\id GAL 
\ide UTF-8
\h فَلَتِ
\toc1 عَلَ شَ مَسٍنيِ عَننَبِ ثْلُ نَشَن سّبّ فَلَتِ دَنشَنِيَتْي حَمَ مَ
\toc2 فَلَتِ
\mt عَلَ شَ مَسٍنيِ
\mt عَننَبِ ثْلُ نَشَن سّبّ
\mt فَلَتِ دَنشَنِيَتْي حَمَ مَ
\imt مَسٍنيِ ندٍ يِ كِتَابُي شَ قٍ رَ
\ip يِ كِتَابُي قِندِشِ بَتَاشّ نَن نَ عَلَ شَ شّيرَ ثْلُ نَشَن سّبّ دَنشَنِيَتْي حَمَ مَ، نَشٍيٍ نُ سَبَتِشِ فَلَتِ بْشِ مَ. تّمُي دَنفِشِ، ثْلُ نُ بَرَ كَوَندِ تِ نَا، عَلَكٌ مِشِيٍ شَ دَنشَنِيَ عِسَ مَ. نَ بِرِن سّبّشِ عِسَ شَ شّيرَيٍ شَ تَرُشُي كُي، سٌرَ ١٣ نُن ١٤.
\ip عِسَ شَ وَلِ تٌ قْلْ عِسِرَيِلَ بْشِ مَ، دَنشَنِيَتْي سِنفٍيٍ يُوِقِيٍ نَن نُ فبٌ عٍ يَ مَ. يُوِقِ شِلِ بَ، عِسِرَيِلَ شِلِ بَ، بْنسْي كٍرٍن نَن شِلِ عَ رَ. عٍ نَشَ لَ عَ رَ عَ عِسَ نَن قِندِشِ عَلَ شَ مِشِ سُفَندِشِ رَ، عٍ شَ نَمِحْنمّيٍ نَشَن شَ قٍ مَسٍن عٍ شَ كِتَابُي كُي. عٍ مُ عِسَ شَ سّرِيّ تٌنفٌشِ عَلْ دِينّ نّينّ، بَرِ مَ عٍ عَ تٌشِ كِ نَشّ، عِسَ شَ سّرِيّ بَرَ يُوِقِيٍ شَ دِينّ رَكَمَلِ، عَلْ عَلَ نُ بَرَ عَ مَسٍن كِ نَشّ. نَ كُي، عٍ تٌ قِندِ عِسَيَنكَيٍ رَ، عٍ مُ عٍ شَ دِينّ سّرِيّ رَبّحِن نَشَن نُ سّبّشِ تَوُرٍتَ مُنسَ نُن يَبُرَ دَوُدَ كُي. عٍ نَشَ عِسَ شَ سّرِيّ سَ سّرِيّ بٌورٍ قَرِ.
\ip نَ سٍسٍ مُ نُ قِندِشِ قٍ شْرْشْي رَ نَ كَوَندِ نُ تِمَ تّمُي نَشّ يُوِقِيٍ نَن فبَنسَن بّ، كْنْ عِسَ شَ شّيرَيٍ تٌ نَ مَسٍنيِ كَوَندِ سِ فبّتّيٍ بّ، قٍ ندٍيٍ نَشَ مِنِ. سِ فبّتّيٍ تَن تٌ قِندِ عِسَيَنكَيٍ رَ، عٍ تَن مُ نُ تِنشِ يُوِقِيٍ شَ نَامُنيِيٍ شَ سَ عِسَ شَ سّرِيّ قَرِ، بَرِ مَ عِسَ شَ سّرِيّ نُ بَرَ عٍ وَ سَ.
\ip نَ كُي، يُوِقِ عِسَيَنكَ ندٍيٍ نَشَ سِ فبّتّ عِسَيَنكَيٍ شِلِ كَنَ عٍ شَ سُننَتَرٍيَ شَ قٍ رَ. عٍ نَشَ عَ قَلَ عَ عِسَيَنكَ نَشَن مُ سُننَشِ، عَ مُ فّشِ كِسِ سْتْدٍ. ثْلُ تٌ نَ شَشِلِ مّ، عَ نَشَ نَ قٍ مَتَندِ، عَ قَلَقٍ رَ شَ كِسِ سْتْمَ عِسَ شَ سّرّشّ سَابُي نَن نَ، مِشِ هَيِ مُ نَ سُننّ مَ كِسِ شَ قٍ رَ. عَ مُ عَ قَلَ سُننّ مُ قَن. عَ عَ قَلَ نّ سُننّ، شَ نَ مُ عَ رَ يَامَرِ فبّتّ، عَ مُ نْمَ مِشِ رَكِسِدٍ. عِسَ شَ سّرّشّ نَن فبَنسَن نْمَ نَ رَبَدٍ.
\ip نَ فَلَنبُي نَشَن سٌ يُوِقِ عِسَيَنكَيٍ نُن سِ فبّتّيٍ عِسَيَنكَيٍ تَفِ، عَ نْمَ شَشِلِ فبٍفبٍ قِدٍ وٌن قَن مَ. دِينّ قٍيٍ نَ نَ، عَ لَنمَ وٌن شَ نَشٍيٍ رَبَ، كْنْ عٍ مُ وٌن نَكِسِمَ. نَامُنيِ ندٍيٍ نَ نَ، وٌن نْمَ نَشٍيٍ رَبَدٍ، كْنْ عَ مُ لَنمَ وٌن شَ عٍ قِندِ تٍكُ رَ كِسِ شَ قٍ رَ. نَ بِرِن تَفِ رَ سَقٍ ندٍدِ شْرْشْ، كْنْ عَلَ شَ كِتَابُييٍ نْمَ لْننِ قِدٍ وٌن مَ نٍيٍ شَ قٍ رَ.
\ip بَقٍ نَ قٍ رَ، عَننَبِ ثْلُ شَ كِتَابُي فَلَتِ دَنشَنِيَتْييٍ بّ، عَ مَن دَنشَنِيَتْي حّرّ كِ مَسٍنمَ وٌن بّ. شَنُنتٍيَ نَن قِندِشِ عِسَيَنكَيٍ شَ يَامَرِ سِنفٍ رَ. عَلَ شَشِلِ سّنِيّنشِ، نَشَن سَبَتِشِ دَنشَنِيَتْي بْحّ كُي، نَ نَن عَ رَحّرّ مَ عَلَ شَ كِرَ شْن مَ. نَ تِدٍ فبٌ، بَرِ مَ شَ نَ مُ عَ رَ سٍنتَنّ قٍ بِرِن نَبَمَ نّ عَلَكٌ عَ شَ عَ رَحّرّ كِرَ فبّتّ شْن مَ، نَشَن قِندِشِ يُنُبِ كِرَ رَ. عَلَ شَ وٌن نَتَنفَ نَ مَ. عَمِنَ.
\imte عَلَ شَ مَسٍنيِ
\imte عَننَبِ ثْلُ نَشَن سّبّ
\imte فَلَتِ دَنشَنِيَتْي حَمَ مَ
\cl سٌرَ
\c 1
\s شّيبُي
\p
\v 1‏-2 ﭑ تَن ثْلُ نُن ﭑ نفَشَكٍرٍنيِيٍ، مُشُ بَرَ دَنشَنِيَتْي حَمَيٍ شّيبُ نَشٍيٍ نَ فَلَتِ بْشِ مَ. مِشِ يٌ مُ ﭑ شّيشِ. عَلَ شَ مِشِ سُفَندِشِ عِسَ نُن بَبَ عَلَ نَشَن عَ رَكٍلِشِ قَشّ مَ، عٍ تَن نَن ﭑ شّيشِ. 
