\id NEH 
\ide UTF-8
\h عَننَبِ نٍهٍمِ
\toc1 عَلَ شَ مَسٍنيِ عَننَبِ نٍهٍمِ بّ
\toc2 عَننَبِ نٍهٍمِ
\toc3 نٍه
\mt عَلَ شَ مَسٍنيِ عَننَبِ نٍهٍمِ بّ
\imt1 مَسٍنيِ ندٍ يِ كِتَابُي شَ قٍ رَ
\ip عِسِرَيِلَ بْنسْي قُ نُن قِرِن تٌ عٍ مَرِفِ شَ كِرَ بّحِن، عَلَ نَشَ عَ نِيَ سِ فبّتّ شَ نْ عِسِرَيِلَ رَ، عٍ عٍ كٍرِ عٍ شَ بْشِ مَ، عٍ عٍ قِندِ كٌنيِيٍ رَ. نَمِحْنمّ نُ نَ بِرِن كٌلٌنمَ، عٍ قَ عَ قَلَ كّنّ مَ، بٍينُن عَ شَ رَبَ. عٍ شَ مَسٍنيِ كُي، عٍ نُ عَ قَلَمَ عَ عَلَتَلَ عَ نِيَمَ عٍ شَ شَنِن كٌنيِيَ كُي عٍ شَ يُنُبِيٍ شَ قٍ رَ، عٍ مَن نُ عَ قَلَمَ عَ عَلَتَلَ عٍ رَفبِلٍنمَ نّ عٍ شَ بْشِ مَ حّ تٌنفٌ سٌلٌقٍرٍ دَنفِ شَنبِ.
\ip عَننَبِ نٍهٍمِ شَ وَشَتِ، نَ حّ تٌنفٌ سٌلٌقٍرٍ نُ بَرَ كَمَلِ. عَننَبِ عٍسِدِرَ سِ نُ بَرَ وَلِ قْلْ دَرِ سَلَمُ تِقٍ رَ، كْنْ وَلِ نُ بَرَ رَتِ. نٍهٍمِ تٌ نَ قٍ كٌلٌن، عَ نَشَ لُ سُننُنيِ كُي. مَنفّ شُنفبٍ نَشَ نَ سُننُنيِ رَكْرْ سِ، عَ قَ عَ مَشْرِن عَ سُننُنشِ قٍ نَشَن مَ. نٍهٍمِ تٌ فّ نَ تَفِ رَبَدٍ، عَ نَشَ مَنفّ مَيَندِ عَ شَ تِن عَ شَ سِفَ وَلِدٍ دَرِ سَلَمُ. مَنفّ نَشَ تِن، عَ قَ عَ مَلِ نَ بِيَاسِ كُي.
\ip عَننَبِ نٍهٍمِ تٌ دَرِ سَلَمُ لِ، عَ نَشَ تّتّ تِقٍ وَلِ مَتٌ عَ قَنيِ رَ. عَ نَشَ عَ قَلَ حَمَ بّ، عٍ بِرِن شَ كَقُ عٍ بٌورٍ مَ نَ وَلِ رَبَقٍ رَ. نَ وَلِ تٌ سْونّيَ قْلْ، عِسِرَيِلَ يَشُييٍ نَشَ قٍ بِرِن نَبَ عَلَكٌ وَلِ شَ كَنَ. كْنْ عٍ مُ نْ نٍهٍمِ نُن عِسِرَيِلَ حَمَ رَ. وَلِ نَشَ كَمَلِ، حَمَ قَ سَلِ شُنفبٍ رَبَ عَلَتَلَ تَنتُقٍ رَ.
\ip عِسِرَيِلَ شَ تَرُشُي قِندِشِ مَسٍنيِ بٍلٍبٍلٍ نَن نَ عَلَ شَ مِشِيٍ بّ تّمُي بِرِن. عَلَتَلَ تٌ عِسِرَيِلَ سُفَندِ عَ شَ حَمَ رَ، عَ نَشَ عٍ يَمَرِ عٍ شَ لُ عَ شَ كِرَ شْن مَ، شَ نَ مُ عَ رَ، عَ نَشّ عٍ قَمَ حَشَنكَتّ حَاشِ سْتْدٍ. نَ تٌ فّ كَمَلِدٍ يَتِ يَتِ، عَلَ نَشَ هِننّ عٍ رَ، عَ قَ عٍ رَفبِلٍن عَ شَ كِرَ مَ عَلَكٌ عٍ شَ لُ هّيرِ كُي. عَلَتَلَ نَ نَن نَبَمَ عَ شَ مِشِيٍ بِرِن بّ هَن وٌن مَ وَشَتِ. عَلَ شَ وٌن يَ رَبِ نَ نْندِ مَ. عَمِنَ.
\imte عَلَ شَ مَسٍنيِ عَننَبِ نٍهٍمِ بّ
\c 1
\s نٍهٍمِ شَ عَلَ مَشَندِ
\p
\v 1 عَننَبِ نٍهٍمِ، شَكَلَيَ شَ دِ، شَ مَسٍنيِ نَن يَ. عَتَسَكَسِ شَ مَنفّيَ حّ مْشْحّن ندٍ، كِسِلٍوِ كِكٍ رَ، ﭑ تَن نٍهٍمِ نُ سَبَتِشِ سُسٍ تَا سّنبّمَ نَن كُي. 
\v 2 نفَشَكٍرٍنيِ شَنَنِ نُن شّمّ ندٍيٍ نَشَ قَ، كٍلِ يُدَيَ بْشِ مَ. ﭑ نَشَ عٍ مَشْرِن يُوِقِيٍ شَ قٍ مَ، نَشٍيٍ كٍلِ كٌنيِيَ كُي، عٍ قَ سَبَتِ يُدَيَ. ﭑ مَن نَشَ عٍ مَشْرِن دَرِ سَلَمُ تَا شَ قٍ مَ. 
\v 3 عٍ نَشَ ﭑ يَابِ، «نَشٍيٍ كٍلِشِ كٌنيِيَ كُي، عٍ سِفَ يُدَيَ، عٍ نَ تْورّ نُن يَافِ نَن كُي. دَرِ سَلَمُ تّتّ يِرٍ ندٍ كَنَشِ، عَ نَادّيٍ فَنشِ.»
\p
\v 4 ﭑ تٌ نَ مَسٍنيِ مّ، ﭑ نَشَ وَ، ﭑ نَشَ سُن، ﭑ نَشَ كٌورٍ مَنفّ مَشَندِ. ﭑ نَشّ، 
\v 5 «عَلَتَلَ، عَلَ نَشَن نَ كٌورٍ مَ، عَلَ شُنفبٍ نَشَن مَفَاشُ، نَشَن سَاتّ مَبَنبَنشِ مِشِيٍ بّ نَشٍيٍ عَ شَنُشِ، عٍ قَ بِرَ عَ شَ يَامَرِيٍ قْشْ رَ، 
\v 6 عِ شَ عِ تُلِ مَتِ عِ شَ كٌنيِ شَ مَشَندِ رَ. عِ شَ ﭑ تٌ. كْي نُن يَنيِ رَ ﭑ عِ مَشَندِ مَ عِ شَ كٌنيِ عِسِرَيِلَكَيٍ بّ. مُشُ بَرَ يُنُبِ رَبَ عِ رَ، ﭑ تَن، ﭑ مَ دٍنبَيَ، نُن عِسِرَيِلَكَيٍ بِرِن. 
\v 7 مُشُ بَرَ قٍ حَاشِ رَبَ عِ رَ. مُشُ بَرَ عِ شَ مَسٍنيِ، عِ شَ سّرِيّ، نُن عِ شَ يَامَرِيٍ مَتَندِ، عِ نَشٍيٍ قِ عِ شَ كٌنيِ عَننَبِ مُنسَ مَ. 
\v 8 عِ عَ قَلَ نّ عِ شَ كٌنيِ عَننَبِ مُنسَ بّ، ‹شَ وٌ مُ لُمَ تِنشِنيِ كُي، ﭑ قَمَ نّ وٌ رَيٍنسٍندٍ حَمَنّيٍ كُي. 
\v 9 كْنْ شَ وٌ سَ وٌ يّتّ رَفبِلٍن ﭑ مَ، وٌ مَن بِرَ ﭑ مَ سّرِيّ قْشْ رَ، ﭑ سَ وٌ تٌنفٌمَ نّ يِرٍ مَكُيٍ، ﭑ قَ وٌ رَ يِرٍ ﭑ دّننَشّ سُفَندِشِ ﭑ شِلِ مَتْشْقٍ رَ.› 
\v 10 مُشُ تَن نَن نَ عِ شَ كٌنيِيٍ رَ، عِ شَ حَمَ، عِ نَشٍيٍ رَ مِنِشِ كٌنيِيَ كُي عِ سّنبّ رَ. 
\v 11 مَرِفِ، ﭑ بَرَ عِ مَشَندِ، عِ شَ تِن عِ تُلِ مَتِدٍ عِ شَ كٌنيِيٍ شَ مَشَندِ رَ، نَشٍيٍ فَاشُمَ عِ شِلِ رَ. عِ شَ سْونّيَ رَبَ ﭑ بّ تٌ. ﭑ سِفَمَ مَنفّ نَشَن شْن، عِ شَ عَ نِيَ عَ شَ هِننّ ﭑ نَ.»
\p نَ تّمُي ﭑ تَن نَن نُ نَ مَنفّ شَ مِنسٍ رَدَنفِمَ رَ.
\c 2
\s عَننَبِ نٍهٍمِ سِفَقٍ دَرِ سَلَمُ
\p
\v 1 مَنفّ عَتَسَكَسِ شَ مَنفّيَ حّ مْشْحّن ندٍ نِسَن كِكٍ رَ، مَنفّ نُ نَ دّفٍقٍ تّمُي نَشّ، ﭑ نَشَ وّنِ سٌ عَ يِ رَ سُننُنيِ كُي. ﭑ تٌ مُ نُ دَرِشِ نَ مْولِ رَ، 
\v 2 مَنفّ نَشَ ﭑ مَشْرِن، «عِ سُننُنشِ مُنقٍ رَ؟ عِ مُ قُرَشِ، كْنْ عِ بْحّ تَن مُ رَقَنشِ عِ مَ.» ﭑ نَشَ فَاشُ عَ شَ وْيّنيِ رَ. 
\v 3 ﭑ نَشَ عَ يَابِ، «عَلَ شَ سِمَيَ فبٍفبٍ قِ عِ مَ! ﭑ سُننُنشِ نّ بَرِ مَ ﭑ بٍنبَيٍ رَفَتَشِ تَا نَشَن كُي، عَ بِرِن بَرَ كَنَ، عَ نَادّيٍ قَن بَرَ فَن.» 
\v 4 مَنفّ نَشَ عَ مَسٍن ﭑ بّ، «عِ وَ مَ مُنسٍ شْن مَ؟» ﭑ نَشَ كٌورٍ عَلَ مَشَندِ ﭑ بْحّ مَ، 
\v 5 ﭑ قَ مَنفّ يَابِ، «مَنفّ، شَ عِ حَنِفٍ قَنيِ رَبَمَ ﭑ تَن عِ شَ كٌنيِ بّ، عَ لُ ﭑ شَ سِفَ يُدَيَ بْشِ مَ، عَلَكٌ ﭑ شَ تَا رَكٍلِ ﭑ بٍنبَيٍ رَفَتَشِ دّننَشّ.»
\p
\v 6 مَنفّ نَشَ ﭑ مَشْرِن، عَ شَ فِنّ نُ دْشْشِ عَ سّيتِ مَ، عَ نَشّ، «عِ شَ بِيَاسِ بُمَ هَن مُن تّمُي؟» ﭑ تٌ شِ كْنتِ قَلَ عَ بّ ﭑ فبِلٍنمَ نَشَن مَ، مَنفّ نَشَ تِن ﭑ شَ سِفَ. 
\v 7 ﭑ مَن نَشَ مَنفّ مَشَندِ، «مَنفّ، شَ عِ بَرَ تِن، عَ شْلِ ﭑ مَ عِ شَ كّيدِ سّبّ ﭑ نَشَن سٌمَ نَاكِرِ فٌمِنَيٍ يِ رَ، عَلَكٌ عٍ شَ عَ لُ ﭑ شَ دَنفِ عٍ شَ بْشِ مَ هَن ﭑ يُدَيَ لِ. 
\v 8 عِ شَ كّيدِ فبّتّ سّبّ مَنفّ شَ قْتْن مَكَنتّ عَسَقِ مَ، عَلَكٌ عَ شَ وُرِيٍ سٌ ﭑ يِ رَ ﭑ نَشٍيٍ يَءِلَنمَ عَلَ شَ هْرْ مْبَنشِ تّتّ نَادّيٍ رَ، عَ نُن ﭑ نَشٍيٍ رَوَلِمَ تّتّ نُن ﭑ مَ بَنشِ وَلِ كُي.» مَنفّ نَشَ نَ بِرِن نَبَ ﭑ بّ، بَرِ مَ ﭑ مَرِفِ عَلَ حّنفِ سَشِ ﭑ مَ قٍ شْن مَ.
\p
\v 9 ﭑ تٌ شُرٍ شُنفبٍ عِفِرِ، ﭑ نَشَ نَ كّيدِيٍ سٌ نَاكِرِ مَنفّيٍ يِ رَ، مَنفّ عَتَسَكَسِ نَشٍيٍ سّبّ عٍ مَ. سْورِ مَنفّيٍ نُن سٌي رَفِيٍ نُ بَرَ ﭑ مَتِ نَا. 
\v 10 سَنبَلَتِ شٌرٌنكَ نُن عَ شَ مَلِمَ تٌبِيَ عَمٌنِكَ تٌ ﭑ مَ قٍ مّ، عٍ بْحّ نَشَ رَحَاشُ عٍ مَ، بَرِ مَ عٍ مُ نُ تِنمَ مِشِ شَ عِسِرَيِلَكَيٍ مَلِ.
\p
\v 11 ﭑ تٌ سٌ دَرِ سَلَمُ، ﭑ نَشَ شِ سَشَن نَبَ مّننِ. 
\v 12 ﭑ مُ قٍقٍ قَلَ مِشِ يٌ بّ عَلَ نَشَن مَسٍنشِ ﭑ بّ ﭑ بْحّ كُي ﭑ شَ عَ رَبَ دَرِ سَلَمُ. نَ تّمُي ﭑ نُن شّمّ ندٍيٍ نَشَ مِنِ كْي رَ. ﭑ مَ سٌي فبَنسَن نُ نَ مُشُ يِ رَ. 
\v 13 مُشُ نَشَ مِنِ تَا كُي فُلُنبَ نَادّ رَ، مُشُ قَ سِفَ دَرَفٌن دُلَ بِرِ رَ شُرُ سٍ فبِ نَادّ يِرٍ. ﭑ تٌ دَرِ سَلَمُ تّتّ بِرِن نَبِلِن، ﭑ نَشَ عَ تٌ يِرٍ ندٍ كَنَشِ، نَادّيٍ قَن فَنشِ. 
\v 14 ﭑ نَشَ سِفَ دُلَ نَادّ بِرِ مَنفّ شَ يٍ يِرٍ نَ دّننَشّ، كْنْ ﭑ مَ سٌي مُ دَنفِدٍ سْتْ. 
\v 15 نَ كُي ﭑ نَشَ تّتّ مَتٌ كٍلِقٍ قٌلٍ رَ، هَن ﭑ سٌ تَا كُي فُلُنبَ نَادّ رَ.
\p
\v 16 تَا مَنفّيٍ مُ نُ عَ كٌلٌنشِ ﭑ نُ نَ وَلِ نَشَن كُي. ﭑ مُ نُ سٍسٍ تَفِ رَبَشِ يُوِقِيٍ، سّرّشّدُبّيٍ، قٌرِيٍ، كِيتِسَيٍ، نُن كُنتِفِيٍ بّ. 
\v 17 نَ تّمُي ﭑ نَشَ عَ مَسٍن عٍ بّ، «وٌ وٌن مَ تْورّ تٌشِ! دَرِ سَلَمُ بَرَ فّ كَنَدٍ. تّ بَرَ عَ نَادّيٍ فَن. وٌ قَ، وٌن شَ دَرِ سَلَمُ تّتّ يَءِلَن. نَ نَن عَ تٌمَ وٌن مُ لُمَ يَافِ كُي سْنْن.» 
\v 18 ﭑ نَشَ عَ يَشَرَن عٍ بّ ﭑ مَرِفِ عَلَ حّنفِ سَشِ ﭑ شْن مَ كِ نَشّ. ﭑ مَن نَشَ مَنفّ شُنفبٍ شَ وْيّنيِ مَسٍن عٍ بّ. عٍ تٌ نَ بِرِن مّ، عٍ نَشَ ﭑ يَابِ، «وٌن كٍلِ، وٌن شَ عَ يَءِلَن.» عٍ نَشَ لِمَنِيَ نَ نَتّ شَ قٍ رَ.
\p
\v 19 سَنبَلَتِ شٌرٌنكَ، عَ مَلِمَ تٌبِيَ عَمٌنِكَ، نُن فٍسٍمِ عَرَبُكَ تٌ يِ قٍ مّ، عٍ نَشَ يٌ قْلْ مُشُ مَ، عٍ نُ قَ عَ قَلَ مُشُ بّ، «وٌ نَ مُنسٍ رَبَقٍ بٍ؟ وٌ وَ مَ مَنفَسَنيِ مَتَندِقٍ نّ؟» 
\v 20 ﭑ نَشَ عٍ يَابِ، «عَلَ نَشَن نَ كٌورٍ مَ، نَ نَن قَمَ شُننَكٍلِ قِدٍ مُشُ مَ. عَ شَ كٌنيِيٍ نَن مُشُ رَ. مُشُ قَمَ كٍلِدٍ، مُشُ شَ بٍ يَءِلَن. كْنْ وٌ تَن، سٍسٍ مُ بٍ نَشَن قِندِ مَ وٌ فبٍ رَ. دَرِ سَلَمُ، وٌ شْنيِ مُ عَ رَ.»
\c 3
\s دَرِ سَلَمُ تّتّ يَءِلَنقٍ
\p
\v 1 عٍلِيَسِبُ سّرّشّدُبّ كُنتِفِ نُن عَ نفَشَكٍرٍنيِ سّرّشّدُبّيٍ نَشَ كٍلِ، عٍ تّتّ نَادّ ندٍ يَءِلَن نَشَن شِلِ يّشّي نَادّ. عٍ تٌ فّ، عٍ نَشَ وَلِ مَسٍن حَمَ بّ، عٍ عَلَ مَشَندِ عَ شَ قٍ رَ. عٍ تّتّ رَحْن نَ كِ نّ قْلْقٍ مٍيَ يِرٍ مَكَنتَشِ مَ، سَ دْشْ شَنَنّلِ يِرٍ مَكَنتَشِ رَ.
