\id JOS 
\ide UTF-8
\h يٌسُوٍ
\toc1 عَلَ شَ مَسٍنيِ عَننَبِ يٌسُوٍ بّ
\toc2 يٌسُوٍ
\toc3 يٌس
\mt عَلَ شَ مَسٍنيِ عَننَبِ يٌسُوٍ بّ
\imt1 مَسٍنيِ ندٍ يِ كِتَابُي شَ قٍ رَ
\ip عِسِرَيِلَكَيٍ شَ تَرُشُي سّبّشِ كِتَابُي فبٍفبٍ نَن كُي. عَ قْلْمَ تَوُرٍتَ مُنسَ نَن مَ. عِسِرَيِلَ كُنتِفِيٍ، عَننَبِ عِبُرَهِمَ، عَننَبِ عِسِيَفَ، عَننَبِ يَشُبَ، نُن عَ شَ دِ قُ نُن قِرِنيِيٍ، عٍ بِرِن شَ تَرُشُي تٌمَ تَوُرٍتَ مُنسَ كِتَابُي سِنفٍ نَن كُي، نَشَن شِلِ «قٍ قْلْ قْلّ.» نَ كِتَابُي رَحْنيِ عَ مَسٍنمَ وٌن بّ عِسِرَيِلَكَيٍ مِسِرَ بْشِ لِ كِ نَشّ.
\ip تَوُرٍتَ مُنسَ كِتَابُي قِرِن ندٍ، نَشَن شِلِ «عِسِرَيِلَكَيٍ شَ يّتّ سْتْي،» عَ قْلْمَ عَننَبِ مُنسَ شَ تَرُشُي نَن مَ. عَلَ نَشَ عَ رَفِرِ عَ شَ بَرِ مِسِرَ بْشِ مَ، عَلَكٌ عَ شَ عِسِرَيِلَ حَمَ رَ مِنِ كٌنيِيَ كُي.
\ip عِسِرَيِلَكَيٍ تٌ شُلُنيُمِ بَا عِفِرِ عَلَ شَ كَابَنَكٌي سَابُي رَ، عٍ نَشَ سٌ فبٍنفبٍرٍنيِ مَ. عَلَ نُ وَ مَ عٍ شَنِنقٍ كَنَان بْشِ نَن مَ، عَ دّننَشّ لَايِدِ قِقٍ رَ عِسِرَيِلَكَيٍ مَ. تَوُرٍتَ مُنسَ كِتَابُي سَشَن ندٍ، عَ نَانِ ندٍ، نُن عَ سُولِ ندٍ نَ بِيَاسِ شَ قٍ مَسٍنمَ. عِسِرَيِلَ حَمَ نَشَ بُ فبٍنفبٍرٍنيِ مَ حّ تٌنفٌ نَانِ بٍينُن عٍ شَ كَنَان بْشِ لِ. عٍ بُ نَا عٍ شَ دَنشَنِيَتَرٍحَ نَن مَ قٍ رَ.
\ip عٍ تٌ كٍلِ يُرُدّن شُرٍ عِفِرِدٍ، عٍ شَ سٌ كَنَان بْشِ مَ، عَلَتَلَ نَشَ عَ مَسٍن عِسِرَيِلَكَيٍ بّ عَ يٌسُوٍ شَ قِندِ عٍ شَ يَرٍرَتِ رَ عَننَبِ مُنسَ حْشْي رَ. عَننَبِ يٌسُوٍ نَشَ عٍ رَفِرِ يُرُدّن شُرٍ رَ عَلَ شَ كَابَنَكٌي رَ، عَلْ عَننَبِ مُنسَ عٍ رَفِرِ شُلُنيُمِ بَا رَ كِ نَشّ.
\ip نَ دَنفِ شَنبِ، يٌسُوٍ نَشَ عٍ شُن تِ كَنَان بْشِ رَ، عٍ شَ فٍرٍ سٌ عَلَكٌ عٍ شَ نَ بْشِ سْتْ. عَلَ نُ وَ مَ نَ قِقٍ عٍ مَ عَ شَ شَنُنتٍيَ نُن عَ شَ سَاتّ نَن مَ قٍ رَ. نَ كُي، عَ نَشَ عٍ مَلِ نَ فٍرٍيٍ كُي، هَن كَنَانكَيٍ بِرِن نَشَ فَاشُ عٍ يَ رَ. عِسِرَيِلَ بْنسْي قُ نُن قِرِنيِ بِرِن نَشَ عٍ فبٍ بْشِ سْتْ عَلَ نَشَن قِ عٍ مَ عٍ كّ رَ.
\ip نَ تَرُشُي بِرِن سّبّشِ يِ كِتَابُي كُي، كٍلِقٍ حَمَ يُرُدّن عِفِرِ تّمُي نَشّ، هَن عٍ نَشَ نْ كَنَان بْشِ بِرِن نَ. نَ كُي وٌن عَلَ سّنبّ تٌمَ نّ عَ قَنيِ رَ. عَ شَ حَمَ رَقَن عَ مَ. عَ لَايِدِ يٌ تٌنفٌ عٍ بّ، عَ نَ رَكَمَلِمَ نّ سّنبّ نُن شَنُنتٍيَ رَ. نَ بِرِن قِندِ مَ مِسَالِ قَنيِ نَن نَ وٌن بّ. شَ وٌن قَن قِندِ عَلَ شَ مِشِيٍ رَ، عَ وٌن مَلِمَ وٌن مَ دُنِحّءِفِرِ كُي عَ سّنبّ رَ، عَلْ عَ عَ لَايِدِ وٌن بّ كِ نَشّ.
\ip عَلَ شَ وٌن مَلِ عَلَكٌ وٌن شَ نَ مَسٍنيِ قَهَامُ، وٌن مَن شَ لَ عَ رَ. عَمِنَ.
\imte عَلَ شَ مَسٍنيِ عَننَبِ يٌسُوٍ بّ
\c 1
\s عِسِرَيِلَ يَرٍرَتِ يٌسُوٍ
\p
\v 1 عَننَبِ مُنسَ، عَلَتَلَ شَ كٌنيِ تٌ لَاشِرَ، عَلَتَلَ نَشَ عَ مَسٍن نُنُ شَ دِ شّمّ يٌسُوٍ بّ، عَننَبِ مُنسَ مَلِمَ، 
\v 2 «ﭑ مَ كٌنيِ مُنسَ بَرَ لَاشِرَ. يَكْسِ، كٍلِ عِ شَ يُرُدّن عِفِرِ نُن يِ حَمَ بِرِن نَ. وٌ شَ سِفَ بْشِ مَ ﭑ دّننَشّ سٌقٍ عِسِرَيِلَكَيٍ يِ رَ. 
\v 3 وٌ نَ وٌ سَنيِ تِ دّننَشّ بِرِن مَ، ﭑ نَا قِمَ نّ وٌ مَ، عَلْ ﭑ عَ مَسٍن عَننَبِ مُنسَ بّ كِ نَشّ. 
\v 4 وٌ شَ نَانِنيِيٍ كٍلِمَ فبٍنفبٍرٍن يِرٍ نّ، عَ سَ دْشْ لِبَن فٍيَيٍ رَ، هَن عٍقِرَتِ شُرٍ بٍلٍبٍلٍ رَ، شِتِكَيٍ شَ بْشِ بِرِن سَ دْشْ بَا شُنفبٍ رَ سٌفٍفٌرٌدٍ. 
\v 5 مِشِ يٌ مُ نْمَ عِ رَ عِ شَ سِمَيَ كُي. وٌن بِرِن نَ عَ رَ، عَلْ مُشُ نُن مُنسَ نُ عَ رَ كِ نَشّ. ﭑ مُ عِ رَبّحِنمَ، ﭑ مُ عِ رَبٌلٌمَ.»
\p
\v 6 «عِ عِ سّنبّ سٌ، عِ شَ لِمَنِيَ، بَرِ مَ عِ تَن نَن قِندِ مَ سَابُي رَ يِ حَمَ بّ، عٍ شَ نْ كّ تٌنفٌدٍ، ﭑ نَن ﭑ كَلِ بْشِ نَشَن شَ قٍ رَ عٍ بَبَيٍ بّ قِقٍ رَ عٍ مَ. 
\v 7 عِ لَن نّ عِ شَ عِ سّنبّ سٌ، لِمَنِيَ شَ لُ عِ بّ كِ قَنيِ رَ. عِ شَ عِ حّنفِ سَ يِ سّرِيّ بِرِن شْن مَ، عِ شَ عَ رَبَتُ عَلْ ﭑ مَ كٌنيِ عَننَبِ مُنسَ عِ يَمَرِشِ عَ رَ كِ نَشّ. عِ نَشَ بِنيَ يِرٍقَنيِ مَ، عِ نَشَ بِنيَ كْولَ مَ، عَلَكٌ عِ شَ شُتُ سْتْ يِرٍ مَ عِ نَ سِفَ دّننَشّ. 
\v 8 يِ سّرِيّ كِتَابُي قَلّ مُ لَن عَ شَ مَكُيَ عِ دّ رَ. عِ شَ عِ حّنفِ سَ عَ شْن مَ كْي نُن يَنيِ، عَلَكٌ عِ شَ عَ بِرِن نَبَتُ. نَشَن بِرِن سّبّشِ عِ شَ عَ رَوَلِ، بَرِ مَ نَ نَن عَ نِيَمَ عِ نَ سٌ قٍ نَشَن بِرِن يَ مَ، عِ شُتُ سْتْمَ عَ مَ، عِ قِندِ مَ عَ رَ نَ كِ نّ. 
\v 9 ﭑ نَشَن قَلَشِ عِ بّ، عِ نَشَ نّيمُ. عِ عِ سّنبّ سٌ، عِ شَ لِمَنِيَ. عِ نَشَ فَاشُ، عِ نَشَ هَنمّ، بَرِ مَ عِ نَ سِفَ دّدّ، عِ نُن ﭑ تَن عِ مَرِفِ عَلَتَلَ بِرِن نَ عَ رَ.»
\p
\v 10 يٌسُوٍ نَشَ يِ يَامَرِ سٌ حَمَ شُنيِيٍ يِ رَ؛ 
\v 11 «وٌ وٌ حّرّ حَمَ تَفِ، وٌ عٍ يَامَرِ يِ رَ، ‹وٌ وٌ شَ دٌنسٍيٍ شُنلَن، بَرِ مَ وٌن قَمَ يُرُدّن عِفِرِدٍ بٍينُن شِ سَشَن، عَلَكٌ وٌ شَ بْشِ مَسْتْ وٌن مَرِفِ عَلَتَلَ نَشَن سٌقٍ وٌ يِ.›»
\p
\v 12 يٌسُوٍ نَشَ عَ قَلَ رُبٍن بْنسْي، فَدِ بْنسْي، نُن مَنَسِ بْنسْي سّيتِ بّ، 
\v 13 «وٌ رَتُ عَلَتَلَ شَ كٌنيِ مُنسَ شَ يَامَرِ مَ. عَ تٌ عَ قَلَ، ‹وٌ مَرِفِ عَلَتَلَ بَرَ مَلَبُي قِ وٌ مَ. عَ بَرَ يِ بْشِ سٌ وٌ يِ.› 
\v 14 وٌ شَ فِنّيٍ، وٌ شَ دِيٍ، نُن وٌ شَ شُرُ سٍيٍ نْمَ لُدٍ بْشِ مَ عَننَبِ مُنسَ نَشَن سٌشِ وٌ يِ رَ يُرُدّن كِرِ مَ. كْنْ وٌ تَن تِمَ عَ فٍرٍ سٌ كِ نَن مَ وٌ نفَشَكٍرٍنيِيٍ يَ رَ. وٌ شَ عٍ مَلِ، 
\v 15 هَن بٍينُن عَلَتَلَ مَلَبُي قِمَ عٍ مَ تّمُي نَشّ عَلْ وٌ تَن، هَن عٍ قَن شَ بْشِ مَسْتْ وٌ مَرِفِ عَلَتَلَ نَشَن قِقٍ عٍ مَ. نَ شَنبِ، وٌ مَن قَ فبِلٍن وٌ شَ بْشِ مَ، عَلَتَلَ شَ كٌنيِ مُنسَ نَشَن قِشِ وٌ مَ يُرُدّن كِرِ مَ، سٌفٍتٍدٍ بِرِ.»
\p
\v 16 عٍ نَشَ يٌسُوٍ يَابِ، «عِ مُشُ يَمَرِشِ قٍ نَشَن بِرِن نَ، مُشُ عَ رَبَمَ نّ. عِ نَ مُشُ شّي دّننَشّ قَن، مُشُ سِفَمَ نّ. 
\v 17 مُشُ عِ شُي رَبَتُمَ نّ قٍ بِرِن مَ، عَلْ مُشُ عَننَبِ مُنسَ شُي رَبَتُ كِ نَشّ. عِ مَرِفِ عَلَتَلَ شَ بِرَ عِ قْشْ رَ عَلْ عٍ نُن مُنسَ نُ عَ رَ كِ نَشّ. 
\v 18 مِشِ يٌ كَلَبَنتٍ عِ شُي مَ، عَ مُ بِرَ عِ وْيّن شُي قْشْ رَ، عِ قٍ نَشَن بِرِن قَلَمَ عَ بّ، عَ مُ نَ مّ، نَ كَنيِ قَشَمَ نّ. عِ شَ عِ سّنبّ سٌ، عِ مَن شَ لِمَنِيَ.»
\c 2
\s قٍ رَبّنقٍ يٍرِكٌ
\p
\v 1 نُنُ شَ دِ يٌسُوٍ، نَشَ قٍ رَبّنيِ قِرِن شّي عَ فُندٌ كِ مَ كٍلِ سِتِمِ سِفَقٍ رَ يٍرِكٌ. عَ نَشَ عَ قَلَ عٍ بّ، «وٌ سِفَ يٍرِكٌ تَا نُن عَ رَبِلِنيِ رَبّندٍ.» عٍ نَشَ سِفَ، عٍ سَ سٌ رَشَبِ لَنفٌي فِنّ ندٍ شَ بَنشِ كُي. نَ نَشَ عٍ يِفِيَ نَا. 
\v 2 يٍرِكٌكَ ندٍيٍ نَشَ سَ عَ قَلَ عٍ شَ مَنفّ بّ، «عِ بَرَ عَ تٌ، عِسِرَيِلَكَ مِشِ قِرِن بَرَ قَ تٌ كْي رَ، عٍ شَ قَ يِ بْشِ رَبّن.» 
\v 3 نَ كُي، يٍرِكٌ مَنفّ نَشَ شّيرَيٍ شّي رَشَبِ مَ، عٍ شَ عَ قَلَ عَ بّ، «شّمّ نَشٍيٍ سٌشِ عِ شْنيِ، عٍ رَ مِنِ، بَرِ مَ عٍ قَشِ يِ بْشِ عِقٍ نَن بِرِن نَبّندٍ.»
\p
\v 4 كْنْ رَشَبِ نُ بَرَ يِ شّمّ قِرِنيِيٍ شَنِن، عَ سَ عٍ نْشُن. عَ نَشَ عَ قَلَ مَنفّ شَ شّيرَيٍ بّ، «عِيٌ، يِ شّمّيٍ قَ نّ ﭑ شْنيِ، كْنْ ﭑ مُ عٍ كٍلِدٍ كٌلٌن. 
\v 5 عٍ سِفَ نّ نُنمَرٍ رَ، تَا نَادّ بَلَن تّمُي. يِ شّمّيٍ سِفَشِ دّدّ، ﭑ مُ عَ كٌلٌن. شَ وٌ سَ وٌ شُلُن، وٌ نْمَ عٍ سُشُدٍ!» 
\v 6 رَشَبِ نُ بَرَ يِ شّمّيٍ رَتٍ بَنشِ فبَنيِ رَ، عَ عٍ نْشُن سَنسِ شَبَشِ شَرٍيٍ يَ مَ. 
\v 7 عٍ قٍنمَيٍ نَشَ سِفَ يُرُدّن كِرَ شْن، هَن عٍ شُرٍ عِفِرِدٍ لِ. عٍ تٌ مِنِ، تَاكَيٍ نَشَ تَا نَادّ بَلَن.
\p
\v 8 بٍينُن قٍ رَبّنيِيٍ شَ شِ، رَشَبِ نَشَ تٍ بَنشِ فبَنيِ رَ عٍ يِرٍ. 
\v 9 عَ نَشَ عَ قَلَ عٍ بّ، «ﭑ بَرَ عَ كٌلٌن، عَلَتَلَ بَرَ مُشُ شَ بْشِ سٌ وٌ يِ رَ. وٌ مِرِنيِ بَرَ عَ نِيَ لِمَنِيَ بَرَ بَ مُشُ تَن بِرِن يِ رَ. يِ بْشِ مِشِيٍ بَرَ سّرّن وٌ يَ رَ، 
\v 10 بَرِ مَ مُشُ بَرَ عَ مّ عَ عَلَتَلَ بَرَ شُلُنيُمِ بَا شَرَ وٌ يَ رَ، وٌ نُ مِنِمَ مِسِرَ تّمُي نَشّ. مُشُ مَن بَرَ عَ مّ وٌ نَشَن نَبَشِ عَمٌرِكَيٍ شَ مَنفّ قِرِنيِيٍ رَ، سِشْن نُن عٌفٌ، نَشٍيٍ نُ نَ يُرُدّن كِرِ مَ. وٌ نَشَ عٍ رَتْن، عَ نُن عٍ كّ بِرِن نَ. 
\v 11 مُشُ تٌ نَ قٍ مّ، مُشُ بْحّ نَشَ كَنَ. لِمَنِيَ نَشَ بَ كَنكَن يِ رَ وٌ شَ قٍ رَ، بَرِ مَ وٌ مَرِفِ عَلَتَلَ نَن نَ عَلَ رَ كٌورٍ نُن بْشِ مَ.»
\p
\v 12 «يَكْسِ، وٌ شَ وٌ كَلِ ﭑ بّ عَلَتَلَ شِلِ رَ، عَ ﭑ كُي عِقَنيِحَ نَشَن نَبَشِ وٌ بّ، وٌ قَن نْمَ نَ كُي عِقَنيِحَ مْولِ رَبَدٍ ﭑ تَن قَن نُن ﭑ مَ دٍنبَيَ بّ. وٌ شَ تْنشُمَ ندٍ سٌ ﭑ يِ رَ، عَلَكٌ ﭑ شَ عَ كٌلٌن 
\v 13 وٌ مُ ﭑ بَبَ، ﭑ نفَ، ﭑ شُنيَيٍ، ﭑ تَارَيٍ، نُن عٍ شَ مِشِ كٍرٍن قَشَمَ.»
\p
\v 14 نَ شّمّيٍ نَشَ رَشَبِ يَابِ، «مُشُ رّدِشِ قَشَقٍ مَ وٌ حْشْي رَ. شَ عِ مُ مُشُ شَ قٍ قَلَ مِشِ يٌ بّ، مُشُ قَن كُي عِقَنيِحَ رَبَمَ نّ عِ بّ دُفُتّفّحَ نُن تِنشِنيِ رَ، عَلَتَلَ نَ يِ بْشِ سٌ مُشُ يِ رَ تّمُي نَشّ.» 
\v 15 رَشَبِ نَشَ نَ شّمّيٍ رَفٌرٌ لُوتِ مَ وُندّرِ رَ، بَرِ مَ عَ شَ بَنشِ نُ قَتُشِ تّتّ نَن نَ. عَ نُ سَبَتِشِ نَ تّتّ نَن كُي. 
\v 16 رَشَبِ نَشَ عَ قَلَ عٍ بّ، «وٌ سِفَ فٍيَ بِرِ، شَ نَ مُ عَ رَ وٌ قٍنمَيٍ وٌ تٌمَ نّ. وٌ شَ وٌ نْشُن مّننِ هَن شِ سَشَن، بٍيمَنُ وٌ قٍنمَيٍ فبِلٍنمَ تّمُي نَشّ. نَ شَنبِ، وٌ قَ سِفَ وٌ شَ حّرّ رَ.»
\p
\v 17 نَ شّمّيٍ نَشَ عَ قَلَ رَشَبِ بّ، «مُشُ مُ مُشُ شَ مَرَكَلِ كَنَمَ، 
\v 18 كْنْ قٌ عِ شَ يِ لُوتِ فبٍيلِ شِرِ وُندّرِ رَ، عِ مُشُ رَ مِنِ دّننَشّ رَ. مُشُ نَ قَ تّمُي نَشّ يِ بْشِ مَ، عَ لَنمَ مُشُ شَ نَ لُوتِ لِ نَا. عِ مَن شَ عِ بَبَ، عِ نفَ، عِ تَارَيٍ، عِ شُنيَيٍ، نُن عِ شَ مِشِيٍ بِرِن مَلَن بٍ عِ شَ بَنشِ كُي. 
\v 19 شَ مِشِ يٌ مِنِ عِ شَ بَنشِ كُي، شَ نَ كَنيِ قَشَ، عَ عَ تَرِشِ نّ، مُشُ تَن قْشِ مُ نَ كِ. كْنْ شَ مُشُ شَ مِشِ ندٍ عَ بّلّشّ دِن عِ شَ مِشِ ندٍ رَ عِ شَ بَنشِ كُي، مُشُ مُشُ تَرِشِ نّ نَ تّمُي. 
\v 20 شَ عِ مُشُ شَ قٍ قَلَ مِشِ ندٍ بّ، مُشُ بَرَ قُلُن يِ مَرَكَلِ مَ.» 
\v 21 رَشَبِ نَشَ عٍ يَابِ، «وٌن بَرَ لَن نَ مَ.» عَ نَشَ نَ شّمّيٍ بّحِن، عٍ نَشَ سِفَ. نَ تّمُي عَ نَشَ نَ لُوتِ فبٍيلِ شِرِ وُندّرِ رَ.
\p
\v 22 نَ شّمّيٍ نَشَ سِفَ. عٍ تٌ فٍيَ يِرٍ لِ، عٍ نَشَ عٍ نْشُن نَا شِ سَشَن، هَن عٍ قٍنمَيٍ نَشَ فبِلٍن. عٍ قٍنمَيٍ نَشَ عٍ قٍن كِرَ شْن، كْنْ عٍ مُ عٍ تٌ. 
\v 23 نَ تّمُي نَ شّمّ قِرِنيِيٍ نَشَ فٌرٌ فٍيَ قَرِ قَ، عٍ يُرُدّن عِفِرِ، عٍ فبِلٍن نُنُ شَ دِ يٌسُوٍ يِرٍ. قٍ نَشَن عٍ سْتْ، عٍ نَشَ نَ بِرِن تَفِ رَبَ عَ بّ. 
\v 24 عٍ نَشّ يٌسُوٍ بّ، «مُشُ عَ كٌلٌن عَلَتَلَ بَرَ نَ بْشِ بِرِن سَ وٌن بّلّشّ عِ. لِمَنِيَ بَرَ بَ نَ بْشِ مِشِ بِرِن يِ رَ تِقٍ رَ وٌن كَنكٍ.»
\c 3
\s يُرُدّن عِفِرِقٍ
\p
\v 1 يٌسُوٍ نَشَ كُرُن كٍلِ رَ سِتِمِ، عٍ يُرُدّن لِ، عَ تَن نُن عِسِرَيِلَكَيٍ بِرِن. عٍ نَشَ شِ مّننِ هَن بٍينُن يُرُدّن عِفِرِ لْشْي شَ عَ لِ. 
\v 2 عَ شِ سَشَن ندٍ، حَمَ شُنيِيٍ نَشَ حَمَ يٌنكِندٍ عِحّرّ، 
\v 3 عٍ قَ حَمَ يَامَرِ يِ رَ، «وٌ نَ وٌ مَرِفِ عَلَتَلَ شَ سَاتّ كَنكِرَ تٌ تّمُي نَشّ، عَ دْشْشِ لٍوِ دِيٍ سّرّشّدُبّيٍ شُن مَ، وٌ شَ بِرَ عٍ قْشْ رَ. 
\v 4 كْنْ عَ لَنمَ يَامِلّ كٍرٍن شَسَبِ شَ لُ وٌ تَن نُن عٍ تَن تَفِ. وٌ نَشَ وٌ مَكْرّ عٍ رَ دٍ. وٌ قَمَ كِرَ تٌدٍ نَ كِ نّ وٌ وٌ حّرّ مَ نَشَن شْن، بَرِ مَ وٌ سِنفٍ مُ نُ مِنِ نَ كِرَ رَ سِندٍن.» 
\v 5 يٌسُوٍ نَشَ عَ قَلَ حَمَ بّ، «وٌ وٌ يّتّ رَ سّنِيّن، بَرِ مَ تِنَ عَلَتَلَ كَابَنَكٌي مَسٍنمَ نّ وٌ بّ.»
\p
\v 6 نَ كُيٍ عِبَ، يٌسُوٍ نَشَ عَ قَلَ سّرّشّدُبّيٍ بّ، «وٌ سَاتّ كَنكِرَ تٌنفٌ، وٌ شَ تِ حَمَ يَ رَ.» عٍ نَشَ سَاتّ كَنكِرَ تٌنفٌ، عٍ نَشَ عٍ حّرّ حَمَ يَ رَ.
\p
\v 7 عَلَتَلَ نَشَ عَ مَسٍن يٌسُوٍ بّ، «ﭑ عِ شَ قٍ فبٌ قْلْمَ نّ عِسِرَيِلَكَيٍ بِرِن يَ شْرِ تٌ لْشْي، عَلَكٌ عٍ شَ عَ كٌلٌن وٌن بِرِن نَ عَ رَ، عَلْ مُشُ نُن مُنسَ نُ عَ رَ كِ نَشّ. 
\v 8 عِ تَن قَن شَ يِ يَامَرِ سٌ سّرّشّدُبّيٍ يِ نَشٍيٍ يِ سَاتّ كَنكِرَ شَنِنمَ، ‹وٌ نَ يُرُدّن شُرٍ دّ لِ، نَ تّمُي وٌ شَ فٌرٌ يُرُدّن يٍ شْورَ.›»
\p
\v 9 يٌسُوٍ نَشَ عَ مَسٍن عِسِرَيِلَكَيٍ بّ، «وٌ قَ بٍ، وٌ شَ وٌ تُلِ مَتِ وٌ مَرِفِ عَلَتَلَ شَ مَسٍنيِ رَ.» 
\v 10 يٌسُوٍ نَشَ عَ مَسٍن، «يِ نَن قَمَ عَ نِيَدٍ وٌ شَ عَ كٌلٌن عَلَ حِحّ نَ عَ رَ. عَ نَ وٌ تَفِ، عَ تَن قَمَ نّ كَنَانكَيٍ، شِتِكَيٍ، هِوِكَيٍ، ثٍرِ سِكَيٍ، فِرِفَسَكَيٍ، عَمٌرِكَيٍ، نُن يٍبُسُكَيٍ رَفِدٍ وٌ يَ رَ. 
\v 11 وٌ بَرَ عَ تٌ مَرِفِ، نَشَن نَ دُنِحَ بِرِن مَرِفِ رَ، نَ شَ سَاتّ كَنكِرَ تِشِ وٌ يَ رَ، عَ نَ يُرُدّن عِفِرِقٍ. 
\v 12 يَكْسِ وٌ شَ شّمّ قُ نُن قِرِن سُفَندِ عِسِرَيِلَ بْنسْي قُ نُن قِرِنيِيٍ يَ مَ، بْنسْي كٍرٍن، شّمّ كٍرٍن. 
\v 13 سّرّشّدُبّ نَشٍيٍ دُنِحَ بِرِن مَرِفِ عَلَتَلَ شَ سَاتّ كَنكِرَ شَنِنمَ، نٍيٍ نّقّ عٍ سَنيِ رَ سِن يُرُدّن شُرٍ مَ، يُرُدّن يٍ بٌلٌنمَ نّ. يٍ نَشَن كٍلِمَ قُفٍ بِرِ رَ، نَ بِرِن عَ مَلَنمَ يِرٍ كٍرٍن نّ.»
\p
\v 14 حَمَ تٌ مِنِ عٍ شَ كِرِ بَنشِيٍ كُي يُرُدّن عِفِرِقٍ رَ، سّرّشّدُبّ نَشٍيٍ سَاتّ كَنكِرَ شَنِنمَ، نٍيٍ قَن نَشَ عٍ حّرّ قْلْ حَمَ يَ رَ. 
\v 15 سّرّشّدُبّيٍ قّقّ يُرُدّن لِ، عٍ عٍ سَنيِيٍ رَ سِن يٍ شْورَ، يُرُدّن شُرٍ نَشَن يٍ نُ بَنبَرَنمَ يِرٍ بِرِن نَ شّ شَبَ تّمُي، 
\v 16 نَ يٍ نَشَن كٍلِمَ قُفٍ بِرِ رَ، نَ نَشَ بٌلٌن، عَ قَ مَلَن يِرٍ مَكُيٍ عَدَ مَ تَا لٌنفٌرِ، نَشَن نُ نَ سَرَتَن تَا قّ مَ. يٍ نَشَن فٌرٌ مَ قْشْي بَا مَ يُرُدّن قٌلٍ كُي، نَ بِرِن نَشَ بٌلٌن، حَمَ نَشَ فِرِ يٍرِكٌ يَ تَفِ. 
\v 17 سّرّشّدُبّ نَشٍيٍ نُ عَلَتَلَ شَ سَاتّ كَنكِرَ شَنِنمَ، نٍيٍ نَشَ تِ يُرُدّن تَفِ بْشِ شَرٍ مَ، هَن عِسِرَيِلَ بْنسْي بِرِن نَشَ فّ يُرُدّن عِفِرِدٍ عٍ شَرَشِ رَ.
\c 4
\s فّمّ قُ نُن قِرِنيِيٍ
\p
\v 1 حَمَ بِرِن تٌ فّ يُرُدّن عِفِرِدٍ، عَلَتَلَ نَشَ عَ مَسٍن يٌسُوٍ بّ، 
\v 2 «وٌ شّمّ قُ نُن قِرِن مَيٍفٍتِ حَمَ يَ مَ، بْنسْي كٍرٍن، شّمّ كٍرٍن. 
