\id ECC - Susu Translation
\ide UTF-8
\h كَوَندِلَ
\toc1 كَوَندِلَ شَ كِتَابُي
\toc2 كَوَندِلَ
\toc3 كَو
\mt كَوَندِلَ شَ كِتَابُي
\imt مَسٍنيِ ندٍ يِ كِتَابُي شَ قٍ رَ
\ip عَننَبِ سُلٍمَنِ يِ كِتَابُي نَن سّبّشِ عَ شَ بَننَيَ، عَ شَ نْي، نُن عَ شَ لْننِ بٍلٍبٍلٍ نَن شَ قٍ رَ. نَ بِرِن قِندِشِ مَسٍنيِ هَفِفّ نَن نَ عَ بّ عَلَتَلَ شَ مَرَفِرِ كُي. عَ نَشَ عَ قَهَامُ نَ بِرِن قِندِشِ «قٍ قُقَقُ» نَن نَ. بِرَقٍ نَ قٍ مْولِ قْشْ رَ، نَ لُشِ عَلْ مِشِ «نَشَن بِرَ مَ قٌيٍ قْشْ رَ.» قٌيٍ نَ نَ، كْنْ عَ سِفَمَ نّ، عَ مُ بُمَ. عَ سُشُقٍ مُ سْونّيَمَ. عَ نَ نَ كِ نّ وٌن مَ دُنِحّءِفِرِ كُي.
\ip يِ كِتَابُي شَ مَسٍنيِ تِدٍ فبٌ بَرِ مَ تٌ مِشِيٍ مُ تَفَنمَ بِرَدٍ قٍ وُيَشِ قْشْ رَ نَشَن مُ قِندِشِ عَلَتَلَ شَ سّرِيّ رَ. عٍ بِرِن كَتَمَ نّ نَاقُلِ سْتْدٍ. عٍ لْننِ قٍنمَ عَلَكٌ نَ تَن قَن شَ قِندِ كْبِرِ رَ. نَ كِرَ شْن مَ عٍ قٍ مْولِ بِرِن نَبَمَ نَشٍيٍ نْمَ رَقَندٍ عٍ قَتٍ مَ. نَ حّرّ كِ كُي عَدَ مَدِ لُمَ يُنُبِ رَبَ رَ.
\ip عَلَتَلَ نَشَن مَسٍنمَ وٌن بّ عَننَبِ سُلٍمَنِ سَابُي رَ عَ قِندِشِ يِ نَن نَ؛ عَ لَنمَ عَدَ مَدِ شَ بِرَ عَلَتَلَ شَ سّرِيّ قْشْ رَ يِ دُنِحَ بّندّ قُحِ قَرِ. عَلَ دُنِحَ نَشَن دَاشِ عَ قَن عَدَ مَ بّ، كْنْ عَ مُ لَنمَ عَ شَ قِندِ عَ شَ عَلَ رَ. عَلَتَلَ حّلّشِنيِ قِمَ مِشِ مَ، كْنْ عَ وَ مَ نّ عٍ شَ عَ كٌلٌن عَ تَن نَن قِندِشِ عٍ مَرِفِ رَ. عَ لَنمَ عَدَ مَ شَ دُنِحَ عِفِرِ، عَ يَ تِشِ عَلَ نَن نَ. عَ شَ عَ كٌلٌن دُنِحَ سٍيٍ مُ بُمَ، عٍ لُشِ نّ عَلْ «قٌيٍ» نَشَن لْيمَ يٍن.
\ip يِ كِتَابُي عَ مَسٍنمَ نّ وٌن بّ عَ لَنمَ وٌن مَرِفِ شَ قِندِ عَلَتَلَ دَالِ مَنفّ نَن نَ، عَ نَشَ قِندِ دَالِ سٍ ندٍ رَ. عَلَ شَ وٌن مَلِ نَ كٌلٌنقٍ رَ وٌن بْحّ كُي. عَمِنَ.
\imte كَوَندِلَ شَ كِتَابُي
\c 1
\s دُنِحَ قُ نَ عَ رَ!
\d
\v 1 دَوُدَ شَ دِ دَرِ سَلَمُ مَنفّ شَ كَوَندِ نَن يَ؛
\q
\v 2 دُنِحَ قِندِشِ قٍ قُقَقُ نَن نَ.
\q دُنِحَ قٍيٍ تِدٍ يٌ مُ نَ،
\q نَ بِرِن قِندِشِ قُيَن نَن نَ.
\q ﭑ تَن كَوَندِلَ شَ مَسٍنيِ نَن نَن كِ.
\b
\q
\v 3 عَدَ مَدِ فٍينِ مُندُن سْتْمَ عَ شَ وَلِ مَ سٌفٍ بُن مَ؟
\q
\v 4 ندٍيٍ قَشَمَ، ندٍيٍ بَرِ مَ، دُنِحَ قَن نَ كّحَ كٍرٍن لْشْي بِرِن.
\q
\v 5 سٌفٍ تٍمَ، عَ فٌرٌ مَ، عَ مَن فبِلٍن عَ تٍشِ دّننَشّ.
\q
\v 6 قٌيٍ قَن مِنِمَ، عَ سِفَمَ يِرٍقَنيِ مَ، عَ عَ مَقِندِ مَ كْولَ مَ.
\q عَ نَ فّ مَقِندِدٍ، عَ مَن فبِلٍن عَ كٍلِدٍ.
\q
\v 7 شُرٍ بِرِن شُن تِشِ بَا نَن نَ، كْنْ بَا مُ رَقٍمَ.
\q شُرٍيٍ كٍلِمَ دّننَشّ، عٍ مَن فبِلٍنمَ مّننِ نّ.
\q
\v 8 قٍ بِرِن حّرّ مَ، عَ مُ تَفَنمَ، عَ مُ مَسَرَ مَ.
\q عَدَ مَ يَ مُ وَ سَمَ قٍ مَتٌدٍ،
\q عَ تُلِ قَن مُ لُفَمَ قٍ رَ مّدٍ.
\q
\v 9 نَشَن بَرَ دَنفِ نُ،
\q نَ نَن مَن فبِلٍنمَ عَ رَ.
\q نَشَن بَرَ رَبَ نُ، نَ نَن مَن نَبَمَ.
\q قٍ نّينّ مُ رَبَمَ دُنِحَ مَ نَشَن حْندْن مُ نُ رَبَ.
\q
\v 10 قٍ نّينّ يٌ مُ نَ نَشَن عَ نِيَمَ مِشِ شَ عَ قَلَ،
\q «يِ مَتٌ، قٍ نّينّ نَ عَ رَ!»
\q ﭑ شَ عَ قَلَ وٌ بّ، نَ قٍ مْولِ حَن نُ نَ بٍينُن وٌن تَن شَ بَرِ.
\q
\v 11 حَمَ مُ رَتُمَ قٍ دَنفِشِ مَ،
\q قٍ نَشَن سَ قَمَ رَبَدٍ، حَمَ نّيمُمَ نّ نَ قَن نَ.
\p
\v 12 ﭑ تَن كَوَندِلَ، ﭑ بَرَ قِندِ مَنفّ رَ عِسِرَيِلَ بْشِ مَ دَرِ سَلَمُ. 
\v 13 ﭑ نَتّ تٌنفٌشِ نّ، قٍ نَشٍيٍ بِرِن نَبَقٍ يِ دُنِحَ مَ، ﭑ شَ عٍ مَتٌ عَ قَنيِ رَ. نَ كُي ﭑ عَ تٌ نّ عَ عَلَ كٌتٍ شْرْشْي نَن سَشِ عَدَ مَدِيٍ قَرِ. 
\v 14 ﭑ بَرَ وَلِ بِرِن مَتٌ نَشَن نَبَمَ يِ دُنِحَ مَ. قُقَقُ نَ عَ بِرِن نَ! بِرَقٍ نَ وَلِ قْشْ رَ، عَ لُشِ نّ عَلْ مِشِ نَ بِرَقٍ قٌيٍ نَن قْشْ رَ.
\q
\v 15 نَشَن كُنتِنشِ، نَ مُ نْمَ مَتِنشِندٍ،
\q نَشَن لُشِ، نَ مُ نْمَ كَمَلِدٍ.
\p
\v 16 ﭑ نَشَ عَ مَحْشُن ﭑ يّتّ مَ، عَ ﭑ تَن بَرَ لْننِ قٍن دَنفِ دَرِ سَلَمُ مَنفّ بِرِن نَ، نَشٍيٍ سِنفٍ قَ ﭑ تَن يَرَ. ﭑ بَرَ لْننِ نُن قٍ كٌلٌنيِ فبٍفبٍ سْتْ دُنِحَ شَ قٍ مَ. 
\v 17 ﭑ نَشَ نَتّ تٌنفٌ ﭑ شَ شَشِلِمَيَ نُن شَشِلِتَرٍحَ قَن مَتٌ. كْنْ ﭑ بَرَ عَ تٌ نَ قَن لُشِ عَلْ بِرَقٍ قٌيٍ نَن قْشْ رَ.
\q
\v 18 شَشِلِمَيَ نُن كْنتْقِلِ نَن حّرّ مَ كِرَ كٍرٍن شْن مَ.
\q قٍ كٌلٌنيِ فبٌمَ كِ نَشّ، تْورّ قَن فبٌمَ نَ كِ نّ.
\c 2
\s عَدَ مَدِ وَشْنقٍ
\p
\v 1 ﭑ عَ قَلَ نّ ﭑ يّتّ بّ، «ﭑ شَ حّلّشِنيِ مَتٌ، ﭑ شَ عَ كٌلٌن نَشَن قَن.» ﭑ نَشَ عَ تٌ عَ حّلّشِنيِ قَن مُ بُمَ. 
