\id 2TI Rough: OB, BW. Rework: Nov 02. Checked with team: Dec 02.
\ide UTF-8
\h تِمٌتٍ عِِ
\toc1 عَلَ شَ مَسٍنيِ قِرِن ندٍ عَننَبِ ثْلُ نَشَن سّبّ تِمٌتٍ مَ
\toc2 تِمٌتٍ عِِ
\mt عَلَ شَ مَسٍنيِ قِرِن ندٍ
\mt عَننَبِ ثْلُ نَشَن سّبّ تِمٌتٍ مَ
\imt مَسٍنيِ ندٍ يِ كِتَابُي شَ قٍ رَ
\ip عَننَبِ ثْلُ تٌ نُ نَ فٍيلِ كُي رْ مَ، عَ نَشَ بَتَاشّ ندٍ قَن سّبّ عَ مَلِمَ تِمٌتٍ مَ. عَ حَن نُ بَرَ كٍرٍن سّبّ عَ مَ نُ، كْنْ عَ مَن نَشَ عَ قِرِن ندٍ سّبّ، عَلَكٌ عَ شَ فبِلٍن سّرِيّ ندٍيٍ مَ. عَننَبِ ثْلُ نُ بَرَ تْورْ عَ فبٍ رَ فٍيلِ كُي، مِشِ يٌ مُ نُ نَ عَ قّ مَ نَشَن نُ عَ مَلِمَ. عَ نَ بِرِن مَسٍنمَ يِ بَتَاشّ كُي، بَرِ مَ تِمٌتٍ نُ لُشِ نّ عَلْ ثْلُ شَ دِ.
\ip عَننَبِ ثْلُ نَشَ سّرِيّ قَلَ تِمٌتٍ بّ نَ بَتَاشّ سِنفٍ كُي نَشَن نُ نْمَ عَ مَلِدٍ دَنشَنِيَتْي حَمَ شَ وَلِ كُي. يِ بَتَاشّ كُي، عَ لُشِ عَلْ ثْلُ وَ مَ تِمٌتٍ رَلِمَنِيَقٍ عَ يّتّ شَ دَنشَنِيَ شَ قٍ رَ. ثْلُ عَ يّتّ شَ تْورّيٍ نُن عَ حّرّ كِ مَسٍنمَ عَ بّ، عَلَكٌ عٍ شَ قِندِ مِسَالِ رَ تِمٌتٍ بّ.
\ip عَننَبِ ثْلُ شَ بَتَاشّ قِرِن ندٍ كُي، عَ تِمٌتٍ رَتُمَ تِمٌتٍ دَنشَنِيَشِ كِ نَشّ، عَ نُن عَ عَلَ شَ وَلِ سُشُشِ كِ نَشّ. تِمٌتٍ كِتَابُي كٌلٌن عَ مَمَ نُن عَ نفَ نَن سَابُي رَ. نَ شَرَنيِ تِدٍ نُ فبٌ تِمٌتٍ بّ عَلَكٌ عَ شَ قِندِ عَلَ شَ وَلِكّ رَ عَ شَ دُنِحّءِفِرِ كُي.
\ip نَ كِتَابُي تِدٍ نُ فبٌ تِمٌتٍ بّ، عَ تِدٍ مَن نُ فبٌ مِشِيٍ بّ عَ نَشٍيٍ كَوَندِ. عَلَ شَ مَسٍنيِ نَشَن سّبّشِ كِتَابُي كُي عَ قِندِشِ لْننِ بٍلٍبٍلٍ نَن نَ، عَدَ مَدِ هَيِ نَ نَشَن مَ. شَ مِشِيٍ مُ بِرَ نَ قْشْ رَ، عٍ شَ دُنِحّءِفِرِ نُن عٍ شَ عَلِفِيَمَ مُ سْونّيَمَ عٍ بّ.