\v 3 وٌن بَبَ عَلَ نُن وٌن مَرِفِ عِسَ، عَلَ شَ مِشِ سُفَندِشِ، عٍ شَ هِننّ نُن بْحّسَ قِ وٌ مَ. 
\v 4 عِسَ عَ يّتّ بَشِ سّرّشّ رَ وٌن مَ يُنُبِيٍ شَقَرِقٍ نَن نَ، عَ شَ وٌن نَتَنفَ يِ وَشَتِ حَاشِ مَ، عَلْ وٌن بَبَ عَلَ وَ مَ عَ شْن مَ كِ نَشّ. 
\v 5 تَنتُي نَ عَلَ بّ عَبَدَن. عَمِنَ.
\s فَلَتِكَيٍ فبِلٍنقٍ عَلَ شَ كِرَ قْشْ رَ
\p
\v 6 ﭑ دّ بَرَ عِشَرَ وٌ تٌ فبِلٍنقٍ وٌ شِلِمَ قْشْ رَ يِ عِكْرّشِ رَ، نَشَن بَرَ وٌ شِلِ عَ شَ مِشِ سُفَندِشِ شَ هِننّ سَابُي رَ. وٌ نَ بِرَقٍ مَسٍنيِ فبّتّ نَن قْشْ رَ، 
\v 7 نَشَن مُ قِندِشِ مَسٍنيِ قَنيِ رَ. مِشِ ندٍيٍ وَ مَ وٌ شَشِلِ عِقُقٍ، عٍ شَ عَلَ شَ مِشِ سُفَندِشِ شَ شِبَارُ قَنيِ مَقِندِ.
\p
\v 8 كْنْ شَ عَ سَ لِ مُشُ تَن، شَ نَ مُ عَ رَ عَلَ شَ مَلٍكّ ندٍ نَشَ مَسٍنيِ تِ وٌ بّ، نَشَن مُ لَنشِ نَ مَسٍنيِ قَنيِ مَ نَشَن مَسٍنشِ وٌ بّ عَ سِنفٍ رَ، دَنكَرِ نَ نَ كَنيِ بّ. 
\v 9 ﭑ شَ فبِلٍن نَ مَ عَ قِرِن ندٍ. شَ مِشِ يٌ قَ مَسٍنيِ ندٍ تِدٍ وٌ بّ، نَشَن مُ لَنشِ نَ مَسٍنيِ قَنيِ مَ نَشَن مَسٍنشِ وٌ بّ عَ سِنفٍ رَ، دَنكَرِ نَ نَ كَنيِ بّ.
\s ثْلُ شَ شّيرَيَ
\p
\v 10 نَ كُي، ﭑ نَ ندٍ سَفٌ رَبَقٍ، عِبُنَدَ مَ بَ كَ عَلَ؟ وٌ حْشْ عَ مَ عَ ﭑ وَ مَ عَدَ مَدِ سَفٌ نَن نَبَقٍ؟ شَ نَ نَ عَ رَ نُ، ﭑ مُ قِندِ مَ عَلَ شَ مِشِ سُفَندِشِ شَ كٌنيِ رَ. 
\v 11 ﭑ نفَشَكٍرٍنيِيٍ، ﭑ شَ عَ قَلَ وٌ بّ عَ ﭑ شِبَارُ قَنيِ نَشَن عِبَمَ عَ مُ قَتَنشِ عَدَ مَ شَشِلِ شَ رَ. 
\v 12 ﭑ مُ عَ سْتْ مِشِ شَ رَ. مِشِ يٌ مُ ﭑ شَرَنشِ عَ رَ. عَلَ شَ مِشِ سُفَندِشِ عِسَ يَتِ نَن عَ مَسٍنشِ ﭑ بّ.
\p
\v 13 وٌ بَرَ عَ مّ عَ سِنفٍ ﭑ نُ بِرَشِ يُوِقِيٍ شَ دِينّ قْشْ رَ سّنبّ رَ كِ نَشّ. ﭑ نُ عَلَ شَ دَنشَنِيَتْي حَمَيٍ حَشَنكَتَمَ نّ عَ حَاشِ رَ عَلَكٌ ﭑ شَ عٍ سْنتْ. 
\v 14 ﭑ شَرَنيِ نَشَن نَبَشِ يُوِقِيٍ شَ دِينّ كُي، عَ دَنفِ ﭑ بٌورٍيٍ شَ شَرَنيِ رَ. ﭑ نُ بِرَ مَ ﭑ بٍنبَيٍ شَ نَامُنيِيٍ قْشْ رَ سّنبّ نَن نَ.
\p
\v 15 كْنْ عَلَ نُ بَرَ ﭑ سُفَندِ كَقِ ﭑ بَرِ تّمُي. عَ نَشَ ﭑ شِلِ عَ شَ هِننّ رَ، 
\v 16 عَ قَ عَ شَ دِ مَسٍن ﭑ بّ، عَلَكٌ ﭑ شَ عَ شَ قٍ كَوَندِ تِ سِ فبّتّيٍ تَفِ. عَ تٌ ﭑ شِلِ نَ مَ، ﭑ مُ مَرَ سِ قٍن مِشِ يٌ رَ، 
\v 17 ﭑ مُ سِفَ دَرِ سَلَمُ مِشِيٍ يِرٍ نَشٍيٍ سِنفٍ قِندِ عِسَ شَ شّيرَيٍ رَ ﭑ تَن بّ. ﭑ نَشَ سِفَ كٍرٍن نَ عَرَبُ بْشِ مَ. نَ دَنفِ شَنبِ ﭑ نَشَ فبِلٍن دَ مَسِ تَا كُي.
\p
\v 18 حّ سَشَن تٌ دَنفِ، ﭑ نَشَ سِفَ دَرِ سَلَمُ، عَلَكٌ ﭑ شَ ثِيّرِ كٌلٌن. ﭑ نَشَ لُ عَ شْنيِ شِ قُ نُن سُولِ. 
\v 19 ﭑ مُ عِسَ شَ شّيرَ فبّتّ تٌ نَ تّمُي، قٌ عِسَ شُنيَ يَكِ. 
\v 20 ﭑ شَ عَ قَلَ وٌ بّ عَلَ يَ شْرِ، ﭑ نَشَن سّبّقٍ وٌ مَ، وُلٍ يٌ مُ نَ عَ كُي.
\p
\v 21 نَ حّرّ دَنفِ شَنبِ، ﭑ نَشَ سِفَ سِرِيَ نُن سِلِسِ بْشِ مَ. 
\v 22 عِسَيَنكَ حَمَيٍ نَشٍيٍ نُ نَ يُدَيَ، نٍيٍ مُ نُ ﭑ كٌلٌنشِ نَ تّمُي، 
\v 23 كْنْ عٍ نُ بَرَ عَ مّ عَ مِشِ نَشَن نُ عٍ تْورْ مَ، عَ عَ بَرَ قِندِ دَنشَنِيَ كَوَندِلَ رَ. «سِنفٍ عَ نُ وَ مَ نَ دَنشَنِيَ شُن نَكَنَقٍ، كْنْ يَكْسِ عَ نَ عَ كَوَندِقٍ.» 
\v 24 نَ كُي، عٍ نَشَ عَلَ مَتْشْ ﭑ مَ قٍ رَ.
\c 2
\s ثْلُ نُن عِسَ شَ شّيرَيٍ
\p
\v 1 حّ قُ نُن نَانِ تٌ دَنفِ كٍلِقٍ نَ بِيَاسِ سِنفٍ مَ، ﭑ مَن نَشَ فبِلٍن دَرِ سَلَمُ. بَرَنَبَسِ نُن تِتٌ نُ نَ ﭑ قْشْ رَ. 
