\id 2TH Rough: John Mark, Aug 02.
\ide UTF-8
\h تّسَلٌنِكِ عِِ
\toc1 عَلَ شَ مَسٍنيِ قِرِن ندٍ عَننَبِ ثْلُ نَشَن سّبّ تّسَلٌنِكِ دَنشَنِيَتْي حَمَ مَ
\toc2 تّسَلٌنِكِ عِِ
\mt عَلَ شَ مَسٍنيِ قِرِن ندٍ
\mt عَننَبِ ثْلُ نَشَن سّبّ
\mt تّسَلٌنِكِ دَنشَنِيَتْي حَمَ مَ
\imt مَسٍنيِ ندٍ يِ كِتَابُي شَ قٍ رَ
\ip يِ كِتَابُي قِندِشِ بَتَاشّ قِرِن ندٍ نَن نَ عَلَ شَ شّيرَ ثْلُ نُن عَ وَلِبٌورٍيٍ نَشَن سّبّ دَنشَنِيَتْي حَمَ مَ نَشٍيٍ نُ سَبَتِشِ تّسَلٌنِكِ. قٍ نَشٍيٍ نُ دَنفِقٍ تّسَلٌنِكِ ثْلُ بَتَاشّ سِنفٍ سّبّ تّمُي، نٍيٍ تٌ مُ نُ فّشِ يَ عِبَدٍ، ثْلُ نَشَ فبِلٍن بَتَاشّ قِرِن ندٍ سّبّ رَ.
\ip مِشِ كٌبِ نَشٍيٍ نُ نَ تّسَلٌنِكِ دَنشَنِيَتْييٍ حَشَنكَتَقٍ، عٍ مُ نُ حَشَنكَتّ عِتِشِ. نَ كُي، ثْلُ نَشَ فبِلٍن دَنشَنِيَتْي حَمَ رَلِمَنِيَ رَ عَ شَ يِ بَتَاشّ قِرِن ندٍ كُي. عَ نَشَ عٍ رَ سِ عٍ شَ عٍ تُننَبّشِ دَنشَنِيَ كِرَ شْن مَ، عٍ نَشَ تَفَن وَلِ قَنيِ رَبَدٍ، عٍ شَ بِرَ عَلَ شَ نْندِ قْشْ رَ عَلْ ثْلُ عٍ كَوَندِ كِ نَشّ. ثْلُ نُ بَرَ عَ مّ، عَ مِشِ ندٍيٍ نُ نَ عٍ يَ مَ نَشٍيٍ مُ نُ تِنمَ وَلِدٍ عَلَكٌ عٍ شَ عٍ يّتّ بَلٌي سْتْ. نَ كُي، عَ نَشَ نَ كَنيِيٍ رَ سِ عَ شْرْشْي رَ عٍ شَ بَ نَ مَ، عٍ نَشَ عٍ شَ كْنتْقِلِ دْشْ مِشِ فبّتّ يٌ شُن مَ. ثْلُ مَن نُ بَرَ عَ مّ عَ تّسَلٌنِكِ دَنشَنِيَتْييٍ نُ بَرَ شِبَارُ سْتْ مِشِ ندٍ رَ، عَ مَرِفِ قَ لْشْي حَن نُ بَرَ عَ لِ. نَ كُي، عَ نَشَ نْندِ مَكّنّن عٍ بّ نَ قٍ مَ، عَ مَرِفِ شَ لْشْي مُ عَ لِمَ قٌ قٍ ندٍيٍ رَبَ سِندٍن عَلَ نَشٍيٍ رَفِرِشِ.
