\id JDG 
\ide UTF-8
\h كِيتِسَيٍ
\toc1 عَلَ شَ مَسٍنيِ كِيتِسَيٍ بّ
\toc2 كِيتِسَيٍ
\toc3 كِت
\mt عَلَ شَ مَسٍنيِ كِيتِسَيٍ بّ
\imt1 مَسٍنيِ ندٍ يِ كِتَابُي شَ قٍ رَ
\ip عَننَبِ مُنسَ تٌ عِسِرَيِلَ حَمَ رَ مِنِ مِسِرَ بْشِ رَ، عَننَبِ يٌسُوٍ نَشَ عٍ شَنِن كَنَان. عَلَتَلَ نُ بَرَ سَاتّ تٌنفٌ عَننَبِ عِبُرَهِمَ بّ، عَ عِسِرَيِلَ بْنسْييٍ قَمَ نَ بْشِ سْتْدٍ، عَ قِندِ عٍ فبٍ رَ. نَ بِرِن نَشَ رَبَ عَلْ عَلَ عَ مَسٍن كِ نَشّ، عَننَبِ يٌسُوٍ قَ لَاشِرَ. نَ تَرُشُي بِرِن سّبّشِ كِتَابُي كُي نَشَن شِلِ «عَلَ شَ مَسٍنيِ عَننَبِ يٌسُوٍ بّ.»
\ip نَ دَنفِ شَنبِ، عِسِرَيِلَ دِيٍ نَشَ سَبَتِ كَنَان بْشِ مَ، عَلَ دّننَشّ قِ عٍ مَ. كْنْ عٍ نُ بَرَ مِشِ نَشٍيٍ كٍرِ نَا، نٍيٍ مَن نَشَ عِسِرَيِلَ فٍرٍ قْلْ. عَلَتَلَ يَتِ نَشَ عَ لُ عٍ شَ نَ رَبَ، بَرِ مَ عِسِرَيِلَ نُ نَ فبِلٍنقٍ عَلَ شُي قْشْ رَ. نَ تْورّ تٌ عِسِرَيِلَ لِ، عٍ نَشَ رَتُ عَلَتَلَ شَ سّرِيّ مَ، عٍ قَ بِرَ عَ قْشْ رَ عَلْ عَ لَن كِ نَشّ. نَ كُي، عَلَ قَن نَشَ عٍ مَلِ عَلَكٌ عٍ شَ نْ عٍ يَشُييٍ رَ. عَ نُ نَ رَبَمَ مِشِ سّنِيّنشِيٍ نَن سَابُي رَ نَشٍيٍ قِندِ عِسِرَيِلَ «كِيتِسَيٍ» رَ. نَ بِرِن سّبّشِ كِتَابُي كُي نَشَن شِلِ «عَلَ شَ مَسٍنيِ كِيتِسَيٍ بّ.»
\ip نَ تَرُشُي لْننِ شُنفبٍ مَسٍنمَ وٌن بّ. شَ وٌن فبِلٍن عَلَتَلَ قْشْ رَ، عَ قٍ قَنيِ نَشَن قِشِ وٌن مَ، عَ نٍيٍ بَمَ نّ وٌن يِ رَ، وٌن قَ تْورْ عَ حَاشِ رَ. كْنْ عَلَ مُ تِنمَ وٌن شَ لُ نَ تْورّ مْولِ كُي، بَرِ مَ عَ وٌن شَنُشِ. شَ وٌن بَرَ وٌن مَ يُنُبِ كٌلٌن، وٌن قَ نَ مَسٍن عَلَ بّ، وٌن عَ مَيَندِ عَ شَ دِحّ، عَ مُ تٌندِ مَ. عَلَ بْحّ قَن، عَ سّنبّ فبٌ. شَ عَ سَ عَ لِ وٌن بَرَ تْورّ سْتْ وٌن مَ يُنُبِ سَابُي رَ، عَلَ وَ مَ وٌن مَلِقٍ عَلَكٌ وٌن شَ فبِلٍن عَ شَ كِرَ مَ. وٌن مَرِفِ مُ تِنمَ وٌن شَ لْي، عَ قٍ بِرِن نَبَمَ وٌن بّ عَلَكٌ وٌن شَ لُ سّنِيّنيِ كُي سّيوّ سْتْمَ دّننَشّ.
\ip عَلَ شَ وٌن مَلِ وٌن مَ دُنِحّءِفِرِ كُي. عَمِنَ
\imte عَلَ شَ مَسٍنيِ كِيتِسَيٍ بّ
\c 1
\s عِسِرَيِلَ كَنَان بْشِ سْتْقٍ
\p
\v 1 يٌسُوٍ قَشَ شَنبِ، عِسِرَيِلَكَيٍ نَشَ عَلَتَلَ مَشْرِن، «ندٍ سِنفٍ كٍلِمَ مُشُ يَ مَ تٍقٍ رَ كَنَانكَيٍ فٍرٍدٍ؟» 
\v 2 عَلَتَلَ نَشَ عٍ يَابِ، «يُدَ بْنسْي نَن تٍمَ. ﭑ بَرَ بْشِ سَ عٍ سَفٌي.» 
\v 3 يُدَ بْنسْي نَشَ عَ قَلَ عٍ نفَشَكٍرٍنيِ سِمٍيْنكَيٍ بّ، «وٌن بِرِن شَ سِفَ عٍ دّننَشّ سٌشِ مُشُ يِ رَ، وٌن شَ سَ كَنَانكَيٍ فٍرٍ. نَ دَنفِ شَنبِ، وٌن بِرِن نَن سِفَمَ عٍ دّننَشّ سٌشِ وٌ تَن قَن يِ رَ.» سِمٍيْن بْنسْي نَشَ تِن نَ رَ.
\p
\v 4 يُدَيَكَيٍ تٌ تٍ، عَلَتَلَ نَشَ كَنَانكَيٍ نُن ثٍرِ سِكَيٍ سَ عٍ سَفٌي. عٍ نَشَ شّمّ وُلُ قُ قَشَ بٍسٍكِ. 
\v 5 نَ كُي عٍ نَشَ كَنَانكَيٍ نُن ثٍرِ سِكَيٍ بْنبْ. عٍ تٌ بٍسٍكِ مَنفّ لِ نَا، عٍ نَشَ نَ قَن فٍرٍ. 
\v 6 عَ نَشَ عَ فِ، كْنْ عٍ نَشَ بِرَ عَ قْشْ رَ هَن عٍ نَشَ عَ سُشُ، عٍ قَ عَ بّلّشّكُرَيٍ نُن عَ سَنكُرَيٍ مَبٌلٌن. 
\v 7 عَدٌنِ بٍسٍكِ نَشَ عَ قَلَ، «تّمُي دَنفِشِ، ﭑ تَن بَرَ مَنفّ تٌنفٌ سٌلٌقٍرٍ سُشُ، ﭑ عٍ بّلّشّكُرَيٍ نُن عٍ سَنكُرَيٍ بٌلٌن. عٍ نَشَ عٍ دّفٍ دٌنسٍ رَ نَشَن نُ بِرَ مَ ﭑ دّفٍدٍ. يَكْسِ عَلَ نَ نَ سَرٍ رَفبِلٍنقٍ ﭑ مَ.» عٍ نَشَ عَ شَنِن دَرِ سَلَمُ، عَ نَشَ قَشَ مّننِ.
\p
\v 8 يُدَ بْنسْي نَشَ دَرِ سَلَمُ فٍرٍ. عٍ تٌ عَ سُشُ، عٍ نَشَ مّننِكَيٍ سْنتْ سَنتِدّفّمَ رَ، عٍ تَا فَن. 
\v 9 نَ دَنفِ شَنبِ، عٍ مَن نَشَ فٌرٌ كَنَانكَيٍ فٍرٍدٍ، نَشٍيٍ نُ سَبَتِشِ عِسِرَيِلَ فٍيَيٍ قَرِ، نٍفٍوِ فبٍنفبٍرٍنيِ نُن سٍقٍلَ بْشِ مَبِرِ.
\p
\v 10 يُدَ بْنسْي نَشَ سِفَ كَنَانكَيٍ فٍرٍدٍ، نَشٍيٍ نُ سَبَتِشِ هٍبِرٌن، دّننَشّ شِلِ نُ قَلَمَ سِنفٍ رَ نُ كِرِيَتِ عَرِبَ. عٍ نَشَ سّسَيِ، عَشِمَن، نُن تَلَمَ بْنبْ. 
\v 11 عٍ نَشَ كٍلِ مّننِ سِفَقٍ رَ دٍبِرِكَيٍ فٍرٍدٍ، دّننَشّ شِلِ نُ قَلَمَ سِنفٍ رَ نُ كِرِيَتِ سِقَ. 
\v 12 كَلٍبِ نَشَ عَ مَسٍن، «مِشِ نَشَن كِرِيَتِ سِقَ مَسْتْمَ ﭑ بّ، ﭑ نَن مَ دِ فِنّ عَكَسَ قِمَ نّ نَ كَنيِ مَ، عَ قِندِ عَ شَ فِنّ رَ.» 
\v 13 كٍنَسِ شَ دِ شّمّ عٌتِنِيٍلِ، كَلٍبِ شُنيَ نَن نَ مَسْتْ. كَلٍبِ قَ عَ شَ دِ فِنّ عَكَسَ قِ عَ مَ.
\p
\v 14 لْشْي ندٍ عَكَسَ نَشَ عَ قَلَ عٌتِنِيٍلِ بّ، عَ شَ عَ بِتَنيِ مَيَندِ عَ شَ شّ ندٍ قِ عَ مَ. عَكَسَ تٌ فٌرٌ عَ شَ سٌقَلٍ قَرِ، كَلٍبِ نَشَ عَ مَشْرِن، «عِ وَ مَ مُنسٍ شْن؟» 
\v 15 عَ نَشَ عَ يَابِ، «ﭑ وَ مَ نّ عِ شَ قٍ قَنيِ ندٍ رَبَ ﭑ بّ. عِ بَرَ بْشِ ندٍ سٌ ﭑ يِ رَ يِرٍقَنيِ مَ. عِ شَ يٍ دُلَ ندٍ قَن قِ ﭑ مَ.» كَلٍبِ نَشَ تِن نَ رَ، عَ قَ يٍ دُلَ ندٍيٍ قِ عَ مَ. كٍرٍن نُ نَ قُفٍ، بٌورٍ نُ نَ لَبٍ.
\p
\v 16 عَننَبِ مُنسَ بِتَنيِ كٍنِكَ شَ دِيٍ نَشَ كٍلِ يٍرِكٌ، تَا نَشَن شِلِ «تُفِ تَا،» عٍ نُن يُدَ بْنسْي. عٍ نَشَ سِفَ سَبَتِدٍ فبٍنفبٍرٍنيِ يُدَيَ بْشِ مَ، نٍفٍوِ عَرَدِ يِرٍقَنيِ مَ. عٍ نَشَ سَبَتِ حَمَ تَفِ. 
\v 17 يُدَيَكَيٍ نُن عٍ نفَشَكٍرٍنيِ سِمٍيْنكَيٍ نَشَ سِفَ كَنَانكَيٍ فٍرٍدٍ، نَشٍيٍ نُ سَبَتِشِ سٍقَتِ. عٍ نَشَ نَ تَا رَتْن. نَ نَن عَ تٌشِ عَ شِلِ قَلَمَ هٌرٌ مَ. 
\v 18 عٍ مَن نَشَ فَسَ، عَسِكَلْن، نُن عٍكِرٌن مَسْتْ، عَ نُن عٍ شَ بْشِيٍ. 
\v 19 عَلَتَلَ نُن يُدَ بْنسْي نَن نُ عَ رَ. عٍ نَشَ عِسِرَيِلَ فٍيَيٍ مَسْتْ، كْنْ عٍ مُ نْ مِشِيٍ رَ نَشٍيٍ نُ سَبَتِشِ لَنبَنيِ مَ، بَرِ مَ سْورِ رَفِسٍيٍ وُرٍ دَاشِ نَن نُ نَ عٍ يِ رَ.
\p
\v 20 عٍ نَشَ هٍبِرٌن سٌ كَلٍبِ يِ رَ، عَلْ عَننَبِ مُنسَ عَ قَلَ كِ نَشّ. كَلٍبِ نَشَ عَنَكِ شَ دِ سَشَنيِيٍ كٍرِ نَا. 
\v 21 بُنيَمِن شَ دِيٍ مُ نْ يٍبُسُكَيٍ كٍرِدٍ، نَشٍيٍ نُ سَبَتِشِ دَرِ سَلَمُ. هَن تٌ يٍبُسُكَيٍ سَبَتِشِ دَرِ سَلَمُ بُنيَمِن بْنسْي يَ مَ.
\p
\v 22 يُسُقُ بْنسْي نَشَ بٍتٍلِ فٍرٍ. عٍ نُن عَلَتَلَ نَن بِرِن نُ عَ رَ. 
\v 23 عٍ نَشَ مِشِ شّي بٍتٍلِ، عٍ شَ مّننِ مَتٌ. يِ تَا شِلِ نُ قَلَمَ نّ سِنفٍ رَ نُ لُسِ. 
\v 24 نَ شّيرَيٍ نَشَ شّمّ ندٍ تٌ، عَ نَ مِنِقٍ تَا كُي. عٍ نَشَ عَ قَلَ عَ بّ، «تَا سٌدٍ مَسٍن مُشُ بّ. مُشُ قَن قٍ قَنيِ رَبَمَ نّ عِ بّ نَ تّمُي.» 
\v 25 عَ تٌ تَا سٌدٍ مَسٍن عٍ بّ، عٍ نَشَ مّننِكَيٍ قَشَ سَنتِدّفّمَ رَ، كْنْ عٍ نَشَ يِ شّمّ نُن عَ شَ دٍنبَيَ لُ نَ. 
\v 26 يِ شّمّ نَشَ سِفَ شِتِكَيٍ شَ بْشِ مَ، عَ نَشَ تَا تِ، عَ لُسِ شِلِ سَ عَ شُن. هَن تٌ نَ شِلِ نَن قَلَمَ نَ شُن.
\p
\v 27 كْنْ مَنَسِ بْنسْي مُ نْ بٍتِ سَان، تَانَكِ، دْرْ، يِبٍلٍيَمِ، مٍفِدٌ، نُن عٍ شَ بْشِيٍ مَسْتْدٍ. كَنَانكَيٍ مُ تِن كٍلِدٍ نَ بْشِ مَ. 
\v 28 عِسِرَيِلَ تٌ سّنبّ سْتْ عَ قَنيِ رَ، عٍ نَشَ كَنَانكَيٍ قِندِ عٍ شَ كٌنيِيٍ رَ، كْنْ عٍ مُ عٍ كٍرِ.
\p
\v 29 عٍقِرَ مِ بْنسْي قَن مُ نْ كَنَانكَيٍ كٍرِدٍ نَشٍيٍ نُ سَبَتِشِ فٍسٍرِ. كَنَانكَيٍ نَشَ لُ نَا عٍقِرَ مِكَيٍ يَ مَ.
\p
\v 30 سَبُلٌن بْنسْي قَن مُ نْ كَنَانكَيٍ كٍرِدٍ نَشٍيٍ نُ سَبَتِشِ كِتِرٌن نُن نَهَلٌلِ. كَنَانكَيٍ نَشَ لُ نَا سَبُلٌنكَيٍ يَ مَ، كْنْ عِسِرَيِلَكَيٍ نَشَ عٍ قِندِ عٍ شَ كٌنيِيٍ رَ.
\p
\v 31 عَسٍرِ بْنسْي قَن مُ نْ عَكٌ، سِدْن، عَشَلَبِ، عَكِسِبُ، شٍلٍبَ، عَقٍكِ، نُن رٍشٌبٌ مَسْتْدٍ. 
\v 32 نَ نَن عَ تٌشِ عَسٍرِكَيٍ نَشَ سَبَتِ كَنَانكَيٍ تَفِ نَ بْشِ مَ. 
\v 33 نَقَتَلِ بْنسْي قَن مُ نْ بٍتِ سٍمٍسِ نُن بٍتِ عَنَتِ مَسْتْدٍ. نَقَتَلِكَيٍ نَشَ سَبَتِ كَنَانكَيٍ تَفِ نَ بْشِ مَ. بٍتِ سٍمٍسِكَيٍ نُن بٍتِ عَنَتِكَيٍ نَشَ قِندِ عٍ شَ كٌنيِيٍ رَ.
\p
\v 34 دَنَ بْنسْي قَن مُ نْ عَمٌرِكَيٍ كٍرِدٍ عِسِرَيِلَ فٍيَ بُنيِيٍ. نَ نَن عَ تٌشِ دَنَكَيٍ نَشَ سَبَتِ فٍيَيٍ قَرِ. 
\v 35 عَمٌرِكَيٍ نَشَ وَ لُقٍ شّرّ سّ فٍيَ، عَيَلٌن، نُن سَالَبِمِ، كْنْ يُسُقُ بْنسْي نَشَ سّنبّ سْتْ، عٍ عَمٌرِكَيٍ قِندِ عٍ شَ كٌنيِيٍ رَ. 
\v 36 عَمٌرِكَيٍ شَ نَانِنيِ نُ قْلْشِ عَكَرَبِمِ، عَ سِفَ هَن سّلَ.
\c 2
\s عِسِرَيِلَ عَلَتَلَ شَ سَاتّ كَنَقٍ
\p
\v 1 عَلَتَلَ شَ مَلٍكّ نَشَ كٍلِ فِلِفَلِ، عَ سِفَ بٌكِن. عَ نَشَ عَ مَسٍن عِسِرَيِلَكَيٍ بّ، «ﭑ بَرَ وٌ تٌنفٌ مِسِرَ، ﭑ قَ وٌ شُن تِ بْشِ رَ، ﭑ دّننَشّ سَاتّ تٌنفٌ مَرَكَلِ رَ وٌ بٍنبَيٍ بّ. ﭑ نُ بَرَ عَ قَلَ، ‹ﭑ مُ ﭑ مَ سَاتّ كَنَمَ عَبَدَن.› 
\v 2 عَ مُ لَن وٌ تَن شَ سَاتّ تٌنفٌ يِ بْشِ مِشِيٍ بّ. عَ نُ لَن نّ وٌ شَ عٍ شَ سّرّشّبَدٍيٍ رَبِرَ، كْنْ وٌ مُ ﭑ مَ يَامَرِ سُشُ! وٌ يِ وَلِ مْولِ رَبَشِ مُنقٍ رَ؟ 
\v 3 نَ نَن عَ تٌشِ، ﭑ شَ عَ قَلَ وٌ بّ، ﭑ مُ قَمَ عٍ كٍرِدٍ وٌ يَ رَ. عٍ قَمَ لُدٍ وٌ سّيتِ مَ نّ. عٍ شَ عَلَيٍ قِندِ مَ فَنتَنيِ نَن نَ وٌ بّ.»
\p
\v 4 عَلَتَلَ شَ مَلٍكّ تٌ فّ يِ وْيّنيِ مَسٍندٍ عِسِرَيِلَكَيٍ بّ، عٍ نَشَ وَ عٍ شُي عِتٍشِ رَ. 
\v 5 عٍ نَشَ بٌكِن شِلِ قَلَ يِ يِرٍ شُن، عٍ قَ سّرّشّيٍ بَ عَلَتَلَ بّ.
\s يٌسُوٍ شَ قَشّ
\p
\v 6 يٌسُوٍ تٌ حَمَ بّحِن، عِسِرَيِلَكَيٍ نَشَ سِفَ عٍ شَ بْشِ مَسْتْدٍ نَشَن نُ قِندِشِ عٍ كّ رَ. 
\v 7 حَمَ نَشَ عَلَتَلَ شَ سّرِيّ سُشُ يٌسُوٍ شَ وَشَتِ كُي، نُن قٌرِيٍ شَ وَشَتِ كُي، نَشٍيٍ شَ سِمَيَ دَنفِ يٌسُوٍ رَ، نَشٍيٍ نُ بَرَ عَلَتَلَ شَ كَابَنَكٌي تٌ، عَ نَشٍيٍ رَبَشِ عِسِرَيِلَ بّ. 
\v 8 نُنُ شَ دِ يٌسُوٍ، عَلَتَلَ شَ كٌنيِ، نَشَ لَاشِرَ عَ شَ سِمَيَ حّ كّمّ حّ قُ مَ. 
\v 9 عٍ نَشَ عَ رَفَتَ عَ شَ بْشِ مَ نَشَن قِندِ عَ كّ رَ، تِمِنَتِ شّرّ سّ، عٍقِرَ مِ فٍيَ يِرٍ، فَاسِ فٍيَ كْولَ بِرِ.
\p
\v 10 يٌسُوٍ شُنلَنمَيٍ بِرِن تٌ قَشَ، مِشِ فبّتّيٍ نَشَ مِنِ نَشٍيٍ مُ عَلَتَلَ كٌلٌن. عٍ مُ عَ كٌلٌن عَ نُ بَرَ نَشَن نَبَ عِسِرَيِلَ بّ. 
\v 11 نَ تّمُي عِسِرَيِلَكَيٍ نَشَ قٍ رَبَ نَشَن مُ رَقَن عَلَتَلَ مَ. عٍ نَشَ تُوبِ بَلِ كُيٍيٍ بّ. 
\v 12 عٍ نَشَ عَلَتَلَ قِنسِرِوَلِ، عٍ بٍنبَيٍ مَرِفِ عَلَتَلَ، نَشَن عٍ رَ مِنِ مِسِرَ بْشِ مَ. عٍ نَشَ بِرَ عَلَ فبّتّيٍ قْشْ رَ، عٍ رَبِلِنيِ مِشِيٍ نُ عَلَ نَشٍيٍ بَتُقٍ، عٍ نُ قَ عٍ قٍلٍن نٍيٍ بّ. عٍ نَشَ عَلَتَلَ رَحَاشُ، 
\v 13 عٍ عَ قِنسِرِوَلِ، عٍ بَلِ كُيٍيٍ نُن عَسِتَرَتٍ كُيٍيٍ بَتُ.
\p
\v 14 عَلَتَلَ نَشَ شْنْ عِسِرَيِلَ مَ، عَ نَشَ عٍ سَ عٍ وُرُ مِشِيٍ بّلّشّ. عَ نَشَ عٍ سَرَ عٍ يَشُييٍ مَ عٍ رَبِلِنيِ. عٍ مُ قَ نْ تِدٍ عٍ يَشُييٍ يَ رَ سْنْن. 
\v 15 عٍ نُ سِفَمَ فٍرٍ سٌدٍ دّننَشّ بِرِن، عَلَتَلَ نَن نُ عٍ بْنبْمَ، عَ نُ قٍ حَاشِ دْشْ عٍ مَ، عَلْ عَ نُ بَرَ عَ مَسٍن عٍ بّ كِ نَشّ مَرَكَلِ رَ. عٍ نَشَ تْورْ كِ قَنيِ. 
\v 16 عَلَتَلَ نَشَ كِيتِسَيٍ رَكٍلِ، عٍ شَ عٍ رَتَنفَ عٍ وُرُ مِشِيٍ مَ. 
\v 17 كْنْ عِسِرَيِلَكَيٍ مُ تِن عٍ تُلِ مَتِدٍ نَ كِيتِسَيٍ رَ، بَرِ مَ عٍ نُ وَ مَ عَلَ فبّتّيٍ نَن بَتُقٍ، عٍ شَ عٍ قٍلٍن عٍ بّ. عٍ نَشَ فبِلٍن عٍ بٍنبَيٍ شَ كِرَ قْشْ رَ مَقُرٍن. عٍ بٍنبَيٍ نُ بَرَ بِرَ عَلَتَلَ شَ سّرِيّ قْشْ رَ، كْنْ عٍ تَن مُ تِن نَ رَ قٍوٌ.
\p
\v 18 عَلَتَلَ تٌ نُ كِيتِسَمَيٍ رَكٍلِمَ، عَ نَشَ عٍ مَلِ عٍ شَ سِمَيَ بِرِن كُي عَلَكٌ عِسِرَيِلَكَيٍ شَ رَتَنفَ عٍ يَشُييٍ مَ. عَلَتَلَ نُ كِنِكِنِمَ عٍ مَ عٍ شَ تْورّ بِرِن كُي. 
\v 19 كْنْ كِيتِسَ تٌ بَرَ قَشَ، عٍ مَن نَشَ بِرَ عَلَ فبّتّيٍ قْشْ رَ دَنفِقٍ عٍ بَبَيٍ رَ. عٍ نَشَ عٍ بَتُ، عٍ قٍلٍن بْشِ مَ عٍ بّ. عٍ مُ سٍسٍ بَ عٍ شَ وَلِ كٌبِيٍ رَ، عٍ بْحّ شْرْشْشِ تُن.
\p
\v 20 نَ كُي عَلَتَلَ بْحّ نَشَ تٍ عِسِرَيِلَكَيٍ شِلِ مَ، عَ قَ عَ مَسٍن، «يِ حَمَ بَرَ عٍ كٌبٍ تِ ﭑ مَ سَاتّ رَ ﭑ نَشَن تٌنفٌ عٍ بٍنبَيٍ بّ. عٍ بَرَ ﭑ شُي مَتَندِ. 
\v 21 نَ كُي، ﭑ تَن قَن مُ قَمَ سِ كٍرٍن كٍرِدٍ عٍ يَ رَ سْنْن، نَشٍيٍ نُ نَ يِ بْشِ مَ يٌسُوٍ قَشَ تّمُي نَشّ. 
\v 22 ﭑ قَمَ عِسِرَيِلَكَيٍ مَتٌدٍ شَ عٍ تِنمَ، شَ عٍ مُ تِنمَ، بِرَدٍ عَلَتَلَ شَ كِرَ قْشْ رَ عَلْ عٍ بٍنبَيٍ عَ رَبَ كِ نَشّ.» 
\v 23 عَلَتَلَ نَشَ يِ سِيٍ لُ نَا، عَ مُ نَشٍيٍ سَشِ يٌسُوٍ سَفٌي. عَ مُ فبَتَ عٍ كٍرِدٍ سْنْن.
\c 3
\s عَلَ عِسِرَيِلَكَيٍ مَتٌقٍ
\p
\v 1 عَلَتَلَ نَشَ يِ سِيٍ لُ كَنَان بْشِ مَ عَلَكٌ عٍ شَ عِسِرَيِلَكَيٍ مَتٌ، نَشٍيٍ مُ نُ نَ فٍرٍ سِنفٍيٍ كٌلٌن. 
\v 2 نَ رَبَشِ نّ عَلَكٌ عِسِرَيِلَ لَنقَنمَيٍ شَ نَ فٍرٍ شَ قٍ كٌلٌن، نَشٍيٍ مُ نُ عَ كٌلٌنشِ نُ. 
\v 3 سِ نَشٍيٍ لُ كَنَان بْشِ مَ، نٍيٍ نَن يِ كِ؛ قِلِسِتَكَيٍ شَ مَنفّ سُولِ، كَنَانكَيٍ بِرِن، سِدْنكَيٍ، نُن هِوِكَيٍ نَشٍيٍ نُ سَبَتِشِ لِبَن فٍيَيٍ قَرِ، كٍلِقٍ بَلِ شٍرِ مٌن فٍيَ مَ، عَ سَ دْشْ شَمَتَ سٌدٍ دّ رَ.
\p
\v 4 يِ سِيٍ لُ نّ نَا عَلَكٌ عَلَتَلَ شَ عِسِرَيِلَكَيٍ مَتٌ، عَ شَ عَ كٌلٌن شَ عٍ سَ بِرَ مَ عَ شَ سّرِيّ قْشْ رَ، عَ نَشَن سّبّ عٍ بَبَيٍ بّ عَننَبِ مُنسَ سَابُي رَ. 
\v 5 عِسِرَيِلَكَيٍ نَشَ سَبَتِ كَنَانكَيٍ، شِتِكَيٍ، عَمٌرِكَيٍ، ثٍرِ سِكَيٍ، هِوِكَيٍ، نُن يٍبُسُكَيٍ تَفِ. 
\v 6 عِسِرَيِلَكَيٍ نَشَ مّننِكَيٍ شَ دِ فِنّيٍ دْشْ، عٍ قَن نَشَ عٍ شَ دِ فِنّيٍ قِ مّننِكَيٍ شَ دِ شّمّيٍ مَ. عِسِرَيِلَكَيٍ مَن نَشَ عٍ شَ عَلَيٍ بَتُ.
\d كِيتِسَ مِشِ قُ نُن قِرِن
\s عٌتِنِيٍلِ، عِسِرَيِلَ كِيتِسَ
\p
\v 7 عِسِرَيِلَكَيٍ نَشَ قٍ حَاشِ رَبَ نَشَن مُ رَقَن عَلَتَلَ مَ. عٍ نَشَ نّيمُ عَلَتَلَ مَ، عٍ مَرِفِ عَلَ، عٍ قَ بَلِ كُيٍيٍ نُن عَسٍرِ وُرِ مَسٌلِشِ بَتُ. 
\v 8 عَلَتَلَ نَشَ شْنْ عِسِرَيِلَ مَ، عَ قَ عٍ سَ كُسَن رِ سَتَيِمِ سَفٌ، مٍسٌثٌتَمِيَ مَنفّ، عِسِرَيِلَكَيٍ نُ نَ نَشَن شَ يَامَرِ بُن مَ حّ سٌلٌمَسَشَن. 
\v 9 عِسِرَيِلَكَيٍ تٌ عَلَتَلَ شِلِ عٍ شُي عِتٍشِ رَ، عَ نَشَ مَرَكِسِمَ رَ مِنِ عٍ بّ، كٍنَسِ شَ دِ عٌتِنِيٍلِ، كَلٍبِ شُنيَ. 
\v 10 عَلَتَلَ شَشِلِ نَشَ فٌرٌ عَ مَ. عَ نَشَ قِندِ عِسِرَيِلَ كِيتِسَ رَ. عَ تٌ سِفَ فٍرٍ سٌدٍ، عَلَتَلَ نَشَ مٍسٌثٌتَمِيَ مَنفّ، كُسَن رِ سَتَيِمِ، سَ عَ سَفٌ سّنبّ رَ. 