\v 2 عَلَ نُ بَرَ عَ مَسٍن ﭑ بّ ﭑ شَ سِفَ نَا عَلَكٌ ﭑ شَ دّنتّفّ سَ عٍ بّ ﭑ شِبَارُ قَنيِ نَشَن عِبَمَ سِ فبّتّيٍ تَفِ. ﭑ مُ نَ دّنتّفّ سَ عٍ بِرِن شَ بّ، قٌ دَنشَنِيَتْي كُنتِفِيٍ، بَرِ مَ ﭑ مُ نُ وَ مَ ﭑ مَ وَلِ شُن شَ رَكَنَ.
\p
\v 3 كْنْ هَلِ تِتٌ فِرّكِكَ نَشَن نُ نَ ﭑ قْشْ رَ، عٍ مُ عَ كَرَشَن عَ شَ سُننَ. 
\v 4 مِشِ سُننَقٍ نُ بَرَ قِندِ حْشْنسْسْي رَ مُشُ تَفِ، بَرِ مَ مِشِ ندٍ نَشٍيٍ مُ قِندِشِ دَنشَنِيَتْييٍ رَ، نٍيٍ نَشَ سٌ مُشُ يَ مَ فُندٌ كُي. عٍ نُ وَ مَ وٌن مَ شْرّيَ نَن نَبّنقٍ، عَلَ شَ مِشِ سُفَندِشِ عِسَ نَشَن قِشِ وٌن مَ، عَلَكٌ وٌن مَن شَ فبِلٍن كٌنيِيَ كُي. 
\v 5 كْنْ مُشُ مُ تِن نَ شَشِلِ رَ قٍقٍ مَ، عَلَكٌ وٌ نَشَ بَ عِسَ شَ نْندِ كِرَ شْن مَ.
\p
\v 6 ﭑ مُ ﭑ شَشِلِ تِشِ مِشِيٍ رَ حَمَ بِرَشِ نَشٍيٍ قْشْ رَ، بَرِ مَ عَلَ مُ مِشِ يٌ رَقِسَمَ عَ بٌورٍ بّ. عٍ تَن مُ سٍسٍ سَ ﭑ مَ مَسٍنيِ قَرِ. 
\v 7 عٍ نَشَ عَ تٌ عَلَ نَن نَ شّيرَيَ تَشُشِ ﭑ نَ، ﭑ شَ عِسَ شَ شِبَارُ قَنيِ عِبَ سِ فبّتّيٍ بّ، عَلْ ثِيّرِ عَ رَبَمَ يُوِقِيٍ بّ كِ نَشّ. 
\v 8 عَلَ نَشَن ثِيّرِ شّي عَ شَ وَلِ رَبَدٍ يُوِقِيٍ تَفِ، عَ تَن نَن ﭑ قَن شّي عَ شَ وَلِ رَبَدٍ سِ فبّتّيٍ تَفِ. 
\v 9 يَكِ، ثِيّرِ، نُن يَيَ نَشٍيٍ قِندِشِ كُنتِفِ شُنفبٍيٍ رَ دَنشَنِيَتْييٍ تَفِ، عٍ نَشَ ﭑ نُن بَرَنَبَسِ رَ سّنّ عَ نفَشَكٍرٍن كِ مَ عٍ تٌ عَ كٌلٌن عَلَ هِننّشِ ﭑ نَ كِ نَشّ. عٍ نَشَ لَن عَ مَ عَ مُشُ شَ شّيرَيَ رَبَ سِ فبّتّيٍ تَفِ، عٍ تَن قَن شَ عَ رَبَ يُوِقِيٍ تَفِ. 
\v 10 عٍ مَن نَشَ مُشُ مَيَندِ مُشُ شَ سٍتَرٍيٍ مَلِ مُشُ شَ وَلِ كُي. قٍ نَن نَ كِ ﭑ نُ وَ مَ نَشَن نَبَقٍ عَ قَنيِ رَ.
\s يُوِقِيٍ نُن سِ فبّتّيٍ
\p
\v 11 ثِيّرِ تٌ قَ عَنتِيْكِ، ﭑ نَشَ عَ مَتَندِ، بَرِ مَ عَ نُ بَرَ تَنتَن. 
\v 12 بٍينُن يَكِ شَ مِشِ ندٍيٍ شَ سِفَ عَ يِرٍ، عَ نُ عَ دّفٍمَ عَ نُن سِ فبّتّيٍ. كْنْ عٍ تٌ عَ شْنيِ لِ، عَ نَشَ فبِلٍن مِشِيٍ قْشْ رَ نَشٍيٍ قِندِشِ سِ فبّتّيٍ رَ. عَ نُ بَرَ فَاشُ يَكِ شَ مِشِيٍ يَ رَ، بَرِ مَ عٍ نُ لَشِ عَ رَ عَ دَنشَنِيَتْييٍ لَنشِ نّ عٍ شَ سُننَ. 
\v 13 يُوِقِ فبّتّيٍ نَشَ بِرَ عَ شَ قِلَنكَقُيحَ قْشْ رَ، هَن عٍ نَشَ بَرَنَبَسِ قَن نَتَنتَن.
\p
\v 14 ﭑ تٌ عٍ شَ تِنشِنتَرٍيَ تٌ، نَشَن مُ لَنشِ عَلَ شَ نْندِ مَ، ﭑ نَشَ عَ قَلَ ثِيّرِ بّ عٍ بِرِن يَ شْرِ، «هَلِ عِ تٌ قِندِشِ يُوِقِ رَ، عِ نَ حّرّقٍ سِ فبّتّيٍ شَ نَامُنيِ كِ نَن مَ، نَشَن مُ قِندِ يُوِقِ شَ نَامُنيِ رَ. مُنقٍ رَ عِ عَ قَلَمَ سِ فبّتّيٍ بّ عٍ شَ حّرّ يُوِقِيٍ حّرّ كِ مَ؟»
\p
\v 15 وٌن تَن نَشٍيٍ بَرِشِ يُوِقِيَ كُي، نَشٍيٍ مُ قِندِشِ يُنُبِتْييٍ رَ سِ فبّتّيٍ تَفِ، 
\v 16 وٌن عَ كٌلٌن مِشِ يٌ مُ نْمَ عَلَ شَ سّرِيّ بِرِن نَبَتُدٍ، عَ قَ لُ عَ مُ تَنتَن نَ شَ عَ قِندِ تِنشِنتْي رَ. عَ قِندِ مَ تِنشِنتْي رَ عَ تٌ دَنشَنِيَشِ عَلَ شَ مِشِ سُفَندِشِ عِسَ مَ. نَ كُي، وٌن بَرَ دَنشَنِيَ عَلَ شَ مِشِ سُفَندِشِ عِسَ مَ، عَلَكٌ وٌن شَ تِنشِن نَ دَنشَنِيَ سَابُي رَ. وٌن مُ نْمَ عَلَ شَ سّرِيّ بِرِن نَتِنمّدٍ، هَن وٌن شَ قِندِ تِنشِنتْييٍ رَ. مِشِ يٌ مُ نْمَ عَلَ شَ سّرِيّ بِرِن نَتِنمّدٍ، هَن عَ قَ قِندِ تِنشِنتْي رَ.
\p
\v 17 شَ وٌن نَ تِنشِنيِ قٍنقٍ عَلَ شَ مِشِ سُفَندِشِ سَابُي رَ، وٌن قَ يُنُبِ ندٍ رَبَ، نَ عَ مَسٍنمَ يُنُبِ رَقَن عَلَ شَ مِشِ سُفَندِشِ مَ؟ عَستْقُلَهِ. 
\v 18 ﭑ مُ لَمَ عَ رَ سْنْن ﭑ نْمَ عَلَ شَ يَامَرِ بِرِن نَتِنمّدٍ، هَن ﭑ شَ قِندِ تِنشِنتْي رَ. شَ عَ سَ لِ ﭑ بَرَ فبِلٍن نَ شَشِلِ مَ، نَ مُ قِندِ عَلَ شَ سّرِيّ رَ. 
