\id MAL 
\ide UTF-8
\h عَننَبِ مَلَكِ
\toc1 عَلَ شَ مَسٍنيِ عَننَبِ مَلَكِ بّ
\toc2 عَننَبِ مَلَكِ
\toc3 مَل
\mt عَننَبِ مَلَكِ شَ كِتَابُي
\imt مَسٍنيِ ندٍ يِ كِتَابُي شَ قٍ رَ
\ip عَننَبِ مَلَكِ يِ كِتَابُي نَن سّبّشِ عِسِرَيِلَكَيٍ مَ تّمُي دَنفِشِ. عٍ تٌ فبِلٍن عِسِرَيِلَ بْشِ مَ، كٍلِقٍ يِرٍ مَكُيٍ عَلَ عٍ حَشَنكَتَشِ دّننَشّ عٍ شَ يُنُبِيٍ شَ قٍ رَ، نَمِحْنمّيٍ نَشَ كَوَندِ تِ عٍ بّ. عٍ نَشَ لِمَنِيَ، عٍ نَشَ دَرِ سَلَمُ تِ عَ نُن عٍ شَ هْرْ مْبَنشِ.
\ip نَ شَنبِ، عٍ مَن بَرَ بِرَ يُنُبِ قٍ قْشْ رَ. عَلَتَلَ نَشَ عٍ يَابِ عَننَبِ مَلَكِ شَ كِتَابُي سَابُي رَ. عَ نَشَ رَتُ عٍ مَ عَلْ عَ عٍ شَنُشِ كِ نَشّ دَنفِقٍ سِ بِرِن نَ، كْنْ عٍ مُ نَ كٌلٌن عَ بّ. عَلَ نَشَ عٍ شَ يُنُبِ مَسٍن عٍ بّ كٍرٍن كٍرٍن يِ رَ. عٍ نُ دَرِشِ سّرّشّ حَاشِ بَ رَ عَلَ بّ. عٍ مُ نُ وَ مَ قَرِلّ قِقٍ عَلَ مَ. عٍ نُ سٍتَرٍيٍ تْورْ، عٍ مَن نُ قَ يّنّ رَبَ. عَوَ، نَ بِرِن كُي عَلَتَلَ نَشَ عَ شَ نَتّ تٌنفٌشِ مَسٍن عٍ بّ. عَ نَشّ عٍ قَمَ نّ حَشَنكَتّ سْتْدٍ شَ عٍ مُ فبِلٍن يُنُبِ رَبَقٍ قْشْ رَ. عَ مَن نَشّ، مِشِ نَشَن فَاشُمَ عَ يَ رَ، نَ قَمَ نّ رَتَنفَدٍ عَلَ شَ شّيرَ سَابُي رَ نَشَن نُ نَ قَقٍ.
\ip يِ كِتَابُي شَشِلِ بٍلٍبٍلٍ مَسٍنمَ تٌ مِشِيٍ بّ. يُنُبِ مُ رَقَن عَلَ مَ قٍوٌ. شَ مِشِ بِرَ مَ كِرَ حَاشِ قْشْ رَ، عٍ عَلَ شَ حَشَنكَتّ سْتْمَ نّ. كْنْ شَ مِشِ فَاشُمَ عَلَ يَ رَ، عَلَتَلَ يّتّ يَتِ نَن عٍ رَكِسِمَ. عَمِنَ.
\imte عَننَبِ مَلَكِ شَ كِتَابُي
\c 1
\s عَلَتَلَ شَ وْيّنيِ شْرْشْي
\p
\v 1 عَلَتَلَ شَ وْيّنيِ شْرْشْي عِسِرَيِلَكَيٍ بّ عَننَبِ مَلَكِ سَابُي رَ؛ 
\v 2 عَلَتَلَ شَ مَسٍنيِ نَن يَ، «ﭑ بَرَ وٌ شَنُ، كْنْ وٌ مَشْرِنيِ تِمَ ﭑ مَ، ‹عَلَ، مُشُ شَ مَرَقَنيِ نَ مِندٍن؟›» عَلَ نَشّ، «يَشُبَ تَارَ شَ مُ لَنشِ عٍسَيُ مَ؟ يَشُبَ تَن عَ رَقَن ﭑ تَن عَلَ مَ، 
\v 3 كْنْ ﭑ بَرَ عٍسَيُ تَن نَحَاشُ. ﭑ بَرَ عَ شَ بْشِ فٍيَ يِرٍ مَقِندِ فبٍنفبٍرٍن يِرٍ رَ. ﭑ بَرَ عَ كّ سٌ وُلَءِ بَرٍيٍ يِ رَ نَشٍيٍ نَ فبٍنفبٍرٍنيِ مَ. 
