\id LAM 
\ide UTF-8
\h عَننَبِ يٍرٍ مِ قِرِن ندٍ
\toc1 عَلَ شَ مَسٍنيِ قِرِن ندٍ عَننَبِ يٍرٍ مِ بّ
\toc2 عَننَبِ يٍرٍ مِ قِرِن ندٍ
\toc3 ٢يٍ
\mt عَلَ شَ مَسٍنيِ قِرِن ندٍ عَننَبِ يٍرٍ مِ بّ
\imt مَسٍنيِ ندٍ يِ كِتَابُي شَ قٍ رَ
\ip عَننَبِ يٍرٍ مِ نَشَ كِتَابُي قِرِن سّبّ. كٍرٍن شِلِ «عَلَ شَ مَسٍنيِ عَننَبِ يٍرٍ مِ بّ.» بٌورٍ شِلِ، «عَلَ شَ مَسٍنيِ قِرِن ندٍ عَننَبِ يٍرٍ مِ بّ.» عٍ شَ مَسٍنيِ مَنِيَ. عٍ سّبّ وَشَتِ، عِسِرَيِلَ يَشُييٍ نُ نَ نْقٍ يُدَيَ نُن عَ شَ مَنفّ تَا دَرِ سَلَمُ رَ. عَلَتَلَ يَتِ نُ بَرَ نَ رَفِرِ عٍ شَ يُنُبِيٍ شَ قٍ رَ. نَ حَشَنكَتّ نُ شْرْشْ عَ فبٍ رَ بَرِ مَ عَ نُ قَتَنشِ عَلَ شَ شْنّ نَن نَ.
\ip نَ كُي وٌن نْمَ سّرِيّ سَشَن تٌدٍ. عَ سِنفٍ، يُنُبِ مُ رَقَن عَلَ مَ. عَلَ تٌ سّنِيّنشِ، عَ مُ نْمَ لَندٍ سّنِيّنتَرٍحَ مَ. قٌ عَدَ مَ شَ عَ قَهَامُ عَ يُنُبِ رَحَاشُ عَلَ مَ، بَرِ مَ عَ مُ قِندِشِ عَ يُفٍ سّنِيّنشِ رَ.
\ip عَ قِرِن ندٍ، عَلَ يُنُبِ سَرٍ رَفبِلٍنمَ نّ يُنُبِتْي مَ. عَلَ تٌ تِنشِنشِ، عَ مُ نْمَ عَ لُدٍ يُنُبِتْي مُ عَ شَ قٍ حَاشِ سَرٍ سْتْ. عَلَتَلَ شَ تِنشِنيِ عَ نِيَمَ نّ مِشِ شَ عٍ يُنُبِ سَرٍ سْتْ. عَلَ مُ نْمَ فبِلٍندٍ نَ تِنشِنيِ قْشْ رَ.
\ip عَ سَشَن ندٍ، عَلَ وَ مَ يُنُبِتْي رَكِسِقٍ. عَلَ تٌ مِشِ شَنُشِ، عَ قٍ بِرِن نَبَمَ نّ عَلَكٌ عَ شَ عَدَ مَ مَتِنشِن، عَ شَ عَ شَ يُنُبِيٍ شَقَرِ، عَ شَ عَ رَكِسِ عَ شَ شَنُنتٍيَ سَابُي رَ. يِ مَسٍنيِ، نَشَن تٌمَ عَننَبِ يٍرٍ مِ شَ سّبّلِ تَفِ سٌرَ ٣‏؛٢١ ٬ ٣٢، عَ سّنبّ فبٌ.
\ip عَلَ شَ وٌن مَلِ نَ سّرِيّ بِرِن قَهَامُدٍ. عَمِنَ.
\imte عَلَ شَ مَسٍنيِ قِرِن ندٍ عَننَبِ يٍرٍ مِ بّ
\c 1
\s دَرِ سَلَمُ شَ حْنيِ بّيتِ
\sp عَننَبِ يٍرٍ مِ شَ مَسٍنيِ
\q
\v 1 مُنسٍ دَرِ سَلَمُ سْتْشِ؟
\q سِنفٍ مِشِ نُ وُيَ،
\q كْنْ يَكْسِ عٍ مُ وُيَ.
\q عَ بَرَ لُ عَلْ كَاحّ فِنّ.
\q سِنفٍ عَ شِلِ نُ شُنفبٌ حَمَنّيٍ تَفِ،
\q عَ قِندِ مَنفّ تَا نَن نَ عٍ يَ مَ،
\q كْنْ يَكْسِ عَ نَ كٌنيِيَ كُي.
\q
\v 2 كْي بِرِن عَ وَقٍ،
\q عَ يَيٍ نُ عَ شّرّيٍ مَشَ.
\q عَ شَنُنتٍنيِيٍ مُ نَ سْنْن نَشٍيٍ عَ مَدُندُ مَ.
\q عَ بٌورٍيٍ بِرِن بَرَ عَ يَنقَ، عٍ قِندِ عَ يَشُييٍ رَ.
\q
\v 3 عٍ بَرَ يُدَ بْنسْي شَنِن كٌنيِيَ كُي،
\q عٍ عَ رَيَافِ.
\q يَكْسِ عَ دْشْشِ سِيٍ تَفِ، مَلَبُي يٌ مُ نَ عَ بّ.
\q عَ يَشُييٍ عَ تْورْ مَ.
\q
\v 4 مِشِ يٌ مُ نَ سِيٌن كِرَيٍ شْن مَ سْنْن، سِفَقٍ سَلِدٍ.
\q سِيٌن شَ نَادّيٍ بِرِن بَرَ كَنَ،
\q عَ شَ سّرّشّدُبّيٍ تْورْقٍ،
\q عَ شَ فِنّدِ مّدِيٍ سُننُنقٍ.
\q سِيٌن نَ قٍ شْنّ نَن كُي.
\q
\v 5 عَ يَشُييٍ بَرَ نْ عَ رَ، عٍ قَ لُ بْحّسَ كُي.
\q عَلَتَلَ نَ رَفِرِشِ، سِيٌن شَ قٍ حَاشِيٍ نَن مَ قٍ رَ.
\q عَ فٍرٍقَيٍ بَرَ عَ شَ دِيٍ شَنِن كٌنيِيَ كُي.
\q
\v 6 سِيٌن سّنبّ بِرِن بَرَ كَنَ.
\q عَ شَ كُنتِفِيٍ بَرَ لُ عَلْ شٍلِ،
\q نَشٍيٍ مُ حٌوفٍ تٌمَ،
\q نَشٍيٍ بَرَ تَفَن كٌيِنمَ يَ رَ.
