\id EPH rough draft and exegetical check JMW Oct 2001
\ide UTF-8
\h عٍقّسّ
\toc1 عَلَ شَ مَسٍنيِ عَننَبِ ثْلُ نَشَن سّبّ عٍقّسّ دَنشَنِيَتْي حَمَ مَ
\toc2 عٍقّسّ
\mt عَلَ شَ مَسٍنيِ
\mt عَننَبِ ثْلُ نَشَن سّبّ
\mt عٍقّسّ دَنشَنِيَتْي حَمَ مَ
\imt مَسٍنيِ ندٍ يِ كِتَابُي شَ قٍ رَ
\ip يِ كِتَابُي قِندِشِ بَتَاشّ نَن نَ عَلَ شَ شّيرَ ثْلُ نَشَن سّبّ دَنشَنِيَتْي حَمَ مَ نَشٍيٍ نُ سَبَتِشِ عٍقّسّ تَا كُي نُن عَ رَبِلِنيِ. تّمُي دَنفِشِ، ثْلُ نُ بَرَ كَوَندِ تِ نَا عَلَكٌ مِشِيٍ شَ دَنشَنِيَ عِسَ مَ. عَ لُ نّ نَ تَا كُي هَن حّ قِرِن. قٍ نَشٍيٍ دَنفِ عٍقّسّ نَ وَشَتِ بُن مَ، عٍ سّبّشِ عِسَ شَ شّيرَيٍ شَ تَرُشُي كُي، سٌرَ ١٩.
\ip ثْلُ يِ كِتَابُي سّبّ تّمُي نَشّ، عَ نُ سَشِ فٍيلِ عَلَ شَ مَسٍنيِ كَوَندِقٍ مَ. عَلَ شَشِلِ سّنِيّنشِ نَشَ مَسٍنيِ قِ عَ مَ نَشَن قِندِ يِ كِتَابُي رَ.
\ip عَلْ عَ تٌ عٍقّسّ دَنشَنِيَتْييٍ رَلِمَنِيَ، عَ لْننِ قِ عٍ مَ، يِ كِتَابُي نْمَ قٍ فبٍفبٍ مَسٍندٍ وٌن قَن بّ. عَ عَلَ سَفٌ مَكّنّنمَ وٌن بّ عَ نَشَن نَكَمَلِ عَ شَ مِشِ سُفَندِشِ عِسَ سَابُي رَ. عَ سَفٌ نَ عَ رَ مِشِ بِرِن شَ نْ كِسِ سْتْدٍ عِسَ شَ سّرّشّ سَابُي رَ. يِ كِتَابُي عَ مَسٍنمَ وٌن بّ عَ مِشِ يٌ مُ نَ نَشَن شَ وَلِ قَنيِيٍ نْمَ عَ رَكِسِدٍ. مِشِ كِسِمَ عَلَ شَ هِننّ نَن تُن سَابُي رَ. يِ كِتَابُي مَن عَ مَسٍنمَ وٌن بّ عَ دَنشَنِيَتْي حَمَ تِدٍ فبٌ عَلَ بّ. عَ بَرَ وَلِ سٌ عٍ يِ رَ، عٍ شَ نُ نَ رَبَ هَن بٍينُن عَ مَن قَمَ عٍ قْشْ رَ لْشْ نَشّ. عَ بَرَ قٍ قَنيِيٍ مَسٍن، عَ لَنمَ دَنشَنِيَتْييٍ شَ حّرّ نَشٍيٍ مَ. عَ مَن بَرَ قّيرّ قِ عٍ مَ عٍ شَ نْ تِدٍ سٍنتَنّ كَنكٍ عَلْ فٍرٍ سٌي تِمَ عَ فٍرٍقَ كَنكٍ كِ نَشّ.
\ip يِ كِتَابُي شَ مَسٍنيِ سّنبّ فبٌ كِ قَنيِ. عَلَ شَ عَ رَ سَبَتِ وٌن سٌندٌنيِ كُي. عَلَ شَ عَ شَشِلِ رَفٌرٌ وٌن مَ نَشَن لْننِ قِمَ، نَشَن قٍيٍ مَكّنّنمَ، عَلَكٌ وٌن مَ عَلَ كٌلٌنيِ شُن شَ مَسَ. عَلَ شَ سّنبّ قِ وٌن مَ وٌن شَ لْننِ سْتْ عَ شَ مِشِ سُفَندِشِ شَ شَنُنتٍيَ مَ نَشَن دَنفِ لْننِ بِرِن نَ. عَلَ شَ وٌن نَكَمَلِ عَ شَ قٍ كَمَلِشِ بِرِن نَ. عَمِنَ.
\imte عَلَ شَ مَسٍنيِ
\imte عَننَبِ ثْلُ نَشَن سّبّ
\imte عٍقّسّ دَنشَنِيَتْي حَمَ مَ
\cl سٌرَ
\c 1
\s شّيبُي
\p
\v 1 ﭑ تَن ثْلُ نَن يِ كِ، عَلَ بَرَ عَ رَفِرِ نَشَن شَ قِندِ عَ شَ مِشِ سُفَندِشِ عِسَ شَ شّيرَ رَ. ﭑ بَرَ وٌ تَن عٍقّسّ سّنِيّنتْييٍ شّيبُ، عَلَ شَ مِشِ سُفَندِشِ عِسَ شَ دَنشَنِيَتْييٍ. 
\v 2 وٌن بَبَ عَلَ نُن وٌن مَرِفِ عِسَ عَلَ شَ مِشِ سُفَندِشِ شَ هِننّ نُن بْحّسَ قِ وٌ مَ.
\s عَلَ مَتْشْي
\p
\v 3 تَنتُي نَن عَلَ بّ، نَشَن قِندِشِ وٌن مَرِفِ عِسَ بَبَ رَ. عِسَ سَابُي رَ، عَ بَرَ بَرَكّ بِرِن نَفٌرٌ وٌن مَ، نَشَن مْولِ مُ كٍلِمَ يِ دُنِحَ مَ، نَشَن مْولِ مُ تٌمَ، نَشَن وٌن مَلِمَ عَرِيَننَ كِرَ شْن. 
\v 4 بٍينُن دُنِحَ فّمّ سِنفٍ حَن شَ دْشْ، عَلَ نُ بَرَ وٌن سُفَندِ عِسَ سَابُي رَ عَلَكٌ وٌن شَ سّنِيّن، وٌن شَ تِنشِن عَ يَ عِ. عَ شَ شَنُنتٍيَ كُي، 
\v 5 عَ نَشَ حَنِفٍ تٌنفٌ وٌن شَ قِندِ عَ شَ دِيٍ رَ عَ شَ مِشِ سُفَندِشِ عِسَ سَابُي رَ، عَلَ سَفٌ قَنيِ مَ. 
\v 6 نَ بِرِن نَبَشِ نّ عَلَكٌ وٌن شَ عَ شَ هِننّ شُنفبٍ مَتْشْ، عَ نَشَن مَسٍنشِ وٌن بّ عَ شَنُنتٍنيِ عِسَ سَابُي رَ.
