\id 2SA 
\ide UTF-8
\h سَمُوٍلِ ٢
\toc1 عَلَ شَ مَسٍنيِ قِرِن ندٍ عَننَبِ سَمُوٍلِ بّ
\toc2 سَمُوٍلِ ٢
\toc3 سَم٢
\mt عَلَ شَ مَسٍنيِ قِرِن ندٍ عَننَبِ سَمُوٍلِ بّ
\imt مَسٍنيِ ندٍ يِ كِتَابُي شَ قٍ رَ
\ip عِسِرَيِلَ مَنفّ سِنفٍ سْلُ تٌ قَشَ، دَوُدَ نَشَ عَ بِنيَ كِ قَنيِ رَ. عَ نَشَ لَايِدِ تٌنفٌ سْلُ شَ مِشِيٍ بّ، عَ عَ مُ قٍ حَاشِ يٌ رَبَمَ عٍ رَ هَلِ سْلُ تٌ نُ بَرَ قِندِ دَوُدَ يَشُي رَ. نَ بِرِن عَ مَسٍنشِ نّ عَ دَوُدَ نُ وَ مَ بِرَقٍ عَلَ شَ سّرِيّ قْشْ رَ.
\ip يُدَيَكَيٍ نَشَ دَوُدَ تِ مَنفّ رَ عٍ شُن مَ، كْنْ عِسِرَيِلَ بْنسْي نَشٍيٍ نُ نَ كْولَ مَ، نٍيٍ مُ تِن. فٍرٍ نَشَ لُ يُدَيَ نُن عِسِرَيِلَ تَفِ. عَ رَحْنيِ عِسِرَيِلَكَيٍ قَن نَشَ تِن دَوُدَ شَ قِندِ عٍ شَ مَنفّ رَ.
\ip دَوُدَ تٌ قِندِ مَنفّ رَ، عَ نَشَ فبَتَ سِفَدٍ عَلَ شَ سَاتّ كَنكِرَ قْشْ رَ، نَشَن مُ نُ سٌشِ دَرِ سَلَمُ سِندٍن. عَلَ نَشَ سّيوَ نَ شَ قٍ رَ، عَ قَ سَاتّ شِرِ عَ تَن نُن دَوُدَ بْنسْي تَفِ. عَ نَشَ عَ قَلَ دَوُدَ بّ عَ مَنفّيَ مُ بَمَ عَ بْنسْي يِ رَ عَبَدَن.
\ip دَوُدَ شَ يَامَرِ نَشَ سَبَتِ عَ قَنيِ رَ عِسِرَيِلَ بْشِ مَ. عَ نَشَ سّنبّ سْتْ عَ يَشُييٍ شُن مَ. كْنْ نَ مَنفّيَ سْونّيَ كُي، دَوُدَ نَشَ قٍ كٌبِ ندٍ رَبَ. عَلَ نَشَ عَننَبِ نَتَن شّي دَوُدَ يِرٍ، عَ قَ نَ يُنُبِ نُن نَ يُنُبِ سَرٍ مَسٍن عَ بّ عَ قِيشّ رَ. دَوُدَ تٌ تُوبِ، عَلَ نَشَ دِحّ عَ مَ. نَ تَرُشُي قِندِشِ مَسٍنيِ قَنيِ نَن نَ عِبُنَدَ مَ بّ، عَلَ يُنُبِ شَقَرِ مَ كِ نَشّ.
\ip كْنْ يُنُبِ تَن قٍ بِرِن كَنَمَ نّ. دَوُدَ شَ دٍنبَيَ نَشَ تْورْ كِ قَنيِ رَ. عَ شَ دِ عَبِسَلٌمِ نَشَ عَ مَتَندِ، عَ عَ كٍرِ دَرِ سَلَمُ. عَ رَحْنيِ، دَوُدَ نَشَ فبِلٍن مَنفّيَ رَ، كْنْ عَ نُ بَرَ تْورْ عَ فبٍ رَ عَ شَ سِمَيَ كُي.
\ip عَلَ شَ وٌن مَلِ شَشِلِ قَنيِ سْتْدٍ نَ تَرُشُي بِرِن كُي. عَمِنَ.
\imte عَلَ شَ مَسٍنيِ قِرِن ندٍ عَننَبِ سَمُوٍلِ بّ
\c 1
\s دَوُدَ سْلُ شَ قَشّ كٌلٌنقٍ
\p
\v 1 سْلُ قَشَ شَنبِ، دَوُدَ نَشَ فبِلٍن سِكِلَفَ كٍلِقٍ عَمَلّكِكَيٍ بْنبْدٍ. عَ نَشَ لُ نَا شِ قِرِن. 
\v 2 عَ شِ سَشَن ندٍ، شّمّ ندٍ نَشَ قَ كٍلِ سْلُ يِرٍ. عَ نُ بَرَ عَ شَ دٌنمَ عِبْو عَ مَ، عَ بّندّ سٌ عَ شُنيِ مَ سُننُن قٍ مَ. عَ تٌ سٌ دَوُدَ يِرٍ، عَ نَشَ عَ شِنبِ سِن عَ بُن مَ بِنيّ كُي. 
\v 3 دَوُدَ نَشَ عَ مَشْرِن، «عِ كٍلِشِ مِندٍن؟» عَ نَشَ عَ يَابِ، «ﭑ نَن ﭑ فِشِ عِسِرَيِلَ شَ فَلِ نَن يَ مَ.» 
\v 4 دَوُدَ نَشَ عَ قَلَ عَ بّ، «مُنسٍ دَنفِشِ نَا؟ نَ تَفِ رَبَ ﭑ بّ.» عَ نَشَ عَ يَابِ، «عِسِرَيِلَكَيٍ بَرَ عٍ فِ فٍرٍ مَ. مِشِ فبٍفبٍ بَرَ قَشَ عٍ يَ مَ. هَلِ سْلُ نُن عَ شَ دِ شّمّ يٌنَتَن بَرَ لَاشِرَ.» 
\v 5 دَوُدَ نَشَ عَ قَلَ شّمّ بّ، نَشَن نُ دّنتّفّ سَقٍ عَ بّ، عَ نَشّ، «عِ تَن عَ كٌلٌنشِ دِ، عَ سْلُ نُن عَ شَ دِ شّمّ يٌنَتَن بَرَ لَاشِرَ؟»
\p
\v 6 عَ نَشَ عَ يَابِ، «ﭑ سْلُ لِ فِلِبٌوَ فٍيَ نَن قَرِ عَ مَشْنْشِ عَ حَاشِ رَ. عَ نُ وَ مَ عَ يّتّ قَشَقٍ تَنبّ رَ، بَرِ مَ قِلِسِتَ سْورِ سٌي رَفِيٍ نُ بَرَ عَ رَشّتّن. 
\v 7 عَ تٌ ﭑ تٌ، عَ نَشَ ﭑ شِلِ. ﭑ نَشَ عَ رَتِن. 
\v 8 عَ نَشّ، ‹ندٍ نَ عِ تَن نَ؟› ﭑ نَشَ عَ يَابِ، ‹عَمَلّكِكَ ندٍ نَن ﭑ نَ.› 
\v 9 عَ نَشَ عَ قَلَ ﭑ بّ، ‹ﭑ مُ فّشِ قَشَدٍ، عِ شَ ﭑ مَلِ ﭑ شَ قَشَ.› 
\v 10 نَ كُي ﭑ نَشَ عَ قَشَ، بَرِ مَ ﭑ نَ كٌلٌن، عَ مُ كِسِمَ قٍوٌ. ﭑ نَشَ قَ عَ شَ مَنفّ تْنشُمَ نُن عَ شَ بّلّشّ رَ سٌي رَ عِ تَن ﭑ مَرِفِ شْن مَ.»
\p
\v 11 دَوُدَ نُن عَ شَ مِشِيٍ نَشَ عٍ شَ دٌنمَيٍ عِبْو سُننُنيِ كُي نَ دّنتّفّ شَ قٍ رَ. 
\v 12 عٍ نَشَ سْلُ، عَ شَ دِ شّمّ يٌنَتَن، نُن عَلَتَلَ شَ حَمَ عِسِرَيِلَ بْنسْي شَ حْنقٍ رَبَ، نَشٍيٍ قَشَشِ فٍرٍ كُي. عٍ نَشَ وَ، عٍ نَشَ سُن هَن نُنمَرٍ نٍيٍ شَ قٍ رَ.
\p
\v 13 دَوُدَ نَشَ نَ شّمّ مَشْرِن، نَشَن قَ دّنتّفّ سَ عَ بّ، «عِ كٍلِ مِندٍن؟» عَ نَشَ عَ يَابِ، «شْحّ عَمَلّكِكَ شَ دِ نَن ﭑ نَ.» 
\v 14 دَوُدَ نَشَ عَ مَشْرِن، «عِ تَن مُ فَاشُ عَلَ شَ مِشِ سُفَندِشِ قَشَدٍ؟» 
\v 15 دَوُدَ نَشَ عَ شَ سْورِ ندٍ شِلِ، عَ عَ يَمَرِ، «يِ شّمّ قَشَ!» عَ نَشَ نَ رَبَ. 
\v 16 دَوُدَ نَشَ عَ قَلَ نَ عَمَلّكِكَ بّ، «عِ تٌ عَ قَلَ عَ عِ بَرَ عَلَ شَ مِشِ سُفَندِشِ قَشَ، عِ بَرَ عِ يّتّ شُن نَكَنَ. عَ لَنمَ عِ شَ قَشَ.»
\p
\v 17 دَوُدَ نَشَ يِ سُوكِ سّبّ سْلُ نُن عَ شَ دِ شّمّ يٌنَتَن شَ قٍ رَ، 
\v 18 عَ قَ يَمَرِ قِ يُدَيَكَيٍ شَ عَ شَرَن. عَ شِلِ نّ «شَلِ شَ سُوكِ.» عَ سّبّشِ يَسَرِ شَ بُكِ كُي.
\q
\v 19 «عِسِرَيِلَ، وٌ شَ مَنفّ شُنفبٍ بَرَ لَاشِرَ فٍيَ قَرِ،
\q سْورِ قَنيِيٍ بَرَ قَشَ.
\q
\v 20 وٌ نَشَ نَ قَلَ فَتِ تَا كُي،
\q وٌ نَشَ نَ شِبَارُ مَسٍن عَسِكَلْن تَا كُي،
\q عَلَكٌ قِلِسِتَ دِ فِنّيٍ نَشَ قَ سّيوَ،
\q عَلَكٌ عٍ تَن سُننَتَرٍيٍ شَ دِ فِنّيٍ نَشَ قَ حّلّشِن.
\q
\v 21 فِلِبٌوَ فٍيَيٍ، تُنّ نُن شِنِ نَشَ بِرَ وٌ مَ،
\q وٌ شَ شّيٍ نَشَ قَن،
\q بَرِ مَ مَنفّ سْلُ شَ كَنكٍ مَكَنتَسٍ بَرَ يَافِ سْتْ نَا،
\q تُرٍ يٌ مُ سٌمَ عَ مَ سْنْن!»
\b
\q
\v 22 «يٌنَتَن شَ شَلِ بَرَ سْورِ شُنفبٍيٍ قَشَ،
\q سْلُ شَ تَنبّ شَ وَلِ بَرَ سْونّيَ.
\q
\v 23 سْلُ نُن يٌنَتَن نَشٍيٍ نُ رَقَنشِ مِشِيٍ مَ عٍ شَ سِمَيَ كُي،
\q عٍ بِرِن قَ قَشَ لْشْي كٍرٍن.
\q عٍ نُ شُلُن دَنفِ سّفّيٍ رَ.
\q عٍ سّنبّ نُ فبٌ دَنفِ يّتّيٍ رَ.
\q
\v 24 عِسِرَيِلَ دِ فِنّيٍ، وٌ شَ وَ سْلُ شَ قٍ رَ،
\q نَشَن نُ دُفِ قَنيِيٍ رَفٌرٌ مَ وٌ مَ،
\q نَشَن نُ شّيمَ قِمَ وٌ مَ شُنمَسٍيٍ رَ.»
\b
\q
\v 25 «كٌرٌفبَيٍ بَرَ قَشَ فٍرٍ كُي.
\q يٌنَتَن بَرَ لَاشِرَ وٌ شَ فٍيَيٍ قَرِ.
\q
\v 26 يٌنَتَن نفَشَكٍرٍنيِ، ﭑ سُننُنشِ عِ شَ قٍ رَ.
\q عِ شَ قٍ نُ شْرْشْ ﭑ مَ!
\q عِ شَ شَنُنتٍيَ نُ نَ ﭑ بّ دَنفِ فِنّيٍ شَ شَنُنتٍيَ رَ.
\q
\v 27 كٌرٌفبَيٍ بَرَ قَشَ فٍرٍ كُي.
\q فٍرٍ سٌسٍيٍ بَرَ كَنَ.»
\c 2
\s مَنفّ قِرِن
\p
\v 1 نَ تٌ دَنفِ، دَوُدَ نَشَ عَلَتَلَ مَشْرِن، عَ نَشّ، «ﭑ شَ تٍ يُدَ تَا ندٍ كُي؟» عَلَتَلَ نَشَ عَ يَابِ، عَ نَشّ، «عِيٌ.» دَوُدَ مَن نَشَ عَ مَشْرِن، «يُدَ تَا مُندُن؟» عَلَتَلَ نَشَ عَ يَابِ، «هٍبِرٌن بْشِ.» 
\v 2 نَ كُي دَوُدَ نَشَ تٍ نَا عَ نُن عَ شَ فِنّ قِرِنيِيٍ؛ عَشِنٌوَ مَ يِسِرٍيلِكَ نُن نَبَلِ كَرٍ مٍلٍكَ شَ فِنّ قٌرِ عَبِفَيِلِ. 
\v 3 دَوُدَ نَشَ عَ قْشِرَبِرّيٍ نُن عٍ شَ دٍنبَيَيٍ شَنِن عَ شُن مَ. عٍ نَشَ سَ سَبَتِ هٍبِرٌن بْشِ.
\p
\v 4 يُدَ شّمّيٍ نَشَ عٍ مَلَن هٍبِرٌن، عٍ قَ دَوُدَ قِندِ يُدَ بْنسْي مَنفّ رَ. دَوُدَ تٌ عَ كٌلٌن عَ يَبّسِ فَلَدِ شّمّيٍ نُ بَرَ سْلُ رَفَتَ، 
\v 5 عَ نَشَ شّيرَيٍ شّي عٍ شْن مَ، عٍ شَ سَ عَ قَلَ عٍ بّ، «عَلَ شَ وٌ بَرَايِ وٌ شَ هِننّ شَ قٍ رَ وٌ نَشَن مَسٍنشِ سْلُ بّ عَ شَ مَرَفَتّ كُي. 
\v 6 عَلَتَلَ شَ هِننّ وٌ رَ، عَ شَ لُ وٌ سّيتِ مَ. ﭑ قَن هِننّمَ نّ وٌ رَ نَ شَ قٍ رَ. 
\v 7 وٌ لِمَنِيَ تٌنفٌ، وٌ سّنبّ سْتْ، بَرِ مَ وٌ مَرِفِ سْلُ بَرَ قَشَ، يُدَ بْنسْي بَرَ ﭑ تَن سُفَندِ عٍ شَ مَنفّ رَ.»
\p
\v 8 نَ تّمُي، سْلُ شَ سْورِيٍ شَ مَنفّ عَبٍنٍرِ نُ بَرَ سْلُ شَ دِ عِسِبٌسٍتِ شَنِن مَشَنَيِمِ. 
\v 9 عَ نَشَ عَ قِندِ عَسُرِ، يِسِرٍيلِ، عٍقِرَ مِ، نُن عِسِرَيِلَ بِرِن مَنفّ رَ. 
\v 10 سْلُ شَ دِ عِسِبٌسٍتِ نُ بَرَ حّ تٌنفٌ نَانِ سْتْ، عَ قِندِشِ مَنفّ رَ تّمُي نَشّ عِسِرَيِلَ شُن مَ. عَ نَشَ عٍ يَمَرِ حّ قِرِن بُن مَ. كْنْ يُدَ بْنسْي تَن نَشَ لُ دَوُدَ شَ مَنفّيَ بُن مَ. 
\v 11 دَوُدَ نَشَ يُدَ بْنسْي يَامَرِ حّ سٌلٌقٍرٍ كِكٍ سٍننِ هٍبِرٌن كُي.
\p
\v 12 نٍرِ شَ دِ عَبٍنٍرِ نُن سْلُ شَ دِ عِسِبٌسٍتِ شَ مِشِيٍ نَشَ كٍلِ مَشَنَيِمِ سِفَقٍ رَ فَبَيٌن. 
\v 13 سٍرُيَ شَ دِ شّمّ يٌوَبَ نُن دَوُدَ شَ سْورِيٍ نَشَ عٍ لِ فَبَيٌن يٍ يِرٍ. عٍ نَشَ تِ سّيتِ، بٌورٍيٍ نَشَ تِ نَاكِرِ مَ. 
\v 14 عَبٍنٍرِ نَشَ عَ قَلَ يٌوَبَ بّ، «وٌن مَ سْورِ ندٍيٍ شَ عٍ بٌورٍ فٍرٍ وٌن يَ تٌدٍ رَ.» يٌوَبَ نَشَ تِن نَ رَ. 
\v 15 شّمّ قُ نُن قِرِن نَشَ كٍلِ بُنيَمِن نُن سْلُ شَ دِ عِسِبٌسٍتِ شَ مِشِيٍ يَ مَ. شّمّ قُ نُن قِرِن نَشَ كٍلِ دَوُدَ شَ مِشِيٍ يَ مَ. عٍ نَشَ تِ عٍ بٌورٍ كَنكٍ. 
\v 16 بِرِن نَشَ عَ فٍرٍقَ سُشُ عَ شُنيِ مَ، عَ سَنتِدّفّمَ رَ سٌ عَ قُرِ كُي. عٍ بِرِن نَشَ قَشَ تّمُي كٍرٍن. نَ كُي عٍ نَشَ مّننِ شِلِ سَ شّلّكَتِ عَسُرِن، نَشَن نُ وَ مَ عَ قَلَقٍ عٍ شَ شُي رَ «سَنتِدّفّمَ يِرٍ.» 
\v 17 نَ لْشْي دَوُدَ شَ مِشِيٍ نَشَ عَبٍنٍرِ نُن عِسِرَيِلَ مِشِيٍ بْنبْ عَ حَاشِ رَ.
\p
\v 18 سٍرُيَ شَ دِ سَشَنيِيٍ نُ نَ نَ فٍرٍ كُي؛ يٌوَبَ، عَبِسَيِ، نُن عَسَهّلِ. عَسَهّلِ تٌ شُلُن عَلْ شٍلِ، 
\v 19 عَ نَشَ بِرَ عَبٍنٍرِ قْشْ رَ عَ شْرْشْي رَ. 
\v 20 عَبٍنٍرِ نَشَ عَ يَ رَقِندِ عَ مَ، عَ عَ مَشْرِن، «عِ تَن نَن عَ رَ عَسَهّلِ؟» عَسَهّلِ نَشّ، «عِيٌ، ﭑ تَن نَن عَ رَ!» 
\v 21 عَبٍنٍرِ نَشَ عَ قَلَ عَ بّ، «عِ شَ بِرَ سْورِ فبّتّ قْشْ رَ. عِ شَ نَ قَشَ، عِ نْمَ نَ شَ فٍرٍ سٌسٍ تٌنفٌدٍ عِ يّتّ بّ.» كْنْ عَسَهّلِ مُ تِن فبِلٍندٍ عَ قْشْ رَ. 
\v 22 عَبٍنٍرِ مَن نَشَ عَ قَلَ عَسَهّلِ بّ، «ﭑ لُ نَ. شَ ﭑ عِ قَشَ، ﭑ مُنسٍ قَلَمَ عِ تَارَ يٌوَبَ بّ؟» 
\v 23 كْنْ عَسَهّلِ مُ تِن. نَ نَن عَ نِيَ، عَبٍنٍرِ نَشَ عَ سْشْ عَ قُرِ مَ، عَ شَ تَنبّ قَ مِنِ عَ شَنبِ رَ، عَ قَشَ كٍرٍن نَ. نَ دَنفِ شَنبِ، نَشَن يٌ نّ دَنفِمَ عَسَهّلِ قَشَدٍ رَ، قٌ عَ تِ نَا.
\p
\v 24 يٌوَبَ نُن عَبِسَيِ نَشَ بِرَ عَبٍنٍرِ قْشْ رَ، هَن سٌفٍ دُلَ تّمُي، عٍ قَ سٌ عَمَ فٍيَ يِرٍ، فِيَشَ يَ تَفِ، فَبَيٌن فبٍنفبٍرٍنيِ كِرَ رَ. 