\q
\v 7 دَرِ سَلَمُ شَ يَافِ نُن عَ شَ كُي عِقُي كُي،
\q عَ بَرَ عَ مَحْشُن عَ شَ سٍ قَنيِيٍ بِرِن شَ قٍ،
\q نَشٍيٍ نُ نَ عَ يِ رَ تّمُي دَنفِشِ.
\q عَ شَ حَمَ تٌ سَ عَ فٍرٍقَيٍ بّلّشّ،
\q عَ مَلِمَ يٌ مُ نُ نَ.
\q عَ يَشُييٍ نَشَ يٍلٍ عَ شَ كَسَرّ مَ.
\q
\v 8 دَرِ سَلَمُ شَ يُنُبِ بَرَ فبٌ،
\q عَ بَرَ قِندِ سّنِيّنتَرٍ رَ.
\q نَشٍيٍ بِرِن نُ عَ مَتْشْمَ،
\q عٍ نَ يٌقٍ عَ مَ يَكْسِ.
\q عَ بَرَ لُ عَلْ مِشِ مَفٍلِ،
\q عَ يَافِ، عَ قَ عَ يّتّ نْشُن.
\q
\v 9 نْشْي نُ نَ عَ شَ دُفِ مَ،
\q كْنْ عَ مُ عَ مَحْشُن عَ شَ قٍ رَحْنيِ مَ.
\q كَسَرّ نَشَن عَ مَسْتْ، عَ مَفَاشُ.
\q مِشِ يٌ مُ نَ، نَشَن عَ مَدُندُ مَ.
\sp سِيٌن شَ مَسٍنيِ
\q «عَلَتَلَ، ﭑ مَ مَرَيَافِ مَتٌ،
\q بَرِ مَ ﭑ يَشُييٍ بَرَ شُننَكٍلِ سْتْ.»
\sp عَننَبِ يٍرٍ مِ شَ مَسٍنيِ
\q
\v 10 عَ يَشُييٍ بَرَ عَ شَ سٍ قَنيِ بِرِن تٌنفٌ.
\q عَ سِ فبّتّيٍ تٌ نّ سٌ رَ عَ شَ سَلِدٍ كُي،
\q نَشٍيٍ مُ دَشَ عٍ شَ سٌ نَا.
\q
\v 11 عَ شَ حَمَ بِرِن بَرَ كْنتْقِلِ بَلٌي قٍندٍ.
\q عٍ بَرَ عٍ شَ نَاقُلِ بِرِن مَسَرَ دٌنسٍ رَ، عَلَكٌ عٍ شَ بَلٌ.
\sp سِيٌن شَ مَسٍنيِ
\q «عَلَتَلَ، ﭑ مَ يَافِ مَتٌ.
\q
\v 12 عَلَ شَ دَنفِ مِشِ رَتَنفَ نَ قٍ مْولِ مَ.
\q وٌ عَ مَتٌ شَ ﭑ مَ تْورّ مَنِيّ نَ قٍ رَ،
\q عَلَتَلَ نَشَن دْشْشِ ﭑ مَ عَ شَ شْنّ كُي.
\q
\v 13 عَ بَرَ تّ رَفٌرٌ كٍلِقٍ كٌورٍ، نَشَن بَرَ ﭑ قَتٍ فَن.
\q عَ بَرَ فَنتَنيِ تِ ﭑ بّ، عَ يّلّ عِتَلَ ﭑ سَنتِدٍ.
\q عَ بَرَ ﭑ نَبِرَ بْشِ، عَ ﭑ هَلَكِشِ لُ نَا.
\q
\v 14 عَ بَرَ ﭑ مَ يُنُبِيٍ سَرٍ سَ ﭑ كْن مَ عَلْ كَرَقٌي.
\q عَ بَرَ ﭑ سّنبّ شُن نَكَنَ.
\q عَلَتَلَ بَرَ ﭑ سَ ﭑ يَشُييٍ بّلّشّ، نَشٍيٍ سّنبّ فبٌ ﭑ بّ.
\q
\v 15 عَ بَرَ ﭑ مَ فٍرٍ سٌي بِرِن مَتُتُن، نَشٍيٍ نُ نَ ﭑ بّ.
\q عَ بَرَ ﭑ يَشُييٍ مَشِلِ،
\q عَلَكٌ عٍ شَ ﭑ مَ قٌنِكٍيٍ سّنبّ كَنَ.
\q عَلَتَلَ بَرَ يُدَ بْنسْي شَ دِ هَلَكِ عَ حَاشِ رَ.
\q
\v 16 ﭑ نَ وَقٍ يِ تْورّ نَن مَ، ﭑ يَيٍ رَ مِنِمَ عٍ بّ.
\q نَشَن ﭑ مَدُندُ مَ، عَ فبِلٍن لِمَنِيَ قِ رَ ﭑ مَ.
\q نَ بَرَ مَكُيَ ﭑ نَ.
\q ﭑ مَ دِيٍ بَرَ هَلَكِ،
\q بَرِ مَ يَشُي سّنبّ نُ فبٌ ﭑ بّ.
\q
\v 17 سِيٌن بَرَ عَ بّلّشّيٍ عِتَلَ،
\q كْنْ مِشِ يٌ مُ نَ نَشَن عَ مَدُندُ مَ.
\q عَلَتَلَ بَرَ يَامَرِ قِ يَشُبَ دْشْبٌورٍيٍ شَ قِندِ عَ فٍرٍقَيٍ رَ.
\q دَرِ سَلَمُ بَرَ قِندِ سّنِيّنتَرٍ رَ عٍ تَفِ.
\q
\v 18 عَلَتَلَ شَ مَرَفِرِ تِنشِن،
\q بَرِ مَ ﭑ بَرَ عَ شَ يَامَرِيٍ مَتَندِ.
\q وٌ تَن سِ بِرِن، وٌ وٌ تُلِ مَتِ،
\q وٌ شَ ﭑ مَ تْورّ مَتٌ.
\q ﭑ مَ فِنّدِ مّدِيٍ نُن ﭑ مَ قٌنِكٍ شّمّيٍ بِرِن بَرَ شَنِن كٌنيِيَ كُي.
\q
\v 19 ﭑ بَرَ ﭑ شَنُنتٍنيِيٍ شِلِ، كْنْ عٍ بَرَ ﭑ يَنقَ.
\q ﭑ مَ سّرّشّدُبّيٍ نُن ﭑ مَ قٌرِيٍ بَرَ قَشَ تَا كُي.
\q عٍ قَشِ دٌنسٍ قٍندٍ نَشَن نْمَ سّنبّ دِ قِدٍ عٍ مَ.
\q
\v 20 عَلَتَلَ، ﭑ مَ تْورّ مَتٌ.
\q ﭑ بْحّ مُ رَقَنشِ ﭑ مَ،
\q بَرِ مَ ﭑ عَ كٌلٌن ﭑ مّي نّ عِ شَ سّرِيّ رَ،
\q ﭑ قِندِ مَتَندِلَ يَتِ نَن نَ.