\ip عَننَبِ ثْلُ نَ قَن مَسٍنمَ يِ كِتَابُي كُي. عَ وَشَتِ دْنشْي شَ قٍيٍ قَلَمَ تِمٌتٍ بّ عَلَكٌ عَ شَ كَوَندِ تِ سّنبّ رَ، شَ نَ مُ عَ رَ مِشِيٍ لُمَ تَنتَنيِ نَن كُي نَشٍيٍ قَمَ عٍ رَلْيدٍ عَبَدَن. عَلَ شَ وٌن نَتَنفَ نَ مَ. عَلَ شَ لْننِ قَنيِ قِ وٌن قَن مَ عَلَكٌ يَرٍ شَ سْونّيَ وٌن بّ. عَمِنَ.
\imte عَلَ شَ مَسٍنيِ قِرِن ندٍ
\imte عَننَبِ ثْلُ نَشَن سّبّ تِمٌتٍ مَ
\cl سٌرَ
\c 1
\s لِمَنِيَ
\p
\v 1 ﭑ تَن ثْلُ نَن يِ كِ، نَشَن قِندِشِ عَلَ شَ مِشِ سُفَندِشِ عِسَ شَ شّيرَ رَ عَلَ وَشْنكِ. لَايِدِ تٌنفٌشِ وٌن بّ كِسِ شَ قٍ رَ عَلَ شَ مِشِ سُفَندِشِ عِسَ سَابُي نَن نَ. 
\v 2 ﭑ نَ يِ بَتَاشّ سّبّقٍ تِمٌتٍ نَن مَ، نَشَن قِندِشِ ﭑ مَ دِ مَشَنُشِ رَ. بَبَ عَلَ نُن وٌن مَرِفِ عِسَ، عَلَ شَ مِشِ سُفَندِشِ، عٍ شَ هِننّ، كِنِكِنِ، نُن بْحّسَ قِ عِ مَ.
\p
\v 3 ﭑ بَرَ عَلَ تَنتُ، ﭑ نَشَن بَتُمَ حَنِفٍ قِيشّ رَ عَلْ ﭑ بٍنبَيٍ عَ رَبَشِ كِ نَشّ. ﭑ عَلَ مَشَندِ مَ نّ عِ بّ كْي نُن يَنيِ رَ، 
\v 4 بَرِ مَ ﭑ نَن ﭑ نَتُشِ عِ يَيٍ نَن مَ. ﭑ مَن نُ وَ مَ عِ تٌقٍ هَن، عَلَكٌ ﭑ شَ سّيوَ عَ قَنيِ رَ. 
\v 5 ﭑ مَن ﭑ نَتُشِ عِ شَ دَنشَنِيَ نَن مَ، قِلَنكَقُيحَ مُ نَ نَشَن كُي، نَشَن نُ نَ عِ مَمَ لٌوِ سِ قَن يِ رَ، عَ نُن عِ نفَ عٍوُنِسٍ. ﭑ عَ كٌلٌن عِ قَن دَنشَنِيَشِ نَ كِ نّ.
\p
\v 6 نَ كُي، ﭑ بَرَ عِ رَلِمَنِيَ عِ شَ عَلَ سّنبّ رَوَلِ، عَ نَشَن قِشِ عِ مَ ﭑ تٌ ﭑ بّلّشّ سَ عِ شُنيِ مَ. 
\v 7 عَلَ مُ فَاشُ شَشِلِ شَ سٌشِ وٌن يِ رَ. عَ بَرَ شَشِلِ قِ وٌن مَ نَشَن قِندِشِ سّنبّ، شَنُنتٍيَ، نُن يّتّ سُشُي رَ. 
\v 8 عِ نَشَ يَافِ وٌن مَرِفِ شَ سٍيدٍحْشْيَ بَدٍ. عِ مَن نَشَ يَافِ ﭑ نَ، ﭑ تَن نَشَن نَ فٍيلِ كُي وٌن مَرِفِ شَ قٍ رَ. عَ لَنمَ وٌن بِرِن شَ تْورْ عِسَ شَ شِبَارُ قَنيِ شَ قٍ رَ عَلَ سّنبّ سَابُي رَ. 