\v 11 بْشِ نَشَ لُ بْحّسَ كُي حّ تٌنفٌ نَانِ. نَ تّمُي كٍنَسِ شَ دِ عٌتِنِيٍلِ نَشَ قَشَ.
\s عٍشُدُ، عِسِرَيِلَ كِيتِسَ
\p
\v 12 عِسِرَيِلَكَيٍ مَن نَشَ قٍ حَاشِ رَبَ نَشَن مُ رَقَن عَلَتَلَ مَ. نَ نَن عَ تٌشِ، عَلَتَلَ نَشَ سّنبّ سٌ مٌوَبَ مَنفّ عٍفِلٌن يِ رَ عِسِرَيِلَ شِلِ مَ، نَشَن نُ بَرَ قٍ حَاشِ رَبَ عَلَتَلَ يَ عِ. 
\v 13 عٍفِلٌن نَشَ عَمٌنِكَيٍ نُن عَمَلّكِكَيٍ شِلِ، عٍ بِرِن شَ عِسِرَيِلَ فٍرٍ. نَ كُي عٍ نَشَ تُفِ تَا مَسْتْ. 
\v 14 عِسِرَيِلَكَيٍ نَشَ لُ مٌوَبَ مَنفّ عٍفِلٌن شَ يَامَرِ بُن مَ حّ قُ نُن سٌلٌمَسَشَن.
\p
\v 15 عِسِرَيِلَكَيٍ تٌ عَلَتَلَ شِلِ عٍ شُي عِتٍشِ رَ، عَ نَشَ مَرَكِسِمَ رَ مِنِ عٍ بّ، فٍرَ بُنيَمِنكَ شَ دِ عٍشُدُ، نَشَن نُ وَلِمَ عَ كْولَ بّلّشّ رَ. عِسِرَيِلَكَيٍ نَشَ عَ شّي، عَ شَ دُوتِ شَنِن مٌوَبَ مَنفّ عٍفِلٌن شْن. 
\v 16 عٍشُدُ نَشَ سَنتِدّفّمَ دّ قِرِن يَءِلَن، نَشَن شَ كُيّ نْنفْن يَ كٍرٍن لِمَ، عَ قَ عَ نْشُن عَ شَ دٌنمَ بُن مَ عَ يِرٍقَنيِ تَبٍ قَرِ. 
\v 17 عَ نَشَ دُوتِ قِ مٌوَبَ مَنفّ عٍفِلٌن مَ، نَشَن قَتٍ شُنفبٌ عَ فبٍ رَ. 
\v 18 عَ تٌ فّ دُوتِ قِدٍ، عَ نَشَ شّمّيٍ رَفبِلٍن نَشٍيٍ نُ بَرَ نَ كٌتٍ شَنِن.
\p
\v 19 عٍشُدُ تٌ كُيٍيٍ لِ نَشٍيٍ نُ نَ فِلِفَلِ، عَ نَشَ فبِلٍن عٍفِلٌن يِرٍ، عَ قَ عَ قَلَ، «مَنفّ، ﭑ وَ مَ فُندٌ ندٍ قَلَقٍ عِ بّ.» مَنفّ نَشَ عَ قَلَ بٌورٍيٍ بّ، «وٌ وٌ مَفبِلٍن سِندٍن.» نَشٍيٍ بِرِن نُ نَ عَ سّيتِ مَ، عٍ نَشَ عٍ مَفبِلٍن. 
\v 20 عٍشُدُ نَشَ عَ مَسٌ عٍفِلٌن نَ، نَشَن نُ دْشْشِ عَ شَ كٌنكٌي عِتٍشِ شِنبٍلِشِ كُي، دّننَشّ نُ يَءِلَنشِ عَ كٍرٍن ثٍتِ بّ. عٍشُدُ نَشَ عَ قَلَ عَ بّ، «عَلَ بَرَ ﭑ شّي، ﭑ شَ يِ مَسٍنيِ قَلَ عِ بّ.» عٍفِلٌن نَشَ كٍلِ عَ شَ دْشْسٍ كُي. 
\v 21 نَ تّمُي عٍشُدُ نَشَ عَ شَ سَنتِدّفّمَ بَ عَ تّي عِ عَ كْولَ بّلّشّ رَ عَ يِرٍقَنيِ سّيتِ، عَ عٍفِلٌن قُرِ سْشْ عَ رَ. 
\v 22 عَ كٌلٍ نُن عَ قّ بِرِن نَشَ سٌ عَ قُرِ، عَ مِنِ عَ قَرِ. تُرٍ نَشَ رَشِ عَ شُن مَ، بَرِ مَ عَ بَرَ سَنتِدّفّمَ لُ نَا.
\p
\v 23 عٍشُدُ تٌ مِنِ كٌنكٌي كُي، عَ نَشَ نَادّ بَلَن عَ شُن مَ سَابِ رَ. 
\v 24 نَ دَنفِ شَنبِ، مَنفّ شَ كٌنيِيٍ نَشَ قَ. عٍ نَشَ عَ تٌ كٌنكٌي عِتٍشِ نَادّ بَلَنشِ. عٍ نُ قَ عَ قَلَ، «عَ نَ قٍ ندٍ نَن شُن مَ بَنشِ شِنبٍلِشِ كُي.» 
\v 25 عٍ نَشَ مَمّ تِ هَن، كْنْ مَنفّ تٌ مُ نُ كٌنكٌي عِتٍشِ نَادّ رَبِمَ، عٍ نَشَ سَابِ تٌنفٌ، عٍ نَ رَبِ. عٍ نَشَ عٍ شَ مَنفّ تٌ بْشِ مَ، عَ بَرَ قَشَ.
\p
\v 26 عٍ نُ مَمّ تِقٍ تّمُي نَشّ، عٍشُدُ نُ بَرَ عَ فِ. عَ نَشَ دَنفِ كُيٍيٍ يِرٍ رَ، عَ سَ عَ يّتّ رَتَنفَ سٍيِرَ بِرِ. 
\v 27 عَ قّقّ سٌ، عَ نَشَ قٍرِ قٍ. عِسِرَيِلَكَيٍ نَشٍيٍ نُ نَ عٍقِرَ مِ فٍيَيٍ قَرِ، عٍ نَشَ فٌرٌ، عٍ نَشَ تِ عَ شَنبِ رَ. 
\v 28 عَ نَشَ عَ قَلَ عٍ بّ، «وٌ بِرَ ﭑ قْشْ رَ، بَرِ مَ عَلَتَلَ بَرَ وٌ يَشُي مٌوَبَكَيٍ سَ وٌ سَفٌي.» عٍ نَشَ بِرَ عَ قْشْ رَ، عٍ سِفَ، عٍ سَ تِ يُرُدّن شُرٍ دّ مٌوَبَ بِرِ رَ. عٍ مُ تِن مِشِ فبّتّ شَ شُرٍ عِفِرِ مّننِ. 
\v 29 نَ وَشَتِ بُن مَ، عٍ نَشَ مٌوَبَكَ شّمّ فبَنفبَلَنيِ مِشِ وُلُ قُ قَشَ. مِشِ يٌ مُ نْ عَ فِدٍ عٍ يَ مَ. 
\v 30 نَ لْشْي عِسِرَيِلَكَيٍ نَشَ مٌوَبَكَيٍ رَيَافِ. بْشِ نَشَ لُ بْحّسَ كُي حّ تٌنفٌ سٌلٌمَسَشَن.
\s سَمَفَرِ، عِسِرَيِلَ كِيتِسَ
\p
\v 31 نَ تٌ دَنفِ، عَنَتِ شَ دِ سَمَفَرِ نَشَ قِندِ كِيتِسَ رَ. عَ نَشَ قِلِسِتَكَ شّمّ مِشِ كّمّ سٍننِ قَشَ نِنفٍ رَحّرّ وُرِ رَ. نَ كُي عَ قَن نَشَ عِسِرَيِلَ رَتَنفَ.
\c 4
\s دٍبٌرَ، عِسِرَيِلَ كِيتِسَ
\p
\v 1 عِسِرَيِلَكَيٍ مَن نَشَ قٍ حَاشِ رَبَ نَشَن مُ رَقَن عَلَتَلَ مَ. عٍشُدُ نُ بَرَ قَشَ نَ تّمُي. 
\v 2 عَلَتَلَ قَن نَشَ عٍ سَ يَبِنِ سَفٌي، كَنَان مَنفّ ندٍ، نَشَن نُ نَ شَسٌرِ. سِسٍرَ، عَ شَ سْورِيٍ شُنيِ، نُ سَبَتِشِ شَرٌ سٍتِ فٌيِمِ. 
\v 3 عِسِرَيِلَكَيٍ نَشَ عَلَتَلَ شِلِ عٍ شُي عِتٍشِ رَ، بَرِ مَ سْورِ رَفِسٍ وُرٍ دَاشِ كّمّ سٌلٌمَنَانِ نَن نُ نَ يَبِنِ يِ رَ. عَ نَشَ عِسِرَيِلَكَيٍ تْورْ عَ حَاشِ رَ حّ مْشْحّن بُن مَ.
\p
\v 4 نَ وَشَتِ كُي، دٍبٌرَ نَمِحْنمّ فِنّ، لَثِدٌتِ شَ فِنّ، نَن نُ كِيتِسَ رَ عِسِرَيِلَ بْشِ مَ. 
\v 5 عَ نُ كِيتِ سَمَ تُفِ بُنيِ نّ، نَشَن شِلِ «دٍبٌرَ شَ تُفِ،» رَامَ نُن بٍتٍلِ تَفِ، عٍقِرَ مِ فٍيَيٍ مَ. عِسِرَيِلَكَيٍ نُ سِفَمَ عَ يِرٍ، عَ شَ عٍ شَ كِيتِ سَ.
\p
\v 6 دٍبٌرَ نَشَ كٍدٍ سِكَ عَبِنٌوَ مِ شَ دِ بَرَكِ شِلِ، نَشَن نُ نَ نَقَتَلِ بْنسْي شَ بْشِ مَ، عَ قَ عَ قَلَ عَ بّ، «عِسِرَيِلَ مَرِفِ عَلَتَلَ يِ يَامَرِ نَن سٌشِ عِ يِ رَ. عِ شَ نَقَتَلِكَيٍ نُن سَبُلٌنكَيٍ شّمّ وُلُ قُ شَنِن تَبٌرٌ فٍيَ قَرِ. 
\v 7 ﭑ قَمَ سِسٍرَ، يَبِنِ شَ سْورِ مَنفّ، بّندُندٍ عِ مَ كِسٌن شُرٍ مَبِرِ. ﭑ عَ شَ سْورِ بِرِن نُن عٍ رَفِسٍيٍ سَمَ نّ عِ سَفٌ.» 
\v 8 بَرَكِ نَشَ عَ قَلَ عَ بّ، «شَ وٌن بِرِن نَن عَ رَ، ﭑ سِفَمَ، كْنْ شَ وٌن بِرِن مُ عَ رَ، ﭑ مُ سِفَمَ قٍوٌ.» 
\v 9 دٍبٌرَ نَشَ عَ يَابِ، «نَ كُي، وٌن بِرِن نَن سِفَمَ، كْنْ عِ مُ قَمَ مَتْشْي يٌ سْتْدٍ نَ كُي، بَرِ مَ عَلَتَلَ قَمَ سِسٍرَ سَدٍ فِنّ ندٍ نَن سَفٌي.» نَ تّمُي، دٍبٌرَ نُن بَرَكِ نَشَ سِفَ كٍدٍ سِ.
\p
\v 10 بَرَكِ نَشَ نَقَتَلِكَيٍ نُن سَبُلٌنكَيٍ مَشِلِ كٍدٍ سِ. شّمّ مِشِ وُلُ قُ نَشَ بِرَ عَ قْشْ رَ. دٍبٌرَ قَن نُ نَ عٍ يَ مَ. 
\v 11 هٍبٍرِ كٍنِكَ نُ بَرَ فبِلٍن عَ بْنسْي قْشْ رَ، نَشَن قِندِ شٌبَبٌ شَ دِيٍ رَ، عَننَبِ مُنسَ بِتَنيِ شّمّمَ. هٍبٍرِ نُ بَرَ عَ شَ كِرِ بَنشِ تِ سَانَنِمِ، وُرِ بٍلٍبٍلٍ ندٍ بُن، كٍدٍ سِ قّ مَ.
\p
\v 12 مِشِ ندٍ تٌ عَ قَلَ سِسٍرَ بّ، عَ عَبِنٌوَ مِ شَ دِ بَرَكِ بَرَ تٍ تَبٌرٌ فٍيَ قَرِ، 
\v 13 عَ نَشَ عَ شَ سْورِ بِرِن نُن عَ شَ سْورِ رَفِسٍ كّمّ سٌلٌمَنَانِ شُن لَن كِسٌن شُرٍ، كٍلِقٍ شَرٌ سٍتِ فٌيِمِ. 
\v 14 نَ تّمُي دٍبٌرَ نَشَ عَ قَلَ بَرَكِ بّ، «كٍلِ، تٌ عَلَتَلَ قَمَ سِسٍرَ سَدٍ عِ سَفٌي. عَلَتَلَ نَن تِمَ عِ يَ رَ.» بَرَكِ نَشَ فٌرٌ تَبٌرٌ فٍيَ قَرِ، شّمّ مِشِ وُلُ قُ بِرَشِ عَ قْشْ رَ. 
\v 15 عَلَتَلَ نَشَ سِسٍرَ نُن عَ شَ سْورِ بِرِن نَفِ بَرَكِ شَ سَنتِدّفّمَ شّحّنشِ يَ رَ. سِسٍرَ نَشَ فٌرٌ عَ شَ سْورِ رَفِسٍ كُي، عَ عَ فِ عَ سَنيِ رَ. 
\v 16 بَرَكِ نَشَ سِسٍرَ شَ فٍرٍ سٌي كٍرِ هَن شَرٌ سٍتِ فٌيِمِ، عٍ شَ سْورِ رَفِسٍيٍ كُي. بَرَكِ شَ سْورِيٍ نَشَ عٍ بِرِن قَشَ سَنتِدّفّمَ رَ، مِشِ كٍرٍن مُ لُ.
\p
\v 17 سِسٍرَ نَشَ عَ فِ عَ سَنيِ رَ، عَ سَ عَ نْشُن يَيٍلِ شَ كِرِ بَنشِ كُي، هٍبٍرِ كٍنِكَ شَ فِنّ. عَ نَ رَبَشِ نّ بَرِ مَ لَنيِ نُ نَ شَسٌرِ مَنفّ يَبِنِ نُن هٍبٍرِ كٍنِكَ شَبِلّ تَفِ. 
\v 18 يَيٍلِ نَشَ مِنِ سِسٍرَ يَ رَ، عَ قَ عَ قَلَ عَ بّ، «ﭑ مَرِفِ، قَ بٍ، عِ نْشُن ﭑ شْنيِ، هَلِ عِ مُ فَاشُ.» عَ نَشَ سَ عَ نْشُن يَيٍلِ شَ كِرِ بَنشِ كُي سَدٍ دُفِ بُن مَ. 
\v 19 سِسٍرَ نَشَ عَ قَلَ يَيٍلِ بّ، «ﭑ بَرَ عِ مَشَندِ، ﭑ كِ يٍ رَ، ﭑ شَ عَ مِن. يٍ شْلِ نَ ﭑ مَ.» يَيٍلِ نَشَ شِحّ سَسٍ دّ رَبِ، عَ عَ سٌ عَ يِ. سِسٍرَ تٌ عَ مِن، يَيٍلِ نَشَ فبِلٍن عَ مَكٌتٌ رَ. 
\v 20 عَ مَن نَشَ عَ قَلَ يَيٍلِ بّ، «تِ كِرِ بَنشِ سٌدٍ دّ رَ. شَ مِشِ ندٍ قَ سَ عِ مَشْرِن عَ قَلَقٍ رَ، ‹مِشِ ندٍ مُ سٌشِ بٍ؟›، عِ شَ نَ كَنيِ يَابِ، ‹عَدٍ.›»
\p
\v 21 هٍبٍرِ شَ فِنّ يَيٍلِ نَشَ كِرِ بَنشِ مَبَنبَن وُرِ ندٍ تٌنفٌ، دّرّ مَ سُشُشِ عَ يِ. شِ شْلِ نُ بَرَ فّ سِسٍرَ نْدٍ تَفَنيِ سَابُي رَ. عَ نَشَ عَ مَكْرّ سِسٍرَ رَ دْيِن، عَ قَ نَ وُرِ بَنبَن عَ فبّفبّ شْنيِ مَ هَن عَ سْتِ بْشِ. سِسٍرَ نَشَ قَشَ كٍرٍن نَ. 
\v 22 يَيٍلِ نَشَ مِنِ بَرَكِ يَ رَ، نَشَن نُ نَ بِرَقٍ سِسٍرَ قْشْ رَ. عَ نَشَ عَ قَلَ عَ بّ، «قَ بٍ، عِ شّمّ نَشَن قٍنقٍ، ﭑ شَ عَ مَسٍن عِ بّ.» بَرَكِ نَشَ سٌ يَيٍلِ شْنيِ، عَ قَ سِسٍرَ قَشَشِ تٌ، وُرِ بَنبَنشِ عَ فبّفبّ شْنيِ.
\p
\v 23 نَ لْشْي عَلَتَلَ نَشَ كَنَان بْشِ مَنفّ يَبِنِ رَيَافِ عِسِرَيِلَكَيٍ يَ شْرِ. 
\v 24 عِسِرَيِلَكَيٍ بّلّشّ سَ كَنَان مَنفّ يَبِنِ مَ نَ كِ نّ عَ شُرِ شُرِ رَ، هَن عٍ نَشَ عَ قَشَ.
\c 5
\s دٍبٌرَ شَ بّيتِ
\p
\v 1 نَ لْشْي، عَبِنٌوَ مِ شَ دِ بَرَكِ نُن دٍبٌرَ نَشَ يِ بّيتِ بَ؛
\q
\v 2 «عَلَتَلَ تَنتُ!
\q عِسِرَيِلَ سّنبّمَيٍ بَرَ كٍلِ.
\q حَمَ قَن بَرَ تِن نَ فٍرٍ رَ.
\q
\v 3 مَنفّيٍ، مَنفّدِيٍ، وٌ وٌ تُلِ مَتِ عَ قَنيِ رَ.
\q ﭑ تَن بّيتِ بَمَ نّ، ﭑ عَ بَمَ عَلَتَلَ نَن بّ.
\q ﭑ شَ عِسِرَيِلَ مَرِفِ عَلَتَلَ بِنيَ بّيتِ رَ.
\q
\v 4 عَلَتَلَ، عِ تٌ كٍلِ سٍيِرِ، عٍدٌنكَيٍ شَ بْشِ مَ،
\q بْشِ نَشَ سّرّن،
\q كٌورٍ نُشُي نَشَ تُنّ رَفٌرٌ.
\q
\v 5 فٍيَيٍ نَشَ شْيْ عَلَتَلَ يَ عِ،
\q يِ تُرُ سِنِنَ فٍيَ قَن نَشَ سّرّن عِسِرَيِلَ مَرِفِ عَلَتَلَ يَ عِ.
\q
\v 6 يَيٍلِ نُن عَنَتِ شَ دِ سَمَفَرِ وَشَتِ،
\q مِشِ مُ نُ نْمَ بِيَاسِدٍ مُحّتِيٍ شَ قٍ رَ.
\q
\v 7 عِسِرَيِلَكَيٍ مُ نُ نْمَ لُدٍ دَاشَيٍ سْنْن،
\q عٍ بِرِن نَشَ كٍلِ نَا،
\q هَن ﭑ تَن دٍبٌرَ مِنِشِ تّمُي نَشّ.
\q ﭑ بَرَ قِندِ عِسِرَيِلَ نفَ رَ.
\q
\v 8 عٍ نُ بَرَ عَلَ نّينّيٍ بَتُ قْلْ.
\q فٍرٍ نُ بَرَ قَ هَن تَا نَادّيٍ رَ،
\q سْورِ مَكَنتَسٍ نُن تَنبّ يٌ مُ نُ نَ عِسِرَيِلَكَ مِشِ وُلُ تٌنفٌ نَانِ يِ رَ.»
\b
\q
\v 9 «عَلَتَلَ تَنتُ!
\q ﭑ بْحّ نَ عِسِرَيِلَ مَنفّيٍ نُن حَمَ قْشْ رَ،
\q نَشٍيٍ عٍ يّتّ حَنِفٍشِ.
\q
\v 10 وٌ تَن نَشٍيٍ تٍمَ سٌقَلٍ فِنّ قِيشّيٍ قَرِ،
\q وٌ تَن نَشٍيٍ دْشْمَ دُفِ قَنيِ قَرِ،
\q وٌ تَن نَشٍيٍ حّرّ مَ كِرَ رَ، وٌ وٌ مَحْشُن.
\q
\v 11 نَشٍيٍ يٍ بَمَ كْلْنيِ رَ،
\q عٍ عَلَتَلَ تَنتُمَ عَ شَ قٍ قَنيِيٍ مَ.
\q عَلَتَلَ قٍ قَنيِ رَبَ نّ عِسِرَيِلَ بّ،
\q عَ شَ حَمَ تِشِ تَا سٌدٍ دّ رَ تّمُي نَشّ.»
\b
\q
\v 12 «دٍبٌرَ، شُنُ!
\q شُنُ، عِ شَ بّيتِ بَ.
\q عَبِنٌوَ مِ شَ دِ بَرَكِ، كٍلِ!
\q عِ شَ يَشُييٍ شَنِن.
\q
\v 13 عَلَتَلَ نَشَ شُننَكٍلِ قِ عَ شَ حَمَ قَنيِ مَ،
\q عَ نَشَ ﭑ شُن نَكٍلِ سّنبّمَيٍ تَفِ.
\q
\v 14 عٍقِرَ مِكَيٍ نَشَ قَ،
\q نَشٍيٍ كٍلِشِ عَمَلّكِكَيٍ شَ بْشِ مَ،
\q بُنيَمِنكَيٍ نَشَ بِرَ عٍ قْشْ رَ.
\q مَكِرِ مَنفّيٍ قَن نَشَ فٌرٌ،
\q عَ نُن سَبُلٌن يَرٍرَتِيٍ.
\q
\v 15 عِسَكَرِ مَنفّيٍ نَشَ لُ دٍبٌرَ سّيتِ مَ.
\q عٍ نَشَ بَرَكِ مَلِ،
\q عٍ فٌرٌ فٍيَ بُنيِ،
\q كْنْ رُبٍنكَيٍ تَن نَشَ وْيّن هَن.
\q
\v 16 وٌ لُشِ وٌ شَ شُرُ سٍيٍ تَفِ مُنقٍ رَ،
\q وٌ نُ قَ وٌ تُلِ مَتِ عٍ وَ شُي رَ؟
\q رُبٍنكَيٍ تَن قٌ وْيّنيِ حْنتَرٍ.
\q
\v 17 فَلَدِكَيٍ قَن نَشَ لُ يُرُدّن نَاكِرِ مَ.
\q دَنَكَيٍ لُ عٍ شَ كُنكُييٍ قّ مَ مُنقٍ رَ؟
\q عَسٍرِكَيٍ قَن نَشَ لُ وَقُ رَ، بَا دّ.
\q
\v 18 سَبُلٌنكَيٍ تَن نَشَ تِ قَشّ يَ عِ.
\q نَقَتَلِكَيٍ قَن نَشَ سُو سَ فٍرٍ رَ.»
\b
\q
\v 19 «مَنفّيٍ نَشَ قَ.
\q كَنَان مَنفّيٍ نَشَ قَ فٍرٍ سٌدٍ تَانَكِ، مٍفِدٌ شُرٍ دّ رَ،
\q كْنْ عٍ مُ هَرِفٍ نُن فبٍتِ يٌ سْتْ نَ كُي.
\q
\v 20 كٌورٍ نَشَ فٍرٍ سٌ،
\q تُنبُييٍ نَشَ سِسٍرَ فٍرٍ.
\q
\v 21 كِسٌن شُرٍ قٌرِ نَشَ عٍ شَنِن.
\q ﭑ بْحّ شَ سّنبّ سٌ،
\q ﭑ شَ سِفَ يَرٍ!
\q
\v 22 نَ تّمُي، سْورِيٍ نَشَ عٍ شَ سٌي رَفِ.
\q عٍ نَشَ عٍ شُلُن، عٍ فبَتَشِ.
\q
\v 23 عَلَتَلَ شَ مَلٍكّ نَشَ عَ قَلَ،
\q ‹وٌ شَ مٍرٌ سِ دَنكَ.
\q وٌ شَ مٍرٌ سِكَيٍ بِرِن دَنكَ.
\q عٍ مُ نُ بِرَشِ عَلَتَلَ قْشْ رَ سّنبّمَيٍ تَفِ.›»
\b
\q
\v 24 «يَيٍلِ بَرَكَتْي فِنّ نَن عَ رَ،
\q هٍبٍرِ كٍنِكَ شَ فِنّ.
\q بَرَكَتْي بٍلٍبٍلٍ نَن عَ رَ فِنّيٍ تَفِ،
\q نَشٍيٍ سَبَتِشِ كِرِ بَنشِ كُي.
\q
\v 25 سِسٍرَ تٌ يٍ مَكُلَ، عَ نَشَ شِحّ قِ عَ مَ.
\q عَ نَشَ شِحّ قَنيِ سٌ عَ يِ رَ ثْوتِ تٌقَنيِ كُي.
\q
\v 26 كِرِ بَنشِ مَبَنبَن وُرِ سُشُشِ عَ يِ،
\q دّرّ مَ قَن نَ عَ يِرٍقَنيِ بّلّشّ.
\q عَ نَشَ عَ بَنبَن سِسٍرَ شُنيِ،
\q عَ شُنيِ نَشَ بْو.
\q
\v 27 سِسٍرَ شَ قٍ نَشَ دَن يَيٍلِ بُن مَ،
\q عَ سَشِ بْشِ، عَ نَشَ قَشَ.
\q سِسٍرَ شَ قٍ نَشَ دَن يَيٍلِ بُن مَ،
\q عَ سَشِ بْشِ، عَ نَشَ قَشَ.»
\b
\q
\v 28 «سِسٍرَ نفَ تِشِ وُندّرِ رَ،
\q عَ عَ قَلَمَ، ‹مُنقٍ رَ عَ رَفِسٍ مُ نُ قَ سِندٍن؟
\q مُنقٍ رَ عَ سْورِ رَفِسٍيٍ بُشِ قَدٍ؟›
\q
\v 29 عَ شَ لْننِلَيٍ نَشَ عَ يَابِ يِ وْيّنيِ رَ،
\q
\v 30 ‹تّمُندٍ عٍ مُ نَ عٍ هَرِفٍ سٍيٍ شَ تٌنفٌقٍ؟
\q عٍ مُ نَ نٍيٍ شَ عِتَشُنقٍ؟
\q فِنّ كٍرٍن سْورِ كٍرٍن،
\q شَ نَ مُ عَ رَ سْورِ كٍرٍن، فِنّ قِرِن.
\q عٍ عٍ وَ سَسٌ سٍ مَحِنفِشِيٍ رَ نَشٍيٍ نُ رَقَن سِسٍرَ مَ،
\q عٍ عٍ وَ سَسٌ دٌنمَ مَحِنفِ دِنشِيٍ رَ.
\q دٌنمَ مَحِنفِشِ كٍرٍن، دٌنمَ دِنشِ قِرِن،
\q شُننَكٍلِ كَنيِ شَ نَ سْتْ.›
\q
\v 31 عَلَتَلَ، عِ يَشُييٍ بِرِن شَ هَلَكِ نَ كِ نّ،
\q كْنْ عِ شَنُنتٍنيِيٍ شَ يَنبَ عَلْ سٌفٍ عِتٍشِ.»
\p نَ دَنفِ شَنبِ، بْشِ نَشَ لُ شَشِلِسَ كُي حّ تٌنفٌ نَانِ.
\c 6
\s فٍدٍيٌن قِندِقٍ كِيتِسَ رَ
\p
\v 1 عِسِرَيِلَكَيٍ مَن نَشَ قٍ كٌبِ رَبَ عَلَتَلَ يَ عِ نَشَن مُ رَقَن عَ مَ. عَ نَشَ عٍ سَ مَدِيَنكَيٍ شَ نْي بُن مَ هَن حّ سٌلٌقٍرٍ. 
\v 2 مَدِيَنكَيٍ نَشَ قٍ شْرْشْييٍ دْشْ عِسِرَيِلَ مَ. نَ نَن عَ تٌ، عِسِرَيِلَكَيٍ نَشَ قٌلٍيٍ فٍ فٍيَ قَرِ، عٍ يّتّ مَكَنتَدٍيٍ يَءِلَن فّمّ لٌنفٌرِ رَ. 
\v 3 عِسِرَيِلَكَيٍ نَ شّ سَ تّمُي نَشّ، مَدِيَنكَيٍ، عَمَلّكِكَيٍ، نُن بْنسْي فبّتّيٍ نَشٍيٍ كٍلِمَ سٌفٍفٌرٌدٍ، نٍيٍ نُ تٍمَ نّ، عٍ تِ عٍ كَنكٍ. 
\v 4 عٍ نُ لُ عٍ قّ مَ عٍ شَ عِسِرَيِلَكَيٍ شَ دَشَمُي بِرِن كَنَ هَن فَسَ. عٍ مُ نُ سٍسٍ لُمَ عِسِرَيِلَ، هَلِ بْشِ دَشَمُييٍ، يّشّييٍ، نِنفٍيٍ، شَ نَ مُ عَ رَ سٌقَلٍيٍ. 
\v 5 نَ مِشِيٍ نُ تٍمَ تّمُي نَشّ، نُن عٍ شَ شُرُ سٍيٍ رَ، كِرِ بَنشِيٍ، نُن حْشْمّيٍ، عٍ نُ لُمَ نّ عَلْ كَتٌي فَلِ نَشَن كَسَرّ رَبَمَ بْشِ مَ.
\p
\v 6 مَدِيَنكَيٍ تٌ عِسِرَيِلَ قِندِ سٍتَرٍ بْشِ رَ، عِسِرَيِلَكَيٍ نَشَ عَلَتَلَ مَشَندِ. 