\ip يِ كِتَابُي قِندِشِ مَسٍنيِ نَن نَ عَلَ شَشِلِ سّنِيّنشِ نَشَن قِ ثْلُ مَ تّسَلٌنِكِ دَنشَنِيَتْييٍ نُن دَنشَنِيَتْييٍ بِرِن بّ. عَلَ شَ وٌن مَلِ يِ مَسٍنيِ شَ سٌ وٌن شَشِلِ كُي، وٌن شَ عَ رَ سَبَتِ وٌن بْحّ كُي. عَلَ شَ سّنبّ قِ وٌن مَ، وٌن مَ وَلِ نُن وْيّنيِ بِرِن شَ قِندِ عَ قَنيِ نَن نَ. عَلَ شَ وٌن سٌندٌنيِيٍ شُن تِ كِرَ قَنيِ شْن، وٌن شَ وٌن حّرّ عَلَ شَ شَنُنتٍيَ مَ نُن عَ شَ مِشِ سُفَندِشِ شَ تُننَبّشِيَ مَ. عَلَ شَ وٌن مَلِ وٌن سَنيِيٍ شَ شَن دَنشَنِيَ كُي. عَمِنَ.
\imte عَلَ شَ مَسٍنيِ قِرِن ندٍ
\imte عَننَبِ ثْلُ نَشَن سّبّ
\imte تّسَلٌنِكِ دَنشَنِيَتْي حَمَ مَ
\cl سٌرَ
\c 1
\s شّيبُي
\p
\v 1 ثْلُ، سِلِقَنُ، نُن تِمٌتٍ نَن يِ كِ، كَتَرَبِ وٌن بَبَ عَلَ نُن مَرِفِ عِسَ عَلَ شَ مِشِ سُفَندِشِ شَ دَنشَنِيَتْي حَمَ مَ نَشٍيٍ نَ تّسَلٌنِكِ.
\p
\v 2 وٌن بَبَ عَلَ نُن عَ شَ مِشِ سُفَندِشِ مَرِفِ عِسَ شَ هِننّ نُن بْحّسَ قِ وٌ مَ.
\s عَلَ دُنِحَ بِرِن مَكِيتِقٍ تِنشِنيِ كُي
\p
\v 3 ﭑ نفَشَكٍرٍنيِيٍ، مُشُ لَنمَ مُشُ شَ عَلَ تَنتُ وٌ شَ قٍ رَ تّمُي بِرِن. مُشُ شَ تَنتُي لَنشِ بَرِ مَ وٌ شَ دَنشَنِيَ شُن مَسَقٍ كِ قَنيِ، عَ نُن وٌ شَ شَنُنتٍيَ وٌ بٌرٍ بّ. 
\v 4 نَ كُي، مُشُ وٌ مَتْشْمَ عَلَ شَ دَنشَنِيَتْي حَمَيٍ بّ وٌ شَ تُننَبّشِيَ نُن دَنشَنِيَ شَ قٍ رَ وٌ نَشٍيٍ مَسٍنقٍ وٌ شَ حَشَنكَتّ نُن تْورّ بِرِن كُي.
\p
\v 5 نَ بَرَ عَلَ شَ كِيتِ تِنشِنشِ مَسٍن، بَرِ مَ وٌ نَ نَشَن عِمِنِقٍ، نَ نَن عَ مَسٍنمَ عَ وٌ دَشَ وٌ شَ لُ عَلَ شَ مَنفّيَ نِينِ بُن مَ، وٌ تْورْقٍ نَشَن شَ قٍ رَ. 
\v 6 عَلَ تِنشِن. مِشِ نَشٍيٍ وٌ حَشَنكَتَمَ، عَ عٍ سَرٍ قِمَ حَشَنكَتّ نَن نَ. 
\v 7 وٌ تَن نَشٍيٍ بَرَ حَشَنكَتَ، عَ مَلَبُي قِمَ نّ وٌن بِرِن مَ مَرِفِ عِسَ عَ نُن عَ شَ مَلٍكّ سّنبّمَيٍ قَمَ تّمُي نَشّ كٍلِقٍ كٌورٍ مَ. 