\q سَنتِدّفّمَ مِشِ سْنتْ تَا قَرِ مَ،
\q قُرٍ حَاشِ مِشِ قَشَمَ تَا كُي.
\q
\v 21 مِشِيٍ بَرَ ﭑ وَ شُي مّ،
\q كْنْ مِشِ يٌ مُ نَ نَشَن ﭑ مَدُندُ مَ.
\q ﭑ يَشُييٍ بِرِن بَرَ ﭑ مَ تْورّ شَ قٍ مّ،
\q عٍ بَرَ حّلّشِن عِ بّلّشّ قْشِ رَ.
\q عِ بَرَ قَ لْشْي رَ، عِ لْشْي نَشَن مَ قٍ قَلَ.
\q عَ نِيَ ﭑ يَشُييٍ قَن شَ لُ عَلْ ﭑ تَن.
\q
\v 22 عِ شَ عٍ شَ حَاشُحَ بِرِن مَتٌ.
\q عِ شَ عَ نِيَ عٍ قَن نَ عَلْ عِ عَ نِيَشِ ﭑ نَ كِ نَشّ،
\q ﭑ مَ قٍ كٌبِ رَبَشِ مَ.
\q ﭑ مَ كْنتْقِلِ وُيَ، ﭑ بْحّ تْورْشِ عَ فبٍ رَ.»
\c 2
\s هْرْ مْبَنشِ شَ كَنّ
\sp عَننَبِ يٍرٍ مِ شَ مَسٍنيِ
\q
\v 1 عَلَتَلَ شَ شْنّ بَرَ عَ نِيَ
\q كُيٍ شَ عِقْورْ دَرِ سَلَمُ شُن مَ.
\q عَ بَرَ بَرَكّ بَ عِسِرَيِلَ مَ.
\q عَ تٌ شْنْ، عَ نَشَ عِسِرَيِلَ رَبٌلٌ،
\q عَ نُ حّرّ مَ حَمَ نَشَن يَ مَ.
\q
\v 2 مَرِفِ مُ كِنِكِنِ عٍ مَ.
\q عَ بَرَ يَشُبَ شَ بَنشِ بِرِن كَنَ،
\q عَ بَرَ يُدَيَ تَا مَكَنتَشِيٍ رَبِرَ،
\q عَ عٍ شَ مَنفّيَ مَسَرَ يَافِ رَ عَ شَ شْنّ كُي.
\q
\v 3 عَ تٌ شْنْ عٍ مَ، عَ بَرَ عِسِرَيِلَ سّنبّ بِرِن كَنَ.
\q عٍ يَشُييٍ تٌ نُ عٍ عِشّتّنقٍ،
\q عَلَ بَرَ تٌندِ عِسِرَيِلَ مَلِدٍ.
\q نَ شُننَكَنّ بَرَ لُ عَلْ تّ سٌشِ،
\q عَ يَشُبَ شَ بْشِ بِرِن فَن.
\q
\v 4 عَ بَرَ عَ شَ شَلِ سُشُ وٌن شِلِ مَ
\q عَلْ وٌن يَشُي عَ رَبَمَ كِ نَشّ.
\q عَ بَرَ وٌن بْنبْ سّنبّ رَ
\q عَلْ عَ قِندِ وٌن فٍرٍقَ نَن نَ.
\q عَ بَرَ وٌن مَ مِشِ بِرِن قَشَ،
\q وٌن نُ حّلّشِنمَ نَشٍيٍ رَ.
\q عَ شَ شْنّ بَرَ لُ عَلْ تّ
\q نَشَن بَرَ سٌ دَرِ سَلَمُ هْرْ مْبَنشِ كُي.
\q
\v 5 عَلَتَلَ بَرَ لُ عَلْ وٌن يَشُي.
\q عَ بَرَ عِسِرَيِلَ نُن عَ شَ بَنشِ قَنيِيٍ بِرِن كَنَ.
\q عَ بَرَ عَ شَ يِرٍ مَكَنتَشِيٍ رَبِرَ.
\q عَ بَرَ يُدَيَ شَ كِنِكِنِ نُن سُننُنيِ شُنمَسَ.
\q
\v 6 عَ بَرَ عَ سّنبّ رَ مِنِ نَ مَ،
\q عَ عَ شَ مِشِيٍ مَلَندٍ كَنَ.
\q عَلَتَلَ بَرَ عَ نِيَ
\q سَلِ شُنفبٍ نُن مَلَبُي لْشْي سَلِ شَ نّيمُ سِيٌن نَ.
\q عَ بَرَ مَنفّ نُن سّرّشّدُبّ رَيَافِ عَ شَ شْنّ كُي.
\q
\v 7 عَلَتَلَ بَرَ مَكُيَ عَ شَ سّرّشّبَدٍ رَ،
\q عَ مّي عَ شَ يِرٍ سّنِيّنشِ رَ.
\q عَ بَرَ سِيٌن بَنشِ قَنيِيٍ سَ وٌن يَشُي بّلّشّ.
\q وٌن يَشُييٍ بَرَ فٍرٍ سْنشْي رَتٍ عَلَتَلَ شَ بَنشِ كُي.
\q نَ شُي نُ فبٌ عَلْ شُي نَشَن عِتٍمَ سَلِ لْشْي.
\q
\v 8 عَلَتَلَ نَن عَ حَنِفٍ عَ شَ سِيٌن تّتّ رَبِرَ.
\q عَ مُ سِيكّ عَ رَبَقٍ مَ.
\q عَ بَرَ تّتّ قَرِ نُن عَ بُنيِ بِرِن نَبِرَ.
\q
\v 9 عَ بَرَ تَا نَادّيٍ رَبِرَ بْشِ،
\q عٍ بَلَندٍيٍ بِرِن بَرَ كَنَ.
\q مَنفّيٍ نُن كُنتِفِيٍ بَرَ شَنِن حَمَنّ فبّتّ مَ.
\q سّرِيّ رَبَتُقٍ مُ نَ،
\q شّيرَيَ قَن مُ نَ نَمِحْنمّيٍ بّ.
\q
\v 10 سِيٌن قٌرِيٍ دْشْشِ بْشِ، عٍ دّ بَرَ بٌبٌ،
\q عٍ بَرَ شُبٍ مَسٌ عٍ شُنيِيٍ مَ سُننُنيِ شَ قٍ رَ،
\q عٍ بَرَ سُننُن دٌنمَيٍ رَفٌرٌ عٍ مَ.
\q دَرِ سَلَمُ فِنّدِ مّدِيٍ بَرَ عٍ شُن سِن بْشِ.
