\id AMO 
\ide UTF-8
\h عَننَبِ عَمٌسِ
\toc1 عَلَ شَ مَسٍنيِ عَننَبِ عَمٌسِ بّ
\toc2 عَننَبِ عَمٌسِ
\toc3 عَمٌ
\mt عَلَ شَ مَسٍنيِ عَننَبِ عَمٌسِ بّ
\imt مَسٍنيِ ندٍ يِ كِتَابُي شَ قٍ رَ
\ip عَننَبِ عَمٌسِ نَمِحْنمّ نَن نُ عَ رَ نَشَن كَوَندِ تِ يُدَيَ مَنفّ يُسِيَ شَ وَشَتِ. نَ تّمُي عِسِرَيِلَ بْشِ، عَلَ نَشَن قِشِ عَ شَ حَمَ مَ كَبِ عَننَبِ مُنسَ شَ تّمُي، عَ نُ بَرَ تَشُن دْشْ قِرِن. عَ يِرٍقَنيِ سّيتِ شِلِ يُدَيَ، عَ كْولَ سّيتِ شِلِ عِسِرَيِلَ. مَنفّ يٍرٌبٌوَ مِ نُ نَ عِسِرَيِلَ بْشِ مَ. عَ مُ تِن بِرَدٍ عَلَ شَ سّرِيّ قْشْ رَ، عَ شَ حَمَ قَن مُ لُ كِرَ قَنيِ شْن مَ.
\ip عَننَبِ عَمٌسِ نَشَ كَوَندِ تِ عِسِرَيِلَكَيٍ بّ، عَلَكٌ عٍ شَ فبِلٍن عٍ شَ يُنُبِيٍ قْشْ رَ. عَ نَشَ تْنيِ دْشْ كُيٍيٍ بَتُقٍ رَ. عٍ مُ عَلَتَلَ بَتُقٍ رَبّحِن، كْنْ عٍ نُ بَرَ كُيٍ بَتُي قَن سَ نَ قَرِ. نَ نَن عَ رَ عَلَ نَشَ عَ مَسٍن عٍ بّ عَننَبِ عَمٌسِ سَابُي رَ، عَ عٍ شَ سَلِ بِرِن بَرَ قِندِ سَلِ قُقَقُ رَ. عَلَ مُ وَ مَ عَ قِرِن ندٍ شْن مَ.
\ip نَ وَشَتِ عِسِرَيِلَكَ وُيَشِيٍ نُ بَرَ نَاقُلِ فبٍفبٍ سْتْ. عٍ نَشَ عَ مَحْشُن عَ نَ بِرِن قِندِشِ عَلَ شَ بَرَكّ نَن نَ عٍ تَن مَبِرِ. عَننَبِ عَمٌسِ نَشَ عَ مَسٍن عٍ بّ عَ نَ نَاقُلِ مُ نُ كٍلِشِ عَلَ شَ مَ، عَ كٍلِشِ عٍ شَ قٍ كٌبِيٍ نَن مَ عٍ نَشٍيٍ رَبَشِ سٍتَرٍيٍ رَ.
\ip عَننَبِ عَمٌسِ تٌ فّ عٍ كَلَمُدٍ نَ قٍ مَ، عَ نَشَ عَ قَلَ عٍ بّ عَ عَلَتَلَ قَمَ نّ عٍ حَشَنكَتَدٍ عَ حَاشِ رَ عٍ شَ يُنُبِيٍ شَ قٍ رَ. عِسِرَيِلَكَيٍ نُ عَ مَحْشُنشِ نّ عَ قٍ شْرْشْي يٌ مُ نْمَ عٍ لِدٍ، كْنْ عَمٌسِ نَشَ عٍ مَيَندِ عٍ شَ فبِلٍن عَلَ شَ سّرِيّ مَ، شَ نَ مُ عَ رَ عٍ بِرِن قَمَ نّ هَلَكِدٍ.
\ip عَلَتَلَ نَشَ عِسِرَيِلَكَيٍ حَشَنكَتَ عَلْ عَننَبِ عَمٌسِ عَ قَلَ عٍ بّ كِ نَشّ. عٍ يَشُييٍ نَشَ عٍ فٍرٍ عَ حَاشِ رَ. عِسِرَيِلَكَ نَشٍيٍ مُ قَشَ سَنتِدّفّمَ رَ، عٍ نَشَ لُ كٌنيِيَ كُي حَمَنّ مَ. عَلَتَلَ شَ مَسٍنيِ بِرِن نَشَ كَمَلِ.
\ip يِ كِتَابُي شَ مَسٍنيِ تِدٍ فبٌ تٌ مِشِيٍ بّ. عَ لَنمَ وٌن شَ وٌن تُلِ مَتِ يِ كَوَندِ رَ عَلَكٌ وٌن شَ دَنشَنِيَ عَلَ مَ عَلْ عَ وَ مَ عَ شْن مَ كِ نَشّ. شَ نَ مُ عَ رَ وٌن قَن قَمَ نّ حَشَنكَتّ سْتْدٍ عَلْ عِسِرَيِلَكَيٍ. عَلَ شَ وٌن نَتَنفَ نَ مَ. عَمِنَ.
\imte عَلَ شَ مَسٍنيِ عَننَبِ عَمٌسِ بّ
\c 1
\s عَننَبِ عَمٌسِ شَ مَسٍنيِ
\p
\v 1 عَننَبِ عَمٌسِ، تٍكٌوَكَ شُرُ سٍ كَنيِ، نَشَ لَامَتُنيِ تٌ عِسِرَيِلَ شَ قٍ رَ يُدَيَ مَنفّ يُسِيَ نُن عِسِرَيِلَ مَنفّ يٍرٌبٌوَ مِ، يٌوَ سِ شَ دِ شَ وَشَتِ، حّ قِرِن بٍينُن بْشِ شَ سّرّن.
\q عَننَبِ عَمٌسِ شَ مَسٍنيِ نَن يَ؛
\q
\v 2 «عَلَتَلَ عَ شَاحّ شُي رَ مِنِمَ سِيٌنِ مَ عَلْ يّتّ،
\q عَ عَ شُي عِتٍشِ رَ مِنِمَ كٍلِ دَرِ سَلَمُ.
\q سّشّ مُ نَ قِيلِيٍ مَ شُرُ سٍيٍ نَشَن دٌنمَ،
\q كَرٍ مٍلٍ فٍيَ قَن بَرَ شَرَ.»
\s دَ مَسِ شَ يُنُبِ سَرٍ
\q
\v 3 عَلَتَلَ نَشَ عَ مَسٍن،
\q «دَ مَسِ شَ يُنُبِ رَبَشِ سَشَنيِ،
\q شَ نَ مُ عَ رَ نَانِ شَ قٍ رَ،
\q ﭑ مُ فبِلٍنمَ ﭑ مَ نَتّ قْشْ رَ.
\q عٍ بَرَ فَلَدِ كَنَ عَ حَاشِ رَ،
\q عَلْ بْشِ بُشَمَ كِ نَشّ.
\q
\v 4 ﭑ تّ دِنمَ شَسَيٍلِ شَ بَنشِ رَ نَ نَن مَ.
\q نَ تّ نَن قَمَ بٍن هَدَدَ شَ يِرٍ مَكَنتَشِيٍ فَندٍ.
\q
\v 5 ﭑ دَ مَسِ شَ نَادّ بَلَن سٍ فِرَ مَ نّ.
\q ﭑ عَوٍنِكَيٍ هَلَكِمَ نّ فُلُنبَ كُي،
\q عَ نُن مَنفّ نَشَن نَ بٍتِ عٍدٍن.
\q سِرِيَ حَمَ شَنِنمَ نّ كِرِيَ كٌنيِيَ كُي.»
\q عَلَتَلَ شَ مَسٍنيِ نَن نَ كِ.
\s فَسَ شَ يُنُبِ سَرٍ
\q
\v 6 عَلَتَلَ نَشَ عَ مَسٍن،
\q «فَسَ شَ يُنُبِ رَبَشِ سَشَنيِ،
\q شَ نَ مُ عَ رَ نَانِ شَ قٍ رَ،
\q ﭑ مُ فبِلٍنمَ ﭑ مَ نَتّ قْشْ رَ.
\q عٍ بَرَ تَا ندٍيٍ شَ حَمَ بِرِن شَنِن عٍدٌن كٌنيِيَ كُي.