\v 8 عٍ نُن تّ وٌلٍنشِ نَن فٌرٌ مَ. عَلَ كٌلٌنتَرٍيٍ، نَشٍيٍ مُ وٌن مَرِفِ عِسَ شَ مَسٍنيِ رَبَتُمَ، عٍ سَرٍ قِمَ حَشَنكَتّ نَن نَ. 
\v 9 نَ مِشِيٍ شَ كِيتِ قِندِ مَ فبَلٌي نَن نَ دَندٍ يٌ مُ نَشَن مَ. مَرِفِ عٍ مَكُيَمَ نّ عَ يّتّ رَ نُن عَ سّنبّ نْرْشِ رَ 
\v 10 عَ نَ قَ تّمُي نَشّ. نَ لْشْي عَ شَ سّنِيّنتْييٍ نُن عَ مَنتٌنيِيٍ بِرِن عَ تٌمَ نّ، عٍ كَابَ، عٍ عَ مَتْشْ. وٌ قَن لُمَ نّ نٍيٍ يَ مَ، بَرِ مَ وٌ دَنشَنِيَ نّ مُشُ شَ سٍيدٍحْشْيَ مَ.
\p
\v 11 نَ كُي، مُشُ عَلَ مَشَندِ مَ وٌ بّ تّمُي بِرِن، عَلَكٌ وٌن مَرِفِ عَلَ شَ وٌ لُ عَلْ عَ مِشِ نَشَن شِلِشِ نَ دَشَ كِ نَشّ. مُشُ مَن عَ مَشَندِ مَ عَ شَ وٌ شَ حَنِفٍ قَنيِ بِرِن نَكَمَلِ عَ نُن وٌ شَ وَلِ قَنيِ نَشٍيٍ كٍلِمَ وٌ شَ دَنشَنِيَ مَ. نَ رَبَمَ عَ سّنبّ نَن سَابُي رَ. 
\v 12 مُشُ نَ مَشَندِ تِمَ عَلَكٌ مَرِفِ عِسَ شَ مَتْشْي سْتْ وٌ سَابُي رَ، وٌ قَن شَ مَتْشْي سْتْ عِسَ رَ. يِ بِرِن نَبَمَ عَلَ نُن عَ شَ مِشِ سُفَندِشِ مَرِفِ عِسَ شَ هِننّ سَابُي نَن نَ.
\c 2
\s شّمّ سّرِيّتَرٍ
\p
\v 1 ﭑ نفَشَكٍرٍنيِيٍ، مُشُ بَرَ وٌ مَيَندِ وٌ بْحّ نَشَ مِنِ وٌ تٌ قٍيٍ مّمَ وٌن مَرِفِ عِسَ قَ لْشْي شَ قٍ رَ، عَ نُن وٌن قَمَ عَ رَلَندٍ كِ نَشّ. 
\v 2 شَ مِشِ ندٍ عَ قَلَ وٌ بّ عَ مَرِفِ شَ لْشْي حَن بَرَ قَ، وٌ شَشِلِ نَشَ عِقُ دٍ! وٌ نَشَ لَ عَ رَ هَلِ نَ كَنيِ وْيّن وٌ بّ عَلْ نَمِحْنمّ نَ عَ رَ، شَ نَ مُ عَ كَوَندِ تِ وٌ بّ، شَ نَ مُ عَ قَ بَتَاشّ رَ عَلْ عَ قَتَنشِ مُشُ تَن نَن نَ. 
\v 3 وٌ نَشَ عَ لُ مِشِ يٌ شَ وٌ مَدَشُ. نَ لْشْي مُ عَ لِمَ قٌ عَدَ مَدِ فبٍفبٍ مّي عَلَ رَ سِندٍن، عَ نُن، سّرِيّتَرٍ شُنفبٍ، عَ نَشَ مَكّنّن، فبَلٌي رَفَتَشِ نَشَن بّ. 