\p
\v 2 يٍرِكٌ شّمّيٍ نَشَ تّتّ يِرٍ ندٍ يَءِلَن عٍ سّيتِ مَ.
\p عِمِرِ شَ دِ سَبُدُ نَشَ تّتّ يِرٍ ندٍ يَءِلَن نٍيٍ سّيتِ مَ.
\p
\v 3 هَسٍنٍيَ شَ دِيٍ نَشَ تّتّ نَادّ يَءِلَن نَشَن شِلِ يّشّ نَادّ. عٍ نَشَ نَادّ سٍيٍ بِرِن يَءِلَن عَلَكٌ عَ شَ سّنبّ سْتْ، عَ مَن شَ بَلَن عَ قَنيِ رَ.
\p
\v 4 عُرِ شَ دِ مٍرٍ مٌتِ، نَشَن قِندِشِ هَكْسِ شَ مَمَدِ رَ، نَشَ تّتّ يِرٍ ندٍ يَءِلَن هَسٍنٍيَ شَ وَلِ سّيتِ مَ.
\p بٍرٍكِيَ شَ دِ مٍسُلَمَ، نَشَن قِندِشِ مٍسٍسَبٍلِ شَ مَمَدِ رَ، نَشَ وَلِ مٍرٍ مٌتِ شَ وَلِ سّيتِ مَ.
\p بَاننَ شَ دِ سَدْكِ نَشَ وَلِ مٍسُلَمَ شَ وَلِ سّيتِ مَ.
\p
\v 5 تٍكٌوَ نَشَ تّتّ يِرٍ ندٍ يَءِلَن سَدْكِ شَ وَلِ سّيتِ مَ، كْنْ عٍ شَ كُنتِفِيٍ مُ تِن لُدٍ وَلِ يَرٍرَتِيٍ شَ يَامَرِ بُن مَ.
\p
\v 6 ثَسٍيَ شَ دِ يٌيَدَ نُن بّسٌدٍيَ شَ دِ مٍسُلَمَ نَشَ يٍسَنَ نَادّ يَءِلَن. عٍ نَشَ نَادّ عِسٍيٍ بِرِن يَءِلَن عَلَكٌ عَ شَ سّنبّ سْتْ، عَ مَن شَ بَلَن عَ قَنيِ رَ.
\p
\v 7 مّلَتَيَ فَبَيٌنكَ، يَدٌن مٍرٌنٌتِكَ، فَبَيٌنكَيٍ، نُن مِسِثَكَيٍ، نَشٍيٍ كٍلِ فٌمِنَ تَا نَاكِرِ مَ، نٍيٍ نَشَ وَلِ يٌيَدَ نُن مٍسُلَمَ شَ وَلِ سّيتِ مَ.
\p
\v 8 شَرِهَيَ شَ دِ يُسِيّلِ، نَشَن قَتَ شّيمَ رَوَلِدٍ، نَشَ تّتّ يِرٍ ندٍ يَءِلَن مّلَتَيَ شَ وَلِ سّيتِ مَ.
\p شَنَنِيَ، نَشَن لَبُندّ رَقَلَمَ، نَشَ تّتّ يِرٍ ندٍ يَءِلَن يُسِيّلِ شَ وَلِ سّيتِ مَ. عٍ نَشَ دَرِ سَلَمُ تّتّ يَءِلَن هَن عَ عِفبٌدٍ.
\p
\v 9 شُرُ شَ دِ رّقَيَ، نَشَن نَ دَرِ سَلَمُ سّيتِ مَنفّ رَ، نَشَ وَلِ شَرِهَيَ نُن شَنَنِيَ شَ وَلِيٍ سّيتِ مَ.
\p
\v 10 شَرُ مَقِ شَ دِ يّدَيَ نَشَ وَلِ رّقَيَ شَ وَلِ سّيتِ مَ، عَ شَ بَنشِ يَ رَ.
\p شَسَبٍنٍيَ شَ دِ شَتُسِ نَشَ وَلِ يّدَيَ شَ وَلِ سّيتِ مَ.
\p
\v 11 شَرِ مَ شَ دِ مَلَكِيَ نُن مٌوَبَ ثَشَتِ شَ دِ شَسُبُ، نَشَ تّتّ يِرٍ ندٍ يَءِلَن نُن يِرٍ مَكَنتَشِ نَشَن شِلِ تَامِ فَندٍ.
\p
\v 12 هَلٌشٍسِ شَ دِ سَلُمُ، نَشَن نَ دَرِ سَلَمُ سّيتِ شُنيِ رَ، نَشَ وَلِ سُشُ مَلَكِيَ نُن شَسُبُ سّيتِ مَ.
\p
\v 13 شَنُن نُن سَنٌوَكَيٍ نَشَ فُلُنبَ نَادّ يَءِلَن. عٍ نَشَ نَادّ عِسٍيٍ بِرِن يَءِلَن عَلَكٌ عَ شَ سّنبّ سْتْ، عَ شَ بَلَن عَ قَنيِ رَ. عٍ مَن نَشَ تّتّ يَءِلَن هَن شُرُ سٍ حَحّ نَادّ رَ. نَ شَ كُيّ نْنفْن يَ وُلُ كٍرٍن.
\p
\v 14 رٍكَبُ شَ دِ مَلَكِيَ، نَشَن نَ بٍتِ هَكٍرٍ مِ مَنفّ رَ، نَشَ حَحّ نَادّ يَءِلَن. عَ نَشَ نَادّ عِسٍيٍ بِرِن يَءِلَن عَلَكٌ عَ شَ سّنبّ سْتْ، عَ شَ بَلَن عَ قَنيِ رَ.
\p
\v 15 كٌلِشٌسٍ شَ دِ سَلُمُ، نَشَن نَ مِسِثَ مَنفّ رَ، نَشَ دُلٌنيِ نَادّ يَءِلَن. عَ نَشَ نَادّ عِسٍيٍ بِرِن يَءِلَن عَلَكٌ عَ شَ سّنبّ سْتْ، عَ شَ بَلَن عَ قَنيِ رَ. عَ مَن نَشَ تّتّ يَءِلَن قْلْقٍ شّيرَ يٍ يِرٍ مَ، مَنفّ شَ لَاكْي قّ مَ، سَ دْشْ دَوُدَ شَ تَا فٌرٌدٍ رَ.
\p
\v 16 عَسِبُكِ شَ دِ نٍهٍمِ، نَشَن نَ بٍتِ سُرُ سّيتِ مَنفّ رَ، نَشَ تّتّ يَءِلَن هَن مَنفّ دَوُدَ شَ فَبُرِ، هَن يٍ رَفَتَ يِرٍ، هَن سْورِ حَلَمَيٍ شَ بَنشِ.
\p
\v 17 بَنِ شَ دِ رٍشُمِ، نَشَن كٍلِ لٍوِ بْنسْي مَ، نَشَ وَلِ نٍهٍمِ شَ وَلِ سّيتِ مَ.
\p شَسَبِيَ، نَشَن نَ كٍيِلَ سّيتِ مَنفّ رَ، نَشَ وَلِ رٍشُمِ شَ وَلِ سّيتِ مَ.
\p
\v 18 شٍنَدَدِ شَ دِ بَقَيَ، نَشَن نَ كٍيِلَ سّيتِ مَنفّ رَ، نَشَ وَلِ عَ نفَشَكٍرٍنيِ شَسَبِيَ شَ وَلِ سّيتِ مَ.
\p
\v 19 يٍسُوَ شَ دِ عٍسٍرِ، نَشَن نَ مِسِثَ تَا مَنفّ رَ، نَشَ تّتّ يَءِلَن فٍرٍ سٌسٍيٍ بَنشِ يَ رَ، هَن تّتّ تُشُي رَ.
\p
\v 20 سَبَيِ شَ دِ بَرُكِ، نَشَ تّتّ يَءِلَن قْلْقٍ نَ تُشُي رَ، سَ دْشْ سّرّشّدُبّ شُنفبٍ عٍلِيَسِبُ شَ بَنشِ رَ.
\p
\v 21 عُرِيَ شَ دِ مٍرٍ مٌتِ، نَشَن قِندِشِ هَكْسِ شَ مَمَدِ رَ، نَشَ تّتّ يَءِلَن قْلْقٍ عٍلِيَسِبُ شَ بَنشِ نَادّ رَ، هَن عَ شَ بَنشِ دَنشِ دّننَشّ.
\p
\v 22 سّرّشّدُبّ نَشٍيٍ كٍلِ دَرِ سَلَمُ رَبِلِنيِ رَ، نٍيٍ نَشَ تّتّ يَءِلَن مٍرٍ مٌتِ شَ وَلِ سّيتِ مَ.
\p
\v 23 بُنيَمِن نُن شَسُبُ نَشَ تّتّ يَءِلَن نَشَن نُ نَ عٍ شَ بَنشِ يَ رَ.
\p مَاسٍيَ شَ دِ عَسَرَيَ، نَشَن قِندِشِ عَنَنَيَ شَ مَمَدِ رَ، عَ نَشَ تّتّ يَءِلَن عَ شَ بَنشِ قّ مَ.
\p
\v 24 شٍنَدَدِ شَ دِ بِنُوِ نَشَ تّتّ يَءِلَن قْلْقٍ عَسَرَيَ شَ بَنشِ، هَن تّتّ تُشُي رَ.
\p
\v 25 يُسَيِ شَ دِ ثٍلَلِ نَشَ تّتّ يَءِلَن نَ تُشُي يَ رَ، يِرٍ مَكَنتَشِ نَ دّننَشّ، قْلْقٍ مَنفّ شَ بَنشِ، هَن فٍيلِ يِرٍ.
\p ثَرٌ سٌ شَ دِ ثّدَيَ نَشَ تّتّ يَءِلَن يُسَيِ شَ وَلِ سّيتِ مَ.
\p
\v 26 هْرْ مْبَنشِ وَلِكّ نَشٍيٍ نُ نَ عٌقٍلِ فٍيَ قَرِ دَرِ سَلَمُ تَا كُي، نٍيٍ نَشَ تّتّ يَءِلَن هَن يٍ نَادّ، نَشَن نُ نَ سٌفٍتٍدٍ مَبِرِ، يِرٍ مَكَنتَشِ قّ مَ.
\p
\v 27 تٍكٌوَ نَشَ تّتّ يَءِلَن قْلْقٍ يِرٍ مَكَنتَشِ، هَن تّتّ عٌقٍلِ فٍيَ لِمَ دّننَشّ.
\p
\v 28 سّرّشّدُبّيٍ نَشَ تّتّ يَءِلَن هَن سٌييٍ شَ نَادّ. كَنكَن نُ وَلِمَ عَ يّتّ شَ بَنشِ يَ رَ.
\p
\v 29 عِمٍرِ شَ دِ سَدْكِ قَن نَشَ تّتّ يَءِلَن عَ شَ بَنشِ يَ رَ.
\p سّكَنَيَ شَ دِ سٍمَيَ، نَشَن سٌفٍتٍدٍ نَادّ مَكَنتَمَ، نَشَ تّتّ يَءِلَن سّرّشّدُبّيٍ شَ وَلِ سّيتِ مَ.
\p
\v 30 سٍلٍمِيَ شَ دِ شَنَنِيَ نُن سَلَقِ شَ دِ سٍننِ ندٍ شَنُن نَشَ تّتّ يَءِلَن سٍمَيَ شَ وَلِ سّيتِ مَ.
\p بٍرٍكِيَ شَ دِ مٍسُلَمَ نَشَ تّتّ يَءِلَن سٍلٍمِيَ نُن شَنُن شَ وَلِ سّيتِ مَ، عَ شَ كٌنكٌي يَ رَ.
\p
\v 31 مَلَكِيَ، نَشَن شّيمَ وَلِمَ، نَشَ تّتّ يَءِلَن مٍسُلَمَ شَ وَلِ سّيتِ مَ، قْلْقٍ هْرْ مْبَنشِ وَلِكّيٍ شَ بَنشِيٍ نُن يُلّيٍ شَ بَنشِ، سَ دْشْ مِقِكَدٍ نَادّ هَن كٌنكٌي عِتٍشِ تُشُي رَ.
\p
\v 32 مِشِ نَشٍيٍ شّيمَ وَلِمَ، عَ نُن يُلّيٍ، نٍيٍ نَشَ تّتّ يَءِلَن كٌنكٌي عِتٍشِ تُشُي رَ نُن يّشّي نَادّ لَن تَفِ.
\c 4
\p
\v 1 سَنبَلَتِ تٌ عَ كٌلٌن عٍ نَ تّتّ يَءِلَنقٍ، عَ نَشَ شْنْ كِ قَنيِ رَ. 
\v 2 عَ نَشَ يٌ يُوِقِيٍ مَ. عَ نَشَ عَ قَلَ عَ نفَشَكٍرٍنيِيٍ نُن سْورِ سَمَرِكَيٍ يَ شْرِ، «يِ يُوِقِ كٌبِلَيٍ نَ مُنسٍ رَبَقٍ؟ عٍ شَ وَلِ سْونّيَمَ نّ؟ عٍ قَمَ سّرّشّيٍ بَدٍ نَا؟ عٍ نْمَ نَ وَلِ رَ؟ عٍ نْمَ نَ فّمّ فَنشِيٍ رَكٍلِدٍ سْنْن؟» 
\v 3 تٌبِيَ عَمٌنِكَ، نَشَن نُ نَ عَ قّ مَ، نَ نَشَ عَ قَلَ، «عٍ نَ تّتّ تِمَ كِ نَشّ، هَلِ شُلُمَسٍ نْمَ نَ رَبِرَدٍ.»
\p
\v 4 نَ كُي عَننَبِ نٍهٍمِ نَشَ عَلَ مَشَندِ، عَ نَشّ، «مُشُ مَرِفِ عَلَ، يَندِ، عِ شَ عِ تُلِ مَتِ مُشُ رَ بَرِ مَ عٍ نَ يٌقٍ مُشُ مَ. عِ شَ نَ سَرٍ رَفبِلٍن عٍ مَ، عٍ شَ قِندِ كٌنيِيٍ رَ عٍ يَشُييٍ شَ بْشِ مَ. 
\v 5 عِ نَشَ دِحّ عٍ مَ. عِ نَشَ عٍ شَ يُنُبِيٍ شَقَرِ، بَرِ مَ عٍ بَرَ مُشُ كٌنبِ، مُشُ تَن نَشٍيٍ نَ دَرِ سَلَمُ تّتّ يَءِلَنقٍ.»
\p
\v 6 مُشُ نَشَ نَ تّتّ يَءِلَن هَن عَ تَفِ، بَرِ مَ حَمَ نُ بَرَ عَ حَنِفٍ عٍ شَ نَ وَلِ سُشُ سّنبّ رَ.
\s تّتّ وَلِ كَنَقٍ
\p
\v 7 سَنبَلَتِ، تٌبِيَ، عَرَبُكَيٍ، عَمٌنِكَيٍ، نُن عَسِدٌدِكَيٍ تٌ عَ مّ عَ دَرِ سَلَمُ تّتّ بَرَ يَءِلَن قْلْ، عٍ نَشَ شْنْ كِ قَنيِ رَ. 
\v 8 عٍ بِرِن نَشَ لَن عٍ شَ سِفَ فٍرٍ سٌدٍ دَرِ سَلَمُ، نَ وَلِ شَ كَنَ.
\p
\v 9 نَ كُي مُشُ نَشَ مُشُ مَرِفِ عَلَ مَشَندِ، عَ شَ مُشُ كَنتَ. مُشُ مَن نَشَ يِرٍ مَكَنتّيٍ تِ كْي نُن يَنيِ رَ مُشُ يَشُييٍ شَ قٍ رَ. 
\v 10 كْنْ يُدَيَكَيٍ نُ عَ قَلَمَ، «مُشُ بَرَ تَفَن. تّتّ شَ كَنّ فبٌ هَن وٌن حَن مُ نْمَ تّتّ نّينّ رَكٍلِدٍ كْرّ.» 
\v 11 مُشُ يَشُييٍ نُ عَ قَلَمَ، «عٍ مُ قَمَ وٌن تٌدٍ هَن وٌن سٌ عٍ تَفِ، وٌن قَ عٍ قَشَ. نَ كُي عٍ شَ وَلِ قَمَ دَندٍ.»
\p
\v 12 يُوِقِ نَشٍيٍ نُ سَبَتِشِ عٍ يَشُييٍ سّيتِ مَ، نٍيٍ نَشَ قَ عَ قَلَ مُشُ بّ هَن دْشْ قُ، «وٌ قَ مُشُ شْنيِ.» 
\v 13 ﭑ نَشَ سْورِيٍ تِ شَبِلّ كِ مَ شَرٍ رَ، تّتّ دّننَشّ مُ عِتٍ، عٍ شَ مّننِ كَنتَ سَنتِدّفّمَ، شَلِ، نُن تَنبّ رَ. 
\v 14 ﭑ تٌ فّ نَ بِرِن مَتٌدٍ، ﭑ نَشَ عَ قَلَ كُنتِفِيٍ نُن كِيتِسَيٍ بّ حَمَ يَ شْرِ، «وٌ نَشَ فَاشُ عٍ يَ رَ. وٌ شَ رَتُ وٌ مَرِفِ مَفَاشُشِ مَ. وٌ شَ فٍرٍ سٌ وٌن نفَشَكٍرٍنيِيٍ بّ، وٌ شَ دِ شّمّيٍ نُن وٌ شَ دِ فِنّيٍ، وٌ شَ فِنّيٍ نُن وٌ شَ بَنشِيٍ شَ قٍ رَ.» 
\v 15 يَشُييٍ تٌ عَ مّ مُشُ بَرَ عٍ حَنِفٍ كٌلٌن، عَلَ نَشَ عٍ شَ نَتّ كَنَ. مُشُ بِرِن مَن نَشَ فبِلٍن تّتّ يِرٍ، كَنكَن نَشَ عَ شَ وَلِ سُشُ.
\p
\v 16 كٍلِ نَ لْشْي مَ ﭑ مَ مِشِيٍ سّيتِ كٍرٍن نُ وَلِمَ تّتّ يِرٍ، بٌورٍ سّيتِ نُ مِشِيٍ مَكَنتَمَ تَنبّيٍ، كَنكٍ مَكَنتَسٍيٍ، نُن شَلِيٍ رَ. كُنتِفِيٍ تِشِ يُدَيَكَيٍ سّيتِ مَ. 