\v 4 شَ عٍدٌنكَيٍ، نَشٍيٍ كٍلِشِ عٍسَيُ بْنسْي، عَ قَلَ، ‹وٌن بَرَ فبَلٌي سْتْ، كْنْ وٌن نَ يَءِلَنمَ،› مَنفّ عَلَتَلَ عٍ يَابِمَ نّ، ‹شَ وٌ بَنشِ تِ، ﭑ نَ رَبِرَ مَ نّ.› عٍ شِلِ قَمَ نّ قَلَدٍ، ‹حَاشُحَ بْشِ.› عٍ عَ قَلَمَ نّ حَمَ نَ عَ رَ عَلَتَلَ شْنْشِ نَشَن مَ تّمُي بِرِن. 
\v 5 وٌ يَيٍ قَمَ نّ عَ تٌدٍ. وٌ يّتّ يَتِ عَ قَلَمَ نّ، ‹عَلَتَلَ شَ مَنفّيَ سّنبّ فبٌ دُنِحَ بِرِن، هَلِ عِسِرَيِلَ بْشِ قَرِ مَ.›»
\s مَرِفِ بَتُي نَشَن شْنشِ
\p
\v 6 «دِ تَن عَ بَبَ بِنيَمَ نّ، كٌنيِ قَن عَ مَرِفِ بِنيَ. شَ ﭑ تَن نَن نَ وٌ بَبَ رَ، ﭑ مَ بِنيّ نَ مِندٍن؟ شَ ﭑ تَن نَن نَ وٌ مَرِفِ رَ، ﭑ مَ بِنيّ نَ مِندٍن؟ ﭑ تَن وٌ شَ مَنفّ عَلَتَلَ، ﭑ شَ عَ قَلَ وٌ بّ، وٌ نَ ﭑ شِلِ يٍلٍبُقٍ. كْنْ وٌ ﭑ مَشْرِنقٍ، ‹مُشُ عِ شِلِ يٍلٍبُشِ دِ؟› 
\v 7 وٌ نَ ﭑ شِلِ يٍلٍبُقٍ وٌ شَ سّرّشّ سّنِيّنتَرٍيٍ نَن نَ وٌ نَشٍيٍ سَمَ ﭑ مَ سّرّشّبَدٍ قَرِ. وٌ مَن ﭑ مَشْرِنمَ، ‹مُشُ قَشِ سّرّشّ سّنِيّنتَرٍ مُندُن نَ؟› ﭑ شَ عَ قَلَ وٌ بّ، وٌ بَرَ ﭑ مَ سّرّشّبَدٍ شَ قٍ يٍلٍبُ. 
\v 8 وٌ نَ شُرُ سٍ دْنشُي بَ سّرّشّ رَ، نَ قَن؟ وٌ نَ قَ شُرُ سٍ مَبّنشِ رَ، شَ نَ مُ شُرُ سٍ قُرَشِ رَ، نَ قَن؟ شَ وٌ بَرَ نَ سّرّشّ مْولِ سٌ وٌ شَ مَنفّ يِ رَ، عَ حّلّشِنمَ نّ وٌ رَ؟ عَ وٌ رَ سّنّمَ نّ عَ قَنيِ رَ؟ مَنفّ عَلَتَلَ شَ مَسٍنيِ نَن نَ كِ.»
\p
\v 9 «شَ وٌ عَلَ مَكُلَ نَ سّرّشّ مْولِ رَ، عَ هِننّمَ وٌ رَ، عَ وٌ رَ سّنّمَ عَ قَنيِ رَ؟ مَنفّ عَلَتَلَ شَ مَسٍنيِ نَن نَ كِ.»