\p
\v 7 عَ تَن عِسَ بَرَ وٌن شُنسَرٍ قِ عَ يّتّ وُلِ رَ. وٌن مَ يُنُبِيٍ شَقَرِشِ عَ تَن نَن سَابُي رَ. نَ بِرِن نَبَشِ عَلَ شَ هِننّ مَكَابَشِ نَن كُي، 
\v 8 عَ بَرَ نَشَن قِ وٌن مَ عَ يِرِوَشِ رَ، لْننِ نُن قَهَامُي رَ. 
\v 9 عَ بَرَ عَ سَفٌ فُندٌ مَكّنّن وٌن بّ، عَ تٌ وَ عَ شْن عَ سَفٌ شَ رَبَ عَ شَ مِشِ سُفَندِشِ سَابُي رَ 
\v 10 وَشَتِ كَمَلِ تّمُي. عَلَ سَفٌ قِندِشِ يِ نَن نَ؛ عَ شَ سٍ بِرِن مَلَن، نَشٍيٍ نَ كٌورٍ عَ نُن نَشٍيٍ نَ بْشِ، عَ شَ عَ شَ مِشِ سُفَندِشِ قِندِ عَ بِرِن شُنيِ رَ. 
\v 11 وٌن قَن قِندِشِ كّتٌنفٌي رَ عَ تَن نَن سَابُي رَ، عَلْ عَلَ عَ حَنِفٍ تٌنفٌشِ كِ نَشّ، نَشَن قٍ بِرِن نَفِرِ مَ عَ يّتّ سَفٌي نُن عَ شَ نَتّ مَ. 
\v 12 نَ بِرِن نَبَشِ نّ عَلَكٌ وٌن تَن نَشٍيٍ قِندِ مِشِ سِنفٍيٍ رَ نَشٍيٍ عٍ شَشِلِ تِ عَلَ شَ مِشِ سُفَندِشِ رَ، وٌن شَ عَلَ نْرّ كَنيِ مَتْشْ.
\p
\v 13 وٌ قَن تٌ نْندِ مَسٍنيِ رَ مّ عِسَ شَ قٍ رَ، شِبَارُ قَنيِ نَشَن كِسِ قِ وٌ مَ، وٌ نَشَ دَنشَنِيَ عَ مَ. عِسَ سَابُي رَ، عَلَ نَشَ وٌ مَتْنشُمَ عَ شَشِلِ سّنِيّنشِ رَ عَلْ عَ لَايِدِ كِ نَشّ. 
\v 14 عَ بَرَ عَ شَشِلِ سّنِيّنشِ قِ وٌن مَ وٌن كّ قْلّ رَ. عَ قَمَ وٌن كّ دْنشْي بِرِن قِدٍ وٌن مَ عَ نَ قَ عَ شَ مِشِيٍ قْشْ رَ تّمُي نَشّ. يِ بِرِن نَبَشِ نّ عَلَكٌ عَلَ نْرّ كَنيِ شَ مَتْشْي سْتْ.
\s ثْلُ شَ عَلَ مَشَندِ عٍقّسّكَيٍ بّ
\p
\v 15 نَ كُي، كَقِ ﭑ عَ مّ وٌ دَنشَنِيَشِ مَرِفِ عِسَ مَ كِ نَشّ، وٌ مَن سّنِيّنتْييٍ بِرِن شَنُشِ كِ نَشّ، 
\v 16 دَنيِ يٌ مُ نَ ﭑ مَ تَنتُي مَ وٌ شَ قٍ رَ ﭑ نّ عَلَ مَشَندِ مَ وٌ بّ. 
\v 17 ﭑ مَ مَشَندِ سِفَمَ بَبَ عَلَ نْرّ كَنيِ نَن مَ، وٌن مَرِفِ عِسَ نَشَن بَتُمَ، عَ شَ عَ شَشِلِ رَفٌرٌ وٌ مَ نَشَن قَهَامُي قِمَ، نَشَن قٍيٍ مَكّنّنمَ، عَلَكٌ وٌ شَ عَلَ كٌلٌنيِ شُن شَ مَسَ. 
\v 18 ﭑ عَ مَشَندِ مَ وٌ بْحّ شَ قٍ تٌ عَ قِيشّ رَ عَلَكٌ وٌ شَ كٌلٌن سْتْ عَ مَ عَ عَلَ بَرَ وٌ شِلِ، قٍ شَ لُ وٌ بّ وٌ وٌ شَشِلِ تِمَ نَشَن نَ، عَلَكٌ وٌ شَ كٌلٌن سْتْ عَلَ شَ كّ مَكَابَشِ مَ نَشَن قِندِشِ عَ شَ سّنِيّنتْي بِرِن فبٍ رَ، 
\v 19 عَلَكٌ وٌ مَن شَ كٌلٌن سْتْ عَلَ شَ سّنبّ شُنفبٍ مَ نَشَن نَ وٌن تَن دَنشَنِيَتْييٍ بّ. يِ سّنبّ قِندِشِ عَلَ شَ سّنبّ مَفَاشُشِ نَن نَ، 
\v 20 عَ نَشَن نَمِنِ عَ تٌ عَ شَ مِشِ سُفَندِشِ رَكٍلِ قَشّ مَ، عَ عَ مَفٌرٌ عَ يِرٍقَنيِ مَ عَرِيَننَ. 
\v 21 عَلَ بَرَ مَنفّيَ قِ عَ مَ نَشَن دَنفِ مَنفّيَ، نْي، نُن سّنبّ بِرِن نَ. عَ بَرَ شِلِ قِ عَ مَ نَشَن دَنفِ شِلِ بِرِن نَ نَشَن قَلَمَ يِ دُنِحَ مَ عَ نُن عَلِفِيَمَ. 
\v 22 عَلَ بَرَ قٍ بِرِن سَ عَ شَ يَامَرِ بُن، عَ مَن قَ عَ قِندِ قٍ بِرِن شُنيِ رَ دَنشَنِيَتْي حَمَ بّ. 
\v 23 دَنشَنِيَتْي حَمَ قَن لُشِ نّ عَلْ عَلَ شَ مِشِ سُفَندِشِ قَتٍ. نَشَن قٍ بِرِن نَكَمَلِمَ عَ مْولِ بِرِن نَ، عَ شَ قٍ كَمَلِشِ بِرِن نَ دَنشَنِيَتْي حَمَ تَفِ.
\c 2
\s كِسِ سْتْمَ عَلَ شَ هِننّ نَن سَابُي رَ
\p
\v 1 وٌ قَن نُ قِندِشِ مِشِ قَشَشِيٍ نَن نَ وٌ شَ قٍ كٌبِيٍ نُن وٌ شَ يُنُبِيٍ شَ قٍ رَ 
\v 2 وٌ نُ حّرّ مَ نَشٍيٍ مَ. وٌ نُ بِرَشِ يِ دُنِحَ قٍ كٌبِيٍ نَن قْشْ رَ. وٌ نُ بِرَشِ سٍنتَنّ نَن قْشْ رَ، حِننّيٍ شَ مَنفّ نَشَن نَ كُيٍ مَ. وٌ نُ بِرَشِ عَ شَشِلِ نَن قْشْ رَ نَشَن نَ وَلِقٍ عَلَ يَشُييٍ تَفِ. 
\v 3 سِنفٍ، وٌن بِرِن نُ حّرّ مَ نَ مْولِ نَن نَ، وٌن بِرَ وٌن قَتٍ وَشْنقٍ نُن وٌن يّتّ شَشِلِ قْشْ رَ. نَ كُي، عَ نُ لَنمَ وٌن شَ عَلَ شَ شْنّ نَن تُن سْتْ عَلْ بٌورٍيٍ.