\v 17 وَلِكّ نَشٍيٍ نُ تّتّ يَءِلَنمَ، نُن نَشٍيٍ نُ كٌتٍ مَشَنِنمَ، عٍ نُ وَلِمَ فٍرٍ سٌسٍ سُشُشِ عٍ بّلّشّ، 
\v 18 سَنتِدّفّمَ شِرِشِ عٍ تَفِ. عٍ نُ وَلِ نَ كِ نّ. نَشَن قٍرِ قٍمَ عَلَكٌ مِشِ شَ عَ كٌلٌن عٍ يَشُييٍ نَ قَقٍ، عَ نُ تِشِ ﭑ تَن سّيتِ مَ. 
\v 19 ﭑ نَشَ عَ قَلَ كُنتِفِيٍ نُن كِيتِسَيٍ بّ، حَمَ يَ شْرِ، «وَلِ فبٌ، وَلِكّيٍ تَفِ عِكُيَ عٍ بٌورٍ رَ. وٌن بِرِن نَيٍنسٍنشِ تّتّ رَ. 
\v 20 وٌ نَشَن نَبَمَ، وٌ نّقّ قٍرِ شُي مّ تّمُي نَشّ، وٌ بِرِن شَ وٌ مَلَن مُشُ سّيتِ مَ. وٌن مَرِفِ عَلَ نَن فٍرٍ سٌمَ وٌن بّ.»
\p
\v 21 مُشُ نُ وَلِمَ نَ لَهَلّ نَن نَ. تَنبّيٍ نَ حَمَ سّيتِ كٍرٍن بّلّشّ عِ، كٍلِقٍ سُبَشّ هَن تُنبُييٍ مِنِ تّمُي. 
\v 22 نَ تّمُي يَتِ ﭑ مَن نَشَ عَ قَلَ حَمَ بّ، «بِرِن نُن عَ شَ كٌنيِ شَ شِ دَرِ سَلَمُ كُي عَلَكٌ وٌن شَ تَا كَنتَ كْي رَ، وٌن مَن شَ وَلِ يَنيِ رَ.» 
\v 23 ﭑ تَن، ﭑ نفَشَكٍرٍنيِيٍ، ﭑ مَ كٌنيِيٍ، ﭑ مَ كَنتَمِشِ نَشٍيٍ نُ بِرَشِ ﭑ قْشْ رَ، هَلِ مُشُ شَ دُفِيٍ، مُشُ مُ عٍ رَتٍ مُشُ مَ. كَنكَن كٍرٍن كٍرٍنمَ شَ فٍرٍ سٌسٍ نَن نُ سُشُشِ عَ يِ رَ، هَلِ عَ سِفَمَ يٍ بَدٍ تّمُي.
\c 5
\s كٌنيِيَ نُن دٌنِ
\p
\v 1 لْشْي ندٍ يُدَيَ حَمَ، شّمّيٍ نُن فِنّيٍ، نَشَ كَلَمُي سَ عٍ نفَشَكٍرٍنيِ ندٍيٍ شَ قٍ رَ. 
\v 2 ندٍيٍ نَشَ عَ قَلَ، «مُشُ شَ دِ شّمّيٍ نُن دِ فِنّيٍ بَرَ وُيَ. مُشُ وَ مَ مّنفِ شْن مَ عَلَكٌ مُشُ شَ بَلٌ.» 
\v 3 مِشِ فبّتّيٍ نَشَ عَ قَلَ، «مُشُ بَرَ مُشُ شَ شّيٍ، وّنِ بِلِيٍ، نُن بَنشِيٍ دْشْ سّيكّ، عَلَكٌ مُشُ شَ بَلٌي سْتْ كَامّ تّمُي.» 
\v 4 مِشِ فبّتّيٍ قَن نَشَ عَ قَلَ، «مُشُ بَرَ مُشُ شَ شّيٍ نُن مُشُ شَ وّنِ بِلِيٍ دْشْ سّيكّ رَ، عَلَكٌ مُشُ شَ دُوتِ قِ مَنفّ مَ. 
\v 5 نَ كُي، هَلِ وٌن بِرِن قِندِشِ وُلِ كٍرٍن قَسّ كٍرٍن نَن نَ، مُشُ شَ دِيٍ بَرَ قِندِ مُشُ نفَشَكٍرٍنيِيٍ شَ كٌنيِيٍ رَ. مُشُ شَ دِ فِنّ فبٍفبٍ قِندِشِ كٌنيِيٍ رَ، مُشُ مُ نْمَ سٍسٍ رَ. مُشُ شَ كْبِرِ بَرَ حْن، مُشُ شَ شّيٍ نُن وّنِ بِلِيٍ بَرَ قِندِ مِشِ فبّتّيٍ فبٍ رَ.»
\p
\v 6 ﭑ تٌ عٍ شَ كَلَمُي مّ، ﭑ بْحّ نَشَ تٍ عَ حَاشِ رَ. 
\v 7 ﭑ نَشَ نَتّ تٌنفٌ ﭑ شَ كَلَمُي سَ كُنتِفِيٍ نُن كِيتِسَيٍ مَ. ﭑ نَشَ عٍ مَشْرِن، «مُنقٍ رَ وٌ وٌ نفَشَكٍرٍنيِيٍ دٌنِمَ كْبِرِ عَلَكٌ وٌ شَ فٍينِ سْتْ؟» ﭑ نَشَ مَلَنيِ بٍلٍبٍلٍ شِلِ نَ شَ قٍ رَ. 
\v 8 ﭑ نَشَ عَ قَلَ عٍ بّ، «وٌن بَرَ وٌن نفَشَكٍرٍنيِ يُوِقِيٍ شُن سَرَ كَاقِرِيٍ مَ. يَكْسِ وٌ وٌ نفَشَكٍرٍنيِيٍ يَتِ نَن مَتِمَ وٌ بٌرٍ مَ؟» عٍ مُ نْ سٍسٍ يَابِدٍ، عٍ بِرِن نَشَ دُندُ. 
\v 9 ﭑ مَن نَشَ عَ قَلَ عٍ بّ، «وٌ نَشَن نَبَشِ عَ مُ قَن قٍوٌ! وٌ مُ فَاشُمَ عَلَ يَ رَ عَلَكٌ كَاقِرِيٍ نَشَ وٌن نَيَافِ؟ 
\v 10 ﭑ تَن، ﭑ نفَشَكٍرٍنيِيٍ، نُن ﭑ مَ وَلِكّيٍ، مُشُ قَن بَرَ عٍ دٌنِ كْبِرِ نُن مّنفِ، كْنْ عَ مُ لَنمَ وٌن شَ فٍينِ قٍن نَ كُي. 
\v 11 وٌ شَ عٍ شَ شّيٍ رَفبِلٍن عٍ مَ، عٍ شَ وّنِ بِلِيٍ، عٍ شَ عٌلِوِ بِلِيٍ، عَ نُن عٍ شَ بَنشِيٍ. وٌ مَن شَ وٌ شَ فٍينِ رَفبِلٍن عٍ مَ، نَشَن قِندِشِ كْبِرِ، مّنفِ، وّنِ، نُن تُرٍ رَ.» 
\v 12 عٍ نَشَ ﭑ يَابِ، «مُشُ نَ بِرِن نَفبِلٍنمَ نّ عٍ مَ. مُشُ مُ سٍسٍ بَمَ عٍ يِ رَ. عِ نَشَن قَلَشِ، مُشُ نَ نَن نَبَمَ.» نَ شَنبِ كْرّ ﭑ نَشَ سّرّشّدُبّيٍ شِلِ. ﭑ نَشَ دٌنِتِيٍ رَكَلِ عٍ شَ وْيّنيِ مَ سّرّشّدُبّيٍ يَ شْرِ. 
\v 13 ﭑ مَن نَشَ ﭑ مَ دٌنمَ يُبَ قِتٌ، ﭑ نَشَ عَ عِكُيُكُيُ، ﭑ قَ عَ قَلَ، «عَلَ شَ يِ مْولِ رَبَ مِشِ رَ نَشَن مُ عَ شَ لَايِدِ رَكَمَلِمَ. عَلَ شَ نَ كَنيِ شَ بَنشِ نُن عَ هَرِفٍ بِرِن بَ عَ يِ رَ، عَ شَ لُ سٍتَرٍحَ كُي.» مِشِ مَلَنشِيٍ نَشَ عَ رَتِن، «عَمِنَ.» عٍ نَشَ عَلَتَلَ مَتْشْ. نَ دَنفِ شَنبِ، حَمَ نَشَ نَ لَايِدِ رَكَمَلِ.
\p
\v 14 كَبِ ﭑ نَشَ قِندِ فٌمِنَ رَ يُدَيَ، قْلْ عَتَسَكَسِ شَ مَنفّيَ حّ مْشْحّن ندٍ مَ هَن عَ حّ تٌنفٌ سَشَن نُن قِرِن ندٍ مَ، ﭑ تَن نُن ﭑ نفَشَكٍرٍنيِيٍ مُ بَلٌ دُوتِ رَ، نَشَن قِندِ فٌمِنَ سَرٍ رَ. 
\v 15 سِنفٍ مَنفّيٍ نُ حَمَ تْورْ مَ عَ حَاشِ رَ. عٍ نُ تَامِ، وّنِ، نُن فبٍتِ كِلٌ تَفِ بَمَ عٍ يِ دُوتِ رَ. عٍ شَ وَلِكّيٍ قَن نُ مِشِيٍ تْورْ مَ. كْنْ ﭑ مُ نَ قٍ مْولِ رَبَ، بَرِ مَ ﭑ فَاشُمَ عَلَ يَ رَ. 
\v 16 ﭑ بَرَ ﭑ يّتّ قِ نَ تّتّ وَلِ مَ، ﭑ تَن نُن ﭑ مَ مِشِ بِرِن. مُشُ مُ بْشِ يٌ سْتْ نَ كُي. 
\v 17 يُوِقِيٍ نُن كُنتِفِيٍ، مِشِ كّمّ مِشِ تٌنفٌ سُولِ، نُن شْحّ نَشٍيٍ كٍلِ حَمَنّ مَ، عٍ بِرِن نُ عٍ دّفٍمَ ﭑ شْنيِ نّ. 
\v 18 لْشْي بِرِن نِنفٍ كٍرٍن، يّشّي سٍننِ، نُن شْنِيٍ نُ رَقَلَمَ دٌنسٍ رَ. شِ قُ يٌ شِ قُ، وّنِ قَن نَقَلَمَ. نَ بِرِن كُي ﭑ مُ تِن فٌمِنَ سَرٍ رَ سُشُدٍ، بَرِ مَ حَمَ نُ تْورْقٍ تّتّ وَلِ شَ قٍ رَ.
\p
\v 19 «ﭑ مَرِفِ عَلَ، عِ شَ رَتُ ﭑ مَ وَلِ شَ قٍ رَ، ﭑ نَشَن نَبَشِ يِ حَمَ بّ.»
\c 6
\s عِسِرَيِلَ يَشُييٍ كَتَقٍ وَلِ كَنَدٍ
\p
\v 1 سَنبَلَتِ، تٌبِيَ، فٍسٍمِ عَرَبُكَ، نُن مُشُ يَشُي بِرِن تٌ عَ مّ عَ مُشُ بَرَ فّ تّتّ يَءِلَندٍ، يَلٍ يٌ مُ نُ نَ عَ مَ سْنْن، نَادّ فبَكُقٍ فبَنسَن نَن نُ قَ لُشِ، 
\v 2 سَنبَلَتِ نُن فٍسٍمِ نَشَ شّيرَ شّي ﭑ شْن مَ، عَ قَلَقٍ، «قَ، وٌن شَ وٌن بٌرٍ تٌ كٍقِرِ مِ دَاشَ، عٌنٌ فُلُنبَ كُي.» عٍ نُ وَ مَ قٍ حَاشِ نَن نَبَقٍ ﭑ نَ. 
\v 3 كْنْ ﭑ نَشَ شّيرَيٍ شّي يِ يَابِ رَ، «وَلِ فبٍفبٍ نَ ﭑ يِ رَ، ﭑ مُ نْمَ فٌرٌدٍ وٌ يِرٍ، شَ نَ مُ عَ رَ وَلِ كَنَمَ نّ.» 
\v 4 عٍ نَشَ شّيرَ شّي ﭑ يِرٍ سَنمَيَ نَانِ، كْنْ ﭑ نَ يَابِ كٍرٍنيِ نَن قِ عٍ مَ.
\p
\v 5 عَ سَنمَيَ سُولِ ندٍ، سَنبَلَتِ نَشَ عَ شَ كٌنيِ شّي ﭑ يِرٍ، بَتَاشّ ندٍ نَ عَ يِ رَ، نَشَن سّبّشِ مِشِ بِرِن مَ. 
\v 6 يِ نَن نُ سّبّشِ، «سِ بِرِن بَرَ قٍ ندٍ مّ وٌ شَ قٍ رَ. فٍسٍمِ قَن نَشّ عَ نْندِ نَ عَ رَ. عٍ نَشّ عَ عِ تَن نُن يُوِقِيٍ وَ مَ مَنفَسَنيِ مَتَندِقٍ، نَ نَن عَ تٌشِ وٌ نَ تّتّ يَءِلَنقٍ. عٍ مَن نَشّ عَ عِ تَن يَتِ وَ مَ قِندِقٍ عِسِرَيِلَ مَنفّ رَ. 
\v 7 عِ بَرَ نَمِحْنمّيٍ سُفَندِ نَشٍيٍ قَمَ عَ قَلَدٍ دَرِ سَلَمُكَيٍ شَ لُ عِ شَ مَنفّيَ بُن مَ، عِ شَ قِندِ يُدَيَ مَنفّ رَ. مَنفّ شُنفبٍ قَمَ نَ وْيّنيِ بِرِن مّدٍ. عَوَ، عِ شَ قَ، وٌن شَ وٌن بٌرٍ تٌ.»
\p
\v 8 ﭑ نَشَ عَ يَابِ، «عِ نَشَن بِرِن قَلَشِ يِ كِ، نْندِ كٍرٍن مُ نَ عَ كُي. عِ تَن نَن يِ وُلٍ قَلَشِ.» 
\v 9 يِ مِشِ بِرِن نُ وَ مَ مُشُ بْحّ نَن نَمِنِقٍ تُن. عٍ عٍ مَحْشُن نّ لِمَنِيَ بَمَ مُشُ يِ رَ، مُشُ قَ وَلِ دَن. «ﭑ مَرِفِ، سّنبّ قِ ﭑ مَ.»
\p
\v 10 لْشْي ندٍ ﭑ نَشَ سِفَ سٍمَيَ شْنيِ، دّلَيَ شَ دِ، مٍهٍتَبٍلِ شَ مَمَدِ. عَ نُ عَ يّتّ بَلَنشِ بَنشِ كُي. عَ نَشَ عَ قَلَ ﭑ بّ، «وٌن شّي عَلَ شَ هْرْ مْبَنشِ كُي، وٌن شَ نَادّيٍ مَبَلَن وٌن مَ، بَرِ مَ عٍ قَمَ كْي رَ عِ قَشَدٍ.» 
\v 11 ﭑ نَشَ عَ يَابِ، «ﭑ شَ ﭑ فِ؟ شّمّ مُ نَ ﭑ تَن نَ؟ ﭑ نْمَ سٌدٍ عَلَ شَ هْرْ مْبَنشِ كُي، ﭑ مَن شَ بَلٌ؟ عَدَ مَ بِرِن شَ مُ سٌمَ مّننِ. ﭑ تَن مُ سٌمَ نَا قٍوٌ.» 
\v 12 ﭑ نَشَ عَ كٌلٌن عَلَ شَ مُ عَ شّيشِ. تٌبِيَ نُن سَنبَلَتِ نُ بَرَ عَ سَرٍ قِ عَلَكٌ عَ شَ نَ وْيّنيِ مْولِ قَلَ ﭑ بّ. 
\v 13 عٍ بَرَ وَ ﭑ شَ فَاشُ، ﭑ شَ بِرَ عٍ شَ وْيّنيِ قْشْ رَ، ﭑ شَ يُنُبِ سْتْ نَ كُي، عَلَكٌ عٍ شَ ﭑ شِلِ كَنَ، عٍ شَ ﭑ نَيَافِ.
\p
\v 14 «ﭑ مَرِفِ عَلَ، عِ شَ رَتُ تٌبِيَ، سَنبَلَتِ، نٌوَدِيَ، نُن نَمِحْنمّيٍ وُلٍ قَلّيٍ شَ قٍ حَاشِ مَ، عٍ نَشَن نَبَشِ ﭑ نَ عَلَكٌ عٍ شَ ﭑ بْحّ رَ مِنِ عَ عِ.»
\p
\v 15 تّتّ نَشَ فّ يَءِلَندٍ عٍلُلُ كِكٍ، شِ مْشْحّن نُن سُولِ. مُشُ نَشَ نَ وَلِ رَبَ شِ تٌنفٌ سُولِ نُن قِرِن بُن مَ. 
\v 16 مُشُ يَشُييٍ تٌ يِ قٍ مّ، عٍ نَشَ فَاشُ كِ قَنيِ رَ. سِ بِرِن نَشَ يَافِ مُشُ رَبِلِنيِ، عٍ قَن نَشَ عَ كٌلٌن مُشُ نْشِ نَ بِرِن نَبَدٍ مُشُ مَرِفِ عَلَ نَن سَابُي رَ.
\p
\v 17 نَ سَشَنيِ بُن مَ، يُدَيَ كُنتِفِ فبٍفبٍ نُ بَتَاشّيٍ رَ سَنبَمَ تٌبِيَ مَ، عٍ قَن عَ شَ بَتَاشّيٍ مَسْتْمَ. 
\v 18 يُدَيَكَ فبٍفبٍ نُ بَرَ سَاتّ تٌنفٌ عَ بّ مَرَكَلِ رَ، بَرِ مَ عَ بِتَنيِ نَن نُ نَ سّكَنَيَ رَ، عَرَ شَ دِ. يٍهٌشَنَن نُ بَرَ بٍرٍكِيَ شَ دِ مٍسُلَمَ دْشْ. 
\v 19 تّمُي بِرِن عٍ نُ عَ شَ قٍ قَنيِ عِقَلَمَ ﭑ يَ شْرِ، عٍ مَن ﭑ مَ وْيّنيِيٍ رَدَنفِمَ عَ مَ. تٌبِيَ نُ بَتَاشّيٍ رَ سَنبَمَ ﭑ مَ عَلَكٌ ﭑ شَ فَاشُ.
\c 7
\s تَا مَكَنتَ كِ
\p
\v 1 تّتّ نُن نَادّيٍ تٌ فّ يَءِلَندٍ، نَادّ مَكَنتّيٍ، بّيتِبَيٍ، نُن لٍوِكَيٍ بِرِن نَشَ عٍ شَ وَلِ سُشُ. 