\v 9 عَ تَن نَن وٌن نَكِسِشِ، عَ تَن نَن وٌن شِلِشِ عَ شَ سّنِيّنيِ مَ. عَ مُ نَ رَبَشِ وٌن مَ كّوَلِ سَابُي شَ رَ، عَ نَ حَنِفٍشِ عَ يّتّ نَن نَ. عَ هِننّشِ وٌن نَ عَ شَ مِشِ سُفَندِشِ عِسَ شَ قٍ نَن نَ كَقِ دُنِحَ قْلّ.
\p
\v 10 يَكْسِ وٌن بَرَ نَ هِننّ تٌ وٌن نَكِسِمَ عِسَ شَ قَ كُي، عَلَ شَ مِشِ سُفَندِشِ. عَ بَرَ قَشّ سّنبّ كَنَ، عَ كِسِ قٍ رَ مِنِ عَ شَ شِبَارُ قَنيِ سَابُي رَ، عَلَكٌ عَدَ مَ نَشَ قَشَ سْنْن. 
\v 11 عَلَ ﭑ قِندِشِ كَوَندِلَ، شّيرَ، نُن كَرَ مْشْ نَن نَ نَ شِبَارُ قَنيِ شَ قٍ رَ. 
\v 12 ﭑ نَ تْورْقٍ نَ وَلِ نَن شَ قٍ رَ، كْنْ ﭑ مُ يَافِمَ نَ رَ، بَرِ مَ ﭑ عَ كٌلٌن ﭑ دَنشَنِيَشِ نَشَن مَ. ﭑ بَرَ لَ عَ رَ عَ نْمَ ﭑ مَ كِسِ رَفَتَدٍ هَن نَ لْشْي. 
\v 13 ﭑ نْندِ نَشَن مَسٍنشِ عِ بّ، نَ شَ قِندِ عِ شَ مِسَالِ رَ، عِ بِرَ مَ نَشَن قْشْ رَ دَنشَنِيَ نُن شَنُنتٍيَ رَ، عَلْ عَلَ شَ مِشِ سُفَندِشِ عِسَ وَ مَ عَ شْن مَ كِ نَشّ. 
\v 14 عَلَ نَشَن تَشُشِ عِ رَ، عِ شَ مّينِ نَ مَ عَلَ شَشِلِ سّنِيّنشِ سَابُي رَ، نَشَن سَبَتِشِ وٌن عِ.
\p
\v 15 عِ عَ كٌلٌن عَسِكَيٍ بِرِن بَرَ ﭑ نَبٌلٌ، عَلْ قِفٍلٌ نُن هٍرٍ مٌفٍنٍ. 
\v 16 عَلَ شَ كِنِكِنِ عٌنٍسِقٌرٌ نُن عَ شَ دٍنبَيَ مَ، بَرِ مَ عَ نُ لُمَ ﭑ نَلِمَنِيَ رَ. عَ مُ يَافِ ﭑ نَ ﭑ تٌ نَ فٍيلِ كُي. 
\v 17 عَ تٌ قَ رْ مَ، عَ نَشَ ﭑ قٍن هَن عَ نَشَ ﭑ تٌ. 
\v 18 مَرِفِ شَ كِنِكِنِ عَ مَ نَ كِيتِ لْشْي. عِ عَ كٌلٌن دَنفِ بِرِن نَ عَ ﭑ مَلِشِ كِ نَشّ عٍقّسّ.
\c 2
\s تْورّ
\p
\v 1 ﭑ مَ دِ، عِ شَ عِ سّنبّ سٌ عَلَ شَ مِشِ سُفَندِشِ عِسَ شَ هِننّ شَ قٍ رَ. 
\v 2 عِ نَشَن مّشِ ﭑ نَ سٍيدٍ فبٍفبٍ يَ شْرِ، عِ شَ نَ مَسٍنيِ تَشُ عِ دُفُتّفّيٍ رَ، نَشٍيٍ قَن نْمَ مِشِ فبّتّيٍ رَشَرَندٍ نَ رَ. 
\v 3 وٌن بِرِن شَ وَكِلِ تْورّ كُي، بَرِ مَ عَلَ شَ مِشِ سُفَندِشِ عِسَ شَ سْورِ قَنيِيٍ نَن وٌن نَ. 