\p
\v 10 «عَ لَنمَ مِشِ ندٍ وٌ يَ مَ عَ شَ ﭑ مَ هْرْ مْبَنشِ نَادّ بَلَن، عَلَكٌ وٌ نَشَ تّ رَدّشّ ﭑ مَ سّرّشّبَدٍ قَرِ قُقَقُ. وٌ شَ قٍ مُ رَقَن ﭑ مَ. ﭑ تَن مَنفّ عَلَتَلَ، ﭑ شَ عَ قَلَ وٌ بّ عَ ﭑ مُ وَ مَ وٌ شَ سّرّشّ شْن، ﭑ مُ عَ تٌنفٌمَ! مَنفّ عَلَتَلَ شَ مَسٍنيِ نَن نَ كِ.»
\p
\v 11 «كٍلِقٍ سٌفٍتٍدٍ، سِفَقٍ هَن سٌفٍفٌرٌدٍ ﭑ شِلِ شُنفبٌ سِ بِرِن تَفِ. يِرٍ بِرِن، عٍ قَمَ نّ سُرَيِ فَندٍ ﭑ شِلِ رَ، عٍ قَ سّرّشّ سّنِيّنشِ رَ ﭑ مَ بِنيّ شَ قٍ رَ. مَنفّ عَلَتَلَ شَ مَسٍنيِ نَن نَ كِ.»
\p
\v 12 «كْنْ وٌ تَن ﭑ شِلِ يٍلٍبُمَ. وٌ نُ قَ عَ قَلَ، ‹مَرِفِ شَ سّرّشّبَدٍ مُ سّنِيّنشِ، سّرّشّ نَشَن بَمَ مّننِ عَ مُ قَن.› 
\v 13 وٌ وٌ شُنيِ سُشُمَ، وٌ نُ قَ سْنشْ، ‹تَفَنيِ مُندُن يِ كِ!› ﭑ تَن مَنفّ عَلَتَلَ، ﭑ شَ عَ قَلَ وٌ بّ، ﭑ مُ قَمَ وٌ شَ شُرُ سٍ مَشْنْشِ، وٌ شَ شُرُ سٍ مَبّنشِ، نُن وٌ شَ شُرُ سٍ قُرَشِ تٌنفٌدٍ ﭑ مَ سّرّشّبَدٍ سْنْن. مَنفّ عَلَتَلَ شَ مَسٍنيِ نَن نَ كِ.»
\p
\v 14 «دَنكّ نَ مِشِ كٌرِنتٍشِ بّ يّشّي كٌنتٌنيِ نَ نَشَن شَ فْورّ يَ مَ، كْنْ عَ قَ شُرُ سٍ مَشْنْشِ تَن بَ سّرّشّ رَ عَ شَ مَرَكَلِ رَكَمَلِقٍ رَ. مَنفّ شُنفبٍ نَ ﭑ نَ، نَشَن شِلِ مَفَاشُ سِ بِرِن تَفِ. مَنفّ عَلَتَلَ شَ مَسٍنيِ نَن نَ كِ.»
\c 2
\s سّرّشّدُبّيٍ رَكْرْ سِقٍ
\p
\v 1 «يَكْسِ، سّرّشّدُبّيٍ، وٌ شَ وٌ تُلِ مَتِ. 
\v 2 شَ وٌ مُ وٌ تُلِ مَتِ ﭑ نَ، شَ وٌ مُ حَنِفٍ تٌنفٌ ﭑ شِلِ بِنيَقٍ مَ، ﭑ تَن مَنفّ عَلَتَلَ وٌ دَنكَمَ نّ. ﭑ وٌ شَ دُبّ مَقِندِ مَ نّ دَنكّ رَ. ﭑ بَرَ وٌ شَ دُبَ كَنَ بَرِ مَ ﭑ مَ بِنيّ مُ نَ وٌ حَنِفٍ مَ. مَنفّ عَلَتَلَ شَ مَسٍنيِ نَن نَ كِ.»
\p
\v 3 «وٌ عَ تٌمَ نّ! ﭑ وٌ بْنسْي حَشَنكَتَمَ نّ. وٌ شُرُ سٍ نَشٍيٍ بَمَ سّرّشّ رَ، ﭑ عٍ فبِ كَسَنمَ نّ وٌ يَتَفِ. وٌ نُن نَ يَافِ نَن سِفَمَ. 