\v 19 ﭑ تٌ عَ تٌ ﭑ مُ نْمَ عَلَ شَ سّرِيّ بِرِن نَتِنمّدٍ، ﭑ نَشَ نَ شَشِلِ لُ نَ، عَلَكٌ ﭑ مَ حّرّ كِ قَنيِ شَ قِندِ تَنتُي رَ عَلَ بّ. 
\v 20 عَلَ شَ مِشِ سُفَندِشِ قَشَ كِ نَشّ وُرِ مَفَلَنبُشِ مَ، ﭑ وَشْنقٍ قَن بَرَ قَشَ نَ كِ. يَكْسِ ﭑ مُ بِرَ مَ ﭑ وَشْنقٍ قْشْ رَ. عَلَ شَ مِشِ سُفَندِشِ نَن ﭑ مَ دُنِحّءِفِرِ رَحّرّ مَ. ﭑ ﭑ مَ دُنِحّءِفِرِ رَحّرّ مَ دَنشَنِيَ نَن سَابُي رَ. ﭑ بَرَ دَنشَنِيَ عَلَ شَ دِ مَ نَشَن عَ يّتّ بَشِ سّرّشّ رَ ﭑ بّ عَ شَ شَنُنتٍيَ شَ قٍ رَ. 
\v 21 ﭑ مُ تِنمَ عَلَ شَ هِننّ رَبٌلٌدٍ. شَ عَ سَ لِ ﭑ نْمَ عَلَ شَ يَامَرِيٍ رَتِنمّدٍ هَن ﭑ شَ قِندِ تِنشِنتْي رَ، عَ لِمَ عَلَ شَ مِشِ سُفَندِشِ شَ قَشّ تِدٍ يٌ مُ نَ وٌن مَ كِسِ شَ قٍ رَ.
\c 3
\s دَنشَنِيَتْييٍ قِندِشِ عِبُرَهِمَ شَ دِيٍ نَن نَ
\p
\v 1 وٌ تَن فَلَتِكَ شَشِلِتَرٍيٍ، ندٍ وٌ مَدَشُشِ؟ عَ مَسٍنشِ نّ وٌ بّ عَ قِيشّ رَ عَ عَلَ شَ مِشِ سُفَندِشِ بَنبَن نّ وُرِ مَفَلَنبُشِ مَ. 
\v 2 وٌ عَ قَلَ ﭑ بّ مُنسٍ عَ نِيَشِ وٌ شَ عَلَ شَشِلِ سّنِيّنشِ سْتْ. وٌ عَ سْتْشِ عَلَ شَ سّرِيّ رَتِنمّقٍ نَن سَابُي رَ، كَ وٌ عَ سْتْشِ نّ بَرِ مَ وٌ دَنشَنِيَشِ عَلَ شَ مَسٍنيِ مَ وٌ نَشَن مّشِ؟ 
\v 3 وٌ شَشِلِ مُ نَ؟ سِنفٍ وٌ شَشِلِ نُ تِشِ عَلَ شَشِلِ سّنِيّنشِ نَن نَ، كْنْ يَكْسِ وٌ لَشِ وٌ يّتّ كَن سّنبّ نَن نَ. مُنقٍ رَ؟ 
\v 4 وٌ بَرَ تْورْ عَلَ شَشِلِ سْتْقٍ رَ، يَكْسِ مُنقٍ رَ وٌ وَ مَ نَ بّحِنقٍ؟ نَ بَرَ قِندِ قٍ قُقَقُ رَ وٌ بّ؟ 
\v 5 عَلَ عَ شَشِلِ سّنِيّنشِ قِمَ وٌ مَ، عَ مَن كَابَنَكٌي رَبَمَ وٌ تَفِ. عَ وٌ كِمَ نّ، بَرِ مَ وٌ بَرَ عَ شَ سّرِيّيٍ رَبَتُ، كَ عَ وٌ كِمَ نّ بَرِ مَ وٌ بَرَ دَنشَنِيَ عَلَ شَ مَسٍنيِ مَ وٌ نَشَن مّشِ؟
\p
\v 6 وٌ شَ عِبُرَهِمَ شَ قٍ مَتٌ. عَ تٌ دَنشَنِيَ عَلَ مَ، عَ نَشَ تِنشِنيِ سْتْ عَلَ مَبِرِ. 
\v 7 نَ نَن نَ كِ، مِشِ نَشَن دَنشَنِيَ عَلَ مَ، نَ بَرَ قِندِ عِبُرَهِمَ شَ دِ رَ. 
\v 8 كِتَابُي نَ نَن يَتِ قَلَ بٍينُن عَ شَ رَبَ، عَ قَلَقٍ رَ عَلَ قَمَ سِ فبّتّيٍ رَتِنشِندٍ عٍ شَ دَنشَنِيَ سَابُي رَ. عَ نَشَ نَ مَسٍنيِ قَنيِ مَسٍن سِنفٍ نُ، عَ تٌ عَ قَلَ عِبُرَهِمَ بّ، «سِ بِرِن قَمَ نّ دُبَ سْتْدٍ عِ تَن سَابُي رَ.» 
\v 9 نَ كُي، دَنشَنِيَتْي بِرِن دُبَ سْتْمَ نّ عَلْ عِبُرَهِمَ دَنشَنِيَتْي. 
\v 10 مِشِ نَشَن كَتَمَ عَلَ شَ يَامَرِيٍ رَتِنمّدٍ عَلَكٌ عَ شَ كِسِ سْتْ، نَ قِندِشِ مِشِ دَنكَشِ نَن نَ، بَرِ مَ عَ سّبّشِ كِتَابُي كُي، «مِشِ نَشَن مُ يَامَرِ بِرِن نَبَمَ، نَشٍيٍ سّبّشِ عَلَ شَ سّرِيّ كِتَابُي كُي، عَ دَنكَشِ.» 
\v 11 مِشِ يٌ مُ نْمَ عَلَ شَ يَامَرِيٍ بِرِن نَبَتُدٍ، نَ شَ عَ قِندِ تِنشِنتْي رَ. عَ سّبّشِ كِتَابُي كُي، «تِنشِنتْي كِسِمَ عَ شَ دَنشَنِيَ نَن سَابُي رَ.»
\p
\v 12 عَ مَن سّبّشِ، «مِشِ نَشَن عَلَ شَ يَامَرِيٍ بِرِن نَبَتُمَ، عَ كِسِمَ نٍيٍ نَن سَابُي رَ.» شَشِلِ قِرِن نَن عَ رَ. نَشَن عَ شَشِلِ تِمَ دَنشَنِيَ رَ، عَ مُ نْمَ عَ شَشِلِ تِدٍ يَامَرِيٍ رَتِنمّقٍ رَ. 
\v 13 عَلَ شَ مِشِ سُفَندِشِ بَرَ وٌن شُنسَرَ دَنكّ مَ، وٌن نَشَن سْتْ بَرِ مَ وٌن مُ عَ شَ يَامَرِ بِرِن نَتِنمّشِ. عَ وٌن شُنسَرَ نّ، عَ تٌ وٌن مَ دَنكّ تٌنفٌ عَ شَ كٌتٍ رَ. عَ قِندِ مِشِ دَنكَشِ رَ عَ قَشَ كِ نَن مَ، بَرِ مَ عَ سّبّشِ كِتَابُي كُي، «دَنكّ نَ مِشِ بّ نَشَن فبَكُمَ وُرِ مَ.» 