\v 2 ﭑ نَشَ ﭑ مَ يَامَرِيٍ سٌ ﭑ شُنيَ شَنَنِ يِ رَ، عَ نُن شَنَنِيَ نَشَن نُ نَ سْورِيٍ شُن مَ دَرِ سَلَمُ. نَ نُ بَرَ قِندِ مِشِ هَفِفّ رَ، عَ نُ تِنشِن، عَ مَن نُ فَاشُمَ عَلَ يَ رَ. 
\v 3 ﭑ نَشَ عَ قَلَ عٍ بّ، «وٌ نَشَ تَا نَادّيٍ رَبِ هَن سٌفٍ شْنْ تّمُي، عٍ مَن شَ بَلَن سَابِ رَ وٌ يَ شْرِ. دَرِ سَلَمُكَيٍ قَن يِرٍ مَكَنتَمَ نّ، كَنكَن شَ لُ عَ شَ بَنشِ نَادّ رَ.» 
\v 4 دَرِ سَلَمُ نُ شُنفبٌ، كْنْ نَ تّمُي مِشِ مُ نُ وُيَ، بَنشِيٍ قَن مُ نُ فّشِ تِدٍ.
\p
\v 5 ﭑ مَرِفِ عَلَ نَشَ عَ رَ سٌ ﭑ شَشِلِ كُي، ﭑ شَ كُنتِفِيٍ، كِيتِسَيٍ، نُن حَمَ مَلَن، ﭑ شَ كْنتِ تِ. ﭑ نَشَ تَرُشُي بُكِ تٌ. مِشِ نَشٍيٍ سِنفٍ تٍ، عٍ شِلِيٍ نُ سّبّشِ نَ كُي. عَ سّبّشِ، 
\v 6 «بَبِلْن مَنفّ نٍبُكَدَنسَرِ نَشَ قَ يِ مِشِيٍ رَ كٍلِقٍ دَرِ سَلَمُ. عٍ نَشَ لُ كٌنيِيَ كُي، هَن عٍ فبِلٍنشِ دَرِ سَلَمُ نُن يُدَيَ تّمُي نَشّ. كَنكَن نَشَ سِفَ عَ شْنيِ. 
\v 7 سٌرٌبَبٍلِ، يٌسُوٍ، نٍهٍمِ، عَسَرَيَ، رَامِيَ، نَشَمَنِ، مٌرٌدٍكَيِ، بِلٍسَن، مِسِثٍرٍتِ، بٍفِقَيِ، نٍشُمَ، نُن بَاننَ نَشَ عٍ مَتِ. عِسِرَيِلَكَيٍ شِلِيٍ نُن عٍ كْنتِ نَن يِ كِ؛
\q1
\v 8 ثَرٌ سٌ شَ دِيٍ، مِشِ وُلُ قِرِن، مِشِ كّمّ، مِشِ تٌنفٌ سٌلٌقٍرٍ نُن قِرِن.
\q1
\v 9 سّقَتَيَ شَ دِيٍ، مِشِ كّمّ سَشَن، مِشِ تٌنفٌ سٌلٌقٍرٍ نُن قِرِن.
\q1
\v 10 عَرَ شَ دِيٍ، مِشِ كّمّ سٍننِ، مِشِ تٌنفٌ سُولِ نُن قِرِن.
\q1
\v 11 مٌوَبَ ثَشَتِ شَ دِيٍ، نَشٍيٍ قَتَنشِ يٍسُوَ نُن يٌوَبَ مَ، مِشِ وُلُ قِرِن، مِشِ كّمّ سٌلٌمَسَشَن، مِشِ قُ نُن سٌلٌمَسَشَن.
\q1
\v 12 عٍلَمَ شَ دِيٍ، مِشِ وُلُ كٍرٍن، مِشِ كّمّ قِرِن، مِشِ تٌنفٌ سُولِ نُن نَانِ.
\q1
\v 13 سَتُ شَ دِيٍ، مِشِ كّمّ سٌلٌمَسَشَن، مِشِ تٌنفٌ نَانِ نُن سُولِ.
\q1
\v 14 سَكَيِ شَ دِيٍ، مِشِ كّمّ سٌلٌقٍرٍ، مِشِ تٌنفٌ سٍننِ.
\q1
\v 15 بِنُوِ شَ دِيٍ، مِشِ كّمّ سٍننِ، مِشِ تٌنفٌ نَانِ نُن سٌلٌمَسَشَن.
\q1
\v 16 بِبَيِ شَ دِيٍ، مِشِ كّمّ سٍننِ، مِشِ مْشْحّن نُن سٌلٌمَسَشَن.
\q1
\v 17 عَسِفَدِ شَ دِيٍ، مِشِ وُلُ قِرِن، مِشِ كّمّ سَشَن، مِشِ مْشْحّن نُن قِرِن.
\q1
\v 18 عَدٌنِكَمَ شَ دِيٍ، مِشِ كّمّ سٍننِ، مِشِ تٌنفٌ سٍننِ نُن سٌلٌقٍرٍ.
\q1
\v 19 بٍفِقَيِ شَ دِيٍ، مِشِ وُلُ قِرِن، مِشِ تٌنفٌ سٍننِ نُن سٌلٌقٍرٍ.
\q1
\v 20 عَدِن شَ دِيٍ، مِشِ كّمّ سٍننِ، مِشِ تٌنفٌ سُولِ نُن سُولِ.
\q1
\v 21 عَتّرِ شَ دِيٍ، نَشٍيٍ قَتَنشِ شٍسٍكِيَ رَ، مِشِ تٌنفٌ سٌلٌمَنَانِ نُن سٌلٌمَسَشَن.
\q1
\v 22 شَسُمَ شَ دِيٍ، مِشِ كّمّ سَشَن، نُن مِشِ مْشْحّن نُن سٌلٌمَسَشَن.
\q1
\v 23 بٍسٍيِ شَ دِيٍ، مِشِ كّمّ سَشَن، مِشِ مْشْحّن نُن نَانِ.
\q1
\v 24 شَرِقِ شَ دِيٍ، مِشِ كّمّ، مِشِ قُ نُن قِرِن.
\q1
\v 25 فَبَيٌن شَ دِيٍ، مِشِ تٌنفٌ سٌلٌمَنَانِ نُن سُولِ.
\q1
\v 26 بّتّلّيمُكَيٍ نُن نٍتٌقَكَيٍ، مِشِ كّمّ، مِشِ تٌنفٌ سٌلٌمَسَشَن نُن سٌلٌمَسَشَن.
\q1
\v 27 عَنَتْتِكَيٍ، مِشِ كّمّ، مِشِ مْشْحّن نُن سٌلٌمَسَشَن.
\q1
\v 28 بٍتِ عَسَمَقٍتِكَيٍ، مِشِ تٌنفٌ نَانِ نُن قِرِن.
\q1
\v 29 كِرِيَتِ يٍيَرِ مِ، كٍقِرَكَيٍ، نُن بٍرٌتِكَيٍ، مِشِ كّمّ سٌلٌقٍرٍ، مِشِ تٌنفٌ نَانِ نُن سَشَن.
\q1
\v 30 رَ مَكَيٍ نُن فٍبَكَيٍ، مِشِ كّمّ سٍننِ، مِشِ مْشْحّن نُن كٍرٍن.
\q1
\v 31 مِكِمَسِكَيٍ، مِشِ كّمّ، مِشِ مْشْحّن نُن قِرِن.
\q1
\v 32 بٍتٍلِكَيٍ نُن عَيِكَيٍ، مِشِ كّمّ، مِشِ مْشْحّن نُن سَشَن.
\q1
\v 33 نٍبٌكَ ندٍيٍ، مِشِ تٌنفٌ سُولِ نُن قِرِن.
\q1
\v 34 عٍلَمَكَ ندٍيٍ، مِشِ وُلُ كٍرٍن، مِشِ كّمّ قِرِن، مِشِ تٌنفٌ سُولِ نُن نَانِ.
\q1
\v 35 شَرِ مَ شَ دِيٍ، مِشِ كّمّ سَشَن، مِشِ مْشْحّن.
\q1
\v 36 يٍرِكٌ شَ دِيٍ، مِشِ كّمّ سَشَن، مِشِ تٌنفٌ نَانِ نُن سُولِ.
\q1
\v 37 لٌدِ شَ دِيٍ، شَدِدِ شَ دِيٍ، نُن عٌنٌ شَ دِيٍ، مِشِ كّمّ سٌلٌقٍرٍ، مِشِ مْشْحّن نُن كٍرٍن.
\q
\v 38 سٍنَا شَ دِيٍ، مِشِ وُلُ سَشَن، مِشِ كّمّ سٌلٌمَنَانِ، نُن مِشِ تٌنفٌ سَشَن.»
\p
\v 39 «سّرّشّدُبّيٍ كْنتِ نَن يِ كِ؛
\q يّدَيَ شَ دِيٍ، نَشٍيٍ قَتَنشِ يٍسُوَ شَ دٍنبَيَ رَ، مِشِ كّمّ سٌلٌمَنَانِ، مِشِ تٌنفٌ سٌلٌقٍرٍ نُن سَشَن.
\q
\v 40 عِمٍرِ شَ دِيٍ، مِشِ وُلُ كٍرٍن، مِشِ تٌنفٌ سُولِ نُن مِشِ قِرِن.
\q1
\v 41 ثَسُرَ شَ دِيٍ، مِشِ وُلُ كٍرٍن، مِشِ كّمّ قِرِن، مِشِ تٌنفٌ نَانِ نُن سٌلٌقٍرٍ.
\q1
\v 42 شَرِ مَ شَ دِيٍ، مِشِ وُلُ كٍرٍن، مِشِ قُ نُن سٌلٌقٍرٍ.»
\p
\v 43 «لٍوِكَيٍ كْنتِ نَن يِ كِ؛
\q يٍسُوَ، كَدَ مِيّلِ، نُن هٌدَقِيَ شَ دِيٍ، مِشِ تٌنفٌ سٌلٌقٍرٍ نُن نَانِ.»
\p
\v 44 «بّيتِ بَيٍ كْنتِ نَن يِ كِ؛
\q1 عَسَقِ شَ دِيٍ، مِشِ كّمّ، مِشِ تٌنفٌ نَانِ نُن سٌلٌمَسَشَن.»
\p
\v 45 «نَادّ مَكَنتّيٍ كْنتِ نَن يِ كِ؛
\q1 سَلُمُ شَ دِيٍ، عَتّرِ شَ دِيٍ، تَلَمْن شَ دِيٍ،
\q1 عَكُبُ شَ دِيٍ، شَتِتَ شَ دِيٍ، نُن سٌبَيِ شَ دِيٍ،
\q1 مِشِ كّمّ، مِشِ تٌنفٌ سَشَن نُن سٌلٌمَسَشَن.»
\p
\v 46 «هْرْ مْلِنفِرَ وَلِكّيٍ كْنتِ نَن يِ كِ؛
\q1 سِشَ شَ دِيٍ، شَسُقَ شَ دِيٍ، تَبَيٌتِ شَ دِيٍ،
\q1
\v 47 كٍرٌ سِ شَ دِيٍ، سَيَ شَ دِيٍ، ثَدٌن شَ دِيٍ،
\q1
\v 48 لٍبَنَ شَ دِيٍ، شَفَبَ شَ دِيٍ، سَلَمَيِ شَ دِيٍ،
\q1
\v 49 هَنَن شَ دِيٍ، فِدّلِ شَ دِيٍ، فَشَرِ شَ دِيٍ،
\q1
\v 50 رٍيَيَ شَ دِيٍ، رٍ سِن شَ دِيٍ، نٍكٌدَ شَ دِيٍ،
\q1
\v 51 فَسَمَ شَ دِيٍ، عُسَ شَ دِيٍ، ثَسٍيَ شَ دِيٍ،
\q1
\v 52 بِسَيِ شَ دِيٍ، مٍوُنِمَ شَ دِيٍ، نٍقُسِمَ شَ دِيٍ،
\q1
\v 53 بَكِبُكِ شَ دِيٍ، شَكُقَ شَ دِيٍ، شَرِشُرِ شَ دِيٍ،
\q1
\v 54 بَسِلُتِ شَ دِيٍ، مٍشِدَ شَ دِيٍ، شَرَ سَ شَ دِيٍ،
\q1
\v 55 بَرَكْسِ شَ دِيٍ، سِسٍرَ شَ دِيٍ، تٍمَ شَ دِيٍ،
\q1
\v 56 نٍسِيَ شَ دِيٍ، نُن شَتِقَ شَ دِيٍ.»
\p
\v 57 «سُلٍمَنِ شَ وَلِكّيٍ شَ دِيٍ كْنتِ نَن يِ كِ؛
\q1 سٌتَيِ شَ دِيٍ، سٌقٍرٍتِ شَ دِيٍ، ثٍردِدَ شَ دِيٍ،
\q1
\v 58 يَالَ شَ دِيٍ، دَرَكْن شَ دِيٍ، فِدّلِ شَ دِيٍ،
\q1
\v 59 سّقَتَيَ شَ دِيٍ، شَتِلِ شَ دِيٍ،
\q1 ثٌكّرّتِ هَسٍبَيِمِ شَ دِيٍ، نُن عَمٌن شَ دِيٍ.»
\p
\v 60 «هْرْ مْبَنشِ وَلِكّيٍ نُن سُلٍمَنِ شَ وَلِكّيٍ، مِشِ كّمّ سَشَن، مِشِ تٌنفٌ سٌلٌمَنَانِ، نُن قِرِن.»
\p
\v 61 «مِشِيٍ نَن يِ كِ نَشٍيٍ كٍلِ تٍلِ مٍلَ، تٍلِ شَرَ سَ، كّرُبُ، عَدَن، نُن عِمٍرِ، كْنْ عٍ مُ نْ عَ مَسٍندٍ عَ عِسِرَيِلَ دِيٍ يَتِ يَتِ نَن عٍ رَ؛
\q1
\v 62 دّلَيَ شَ دِيٍ، تٌبِيَ شَ دِيٍ، نُن نٍكٌدَ شَ دِيٍ، مِشِ كّمّ سٍننِ، مِشِ تٌنفٌ نَانِ نُن قِرِن.»
\p
\v 63 «يِ مِشِيٍ نُ نَ سّرّشّدُبّيٍ يَ مَ؛ شَبَيَ شَ دِيٍ، هَكْسِ شَ دِيٍ، نُن بَرَ سِلَيِ شَ دِيٍ، نَشَن نُ بَرَ بَرَ سِلَيِ فَلَدِكَ شَ دِ فِنّ ندٍ دْشْ، عٍ قَ نَ شِلِ سَ عَ شُن مَ. 
\v 64 عٍ نَشَ عٍ رَ مِنِ سّرّشّدُبّ وَلِ كُي بَرِ مَ عٍ مُ نْ عٍ شِلِيٍ تٌدٍ تَرُشُي كُي. 
\v 65 فٌمِنَ نَشَ عٍ يَامَرِ، عٍ نَشَ سّرّشّدُبّ دٌنسٍ سّنِيّنشِ دٌن هَن سّرّشّدُبّ ندٍ شَ عَلَ سَفٌي مَشْرِن عُرِ مِ نُن تُمِمِ مَ.»
\p
\v 66 «حَمَ بِرِن كْنتِ لَنشِ مِشِ وُلُ تٌنفٌ نَانِ نُن قِرِن، مِشِ كّمّ سَشَن تٌنفٌ سٍننِ نَن مَ. 
\v 67 عٍ شَ كٌنيِيٍ كْنتِ لَنشِ مِشِ وُلُ سٌلٌقٍرٍ، مِشِ كّمّ سَشَن تٌنفٌ سَشَن نُن سٌلٌقٍرٍ نَن مَ. بّيتِبَ كّمّ قِرِن تٌنفٌ سُولِ نُن سُولِ قَن نُ نَ عٍ يَ مَ. حَمَ نُ بَرَ شُرُ سٍ فبٍفبٍ شَنِن نَا؛ سٌي كّمّ سٌلٌقٍرٍ، تٌنفٌ سَشَن، نُن سٍننِ، سٌقَلٍ كّمّ قِرِن، تٌنفٌ نَانِ، نُن سُولِ، 
\v 69 حْشْمّ كّمّ نَانِ، تٌنفٌ سَشَن، نُن سُولِ، سٌقَلٍ مْولِ ندٍ وُلُ سٍننِ، كّمّ سٌلٌقٍرٍ مْشْحّن.»
\p
\v 70 «دٍنبَيَ كَنيِيٍ نَشَ سٍيٍ قِ عَلَكٌ وَلِ شَ رَبَ. فٌمِنَ نَشَ شّيمَ كٌلٍ وُلُ كٍرٍن، ثْوتِ قَنيِ تٌنفٌ سُولِ، نُن سّرّشّدُبّ دُفِ كّمّ سُولِ، تٌنفٌ سَشَن قِ وَلِ شَ قٍ رَ. 
\v 71 دٍنبَيَ كَنيِيٍ نَشَ شّيمَ كٌلٍ وُلُ مْشْحّن، نُن فبٍتِ كٌلٍ وُلُ قِرِن نُن كّمّ قِرِن قِ وَلِ شَ قٍ رَ. 
\v 72 حَمَ نَشَن لُشِ نَا نَشَ شّيمَ كٌلٍ وُلُ مْشْحّن، نُن فبٍتِ كٌلٍ وُلُ قِرِن، نُن سّرّشّدُبّ دُفِ تٌنفٌ سٍننِ نُن سٌلٌقٍرٍ قِ وَلِ شَ قٍ رَ.»
\p
\v 73 «سّرّشّدُبّيٍ، لٍوِكَيٍ، هْرْ مْبَنشِ نَادّ مَكَنتّيٍ، بّيتِبَيٍ، نُن هْرْ مْبَنشِ وَلِكّيٍ، نُن عِسِرَيِلَكَ بِرِن نَشَ سَبَتِ عٍ شْنيِ.»
\c 8
\s عَلَ شَ سّرِيّ شَرَنقٍ
\p
\v 1 كِكٍ سٌلٌقٍرٍ ندٍ، عِسِرَيِلَكَيٍ نُ بَرَ سَبَتِ عٍ شَ تَايٍ كُي. نَ تّمُي عٍ بِرِن نَشَ عٍ مَلَن دَرِ سَلَمُ تَا كُي نَادّ يَ رَ، نَادّ نَشَن شِلِ «يٍ نَادّ.» عٍ نَشَ عَ قَلَ سّرِيّ كَرَ مْشْ عٍسِدِرَ سِ بّ عَ شَ قَ تَوُرٍتَ مُنسَ رَ عَلَتَلَ نَشَن قِشِ عِسِرَيِلَ مَ. 