\v 4 ﭑ تَن مَنفّ عَلَتَلَ بَرَ يِ وْيّنيِ شْرْشْي قَلَ وٌ بّ عَلَكٌ ﭑ مَ سَاتّ، ﭑ نَشَن تٌنفٌشِ وٌ بٍنبَ لٍوِ بّ، عَ نَشَ كَنَ سْنْن. مَنفّ عَلَتَلَ شَ مَسٍنيِ نَن نَ كِ.»
\p
\v 5 «ﭑ نَشَ سَاتّ تٌنفٌ عَ بّ. ﭑ نَشَ سِمَيَ نُن بْحّسَ قِ عَ مَ، عَلَكٌ عَ شَ فَاشُ ﭑ يَ رَ. نَ تّمُي عَ بَرَ فَاشُ ﭑ يَ رَ، عَ بَرَ سّرّن ﭑ شِلِ رَ. 
\v 6 ﭑ مَ سّرِيّ يَتِ نُ نَ عَ دّ كُي، مَءِقُي يٌ مُ نُ نَ عَ بْحّ كُي. عَ بِرَ نّ ﭑ قْشْ رَ بْحّسَ نُن تِنشِنيِ كُي، عَ مِشِيٍ رَفبِلٍن كِرَ حَاشِ قْشْ رَ. 
\v 7 سّرّشّدُبّ دّ لْننِ نَن نَفَتَمَ. عَلَ شَ سّرِيّ مِنِمَ نّ عَ دّ عِ، بَرِ مَ مَنفّ عَلَتَلَ شَ شّيرَ نَن نَ عَ رَ.»
\p
\v 8 «كْنْ وٌ تَن، وٌ بَرَ فبِلٍن عَلَ شَ كِرَ قْشْ رَ. وٌ بَرَ مِشِ وُيَشِ رَ مِنِ نَ كِرَ رَ وٌ شَ شَرَنيِ رَ. ﭑ تَن مَنفّ عَلَتَلَ نَشّ وٌ بَرَ لٍوِ شَ سَاتّ كَنَ. مَنفّ عَلَتَلَ شَ مَسٍنيِ نَن نَ كِ. 
\v 9 ﭑ وٌ رَيَافِمَ نّ، ﭑ وٌ شَ قٍ مَفٌرٌ حَمَ يَ شْرِ، بَرِ مَ وٌ مُ ﭑ مَ كِرَ كٌلٌن. وٌ بَرَ مِشِ رَقِسَ عٍ بٌورٍ بّ وٌ شَ كِيتِ كُي.»
\s سّرِيّ تٌنفٌشِ قُتِ شَ قٍ رَ
\p
\v 10 عَننَبِ مَلَكِ نَشّ، وٌن بِرِن بَبَ كٍرٍن شَ مُ عَ رَ؟ عَلَ كٍرٍن شَ مُ وٌن بِرِن دَاشِ؟ مُنقٍ رَ وٌن وٌن بٌورٍ يَنقَمَ؟ مُنقٍ رَ وٌن بَرَ وٌن بٍنبَ شَ سَاتّ كَنَ؟ 
\v 11 يُدَيَكَيٍ نَشَ عَلَ يَنقَ، بَرِ مَ قٍ حَاشِ بَرَ رَبَ عِسِرَيِلَ نُن دَرِ سَلَمُ بْشِ مَ. يُدَيَ بَرَ عَلَتَلَ بَتُدٍ يٍلٍبُ نَشَن نَقَن عَ مَ. عَ بَرَ كُيٍ بَتُي شَ دِ فِنّ دْشْ. 
\v 12 عَلَتَلَ نَ شّمّ مْولِ، نُن عَ شَ دِيٍ، عَ نُن عَ شَ دٍنبَيَ بِرِن كٍرِ مَ نّ يَشُبَ شَ كِرِ بَنشِ كُي. عَ نَ شّمّ مْولِ كٍرِ مَ نّ، عَ نُن عَ سّرّشّ نَشَن بَمَ مَنفّ عَلَتَلَ بّ.