\v 25 بُنيَمِن بْنسْي سْورِيٍ نَشَ تِ فٍرٍ كِ مَ عَبٍنٍرِ شَنبِ رَ فٍيَ قَرِ. 
\v 26 عَبٍنٍرِ نَشَ عَ قَلَ يٌوَبَ بّ، «سَنتِدّفّمَ قَشّ نَن تُن تِمَ؟ عِ مُ عَ كٌلٌن عَ نَ رَحْنمَ قٍ حَاشِ نَن مَ؟ عِ شَ يَامَرِ قِ عِ شَ مِشِيٍ شَ فبِلٍن عٍ نفَشَكٍرٍنيِيٍ قْشْ رَ.» 
\v 27 يٌوَبَ نَشَ عَ يَابِ، «ﭑ شَ عَ قَلَ عِ بّ عَلَ يَ شْرِ. شَ عِ تَن شَ مُ وْيّن نُ، مُشُ بِرَ مَ نّ وٌ قْشْ رَ هَن فّيسّفّ.» 
\v 28 نَ تّمُي، يٌوَبَ نَشَ قٍرِ قٍ، عَلَكٌ عَ شَ سْورِيٍ شَ فبِلٍن عِسِرَيِلَكَيٍ قْشْ رَ. فٍرٍ دَن نَ كِ نّ.
\p
\v 29 عَبٍنٍرِ نُن عَ شَ مِشِيٍ نَشَ عٍ حّرّ كْي بِرِن نَ، عٍ دَنفِ عَرَبَ بْشِ رَ، عٍ يُرُدّن شُرٍ فِرِ، عٍ دَنفِ بِتِرٌن نَ، عٍ سَ سٌ مَشَنَيِمِ. 
\v 30 يٌوَبَ تٌ فبِلٍن عَبٍنٍرِ قْشْ رَ، عَ نَشَ عَ شَ مِشِ بِرِن مَلَن. عَسَهّلِ نُن مِشِ قُ نُن سٌلٌمَنَانِ نُ بَشِ دَوُدَ شَ مِشِيٍ رَ نَ فٍرٍ شَ قٍ رَ. 
\v 31 كْنْ دَوُدَ شَ مِشِيٍ نُ بَرَ بُنيَمِنكَ مِشِ كّمّ سَشَن تٌنفٌ سٍننِ قَشَ، نَشٍيٍ نُ نَ عَبٍنٍرِ قْشْ رَ. 
\v 32 عٍ نَشَ عَسَهّلِ قُرٍ شَنِن عٍ شُن مَ، عٍ سَ عَ رَفَتَ عَ بٍنبَيٍ شَ فَبُرِ بّتّلّيمُ. يٌوَبَ نُن عَ شَ مِشِيٍ نَشَ عٍ حّرّ كْي بِرِن نَ، عٍ سَ سٌ هٍبِرٌن سُبَشّ مَ.
\c 3
\s سْلُ نُن دَوُدَ شَ مِشِيٍ
\r يُدَيَ مَنفّيٍ عِ ٣‏؛١ ٬ ٤
\p
\v 1 فٍرٍ بُ نّ كِ قَنيِ رَ دَوُدَ شَ مِشِيٍ نُن سْلُ شَ مِشِيٍ تَفِ، دَوُدَ سّنبّ نُ فبٌمَ، سْلُ شَ مِشِيٍ تَن سّنبّ نُ شُرُنمَ. 
\v 2 دَوُدَ شَ دِيٍ نَن يَ نَشٍيٍ بَرِشِ هٍبِرٌن. عَ شَ دِ سِنفٍ قِندِشِ عَمِنٌن نَن نَ، عَشِنٌوَ مَ يِسِرٍيلِكَ نَشَن بَرِ عَ بّ. 
\v 3 عَ شَ دِ قِرِن ندٍ قِندِشِ كِلٍيَبَ نَن نَ، نَبَلِ كَرٍ مٍلٍكَ شَ فِنّ عَبِفَيِلِ نَشَن بَرِ عَ بّ. عَ شَ دِ سَشَن ندٍ قِندِشِ عَبِسَلٌمِ نَن نَ، فٍسُرِ مَنفّ شَ دِ فِنّ تَلَمَيِ، مَاكَ نَشَن بَرِ عَ بّ. 
\v 4 عَ شَ دِ نَانِ ندٍ قِندِشِ عَدٌنِيَ نَن نَ، هَفِ نَشَن بَرِ عَ بّ. عَ شَ دِ سُولِ ندٍ قِندِشِ سّقَتَيَ نَن نَ، عَبِتَلِ نَشَن بَرِ عَ بّ. 
\v 5 عَ شَ دِ سٍننِ ندٍ قِندِشِ يِتِرٍيَمِ نَن نَ، عَ شَ فِنّ عٍفٍلَ نَشَن بَرِ عَ بّ. دَوُدَ شَ دِيٍ نَن نَ كِ نَشٍيٍ بَرِ هٍبِرٌن.
\p
\v 6 سْلُ شَ مِشِيٍ نُن دَوُدَ شَ مِشِيٍ نُ نَ فٍرٍقٍ تّمُي نَشّ، عَبٍنٍرِ نُ كَتَمَ سّنبّ سْتْدٍ سْلُ شَ مِشِيٍ يَ مَ. 
\v 7 سْلُ شَ كٌنيِ فِنّ ندٍ نُ نَ نَشَن شِلِ رِ سِثَ، عَيَ شَ دِ فِنّ. عِسِبٌسٍتِ نَشَ عَبٍنٍرِ مَشْرِن، «مُنقٍ رَ عِ بِرَشِ ﭑ بَبَ شَ كٌنيِ فِنّ قْشْ رَ؟» 
\v 8 عَبٍنٍرِ نَشَ شْنْ عِسِبٌسٍتِ مَ نَ وْيّنيِ شَ قٍ رَ، عَ قَ عَ يَابِ، «ثٍ، بَرٍ نَن ﭑ نَ يُدَيَ بْشِ مَ؟ ﭑ قٍ فبٍفبٍ رَبَشِ نّ عِ بْنسْي بّ، عِ بَبَ شَ دٍنبَيَ بّ، نُن عِ بَبَ بٌورٍيٍ بّ. عِ بَبَ شَ شَنُنتٍيَ شَ قٍ رَ، ﭑ مُ تِن عِ سٌدٍ دَوُدَ يِ رَ. كْنْ يَكْسِ عِ قَ ﭑ كَلَمُشِ يِ فِنّ نَن مَ قٍ رَ؟ 
\v 9 عَلَ شَ ﭑ مَكِيتِ عَ حَاشِ رَ، شَ ﭑ مُ قٍ بِرِن نَبَ عَلَكٌ دَوُدَ شَ قٍ شَ كَمَلِ، عَلْ عَلَتَلَ عَ لَايِدِشِ عَ بّ كِ نَشّ، 
\v 10 عَ شَ مَنفّيَ بَ سْلُ يِ رَ، عَ قَ دَوُدَ شَ مَنفّيَ مَبَنبَن يُدَيَ بْشِ مَ، كٍلِقٍ دَنَ هَن بٍرِ سٍيبَ.» 
\v 11 عِسِبٌسٍتِ مُ سُو سَ عَ يَابِدٍ وْيّن كٍرٍن نَ، بَرِ مَ عَ فَاشُشِ عَ يَ رَ.
\p
\v 12 عَبٍنٍرِ نَشَ شّيرَيٍ شّي دَوُدَ مَ، عٍ شَ سَ عَ قَلَ عَ بّ عَ تَن شِلِ رَ، «ندٍ فبٍ نَ يِ بْشِ رَ؟» عٍ مَن شَ سَ عَ قَلَ عَ بّ، «وٌن شَ سَاتَ، ﭑ شَ عِ مَلِ عِسِرَيِلَ بِرِن يَ شَ رَقِندِ عِ مَ.» 
\v 13 دَوُدَ نَشَ عَ يَابِ، «عَوَ، وٌن شَ سَاتّ شِرِ، كْنْ ﭑ مُ وَ مَ عِ شَ قَ ﭑ يِرٍ ﭑ مَ فِنّ مِكَلِ شَنبِ، سْلُ شَ دِ فِنّ.» 
\v 14 دَوُدَ نَشَ شّيرَيٍ شّي سْلُ شَ دِ عِسِبٌسٍتِ مَ، عَ قَلَقٍ رَ، «ﭑ مَ فِنّ رَ سَنبَ ﭑ مَ بٍ، ﭑ نَشَن شَ كٌتٍ دْشْ قِلِسِتَكَ سٌلِ كّمّ رَ.» 
\v 15 نَ كُي عِسِبٌسٍتِ نَشَ سَ عَ بَ عَ شَ مْرِ ثَلَتِيّلِ يِ رَ، لَيِسَ شَ دِ. 
\v 16 عَ شَ مْرِ نَشَ بِرَ عَ قْشْ رَ هَن بَشُرِ مِ عَ وَ مَ، كْنْ عَبٍنٍرِ نَشَ عَ قَلَ عَ بّ، «فبِلٍن عِ شْنيِ.» ثَلَتِيّلِ نَشَ فبِلٍن. 
\v 17 عَبٍنٍرِ نُن عِسِرَيِلَ قٌرِيٍ نَشَ عٍ بٌورٍ تٌ. عَ نَشَ عَ قَلَ عٍ بّ، «سِنفٍ وٌ نُ وَ مَ نّ دَوُدَ شَ قِندِ وٌ شَ مَنفّ رَ. 
\v 18 عَ لَنمَ وٌ شَ عَ رَبَ يَكْسِ، بَرِ مَ عَلَتَلَ عَ قَلَ نّ عَ شَ قٍ رَ، ‹ﭑ نَن مَ حَمَ بَمَ نّ قِلِسِتَكَيٍ نُن عَ يَشُييٍ بِرِن يِ رَ ﭑ مَ كٌنيِ دَوُدَ نَن سَابُي رَ.›» 
\v 19 عَبٍنٍرِ نَشَ وْيّن بُنيَمِن بْنسْييٍ قَن بّ. نَ دَنفِ شَنبِ، عَ نَشَ سِفَ هٍبِرٌن عَ قَلَقٍ رَ دَوُدَ بّ عِسِرَيِلَكَيٍ نُن بُنيَمِن بْنسْي نَشَن نَتّشِ. 
\v 20 عَبٍنٍرِ تٌ سِفَ دَوُدَ يِرٍ هٍبِرٌن، عَ تَن نُن مِشِ مْشْحّن، دَوُدَ نَشَ شُلُنيِ تِ عَ تَن نُن عَ شَ مِشِيٍ بّ. 
\v 21 عَبٍنٍرِ نَشَ عَ قَلَ دَوُدَ بّ، «ﭑ مَرِفِ، تِن ﭑ شَ سِفَ عِسِرَيِلَ بِرِن شُن لَن، عَلَكٌ وٌ شَ سَاتّ شِرِ، بِرِن شَ لُ عِ شَ مَنفّيَ بُن مَ، عَلْ عِ وَ مَ عَ شْنمَ كِ نَشّ.» دَوُدَ نَشَ تِن عَبٍنٍرِ شَ مَسٍنيِ رَ، عَ نَشَ عَ لُ عَ شَ سِفَ بْحّسَ كُي.
\p
\v 22 عَ مُ بُ، يٌوَبَ نُن دَوُدَ شَ سْورِيٍ نَشَ قَ سٍيٍ رَ عٍ نَشٍيٍ سْتْ فٍرٍ ندٍ كُي. عَبٍنٍرِ مُ نُ نَ دَوُدَ يِرٍ هٍبِرٌن، بَرِ مَ دَوُدَ نُ بَرَ عَ بّحِن بْحّسَ كُي. 
\v 23 يٌوَبَ نُن عَ شَ سْورِيٍ نَشَ عَ كٌلٌن نٍرِ شَ دِ عَبٍنٍرِ نُ بَرَ قَ مَنفّ يِرٍ، عَ مَن قَ سِفَ بْحّسَ كُي. 
\v 24 يٌوَبَ نَشَ سِفَ مَنفّ يِرٍ، عَ عَ قَلَ عَ بّ، «عِ مُنسٍ رَبَشِ عَبٍنٍرِ تٌ قَ عِ يِرٍ؟ عِ عَ لُشِ مُنقٍ رَ عَ شَ سِفَ بْحّسَ كُي؟ 
\v 25 عِ مُ عَ كٌلٌن نٍرِ شَ دِ عَبٍنٍرِ قَشِ عِ مَدَشُدٍ نُن عِ رَبّندٍ نّ؟»
\p
\v 26 يٌوَبَ تٌ كٍلِ دَوُدَ يِرٍ، عَ نَشَ مِشِيٍ شّي عَبٍنٍرِ قْشْ رَ سِرَ يٍ كُندِ يِرٍ. عٍ نَشَ قَ عَ رَ، كْنْ دَوُدَ مُ نُ قٍقٍ كٌلٌن. 
\v 27 عَبٍنٍرِ تٌ فبِلٍن هٍبِرٌن، يٌوَبَ نَشَ عَ مَبّندُن عَ فُندٌ كِ مَ تَا نَادّ رَ، عَلْ عَ نّ وَ مَ عٍ شَ عٍ بٌورٍ تٌ. عَ نَشَ عَ سْشْ قِنّ رَ عَ قُرِ مَ مّننِ عَ شُنيَ عَسَهّلِ فبٍحْشْقٍ رَ. عَبٍنٍرِ قَشَ نَ كِ نّ.
\p
\v 28 دَوُدَ تٌ نَ قٍ كٌلٌن، عَ نَشَ عَ قَلَ، «عَلَ يَ شْرِ، عَبٍنٍرِ شَ قَشّ مُ قِندِشِ ﭑ مَ كٌتٍ رَ، عَ مُ قِندِشِ ﭑ مَ مَنفّيَ شَ كٌتٍ رَ. 
\v 29 يِ قَشّ كٌتٍ نَ يٌوَبَ نُن عَ بْنسْييٍ نَن شُن مَ! كُندِ قُرٍ شَ لُ عَ بْنسْي مِشِ ندٍيٍ مَ عَبَدَن، شَ نَ مُ عَ رَ، مَبّن قُرٍ، قَشّ حَاشِ، كَ كَامّ.» 
\v 30 يٌوَبَ نُن عَ تَارَ عَبِسَيِ عَبٍنٍرِ قَشَ نَ كِ نّ، عٍ شُنيَ عَسَهّلِ شَ قٍ رَ، نَشَن قَشَ فٍرٍ كُي فَبَيٌن. 
\v 31 دَوُدَ نَشَ عَ قَلَ يٌوَبَ نُن عَ شَ سْورِيٍ بّ، عَ نَشّ، «وٌ شَ وٌ شَ دٌنمَيٍ عِبْو سُننُنيِ كُي، وٌ شَ حْنقٍ دُفِ رَفٌرٌ وٌ مَ عَبٍنٍرِ شَ قَشّ شَ قٍ رَ.» مَنفّ دَوُدَ نَشَ عَبٍنٍرِ قُرٍ مَتِ فَبُرِ دّ رَ. 
\v 32 عٍ نَشَ عَبٍنٍرِ رَفَتَ هٍبِرٌن. مَنفّ دَوُدَ نَشَ وَ عَ شُي عِتٍشِ رَ، عَ نُن حَمَ بِرِن.
\p
\v 33 مَنفّ نَشَ يِ سُوكِ بَ عَ بّ، عَ نَشّ،
\q «عَبٍنٍرِ لَن نّ نُ عَ شَ قَشَ عَلْ مَتَندِلَ ندٍ؟
\q
\v 34 عِ بّلّشّيٍ مُ نُ شِرِشِ،
\q عِ سَنيِيٍ قَن مُ نُ شِرِشِ!
\q عِ قَشَشِ نّ، عَلْ مِشِ تِنشِنتَرٍ ندٍ نَشَن حَشَنكَتَمَ.»
\m
\v 35 حَمَ بِرِن نَشَ وَ عَبٍنٍرِ شَ قٍ رَ. دَوُدَ شَ مِشِيٍ تٌ وَ عَ شَ عَ دّفٍ، دَوُدَ نَشَ عَ كَلِ، عَ نَشّ، «عَلَ شَ ﭑ شُن نَكَنَ عَ حَاشِ رَ شَ ﭑ نَن ﭑ دّفٍمَ بٍيمَنُ سٌفٍ دُلَمَ تّمُي نَشّ.» 
\v 36 حَمَ تٌ دَوُدَ شَ وْيّنيِ مّ، نَ نَشَ رَقَن عٍ مَ. مَنفّ دَوُدَ شَ قٍ نُ حَمَ كّنّنمَ. 
\v 37 حَمَ بِرِن نَشَ عَ كٌلٌن عَ نٍرِ شَ دِ عَبٍنٍرِ مُ قَشَ مَنفّ شَ يَامَرِ شَ مَ. 
\v 38 مَنفّ نَشَ عَ قَلَ عَ شَ مِشِيٍ بّ، عَ نَشّ، «ﭑ شَ عَ قَلَ وٌ بّ، تٌ كُنتِفِ شُنفبٍ بَرَ قَشَ عِسِرَيِلَ. 
\v 39 هَلِ ﭑ تٌ قِندِشِ وٌ شَ مَنفّ سُفَندِشِ رَ، ﭑ سّنبّ بَرَ شُرُن سٍرُيَ شَ دِيٍ يَ عِ. عَلَ شَ عٍ شَ وَلِ حَاشِ سَرٍ رَفبِلٍن عٍ تَن تِنشِنتَرٍيٍ مَ.»
\c 4
\s عِسِبٌسٍتِ شَ قَشّ
\p
\v 1 سْلُ شَ دِ عِسِبٌسٍتِ تٌ عَ مّ، عَ عَبٍنٍرِ بَرَ قَشَ هٍبِرٌن، لِمَنِيَ نَشَ بَ عَ يِ، عِسِرَيِلَكَيٍ قَن نَشَ كْنتْقِلِ قْلْ. 
\v 2 سْورِ مَنفّ قِرِن نُ نَ سْلُ شَ دِ يِ رَ. كٍرٍن نُ شِلِ بَانَ، بٌورٍ نُ شِلِ رٍكَبُ. رِ مْن بٍيرٌتِكَ شَ دِ شّمّيٍ نَن نُ عٍ رَ. بٍيرٌتِكَيٍ نُ نَ بُنيَمِن بْنسْي يَ مَ، 
\v 3 بَرِ مَ عٍ عٍ فِشِ نّ، عٍ سَ دْشْ فِتَيِمِ. هَن تٌ، عٍ سَبَتِشِ مّننِ نّ.
\p
\v 4 دِ مَبّنشِ كٍرٍن نُ نَ سْلُ شَ دِ يٌنَتَن يِ رَ. عَ حّ سُولِ نَن نُ عَ رَ، سْلُ نُن يٌنَتَن قَشَ تّمُي نَشّ يِسِرٍيلِ. فِنّ نَشَن نُ شِحّ قِمَ عَ مَ، نَ نَشَ عَ تٌنفٌ، عَ شَ عَ فِ. نَ فبَتَ كُي، فِنّ نَشَ بِرَ، نَ دِ سَنيِ نَشَ مَشْنْ، عَ مَبّن. نَ دِ نُ شِلِ نّ مٍقِبٌسٍتِ.
\p
\v 5 رِ مْن شَ دِ شّمّيٍ رٍكَبُ نُن بَانَ نَشَ سِفَ عِسِبٌسٍتِ شْنيِ يَنيِ تَفِ. عِسِبٌسٍتِ نُ سَشِ، عَ نُ عَ شِقٍ. 
\v 6 عٍ نَشَ سٌ بَنشِ كُي، عَلْ عٍ نُ نَ دٌنسٍ نَن قٍنقٍ، كْنْ عٍ نَشَ سٌ عِسِبٌسٍتِ يِرٍ، عٍ قَ عَ قُرِ سْشْ عَ شَ قَشَ عَ شَ سَدٍ مَ. عٍ تٌ فّ نَ رَبَدٍ، رٍكَبُ نُن عَ تَارَ بَانَ نَشَ عٍ فِ. 
\v 7 عٍ نُ بَرَ سٌ عِسِبٌسٍتِ شَ بَنشِ كُي، عٍ قَ عَ لِ عَ سَشِ عَ شَ سَدٍ مَ عَ شَ كٌنكٌي كُي. عٍ تٌ فّ عَ سْشْدٍ، عٍ عَ قَشَ، عٍ نَشَ عَ شُنيِ بٌلٌن، عٍ عَ شَنِن عٍ شُن مَ. عٍ نَشَ عٍ حّرّ كْي بِرِن نَ عَرَبَ كِرَ شْن مَ. 