\p
\v 4 كْنْ عَلَ شَ كِنِكِنِ فبٌ. عَ وٌن شَنُشِ شَنُنتٍيَ تِلِنشِ نَن نَ. 
\v 5 نَ كُي، هَلِ قَشَمِشِيٍ نَن تٌ نُ وٌن نَ وٌن مَ قٍ كٌبِ رَبَشِيٍ شَ قٍ رَ، عَلَ نَشَ وٌن نَكٍلِ نَ قَشّ مَ، وٌن نُن عَ شَ مِشِ سُفَندِشِ. وٌ كِسِشِ عَلَ شَ هِننّ نَن سَابُي رَ. 
\v 6 عَلَ تٌ بَرَ وٌن نَكٍلِ قَشّ مَ وٌن نُن عَ شَ مِشِ سُفَندِشِ رَ، عَ بَرَ وٌن نَسٌ عَرِيَننَ، عَ وٌن دْشْ عَ قّ مَ. 
\v 7 عَ شَ قٌنِسِرٍيَ كُي، عَلَ كِسِ قِشِ وٌن مَ عَ شَ مِشِ سُفَندِشِ عِسَ نَن سَابُي رَ، عَلَكٌ بِرِن شَ عَ شَ هِننّ مَكَابَشِ تٌ وَشَتِ بِرِن نَشَن سَ قَمَ.
\p
\v 8 وٌ كِسِشِ عَلَ شَ هِننّ نَن سَابُي رَ، وٌ شَ دَنشَنِيَ شَ قٍ رَ. كِسِ مُ كٍلِمَ وٌ تَن شَ مَ، عَلَ نَن عَ قِمَ مِشِ مَ. 
\v 9 عَ مُ كٍلِمَ مِشِ شَ وَلِ قَنيِيٍ شَ مَ. نَ كُي، مِشِ يٌ مُ نْمَ عَ يّتّ مَتْشْدٍ. 
\v 10 عَلَ شَ وَلِ قْشِ نَن نَ وٌن نَ. يَكْسِ، عَ بَرَ وٌن دَا عَ شَ مِشِ سُفَندِشِ عِسَ سَابُي رَ، عَلَكٌ وٌن شَ نُ وَلِ قَنيِيٍ رَبَ، عَ بَرَ نَشٍيٍ تِ وٌن يَ عِ وٌن شَ نُ حّرّ عٍ مَ.
\s دَنشَنِيَتْي حَمَ قِندِقٍ عَلَ شَ مِشِيٍ نُن عَلَ شَشِلِ سَبَتِدٍ رَ عِسَ شَ سّرّشّ سَابُي رَ
\p
\v 11 نَ كُي، وٌ شَ رَتُ عَ يُوِقِيٍ مُ وٌ رَ بَرِ كّحَ مَ. نَشٍيٍ شِلِ قَلَمَ «سُننَمِشِيٍ»، عٍ وٌ قَن شِلِ قَلَمَ «سُننَتَرٍي». وٌ شَ عَ كٌلٌن عَ سُننّ قِندِشِ عَدَ مَ شَ وَلِ نَن نَ، نَشَن نَبَمَ مِشِ قَتٍ رَ. 
\v 12 وٌ شَ رَتُ عَ سِنفٍ رَ وٌ مُ نُ عَلَ شَ مِشِ سُفَندِشِ شَ قٍ يٌ كٌلٌن. شْحّيٍ نَن نُ وٌ رَ عِسِرَيِلَكَيٍ يَ مَ. لَايِدِ نُن سَاتّ يٌ مُ نُ شِرِشِ وٌ نُن عَلَ تَفِ. شَشِلِ تِدٍ يٌ مُ نُ نَ وٌ يِ رَ، عَلَ كٌلٌنتَرٍيٍ نَن نُ وٌ رَ دُنِحَ مَ.
\p
\v 13 كْنْ يَكْسِ، وٌ تَن نَشٍيٍ دَنشَنِيَشِ عَلَ شَ مِشِ سُفَندِشِ عِسَ مَ، وٌ تَن نَشٍيٍ نُ مَكُيَشِ، عَلَ بَرَ وٌ مَسٌ عَ رَ عَ شَ مِشِ سُفَندِشِ وُلِ سَابُي رَ. 
\v 14 عَ تَن نَن لَنيِ رَ سٌشِ وٌن تَفِ، حَمَ قِرِن شَ قِندِ كٍرٍن نَ. عَ تٌ عَ يّتّ قَتٍ بَ سّرّشّ رَ، عَ بَرَ يَشُيَ تّتّ رَبِرَ نَشَن نُ تِشِ وٌن تَفِ. 
\v 15 عَ بَرَ يُوِقِيٍ شَ سّرِيّ، عٍ شَ يَامَرِيٍ، نُن عٍ شَ تْنيِيٍ سّنبّ كَنَ. عَ بَرَ نَ حَمَ قِرِن تٌنفٌ، عَ لَنيِ شِرِ عٍ تَفِ، عَ عٍ قِندِ حَمَ نّينّ كٍرٍن نَ عَ شَ يَامَرِ بُن مَ. 
\v 16 عَ شَ قَشّ سَابُي رَ وُرِ مَفَلَنبُشِ مَ، عَ بَرَ عٍ شَ يَشُيَ كَنَ، عَ عٍ قِرِن بِرِن قِندِ كٍرٍن نَ، عَ لَنيِ نُن بْحّسَ لُ عٍ تَن نُن عَلَ تَفِ. 
\v 17 عَ تٌ قَ، عَ نَشَ وٌ كَوَندِ لَنيِ نُن بْحّسَ رَ، وٌ تَن نَشٍيٍ نُ مَكُيَ. نَشٍيٍ قَن نُ مَكْرّ، عَ نَشَ نٍيٍ كَوَندِ لَنيِ نُن بْحّسَ رَ. 
\v 18 عَ تَن نَن نَادّ رَبِشِ وٌن قِرِن بِرِن بّ، وٌن نُن بَبَ عَلَ شَ لُ يِرٍ كٍرٍن، عَ شَشِلِ سّنِيّنشِ كٍرٍنيِ سَابُي رَ.
\p
\v 19 نَ كُي، وٌ تَن نَشٍيٍ مُ نُ نَ عَلَ شَ مِشِيٍ يَ مَ، يَكْسِ وٌ قَن بَرَ قِندِ سّنِيّنتْييٍ رَ، وٌ بَرَ سٌ عَلَ شَ مِشِيٍ يَ مَ. 
\v 20 وٌ بَرَ لُ عَلْ بَنشِ تِشِ نَشَن بُنيِ قِندِ شّيرَيٍ نُن نَمِحْنمّيٍ رَ. عَلَ شَ مِشِ سُفَندِشِ عِسَ نَن قِندِ نَ بَنشِ فّمّ هَفِفّ رَ نَشَن تِدٍ فبٌ عَ بِرِن بّ. 
\v 21 بَنشِ يِرٍ بِرِن عَ بٌورٍ سُشُشِ عَ تَن نَن سَابُي رَ، عَ عِتٍ، عَ قِندِ هْرْ مْبَنشِ سّنِيّنشِ رَ مَرِفِ بّ. 
