\id JOB 
\ide UTF-8
\h عَيُبَ
\toc1 عَيُبَ شَ تَرُشُي
\toc2 عَيُبَ
\toc3 عَيُ
\mt عَيُبَ شَ تَرُشُي
\imt مَسٍنيِ ندٍ يِ كِتَابُي شَ قٍ رَ
\ip يِ كِتَابُي قِندِشِ عَيُبَ شَ تَرُشُي نَن نَ نَشَن مَسٍنيِ هَفِفّ مَسٍنمَ عَدَ مَدِيٍ بِرِن بّ. كَبِ وٌن بٍنبَ عَدَ مَ نُن نّنّ مَهَوَ تٌ يُنُبِ رَبَ، مِشِ بِرِن نَ دُنِحَ عِفِرِقٍ نَ تْورّ نَن كُي. نَ تْورّ نْمَ عَ نِيَدٍ مِشِيٍ شَ شْنْ عَلَ مَ، عٍ قَ عَ مَشْرِن مُنقٍ رَ عَ عٍ لُمَ عٍ شَ تْورْ. شَ مِشِيٍ حْشْ عَ مَ عَ عٍ بَرَ عٍ حّرّ تِنشِنيِ كُي عَلَ يَ عِ، نَ يَابِ قِقٍ شْرْشْ.
\ip عَيُبَ شَ قٍ نُ نَ نَ كِ نّ. عَ بٌورٍيٍ نَشَ عَ قَلَ عَ بّ عَ تْورّ حَاشِ عَ سْتْ عَ شَ يُنُبِيٍ نَن مَ قٍ رَ. عَيُبَ مُ تِن نَ يَابِ رَ، عَ قَ عَ قَلَ نَ مُ عَ رَ. نَ كُي عَ نُ وَ مَ عَلَ شَ كِيتِ شْن عَلَكٌ عَ شَ عَ كٌلٌن عَ حَشَنكَتَشِ قٍ نَشَن مَ. عَ رَحْنيِ عَلَ نَشَ عَ مَسٍن عَيُبَ بّ عَ عَ مُ نْمَ عَلَتَلَ شَ قٍ رَبَ كِ قَهَامُدٍ. عَيُبَ تٌ سٌ نَ قٍ كُي عَ بْحّ بِرِن نَ، عَ شَشِلِ نَشَ سَ.
\ip كْنْ بَقٍ نَ مَسٍنيِ رَ، سّرِيّ فبّتّ تٌمَ يِ تَرُشُي كُي نَشَن تِدٍ فبٌ. عَلَ تٌ بَرَكّ سَ عَيُبَ شَ قٍ مَ عَ شَ تِنشِنيِ شَ قٍ رَ، سٍنتَنّ نَشَ عَيُبَ تْوحّفّ عَ قَلَقٍ رَ عَلَ بّ عَ عَيُبَ نُ بِرَ مَ عَلَ وَشْنقٍ قْشْ رَ عَلَكٌ عَ شَ بَرَكّ سْتْ تُن. عَلَ نُ وَ مَ عَ مَسٍنقٍ سٍنتَنّ بّ عَ عَ شَ تِنشِنتْي عَيُبَ نُ نَ عَلَ شَ سّرِيّ رَتِنمّقٍ قٍ فبّتّ نَن مَ. عَلَ نَشَ تِن تْورّ شَ دْشْ عَيُبَ مَ، عَلَكٌ سٍنتَنّ شَ عَ تٌ نَ تْورّ مُ نُ نْمَ عَ نِيَدٍ عَيُبَ شَ عَلَ شَ سّرِيّ بّحِن.
\ip نَ كُي وٌن بِرِن نْمَ عَ كٌلٌندٍ عَ مُ لَنمَ وٌن شَ بِرَ عَلَتَلَ قْشْ رَ عَلَكٌ وٌن شَ بَرَكّ تُن سْتْ. عَ لَنمَ وٌن شَ عَلَ شُي سُشُ بَرِ مَ وٌن دَا مَرِفِ نَن نَ عَلَتَلَ رَ. شَ وٌن بَرَكّ سْتْ، شَ وٌن مُ عَ سْتْ، عَ لَنمَ وٌن شَ وٌن مَرِفِ عَلَتَلَ بَتُ وٌن مَ قٍ بِرِن كُي. عَلَ شَ وٌن مَلِ نَ رَبَدٍ. عَمِنَ.
\imte عَيُبَ شَ تَرُشُي
\c 1
\s عَلَتَلَ نُن سٍنتَنّ شَ دّ مَسَرّ سِنفٍ
\p
\v 1 شّمّ ندٍ نُ نَ عُسُ بْشِ مَ نَشَن نُ شِلِ عَيُبَ. مِشِ هَفِفّ نَن نُ لَنشِ عَ مَ، عَ مَتِنشِن. عَ نُ فَاشُمَ عَلَ يَ رَ، عَ مُ نُ بِرَ مَ قٍ حَاشِ قْشْ رَ. 
\v 2 دِ شّمّ سٌلٌقٍرٍ نُن دِ فِنّ سَشَن نُ نَ عَ يِ رَ. 
\v 3 عَ شَ فْورّ نُ لَنشِ يّشّي وُلُ سٌلٌقٍرٍ، حْشْمّ وُلُ سَشَن، نِنفٍ وُلُ كٍرٍن، عَ نُن سٌقَلٍ كّمّ سُولِ نَن مَ. وَلِكّ فبٍفبٍ سَشِ نَ نَن قَرِ. بِنيّ نُ سَشِ يِ شّمّ مَ دَنفِ مِشِ بِرِن نَ نَ سٌفٍتٍدٍ بِرِ رَ.
\p
\v 4 عَ شَ دِيٍ نُ شُلُنيِ تِمَ نّ عٍ بٌورٍ شْنيِيٍ، عٍ نُ عٍ مَافِنّيٍ شِلِ عَلَكٌ عٍ بِرِن شَ نُ عٍ دّفٍ يِرٍ كٍرٍن. 
\v 5 شُلُنيِيٍ نَ بَ عَ رَ، عَيُبَ نُ سّرّشّ فَن دَاشِيٍ بَمَ نّ عَ شَ دِ بِرِن بّ عٍ رَ سّنِيّنقٍ رَ. عَ نُ عَ مَحْشُنمَ نّ عَ تّمُندٍ عٍ بَرَ يُنُبِ ندٍ سْتْ، شَ نَ مُ عَ رَ عٍ بَرَ عَلَ دَنكَ عٍ بْحّ كُي. نَ كُي عَيُبَ نُ لُمَ سّرّشّ بَ رَ عٍ بّ تّمُي بِرِن.
\p
\v 6 لْشْي ندٍ عَلَ شَ مَلٍكّيٍ نَشَ قَ عَلَتَلَ يِرٍ. سٍنتَنّ قَن نُ نَ عٍ يَ مَ. 
\v 7 عَلَتَلَ نَشَ سٍنتَنّ مَشْرِن، «عِ كٍلِشِ مِندٍن؟» سٍنتَنّ نَشَ عَ يَابِ، «ﭑ كٍلِشِ دُنِحَ عِحّرّدٍ.» 
\v 8 عَلَتَلَ مَن نَشَ عَ مَشْرِن، «عِ بَرَ ﭑ مَ كٌنيِ عَيُبَ رَكْرْ سِ؟ عَ مَنِيّ يٌ مُ نَ دُنِحَ مَ. عَ قَن، عَ تِنشِن. عَلَ يَرَفَاشُي نَن عَ رَ، قٍ حَاشِ مُ رَقَن عَ مَ.» 
\v 9 سٍنتَنّ نَشَ عَ يَابِ، «عَيُبَ شَ فَاشُي عِ يَ رَ تُن مُ عَ رَ؟ 
\v 10 عِ مُ عَ كَنتَشِ شّ، عَ تَن، عَ شَ دٍنبَيَ، نُن عَ هَرِفٍ بِرِن؟ عِ بَرَ بَرَكّ سَ عَ سُشُقٍ بِرِن مَ، عَلَكٌ عَ شَ فْورّ شَ فبٌ تُن. 
\v 11 كْنْ شَ عَ سَ لِ عِ نَشَ دِن عَ هَرِفٍ رَ، ﭑ شَ عَ قَلَ عِ بّ، عَ قَمَ نّ عِ دَنكَدٍ كٍرٍن نَ.» 
\v 12 عَلَتَلَ نَشَ عَ قَلَ سٍنتَنّ بّ، «عَوَ يِرٍ، ﭑ بَرَ عَ هَرِفٍ بِرِن سَ عِ سَفٌي، كْنْ عِ نَشَ عَ فُندِ تْورْ دٍ.» نَ تّمُي سٍنتَنّ نَشَ كٍلِ عَلَتَلَ يِرٍ.
\p
\v 13 لْشْي ندٍ عَيُبَ شَ دِيٍ نُ نَ شُلُنيِ تِقٍ عٍ تَارَ شْنيِ. 
\v 14 شّيرَ ندٍ نَشَ قَ عَيُبَ يِرٍ، عَ عَ قَلَ عَ بّ، «عِ شَ وَلِكّيٍ نُ نَ نِنفٍيٍ رَوَلِقٍ شّ مَ، سٌقَلٍيٍ قَن نُ نَ عٍ دّ مَدٌنقٍ نَ لٌنفٌرِ. 
\v 15 سٍبَكَ ندٍيٍ نَشَ دِن عِ شَ وَلِكّيٍ رَ، عٍ عٍ قَشَ سَنتِدّفّمَ رَ. عٍ مَن نِنفٍيٍ قَن شَنِن. ﭑ كٍرٍن ثٍتِ نَن نْ ﭑ يّتّ بَدٍ عٍ يِ. ﭑ قَشِ نَ قٍ نَن دّنتّفّدٍ عِ بّ.»
\p
\v 16 نَ مُ فّ نَ مَسٍنيِ رَ، شّيرَ فبّتّ نَشَ قَ، عَ عَ قَلَ عَيُبَ بّ، «عَلَ بَرَ عَ رَفِرِ فَلَنيِ شَ فٌرٌ عِ شَ يّشّييٍ نُن عٍ مَكَنتَمَيٍ مَ. عَ بَرَ عٍ بِرِن قَشَ. ﭑ كٍرٍن ثٍتِ نَن نْ ﭑ يّتّ بَدٍ عٍ يِ. ﭑ قَشِ نَ قٍ نَن دّنتّفّدٍ عِ بّ.»
\p
\v 17 نَ قَن مُ فّ عَ شَ مَسٍنيِ رَ، شّيرَ فبّتّ نَشَ قَ، عَ عَ قَلَ عَيُبَ بّ، «كَلِدِكَ، فَالِ دْشْ سَشَن بَرَ بَفَن عِ شَ حْشْمّيٍ مَ، عٍ عٍ مَكَنتَمَيٍ قَشَ سَنتِدّفّمَ رَ، عٍ حْشْمّيٍ شَنِن. ﭑ كٍرٍن ثٍتِ نَن نْ ﭑ بَدٍ عٍ يِ. ﭑ قَشِ نَ قٍ نَن دّنتّفّدٍ عِ بّ.»
\p
\v 18 نَ قَن مُ فّ عَ شَ مَسٍنيِ رَ، شّيرَ فبّتّ نَشَ قَ، عَ عَ قَلَ عَيُبَ بّ، «عِ شَ دِيٍ تٌ نُ نَ شُلُنيِ تِقٍ عٍ تَارَ شْنيِ. 
\v 19 قٌيٍ بٍلٍبٍلٍ قَشِ نَ تّمُي نّ كٍلِ فبٍنفبٍرٍنيِ مَ، عَ بَنشِ رَبِرَ عِ شَ دِيٍ مَ. عٍ بِرِن بَرَ قَشَ. ﭑ كٍرٍن ثٍتِ نَن كِسِشِ. ﭑ قَشِ نَ نَن دّنتّفّدٍ عِ بّ.»
\p
\v 20 نَ كُي عَيُبَ نَشَ كٍلِ، عَ عَ شَ دٌنمَ عِبْو عَ مَ، عَ عَ شُنيِ بِ سُننُنيِ مَ، عَ قَ عَ رَقٍلٍن بْشِ مَ. 
\v 21 عَ نَشَ عَ قَلَ،
\q «ﭑ قَشِ دُنِحَ ﭑ مَفٍلِ نَن نَ ﭑ بَرِ تّمُي،
\q ﭑ مَن فبِلٍنمَ ﭑ مَفٍلِ نَن نَ ﭑ سِفَ تّمُي.
\q عَلَتَلَ بَرَ ﭑ كِ هَرِفٍ رَ،
\q عَلَتَلَ مَن بَرَ نَ هَرِفٍ بَ ﭑ يِ.
\q تَنتُي نَ عَلَ بّ.»
\p
\v 22 نَ بِرِن كُي، عَيُبَ مُ يُنُبِ يٌ رَبَ، عَ مُ قٍ كٌبِ يٌ قَلَ عَلَ بّ.
\c 2
\s عَلَتَلَ نُن سٍنتَنّ شَ دّ مَسَرّ قِرِن ندٍ
\p
\v 1 لْشْي ندٍ عَلَتَلَ شَ مَلٍكّيٍ مَن نَشَ قَ عَ يِرٍ، سٍنتَنّ مَن نُ نَ عٍ تَفِ. 
\v 2 عَلَتَلَ نَشَ سٍنتَنّ مَشْرِن، «عِ كٍلِشِ مِندٍن؟» سٍنتَنّ نَشَ عَ يَابِ، «ﭑ كٍلِشِ دُنِحَ عِحّرّدٍ.» 
\v 3 عَلَتَلَ مَن نَشَ عَ مَشْرِن، «عِ بَرَ ﭑ مَ كٌنيِ عَيُبَ رَكْرْ سِ؟ عَ مَنِيّ يٌ مُ نَ دُنِحَ مَ. عَ قَن، عَ تِنشِن. عَلَ يَرَفَاشُي نَن عَ رَ، قٍ حَاشِ مُ رَقَن عَ مَ. هَن يَ عَ شَ تِنشِنيِ مُ مَسَرَ، هَلِ عِ تٌ وَشِ ﭑ شَ عَ هَلَكِ تُن.» 
\v 4 سٍنتَنّ نَشَ عَ يَابِ، «عَدَ مَ قٍ بِرِن نَبَمَ عَ قَتٍ شَ تْورّ مَتَنفَقٍ نَن نَ. عَ نْمَ عَ هَرِفٍ بِرِن مَسَرَدٍ يَلَنيِ رَ. 
\v 5 شَ عِ عَ قَتٍ يَتِ تْورْ مَ، عَ عِ دَنكَمَ نّ كٍرٍن نَ.» 
\v 6 عَلَتَلَ نَشَ عَ قَلَ سٍنتَنّ بّ، «عَوَ يِرٍ، ﭑ بَرَ عَ قَتٍ سَ عِ سَفٌي، كْنْ عِ نَشَ عَ قَشَ دٍ.»
\p
\v 7 نَ تّمُي سٍنتَنّ نَشَ كٍلِ عَلَتَلَ يِرٍ. عَ نَشَ سُورِيٍ عِكٌنكٌن عَيُبَ قَتٍ بِرِن مَ، كٍلِ عَ سَنيِ كُي مَ هَن عَ شُنتَفِ. 
\v 8 عَيُبَ نَشَ دْشْ تّ شُبٍ شْورَ سُننُنيِ كُي، عَ نُ عَ قَتٍ شْولِن قّحّ كٍبٍلٍ رَ. 
\v 9 عَ شَ فِنّ نَشَ عَ قَلَ عَ بّ، «هَن يَ عِ نَ عِ شَ تِنشِنيِ كُي؟ عَلَ رَ سْتْ سْنْن، عِ شَ قَشَ.» 
\v 10 كْنْ عَيُبَ نَشَ عَ يَابِ، «عِ وْيّنقٍ نّ نَ كِ عَلْ شَشِلِتَرٍ. شَ وٌن تِنمَ عَلَ شَ هّرِ رَ، عَ مُ لَنمَ وٌن شَ تِن عَ شَ شْرْشْي قَن نَ؟» نَ كُي عَيُبَ مُ يُنُبِ يٌ سْتْ عَ شَ وْيّنيِيٍ كُي.
\s عَيُبَ نُن عَ بٌورٍ سَشَنيِيٍ
\p
\v 11 عَيُبَ بٌورٍ سَشَنيِيٍ تٌ عَ شَ تْورّ شَ قٍ مّ، عٍ نَشَ كٍلِ عٍ شْنيِ سِفَقٍ رَ عَيُبَ يِرٍ. عٍ شِلِ؛ عٍلِقَسِ تٍمَنكَ، بِلِدَدَ سُوشَكَ، نُن سٌقَرَ نَامَكَ. عٍ نَشَ لُ يِرٍ كٍرٍن، عٍ لَن قٍ كٍرٍن مَ، عٍ شَ سَ عَيُبَ كُنقَ بَ، عٍ شَ عَ مَدُندُ. 
\v 12 عٍ تٌ سَ عَ تٌ كٍلِ يِرٍ مَكُيٍ، عٍ نَشَ سَن عَ مَ، عٍ بْنبْ فبٍلٍفبٍلٍقٍ رَ. عٍ نَشَ عٍ شَ دٌنمَيٍ عِبْو عٍ مَ، عٍ شُبٍ مَسٌ عٍ مَ سُننُنيِ كُي. 
\v 13 عٍ نَشَ دْشْ عَيُبَ سّيتِ مَ بْشِ، هَن شِ سٌلٌقٍرٍ. مِشِ يٌ مُ وْيّن كٍرٍن قَلَ عَ بّ، بَرِ مَ عٍ عَ تٌ نّ، عَ شَ تْورّ نُ فبٌ كِ قَنيِ رَ.
\c 3
\s1 عَيُبَ شَ مَسٍنيِ
\s2 «عَيُبَ نِمِسَقٍ عَ شَ بَرِ رَ »
\p
\v 1 نَ بِرِن تٌ دَنفِ، عَيُبَ نَشَ عَ بَرِ لْشْي دَنكَ 
\v 2 يِ مَسٍنيِ رَ؛
\q
\v 3 «ﭑ بَرِ لْشْي شَ نّيمُ دُنِحَ رَ.
\q نَ كْي رَ عٍ نَشّ، ‹دِ شّمّ نَ عَ رَ.›
\q
\v 4 عَلَ شَ نَ لْشْي قِندِ دِ مِ رَ،
\q نَ لْشْي شَ نّيمُ عَ رَ،
\q عَ شَ تْنيِ دْشْ سٌفٍ يَنبَقٍ رَ نَ لْشْي كُي.
\q
\v 5 عَلَ شَ نَ لْشْي قِندِ دِ مِ رَ،
\q عَ شَ نُشُي عِقْورّ دُ سُ عَ شُن نَ،
\q عَ شَ لُ دِ مِ مَفَاشُشِ كُي.
\q
\v 6 عَلَ شَ نَ كْي عِقْورْ،
\q عَ شَ نَ بَ كْنتِ رَ حّ كُي،
\q عَ شَ نَ بَ كْنتِ رَ كِكٍ كُي.
\q
\v 7 عَلَ شَ نَ كْي كُمَ دِ رَ،
\q سّيوّ شُي يٌ نَشَ عِتٍ.
\q
\v 8 عَ شَ قِندِ دَنكّ تِ سٍ رَ مَندُرُلَيٍ بّ،
\q نَشٍيٍ نِنفِنَنفّ شِلِمَ.
\q
\v 9 نَ لْشْي سُبَشّ تُنبُييٍ نَشَ يَنبَ،
\q كُيٍ نَشَ عِبَ،
\q نَءِيَلَنيِ يٌ نَشَ مِنِ،
\q
\v 10 بَرِ مَ عَ مُ سٍسٍ رَبَ نَشَن
\q نُ نْمَ ﭑ بَرِقٍ دَندٍ،
\q نَشَن نُ نْمَ ﭑ نْشُندٍ ﭑ مَ تْورّ مَ.
\b
\q
\v 11 مُنقٍ رَ ﭑ نفَ قُرِ مُ بِرَ نُ؟
\q مُنقٍ رَ ﭑ مُ قَشَ نُ بٍينُ ﭑ شَ بَرِ؟
\q
\v 12 مُنقٍ رَ ﭑ نفَ ﭑ نَسّنّشِ عَ سَن مَ،
\q عَ شِحّ قِ ﭑ مَ؟
\q
\v 13 شَ نَ مُ عَ رَ، يِ تّمُي ﭑ بّلّشِ بْحّسَ كُي نُ
\q
\v 14 مَنفّيٍ نُن رَ سِمَيٍ قّ مَ،
\q نَشٍيٍ شَ بَنشِيٍ بَرَ فّ كَنَدٍ،
\q
\v 15 نَشٍيٍ نُ بَرَ شّيمَ نُن فبٍتِ فبٍفبٍ سْتْ.
\q
\v 16 مُنقٍ رَ عٍ مُ ﭑ نَفَتَ،
\q عَلْ دِيْرّ نَشَن مُ وَشِ،
\q نَشَن مُ مِنِ كّنّ مَ؟
\q
\v 17 فَبُرِ تَن كُي، مِشِ حَاشِيٍ مُ نْمَ سٍسٍ رَ،
\q مِشِ تَفَنشِيٍ عٍ مَلَبُمَ نّ.
\q
\v 18 كٌنيِيٍ بْحّسَ سْتْمَ نّ،
\q عٍ مُ عٍ كَنيِ شُي مّمَ فَبُرِ كُي.
\q
\v 19 دِ مّدِيٍ نُن قٌرِيٍ نَ مّننِ،
\q كٌنيِيٍ عٍ يّتّ سْتْمَ نَا.
\b
\q
\v 20 مُنقٍ رَ عَلَ عَ نِيَمَ عَدَ مَدِيٍ شَ مِنِ كّنّ مَ،
\q نَشٍيٍ قِندِ تْورْ مِشِيٍ رَ،
\q نَشٍيٍ نِمِسَشِ عٍ شَ دُنِحّءِفِرِ كُي،
\q
\v 21 نَشٍيٍ قَشّ شْلِ مَوَ مَ، كْنْ عٍ مُ قَشَ،
\q نَشٍيٍ قَشّ قٍنمَ دَنفِ نَاقُلِ رَ،
\q
\v 22 نَشٍيٍ حّلّشِنمَ فَبُرِ لِقٍ رَ؟
\q
\v 23 مُنقٍ رَ مِشِ بَرِ مَ،
\q عَلَ كِرَ بَلَنشِ نَشَن يَ رَ،
\q عَلَ نَشَن نَشّتّنمَ يِرٍ بِرِن؟
\q
\v 24 ﭑ مَ دٌنسٍ قِندِشِ ﭑ مَ تْورّ نَن نَ،
\q ﭑ مَ مِنسٍ قِندِشِ ﭑ يَيٍ نَن نَ.
\q
\v 25 ﭑ نَ فَاشُ قٍ نَشَن نَ،
\q نَ نَن ﭑ لِمَ.
\q قٍ نَشَن نَ ﭑ نَسّرّن،
\q ﭑ نَ نَن سْتْمَ.
\q
\v 26 بْحّسَ مُ نَ ﭑ بّ،
\q ﭑ مُ نْمَ ﭑ سَبَرِدٍ.
\q مَلَبُي مُ نَ ﭑ بّ، قٌ تْورّ.»
\c 4
\s1 عٍلِقَسِ تٍمَنكَ شَ مَسٍنيِ سِنفٍ
\s2 «تِنشِنتْي مُ تْورْ مَ»
\q
\v 1 عٍلِقَسِ تٍمَنكَ نَشَ عَ قَلَ،
\q
\v 2 «عَيُبَ، عِ هَاكّ تٌ ﭑ بّ ﭑ شَ وْيّن.
\q ﭑ مُ نْمَ دُندُدٍ.
\q
\v 3 عِ بَرَ مِشِ فبٍفبٍ شَرَن،
\q عِ بَرَ عٍ رَلِمَنِيَ.
\q
\v 4 عِ شَ مَسٍنيِيٍ بَرَ مِشِيٍ مَلِ،
\q عِ شَ وْيّنيِيٍ بَرَ عٍ سّنبّ سٌ.
\q
\v 5 يَكْسِ عِ تَن نَن تٌ قَ نَ تْورْقٍ،
\q لِمَنِيَ بَرَ بَ عِ تَن يِ.
\q
\v 6 عِ مُ عِ شَشِلِ تِ عِ شَ دَنشَنِيَ رَ عَلَ مَ؟
\q عِ مُ لَمَ عِ شَ تِنشِنيِ رَ؟
\q
\v 7 عِ بَرَ مِشِ قَنيِ تٌ هَلَكِشِ تْورّ مَ؟
\q تِنشِنتْي نْمَ بْنْدٍ؟
\q
\v 8 ﭑ نَشَن نَكْرْ سِشِ، قٍ حَاشِ رَبَيٍ نَن تْورْ مَ.
\q
\v 9 عَلَ عٍ شُن نَكَنَمَ عَ شَ شْنّ كُي.
\q
\v 10 يّتّ شَ يِرِندِنيِ نُن بَرَتّ شَ حَرَندَنيِ مَفَاشُ،
\q كْنْ عٍ حِنيِيٍ قَمَ نّ مَفِرَدٍ.
\q
\v 11 يّتّ يَتِ قَشَمَ كَامّ رَ،
\q عَ شَ دِيٍ يٍنسٍن يّ.»
\b
\q
\v 12 «مَسٍنيِ ندٍ بَرَ قَلَ ﭑ بّ عَ فُندٌ كِ مَ،
\q ﭑ تُلِ بَرَ عَ مَكْلِكْلِ شُي مّ.
\q
\v 13 شِيٍ سَ تّمُي كْي تَفِ،
\q
\v 14 فَاشُي نَشَ ﭑ سُشُ هَن ﭑ قَتٍ نَشَ سّرّن.
\q
\v 15 تُبَرِ ندٍ نَشَ دَنفِ ﭑ يَ عِ.
\q ﭑ قَتٍ شَبٍيٍ نَشَ كٍلِ، عٍ تِ.
\q
\v 16 تُبَرِ نُ تِشِ نَا.
\q ﭑ عَ تٌ نّ، كْنْ مِشِ يٌ عَ رَ ﭑ مُ عَ كٌلٌن.
\q ﭑ بَرَ مِشِ مَنِيّ تَن تٌ.
\q ﭑ نَشَ شُي ندٍ مّ يِ مَكْلِكْلِ رَ،
\q
\v 17 ‹عَدَ مَدِ تِنشِن عَلَ يَ عِ؟ عَ سّنِيّن عَ مَرِفِ يَ عِ؟
\q
\v 18 شَ عَلَ مُ لَ عَ شَ مَلٍكّيٍ رَ عَ شَ وَلِكّيٍ،
\q شَ عَ تَنتَنيِ تٌمَ نٍيٍ مَ،
\q
\v 19 عِبُنَدَ مَ فٌ، نَشَن يَءِلَنشِ بّندّ رَ،
\q نَشَن نْمَ عِوُرُدٍ عَلْ كَارِ؟
\q
\v 20 عَدَ مَدِيٍ قَشَمَ لْشْ يٌ لْشْ،
\q سٍسٍ مُ نَ كَنَمَ.
\q
\v 21 عٍ شَ سِمَيَ لُوتِ بٌلٌنمَ نّ،
\q عٍ قَشَ قَهَامُتَرٍحَ كُي.›»
\c 5
\s1 عٍلِقَسِ تٍمَنكَ شَ مَسٍنيِ قِرِن ندٍ
\s2 «عَيُبَ، عَلَ مَشَندِ»
\q
\v 1 «يَكْسِ، عِ شَ شِلِ تِ عِ شُي عِتٍشِ رَ.
\q ندٍ عِ يَابِمَ؟
\q عِ سّنِيّنتْي مُندُن شِلِمَ؟
\q
\v 2 فبّسّنشْننّيَ شَشِلِتَرٍ قَشَمَ نّ،
\q تْونّ لْننِتَرٍ هَلَكِمَ نّ.
\q
\v 3 ﭑ بَرَ شَشِلِتَرٍ ندٍ تٌ،
\q عَ شَ قٍ سْونّيَمَ،
\q كْنْ نَ عِكْرّشِ رَ ﭑ نَشَ يِ دَنكّ بِرَ عَ قْشْ رَ.
\q
\v 4 ‹مَلِ بِرِن شَ بَ عَ شَ دِيٍ يِ رَ،
\q كِيتِ شَ كَنَ عٍ رَ،
\q مِشِ يٌ نَشَ عٍ مَلِ نَ كُي.
\q
\v 5 كَامّتْييٍ شَ عَ شَ شّ دٌن،
\q عٍ شَ بَلٌي بِرِن بَ عَ يِ رَ هَلِ نَشَن نَ تُنبٍ شْورَ.
\q مِشِيٍ شَ مِلَ عَ شَ نَاقُلِ مَ، عٍ شَ عَ بَ عَ يِ.›
\q
\v 6 تْورّ نُن حَشَنكَتّ قَمَ نّ.
\q
\v 7 عَدَ مَدِ تْورْ مَ نّ عَ شَ دُنِحّءِفِرِ كُي.
\q نَ مُ كَنَمَ، عَلْ تّ نَ رَدّشّ،
\q عَ قُلٍقُلٍ تٍقٍ قَن تٌ مُ كَنَمَ.
\q
\v 8 شَ ﭑ تَن نَن عَ رَ نُ، ﭑ عَلَتَلَ نَن مَشَندِ مَ،
\q ﭑ نَن ﭑ مَ تْورّ مَسٍن عَ بّ.
\q
\v 9 عَ كَابَنَكٌي رَبَمَ،
\q عَ شَ قٍ شُنفبٍيٍ مُ كْنتِمَ.
\q
\v 10 عَ تُنّ رَفٌرٌ بْشِ مَ،
\q عَ يٍ رَ سِفَ شّ مَ.
\q
\v 11 عَ تْورْ مِشِ شَ قٍ عِتٍمَ،
\q عَ مِشِ سُننُنشِ رَكِسِمَ.
\q
\v 12 عَ مِشِ كْوتَشِ شَ قٍ شُن نَكَنَمَ،
\q عَلَكٌ عٍ وَشْنقٍ نَشَ سْونّيَ.
\q
\v 13 عَ مِشِ مَدَشُي سُشُمَ فَنتَنيِ رَ،
\q عَ يَنقَنتٍ وَشْنقٍ كَنَمَ.
\q
\v 14 عٍ شَ يَنيِ قِندِ مَ عٍ بّ دِ مِ رَ،
\q عٍ لُمَ عَلْ دْنشُي نَشٍيٍ مُ سٍ تٌمَ.
\q
\v 15 عَلَتَلَ تْورْ مِشِ رَتَنفَمَ وْيّن شْرْشْي مَ،
\q نَشَن كٍلِمَ يَنقَنتٍيٍ دّ كُي.
\q عَ عٍ رَتَنفَمَ سّنبّمَ شَ قٍ حَاشِ مَ.
\q
\v 16 شَشِلِ تِدٍ لُمَ نّ تْورْ مِشِ بّ.
\q تِنشِنتَرٍ دّ بَلَنمَ نّ.
