\id HOS 
\ide UTF-8
\h عَننَبِ هٌسٍ
\toc1 عَلَ شَ مَسٍنيِ عَننَبِ هٌسٍ بّ
\toc2 عَننَبِ هٌسٍ
\toc3 هٌس
\mt عَلَ شَ مَسٍنيِ عَننَبِ هٌسٍ بّ
\imt مَسٍنيِ ندٍ يِ كِتَابُي شَ قٍ رَ
\ip عَلَتَلَ نَشَ مَسٍنيِ شْرْشْي تِ عِسِرَيِلَكَيٍ بّ عَننَبِ هٌسٍ سَابُي رَ. عَلَ نُ بَرَ عِسِرَيِلَ سُفَندِ عَ شَ قِندِ عَ شَ حَمَ رَ، عَ شَ لُ عَ شَ نِينِ بُن مَ، عَ شَ لُ عَ شَ يَامَرِ بُن مَ. كْنْ عِسِرَيِلَ مُ تِن نَ رَ. عٍ نَشَ بِرَ عَلَ فبّتّيٍ قْشْ رَ، عٍ قِندِ كُيٍ بَتُي رَ. عَلَ نَشَ شْنْ عٍ مَ عَ حَاشِ رَ، هَن عَ نَتّ تٌنفٌ عَ شَ عٍ لُ كَاقِرِ سَفٌي، عٍ شَ لُ كٌنيِيَ كُي.
\ip عَننَبِ هٌسٍ نَ مَسٍن نّ عِسِرَيِلَ بّ مِسَالِ ندٍ رَ نَشَن نْمَ قِندِدٍ تّرّننَ رَ وٌن بّ. عَ نَشَ عِسِرَيِلَ شَ وَلِ مَنِيَ لَنفٌيحَ رَ، عَ نَشَن نَبَمَ عَ شَ مْرِ رَ نَشَن نُ بَرَ عَ دْشْ سّرِيّ كِ مَ. عَ نَشّ لَنفٌي فِنّ نَشَن مّيمَ عَ شَ مْرِ قَنيِ رَ، نَشَن بَرَ قٍ قَنيِ مْولِ بِرِن نَبَ عَ بّ عَلَكٌ قُتِ شَ سَبَتِ، نَ فِنّ مْولِ بَرَ قِنسِرِوَلِيَ حَاشِ رَبَ. عِسِرَيِلَ عَ نَ مْولِ رَبَ نّ عَلَ رَ. عَلَ تٌ عٍ سُفَندِ، عَ نُ لَن نّ عٍ شَ لُ عَ سَفٌي، كْنْ عٍ مُ تِن نَ رَ. عٍ بِرَقٍ كُيٍ قْشْ رَ، نَ بَرَ لُ عَلْ يَنقَنتٍيَ لَنفٌي نَشَن نَبَمَ عَ شَ مْرِ قَنيِ رَ.
\ip نَ بِرِن كُي، عَلَ نُ نْمَ شْنْدٍ عَ شَ حَمَ مَ عَ حَاشِ رَ، عَ قَ عٍ بِرِن سْنتْ عٍ شَ يُنُبِ شَ قٍ رَ. كْنْ يِ كِتَابُي وَ مَ عَ مَسٍنقٍ نّ، عَلَ شَ شَنُنتٍيَ فبٌ عَدَ مَ بّ هَلِ نَ قِندِ يُنُبِتْي رَ. عَلَ مُ تَفَنمَ كِرَ قَنيِ مَسٍنقٍ يُنُبِتْي بّ عَلَكٌ عَ مَن شَ فبِلٍن عَلَ شَ نِينِ بُن مَ. عَ قٍ بِرِن نَبَمَ نّ عَلَكٌ عَدَ مَ شَ كِسِ، عَ شَ لُ كِرَ قَنيِ شْن مَ.
\ip عَلَ لَايِدِ نَشَن تٌنفٌ عِسِرَيِلَ بّ، عَ شَ عٍ رَفبِلٍن عٍ شَ وَلِ كٌبِ قْشْ رَ، عَ نَ لَايِدِ تٌنفٌمَ نّ وٌن قَن بّ. عَلَ وَ مَ وٌن نَمِنِقٍ سٍنتَنّ شَ يَامَرِ بُن مَ، عَ وَ مَ نّ وٌن شَ لُ عَ شَ دٍنبَيَ كُي كِسِ نُن هّيرِ نَ دّننَشّ. عَلَ شَ وٌن مَلِ تِنقٍ نَ رَ. عَمِنَ.
\imte عَلَ شَ مَسٍنيِ عَننَبِ هٌسٍ بّ
\c 1
\s عَننَبِ هٌسٍ شَ دٍنبَيَ
\p
\v 1 عَلَتَلَ نَشَ مَسٍنيِ تِ بٍيرِ شَ دِ هٌسٍ بّ، يُسِيَ، يٌتَمِ، عَشَسِ، نُن شٍسٍكِيَ مَنفّ شَ وَشَتِيٍ كُي يُدَيَ. يٍرٌبٌوَ مِ نَن نُ نَ عِسِرَيِلَ مَنفّ رَ.
\p
\v 2 عَلَتَلَ شَ مَسٍنيِ نَن يَ عَننَبِ هٌسٍ بّ؛ عَلَتَلَ نَشَ عَ قَلَ عَننَبِ هٌسٍ بّ، «سِفَ، عِ سَ لَنفٌي فِنّ ندٍ تٌنفٌ، عَ مَن شَ دِيٍ بَرِ عِ بّ، بَرِ مَ بٍكَيٍ لَنفٌيحَ نَن نَبَمَ عَلَتَلَ رَبّحِنقٍ كُي!» 
\v 3 هٌسٍ نَشَ سِفَ، عَ سَ فٌمٍرِ تٌنفٌ، دِبِلَيِمِ شَ دِ فِنّ. نَ نَشَ تّيفّ، عَ دِ بَرِ عَ بّ. 
\v 4 عَلَتَلَ نَشَ عَ مَسٍن هٌسٍ بّ، «عِ شَ عَ شِلِ سَ يِسِرٍيلِ، عَ فبٍ مُ لُشِ ﭑ شَ يٍهُ شَ دٍنبَيَ حَشَنكَتَ، بَرِ مَ عٍ قَشّ تِ نّ يِسِرٍيلِ. ﭑ عِسِرَيِلَ شَ مَنفّيَ حْنمَ نَ كِ نّ. 
\v 5 نَ لْشْي ﭑ عِسِرَيِلَ شَ فٍرٍ سٌي سّنبّ كَنَمَ نّ يِسِرٍيلِ تَا كُي.»
\p
\v 6 فٌمٍرِ مَن نَشَ تّيفّ، عَ دِ فِنّ بَرِ. عَلَتَلَ نَشَ عَ مَسٍن هٌسٍ بّ، «عَ شِلِ سَ ‹مِشِ شْنشِ،› بَرِ مَ ﭑ مُ كِنِكِنِمَ عِسِرَيِلَ مَ، ﭑ مُ عَ شَ يُنُبِ شَقَرِ مَ سْنْن. 
\v 7 كْنْ ﭑ كِنِكِنِمَ نّ يُدَيَ تَن مَ، ﭑ قَ عَ رَكِسِ عَ مَرِفِ عَلَتَلَ سّنبّ رَ. ﭑ مُ عٍ رَكِسِمَ تَنبّ رَ، شَ نَ مُ عَ رَ سَنتِدّفّمَ رَ، فٍرٍ رَ، سٌييٍ رَ، نُن سٌي رَفِيٍ رَ.»
\p
\v 8 فٌمٍرِ تٌ «مِشِ شْنشِ» دّ بَ، عَ مَن نَشَ تّيفّ، عَ دِ بَرِ عَ شَ مْرِ هٌسٍ بّ. 
\v 9 عَلَتَلَ نَشَ عَ مَسٍن، «عِ شَ عَ شِلِ سَ ‹ﭑ فبٍ مُ عَ رَ،› بَرِ مَ ﭑ مَ حَمَ مُ وٌ رَ سْنْن، وٌ مَرِفِ مُ ﭑ نَ سْنْن.»
\s عِسِرَيِلَ فبِلٍنقٍ عَلَ مَ
\q
\v 10 عِسِرَيِلَكَيٍ قَمَ نّ وُيَدٍ
\q عَلْ بَا دّ رَ مّيّنيِ،
\q نَشَن مُ نْمَ مَنِيَدٍ،
\q نَشَن مُ نْمَ كْنتِدٍ.
\q سِنفٍ رَ، عَ نُ عَ قَلَمَ عٍ بّ دّننَشّ،
\q «ﭑ مَ حَمَ مُ وٌ رَ،»
\q عَ عَ قَلَمَ نّ عٍ بّ،
\q «عَلَ حِحّ شَ دِيٍ.»
\q
\v 11 يُدَ بْنسْييٍ نُن عِسِرَيِلَ بْنسْييٍ مَلَنمَ نّ،
\q عٍ مَنفّ كٍرٍن سُفَندِ عٍ بِرِن بّ.
\q نَ لْشْي شُنفبٍ عَلَ عٍ رَ مِنِمَ نّ كٌنيِيَ كُي،
\q عَ عٍ رَ سَبَتِ عٍ شْنيِ.
\c 2
\b
\q
\v 1 «وٌ شَ عَ قَلَ وٌ تَارَيٍ شَ قٍ رَ، ‹عَلَ شَ حَمَ.›
\q وٌ شَ عَ قَلَ وٌ شُنيَيٍ شَ قٍ رَ، ‹عَلَ شَنُنتٍنيِيٍ.›
\q
\v 2 وٌ شَ وٌ نفَ عِسِرَيِلَ كَلَمُ،
\q بَرِ مَ ﭑ مَ فِنّ مُ عَ رَ،
\q عَ شَ مْرِ مُ ﭑ قَن نَ!