\v 3 وٌ شَ عٍ يَامَرِ عٍ شَ فّمّ قُ نُن قِرِن تٌنفٌ يُرُدّن شُرٍ تَفِ سّرّشّدُبّيٍ سَنيِ شَرَشِيٍ نُ تِشِ دّننَشّ. وٌ عٍ شَنِن يِرٍ وٌ كْي رَدَنفِمَ دّننَشّ.»
\p
\v 4 يٌسُوٍ نَشَ شّمّ قُ نُن قِرِنيِيٍ شِلِ عٍ نَشٍيٍ مَيٍفٍتِشِ عِسِرَيِلَكَيٍ يَ مَ، بْنسْي كٍرٍن، شّمّ كٍرٍن. 
\v 5 يٌسُوٍ نَشَ عَ قَلَ عٍ بّ، «وٌ دَنفِ وٌ مَرِفِ عَلَتَلَ شَ سَاتّ كَنكِرَ يَ رَ، وٌ شَ سِفَ يُرُدّن شُرٍ تَفِ. وٌ تَن مِشِ كٍرٍن كٍرٍنمَ بِرِن شَ فّمّ كٍرٍن كٍرٍن تٌنفٌ عِسِرَيِلَ بْنسْي كْنتِ مَ، وٌ عَ دْشْ وٌ تُنكِيٍ قَرِ، 
\v 6 عَلَكٌ نَ شَ قِندِ تْنشُمَ رَ وٌ تَفِ. وٌ شَ دِيٍ قَمَ وٌ مَشْرِندٍ تِنَ، ‹يِ فّمّيٍ قِندِشِ وٌ بّ مُنسٍ رَ؟› 
\v 7 وٌ عَ قَلَمَ نّ عٍ بّ، ‹يِ نَن عَ مَسٍنشِ عَ يُرُدّن يٍ بٌلٌن نّ عَلَتَلَ شَ سَاتّ كَنكِرَ يَ رَ. عَ نُ يُرُدّن عِفِرِ مَ تّمُي نَشّ، شُرٍ يٍ بِرِن نَشَ بٌلٌن. يِ فّمّيٍ قِندِشِ حْشْ رَ سِفَ سٍ نَن نَ عِسِرَيِلَكَيٍ بّ تّمُي بِرِن.›»
\p
\v 8 يٌسُوٍ نَشَن قَلَ عِسِرَيِلَكَيٍ بّ، عٍ نَشَ نَ رَبَ. عٍ نَشَ فّمّ قُ نُن قِرِنيِيٍ تٌنفٌ يُرُدّن شُرٍ تَفِ، عَلْ عَلَتَلَ عَ مَسٍن يٌسُوٍ بّ كِ نَشّ، عٍ سَ عٍ تٌنفٌ عِسِرَيِلَ بْنسْي كْنتِ مَ. عٍ نَشَ عٍ شَنِن حَمَ يٌنكِندٍ، عٍ عٍ دْشْ نَا. 
\v 9 يٌسُوٍ نَشَ فّمّ قُ نُن قِرِن فبّتّيٍ مَلَن يُرُدّن شُرٍ تَفِ، عَلَ شَ سَاتّ كَنكِرَ شَنِنمَيٍ نُ تِشِ دّننَشّ. هَن تٌ نَ فّمّ مَلَنشِيٍ نَ نَا. 
\v 10 سّرّشّدُبّ نَشٍيٍ نُ سَاتّ كَنكِرَ شَنِنمَ، نٍيٍ نَشَ تِ يُرُدّن شُرٍ تَفِ، هَن حَمَ فّ عَلَتَلَ شَ يَامَرِ بِرِن نَبَتُدٍ، عَلْ عَننَبِ مُنسَ نُ بَرَ عَ مَسٍن يٌسُوٍ بّ كِ نَشّ. حَمَ بِرِن نَشَ دَنفِ مَقُرٍن مَقُرٍن. 
\v 11 عٍ تٌ بَرَ فّ دَنفِدٍ، سّرّشّدُبّيٍ نَشَ دَنفِ حَمَ يَ رَ، عٍ نُن عَلَتَلَ شَ سَاتّ كَنكِرَ. 
\v 12 رُبٍن بْنسْي، فَدِ بْنسْي، نُن مَنَسِ بْنسْي سّيتِ نَشَ دَنفِ، عٍ تِ عٍ فٍرٍ سٌ كِ مَ عِسِرَيِلَ حَمَ يَ رَ، عَلْ عَننَبِ مُنسَ عَ قَلَ عٍ بّ كِ نَشّ. 
\v 13 فٍرٍ سٌي مِشِ وُلُ تٌنفٌ نَانِ حْندْن نَشَ دَنفِ عَلَتَلَ يَ تٌدٍ رَ، فٍرٍ سٌسٍ نَ عٍ يِ رَ، عٍ رّدِشِ سِفَقٍ رَ يٍرِكٌ قِيلِ مَ فٍرٍ سٌدٍ.
\p
\v 14 نَ لْشْي عَلَتَلَ نَشَ يٌسُوٍ شِلِ فبٌ عِسِرَيِلَكَيٍ بِرِن يَ شْرِ. عٍ نَشَ عَ بِنيَ عَ شَ سِمَيَ كُي عَلْ عٍ نُ عَننَبِ مُنسَ بِنيَمَ كِ نَشّ.
\p
\v 15 نَ شَنبِ عَلَتَلَ نَشَ عَ مَسٍن يٌسُوٍ بّ، 
\v 16 «سّرّشّدُبّيٍ يَامَرِ، نَشٍيٍ سّرِيّ كَنكِرَ شَنِنمَ، عٍ شَ تٍ يُرُدّن شُرٍ كُي.» 
\v 17 يٌسُوٍ نَشَ سّرّشّدُبّيٍ يَامَرِ، «وٌ تٍ يُرُدّن شُرٍ كُي.» 
\v 18 سّرّشّدُبّ نَشٍيٍ عَلَتَلَ شَ سَاتّ كَنكِرَ شَنِنمَ، نٍيٍ نُ عٍ سَنيِ تَلَمَ تّمُي نَشّ كٍلِقٍ رَ يُرُدّن شُرٍ كُي، يُرُدّن يٍ مَن نَشَ فبِلٍن عَ يِرٍ، عَ مَن نَشَ عَ حّرّ قْلْ عَلْ عَ سِنفٍ. عَ نَشَ بَنبَرَن يّ يُرُدّن يِرٍ بِرِن مَ.
\p
\v 19 حَمَ كٍلِ يُرُدّن شُرٍ كِكٍ سِنفٍ شِ قُ ندٍ نّ، عٍ قَ سَ يٌنكِن فِلِفَلِ، يٍرِكٌ سٌفٍتٍدٍ بِرِ.
\p
\v 20 يٌسُوٍ نَشَ فّمّ قُ نُن قِرِنيِيٍ مَلَن فِلِفَلِ، عٍ نَشٍيٍ تٌنفٌ يُرُدّن شُرٍ تَفِ، 
\v 21 عَ نَشَ عَ قَلَ عِسِرَيِلَكَيٍ بّ، «شَ وٌ شَ دِيٍ سَ وٌ مَشْرِن يِ فّمّيٍ شَ قٍ رَ، 
\v 22 وٌ شَ عٍ يَابِ، ‹عِسِرَيِلَ يِ يُرُدّن شُرٍ عِفِرِ عَ شَرَشِ نَن نَ.› 
\v 23 وٌ مَرِفِ عَلَتَلَ يِ شُرٍ شَرَشِ وٌ يَ شْرِ نّ، هَن وٌ بِرِن نَشَ فّ دَنفِدٍ عَلْ وٌ مَرِفِ عَلَتَلَ عَ رَبَ شُلُنيُمِ بَا رَ كِ نَشّ. نَ نَشَ شَرَ مُشُ يَ شْرِ هَن مُشُ بِرِن نَشَ فّ عَ عِفِرِدٍ، 
\v 24 عَلَكٌ دُنِحَ سِ بِرِن شَ نْ عَ كٌلٌندٍ عَلَتَلَ شْنيّ قِندِشِ شْنيّ بَرَكَشِ نَن نَ، وٌ مَن شَ فَاشُ وٌ مَرِفِ عَلَتَلَ يَ رَ.»
\c 5
\s سُننَ تِ نُن سَيَمَلٍكّ دَنفِ سَلِ
\p
\v 1 عَمٌرِكَيٍ شَ مَنفّيٍ نَشٍيٍ نُ نَ يُرُدّن كِرِ مَ سٌفٍفٌرٌدٍ، عَ نُن كَنَان مَنفّيٍ نَشٍيٍ بِرِن نُ نَ بَا دّ رَ، عٍ تٌ عَ مّ، عَلَتَلَ بَرَ يُرُدّن شَرَ عِسِرَيِلَكَيٍ يَ رَ، هَن عٍ بِرِن نَشَ فّ فِرِدٍ، عٍ بْحّيٍ نَشَ بٌلٌن، لِمَنِيَ قَن نَشَ بَ عٍ يِ رَ عِسِرَيِلَكَيٍ شَ قٍ رَ. 
\v 2 نَ تّمُي، عَلَتَلَ نَشَ عَ مَسٍن يٌسُوٍ بّ، «فّمّ شّيّنشِيٍ يَءِلَن قِنّيٍ رَ، عِ مَن شَ عِسِرَيِلَكَيٍ سُننَ.» 
\v 3 يٌسُوٍ نَشَ فّمّيٍ يَءِلَن قِنّيٍ رَ، عَ نَشَ عِسِرَيِلَكَيٍ سُننَ فٍيَ قّ مَ. عٍ نَشَ نَا شِلِ سَ لَافَ.
\p
\v 4 يٌسُوٍ عٍ سُننَ يِ قٍ نَن مَ. حَمَ نَشَن بِرِن كٍلِ مِسِرَ، شّمّ فٍرٍ سٌي بِرِن قَشَ نّ فبٍنفبٍرٍنيِ كِرَ شْن مَ، عٍ كٍلِ شَنبِ مِسِرَ. 
\v 5 حَمَ نَشَن بِرِن كٍلِ مِسِرَ، عٍ بِرِن نُ سُننَشِ، كْنْ مِشِ نَشٍيٍ بِرِن بَرِ فبٍنفبٍرٍنيِ كِرَ شْن مَ عٍ كٍلِ شَنبِ مِسِرَ، نٍيٍ كٍرٍن مُ نُ سُننَشِ. 
\v 6 نَ كُي، عِسِرَيِلَكَيٍ نُ بَرَ حّ تٌنفٌ نَانِ حّرّ رَبَ فبٍنفبٍرٍنيِ مَ، هَن شّمّ فٍرٍ سٌي بِرِن نَشَ فّ قَشَدٍ نَشٍيٍ تٌندِ عَلَتَلَ شَ يَامَرِ رَبَتُدٍ. عَلَتَلَ نُ بَرَ عَ كَلِ، عَ عٍ مُ قَمَ بْشِ تٌدٍ عَلَتَلَ عَ كَلِ عٍ بَبَيٍ بّ نَشَن شَ قٍ رَ عَ سٌقٍ رَ عٍ يِ، شِحّ نُن كُمِ شّلّمَ بْشِ نَشَن مَ. 
\v 7 عَلَتَلَ عٍ شَ دِيٍ نَن قِندِشِ عٍ حْشْي رَ. يٌسُوٍ نَشَ عٍ سُننَ، بَرِ مَ عٍ مُ نُ سُننَشِ بِيَاسِ كُي.
\p
\v 8 عٍ تٌ فّ بْنسْي بِرِن سُننَدٍ، عٍ نَشَ لُ يِرٍ كٍرٍن مَلَبُدٍ هَن عٍ بِرِن فّ يَلَندٍ. 
\v 9 عَلَتَلَ نَشَ عَ مَسٍن يٌسُوٍ بّ، «تٌ لْشْي ﭑ بَرَ مِسِرَ يَافِ مَكُيَ وٌ رَ.» نَ نَن عَ تٌشِ مّننِ شِلِ قَلَمَ فِلِفَلِ هَن تٌ.
\p
\v 10 عِسِرَيِلَكَيٍ نَشَ يٌنكِن فِلِفَلِ يُرُدّن قِلِ مَ يٍرِكٌ بِرِ رَ، عٍ سَيَمَلٍكّ دَنفِ سَلِ رَبَ نَا نُنمَرٍ تّمُي، كِكٍ شِ قُ نُن نَانِ ندٍ. 
\v 11 سَيَمَلٍكّ دَنفِ سَلِ كُيٍ عِبَ، عٍ نَشَ نَ بْشِ دَشَمُي، تَامِ لّبِنِتَرٍ، نُن سَنسِ شْرِ فَنشِيٍ دٌن. 
\v 12 عٍ تٌ بْشِ دَشَمُي دٌن، نَ كُيٍ عِبَ، مَنَ مُ فٌرٌ سْنْن. عِسِرَيِلَكَيٍ قَ كَنَان بْشِ دَشَمُي فبَنسَن نَن دٌن نَ حّ رَ.
\s يٍرِكٌ سُشُي
\p
\v 13 لْشْي ندٍ يٌسُوٍ نُ نَ يٍرِكٌ لٌنفٌرِ. عَ نَشَ شّمّ ندٍ تٌ، عَ تِشِ عَ يَ عِ، عَ شَ سَنتِدّفّمَ مَفٍلِ سُشُشِ عَ يِ. يٌسُوٍ نَشَ عَ مَكْرّ عَ رَ، عَ عَ مَشْرِن، «عِ نَ مُشُ تَن نَن بّ، كَ مُشُ يَشُي نَن لَنشِ عِ مَ؟» 
\v 14 عَ نَشَ يٌسُوٍ يَابِ، «ﭑ تَن نَن نَ عَلَتَلَ شَ سْورِيٍ شَ مَنفّ رَ. ﭑ بَرَ قَ.» يٌسُوٍ نَشَ عَ قٍلٍن عَ بُن مَ، عَ قَ عَ قَلَ عَ بّ، «ﭑ مَرِفِ مُنسٍ مَسٍنشِ عَ شَ كٌنيِ بّ؟» 
\v 15 عَلَتَلَ شَ سْورِ مَنفّ نَشَ عَ قَلَ يٌسُوٍ بّ، «عِ شَ سَنكِرِيٍ بَ عِ سَنيِ، بَرِ مَ عِ تِشِ يِرٍ نَشّ يِ كِ، يِرٍ سّنِيّنشِ نَ عَ رَ.» يٌسُوٍ نَشَ عَ شَ سَنكِرِيٍ بَ عَ سَنيِ.
\c 6
\s يٌسُوٍ شَ شُتُ سْتْي يٍرِكٌ مَ
\p
\v 1 يٍرِكٌ سٌدٍ دّ بِرِن نُ مَبَلَنشِ نّ عِسِرَيِلَكَيٍ شَ قٍ رَ. مِشِ مُ مِنِمَ، مِشِ مُ سٌمَ. 
\v 2 عَلَتَلَ نَشَ عَ مَسٍن يٌسُوٍ بّ، «عَ مَتٌ، ﭑ بَرَ يٍرِكٌ تَا سَ عِ بّلّشّ، عَ مَنفّ، نُن عَ سْورِ حَلَمَيٍ. 
\v 3 عِ شَ فٍرٍ سٌي بِرِن شَ يِ تَا رَبِلِن سَنمَيَ كٍرٍن شِ كٍرٍن كُي، شِ سٍننِ بُن مَ. 
\v 4 سّرّشّدُبّ مِشِ سٌلٌقٍرٍ شَ يّشّي كٌنتٌنيِ قٍرِ سٌلٌقٍرٍ سُشُ عٍ يِ رَ، عٍ شَ حّرّ سَاتّ كَنكِرَ يَ رَ. عَ شِ سٌلٌقٍرٍ ندٍ، وٌ شَ تَا رَبِلِن سَنمَيَ سٌلٌقٍرٍ، سّرّشّدُبّيٍ نُ قَ قٍرِ قٍ. 
\v 5 عٍ نَ يّشّي كٌنتٌنيِ قٍرِ قٍ، وٌ نَشَ عَ شُي مّ، حَمَ بِرِن شَ سْنشْي فبٍفبٍ رَتٍ. نَ تّمُي تّتّ نَشَن تَا رَبِلِنشِ، نَ بِرَ مَ نّ عَ يّتّ مَ. كَنكَن تِشِ دّننَشّ بِرِ، عَ شَ سٌ مّننِ رَ.»
\p
\v 6 نُنُ شَ دِ يٌسُوٍ نَشَ سّرّشّدُبّيٍ شِلِ، عَ عَ قَلَ عٍ بّ، «وٌ عَلَتَلَ شَ سَاتّ كَنكِرَ تٌنفٌ. سّرّشّدُبّ سٌلٌقٍرٍ شَ يّشّي كٌنتٌنيِ قٍرِ سٌلٌقٍرٍ تٌنفٌ، وٌ شَ تِ عَلَتَلَ شَ سَاتّ كَنكِرَ يَ رَ.» 
\v 7 عَ نَشَ عَ قَلَ حَمَ بّ، «وٌ دَنفِ، وٌ شَ تَا رَبِلِن. مَكَنتَتِ سِنفٍيٍ شَ تِ عَلَتَلَ شَ سَاتّ كَنكِرَ يَ رَ.»
\p
\v 8 يٌسُوٍ عَ قَلَ حَمَ بّ كِ نَشّ، عٍ نَشَ عَ رَبَ نَ كِ. سّرّشّدُبّ سٌلٌقٍرٍ، يّشّي كٌنتٌنيِ قٍرِ سٌلٌقٍرٍ نُ سُشُشِ نَشٍيٍ يِ عَلَتَلَ يَ عِ، نٍيٍ نَشَ عٍ حّرّ، عٍ نُ قَ قٍرِ قٍ. عَلَتَلَ شَ سَاتّ كَنكِرَ شَنِنمَيٍ نَشَ بِرَ عٍ قْشْ رَ. 
\v 9 مَكَنتَتِ سِنفٍيٍ نَشَ تِ سّرّشّدُبّيٍ يَ رَ نَشٍيٍ نُ قٍرِ قٍقٍ. مَكَنتَتِ دْنشْييٍ نَشَ تِ سَاتّ كَنكِرَ شَنبِ رَ. عٍ نُ قَ عٍ حّرّ قٍرِ شُي مَ. 
\v 10 يٌسُوٍ نُ بَرَ يِ يَامَرِ سٌ حَمَ يِ رَ، «وٌ نَشَ سْنشْي رَتٍ، وٌ نَشَ وٌ شُي عِتٍ، مِشِ يٌ نَشَ وْيّن هَن ﭑ نَ عَ قَلَمَ وٌ بّ لْشْي نَشّ. نَ تّمُي كْرّ، وٌ قَ سْنشْي رَتٍ.» 
\v 11 عَلَتَلَ شَ سَاتّ كَنكِرَ نَشَ تَا رَبِلِن سَنمَيَ كٍرٍن. نَ شَنبِ عٍ نَشَ فبِلٍن حَمَ يٌنكِندٍ، عٍ شِ نَا.
\p
\v 12 يٌسُوٍ نَشَ كٍلِ سُبَشّ مَ، سّرّشّدُبّيٍ نَشَ عَلَتَلَ شَ سَاتّ كَنكِرَ تٌنفٌ. 
\v 13 سّرّشّدُبّ سٌلٌقٍرٍيٍ، قٍرِ سٌلٌقٍرٍيٍ سُشُشِ نَشٍيٍ يِ، نٍيٍ نَشَ عٍ حّرّ قْلْ عَلَتَلَ شَ سَاتّ كَنكِرَ يَ رَ، عٍ نُ قَ قٍرِ قٍ. مَكَنتَتِ سِنفٍيٍ تِشِ يَرٍ، عَلَتَلَ شَ سَاتّ كَنكِرَ يَ رَ. مَكَنتَتِ دْنشْييٍ قَن تِشِ عَ شَنبِ رَ، عٍ عٍ حّرّ مَ قٍرِ شُي مَ. 
\v 14 عَ شِ قِرِن ندٍ، عٍ نَشَ تَا رَبِلِن سَنمَيَ كٍرٍن، عٍ قَ فبِلٍن حَمَ يٌنكِندٍ. عٍ نَشَ نَ مْولِ رَبَ شِ سٍننِ بُن مَ.
\p
\v 15 عَ شِ سٌلٌقٍرٍ ندٍ، عٍ نَشَ كٍلِ سُبَشّ مَ، عٍ تَا رَبِلِن عَلْ عٍ دَرِشِ عَ رَ كِ نَشّ. كْنْ يِ بِيَاسِ، عٍ نَشَ نَ رَبَ سَنمَيَ سٌلٌقٍرٍ. عٍ تَا رَبِلِن سَنمَيَ سٌلٌقٍرٍ نَ شِ سٌلٌقٍرٍ ندٍ كَنسَن نّ. 
\v 16 عَ سَنمَيَ سٌلٌقٍرٍ ندٍ، سّرّشّدُبّيٍ نَشَ قٍرِ قٍ قَ. يٌسُوٍ قَ عَ قَلَ حَمَ بّ، «وٌ سْنشْي رَتٍ، بَرِ مَ عَلَتَلَ بَرَ يِ تَا سَ وٌ بّلّشّ. 
\v 17 عَلَتَلَ بَرَ يِ تَا رَتْن نُن عَ عِسٍيٍ بِرِن نَتْن، قٌ رَشَبِ لَنفٌي فِنّ كٍرٍنيِ ثٍتِ نَشَن نَتَنفَشِ، نُن مِشِ نَشٍيٍ بِرِن نَ عَ شَ بَنشِ كُي، بَرِ مَ عَ تَن نَن يِفِيَ قِ وٌن مَ شّيرَيٍ مَ. 
\v 18 كْنْ وٌ عَ عِدْيِن سٍ رَتْنشِيٍ مَ، وٌ نَشَ كٍرٍن شَنِن وٌ شُن، شَ نَ مُ عَ رَ عِسِرَيِلَ حَمَ قِندِ مَ نّ سٍ رَتْنشِ رَ. 
\v 19 فبٍتِ، شّيمَ، وُرٍ، نُن وُرٍ فبٍيلِ، نٍيٍ قِندِ مَ عَلَتَلَ نَن فبٍ رَ. وٌ شَ عٍ رَفَتَ عَ بّ.»
\p
\v 20 حَمَ نَشَ سْنشْي رَتٍ، سّرّشّدُبّيٍ نُ قَ قٍرِ قٍ. حَمَ تٌ قٍرِ شُي مّ، عٍ نَشَ سْنشْي فبٍفبٍ رَتٍ. تّتّ نَشَ بِرَ عَ يّتّ مَ، حَمَ قَ سٌ كٍرٍن نَ تَا كُي. تَا نَشَ قِندِ عٍ فبٍ رَ. 
\v 21 عٍ نَشَ تَا رَتْن، عٍ نَ تَا مِشِ بِرِن قَشَ سَنتِدّفّمَ رَ، شّمّيٍ نُن فِنّيٍ، دِ مّيٍ نُن قٌرِيٍ، نِنفٍيٍ، يّشّييٍ نُن سٌقَلٍيٍ. 
\v 22 يٌسُوٍ نُ بَرَ عَ قَلَ يِ شّمّ قِرِنيِ بّ، نَشٍيٍ سِفَ يِ بْشِ رَبّندٍ، «وٌ سِفَ نَ لَنفٌي فِنّ شَ بَنشِ كُي، وٌ عَ رَ مِنِ عَ نُن عَ شَ مِشِيٍ بِرِن، عَلْ وٌ وٌ كَلِ عَ بّ كِ نَشّ.» 
\v 23 يِ سّفّتَلَ قٍ رَبّنيِ قِرِنيِيٍ نَشَ سِفَ، عٍ سَ رَشَبِ رَ مِنِ بَنشِ كُي. عٍ نَشَ عَ بَبَ، عَ نفَ، عَ تَارَيٍ، عَ شُنيَيٍ، نُن عَ بَرِبٌورٍيٍ بِرِن نَمِنِ، عٍ قَ عٍ مَكَنتَ عٍ كٍرٍنيِ مَ عِسِرَيِلَ حَمَ يٌنكِندٍ سّيتِ مَ. 
\v 24 عِسِرَيِلَكَيٍ نَشَ تَا فَن عَ نُن عَ عِسٍيٍ بِرِن نَ، قٌ فبٍتِ، شّيمَ، وُرٍ، نُن وُرٍ فبٍيلِ. عٍ نَشَ نٍيٍ رَ سٌ نَاقُلِ رَفَتَدٍ عَلَتَلَ شَ بَنشِ كُي.
\p
\v 25 يٌسُوٍ نَشَ رَشَبِ لَنفٌي فِنّ لُ عَ سِ رَ، عَ نُن عَ شَ مِشِيٍ بِرِن. رَشَبِ نَشَ سَبَتِ عِسِرَيِلَكَيٍ يَ مَ. هَن تٌ عَ بْنسْييٍ نَ نَا، بَرِ مَ عَ يِفِيَ قِ نّ يٌسُوٍ شَ شّيرَ قٍ رَبّنيِ قِرِنيِيٍ مَ يٍرِكٌ.
\p
\v 26 نَ وَشَتِ يٌسُوٍ نَشَ يِ مَرَكَلِ تِ، «دَنكّ نَ مِشِ بّ نَشَن فبِلٍنمَ يٍرِكٌ تَا تِ رَ. نَ كَنيِ شَ دِ سِنفٍ نَن قِندِ مَ نَ بِرِكِ سِنفٍ سَرٍ رَ، نُن عَ شَ دِ دْنشْي نَن قِندِ مَ تَا نَادّ سَرٍ رَ.»
\p
\v 27 عَلَتَلَ نُن يٌسُوٍ نَن نُ عَ رَ. يٌسُوٍ شِلِ نَشَ تٍ، عَ دِن بْشِ بِرِن نَ.
\c 7
\s عَكَن شَ فبَلٌي
\p
\v 1 كْنْ عِسِرَيِلَكَيٍ نَشَ عَلَتَلَ شُي مَتَندِ، عٍ سٍ ندٍيٍ تٌنفٌ عَ تْنيِ دْشْشِ نَشٍيٍ رَ. عَكَن، كَرِ مِ شَ مَمَدِ، سَبِدِ تٌلٌبِتّ، سٍرَ شَ تٌلٌنتٌلٌنيِ، يُدَ بْنسْي يَ مَ، نُ بَرَ سٍ رَتْنشِيٍ تٌنفٌ، عَلَتَلَ بْحّ قَ تٍ عِسِرَيِلَكَيٍ شِلِ مَ نَ شَ قٍ رَ.
\p
\v 2 يٌسُوٍ نَشَ مِشِيٍ شّي كٍلِ يٍرِكٌ، سِفَقٍ رَ عَيِ، دّننَشّ نَ بٍتِ عَوٍنِ قّ مَ، بٍتٍلِ سٌفٍتٍدٍ. عَ نَشَ عَ قَلَ عٍ بّ، «وٌ تٍ، وٌ شَ سَ نَ بْشِ رَبّن.» نَ شّمّيٍ نَشَ تٍ عَيِ بْشِ رَبّندٍ. 
\v 3 عٍ نَشَ فبِلٍن يٌسُوٍ يِرٍ، عٍ عَ قَلَ عَ بّ، «هَلِ حَمَ بِرِن مُ سِفَ، مِشِ وُلُ قِرِن، شَ نَ مُ مِشِ وُلُ سَشَن نَن شَ تٍ، عٍ عَيِ مِشِيٍ بْنبْمَ نّ. عِ نَشَ حَمَ بِرِن نَتَفَن يِ قٍ مَ، بَرِ مَ وٌن فٍرٍقَيٍ مُ فبٌ.» 
\v 4 نَ كُي مِشِ وُلُ سَشَن حْندْن نَشَ تٍ فٍرٍ شِلِ مَ. كْنْ عَيِ مِشِيٍ نَشَ نْ عٍ رَ، عٍ قَ عٍ فِ عٍ يَ رَ. 
\v 5 عَيِكَيٍ نَشَ مِشِ تٌنفٌ سَشَن نُن سٍننِ قَشَ عِسِرَيِلَكَيٍ رَ. عٍ نَشَ عٍ كٍرِ كٍلِ تَا سٌدٍ دّ رَ هَن سَبَرِ مِ. عٍ فٌرٌ فٌرٌ مَ نَ كِرَ رَ، عٍ نَشَ نْ عٍ رَ.
\p نَ كُي عِسِرَيِلَ حَمَ بْحّ نَشَ كَنَ، لِمَنِيَ نَشَ بَ عٍ يِ رَ. 
\v 6 يٌسُوٍ نَشَ عَ شَ سٌسٍ عِبْو عَ مَ، عَ نَشَ عَ يَتَفِ رَقٍلٍن بْشِ مَ عَلَتَلَ شَ سَاتّ كَنكِرَ يَ عِ هَن نُنمَرٍ، عَ تَن نُن عِسِرَيِلَ قٌرِيٍ. عٍ نَشَ بّندّ مَسٌ عٍ شُنيِيٍ مَ نِمِسّ شَ قٍ رَ. 
\v 7 يٌسُوٍ نَشَ عَ قَلَ، «ﭑ مَرِفِ عَلَتَلَ، مُنقٍ رَ عِ عَ نِيَشِ يِ حَمَ شَ يُرُدّن عِفِرِ؟ عِ وَ مَ مُشُ سَقٍ عَمٌرِكَيٍ بّلّشّ نّ، عِ شَ فَن مُشُ رَ؟ مُشُ نَ عَ كٌلٌن نُ، هَلِ مُشُ لُ يُرُدّن نَاكِرِ مَ نُ. 