\v 2 ﭑ نَشَ ﭑ يّتّ مَشْرِن، «يٍلٍقٍ تُن مُ قِندِشِ قٍ كَمَلِشِ رَ. حّلّشِنيِ تِدٍ نَ مُنسٍ رَ؟» 
\v 3 ﭑ نَشَ نَتّ تٌنفٌ ﭑ مَ لْننِ قٍنقٍ كُي، ﭑ شَ حّلّشِنيِ قٍن وّنِ رَ. ﭑ نُ وَ مَ عَ كٌلٌنقٍ مُنسٍ مُنَقَنيِ فبٌ عَدَ مَدِيٍ بّ عٍ شَ دُنِحّءِفِرِ كُي.
\p
\v 4 ﭑ نَشَ وَلِ شُنفبٍ ندٍيٍ سُشُ عَلْ بَنشِ تِقٍ نُن شّ سَقٍ. 
\v 5 ﭑ نَشَ يِرٍ تٌقَنيِيٍ يَءِلَن نَاقُلِ كَنيِ عٍ مَلَبُمَ دّننَشّ سَنسِ تٌقَنيِيٍ يَ مَ. 
\v 6 ﭑ نَشَ يٍ يِرٍ فٍ نَشٍيٍ عَ نِيَمَ يٍ شَ سَ ﭑ مَ سَنسِيٍ مَ. 
\v 7 ﭑ نَشَ كٌنيِيٍ سَرَ، نَشٍيٍ بَرَ دِيٍ سْتْ نَشٍيٍ قِندِشِ ﭑ فبٍ رَ، عٍ قَ لُ ﭑ شْنيِ. ﭑ نَشَ شُرُ سٍ فبٍفبٍ سْتْ، دَنفِ دَرِ سَلَمُكَيٍ بِرِن نَ نَشٍيٍ نُ نَ بٍينُ ﭑ شَ بَرِ. 
\v 8 ﭑ نَشَ فبٍتِ، شّيمَ، نُن نَاقُلِ مْولِ بِرِن سْتْ. ﭑ نَشَ يٍلِبَيٍ سْتْ، عَ نُن فِنّ فَلِ عَدَ مَ وَشْنقٍ شَ قٍ رَ. 
\v 9 ﭑ نَشَ قِندِ مِشِ شُنفبٍ رَ دَنفِقٍ دَرِ سَلَمُكَيٍ بِرِن نَ نَشٍيٍ نُ نَ بٍينُ ﭑ شَ بَرِ. ﭑ نَشَ نَ بِرِن نَبَ لْننِ قٍنقٍ رَ.
\q
\v 10 ﭑ نَشَ ﭑ وَشْنقٍ مْولِ بِرِن قٍن،
\q ﭑ مُ تٌندِ سٍسٍ رَ نَشَن نُ رَقَنشِ ﭑ مَ.
\q ﭑ مَ وَلِ يَتِ نُ رَقَنشِ ﭑ مَ،
\q نَ نَن قِندِشِ ﭑ مَ فٍينِ رَ.
\q
\v 11 كْنْ ﭑ تٌ ﭑ مَ وَلِ بِرِن مَتٌ،
\q ﭑ نَشَن نَبَشِ تْورّ كُي،
\q ﭑ نَشَ عَ تٌ نَ بِرِن قُقَقُ.
\q عَ نُ لُشِ نّ عَلْ مِشِ نَشَن بِرَ مَ قٌيٍ قْشْ رَ
\q عَ مُ سٍسٍ سُشُ.
\b
\q
\v 12 نَ تّمُي ﭑ نَشَ ﭑ حْشْ سَ شَشِلِمَيَ نُن شَشِلِتَرٍحَ شْن مَ.
\q نَشَن تِمَ مَنفّ رَ ﭑ حْشْي رَ،
\q نَ قَمَ مُنسٍ رَبَدٍ؟
\q
\v 13 ﭑ نَشَ عَ تٌ شَشِلِمَيَ قَن دَنفِ شَشِلِتَرٍحَ رَ،
\q عَلْ نَءِيَلَنيِ قَن تٌ قَنشِ دِ مِ بّ.
\q
\v 14 شَشِلِمَ سٍ تٌمَ عَ يَ رَ،
\q شَشِلِتَرٍ تَن عَ حّرّ مَ دِ مِ نَن كُي.
\q كْنْ عٍ قِرِن بِرِن قَشَمَ نّ.
\q
\v 15 نَ نَن عَ رَ ﭑ نَشَ عَ مَحْشُن،
\q شَ ﭑ تَن نُن شَشِلِتَرٍ بِرِن قَشَمَ نّ،
\q ﭑ مَ شَشِلِمَيَ تِدٍ قَ نَ مُنسٍ رَ؟
\q ﭑ نَشَ عَ قَلَ ﭑ يّتّ بّ، «شَشِلِمَيَ قَن قٍ قُقَقُ نَن عَ رَ.»
\q
\v 16 شَشِلِمَ نُن شَشِلِتَرٍ شَ قٍ مُ رَتُمَ مِشِيٍ رَ،
\q عٍ نّيمُمَ نّ عٍ قِرِن بِرِن مَ، عٍ قِرِن بِرِن قَشَمَ نّ.
\p
\v 17 نَ كُي دُنِحّءِفِرِ نَشَ رَحَاشُ ﭑ مَ، بَرِ مَ ﭑ بَرَ عَ كٌلٌن ﭑ مَ وَلِ مُ بُمَ. عَ لُشِ نّ عَلْ مِشِ نَشَن بِرَ مَ قٌيٍ قْشْ رَ، عٍ مُ عَ سُشُ. 
\v 18 ﭑ مَ وَلِ نَشَ رَحَاشُ ﭑ مَ، بَرِ مَ ﭑ بَرَ عَ كٌلٌن قٌ ﭑ شَ نَ بِرِن لُ مِشِ فبّتّ يِ رَ. 
\v 19 نَ مِشِ قِندِ مَ شَشِلِمَ نَن نَ، كَ شَشِلِتَرٍ رَ؟ ندٍ نْمَ نَ كٌلٌندٍ؟ كْنْ عَ تَن يَتِ نْي سْتْمَ نّ ﭑ مَ وَلِ بِرِن شُن مَ! قٍ قُقَقُ نَن نَ كِ. 
\v 20 نَ كُي ﭑ نَشَ نِمِسَ وَلِ بِرِن شَ قٍ رَ ﭑ نَشَن نَبَ يِ دُنِحَ مَ.
\p
\v 21 مِشِ نَشَن وَلِشِ لْننِ نُن قَتّ رَ، عَ قَ نَ وَلِ لُ مِشِ ندٍ يِ رَ نَشَن مُ سٍسٍ رَبَ نَ وَلِ كُي، نَ قِندِشِ قٍ قُقَقُ نَن نَ نَشَن شْرْشْ كِ قَنيِ رَ. 
\v 22 مِشِ فٍينِ مُندُن سْتْمَ عَ شَ وَلِ نُن عَ شَ كَتّ كُي عَ نَشَن نَبَشِ يِ دُنِحَ مَ؟ 
\v 23 عَ شَ وَلِ قِندِشِ تْورّ شْرْشْي نَن نَ عَ بّ. هَلِ كْي رَ عَ بْحّ مُ مَلَبُمَ. قٍ قُقَقُ نَن نَ كِ.
\p
\v 24 عَ لَنمَ مِشِ شَ عَ دّفٍ، عَ شَ عَ مِن، عَ شَ عَ شَ وَلِ رَبَ سّيوّ كُي. ﭑ بَرَ عَ كٌلٌن نَ بِرِن كٍلِشِ عَلَ نَن مَ. 
\v 25 مِشِ مُ نْمَ عَ دّفٍدٍ، عَ قٍ قَنيِ كٌلٌن شَ عَلَ مُ عَ مَلِ؟ 
\v 26 مِشِ نَشَن نَقَن عَلَ مَ، عَلَ عَ كِمَ شَشِلِ قَنيِ، قَهَامُي، نُن سّيوّ نَن نَ. كْنْ شَشِلِتَرٍ تَن، عَلَ عَ نِيَمَ نّ عَ شَ عَ هَرِفٍ بِرِن سٌ مِشِ فبّتّ يِ رَ نَشَن نَقَن عَلَ مَ. يِ قَن قِندِشِ قٍ قُقَقُ نَن نَ، عَلْ مِشِ نَشَن بِرَ مَ قٌيٍ قْشْ رَ.
\c 3
\s تّمُي نَ قٍ بِرِن مَ
\q
\v 1 تّمُي نَ قٍ بِرِن مَ،
\q قٍ بِرِن دُنِحَ مَ، عَ شَ وَشَتِ نَ نَ.
\q
\v 2 وَشَتِ ندٍ نَ دِ بَرِقٍ مَ،
\q وَشَتِ ندٍ نَ قَشَقٍ مَ.
\q وَشَتِ ندٍ نَ سَنسِ سِقٍ مَ،
\q وَشَتِ ندٍ نَ سَنسِ شَبَقٍ مَ.
\q
\v 3 وَشَتِ ندٍ نَ قَشّ تِقٍ مَ،
\q وَشَتِ ندٍ نَ دَندَن تِقٍ مَ.
\q وَشَتِ ندٍ نَ سٍ كَنَقٍ مَ،
\q وَشَتِ ندٍ نَ سٍ يَءِلَنقٍ مَ.
\q
\v 4 وَشَتِ ندٍ نَ وَقٍ مَ،
\q وَشَتِ ندٍ نَ يٍلٍقٍ مَ.