\v 22 عِسَ بَرَ عَ نِيَ وٌ قَن شَ نُ مَلَن عَلْ بَنشِ بِرِكِ دْشْمَ عَ بٌورٍ رَ كِ نَشّ. عَلَ نَ وٌ تِقٍ عَلْ بَنشِ عَ شَشِلِ سَبَتِمَ دّننَشّ.
\c 3
\s عَلَ شَ فُندٌ مَكّنّنقٍ
\p
\v 1 نَ نَن عَ تٌشِ، ﭑ عَلَ مَشَندِ مَ وٌ بّ، ﭑ تَن ثْلُ، نَشَن بَرَ قِندِ فٍيلِمَنِ رَ عَلَ شَ مِشِ سُفَندِشِ عِسَ بّ وٌ شَ قٍ رَ، وٌ تَن نَشٍيٍ مُ قِندِشِ عِسِرَيِلَكَيٍ رَ. 
\v 2 ﭑ لَشِ عَ رَ، وٌ بَرَ عَ مّ عَلَ نَشَ عَ شَ هِننّ تَشُ ﭑ نَ ﭑ شَ عَ مَسٍن وٌ بّ. 
\v 3 ﭑ حَن بَرَ عَ ندٍ تَفِ رَبَ، عَلَ بَرَ عَ شَ فُندٌ مَسٍن ﭑ بّ نَشَن سِنفٍ نُ نْشُنشِ. 
\v 4 وٌ نَ ﭑ مَ سّبّلِ شَرَن، وٌ نْمَ نّ عَ كٌلٌندٍ عَ قَهَامُي بَرَ قِ ﭑ مَ عَلَ شَ مِشِ سُفَندِشِ فُندٌ شَ قٍ رَ. 
\v 5 يِ فُندٌ مُ نُ مَكّنّنشِ عَ سِنفٍ رَ نُ عَدَ مَدِيٍ بّ عَلْ عَ قَ مَكّنّنشِ عَلَ شَ شّيرَ سّنِيّنشِيٍ نُن نَمِحْنمّيٍ بّ كِ نَشّ تٌ عَلَ شَشِلِ سّنِيّنشِ سَابُي رَ. 
\v 6 عَ بَرَ مَكّنّن قَ، عَ سِ فبّتّيٍ نُن عِسِرَيِلَكَيٍ بَرَ قِندِ حَمَ كٍرٍن نَ. عٍ بَرَ قِندِ كّ كٍرٍن تٌنفٌمَيٍ رَ. عَلَ لَايِدِ كٍرٍن نَن تٌنفٌشِ عٍ بِرِن نَلَنشِ بّ، عَلَ شَ مِشِ سُفَندِشِ عِسَ شَ شِبَارُ قَنيِ سَابُي رَ.
\p
\v 7 عَلَ تٌ هِننّشِ ﭑ نَ عَ سّنبّ بِرِن نَ، ﭑ قَن بَرَ قِندِ يِ شِبَارُ قَنيِ شَ وَلِكّ رَ. 
\v 8 هَلِ ﭑ تٌ شُرُنشِ دَنفِ سّنِيّنتْي بِرِن نَ، عَلَ بَرَ هِننّ ﭑ نَ. عَ شَ هِننّ قِندِشِ ﭑ بّ يِ نَن نَ؛ ﭑ تَن شَ سِ بِرِن كَوَندِ عَلَ شَ مِشِ سُفَندِشِ شَ شِبَارُ قَنيِ مَكَابَشِ رَ، 
\v 9 ﭑ شَ عَلَ فُندٌ مَكّنّن عَدَ مَدِيٍ بِرِن بّ، نَشَن نُ نْشُنشِ عَلَ دَالِ مَنفّ يِ رَ. كَقِ قٍ قْلْ قْلّ يِ فُندٌ نُ نْشُنشِ عَلَ يِ، 
\v 10 كْنْ يَكْسِ، عَ سَفٌ نَ عَ رَ دَنشَنِيَتْي حَمَ شَ عَ شَ لْننِ بِرِن مَكّنّن مَنفّيٍ نُن نْلَيٍ بّ نَشٍيٍ نَ كُيٍ مَ. 
\v 11 يِ بِرِن قِندِشِ عَلَ شَ نَتّ نَن نَ نَشَن نُ نَ عَ يِ رَ عَبَدَن. عَ عَ بِرِن نَكَمَلِشِ وٌن مَرِفِ عِسَ نَن سَابُي رَ، عَ شَ مِشِ سُفَندِشِ. 
\v 12 عَ تَن سَابُي رَ، وٌن تٌ دَنشَنِيَشِ عَ مَ، وٌن نْمَ وٌن مَكْرّدٍ عَلَ رَ لِمَنِيَ كُي، سِيكّ شَنبِ. 
\v 13 نَ كُي، ﭑ بَرَ وٌ مَشَندِ لِمَنِيَ نَشَ بَ وٌ يِ ﭑ مَ تْورّ كُي وٌ شَ قٍ رَ، بَرِ مَ عَ قِندِ مَ وٌ بّ شُننَكٍلِ نَن نَ.
\p
\v 14 نَ نَن عَ تٌشِ، ﭑ نَن ﭑ شِنبِ سِنمَ بَبَ عَلَ يَ عِ، 
\v 15 بْنسْي بِرِن قَتَنشِ نَشَن نَ، نَشٍيٍ نَ كٌورٍ نُن بْشِ. 
\v 16 ﭑ عَ مَشَندِ مَ عَ شَ وٌ مَلِ عَ شَ نْرّ مَكَابَشِ سَابُي رَ، عَ شَ وٌ بْحّ سّنبّ سٌ عَ شَشِلِ سَابُي رَ. 
\v 17 ﭑ عَ مَشَندِ مَ عَ شَ مِشِ سُفَندِشِ شَ سَبَتِ وٌ بْحّ عِ دَنشَنِيَ سَابُي رَ، وٌ مَن شَ سَبَتِ شَنُنتٍيَ كُي. وٌ شَ شَنُنتٍيَ سُشُ عَلْ وُرِ بِلِ سَنكٍ بْشِ سُشُشِ كِ نَشّ. 
\v 18 ﭑ عَ مَشَندِ مَ عَ شَ سّنبّ قِ وٌ مَ، عَلَكٌ وٌ نُن سّنِيّنتْي بِرِن شَ نْ عَلَ شَ مِشِ سُفَندِشِ شَ شَنُنتٍيَ فبٌيَ، عَ كُيّيَ، عَ عِتٍيَ، نُن عَ تِلِنيِ كٌلٌندٍ وٌ مَبِرِ. 
\v 19 وٌ شَ كٌلٌن سْتْ عَ مَ عَلَ شَ مِشِ سُفَندِشِ وٌ شَنُشِ كِ نَشّ، شَنُنتٍيَ نَشَن مُ نْمَ قَهَامُدٍ عَ فبٌيَ شَ قٍ رَ، عَلَكٌ عَلَ شَ وٌ رَكَمَلِ عَ شَ قٍ كَمَلِشِ بِرِن نَ.