\v 8 ﭑ مَرِفِ، ﭑ مُنسٍ قَلَمَ كْرّ، عِسِرَيِلَكَيٍ تٌ عٍ فِشِ عٍ يَشُييٍ يَ رَ؟ 
\v 9 كَنَانكَيٍ نُن يِ بْشِ مِشِيٍ نَ يِ قٍ مّ، عٍ مُشُ دِفِلِنمَ نّ، عٍ مُشُ شِلِ حْن يِ بْشِ مَ. نَ كُي، عِ تَن قَ مُنسٍ رَبَمَ عِ شِلِ شُنفبٍ شَ قٍ رَ؟»
\p
\v 10 عَلَتَلَ نَشَ عَ مَسٍن يٌسُوٍ بّ، «كٍلِ، عِ عِ يَتَفِ رَقٍلٍنشِ بْشِ مَ مُنقٍ رَ يِ كِ؟ 
\v 11 عِسِرَيِلَ بَرَ يُنُبِ رَبَ. نَ كُي عٍ بَرَ سَاتّ كَنَ ﭑ نَشَن تٌنفٌ عٍ بّ. عِيٌ، عٍ بَرَ سٍ رَتْنشِيٍ تٌنفٌ عَ مُ لَن عٍ شَ نَشَن تٌنفٌ. عٍ بَرَ عَ مُحَ، عٍ عَ نْشُن عٍ شَ كٌتٍ كُي. 
\v 12 عِسِرَيِلَكَيٍ مُ نْمَ تِدٍ عٍ يَشُييٍ يَ رَ. عٍ عٍ فِمَ نّ عٍ يَشُييٍ مَ، بَرِ مَ عٍ قَن يّتّ يَتِ بَرَ قِندِ مِشِ رَتْنشِيٍ رَ. ﭑ مُ لُمَ وٌ قْشْ رَ، شَ وٌ مُ يِ سٍ رَتْنشِيٍ كَنَ وٌ نَشٍيٍ تٌنفٌشِ. 
\v 13 كٍلِ، عِ شَ حَمَ رَ سّنِيّن. عِ شَ عَ قَلَ عٍ بّ، ‹بٍيمَنُ تِنَ، وٌ شَ وٌ يّتّ رَ سّنِيّن. عِسِرَيِلَ مَرِفِ عَلَتَلَ شَ مَسٍنيِ نَن يَ؛ «سٍ رَتْنشِيٍ نَ وٌ تَفِ. عِسِرَيِلَ مُ نْمَ تِدٍ عٍ يَشُييٍ يَ رَ، دَنمِ نَ سٍ رَتْنشِيٍ نَ وٌ يِ رَ.» 
\v 14 تِنَ فّيسّفّ وٌ وٌ مَسٌ وٌ بْنسْي كِ مَ. عَلَتَلَ نَ بْنسْي نَشَن مَسٍن، نَ شَ عَ مَسٌ عَ شَبِلّ كِ مَ. عَلَتَلَ نَ شَبِلّ نَشَن مَسٍن، نَ شَ عَ مَسٌ عَ دٍنبَيَ كِ مَ. عَلَتَلَ نَ مِشِ نَشَن مَسٍن دٍنبَيَ يَ مَ، نَ شَ عَ مَسٌ. 
\v 15 نَ مِشِ نُن نَ سٍ رَتْنشِيٍ فَنمَ نّ تّ رَ، بَرِ مَ عَ بَرَ عَلَتَلَ شَ سَاتّ كَنَ، عَ بَرَ قٍ رَبَ عِسِرَيِلَ، عَ مُ لَن عَ شَ نَشَن نَبَ.›»
\p
\v 16 يٌسُوٍ نَشَ كٍلِ سُبَشّ مَ، عَ نَشَ عِسِرَيِلَ تِ عَ بْنسْي كِ مَ. عَ قٍ نَشَ تِ يُدَ بْنسْي. 
\v 17 عَ نَشَ يُدَ شَبِلّيٍ مَسٌ، عَ قٍ نَشَ تِ سٍرَ شَبِلّ. عَ نَشَ سٍرَ شَبِلّ مَسٌ، عَ دٍنبَيَ كِ مَ، عَ قٍ نَشَ تِ سَبَدِ. 
\v 18 عَ نَشَ دٍنبَيَ شُنيِيٍ مَسٌ، عَ قٍ نَشَ تِ عَكَن، كَرِ مِ شَ دِ شّمّ، سَبَدِ شَ دِ شّمّ، سٍرَ شَ دِ نَشَن قَتَن يُدَ بْنسْي رَ.
\p
\v 19 يٌسُوٍ نَشَ عَ قَلَ عَكَن بّ، «ﭑ مَ دِ، تَنتُي رَ سِفَ عَلَتَلَ مَ، عِسِرَيِلَ مَرِفِ عَلَ. عَ تَنتُ. عِ نَشَن نَبَشِ، نَ تَفِ رَبَ ﭑ بّ عَ كِ مَ. عِ نَشَ عَ نْشُن ﭑ مَ.» 
\v 20 عَكَن نَشَ يٌسُوٍ يَابِ، «نْندِ نَ عَ رَ. ﭑ تَن نَن يُنُبِ رَبَشِ عَلَتَلَ رَ، عِسِرَيِلَ مَرِفِ عَلَ. ﭑ نَشَن نَبَشِ عَ تَن نَن يِ كِ. 
\v 21 ﭑ سِنَرِ دٌنمَ ندٍ تٌ نّ نَ سٍيٍ يَ مَ، نَشَن شَ تٌقَنيِ مَنِيّ مُ نَ، عَ نُن فبٍتِ كٌلٍ كّمّ قِرِن، نُن شّيمَ، نَشَن كِلٌ تَفِ لِمَ. ﭑ نَشَ مِلَ عٍ مَ، ﭑ قَ عٍ تٌنفٌ. ﭑ بَرَ عٍ بِرِ يِلِ كُي ﭑ مَ كِرِ بَنشِ بُن مَ. فبٍتِ سَشِ شّيمَ نُن دٌنمَ بُن مَ.»
\p
\v 22 يٌسُوٍ نَشَ مِشِيٍ شّي عٍ فِ رَ، عٍ شَ عَكَن شَ كِرِ بَنشِ مَتٌ. نَ سٍيٍ نُ نْشُنشِ يِلِ كُي، فبٍتِ سَشِ عٍ بُن مَ. 
\v 23 عٍ نَشَ عَ بِرِن نَتٍ يِلِ كُي كِرِ بَنشِ بُن مَ، عٍ عَ شَنِن يٌسُوٍ شْن مَ، عِسِرَيِلَ حَمَ تَفِ. عٍ نَشَ عَ عِبَفَن بْشِ عَلَتَلَ يَ عِ. 
\v 24 يٌسُوٍ نَشَ سٍرَ شَ دِ عَكَن سُشُ. عَ نَشَ عَ شَ سٍيٍ بِرِن تٌنفٌ، نَ فبٍتِ، نَ دٌنمَ تٌقَنيِ، نَ شّيمَ، نُن عَ شَ كِرِ بَنشِ. عَ مَن نَشَ عَ شَ دِ شّمّيٍ، عَ شَ دِ فِنّيٍ، عَ شَ نِنفٍيٍ، عَ شَ سٌقَلٍيٍ، نُن عَ شَ شُرُ سٍيٍ، عَ نَشَ نَ بِرِن سُشُ، عَ عَ شَنِن عَكٌرِ فُلُنبَ كُي. عِسِرَيِلَ بِرِن نَشَ بِرَ عَ قْشْ رَ.
\p
\v 25 يٌسُوٍ نَشَ عَ قَلَ عَكَن بّ، «عِ بَرَ مُشُ شُن مَحَاشُ، عَلَتَلَ عِ قَن شُن مَحَاشُمَ نّ تٌ لْشْي.» نَ مَسٍنيِ شَنبِ، عِسِرَيِلَكَيٍ بِرِن نَشَ عٍ مَفْنْ فّمّ رَ، عٍ عٍ فَن. 
\v 26 عٍ نَشَ فّمّ فبٍفبٍ كٌتٌ عَ قَرِ. هَن تٌ نَ كٌتٌشِ نَا. نَ كُي عَلَتَلَ بْحّ نَشَ فٌرٌ. نَ نَن عَ تٌشِ هَن تٌ، عَكٌرِ فُلُنبَ شِلِ قَلَمَ نَ يِرٍ شُن مَ.
\c 8
\s عَيِ مَسْتْي
\p
\v 1 عَلَتَلَ نَشَ عَ مَسٍن يٌسُوٍ بّ، «هَلِ عِ مُ فَاشُ، عِ بْحّ نَشَ مِنِ عَ عِ. فٍرٍ سٌي بِرِن تٌنفٌ، وٌ كٍلِ، وٌ شَ سِفَ عَيِ فٍرٍدٍ. عَ كٌلٌن، ﭑ بَرَ عَيِ مَنفّ سَ عِ بّلّشّ عَ نُن عَ شَ حَمَ بِرِن نَ، عَ شَ تَا نُن عَ شَ بْشِ. 
\v 2 عِ عَيِ بْشِ نُن عَ مَنفّ شَ قٍ رَبَمَ نّ عَلْ عِ يٍرِكٌ بْشِ نُن عَ مَنفّ شَ قٍ رَبَ كِ نَشّ، كْنْ يِ بِيَاسِ عٍ شَ سٍ قَنيِيٍ نُن عٍ شَ شُرُ سٍيٍ قِندِ مَ وٌ هَرِفٍ نَن نَ. عِ قَمَ تَا مّلّندٍ عَ شَنبِ شَنبِ نَن مَ.»
\p
\v 3 يٌسُوٍ نُن فٍرٍ سٌي بِرِن نَشَ كٍلِ، عٍ نَشَ تٍ عَيِ. يٌسُوٍ نَشَ سْورِ فٍرٍ سٌي قَنيِ مِشِ وُلُ تٌنفٌ سَشَن مَيٍفٍتِ، عٍ بِرِن نَشَ تٍ كْي رَ. 
\v 4 عَ نَشَ يِ يَامَرِ سٌ عٍ يِ رَ، «وٌ عَ عِدْيِن، وٌ شَ تَا مّلّن عَ شَنبِ شَنبِ مَ. وٌ نَشَ وٌ مَكُيَ تَا رَ عَ فبٍ رَ. وٌ بِرِن شَ وٌ رّدِ. 
\v 5 ﭑ تَن نُن ﭑ مَ حَمَ بِرِن، مُشُ مُشُ مَكْرّ مَ نّ تَا رَ مّننِكَيٍ يَ رَ. عٍ نَ مِنِ مُشُ رَلَندٍ عَلْ عَ سِنفٍ رَ، مُشُ قَمَ نّ مُشُ فِدٍ عٍ يَ رَ. 
\v 6 نَ كُي عٍ بِرَ مَ نّ مُشُ قْشْ رَ عَ قَلَقٍ رَ، ‹عٍ نَ عٍ فِقٍ عَلْ بٌورٍ بِيَاسِ.› نَ كِ مُشُ قَمَ نّ عٍ رَ مِنِدٍ تَا قَرِ مَ. 
\v 7 نَ تّمُي، وٌ تَن شَ مِنِ وٌ نْشُندٍ، وٌ قَ تَا مَسْتْ. وٌ مَرِفِ عَلَتَلَ نَا سَمَ نّ وٌ بّلّشّ. 
\v 8 وٌ نَ تَا سُشُ، وٌ تّ سٌ نَا رَ، وٌ نَا فَن. عَ تَن نَن نَ كِ، وٌ شَ عَلَتَلَ وَشْنقٍ رَكَمَلِ، وٌ شَ ﭑ مَ يَامَرِ رَبَتُ عَ رَبَتُ كِ مَ.»
\p
\v 9 يٌسُوٍ نَشَ عٍ رَ سِفَ قَ، عٍ سَ تَا مّلّن عَ شَنبِ شَنبِ مَ. عٍ نَشَ لُ عَيِ نُن بٍتٍلِ تَفِ، عَيِ سٌفٍفٌرٌدٍ. يٌسُوٍ نُن حَمَ بِرِن نَشَ شِ يٌنكِندٍ كُي نَ كْي رَ. 
\v 10 نَ كُيٍ عِبَ، يٌسُوٍ نَشَ كٍلِ، عَ حَمَ شُنمَتٌ عَ رَ. عَ تَن نُن عِسِرَيِلَ كُنتِفِيٍ نَشَ تٍ حَمَ يَ رَ، سِفَقٍ رَ عَيِ. 
\v 11 عٍ تَن نُن فٍرٍ سٌي بِرِن نَشَ عٍ مَكْرّ عَيِ تَا رَ، عٍ قَ يٌنكِندٍ يَءِلَن عَ كْولَ بِرِ رَ. فُلُنبَ نَشَ لُ عٍ تَن نُن عَيِ تَفِ. 
\v 12 يٌسُوٍ نُ بَرَ شّمّ وُلُ سُولِ حْندْن شّي تَا مّلّندٍ عَيِ نُن بٍتٍلِ تَفِ، عَيِ تَا سٌفٍفٌرٌدٍ. 
\v 13 نَ كُي سْورِيٍ شَ يٌنكِندٍ شُنفبٍ نُ نَ تَا كْولَ مَ، سْورِ بٌورٍيٍ نُ نَ تَا مّلّنقٍ سٌفٍفٌرٌدٍ بِرِ. يٌسُوٍ نَشَ سِفَ نَ كْي رَدَنفِ فُلُنبَ كُي.
\p
\v 14 عَيِ مَنفّ تٌ عِسِرَيِلَ سْورِيٍ تٌ، عَ تَن نُن عَ شَ حَمَ نَشَ مِنِ عٍ فٍرٍدٍ قِيلِ يِرٍ عَرَبَ يَ رَ. كْنْ عَ مُ نُ عَ كٌلٌن شَ عِسِرَيِلَكَيٍ بَرَ عَ شَ تَا مّلّن عَ شَنبِ شَنبِ مَ. 
\v 15 نَ تّمُي يٌسُوٍ نُن عِسِرَيِلَ حَمَ بِرِن نَشَ عٍ يّتّ رَفِ عَيِ مِشِيٍ يَ رَ فبٍنفبٍرٍنيِ كِرَ شْن مَ. 
\v 16 عَيِكَيٍ نَشَ بِرَ عٍ قْشْ رَ كٍرٍن نَ. يٌسُوٍ نُن عَ شَ سْورِيٍ نَشَ عٍ فِ هَن عٍ فّ عَيِ حَمَ بِرِن نَمِنِدٍ تَا قَرِ مَ. 
\v 17 شّمّ كٍرٍن مُ لُ عَيِ نُن بٍتٍلِ تَايٍ كُي، عٍ بِرِن نَشَ بِرَ عِسِرَيِلَكَيٍ قْشْ رَ، عٍ شَ عٍ سُشُ. عٍ نَشَ تَا لُ نَ كِ، عَ رَبِشِ.
\p
\v 18 نَ كُي، عَلَتَلَ نَشَ عَ مَسٍن يٌسُوٍ بّ، «عِ شَ تَنبّ عِتَلَ عَيِ بِرِ رَ، نَشَن سُشُشِ عِ يِ رَ، بَرِ مَ ﭑ بَرَ عَ سَ عِ بّلّشّ.» يٌسُوٍ نَشَ عَ شُن تِ تَا رَ، عَ شَ تَنبّ سُشُشِ عَ يِ رَ عَيِ مَبِرِ. 
\v 19 عَ تٌ نَ رَبَ، سْورِ مّلّنتِيٍ نَشَ مِنِ مَقُرٍن مَقُرٍن عٍ نْشُندٍ كُي، عٍ قَ سٌ تَا كُي، عٍ تّ سٌ نَ رَ كٍرٍن نَ.
\p
\v 20 عَيِكَيٍ تٌ عٍ يَ رَفبِلٍن عٍ شَنبِ رَ، عٍ نَشَ عَ تٌ تُورِ نَ تٍقٍ كٌورٍ مَ كٍلِقٍ تَا كُي. عٍ مُ نْ عٍ فِدٍ عٍ شَ سِفَ دّدّ. عِسِرَيِلَكَ نَشٍيٍ نُ نَ عٍ فِقٍ فبٍنفبٍرٍنيِ كِرَ شْن عَيِ مِشِيٍ يَ رَ، نٍيٍ نَشَ عٍ مَقِندِ عٍ شِلِ مَ. 
\v 21 يٌسُوٍ نُن عِسِرَيِلَ حَمَ تٌ نَ تُورِ تٌ تٍ رَ، عٍ نَشَ عَ كٌلٌن عَ سْورِ مّلّنتِيٍ بَرَ فّ تَا سُشُدٍ. نَ كُي عٍ نَشَ عٍ مَقِندِ، عٍ قَ عَيِكَيٍ بْنبْ. 
\v 22 نَ مّلّنتِيٍ قَن نَشَ قَ كٍلِقٍ تَا كُي، عٍ شَ عَيِكَيٍ فٍرٍ. نَ كُي عَيِكَيٍ نَشَ رَشّتّن، عِسِرَيِلَكَيٍ قَ عٍ بِرِن قَشَ. مِشِ يٌ مُ نْ عَ فِدٍ، مِشِ يٌ مُ لُ عَ حِحّ رَ، 
\v 23 قٌ عَيِ مَنفّ، عٍ نَشَن سُشُ، عٍ عَ شَنِن يٌسُوٍ شْن.
\p
\v 24 عِسِرَيِلَكَيٍ تٌ فّ عَيِكَيٍ قَشَدٍ نَشٍيٍ بِرَ عٍ قْشْ رَ فبٍنفبٍرٍنيِ كِرَ شْن مَ، عٍ نَشَ فبِلٍن تَا قَن كُي، عٍ عَيِكَ دْنشْييٍ بِرِن قَشَ عٍ شَ سَنتِدّفّمَيٍ رَ. 
\v 25 عَيِكَ نَشٍيٍ بِرِن قَشَ نَ لْشْي، شّمّيٍ نُن فِنّيٍ، عٍ كْنتِ نَشَ لَن مِشِ وُلُ قُ نُن قِرِن مَ. 
\v 26 يٌسُوٍ تٌ عَ شَ تَنبّ عِتَلَ عَيِ شُن مَ، عَ مُ عَ عِسٌ قٌ نَاكَيٍ بِرِن تٌ فّ قَشَدٍ. 
\v 27 نَ كُي، عِسِرَيِلَ نَشَ عَ وَ سَسٌ عَيِ شُرُ سٍ نُن عَ هَرِفٍ رَ، عَلْ عَلَتَلَ عَ مَسٍن كِ نَشّ يٌسُوٍ بّ.
\p
\v 28 يٌسُوٍ نَشَ عَيِ تَا بِرِن كَنَ، عَ عَ فَن. هَن تٌ نَا كِرٌشِ. 
\v 29 نَشَن قِندِ عَيِ مَنفّ تَن نَ، عٍ نَشَ نَ فبَكُ وُرِ مَ هَن نُنمَرٍ. نُنمَرٍ تٌ سٌ، يٌسُوٍ نَشَ يَامَرِ قِ عٍ شَ عَ قُرٍ رَفٌرٌ وُرِ كْن نَ. عٍ نَشَ عَ رَبِرَ تَا سٌدٍ دّ رَ، عٍ قَ فّمّ فبٍفبٍ مَلَن عَ قَرِ. هَن تٌ نَ فّمّ مَلَنشِ نَا.
\s سّرّشّبَدٍ عٍبَلِ فٍيَ قَرِ
\p
\v 30 نَ تّمُي يٌسُوٍ نَشَ سّرّشّبَدٍ يَءِلَن عِسِرَيِلَ مَرِفِ عَلَتَلَ بّ عٍبَلِ فٍيَ قَرِ، 
\v 31 عَلْ عَلَتَلَ شَ كٌنيِ مُنسَ عَ قَلَ عِسِرَيِلَكَيٍ بّ كِ نَشّ. عٍ نَشَ سّرّشّبَدٍ فّمّ دَاشِ تِ، وُرٍ مُ نُ دِن نَشَن نَ، عَلْ عَ سّبّشِ تَوُرٍتَ مُنسَ كِتَابُي كُي كِ نَشّ. عٍ نَشَ سّرّشّ فَن دَاشِيٍ نُن شَنُنتٍيَ سّرّشّيٍ بَ عَلَتَلَ بّ نَ قَرِ.
\p
\v 32 مّننِ يٌسُوٍ نَشَ عَلَ شَ سّرِيّ سّبّ فّمّيٍ مَ عِسِرَيِلَكَيٍ بِرِن يَ شْرِ، عَننَبِ مُنسَ نَشَن سّبّ عٍ بّ. 
\v 33 عِسِرَيِلَكَيٍ، عٍ شَ كُنتِفِيٍ، عٍ شَ سْورِ مَنفّيٍ، عٍ شَ كِيتِسَيٍ، نُن شْحّ نَشٍيٍ نُ نَ عٍ يَ مَ، عٍ بِرِن نَشَ سِفَ تِ رَ لٍوِ بْنسْي سّرّشّدُبّيٍ يَ عِ، نَشٍيٍ نُ عَلَتَلَ شَ سَاتّ كَنكِرَ شَنِنمَ. حَمَ سّيتِ كٍرٍن نَشَ تِ فَرِ سِمِ فٍيَ بِرِ، حَمَ سّيتِ بٌورٍ نَشَ تِ عٍبَلِ فٍيَ بِرِ، عَلْ عَلَتَلَ شَ كٌنيِ مُنسَ عَ قَلَ عِسِرَيِلَ حَمَ سِنفٍ بّ كِ نَشّ، عَ دُبَ عٍ بّ تّمُي نَشّ. 
\v 34 نَ شَنبِ، يٌسُوٍ نَشَ يِ سّرِيّ مَسٍنيِ بِرِن تِ، دُبّيٍ نُن دَنكّيٍ، عَلْ عَ سّبّشِ تَوُرٍتَ مُنسَ كِتَابُي كُي كِ نَشّ. 
\v 35 عَننَبِ مُنسَ شَ مَسٍنيِ سّبّشِ كٍرٍن مُ لُ، يٌسُوٍ مُ نَشَن تَفِ رَبَ عِسِرَيِلَ حَمَ بِرِن بّ، هَلِ فِنّيٍ، دِ مّيٍ، نُن شْحّ نَشٍيٍ نُ نَ عٍ يَ مَ.
\c 9
\s فَبَيٌنكَيٍ شَ سَاتّ
\p
\v 1 يُرُدّن نَاكِرِ مَنفّيٍ، شِتِكَيٍ، عَمٌرِكَيٍ، كَنَانكَيٍ، ثٍرِ سِكَيٍ، هِوِكَيٍ، نُن يٍبُسُكَيٍ شَ مَنفّ، عٍ تٌ يِ فٍرٍ شَ قٍ مّ، نَشَن نَبَشِ سٍقٍلَ بْشِ فٍيَيٍ قَرِ، بَا شُنفبٍ دّ رَ، لِبَن فٍيَيٍ سّيتِ مَ، 
\v 2 عٍ نَشَ عٍ مَلَن، عٍ لَنيِ شِرِ عٍ تَفِ عَلَكٌ عٍ شَ يٌسُوٍ نُن عِسِرَيِلَ حَمَ فٍرٍ.
\p
\v 3 فَبَيٌنكَيٍ تٌ عَ مّ، يٌسُوٍ نَشَن نَبَشِ يٍرِكٌ نُن عَيِ رَ، 
\v 4 عٍ نَشَ يَنقَنتٍيَ مَشِرِ. عٍ نَشَ سِفَ عَ شْن، بّكِ كٌبِيٍ نُن وّنِ سَسٍ عِبْوشِيٍ دْشْشِ عٍ شَ سٌقَلٍيٍ قَرِ. 
\v 5 عٍ نَشَ سَنكِرِ قٌرِ حْنشِ مَدّفّشِيٍ سٌ عٍ سَنيِ، عٍ دٌنمَ كٌبِ حْنشِيٍ رَفٌرٌ عٍ مَ. عٍ نَشَ تَامِ شُنتُنيِ شَرَشِيٍ سَ عٍ شَ كٌتٍ كُي.
\p
\v 6 عٍ تٌ يٌسُوٍ لِ يٌنكِندٍ كُي فِلِفَلِ، عٍ نَشَ عَ قَلَ عَ تَن نُن عِسِرَيِلَكَيٍ بّ، «مُشُ سَ كٍلِشِ بْشِ مَكُيٍ نّ يِ كِ، عَلَكٌ وٌن شَ سَاتّ شِرِ.» 
\v 7 عِسِرَيِلَكَيٍ نَشَ عَ قَلَ عٍ بّ، «وٌن نْمَ سَاتّ شِرِدٍ دِ؟ شَ عَ سَ لِ وٌ كٍلِشِ يِ بْشِ نَن مَ، عَ مُ لَنمَ سَاتّ شَ لُ وٌن تَفِ.» 
\v 8 عٍ نَشَ يٌسُوٍ يَابِ، «عِ شَ كٌنيِيٍ نَن لَنشِ مُشُ مَ.» يٌسُوٍ نَشَ عٍ مَشْرِن، «ندٍ نَ وٌ تَن نَ؟ وٌ كٍلِشِ مِندٍن؟» 
\v 9 عٍ نَشَ يٌسُوٍ يَابِ، «عِ شَ كٌنيِيٍ كٍلِشِ بْشِ مَكُيٍ نَن مَ عِ مَرِفِ عَلَتَلَ شِلِ شَ قٍ رَ، بَرِ مَ مُشُ بَرَ عَ شَ قٍ عِقَلّ مّ، عَ نَشَن نَبَشِ مِسِرَ، 
\v 10 عَ نُن عَ قٍ نَشَن بِرِن نَبَشِ عَمٌرِكَيٍ شَ مَنفّ قِرِنيِيٍ رَ يُرُدّن نَاكِرِ مَ، شّسِبْن مَنفّ سِشْن، نُن بَسَن مَنفّ عٌفٌ، نَشَن نُ سَبَتِشِ عَسَتَرٌتِ.»
\p
\v 11 «مُشُ شَ قٌرِيٍ نُن بْشِ مِشِ بِرِن عَ قَلَشِ نّ مُشُ بّ، ‹وٌ وٌ قَندّ تٌنفٌ وٌ نَشَن دٌنمَ كِرَ شْن مَ. وٌ شَ سِفَ عِسِرَيِلَكَيٍ رَلَن، وٌ شَ عَ قَلَ عٍ بّ وٌ شَ كٌنيِيٍ نَن مُشُ رَ.› يَكْسِ، وٌن شَ سَاتّ تٌنفٌ وٌن بٌورٍ بّ. 
\v 12 وٌ بَرَ مُشُ شَ تَامِيٍ تٌ؟ مُشُ تٌ كٍلِ مُشُ شْنيِ، تَامِ قَنيِ نَ نُ عَ رَ، كْنْ يَكْسِ عَ بِرِن بَرَ شَرَ. 
\v 13 مُشُ شَ وّنِ سَسٍ نّينّيٍ نُ رَقٍشِ وّنِ قَنيِ رَ، كْنْ يَكْسِ نَ بِرِن بَرَ حْن، وّنِ سَسٍيٍ بَرَ بْو. وٌ مُشُ شَ دٌنمَيٍ مَتٌ، عَ نُن مُشُ شَ سَنكِرِيٍ. عٍ بِرِن بَرَ كَنَ يِ كِرَ شَ مَكُيٍ بّ.»
\p
\v 14 عِسِرَيِلَكَيٍ نَشَ نَ بِرِن مَتٌ، كْنْ عٍ مُ عَلَتَلَ مَشْرِن شَ عَ قِندِشِ نْندِ نَن نَ. 
\v 15 نَ كُي يٌسُوٍ نَشَ لَنيِ شِرِ عٍ تَفِ عٍ شَ سِمَيَ مَكَنتَقٍ رَ. مَرَكَلِ نَشَ لُ عٍ تَفِ.
\p
\v 16 شِ سَشَن تٌ دَنفِ نَ سَاتّ شِرِقٍ رَ، عِسِرَيِلَكَيٍ نَشَ عَ كٌلٌن عَ عٍ دْشْبٌورٍيٍ نَن لَنشِ عٍ مَ. 
\v 17 نَ لْشْي عِسِرَيِلَكَيٍ نَشَ سِفَ، عٍ سَ سٌ عٍ شَ تَايٍ كُي، نَشَن قِندِشِ فَبَيٌن، كٍقِرَ، بٍيرٌتِ، نُن كِرِيَتِ يٍيَرِ مِ. 
\v 18 عِسِرَيِلَكَيٍ مُ عٍ قَشَ سَاتّ شَ قٍ مَ، بْشِ يَرٍرَتِيٍ نَشَن تٌنفٌ فَبَيٌنكَيٍ بّ عِسِرَيِلَ مَرِفِ عَلَتَلَ شِلِ رَ، كْنْ حَمَ بِرِن نَشَ شُرُتُشُرُتُ عٍ شَ يَرٍرَتِيٍ مَ. 
\v 19 مَنفّيٍ نَشَ عَ قَلَ حَمَ بّ، «مُشُ تَن نَن مُشُ كَلِشِ عٍ بّ عِسِرَيِلَ مَرِفِ عَلَتَلَ شِلِ رَ. وٌن مُ نْمَ وٌن بّلّشّ دِندٍ عٍ رَ. 
\v 20 يَكْسِ وٌن عٍ شَ قٍ سُشُمَ يِ كِ نّ. وٌن عٍ لُمَ عٍ سِ نَن نَ عَلَكٌ وٌن نَشَ عَلَتَلَ رَشْنْ مَرَكَلِ كَنَقٍ رَ. 
\v 21 وٌن نَشَ عٍ قَشَ، كْنْ وٌن شَ عٍ رَوَلِ وُرِ سّفّقٍ نُن يٍ بَقٍ رَ حَمَ بِرِن بّ.» نَ كُي عِسِرَيِلَ يَرٍرَتِيٍ شَ سَاتّ مُ كَنَمَ.
\p
\v 22 يٌسُوٍ نَشَ عٍ شِلِ، عَ وْيّن عٍ بّ، «مُنقٍ رَ وٌ مُشُ يَنقَشِ، وٌ عَ قَلَ مُشُ بّ، عَ وٌ سَبَتِشِ يِرٍ مَكُيٍ نّ، عَ قَ سَ عَ لِ، وٌ سَبَتِشِ مُشُ سّيتِ نَن مَ؟ 
\v 23 نَ كُي وٌ بَرَ دَنكّ سْتْ، وٌ بَرَ قِندِ مُشُ شَ كٌنيِيٍ رَ. وُرِ سّفّقٍ نُن يٍ بَقٍ وَلِ لُمَ وٌ تَن نَن شُن مَ مُشُ مَرِفِ عَلَ شَ حَمَ بّ عَبَدَن.»