\v 7 عٍ تٌ عَلَتَلَ مَكُلَ مَدِيَنكَيٍ شَ قٍ رَ، 
\v 8 عَلَتَلَ نَشَ نَمِحْنمّ كٍرٍن شّي عٍ مَ. عَ نَشَ عَ قَلَ عٍ بّ، «عِسِرَيِلَ مَرِفِ عَلَتَلَ شَ مَسٍنيِ نَن يِ كِ، ‹ﭑ بَرَ وٌ رَ مِنِ مِسِرَ بْشِ مَ، وٌ نُ نَ كٌنيِيَ كُي دّننَشّ. 
\v 9 ﭑ بَرَ وٌ بَ مِسِرَكَيٍ بّلّشّ، عَ نُن وٌ يَشُي بِرِن. ﭑ بَرَ عٍ كٍرِ وٌ يَ رَ، ﭑ قَ عٍ شَ بْشِ قِ وٌ مَ. 
\v 10 ﭑ بَرَ عَ مَسٍن وٌ بّ، «ﭑ تَن نَن نَ عَلَتَلَ رَ، وٌ مَرِفِ عَلَ. وٌ نَشَ فَاشُ عَمٌرِكَيٍ شَ عَلَيٍ يَ رَ، وٌ سَبَتِشِ بْشِ نَشٍيٍ مَ.» كْنْ وٌ مُ بِرَشِ ﭑ شُي قْشْ رَ.›»
\p
\v 11 عَلَتَلَ شَ مَلٍكّ نَشَ سٌ عٌقَرَ دَاشَ كُي، عَ نَشَ دْشْ وُرِ بِلِ بُن مَ، نَشَن تِشِ يٌوَ سِ شْنيِ، نَشَن نُ نَ عَبِيٍسَ بْنسْي يَ مَ. يٌوَ سِ شَ دِ فٍدٍيٌن نُ نَ مّنفِ بْنبْقٍ يِلِ كُي وّنِ بٌفِ نُ بُندُ مَ دّننَشّ، عَلَكٌ عَ شَ عَ نْشُن مَدِيَنكَيٍ مَ. 
\v 12 عَلَتَلَ شَ مَلٍكّ نَشَ مِنِ عَ مَ، عَ قَ عَ قَلَ عَ بّ، «عِ تَن فٍرٍ سٌي قَنيِ، وٌ نُن عَلَتَلَ بِرِن نَن عَ رَ.» 
\v 13 فٍدٍيٌن نَشَ عَ قَلَ عَ بّ، «ﭑ مَرِفِ، شَ مُشُ نُن عَلَتَلَ بِرِن نَن عَ رَ، يِ قٍ شْرْشْي بِرِن قَ مُشُ لِشِ مُنقٍ رَ؟ عَ شَ كَابَنَكٌي نَ مِندٍن؟ مُشُ بَبَيٍ بَرَ كَابَنَكٌ ندٍ مَدْشْ مُشُ بّ. عٍ نَشّ، ‹عَلَتَلَ نَن مُشُ رَ مِنِ مِسِرَ رَ.› يَكْسِ عَلَتَلَ بَرَ وٌن نَبّحِن، عَ وٌن سَ مَدِيَنكَيٍ سَفٌ.»
\p
\v 14 عَلَتَلَ نَشَ عَ مَسٍن عَ بّ، «عِ سّنبّ سٌ. عِ قَمَ نّ عِسِرَيِلَ رَتَنفَدٍ مَدِيَنكَيٍ بّلّشّ. ﭑ تَن شَ مُ عِ شّيشِ؟» 
\v 15 عَ نَشَ عَ يَابِ، «ﭑ مَرِفِ، ﭑ تَن نْمَ عِسِرَيِلَ رَتَنفَدٍ عَ يَشُييٍ مَ؟ ﭑ شَبِلّ شَ سٍتَرٍحَ دَنفِ شَبِلّ بِرِن فبٍ رَ مَنَسِ بْنسْي يَ مَ. ﭑ بَبَ شَ دِ دْنشْي نَ ﭑ تَن نَن نَ.» 
\v 16 عَلَتَلَ نَشَ عَ مَسٍن عَ بّ، «كْنْ وٌن بِرِن نَن عَ رَ. نَ كُي عِ قَمَ مَدِيَنكَيٍ بِرِن بْنبْدٍ عَلْ عِ نَ مِشِ كٍرٍن نَن بْنبْقٍ.» 
\v 17 فٍدٍيٌن نَشَ عَ يَابِ، «شَ عِ بَرَ هِننّ ﭑ نَ، تْنشُمَ ندٍ مَسٍن ﭑ بّ، نَشَن عَ مَسٍنمَ عِ تَن يَتِ نَن وْيّنشِ ﭑ بّ. 
\v 18 يَندِ، عِ نَشَ عِ مَكُيَ بٍ رَ، بٍيمَنُ ﭑ شَ قَ ﭑ مَ سّرّشّ رَ عِ بّ.» عَلَتَلَ نَشَ عَ قَلَ، «ﭑ لُمَ بٍ هَن عِ قَمَ تّمُي نَشّ.»
\p
\v 19 فٍدٍيٌن نَشَ سِفَ، عَ سَ سِ يْرّ كٍرٍن قَشَ، عَ قَرِن بُسَلِ كٍرٍن نَقَلَ تَامِ لّبِنِتَرٍ رَ. عَ نَشَ سُبٍ سَ دٍبٍ كُي، عَ نَشَ بْرّ سَ بْرّ سَسٍ كُي، عَ نَشَ عٍ دّنتّفّ عَلَتَلَ بّ وُرِ بِلِ بُن مَ. 
\v 20 عَلَتَلَ شَ مَلٍكّ نَشَ عَ مَسٍن عَ بّ، «سُبٍ نُن تَامِ لّبِنِتَرٍ تٌنفٌ، عِ شَ عٍ سَ يِ فّمّ قَرِ، عِ بْرّ سَ عَ مَ.» فٍدٍيٌن تٌ فٍ نَ رَبَدٍ، 
\v 21 عَلَتَلَ شَ مَلٍكّ نَشَ عَ يِسُشُوُرِ عِتَلَ، عَ نَشَ عَ دِن سُبٍ نُن تَامِ لّبِنِتَرٍ رَ. نَ كُي تّ نَشَ دّشّ فّمّ مَ، عَ سُبٍ نُن تَامِ لّبِنِتَرٍ بِرِن فَن. نَ شَنبِ عَلَتَلَ شَ مَلٍكّ نَشَ لْي عَ مَ. 
\v 22 فٍدٍيٌن تٌ عَ تٌ عَلَتَلَ شَ مَلٍكّ يَتِ نَن عَ رَ، عَ نَشَ عَ قَلَ، «ﭑ مَرِفِ عَلَتَلَ! ﭑ بَرَ عَلَتَلَ شَ مَلٍكّ تٌ، عَ تِشِ ﭑ يَ عِ.» 
\v 23 عَلَتَلَ نَشَ عَ مَسٍن عَ بّ، «هَلِ عِ مُ فَاشُ، عِ مُ قَشَمَ. عِ بْحّ شَ سَ.» 
\v 24 فٍدٍيٌن نَشَ سّرّشّبَدٍ يَءِلَن عَلَتَلَ بّ مّننِ، عَ قَ عَ شِلِ قَلَ نَ شُن، «عَلَتَلَ شَ بْحّسَ.» هَن تٌ، مّننِ نَ عٌقَرَ، عَبِيٍسَ شَبِلّ نَ دّننَشّ.
\p
\v 25 نَ لْشْي كْي رَ عَلَتَلَ نَشَ عَ مَسٍن فٍدٍيٌن بّ، «عِ بَبَ شَ تُورَ تٌنفٌ، نَشَن بَرَ حّ سٌلٌقٍرٍ سْتْ. عِ شَ عِ بَبَ شَ بَلِ كُيٍ سّرّشّبَدٍ كَنَ، عَ نُن نَ عَسٍرِ وُرِ مَسٌلِشِ، نَشَن تِشِ عَ شُن. 
\v 26 نَ دَنفِ شَنبِ، عِ شَ سّرّشّبَدٍ فبّتّ يَءِلَن عِ مَرِفِ عَلَتَلَ بّ يِ يِرٍ مَفَاشُشِ قَرِ. عِ شَ نَ تُورَ بَ سّرّشّ فَن دَاشِ رَ. نَ عَسٍرِ وُرِ مَسٌلِشِ، عِ نَشَن كَنَمَ، نَ شَ قِندِ يٍفٍ رَ نَ سّرّشّ فَنسٍ رَ.»
\p
\v 27 فٍدٍيٌن نَشَ مِشِ قُ تٌنفٌ عَ شَ كٌنيِيٍ يَ مَ، عَ نَ بِرِن نَبَ، عَلَتَلَ نَشَن مَسٍنشِ عَ بّ. عَ نَ رَبَ كْي نَن نَ، بَرِ مَ عَ نُ فَاشُشِ عَ بَبَ شَ مِشِيٍ نُن تَاكَيٍ يَ رَ. 
\v 28 تَاكَيٍ تٌ كٍلِ سُبَشّ مَ، عٍ نَشَ عَ تٌ بَلِ كُيٍ سّرّشّبَدٍ رَبِرَشِ، عَسٍرِ وُرِ مَسٌلِشِ نَشَن نُ تِشِ عَ شُن مَ، نَ قَن نَبِرَشِ. عٍ مَن نَشَ تُورَ تٌ نَشَن بَشِ سّرّشّ فَن دَاشِ رَ سّرّشّبَدٍ نّينّ قَرِ. 
\v 29 عٍ نَشَ عٍ بٌورٍ مَشْرِن، «ندٍ يِ رَبَشِ؟» عٍ تٌ نَ قٍ قٍن، عٍ قَ عَ قَلَ عٍ بٌورٍ بّ، «يٌوَ سِ شَ دِ فٍدٍيٌن نَن قْشِ عَ رَ.» 
\v 30 نَ كُي تَاكَيٍ نَشَ عَ قَلَ يٌوَ سِ بّ، «عِ شَ دِ رَ مِنِ، عَ شَ قَشَ، بَرِ مَ عَ بَرَ بَلِ كُيٍ سّرّشّبَدٍ كَنَ، عَ مَن بَرَ عَسٍرِ وُرِ مَسٌلِشِ رَبِرَ، نَشَن نُ تِشِ عَ شُن.»
\p
\v 31 يٌوَ سِ نَشَ مِشِيٍ يَابِ، نَشٍيٍ نُ تِشِ عَ كَنكٍ، «وٌ تَن نَن بَلِ شُن مَقَلَمَ؟ وٌ تَن نَن عَ رَتَنفَمَ؟ مِشِ يٌ نَشَن بَلِ شُن مَقَلَ، نَ كَنيِ نَن سِنفٍ قَشَمَ بٍيمَنُ كُيٍ شَ عِبَ. شَ عَلَ نَن نَ بَلِ رَ، عَ تَن شَ عَ يّتّ شُن مَقَلَ، بَرِ مَ عٍ عَ تَن نَن شَ سّرّشّبَدٍ رَبِرَشِ.» 
\v 32 نَ لْشْي، عٍ نَشَ يٍرُبَالِ شِلِ قَلَ فٍدٍيٌن شُن مَ، عٍ نُ قَ عَ قَلَ، «بَلِ شَ عَ يّتّ شُن مَقَلَ، بَرِ مَ عَ بَرَ عَ شَ سّرّشّبَدٍ رَبِرَ.»
\p
\v 33 مَدِيَنكَيٍ، عَمَلّكِكَيٍ، نُن بْنسْي فبّتّيٍ نَشٍيٍ كٍلِ سٌفٍتٍدٍ، نٍيٍ نَشَ عٍ مَلَن، عٍ قَ يُرُدّن عِفِرِ، عٍ لُ يِسِرٍيلِ فٍيَ بُنيِ. 
\v 34 عَلَتَلَ شَشِلِ نَشَ لُ فٍدٍيٌن بّ. عَ نَشَ قٍرِ قٍ، عَ شَ عَبِيٍسٍرِ بْنسْي مَشِلِ عَلَكٌ عٍ بِرِن شَ بِرَ عَ قْشْ رَ. 
\v 35 عَ نَشَ شّيرَيٍ شّي مَنَسِ بْشِ مَ، نٍيٍ قَن شَ بِرَ عَ قْشْ رَ. عَ مَن نَشَ شّيرَيٍ شّي عَسٍرِ، سَبُلٌن، نُن نَقَتَلِ بْشِ مَ، مّننِكَيٍ قَن نَشَ كَقُ عَ مَ.
\p
\v 36 فٍدٍيٌن نَشَ عَ قَلَ عَلَتَلَ بّ، «شَ عِ وَ مَ عِسِرَيِلَ رَتَنفَقٍ ﭑ سَابُي رَ، عَلْ عِ عَ مَسٍنشِ كِ نَشّ، عِ شَ يِ رَبَ ﭑ بّ. 
\v 37 ﭑ شَ يّشّي كِرِ عِتَلَ لٌنيِ شُن، عَ شَ لُ مّننِ كْي رَ. شَ شِنِ دْشْ يّشّي كِرِ نَن كَنسَن مَ، بْشِ تَن نَبِلِنيِ نَشَ شَرَ، ﭑ قَمَ عَ كٌلٌندٍ نَ تّمُي نّ، عِ تَن نَن عِسِرَيِلَ رَتَنفَمَ ﭑ سَابُي رَ، عَلْ عِ عَ مَسٍنشِ كِ نَشّ.» 
\v 38 عَ نَشَ نَ رَبَ نَ كِ. نَ كُيٍ عِبَ، عَ نَشَ كٍلِ سُبَشّ مَ، عَ يّشّي كِرِ بُندُ عَلَكٌ عَ شَ عَ كٌلٌن شَ شِنِ دْشْشِ كِرِ مَ. يٍ، ثْوتِ يَ كٍرٍن نَشَ مِنِ نَ كُي.
\p
\v 39 فٍدٍيٌن مَن نَشَ عَ قَلَ عَلَ بّ، «هَلِ عِ بْحّ مُ تٍ ﭑ شِلِ مَ، ﭑ مَ وْيّن دْنشْي نَن يِ كِ. ﭑ مَن وَشِ سٍيدٍحْشْيَ نَن مَتٌقٍ يِ كِرِ رَ. كِرِ كَنسَن شَ شَرَ، شِنِ شَ بْشِ بِرِن بُندَ.» 
\v 40 نَ كْي رَ، عَلَ نَشَ نَ رَبَ نَ كِ. كِرِ كَنسَن نَشَ شَرَ، شِنِ قَ بْشِ بِرِن بُندَ.
\c 7
\s مَدِيَنكَيٍ مَسْتْي
\p
\v 1 يٍرُبَالِ، نَشَن قِندِ فٍدٍيٌن نَ، عَ نُن حَمَ نَشَن بِرِن نُ بِرَشِ عَ قْشْ رَ، عٍ نَشَ كٍلِ سُبَشّ مَ، عٍ سَ كُرُ شَرٌدِ دُلٌنيِ قّ مَ. مَدِيَنكَيٍ نُ مَلَنشِ كْولَ بِرِ مٌرٍ فٍيَ بُنيِ. 
\v 2 عَلَتَلَ نَشَ عَ مَسٍن فٍدٍيٌن بّ، «عِ شَ سْورِيٍ بَرَ فبٌ يّ. شَ ﭑ بَرَ مَدِيَنكَيٍ سَ عٍ سَفٌي، عِسِرَيِلَكَيٍ قَمَ نّ عٍ يّتّ وَ سُدٍ ﭑ نَ، عٍ عَ قَلَ، ‹مُشُ تَن نَن مُشُ يّتّ كَن نَتَنفَشِ.› 
\v 3 عِ شَ حَمَ يَامَرِ، ‹فَاشُي بَرَ نَشٍيٍ بِرِن سّرّن، عٍ شَ فبِلٍن فَلَدِ فٍيَ يِرٍ.›» شّمّ مِشِ وُلُ مْشْحّن عَ نُن قِرِن نَشَ فبِلٍن، كْنْ شّمّ مِشِ وُلُ قُ تَن نَشَ لُ نَا.
\p
\v 4 عَلَتَلَ نَشَ عَ مَسٍن فٍدٍيٌن بّ، «هَن يَ حَمَ مَن فبٌ. فٌرٌ عٍ رَ شُرٍ بِرِ، ﭑ قَمَ عٍ مَيٍفٍتِدٍ مّننِ نّ. ﭑ نَ عَ قَلَ عِ بّ نَشَن نَ، وٌ نُن يِ نَن سِفَمَ، وٌ نُن نَ كَنيِ شَ سِفَ. ﭑ نَ عَ قَلَ شّمّ نَشَن بِرِن نَ، عٍ مُ سِفَمَ، نٍيٍ نَشَ بِرَ عِ قْشْ رَ.»
\p
\v 5 عَ نَشَ حَمَ رَفٌرٌ شُرٍ دّ رَ. عَلَتَلَ نَشَ عَ مَسٍن فٍدٍيٌن بّ، «نَشٍيٍ بِرِن نَ يٍ كْن عٍ نّنيِ رَ عَلْ بَرٍ، عِ شَ نٍيٍ تِ عٍ شَتِ مَ. نَشٍيٍ قَن بِرِن نَ عٍ شِنبِ سِن، عٍ يٍ مِن، عِ شَ نٍيٍ قَن تِ عٍ شَتِ مَ.» 
\v 6 نَشٍيٍ بِرِن يٍ كْ عٍ بّلّشّ كُي، عٍ نَشَ عَ مِن، عٍ كْنتِ نَشَ سِفَ شّمّ مِشِ كّمّ سَشَن. حَمَ دْنشْي نَشَ عٍ شِنبِ سِن، عٍ نُ قَ يٍ كْن عٍ نّنيِ رَ. 
\v 7 عَلَتَلَ نَشَ عَ مَسٍن فٍدٍيٌن بّ، «يِ شّمّ مِشِ كّمّ سَشَن نَشٍيٍ يٍ كْشِ عٍ بّلّشّ كُي، ﭑ قَمَ وٌ رَتَنفَدٍ عٍ تَن نَن سَابُي رَ. ﭑ مَدِيَنكَيٍ سَمَ نّ عِ سَفٌ. يِ حَمَ دْنشْي، كَنكَن شَ سِفَ عَ شْنيِ.» عٍ نَشَ قَندّ تٌنفٌ عَ نُن قٍرِ نَشٍيٍ نُ نَ حَمَيٍ يِ. 
\v 8 فٍدٍيٌن نَشَ عٍ رَفبِلٍن عٍ شْنيِ، نَ شّمّ مِشِ كّمّ سَشَن فبَنسَن نَشَ لُ عَ يِرٍ. مَدِيَن شَ سْورِيٍ نُ نَ عَ لَبٍ رَ فٍيَ بُنيِ.
\p
\v 9 نَ كْي رَ عَلَتَلَ نَشَ عَ مَسٍن فٍدٍيٌن بّ، «عِ شَ فٌرٌ مَدِيَن سْورِيٍ يِرٍ، بَرِ مَ ﭑ بَرَ عٍ سَ عِ سَفٌي. 
\v 10 شَ فَاشُي نَ عِ مَ يِ فٍرٍ شَ قٍ رَ، وٌ نُن عِ شَ كٌنيِ ثُرَ شَ فٌرٌ مَدِيَنكَيٍ يِرٍ. 
\v 11 عِ نَشَن مّمَ نَا، نَ قَمَ عِ رَلِمَنِيَدٍ. فٌرٌ عٍ شَ سْورِيٍ يِرٍ سِندٍن.» عَ تَن نُن عَ شَ كٌنيِ ثُرَ نَشَ فٌرٌ، هَن سْورِيٍ يٌنكِندٍ قّ مَ.
\p
\v 12 مَدِيَنكَيٍ، عَمَلّكِكَيٍ، نُن بْنسْي فبّتّيٍ نَشٍيٍ كٍلِ سٌفٍتٍدٍ، نُ نَ فٍيَ بُنيِ. عٍ وُيَ عَلْ كَتٌي. عٍ شَ حْشْمّ قَن نُ وُيَ عَلْ مّيّنيِ نَشَن نَ بَا دّ رَ. 
\v 13 فٍدٍيٌن تٌ نَا لِ، شّمّ ندٍ نَشَ عَ شَ شِيٍ قَلَ عَ بٌورٍ بّ. عَ نَشَ عَ مَسٍن، «ﭑ يِ شِيٍ نَن سَشِ. ﭑ تَامِ فَنشِ نَن تٌشِ عَ قِرِقِرِ مَ مَدِيَن سْورِيٍ يٌنكِندٍ. عَ نَشَ عَ بْنبْ كِرِ بَنشِ ندٍ رَ، عَ عَ رَبِرَ.» 
\v 14 عَ بٌورٍ نَشَ عَ يَابِ، «عَ مُ قِندِشِ سٍسٍ رَ قٌ فٍدٍيٌن شَ سَنتِدّفّمَ، يٌوَ سِ شَ دِ عِسِرَيِلَكَ. عَلَ بَرَ مَدِيَنكَيٍ نُن عٍ شَ سْورِيٍ سَ عَ سَفٌ.» 
\v 15 فٍدٍيٌن تٌ فّ شِيٍ شَ قٍ تَفِ رَبَ رَ مّدٍ، عَ نَشَ عَ قٍلٍن بْشِ مَ، عَ عَلَ تَنتُ. نَ شَنبِ، عَ نَشَ فبِلٍن عِسِرَيِلَ سْورِيٍ يِرٍ، عَ عَ قَلَ عٍ بّ، «وٌ كٍلِ، بَرِ مَ عَلَتَلَ بَرَ مَدِيَن سْورِيٍ سَ وٌن سَفٌي.»
\p
\v 16 عَ نَشَ يِ شّمّ مِشِ كّمّ سَشَن عِتَشُن دْشْ سَشَن نَ. عَ قَ قٍرِ نُن قّحّ لَنمَدِيٍ سٌ عٍ بِرِن يِ رَ، تّ نَ قّحّيٍ كُي. 
\v 17 عَ نَشَ عَ قَلَ عٍ بّ، «وٌ شَ ﭑ مَتٌ، ﭑ نَ نَشَن نَبَ، وٌ قَن شَ نَ رَبَ. ﭑ نّقّ سْورِيٍ يِرٍ لِ، ﭑ نَ نَشَن نَبَ، وٌ قَن شَ نَ رَبَ. 
\v 18 مُشُ قٍرِ قٍمَ تّمُي نَشّ، وٌ قَن شَ وٌ فبٍ قٍ سْورِيٍ يٌنكِندٍ رَبِلِنيِ. وٌ شَ عَ قَلَ وٌ شُي عِتٍشِ رَ، ‹عَلَتَلَ نُن فٍدٍيٌن بّ!›»
\p
\v 19 فٍدٍيٌن نُن عَ شَ سْورِ مِشِ كّمّ سَشَن، نَشَ مَدِيَن سْورِيٍ يِرٍ لِ، عٍ عٍ شَ يِرٍ مَكَنتَدٍ مَسَرَ كْي تَفِ تّمُي نَشّ. عٍ نَشَ قٍرِ قٍ، عٍ قّحّيٍ عِبْو. 
\v 20 يِ مِشِ كُرُ سَشَنيِيٍ نَشَ قٍرِ قٍ، عٍ نَشَ قّحّيٍ عِبْو، تّ سُشُشِ عٍ كْولَ بّلّشّيٍ رَ، قٍرِ سُشُشِ عٍ يِرٍقَنيِ بّلّشّيٍ رَ عٍ نَشَن قٍمَ. عٍ نُ قَ عَ قَلَ عٍ شُي عِتٍشِ رَ، «وٌن شَ فٍرٍ سٌ عَلَتَلَ نُن فٍدٍيٌن بّ.» 
\v 21 عٍ بِرِن نَشَ تِ عٍ تِدٍ، مَدِيَن سْورِيٍ رَبِلِنيِ. مَدِيَنكَيٍ نَشَ عٍ فِ، عٍ سِفَ سْنشْ رَ. 
\v 22 عِسِرَيِلَ سْورِ مِشِ كّمّ سَشَنيِيٍ نُ قٍرِ قٍ تّمُي نَشّ، عَلَتَلَ نَشَ عَ نِيَ مَدِيَنكَيٍ شَ عٍ بٌورٍ قَشَ سَنتِدّفّمَ رَ. سْورِ دْنشْييٍ نَشَ عٍ فِ هَن بٍتِ سِتَ، سٍرٍرَ مَبِرِ، هَن عَبٍلِ مٍشٌلَ، تَبَتِ مَبِرِ.
\p
\v 23 عِسِرَيِلَ شّمّيٍ نَشَ عٍ مَلَن، نَقَتَلِكَيٍ، عَسٍرِكَيٍ، نُن مَنَسِكَيٍ. عٍ بِرِن نَشَ مَدِيَنكَيٍ كٍرِ. 
\v 24 فٍدٍيٌن نَشَ شّيرَيٍ شّي عٍقِرَ مِ فٍيَيٍ يِرٍ، عٍ شَ عَ قَلَ، «وٌ فٌرٌ مَدِيَنكَيٍ يَ رَ، وٌ سِنفٍ شَ تِ يُرُدّن شُرٍ عِفِرِ مَ دّننَشّ هَن بٍتِ بَارَ.» نَ كُي عٍقِرَ مِ شّمّيٍ نَشَ عٍ مَلَن، عٍ سِفَ يُرُدّن شُرٍ عِفِرِ مَ دّننَشّ، هَن بٍتِ بَارَ. 
\v 25 عٍ نَشَ مَدِيَنكَيٍ شَ مَنفّ قِرِنيِيٍ سُشُ، عٌرٍبِ نُن سٍيبِ. عٍ نَشَ عٌرٍبِ قَشَ عٌرٍبِ قَنيٍ يِرٍ، عٍ نَشَ سٍيبِ قَشَ سٍيبِ وّنِ بٌفِ بُندُ مَ دّننَشّ. عٍ نَشَ مَدِيَنكَيٍ كٍرِ، عٍ قَ عٌرٍبِ نُن سٍيبِ شُنيِيٍ رَ فٍدٍيٌن شْن يُرُدّن قّ مَ.
\c 8
\s مَدِيَنكَيٍ بْنبْقٍ
\p
\v 1 عٍقِرَ مِ شّمّيٍ نَشَ عَ قَلَ فٍدٍيٌن بّ، «عِ يِ مْولِ رَبَشِ مُشُ رَ مُنقٍ رَ؟ عِ تٌ سِفَ مَدِيَنكَيٍ فٍرٍدٍ، مُنقٍ رَ عِ مُ مُشُ شِلِ، وٌن بِرِن شَ سِفَ؟» سْنشْي بٍلٍبٍلٍ نَشَ بِرَ عَ عِ عٍ تَفِ. 
\v 2 عَ نَشَ عٍ يَابِ، «وٌ نَشَن نَبَشِ، نَ دَنفِ ﭑ فبٍ رَبَشِ رَ ثٌن. عٍقِرَ مِكَيٍ شَ وَلِ لَنمَدِ تِدٍ فبٌ عَبِيٍسٍرِ بْنسْييٍ شَ وَلِ شُنفبٍ بّ. 
\v 3 عَلَتَلَ مَدِيَنكَيٍ شَ مَنفّيٍ عٌرٍبِ نُن سٍيبِ سَشِ وٌ تَن نَن سَفٌ. ﭑ مُنسٍ رَبَشِ نَشَن تِدٍ فبٌ نَ بّ؟» عَ تٌ فّ وْيّندٍ، عٍ بْحّ نَشَ فٌرٌ.
\p
\v 4 هَلِ فٍدٍيٌن نُن عَ شَ سْورِيٍ مِشِ كّمّ سَشَنيِيٍ تٌ نُ تَفَنشِ، عٍ يُرُدّن عِفِرِ نّ مَدِيَنكَيٍ كٍرِقٍ رَ. 
\v 5 عَ نَشَ عَ قَلَ سُكْتِكَيٍ بّ، «ﭑ بَرَ وٌ مَشَندِ، وٌ تَامِ ندٍ سٌ ﭑ مَ مِشِيٍ يِ رَ، بَرِ مَ عٍ بَرَ تَفَن. ﭑ نَ مَدِيَنكَيٍ شَ مَنفّيٍ سّبَ نُن سَلَمُنَ نَن كٍرِقٍ.» 
\v 6 سُكْتِ مَنفّيٍ نَشَ فٍدٍيٌن يَابِ، «وٌ حَن بَرَ فّ سّبَ نُن سَلَمُنَ سُشُدٍ؟ عَ لَنمَ مُشُ شَ تَامِ سٌ عِ شَ سْورِيٍ يِ رَ مُنقٍ رَ؟» 
\v 7 فٍدٍيٌن نَشَ عَ قَلَ، «عَلَتَلَ نَ سّبَ نُن سَلَمُنَ سَ ﭑ سَفٌ تّمُي نَشّ، ﭑ قَمَ وٌ قَتٍيٍ مَبْودٍ فبٍنفبٍرٍن يِرٍ تُنبٍيٍ نَن نَ.»
\p
\v 8 فٍدٍيٌن نَشَ كٍلِ مّننِ، عَ سِفَ ثٍنِيٍلِ. عَ نَشَ مّننِكَيٍ قَن مَكُلَ تَامِ رَ. ثٍنِيٍلِكَيٍ قَن نَشَ عَ يَابِ عَلْ سُكْتِ مِشِيٍ عَ يَابِ كِ نَشّ. 
\v 9 عَ نَشَ عَ قَلَ نٍيٍ قَن بّ، «ﭑ نَ شُننَكٍلِ سْتْ، ﭑ قَمَ بٍ وٌ شَ تَا تّتّ بِرِن نَبِرَدٍ.»
\p
\v 10 سّبَ نُن سَلَمُنَ نُ نَ كَرَكٌرٍ، عٍ نُن عٍ شَ سْورِ مِشِ وُلُ قُ نُن سُولِ حْندْن. عٍ تَن فبَنسَن نَن نُ لُشِ. سْورِ مِشِ وُلُ كّمّ مِشِ وُلُ مْشْحّن نُ بَرَ قَشَ سَنتِدّفّمَ رَ بْنسْييٍ يَ مَ نَشٍيٍ كٍلِشِ سٌفٍتٍدٍ. 