\v 14 عَ بَرَ وٌن شُنسَرَ عَلَكٌ عَلَ هّيرِ نَشَن قِشِ عِبُرَهِمَ مَ، عَ شَ دَنفِ سِ فبّتّيٍ مَ عَلَ شَ مِشِ سُفَندِشِ عِسَ سَابُي رَ. نَ كُي، وٌن مَ دَنشَنِيَ سَابُي رَ، وٌن نْمَ عَلَ شَشِلِ سّنِيّنشِ سْتْدٍ نَشَن لَايِدِشِ وٌن بّ.
\s عَلَ شَ سَاتّ نُن عِبُنَدَ مَ شَ وَلِ
\p
\v 15 ﭑ نفَشَكٍرٍنيِيٍ، ﭑ شَ مِسَالِ ندٍ مَسٍن وٌ بّ. مِشِ مُ نْمَ سَاتّ مَسَرَدٍ، شَ نَ مُ عَ رَ عَ كَنَدٍ، سَاتّ نَشَن تٌنفٌشِ عِبُنَدَ مَ شَ سّرِيّ كِ مَ. عَننَبِ عِبُرَهِمَ شَ سَاتّ لُمَ نَ كِ نّ. 
\v 16 عَلَ نَشَ لَايِدِ ندٍيٍ تٌنفٌ عِبُرَهِمَ نُن عَ شَ دِ بّ. كِتَابُي مُ عَ قَلَمَ «دِيٍ،» وْيّنيِ نَشَن وَ مَ عَ قَلَقٍ «مِشِ وُيَشِ.» كِتَابُي عَ قَلَمَ «عَ نُن عَ شَ دِ.» وْيّنيِ نَ عَ رَ نَشَن وَ مَ عَ قَلَقٍ «مِشِ كٍرٍن.» نَ مِشِ كٍرٍن قِندِشِ عَلَ شَ مِشِ سُفَندِشِ نَن نَ. 
\v 17 ﭑ وَ مَ نَشَن قَلَقٍ وٌ بّ، عَ عَلَ شَ سّرِيّ، نَشَن سّبّشِ حّ كّمّ نَانِ حّ تٌنفٌ سَشَن دَنفِ شَنبِ عَلَ شَ سَاتّتٌنفٌي عِبُرَهِمَ بّ، نَ سّرِيّ مُ نْمَ نَ لَايِدِ سِنفٍ كَنَدٍ. 
\v 18 شَ وٌن كِسِ سْتْمَ كّ رَ، بَرِ مَ وٌن عَلَ شَ يَامَرِيٍ رَتِنمّمَ، وٌن مُ عَ سْتْمَ سْنْن عَلَ شَ لَايِدِ سَابُي رَ. عَلَ عَ قِ عِبُرَهِمَ مَ لَايِدِ نَن نَ عَ يّتّ شَ هِننّ شَ قٍ رَ.
\p
\v 19 شَ نَ نَن عَ رَ، مُنقٍ رَ عَلَ عَ نِيَ عَ شَ يَامَرِيٍ شَ سّبّ كِتَابُي كُي؟ عَ عَ شَ يَامَرِيٍ سّبّ نّ يُنُبِيٍ شَ قٍ رَ، بٍينُن عَ شَ دِ لَايِدِشِ شَ قَ. مَلٍكّيٍ نَشَ قَ نَ سّرِيّ رَ، عٍ نَ سٌ سَابُي ندٍ يِ رَ. 
\v 20 سَابُي تَن لُمَ مِشِ قِرِن نَن تَفِ، كْنْ عَلَ تَن، كٍرٍن نَن عَ رَ.
\p
\v 21 عَلَ شَ سّرِيّ نُن عَلَ شَ لَايِدِيٍ عٍ بٌورٍ مَتَندِ مَ؟ عَدٍ دٍ! شَ وٌن نُ نْمَ كِسِ سْتْدٍ عَلَ شَ يَامَرِيٍ رَبَتُي نَن نَ نُ، نَ نُ نْمَ نّ وٌن قِندِدٍ تِنشِنتْييٍ رَ. 
\v 22 كْنْ عَلَ شَ كِتَابُي عَ مَسٍنشِ نّ وٌن بّ عَ دُنِحَ مِشِ بِرِن عَلَ شَ يَامَرِيٍ مَتَندِ مَ، عٍ قِندِ يُنُبِتْييٍ رَ. نَ كُي، عَلَ نَشَن لَايِدِشِ مِشِيٍ بّ، نَشٍيٍ لَمَ عَ رَ، عٍ قَ دَنشَنِيَ عَلَ شَ مِشِ سُفَندِشِ عِسَ مَ، عٍ نْمَ نَ سْتْدٍ.
\p
\v 23 بٍينُن مِشِ شَ نْ كِسِ سْتْدٍ دَنشَنِيَ سَابُي رَ، وٌن نُ نَ كَتَقٍ عَلَ شَ يَامَرِيٍ رَتِنمّدٍ، عَلَكٌ وٌن شَ كِسِ، كْنْ وٌن مُ نْ. 
\v 24 نَ كُي، سّرِيّ بَرَ وٌن شُرُ هَن بٍينُن عَلَ شَ مِشِ سُفَندِشِ شَ قَ عَلَكٌ وٌن شَ تِنشِنيِ سْتْ دَنشَنِيَ سَابُي رَ. 
\v 25 كْنْ دَنشَنِيَ تٌ بَرَ قَ، وٌن مُ نَ سّرِيّ شَ شُرُي بُن مَ سْنْن، 
\v 26 بَرِ مَ وٌ بِرِن بَرَ قِندِ عَلَ شَ دِيٍ رَ، وٌ تٌ دَنشَنِيَشِ عَلَ شَ مِشِ سُفَندِشِ عِسَ مَ. 
\v 27 وٌ تَن نَشٍيٍ بَرَ وٌ شُنشَ يٍ شْورَ عَلَ شَ مِشِ سُفَندِشِ شِلِ رَ، وٌ نُن عَلَ شَ مِشِ سُفَندِشِ نَن قَ عَ رَ. 
\v 28 يُوِقِ نُن فِرّكِ، كٌنيِ نُن شْرّ، شّمّ نُن فِنّ، وٌ بِرِن كٍرٍن عَلَ شَ مِشِ سُفَندِشِ عِسَ عِ. 
\v 29 شَ وٌ بَرَ قِندِ عِسَ عَلَ شَ مِشِ سُفَندِشِ فبٍ رَ، وٌ بَرَ قِندِ عِبُرَهِمَ شَ دِيٍ نُن كّتٌنفٌي رَ عَلْ عَلَ عَ لَايِدِشِ كِ نَشّ.
\c 4
\s كٌنيِ نُن دِ
\p
\v 1 ﭑ وَ مَ نَشَن قَلَقٍ، كّ تٌنفٌمَ، عَ دِ مّدِ تّمُي، هَلِ عَ بَبَ كّ تٌ قِندِشِ عَ فبٍ رَ، عَ لُشِ عَلْ كٌنيِ نَشَن مُ فّشِ عَ يّتّ سْتْدٍ. 
\v 2 عَ لُمَ يَتِفِيٍ نُن كَرَ مْشْيٍ شَ يَامَرِ نَن بُن مَ، هَن عَ بَبَ نَ تِن تّمُي نَشّ عَ شَ عَ يّتّ سْتْ. 
\v 3 وٌن تَن قَن تٌ مُ نُ عَلَ شَ مِشِ سُفَندِشِ عِسَ كٌلٌن، وٌن نُ لُشِ نّ عَلْ دِ مّدِيٍ. وٌن نُ نَ دُنِحَ قٍ كٌبِيٍ شَ كٌنيِيَ نَن بُن مَ. 