\q
\v 7 ﭑ تّ دِنمَ فَسَ تّتّ رَ نَ نَن مَ.
\q نَ قَمَ نّ عَ يِرٍ مَكَنتَشِيٍ فَندٍ.
\q
\v 8 ﭑ عَسِدٌدِكَيٍ هَلَكِمَ نّ،
\q عَ نُن مَنفّ نَشَن نَ عَسِكَلْن.
\q ﭑ عٍكِرٌن حَشَنكَتَمَ نّ،
\q قِلِسِتَكَيٍ بِرِن قَشَمَ نّ.»
\q مَرِفِ عَلَتَلَ شَ مَسٍنيِ نَن نَ كِ.
\s تِرٍ شَ يُنُبِ سَرٍ
\q
\v 9 عَلَتَلَ نَشَ عَ مَسٍن،
\q «تِرٍ شَ يُنُبِ رَبَشِ سَشَنيِ،
\q شَ نَ مُ عَ رَ نَانِ شَ قٍ رَ،
\q ﭑ مُ فبِلٍنمَ ﭑ مَ نَتّ قْشْ رَ.
\q عٍ بَرَ تَا ندٍيٍ شَ حَمَ بِرِن شَنِن عٍدٌن كٌنيِيَ كُي،
\q عٍ سَاتّ كَنَ عٍ نَشَن تٌنفٌ عٍ نُن عٍ نفَشَكٍرٍنيِ عِسِرَيِلَكَيٍ تَفِ.
\q
\v 10 ﭑ تّ دِنمَ تِرٍ تّتّ رَ نَ نَن مَ.
\q نَ تّ قَمَ نّ عَ يِرٍ مَكَنتَشِيٍ فَندٍ.»
\s عٍدٌن شَ يُنُبِ سَرٍ
\q
\v 11 عَلَتَلَ نَشَ عَ مَسٍن،
\q «عٍدٌن شَ يُنُبِ رَبَشِ سَشَنيِ،
\q شَ نَ مُ عَ رَ نَانِ شَ قٍ رَ،
\q ﭑ مُ فبِلٍنمَ ﭑ مَ نَتّ قْشْ رَ.
\q عٍ بَرَ عٍ نفَشَكٍرٍنيِيٍ فٍرٍ سَنتِدّفّمَ رَ.
\q عٍ مُ كِنِكِنِ عٍ مَ،
\q عٍ شَ شْنّ شُن نَن تُن مَسَمَ.
\q
\v 12 ﭑ تّ دِنمَ نّ تٍمَن نَ.
\q نَ تّ نَن قَمَ بٌسَرَ يِرٍ مَكَنتَشِيٍ فَندٍ.»
\s عَمٌنِ شَ يُنُبِ سَرٍ
\q
\v 13 عَلَتَلَ نَشَ عَ مَسٍن،
\q «عَمٌنِكَيٍ شَ يُنُبِ رَبَشِ سَشَنيِ،
\q شَ نَ مُ عَ رَ نَانِ شَ قٍ رَ،
\q ﭑ مُ فبِلٍنمَ ﭑ مَ نَتّ قْشْ رَ.
\q عٍ بَرَ فَلَدِ فِنّ قُرُشِيٍ قُرِيٍ رَبْو سَنتِدّفّمَ رَ،
\q عَلَكٌ عٍ شَ بْشِ شُن شَ مَسَ.
\q
\v 14 ﭑ تّ رَدّشّمَ رَابَ تّتّ رَ نَ نَن مَ.
\q نَ تّ نَن قَمَ عَ يِرٍ مَكَنتَشِيٍ فَندٍ.
\q
\v 15 عٍ شَ مَنفّ نُن عَ شَ كُنتِفِيٍ قَمَ نّ شَنِندٍ كٌنيِيَ كُي،
\q فٍرٍ سْنشْي رَتٍ فٍرٍ سٌ لْشْي،
\q تُرُننَادّ قٌيٍ مِنِ شُي لْشْي.»
\q عَلَ شَ مَسٍنيِ نَن نَ كِ.
\c 2
\s مٌوَبَ شَ يُنُبِ سَرٍ
\q
\v 1 عَلَتَلَ نَشَ عَ مَسٍن،
\q «مٌوَبَ شَ يُنُبِ رَبَشِ سَشَنيِ،
\q شَ نَ مُ عَ رَ نَانِ شَ قٍ رَ،
\q ﭑ مُ فبِلٍنمَ ﭑ مَ نَتّ قْشْ رَ.
\q عٍ بَرَ عٍدٌن مَنفّ شْرِيٍ فَن هَن عٍ بَرَ قِندِ شُبٍ رَ.
\q
\v 2 ﭑ تّ دِنمَ مٌوَبَ رَ نَ نَن مَ.
\q نَ تّ قَمَ نّ كٍرِيٌتِ يِرٍ مَكَنتَشِيٍ فَندٍ.
\q مٌوَبَ شَ قٍ حْنمَ فٍرٍ سْنشْي نَن كُي،
\q فٍرٍ قٍرِ قٍ شُي كُي.
\q
\v 3 ﭑ عٍ شَ كِيتِسَ شُنفبٍ هَلَكِمَ نّ
\q نُن عَ شَ كُنتِفِيٍ رَ.»
\q عَلَتَلَ شَ مَسٍنيِ نَن نَ كِ.
\s يُدَيَ شَ يُنُبِ سَرٍ
\q
\v 4 عَلَتَلَ نَشَ عَ مَسٍن،
\q «يُدَيَ شَ يُنُبِ رَبَشِ سَشَنيِ،
\q شَ نَ مُ عَ رَ نَانِ شَ قٍ رَ،
\q ﭑ مُ فبِلٍنمَ ﭑ مَ نَتّ قْشْ رَ.
\q عٍ بَرَ ﭑ مَ سّرِيّ مَتَندِ،
\q عٍ مُ ﭑ مَ يَامَرِيٍ سُشُ،
\q بَرِ مَ عٍ بَرَ عٍ يّتّ رَلْي لَقٍ رَ عَلَ وُلٍ دَاشِيٍ رَ،
\q عٍ بَبَيٍ لَ نَشٍيٍ رَ.
\q
\v 5 ﭑ تّ دِنمَ يُدَيَ رَ نَ نَن مَ.
\q نَ تّ نَن قَمَ دَرِ سَلَمُ يِرٍ مَكَنتَشِيٍ فَندٍ.»
\s عِسِرَيِلَ شَ يُنُبِ سَرٍ
\q
\v 6 عَلَتَلَ نَشَ عَ مَسٍن،
\q «عِسِرَيِلَ شَ يُنُبِ رَبَشِ سَشَنيِ،
\q شَ نَ مُ عَ رَ نَانِ شَ قٍ رَ،
\q ﭑ مُ فبِلٍنمَ ﭑ مَ نَتّ قْشْ رَ.
\q عٍ تِنشِنتْي مَتِمَ كْبِرِ رَ،
\q عٍ مِسِكِينّ مَتِمَ سَنكِرِ سَرٍ شَ قٍ رَ.
\q
\v 7 عٍ تْورْ مِشِيٍ شَ قٍ مَيٌ،
\q عٍ تٌندِ سٍتَرٍ شَ كِيتِ سَدٍ.
\q بَبّ نُن عَ شَ دِ، فِنّدِ مّدِ كٍرٍن مَسَمَ.
\q نَ كُي عٍ بَرَ ﭑ شِلِ سّنِيّنشِ رَ سْتْ.
\q
\v 8 عٍ دُفِ عِتَلَمَ عٍ نَشَن نَسُشُشِ سّيكّ رَ،
\q عٍ عٍ سَ نَ مَ سّرّشّبَدٍ قّ مَ.
\q عٍ وّنِ سْتْمَ تِنشِنتَرٍيَ رَ،
\q عٍ نَ مِن عٍ شَ عَلَيٍ شَ بَنشِيٍ كُي.»
\b
\q
\v 9 «عٍ نَ قِنسِرِوَلِيَ بِرِن نَبَمَ ﭑ يَ عِ،
\q ﭑ تَن نَشَن عَمٌرِكَيٍ هَلَكِ عٍ بّ،
\q عَمٌرِكَيٍ نَشٍيٍ شُنفبٌ عٍ سّنبّ فبٌ عَلْ كٌندٍ بِلِ.
\q ﭑ نَشَ عَمٌرِكَيٍ قْشِ بِرِن بَ نَا،
\q عَلَكٌ عٍ نَشَ نْ سّنبّ سْتْدٍ سْنْن.