\v 11 فٍدٍيٌن نَشَ تٍ كِرَ شْن مَ نٌبَ نُن يٌفبٍهَ سٌفٍتٍدٍ بِرِ. عَ نَشَ سْورِيٍ بْنبْ نَا، نَشٍيٍ نُ لَشِ عَ رَ عَ فٍرٍ مُ عٍ لِمَ سْنْن. 
\v 12 مَدِيَن مَنفّيٍ سّبَ نُن سَلَمُنَ قَن نَشَ عٍ فِ. فٍدٍيٌن نَشَ بِرَ عٍ قْشْ رَ، هَن عَ عٍ سُشُ، عَ قَ عٍ شَ سْورِيٍ بِرِن نَفِ.
\p
\v 13 يٌوَ سِ شَ دِ فٍدٍيٌن تٌ قَ كٍلِقٍ فٍرٍ سٌدٍ شّرّ سّ فٍيَ قَرِ، 
\v 14 عَ نَشَ سُكْتِ قٌنِكٍ ندٍ سُشُ، عَ عَ كَرَشَن عَ شَ سُكْتِ مَنفّيٍ نُن كُنتِفِيٍ شِلِيٍ سّبّ عَ بّ. نٍيٍ نَشَ لَن مِشِ تٌنفٌ سٌلٌقٍرٍ عَ نُن سٌلٌقٍرٍ مَ. 
\v 15 فٍدٍيٌن نَشَ سِفَ سُكْتِ، عَ عَ قَلَ عٍ بّ، «سّبَ نُن سَلَمُنَ نَن يِ كِ، وٌ ﭑ كٌنبِ نَشٍيٍ شَ قٍ رَ. وٌ نَشَ عَ قَلَ، ‹وٌ حَن بَرَ فّ سّبَ نُن سَلَمُنَ سُشُدٍ؟ عَ لَنمَ مُشُ شَ تَامِ سٌ عِ شَ سْورِيٍ يِ رَ مُنقٍ رَ؟›» 
\v 16 نَ كُي عَ نَشَ تَا كُنتِفِيٍ سُشُ، عَ عٍ بْنبْ فبٍنفبٍرٍن يِرٍ تُنبٍيٍ رَ. 
\v 17 عَ نَشَ ثٍنِيٍلِ تّتّ قَن نَبِرَ، عَ قَ مّننِكَيٍ قَشَ.
\p
\v 18 فٍدٍيٌن نَشَ سّبَ نُن سَلَمُنَ مَشْرِن، «وٌ مِشِ نَشٍيٍ قَشَ تَبٌرٌ، عٍ نُ نَ دِ؟» عٍ نَشَ عَ يَابِ، «عٍ نُ نّ عَلْ عِ تَن. عٍ بِرِن نُ لُشِ عَلْ مَنفّدِيٍ.» 
\v 19 فٍدٍيٌن نَشَ عَ قَلَ عٍ بّ، «ﭑ تَارَيٍ نَن نُ نَ عٍ رَ، ﭑ نفَ شَ دِيٍ. ﭑ بَرَ ﭑ كَلِ عَلَتَلَ حِحّ رَ، شَ وٌ مُ عٍ قَشَ نُ، ﭑ قَن مُ وٌ قَشَمَ نُ.» 
\v 20 عَ نَشَ عَ قَلَ يٍتٍرِ بّ، عَ شَ دِ سِنفٍ، «عٍ قَشَ!» كْنْ يٍتٍرِ مُ عَ شَ سَنتِدّفّمَ بَ عَ تّي عِ، بَرِ مَ قٌنِكٍ نَن نُ عَ رَ، عَ فَاشُشِ. 
\v 21 سّبَ نُن سَلَمُنَ نَشَ عَ قَلَ فٍدٍيٌن بّ، «شَ شّمّ نَن عِ رَ، عِ تَن يّتّ يَتِ شَ مُشُ قَشَ.» فٍدٍيٌن نَشَ كٍلِ كٍرٍن نَ، عَ عٍ قَشَ. عَ نَشَ كْنمَفٌرٍيٍ بَ عٍ شَ حْشْمّيٍ كْن مَ.
\p
\v 22 عِسِرَيِلَ شّمّيٍ نَشَ عَ قَلَ فٍدٍيٌن بّ، «عِ شَ قِندِ مُشُ شَ مَنفّ رَ، نَ دَنفِ شَنبِ عِ شَ دِ، نُن نَ شَ دِ. عِ بَرَ مُشُ رَتَنفَ مَدِيَنكَيٍ مَ.» 
\v 23 فٍدٍيٌن نَشَ عَ قَلَ عٍ بّ، «ﭑ تَن نُن ﭑ مَ دِ، مُشُ مُ قِندِ مَ وٌ شَ مَنفّ رَ. عَلَتَلَ نَن نَ وٌ شَ مَنفّ رَ.»
\p
\v 24 فٍدٍيٌن مَن نَشَ وْيّن عٍ بّ. عَ نَشّ، «شَ وٌ بَرَ تِن، عَ شْلِ ﭑ مَ كَنكَن شَ شُرُندّ كٍرٍن سٌ ﭑ يِ رَ، وٌ نَشَن سْتْشِ وٌ وَ سَسٌ سٍيٍ رَ فٍرٍ كُي.» شُرُندّ شّيمَ دَاشِ نُ سٌشِ مَدِيَنكَيٍ بّلّشّيٍٍ رَ، بَرِ مَ عٍ كٍلِشِ سُمَيِلَ بْنسْي نّ. 
\v 25 عٍ نَشَ عَ قَلَ، «مُشُ بَرَ تِن نَ رَ.» عٍ قَ دُفِ عِتَلَ، عٍ بِرِن قَ عٍ شَ شُرُندّ كٍرٍن كٍرٍن سَ دُفِ كُي عٍ نَشَن سْتْ وَ سَسٌ سٍيٍ رَ.
\p
\v 26 فٍدٍيٌن شّيمَ نَشَن مَشْرِن، عَ بِنيّ نَشَ سِفَ هَن كِلٌ مْشْحّن، بَقٍ شُنمَسٍيٍ رَ، تُلِ رَ سٌي، دٌنمَ فبٍيلِ مَدِيَن مَنفّ دَاشِ، عَ نُن حْشْمّ كْنمَفٌرٍ. 
\v 27 فٍدٍيٌن نَشَ سّرّشّدُبّ كُنتِفِ دٌنمَ يَءِلَن نَ شّيمَ رَ، عَ عَ تِ عٌقَرَ، عَ شَ تَا كُي. عَ رَحْنيِ، نَ نَشَ قِندِ فَنتَنيِ رَ فٍدٍيٌن نُن عَ شَ دٍنبَيَ بّ، بَرِ مَ عِسِرَيِلَكَيٍ بِرِن نَشَ نَ قِندِ عٍ شَ عَلَ رَ.
\p
\v 28 عِسِرَيِلَكَيٍ نَشَ مَدِيَن لُ عٍ شَ نْي بُن مَ، نٍيٍ مُ شُننَكٍلِ سْتْ سْنْن. بْشِ نَشَ لُ بْحّسَ كُي حّ تٌنفٌ نَانِ فٍدٍيٌن شَ سِمَيَ كُي. 
\v 29 يٌوَ سِ شَ دِ يٍرُبَالِ نَشَ فبِلٍن عَ شْنيِ. 
\v 30 فٍدٍيٌن نَشَ دِ تٌنفٌ سٌلٌقٍرٍ بَرِ، بَرِ مَ فِنّ فبٍفبٍ نَن نُ دْشْشِ عَ شْن. 
\v 31 عَ شَ كٌنيِ فِنّ نَشَن نُ نَ سِكٍمِ، نَ قَن نَشَ دِ شّمّ بَرِ عَ بّ. عَ نَشَ عَبِمٍلٍكِ شِلِ قَلَ عَ شُن. 
\v 32 يٌوَ سِ شَ دِ، فٍدٍيٌن نَشَ قَشَ سِمَيَ قَنيِ كُي. عٍ نَشَ عَ رَفَتَ يٌوَ سِ شَ فَبُرِ يِرٍ عٌقَرَ، عَبِيٍسَ بْنسْي نُ نَ دّننَشّ.
\p
\v 33 فٍدٍيٌن تٌ قَشَ، عِسِرَيِلَكَيٍ مَن نَشَ عَلَتَلَ بّحِن، عٍ شَ بَلِ كُيٍيٍ بَتُ. عٍ نَشَ بَلِ بٍرِتِ قِندِ عٍ شَ عَلَ رَ. 
\v 34 عِسِرَيِلَكَيٍ نَشَ نّيمُ عٍ مَرِفِ عَلَتَلَ مَ، نَشَن عٍ رَتَنفَ عٍ يَشُي بِرِن بّلّشّ عِ، نَشٍيٍ نُ عٍ رَبِلِنشِ. 
\v 35 عٍ مُ دُفُتّفّحَ رَ سِفَ يٍرُبَالِ شَ دٍنبَيَ مَ قٍقٍ مَ، هَلِ عَ تٌ نُ بَرَ قٍ قَنيِ فبٍفبٍ رَبَ عِسِرَيِلَ بّ.
\c 9
\s عَبِمٍلٍكِ قِندِقٍ مَنفّ رَ
\p
\v 1 يٍرُبَالِ شَ دِ عَبِمٍلٍكِ نَشَ سِفَ سِكٍمِ عَ نفَ شُنيِيٍ يِرٍ. عَ نَشَ يِ مَسٍنيِ تِ عَ نفَ شَبِلّ بّ، 
\v 2 «كَتَرَبِ سِكٍمِ كُنتِفِيٍ بِرِن مَ، ‹وٌ وَ مَ عَ شْن مَ يٍرُبَالِ شَ دِ تٌنفٌ سٌلٌقٍرٍ بِرِن شَ قِندِ وٌ شَ مَنفّيٍ رَ، كَ مِشِ كٍرٍن فبَنسَن شَ قِندِ وٌ شَ مَنفّ رَ؟ وٌ شَ وٌ رَتُ عَ مَ، وٌن قِندِشِ وُلِ كٍرٍن قَسّ كٍرٍن نَن نَ.›» 
\v 3 عَ نفَ شُنيِيٍ نَشَ نَ مَسٍنيِ بِرِن تَفِ رَبَ سِكٍمِ كُنتِفِيٍ بّ. كُنتِفِيٍ نَشَ تِن بِرَقٍ عَبِمٍلٍكِ قْشْ رَ، بَرِ مَ عٍ نفَشَكٍرٍنيِ نَن نُ عَ رَ. 
\v 4 عٍ نَشَ فبٍتِ كِلٌ سٌلٌمَسَشَن قِ عَ مَ، كٍلِقٍ بَلِ بٍرِتِ شَ سَلِدٍ كُي. عَبِمٍلٍكِ نَشَ كْبِرِ سٌ شّمّ رَبّحِنشِيٍ نُن كَلَبَنتٍيٍ يِ رَ، عَلَكٌ عٍ شَ بِرَ عَ قْشْ رَ.
\p
\v 5 عَ نَشَ سِفَ عَ بَبَ شْنيِ عٌقَرَ، عَ عَ شُنيَيٍ بِرِن قَشَ. يٍرُبَالِ شَ دِ تٌنفٌ سٌلٌقٍرٍ بِرِن نَشَ قَشَ قَنيٍ كٍرٍن قَرِ، قٌ يٌتَمِ، يٍرُبَالِ شَ دِ دْنشْي، نَشَن نُ بَرَ عَ نْشُن عٍ مَ. 
\v 6 سِكٍمِ كُنتِفِيٍ نُن بٍتِ مِلٌ حَمَ بِرِن نَشَ عٍ مَلَن سِكٍمِ، فّمّ بٍلٍبٍلٍ نُن وُرِ تٌقَنيِ تِشِ دّننَشّ. عٍ نَشَ عَبِمٍلٍكِ قِندِ مَنفّ رَ مّننِ.
\p
\v 7 يٌتَمِ تٌ نَ قٍ مّ، عَ نَشَ سِفَ عَ سَ تِ فَرِ سِمِ فٍيَ قَرِ، عَ قَ عَ قَلَ عَ شُي عِتٍشِ رَ، «سِكٍمِ كُنتِفِيٍ، شَ وٌ وَ مَ نّ عَلَ شَ عَ تُلِ مَتِ وٌ رَ، وٌ شَ وٌ تُلِ مَتِ ﭑ تَن نَ. 
\v 8 لْشْي ندٍ، وُرِ بِلِيٍ نَشَ عَ نَتّ عٍ شَ مَنفّ كٍرٍن سُفَندِ. عٍ نَشَ عَ قَلَ عٌلِوِ بِلِ بّ، ‹قِندِ مُشُ شَ مَنفّ رَ.› 
\v 9 كْنْ عٌلِوِ بِلِ نَشَ عٍ يَابِ، ‹ﭑ تَن مُ فبِلٍنمَ ﭑ تُرٍ رَ مِنِقٍ قْشْ رَ، تُرٍ نَشَن قِندِ مَ بِنيَ سٍ رَ عَلَ نُن مِشِيٍ بّ، عَلَكٌ ﭑ شَ نُ سَ ﭑ عِيَن وُرِ بِلِيٍ شُن.›»
\p
\v 10 «وُرِ بِلِيٍ نَشَ عَ قَلَ شْرّ بِلِ بّ، ‹عِ تَن شَ قَ بٍ، عِ شَ قِندِ مُشُ شَ مَنفّ رَ.› 
\v 11 كْنْ شْرّ بِلِ نَشَ عَ قَلَ عٍ بّ، ‹ﭑ تَن مُ فبِلٍنمَ ﭑ بٌفِ حْشُنمّ قَنيِ رَ مِنِقٍ قْشْ رَ، عَلَكٌ كَنسَن ﭑ شَ نُ سَ ﭑ عِيَن وُرِ بِلِيٍ شُن.›»
\p
\v 12 «وُرِ بِلِيٍ نَشَ عَ قَلَ وّنِ بِلِ بّ، ‹عِ تَن شَ قَ بٍ، عِ شَ قِندِ مُشُ شَ مَنفّ رَ.› 
\v 13 كْنْ وّنِ بِلِ نَشَ عٍ يَابِ، ‹ﭑ تَن مُ فبِلٍنمَ ﭑ مَ وّنِ رَ مِنِقٍ قْشْ رَ نَشَن عَلَ نُن مِشِيٍ رَ سّيوَ مَ، عَلَكٌ كَنسَن ﭑ شَ نُ سَ ﭑ عِيَن وُرِ بِلِيٍ شُن.›»
\p
\v 14 «نَ كُي وُرِ بِلِيٍ نَشَ عَ قَلَ تُنبٍ كُنسِ بّ، ‹عِ تَن شَ قَ بٍ، عِ شَ قِندِ مُشُ شَ مَنفّ رَ.› 
\v 15 تُنبٍ كُنسِ نَشَ وُرِ بِلِيٍ يَابِ، ‹شَ وٌ وَشِ حَنِفٍ قَنيِ نَن نَبَقٍ ﭑ بّ عَلَكٌ ﭑ شَ قِندِ وٌ شَ مَنفّ رَ، وٌ قَ بٍ، وٌ شَ قَ لُ ﭑ نِينِ بُن مَ. شَ نَ مُ عَ رَ، تّ مِنِمَ نّ تُنبٍ كُنسِ كُي، عَ لِبَن وُرِ بِلِ قَنيِ بِرِن فَن.›»
\p
\v 16 يٌتَمِ مَن نَشَ عَ مَسٍن عٍ بّ، «يَكْسِ، وٌ تَن عَبِمٍلٍكِ قِندِقٍ مَنفّ رَ، وٌ عَ رَبَشِ تِنشِنيِ نَن مَ؟ وٌ قٍ قَنيِ نَن نَبَشِ يٍرُبَالِ نُن عَ شَ دٍنبَيَ رَ نَ كِ؟ وٌ عَ شَ قٍ قَنيِ سَرٍ رَفبِلٍنشِ عَ مَ نَ كِ نّ؟ 
\v 17 ﭑ بَبَ فٍرٍ سٌشِ نّ وٌ تَن بّ، عَ عَ نِي قِ فٍرٍ مَ، عَ وٌ رَتَنفَ مَدِيَنكَيٍ بّلّشّ عِ. 
\v 18 كْنْ وٌ تَن، وٌ بَرَ كٍلِ ﭑ بَبَ شَ دٍنبَيَ شِلِ مَ تٌ لْشْي، وٌ بَرَ عَ شَ دِ شّمّ مِشِ تٌنفٌ سٌلٌقٍرٍ قَشَ قَنيٍ كٍرٍن قَرِ، وٌ قَ عَبِمٍلٍكِ قِندِ مَنفّ رَ كُنتِفِيٍ شُن مَ سِكٍمِ. وٌ بَرَ فٍدٍيٌن شَ كٌنيِ فِنّ شَ دِ قِندِ وٌ شَ مَنفّ رَ، بَرِ مَ وٌ نفَشَكٍرٍنيِ لَنشِ عَ تَن نَن مَ. 
\v 19 شَ نَ بِرِن كٍلِشِ حَنِفٍ قَنيِ نُن تِنشِنيِ نَن مَ يٍرُبَالِ نُن عَ شَ دٍنبَيَ مَبِرِ، عَوَ وٌ تَن نُن عَبِمٍلٍكِ شَ رَقَن وٌ بٌورٍ مَ. 
\v 20 شَ نَ مُ عَ رَ، تّ شَ مِنِ عَبِمٍلٍكِ، عَ شَ سِكٍمِ كُنتِفِيٍ نُن بٍتِ مِلٌ مِشِيٍ فَن. تّ شَ مِنِ عٍ قَن مَ، عَ شَ عَبِمٍلٍكِ فَن!» 
\v 21 يٌتَمِ نَشَ كٍلِ نَا، عَ سَ عَ نْشُن بٍيرِ، دّننَشّ مَكُيَ عَ تَارَ عَبِمٍلٍكِ رَ.
\p
\v 22 عَبِمٍلٍكِ نَشَ عِسِرَيِلَ يَمَرِ حّ سَشَن بُن مَ. 
\v 23 نَ تّمُي، عَلَ نَشَ شَشِلِ كٌبِ رَ سٌ عَبِمٍلٍكِ نُن سِكٍمِ كُنتِفِيٍ تَفِ. سِكٍمِ كُنتِفِيٍ قَ عَبِمٍلٍكِ يَنقَ. 
\v 24 نَ كُي عٍ بِرِن شَ عٍ شَ قٍ حَاشِ سَرٍ سْتْ. عَبِمٍلٍكِ نُ بَرَ عَ نفَشَكٍرٍنيِيٍ قَشَ، يٍرُبَالِ شَ دِ تٌنفٌ سٌلٌقٍرٍ. سِكٍمِكَيٍ نُ بَرَ عَبِمٍلٍكِ مَلِ نَ قَشّ تِقٍ رَ. 
\v 25 سِكٍمِ كُنتِفِيٍ نَشَ مِشِيٍ تِ يَنقَنتٍيَ رَ عَبِمٍلٍكِ شِلِ مَ فٍيَيٍ شُن تَفِ، عٍ نُ مِشِيٍ قّتّنكّن نَشٍيٍ نُ دَنفِمَ كِرَ رَ عٍ يِرٍ. عَبِمٍلٍكِ نَشَ نَ قٍ مّ.
\p
\v 26 لْشْي ندٍ عٍبٍدِ شَ دِ فَالِ نُن عَ شُنيَيٍ نَشَ قَ سِكٍمِ. تَا كُنتِفِيٍ نَشَ لَنلَنتٍيَ سَ عَ مَ. 
\v 27 عٍ بِرِن نَشَ سِفَ وّنِ بِلِيٍ يِرٍ، عٍ شَ وّنِ بٌفِ بَ. عٍ نَشَ نَ بٌفِيٍ بُندُ، عٍ قَ شُلُنيِ تِ. عٍ نَشَ سٌ عٍ شَ عَلَ بَتُدٍ كُي، عٍ نَشَ عٍ دّفٍ، عٍ عٍ مِن، عٍ قَ عَبِمٍلٍكِ دَنكَ. 
\v 28 عٍبٍدِ شَ دِ فَالِ نَشَ عَ قَلَ عٍ بّ، «وٌن تَن سِكٍمِكَيٍ لُشِ عَبِمٍلٍكِ شَ نْي بُن مَ مُنقٍ رَ؟ يٍرُبَالِ شَ دِ شَ مُ لَنشِ عَ مَ؟ عَبِمٍلٍكِ مُ سٍبُلُ شَ قِندِشِ تَا فٌمِنَ رَ؟ عَ لَنمَ وٌ شَ لُ هَمٌرِ شَ مِشِيٍ تَن شَ يَامَرِ بُن مَ، بَرِ مَ هَمٌرِ نَن سِكٍمِ بٍنبَ رَ. وٌن لُشِ عَبِمٍلٍكِ شَ مَنفّيَ بُن مَ مُنقٍ رَ؟ 
\v 29 شَ سِكٍمِكَيٍ قَ بِرَ ﭑ تَن قْشْ رَ نُ، ﭑ عَبِمٍلٍكِ كٍرِ مَ نّ كٍرٍن نَ.» نَ مَسٍنيِ دَنفِ شَنبِ، فَالِ نَشَ عَ قَلَ عَبِمٍلٍكِ بّ، «عِ شَ سْورِيٍ رَ مِنِ، وٌن شَ فٍرٍ.»
\p
\v 30 سٍبُلُ، تَا فٌمِنَ تٌ عٍبٍدِ شَ دِ فَالِ شَ مَسٍنيِ مّ، عَ بْحّ نَشَ تٍ. 
\v 31 عَ نَشَ شّيرَيٍ شّي فُندٌحْشْحَ رَ عَبِمٍلٍكِ شْن، عٍ شَ عَ قَلَ عَ بّ، «عٍبٍدِ شَ دِ فَالِ نُن عَ شُنيَيٍ بَرَ قَ سِكٍمِ، عٍ نَ تَا مِشِيٍ بْحّ رَتٍقٍ عِ شِلِ مَ. 
\v 32 كٍلِ، عِ شَ قَ تٌ كْي رَ، عِ تَن نُن حَمَ نَشَن بِرِن بِرَشِ عِ قْشْ رَ، وٌ شَ تَا مّلّن. 
\v 33 سُبَشّ، عِ شَ كٍلِ، عِ قَ تَا سُشُ. فَالِ نُن عَ شَ مِشِيٍ نَ تِ وٌ يَ رَ، وٌ شَ وٌ سّنبّ مَسٍن عٍ بّ.»
\p
\v 34 عَبِمٍلٍكِ نُن عَ شَ سْورِ شُندّ نَانِ نَشَ كٍلِ كْي رَ، عٍ سَ سِكٍمِ مّلّن. 
\v 35 عٍبٍدِ شَ دِ فَالِ تٌ كٍلِ فّيسّفّ، عَ سَ تِ تَا سٌدٍ دّ رَ، عَبِمٍلٍكِ نُن عَ شَ سْورِيٍ نَشَ مِنِ كّنّ مَ. 
\v 36 فَالِ تٌ سْورِيٍ تٌ، عَ نَشَ عَ قَلَ سٍبُلُ بّ، «حَمَ ندٍ نَن نَ فٌرٌقٍ فٍيَ قَرِ يِ كِ.» سٍبُلُ نَشَ عَ يَابِ، «عِ فٍيَ نِينِ نَن قِندِشِ مِشِيٍ رَ نَ كِ.» 
\v 37 فَالِ مَن نَشَ عَ قَلَ، «حَمَ يَتِ نَن نَ فٌرٌقٍ تَا كُي يِ كِ. حَمَ فبّتّ قَن نَ قَقٍ سٍمَتٌي شَ وُرِ بِلِ كِرَ شْن.» 
\v 38 سٍبُلُ نَشَ عَ يَابِ، «عِ شَ وْيّن شُنفبٍ نَ مِندٍن، عِ تَن نَشَن نُ عَ قَلَمَ، ‹سِكٍمِ لُشِ عَبِمٍلٍكِ شَ يَامَرِ بُن مَ مُنقٍ رَ؟› عِ مُ نُ يِ مِشِيٍ كٌنبِ شّ؟ سِفَ، عِ سَ عٍ فٍرٍ.»
\p
\v 39 فَالِ نَشَ تِ سِكٍمِ كُنتِفِيٍ يَ رَ، عٍ نَشَ عَبِمٍلٍكِ فٍرٍ. 
\v 40 مِشِ فبٍفبٍ نَشَ قَشَ تَا سٌدٍ دّ رَ. عَبِمٍلٍكِ نَشَ فَالِ كٍرِ 
\v 41 هَن عَرُ مَ. سٍبُلُ نَشَ فَالِ نفَشَكٍرٍنيِيٍ كٍرِ سِكٍمِ كُي، هَلِ كٍرٍن، عَ مُ لُ نَا.
\p
\v 42 نَ كُيٍ عِبَ، حَمَ نَشَ سِفَ دَاشَ. عَبِمٍلٍكِ تٌ نَ قٍ كٌلٌن، 
\v 43 عَ نَشَ سْورِيٍ تٌنفٌ، عَ عٍ عِتَشُن شُندّ سَشَن نَ. عٍ نَشَ عٍ نْشُن دَاشَ هَن حَمَ بِرِن نَشَ مِنِ، عٍ قَ كٍلِ عٍ شِلِ مَ، عٍ عٍ بْنبْ. 
\v 44 عَبِمٍلٍكِ شَ شُندّ نَشَ سَ تِ تَا سٌدٍ دّ رَ. بٌورٍ شُندّ قِرِنيِ نَشَ سِن نَ مِشِيٍ مَ، نَشٍيٍ نُ نَ دَاشَ، عٍ نَشَ عٍ بِرِن سْنتْ. 
\v 45 عَبِمٍلٍكِ نَشَ فٍرٍ سٌ نَ تَا مَ يَنيِ بِرِن، هَن عَ نَشَ نْ عَ رَ، عَ مّننِكَيٍ بِرِن قَشَ. عَ مَن نَشَ نَ تَا رَبِرَ، عَ قْشّ سَ نَ مَ.
\p
\v 46 سِكٍمِكَيٍ نَشٍيٍ لُشِ، عٍ تٌ نَ قٍ مّ، عٍ نَشَ سٌ عٍلِ بٍرِتِ كُيٍ شَ سَلِدٍ كُي. 
\v 47 عٍ نَشَ سَ عَ قَلَ عَبِمٍلٍكِ بّ، عَ سِكٍمِ تَا كُنتِفِيٍ بَرَ مَلَن سَلِدٍ كُي. 
\v 48 نَ كُي عَبِمٍلٍكِ نَشَ تٍ سَلَمٌن فٍيَ قَرِ نُن حَمَ نَشَن نُ بِرَشِ عَ قْشْ رَ. عَبِمٍلٍكِ نَشَ بٍيرَ سُشُ عَ بّلّشّ. عَ نَشَ وُرِ سَلٌنيِ ندٍ سّفّ، عَ عَ سَ عَ كْن مَ. نَ شَنبِ، عَ نَشَ عَ قَلَ حَمَ بّ نَشَن نُ بِرَشِ عَ قْشْ رَ، «وٌ بَرَ عَ تٌ ﭑ نَشَن نَبَشِ؟ وٌ قَن شَ نَ مْولِ رَبَ مَقُرٍن مَقُرٍن.» 
\v 49 حَمَ بِرِن نَشَ وُرِ سَلٌنيِ كٍرٍن كٍرٍن سّفّ، عٍ قَ بِرَ عَبِمٍلٍكِ قْشْ رَ. عٍ نَشَ نَ وُرِيٍ تِ نَ سَلِدٍ سٌدٍ دّ رَ، عٍ قَ تّ سٌ، عٍ مِشِ بِرِن فَن. سِكٍمِكَ وُلُ كٍرٍن، فِنّيٍ نُن شّمّيٍ، نَشَ سْنتْ نَ كِ.
\p
\v 50 نَ دَنفِ شَنبِ، عَبِمٍلٍكِ نَشَ سِفَ تٍبٍتِ، عَ شَ مّننِكَيٍ فٍرٍ. عَ تٌ يٌنكِندٍ يَءِلَن مّننِ، عَ نَشَ نْ تٍبٍتِ رَ. 
\v 51 مَكَنتَدٍ عِتٍشِ ندٍ نُ نَ تَا تَفِ، شّمّيٍ نُن فِنّيٍ نَشَ سَ عٍ نْشُن مّننِ، عَ نُن تَا كُنتِفِيٍ. عٍ نَشَ نَ بَلَن عٍ شُن مَ، عٍ تِشِ نَ قَرِ.
\p
\v 52 عَبِمٍلٍكِ تٌ مّننِ لِ، عَ نَشَ مَكْرّ عَ نَادّ رَ عَلَكٌ عَ شَ تّ سَ نَ مَ. 
\v 53 نَ نَن لَن فِنّ ندٍ نَشَ مّنفِ دِن سٍ فّمّ دَاشِ سِن عَبِمٍلٍكِ شُنيِ، عَ شُنيِ نَشَ بْو. 
\v 54 عَبِمٍلٍكِ نَشَ عَ قَلَ عَ شَ قٌنِكٍ بّ، نَشَن نُ عَ شَ فٍرٍ سٌسٍ شَنِنمَ، عَ نَشّ، «عِ شَ سَنتِدّفّمَ بَ عَ تّي عِ، عِ شَ ﭑ نَحْن، عَلَكٌ مِشِ نَشَ عَ قَلَ فِنّ نَن ﭑ قَشَشِ.» نَ كُي نَ قٌنِكٍ نَشَ عَ سْشْ سَنتِدّفّمَ رَ، عَ عَ قَشَ. 
\v 55 عِسِرَيِلَ شّمّيٍ تٌ عَ تٌ عَبِمٍلٍكِ بَرَ قَشَ، عٍ بِرِن نَشَ فبِلٍن عٍ شْنيِ.
\p
\v 56 نَ كُي عَلَ عَبِمٍلٍكِ شَ وَلِ كٌبِ رَفبِلٍن نّ عَ مَ، عَ نَشَن نَبَ عَ بَبَ رَ، عَ شُنيَ تٌنفٌ سٌلٌقٍرٍ قَشَقٍ رَ. 