\v 4 عَ قَمَ نّ عَ يّتّ عِتٍدٍ دَنفِ عَدَ مَدِيٍ شَ بَتُسٍ بِرِن نَ. عَدَ مَدِيٍ سٍسٍ شِلِ قَلَمَ «عَلَ»، عَ تَن تِمَ نّ نَ كَنكٍ. نَ كُي، عَ قَمَ نّ دْشْدٍ عَلَ شَ هْرْ مْبَنشِ كُي، عَ عَ يّتّ قِندِ عَلَ رَ. 
\v 5 ﭑ تٌ يِ قٍيٍ قَلَ وٌ بّ ﭑ نُ نَ وٌ يِرٍ تّمُي نَشّ، وٌ نّيمُشِ نّ؟ 
\v 6 يَكْسِ وٌ عَ كٌلٌن نَشَن مَكَنكَنشِ سّرِيّتَرٍ شُنفبٍ مَ، عَلَكٌ عَ نَشَ مِنِ بٍينُن عَ شَ وَشَتِ شَ عَ لِ. 
\v 7 سّرِيّتَرٍيَ حَن نَ وَلِقٍ نْشُنيِ كُي. عَ لُمَ نَ كِ نّ هَن نَشَن عَ مَكَنكَنشِ عَ عَ بَمَ نَا تّمُي نَشّ. 
\v 8 نَ تّمُي، سّرِيّتَرٍ شُنفبٍ مَكّنّنمَ نّ. مَرِفِ نَ قَ تّمُي نَشّ، عَ يِ شّمّ هَلَكِمَ نّ عَ دّ قٌيٍ رَ، عَ شَ قَ نْرّ عَ سْنتْمَ نّ. 
\v 9 يِ سّرِيّتَرٍ شُنفبٍ مِنِمَ سٍنتَنّ سّنبّ نَن سَابُي رَ، عَ قَ كَابَنَكٌي، تْنشُمَيٍ، نُن قٍ مَفَاشُشِيٍ رَبَ نَشٍيٍ مُ قِندِشِ نْندِ رَ. 
\v 10 عَ قَمَ نّ مِشِ كِسِتَرٍيٍ مَيٍندٍندٍ قٍ حَاشِ مْولِ بِرِن نَ، بَرِ مَ نْندِ مُ رَقَن نٍيٍ مَ. نَ نَ عَ رَ عٍ مُ كِسِمَ. 
\v 11 نَ كُي، عَلَ عٍ شَشِلِ عِقُمَ نّ سّنبّ رَ، عَلَكٌ عٍ شَ لَ وُلٍ رَ. 
\v 12 عَ رَبَمَ نَ كِ نّ عَلَكٌ مِشِ بِرِن شَ فبَلٌي سْتْ نَشٍيٍ مُ دَنشَنِيَشِ نْندِ مَ، تِنشِنتَرٍيَ رَقَنشِ نَشٍيٍ مَ.
\s عَلَ شَ شَنُنتٍيَ نُن عَ شَ كِسِ دَنشَنِيَتْييٍ بّ
\p
\v 13 كْنْ ﭑ نفَشَكٍرٍنيِيٍ، قٌ مُشُ شَ عَلَ تَنتُ وٌ شَ قٍ رَ تّمُي بِرِن. مَرِفِ وٌ شَنُشِ نّ. كَبِ قٍ قْلْ قْلّ، عَلَ بَرَ وٌ سُفَندِ عَلَكٌ وٌ شَ كِسِ. عَ وٌ رَكِسِمَ عَ شَشِلِ سّنِيّنشِ شَ وَلِ نَن سَابُي رَ نَشَن وٌ رَ سّنِيّنمَ، عَ نُن وٌ شَ دَنشَنِيَ سَابُي رَ وٌ تٌ دَنشَنِيَشِ نْندِ مَ. 