\q وَشَتِ ندٍ نَ يَيٍ رَ مِنِقٍ مَ،
\q وَشَتِ ندٍ نَ قَرٍ بٌرٌنقٍ مَ.
\q
\v 5 وَشَتِ ندٍ نَ فّمّيٍ رَيٍنسٍنقٍ مَ،
\q وَشَتِ ندٍ نَ فّمّيٍ مَلَنقٍ مَ.
\q وَشَتِ ندٍ نَ سُنبُ تِقٍ مَ،
\q وَشَتِ ندٍ نَ عَ تِتَرٍيَ مَ.
\q
\v 6 وَشَتِ ندٍ نَ سٍ قٍنقٍ مَ،
\q وَشَتِ ندٍ نَ عَ لُقٍ مَ.
\q وَشَتِ ندٍ نَ سٍ رَفَتَقٍ مَ،
\q وَشَتِ ندٍ نَ عَ وْلّقٍ مَ.
\q
\v 7 وَشَتِ ندٍ نَ سٍ عِبْوقٍ مَ،
\q وَشَتِ ندٍ نَ عَ دّفّقٍ مَ.
\q وَشَتِ ندٍ نَ وْيّنقٍ مَ،
\q وَشَتِ ندٍ نَ دُندُقٍ مَ.
\q
\v 8 وَشَتِ ندٍ نَ شَنُ تِقٍ مَ،
\q وَشَتِ ندٍ نَ شْن تِقٍ مَ.
\q وَشَتِ ندٍ نَ فٍرٍ سٌقٍ مَ،
\q وَشَتِ ندٍ نَ سَاتَقٍ مَ.
\p
\v 9 وَلِكّ فٍينِ مُندُن سْتْمَ عَ شَ كَتّ كُي؟ 
\v 10 ﭑ بَرَ كٌتٍ تٌ عَلَ نَشَن دْشْشِ عَدَ مَدِيٍ شُن. 
\v 11 عَ بَرَ سٍ بِرِن نَتٌقَن عَ وَشَتِ مَ. عَ بَرَ عَ نِيَ عَدَ مَدِ شَشِلِ شَ سِفَ عَبَدَن قٍ مَ، هَلِ عَ مُ نْ عَلَ شَ وَلِيٍ كٌلٌندٍ كٍلِ عَ قْلّ مَ هَن عَ رَحْنيِ. 
\v 12 ﭑ عَ كٌلٌن قٍقٍ مُ نَ نَشَن قَن عَدَ مَدِ بّ، قٌ عَ سّيوَ، عَ قٍ قَنيِ رَبَ عَ شَ دُنِحّءِفِرِ كُي. 
\v 13 مِشِ عَ دّفٍقٍ، عَ عَ مِن، عَ سّيوَ عَ شَ وَلِ كُي، نَ نَن قِندِشِ عَلَ شَ كِ رَ عَدَ مَدِ بّ. 
\v 14 ﭑ عَ كٌلٌن عَلَ شَ وَلِ بِرِن بُمَ نّ عَبَدَن. سٍسٍ مُ سَمَ عَ شُن مَ، سٍسٍ مُ بَمَ عَ رَ. عَلَ قٍ رَبَمَ نّ عَلَكٌ عَدَ مَدِ شَ فَاشُ عَ يَ رَ.
\q
\v 15 نَشَن نَ نَ، نَ حَن نُ نَ نُ.
\q نَشَن قَمَ رَبَدٍ، نَ حَن نُ نَ نُ.
\q عَدَ مَدِ نَشَن نَبَشِ، عَلَ قَمَ نّ نَ مَكِيتِدٍ.
\p
\v 16 ﭑ بَرَ قٍ فبّتّ قَن تٌ يِ دُنِحَ مَ؛
\q نْندِ مَقِندِ مَ وُلٍ رَ،
\q تِنشِنيِ مَقِندِ مَ تِنشِنتَرٍيَ رَ.
\q
\v 17 ﭑ نَشَ عَ مَحْشُن ﭑ شَشِلِ كُي،
\q عَلَ تِنشِنتْي نُن تِنشِنتَرٍ مَكِيتِمَ نّ،
\q بَرِ مَ قٍ بِرِن عَ وَشَتِ نَ نَ.
\p
\v 18 ﭑ مَن نَشَ عَ مَحْشُن ﭑ شَشِلِ كُي، عَلَ نَ مِشِيٍ مَتٌقٍ نّ، عَلَكٌ عٍ شَ عَ كٌلٌن دَالِسٍ نَن لَنشِ عٍ مَ عَلْ وُلَءِ سُبٍيٍ. 
\v 19 عٍ قِرِن بِرِن قَمَ نّ رَحْندٍ يِرٍ كٍرٍن، عٍ قِرِن بِرِن قَشَمَ نّ. عٍ قِرِن بِرِن حّنفِمَ كِ كٍرٍن، عَدَ مَ يٌ سُبٍ يٌ، عٍ بِرِن لَن. قٍ قُقَقُ نَ نَ بِرِن نَ. 
\v 20 عٍ بِرِن سِفَدٍ كٍرٍن. عٍ كٍلِشِ بّندّ نّ، عٍ مَن فبِلٍنمَ بّندّ نّ. 
\v 21 ندٍ عَ كٌلٌن شَ مِشِ قَشَشِ شَشِلِ تٍمَ كٌورٍ نّ، شَ سُبٍ قَشَشِ شَشِلِ فٌرٌ مَ بْشِ نّ؟
\p
\v 22 ﭑ عَ كٌلٌن قٍقٍ مُ نَ نَشَن قَن عَدَ مَدِ بّ، قٌ عَ سّيوَ عَ شَ وَلِ كُي. نَ نَن قِندِشِ عَلَ شَ مَرَفِرِ رَ عَدَ مَدِ بّ. ندٍ نْمَ عَ مَسٍندٍ عَ بّ نَشَن قَمَ رَبَدٍ عَ دَنفِ شَنبِ؟
\c 4
\s قَشَقٍ نُن بَلٌقٍ
\p
\v 1 ﭑ مَن بَرَ ﭑ شَشِلِ رَ سِفَ حَشَنكَتّ بِرِن مَ، نَشَن نَ رَبَقٍ يِ دُنِحَ مَ.
\q مِشِ حَشَنكَتَشِ نَ وَقٍ،
\q عٍ مَدُندُ مَ يٌ مُ نَ.
\q نْي نَ مِشِيٍ بّ نَشٍيٍ نَ عٍ حَشَنكَتَقٍ.
\q عٍ مَدُندُ مَ يٌ مُ نَ.
\q
\v 2 ﭑ بَرَ عَ مَحْشُن، مِشِ قَشَشِ نَن سّيوَشِ دَنفِقٍ مِشِ بَلٌشِ رَ.
\q
\v 3 مِشِ نَشَن مُ بَرِشِ سِندٍن،
\q نٍيٍ شَ هّيرِ دَنفِ مِشِ قَشَشِ نُن مِشِ بَلٌشِ رَ،
\q بَرِ مَ عٍ مُ حَشَنكَتّ كٌلٌن نَشَن نَ رَبَقٍ يِ دُنِحَ مَ.
\p
\v 4 ﭑ بَرَ عَ تٌ، مِشِ وَلِمَ عٍ شُننَكٍلِ قٍنمَ مِلّ كُي. يِ قَن قِندِشِ قٍ قُقَقُ نَن نَ، عَلْ بِرَقٍ قٌيٍ قْشْ رَ.
\q
\v 5 شَشِلِتَرٍ عَ بّلّشّيٍ قِندِفِلِنشِ عَ مَ، عَ مُ وَلِمَ،
\q هَن عَ شُن نَكَنَ.
\q
\v 6 بْحّسَ دٌندٌرٌنتِ قِسَ كَتّ فبٍفبٍ بّ.
\q نَ كَتّ لُشِ نّ عَلْ مِشِ نَشَن بِرَ مَ قٌيٍ قْشْ رَ.
\p
\v 7 ﭑ بَرَ قٍ قُقَقُ فبّتّ قَن تٌ يِ دُنِحَ مَ.
\q
\v 8 شّمّ ندٍ نُ نَ نَشَن نُ نَ عَ كٍرٍنيِ مَ،
\q مِشِ يٌ مُ نُ نَ عَ بّ.
\q عَ نُ وَلِمَ تّمُي بِرِن، كْنْ عَ مُ وَ سَ عَ شَ نَاقُلِ رَ.
\q عَ نَشَ عَ يّتّ مَشْرِن،
\q «ﭑ نَ وَلِقٍ تْورّ كُي ندٍ بّ؟»
\q يِ مْولِ قَن قِندِشِ قٍ قُقَقُ نَن نَ.
\b
\q
\v 9 مِشِ قِرِن مَلَنشِ سْونّيَ دَنفِقٍ مِشِ رَ نَشَن لُمَ عَ كٍرٍن.
\q نَ قِرِنيِيٍ شَ وَلِ دَنفِ نَ مِشِ كٍرٍنيِ فبٍ رَ.
\q
\v 10 شَ عَ سَ لِ كٍرٍن بِرَ، عَ بٌورٍ عَ رَكٍلِمَ نّ.
\q كْنْ مِشِ نَشَن بِرَ مَ، عَ مَلِمَ مُ نَ،
\q نَ تْورْ مَ نّ عَ حَاشِ رَ.
\q
\v 11 نَ مَنِيَشِ مِشِ قِرِن نَن نَ،
\q نَشٍيٍ سَشِ عٍ بٌورٍ قّ مَ شِنبٍلِ تّمُي،
\q عٍ نُ وُيٍنيِ سْتْ عٍ بٌورٍ سَابُي رَ.