\q عَ شَ عَ شَ لَنفٌيحَ مَشِرِ سٍيٍ بَ عَ يَتَفِ مَ،
\q عَ عَ شَ حّنفّيَ مَشِرِ سٍيٍ بَ عَ شِحّيٍ تَفِ.
\q
\v 3 شَ نَ مُ عَ رَ، ﭑ عِسِرَيِلَ لُمَ عَ رَفٍلِ نَن نَ،
\q عَلْ عَ نُ كِ نَشّ عَ بَرِ لْشْي.
\q ﭑ عٍ شَ بْشِ مَقِندِ مَ نّ فبٍنفبٍرٍنيِ رَ،
\q
\v 4 عَ قِندِ مَ يِرٍ مَشَرٍ نَن نَ.
\q ﭑ عٍ قَشَمَ يٍ شْلِ نَن نَ.
\q ﭑ مُ كِنِكِنِمَ عَ شَ دِيٍ مَ،
\q بَرِ مَ لَنفٌي دِ نَن عٍ رَ.
\q
\v 5 عٍ نفَ عٍ سْتْ لَنفٌيحَ نَن كُي.
\q نَ بَرَ قِندِ يَافِ رَ عٍ بّ.
\q عَ نَشَ عَ قَلَ، ‹ﭑ بِرَ مَ نّ ﭑ حّنفّيٍ قْشْ رَ،
\q نَشٍيٍ دٌنسٍ نُن يٍ سٌمَ ﭑ يِ،
\q نَشٍيٍ دُفِ قِمَ ﭑ مَ،
\q نَشٍيٍ ﭑ كِمَ تُرٍ نُن مِنسٍ رَ.›
\q
\v 6 ﭑ عِ شَ كِرَ قِندِ مَ تُنبٍ كُنسِ رَ نَ نَن مَ،
\q ﭑ عِ رَبِلِن تّتّ رَ، عَلَكٌ عِ نَشَ كِرَ تٌ.
\q
\v 7 عَ سِفَمَ عَ حّنفّيٍ قْشْ رَ،
\q كْنْ عَ مُ عٍ مَسْتْمَ.
\q عَ عٍ قٍنمَ، كْنْ عَ مُ عٍ تٌمَ.
\q عَ عَ قَلَمَ نّ، ‹ﭑ شَ فبِلٍن ﭑ مَ مْرِ شْن،
\q بَرِ مَ حّلّشِنيِ نُ نَ ﭑ بّ مّننِ دَنفِ يَكْسِ رَ.›
\q
\v 8 عَ مُ عَ كٌلٌن قَ قَلَ ﭑ تَن نَن نُ بَلٌي سٌمَ عَ يِ،
\q مّنفِ، تُرٍ، نُن مِنسٍ.
\q ﭑ تَن نَن نُ فبٍتِ نُن شّيمَ قَن سٌمَ عَ يِ،
\q كْنْ عَ نَشَ نَ بِرِن نَوَلِ بَلِ كُيٍ بّ.
\q
\v 9 نَ نَن عَ تٌ ﭑ مَ مّنفِ نَ مْ، ﭑ عَ بَمَ عَ يِ.
\q وّنِ بٌفِ بُندُ تّمُي، ﭑ نَ قَن بَمَ عَ يِ.
\q شُرُ سٍ شَبٍ شَبَ تّمُي، ﭑ مُ تِنمَ عٍ شَ سٍ سْتْ،
\q نَشَن نْمَ قِندِدٍ عٍ شَ دُفِيٍ رَ.
\q
\v 10 يَكْسِ ﭑ شَ عَ رَيَافِ عَ حّنفّيٍ يَ شْرِ،
\q عَلَكٌ مِشِ يٌ نَشَ عَ بَ ﭑ يِ رَ.
\q
\v 11 ﭑ حّلّشِنيِ بِرِن بَمَ نّ عٍ يِ،
\q عَلْ عٍ شَ مَلَبُي لْشْي سَلِ،
\q عٍ شَ كِكٍ نّينّ سَلِ،
\q عَ نُن عٍ شَ سَلِ بِرِن.
\q
\v 12 ﭑ شَ عٍ شَ وّنِ بِلِيٍ، نُن عٍ شَ شْرّ بِلِيٍ كَنَ.
\q عٍ نَشّ عَ نَ قِندِشِ عٍ شَ لَنفٌيحَ سَرٍ نَن نَ.
\q ﭑ نَ سَنسِ بِرِن كَنَمَ نّ،
\q عَ شَ قِندِ وُلَ رَ سُبٍيٍ سَبَتِمَ دّننَشّ.
\q
\v 13 ﭑ عِسِرَيِلَ حَشَنكَتَمَ نّ،
\q بَرِ مَ عَ سّرّشّ بَمَ بَلِ كُيٍ بّ،
\q عَ لُ عَلْ لَنفٌي نَشَن عَ يّتّ مَشِرِ مَ دُفِ قَنيِ رَ،
\q عَ بِرَ عَ حّنفّ قْشْ رَ.
\q نَ كُي عَ نَشَ نّيمُ ﭑ تَن مَ.»
\q عَلَتَلَ شَ مَسٍنيِ نَن نَ كِ.
\b
\q
\v 14 «ﭑ عَ شَنِنمَ فبٍنفبٍرٍنيِ مَ نَ نَن مَ،
\q ﭑ قَ وْيّنيِ حْشُنمّ قَلَ عَ بّ.
\q
\v 15 عَ نَ كٍلِ مّننِ، ﭑ مَن وُرِ بٌفِلَيٍ قِ عَ مَ.
\q عَكٌرِ فُلُنبَ قِندِ مَ نّ شَشِلِسَ رَ عَ بّ،
\q عَ قَ سِفِ سَ عَلْ عَ قٌنِكٍ تّمُي
\q عَلْ عَ مِنِ لْشْي مِسِرَ بْشِ رَ.»
\b
\q
\v 16 عَلَتَلَ شَ مَسٍنيِ نَن يَ،
\q «نَ لْشْي عِ ﭑ شِلِمَ نّ ‹ﭑ مَ مْرِ.›
\q عِ مُ ﭑ شِلِمَ ‹ﭑ كَنيِ› سْنْن.
\q
\v 17 ﭑ بَلِ كُيٍ شِلِيٍ بَمَ نّ عِ دّ عِ،
\q عَلَكٌ عِ شَ نّيمُ عٍ مَ.
\q
\v 18 نَ لْشْي ﭑ سَاتّ تٌنفٌمَ نّ عٍ بّ،
\q نُن وُلَءِ سُبٍيٍ، شْنِيٍ، عَ نُن بُبُسٍيٍ رَ.
\q ﭑ شَلِ، سَنتِدّفّمَ، نُن فٍرٍ بَمَ نّ عٍ شَ بْشِ مَ،
\q عَلَكٌ عٍ شَ سَبَتِ نَا بْحّسَ كُي.
\q
\v 19 ﭑ عِ قِندِ مَ ﭑ مَ فِنّ نَن نَ
\q تِنشِنيِ، دُفُتّفّحَ، نُن هِننّ كُي.
\q ﭑ مُ مّيمَ عِ رَ عَبَدَن.
\q
\v 20 لَنلَنتٍيَ لُمَ نّ وٌن تَفِ،
\q عِ قَ عَلَتَلَ كٌلٌن.»
\b
\q
\v 21 عَلَتَلَ شَ مَسٍنيِ نَن يَ.
\q «نَ لْشْي، ﭑ عِ شَ دُبّ سُشُمَ نّ.
\q
\v 22 كٌورٍ تُنّ يٍ رَفٌرٌ مَ نّ بْشِ مَ.
\q بْشِ بَلٌي رَ مِنِمَ نّ وٌ بّ.
\q سَنسِيٍ وّنِ نُن تُرٍ قِمَ نّ وٌ مَ.
\q يِسِرٍيلِ هَيِ بِرِن قَنمَ نّ.
\q
\v 23 ﭑ عِسِرَيِلَ رَ سَبَتِمَ نّ نَ بْشِ مَ ﭑ يّتّ بّ.
\q ﭑ نُ نَشَن مَ ‹مِشِ شْنشِ،›
\q ﭑ كِنِكِنِمَ نّ عَ مَ.
\q ﭑ نُ نَشَن مَ، ‹ﭑ مَ حَمَ مُ عَ رَ،›
\q ﭑ عَ شِلِمَ نّ، ‹ﭑ مَ حَمَ.›
\q عٍ قَن قَمَ ﭑ تَن نَن شِلِدٍ، ‹ﭑ مَرِفِ عَلَ.›»
\c 3
\s عَلَ شَ شَنُنتٍيَ عِسِرَيِلَ بّ
\p
\v 1 عَلَتَلَ نَشَ عَ مَسٍن ﭑ بّ، «عِ مَن شَ عِ شَ فِنّ شَنُ، هَلِ عَ تٌ يّنّ رَبَمَ عَ نُن عَ حّنفّيٍ رَ. نَ لُمَ نّ عَلْ عَلَتَلَ شَ شَنُنتٍيَ عِسِرَيِلَكَيٍ بّ، عٍ تَن نَشٍيٍ بِرَ مَ عَلَ فبّتّيٍ قْشْ رَ، عٍ نُ سّرّشّ بَ عٍ بّ.» 
\v 2 ﭑ نَشَ فبِلٍن نَ فِنّ شَ كٌتٍ دْشْ رَ فبٍتِ كٌلٍ قُ نُن سُولِ رَ، نُن مّنفِ بُسَلِ كٍرٍن نُن عَ تَفِ. 
\v 3 ﭑ نَشَ عَ قَلَ عَ بّ، «عِ شَ عِ رَشَرَ ﭑ شْنيِ. عِ نَشَ لَنفٌيحَ رَبَ سْنْن، عِ نَشَ شّمّ فبّتّ يٌ كٌلٌن قَ. ﭑ قَن لُمَ عِ بّ نَ كِ نّ.»