\v 57 عَلَ نَ تْورّ بِرِن نَفبِلٍن نّ سِكٍمِكَيٍ مَ عٍ شَ كٌبِحَ سَرٍ رَ. يٍرُبَالِ شَ دِ شّمّ يٌتَمِ شَ دَنكّ نَشَ عٍ بِرِن نَيَرَبِ.
\c 10
\s عِسِرَيِلَ كِيتِسَ تٌلَ
\p
\v 1 عَبِمٍلٍكِ تٌ قَشَ، ثُوَ شَ دِ تٌلَ، دٌدٌ شَ مَمَدِ، نَشَن قَتَنشِ عِسَكَرِ بْنسْي رَ، عَ نَشَ كٍلِ عَ شَ عِسِرَيِلَ رَتَنفَ. عَ نُ سَبَتِشِ سَمِرِ نّ، عٍقِرَ مِ فٍيَيٍ قَرِ. 
\v 2 عَ نَشَ قِندِ كِيتِسَ رَ عِسِرَيِلَ حّ مْشْحّن نُن سَشَن. نَ شَنبِ عَ نَشَ قَشَ، عٍ سَ عَ رَفَتَ سَمِرِ.
\s عِسِرَيِلَ كِيتِسَ يَيِرِ
\p
\v 3 تٌلَ تٌ دَنفِ، يَيِرِ فَلَدِكَ نَشَ كٍلِ، عَ قِندِ عِسِرَيِلَ كِيتِسَ رَ حّ مْشْحّن نُن قِرِن. 
\v 4 دِ تٌنفٌ سَشَن نَن نُ نَ عَ بّ. عٍ نُ حّرّ مَ سٌقَلٍ تٌنفٌ سَشَن نَن قَرِ، عٍ نُ تَا تٌنفٌ سَشَن يَمَرِ مَ فَلَدِ بْشِ مَ. هَن تٌ نَ تَايٍ شِلِ قَلَمَ يَيِرِ شَ تَايٍ. 
\v 5 يَيِرِ نَشَ قَشَ، عٍ سَ عَ رَفَتَ كَمٌن.
\s عِسِرَيِلَ كِيتِسَ يٍقِتٍ
\p
\v 6 عِسِرَيِلَكَيٍ مَن نَشَ قٍيٍ رَبَ نَشَن مُ رَقَن عَلَتَلَ مَ. عٍ نَشَ بَلِ نُن عَسِتَرَتٍ كُيٍ بَتُ، عَرَ مِكَيٍ شَ عَلَيٍ، سِدْنكَيٍ شَ عَلَيٍ، مٌوَبَكَيٍ شَ عَلَيٍ، عَمٌنِكَيٍ شَ عَلَيٍ، عَ نُن قِلِسِتَكَيٍ شَ عَلَيٍ. عٍ نَشَ عَلَتَلَ قِنسِرِوَلِ، عٍ تٌندِ تُوبِدٍ عَ بّ. 
\v 7 عَلَتَلَ بْحّ نَشَ تٍ عِسِرَيِلَ شِلِ مَ، عَ قَ عٍ سَ قِلِسِتَكَيٍ نُن عَمٌنِكَيٍ سَفٌي. 
\v 8 عٍ نَشَ عِسِرَيِلَكَيٍ تْورْ، عٍ عٍ حَشَنكَتَ نَ حّ بُن مَ. عٍ مَن نَشَ عِسِرَيِلَكَيٍ حَشَنكَتَ نَشٍيٍ قَن نُ سَبَتِشِ يُرُدّن نَاكِرِ مَ، عَمٌنِكَيٍ شَ بْشِ مَ، حّ قُ نُن سٌلٌمَسَشَن بُن مَ. 
\v 9 عَمٌنِكَيٍ نَشَ دَنفِ يُرُدّن نَ، عَلَكٌ عٍ شَ سَ يُدَيَ، بُنيَمِن، نُن عٍقِرَ مِ قَن فٍرٍ. عِسِرَيِلَ بْحّ تْورْ نّ كِ قَنيِ نَ وَشَتِ.
\p
\v 10 عِسِرَيِلَكَيٍ نَشَ عَلَتَلَ شِلِ عٍ شُي عِتٍشِ رَ، عٍ نُ قَ عَ قَلَ، «مُشُ بَرَ يُنُبِ رَبَ عِ رَ، بَرِ مَ مُشُ بَرَ فبِلٍن مُشُ مَرِفِ عَلَ قْشْ رَ، مُشُ مَن بَرَ بَلِ كُيٍيٍ بَتُ.» 
\v 11 عَلَتَلَ نَشَ عَ مَسٍن عِسِرَيِلَكَيٍ بّ، «مِسِرَكَيٍ، عَمٌرِكَيٍ، عَمٌنِكَيٍ، قِلِسِتَكَيٍ، 
\v 12 سِدْنكَيٍ، عَمَلّكِكَيٍ، نُن مَيٌنكَيٍ تٌ وٌ تْورْ، وٌ نَشَ ﭑ شِلِ وٌ شُي عِتٍشِ رَ. نَ تّمُي، ﭑ مُ وٌ بَ شّ عٍ سَفٌي؟ 
\v 13 كْنْ وٌ تَن بَرَ ﭑ قِنِسِرِوَلِ، وٌ قَ عَلَ فبّتّيٍ بَتُ. نَ نَن عَ تٌشِ ﭑ مُ وٌ رَتَنفَمَ سْنْن. 
\v 14 وٌ سَ سْنشْ وٌ شَ عَلَيٍ رَ، وٌ نَشٍيٍ سُفَندِشِ. عٍ شَ وٌ رَتَنفَ وٌ شَ تْورّيٍ مَ.»
\p
\v 15 عِسِرَيِلَكَيٍ نَشَ عَ مَسٍن عَلَتَلَ بّ، «مُشُ بَرَ يُنُبِ رَبَ. عِ شَ عِ وَشْنقٍ رَبَ مُشُ رَ، كْنْ يَندِ عِ شَ مُشُ رَكِسِ تٌ.» 
\v 16 نَ تّمُي عٍ نَشَ فبِلٍن سِ فبّتّيٍ شَ عَلَيٍ قْشْ رَ، عٍ قَ عَلَتَلَ بَتُ. عَلَتَلَ نُ بَرَ كِنِكِنِ عٍ مَ عٍ شَ تْورّ كُي.
\p
\v 17 عَمٌنِكَيٍ نَشَ عٍ مَلَن، عٍ سَ كُرُ فَلَدِ. عِسِرَيِلَكَيٍ قَن نَشَ عٍ مَلَن، عٍ سَ كُرُ مِسِثَ. 
\v 18 فَلَدِ حَمَ نُن مَنفّيٍ نُ قَ عَ قَلَ عٍ بٌورٍ بّ، «شّمّ مُندُن قَمَ يِ فٍرٍ قْلْدٍ عَمٌنِكَيٍ مَ؟ نَ كَنيِ نَن قِندِ مَ فَلَدِكَيٍ شَ مَنفّ رَ.»
\c 11
\s عِسِرَيِلَ كِيتِسَ يٍقِتٍ
\p
\v 1 يٍقِتٍ فَلَدِكَ، فٍرٍ سٌ هَفِفّ نَن نُ نَ عَ رَ. لَنفٌي فِنّ ندٍ نُن فَلَدِ نَن مَ دِ نُ عَ رَ. 
\v 2 فَلَدِ شَ فِنّ نَشَ دِيٍ بَرِ عَ بّ. نَ فِنّ شَ دِيٍ نَشَ مْ، عٍ قَ يٍقِتٍ كٍرِ، عٍ عَ قَلَ عَ بّ، «عِ مُ قَمَ مُشُ بَبَ كّ سْتْدٍ، بَرِ مَ فِنّ فبّتّ نَن مَ دِ لَنشِ عِ مَ.» 
\v 3 يٍقِتٍ نَشَ كٍلِ، عَ مَكُيَ عَ تَارَيٍ رَ، عَ سَ سَبَتِ تٌبٌ بْشِ مَ. مّننِ شّمّ رَبّحِنشِيٍ نَشَ لُ عَ قّ مَ، عٍ شَ بِرَ عَ قْشْ رَ.
\p
\v 4 نَ دَنفِ شَنبِ، عَمٌنِكَيٍ تٌ عِسِرَيِلَكَيٍ فٍرٍ، 
\v 5 فَلَدِ قٌرِيٍ نَشَ سِفَ يٍقِتٍ قٍندٍ تٌبٌ بْشِ مَ. 
\v 6 عٍ نَشَ عَ قَلَ يٍقِتٍ بّ، «وٌن شّي، عِ شَ قِندِ مُشُ شَ يَرٍرَتِ رَ عَلَكٌ وٌن شَ عَمٌنِكَيٍ فٍرٍ.» 
\v 7 يٍقِتٍ نَشَ فَلَدِ قٌرِيٍ يَابِ، «وٌ مُ ﭑ شْنشِ شّ؟ وٌ مُ ﭑ كٍرِ ﭑ بَبَ شَ بَنشِ كُي؟ مُنقٍ رَ وٌ ﭑ قٍنمَ يَكْسِ وٌ شَ تْورّ كُي؟»
\p
\v 8 فَلَدِ قٌرِيٍ نَشَ عَ قَلَ يٍقِتٍ بّ، «نَ قٍ يَتِ نَن عَ شّيشِ مُشُ قَشِ عِ يِرٍ يَكْسِ، عَلَكٌ وٌن بِرِن شَ سِفَ، عِ شَ عَمٌنِكَيٍ فٍرٍ، عِ مَن شَ قِندِ فَلَدِكَيٍ بِرِن شَ مَنفّ رَ.» 
\v 9 يٍقِتٍ نَشَ فَلَدِ قٌرِيٍ يَابِ، «شَ وٌ ﭑ نَفبِلٍن عَلَكٌ ﭑ شَ عَمٌنِكَيٍ فٍرٍ، شَ عَ سَ عَ لِ عَلَتَلَ نَشَ عٍ سَ ﭑ سَفٌي، ﭑ تَن يَتِ نَن قِندِ مَ وٌ شَ مَنفّ رَ.» 
\v 10 فَلَدِ قٌرِيٍ نَشَ عَ قَلَ يٍقِتٍ بّ، «عَلَتَلَ بَرَ قِندِ وٌن سٍيدٍ رَ، مُشُ قَمَ عِ شَ وْيّنيِ رَكَمَلِدٍ.» 
\v 11 يٍقِتٍ نُن فَلَدِ قٌرِيٍ نَشَ سِفَ، حَمَ نَشَ عَ قِندِ عٍ شَ مَنفّ نُن عٍ شَ سْورِيٍ يَرٍرَتِ رَ. يٍقِتٍ نَشَ فبِلٍن عَ شَ مَسٍنيِ بِرِن مَ عَلَتَلَ يَ عِ مِسِثَ.
\p
\v 12 يٍقِتٍ نَشَ شّيرَيٍ شّي عَمٌنِكَيٍ شَ مَنفّ شْن، عٍ شَ عَ قَلَ عَ بّ، «مُنقٍ رَ عِ قَشِ ﭑ فٍرٍدٍ ﭑ مَ بْشِ مَ؟» 
\v 13 عَمٌنِكَيٍ شَ مَنفّ نَشَ يٍقِتٍ شَ شّيرَيٍ يَابِ، «عِسِرَيِلَكَيٍ تٌ كٍلِ مِسِرَ، عٍ نَشَ ﭑ مَ بْشِ بِرِن تٌنفٌ قْلْقٍ عَرِنٌن شُرٍ مَ، سَ دْشْ يَبٌكٌ شُرٍ رَ، هَن يُرُدّن شُرٍ. عِ شَ نَ رَفبِلٍن ﭑ مَ لَنيِ كُي.»
\p
\v 14 يٍقِتٍ مَن نَشَ شّيرَيٍ شّي عَمٌنِكَيٍ شَ مَنفّ شْن. 
\v 15 عٍ شَ عَ قَلَ عَ بّ، «يٍقِتٍ وْيّن شُي نَن يِ كِ. عِسِرَيِلَكَيٍ مُ مٌوَبَ بْشِ نُن عَمٌنِ بْشِ يٌ تٌنفٌشِ. 
\v 16 عِسِرَيِلَ حَمَ تٌ كٍلِ مِسِرَ بْشِ مَ، عٍ نَشَ عٍ حّرّ فبٍنفبٍرٍنيِ مَ هَن شُلُنيُمِ بَا، عٍ قَ سٌ كَدٍ سِ. 
\v 17 نَ تّمُي عِسِرَيِلَ نَشَ شّيرَيٍ شّي عٍدٌن مَنفّ شْن، عٍ شَ عَ قَلَ عَ بّ، ‹عَ لُ مُشُ شَ دَنفِ عِ شَ بْشِ مَ.› كْنْ عٍدٌن مَنفّ مُ تِن نَ رَ قٍقٍ مَ. عٍ نَشَ شّيرَيٍ شّي مٌوَبَ مَنفّ قَن شْن. عَ نَشَ تٌندِ، عِسِرَيِلَكَيٍ قَ لُ كَدٍ سِ.»
\p
\v 18 «نَ دَنفِ شَنبِ، عٍ نَشَ عٍدٌن بْشِ نُن مٌوَبَ بْشِ مَبِلِن فبٍنفبٍرٍنيِ مَ. عٍ عٍ حّرّ مٌوَبَ بْشِ سٌفٍتٍدٍ بِرِ، هَن عٍ عَرِنٌن شُرٍ عِفِرِ. نَ كُي عٍ مُ سٌشِ مٌوَبَ بْشِ مَ، بَرِ مَ عَرِنٌن قِندِشِ مٌوَبَ شَ نَانِنيِ نَن نَ. 
\v 19 نَ تّمُي عِسِرَيِلَكَيٍ نَشَ شّيرَيٍ شّي سِشْن شْن، عَمٌرِكَيٍ شَ مَنفّ نَشَن نُ نَ شّسِبْن. عِسِرَيِلَكَيٍ نَشَ عَ قَلَ عَ بّ، ‹عَ لُ مُشُ شَ مِنِ عِ شَ بْشِ رَ، مُشُ شَ سِفَ مُشُ شَ بْشِ مَ عَلَ نَشَن سُفَندِشِ مُشُ بّ.› 
\v 20 كْنْ سِشْن مُ تِن عِسِرَيِلَكَيٍ شَ مِنِ عَ شَ بْشِ رَ. عَ نَشَ عَ شَ حَمَ بِرِن مَلَن، عٍ نَشَ كُرُ يَهَسِ، عٍ عِسِرَيِلَ فٍرٍ. 
\v 21 عِسِرَيِلَ مَرِفِ عَلَتَلَ نَشَ سِشْن نُن عَ شَ حَمَ سَ عِسِرَيِلَ سَفٌي. عِسِرَيِلَكَيٍ نَشَ نْ عٍ رَ، عٍ قَ سَبَتِ عَمٌرِكَيٍ شَ بْشِ بِرِن مَ، 
\v 22 قْلْقٍ عَرِنٌن شُرٍ مَ، سَ دْشْ يَبٌكٌ شُرٍ رَ، قْلْقٍ فبٍنفبٍرٍنيِ مَ، سَ دْشْ يُرُدّن نَ.»
\p
\v 23 «عِسِرَيِلَ مَرِفِ عَلَتَلَ بَرَ عَمٌرِكَيٍ شَ بْشِ قِ مُشُ مَ، عِ تَن وَ مَ نَ بْشِ بَقٍ مُشُ يِ مُنقٍ رَ؟ 
\v 24 عِ شَ عَلَ كٍمٌسِ، عَ بْشِ نَشَن سٌشِ عِ يِ رَ، عِ مُ عِ وَ سَسٌمَ نّ؟ مُشُ قَن، مُشُ مَرِفِ عَلَتَلَ بْشِ نَشَن بِرِن سٌشِ مُشُ يِ رَ، مُشُ نَ سُشُمَ نّ. 
\v 25 عِ حْشْ عَ مَ عِ سّنبّ دَنفِشِ نّ بَلَكِ رَ، سِثٌرٌ شَ دِ، مٌوَبَ مَنفّ؟ نَ تَن مُ تِن عِسِرَيِلَ فٍرٍدٍ قٍقٍ مَ. 
\v 26 حّ كّمّ سَشَن نَن يِ كِ، عِسِرَيِلَ سَبَتِشِ شّسِبْن نُن عَ رَبِلِنيِيٍ، عَرٌوٍرِ نُن عَ رَبِلِنيِيٍ، عَ نُن تَا بِرِن نَشٍيٍ نَ عَرِنٌن شُرٍ دّ رَ. مُنقٍ رَ وٌ مُ عٍ رَ سُشُ نَ وَشَتِ بُن مَ؟ 
\v 27 ﭑ تَن مُ هَاكّ يٌ رَبَشِ عِ رَ. عِ تَن نَن قٍ حَاشِ رَبَقٍ ﭑ نَ، فٍرٍ تِقٍ ﭑ بّ. عَلَتَلَ، كِيتِسَ شُنفبٍ، عَ شَ عِسِرَيِلَكَيٍ نُن عَمٌنِكَيٍ مَكِيتِ تٌ لْشْي.»
\p
\v 28 عَمٌنِكَيٍ شَ مَنفّ مُ تِن عَ تُلِ مَتِدٍ يٍقِتٍ شَ مَسٍنيِ رَ. 
\v 29 عَلَتَلَ شَشِلِ نَشَ فٌرٌ يٍقِتٍ مَ. يٍقِتٍ نَشَ فَلَدِ نُن مَنَسِ عِفِرِ. عَ نَشَ دَنفِ مِسِثَ رَ فَلَدِ بْشِ مَ. عَ نَشَ سِفَ هَن عَمٌنِكَيٍ شَ بْشِ مَ. 
\v 30 يٍقِتٍ نَشَ لَايِدِ تٌنفٌ عَلَتَلَ بّ، عَ عَ قَلَ عَ بّ، «شَ عِ سَ عَمٌنِكَيٍ بِرِن سَ ﭑ سَفٌي، 
\v 31 نَشَن سِنفٍ نَ مِنِ ﭑ مَ بَنشِ نَادّ رَ قَقٍ ﭑ نَلَندٍ، ﭑ نّ فبِلٍنمَ كٍلِقٍ رَ عَمٌنِكَيٍ شَ بْشِ مَ سّيوّ كُي تّمُي نَشّ، نَ كَنيِ بَمَ سّرّشّ فَن دَاشِ نَن نَ مَرِفِ عَلَتَلَ بّ.»
\p
\v 32 يٍقِتٍ نَشَ سِفَ عَمٌنِكَيٍ شَ بْشِ مَ عٍ فٍرٍدٍ. عَلَتَلَ نَشَ عٍ سَ عَ سَفٌ. 
\v 33 عَ نَشَ عٍ بْنبْ عَ شْرْشْي رَ قْلْ عَرٌوٍرِ مَ، سَ دْشْ مِنِتِ بِرِ رَ، تَا مْشْحّن، هَن هَبِلَ كٍرَ مِمِ. عَمٌنِكَيٍ نَشَ لُ يَافِ كُي عِسِرَيِلَكَيٍ يَ عِ.
\s يٍقِتٍ شَ دِ فِنّ
\p
\v 34 يٍقِتٍ نَشَ فبِلٍن مِسِثَ. عَ تٌ عَ شْنيِ لِ، عَ شَ دِ فِنّ نَشَ مِنِ عَ رَلَندٍ. عَ نُ قَرٍ بٌرٌنمَ مَشَسٍيٍ شُي رَ. عَ شَ دِ كٍرٍنيِ نَن نُ عَ رَ، دِ شّمّ مُ نُ نَ، دِ فِنّ فبّتّ قَن مُ نُ نَ عَ بّ. 
\v 35 عَ قّقّ عَ شَ دِ فِنّ تٌ، عَ نَشَ عَ شَ دٌنمَيٍ عِبْو، عَ عَ قَلَ، «ﭑ مَ دِ فِنّ، عِ بَرَ ﭑ نَسٌ تْورّ شُنفبٍ كُي، عِ بَرَ عَ نِيَ ﭑ شَ سُننُن عَ حَاشِ رَ. ﭑ بَرَ لَايِدِ تٌنفٌ عَلَتَلَ بّ، ﭑ مُ نْمَ فبِلٍندٍ نَ مَ سْنْن.»
\p
\v 36 عَ شَ دِ فِنّ نَشَ عَ قَلَ عَ بّ، «ﭑ بَبَ، عِ لَايِدِ نَشَن تٌنفٌ عَلَتَلَ بّ، عِ شَ نَ رَكَمَلِ. عِ نَشَن قَلَ عَلَتَلَ بّ، عِ شَ نَ رَبَ ﭑ نَ، بَرِ مَ عَلَتَلَ بَرَ عِ فبٍحْشْ عِ يَشُي عَمٌنِكَيٍ مَ.» 
\v 37 عَ مَن نَشَ عَ قَلَ عَ بَبَ بّ، «عِ شَ قٍ كٍرٍن نَبَ ﭑ بّ. عِ شَ مَمّ تِ كِكٍ قِرِن عَلَكٌ ﭑ شَ سِفَ فٍيَيٍ قَرِ، عَ نُن ﭑ بٌورٍيٍ، مُشُ شَ وَ تِ بَرِ مَ ﭑ مُ قَمَ دْشْدٍ شّمّ شْن.» 
\v 38 عَ بَبَ نَشَ عَ يَابِ، «سِفَ.» عَ نَشَ عَ شَ دِ فِنّ مَمّ كِكٍ قِرِن. عَ نُن عَ بٌورٍيٍ نَشَ سِفَ وَ تِدٍ فٍيَيٍ قَرِ، بَرِ مَ عَ مُ قَمَ دْشْدٍ شّمّ شْن.
\p
\v 39 نَ كِكٍ قِرِنيِيٍ رَحْنيِ، عَ نَشَ فبِلٍن عَ بَبَ يِرٍ. عَ بَبَ نَشَ عَ شَ لَايِدِ تٌنفٌشِ رَكَمَلِ. عَ شَ دِ مُ نُ شّمّ قٍ كٌلٌنشِ. نَ نَن عَ تٌشِ عِسِرَيِلَكَيٍ نَشَ يِ نَامُنيِ رَ مِنِ؛ 
\v 40 حّ بِرِن عِسِرَيِلَ فِنّدِ مّدِيٍ يٍقِتٍ فَلَدِكَ شَ دِ فِنّ شَ كِنِكِنِ رَبَمَ نّ شِ نَانِ، عَلَكٌ عٍ شَ رَتُ عَ شَ قٍ مَ.
\c 12
\s عٍقِرَ مِكَيٍ نُن فَلَدِكَيٍ شَ فٍرٍ
\p
\v 1 عٍقِرَ مِ شّمّيٍ نَشَ عٍ مَلَن، عٍ يُرُدّن عِفِرِ. عٍ تٌ سٍقٌن لِ، عٍ نَشَ عَ قَلَ يٍقِتٍ بّ، «مُنقٍ رَ عِ سِفَشِ عَمٌنِكَيٍ فٍرٍدٍ، عِ مُ مُشُ شِلِ عَلَكٌ وٌن بِرِن شَ سِفَ؟ مُشُ قَمَ تّ نَن سَدٍ عِ شَ بَنشِ مَ، وٌ بِرِن شَ فَن.» 
\v 2 يٍقِتٍ نَشَ عٍ يَابِ، «ﭑ تَن نُن ﭑ مَ حَمَ، نُ نَ لَنتَرٍيَ بٍلٍبٍلٍ نَن كُي يِ كِ، مُشُ نُن عَمٌنِكَيٍ رَ. ﭑ وٌ مَشِلِ تّمُي نَشّ، وٌ مُ تِن قَدٍ ﭑ بَدٍ عٍ سَفٌي. 
\v 3 ﭑ تٌ عَ تٌ وٌ مُ قَقٍ ﭑ نَتَنفَدٍ، ﭑ نَشَ تٍ عَمٌنِكَيٍ فٍرٍدٍ، هَلِ نَ تٌ قِندِ قٍ شْرْشْي رَ ﭑ بّ. عَلَتَلَ نَشَ عٍ سَ ﭑ سَفٌ. وٌ قَشِ ﭑ فٍرٍدٍ مُنقٍ رَ؟»
\p
\v 4 يٍقِتٍ نَشَ فَلَدِ شّمّيٍ بِرِن مَلَن، عٍ شَ عٍقِرَ مِكَيٍ فٍرٍ. فَلَدِ شّمّيٍ نَشَ عٍقِرَ مِكَيٍ بْنبْ، بَرِ مَ عٍ نُ بَرَ عَ قَلَ، «وٌ تَن فَلَدِكَيٍ، وٌ وٌ فِشِ نّ كٍلِقٍ عٍقِرَ مِ، وٌ سِفَ مَنَسِ بْشِ مَ.» 
\v 5 نَ فٍرٍ دَنفِ شَنبِ، فَلَدِكَيٍ نَشَ تِ يُرُدّن شُرٍ عِفِرِدٍ رَ فبِلٍنقٍ رَ عٍقِرَ مِ بْشِ مَ. عٍقِرَ مِكَ ندٍ نَ وَ فبِلٍنقٍ عَ شْنيِ كٍلِقٍ فٍرٍ يِرٍ، قٌ عَ شَ عَ قَلَ نَ فَلَدِكَيٍ بّ، «ﭑ وَ مَ يُرُدّن عِفِرِقٍ.» فَلَدِكَيٍ نَ كَنيِ مَشْرِنمَ نّ، «عٍقِرَ مِكَ نَن نَ عِ رَ؟» عَ نَ عٍ يَابِ، «عَدٍ،» 
\v 6 فَلَدِكَيٍ مَن عَ قَلَمَ عَ بّ، «عَوَ، عَ قَلَ بَ ‹شِبٌلٍتِ›.» عٍقِرَ مِكَيٍ تٌ مُ قَتَ نَ قَلَدٍ، عٍ تَن نُ عَ قَلَمَ نّ، «كِبٌلٍتِ.» نَ كُي فَلَدِكَيٍ عَ كٌلٌنمَ نَ كَنيِ قِندِشِ عٍقِرَ مِكَ نَن نَ نَشَن وَ مَ عَ فِقٍ. عٍ عَ كْن نَشَبَمَ كٍرٍن نَ مّننِ يُرُدّن شُرٍ عِفِرِدٍ رَ. عٍقِرَ مِكَ مِشِ وُلُ تٌنفٌ نَانِ نُن قِرِن سْنتْ نَ كِ نّ.
\p
\v 7 يٍقِتٍ فَلَدِكَ نَشَ قِندِ عِسِرَيِلَ كِيتِسَ رَ حّ سٍننِ بُن مَ. عَ تٌ قَشَ، عَ نَشَ رَفَتَ فَلَدِ تَايٍ تَفِ.
\s عِسِرَيِلَ كِيتِسَ عِبِسَن
\p
\v 8 يٍقِتٍ دَنفِ شَنبِ، عِبِسَن بّتّلّيمُكَ نَشَ قِندِ كِيتِسَ رَ عِسِرَيِلَ. 
\v 9 عَ نَشَ دِ شّمّ تٌنفٌ سَشَن نُن دِ فِنّ تٌنفٌ سَشَن بَرِ. عَ نَشَ عَ شَ دِ فِنّيٍ قِ بْنسْي فبّتّ شّمّيٍ مَ. عَ مَن نَشَ فِنّ تٌنفٌ سَشَن قَن قٍن بْنسْي فبّتّيٍ رَ عَ شَ دِ شّمّيٍ بّ. عَ نَشَ قِندِ عِسِرَيِلَ كِيتِسَ رَ حّ سٌلٌقٍرٍ بُن مَ. 
\v 10 عِبِسَن تٌ قَشَ، عَ نَشَ رَفَتَ بّتّلّيمُ.
\s عِسِرَيِلَ كِيتِسَ عٍلٌن
\p
\v 11 عِبِسَن دَنفِ شَنبِ، عٍلٌن سَبُلٌنكَ نَشَ قِندِ كِيتِسَ رَ عِسِرَيِلَ بْشِ مَ حّ قُ بُن مَ. 
\v 12 عَ تٌ قَشَ، عَ نَشَ رَفَتَ عَيَلٌن، سَبُلٌن بْشِ مَ.
\s عِسِرَيِلَ كِيتِسَ عَبَدٌن
\p
\v 13 عِبِسَن دَنفِ شَنبِ، هِلٍلِ شَ دِ عَبَدٌن ثِرَتٌنكَ نَشَ قِندِ كِيتِسَ رَ عِسِرَيِلَ. 
\v 14 عَ نَشَ دِ تٌنفٌ نَانِ نُن مَمَدِ تٌنفٌ سَشَن سْتْ، عٍ تٍ سٌقَلٍ تٌنفٌ سٌلٌقٍرٍ قَرِ. عَ نَشَ قِندِ عِسِرَيِلَ كِيتِسَ رَ حّ سٌلٌمَسَشَن بُن مَ. 
\v 15 هِلٍلِ شَ دِ عَبَدٌن ثِرَتٌنكَ تٌ قَشَ، عَ نَشَ رَفَتَ ثِرَتٌن عٍقِرَ مِ بْشِ مَ، عَمَلّكِكَيٍ شَ فٍيَ قَرِ.
\c 13
\s سَمِسٌن بَرِقٍ
\p
\v 1 عِسِرَيِلَكَيٍ مَن نَشَ قٍ حَاشِ رَبَ عَلَتَلَ يَ عِ. نَ نَن عَ تٌشِ عَلَتَلَ نَشَ عٍ لُ قِلِسِتَكَيٍ سَفٌي حّ تٌنفٌ نَانِ بُن مَ.
\p
\v 2 دَنَ بْنسْي مِشِ ندٍ نُ نَ سٌرَهَ نَشَن شِلِ مَنٌوَ. دِبَرِتَرٍ نَن نُ عَ شَ فِنّ رَ. 
\v 3 عَلَتَلَ شَ مَلٍكّ نَشَ مِنِ نَ فِنّ مَ، عَ قَ عَ قَلَ عَ بّ، «هَلِ دِبَرِتَرٍ تٌ عِ رَ، عِ قَمَ تّفّدٍ، عِ قَ دِ شّمّ بَرِ. 