\v 4 وَشَتِ تٌ كَمَلِ، عَلَ نَشَ عَ شَ دِ شّي دُنِحَ مَ فِنّ ندٍ سَابُي رَ. عَ نَشَ بَرِ عَلَ شَ سّرِيّ بُن مَ، 
\v 5 عَلَكٌ عَ شَ مِشِيٍ شُنسَرَ نَشٍيٍ نُ نَ عَلَ شَ سّرِيّ شَ كِيتِ بُن مَ. عَ نَشَ وٌن شُنسَرَ عَلَكٌ وٌن شَ قِندِ عَلَ شَ دِيٍ رَ. 
\v 6 وٌ تٌ قِندِ عَ شَ دِيٍ رَ، عَلَ نَشَ عَ شَ دِ شَشِلِ رَ سٌ وٌ بْحّ عِ، شَشِلِ نَشَن شِلِ تِمَ، «ن بَ.» 
\v 7 نَ نَن عَ رَ وٌ بَرَ مِنِ كٌنيِيَ كُي، وٌ بَرَ قِندِ عَلَ شَ دِيٍ رَ. وٌ تٌ قِندِشِ عَ شَ دِيٍ رَ، عَلَ مَن بَرَ وٌ قِندِ عَ كّتٌنفٌي رَ.
\p
\v 8 سِنفٍ وٌ مُ نُ عَلَ كٌلٌن. دُنِحَ قٍ كٌبِيٍ نَن نُ قِندِشِ وٌ مَرِفِ رَ، عَ قَ لِ نٍيٍ نُن عَلَ تَفِ عِكُيَ. 
\v 9 يَكْسِ وٌ بَرَ عَلَ كٌلٌن. عَلَ بَرَ وٌ قَن كٌلٌن. مُنسٍ قَ عَ نِيَشِ سْنْن وٌ مَن فبِلٍنمَ نَ دُنِحَ قٍيٍ مَ نَشٍيٍ سّنبّ نُن تِدٍ مُ فبٌ؟ وٌ مَن وَ مَ لُقٍ عٍ شَ كٌنيِيَ بُن مَ؟ 
\v 10 وٌ مَن بَرَ بِرَ يَامَرِيٍ قْشْ رَ، نَشٍيٍ عَ قَلَمَ لْشْي ندٍيٍ نُن كِكٍ ندٍيٍ تِدٍ فبٌ عٍ بٌورٍ بّ. وٌ وَشَتِ ندٍيٍ نُن حّ ندٍيٍ رَقِسَ عٍ بٌورٍ بّ. 
\v 11 ﭑ فَاشُ نّ وٌ نَشَ ﭑ مَ شَرَنيِ رَبٌلٌ، ﭑ مَ وَلِ شَ لُ ﭑ مَ قُ.
\p
\v 12 ﭑ نفَشَكٍرٍنيِيٍ، ﭑ بَرَ وٌ مَيَندِ، وٌ لُ عَلْ ﭑ تَن، بَرِ مَ ﭑ قَن لُشِ نّ عَلْ وٌ تَن. وٌ مُ قٍ كٌبِ يٌ رَبَ ﭑ نَ. 
\v 13 وٌ عَ كٌلٌن عَ ﭑ مَ قُرٍ نَن عَ نِيَ، عَ سِنفٍ سِنفٍ ﭑ شَ وٌ كَوَندِ عِسَ شَ مَسٍنيِ قَنيِ رَ. 
\v 14 نَ نُ شْرْشْ وٌ بّ، كْنْ ﭑ مَ قٍ مُ وٌ بْحّ رَحَاشُ وٌ مَ، وٌ مُ وٌ مَكُيَ ﭑ نَ. وٌ ﭑ نَسّنّ نّ عَلْ عَلَ شَ مَلٍكّ ندٍ، شَ نَ مُ عَ رَ عَلَ شَ مِشِ سُفَندِشِ عِسَ. 
\v 15 وٌ شَ نَ سّيوّ قٌرِ نَ مِندٍن؟ سِنفٍ ﭑ مَ قٍ نُ رَقَن وٌ مَ هَن وٌ نُ نْمَ تِندٍ وٌ يَيٍ يَتِ بَدٍ ﭑ بّ. 
\v 16 ﭑ نْندِ قَلَقٍ وٌ بّ، نَ بَرَ عَ نِيَ ﭑ شَ قِندِ وٌ يَشُي رَ؟ 
\v 17 نَ مِشِيٍ وَ مَ وٌ شَ بِرَ عٍ قْشْ رَ، كْنْ نَ مُ قِندِ مَ قٍ قَنيِ رَ وٌ بّ. عٍ وَ مَ وٌن تَفِ عِسٌقٍ، عَلَكٌ وٌ شَ لُ عٍ تَن مَبِرِ. 
\v 18 شَ وٌ فبَتَ قٍ قَنيِ رَبَقٍ رَ، نَ مُ حَاشُ. وٌ شَ نَ مْولِ رَبَ تّمُي بِرِن، هَلِ ﭑ مُ نَ وٌ يِرٍ. 
\v 19 ﭑ مَ دِيٍ، ﭑ مَن نَ تْورْقٍ وٌ بّ عَلْ فِنّ شَ تْورّ دِتِنيِ رَ، هَن عَلَ شَ مِشِ سُفَندِشِ حّرّ كِ سَبَتِمَ وٌ عِ تّمُي نَشّ. 
\v 20 عَ شْلِ ﭑ مَ وٌن بِرِن شَ لُ يِرٍ كٍرٍن، عَلَكٌ وٌن شَ وٌن بٌرٍ قَهَامُ، بَرِ مَ يَكْسِ ﭑ بَرَ هَنمّ وٌ شَ قٍ رَ.
\s هَفَرَ نُن سَرَ شَ مِسَالِ
\p
\v 21 وٌ تَن نَشٍيٍ وَ مَ كِسِ سْتْقٍ عَلَ شَ يَامَرِيٍ رَتِنمّقٍ سَابُي رَ، وٌ مُ عَ كٌلٌن عَلَ شَ سّرِيّ نَشَن قَلَشِ؟ 
\v 22 عَ سّبّشِ كِتَابُي كُي عَ دِ قِرِن نَن نُ نَ عِبُرَهِمَ يِ رَ. كٌنيِ فِنّ نَشَ كٍرٍن بَرِ عَ بّ، شْرّ فِنّ قَن نَشَ دِ فبّتّ بَرِ عَ بّ. 
\v 23 عَ نَشَن سْتْ كٌنيِ فِنّ سَابُي رَ، نَ بَرِشِ نّ عَلْ عِبُنَدَ مَ بِرِن بَرِشِ كِ نَشّ، كْنْ عَ نَشَن سْتْ شْرّ فِنّ سَابُي رَ، عَ بَرِشِ لَايِدِ نَن كُي. 
\v 24 نَ فِنّ قِرِنيِ مِسَالِشِ سَاتّ قِرِن نَن نَ. سَاتّ نَشَن شِرِشِ سِنَيِ فٍيَ قَرِ نَن عَ نِيَمَ مِشِ شَ لُ كٌنيِيَ كُي. هَفَرَ مِسَالِشِ نَ سَاتّ نَن نَ، 
\v 25 نَشَن شِرِشِ سِنَيِ فٍيَ قَرِ عَرَبُ بْشِ مَ. عَ مِسَالِشِ دَرِ سَلَمُ قَن نَ، نَشَن نَ كٌنيِيَ كُي عَ نُن عَ شَ دِيٍ. 
\v 26 كْنْ دَرِ سَلَمُ نَشَن نَ عَرِيَننَ، شْرّ تَا نَن عَ رَ. وٌن نفَ نَن نَ كِ. 
\v 27 عَ سّبّشِ كِتَابُي كُي،
\q «عِ تَن نَشَن مُ دِ بَرِ مَ، عِ شَ حّلّشِن.