\v 4 سْورِ نَشَن نَ فٍرٍ كُي، عَ مُ بِرَ مَ دُنِحَ قٍ قْشْ رَ، عَ بِرَ مَ عَ شَ مَنفّ وَشْنقٍ نَن قْشْ رَ. 
\v 5 مِشِ نَشَن سِفَشِ فِ فبَتَ رَبَدٍ، شَ عَ مُ عَ فِ عَ سّرِيّ كِ مَ، عَ مُ فٍينِمَ. 
\v 6 مِشِ نَشَن شّ رَوَلِمَ، عَ تَن نَن لَنمَ عَ شَ بٌفِ سِنفٍيٍ سْتْ. 
\v 7 عِ حْشْ سَ ﭑ مَ مَسٍنيِ بِرِن شْن مَ، مَرِفِ قَهَامُي قِمَ نّ عِ مَ نَ قٍيٍ مَ.
\p
\v 8 عِ شَ رَتُ عَلَ شَ مِشِ سُفَندِشِ عِسَ مَ، نَشَن كٍلِشِ قَشّ مَ، نَشَن قَتَنشِ دَوُدَ بْنسْي رَ، عَلْ عِسَ شَ شِبَارُ قَنيِ عَ مَسٍنشِ كِ نَشّ، ﭑ نَشَن كَوَندِقٍ. 
\v 9 نَ شِبَارُ قَنيِ نَن مَ قٍ عَ نِيَشِ، ﭑ نَ تْورْقٍ فٍيلِ كُي عَلْ قٍ كٌبِ رَبَمَ، كْنْ عَلَ شَ مَسٍنيِ تَن مُ بَلَنشِ. 
\v 10 نَ نَن عَ رَ ﭑ تْورّ مْولِ بِرِن شَنِنمَ، عَلَكٌ مِشِ سُفَندِشِيٍ شَ كِسِ سْتْ عَلَ شَ مِشِ سُفَندِشِ عِسَ سَابُي رَ، عٍ لُ عَ شَ نْرّ كُي عَبَدَن.
\q
\v 11 مَسٍنيِ هَفِفّ نَن يَ؛
\q شَ وٌن نُن عِسَ بَرَ قَشَ،
\q وٌن نُن عِسَ مَن كٍلِمَ نّ قَشّ مَ.
\q
\v 12 شَ وٌن تُننَبّشِ،
\q وٌن لُمَ نّ عِسَ شَ مَنفّيَ كُي.
\q شَ وٌن نَ عَ رَبٌلٌ،
\q عَ قَن وٌن نَبٌلٌمَ نّ.
\q
\v 13 شَ وٌن مُ لُ وٌن شُي شَنبِ رَ،
\q عَ تَن لُمَ نّ عَ شُي شَنبِ رَ،
\q بَرِ مَ عَ مُ نْمَ عَ يّتّ رَبٌلٌدٍ.
\p
\v 14 عِ شَ مِشِ بِرِن نَتُ عَلَ يَ عِ، عَ عَ لَنمَ عٍ شَ فٍرٍ لُ نَ مَسٍنيِ ندٍيٍ شَ قٍ رَ. نَ وْيّنيِ مْولِ تِدٍ يٌ مُ نَ. عَ عَ رَ مّمَيٍ نَن شُن نَكَنَمَ تُن. 
\v 15 عِ شَ عِ يّتّ مَسٍن عَلَ بّ، عَلْ مِشِ نَشَن وَلِ قْشِ مُ مَيَافِ، عَ قَتَ نْندِ مَسٍندٍ مِشِيٍ بّ عَ مَسٍن كِ مَ. 
\v 16 وْيّن حَاشِ قُقَقُ لُ نَ، بَرِ مَ نَشٍيٍ نَ مْولِ قَلَمَ، عٍ شَ كَاقِرِحَ شُن نَن تُن مَسَمَ. 
\v 17 عٍ شَ وْيّنيِ فبٌمَ نّ عَلْ قُرٍ حَاشِ، نَشَن مِشِ قَشَمَ. هُمٍنٍيٌ نُن قِلٍتٌ نَ نٍيٍ نَن يَ مَ. 