\v 4 عِ نَشَ سٍسٍ مِن نَشَن نْمَ عِ سِيسِدٍ. عِ نَشَ سٍسٍ دٌن نَشَن مُ سّنِيّنشِ، 
\v 5 بَرِ مَ عِ قَمَ تّفّدٍ، عِ دِ شّمّ بَرِ. عِ نَشَ عَ شُنيِ بِ، بَرِ مَ يِ دِ قِشِ عَلَ نَن مَ بٍينُ عَ شَ بَرِ. نَ كُي عَ شِلِ ‹عَلَ شَ نَسَرِ.› عَ تَن نَن عِسِرَيِلَكَيٍ رَكِسِ قْلْمَ قِلِسِتَكَيٍ مَ.»
\p
\v 6 نَ فِنّ نَشَ سِفَ، عَ سَ عَ قَلَ عَ شَ مْرِ بّ، «عَلَ شَ مِشِ ندٍ بَرَ قَ ﭑ يِرٍ، عَ لُشِ ﭑ بّ عَلْ عَلَ شَ مَلٍكّ. عَ مَفَاشُ. ﭑ مُ عَ مَشْرِن عَ كٍلِشِ دّننَشّ، عَ قَن مُ عَ شِلِ قَلَ ﭑ بّ. 
\v 7 عَ نَشَ عَ مَسٍن ﭑ بّ، ‹عِ قَمَ تّفّدٍ، عِ قَ دِ شّمّ بَرِ. عِ نَشَ سٍسٍ مِن نَشَن نْمَ عِ سِيسِدٍ. عِ نَشَ سٍسٍ دٌن نَشَن مُ سّنِيّنشِ، بَرِ مَ يِ دِ قِشِ عَلَ نَن مَ بٍينُ عَ شَ بَرِ، هَن عَ لَاشِرَ مَ تّمُي نَشّ. عَلَ شَ نَسَرِ نَ عَ رَ.›»
\p
\v 8 مَنٌوَ نَشَ عَلَتَلَ مَشَندِ يِ كِ، «ﭑ مَرِفِ، عِ مَن شَ عِ شَ مِشِ شّي مُشُ شْن مَ عَلَكٌ عَ شَ مُشُ شَرَن نَ دِ شُرُ كِ رَ.» 
\v 9 عَلَ نَشَ مَنٌوَ شَ دُبّ سُشُ، عَ مَن نَشَ عَ شَ مَلٍكّ شّي عَ شَ فِنّ شْن مَ. مَنٌوَ شَ فِنّ نُ دْشْشِ شّ مَ عَ شَ مْرِ مُ نُ نَ نَا. 
\v 10 عَ تٌ عَ تٌ، عَ نَشَ عَ فِ كٍرٍن نَ، عَ سَ عَ قَلَ عَ شَ مْرِ بّ، «شّمّ نَشَن قَ ﭑ يِرٍ، عَ مَن بَرَ قَ.»
\p
\v 11 مَنٌوَ نَشَ كٍلِ، عَ بِرَ عَ شَ فِنّ قْشْ رَ. عَ تٌ نَ شّمّ لِ، عَ نَشَ عَ مَشْرِن، «عِ تَن نَن وْيّن ﭑ مَ فِنّ رَ؟» عَ نَشَ عَ يَابِ، «عِيٌ.» 
\v 12 مَنٌوَ مَن نَشَ عَ مَشْرِن، «عِ شَ مَسٍنيِ نَ كَمَلِ تّمُي نَشّ، عَ لَنمَ مُشُ شَ نَ دِ شُرُ دِ؟» 
\v 13 عَلَتَلَ شَ مَلٍكّ نَشَ عَ يَابِ، «عِ شَ فِنّ شَ عَ رَبَ عَلْ ﭑ عَ قَلَ عَ بّ كِ نَشّ. 
\v 14 عَ نَشَ وّنِ سَنسِ بٌفِ يٌ دٌن، عَ نَشَ وّنِ نُن عَ مَنِيّ مِن، عَ نَشَ دٌنسٍ سّنِيّنتَرٍ دٌن. عَ شَ نَ بِرِن نَبَ عَلْ ﭑ عَ قَلَ عَ بّ كِ نَشّ.»
\p
\v 15 مَنٌوَ نَشَ عَ قَلَ عَلَتَلَ شَ مَلٍكّ بّ، «عِ شَ لُ بٍ سِندٍن، مُشُ شَ سِ حِن عِ بّ.» 
\v 16 عَلَتَلَ شَ مَلٍكّ نَشَ عَ يَابِ، «هَلِ ﭑ لُ بٍ، ﭑ مُ عِ شَ دٌنسٍ دٌنمَ، كْنْ شَ عِ وَ مَ سّرّشّ فَن دَاشِ تَن بَقٍ عَلَتَلَ بّ، نَ قَن.» مَنٌوَ مُ نُ عَ كٌلٌن عَلَتَلَ شَ مَلٍكّ نَن عَ رَ. 
\v 17 مَنٌوَ نَشَ عَ مَشْرِن، «عِ شِلِ دِ؟ مُشُ شَ نَ كٌلٌن عَلَكٌ مُشُ شَ عِ مَتْشْ عِ شَ مَسٍنيِ كَمَلِمَ تّمُي نَشّ.» 
\v 18 عَلَتَلَ شَ مَلٍكّ نَشَ عَ مَشْرِن، «عِ وَ مَ ﭑ شِلِ كٌلٌنقٍ مُنقٍ رَ؟ فُندٌ نَن عَ رَ.»
\p
\v 19 مَنٌوَ نَشَ نَ سِ نُن قَرِن ندٍ بَ سّرّشّ فَن دَاشِ رَ قَنيٍ ندٍ قَرِ عَلَتَلَ بّ. نَ تّمُي كَابَنَكٌ ندٍ نَشَ رَبَ عٍ يَ شْرِ. 
\v 20 نَ تّ نُ نَ تٍقٍ كٌورٍ مَ تّمُي نَشّ، عَلَتَلَ شَ مَلٍكّ قَن نَشَ تٍ كٌورٍ مَ نَ تّ كُي. مَنٌوَ نُن عَ شَ فِنّ تٌ نَ تٌ، عٍ نَشَ عٍ قٍلٍن بْشِ مَ. 
\v 21 عَلَتَلَ شَ مَلٍكّ تٌ سِفَ، مَنٌوَ نُن عَ شَ فِنّ مُ نُ عَ تٌ سْنْن. عٍ نَشَ عَ كٌلٌن عَلَتَلَ شَ مَلٍكّ يَتِ يَتِ نَن نُ عَ رَ. 
\v 22 مَنٌوَ نَشَ عَ قَلَ عَ شَ فِنّ بّ، «وٌن قَمَ قَشَدٍ يَ بَرِ مَ وٌن بَرَ عَلَ يَتِ يَتِ تٌ.» 
\v 23 عَ شَ فِنّ نَشَ عَ يَابِ، «شَ عَلَتَلَ وَ مَ وٌن قَشَقٍ نُ، عَ مُ وٌن مَ سّرّشّ فَن دَاشِ سُشُمَ نُ، عَ مُ نَ كَابَنَكٌ مَسٍنمَ وٌن بّ نُ.»
\p
\v 24 نَ دَنفِ شَنبِ، مَنٌوَ شَ فِنّ نَشَ دِ بَرِ. عٍ نَشَ عَ شِلِ قَلَ سَمِسٌن. عَ نَشَ مْ عَلَتَلَ شَ بَرَكّ كُي. 
\v 25 عَلَتَلَ شَشِلِ نَشَ فٌرٌ سَمِسٌن مَ عَ سِنفٍ رَ مَشَنٍ دَنَ، تَا نَشَن نَ سٌرَهَ نُن عٍسٍتَيٌلِ تَفِ.
\c 14
\s سَمِسٌن شَ فِنّ قِلِسِتَكَ
\p
\v 1 لْشْي ندٍ سَمِسٌن نَشَ سِفَ تِمِنَ. مّننِ عَ نَشَ سُنفبُتُنيِ قِلِسِتَكَ ندٍ تٌ. 
\v 2 عَ تٌ فبِلٍن عَ بَبَ شْنيِ، عَ نَشَ عَ قَلَ عَ بَبَ نُن عَ نفَ بّ، «ﭑ بَرَ قِلِسِتَكَ سُنفبُتُنيِ ندٍ تٌ تِمِنَ. وٌ شَ نَ قٍن ﭑ بّ عَ شَ قِندِ ﭑ مَ فِنّ رَ.» 
\v 3 عَ بَبَ نُن عَ نفَ نَشَ عَ قَلَ عَ بّ، «مُنقٍ رَ عِ مُ فِنّ قٍن عِ نفَشَكٍرٍنيِيٍ يَ مَ، شَ نَ مُ عَ رَ وٌن بْنسْي يَ مَ؟ نَ مُ قِسَ قِلِسِتَكَ ندٍ بّ، نَ حَمَ سُننَتَرٍ؟» سَمِسٌن نَشَ عَ بَبَ يَابِ، «نَ قٍن ﭑ بّ. عَ تَن نَن نَقَن ﭑ مَ.» 
\v 4 عَ بَبَ نُن عَ نفَ مُ نُ عَ كٌلٌن نَ بِرِن كٍلِشِ عَلَتَلَ نَن مَ. عَ نُ نَ فٍرٍ قٍنقٍ قِلِسِتَكَيٍ رَ، بَرِ مَ نَ وَشَتِ عٍ نُ نَ عِسِرَيِلَكَيٍ يَمَرِقٍ.
\p
\v 5 سَمِسٌن نُن عَ بَبَ نُن عَ نفَ نَشَ فٌرٌ تِمِنَ. عٍ تٌ وّنِ بِلِيٍ يِرٍ لِ، يّتّ ندٍ نَشَ مِنِ سَمِسٌن مَ، عَ شَ عَ قَشَ. 
\v 6 عَلَتَلَ شَشِلِ نَشَ فٌرٌ عَ مَ عَلَكٌ عَ شَ نْ يّتّ عِبْودٍ عَ بّلّشّ رَ عَلْ سِ يْرّ، هَلِ فٍرٍ سٌسٍ يٌ تٌ مُ نُ نَ عَ يِ رَ. عَ مُ نَ قٍ قَلَ عَ بَبَ نُن عَ نفَ بّ. 
\v 7 عٍ نَشَ سِفَ وْيّندٍ نَ سُنفبُتُنيِ رَ، نَشَن بَرَ رَقَن سَمِسٌن مَ كِ قَنيِ.
\p
\v 8 نَ بِيَاسِ دَنفِ شَنبِ، سَمِسٌن نَشَ فبِلٍن تِمِنَ نَ سُنفبُتُنيِ يِرٍ، عَ شَ عَ قِندِ عَ شَ فِنّ رَ. بٍينُن عَ شَ عَ لِ، عَ نَشَ مِنِ كِرَ رَ، عَلَكٌ عَ شَ نَ يّتّ بِنبِنيِ مَتٌ. عَ نَشَ كُمِ تّي لِ نَا، عٍ تُرٍ نَ يّتّ شْرِيٍ لٌنفٌرِ رَ. 
\v 9 عَ نَشَ ندٍ تٌنفٌ عَ بّلّشّ رَ، عَ شَ عَ كْن كِرَ شْن مَ. عَ تٌ فبِلٍن عَ بَرِ مِشِيٍ يِرٍ، عَ نَشَ ندٍ قِ نٍيٍ قَن مَ. عٍ نَشَ عَ كْن، كْنْ سَمِسٌن مُ عَ قَلَ عٍ بّ نَ كُمِ كٍلِشِ دّننَشّ.
\p
\v 10 سَمِسٌن بَبَ قَن نَشَ فٌرٌ نَ سُنفبُتُنيِ شْنيِ. نَ تّمُي سَمِسٌن نَشَ شُلُنيِ تِ نَا، عَلْ سّفّتَلَيٍ دَرِشِ عَ رَ كِ نَشّ. 
\v 11 نَ سُنفبُتُنيِ شَ مِشِيٍ تٌ سَمِسٌن تٌ، عٍ نَشَ مِشِ تٌنفٌ سَشَن شِلِ نَشَن لُمَ عَ سّيتِ مَ. 
\v 12 سَمِسٌن نَشَ عَ قَلَ عٍ بّ، «ﭑ شَ تَالِ ندٍ سَ وٌ بُن مَ. شَ وٌ نْ نَ تَفِ رَبَدٍ ﭑ بّ بٍينُ يِ شُلُنيِ شِ سٌلٌقٍرٍ شَ بَ عَ رَ، ﭑ دٌنمَ نُن دُفِ تٌنفٌ سَشَن قِمَ وٌ مَ. 
\v 13 كْنْ شَ وٌ مُ نْ ﭑ مَ تَالِ تَفِ رَبَدٍ ﭑ بّ، وٌ كٍرٍن كٍرٍن مَ بِرِن دٌنمَ نُن دُفِ تٌقَنيِ قِمَ ﭑ تَن نَن مَ.» عٍ نَشَ عَ قَلَ عَ بّ، «عَوَ يِرٍ، عِ شَ تَالِ قَلَ. مُشُ مُشُ تُلِ مَتِشِ عِ رَ.» 
\v 14 نَ كُي عَ نَشَ تَالِ ندٍ قَلَ عٍ بّ، «نَشَن سٍ دٌنمَ، عَ دٌنسٍ رَ مِنِمَ. سٍ حْشُنمّ كٍلِشِ سّنبّمَ نَن مَ.» عٍ نَشَ نَ تَالِ قٍن شِ سَشَن بُن مَ، كْنْ عٍ مُ نْ نَ كٌلٌندٍ.
\p
\v 15 عَ شِ نَانِ ندٍ، عٍ نَشَ عَ قَلَ سَمِسٌن شَ فِنّ بّ، «وْيّن عِ شَ مْرِ بّ عَلَكٌ عَ شَ نَ تَالِ تَفِ رَبَ مُشُ بّ، شَ نَ مُ عَ رَ مُشُ قَمَ عِ تَن نُن عِ بَبَ شَ دٍنبَيَ فَندٍ. عَ مُ لَنمَ وٌ شَ مُشُ شِلِ بٍ، وٌ شَ قَ مُشُ مُحَ.»
\p
\v 16 سَمِسٌن شَ فِنّ نَشَ وَ قْلْ عَ شَ مْرِ يَ عِ، عَ عَ قَلَ عَ بّ، «ﭑ مُ رَقَن عِ مَ. عِ بَرَ ﭑ شْن، شَ نَ مُ عَ رَ عِ نَ تَالِ تَفِ رَبَمَ نّ ﭑ بّ نُ.» عَ نَشَ عَ يَابِ، «ﭑ مُ نَشَن قَلَ ﭑ نفَ نُن ﭑ بَبَ بّ، ﭑ نَ قَلَمَ عِ تَن نَن بّ؟» 
\v 17 نَ فِنّ نَشَ وَ سَمِسٌن يَ عِ شِ سٌلٌقٍرٍ بُن مَ، نَ شُلُنيِ تّمُي. شُلُنيِ لْشْي دْنشْي عَ نَشَ نَ تَالِ تَفِ رَبَ عَ شَ فِنّ بّ، بَرِ مَ عَ نُ نَ عَ تْورْقٍ تُن. نَ تّمُي نَ فِنّ نَشَ نَ تَالِ تَفِ رَبَ عَ شَ مِشِيٍ بّ.
\p
\v 18 بٍينُن سٌفٍ دُلَ تّمُي شِ سٌلٌقٍرٍ ندٍ، تَاكَيٍ نَشَ سَمِسٌن شَ تَالِ قَسَرِ عَ بّ يِ مَشْرِنيِ رَ، «مُنسٍ حْشُن كُمِ بّ، مُنسٍ سّنبّ فبٌ يّتّ بّ؟» سَمِسٌن نَشَ عٍ يَابِ، «شَ وٌ مُ ﭑ مَ فِنّ مَقُرُكُ نُ، وٌ مُ نْمَ ﭑ مَ تَالِ كُي كٌلٌندٍ قٍوٌ.»
\p
\v 19 نَ دَنفِ شَنبِ، عَلَتَلَ شَشِلِ نَشَ فٌرٌ سَمِسٌن مَ. عَ نَشَ سِفَ عَسِكَلْن، عَ شّمّ تٌنفٌ سَشَن قَشَ، عَ عٍ شَ دٌنمَيٍ نُن دُفِيٍ تٌنفٌ، عَ نٍيٍ قِ مِشِيٍ مَ نَشٍيٍ نُ بَرَ نَ تَالِ تَفِ رَبَ عَ بّ. نَ تّمُي سَمِسٌن نَشَ فبِلٍن عَ بَبَ شْنيِ، عَ شْنْشِ عَ حَاشِ رَ. 
\v 20 نَ كُي قِلِسِتَكَيٍ نَشَ سَمِسٌن شَ فِنّ قِ شّمّ فبّتّ مَ، شُلُنيِ بِنيّ قِشِ نَشَن مَ.
\c 15
\s سَمِسٌن قِلِسِتَكَيٍ فٍرٍقٍ
\p
\v 1 شّ شَبَ تّمُي، سَمِسٌن نَشَ سِ شَنِن عَ شَ فِنّ شْن. عَ نَشَ عَ قَلَ عَ بِتَنيِ بّ، «عَ شْلِ ﭑ مَ ﭑ تَن نُن ﭑ مَ فِنّ شَ لُ يِرٍ كٍرٍن.» عَ بِتَنيِ مُ تِن نَ رَ، 
\v 2 عَ قَ عَ قَلَ سَمِسٌن بّ، «ﭑ حْشْ عَ مَ عِ مّيشِ عَ رَ نّ، نَ نَن عَ رَ، ﭑ بَرَ عَ قِ نَ شّمّ مَ عِ شَ شُلُنيِ بِنيّ قِ نَشَن مَ. عِ شَ عَ شُنيَ دْشْ، نَ قَن عَ بّ ثٌن.»
\p
\v 3 سَمِسٌن نَشَ عَ يَابِ، «يِ بِيَاسِ، شَ ﭑ قٍ حَاشِ رَبَ وٌ تَن قِلِسِتَكَيٍ رَ، وٌ تَن نَن عَ نِيَشِ.» 
\v 4 عَ نَشَ سِفَ، عَ شُلُمَسٍ كّمّ سَشَن سُشُ. عَ نَشَ نٍيٍ شُلِ شِرِ عٍ بٌورٍ رَ قِرِن قِرِن نَ، عَ سّشّ مَشِرِ عٍ شُلِيٍ رَ. 
\v 5 عَ نَشَ سّشّ رَدّشّ نَشَن نُ مَشِرِشِ عٍ شُلِيٍ رَ، عَ عٍ رَبّحِن قِلِسِتَكَيٍ شَ شّيٍ مَ. تّ نَشَ شّيٍ بِرِن فَن، سَنسِ نَشَن نُ كٌتٌشِ شّيٍ مَ، عَ نُن سَنسِ نَشَن مُ نُ شَبَشِ سِندٍن. هَلِ عٌلِوِ بِلِ نَشٍيٍ نُ نَ مّننِ، عٍ قَن فَن نّ. 
\v 6 قِلِسِتَكَيٍ نَشَ عٍ بٌورٍيٍ مَشْرِن، «ندٍ يِ وَلِ رَبَشِ؟» مِشِ ندٍيٍ نَشَ عٍ يَابِ، «سَمِسٌن قْشِ نَن عَ رَ، بَرِ مَ عَ بِتَنيِ تِمِنَكَ بَرَ عَ شَ فِنّ قِ شّمّ مَ، عَ تَن سَمِسٌن شَ شُلُنيِ بِنيّ قِ نَشَن مَ.» نَ كُي قِلِسِتَكَيٍ نَشَ سِفَ نَ فِنّ نُن عَ بَبَ فَندٍ.
\p
\v 7 سَمِسٌن نَشَ عَ قَلَ عٍ بّ، «شَ وٌ عَ رَبَ نَ كِ، ﭑ قَن ﭑ فبٍحْشْمَ نّ وٌ مَ.» 
\v 8 عَ نَشَ عٍ فٍرٍ عَ حَاشِ رَ، عَ مِشِ فبٍفبٍ قَشَ. نَ شَنبِ، عَ نَشَ سِفَ، عَ لُ قْنمّ كُي عٍتَمِ فٍيَ مَبِرِ.
\p
\v 9 قِلِسِتَكَيٍ نَشَ سْورِيٍ شّي يُدَيَ لٍشِ مَبِرِ. 
\v 10 يُدَيَكَيٍ نَشَ عٍ مَشْرِن، «وٌ قَشِ مُشُ فٍرٍدٍ مُنقٍ رَ؟» عٍ نَشَ عٍ يَابِ، «مُشُ قَشِ سَمِسٌن نَن سُشُدٍ، مُشُ شَ قٍ حَاشِ رَبَ عَ رَ عَلْ عَ عَ رَبَشِ مُشُ رَ كِ نَشّ.»
\p
\v 11 يُدَيَكَيٍ شّمّ وُلُ سَشَن نَشَ سِفَ سَمِسٌن قْشْ رَ عٍتَمِ فٍيَ يِرٍ. عٍ نَشَ عَ قَلَ عَ بّ، «عِ مُنسٍ رَبَشِ مُشُ رَ يِ كِ؟ عِ مُ عَ كٌلٌن وٌن نَ قِلِسِتَكَيٍ شَ يَامَرِ نَن بُن مَ؟» سَمِسٌن نَشَ عٍ يَابِ، «ﭑ عٍ شَ قٍ حَاشِ نَن تُن سَرٍ رَفبِلٍنشِ عٍ مَ.» 
\v 12 يُدَيَكَيٍ نَشَ عَ قَلَ عَ بّ، «مُشُ قَشِ بٍ عِ شِرِدٍ نّ، مُشُ شَ عِ سٌ عٍ يِ رَ.» سَمِسٌن نَشَ عَ قَلَ عٍ بّ «وٌ شَ وٌ رَكَلِ شَ وٌ تَن مُ قَمَ ﭑ قَشَدٍ.» 
\v 13 عٍ نَشَ عَ قَلَ عَ بّ، «وٌن بَرَ لَن نَ مَ. مُشُ مُ عِ قَشَمَ. مُشُ شَ عِ شِرِ، مُشُ شَ عِ سٌ قِلِسِتَكَيٍ يِ رَ تُن.» عٍ نَشَ عَ شِرِ لُوتِ نّينّ قِرِن نَ، عٍ عَ شَنِن.
\p
\v 14 عٍ تٌ لٍشِ لِ، قِلِسِتَكَيٍ نَشَ سْنشْي رَتٍ. عَلَتَلَ شَشِلِ نَشَ فٌرٌ سَمِسٌن مَ، عَ نَ لُوتِيٍ بٌلٌن عَلْ فّسّ فَنشِ بٌلٌنمَ كِ نَشّ. 
\v 15 عَ نَشَ سٌقَلٍ بَنفَنيِ شْرِ ندٍ تٌنفٌ بْشِ مَ، عَ قِلِسِتَكَيٍ مِشِ وُلُ كٍرٍن قَشَ نَ رَ. 
\v 16 سَمِسٌن نَشَ عَ قَلَ، «ﭑ بَرَ سٌقَلٍ بَنفَنيِ شْرِ سْتْ، سٌقَلٍ كٍرٍن سٌقَلٍ فبٍفبٍ يَ مَ. ﭑ بَرَ شّمّ وُلُ كٍرٍن قَشَ سٌقَلٍ بَنفَنيِ شْرِ رَ.» 
\v 17 عَ تٌ فّ نَ مَسٍنيِ رَ، عَ نَشَ نَ بَنفَنيِ شْرِ وْلّ. مّننِ شِلِ نَشَ سَ رَ مَتِ لٍشِ، «بَنفَنيِ شْرِ فٍيَ.»
\p
\v 18 يٍ شْلِ شْرْشْي نَشَ سَمِسٌن سُشُ. عَ نَشَ عَلَتَلَ مَشَندِ، «عِ بَرَ عَ نِيَ ﭑ شَ شُتُ سْتْ يِ مِشِيٍ مَ. ﭑ مَلِ عَلَكٌ ﭑ نَشَ قَشَ يٍ شْلِ مَ، يِ مِشِ سُننَتَرٍيٍ نَشَ قَ ﭑ شَنِن عٍ شْنيِ.» 
\v 19 عَلَ نَشَ قَنيٍ عِبْو لٍشِ مَبِرِ، يٍ نَشَ مِنِ. سَمِسٌن تٌ يٍ مِن، عَ مَن نَشَ سّنبّ سْتْ، عَ بْحّ نَشَ سَ. عٍ نَشَ نَ يِرٍ شِلِ قَلَ «هَكٌرٍ دُلٌنيِ.» هَن يَ نَ دُلٌنيِ نَ لٍشِ مَبِرِ. 
\v 20 سَمِسٌن نَشَ بُ كِيتِ سَ رَ عِسِرَيِلَ حّ مْشْحّن قِلِسِتَكَيٍ شَ وَشَتِ.
\c 16
\s سَمِسٌن نُن دَلِلَ
\p
\v 1 لْشْي ندٍ سَمِسٌن نَشَ سِفَ فَسَ. عَ تٌ لَنفٌي ندٍ تٌ نَا، عَ نَشَ سٌ عَ شْنيِ. 
\v 2 فَسَكَيٍ نَشَ عَ كٌلٌن سَمِسٌن نُ نَ نَ. عٍ نَشَ مّننِ مّلّن، عَلَكٌ كُيٍ نَ عِبَ عٍ شَ عَ قَشَ تَا سٌدٍ دّ رَ. 
\v 3 كْي تَفِ سَمِسٌن نَشَ كٍلِ، عَ تَا نَادّ سُشُ، نُن عَ فبَكُشِ وُرٍ نَشٍيٍ رَ وُرِيٍ مَ، عَ نَ بِرِن تَلَ، عَ عَ دْشْ عَ تُنكِ قَرِ. عَ نَشَ عَ شَنِن فٍيَ قَرِ نَشَن نَ هٍبِرٌن يَ تَفِ.
\p
\v 4 نَ دَنفِ شَنبِ، سَمِسٌن نَشَ فِنّ ندٍ كٌلٌن سٌرٍكِ فُلُنبَ نَشَن شِلِ دَلِلَ. سَمِسٌن نَشَ نَ فِنّ شَنُ. 
\v 5 قِلِسِتَكَيٍ شَ مَنفّيٍ نَشَ سِفَ نَ فِنّ شْن، عٍ عَ قَلَ عَ بّ، «عِ شَ عَ كٌلٌن سَمِسٌن سّنبّ كٍلِشِ دّننَشّ، عَلَكٌ مُشُ شَ نْ عَ رَ. شَ عِ فّ نَ كٌلٌندٍ، مُشُ عَ شِرِ مَ نّ، مُشُ كٍرٍن كٍرٍن مَ قَ كْبِرِ كٌلٍ وُلُ كٍرٍن نُن كْبِرِ كٌلٍ كّمّ قِ عِ مَ.»
\p
\v 6 نَ تّمُي دَلِلَ نَشَ عَ قَلَ سَمِسٌن بّ، «يَندِ، عِ شَ عِ فُندٌ قَلَ ﭑ بّ، عِ سّنبّ سْتْمَ كِ نَشّ. مِشِ نْمَ مُنسٍ رَبَدٍ، عٍ شَ عِ شِرِ، عٍ نْ عِ رَ؟» 
\v 7 سَمِسٌن نَشَ عَ يَابِ، «شَ عٍ ﭑ شِرِ مَ لُوتِ نّينّ رَ، نَشٍيٍ مُ نُ شَرَ سِندٍن، ﭑ سّنبّ بَمَ ﭑ يِ، ﭑ لُمَ نّ عَلْ شّمّ بٌورٍيٍ.»
\p
\v 8 قِلِسِتَكَيٍ نَشَ لُوتِ نّينّ شَرَتَرٍ سٌلٌقٍرٍ شَنِن دَلِلَ شْن مَ. عَ نَشَ سَمِسٌن شِرِ عٍ رَ. 
\v 9 قِلِسِتَكَيٍ نَشَ عَ شَ كٌنكٌي مّلّن. دَلِلَ نَشَ عَ شُي رَ مِنِ سَمِسٌن مَ، «قِلِسِتَكَيٍ بَرَ قَ عِ سُشُدٍ.» سَمِسٌن نَشَ نَ لُوتِيٍ بٌلٌن كٍرٍن نَ، عَلْ فّسّ نَشَن فَنشِ. نَ تّمُي عٍ مُ نْ عَ سّنبّ فُندٌ كٌلٌندٍ.
\p
\v 10 دَلِلَ نَشَ عَ قَلَ سَمِسٌن بّ، «عِ وَ مَ ﭑ مَدَشُقٍ نّ. عِ بَرَ وُلٍ قَلَ ﭑ بّ. يَكْسِ، يَندِ، عِ شَ عِ فُندٌ قَلَ ﭑ بّ. عٍ نْمَ عِ شِرِدٍ مُنسٍ رَ؟» 
\v 11 سَمِسٌن نَشَ عَ قَلَ عَ بّ، «شَ مِشِ ﭑ شِرِ مَ لُوتِ نّينّيٍ رَ، سٍسٍ مُ نُ شِرِ نَشٍيٍ رَ، ﭑ سّنبّ لُمَ عَلْ عَدَ مَدِ بِرِن نَ كِ نَشّ.» 
\v 12 دَلِلَ تٌ فّ عَ شِرِدٍ لُوتِ نّينّيٍ رَ، عَ نَشَ فبٍلٍفبٍلٍ، «سَمِسٌن، قِلِسِتَكَيٍ بَرَ قَ عِ سُشُدٍ!» قِلِسِتَكَيٍ نُ بَرَ عَ شَ كٌنكٌي مّلّن. سَمِسٌن نَشَ لُوتِ بٌلٌن عَ شِرِشِ نَشَن نَ عَلْ فّسّ بٌلٌنمَ كِ نَشّ.