\v 2 عٍسِدِرَ سِ نَشَ قَ عَ رَ حَمَ يِرٍ؛ شّمّيٍ، فِنّيٍ، نُن مِشِ نَشٍيٍ بِرِن نْمَ مَسٍنيِ قَهَامُدٍ. يِ مَلَنيِ تِ كِكٍ سٌلٌقٍرٍ ندٍ شِ سِنفٍ لْشْي نّ.
\p
\v 3 كٍلِ فّيسّفّ مَ عَ سَ دْشْ يَنيِ تَفِ رَ، عٍسِدِرَ سِ نُ كِتَابُي شَرَنمَ حَمَ بّ نَشَن نُ مَلَنشِ «يٍ نَادّ» يَ رَ. شّمّيٍ، فِنّيٍ، نُن مِشِ نَشٍيٍ بِرِن نْمَ مَسٍنيِ قَهَامُدٍ، عٍ نَشَ عٍ تُلِ مَتِ عَ قَنيِ رَ نَ شَرَنيِ رَ. 
\v 4 سّرِيّ كَرَ مْشْ عٍسِدِرَ سِ نُ تِشِ سٍ ندٍ قَرِ نَشَن يَءِلَنشِ وُرِ رَ عَلَكٌ مِشِ شَ عَ تٌ. مَتِتِيَ، سٍمَ، عَنَيَ، عُرِيَ، شِلِكِيَ، نُن مَاسٍيَ نُ تِشِ عَ يِرٍقَنيِ مَ. ثّدَيَ، مِكَيٍلِ، مَلَكِيَ، شَسُمَ، شَسَبَدَنَ، سَكَرِ، نُن مٍسُلَمَ نُ تِشِ عَ كْولَ مَ. 
\v 5 عٍسِدِرَ سِ نَشَ كِتَابُي رَبِ حَمَ يَ شْرِ. عَ نُ نَ دّننَشّ حَمَ بِرِن عَ تٌشِ. عَ تٌ كِتَابُي رَبِ، بِرِن نَشَ تِ. 
\v 6 عٍسِدِرَ سِ نَشَ مَرِفِ شُنفبٍ عَلَتَلَ تَنتُ. حَمَ نَشَ عَ رَتِن، «عَمِنَ. عَمِنَ.» عٍ نَشَ عٍ بّلّشّ عِتَلَ، عٍ عٍ مَقٍلٍن بْشِ مَ عَلَتَلَ يَ عِ. 
\v 7 لٍوِكَ يٍسُوَ، بَنِ، سٍرٍبِيَ، يَمِن، عَكُبُ، سَبّتَيِ، هٌدِيَ، مَاسٍيَ، كٍلِتَ، عَسَرَيَ، يٌسَبَدِ، هَنَن، نُن ثّلَيَ نَشَ يِ سّرِيّ تَفِ رَبَ حَمَ بّ نَشَن تِشِ. 
\v 8 عٍ نَشَ تَوُرٍتَ مُنسَ، عَلَ شَ سّرِيّ، شَرَن حَمَ بّ عَ قَنيِ رَ، عٍ مَن عَ قَسَرِ عَلَكٌ بِرِن شَ عَ قَهَامُ.
\p
\v 9 حَمَ تٌ نَ سّرِيّ مّ، عٍ نَشَ سُننُن، عٍ وَ قْلْ. نَ نَن عَ تٌشِ فٌمِنَ نٍهٍمِ، سّرّشّدُبّ نُن سّرِيّ كَرَ مْشْ عٍسِدِرَ سِ، نُن لٍوِكَ نَشٍيٍ نُ حَمَ شَرَنمَ، نٍيٍ نَشَ عَ قَلَ بِرِن بّ، «تٌ شَ قِندِ سَلِ لْشْي رَ وٌن مَرِفِ عَلَتَلَ بّ. وٌ نَشَ سُننُن، وٌ نَشَ وَ.» 
\v 10 عٍسِدِرَ سِ مَن نَشَ عَ قَلَ عٍ بّ، «وٌ سِفَ، وٌ شَ دٌنسٍ قَنيِ دٌن، وٌ شَ وٌ مِن عَ قَنيِ رَ، وٌ مَن شَ ندٍ سٌ سٍتَرٍيٍ يِ رَ، بَرِ مَ تٌ بَرَ قِندِ سَلِ لْشْي رَ وٌن مَرِفِ بّ. وٌ نَشَ سُننُن، بَرِ مَ عَلَتَلَ شَ سّيوّ سّنبّ قِمَ نّ وٌ مَ.» 
\v 11 لٍوِكَيٍ قَن نَشَ حَمَ مَسَبَرِ، عٍ نُ قَ عَ قَلَ، «وٌ وٌ سَبَرِ، بَرِ مَ تٌ بَرَ قِندِ سَلِ لْشْي رَ عَلَ بّ. وٌ نَشَ سُننُن.» 
\v 12 عٍ بِرِن نَشَ فبِلٍن عٍ شْنيِ، عٍ شَ سَ عٍ دّفٍ، عٍ مَن شَ عٍ مِن. عٍ نَشَ دٌنسٍ رَ سَنبَ عٍ بٌورٍيٍ مَ حّلّشِنيِ كُي، عَلْ عَ قَلَ عٍ بّ كِ نَشّ.
\s بَفٍ تِ سَلِ
\p
\v 13 نَ كُيٍ عِبَ، دٍنبَيَ كَنيِيٍ عِسِرَيِلَكَيٍ يَ مَ، سّرّشّدُبّيٍ، نُن لٍوِكَيٍ نَشَ عٍ مَلَن سّرِيّ كَرَ مْشْ عٍسِدِرَ سِ يِرٍ عَلَكٌ عٍ شَ تَوُرٍتَ مُنسَ رَ مّ. 
\v 14 يِ سّرِيّ كُي، عَلَتَلَ نَشَن سٌ عَننَبِ مُنسَ يِ رَ، عَ سّبّشِ عِسِرَيِلَكَيٍ شَ بَفٍيٍ تِ، عٍ شَ لُ عٍ كُي كِكٍ سٌلٌقٍرٍ ندٍ سَلِ تّمُي. 
\v 15 يِ سَلِ لْشْي مَ، عَ لَن نّ عٍ شَ عَ قَلَ عِسِرَيِلَكَيٍ بِرِن بّ، عَ نُن نَشٍيٍ نَ دَرِ سَلَمُ، «وٌ شَ مِنِ وُلَ عِ عٌلِوِ سَلٌنيِ، مِرِتِ سَلٌنيِ، تُفِ قّنسّ، نُن تُقُ سَلٌنيِ قٍندٍ، عَلَكٌ وٌ شَ بَفٍيٍ تِ عَلْ عَ سّبّشِ كِ نَشّ.»
\p
\v 16 نَ كُي عِسِرَيِلَكَيٍ نَشَ مِنِ وُرِ سَلٌنيِيٍ سّفّدٍ. عٍ نَشَ بَفٍيٍ تِ عٍ شَ بَنشِيٍ قَرِ، تَندٍ مَ، هْرْ مْبَنشِ تّتّ كُي، نُن يٍ نَادّ نُن عٍقِرَ مِ شَ نَادّ يَ رَ. 
\v 17 حَمَ، نَشٍيٍ بِرِن كٍلِ كٌنيِيَ كُي، عٍ نَشَ بَفٍيٍ تِ عٍ لُمَ نَشٍيٍ كُي. نَ نَشَ قِندِ سّيوّ بٍلٍبٍلٍ رَ. كَبِ نُنُ شَ دِ يٌسُوٍ تّمُي، عٍ مُ نُ نَ مْولِ رَبَ.
\p
\v 18 لْشْ يٌ لْشْ، عٍ نُ قَ تَوُرٍتَ مُنسَ شَرَن، كٍلِقٍ سَلِ قْلْ لْشْي هَن عَ رَحْن لْشْي. عٍ نَشَ نَ رَبَ شِ سٌلٌقٍرٍ بُن مَ. عَ سٌلٌمَسَشَن ندٍ، عٍ بِرِن نَشَ عٍ مَلَن، عٍ قَ سَلِ بٍلٍبٍلٍ رَبَ عَلْ عَ سّبّشِ كِ نَشّ.
\c 9
\s حَمَ شَ سُنيِ
\p
\v 1 نَ كِكٍ شِ مْشْحّن نُن نَانِ لْشْي، عِسِرَيِلَكَيٍ نَشَ عٍ مَلَن عٍ شَ سُنيِ سُشُ. عٍ نَشَ سُننُن دٌنمَ رَفٌرٌ عٍ مَ، عٍ بّندّ مَسٌ عٍ قَتٍ مَ. 
\v 2 عِسِرَيِلَ بْنسْي نَشَ لُ يِرٍ كٍرٍن، شْحّ يٌ مُ نُ نَ عٍ يَ مَ. عٍ نَشَ عٍ شَ يُنُبِ نُن عٍ بَبَيٍ شَ يُنُبِ مَسٍن عَلَ بّ. 
\v 3 كُيٍ تٌ عِبَ، عٍ نَشَ تِ، عٍ عٍ تُلِ مَتِ تَوُرٍتَ مُنسَ شَرَنيِ رَ، عٍ مَرِفِ عَلَتَلَ نَشَن سٌشِ عٍ يِ رَ. سٌفٍ تٌ شْنْ قْلْ، عٍ نَشَ عٍ شَ يُنُبِ مَسٍن عٍ مَرِفِ عَلَتَلَ بّ، عٍ مَن نَشَ تُوبِ عَ بّ هَن سٌفٍ نَشَ تٍ عَ قَنيِ رَ.
\p
\v 4 لٍوِكَ يٍسُوَ، بَنِ، كَدَ مِيّلِ، سّبَنَيَ، بُنِ، سٍرٍبِيَ، بَنِ، نُن كٍنَنِ نَشَ تِ وُرِ يَءِلَنشِ مَ، عٍ قَ عٍ مَرِفِ عَلَتَلَ شِلِ عٍ شُي عِتٍشِ رَ. 
\v 5 لٍوِكَ يٍسُوَ، كَدَ مِيّلِ، بَنِ، شَسَبٍنٍيَ، سٍرٍبِيَ، هٌدِيَ، سّبَنَيَ، نُن ثٍتَشِيَ نَشَ عَ مَسٍن حَمَ بّ، «وٌ كٍلِ، وٌ شَ وٌ مَرِفِ عَلَتَلَ تَنتُ، دَنيِ مُ نَ نَشَن مَ.»
\p «مُشُ بَرَ عِ شِلِ شُنفبٍ مَتْشْ، نَشَن دَنفِ تَنتُي نُن مَتْشْي بِرِن نَ. 
\v 6 عِ تَن نَن نَ مُشُ مَرِفِ عَلَتَلَ رَ، عِ كٍرٍن، نَشَن كٌورٍ نُن تُنبُييٍ دَا، نَشَن بْشِ نُن عَ عِسٍيٍ بِرِن دَا، نَشَن بَا نُن يّشّ بِرِن دَا. عِ بَرَ نَ نِمَسٍ بِرِن دَا. هَلِ تُنبُي نَشٍيٍ نَ كٌورٍ مَ، عٍ قَن بَرَ تُوبِ عِ بّ. 
\v 7 عِ تَن نَن نَ مَرِفِ عَلَتَلَ رَ نَشَن عَننَبِ عِبُرَ مَ سُفَندِشِ، عَ عَ رَ مِنِ عُرُ كَلِدِ بْشِ كُي، عَ عِبُرَهِمَ شِلِ سَ عَ شُن مَ. 
\v 8 عِ نَشَ عَ تٌ عَ بْحّ تِنشِن عِ يَ عِ. عِ نَشَ سَاتّ تٌنفٌ عَ بّ، عِ شَ كَنَان بْشِ قِ عَ بْنسْي مَ، كَنَانكَيٍ، شِتِكَيٍ، عَمٌرِكَيٍ، ثٍرِ سِكَيٍ، يٍبُسُكَيٍ، نُن فِرِفَسَكَيٍ نُ نَ دّننَشّ. عِ بَرَ نَ سَاتّ رَكَمَلِ، بَرِ مَ عِ تِنشِن.»
\p
\v 9 «عِ نَشَ مُشُ بٍنبَيٍ شَ سُننُنيِ تٌ مِسِرَ بْشِ مَ، عِ مَن نَشَ عٍ شُي مّ شُلُنيُمِ بَا مَ. 
\v 10 عِ نَشَ كَابَنَكٌي نُن تْنشُمَيٍ رَبَ قِرَوُنَ، عَ شَ وَلِكّيٍ، نُن عَ شَ حَمَ بِرِن شِلِ مَ، بَرِ مَ عِ بَرَ عَ كٌلٌن عٍ بَرَ عٍ يّتّ عِفبٌ مُشُ بٍنبَيٍ مَ. نَ كُي عِ بَرَ شِلِ مَفَاشُشِ سْتْ، نَشَن نَ عِ يِ رَ هَن تٌ. 
\v 11 عِ نَشَ بَا بٌلٌن عٍ يَ شْرِ عَلَكٌ عٍ شَ فِرِ. عٍ نَشَ فِرِ عٍ شَرَشِ رَ بَا تَفِ، كْنْ نَشٍيٍ نُ بِرَشِ عٍ قْشْ رَ، عِ نَشَ يٍ رَدِن نٍيٍ شُن مَ، عِ عٍ رَدُلَ عَلْ فّمّ فٌرٌ مَ يٍ بْتِنِ مَ كِ نَشّ. 
\v 12 يَنيِ رَ، عِ نَشَ نُشُي قِندِ عٍ رَحّرّ سٍ رَ. كْي رَ، عِ نَشَ تّ تِ عٍ بّ نَشَن كِرَ عِيَلَنمَ، عٍ عٍ حّرّ مَ نَشَن نَ.»
\p
\v 13 «عِ نَشَ فٌرٌ تُرُ سِنِنَ فٍيَ قَرِ، عِ قَ وْيّن عٍ بّ كٍلِ كٌورٍ مَ. عِ نَشَ سّرِيّ تِنشِنشِ، نْندِ، مَرَ سِ نُن يَامَرِ قَنيِيٍ مَسٍن عٍ بّ. 
\v 14 عِ شَ وَلِكّ مُنسَ سَابُي رَ، عِ نَشَ عِ شَ مَلَبُي لْشْي سّنِيّنشِ شَ قٍ مَسٍن عٍ بّ، عِ شَ يَامَرِ، عِ شَ مَرَ سِ، نُن عِ شَ سّرِيّ. 
\v 15 كَامّ تٌ عٍ سُشُ، عِ نَشَ تَامِ رَفٌرٌ عٍ مَ كٍلِ كٌورٍ. يٍ شْلِ نُ نَ عٍ مَ تّمُي نَشّ، عِ نَشَ يٍ رَ مِنِ فّمّ لٌنفٌرِ رَ. عِ نَشَ عٍ شّي بْشِ تٌنفٌدٍ عِ عِ رَكَلِ نَشَن نَ سٌقٍ رَ عٍ يِ رَ.»
\p
\v 16 «كْنْ مُشُ بٍنبَيٍ نَشَ قِنسِرِوَلِيَ رَبَ عٍ شَ يّتّ عِفبٌحَ كُي. عٍ مُ عٍ تُلِ مَتِ عِ شَ يَامَرِ رَ. 
\v 17 عٍ مُ تِن عِ شُي رَتِنمّدٍ. عٍ مُ رَتُ عِ شَ كَابَنَكٌي مَ، عِ نَشٍيٍ رَبَ عٍ بّ. عٍ نَشَ عٍ كٌبٍ تِ عِ رَ، عٍ مَن نَشَ نَتّ تٌنفٌ فبِلٍنقٍ رَ كٌنيِيَ كُي. عٍ مَنفّ ندٍ سُفَندِ نَ نَن مَ. كْنْ عِ تَن مُ عٍ رَبّحِن، بَرِ مَ عَلَ نَن لَنشِ عِ مَ نَشَن دِحّمَ، نَشَن كِنِكِنِمَ، نَشَن هِننّمَ. عِ شَ شْنّ مُ مَقُرَ. عِ شَ شَنُنتٍيَ فبٌ. 
\v 18 عِ مُ عٍ رَبّحِن هَلِ عٍ تٌ نِنفٍ كُيٍ يَءِلَن يْشُي رَ، عٍ قَ عَ قَلَ، ‹مُشُ شَ عَلَ نَن يِ كِ نَشَن مُشُ رَ مِنِ مِسِرَ بْشِ مَ.› عٍ تٌ قٍ حَاشِ قَلَ عِ شَ قٍ رَ، عِ مُ عٍ رَبّحِن قٍقٍ مَ. 
\v 19 عِ شَ قٌنِسِرٍيَ كُي عِ مُ عٍ رَبّحِن فبٍنفبٍرٍنيِ مَ. عِ مُ نُشُي بَ عٍ يَ رَ، نَشَن نُ عٍ رَحّرّ مَ يَنيِ رَ. عِ مُ تّ بَ نَا، نَشَن نُ كِرَ عِيَلَنمَ عٍ بّ كْي رَ. 
\v 20 عِ نَشَ عِ شَشِلِ قَنيِ سٌ عٍ يِ رَ عَلَكٌ عٍ شَشِلِ شَ قَن. عِ نَشَ مَنَ تَامِ نُن يٍ سٌ عٍ يِ رَ عَلَكٌ عٍ شَ بَلٌ. 
\v 21 حّ تٌنفٌ نَانِ بُن مَ، عِ حّنفِ سَشِ عٍ شَ قٍ شْن مَ فبٍنفبٍرٍنيِ مَ. عٍ هَيِ نُ نَ سٍ نَشَن بِرِن مَ، عِ نَشَ نَ سٌ عٍ يِ رَ. عٍ شَ دُفِيٍ مُ كَنَ، عٍ سَنيِيٍ مُ قُنتُ.»
\p
\v 22 «عِ نَشَ مَنفّيَيٍ نُن سِ فبّتّيٍ سٌ عٍ يِ رَ، بْشِ نَشٍيٍ نُ نَ عٍ شَ بْشِ نَانِنيِ رَ. عٍ نَشَ مَنفّ سِشْن شَ بْشِ شّسِبْن تٌنفٌ، عٍ مَن نَشَ مَنفّ عٌفٌ شَ بْشِ بَسَن تٌنفٌ. 
\v 23 عِ نَشَ عٍ شَ دِيٍ رَوُيَ دَنفِقٍ تُنبُييٍ رَ نَشٍيٍ نَ كٌورٍ مَ. عِ نَشَ نَ بْشِ سٌ عٍ يِ رَ عِ نَشَن لَايِدِ عٍ بَبَيٍ بّ. 