\v 18 عٍ بَرَ مَكُيَ نْندِ رَ، عٍ قَ عَ قَلَ مِشِيٍ حَن بَرَ كٍلِ قَشّ مَ. عٍ بَرَ مِشِ ندٍيٍ شَ دَنشَنِيَ كَنَ نَ وْيّنيِ مْولِ رَ.
\p
\v 19 كْنْ عَلَ شَ بَنشِ تِشِ يِ مَسٍنيِ نَن قَرِ؛ «عَلَ عَ كٌلٌن، مِشِ نَشَن قِندِشِ عَ فبٍ رَ.» عَ مَن عَ مَسٍنشِ؛ «عَدَ مَدِ نَشَن مَرِفِ شِلِ قَلَمَ، عَ شَ تِنشِنتَرٍيَ رَبّحِن.» 
\v 20 سٍ سَسٍ مْولِ فبٍفبٍ نَن نَ بَنشِ شُنفبٍ كُي. ندٍ قَن يَءِلَنشِ شّيمَ نَن نَ، شَ نَ مُ عَ رَ فبٍتِ. ندٍ يَءِلَنشِ وُرِ نَن نَ، شَ نَ مُ عَ رَ بّندّ. ندٍ بِنيّ وَلِ رَبَمَ، ندٍ قَن بِنيّتَرٍ وَلِ رَبَمَ. 
\v 21 مِشِ نَشَن عَ يّتّ رَ سّنِيّنمَ، عَ لُمَ نّ عَلْ وَلِ بِنيّ رَبَمَ سٍ سَسٍ نَشَن كُي. عَ تٌ سّنِيّن، عَ مَرِفِ نْمَ عَ رَوَلِدٍ وَلِ قَنيِ بِرِن كُي.
\p
\v 22 قٌنِكٍ وَشْنقٍ لُ نَ. وٌ نُن مِشِ نَشٍيٍ مَرِفِ شِلِمَ بْحّ سّنِيّنشِ رَ، وٌ شَ نُ تِنشِنيِ، دَنشَنِيَ، شَنُنتٍيَ، نُن بْحّسَ قٍن. 
\v 23 وْيّنيِ تِدٍتَرٍ قُقَقُ لُ نَ، بَرِ مَ عِ عَ كٌلٌن نَ مْولِ قِندِ مَ فٍرٍ نَن نَ. 
\v 24 عَ مُ لَنمَ مَرِفِ شَ وَلِكّ شَ سْنشْ. عَ لَنمَ عَ شَ قِندِ مِشِ دِحّشِ رَ نَشَن قَتَ مِشِ شَرَندٍ، عَ مَن وَكِلِ تْورّ رَ. 
\v 25 عَ لَنمَ عَ شَ مَتَندِلَيٍ مَتِنشِن وْيّنيِ حْشُنمّ رَ، عَلَكٌ عَلَ شَ عَ نِيَ عٍ شَ تُوبِ، عٍ شَ نْندِ كٌلٌن، 
\v 26 عٍ شَ شَشِلِ سْتْ، عٍ شَ عٍ بَ عِبُلِسَ شَ فَنتَنيِ رَ. عِبُلِسَ بَرَ عٍ سُشُ فَنتَنيِ رَ، عَلَكٌ عٍ شَ لُ عَ شَ يَامَرِ بُن مَ.