\p
\v 13 دَلِلَ نَشَ عَ قَلَ سَمِسٌن بّ، «هَن تٌ عِ نَ ﭑ مَدَشُقٍ، عِ وُلٍ نَن تُن قَلَقٍ ﭑ بّ. عَ قَلَ ﭑ بّ عَ لَنمَ عِ شَ شِرِ سٍ نَشَن نَ.» سَمِسٌن نَشَ عَ يَابِ، «ﭑ شُنسّشّ، نَشَن دّنبّشِ سٌلٌقٍرٍ رَ، شَ عِ نَ بِرِن دّفّ مَبْي دُفِ رَ، وٌ نَشَ دُفِ سْشْ سٍ قَن سْتِ ﭑ شُنسّشّ كُي، عَ سَ سْرْن بْشِ، ﭑ سّنبّ لُمَ عَلْ عَدَ مَدِ بِرِن نَ كِ نَشّ.» 
\v 14 دَلِلَ تٌ فّ دُفِ سْشْ سٍ سٌدٍ عَ قَنيِ رَ، عَ مَن نَشَ فبٍلٍفبٍلٍ، «سَمِسٌن، قِلِسِتَكَيٍ بَرَ قَ عِ سُشُدٍ!» سَمِسٌن نَشَ شُنُ، عَ نَشَ دُفِ سْشْ سٍ بِرِن تَلَ.
\p
\v 15 دَلِلَ نَشَ عَ قَلَ سَمِسٌن بّ، «عِ نَشّ عَ مَرَقَنيِ نَ وٌن تَفِ، كْنْ ﭑ مَ شَنُنتٍيَ مُ نَ عِ بّ. عَ سَنيَ سَشَن نَن يَ عِ ﭑ مَدَشُمَ. هَن تٌ عِ تٌندِشِ عِ فُندٌ قَلَدٍ ﭑ بّ، عِ سّنبّ كٍلِشِ دّننَشّ مَ.» 
\v 16 لْشْي بِرِن دَلِلَ نُ عَ تْورْ مَ يِ وْيّنيِ مْولِ رَ. عَ تٌ دْشْ عَ رَ، 
\v 17 سَمِسٌن نَشَ عَ فُندٌ قَلَ عَ بّ، عَ نَشّ، «كَقِ ﭑ بَرِ تّمُي ﭑ شُنيِ مُ بِشِ، بَرِ مَ عٍ ﭑ قِشِ عَلَ نَن مَ، عَلَ شَ نَسَرِ نَن ﭑ نَ. شَ ﭑ شُنيِ بِ، ﭑ سّنبّ لُمَ عَلْ عَدَ مَدِ بِرِن فبٍ نَ كِ نَشّ.»
\p
\v 18 دَلِلَ تٌ عَ كٌلٌن سَمِسٌن بَرَ نْندِ يَتِ يَتِ قَلَ عَ بّ، عَ نَشَ قِلِسِتَ مَنفّيٍ شِلِ، عَ قَ عَ قَلَ عٍ بّ، «وٌ مَن شَ قَ، بَرِ مَ يِ بِيَاسِ عَ بَرَ عَ شَ فُندٌ قَلَ ﭑ بّ.» قِلِسِتَ مَنفّ نَشَ سِفَ عَ شْنيِ، عٍ مَن كْبِرِ شَنِن عٍ سَاتَشِ نَشَن مَ. 
\v 19 دَلِلَ نَشَ سَمِسٌن رَشِ، عَ سَشِ عَ سَنيِ مَ. عَ نَشَ شّمّ ندٍ شِلِ، عَ نَشَ سَمِسٌن شُنسّشّ دّنبّشِ سٌلٌقٍرٍ مَشَبَ. نَ بَرَ عَ نِيَ دَلِلَ شَ نْ عَ رَ. عَ سّنبّ بِرِن نُ بَرَ سِفَ.
\p
\v 20 نَ تّمُي دَلِلَ نَشَ فبٍلٍفبٍلٍ، «سَمِسٌن، قِلِسِتَكَيٍ بَرَ قَ عِ سُشُدٍ!» سَمِسٌن تٌ شُنُ، عَ نَشَ عَ قَلَ عَ يّتّ بّ، «ﭑ مَن شَ مِنِ يِ قٍ كُي عَلْ بٌورٍ بِيَاسِ.» عَ مُ عَ كٌلٌن عَلَتَلَ نُ بَرَ عَ رَبّحِن. 
\v 21 قِلِسِتَكَيٍ نَشَ عَ سُشُ، عٍ عَ يَيٍ سْشْ، عٍ عَ شَنِن فَسَ. مّننِ عٍ نَشَ عَ شِرِ يْلْنشْنيِ يْشُي دَاشِ رَ فٍيلِ كُي، عَ شَ نُ سٍ بِنيٍيٍ مَيِندِفِلِن، نَشَن سَنسِ شْرِ لُشُتَمَ.
\s سَمِسٌن شَ قَشّ
\p
\v 22 نَ وَشَتِ عَ شُنسّشّ، نَشَن نُ بِشِ، نَ نَشَ مِنِ قْلْ. 
\v 23 لْشْي ندٍ قِلِسِتَ مَنفّيٍ نَشَ عٍ مَلَن، عٍ شَ سّرّشّ شُنفبٍ بَ عٍ شَ كُيٍ دَفْن بّ حّلّشِنيِ كُي. عٍ نَشَ عَ قَلَ، «وٌن مَ عَلَ بَرَ سَمِسٌن سَ وٌن سَفٌي!» 
\v 24 حَمَ تٌ دَفْن تٌ، عٍ نَشَ عَ مَتْشْ، عٍ قَ عَ قَلَ، «وٌن مَ عَلَ بَرَ وٌن يَشُي سَ وٌن سَفٌي، نَشَن بَرَ وٌن مَ بْشِ كَنَ، عَ مَن بَرَ وٌن مَ مِشِيٍ قَشَ.» 
\v 25 نَ سّيوّ كُي، عٍ نَشَ عَ قَلَ، «وٌن شَ سَمِسٌن شِلِ، وٌن شَ عَ مَيٍلٍ.» عٍ نَشَ قَ عَ رَ كٍلِقٍ فٍيلِ كُي، عٍ عَ شِرِ عٍ شَ سَلِدٍ سَنيِيٍ رَ. عٍ نَشَ عَ قِندِ مَيٍلٍ سٍ رَ.
\p
\v 26 سَمِسٌن نَشَ عَ قَلَ عَ رَحّرّ مَ بّ، «عَ لُ ﭑ بّلّشّ شَ سَ سَلِدٍ سَنيِيٍ مَ، ﭑ شَ ﭑ كِلْن عٍ رَ.» 
\v 27 شّمّ نُن فِنّ فبٍفبٍ نُ نَ سَلِدٍ كُي. قِلِسِتَ مَنفّيٍ قَن نُ نَ. نَ بِرِن قِندِ مِشِ وُلُ سَشَن نَن نَ، عٍ بِرِن نُ قَ سَمِسٌن مَيٍلٍ. 
\v 28 سَمِسٌن نَشَ عَلَتَلَ مَشَندِ، «ﭑ مَرِفِ عَلَتَلَ، عِ شَ رَتُ ﭑ مَ. ﭑ بَرَ عِ مَيَندِ، عَلَ، سّنبّ قِ ﭑ مَ عَلَكٌ ﭑ شَ ﭑ فبٍحْشْ قِلِسِتَكَيٍ مَ ﭑ يَيٍ شَ قٍ رَ.» 
\v 29 سَمِسٌن نَشَ عَ كِلْن نَ سَلِدٍ سَنيِيٍ رَ، كٍرٍن نَ عَ يِرٍقَنيِ مَ، كٍرٍن نَ عَ كْولَ مَ. 
\v 30 سَمِسٌن نَشَ عَ قَلَ، «ﭑ شَ قَشَ ﭑ نُن قِلِسِتَكَيٍ رَ.» عَ نَشَ سَلِدٍ سَنيِيٍ تُتُن عَ سّنبّ بِرِن نَ. سَلِدٍ نَشَ بِرَ قِلِسِتَكَيٍ نُن مَنفّيٍ مَ، نَشٍيٍ نُ نَ سَلِدٍ كُي. قِلِسِتَكَ نَشٍيٍ قَشَ نَ قٍ كُي، نَ كْنتِ دَنفِ مِشِيٍ رَ سَمِسٌن نَشٍيٍ قَشَ عَ شَ دُنِحّءِفِرِ بِرِن كُي.
\p
\v 31 عَ شُنيَيٍ نُن عَ بَبَ شَ دٍنبَيَ بِرِن نَشَ فٌرٌ نَا عَ قُرٍ تٌنفٌدٍ. عٍ نَشَ عَ رَفَتَ سٌرَهَ نُن عٍسٍتَيٌلِ تَفِ، عَ بَبَ مَنٌوَ شَ فَبُرِ كُي. سَمِسٌن نُ بَرَ عِسِرَيِلَ يَمَرِ حّ مْشْحّن بٍينُ عَ شَ قَشَ.
\c 17
\s عَلَ مَشَندِقٍ مِكٍ شَ بَنشِ كُي
\p
\v 1 شّمّ ندٍ نُ نَ عٍقِرَ مِ فٍيَيٍ قَرِ نَشَن شِلِ مِكٍ. 
\v 2 عَ نَشَ عَ قَلَ عَ نفَ بّ، «عِ شَ فبٍتِ كِلٌ قُ نُن كٍرٍن عَ نُن عَ تَفِ، نَشَن مُحَشِ عِ مَ، عَ نَ ﭑ شْنيِ. ﭑ بَرَ عِ شُي مّ، عِ تٌ نُ نَ مُحّتِ دَنكَقٍ. ﭑ تَن نَن نَ تٌنفٌشِ.» عَ نفَ نَشَ عَ قَلَ، «عَلَتَلَ شَ ﭑ مَ دِ بَرَكَ.» 
\v 3 عَ نَشَ يِ فبٍتِ كِلٌ قُ نُن كٍرٍن عَ نُن كِلٌ تَفِ سٌ عَ نفَ يِ رَ. عَ نفَ قَ عَ قَلَ عَ بّ، «ﭑ تَن يِ فبٍتِ قِمَ عَلَتَلَ نَن مَ. ﭑ عَ رَشُنُمَ نّ، عَ شَ قِندِ كُيٍ رَ ﭑ مَ دِ بّ. ﭑ قَمَ يِ فبٍتِ رَفبِلٍندٍ عِ مَ نَ كِ نّ.»
\p
\v 4 عَ تٌ فبٍتِ سٌ عَ نفَ يِ رَ، عَ نفَ نَشَ فبٍتِ كِلٌ قِرِن نُن عَ تَفِ سٌ شَبُي يِ رَ. عَ نَشَ عَ رَشُنُ، عَ عَ يَءِلَن كُيٍ رَ. عٍ قَ نَ تِ مِكٍ شَ بَنشِ كُي. 
\v 5 مِكٍ كُيٍ بَتُدٍ ندٍ سْتْ نَ كِ نّ. عَ نَشَ سّرّشّدُبّ شَ دُفِ نُن كُيٍ فبّتّيٍ يَءِلَن. عَ نَشَ عَ شَ دِ ندٍ قِندِ سّرّشّدُبّ رَ.
\p
\v 6 نَ وَشَتِ كُي، مَنفّ يٌ مُ نُ نَ عِسِرَيِلَ. كَنكَن نُ عَ وَشْنقٍ نَن تُن نَبَمَ. 
\v 7 قٌنِكٍ ندٍ نُ نَ نَشَن كٍلِشِ بّتّلّيمُ يُدَيَ بْشِ مَ. لٍوِ بْنسْي نَن نُ عَ رَ. 
\v 8 يِ شّمّ نَشَ كٍلِ بّتّلّيمُ يُدَيَ بْشِ مَ، عَ شَ يِرٍ فبّتّ قٍن عَ سَبَتِمَ دّننَشّ. عَ نَشَ حّرّ هَن عَ عٍقِرَ مِ فٍيَيٍ لِ، مِكٍ شَ بَنشِ نُ نَ دّننَشّ. 
\v 9 مِكٍ نَشَ عَ مَشْرِن، «عِ كٍلِشِ مِندٍن؟» عَ نَشَ عَ يَابِ، «لٍوِكَ نَن ﭑ نَ. ﭑ كٍلِشِ بّتّلّيمُ يُدَيَ بْشِ نَن مَ. ﭑ نَ يِرٍ قٍنقٍ ﭑ سَبَتِمَ دّننَشّ.» 
\v 10 مِكٍ نَشَ عَ قَلَ عَ بّ، «وٌن بِرِن شَ لُ بٍ. عِ شَ قِندِ ﭑ مَ دٍنبَيَ شَ سّرّشّدُبّ رَ، ﭑ شَشِلِ تِمَ نَشَن نَ. ﭑ فبٍتِ كِلٌ قِرِن قِمَ عِ مَ حّ كٍرٍن كُي، عَ نُن سٌسٍيٍ نُن دٌنسٍيٍ.» نَ لٍوِ بْنسْي مِشِ نَشَ تِن نَ رَ، 
\v 11 عَ شَ لُ مِكٍ يِرٍ. مِكٍ نَشَ مّينِ عَ مَ، عَ لُ عَلْ عَ شَ دِ. 
\v 12 مِكٍ نَشَ عَ قِندِ عَ شَ سّرّشّدُبّ رَ، عَ قَ لُ عَ شَ بَنشِ كُي. 
\v 13 مِكٍ قَ عَ قَلَ، «يَكْسِ ﭑ بَرَ عَ كٌلٌن عَلَتَلَ قَ قٍ قَنيِ رَبَمَ نّ ﭑ بّ، بَرِ مَ لٍوِ بْنسْي مِشِ نَن نَ ﭑ مَ سّرّشّدُبّ رَ.»
\c 18
\s دَنَكَيٍ سَبَتِقٍ لَيِسَ
\p
\v 1 نَ وَشَتِ مَنفّ يٌ مُ نُ نَ عِسِرَيِلَ. دَنَ بْنسْي قَن نُ نَ بْشِ قٍنقٍ عٍ لُمَ دّننَشّ، بَرِ مَ عٍ مُ نُ كّ سْتْشِ عِسِرَيِلَ بْنسْييٍ يَ مَ سِندٍن. 
\v 2 دَنَكَيٍ نَشَ شّمّ فبَنفبَلَنيِ مِشِ سُولِ مَيٍفٍتِ عٍ بْنسْي يَ مَ، نَشٍيٍ نُ نَ سٌرَهَ نُن عٍسٍتَيٌلِ. عٍ نَشَ عٍ شّي، عٍ شَ عِسِرَيِلَ بْشِ رَبّن. عٍ نَشَ عَ قَلَ شّيرَيٍ بّ، «وٌ سِفَ نَ بْشِ رَبّندٍ.» عٍ نَشَ مِكٍ شَ بَنشِ لِ عٍقِرَ مِ فٍيَيٍ مَ. عٍ نَشَ شِ نَا. 
\v 3 عٍ نُ نَ مّننِ تّمُي نَشّ، عٍ نَشَ نَ قٌنِكٍ لٍوِكَ شُي رَكْرْ سِ. عٍ نَشَ عَ مَشْرِن، «ندٍ قَشِ عِ رَ بٍ؟ عِ مُنسٍ رَبَقٍ يِ يِرٍ؟ عِ نَ بٍ مُنقٍ رَ؟» 
\v 4 عَ نَشَ عٍ يَابِ، «مِكٍ بَرَ قٍ قَنيِ رَبَ ﭑ بّ، عَ وَلِ سَرٍ قِمَ ﭑ مَ، ﭑ شَ قِندِ عَ شَ سّرّشّدُبّ رَ.» 
\v 5 عٍ نَشَ عَ قَلَ عَ بّ، «عَلَ مَشْرِن مُشُ بّ عَلَكٌ مُشُ شَ نْ عَ كٌلٌندٍ شَ مُشُ شَ بِيَاسِ سْونّيَمَ نّ.» 
\v 6 نَ سّرّشّدُبّ نَشَ عٍ يَابِ، «وٌ سِفَ بْحّسَ كُي، بَرِ مَ وٌ نُن عَلَتَلَ بِرِن نَن عَ رَ.»
\p
\v 7 يِ شّمّ سُولِيٍ نَشَ سِفَ، عٍ سٌ لَيِسَ. عٍ نَشَ عَ تٌ، مّننِكَيٍ سَبَتِشِ بْحّسَ كُي، عَلْ سِدْنكَيٍ دَرِشِ عَ رَ كِ نَشّ. سِ فبّتّ يٌ مُ نُ نَ نَشَن عٍ تْورْ مَ، شَ نَ مُ عَ رَ عٍ يَمَرِ مَ. عٍ نُ بَرَ مَكُيَ سِدْنكَيٍ رَ، عٍ مُ لَنيِ يٌ شِرِ عٍ نُن بْنسْي فبّتّ تَفِ.
\p
\v 8 يِ شّمّ مِشِ سُولِ تٌ فبِلٍن سٌرَهَ نُن عٍسٍتَيٌلِ، عٍ نفَشَكٍرٍنيِيٍ نَشَ عٍ مَشْرِن، «وٌ مُنسٍ تٌشِ نَا؟» 
\v 9 عٍ نَشَ عٍ يَابِ، «وٌ كٍلِ، وٌن شّي. وٌن شَ سَ مّننِكَيٍ فٍرٍ، بَرِ مَ بْشِ قَنيِ نَ عٍ يِ رَ. وٌن شَ وٌن شُلُن. وٌن شَ سِفَ نَا كٍرٍن نَ، وٌن شَ نَ بْشِ سْتْ! 
\v 10 وٌ نَ سٌ نَا، وٌ عَ تٌمَ نّ مّننِكَيٍ بْحّ سَشِ لّثُ. بْشِ بٍلٍبٍلٍ نَ عٍ يِ رَ، عَلَ بَرَ نَ سَ وٌ بّلّشّ. يِرٍ نَن عَ رَ، سٍسٍ مُ نَ يِ دُنِحَ بّندّ قُحِ قَرِ نَشَن مُ نَ نَ.»
\p
\v 11 دَنَ بْنسْي سْورِ مِشِ كّمّ سٍننِ نَشَ كٍلِ سٌرَهَ نُن عٍسٍتَيٌلِ، فٍرٍ سٌسٍ نَ عٍ يِ رَ. 
\v 12 عٍ نَشَ تٍ، عٍ سَ كُرُ كِرِيَتِ يٍيَرِ مِ يُدَيَ بْشِ مَ. نَ نَن عَ تٌشِ، هَن تٌ يِرٍ نَشَن نَ كِرِيَتِ يٍيَرِ مِ شَنبِ رَ، نَ شِلِ قَلَمَ مَشَنٍ دَنَ. 
\v 13 عٍ نَشَ كٍلِ مّننِ، عٍ سِفَ عٍقِرَ مِ فٍيَيٍ يِرٍ، هَن مِكٍ شَ بَنشِ نُ نَ دّننَشّ.
\p
\v 14 نَ تّمُي يِ شّمّ مِشِ سُولِ نَشٍيٍ سِفَ لَيِسَ بْشِ رَبّندٍ، نٍيٍ نَشَ عَ قَلَ عٍ نفَشَكٍرٍنيِيٍ بّ، «وٌ عَ كٌلٌن يِ بَنشِيٍ كُي سّرّشّدُبّ كُنتِفِ دٌنمَ نَ نَ، عَ نُن كُيٍ مَسٌلِشِ، نُن كُيٍ نَشَن نَقَلَشِ يْشُي رَ. وٌ شَ نَ بِرِن مَتٌ.» 
\v 15 عٍ نَشَ سٌ نَ قٌنِكٍ لٍوِكَ شْنيِ، نَشَن نُ نَ مِكٍ شَ بَنشِ كُي. عٍ نَشَ عَ شّيبُ. 
\v 16 دَنَ بْنسْي سْورِ مِشِ كّمّ سٍننِ نُ تِشِ نَادّ رَ، فٍرٍ سٌسٍ نَ عٍ يِ رَ. 
\v 17 يِ شّمّ سُولِ نَشٍيٍ سِفَ بْشِ رَبّندٍ، نٍيٍ نَشَ سٌ بَنشِ كُي، عٍ نَشَ كُيٍ مَسٌلِشِ تٌنفٌ، عَ نُن سّرّشّدُبّ كُنتِفِ شَ دٌنمَ، كُيٍيٍ، نُن نَ كُيٍ نَشَن نُ رَشُنُشِ. سّرّشّدُبّ نُ تِشِ بَنشِ سٌدٍ دّ رَ، عَ نُن يِ سْورِ مِشِ كّمّ سٍننِ، عٍ شَ فٍرٍ سٌسٍ سُشُشِ عٍ يِ.
\p
\v 18 عٍ تٌ فّ كُيٍ مَسٌلِشِ تٌنفٌدٍ مِكٍ شَ بَنشِ كُي، عَ نُن سّرّشّدُبّ كُنتِفِ شَ دٌنمَ، كُيٍيٍ، نُن كُيٍ نَشَن نُ رَشُنُشِ، سّرّشّدُبّ نَشَ عَ قَلَ عٍ بّ، «وٌ نَ مُنسٍ رَبَقٍ؟» 
\v 19 عٍ نَشَ عَ يَابِ، «دُندُ، عِ نَشَ سٍسٍ قَلَ. عِ شَ بِرَ مُشُ قْشْ رَ تُن. عِ شَ قِندِ مُشُ شَ سّرّشّدُبّ رَ، مُشُ شَشِلِ تِمَ نَشَن نَ. عَ لَنمَ عِ شَ قِندِ سّرّشّدُبّ رَ مِشِ كٍرٍن مَ دٍنبَيَ بّ، كَ عِسِرَيِلَ بْنسْي ندٍ بّ؟» 
\v 20 سّرّشّدُبّ نَشَ سّيوَ نَ وْيّنيِ رَ. عَ نَشَ سّرّشّدُبّ كُنتِفِ شَ دٌنمَ، كُيٍيٍ، نُن نَ كُيٍ مَسٌلِشِ تٌنفٌ، عَ نَشَ بِرَ عٍ قْشْ رَ.
\p
\v 21 عٍ نَشَ تِ كِرَ شْن مَ، دِ مّيٍ، شُرُ سٍيٍ، نُن كٌتٍ نَ عٍ يَ رَ. 
\v 22 عٍ تٌ مَكُيَ مِكٍ شَ بَنشِ رَ، مِكٍ دْشْبٌورٍيٍ نَشَ عٍ مَلَن، عٍ قَ بِرَ دَنَ شَ دِيٍ قْشْ رَ. 
\v 23 عٍ نَشَ سْنشْي رَتٍ دَنَ شَ دِيٍ مَ. دَنَكَيٍ نَشَ عَ قَلَ مِكٍ بّ، «مُنسٍ نِيَشِ؟ عِ وَ مَ فٍرٍ سٌقٍ مُنقٍ رَ؟» 
\v 24 عَ نَشَ عٍ يَابِ، «وٌ بَرَ ﭑ مَ كُيٍيٍ نُن ﭑ مَ سّرّشّدُبّ شَنِن. مُنسٍ قَ لُمَ ﭑ يِ؟ ﭑ وٌ فٍرٍ مَ نَ نَن مَ.» 
\v 25 دَنَ شَ دِيٍ نَشَ عَ قَلَ عَ بّ، «عِ نَشَ سْنشْ مُشُ رَ، شَ نَ مُ شّمّ ندٍيٍ قَمَ وٌ بْنبْدٍ شْنّ رَ. نَ كُي عِ قَمَ نّ فَندٍ عِ تَن نُن عِ شَ دٍنبَيَ رَ.» 
\v 26 عٍ تٌ نَ قَلَ، عٍ نَشَ سِفَ. مِكٍ نَشَ عَ كٌلٌن عٍ سّنبّ فبٌ عَ بّ، نَ نَ عَ نِيَ، عَ نَشَ فبِلٍن عَ شْنيِ.
\p
\v 27 عٍ نَشَ مِكٍ شَ سٍيٍ نُن عَ شَ سّرّشّدُبّ شَنِن لَيِسَ. عٍ نَشَ مّننِكَيٍ قَشَ سَنتِدّفّمَ رَ، عٍ نَ تَا بِرِن فَن. لَيِسَكَيٍ مُ نُ سٍسٍ كٌلٌن بَرِ مَ عٍ بْحّ نُ سَشِ، يَشُي يٌ مُ نُ نَ عٍ يِ رَ. 
\v 28 مِشِ يٌ مُ نْ عٍ رَتَنفَدٍ، بَرِ مَ عٍ نُ مَكُيَ سِدْن نَ، دَرِ مُ نُ نَ عٍ نُن سِ فبّتّيٍ تَفِ. عٍ نُ نَ فٍيَ بُنيِ بٍتِ رٍشٌبٌ بِرِ. دَنَ شَ دِيٍ نَشَ فبِلٍن لَيِسَ تَا تِ رَ عَ قِرِن ندٍ، عٍ سَبَتِ نَا. 
\v 29 عٍ نَشَ عٍ بَبَ عِسِرَيِلَكَ دَنَ شِلِ سَ نَ تَا شُن، نَشَن سِنفٍ نُ شِلِ لَيِسَ. 
\v 30 دَنَ شَ دِيٍ نَشَ مِكٍ شَ كُيٍ تِ نَا. فٍرِ سٌمِ شَ دِ يٌنَتَن، مُنسَ شَ مَمَدِ، نَشَ قِندِ دَنَ بْنسْي شَ سّرّشّدُبّ رَ، هَن عٍ يَشُييٍ عٍ شَنِن حَمَنّ مَ تّمُي نَشّ. 
\v 31 عٍ نُ مِكٍ شَ كُيٍ نَن بَتُمَ، عَلَ شَ بَنشِ نُ نَ سِلٌ وَشَتِ نَشَن مَ.
\c 19
\s قٍ حَاشِ بُنيَمِن بْشِ مَ
\p
\v 1 مَنفّ يٌ مُ نُ نَ عِسِرَيِلَ بْشِ مَ نَ تّمُي. لٍوِكَ ندٍ، نَشَن نُ نَ عٍقِرَ مِ فٍيَيٍ يِرٍ، نَشَ كٌنيِ فِنّ ندٍ قٍن بّتّلّيمُ يُدَيَ بْشِ مَ. 
\v 2 كْنْ نَ فِنّ نَشَ يّنّ رَبَ، عَ كٍلِ عَ شَ مْرِ شُن مَ، عَ سِفَ بّتّلّيمُ يُدَيَ بْشِ مَ عَ بَبَ شْنيِ. عَ تٌ كِكٍ نَانِ رَبَ نَا، 
\v 3 عَ شَ مْرِ نَشَ سِفَ عَ يِرٍ عَلَكٌ عٍ شَ لَن قٍ كٍرٍن مَ. عَ شَ كٌنيِ قٌنِكٍ نَشَ عَ مَتِ، عٍ سِفَ سٌقَلٍ قِرِن قَرِ. نَ فِنّ نَشَ عَ رَ سٌ عَ بَبَ شْنيِ. نَ فِنّ بَبَ تٌ نَ شّمّ تٌ، عَ نَشَ عَ رَ سّنّ سّيوّ رَ. 
\v 4 عَ بِتَنيِ نَشَ عَ مَكَنكَن، عٍ قَ لُ عَ شْنيِ شِ سَشَن. عَ نَشَ عٍ يِفِيَ عَ قَنيِ رَ.
\p
\v 5 شِ نَانِ ندٍ، لٍوِكَ نَشَ كُرُن عَ شَ كٌتٍ يَءِلَن نَ، كْنْ عَ بِتَنيِ نَشَ عَ قَلَ عَ بّ، «عِ دّ عِبَ تَامِ رَ سِندٍن، وٌ قَ سِفَ.» 
\v 6 عٍ نَشَ دْشْ، عٍ نَشَ عٍ دّفٍ يِرٍ كٍرٍن. نَ شَنبِ عَ بِتَنيِ نَشَ عَ قَلَ عَ بّ، «عِ شَ شِ بٍ تٌ كْي رَ. عِ شَ تِن نَ رَ عَلَكٌ عِ بْحّ شَ رَقَن عِ مَ.» 
\v 7 نَ فِنّ شَ مْرِ نَشَ كٍلِ، عَ شَ سِفَ، كْنْ عَ بِتَنيِ نَشَ عَ كَرَشَن عَ شَ نَ كْي رَدَنفِ نَا.
\p
\v 8 شِ سُولِ ندٍ، عَ مَن نَشَ كُرُن، عَ شَ سِفَ. عَ بِتَنيِ مَن نَشَ عَ قَلَ عَ بّ، «ﭑ بَرَ عِ مَيَندِ، عِ شَ عِ دّ عِبَ سِندٍن، عِ قَ سِفَ نُنمَرٍ رَ.» عٍ مَن نَشَ عٍ دّفٍ يِرٍ كٍرٍن. 
\v 9 نَ شّمّ تٌ كٍلِ، عَ شَ سِفَ، عَ تَن نُن عَ شَ فِنّ، نُن عَ شَ قٌنِكٍ كٌنيِ، عَ بِتَنيِ مَن نَشَ عَ مَيَندِ، «عِ بَرَ عَ تٌ، كْي نَ سٌقٍ. وٌ شَ شِ بٍ تٌ، عِ بْحّ شَ رَقَن عِ مَ. تِنَ وٌ شَ كُرُن، وٌ شَ سِفَ وٌ شْنيِ.» 
\v 10 نَ فِنّ شَ مْرِ مُ تِن نَ رَ. عَ نَشَ كٍلِ، عَ نُن عَ شَ فِنّ نَشَ دْشْ سٌقَلٍ قِرِنيِيٍ قَرِ، عٍ سِفَ يٍبُسُ بِرِ رَ، نَشَن قِندِشِ دَرِ سَلَمُ رَ. 
\v 11 عٍ مَكْرّشِ يٍبُسُ رَ تّمُي نَشّ، نُنمَرٍ نُ بَرَ سٌ. يِ قٌنِكٍ كٌنيِ نَشَ عَ قَلَ عَ مَرِفِ بّ، «وٌن شَ تِ بٍ يٍبُسُ تَا كُي، وٌن شَ شِ بٍ.» 
\v 12 عَ مَرِفِ نَشَ عَ يَابِ، «وٌن مُ سٌمَ تَا عِ سِ فبّتّ سَبَتِشِ دّننَشّ. وٌن شَ شِ عِسِرَيِلَ تَا ندٍ نّ فِبِيَ.» 
\v 13 عَ مَن نَشَ عَ قَلَ عَ شَ قٌنِكٍ كٌنيِ بّ، «وٌن شّي، وٌن شَ سٌ فِبِيَ، شَ نَ مُ رَ مَ، وٌن شَ شِ مّننِ.» 