\q
\v 10 ﭑ مَن نَشَ وٌ رَ مِنِ مِسِرَ بْشِ رَ،
\q ﭑ قَ وٌ رَحّرّ حّ تٌنفٌ نَانِ بُن مَ فبٍنفبٍرٍنيِ مَ،
\q عَلَكٌ وٌ شَ عَمٌرِ بْشِ سْتْ.
\q
\v 11 ﭑ نَشَ نَمِحْنمّيٍ رَكٍلِ وٌ يَ مَ،
\q عَ نُن نَسَرِ سّفّتَلَيٍ نَشٍيٍ بَرَ قِ ﭑ مَ.
\q عِسِرَيِلَكَيٍ، عَ مُ نَ نَ كِ شّ؟»
\q عَلَتَلَ شَ وْيّنيِ نَن نَ كِ.
\q
\v 12 «كْنْ وٌ تَن بَرَ بٍيرٍ سٌ نَسَرِ مِشِيٍ يِ رَ.
\q وٌ بَرَ تْنيِ دْشْ نَمِحْنمّيٍ رَ
\q عَ عٍ نَشَ عَلَ شَ مَسٍنيِ مَسٍن.»
\b
\q
\v 13 «ﭑ قَمَ وٌ بُتُشُندٍ نَ نَن مَ،
\q عَلْ كٌتٍ بِنيٍ عَ مَشَنِن سٍ بُتُشُنمَ كِ نَشّ.
\q
\v 14 مِشِ شُلُنشِ مُ نْمَ عَ فِدٍ.
\q سّنبّمَ سّنبّ بَمَ نّ عَ يِ رَ.
\q فٍرٍ سٌي قَشَمَ نّ فٍرٍ كُي.
\q
\v 15 تَنبّ وٌلِ مُ تِمَ.
\q نَشَن شُلُن عَ فِدٍ نَ سَنيِ مُ عَ بَمَ عٍ عِ.
\q سٌي رَفِ مُ كِسِمَ.
\q
\v 16 نَ لْشْي فٍرٍ سٌي سُو سَشِ عَ فِمَ عَ مَفٍلِ نَن نَ.»
\q عَلَتَلَ شَ مَسٍنيِ نَن نَ كِ.
\c 3
\s عَلَ نَشَن حَنِفٍشِ عِسِرَيِلَ بّ
\q
\v 1 وٌ وٌ تُلِ مَتِ يِ مَسٍنيِ رَ،
\q عَلَتَلَ نَشَن مَسٍنمَ عِسِرَيِلَكَيٍ بّ،
\q عَ شَبِلّ نَشَن نَمِنِ مِسِرَ بْشِ رَ.
\q
\v 2 «ﭑ وٌ تَن نَن فبَنسَن سُفَندِ دُنِحَ شَبِلّيٍ بِرِن يَ مَ.
\q نَ نَن عَ رَ، ﭑ عَ حَنِفٍشِ وٌ شَ حَشَنكَتّ سْتْ وٌ شَ يُنُبِيٍ شَ قٍ رَ.»
\b
\q
\v 3 مِشِ قِرِن نْمَ حّرّ رَلَندٍ
\q شَ عٍ مُ لَنشِ نَ مَ؟
\q
\v 4 يّتّ عَ شُي رَ مِنِمَ وُلَ عِ
\q شَ عَ مُ سُبٍ ندٍ سْتْشِ؟
\q
\v 5 شْنِ فٌرٌ مَ يّلّ كُي
\q شَ دٌنسٍ مُ نَ يّلّ رَ؟
\q فَنتَنيِ نْمَ قُلَدٍ
\q شَ شْنِ مُ سُشُشِ عَ رَ؟
\q
\v 6 قٍرِ قٍمَ تَا ندٍ كُي حَمَ كُي مُ عِقُ؟
\q فبَلٌي تَا ندٍ لِمَ، شَ عَلَتَلَ شَ مُ عَ رَفِرِ؟
\q
\v 7 مَرِفِ عَلَتَلَ مُ قٍقٍ رَبَمَ،
\q عَ مُ عَ شَ فُندٌ مَسٍن عَ شَ كٌنيِ نَمِحْنمّيٍ بّ.
\q
\v 8 يّتّ نَ عَ شُي رَ مِنِ، ندٍ مُ فَاشُمَ؟
\q مَرِفِ عَلَتَلَ نَ وْيّن، ندٍ تٌندِ مَ نَ مَسٍندٍ؟
\b
\q
\v 9 وٌ شَ يِ قَلَ عَسِدٌدِ يِرٍ مَكَنتَشِيٍ كُي،
\q وٌ مَن شَ يِ قَلَ مِسِرَ يِرٍ مَكَنتَشِيٍ كُي،
\q «وٌ شَ وٌ مَلَن سَمَرِ فٍيَيٍ قَرِ،
\q وٌ شَ عَ مَتٌ مّننِكَيٍ كْنتْقِلِشِ كِ نَشّ،
\q عَ نُن عٍ عٍ بٌورٍ تْورْ مَ كِ نَشّ.»
\q
\v 10 عَلَتَلَ شَ مَسٍنيِ نَن يَ؛
\q «عٍ مُ تِنشِنيِ يٌ كٌلٌن،
\q عٍ شَ قٍ حَاشِ نُن مُحّ شُن نَن تُن مَسَقٍ.
\q عٍ نَشَن سْتْمَ، عٍ نَ مَلَنمَ عٍ شَ يِرٍ مَكَنتَشِيٍ نَن كُي.»
\b
\q
\v 11 مَرِفِ عَلَتَلَ نَشَن مَسٍن، نَ نَن يِ كِ.
\q «وٌ وٌ يَ رَبِ، وٌ يَشُي نَ قَقٍ وٌ شَ بْشِ كَنَدٍ.
\q عٍ قَمَ نّ وٌ شُن نَكَنَدٍ،
\q عٍ قَ وٌ شَ يِرٍ مَكَنتَشِيٍ كَنَ.»
\b
\q
\v 12 عَلَتَلَ نَشَ عَ مَسٍن،
\q «يّتّ نَ يّشّي عِبْو،
\q شُرُ سٍ دّ مَدٌنيِ نْمَ يّشّي سَنيِ قِرِن،
\q شَ نَ مُ عَ رَ عَ تُلِ شُنتُنيِ رَكِسِدٍ يّتّ مَ.
\q عِسِرَيِلَكَيٍ قَن كِسِمَ نَ كِ نّ.
\q سَمَرِكَ نَشٍيٍ عٍ مَلَبُمَ سَدٍ مَ،
\q نَشٍيٍ عٍ مَفٌرٌ مَ دَ مَسِ مَفٌرٌ سٍيٍ كُي،
\q وٌ تَن مُ كِسِمَ.»
\b
\q
\v 13 مَنفّ عَلَتَلَ شَ مَسٍنيِ نَن يَ؛
\q «وٌ وٌ تُلِ مَتِ ﭑ نَ،
\q وٌ نَ مَسٍن يَشُبَ بْنسْي بّ.
\q
\v 14 ﭑ نَ عِسِرَيِلَ حَشَنكَتَ
\q عَ شَ يُنُبِيٍ شَ قٍ رَ تّمُي نَشّ،
\q ﭑ مَن عٍ حَشَنكَتَمَ نّ عٍ شَ سّرّشّبَدٍيٍ شَ قٍ رَ نَشٍيٍ نَ بٍتٍلِ.
\q نَ سّرّشّبَدٍ سُشُسٍيٍ بِرَ مَ نّ بْشِ.
\q
\v 15 ﭑ مَن عٍ شَ بَنشِ تٌقَنيِيٍ رَبِرَ مَ نّ،
\q حّمّ نُن سٌفٌقُرٍ بَنشِ بِرِن،
\q نَشٍيٍ رَتٌقَنشِ سِلِ حِنيِ رَ.
\q ﭑ نَ بِرِن كَنَمَ نّ.»
\q عَلَتَلَ شَ مَسٍنيِ نَن نَ كِ.
\c 4
\s عَلَ نَشَن نَبَشِ عَلَكٌ عِسِرَيِلَ شَ فبِلٍن عَ مَ
\q
\v 1 وٌ وٌ تُلِ مَتِ يِ مَسٍنيِ رَ،
\q وٌ تَن فِنّ نَشٍيٍ لُشِ عَلْ نِنفٍيٍ،
\q نِنفٍ تٌقَنيِيٍ نَشٍيٍ نَ بَسَن بْشِ مَ.