\c 3
\s وَشَتِ دْنشْي
\p
\v 1 عِ شَ عَ كٌلٌن، قٍ شْرْشْييٍ قَمَ نّ دُنِحَ لِدٍ وَشَتِ دْنشْي، 
\v 2 بَرِ مَ عَدَ مَدِيٍ بِرَ مَ عٍ يّتّ وَشْنقٍ نَن قْشْ رَ، كْبِرِ رَقَنمَ نّ عٍ مَ، عٍ عٍ يّتّ عِفبٌمَ، عٍ لَمَ عٍ يّتّ رَ، عٍ عَلَ رَ سْتْمَ، عٍ عٍ بَرِ مَيٍ مَتَندِ مَ، عٍ قِنسِرِوَلِيَ رَبَمَ، عٍ مُ عَلَ شَ قٍ بِنيَمَ، 
\v 3 عٍ مُ كِنِكِنِمَ، عٍ مُ دِحّمَ، عٍ مِشِ مَقَلَمَ، عٍ شُرُتَرٍحَ رَبَمَ، عٍ عٍ بٌورٍ تْورْ مَ، عٍ مِشِ قَنيِ شْنمَ، 
\v 4 عٍ مِشِ يَنقَمَ، عٍ بٌفٌنمَ قٍيٍ مَ، عٍ بْحّ فبٌ، عٍ وَشْنقٍ رَقَن عٍ مَ دَنفِ عَلَ شَ قٍ رَ. 
\v 5 عَ لُشِ نّ عَلْ عٍ دِينّ نَن نَبَتُمَ، كْنْ عٍ بَرَ عٍ كٌبٍ رَ سٌ عَ سّنبّ رَ. عِ شَ عِ مَكُيَ نَ مِشِ مْولِيٍ رَ.
\p
\v 6 عٍ سٌمَ دٍنبَيَيٍ كُي، عٍ قَ فِنّ سّنبّتَرٍيٍ مَبّندُن، نَشٍيٍ قِندِشِ يُنُبِتْييٍ رَ، نَشٍيٍ بِرَ مَ قٍ حَاشِ مْولِ بِرِن قْشْ رَ. 
\v 7 نَ فِنّ مْولِ شَرَنمَ تّمُي بِرِن، كْنْ عٍ مُ قَهَامُي سْتْمَ نْندِ مَ. 
\v 8 نَ مِشِ نَشٍيٍ سٌمَ دٍنبَيَيٍ كُي، عٍ لُمَ نّ عَلْ يَننّسِ نُن يَنبّرّ سِ نَشٍيٍ عَننَبِ مُنسَ مَتَندِ. نَ مِشِيٍ نْندِ قَن مَتَندِ مَ نّ، عٍ شَشِلِ بَرَ كَنَ. عٍ شَ دَنشَنِيَ شْن مُ كُيَمَ. 
\v 9 كْنْ عٍ مُ سِفَمَ يَرٍ سْنْن، بَرِ مَ مِشِ بِرِن قَمَ نّ عٍ شَ دَشُحَ كٌلٌندٍ، عَلْ يَننّسِ نُن يَنبّرّ سِ شَ قٍ نُ كٌلٌنشِ كِ نَشّ.
\p
\v 10 كْنْ عِ تَن، عِ بَرَ ﭑ مَ شَرَنيِ كٌلٌن، ﭑ حّرّ كِ، ﭑ حَنِفٍ، ﭑ مَ دَنشَنِيَ، ﭑ مَ دِحّ، ﭑ مَ شَنُنتٍيَ، ﭑ مَ تُننَبّشِ، 
\v 11 ﭑ مَ حَشَنكَتّ، عَ نُن ﭑ مَ تْورّ. تْورّ مْولِ مُندُن نَ، ﭑ مُ نَشَن سْتْ عَنتِيْكِ، عِكٌنِيٌن، نُن لِسِتِرٍ؟ حَشَنكَتّ مُندُن مُ ﭑ لِشِ نَا؟ مَرِفِ بَرَ ﭑ نَكِسِ نَ بِرِن كُي. 
\v 12 نْندِ نَ عَ رَ عَ مِشِ نَشَن بِرِن وَ مَ بِرَقٍ عَلَ شَ مِشِ سُفَندِشِ عِسَ شَ سّرِيّ قْشْ رَ، عَ نَ كَنيِ تْورّ سْتْمَ نّ. 
\v 13 كْنْ مِشِ حَاشِيٍ نُن قِلَنكَقُييٍ شَ قٍ كٌبِيٍ شُن نَن تُن لُمَ مَسَ رَ، عٍ قَ بٌورٍيٍ مَدَشُ، عٍ عٍ يّتّ مَدَشُ.