\v 24 عٍ شَ دِيٍ نَشَ نَ بْشِ سْتْ. عِ نَشَ كَنَانكَيٍ نُن عٍ شَ مَنفّيٍ رَفٌرٌ عٍ يَ عِ، عِ نَشَ عٍ سَ عٍ بّلّشّ عِ، عَلَكٌ عٍ شَ عٍ وَشْنقٍ رَبَ عٍ رَ. 
\v 25 عٍ نَشَ تَايٍ نُن بْشِ قَنيِيٍ سْتْ، عَ نُن بَنشِ نَشٍيٍ رَقٍشِ هَرِفٍ رَ، كْلْنيِيٍ، وّنِ بِلِيٍ، عٌلِوِ بِلِيٍ، نُن سَنسِ فبٍفبٍ نَشٍيٍ بٌفِمَ عَ قَنيِ رَ. عٍ نَشَ عٍ دّفٍ، عٍ نَشَ لُفَ بَلٌي قَنيِ رَ، عٍ نَشَن سْتْ عِ شَ هِننّ سَابُي رَ.»
\p
\v 26 «كْنْ عٍ مُ لُ عِ شَ يَامَرِ بُن مَ. عٍ نَشَ عِ مَتَندِ، عٍ نَشَ عٍ كٌبٍ تِ عِ شَ سّرِيّ رَ. عٍ نَشَ عِ شَ نَمِحْنمّيٍ قَشَ، نَشٍيٍ نُ بَرَ كَوَندِ تِ عٍ بّ عٍ شَ فبِلٍن عِ مَ. عٍ نَشَ قٍ حَاشِ فبٍفبٍ رَبَ عِ رَ. 
\v 27 نَ كُي عِ نَشَ عٍ سَ عٍ يَشُييٍ بّلّشّ عِ، نَشٍيٍ بَرَ عٍ حَشَنكَتَ. كْنْ عٍ تٌ عِ شِلِ عٍ شَ تْورّ كُي، عِ نَشَ عٍ شَ مَشَندِ سُشُ كٌورٍ مَ. عِ نَشَ مَرَكِسِمَيٍ شّي عٍ شْن مَ، نَشٍيٍ بَرَ عٍ بَ عٍ يَشُييٍ بّلّشّ عِ. 
\v 28 عٍ تٌ مَلَبُي سْتْ، عٍ مَن نَشَ قٍ حَاشِ رَبَ قْلْ عِ رَ. نَ كُي، عِ نَشَ عٍ رَبّحِن عٍ يَشُييٍ يِ رَ، نَشٍيٍ بَرَ نْ عٍ رَ. كْنْ عٍ تٌ فبِلٍن عِ شِلِ رَ، عِ مَن نَشَ عٍ شَ مَشَندِ سُشُ كٌورٍ مَ عِ شَ قٌنِسِرٍيَ سَابُي رَ. عِ بَرَ عٍ رَتَنفَ سَنمَيَ وُيَشِ. 
\v 29 عِ نَشَ قٍ بِرِن نَبَ، عَلَكٌ عٍ شَ بِرَ عِ شَ سّرِيّ قْشْ رَ، كْنْ عٍ نَشَ عٍ يّتّ عِفبٌ، عٍ مُ عٍ تُلِ مَتِ عِ شَ يَامَرِيٍ رَ. عٍ نَشَ تٌندِ عِ شَ سّرِيّ رَبَتُدٍ، نَشَن نْمَ عَ رَبَتُمَيٍ رَكِسِدٍ. عٍ نَشَ عٍ كٌبٍ تِ عِ رَ، عٍ مُ عِ شُي رَبَتُ قٍقٍ مَ.»
\p
\v 30 «عِ نَشَ لُ عٍ سّيتِ مَ كَبِ تّمُي شْنكُيٍ. عِ نُ عٍ رَلِمَنِيَمَ عِ شَشِلِ رَ عِ شَ نَمِحْنمّيٍ سَابُي رَ، كْنْ عٍ مُ عٍ تُلِ مَتِ عِ رَ. نَ كُي عِ نَشَ عٍ سَ سِ فبّتّيٍ بّلّشّ عِ. 
\v 31 كْنْ هَلِ عِ تٌ نَ رَبَ، عِ تٌندِ نّ عٍ سْنتْدٍ عِ شَ قٌنِسِرٍيَ شَ قٍ رَ. عِ مُ عٍ رَبّحِن كٍرٍنيِ رَ، بَرِ مَ عَلَ نَن نَ عِ رَ نَشَن هِننّمَ مِشِيٍ رَ، نَشَن كِنِكِنِمَ عٍ مَ.»
\p
\v 32 «يَكْسِ، عِ تَن مُشُ مَرِفِ عَلَ شُنفبٍ، عِ سّنبّ فبٌ، عِ مَفَاشُ، عِ عِ شَ سَاتّ رَكَمَلِمَ، عِ هِننّمَ مِشِ رَ. يَندِ، عِ شَ عِ حّنفِ سَ مُشُ شَ تْورّ شْن مَ، مُشُ شَ مَنفّيٍ، مُشُ شَ كُنتِفِيٍ، مُشُ شَ سّرّشّدُبّيٍ، مُشُ شَ نَمِحْنمّيٍ، مُشُ بَبَيٍ، نُن مُشُ شَ حَمَ بِرِن. كَبِ عَسِرِيَ مَنفّيٍ شَ تّمُي، هَن تٌ مُشُ نَ تْورّ نَن كُي. 
\v 33 عِ بَرَ قٍ تِنشِنشِ رَبَ مُشُ بّ. عِ تَن بَرَ دُفُتّفّحَ رَبَ، كْنْ مُشُ تَن بَرَ قٍ حَاشِ رَبَ عِ رَ. 
\v 34 مُشُ شَ مَنفّيٍ، مُشُ شَ كُنتِفِيٍ، مُشُ شَ سّرّشّدُبّيٍ، نُن مُشُ بَبَيٍ مُ بِرَ عِ شَ سّرِيّ قْشْ رَ. عٍ مُ عٍ تُلِ مَتِشِ عِ شَ يَامَرِ نُن عِ شَ مَسٍنيِ رَ. 
\v 35 هَلِ عِ تٌ هَرِفٍ نُن بْشِ قَنيِ سَ عٍ شَ مَنفّيَ بُن مَ تّمُي نَشّ، عٍ مُ عِ شُي رَبَتُ، عٍ مُ فبِلٍن عٍ شَ وَلِ حَاشِيٍ قْشْ رَ. 
\v 36 تٌ لْشْي مُشُ نَ كٌنيِيَ نَن كُي. مُشُ بَرَ قِندِ كٌنيِيٍ رَ بْشِ مَ عِ دّننَشّ قِشِ مُشُ بٍنبَيٍ مَ، عَلَكٌ عٍ شَ بَلٌ نَ بْشِ قَنيِ سَابُي رَ. 
\v 37 كْنْ نَ بْشِ بٌفِ قَنيِ بِرِن لُمَ مَنفّ فبّتّيٍ نَن بّ، مُشُ نَ نَشٍيٍ بُن مَ مُشُ شَ يُنُبِيٍ شَ قٍ رَ. عٍ عٍ وَشْنقٍ رَبَمَ مُشُ قَتٍيٍ نُن مُشُ شَ شُرُ سٍيٍ رَ. مُشُ نَ تْورّ بٍلٍبٍلٍ نَن كُي.»
\s حَمَ شَ نَتّ تٌنفٌشِ
\p
\v 38 نَ بِرِن كُي، مُشُ بَرَ يِ نَتّ سّبّشِ تٌنفٌ، مُشُ شَ مَنفّيٍ، لٍوِكَيٍ، نُن مُشُ شَ سّرّشّدُبّيٍ شَ تْنشُمَ دْشْشِ عَ مَ. 
\c 10
\p
\v 1 عٍ شِلِيٍ نَن يِ كِ؛
\q1 فٌمِنَ نٍهٍمِ شَكَلَيَ شَ دِ، سٍدٍكِيَ،
\q1
\v 2 سٍرَيَ، عَسَرَيَ، يٍرٍ مِ،
\q1
\v 3 ثَسُرَ، عَمَرَيَ، مَلَكِيَ،
\q1
\v 4 شَتُسِ، سّبَنَيَ، مَلُكُ،
\q1
\v 5 شَرِ مَ، مٍرٍ مٌتِ، عَبَدِيَسِ،
\q1
\v 6 دَنِيّلِ، فِنّتْن، بَرُكِ،
\q1
\v 7 مٍسُلَمَ، عَبِيَ، مِيَمِن،
\q1
\v 8 مَاسِيَ، بِلِفَيِ، نُن سٍمَيَ.
\q1 سّرّشّدُبّيٍ نَن نَ كِ.
\p
\v 9 لٍوِكَيٍ نَن يِ كِ؛
\q1 عَسَنَيَ شَ دِ يٍسُوَ، شٍنَدَدِ شَ دِ بِنُوِ، كَدَ مِيّلِ،
\q1
\v 10 نُن عٍ نفَشَكٍرٍنيِيٍ،
\q1 سّبَنَيَ، هٌدِيَ، كٍلِتَ، ثّلَيَ، هَنَن،
\q1
\v 11 مِكَ، رٍشٌبٌ، شَسَبِيَ،
\q1
\v 12 سَبُدُ، سٍرٍبِيَ، سّبَنَيَ،
\q1
\v 13 هٌدِيَ، بَنِ، نُن بّنِنُ.
\p
\v 14 كُنتِفِيٍ نَن يِ كِ؛
\q1 ثَرٌ سٌ، مٌوَبَ ثَشَتِ، عٍلَمَ، سَتُ، بَنِ،
\q1
\v 15 بُنِ، عَسِفَدِ، بِبَيِ،
\q1
\v 16 عَدٌنِيَ، بٍفِقَيِ، عَدِن،
\q1
\v 17 عَتّرِ، شٍسٍكِيَ، عَسُرُ،
\q1
\v 18 هٌدِيَ، شَسُمَ، بٍسٍيِ،
\q1
\v 19 شَرِقِ، عَنَتْتِ، نٍبَيِ،
\q1
\v 20 مَفَثِيَسِ، مٍسُلَمَ، شٍسِرِ،
\q1
\v 21 مٍسٍسَبٍلِ، سَدْكِ، يَدُوَ،
\q1
\v 22 ثّلَتَيَ، هَنَن، عَنَيَ،
\q1
\v 23 هٌسٍيَ، شَنَنِيَ، شَسُبُ،
\q1
\v 24 هَلٌشٍسِ، ثِلِشَ، سٌبٍكِ،
\q1
\v 25 رٍشُمِ، شَسَبَنَ، مَاسٍيَ،
\q1
\v 26 عَهَيَ، هَنَن، عَنَن،
\q1
\v 27 مَلُكُ، شَرِ مَ، نُن بَاننَ.
\p
\v 28 «حَمَ دْنشْي بِرِن، سّرّشّدُبّيٍ، لٍوِكَيٍ، نَادّ مَكَنتّيٍ، بّيتِبَيٍ، هْرْ مْبَنشِ وَلِكّيٍ، نُن مِشِ نَشٍيٍ بِرِن مِنِ سِ فبّتّيٍ يَ مَ عٍ بِرَ عَلَ شَ سّرِيّ قْشْ رَ، عٍ شَ فِنّيٍ، عٍ شَ دِ شّمّيٍ، عٍ شَ دِ فِنّيٍ، نُن مِشِ نَشٍيٍ بِرِن قٍ قَهَامُمَ، 
\v 29 نٍيٍ بِرِن نَشَ كَقُ عٍ نفَشَكٍرٍنيِ كُنتِفِيٍ مَ. عٍ نَشَ عٍ رَكَلِ عٍ شَ بِرَ عَلَ شَ سّرِيّ قْشْ رَ، عَلَ شَ كٌنيِ مُنسَ نَشَن قِشِ عٍ مَ، عٍ شَ عٍ مَرِفِ عَلَتَلَ شَ يَامَرِ، عَ شَ مَسٍنيِ، نُن عَ شَ سّرِيّ بِرِن نَبَتُ.»
\p
\v 30 «مُشُ نَشَ نَتّ تٌنفٌ مُشُ شَ تٌندِ مُشُ شَ دِيٍ قِدٍ يِ بْشِ مِشِيٍ مَ. مُشُ قَن شَ تٌندِ عٍ شَ دِ فِنّيٍ قٍندٍ مُشُ شَ دِ شّمّيٍ بّ. 
\v 31 مُشُ مُ سٍسٍ سَرَ مَ مَلَبُي لْشْييٍ نُن سَلِ لْشْييٍ، يِ بْشِ مِشِيٍ قَمَ نَشٍيٍ رَ عَلْ مّنفِ، شَ نَ مُ عَ رَ سٍ فبّتّ. حّ سٌلٌقٍرٍ ندٍ بِرِن نَ، مُشُ مُ بْشِ رَوَلِمَ، مُشُ مَن دِحّمَ نّ دٌنِيٍ بِرِن مَ. 
\v 32 حّ يٌ حّ مُشُ شَ فبٍتِ ندٍ بَ، عَ شَ رَوَلِ مُشُ مَرِفِ عَلَ شَ هْرْ مْبَنشِ كُي، 
\v 33 عَلْ سّرّشّ تَامِ، سَنسِ شْرِ نَشٍيٍ بَمَ سّرّشّ رَ لْشْ يٌ لْشْ، سّرّشّ فَن دَاشِ نَشٍيٍ بَمَ لْشْ يٌ لْشْ، نَشٍيٍ بَمَ مَلَبُي لْشْييٍ، نَشٍيٍ بَمَ كِكٍ نّينّ تِ لْشْييٍ، نَشٍيٍ بَمَ سَلِ لْشْييٍ، نَشٍيٍ بَمَ سّنِيّنيِ شَ قٍ رَ، نَشٍيٍ بَمَ عِسِرَيِلَ شَ يُنُبِ شَقَرِقٍ رَ، عَ نُن وَلِ نَشَن بِرِن نَبَمَ مُشُ مَرِفِ عَلَ شَ بَنشِ كُي.»
\p
\v 34 «سّرّشّدُبّيٍ، لٍوِكَيٍ، نُن حَمَ بِرِن نَشَ نَتّ تٌنفٌ عَلَ شَ مَلِ رَ، شَبِلّيٍ نَشٍيٍ قَمَ يٍفٍ رَ عَ وَشَتِ كِ مَ، نَشَن فَنمَ عَلَ شَ بَنشِ كُي، عَلْ عَ سّبّشِ كِتَابُي كُي كِ نَشّ. 
\v 35 مُشُ نَشَ نَتّ تٌنفٌ حّ يٌ حّ مُشُ شَ مُشُ شَ بْشِ دَشَمُي سِنفٍيٍ نُن مُشُ شَ سَنسِ بٌفِ سِنفٍيٍ شَنِن عَلَتَلَ شَ بَنشِ. 
\v 36 مُشُ مَن شَ مُشُ شَ دِ شّمّ سِنفٍيٍ نُن مُشُ شَ شُرُ سٍ دِ سِنفٍيٍ شَنِن سّرّشّدُبّيٍ شْن مَ، مُشُ مَرِفِ عَلَ شَ بَنشِ كُي، عَلْ عَ سّبّشِ كِتَابُي كُي كِ نَشّ.»
\p
\v 37 «مُشُ نَشَ نَتّ تٌنفٌ، مُشُ شَ مُشُ شَ قَرِن شُن سِنفٍيٍ، سَنسِ بٌفِ سِنفٍيٍ، وّنِ نّينّ، نُن تُرٍ نّينّ شَنِن مُشُ مَرِفِ عَلَ شَ هْرْ مْبَنشِ بِلِيٍ كُي سّرّشّدُبّيٍ بّ. مُشُ مَن شَ قَرِلّ قِ لٍوِكَيٍ مَ. عٍ لُمَ سِفَ رَ نَ قَرِلّ قْشْ رَ مُشُ وَلِمَ دّننَشّ. 
\v 38 عٍ شَ نَ رَبَ هَرُنَ بْنسْي سّرّشّدُبّ ندٍ يَ شْرِ. عٍ شَ قَرِلّ بَ نَ قَرِلّ نَن كُي، عٍ قَ نَ تَن شَنِن هْرْ مْبَنشِ بِلِيٍ كُي، دَشَمُي رَفَتَمَ دّننَشّ. 
\v 39 عِسِرَيِلَكَيٍ نُن لٍوِكَيٍ شَ نَ مّنفِ، وّنِ نّينّ، نُن تُرٍ نّينّ شَنِن نَ بِلِيٍ كُي هْرْ مْبَنشِ شَ سٍيٍ سَشِ دّننَشّ. سّرّشّدُبّيٍ، نَادّ كَنتَيٍ، نُن بّيتِبَيٍ قَن نَ مّننِ نّ. مُشُ مُ مُشُ مَرِفِ عَلَ شَ هْرْ مْبَنشِ رَبٌلٌمَ!»
\c 11
\s يُوِقِ نَشٍيٍ قَ دَرِ سَلَمُ
\p
\v 1 حَمَ كُنتِفِيٍ نَشَ سَبَتِ دَرِ سَلَمُ تَا سّنِيّنشِ، عَ نُن مِشِ فبّتّيٍ نَشٍيٍ سُفَندِشِ عَلَ شَ مَلِ رَ. مِشِ قُ يٌ مِشِ قُ، كٍرٍن نَشَ سُفَندِ دْشْقٍ رَ دَرِ سَلَمُ. مِشِ دْنشْي نَشٍيٍ لُشِ، نٍيٍ نَشَ سَبَتِ تَا فبّتّيٍ. 
\v 2 حَمَ نَشَ دُبَ مِشِيٍ بّ، نَشٍيٍ بَرَ تِن لُدٍ دَرِ سَلَمُ.
\p
\v 3 عِسِرَيِلَكَيٍ، سّرّشّدُبّيٍ، لٍوِكَيٍ، هْرْ مْبَنشِ وَلِكّيٍ، نُن سُلٍمَنِ شَ كٌنيِيٍ شَ دِيٍ، نَشٍيٍ مُ نُ نَ دَرِ سَلَمُ، نٍيٍ نَشَ سَبَتِ عٍ شْنيِ، عٍ شَ تَايٍ كُي يُدَيَ بْشِ مَ.