\q وٌ تَن نَشٍيٍ سَبَتِشِ سَمَرِ فٍيَ قَرِ،
\q وٌ تَن نَشٍيٍ مِسِكِينّ تْورْ مَ،
\q وٌ تَن نَشٍيٍ تِمَ سٍتَرٍيٍ قَرِ.
\q وٌ نُ قَ عَ قَلَمَ وٌ شَ مْرِيٍ بّ،
\q «وٌ قَ بٍيرٍ رَ، وٌن نَشَن مِنمَ.»
\q
\v 2 مَرِفِ عَلَتَلَ بَرَ عَ كَلِ عَ شَ سّنِيّنيِ رَ،
\q «كِيتِ لْشْي نَ قَقٍ.
\q عٍ قَمَ نّ وٌ سُشُدٍ وُرٍ كْنكْرْنشِيٍ رَ،
\q عٍ وٌ نُن وٌ شَ دِيٍ شَنِن.
\q
\v 3 وٌ مِنِمَ نّ وٌ شَ تّتّ كَنَشِ كُي،
\q كَنكَن تِشِ عَ بٌورٍ شَنبِ رَ.
\q عٍ وٌ شَنِنمَ نّ يِرٍ مَكَنتَشِ.»
\q عَلَتَلَ شَ وْيّنيِ نَن نَ كِ.
\b
\q
\v 4 «وٌ سِفَ بٍتٍلِ، عَلَكٌ وٌ شَ يُنُبِ رَبَ نَا.
\q وٌ سِفَ فِلِفَلِ، عَلَكٌ وٌ مَن شَ يُنُبِ سْتْ.
\q وٌ شَ سّرّشّ بَ فّيسّفّ بِرِن،
\q وٌ مَن شَ قَرِلّ بَ حّ سَشَن يٌ حّ سَشَن.
\q
\v 5 وٌ لّبِنِ تَامِ بَ تَنتُي سّرّشّ رَ.
\q وٌ وٌ شَ حَنِفٍ سّرّشّ مَسٍن بِرِن بّ،
\q بَرِ مَ نَ قٍ مْولِيٍ رَقَن وٌ مَ، وٌ تَن عِسِرَيِلَكَيٍ.»
\q عَلَتَلَ شَ مَسٍنيِ نَن نَ كِ.
\b
\q
\v 6 «ﭑ نُ بَرَ كَامّ رَ سٌ وٌ شَ تَايٍ كُي.
\q تَامِ يٌ مُ لُ وٌ شْنيِ.
\q كْنْ هَلِ ﭑ تٌ نَ بِرِن نَبَ، وٌ مُ تُوبِ ﭑ بّ.»
\q عَلَتَلَ شَ وْيّنيِ نَن نَ كِ.
\b
\q
\v 7 «كِكٍ سَشَن تٌ نُ لُشِ شّ شَ شَبَ،
\q ﭑ تٌندِ نّ تُنّ رَفٌرٌدٍ وٌ مَ.
\q ﭑ بَرَ عَ نِيَ تَا ندٍيٍ شَ تُنّ سْتْ،
\q تَا ندٍيٍ نَشَ عَ سْتْ.
\q ﭑ بَرَ عَ رَفِرِ ندٍيٍ شَ تُنّ سْتْ،
\q شّ ندٍيٍ نَشَ تُنّ سْتْ.
\q
\v 8 مِشِيٍ بَرَ كٍلِ تَا ندٍيٍ،
\q عٍ سِفَ يٍ قٍندٍ تَا فبّتّ كُي،
\q كْنْ يٍ شْلِ مُ بَ عٍ مَ.
\q هَلِ ﭑ تٌ نَ بِرِن نَبَ، وٌ مُ تُوبِ ﭑ بّ.»
\q عَلَتَلَ شَ مَسٍنيِ نَن نَ كِ.
\b
\q
\v 9 «ﭑ بَرَ قُرٍ رَفٌرٌ وٌ شَ سَنسِيٍ مَ،
\q ﭑ بَرَ عٍ شَرَ قٌيٍ رَ.
\q كَتٌييٍ بَرَ وٌ شَ لَاكْي كَنَ،
\q عَ نُن وٌ شَ وّنِ سَنسِيٍ، وٌ شَ شْرّ سَنسِيٍ، نُن وٌ شَ عٌلِوِ سَنسِيٍ.
\q هَلِ ﭑ تٌ نَ بِرِن نَبَ، وٌ مُ تُوبِ ﭑ بّ.»
\q عَلَتَلَ شَ مَسٍنيِ نَن نَ كِ.
\b
\q
\v 10 «ﭑ بَرَ قُرٍ حَاشِيٍ رَفٌرٌ وٌ مَ،
\q عَلْ ﭑ عَ رَبَشِ مِسِرَ بْشِ مَ كِ نَشّ.
\q ﭑ بَرَ وٌ شَ سّفّتَلَيٍ قَشَ سَنتِدّفّمَ رَ،
\q عٍ بْرْ شِرِ نَشَ تٍ وٌ رَ.
\q وٌ يَشُييٍ بَرَ عٍ شَ سٌييٍ تٌنفٌ.
\q هَلِ ﭑ تٌ نَ بِرِن نَبَ، وٌ مُ تُوبِ ﭑ بّ.»
\q عَلَتَلَ شَ مَسٍنيِ نَن نَ كِ.
\b
\q
\v 11 «ﭑ بَرَ وٌ حَشَنكَتَ،
\q عَلْ ﭑ سٌدٌ مَ نُن فٌمٌرَ حَشَنكَتَشِ كِ نَشّ.
\q وٌ لُشِ نّ عَلْ وُرِ نَشَن نَمِنِشِ تّ.
\q هَلِ ﭑ تٌ نَ بِرِن نَبَ، وٌ مُ تُوبِ ﭑ بّ.»
\q عَلَتَلَ شَ مَسٍنيِ نَن نَ كِ.
\b
\q
\v 12 «ﭑ قَمَ عِ تَن عِسِرَيِلَ حَشَنكَتَدٍ نَ نَن مَ.
\q ﭑ نَ يِ رَبَ عِ رَ، عِ قَمَ نّ عِ مَرِفِ عَلَ كٌلٌندٍ.»
\q
\v 13 نَشَن فٍيَيٍ نُن قٌيٍ دَاشِ،
\q نَشَن عَدَ مَ شَ مَحْشُنيِ بِرِن كٌلٌن،
\q نَشَن سُبَشّ قِندِ مَ كْي رَ،
\q نَشَن حّرّ مَ يِرٍ عِتٍشِ قَرِ،
\q عَ شِلِ مَنفّ عَلَتَلَ.
\c 5
\s عَلَ وَ مَ نَشَن شْن
\q
\v 1 وٌ وٌ تُلِ مَتِ يِ مَسٍنيِ رَ.
\q ﭑ بَرَ يِ بّيتِ بَ عِسِرَيِلَ بْنسْي حْن قٍ مَ.
\q
\v 2 «عِسِرَيِلَ سّنِيّنتْي بَرَ قَشَ، عَ مُ كٍلِمَ سْنْن،
\q عَ بَرَ بِرَ، مِشِ يٌ مُ عَ رَكٍلِمَ.»
\b
\q
\v 3 مَرِفِ عَلَتَلَ نَشَ عَ مَسٍن،
\q «عِسِرَيِلَ بْنسْي،
\q تَا نَشَن شّمّ وُلُ كٍرٍن شّيمَ فٍرٍ سٌدٍ،
\q عَ شّمّ كّمّ نَن فبَنسَن تٌمَ فبِلٍن نَ.
\q تَا نَشَن شّمّ كّمّ شّيمَ فٍرٍ سٌدٍ،
\q عَ شّمّ قُ نَن فبَنسَن تٌمَ فبِلٍن نَ.»
\b
\q
\v 4 عَلَتَلَ نَشَ عَ مَسٍن عِسِرَيِلَ بْنسْي بّ،
\q «وٌ قَ ﭑ قٍن عَلَكٌ وٌ شَ كِسِ.
\q
\v 5 وٌ نَشَ ﭑ قٍن بٍتٍلِ،
\q وٌ نَشَ سِفَ فِلِفَلِ،
\q شَ نَ مُ عَ رَ بٍرِ سٍيبَ،
\q بَرِ مَ فِلِفَلِكَ بِرِن سِفَمَ نّ كٌنيِيَ كُي،
\q بٍتٍلِ قَن هَلَكِمَ نّ.»