\p
\v 24 عٍ نَشَ يٌسُوٍ يَابِ، «مُشُ بَرَ عَ مّ، عِ مَرِفِ عَلَتَلَ عَ قَلَ نّ عَ شَ كٌنيِ مُنسَ بّ، عَ شَ يِ بْشِ بِرِن سٌ وٌ يِ رَ، عَ شَ بٍكَيٍ سْنتْ وٌ يَ شْرِ. وٌ شَ قَ بَرَ فَاشُي فبٍفبٍ لُ مُشُ مَ مُشُ نِي شَ قٍ رَ. نَ نَن عَ تٌشِ مُشُ بَرَ وٌ يَنقَ. 
\v 25 يَكْسِ، مُشُ نَ وٌ سَفٌ. وٌ شَ مُشُ شَ قٍ رَبَ عَلْ وٌ وَ مَ عَ شْن مَ كِ نَشّ تِنشِنيِ كُي.» 
\v 26 يٌسُوٍ نَشَ نَ تِنشِنيِ رَبَ، عَ مُ عَ لُ عِسِرَيِلَكَيٍ شَ عٍ قَشَ. 
\v 27 نَ لْشْي عَ نَشَ وُرِ سّفّقٍ نُن يٍ بَقٍ وَلِ دْشْ عٍ شُن مَ عِسِرَيِلَ حَمَ بِرِن بّ، عَ نُن عَلَتَلَ شَ سّرّشّبَدٍ بّ، نَشَن نَ عَلَتَلَ شَ يِرٍ سُفَندِشِ. هَن تٌ فَبَيٌنكَيٍ نَ نَ وَلِ كُي.
\c 10
\s فٍرٍ بٍلٍبٍلٍ فَبَيٌن قّ مَ
\p
\v 1 دَرِ سَلَمُ مَنفّ عَدٌنِ سٍدٍكِ نَشَ عَ مّ عَ يٌسُوٍ بَرَ عَيِ تَا سُشُ، عَ بَرَ نَا رَتْن، عَ بَرَ عَيِ بْشِ نُن عَ مَنفّ شَ قٍ رَبَ عَلْ عَ يٍرِكٌ بْشِ نُن عَ مَنفّ شَ قٍ رَبَ كِ نَشّ. عَ مَن بَرَ عَ مّ عَ فَبَيٌن نُن عِسِرَيِلَ بَرَ لَنيِ شِرِ، عَ نٍيٍ سَبَتِشِ عٍ تَفِ. 
\v 2 عٍ نَشَ فَاشُ نَ شَ قٍ رَ، بَرِ مَ مَنفَتَا بٍلٍبٍلٍ نَن نُ نَ فَبَيٌن نَ، نَشَن شُنفبٌ عَيِ بّ. عٍ شَ سْورِيٍ نُ قِندِشِ شّمّ فبَنفبَلَنيِيٍ نَن نَ. 
\v 3 دَرِ سَلَمُ مَنفّ عَدٌنِ سٍدٍكِ نَشَ شّيرَ شّي، عَ شَ سَ عَ قَلَ شٍبِرٌن مَنفّ هٌهَمِ بّ، يَرَ مُتِ مَنفّ ثِرَ مِ بّ، لَكِسِ مَنفّ يَقِيَ بّ، عَ نُن عٍفِلٌن مَنفّ دٍبِرِ بّ، 
\v 4 «وٌ تٍ ﭑ يِرٍ، وٌ شَ قَ كَقُ ﭑ مَ عَلَكٌ وٌن شَ فَبَيٌن فٍرٍ، بَرِ مَ عٍ تَن نُن يٌسُوٍ نُن عِسِرَيِلَكَيٍ بَرَ لَنيِ شِرِ.» 
\v 5 يِ عَمٌرِ مَنفّ سُولِيٍ؛ دَرِ سَلَمُ مَنفّ، شٍبِرٌن مَنفّ، يَرَ مُتِ مَنفّ، لَكِسِ مَنفّ، نُن عٍفِلٌن مَنفّ نَشَ تٍ نُن عٍ شَ سْورِيٍ رَ. عٍ نَشَ عٍ شَ يٌنكِندٍ يَءِلَن فَبَيٌن يَ رَ، عٍ قَ فٍرٍ تِ عٍ بّ.
\p
\v 6 فَبَيٌنكَيٍ نَشَ شّيرَ شّي عِسِرَيِلَكَيٍ شَ يٌنكِندٍ فِلِفَلِ، عٍ شَ سَ عَ قَلَ يٌسُوٍ بّ، «عِ نَشَ عِ شَ كٌنيِيٍ رَبّحِن. عِ شَ تٍ مُشُ يِرٍ مَقُرٍن. عِ شَ مُشُ رَتَنفَ عَمٌرِ مَنفّيٍ مَ، نَشٍيٍ سَبَتِشِ فٍيَ يِرٍ، عٍ وَ مَ مُشُ فٍرٍقٍ.» 
\v 7 يٌسُوٍ نُن عَ شَ سْورِ حَلَمَيٍ نَشَ كٍلِ فِلِفَلِ، عٍ سِفَ فَبَيٌن.
\p
\v 8 عَلَتَلَ نَشَ عَ مَسٍن يٌسُوٍ بّ، «عِ نَشَ فَاشُ عٍ يَ رَ، بَرِ مَ ﭑ بَرَ فّ عٍ سَدٍ عِ بّلّشّ. مِشِ كٍرٍن مُ نْمَ تِدٍ عِ يَ رَ عٍ يَ مَ.» 
\v 9 نَ كُي يٌسُوٍ نُن عَ شَ مِشِيٍ نَشَ كٍلِ فِلِفَلِ، عٍ حّرّ كْي رَ، عَلَكٌ عٍ شَ سِن عَمٌرِكَيٍ شُن مَ تّرّننَ رَ. 
\v 10 عَلَتَلَ نَشَ عَمٌرِكَيٍ كٍرِ عِسِرَيِلَ يَ رَ، عَ قَ نْ عٍ رَ سّنبّ رَ فَبَيٌن. عِسِرَيِلَكَيٍ نَشَ بِرَ عٍ قْشْ رَ كِرَ شْن نَشَن تٍمَ بٍتِ شٌرٌن، عٍ نَشَ عٍ بْنبْ هَن عَسٍكَ نُن مَكٍدَ. 
\v 11 عٍ تٌ نُ عٍ فِمَ عِسِرَيِلَكَيٍ يَ رَ فٌرٌقٍ بٍتِ شٌرٌن كِرَ شْن، عَلَتَلَ نَشَ بَلَبَلَنيِ شْرِ بٍلٍبٍلٍ رَفٌرٌ عٍ مَ كٍلِ كٌورٍ مَ، هَن عٍ سَ عَسٍكَ لِ. نَ بَلَبَلَنيِ شَ مِشِ قَشَشِيٍ دَنفِ مِشِيٍ رَ، عِسِرَيِلَكَيٍ نَشٍيٍ قَشَ عٍ شَ سَنتِدّفّمَ رَ.
\p
\v 12 عَلَتَلَ نُ عَمٌرِكَيٍ سَقٍ عِسِرَيِلَ بّلّشّ تّمُي نَشّ، يٌسُوٍ نُ بَرَ عَلَتَلَ مَشَندِ عِسِرَيِلَكَيٍ يَ شْرِ عَ شَ سٌفٍ رَشَرَ فَبَيٌن شُن، عَ شَ كِكٍ رَشَرَ عَيَلٌن فُلُنبَ شُن. 
\v 13 سٌفٍ نُن كِكٍ نَشَ عٍ رَشَرَ، هَن عِسِرَيِلَ نَشَ فّ عٍ وَشْنيِ رَبَدٍ عٍ يَشُييٍ رَ. يِ قٍ سّبّشِ يَسَرِ شَ بُكِ كُي. سٌفٍ نَشَ عَ رَشَرَ كٌورٍ تَفِ، سٌفٍ مُ فبَتَ دُلَدٍ قّيحّن كٍرٍن كُي. 
\v 14 هَن تٌ نَ قٍ مْولِ مُ تٌشِ دُنِحَ. عَلَتَلَ نُ بَرَ يٌسُوٍ شَ مَشَندِ سُشُ، عَ نُ نَ فٍرٍ سٌقٍ عِسِرَيِلَ بّ. 
\v 15 نَ تّمُي يٌسُوٍ نُن عَ شَ سْورِيٍ نَشَ فبِلٍن عٍ شَ يٌنكِندٍ فِلِفَلِ.
\p
\v 16 نَ مَنفّ سُولِيٍ عٍ فِ نّ، عٍ سَ عٍ نْشُن مَكٍدَ قْنمّ رَ. 
\v 17 مِشِ ندٍ نَشَ عَ قَلَ يٌسُوٍ بّ، «نَ مَنفّ سُولِيٍ نَ عٍ نْشُنقٍ مَكٍدَ قْنمّ كُي.» 
\v 18 يٌسُوٍ نَشَ يَامَرِ قِ، «وٌ فّمّ بٍلٍبٍلٍيٍ مَيِندِفِلِن نَ قْنمّ دّ مَ، وٌ سْورِ ندٍيٍ تِ نَا. 
\v 19 وٌ تَن دْنشْييٍ، وٌ نَشَ دُفُندِ، وٌ شَ بِرَ وٌ يَشُييٍ قْشْ رَ، وٌ قَ كِرَ بٌلٌن عٍ يَ رَ، عَلَكٌ عٍ نَشَ نْ عٍ شْنيِ مَسْتْدٍ، بَرِ مَ وٌ مَرِفِ عَلَتَلَ بَرَ عٍ سَ وٌ بّلّشّ.»
\p
\v 20 نَ كُي يٌسُوٍ نُن عَ شَ سْورِيٍٍ نَشَ نْ عَمٌرِكَيٍ رَ، قٌ مِشِ كٍرٍن كٍرٍنيِ نَشٍيٍ عٍ فِ، عٍ سَ عٍ شَ تَا مَكَنتَشِيٍ مَسْتْ. 
\v 21 عِسِرَيِلَ شَ سْورِيٍ بِرِن نَشَ فبِلٍن بْحّسَ كُي يٌسُوٍ يِرٍ مَكٍدَ يٌنكِندٍ كُي. مِشِ يٌ مُ نْ عٍ رَ.
\p
\v 22 نَ تّمُي يٌسُوٍ نَشَ عَ قَلَ، «وٌ يِ فّمّيٍ بَ قْنمّ دّ مَ، وٌ شَ يِ مَنفّ سُولِيٍ رَ مِنِ.» 
\v 23 عٍ نَشَ نَ مِشِ سُولِ رَ مِنِ؛ دَرِ سَلَمُ مَنفّ، شٍبِرٌن مَنفّ، يَرَ مُتِ مَنفّ، لَكِسِ مَنفّ، نُن عٍفِلٌن مَنفّ. 
\v 24 عٍ تٌ يِ مَنفّيٍ رَ مِنِ يٌسُوٍ مَ، يٌسُوٍ نَشَ عِسِرَيِلَ سْورِيٍ بِرِن شِلِ، عَ عَ قَلَ عٍ شَ يَرٍرَتِيٍ بّ، «وٌ وٌ مَسٌ، وٌ شَ وٌ سَنيِ تِ يِ مَنفّيٍ كْنيِيٍ مَ.» عٍ نَشَ عٍ مَسٌ، عٍ عٍ سَنيِ تِ عٍ كْنيِيٍ مَ. 
\v 25 يٌسُوٍ نَشَ عَ قَلَ عٍ بّ، «وٌ نَشَ فَاشُ، وٌ بْحّ نَشَ مِنِ عَ عِ. وٌ وٌ سّنبّ سٌ، وٌ مَن شَ لِمَنِيَ، بَرِ مَ عَلَتَلَ وٌ يَشُييٍ بِرِن مَ قٍ رَبَمَ يِ كِ نّ، وٌ نُن نَشٍيٍ نّ فٍرٍ مَ.»
\p
\v 26 نَ بِرِن تٌ دَنفِ، يٌسُوٍ نَشَ عٍ قَشَ، عَ قَ عٍ فبَكُ وُرِ سُولِ كْن نَ هَن نُنمَرٍ. 
\v 27 سٌفٍ دُلَ تّمُي، يٌسُوٍ نَشَ يَامَرِ قِ عٍ شَ عٍ رَفٌرٌ وُرِ كْن نَ، عٍ شَ عٍ رَ سٌ قْنمّ كُي، عٍ نُ نْشُنشِ دّننَشّ. عٍ نَشَ فّمّ بٍلٍبٍلٍيٍ دْشْ نَ دّ مَ. هَن تٌ نَا نَ نَ كِ.
\p
\v 28 نَ لْشْي يٌسُوٍ نَشَ مَكٍدَ قَن سُشُ، عَ مّننِكَيٍ نُن عٍ شَ مَنفّ سْنتْ سَنتِدّفّمَ رَ. عَ مُ مِشِ كٍرٍن لُ. عَ نَشَ مَكٍدَ مَنفّ شَ قٍ رَبَ عَلْ عَ يٍرِكٌ مَنفّ شَ قٍ رَبَ كِ نَشّ.
\p
\v 29 يٌسُوٍ نُن عِسِرَيِلَ شَ سْورِيٍ نَشَ كٍلِ مَكٍدَ، عٍ سِفَ لِبِنَ فٍرٍدٍ. 
\v 30 عَلَتَلَ نَشَ نَاكَيٍ نُن عٍ شَ مَنفّ سَ عٍ بّلّشّ. عٍ نَشَ نَ مِشِ بِرِن سْنتْ عٍ شَ سَنتِدّفّمَ رَ، عٍ مُ مِشِ كٍرٍن لُ. عٍ نَشَ لِبِنَ مَنفّ شَ قٍ رَبَ عَلْ عٍ يٍرِكٌ مَنفّ شَ قٍ رَبَ كِ نَشّ.
\p
\v 31 يٌسُوٍ نُن عِسِرَيِلَ شَ سْورِيٍ نَشَ كٍلِ لِبِنَ، عٍ سِفَ لَكِسِ فٍرٍدٍ. 
\v 32 نَ كُيٍ عِبَ، عَلَتَلَ نَشَ لَكِسِ سَ عٍ بّلّشّ. عٍ نَشَ نَ مِشِ بِرِن قَشَ سَنتِدّفّمَ رَ، عَلْ عٍ لِبِنَ شَ قٍ رَبَ كِ نَشّ. 
\v 33 فٍسٍرِ مَنفّ هٌرَ مِ نَشَ تٍ كَقُدٍ لَكِسِ مَ، كْنْ يٌسُوٍ نَشَ عَ تَن نُن عَ شَ سْورِيٍ بِرِن قَشَ، عَ مُ مِشِ كٍرٍن لُ.
\p
\v 34 يٌسُوٍ نُن عِسِرَيِلَ شَ سْورِيٍ نَشَ كٍلِ لَكِسِ، عٍ سِفَ عٍفِلٌن فٍرٍدٍ. 
\v 35 نَ لْشْي عٍ نَشَ مّننِكَيٍ بِرِن سْنتْ، عَلْ عٍ لَكِسِ شَ قٍ رَبَ كِ نَشّ.
\p
\v 36 يٌسُوٍ نُن عِسِرَيِلَ شَ سْورِيٍ نَشَ كٍلِ عٍفِلٌن، عٍ سِفَ شٍبِرٌن فٍرٍدٍ. 
\v 37 عٍ نَشَ مّننِكَيٍ بِرِن، عٍ شَ مَنفّ، نُن عٍ دْشْبٌورٍيٍ سْنتْ، عٍ مُ مِشِ كٍرٍن لُ. عٍ نَشَ عٍ شَ قٍ رَبَ عَلْ عٍ عٍفِلٌن شَ قٍ رَبَ كِ نَشّ، عٍ مّننِكَيٍ بِرِن قَشَ.
\p
\v 38 نَ تّمُي يٌسُوٍ نُن عِسِرَيِلَ شَ سْورِيٍ نَشَ عٍ مَقِندِ دٍبِرِ تَا شِلِ مَ، عٍ شَ عٍ فٍرٍ. 
\v 39 عٍ نَشَ مّننِكَيٍ بِرِن، عٍ شَ مَنفّ، نُن عٍ دْشْبٌورٍيٍ سْنتْ، عٍ مُ مِشِ كٍرٍن لُ. عٍ نَشَ عٍ شَ قٍ رَبَ عَلْ عٍ لِبِنَ، عَ مَنفّ، نُن شٍبِرٌن شَ قٍ رَبَ كِ نَشّ.
\p
\v 40 يٌسُوٍ نَشَ نْ نَ بْشِ بِرِن نَ، فٍيَ يِرٍ، نٍفٍوِ فبٍنفبٍرٍنيِ، سٍقٍلَ بْشِ، نُن عَ مَنفّيٍ. عَ نَشَ نَ مِشِ بِرِن سْنتْ عَلْ عِسِرَيِلَ مَرِفِ عَلَتَلَ عَ يَمَرِ كِ نَشّ. 
\v 41 يٌسُوٍ نَشَ عٍ فٍرٍ كٍلِ كَدٍ سِ بَرِنٍيَ هَن فَسَ، فٌسٍن بْشِ بِرِن، سَ دْشْ فَبَيٌن نَ. 
\v 42 يٌسُوٍ نَشَ نْ نَ تَايٍ نُن عٍ مَنفّيٍ رَ تّمُي كٍرٍنيِ رَ، بَرِ مَ عِسِرَيِلَ مَرِفِ عَلَتَلَ نَن نُ فٍرٍ سٌمَ عِسِرَيِلَ بّ. 
\v 43 نَ تّمُي يٌسُوٍ نُن عِسِرَيِلَ شَ سْورِيٍ بِرِن نَشَ فبِلٍن عٍ شَ يٌنكِندٍ فِلِفَلِ.
\c 11
\s فٍرٍ شُنفبٍ مٍرٌ مِ شُرٍ قّ مَ
\p
\v 1 شَسٌرِ مَنفّ يَبِنِ تٌ يِ قٍيٍ مّ، عَ نَشَ شّيرَيٍ شّي يِ مِشِيٍ شْن مَ؛ مَدٌن مَنفّ يٌبَبٌ، سِمِرٌن مَنفّ، عَكِسَقَ مَنفّ، 
\v 2 مَنفّ نَشٍيٍ نُ سَبَتِشِ فٍيَيٍ قَرِ كْولَ مَ، نَشٍيٍ نُ سَبَتِشِ يُرُدّن فُلُنبَ كُي، نَشٍيٍ نُ سَبَتِشِ كِنٍرٍتِ بَا يِرٍقَنيِ مَ، نَشٍيٍ نُ سَبَتِشِ سٍقٍلَ بْشِ مَ، نَشٍيٍ نُ دْرْ رَبِلِنيِ مَ سٌفٍفٌرٌدٍ، 
\v 3 كَنَانكَيٍ نَشٍيٍ نُ نَ سٌفٍتٍدٍ نُن سٌفٍفٌرٌدٍ، عَمٌرِكَيٍ، شِتِكَيٍ، ثٍرِ سِكَيٍ، يٍبُسُكَيٍ نَشٍيٍ نُ نَ فٍيَيٍ قَرِ، عَ نُن هِوِكَيٍ نَشٍيٍ نُ نَ شٍرِ مٌن فٍيَ بُنيِ مِسِثَ بْشِ مَ. 
\v 4 نَ مَنفّيٍ نَشَ عٍ شَ سْورِيٍ بِرِن مَلَن، نَشٍيٍ وُيَ عَلْ مّيّنيِ بَا دّ رَ. سٌي فبٍفبٍ نُن سْورِ رَفِسٍ فبٍفبٍ قَن نُ نَ عٍ يِ. 
\v 5 يِ مَنفّيٍ نَشَ لَن قٍ كٍرٍن مَ، عٍ نَشَ سَ عٍ شَ يٌنكِندٍ تِ مٍرٌ مِ شُرٍ قّ مَ عِسِرَيِلَكَيٍ فٍرٍقٍ مَ.
\p
\v 6 عَلَتَلَ نَشَ عَ مَسٍن يٌسُوٍ بّ، «هَلِ عِ مُ فَاشُ عٍ يَ رَ، بَرِ مَ تِنَ يِ تّمُي مَ، ﭑ تَن عٍ بِرِن سَمَ نّ عِ بّلّشّ، عِ عٍ قَشَ عِسِرَيِلَكَيٍ يَ شْرِ. عِ قَمَ نّ عٍ شَ سٌي سَن قَسّيٍ بٌلٌندٍ، عِ قَمَ نّ عٍ شَ سْورِ رَفِسٍيٍ فَندٍ.»
\p
\v 7 يٌسُوٍ نُن عَ شَ فٍرٍ سٌييٍ نَشَ سِن عٍ مَ مٍرٌ مِ شُرٍ قّ مَ. 
\v 8 عَلَتَلَ نَشَ عٍ سَ عِسِرَيِلَ بّلّشّ. عٍ نَشَ عٍ بْنبْ، عٍ عٍ كٍرِ هَن سِدْن تَا شُنفبٍ كُي، هَن مِسِرٍقٌتِ مَيِمِ، هَن مِسِثَ فُلُنبَ رَ سٌفٍتٍدٍ بِرِ. عٍ نَشَ عٍ بْنبْ، عٍ مُ مِشِ كٍرٍن لُ. 
\v 9 يٌسُوٍ نَشَ عٍ شَ قٍ رَبَ عَلْ عَلَتَلَ عَ مَسٍن عَ بّ كِ نَشّ. عَ نَشَ عٍ شَ سٌي سَن قَسّيٍ بٌلٌن، عَ عٍ شَ سْورِ رَفِسٍيٍ قَن فَن.
\p
\v 10 عَ فبِلٍن فبِلٍن مَ، يٌسُوٍ نَشَ شَسٌرِ بْشِ قَن سُشُ، عَ نَشَ عَ مَنفّ قَشَ سَنتِدّفّمَ رَ، بَرِ مَ عَ تَن نَن نُ نَ مَنفَتَا رَ نَ بْشِ بِرِن شُن. 
\v 11 يٌسُوٍ شَ سْورِيٍ نَشَ عٍ سْنتْ سَنتِدّفّمَ رَ، عٍ مُ مِشِ كٍرٍن لُ عَ سِ رَ. نَ دَنفِ شَنبِ عٍ نَشَ شَسٌرِ تَا فَن.
\p
\v 12 يٌسُوٍ نَشَ نَ تَايٍ بِرِن سُشُ، عَ مّننِكَيٍ نُن عٍ مَنفّيٍ قَشَ سَنتِدّفّمَ رَ، عَ مّننِ رَتْن عَلْ عَلَتَلَ شَ كٌنيِ مُنسَ عَ قَلَ عَ بّ كِ نَشّ. 
\v 13 كْنْ عِسِرَيِلَ شَ سْورِيٍ مُ تَايٍ فَن نَشٍيٍ نُ نَ فٍيَيٍ قَرِ، قٌ شَسٌرِ كٍرٍن يٌسُوٍ دّننَشّ فَن. 
\v 14 عِسِرَيِلَ نَشَ عَ وَ سَسٌ يِ تَايٍ هَرِفٍ نُن عٍ شَ شُرُ سٍيٍ رَ، كْنْ عٍ نَشَ مِشِيٍ تَن بِرِن قَشَ سَنتِدّفّمَ رَ. عٍ مُ مِشِ كٍرٍن لُ عَ حِحّ رَ. 
\v 15 عَلَتَلَ نَشَن يَمَرِ عَ شَ كٌنيِ مُنسَ بّ، عَننَبِ مُنسَ قَن نَشَ نَ يَمَرِ يٌسُوٍ بّ. يٌسُوٍ نَشَ نَ بِرِن نَبَ عَلْ عَلَتَلَ عَ مَسٍن عَننَبِ مُنسَ بّ كِ نَشّ.
\p
\v 16 يٌسُوٍ نَشَ نَ بْشِ بِرِن مَسْتْ؛ فٍيَ يِرٍ، نٍفٍوِ فبٍنفبٍرٍنيِ، فٌسٍن بْشِ، سٍقٍلَ بْشِ، نُن يُرُدّن فُلُنبَ، كٍلِقٍ عِسِرَيِلَ فٍيَيٍ مَ هَن بَا دّ رَ. 
\v 17 كٍلِ فٍيَ مَفٍلِ عِتٍشِ رَ سٍيِرِ بِرِ رَ، هَن بَلِ فَدِ، لِبَن فُلُنبَ كُي، شٍرِ مٌن فٍيَ بُنيِ، عَ نَشَ نَا مَنفّيٍ بِرِن سُشُ، عَ عٍ سْنتْ. 
\v 18 يٌسُوٍ نُن يِ مَنفّيٍ نَشَ فٍرٍ شْنكُيٍ رَبَ. 
\v 19 تَا يٌ مُ نُ نَ نَشَن تِن عِسِرَيِلَ شَ لَنبٌورٍحَ رَ، قٌ فَبَيٌن كٍرٍن هِوِكَيٍ نُ سَبَتِشِ دّننَشّ. عِسِرَيِلَكَيٍ نَشَ نَ دْنشْييٍ بِرِن فٍرٍ. 
\v 20 عَلَتَلَ نَن كَنَانكَيٍ شَشِلِيٍ رَشْرْشْ، عَلَكٌ عِسِرَيِلَ مِشِيٍ شَ عٍ فٍرٍ، عٍ شَ عٍ رَتْن، عٍ نَشَ كِنِكِنِ عٍ مَ قٍقٍ مَ، عَلْ عَلَتَلَ عَ مَسٍن عَننَبِ مُنسَ بّ كِ نَشّ.
\p
\v 21 نَ وَشَتِ كٍرٍنيِ كُي، يٌسُوٍ نَشَ عَنَكِ بْنسْي قَن فٍرٍ، عَ عٍ سْنتْ شٍبِرٌن، دٍبِرِ، عَنَبَ، نُن فٍيَ يِرٍ نَشٍيٍ نُ نَ يُدَيَ نُن عِسِرَيِلَ بْشِ مَ. يٌسُوٍ نَشَ عٍ بِرِن هَلَكِ، عَ عٍ شَ تَايٍ كَنَ. 
\v 22 نَ دَنفِ شَنبِ عَنَكِ بْنسْي كٍرٍن مُ لُ عِسِرَيِلَ بْشِ مَ. نَشٍيٍ مُ قَشَ، نٍيٍ نَشَ سَبَتِ فَسَ، فَتِ، نُن عَسِدٌدِ تَايٍ كُي. 
\v 23 نَ كُي، يٌسُوٍ نَشَ نَ بْشِ بِرِن مَسْتْ عَلْ عَلَتَلَ عَ مَسٍن عَننَبِ مُنسَ بّ كِ نَشّ. عَ نَشَ عَ عِتَشُن عِسِرَيِلَ بْنسْييٍ مَ عٍ كّ رَ. نَ تّمُي، بْشِ نَشَ شِنبٍلِ، فٍرٍ يٌ مُ سٌ قَ.
\c 12
\s مَنفّيٍ نْقٍ
\p
\v 1 مَنفّيٍ نَن يَ عِسِرَيِلَكَيٍ نْ نَشٍيٍ رَ، عٍ عٍ شَ تَايٍ تٌنفٌ يُرُدّن سٌفٍتٍدٍ بِرِ رَ، قْلْقٍ عَرِنٌن شُرٍ مَ، عَ سَ دْشْ شٍرِ مٌن فٍيَ رَ، هَن عَ سَ يُرُدّن فُلُنبَ بِرِن لِ سٌفٍتٍدٍ بِرِ؛
\p
\v 2 عَمٌرِ مَنفّ سِشْن، نَشَن نُ سَبَتِشِ شّسِبْن، عَ شَ مَنفّيَ نُ قْلْمَ عَرٌوٍرِ، نَشَن تِشِ عَرِنٌن شُرٍ دّ رَ، هَن عَ سَ دْشْ يَبٌكٌ شُرٍ رَ، عَمٌنِ نَانِنيِ. يِ بِرِن نُ قِندِشِ فَلَدِ بْشِ سّيتِ كٍرٍن نَن نَ. 
\v 3 عَ مَن نَشَ يُرُدّن فُلُنبَ سٌفٍتٍدٍ قَن يَامَرِ، كٍلِقٍ كِنٍرٍتِ بَا هَن قْشْي بَا يُرُدّن فُلُنبَ رَ، بٍتِ يٍسِمٌتِ تَا نَ دّننَشّ. عَ شَ بْشِ نُ سِفَشِ عِتَلَ رَ يِرٍقَنيِ بِرِ رَ هَن ثِسِفَ فٍيَ رَ.
\p
\v 4 بَسَن مَنفّ عٌفٌ، رٍقَ بْنسْي مِشِ دْنشْي ندٍ، نَشَن نُ دْشْشِ عَسَتَرٌتِ نُن عٍدٍرٍيِ تَايٍ. 
\v 5 عَ شَ مَنفّيَ نُ قْلْمَ شٍرِ مٌن فٍيَ نَن مَ، عَ سِفَ سَلَكَ، هَن عَ سَ بَسَن بْشِ بِرِن لِ. عَ شَ مَنفّيَ نَانِنيِ نُ نَ فٍسُرِكَيٍ نُن مَاكَكَيٍ شَ بْشِ نَن قّ مَ. يِ بِرِن نُ قِندِشِ فَلَدِ سّيتِ بٌورٍ نَن قَن نَ، هَن شّسِبْن مَنفّ سِشْن شَ مَنفّيَ قْلْدٍ.
\p
\v 6 عَننَبِ مُنسَ، عَلَتَلَ شَ كٌنيِ نُن عِسِرَيِلَكَيٍ نَشَ نْ نَ مَنفّيٍ بِرِن نَ. عَلَتَلَ شَ كٌنيِ عَننَبِ مُنسَ نَشَ عٍ شَ حَمَنّ سٌ رُبٍن بْنسْي، فَدِ بْنسْي، نُن مَنَسِ بْنسْي سّيتِ كٍرٍن يِ رَ، مّننِ شَ قِندِ نٍيٍ فبٍ رَ.