\v 8 عٍ نَشَ عِسِبٌسٍتِ شُنيِ شَنِن دَوُدَ شْن مَ هٍبِرٌن، عٍ قَ عَ قَلَ، «مَنفّ، عِسِبٌسٍتِ شُنيِ نَن يِ كِ، سْلُ شَ دِ شّمّ، عِ يَشُي نَشَن نُ وَ مَ عِ قَشَقٍ. ﭑ مَرِفِ، عَلَتَلَ بَرَ عِ فبٍحْشْ سْلُ بْنسْي مَ تٌ.»
\p
\v 9 دَوُدَ نَشَ رِ مْن بٍيرٌتِكَ شَ دِيٍ رٍكَبُ نُن بَانَ يَابِ، «ﭑ بَرَ ﭑ كَلِ عَلَتَلَ رَ، نَشَن ﭑ نَتَنفَ تْورّ بِرِن مَ، ﭑ شَ نْندِ قَلَ وٌ بّ. 
\v 10 مِشِ ندٍ تٌ عَ قَلَ ﭑ بّ، عَ مَنفّ سْلُ بَرَ قَشَ، نَ كَنيِ حْشْ نُ عَ مَ، عَ عَ شِبَارُ قَنيِ نَن عِبَشِ ﭑ بّ. كْنْ ﭑ تَن بَرَ يَامَرِ قِ، عٍ شَ عَ سُشُ، عٍ عَ قَشَ سِكِلَفَ تَا كُي. عَ شَ شِبَارُ سَرٍ نَن نَ كِ! 
\v 11 مِشِ كٌبِيٍ نَ تِنشِنتْي ندٍ قَشَ عَ شَ بَنشِ كُي، هَن عَ شَ سَدٍ مَ، عَ مُ لَن شّ عٍ قَن شَ نَ نِي سَرٍ قِ؟ ﭑ مُ لَن شّ ﭑ شَ نَ مِشِيٍ شَ قٍ حْن يِ دُنِحَ مَ؟» 
\v 12 دَوُدَ نَشَ عَ شَ سْورِيٍ يَمَرِ، عٍ شَ عٍ قَشَ. عٍ نَشَ عٍ بّلّشّيٍ نُن عٍ سَنيِيٍ بٌلٌن، عٍ سَ عٍ قُرٍيٍ سِنفَن هٍبِرٌن يٍ يِرٍ. كْنْ عٍ نَشَ عِسِبٌسٍتِ تَن شُنيِ تٌنفٌ، عٍ عَ رَفَتَ عَبٍنٍرِ شَ فَبُرِ كُي هٍبِرٌن.
\c 5
\s دَوُدَ قِندِقٍ عِسِرَيِلَ مَنفّ رَ
\r يُدَيَ مَنفّيٍ عِ ١١‏؛١ ٬ ٣
\p
\v 1 عِسِرَيِلَ بْنسْي بِرِن نَشَ قَ دَوُدَ يِرٍ هٍبِرٌن، عٍ قَ عَ قَلَ عَ بّ، «وٌن بِرِن بْنسْي كٍرٍن. 
\v 2 سْلُ شَ مَنفّيَ بُن مَ، عِ تَن نَن نُ عِسِرَيِلَ رَحّرّ مَ عٍ شَ فٍرٍيٍ كُي. عَلَتَلَ عَ مَسٍنشِ نّ عِ بّ، ‹عِ تَن نَن مّينِمَ ﭑ مَ حَمَ عِسِرَيِلَ مَ، عِ تَن نَن قِندِ مَ عٍ شَ يَرٍرَتِ رَ.›»
\p
\v 3 نَ كُي، عِسِرَيِلَ قٌرِ بِرِن تٌ قَ مَنفّ دَوُدَ يِرٍ هٍبِرٌن، عٍ نُن دَوُدَ نَشَ سَاتّ شِرِ عَلَ يَ شْرِ. قٌرِيٍ نَشَ تُرٍ ندٍ سَ دَوُدَ شُنيِ مَ تْنشُمَ رَ عَ عٍ بَرَ عَ سُفَندِ عَ شَ قِندِ عِسِرَيِلَ مَنفّ رَ. 
\v 4 دَوُدَ شَ سِمَيَ نُ بَرَ حّ تٌنفٌ سَشَن لِ نَ تّمُي. عَ شَ مَنفّيَ بُ نّ حّ تٌنفٌ نَانِ. 
\v 5 عَ حّ سٌلٌقٍرٍ كِكٍ سٍننِ نَن نَبَ مَنفّيَ رَ هٍبِرٌن يُدَ بْنسْي شُن مَ. عَ حّ تٌنفٌ سَشَن نُن سَشَن نَن نَبَ مَنفّيَ رَ دَرِ سَلَمُ عِسِرَيِلَ نُن يُدَ بْنسْي شُن مَ.
\p
\v 6 مَنفّ دَوُدَ نُن عَ شَ سْورِيٍ نَشَ سِفَ دَرِ سَلَمُ عَلَكٌ عٍ شَ يٍبُسُكَيٍ فٍرٍ، نَشٍيٍ نُ سَبَتِشِ مّننِ. مّننِكَيٍ نَشَ عَ قَلَ دَوُدَ بّ، «عِ مُ سٌمَ بٍ قٍوٌ. هَلِ دْنشُييٍ نُن مَبّنيِيٍ نْمَ عِ كٍرِدٍ!» عٍ حْشْ عَ مَ عَ دَوُدَ مُ نْمَ سٌدٍ نَا. 
\v 7 كْنْ دَوُدَ نَشَ نْ عٍ رَ، عَ سِيٌنِ تَا سّنبّ يِرٍ مَسْتْ. نَ نَن عَ تٌشِ، نَ تَا شِلِ قَلَمَ «دَوُدَ شَ تَا.» 
\v 8 نَ لْشْي دَوُدَ نَشَ عَ قَلَ، «نَشَن وَ مَ يِ يٍبُسُكَيٍ مَسْتْقٍ، قٌ عَ شَ سٌ يٍ يِرٍ بْشِ نَن بُن مَ. نَ كُي عَ نْمَ دَوُدَ يَشُييٍ رَ نَشٍيٍ لُمَ عَلْ مَبّنيِيٍ نُن دْنشُييٍ!» نَ نَن عَ رَ، مِشِيٍ نُ عَ قَلَمَ عَ دْنشُي نُن مَبّنيِ مُ سٌمَ مَنفّ شَ بَنشِ كُي.
\p
\v 9 دَوُدَ تٌ نْ عٍ رَ، عَ نَشَ سَبَتِ نَ يِرٍ مَكَنتَشِ كُي، عَ قَ نَ شِلِ سَ «دَوُدَ شَ تَا.» عَ نَشَ عَ رَبِلِنيِيٍ بِرِن تِ، كٍلِقٍ مِلٌ هَن تَا مَبِرِ. 
\v 10 دَوُدَ سّنبّ نُ فبٌمَ نَن تُي، بَرِ مَ عَلَتَلَ سّنبّمَ نُ نَ عَ سّيتِ مَ. 
\v 11 تِرٍ مَنفّ شِرَ مِ نَشَ مِشِيٍ شّي دَوُدَ يِرٍ. عٍ نَشَ سّدِرِ وُرِ، بَنشِ بَنبَنيِيٍ، نُن فّمّ مَسٌلِيٍ رَ سَنبَ عَ مَ، عَلَكٌ عٍ شَ مَنفّ بَنشِ تِ عَ بّ. 
\v 12 دَوُدَ نُ عَ كٌلٌن، عَ عَلَتَلَ نَن عَ تِشِ مَنفّ رَ عِسِرَيِلَ شُن مَ، عَ شَ مَنفّيَ شَ سَبَتِ عَلَتَلَ شَ حَمَ عِسِرَيِلَ شَ قٍ رَ.
\p
\v 13 دَوُدَ تٌ كٍلِ هٍبِرٌن، عَ نَشَ كٌنيِ فِنّيٍ نُن فِنّ فبّتّيٍ سْتْ دَرِ سَلَمُ، نَشٍيٍ بَرَ دِيٍ بَرِ عَ بّ. 
\v 14 نَ دِيٍ شِلِ نَن يِ كِ، نَشٍيٍ بَرِشِ عَ بّ دَرِ سَلَمُ؛ سَمُوَ، سٌوَ، نَتَن، سُلٍمَنِ، 
\v 15 يِبِشَرِ، عٍلِسُوَ، نٍقٍفِ، يَقِيَ، 
\v 16 عٍلِسَمَ، عٍلِيَدَ، عٍلِقٍلٍتِ.
\p
\v 17 قِلِسِتَكَيٍ تٌ عَ مّ، عَ عٍ بَرَ دَوُدَ سُفَندِ عِسِرَيِلَ مَنفّ رَ، عٍ بِرِن نَشَ سِفَ سّنبّ رَ عَ قْشْ رَ، كْنْ دَوُدَ تٌ عَ مّ، عَ قَ فٌرٌ عَ شَ يِرٍ مَكَنتَشِ. 
\v 18 قِلِسِتَكَيٍ نَشَ قَ، عٍ نَشَ سٌ رٍقَ فُلُنبَ كُي. 
\v 19 دَوُدَ نَشَ عَلَتَلَ مَشْرِن، عَ نَشّ، «عَ لَنمَ ﭑ شَ سِفَ قِلِسِتَكَيٍ فٍرٍدٍ؟ عِ عٍ سَمَ نّ ﭑ سَفٌي؟» عَلَتَلَ نَشَ عَ يَابِ، «سِفَ، ﭑ عٍ سَمَ نّ عِ بّلّشّ.» 
\v 20 نَ كُي دَوُدَ نَشَ سِفَ، عَ عٍ بْنبْ بَالِ ثٍرَ سِمِ. عَ نَشَ عَ قَلَ، «عَلَتَلَ بَرَ ﭑ يَشُييٍ بْنبْ ﭑ يَ رَ، عَلْ يٍ نَشَن بْنبْمَ شَرٍ رَ دِكِ عِبْو مَ تّمُي نَشّ.» نَ يِرٍ شِلِ سَ بَالِ ثٍرَ سِمِ نَ نَن مَ. 
\v 21 قِلِسِتَكَيٍ نَشَ عٍ شَ كُيٍيٍ لُ مّننِ. دَوُدَ نُن عَ شَ مِشِيٍ نَشَ نٍيٍ بِرِن شَنِن.
\p
\v 22 نَ دَنفِ شَنبِ قِلِسِتَكَيٍ مَن نَشَ تٍ، عٍ سَ سٌ رٍقَ فُلُنبَ كُي. 
\v 23 دَوُدَ تٌ عَلَتَلَ مَشْرِن، عَ نَشَ عَ يَابِ، «عِ نَشَ تٍ عٍ يَ رَ دٍ. عِ شَ عِ مَبِلِن عٍ شَنبِ رَ نّ، عِ دِن عٍ رَ قْتْنيِ يَ رَ. 
\v 24 عِ نَ سَنيِ شُي مّ وُرِيٍ كْن نَ تّمُي نَشّ، عِ سِفَ كٍرٍن نَ قِلِسِتَكَيٍ قْشْ رَ، بَرِ مَ عَ لِمَ عَلَتَلَ بَرَ مِنِ عِ يَ رَ عٍ بْنبْدٍ.» 
\v 25 دَوُدَ نَشَ عَ رَبَ، عَلْ عَلَتَلَ عَ قَلَشِ عَ بّ كِ نَشّ. عَ نَشَ قِلِسِتَكَيٍ بْنبْ، كٍلِقٍ فٍبَ مَ هَن فٍسٍرِ.
\c 6
\s سَاتّ كَنكِرَ تُنُقٍ دَرِ سَلَمُ
\r يُدَيَ مَنفّيٍ عِ ١٣‏؛٤ ٬ ١٤، ١٥‏؛٢٥ ٬ ١٦‏؛٣
\p
\v 1 دَوُدَ مَن نَشَ عِسِرَيِلَ سْورِيٍ مَلَن، عٍ كْنتِ نَشَ سِفَ مِشِ وُلُ تٌنفٌ سَشَن. 
\v 2 عٍ نَشَ سِفَ بَلٍ يُدَ، عَلَ شَ كَنكِرَ تٌنفٌدٍ، عَلَتَلَ شِلِ قَلَمَ نَشَن شُن، عَلَتَلَ سّنبّمَ مَفٌرٌشِ نَشَن مَ مَلٍكّيٍ مَسٌلِشِيٍ تَفِ. 
\v 3 عٍ نَشَ عَلَ شَ كَنكِرَ دْشْ سَرّتِ نّينّ ندٍ قَرِ، عٍ قَ عٍ حّرّ عَ سّيتِ مَ كٍلِقٍ عَبِنَدَبٌ شْنيِ فٍيَ قَرِ. عَبِنَدَبٌ شَ دِ شّمّيٍ عُسَ نُن عَشِيٌ نَن نُ سَرّتِ نّينّ رَحّرّقٍ. 
\v 4 عٍ نَشَ عَ رَحّرّ كٍلِقٍ عَبِنَدَبٌ شْنيِ فٍيَ قَرِ. عَشِيٌ نُ حّرّقٍ سَرّتِ يَ رَ، عَلَ شَ كَنكِرَ نُ نَ نَشَن قَرِ. 
\v 5 دَوُدَ نُن عِسِرَيِلَ حَمَ نُ نَ عَلَتَلَ مَتْشْقٍ مَشَسٍ مْولِ بِرِن نَ. مَشَسٍ وُرِ دَاشِيٍ نُن كْرَ مْولِ ندٍيٍ نُ نَ عٍ يِ رَ.
\p
\v 6 عٍ تٌ نَكٌن شَ لْنيِ لِ، نِنفٍيٍ نَشَ وَ بِرَقٍ. نَ كُي عُسَ نَشَ عَ بّلّشّ عِتَلَ، عَ عَلَ شَ كَنكِرَ سُشُ. 
\v 7 عَلَتَلَ نَشَ شْنْ عَ مَ عَ شَ نَ كَرِنيِ مَ، عَ قَ عَ سْنتْ عَلَتَلَ شَ كَنكِرَ قّ مَ. 
\v 8 دَوُدَ نَشَ شْنْ عَلَتَلَ عُسَ قَشَقٍ رَ. عٍ نَشَ نَ يِرٍ شِلِ سَ ثٍرٍ سِ عُسَ. نَا شِلِ قَلَمَ نَ كِ نّ هَن تٌ لْشْي.
\p
\v 9 دَوُدَ نَشَ فَاشُ عَلَتَلَ يَ رَ نَ لْشْي، عَ عَ قَلَ، «عَلَتَلَ شَ كَنكِرَ قَ سٌمَ ﭑ تَن شْنيِ دِ؟» 
\v 10 عَ نَشَ نَتّ تٌنفٌ عَ عَ مُ لَنمَ عَ شَ عَ رَ سٌ عَ شَ تَا كُي سِندٍن، عَ شَ عَ شَنِن عٌبٍدٌ عٍدٌن فَتِكَ شْنيِ. 
\v 11 عَلَتَلَ شَ كَنكِرَ نَشَ لُ مّننِ هَن كِكٍ سَشَن. نَ وَشَتِ بُن مَ، عَلَتَلَ نَشَ بَرَكَ سَ عٌبٍدٌ عٍدٌن نُن عَ شَ مِشِ بِرِن مَ. 
\v 12 عٍ نَشَ سَ نَ دّنتّفّ مَنفّ دَوُدَ بّ. عٍ نَشّ، «عَلَتَلَ بَرَ دُبَ عٌبٍدٌ عٍدٌن شَ قْشّ بّ عَلَتَلَ شَ كَنكِرَ شَ قٍ رَ.»
\p نَ كُي دَوُدَ نَشَ سِفَ عٌبٍدٌ عٍدٌن شْنيِ، عَ سَ عَلَتَلَ شَ كَنكِرَ تٌنفٌ، عَ عَ شَنِن سّيوّ رَ عَ شَ تَا كُي. 
\v 13 كَنكِرَ شَنِنيِيٍ تٌ سَنتٌنفٌ سٍننِ رَبَ، دَوُدَ نَشَ تُورَ نُن نِنفٍ بْرْفّشِ بَ سّرّشّ رَ. 
\v 14 دَوُدَ نُ نَ قَرٍ بٌرٌنقٍ عَ سّنبّ بِرِن نَ عَلَتَلَ يَ عِ، دُفِ قِيشّ رَفٌرٌشِ عَ مَ. 
\v 15 دَوُدَ نُن عِسِرَيِلَ حَمَ نَشَ نَ كَنكِرَ رَ سِفَ دَرِ سَلَمُ، عٍ نُ عَلَتَلَ مَتْشْ سَرَيٍ قٍ شُي رَ.
\p
\v 16 عٍ نُ كَنكِرَ رَ سٌمَ دَوُدَ شَ تَا كُي تّمُي نَشّ، سْلُ شَ دِ فِنّ مِكَلِ نُ تِشِ وُندّرِ رَ. عَ تٌ دَوُدَ تٌ قَرٍ بٌرٌن نَ، عَلَ شَ كَنكِرَ يَ رَ، عَ بْحّ نَشَ رَحَاشُ عَ مَ. 
\v 17 عٍ نَشَ عَلَتَلَ شَ كَنكِرَ دْشْ كِرِ بَنشِ بُن مَ دَوُدَ نُ نَشَن تِشِ عَ بّ. نَ تّمُي دَوُدَ نَشَ سّرّشّ فَن دَاشِيٍ نُن شَنُنتٍيَ سّرّشّيٍ بَ. 
\v 18 عَ تٌ فّ نَ سّرّشّيٍ بَدٍ، عَ نَشَ دُبَ حَمَ بّ عَلَتَلَ سّنبّمَ شِلِ رَ. 
\v 19 عَ نَشَ تَامِ كٍرٍن، تَمَرٍيٍ، نُن شْرّ مَنِيّيٍ قِ فِنّ نُن شّمّ بِرِن مَ، عٍ قَ فبِلٍن عٍ شْنيِ.
\p
\v 20 دَوُدَ تٌ فبِلٍن عَ شْنيِ، عَ شَ سَ دُبَ عَ شَ دٍنبَيَ بّ، مِكَلِ نَشَ عَ رَلَن، عَ عَ قَلَ عَ بّ، «عِ تَن، عِسِرَيِلَ مَنفّ، عِ تَن نَن قَرٍ بٌرٌنقٍ عِ مَفٍلِ رَ عِ شَ كٌنيِيٍ نُن عٍ شَ فِنّيٍ يَ عِ يِ كِ، عَلْ سّفّتَلَ شُرُتَرٍ ندٍ، عِ مُ يَافِ؟» 
\v 21 دَوُدَ نَشَ عَ يَابِ، عَ نَشّ، «ﭑ عَ رَبَشِ عَلَتَلَ نَن بّ، نَشَن ﭑ سُفَندِ، عَ ﭑ نَقِسَ عِ بَبَ نُن عَ بْنسْي بِرِن بّ، عَ ﭑ قِندِ عَ شَ حَمَ عِسِرَيِلَ مَنفّ رَ. ﭑ مَتْشْي نَن تِقٍ عَلَتَلَ بّ. 
\v 22 ﭑ بَرَ تِن ندٍ شَ سَ نَ قَرِ، ﭑ مَن شَ ﭑ يّتّ مَفٌرٌ عَ بّ. نَ كٌنيِ فِنّيٍ عِ نَشٍيٍ شَ قٍ قَلَ، نٍيٍ قَن ﭑ بِنيَمَ نّ.» 
\v 23 نَ نَ عَ رَ، سْلُ شَ دِ فِنّ مِكَلِ مُ دِ يٌ بَرِ عَ شَ سِمَيَ كُي.
\c 7
\s عَلَ شَ لَايِدِ دَوُدَ بّ
\r يُدَيَ مَنفّيٍ عِ ١٧‏؛١ ٬ ٢٧
\p
\v 1 مَنفّ دَوُدَ تٌ فّ سَبَتِدٍ عَ شَ مَنفّ بَنشِ كُي، عَ يَشُي نَشٍيٍ بِرِن عَ رَبِلِنيِيٍ نَشَ لُ عَ بُن مَ عَلَتَلَ سَابُي رَ، 
\v 2 عَ نَشَ عَ قَلَ عَننَبِ نَتَن بّ، عَ نَشّ، «عَ مَتٌ بَ، ﭑ تَن سَبَتِشِ سّدِرِ وُرِ بَنشِ قَنيِ نَن كُي يِ كِ، كْنْ عَلَ شَ سٍيدٍ كَنكِرَ تَن نَ كِرِ بَنشِ نَن بُن مَ.» 
\v 3 نَتَن نَشَ مَنفّ يَابِ، عَ نَشّ، «نَشَن بِرِن نَ عِ بْحّ مَ، عَ بِرِن نَبَ، عَلَتَلَ نَ عِ قْشْ رَ.»