\q
\v 11 ﭑ يَيٍ بَرَ مِنِ هَن، ﭑ بْحّ بَرَ ﭑ تْورْ،
\q ﭑ سٌندٌنيِ بَرَ سُننُن ﭑ مَ حَمَ شَ فبَلٌي شَ قٍ رَ.
\q دِ مّيٍ نُن دِيْرّيٍ نَ قَشَقٍ تَا كُي.
\q
\v 12 دِ مّيٍ عَ قَلَمَ عٍ نفَيٍ بّ،
\q «دٌنسٍ نُن مِنسٍ سْتْمَ مِندٍن؟»
\q عٍ نُ سِفَ تُشُنسَن نَ عَلْ مِشِ مَشْنْشِيٍ،
\q عٍ بِرَ تَا كُي كِرَيٍ رَ،
\q عٍ حّنفِ بٌلٌن عٍ نفَيٍ بّلّشّ.
\q
\v 13 ﭑ قَ مُنسٍ قَلَمَ عِ بّ كْرّ؟
\q سِيٌن، عِ مَنِيّ مُ نَ ﭑ بّ.
\q ﭑ عِ مَدُندُ مَ دِ؟
\q عِ شَ حَشَنكَتّ بَرَ فبٌ دَنفِ بَا رَ.
\q ندٍ نْمَ عِ رَيَلَندٍ؟
\q
\v 14 عِ شَ نَمِحْنمّيٍ بَرَ وُلٍ لَامَتُنيِيٍ مَسٍن،
\q عٍ مُ عِ شَ يُنُبِ قِيشّ عِ بّ،
\q عَلَكٌ عِ نَشَ قَ لُ كٌنيِيَ كُي.
\q عٍ بَرَ وٌ مَدَشُ وُلٍ لَامَتُنيِيٍ رَ.
\q
\v 15 دَنفِ مِشِ بِرِن عٍ بّلّشّ بْنبْمَ عِ مَ،
\q عٍ كٌلِنمَ، عٍ عٍ شُنيِيٍ مَلِنتَنمَ دَرِ سَلَمُ شَ قٍ رَ.
\q عٍ عَ قَلَمَ، «سِنفٍ يِ تَا تٌقَنيِ مَنِيّ مُ نُ نَ دُنِحَ،
\q كْنْ يَكْسِ فٌ؟»
\q
\v 16 عِ يَشُييٍ بِرِن نَ وٌ مَقَلَقٍ،
\q عٍ كٌلِنمَ، عٍ عٍ حِنيِيٍ مَشِنمَ وٌ شَ قٍ رَ،
\q عٍ نُ عَ قَلَ، «وٌن بَرَ عٍ شُن نَكَنَ
\q عَلْ وٌن نُ وَ مَ عَ شْن مَ كِ نَشّ.
\q نَ بَرَ سْونّيَ وٌن بّ.»
\q
\v 17 عَلَتَلَ نَشَن حَنِفٍ، عَ نَ نَن نَبَشِ.
\q عَ بَرَ عَ شَ وْيّنيِ رَكَمَلِ،
\q عَ نَشَن مَسٍن تّمُي شْننَكُيٍ.
\q عَ بَرَ كَنَرِ رَبَ، عَ مُ كِنِكِنِ.
\q عَ بَرَ عَ نِيَ عِ يَشُييٍ شَ عِ مَيٍلٍ.
\q عَ بَرَ عِ فٍرٍقَيٍ سّنبّ رَفبٌ يّ.
\q
\v 18 مِشِيٍ نَ وَقٍ مَرِفِ رَ عٍ بْحّ بِرِن نَ.
\q سِيٌن حَمَ، يَيٍ رَ مِنِ عَلْ شُرٍ.
\q عِ نَشَ عِ مَلَبُ، عِ شَ وَ تُن.
\q
\v 19 كٍلِ، سْنشْي رَتٍ كْي رَ.
\q عِ بْحّ رَيٍنسٍن يّ عَلْ يٍ، مَرِفِ يَ تٌدٍ رَ.
\q عِ بّلّشّ تِ عَ بّ عِ شَ دِيٍ شَ سِمَيَ شَ قٍ رَ،
\q بَرِ مَ عٍ نَ هَلَكِقٍ كَامّ رَ تُنشُنيِيٍ بِرِن نَ.
\q
\v 20 عَلَتَلَ، عِ يَ تِ عِ بَرَ يِ نِيَ نَشٍيٍ رَ.
\q عَ لَن فِنّيٍ شَ عٍ شَ دِيٍ دٌن، عٍ نَشٍيٍ بَرِ؟
\q عَ لَن سّرّشّدُبّيٍ نُن نَمِحْنمّيٍ شَ قَشَ مَرِفِ شَ هْرْ مْبَنشِ كُي؟
\q
\v 21 قٌنِكٍيٍ نُن شّمْشِيٍ، عٍ بِرِن لَنتَنشِ بْشِ مَ تَا تُنشُنيِيٍ رَ.
\q ﭑ مَ فِنّدِ مّدِيٍ نُن ﭑ مَ سّفّتَلَيٍ، سَنتِدّفّمَ بَرَ عٍ بِرِن قَشَ.
\q عِ بَرَ قَشّ تِ عِ شْنْ لْشْي.
\q عِ بَرَ عٍ كْن نَشَبَ، عِ مُ كِنِكِنِ.
\q
\v 22 عِ بَرَ ﭑ يَشُييٍ مَلَن ﭑ شِلِ مَ،
\q عَلْ مِشِيٍ مَلَنمَ كِ نَشّ سَلِ لْشْي.
\q عَلَتَلَ شْنْ لْشْي، مِشِ يٌ مُ لُ، مِشِ قَن مُ عَ عِمِنِ.
\q ﭑ نَشٍيٍ شَنُ، ﭑ نَشٍيٍ رَ مْ،
\q ﭑ يَشُييٍ بَرَ عٍ بِرِن قَشَ.
\c 3
\s تْورّ نُن عَلَ شَ مَرَقَنيِ
\sp عَننَبِ يٍرٍ مِ شَ مَسٍنيِ
\q
\v 1 مِشِ نَن ﭑ نَ، نَشَن بَرَ تْورّ كٌلٌن عَلَ شَ شْنّ سَابُي رَ.
\q
\v 2 عَ بَرَ ﭑ تٌنفٌ كُيٍ عِيَلَنشِ،
\q عَ ﭑ نَحّرّ دِ مِ كُي.
\q
\v 3 عَ ﭑ تْورْ مَ لْشْي بِرِن.
\q دَنيِ يٌ مُ نَ ﭑ مَ تْورّ مَ
\q
\v 4 عَ بَرَ ﭑ نَشْسِ كٍلِقٍ ﭑ شُنيِ مَ سَ دْشْقٍ ﭑ سَنيِيٍ رَ.