\p
\v 7 مَنفّيَيٍ نَن يَ يٌسُوٍ نُن عِسِرَيِلَكَيٍ نَشٍيٍ مَسْتْ يُرُدّن كِرِ مَ سٌفٍفٌرٌدٍ، قْلْقٍ بَلِ فَدِ مَ لِبَن فُلُنبَ، هَن شَلَكَ فٍيَ سٍيِرِ بِرِ رَ. يٌسُوٍ نَشَ يِ بْشِ بِرِن عِتَشُن عِسِرَيِلَ بْنسْييٍ مَ، كَنكَن شَ عَ فبٍ كّ سْتْ. 
\v 8 عٍ بْشِ نَشٍيٍ سْتْ نَ بِرِن نَلَنشِ نَ، عِسِرَيِلَ فٍيَيٍ، سٍقٍلَ بْشِ، يُرُدّن فُلُنبَ، فبٍنفبٍرٍن يِرٍ، نُن نٍفٍوِ فبٍنفبٍرٍنيِ نَن نَ. شِتِكَيٍ، عَمٌرِكَيٍ، كَنَانكَيٍ، ثٍرِ سِكَيٍ، هِوِكَيٍ، نُن يٍبُسُكَيٍ نَن نُ سَبَتِشِ مّننِ.
\p
\v 9 مَنفّيٍ نَن يَ عٍ نْشِ نَشٍيٍ رَ؛
\q يٍرِكٌ مَنفّ، عَيِ مَنفّ نَشَن نُ نَ بٍتٍلِ قّ مَ،
\q
\v 10 دَرِ سَلَمُ مَنفّ، شٍبِرٌن مَنفّ،
\q
\v 11 يَرَ مُتِ مَنفّ، لَكِسِ مَنفّ،
\q
\v 12 عٍفِلٌن مَنفّ، فٍسٍرِ مَنفّ،
\q
\v 13 دٍبِرِ مَنفّ، فٍدٍرِ مَنفّ،
\q
\v 14 هٌرٌ مَ مَنفّ، عَرَدِ مَنفّ،
\q
\v 15 لِبِنَ مَنفّ، عَدُلَمَ مَنفّ،
\q
\v 16 مَكٍدَ مَنفّ، بٍتٍلِ مَنفّ،
\q
\v 17 تَثُوَ مَنفّ، شٍقٍرِ مَنفّ،
\q
\v 18 عَقٍكِ مَنفّ، لَسَرْن مَنفّ،
\q
\v 19 مَدٌن مَنفّ، شَسٌرِ مَنفّ،
\q
\v 20 سِمِرٌن مٍرٌن مَنفّ، عَكِسَقَ مَنفّ،
\q
\v 21 تَانَكِ مَنفّ، مٍفِدٌ مَنفّ،
\q
\v 22 كٍدٍ سِ مَنفّ، يٌكَنَيِمِ مَنفّ نَشَن نُ نَ كَرٍ مٍلٍ بِرِ،
\q
\v 23 دْرْ مَنفّ، نَشَن نُ نَ دْرْ بْشِ مَ،
\q فٌيِمِ مَنفّ نَشَن نُ نَ فِلِفَلِ بْشِ مَ،
\q
\v 24 نُن تِرِ سَ مَنفّ.
\q نَ بِرِن نَلَنشِ، مَنفّ تٌنفٌ سَشَن عَ نُن كٍرٍن.
\c 13
\s بْشِ مَسْتْتَرٍيٍ
\p
\v 1 يٌسُوٍ تٌ فّ قٌرِدٍ، عَلَتَلَ نَشَ عَ مَسٍن عَ بّ، «عِ بَرَ قٌرِ كْنْ حَمَنّ فبٍفبٍ مَن نَ وٌ لَن وٌ شَ نَشٍيٍ سْتْ. 
\v 2 قِلِسِتَكَيٍ نُن فٍسُرِكَيٍ شَ بْشِ لُشِ سِندٍن. 
\v 3 بْشِ نَشَن قْلْمَ سِشٌرِ شُرٍ مَ مِسِرَ يَ تَفِ، هَن عَ سَ عٍكِرٌن لِ، نَشَن نَ كْولَ مَ، نَ بِرِن كَنَانكَيٍ نَن فبٍ نُ عَ رَ، كْنْ نَ وَشَتِ عَوِكَيٍ نُ نَا سُشُشِ عٍ يِ، عٍ نُن قِلِسِتَ مَنفّدِ سُولِيٍ، نَشٍيٍ نُ نَ فَسَ، عَسِدٌدِ، عَسِكَلْن، فَتِ، نُن عٍكِرٌن. 
\v 4 كَنَانكَيٍ شَ بْشِ قَن لُشِ، قْلْقٍ مٍيَرَ تَا مَ سِدْنكَيٍ نَ دّننَشّ، هَن عَ سَ عَقٍكِ لِ. عَمٌرِكَيٍ شَ بْشِ قَن لُشِ.»
\p
\v 5 «فٍبَلَكَيٍ نُن لِبَنكَيٍ شَ بْشِ قَن لُشِ، قْلْقٍ بَلِ فَدِ مَ شٍرِ مٌن فٍيَ بُنيِ، هَن عَ سَ شَمَتَ لِ. 
\v 6 سِدْنكَ نَشٍيٍ بِرِن نَ فٍيَيٍ قَرِ، قْلْقٍ لِبَن فٍيَيٍ مَ، هَن عَ سَ مِسِرٍقٌتِ مَيِمِ لِ، ﭑ قَمَ عٍ كٍرِدٍ عِسِرَيِلَكَيٍ يَ شْرِ. عِ شَ نَ بِرِن قِ عِسِرَيِلَ مَ كّ رَ، عَلْ ﭑ عَ مَسٍنشِ كِ نَشّ. 
\v 7 عِ شَ يِ بْشِ عِتَشُن عِسِرَيِلَ بْنسْي سٌلٌمَنَانِ مَ، عَ نُن مَنَسِ بْنسْي سّيتِ بٌورٍ مَ.»
\s مَنَسِ، رُبٍن، نُن فَدِ بْنسْي شَ بْشِ
\p
\v 8 مَنَسِ بْنسْي سّيتِ سِنفٍ، رُبٍن بْنسْي، نُن فَدِ بْنسْي نُ بَرَ عٍ فبٍ كّ سْتْ يُرُدّن كِرِ مَ سٌفٍتٍدٍ بِرِ رَ، عَلَ شَ كٌنيِ مُنسَ سَابُي رَ. 
\v 9 عٍ شَ بْشِ سَ قْلْشِ كَقِ عَرٌوٍرِ، تَا نَشَن نَ عَرِنٌن شُرٍ قّ مَ، عَ فٍيَ بُنيِ تَا لِ، عَ مٍدٍبَ قِيلِ لِ، هَن عَ سَ دِبٌن لِ، 
\v 10 عَ سَ عَمٌرِ مَنفّ سِشْن شّسِبْنكَ شَ تَايٍ بِرِن لِ هَن عَمٌنِكَيٍ شَ نَانِنيِ رَ. 
\v 11 عٍ مَن نَشَ فَلَدِ سْتْ، فٍسُرِكَيٍ نُن مَاكَكَيٍ شَ بْشِ، شٍرِ مٌن فٍيَ، نُن بَسَن بْشِ هَن عَ سَ سَلَكَ لِ. 
\v 12 بَسَن مَنفّ عٌفٌ قَن شَ بْشِ، نَشَن نُ دْشْشِ عَسَتَرٌتِ نُن عٍدٍرٍيِ تَايٍ، نَشَن قِندِ رٍقَ بْنسْي مِشِ دْنشْي رَ، نَ قَن فبٍ بِرِن نَشَ قِندِ عِسِرَيِلَكَيٍ فبٍ رَ. عَننَبِ مُنسَ نَشَ نْ يِ حَمَنّ بِرِن نَ، عَ نَشَ عٍ شَ بْشِ بِرِن تٌنفٌ. 
\v 13 كْنْ عِسِرَيِلَكَيٍ مُ فٍسُرِكَيٍ نُن مَاكَكَيٍ كٍرِ. هَن تٌ عٍ سَبَتِشِ عِسِرَيِلَكَيٍ يَ مَ.
\s لٍوِ بْنسْي كّ
\p
\v 14 عَننَبِ مُنسَ مُ بْشِ يٌ قِ لٍوِ بْنسْي تَن مَ، بَرِ مَ سّرّشّ فَن دَاشِ نَشٍيٍ بَمَ عِسِرَيِلَ مَرِفِ عَلَتَلَ بّ، عٍ نٍيٍ نَن قِندِشِ عٍ تَن فبٍ كّ رَ عَلْ عَلَ عَ مَسٍن كِ نَشّ.
\s رُبٍن بْنسْي شَ بْشِ
\p
\v 15 عَننَبِ مُنسَ نُ بَرَ بْشِ قِ رُبٍن بْنسْي مَ، عٍ شَبِلّ كِ مَ. 
\v 16 عٍ شَ بْشِ نَشَ قْلْ عَرٌوٍرِ عَرِنٌن شُرٍ دّ رَ، عَ تَا لِ نَشَن نَ فٍيَ بُنيِ، هَن عَ سَ مٍدٍبَ رَبِلِنيِ لِ، 
\v 17 عَ شّسِبْن لِ، نُن تَا نَشٍيٍ بِرِن نَ نَا رَبِلِنيِ. نَ تَايٍ شِلِ؛ دِبٌن، بَمٌتِ بَلِ، بٍتِ بَلِ مٍيٌنِ، 
\v 18 يَهَسِ، كٍدٍ مٌتِ، مٍقَاتِ، 
\v 19 كِرِيَتَيِمِ، سِبِمَ، سّرّتِ سَشَرِ نَشَن نَ فٍيَ قَرِ، 
\v 20 بٍتِ ثٍيٌرِ، ثِسِفَ فٍيَ قَرِ، بٍتِ يٍسِمٌتِ، 
\v 21 تَا نَشٍيٍ بِرِن نَ قِيلِ مَ نُن عَمٌرِ مَنفّ سِشْن، نَشَن نُ دْشْشِ شّسِبْن، نَ شَ بْشِ بِرِن. عَننَبِ مُنسَ نُ بَرَ مَنفّ سِشْن قَشَ، عَ نُن مَدِيَن مَنفّدِيٍ عٍقِ، رٍكٍمِ، سُرُ، شُرُ، نُن رٍبَ. عٍ نُ سَبَتِشِ بْشِ كُي سِشْن شَ مَنفّيَ بُن مَ. 
\v 22 عِسِرَيِلَكَيٍ نَشَ بٍيٌرِ شَ دِ شّمّ بَلَمِ قَن قَشَ سَنتِدّفّمَ رَ، نَشَن نُ دُورٍيَ رَبَمَ. 
\v 23 يُرُدّن شُرٍ قِندِشِ رُبٍن بْنسْي شَ نَانِنيِ نَن نَ سٌفٍفٌرٌدٍ بِرِ رَ. نَ تَايٍ نُن عٍ شَ بْشِيٍ قِندِشِ رُبٍن بْنسْي فبٍ نَن نَ.
\s فَدِ بْنسْي شَ بْشِ
\p
\v 24 عَننَبِ مُنسَ نَشَ يِ بْشِ قِ فَدِ بْنسْي مَ عٍ شَبِلّ كِ مَ؛ 
\v 25 يَاسّرِ بْشِ، فَلَدِ بْشِ تَايٍ بِرِن، نُن عَمٌنِ بْشِ سّيتِ كٍرٍن، هَن عَ سَ عَرٌوٍرِ لِ، رَبَ يَ تَفِ، 
\v 26 كَقِ شّسِبْن هَن عَ سَ رَ مَتِ مِسِثَ نُن بٍتٌنِمِ لِ، كَقِ مَشَنَيِمِ هَن عَ سَ دٍبِرِ بْشِ لِ، 
\v 27 عَ سَ بٍتِ هَرَ مَ، بٍتِ نِمِرَ، سُكْتِ، نُن سٍقٌن لِ، تَا نَشٍيٍ نُ نَ يُرُدّن شُرٍ قّ مَ، عَ سَ شّسِبْن مَنفّ سِشْن شَ بْشِ بِرِن لِ، نُن يُرُدّن رَبِلِنيِ سٌفٍتٍدٍ بِرِ هَن عَ سَ دْشْ كِنٍرٍتِ بَا رَ. 
\v 28 يِ بِرِن نَشَ قِندِ فَدِ بْنسْي كّ رَ عٍ شَبِلّ كِ مَ، كَنكَن نُن عَ شَ تَا، نُن عَ دَاشَ.
\s مَنَسِ بْنسْي سّيتِ سِنفٍ شَ بْشِ
\p
\v 29 عَننَبِ مُنسَ نَشَ يِ بْشِ قِ مَنَسِ بْنسْي سّيتِ سِنفٍ مَ، مَنَسِ شَ دِيٍ سّيتِ كٍرٍن مَ؛ 
\v 30 بَسَن بْشِ بِرِن، نَشَن نُ بَسَن مَنفّ عٌفٌ شَ مَنفّيَ بُن مَ، قْلْقٍ مَشَنَيِمِ، هَن عَ سَ يَيِرِ لِ. نَ قِندِ تَا تٌنفٌ سٍننِ نَن نَ. 
\v 31 عٍ مَن نَشَ فَلَدِ بْشِ سّيتِ كٍرٍن سْتْ، عٍ نَشَ عَسَتَرٌتِ نُن عٍدٍرٍيِ تَايٍ سْتْ، نَشٍيٍ نُ قِندِشِ بَسَن مَنفّ عٌفٌ فبٍ رَ. مَنَسِ شَ دِ مَكِرِ نَشَ يِ بِرِن سْتْ عَ شَ دِيٍ سّيتِ كٍرٍن بّ عٍ شَبِلّ كِ مَ.
\p
\v 32 عَننَبِ مُنسَ نَشَ يِ كّ قِ عِسِرَيِلَكَيٍ مَ عَ نُ نَ مٌوَبَ قِيلِ مَ تّمُي نَشّ، يُرُدّن كِرِ مَ يٍرِكٌ سٌفٍتٍدٍ بِرِ. 
\v 33 كْنْ عَننَبِ مُنسَ مُ بْشِ يٌ قِ لٍوِ بْنسْي تَن مَ. عِسِرَيِلَ مَرِفِ عَلَتَلَ نَن نُ نَ عَ كّ رَ عَلْ عَلَ عَ مَسٍن كِ نَشّ.
\c 14
\s عِسِرَيِلَ بْنسْي سٌلٌمَنَانِ شَ بْشِ
\p
\v 1 نُنُ شَ دِ يٌسُوٍ، سّرّشّدُبّ عٍلٍيَسَرِ، نُن شَبِلّ كُنتِفِيٍ كَنَان بْشِ عِتَشُن عِسِرَيِلَكَيٍ مَ كّ رَ يِ كِ نّ. 
\v 2 بْشِ نَشَ عِتَشُن عِسِرَيِلَ بْنسْي سٌلٌمَنَانِ نُن عَ تَفِ مَ عَلَ شَ مَلِ سَابُي رَ، عَلْ عَلَتَلَ عَ مَسٍن عَننَبِ مُنسَ بّ كِ نَشّ. 
\v 3 بْشِ نَشَن نَ يُرُدّن شُرٍ كِرِ مَ سٌفٍتٍدٍ بِرِ، عَننَبِ مُنسَ نَشَ نَ قِ بْنسْي قِرِن نُن عَ تَفِ مَ، كْنْ عَ مُ بْشِ يٌ قِ لٍوِ بْنسْي تَن مَ. 
\v 4 عَننَبِ يُسُقُ بْنسْي نُ بَرَ عِتَشُن قِرِن نَ، مَنَسِ نُن عٍقِرَ مِ. عَننَبِ مُنسَ مُ بْشِ يٌ قِ لٍوِ بْنسْي مَ نَشَن قِندِشِ عٍ فبٍ يَتِ رَ، قٌ تَايٍ، عٍ سَبَتِمَ دّننَشّ نُن قِيلِيٍ عٍ شُرُ سٍيٍ دّ مَدٌنمَ دّننَشّ. 
\v 5 عِسِرَيِلَكَيٍ نَشَ نَ بْشِ عِتَشُن عٍ بٌورٍ تَفِ عَلْ عَلَتَلَ عَ مَسٍنشِ كِ نَشّ عَننَبِ مُنسَ بّ.
\s كَلٍبِ شٍبِرٌن سْتْقٍ
\p
\v 6 يُدَ بْنسْي ندٍيٍ نُن كٍنِسِ شَ دِ كَلٍبِ نَشَ سِفَ يٌسُوٍ شْن. كَلٍبِ نَشَ عَ قَلَ عَ بّ، «عِ عَ كٌلٌن عَلَتَلَ نَشَن قَلَ عَننَبِ مُنسَ بّ وٌن قِرِن شَ قٍ رَ كَدٍ سِ بَرِنٍيَ. 
\v 7 ﭑ حّ تٌنفٌ نَانِ نَن نُ عَ رَ، عَلَتَلَ شَ كٌنيِ عَننَبِ مُنسَ ﭑ شّيشِ تّمُي نَشّ كٍلِقٍ كَدٍ سِ بَرِنٍيَ سِفَقٍ رَ كَنَان بْشِ مَ مّننِ رَبّندٍ. ﭑ تٌ فّ نَ رَ، ﭑ نَشَ دّنتّفّ قَنيِ سَ عَ بّ. 
\v 8 ﭑ نَن نفَشَكٍرٍنيِ نَشٍيٍ ﭑ مَتِ نَا، نٍيٍ نَشَ لِمَنِيَ بَ حَمَ يِ رَ، كْنْ ﭑ تَن بِرَ ﭑ مَرِفِ عَلَتَلَ نَن تُن قْشْ رَ. 
\v 9 نَ كُي عَننَبِ مُنسَ نَشَ لَايِدِ تٌنفٌ ﭑ بّ يِ كِ، ‹عِ عِ حّرّشِ بْشِ نَشَن مَ، نَ قِندِ مَ نّ عِ تَن نُن عِ شَ دِيٍ كّ رَ تّمُي بِرِن، بَرِ مَ عِ بَرَ بِرَ ﭑ مَرِفِ عَلَتَلَ شُي قْشْ رَ عَ كِ مَ.›»
\p
\v 10 «حّ تٌنفٌ نَانِ نُن سُولِ بَرَ دَنفِ كَبِ عَلَتَلَ نَشَ نَ مَسٍن عَننَبِ مُنسَ بّ، وٌن نُ نَ فبٍنفبٍرٍنيِ مَ تّمُي نَشّ. عَلَتَلَ بَرَ ﭑ مَ سِمَيَ رَ سِفَ هَن حّ تٌنفٌ سٌلٌمَسَشَن عَ نُن سُولِ. 
\v 11 تٌ، ﭑ سّنبّ مَن لُشِ عَلْ عَننَبِ مُنسَ ﭑ شّيشِ تّمُي نَشّ. ﭑ نْمَ فٍرٍ سٌدٍ يِ وَشَتِ عَلْ ﭑ نَ رَبَ كِ نَشّ عَ سِنفٍ رَ. 
\v 12 عَوَ، عِ شَ يِ فٍيَ بْشِ قِ ﭑ مَ عَلْ عَلَتَلَ لَايِدِ تٌنفٌ ﭑ بّ كِ نَشّ نَ لْشْي. نَ لْشْي عِ نُ عَ كٌلٌن عَنَكِ بْنسْي نَ مّننِ، عٍ شَ تَا شُنفبٍ مَكَنتَشِ عَ قَنيِ رَ. عَلَتَلَ فبَنسَن شَ لُ ﭑ سّيتِ مَ. نَ كُي ﭑ نْمَ عٍ كٍرِدٍ عَلْ عَلَتَلَ عَ مَسٍن كِ نَشّ.»
\p
\v 13 يٌسُوٍ نَشَ دُبَ يٍقُنٍ شَ دِ كَلٍبِ بّ، عَ شٍبِرٌن شَ قِ عَ مَ كّ رَ. 
\v 14 نَ تَا نَ عَ شَ دِيٍ بّلّشّ هَن تٌ، بَرِ مَ يٍقُنٍ كٍنِسِكَ شَ دِ كَلٍبِ بِرَ عِسِرَيِلَ مَرِفِ عَلَتَلَ نَن قْشْ رَ. 
\v 15 كَبِ نَ تّمُي بْحّسَ نَشَ لُ نَ بْشِ مَ، فٍرٍ يٌ مُ نُ نَ سْنْن. سِنفٍ شٍبِرٌن شِلِ نُ قَلَمَ نّ كِرِيَتِ عَرَبَ، بَرِ مَ عَرَبَ نَن نُ قِندِشِ عَنَكِ مِشِيٍ شَ كُنتِفِ رَ.
\c 15
\s يُدَ بْنسْي شَ بْشِ
\p
\v 1 بْشِ نَشَن قِشِ يُدَ بْنسْي مَ عٍ شَبِلّ كِ مَ عَلَتَلَ شَ مَرَفِرِ سَابُي رَ، سَ قْلْشِ عٍدٌن نَانِنيِ نَن نَ، عَ سَ دْشْ سِنِ فبٍنفبٍرٍنيِ رَ يِرٍقَنيِ مَ. 
\v 2 نَ نَانِنيِ قْلْشِ قْشْي بَا دّ يِرٍقَنيِ نَن مَ نَشَن نَ نٍفٍوِ فبٍنفبٍرٍنيِ مَ، 
\v 3 عَ سِفَ تَلِ فٍيَ يِرٍقَنيِ مَ سِنِ بِرِ رَ، عَ تٍ كَدٍ سِ بَرِنٍيَ يِرٍقَنيِ مَ هَن عَ سَ دَنفِ شٍسِرٌن نَ، عَ مَن تٍ عَدَرِ، عَ سِفَ هَن كَرَكَ. 
\v 4 نَ شَنبِ عَ عَسِمٌن لِ، عَ سِفَ مِسِرَ شُرٍ هَن بَا دّ رَ. يُدَيَكَيٍ شَ نَانِنيِ نَن نَ كِ يِرٍقَنيِ بِرِ رَ.
\p
\v 5 يُدَيَ نَانِنيِ سٌفٍتٍدٍ بِرِ قِندِشِ قْشْي بَا دّ نَن نَ، هَن يُرُدّن شُرٍ سِنمَ بَا شُن دّننَشّ.
\p عَ نَانِنيِ كْولَ بِرِ قْلْمَ يُرُدّن شُرٍ سِنمَ بَا شُن دّننَشّ، 
\v 6 عَ تٍ بٍتِ شٌفَلَ بِرِ رَ، عَ سِفَ بٍتِ عَرَبَ، هَن رُبٍن شَ دِ بٌهَن شَ فّمّ يِرٍ رَ. 
\v 7 نَ نَانِنيِ تٍشِ هَن دٍبِرِ، عَ دَنفِ عَكٌرِ فُلُنبَ كُي رَ، عَ سِفَ كْولَ مَ هَن فِلِفَلِ، نَشَن نَ عَدُ مِمِ فٍيَ يَ رَ، شُرٍ يِرٍقَنيِ مَ. نَ نَانِنيِ سِفَشِ هَن عٍن سٍمٍسِ دُلٌنيِ رَ، عَ مِنِ عٍن رٌفٍلِ رَ. 
\v 8 عَ كٍلِ مّننِ، عَ فٌرٌ هِنٌمَ شَ فُلُنبَ كُي، يٍبُسُكَيٍ شَ تَا يِرٍقَنيِ مَ. نَ تَا قِندِشِ دَرِ سَلَمُ نَن نَ. عَ سِفَ هَن فٍيَ قَرِ مَ هِنٌمَ شَ فُلُنبَ يَ رَ سٌفٍتٍدٍ بِرِ نُن رٍقَ بْنسْي شَ فُلُنبَ رَحْنيِ رَ كْولَ بِرِ رَ. 
\v 9 كٍلِقٍ نَ فٍيَ قَرِ مَ، نَانِنيِ سِفَمَ هَن نٍقٍتٌوَ دُلٌنيِ رَ. نَ شَنبِ عَ تَا ندٍيٍ لِ نَشٍيٍ نَ عٍقٍرٌن فٍيَ قَرِ، عَ سِفَ بَالَ، دّننَشّ شِلِ كِرِيَتِ يٍيَرِ مِ. 
\v 10 عَ كٍلِ مّننِ عَ سِفَ سٌفٍفٌرٌدٍ بِرِ هَن عَ سٍيِرِ فٍيَ لِ، عَ سِفَ يٍيَرِ مِ فٍيَ سّيتِ مَ، دّننَشّ شِلِ كّسَلْن. عَ مَن سِفَ بٍتِ سٍمٍسِ، هَن عَ تِمِنَ لِ. 
\v 11 نَ نَانِنيِ سِفَشِ عٍكِرٌن نُن سِكِرْن تَايٍ سّيتِ مَ، هَن عَ بَالَ فٍيَ لِ، عَ سِفَ يَبَنٍيلِ. نَ دَنفِ شَنبِ عَ سَ بَا لِ.
\p
\v 12 بَا شُنفبٍ دّ رَ قِندِ نَ نَانِنيِ نَن نَ سٌفٍفٌرٌدٍ بِرِ رَ. يُدَيَكَيٍ شَ نَانِنيِيٍ نَن نَ كِ. عٍ شَبِلّيٍ بِرِن نَ مّننِ نّ.
\s كَلٍبِ شَ بْشِ
\p
\v 13 يٌسُوٍ نَشَ يُدَيَكَيٍ شَ بْشِ ندٍ قِ يٍقُنٍ شَ دِ كَلٍبِ مَ، عَلْ عَلَتَلَ عَ يَمَرِ كِ نَشّ. عَ شَ تَا سِنفٍ قِندِ كِرِيَتِ عَرَبَ نَن نَ، نَشَن شِلِ شٍبِرٌن. مِشِ نَشَن نُ شِلِ عَرَبَ، نَ نَن لَنشِ عَنَكِ بْنسْي بٍنبَ مَ. 
\v 14 كَلٍبِ نَشَ عَنَكِ شَ دِ شّمّ سَشَنيِيٍ كٍرِ. نٍيٍ نُ شِلِ نّ سّسَيِ، عَشِمَن، نُن تَلَمَ. 
\v 15 نَ شَنبِ عٍ نَشَ تٍ دٍبِرِ شِلِ مَ، دّننَشّ نُ شِلِ كِرِيَتِ سِقَ. 
\v 16 كَلٍبِ نَشَ عَ قَلَ، «مِشِ يٌ نَشَن نَ نْ سِقَ تَا رَ، ﭑ نَن ﭑ مَ دِ فِنّ عَكَسَ قِمَ نّ عَ مَ.» 
\v 17 كَلٍبِ شُنيَ كٍنَسِ شَ دِ شّمّ عٌتِنِيٍلِ نَشَ نْ سِقَ تَا رَ. كَلٍبِ نَشَ عَ شَ دِ فِنّ عَكَسَ قِ عَ مَ.
\p
\v 18 عَكَسَ تٌ سِفَ عٌتِنِيٍلِ شْن، عَ نَشَ عَ قَلَ عَ بّ عَ شَ بْشِ فبّتّ مَشْرِن عَ بَبَ مَ. عَكَسَ تٌ فٌرٌ عَ شَ سٌقَلٍ قَرِ، كَلٍبِ نَشَ عَ مَشْرِن، «عِ وَ مَ مُنسٍ شْن؟» 
\v 19 عَ نَشَ عَ يَابِ، «ﭑ وَ مَ نَشَن شْن، عِ بَرَ بْشِ قِ ﭑ مَ نَشَن نَ يِرٍقَنيِ بِرِ رَ. يَكْسِ عِ مَن شَ يٍ يِرٍ قَن قِ ﭑ مَ.» عَوَ، عَ بَبَ نَشَ فٍيَ يِرٍ قِ عَ مَ. يٍ نُ نَ نَ فٍيَ قَرِ، عَ مَن نُ نَ فٍيَ بُنيِ.
\s يُدَ بْنسْي شَ بْشِ
\p
\v 20 يُدَ شَ دِيٍ كّ نَن يِ كِ، عٍ شَبِلّ كِ مَ؛ 
\v 21 تَا نَشٍيٍ نُ نَ يِرٍقَنيِ مَ، نٍفٍوِ فبٍنفبٍرٍنيِ مَ، عٍدٌن نَانِنيِ قّ مَ، عٍ شِلِ كَبَسٍيلِ، عٍدٍرِ، يَفُرُ، 
\v 22 كِنَ، دِ مٌنَ، عَدَدَ، 
\v 23 كٍدٍ سِ، شَسٌرِ، يِتِنَن، 
\v 24 سِقِ، تٍلٍمِ، بٍيَلٌتِ، 
\v 25 شَسٌرِ شَدَتَ، كٍرِيٌتِ شٍسِرٌن، نَشَن قِندِشِ شَسٌرِ رَ، 
\v 26 عَمَمَ، سٍمَ، مٌلَدَ، 
\v 27 شَسَرِ فَدَ، شٍسِمٌن، بٍتِ ثّلّتِ، 
\v 28 شَسَرِ سُوَلِ، بٍرِ سٍيبَ، بِسِيٌتٍيَ 
\v 29 بَالَ، عِيِمِ، عٍسٍمِ، 
\v 30 عٍلِتٌلَدِ، كٍسِلِ، هٌرٌ مَ، 
\v 31 سِكِلَفَ، مَدَ مَننَ، سَنسَننَ، 
\v 32 لٍبَيٌتِ، سِلِشِمِ، عَيِن، عٍ نُن رِ مْن. عٍ بِرِن نَلَنشِ تَا مْشْحّن نُن سٌلٌمَنَانِ، نُن عٍ دَاشَيٍ.
\p
\v 33 تَا نَشٍيٍ نُ نَ سٍقٍلَ بْشِ، عٍ شِلِ عٍسٍتَيٌلِ، سٌرَهَ، عَسٍنَ، 
\v 34 سَنٌوَ، عٍن فَنِمِ، تَثُوَ، عٍنَمَ، 
\v 35 يَرَ مُتِ، عَدُلَمَ، سٌكٌ، عَسٍكَ، 
\v 36 سَارَيِمِ، عَدِتَيِمِ، فٍدٍرَ، عٍ نُن فٍدٍرٌتَيِمِ. عٍ بِرِن نَلَنشِ تَا قُ نُن نَانِ، نُن عٍ دَاشَيٍ.