\v 14 عَ وٌ شِلِشِ نَ نَن مَ. عَ وٌ شِلِشِ مُشُ شَ شِبَارُ قَنيِ شَ كَوَندِ نَن سَابُي رَ عَلَكٌ وٌ شَ شُننَكٍلِ سْتْ نَشَن كٍلِمَ عَلَ شَ مِشِ سُفَندِشِ مَ، وٌن مَرِفِ عِسَ. 
\v 15 نَ كُي، ﭑ نفَشَكٍرٍنيِيٍ، وٌ سَنيِيٍ شَ شَن دَنشَنِيَ كُي. مُشُ وٌ شَرَن نَشَن نَ مُشُ شَ كَوَندِ نُن بَتَاشّ سَابُي رَ، وٌ شَ نَ سُشُ فبٍن.
\p
\v 16 وٌن مَرِفِ عِسَ يّتّ يَتِ، نَشَن قِندِشِ عَلَ شَ مِشِ سُفَندِشِ رَ، نُن وٌن بَبَ عَلَ، نَشَن بَرَ وٌن شَنُ، نَشَن هِننّمَ وٌن نَ عَلَكٌ لِمَنِيَ نُن شَشِلِ تِدٍ نَشَ بَ وٌن يِ رَ عَبَدَن، 
\v 17 عٍ شَ وٌ سٌندٌنيِيٍ رَلِمَنِيَ. عٍ مَن شَ سّنبّ قِ وٌ مَ، وٌ شَ وَلِ نُن وْيّنيِ بِرِن شَ قِندِ عَ قَنيِ رَ.
\c 3
\s عَلَ مَشَندِقٍ
\p
\v 1 ﭑ نفَشَكٍرٍنيِيٍ، عَ دْنشْي رَ، وٌ عَلَ مَشَندِ مُشُ بّ عَلَكٌ مَرِفِ شَ مَسٍنيِ شَ يٍنسٍن يّ مَقُرٍن نَ، عَ مَن شَ بِنيَ يِرٍ بِرِن عَلْ عَ بِنيَشِ وٌ شْنيِ كِ نَشّ. 
\v 2 وٌ عَلَ مَشَندِ مُشُ مَن شَ بَ مِشِ كٌبِيٍ نُن مِشِ حَاشِيٍ بّلّشّ، بَرِ مَ مِشِ بِرِن شَ مُ دَنشَنِيَشِ. 
\v 3 كْنْ عَلَ نَ عَ شُي شَنبِ رَ. عَ سّنبّ قِمَ نّ وٌ مَ، عَ وٌ رَتَنفَ سٍنتَنّ مَ. 
\v 4 مُشُ لَشِ عَ رَ مَرِفِ سَابُي رَ، عَ مُشُ يَامَرِ نَشٍيٍ قِشِ وٌ مَ، وٌ عٍ رَبَتُمَ نّ عَلْ وٌ حَن نَ رَبَقٍ كِ نَشّ. 
\v 5 مَرِفِ شَ وٌ سٌندٌنيِيٍ شُن تِ كِرَ قَنيِ شْن عَلَكٌ وٌ شَ عَلَ شَنُ، وٌ مَن شَ وٌ تُننَبّشِ عَلْ عَلَ شَ مِشِ سُفَندِشِ عَ رَبَشِ كِ نَشّ.
\s تُننَشْنّيٍ رَ سِقٍ
\p
\v 6 ﭑ نفَشَكٍرٍنيِيٍ، مُشُ بَرَ وٌ يَمَرِ وٌن مَرِفِ عِسَ عَلَ شَ مِشِ سُفَندِشِ شِلِ رَ وٌ شَ وٌ مَكُيَ دَنشَنِيَتْييٍ رَ نَشٍيٍ قِندِشِ تُننَشْنّيٍ رَ. نَ كُي، عٍ مُ حّرّقٍ مُشُ شَ مَسٍنيِ مَ مُشُ قَ نَشَن نَ وٌ شْن. 