\q عَ بَرَ ﭑ شْرِيٍ بِرِن مَفِرَ.
\q
\v 5 عَ بَرَ ﭑ تْورْ، عَ ﭑ نَبِلِن حَشَنكَتّ رَ.
\q
\v 6 عَ بَرَ ﭑ لُ دِ مِ كُي عَلْ سِنفٍ رَ مِشِ قَشَشِيٍ.
\q
\v 7 عَ بَرَ ﭑ نَبِلِن سَنسَنيِ رَ،
\q عَ يْلْنشْنيِ سَ ﭑ مَ، عَلَكٌ ﭑ نَشَ قَ مِنِ.
\q
\v 8 ﭑ بَرَ فبٍلٍفبٍلٍ، ﭑ بَرَ شِلِ تِ دّ مّرِ رَ،
\q كْنْ عَ بَرَ نَادّ بَلَن ﭑ مَ مَشَندِ مَ.
\q
\v 9 عَ بَرَ كِرَ بَلَن ﭑ يَ رَ فّمّ بٍلٍبٍلٍيٍ رَ،
\q عَ ﭑ تِ تْورّ كِرَ شْن مَ.
\q
\v 10 عَ بَرَ لُ عَلْ سُبٍ شَاحّ نَشَن ﭑ مَمّقٍ بُرُنيِ،
\q عَلْ يّتّ نَشَن عَ نْشُنشِ ﭑ يَ رَ.
\q
\v 11 عَ بَرَ دُنِحَ عِشُتُ ﭑ مَ، عَ بَرَ ﭑ كَنَ.
\q
\v 12 عَ بَرَ عَ شَ شَلِ عِتَلَ عَ عَ شَ تَنبّيٍ تِ ﭑ نَ.
\q
\v 13 عَ تٌ عَ شَ تَنبّيٍ بّحِن، عٍ نَشَ ﭑ بْحّ سْشْ.
\q
\v 14 ﭑ بَرَ قِندِ ﭑ مَ مِشِ بِرِن مَ مَيٍلٍ سٍ رَ،
\q لْشْي بِرِن، عٍ ﭑ قِندِ مَ عٍ شَ سِفِيٍ رَ.
\q
\v 15 عَ بَرَ ﭑ نَلُفَ حٌوفٍ شْنّ رَ،
\q عَ بَرَ شْنّ قِندِ ﭑ مَ دٌنسٍ رَ.
\q
\v 16 عَ بَرَ عَ نِيَ ﭑ شَ فّمّ شْرِيٍ مَشِن،
\q هَن ﭑ حِنيِيٍ بِرِن بَرَ مَفِرَ.
\q عَ بَرَ ﭑ مَبٌرٌن شُبٍ شْورَ.
\q
\v 17 عَ بَرَ بْحّسَ مَكُيَ ﭑ نَ
\q هَن قٍ قَنيِ مْولِ بِرِن بَرَ نّيمُ ﭑ نَ.
\q
\v 18 نَ نَن عَ تٌشِ ﭑ بَرَ عَ قَلَ،
\q «ﭑ مَ قٍ بَرَ كَنَ.
\q عَلَتَلَ بَرَ ﭑ كُمَ سٍ بِرِن نَ ﭑ شَشِلِ نُ تِشِ نَشٍيٍ رَ.»
\q
\v 19 ﭑ بَرَ ﭑ مَحْشُن ﭑ مَ مَرَيَافِ مَ،
\q ﭑ بَرَ ﭑ مَحْشُن ﭑ مَ سِمَيَ نَشَسِشِ مَ.
\q
\v 20 ﭑ مُ نْمَ نّيمُدٍ ﭑ مَ تْورّ مَ.
\q عَ شُن بَرَ مَسَ هَن عَ بَرَ فّ ﭑ كُنتِندٍ.
\b
\q
\v 21 كْنْ نَ بِرِن كُي، ﭑ نَن ﭑ شَشِلِ تِمَ قٍ نَشَن نَ، عَ تَن نَن يَ؛
\q
\v 22 عَلَتَلَ شَ هِننّ مُ حْنمَ،
\q دَنيِ يٌ مُ نَ عَ شَ شَنُنتٍيَ مَ.
\q
\v 23 عَ فبِلٍنمَ عَ رَ فّيسّفّ يٌ فّيسّفّ.
\q «عَلَتَلَ، عِ مُ مّيمَ عِ شَ مِشِيٍ رَ عَبَدَن!»
\q
\v 24 ﭑ عَ كٌلٌن ﭑ بْحّ كُي،
\q عَلَتَلَ نَن نَ ﭑ هَرِفٍ رَ.
\q ﭑ شَشِلِ تِشِ عَ تَن نَن نَ.
\b
\q
\v 25 عَلَتَلَ قٍ قَنيِ رَبَمَ عَ قٍنمَ بّ،
\q نَشَن شَشِلِ تِشِ عَ رَ.
\q
\v 26 مِشِ لَن عَ شَ سَبَرِ عَلَتَلَ يَ عِ نَشَن قَمَ عَ رَكِسِدٍ.
\q
\v 27 عَ لَنمَ عَدَ مَ شَ تْورّ كٌلٌن عَ قٌنِكٍ تّمُي.
\q
\v 28 عَ شَ دُندُ، عَ شَ دْشْ عَ شَتِ مَ،
\q بَرِ مَ عَلَتَلَ نَن عَ رَفِرِشِ عَ مَ.
\q
\v 29 عَ شَ عَ شُن سِن بْشِ، تّمُندٍ عَلَ قَمَ نّ عَ شَ دُبّ سُشُدٍ.
\q
\v 30 عَ شَ عَ شّرّ تِ مِشِ بّ، نَشَن عَ رَفَرِنمَ،
\q عَ شَ تِن نَ يَافِ رَ.
\q
\v 31 مَرِفِ مُ مِشِ رَتُتُنمَ عَبَدَن.
\b
\q
\v 32 عَ نَ مِشِ ندٍ تْورْ، عَ مَن قَمَ نّ هِننّدٍ عَ رَ عَ شَ قٌنِسِرٍيَ كُي.
\q
\v 33 عَ وَشْنقٍ شَ مُ عَ رَ،
\q عَ شَ مِشِ رَيَافِ، عَ شَ عِبُنَدَ مَ تْورْ.