\p
\v 4 نَ كْي رَ، عَلَتَلَ نَشَ عَ مَسٍن نَتَن بّ، 
\v 5 «سِفَ، عَ قَلَ ﭑ مَ كٌنيِ دَوُدَ بّ، ‹عَلَتَلَ يِ نَن مَسٍنشِ، عَ ﭑ شَ عَ قَلَ عِ بّ، «عِ تَن نَن بَنشِ تِمَ ﭑ بّ ﭑ سَبَتِمَ دّننَشّ؟ 
\v 6 كَبِ ﭑ نَشَ عِسِرَيِلَ رَ مِنِ مِسِرَ، هَن تٌ، ﭑ مُ لُ بَنشِ كُي. ﭑ بَرَ ﭑ حّرّ ﭑ مَ هْرْ مْلِنفِرَ كُي نَشَن قِندِشِ كِرِ بَنشِ رَ. 
\v 7 ﭑ حّرّ نَشَن بِرِن نَبَ ﭑ نُن عِسِرَيِلَ بْنسْييٍ رَ، ﭑ مُ عَ قَلَ ﭑ مَ مِشِ سُفَندِشِ يٌ بّ، مُنقٍ رَ عِ مُ بَنشِ تِ ﭑ بّ سّدِرِ وُرِ رَ؟»›»
\p
\v 8 «عِ شَ عَ قَلَ ﭑ مَ كٌنيِ دَوُدَ بّ، ‹عَلَتَلَ سّنبّمَ شَ مَسٍنيِ نَن يِ كِ؛ ﭑ تَن نَن عِ تٌنفٌ شُرُ سٍ دّ مَدٌن وَلِ كُي، ﭑ عِ قِندِ ﭑ مَ حَمَ عِسِرَيِلَ مَنفّ رَ. 
\v 9 ﭑ بَرَ عِ كَنتَ عِ شَ حّرّ بِرِن كُي، ﭑ بَرَ عِ يَشُي بِرِن سْنتْ. يَكْسِ ﭑ عِ قِندِ مَ نّ شِلِ شُنفبٍ كَنيِ رَ دُنِحَ كُنتِفِيٍ يَ مَ. 
\v 10 ﭑ بْشِ قِمَ ﭑ مَ حَمَ عِسِرَيِلَ حَمَ مَ عٍ سَبَتِمَ دّننَشّ، عٍ قَ لُ بْحّسَ كُي عَبَدَن. مِشِ كٌبِ مُ عٍ تْورْ مَ سْنْن عَلْ تّمُي دَنفِشِ. 
\v 11 كٍلِ ﭑ كِيتِسَيٍ دْشْ تّمُي نَشّ ﭑ مَ حَمَ عِسِرَيِلَ شُن نَ، هَن يَ ﭑ عِ يَشُي بِرِن سَقٍ نّ عِ سَفٌي.›»
\p «‹عَلَتَلَ شَ مَسٍنيِ نَن يَ؛ عَلَتَلَ يَتِ بْنسْي قِمَ نّ عِ مَ. 
\v 12 عِ شَ سِمَيَ نَ كَمَلِ، عِ قَ عِ بٍنبَيٍ لِ عَلِفِيَمَ، ﭑ عَ نِيَمَ نّ عِ شَ دِ شَ قِندِ مَنفّ رَ عِ حْشْي رَ، ﭑ قَ عَ شَ مَنفّيَ مَبَنبَن. 
\v 13 عَ قَمَ ﭑ مَ هْرْ مْبَنشِ تِدٍ، ﭑ عَ شَ مَنفّيَ مَبَنبَنمَ نّ عَبَدَن. 
\v 14 ﭑ قِندِ مَ عَ بَبَ نَن نَ، عَ قَن قِندِ ﭑ مَ دِ رَ. عَ نَ بَ ﭑ مَ كِرَ شْن مَ، ﭑ عَ حَشَنكَتَمَ نّ مِشِيٍ سَابُي رَ. 
\v 15 كْنْ ﭑ مَ هِننّ مُ بَمَ عَ مَ، عَلْ ﭑ عَ بَ سْلُ مَ كِ نَشّ، ﭑ نَشَن عِفٌرٌشِ عِ يَ عِ. 
\v 16 عِ بْنسْي نُن عِ شَ مَنفّيَ مَبَنبَنمَ نّ عَبَدَن، عِ شَ كِبَنيِ دْشْمَ نّ تّمُي بِرِن.›» 
\v 17 نَتَن نَشَ عَلَ شَ مَسٍنيِ بِرِن دّنتّفّ دَوُدَ بّ.
\p
\v 18 نَ دَنفِ شَنبِ، مَنفّ دَوُدَ نَشَ عَ مَفٌرٌ عَلَتَلَ يَ عِ، عَ عَ مَسٍن عَ بّ، «ﭑ مَرِفِ عَلَتَلَ، مُنقٍ رَ عِ ﭑ تَن نُن ﭑ شَبِلّ شَ قٍ عِتٍشِ يِ كِ؟ 
\v 19 عِ مَن بَرَ عَ قَلَ عٍ شَ قٍ قَمَ عِتٍدٍ يَرٍ. ﭑ مَرِفِ عَلَتَلَ، عِ دَرِشِ نَ مْولِ رَبَ رَ عَدَ مَ دِ نَن بّ؟ 
\v 20 ﭑ تَن دَوُدَ، عِ شَ كٌنيِ، ﭑ نْمَ مُنسٍ قَلَدٍ عِ بّ؟ عِ ﭑ بْحّ بِرِن كٌلٌن. 
\v 21 عِ بَرَ يِ قٍ شُنفبٍ رَبَ عِ شَ لَايِدِ نُن عِ حَنِفٍ شَ قٍ رَ، عِ قَ عَ مَسٍن ﭑ تَن عِ شَ كٌنيِ بّ. 
\v 22 ﭑ مَرِفِ عَلَتَلَ، عِ سّنبّ فبٌ، عِ مَنِيّ مُ نَ. عَلَ فبّتّ يٌ مُ نَ بَقٍ عِ تَن نَ. مُشُ نَ نَن مّشِ مُشُ تُلِ رَ. 
\v 23 بْنسْي مُندُن نَ يِ دُنِحَ مَ نَشَن لُشِ عَلْ عِسِرَيِلَ بْنسْي، عِ شَ حَمَ سُفَندِشِ؟ عِ تَن عَلَ بَرَ نَ سِ كٍرٍنيِ شُن سَرَ عِ يّتّ بّ، عٍ قَ قِندِ مَتْشْي رَ عِ بّ. عِ تَن بَرَ كَابَنَكٌي رَبَ عٍ بّ، عِ قَ سِيٍ نُن عٍ شَ عَلَيٍ كٍرِ عِ شَ حَمَ يَ رَ، عِ نَشَن شُن سَرَشِ مِسِرَ. 
\v 24 عِ بَرَ سّنبّ سٌ عِ شَ حَمَ عِسِرَيِلَ يِ رَ، عَلَكٌ عَ شَ قِندِ عِ شَ حَمَ رَ عَبَدَن، عِ قَن شَ قِندِ عٍ مَرِفِ عَلَ رَ.»
\p
\v 25 «يَكْسِ، ﭑ مَرِفِ عَلَتَلَ، عِ شَ عِ شَ لَايِدِ رَكَمَلِ ﭑ بّ. عِ نَشَن قَلَ ﭑ شَبِلّ شَ قٍ رَ، عِ شَ نَ رَفِرِ عَبَدَن. 
\v 26 عِ شِلِ شَ عِتٍ عَبَدَن! مِشِيٍ شَ عَ قَلَ، ‹عَلَتَلَ سّنبّمَ قِندِشِ عِسِرَيِلَ مَرِفِ نَن نَ! عِ شَ سّنبّ قِ عِ شَ كٌنيِ دَوُدَ بْنسْي مَ!› 
\v 27 عِ تَن يَتِ، عِسِرَيِلَ مَرِفِ عَلَتَلَ سّنبّمَ، عِ بَرَ عَ مَسٍن ﭑ بّ، ‹ﭑ بْنسْي قِمَ نّ عِ مَ.› نَ نَن عَ رَ، ﭑ تَن عِ شَ كٌنيِ بَرَ لِمَنِيَ سْتْ ﭑ شَ يِ مَشَندِ تِ عِ مَ. 
\v 28 يَكْسِ، ﭑ مَرِفِ عَلَتَلَ، عِ تَن نَن نَ عَلَ رَ. نْندِ نَن عِ شَ مَسٍنيِ رَ. عِ بَرَ عِ شَ هِننّ مَسٍن ﭑ بّ. 
\v 29 يَكْسِ، بَرَكَ سَ ﭑ شَبِلّ مَ، عَلَكٌ عٍ شَ تِ عِ يَ تٌدٍ رَ عَبَدَن. عِ تَن، ﭑ مَرِفِ عَلَتَلَ، عِ تَن نَن وْيّنشِ. عِ شَ مَسٍنيِ نَن عَ نِيَمَ ﭑ بْنسْي بَرَكَ سْتْمَ عَبَدَن.»
\c 8
\s دَوُدَ فٍرٍيٍ فٍينِقٍ
\r يُدَيَ مَنفّيٍ عِ ١٨‏؛١ ٬ ١٧
\p
\v 1 نَ بِرِن دَنفِ شَنبِ، دَوُدَ نَشَ قِلِسِتَكَيٍ بْنبْ، عَ عٍ لُ عَ شَ يَامَرِ بُن مَ.
\p
\v 2 عَ نَشَ مٌوَبَكَيٍ قَن بْنبْ. مِشِ نَشٍيٍ سُشُ، عَ نَشَ نٍيٍ عِتَشُن دْشْ سَشَن، عَ قَ دْشْ قِرِن قَشَ. مٌوَبَكَيٍ نَشَ لُ دَوُدَ شَ نْي بُن مَ، عٍ نُ قَ دُوتِ قِ عَ مَ.
\p
\v 3 دَوُدَ تٌ فٍرٍ تِ عٍقِرَتِ شُرٍ لٌنفٌرِ، عَ نَشَ رٍشٌبٌ شَ دِ هَدَدٍ سٍرِ بْنبْ، نَشَن قِندِشِ سٌبَ مَنفّ رَ. 
\v 4 دَوُدَ نَشَ هَدَدٍ سٍرِ شَ سٌي رَفِ مِشِ وُلُ كٍرٍن كّمّ سٌلٌقٍرٍ سُشُ، عَ نُن سْورِ مِشِ وُلُ مْشْحّن. عَ نَشَ سٌي بِرِن سَن قَسّ رَشَبَ، بَقٍ سٌي كّمّ حْندْن عَ نَشٍيٍ رَفَتَ عَ يّتّ بّ.
\p
\v 5 عَرَ مِكَيٍ نَشَ كٍلِ عٍ شْنيِ دَ مَسِ، عٍ شَ هَدَدٍ سٍرِ سٌبَ مَنفّ مَلِ، كْنْ دَوُدَ نَشَ عٍ شَ مِشِ وُلُ مْشْحّن نُن قِرِن سْنتْ. 
\v 6 نَ كُي دَوُدَ نَشَ عَ شَ سْورِيٍ رَ سَبَتِ دَ مَسِ، عَرَ مِكَيٍ قَ لُ عَ شَ يَامَرِ بُن مَ، عٍ دُوتِ قِ. عَلَتَلَ نُ دَوُدَ شُن نَكٍلِمَ يِرٍ بِرِن.
\p
\v 7 دَوُدَ نَشَ كَنكٍ مَكَنتَسٍ شّيمَ دَاشِ فبٍفبٍ بَ هَدَدٍ سٍرِ شَ مِشِيٍ يِ رَ، عَ عٍ شَنِن دَرِ سَلَمُ. 
\v 8 عَ نَشَ وُرٍ فبٍيلِ فبٍفبٍ قَن تٌنفٌ بٍتَشَ نُن بٍرٌتَيِ، هَدَدٍ سٍرِ شَ تَايٍ.
\p
\v 9 شَمَتَ مَنفّ تٌهُ تٌ عَ مّ، عَ دَوُدَ بَرَ هَدَدٍ سٍرِ شَ سْورِيٍ بِرِن بْنبْ، 
\v 10 عَ نَشَ عَ شَ دِ يٌرَ مِ شّي مَنفّ دَوُدَ يِرٍ، عَ شَ سَ عَ شّيبُ، عَ مَن شَ عَ تَنتُ هَدَدٍ سٍرِ فٍرٍقٍ نُن عَ بْنبْقٍ رَ. يٌرَ مِ نَشَ عَ سَنبَ فبٍتِ، شّيمَ، نُن وُرٍ فبٍيلِ رَ. 
\v 11 مَنفّ دَوُدَ نَشَ نَ بِرِن قِ عَلَتَلَ مَ. عَ نُ لُمَ نَ رَبَ رَ شّيمَ نُن فبٍتِ بِرِن نَ عَ نَشَن سْتْمَ فٍرٍ كُي عَ يَشُييٍ يِ رَ، 
\v 12 عَلْ عَرَ مِكَيٍ، مٌوَبَكَيٍ، عَمٌنِكَيٍ، قِلِسِتَكَيٍ، عَمَلّكِكَيٍ، نُن رٍشٌبٌ شَ دِ هَدَدٍ سٍرِ سٌبَ مَنفّ.
\p
\v 13 نَ نَن عَ رَ دَوُدَ نَشَ شِلِ شُنفبٍ سْتْ عَ تٌ عَرَ مِكَيٍ بْنبْ قْشّ فُلُنبَ، عَ مِشِ وُلُ قُ نُن سٌلٌمَسَشَن سْنتْ دّننَشّ. 
\v 14 عَ نَشَ عَ شَ سْورِيٍ رَ سَبَتِ عٍدٌن بْشِ بِرِن مَ. مّننِ نُ نَ دَوُدَ شَ يَامَرِ نَن بُن مَ، بَرِ مَ عَلَتَلَ نُ شُن نَكٍلِ قِمَ عَ مَ يِرٍ بِرِن.
\p
\v 15 دَوُدَ نَشَ عَ شَ حَمَ عِسِرَيِلَ يَمَرِ تِنشِنيِ نُن نْندِ رَ. 
\v 16 سٍرُيَ شَ دِ يٌوَبَ نَن نُ نَ دَوُدَ شَ سْورِيٍ شَ مَنفّ رَ. عَشِلُدُ شَ دِ يٍهٌسَقَتِ نَن نُ نَ مَنفّ شَ كّيدِ رَفَتَمَ رَ. 
\v 17 عَشِتُبَ شَ دِ سَدْكِ نُن عَبِيَتَرِ شَ دِ عَشِمٍلٍكِ نَن نُ نَ سّرّشّدُبّ كُنتِفِيٍ رَ. 
\v 18 سٍرَيَ نَن نُ نَ دَوُدَ شَ سّبّلِتِ رَ. يٍهٌيَدَ شَ دِ بّنَيَ نَن نُ نَ كٍرٍتِكَيٍ نُن ثٍلٍتَكَيٍ شَ مَنفّ رَ. دَوُدَ شَ دِ شّمّيٍ قَن نُ وَلِمَ عٍ بَبَ شَ مَنفّيَ كُي.
\c 9
\s دَوُدَ مّينِقٍ مٍقِبٌسٍتِ مَ
\p
\v 1 دَوُدَ نَشَ مَشْرِنيِ تِ، عَ نَشّ، «سْلُ شَبِلّ مِشِ ندٍ نَ نَ، ﭑ نْمَ هِننّدٍ نَشَن نَ يٌنَتَن شَ قٍ رَ؟» 
\v 2 سْلُ شَ كٌنيِ ندٍ نُ نَ نَشَن شِلِ سِبَ. عٍ تٌ قَ عَ رَ دَوُدَ يِرٍ، مَنفّ نَشَ عَ مَشْرِن، «عِ تَن نَن شِلِ سِبَ؟» عَ نَشّ، «عِيٌ مَنفّ، ﭑ تَن نَن عَ رَ، عِ شَ كٌنيِ دِ.» 
\v 3 مَنفّ نَشَ عَ مَشْرِن، «مِشِ فبّتّ مُ نَ سْلُ شَبِلّ يَ مَ ﭑ نْمَ هِننّدٍ نَشَن نَ؟» عَ نَشَ مَنفّ يَابِ، عَ نَشّ، «يٌنَتَن شَ دِ شّمّ كٍرٍن نَ نَ، نَشَن سَنيِ مَبّنشِ.» 
\v 4 مَنفّ نَشَ عَ مَشْرِن، «عَ نَ مِندٍن؟» سِبَ نَشَ عَ قَلَ، «عَ نَ عَمِيّلِ شَ دِ مَكِرِ شْنيِ لٌدٍبَرَ تَا كُي.»
\p
\v 5 مَنفّ دَوُدَ نَشَ عَ شّي عَمِيّلِ شَ دِ مَكِرِ قٍندٍ لٌدٍبَرَ تَا كُي. 
\v 6 يٌنَتَن شَ دِ مٍقِبٌسٍتِ، سْلُ شَ مَمَدِ تٌ دَوُدَ يِرٍ لِ، عَ نَشَ عَ يَتَفِ رَقٍلٍن بْشِ مَ. دَوُدَ نَشَ عَ شّيبُ، «مٍقِبٌسٍتِ.» مٍقِبٌسٍتِ نَشَ عَ رَتِن، «ﭑ تَن نَن يَ، عِ شَ كٌنيِ دِ.» 
\v 7 دَوُدَ نَشَ عَ قَلَ عَ بّ، عَ نَشّ، «هَلِ عِ مُ فَاشُ، عَ كٌلٌن ﭑ وَ مَ هِننّقٍ عِ رَ عِ بَبَ يٌنَتَن شَ قٍ رَ. ﭑ سْلُ شَ بْشِيٍ بِرِن نَفبِلٍنمَ نّ عِ مَ. عَ شْلِ ﭑ مَ عِ شَ عِ دّفٍ ﭑ شْنيِ لْشْ يٌ لْشْ.» 
\v 8 مٍقِبٌسٍتِ مَن نَشَ عَ يَتَفِ رَقٍلٍن بْشِ مَ، عَ عَ قَلَ، «عِ وَ مَ ﭑ مَ قٍ قَنيِ شْنمَ مُنقٍ رَ؟ ﭑ تِدٍ مُ دَنفِ هَلِ بَرٍ قَشَشِ ندٍ يَتِ رَ.»
\p
\v 9 نَ تّمُي مَنفّ نَشَ سِبَ شِلِ، عَ عَ قَلَ عَ بّ، «ﭑ بَرَ سْلُ نُن عَ شَ دِيٍ شَ سٍ بِرِن قِ عِ مَرِفِ يٌنَتَن شَ دِ مَ. 
\v 10 عِ تَن، عِ شَ دِيٍ، نُن وٌ شَ كٌنيِيٍ، وٌ شَ شّ سَ عَ بّ، عَلَكٌ عَ شَ بَلٌي سْتْ. عِ مَرِفِ شَ دِ مٍقِبٌسٍتِ قَمَ عَ دّفّدٍ ﭑ شْنيِ لْشْ يٌ لْشْ.» دِ شّمّ قُ نُن سُولِ نُن كٌنيِ مْشْحّن نَن نُ نَ سِبَ يِ رَ. 
\v 11 سِبَ نَشَ عَ قَلَ مَنفّ بّ، عَ نَشّ، «مَنفّ، ﭑ عِ شَ يَامَرِ رَبَمَ نّ عَلْ عِ عَ قَلَشِ ﭑ بّ كِ نَشّ.» دَوُدَ نُ بَرَ عَ قَلَ، عَ مٍقِبٌسٍتِ عَ دّفٍمَ مَنفّ شْنيِ عَلْ مَنفّ شَ دِيٍ عَ رَبَمَ كِ نَشّ.
\p
\v 12 دِ لَنمَ دِ ندٍ نُ نَ مٍقِبٌسٍتِ يِ رَ، عَ شِلِ مِكٍ. سِبَ شَ مِشِيٍ بِرِن نُ وَلِمَ مٍقِبٌسٍتِ بّ. 
\v 13 مٍقِبٌسٍتِ نُ سَبَتِشِ دَرِ سَلَمُ نّ، تّمُي بِرِن عَ نُ عَ دّفٍمَ مَنفّ شْنيِ نّ. عَ سَنيِ قِرِنيِيٍ نُ مَبّنشِ.
\c 10
\s دَوُدَ شَ شّيرَيٍ عَمٌنِكَيٍ يِرٍ
\r يُدَيَ مَنفّيٍ عِ ١٩‏؛١ ٬ ١٩
\p
\v 1 نَ تٌ دَنفِ، عَمٌنِكَيٍ شَ مَنفّ نَشَ قَشَ، عَ شَ دِ شَنُن نَشَ قِندِ مَنفّ رَ عَ حْشْي رَ. 