\p
\v 14 عِ شَ عِ شِرِ سّرِيّ رَ عِ نَشَن شَرَنشِ، عِ دَنشَنِيَشِ نَشَن مَ. عِ عَ كٌلٌن عِ نَ سْتْشِ نَشَن نَ. 
\v 15 كَبِ عِ دِ مّدِ تّمُي، عِ كِتَابُي سّنِيّنشِيٍ كٌلٌن، نَشٍيٍ نْمَ لْننِ قِدٍ عِ مَ. نَ لْننِ قِندِ مَ كِسِ نَن نَ مِشِيٍ بّ، نَشٍيٍ دَنشَنِيَشِ عَلَ شَ مِشِ سُفَندِشِ عِسَ مَ. 
\v 16 كِتَابُي سّنِيّنشِ بِرِن قَتَنشِ عَلَ نَن نَ. عَ قَن شَرَنيِ رَ، عَ قَن يَابِ رَ، عَ قَن مَتِنشِنسٍ رَ، عَ قَن تِنشِنيِ مَسٍنقٍ رَ، 
\v 17 عَلَكٌ عَلَ شَ مِشِ شَ نْ وَلِ قَنيِ بِرِن نَبَدٍ.
\c 4
\s كَوَندِ تِقٍ
\p
\v 1 ﭑ بَرَ عِ يَمَرِ عَلَ يَ شْرِ، ﭑ بَرَ عِ يَمَرِ عَلَ شَ مِشِ سُفَندِشِ عِسَ يَ شْرِ، نَشَن قَمَ مِشِ حِحّيٍ نُن مِشِ قَشَشِيٍ مَكِيتِدٍ، نَشَن قَمَ عَ شَ مَنفّيَ نِينِ رَ مِنِدٍ، 
\v 2 عِ شَ عَلَ شَ مَسٍنيِ كَوَندِ، عِ شَ وَكِلِ تّمُي بِرِن، عِ شَ مِشِيٍ مَتِنشِن، عِ شَ مِشِيٍ شَ يُنُبِيٍ مَسٍن عٍ بّ، عِ شَ عٍ رَلِمَنِيَ، عِ شَ عٍ شَرَن. عِ شَ نَ بِرِن نَبَ دِحّ كُي. 
\v 3 وَشَتِ نَ قَقٍ مِشِيٍ مُ تِنمَ شَرَنيِ تِنشِنشِ رَ تّمُي نَشّ. عٍ كَرَ مْشْ وُيَشِ قٍنمَ نّ، نَشٍيٍ مَسٍنيِ مْولِ ندٍ تِمَ نَشَن نَقَن عٍ تُلِ مَ. 
\v 4 عٍ فبِلٍنمَ نّ نْندِ قْشْ رَ، عٍ قَ عٍ تُلِ مَتِ كِينِيٍ رَ. 
\v 5 كْنْ عِ تَن، عِ شَ عِ يّتّ مَتَشَسِ قٍ بِرِن كُي، عِ شَ عِ تُننَبّشِ تْورّ كُي، عِ شَ عَلَ شَ شِبَارُ قَنيِ رَيٍنسٍن، عِ شَ عِ شَ وَلِ رَكَمَلِ.
\p
\v 6 ﭑ تَن حَن بَرَ قِندِ سّرّشّ رَ عَلَ بّ. عَ فبٍ مُ لُشِ ﭑ شَ تَا مَسَرَ. 
\v 7 ﭑ بَرَ ﭑ مَ فٍرٍ قَنيِ سٌ، ﭑ بَرَ ﭑ مَ حّرّ رَحْن، ﭑ بَرَ لُ دَنشَنِيَ كُي. 
\v 8 شُننَكٍلِ سَرٍ رَفَتَشِ ﭑ بّ، نَشَن قِندِشِ تِنشِنيِ رَ مَرِفِ كِيتِسَ تِنشِنشِ نَشَن قِمَ ﭑ مَ نَ لْشْي. ﭑ كٍرٍن شَ مُ عَ رَ، عَ نَ قِمَ مِشِ بِرِن نَن مَ، عَ قَقٍ رَقَن نَشٍيٍ مَ.