\q
\v 34 مِشِ نَ فٍيلِمَنِيٍ تْورْ عَ حَاشِ رَ بْشِ كُي،
\q
\v 35 عٍ نَ تِنشِنتَرٍيَ رَبَ مِشِ رَ عَلَ شُنفبٍ يَ عِ،
\q
\v 36 عٍ نَ مِشِ تْوحّفّ عَ مَكِيتِ تّمُي،
\q عَلَتَلَ مُ عَ بِرِن تٌمَ شّ؟
\b
\q
\v 37 ندٍ نْمَ قٍ رَ، شَ عَلَ شَ مُ عَ رَفِرِشِ؟
\q
\v 38 قٍ قَنيِ نُن قٍ حَاشِ، عَ بِرِن مُ كٍلِمَ عَلَ شُنفبٍ شُي شَ مَ؟
\q
\v 39 مُنقٍ رَ عِبُنَدَ مَ عَ مَوَ مَ،
\q شَ عَ تْورّ سْتْ عَ يّتّ شَ يُنُبِ سَابُي رَ؟
\q
\v 40 وٌن شَ وٌن حّرّ كِ مَتٌ، وٌن شَ عَ عِفبّ،
\q وٌن شَ فبِلٍن عَلَتَلَ مَ.
\q
\v 41 وٌن شَ عَلَ مَشَندِ وٌن بْحّ بِرِن نَ،
\q وٌن شَ وٌن بّلّشّ عِتٍ عَلَ بّ نَشَن نَ كٌورٍ مَ.
\sp حَمَ شَ عَلَ مَشَندِ
\q
\v 42 «مُشُ شَ يُنُبِ نُن مَتَندِ بَرَ فبٌ،
\q عِ قَن مُ دِحّشِ مُشُ مَ.
\q
\v 43 عِ شَ بْحّ شْنّ بَرَ لُ مُشُ قْشْ رَ،
\q عِ بَرَ قَشّ تِ، عِ مُ كِنِكِنِ.
\q
\v 44 عِ بَرَ نُشُي تِ وٌن تَفِ،
\q عَلَكٌ مُشُ شَ مَشَندِ نَشَ عِ لِ.
\q
\v 45 عِ بَرَ مُشُ قِندِ سُوتِ رَ حَمَنّيٍ تَفِ.
\q
\v 46 مُشُ يَشُييٍ بِرِن بَرَ عٍ دّ عِبِ مُشُ شِلِ مَ.
\q
\v 47 فَاشُي نُن بْحّ مِنِ بَرَ نْ مُشُ رَ،
\q مُشُ شَ قٍ قِندِشِ كَنَرِ نُن فبَلٌي نَن تُن نَ.
\q
\v 48 ﭑ يَ سُو سَمَ يَيٍ رَ، ﭑ مَ مِشِيٍ شَ فبَلٌي شَ قٍ رَ.
\q
\v 49 دَنيِ يٌ مُ نَ ﭑ وَقٍ مَ، مَلَبُي يٌ مُ نَ ﭑ بّ،
\q
\v 50 هَن بٍينُن عَلَتَلَ شَ عَ يَ رَفٌرٌ وٌن مَ.
\q
\v 51 ﭑ بَرَ كِنِكِنِ فِنّدِ مّدِيٍ شَ تْورّ مَ.»
\sp عَننَبِ يٍرٍ مِ شَ عَلَ مَشَندِ
\b
\q
\v 52 مِشِيٍ بَرَ ﭑ كٍرِ عَلْ شْنِ،
\q هَلِ ﭑ مُ قٍ حَاشِ يٌ رَبَشِ عٍ رَ.
\q
\v 53 عٍ بَرَ ﭑ نَفٌرٌ كْلْنيِ كُي،
\q عٍ نُ قَ فّمّيٍ رَفٌرٌ ﭑ مَ.
\q
\v 54 يٍ تٌ دِن ﭑ شُن نَ،
\q ﭑ نَشَ عَ قَلَ، «ﭑ بَرَ لْي!»
\q
\v 55 ﭑ نَشَ عِ تَن عَلَتَلَ شِلِ كْلْنيِ فبَاتَ مَ.
\q
\v 56 عِ قَن نَشَ ﭑ شُي مّ ﭑ تٌ عَ قَلَ،
\q «عِ نَشَ تٌندِ ﭑ شُي رَ مّدٍ. يَندِ، ﭑ مَلِ.»
\q
\v 57 ﭑ تٌ عِ مَشَندِ، عِ نَشَ عِ مَسٌ ﭑ نَ، عِ عَ قَلَ ﭑ بّ،
\q «عِ نَشَ فَاشُ.»
\q
\v 58 عَلَتَلَ، عِ بَرَ ﭑ مَ قٍ سُشُ، عِ بَرَ ﭑ نِي رَكِسِ.
\q
\v 59 عَلَتَلَ، عِ عَ تٌشِ عٍ قٍ نَشٍيٍ نِيَشِ ﭑ نَ.
\q عِ شَ ﭑ مَ نْندِ مَكّنّن.
\q
\v 60 عِ بَرَ عَ تٌ عٍ كْنكْشِ ﭑ مَ كِ نَشّ،
\q عٍ يَنقَنتٍيَ نَشَن بِرِن شِرِ مَ ﭑ شُن مَ.
\q
\v 61 عَلَتَلَ، عِ بَرَ عٍ شُي مّ كٌنبِ تِ رَ،
\q عٍ يَنقَنتٍيَ نَشَن بِرِن شِرِ مَ ﭑ شُن مَ.
\q
\v 62 ﭑ فٍرٍقَيٍ شَ وْيّنيِ نُن عٍ شَ مَحْشُنيِ نَ ﭑ تَن نَن قْشْ رَ لْشْي بِرِن.
\q
\v 63 عَ مَتٌ، شَ عٍ دْشْشِ، شَ عٍ تِشِ،
\q عٍ ﭑ تَن نَن قِندِشِ عٍ شَ سِفِيٍ رَ.
\q
\v 64 عَلَتَلَ، عِ شَ ﭑ فبٍحْشْ عٍ مَ.
\q عٍ نَشَن نِيَشِ ﭑ نَ، عِ شَ نَ رَفبِلٍن عٍ مَ.
\q
\v 65 عِ شَ عٍ شَشِلِ دْنشُ، عِ عٍ دَنكَ، بَرَكَتَرٍحَ شَ بِرَ عٍ قْشْ رَ.
\q
\v 66 عَلَتَلَ، عِ شَ بْحّ شْنّ شَ لُ عٍ قْشْ رَ،
\q عِ شَ عٍ بَ دُنِحَ بّندّ قُحِ قَرِ.
\c 4
\s دَرِ سَلَمُ حَمَ شَ حَشَنكَتّ
\q
\v 1 شّيمَ مُ يِلٍنمَ سْنْن، عَ مُ سّنِيّن.
\q فّمّ تٌقَنيِيٍ بَرَ رَلَنتَن يّ تَا تُنشُنيِيٍ بِرِن نَ.
\q
\v 2 سِيٌن دِيٍ تِدٍ نُ فبٌ عَلْ شّيمَ،
\q كْنْ يَكْسِ عٍ تِدٍ بَرَ شُرُن
\q عَلْ قّحّيٍ نَشٍيٍ يَءِلَنشِ بّندّ رَ.