\v 14 عٍ نَشَ حّرّ هَن سٌفٍ دُلَ تّمُي. عٍ نُ بَرَ مَكْرّ فِبِيَ رَ، بُنيَمِن بْنسْي شَ بْشِ مَ. 
\v 15 عٍ نَشَ سٌ فِبِيَ، عٍ شَ شِ نَا. عٍ نَشَ تِ تَا تَفِ، كْنْ مِشِ يٌ مُ تِن عٍ يِفِيَدٍ.
\p
\v 16 قٌرِ ندٍ، نَشَن كٍلِ عٍقِرَ مِ فٍيَيٍ مَبِرِ، كْنْ عَ نُ سَبَتِشِ فِبِيَ نّ، عَ نَشَ سٌ تَا كُي نُنمَرٍ، كٍلِقٍ وَلِدٍ شّ مَ. مّننِ مِشِيٍ تَن بُنيَمِن شَ دِيٍ نَن نُ عٍ رَ. 
\v 17 نَ قٌرِ تٌ شْحّيٍ تٌ تَا تَفِ، عَ نَشَ عٍ مَشْرِن، «وٌ كٍلِشِ مِندٍن؟ وٌ سِفَقٍ مِندٍن؟» 
\v 18 عٍ نَشَ عَ يَابِ، «مُشُ كٍلِشِ بّتّلّيمُ يُدَيَ بْشِ نَن مَ، مُشُ نَ سِفَقٍ عٍقِرَ مِ فٍيَيٍ مَ، ﭑ سَبَتِشِ دّننَشّ. ﭑ كٍلِشِ بّتّلّيمُ يُدَيَ بْشِ نَن مَ، ﭑ نَ سِفَقٍ عَلَتَلَ شَ بَنشِ، كْنْ ﭑ مُ يِفِيَ سْتْشِ سِندٍن. 
\v 19 حٌوفٍ نُن بُرّشّ نَ مُشُ يِ مُشُ شَ سٌقَلٍ نَشَن دٌنمَ. تَامِ نُن وّنِ قَن نَ مُشُ يِ مُشُ نَشَن دٌنمَ، ﭑ تَن، ﭑ مَ فِنّ، نُن ﭑ مَ قٌنِكٍ كٌنيِ. سٍسٍ مُ لُشِ نَشَن مُ نَ مُشُ يِ رَ.» 
\v 20 نَ قٌرِ نَشَ عَ قَلَ عَ بّ، «عَلَ شَ وٌ بْحّ سَ. ﭑ بَرَ وٌ يِفِيَ، وٌ مُ لُمَ تَا تَفِ تٌ كْي رَ.» 
\v 21 عَ نَشَ عٍ شَنِن عَ شَ بَنشِ كُي، عَ حٌوفٍ سٌ سٌقَلٍيٍ يِ. بِيَاسِلَيٍ تٌ عٍ سَنيِيٍ مَشَ، عٍ نَشَ عٍ دّفٍ، عٍ نَشَ عٍ مِن.
\p
\v 22 عٍ تٌ نُ نَ عٍ دّفٍقٍ، تَا مِشِ رَبّحِنشِيٍ نَشَ قَ، عٍ نَشَ بَنشِ بِلِن، عٍ نَادّ كْنكْن سّنبّ رَ. عٍ نُ قَ عَ قَلَ قٌرِ بّ، بَنشِ كَنيِ، «شّمّ نَشَن سٌشِ عِ شَ بَنشِ كُي، عَ رَ مِنِ عَلَكٌ مُشُ شَ يّنّ رَبَ عَ رَ.» 
\v 23 بَنشِ كَنيِ نَشَ مِنِ، عَ عَ قَلَ عٍ بّ، «عَدٍ، ﭑ نفَشَكٍرٍنيِيٍ، وٌ نَشَ يِ قٍ حَاشِ رَبَ ﭑ مَ شْحّ رَ. ﭑ بَرَ وٌ مَيَندِ. يِ شّمّ بَرَ سٌ ﭑ شْنيِ، وٌ نَشَ يِ يُنُبِ شْنشِ رَبَ عَ رَ. 
\v 24 ﭑ مَ دِ فِنّدِ مّدِ نَن يِ كِ، عَ نُن يِ شّمّ شَ فِنّ، ﭑ شَ نٍيٍ رَ مِنِ وٌ مَ، وٌ شَ وٌ وَشْنقٍ رَبَ عٍ رَ. كْنْ وٌ نَشَ نَ قٍ شْنشِ مْولِ رَبَ يِ شّمّ رَ.» 
\v 25 يِ شّمّيٍ مُ تِن عٍ تُلِ مَتِدٍ عَ رَ. نَ كُي، شّمّ نَشَ عَ شَ فِنّ سُشُ، عَ عَ رَ مِنِ عٍ مَ تَندٍ. عٍ نَشَ عَ كٌلٌن فِنّ رَ، عٍ قَ عَ مَشِ نَ كْي بِرِن نَ هَن فّيسّفّ. كُيٍ تٌ عِبَ، عٍ نَشَ عَ بّحِن.
\p
\v 26 سُبَشّ يِ فِنّ نَشَ قَ، عَ بِرَ بَنشِ دّ رَ، عَ شَ مْرِ يِفِيَشِ دّننَشّ. عَ نَشَ لُ نَا هَن فّيسّفّ. 
\v 27 فّيسّفّ عَ شَ مْرِ نَشَ كٍلِ، عَ شَ سِفَ. عَ تٌ نَادّ رَبِ، عَ نَشَ عَ شَ فِنّ تٌ بَنشِ سٌدٍ دّ رَ، عَ بّلّشّ سَشِ نَادّ فٌنيِ مَ. 
\v 28 عَ نَشَ عَ قَلَ عَ شَ فِنّ بّ، «وٌن شّي،» كْنْ عَ مُ عَ يَابِ. عَ نُ بَرَ قَشَ. نَ كُي عَ نَشَ عَ سَ عَ شَ سٌقَلٍ قَرِ، عَ سِفَ عَ شْنيِ. 
\v 29 عَ تٌ سٌ عَ شْنيِ، عَ نَشَ قِنّ تٌنفٌ، عَ نَشَ عَ شَ فِنّ عِبٌلٌن عَ سَلٌنسٍيٍ مَ دْشْ قُ نُن قِرِن. عَ نَشَ نَ شُنتُنيِيٍ رَ سَنبَ عِسِرَيِلَ بْنسْي قُ نُن قِرِنيِيٍ مَ.
\p
\v 30 نَشٍيٍ بِرِن نَ تٌ، عٍ نَشَ عَ قَلَ، «كَقِ عِسِرَيِلَكَيٍ نَشَ كٍلِ مِسِرَ بْشِ مَ، هَن تٌ، يِ قٍ حَاشِ مْولِ مُ نُ رَبَ سِندٍن. وٌن شَ لُ يِرٍ كٍرٍن، وٌ شَ نَتّ تٌنفٌ يِ شَ قٍ رَ.»
\c 20
\s عِسِرَيِلَكَيٍ نُن بُنيَمِن بْنسْي فٍرٍقٍ
\p
\v 1 عِسِرَيِلَكَيٍ بِرِن، قْلْ دَنَ مَ، سَ دْشْ بٍرِ سٍيبَ نُن فَلَدِ رَ، عٍ نَشَ عٍ مَلَن عَلَ يَ عِ مِسِثَ. 
\v 2 عِسِرَيِلَ بْنسْييٍ كُنتِفِ بِرِن نُ نَ عَلَ شَ حَمَ شَ مَلَنيِ. سْورِ وُلُ كّمّ نَانِ نُ نَ، عٍ بِرِن قَتَ سَنتِدّفّمَ رَ. 
\v 3 بُنيَمِنكَيٍ نَشَ عَ كٌلٌن عِسِرَيِلَكَيٍ نُ مَلَنشِ مِسِثَ.
\p عِسِرَيِلَكَيٍ نَشَ عَ قَلَ نَ لٍوِكَ بّ عَ شَ يِ قٍ حَاشِ دّنتّفّ سَ عٍ بّ. 
\v 4 نَ كُي لٍوِكَ نَشَن مَ فِنّ قَشَشِ، عَ نَشَ عَ مَسٍن عٍ بّ، «مُشُ نُن ﭑ مَ فِنّ نَشَ فِبِيَ لِ بُنيَمِن بْشِ مَ، مُشُ شَ شِ نَا. 
\v 5 فِبِيَ شّمّيٍ نَشَ كٍلِ ﭑ شِلِ مَ كْي رَ. عٍ نَشَ بَنشِ بِلِن ﭑ نُ نَ دّننَشّ، عٍ شَ ﭑ قَشَ. عٍ نَشَ عٍ وَشْنقٍ رَبَ ﭑ مَ فِنّ رَ هَن نَ قَشَ. 
\v 6 ﭑ نَشَ عَ قُرٍ عِبٌلٌن بٌلٌن، ﭑ نَشَ عَ شُنتُنيِيٍ رَ سَنبَ عِسِرَيِلَ بْنسْي بِرِن مَ، عٍ شَ عَ كٌلٌن يِ قٍ حَاشِ نَشَن نَبَشِ عِسِرَيِلَ بْشِ مَ. 
\v 7 يَكْسِ، عِسِرَيِلَكَيٍ بِرِن، وٌ شَ وْيّن، وٌ شَ كِيتِ سَ.»
\p
\v 8 حَمَ بِرِن نَشَ لَن عَ مَ مِشِ يٌ نَشَ فبِلٍن عَ شْنيِ، 
\v 9 قٌ عٍ شَ مِشِيٍ سُفَندِ سِندٍن نَشٍيٍ تٍمَ فِبِيَ شِلِ مَ. 
\v 10 عٍ نَشَ عَ قَلَ، «شّمّ قُ يٌ شّمّ قُ، وٌن شَ كٍرٍن شّي عَ شَ دٌنسٍ قٍن سْورِيٍ بّ. نَشٍيٍ لُشِ، عٍ شَ تٍ فِبِيَ عٍ شَ وَلِ حَاشِ سَرٍ رَفبِلٍن مّننِكَيٍ مَ، نَشٍيٍ بَرَ قٍ شْنشِ رَبَ عِسِرَيِلَ بْشِ مَ.» 
\v 11 نَ كُي عِسِرَيِلَ شّمّ بِرِن نَشَ عٍ مَلَن نَ تَا شِلِ مَ.
\p
\v 12 عِسِرَيِلَ بْنسْييٍ نَشَ شّيرَيٍ شّي بُنيَمِن شَبِلّ بِرِن مَ، عٍ شَ عٍ مَشْرِن، «يِ قٍ حَاشِ مْولِ دَنفِشِ وٌ تَفِ دِ؟ 
\v 13 وٌ شَ نَ فِبِيَكَ مِشِ حَاشِيٍ سٌ مُشُ يِ رَ، مُشُ شَ عٍ قَشَ عَلَكٌ يِ يُنُبِ شَ بَ عِسِرَيِلَ مَ.» بُنيَمِنكَيٍ نَشَ تٌندِ عٍ نفَشَكٍرٍنيِ عِسِرَيِلَكَيٍ شُي سُشُدٍ. 
\v 14 عٍ نَشَ كٍلِ عٍ شَ تَايٍ كُي، عٍ قَن شَ مَلَن فِبِيَ عِسِرَيِلَكَيٍ فٍرٍدٍ. 
\v 15 سَنتِدّفّمَ كَنيِ وُلُ مْشْحّن نُن سٍننِ نُ نَ بُنيَمِنكَيٍ يَ مَ، نُن فِبِيَكَ مِشِ كّمّ سٌلٌقٍرٍ نَشٍيٍ سُفَندِشِ فٍرٍ شِلِ مَ. 
\v 16 سْورِ يِ مَتِنشِنشِ كّمّ سٌلٌقٍرٍ نُ نَ عٍ يَ مَ، نَشٍيٍ قَتَ فّمّ وٌلِدٍ لَاتِ رَ عٍ كْولَ بّلّشّ رَ. عٍ قَتَ سٍ بِرِن فْنْدٍ نَ رَ. 
\v 17 عِسِرَيِلَكَ سْورِيٍ سَنتِدّفّمَ كَنيِيٍ نُ لَنشِ شّمّ وُلُ كّمّ نَانِ بَقٍ بُنيَمِنكَيٍ رَ. 
\v 18 عٍ نَشَ تٍ بٍتٍلِ، عٍ عَلَ مَشْرِن، «ندٍ سِنفٍ تٍمَ مُشُ يَ مَ عَ شَ بُنيَمِنكَيٍ فٍرٍ؟» عَلَتَلَ نَشَ عٍ يَابِ، «يُدَيَكَيٍ سِنفٍ شَ نَ فٍرٍ قْلْ.»
\p
\v 19 فّيسّفّ، عِسِرَيِلَكَيٍ نَشَ كُرُ فِبِيَ شِلِ مَ. 
\v 20 عٍ نَشَ بُنيَمِنكَيٍ فٍرٍ فِبِيَ يَ تَفِ. 
\v 21 بُنيَمِنكَ نَشٍيٍ كٍلِ فِبِيَ، نٍيٍ نَشَ عِسِرَيِلَكَ وُلُ مْشْحّن نُن قِرِن قَشَ. 
\v 22 نَ دَنفِ شَنبِ، عِسِرَيِلَكَيٍ نَشَ لِمَنِيَ، عٍ مَن نَشَ تٍ بُنيَمِنكَيٍ شِلِ مَ، عٍ نُ نَ دّننَشّ نَ لْشْي سِنفٍ. 
\v 23 عٍ مَن نَشَ تٍ بٍتٍلِ، عٍ نَشَ وَ هَن نُنمَرٍ، عٍ قَ عَلَتَلَ مَشْرِن، «عَ لَنمَ مُشُ مَن شَ بُنيَمِنكَيٍ فٍرٍ، مُشُ نفَشَكٍرٍنيِيٍ؟» عَلَتَلَ نَشَ عٍ يَابِ، «وٌ عٍ فٍرٍ.»
\p
\v 24 عَوَ نَ شِ قِرِن ندٍ، عِسِرَيِلَكَيٍ مَن نَشَ تٍ بُنيَمِن شَ دِيٍ شِلِ مَ. 
\v 25 نَ لْشْي بُنيَمِنكَ نَشٍيٍ كٍلِ فِبِيَ نَشَ عِسِرَيِلَ شّمّ وُلُ قُ نُن سٌلٌمَسَشَن قَشَ سَنتِدّفّمَ رَ. 
\v 26 نَ تّمُي عِسِرَيِلَكَيٍ بِرِن نَشَ تٍ بٍتٍلِ، عٍ نَشَ وَ عَلَتَلَ يَ عِ. عٍ نَشَ سُنيِ سُشُ هَن نُنمَرٍ، عٍ سّرّشّ فَن دَاشِ نُن شَنُنتٍيَ سّرّشّ بَ عَلَتَلَ بّ. 
\v 27 عٍ نَشَ عَلَتَلَ شَ مَرَ سِ قٍن. نَ وَشَتِ عَلَ شَ سَاتّ كَنكِرَ نُ نَ بٍتٍلِ. 
\v 28 قِنٍشَسِ، عٍلٍيَسَرِ شَ دِ، هَرُنَ شَ مَمَدِ، نُ عَ حّنفِ سَشِ نَ بِرِن شْن مَ. عٍ نَشَ عَلَ مَشْرِن، «عَ لَنمَ مُشُ مَن شَ تٍ بُنيَمِنكَيٍ شِلِ مَ، مُشُ نفَشَكٍرٍنيِيٍ، كَ عَ لَنمَ مُشُ شَ فٍرٍ لُ نَا؟» عَلَتَلَ نَشَ عٍ يَابِ، «وٌ مَن شَ فٍرٍ سٌ. تِنَ ﭑ عٍ سَمَ وٌ سَفٌي.»
\p
\v 29 نَ تّمُي عِسِرَيِلَكَيٍ نَشَ فِبِيَ مّلّن. 
\v 30 عٍ تٌ تٍ بُنيَمِنكَيٍ شِلِ مَ فِبِيَ يَ تَفِ عٍ نُ نَ دّننَشّ بٌورٍ بِيَاسِ، 
\v 31 بُنيَمِن شَ دِيٍ نَشَ مِنِ عٍ فٍرٍدٍ. عٍ نَشَ مِشِ تٌنفٌ سَشَن قَشَ بٍتٍلِ نُن فِبِيَ كِرَيٍ شْن مَ. 
\v 32 بُنيَمِنكَيٍ نَشَ عَ قَلَ عٍ بٌورٍيٍ بّ، «وٌن مَن نَ عٍ بْنبْقٍ نّ يِ كِ عَلْ عَ سِنفٍ،» كْنْ عِسِرَيِلَكَيٍ تَن نُ بَرَ عَ قَلَ عٍ بٌورٍ بّ، «وٌن شَ وٌن مَكُيَ تَا رَ، عٍ شَ بِرَ وٌن قْشْ رَ كِرَيٍ شْن مَ.»
\p
\v 33 عِسِرَيِلَ شّمّيٍ نَشَ عٍ مَلَن بَلِ تَمَرِ. نَشٍيٍ نُ نَ فِبِيَ مّلّنقٍ، نٍيٍ قَن نَشَ مِنِ كّنّ مَ. 
\v 34 عِسِرَيِلَ سْورِ قَنيِ وُلُ قُ نَشَ فِبِيَ فٍرٍ عَ حَاشِ رَ. بُنيَمِنكَيٍ مُ فّشِ عَ كٌلٌندٍ فبَلٌي نُ بَرَ عٍ لِ. 
\v 35 عَلَتَلَ نَشَ بُنيَمِن بْنسْي بْنبْ عِسِرَيِلَ يَ شْرِ. شّمّ سَنتِدّفّمَ كَنيِ وُلُ مْشْحّن نُن سُولِ، شّمّ كّمّ نَشَ قَشَ نَ لْشْي. 
\v 36 بُنيَمِن شَ دِيٍ نَشَ عَ كٌلٌن عٍ مُ فٍينِشِ يِ بِيَاسِ. عِسِرَيِلَكَيٍ نَشَ عَ لُ عٍ شَ فبِلٍن فِبِيَ مَبِرِ، بَرِ مَ عٍ عَ كٌلٌن سْورِ فبّتّيٍ نُ نَ عٍ مّلّنقٍ.
\p
\v 37 سْورِ نَشٍيٍ نُ فِبِيَ مّلّنقٍ، نٍيٍ نَشَ سٌ تَا كُي كٍرٍن نَ، عٍ مِشِ بِرِن قَشَ سَنتِدّفّمَ رَ. 
\v 38 عٍ نُ بَرَ لَن عَ مَ عٍ شَ تّ سٌ تَا رَ، تُورِ فبٍفبٍ شَ تٍ كٌورٍ مَ. 
\v 39 عِسِرَيِلَكَ بٌورٍيٍ تٌ نَ تٌ، عٍ نَشَ عٍ مَقِندِ بُنيَمِنكَيٍ شِلِ مَ. بُنيَمِنكَيٍ تٌ بَرَ مِشِ تٌنفٌ سَشَن قَشَ، عٍ نَشَ عَ قَلَ عٍ بٌورٍ بّ، «وٌن نَ عٍ بْنبْقٍ نّ يِ كِ عَلْ عَ سِنفٍ.» 
\v 40 كْنْ عٍ تٌ تُورِ تٌ تٍ رَ كٌورٍ مَ كٍلِقٍ عٍ شَ تَا كُي، 
\v 41 بُنيَمِنكَيٍ نَشَ فَاشُ نَ فبَلٌي يَ رَ. عِسِرَيِلَكَيٍ نَشَ عٍ مَقِندِ، عٍ شَ عٍ فٍرٍ.
\p
\v 42 بُنيَمِنكَيٍ نَشَ فبِلٍن عٍ قْشْ رَ، عٍ عٍ فِ فبٍنفبٍرٍن كِرَ شْن مَ. سْورِ نَشٍيٍ نُ نَ تَا كُي، نٍيٍ مُ تِن عٍ شَ عٍ بَ عٍ يِ. عٍ نَشَ بِرَ عٍ قْشْ رَ، عٍ عٍ قَشَ، بَرِ مَ عٍ نُ بَرَ مَكْرّ عٍ رَ. 
\v 43 عِسِرَيِلَكَيٍ نَشَ عٍ رَبِلِن، عٍ بِرَ عٍ قْشْ رَ فِبِيَ قُفٍ رَ. 
\v 44 بُنيَمِن سْورِ قَنيِ وُلُ قُ نُن سٌلٌمَسَشَن نَشَ قَشَ نَ فٍرٍ كُي. 
\v 45 شّمّ وُلُ سُولِ نَشَ قَشَ، نَشٍيٍ نُ بَرَ عٍ فِ فبٍنفبٍرٍن كِرَ شْن مَ، سِفَقٍ رَ رِ مْن فٍيَ مَبِرِ. شّمّ وُلُ قِرِن نَشَ قَشَ، نَشٍيٍ نُ بَرَ عٍ فِ هَن فِدٌ مِ. 
\v 46 نَ لْشْي بُنيَمِن سْورِ قَنيِ وُلُ مْشْحّن نُن سُولِ نَشَ قَشَ، عٍ بِرِن سَنتِدّفّمَ كَنيِ. 
\v 47 شّمّ كّمّ سٍننِ، نَشٍيٍ نُ بَرَ عٍ فِ فبٍنفبٍرٍنيِ رِ مْن فٍيَ مَبِرِ، نَشَ لُ مّننِ كِكٍ نَانِ. 
\v 48 عِسِرَيِلَكَيٍ نَشَ بِرَ بُنيَمِن شَ دِيٍ قْشْ رَ عٍ شَ تَا بِرِن كُي. عٍ نَشَ عٍ قَشَ سَنتِدّفّمَ رَ، شّمّيٍ نُن شُرُ سٍيٍ. عٍ نَشَ تّ قَن سٌ عٍ شَ تَا بِرِن نَ.
\c 21
\s بُنيَمِن بْنسْي شَ فِنّ سْتْي
\p
\v 1 عِسِرَيِلَ شّمّيٍ نُ بَرَ عٍ يّتّ رَكَلِ مِسِثَ، عَ قَلَقٍ رَ، «مِشِ يٌ نَشَ عَ شَ دِ فِنّ قِ بُنيَمِنكَ ندٍ مَ.» 
\v 2 حَمَ نَشَ سِفَ بٍتٍلِ، عٍ نَشَ لُ عَلَ يَ عِ هَن نُنمَرٍ. عٍ نَشَ وَ عٍ شُي عِتٍشِ رَ. 
\v 3 عٍ نُ قَ عَ قَلَ، «عِسِرَيِلَ مَرِفِ عَلَتَلَ بْنسْي ندٍ بَشِ مُشُ رَ مُنقٍ رَ؟» 
\v 4 نَ كُيٍ عِبَ، عٍ نَشَ كٍلِ سُبَشّ مَ، عٍ سّرّشّبَدٍ يَءِلَن، عٍ قَ سّرّشّ فَن دَاشِ نُن شَنُنتٍيَ سّرّشّ بَ عَلَ بّ. 
\v 5 عِسِرَيِلَكَيٍ نَشَ عَ مَشْرِن، «شَبِلّ مُندُن مُ نَ وٌن يَ مَ تٌ نَشَن مُ قَشِ عَلَتَلَ شَ مَلَنيِ؟» عٍ نُ بَرَ عٍ رَكَلِ مِشِ شِلِ مَ نَشَن مُ قَمَ عَلَتَلَ شَ مَلَنيِ مِسِثَ. عٍ نُ بَرَ عَ قَلَ نَ كَنيِ شَ قَشَ.
\p
\v 6 عِسِرَيِلَكَيٍ نَشَ كِنِكِنِ عٍ نفَشَكٍرٍنيِ بُنيَمِنكَيٍ مَ، عٍ نُ قَ عَ قَلَ، «تٌ لْشْي بْنسْي كٍرٍن بَرَ بَ عِسِرَيِلَ رَ. 
\v 7 وٌن مُنسٍ رَبَمَ عٍ بّ عَلَكٌ عٍ شَ فِنّيٍ سْتْ، بَرِ مَ وٌن تَن بَرَ وٌن كَلِ عَلَتَلَ رَ، وٌن مُ وٌن مَ دِ فِنّيٍ قِمَ عٍ مَ؟» 
\v 8 نَ كُي، عٍ نَشَ عَ قَلَ، «شَبِلّ ندٍ نَ عِسِرَيِلَ بْنسْييٍ يَ مَ نَشَن مُ تٍ عَلَتَلَ يِرٍ مِسِثَ؟» عٍ نَشَ عَ مَتٌ قَ يَبّسِ فَلَدِ مِشِ يٌ مُ نُ نَ عٍ يَ مَ.
\p
\v 9 عٍ تٌ حَمَ مَتٌ، عٍ نَشَ عَ كٌلٌن يَبّسِ فَلَدِ شَبِلّ مُ نُ نَ عٍ يَ مَ. 
\v 10 حَمَ نَشَ سْورِ وُلُ قُ نُن قِرِن شّي يَبّسِ فَلَدِ عٍ شَ مِشِ بِرِن، فِنّيٍ نُن دِ مّدِيٍ، قَشَ سَنتِدّفّمَ رَ. 
\v 11 «وٌ لَن نّ وٌ شَ مّننِ شّمّ بِرِن قَشَ. وٌ مَن شَ فِنّيٍ قَشَ نَشٍيٍ مُ قِندِشِ فِنّدِ مّدِ رَ.» 
\v 12 عٍ نَشَ فِنّدِ مّدِ كّمّ نَانِ لِ يَبّسِ فَلَدِ، نَشٍيٍ مُ شّمّ قٍ كٌلٌن. عٍ نَشَ عٍ شَنِن سِلٌ كَنَان بْشِ مَ.
\p
\v 13 حَمَ بِرِن نَشَ شّيرَيٍ شّي بُنيَمِن شَ دِيٍ شْن مَ نَشٍيٍ نُ نَ رِ مْن فٍيَ مَبِرِ. عٍ نَشَ لَنيِ وْيّنيِ مَسٍن عٍ بّ. 
\v 14 نَ تّمُي بُنيَمِنكَيٍ نَشَ فبِلٍن عِسِرَيِلَ بْشِ مَ. عِسِرَيِلَكَيٍ نَشَ يَبّسِ فَلَدِ فِنّيٍ سٌ عٍ يِ رَ، كْنْ عٍ بِرِن مُ فِنّ سْتْ.
\p
\v 15 حَمَ نَشَ كِنِكِنِ عٍ مَ، بَرِ مَ عَلَتَلَ نُ بَرَ عَ رَفِرِ ندٍ شَ بَ عِسِرَيِلَ بْنسْييٍ رَ. 
\v 16 قٌرِيٍ نَشَ عَ قَلَ، «وٌن مُنسٍ رَبَمَ عٍ بّ عَلَكٌ نَشٍيٍ مُ فِنّ سْتْ، عٍ قَن شَ فِنّ ندٍيٍ دْشْ؟ بُنيَمِنكَ فِنّ بِرِن بَرَ قَشَ. 
\v 17 عَ لَنمَ عٍ شَ كّ تٌنفٌي سْتْ، عَلَكٌ بْنسْي ندٍ نَشَ بَ عِسِرَيِلَ يَ مَ. 
\v 18 كْنْ وٌن مُ نْمَ وٌن مَ دِيٍ سٌدٍ عٍ يِ رَ، بَرِ مَ وٌن بَرَ وٌن نَكَلِ، ‹مِشِ نَشَن عَ شَ دِ فِنّ قِمَ بُنيَمِنكَ ندٍ مَ، نَ كَنيِ شَ دَنكَ.›»
\p
\v 19 «عَوَ، وٌن نَشَن نَبَمَ، نَ نَن يِ كِ. حّ يٌ حّ سَلِ ندٍ رَبَمَ سِلٌ، بٍتٍلِ كْولَ مَ، بٍتٍلِ نُن سِكٍمِ كِرَ قُفٍ رَ، لٍبٌنَ يِرٍقَنيِ مَ.» 
\v 20 عٍ نَشَ عَ قَلَ بُنيَمِنكَيٍ بّ، «وٌ سِفَ، وٌ سَ وٌ نْشُن وّنِ بِلِيٍ شْورَ. 
\v 21 سِلٌ فِنّيٍ نَ مِنِ قَرٍ بٌرٌندٍ، وٌ شَ مِنِ وّنِ بِلِيٍ شْورَ، وٌ شَ سِلٌ فِنّ ندٍيٍ تٌنفٌ وٌ يّتّ بّ، وٌ مَن شَ فبِلٍن بُنيَمِن بْشِ مَ. 
\v 22 شَ عٍ بَبَ، شَ نَ مُ عَ رَ عٍ تَارَيٍ، قَ وٌ كَلَمُدٍ مُشُ شْن، مُشُ عَ قَلَمَ نّ عٍ بّ، ‹وٌ شَ دِحّ عٍ مَ مُشُ شَ قٍ رَ، بَرِ مَ مُشُ مُ فِنّ سْتْشِ عٍ شَ سْورِ بِرِن بّ. وٌ تَن شَ مُ وٌ شَ دِيٍ قِشِ عٍ مَ. نَ كُي وٌ مُ نَ مَرَكَلِ كَنَشِ.›»
\p
\v 23 بُنيَمِن شَ دِيٍ نَشَ نَ بِرِن نَبَ. عٍ نَشَ فِنّ تٌنفٌ عٍ شَ كْنتِ مَ فِنّيٍ يَ مَ، نَشٍيٍ نُ نَ قَرٍ بٌرٌنقٍ. عٍ نَشَ عٍ شَنِن عٍ شَ بْشِ مَ، عٍ مَن نَشَ عٍ شَ تَايٍ تِ، عٍ سَبَتِ نَا. 
\v 24 عِسِرَيِلَكَيٍ قَن نَشَ فبِلٍن عٍ شْنيِ، عٍ بْنسْي نُن شَبِلّ نُ نَ بْشِ نَشَن مَ. 
\v 25 نَ وَشَتِ مَنفّ يٌ مُ نُ نَ عِسِرَيِلَ. كَنكَن نُ عَ وَشْنقٍ نَن نَبَمَ.