\p
\v 9 عِ شَ كَتَ قَقٍ رَ ﭑ يِرٍ مَقُرٍن مَقُرٍن، 
\v 10 بَرِ مَ دٍ مَسِ بَرَ ﭑ نَبّحِن دُنِحَ قٍ شَ قٍ رَ، عَ سِفَ تّسَلٌنِكِ. كِرٍ سٍن بَرَ سِفَ فَلَتِ، تِتٌ بَرَ سِفَ دَلَمَتِيَ. 
\v 11 لُكِ فبَنسَن نَن نَ ﭑ سّيتِ مَ. عِ شَ قَ مَرَكِ رَ، بَرِ مَ عَ نْمَ ﭑ مَلِدٍ ﭑ مَ وَلِ كُي عَ قَنيِ رَ. 
\v 12 ﭑ بَرَ تِكِكٍ شّي عٍقّسّ. 
\v 13 عِ نّ قَمَ، عِ شَ قَ نَ شِنبٍلِ دٌنمَ رَ، ﭑ نَشَن لُشِ تِرٌيَسِ، كَرَثٌ شْنيِ، عَ نُن ﭑ مَ بُكِيٍ. نَ سّبّلِ نَشٍيٍ تِشِ شُرُ سٍ كِرِ مَ، عٍ تِدٍ فبٌ دَنفِ بِرِن نَ، عِ شَ قَ عٍ قَن نَ. 
\v 14 عَلٍسَندِرٍ شَبُي بَرَ قٍ حَاشِ فبٍفبٍ رَبَ ﭑ نَ. مَرِفِ قَمَ عَ سَرٍ رَفبِلٍندٍ عَ مَ. 
\v 15 عِ شَ عِ يّتّ رَتَنفَ عَ مَ، بَرِ مَ عَ مُشُ شَ كَوَندِ مَتَندِ نّ عَ حَاشِ رَ.
\p
\v 16 ﭑ تٌ ﭑ يّتّ شُنمَقَلَ كِيتِ بَنشِ كُي عَ سِنفٍ، ﭑ مَلِمَ يٌ مُ نُ نَ. بِرِن ﭑ نَبٌلٌ نّ. عَلَ شَ دِحّ عٍ مَ عٍ قٍ نَشَن نَبَشِ. 
\v 17 عَلَ نَن ﭑ مَلِشِ، عَ سّنبّ سٌ ﭑ يِ رَ، عَلَكٌ ﭑ شَ كَوَندِ تِ عَ قَنيِ رَ سِ بِرِن بّ. عَلَ نَشَ ﭑ نَتَنفَ يّتّ مَفَاشُشِ مَ. 
\v 18 مَرِفِ مَن قَمَ ﭑ نَتَنفَدٍ مِشِيٍ شَ وَلِ كٌبِ بِرِن مَ، عَ قَ ﭑ نَكِسِ، ﭑ شَ سٌ عَ شَ مَنفّيَ نِينِ بُن مَ عَرِيَننَ. مَتْشْي نَ عَلَ بّ عَبَدَن.
\p
\v 19 ثِرِ سِلَ نُن عَكِلَ شّيبُ ﭑ بّ، عَ نُن عٌنٍسِقٌرٌ شَ دٍنبَيَ. 
\v 20 عٍرَ سِتٌ بَرَ لُ كٌرِنتِ. ﭑ بَرَ تِرٌقِمٌ لُ مِلٍتٌ، بَرِ مَ عَ مُ نُ يَلَنشِ. 
\v 21 عِ شَ كَتَ قَقٍ رَ بٍينُن حّمّ شَ سٌ. عٍوُبُلٌ، ثُدّن، لِنٌسِ، كٍلٌدِيَ، نُن وٌن نفَشَكٍرٍنيِ بِرِن بَرَ عِ شّيبُ. 
\v 22 مَرِفِ شَ سَبَتِ عِ بْحّ عِ، عَلَ شَ هِننّ وٌ بِرِن نَ.