\q كْنْ مِشِ نَشَن نَ عَ كٍرٍنيِ مَ، نَ شِنبٍلِ بَمَ دِ؟
\q
\v 12 مِشِ حَاشِ نْمَ نّ مِشِ كٍرٍن نَ،
\q كْنْ مِشِ قِرِن تَن تِمَ نّ عَ كَنكٍ.
\q لُوتِ شْرِ سَشَن مَلَنشِ مُ بٌلٌنمَ مَقُرٍن.
\p
\v 13 مِسِكِينّ شَ دِ نَشَن شَشِلِ قَن، عَ سّنبّ فبٌ مَنفّ بّ نَشَن مُ قَتَ مَرَ سِ قَنيِ نُن عَ حَاشِ تَفِ رَ سَدٍ. 
\v 14 نَ مِشِ مْولِ نْمَ مِنِدٍ فٍيلِ كُي، عَ قِندِ مَنفّ رَ. عَ بَرِشِ سٍتَرٍحَ نَن كُي، عَ قَ مَنفّيَ سْتْ. 
\v 15 دُنِحَ مِشِ بِرِن سَشَنيِ نَن نَبَمَ، عِ نَ دَنفِ مِشِ فبّتّ قَ تِ عِ حْشْي رَ. 
\v 16 مِشِ وُيَشِ دَنفِشِ نّ بٍينُن نَ كَنيِ شَ بَرِ. مِشِ نَشٍيٍ قَمَ عَ شَنبِ رَ، عَ شَ قٍ مُ قَمَ رَقَندٍ عٍ مَ. نَ قَن قِندِشِ قٍ قُقَقُ نَن نَ، عَلْ مِشِ نَشَن بِرَقٍ قٌيٍ قْشْ رَ.
\c 5
\p
\v 1 عِ نَ سِفَ سَلِدٍ عَلَ شَ بَنشِ، عِ شَ عِ يّتّ مَتٌ عَ قَنيِ رَ. عِ نَ سِفَ، عِ شَ عِ تُلِ مَتِ مَسٍنيِ رَ نَشَن تِمَ نَا. نَ تِدٍ فبٌ دَنفِقٍ سّرّشّ بَقٍ رَ نَشَن نَبَمَ شَشِلِتَرٍحَ كُي، بَرِ مَ شَشِلِتَرٍيٍ مُ عَ كٌلٌن، عَ عٍ نَ قٍ كٌبِ نَن شُن مَ نَ كِ.
\s لَايِدِ تٌنفٌقٍ عَلَ بّ
\q
\v 2 عِ نَشَ فبَتَ عِ دّ رَبِدٍ وْيّنيِ شِلِ مَ،
\q عِ نَشَ فبَتَ لَايِدِ تٌنفٌدٍ عَلَ بّ،
\q بَرِ مَ عَلَ تَن نَ كٌورٍ نّ، كْنْ عِ تَن نَ بْشِ نَن مَ.
\q عَوَ، عِ شَ وْيّنيِ نَشَ وُيَ.
\q
\v 3 عَلْ شِيٍ تٌ كٍلِمَ مَحْشُنيِ فبٍفبٍ مَ،
\q شَشِلِتَرٍحَ قَن كٍلِمَ دّ وُيَ نَن مَ.
\p
\v 4 شَ عِ بَرَ لَايِدِ تٌنفٌ عَلَ بّ، عِ نَشَ دُفُندِ عَ رَكَمَلِدٍ. شَشِلِتَرٍحَ مُ رَقَن عَلَ مَ. عَ لَنمَ عِ شَ عِ شَ لَايِدِ رَكَمَلِ. 
\v 5 لَايِدِ تٌنفٌتَرٍحَ قِسَ لَايِدِ رَكَمَلِتَرٍحَ بّ. 
\v 6 عِ نَشَ تِن عِ شَ وْيّنيِ شَ قِندِ يُنُبِ رَ. عِ نَشَ عَ قَلَ عَلَ شَ شّيرَ بّ، «ﭑ مُ نُ وَ مَ لَايِدِ يَتِ تٌنفٌقٍ.» نَ قٍ مْولِ عَلَ رَشْنْمَ نّ، عَ عَ نِيَ عِ شَ وَلِ شُن شَ رَكَنَ. 
\v 7 شِيٍ وُيَشِ سَقٍ نُن وْيّنيِ تِقٍ قِندِشِ قٍ قُقَقُ نَن نَ. نَ كُي عَ لَنمَ عِ شَ فَاشُ عَلَ يَ رَ.
\p
\v 8 عِ نَشَ تّرّننَ شَ عَ سَ لِ عِ مِشِيٍ تٌمَ تَا كُي نَشٍيٍ قُمَ مِسِكِينّيٍ مَ، عٍ سّرِيّ كَنَ، عٍ كِيتِ حَاشِ سَ تِنشِنتْييٍ مَ. مَنفّ عَ بٌورٍ مَنفّ نَن مَلِمَ، هَن عَ مَنفّيَ شُنفبٍ سْتْ. 
\v 9 عٍ بِرِن فٍينِمَ شّ سَمَيٍ نَن سَابُي رَ، هَلِ مَنفّ شُنفبٍ.
\q
\v 10 كْبِرِ رَقَن مِشِ نَشَن مَ، عَ مُ وَ سَمَ.
\q بَننَيَ رَقَن نَشَن مَ، عَ نَاقُلِ مُ عَ رَلِمَ.
\q قٍ قُقَقُ نَن نَ كِ.
\b
\q
\v 11 هَرِفٍ فبٌمَ كِ نَشّ، عَ دٌنمَيٍ قَن فبٌمَ نَ كِ نّ.
\q نَ كُي مُنَقَنيِ مُندُن نَ هَرِفٍ كَنيِ بّ،
\q بَ عَ يَ تِقٍ رَ عَ هَرِفٍ رَ؟
\b
\q
\v 12 وَلِكّ لُفَ بَ، عَ مُ لُفَ بَ، عَ شِشْلِ قَنيِ رَبَمَ نّ.
\q كْنْ بَننَ شَ نَاقُلِ عَ نِيَمَ نّ عَ مُ شِشْلِ قَنيِ رَبَ.
\q
\v 13 ﭑ قٍ مَفَاشُشِ ندٍ رَكْرْ سِشِ يِ دُنِحَ مَ؛
\q كَنكَنقٍ بَننَيَ مَ هَن عَ بَننَ تْورْ،
\q
\v 14 شَ نَ مُ عَ رَ، بَننَيَ لْيقٍ تْورّ ندٍ سَابُي رَ،
\q عَ قَ لِ بَننَ شَ دِ مُ كّ سْتْ.
\q
\v 15 عَدَ مَدِ مِنِ كِ نَشّ عَ نفَ تّفّ،
\q عَ مَن فبِلٍنمَ بّندّ عَ مَفٍلِ رَ نَ كِ نّ.
\q عَ مُ سٍسٍ شَنِنمَ عَ شُن مَ عَ نَشَن سْتْ عَ شَ وَلِ كُي.
\q
\v 16 يِ قٍ شْرْشْ.
\q عَدَ مَدِ قَ كِ نَشّ يِ دُنِحَ مَ،
\q عَ مَن سِفَمَ نَ كِ نّ.
\q عَ شَ كَتّ قِندِشِ قٍ قُقَقُ نَن نَ.
\q
\v 17 عَ دُنِحَ عِفِرِ مَ دِ مِ نَن كُي،
\q كْنتْقِلِ، تْورّ، نُن بْحّ مَحَاشُي كُي.
\p
\v 18 نَ كُي ﭑ نَشَ عَ قَهَامُ عَ قَن عَدَ مَ بّ شَ عَ عَ دّفٍ، عَ عَ مِن، عَ سّيوَ عَ شَ وَلِ رَ، عَ نَشَن نَبَمَ دُنِحَ مَ عَ شَ سِمَيَ كُي، عَلَ نَشَن نَفِرِشِ عَ مَ نَ نَن قِندِشِ عَ شَ فٍينِ رَ. 
\v 19 شَ عَلَ عَ رَفِرِ مِشِ مَ عَ شَ هَرِفٍ سْتْ، عَ قَ سّيوَ نَ رَ هَن عَ وَ سَ، نَ بَرَ قِندِ عَلَ شَ كِ نَن نَ. 
\v 20 نَ كُي، عَ مُ كْنتْقِلِمَ عَ شَ سِمَيَ شَ دُنكٍ شَ قٍ رَ، بَرِ مَ عَلَ بَرَ عَ نِيَ عَ بْحّ شَ لُ سّيوّ كُي تُن.
\c 6
\s بَننَيَ نُن سّيوّ
\p
\v 1 ﭑ قٍ شْرْشْي فبّتّ نَن تٌ يِ دُنِحَ مَ؛ 
\v 2 عَلَ بَننَيَ نُن بِنيّ رَفِرِشِ مِشِ ندٍ مَ هَن عَ وَ سَ نَ بِرِن نَ، كْنْ عَلَ قَ عَ نِيَ عَ مُ شَن عَ يِ، عَ قَ عَ لُ مِشِ فبّتّ يِ رَ. قٍ قُقَقُ نَن نَ كِ نَشَن شْرْشْ عَ فبٍ رَ.
\p
\v 3 هَلِ مِشِ دِ كّمّ سْتْ، عَ نَشَ سِمَيَ شْن كُيٍ سْتْ، شَ عَ مُ نْمَ سّيوَدٍ عَ هَرِفٍ رَ، حَمَ مُ قَ عَ رَفَتَ فَبُرِ كُي عَ رَفَتَ كِ مَ، دِيْرّ نَشَن بَشِ عَ نفَ قُرِ، نَ قِسَ نَ كَنيِ بّ. 