\p
\v 13 نَ شَنبِ، وٌ تَن وٌ يَ يٍ فبٍفبٍ رَ مِنِمَ عَلَتَلَ شَ سّرّشّبَدٍ، بَرِ مَ وٌ نَشّ عَ مُ وٌ شَ سّرّشّ تٌنفٌمَ، عَ مُ وَ مَ عَ شْن سْنْن. 
\v 14 وٌ ﭑ مَشْرِنمَ «مُنقٍ رَ؟» ﭑ عَ قَلَمَ وٌ بّ. وٌ فِنّ نَشَن سُفَندِ وٌ قٌنِكٍ تّمُي، وٌ نَشَن شَ قُتِ شِرِ عَلَتَلَ شَ سٍيدٍحْشْيَ كُي، وٌ بَرَ نَ فِنّ يَنقَ. 
\v 15 عَلَتَلَ شَ مُ عَدَ مَ دَاشِ، عَ عَ نِي رَ سٌ عَ قَتٍ؟ عَدَ مَ مُ دِيٍ قٍنمَ شّ عَلَ نَشٍيٍ رَفِرِ مَ عَ مَ؟ وٌ مّينِ وٌ نِي مَ، وٌ نَشَ وٌ شَ فِنّ يَنقَ، وٌ نَشَن سْتْ وٌ قٌنِكٍ تّمُي. 
\v 16 عِسِرَيِلَ مَرِفِ عَلَتَلَ نَشّ، مّيقٍ عِ شَ فِنّ رَ، نُن فٍرٍ تِقٍ، قٍيٍ نَن عٍ رَ ﭑ نَشٍيٍ شْنشِ. وٌ مّينِ وٌ نِي مَ، وٌ نَشَ قِندِ يَنقَنتٍ مِشِيٍ رَ.
\s عَلَتَلَ شَ كِيتِ
\p
\v 17 وٌ بَرَ عَلَتَلَ رَتَفَن وٌ شَ وْيّنيِ رَ، كْنْ وٌ قَ مَشْرِنيِ تِقٍ، «مُشُ عَ رَتَفَنشِ دِ؟» ﭑ شَ وٌ يَابِ. وٌ عَ رَتَفَنشِ عَ قَلَقٍ رَ، «قٍ كٌبِ رَبَمَ نَن نَقَن عَلَتَلَ مَ، عَ نَ مِشِ مْولِ نَن قٍنمَ.» وٌ مَن عَ رَتَفَنشِ عَ قَلَقٍ رَ، «عَلَ كِيتِسَ نَ مِندٍن؟»
\c 3
\s عَلَ شَ كِيتِ
\p
\v 1 «وٌ وٌ يَ تِ، ﭑ قَمَ نّ ﭑ مَ شّيرَ شّيدٍ نَشَن كِرَ يَءِلَنمَ ﭑ بّ. وٌ مَرِفِ، وٌ نَشَن قٍنقٍ، عَ قَمَ نّ سٌدٍ عَ شَ هْرْ مْبَنشِ كُي كٍرٍن نَ. سَاتّ شّيرَ، وٌ وَ مَ نَشَن شْن، عَ نَ قَقٍ. مَنفّ عَلَتَلَ شَ مَسٍنيِ نَن نَ كِ.»
\p
\v 2 «عَ نَ قَ، ندٍ نْمَ سُو سَدٍ عَ رَ؟ ندٍ نْمَ تِدٍ عَ يَ عِ؟ بَرِ مَ عَ لُمَ نّ عَلْ شَبُرٍ تّ نَشَن سٍ رَشُنُمَ. عَ لُمَ نّ عَلْ شْسِ بَسٍ دُفِ شَيٍ نَشَن نَوَلِمَ. 
\v 3 عَ قَمَ نّ فبٍتِ رَشُنُدٍ، عَ عَ فبِ بَ. عَ لٍوِ شَ دِيٍ رَ سّنِيّنمَ نّ. عَ عٍ رَشُنُمَ نّ عَلْ شّيمَ عَ نُن فبٍتِ، عَ عٍ فبِ بَ. عٍ شَ قِندِ سّرّشّدُبّيٍ رَ عَلَتَلَ بّ نَشٍيٍ سّرّشّ بَمَ تِنشِنيِ كُي.»