\q
\v 17 حّلّشِنيِ نَ عَدَ مَ بّ عَلَ نَشَن شُرُ مَ.
\q وٌ نَشَ تٌندِ عَلَ سّنبّ كَنيِ شَ شُرُي رَ،
\q
\v 18 بَرِ مَ عَ قِ نَشَن سَمَ مِشِ مَ، عَ نَ قَن دَندَنمَ،
\q عَ قٍ شْنّ نَشَن نَمِنِمَ، عَ نَ رَيَلَنمَ.
\q
\v 19 عَ مُ تٌندِ مَ عِ رَتَنفَدٍ تْورّ مَ،
\q عَ عِ رَكِسِمَ تْورّ بِرِن كُي.
\q
\v 20 كَامّ نَ سِن بْشِ مَ، عَ عِ رَتَنفَمَ نّ قَشّ مَ،
\q فٍرٍ نَ مِنِ، عَ عِ رَتَنفَمَ سَنتِدّفّمَ مَ.
\q
\v 21 عَ عِ رَتَنفَمَ نّ وْيّن حَاشِ مَ،
\q عَ عِ بَ فبَلٌي كُي.
\q
\v 22 عِ مُ فَاشُمَ كَامّ يَ رَ،
\q عِ مُ سّرّنمَ سُبٍ شَاحّ يَ رَ،
\q
\v 23 بَرِ مَ سَاتّ لُمَ نّ عِ نُن دُنِحَ كُي عِسٍيٍ تَفِ،
\q فّمّيٍ نُن سُبٍيٍ مُ عِ تْورْ مَ سْنْن.
\q
\v 24 بْحّسَ لُمَ نّ عِ شْنيِ،
\q مُحّ يٌ مُ تِمَ عِ شَ فْورّ.
\q
\v 25 عِ شَ دِيٍ وُيَمَ نّ،
\q عِ بْنسْي فبٌمَ نّ عَلْ بُرُنيِ سّشّ.
\q
\v 26 عِ مُ فَبُرِ لِمَ، عِ شَ سِمَيَ مُ كَمَلِشِ،
\q عَلْ مَالٍ قَن تٌ مُ شَبَمَ عَ شَبَ تّمُي مُ عَ لِشِ.
\q
\v 27 مُشُ بَرَ يِ نْندِ كٌلٌن،
\q عِ قَن شَ عَ رَ مّ، عِ شَ عَ قَهَامُ.»
\c 6
\s1 عَيُبَ شَ مَسٍنيِ سِنفٍ
\s2 «ﭑ مَ تْورّ فبٌ ﭑ مَ قٍ حَاشِيٍ بّ.»
\q
\v 1 عَيُبَ نَشَ عَ يَابِ،
\q
\v 2 «شَ ﭑ مَ تْورّ سَ مَنِيَمَ نُ،
\q شَ عَ سَ سَمَ سِكٍيلِ مَ نُ،
\q
\v 3 عَ بِنيّ دَنفِمَ نّ بَا مّيّنيِ رَ.
\q نَ نَن عَ تٌشِ يُسِ يٌ مُ نَ ﭑ مَ وْيّنيِيٍ مَ.
\q
\v 4 عَلَ سّنبّ كَنيِ شَ تَنبّ بَرَ ﭑ سْشْ،
\q نَ شْنّ بَرَ تٍ ﭑ شَشِلِ رَ.
\q عَلَ نَ ﭑ فٍرٍقٍ عَ حَاشِ رَ.
\q
\v 5 حٌوفٍ قَنشِ دّننَشّ، سٌقَلٍ وَ مَ مّننِ؟
\q نِنفٍ وَ شُي مّيمَ عَ شَ دٌنسٍ يَ عِ؟
\q
\v 6 بَندٍ دٌنمَ قْشّ شَنبِ؟
\q تْشّلّ حِنتَرٍ حْشُن؟
\q
\v 7 ﭑ مُ نُ وَ مَ نَشَن شْن،
\q نَ بَرَ قِندِ ﭑ بَلٌي رَ هَلِ نَ قَ كَنَشِ.
\q
\v 8 عَلَ شَ ﭑ مَ دُبّ سُشُ ﭑ بّ،
\q عَ شَ ﭑ وَشْنقٍ رَكَمَلِ.
\q
\v 9 عَلَ شَ ﭑ شُن نَكَنَ،
\q عَ شَ ﭑ قَشَ.
\q
\v 10 نَ كُي، ﭑ مَدُندُي سْتْمَ نّ،
\q هَلِ ﭑ تٌ يِ تْورّ بِرِن كٌلٌنشِ،
\q ﭑ سّيوَ ﭑ تٌ مُ فبِلٍن عَلَ سّنِيّنتْي شَ يَامَرِ قْشْ رَ.
\q
\v 11 ﭑ نَن ﭑ شَشِلِ تِمَ سّنبّ مُندُن نَ قَ؟
\q ﭑ مَ دِحّ مُنسٍ قَنمَ ﭑ مَ سْنْن؟
\q
\v 12 ﭑ سّنبّ فبٌ عَلْ قَنيٍ؟
\q ﭑ قَتٍ شْرْشْ عَلْ وُرٍ؟
\q
\v 13 ندٍ نْمَ ﭑ مَلِدٍ؟
\q سّنبّ مُندُن لُشِ ﭑ مَ؟»
\b
\q
\v 14 «تْورْ مِشِ هَيِ نَ عَ دُفُتّفّ شَ مَلِ مَ،
\q هَلِ نَ مُ سَ فَاشُمَ عَلَ سّنبّ كَنيِ يَ رَ.
\q
\v 15 ﭑ نفَشَكٍرٍنيِيٍ بَرَ ﭑ يَنقَ،
\q عَلْ شُرٍ نَشَن شْرِ مَ.
\q
\v 16 حّمّ تّمُي، يٍ بَنبَرَن يّ، عَ رَدُندَ،
\q
\v 17 كْنْ سٌفٌقُرٍ رَ، يٍ بِرِن شْرِ.
\q
\v 18 بِيَاسِلَيٍ كِرَ بَمَ عَ مَ يٍ قٍنقٍ رَ،
\q عٍ قَ لْي فبٍنفبٍرٍن يِرٍ.
\q
\v 19 تٍمَ بِيَاسِلَيٍ عٍ شُن تِمَ يٍ يِرٍ رَ.
\q سٍيبَكَيٍ قَن عٍ شَشِلِ تِمَ نَ شُرٍ رَ،
\q
\v 20 كْنْ عٍ نَ مّننِ لِ، عٍ شُرٍ شْرِشِ نَن تٌمَ.
\q نَ كُي لِمَنِيَ بَمَ نّ عٍ يِ رَ.
\q
\v 21 وٌ لُشِ نَ كِ نّ ﭑ بّ.
\q وٌ بَرَ فَاشُ ﭑ مَ تْورّ يَ رَ.
\q
\v 22 ﭑ شٌرٌ نُ، ﭑ نُ وٌ مَكُلَ نّ،
\q وٌ شَ ﭑ شُن سَرَ وٌ شَ نَاقُلِ ندٍ رَ؟
\q
\v 23 ﭑ وٌ مَكُلَ نّ،
\q وٌ شَ ﭑ شُن سَرَ ﭑ يَشُي فبٍيلِ ندٍ مَ؟
\q
\v 24 وٌ ﭑ شَرَن.
\q وٌ ﭑ مَ تَنتَنيِ مَسٍن ﭑ بّ،
\q عَلَكٌ ﭑ شَ ﭑ سَبَرِ.
\q
\v 25 نْندِ تَن مُ مِشِ يٌ تْورْ مَ.
\q كْنْ وٌ شَ مَسٍنيِيٍ تَن قَلَ شُن؟
\q
\v 26 وٌ بَرَ كِيتِ سَ،
\q وٌ مُ وٌ تُلِ مَتِشِ تْورْ مِشِ تَن شَ وْيّنيِ رَ.
\q
\v 27 وٌ قَتَ كِيتِ حَاشِ سَدٍ كِرِدِيٍ مَ.
\q وٌ مُ يَنقَنتٍيَ بَ وٌ بٌورٍ يّتّ يَتِ رَ.
\q
\v 28 كْسِ قَ يَندِ، وٌ وٌ يَ تِ ﭑ نَ.
\q ﭑ مُ وُلٍ قَلَمَ وٌ بّ.
\q
\v 29 وٌ شَ كِيتِ تِنشِنشِ سَ،
\q عَلَكٌ ﭑ شِلِ قَنيِ نَشَ كَنَ.
\q
\v 30 وٌ قٍ قَلّ حَاشِ مّمَ ﭑ نَ؟
\q ﭑ مُ قَتَ قٍ قَنيِ نُن قٍ حَاشِ تَفِ رَ سَدٍ؟»
\c 7
\s1 عَيُبَ شَ مَسٍنيِ سِنفٍ دّ عِدْشْي
\s2 «عَ عَ مَوَقٍ عَلَ بّ»
\q
\v 1 «مِشِ شَ قٍ مُ لُشِ شّ دُنِحَ مَ عَلْ سْورِ؟
\q عَ شَ دُنِحّءِفِرِ مُ لُشِ شّ عَلْ وَلِكّ؟
\q
\v 2 كٌنيِ فبَتَمَ كْي شَ سٌ،
\q وَلِكّ فبَتَمَ عَ سَرٍ رَ.
\q
\v 3 ﭑ تَن قَن، ﭑ كّ بَرَ قِندِ تْورّ رَ،
\q ﭑ مَ وَلِ سَرٍ بَرَ قِندِ شْنّ رَ.
\q
\v 4 ﭑ نّ ﭑ سَمَ، ﭑ لُ رَ عَ مَنّ،
\q ‹ﭑ كٍلِمَ تّمُي مُندُن؟›
\q شِشْلِ مُ ﭑ تَن بّ،
\q تْورّ نَن تُن عَ رَ كْي بِرِن كُي.
\q
\v 5 كُلِ دِنقٍ ﭑ قَتٍ رَ،
\q ﭑ كِرِ نَ بْرْقٍ، يَلٍيٍ تِقٍ عَ مَ.
\q
\v 6 ﭑ مَ سِمَيَ شُلُن مَبْي شَ مَبْي وُرِ بّ.
\q
\v 7 عَلَ، عِ شَ رَتُ عَ مَ ﭑ مَ سِمَيَ حّنفِ نَن تُن عَ رَ،
\q ﭑ يَيٍ مُ قٍ قَنيِ تٌمَ كْرّ.
\q
\v 8 يَ نَشَن تِشِ ﭑ نَ،
\q نَ مُ ﭑ تٌمَ سْنْن،
\q عَ فبٍ مُ لُشِ ﭑ شَ لْي عِ مَ.
\q
\v 9 كُندَ نَ تٍ، عَ مَن لْي.
\q عَدَ مَدِ قَن نَ سِفَ عَلِفِيَمَ، عَ مُ فبِلٍنمَ قَ رَ.
\q
\v 10 عَ مُ فبِلٍنمَ عَ شْنيِ سْنْن،
\q عَ شَ قْشْي مُ رَتُمَ عَ شَ قٍ مَ سْنْن.
\q
\v 11 نَ نَن عَ تٌشِ ﭑ مُ ﭑ دّ سُشُمَ،
\q ﭑ نَن ﭑ مَ تْورّ عِقَلَمَ نّ،
\q ﭑ نَن ﭑ مَوَ ﭑ مَ شْرْرْي كُي.
\q
\v 12 ﭑ قِندِشِ عِ بّ بَا نَن نَ،
\q شَ نَ مُ عَ رَ، دَالِسٍ شُن سٌلٌقٍرٍ كَنيِ،
\q عِ تٌ قَ بِرَشِ ﭑ مَ قٍ قْشْ رَ يِ مْولِ رَ؟
\q
\v 13 ﭑ نَ عَ قَلَ، ‹ﭑ شَ ﭑ سَ، ﭑ شَ شِ، عَلَكٌ ﭑ شَ ﭑ مَ تْورّ مَيَنقَ،›
\q
\v 14 عِ ﭑ مَفَاشُ شِيٍ نُن لَامَتُنيِ حَاشِيٍ رَ.
\q
\v 15 قَشّ نَن تُن شْلِ قَ ﭑ مَ تٌ،
\q دَنفِ يِ شْرِيٍ رَ نَشٍيٍ لُشِ ﭑ بّ يِ كِ.
\q
\v 16 ﭑ مَ سِمَيَ بَرَ رَحَاشُ ﭑ مَ،
\q ﭑ مُ وَ مَ بُقٍ دُنِحَ مَ سْنْن.
\q ﭑ بّحِن، ﭑ نِي تِدٍ مُ نَ سْنْن.
\q
\v 17 مُنسٍ نَ عَدَ مَ رَ
\q نَشَن عَ نِيَمَ عِ شَ عِ حْشْ سَ عَ شْن مَ،
\q
\v 18 عِ نُ عَ مَتٌ تّمُي بِرِن؟
\q
\v 19 عِ عِ يَيٍ بَمَ ﭑ نَ تّمُي مُندُن؟
\q عِ ﭑ لُمَ ﭑ يّتّ رَ مُن لْشْي؟
\q
\v 20 شَ ﭑ بَرَ يُنُبِ رَبَ عِ رَ،
\q نَ قَلَ ﭑ بّ، عِ تَن نَشَن عَدَ مَدِ مَتٌمَ.
\q ﭑ تَن يٍفٍتِشِ عِ يِ رَ مُنقٍ رَ مَتٌي رَ؟
\q
\v 21 مُنقٍ رَ عِ مُ دِحّ ﭑ مَ قٍ كٌبِ مَ؟
\q مُنقٍ رَ عِ مُ ﭑ مَ يُنُبِ شَقَرِ؟
\q عَ فبٍ مُ لُشِ ﭑ شَ قِندِ بّندّ رَ.
\q نَ تّمُي عِ مُ ﭑ تٌمَ سْنْن.»
\c 8
\s1 بِلِدَدَ سُوشَكَ شَ مَسٍنيِ سِنفٍ
\s2 «هَاكّ مُ سِفَمَ عَلِفِيَمَ.»
\q
\v 1 بِلِدَدَ سُوشَكَ نَشَ عَ مَسٍن،
\q
\v 2 «عِ يِ وْيّنيِ مْولِ قَلَمَ هَن تّمُي مُندُن؟
\q عِ شَ وْيّنيِ لُشِ نّ عَلْ قٌيٍ.
\q
\v 3 عَلَ نْمَ نْندِ مَقِندِدٍ وُلٍ رَ؟
\q عَلَ سّنبّ كَنيِ نْمَ تِنشِنيِ عِقُدٍ؟
\q
\v 4 شَ عِ شَ دِيٍ يُنُبِ نَن نَبَشِ عَ رَ،
\q عَ عٍ حَشَنكَتَشِ نَ نَن مَ.
\q
\v 5 شَ عِ تَن عَلَ قٍنمَ،
\q شَ عِ عَلَ سّنبّ كَنيِ مَكُلَمَ،
\q
\v 6 شَ يُنُبِ مُ نَ عِ مَ،
\q شَ عِ تِنشِن،
\q عَلَ عَ حّنفِ سَمَ نّ عِ شْن مَ،
\q عَ عِ رَ سَبَتِ عِ شَ تِنشِنيِ كُي.
\q
\v 7 عِ هَرِفٍ دْنشْي قَمَ دَنفِدٍ نَ سِنفٍ رَ.»
\b
\q
\v 8 «قَهَامُي قٍن وٌن بَبَيٍ رَ،
\q عِ شَ شَشِلِ سْتْ نٍيٍ بٍنبَيٍ قَن نَ.
\q
\v 9 وٌن تَن مُ بُشِ دُنِحَ مَ،
\q شَشِلِ شْنكُيٍ مُ نَ وٌن بّ.
\q
\v 10 عٍ مُ قَهَامُي قِمَ شّ عِ مَ؟
\q عٍ عٍ شَشِلِ شَ مَسٍنيِيٍ تِمَ عِ بّ يِ كِ؛
\q
\v 11 وٌقِرِ بُلَمَ شَرٍ مَ؟
\q شُرٍ عِ بَارٍ قِندِ مَ عَ رَ يٍ مُ دّننَشّ؟
\q
\v 12 هَلِ عَ نَ عَ بِلِ مَ، عَ مُ شَبَشِ،
\q عَ لِسِمَ مَقُرٍن دَنفِ حٌوفٍ بِرِن نَ.
\q
\v 13 نَ نَن قَمَ رَبَدٍ مِشِيٍ رَ،
\q نَشٍيٍ نّيمُمَ عَلَ مَ.
\q تِنشِنتَرٍ شَشِلِ تِدٍ حْنمَ نَ كِ نّ.
\q
\v 14 عَ شَشِلِ تِدٍ بَرَ كَنَ،
\q عَلْ مِشِ نَشَن عَ كِلْنمَ سَيّلّ تّي رَ.
\q
\v 15 عَ نَ عَ كِلْن نَ رَ، عَ كَنَمَ نّ، عَ كَنيِ بِرَ.
\q
\v 16 عَ لُمَ عَلْ سَنسِ، يٍ نَشَن كُي رَقٍشِ،
\q عَ عَ سَلٌنيِ عِيَن سٌفٍ لِنلِنيِ يَ مَ لَاكْي شُن مَ،
\q
\v 17 عَ عَ سَنكٍيٍ سْتِ فّمّ مَلَنشِ لٌنفٌرِ رَ.
\q
\v 18 شَ عِ نَ سَنسِ تَلَ نَا،
\q عَ لِسِمَ نّ،
\q
\v 19 عَ مُ قَنمَ مّننِ سْنْن.
\q سَنسِ فبّتّ مَن قَ بُلَ عَ نُ نَ دّننَشّ.
\q
\v 20 عَلَ مُ تِنشِنتْي رَوْلّمَ،
\q عَ مُ تِنشِنتَرٍ سّنبّ سٌمَ.
\q
\v 21 عَ فبٍ مُ لُشِ عَ شَ عِ رَ سّيوَ،
\q عِ شَ مَتْشْي قَلّ رَ عِ قَمَ نَشَن تِدٍ.
\q
\v 22 عِ شْنمِشِيٍ قَمَ لُدٍ يَافِ كُي،
\q عٍ شْنيِيٍ قَ بِرَ.»
\c 9
\s1 عَيُبَ شَ مَسٍنيِ قِرِن ندٍ
\s2 «عَلَ شَ كِيتِ شْرْشْ»
\q
\v 1 عَيُبَ نَشَ عَ يَابِ،
\q
\v 2 «ﭑ نَ بِرِن كٌلٌنشِ نْندِ رَ.
\q عَلَ نْمَ نْندِ قِدٍ عَدَ مَ مَ دِ؟
\q
\v 3 شَ عَلَ نَ كِيتِ سَقٍ،
\q عَدَ مَ تَن مُ نْمَ عَ دّ تٌنفٌدٍ عَ كَنكٍ رَ.
\q
\v 4 عَ تَن نَن فبٍ نَ لْننِ نُن سّنبّ رَ،
\q ندٍ نْمَ تِدٍ عَ كَنكٍ؟
\q
\v 5 عَلَ نْمَ فٍيَيٍ تَلَدٍ عٍ تِدٍ،
\q عَ عٍ مَقِندِ عَ شَ شْنّ كُي.
\q
\v 6 عَ نْمَ بْشِ بُنيِ رَ سّرّندٍ،
\q عَ عَ بْو عَ رَ.
\q
\v 7 عَ نْمَ سٌفٍ نُن تُنبُييٍ عِقْورْدٍ.
\q
\v 8 عَ تَن نَن كٌورٍ عِتَلَ،
\q عَ عَ حّرّ بَا مْرْنيِيٍ قَرِ.
\q
\v 9 عَ تَن نَن تُنبُي بِرِن سَ،
\q كَنكَن نَ عَ يِرٍ.
\q
\v 10 عَ بَرَ قٍ شُنفبٍيٍ رَبَ
\q وٌن مُ نْمَ نَشٍيٍ قَهَامُدٍ.
\q عَ شَ كَابَنَكٌي مُ نْمَ كْنتِدٍ.
\q
\v 11 عَ نْمَ دَنفِدٍ ﭑ سّيتِ مَ، ﭑ مُ عَ تٌ.
\q عَ لْي، ﭑ مُ نْ عَ تٌدٍ.
\q
\v 12 ندٍ نْمَ عَ شَ سٍ تٌنفٌشِ رَفبِلٍندٍ؟
\q ندٍ نْمَ عَ قَلَدٍ عَ بّ، ‹عِ نَ مُنسٍ رَبَقٍ؟›
\q
\v 13 عَلَ مُ فبِلٍنمَ عَ شَ شْنّ قْشْ رَ.
\q يّتّ عِفبٌي شَشِلِ تِدٍ بِرِن بِرَ مَ عَ يَ عِ.
\q
\v 14 ﭑ تَن، ﭑ عَ يَابِمَ دِ؟
\q ﭑ وْيّن مْولِ مُندُن قَلَمَ عَ بّ؟
\q
\v 15 هَلِ نْندِ سَ نَ ﭑ بّ، ﭑ مُ نْمَ تِدٍ عَ كَنكٍ.
\q ﭑ مَ كِيتِسَ مَدِحّقٍ نَن تُن لُمَ ﭑ يِ.
\q
\v 16 شَ ﭑ سَ عَ شِلِ، عَ نَشَ ﭑ يَابِ،
\q ﭑ مُ لَمَ عَ رَ عَ بَرَ عَ تُلِ مَتِ ﭑ نَ،
\q
\v 17 بَرِ مَ عَ بَرَ ﭑ تْورْ عَ فبٍ رَ،
\q عَ بَرَ ﭑ حَشَنكَتَ نَ كِ تُن.
\q
\v 18 عَ مُ ﭑ لُمَ ﭑ شَ مَلَبُ،
\q عَ بَرَ ﭑ مَ شْنّ شُن مَسَ عَ حَاشِ رَ
\q
\v 19 ﭑ مُ نْمَ عَ رَ،
\q بَرِ مَ عَ سّنبّ فبٌ ﭑ بّ.
\q مُشُ نُن عَلَ مُ نْمَ مَكِيتِدٍ،
\q بَرِ مَ كِيتِسَ مُ نَ مُشُ تَفِ.
\q
\v 20 هَلِ ﭑ سَ تِنشِن نُ، ﭑ دّ مُ نْندِ قِمَ ﭑ مَ.
\q هَلِ يُنُبِ مُ نَ ﭑ مَ نُ، ﭑ دّ كِيتِ رَكَنَمَ نّ ﭑ نَ.
\q
\v 21 يُنُبِ نَ ﭑ مَ؟ ﭑ مُ عَ كٌلٌن
\q ﭑ نِمِسَشِ ﭑ مَ دُنِحّءِفِرِ نَن تُن نَ.
\q
\v 22 ﭑ تَن بّ، عَ بِرِن كٍرٍن،
\q بَرِ مَ عَلَ تِنشِنتْي نُن تِنشِنتَرٍ بِرِن حَشَنكَتَمَ.
\q
\v 23 فبَلٌي نَ تِنشِنتْي لِ،
\q عَلَ مُ نَ تْورّ تٌمَ.
\q
\v 24 تِنشِنتَرٍ نَ بْشِ ندٍ سْتْ تِنشِنتَرٍيَ كُي،
\q عَلَ عَ نِيَمَ كِيتِسَيٍ شَ تِن نَ رَ.
\q شَ عَلَ مُ عَ رَ، ندٍ عَ رَ قَ؟
\q
\v 25 ﭑ مَ سِمَيَ شُلُن فِلَ بّ،
\q عَ حْنمَ بٍينُن ﭑ شَ هّيرِ سْتْ.
\q
\v 26 ﭑ مَ سِمَيَ دَنفِمَ عَلْ كُنكُي،
\q عَلْ سّفّ نَشَن فٌرٌ مَ تْشّيْرّ مَ.
\q
\v 27 ﭑ نَ عَ قَلَ،
\q ‹ﭑ شَ نّيمُ ﭑ مَ مَوَ مَ،
\q ﭑ شَ بَ سُننُنشِ،
\q ﭑ شَ ﭑ سّنبّ سٌ،›
\q
\v 28 ﭑ مَ تْورّ نَن بِرِن لُمَ ﭑ مَفَاشُ رَ.
\q ﭑ عَ كٌلٌن عِ مُ نْندِ قِمَ ﭑ مَ.
\q
\v 29 ﭑ تٌ بَرَ يُنُبِ سْتْ،
\q ﭑ نْندِ قٍنمَ ﭑ يّتّ بّ مُنقٍ رَ؟
\q
\v 30 هَلِ ﭑ سَ ﭑ مَشَ نّ يٍ تِنسٍشِ رَ،
\q هَلِ ﭑ سَ ﭑ بّلّشّيٍ مَشَ شْسِ بَ سٍ رَ،
\q
\v 31 عِ ﭑ نَفٌرٌ مَ نّ بٌورَ،
\q ﭑ شَ رَحَاشُ ﭑ مَ دُفِيٍ مَ.
\q
\v 32 عَلَ مُ لُشِ عَلْ عَدَ مَدِ،
\q ﭑ نْمَ نَشَن شِلِدٍ كِيتِ مَ،
\q عَلَكٌ ﭑ شَ ﭑ فبٍ قَلَ،
\q كِيتِسَ شَ كِيتِ سَ مُشُ تَفِ.
\q
\v 33 كِيتِسَ يٌ مُ نَ
\q نَشَن نْمَ كِيتِ سَدٍ ﭑ نُن عَلَ تَفِ.
\q
\v 34 عَلَ شَ عَ شَ وُرِ بْنبْ تِ سٍ بَ ﭑ شُن مَ،
\q عَ شَ عَ شَ قٍ مَفَاشُشِ بَ ﭑ يِ رَ،
\q
\v 35 عَلَكٌ ﭑ شَ نْ وْيّندٍ عَ رَ فَاشُتَرٍحَ كُي.
\q كْنْ ﭑ مَ قٍ تٌ مُ نَ كِ شّ، ﭑ شَ لُ ﭑ كٍرٍن.»
\c 10
\s1 عَيُبَ شَ مَسٍنيِ قِرِن ندٍ دّ عِدْشْي
\s2 «عَيُبَ مَشْرِنيِ تِقٍ عَلَ مَ»
\q
\v 1 «ﭑ مَ دُنِحّءِفِرِ بَرَ رَحَاشُ ﭑ نِي مَ.
\q نَ كُي ﭑ شَ ﭑ فبٍ قَلَ.
\q شْنّ نَشَن نَ ﭑ قُرِ كُي، ﭑ شَ نَ مَكّنّن.
\q
\v 2 ﭑ بَرَ عَ قَلَ عَلَ بّ، عِ نَشَ ﭑ سُشُ.
\q عِ شَ ﭑ نَكٌلٌن عِ ﭑ سُشُشِ قٍ نَشَن مَ.
\q
\v 3 ﭑ تْورْقٍ رَقَن عِ مَ،
\q ﭑ تَن نَشَن قِندِشِ عِ شَ دَالِسٍ رَ؟
\q تِنشِنتَرٍ وَشْنقٍ رَقَن عِ مَ؟
\q
\v 4 عِ قٍ تٌ كِ مُ مَكُيَ عَدَ مَدِ قٍ تٌ كِ رَ؟
\q
\v 5 عِ شَ سِمَيَ مَنِيَ عَدَ مَدِ فبٍ رَ؟
\q
\v 6 عِ ﭑ تْورْقٍ مُنقٍ رَ؟
\q عِ نَ ﭑ مَ يُنُبِيٍ قٍنقٍ مُنقٍ رَ؟
\q
\v 7 عِ حَن ﭑ مَ تِنشِنيِ كٌلٌن،
\q عِ حَن عَ كٌلٌن مِشِ يٌ مُ ﭑ نَتَنفَمَ عِ بّلّشّ عِ.
\q
\v 8 عِ تَن نَن ﭑ دَاشِ،
\q عِ تَن نَن ﭑ سْنتْمَ.
\q
\v 9 عِ شَ رَتُ عَ مَ عَ عِ ﭑ دَاشِ بّندّ نَن نَ.
\q عِ مَن وَ مَ ﭑ نَفبِلٍنقٍ مّننِ نّ؟
\q
\v 10 عِ بَرَ ﭑ يَءِلَن عَلْ مِشِ
\q نَشَن شِحّ يَءِلَنمَ دٌنسٍ قَنيِ رَ.
\q
\v 11 عِ بَرَ ﭑ قَتٍ بِرِن يَءِلَن،
\q كِرِ، سُبٍ، شْرِ، نُن قَسّ.
\q
\v 12 عِ بَرَ ﭑ مَ سِمَيَ شْن كُيَ،
\q عِ بَرَ هِننّ ﭑ نَ،
\q عِ بَرَ عِ حّنفِ سَ ﭑ نِي شْن مَ.»
\b
\q
\v 13 «كْنْ يَكْسِ ﭑ بَرَ عَ كٌلٌن
\q نَشَن نُ نَ عِ شَشِلِ مَ ﭑ مَ قٍ رَ.
\q
\v 14 عِ بَرَ وَ ﭑ مَ يُنُبِ تٌقٍ،
\q عَلَكٌ عِ شَ تٌندِ دِحّدٍ ﭑ مَ.
\q
\v 15 شَ يُنُبِ نَ ﭑ مَ، حَشَنكَتّ نَ ﭑ بّ.
\q شَ يُنُبِ مُ نَ ﭑ مَ، ﭑ نَ يَافِ كُي،
\q ﭑ مُ نْمَ ﭑ شُنيِ يَتِ رَكٍلِدٍ.
\q
\v 16 شَ ﭑ سَ ﭑ شُنيِ رَكٍلِ،
\q عِ ﭑ بْنبْمَ عِ سّنبّ مَفَاشُشِ رَ،
\q عَلْ يّتّ سّنبّمَ عَ رَبَمَ كِ نَشّ.
\q
\v 17 عِ شَ شْنّ نَ شُن مَسَقٍ ﭑ مَ قٍ رَ،
\q عِ شَ حَشَنكَتّ بَرَ فبٌ يّ.
\q
\v 18 عِ ﭑ نَمِنِشِ ﭑ نفَ تّيفّ عِ مُنقٍ رَ؟
\q شَ ﭑ سَ قَشَ نَا نّ نُ، مِشِ يٌ مُ نُ ﭑ تٌمَ،
\q
\v 19 ﭑ مُ بَلٌمَ نُ،
\q ﭑ نُ تٌنفٌمَ نّ ﭑ نفَ تّيفّ،
\q ﭑ نَفٌرٌ فَبُرِ كُي كٍرٍن نَ.
\q
\v 20 نَشَن لُشِ ﭑ مَ سِمَيَ رَ، عَ مُ فبٌ سْنْن.
\q يَندِ، عِ شَ فبِلٍن ﭑ قْشْ رَ قَ،
\q سّيوّ دٌندٌرٌنتِ شَ لُ ﭑ بّ
\q
\v 21 بٍينُ ﭑ شَ سِفَ عَلِفِيَمَ،
\q دِ مِ نَ دّننَشّ.
\q ﭑ مُ فبِلٍنمَ دُنِحَ مَ سْنْن.