\p
\v 4 وَشَتِ شْننَكُيٍ كُي، عِسِرَيِلَ قَمَ نّ لُدٍ مَنفّ مُ نَ، يَرٍرَتِيٍ، سّرّشّيٍ، كُيٍيٍ، نُن عَلَ مَشْرِن سٍ شَنبِ. 
\v 5 نَ دَنفِ شَنبِ، عِسِرَيِلَكَيٍ فبِلٍنمَ نّ، عٍ قَ عٍ مَرِفِ عَلَتَلَ قٍن، عَ نُن عٍ شَ مَنفّ دَوُدَ. نَ تّمُي، عٍ قَمَ نّ فَاشُدٍ عَلَتَلَ يَ رَ، عٍ مَن لُ عَ شَ هِننّ بُن مَ تّمُي بِرِن.
\c 4
\s عِسِرَيِلَ شَ تِنشِنتَرٍيَ
\q
\v 1 عِسِرَيِلَكَيٍ، وٌ عَلَتَلَ شَ وْيّنيِ رَ مّ،
\q بَرِ مَ كِيتِ نَ وٌ نُن عَلَتَلَ تَفِ.
\q «نْندِ نُن هِننّ بَرَ حْن وٌ يَ مَ.
\q وٌ مُ ﭑ كٌلٌنشِ عَلَ رَ وٌ شْنيِ سْنْن.
\q
\v 2 دَنكّ مَتِقٍ، وُلٍ، قَشّ تِ، مُحّ، لَنفٌيحَ
\q نَن فبَنسَن فبٌشِ وٌ يِ رَ.
\q قَشّ تِمَ تّمُي بِرِن.
\q
\v 3 وٌ شَ بْشِ قَمَ لُدٍ سُننُنيِ كُي نَ نَن مَ.
\q نَشٍيٍ بِرِن سَبَتِشِ عَ مَ،
\q عٍ قَشَمَ نّ عٍ نُن سُبٍيٍ، شْنِيٍ، نُن يّشّيٍ رَ.
\q عٍ بِرِن قَشَمَ نّ.»
\b
\q
\v 4 «كْنْ مِشِ يٌ نَشَ كَلَمُي تِ،
\q مِشِ يٌ نَشَ حَمَ رَكِيتِ.
\q وٌ شَ حَمَ نَن وٌ تَن سّرّشّدُبّيٍ كَلَمُمَ.
\q
\v 5 وٌ بِرَ مَ نّ يَنيِ رَ، وٌ بِرَ كْي رَ.
\q هَلِ نَمِحْنمّيٍ، عٍ تَنتَنمَ.
\q ﭑ قَمَ وٌ نفَ عِسِرَيِلَ قَشَدٍ نَ نَن مَ.
\q
\v 6 ﭑ مَ حَمَ نَ قَشَقٍ، عَ كٌلٌنتَرٍيَ مَ.
\q وٌ تٌ بَرَ وٌ مَكُيَ ﭑ كٌلٌنقٍ رَ،
\q ﭑ قَن بَرَ وٌ مَكُيَ ﭑ مَ سّرّشّدُبّحَ رَ.
\q وٌ تٌ بَرَ وٌ مَرِفِ عَلَ شَ سّرِيّ رَبّحِن،
\q ﭑ قَن بَرَ وٌ شَ دِيٍ رَبّحِن.
\q
\v 7 سّرّشّدُبّيٍ وُيَشِ كِ نَشّ،
\q عٍ شَ يُنُبِيٍ قَن وُيَشِ نَ كِ نّ.
\q ﭑ عٍ شَ بِنيّ مَسَرَ مَ يَافِ رَ نَ نَن مَ.
\q
\v 8 عٍ بَلٌمَ ﭑ مَ حَمَ شَ سّرّشّيٍ رَ.
\q نَ كُي، عٍ مَن نٍيٍ رَدِن يّ يُنُبِ رَبَقٍ مَ
\q عٍ تَن يّتّ نَشَن نَبَمَ،
\q عَلَكٌ عٍ مَن شَ سّرّشّ فبّتّيٍ سْتْ.
\q
\v 9 حَمَ يٌ، سّرّشّدُبّيٍ يٌ،
\q ﭑ عٍ بِرِن حَشَنكَتَمَ نّ عٍ شَ يُنُبِيٍ شَ قٍ رَ،
\q ﭑ عٍ سَرٍ رَفبِلٍنمَ نّ عٍ مَ.»
\b
\q
\v 10 «عٍ عٍ دّفٍمَ نّ، كْنْ عٍ مُ قَمَ لُفَدٍ.
\q عٍ كُيٍيٍ بَتُمَ نّ، كْنْ نٍيٍ مُ عٍ رَفٍينِمَ،
\q بَرِ مَ عٍ بَرَ عَلَتَلَ رَبّحِن.
\q
\v 11 عٍ لَنفٌيحَ رَبَمَ،
\q عٍ بٍيرٍ مْولِ بِرِن مِنمَ.
\q نَ نَن عٍ شَشِلِ كَنَشِ.
\q
\v 12 ﭑ مَ حَمَ مَشْرِنيِ تِمَ كُيٍ مَ.
\q عٍ يَابِ ندٍ سْتْمَ نَ وُرِ شُنتُنيِ رَ.
\q لَنفٌيحَ رَبَقٍ بَرَ لُ عٍ بْحّ كُي.
\q نَ بَرَ عٍ رَلْي،
\q نَ بَرَ عٍ مَكُيَ عَلَ رَ.
\q
\v 13 عٍ سّرّشّ بَمَ فٍيَيٍ قَرِ،
\q مّننِ عٍ سُرَيِ قَن فَنمَ سّرّشّ رَ.
\q عٍ نَ رَبَمَ وُرِ شُنفبٍيٍ بُن مَ، نِينِ فبٌ دّننَشّ.
\q نَ كُي وٌ شَ دِ فِنّيٍ لَنفٌيحَ رَبَمَ،
\q وٌ شَ مَمَدِيٍ قَن بَرَ قِندِ يّنّ رَبَيٍ رَ.»
\b
\q
\v 14 «ﭑ مُ قَمَ وٌ شَ دِ فِنّيٍ نُن وٌ شَ مَمَدِيٍ حَشَنكَتَدٍ عٍ شَ لَنفٌيحَ شَ قٍ رَ،
\q بَرِ مَ وٌ تَن قَن حّنفّيٍ سُشُمَ.
\q وٌ بِرِن سّرّشّ بَمَ كُيٍيٍ بّ.
\q حَمَ شَشِلِتَرٍ لُمَ نَ فَنتَنيِ كُي.
\q
\v 15 شَ عِسِرَيِلَ بَرَ بِرَ لَنفٌيحَ قْشْ رَ،
\q وٌ تَن يُدَيَكَيٍ، وٌ نَشَ نَ مْولِ رَبَ.
\q وٌ نَشَ سِفَ فِلِفَلِ، وٌ نَشَ تٍ بٍتِ عَوٍنِ.
\q وٌ نَشَ وٌ كَلِ عَلَتَلَ شِلِ رَ مّننِ.
\q
\v 16 شَ عِسِرَيِلَ لُمَ عَلْ نِنفٍ كَلَبَنتٍ،
\q عَلَتَلَ مُ نْمَ عٍ رَبَلٌدٍ عَلْ يّشّي قَنيِيٍ،
\q عٍ نَشٍيٍ دّ مَدٌنمَ قِيلِ شُنفبٍيٍ مَ.
\q
\v 17 عٍقِرَ مِكَيٍ بَرَ كَنكَن كُيٍ مَ.
\q وٌ شَ عٍ لُ نَ.
\q
\v 18 عٍ شَ بٍيرٍ نَ حْن، عٍ شَ لَنفٌيحَ قَن تٌنفٌ.
\q عٍ شَ مَنفّيٍ وَشِ يَافِ نَن تُن شْن مَ.
\q
\v 19 قٌيٍ قَمَ عٍ رَ قَنَقَنَندٍ نَ نَن مَ.
\q عٍ قَمَ نّ يَافِدٍ عٍ شَ سّرّشّيٍ شَ قٍ رَ.»
\c 5
\s عَلَ عِسِرَيِلَ مَكِيتِقٍ
\q
\v 1 «سّرّشّدُبّيٍ، وٌ يِ رَ مّ.
\q عِسِرَيِلَكَيٍ، وٌ عَ مَتٌ.
\q مَنفّ شَ دٍنبَيَ، وٌ وٌ تُلِ مَتِ.
\q كِيتِ نَ وٌن تَفِ،
\q بَرِ مَ وٌ بَرَ قِندِ فَنتَنيِ رَ مِسِثَ،
\q وٌ بَرَ قِندِ يّلّ رَ تَبٌرٌ فٍيَ قَرِ.
\q
\v 2 وٌ نَ مِشِ نَن تُن مَقَشَقٍ يِ كِ،
\q ﭑ شَ ﭑ يَشَسٍرِ مَسَ وٌ بّ.»
\b
\q
\v 3 «ﭑ عٍقِرَ مِ كٌلٌن، عِسِرَيِلَ مُ نْشُنشِ ﭑ مَ.
\q عٍقِرَ مِ نَ لَنفٌيحَ رَبَقٍ، عِسِرَيِلَ قَن بَرَ سٌ سّنِيّنتَرٍحَ كُي.
\q
\v 4 عٍ شَ قٍ كٌبِيٍ بَرَ عٍ مَكُيَ عٍ مَرِفِ عَلَ رَ.
\q لَنفٌيحَ شَشِلِ بَرَ لُ عٍ يَ مَ.
\q عٍ مُ عَلَتَلَ كٌلٌن.