\q
\v 3 هَلِ وُلَبَرٍ فِنّ شِحّ قِمَ عَ شَ دِيٍ مَ،
\q كْنْ ﭑ مَ حَمَ بَرَ لُ عَلْ دِنفّ نَشٍيٍ مُ مِشِحَ رَكَمَلِشِ.
\q عٍ كٌبِ عَلْ سّفّ.
\q
\v 4 كَامّ بَرَ عَ نِيَ، دِيْرّ نّنيِ بَرَ كَنكَن عَ نَشَرٍ.
\q دِ مّيٍ تَامِ مَشْرِنمَ، كْنْ مِشِ يٌ مُ عٍ كِمَ.
\q
\v 5 نَشٍيٍ نُ دٌنسٍ قَنيِ دٌنمَ، كَامّ بَرَ عٍ رَبِرَ تَا كُي.
\q نَشٍيٍ رَ مْشِ قٍ قَنيِ كُي،
\q عٍ قَ نَ حٌوفٍ نَن يٍفٍلٍنقٍ عٍ بّلّشّيٍ رَ.
\q
\v 6 ﭑ مَ حَمَ شَ حَشَنكَتّ بَرَ فبٌ دَنفِقٍ سٌدٌ مَكَيٍ فبٍ رَ،
\q نَشٍيٍ هَلَكِ يَ مَفِرّ كٍرٍن كُي،
\q مِشِ كٍرٍن بّلّشّ مُ دِن عٍ رَ.
\q
\v 7 عٍ شَ مَنفّدِيٍ نُ تٌقَن دَنفِ شّيمَ رَ،
\q عٍ نُ قِيشّ دَنفِ شِحّ رَ.
\q عٍ قَتٍ رَيَبُ عَلْ يٍ شْورَ سِنبٌنيِ،
\q عٍ يَتَفِ نُ لُشِ نّ عَلْ دِيَمَن.
\q
\v 8 كْنْ يَكْسِ عٍ قَتٍ بَرَ قْورْ دَنفِ تِفٍ رَ،
\q عٍ مُ كٌلٌنمَ تَا كُي سْنْن.
\q عٍ كِرِ قَتُشِ عٍ شْرِيٍ مَ، عَ بَرَ شَرَ عَلْ بٌلٍ.
\q
\v 9 نَشٍيٍ قَشَ سَنتِدّفّمَ رَ،
\q عٍ تَن نَن شُن نُ رَقَن دَنفِ مِشِ بِرِن نَ كَامّ نَشٍيٍ حَشَنكَتَقٍ.
\q كَامّتْييٍ بَرَ شْسِ، عٍ تَفَنشِ،
\q عٍ مُ دٌنسٍ يٌ سْتْمَ كْرّ.
\q
\v 10 دِنفّيٍ، مَرَقَنيِ نُ نَ نَشٍيٍ بّ،
\q عٍ بَرَ عٍ يّتّ شَ دِيٍ حِن، عٍ عٍ دٌن،
\q عَلَكٌ عٍ شَ بَلٌ عَلِبَلَوِ كُي.
\b
\q
\v 11 عَلَتَلَ شَ شْنّ بَرَ كَمَلِ.
\q عَ بَرَ عَ رَلَنتَن يّ، عَ تّ شُرُ سِيٌن،
\q نَشَن بَرَ يِرٍ تِشِيٍ بِرِن فَن.
\q
\v 12 بْشِ مَنفّيٍ مُ لَ عَ رَ،
\q دُنِحَ مِشِيٍ سٍسٍ قَن مُ لَ عَ رَ،
\q شَ يَشُييٍ نْمَ سٌدٍ دَرِ سَلَمُ نَادّيٍ رَ.
\q
\v 13 يِ فبَلٌي كٍلِشِ عَ شَ نَمِحْنمّيٍ شَ يُنُبِيٍ نَن مَ،
\q عَ نُن عَ شَ سّرّشّدُبّيٍ شَ قٍ كٌبِ رَبَشِيٍ مَ،
\q عٍ تَن نَشٍيٍ تِنشِنتْييٍ نِي بَشِ.
\q
\v 14 كْنْ يَكْسِ عٍ حّرّ مَ تَا كُي عَلْ دْنشُييٍ،
\q مِشِ يٌ مُ عَ بّلّشّ دِنمَ عٍ رَ
\q بَرِ مَ وُلِ نَشَن فٌرٌ مَ عٍ مَ،
\q عَ بَرَ عٍ قِندِ سّنِيّنتَرٍيٍ رَ.
\q
\v 15 مِشِيٍ لُمَ فبٍلٍفبٍلٍ رَ،
\q «وٌ كٍلِ بٍ! وٌ تَن مِشِ سّنِيّنتَرٍيٍ!
\q وٌ كٍلِ بٍ، وٌ كٍلِ بٍ! وٌ وٌ مَكُيَ مُشُ رَ!»
\q نَ كُي عٍ نَشَ عٍ فِ سِفَقٍ رَ حَمَنّيٍ مَ.
\q نَاكَيٍ قَن بَرَ عَ قَلَ،
\q «عٍ مُ لُمَ مُشُ شْنيِ كْرّ!»
\q
\v 16 عَلَتَلَ يّتّ يَتِ نَن عٍ رَيٍنسٍن يّ،
\q عَ مُ قَ عَ حْشْ سَشِ عٍ شْن مَ سْنْن.
\q عَ بَرَ بِنيّ بَ سّرّشّدُبّيٍ يِ،
\q شُننَكٍلِ مُ نَ قٌرِيٍ بّ سْنْن.
\q
\v 17 مُشُ بَرَ مَلِ ندٍ مَمّ،
\q كْنْ مِشِ يٌ مُ قَ.
\q مُشُ بَرَ مُشُ يَ تِ كِرَ رَ هَن مُشُ يَ بَرَ رَقْورْ،
\q كْنْ سِ يٌ مُ قَ مُشُ رَتَنفَدٍ.
\q
\v 18 مُشُ يَشُييٍ نُ مُشُ حّرّ كِ بِرِن تٌشِ،
\q عَلَكٌ مُشُ نَشَ قَ مِنِ تَا كُي.
\q مُشُ شَ قٍ دَنيِ نُ بَرَ مَكْرّ،
\q لْشْي فبٍفبٍ مُ نُ لُشِ مُشُ بّ سْنْن،
\q بَرِ مَ مُشُ شَ قٍ دَنيِ نُ بَرَ فّ عَ لِدٍ.
\q
\v 19 مُشُ كٍرِ مَيٍ نُ شُلُن دَنفِ سّفّيٍ رَ،
\q نَشٍيٍ نَ كٌورٍ مَ.