\p
\v 20 مَتْشْي نَ عَلَ بّ نَشَن نْمَ قٍ بِرِن نَ عَ سّنبّ سَابُي رَ عَ نَشَن قِشِ وٌ مَ، نَشَن نْمَ قٍ بِرِن نَ، دَنفِ وٌن مَ مَشَندِ نُن مَحْشُنيِ رَ 
\v 21 مَتْشْي نَ عَ تَن نَن بّ دَنشَنِيَتْي حَمَ نُن عَ شَ مِشِ سُفَندِشِ عِسَ سَابُي رَ وَشَتِ بِرِن، عَبَدَن. عَمِنَ.
\c 4
\s دَنشَنِيَتْييٍ حّرّ كِ؛
\s حّرّقٍ لَنيِ كُي
\p
\v 1 نَ كُي، ﭑ تَن نَشَن بَرَ قِندِ فٍيلِمَنِ رَ مَرِفِ شَ قٍ رَ، ﭑ بَرَ وٌ مَيَندِ وٌ حّرّ كِ شَ عَ مَسٍن عَ عَلَ نَن يَتِ وٌ شِلِشِ. 
\v 2 وٌ شَ حّرّ يّتّ مَفٌرٍ نُن بْحّ بّشِ كُي، وٌ نُ دِحّ وٌ بٌرٍ بّ، وٌ تِ وٌ بٌرٍ سَن نَ شَنُنتٍيَ كُي. 
\v 3 وٌ شَ قٍ بِرِن نَبَ عَلَكٌ لَنيِ نَشَ كَنَ وٌ تَفِ، عَلَ شَشِلِ سّنِيّنشِ نَشَن قِشِ وٌ مَ بْحّسَ رَ. 
\v 4 وٌن قِندِشِ قَتٍ كٍرٍن نَن نَ. عَلَ شَشِلِ سّنِيّنشِ كٍرٍن نَن عَ رَ. عَلَ وٌ قَن شِلِشِ نّ وٌ شَ وٌ شَشِلِ تِ قٍ كٍرٍن نَن نَ. 
\v 5 مَرِفِ كٍرٍن، دَنشَنِيَ كٍرٍن، نُن شُنشَ كٍرٍن نَن نَ وٌن بّ. 
\v 6 عَلَ كٍرٍن نَن نَ وٌن بّ نَشَن قِندِشِ بِرِن بَبَ رَ، نَشَن نَ بِرِن شُن مَ، نَشَن وَلِمَ بِرِن سَابُي رَ، نَشَن نَ بِرِن عِ.
\p
\v 7 كْنْ هِننّ قِشِ كَنكَن مَ وٌن يَ مَ عَلْ عَلَ شَ مِشِ سُفَندِشِ عَ شَسَبِشِ كِ نَشّ. 
\v 8 نَ نَن عَ تٌشِ عَ سّبّشِ،
\q «عَ تٌ تٍ كٌورٍ،
\q عَ نَشَ عَ يَشُييٍ سُشُ،
\q عَ نَشَ عَدَ مَدِيٍ كِ.»
\m
\v 9 عَ تٌ سّبّشِ، «عَ بَرَ تٍ،» نَ نَن نَ كِ عَ بَرَ فٌرٌ هَن بْشِ مَ سِندٍن، بٍينُن عَ مَن شَ تٍ. 
\v 10 نَشَن فٌرٌ، نَ نَن مَن تٍشِ كٌورٍ بِرِن شُن مَ، عَلَكٌ عَ شَ قٍ بِرِن نَكَمَلِ. 
\v 11 عَ عَدَ مَدِيٍ كِ نَشَن نَ، عَ قِندِ يِ نَن نَ؛ ندٍيٍ شَ قِندِ شّيرَيٍ رَ، ندٍيٍ شَ قِندِ نَمِحْنمّيٍ رَ، ندٍيٍ شَ قِندِ شِبَارُ قَنيِ كَوَندِلَيٍ رَ، ندٍيٍ شَ قِندِ دَنشَنِيَتْييٍ شُنمَتِيٍ نُن كَرَ مْشْيٍ رَ. 
\v 12 عَ وٌن كِشِ نّ نَ بِرِن نَ عَلَكٌ وٌن شَ سّنِيّنتْييٍ مَلِ عٍ شَ قَتَ عَلَ شَ مِشِ سُفَندِشِ شَ دَنشَنِيَتْي حَمَ رَحّرّدٍ يَرٍ. 
\v 13 وٌن شَ بِرَ نَ قْشْ رَ هَن وٌن بِرِن شَ لُ لَنيِ كُي نَشَن كٍلِمَ دَنشَنِيَ نُن عَلَ شَ دِ كٌلٌنقٍ مَ، هَن وٌن بِرِن شَ كَمَلِ عَلْ عَلَ شَ مِشِ سُفَندِشِ كَمَلِشِ كِ نَشّ. 
\v 14 نَ تّمُي وٌن مُ لُمَ سْنْن عَلْ دِيْرّيٍ. وٌن مُ لِنتَنمَ سْنْن عَلْ وُرِ نَشَن سَشِ يٍ قَرِ، مْرْنيِ نُن قٌيٍ نَشَن تُتُنمَ، عٍ عَ شَنِن يِرٍ بِرِن. نَ كُي، مِشِيٍ مُ نْمَ وٌن نَتَنتَندٍ سْنْن عٍ شَ وُلٍ كَوَندِ رَ، عٍ شَ كْوتَ، نُن عٍ شَ يَنقَنتٍيَ رَ. 
\v 15 وٌن شَ نْندِ نَن قَلَ شَنُنتٍيَ كُي. قٍ بِرِن كُي، وٌن شَ دَنشَنِيَ عَلَ شَ مِشِ سُفَندِشِ مَ، نَشَن قِندِشِ دَنشَنِيَتْي حَمَ شُنيِ رَ. وٌن شَ مْ نَ دَنشَنِيَ كُي. 
\v 16 شُنيِ نَن قَتٍ سَلٌنسٍ بِرِن نَحّرّ مَ. كَنكَن شِرِشِ عَ بٌورٍ رَ، كَنكَن عَ شَ وَلِ رَبَمَ، عَلَكٌ قَتٍ بِرِن شَ مْ، عَ شَ سّنبّ سْتْ شَنُنتٍيَ كُي.
\s حّرّقٍ لَهَلّ نّينّ مَ، تِنشِنيِ نُن سّنِيّنيِ كُي
\p
\v 17 نَ كُي، ﭑ يِ نَن قَلَمَ وٌ بّ، ﭑ مَن شَ عَ مَبَنبَن مَرِفِ شِلِ رَ؛ وٌ نَشَ حّرّ سْنْن عَلْ دَنشَنِيَتَرٍيٍ حّرّ مَ كِ نَشّ. عٍ شَشِلِيٍ بِرَ مَ قٍ قُقَقُ نَن تُن قْشْ رَ. 
\v 18 عٍ شَشِلِيٍ عِقْورْشِ. عٍ شَ قٍ كٌلٌنتَرٍيَ نُن عٍ شَ سٌندٌن شْرْشْيَ بَرَ عَ نِيَ عٍ شَ فَن عَلَ شَ كِسِ رَ. 
\v 19 عٍ مُ يَافِمَ قٍقٍ مَ سْنْن. عٍ بَرَ عٍ يّتّ رَبٌلٌ لَنفٌيحَ شِلِ مَ. عٍ مُ وَ سَمَ قٍ كٌبِ مْولِ بِرِن نَبَقٍ رَ.