\q
\v 5 عِسِرَيِلَ شَ يّتّ عِفبٌيَ نَن عَ نِيَمَ
\q عٍ شَ بِرَ، عٍ نُن عٍقِرَ مِ.
\q يُدَيَ قَن بِرَ مَ نّ عٍ شَ يُنُبِ سَابُي رَ.
\q
\v 6 عٍ شُرُ سٍيٍ شَنِنمَ سّرّشّ رَ، عٍ شَ عَلَتَلَ قٍن،
\q كْنْ عٍ مُ عَ تٌمَ بَرِ مَ عَ مَكُيَ عٍ رَ.
\q
\v 7 عٍ بَرَ عَلَتَلَ يَنقَ، عٍ حّنفّ دِيٍ بَرِ.
\q بٍينُن كِكٍ كٍرٍن، عٍ شَ بْشِ قَمَ نّ كَنَدٍ، عٍ قَ هَلَكِ.»
\b
\q
\v 8 «وٌ سَرَ قٍ فِبِيَ. وٌ شَ عَ قٍ رَ مَ.
\q وٌ فٍرٍ سْنشْي عِتٍ بٍتِ عَوٍنِ.
\q بُنيَمِنكَيٍ، يَشُييٍ نَ وٌ شَنبِ رَ.
\q
\v 9 عٍقِرَ مِ حَشَنكَتَمَ نّ نَ لْشْي.
\q عِسِرَيِلَ بْنسْي، ﭑ شَ نْندِ مَسٍن وٌ بّ.»
\b
\q
\v 10 «يُدَيَ كُنتِفِيٍ قَمَ نّ ﭑ مَ شْنّ كٌلٌندٍ،
\q بَرِ مَ عٍ عِقُ بْشِ نَانِنيِيٍ مَ.
\q
\v 11 عٍقِرَ مِكَيٍ قَن قَمَ نّ حَشَنكَتَدٍ،
\q بَرِ مَ عٍ بِرَشِ عٍ يّتّ وَشْنقٍ نَن قْشْ رَ.
\q
\v 12 ﭑ قِندِ مَ سُورِ نَن نَ عٍقِرَ مِ بْنسْي بّ،
\q ﭑ لُ يُدَ بْنسْي بّ عَلْ قِ حَاشِ.
\q
\v 13 عٍقِرَ مِ نُن يُدَيَ عَ كٌلٌن عٍ قُرَشِ.
\q عٍقِرَ مِ سِفَمَ عَسِرِيَ،
\q عَ شّيرَيٍ شّيمَ نَا مَنفّ شُنفبٍ شْن مَ،
\q كْنْ عَ مُ نْمَ وٌ رَيَلَندٍ،
\q عَ مُ نْمَ وٌ شَ قِيٍ بَرِدٍ.
\q
\v 14 ﭑ لُمَ نّ عَلْ يّتّ عٍقِرَ مِ بّ،
\q عَلْ يّتّ يْرّ يُدَيَ بّ.
\q ﭑ نٍيٍ عِبْو مَ نّ، ﭑ سِفَ عٍ رَ،
\q مِشِ يٌ مُ عٍ بَمَ ﭑ يِ.
\q
\v 15 ﭑ شَ فبِلٍن ﭑ شْنيِ،
\q هَن عٍ شَ عٍ شَ يُنُبِ كٌلٌن، عٍ قَ ﭑ قٍن.
\q عٍ قَمَ نّ ﭑ قٍندٍ عٍ شَ تْورّ كُي.»
\c 6
\s عَلَتَلَ وَشْنقٍ
\q
\v 1 وٌ قَ بٍ، وٌن شَ فبِلٍن عَلَتَلَ مَ!
\q عَ بَرَ وٌن تْورْ، كْنْ يَكْسِ عَ وٌن نَيَلَنمَ نّ.
\q عَ بَرَ وٌن بْنبْ، كْنْ يَكْسِ عَ وٌن مَ قِيٍ مَشِرِ مَ نّ.
\q
\v 2 شِ قِرِن نَ دَنفِ، عَ قَمَ نّ وٌن نَيَلَندٍ،
\q عَ شِ سَشَن ندٍ عَ وٌن نَكٍلِ، وٌن قَ لُ عَ سّيتِ مَ.
\q
\v 3 وٌن شَ عَلَتَلَ قٍن، وٌن شَ عَ كٌلٌن.
\q عَلَ قَقٍ مُ كَنَمَ.
\q لْشْ يٌ لْشْ كُيٍ عِبَمَ، حّمّ بِرِن تُنّ قَمَ.
\q عَلَ قَن مُ تٌندِ مَ قَدٍ وٌن يِرٍ.
\b
\q
\v 4 «ﭑ مُنسٍ رَبَمَ عِ تَن نَ، عٍقِرَ مِ؟
\q ﭑ مُنسٍ رَبَمَ عِ رَ، يُدَيَ؟
\q عِ شَ هِننّ ﭑ مَبِرِ، لُشِ نّ عَلْ شِنِ نَشَن فٌرٌ مَ فّيسّفّ،
\q كْنْ بٍينُن سٌفٍ شَ شْنْ، عَ حْن.
\q
\v 5 ﭑ وٌ فٍرٍ مَ نَمِحْنمّيٍ شَ مَسٍنيِيٍ رَ نَ نَن مَ،
\q ﭑ وٌ قَشَمَ نّ ﭑ مَ مَسٍنيِيٍ رَ.
\q ﭑ مَ كِيتِيٍ قِيشّ عَلْ نَءِيَلَنيِ.
\q
\v 6 هِننّ رَقَن ﭑ مَ دَنفِقٍ سّرّشّ رَ،
\q عَلَ كٌلٌنقٍ دَنفِ سّرّشّ فَن دَاشِيٍ رَ.
\q
\v 7 عٍ بَرَ ﭑ مَ سَاتّ كَنَ،
\q عَلْ عَدَ مَدِيٍ دَرِشِ عَ رَ كِ نَشّ.
\q عٍ بَرَ ﭑ يَنقَ.
\q
\v 8 مِشِ حَاشِ وُيَ فَلَدِ، قَشّتِيٍ بَرَ فبٌ نَا.
\q
\v 9 سّرّشّدُبّيٍ بَفَنمَ مِشِ مَ سِكٍمِ كِرَ شْن مَ عَلْ مُحّتِيٍ.
\q نَ قَشّ تِقٍ، قٍ حَاشِ نَ عَ رَ.
\q
\v 10 ﭑ بَرَ قٍ حَاشِيٍ تٌ عِسِرَيِلَكَيٍ تَفِ؛
\q عٍقِرَ مِ بَرَ لَنفٌيحَ رَبَ، عِسِرَيِلَ بَرَ نْشْ.
\q
\v 11 يُدَيَ، ﭑ نَ فّ ﭑ مَ حَمَ رَفبِلٍندٍ كٌنيِيَ كُي،
\q ﭑ وٌ قَن حَشَنكَتَمَ نّ.»
\c 7
\s عٍقِرَ مِ شَ يُنُبِيٍ
\q
\v 1 «ﭑ تٌ وَ عِسِرَيِلَ رَيَلَنقٍ،
\q عٍقِرَ مِ شَ يُنُبِ مَن نَشَ مَكّنّن.
\q سَمَرِ شَ قٍ حَاشِ نَشَ مِنِ كّنّ مَ.
\q نَ يَنقَنتٍيٍ مُحّ تِمَ، عٍ يٍنسٍن يّ يِرٍ بِرِن.
\q
\v 2 عٍ عٍ مَحْشُن ﭑ مُ رَتُشِ عٍ شَ كٌبِحَ مَ،
\q كْنْ ﭑ عٍ شَ وَلِ بِرِن تٌمَ نّ.
\q
\v 3 يِ مِشِ كٌبِيٍ رَقَن مَنفّ مَ،
\q كُنتِفِيٍ تِنمَ عٍ شَ وَلِ رَ.
\q
\v 4 عٍ شَ لَنفٌيحَ فبٌ عَلْ تّ شُنفبٍ،
\q تَامِ فَنيِ نَشَن نَدّشّمَ،
\q عَ قَ وٌلٍن هَن عَ فّ قَرِن نَقَلَدٍ.
\q
\v 5 كُنتِفِيٍ سِيسِمَ نّ مَنفّ شَ شُلُنيِ،
\q مَنفّ قَن تِنشِ نَ قٍ مْولِ رَ.
\q
\v 6 عٍ بْحّ بَرَ تٍ عَلْ تّ شُنفبٍ،
\q عٍ عٍ مَسٌ مَنفّ رَ، عٍ شَ عَ يَنقَ.
\q عٍ نَ قٍ بِرِن شِرِ مَ كْي نَن نَ
\q عَلَكٌ فّيسّفّ عٍ شَ وَلِ حَاشِ شَ كَمَلِ.
\q
\v 7 عٍ بْحّ نَشَ تٍ هَن عٍ كِيتِسَيٍ بِرِن نَبِرَ،
\q عٍ عٍ شَ مَنفّيٍ بِرِن قَشَ.
\q نَ مِشِ مْولِ مُ ﭑ مَ كِيتِ مَمّمَ قٍقٍ مَ.
\b
\q
\v 8 عٍقِرَ مِ وَ مَ لُقٍ نّ عَلْ سِ فبّتّيٍ،
\q كْنْ عَ لُشِ نّ عَلْ تَامِ نَشَن فَنشِ عَ حَاشِ رَ.
\q
\v 9 سِ فبّتّيٍ عَ سّنبّ كَنَمَ، كْنْ عَ مُ عَ كٌلٌن.
\q عَ قٌرِشِ، كْنْ عَ مُ نَ رَكْرْ سِ.
\q
\v 10 عِسِرَيِلَ عَ يّتّ عِفبٌمَ، عَ مُ فبِلٍن عَ مَرِفِ عَلَتَلَ مَ،
\q عَ مُ بِرَ عَ شَ سّرِيّ قْشْ رَ.