\b
\q
\v 6 وٌ عَلَتَلَ قٍن عَلَكٌ وٌ شَ كِسِ.
\q شَ نَ مُ عَ رَ، يُسُقُ بْنسْي،
\q عَلَتَلَ وٌ سْنتْمَ نّ تّ رَ.
\q بٍتٍلِكَ يٌ مُ نَ نَشَن نَ تّ رَشُبٍنمَ.
\q
\v 7 وٌ تَن بَرَ تِنشِنيِ مَقِندِ ﭑ نَشْنقٍ رَ،
\q وٌ بَرَ يٌ سّرِيّ مَ.
\b
\q
\v 8 عَلَتَلَ نَن تُنبُييٍ سَ كٌورٍ مَ،
\q عَ دِ مِ عِيَلَن سُبَشّ مَ،
\q عَ سٌفٍ رَدُلَ، كْي شَ سٌ،
\q عَ يٍ تٌنفٌ بَا مَ،
\q عَ نَ قِندِ تُنّ رَ، عَ فٌرٌ بْشِ مَ.
\q نَشَن نَ بِرِن نَبَمَ، عَ شِلِ نّ عَلَتَلَ.
\b
\q
\v 9 عَلَتَلَ مِشِ شُنفبٍيٍ هَلَكِمَ نّ،
\q عَ عٍ شَ يِرٍ مَكَنتَشِيٍ كَنَ.
\q
\v 10 عٍ مِشِ شْنمَ نَشَن كِيتِ سَمَ سّرِيّ رَ،
\q نْندِ قَلّ مُ رَقَن عٍ مَ.
\q
\v 11 وٌ مِسِكِينّ تْورْ مَ،
\q وٌ بَلٌي بَمَ عٍ يِ رَ دُوتِ رَ.
\q وٌ بَرَ بَنشِ تٌقَنيِيٍ تِ فّمّيٍ رَ،
\q كْنْ وٌ مُ قَمَ سَبَتِدٍ نٍيٍ كُي.
\q وٌ بَرَ وّنِ سَنسِ قَنيِيٍ سِ،
\q كْنْ وٌ مُ قَمَ نَ وّنِ مِندٍ.
\q
\v 12 ﭑ عَ كٌلٌن وٌ شَ هَاكّ نُن وٌ شَ يُنُبِ فبٌ.
\q وٌ تِنشِنتْي تْورْ مَ،
\q وٌ سّرِيّ بّحِنمَ كْبِرِ شَ قٍ رَ،
\q وٌ مُ سٍتَرٍيٍ مَكِيتِمَ نْندِ رَ.
\q
\v 13 نَ نَن عَ تٌشِ شَشِلِمَ دُندُ مَ،
\q بَرِ مَ يِ وَشَتِ مُ قَن.
\q
\v 14 وٌ قٍ قَنيِ قٍن، وٌ وٌ يِ بَ قٍ حَاشِ رَ،
\q عَلَكٌ وٌ شَ كِسِ، مَنفّ عَلَتَلَ شَ لُ وٌ سّيتِ مَ،
\q عَلْ وٌ عَ قَلَمَ كِ نَشّ.
\q
\v 15 وٌ شَ قٍ حَاشِ شْن.
\q قٍ قَنيِ شَ رَقَن وٌ مَ.
\q وٌ شَ كِيتِ شَ تِنشِن.
\q شَ وٌ نَ رَبَ، تّمُندٍ،
\q مَنفّ عَلَتَلَ كِنِكِنِمَ نّ وٌ تَن يُسُقُ بْنسْي دْنشْييٍ مَ.
\b
\q
\v 16 نَ نَن عَ تٌشِ وٌن مَرِفِ عَلَتَلَ،
\q دُنِحَ دَا مَنفّ نَشَ عَ مَسٍن،
\q «عٍ عٍ وَ شُي عِتٍمَ نّ تَا كُي،
\q عٍ عٍ وَ شُي عِتٍمَ نّ كِرَ شْن مَ.
\q عٍ شّ سَ شِلِمَ نّ عٍ شَ عٍ وَ شُي عِتٍ حْن قٍ مَ،
\q عٍ بّيتِبَيٍ شِلِمَ نّ عٍ شَ قَشّ بّيتِ بَ.
\q
\v 17 ﭑ نّ دَنفِمَ شّ رَ تّمُي نَشّ،
\q ﭑ وَ شُي نَن تُن مّمَ.»
\q عَلَتَلَ شَ مَسٍنيِ نَن نَ كِ.
\s حَشَنكَتّ دِينّلَيٍ بّ
\q
\v 18 حَشَنكَتّ نَ مِشِ بّ
\q نَشَن وَ مَ عَلَتَلَ شَ كِيتِ لْشْي شَ قَ.
\q وٌ وَ مَ مُنسٍ شْن مَ نَ لْشْي؟
\q نَ قِندِ مَ دِ مِ نَن نَ وٌ بّ،
\q نَ مُ قِندِ مَ نَءِيَلَنيِ شَ رَ.
\q
\v 19 نَ لُمَ نّ عَلْ مِشِ نَشَن عَ فِمَ يّتّ يَ رَ،
\q عَ قَ سْحّ لِ.
\q عَ نَ سٌ بَنشِ كُي، عَ عَ كِلْن بَنشِ رَ،
\q بْشِمَسٍ قَ عَ شِن.
\q
\v 20 عَلَتَلَ شَ كِيتِ لْشْي مُ قِندِشِ دِ مِ شَ رَ؟
\q نَءِيَلَنيِ يٌ مُ نَ وٌ بّ نَ لْشْي.
\q
\v 21 «ﭑ بَرَ وٌ شَ سَلِ شْن،
\q عٍ مُ رَقَن ﭑ مَ قٍقٍ مَ.
\q ﭑ مُ وَ مَ عٍ شْن قٍوٌ.
\q
\v 22 وٌ شَ سّرّشّ فَن دَاشِ يٌ،
\q وٌ شَ قَرِلّ سّرّشّ يٌ،
\q وٌ شَ شَنُنتٍيَ سّرّشّ يٌ،
\q عٍ سٍسٍ مُ رَقَن ﭑ مَ.
\q ﭑ مُ تِنمَ عٍ رَ سُشُدٍ، هَلِ كٍرٍن.
\q
\v 23 وٌ بّيتِ شُي مَكُيَ ﭑ نَ.
\q ﭑ مُ وَ مَ وٌ شَ كْرَ بّيتِ شُي رَ مّقٍ.
\q
\v 24 ﭑ وَ مَ نَشَن شْن،
\q تِنشِنتْييٍ شَ فبٌ وٌ يَ مَ عَلْ يٍ نَشَن نَ بَا مَ.
\q وٌ شَ قٍ قَنيِ شَ لُ عَلْ شُرٍ نَشَن مُ شْرِ مَ.
\q
\v 25 وٌ تٌ نُ نَ فبٍنفبٍرٍن يِرٍ حّ تٌنفٌ نَانِ بُن مَ،
\q وٌ سّرّشّيٍ بَ نّ؟ عَدٍ.
\q
\v 26 وٌ كُيٍ مَشَنِن نّ،
\q عَلْ وٌ شَ مَنفّ عَلَ، نَشَن شِلِ سِكٌتِ،
\q شَ نَ مُ عَ رَ وٌ شَ تُنبُي عَلَ، نَشَن شِلِ كِيُن،
\q وٌ نَشٍيٍ يَءِلَنشِ وٌ يّتّ رَ؟ عَدٍ.
\q
\v 27 ﭑ قَمَ نّ وٌ شَنِندٍ كٌنيِيَ كُي دَ مَسِ شَنبِ رَ.»
\q مَنفّ عَلَتَلَ شَ مَسٍنيِ نَن نَ كِ.
\c 6
\s حَشَنكَتّ بَننَ مِشِيٍ بّ
\q
\v 1 حَشَنكَتّ نَ وٌ بّ،
\q وٌ تَن نَشٍيٍ لَشِ وٌ يّتّ رَ سِيٌنِ نُن سَمَرِ فٍيَيٍ قَرِ،
\q عِسِرَيِلَ بْنسْي عَ شَشِلِ تِمَ وٌ تَن نَشٍيٍ رَ.
\q
\v 2 وٌ سَ كَلٍنٍ مَتٌ، عَ نُن شَمَتَ، نَ تَا شُنفبٍيٍ.