\q
\v 22 دِ مِ شُنفبٍ نَ عَلِفِيَمَ.
\q عَدَ مَ شَشِلِ عِقُمَ نَا.
\q مّننِ نَءِيَلَنيِ يَتِ نَن قِندِ مَ دِ مِ رَ.»
\c 11
\s1 سٌقَرَ شَ مَسٍنيِ سِنفٍ
\s2 «عَيُبَ، عِ شَ تُوبِ عَلَ مَ»
\q
\v 1 سٌقَرَ نَامَكَ نَشَ عَ قَلَ،
\q
\v 2 «عَ مُ لَن مِشِ شَ عِ شَ يِ مَسٍنيِ فبٍفبٍ يَابِ؟
\q مَسٍنيِ رَتٌقَنشِ مُ نْندِ قِمَ مَسٍنيِ مَ.
\q
\v 3 عِ حْشْ عَ مَ عَ مِشِ دُندُ مَ عِ شَ وْيّنيِيٍ مَ،
\q عِ شَ يٌ عَلَ مَ، مِشِ يٌ مُ عِ رَيَافِ؟
\q
\v 4 عِ نَشّ، ‹سٍسٍ مُ لُشِ ﭑ مَ لْننِ رَ،
\q ﭑ بَرَ سّنِيّن عَلَ يَ عِ.›
\q
\v 5 شَ عَلَ سَ وْيّن عِ بّ نُ،
\q
\v 6 عَ عَ شَ لْننِ فُندٌ مَسٍنمَ نّ عِ بّ،
\q نَشَن دَنفِمَ عَدَ مَدِ شَ قٍ تٌ كِ رَ.
\q
\v 7 عِ نْمَ عَلَ شَ تِلِنيِ كٌلٌندٍ؟
\q عِ نْمَ عَلَ سّنبّ كَنيِ شَشِلِ بِرِن قَهَامُدٍ؟
\q
\v 8 نَ لْننِ عِتٍ كٌورٍ شَ مَءِتٍ بّ،
\q عَ تِلِن عَلِفِيَمَ بّ.
\q عِ نْمَ سٌدٍ نَ كُي؟
\q
\v 9 عَ كُيَ بْشِ بّ،
\q عَ شَ فبٌي دَنفِ بَا رَ.
\q
\v 10 شَ عَلَ سَ مِشِ سُشُ،
\q عَ قَ عَ مَكِيتِ،
\q نْندِ لُمَ نَ كَنيِ بّ؟
\q
\v 11 عَلَ مِشِ حَاشِيٍ كٌلٌنمَ،
\q عَ تِنشِنتَرٍيٍ تٌمَ.
\q
\v 12 شَشِلِتَرٍ مُ نْمَ قِندِدٍ لْننِلَ رَ،
\q عَلْ سٌقَلٍ قَن تٌ مُ نْمَ قِندِدٍ عَدَ مَدِ رَ.
\q
\v 13 شَ عِ تَن عِ يّتّ رَفبِلٍن عَلَ مَ،
\q شَ عِ عِ بّلّشّ عِتَلَ عَ بّ،
\q
\v 14 شَ عِ فبِلٍن تِنشِنتَرٍيَ قْشْ رَ،
\q شَ عِ عَ مَتَنفَ عِ شَ دٍنبَيَ كُي،
\q
\v 15 نَ كُي عِ شُننَكٍلِ سْتْمَ نّ،
\q عِ سّنبّ سْتْ، عِ لِمَنِيَ عَ قَنيِ رَ.
\q
\v 16 نَ تّمُي عِ نّيمُمَ نّ عِ شَ تْورّ مَ،
\q عَلْ شُرٍ نَشَن بَرَ دَنفِ عَ رَكُيَ.
\q
\v 17 عِ شَ دُنِحّءِفِرِ يَنبَمَ نّ عَلْ سٌفٍ،
\q عِ شَ دِ مِ بَمَ نّ، عَ لُ عَلْ كُيٍ نَ عِبَ.
\q
\v 18 عِ بْحّ عَ رَشَرَ مَ نّ، شَشِلِ تِدٍ لُ عِ بّ،
\q قٍ حَاشِ عَ مَكُيَمَ نّ عِ رَ،
\q عِ شِ شْلِ قَنيِ رَبَ.
\q
\v 19 عِ نَ عِ سَ، مِشِ يٌ مُ عِ شَ شِ شْلِ كَنَمَ عِ مَ.
\q مِشِيٍ قَمَ نّ عِ شَ هِننّ عٍ رَ.
\q
\v 20 كْنْ تِنشِنتَرٍيٍ شَ قٍ شُن نَكَنَمَ نّ،
\q عٍ مُ كِسِمَ، قَشّ نَن عٍ مَمّشِ.»
\c 12
\s1 عَيُبَ شَ مَسٍنيِ سَشَن ندٍ
\s2 «دَالِسٍ بِرِن نَ عَلَ شْنيّ عِ.»
\q
\v 1 عَيُبَ نَشَ عَ يَابِ،
\q
\v 2 «دُنِحَ شُي نَن نَ وٌ كْن نَ.
\q عَ لُشِ نّ يِ كِ عَلْ لْننِ بِرِن نَ وٌ تَن فبَنسَن يِ رَ.
\q
\v 3 كْنْ ﭑ تَن قَن، شَشِلِ نَ ﭑ بّ عَلْ وٌ تَن.
\q وٌ مُ قِسَ ﭑ بّ دٍ.
\q وٌ نَشَن قَلَشِ، ندٍ مُ نْمَ نَ كٌلٌندٍ؟
\q
\v 4 ﭑ نَ عَلَ مَشَندِ،
\q عَلَكٌ ﭑ شَ يَابِ ندٍ سْتْ عَ رَ،
\q تِنشِنتْي قِندِ عَ بٌورٍيٍ بّ مَيٍلٍ سٍ رَ.
\q
\v 5 مِشِيٍ نَشٍيٍ مُ نَ تْورّ كُي،
\q عٍ يٌمَ تْورْ مِشِ شَ تْورّ مَ.
\q عٍ عَ قَلَمَ عٍ نُن نَ تْورّ نَن لَن.
\q
\v 6 كْنتْقِلِ يٌ مُ نَ مُحّتِيٍ شْنيِ.
\q كُيٍ بَتُييٍ عَلَ شِلِ مَبٍرٍ مَ،
\q كْنْ عٍ بْحّ سَشِ.
\q
\v 7 مَشْرِنيِ تِ سُبٍيٍ مَ وُلَ عِ، عٍ شَ عِ رَلْننِ.
\q شْنِيٍ قَن شَ نَ مَسٍن عِ بّ.
\q
\v 8 بْشِ مَتٌ، نَ قَن شَ قِندِ لْننِ رَ عِ بّ.
\q يّشّيٍ مَشْرِن بَا مَ،
\q نٍيٍ قَن شَ نَ مَسٍن عِ بّ.
\q
\v 9 عٍ بِرِن عَ كٌلٌن عَلَتَلَ قْشِ نَن نَ كِ.
\q
\v 10 دَالِسٍ بِرِن نِي نَ عَ شْنيّ عِ،
\q عَدَ مَدِ بِرِن حّنفِ قَتَنشِ عَ تَن نَن نَ.
\q
\v 11 عَدَ مَ شَ عَ حْشْ سَ يِ مَسٍنيِيٍ شْن مَ،
\q عَلْ عَ دّ عَ حْشْ سَمَ دٌنسٍ شْن مَ كِ نَشّ.
\q
\v 12 لْننِ نَ قٌرِيٍ يِ رَ،
\q سِمَيَ شْنكُيٍ نَن شَشِلِ قِمَ مِشِ مَ.
\q
\v 13 لْننِ نُن سّنبّ نَ عَلَ نَن يِ رَ،
\q مَرَ سِ نُن شَشِلِ قَنيِ نَ عَ تَن نَن بّ.
\q
\v 14 شَ عَلَ سٍ كَنَ، عَ مُ نْمَ رَقَلَدٍ سْنْن.
\q شَ عَ تَن نَن مِشِ بَلَنشِ، نَ كَنيِ مُ مِنِمَ.
\q
\v 15 شَ عَلَ كَنكَن تُنّ مَ، سٍ بِرِن شَرَ مَ نّ.
\q شَ عَ عَ بّحِن، عَ بَنبَرَن يّ بْشِ مَ.
\q
\v 16 سّنبّ نُن نْندِ نَ عَ تَن نَن يِ رَ.
\q مِشِ نَشَن مَدَشُشِ نُن مِشِ مَدَشُي، عٍ بِرِن عَ فبٍ.
\q
\v 17 عَ نْمَ مَرَ سِمَيٍ سُشُدٍ،
\q عَ نْمَ كِيتِسَيٍ شَشِلِ عِقُدٍ.
\q
\v 18 مَنفّ يْلْنشْنيِ نَشَن سَشِ مِشِيٍ مَ،
\q عَلَ نَ بَمَ نّ عٍ مَ، عَ عَ سَ مَنفّ تَن مَ.
\q
\v 19 عَلَ سّرّشّدُبّيٍ شَنِنمَ كٌنيِيَ كُي،
\q عَ مَنفَسَنيِ رَبِرَ.
\q
\v 20 عَ مَسٍنيِ بَمَ مَرَ سِمَيٍ يِ،
\q عَ قٌرِيٍ شَ لْننِ مَقِندِ مَ.
\q
\v 21 عَ كُنتِفِيٍ رَيَافِمَ،
\q عَ سّنبّمَيٍ عِفٌرٌ مَ.
\q
\v 22 عَ فُندٌي مَكّنّنمَ،
\q عَ دِ مِ قِندِ نَءِيَلَنيِ رَ.
\q
\v 23 عَ حَمَنّيٍ شُن نَكٍلِمَ،
\q عَ مَن عٍ شُن نَكَنَ.
\q عَ عٍ رَ سِفَ، عَ مَن عٍ رَقَ.
\q
\v 24 عَ شَشِلِ بَمَ حَمَنّيٍ مَنفّيٍ يِ رَ،
\q عَ عٍ رَلْي فبٍنفبٍرٍنيِ مَ.
\q
\v 25 عٍ لُمَ عَلْ دْنشُييٍ نَشٍيٍ مُ نَءِيَلَنيِ تٌمَ،
\q عٍ لُمَ عَلْ سِيسِلَيٍ كِرَ عِقُمَ نَشٍيٍ مَ.»
\c 13
\s1 عَيُبَ شَ مَسٍنيِ سَشَن ندٍ دّ عِدْشْي
\s2 «دَالِسٍ بِرِن نَ عَلَ شْنيّ عِ»
\q
\v 1 «عِيٌ، ﭑ يَ بَرَ نَ بِرِن تٌ،
\q ﭑ تُلِ بَرَ نَ مّ.
\q
\v 2 وٌ نَشَن كٌلٌن، ﭑ تَن قَن نَ كٌلٌن.
\q وٌ مُ قِسَ ﭑ بّ.
\q
\v 3 ﭑ تَن وَ مَ نّ فبَنسَن،
\q ﭑ شَ وْيّن عَلَ سّنبّ كَنيِ رَ،
\q ﭑ وَ مَ ﭑ يّتّ نَن شُن مَقَلَقٍ عَ بّ.
\q
\v 4 وٌ تَن بَرَ ﭑ تْوحّفّ.
\q وٌ مُ قَشِ سٍرِ يٌ رَ ﭑ بّ.
\q
\v 5 شَ وٌ وٌ سَبَرِشِ نّ نُ، نَ نَن قِسَ.
\q نَ نُ نْمَ قِندِدٍ نّ لْننِ رَ.
\q
\v 6 وٌ شَ وٌ تُلِ مَتِ ﭑ مَ مَسٍنيِ رَ،
\q وٌ شَ ﭑ شُنمَقَلَ وْيّنيِيٍ رَ مّ.
\q
\v 7 وٌ تَن وَ مَ وْيّن تِنشِنتَرٍيٍ نَن قَلَقٍ عَلَ شِلِ رَ؟
\q وٌ وَ مَ وُلٍ نَن قَلَقٍ وٌ مَرِفِ شِلِ رَ؟
\q
\v 8 وٌ وَ مَ عَلَ مَلِقٍ نّ؟
\q وٌ وَ مَ عَلَ نَن شُن مَقَلَقٍ؟
\q
\v 9 وٌ مُنسٍ رَبَمَ شَ عَ سَ وٌ سٌندٌنيِيٍ مَتٌ؟
\q وٌ نْمَ عَلَ مَدَشُدٍ عَلْ وٌ مِشِ مَدَشُمَ كِ نَشّ؟
\q
\v 10 ﭑ عَ كٌلٌن، عَ وٌ رَكْرْ سِمَ نّ شَ وٌ تَنتَنمَ وٌ شَ فُندٌي كُي.
\q
\v 11 وٌ مُ فَاشُمَ عَ سّنبّ يَ رَ؟
\q وٌ مُ فَاشُمَ عَ شَ شْنّ يَ رَ؟
\q
\v 12 وٌ شَ مَسٍنيِيٍ لُمَ عَلْ تّ شُبٍ،
\q وٌ مَكَنتَ سٍيٍ سّنبّ مُ نَ.
\q
\v 13 وٌ وٌ سَبَرِ، وٌ عَ لُ ﭑ شَ وْيّن.
\q قٍ نَشَن ﭑ لِمَ، نَ ﭑ لِمَ نّ.
\q
\v 14 ﭑ سُو سَشِ ﭑ يّتّ رَ مِنِدٍ كّنّ مَ مُنقٍ رَ،
\q هَلِ نَ تٌ نْمَ قِندِدٍ نّ قَشّ رَ ﭑ بّ؟
\q
\v 15 هَلِ عَلَ ﭑ قَشَ، ﭑ نَن ﭑ شَشِلِ تِمَ عَ تَن نَن نَ.
\q ﭑ نَن ﭑ يّتّ شُن مَقَلَمَ عَ تَن نَن يَ عِ.
\q
\v 16 نَ يَتِ نْمَ قِندِدٍ كِسِ رَ ﭑ بّ،
\q بَرِ مَ تِنشِنتَرٍ مُ سُو سَمَ تِدٍ عَ يَ عِ.
\q
\v 17 وٌ ﭑ مَ مَسٍنيِيٍ رَ مّ،
\q وٌ وٌ تُلِ مَتِ عٍ رَ.»
\b
\q
\v 18 «وٌ عَ لُ ﭑ شَ ﭑ فبٍ قَلَ،
\q ﭑ عَ كٌلٌن نْندِ لُمَ نّ ﭑ بّ.
\q
\v 19 ندٍ نْمَ ﭑ مَ يُنُبِ مَسٍندٍ ﭑ بّ؟
\q شَ نَ رَبَ،
\q ﭑ دُندُ مَ نّ، ﭑ تِن قَشَقٍ رَ.»
\b
\q
\v 20 «عَلَ، قٍ قِرِن فبَنسَن نَبَ ﭑ بّ،
\q عَلَكٌ ﭑ نَشَ نْشُن عِ مَ سْنْن.
\q
\v 21 عِ شْنيّ بَ ﭑ مَ،
\q عِ مَن شَ بَ ﭑ مَفَاشُقٍ.
\q
\v 22 نَ تّمُي ﭑ شِلِ قَ، ﭑ عِ يَابِمَ نّ،
\q شَ نَ مُ عَ رَ ﭑ نْمَ نّ وْيّندٍ، عِ ﭑ يَابِ.
\q
\v 23 ﭑ مَ يُنُبِ نُن ﭑ مَ قٍ حَاشِ شَسَبِ لَنشِ مُنسٍ مَ؟
\q ﭑ مَ يُنُبِ نُن ﭑ مَ قٍ حَاشِ مَسٍن ﭑ بّ.
\q
\v 24 عِ مّيشِ ﭑ نَ مُنقٍ رَ؟
\q عِ ﭑ قِندِشِ عِ يَشُي رَ مُنقٍ رَ؟
\q
\v 25 عِ وَ مَ سّنبّ شُرِ كَنيِ نَن نَسّرّنقٍ؟
\q عِ وَ مَ بِرَقٍ مِشِ شُرُدِ نَن قْشْ رَ؟
\q
\v 26 عِ بَرَ ﭑ حَشَنكَتَ عَ حَاشِ رَ
\q ﭑ مَ يُنُبِيٍ شَ قٍ رَ ﭑ نَشٍيٍ رَبَشِ ﭑ قٌنِكٍ تّمُي رَ.
\q
\v 27 عِ يْلْنشْنيِ نَن سَشِ ﭑ سَنيِيٍ مَ،
\q عَلَكٌ عِ شَ ﭑ حّرّ كِ بِرِن كٌلٌن،
\q عِ شَ نَانِنيِ سَ ﭑ مَ حّرّ مَ.
\q
\v 28 ﭑ قَتٍ نَ بْرْقٍ نّ يِ كِ،
\q عَلْ دُفِ شِيٍيٍ نَشَن شِنشِ.»
\c 14
\s1 عَيُبَ شَ مَسٍنيِ نَانِ ندٍ
\s2 «عَدَ مَ شَ دُنِحّءِفِرِ شْرْشْ»
\q
\v 1 «عَدَ مَ، فِنّ بَرِ دِ،
\q عَ شَ سِمَيَ دُنكٍ، كْنتْقِلِ فبٌ عَ مَ.
\q
\v 2 عَ لُشِ نّ عَلْ قُفٍ نَشَن مِنِمَ، عَ قَ شَبَ.
\q عَ لُشِ نّ عَلْ نِينِ نَشَن مُ بُمَ.
\q
\v 3 عِ وَ مَ ﭑ مَنِيَقٍ نَ نَن نَ، عِ شَ ﭑ مَكِيتِ؟
\q
\v 4 ندٍ نْمَ سّنِيّنيِ رَ مِنِدٍ سّنِيّنتَرٍحَ كُي؟
\q مِشِ يٌ!
\q
\v 5 شَ عِ تَن نَن مِشِ شَ سِمَيَ كْنتِ رَفِرِشِ،
\q شَ عِ تَن نَن نَتّ تٌنفٌشِ عَ شَ سِمَيَ كْنتِ دَندٍ مَ،
\q
\v 6 عِ شَ فبِلٍن عَ قْشْ رَ،
\q عَلَكٌ عَ شَ عَ مَلَبُ
\q عَلْ وَلِكّ عَ مَلَبُمَ كِ نَشّ وَلِ رَحْنيِ.»
\b
\q
\v 7 «شَ وُرِ بِلِ نَ عَ رَ نُ،
\q عَ نَ شَبَ، عَ شُنتُنيِ مَن فبِلٍنمَ نّ حِنفِ رَ،
\q عَ سَلٌنيِيٍ مَن قَن.
\q
\v 8 شَ عَ سَنكٍ سَ بُ بْشِ بُن مَ،
\q عَ شُنتُنيِ تَن نَشَ قَشَ بّندّ كُي،
\q
\v 9 تُنّ بِرّ، عَ مَن نْمَ قِندِدٍ عَ رَ عَلْ عَ سِنفٍ.
\q
\v 10 كْنْ عَدَ مَدِ تَن،
\q شَ عَ قَشَ، عَ سّنبّ بِرِن حْنمَ نّ،
\q عَ مُ بَلٌشِ سْنْن.
\q
\v 11 بَا نُن شُرٍ نْمَ شْرِدٍ،
\q
\v 12 كْنْ عَدَ مَدِ لَاشِرَشِ مُ كٍلِمَ،
\q قٌ كٌورٍ شَ حْن، عَ قَ شُنُ.
\b
\q
\v 13 عَ شْلِ ﭑ مَ عِ شَ ﭑ نْشُن عَلِفِيَمَ،
\q هَن عِ شَ شْنّ دَنفِمَ تّمُي نَشّ، عِ قَ رَتُ ﭑ مَ.
\q
\v 14 كْنْ عَدَ مَ نَ قَشَ، عَ مَن فبِلٍنمَ بَلٌ رَ؟
\q ﭑ مَمّ تِمَ نّ ﭑ مَ وَلِ كُي،
\q هَن ﭑ حْشْي قَ تّمُي.
\q
\v 15 عِ نَ ﭑ شِلِ، ﭑ قَمَ عِ شَ شِلِ رَتِندٍ،
\q بَرِ مَ عِ وَ مَ نّ عِ شَ دَالِ شْن.
\q
\v 16 يَكْسِ عِ ﭑ سَنيِ تٌنفٌ كِ بِرِن عِفبّمَ.
\q عِ مُ ﭑ مَ يُنُبِيٍ تٌمَ.
\q
\v 17 ﭑ مَ قٍ حَاشِيٍ نْشُن بّكِ كُي،
\q ﭑ مَ يُنُبِيٍ شَقَرِ!»
\b
\q
\v 18 «كْنْ فٍيَ بِرَ مَ عَ يٍنسٍن يّ،
\q قَنيٍ تَلَ عَ يِرٍ،
\q
\v 19 يٍ كِرَ رَبْو فّمّيٍ شْن مَ،
\q عَ بْشِ بّندّ شَنِن عَ شُن.
\q عِ قَن عَدَ مَدِ شَشِلِ تِدٍ رَبَمَ نَ كِ نّ.
\q
\v 20 عِ نْمَ عَدَ مَ رَ، عَ قَ قَشَ.
\q عِ نَ فّ عَ تْورْدٍ، عِ عَ شَنِن عَلِفِيَمَ.
\q
\v 21 شَ عَ شَ دِيٍ بِنيّ سْتْمَ،
\q عَ مُ نَ كٌلٌن.
\q شَ بِنيّ بَمَ عٍ مَ،
\q عَ مُ نَ تٌمَ.
\q
\v 22 عَدَ مَ شَ تْورّ فبٌ دُنِحَ بّندّ قُحِ قَرِ،
\q عَ بْحّ لُمَ سُننُنيِ كُي.»
\c 15
\s1 عٍلِقَسِ تٍمَنكَ شَ مَسٍنيِ قِرِن ندٍ
\s2 «عَيُبَ شَ وْيّنيِ مُ قَن»
\q
\v 1 عٍلِقَسِ تٍمَنكَ نَشَ عَ قَلَ،
\q
\v 2 «لْننِلَ شَ يَابِ نْمَ مَنِيَدٍ قٌيٍ رَ؟
\q عَ يّتّ عِفبٌمَ نَ نَن نَ؟
\q
\v 3 عَ نْمَ عَ شُن مَقَلَدٍ وْيّنيِ قُقَقُ رَ؟
\q عَ نْمَ مَسٍنيِ قَلَدٍ نَشَن تِدٍ مُ نَ؟
\q
\v 4 عِ نَ بِنيّ بَقٍ عَلَ مَ،
\q عِ نَ لِمَنِيَ بَقٍ مِشِيٍ يِ رَ عَلَ بَتُقٍ رَ.
\q
\v 5 عِ شَ قٍ حَاشِ نَن عَ نِيَقٍ عِ شَ وْيّن نَ كِ.
\q عِ وَ مَ مِشِيٍ مَدَشُقٍ عِ دّ رَ.
\q
\v 6 عِ دّ يَتِ نَن قِندِشِ سٍيدٍ رَ عِ شَ قٍ حَاشِيٍ مَ.
\q ﭑ تَن مُ عَ رَ.»
\b
\q
\v 7 «عَدَ مَ سِنفٍ عِ تَن نَن نَ؟
\q عِ سِنفٍ دَا فٍيَيٍ بّ؟
\q
\v 8 عِ عَلَ شَ فُندٌ رَ مّ نّ،
\q عَلَكٌ عِ شَ لْننِ سْتْ عِ يّتّ كَن بّ؟
\q
\v 9 عِ مُنسٍ كٌلٌن مُشُ تَن مُ نَشَن كٌلٌن؟
\q عِ قَهَامُي مُندُن سْتْشِ مُشُ تَن مُ نَشَن سْتْشِ؟
\q
\v 10 قٌرِيٍ نَ مُشُ يَ مَ نَشٍيٍ قٌرِ عِ بَبَ بّ.
\q
\v 11 عِ مُ لِمَنِيَ سْتْ عَلَ شَ مَسٍنيِيٍ كُي،
\q مُشُ نَشٍيٍ قَلَ عِ بّ مَرَقَنيِ رَ؟»
\b
\q
\v 12 «عِ بْحّ تٍشِ مُنقٍ رَ،
\q هَن عِ يَ بَرَ فبٍيلِ عَ عِ،
\q
\v 13 عِ دّ نُ قَ وْيّنيِيٍ قَلَ شْنّ كُي عَلَ بّ؟
\q
\v 14 عَدَ مَدِ سّنِيّن؟
\q فِنّ بَرِ دِ تِنشِن؟
\q
\v 15 شَ عَلَ مُ لَمَ عَ شَ سّنِيّنتْييٍ رَ،
\q شَ كٌورٍ يَتِ مُ سّنِيّن عَلَ يَ عِ،
\q
\v 16 عَدَ مَدِ فٌ، نَشَن بَرَ كَنَ،
\q نَشَن قٍ حَاشِ رَبَمَ تّمُي بِرِن؟»
\b
\q
\v 17 «عِ تُلِ مَتِ ﭑ نَ، ﭑ شَ نَ تَفِ رَبَ عِ بّ.
\q ﭑ قٍ نَشَن تٌشِ،
\q ﭑ شَ نَ قَلَ عِ بّ،
\q
\v 18 لْننِلَيٍ نَشَن مَسٍنشِ،
\q عٍ نَشَن سْتْ عٍ بَبَيٍ رَ عٍ مُ عَ نْشُن.
\q
\v 19 عَلَ بْشِ قِشِ عٍ تَن نَن مَ،
\q شْحّ فبّتّ يٌ مُ نُ نَ سِندٍن.
\q
\v 20 مِشِ حَاشِ تْورْ مَ نّ عَ شَ سِمَيَ بِرِن كُي،
\q كْنتِ سَشِ عَ شَ سِمَيَ مَ.
\q
\v 21 عَ هَلَكِ قٍ مّمَ،
\q مُحّتِيٍ بَفَنمَ عَ مَ، عٍ عَ شَ بْحّسَ كَنَ.
\q
\v 22 عَ عَ كٌلٌن عَ مُ كِسِمَ،
\q سَنتِدّفّمَ نَ عَ مَمّقٍ.
\q
\v 23 عَ عَ لِنتَنمَ بَلٌ قٍندٍ،
\q عَ عَ كٌلٌن عَ مُ رَتَنفَمَ دِ مِ مَ.
\q
\v 24 تْورّ نُن كْنتْقِلِ بَرَ عَ مَفَاشُ،
\q عٍ فٍرٍ تِمَ عَلْ مَنفّ نُن عَ شَ سْورِيٍ،
\q
\v 25 بَرِ مَ عَ بَرَ عَ يّتّ عِفبٌ عَلَ مَ،
\q عَ بَرَ سُو سَ عَلَ سّنبّ كَنيِ رَ.
\q
\v 26 عَ بَرَ سُو سَ عَلَ فٍرٍدٍ عَ شَ وُرٍ لٍقَيٍ بُن مَ.
\q
\v 27 عَ بَرَ شُنفبٌ هَن عَ قُرِ شَلّ بَرَ دْشْ،
\q
\v 28 كْنْ عَ قَمَ سَبَتِدٍ تَا كَنَشِيٍ نَن كُي،
\q نَشٍيٍ نَ بِرَقٍ،
\q مِشِيٍ مُ نَ دّننَشّ.
\q
\v 29 عَ شَ نَاقُلِ حْنمَ نّ،
\q عَ شَ بَننَيَ كَنَ.
\q بَرَكّ مُ لُمَ عَ شَ سٍ سْتْي مَ سْنْن.
\q
\v 30 عَ مُ نْمَ كٍلِدٍ دِ مِ كُي.
\q عَ بْنسْي قَمَ فَندٍ،
\q عَ سْنتْ عَلَ كّرّ قٌيٍ رَ.»
\b
\q
\v 31 «شَ عَ شَشِلِ تِمَ قٍ قُقَقُ رَ،
\q عَ قٍ قُقَقُ نَن سْتْمَ.
\q
\v 32 بٍينُن عَ شَ سِمَيَ شَ كَمَلِ،
\q عَ قَمَ حَشَنكَتّ سْتْدٍ.
\q
\v 33 عَ لُمَ عَلْ سَنسِ بٌفِ نَشٍيٍ بَمَ عٍ شِندٍ رَ،
\q عَلْ سَنسِ قُفٍ نَشٍيٍ بِرَ مَ.
\q
\v 34 تِنشِنتَرٍ شَ دٍنبَيَ مُ فبٌمَ،
\q مِشِ نَشٍيٍ كْبِرِ رَ سُشُمَ تِنشِنتَرٍيَ كُي،
\q عٍ شَ بَنشِيٍ فَنمَ نّ تّ رَ.
\q
\v 35 قٍ حَاشِ مَحْشُنقٍ قِندِ مَ تْورّ نَن نَ.
\q نَ مَحْشُنيِ قَمَ عَ كَنيِ يَنقَدٍ.»
\c 16
\s1 عَيُبَ شَ مَسٍنيِ سُولِ ندٍ
\s2 «عَيُبَ شَ سٍيدٍ نَ كٌورٍ مَ»
\q
\v 1 عَيُبَ نَشَ عَ يَابِ،
\q
\v 2 «ﭑ بَرَ وٌ شَ مَسٍنيِ مَنِيّ فبٍفبٍ مّ.
\q وٌ مُ قَتَ مِشِ مَدُندُدٍ.
\q
\v 3 وٌ شَ مَسٍنيِيٍ مَنِيَ قٌيٍ رَ.
\q عٍ حْنمَ تّمُي مُندُن؟
\q ﭑ مَ يَابِيٍ بَرَ وٌ رَشْنْ؟
\q
\v 4 شَ وٌ تَن نَن نُ نَ تْورْقٍ،
\q ﭑ تَن قَن نُ نْمَ وْيّندٍ نّ عَلْ وٌ تَن،
\q ﭑ وٌ تْوحّفّ، ﭑ يٌ وٌ مَ.
\q
\v 5 كْنْ ﭑ تَن مُ نُ نَ رَبَمَ،
\q ﭑ وٌ سّنبّ سٌمَ ﭑ مَ وْيّنيِيٍ نَن نَ نُ،
\q ﭑ دّ وٌ رَلِمَنِيَ.»
\b
\q
\v 6 «ﭑ مَ وْيّنيِ مُ ﭑ مَ تْورّ بَمَ،
\q ﭑ مَ سَبَرِ قَن مُ عَ مَكُيَمَ ﭑ نَ.
\q
\v 7 يَكْسِ قَ، ﭑ بَرَ تَفَن.
\q عَلَ، عِ بَرَ ﭑ مَ دٍنبَيَ بِرِن هَلَكِ.
\q
\v 8 عِ بَرَ ﭑ قَتٍ بِرِن بَ ﭑ مَ،
\q نَ بَرَ قِندِ سٍيدٍ رَ ﭑ شِلِ مَ.
\q
\v 9 عَلَ شَ شْنّ بَرَ دُتُن ﭑ مَ،
\q عَ بَرَ ﭑ تْورْ عَ حَاشِ رَ،
\q عَلْ ﭑ يَشُي نْمَ عَ رَبَدٍ كِ نَشّ.