\q
\v 11 عٍقِرَ مِ لُشِ نّ عَلْ فَنبّ شَشِلِتَرٍ.
\q عَ مِسِرَكَيٍ شِلِمَ، عَ سَاتّ تٌنفٌمَ عَسِرِيَكَيٍ بّ.
\q
\v 12 عٍ نَ سِفَ نَا، ﭑ قَمَ نّ ﭑ مَ يّلّ وٌلِدٍ عٍ مَ،
\q عٍ شَ بِرَ عَلْ شْنِ.
\q ﭑ عٍ حَشَنكَتَمَ نّ، عَلْ عَ مَسٍنشِ عٍ بّ عٍ شَ مَلَنيِ كُي كِ نَشّ.
\q
\v 13 حَشَنكَتّ نَ عٍ بّ، بَرِ مَ عٍ بَرَ عٍ فِ ﭑ شُن مَ.
\q فبَلٌي نَ عٍ بّ، بَرِ مَ عٍ بَرَ ﭑ مَتَندِ.
\q ﭑ نُ وَشِ نّ عٍ شُن سَرَقٍ، كْنْ عٍ وُلٍيٍ سَمَ ﭑ شُن مَ.
\q
\v 14 عٍ يَيٍ رَ مِنِمَ عٍ شَ سَدٍ مَ،
\q كْنْ عٍ مُ سُننُنشِ عٍ بْحّ مَ.
\q عٍ عٍ مَلَنمَ عَلَكٌ عٍ شَ دٌنسٍ نُن وّنِ قٍن،
\q كْنْ عٍ عٍ مَكُيَمَ ﭑ تَن نَ.
\q
\v 15 ﭑ تَن نَن عٍ شُرُ، ﭑ تَن نَن سّنبّ قِ عٍ مَ،
\q كْنْ عٍ قِنسِرِوَلِيَ رَبَمَ ﭑ نَ.
\q
\v 16 عٍ مُ عٍ يَ تِمَ كٌورٍ رَ،
\q عٍ يَنقّ تِمَ عَلْ يَنقّ يِلِ.
\q نَ نَن عَ رَ، عٍ كُنتِفِيٍ قَشَمَ سَنتِدّفّمَ رَ،
\q عٍ يَافِ مِسِرَ بْشِ مَ عٍ شَ وْيّنيِ شَ قٍ رَ.»
\c 8
\s عِسِرَيِلَ شَ كُيٍ بَتُي
\q
\v 1 «وٌ شَ فٍرٍ سَرَ قٍ!
\q يَشُي فٌرٌ مَ نّ عَلَتَلَ شَ بَنشِ مَ عَلْ سّفّ،
\q بَرِ مَ حَمَ بَرَ ﭑ مَ لَايِدِ كَنَ،
\q عٍ نَشَ مُرُتَ ﭑ مَ سّرِيّ مَ.
\q
\v 2 عٍ ﭑ شِلِمَ،
\q ‹مُشُ مَرِفِ عَلَ، مُشُ عِ كٌلٌن، مُشُ تَن، عِسِرَيِلَ.›
\q
\v 3 عِسِرَيِلَ تٌ بَرَ قٍ قَنيِ بّحِن،
\q يَشُي بِرَ مَ نّ عَ قْشْ رَ.
\q
\v 4 عٍ بَرَ مَنفّيٍ تِ ﭑ مَ يَامَرِ مُ نَشَن نَ،
\q عٍ بَرَ كُنتِفِيٍ تِ عٍ مُ ﭑ مَشْرِن.
\b
\q عٍ بَرَ كُيٍيٍ رَقَلَ عٍ شَ فبٍتِ نُن شّيمَ رَ.
\q نٍيٍ هَلَكِمَ نَ نَن مَ.
\q
\v 5 سَمَرِكَيٍ، وٌ وٌ شَ نِنفٍ كُيٍ وْلّ.
\q ﭑ بَرَ شْنْ وٌ مَ عَ حَاشِ رَ.
\q وٌ وٌ يّتّ مَنْشْمَ يِ قٍ مْولِ رَ هَن مُن تّمُي؟
\q
\v 6 يِ كُيٍ قَتَنشِ وٌ تَن عِسِرَيِلَ نَن نَ.
\q مِشِ ندٍ نَن عَ رَقَلَشِ، عَلَ مُ عَ رَ!
\q سَمَرِ شَ نِنفٍ كُيٍ قَمَ نّ بُتُشُندٍ.
\q
\v 7 نَشَن حّرّ مَ قٍ حَاشِ كُي،
\q فبَلٌي قَمَ نّ عَ لِدٍ.
\q هَلِ مّنفِ تْنسْي كٍرٍن، عٍ مُ عَ سْتْمَ شّ مَ.
\q سَنسِ نَشَن بُلَمَ، عَ مُ قِندِ مَ بَلٌي رَ.
\q هَلِ ندٍ قِندِ عَ رَ، سِ فبّتّ نَن عَ دٌنمَ.
\b
\q
\v 8 عٍ بَرَ عِسِرَيِلَ شُن نَكَنَ،
\q عٍ عٍ شَنِن حَمَنّ كٌنيِيَ كُي.
\q
\v 9 عِسِرَيِلَكَيٍ بَرَ سِفَ عَسِرِيَ بْشِ مَ،
\q عَلْ سٌقَلٍ نَشَن لُمَ عَ كٍرٍن.
\q
\v 10 هَلِ عٍ مِشِ نَشٍيٍ سَرَشِ سِيٍ تَفِ عٍ كَنتَقٍ مَ،
\q ﭑ عٍ بِرِن مَلَنمَ نّ،
\q عَلَكٌ عٍ شَ تْورْ مَنفّيٍ شَ كٌتٍ بُن مَ.
\b
\q
\v 11 عٍقِرَ مِ بَرَ سّرّشّبَدٍيٍ رَوُيَ
\q عَلَكٌ عٍ شَ يُنُبِيٍ شَ شَقَرِ،
\q كْنْ نَ سّرّشّبَدٍيٍ بَرَ عَ نِيَ
\q عٍ شَ يُنُبِيٍ سْتْ.
\q
\v 12 ﭑ بَرَ ﭑ مَ سّرِيّيٍ بِرِن سّبّ، عٍ شَ نَ كٌلٌن،
\q كْنْ عٍ مُ تِدٍ تٌشِ عَ مَ.
\q
\v 13 عٍ سّرّشّيٍ بَمَ ﭑ بّ، عٍ نَ سُبٍ دٌن،
\q كْنْ نَ مُ رَقَن عَلَتَلَ مَ.
\q يَكْسِ، عَلَتَلَ قَمَ نّ عٍ حَشَنكَتَدٍ عٍ شَ يُنُبِيٍ شَ قٍ رَ،
\q عٍ شَ فبِلٍن مِسِرَ بْشِ مَ.
\q
\v 14 عِسِرَيِلَ بَرَ نّيمُ عَلَ مَ، نَشَن عٍ دَاشِ.
\q عٍ نَ مَنفّ بَنشِيٍ تِقٍ.
\q يُدَيَ قَن نَ تَايٍ تِقٍ، نَشٍيٍ سّنبّ فبٌ،
\q كْنْ ﭑ نَ بِرِن فَنمَ نّ تّ رَ.»
\c 9
\s عِسِرَيِلَ شَ حَشَنكَتّ
\q
\v 1 عِسِرَيِلَ، عِ نَشَ حّلّشِن،
\q عِ نَشَ سّيوَ عَلْ سِ فبّتّيٍ.
\q عِ تٌ عِ مَرِفِ عَلَ بّحِن، عِ بَرَ قِندِ لَنفٌي رَ.
\q لَنفٌي مَسُندِ بَرَ رَقَن عِ مَ،
\q عِ نَشَن سْتْمَ لٌنيِ يِرٍ.
\q
\v 2 وٌ مُ بَلٌي سْتْمَ لٌنيِ يِرٍ،
\q وٌ مُ وّنِ سْتْمَ وّنِ بٌفِ بُندُ سٍ كُي.
\q
\v 3 عٍ مُ لُمَ عَلَتَلَ شَ بْشِ مَ،
\q عٍقِرَ مِ فبِلٍنمَ نّ مِسِرَ،
\q عٍ قَمَ دٌنسٍ هَرَ مُشِيٍ دٌندٍ عَسِرِيَ بْشِ مَ.
\q
\v 4 عٍ مُ سّرّشّ يٍ دَاشِيٍ بَمَ عَلَتَلَ بّ.
\q عٍ شَ سّرّشّيٍ مُ رَقَنمَ عَ مَ،
\q عٍ لُمَ عَلْ حْن يِرٍ تَامِ.
\q نَشٍيٍ نٍيٍ دٌنمَ عٍ قِندِ مَ سّنِيّنتَرٍيٍ نَن نَ.
\q نَ قِندِ مَ دٌنسٍ نَن نَ عٍ بّ،
\q كْنْ عَ مُ قِندِ مَ سّرّشّ رَ عَلَتَلَ بّ عَ شَ هْرْ مْبَنشِ كُي.
\q
\v 5 وٌ مُنسٍ رَبَمَ سَلِ لْشْي عَلَتَلَ يَ عِ؟
\b
\q
\v 6 هَلِ عٍ سَ عٍ رَتَنفَ فبَلٌي مَ،
\q مِسِرَكَيٍ قَمَ نّ عٍ قَشَدٍ، عٍ عٍ رَفَتَ نٌقِ.
\q عٍ شَ هَرِفٍ بِرِن لْيمَ نّ، عٍ شْنيِ قِندِ مَ نّ وُلَ رَ.
\q
\v 7 حَشَنكَتّ لْشْييٍ نَ قَقٍ، يُنُبِ سَرٍ رَفبِلٍنمَ تّمُي نَشّ.