\v 2 دَوُدَ نَشَ عَ قَلَ، «ﭑ هِننّمَ نّ نَشَسَ شَ دِ شَنُن نَ، عَلْ عَ بَبَ عَ رَبَشِ ﭑ تَن بّ كِ نَشّ.» نَ كُي دَوُدَ نَشَ شّيرَيٍ شّي، عٍ شَ سَ حْن شّيبُي تِ عَ بَبَ شَ قَشّ مَ. دَوُدَ شَ شّيرَيٍ تٌ عَمٌنِ بْشِ لِ، 
\v 3 كُنتِفِيٍ نَشَ عَ قَلَ شَنُن بّ، عٍ نَشّ، «عِ حْشْ عَ مَ عَ دَوُدَ يِ مِشِيٍ شّيشِ عِ بَبَ شَ حْنقٍ نَن كُنقَ بَدٍ؟ عٍ قَشِ عِ شَ بْشِ رَبّندٍ نّ، عَلَكٌ دَوُدَ شَ بٍ كَنَ.» 
\v 4 نَ كُي شَنُن نَشَ دَوُدَ شَ شّيرَيٍ سُشُ، عَ عٍ دّشَبٍ سّيتِ بِ، عَ عٍ شَ دٌنمَيٍ عِبْو عٍ شْرّ يَءِلَنيِ مَ، عَ عٍ كٍرِ عٍ مَفٍلِ رَ يَافِ كُي. 
\v 5 دَوُدَ تٌ عَ مّ عٍ نَشَن نَبَشِ، عَ نَشَ مِشِيٍ رَ سِفَ عَ شَ شّيرَيٍ رَلَندٍ، عٍ عَ قَلَ عٍ بّ، «وٌ شَ لُ يٍرِكٌ، هَن وٌ دّ شَبٍيٍ شَ مِنِ. نَ تّمُي، وٌ شَ قَ.» عَ نَ رَبَ عٍ شَ يَافِ شَ قٍ نَن مَ.
\p
\v 6 عَمٌنِكَيٍ نَشَ عَ كٌلٌن، عَ عٍ شَ قٍ بَرَ رَحَاشُ دَوُدَ مَ. نَ كُي عٍ نَشَ سْورِيٍ مَلَن كٍلِقٍ يِرٍ وُيَشِ؛ مِشِ وُلُ مْشْحّن كٍلِقٍ بٍتِ رٍشٌبٌ نُن سٌبَ عَرَ مِ بْشِ مَ، مِشِ وُلُ كٍرٍن مَاكَ مَنفّ شَ بْشِ مَ، نُن مِشِ وُلُ قُ نُن قِرِن تٌبٌ شَ بْشِ مَ. 
\v 7 دَوُدَ تٌ نَ قٍ مّ، عَ نَشَ يٌوَبَ نُن عَ شَ سْورِيٍ رَ سِفَ نَ فٍرٍ سٌدٍ. 
\v 8 عَمٌنِكَيٍ نَشَ تِ عَ فٍرٍ كِ مَ عٍ شَ تَا سٌدٍ دّ رَ. عَرَ مِكَ نَشٍيٍ تَن كٍلِشِ سٌبَ نُن بٍتِ رٍشٌبٌ، سَ سْورِيٍ شُن مَ نَشٍيٍ كٍلِ تٌبٌ نُن مَاكَ، نٍيٍ نَشَ لُ عٍ شَتِ مَ تَا قَرِ مَ.
\p
\v 9 يٌوَبَ نَشَ عَ تٌ فٍرٍ تِشِ عَ بّ يَرٍ نُن شَنبِ. عَ نَشَ عَ شَ سْورِ سّنبّمَيٍ تِ عَرَ مِكَيٍ يَ رَ، 
\v 10 عَ بٌورٍيٍ تِ عَمٌنِكَيٍ يَ رَ، عَ شُنيَ عَبِسَيِ شَ يَامَرِ بُن مَ. 
\v 11 عَ نَشَ عَ قَلَ عَ شُنيَ بّ، «وٌن شَ وٌن بٌورٍ سّنبّ سٌ. عَرَ مِكَيٍ سّنبّ نَ فبٌ ﭑ بّ، عِ قَ ﭑ مَلِ، كْنْ ﭑ قَن شَ عَمٌنِكَيٍ سّنبّ سَ فبٌ عِ بّ، ﭑ سِفَمَ نّ عِ مَلِدٍ. 
\v 12 عِ شَ لِمَنِيَ، عِ شَ سّنبّ سٌ. وٌن شَ فٍرٍ سٌ وٌن مَ مِشِيٍ نُن وٌن مَرِفِ عَلَ شَ تَايٍ بّ. عَلَتَلَ قَمَ عَ سَفٌ رَبَدٍ.»
\p
\v 13 يٌوَبَ نُن عَ شَ سْورِيٍ تٌ مَكْرّ عَرَ مِكَيٍ رَ، عٍ نَشَ عٍ فِ عَ يَ رَ. 
\v 14 عَمٌنِكَيٍ تٌ نَ تٌ، عٍ قَن نَشَ عٍ فِ عَبِسَيِ يَ رَ، عٍ سٌ تَا كُي. نَ فٍرٍ دَنفِ شَنبِ، يٌوَبَ نَشَ فبِلٍن دَرِ سَلَمُ.
\p
\v 15 عَرَ مِكَيٍ تٌ عَ تٌ، عَ عِسِرَيِلَكَيٍ بَرَ عٍ بْنبْ، عٍ مَن نَشَ عٍ سّنبّ بِرِن شُنلَن. 
\v 16 هَدَدٍ سٍرِ نَشَ عَرَ مِكَ فبّتّيٍ شِلِ كٍلِقٍ عٍقِرَتِ نَاكِرِ مَ، عٍ قَ هَدَدٍ سٍرِ شَ سْورِ مَنفّ سٌبَكِ لِ شٍلَمَ تَا كُي. 
\v 17 دَوُدَ تٌ نَ كٌلٌن، عَ نَشَ عِسِرَيِلَكَيٍ بِرِن شُنلَن، عٍ نَشَ فِرِ يُرُدّن شُرٍ نَاكِرِ مَ، عٍ سِفَ شٍلَمَ. عَرَ مِكَيٍ نَشَ تِ دَوُدَ يَ رَ، عٍ قَ عَ فٍرٍ. 
\v 18 كْنْ عَرَ مِكَيٍ مُ نْ عَ رَ، عٍ نَشَ عٍ فِ عِسِرَيِلَ يَ رَ. دَوُدَ نَشَ عٍ شَ سٌي رَفِ وُلُ تٌنفٌ نَانِ قَشَ، عَ نُن سْورِ وُلُ تٌنفٌ نَانِ. عَ نَشَ عٍ شَ سْورِ مَنفّ سٌبَكِ قَن بْنبْ، عَ نَشَ قَشَ مّننِ. 
\v 19 مَنفّ نَشٍيٍ بِرِن نُ نَ هَدَدٍ سٍرِ مَلِقٍ، نٍيٍ تٌ عَ تٌ عِسِرَيِلَ بَرَ عٍ بْنبْ، عٍ نَشَ سَاتّ شِرِ عٍ نُن دَوُدَ رَ، عٍ قَ لُ عَ شَ يَامَرِ بُن مَ. كَبِ نَ وَشَتِ، عَرَ مِكَيٍ مُ سُو سَ عَمٌنِكَيٍ مَلِدٍ سْنْن.
\c 11
\s دَوُدَ نُن بَتِسٍبَ
\r يُدَيَ مَنفّيٍ عِ ٢٠‏؛١
\p
\v 1 نَ حّ عِفبِلٍنيِ، مَنفّيٍ نُ فٍرٍيٍ تِمَ وَشَتِ نَشّ، دَوُدَ نَشَ يٌوَبَ نُن عِسِرَيِلَ سْورِيٍ شّي عَمٌنِكَيٍ فٍرٍدٍ، عَ نُن رَبَ تَا سُشُدٍ. كْنْ دَوُدَ تَن نَشَ لُ دَرِ سَلَمُ. 
\v 2 نُنمَرٍ ندٍ، دَوُدَ نَشَ كٍلِ عَ شَ سَدٍ مَ، عَ سِفَ عَ مَحّرّدٍ عَ شَ كٌورٍ بَنشِ قَرِ. كٍلِقٍ نَ يِرٍ عِتٍشِ، عَ نَشَ فِنّ تٌقَنيِ ندٍ تٌ، عَ نَ عَ مَشَقٍ. 
\v 3 دَوُدَ نَشَ مِشِ ندٍ شّي عَ شَ قٍ مَشْرِندٍ. عَ نَشَ قَ عَ قَلَ عَ بّ، عَ عٍلِيَمِ شَ دِ بَتِسٍبَ نَن عَ رَ، نَشَن دْشْشِ عُرِ شِتِكَ شْن. 
\v 4 دَوُدَ نَشَ مِشِيٍ شّي، عٍ شَ عَ شِلِ. عَ تٌ قَ، دَوُدَ نَشَ عَ كٌلٌن فِنّ رَ. نَ دَنفِ شَنبِ، بَتِسٍبَ نَشَ فبِلٍن عَ شْنيِ. نَ تّمُي عَ نُ بَشِ فّدٍ عَ شَ كِكٍ وَلِ رَ. 
\v 5 بَتِسٍبَ تٌ عَ كٌلٌن عَ بَرَ تّيفّ، عَ نَشَ نَ قَلَ دَوُدَ بّ، عَ نَشّ، «ﭑ بَرَ قُرِ تٌنفٌ.»
\p
\v 6 نَ كُي، دَوُدَ نَشَ يٌوَبَ يَمَرِ، عَ شَ عُرِ شِتِكَ رَقَ عَ تَن دَوُدَ مَ كٍلِ فٍرٍ يِرٍ. يٌوَبَ نَشَ نَ رَبَ، 
\v 7 عُرِ نَشَ سِفَ دَوُدَ يِرٍ. دَوُدَ نَشَ مَشْرِنيِ ندٍيٍ تِ عَ مَ يٌوَبَ نُن عَ شَ سْورِيٍ شَ قٍ رَ، نَشٍيٍ نُ نَ فٍرٍ سٌقٍ. 
\v 8 نَ دَنفِ شَنبِ، دَوُدَ نَشَ عَ قَلَ عُرِ بّ، «سِفَ عِ شْنيِ، عِ شَ سَ عِ مَشَ.» عُرِ تٌ كٍلِ مَنفّ بَنشِ سِفَقٍ عَ شْنيِ، دَوُدَ نَشَ سٍ قَنيِ ندٍ رَ سَنبَ عَ مَ.
\p
\v 9 كْنْ عُرِ مُ فبِلٍن عَ شْنيِ. عَ نَشَ شِ مَنفّ شَ بُنتُنيِ كُي مَنفّ مَكَنتّيٍ يَ مَ. 
\v 10 نَ كُيٍ عِبَ مِشِ ندٍ نَشَ سَ عَ قَلَ دَوُدَ بّ، «عُرِ مُ سِفَ عَ شْنيِ.» نَ كُي، دَوُدَ نَشَ عُرِ شِلِ، عَ عَ مَشْرِن، «مُنقٍ رَ عِ مُ فبِلٍن عِ شْنيِ؟ عِ مُ كٍلِشِ بِيَاسِ شّ؟» 
\v 11 عُرِ نَشَ عَ يَابِ، «عَلَتَلَ شَ سَاتّ كَنكِرَ، عِسِرَيِلَ، نُن يُدَيَ سْورِيٍ، نُن ﭑ مَرِفِ يٌوَبَ، عٍ بِرِن نَ لٍيلٍ بُن مَ فٍرٍ يِرٍ. عَ لَنمَ ﭑ تَن شَ سٌ ﭑ شْنيِ، ﭑ شَ ﭑ دّفٍ، ﭑ شَ ﭑ مِن، ﭑ نُن ﭑ مَ فِنّ شَ كَقُ نَ كُي؟ ﭑ بَرَ ﭑ كَلِ عِ شَ سِمَيَ يَتِ رَ، ﭑ مُ نَ قٍ مْولِ رَبَمَ.»
\p
\v 12 دَوُدَ نَشَ عَ يَابِ، «عِ شَ لُ بٍ تٌ. تِنَ ﭑ عِ بّحِنمَ نّ.» نَ كُي عُرِ نَشَ لُ دَرِ سَلَمُ نَ شِ قِرِنيِ. 
\v 13 دَوُدَ نَشَ عَ شِلِ عَ شَ عَ دّفٍ عَ شْنيِ. نَ تّمُي دَوُدَ نَشَ عَ رَ سِيسِ، كْنْ نَ كْي رَ عُرِ مُ سِفَ عَ شْنيِ. عَ مَن نَشَ شِ مَنفّ مَكَنتّيٍ يَ مَ. 
\v 14 نَ كُيٍ عِبَ، دَوُدَ نَشَ بَتَاشّ سّبّ يٌوَبَ مَ، عَ عَ سٌ عُرِ يِ رَ. 
\v 15 عَ سّبّشِ نَ بَتَاشّ كُي، «وٌ شَ عُرِ تِ يِرٍ ندٍ فٍرٍ شْرْشْشِ دّننَشّ. فٍرٍ كُي وٌ شَ وٌ مَفبِلٍن وٌ كٍلِ عَ شُن، عَلَكٌ عَ شَ قَشَ نَ فٍرٍ كُي.»
\p
\v 16 يٌوَبَ نَشَ عُرِ تِ يِرٍ ندٍ عَ عَ كٌلٌن فٍرٍ شْرْشْشِ دّننَشّ كِ قَنيِ. 
\v 17 تَاكَيٍ تٌ مِنِ يٌوَبَ شِلِ مَ، دَوُدَ شَ مِشِ ندٍيٍ نَشَ سْنتْ. عُرِ شِتِكَ نُ نَ نٍيٍ يَ مَ. 
\v 18 يٌوَبَ نَشَ شّيرَ شّي دَوُدَ يِرٍ، عَ قٍ بِرِن دّنتّفّ عَ بّ نَشَن دَنفِشِ نَ فٍرٍ كُي. 
\v 19 يٌوَبَ نَشَ عَ قَلَ نَ شّيرَ بّ، «عِ نَ فّ نَ دّنتّفّ سَدٍ، 
\v 20 شَ مَنفّ قَ شْنْ، عَ قَ يِ وْيّنيِ مْولِ قَلَ، ‹مُنقٍ رَ وٌ وٌ مَسٌشِ نَ تَا رَ عَ فبٍ رَ فٍرٍ سٌدٍ؟ وٌ مُ نُ عَ كٌلٌن عَ عٍ نْمَ بُنيِ تِدٍ كٍلِقٍ تَا تّتّ قَرِ مَ؟ 
\v 21 يٍرُبٍسٍتِ شَ دِ عَبِمٍلٍكِ مُ قَشَ نَ كِ شّ؟ فِنّ ندٍ نَن عَ فْنْ فّمّ شُنفبٍ رَ كٍلِقٍ تّبّسِ تَا تّتّ رَ. وٌ وٌ مَسٌشِ نَ تّتّ رَ مُنقٍ رَ؟› نَ تّمُي عِ شَ يِ وْيّنيِ سَ عِ شَ دّنتّفّ قَرِ، عَ قَلَقٍ رَ، ‹عِ شَ كٌنيِ عُرِ شِتِكَ قَن بَرَ قَشَ نَ فٍرٍ كُي.›»
\p
\v 22 شّيرَ نَشَ سِفَ، عَ قٍ بِرِن دّنتّفّ سَ دَوُدَ بّ نَشَن دَنفِ فٍرٍ كُي عَلْ يٌوَبَ عَ قَلَ عَ بّ كِ نَشّ. 
\v 23 عَ نَشّ، «يِ مِشِيٍ بَرَ نْ مُشُ رَ. عٍ تٌ مِنِ تَا قَرِ مَ، مُشُ نَشَ عٍ مَتُتُن هَن عٍ مَن نَشَ سٌ تَا سٌدٍ دّ رَ. 
\v 24 كْنْ نَ تّمُي مِشِ فبّتّيٍ نَشَ شَلِيٍ وٌلِ مُشُ مَ كٍلِقٍ تَا تّتّ قَرِ. مُشُ شَ مِشِ ندٍيٍ نَشَ قَشَ، هَلِ عِ شَ كٌنيِ دِ عُرِ، نَ شِتِكَ.» 
\v 25 دَوُدَ نَشَ نَ شّيرَ يَابِ يِ رَ، «يٌوَبَ، عِ بْحّ نَشَ رَحَاشُ عِ مَ يِ قٍ مَ، بَرِ مَ فٍرٍ تَن كُي، قٌ مِشِ ندٍ شَ قَشَ نّ. عِ شَ نَ تَا سُشُ سّنبّ رَ، عِ عَ بِرِن كَنَ.» عِ تَن قَن شَ عَ رَلِمَنِيَ.
\p
\v 26 عُرِ شَ فِنّ تٌ عَ مّ عَ شَ مْرِ بَرَ قَشَ، عَ نَشَ كَاحّ قٍ رَبَ. 
\v 27 عَ شَ كَاحّ قٍ تٌ بَ عَ رَ، دَوُدَ نَشَ عَ شِلِ، عَ عَ قِندِ عَ شَ فِنّ رَ. نَ تّمُي عَ نَشَ دِ شّمّ كٍرٍن بَرِ عَ بّ. كْنْ دَوُدَ نَشَن نَبَشِ، نَ مُ رَقَن عَلَتَلَ مَ.
\c 12
\s عَننَبِ نَتَن شَ مَسٍنيِ دَوُدَ بّ
\p
\v 1 عَلَتَلَ نَشَ نَتَن شّي دَوُدَ شْن مَ. نَتَن نَشَ عَ قَلَ عَ بّ، «مِشِ قِرِن نُ نَ تَا ندٍ كُي، كٍرٍن نُ قِندِشِ بَننَ نَن نَ، بٌورٍ سٍتَرٍ. 
\v 2 شُرُ سٍ فبٍفبٍ نُ نَ نَ بَننَ يِ رَ، 
\v 3 كْنْ يّشّي فِنّ كٍرٍن ثٍتِ نَن نُ نَ سٍتَرٍ تَن يِ رَ. عَ نَ سَرَ نّ، عَ نُ عَ بَلٌ عَ شْنيِ عَ شَ دِيٍ يَ مَ. عَ نُ دٌنسٍ شُنتُنيِيٍ قِمَ عَ مَ، عَ نُ يٍ قِ عَ مَ عَ يّتّ شَ تْنبِلِ رَ. كْي رَ يّشّي نُ شِمَ عَ كَنكٍ نَن مَ. عَ نُ لُشِ نّ عَ بّ عَلْ عَ شَ دِ. 
\v 4 لْشْي ندٍ شْحّ نَشَ قَ نَ بَننَ شْنيِ. نَ بَننَ تٌ مُ تِن شُرُ سٍ بَدٍ عَ يّتّ شَ فْورّ كُي، عَ نَشَ سِفَ عَ سَ نَ سٍتَرٍ شَ يّشّي كٍرٍنيِ تٌنفٌ، عَ عَ قَشَ، عَ عَ رَقَلَ عَ شَ شْحّ بّ.»
\p
\v 5 دَوُدَ تٌ نَ مّ، عَ نَشَ شْنْ كِ قَنيِ رَ نَ بَننَ مَ، عَ نَشَ عَ قَلَ نَتَن بّ، «ﭑ بَرَ ﭑ كَلِ عَلَتَلَ شِلِ رَ، نَ بَننَ لَن نّ عَ شَ قَشَ. 
\v 6 عَ مَن شَ نَ يّشّي حْشْي نَانِ رَفبِلٍن نَ سٍتَرٍ مَ، بَرِ مَ عَ بَرَ قٍ كٌبِ رَبَ، عَ مُ كِنِكِنِ.»
\p
\v 7 نَ تّمُي نَتَن نَشَ عَ قَلَ دَوُدَ بّ، عَ نَشّ، «عِ تَن نَن نَ نَ بَننَ رَ! عِسِرَيِلَ مَرِفِ عَلَتَلَ يِ نَن مَسٍنشِ، عَ نَشّ، ‹ﭑ بَرَ عِ سُفَندِ عِسِرَيِلَ مَنفّ رَ، ﭑ بَرَ عِ رَتَنفَ سْلُ مَ، 
\v 8 ﭑ قَ عَ شَ بَنشِ سٌ عِ يِ رَ، عَ نُن عَ شَ فِنّيٍ، عَ نُن عِسِرَيِلَ نُن يُدَيَ بِرِن. شَ نَ مُ عِ وَسَ نُ، ﭑ نُ نْمَ ندٍ سَدٍ نَ شُن مَ. 