\p
\v 37 سٍنَن، شَدَ سَ، مِفِدَلِ فَدِ، 
\v 38 دِلَنَ، مِسِثَ، يٌكَتِلِ، 
\v 39 لَكِسِ، بْسِكَتِ، عٍفِلٌن، 
\v 40 كَبْن، لَشَمَسِ، كِتِلِسِ، 
\v 41 فٍدٍرٌتِ، بٍتِ دَفْن، نَمَ، عٍ نُن مَكٍدَ. عٍ بِرِن نَلَنشِ تَا قُ نُن سٍننِ، نُن عٍ دَاشَيٍ.
\p
\v 42 لِبِنَ، عٍتٍرِ، عَسَن، 
\v 43 يِقِتَ، عَسٍنَ، نٍسِبِ، 
\v 44 كٍيِلَ، عَكِسِبُ، نُن مَرٍ سَ. عٍ بِرِن نَلَنشِ تَا سٌلٌمَنَانِ، نُن عٍ دَاشَيٍ.
\p
\v 45 عٍكِرٌن نُن عَ دَاشَيٍ، 
\v 46 تَا نَشٍيٍ نَ عٍكِرٌن نُن عَسِدٌدِ تَفِ سٌفٍفٌرٌدٍ، 
\v 47 عَسِدٌدِ نُن عَ دَاشَيٍ، فَسَ نُن عَ دَاشَيٍ، هَن مِسِرَ شُرٍ نُن بَا شُنفبٍ نَرَلَندٍ.
\p
\v 48 تَا نَشٍيٍ نُ نَ فٍيَ يِرٍ، عٍ شِلِ سَمِرِ، يَتِرِ، سٌكٌ، 
\v 49 دَننَ، كِرِيَتِ سَننَ نَشَن قِندِ دٍبِرِ رَ، 
\v 50 عَنَبَ، عٍسِتٍمٌوَ، عٍنَمَ، 
\v 51 فٌسٍن، شٌلٌن، فِلٌكَ. عٍ بِرِن نَلَنشِ تَا قُ نُن كٍرٍن، نُن عٍ دَاشَيٍ.
\p
\v 52 عَرَبِ، دُ مَ، عٍسٍيَن، 
\v 53 يَنِمِ، بٍتِ تَثُوَ، عَقٍكَ، 
\v 54 شُمٍتَ، كِرِيَتِ عَرَبَ نَشَن قِندِ شٍبِرٌن نَ، عٍ نُن سِيٌرٌ. عٍ بِرِن نَلَنشِ تَا سٌلٌمَنَانِ، نُن عٍ دَاشَيٍ.
\p
\v 55 مَيٌن، كَرٍ مٍلٍ، سِقِ، يُتَ، 
\v 56 يِسِرٍيلِ، يٌكٌدٍيَن، سَنٌوَ، 
\v 57 كَيِن، فِبِيَ، نُن تِمِنَ. عٍ بِرِن نَلَنشِ تَا قُ، نُن عٍ دَاشَيٍ.
\p
\v 58 شَلِشُلِ، بٍتِ سُرُ، فٍدٌرِ، 
\v 59 مَارَتِ، بٍتِ عَنٌتِ، نُن عٍلِتٍكٌن. عٍ بِرِن نَلَنشِ تَا سٍننِ، نُن عٍ دَاشَيٍ.
\p
\v 60 كِرِيَتِ بَلِ نَشَن قِندِ كِرِيَتِ يٍيَرِ مِ، نُن رَبَ. عٍ بِرِن نَلَنشِ تَا قِرِن، نُن عٍ دَاشَيٍ.
\p
\v 61 تَا نَشٍيٍ نُ نَ فبٍنفبٍرٍن يِرٍ، عٍ شِلِ بٍتِ عَرَبَ، مِدِن، سٍكَكَ، 
\v 62 نِبِسَن، قْشْي تَا، عٍ نُن عٍن فٍدِ. عٍ بِرِن نَلَنشِ تَا سٍننِ، نُن عٍ دَاشَيٍ.
\p
\v 63 يُدَ بْنسْي مُ نْ يٍبُسُكَيٍ كٍرِدٍ، نَشٍيٍ دْشْشِ دَرِ سَلَمُ تَا كُي. هَن تٌ عٍ نَ يُدَيَكَيٍ يَ مَ.
\c 16
\s عٍقِرَ مِ نُن مَنَسِ بْنسْي شَ بْشِ
\p
\v 1 بْشِ نَشَن قِ يُسُقُ شَ دِيٍ مَ عَلَتَلَ شَ مَرَفِرِ سَابُي رَ، عَ قْلْ يُرُدّن شُرٍ نَن مَ يٍرِكٌ سٌفٍتٍدٍ بِرِ، يٍرِكٌ دُلٌنيِ نَ دّننَشّ. نَ نَانِنيِ دَنفِ يٍرِكٌ تَا نَن نَ، عَ سِفَ وُلَ عِ، هَن عَ بٍتٍلِ فٍيَ لِ. 
\v 2 عَ كٍلِ نَا، عَ سِفَ لُسِ هَن عَتَرٌتِ تَا، عَرَكَكَيٍ نَ دّننَشّ. 
\v 3 نَ شَنبِ عَ سِفَ سٌفٍفٌرٌدٍ بِرِ يٍقٍلٍتِكَيٍ يِرٍ هَن بٍتِ شٌرٌن لَبٍ، هَن فٍسٍرِ، هَن قْشّ يٍ بَا دّ رَ. 
\v 4 يُسُقُ شَ دِيٍ مَنَسِ نُن عٍقِرَ مِ نَ نَن سْتْ كّ رَ.
\p
\v 5 عٍقِرَ مِ شَ بْشِ نَن يَ عٍ شَبِلّ كِ مَ؛ نَانِنيِ نَشَن نَ قُفٍ رَ، عَ قْلْ عَتَرٌتِ عَدَرِ نّ هَن بٍتِ شٌرٌن قُفٍ، 
\v 6 هَن عَ بَا دّ لِ. عَ كٍلِ مِكِمٍتَتِ كْولَ مَ، عَ دَنفِ تَانَتِ سِلٌ قُفٍ رَ، عَ سِفَ يَنٌوَ. 
\v 7 عَ فٌرٌ هَن عَتَرٌتِ نُن نَارَتَ. عَ مَن دَنفِ يٍرِكٌ رَ، عَ سَ مِنِ يُرُدّن شُرٍ مَ. 
\v 8 عَ كٍلِ تَثُوَ، عَ سِفَ سٌفٍفٌرٌدٍ بِرِ هَن كَننَ شُرٍ، هَن بَا دّ رَ. عٍقِرَ مِ بْنسْي كّ نَن نَ كِ عٍ شَبِلّ كِ مَ. 
\v 9 عٍقِرَ مِ بْنسْي نَشَ تَا نُن دَاشَ ندٍيٍ قَن سْتْ مَنَسِ بْنسْي شَ بْشِ كُي. 
\v 10 عٍقِرَ مِ بْنسْي مُ كَنَانكَيٍ كٍرِ فٍسٍرِ. هَن تٌ نٍيٍ نَ عٍقِرَ مِكَيٍ يَ مَ، كْنْ عٍ قِندِشِ كٌنيِيٍ نَن نَ.
\c 17
\s مَنَسِ بْنسْي شَ بْشِ
\p
\v 1 يُسُقُ شَ دِ سِنفٍ مَنَسِ نَشَ عَ فبٍ كّ سْتْ عَلَتَلَ شَ مَرَفِرِ سَابُي رَ. مَنَسِ شَ دِ سِنفٍ مَكِرِ، نَشَ قِندِ فَلَدِكَيٍ بٍنبَ رَ. عَ نَشَ فَلَدِ نُن بَسَن بْشِ سْتْ بَرِ مَ فٍرٍ سٌي نَن نُ عَ رَ. 
\v 2 مَنَسِ شَ مَمَدِيٍ بِرِن نَشَ عٍ فبٍ كّ سْتْ عٍ شَبِلّ كِ مَ. عٍ شِلِيٍ نَن يَ؛ عَبِيٍسٍرِ، شٍلٍكِ، عَسِرّلِ، سِكٍمِ، شٍقٍرِ، نُن سّمِدَ. يُسُقُ شَ دِ مَنَسِ شَ دِيٍ نَن نَ كِ، نُن عٍ شَبِلّيٍ.
\p
\v 3 سٍلٌقٍشَدِ، شٍقٍرِ شَ دِ، فَلَدِ شَ دِ، مَكِرِ شَ دِ، مَنَسِ شَ دِ مُ دِ شّمّ يٌ بَرِ، قٌ دِ فِنّ سُولِ. عٍ شِلِيٍ نَن يَ؛ مَشَلَ، نُهَ، شٌفَلَ، مِلِكَ، عَ نُن تِرِ سَ. 
\v 4 عٍ نَشَ سِفَ سّرّشّدُبّ عٍلٍيَسَرِ، نُنُ شَ دِ يٌسُوٍ، نُن عِسِرَيِلَ كُنتِفِيٍ شْن مَ، عٍ عَ قَلَ عٍ بّ، «عَلَتَلَ عَ مَسٍن نّ عَننَبِ مُنسَ بّ عَ شَ مُشُ فبٍ كّ قِ مُشُ مَ عَلْ مُشُ بٍنبَ بَرٍنيِيٍ نَ عَ سْتْقٍ كِ نَشّ.» عَوَ يٌسُوٍ نَشَ عٍ فبٍ كّ قِ عٍ مَ عَلْ عَ عَ رَبَ عٍ بَبَ شُنيَ شّمّمَيٍ بّ كِ نَشّ. 
\v 5 مَنَسِ بْنسْي نَشَ دْشْ قُ سْتْ، بَقٍ فَلَدِ نُن بَسَن نَ، نَشَن نَ يُرُدّن كِرِ مَ. 
\v 6 مَنَسِ شَ دِ فِنّيٍ نَشَ كّ سْتْ عَلْ عَ شَ دِ شّمّيٍ. فَلَدِ بْشِ نَشَ لُ مَنَسِ شَ دِ فبّتّيٍ بّ.
\p
\v 7 مَنَسِ شَ بْشِ نَشَ قْلْ عَسٍرِ بْشِ نَانِنيِ رَ هَن مِكِمٍتَتِ تَا، نَشَن نَ سِكٍمِ سٌفٍتٍدٍ بِرِ رَ. عَ مَن سِفَشِ هَن يَمِن نَشَن نَ عٍن تَثُوَ قّ مَ. 
\v 8 عٍن تَثُوَ شَ بْشِ نُ قِندِشِ مَنَسِكَيٍ فبٍ نَن نَ، كْنْ تَثُوَ تَا نَشَن نُ نَ نَانِنيِ رَ، نَ تَن نُ قِندِشِ عٍقِرَ مِ نَن فبٍ رَ. 
\v 9 نَ نَانِنيِ نُ فٌرٌشِ هَن كَننَ شُرٍ دّ رَ. مَنَسِ شَ بْشِ نَانِنيِ قِندِ كَننَ شُرٍ نَن نَ يِرٍقَنيِ مَ هَن بَا دّ رَ، كْنْ عٍقِرَ مِ شَ تَا ندٍيٍ نُ نَ مَنَسِ شَ تَايٍ يَ مَ. 
\v 10 عٍقِرَ مِ شَ بْشِ نُ كَننَ شُرٍ يِرٍقَنيِ نَن مَ. مَنَسِ فبٍ نُ نَ كْولَ مَ. بَا قَن نُ قِندِشِ عٍ نَانِنيِ نَن نَ. مَنَسِ شَ بْشِ كْولَ مَ، نُ نَ عَسٍرِ شَ بْشِ نَن سّيتِ مَ. عَ سٌفٍتٍدٍ بِرِ نُ نَ عِسَكَرِ شَ بْشِ نَن سّيتِ مَ.
\p
\v 11 مَنَسِ نَشَ تَا ندٍيٍ سْتْ عِسَكَرِ نُن عَسٍرِ شَ بْشِيٍ كُي. عٍ شِلِ نَن يَ؛ بٍتِ سَان، يِبٍلٍيَمِ، دْرْ، عٍن دْرْ، تَانَكِ، نُن مٍفِدٌ، نُن عٍ دَاشَيٍ. نَ سَشَنيِ دْنشْييٍ نُ نَ دْرْ شَ مَنفّيَ نَن بُن مَ. 
\v 12 مَنَسِ بْنسْي مُ نْ نَ تَايٍ رَ، كَنَان مِشِيٍ نَشَ لُ نَا. 
\v 13 كْنْ عِسِرَيِلَكَيٍ تٌ سّنبّ سْتْ، عٍ نَشَ كٌنيِيَ دْشْ كَنَانكَيٍ مَ، كْنْ عٍ مُ نْ عٍ كٍرِدٍ.
\p
\v 14 يُسُقُ شَ دِيٍ نَشَ يٌسُوٍ مَشْرِن، «عِ يِ بْشِ كٍرٍنيِ فبَنسَن قِشِ مُشُ مَ مُنقٍ رَ؟ مُشُ شَبِلّ وُيَ، بَرِ مَ عَلَتَلَ بَرَ بَرَكّ سَ مُشُ شَ قٍ عَ قَنيِ رَ.» 
\v 15 يٌسُوٍ نَشَ عٍ يَابِ، «شَ وٌ وُيَ عٍقِرَ مِ فٍيَ يِرٍ بّ، وٌ شَ سِفَ ثٍرِ سِكَيٍ نُن رٍقَكَيٍ شَ وٌندِ يِرٍ، وٌ مّننِ مَسّفّ عَلَكٌ وٌ شَ بْشِ سْتْ.» 
\v 16 يُسُقُ بْنسْي نَشَ عَ قَلَ عَ بّ، «يِ فٍيَيٍ شُرُن مُشُ بّ. كَنَانكَ نَشٍيٍ قَن سَبَتِشِ فٍيَيٍ بُنيِ، بٍتِ سَان نُن عٍ دَاشَيٍ، نَشٍيٍ نَ يِسِرٍيلِ فٍيَ بُنيِ، فٍرٍ سٌي رَفِسٍ وُرٍ دَاشِ نَ عٍ يِ رَ.» 
\v 17 يٌسُوٍ نَشَ يُسُقُ بْنسْي يَابِ، «عٍقِرَ مِكَيٍ نُن مَنَسِكَيٍ، وٌ بَرَ نْندِ قَلَ كْنْ وٌ وُيَ، وٌ سّنبّ قَن فبٌ. عَ مُ لَنمَ وٌ شَ كّ دْشْدٍ كٍرٍن فبَنسَن سْتْ. 
\v 18 وٌ نَ فٍيَيٍ قِندِ وٌ فبٍ رَ، هَلِ وٌندِ تٌ عَ رَ. وٌ نَا مَسّفّ عَلَكٌ وٌ شَ نَ تْنّ سْتْ. وٌ قَمَ كَنَانكَيٍ كٍرِدٍ هَلِ فٍرٍ سٌي رَفِسٍيٍ وُرٍ دَاشِ نَن تٌ نَ عٍ يِ رَ.»
\c 18
\s بْشِ نَشَن لُشِ
\p
\v 1 عِسِرَيِلَ حَمَ تٌ فّ نْدٍ بْشِ رَ، عٍ نَشَ عٍ مَلَن سِلٌ، عٍ عَلَ شَ هْرْ مْلِنفِرَ تِ نَا. 
\v 2 عِسِرَيِلَ بْنسْي سٌلٌقٍرٍ نُ نَ نَ تّمُي، نَشٍيٍ مُ نُ عٍ فبٍ كّ سْتْشِ سِندٍن.
\p
\v 3 يٌسُوٍ نَشَ عَ قَلَ عِسِرَيِلَكَيٍ بّ، «وٌ دْشْشِ بٍ مُنقٍ رَ؟ مُنقٍ رَ وٌ مُ سِفَمَ وٌ شَ بْشِ تٌنفٌدٍ وٌ بٍنبَيٍ مَرِفِ عَلَتَلَ نَشَن قِ وٌ مَ؟ 
\v 4 يَكْسِ وٌ شَ مِشِ سَشَن سُفَندِ بْنسْي بِرِن يَ مَ. ﭑ شَ عٍ شّي، عٍ شَ عٍ بْنسْي شَ بْشِ بِرِن مَتٌ، عٍ قَ سَ نَ دّنتّفّ ﭑ بّ. 
\v 5 نَ بْشِ شَ عِتَشُن دْشْ سٌلٌقٍرٍ رَ. يُدَ بْنسْي شَ لُ نَ بْشِ يِرٍقَنيِ مَ، يُسُقُ بْنسْي قَن شَ لُ نَ بْشِ كْولَ مَ. 
\v 6 وٌ نَ فّ نَ بْشِ عِتَشُنشِ دْشْ سٌلٌقٍرٍ مَسٍندٍ ﭑ بّ، ﭑ قَمَ نَتّ تٌنفٌدٍ وٌن مَرِفِ عَلَتَلَ شَ مَلِ سَابُي رَ، عَلَكٌ نٍيٍ شَ عِتَشُن وٌ مَ. 
\v 7 كْنْ لٍوِ بْنسْي مُ بْشِ يٌ سْتْمَ، بَرِ مَ عٍ فبٍ كّ قِندِ سّرّشّدُبّحَ نَن نَ عَلَتَلَ بّ. فَدِ، رُبٍن، عَ نُن مَنَسِ بْنسْي سّيتِ سِنفٍ حَن بَرَ عٍ فبٍ سْتْ يُرُدّن شُرٍ كِرِ مَ سٌفٍتٍدٍ بِرِ رَ عَلْ عَننَبِ مُنسَ عَ قِ عٍ مَ كِ نَشّ.»
\p
\v 8 نَ كُي نَ شّمّيٍ نَشَ سِفَ. يٌسُوٍ نُ بَرَ عٍ يَمَرِ، «وٌ سِفَ، وٌ بْشِ عِحّرّ. وٌ شَ عَ مَتٌ عَ نَ كِ نَشّ. نَ شَنبِ وٌ شَ قَ بٍ سِلٌ، ﭑ شَ نَتّ تٌنفٌ وٌن مَرِفِ عَلَتَلَ شَ مَلِ سَابُي رَ، وٌن نَ بْشِ عِتَشُنمَ وٌ مَ كِ نَشّ.» 
\v 9 نَ شّمّيٍ نَشَ سِفَ بْشِ مَتٌدٍ. عٍ تَا نَشٍيٍ تٌ نَ يِرٍ سٌلٌقٍرٍ كُي، عٍ نَشَ نٍيٍ بِرِن شِلِيٍ سّبّ، عٍ قَ عَ رَ يٌسُوٍ شْن سِلٌ يٌنكِندٍ كُي. 
\v 10 يٌسُوٍ نَشَ نَتّ تٌنفٌ سِلٌ عَلَتَلَ شَ مَلِ سَابُي رَ. عَ نَشَ نَ بْشِ بِرِن عِتَشُن عِسِرَيِلَ بْنسْييٍ مَ.
\s بُنيَمِن بْنسْي شَ بْشِ
\p
\v 11 بُنيَمِن بْنسْي شَبِلّيٍ بِرِن نَشَ عٍ فبٍ سْتْ يُدَ بْنسْي فبٍ نُن يُسُقُ شَ دِيٍ فبٍ تَفِ عَلَتَلَ شَ مَرَفِرِ سَابُي رَ. 
\v 12 عٍ شَ نَانِنيِ كْولَ مَ قْلْ يُرُدّن شُرٍ نَن مَ، عَ دَنفِ يٍرِكٌ رَ كْولَ بِرِ رَ، عَ تٍ فٍيَ مَ سٌفٍفٌرٌدٍ بِرِ رَ هَن عَ بٍتِ عَوٍنِ فبٍنفبٍرٍنيِ لِ. 
\v 13 عَ كٍلِ مّننِ، عَ دَنفِ لُسِ رَ، نَشَن مَن شِلِ بٍتٍلِ، يِرٍقَنيِ بِرِ رَ. عَ فٌرٌ هَن عَتَرٌتِ عَدَرِ، عَ تٍ فٍيَ قَرِ، نَشَن نَ بٍتِ شٌرٌن لَبٍ يِرٍقَنيِ مَ.
\p
\v 14 نَ نَانِنيِ نَشَ فٌرٌ نَ فٍيَ قَرِ عَ سِفَ بَا سّيتِ شْن مَ سِفَقٍ رَ كِرِيَتِ بَلِ، نَشَن مَن شِلِ كِرِيَتِ يٍيَرِ مِ. نَ تَا قِندِ يُدَ شَ دِيٍ نَن فبٍ رَ. نَانِنيِ نَن نَ كِ نَشَن نَ سٌفٍفٌرٌدٍ.
\p
\v 15 نَشَن نَ يِرٍقَنيِ مَ، عَ قْلْ كِرِيَتِ يٍيَرِ مِ نّ، عَ سِفَ سٌفٍفٌرٌدٍ بِرِ رَ هَن عَ نٍقٍتٌوَ دُلٌنيِ لِ. 
\v 16 نَ نَانِنيِ نَشَ فٌرٌ مّننِ، عَ سِفَ هَن بٍن هِنٌمَ فٍيَ بُنيِ رَ، رٍقَكَيٍ شَ فُلُنبَ كُي كْولَ مَبِرِ. عَ كٍلِ مّننِ، عَ فٌرٌ بٍن هِنٌمَ فٍيَ بُنيِ رَ، يٍبُسُكَيٍ قّ مَ. عَ يِرٍقَنيِ مَ، عَ سِفَ هَن عٍن رٌفٍلِ. 
\v 17 نَ نَانِنيِ سِفَشِ عٍن سٍمٍسِ كْولَ بِرِ رَ، عَ سِفَ فٍلِلٌتِ، نَشَن نَ عَدُ مِمِ فٍيَ يَ رَ. عَ فٌرٌ هَن رُبٍن شَ دِ بٌهَن شَ قَنيٍ مَ. 
\v 18 عَ دَنفِ فٍيَ رَ كْولَ بِرِ رَ، فٍيَ نَشَن نَ يُرُدّن فُلُنبَ يَ تَفِ. عَ فٌرٌ يُرُدّن فُلُنبَ كُي، 
\v 19 عَ دَنفِ بٍتِ شٌفَلَ رَ، كْولَ بِرِ رَ. نَ يِرٍقَنيِ نَانِنيِ دَنشِ يُرُدّن شُرٍ سٌدٍ نَن مَ قْشّ بَا شُن.
\p
\v 20 يُرُدّن شُرٍ قِندِشِ بُنيَمِن شَبِلّيٍ شَ بْشِ نَانِنيِ نَن نَ سٌفٍتٍدٍ بِرِ رَ. بُنيَمِن بْنسْي شَ نَانِنيِ بِرِن نَن نَ كِ.
\p
\v 21 تَا نَشٍيٍ قِ بُنيَمِن بْنسْي شَبِلّيٍ مَ، نٍيٍ نَن يَ؛ يٍرِكٌ، بٍتِ شٌفَلَ، عٍمٍكِ كٍسِسِ، 
\v 22 بٍتِ عَرَبَ، سّمَرَيِمَ، بٍتٍلِ، 
\v 23 عَوِ مِ، ثَرَ، عٌقَرَ، 
\v 24 كٍقَرَهَمٌنِ، عٌقِنِ، نُن فٍبَ. نَ بِرِن لَنشِ تَا قُ نُن قِرِن نَن مَ، عَ نُن عٍ دَاشَيٍ. 
\v 25 فَبَيٌن، رَ مَتِ، بٍيرٌتِ، 
\v 26 مِسِثَ، كٍقِرَ، مٌسَ، 
\v 27 رٍكٍمِ، يِرِثٍيلِ، تَرَلَ، 
\v 28 سٍلَ، عٍلٍقِ، يٍبُسُ نَشَن مَن شِلِ دَرِ سَلَمُ، فِبِيَ، عَ نُن كِرِيَتِ يٍيَرِ مِ لَنشِ تَا قُ نُن نَانِ نَن مَ عَ نُن عٍ دَاشَيٍ. بُنيَمِن بْنسْي شَبِلّيٍ كّ نَن نَ كِ.
\c 19
\s سِمٍيْن بْنسْي شَ بْشِ
\p
\v 1 بْشِ تَشُن قِرِن ندٍ كُي، نَشَن نَبَشِ وٌن مَرِفِ عَلَتَلَ شَ مَلِ سَابُي رَ، سِمٍيْن بْنسْي نَشَ عٍ فبٍ كّ سْتْ يُدَ بْنسْي شَ بْشِ كُي. 
\v 2 تَا نَشٍيٍ قِشِ سِمٍيْن بْنسْي مَ، نٍيٍ نَن يَ؛ بٍرِ سٍيبَ، سٍيبَ، مٌلَدَ، 
\v 3 شَسَرِ سُوَلِ، بَلَ، عٍسٍمِ، 
\v 4 عٍلِتٌلَدِ، بّتُلِ، هٌرٌ مَ، 
\v 5 سِكِلَفَ، بٍتِ مَرَكَبٌتِ، شَسَرِ سُسَ، 
\v 6 بٍتِ لٍبَيٌتِ، عَ نُن سَرُشّن. نَ بِرِن لَنشِ تَا قُ نُن سَشَن نَن مَ، عَ نُن عٍ دَاشَيٍ. 
\v 7 عَيِن، رِ مْن، عٍتٍرِ، نُن عَسَن لَنشِ تَا نَانِ نَن مَ، عَ نُن عٍ دَاشَيٍ. 
\v 8 نَ دَاشَيٍ سِفَمَ هَن بَالَتِ بٍيرِ، نَشَن نُ شِلِ رَ مَتِ نٍفٍوِ فبٍنفبٍرٍنيِ مَ. سِمٍيْن بْنسْي شَبِلّيٍ كّ نَن نَ كِ. 
\v 9 عٍ كّ نُ نَ يُدَ بْنسْي شَ بْشِ نَن كُي، بَرِ مَ بْشِ نَشَن سٌ يُدَ بْنسْي يِ رَ، عَ نُ فبٌ. ندٍ بَ نَ بْشِ نَن نَ، عَ نَشَ سٌ سِمٍيْن بْنسْي يِ رَ.
\s سَبُلٌن بْنسْي شَ بْشِ
\p
\v 10 بْشِ تَشُن سَشَن ندٍ نَشَ قِندِ سَبُلٌن بْنسْي شَبِلّيٍ فبٍ رَ عَلَتَلَ شَ مَرَفِرِ سَابُي رَ. عٍ شَ بْشِ نَانِنيِ سِفَشِ هَن سَرِدِ، 
\v 11 عَ تٍ مَرَلَ سٌفٍفٌرٌدٍ، هَن دَبٍسٍتِ، عَ مَن سِفَ شُرٍ دّ رَ نَشَن نَ يٌكَنَيِمِ يَ رَ. 
\v 12 عَ كٍلِ سَرِدِ عَ عَ عِبِلِن سٌفٍتٍدٍ بِرِ رَ، عَ كِسِلٌتِ تَبٌرٌ لِ. عَ سِفَ هَن دَبٍرَتِ، هَن يَقِيَ. 
\v 13 عَ تَن نَ سٌفٍتٍدٍ بِرِ رَ، عَ سِفَ فَتِ شٍقٍرِ نُن عٍتَ كَسِن. عَ نَ رِ مْن لِ، عَ سِفَ نٍيَ بِرِ رَ. 
\v 14 كْولَ مَ، نَ نَانِنيِ نَن سِفَشِ شَنَتْن هَن عَ يِقِتَ عٍلِ فُلُنبَ لِ. 
\v 15 عٍ مَن نَشَ كَتَتِ، نَهَلَلِ، سِمِرٌن، يِدَلَ، نُن بّتّلّيمُ سْتْ. نَ بِرِن نَلَنشِ تَا قُ نُن قِرِن، عَ نُن عٍ دَاشَيٍ. 
\v 16 سَبُلٌن بْنسْي شَبِلّيٍ كّ نَن نَ كِ، عٍ شَ تَايٍ نُن عٍ دَاشَيٍ.
\s عِسَكَرِ بْنسْي شَ بْشِ
\p
\v 17 بْشِ تَشُن نَانِ ندٍ نَشَ قِندِ عِسَكَرِ بْنسْي شَبِلّيٍ فبٍ رَ عَلَتَلَ شَ مَرَفِرِ سَابُي رَ. 
\v 18 عٍ شَ نَانِنيِ نَشَ يِ تَايٍ بِرِن لِ؛ يِسِرٍيلِ، كٍسُلٌتِ، سُنٍمِ، 
\v 19 شَقَرَيِمِ، سِيٌن، عَنَشَرَتِ، 
\v 20 رَبِتِ، كِسِيٌن، عَبّسِ، 
\v 21 رٍ مٍتِ، عٍن فَنِمِ، عٍن شَدَ، بٍتِ ثَسّسِ، 
\v 22 تَبٌرٌ، سَشَسِمَ، نُن بٍتِ سٍمٍسِ. نَانِنيِ دَنشِ يُرُدّن شُرٍ دّ نَن نَ. عٍ بِرِن نَلَنشِ تَا قُ نُن سٍننِ، عَ نُن عٍ دَاشَيٍ. 
\v 23 عِسَكَرِ بْنسْي شَبِلّيٍ كّ نَن نَ كِ، عٍ شَ تَايٍ نُن عٍ دَاشَيٍ.
\s عَسٍرِ بْنسْي شَ بْشِ
\p
\v 24 بْشِ تَشُن سُولِ ندٍ نَشَ قِندِ عَسٍرِ بْنسْي شَبِلّيٍ فبٍ رَ عَلَتَلَ شَ مَرَفِرِ سَابُي رَ. 
\v 25 عٍ شَ نَانِنيِ نَ يِ تَايٍ نَن نَ؛ شّلّكَتِ، شَلِ، بٍتٍن، عَكِسَقَ، 
\v 26 عَلَمٍلٍكِ، عَمَدَ، نُن مِسَلَ. عٍ شَ نَانِنيِ سٌفٍفٌرٌدٍ بِرِ نَ كَرٍ مٍلٍ فٍيَ نُن سِشٌرِ لِبَنَتِ شُرٍ نَن نَ. 