\q وٌ مَن شَ فٌرٌ قِلِسِتَ بْشِ مَ فَتِ مَتٌدٍ.
\q نٍيٍ قِسَ وٌ بّ؟
\q عٍ شَ بْشِ فبٌ وٌ فبٍ بّ؟
\q
\v 3 وٌ عَ مَحْشُنشِ نّ عَ حَشَنكَتّ لْشْي مُ وٌ لِمَ،
\q كْنْ وٌ عَ نِيَمَ نّ قٍ حَاشِ شَ وٌ سْتْ.
\q
\v 4 وٌ وٌ مَلَبُمَ سَدٍ تٌقَنيِ مَ،
\q وٌ يّشّي نُن نِنفٍ قَنيِ دٌنمَ،
\q
\v 5 وٌ سِفِ سَ كْرَ رَ.
\q وٌ حْشْ عَ مَ عَ وٌ قَتَ نَ رَبَدٍ عَلْ عَننَبِ دَوُدَ.
\q
\v 6 وٌ وّنِ فبٍفبٍ مِنمَ،
\q وٌ تُرٍ قَنيِ مَسٌ وٌ قَتٍ مَ.
\q نَ كُي، وٌ مُ كْنتْقِلِمَ يُسُقُ بْنسْي شَ حَشَنكَتّ شَ قٍ رَ.
\q
\v 7 نَ نَن عَ تٌشِ، وٌ سِنفٍ سِفَمَ كٌنيِيَ كُي.
\q وٌ شَ شُلُنيِيٍ دَنمَ نّ.
\b
\q
\v 8 مَرِفِ عَلَتَلَ بَرَ عَ كَلِ عَ يّتّ رَ.
\q مَنفّ عَلَتَلَ شَ مَسٍنيِ نَن يَ؛
\q «ﭑ يَشُبَ بْنسْي شَ يّتّ عِفبٌحَ شْنشِ.
\q عٍ شَ يِرٍ مَكَنتَشِيٍ مُ رَقَن ﭑ مَ.
\q ﭑ قَمَ نّ عٍ بِرِن هَلَكِدٍ.»
\b
\q
\v 9 شَ شّمّ قُ نَ بَنشِ ندٍ كُي،
\q عٍ بِرِن قَمَ نّ قَشَدٍ.
\q
\v 10 عٍ بَرٍنيِ نَ سٌ نَ بَنشِ كُي عٍ قُرٍيٍ تٌنفٌدٍ، عَ شَ عٍ فَن،
\q عَ قَمَ نّ مِشِ مَشْرِندٍ نَشَن نْشُنشِ بَنشِ كُي،
\q «مِشِ فبّتّ نَ بٍ بَقٍ عِ تَن نَ؟»
\q عَ عَ يَابِمَ نّ، «عَدٍ.»
\q عَ مَن فبِلٍنمَ نّ عَ قَلَ رَ، «عِ سَبَرِ،
\q عَ مُ لَنمَ عَلَتَلَ شِلِ شَ قَلَ،
\q
\v 11 بَرِ مَ عَلَتَلَ نَن يَامَرِ قِمَ
\q عَ بَنشِ شُنفبٍ يٌ، بَنشِ لَنمَ يٌ،
\q عٍ بِرِن شَ رَبِرَ، عٍ شَ كَنَ.»
\b
\q
\v 12 سٌييٍ نْمَ عٍ فِدٍ فّمّ يِرٍ؟
\q نِنفٍيٍ نْمَ مّننِ بُشَدٍ؟
\q عَوَ، مُنقٍ رَ وٌ تِنشِنيِ مَقِندِ مَ تِنشِنتَرٍيَ رَ،
\q وٌ سّرِيّ مَقِندِ قٍ حَاشِ رَ؟
\q
\v 13 وٌ سّيوَ مَ قٍ قُقَقُ رَ.
\q وٌ نَشّ عَ وٌ شَ قٍ بَرَ سْونّيَ وٌ يّتّ سّنبّ رَ.
\q
\v 14 مَنفّ عَلَتَلَ شَ مَسٍنيِ نَن يَ؛
\q «نَ نَن عَ تٌشِ، ﭑ قَمَ كٍلِدٍ وٌ شِلِ مَ، عِسِرَيِلَ بْنسْي.
\q وٌ تَن نَشٍيٍ نَ شَمَتَ هَن عَرَبَ شُرٍ،
\q سِ ندٍ قَمَ نّ وٌ تْورْدٍ.»
\c 7
\s عَلَ شَ لَامَتُنيِ سِنفٍ عَننَبِ عَمٌسِ بّ
\q
\v 1 مَرِفِ عَلَتَلَ نَشَ يِ لَامَتُنيِ مَسٍن ﭑ بّ؛
\q شّ تٌ شَبَ، مَنفّ شَ سَنسِ نّينّ قَن نُ نَ مِنِقٍ،
\q عَلَتَلَ نَشَ كَتٌي رَ مِنِ.
\q
\v 2 عٍ تٌ فّ سَنسِ بِرِن دٌندٍ بْشِ مَ،
\q ﭑ نَشَ عَ قَلَ،
\q «مَرِفِ عَلَتَلَ، ﭑ بَرَ عِ مَيَندِ،
\q عِ شَ عٍ شَ يُنُبِ شَقَرِ،
\q شَ نَ مُ عَ رَ يَشُبَ بْنسْي قَ بَلٌمَ دِ؟
\q عَ سّنبّ مُ فبٌ.»
\q
\v 3 عَلَتَلَ نَشَ كِنِكِنِ عٍ مَ، عَ قَ عَ مَسٍن،
\q «عَوَ، يِ مُ رَبَمَ كْرّ.»
\q عَلَتَلَ شَ مَسٍنيِ نَن نَ كِ.
\s عَلَ شَ لَامَتُنيِ قِرِن ندٍ عَننَبِ عَمٌسِ بّ
\q
\v 4 مَرِفِ عَلَتَلَ نَشَ يِ لَامَتُنيِ مَسٍن ﭑ بّ؛
\q مَرِفِ عَلَتَلَ نَشَ عَ حَنِفٍ تّ شَ دّشّ.
\q تّ نَشَ بْشِ بِرِن فَن، بْشِ يٍ بِرِن نَشَ شَرَ.
\q
\v 5 ﭑ نَشَ عَ قَلَ،
\q «مَرِفِ عَلَتَلَ، ﭑ بَرَ عِ مَيَندِ، دَن مّننِ،
\q شَ نَ مُ عَ رَ يَشُبَ بْنسْي قَ بَلٌمَ دِ؟
\q عَ سّنبّ مُ فبٌ.»
\q
\v 6 عَلَتَلَ نَشَ كِنِكِنِ عٍ مَ، عَ قَ عَ قَلَ،
\q «عَوَ، يِ مُ رَبَمَ كْرّ.»
\q مَرِفِ عَلَتَلَ شَ مَسٍنيِ نَن نَ كِ.
\s عَلَ شَ لَامَتُنيِ سَشَن ندٍ عَننَبِ عَمٌسِ بّ
\q
\v 7 مَرِفِ عَلَتَلَ نَشَ يِ لَامَتُنيِ مَسٍن ﭑ بّ؛
\q مَرِفِ نُ تِشِ بِلِشِ تِنشِنشِ قَرِ،
\q بِرِكِ مَتِنشِن سٍ نُ سُشُشِ عَ يِ رَ.
\q
\v 8 عَلَتَلَ نَشَ ﭑ مَشْرِن،
\q «عَمٌسِ، عِ مُنسٍ تٌشِ؟»
\q ﭑ نَشَ عَ يَابِ، «بِرِكِ مَتِنشِن سٍ.»
\q مَرِفِ نَشَ عَ مَسٍن،
\q «ﭑ وَ مَ ﭑ مَ حَمَ شَ مَتِنشِن.
\q ﭑ مُ دِحّمَ سْنْن.
\q
\v 9 كُيٍ بَتُدٍيٍ كَنَمَ نّ عِسِيَفَ شَ بْشِ مَ.
\q عِسِرَيِلَ شَ سَلِدٍيٍ رَبِرَ مَ نّ.
\q ﭑ كٍلِمَ نّ يٍرٌبٌوَ مِ بْنسْي شِلِ مَ سَنتِدّفّمَ رَ.»