\q
\v 10 ﭑ يَشُييٍ قٍ حَاشِ قَلَمَ ﭑ مَ قٍ رَ،
\q عٍ ﭑ نَيَافِمَ، عٍ ﭑ بْنبْمَ.
\q عٍ بِرِن عٍ مَلَنمَ ﭑ شِلِ مَ.
\q
\v 11 عَلَ مُ ﭑ نَتَنفَ قٌنِكٍ كَرِنشِيٍ مَ،
\q عَ ﭑ سٌ مِشِ حَاشِيٍ يِ رَ.
\q
\v 12 ﭑ نُ بْحّسَ نَن كُي،
\q كْنْ عَ نَشَ ﭑ سُشُ،
\q عَ ﭑ عِمَشَ، عَ ﭑ شُن نَكَنَ.
\q ﭑ بَرَ لُ عَلْ سٍ عَ لُمَ نَشَن بْنبْ رَ.
\q
\v 13 عَ شَ تَنبّيٍ ﭑ نَبِلِنشِ يِرٍ بِرِن،
\q عٍ بَرَ ﭑ بْحّ سْشْ كِنِكِنِتَرٍحَ كُي،
\q عٍ ﭑ قُرِنفّيٍ رَ مِنِ كّنّ مَ.
\q
\v 14 عَ ﭑ فٍرٍ مَ عَلْ فٍرٍ سٌي شَاحّ.
\q
\v 15 ﭑ بَرَ سُننُن دٌنمَ رَفٌرٌ ﭑ قَتٍ مَ،
\q ﭑ بَرَ ﭑ شُن سِن بْشِ مَ.
\q
\v 16 وَ بَرَ ﭑ يَيٍ فبٍيلِ،
\q سَيَ بَرَ مَكْرّ ﭑ نَ.
\q
\v 17 كْنْ ﭑ مُ قٍ حَاشِ يٌ رَبَشِ.
\q ﭑ نُ عَلَ مَشَندِ مَ سّنِيّنيِ نَن كُي.
\q
\v 18 بّندّ، عِ نَشَ دُ سُ ﭑ وُلِ شُن نَ،
\q عَ لُ ﭑ وَ شُي شَ مَكّنّن يِرٍ بِرِن.»
\b
\q
\v 19 «كٍلِقٍ يَكْسِ مَ قَ، ﭑ مَ سٍيدٍ نَ كٌورٍ مَ،
\q ﭑ شُنمَقَلَمَ نَ يِرٍ عِتٍشِ.
\q
\v 20 ﭑ بٌورٍيٍ نَ يٌقٍ ﭑ مَ،
\q كْنْ ﭑ نَن ﭑ مَوَ مَ عَلَ نَن بّ.
\q
\v 21 ﭑ سٍيدٍ شَ ﭑ شُن مَقَلَ عَلَ شْن مَ،
\q عَلْ مِشِ عَ بٌورٍ شُن مَقَلَمَ كِ نَشّ،
\q
\v 22 عَ شَ ﭑ شُن مَقَلَ بَرِ مَ عَ فبٍ مُ لُشِ ﭑ شَ سِفَ،
\q ﭑ مُ فبِلٍنمَ سِفّ نَشَن كُي.»
\c 17
\s1 عَيُبَ شَ مَسٍنيِ سُولِ ندٍ دّ عِدْشْي
\s2 «ﭑ شَشِلِ تِشِ فَبُرِ نَن نَ»
\q
\v 1 «ﭑ نَ ﭑ نِي مَفَفَقٍ،
\q عَ فبٍ مُ لُشِ ﭑ مَ سِمَيَ رَ،
\q فَبُرِ عَ دّ رَبِشِ ﭑ يَ رَ.
\q
\v 2 مِشِيٍ نَ يٌقٍ ﭑ مَ،
\q ﭑ مُ نْمَ شِدٍ.
\q
\v 3 عَلَ، يَندِ، تَانِ ﭑ بّ،
\q مِشِ فبّتّ يٌ مُ تِنمَ نَ رَبَدٍ،
\q
\v 4 بَرِ مَ عِ بَرَ ﭑ بٌورٍيٍ شَشِلِ بَلَن.
\q عِ نَشَ عَ لُ عٍ شَ نْ ﭑ نَ.
\q
\v 5 عٍ لُمَ عَلْ شّمّ نَشَن دٌنسٍ قِمَ مِشِ فبّتّيٍ مَ،
\q عَ شَ دِ كَامّشِ يَ شْرِ.
\q
\v 6 مِشِ بِرِن ﭑ مَيٍلٍمَ،
\q عٍ عٍ دّ يٍ بْشُنمَ ﭑ يَتَفِ.
\q
\v 7 ﭑ يَ مُ قَ سٍسٍ تٌمَ مَرَحَاشُي شَ قٍ رَ،
\q ﭑ قَتٍ بِرِن بَرَ بَ ﭑ مَ.
\q
\v 8 تِنشِنتْييٍ كَابَمَ ﭑ مَ،
\q عٍ قَ شْنْ تِنشِنتَرٍيٍ مَ.
\q
\v 9 تِنشِنتْي لُمَ عَ شَ كِرَ شْن،
\q سّنِيّنتْي سّنبّ شُن مَسَمَ.
\q
\v 10 وٌ تَن بِرِن نْمَ قَدٍ،
\q كْنْ ﭑ مُ لَشِ عَ رَ شَ ﭑ لْننِلَ كٍرٍن تٌمَ وٌ يَ مَ.
\q
\v 11 ﭑ مَ سِمَيَ كْنتِ بَرَ حْن،
\q ﭑ مُ فّشِ ﭑ مَ وَلِيٍ رَ،
\q ﭑ وَشْنقٍ مُ سْونّيَشِ ﭑ بّ.
\q
\v 12 يِ تِنشِنتَرٍيٍ قٍ مَقِندِ مَ،
\q عَ قَلَقٍ رَ عَ دِ مِ نَن نَ نَءِيَلَنيِ رَ.
\q عٍ نَشّ عَ نَءِيَلَنيِ بَرَ مَكْرّ،
\q كْنْ عٍ نَ قَلَمَ دِ مِ نَن كُي.
\q
\v 13 ﭑ شَشِلِ تِشِ عَلِفِيَمَ نَن نَ قَ،
\q ﭑ شَ سَ بّلّ دِ مِ كُي،
\q
\v 14 فَبُرِ شَ قِندِ ﭑ بَبَ رَ،
\q كُلِ شَ قِندِ نفَ نُن ﭑ مَافِنّ رَ.
\q
\v 15 ﭑ شَشِلِ تِشِ مُنسٍ رَ سْنْن؟
\q ﭑ شَشِلِ تِدٍ يٌ مُ نَ قَ.
\q
\v 16 ﭑ شَشِلِ تِدٍ نَ عَلِفِيَمَ نَن نَ،
\q ﭑ فٌرٌ مَ دّننَشّ بّندّ شْورَ.»
\c 18
\s1 بِلِدَدَ سُوشَكَ شَ مَسٍنيِ قِرِن ندٍ
\s2 «مِشِ حَاشِيٍ شَ شُننَكَنّ»
\q
\v 1 بِلِدَدَ سُوشَكَ نَشَ عَ قَلَ،
\q
\v 2 «وٌ يِ مَسٍنيِ مْولِ دَنمَ تّمُي مُندُن؟
\q وٌ شَ شَشِلِ سْتْ عَلَكٌ وٌن شَ وْيّن عَ قَنيِ رَ.
\q
\v 3 وٌ مُشُ مَحْشُنشِ سُبٍيٍ رَ مُنقٍ رَ؟
\q مُنقٍ رَ مُشُ قِندِشِ وٌ بّ شَشِلِتَرٍ رَ؟
\q
\v 4 عَيُبَ، عِ تَن نَشَن شْنْشِ،
\q دُنِحَ شَ دَن عِ شَ قٍ رَ؟
\q فٍيَ شَ تَلَ عِ بّ عَ تِدٍ؟»
\b
\q
\v 5 «ﭑ شَ عَ قَلَ وٌ بّ،
\q مِشِ حَاشِ شَ قٍ حْنمَ نّ،
\q عَلْ تّ شُبٍنمَ كِ نَشّ،
\q عَ بَ نَءِيَلَنيِ رَ مِنِقٍ.
\q
\v 6 عَ شَ دٍنبَيَ شَ قٍ حْنمَ نّ،
\q عَ يّتّ شَ قٍ دَنمَ نّ.
\q
\v 7 عَ مُ عَ حّرّ مَ سّنبّ رَ سْنْن،
\q عَ وَشْنقٍ قَمَ نّ عَ شُن نَكَنَدٍ.
\q
\v 8 عَ بَرَ سُشُ يّلّ رَ،
\q عَ مُ مِنِمَ نَشَن كُي سْنْن.
\q
\v 9 فَنتَنيِ بَرَ عَ سَنيِ سُشُ،
\q عَ مُ عَ بَمَ نَشَن يِ سْنْن.
\q
\v 10 فَنتَنيِ لُوتِ نُ نْشُنشِ بّندّ بُن مَ،
\q فَنتَنيِ نُ تٍشِ سَنكِرَ شْن مَ.
\q
\v 11 فَاشُي بَرَ عَ سُشُ عَ شَ قٍ بِرِن كُي.
\q
\v 12 كَامّ بَرَ عَ سُشُ،
\q عَ بَرَ لُ تْورّ كُي.
\q
\v 13 عَ قَتٍ بَرَ بَ عَ مَ،
\q عَ سَلٌنسٍ نَ بْرْقٍ سَيَ كِرَ شْن مَ.
\q
\v 14 عَ بَرَ كٍلِ عَ شْنيِ عَ نُ لَشِ دّننَشّ رَ،
\q عَ نَ سِفَقٍ مَنفّ مَفَاشُشِ يِرٍ.
\q
\v 15 عِ نْمَ لُدٍ عَ شَ بَنشِ كُي،
\q عَ فبٍ مُ لُشِ سْنْن.
\q عَلِفِيَمَ بَرَ قِندِ عَ شْنيِ رَ.
\q
\v 16 عَ سَنكٍيٍ بَرَ شَرَ،
\q عَ سَلٌنيِيٍ بَرَ لِسِ.
\q
\v 17 دُنِحَ مِشِيٍ بَرَ نّيمُ عَ مَ،
\q عٍ مُ رَتُمَ عَ شِلِ مَ سْنْن.
\q
\v 18 عَ بَرَ كٍلِ نَءِيَلَنيِ كُي،
\q عَ سٌ دِ مِ كُي دُنِحَ قَرِ مَ.
\q
\v 19 دِ مُ عَ بّ، عِ قَ عَ عِ نّ مَمَدِ.
\q عَ نُ سَبَتِشِ دّننَشّ،
\q بْنسْي يٌ مُ عَ بّ مّننِ سْنْن.
\q
\v 20 بْنسْي نَشٍيٍ سَ قَمَ، كٍلِ سٌفٍتٍدٍ نُن سٌفٍفٌرٌدٍ،
\q نٍيٍ قَمَ نّ كَابَدٍ عَ شَ شُننَكَنّ مَ،
\q فَاشُي قَ عٍ سُشُ.
\q
\v 21 تِنشِنتَرٍ شَ مَرَحْنيِ لُمَ نَ كِ نّ،
\q عَلَ كٌلٌنتَرٍ شَ قٍ رَبَمَ نَ كِ نّ.»
\c 19
\s1 عَيُبَ شَ مَسٍنيِ سٍننِ ندٍ
\s2 «ﭑ نَكِسِمَ نَ قَقٍ»
\q
\v 1 عَيُبَ نَشَ عَ يَابِ،
\q
\v 2 «وٌ قَمَ ﭑ تْورْدٍ هَن تّمُي مُندُن؟
\q وٌ ﭑ بْحّ هَلَكِمَ وٌ شَ مَسٍنيِ رَ هَن تّمُي مُندُن؟
\q
\v 3 عَ دْشْ قُ نَن يِ كِ وٌ ﭑ كٌنبِمَ،
\q ﭑ تْورْقٍ مُ وٌ يَافِمَ؟
\q
\v 4 شَ نْندِ نَ عَ رَ، ﭑ نَ يُنُبِ كُي،
\q عَوَ، نَ يُنُبِ لُمَ ﭑ تَن نَن مَ.
\q
\v 5 شَ وٌ وَ مَ عَ مَسٍنقٍ ﭑ بّ عَ وٌ قِسَ ﭑ بّ،
\q شَ وٌ وَ مَ ﭑ مَ تْورّ قِندِقٍ ﭑ مَ يُنُبِ رَ،
\q
\v 6 وٌ شَ عَ كٌلٌن شْنّ نَشَن نَ ﭑ مَ،
\q نَ قَتَنشِ عَلَ نَن نَ،
\q عَ تَن نَن ﭑ سُشُشِ عَ شَ يّلّ رَ.
\q
\v 7 شَ ﭑ سَ فبٍلٍفبٍلٍ ﭑ مَ شْنّ شَ قٍ رَ،
\q ﭑ مُ يَابِ يٌ سْتْمَ.
\q شَ ﭑ سَ وَ كِيتِ شَ سَ،
\q كِيتِ تِنشِنشِ يٌ مُ سَمَ.
\q
\v 8 عَلَ بَرَ كِرَ عِبٌلٌن ﭑ يَ رَ،
\q ﭑ مُ نْمَ دَنفِدٍ،
\q عَ بَرَ ﭑ مَ كِرَ عِقْورْ ﭑ مَ.
\q
\v 9 عَ بَرَ ﭑ شُن نَكَنَ،
\q عَ بَرَ بِنيّ بِرِن بَ ﭑ مَ.
\q
\v 10 عَ بَرَ ﭑ مَ قٍ بِرِن نَبِرَ.
\q عَ بَرَ ﭑ شَشِلِ تِدٍ تَلَ عَلْ سَنسِ بِلِ تَلَمَ كِ نَشّ.
\q
\v 11 عَ بَرَ شْنْ ﭑ مَ عَ حَاشِ رَ،
\q ﭑ بَرَ قِندِ عَ يَشُي رَ.
\q
\v 12 عَ شَ فٍرٍ سٌي بَرَ ﭑ نَبِلِن،
\q عٍ نَ ﭑ فٍرٍقٍ،
\q ﭑ مُ نْمَ ﭑ فِدٍ عٍ مَ.
\q
\v 13 عَ بَرَ ﭑ نفَشَكٍرٍنيِيٍ مَكُيَ ﭑ نَ،
\q ﭑ كٌلٌنمَيٍ بَرَ يٍنسٍن يّ.
\q
\v 14 ﭑ دْشْبٌورٍيٍ بَرَ ﭑ نَبّحِن،
\q ﭑ دّقَنبٌورٍيٍ بَرَ ﭑ نَبٌلٌ.
\q
\v 15 ﭑ مَ شْحّيٍ نُن ﭑ مَ كٌنيِيٍ،
\q نٍيٍ مُ ﭑ كٌلٌن سْنْن.
\q
\v 16 ﭑ نَ ﭑ مَ كٌنيِ شِلِ،
\q هَلِ ﭑ عَ مَيَندِ،
\q عَ مُ ﭑ مَ شِلِ رَتِنمَ.
\q
\v 17 ﭑ دّ شِرِ بَرَ رَحَاشُ ﭑ مَ فِنّ مَ،
\q ﭑ مَ قٍ مُ رَقَن ﭑ نفَشَكٍرٍنيِيٍ مَ.
\q
\v 18 دِ مّيٍ يَتِ يٌمَ ﭑ مَ.
\q
\v 19 ﭑ فُندٌ شِرِ بٌورٍ بَرَ ﭑ شْن،
\q ﭑ شَنُنتٍنيِيٍ بَرَ ﭑ يَنقَ.
\q
\v 20 ﭑ قَتٍ بِرِن بَرَ بَ ﭑ مَ،
\q ﭑ شْرِيٍ مِنِ كّنّ مَ.
\q سٍسٍ مُ لُشِ سْنْن.
\q
\v 21 ﭑ بٌورٍيٍ، وٌ كِنِكِنِ ﭑ مَ،
\q يَندِ، وٌ كِنِكِنِ ﭑ مَ،
\q بَرِ مَ عَلَ نَن ﭑ بْنبْشِ.
\q
\v 22 مُنقٍ رَ وٌ ﭑ تْورْ مَ عَلْ عَلَ عَ رَبَشِ كِ نَشّ؟
\q وٌ مُ نُ وَ سَ سِندٍن؟»
\b
\q
\v 23 «شَ ﭑ مَ وْيّنيِيٍ سّبّشِ بُكِ كُي نُ،
\q
\v 24 شَ عٍ مَسٌلِشِ فّمّ مَ وُرٍ رَ نُ،
\q نَ تّمُي عٍ بُمَ نّ نُ عَبَدَن.
\q
\v 25 كْنْ ﭑ تَن عَ كٌلٌن ﭑ نَكِسِمَ حِحّ نَ عَ رَ.
\q عَ قَمَ وْيّنيِ دْنشْي قَلَدٍ دُنِحَ مَ.
\q
\v 26 ﭑ قَتٍ نَ فّ بْرْدٍ،
\q ﭑ تَن يَتِ قَمَ نّ عَلَ تٌدٍ.
\q
\v 27 ﭑ تَن نَن يَتِ قَمَ عَ تٌدٍ ﭑ يَيٍ رَ،
\q عَ مُ مَتَالِمَ ﭑ بّ.
\q نَ كُي ﭑ بْحّ سّيوَ مَ نّ عَ قَنيِ رَ.
\q
\v 28 وٌ تَن نَشٍيٍ مَشْرِنيِ تِمَ،
\q ‹وٌن عَ تْورْقٍ مُنقٍ رَ؟›
\q وٌ قَمَ ﭑ مَ نْندِ كٌلٌندٍ.
\q
\v 29 وٌ شَ فَاشُ سَنتِدّفّمَ يَ رَ،
\q بَرِ مَ حَشَنكَتّ وٌ سْتْمَ نّ وٌ شَ قٍ حَاشِيٍ مَ.
\q نَ كُي وٌ قَمَ عَ كٌلٌندٍ عَ كِيتِسَ ندٍ نَ.»
\c 20
\s1 سٌقَرَ شَ مَسٍنيِ قِرِن ندٍ
\s2 «تْورّ نَن نَ تِنشِنتَرٍ كّ رَ»
\q
\v 1 سٌقَرَ نَامَكَ نَشَ عَ قَلَ،
\q
\v 2 «عِ شَ مَسٍنيِ بَرَ ﭑ تْورْ،
\q قٌ ﭑ شَ عِ يَابِ.
\q
\v 3 ﭑ بَرَ مَرَكْرْ سِ ندٍ مّ
\q نَشَن بَرَ ﭑ شَشِلِ عِقُ.
\q ﭑ عِ يَابِمَ ﭑ مَ لْننِ رَ نَ نَن مَ.
\q
\v 4 عِ مُ عَ كٌلٌن كَبِ عَدَ مَ نَشَ دَا، عَ لُ دُنِحَ مَ،
\q
\v 5 مِشِ حَاشِيٍ شَ شُننَكٍلِ مُ بُمَ؟
\q عٍ شَ حّلّشِنيِ دُنكٍ؟
\q
\v 6 هَلِ عَ شَ قٍ فبٌ يّ،
\q هَلِ عَ شُنيِ كٌورٍ لِ،
\q
\v 7 عَ قَمَ سْنتْدٍ عَ لُ عَلْ سٍ نَشَن تِدٍ مُ نَ،
\q عَ كٌلٌنمَيٍ نُ قَ مَشْرِنيِ تِ، ‹عَ نَ مِندٍن؟›
\q
\v 8 عَ دَنفِمَ نّ عَلْ شِيٍ.
\q
\v 9 عَ كٌلٌنمَيٍ مُ عَ تٌمَ سْنْن،
\q عَ لْيمَ نّ عَ شَ مِشِيٍ مَ.
\q
\v 10 عَ شَ دِيٍ سٍتَرٍيٍ كِمَ سٍيٍ رَ، عٍ بَبَ نَشٍيٍ مُحَ.
\q عٍ بَبَ شَ نَاقُلِ فبِلٍنمَ نّ نَ مِشِيٍ مَ.
\q
\v 11 سّنبّ نَشَن نُ نَ عَ يِ رَ عَ قٌنِكٍ رَ،
\q نَ بِرِن كَنَمَ نّ، عَ قِندِ بّندّ رَ.
\q
\v 12 قٍ حَاشِ نَ رَقَن مِشِ مَ،
\q عَ قَ نَ رَفَتَ عَ قُرِ كُي،
\q
\v 13 عَ مُ عَ بّحِن،
\q عَ مُ فبِلٍن نَ قْشْ رَ،
\q
\v 14 عَ شَ دٌنسٍ قِندِ مَ ثْسْنّ نَن نَ عَ قُرِ كُي.
\q
\v 15 عَ نَاقُلِ نَشَن دٌنشِ،
\q عَ قَمَ نَ بْشُندٍ.
\q عَلَ يَتِ نَ بَمَ نّ عَ قُرِ كُي.
\q
\v 16 عَ بْشِمَسٍ شَ شْنّ نَن بّسُمَ،
\q بِيدَ نَن عَ قَشَمَ.
\q
\v 17 عَ هَرِفٍ نَشَن سْتْشِ،
\q نَشَن بَرَ فبٌ يّ عَلْ شُرٍ،
\q
\v 18 عَ نَ بِرِن نَفبِلٍنمَ نّ،
\q عَ مُ نْمَ نَ سٍسٍ دٌندٍ.
\q نَ مُ قِندِ مَ حّلّشِنيِ رَ عَ بّ،
\q
\v 19 بَرِ مَ عَ بَرَ سٍ بَ تْورْ مِشِيٍ يِ رَ.
\q عَ بَرَ عٍ شَ بَنشِيٍ بَ عٍ يِ رَ،
\q عَ مُ نَشٍيٍ تِشِ.
\q
\v 20 وَ سَبَلِ نَن تٌ نُ عَ رَ عَ شَ مِلّ كُي،
\q عَ هَرِفٍ كٍرٍن مُ رَتَنفَمَ.
\q
\v 21 عَ تٌ نُ سٍ بِرِن مَحْشُنشِ عَ يّتّ نَن بّ،
\q عَ شَ هّيرِ مُ بُمَ.
\q
\v 22 عَ نّ نَ عَ شَ قَنيِ تَفِ،
\q تْورْ سِن تّمُي نَن نَ كِ عَ مَ.
\q
\v 23 عَ دّفٍ تّمُي، عَلَ قَمَ عَ تْورْدٍ عَ شَ شْنّ رَ،
\q نَ تْورّ قَ قِندِ عَ شَ دٌنسٍ رَ.
\q
\v 24 شَ فٍرٍ سٌسٍ لَنمَدِ مُ عَ تْورْ،
\q فٍرٍ سٌسٍ شُنفبٍ نَن نَوَلِمَ عَ شِلِ مَ.
\q
\v 25 هَلِ عَ تَنبّ تَلَ عٍ عَ سْشْشِ نَشَن نَ،
\q قٍ مَفَاشُشِ فبّتّ قَمَ نّ عَ لِدٍ.
\q
\v 26 عَ شَ نَاقُلِ بِرِن لُمَ دِ مِ نَن كُي،
\q تّ قَ نَ بِرِن فَن عَ شْنيِ.
\q
\v 27 عَلَ عَ شَ يُنُبِ مَكّنّن مَ،
\q عَدَ مَدِيٍ نَ سَرٍ رَفبِلٍن عَ مَ.
\q
\v 28 عَ شَ نَاقُلِ بِرِن سِفَمَ نّ
\q عَلَ شَ شْنّ لْشْي.
\q
\v 29 عَلَ نَ نَن قِمَ مِشِ حَاشِ مَ كّ رَ.
\q نَ بَرَ قِندِ عَلَ حَنِفٍ رَ نَ مِشِ مْولِ بّ.»
\c 21
\s عَيُبَ شَ مَسٍنيِ سٌلٌقٍرٍ ندٍ
\s2 «مُنقٍ رَ تِنشِنتَرٍيٍ مُ تْورْ مَ؟»
\q
\v 1 عَيُبَ نَشَ عَ يَابِ،
\q
\v 2 «وٌ وٌ تُلِ مَتِ ﭑ مَ مَسٍنيِ رَ.
\q وٌ شَ نَ رَبَ ﭑ بّ.
\q
\v 3 وٌ دِحّ ﭑ بّ، ﭑ شَ وْيّن.
\q ﭑ نَ فّ، وٌ قَ يٌ ﭑ مَ.
\q
\v 4 ﭑ نَن ﭑ شُن مَوَشِ مِشِ نَن شِلِ مَ؟
\q قْلْ يِ تّمُي مَ، ﭑ دِحّمَ مُنقٍ رَ قَ؟
\q
\v 5 وٌ وٌ يَ تِ ﭑ نَ، وٌ شَ ﭑ قَتٍ عِفبّ.
\q وٌ مُ كَابَشِ شّ ﭑ قَتٍ مَ؟
\q
\v 6 ﭑ نَن ﭑ مَحْشُن عَ مَ،
\q فَاشُي نَن ﭑ سُشُمَ،
\q ﭑ قَتٍ بِرِن نُ سّرّن ﭑ مَ.»
\b
\q
\v 7 «مُنقٍ رَ مِشِ حَاشِيٍ بُمَ دُنِحَ مَ؟
\q مُنقٍ رَ عٍ قِندِ مَ شّمْشِ سّنبّمَيٍ رَ؟
\q
\v 8 عٍ شَ دِيٍ شُن نَكٍلِمَ،
\q عٍ بْنسْييٍ قَن قٍ قَنيِ سْتْمَ عٍ يَ حِحّ رَ.
\q
\v 9 عٍ شَ دٍنبَيَيٍ لُمَ بْحّسَ كُي،
\q فَاشُي يٌ مُ عٍ مَ،
\q عَلَ قَن مُ عٍ تْورْ مَ.
\q
\v 10 عٍ شَ تُورَيٍ سّنبّ فبٌ،
\q عٍ تٍمَ عٍ شَ نِنفٍ فِنّيٍ مَ،
\q نٍيٍ دِيٍ بَرِ مَ، عٍ قُرِ مُ بِرَ مَ.
\q
\v 11 نَ مِشِ حَاشِيٍ شَ دِيٍ قَرٍ بٌرٌنمَ،
\q
\v 12 عٍ سِفِ سَمَ مَشَسٍيٍ، كْرَ، نُن شُلٍ شُي رَ.
\q
\v 13 عٍ شَ سِمَيَ كَمَلِمَ هّيرِ كُي،
\q عٍ مَن قَ قَشَ قَشّ سْونّيَشِ رَ.»
\b
\q
\v 14 «عَ نُن، عٍ نُ عَ قَلَمَ نّ عَلَ بّ عٍ شَ سِمَيَ كُي،
\q ‹عِ مَكُيَ مُشُ رَ، مُشُ مُ وَ مَ عِ شَ سّرِيّ كٌلٌنقٍ.
\q
\v 15 مُشُ عَلَ سّنبّ كَنيِ رَبَتُمَ مُنقٍ رَ؟
\q عَ مَشَندِقٍ قِندِ مَ فٍينِ مُندُن نَ مُشُ بّ؟›
\q
\v 16 ﭑ عَ كٌلٌن عٍ هَرِفٍ مُ نُ قَتَنشِ عٍ يّتّ شَ رَ،
\q ﭑ نَن ﭑ مَكُيَمَ مِشِ حَاشِيٍ شَ مَرَ سِ رَ نَ نَن مَ.
\q
\v 17 كْنْ هَلَكِ مِشِ حَاشِيٍ لِمَ تّمُي بِرِن نّ؟
\q عَلَ فبَلٌي فبٍفبٍ رَفِرِ مَ عٍ مَ عَ شَ شْنّ كُي؟
\q
\v 18 عٍ شَ قٍ كَنَمَ عَ فبٍ رَ،
\q عَلْ مَالٍ لَفِ قٌيٍ نَشَن نَ قَنَقَنَنمَ؟
\q
\v 19 عَلَ حَشَنكَتّ رَفَتَمَ عٍ شَ دِيٍ بّ؟
\q مُنقٍ رَ عَ مُ عٍ تَن يَتِ حَشَنكَتَمَ؟
\q
\v 20 عَ لَنمَ عٍ تَن يَتِ شَ عٍ شَ تْورّ تٌ عٍ يَ رَ،
\q عٍ تَن يَتِ شَ عَلَ سّنبّ كَنيِ شَ شْنّ كٌلٌن.
\q
\v 21 شَ مِشِ حَاشِ فّ قَشَدٍ،
\q عَ مُ عَ شَ دٍنبَيَ شَ تْورّ كٌلٌنمَ.
\q
\v 22 عَدَ مَدِ نْمَ لْننِ ندٍ قِدٍ عَلَ مَ،
\q مَنفّيَ بِرِن نَ نَشَن مَ يَامَرِ بُن مَ؟
\q
\v 23 مِشِ ندٍ قَشَمَ بْحّسَ كُي،
\q عَ سّنبّ فبٌ، كْنتْقِلِ يٌ مُ لُ عَ مَ،
\q
\v 24 عَ قَتٍ قَن، عَ شْرِيٍ شْرْشْ فبٍن.
\q
\v 25 كْنْ مِشِ فبّتّ تَن قَشَمَ تْورّ كُي،
\q عَ مُ هّيرِ يٌ نّمُننّمُن.
\q
\v 26 نَ مِشِ قِرِنيِ بِرِن سَمَ بّندّ نّ،
\q كُلِ قَ عٍ دٌن.
\q
\v 27 ﭑ وٌ شَ مَحْشُنيِيٍ كٌلٌن عَ قَنيِ رَ،
\q وٌ وَ مَ نْندِ رَكَنَقٍ ﭑ نَ نَشٍيٍ شَقٍ رَ.
\q
\v 28 وٌ نَشّ، ‹كُنتِفِ شَ بَنشِ نَ مِندٍن؟
\q مِشِ حَاشِ شْنيِ نَ دِ؟›
\q
\v 29 كْنْ وٌ مُ مَشْرِنيِ تِشِ بِيَاسِلَيٍ مَ؟
\q وٌ مُ وٌ تُلِ مَتِشِ عٍ شَ دّنتّفّ رَ؟
\q
\v 30 مِشِ حَاشِ مُ فبَلٌي سْتْمَ فبَلٌي لْشْي،
\q عَ رَتَنفَمَ نّ نَ شْنّ مَ.
\q
\v 31 ندٍ تِمَ عَ يَ عِ عَ عَ مَكِيتِ؟
\q ندٍ عَ شَ وَلِ كٌبِ سَرٍ رَفبِلٍنمَ عَ مَ؟
\q
\v 32 مِشِيٍ عَ شَنِنمَ فَبُرِ،
\q عٍ مَن قَ بِنيّ سَ عَ مَ مّننِ.
\q
\v 33 فَبُرِ بّندّ مُ عَ تْورْ مَ،
\q عَ بِنيّ سْتْ حَمَ فبٍفبٍ رَ.
\q
\v 34 نَ كُي، وٌ ﭑ مَدُندُ مَ مَدُندُي قُيَن نَ دِ؟
\q مَدَشُي مَسٍنيِيٍ نَن تُن نَ وٌ شَ لْننِ مَسٍنيِيٍ كُي.»