\v 9 مُنقٍ رَ عِ عَلَتَلَ شُي مَبٍرٍشِ، عِ وَلِ حَاشِ رَبَ؟ عِ بَرَ عُرِ شِتِكَ قَشَ عَمٌنِكَيٍ سَابُي رَ، عِ بَرَ عُرِ شَ فِنّ تٌنفٌ، عِ عَ قِندِ عِ فبٍ رَ. 
\v 10 يَكْسِ، فٍرٍ مُ مَكُيَمَ عِ بْنسْي رَ سْنْن، بَرِ مَ عِ بَرَ ﭑ شُي مَبٍرٍ، عِ عُرِ شِتِكَ شَ فِنّ قِندِ عِ فبٍ رَ. 
\v 11 ﭑ شَ عَ قَلَ عِ بّ، ﭑ تَن عَلَتَلَ قَمَ عِ تْورْدٍ عِ بْنسْي تَفِ. ﭑ قَمَ عِ شَ فِنّيٍ بَدٍ عِ يِ رَ، ﭑ عٍ سٌ عِ شَ مِشِ ندٍ يِ رَ، عٍ نُن نٍيٍ قَ كَقُ كّنّ مَ. 
\v 12 عِ تَن قٍ حَاشِ رَبَشِ عَ فُندٌ دَاشِ نّ، كْنْ ﭑ عِ سَرٍ رَفبِلٍنمَ عَ كّنّ مَ دَاشِ نّ عِسِرَيِلَ حَمَ يَ شْرِ.›»
\p
\v 13 دَوُدَ نَشَ عَ قَلَ نَتَن بّ، «ﭑ بَرَ يُنُبِ رَبَ عَلَتَلَ رَ!» نَتَن نَشَ عَ يَابِ، «عَلَتَلَ بَرَ دِحّ عِ شَ يُنُبِ مَ، عِ مُ قَشَمَ. 
\v 14 كْنْ عِ تٌ عَ نِيَشِ عَلَتَلَ يَشُييٍ شَ نْ عَ مَبٍرٍدٍ يِ قٍ كُي، عِ شَ دِ نَشَن قَمَ بَرِدٍ، نَ تَن قَشَمَ نّ.» 
\v 15 نَتَن نَشَ فبِلٍن عَ شْنيِ.
\p عَلَتَلَ نَشَ قُرٍ رَدِن دِيْرّ مَ، عُرِ شَ فِنّ نَشَن بَرِ دَوُدَ بّ. 
\v 16 دَوُدَ نَشَ عَلَ مَشَندِ دِيْرّ بّ، عَ مَن سُنيِ سُشُ عَ شَ قٍ رَ. عَ تٌ سٌ عَ شْنيِ، عَ نَشَ عَ سَ بْشِ مَ. 
\v 17 عَ شَ قٌرِيٍ نَشَ قٍ بِرِن نَبَ عَلَكٌ عَ شَ كٍلِ بْشِ مَ، عَ شَ عَ دّفٍ، كْنْ عَ مُ تِن قٍوٌ. 
\v 18 عَ شِ سٌلٌقٍرٍ ندٍ دِيْرّ نَشَ قَشَ. دَوُدَ شَ وَلِكّيٍ مُ نُ وَ مَ نَ قَلَقٍ عَ بّ، بَرِ مَ عٍ نُ عَ قَلَمَ عٍ بٌورٍ تَفِ، «دِيْرّ تٌ مُ نُ قَشَشِ، مُشُ نُ وْيّن نّ عَ بّ، عَ مُ مُشُ دَنشُن. يَكْسِ مُشُ قَمَ عَ شَ دِيْرّ شَ قَشّ قَلَدٍ عَ بّ دِ؟ عَ قَمَ قٍ شْنّ نَن نَبَدٍ!»
\p
\v 19 دَوُدَ نَشَ سٌفِ عَ شَ وَلِكّيٍ مَ، عٍ نَ قٍ ندٍ مَدُكُقٍ عٍ شُي عِفٌرٌشِ رَ عٍ بٌورٍ تَفِ. نَ كُي عَ نَشَ عَ كٌلٌن عَ شَ دِيْرّ بَرَ قَشَ. عَ نَشَ عَ شَ وَلِكّيٍ مَشْرِن، «دِيْرّ بَرَ قَشَ؟» عٍ نَشَ، «عِيٌ، عَ بَرَ قَشَ.» 
\v 20 دَوُدَ نَشَ كٍلِ بْشِ، عَ عَ مَشَ، عَ لَبُندّ سَ عَ مَ، عَ دُفِيٍ مَسَرَ، عَ قَ سِفَ عَلَتَلَ شَ بَنشِ كُي سُيِدِدٍ عَلَ بّ. عَ تٌ كٍلِ مّننِ، عَ نَشَ سِفَ عَ شْنيِ، عَ دٌنسٍ مَشْرِن، عَ عَ دّفٍ. 
\v 21 عَ شَ وَلِكّيٍ نَشَ عَ مَشْرِن، عٍ نَشّ، «مُنقٍ رَ دِيْرّ نُ بَلٌشِ تّمُي نَشّ، عِ نُ سُنمَ، عِ نُ وَ مَ، كْنْ دِيْرّ تٌ قَشَشِ قَ، عِ بَرَ كٍلِ، عِ عِ دّفٍ؟» 
\v 22 عَ نَشَ عٍ يَابِ، «دِيْرّ تٌ نُ بَلٌشِ، ﭑ نُ سُنمَ، ﭑ نُ وَ مَ، بَرِ مَ ﭑ حْشْ عَ مَ عَ تّمُندٍ عَلَتَلَ دِحّمَ ﭑ مَ، عَ ﭑ مَ دِيْرّ رَكِسِ. 
\v 23 عَ تٌ بَرَ قَشَ، ﭑ قَ سُنمَ مُنقٍ رَ؟ ﭑ نْمَ عَ رَفبِلٍندٍ دُنِحَ مَ قَ؟ ﭑ تَن عَ لِمَ نّ نَا، كْنْ عَ تَن مُ فبِلٍنمَ ﭑ تَن مَ سْنْن.»
\p
\v 24 نَ تّمُي دَوُدَ نَشَ عَ شَ فِنّ بَتِسٍبَ مَدُندُ. عٍ نَشَ لُ يِرٍ كٍرٍن، عَ نَشَ تّيفّ، عَ دِ شّمّ بَرِ. عٍ نَشَ عَ شِلِ سَ سُلٍمَنِ. عَلَتَلَ تٌ عَ شَنُ، 
\v 25 عَ نَشَ عَننَبِ نَتَن شّي دَوُدَ يِرٍ، عَ قَلَقٍ رَ، يٍدِدٍيَ شِلِ قَن شَ سَ عَ شُن، نَشَن وَ مَ عَ قَلَقٍ عَلَتَلَ شَنُنتٍنيِ.
\p
\v 26 يٌوَبَ نَشَ عَمٌنِكَيٍ شَ مَنفَتَا رَابَ فٍرٍ، عَ نَ مَنفّ بَنشِ سُشُ. 
\v 27 عَ نَشَ مِشِيٍ شّي عَ قَلَقٍ رَ دَوُدَ بّ، «ﭑ بَرَ رَابَ فٍرٍ، ﭑ مَن بَرَ عٍ شَ يٍ يِرٍ سُشُ. 
\v 28 يَكْسِ عِ شَ سْورِيٍ مَلَن، وٌ شَ تٍ تَا سُشُدٍ. عَ مُ لَنمَ ﭑ تَن شَ نَ بِنيّ سْتْ.»
\p
\v 29 دَوُدَ تٌ سْورِيٍ مَلَن، عٍ نَشَ سِفَ رَابَ. عَ نَشَ دِن تَا رَ، عَ عَ سُشُ. 
\v 30 عَ نَشَ عَمٌنِ مَنفّ شَ مَنفّ تْنشُمَ بَ عَ شُن مَ، عَ قَ عَ سَ عَ يّتّ شُن مَ. عَ بِنيَ كِلٌ تٌنفٌ سَشَن، عَ يَءِلَنشِ شّيمَ نَن نَ. فّمّ تٌقَنيِ قَن نُ نَ عَ مَ. دَوُدَ نَشَ سٍ فبٍفبٍ سْتْ نَ تَا كُي. 
\v 31 عَ نَشَ نَ تَاكَيٍ قِندِ كٌنيِيٍ رَ، نَشٍيٍ نُ وُرِ شَبَمَ عَ نُن بِرِكِ بْنبْمَ. عَ عَ رَبَ نَ كِ نّ عَمٌنِكَيٍ شَ تَا بِرِن كُي. نَ دَنفِ شَنبِ دَوُدَ نُن عَ شَ سْورِيٍ نَشَ فبِلٍن دَرِ سَلَمُ.
\c 13
\s عَمِنٌن نُن تَمَرِ
\p
\v 1 نَ تٌ دَنفِ، قٍ ندٍ نَشَ دَوُدَ شَ دِ عَبِسَلٌمِ شُنيَ فِنّمَ تٌقَنيِ تَمَرِ لِ. دَوُدَ شَ دِ عَمِنٌن نَشَ عَ شَنُ قْلْ. 
\v 2 عَ نَشَ وَ عَ مَافِنّ تَمَرِ شْن مَ هَن نَ نَشَ قِندِ عَ بّ قُرٍ رَ. فِنّ دِ مّدِ نَن نُ عَ رَ، كْنْ عَمِنٌن مُ نْمَ عَ مَكْرّدٍ عَ رَ. 
\v 3 عَمِنٌن بٌورٍ ندٍ نُ نَ نَ، نَشَن نُ شِلِ يٌنَدَبٌ، دَوُدَ تَارَ سِمٍيَ شَ دِ. عَ نُ كْوتَ كِ قَنيِ رَ. 
\v 4 عَ نَشَ عَ بٌورٍ مَشْرِن، «مَنفّ شَ دِ، مُنقٍ رَ عِ يَتَفِ عِشْنْشِ لْشْي يٌ لْشْي؟ عَ قَلَ ﭑ بّ.» عَمِنٌن نَشَ عَ يَابِ، «ﭑ وَ مَ ﭑ بَرِبٌورٍ عَبِسَلٌمِ مَافِنّ تَمَرِ نَن شْن.» 
\v 5 يٌنَدَبٌ نَشَ عَ قَلَ عَ بّ، «عِ نَشَن نَبَمَ، عِ شَ عِ سَ، عَلْ عِ نَ قُرَ عَ فبٍ رَ. عِ بَبَ نَ قَ عِ شّيبُدٍ، عِ شَ عَ مَيَندِ عَ قَلَقٍ رَ، ‹عَ لُ ﭑ مَافِنّ تَمَرِ شَ قَ ﭑ يِرٍ، عَ شَ دٌنسٍ يَءِلَن ﭑ يَ شْرِ، عَ عَ سٌ ﭑ يِ رَ عَ يّتّ رَ.›»
\p
\v 6 نَ تّمُي عَمِنٌن نَشَ عَ سَ، عَلْ عَ قُرَشِ نّ. مَنفّ تٌ قَ عَ شّيبُدٍ، عَ نَشَ عَ قَلَ عَ بّ، «يَندِ، عَ لُ تَمَرِ شَ قَ ﭑ يِرٍ، عَ شَ دٌنسٍ ندٍ يَءِلَن ﭑ يَ شْرِ، عَ عَ سٌ ﭑ يِ رَ عَ يّتّ رَ.» 
\v 7 دَوُدَ نَشَ مِشِيٍ شّي تَمَرِ شْنيِ، عَ قَلَقٍ رَ، «عِ شَ سِفَ عِ تَارَ عَمِنٌن شْنيِ، عَلَكٌ عِ شَ دٌنسٍ يَءِلَن عَ بّ.»
\p
\v 8 تَمَرِ نَشَ سٌ عَ تَارَ عَمِنٌن شَ بَنشِ كُي، عَ نَشَ عَ لِ عَ سَشِ. عَ نَشَ دٌنسٍ ندٍ يَءِلَن، عَ تُرٍ سَ عَ مَ، عَ عَ حِن عَ يَ تٌدٍ رَ. 
\v 9 عَ تٌ فّ، عَ نَشَ عَ مَكْرّ عَ رَ دٌنسٍ رَ عَ يِ تُندٍ كُي عَلَكٌ عَ شَ عَ سٌ عَ يِ رَ، كْنْ عَمِنٌن مُ تِن عَ دٌندٍ. عَ نَشَ يَامَرِ قِ مِشِ بِرِن شَ مِنِ. عٍ تٌ مِنِ، 
\v 10 عَ نَشَ عَ قَلَ تَمَرِ بّ، «قَ دٌنسٍ رَ ﭑ مَ كٌنكٌي كُي. عِ شَ عَ قِ ﭑ مَ عِ بّلّشّ رَ.» تَمَرِ نَشَ دٌنسٍ تٌنفٌ عَ نَشَن يَءِلَنشِ، عَ سِفَ عَ رَ عَ تَارَ شَ كٌنكٌي كُي. 
\v 11 عَ تٌ دٌنسٍ تِ عَ بّ، عَ نَشَ دُتُن عَ مَ، عَ عَ قَلَ عَ بّ، «ﭑ شُنيَ، وٌن شَ كَقُ!» 
\v 12 عَ مَافِنّ نَشَ عَ يَابِ، «ﭑ تَارَ يَندِ، عِ نَشَ دُتُن ﭑ مَ، بَرِ مَ نَ قٍ مْولِ مُ لَنمَ عَ شَ رَبَ عِسِرَيِلَ بْشِ مَ. عِ نَشَ يِ دَشُحَ رَبَ. 
\v 13 ﭑ نَ يَافِ مْولِ شَنِنمَ دِ؟ عِ شِلِ قَن كَنَمَ نّ عِسِرَيِلَ. عِ شَ مَنفّ مَيَندِ، عَ مُ تٌندِ مَ ﭑ قِدٍ عِ مَ.» 
\v 14 عَ مُ تِن عَ تُلِ مَتِدٍ عَ رَ، عَ نَشَ دُتُن عَ مَ، عَ عَ قُتِ كَنَ.
\p
\v 15 نَ تٌ بَ عَ رَ، تَمَرِ شَ قٍ نَشَ رَحَاشُ عَمِنٌن مَ، عَ قَ عَ قَلَ عَ بّ، «كٍلِ، عِ سِفَ!» 
\v 16 عَ نَشَ عَ يَابِ، عَ نَشّ، «عَدٍ! شَ عِ ﭑ كٍرِ، نَ حَاشُ دَنفِ عِ نَشَن نَبَشِ ﭑ نَ!» كْنْ عَمِنٌن مُ عَ تُلِ مَتِ عَ رَ. 
\v 17 عَ نَشَ عَ شَ كٌنيِ شِلِ، عَ عَ قَلَ عَ بّ، «يِ فِنّ كٍرِ ﭑ بّ، عِ قَ نَادّ بَلَن.» 
\v 18 عَمِنٌن شَ كٌنيِ نَشَ عَ كٍرِ، عَ نَادّ بَلَن عَلْ عَ قَلَشِ عَ بّ كِ نَشّ.
\p دٌنمَ نُ رَفٌرٌشِ تَمَرِ مَ، نَشَن حِنفِ مَسُنبُشِ. مَنفّ شَ دِ فِنّ نَشٍيٍ مُ نُ شّمّ قٍ كٌلٌن سِندٍن نُ دَرِشِ نَ دٌنمَ مْولِ رَ. 
\v 19 تَمَرِ نَشَ شُبٍ رَدِن عَ يّتّ شُن نَ، عَ عَ شَ دٌنمَ عِبْو عَ مَ. عَ نَشَ عَ بّلّشّيٍ سَ عَ شُن مَ، عَ سِفَ فبٍلٍفبٍلٍ رَ. 
\v 20 عَ تَارَ عَبِسَلٌمِ نَشَ عَ مَشْرِن، «عِ تَارَ عَمِنٌن بَرَ دُتُن عِ مَ؟ ﭑ شُنيَ، عِ سَبَرِ. عِ نَشَ كْنتْقِلِ يِ شَ قٍ رَ. عِ تَارَ نَن عَ رَ.» كَبِ نَ تّمُي تَمَرِ نَشَ سَبَتِ عَ تَارَ عَبِسَلٌمِ شْنيِ سُننُنيِ كُي. 
\v 21 مَنفّ دَوُدَ تٌ نَ قٍ كٌلٌن، عَ نَشَ شْنْ كِ قَنيِ. 
\v 22 عَبِسَلٌمِ مُ سٍسٍ قَلَ عَمِنٌن بّ نَ شَ قٍ رَ، كْنْ شْننَنتٍيَ نَشَ لُ عَ بْحّ كُي عَمِنٌن مَبِرِ، بَرِ مَ عَ نُ بَرَ قٍ كٌبِ رَبَ عَ مَافِنّ تَمَرِ رَ.
\p
\v 23 حّ قِرِن دَنفِ شَنبِ، عَبِسَلٌمِ شَ وَلِكّيٍ نُ نَ عَ شَ يّشّي شَبٍ مَشَبَقٍ بَلِ شَسٌرِ، عٍقِرَ مِ بْشِ قّ مَ. عَبِسَلٌمِ نَشَ مَنفّ شَ دِ بِرِن شِلِ نَا، عٍ شَ شُلُنيِ رَبَ. 
\v 24 عَبِسَلٌمِ نَشَ سِفَ مَنفّ يِرٍ، عَ نَشّ، «مَنفّ، ﭑ مَ يّشّيٍ شَبٍ شَبَ تّمُي بَرَ عَ لِ. شَ عِ سَ تِنمَ، عِ شَ قَ عَ نُن عِ شَ مِشِيٍ نَ شُلُنيِ.» 
\v 25 مَنفّ نَشَ عَبِسَلٌمِ يَابِ، عَ نَشّ، «عَدٍ، ﭑ مَ دِ، عَ مُ لَنمَ مُشُ بِرِن شَ سِفَ، شَ نَ مُ عَ رَ عَ قِندِ مَ كٌتٍ شُنفبٍ نَن نَ عِ بّ.» عَبِسَلٌمِ نَشَ عَ كَرَشَن، كْنْ مَنفّ نَشَ تٌندِ، عَ قَ دُبَ عَ بّ. 
\v 26 عَبِسَلٌمِ نَشّ، «ﭑ بَ، شَ قٍ نَ نَ كِ نّ، عَ لُ ﭑ شُنيَ عَمِنٌن تَن شَ قَ.» مَنفّ نَشّ، «مُنقٍ رَ؟» 
\v 27 عَبِسَلٌمِ نَشَ عَ كَرَشَن، هَن مَنفّ نَشَ تِن عَمِنٌن نُن مَنفّ شَ دِ بِرِن شَ سِفَ نَ شُلُنيِ.
\p
\v 28 عَبِسَلٌمِ نَشَ عَ قَلَ عَ شَ كٌنيِيٍ بّ، «عَمِنٌن نَ سِيسِ، ﭑ قَمَ يَامَرِ قِدٍ وٌ مَ وٌ شَ عَ قَشَ. نَ وَشَتِ هَلِ وٌ مُ فَاشُ، ﭑ تَن نَن وٌ يَمَرِشِ. وٌ شَ لِمَنِيَ، وٌ عَ قَشَ.» 
\v 29 عَبِسَلٌمِ شَ كٌنيِيٍ نَشَ نَ رَبَ عَمِنٌن نَ، عَلْ عَبِسَلٌمِ عٍ يَمَرِشِ كِ نَشّ. مَنفّ شَ دِ بِرِن تٌ نَ تٌ، عٍ نَشَ عٍ فِ عٍ شَ سٌي قَرِ.
\p
\v 30 مَنفّ دَوُدَ نَشَ نَ شِبَارُ مّ بٍينُ عٍ شَ عَ يِرٍ لِ، عَ قَلَقٍ رَ، «عَبِسَلٌمِ بَرَ مَنفّ شَ دِ شّمّ بِرِن قَشَ، كٍرٍن مُ لُشِ.» 
\v 31 مَنفّ نَشَ عَ شَ دٌنمَ عِبْو سُننُنيِ كُي، عَ قَ فٌرٌ بْشِ مَ، عَ تَن نُن عَ شَ مِشِيٍ. 
\v 32 دَوُدَ تَارَ سِمٍيَ شَ دِ شّمّ يٌنَدَبٌ، نَشَ عَ قَلَ عَ بّ، «ﭑ مَرِفِ، عِ شَ دِ شّمّ بِرِن شَ مُ قَشَشِ. عَمِنٌن فبَنسَن نَن قَشَشِ. نَ نَتّ نُ نَ عَبِسَلٌمِ قُرِ كَبِ عَمِنٌن دُتُنشِ عَ مَافِنّ تَمَرِ مَ تّمُي نَشّ. 
\v 33 مَنفّ، عِ نَشَ لَ نَ شِبَارُ رَ، عَ قَلَقٍ رَ عِ شَ دِ شّمّ بِرِن بَرَ قَشَ. عَمِنٌن فبَنسَن نَن قَشَشِ.»