\s عَمٌسِ نُن عَمَسِيَ
\p
\v 10 بٍتٍلِ سّرّشّدُبّ عَمَسِيَ، نَشَ عَ مَسٍن عِسِرَيِلَ مَنفّ يٍرٌبٌوَ مِ بّ، «عَمٌسِ نَ عِ يَنقَقٍ عِسِرَيِلَ بْنسْي يَ مَ. عَ نَشَن قَلَمَ عَ مُ قَن بْشِ بّ. 
\v 11 عَمٌسِ نَشّ، ‹يٍرٌبٌوَ مِ قَمَ نّ قَشَدٍ سَنتِدّفّمَ رَ. عِسِرَيِلَ سِفَمَ نّ كٌنيِيَ كُي حَمَنّ مَ.›»
\p
\v 12 عَمَسِيَ نَشَ عَ قَلَ عَمٌسِ بّ، «عِ تَن نَشَن لَامَتُنيِ تٌمَ، كٍلِ بٍ عِ سِفَ يُدَيَ. عِ شَ سَ عِ بَلٌي قٍن مّننِ نَمِحْنمّ وَلِ كُي، 
\v 13 كْنْ عِ نَشَ نَمِحْنمّ مَسٍنيِ تِ بٍتٍلِ دٍ، بَرِ مَ مَنفّ شَ سَلِدٍ نَ مّننِ نّ، عَ شَ مَنفَتَا نَن نَا رَ.»
\p
\v 14 عَمٌسِ نَشَ عَمَسِيَ يَابِ، «نَمِحْنمّ مُ نَ ﭑ نَ. ﭑ بَبَ قَن نَمِحْنمّ مُ عَ رَ. شُرُ سٍ كَنيِ نَن ﭑ نَ. ﭑ سِكٌمٌرٌ سَنسِ قَن نَوَلِمَ. 
\v 15 عَلَتَلَ نَشَ ﭑ شِلِ شُرُ سٍيٍ تَفِ، عَ قَ عَ مَسٍن ﭑ بّ، ‹سِفَ، عِ سَ نَمِحْنمّ مَسٍنيِ تِ ﭑ مَ حَمَ عِسِرَيِلَ بّ.› 
\v 16 يَكْسِ، عِ تُلِ مَتِ عَلَتَلَ شَ مَسٍنيِ رَ، عِ تَن نَشَن عَ قَلَمَ ﭑ بّ، ‹عِ نَشَ نَمِحْنمّ مَسٍنيِ تِ عِسِرَيِلَ بّ، عِ نَشَ وْيّن عِسِيَفَ بْنسْي بّ.› 
\v 17 نَ وْيّنيِ مَ، عَلَتَلَ نَشّ، ‹عِ شَ فِنّ قِندِ مَ نّ لَنفٌي رَ تَا كُي. عِ شَ دِيٍ قَشَمَ نّ سَنتِدّفّمَ رَ. عِ شَ بْشِ بَمَ نّ عِ يِ رَ، عَ عِتَشُن مِشِ فبّتّيٍ مَ. عِ تَن، عِ قَشَمَ نّ بْشِ سّنِيّنتَرٍ مَ. عِسِرَيِلَ قَن شَنِنمَ نّ يِرٍ، نَشَن مَكُيَ عَ شَ بْشِ رَ.›»
\c 8
\s عَلَ شَ لَامَتُنيِ نَانِ ندٍ عَننَبِ عَمٌسِ بّ
\q
\v 1 مَرِفِ عَلَتَلَ نَشَ يِ لَامَتُنيِ مَسٍن ﭑ بّ؛
\q دٍبٍ نَن نُ عَ رَ نَشَن نَقٍشِ سَنسِ بٌفِ مْشِ رَ.
\q
\v 2 عَ نَشَ ﭑ مَشْرِن،
\q «عَمٌسِ، عِ مُنسٍ تٌشِ بٍ؟»
\q ﭑ نَشَ عَ يَابِ،
\q «دٍبٍ رَقٍشِ سَنسِ بٌفِ مْشِ رَ.»
\q عَلَتَلَ نَشَ عَ مَسٍن ﭑ بّ،
\q «ﭑ مَ حَمَ عِسِرَيِلَ قَن بَرَ مْ.
\q ﭑ مُ دِحّمَ سْنْن.»
\q
\v 3 عَلَتَلَ شَ مَسٍنيِ نَن يَ؛
\q «نَ لْشْييٍ سِفِ نَشَن سَمَ مَنفّ شَ بَنشِ كُي،
\q نَ مَسَرَ مَ نّ وَ شُي رَ.
\q قُرٍيٍ رَلَنتَنمَ نّ يِرٍ بِرِن،
\q بِرِن دُندُ مَ نّ نَ لْشْي.»
\b
\q
\v 4 وٌ وٌ تُلِ مَتِ يِ مَسٍنيِ رَ،
\q وٌ تَن نَشٍيٍ سٍتَرٍ تْورْ مَ،
\q وٌ تَن نَشٍيٍ تْورْ مِشِ حَشَنكَتَمَ.
\q
\v 5 وٌ نَشّ، «كِكٍ نّينّ سَلِ حْنمَ مُن تّمُي،
\q عَلَكٌ وٌن شَ سَرٍ مَتِ؟
\q مَلَبُي لْشْي حْنمَ مُن تّمُي،
\q عَلَكٌ وٌن شَ مَالٍ مَتِ؟
\q وٌن شَ ندٍ بَ وٌن مَ سٍ مَنِيَ سٍيٍ رَ،
\q وٌن شَ ندٍ سَ وٌن مَ سَرٍ سٌي شُن مَ.
\q وٌن شَ سِكٍيلِ كَمَلِتَرٍ يَءِلَن.
\q
\v 6 وٌن شَ مِسِكِينّ مَتِ كْبِرِ رَ،
\q وٌن سٍتَرٍ مَتِ سَنكِرِ سَرٍ رَ.
\q وٌن شَ مَالٍ شْرِ مَتِ عَ لَفِ رَ عَ شُن مَ.»
\b
\q
\v 7 عَلَتَلَ نَشَ عَ كَلِ عَ يّتّ رَ،
\q يَشُبَ بْنسْي عَ يّتّ عِفبٌمَ عَلَ نَشَن نَ؛
\q «ﭑ مُ نّيمُمَ عٍ رَبَ قٍيٍ مَ،
\q هَن دُنِحَ حْن.
\q
\v 8 يِ بْشِ قَمَ كَنَدٍ نَ نَن مَ.
\q بٍكَيٍ بِرِن لُمَ سُننُنيِ نَن كُي.
\q بْشِ سّرّنمَ نّ عَلْ مِسِرَ شُرٍ،
\q نَشَن بَنبَرَنمَ، عَ مَن فبِلٍن.»
\b
\q
\v 9 مَرِفِ عَلَتَلَ شَ مَسٍنيِ نَن يَ؛
\q «ﭑ قَمَ نّ عَ رَفِرِدٍ نَ لْشْي،
\q سٌفٍ فٌرٌ عَ فٌرٌ تّمُي مُ عَ لِشِ،
\q دِ مِ سِن بْشِ مَ يَنيِ رَ.
\q
\v 10 وٌ شَ سَلِيٍ مَسَرَ مَ حْن سٌي نَن نَ،
\q وٌ شَ سِفِيٍ مَسَرَ مَ وَ شُي نَن نَ.
\q ﭑ سُننُن دٌنمَ رَفٌرٌ مَ نّ وٌ مَ،
\q ﭑ وٌ شُنيِ بِ سُننُن قٍ مَ.
\q ﭑ قَمَ نّ سُننُنيِ شُنفبٍ رَفٌرٌدٍ بْشِ مَ،
\q عَلْ دِ كٍرٍنيِ نَ قَشَ.
\q نَ شْنّ مُ بَمَ وٌ مَ عَبَدَن.»
\b
\q
\v 11 مَرِفِ عَلَتَلَ شَ مَسٍنيِ نَن يَ؛
\q «نَ لْشْييٍ كَامّ سِنمَ نّ بْشِ مَ،
\q كْنْ دٌنيِ كَامّ مُ عَ رَ، يٍ شْلِ قَن مُ عَ رَ.
\q وٌ كَامّمَ عَلَتَلَ شَ مَسٍنيِ نَن مَ قٍ رَ.
\q
\v 12 وٌ بْشِ بِرِن عِفِرِ مَ نّ، كٍلِقٍ كْولَ مَ هَن سٌفٍتٍدٍ،
\q عَلَتَلَ شَ مَسٍنيِ قٍندٍ،
\q كْنْ وٌ مُ عَ تٌمَ.