\p
\v 4 «نَ تّمُي، يُدَيَ نُن دَرِ سَلَمُ شَ سّرّشّ رَقَنمَ نّ عَلَتَلَ مَ عَلْ تّمُي دَنفِشِ، عَلْ وَشَتِ قٌرِ. 
\v 5 ﭑ قَمَ نّ وٌ شَ كِيتِ سَدٍ. ﭑ كِيتِ سَمَ نّ كٍرٍن نَ مَندُرُلَيٍ، يّنّلَيٍ، وُلٍ قَلّيٍ، نُن مِشِ كٌبِيٍ مَ نَشٍيٍ وَلِكّ سَرٍ دٌنمَ، نَشٍيٍ كَاحّ فِنّيٍ، كِرِدِيٍ، نُن شْحّيٍ تْورْ مَ. ﭑ كِيتِ سَمَ نّ مِشِيٍ مَ نَشٍيٍ مُ فَاشُمَ ﭑ يَ رَ. مَنفّ عَلَتَلَ شَ مَسٍنيِ نَن نَ كِ.»
\p
\v 6 «ﭑ تٌ قِندِشِ عَلَتَلَ نَن نَ، نَشَن مُ عَ شُي مَسَرَ مَ، وٌ تَن يَشُبَ شَ دِيٍ تَن مُ قَشَ. 
\v 7 كَبِ وٌ بٍنبَيٍ شَ تّمُي، وٌ بَرَ ﭑ مَ سّرِيّ كَنَ، وٌ بَرَ عَ مَتَندِ. يَكْسِ، وٌ شَ فبِلٍن ﭑ مَ، ﭑ قَن فبِلٍنمَ نّ وٌ يِرٍ. مَنفّ عَلَتَلَ شَ مَسٍنيِ نَن نَ كِ.»
\p «كْنْ وٌ نَ ﭑ مَشْرِنقٍ، ‹مُشُ شَ فبِلٍن عِ مَ دِ؟› 
\v 8 ﭑ قَن شَ وٌ مَشْرِن. عَدَ مَدِ نْمَ عَ مَرِفِ عَلَ مُحَدٍ؟ كْنْ وٌ تَن يَتِ بَرَ ﭑ مُحَ. وٌ نُ قَ ﭑ مَشْرِن، ‹مُشُ بَرَ مُنسٍ مُحَ عِ مَ؟› ﭑ شَ وٌ يَابِ. وٌ بَرَ ﭑ مَ قَرِلّيٍ نُن ﭑ مَ سّرّشّيٍ مُحَ. 
\v 9 ﭑ بَرَ وٌ بْنسْي بِرِن دَنكَ نَ مُحّ شَ قٍ رَ. 
\v 10 وٌ شَ قَ قَرِلّ بِرِن نَ عَلَ شَ بَنشِ، قَرِلّ رَفَتَدٍ، عَلَكٌ بَلٌي شَ لُ ﭑ مَ بَنشِ كُي. وٌ شَ ﭑ تَن مَنفّ عَلَتَلَ مَتٌ، شَ ﭑ مُ قَمَ بَرَكّ فبٍفبٍ رَفٌرٌدٍ وٌ مَ كٍلِقٍ كٌورٍ نَشَن دَنفِ وٌ شَ سٍ رَفَتَدٍيٍ رَ. 
\v 11 ﭑ نِمَسٍيٍ قَشَمَ نّ نَشٍيٍ وٌ شَ شّيٍ نُن وٌ شَ وّنِ بِلِيٍ كَنَمَ. مَنفّ عَلَتَلَ شَ مَسٍنيِ نَن نَ كِ. 
\v 12 نَ تّمُي سِ بِرِن قَمَ نّ وٌ شَ بْشِ شِلِ قَلَدٍ حّلّشِن بْشِ، بَرِ مَ بَرَكّ نَ وٌ شْنيِ. مَنفّ عَلَتَلَ شَ مَسٍنيِ نَن نَ كِ.»