\p
\v 20 كْنْ عَلَ شَ مِشِ سُفَندِشِ مُ وٌ تِشِ نَ كِرَ شَ شْن! 
\v 21 وٌ عَ شَ قٍ مّشِ نّ، وٌ مَن بَرَ شَرَن عَ شَ قٍ رَ. وٌ عَ كٌلٌن يَتِ عَ نْندِ نَ عِسَ نَن يِ. 
\v 22 وٌ تِنكَنشِ نّ وٌ شَ وٌ يِ بَ وٌ حّرّ كِ قٌرِ رَ، نَشَن وٌ شُن نَكَنَمَ وٌ وَشْنقٍ كٌبِ سَابُي رَ. 
\v 23 وٌ بْحّ نُن وٌ شَشِلِ شَ مَقِندِ بْحّ نّينّ نُن شَشِلِ نّينّ رَ. 
\v 24 وٌ شَ وٌ لَهَلّ قٌرِ مَسَرَ عَ نّينّ رَ. وٌ لُمَ نّ عَلْ وٌ بَرَ قِندِ مِشِ نّينّ رَ عَلَ نَشَن دَاشِ عَ شَ حّرّ عَ شَ تِنشِنيِ نُن سّنِيّنيِ يَتِ كُي.
\p
\v 25 نَ كُي، وٌن شَ وُلٍ لُ، وٌن شَ نْندِ نَن قَلَ وٌن بٌرٍ بّ، بَرِ مَ وٌن قِندِشِ قَتٍ كٍرٍن سَلٌنيِيٍ نَن نَ. 
\v 26 شَ وٌ شْنْ، وٌ نَشَ يُنُبِ رَبَ. وٌ نَشَ عَ لُ سٌفٍ شَ دُلَ شْنّ نَ وٌ بْحّ كُي، 
\v 27 عَلَكٌ وٌ نَشَ سَنتِدٍ لُ عِبُلِسَ بّ. 
\v 28 مُحّتِ شَ مُحّ لُ. عَ شَ وَلِ تِنشِنيِ كُي عَلَكٌ عَ شَ مُنَقَنيِ سْتْ عَ نَشَن قِمَ سٍتَرٍيٍ مَ. 
\v 29 وٌ نَشَ عَ لُ وْيّن كٌبِ يٌ شَ مِنِ وٌ دّ عِ. وٌ شَ وْيّن قَنيِ نَن قَلَ نَشَن نْمَ مِشِ مَلِدٍ عَ هَيِ كِ مَ، عَلَكٌ وٌ شَ وْيّنيِ شَ قِندِ هِننّ رَ عٍ بّ. 
\v 30 وٌ نَشَ عَلَ شَشِلِ سّنِيّنشِ تْورْ، عَلَ وٌ مَتْنشُمَشِ نَشَن نَ هَن عَ قَمَ وٌن قْشْ رَ لْشْ نَشّ. 
\v 31 وٌ شَ وٌ يِ بَ يِ قٍ مْولِ بِرِن نَ؛ شْنّ، بْحّتٍ، حَاشُحَ، حْشْنسْسْي، كٌنبِ، عَ نُن قٍ كٌبِ مْولِ بِرِن. 
\v 32 وٌ شَ مَرَقَنيِ نُن بْحّ قَنيِ مَسٍن وٌ بٌرٍ بّ. وٌ شَ دِحّ وٌ بٌرٍ مَ عَلْ عَلَ دِحّشِ وٌ قَن مَ كِ نَشّ عَ شَ مِشِ سُفَندِشِ سَابُي رَ.
\c 5
\s حّرّقٍ نَءِيَلَنيِ كُي
\p
\v 1 نَ كُي، وٌ تٌ بَرَ قِندِ عَلَ شَ دِ شَنُشِيٍ رَ، وٌ شَ عَ قْشِ نَن نَبَ. 
\v 2 وٌ شَ حّرّ شَنُنتٍيَ كُي عَلْ عَلَ شَ مِشِ سُفَندِشِ وٌن شَنُشِ كِ نَشّ، عَ عَ يّتّ قِ وٌن مَ قٍ رَ، عَ قِندِ وٌن مَ سّرّشّ رَ نَشَن لَبُندّ شِرِ رَقَن عَلَ مَ.
\p
\v 3 كْنْ لَنفٌيحَ، مِلّ، نُن سّنِيّنتَرٍحَ مْولِ يٌ نَشَ لُ وٌ يِ رَ. عٍ شَ قٍ حَن نَشَ قَلَ وٌ تَفِ، بَرِ مَ نَ مُ لَن سّنِيّنتْييٍ يَ مَ. 
\v 4 وْيّنيِ مَسُتُرَتَرٍ، دَشُحَ وْيّنيِ، وْيّن حَاشِ، عٍ سٍسٍ نَشَ مّ وٌ تَفِ. نَ مُ لَن. وٌ شَ نُ تَنتُ وْيّنيِ نَن قَلَ وٌ بٌرٍ تَفِ. 
\v 5 وٌ شَ عَ كٌلٌن عَ قَنيِ رَ، عَ لَنفٌي، سّنِيّنتَرٍ، عَ نُن مِلَنتٍ نَشَن مَنِيَ كُيٍ بَتُي رَ، عٍ سٍسٍ مُ قِندِشِ كّ تٌنفٌمَ رَ عَلَ نُن عَ شَ مِشِ سُفَندِشِ شَ مَنفّيَ نِينِ بُن مَ. 
\v 6 وٌ نَشَ عَ لُ مِشِ يٌ شَ وٌ مَدَشُ وْيّنيِ قُقَقُ رَ. يِ يُنُبِ مْولِيٍ شَ قٍ رَ، عَلَ شَ شْنّ فٌرٌ مَ نّ مِشِيٍ مَ نَشٍيٍ مُ عَ شُي سُشُمَ. 
\v 7 نَ كُي، وٌ نَشَ فبَكُ عٍ رَ.
\p
\v 8 سِنفٍ، دِ مِ نَن نُ وٌ رَ، كْنْ يَكْسِ، وٌ بَرَ قِندِ نَءِيَلَنيِ رَ مَرِفِ سَابُي رَ. وٌ شَ وٌ حّرّ عَلْ عَ لَن نَءِيَلَنيِ شَ دِيٍ شَ عٍ حّرّ كِ نَشّ. 
\v 9 نَءِيَلَنيِ شَ وَلِ تٌمَ قٍ قَنيِ بِرِن، تِنشِنيِ بِرِن، نُن نْندِ بِرِن كُي. 
\v 10 وٌ شَ كَتَ وٌ شَ كٌلٌن سْتْ قٍيٍ مَ نَشٍيٍ عَلَ كّنّنشِ. 
\v 11 وٌ نَشَ وٌ فبٍ رَ سٌ دِ مِ شَ وَلِ كٌبِ يَ مَ قٍوٌ! وٌ شَ نَ قٍ مْولِ رَ مِنِ كّنّ مَ. 
\v 12 بَرِ مَ نَ مِشِ مْولِيٍ قٍ نَشٍيٍ رَبَمَ نْشُنيِ كُي، هَلِ عَ عِقَلَقٍ يّتّ مَيَافِ. 
\v 13 كْنْ نَءِيَلَنيِ قٍ نَشَن بِرِن مَكّنّنمَ، عَ تٌمَ نّ يَ رَ. 