\v 4 نَ دِيْرّ مُ قِندِ مَ عَ رَ، عَ كٍلِمَ دِ مِ نَن كُي، عَ شِلِ يَتِ مُ قَلَمَ. 
\v 5 عَ مُ سٌفٍ شَ نَءِيَلَنيِ تٌشِ، عَ مُ سٍسٍ كٌلٌنشِ، كْنْ عَ شَ قٍ قِسَ نَ نَاقُلِ كَنيِ بّ، 
\v 6 هَلِ نَاقُلِ كَنيِ قَ لُ دُنِحَ مَ حّ وُلُ قِرِن سّيوّتَرٍحَ كُي. عٍ بِرِن مُ سِفَمَ عَلِفِيَمَ شّ؟
\q
\v 7 مِشِ شَ كَتّ بِرِن نَبَمَ قُرِ قٍ نَن مَ قٍ رَ،
\q كْنْ عَ مُ وَ سَمَ قٍوٌ.
\q
\v 8 مُنسٍ لُمَ شَشِلِمَ يِ رَ نَشَن مُ نَ شَشِلِتَرٍ يِ رَ؟
\q مُنسٍ لُمَ مِسِكِينّ بّ شَ عَ حّرّ كِ قَن عَ بٌورٍ يَ شْرِ؟
\q
\v 9 سٍ تٌشِ قِسَ مَحْشُنيِ بّ؟
\q قٍ قُقَقُ نَن نَ كِ
\q نَشَن لُشِ عَلْ مِشِ نَشَن بِرَقٍ قٌيٍ قْشْ رَ.
\b
\q
\v 10 دَالِسٍ بِرِن حَن بَرَ شِلِ سْتْ،
\q عَدَ مَ نَشَن نُ نَ، عَ حَن بَرَ كٌلٌن.
\q عَدَ مَ مُ نْمَ مِشِ رَ نَشَن سّنبّ فبٌ عَ بّ.
\q
\v 11 وْيّنيِ نَ فبٌ، قٍ قُقَقُ قَن فبٌمَ نّ.
\q عَ مُ مِشِ يٌ مَلِمَ.
\p
\v 12 ندٍ عَ كٌلٌن قٍ نَشَن قَن عَدَ مَدِ بّ عَ شَ دُنِحّءِفِرِ كُي، نَشَن دَنفِمَ مَقُرٍن مَقُرٍن عَلْ نِينِ؟ ندٍ نْمَ عَ قَلَدٍ عَ بّ قٍ نَشَن نَبَمَ عَ قَشَ شَنبِ؟
\c 7
\s شَشِلِ قَنيِ
\q
\v 1 شِلِ قَنيِ قَن دَنفِ لَبُندّ قَنيِ رَ.
\q عِ قَشَ لْشْي قَن دَنفِ عِ بَرِ لْشْي رَ.
\q
\v 2 سٌقٍ كَاحّ بَنشِ قِسَ سٌقٍ شُلُن بَنشِ بّ،
\q بَرِ مَ قَشّ رَفِرِشِ عَدَ مَ بِرِن بّ.
\q عَ لَنمَ مِشِ بَلٌشِ شَ رَتُ نَ مَ.
\q
\v 3 سُننُنيِ قِسَ يٍلٍ بّ،
\q بَرِ مَ مِشِ بْحّ قَنيِ سْتْمَ نّ سُننُنيِ كُي.
\q
\v 4 شَشِلِمَ عَ حْشْ رَ سِفَمَ نّ قَشّ مَ،
\q شَشِلِتَرٍ تَن نَ يٍلٍقٍ نَن تُي.
\q
\v 5 شَشِلِمَ شَ شُرُي قِسَ شَشِلِتَرٍ شَ مَتْشْي بّ.
\q
\v 6 شَشِلِتَرٍ شَ يٍلٍ لُشِ نّ
\q عَلْ بٌلٍيٍ نَشٍيٍ مَبُلَمَ تُندٍ بُن مَ.
\q قٍ قُقَقُ نَن نَ كِ.
\q
\v 7 كْبِرِ تِنشِنتَرٍ عَ نِيَمَ نّ شَشِلِمَ شَ قِندِ شَشِلِتَرٍ رَ،
\q يٍ دْشْي عَ بْحّ مَقِندِ مَ نّ.
\b
\q
\v 8 قٍ رَحْنيِ قِسَ عَ قْلّ بّ.
\q مِشِ سَبَرِشِ قِسَ يّتّ عِفبٌي بّ.
\q
\v 9 عِ بْحّ نَشَ فبَتَ تٍدٍ،
\q بَرِ مَ شَشِلِتَرٍيٍ بْحّ نَن تٍمَ.
\b
\q
\v 10 عِ نَشَ لُ عَ قَلَ رَ، «سِنفٍ دَنفِ يَكْسِ رَ.»
\q شَشِلِمَيَ وْيّنيِ مُ نَ نَ رَ.
\b
\q
\v 11 شَشِلِمَيَ لُشِ نّ عَلْ كّ،
\q عَ مُنَقَنيِ نَ دُنِحَ مِشِ بِرِن بّ.
\q
\v 12 شَشِلِمَيَ قِندِشِ مِشِ شَ كَنتَرِ نَن نَ،
\q كْبِرِ قَن قِندِشِ مِشِ شَ كَنتَرِ نَن نَ،
\q كْنْ شَشِلِمَيَ نَن قِسَ،
\q بَرِ مَ عَ شَشِلِمَ رَكِسِمَ.
\q
\v 13 عَلَ شَ وَلِ مَتٌ.
\q عَ نَشَن مَدَلِن، ندٍ نْمَ نَ مَتِنشِندٍ؟
\q
\v 14 عِ شَ سّيوَ هّيرِ تّمُي.
\q تْورّ تّمُي نَ عَ لِ، عِ شَ رَتُ عَ مَ،
\q عَ عَلَ نَن نَ قِرِنيِ بِرِن دَاشِ.
\q نَ كُي عَدَ مَدِ مُ نْمَ عَ شَ تِنَ كٌلٌندٍ.
\b
\q
\v 15 ﭑ مَ سِمَيَ قُقَقُ كُي،
\q ﭑ عَ تٌشِ نّ تِنشِنتْي ندٍ قَشَ سِمَيَ دُنكٍ كُي هَلِ عَ تٌ تِنشِنشِ،
\q تِنشِنتَرٍ ندٍ بُ دُنِحَ هَلِ عَ تٌ مُ تِنشِن.
\q
\v 16 عِ نَشَ عِ يّتّ قِندِ تِنشِنتْي رَ،
\q عِ نَشَ عِ يّتّ قِندِ لْننِلَ رَ،
\q شَ نَ مُ عَ رَ عِ عِ يّتّ كَنَمَ نّ.
\q
\v 17 عِ نَشَ قِندِ تِنشِنتَرٍ رَ،
\q شَ نَ مُ عَ رَ عِ قَشَمَ نّ بٍينُ عِ شَ وَشَتِ شَ عَ لِ.
\q
\v 18 عَ لَنمَ عِ شَ عِ حْشْ سَ نَ مَرَ سِ قِرِنيِ شْن مَ.
\q عَلَ شَ يَرَفَاشُي شَ قٍ سْونّيَمَ نّ نَ بِرِن كُي.
\b
\q
\v 19 شَشِلِمَ شَ شَشِلِمَيَ عَ سّنبّ فبٌمَ نّ دَنفِ تَا مَنفّ قُ رَ.
\q
\v 20 تِنشِنتْي مُ نَ يِ دُنِحَ مَ،
\q نَشَن قٍ قَنيِ تُن نَبَمَ، عَ مُ يُنُبِ يٌ رَبَ.
\b
\q
\v 21 عِ نَشَ عِ تُلِ مَتِ مِشِ شَ وْيّنيِ بِرِن نَ،
\q شَ نَ مُ عَ رَ عِ قَمَ عِ شَ كٌنيِ شُي مّدٍ عَ عِ دَنكَمَ،
\q
\v 22 عَلْ عِ تَن يَتِ بَرَ عَ رَبَ سَنيَ وُيَشِ مِشِيٍ رَ.
\q
\v 23 ﭑ نَ بِرِن عِفبّشِ نّ شَشِلِمَيَ رَ.
\q ﭑ نَشَ عَ قَلَ، «ﭑ شَ قِندِ شَشِلِمَ رَ،»
\q كْنْ ﭑ مُ نْ.
\q
\v 24 شَشِلِمَيَ تَن تِلِن، عَ مَكُيَ وٌن نَ،
\q ندٍ نْمَ عَ قَهَامُدٍ؟
\q
\v 25 نَ كُي ﭑ نَشَ كَتَ نَ كٌلٌندٍ،
\q ﭑ شَ سٌ شَشِلِمَيَ كُي، ﭑ شَ قَهَامُي سْتْ،
\q ﭑ شَ عَ كٌلٌن تِنشِنتَرٍيَ قِندِشِ شَشِلِتَرٍحَ نَن نَ،
\q شَشِلِتَرٍحَ قَن قِندِشِ دَشُحَ نَن نَ.
\b
\q
\v 26 ﭑ بَرَ قٍ ندٍ تٌ نَشَن شْنْ دَنفِ قَشّ رَ.
\q فِنّ نَ عَ رَ نَشَن قِندِشِ يّلّ رَ،
\q نَشَن بْحّ قِندِشِ فَنتَنيِ رَ،
\q نَشَن بّلّشّيٍ لُشِ عَلْ لُوتِ بَلَنشِ.