\q
\v 13 نَ لْشْي وٌ شَ فِنّدِ مّدِيٍ نُن وٌ شَ سّفّتَلَيٍ قَشَمَ نّ نَ كَامّ مَ.
\q
\v 14 سِنفٍ، عٍ نُ عٍ كَلِمَ سَمَرِ شَ عَلَ وُلٍ دَاشِ نَن نَ.
\q عٍ نُ عَ قَلَ، ‹ﭑ بَرَ ﭑ كَلِ دَنَ شَ عَلَ رَ.›
\q ‹ﭑ بَرَ ﭑ كَلِ بٍرِ سٍيبَ شَ عَلَ رَ.›
\q كْنْ عٍ قَمَ نّ بِرَدٍ، عٍ مُ كٍلِمَ عَبَدَن.»
\c 9
\s عَلَ شَ لَامَتُنيِ دْنشْي عَننَبِ عَمٌسِ بّ
\q
\v 1 ﭑ نَشَ لَامَتُنيِ ندٍ تٌ،
\q مَرِفِ نُ نَ سّرّشّبَدٍ قَرِ.
\q عَ نَشَ عَ يَمَرِ،
\q «سَلِدٍ شُنيِ رَبِرَ،
\q سَلِدٍ سَنيِ عِتَلَ.
\q عَ بِرِن شَ بِرَ مِشِيٍ شُن مَ.
\q ﭑ عٍ شَ دِيٍ هَلَكِمَ نّ سَنتِدّفّمَ رَ.
\q مِشِ كٍرٍن مُ كِسِمَ.
\q مِشِ كٍرٍن مُ عَ نْشُنمَ ﭑ مَ.
\q
\v 2 هَلِ عٍ فٌرٌ عَلِفِيَمَ، ﭑ نٍيٍ سُشُمَ نّ.
\q شَ عٍ تٍ كٌورٍ مَ، ﭑ نٍيٍ رَفٌرٌ مَ نّ.
\q
\v 3 شَ عٍ عٍ نْشُن ﭑ مَ كَرٍ مٍلٍ فٍيَ قَرِ،
\q ﭑ عٍ قٍنمَ نّ، ﭑ عٍ سُشُ.
\q شَ عٍ عٍ نْشُن ﭑ مَ بَا بُن مَ،
\q ﭑ بْشِمَسٍيٍ يَمَرِ مَ نّ عَ شَ عٍ شِن.
\q
\v 4 شَ عٍ يَشُييٍ عٍ شَنِن كٌنيِيَ كُي،
\q ﭑ يَامَرِ قِمَ نّ عٍ شَ عٍ قَشَ سَنتِدّفّمَ رَ.
\q ﭑ نَن ﭑ يَ تِمَ نّ عٍ رَ،
\q كْنْ نَ مُ قِندِ مَ مُنَقَنيِ رَ عٍ بّ،
\q عَ قِندِ مَ حَشَنكَتّ نَن نَ عٍ بّ.»
\b
\q
\v 5 مَرِفِ عَلَتَلَ، نَشَن نَ مَنفّ رَ،
\q شَ عَ عَ حَنِفٍ عَ شَ دِن بْشِ رَ،
\q بْشِ سّرّنمَ نّ،
\q مِشِ بِرِن لُ سُننُنيِ كُي،
\q عَ عِتٍمَ نّ، عَ مَن عَ عِفٌرٌ عَلْ مِسِرَ شُرٍ نِلِ نَ بَنبَرَن حّ.
\q
\v 6 عَ بَرَ عَ شَ لِنفِرَ تِ كٌورٍ مَ.
\q عَ بَرَ كٌورٍ وَلَشّ لُ بْشِ شُن مَ.
\q عَ يٍ رَكٍلِمَ بَا مَ، عَ رَدِن بْشِ مَ.
\q عَ شِلِ نّ عَلَتَلَ.
\b
\q
\v 7 عَلَتَلَ شَ مَسٍنيِ نَن يَ؛
\q «عِسِرَيِلَكَيٍ، وٌ تِدٍ مُ فبٌ ﭑ بّ عَلْ عٍتِيٌثِكَيٍ؟
\q ﭑ مُ وٌ رَ مِنِ شّ مِسِرَ بْشِ رَ،
\q عَلْ ﭑ قِلِسِتَكَيٍ رَ مِنِ كَقَتٌرٌ كِ نَشّ؟
\q ﭑ مُ وٌ رَ مِنِ شّ مِسِرَ بْشِ رَ،
\q عَلْ ﭑ سِرِيَكَيٍ رَ مِنِ كِرٌ كِ نَشّ؟
\q
\v 8 وٌ وٌ يَيٍ رَبِ؛
\q مَرِفِ عَلَتَلَ بَرَ يُنُبِتْييٍ شَ مَنفّيَ تٌ،
\q عَ قَمَ نّ نَ هَلَكِدٍ يِ دُنِحّ بّندّ قُحِ قَرِ.»
\b
\q
\v 9 عَلَتَلَ شَ مَسٍنيِ نَن يَ؛
\q «كْنْ ﭑ مُ يَشُبَ بْنسْي بِرِن هَلَكِمَ.
\q ﭑ يَامَرِ قِمَ نّ عَلَكٌ عِسِرَيِلَ بْنسْي شَ مَيٍفٍتِ.
\q ﭑ عَ عِقٍمَ نّ عَلْ مَالٍ عِقٍمَ كِ نَشّ،
\q عَلَكٌ شْرِ قَنيِ كٍرٍن نَشَ بِرَ.
\q
\v 10 كْنْ يُنُبِتْييٍ نَشٍيٍ بِرِن نَ ﭑ مَ حَمَ يَ مَ،
\q ﭑ عٍ قَشَمَ نّ سَنتِدّفّمَ رَ،
\q عٍ تَن نَشٍيٍ عَ قَلَمَ،
\q ‹عِ مُ قَمَ مُشُ حَشَنكَتَدٍ،
\q نَ حَشَنكَتّ مُ مُشُ لِمَ.›»
\s عِسِرَيِلَ شَ كِسِ
\q
\v 11 «نَ لْشْي ﭑ دَوُدَ شَ مَنفّيَ كَنَشِ عِتٍمَ نّ.
\q ﭑ قَمَ نّ نَ يَءِلَندٍ،
\q ﭑ قَمَ نّ عَ رَكٍلِدٍ عَلْ عَ سِنفٍ.
\q
\v 12 عٍ مَن عٍدٌن مَسْتْمَ نّ،
\q عَ نُن سِ بِرِن ﭑ شِلِ سَشِ نَشٍيٍ شُن مَ.»
\q عَلَتَلَ شَ مَسٍنيِ نَن نَ كِ،
\q عَ قَمَ نّ نَ بِرِن نَكَمَلِدٍ.
\q
\v 13 عَلَتَلَ شَ مَسٍنيِ نَن يَ؛
\q «وٌ وٌ يَيٍ رَبِ؛
\q لْشْييٍ قَمَ عَ لِدٍ،
\q شّ سَيٍ نُن شّ شَبَيٍ وَلِمَ وَشَتِ كٍرٍن نّ.
\q وّنِ بَيٍ نُن شّ سَيٍ، قَن وَلِمَ وَشَتِ كٍرٍن نّ.
\q وّنِ فبٌمَ نّ فٍيَيٍ قَرِ،
\q هَن فٍيَيٍ بِرِن بُندَ.
\q
\v 14 ﭑ نَن ﭑ مَ حَمَ رَفبِلٍنمَ نّ عَ شْنيِ كٍلِقٍ رَ كٌنيِيَ كُي.
\q عٍ قَمَ نّ تَا كَنَشِيٍ تِدٍ، عٍ سَبَتِمَ دّننَشّ.
\q عٍ وّنِ بِلِيٍ سِمَ نّ، عٍ عَ وّنِ مِن.
\q عٍ لَاكْي سَمَ نّ، عٍ عَ بٌفِ دٌن.
\q
\v 15 ﭑ مَن عٍ رَ سَبَتِمَ نّ عٍ شَ بْشِ مَ.
\q عٍ مُ كٍلِمَ بْشِ مَ سْنْن
\q ﭑ دّننَشّ قِشِ عٍ مَ.»
\q وٌ مَرِفِ عَلَتَلَ شَ مَسٍنيِ نَن نَ كِ.