\p
\v 4 بْشِ مَنفّ نَشٍيٍ سَبَتِ دَرِ سَلَمُ، ندٍيٍ كٍلِ يُدَ بْنسْي نُن بُنيَمِن بْنسْي نّ. نَشٍيٍ كٍلِشِ يُدَ بْنسْي، نٍيٍ شِلِيٍ نَن يِ كِ؛ عَتَيَيَ نُن مَاسٍيَ. عَتَيَيَ بَبَ شِلِ يُسِيَ. نَ قَن بَبَ شِلِ سَكَرِ. نَ قَن بَبَ شِلِ عَمَرَيَ. نَ قَن بَبَ شِلِ سّقَتَيَ. نَ قَن بَبَ شِلِ مَهَلَلٍلِ. نَ قَن بَبَ شِلِ ثٍرٍ سِ. 
\v 5 مَاسٍيَ بَبَ شِلِ بَرُكِ. نَ قَن بَبَ شِلِ كٌلِشٌسٍ. نَ قَن بَبَ شِلِ شَسَيَ. نَ قَن بَبَ شِلِ عَدَيَ. نَ قَن بَبَ شِلِ يٌيَرِبُ. نَ قَن بَبَ شِلِ سَكَرِ. نَ قَن بَبَ شِلِ سٍلَهَ. 
\v 6 نَ كُي، ثٍرٍ سِ شَبِلّ نَشٍيٍ سَبَتِ دَرِ سَلَمُ، عٍ قِندِشِ مِشِ كّمّ نَانِ، مِشِ تٌنفٌ سٍننِ نُن سٌلٌمَسَشَن نَن نَ.
\p
\v 7 نَشٍيٍ كٍلِشِ بُنيَمِن بْنسْي، نٍيٍ شِلِيٍ نَن يِ كِ؛ سَلُ، نُن عَ قْشِرَبِرّيٍ فَبَيِ نُن سَلَيِ. سَلُ بَبَ شِلِ مٍسُلَمَ. نَ قَن بَبَ شِلِ يٌوٍدِ. نَ قَن بَبَ شِلِ ثّدَيَ. نَ قَن بَبَ شِلِ كٌلَيَ. نَ قَن بَبَ شِلِ مَاسٍيَ. نَ قَن بَبَ شِلِ عِتِيّلِ. نَ قَن بَبَ شِلِ يّسَيَ. 
\v 8 نٍيٍ شَ مِشِيٍ مَلَنشِ مِشِ كّمّ سٌلٌمَنَانِ، مِشِ مْشْحّن نُن سٌلٌمَسَشَن. 
\v 9 سِكِرِ شَ دِ يٌوٍلِ نَن قِندِشِ عٍ شَ مَنفّ سِنفٍ رَ. عٍ شَ مَنفّ قِرِن ندٍ لَنشِ هَسّنُوَ شَ دِ يُدَ نَن مَ.
\p
\v 10 نَشٍيٍ قِندِشِ سّرّشّدُبّيٍ رَ، نٍيٍ شِلِيٍ نَن يِ كِ؛ يٌيَرِبُ شَ دِ يّدَيَ، يَكِن، 
\v 11 سٍرَيَ، نُن عٍ وَلِ بٌورٍيٍ. سٍرَيَ بَبَ شِلِ شِلِكِيَ. نَ قَن بَبَ شِلِ مٍسُلَمَ. نَ قَن بَبَ شِلِ سَدْكِ. نَ قَن بَبَ شِلِ مٍرَيٌتِ. نَ قَن بَبَ شِلِ عَشِتُبَ، عَلَ شَ بَنشِ يَرٍرَتِ. 
\v 12 نٍيٍ بِرِن مَلَنشِ مِشِ كّمّ سٌلٌمَسَشَن، مِشِ مْشْحّن نُن قِرِن. عَدَيَ قَن نُ نَ، عَ نُن عَ وَلِ بٌورٍ نَشٍيٍ قِندِ دٍنبَيَ كَنيِيٍ رَ. عَدَيَ بَبَ شِلِ يٍرٌشَمَ. نَ قَن بَبَ شِلِ ثّلَلَيَ. نَ قَن بَبَ شِلِ عَمَسِ. نَ قَن بَبَ شِلِ سَكَرِ. نَ قَن بَبَ شِلِ ثَسُرَ. نَ قَن بَبَ شِلِ مَلَكِيَ. 
\v 13 نٍيٍ بِرِن مَلَنشِ مِشِ كّمّ قِرِن، مِشِ تٌنفٌ نَانِ نُن قِرِن. عَمَسَيِ قَن نُ نَ، عَ نُن عَ وَلِ بٌورٍ نَشٍيٍ قِندِ كُنتِفِيٍ رَ. عَ بَبَ شِلِ عَسَرّلِ. نَ قَن بَبَ شِلِ عَشٍسَيِ. نَ قَن بَبَ شِلِ مٍسِلٍمٌتِ. نَ قَن بَبَ شِلِ عِمٍرِ. 
\v 14 نٍيٍ بِرِن مَلَنشِ مِشِ كّمّ، مِشِ مْشْحّن نُن سٌلٌمَسَشَن. هَفِدٌلِ شَ دِ سَبَدِيّلِ نَن قِندِ عٍ شَ يَرٍرَتِ رَ.
\p
\v 15 نَشٍيٍ قِندِشِ لٍوِكَيٍ رَ، نٍيٍ شِلِيٍ نَن يِ كِ؛ سٍمَيَ، نَشَن بَبَ شِلِ شَسُبُ. نَ قَن بَبَ شِلِ عَسِرِكَمَ. نَ قَن بَبَ شِلِ شَسَبِيَ. نَ قَن بَبَ شِلِ بُنِ. 
\v 16 سَبّتَيِ نُن يٌسَبَدِ، لٍوِكَيٍ شَ مَنفّ نَشٍيٍ نُ عَلَ شَ بَنشِ يَءِلَنمَ. 
\v 17 مَتَنِيَ، نَشَن بَبَ شِلِ مِكَ. نَ قَن بَبَ شِلِ سَبَدِ. نَ قَن بَبَ شِلِ عَسَقِ، مَنفّ نَشَن عَلَ مَتْشْي نُن عَلَ مَشَندِ رَبَمَ. بَكِبُكِيَ نَن قِندِ نَ مَنفّ قِرِن ندٍ رَ. عَبٍدَ، نَشَن بَبَ شِلِ سَمُوَ. نَ قَن بَبَ شِلِ فَلَلِ. نَ قَن بَبَ شِلِ يٍدُتُن. 
\v 18 لٍوِكَ نَشٍيٍ نُ سَبَتِشِ دَرِ سَلَمُ، عَلَ شَ تَا سّنِيّنشِ، عٍ مَلَنشِ مِشِ كّمّ قِرِن، مِشِ تٌنفٌ سٌلٌمَسَشَن نُن نَانِ.
\p
\v 19 نَشٍيٍ نُ هْرْ مْبَنشِ نَادّيٍ مَكَنتَمَ، نٍيٍ شِلِيٍ نَن يِ كِ؛ عَكُبُ، تَلَمْن، نُن عٍ نفَشَكٍرٍنيِيٍ نَشٍيٍ نُ نَادّيٍ مَكَنتَمَ. نٍيٍ مَلَنشِ مِشِ كّمّ، مِشِ تٌنفٌ سٌلٌقٍرٍ نُن قِرِن.
\p
\v 20 عِسِرَيِلَكَيٍ، سّرّشّدُبّيٍ، نُن لٍوِكَ نَشٍيٍ لُشِ، عٍ تَن سَبَتِشِ يُدَيَ تَايٍ نَن كُي عٍ شْنيِ.
\p
\v 21 هْرْ مْبَنشِ وَلِكّيٍ سَبَتِشِ عٌقٍلِ فٍيَ نَن قَرِ. سِشَ نُن فِسٍثَ نَن قِندِ عٍ شَ مَنفّيٍ رَ. 
\v 22 لٍوِكَ نَشٍيٍ سَبَتِشِ دَرِ سَلَمُ، عٍ شَ مَنفّ قِندِشِ يُسَيِ نَن نَ. عَ بَبَ شِلِ بَنِ. نَ قَن بَبَ شِلِ شَسَبِيَ. نَ قَن بَبَ شِلِ مَتَنِيَ. نَ قَن بَبَ شِلِ مِكَ. نَ قَن بَبَ شِلِ عَسَقِ، نَشَن قِندِشِ بّيتِبَيٍ شَ مَنفّ رَ عَلَ شَ بَنشِ كُي. 
\v 23 بّيتِبَ بِرِن نُ نَ مَنفّ شُنفبٍ شَ يَامَرِ نَن بُن مَ لْشْي بِرِن.
\p
\v 24 ثٍتَشِيَ قِندِشِ مَنفّ شَ مَرَ سِمَ نَن نَ حَمَ بّ. عَ بَبَ شِلِ مٍسٍسَبٍلِ. نَ قَن بَبَ شِلِ سٍرَ. نَ قَن بَبَ شِلِ يُدَ.
\p
\v 25 يُدَ بْنسْي مِشِيٍ سَبَتِشِ كِرِيَتِ عَرَبَ، دِبٌن، يٍكَبٍسٍيلِ، 
\v 26 يٍسُوَ، مٌلَدَ، ثّلّتِ، 
\v 27 شَسَرِ، بٍرِ سٍيبَ، 
\v 28 سِكِلَفَ، مٍكٌنَ، 
\v 29 رِ مْن، سٌرَهَ، يَرَ مُتِ، 
\v 30 سَنٌوَ، عَدُلَمَ، لَكِسِ، عَسٍكَ، عٍ نُن عٍ رَبِلِنيِيٍ. عٍ نَشَ سَبَتِ قْلْقٍ بٍرِ سٍيبَ مَ سَ دْشْ هِنٌمَ فُلُنبَ رَ. 
\v 31 بُنيَمِن بْنسْي مِشِيٍ سَبَتِشِ فٍبَ، مِكِمَسِ، عَيَ، بٍتٍلِ، نُن عٍ رَبِلِنيِيٍ نّ. 
\v 32 عٍ مَن سَبَتِشِ عَنَتْتِ، نٌبَ، عَنَنَيَ، 
\v 33 شَسٌرِ، رَ مَ، فِتَيِمِ، 
\v 34 شَدِدِ، سٍبٌيِمَ، نٍبَلَتِ، 
\v 35 لٌدِ، عٌنٌ، نُن سٍ يَءِلَنمَيٍ شَ فُلُنبَ قَن كُي. 
\v 36 لٍوِكَ ندٍيٍ نَشٍيٍ كٍلِشِ يُدَيَ، نٍيٍ نَشَ سَبَتِ بُنيَمِن بْشِ مَ.
\c 12
\s سّرّشّدُبّيٍ نُن لٍوِكَيٍ
\p
\v 1 سّرّشّدُبّيٍ نُن لٍوِكَيٍ نَن يِ كِ، نَشٍيٍ فبِلٍن دَرِ سَلَمُ عٍ نُن سَلَتِيٍلِ شَ دِ سٌرٌبَبٍلِ نُن يٍسُوَ رَ؛
\q1 سٍرَيَ، يٍرٍ مِ، عٍسِدِرَ سِ،
\q1
\v 2 عَمَرَيَ، مَلُكُ، شَتُسِ،
\q1
\v 3 سّكَنَيَ، رٍشُمِ، مٍرٍ مٌتِ،
\q1
\v 4 عِدٌ، فِنّتْن، عَبِيَ،
\q1
\v 5 مِيَمِن، مٌوَدِيَ، بِلِفَ،
\q1
\v 6 سٍمَيَ، يٌيَرِبُ، يّدَيَ،
\q1
\v 7 سَلُ، عٍمْكِ، شِلِكِيَ، نُن يّدَيَ.
\m سّرّشّدُبّ كُنتِفِيٍ نَن نَ كِ، نُن عٍ نفَشَكٍرٍنيِ نَشٍيٍ نُ نَ يٍسُوَ شَ وَشَتِ.
\p
\v 8 لٍوِكَيٍ نَن يِ كِ؛
\q1 يٍسُوَ، بِنُوِ، كَدَ مِيّلِ،
\q1 سٍرٍبِيَ، يُدَيَ، نُن مَتَنِيَ.
\m عٍ نُ قِندِشِ بّيتِبَ مَنفّيٍ نَن نَ. 
\v 9 عٍ نفَشَكٍرٍنيِيٍ بَكِبُكِيَ نُن عُننِ نُ تِمَ عٍ يَ رَ نَ وَلِ كُي.
\p
\v 10 يٍسُوَ قِندِ نّ يٌيَكِمَ بَبَ رَ. يٌيَكِمَ قِندِ نّ عٍلِيَسِبُ بَبَ رَ. عٍلِيَسِبُ قِندِ نّ يٌيَدَ بَبَ رَ. 
\v 11 يٌيَدَ قِندِ نّ يٌنَتَن بَبَ رَ. يٌنَتَن قِندِ نّ يَدُوَ بَبَ رَ.
\p
\v 12 يٌيَكِمَ شَ وَشَتِ، سّرّشّدُبّ شَبِلّيٍ نُن عٍ شُنيِيٍ نَن يَ؛
\q1 مٍرَيَ نَن قِندِ سٍرَيَ شَبِلّ شُنيِ رَ.
\q1 شَنَنِيَ نَن قِندِ يٍرٍ مِ شَبِلّ شُنيِ رَ.
\q1
\v 13 مٍسُلَمَ نَن قِندِ عٍسِدِرَ سِ شَبِلّ شُنيِ رَ.
\q1 يٍهٌشَنَن نَن قِندِ عَمَرَيَ شَبِلّ شُنيِ رَ.
\q
\v 14 يٌنَتَن نَن قِندِ مَلُكُ شَبِلّ شُنيِ رَ.
\q1 يُسُقُ نَن قِندِ سّبَنَيَ شَبِلّ شُنيِ رَ.
\q1
\v 15 عَدِنَ نَن قِندِ شَرِ مَ شَبِلّ شُنيِ رَ.
\q1 شّلّكَيِ نَن قِندِ مٍرَيٌتِ شَبِلّ شُنيِ رَ.
\q1
\v 16 سَكَرِ نَن قِندِ عِدٌ شَبِلّ شُنيِ رَ.
\q1 مٍسُلَمَ نَن قِندِ فِنّتْن شَبِلّ شُنيِ رَ.
\q1
\v 17 سِكِرِ نَن قِندِ عَبِيَ شَبِلّ شُنيِ رَ.
\q1 ثِلِتَيِ نَن قِندِ مِنيَمِن نُن مٌوَدِيَ شَبِلّ شُنيِ رَ.
\q1
\v 18 سَمُوَ نَن قِندِ بِلِفَ شَبِلّ شُنيِ رَ.
\q1 يٍهٌنَتَن نَن قِندِ سٍمَيَ شَبِلّ شُنيِ رَ.
\q1
\v 19 مَتٍنَيِ نَن قِندِ يٌيَرِبُ شَبِلّ شُنيِ رَ.
\q1 يُسَيِ نَن قِندِ يّدَيَ شَبِلّ شُنيِ رَ.
\q1
\v 20 كَلَيِ نَن قِندِ سَلَيِ شَبِلّ شُنيِ رَ.
\q1 عٍبٍرِ نَن قِندِ عٍمٍكِ شَبِلّ شُنيِ رَ.
\q1
\v 21 شَسَبِيَ نَن قِندِ شِلِكِيَ شَبِلّ شُنيِ رَ.
\q1 نٍتَنٍيلِ نَن قِندِ يّدَيَ شَبِلّ شُنيِ رَ.
\p
\v 22 سّرّشّدُبّ شِلِيٍ نُن لٍوِكَ دٍنبَيَ كَنيِيٍ شِلِيٍ نُ سّبّشِ عٍلِيَسِبُ، يٌيَدَ، يٌنَتَن، نُن يَدُوَ شَ وَشَتِ، ثٍرِ سٍ مَنفّ دَرِيُسِ شَ مَنفّيَ بُن مَ. 
\v 23 لٍوِكَ دٍنبَيَ كَنيِيٍ شِلِيٍ نُ سّبّشِ تَرُشُي بُكِ كُي هَن عٍلِيَسِبُ شَ مَمَدِ يٌنَتَن شَ وَشَتِ. 
\v 24 لٍوِكَيٍ شَ مَنفّيٍ شَسَبِيَ، سٍرٍبِيَ، كَدَ مِيّلِ شَ دِ يٌسُوٍ، نُ عَلَتَلَ مَتْشْمَ تّمُي نَشّ، عٍ نفَشَكٍرٍنيِيٍ نُ تِشِ عٍ يَ عِ، عَلْ عَلَ شَ مِشِ دَوُدَ عَ يَمَرِ كِ نَشّ.
\p
\v 25 مَتَنِيَ، بَكِبُكِيَ، عَبَدِيَسِ، مٍسُلَمَ، تَلَمْن، نُن عَكُبُ نُ هْرْ مْبَنشِ نَادّيٍ كَنتَمَ، 
\v 26 يٌسُوٍ شَ دِ يٌيَكِمَ شَ وَشَتِ كُي، يٌسَدَكِ شَ مَمَدِ. نَ وَشَتِ نٍهٍمِ نَن نُ نَ فٌمِنَ رَ، عٍسِدِرَ سِ نَن نُ نَ سّرّشّدُبّ نُن سّرِيّ كَرَ مْشْ رَ.
\s دَرِ سَلَمُ تّتّ رَبِ
\p
\v 27 دَرِ سَلَمُ تّتّ رَبِ، عٍ شّيرَيٍ شّي نّ لٍوِكَيٍ بِرِن مَ يُدَيَ بْشِ مَ، عَلَكٌ عٍ شَ قَ دَرِ سَلَمُ حّلّشِن شُلُنيِ تِدٍ بّيتِيٍ رَ، نَشٍيٍ بَمَ مَشَ سٍيٍ نُن كْرَ مْولِ ندٍيٍ شُي رَ. 
\v 28 بّيتِبَيٍ نَشَ قَ كٍلِقٍ دَرِ سَلَمُ قَرِ مَ، عَ نُن نٍتٌقَ قْشْييٍ رَ، 
\v 29 بٍتِ فِلِفَلِ، فٍبَ، نُن عَسَمَقٍتِ. 
\v 30 سّرّشّدُبّيٍ نُن لٍوِكَيٍ نَشَ عٍ يّتّ رَ سّنِيّن، عٍ مَن نَشَ حَمَ، نُن تَا نَادّيٍ نُن تَا تّتّ قَن نَسّنِيّن.
\p
\v 31 ﭑ نَشَ يُدَيَ مَنفّيٍ رَتٍ تّتّ كْن نَ. ﭑ مَن نَشَ بّيتِبَ حَمَ قِرِن سُفَندِ. حَمَ سِنفٍ شَ حّرّ تّتّ كْن نَ يِرٍقَنيِ مَ، شُرُ سٍ نَادّ مَبِرِ. 