\q عِسِرَيِلَ شَ نَ كٌلٌن.
\q عِسِرَيِلَ شَ يُنُبِ فبٌ،
\q نَ نَ عَ رَ عٍ نَمِحْنمّيٍ شْنمَ،
\q عٍ دَشُي شِلِ سَ عٍ شُن مَ.
\q
\v 8 عَلَ نُن نَمِحْنمّيٍ عٍقِرَ مِ كَنتَمَ،
\q كْنْ مِشِيٍ تَن فَنتَنيِ تٍمَ نَمِحْنمّيٍ بّ.
\q عٍ مُ رَقَن مِشِيٍ مَ عَلَ شَ هْرْ مْبَنشِ كُي.
\b
\q
\v 9 عٍقِرَ مِكَيٍ بَرَ سٌ يَنقَنتٍيَ كُي،
\q عَلْ نَشَن نَبَشِ فِبِيَ.
\q عَلَ مُ نّيمُشِ عٍ شَ يُنُبِ مَ،
\q عَ قَمَ عٍ حَشَنكَتَدٍ نَ نَن مَ.
\q
\v 10 «ﭑ تٌ عِسِرَيِلَ تٌ،
\q عَ نُ قَن عَلْ بٌفِ سٍ نَشَن تٌمَ وُلَ عِ.
\q وٌ بٍنبَيٍ نُ لُشِ نّ عَلْ شْرّ بٌفِ سِنفٍيٍ،
\q كْنْ عٍ نَشَ بِرَ كُيٍ شْنشِ قْشْ رَ
\q نَشَن نُ نَ ثٍيٌرِ.
\q
\v 11 عٍقِرَ مِ شَ بِنيّ سِفَمَ نّ عَلْ شْنِ نَشَن تُفَنمَ.
\q دِ بَرِ مُ نَ، تّيفّ مُ نَ.
\q
\v 12 شَ عَ سَ عَ لِ عٍ نَشَ دِيٍ شُرُ، ﭑ عٍ بِرِن بَمَ نّ عٍ يِ.
\q عٍ قٍ حَاشِ سْتْمَ نّ ﭑ نَ عٍ رَبٌلٌ تّمُي نَشّ.
\q
\v 13 ﭑ بَرَ عٍقِرَ مِ تٌ عَ سَبَتِشِ يِرٍ قَنيِ، عَلْ تِرٍ نَ كِ نَشّ،
\q كْنْ عٍقِرَ مِ شَ دِيٍ سٌمَ نّ قَشّتِيٍ يِ رَ.»
\b
\q
\v 14 عَلَتَلَ، عَ لَنمَ عِ شَ مُنسٍ رَبَ عٍ بّ؟
\q عِ شَ فِنّ قُرُشِيٍ قُرِ كَنَ، عِ شَ عٍ شِحّ شَرَ.
\q
\v 15 عٍ حَاشُي بِرِن مَسٍنشِ نّ فِلِفَلِ.
\q مّننِ ﭑ بَرَ عٍ شْن قْلْ عٍ شَ قٍ حَاشِيٍ شَ قٍ رَ.
\q عٍ مُ رَقَنمَ ﭑ مَ سْنْن.
\q عٍ شَ كُنتِفِيٍ قِندِشِ مَتَندِلَيٍ نَن نَ.
\b
\q
\v 16 «ﭑ بَرَ عٍقِرَ مِ بْنبْ.
\q عَ لُشِ نّ عَلْ سَنسِ نَشَن سَنكٍ بَرَ شَرَ،
\q عَ مُ بٌفِمَ سْنْن.
\q شَ عٍقِرَ مِكَيٍ قَ دِيٍ بَرِ،
\q ﭑ عٍ هَلَكِمَ نّ.»
\q
\v 17 ﭑ مَرِفِ عَلَ قَمَ نّ عٍ رَبّحِندٍ،
\q بَرِ مَ عٍ مُ عٍ تُلِ مَتِشِ عَ رَ.
\q عٍ قِندِ مَ نّ بِيَاسِلَيٍ رَ سِيٍ تَفِ.
\c 10
\s عِسِرَيِلَ شَ مَكِيتِ
\q
\v 1 عِسِرَيِلَ لُشِ نّ عَلْ سَنسِ بِلِ قَنيِ نَشَن بٌفِمَ عَ قَنيِ رَ.
\q كْنْ عَ شَ بٌفِ تٌ وُيَ، عَ نَشَ سّرّشّبَدٍ قَن رَوُيَ.
\q عَ شَ بْشِ تٌ تٌقَن، عَ نَشَ تْنشُمَ فّمّ تِ كُيٍ بّ.
\q
\v 2 عٍ بْحّ مُ نَ عَلَتَلَ فبَنسَن شَ رَ،
\q نَ نَ عَ رَ عٍ بَرَ يُنُبِ سْتْ.
\q عَلَتَلَ عٍ شَ سّرّشّبَدٍيٍ رَبِرَ مَ نّ،
\q عَ عٍ شَ تْنشُمَ فّمّيٍ كَنَ.
\q
\v 3 يَكْسِ عٍ عَ قَلَمَ،
\q «مَنفّ مُ نَ مُشُ شُن مَ،
\q بَرِ مَ مُشُ مُ فَاشُمَ عَلَتَلَ يَ رَ سْنْن.
\q مَنفّ نْمَ مُنسٍ رَبَدٍ مُشُ بّ؟»
\q
\v 4 عٍ وْيّنمَ، عٍ عٍ كَلِمَ، عٍ سَاتّ تٌنفٌمَ،
\q كْنْ نَ بِرِن قُقَقُ.
\q كِيتِ قَنيِ مُ لُمَ عٍ يِ،
\q عَلْ حٌوفٍ حَاشِ نَشَن بُلَمَ شّ مَ.
\q
\v 5 سَمَرِكَيٍ قَمَ نّ كْنتْقِلِدٍ عٍ شَ نِنفٍ كُيٍيٍ شَ قٍ رَ
\q نَشٍيٍ نَ بٍتِ عَوٍنِ.
\q حَمَ وَ تِمَ، سّرّشّدُبّيٍ قَن سُننُنمَ،
\q بَرِ مَ عٍ حّلّشِنشِ نَشَن نَ، نَ قَمَ نّ بَدٍ عٍ يِ رَ.
\q
\v 6 نَ كُيٍيٍ شَنِنمَ نّ عَسِرِيَ بْشِ مَ،
\q عَ قَ لُ مَنفّ شُنفبٍ مَ.
\q عٍقِرَ مِ يَافِمَ نّ،
\q بِرِن قَمَ نّ يٌدٍ عِسِرَيِلَ شَ كّوَلِ مَ.
\q
\v 7 سَمَرِ نُن عَ مَنفّ شَنِنمَ نّ،
\q عَلْ وُرِ شُنتُنيِ يٍ نَشَن شَنِنمَ.
\q
\v 8 كُيٍ بَتُدٍيٍ نَشٍيٍ نَ بٍتِ عَوٍنِ، عٍ كَنَمَ نّ.
\q نَ سّرّشّبَدٍيٍ، عِسِرَيِلَكَيٍ يُنُبِ رَبَ دّننَشّ،
\q عٍ قِندِ مَ تُنبٍ يِرٍيٍ نَن نَ.
\q عٍ قَمَ نّ عَ قَلَدٍ فٍيَيٍ بّ،
\q «مُشُ مَكٌتٌ، مُشُ رَفَتَ!»
\b
\q
\v 9 «عِسِرَيِلَ، كَبِ وٌ نَشَ نَ يُنُبِ حَاشِ رَبَ فِبِيَ،
\q وٌ نَ يُنُبِ سْتْقٍ تُن.
\q حَشَنكَتّ قَمَ عٍ لِدٍ فِبِيَ نَ نَن مَ.
\q
\v 10 عَ بَرَ ﭑ كّنّن ﭑ شَ عٍ هَلَكِ.
\q سِيٍ قَمَ نّ عٍ فٍرٍدٍ، عٍ عٍ سُشُ عٍ شَ يُنُبِ فبٍفبٍ شَ قٍ رَ.
\b
\q
\v 11 عٍقِرَ مِ لُشِ نّ عَلْ نِنفٍ شُرُشِ، وَلِ رَقَن نَشَن مَ.
\q ﭑ قَمَ نّ لُوتِ شِرِدٍ عَ شُنيِ مَ، عَ شَ وَلِ رَبَ ﭑ بّ.
\q يُدَيَ قَن شَ وَلِ، يَشُبَ بْنسْي شَ كٌتٍ شَنِن.
\q
\v 12 وٌ شَ وَلِ تِنشِنشِ رَبَ،
\q عَلَكٌ وٌ شَ قٍ قَنيِ سْتْ.
\q وٌ شَ وَكِلِ نّينّ تٌنفٌ،
\q وٌ شَ عَلَتَلَ قٍن هَن عَ قَ تّمُي وٌ يِرٍ،
\q عَ تِنشِنيِ لُ وٌ بْحّ كُي.
\q
\v 13 كْنْ وٌ تَن مُ تِن نَ وَلِ تِنشِنشِ رَ.
\q وٌ بَرَ قٍ حَاشِ رَبَ.
\q يَنقَنتٍيَ نُن يّتّ عِفبٌحَ بَرَ فبٌ وٌ يِ رَ.
\q وٌ بَرَ لَ وٌ شَ سْورِيٍ سّنبّ رَ،
\q
\v 14 كْنْ عٍ يَ قَمَ عِسٌدٍ،
\q عٍ شَ يِرٍ كَنتَشِيٍ قَمَ نّ كَنَدٍ،
\q عَلْ نَ فٍرٍ لْشْي سَلَمَن شُتُ سْتْ بٍتِ عَرَبٍلِ شُن مَ تّمُي نَشّ.