\p
\v 34 نَ كُي عَبِسَلٌمِ نَشَ عَ فِ. نَ تّمُي تَا مَكَنتّ نَشَ مِشِ فبٍفبٍ تٌ قَ رَ كِرَ شْن مَ كٍلِقٍ فٍيَ يِرٍ. 
\v 35 يٌنَدَبٌ نَشَ عَ قَلَ مَنفّ بّ، «عِ شَ دِيٍ نَن قَقٍ يِ كِ، عَلْ ﭑ عَ قَلَ عِ بّ كِ نَشّ.» 
\v 36 عَ حَن مُ فّ وْيّندٍ، مَنفّ شَ دِيٍ نَشَ سٌ وَ رَ. مَنفّ نُن عَ شَ مِشِيٍ قَن نَشَ وَ قْلْ.
\p
\v 37 عَبِسَلٌمِ نُ بَرَ عَ فِ، عَ سِفَ فٍسُرِ مَنفّ عَمِشُدِ شَ دِ شّمّ تَلَمَيِ شْنيِ. دَوُدَ عَ شَ دِ شَ حْنقٍ رَبَ نّ تّمُي شْنكُيٍ. 
\v 38 عَبِسَلٌمِ لُ نّ فٍسُرِ شْنيِ حّ سَشَن. 
\v 39 مَنفّ دَوُدَ بْحّ فٌرٌ نّ عَمِنٌن شَ قَشّ شَ قٍ رَ، عَ عَبِسَلٌمِ لُ نَ سِندٍن.
\c 14
\s عَبِسَلٌمِ فبِلٍنقٍ دَرِ سَلَمُ
\p
\v 1 سٍرُيَ شَ دِ شّمّ يٌوَبَ نُ عَ كٌلٌن عَ عَبِسَلٌمِ رَقَن دَوُدَ مَ. 
\v 2 نَ كُي سٍرُيَ نَشَ تٍكٌوَ فِنّ ندٍ قٍن نَشَن كْوتَ. عَ نَشَ عَ قَلَ عَ بّ، «عِ شَ عِ مَشِرِ عَلْ كَاحّ فِنّ. عِ نَشَ لَبُندّ نُن تُرٍ سَ عِ مَ دٍ. عِ شَ لُ عَلْ فِنّ نَشَن بُشِ حْنقٍ سُننُنيِ كُي تّمُي شْنكُيٍ. 
\v 3 نَ تّمُي عِ شَ سِفَ مَنفّ يِرٍ، عِ قَ وْيّن عَ بّ عَلْ ﭑ عَ قَلَمَ عِ بّ كِ نَشّ.» يٌوَبَ نَشَ نَ وْيّنيِ بِرِن مَسٍن عَ بّ.
\p
\v 4 نَ فِنّ تٍكٌوَكَ نَشَ سَ وْيّن مَنفّ بّ نَ كِ. عَ نَشَ عَ يَتَفِ رَقٍلٍن بْشِ مَ مَنفّ يَ عِ، عَ قَ عَ قَلَ، «مَنفّ، عِ شَ ﭑ نَكِسِ.» 
\v 5 مَنفّ نَشَ عَ مَشْرِن، «مُنسٍ نِيَشِ؟» عَ نَشَ عَ يَابِ، «كَاحّ فِنّ نَن ﭑ نَ، ﭑ مَ مْرِ بَرَ قَشَ. 
\v 6 دِ شّمّ قِرِن نُ نَ ﭑ يِ رَ. لْشْي ندٍ عٍ نَشَ فٍرٍ دَاشَ. مِشِ يٌ مُ نُ نَ نَشَن عٍ تَفِ عِبَمَ. نَ كُي كٍرٍن نَشَ بٌورٍ قَشَ. 
\v 7 يَكْسِ ﭑ مَ مِشِيٍ بَرَ عَ قَلَ ﭑ بّ، عَ ﭑ شَ ﭑ مَ دِ سٌ عٍ يِ رَ نَشَن لُشِ، عٍ شَ عَ قَن قَشَ ﭑ مَ دِ قَشَشِ فبٍحْشْقٍ رَ. عٍ وَ مَ نَ كّ تٌنفٌمَ كٍرٍنيِ قَشَقٍ نَشَن لُمَ ﭑ بّ، عَلَكٌ ﭑ مَ مْرِ شِلِ نُن عَ شَ قٍ شَ حْن قٍوٌ.»
\p
\v 8 مَنفّ نَشَ عَ قَلَ نَ فِنّ بّ، «عِ نَشَ كْنتْقِلِ. سِفَ عِ شْنيِ. ﭑ يَامَرِ قِمَ عِ شَ قٍ رَ يَكْسِ.» 
\v 9 نَ تٍكٌوَ فِنّ نَشَ عَ يَابِ، «ﭑ مَ قٍ رَبَشِ سَرٍ شَ فبِلٍن ﭑ تَن نُن ﭑ شَبِلّ مَ. نَ كٌتٍ نَشَ لُ مَنفّ نُن عَ شَ كِبَنيِ شُن مَ.» 
\v 10 مَنفّ نَشَ عَ قَلَ عَ بّ، «شَ مِشِ ندٍ سَ عِ رَكِيتِ، عِ شَ قَ عَ رَ ﭑ شْن مَ. عَ مُ عِ رَكِيتِمَ سْنْن.» 
\v 11 نَ فِنّ نَشَ عَ يَابِ، «مَنفّ، عِ شَ لَايِدِ تٌنفٌ ﭑ بّ عِ مَرِفِ عَلَتَلَ شِلِ رَ، عَلَكٌ ﭑ مَ دِ قَشَشِ فبٍحْشْقٍ سٌشِ مِشِ نَشَن يِ، نَ نَشَ ندٍ سَ ﭑ مَ تْورّ شُن مَ ﭑ مَ دِ بَلٌشِ قَشَقٍ رَ.» مَنفّ نَشَ عَ قَلَ عَ بّ، «ﭑ شَ عَ قَلَ عِ بّ عَلَتَلَ شِلِ رَ، سٍسٍ مُ قَمَ عِ شَ دِ تٌدٍ.»
\p
\v 12 نَ تّمُي نَ فِنّ نَشَ عَ قَلَ مَنفّ بّ، «عِ شَ عِ هَاكّ تٌ، ﭑ شَ مَسٍنيِ ندٍ تِ عِ بّ.» عَ نَشّ، «عَوَ يِرٍ.» 
\v 13 فِنّ نَشَ عَ مَشْرِن، «مُنقٍ رَ عِ نَ رَبَشِ عَلَتَلَ شَ حَمَ رَ؟ عِ شَ وْيّنيِ عَ مَسٍنشِ عِ تَن بَرَ تَنتَن، بَرِ مَ عِ مُ تِنشِ مِشِ رَقَدٍ عِ نَشَن كٍرِشِ. 
\v 14 عِبُنَدَ مَ بِرِن قَشَمَ نّ. عٍ لُشِ نّ عَلْ يٍ عِقِلِشِ نَشَن مُ مَكْمَ سْنْن! كْنْ عَلَ مُ تِنمَ مِشِ شَ سِمَيَ شُن نَكَنَدٍ. عَ قٍ بِرِن نَبَمَ عَلَكٌ نَشَن بَرَ عَ مَكُيَ عَ رَ، نَ مَن شَ مَكْرّ عَ رَ.»
\p
\v 15 «مَنفّ، ﭑ بَرَ يِ بِرِن مَسٍن مَنفّ بّ تٌ، بَرِ مَ ﭑ بَرَ فَاشُ حَمَ يَ رَ. ﭑ بَرَ عَ مَحْشُن عَ تّمُندٍ عِ نْمَ تِندٍ ﭑ تَن عِ شَ كٌنيِ شَ مَسٍنيِ رَ. 
\v 16 ﭑ بَرَ عَ مَحْشُن عَ عِ نْمَ ﭑ بَدٍ ﭑ يَشُي بّلّشّ عِ نَشَن وَ مَ ﭑ تَن نُن ﭑ مَ دِ قَشَقٍ، مُشُ نَشَ لُ سْنْن عَلَ شَ حَمَ يَ مَ. 
\v 17 مَنفّ شَ مَسٍنيِ شَ بْحّسَ قِ ﭑ مَ. عِ تَن لُشِ نّ ﭑ بّ عَلْ عَلَتَلَ شَ مَلٍكّ نَشَن نْمَ قٍ قَنيِ نُن قٍ حَاشِ تَفِ رَ سَدٍ. عِ مَرِفِ عَلَتَلَ شَ عِ مَلِ.»
\p
\v 18 مَنفّ نَشَ نَ فِنّ يَابِ، «نْندِ قَلَ ﭑ بّ، عِ نَشَ قٍقٍ نْشُن ﭑ مَ.» فِنّ نَشّ، «عَوَ يِرٍ ﭑ مَنفّ ﭑ مَرِفِ.» 
\v 19 مَنفّ نَشَ عَ مَشْرِن، «عِ شَ مَسٍنيِ بِرِن قَتَنشِ يٌوَبَ نَن نَ؟» فِنّ نَشَ عَ قَلَ عَ بّ، «مَنفّ، عِ بَرَ نْندِ يَتِ قَلَ. مِشِ مُ نْمَ قٍقٍ نْشُندٍ عِ مَ. يٌوَبَ نَن ﭑ شّيشِ ﭑ شَ نَ بِرِن مَسٍن عِ بّ. 
\v 20 عِ شَ كٌنيِ يٌوَبَ يِ رَبَشِ نّ، عَلَكٌ قٍ ندٍ شَ مَسَرَ. كْنْ عِ تَن، ﭑ مَرِفِ، عِ شَشِلِ قَن عَلْ عَلَتَلَ شَ مَلٍكّ ندٍ. عِ قٍ بِرِن كٌلٌن نَشَن دَنفِمَ يِ بْشِ مَ.»
\p
\v 21 مَنفّ نَشَ عَ قَلَ يٌوَبَ بّ، عَ نَشّ، «عِ نَشَن قَلَ، ﭑ وَ مَ نَ نَن نَبَقٍ. سِفَ، عِ سَ قَ ﭑ مَ دِ عَبِسَلٌمِ رَ.» 
\v 22 يٌوَبَ نَشَ عَ مَفٌرٌ بْشِ مَ بِنيّ كُي، عَ قَ دُبَ مَنفّ بّ. عَ نَشَ عَ قَلَ مَنفّ بّ، «مَنفّ ﭑ مَرِفِ، تٌ ﭑ بَرَ عِ شَ هِننّ تٌ ﭑ مَبِرِ، بَرِ مَ عِ بَرَ تِن ﭑ مَ وْيّنيِ رَ.» 
\v 23 يٌوَبَ نَشَ سِفَ فٍسُرِ عَبِسَلٌمِ قْشْ رَ، عَ قَ قَ عَ رَ دَرِ سَلَمُ. 
\v 24 كْنْ عَبِسَلٌمِ تٌ دَرِ سَلَمُ لِ، مَنفّ نَشَ يَامَرِ قِ عَ عَ نَشَ قَ مَنفّ يِرٍ، عَ شَ لُ عَ شْنيِ. نَ كُي عَبِسَلٌمِ نَشَ سِفَ عَ شْنيِ، عَ مُ مَنفّ يِرٍ لِ.
\p
\v 25 مِشِ يٌ مُ نُ نَ عِسِرَيِلَ بْشِ مَ، نَشَن نُ تٌقَن عَلْ عَبِسَلٌمِ، كٍلِقٍ عَ شُنيِ هَن عَ سَنيِ. حَمَ بِرِن نَ تٌ نّ. 
\v 26 حّ يٌ حّ عَ نُ لُمَ عَ شُنيِ بِي رَ، بَرِ مَ عَ شُنسّشّ نُ بِنيَ هَن كِلٌ قِرِن مَنفّ مَنِيَسٍ كِ مَ. 
\v 27 عَبِسَلٌمِ دِ شّمّ سَشَن نَن بَرِ، عَ نُن دِ فِنّ ندٍ نَشَن شِلِ تَمَرِ. فِنّ تٌقَنيِ نَ نُ عَ رَ.
\p
\v 28 عَبِسَلٌمِ نَشَ لُ دَرِ سَلَمُ حّ قِرِن، مَنفّ مُ تِن عٍ شَ بٌورٍ تٌ رَ. 
\v 29 عَبِسَلٌمِ نَشَ يٌوَبَ شِلِ عَلَكٌ عَ شَ عَ مَسٍن مَنفّ بّ، كْنْ يٌوَبَ قَن مُ تِن عٍ شَ بٌورٍ تٌ رَ. عَبِسَلٌمِ نَشَ عَ شِلِ عَ سَنيَ قِرِن ندٍ، كْنْ يٌوَبَ مُ عَ شَ شِلِ رَتِن. 
\v 30 نَ كُي عَبِسَلٌمِ نَشَ عَ قَلَ عَ شَ مِشِيٍ بّ، «وٌ عَ كٌلٌن، يٌوَبَ شَ مّنفِ شّ نَ ﭑ فبٍ قّ مَ. وٌ سَ تّ سٌ نَا رَ.» 
\v 31 عٍ تٌ فّ نَ رَبَدٍ، يٌوَبَ نَشَ سِفَ عَبِسَلٌمِ يِرٍ، عَ سَ عَ مَشْرِن عَ عَ شَ شّ فَنشِ قٍ نَشَن مَ. 
\v 32 عَبِسَلٌمِ نَشَ عَ يَابِ، «ﭑ بَرَ عِ شِلِ عَلَكٌ ﭑ شَ عِ شّي مَنفّ شْن، عِ شَ عَ مَشْرِن ﭑ بّ، ‹مُنقٍ رَ عِ ﭑ تٌنفٌشِ فٍسُرِ، عِ قَ ﭑ نَ بٍ؟ شَ عِ مُ وَ مَ ﭑ تٌقٍ، عَ نُ قِسَ ﭑ شَ لُ مّننِ!› يَكْسِ ﭑ وَ مَ ﭑ يّتّ دّنتّفّقٍ مَنفّ بّ. شَ ﭑ بَرَ سّرِيّ ندٍ كَنَ، عَ شَ ﭑ قَشَ.» 
\v 33 يٌوَبَ نَشَ سِفَ مَنفّ يِرٍ، عَ سَ عَبِسَلٌمِ شَ شّيرَ عِبَ مَنفّ بّ. نَ تّمُي مَنفّ نَشَ عَبِسَلٌمِ شِلِ. عَبِسَلٌمِ تٌ سِفَ مَنفّ يِرٍ، عَ نَشَ عَ مَفٌرٌ بْشِ مَ بِنيّ كُي، مَنفّ قَ عَ سُنبُ.
\c 15
\s عَبِسَلٌمِ قِندِقٍ مَنفّ رَ
\p
\v 1 نَ تّمُي عَبِسَلٌمِ نَشَ سْورِ رَفِسٍ نُن سٌييٍ سْتْ، عَ نُن سْورِ مِشِ تٌنفٌ سُولِ، نَشٍيٍ نُ حّرّ مَ عَ يَ رَ. 
\v 2 عَبِسَلٌمِ نُ كٍلِمَ فّيسّفّ، عَ تِ كِرَ دّ رَ نَشَن نُ سٌمَ مَنفَتَا. مِشِ نَشٍيٍ نُ مِنِمَ نَا رَ سِفَقٍ رَ مَنفّ يِرٍ عَلَكٌ عٍ شَ عٍ شَ كْنتْقِلِ مَسٍن عَ بّ، عَبِسَلٌمِ نُ نٍيٍ مَشْرِنمَ، «وٌ كٍلِشِ مِندٍن؟» عٍ نَ عٍ كٍلِدٍ قَلَ عَ بّ، 
\v 3 عَبِسَلٌمِ نُ عَ قَلَمَ نّ عٍ بّ، «نْندِ نَ وٌ بّ، كْنْ مِشِ يٌ مُ عَ تُلِ مَتِمَ وٌ رَ مَنفّ شْنيِ. 
\v 4 شَ ﭑ تَن نَن قِندِشِ كِيتِسَ رَ عِسِرَيِلَ بْشِ مَ نُ، ﭑ مِشِ بِرِن مَكِيتِمَ تِنشِنيِ نُن نْندِ نَن نَ نُ.» 
\v 5 مِشِ نَشٍيٍ نُ عٍ شِنبِ سِنمَ عَ بّ، عَبِسَلٌمِ نُ عٍ بّلّشّ سُشُمَ، عَ عٍ سُنبُ. 
\v 6 عَبِسَلٌمِ نُ نَ نَن نَبَمَ عِسِرَيِلَكَيٍ بِرِن بّ، نَشٍيٍ نُ سِفَمَ مَنفّ يِرٍ كِيتِ ندٍ شَ قٍ رَ. نَ كُي عَ نَشَ عٍ بْحّ يَ رَقِندِ عَ يّتّ مَ.
\p
\v 7 حّ نَانِ دَنفِ شَنبِ، عَبِسَلٌمِ نَشَ عَ قَلَ مَنفّ بّ، «دِحّ ﭑ مَ، ﭑ شَ سِفَ هٍبِرٌن لَايِدِ ندٍ رَكَمَلِدٍ، 
\v 8 ﭑ نَشَن تٌنفٌ عَلَتَلَ بّ، ﭑ نُ نَ فٍسُرِ تَا كُي تّمُي نَشّ عَرَ مِ بْشِ مَ. ﭑ عَ قَلَ نّ، شَ عَلَتَلَ ﭑ نَفبِلٍن دَرِ سَلَمُ، ﭑ سّرّشّ بَمَ نّ عَ بّ هٍبِرٌن.» 
\v 9 مَنفّ نَشَ عَ قَلَ عَ بّ، «سِفَ بْحّسَ كُي.» نَ تّمُي عَبِسَلٌمِ نَشَ عَ شُن تِ هٍبِرٌن نَ.
\p
\v 10 عَبِسَلٌمِ نَشَ مِشِيٍ شّي عِسِرَيِلَ بْنسْييٍ بِرِن مَ، عٍ شَ عَ قَلَ، «وٌ نَ سَرَ شُي مّ تّمُي نَشّ، وٌ شَ عَ قَلَ، عَبِسَلٌمِ بَرَ مَنفّيَ تٌنفٌ هٍبِرٌن.» 
\v 11 عَ نَشَ مِشِ كّمّ قِرِن تٌنفٌ دَرِ سَلَمُ، نَشٍيٍ عَ مَتِ هٍبِرٌن، كْنْ عٍ مُ عَ كٌلٌن عَبِسَلٌمِ نُ وَ مَ نَشَن نَبَقٍ نَا. 
\v 12 عَبِسَلٌمِ تٌ نُ سّرّشّ بَمَ عَلَتَلَ بّ هٍبِرٌن، عَ نَشَ عَشِتٌقٍلِ شِلِ فِلٌ تَا كُي. عَشِتٌقٍلِ نُ قِندِشِ دَوُدَ رَ سِمَ ندٍ نَن نَ. نَ وَشَتِ عَبِسَلٌمِ نُ سّنبّ سْتْمَ، مِشِ فبٍفبٍ نُ لُمَ عَ سّيتِ مَ.
\p
\v 13 نَ تّمُي مِشِ ندٍ نَشَ عَ مَسٍن دَوُدَ بّ، «عَبِسَلٌمِ رَقَن عِسِرَيِلَكَيٍ مَ.» 
\v 14 نَ كُي دَوُدَ نَشَ عَ قَلَ عَ شَ مِشِيٍ بّ دَرِ سَلَمُ، «وٌن شَ وٌن فِ، شَ نَ مُ عَ رَ عَبِسَلٌمِ قَمَ نّ وٌن سْنتْدٍ. وٌ شُلُن عَلَكٌ عَ نَشَ وٌن لِ تَا كُي، عَ قَ وٌن قَشَ سَنتِدّفّمَ رَ.» 
\v 15 مَنفّ شَ مِشِيٍ نَشَ عَ يَابِ، «مَنفّ، عِ نَ وَ قٍقٍ شْن مَ، مُشُ نَ عِ شَنبِ رَ.» 
\v 16 مَنفّ نُن عَ شَ مِشِيٍ نَشَ كٍلِ عَ شْنيِ، عٍ شَ عٍ فِ. عَ نَشَ كٌنيِ فِنّ قُ لُ نَا عَلَكٌ عٍ شَ مّينِ مَنفّ شَ بَنشِ مَ. 
\v 17 حَمَ بِرِن نَشَ بِرَ مَنفّ قْشْ رَ كٍلِقٍ دَرِ سَلَمُ. عٍ تٌ بَنشِ دْنشْي لِ، عٍ نَشَ تِ نَا.