\c 22
\s1 عٍلِقَسِ تٍمَنكَ شَ مَسٍنيِ سَشَن ندٍ
\s2 «عَيُبَ شَ فبِلٍن عَلَ مَ»
\q
\v 1 عٍلِقَسِ تٍمَنكَ نَشَ عَ قَلَ،
\q
\v 2 «عَدَ مَ تِدٍ نَ عَلَ بّ؟
\q عَدٍ، عَدَ مَ لْننِشِ نْمَ عَ يّتّ فبَنسَن نَن مَلِدٍ.
\q
\v 3 عِ شَ تِنشِنيِ قِندِ مَ فٍينِ مُندُن نَ عَلَ سّنبّ كَنيِ بّ؟
\q عِ لُقٍ نْندِ كُي، نَ عَلَ مَلِمَ دِ؟
\q
\v 4 عَلَ نَ عِ حَشَنكَتَقٍ عِ شَ تِنشِنيِ نَن شَ قٍ رَ؟
\q عَ نَ كِيتِ حَاشِ سَقٍ عِ مَ نَ نَن مَ؟
\q
\v 5 عِ شَ قٍ حَاشِ مُ فبٌشِ شّ؟
\q عِ شَ يُنُبِيٍ مُ وُيَشِ شّ هَن عَ دَنفِ عَ عِ؟
\q
\v 6 عِ بَرَ سٍيٍ رَ سُشُ سّيكّ رَ عِ نفَشَكٍرٍنيِيٍ يِ رَ.
\q عِ بَرَ عٍ شَ سٌسٍيٍ يَتِ بَ عٍ مَ،
\q عِ عٍ مَفٍلِ تِ.
\q
\v 7 عِ مُ نُ مِشِ كِمَ يٍ رَ، يٍ شْلِ نُ نَشَن مَ،
\q عِ مُ نُ كَامّتْي كِمَ دٌنسٍ رَ.
\q
\v 8 عِ نُ بْشِ سٌمَ سّنبّمَ نَن يِ رَ،
\q نَا قِندِ يّتّ عِفبٌي سَبَتِدٍ رَ.
\q
\v 9 عِ نُ كَاحّ فِنّيٍ نُن كِرِدِيٍ كٍرِ نّ عٍ بّلّشّ عِفٍلِ رَ.
\q
\v 10 نَ نَن عَ تٌشِ عِ رَبِلِنشِ فَنتَنيِيٍ رَ،
\q قٍ مَفَاشُشِيٍ عِ سْتْشِ.
\q
\v 11 عِ مُ نَ دِ مِ حَاشِ تٌقٍ؟
\q عِ مُ نَ يٍ تٌقٍ عِ مَدُلَقٍ نَشَن شْورَ؟»
\b
\q
\v 12 «عَلَ مُ نَ كٌورٍ مَ؟
\q تُنبُييٍ مَتٌ، عٍ عِتٍشِ كِ نَشّ.
\q
\v 13 عِ قَ عَ قَلَمَ مُنقٍ رَ،
\q ‹عَلَ مُنسٍ كٌلٌن؟
\q عَلَ نَشَن نَ نُشُييٍ قَرِ مَ،
\q نَ نْمَ كِيتِ سَدٍ بٍ؟
\q
\v 14 نُشُييٍ نَ عَلَ نُن عَدَ مَيٍ نَن تَفِ.
\q عَلَ عَ حّرّ مَ كٌورٍ مَ،
\q كْنْ عَ مُ نْمَ عَدَ مَيٍ تٌدٍ.›
\q
\v 15 عِ وَ مَ لُقٍ نَ كِرَ قٌرِ نَن شْن مَ،
\q تِنشِنتَرٍيٍ نَ دّننَشّ كَبِ تّمُي شْننَكُيٍ؟
\q
\v 16 عٍ قَشَ نّ عٍ شَ سِمَيَ كْنتِ مُ كَمَلِ،
\q عَلْ يٍ بَنبَرَنشِ سٍ شَنِنمَ كِ نَشّ.
\q
\v 17 عٍ عَ قَلَ نّ عَلَ بّ،
\q ‹فبِلٍن مُشُ قْشْ رَ.
\q عَلَ سّنبّ كَنيِ نْمَ مُنسٍ رَبَدٍ مُشُ بّ؟›
\q
\v 18 كْنْ عَلَ نَن هَرِفٍ فبٍفبٍ قِ عٍ مَ.
\q نَ نَن عَ تٌمَ ﭑ مُ ﭑ تُلِ مَتِمَ مِشِ حَاشِيٍ شَ مَرَ سِ رَ.
\q
\v 19 تِنشِنتْييٍ مِشِ حَاشِيٍ شَ هَلَكِ تٌمَ نّ،
\q عَ قِندِ عٍ بّ حّلّشِنيِ رَ.
\q مِشِ قَنيِيٍ يٌمَ نّ عٍ مَ، عٍ عَ قَلَ،
\q
\v 20 ‹مُشُ يَشُييٍ بَرَ سْنتْ،
\q تّ بَرَ عٍ شَ نَاقُلِ فَن.›
\q
\v 21 نَ كُي، عِ تَن شَ عِ شَ قٍ يَءِلَن عِ تَن نُن عَلَ تَفِ،
\q عَلَكٌ عِ شَ بْحّسَ سْتْ، عِ مَن شَ هّيرِ كٌلٌن.
\q
\v 22 عِ شَ تِن عَ شَ مَرَ سِ رَ،
\q عِ شَ عَ شَ مَسٍنيِ مَسْتْ عِ بْحّ كُي.
\q
\v 23 شَ عِ مَن فبِلٍنمَ عَلَ سّنبّ كَنيِ مَ،
\q عَ قَمَ عِ شُن نَكٍلِدٍ.
\q عِ شَ قٍ حَاشِ مَكُيَ عِ شْنيِ رَ،
\q
\v 24 عِ شَ شّيمَ وٌلِ شُرٍ مَ،
\q نَ شّيمَ نَشَن كٍلِشِ عٌقِرِ بْشِ مَ.
\q
\v 25 نَ تّمُي عَلَ سّنبّ كَنيِ نَن قِندِ مَ عِ هَرِفٍ رَ،
\q عَ قِندِ عِ شَ شّيمَ نُن فبٍتِ حْشْي رَ.
\q
\v 26 عَلَ سّنبّ كَنيِ نَن قَمَ رَقَندٍ عِ مَ
\q دَنفِقٍ قٍ بِرِن نَ.
\q عِ قَمَ عِ شَشِلِ تِدٍ عَ تَن نَن نَ.
\q
\v 27 عِ نَ عَ مَشَندِ، عَ عِ شَ دُبّ سُشُمَ نّ.
\q نَ تّمُي عِ شَ عِ فبٍ لَايِدِ رَكَمَلِ عَ مَبِرِ.
\q
\v 28 عَ عِ شَ نَتّيٍ سْونّيَمَ نّ،
\q عَ تّ يَنبَمَ عِ بّ عِ شَ كِرَيٍ بِرِن شْن مَ.
\q
\v 29 عَلَ عَ نِيَمَ نّ عِ شَ مِشِ مَفٌرٌشِ رَكٍلِ،
\q بَرِ مَ عَ لُمَ نَ مِشِ مْولِ مَلِ رَ.
\q
\v 30 عَ نْمَ يُنُبِتْي يَتِ رَكِسِدٍ،
\q عِ شَ سّنِيّنيِ سَابُي رَ.»
\c 23
\s1 عَيُبَ شَ مَسٍنيِ سٌلٌمَسَشَن ندٍ
\s2 «عَلَ نَ مِندٍن؟»
\q
\v 1 عَيُبَ نَشَ عَ يَابِ،
\q
\v 2 «تٌ قَن ﭑ مَ يَشَسٍرِ مَسَ شْرْشْ،
\q عَ شَ كٌتٍ فبٌ ﭑ شُن،
\q ﭑ سّنبّ بَرَ حْن.
\q
\v 3 شَ عَ سَ لِ ﭑ نُ نْمَ عَلَ تٌدٍ نُ،
\q شَ عَ سَ لِ ﭑ نُ نْمَ سِفَدٍ عَ شْنيِ نُ،
\q
\v 4 ﭑ نَن ﭑ شَشِلِ كُي عِقٍيٍ بِرِن قَلَمَ نّ عَ بّ نُ.
\q
\v 5 نَ كُي ﭑ نُ نْمَ نّ عَ شَ يَابِ كٌلٌندٍ،
\q عَلَكٌ ﭑ شَ قَهَامُي سْتْ نَ كُي.
\q
\v 6 عَ قَمَ عَ سّنبّ بِرِن نَمِنِدٍ ﭑ مَ كِيتِقٍ رَ؟
\q عَدٍ، عَ عَ يَيٍ نَن تِمَ ﭑ نَ تُن.
\q
\v 7 نَ تّمُي عَ ﭑ مَ تِنشِنيِ تٌمَ نّ،
\q عَ قَ نْندِ قِ ﭑ مَ.»
\b
\q
\v 8 «كْنْ عَلَ مُ تٌمَ سٌفٍتٍدٍ،
\q عَ مُ تٌمَ سٌفٍفٌرٌدٍ.
\q
\v 9 ﭑ عَ قٍنمَ كْولَ مَ،
\q ﭑ عَ قٍنمَ يِرٍقَنيِ مَ،
\q كْنْ عَ مُ تٌمَ.
\q
\v 10 كْنْ عَ تَن ﭑ تٌمَ عَ قَنيِ رَ.
\q عَ نَ فّ ﭑ تٌدٍ، عَ نْندِ قِمَ ﭑ مَ.
\q
\v 11 ﭑ بِرَشِ نّ عَ قْشْ رَ،
\q ﭑ عَ شَ سّرِيّ بِرِن نَبَتُ.
\q
\v 12 ﭑ مُ عَ شَ يَامَرِيٍ بّحِنشِ.
\q عَ وَشْنقٍ قِندِشِ نّ ﭑ وَشْنقٍ رَ.»
\b
\q
\v 13 «ندٍ نْمَ عَ شَ نَتّ تٌنفٌشِ مَسَرَدٍ؟
\q عَ وَ مَ نَشَن شْن، عَ نَ نَن نَبَمَ.
\q
\v 14 عَ نَشَن حَنِفٍشِ ﭑ مَ قٍ رَ،
\q عَ قَمَ نَ نَن نَفِرِدٍ ﭑ مَ.
\q عَ قَمَ قٍ فبّتّيٍ قَن سَدٍ نَ قَرِ.
\q
\v 15 نَ نَن عَ تٌمَ ﭑ فَاشُمَ عَ يَ رَ.
\q ﭑ نَ عَ شَ قٍ مَحْشُن، ﭑ مُ سُو سَمَ.
\q
\v 16 عَلَ بَرَ لِمَنِيَ بَ ﭑ يِ،
\q عَلَ سّنبّ كَنيِ بَرَ ﭑ مَفَاشُ،
\q
\v 17 كْنْ ﭑ مُ دُندُ مَ نَ دِ مِ شَ قٍ رَ،
\q نَ دِ مِ مُ نْمَ ﭑ نَ.»
\c 24
\s1 عَيُبَ شَ مَسٍنيِ سٌلٌمَسَشَن ندٍ دّ عِدْشْي
\s2 «عَلَ كِيتِ سَمَ تّمُي مُندُن؟»
\q
\v 1 «مُنقٍ رَ عَلَ سّنبّ كَنيِ مُ لْشْي رَفَتَشِ كِيتِ سَقٍ مَ؟
\q مُنقٍ رَ عَ شَ مِشِيٍ مُ نَ لْشْي كٌلٌنشِ؟
\q
\v 2 مِشِيٍ نَانِنيِيٍ تْنشُمَ مَسِفَمَ،
\q عٍ شُرُ سٍيٍ مُحَمَ، عٍ عٍ رَفبّنفبّن يِرٍ فبّتّ.
\q
\v 3 كِرِدِيٍ شَ سٌقَلٍ مُحَمَ عٍ مَ،
\q كَاحّ فِنّ شَ نِنفٍ رَ سُشُمَ عَ يِ رَ سّيكّ رَ.
\q
\v 4 عٍ سٍتَرٍيٍ شَ كِرَ بَلَنمَ عٍ يَ رَ،
\q عٍ تْورْ مِشِيٍ كَرَشَنمَ عٍ شَ عٍ نْشُن.
\q
\v 5 تْورْ مِشِيٍ مِنِمَ سُبَشّ مَ بَلٌي قٍندٍ عٍ شَ دِيٍ بّ،
\q عٍ وَلِمَ عَلْ سٌقَلٍ فبٍنفبٍرٍنيِ مَ،
\q عٍ مُ دٌنسٍ يٌ سْتْمَ.
\q
\v 6 عٍ شّ شَبَمَ تِنشِنتَرٍيٍ بّ،
\q عٍ عٍ شَ سَنسِ بٌفِيٍ بَمَ عٍ بّ.
\q
\v 7 عٍ كْي رَدَنفِمَ شِنبٍلِ رَ،
\q دُفِ يٌ مُ عٍ يِ رَ عٍ نَشَن قٍلٍنمَ عٍ مَ.
\q
\v 8 تُنّ عٍ بُندَ مَ نَشَن كٍلِمَ فٍيَيٍ كْن نَ،
\q بَفٍ تٌ مُ عٍ بّ، عٍ عٍ شِدٍ قٍنمَ فّمّيٍ لٌنفٌرِ رَ.
\q
\v 9 كِرِدِ نفَ شِحّيٍ بَمَ عٍ دّ عِ،
\q سّيكّ رَ سُشُمَ سٍتَرٍيٍ يِ رَ.
\q
\v 10 نٍيٍ مَفٍلِ نَن سِفَمَ.
\q عٍ كٌتٍ شَنِنمَ كَامّ رَ عٍ مَ.
\q
\v 11 عٍ سَنسِ شْرِيٍ وُرُ مَ، عٍ تُرٍ بَ عَ عِ،
\q عٍ وّنِ بٌفِ بٌرٌنمَ، عٍ وّنِ بَ عَ عِ.
\q عٍ نَ بِرِن نَبَمَ يٍ شْلِ رَ عٍ مَ.
\q
\v 12 مِشِيٍ عٍ مَوَ مَ تَا كُي.
\q مِشِ مَشْنْشِيٍ شِلِ تِمَ،
\q كْنْ عَلَ فبٍ قٍ يٌ مُ نَ نَ قٍيٍ.»
\b
\q
\v 13 «مِشِ حَاشِيٍ، نٍيٍ مُ نَءِيَلَنيِ كٌلٌن،
\q عٍ مُ نَ كِرَيٍ كٌلٌن،
\q عٍ مُ عٍ حّرّ مَ نٍيٍ شْن مَ.
\q
\v 14 قَشّتِ كٍلِمَ سُبَشّ مَ،
\q عَ تْورْ مِشِ نُن سٍتَرٍ قَشَ،
\q عَ مُحّ تِ كْي رَ.
\q
\v 15 كُيٍ نَ عِقْورْ، يّنّلَ عَ قَلَمَ،
\q ‹مِشِ يٌ مُ ﭑ تٌمَ،›
\q عَ قَ مِنِ دُفِ دُ سُشِ عَ يَتَفِ شُن نَ.
\q
\v 16 كْي رَ مُحّتِيٍ نَادّيٍ كَنَمَ،
\q يَنيِ رَ عٍ عٍ يّتّ مَبَلَن بَنشِيٍ كُي.
\q نَءِيَلَنيِ مُ رَقَن عٍ مَ هَلِ.
\q
\v 17 عٍ تَن، كْي قِندِشِ عٍ بّ عٍ شَ يَنيِ نَن نَ،
\q دِ مِ نَن عٍ مَلِمَ.»
\b
\q
\v 18 «بَنبَرَنيِ قَمَ تِنشِنتَرٍ شَنِندٍ،
\q عَ دَنكَشِ نَن عَ رَ دُنِحَ مَ.
\q عَ مُ وّنِ بِلِيٍ تٌمَ سْنْن.
\q
\v 19 عَلِفِيَمَ يُنُبِتْي شَ قٍ دَنمَ نّ،
\q عَلْ سٌفٍ لِنلِنيِ بَلَبَلَنيِ يٍ شْرِ مَ كِ نَشّ.
\q
\v 20 فِنّ نَشَن شِحّ قِشِ يُنُبِتْي مَ،
\q نَ نّيمُمَ نّ عَ مَ،
\q كُلِيٍ تَن قَ عَ دٌن.
\q مِشِ يٌ مُ رَتُمَ عَ مَ سْنْن.
\q نَ كُي عَ شَ تِنشِنتَرٍيَ بَرَ تَلَ
\q عَلْ سَنسِ تَلَمَ كِ نَشّ.
\q
\v 21 عَ قٍ حَاشِ رَبَمَ فِنّ دِبَرِتَرٍ رَ،
\q عَ مُ كِنِكِنِمَ كَاحّ فِنّ مَ.
\q
\v 22 كْنْ عَلَ نَشَن قَتَ نَ تُورَيٍ سُشُدٍ سّنبّ رَ،
\q عٍ نِي رَحَاشُ عٍ مَ،
\q
\v 23 عَ نٍيٍ لُمَ عٍ شَ بْحّسَ كُي،
\q عَ قَ بِرَ مِشِ فبّتّيٍ تَن مَ قٍ قْشْ رَ.
\q
\v 24 مِشِ مِنِمَ وَشَتِ ندٍ نَن نَبَدٍ،
\q كْنْ نَ وَشَتِ نَ كَمَلِ،
\q عَ شَ قٍ شُبٍن عَ حْن.
\q عَدَ مَدِ لُشِ نّ عَلْ مَالٍ نَ مْ شّ شُن مَ،
\q مَالٍ شَبٍيٍ قَ عَ شَبَ.»
\b
\q
\v 25 «ندٍ نْمَ ﭑ مَ مَسٍنيِ مَتَندِدٍ؟
\q ندٍ نْمَ عَ قَلَدٍ نْندِ مُ عَ رَ؟»
\c 25
\s1 بِلِدَدَ سُوشَكَ شَ مَسٍنيِ سَشَن ندٍ
\s2 «مَنفّيَ نَ عَلَ نَن يِ»
\q
\v 1 بِلِدَدَ سُوشَكَ نَشَ عَ قَلَ،
\q
\v 2 «مَنفّيَ نَ عَلَ نَن يِ،
\q قٌ وٌن شَ فَاشُ عَ يَ رَ.
\q عَ تَن نَن بْحّسَ رَفِرِ مَ كٌورٍ مَ.
\q
\v 3 عَ شَ فَلِ كْنتِ نْمَ كٌلٌندٍ؟
\q ندٍ نَ عَ شَ سٌفٍ يَنبّ مُ نَشَن لِمَ؟
\q
\v 4 عَدَ مَ تِنشِنمَ دِ عَلَ يَ عِ؟
\q فِنّ بَرِ دِ سّنِيّنمَ دِ؟
\q
\v 5 شَ كِكٍ شَ يَنبّ يّتّ يَتِ مُ فبٌ عَلَ بّ،
\q شَ تُنبُييٍ مُ سّنِيّن عَ يَ عِ،
\q
\v 6 عَدَ مَدِ فٌ، نَشَن شُرُن عَلْ كُلِ،
\q نَشَن قِندِشِ كُلِ يْرّ دِ فبَنسَن نَ؟»
\c 26
\s1 عَيُبَ شَ مَسٍنيِ سٌلٌمَنَانِ ندٍ
\s2 «ندٍ نْمَ عَلَ سّنبّ قَهَامُدٍ؟»
\q
\v 1 عَيُبَ نَشَ عَ يَابِ،
\q
\v 2 «عِ قَتَ سّنبّتَرٍ مَلِدٍ.
\q عِ قَتَ مِشِ رَلِمَنِيَدٍ.
\q
\v 3 عِ قَتَ لْننِتَرٍ رَ سِدٍ.
\q عِ شَشِلِ قَنيِ مَسٍنمَ،
\q
\v 4 كْنْ عِ نَ مَسٍنمَ ندٍ بّ؟
\q ندٍ نَ شَشِلِ قِشِ عِ مَ؟»
\b
\q
\v 5 «مِشِ قَشَشِيٍ سّرّنمَ بَا نُن بْشِ بُن مَ.
\q
\v 6 عَلِفِيَمَ نَادّ رَبِشِ عَلَ يَ تٌدٍ رَ،
\q عَ نَا عِفبّشِ.
\q
\v 7 عَلَ نَن كٌورٍ دَاشِ، عَ عَ سِنفَن كُيٍ مَ،
\q عَ بْشِ سِنفَن عَ يّتّ مَ.
\q
\v 8 عَ تُنّ يٍ رَفَتَمَ نُشُييٍ كُي،
\q يٍ شَ بِنيّ مَن مُ نْ عٍ بْودٍ.
\q
\v 9 عَ عَ شَ كِبَنيِ يَ مَكٌتٌشِ نُشُييٍ نَن نَ.
\q
\v 10 عَ نَانِنيِ سَشِ نَءِيَلَنيِ نُن دِ مِ تَفِ.
\q
\v 11 كٌورٍ سّرّنمَ، عَ كَابَمَ عَلَ شَاحّ شُي مّقٍ رَ.
\q
\v 12 عَ سّنبّ بَا عِمَشَمَ،
\q عَ بَا يّشّيٍ مَفَاشُشِ عِبْو مَ عَ شَشِلِ قَنيِ رَ.
\q
\v 13 عَ كّرّ قٌيٍ كٌورٍ رَ سّنِيّنمَ،
\q عَ بّلّشّ بْشِمَسٍ فِشِ سْشْمَ.
\q
\v 14 شَ يٍيٍ قِندِشِ عَ شَ وَلِ شُرِيٍ نَن نَ،
\q وٌن مُ نْمَ نَشٍيٍ قَهَامُدٍ عَ قَنيِ رَ،
\q ندٍ نْمَ عَ سّنبّ مَفَاشُشِ تَن قَهَامُدٍ؟»
\c 27
\s1 عَيُبَ شَ مَسٍنيِ سٌلٌمَنَانِ ندٍ دّ عِدْشْي
\s2 «قٌ ﭑ شَ نْندِ قَلَ»
\q
\v 1 عَيُبَ مَن نَشَ مَسٍنيِ تِ؛
\q
\v 2 «ﭑ بَرَ ﭑ كَلِ عَلَ سّنبّ كَنيِ رَ،
\q نَشَن مُ نْندِ قِمَ ﭑ مَ،
\q نَشَن بَرَ ﭑ نَقٍ شْنّ رَ،
\q
\v 3 دَنمِ ﭑ حّنفِمَ،
\q دَنمِ ﭑ حّنفِ نَشَن قَتَنشِ عَلَ رَ نَ نَن ﭑ قَتٍ عِ،
\q
\v 4 تِنشِنتَرٍيَ مُ مِنِمَ ﭑ دّ عِ،
\q ﭑ مُ وُلٍ قَلَمَ.
\q
\v 5 هَن ﭑ قَشَ، ﭑ مُ نْندِ قِمَ وٌ مَ،
\q ﭑ مُ ﭑ يّتّ تْوحّفّمَ.
\q
\v 6 ﭑ تَن عَ كٌلٌن ﭑ تِنشِن،
\q سٍسٍ مَن مُ ﭑ بَمَ مّننِ.
\q ﭑ مُ ﭑ مَ قٍ حَاشِ يٌ كٌلٌن.»
\b
\q
\v 7 «ﭑ يَشُي شَ سُشُ عَلْ مِشِ حَاشِ،
\q ﭑ فٍرٍقَ شَ سُشُ عَلْ تِنشِنتَرٍ.
\q
\v 8 عَلَ نَ نَتّ تٌنفٌ عَ شَ نَ مِشِ مْولِيٍ قَشَ،
\q شَشِلِ تِدٍ يٌ مُ لُمَ عٍ بّ،
\q
\v 9 عَلَ نٍيٍ مَشَندِ شُي تٌنفٌمَ عٍ تْورْ تّمُي؟
\q
\v 10 عَلَ رَقَن نَ مِشِ مْولِ مَ؟
\q عَ عَلَ مَشَندِ مَ تّمُي بِرِن؟»
\b
\q
\v 11 «ﭑ شَ عَلَ سّنبّ مَسٍن وٌ بّ،
\q ﭑ مُ عَلَ سّنبّ كَنيِ وَشْنقٍ نْشُنمَ وٌ مَ.
\q
\v 12 وٌ بِرِن بَرَ يِ تٌ عَ قَنيِ رَ،
\q وٌ قَ وْيّنيِ قُقَقُ قَلَمَ مُنقٍ رَ؟»
\b
\q
\v 13 «عَلَ نَشَن نَفِرِ مَ مِشِ حَاشِ مَ،
\q عَلَ سّنبّ كَنيِ نَشَن سٌمَ عَ يِ رَ كّ رَ،
\q نَ نَن يِ كِ؛
\q
\v 14 عَ شَ دِيٍ نَ وُيَ، عٍ قَشَمَ سَنتِدّفّمَ نَن نَ،
\q عَ شَ مَمَدِيٍ قَشَ كَامّ رَ.
\q
\v 15 عَ شَ مِشِ ندٍيٍ نَ لُ،
\q نٍيٍ قَ قَشَ عَ شَنبِ،
\q عٍ شَ كَاحّ فِنّيٍ مُ وَ مَ عٍ شَ قٍ رَ.
\q
\v 16 عَ شَ نَاقُلِ نَ فبٌ يّ عَلْ مّيّنيِ،
\q عَ شَ دُفِ نَ وُيَ عَلْ بّندّ فبٍفبٍ مَلَنشِ،
\q
\v 17 عَ تَن نَن نَ مَلَنشِ،
\q كْنْ تِنشِنتْي نَن نَ دُفِ رَفٌرٌ مَ عَ مَ،
\q سّنِيّنتْي نَن نَ نَاقُلِ سْتْمَ.
\q
\v 18 عَ شَ بَنشِ لُمَ عَلْ تُرُنتُرُنيِ،
\q عَلْ شْنِ كٍرِ شَ بَفٍ دِ.
\q
\v 19 عَ بَننَشِ نَن عَ سَمَ،
\q كْنْ عَ رَفَتَمَ عَ تْورْشِ نَن نَ.
\q عَ نَ عَ يَ رَبِ، سٍسٍ مُ نَ عَ يِ رَ سْنْن.
\q
\v 20 فَاشُي عَ سُشُمَ تّرّننَ رَ،
\q عَلْ بَنبَرَنيِ، عَلْ تُرُننَادّ كْي كُي.
\q
\v 21 قٌيٍ شُنفبٍ عَ شَنِنمَ،
\q عَ عَ تَلَ عَ سَبَتِدٍ.
\q
\v 22 تَنبّيٍ وٌلِمَ عَ مَ، عَ مُ بَمَ عَ رَ،
\q قٌ عَ شَ عَ فِ نّ.
\q
\v 23 مِشِيٍ حّلّشِنمَ نّ عَ شَ شُننَكَنّ رَ،
\q عٍ يٌ عَ مَ.»
\c 28
\s1 عَيُبَ شَ مَسٍنيِ سٌلٌمَنَانِ ندٍ دّ عِدْشْي مَن
\s2 «لْننِ نَ مِندٍن؟»
\q
\v 1 «يِرٍ نَ نَ فبٍتِ بَمَ بْشِ مَ دّننَشّ،
\q شّيمَ رَشُنُدٍ قَن نَ نَ.
\q
\v 2 يِرٍ نَ نَ وُرٍ بَمَ بْشِ مَ دّننَشّ،
\q فّمّ رَشُنُشِ قَن وُرٍ فبٍيلِ رَ مِنِمَ.
\q
\v 3 مِشِ يِلِ فٍمَ بْشِ بُن دِ مِ كُي نَ سٍيٍ قٍنقٍ رَ.
\q
\v 4 عٍ يِلِ فٍمَ وُلَ عِ،
\q دّننَشّ مَكُيَ مِشِ سَبَتِدٍ رَ.
\q مّننِ مِشِ فٌرٌ مَ لُوتِ مَ بْشِ بُن مَ.
\q
\v 5 بَلٌي مِنِمَ بْشِ قَرِ،
\q كْنْ عَ بُنيِ تَن لُمَ عَلْ تّ نَن يِرِيِرِ مَ.
\q
\v 6 مّننِ عٍ فّمّ تٌقَنيِيٍ تٌمَ،
\q عٍ شّيمَ قُحِ رَ مِنِمَ.
\q
\v 7 شْنِ شَاحّ مُ مّننِ كِرَ كٌلٌن،
\q سّفّ مُ مّننِ تٌمَ.
\q
\v 8 سُبٍ مَفَاشُشِ مُ عٍ حّرّ مَ مّننِ،
\q يّتّ مُ دَنفِمَ نَا.
\q
\v 9 كْنْ عَدَ مَ تَن فّمّ شْرْشْي فٍمَ،
\q هَن عَ فٍيَ بُنيِ لِ.
\q
\v 10 عَ يِلِ فٍمَ فّمّ كُي،
\q عَلَكٌ عَ شَ نَاقُلِ تٌ.
\q
\v 11 عَ يٍ كِرَ بَلَنمَ،
\q عَ تّ شَنِنمَ نَا عَلَكٌ عَ شَ سٍ نْشُنشِ تٌ.»
\b
\q
\v 12 «كْنْ لْننِ تَن تٌمَ مِندٍن؟
\q شَشِلِ قَنيِ لُدٍ نَ مِندٍن نَ؟
\q
\v 13 عَدَ مَ مُ لْننِ تِدٍ كٌلٌن.
\q لْننِ مُ تٌمَ دُنِحَ مِشِ بَلٌشِيٍ تَفِ.
\q
\v 14 عَ مُ تٌمَ دَبٌنيِ شُنفبٍ كُي،
\q عَ مُ تٌمَ بَا مَ.
\q
\v 15 عَ مُ سَرَ مَ شّيمَ رَ،
\q عَ مُ سْتْمَ فبٍتِ رَ.
\q
\v 16 عَ مُ سَمَ سِكٍيلِ مَ شّيمَ سّيتِ مَ،
\q شَ نَ مُ عَ رَ فّمّ تٌقَنيِيٍ سّيتِ مَ.
\q
\v 17 عَ مَنِيّ مُ نَ.
\q عَ مَنِيّ مُ قِندِ شّيمَ رَ،
\q عَ مُ قِندِ فّمّ تِنسٍشِ رَ،
\q عَ مُ قِندِ شّيمَ ثْوتِ تٌقَنيِ رَ.
\q
\v 18 لْننِ تِدٍ فبٌ دِيَمَن بّ،
\q عَ سْتْقٍ تِدٍ فبٌ فّمّ تٌقَنيِ بّ نَشَن تٌمَ بَا مَ.
\q
\v 19 لْننِ مَنِيّ مُ قِندِ فّمّ تٌقَنيِ رَ،
\q نَشَن كٍلِشِ يِرٍ مَكُيٍ.
\q عَ مُ مَنِيَمَ سِكٍيلِ رَ عَلْ شّيمَ.»