\v 32 هٌسَيَ نُن يُدَيَ مَنفّيٍ سّيتِ نَشَ بِرَ يِ حَمَ قْشْ رَ، 
\v 33 عٍ نُن عَسَرَيَ، عٍسِدِرَ سِ، مٍسُلَمَ، 
\v 34 يُدَ، بُنيَمِن، سٍرَيَ، يٍرٍ مِ، 
\v 35 سّرّشّدُبّ نَشٍيٍ قٍرِ قٍمَ، يٌنَتَن شَ دِ سَكَرِ، نَشَن بٍنبَيٍ قِندِشِ سٍمَيَ، مَتَنِيَ، مِكٍ، سَبُدُ، نُن عَسَقِ رَ. 
\v 36 سَكَرِ نفَشَكٍرٍنيِيٍ سٍمَيَ، عَسَرّلِ، مِلَلَيِ، فِلَلَيِ، مَايِ، نٍتَنٍيلِ، يُدَ، نُن شَنَنِ نَشَ بِرَ عٍ قْشْ رَ. دَوُدَ شَ بّيتِبَسٍيٍ نُ نَ عٍ يِ رَ. سّرِيّ كَرَ مْشْ عٍسِدِرَ سِ نَن نُ نَ عٍ شَ يَرٍرَتِ رَ. 
\v 37 عٍ تٌ دُلٌنيِ نَادّ لِ، عٍ نَشَ تٍ دَوُدَ شَ تَا كُي تّتّ كْن نَ. عٍ نَشَ دَنفِ دَوُدَ شَ بَنشِ رَ هَن عٍ سَ يٍ نَادّ لِ سٌفٍتٍدٍ بِرِ.
\p
\v 38 نَ حَمَ قِرِن ندٍ نَشَ سِفَ كْولَ مَ. ﭑ نَشَ بِرَ عٍ قْشْ رَ تّتّ كْن نَ، مُشُ نُن حَمَ دْنشْي. مُشُ نَشَ مِنِ يِرٍ مَكَنتَشِ رَ نَشَن شِلِ تَامِ فَندٍ، مُشُ نَشَ سِفَ هَن تّتّ عِفبٌدٍ. 
\v 39 مُشُ نَشَ مِنِ عٍقِرَ مِ نَادّ رَ، نَادّ قٌرِ، يّشّ نَادّ، شَنَنّلِ يِرٍ مَكَنتَشِ، مٍيَ يِرٍ مَكَنتَشِ، هَن مُشُ يّشّييْرّ نَادّ لِ. مُشُ نَشَ تِ فٍيلِ نَادّ يَ رَ.
\p
\v 40 نَ حَمَ قِرِنيِ نَشَ تِ عَلَ شَ بَنشِ كُي. ﭑ تَن نُن كِيتِسَيٍ نُ نَ، نُن 
\v 41 سّرّشّدُبّيٍ عٍلِيَكِن، مَاسٍيَ، مِنيَمِن، مِكٍ، عٍلِيٌوٍنَيِ، سَكَرِ، نُن شَنَنِيَ. قٍرِيٍ قَن نُ نَ عٍ يِ رَ. 
\v 42 سّرّشّدُبّيٍ مَاسٍيَ، سٍمَيَ، عٍلٍيَسَرِ، عُسِ، يٍهٌشَنَن، مَلَكِيَ، عٍلَمَ، نُن عٍسٍرِ قَن نُ نَ. يِسِرَشَيَ نَن نُ نَ بّيتِبَيٍ شَ مَنفّ رَ.
\p
\v 43 حَمَ نَشَ سّرّشّ فبٍفبٍ بَ سّيوّ كُي بَرِ مَ عٍ مَرِفِ عَلَ نُ بَرَ عٍ رَ سّيوَ. فِنّيٍ نُن دِ مّيٍ قَن نُ سّيوَشِ. نَ حّلّشِنيِ شُي نَشَ سِفَ يِرٍ مَكُيٍ.
\p
\v 44 نَ لْشْي مُشُ نَشَ شّمّيٍ سُفَندِ نَشٍيٍ بِلِيٍ كَنتَمَ، سّرّشّ بٌفِسٍ سِنفٍيٍ نُن قَرِلّ رَفَتَمَ دّننَشّ. يِ شّمّيٍ لَن نّ عٍ شَ سَنسِ بٌفِ سِنفٍيٍ شُن لَن، نَشٍيٍ قِشِ سّرّشّدُبّيٍ نُن لٍوِكَيٍ مَ، كٍلِقٍ شّيٍ مَ عَلْ عَ سّبّشِ كِتَابُي كُي كِ نَشّ. يُدَيَكَيٍ نُ بَرَ حّلّشِن سّرّشّدُبّيٍ نُن لٍوِكَيٍ شَ وَلِ رَ. 
\v 45 عٍ نَشَ عٍ مَرِفِ عَلَ شَ وَلِ رَبَ عَ قَن يِ رَ. عٍ تَن، بّيتِبَيٍ، نُن نَادّ مَكَنتّيٍ نُ عٍ رَ سّنِيّنمَ عَلْ دَوُدَ نُن عَ شَ دِ سُلٍمَنِ عَ مَسٍنشِ كِ نَشّ. 
\v 46 دَوُدَ نُن عَسَقِ شَ وَشَتِ، بّيتِبَ مَنفّيٍ نُ نَ نَشٍيٍ نُ عَلَ مَتْشْمَ سُوكِيٍ نُن تَنتُييٍ رَ. 
\v 47 سٌرٌبَبٍلِ نُن نٍهٍمِ شَ وَشَتِ، عِسِرَيِلَ بِرِن نُ بَلٌي سٌمَ بّيتِبَيٍ، نَادّ مَكَنتّيٍ، لٍوِكَيٍ، سّرّشّدُبّيٍ، نُن هَرُنَ شَ دِيٍ يِ رَ لْشْي بِرِن.
\c 13
\s نٍهٍمِ شَ وَلِ دْنشْي
\p
\v 1 عٍ نُ نَ تَوُرٍتَ مُنسَ شَرَنقٍ حَمَ بّ تّمُي نَشّ، عٍ نَشَ يِ سّبّلِ تٌ، «عَمٌنِكَ نُن مٌوَبَكَ مُ دَشَ عٍ شَ سٌ عَلَ شَ مِشِيٍ يَ مَ، 
\v 2 بَرِ مَ عٍ مُ قَ تَامِ نُن يٍ رَ عِسِرَيِلَكَيٍ رَلَندٍ عٍ شَ بِيَاسِ كُي، عٍ كْبِرِ قِ بَلَمِ نَن مَ، عَ شَ قَ عِسِرَيِلَكَيٍ دَنكَ. كْنْ مُشُ مَرِفِ عَلَ نَشَ نَ دَنكّ مَقِندِ بَرَكّ رَ.» 
\v 3 عٍ تٌ نَ مّ، عٍ نَشَ سِ فبّتّ مِشِ بِرِن كٍرِ عِسِرَيِلَكَيٍ يَ مَ.
\p
\v 4 بٍينُ نَ شَ رَبَ، سّرّشّدُبّ عٍلِيَسِبُ نَن نُ نَ بِلِيٍ شُنيِ رَ مُشُ مَرِفِ عَلَ شَ بَنشِ كُي. عَ بَرِبٌورٍ ندٍ نَن نُ لَنشِ تٌبِيَ مَ. 
\v 5 عَ نُ بَرَ بِلِ بٍلٍبٍلٍ سٌ عَ يِ رَ يِ سٍ بِرِن نَفَتَمَ دّننَشّ؛ مّنفِ، سُرَيِ، هْرْ مْبَنشِ عِسٍيٍ، مّنفِ قَرِلّ، وّنِ نّينّ، نُن تُرٍ، نَشٍيٍ قِمَ لٍوِكَيٍ، بّيتِبَيٍ، نُن نَادّ مَكَنتّيٍ مَ. 
\v 6 نَ بِرِن نَبَ تّمُي نَشّ، ﭑ مُ نُ نَ دَرِ سَلَمُ، بَرِ مَ ﭑ نُ بَرَ فبِلٍن بَبِلْن مَنفّ عَتَسَكَسِ يِرٍ، عَ شَ مَنفّيَ حّ تٌنفٌ سَشَن نُن قِرِن ندٍ رَ. نَ حّ تٌ حْن، مَنفّ نَشَ تِن 
\v 7 ﭑ بّحِندٍ، ﭑ شَ فبِلٍن دَرِ سَلَمُ. ﭑ تٌ نَا لِ، ﭑ نَشَ عٍلِيَسِبُ شَ وَلِ كٌبِ تٌ بِلِ سٌقٍ رَ تٌبِيَ يِ رَ، عَلَ شَ بَنشِ كُي. 
\v 8 نَ قٍ نَشَ ﭑ بْحّ رَحَاشُ ﭑ مَ. ﭑ نَشَ تٌبِيَ شَ سٍ بِرِن وٌلِ تَندٍ. 
\v 9 ﭑ نَشَ عٍ يَامَرِ عٍ شَ نَ بِلِيٍ رَ سّنِيّن، ﭑ قَ عَلَ شَ بَنشِ سٍيٍ رَ سٌ نَا، عَلْ سّرّشّيٍ نُن سُرَيِ.
\p
\v 10 ﭑ نَشَ عَ مّ قَن، سٍ نَشٍيٍ لَن عٍ شَ قِ لٍوِكَيٍ مَ، عٍ مُ نُ نَ قِشِ عٍ مَ. لٍوِكَيٍ نُن بّيتِبَيٍ، نَشٍيٍ نُ لَنشِ عٍ شَ عَلَ شَ وَلِ رَبَ، نٍيٍ نُ بَرَ سِفَ عٍ شَ شّيٍ رَوَلِدٍ. 
\v 11 ﭑ نَشَ سْنشْي رَتٍ كِيتِسَيٍ مَ، ﭑ قَ عٍ مَشْرِن، «وٌ عَلَ شَ بَنشِ رَبّحِنشِ مُنقٍ رَ؟» ﭑ نَشَ لٍوِكَيٍ نُن بّيتِبَيٍ مَلَن، ﭑ قَ عٍ رَفبِلٍن عٍ شَ وَلِ رَ. 
\v 12 نَ تّمُي كْرّ يُدَيَكَ بِرِن نَشَ قَ مّنفِ قَرِلّ، وّنِ نّينّ، نُن تُرٍ رَ، عَ شَ مَلَن بِلِيٍ كُي. 
\v 13 ﭑ نَشَ سٍلٍمِيَ سّرّشّدُبّ تِ، عَ شَ نَ بِلِيٍ مَكَنتَ، عَ نُن سّرِيّ كَرَ مْشْ سَدْكِ، لٍوِكَ ثّدَيَ، سَبُدُ شَ دِ هَنَن، مَتَنِيَ شَ مَمَدِ. ﭑ نَ مِشِيٍ سُفَندِشِ نّ بَرِ مَ تِنشِن مِشِيٍ نَن نُ نَ عٍ رَ. عَ نُ لَن نّ عٍ شَ نَ سٍيٍ عِتَشُن عٍ نفَشَكٍرٍنيِيٍ مَ.
\p
\v 14 ﭑ مَرِفِ عَلَ، عِ نَشَ نّيمُ ﭑ مَ نَ شَ قٍ رَ. عِ شَ رَتُ ﭑ مَ، ﭑ وَلِ تِنشِنشِ نَشَن نَبَ عِ شَ هْرْ مْبَنشِ نُن سَلِ شَ قٍ رَ.
\p
\v 15 نَ تّمُي ﭑ نَشَ يُدَيَكَ ندٍيٍ تٌ وَلِ كُي مَلَبُي لْشْي. عٍ سَنسِ بٌفِ بُندُ مَ، عٍ مّنفِ شَبَمَ، عٍ عَ بَكِمَ سٌقَلٍ قَرِ، عٍ مَن وّنِ بٌفِ، وّنِ، شْرّ، نُن كٌتٍ فبّتّ بَكِمَ، عٍ عَ شَنِن دَرِ سَلَمُ مَلَبُي لْشْي، عٍ شَ عَ مَتِ. ﭑ نَشَ نَ تْنيِ دْشْ عٍ مَ سّنبّ رَ. 
\v 16 تِرٍكَ نَشٍيٍ سَبَتِشِ دَرِ سَلَمُ، عٍ قَن نُ قَمَ نّ يّشّيٍ نُن كٌتٍ مْولِ بِرِن نَ دَرِ سَلَمُ، عٍ شَ عَ مَتِ مَلَبُي لْشْي يُدَيَكَيٍ مَ. 
\v 17 ﭑ نَشَ سْنشْي رَتٍ يُدَيَ كُنتِفِيٍ مَ يِ كِ، «وٌ نَ مُنسٍ رَبَقٍ؟ وٌ نَ بِنيّ نَن بَقٍ مَلَبُي لْشْي مَ؟ 
\v 18 وٌ بَبَيٍ قَن نُ نَ نَن نَبَمَ. نَ نَن عَ نِيَشِ وٌن مَرِفِ عَلَ نَشَ وٌن حَشَنكَتَ، عَ يِ تَا كَنَ. وٌ نَ عَ شَ شْنّ شُن مَسَقٍ، بَرِ مَ وٌ مُ مَلَبُي لْشْي بِنيَشِ.»
\p
\v 19 نَ تّمُي ﭑ نَشَ يَامَرِ قِ، كْي سٌ تّمُي، بٍينُ مَلَبُي لْشْي شَ عَ لِ، دَرِ سَلَمُ نَادّيٍ شَ بَلَن هَن مَلَبُي لْشْي شَ بَ عَ رَ. ﭑ مَن نَشَ ﭑ مَ وَلِكّ سّفّتَلَ ندٍيٍ دْشْ نَادّيٍ رَ، عٍ نَشَ تِن كٌتٍ يٌ شَ سٌ مَلَبُي لْشْي. 
\v 20 عَ بَرَ سَنيَ كٍرٍن، شَ نَ مُ عَ رَ قِرِن لِ، يُلّيٍ مَكِتِ سَمَ دَرِ سَلَمُ قَرِ مَ، تّتّ سّيتِ مَ. 
\v 21 ﭑ نَشَ نَ تْنيِ قَن دْشْ عٍ مَ يِ وْيّنيِ رَ، «وٌ كْي رَدَنفِمَ تّتّ سّيتِ مَ مُنقٍ رَ؟ شَ وٌ نَ رَبَ كْرّ، ﭑ بّلّشّ وٌ لِمَ نّ.» كَقِ نَ دَنفِ، عٍ مُ قَ مَلَبُي لْشْي سْنْن.
\p
\v 22 ﭑ نَشَ عَ قَلَ لٍوِكَيٍ بّ، عٍ شَ عٍ يّتّ رَ سّنِيّن، عٍ شَ قَ نَادّيٍ مَكَنتَدٍ، عَلَكٌ مِشِيٍ شَ مَلَبُي لْشْي بِنيَ.
\p ﭑ مَرِفِ عَلَ، عِ شَ رَتُ ﭑ مَ وَلِ مَ، عِ مَن شَ ﭑ كَنتَ عِ شَ قٌنِسِرٍيَ كُي.
\p
\v 23 نَ وَشَتِ، ﭑ نَشَ يُوِقِ ندٍيٍ تٌ نَشٍيٍ بَرَ فِنّيٍ دْشْ نَشٍيٍ كٍلِ عَسِدٌدِ، عَمٌنِ، نُن مٌوَبَ بْشِ مَ. 
\v 24 عٍ شَ دِ ندٍيٍ نُ عَسِدٌدِ شُي قَلَمَ، شَ نَ مُ عَ رَ سِ فبّتّ شُي، عٍ مُ يُدَيَ شُي قَلَمَ. 
\v 25 ﭑ نَشَ نَ قَن تْنيِ دْشْ عٍ مَ، ﭑ قَ عٍ دَنكَ. ﭑ نَشَ مِشِ ندٍيٍ بْنبْ، ﭑ عٍ شُنسّشّ مَتَلَ. ﭑ نَشَ قَ عٍ رَكَلِ عَلَ شِلِ رَ، «وٌ نَشَ وٌ شَ دِ فِنّيٍ قِ عٍ شَ دِ شّمّيٍ مَ، وٌ قَن نَشَ عٍ شَ دِ فِنّيٍ دْشْ وٌ يّتّ بّ، شَ نَ مُ عَ رَ وٌ شَ دِيٍ بّ. 
\v 26 نَ قٍ شَ مُ عَ نِيَشِ عِسِرَيِلَ مَنفّ سُلٍمَنِ قِندِشِ يُنُبِتْي رَ؟ عَ مَنِيّ يٌ مُ نُ نَ دُنِحَ سِيٍ يَ مَ. عَلَ نَشَ عَ شَنُ، عَ مَن عَ قِندِ عِسِرَيِلَ مَنفّ رَ. كْنْ سِ فبّتّ فِنّيٍ نَشَ عَ رَ سٌ يُنُبِ قٍ كُي. 
\v 27 وٌ قَن وَ مَ نَ يُنُبِ مْولِ نَن نَبَقٍ؟ وٌ وَ مَ قِندِقٍ تِنشِنتَرٍيٍ نَن نَ وٌن مَرِفِ عَلَ بّ، فِنّيٍ قُتِقٍ رَ سِ فبّتّيٍ يَ مَ؟»
\p
\v 28 عٍلِيَسِبُ سّرّشّدُبّ كُنتِفِ شَ دِ يٌيَدَ نَن نُ نَ سَنبَلَتِ شٌرٌنكَ بِتَنيِ رَ. ﭑ نَشَ عَ رَبٌلٌ.
\p
\v 29 ﭑ مَرِفِ عَلَ، عِ شَ رَتُ ﭑ مَ قٍ مَ، بَرِ مَ عٍ بَرَ سّرّشّدُبّ وَلِ مَنْشْ، عٍ مَن بَرَ سّرّشّدُبّيٍ نُن لٍوِكَيٍ شَ سَاتّ كَنَ.
\p
\v 30 ﭑ نَشَ سِ فبّتّ مِشِ بِرِن كٍرِ سّرّشّدُبّيٍ نُن لٍوِكَيٍ يَ مَ، ﭑ نَشَ عٍ تِ عٍ شَ وَلِ رَ. 
\v 31 ﭑ مَن نَشَ يٍفٍ قِ سّرّشّدُبّيٍ مَ سَلِ تّمُي نُن بْشِ دَشَمُي سِنفٍ سّرّشّ بَ تّمُي.
\p ﭑ مَرِفِ عَلَ، عِ شَ رَتُ ﭑ مَ قٍ مَ عِ شَ قٌنِسِرٍيَ كُي.