\q مِشِ نَشَن نَقَن عَلَ مَ،
\q عَ كٍلِمَ نّ نَ فِنّ شُن مَ،
\q كْنْ نَ فِنّ يُنُبِتْي نَن مَسْتْمَ.
\q
\v 27 ﭑ تَن كَوَندِلَ يِ نَن تٌ ﭑ مَ قٍ مَتٌشِ بِرِن كُي؛
\q
\v 28 ﭑ نَشَ شّمّ تِنشِنشِ كٍرٍن تٌ شّمّ وُلُ يَ مَ،
\q ﭑ نَشَ عَ قٍن هَن،
\q كْنْ ﭑ مُ فِنّ يٌ تٌ حَمَ يَ مَ نَشَن تِنشِن.
\q
\v 29 ﭑ يِ نَن فبَنسَن تٌ كْرّ؛
\q عَلَ عَدَ مَدِيٍ دَاشِ نّ عٍ تِنشِنشِ،
\q كْنْ عٍ تَن نَشَ عٍ يّتّ مَدَشُ.
\c 8
\s شَشِلِمَيَ نُن مَنفّيَ
\q
\v 1 شَشِلِمَ مَنِيّ مُ نَ.
\q ندٍ قَتَ قٍ تِلِنشِ قَتَنقَسِدٍ؟
\q شَشِلِمَ يَتَفِ نْرْ مَ عَ شَ شَشِلِمَيَ سَابُي نَن نَ،
\q عَ لَهَلّ مَسَرَ مَ نّ.
\p
\v 2 ﭑ شَ عَ قَلَ وٌ بّ، عَ لَنمَ وٌ شَ مَنفّ شَ يَامَرِ رَبَتُ، بَرِ مَ وٌ بَرَ وٌ رَكَلِ عَلَ يَ شْرِ. 
\v 3 عِ نَشَ فبَتَ كٍلِدٍ مَنفّ يَ شْرِ. عِ نَشَ تِ قٍقٍ شَنبِ رَ نَشَن مُ قَن. مَنفّ عَ وَشْنقٍ نَن نَبَمَ. 
\v 4 عَ لُ كِ يٌ كِ، نْي نَ مَنفّ نَن يِ. ندٍ نْمَ عَ مَتَندِدٍ؟
\q
\v 5 مِشِ نَشَن مَنفّ شَ يَمَرِ رَبَتُمَ،
\q قٍ حَاشِ يٌ مُ عَ سْتْمَ.
\q شَشِلِمَ عَ حّرّ كِ نُن حّرّ وَشَتِ كٌلٌن.
\q
\v 6 قٍ بِرِن لَنمَ عَ شَ رَبَ عَ وَشَتِ نُن عَ كّحَ مَ،
\q هَلِ نَ قَ قِندِ مَ قٍ شْرْشْي رَ مِشِ بّ.
\b
\q
\v 7 مِشِ تٌ مُ عَ كٌلٌن قٍ نَشٍيٍ قَمَ رَبَدٍ،
\q ندٍ نْمَ نٍيٍ تَفِ رَبَدٍ عَ بّ؟
\q
\v 8 مِشِ يٌ مُ نْمَ عَ حّنفِ يَمَرِدٍ،
\q مِشِ يٌ مُ نْمَ عَ قَشَ لْشْي سُفَندِدٍ.
\q مِشِ مُ نْمَ كٍلِدٍ فٍرٍ شُن مَ،
\q تِنشِنتَرٍيَ مُ قٍ كٌبِ رَبَيٍ بّحِنمَ.
\p
\v 9 ﭑ بَرَ يِ بِرِن رَكْرْ سِ دُنِحَ مَ. ﭑ نَشَ مِشِ تٌ عَ نَ عَ بٌورٍ يَمَرِقٍ، عَ قَ عَ يّتّ تْورْ نَ كُي. 
\v 10 ﭑ نَشَ مِشِ حَاشِيٍ تٌ نَشٍيٍ رَفَتَمَ بِنيّ كُي، مِشِيٍ نُ نَشٍيٍ مَتْشْمَ هْرْ مْلِنفِرَ يِرٍ تَا كُي. قٍ قُقَقُ نَن نَ كِ.
\p
\v 11 شَ قٍ كٌبِ رَبَيٍ مُ حَشَنكَتّ سْتْ عَ تّمُي، حَمَ قَن قَمَ نّ بِرَدٍ عٍ وَشْنقٍ حَاشِيٍ قْشْ رَ. 
\v 12 ﭑ عَ كٌلٌن هَلِ قٍ كٌبِ رَبَيٍ فبِلٍن قٍ حَاشِ رَبَقٍ رَ هَن سَنمَيَ كّمّ، سْونّيَ تَن نَبَمَ نّ مِشِ بّ نَشَن فَاشُمَ عَلَ يَ رَ، نَشَن لُمَ عَ بَتُ رَ. 
\v 13 كْنْ قٍ مُ سْونّيَمَ مِشِ حَاشِيٍ بّ نَشٍيٍ مُ فَاشُمَ عَلَ يَ رَ، عٍ شَ سِمَيَ شْن مُ كُيَمَ عَلْ مِشِ نِينِ.
\p
\v 14 قٍ قُقَقُ فبّتّ نَ نَ يِ دُنِحَ مَ؛ قٍ شْرْشْي نَشَن لَن عَ شَ دْشْ مِشِ حَاشِ مَ، نَ نَن دْشْمَ تِنشِنتْي مَ. قٍ قَنيِ نَشَن لَن عَ شَ رَبَ تِنشِنتْي بّ، نَ نَن نَبَمَ مِشِ حَاشِ بّ. ﭑ شَ عَ قَلَ وٌ بّ، نَ قٍ مْولِ قِندِشِ قٍ قُقَقُ نَن نَ. 
\v 15 نَ كُي عَ لَنمَ عَدَ مَ شَ سّيوَ عَ شَ دُنِحّءِفِرِ كُي. قٍ يٌ مُ نَ نَشَن قِسَ يِ بّ؛ مِشِ لَنمَ عٍ شَ عٍ دّفٍ، عٍ شَ عٍ مِن، عٍ شَ سّيوَ. نَ كِ عَ سّيوَ مَ نّ عَ شَ وَلِ رَ عَ شَ دُنِحّءِفِرِ كُي، عَلَ نَشَن قِشِ عَ مَ دُنِحَ بّندّ قُحِ قَرِ.
\p
\v 16 ﭑ تٌ نَتّ تٌنفٌ ﭑ شَ قَهَامُي سْتْ عَدَ مَدِ شَ وَلِ شَ قٍ رَ، عَ نَشَن نَبَمَ كْي نُن يَنيِ، 
\v 17 ﭑ نَشَ عَلَ شَ وَلِ مَتٌ. مِشِ يٌ مُ نْمَ سٌدٍ قٍ بِرِن كُي نَشَن نَبَمَ دُنِحَ مَ. هَلِ عَ كَتَ هَن، عَ مُ عَ كٌلٌنمَ قٍوٌ. هَلِ شَشِلِمَ نَشَن عَ قَلَمَ عَ بَرَ فّ نَ كٌلٌندٍ، عَ مُ نْمَ نَ كٌلٌندٍ يَتِ يَتِ.
\c 9
\s عَدَ مَدِ مُ يَرٍ كٌلٌن
\p
\v 1 ﭑ تٌ ﭑ مَحْشُن نَ قٍ بِرِن مَ، ﭑ عَ تٌشِ نّ تِنشِنتْييٍ، شَشِلِمَيٍ، نُن عٍ شَ كَتّ بِرِن كٍلِمَ عَلَ نَن مَ. عَدَ مَدِ مُ عَ كٌلٌن عَ قَمَ نَشَن لِدٍ عَ يَرَ، شَنُنتٍيَ شَ نَ مُ عَ رَ شْننَنتٍيَ. نَ بِرِن نَ عَلَ نَن يِ. 
\v 2 عَدَ مَدِ بِرِن سِفَمَ نّ عَلِفِيَمَ. تِنشِنتْي بَ، تِنشِنتَرٍ بَ، سّنِيّنتْي بَ، سّنِيّنتَرٍ بَ، سّرّشّبَ بَ، سّرّشّبَتَرٍ بَ.
\q مِشِ قَنيِ بَ، مِشِ حَاشِ بَ
\q عٍ بِرِن سِفَمَ نّ عَلِفِيَمَ.
\q مِشِ نَشَن لَايِدِ تٌنفٌمَ بَ،
\q مِشِ نَشَن مُ سُو سَمَ نَ تٌنفٌدٍ بَ،
\q عٍ بِرِن سِفَمَ نّ عَلِفِيَمَ.
\p
\v 3 قٍ شْرْشْي نَن يِ كِ قٍ بِرِن يَ مَ دُنِحَ مَ؛ مَرَحْن كِ كٍرٍن نَن نَ نٍيٍ بِرِن بّ. عَدَ مَدِيٍ بْحّ رَقٍشِ قٍ حَاشِ نَن نَ، عٍ وَلِمَ شَشِلِتَرٍحَ نَن نَ عٍ شَ دُنِحّءِفِرِ كُي. نَ دَنفِ شَنبِ، عٍ قَشَمِشِيٍ لِمَ نّ عَلِفِيَمَ. 
\v 4 مِشِ بَلٌشِ فبَنسَن نْمَ عَ شَشِلِ تِدٍ قٍ ندٍ مَ. بَرٍ حِحّ قِسَ يّتّ قَشَشِ بّ.
\q
\v 5 نَشٍيٍ بَلٌشِ، نٍيٍ عَ كٌلٌن عَ عٍ قَشَمَ نّ،
\q كْنْ مِشِ قَشَشِيٍ تَن مُ قٍقٍ كٌلٌن.