\b
\q
\v 20 «نَ كُي، لْننِ كٍلِشِ مِندٍن؟
\q شَشِلِ قَنيِ لُدٍ نَ مِندٍن نَ؟
\q
\v 21 عَ نْشُنشِ نِمَسٍيٍ مَ نَشٍيٍ نَ بْشِ مَ،
\q عَ نْشُنشِ شْنِيٍ مَ نَشٍيٍ نَ كٌورٍ مَ.
\q
\v 22 عَلِفِيَمَ بَرَ عَ شَ قٍ ندٍ مّ،
\q كْنْ عَ مُ عَ كٌلٌن.
\q
\v 23 عَلَ نَن لْننِ كِرَ كٌلٌن،
\q عَ تَن نَن عَ لِنفِرَ تٌمَ،
\q
\v 24 بَرِ مَ عَ تَن نَن دُنِحَ نُن كٌورٍ عِفبّمَ هَن عٍ دَندٍ.
\q
\v 25 عَ تٌ فّ قٌيٍ نُن يٍ عِتَشُندٍ،
\q
\v 26 عَ تٌ فّ تُنّ، سٍيَمَكْنيِ، نُن فَلَنيِ يَمَرِدٍ،
\q
\v 27 عَوَ، عَ نَشَ لْننِ رَ مِنِ، عَ عَ مَتٌ عَ قَنيِ رَ.
\q
\v 28 نَ كُي عَ نَشَ عَ قَلَ عَدَ مَدِيٍ بّ،
\q عَلَ شَ يَرَفَاشُي قِندِشِ لْننِ نَن نَ،
\q قٍ حَاشِ بّحِنقٍ قِندِشِ شَشِلِ قَنيِ نَن نَ.»
\c 29
\s1 عَيُبَ شَ مَسٍنيِ دْنشْي
\s2 «ﭑ مَ تّمُي قَنيِ دَنفِشِ»
\q
\v 1 عَيُبَ نَشَ يِ مَسٍنيِ تِ؛
\q
\v 2 «شَ ﭑ مَ تّمُي دَنفِشِيٍ نَن عَ رَ يِ كِ نُ،
\q عَلَ نُ مّينِمَ ﭑ مَ تّمُي نَشّ.
\q
\v 3 عَ شَ نَءِيَلَنيِ تٌ نُ نَ ﭑ شُن مَ،
\q عَ تٌ نُ تّ تِمَ ﭑ بّ كِرَ شْن مَ دِ مِ كُي.
\q
\v 4 ﭑ سّنبّ نُ فبٌ نَ تّمُي،
\q ﭑ نُن عَلَ دّ نُ قَن.
\q
\v 5 نَ تّمُي عَلَ سّنبّ كَنيِ نُ نَ ﭑ سّيتِ مَ،
\q ﭑ مَ دِيٍ قَن نُ نَ ﭑ نَبِلِنيِ.
\q
\v 6 ﭑ مَ قٍ بِرِن نُ سْونّيَشِ،
\q شِحّ نُن تُرٍ نُ فبٌ ﭑ يِ رَ.»
\b
\q
\v 7 «ﭑ تٌ نُ سِفَمَ تَا سٌدٍ دّ رَ،
\q حَمَ نُ نَ دّننَشّ،
\q
\v 8 قٌنِكٍيٍ نُ كِرَ عِبَمَ نّ ﭑ بّ،
\q قٌرِيٍ نُ كٍلِ عٍ تِ ﭑ بِنيَقٍ مَ.
\q
\v 9 كُنتِفِيٍ نُ عٍ سَبَرِ مَ نّ ﭑ يَ رَ،
\q
\v 10 مَنفّيٍ نُ وْيّنيِ سٌ ﭑ يِ، عٍ تَن دُندُ،
\q
\v 11 بَرِ مَ نَشَن نَ ﭑ شُي مّ، عَ قٍ قَنيِ قَلَ ﭑ مَ قٍ رَ.
\q نَشٍيٍ نُ ﭑ تٌمَ، ﭑ نُ رَقَنمَ عٍ مَ.
\q
\v 12 ﭑ نُ تْورْ مِشِيٍ مَلِمَ،
\q ﭑ نُ كِرِدِيٍ كِمَ، بٌورٍيٍ نُ نّيمُمَ نَشٍيٍ مَ.
\q
\v 13 مِشِ نَشَن نُ نَ سَيَ كِرَ شْن مَ،
\q نَ نُ دُبَمَ نّ ﭑ بّ.
\q ﭑ نُ كَاحّ فِنّ بْحّ رَ سّيوَ مَ.
\q
\v 14 ﭑ نُ ﭑ حّرّ مَ تِنشِنيِ كُي،
\q نْندِ نُ قِندِشِ ﭑ يُفٍ نَن نَ.
\q
\v 15 ﭑ نُ قِندِشِ سَابُي قَنيِ نَن نَ دْنشُي نُن مَبّنيِ بّ.
\q
\v 16 ﭑ نُ قِندِشِ بَبّ نَن نَ سٍتَرٍيٍ بّ،
\q ﭑ شْحّيٍ مَلِ عٍ شَ تْورّ كُي.
\q
\v 17 ﭑ نُ تِنشِنتَرٍيٍ شَ قٍ شُن نَكَنَمَ،
\q ﭑ مِسِكِينّ رَتَنفَ عٍ شَ قٍ كٌبِيٍ مَ.
\q
\v 18 ﭑ نُ عَ مَحْشُنمَ سَيَ ﭑ لِمَ هّيرِ نَن كُي،
\q ﭑ مَ سِمَيَ قَ كَمَلِ عَلْ بَا دّ رَ مّيّنيِ.
\q
\v 19 ﭑ نُ عَ مَحْشُنمَ ﭑ مَ دُنِحّءِفِرِ سْونّيَمَ نّ،
\q عَلْ سَنسِ نَشَن سَنكٍ بَرَ يٍ لِ، عَ سَلٌنيِ شِنِ سْتْ.
\q
\v 20 ﭑ نُ عَ مَحْشُنمَ ﭑ شُن نَكٍلِمَ نّ تّمُي بِرِن،
\q ﭑ تَنبّ وٌلِ سّنبّ رَ.»
\b
\q
\v 21 «مِشِيٍ نُ عٍ تُلِ مَتِمَ نّ ﭑ نَ،
\q عٍ عٍ سَبَرِ ﭑ مَ مَرَ سِ رَ مّقٍ رَ.
\q
\v 22 ﭑ مَ مَسٍنيِيٍ نُ رَقَنمَ عٍ مَ،
\q عٍ مُ نُ عٍ مَتَندِ مَ.
\q
\v 23 عٍ نُ ﭑ مَمّمَ عَلْ مِشِ تُنّ مَمّمَ كِ نَشّ،
\q عٍ ﭑ مَ وْيّنيِ بِرِن سُشُ سّيوّ كُي.
\q
\v 24 عٍ نَ ﭑ يَتَفِ تٌ،
\q عٍ بِرِن نُ عٍ شَشِلِ تِمَ ﭑ نَ.
\q
\v 25 ﭑ نُ عٍ رَحّرّ مَ،
\q ﭑ نُ لُشِ نّ عٍ بّ عَلْ عٍ شَ مَنفّ،
\q نَشَن دْشْشِ كِبَنيِ كُي عٍ تَفِ،
\q عَ نُ تْورْ مِشِيٍ مَدُندُ.»
\c 30
\s1 عَيُبَ شَ مَسٍنيِ دْنشْي دّ عِدْشْي
\s2 «عَيُبَ شَ سّيوّ بَرَ قِندِ سُننُنيِ رَ»
\q
\v 1 «كْنْ يَكْسِ تَن، قٌنِكٍيٍ ﭑ مَيٍلٍمَ،
\q نَشٍيٍ بَبَيٍ نُ قِندِشِ ﭑ بّ قُيَنتٍيٍ رَ،
\q ﭑ نُ يٌمَ نَشٍيٍ مَ.
\q
\v 2 عٍ يُسِ مُ نُ نَ ﭑ بّ،
\q بَرِ مَ سّنبّ يٌ مُ نُ عٍ بّ.
\q
\v 3 كَامّتْي نَن نُ عٍ رَ،
\q نَشٍيٍ نُ سِفَمَ فبٍنفبٍرٍن يِرٍ بَلٌي قٍندٍ.
\q
\v 4 عٍ نُ حٌوفٍيٍ مَتَلَمَ قْتْنيِيٍ كُي،
\q وُرِ سَنكٍيٍ فبَنسَن نَن نُ قِندِ مَ عٍ شَ دٌنيِ رَ.
\q
\v 5 مِشِيٍ نُ عٍ كٍرِ مَ حَمَ يَ مَ،
\q عَلْ مُحّتِ كٍرِ مَ كِ نَشّ.
\q
\v 6 عٍ نُ يِفِيَمَ فّمّ لٌنفٌرِيٍ نَن نَ فٍيَيٍ كْن نَ،
\q
\v 7 شَ نَ مُ عَ رَ كُنسِيٍ بُن مَ.
\q
\v 8 قُيَنتٍيٍ نَن نُ عٍ رَ،
\q نَشٍيٍ نُ بَرَ كٍرِ بْشِ كُي.»
\b
\q
\v 9 «كْنْ يَكْسِ قَ، نٍيٍ نَن ﭑ مَيٍلٍمَ
\q عٍ شَ سِفِيٍ نُن عٍ شَ مَسٍنيِيٍ رَ يِ كِ.
\q
\v 10 ﭑ مَ قٍ مُ رَقَن عٍ مَ.
\q عٍ دّ يٍ بْشُنمَ ﭑ يَتَفِ مَ،
\q عٍ نُ قَ عٍ مَكُيَ ﭑ نَ.
\q
\v 11 كَبِ عَلَ ﭑ نَبٌلٌ ﭑ مَ تْورّ كُي،
\q عٍ شَ مَيٍلٍ مُ حْنمَ.
\q
\v 12 يِ مِشِ يَ مَحْشُنشِيٍ كٍلِمَ ﭑ شِلِ مَ،
\q عٍ نُ فَنتَنيِ حَاشِيٍ تٍ ﭑ بّ.
\q
\v 13 عٍ ﭑ مَ كِرَ عِبٌلٌنمَ ﭑ يَ رَ.
\q
\v 14 عٍ لُمَ عَلْ سْورِ حَاشِيٍ،
\q نَشٍيٍ سٌمَ تَا كُي تّتّ يَلٍ رَ.
\q
\v 15 فَاشُي بَرَ ﭑ سُشُ،
\q ﭑ مَ قٍ شُن بَرَ رَكَنَ،
\q ﭑ مَ كِسِ بَرَ دَنفِ ﭑ نَ عَلْ نُشُي دَنفِمَ كِ نَشّ.»
\b
\q
\v 16 «يَكْسِ، عَ فبٍ مُ لُشِ ﭑ مَ سِمَيَ شَ حْن،
\q ﭑ مَ تْورّ بَرَ كَمَلِ.
\q
\v 17 ﭑ مَ تْورّ بَرَ فبٌ يّ،
\q ﭑ مُ شِمَ كْي رَ سْنْن.
\q
\v 18 عَ لُمَ عَلْ دُفِ ندٍ نَن شِرِشِ ﭑ كْنيِ مَ،
\q عَ شَ ﭑ قَشَ.
\q
\v 19 عَلَ بَرَ ﭑ نَفٌرٌ هَن
\q ﭑ بَرَ لُ عَلْ بٌورَ، شَ نَ مُ عَ رَ تّ شُبٍ.»
\b
\q
\v 20 «عَلَ، ﭑ بَرَ عِ شِلِ، كْنْ عِ مُ عَ رَتِنشِ.
\q ﭑ بَرَ تِ عِ يَ عِ، عَلَكٌ عِ شَ ﭑ تٌ.
\q
\v 21 عِ بَرَ تْورّ حَاشِ دْشْ ﭑ مَ،
\q عِ سّنبّ بَرَ نْ ﭑ نَ.
\q
\v 22 عَ لُشِ عَلْ تُرُننَادّ بَرَ ﭑ نَتٍ كٌورٍ مَ.
\q
\v 23 ﭑ عَ كٌلٌن عِ نَ ﭑ شَنِنقٍ عَلِفِيَمَ نّ،
\q دُنِحَ مِشِ بِرِن سِفَمَ دّننَشّ.»
\b
\q
\v 24 «كْنْ مِشِ نَشَن نَ سَيَ كِرَ شْن مَ،
\q نَ مُ عَلَ مَشَندِ مَ شّ؟
\q مِشِ نَشَن نَ تْورّ كُي،
\q نَ مُ عَلَ مَكُلَمَ شّ؟
\q
\v 25 ﭑ مُ ﭑ يَ يٍ رَ مِنِ تْورْ مِشِ بّ نُ؟
\q ﭑ مُ كِنِكِنِ سٍتَرٍ مَ نُ؟
\q
\v 26 ﭑ وَ هّيرِ نَن شْن مَ،
\q كْنْ حَشَنكَتّ نَن ﭑ لِشِ.
\q ﭑ وَ لُقٍ نَءِيَلَنيِ نَن كُي،
\q كْنْ دِ مِ نَن دُ سُشِ ﭑ شُن نَ.
\q
\v 27 ﭑ بْحّ نَ تْورْقٍ لْشْي بِرِن.
\q
\v 28 ﭑ نَ دِ مِ كُي،
\q نَءِيَلَنيِ يٌ مُ نَ.
\q ﭑ تِشِ حَمَ تَفِ، ﭑ نُ قَ وَ ﭑ شُي عِتٍشِ رَ.
\q
\v 29 ﭑ بَرَ لُ عَلْ وُلَ عِ بَرٍيٍ نُن بُرُنيِ شْنِ حَاشِيٍ.
\q
\v 30 ﭑ كِرِ بَرَ قْورْ ﭑ مَ،
\q ﭑ قَتٍ بِرِن كُي نَ عِفَنقٍ.
\q
\v 31 ﭑ مَ كْرَ سُننُنيِ شُي تِمَ،
\q ﭑ مَ شُلٍ حْن قٍ وَ شُي رَ مِنِمَ.»
\c 31
\s1 عَيُبَ شَ مَسٍنيِ دْنشْي رَحْنيِ
\s2 «يُنُبِ سَرٍ نَن يَ»
\q
\v 1 «ﭑ نَتّ تٌنفٌ نّ،
\q ﭑ نَشَ يَبُ فِنّدِ مّدِ رَ.
\q
\v 2 عَلَ مُنسٍ حَنِفٍمَ ﭑ بّ كٌورٍ مَ؟
\q عَلَ سّنبّ كَنيِ كّ مُندُن قِمَ ﭑ مَ كٍلِقٍ رَ عَ مَ؟
\q
\v 3 سٍتَرٍحَ مُ رَفَتَشِ مِشِ حَاشِ شَ بّ؟
\q حَشَنكَتّ مُ تِنشِنتَرٍ شَ لِمَ؟
\q
\v 4 عَلَ مُ نُ ﭑ قْشِ بِرِن مَتٌمَ شّ؟
\q عَ مُ نُ ﭑ مَ سَنتٌنفٌي بِرِن كْنتِمَ شّ؟»
\b
\q
\v 5 «شَ ﭑ بَرَ ﭑ حّرّ وُلٍ كُي،
\q شَ ﭑ بَرَ مِشِ مَدَشُ،
\q
\v 6 عَلَ شَ ﭑ مَنِيَ سِكٍيلِ تِنشِنشِ رَ.
\q عَ ﭑ مَ تِنشِنيِ تٌمَ نّ.
\q
\v 7 شَ ﭑ بَرَ كِرَ تِنشِنشِ بّحِن،
\q شَ ﭑ بْحّ بَرَ بِرَ ﭑ يَ وَشْنقٍ قْشْ رَ،
\q شَ ﭑ بَرَ ﭑ مَنْشْ قٍ حَاشِ رَ،
\q
\v 8 مِشِ فبّتّيٍ شَ ﭑ مَ سَنسِ سِشِيٍ بٌفِ دٌن،
\q ﭑ مَ سَنسِ سِشِيٍ بِرِن شَ مَتَلَ بْشِ مَ.
\q
\v 9 شَ فِنّ شْلِ بَرَ ﭑ سُشُ،
\q شَ ﭑ بَرَ بِرَ ﭑ دْشْبٌورٍ شَ فِنّ قْشْ رَ،
\q
\v 10 ﭑ مَ فِنّ شَ بَندٍ حِن شّمّ فبّتّ بّ،
\q عَ تَن نُن نَ شَ كَقُ،
\q
\v 11 بَرِ مَ يّنّ قِندِشِ قٍ حَاشِ نَن نَ،
\q كِيتِسَيٍ نَشَن مَكِيتِمَ عَ شْرْشْي رَ.
\q
\v 12 يّنّ، تّ نَن عَ رَ نَشَن سِفَمَ فَنيِ تِ رَ هَن يَهَننَمَ،
\q عَ مِشِ هَرِفٍ بِرِن شُن نَكَنَ.»
\b
\q
\v 13 «شَ ﭑ مُ قِندِ مِشِ تِنشِنشِ رَ نُ ﭑ مَ كٌنيِيٍ مَبِرِ،
\q مُشُ تٌ نُ فَلَنبُمَ،
\q
\v 14 ﭑ عَلَ يَابِمَ دِ نُ؟
\q ﭑ نَن ﭑ يّتّ شُن مَقَلَمَ دِ نُ؟
\q
\v 15 عَلَ كٍرٍن شَ مُ مُشُ بِرِن دَاشِ مُشُ نفَ تّيفّ عِ؟
\q عَلَ كٍرٍن شَ مُ مُشُ بِرِن نَبَلٌشِ مُشُ نفَ شِحّ رَ؟»
\b
\q
\v 16 «شَ ﭑ مُ سٍتَرٍيٍ كِ نُ،
\q شَ ﭑ مُ كَاحّ فِنّ مَلِ نُ،
\q
\v 17 شَ ﭑ كٍرٍن بَرَ ﭑ مَ دٌنسٍ دٌن،
\q ﭑ مُ كِرِدِ كِ،
\q
\v 18 ﭑ نَشَن شُرُ، ﭑ قِندِ عَ بّ بَبّ رَ كَبِ عَ يْرّ رَ،
\q نَشَن نفَ كَاحّ فِنّ بَرَ لُ ﭑ شْنيِ كَبِ عَ تّيفّشِ عَ مَ،
\q
\v 19 شَ ﭑ مُ تْورْ مِشِ كِ دُفِ رَ نُ،
\q
\v 20 نَ كَنيِ لُ عَ مُ دُبَ ﭑ بّ
\q نَ دُفِ شَ قٍ رَ نَشَن كٍلِشِ ﭑ مَ يّشّييٍ شَبٍ مَ،
\q
\v 21 شَ ﭑ بَرَ كِرِدِ ندٍ تْورْ،
\q ﭑ تٌ عَ كٌلٌنشِ كِيتِسَيٍ نْندِ قِمَ ﭑ مَ،
\q
\v 22 ﭑ بّلّشّ شَ بٌلٌن ﭑ تُنكِ مَ،
\q ﭑ شْرِيٍ شَ مَفِرَ،
\q
\v 23 بَرِ مَ ﭑ فَاشُ عَلَ شَ حَشَنكَتّ يَ رَ عَ فبٍ رَ،
\q ﭑ مُ نْمَ سٍسٍ رَ عَ سّنبّ يَ عِ.»
\b
\q
\v 24 «شَ ﭑ بَرَ ﭑ شَشِلِ تِ ﭑ مَ شّيمَ رَ،
\q شَ ﭑ بَرَ لَ ﭑ مَ نَاقُلِ رَ،
\q
\v 25 شَ ﭑ بَرَ حّلّشِن ﭑ هَرِفٍ شَ فبٌي رَ،
\q ﭑ نَشَن سْتْ ﭑ مَ دُنِحّءِفِرِ كُي،
\q
\v 26 شَ ﭑ بَرَ ﭑ يَ تِ سٌفٍ نُن كِكٍ شَ يَنبّ رَ،
\q
\v 27 ﭑ قَ نٍيٍ بَتُ ﭑ بْحّ كُي فُندٌ رَ،
\q ﭑ نَن ﭑ بّلّشّ سُنبُ عٍ شَ بِنيّ بُن مَ،
\q
\v 28 عَلَ شَ ﭑ حَشَنكَتَ،
\q بَرِ مَ نَ قٍ مْولِ مُ قَن،
\q ﭑ بَرَ قِندِ يَنقَنتٍ رَ عَلَ مَبِرِ.»
\b
\q
\v 29 «ﭑ بَرَ حّلّشِن ﭑ شْنمَ شَ تْورّ رَ،
\q ﭑ سّيوَ عَ شَ حَشَنكَتّ رَ،
\q
\v 30 ﭑ تَن نَشَن مُ نُ تِنمَ عَ دَنكَدٍ ﭑ دّ رَ،
\q ﭑ شَ نَ يُنُبِ مْولِ رَبَ؟
\q
\v 31 ﭑ مَ شْحّيٍ بِرِن مُ نُ عَ قَلَمَ شّ؛
\q ‹عَ ﭑ دّ وَ سَشِ سُبٍ رَ›؟
\q
\v 32 ﭑ نُ بِيَاسِلَيٍ يِفِيَمَ نّ عَلَكٌ عٍ نَشَ شِ تَندٍ.
\q
\v 33 ﭑ بَرَ ﭑ مَ قٍ حَاشِيٍ نْشُن ﭑ بْحّ كُي عَلْ
\q عَدَ مَدِيٍ دَرِشِ عَ رَ كِ نَشّ؟ عَدٍ.
\q
\v 34 ﭑ بَرَ فَاشُ حَمَ شَ وْيّنيِ رَ،
\q شَ نَ مُ عَ رَ ﭑ شَبِلّ شَ وْيّنيِ رَ،
\q ﭑ قَ لُ ﭑ شْنيِ نْشُنيِ كُي ﭑ مُ نْندِ قَلَ؟ عَدٍ.»
\b
\q
\v 35 «شَ مِشِ نَ نَشَن تِنمَ عَ تُلِ مَتِدٍ ﭑ نَ،
\q ﭑ مَ مَسٍنيِ دْنشْي نَن نَ كِ.
\q عَلَ شَ ﭑ يَابِ.
\q عَ نَشَن تٌمَ ﭑ مَ، عَ شَ نَ سّبّ،
\q
\v 36 ﭑ شَ نَ دْشْ ﭑ شُن مَ،
\q ﭑ شَ عَ فبَكُ ﭑ كْن مَ.
\q
\v 37 ﭑ دّنتّفّ سَمَ نّ عَ بّ،
\q عَلْ مِشِ دّنتّفّ سَمَ مَنفّ بّ كِ نَشّ.
\q
\v 38 شَ ﭑ مَ بْشِ ندٍ بَرَ شْنْ ﭑ شِلِ مَ،
\q شَ مِشِ ندٍ يَ يٍ بَرَ سِلْن نَ،
\q
\v 39 شَ ﭑ بَرَ دٌنسٍ ندٍ دٌن ﭑ مُ عَ رَوَلِمَ سَرٍ قِ،
\q شَ ﭑ بَرَ عَ كَنيِ تْورْ،
\q
\v 40 مّنفِ نَشَن نَ ﭑ مَ بْشِ مَ، نَ شَ قِندِ تُنبٍ رَ،
\q ﭑ مَ قُندٍنيِ شَ قِندِ حٌوفٍ حَاشِ رَ.»
\b
\q عَيُبَ شَ مَسٍنيِ دْنشْي نَن نَ كِ.
\c 32
\s1 عٍلِهُ شَ مَسٍنيِ سِنفٍ
\s2 «عَلَ نَن لْننِ قِمَ مِشِ مَ»
\p
\v 1 يِ شّمّ سَشَنيِيٍ نَشَ بَ عَيُبَ شَ وْيّنيِ يَابِقٍ، بَرِ مَ عَ نُ عَ يّتّ قِندِشِ نْندِ قَلّ نَن نَ. 
\v 2 نَ كُي عٍلِهُ، بَرَكٍيلِ بُو سِكَ شَ دِ، نَشَن قَتَن رَ مَ شَبِلّ رَ، عَ بْحّ نَشَ تٍ عَيُبَ شِلِ مَ، بَرِ مَ نَ نُ عَ يّتّ قِندِشِ نْندِ قَلّ نَن نَ عَلَ يَ عِ. 
\v 3 عَ بْحّ نَشَ تٍ عَ بٌورٍ سَشَنيِيٍ شِلِ مَ، بَرِ مَ عٍ مُ نُ نْمَ عَيُبَ يَابِدٍ هَلِ عٍ تٌ عَ كٌلٌنشِ نْندِ مُ نُ عَ بّ. 
\v 4 نَ مِشِ سَشَنيِيٍ تٌ نُ مْشِ عَ بّ، عٍلِهُ مَمّ تِ نَ نَن مَ وْيّنقٍ رَ عَيُبَ بّ. 
\v 5 عٍلِهُ نُ بَرَ عَ تٌ، يَابِ يٌ مُ نُ نَ يِ مِشِ سَشَنيِيٍ يِ رَ قَ. نَ كُي عَ بْحّ نَشَ تٍ.
\p
\v 6 عٍلِهُ، بَرَكٍيلِ بُو سِكَ شَ دِ، نَشَ عَ قَلَ،
\q «قٌنِكٍ نَن ﭑ نَ، قٌرِيٍ نَن وٌ تَن نَ.
\q ﭑ فَاشُ ﭑ مَ مَرَكٌلٌنيِ سَدٍ وٌ يَ عِ نَ نَن مَ.
\q
\v 7 ﭑ نَشّ، ‹قٌرِ نَن قَتَ وْيّندٍ،
\q عَ شَ سِمَيَ شْنكُيٍ شَ قٍ رَ.›
\q
\v 8 كْنْ عَلَ سّنبّ كَنيِ نَن شَشِلِ قِمَ عَدَ مَ مَ.
\q
\v 9 سِمَيَ شْنكُيٍ فبَنسَن شَ مُ شَشِلِمَيَ قِمَ مِشِ مَ،
\q قٌرِيٍ فبَنسَن شَ مُ قِندِشِ نْندِ كَنيِيٍ رَ.
\q
\v 10 نَ كُي ﭑ بَرَ وٌ مَشَندِ،
\q وٌ شَ وٌ تُلِ مَتِ ﭑ مَ مَرَكٌلٌنيِ رَ.»
\b
\q
\v 11 «ﭑ بَرَ وٌ شَ مَسٍنيِ رَحْنيِ مَمّ،
\q ﭑ بَرَ ﭑ تُلِ مَتِ وٌ شَ مَسٍنيِ بِرِن نَ،
\q وٌ نَشَن قَلَشِ عَيُبَ شَ قٍ رَ.
\q
\v 12 ﭑ بَرَ وٌ شَ مَسٍنيِيٍ رَ مّ،
\q كْنْ وٌ مُ نْشِ عَيُبَ يَابِدٍ،
\q وٌ مُ نْشِ نْندِ مَكّنّندٍ عَ بّ.
\q
\v 13 وٌ نَشَ عَ قَلَ دٍ،
\q ‹وٌن تَن بَرَ فّ لْننِ سْتْدٍ.
\q وٌن شَ لُ عَلَ شَ يِ شّمّ رَقَهَامُ،
\q عَدَ مَدِ مُ نْمَ نَ رَبَدٍ.›
\q
\v 14 عَيُبَ مُ عَ شَ مَسٍنيِ تِشِ ﭑ تَن شَ شِلِ مَ.
\q ﭑ قَن مَن مُ عَ يَابِمَ وٌ شَ مَسٍنيِيٍ رَ.»
\b
\q
\v 15 «لِمَنِيَ بَرَ بَ وٌ يِ رَ.
\q يَابِ يٌ مُ نَ سْنْن وٌ نَشَن تِمَ.
\q
\v 16 ﭑ بَرَ وٌ شَ مَسٍنيِ دَندٍ تٌ،
\q يَابِ يٌ مُ مِنِمَ وٌ دّ كُي قَ.
\q
\v 17 يَكْسِ ﭑ شَ ﭑ فبٍ قَلَ،
\q ﭑ تَن قَن شَ ﭑ مَ لْننِ مَسٍن كْرّ،
\q
\v 18 بَرِ مَ قٍ فبٍفبٍ نَ ﭑ قُرِ كُي.
\q ﭑ شَشِلِ نَ ﭑ تُتُنقٍ،
\q
\v 19 عَلْ وّنِ نّينّ نَشَن شُقُشُقُقٍ،
\q عَ وَ مَ عَ سَسٍ بُلَقٍ.
\q
\v 20 ﭑ شَ وْيّن عَلَكٌ ﭑ بْحّ شَ فٌرٌ.
\q ﭑ دّ شَ يَابِ تِ.
\q
\v 21 ﭑ مُ مِشِ يٌ رَقِسَمَ عَ بٌورٍ بّ،
\q ﭑ مُ تَامِشِيَ رَبَمَ مِشِ يٌ بّ.
\q
\v 22 ﭑ مُ قَتَ تَامِشِيَ رَ،
\q ﭑ نَ نَ رَبَ، عَلَ ﭑ نَبٌلٌمَ نّ.»
\c 33
\s1 عٍلِهُ شَ مَسٍنيِ سِنفٍ دّ عِدْشْي
\s2 «شُنمَقَلَمَ شَ لُ عَدَ مَ بّ.»
\q
\v 1 «يَكْسِ عَيُبَ، عِ عِ تُلِ مَتِ ﭑ مَ مَسٍنيِ رَ،
\q عِ شَ ﭑ مَ وْيّنيِ رَ مّ.
\q
\v 2 ﭑ بَرَ ﭑ دّ رَبِ،
\q ﭑ نّنيِ بَرَ كٍلِ.
\q
\v 3 ﭑ مَ مَسٍنيِ كٍلِشِ ﭑ بْحّ قِيشّ نَن كُي،
\q نْندِ نَن مِنِمَ ﭑ دّ عِ.
\q
\v 4 عَلَ شَشِلِ بَرَ ﭑ دَا،
\q عَلَ سّنبّ كَنيِ حّنفِ بَرَ ﭑ قِندِ مِشِ حِحّ رَ.
\q
\v 5 شَ عِ نْمَ ﭑ يَابِدٍ،
\q عِ شَ نَ رَبَ.
\q
\v 6 وٌن قِرِن بِرِن لَن عَلَ يَ عِ.
\q ﭑ قَن يَءِلَنشِ بّندّ نَن نَ.
\q
\v 7 نَ كُي عِ نَشَ فَاشُ ﭑ يَ رَ.
\q
\v 8 كْنْ عِ بَرَ وْيّنيِ ندٍ قَلَ،
\q ﭑ نَشَن مّشِ ﭑ تُلِ رَ.
\q
\v 9 عِ بَرَ عَ قَلَ،
\q ‹ﭑ سّنِيّن، ﭑ مُ يُنُبِ رَبَشِ،
\q
\v 10 كْنْ عَلَ مَن نَ قٍ ندٍ تٌقٍ ﭑ نَ،
\q ﭑ قِندِشِ عَ يَشُي رَ نَشَن مَ.