\p
\v 13 عَلَتَلَ نَشّ، «وٌ بَرَ وْيّنيِ شْرْشْي قَلَ ﭑ بّ، كْنْ وٌ ﭑ مَشْرِنقٍ، ‹مُشُ بَرَ وْيّنيِ شْرْشْي مُندُن قَلَ عِ بّ؟› 
\v 14 ﭑ شَ وٌ يَابِ. وٌ نَشّ، ‹فٍينِ يٌ مُ نَ عَلَ شَ بَتُي كُي. مُشُ بَرَ عَ شَ سّرِيّ سُشُ، مُشُ بَرَ تْورْ عَ شَ قٍ رَ، كْنْ مُشُ فٍينِ مُندُن سْتْشِ مَنفّ عَلَتَلَ رَ؟ 
\v 15 مُشُ تَن بّ، مِشِ نَشَن عَ يّتّ عِتٍمَ، عَ حّلّشِنمَ نّ، مِشِ كٌبِ نَن فٍينِمَ، عَلَ مَتَندِلَ مُ حَشَنكَتَمَ.›»
\p
\v 16 نَ وْيّنيِ شَنبِ، مِشِ نَشَن نُ فَاشُمَ عَلَ يَ رَ، عٍ بَرَ لُ يِرٍ كٍرٍن، عٍ وْيّن عٍ بٌورٍ رَ. عَلَتَلَ بَرَ عٍ شُي مّ عَ قَنيِ رَ. نَ عَلَ يَرَفَاشُييٍ شِلِ بَرَ سّبّ سّبّلِ ندٍ رَ عَلَ يَ عِ، بَرِ مَ عٍ نُ بَرَ عَلَتَلَ شِلِ بِنيَ. 
\v 17 مَنفّ عَلَتَلَ نَشّ، «نٍيٍ قِندِشِ ﭑ مَ حَمَ يَتِ يَتِ نَن نَ. ﭑ عٍ رَتَنفَمَ نّ كِيتِ سَ لْشْي عَلْ بَبَ نَشَن كِنِكِنِمَ عَ شَ دِ قَنيِ مَ. 
\v 18 نَ كُي وٌ مَن قَمَ نّ مِشِ كٌبِ نُن مِشِ قَنيِ تَفِ رَ سَ كٌلٌندٍ، عَلَ بَتُلَيٍ نُن عَلَ مَتَندِلَيٍ.»
\c 4
\p
\v 1 «نَ لْشْي قَمَ نّ. عَلَ قَمَ نّ تّ بٍلٍبٍلٍ رَ يّتّ عِفبٌي نُن مِشِ كٌبِيٍ بّ. عَ عٍ فَنمَ نّ عَلْ سّشّ. مَنفّ عَلَتَلَ شَ مَسٍنيِ نَن نَ كِ. عٍ شَ قٍ سٍسٍ مُ لُمَ نَا. 
\v 2 كْنْ وٌ تَن نَشٍيٍ فَاشُمَ ﭑ شِلِ يَ رَ، ﭑ يَلَنيِ رَقَمَ وٌ مَ عَلْ سٌفٍ يَلَنيِ نَشَن نَمِنِمَ فّيسّفّ. وٌ بِرَ مَ نّ عَلَ قْشْ رَ حّلّشِنيِ كُي عَلْ نِنفٍ يْرّ نَشَن بِرَ مَ حٌوفٍ نّينّ قْشْ رَ. 
\v 3 وٌ مِشِ حَاشُييٍ مَبٌرٌنمَ نّ عَلْ شُبٍ نَشَن لُمَ وٌ سَنيِ بُن مَ. ﭑ نَ نَ لْشْي رَقَلَقٍ وٌ بّ. مَنفّ عَلَتَلَ شَ مَسٍنيِ نَن نَ كِ.»
\p
\v 4 «وٌ شَ رَتُ ﭑ مَ كٌنيِ مُنسَ شَ سّرِيّ مَ، ﭑ يَامَرِيٍ نَشٍيٍ قِشِ عَ مَ شٌرٍبٍ فٍيَ قَرِ عِسِرَيِلَكَيٍ بِرِن بّ. 
\v 5 ﭑ قَمَ نّ عَننَبِ عٍلِيَ شّيدٍ وٌ مَ، بٍينُ عَلَتَلَ شَ لْشْي بٍلٍبٍلٍ مَفَاشُشِ شَ قَ. 
\v 6 عَ بَبَيٍ نُن عٍ شَ دِيٍ دّ رَقَنمَ نّ، شَ نَ مُ عَ رَ، ﭑ قَ وٌ شَ بْشِ هَلَكِدٍ.»