\q عِ تَن نَشَن مُ دِ بَرِ تْورّ كٌلٌن،
\q عِ شُي رَ مِنِ، عَ عِتٍ حّلّشِنيِ كُي،
\q بَرِ مَ فِنّ نَشَن شَ شّمّ بَرَ مّي عَ رَ،
\q عَ شَ دِ وُيَمَ نّ،
\q دَنفِ شّمّ تَا عِدْشْي رَ.»
\p
\v 28 وٌ تَن نفَشَكٍرٍنيِيٍ، وٌ بَرَ قِندِ لَايِدِ دِيٍ رَ عَلْ عِسِيَفَ. 
\v 29 نَ وَشَتِ، دِ نَشَن بَرِشِ عِبُنَدَ مَ كِ مَ، عَ نَشَ دِ بٌورٍ تْورْ، نَشَن بَرِشِ عَلَ شَشِلِ سّنبّ سَابُي رَ. هَن يَ عَ نَ نَ كِ نّ. 
\v 30 مُنسٍ سّبّشِ كِتَابُي كُي؟ عَ سّبّشِ، «عِ شَ كٌنيِ فِنّ نُن عَ شَ دِ كٍرِ، بَرِ مَ كٌنيِ فِنّ شَ دِ نُن شْرّ فِنّ شَ دِ مُ كّ عِتَشُنمَ.» 
\v 31 ﭑ نفَشَكٍرٍنيِيٍ، نَ نَن عَ رَ وٌن مُ قِندِشِ كٌنيِ فِنّ شَ دِيٍ شَ رَ. وٌن قِندِشِ شْرّ فِنّ شَ دِيٍ نَن نَ.
\c 5
\s دَنشَنِيَتْي شَ شْرّيَ
\p
\v 1 عَلَ شَ مِشِ سُفَندِشِ بَرَ وٌن شُنسَرَ، عَلَكٌ وٌن شَ شْرّيَ سْتْ. نَ كُي، وٌ شَ تِ عَ قَنيِ رَ. وٌ نَشَ تِن كٌنيِيَ ندٍ يٌ شَ دْشْ وٌ قَرِ سْنْن.
\p
\v 2 ﭑ تَن ثْلُ، ﭑ شَ نْندِ قَلَ وٌ بّ، شَ وٌ تِن نَ مِشِيٍ شَ وٌ سُننَ، عَلَ شَ مِشِ سُفَندِشِ شَ وَلِ تِدٍ يٌ مُ نَ وٌ بّ سْنْن. 
\v 3 ﭑ مَن شَ عَ قَلَ وٌ بّ، شّمّ نَشَن تِنمَ عٍ شَ عَ سُننَ، عَ لَنمَ عَ شَ عَلَ شَ يَامَرِ بِرِن نَتِنمّ. 
\v 4 وٌ تَن نَشٍيٍ وَ مَ تِنشِنيِ سْتْقٍ يَامَرِيٍ رَتِنمّقٍ سَابُي رَ، وٌ نُن عَلَ شَ مِشِ سُفَندِشِ تَفِ بَرَ عِكُيَ. عَلَ مُ هِننّمَ وٌ رَ سْنْن. 
\v 5 وٌن وٌن شَشِلِ تِمَ عَلَ شَشِلِ رَ وٌن مَ دَنشَنِيَ كُي، عَلَكٌ وٌن شَ تِنشِنيِ سْتْ وٌن شَشِلِ تِمَ نَشَن نَ. 
\v 6 شَ مِشِ بِرَشِ عَلَ شَ مِشِ سُفَندِشِ عِسَ قْشْ رَ، سُننّ نُن سُننَتَرٍيَ تِدٍ يٌ مُ نَ عَ بّ. قٍ كٍرٍن نَن تِدٍ فبٌ؛ مِشِ شَ دَنشَنِيَ عَلَ مَ، عَ شَ مِشِ شَنُ.
\p
\v 7 وٌ نُ نَ حّرّقٍ عَ قَنيِ رَ. ثٍ، ندٍ عَ نِيَشِ وٌ شَ نْندِ رَبٌلٌ؟ 
\v 8 نَشَن وٌ بّندُنشِ نَ كِ، نَ مُ قِندِشِ عَلَ رَ نَشَن وٌ شِلِ. 
\v 9 لّبِنِ دٌندٌرٌنتِ نْمَ قَرِن فبٍفبٍ رَتٍدٍ. 
\v 10 ﭑ بَرَ لَ وٌ رَ عَلَ سَابُي رَ، مِشِ يٌ قَ عَ شَ قَ وٌ يَ عِسٌ، وٌ مُ تِنمَ نَ شَشِلِ مْولِ رَ. نَ كَنيِ قَمَ نّ عَ سَرٍ سْتْدٍ. 
\v 11 ﭑ نفَشَكٍرٍنيِيٍ، شَ عَ لِ نُ هَن يَ ﭑ نَ كَوَندِ تِقٍ مِشِيٍ شَ سُننَ، مُنقٍ رَ يُوِقِيٍ لُمَ ﭑ حَشَنكَتَ رَ؟ شَ عَ سَ لِ نُ ﭑ نَ كَوَندِ مْولِ تِمَ، عِسَ شَ سّرّشّ وُرِ مَفَلَنبُشِ مَ، عَ مُ قِندِ مَ وْيّن شْرْشْي رَ مِشِيٍ بّ نُ. 
\v 12 ﭑ وَ مَ نّ نَشٍيٍ نَ وٌ يَ عِسٌقٍ، هَلِ عٍ مُ عَ دَن سُننّ قٍ فبَنسَن مَ. عٍ شَ عٍ شّمّيَ بِرِن بَ نَ.
\s دَنشَنِيَتْي حّرّ كِ
\p
\v 13 ﭑ نفَشَكٍرٍنيِيٍ، عَلَ وَ مَ وٌ شَ لُ شْرّيَ كُي، كْنْ وٌ نَشَ نَ شْرّيَ مَقِندِ يُنُبِ رَ. وٌ وٌ بٌرٍ مَلِ شَنُنتٍيَ كُي. 
\v 14 عَلَ شَ سّرِيّ بِرِن نَ يِ يَامَرِ كٍرٍنيِ نَن كُي؛ وٌ شَ وٌ بٌورٍ عَدَ مَدِ شَنُ عَلْ وٌ يّتّ. 
\v 15 شَ وٌ لُمَ وٌ بٌرٍ تْورْ رَ، وٌ نُ وٌ بٌرٍ حَشَنكَتَ، وٌ عَ نِيَ دْيِن، شَ نَ مُ عَ رَ وٌ وٌ بٌرٍ شَ قٍ شُن نَكَنَمَ نّ.
\p
\v 16 ﭑ وَ مَ نَشَن قَلَقٍ وٌ بّ، وٌ شَ عَ لُ عَلَ شَشِلِ شَ وٌ رَحّرّ. وٌ نَشَ بِرَ وٌ يّتّ وَشْنقٍ حَاشِيٍ قْشْ رَ. 
\v 17 عَدَ مَ وَشْنقٍ حَاشِ نُن عَلَ شَشِلِ سّنِيّنشِ، عَ كٍرٍن مُ عَ رَ. نَ قِرِنيِ نَ عٍ بٌرٍ فٍرٍقٍ، عَلَكٌ وٌ نَشَ وٌ وَشْنقٍ رَبَ. 
\v 18 شَ عَلَ شَشِلِ نَ وٌ رَحّرّقٍ، وٌ شَشِلِ مُ تِمَ وٌ شَ يَامَرِ رَتِنمّشِيٍ رَ سْنْن.