\v 14 قٍ نَشَن بِرِن تٌمَ يَ رَ، عَ قَن بَرَ قِندِ نَءِيَلَنيِ رَ. عَ قَلَشِ نَ نَن مَ،
\q «عِ تَن نَشَن شِقٍ، شُنُ.
\q كٍلِ قَشَمِشِيٍ يَ مَ،
\q عَلَ شَ مِشِ سُفَندِشِ شَ يَنبّ شَ تِ عِ مَ.»
\p
\v 15 نَ كُي، وٌ مّينِ وٌ حّرّ كِ مَ. وٌ نَشَ وٌ حّرّ عَلْ شَشِلِتَرٍيٍ. وٌ شَ وٌ حّرّ نّ عَلْ شَشِلِمَيٍ. 
\v 16 وٌ مّينِ يِ تّمُي مَ، بَرِ مَ يِ تّمُي مُ قَن. 
\v 17 نَ نَ عَ رَ، عَ مُ لَن وٌ شَ وٌ حّرّ عَلْ شَشِلِتَرٍ. وٌ شَ كٌلٌن سْتْ مَرِفِ وَشْنقٍ مَ. 
\v 18 وّنِ نَشَ وٌ رَ سِيسِ، بَرِ مَ شَشِلِتَرٍحَ نَن نَ كِ. وٌ شَ كَمَلِ عَلَ شَشِلِ سّنِيّنشِ نَن نَ. 
\v 19 وٌ شَ وْيّن وٌ بٌرٍ بّ سُوكِ نُن بّيتِ رَ. وٌ شَ سُوكِيٍ نُن بّيتِيٍ بَ مَرِفِ بّ نَشٍيٍ كٍلِمَ وٌ بْحّ يَتِ يَتِ مَ. 
\v 20 وٌ شَ تَنتُي رَ سِفَ بَبَ عَلَ مَ قٍ بِرِن شَ قٍ رَ، تّمُي بِرِن. وٌ شَ نَ رَبَ عَلَ شَ مِشِ سُفَندِشِ مَرِفِ عِسَ شِلِ سَابُي رَ.
\s حّرّقٍ يّتّ مَفٌرٍ كُي
\p
\v 21 وٌ شَ وٌ يّتّ مَفٌرٌ وٌ بٌرٍ بّ عَلَ شَ مِشِ سُفَندِشِ شَ يَرَفَاشُي كُي.
\p
\v 22 فِنّيٍ، وٌ شَ وٌ يّتّ مَفٌرٌ وٌ شَ مْرِيٍ بّ، عَلْ وٌ وٌ يّتّ مَفٌرٌ مَ مَرِفِ بّ كِ نَشّ. 
\v 23 شّمّ قِندِشِ عَ شَ فِنّ شُنيِ نَن نَ، عَلْ عَلَ شَ مِشِ سُفَندِشِ قِندِشِ دَنشَنِيَتْي حَمَ شُنيِ رَ كِ نَشّ. دَنشَنِيَتْي حَمَ قَن قِندِشِ عَ قَتٍ نَن نَ، عَ بَرَ نَشَن نَكِسِ. 
\v 24 دَنشَنِيَتْي حَمَ عَ يّتّ مَفٌرٌ مَ عَلَ شَ مِشِ سُفَندِشِ بّ كِ نَشّ، فِنّيٍ قَن لَنمَ عٍ شَ عٍ يّتّ مَفٌرٌ عٍ شَ مْرِيٍ بّ نَ كِ نّ قٍ بِرِن كُي.
\p
\v 25 شّمّيٍ، وٌ شَ وٌ شَ فِنّيٍ شَنُ عَلْ عَلَ شَ مِشِ سُفَندِشِ دَنشَنِيَتْي حَمَ شَنُشِ كِ نَشّ. عَ عَ يّتّ قِ دَنشَنِيَتْي حَمَ شَ قٍ رَ 
\v 26 عَلَكٌ عَ شَ عَ رَ سّنِيّن، عَ شَ عَ رَقِيشّ يٍ رَ مَسٍنيِ سَابُي رَ، 
\v 27 عَ شَ عَ دّنتّفّ عَ يّتّ بّ نْرّ كُي. نَ كُي، دَنشَنِيَتْي حَمَ لُمَ نّ عَلْ دُفِ تٌقَنيِ، شْسِ يٌ مُ نَ نَشَن مَ، نَشَن مُ مَتْرْحْشِ. عَ شَ سّنِيّن، تَنتَنيِ يٌ نَشَ لُ عَ مَ. 
\v 28 شّمّيٍ لَنمَ عٍ شَ عٍ شَ فِنّيٍ شَنُ نَ مْولِ نَن نَ. عٍ شَ عٍ شَنُ عَلْ عٍ عٍ يّتّ قَتٍ شَنُشِ كِ نَشّ. نَشَن عَ شَ فِنّ شَنُمَ، عَ عَ يّتّ نَن شَنُشِ. 
\v 29 مِشِ يٌ مُ نَ نَشَن عَ يّتّ قَتٍ شْنمَ، بَرِ مَ مِشِ بِرِن عَ يّتّ رَبَلٌمَ، عَ مّينِ عَ يّتّ قَتٍ مَ. عَلَ شَ مِشِ سُفَندِشِ قَن مّينِمَ دَنشَنِيَتْي حَمَ مَ نَ كِ نّ، 
\v 30 بَرِ مَ وٌن قِندِشِ عَ قَتٍ سَلٌنيِيٍ نَن نَ. 
\v 31 «نَ كُي، شّمّ قَمَ نّ كٍلِدٍ عَ بَبَ نُن عَ نفَ شُن مَ، عَ عَ مَسٌ عَ شَ فِنّ رَ، عٍ قِندِ قَتٍ كٍرٍن نَ.» 
\v 32 فُندٌ بٍلٍبٍلٍ نَن نَ كِ، كْنْ ﭑ نَ عَلَ شَ مِشِ سُفَندِشِ نُن دَنشَنِيَتْي حَمَ نَن مَ قٍ قَلَقٍ. 
\v 33 كْنْ كَنكَن شَ عَ شَ فِنّ شَنُ عَلْ عَ يّتّ يَتِ. فِنّ قَن لَنمَ عَ شَ عَ شَ مْرِ بِنيَ.
\c 6
\p
\v 1 دِيٍ، وٌ شَ وٌ نفَ نُن وٌ بَبَ بِنيَ مَرِفِ شَ قٍ رَ، بَرِ مَ نَ نَن قِندِ قٍ تِنشِنشِ رَ. 
\v 2 يَامَرِ سِنفٍ نَن يَ، بَرَكّ لَايِدِشِ نَشَن شَنبِ رَ؛ «عِ شَ عِ نفَ نُن عِ بَبَ بِنيَ، 
\v 3 عَلَكٌ قٍيٍ شَ سْونّيَ عِ بّ، عِ شَ سِمَيَ سْتْ دُنِحَ بّندّ قُحِ قَرِ.»
\p
\v 4 بَبَيٍ، وٌ قَن نَشَ وٌ شَ دِيٍ رَشْنْ. وٌ شَ عٍ شُرُ، وٌ عٍ رَ سِ عَلْ مَرِفِ وَ مَ عَ شْن مَ كِ نَشّ.