\q
\v 11 عَ بَرَ ﭑ سَنيِ مَبَلَن يْلْنشْنيِ كُي،
\q عَ نُ قَ ﭑ قْشِ بِرِن عِفبّ.›
\b
\q
\v 12 كْنْ ﭑ شَ عَ قَلَ عِ بّ،
\q نْندِ مُ عِ بّ نَ قٍ كُي،
\q بَرِ مَ عَلَ فبٌ مِشِ بّ.
\q
\v 13 عِ وَ مَ عَلَ رَكِيتِقٍ مُنقٍ رَ؟
\q عَ مُ يَابِ قِمَ عَ شَ قٍ رَبَشِ بِرِن مَ.
\q
\v 14 عَلَ قٍ مَسٍنمَ وٌن بّ كِ ندٍ رَ،
\q كْنْ وٌن مُ وٌن حْشْ سَمَ نَ شْن مَ.
\q
\v 15 عَ نْمَ وْيّندٍ شِيٍ رَ كْي رَ،
\q مِشِ شِمَ تّمُي نَشّ عٍ شَ سَدٍ مَ.
\q
\v 16 عَ نْمَ عَدَ مَدِيٍ تُلِ رَبِدٍ نَ تّمُي،
\q عَ عٍ رَكٌلٌن قٍيٍ رَ نَشٍيٍ كٍلِشِ عَ تَن مَ،
\q
\v 17 عَلَكٌ عٍ شَ كِرَ حَاشِ بّحِن،
\q عَ مَن شَ عٍ رَتَنفَ عٍ يّتّ كَن عِفبٌقٍ مَ.
\q
\v 18 نَ كُي، عَ عٍ رَتَنفَمَ نّ فَبُرِ فبَلٌي مَ،
\q عَ عٍ رَتَنفَ سَنتِدّفّمَ مَ.
\q
\v 19 عَلَ مَن نْمَ مَسٍنيِ تِدٍ عَدَ مَدِ بّ عَ شَ تْورّ ندٍ رَ،
\q نَشَن شْنّ سٌمَ هَن عَ شْرِيٍ كُي عَ شَ قُرٍ دَفِ تَفِ.
\q
\v 20 دٌنسٍ يَتِ قَ رَحَاشُ عَ مَ،
\q عَ مُ نْ عَ دّفٍدٍ.
\q
\v 21 عَ قَتٍ بَ عَ مَ،
\q عَ شْرِيٍ بِرِن سَ كّنّ مَ.
\q
\v 22 عَ مَكْرّ عَلِفِيَمَ رَ،
\q سَيَمَلٍكّ قَ عَ قْشْ رَ.»
\b
\q
\v 23 «كْنْ شَ شّيرَ شُنمَقَلَمَ ندٍ سَ لُ عَ بّ
\q مَلٍكّ فَلِيٍ يَ مَ،
\q نَشَن قَمَ تِنشِن كِ مَسٍندٍ نَ كَنيِ بّ،
\q
\v 24 نَ كُي، شّيرَ شُنمَقَلَمَ قِندِ مَ سَابُي قَنيِ رَ عَ بّ،
\q عَلَ هِننّ عَ رَ، عَ عَ مَسٍن عَلَ بّ،
\q ‹عَ رَكِسِ قَشّ مَ، ﭑ بَرَ عَ شُنسَرٍ بَ.›
\q
\v 25 نَ كُي، عَ قَتٍ مَن فبِلٍنمَ دِ مّدِحَ،
\q عَ مَن قٌنِكٍ سّنبّ سْتْ.
\q
\v 26 عَدَ مَدِ نَ عَلَ هِننّنتٍ مَشَندِ،
\q عَ عَلَ يَتَفِ تٌمَ نّ سّيوّ كُي،
\q عَلَ قَ تِنشِنيِ قِ عَ مَ.
\q
\v 27 نَ كَنيِ بّيتِ بَمَ نّ مِشِيٍ يَ عِ، عَ عَ قَلَ،
\q ‹ﭑ يُنُبِ رَبَشِ نّ،
\q ﭑ تِنشِنيِ مَدَلِن،
\q كْنْ نَ سَرٍ مُ رَفبِلٍنشِ ﭑ مَ عَ كِ مَ.
\q
\v 28 عَلَ بَرَ ﭑ شْرّيَ،
\q ﭑ تَن نَشَن شُن نُ تِشِ عَلِفِيَمَ رَ.
\q عَ مَن بَرَ فبِلٍن نَءِيَلَنيِ مَسٍن نَ ﭑ بّ.›
\q
\v 29 عَلَ نَن نَ رَبَمَ عَدَ مَ بّ،
\q كٍرٍن، قِرِن، هَن سَشَن،
\q
\v 30 عَلَكٌ عَ شَ عَ بَ قَشّ يِ،
\q عَ شَ عَ لُ نَءِيَلَنيِ كُي.»
\b
\q
\v 31 «عَيُبَ، عِ تُلِ مَتِ ﭑ نَ،
\q عِ شَ عِ سَبَرِ، عِ شَ ﭑ مَ مَسٍنيِ رَ مّ.
\q
\v 32 شَ يَابِ ندٍ نَ عِ بّ، عِ شَ نَ قَلَ،
\q بَرِ مَ ﭑ وَ مَ نْندِ قِقٍ عِ مَ.
\q
\v 33 كْنْ شَ نَ مُ عَ رَ، عِ تُلِ مَتِ ﭑ نَ،
\q عِ شَ عِ سَبَرِ عَلَكٌ عِ شَ شَشِلِ سْتْ ﭑ نَ.»
\c 34
\s1 عٍلِهُ شَ مَسٍنيِ قِرِن ندٍ
\s2 «عَلَ شَ كِيتِ تِنشِن»
\q
\v 1 عٍلِهُ نَشَ عَ مَسٍن،
\q
\v 2 «لْننِلَيٍ، وٌ وٌ تُلِ مَتِ.
\q شَشِلِمَيٍ، وٌ ﭑ مَ مَسٍنيِ رَ مّ،
\q
\v 3 بَرِ مَ تُلِ وْيّنيِ سٍنسِمَ،
\q عَلْ نّنيِ دٌنسٍ سٍنسِمَ كِ نَشّ.
\q
\v 4 وٌن شَ تِنشِنيِ سُفَندِ،
\q وٌن شَ بِرَ قٍ قَنيِ قْشْ رَ.»
\b
\q
\v 5 «عَيُبَ نَشّ،
\q ‹ﭑ تِنشِن، كْنْ عَلَ مُ نْندِ قِشِ ﭑ مَ.
\q
\v 6 هَلِ ﭑ تٌ تِنشِنشِ، عَ بَرَ ﭑ لُ عَلْ وُلٍ قَلّ.
\q ﭑ مُ يُنُبِ يٌ رَبَشِ، كْنْ ﭑ نَ تْورّ حَاشِ كُي.›
\q
\v 7 ندٍ يَافِ سْتْشِ دَنفِ عَيُبَ رَ؟
\q
\v 8 عَ بَرَ عَ حّرّ تِنشِنتَرٍيَ كُي،
\q عَ بَرَ لُ قٍ حَاشِ رَبَيٍ يَ مَ.
\q
\v 9 عَ بَرَ عَ قَلَ،
\q ‹فٍينِ مُ نَ عَدَ مَدِ بّ
\q نَشَن بِرَ مَ عَلَ وَشْنقٍ قْشْ رَ.›
\q
\v 10 شَشِلِمَيٍ، وٌ وٌ تُلِ مَتِ ﭑ نَ.
\q عَلَ نُن قٍ حَاشِ تَفِ عِكُيَ،
\q عَلَ سّنبّ كَنيِ مُ تِنشِنتَرٍيَ كٌلٌن.
\q
\v 11 عَ مِشِيٍ شَ قٍ رَبَشِ سَرٍ رَفبِلٍنمَ عٍ مَ،
\q عَ كٌتٍ دْشْمَ عٍ شُن مَ عٍ نُن نَشَن لَن.
\q
\v 12 عَلَ مُ نْمَ قٍ حَاشِ رَبَدٍ.
\q عَلَ سّنبّ كَنيِ مُ نْمَ تِنشِنيِ كَنَدٍ.
\q
\v 13 ندٍ عَ تِ عَ شَ دُنِحَ يَمَرِ؟
\q ندٍ دُنِحَ تَشُشِ عَ رَ؟
\q
\v 14 شَ عَلَ مُ عَ حّنفِ سَشِ عَدَ مَدِيٍ شْن مَ نُ،
\q عَ قَ عَ شَشِلِ نُن عَ حّنفِ بَ عٍ يِ،
\q
\v 15 عَدَ مَدِ بِرِن قَشَمَ كٍرٍنيِ نَن نَ نُ،
\q عٍ قِندِ بّندّ رَ.
\q
\v 16 شَ شَشِلِ قَنيِ نَ عِ يِ رَ،
\q عِ شَ عِ تُلِ مَتِ ﭑ مَ مَسٍنيِ رَ.
\q
\v 17 تِنشِنتَرٍ نْمَ دُنِحَ يَمَرِدٍ؟
\q عِ تِنشِنتْي سّنبّمَ نَن كَلَمُمَ؟
\q
\v 18 عِ نْمَ عَ قَلَدٍ مَنفّ بّ،
\q ‹مِشِ شُرِ دِ نَن عِ رَ؟›
\q عِ نْمَ عَ قَلَدٍ كُنتِفِيٍ بّ،
\q ‹وٌ حَاشُ؟›
\q
\v 19 عَلَ مُ مَنفّ رَقِسَ مِشِيٍ بّ،
\q عَ مُ بَننَيٍ رَقِسَ سٍتَرٍيٍ بّ،
\q بَرِ مَ عَ تَن نَن بِرِن دَاشِ.
\q
\v 20 قَشّ مَن عٍ بِرِن تّرّننَمَ نّ.
\q حَمَيٍ عٍ شُنيِ عِكٍلِمَ، كْي كُي عٍ بِرِن سْنتْ.
\q سّنبّمَيٍ يَتِ قَشَمَ نّ قْيْفْنتْن.
\q
\v 21 عَلَ عَدَ مَدِيٍ شَ كِرَ بِرِن مَتٌمَ،
\q عَ عٍ قْشِ عِفبّ.
\q
\v 22 دِ مِ مُ نَ نَشَن نْمَ تِنشِنتَرٍيٍ نْشُندٍ.
\q
\v 23 عَلَ هَيِ مُ نَ تّمُي شْنكُيٍ مَ مِشِ مَكِيتِقٍ رَ.
\q
\v 24 عَ نْمَ سّنبّمَيٍ شُن نَكَنَدٍ مَقُرٍنيِ رَ،
\q عَ قَ مِشِ فبّتّيٍ دْشْ عٍ حْشْي رَ.
\q
\v 25 عَ نَ عٍ شَ قٍ حَاشِ تٌ،
\q عَ نْمَ عٍ بَدٍ دُنِحَ مَ كٍرٍنيِ رَ كْي كُي.
\q
\v 26 عَ نْمَ عٍ بْنبْدٍ عَلْ مِشِ كٌبِ حَمَ يَ شْرِ،
\q
\v 27 بَرِ مَ عٍ مّيشِ عَ شَ سّرِيّ نَن نَ،
\q عٍ عَ شَ كِرَ بّحِن.
\q
\v 28 عٍ بَرَ عَ نِيَ سٍتَرٍ وَ شُي شَ عَلَ لِ.
\q عَلَ تْورْ مِشِ مَلِمَ.
\q
\v 29 شَ عَلَ عَ سَبَرِ، ندٍ نْمَ عَ كَلَمُدٍ؟
\q شَ عَلَ عَ نْشُن، ندٍ نْمَ عَ تٌدٍ؟
\q عَدَ مَدِ مُ نْمَ نَ رَ، حَمَنّيٍ يَتِ مُ نْمَ نَ رَ.
\q
\v 30 عَلَ مُ تِنشِنتَرٍ لُمَ مَنفّيَ كُي،
\q عَلَكٌ عَ شَ فَنتَنيِ تٍ حَمَ بّ.
\q
\v 31 نَ مِشِ مْولِ مُ عَ قَلَمَ عَلَ بّ،
\q ‹ﭑ بَرَ فبِلٍن قٍ حَاشِ قْشْ رَ ﭑ مَ حَشَنكَتّ شَ قٍ رَ.
\q
\v 32 ﭑ قٍ حَاشِ نَشَن نَبَشِ،
\q نَ مَسٍن ﭑ بّ، ﭑ مُ نَ رَبَمَ سْنْن؟›
\q
\v 33 عَلَ لَنمَ عَ شَ عَ سَرٍ قِ؟
\q عِ تَن نَن عَ مَتَندِقٍ، ﭑ تَن مُ عَ رَ،
\q عِ تَن نَن يَابِ تِمَ.
\q
\v 34 شَشِلِمَيٍ نُن لْننِلَيٍ نَشٍيٍ عٍ تُلِ مَتِشِ ﭑ نَ،
\q مُشُ بِرِن بَرَ لَن يِ مَ؛
\q
\v 35 عَيُبَ وْيّنقٍ شَشِلِتَرٍحَ نَن كُي،
\q لْننِ مُ عَ يِ.
\q
\v 36 عَيُبَ شَ حَشَنكَتَ هَن عَ دَندٍ،
\q بَرِ مَ عَ شَ مَسٍنيِيٍ مُ تِنشِن.
\q
\v 37 عَ شَ يُنُبِ شُن نَن تُن مَسَقٍ.
\q عَ وْيّنمَ مُشُ بّ يّتّ عِفبٌحَ رَ،
\q عَ عَ شَ عَلَ مَتَندِ شُن مَسَمَ عَ شَ وْيّنيِ رَ.»
\c 35
\s1 عٍلِهُ شَ مَسٍنيِ سَشَن ندٍ
\s2 «عَلَ عِ شَ قٍ كٌلٌن»
\q
\v 1 عٍلِهُ نَشَ عَ قَلَ،
\q
\v 2 «عِ حْشْ عَ مَ نْندِ نَ عِ بّ عِ نَ عَ قَلَ،
\q ‹ﭑ مَ تِنشِنيِ قَتَنشِ عَلَ نَن نَ؟›
\q
\v 3 عِ بَرَ عَ مَشْرِن،
\q ‹فٍينِ مُندُن نَ ﭑ بّ شَ ﭑ مُ يُنُبِ رَبَمَ؟›
\q
\v 4 ﭑ تَن نَن عِ يَابِمَ نَ رَ، عِ تَن نُن عِ بٌورٍيٍ.
\q
\v 5 كٌورٍ مَتٌ. نُشُي مُ نَ عِ شُن مَ شّ؟
\q
\v 6 شَ عِ يُنُبِ رَبَ، نَ قِندِ مَ تْورّ رَ عَلَ نَن بّ؟
\q شَ عِ عَ مَتَندِ، نَ قِندِ مَ كٌتٍ مُندُن نَ عَ بّ؟
\q
\v 7 شَ عِ تِنشِن، نَ قِندِ مَ فٍينِ مُندُن نَ عَ تَن بّ؟
\q
\v 8 عِ شَ قٍ حَاشِ نْمَ عَدَ مَدِ نَن فبَنسَن تْورْدٍ،
\q عَدَ مَدِ نَشَن لُشِ عَلْ عِ تَن.
\q عِ شَ تِنشِنيِ قَن نْمَ قِندِدٍ فٍينِ رَ عَدَ مَدِ نَن فبَنسَن بّ.
\q
\v 9 مِشِيٍ عٍ وَ شُي مّمَ بَرِ مَ قٍ حَاشِ رَبَيٍ وُيَ.
\q مِشِيٍ شِلِ تِمَ نَ كٌبِحَ شَ قٍ رَ.
\q
\v 10 كْنْ مِشِ يٌ مُ عَ قَلَمَ،
\q ‹ﭑ دَا مَنفّ عَلَ نَ مِندٍن،
\q ﭑ بّيتِ بَمَ نَشَن بّ كْي رَ،
\q
\v 11 نَشَن لْننِ قِمَ عَدَ مَدِيٍ مَ
\q دَنفِقٍ سُبٍيٍ رَ نَشٍيٍ نَ دُنِحَ مَ،
\q دَنفِقٍ شْنِيٍ رَ نَشٍيٍ نَ كُيٍ مَ؟›
\q
\v 12 مِشِيٍ شِلِ تِمَ، كْنْ عَ مُ عٍ يَابِمَ
\q قٍ حَاشِ رَبَيٍ شَ يّتّ عِفبٌحَ شَ قٍ رَ.
\q
\v 13 عٍ شِلِ تِمَ قُقَقُ،
\q بَرِ مَ عَلَ مُ عَ تُلِ مَتِمَ عٍ رَ،
\q عَلَ سّنبّ كَنيِ مُ عٍ شُي رَ مّمَ.
\q
\v 14 كْنْ عِ تَن نَن عَ قَلَشِ عَ عِ مُ عَلَ تٌشِ،
\q عِ شَ قٍ سَشِ عَ يَ عِ، عِ نَ عَ مَمّقٍ تُن.
\q
\v 15 عَ مُ نُ شْنْ عِ شَ مَتَندِ وْيّنيِيٍ مَ سِندٍن.
\q
\v 16 عَيُبَ، عِ بَرَ عِ دّ رَبِ قُقَقُ شَشِلِتَرٍحَ قَلَقٍ رَ.»
\c 36
\s1 عٍلِهُ شَ مَسٍنيِ نَانِ ندٍ
\s2 «عَلَ عَدَ مَ رَ سِمَ»
\q
\v 1 عٍلِهُ مَن نَشَ عَ قَلَ،
\q
\v 2 «عِ شَ مَمّ تِ، ﭑ قَمَ ﭑ مَ لْننِ مَسٍندٍ عِ بّ عَلَ شَ قٍ كُي.
\q
\v 3 ﭑ مَ لْننِ كٍلِمَ يِرٍ مَكُيٍ نّ.
\q ﭑ نْندِ قِمَ نّ ﭑ دَا مَنفّ مَ.
\q
\v 4 وُلٍ يٌ مُ نَ ﭑ مَ مَسٍنيِ كُي.
\q عِ نُن نَشَن عَ رَ يِ كِ،
\q تِنشِنتْي نَن عَ رَ نَشَن شَ لْننِ كَمَلِشِ.»
\b
\q
\v 5 «عَلَ سّنبّ فبٌ،
\q عَ مُ يٌمَ مِشِ يٌ مَ.
\q عَ سّنبّ فبٌ، عَ حَنِفٍ قَن.
\q
\v 6 عَ مُ عَ لُمَ مِشِ حَاشِيٍ شَ بُ،
\q عَ مّينِمَ تْورْ مِشِيٍ مَ.
\q
\v 7 عَ مّينِمَ نّ تِنشِنتْييٍ مَ،
\q عَ عٍ رَ سَبَتِ مَنفّيٍ سّيتِ مَ كِبَنيِ،
\q عَ عٍ شَ قٍ عِتٍ عٍ شَ بُ عَبَدَن.
\q
\v 8 كْنْ شَ عٍ سُشُشِ تْورّ نَن كُي،
\q
\v 9 عَ عٍ شَ قٍ حَاشِيٍ مَسٍن عٍ بّ،
\q عٍ نَشٍيٍ رَبَشِ عٍ شَ يّتّ عِفبٌحَ كُي.
\q
\v 10 عَ مَرَ سِ قَنيِ قِ عٍ مَ،
\q عَ عَ قَلَ عٍ بّ عٍ شَ تِنشِنتَرٍيَ بّحِن.
\q
\v 11 شَ عٍ عٍ تُلِ مَتِمَ عَ رَ،
\q عٍ نَ سّرِيّ رَبَتُ،
\q عٍ شَ سِمَيَ شْن كُيَمَ نّ هّيرِ كُي،
\q عٍ شَ قٍ بِرِن سْونّيَ.
\q
\v 12 كْنْ شَ عٍ مُ عٍ تُلِ مَتِمَ عَ رَ،
\q عٍ قَشَمَ نّ سَنتِدّفّمَ رَ لْننِتَرٍحَ كُي.
\q
\v 13 تِنشِنتَرٍيٍ شْنْمَ،
\q عٍ مُ عَلَ مَشَندِ مَ عَ نَ عٍ سُشُ تّمُي نَشّ.
\q
\v 14 عٍ قَشَمَ عٍ قٌنِكٍ نَن نَ لَنفٌييٍ يَ مَ.
\q
\v 15 كْنْ عَلَ تْورْ مِشِيٍ رَكِسِمَ نّ عٍ شَ تْورّ سَابُي رَ.
\q تْورّ نَن مَرَ سِ قِمَ عٍ مَ.»
\b
\q
\v 16 «عَ وَ مَ عِ تَن قَن نَكِسِقٍ عِ شَ تْورّ كُي،
\q عَلَكٌ تْورّ نَشَ عِ رَشّتّن،
\q عَلَكٌ دٌنسٍ قَنيِ شَ لُ عِ يِ رَ.
\q
\v 17 كْنْ عِ نَ عَ رَبَ عَلْ مِشِ حَاشِيٍ،
\q حَشَنكَتّ نَشَن لَن عَ شَ دْشْ مِشِ حَاشِيٍ مَ،
\q نَ كِيتِ تِنشِنشِ نَن دْشْمَ عِ قَن مَ.
\q
\v 18 عِ نَشَ يٌ عَلَ مَ عِ شَ شْنّ كُي،
\q عِ نَشَ فبِلٍن عَلَ قْشْ رَ سٍ ندٍ شَ قٍ رَ.
\q
\v 19 عِ وَ شُي نْمَ عِ رَ مِنِدٍ عِ شَ تْورّ كُي؟
\q عِ نْمَ نَ رَبَدٍ عِ يّتّ سّنبّ رَ؟
\q
\v 20 كْي نَشَ قِندِ عِ بّ مِشِ تْورْ سٍ رَ،
\q
\v 21 عِ نَشَ بِرَ قٍ حَاشِ قْشْ رَ عِ شَ تْورّ شَ قٍ رَ.
\q
\v 22 قِسَمَنتٍ نَن عَلَ رَ عَ سّنبّ شَ قٍ رَ.
\q ندٍ نْمَ عَ رَ سِدٍ؟
\q
\v 23 ندٍ نْمَ عَ يَمَرِدٍ؟
\q ندٍ نْمَ عَ قَلَدٍ، ‹عِ بَرَ تَنتَن؟›
\q
\v 24 عِ شَ عَ شَ كّوَلِ مَتْشْ،
\q عَلْ مِشِيٍ لُمَ عَ بَ رَ بّيتِ رَ كِ نَشّ.
\q
\v 25 عَدَ مَدِ بِرِن بَرَ عَ شَ وَلِ تٌ،
\q دُنِحَ بِرِن عَ تٌمَ كٍلِقٍ يِرٍ مَكُيٍ.
\q
\v 26 عَلَ سّنبّ فبٌ،
\q وٌن مُ نْمَ نَ بِرِن كٌلٌندٍ.
\q وٌن مُ نْمَ عَ شَ عَبَدَن كْنتِ كٌلٌندٍ.
\q
\v 27 عَ يٍ تٌنبِيٍ مَقِندِ مَ تُنّ رَ،
\q عَ قَ عَ رَفٌرٌ بْشِ مَ.
\q
\v 28 نُشُييٍ نَن تُنّ يٍ رَيٍنسٍنمَ عَدَ مَدِ بِرِن شُن مَ.
\q
\v 29 ندٍ نْمَ نُشُي شَ وَلِ قَهَامُدٍ؟
\q ندٍ نْمَ فَلَنيِ شَ قٍ كٌلٌندٍ؟
\q
\v 30 عَ سٍيَمَكْنيِ رَفٌرٌ مَ بَا مَ،
\q عَ نَءِيَلَنيِ شُنفبٍ رَ مِنِ.
\q
\v 31 عَ حَمَنّ مَكِيتِمَ نٍيٍ نَن نَ.
\q عَ بَلٌي قِمَ عٍ مَ عَ قَنيِ رَ.
\q
\v 32 عَ سٍيَمَكْنيِ وٌلِمَ عَ وَشْندٍ.
\q
\v 33 فَلَنيِ شُي مِشِيٍ رَكٌلٌنمَ نّ تُنّ شَ قَ مَ،
\q هَلِ شُرُ سٍ فْورّيٍ قَن نَكٌلٌنمَ نّ،
\q عٍ نُ قَ فبَتَ عٍ مَكْرّدٍ عٍ لِنفِرَ رَ.»
\c 37
\s1 عٍلِهُ شَ مَسٍنيِ سُولِ ندٍ
\s2 «عَلَ شَ كّوَلِ سّنبّ فبٌ»
\q
\v 1 «ﭑ بْحّ سّرّنمَ نَ نَن مَ.
\q
\v 2 وٌ وٌ تُلِ مَتِ عَلَ شُي رَ،
\q نَ شُي فبٍ نَشَن مِنِمَ عَ كّرّ عِ.
\q
\v 3 عَ شَ سٍيَمَكْنيِ كٌورٍ بِرِن نَقٍمَ نّ،
\q عَ دُنِحَ نَانِنيِ بِرِن لِ.
\q
\v 4 نَ دَنفِ شَنبِ فَلَنيِ بُلَ.
\q عَ لُمَ عَلْ عَلَ وَ مَ عَ شُي شُنفبٍ شَ مّ يِرٍ بِرِن.
\q
\v 5 عَلَ شُي قِندِشِ كَابَنَكٌي نَن نَ.
\q عَ قٍ شُنفبٍ رَبَمَ وٌن مُ نَشَن قَهَامُمَ.
\q
\v 6 عَ عَ قَلَمَ بَلَبَلَنيِ بّ، ‹فٌرٌ بْشِ مَ.›
\q عَ تُنّ يٍ قَن نَفٌرٌ عَ فبٍفبٍ رَ.
\q
\v 7 عَ عَدَ مَدِيٍ شَ وَلِ بِرِن دَنمَ نّ كٍرٍنيِ رَ،
\q عَلَكٌ عٍ شَ عَ كٌلٌن عَ تَن نَن نَ بِرِن نَفِرِ مَ.
\q
\v 8 سُبٍ شَاحّيٍ قَن سٌمَ عٍ لِنفِرَ نَ تّمُي نّ.
\q
\v 9 تُرُننَادّ قٌيٍ كٍلِمَ عَ يِرٍ،
\q عَ سَ قِندِ قٌيٍ شِنبٍلِ رَ كْولَ مَ.
\q
\v 10 عَلَ عَ حّنفِ قٌيٍ قِندِ مَ بَلَبَلَنيِ رَ
\q عَ بَا يٍ قَرِ بِرِن نَشْرْشْ فبٍن،
\q
\v 11 عَ نُشُييٍ رَشِنبٍلِ،
\q عَ عَ شَ سٍيَمَكْنيِ لُ عٍ مَ.
\q
\v 12 عَ شَ يَمَرِ نَن نَ بِرِن نَ،
\q عَ تَن نَن نٍيٍ بِرِن نَحّرّ مَ دُنِحَ بّندّ قُحِ قَرِ،
\q عَ وَشْنقٍ رَبَقٍ رَ.
\q
\v 13 نَ بِرِن لُمَ عَلْ لُشُسِنيِ
\q عَ بْشِ عِسٍيٍ شُنسِنمَ نَشَن نَ،
\q شَ نَ مُ عَ رَ، عَلْ قٍ قَنيِ عَ هِننّمَ عٍ رَ نَشَن نَ.»
\b
\q
\v 14 «عَيُبَ، عِ شَ عِ تُلِ مَتِ ﭑ مَ مَسٍنيِ رَ.
\q عِ شَ عَلَ شَ كَابَنَكٌي مَتٌ.
\q
\v 15 عِ نَ بِرِن نَبَ كِ كٌلٌن عَلَ يِ رَ؟
\q عَ سٍيَمَكْنيِ رَ مِنِمَ نُشُي كُي كِ نَشّ، عِ نَ كٌلٌن؟
\q
\v 16 نُشُي لُمَ كٌورٍ مَ كِ نَشّ، عِ نَ قَن كٌلٌن؟
\q نَ بِرِن قِندِشِ عَلَ شَ لْننِ شُنفبٍ نَن نَ
\q نَشَن مَنِيّ مُ نَ.
\q
\v 17 قٌيٍ قُرٍ نّقّ مِنِ،
\q كُيٍ عِقُرَ مَ عِ تَن نَشَن مَ،
\q
\v 18 عِ قَن نْمَ كٌورٍ وَلَشّ ندٍ يَءِلَندٍ عَلْ عَلَ؟
\q
\v 19 مُشُ نَشَن مَسٍنمَ عَلَ بّ نَ قَلَ مُشُ بّ بَ.
\q نَ لْننِ مْولِ مُ مُشُ يِ.
\q
\v 20 ﭑ نَ وْيّن، قٌ مِشِ فبّتّ شَ نَ رَدَنفِ نّ عَ مَ؟
\q قٌ قٍ ندٍ شَ قَلَ عَ بّ عَ قَ كٌلٌن سْتْ نَ مَ؟
\q
\v 21 يَكْسِ سٌفٍ مُ تٌمَ نُشُييٍ شَنبِ رَ،
\q قٌ قٌيٍ عٍ بَ عَ يَ مَ.»
\b
\q
\v 22 «يَنبّ تٌقَنيِ ندٍ نَ كٍلِقٍ كْولَ مَ،
\q نَشَن قِندِشِ عَلَ شَ نْرّ شُنفبٍ رَ.
\q
\v 23 عَدَ مَ مُ نْمَ عَلَ سّنبّ كَنيِ لِدٍ.
\q عَ سّنبّ فبٌ،
\q عَ تِنشِن.
\q عَ مُ نْمَ تِنشِنتْي تْورْدٍ.
\q
\v 24 عَدَ مَ لَن عَ شَ فَاشُ عَلَ يَ رَ نَ نَن مَ.
\q يّتّ عِفبٌي مُ رَقَن عَ مَ.»
\c 38
\s1 عَلَ شَ مَسٍنيِ سِنفٍ عَيُبَ بّ
\s2 «عَيُبَ، ﭑ يَابِ شَ عِ نْمَ»
\q
\v 1 عَلَ نَشَ عَيُبَ يَابِ تُرُننَادّ قٌيٍ كُي،
\q عَ نَشّ،
\q
\v 2 «ندٍ نَ ﭑ مَ وَلِيٍ يَ عِسٌقٍ عَ شَ شَشِلِتَرٍ وْيّنيِيٍ رَ؟
\q
\v 3 عِ عِ تَفِ عِشِرِ فبٍن عَلْ فبَنفبَلَنيِ،
\q ﭑ شَ مَشْرِنيِ ندٍيٍ تِ عِ مَ،
\q عِ شَ ﭑ يَابِ.
\q
\v 4 عِ نُ نَ مِندٍن ﭑ تٌ نُ دُنِحَ دَامَ؟
\q نَ قَلَ بَ شَ لْننِ كَنيِ نَ عِ رَ.