\q سَرٍ قِ يٌ مُ نَ عٍ بّ سْنْن،
\q عٍ شَ قٍ يَتِ بَرَ نّيمُ مِشِيٍ رَ.
\q
\v 6 عٍ شَ شَنُنتٍيَ، عٍ شَ شْننَنتٍيَ، عٍ وَشْنقٍ، نٍيٍ بِرِن بَرَ حْن.
\q عٍ تَن فبٍ يٌ مُ نَ يِ دُنِحَ قٍيٍ تَن يَ مَ سْنْن.
\p
\v 7 سِفَ، عِ عِ دّفٍ سّيوّ كُي، عِ عِ شَ وّنِ مِن بْحّ قَنيِ كُي. عَلَ وَ مَ نَ نَن شْن عِ بّ. 
\v 8 عِ شَ سٌسٍ قِيشّ رَفٌرٌ عِ مَ، عِ شَ لَبُندّ قَنيِ سَ عِ قَتٍ مَ. 
\v 9 عِ شَ دُنِحَ عِفِرِ سّيوّ كُي وٌ نُن عِ شَنُنتٍنيِ فِنّ. عَلَ بَرَ يِ سِمَيَ نَن قِ عِ مَ. هَلِ عَ تٌ دَنفِمَ عَلْ قٌيٍ، هَلِ عَ شْرْشْ، عَلَ شَ مَرَفِرِ نَ عَ رَ عِ بّ. 
\v 10 عِ نْمَ وَلِ نَشَن نَ، عِ شَ نَ رَبَ عِ سّنبّ بِرِن نَ، بَرِ مَ عِ نَشَن نَبَمَ دُنِحَ مَ، عَلْ وَلِقٍ، قٍ مَتٌقٍ، قٍ قَهَامُقٍ، نُن قٍ كٌلٌنقٍ، نَ سٍسٍ مُ نَ عَلِفِيَمَ عِ سِفَقٍ دّننَشّ.
\p
\v 11 ﭑ مَن بَرَ قٍ فبّتّ تٌ يِ دُنِحَ مَ؛
\q نَشَن شُلُن دَنفِ عَ بٌورٍ رَ، عَ مُ فبَتَ فٍينِمَ تّمُي بِرِن شّ،
\q نَشَن سّنبّ فبٌ دَنفِ عَ بٌورٍ رَ، عَ مُ فٍرٍ فٍينِمَ تّمُي بِرِن شّ،
\q نَشَن شَشِلِ قَن عَ بٌورٍ بّ، عَ مُ دٌنسٍ سْتْمَ تّمُي بِرِن شّ،
\q نَشَن مَ لْننِ دَنفِ عَ بٌورٍ رَ، عَ مُ نَاقُلِ سْتْمَ تّمُي بِرِن شّ،
\q نَشَن شَ قَهَامُي فبٌ عَ بٌورٍ بّ، عَ مُ هِننّ سْتْمَ تّمُي بِرِن شّ.
\q عَلَ شَ مَرَفِرِ تَن قٍ بِرِن نَبَمَ عَ وَشَتِ نّ.
\p
\v 12 مِشِ يٌ مُ عَ كٌلٌن قٍ قَمَ عَ لِدٍ تّمُي نَشّ؛
\q يّشّ سُشُمَ نّ يّلّ شْرْشْي كُي،
\q شْنِ سُشُمَ نّ فَنتَنيِ رَ.
\q نَ كِ قٍ شْرْشْي عَدَ مَدِ تّرّننَمَ نّ كٍرٍنيِ رَ.
\p
\v 13 ﭑ مَن بَرَ يِ شَشِلِمَيَ مِسَالِ تٌ دُنِحَ مَ نَشَن تِدٍ فبٌ. 
\v 14 تَا شُرِ ندٍ نُ نَ، مِشِ مُ نُ فبٌ دّننَشّ. مَنفّ سّنبّمَ ندٍ نَشَ نَ تَا فٍرٍ، عَ قَ تٍدٍ يَءِلَن نَ تَا تّتّ بُنيِ. 
\v 15 نَ تَاكَ ندٍ نُ نَ، نَشَن قِندِشِ سٍتَرٍ شَشِلِمَ رَ. عَ نَشَ نَ تَا رَكِسِ عَ شَ شَشِلِمَيَ سَابُي رَ، كْنْ نَ دَنفِ شَنبِ مِشِ يٌ مُ رَتُ عَ شَ قٍ مَ. 
\v 16 نَ كُي ﭑ نَشّ،
\q شَشِلِمَيَ قِسَ حَلَمَيَ بّ،
\q كْنْ سٍتَرٍ شَ شَشِلِمَيَ مَبٍرٍ مَ نّ،
\q مِشِ مُ عَ شَ مَسٍنيِ سُشُمَ.
\b
\q
\v 17 شَشِلِمَ شَ مَسٍنيِ رَشَرَشِ رَ مّقٍ،
\q نَ قِسَ مَنفّ شَ سْنشْي رَتٍ بّ شَشِلِتَرٍيٍ تَفِ.
\q
\v 18 شَشِلِمَيَ قِسَ فٍرٍ سٌسٍيٍ بّ،
\q كْنْ يُنُبِتْي كٍرٍن فبَنسَن نْمَ قٍ قَنيِ فبٍفبٍ شُن نَكَنَدٍ.
\c 10
\s تَالِ وْيّنيِ
\q
\v 1 تُفِتُفِ نَ قَشَ لَبُندّ شُن مَ، لَبُندّ شِرِ كَنَمَ نّ.
\q شَشِلِتَرٍحَ نَن شُي مّمَ دَنفِقٍ شَشِلِمَيَ شُي رَ.
\b
\q
\v 2 شَشِلِمَ بْحّ مَتِنسٍ،
\q شَشِلِتَرٍ بْحّ حَاشُ.
\q
\v 3 شَشِلِتَرٍ عَ شَ شَشِلِتَرٍحَ مَسٍنمَ نّ بِرِن بّ عَ شَ حّرّ كُي.
\q
\v 4 شَ عِ شَ مَنفّ شْنْ عِ مَ، عِ نَشَ كٍلِ عِ شَ وَلِ شُن مَ،
\q عِ شَ سَبَرِ قٍ شْرْشْي رَبْرْشْمَ.
\b
\p
\v 5 ﭑ قٍ شْرْشْي ندٍ قَن تٌشِ يِ دُنِحَ مَ نَشَن كٍلِشِ مَنفّ مَ؛
\q
\v 6 عَ نْي قِمَ نّ شَشِلِتَرٍ ندٍ مَ،
\q بَننَ ندٍ تَن مُ نْي يٌ سْتْ.
\q
\v 7 ﭑ بَرَ كٌنيِ ندٍ تٌ عَ سٌي رَفِمَ،
\q مَنفّ ندٍ قَ عَ حّرّ عَ سَنيِ رَ.
\b
\q
\v 8 يِلِ فٍ نْمَ بِرَدٍ عَ شَ يِلِ فٍشِ كُي،
\q مِشِ نَشَن يَلٍ تِمَ تّتّ مَ، بْشِمَسٍ نْمَ نَ قَن شِندٍ.
\q
\v 9 مِشِ نَشَن فّمّ مَسٌلِمَ، عَ نْمَ عَ مَشْنْدٍ فّمّ رَ.
\q مِشِ نَشَن يٍفٍ بْو مَ، عَ نْمَ عَ مَشْنْدٍ يٍفٍ رَ.
\q
\v 10 شَ بٍيرَ كٌلٍ تٌرِشِ، عَ مُ رَلُفَن، نَ عَ نِيَمَ نّ وَلِ شَ شْرْشْ.
\q شَشِلِمَيَ شُننَكٍلِ قِمَ مِشِ مَ نَ كِ نّ.
\q
\v 11 شَ بْشِمَسٍ مِشِ شِن بٍينُن بْشِمَسٍ سُشُمَ شَ عَ سُشُ،
\q مِشِ نَشَن بْشِمَسٍ سُشُمَ، عَ مُ فٍينِمَ.
\b
\q
\v 12 هِننّ فبٍفبٍ نَ شَشِلِمَ شَ مَسٍنيِ كُي،
\q كْنْ شَشِلِتَرٍ تَن شَ وْيّنيِ عَ يّتّ بْنْمَ نّ.
\q
\v 13 عَ شَ مَسٍنيِ قْلْمَ لْننِتَرٍحَ رَ،
\q عَ رَحْن دَشُحَ رَ.
\q
\v 14 شَشِلِتَرٍ شَ وْيّنيِ وُيَ.
\b
\q عَدَ مَدِ مُ عَ كٌلٌن قٍ نَشَن قَمَ قَدٍ.
\q ندٍ عَ رَكٌلٌنمَ قٍ رَ نَشَن قَمَ عَ لِدٍ؟
\b
\q
\v 15 شَشِلِتَرٍ عَ يّتّ رَتَفَنمَ،
\q هَلِ تَا كِرَ، عَ مُ عَ كٌلٌن.
\b
\q
\v 16 حَشَنكَتّ نَ تَا بّ نَشَن شَ مَنفّ قِندِشِ قٌنِكٍ يْرّ رَ،
\q نَشَن شَ كُنتِفِيٍ كُرُنمَ شُلُنيِ تِقٍ رَ.
\q
\v 17 حّلّشِنيِ نَ تَا بّ نَشَن شَ مَنفّ قَتَنشِ مَنفّ بْنسْي رَ،
\q نَشَن شَ كُنتِفِيٍ عٍ دّفٍمَ عَ وَشَتِ مَ سّنبّ سْتْقٍ رَ، عٍ مُ سِيسِ.