\q عٍ نَشَ مُشُ كٍرِ هَن فٍيَيٍ قَرِ،
\q عٍ عٍ نْشُن مُشُ يَ رَ، عٍ مُشُ مَمّ بُرُنيِ.
\q
\v 20 عٍ نَشَ مُشُ رَكِسِمَ قَن سُشُ، عَلَ شَ مِشِ سُفَندِشِ.
\q وٌن نُ بَرَ عَ قَلَ عَ شَ قٍ رَ،
\q «مُشُ يِرِوَ مَ نّ عَ نِينِ بُن مَ حَمَنّيٍ تَفِ.»
\b
\q
\v 21 عِ تَن عٍدٌن حَمَ نَشَن سَبَتِشِ عُسُ بْشِ مَ حّلّشِن يِرٍ،
\q يَكْسِ عِ نَ سّيوّ كُي،
\q كْنْ عِ قَن شَ كِيتِ وَشَتِ نَ قَقٍ.
\q عِ قَمَ نّ حَشَنكَتّ نُن يَافِ سْتْدٍ.
\q
\v 22 سِيٌن حَمَ، عَ فبٍ مُ لُشِ عِ شَ حَشَنكَتّ شَ دَن.
\q عَلَ مُ عِ شَ كٌنيِيَ رَبُمَ،
\q كْنْ عِ تَن عٍدٌن حَمَ،
\q عَلَتَلَ قَمَ نّ عِ مَكِيتِدٍ عِ شَ يُنُبِيٍ مَ،
\q عَ شَ عِ حَشَنكَتَ نٍيٍ شَ قٍ رَ.
\c 5
\s حَمَ حَشَنكَتَشِ شَ سَلِ
\sp حَمَ شَ عَلَ مَشَندِ
\q
\v 1 عَلَتَلَ، مُشُ شَ تْورّ مَتٌ، مُشُ شَ يَافِ عِفبّ!
\q
\v 2 شْحّيٍ بَرَ مُشُ كّ تٌنفٌ.
\q مِشِيٍ بَرَ سَبَتِ مُشُ شَ بَنشِيٍ كُي،
\q مُشُ كٌلٌنمَيٍ مُ نَشٍيٍ رَ.
\q
\v 3 مُشُ بَرَ قِندِ مِسِكِينّ بَبَتَرٍيٍ رَ،
\q مُشُ نفَيٍ بَرَ لُ عَلْ كَاحّ فِنّيٍ.
\q
\v 4 مُشُ مُ نْمَ مُشُ شَ يٍ مِندٍ،
\q قٌ مُشُ شَ عَ سَرَ كْبِرِ رَ.
\q مُشُ مُ نْمَ مُشُ شَ يٍفٍ قَن فَندٍ،
\q قٌ مُشُ شَ عَ سَرَ.
\q
\v 5 مُشُ حَشَنكَتَمَيٍ دْشْشِ مُشُ قَرِ.
\q مُشُ بَرَ تَفَن، مَلَبُي يٌ مُ نَ.
\q
\v 6 مُشُ بَرَ مُشُ بّلّشّ عِتَلَ مِسِرَ نُن عَسِرِيَ بِرِ رَ،
\q عَلَكٌ عٍ شَ مُشُ كِ تَامِ رَ.
\q
\v 7 مُشُ بَبَيٍ بَرَ يُنُبِ رَبَ،
\q كْنْ عٍ مُ نَ دُنِحَ سْنْن.
\q مُشُ تَن نَن قَ عٍ شَ قٍ كٌبِيٍ تْرُحْي شَنِنقٍ.
\q
\v 8 كٌنيِيٍ نَن قَ تِشِ مُشُ شُن مَ،
\q مِشِ يٌ مُ نَ نَشَن مُشُ بَمَ عٍ يِ رَ.
\q
\v 9 مُشُ بَلٌي قٍنمَ وُلَ عِ فَاشُي كُي،
\q بَرِ مَ سَنتِدّفّمَ كَنيِيٍ نَ يِرٍ بِرِن.
\q
\v 10 كَامّ بَرَ مُشُ سُشُ.
\q
\v 11 مُشُ يَشُييٍ بَرَ عٍ وَشْنقٍ رَبَ سِيٌن نُن يُدَيَ فِنّدِ مّدِيٍ رَ.
\q
\v 12 عٍ بَرَ كُنتِفِيٍ فبَكُ وُرِيٍ مَ، عٍ بِنيّ بَ قٌرِيٍ يِ.
\q
\v 13 قٌنِكٍيٍ مّنفِ دِنمَ،
\q عٍ يٍفٍ مَشَنِن هَن يٍفٍ كٌتٍ بَرَ بِرَ عٍ مَ.
\q
\v 14 قٌرِيٍ بَرَ بَ عٍ مَلَنقٍ،
\q قٌنِكٍيٍ قَن بَرَ بَ حَشَحَشَقٍ.
\q
\v 15 مُشُ بْحّيٍ بَرَ بَ سّيوَقٍ،
\q مُشُ شَ شُلُنيِ بَرَ مَسَرَ سُننُنيِ رَ.
\q
\v 16 شُننَكٍلِ بَرَ بَ مُشُ يِ،
\q مُشُ بَرَ مَكِنِكِنِ مُشُ شَ يُنُبِيٍ شَ قٍ رَ.
\q
\v 17 نَ نَن عَ تٌشِ، مُشُ بْحّيٍ تْورْشِ،
\q مُشُ يَ قَن بَرَ رَقْورْ.
\q
\v 18 سِيٌن فٍيَ بَرَ قِندِ فبٍنفبٍرٍنيِ رَ،
\q عَ بَرَ قِندِ شُلُمَسٍيٍ مَحّرّدٍ رَ.
\q
\v 19 كْنْ عِ تَن، مَرِفِ عَلَتَلَ، عِ تَن نَن مَنفّ رَ تّمُي بِرِن.
\q دَنيِ مُ نَ عِ شَ مَنفّيَ مَ،
\q كٍلِ لَنقَنمَيٍ مَ، سَ دْشْ لَنقَنمَيٍ بِرِن نَ.
\q
\v 20 مُنقٍ رَ، عِ قَ نّيمُشِ مُشُ مَ يِ مْولِ رَ،
\q كَ عِ مُشُ رَبّحِنمَ نّ مُشُ شَ سِمَيَ بِرِن كُي؟
\q
\v 21 عَلَتَلَ، مُشُ رَفبِلٍن عِ مَ،
\q مُشُ شَ قَ عِ مَ عَلْ عَ سِنفٍ.
\q
\v 22 عِ مّيشِ نّ مُشُ رَ كٍرٍنيِ رَ؟
\q عِ شْنْمَ نّ مُشُ مَ عَبَدَن؟