\q نَ لْشْي فِنّيٍ نُن عٍ شَ دِ بِرِن قَشَ نّ.
\q
\v 15 نَ مْولِ قَمَ نّ بٍتٍلِ لِدٍ
\q عَ شَ يُنُبِيٍ شَ قٍ رَ.
\q سُبَشّ نَ عَ لِ، عِسِرَيِلَ مَنفّ قَشَمَ نّ.»
\c 11
\s عَلَ شَ كِنِكِنِ
\q
\v 1 «ﭑ عِسِرَيِلَ شَنُ نّ عَ دِ مّدِ تّمُي.
\q ﭑ نَشَ ﭑ مَ دِ شِلِ عَ شَ كٍلِ مِسِرَ بْشِ مَ.
\q
\v 2 كْنْ ﭑ تٌ نُ عٍ شِلِمَ، عٍ نَشَ عٍ مَكُيَ ﭑ نَ،
\q عٍ سّرّشّ بَ بَلِ كُيٍيٍ بّ، عٍ سُرَيِ فَن فّمّ مَسٌلِشِيٍ بّ.
\q
\v 3 ﭑ تَن نَن نُ عٍقِرَ مِ مَلِقٍ عَ شَ حّرّ كُي،
\q كْنْ عٍ مُ عَ كٌلٌنشِ عَ ﭑ تَن نَن نُ مّينِقٍ عٍ مَ.
\q
\v 4 ﭑ نُ نَ عٍ مَبّندُنقٍ مَرَقَنيِ نُن شَنُنتٍيَ رَ.
\q ﭑ تَن نَن عٍ رَ مِنِ كٌنيِيَ كُي،
\q عَلَكٌ عٍ شَ بَلٌ عَ قَنيِ رَ.
\q
\v 5 يَكْسِ، هَلِ عٍ مُ قَ سَ فبِلٍن مِسِرَ بْشِ مَ،
\q عَسِرِيَ نَن نْي سْتْمَ عٍ شُن نَ،
\q بَرِ مَ عٍ بَرَ تٌندِ فبِلٍندٍ ﭑ مَ.
\q
\v 6 نَ نَن عَ رَ سَنتِدّفّمَ قَمَ عٍ شَ تَايٍ لِدٍ،
\q عَ قَ عٍ شْنيِ بِرِن كَنَ.
\q عٍ وَشْنقٍ مُ سْونّيَمَ سْنْن.
\q
\v 7 ﭑ مَ حَمَ بَرَ فبِلٍن ﭑ قْشْ رَ.
\q هَلِ عٍ بِرِن ﭑ شِلِ، ﭑ مُ عٍ شُن نَكٍلِمَ.»
\b
\q
\v 8 «كْنْ عٍقِرَ مِ، ﭑ شَ عِ رَبّحِن دِ؟
\q ﭑ شَ عِسِرَيِلَ رَبٌلٌ دِ؟
\q ﭑ مُ نْمَ قٍ رَبَدٍ عِ رَ
\q عَلْ ﭑ نَشَن نَبَشِ عَدَ مَهَ.
\q ﭑ شَ عِ لُ عَلْ سٍبٌيِمِ؟
\q تْورّ بَرَ ﭑ بْحّ سُشُ.
\q ﭑ بَرَ كِنِكِنِ وٌ مَ.
\q
\v 9 ﭑ بَرَ ﭑ مَ نَتّ مَسَرَ،
\q ﭑ بْحّ بَرَ شِنبٍلِ.
\q ﭑ بَرَ دِحّ عٍقِرَ مِ مَ، بَرِ مَ عَلَ نَن ﭑ نَ.
\q عَدَ مَ مُ نَ ﭑ تَن نَ.
\q سّنِيّنتْي نَن ﭑ نَ وٌ تَفِ.
\q ﭑ بَرَ ﭑ مَ شْنّ لُ نَ.
\q
\v 10 عٍ قَمَ نّ بِرَدٍ عَلَتَلَ قْشْ رَ.
\q عَلَ نَ عَ شُي رَ مِنِ سّنبّ رَ عَلْ يّتّ مَفَاشُشِ،
\q عٍ قَمَ نّ لُدٍ عَ شَنبِ رَ كٍلِقٍ سٌفٍفٌرٌدٍ مَبِرِ.
\q
\v 11 عٍ كٍلِمَ نّ مِسِرَ بْشِ مَ عَلْ شْنِيٍ،
\q عٍ كٍلِمَ نّ عَسِرِيَ بْشِ مَ عَلْ فَنبّيٍ.»
\q عَلَتَلَ شَ مَسٍنيِ نَن نَ كِ.
\s عِسِرَيِلَ شَ يَنقَنتٍيَ
\q
\v 12 «عٍقِرَ مِ وَ مَ ﭑ مَدَشُقٍ.
\q عِسِرَيِلَ وَ مَ ﭑ يَنقَقٍ.
\q يُدَيَ تَن بِرَ مَ نّ عَلَ قْشْ رَ،
\q عَ مُ لَنلَنتٍيَ كَنَ عَلَ سّنِيّنشِ مَبِرِ.
\c 12
\q
\v 1 عٍقِرَ مِ قٍ قُقَقُ قٍنمَ،
\q عَ بِرَ مَ مِشِيٍ قْشْ رَ نَشٍيٍ نَ قُفٍ رَ.
\q عَ شَ وُلٍيٍ نُن قٍ حَاشِيٍ فبٌ.
\q عَ سَاتّ تٌنفٌمَ عَسِرِيَ بّ،
\q عَ عٌلِوِ تُرٍ قِمَ نّ مِسِرَ مَنفّ مَ.
\q
\v 2 عَلَ يُدَيَكَيٍ مَكِيتِمَ نّ،
\q عَ يَشُبَ بْنسْي حَشَنكَتَمَ نّ،
\q عَ قَ عَ شَ كّوَلِ سَرٍ رَفبِلٍن عَ مَ.»
\b
\q
\v 3 عٍ نَ عٍ نفَ قُرِ كُي، يَشُبَ نَشَ عَ تَارَ تِنفِلِنيِ سُشُ.
\q عَ تٌ قٌرِ، عٍ نُن عَلَ نَشَ فٍرٍ سٌ.
\q
\v 4 عٍ نُن مَلٍكّ نَشَ فٍرٍ سٌ، عَ شُتُ سْتْ عَ مَ.
\q عَ نَشَ وَ، عَ عَ مَيَندِ عَ شَ هِننّ عَ رَ.
\q يَشُبَ عَ تٌ نّ بٍتٍلِ.
\q عٍ نُن عَلَ وْيّن مّننِ نّ.
\q
\v 5 عَلَتَلَ نَن مَنفّ رَ.
\q شِلِ شُنفبٍ كَنيِ نَن عَلَتَلَ رَ.
\q
\v 6 عِ تَن شَ قَ عِ مَرِفِ عَلَ مَ،
\q عِ نَشَ دُفُتّفّحَ كَنَ،
\q عِ شَ سّرِيّ تِنشِنشِ سُشُ.
\q عِ شَشِلِ تِ عِ مَرِفِ عَلَ رَ تّمُي بِرِن.
\b
\q
\v 7 يُلّ سِكٍيلِ وُلٍ رَوَلِمَ، عَ مِشِ تْورْ.
\q
\v 8 عٍقِرَ مِ بَرَ عَ قَلَ،
\q «ﭑ بَرَ بَننَ هَن!
\q ﭑ بَرَ نَاقُلِ سْتْ ﭑ يّتّ سّنبّ رَ.
\q ﭑ مُ يُنُبِ يٌ رَبَشِ.»
\b
\q
\v 9 «ﭑ تَن نَن عِ مَرِفِ عَلَتَلَ رَ،
\q نَشَن عِ رَ مِنِشِ مِسِرَ بْشِ مَ.
\q ﭑ مَن عِ رَدْشْمَ نّ كِرِ بَنشِيٍ كُي،
\q عَلْ وٌن مَ سَلِ تّمُي دَنفِشِيٍ.
\q
\v 10 ﭑ نُ وْيّنمَ نَمِحْنمّيٍ بّ،
\q ﭑ لَامَتُنيِيٍ وُيَشِ سٌ عٍ يِ رَ.
\q ﭑ نُ تَالِيٍ مَسٍنمَ وٌ بّ نَمِحْنمّيٍ سَابُي رَ.
\q
\v 11 فَلَدِكَيٍ لُمَ نّ قٍ حَاشِ رَبَ رَ.
\q نَ قٍ نَ عَ نِيَمَ ﭑ قَمَ عٍ شُن نَكَنَدٍ.
\q عٍ نِنفٍيٍ بَمَ سّرّشّ رَ فِلِفَلِ،
\q كْنْ ﭑ قَمَ نّ عٍ شَ سّرّشّبَدٍيٍ كَنَدٍ،
\q عٍ شَ لُ عَلْ فّمّ مَلَنشِيٍ شّيٍ مَ.»
\b
\q
\v 12 يَشُبَ نَشَ عَ فِ عَرَ مِ بْشِ مَ.
\q عِسِرَيِلَ نَشَ قِندِ شُرُ سٍيٍ دّ مَدٌنيِ رَ،
\q عَلَكٌ عَ شَ فِنّ ندٍ سْتْ.
\q
\v 13 عَلَتَلَ نَشَ عِسِرَيِلَ رَ مِنِ مِسِرَ بْشِ مَ
\q نَمِحْنمّ ندٍ سَابُي رَ.
\q عَلَتَلَ نَشَ مّينِ عِسِرَيِلَ مَ عَ شَ شّيرَيٍ سَابُي رَ.
\q
\v 14 عٍقِرَ مِ بَرَ عَلَتَلَ رَشْنْ عَ حَاشِ رَ.