\b
\q
\v 18 شَ بَنشِ كَنيِ تُننَشْنْ، بَنشِ شُنيِ بِرَ مَ نّ،
\q شَ عَ مُ عَ قِندِ تُننَبّشِ رَ، عَ شَ بَنشِ قَمَ نّ مِنِدٍ.
\q
\v 19 مِشِ دٌنسٍ رَقَلَمَ نّ عَلَكٌ عَ شَ حّلّشِن،
\q عَ وّنِ مِنمَ نّ عَلَكٌ عَ شَ سّيوَ،
\q عَ كْبِرِ سْتْمَ نّ عَلَكٌ عَ هَيِ بِرِن شَ قَن.
\b
\q
\v 20 عِ نَشَ مَنفّ دَنكَ هَلِ عِ شَ مَحْشُنيِ كُي،
\q عِ نَشَ بَننَ دَنكَ هَلِ عِ شَ كٌنكٌي كُي،
\q بَرِ مَ شْنِ ندٍ عِ شُي شَنِنمَ نّ، عَ نَ قَلَ مِشِ ندٍ بّ.
\c 11
\s وَكِلِقٍ
\p
\v 1 تَالِ ندٍيٍ نَن يِ كِ؛
\q شَ عِ تَامِ وٌلِ يٍ مَ،
\q عِ قَمَ نّ عَ مَسْتْدٍ لْشْي ندٍ.
\q
\v 2 عِ شَ عِ شَ سْتْسٍ تَشُ مِشِ سٌلٌقٍرٍ رَ، شَ نَ مُ عَ رَ، مِشِ سٌلٌمَسَشَن،
\q بَرِ مَ عِ مُ عَ كٌلٌن حَشَنكَتّ نَشَن قَمَ دُنِحَ لِدٍ.
\q
\v 3 شَ نُشُي رَقٍشِ يٍ رَ،
\q تُنّ قَمَ نّ بِرَدٍ بْشِ مَ.
\q شَ وُرِ بِرَ يِرٍ قَنيِ مَ، شَ عَ بِرَ كْولَ مَ،
\q عَ لُمَ نَا نّ.
\q
\v 4 مِشِ يٌ بْنبْ قٌيٍ رَبّنقٍ رَ، نَ مُ سَنسِ سِمَ.
\q مِشِ يٌ بْنبْ نُشُي مَتٌقٍ رَ، نَ مُ قَمَ سَنسِ شَبَدٍ.
\b
\q
\v 5 عِ مُ حّنفِ نُن شْرِيٍ رَقَلَ كِ كٌلٌن قُرِ فِنّ قُرِ كُي،
\q عِ مَن مُ عَلَ دَالِ مَنفّ شَ وَلِ قَن كٌلٌن.
\b
\q
\v 6 عِ شَ وَكِلِ كٍلِقٍ فّيسّفّ هَن نُنمَرٍ سَنسِ سِقٍ رَ،
\q بَرِ مَ عِ مُ عَ كٌلٌن عِ شَ وَلِ مُندُن قَمَ سْونّيَدٍ.
\b
\q
\v 7 نَءِيَلَنيِ تٌقٍ حْشُن.
\q
\v 8 عَ لَنمَ مِشِ شَ سّيوَ عَ شَ سِمَيَ رَ،
\q كْنْ عَ نَشَ نّيمُ دِ مِ مَ نَشَن نُ نَ عَ شَ سِمَيَ كُي.
\q قٍ نَشَن بِرِن قَمَ، قٍ قُقَقُ نَ عَ رَ.
\b
\q
\v 9 قٌنِكٍ، عِ شَ حّلّشِن عِ شَ قٌنِكٍيَ كُي،
\q عِ سٌندٌنيِ شَ سّيوَ عِ شَ قٌنِكٍيَ وَشَتِ كُي.
\q عِ شَ بِرَ عِ بْحّ نُن عِ وَشْنقٍ قْشْ رَ،
\q كْنْ عِ شَ عَ كٌلٌن عَ عَلَ عِ مَكِيتِمَ نّ نَ بِرِن مَ.
\q
\v 10 نَ كُي كْنتْقِلِ مَكُيَ عِ رَ،
\q تْورّ كٍرِ عِ قْشْ رَ.
\q قٌنِكٍيَ قِندِشِ قٍ قُقَقُ نَن نَ.
\c 12
\s قَشّ مَكْرّ
\q
\v 1 عِ شَ رَتُ عِ دَالِ مَرِفِ مَ عِ شَ قٌنِكٍيَ كُي،
\q بٍينُن عِ نِمِسَ لْشْي شَ قَ،
\q بٍينُن تْورّ وَشَتِ شَ عِ لِ، عِ قَ عَ قَلَ،
\q «سّيوّ يٌ مُ نَ ﭑ بّ سْنْن.»
\q
\v 2 عِ شَ رَتُ عَ مَ بٍينُن سٌفٍ شَ دِ مِ،
\q بٍينُن كِكٍ نُن تُنبُييٍ شَ عِقْورْ،
\q بٍينُن نُشُي شَ سِفَ تُنّ بِرَ شَنبِ.
\b
\q
\v 3 نَ تّمُي بَنشِ كَنتّيٍ سّرّنمَ نّ،
\q شّمّ حَلَمَيٍ عٍ قٍلٍنمَ نّ،
\q مَالٍ دِنمَيٍ شُرُنمَ نّ،
\q مِشِ نَشٍيٍ سٍ عِفبّمَ عٍ لُمَ نّ دِ مِ كُي،
\q
\v 4 بَنشِ نَادّيٍ بَلَنمَ نّ،
\q مَالٍ دِن شُي دَنمَ نّ،
\q شْنِ شُي دُندُ مَ نّ نَشَن نُ مِشِيٍ رَشُنُمَ،
\q
\v 5 شّمّ قَمَ نّ فَاشُدٍ يِرٍ عِتٍشِ رَ،
\q عٍ قَمَ نّ فَاشُدٍ قٍ شْرْشْي رَ كِرَ شْن مَ،
\q شّمْشِ شُنسّشّ قَمَ نّ قِيشّدٍ،
\q كَتٌي بَمَ نّ كَسَرّ تِقٍ،
\q سٍرِ مُ دَندَنيِ تِمَ سْنْن.
\b
\q نَ تّمُي مِشِ سِفَمَ نّ عَ شَ لِنفِرَ دْنشْي،
\q وَ شُي مِنِمَ نّ كِرَيٍ شْن مَ.
\q
\v 6 نَ رَبَمَ نّ بٍينُن فبٍتِ شَ بٌلٌن،
\q بٍينُن شّيمَ تْنبِلِ شَ كَنَ،
\q بٍينُن قّحّ شَ عِبْو دُلٌنيِ مَ،
\q بٍينُن يٍ بّندُن سٍ شَ كَنَ كٌلٌنيِ يِرٍ،
\q
\v 7 بٍينُن عَدَ مَدِ شَ فبِلٍن بّندّ عَ دَاشِ نَشّ،
\q عَ نِي قَن شَ فبِلٍن عَلَ مَ نَشَن عَ رَ سٌ عَ قَتٍ عِ.
\b
\q
\v 8 ﭑ تَن كَوَندِلَ شَ عَ قَلَ وٌ بّ،
\q «قٍ قُقَقُ نَن نَ نَ بِرِن نَ. عَ بِرِن لُشِ نّ عَلْ قٌيٍ!»
\b
\p
\v 9 وٌ شَ عَ كٌلٌن يِ كَوَندِلَ قِندِشِ شَشِلِمَ نَن نَ، نَشَن بَرَ حَمَ شَرَن. عَ بَرَ تَالِيٍ مَتٌ، عَ عٍ يَءِلَن. 
\v 10 يِ كَوَندِلَ كَتَ نّ عَ شَ مَسٍنيِ قَنيِيٍ نُن سّبّلِ تِنشِنشِيٍ سْتْ نَشٍيٍ نْندِ مَسٍنمَ. 
\v 11 شَشِلِمَيٍ شَ مَسٍنيِيٍ لُشِ نّ عَلْ وُرِ رَ مٍلُشِ نَشٍيٍ شُرُ سٍيٍ رَحّرّ مَ. نَ مَسٍنيِيٍ مَلَنشِ لُشِ نّ عَلْ لَنتُمَ نَشٍيٍ مَبَنبَنشِ وُرِ مَ. نَ بِرِن قَتَنشِ شُرُ سٍ دّ مَدٌنيِ كٍرٍن نَن نَ.
\p
\v 12 ﭑ مَ دِ، نَشَن دَنفِ نَ مَسٍنيِيٍ رَ، عِ شَ عِ يّتّ رَتَنفَ نَ مَ. دَنيِ مُ نَ سّبّلِ يَءِلَنقٍ مَ. شَرَنيِ فبٍفبٍ مِشِ رَتَفَنمَ نّ.
\q
\v 13 عَ بِرِن شُندُ سُشِ يِ مَسٍنيِ نَن نَ؛
\q وٌن شَ فَاشُ عَلَ يَ رَ، وٌن شَ عَ شَ يَامَرِيٍ رَبَتُ،
\q بَرِ مَ عَدَ مَدِ شَ وَلِ لَنمَ عَ شَ قِندِ نَ نَن نَ.
\q
\v 14 وٌن شَ فَاشُ عَلَ يَ رَ بَرِ مَ عَ تَن نَن مِشِ شَ وَلِ بِرِن مَكِيتِمَ،
\q هَلِ قٍ نَشَن بِرِن نْشُنشِ،
\q عَ قِندِ عَ قَنيِ رَ بَ، عَ قِندِ عَ حَاشِ رَ بَ.