِفِ شَ قٍ كُي. وٌ عَ نفَ قَن شّيبُ ﭑ بّ، نَشَن بَرَ لُ ﭑ بّ عَلْ ﭑ قَن نفَ. 
\v 14 وٌ شَ عَسِنكِرِتٌ، قٍلٍفٌن، هٍرٍ مّسِ، ثَتِرٌبَ، نُن هٍرٍ مَسِ شّيبُ ﭑ بّ، عَ نُن نفَشَكٍرٍنيِيٍ بِرِن نَشٍيٍ نَ عٍ شْنيِ. 
\v 15 وٌ شَ قِلٌلٌفٌ، يُلِ، نٍرٍوُ نُن عَ مَافِنّ شّيبُ، عَ نُن عٌلِمِثَ نُن سّنِيّنتْي بِرِن نَشٍيٍ نَ عٍ شْنيِ. 
\v 16 وٌ شَ وٌ بٌرٍ شّيبُ سُنبُي سّنِيّنشِ رَ. عَلَ شَ مِشِ سُفَندِشِ شَ دَنشَنِيَتْي حَمَيٍ بِرِن وٌ شّيبُ.
\p
\v 17 ﭑ نفَشَكٍرٍنيِيٍ، ﭑ شَ وٌ رَ سِ، وٌ شَ وٌ يّتّ رَتَنفَ مِشِيٍ مَ، نَشٍيٍ لَنيِ كَنَمَ وٌ تَفِ، عٍ نُ قَ مِشِ رَتَنتَن شَرَنيِ مَ وٌ بَرَ نَشَن سْتْ. وٌ شَ وٌ مَكُيَ عٍ رَ. 
\v 18 نَ مِشِ مْولِيٍ مُ وَلِمَ وٌن مَرِفِ عَلَ شَ مِشِ سُفَندِشِ شَ بّ. عٍ بِرَ مَ عٍ يّتّ قُرِ نَن قْشْ رَ، عٍ نُ قَ لْننِتَرٍيٍ مَدَشُ وْيّن حْشُنمّيٍ نُن مَتْشْي رَ. 
\v 19 مِشِ بِرِن عَ كٌلٌن عَ وٌ عَلَ شُي رَبَتُمَ. ﭑ حّلّشِنشِ وٌ رَ، كْنْ عَ شْلِ ﭑ مَ وٌ شَ قَهَامُي سْتْ قٍ قَنيِ مَ، وٌ نَشَ وٌ مَنْشْ قٍ كٌبِ رَ. 
\v 20 عَلَ، عَ تَن نَشَن بْحّسَ قِمَ، عَ فبٍ مُ لُشِ عَ شَ سٍنتَنّ عِبُتُشُن وٌ سَنيِ بُن. وٌن مَرِفِ عِسَ شَ هِننّ وٌ رَ.
\p
\v 21 ﭑ وَلِبٌورٍ تِمٌتٍ وٌ شّيبُ، عَ نُن لُسُسِ، يَسٌن، نُن سٌسِثَتٍرِ، ﭑ بٌورٍ يُوِقِيٍ. 
\v 22 ﭑ تَن تٍرِتِيٌ نَشَن بَرَ يِ بَتَاشّ سّبّ، ﭑ قَن بَرَ وٌ شّيبُ مَرِفِ شِلِ رَ. 
\v 23‏-24 فَيُ قَن وٌ شّيبُ، نَشَن قِندِشِ ﭑ تَن نُن دَنشَنِيَتْي حَمَ بِرِن يَتِفِ رَ. عٍرَ سِتٌ، نَشَن قِندِشِ تَا نَاقُلِ رَفَتَمَ رَ، عَ قَن وٌ شّيبُ، عَ نُن وٌن نفَشَكٍرٍنيِ كَرَتُسِ.
\p
\v 25 مَتْشْي نَ عَلَ بّ، نَشَن نْمَ وٌ سّنبّ سٌدٍ دَنشَنِيَ كُي، عَلْ ﭑ مَرِفِ عِسَ شَ شِبَارُ قَنيِ نَشَن كَوَندِ مَ عَ مَسٍنشِ كِ نَشّ. نَ شِبَارُ قَنيِ فُندٌ قٍ نَن مَسٍنمَ نَشَن نُ رَفَتَشِ كَبِ تّمُي شْننَكُيٍ، 
\v 26 كْنْ نَشَن بَرَ قَ مَكّنّن عَلَكٌ سِ بِرِن شَ عَ كٌلٌن نَمِحْنمّيٍ شَ سّبّلِيٍ سَابُي رَ، عَلَ نَشٍيٍ يَمَرِشِ. نَ كُي، بِرِن شَ دَنشَنِيَ عَلَ مَ، عَلَ نَشَن نَ نَ، عٍ عَ شُي رَبَتُ. 
\v 27 عَلَ، عَ تَن كٍرٍن نَشَن قٍ بِرِن كٌلٌن، مَتْشْي نَ عَ بّ عَ شَ مِشِ سُفَندِشِ عِسَ سَابُي رَ عَبَدَن. عَمِنَ!