\p
\v 19 يُنُبِتْي وَشْنقٍيٍ نَن يَ؛ لَنفٌيحَ، سّنِيّنتَرٍحَ، سْن كٌبِ، 
\v 20 كُيٍ بَتُقٍ، دُورٍيَ، شْننَنتٍيَ، لَنتَرٍيَ، تْونّ، بْحّ تٍقٍ، فٍينِ قٍنقٍ عِ يّتّ بّ، سْنشْقٍ، بٌورٍ رَقِسَقٍ عَ بٌورٍ بّ، 
\v 21 مِلَنتٍيَ، سِيسِقٍ، شُلُنيِ حَاشِيٍ، نُن نَ مَنِيّيٍ. ﭑ مَن شَ عَ قَلَ وٌ بّ، مِشِ نَشٍيٍ حّرّ مَ نَ كِ، عٍ مُ عَرِيَننَ سْتْمَ كّ رَ مُكُ.
\p
\v 22 كْنْ عَلَ شَشِلِ سّنِيّنشِ شَ كّوَلِيٍ نَن يَ؛ شَنُنتٍيَ، سّيوّ، بْحّسَ، دِحّ، يَرَوَ سّ، قَنيِ، لَنلَنتٍيَ، 
\v 23 بْحّ بّشِيَ، نُن يّتّ سُشُي. تْنيِ يٌ مُ نَ نَ قٍ مْولِيٍ مَ. 
\v 24 عَلَ شَ مِشِ سُفَندِشِ عِسَ قْشِرَبِرّيٍ بَرَ يُنُبِتْي وَشْنقٍ رَبّحِن عَ نُن قٍ حَاشِ بِرِن. 
\v 25 وٌن تٌ كِسِ سْتْ عَلَ شَشِلِ سّنِيّنشِ سَابُي رَ، وٌن شَ بِرَ عَ قْشْ رَ. 
\v 26 وٌن نَشَ وٌن يّتّ عِفبٌ، وٌن نَشَ وٌن بٌرٍ رَشْنْ، وٌن نَشَ مِلَ وٌن بٌرٍ مَ.
\c 6
\s دَنشَنِيَتْييٍ شَ مَلِ
\p
\v 1 ﭑ نفَشَكٍرٍنيِيٍ، شَ وٌ بَرَ مِشِ ندٍ سُشُ يُنُبِ كُي، وٌ تَن نَشٍيٍ شَ دَنشَنِيَ تِلِنشِ، وٌ شَ عَ مَقُرُكُ عَلَكٌ عَ شَ فبِلٍن عَلَ مَ. كْنْ وٌ شَ وٌ حّنفِ سَ وٌ يّتّ شْن مَ، عَلَكٌ وٌ قَن نَشَ بِرَ نَ يُنُبِ كُي. 
\v 2 وٌ وٌ بٌرٍ مَلِ وٌ شَ كٌتٍ شَنِندٍ. نَ كُي، وٌ عَلَ شَ مِشِ سُفَندِشِ شَ سّرِيّ نَن نَتِنمّمَ. 
\v 3 شَ مِشِ عَ يّتّ عِفبٌمَ، عَ نَ عَ يّتّ مَدَشُقٍ. 
\v 4 كَنكَن شَ عَ يّتّ حّرّ كِ مَتٌ، شَ عَ قَن، شَ عَ مُ قَن. عَ نَشَ عَ بٌورٍ حّرّ كِ مَتٌ، عَ قَ عَ قَلَ، «ﭑ قَن بٌورٍ بّ.» نَ كُي، عَ شَ عَ يّتّ كٍرٍن فبَنسَن مَتٌ، 
\v 5 عَلَكٌ كَنكَن شَ عَ يّتّ شَ كٌتٍ شَنِن.
\p
\v 6 مِشِ نَشَن شَرَنيِ سْتْمَ عَلَ شَ مَسٍنيِ شَ قٍ رَ، عَ لَنمَ عَ شَ عَ كَرَ مْشْ كِ قٍ قَنيِ مْولِ بِرِن نَ.
\p
\v 7 مِشِ يٌ نَشَ وٌ مَدَشُ. عَدَ مَدِ مُ نْمَ عَلَ مَدَشُدٍ. كَنكَن قَمَ عَ يّتّ شَ وَلِ سَرٍ سْتْدٍ نّ. 
\v 8 مِشِ نَشَن بِرَ مَ عَ يّتّ وَشْنقٍ حَاشِ قْشْ رَ، عَ قَمَ نّ سْنتْدٍ نَ شَشِلِ كٌبِ شَ قٍ رَ. كْنْ مِشِ نَشَن بِرَ مَ عَلَ شَشِلِ وَشْنقٍ قْشْ رَ، عَ قَمَ كِسِدٍ عَلَ شَشِلِ نَن سَابُي رَ. 
\v 9 وٌن نَشَ تَفَن قٍ قَنيِ رَبَقٍ رَ. شَ وٌن مُ تَفَن، وٌن قَمَ نّ سَرٍ قَنيِ سْتْدٍ عَ وَشَتِ. 
\v 10 شَ وٌن نْمَ قٍ قَنيِ ندٍ رَبَدٍ، وٌن شَ عَ رَبَ مِشِ بِرِن بّ. عَ فبٍنفبٍنيِ وٌن شَ عَ رَبَ وٌن نفَشَكٍرٍنيِ دَنشَنِيَتْييٍ بّ دَنفِقٍ مِشِ بِرِن نَ.
\s حُنفُي
\p
\v 11 وٌ يِ سّبّلِ مَتٌ، عَ شْرِ شُنفبٌ، بَرِ مَ ﭑ نَ عَ سّبّقٍ ﭑ يّتّ بّلّشّ نَن نَ.
\p
\v 12 مِشِ نَشٍيٍ نَ وٌ كَرَشَنقٍ وٌ شَ سُننَ، عٍ وَ مَ نّ حَمَ شَ عٍ مَتْشْ. عٍ نَ نَ رَبَقٍ نّ عَلَكٌ عٍ نَشَ حَشَنكَتّ سْتْ كَوَندِ شَ قٍ رَ، نَشَن عَلَ شَ مِشِ سُفَندِشِ شَ سّرّشّ مَسٍنمَ. 
\v 13 سُننَمِشِيٍ يَتِ مُ عَلَ شَ يَامَرِ بِرِن نَتِنمّمَ، كْنْ عٍ وَ مَ وٌ تَن شَ سُننَ، عَلَكٌ عٍ شَ شِلِ قَنيِ سْتْ نَ شَ قٍ رَ. 
\v 14 كْنْ ﭑ تَن، ﭑ وَ مَ شِلِ قَنيِ سْتْقٍ وٌن مَرِفِ عِسَ عَلَ شَ مِشِ سُفَندِشِ شَ سّرّشّ نَن مَ قٍ رَ، نَشَن بَرَ عَ نِيَ ﭑ حّرّ كِ نُن دُنِحَ حّرّ كِ، عٍ تَفِ شَ عِكُيَ. 
\v 15 سُننّ نُن سُننَتَرٍيَ تِدٍ يٌ مُ نَ نَ. قِندِقٍ مِشِ نّينّ رَ، نَ نَن تِدٍ فبٌ. 
\v 16 عَلَ شَ بْحّسَ نُن هِننّ قِ مِشِ بِرِن مَ نَشٍيٍ بِرَ مَ نَ سّرِيّ قْشْ رَ، عَ نُن عَ شَ حَمَ عِسِرَيِلَ.
\p
\v 17 عَ دْنشْي رَ، مِشِ يٌ نَشَ ﭑ تْورْ، بَرِ مَ عِسَ شَ تْورّ قْشِ نَ ﭑ قَتٍ مَ. 
\v 18 ﭑ نفَشَكٍرٍنيِيٍ، وٌن مَرِفِ عِسَ، عَلَ شَ مِشِ سُفَندِشِ شَ هِننّ وٌ شَشِلِ رَ. عَمِنَ.