\p
\v 5 كٌنيِيٍ، وٌ شَ وٌ مَرِفِيٍ سَفٌ رَبَ، نَشٍيٍ نَ وٌ شُن مَ يِ دُنِحَ مَ. وٌ شَ عٍ بِنيَ، وٌ فَاشُ عٍ يَ رَ. وٌ شَ عٍ سَفٌ رَبَ وٌ نِي رَ، عَلْ وٌ عَلَ شَ مِشِ سُفَندِشِ سَفٌ رَبَمَ كِ نَشّ. 
\v 6 وٌ نَشَ عَ رَبَ عٍ يَ تٌدٍ فبَنسَن شَ رَ، عَلْ نَشٍيٍ كَتَمَ عٍ يّتّ رَقَندٍ مِشِ مَ. وٌ شَ عَ رَبَ نّ عَلْ عَلَ شَ مِشِ سُفَندِشِ شَ كٌنيِيٍ نَشٍيٍ عَلَ سَفٌ رَبَمَ عٍ بْحّ بِرِن نَ. 
\v 7 وٌ عَ رَبَ وٌ تِنشِ رَ. وٌ نَشَ وَلِ عٍ بّ عَلْ وٌ نَ وَلِقٍ عٍ تَن فبَنسَن نَن مَ قٍ رَ. وٌ شَ وَلِ نّ عَلْ وٌ نَ وَلِقٍ مَرِفِ نَن بّ، 
\v 8 بَرِ مَ وٌ عَ كٌلٌن، مِشِ قٍ قَنيِ يٌ رَبَ، شَ عَ قِندِ كٌنيِ رَ، شَ عَ قِندِ شْرّ رَ، مَرِفِ عَ سَرٍ قِمَ نّ.
\p
\v 9 كٌنيِ مَرِفِيٍ، وٌ قَن شَ عَ رَبَ نَ كِ نّ وٌ شَ كٌنيِيٍ بّ. وٌ شَ بَ شَاحّقٍ عٍ مَ، بَرِ مَ وٌ عَ كٌلٌن مَرِفِ كٍرٍن نَن نَ وٌ بِرِن بّ كٌورٍ مَ، نَشَن مُ مِشِ يٌ رَقِسَ عَ بٌورٍ بّ.
\s عَلَ فٍرٍ سٌسٍ نَشٍيٍ قِمَ دَنشَنِيَتْييٍ مَ
\p
\v 10 عَ دْنشْي رَ، وٌ شَ وٌ سّنبّ سٌ مَرِفِ سَابُي رَ نُن عَ شَ سّنبّ مَفَاشُشِ سَابُي رَ. 
\v 11 وٌ شَ عَلَ شَ فٍرٍ سٌسٍ بِرِن تٌنفٌ، عَلَكٌ وٌ شَ نْ تِدٍ عِبُلِسَ شَ كْوتَ بِرِن كَنكٍ. 
\v 12 بَرِ مَ وٌن مُ نَ عِبُنَدَ مَ شَ فٍرٍقٍ. مَنفّيٍ، نْلَيٍ، يِ دُنِحَ سّنبّمَ حَاشِيٍ، حِننّ نَشٍيٍ نَ كُيٍ مَ، فٍرٍ نَ وٌن نُن نٍيٍ نَن بِرِن تَفِ. 
\v 13 نَ نَن عَ رَ، وٌ شَ عَلَ شَ فٍرٍ سٌسٍ بِرِن تٌنفٌ عَلَكٌ نَ لْشْي كٌبِ نَ عَ لِ، وٌ شَ نْ تِدٍ. نَ فٍرٍ رَحْنيِ شَ وٌ لِ وٌ تِشِ. 
\v 14 نَ كُي، وٌ شَ تِ نّ. وٌ وٌ تَفِ عِشِرِ نْندِ رَ. وٌ تِنشِنيِ قِندِ وٌ كَنكٍ مَكَنتَسٍ رَ. 
\v 15 وَكِلِقٍ شِبَارُ قَنيِ مَسٍندٍ نَشَن بْحّسَ قِمَ مِشِ مَ، وٌ شَ نَ قِندِ سَنكِرِ رَ وٌ سَنيِيٍ بّ. 
\v 16 سَقٍ نَ بِرِن شُن مَ، وٌ شَ دَنشَنِيَ سُشُ وٌ يِ رَ عَلْ وُرٍ لٍقَ. نَ نَن نْمَ سٍنتَنّ شَ تَنبّ رَدّشّشِيٍ رَتِدٍ، عَ عٍ رَشُبٍن. 
\v 17 وٌ مَن شَ كِسِ سُشُ نَشَن قِندِشِ وٌ شُن مَكَنتَسٍ رَ. وٌ عَلَ شَشِلِ سّنِيّنشِ شَ سَنتِدّفّمَ قَن سُشُ نَشَن قِندِشِ عَلَ شَ مَسٍنيِ رَ. 
\v 18 وٌ شَ عَلَ مَشَندِ تّمُي بِرِن عَ شَشِلِ سّنِيّنشِ سَابُي رَ، دُبَ نُن مَشَندِ مْولِ بِرِن نَ. نَ كُي، وٌ نَشَ يَنقَ. وٌ شَ وٌ تُننَبّشِ نّ عَلَ مَشَندِقٍ رَ سّنِيّنتْي بِرِن بّ.
\p
\v 19 وٌ شَ عَلَ مَشَندِ ﭑ قَن بّ، عَلَكٌ ﭑ نَ ﭑ دّ عِبِ، عَلَ شَ ﭑ مَلِ عَ شَ شِبَارُ قَنيِ فُندٌ مَكّنّندٍ بِرِن بّ لِمَنِيَ رَ. 
\v 20 ﭑ قِندِشِ عَلَ شَ سَنتِفِ نَن نَ يْلْنشْنيِ بَرَ بَلَن نَشَن مَ نَ شِبَارُ قَنيِ شَ قٍ رَ. وٌ شَ عَلَ مَشَندِ ﭑ بّ عَلَكٌ ﭑ شَ عَ مَسٍن لِمَنِيَ رَ عَلْ ﭑ لَن ﭑ شَ عَ مَسٍن كِ نَشّ.
\s وْيّن دْنشْي
\p
\v 21 تِكِكٍ ﭑ مَ قٍ نُن ﭑ مَ وَلِ شَ قٍ بِرِن مَسٍنمَ نّ وٌ بّ. وٌن نفَشَكٍرٍنيِ شَنُشِ نَن عَ رَ دَنشَنِيَ كُي. تُننَبّشِلَ نَن عَ رَ مَرِفِ شَ وَلِ كُي. 
\v 22 ﭑ عَ شّيشِ وٌ مَ نَ نَن مَ، عَلَكٌ عَ شَ مُشُ شَ قٍ تَفِ رَبَ وٌ بّ، عَ مَن شَ وٌ بْحّ رَلِمَنِيَ.
\p
\v 23 بَبَ عَلَ نُن عَ شَ مِشِ سُفَندِشِ مَرِفِ عِسَ شَ بْحّسَ، شَنُنتٍيَ، نُن دَنشَنِيَ قِ نفَشَكٍرٍنيِيٍ مَ. 
\v 24 عَلَ شَ هِننّ قِ بِرِن مَ مَرِفِ عِسَ شَ شَنُنتٍيَ مُ حْنمَ مِشِ نَشٍيٍ بّ.