\v 7 وٌ عَ كٌلٌن يَتِ وٌ لَنمَ وٌ شَ مُشُ قْشِ رَبَ كِ نَشّ. مُشُ تٌ نُ نَ وٌ يَ مَ مُشُ مُ قِندِ تُننَشْنّيٍ شَ رَ، 
\v 8 مُشُ مَن مُ مِشِ يٌ شَ بَندٍ دٌن عَ قَ لُ مُشُ مُ عَ سَرٍ قِ. مُشُ وَكِلِ نّ كْي نُن يَنيِ رَ، عَلَكٌ مُشُ شَ قٍ نَشَ قِندِ كٌتٍ رَ وٌ سٍسٍ بّ. 
\v 9 مُشُ نُ نْمَ مُشُ شَ كْنتْقِلِ سَدٍ وٌ يَ عِ، كْنْ مُشُ مُ تِن نَ رَ عَلَكٌ مُشُ شَ قِندِ مِسَالِ رَ وٌ بّ، وٌ قَن شَ مُشُ قْشِ رَبَ. 
\v 10 مُشُ نُ نَ وٌ يَ مَ تّمُي نَشّ، مُشُ يِ يَامَرِ نَن قِ وٌ مَ؛ «نَشَن يٌ مُ تِنمَ وَلِدٍ، هَلِ وٌ مُ نَ كَنيِ كِ بَندٍ.» 
\v 11 مُشُ بَرَ عَ مّ عَ مِشِ ندٍيٍ وٌ يَ مَ عٍ بَرَ عٍ يّتّ قِندِ تُننَشْنّيٍ رَ. عٍ مُ وَلِ يٌ سُشُمَ بَقٍ نَاقِشِيَ رَ. 
\v 12 مُشُ بَرَ نَ مِشِيٍ يَمَرِ، مُشُ عٍ رَ سِ عَلَ شَ مِشِ سُفَندِشِ وٌن مَرِفِ عِسَ شِلِ رَ، عٍ شَ وَلِ بْحّسَ كُي عَلَكٌ عٍ شَ نْ عٍ يّتّ بَلٌدٍ.
\p
\v 13 ﭑ نفَشَكٍرٍنيِيٍ، وٌ نَشَ تَفَن قٍ قَنيِ رَبَقٍ مَ. 
\v 14 وٌ عَ مَتٌ عَ قَنيِ رَ، شَ مِشِ ندٍ مُ تِن مُشُ شَ مَسٍنيِ دَنشُندٍ مُشُ نَشَن سّبّشِ يِ بَتَاشّ كُي، دّقَنيِ نَشَ لُ وٌ نُن نَ كَنيِ تَفِ عَلَكٌ عَ شَ يَافِ. 
\v 15 وٌ نَشَ عَ قِندِ وٌ يَشُي رَ دٍ، كْنْ وٌ شَ عَ رَ سِ عَلْ وٌ نفَشَكٍرٍنيِ.
\s شّيبُي دْنشْي
\p
\v 16 ﭑ بَرَ مَرِفِ مَشَندِ نَشَن قِندِشِ بْحّسَ كَنيِ رَ، عَ تَن يّتّ يَتِ شَ بْحّسَ قِ وٌ مَ تّمُي بِرِن نُن عَ مْولِ بِرِن نَ. مَرِفِ شَ لُ وٌ بِرِن سّيتِ مَ.
\p
\v 17 ﭑ تَن ثْلُ نَن يِ شّيبُي سّبّقٍ ﭑ يّتّ بّلّشّ رَ. ﭑ مَ بَتَاشّ بِرِن مَتْنشُمَشِ يِ كِ نّ. ﭑ بّلّشّ قْشِ نَن يَ.
\p
\v 18 وٌن مَرِفِ عِسَ، عَلَ شَ مِشِ سُفَندِشِ، عَ شَ هِننّ شَ لُ وٌ بِرِن بّ.