\q
\v 5 عِ عَ كٌلٌن ندٍ دُنِحَ مَنِيَشِ؟
\q ندٍ عَ مَنِيّ لُوتِيٍ عِتَلَشِ؟
\q
\v 6 دُنِحَ بُنيِ نَ مِندٍن؟
\q ندٍ فّمّ تِشِ دُنِحَ نَ نَشَن قَرِ؟
\q
\v 7 ندٍ نَ رَبَ تُنبُييٍ تٌ نُ عٍ سّيوّ شُي عِتٍمَ،
\q مَلٍكّ بّيتِبَيٍ قَن تٌ نُ ﭑ شِلِ مَتْشْمَ؟»
\b
\q
\v 8 «ندٍ بَا نَادّيٍ بَلَن،
\q ﭑ تٌ عَ رَ مِنِ بْشِ مَ؟
\q
\v 9 ﭑ تَن نَن نُشُي رَفٌرٌ عَ مَ،
\q ﭑ دِ مِ دُ سُ عَ شُن نَ،
\q
\v 10 ﭑ عَ نَانِنيِ سَ عَلَكٌ عَ نَشَ دَنفِ مّننِ رَ.
\q
\v 11 ﭑ تَن نَن دَندٍ سَ مْرْنيِيٍ بّ،
\q عَلَكٌ عٍ نَشَ تٍ، عٍ عَ رَدَنفِ عَ عِ.»
\b
\q
\v 12 «عِ بَرَ يَامَرِ قِ لْشْي كٍرٍن عِ شَ سِمَيَ كُي سُبَشّ شَ مِنِ،
\q
\v 13 عَ شَ مِشِ حَاشِيٍ رَتّرّننَ، عَ عٍ مَكّنّن؟
\q
\v 14 دُنِحَ بِرِن مَكّنّنمَ نّ سُبَشّ نَءِيَلَنيِ كُي،
\q عَ لُ عَلْ بّندّ بُندَ تْنشُمَ سَشِ نَشَن مَ.
\q عَ يِرٍ بِرِن تٌمَ نّ عَلْ دُفِ مَحِنفِشِ.
\q
\v 15 كْنْ مِشِ حَاشِيٍ تَن بَرَ كُمَ نَءِيَلَنيِ رَ،
\q عٍ سّنبّ بَرَ كَنَ.»
\b
\q
\v 16 «عِ بَا يٍ كٍلِدٍ كٌلٌن؟
\q عِ بَرَ بَا بُنيِ لِ؟
\q
\v 17 عِ بَرَ عَلِفِيَمَ سٌدٍ دّ تٌ؟
\q عِ بَرَ سَيَ نَادّ عِفبّ؟
\q
\v 18 عِ دُنِحَ عِفبٌحَ كٌلٌن؟
\q عَ قَلَ ﭑ بّ شَ عِ نَ قٍ بِرِن كٌلٌن.»
\b
\q
\v 19 «نَءِيَلَنيِ كٍلِمَ مِندٍن؟
\q دِ مِ شْنيِ نَ مِندٍن؟
\q
\v 20 عِ نَ يِرٍيٍ كٌلٌن؟
\q عِ نَا سِفَ كِرَ كٌلٌن؟
\q
\v 21 شَ عِ نَ بِرِن كٌلٌن، عَوَ عِ حَن نُ بَرَ بَرِ،
\q عِ شَ سِمَيَ فبٌ.
\q
\v 22 عِ بَلَبَلَنيِ رَفَتَدٍ كٌلٌن؟
\q عِ بَرَ نَ يِرٍ تٌ؟
\q
\v 23 ﭑ نَ بَلَبَلَنيِ رَفَتَشِ تْورّ تّمُي نَن يَ رَ،
\q فٍرٍ تِ لْشْي يَ رَ.
\q
\v 24 سٍيَمَكْنيِ كٍلِمَ مِندٍن عَ يٍنسٍن يّ؟
\q قٌيٍ نَشَن كٍلِمَ سٌفٍتٍدٍ، نَ عَ حّرّ مَ دُنِحَ مَ دِ؟
\q
\v 25 ندٍ تُنّ كِرَ رَبْو مَ،
\q عَ سٍيَمَكْنيِ نُن فَلَنيِ يَمَرِ عٍ شَ مِنِ؟
\q
\v 26 ندٍ عَ نِيَشِ تُنّ شَ بِرَ بْشِ مَ
\q مِشِ مُ نَ دّننَشّ عَلْ فبٍنفبٍرٍن يِرٍ؟
\q
\v 27 ندٍ عَ نِيَشِ حٌوفٍ شَ بُلَ وُلَ عِ؟
\q
\v 28 ندٍ قِندِشِ تُنّ بَبَ رَ؟
\q ندٍ شِنِ رَ مِنِمَ؟
\q
\v 29 ندٍ بَلَبَلَنيِ دَاشِ نَشَن كٍلِمَ كٌورٍ مَ؟
\q
\v 30 ندٍ عَ نِيَمَ بَا يٍ شَ شِنبٍلِ عَ شْرْشْ،
\q عَ قِندِ بَلَبَلَنيِ رَ،
\q عَ دُ سُ بَا شُن نَ عَ شْرْشْ عَلْ فّمّيٍ؟»
\b
\q
\v 31 «عِ تَن نَن تُنبُييٍ سَ كٌورٍ مَ،
\q كَنكَن شَ لُ عَ يِرٍ عَ تٌقَن كِ مَ؟
\q
\v 32 عِ تَن نَن تُنبُييٍ رَ مِنِشِ عٍ وَشَتِ
\q عَلَكٌ عَدَ مَدِيٍ شَ نْ سُبٍ تْنشُمَيٍ تٌدٍ عٍ يَ مَ؟
\q
\v 33 عِ كٌورٍ يَمَرِ كِ كٌلٌن؟
\q عِ بَرَ سٌ بْشِ يَءِلَن كِ كُي؟»
\b
\q
\v 34 «عِ قَتَ نُشُييٍ يَمَرِدٍ عَلَكٌ يٍ شَ بَنبَرَن يّ؟
\q
\v 35 عِ قَتَ سٍيَمَكْنيِ يَمَرِدٍ عَلَكٌ عٍ شَ عِ شَ وَلِ رَبَ؟
\q عٍ لُمَ عِ شَ يَامَرِ بُن مَ، عَ قَلَقٍ رَ، ‹مُشُ نَ بٍ؟›
\q
\v 36 ندٍ لْننِ رَ سٌشِ عَدَ مَدِ بْحّ كُي،
\q عَ عَ شَشِلِ دَا؟
\q
\v 37 شَشِلِمَ مُندُن نْمَ نُشُي بِرِن كْنتِدٍ؟
\q ندٍ نْمَ يٍ رَفٌرٌدٍ كٍلِ كٌورٍ مَ،
\q
\v 38 عَلَكٌ بْشِ شَ بُندَ، شُبٍ شَ قِندِ بٌورَ رَ؟»
\b
\q
\v 39 «يّتّيٍ نّ سَشِ كَامّ رَ عٍ مَ،
\q
\v 40 عِ تَن نَن سُبٍ قِمَ عٍ مَ عٍ شَ كَامّ بَ؟
\q
\v 41 شَشَيٍ فٌ، عٍ شَ دِيٍ نّ وَ مَ كٌورٍ مَ،
\q عِ تَن نَن عٍ بَلٌمَ؟»
\c 39
\s1 عَلَ شَ مَسٍنيِ قِرِن ندٍ عَيُبَ بّ
\s2 «ندٍ مّينِمَ سُبٍيٍ مَ؟»
\q
\v 1 «عِ وُلَ عِ سِ دِ بَرِ تّمُي كٌلٌن فٍيَيٍ قَرِ؟
\q عِ بَرَ شٍلِ تٌ دِ بَرِ رَ؟
\q
\v 2 عِ عٍ شَ قُرِ مَشَنِن كِكٍ كْنتِ كٌلٌن
\q بٍينُ عٍ دِ بَرِ وَشَتِ شَ عَ لِ؟
\q
\v 3 عٍ نَ عٍ سَ، عٍ دِ بَرِ مَ،
\q عَلَكٌ عٍ شَ قُلُن عٍ قُرِ شَ شْنّ مَ.
\q
\v 4 عٍ شَ دِيٍ نَ مْ،
\q عٍ كٍلِ عٍ نفَ شُن مَ، عٍ مُ قَ سْنْن.»
\b
\q
\v 5 «ندٍ لُوتِ بَشِ سٌقَلٍ مَ،
\q عَ عَ رَبّحِن وُلَ عِ؟
\q
\v 6 ﭑ تَن نَن وُلَ قِندِشِ عَ شْنيِ رَ
\q ﭑ عَ لُ يِرٍ، قْشّ سُنبُشِ بّندّ رَ دّننَشّ.
\q
\v 7 تَا شَ وُندُي مُ رَقَن عَ مَ،
\q عَ مُ تِنمَ مِشِيٍ شَ عَ رَحّرّ.
\q
\v 8 عَ وُلَ عِسَمَ حٌوفٍ قٍندٍ عَ بَلٌسٍ رَ.»
\b
\q
\v 9 «عِ نْمَ سّشّ نِنفٍ رَوَلِدٍ؟
\q عَ كْي رَدَنفِمَ عِ شَ فْورّ كُي؟
\q
\v 10 عِ نْمَ عَ شِرِدٍ سَرِ رَ،
\q عَ شَ بْشِ بُشَ عِ بّ؟
\q
\v 11 عِ عِ يِفِ سُشُمَ عَ سّنبّ فبٍ رَ؟
\q عِ نْمَ عِ شَ وَلِ شُنفبٍيٍ تَشُدٍ عَ رَ؟
\q
\v 12 عِ نْمَ عَ شّيدٍ شّ شَبّ، عَ شَ عِ مَلِ عِ شَ بَلٌي رَ سٌدٍ؟»
\b
\q
\v 13 «شْنِ مْولِ ندٍ نَ نَ نَشَن
\q فَبُتٍنيِ دُنكٍيٍ عِبْنبْمَ سّيوّ كُي،
\q كْنْ عٍ مُ تٌقَن فبٌنفبٌي فَبُتٍنيِيٍ بّ.
\q
\v 14 عَ عَ شّلّيٍ سَمَ بْشِ مَ،
\q عَ عٍ لُ مّيّنيِ بُن مَ عَلَكٌ وُيٍنيِ شَ لُ عٍ مَ،
\q
\v 15 عَ مُ عَ مَحْشُن سُبٍ ندٍ نْمَ تِدٍ عٍ قَرِ، عٍ بُلَ.
\q
\v 16 عَ مُ مّينِمَ عَ شَ دِيٍ مَ،
\q عَ لُمَ عَلْ عَ فبٍ مُ عٍ رَ.
\q
\v 17 عَ نَ مْولِ رَبَمَ
\q بَرِ مَ عَلَ مُ لْننِ نُن شَشِلِ قَنيِ قِشِ عَ مَ.
\q
\v 18 كْنْ عَ نَ عَ فِ قْلْ،
\q عَ سٌي رَفِيٍ نُن سٌي لُمَ نّ عَ شَنبِ رَ.»
\b
\q
\v 19 «عِ تَن نَن سٌي سّنبّ قِمَ عَ مَ؟
\q عِ تَن نَن عَ كْنيِ شَبٍيٍ رَكُيَمَ؟
\q
\v 20 عِ تَن نَن عَ نِيَمَ عَ شَ نْ تُفَندٍ عَلْ كَتٌي،
\q عَ بِرِن مَفَاشُ عَ شُي رَ؟
\q
\v 21 عَ بْشِ عِبٌرٌنمَ عَ سَنيِ رَ،
\q عَ حّلّشِنشِ عَ سّنبّ رَ.
\q
\v 22 عَ مُ فَاشُمَ سٍسٍ يَ رَ،
\q عَ مُ عَ مَفبِلٍنمَ سَنتِدّفّمَ يَ عِ.
\q
\v 23 تَنبّيٍ نُن عٍ سَسٍ فبَكُشِ عَ مَ،
\q
\v 24 عَ فبَتَشِ تُفَنمَ، عَ شُلُن عَ فِدٍ فٍرٍ يِرٍ.
\q
\v 25 فٍرٍ سَرَ نَ قٍ،
\q عَ تَن كٍلِمَ نّ قَ كٍرٍن نَ عَ فٍرٍ سٌ كِ مَ.»
\b
\q
\v 26 «عِ شَ لْننِ بَرَ عَ نِيَ
\q سّفّ شَ عَ حّرّ كٌورٍ مَ سِفَقٍ رَ يِرٍقَنيِ مَ؟
\q
\v 27 عِ تَن نَن يَامَرِ قِمَ عَ مَ عَ شَ عَ تّي سَ يِرٍ عِتٍشِ؟
\q
\v 28 كْي رَ، عَ يِفِيَمَ فّمّ لٌنفٌرِ رَ فٍيَيٍ قَرِ.
\q مّننِ نَن قِندِشِ عَ بّ عَ مَكَنتَدٍ نَن نَ.
\q
\v 29 عَ سُبٍيٍ تٌمَ نَ يِرٍ مَكُيٍ نّ،
\q عَ بَلٌمَ نَشٍيٍ رَ.
\q
\v 30 سُبٍ شِندٍ حْشُن عَ شَ دِيْرّيٍ بّ.
\q بِنبِ لُ دّدّ عَ نَ مّننِ.»
\c 40
\s1 عَلَ شَ مَسٍنيِ سَشَن ندٍ عَيُبَ بّ
\s2 «ندٍ مُ لَمَ عَلَ رَ؟»
\q
\v 1 عَلَتَلَ مَن نَشَ عَ مَسٍن عَيُبَ بّ،
\q
\v 2 «عِ تَن نَشَن عَلَ سّنبّ كَنيِ كَلَمُمَ،
\q عِ سُو سَمَ عَ رَكِيتِدٍ؟
\q شَ لْننِلَ نَ عِ تَن نَ،
\q يَابِ ندٍ تِ يِ بِرِن مَ بَ.»
\q
\v 3 عَيُبَ نَشَ عَلَتَلَ يَابِ،
\q
\v 4 «مِشِ شُرِ دِ نَن ﭑ نَ.
\q ﭑ تَن عِ يَابِمَ مُنسٍ رَ؟
\q ﭑ بَرَ ﭑ دّ سُشُ ﭑ بّلّشّ رَ، ﭑ دُندُ يٍن.
\q
\v 5 ﭑ وْيّن نّ كٍرٍن،
\q ﭑ نَشَ وْيّن قِرِن.
\q نَ شَنبِ، ﭑ مُ سٍسٍ سَمَ نَ قَرِ سْنْن.»
\b
\q
\v 6 عَلَ مَن نَشَ عَ مَسٍن عَيُبَ بّ تُرُننَادّ قٌيٍ كُي،
\q
\v 7 «عِ عِ تَفِ شِرِ فبٍن عَلْ فبَنفبَلَنيِ،
\q ﭑ شَ مَشْرِنيِ ندٍيٍ تِ عِ مَ، عِ شَ ﭑ يَابِ.
\q
\v 8 عِ مُ لَشِ عَ رَ ﭑ مَ كِيتِ تِنشِن؟
\q عِ وَ مَ نْندِ بَقٍ ﭑ يِ رَ نّ، عَ شَ لُ عِ تَن بّ؟
\q
\v 9 عِ سّنبّ فبٌ عَلَ فبٍ بّ؟
\q عِ شُي مَفَاشُ عَلْ عَ فبٍ؟
\q
\v 10 نَ كُي، عِ عِ مَشِرِ نْرّ نُن شُننَكٍلِ رَ بَ،
\q عِ شَ تٌقَن، عِ شَ عِ سّنبّ مَسٍن.
\q
\v 11 عِ شَ عِ شَ شْنّ مَفَاشُشِ رَ مِنِ بَ،
\q عِ يّتّ عِفبٌييٍ شُن نَكَنَ.
\q
\v 12 عٍ بِرِن كُنتَن،
\q مِشِ حَاشِيٍ عِفبَنتُ عٍ يِرٍ.
\q
\v 13 بّندّ رَدِن عٍ بِرِن شُن نَ،
\q عٍ بَلَن فَبُرِ كُي.
\q
\v 14 نَ تّمُي ﭑ قَن يّتّ يَتِ عِ مَتْشْمَ نّ،
\q بَرِ مَ عِ يّتّ سّنبّ بَرَ عِ رَكِسِ.»
\b
\q
\v 15 «مَلِ مَتٌ بَ عَ قَنيِ رَ،
\q نَ سُبٍ مَفَاشُشِ ﭑ نَشَن دَاشِ
\q عَلْ ﭑ عِ قَن دَاشِ كِ نَشّ.
\q عَ حٌوفٍ دٌنمَ عَلْ نِنفٍ.
\q
\v 16 عَ سّنبّ فبٍ نَ عَ فُنفُي نّ،
\q سّنبّ مَلَنشِ عَ قُرِ كِرِ بُن.
\q
\v 17 عَ شُلِ سّنبّ فبٌ عَلْ كٌندٍ بِلِ،
\q عَ سَنيِ قَسّيٍ وُيَ، عٍ فَدَرَ.
\q
\v 18 عَ شْرِيٍ لُشِ عَلْ يْشُي، شَ نَ مُ عَ رَ وُرٍ.
\q
\v 19 عَلَ شَ دَالِسٍ قِسَمَنتٍ نَن عَ رَ،
\q كْنْ عَ فَاشُمَ عَلَ شَ سَنتِدّفّمَ يَ رَ.
\q
\v 20 عَ عَ بَلٌي قٍنمَ فٍيَيٍ كْن سُبٍ شَاحّيٍ يَ مَ.
\q
\v 21 عَ شِمَ نِينِ بُن مَ،
\q عَ عَ نْشُن دَبٌنيِيٍ كُي.
\q
\v 22 عَ عَ مَلَبُمَ وُرِ بِلِيٍ نِينِ بُن مَ،
\q نَشٍيٍ نَ دَبٌن دّ رَ.
\q
\v 23 دَبٌنيِ يٍ شَ فبٌي مُ عَ مَفَاشُمَ.
\q يُرُدّن شُرٍ نَ بَنبَرَن يّ، عَ مُ عَ تْورْ مَ.
\q
\v 24 عَ يَ رَبِشِ نْمَ سُشُدٍ؟
\q عَ نْمَ سُشُدٍ فَنتَنيِ رَ، عَ حْي شَ تُنبَ؟»
\c 41
\b
\q
\v 1 «عِ نْمَ سْحّ سُشُدٍ كْنيِ رَ؟
\q عِ نْمَ عَ دّ شِرِدٍ، عِ عَ بَ يٍ شْورَ؟
\q
\v 2 عِ نْمَ عَ حْي، شَ نَ مُ عَ رَ عَ دّ تُنبَدٍ،
\q عِ لُوتِ سَ عَ مَ؟
\q
\v 3 عَ عِ مَيَندِ مَ عِ شَ عَ قُلُن؟
\q عَ هَيِ نَ وْيّنيِ حْشُنمّ مَ عَ قَلَقٍ رَ عِ بّ؟
\q
\v 4 وٌ سَاتّ شِرِ مَ؟
\q عَ قِندِ مَ عِ شَ كٌنيِ رَ عَ شَ سِمَيَ كُي؟
\q
\v 5 عِ نْمَ بٍرٍدٍ عَ رَ عَلْ شْنِ دِ؟
\q عِ نْمَ عَ شِرِدٍ، عَ قِندِ عِ شَ دِيٍ شَ بٍرٍ سٍ رَ؟
\q
\v 6 عِ نْمَ عَ مَتِدٍ؟
\q يُلّيٍ عَ عِتَشُنمَ عٍ بٌرٍ مَ؟
\q
\v 7 عِ نْمَ عَ كِرِ مَسْشْدٍ تَنبّيٍ رَ؟
\q عِ نْمَ عَ شُنيِ سْشْدٍ سْشْسٍ ندٍ رَ؟
\q
\v 8 فٍرٍ تِ عَ بّ،
\q نَ مُ نّيمُمَ عِ رَ.
\q عِ مُ نَ عِقِرِنمَ سْنْن.»
\s1 عَلَ شَ مَسٍنيِ نَانِ ندٍ عَيُبَ بّ
\s2 «عَلَ شَ دَالِسٍ سّنبّمَ»
\q
\v 9 «مِشِ مُ نْمَ عَ رَ،
\q عَ شَ تٌي فبَنسَن قِندِ مَ فَاشُي نَن نَ.
\q
\v 10 شَ مِشِ مُ سُو سَمَ عَ يَ رَ،
\q ندٍ قَ نْمَ سُو سَدٍ ﭑ تَن يَ رَ؟
\q
\v 11 ندٍ ﭑ دٌنِشِ سٍ ندٍ رَ ﭑ نَشَن نَفبِلٍنمَ عَ مَ؟
\q دُنِحَ بِرِن قِندِشِ ﭑ فبٍ نَن نَ.
\q
\v 12 ﭑ مُ نْمَ دُندُدٍ نَ سْحّ شَ قٍ مَ،
\q عَ سَلٌنسٍيٍ سّنبّ فبٌ، عَ مَن تٌقَن.
\q
\v 13 عَ بُرَ قّيرّ نَ ندٍ بّ؟
\q ندٍ مُ فَاشُمَ عَ حِنيِيٍ يَ رَ؟
\q
\v 14 ندٍ نْمَ عَ دّ رَبِدٍ؟
\q عَ حِنيِ مَفَاشُشِيٍ عَ دّ كُي رَقٍشِ.
\q
\v 15 شَلٍيٍ قَتُشِ عَ كِرِ مَ عَلْ سْورِ شَ وُرٍ لٍقَ،
\q
\v 16 عٍ شّتّنشِ عٍ بٌرٍ رَ،
\q قٌيٍ سٌدٍ يَتِ مُ نَ عٍ تَفِ
\q
\v 17 عٍ قَتُشِ عٍ بٌرٍ مَ عَ قَنيِ رَ.
\q
\v 18 عَ نَ حّنفِ سّنبّ رَ،
\q يَنبّ نَن لُمَ مِنِ رَ،
\q عَ يَيٍ قَن لُشِ عَلْ فّيسّفّ سٌفٍ.
\q
\v 19 تّ يِرِيِرِ مِنِمَ عَ دّ عِ،
\q عٍ قُلٍقُلٍيٍ نُ قَ يٍنسٍن يّ كُيٍ مَ.
\q
\v 20 تُورِ ندٍ مِنِمَ عَ حْي،
\q نَ لُشِ نّ عَلْ قِقَ نَشَن دْشْشِ تّ مَ، عَ سَتُنقٍ.
\q
\v 21 عَ حّنفِ قِندِ مَ تّ رَ،
\q تّ يِرِيِرِ نُ قَ مِنِ عَ دّ عِ.
\q
\v 22 سّنبّ شُتُنشِ عَ كْنيِ رَ،
\q بِرِن فَاشُمَ عَ يَ رَ.
\q
\v 23 عَ كِرِ شْرْشْ، عَ سّنبّ فبٌ.
\q
\v 24 عَ كَنكٍ لُشِ عَلْ فّمّ شُنفبٍ.
\q
\v 25 عَ نَ تِ، لِمَنِيَ بَمَ نّ سّنبّمَيٍ يِ رَ،
\q عٍ سّرّن، عٍ عٍ فِ.
\q
\v 26 سَنتِدّفّمَ نَ دِن عَ رَ،
\q عَ مُ عَ شَبَمَ.
\q تَنبّ مْولِ يٌ مُ نَ نَشَن نْمَ عَ سْشْدٍ.
\q
\v 27 وُرٍ لُشِ نّ عَ بّ عَلْ سّشّ،
\q يْشُي لُ عَ بّ عَلْ وُرِ بْرْشِ.
\q
\v 28 عَ مُ فَاشُمَ تَنبّيٍ يَ رَ،
\q لَاتِ كُنِ لُمَ عَ بّ عَلْ مَالٍ لَفِ.
\q
\v 29 فبٍندٍفٍلَ لُمَ عَ بّ عَلْ سّشّ،
\q تَنبّ شُنفبٍ مَيٍلٍ عَ بّ.
\q
\v 30 بّلّ شّحّنشِ ندٍ نُن تُنبٍيٍ نَ عَ قُرِ بُنيِ،
\q نٍيٍ لُمَ بٌورَ تِرِندِن نَ نّ عَلْ سَرِ تٌ يِرٍ بُشَمَ.
\q
\v 31 عَ بَا عِشُقُشُقُمَ عَلْ يٍ نّ سَتُنمَ،
\q عَ دَبٌنيِ لُ عَلْ تُرٍ نّ سَتُنمَ.
\q
\v 32 عَ نَ عَ حّرّ يٍ شْورَ،
\q مْرْنيِ قِيشّ نَن لُمَ تٍ رَ عَ شَنبِ رَ.
\q
\v 33 مَنفّ يٌ مُ عَ بّ دُنِحَ،
\q عَ دَاشِ نّ، فَاشُي يٌ مُ عَ يِ.
\q
\v 34 عَ عَ يَ رَفٌرٌ مَ نّ دَالِسٍ يّتّ عِفبٌي مَ،
\q عَ قِندِشِ سُبٍيٍ بِرِن مَ مَنفّ نَن نَ.»
\c 42
\s1 عَيُبَ شَ يَابِ قِرِن ندٍ نُن عَلَ شَ مَسٍنيِ دْنشْي
\q
\v 1 عَيُبَ نَشَ عَلَتَلَ يَابِ،
\q
\v 2 «ﭑ بَرَ عَ كٌلٌن عِ نْمَ قٍ بِرِن نَ،
\q سٍسٍ مُ نْمَ عِ حَنِفٍ كَنَدٍ.
\q
\v 3 عِ عَ مَسٍن نّ عِ شَ مَسٍنيِ كُي،
\q ‹ندٍ نَ ﭑ مَ وَلِيٍ يَ عِسٌقٍ عَ شَ شَشِلِتَرٍ وْيّنيِيٍ رَ؟›
\q عِ نْندِ، ﭑ بَرَ وْيّن عَ شَشِلِتَرٍ دَاشِ،
\q ﭑ مُ نُ عِ شَ كَابَنَكٌي قَهَامُشِ.
\q عِ شَ قٍ رَبَشِيٍ فبٌ ﭑ شُنيِ بّ.
\q
\v 4 عِ مَن عَ مَسٍن نّ،
\q ‹عِ تُلِ مَتِ ﭑ نَ، ﭑ شَ وْيّن.
\q ﭑ شَ مَشْرِنيِ ندٍيٍ تِ عِ مَ،
\q عِ شَ ﭑ يَابِ.›
\q
\v 5 عَ سِنفٍ ﭑ نُ عِ شَ قٍ عِقَلّ نَن مّمَ،
\q كْنْ يَكْسِ، ﭑ بَرَ سٌ نَ قٍ كُي.
\q
\v 6 ﭑ عَ كٌلٌنشِ نَ نَن مَ ﭑ نَشَن نَبَشِ عَ مُ قَن.
\q ﭑ بَرَ تُوبِ،
\q ﭑ بَرَ ﭑ مَفٌرٌ بّندّ،
\q ﭑ تّ شُبٍ مَسٌ ﭑ مَ سُننُنيِ كُي.»
\p
\v 7 عَلَتَلَ تٌ فّ عَ شَ مَسٍنيِ تِدٍ عَيُبَ بّ، عَ نَشَ عَ مَسٍن عٍلِقَسِ تٍمَنكَ بّ، «ﭑ بَرَ شْنْ عِ تَن نُن عِ بٌورٍ قِرِنيِيٍ مَ، بَرِ مَ وٌ مُ نْندِ قَلَشِ ﭑ مَ قٍ رَ، عَلْ ﭑ مَ كٌنيِ عَيُبَ عَ رَبَشِ كِ نَشّ. 
\v 8 نَ كُي وٌ نِنفٍ نُن يّشّي كٌنتٌنيِ سٌلٌقٍرٍ بَ سّرّشّ فَن دَاشِ رَ وٌ يّتّ بّ. وٌ سَ عَيُبَ قٍن، عَ شَ دُبَ وٌ بّ. وٌ مُ نْندِ قَلَشِ ﭑ مَ قٍ رَ عَلْ عَيُبَ عَ رَبَشِ كِ نَشّ، كْنْ ﭑ مُ وٌ حَشَنكَتَمَ وٌ شَ دَشُحَ مَ عَيُبَ شَ قٍ رَ.»
\p
\v 9 عٍلِقَسِ تٍمَنكَ، بِلِدَدَ سُوشَكَ، نُن سٌقَرَ نَامَكَ نَشَ قٍ بِرِن نَبَ عَلْ عَلَتَلَ عَ يَمَرِ عٍ رَ كِ نَشّ. عَلَتَلَ نَشَ عَيُبَ شَ دُبّ سُشُ. 
\v 10 عَيُبَ تٌ فّ دُبَدٍ عَ بٌورٍيٍ بّ، عَلَتَلَ نَشَ عَ هَرِفٍ بِرِن نَفبِلٍن عَ مَ. عَ مَن نَشَ نَ هَرِفٍ شُن مَسَ دْشْ قِرِن دَنفِقٍ عَ سِنفٍ رَ.
\p
\v 11 عَيُبَ شُنيَيٍ نُن عَ تَارَيٍ نُن عَ كٌلٌنمَ بِرِن نَشَ قَ عَ شّيبُدٍ عَ شْنيِ، عٍ عٍ دّفٍ يِرٍ كٍرٍن. عٍ نَشَ عَ نُ تْورْ سَ، عٍ عَ كُنقَ بَ تْورّ شَ قٍ رَ عَلَتَلَ نُ بَرَ نَشَن دْشْ عَ مَ. كَنكَن نَشَ كْبِرِ كٌلٍ كٍرٍن نُن شُرُندّ شّيمَ دَاشِ كٍرٍن قِ عَ مَ.
\p
\v 12 عَلَتَلَ نَشَ بَرَكّ سَ عَيُبَ دَنفِقٍ عَ سِنفٍ رَ. عَ نَشَ يّشّي وُلُ قُ نُن نَانِ سْتْ، حْشْمّ وُلُ سٍننِ، نِنفٍ وُلُ كٍرٍن، نُن سٌقَلٍ وُلُ كٍرٍن. 
\v 13 عَ نَشَ دِ شّمّ سٌلٌقٍرٍ نُن دِ فِنّ سَشَن سْتْ. 
\v 14 عَ شَ دِ فِنّ سِنفٍ نُ شِلِ نّ يٍمِمَ، عَ قِرِن ندٍ كٍسِيَ، عَ سَشَن ندٍ كٍرٍنَثُكُ. 
\v 15 فِنّ يٌ مُ نُ نَ نَ بْشِ مَ نَشَن نُ تٌقَن عَيُبَ شَ دِيٍ بّ. عٍ بَبَ نَشَ كّ قِ عٍ قَن مَ، عَلْ عَ رَبَشِ كِ نَشّ عٍ مَاشّمّيٍ بّ.
\p
\v 16 نَ دَنفِ شَنبِ، حّ كّمّ حّ تٌنفٌ نَانِ نَشَ سَ عَيُبَ شَ سِمَيَ شُن مَ. عَ نَشَ عَ شَ دِيٍ تٌ، عَ شَ مَمَدِيٍ، عَ تٌلٌبِتّيٍ، نُن عَ تٌلٌنتٌلٌنيِيٍ. 
\v 17 عَيُبَ شَ سِمَيَ كَمَلِشِ نّ عَ قَنيِ رَ، عَ قَ لَاشِرَ.