\v 27 عٍ شَ نَانِنيِ سٌفٍتٍدٍ بِرِ قْلْشِ بٍتِ دَفْن نّ، سَبُلٌن بْنسْي نَ دّننَشّ، نُن يِقِتَ عٍلِ فُلُنبَ. عَ سِفَ كْولَ مَ بٍتِ عٍمٍكِ نُن نٍيِيٍلِ. عَ دَنفِ كَبُلُ رَ كْولَ بِرِ رَ. 
\v 28 عَ نَشَ سِفَ عَبَدٌن، رٍشٌبٌ، شَمْن، نُن كَننَ، هَن سِدْن تَا شُنفبٍ. 
\v 29 نَانِنيِ كٍلِ سِدْن، عَ سِفَ رَ مَتِ نُن تِرٍ تَا مَكَنتَشِ مَبِرِ. عَ سِفَ شٌسَ، عَ مِنِ قْشّ يٍ بَا مَ عَكِسِبُ بْشِ مَ، 
\v 30 عُمَ، عَقٍكِ، نُن رٍشٌبٌ تَايٍ. عٍ بِرِن لَنمَ تَا مْشْحّن نُن قِرِن نَن مَ، عَ نُن عٍ دَاشَيٍ. 
\v 31 يِ تَايٍ نُن دَاشَيٍ بِرِن قِندِشِ عَسٍرِ بْنسْي شَبِلّيٍ كّ نَن نَ.
\s نَقَتَلِ بْنسْي شَ بْشِ
\p
\v 32 بْشِ تَشُن سٍننِ ندٍ نَشَ قِندِ نَقَتَلِ بْنسْي شَبِلّيٍ فبٍ رَ عَلَتَلَ شَ مَرَفِرِ سَابُي رَ. 
\v 33 نَ بْشِ نَانِنيِ نَشَ قْلْ شٍلٍقَ تَا مَ، عَ سِفَ وُرِ بِلِ بٍلٍبٍلٍ ندٍ مَ نَشَن نَ سَانَنِمِ. عَ دَنفِ عَدَ مِ نٍكٍبِ نُن يَبَنٍيلِ رَ، عَ لَكُمَ لِ، عَ سِفَ هَن يُرُدّن شُرٍ دّ رَ. 
\v 34 نَ نَانِنيِ نَشَ سِفَ سٌفٍفٌرٌدٍ بِرِ رَ هَن عَ عَسَنٌتِ تَبٌرٌ لِ، عَ سَ مِنِ هُلْكُ تَا مَ. عَ سَبُلٌن بْنسْي شَ بْشِ لِ يِرٍقَنيِ مَ، عَ عَسٍرِ بْنسْي شَ بْشِ لِ سٌفٍفٌرٌدٍ بِرِ رَ. عَ يُرُدّن شُرٍ لِ سٌفٍتٍدٍ بِرِ رَ. 
\v 35 تَايٍ نَن يَ تّتّ هَفِفّيٍ نُ سٌشِ نَشٍيٍ رَ؛ سِدِ مَ، سٍرٍ، شَمَتَ، رَكَتِ، كِنٍرٍتِ، 
\v 36 عَدَ مَ، رَ مَتِ، شَسٌرِ، 
\v 37 كٍدٍ سِ، عٍدٍرٍيِ، عٍن شَسٌرِ، 
\v 38 يِرْن، مِفِدَلِ عٍلِ، شٌرٍ مِ، بٍتِ عَنَتِ، بٍتِ سٍمٍسِ. نَ بِرِن لَنشِ تَا قُ نُن سٌلٌمَنَانِ نَن مَ، عَ نُن عٍ دَاشَيٍ. 
\v 39 نَقَتَلِ بْنسْي شَبِلّيٍ كّ نَن نَ كِ.
\s دَنَ بْنسْي شَ بْشِ
\p
\v 40 بْشِ تَشُن سٌلٌقٍرٍ ندٍ نَشَ قِندِ دَنَ بْنسْي شَبِلّيٍ فبٍ رَ عَلَتَلَ شَ مَرَفِرِ سَابُي رَ. 
\v 41 عٍ شَ بْشِ نَانِنيِ نَ يِ تَايٍ نَن نَ؛ سٌرَهَ، عٍسٍتَيٌلِ، عِرِ سٍمٍسِ، 
\v 42 سَالَبِن، عَيَلٌن، يِتِلَ، 
\v 43 عٍلٌن، تِمِنَ، عٍكِرٌن، 
\v 44 عٍلِتٍكٍ، فِبّتْن، بَالَتِ، 
\v 45 يٍهُدُ، بٍنٍبٍرَكِ، فَتِ رِ مْن، 
\v 46 يَرَكْن دُلٌنيِ، رَكْن، نُن بْشِ نَشَن نَ يَقَ يَ رَ. 
\v 47 كْنْ نَ بْشِ كَنيِيٍ مَن نَشَ فبِلٍن عٍ شَ بْشِ مَ. نَ كُي دَنَ بْنسْي نَشَ سِفَ لٍسٍمِ فٍرٍدٍ. عٍ نَشَ نَا مَسْتْ، عٍ مّننِكَيٍ قَشَ سَنتِدّفّمَ رَ. عٍ سَبَتِ مّننِ، عٍ قَ عٍ بَبَ دَنَ شِلِ سَ نَا شُن. 
\v 48 يِ تَايٍ نُن دَاشَيٍ بِرِن قِندِشِ دَنَ شَبِلّيٍ كّ نَن نَ.
\s يٌسُوٍ شَ بْشِ
\p
\v 49 عٍ تٌ فّ عٍ شَ بْشِ عِتَشُندٍ، عٍ نَشَ نُنُ شَ دِ يٌسُوٍ كّ قِ عَ مَ عٍ تَفِ عَلَتَلَ شَ مَرَفِرِ سَابُي رَ. 
\v 50 يٌسُوٍ تَا نَشَن مَشْرِن عٍ مَ، تِمِنَ سٍرَ، عٍ نَشَ نَ قِ عَ مَ عَلْ عَلَتَلَ عَ مَسٍن عٍ بّ كِ نَشّ. نَ تَا نَ عٍقِرَ مِ بْنسْي شَ فٍيَ بْشِ نَن كُي. يٌسُوٍ نَشَ تَا رَفبِلٍن عَ نّينّ رَ، عَ سَبَتِ نَا. 
\v 51 سّرّشّدُبّ عٍلٍيَسَرِ، يٌسُوٍ، نُن عِسِرَيِلَ بْنسْي شَبِلّ كُنتِفِيٍ بْشِ عِتَشُن عَلَتَلَ شَ مَلِ سَابُي رَ نَ كِ نّ، عَ شَ هْرْ مْلِنفِرَ نَادّ رَ نَشَن نُ نَ سِلٌ.
\c 20
\s يّتّ رَتَنفَ تَايٍ
\p
\v 1 عَلَتَلَ نَشَ عَ مَسٍن يٌسُوٍ بّ، 
\v 2 «عَ قَلَ عِسِرَيِلَكَيٍ بّ عٍ شَ تَا ندٍيٍ سُفَندِ مِشِيٍ رَتَنفَمَ دّننَشّ، عَلْ ﭑ عَ قَلَ عَننَبِ مُنسَ بّ كِ نَشّ. 
\v 3 شَ مِشِ ندٍ سَ عَ بٌورٍ ندٍ قَشَ، كْنْ عَ قَ عَ لِ عَ مُ عَ رَكٍلِشِ عَ مَ، عَ شَ عَ فِ، عَ سِفَ نَ تَا ندٍ عَ رَتَنفَمَ فبٍحْشْي تِ مَ دّننَشّ. 
\v 4 عَ نَ نَ تَا لِ تّمُي نَشّ، عَ شَ تِ نَا سٌدٍ دّ رَ، عَ قَ عَ دّنتّفّ قٌرِيٍ بّ. نٍيٍ شَ عَ رَ سٌ تَا كُي، عٍ عَ يِفِيَ عٍ شْنيِ. 
\v 5 شَ فبٍحْشْي تِ سَ سِفَ نَا، عٍ نَشَ نَ قَشّتِ سٌ عَ يِ رَ دٍ، بَرِ مَ نَ قَشّ مُ كٍلِشِ حَنِفٍ شَ مَ. 
\v 6 قَشّتِ شَ لُ نَ تَا كُي هَن عَ شَ مَكِيتِ مّننِكَيٍ يَ شْرِ. عٍ شَ عَ لُ نَ تَا كُي هَن سّرّشّدُبّ كُنتِفِ قَشَمَ تّمُي نَشّ. نَ شَنبِ نَ مِشِ شَ فبِلٍن عَ شْنيِ، عَ كٍلِشِ دّننَشّ.»
\p
\v 7 عٍ نَشَ يِ تَايٍ سُفَندِ؛ كٍدٍ سِ نَشَن نَ فَلِلٍ بْشِ مَ نَقَتَلِ فٍيَيٍ نَ دّننَشّ، سِكٍمِ نَشَن نَ عٍقِرَ مِ فٍيَيٍ قَرِ، كِرِيَتِ عَرَبَ نَشَن شِلِ شٍبِرٌن، نَشَن نَ يُدَيَ فٍيَيٍ مَ. 
\v 8 عٍ نَشَ تَا فبّتّيٍ قَن سُفَندِ يُرُدّن شُرٍ كِرِ مَ سٌفٍتٍدٍ بِرِ رَ؛ بٍتٍسٍرِ، نَشَن نَ رُبٍن شَ فبٍنفبٍرٍنيِ مَ، رَ مٌتِ نَشَن نَ فَلَدِ بْشِ مَ، فَدِ بْنسْي نَ دّننَشّ، فٌلَن نَشَن نَ بَسَن بْشِ مَ، مَنَسِ بْنسْي نَ دّننَشّ. 
\v 9 تَايٍ نَن نَ كِ نَشٍيٍ سُفَندِشِ عِسِرَيِلَكَيٍ نُن عٍ شَ شْحّيٍ بّ، عَلَكٌ نَشَن نَ مِشِ قَشَ، كْنْ عَ مُ عَ رَكٍلِشِ عَ مَ، عَ شَ عَ يّتّ رَتَنفَ فبٍحْشْي تِ مَ مّينِ. نَ كُي مِشِ مُ قَشَمَ فبٍحْشْي تِ سَابُي رَ، بٍينُن حَمَ شَ عَ مَكِيتِ.
\c 21
\s لٍوِ بْنسْي شَ تَايٍ
\p
\v 1 لٍوِ بْنسْي كُنتِفِيٍ نَشَ سِفَ سّرّشّدُبّ عٍلٍيَسَرِ، نُنُ شَ دِ يٌسُوٍ، نُن عِسِرَيِلَ بْنسْي شَبِلّ كُنتِفِيٍ شْن مَ سِلٌ تَا كُي كَنَان بْشِ مَ. 
\v 2 عٍ سَ عَ قَلَ عٍ بّ، «عَلَتَلَ عَ مَسٍن نّ نُ عَننَبِ مُنسَ بّ عَ مُشُ شَ تَايٍ سْتْ مُشُ سَبَتِمَ دّننَشّ، عَ نُن مُشُ شَ قِيلِيٍ قَن سْتْ مُشُ شَ شُرُ سٍيٍ بّ.» 
\v 3 نَ كُي عِسِرَيِلَكَيٍ نَشَ يِ تَايٍ نُن يِ قِيلِيٍ قِ لٍوِ بْنسْي مَ، عٍ شَ قِندِ عٍ كّ رَ عَلْ عَلَتَلَ عَ يَمَرِ كِ نَشّ.
\p
\v 4 كٍهَتِ شَبِلّ فبٍ نَن يَ؛ سّرّشّدُبّ هَرُنَ شَ دِيٍ نَشَ تَا قُ نُن سَشَن سْتْ يُدَ بْنسْي شَ تَايٍ يَ مَ، سِمٍيْن بْنسْي فبٍيٍ يَ مَ، نُن بُنيَمِن بْنسْي فبٍيٍ يَ مَ. 
\v 5 كٍهَتِ شَبِلّ، نَشٍيٍ نُ لُشِ، نٍيٍ نَشَ تَا قُ سْتْ عٍقِرَ مِ بْنسْي فبٍيٍ يَ مَ، دَنَ بْنسْي فبٍيٍ يَ مَ، نُن مَنَسِ بْنسْي سّيتِ بٌورٍ فبٍيٍ يَ مَ. نَ نَتّ بِرِن تٌنفٌشِ عَلَ شَ مَرَفِرِ سَابُي رَ.
\p
\v 6 فٍرِ سٌن شَ دِيٍ نَشَ تَا قُ نُن سَشَن سْتْ عِسَكَرِ بْنسْي فبٍيٍ يَ مَ، عَسٍرِ بْنسْي فبٍيٍ يَ مَ، نَقَتَلِ بْنسْي فبٍيٍ يَ مَ، عَ نُن مَنَسِ بْنسْي سّيتِ سِنفٍ نَشَن نَ بَسَن بْشِ مَ، نَ فبٍيٍ يَ مَ. نَ نَتّ بِرِن تٌنفٌشِ عَلَ شَ مَرَفِرِ سَابُي رَ.
\p
\v 7 مٍرَرِ شَ دِيٍ نَشَ تَا قُ نُن قِرِن سْتْ عٍ شَبِلّ كِ مَ رُبٍن بْنسْي فبٍيٍ يَ مَ، فَدِ بْنسْي فبٍيٍ يَ مَ، نُن سَبُلٌن بْنسْي فبٍيٍ يَ مَ. نَ نَتّ بِرِن تٌنفٌشِ عَلَ شَ مَرَفِرِ سَابُي رَ.
\p
\v 8 نَ كُي عِسِرَيِلَكَيٍ نَشَ يِ تَايٍ نُن عٍ قِيلِيٍ قِ لٍوِ بْنسْي مَ عَلْ عَلَتَلَ عَ يَمَرِ كِ نَشّ عَننَبِ مُنسَ سَابُي رَ. 
\v 9 تَا نَشٍيٍ قِشِ عٍ مَ يُدَ نُن سِمٍيْن بْنسْي يَ مَ، نٍيٍ نَن يَ. 
\v 10 هَرُنَ شَ دِيٍ فبٍ، نَشٍيٍ كٍلِ كٍهَتِ شَبِلّ، نٍيٍ نَشَ يِ تَايٍ سْتْ عَلَ شَ مَرَفِرِ سَابُي رَ سُفَندِ سِنفٍ كُي؛ 
\v 11 كِرِيَتِ عَرَبَ، نَشَن قِندِ شٍبِرٌن نَ، عَ نُن قِيلِ نَشٍيٍ نَ يُدَيَ فٍيَ بْشِ رَبِلِنيِ مَ. عَرَبَ قِندِ عَنَكِيٍ بٍنبَ نَن نَ. 
\v 12 دَاشَيٍ نُن تَا شُنشُرِ نَشٍيٍ نَ تَا قَرِ مَ نٍيٍ قِندِ يٍقُنٍ شَ دِ كَلٍبِ فبٍيٍ نَن نَ.
\p
\v 13 عٍ تَا نَشٍيٍ قِ سّرّشّدُبّ هَرُنَ شَ دِيٍ مَ، نٍيٍ نَن يِ كِ؛ شٍبِرٌن، مِشِ رَتَنفَ تَا ندٍ، لِبِنَ، 
\v 14 يَتِرِ، عٍسِتٍمٌوَ، 
\v 15 شٌلٌن، دٍبِرِ، 
\v 16 عَيِن، يُتَ، نُن بٍتِ سٍمٍسِ، نُن عٍ قِيلِيٍ. نَ بِرِن نَلَنشِ تَا سٌلٌمَنَانِ، كٍلِقٍ يِ بْنسْي قِرِنيِ مَ.
\p
\v 17 عٍ نَشَ يِ تَايٍ سْتْ بُنيَمِن بْنسْي شَ بْشِ كُي؛ فَبَيٌن، فٍبَ، 
\v 18 عَنَتْتِ، عَلَمْن، نُن عٍ قِيلِيٍ. نَ بِرِن نَلَنشِ تَا نَانِ. 
\v 19 سّرّشّدُبّ هَرُنَ شَ دِيٍ نَشَ تَا قُ نُن سَشَن سْتْ، نُن عٍ قِيلِيٍ.
\p
\v 20 لٍوِكَ نَشٍيٍ كٍلِشِ كٍهَتِ شَ دِ بٌورٍيٍ يَ مَ، عَلَ شَ مَرَفِرِ نَشَ عَ نِيَ نٍيٍ نَشَ تَايٍ سْتْ عٍقِرَ مِ بْنسْي يَ مَ. 
\v 21 نَ تَايٍ نَن يَ؛ سِكٍمِ نَشَن نَ عٍقِرَ مِ فٍيَ بْشِ قَرِ، مِشِ نْمَ رَتَنفَدٍ فبٍحْشْي تِ مَ دّننَشّ، فٍسٍرِ، 
\v 22 كِبِسَيِمِ، بٍتِ شٌرٌن، نُن عٍ قِيلِيٍ. نَ بِرِن نَلَنشِ تَا نَانِ. 
\v 23 عٍ نَشٍيٍ سْتْ دَنَ شَ بْشِ كُي، نٍيٍ نَن يَ؛ عٍلِتٍكٍ، فِبّتْن، 
\v 24 عَيَلٌن، فَتِ رِ مْن، نُن عٍ قِيلِيٍ. نَ بِرِن نَلَنشِ تَا نَانِ. 
\v 25 عٍ نَشٍيٍ سْتْ مَنَسِ بْنسْي سّيتِ بٌورٍ شَ بْشِ كُي، نٍيٍ نَن يَ؛ تَانَكِ، فَتِ رِ مْن، نُن عٍ قِيلِيٍ. نَ بِرِن نَلَنشِ تَا قِرِن. 
\v 26 يِ تَا قُ نُن عٍ قِيلِيٍ نَشَ قِندِ كٍهَتِ شَ دِيٍ شَبِلّيٍ فبٍ رَ نَشٍيٍ مُ نُ نَ هَرُنَ شَ دِيٍ يَ مَ.
\p
\v 27 فٍرِ سٌن شَبِلّيٍ نَشَ تَايٍ سْتْ مَنَسِ بْنسْي سّيتِ سِنفٍ يَ مَ. عٍ شِلِ فٌلَن، مِشِ رَتَنفَ تَا ندٍ نَشَن نَ بَسَن بْشِ مَ، بّسّتّرَ، نُن عٍ قِيلِيٍ. نَ بِرِن نَلَنشِ تَا قِرِن. 
\v 28 عٍ نَشٍيٍ سْتْ عِسَكَرِ بْنسْي شَ بْشِ كُي، نٍيٍ نَن يَ؛ كِسِيٌن، دَبٍرَتِ، 
\v 29 يَرَ مُتِ، فَنِمِ، نُن عٍ قِيلِيٍ. نَ بِرِن نَلَنشِ تَا نَانِ. 
\v 30 عٍ نَشٍيٍ سْتْ عَسٍرِ بْنسْي شَ بْشِ كُي، نٍيٍ نَن يَ؛ مِسَلَ، عَبَدٌن، 
\v 31 شّلّكَتِ، رٍشٌبٌ، نُن عٍ قِيلِيٍ. نَ بِرِن نَلَنشِ تَا نَانِ. 
\v 32 عٍ نَشٍيٍ سْتْ نَقَتَلِ بْنسْي شَ بْشِ كُي، نٍيٍ نَن يَ؛ كٍدٍ سِ، مِشِ رَتَنفَ تَا ندٍ نَشَن نَ فَلِلٍ بْشِ كُي نُن عَ قِيلِيٍ، شَمْتِ دْرْ نُن عَ قِيلِيٍ، كَرَتَن نُن عَ قِيلِيٍ. نَ بِرِن نَلَنشِ تَا سَشَن.
\p
\v 33 فٍرِ سٌن شَبِلّيٍ نَشَ تَا قُ نُن سَشَن سْتْ نُن عٍ قِيلِيٍ. 
\v 34 لٍوِكَيٍ نَشٍيٍ لُشِ، مٍرَرِ شَبِلّيٍ رَ، عٍ نَشٍيٍ سْتْ سَبُلٌن بْنسْي يَ مَ، نٍيٍ نَن يَ؛ يٌكَنَيِمِ، كَرَتَ، 
\v 35 دِ مِنَ، نَهَلَلِ، نُن عٍ قِيلِيٍ. نَ بِرِن نَلَنشِ تَا نَانِ. 
\v 36 عٍ نَشٍيٍ سْتْ رُبٍن بْنسْي شَ بْشِ كُي، نٍيٍ نَن يَ؛ بٍتٍسٍرِ، يَهَسِ، 
\v 37 كٍدٍ مٌتِ، مٍقَاتِ، نُن عٍ قِيلِيٍ. نَ بِرِن نَلَنشِ تَا نَانِ. 
\v 38 عٍ نَشٍيٍ سْتْ فَدِ بْنسْي شَ بْشِ كُي، نٍيٍ نَن يَ؛ رَ مٌتِ، مِشِ رَتَنفَ تَا ندٍ نَشَن نَ فَلَدِ بْشِ كُي، مَشَنَيِمِ، 
\v 39 شّسِبْن، يَاسّرِ، نُن عٍ قِيلِيٍ. نَ بِرِن نَلَنشِ تَا نَانِ. 
\v 40 تَا نَشٍيٍ بِرِن قِشِ مٍرَرِ شَبِلّيٍ مَ، عٍ رَلَنشِ تَا قُ نُن قِرِن. 
\v 41 تَا نَشٍيٍ بِرِن قِشِ لٍوِ بْنسْي مَ عِسِرَيِلَكَيٍ شَ بْشِ كُي، عٍ رَلَنشِ تَا تٌنفٌ نَانِ نُن سٌلٌمَسَشَن، نُن عٍ رَبِلِنيِيٍ. 
\v 42 قِيلِيٍ نُ نَ تَايٍ بِرِن نَبِلِنشِ.
\p
\v 43 عَلَتَلَ نَشَ نَ بْشِ بِرِن قِ عِسِرَيِلَكَيٍ مَ عَلْ عَ عَ لَايِدِ عٍ بٍنبَيٍ بّ كِ نَشّ. نَ بْشِ بِرِن نَشَ قِندِ عٍ فبٍ رَ، عٍ نَشَ سَبَتِ نَا. 
\v 44 عَلَتَلَ نَشَ بْحّسَ قِ عٍ مَ عٍ نَانِنيِ بِرِن نَ، عَلْ عَ عَ لَايِدِ عٍ بٍنبَيٍ بّ كِ نَشّ. عٍ يَشُي يٌ مُ نْ شُننَكٍلِ سْتْدٍ عٍ شُن، بَرِ مَ عَلَتَلَ عٍ يَشُي بِرِن سَ نّ عٍ سَفٌي. 
\v 45 عَلَتَلَ شَ لَايِدِ بِرِن نَشَ كَمَلِ عِسِرَيِلَكَيٍ بّ. كٍرٍن مُ لُ نَشَن مُ كَمَلِ.
\c 22
\s سّرّشّبَدٍ يَءِلَنشِ يُرُدّن
\p
\v 1 نَ تّمُي يٌسُوٍ نَشَ رُبٍن بْنسْي، فَدِ بْنسْي، نُن مَنَسِ بْنسْي سّيتِ سِنفٍ شِلِ. 
\v 2 عَ عَ قَلَ عٍ بّ، «عَلَتَلَ شَ كٌنيِ مُنسَ قٍ نَشَن بِرِن قَلَ وٌ بّ، وٌ بَرَ نَ بِرِن نَبَ. وٌ مَن بَرَ بِرَ ﭑ شُي بِرِن قْشْ رَ. 
\v 3 وٌ مُ وٌ نفَشَكٍرٍنيِيٍ رَبّحِن يِ شِ وُيَشِيٍ بُن مَ هَن تٌ. وٌ مَرِفِ عَلَتَلَ يَامَرِ نَشَن سٌ وٌ يِ رَ، وٌ بَرَ وٌ حّنفِ سَ عَ شْن مَ. 
\v 4 يَكْسِ وٌ مَرِفِ عَلَتَلَ بَرَ مَلَبُي قِ وٌ نفَشَكٍرٍنيِيٍ مَ، عَلْ عَ عَ مَسٍن عٍ بّ كِ نَشّ. يَكْسِ وٌ سِفَ وٌ شْنيِ. وٌ شَ فبِلٍن نَ بْشِ مَ عَلَتَلَ شَ كٌنيِ مُنسَ دّننَشّ سٌشِ وٌ يِ رَ يُرُدّن كِرِ مَ. 
\v 5 وٌ شَ مّينِ يِ سّرِيّ نُن يِ يَامَرِ رَبَقٍ مَ، عَلَتَلَ شَ كٌنيِ مُنسَ نَشَن سٌشِ وٌ يِ رَ. وٌ شَ وٌ مَرِفِ عَلَتَلَ شَنُ، وٌ شَ بِرَ عَ شَ كِرَ بِرِن قْشْ رَ، وٌ شَ وٌ حّنفِ سَ عَ شَ يَامَرِ شْن وٌ حَنِفٍ قِيشّ رَ نُن وٌ نِي بِرِن نَ.»
\p
\v 6 يٌسُوٍ نَشَ دُبَ عٍ بّ، عٍ قَ سِفَ عٍ شْنيِ. 
\v 7 عَننَبِ مُنسَ نُ بَرَ كّ سٌ مَنَسِ بْنسْي سّيتِ كٍرٍن يِ رَ بَسَن. يٌسُوٍ قَن نَشَ كّ سٌ يِ سّيتِ بٌورٍ يِ رَ عٍ نفَشَكٍرٍنيِيٍ قّ مَ يُرُدّن سٌفٍفٌرٌدٍ. يٌسُوٍ تٌ نُ عٍ رَ سِفَمَ عٍ شْنيِ، عَ نَشَ دُبَ عٍ بّ. 
\v 8 عَ نَشّ عٍ بّ، «وٌ نُن هَرِفٍ فبٍفبٍ شَ فبِلٍن وٌ شْنيِ، نُن شُرُ سٍيٍ، فبٍتِ، شّيمَ، يْشُي، وُرٍ، نُن دُفِيٍ. وٌ نُن وٌ نفَشَكٍرٍنيِيٍ شَ وٌ يَشُييٍ هَرِفٍ عِتَشُن وٌ وٌ وَ سَسٌشِ نَشٍيٍ.»
\p
\v 9 رُبٍن بْنسْي، فَدِ بْنسْي، نُن مَنَسِ بْنسْي سّيتِ سِنفٍ نَشَ فبِلٍن. عٍ نَشَ كٍلِ عِسِرَيِلَكَيٍ شُن مَ سِلٌ، كَنَان بْشِ مَ، عٍ سِفَ فَلَدِ بْشِ مَ، بْشِ نَشَن قِندِ عٍ فبٍ رَ عَلَتَلَ شَ يَامَرِ بُن مَ عَننَبِ مُنسَ سَابُي رَ. 
\v 10 عٍ تٌ سٌ يُرُدّن نَبِلِنيِ كَنَان بْشِ مَ، رُبٍن بْنسْي، فَدِ بْنسْي، نُن مَنَسِ بْنسْي سّيتِ سِنفٍ نَشَ سّرّشّبَدٍ بٍلٍبٍلٍ يَءِلَن يُرُدّن شُرٍ دّ رَ.
\p
\v 11 عِسِرَيِلَكَيٍ تٌ نَ مّ، عٍ نَشَ عَ قَلَ، «وٌ بَرَ عَ تٌ، رُبٍن بْنسْي، فَدِ بْنسْي، نُن مَنَسِ بْنسْي سّيتِ سِنفٍ بَرَ سّرّشّبَدٍ يَءِلَن كَنَان بْشِ مَ، يُرُدّن تَايٍ كُي عِسِرَيِلَكَيٍ قّ مَ.» 
\v 12 عِسِرَيِلَكَيٍ تٌ نَ قٍ كٌلٌن، عٍ بِرِن نَشَ عٍ مَلَن سِلٌ عَلَكٌ عٍ شَ تٍ عٍ فٍرٍدٍ.
\p
\v 13 عِسِرَيِلَكَيٍ نَشَ قِنٍشَسِ، سّرّشّدُبّ عٍلٍيَسَرِ شَ دِ شّي فَلَدِ بْشِ مَ، رُبٍن بْنسْي، فَدِ بْنسْي نُن مَنَسِ بْنسْي سّيتِ سِنفٍ شْن. 
\v 14 مَنفّ قُ، بْنسْي يٌ بْنسْي مَنفّ كٍرٍن، نَشَ عَ مَتِ. نٍيٍ بِرِن نُ قِندِشِ عٍ شَبِلّ شُنيِيٍ نَن نَ عِسِرَيِلَكَيٍ وُلُ وُلُ تَفِ.
\p
\v 15 عٍ نَشَ سِفَ رُبٍن بْنسْي، فَدِ بْنسْي، نُن مَنَسِ بْنسْي سّيتِ سِنفٍ يِرٍ، فَلَدِ بْشِ مَ. قِنٍشَسِ نَشَ عَ قَلَ عٍ بّ، 
\v 16 «عَلَتَلَ شَ حَمَ بِرِن يِ نَن مَسٍنشِ، ‹وٌ عِسِرَيِلَ مَرِفِ عَلَ يَنقَشِ مُنقٍ رَ؟ تٌ، وٌ فبِلٍنشِ عَلَتَلَ قْشْ رَ مُنقٍ رَ؟ وٌ سّرّشّبَدٍ يَءِلَنشِ مُنقٍ رَ، نَشَن قِندِشِ عَلَتَلَ مَتَندِقٍ رَ؟ 
\v 17 وٌن قٍ حَاشِ نَشَن نَبَ ثٍيٌرِ، هَن تٌ وٌن نَ نَ تْورّ نَن كُي يِ كِ. هَلِ عَلَتَلَ تٌ حَشَنكَتّ دْشْ عَ شَ حَمَ بِرِن مَ نَ قٍ مَ، هَن تٌ وٌن مُ نُ سّنِيّن سِندٍن. 