\q عٍ مَرِفِ قَمَ نّ عٍ حَشَنكَتَدٍ عٍ شَ قَشّ تِشِيٍ شَ قٍ رَ،
\q عَ قَ عٍ رَيَافِ.
\c 13
\s عَلَ شَ شْنّ
\q
\v 1 حَمَ نُ فَاشُمَ نّ عٍقِرَ مِ شَ وْيّنيِ يَ رَ،
\q بَرِ مَ مِشِ بِنيّ نَن نُ عَ رَ،
\q كْنْ عَ نَشَ يُنُبِ سْتْ بَلِ كُيٍ بَتُقٍ رَ، عَ قَ قَشَ.
\q
\v 2 يَكْسِ عٍ مَن يُنُبِيٍ نَن نَبَمَ،
\q عٍ كُيٍ رَقَلَمَ فبٍتِ رَ.
\q عٍ كُيٍ يَءِلَنمَ،
\q كْنْ شَبُي وَلِ فبَنسَن نَن عَ رَ.
\q عٍ عَدَ مَدِيٍ بَمَ سّرّشّ رَ،
\q عٍ نِنفٍ كُيٍ سُنبُمَ.
\q
\v 3 نَ نَ عَ نِيَمَ عٍ قَمَ حْندٍ عَلْ كُندَ نَشَن فٌرٌ مَ فّيسّفّ،
\q عَلْ شِنِ نَشَن يٌلٌنمَ فّيسّفّ،
\q عَلْ مَالٍ لَفِ قٌيٍ نَشَن شَنِنمَ قٌيٍ رَ،
\q عَلْ تُورِ نَشَن مِنِمَ كُرِ كُي.
\b
\q
\v 4 «ﭑ تَن نَن عِ مَرِفِ عَلَتَلَ رَ،
\q نَشَن عِ رَ مِنِشِ مِسِرَ بْشِ مَ.
\q عِ نَشَ عَلَ فبّتّ كٌلٌن قٌ ﭑ تَن.
\q مَرَكِسِمَ مُ نَ عِ بّ بَ ﭑ تَن نَ.
\q
\v 5 ﭑ حّنفِ سَشِ عِ شْن فبٍنفبٍرٍن يِرٍ.
\q
\v 6 عٍ تٌ بَلٌي سْتْ، عٍ نَشَ لُفَ.
\q عٍ تٌ لُفَ، عٍ نَشَ قِندِ يّتّ عِفبٌي رَ.
\q نَ نَن عَ رَ عٍ نّيمُشِ ﭑ مَ.
\q
\v 7 ﭑ لُمَ نّ عٍ بّ عَلْ يّتّ،
\q نَشَن عَ نْشُنمَ كِرَ شْن هَن عَ سُبٍ سْتْ.
\q
\v 8 ﭑ عٍ سُشُمَ نّ عَلْ سُبٍ شَاحّ، نَشَن مَ دِيٍ بَشِ عَ يِ.
\q ﭑ عٍ عِبْو مَ نّ عَلْ يّتّ، نَشَن وُلَءِ سُبٍ قَشَمَ.
\q وُلَ سُبٍيٍ مَن عٍ عِبْو مَ نّ.
\q
\v 9 عِسِرَيِلَ، عِ بَرَ عِ يّتّ كَنَ،
\q بَرِ مَ عِ بَرَ عِ مَلِمَ يَنقَ، نَشَن قِندِ ﭑ تَن نَ.
\q
\v 10 عِ شَ مَنفّ نَ مِندٍن،
\q نَشَن نُ لَنمَ عَ شَ وٌ رَكِسِ؟
\q عِ شَ كِيتِسَيٍ نَ مِندٍن،
\q عِ نُ وَ مَ نَشٍيٍ شْن عَلَكٌ عِ شَ مَنفّ نُن مَنفّدِيٍ سْتْ؟
\q
\v 11 ﭑ تٌ شْنْ وٌ مَ، ﭑ بَرَ مَنفّ سٌ وٌ يِ رَ.
\q يَكْسِ ﭑ عَ بَمَ نّ وٌ يِ رَ ﭑ مَ شْنّ كُي.
\q
\v 12 عٍقِرَ مِ شَ قٍ حَاشِ بِرِن سّبّشِ،
\q عَلَ مُ نّيمُمَ عَ شَ يُنُبِيٍ مَ.
\q
\v 13 تْورّ قَمَ نّ عَ لِدٍ،
\q عَلْ فِنّ نَشَن دِ بَرِ مَ.
\q كْنْ دِ شَشِلِتَرٍ نَ عَ رَ.
\q عَ بَرِ تّمُي نَ عَ لِ، عَ مُ تِنمَ مِنِدٍ عَ نفَ تّيفّ.»
\b
\q
\v 14 «ﭑ شَ عٍ شُن سَرَ عَلِفِيَمَ سّنبّ يِ؟
\q ﭑ شَ عٍ رَكِسِ سَيَ مَ؟
\q سَيَ، عِ شَ شْنّ نَ مِندٍن؟
\q عَلِفِيَمَ، عِ شَ سّنبّ نَ مِندٍن؟
\q ﭑ مُ كِنِكِنِمَ وٌ مَ قٍوٌ!
\q
\v 15 هَلِ عَ سّنبّ فبٌ عَ نفَشَكٍرٍنيِيٍ تَفِ،
\q عَلَتَلَ قٌيٍ شَرٍ رَقَمَ نّ
\q كٍلِ فبٍنفبٍرٍنيِ سٌفٍتٍدٍ مَبِرِ،
\q عَ قَ شُرٍيٍ نُن كْلْنيِيٍ شْرِدٍ.
\q هَرِفٍ بِرِن بَمَ نّ عَ يِ رَ.»
\s عِسِرَيِلَكَيٍ شَ تُوبِ عَلَتَلَ مَ
\q
\v 16 سَمَرِكَيٍ بَرَ يُنُبِ سْتْ عٍ مَرِفِ عَلَتَلَ مَتَندِقٍ رَ.
\q نَ نَن عَ رَ عٍ قَشَمَ سَنتِدّفّمَ رَ،
\q عٍ شَ دِيْرّيٍ وٌلِمَ نّ بْشِ مَ،
\q عٍ شَ فِنّ قُرُشِيٍ قُرِ رَبْو مَ نّ.
\c 14
\q
\v 1 عِسِرَيِلَ، فبِلٍن عِ مَرِفِ عَلَتَلَ مَ،
\q بَرِ مَ عِ شَ وَلِ كٌبِ بَرَ عِ رَبِرَ.
\q
\v 2 وٌ تُوبِ عَلَتَلَ مَ، وٌ قَ يِ وْيّن قَنيِ قَلَ عَ بّ،
\q «عِ شَ دِحّ مُشُ شَ يُنُبِيٍ مَ،
\q عِ شَ هِننّ مُشُ رَ.
\q مُشُ شَ تَنتُي بَ سّرّشّ رَ، تُورَيٍ شَ لُ نَ.
\q
\v 3 عَسِرِيَ مُ نْمَ مُشُ رَكِسِدٍ،
\q مُشُ مُ تٍمَ سٌييٍ قَرِ فٍرٍ شِلِ مَ.
\q مُشُ مُ كُيٍيٍ شِلِمَ ‹مُشُ مَرِفِ عَلَ›
\q نَشٍيٍ يَءِلَنشِ مِشِ بّلّشّ رَ.
\q عِ تَن نَن فبَنسَن كِنِكِنِمَ كِرِدِيٍ مَ.»
\b
\q
\v 4 «ﭑ عٍ شَ يَنقَنتٍيَ يَءِلَنمَ نّ.
\q ﭑ عٍ شَنُمَ نّ قٌنِسِرٍيَ رَ،
\q بَرِ مَ ﭑ مَ شْنّ بَرَ فبِلٍن عٍ قْشْ رَ.
\q
\v 5 ﭑ لُمَ نّ عِسِرَيِلَ بّ عَلْ شِنِ،
\q عٍ تٌقَنمَ نّ عَلْ سَنسِ قُفَشِ.
\q عٍ سَبَتِمَ نّ عَلْ وُرِ بِلِ قَنيِ نَشَن نَ لِبَن.
\q
\v 6 عَ سَلٌنيِ كُيَمَ نّ.
\q عَ تٌقَنمَ نّ عَلْ عٌلِوِ وُرِ،
\q عَ شِرِ قَنيِ رَ مِنِمَ نّ عَلْ وٌندِ نَشَن نَ لِبَن.
\q
\v 7 حَمَ مَن سَبَتِمَ نّ عِسِرَيِلَ بْشِ مَ عَلَ شَ نِينِ بُن مَ.
\q عٍ شَ مّنفِ قَنمَ نّ.
\q عٍ شَ قٍ حْشُنمَ نّ عَلْ وّنِ بٌفِ،
\q عٍ قَ شِلِ قَنيِ سْتْ عَلْ لِبَن شَ وّنِ.
\q
\v 8 عٍقِرَ مِ بْنسْي، مُنسٍ نَ ﭑ نُن كُيٍيٍ تَفِ؟
\q ﭑ تَن نَن وٌ شَ دُبّ سُشُمَ،
\q ﭑ نَن ﭑ حّنفِ سَمَ نّ وٌ شْن.
\q ﭑ لُمَ نّ وٌ بّ عَلْ وُرِ شِندٍ قَنيِ.
\q وٌ بَلٌي سْتْمَ ﭑ تَن نَن سَابُي رَ.»
\b
\q
\v 9 لْننِلَ يِ وْيّنيِ كٌلٌنمَ نّ.
\q شَشِلِمَ يِ مَسٍنيِ قَهَامُمَ نّ.
\q عَلَتَلَ شَ كِرَيٍ تِنشِن،
\q تِنشِنتْييٍ حّرّ مَ نٍيٍ نَن شْن،
\q كْنْ مَتَندِلَيٍ دِنكٌنمَ نٍيٍ نَن نَ.