\v 18 تٌ، وٌ بَرَ مُرُتَ وٌ مَرِفِ عَلَتَلَ مَ. شَ وٌ عَلَتَلَ مَتَندِ مَ تٌ، تِنَ عَ شَ شْنّ قَمَ نّ دُ سُدٍ عِسِرَيِلَ حَمَ نَن بِرِن شُن مَ. 
\v 19 نَ كُي، بْشِ نَشَن قِندِ وٌ فبٍ رَ، شَ نَ مُ سّنِيّنشِ، وٌ شَ فبِلٍن عَلَتَلَ شَ بْشِ مَ، عَلَكٌ وٌ شَ وٌ يّتّ بْشِ سْتْ مُشُ تَفِ. كْنْ وٌ نَشَ عَلَتَلَ نُن عِسِرَيِلَكَيٍ مَتَندِ سّرّشّبَدٍ يَءِلَنقٍ رَ دٍ، نَشَن مُ قِندِشِ وٌن مَرِفِ عَلَتَلَ شَ سّرّشّبَدٍ رَ. 
\v 20 سٍرَ شَ دِ عَكَن تٌ تِنشِنتَرٍيَ رَبَ سٍ رَتْنشِيٍ رَ، سٍيٍ رَ عَ مُ لَن نَشٍيٍ شَ تٌنفٌ، عَلَتَلَ نَشَ شْنْ عِسِرَيِلَكَيٍ بِرِن مَ. عَ كٍرٍن شَ مُ هَلَكِ عَ شَ يُنُبِ رَبَشِ مَ.›»
\p
\v 21 رُبٍن بْنسْي، فَدِ بْنسْي، نُن مَنَسِ بْنسْي سّيتِ سِنفٍ نَشَ عِسِرَيِلَ مَنفّيٍ يَابِ، 
\v 22 «مَرِفِ عَلَتَلَ، عَ تَن نَن نَ مَنفّ عَلَ رَ! عَ تَن نَن عَ كٌلٌن مُشُ يِ رَبَشِ قٍ نَشَن مَ. عِسِرَيِلَكَ بِرِن قَن قَمَ عَ كٌلٌندٍ. شَ مُشُ بَرَ عَلَتَلَ مَتَندِ، شَ مُشُ بَرَ تِنشِنتَرٍيَ رَبَ، مُشُ نَشَ كِسِ تٌ لْشْي. 
\v 23 شَ مُشُ سّرّشّبَدٍ يَءِلَنشِ مُشُ يّتّ نَن بّ، عَلَكٌ مُشُ شَ فبِلٍن مُشُ مَرِفِ عَلَتَلَ قْشْ رَ، مُشُ شَ سّرّشّ فَن دَاشِ، سّرّشّ حَنِفٍشِ، نُن شَنُنتٍيَ سّرّشّ بَ، عَلَتَلَ يّتّ يَتِ نَن قَمَ مُشُ مَكِيتِدٍ.»
\p
\v 24 «كْنْ نَ مْولِ شَ مُ عَ رَ. مُشُ يِ رَبَشِ نّ بَرِ مَ مُشُ نُ بَرَ كْنتْقِلِ، تِنَ وٌ شَ دِيٍ نْمَ نّ عَ قَلَدٍ مُشُ شَ دِيٍ بّ، ‹دَرِ مُندُن نَ وٌ تَن نُن عِسِرَيِلَ مَرِفِ عَلَتَلَ تَفِ؟ 
\v 25 عَلَتَلَ يُرُدّن نَن قِندِشِ وٌن نَانِنيِ رَ. رُبٍن بْنسْي نُن فَدِ بْنسْي، وٌ فبٍ يٌ مُ نَ عَلَتَلَ فبٍ يَ مَ.› مُشُ شَ دِيٍ بَمَ نّ فَاشُقٍ عَلَتَلَ يَ رَ وٌ شَ دِيٍ سَابُي رَ.»
\p
\v 26 «نَ كُي مُشُ نَشَ عَ قَلَ، وٌن قَن شَ سّرّشّبَدٍ يَءِلَن. سّرّشّ فَن دَاشِ نُن سّرّشّ مْولِ فبّتّ يٌ مُ بَمَ نَ، 
\v 27 كْنْ نَ شَ قِندِ سٍيدٍ رَ وٌ تَن نُن مُشُ تَن تَفِ، وٌ بْنسْي نُن مُشُ بْنسْي تَفِ هَلِ وٌن تَن دَنفِ شَنبِ، مُشُ عَلَتَلَ رَبَتُمَ سّرّشّ فَن دَاشِ، سّرّشّ حَنِفٍشِ، نُن شَنُنتٍيَ سّرّشّ رَ عَ شَ هْرْ مْلِنفِرَ يَ رَ. نَ تّمُي وٌ شَ دِيٍ نَشَ قَ سَ عَ قَلَ مُشُ شَ دِيٍ بّ، ‹وٌ فبٍ يٌ مُ نَ عَلَتَلَ فبٍ يَ مَ.› 
\v 28 مُشُ بَرَ عَ قَلَ، تِنَ، شَ عٍ سَ نَ وْيّنيِ قَلَ مُشُ بّ، شَ نَ مُ مُشُ شَ دِيٍ بّ، مُشُ قَن عٍ يَابِمَ نّ، ‹وٌ عَلَتَلَ شَ سّرّشّبَدٍ كّحَ مَتٌ، مُشُ بَبَيٍ نَشَن يَءِلَنشِ. سّرّشّ فَن دَاشِ نُن سّرّشّ مْولِ فبّتّ يٌ مُ بَمَ نَا، كْنْ نَ شَ قِندِ سٍيدٍ رَ وٌ تَن نُن مُشُ تَن تَفِ.› 
\v 29 عَلَ شَ مُشُ تَنفَ مُشُ بْحّ رَتٍقٍ رَ عَلَتَلَ شِلِ مَ. عَ شَ مُشُ تَنفَ مُشُ فبِلٍنقٍ رَ عَ قْشْ رَ تٌ لْشْي سّرّشّبَدٍ يَءِلَنقٍ رَ، سّرّشّ فَن دَاشِيٍ، سّرّشّ حَنِفٍشِيٍ، نُن شَنُنتٍيَ سّرّشّيٍ بَمَ دّننَشّ. نٍيٍ بَمَ وٌن مَرِفِ عَلَتَلَ شَ سّرّشّبَدٍ فبَنسَن نّ، نَشَن نَ وٌن مَرِفِ عَلَتَلَ شَ هْرْ مْلِنفِرَ يَ رَ.»
\p
\v 30 سّرّشّدُبّ قِنٍشَسِ، مَنفّدِيٍ نُن عِسِرَيِلَ وُلُ وُلُ مَنفّيٍ تٌ يِ مَسٍنيِ مّ، رُبٍن بْنسْي، فَدِ بْنسْي، نُن مَنَسِ بْنسْي سّيتِ سِنفٍ نَشَن مَسٍنشِ، عٍ بْحّ نَشَ رَقَن عٍ مَ. 
\v 31 سّرّشّدُبّ عٍلٍيَسَرِ شَ دِ قِنٍشَسِ نَشَ عَ مَسٍن رُبٍن بْنسْي، فَدِ بْنسْي، نُن مَنَسِ بْنسْي سّيتِ سِنفٍ بّ، «مُشُ بَرَ عَ كٌلٌن عَلَتَلَ نَ وٌن يَ مَ تٌ لْشْي، بَرِ مَ وٌ مُ تِنشِنتَرٍيَ رَبَشِ عَلَتَلَ رَ. وٌ بَرَ عِسِرَيِلَكَيٍ رَتَنفَ عَلَتَلَ بّلّشّ عِ.»
\p
\v 32 سّرّشّدُبّ عٍلٍيَسَرِ شَ دِ قِنٍشَسِ نُن مَنفّيٍ نَشَ كٍلِ فَلَدِ بْشِ مَ، رُبٍن، نُن فَدِ بْنسْي نُ نَ دّننَشّ، عٍ فبِلٍن كَنَان بْشِ مَ عِسِرَيِلَكَيٍ يِرٍ، عٍ دّنتّفّ سَ عٍ بّ. 
\v 33 يِ دّنتّفّ نَشَ رَقَن عِسِرَيِلَكَيٍ مَ، عٍ نَشَ عَلَ تَنتُ. فٍرٍ سٌقٍ، عٍ شَ رُبٍن نُن فَدِ شَ بْشِ سْنتْ، نَ مَحْشُنيِ مُ لُ عٍ يِ سْنْن. 
\v 34 رُبٍن نُن فَدِ بْنسْي نَشَ يِ شِلِ سَ نَ سّرّشّبَدٍ شُن مَ؛ «عَ تَن نَن نَ وٌن تَفِ سٍيدٍ رَ عَ عَلَتَلَ نَن نَ عَلَ رَ.»
\c 23
\s يٌسُوٍ شَ مَسٍنيِ دْنشْي
\p
\v 1 تّمُي فبٍفبٍ دَنفِ نّ كَقِ عَلَتَلَ نَشَ مَلَبُي قِ عِسِرَيِلَ حَمَ مَ، عَ رَتَنفَقٍ عَ يَشُييٍ مَ عَ رَبِلِنيِ. يٌسُوٍ نُ بَرَ قٌرِ، عَ شَ سِمَيَ نُ بَرَ بُ. 
\v 2 نَ كُي يٌسُوٍ نَشَ عِسِرَيِلَ بِرِن مَلَن، عَ قٌرِيٍ، عَ مَنفّيٍ، عَ كِيتِسَيٍ، نُن عَ سْورِ مَنفّيٍ. عَ نَشَ عَ قَلَ عٍ بّ، «ﭑ بَرَ قٌرِ، ﭑ مَ سِمَيَ بَرَ عَ عِكُيَ. 
\v 3 وٌ بَرَ عَ تٌ وٌ مَرِفِ عَلَتَلَ قٍ نَشَن بِرِن نَبَشِ يِ سِيٍ رَ وٌ شَ قٍ رَ. وٌ مَرِفِ عَلَتَلَ نَن فٍرٍ سٌشِ وٌ بّ.»
\p
\v 4 «وٌ عَ مَتٌ، ﭑ بَرَ كّ بْشِ سٌ وٌ يِ رَ، عَلَ نَشَن حَنِفٍشِ وٌ بْنسْييٍ بّ. نَ بْشِ بِرِن، سِيٍ فبّتّيٍ نُ دّننَشّ، نُن دّننَشّ سُشُ دَاشِ لُشِ، يُرُدّن نُن بَا شُنفبٍ لٌنفٌرِ سٌفٍفٌرٌدٍ، ﭑ بَرَ نَ بِرِن عِتَشُن وٌ مَ. 
\v 5 وٌ مَرِفِ عَلَتَلَ عٍ مَكُيَمَ نّ وٌ رَ ثٌن، عَ عٍ قَشَ وٌ يَ رَ، وٌ قَ عٍ شَ بْشِ تٌنفٌ عَلْ وٌ مَرِفِ عَلَتَلَ عَ مَسٍن وٌ بّ كِ نَشّ.»
\p
\v 6 «وٌ وٌ سّنبّ سٌ. وٌ شَ وٌ مّينِ سّرِيّ بِرِن نَبَتُقٍ مَ نَشَن سّبّشِ تَوُرٍتَ مُنسَ كُي. وٌ نَشَ بِنيَ يِرٍقَنيِ مَ، وٌ نَشَ بِنيَ كْولَ مَ. 
\v 7 وٌ نَشَ سُنبُ يِ سِيٍ رَ، نَشٍيٍ لُشِ وٌ يَ مَ. وٌ نَشَ عٍ شَ عَلَيٍ مَشَندِ، وٌ نَشَ وٌ كَلِ عٍ شِلِ رَ. وٌ نَشَ عٍ بَتُ، وٌ نَشَ وٌ تُوبِ عٍ بّ. 
\v 8 كْنْ وٌ تَن شَ وٌ تَفِ عِشِرِ وٌ مَرِفِ عَلَتَلَ شَ قٍ رَ، عَلْ وٌ بَرَ قَ عَ رَبَ رَ كِ نَشّ هَن تٌ.»
\p
\v 9 «عَلَتَلَ بَرَ سِ فبَنفبَلَنيِ سّنبّمَيٍ هَلَكِ وٌ يَ رَ، كٍلِ نَ مَ، هَن تٌ، مِشِ كٍرٍن مُ نْشِ تِدٍ وٌ يَ رَ. 
\v 10 وٌ يَ مَ، مِشِ كٍرٍن نُ مِشِ وُلُ نَن كٍرِ مَ، بَرِ مَ وٌ مَرِفِ عَلَتَلَ نَن نُ فٍرٍ سٌمَ وٌ بّ عَلْ عَ عَ لَايِدِ وٌ بّ كِ نَشّ. 
\v 11 وٌ شَ وٌ حّنفِ سَ وٌ يّتّ كَن شْن مَ عَ قَنيِ رَ، وٌ شَ وٌ مَرِفِ عَلَتَلَ شَنُ.»
\p
\v 12 «كْنْ شَ وٌ وٌ كٌبٍ تِ وٌ مَرِفِ عَلَتَلَ رَ، وٌ نَشَ بِرَ سِ فبّتّيٍ قْشْ رَ نَشٍيٍ لُشِ وٌ يَ مَ، وٌ نَشَ سُنبُ عٍ رَ، وٌ نَشَ عٍ شَ دِ فِنّيٍ دْشْ، 
\v 13 وٌ شَ عَ كٌلٌن وٌ مَرِفِ عَلَتَلَ مُ قَمَ يِ سِيٍ رَفِدٍ وٌ يَ رَ سْنْن. عٍ قِندِ مَ وٌ بّ يّلّ نُن فَنتَنيِ نَن نَ، عٍ قِندِ لُشُسِنيِ رَ وٌ قَرِ، عٍ قِندِ تُنبٍ رَ وٌ يَ كُي، هَن وٌ بِرِن فّ هَلَكِدٍ يِ بْشِ قَنيِ مَ وٌ مَرِفِ عَلَتَلَ نَشَن قِشِ وٌ مَ.»
\p
\v 14 «عَ فبٍ مُ لُشِ ﭑ شَ قَشَ عَلْ نِمَسٍ بِرِن نَشٍيٍ نَ دُنِحَ بّندّ قُحِ قَرِ. وٌ شَ عَ كٌلٌن وٌ بْحّ كُي، وٌ نِي بِرِن نَ، وٌ مَرِفِ عَلَتَلَ لَايِدِ يٌ نَشَن تٌنفٌشِ وٌ بّ، نَ مُ كَنَمَ. عَ شَ لَايِدِ بِرِن بَرَ كَمَلِ، كٍرٍن مُ كَنَشِ. 
\v 15 وٌ شَ عَ كٌلٌن وٌ مَرِفِ عَلَتَلَ عَ شَ لَايِدِ قَنيِ رَكَمَلِشِ كِ نَشّ، عَ مَن قَمَ عَ شَ لَايِدِ حَشَنكَتّ دَاشِ رَكَمَلِدٍ نَ كِ نّ، هَن عَ فّ وٌ هَلَكِدٍ يِ بْشِ قَنيِ مَ عَ دّننَشّ قِشِ وٌ مَ. 
\v 16 شَ وٌ تٌندِ يِ سَاتّ رَكَمَلِدٍ وٌ مَرِفِ عَلَتَلَ وٌ يَمَرِشِ نَشَن نَ، شَ وٌ وٌ تُوبِ عَلَ فبّتّيٍ بّ، وٌ نَشَ وٌ قٍلٍن عٍ بّ، عَلَتَلَ شْنْمَ نّ وٌ مَ، وٌ قَ هَلَكِ، عَ وٌ رَلْي يِ بْشِ قَنيِ مَ، عَ دّننَشّ قِشِ وٌ مَ.»
\c 24
\s مَلَنيِ دْنشْي سِكٍمِ
\p
\v 1 يٌسُوٍ نَشَ عِسِرَيِلَ بْنسْي بِرِن مَلَن سِكٍمِ، عَ قَ عِسِرَيِلَ قٌرِيٍ، عَ مَنفّيٍ، عَ كِيتِسَيٍ، نُن عَ سْورِ مَنفّيٍ مَشِلِ، عٍ بِرِن نَشَ سَ عٍ يّتّ دّنتّفّ عَلَ بّ. 
\v 2 يٌسُوٍ نَشَ عَ مَسٍن حَمَ بِرِن بّ، «عِسِرَيِلَ مَرِفِ عَلَتَلَ شُي نَن يَ، ‹وٌ بٍنبَ تٍرَ نُن عَ شَ دِيٍ عِبُرَهِمَ نُن نَشٌرِ نُ سَبَتِشِ كَقِ تّمُي شْنكُيٍ شُرٍ كِرِ مَ، عٍ نُ عَلَ فبّتّيٍ نَن بَتُمَ. 
\v 3 ﭑ نَشَ وٌ بَبَ عِبُرَهِمَ تٌنفٌ شُرٍ كِرِ مَ، مُشُ نَشَ كَنَان بْشِ بِرِن عِسَ، ﭑ قَ عَ بْنسْي عِوُيَ. ﭑ نَشَ عَ شَ دِ عِسِيَفَ قِ عَ مَ، 
\v 4 ﭑ قَ عَ نِيَ عِسِيَفَ شَ عَ شَ دِيٍ يَشُبَ نُن عٍسَيُ بَرِ. ﭑ نَشَ سٍيِرِ فٍيَ بْشِ سٌ عٍسَيُ يِ رَ، كْنْ يَشُبَ نُن عَ شَ دِيٍ تَن نَشَ فٌرٌ مِسِرَ بْشِ مَ.›»
\p
\v 5 «ﭑ نَشَ مُنسَ نُن هَرُنَ شّي مِسِرَ بْشِ مَ، ﭑ قَ حَشَنكَتّ وُيَشِ دْشْ مِسِرَكَيٍ مَ عٍ سَابُي رَ. نَ كُي ﭑ نَشَ وٌ رَ مِنِ مِسِرَ رَ. 
\v 6 ﭑ تٌ وٌ بَبَيٍ رَ مِنِ، مِسِرَكَيٍ نَشَ بِرَ عٍ قْشْ رَ هَن شُلُنيُمِ بَا دّ رَ. عٍ بَكِشِ سْورِ رَفِسٍيٍ نُن سٌي قَرِ. 
\v 7 وٌ بَبَيٍ تٌ فبٍلٍفبٍلٍ عَلَتَلَ رَ، عَ نَشَ دِ مِ رَ سِن عٍ نُن مِسِرَكَيٍ تَفِ. مِسِرَكَيٍ تٌ بِرَ وٌ بَبَيٍ قْشْ رَ بَا تَفِ، عَلَتَلَ نَشَ بَا رَدِن عٍ شُن مَ. وٌ يَيٍ بَرَ نَ بِرِن تٌ، عَ نَشَن نَبَشِ مِسِرَكَيٍ رَ. نَ دَنفِ شَنبِ، وٌ نَشَ تّمُي شْنكُيٍ رَبَ فبٍنفبٍرٍنيِ مَ.»
\p
\v 8 «ﭑ نَشَ وٌ شَنِن عَمٌرِكَيٍ شَ بْشِ مَ دّننَشّ نَ يُرُدّن كِرِ مَ. عٍ نَشَ وٌ فٍرٍ، كْنْ ﭑ نَشَ عٍ سَ وٌ بّلّشّ عِ، ﭑ عٍ كٍرِ وٌ يَ رَ، وٌ قَ عٍ شَ بْشِ مَسْتْ. 
\v 9 سِثٌرٌ شَ دِ بَلَكِ، نَشَن قِندِشِ مٌوَبَ مَنفّ رَ، عَ قَن نَشَ كٍلِ عَ شَ عِسِرَيِلَ فٍرٍ. عَ نَشَ بٍيٌرِ شَ دِ شّمّ بَلَمِ شِلِ، عَلَكٌ عَ شَ وٌ دَنكَ، 
\v 10 كْنْ ﭑ تٌ مُ وَ ﭑ تُلِ مَتِقٍ نَ دَنكّ رَ، بَلَمِ شَ وْيّنيِ نَشَ مَقِندِ، عَ قَ دُبَ وٌ بّ. نَ كُي ﭑ نَشَ وٌ بَ عَ بّلّشّ عِ.»
\p
\v 11 «وٌ تٌ يُرُدّن عِفِرِ، وٌ نَشَ يٍرِكٌ لِ. يٍرِكٌكَيٍ نَشَ وٌ فٍرٍ، عَلْ عَمٌرِكَيٍ، ثٍرِ سِكَيٍ، كَنَانكَيٍ، شِتِكَيٍ، فِرِفَسَكَيٍ، هِوِكَيٍ، نُن يٍبُسُكَيٍ قَن نَبَشِ كِ نَشّ، كْنْ ﭑ نَشَ عٍ بِرِن سَ وٌ بّلّشّ عِ. 
\v 12 ﭑ قَ حُرِ ندٍ رَدِن عَمٌرِ مَنفّ قِرِنيِيٍ مَ وٌ يَ رَ. عَ نَشَ عٍ كٍرِ، كْنْ نَ مُ قِندِ وٌ يّتّ شَ سَنتِدّفّمَ نُن وٌ شَ شَلِ رَ. 
\v 13 ﭑ بْشِ نَن قِشِ وٌ مَ وٌ مُ نَشٍيٍ رَوَلِشِ. ﭑ تَايٍ نَن قِشِ وٌ مَ، وٌ مُ نَشٍيٍ تِشِ. ﭑ وّنِ بِلِيٍ نُن عٌلِوِ بِلِيٍ نَن قِشِ وٌ مَ، وٌ مُ نَشٍيٍ سِشِ. وٌ نَ بَلٌقٍ نٍيٍ نَن شُن نَ يِ كِ.»
\p
\v 14 «يَكْسِ وٌ شَ فَاشُ عَلَتَلَ يَ رَ، وٌ شَ عَ رَبَتُ حَنِفٍ قَنيِ نُن تِنشِنيِ رَ. وٌ شَ فبِلٍن نَ عَلَيٍ قْشْ رَ وٌ بَبَيٍ نَشٍيٍ بَتُشِ شُرٍ كِرِ مَ نُن مِسِرَ بْشِ مَ. وٌ شَ عَلَتَلَ بَتُ! 
\v 15 شَ وٌ مُ تِنمَ نَ رَ، وٌ شَ نَتّ تٌنفٌ وٌ عَلَيٍ نَشٍيٍ بَتُمَ، عَلْ عَمٌرِكَيٍ شَ عَلَيٍ عٍ نَشٍيٍ بَتُمَ يِ بْشِ مَ، شَ نَ مُ عَلَيٍ وٌ بَبَيٍ نُ نَشٍيٍ بَتُمَ شُرٍ كِرِ مَ. كْنْ وٌ شَ عَ كٌلٌن عَ ﭑ تَن نُن ﭑ مَ دٍنبَيَ، مُشُ عَلَتَلَ نَن بَتُمَ.»
\p
\v 16 حَمَ نَشَ عَ يَابِ يِ وْيّنيِيٍ رَ، «نَ شَشِلِ مَكُيَ مُشُ رَ فبِلٍنقٍ رَ عَلَتَلَ قْشْ رَ، مُشُ مُ نْمَ بِرَدٍ عَلَ فبّتّيٍ قْشْ رَ، 
\v 17 بَرِ مَ عَلَتَلَ نَن نَ وٌن مَرِفِ عَلَ رَ. عَ تَن نَن مُشُ رَ مِنِ مِسِرَ بْشِ رَ، كٌنيِيَ كُي، مُشُ تَن نُن مُشُ بَبَيٍ. عَ فٍرٍ سٌ نّ مُشُ بّ مُشُ يَ شْرِ يِ كَابَنَكٌ بٍلٍبٍلٍيٍ رَ. عَ نَشَ مُشُ كَنتَ مُشُ شَ حّرّ بِرِن كُي، نُن حَمَيٍ تَفِ مُشُ دَنفِشِ نَشٍيٍ بِرِن نَ. 
\v 18 عَلَتَلَ بَرَ حَمَ بِرِن كٍرِ مُشُ يَ رَ، عَ نُن عَمٌرِكَيٍ نَشٍيٍ سَبَتِشِ يِ بْشِ مَ. مُشُ تَن قَن عَلَتَلَ نَن بَتُمَ، بَرِ مَ عَ تَن نَن نَ مُشُ مَرِفِ عَلَتَلَ رَ.»
\p
\v 19 يٌسُوٍ نَشَ عَ قَلَ حَمَ بّ، «وٌ مُ نْمَ عَلَتَلَ بَتُدٍ، بَرِ مَ عَلَتَلَ سّنِيّن، عَلَ تْونّشِ نَ عَ رَ. عَ مُ دِحّمَ وٌ شَ مَتَندِ نُن وٌ شَ يُنُبِ مَ. 
\v 20 شَ وٌ عَلَتَلَ قِنسِرِوَلِ بِرَقٍ عَلَ فبّتّيٍ قْشْ رَ، عَ فبِلٍنمَ نّ عَ شَ قٍ قَنيِيٍ قْشْ رَ عَ نُ نَشٍيٍ رَبَمَ وٌ بّ، عَ قَ فبَلٌي رَ مِنِ وٌ مَ، هَن عَ وٌ رَحْن.»
\p
\v 21 حَمَ نَشَ عَ قَلَ يٌسُوٍ بّ، «عَدٍ، مُشُ عَلَتَلَ نَن بَتُمَ.» 
\v 22 يٌسُوٍ نَشَ عَ قَلَ حَمَ بّ، «وٌ بَرَ قِندِ وٌ يّتّ كَن مَ سٍيدٍيٍ رَ. وٌ تَن نَن يّتّ يَتِ عَلَتَلَ سُفَندِشِ عَلَكٌ وٌ شَ عَ بَتُ.» عٍ نَشَ يٌسُوٍ يَابِ، «مُشُ بَرَ قِندِ سٍيدٍيٍ رَ.» 
\v 23 يٌسُوٍ مَن نَشَ عَ قَلَ عٍ بّ، «يَكْسِ وٌ شَ فبِلٍن عَلَ فبّتّيٍ قْشْ رَ، نَشٍيٍ نَ وٌ تَفِ. وٌ شَ وٌ شَشِلِ تِ عَلَتَلَ رَ، عِسِرَيِلَ مَرِفِ عَلَ.» 
\v 24 حَمَ نَشَ عَ قَلَ يٌسُوٍ بّ، «مُشُ مُشُ مَرِفِ عَلَتَلَ نَن بَتُمَ، مُشُ عَ شُي رَبَتُ.»
\p
\v 25 نَ لْشْي، يٌسُوٍ نُن حَمَ نَشَ سَاتَ. عَ نَشَ سّرِيّ نُن يَامَرِيٍ سٌ حَمَ يِ رَ سِكٍمِ. 
\v 26 يٌسُوٍ نَشَ يِ قٍ بِرِن سّبّ عَلَ شَ سّرِيّ كِتَابُي كُي. عَ نَشَ فّمّ بٍلٍبٍلٍ تٌنفٌ، عَ نَشَ عَ تِ وُرِ تٌقَنيِ بُن مَ نَشَن نُ نَ عَلَتَلَ شَ هْرْ مْلِنفِرَ يِرٍ. 
\v 27 يٌسُوٍ قَ عَ قَلَ حَمَ بّ، «وٌ بَرَ يِ فّمّ تٌ؟ عَ قِندِ مَ وٌن بّ سٍيدٍ نَن نَ، بَرِ مَ عَ بَرَ وْيّنيِ بِرِن مّ، عَلَتَلَ نَشَن مَسٍنشِ وٌن بّ. عَ قِندِ مَ سٍيدٍ نَن نَ وٌن بّ، عَلَكٌ وٌ نَشَ وٌ كٌبٍ سٌ وٌ مَرِفِ عَلَتَلَ رَ.» 
\v 28 نَ كُي يٌسُوٍ نَشَ حَمَ لُ، عٍ بِرِن نَشَ سِفَ عٍ شَ بْشِ مَ دّننَشّ قِندِ عٍ كّ رَ.
\s يٌسُوٍ شَ سَيَ
\p
\v 29 يِ قٍ تٌ دَنفِ، نُنُ شَ دِ يٌسُوٍ، عَلَتَلَ شَ كٌنيِ، نَشَ لَاشِرَ عَ شَ سِمَيَ حّ كّمّ حّ قُ مَ. 
\v 30 عَ نَشَ رَفَتَ بْشِ مَ عَ كّ نَشَن نَ، تِمِنَ سٍرَ، عٍقِرَ مِ فٍيَيٍ بِرِ رَ، فَاسِ فٍيَ كْولَ بِرِ رَ. 
\v 31 عِسِرَيِلَ عَلَتَلَ بَتُ نّ يٌسُوٍ شَ سِمَيَ بِرِن كُي، عَ نُن قٌرِيٍ شَ سِمَيَ بِرِن كُي، يٌسُوٍ سِنفٍ قَشَ نَشٍيٍ بّ، نَشٍيٍ نُ قٍ بِرِن كٌلٌن عَلَتَلَ نَشَن نَبَ عِسِرَيِلَكَيٍ بّ.
\p
\v 32 عِسِرَيِلَكَيٍ يُسُقُ شْرِ نَشٍيٍ شَنِن عٍ شُن مَ كٍلِ مِسِرَ، عٍ سَ عٍ رَفَتَ سِكٍمِ بْشِ نَن مَ، يَشُبَ بْشِ نَشَن سَرَ شَمٌرِ شَ دِيٍ مَ، سِكٍمِ بَبَ مَ، مّننِكَيٍ شَ كْبِرِ كٌلٍ كّمّ رَ. نَ بَرَ قِندِ يُسُقُ شَ دِيٍ كّ رَ. 
\v 33 هَرُنَ شَ دِ عٍلٍيَسَرِ قَن نَشَ قَشَ. عٍ نَشَ عَ رَفَتَ عَ شَ دِ قِنٍشَسِ شَ فٍيَ قَرِ، دّننَشّ نُ بَرَ قِندِ عَ كّ رَ عٍقِرَ مِ بْنسْي شَ بْشِ مَ فٍيَ لٌنفٌرِ.