\p
\v 18 عَ شَ سْورِيٍ، عَ شَ سْورِ كٍرٍتِكَيٍ نُن ثٍلٍتَكَيٍ، نُن عَ شَ سْورِ كّمّ سٍننِ نَشٍيٍ كٍلِ فَتِ، عٍ بِرِن نَشَ دَنفِ مَنفّ يَ تٌدٍ رَ. 
\v 19 مَنفّ نَشَ عَ قَلَ فَتِكَ عِتَيِ بّ، «مُنقٍ رَ عِ قَن قَشِ مُشُ قْشْ رَ؟ عِ شَ لُ بٍ مَنفّ نّينّ سّيتِ مَ. شْحّ نَن عِ رَ، نَشَن حَن بَرَ كٍلِ عَ شَ بْشِ مَ. 
\v 20 عِ قَشِ شٌرٌ نّ. عَ مُ لَنمَ عِ شَ لِنتَن مُشُ قْشْ رَ، بَرِ مَ ﭑ تَن يَتِ مُ ﭑ سِفَدٍ كٌلٌن. وٌ شَ فبِلٍن، عِ تَن نُن عِ نفَشَكٍرٍنيِيٍ. عَلَتَلَ شَ هِننّ عِ رَ عَ شَ تِنشِنيِ كُي.» 
\v 21 عِتَيِ نَشَ مَنفّ يَابِ، «مَنفّ، ﭑ شَ عَ قَلَ عِ بّ عَلَتَلَ يَ شْرِ، عِ سِفَ دّدّ، ﭑ قَن سِفَمَ نَا. شَ نَ قِندِ قَشّ رَ، شَ نَ قِندِ كِسِ رَ، ﭑ مُ كٍلِمَ عِ سّيتِ مَ.» 
\v 22 مَنفّ دَوُدَ نَشَ عَ قَلَ عِتَيِ بّ، «عَوَ يِرٍ.» نَ كُي عِتَيِ، عَ شَ مِشِيٍ، نُن عٍ شَ دٍنبَيَيٍ نَشَ لُ دَوُدَ قْشْ رَ.
\p
\v 23 حَمَ بِرِن نُ نَ وَقٍ عٍ شُي عِتٍشِ رَ، عٍ دَنفِ تّمُي. مَنفّ نُن عَ شَ حَمَ نَشَ سٍدِرٌن شُرٍ دِ عِفِرِ، عٍ كِرَ سُشُ نَشَن سِفَمَ فبٍنفبٍرٍنيِ مَ. 
\v 24 سَدْكِ نُن لٍوِ بْنسْي مِشِيٍ نُ نَ نَ، عَلَتَلَ شَ كَنكِرَ شَنِنقٍ رَ. عٍ نَشَ عَلَتَلَ شَ كَنكِرَ رَفٌرٌ، عَلَكٌ عَبِيَتَرِ شَ نُ سّرّشّيٍ بَ هَن حَمَ شَ فّ مِنِدٍ تَا كُي. 
\v 25 مَنفّ نَشَ عَ قَلَ سَدْكِ بّ، «عِ شَ عَلَتَلَ شَ كَنكِرَ رَفبِلٍن تَا كُي. شَ عَلَتَلَ وَ مَ هِننّقٍ ﭑ نَ، عَ ﭑ نَفبِلٍنمَ نّ، ﭑ شَ عَ شَ هْرْ مْلِنفِرَ نُن عَ شَ كَنكِرَ تٌ. 
\v 26 كْنْ شَ عَ سَ لِ ﭑ مَ قٍ مُ رَقَن عَلَتَلَ مَ سْنْن، عَ سَفٌ شَ رَبَ.»
\p
\v 27 مَنفّ مَن نَشَ عَ قَلَ سّرّشّدُبّ سَدْكِ بّ، «وٌ شَ فبِلٍن بْحّسَ كُي، عِ تَن نُن عِ شَ دِ عَشِمَاسِ، عَ نُن عَبِيَتَرِ نُن عَ شَ دِ يٌنَتَن. 
\v 28 ﭑ لُمَ فبٍنفبٍرٍنيِ قِيلِ مَ، هَن ﭑ شِبَارُ سْتْمَ وٌ رَ تّمُي نَشّ.» 
\v 29 نَ كُي سَدْكِ نُن عَبِيَتَرِ نَشَ فبِلٍن دَرِ سَلَمُ عَلَتَلَ شَ كَنكِرَ رَ، عٍ قَ لُ مّننِ.
\p
\v 30 دَوُدَ نُن عَ شَ حَمَ نَشَ تٍ عٌلِوِ كِرَ شْن مَ سُننُنيِ كُي، عٍ نُ وَ مَ، عٍ شُنيِ مَكٌتٌشِ، عٍ سَنيِ عِفٍلِ. 
\v 31 مِشِ ندٍ نَشَ عَ قَلَ دَوُدَ بّ، عَ عَشِتٌقٍلِ نُن عَبِسَلٌمِ بِرِن نَ عَ رَ يِ قٍ كُي. دَوُدَ نَشَ عَلَ مَشَندِ، «عَلَتَلَ، عِ شَ عَشِتٌقٍلِ شَ مَرَ سِيٍ كَنَ.»
\p
\v 32 دَوُدَ تٌ سٌ فٍيَ قَرِ، مِشِيٍ نُ سَلِمَ دّننَشّ، شُسَيِ عَرِكَ نَشَ قَ عَ رَلَندٍ، عَ شَ دٌنمَ عِبْوشِ عَ مَ، شُبٍ سٌشِ عَ شُنيِ رَ سُننُنيِ شَ قٍ رَ. 
\v 33 دَوُدَ نَشَ عَ قَلَ عَ بّ، «شَ عِ بِرَ ﭑ قْشْ رَ، عِ قِندِ مَ كٌتٍ نَن نَ ﭑ بّ. 
\v 34 عِ نَشَن نَبَمَ، عِ شَ فبِلٍن تَا كُي عَبِسَلٌمِ يِرٍ، عِ قَ عَ قَلَ عَ بّ، ‹مَنفّ، ﭑ بَرَ نَتّ تٌنفٌ ﭑ شَ قِندِ عِ شَ كٌنيِ رَ عَلْ ﭑ عَ رَبَشِ عِ بَبَ بّ كِ نَشّ.› نَ كِ عِ نْمَ عَشِتٌقٍلِ شَ مَرَ سِيٍ شُن نَكَنَدٍ ﭑ بّ. 
\v 35 سّرّشّدُبّ سَدْكِ نُن عَبِيَتَرِ قَن نَ ﭑ مَلِقٍ. عِ نَ نَشَن يٌ مّ مَنفّ شَ بَنشِ كُي، عِ شَ عَ قَلَ عٍ بّ. 
\v 36 عٍ قَمَ عٍ شَ دِيٍ عَشِمَاسِ نُن يٌنَتَن شّيدٍ ﭑ يِرٍ عِ شَ شِبَارُ رَ.» 
\v 37 دَوُدَ شَنُنتٍنيِ شُسَيِ فبِلٍن تَا كُي نَ نَن مَ. عَ تَن نُن عَبِسَلٌمِ نَشَ سٌ دَرِ سَلَمُ تّمُي كٍرٍن.
\c 16
\s دَوُدَ نُن سِبَ
\p
\v 1 دَوُدَ تٌ دَنفِ فٍيَ شُن تَفِ رَ، عَ نَشَ نَرَلَن مٍقِبٌسٍتِ شَ كٌنيِ سِبَ رَ. سٌقَلٍ قِرِن نُ نَ عَ يِ رَ، تَامِ كّمّ قِرِن بَكِشِ عٍ قَرِ، تَمَرٍ مْولِ ندٍ سُشُي كّمّ، شْرّ شَرَشِ دٍبٍ كّمّ، نُن وّنِ لُلُي كٍرٍن. 
\v 2 مَنفّ نَشَ عَ مَشْرِن، «عِ مُنسٍ رَبَمَ يِ بِرِن نَ؟» سِبَ نَشَ عَ يَابِ، «سٌقَلٍيٍ قِندِ مَ مَنفّ شَ مِشِ مَشَنِن سٍيٍ رَ، تَامِ نُن شْرّ قِندِ مَ دٌنسٍ نَن نَ قٌنِكٍيٍ بّ، وّنِ تَن سّنبّ نَن قِمَ مِشِيٍ مَ نَشٍيٍ تَفَنمَ فبٍنفبٍرٍنيِ مَ.» 
\v 3 مَنفّ نَشَ عَ مَشْرِن، «عِ مَرِفِ شَ دِ نَ مِندٍن؟» سِبَ نَشَ عَ يَابِ، «عَ نَ دَرِ سَلَمُ تَا كُي، بَرِ مَ عَ نَشّ، ‹عِسِرَيِلَكَيٍ ﭑ بَبَ شَ مَنفّيَ رَفبِلٍنمَ نّ ﭑ مَ تٌ.›» 
\v 4 مَنفّ نَشَ عَ قَلَ سِبَ بّ، «ﭑ بَرَ مٍقِبٌسٍتِ كّ بِرِن قِ عِ مَ.» سِبَ نَشّ، «مَنفّ ﭑ مَرِفِ، ﭑ بَرَ عِ تَنتُ. عِ شَ هِننّ ﭑ نَ كُدّءِ.»
\p
\v 5 مَنفّ دَوُدَ تٌ بَشُرِ مِ لِ، سْلُ شَبِلّ شَ مِشِ ندٍ نَشَ مِنِ نَشَن شِلِ سِمٍيِ. فٍرَ شَ دِ نَن نُ عَ رَ. عَ نَشَ دَنكّيٍ رَ سِفَ دَوُدَ مَ. 
\v 6 عَ نَشَ فّمّيٍ مَوٌلِ دَوُدَ نُن عَ شَ مِشِيٍ مَ، نَشٍيٍ نُ نَ عٍ حّرّقٍ دَوُدَ شَ حَمَ نُن عَ شَ سْورِيٍ تَفِ. 
\v 7 سِمٍيِ نُ عَ دَنكَمَ يِ كِ نّ، «كٍلِ بٍ، كٍلِ بٍ، عِ تَن قَشّتِ سّرِيّلَتَرٍ. 
\v 8 عَلَتَلَ شَ سْلُ بْنسْي نِي سَرٍ دْشْ عِ شُن مَ، عِ تَن نَشَن قِندِشِ مَنفّ رَ عَ حْشْي رَ. عَلَتَلَ بَرَ مَنفّيَ رَفبِلٍن عِ شَ دِ عَبِسَلٌمِ مَ. يِ تْورّ بَرَ قِندِ عِ شَ قَشّتِ سَرٍ رَ.»
\p
\v 9 سٍرُيَ شَ دِ عَبِسَيِ نَشَ عَ قَلَ مَنفّ بّ، «ﭑ مَرِفِ، مُنقٍ رَ وٌن عَ لُمَ يِ شّمّ شُرُتَرٍ شَ مَنفّ كٌنبِ؟ سَفٌ قِ ﭑ مَ ﭑ شَ عَ شُنيِ بٌلٌن عَ دّ عِ.» 
\v 10 مَنفّ نَشَ عَ يَابِ، «سٍرُيَ شَ دِ، عِ مُ نَ يِ قٍ كُي قٍوٌ. يِ مِشِ ﭑ دَنكَشِ نّ، بَرِ مَ عَلَتَلَ بَرَ عَ يَمَرِ عَ شَ ﭑ دَنكَ. ندٍ نْمَ عَ قَلَدٍ عَ بّ، ‹مُنقٍ رَ عِ يِ رَبَمَ؟›» 
\v 11 دَوُدَ نَشَ عَ قَلَ عَبِسَيِ نُن عَ شَ مِشِيٍ بّ، «شَ ﭑ مَ دِ بَرِشِ يَتِ وَ مَ ﭑ قَشَقٍ، عَ مُ قِندِ مَ ﭑ بّ تّرّننَ رَ يِ مِشِ قَن شَ ﭑ قَشَ نَشَن كٍلِشِ بُنيَمِن بْنسْي! وٌ عَ لُ نَ. عَ شَ ﭑ دَنكَ عَلْ عَلَتَلَ عَ يَمَرِشِ كِ نَشّ. 
\v 12 تّمُندٍ عَلَتَلَ نَ ﭑ مَ تْورّ تٌ، عَ قَمَ تٌ دَنكّ مَقِندِدٍ قٍ قَنيِ رَ.»
\p
\v 13 دَوُدَ نُن عَ شَ مِشِيٍ نَشَ بِرَ عٍ شَ كِرَ قْشْ رَ. كْنْ سِمٍيِ نُ حّرّقٍ فٍيَ كَنكٍ دَوُدَ مَبِرِ، عَ نُ عَ دَنكَ، عَ نُ فّمّ مَوٌلِ عَ مَ، عَ نُ شُبٍ رَتٍ عَ مَ. 
\v 14 مَنفّ نُن عَ شَ حَمَ بِرِن نَشَ عٍ يٌنكِندٍ لِ، عٍ تَفَنشِ. مّننِ عٍ نَشَ عٍ مَلَبُ.
\p
\v 15 عَبِسَلٌمِ نُن عَ شَ حَمَ تَن نَشَ سٌ دَرِ سَلَمُ. عَشِتٌقٍلِ قَن نُ نَ عَ قْشْ رَ. 
\v 16 دَوُدَ شَنُنتٍنيِ شُسَ عَرِكَ تٌ سٌ عَبِسَلٌمِ يِرٍ، عَ نَشَ عَ قَلَ عَ بّ، «كِسِ نَ مَنفّ بّ! كِسِ نَ مَنفّ بّ!» 
\v 17 عَبِسَلٌمِ نَشَ شُسَ يَابِ، «شَنُنتٍيَ مُ نَ عِ بْحّ كُي عِ بٌورٍ بّ؟ مُنقٍ رَ عِ مُ بِرَ عِ شَنُنتٍنيِ قْشْ رَ؟» 
\v 18 شُسَ نَشَ عَبِسَلٌمِ يَابِ، «عَدٍ! ﭑ تَن بِرَ مَ مِشِ نَن قْشْ رَ عَلَتَلَ نُن عِسِرَيِلَ حَمَ نَشَن سُفَندِشِ. ﭑ وَ مَ لُقٍ نَ نَن سّيتِ مَ. 
\v 19 عَ نُن، عَ لَنمَ ﭑ شَ دَوُدَ شَ دِ رَبَتُ. عَ شَ دِ مُ عِ رَ؟ ﭑ وَلِمَ نّ عِ بّ عَلْ ﭑ وَلِ عِ بَبَ بّ كِ نَشّ.»
\p
\v 20 عَبِسَلٌمِ نَشَ عَ قَلَ عَشِتٌقٍلِ بّ، «يَكْسِ، عَ لَنمَ وٌن شَ مُنسٍ رَبَ؟» 
\v 21 عَشِتٌقٍلِ نَشَ عَ قَلَ عَبِسَلٌمِ بّ، «عِ شَ عِ سَ عِ بَبَ شَ كٌنيِ فِنّيٍ قّ مَ عَ نَشٍيٍ لُشِ مَنفّ بَنشِ كُي. نَ كُي عِسِرَيِلَكَ بِرِن عَ كٌلٌنمَ نّ شْننَنتٍيَ بَرَ لُ عِ تَن نُن عِ بَبَ تَفِ. عِ شَ مِشِيٍ لِمَنِيَمَ نّ عِ شَ قٍ رَ.» 
\v 22 عٍ تٌ كِرِ بَنشِ تِ مَنفّ بَنشِ قَرِ، عَبِسَلٌمِ نَشَ عَ سَ عَ بَبَ شَ كٌنيِ فِنّيٍ قّ مَ عِسِرَيِلَ حَمَ يَ شْرِ.
\p
\v 23 نَ وَشَتِ عَبِسَلٌمِ نُن دَوُدَ بِرِن نُ بِرَ مَ عَشِتٌقٍلِ شَ مَرَ سِيٍ قْشْ رَ، عَلْ مَرَ سِيٍ نَشٍيٍ كٍلِشِ عَلَ مَ.
\c 17
\s شُسَ نُن عَشِتٌقٍلِ شَ مَرَ سِيٍ
\p
\v 1 عَشِتٌقٍلِ نَشَ عَ قَلَ عَبِسَلٌمِ بّ، «عَ لُ ﭑ شَ مِشِ وُلُ قُ نُن قِرِن مَيٍفٍتِ، ﭑ شَ سِفَ دَوُدَ قْشْ رَ تٌ كْي رَ يَتِ. 
\v 2 ﭑ عَ لِمَ نَا، عَ تَفَنشِ، لِمَنِيَ يٌ مُ نَ عَ بّ، قٌ فَاشُي. نَ كُي حَمَ عٍ فِمَ نّ، ﭑ قَ مَنفّ قَشَ عَ كٍرٍن. 
\v 3 نَ تّمُي ﭑ حَمَ بِرِن مَلَنمَ، عٍ شَ فبِلٍن عِ مَ. نَ قَتَنمَ دَوُدَ شَ قَشّ نَن نَ. حَمَ قَمَ لُدٍ بْحّسَ كُي نَ كِ نّ.» 
\v 4 نَ مَسٍنيِ نَشَ رَقَن عَبِسَلٌمِ نُن عِسِرَيِلَ كُنتِفِيٍ بِرِن مَ.
\p
\v 5 عَبِسَلٌمِ نَشَ عَ قَلَ، «وٌ شُسَ عَرِكَ شِلِ. وٌن شَ نَ قَن شُي رَ مّ.» 
\v 6 شُسَ تٌ قَ، عَبِسَلٌمِ نَشَ عَ قَلَ عَ بّ، «عَشِتٌقٍلِ شَ مَرَ سِ نَن يَ. عِ تَن عَ تٌمَ دِ؟ عَ لَنمَ كَ عَ مُ لَنمَ؟» 
\v 7 شُسَ نَشَ عَ يَابِ، «يِ بِيَاسِ، عَشِتٌقٍلِ شَ مَرَ سِ مُ قَن. 
\v 8 عِ عِ بَبَ كٌلٌن، عِ عَ شَ سْورِيٍ كٌلٌن. فبَنفبَلَنيِيٍ نَن عٍ رَ، عٍ شَاحّ عَلْ يّتّ نَشَن شَ دِيٍ بَشِ عَ يِ. عِ بَبَ فٍرٍ كٌلٌن. عَ مُ شِمَ حَمَ يَ مَ. 
\v 9 عَ لِمَ يَكْسِ عَ حَن بَرَ عَ نْشُن فٍيَ يِرٍ ندٍ. عِ شَ مِشِ ندٍ نَ قَشَ نَ فٍرٍ كُي، حَمَ قَمَ نّ عَ قَلَدٍ، ‹عَبِسَلٌمِ شَ مِشِيٍ بَرَ سْنتْ عَ حَاشِ رَ!› 
\v 10 لِمَنِيَ قَمَ نّ بَدٍ مِشِيٍ يِ رَ، هَلِ سْورِ شْرْشْييٍ. عِسِرَيِلَ عِ بَبَ كٌلٌن سْورِ رَ، عٍ عَ شَ مِشِيٍ كٌلٌن فبَنفبَلَنيِيٍ رَ.»
\p
\v 11 «ﭑ مَ مَرَ سِ نَن يَ. عِ شَ عِسِرَيِلَ بِرِن مَلَن كٍلِقٍ دَنَ مَ هَن بٍرِ سٍيبَ. عِ شَ مِشِيٍ نَ وُيَ عَلْ مّيّنيِ نَشَن نَ بَا دّ رَ، عِ تَن يَتِ قَمَ عٍ رَ سٌدٍ فٍرٍ كُي. 
\v 12 عَ نَ دّدّ، وٌن قَمَ عَ تٌدٍ، وٌن قَمَ نّ فٌرٌدٍ عَ مَ، عَلْ شِنِ فٌرٌ مَ بْشِ مَ كِ نَشّ. مِشِ كٍرٍن مُ لُمَ عٍ يَ مَ، مُشُ قَمَ دَوُدَ نُن عَ شَ سْورِ بِرِن قَشَدٍ. 
\v 13 شَ عَ سَ عَ نْشُن تَا ندٍ كُي، عِسِرَيِلَكَيٍ قَمَ نَ تَا تّتّ فّمّيٍ بّندُندٍ لُوتِيٍ رَ هَن تّتّ بِرِن بَ نَا.»
\p
\v 14 عَبِسَلٌمِ نُن عِسِرَيِلَ كُنتِفِيٍ نَشَ عَ قَلَ، «شُسَ عَرِكَ شَ مَرَ سِ نَن قَن دَنفِ عَشِتٌقٍلِ شَ مَرَ سِ رَ.» عَلَتَلَ نُ بَرَ عَشِتٌقٍلِ شَ مَرَ سِ كْوتَشِ شُن نَكَنَ، عَلَكٌ عَبِسَلٌمِ شَ تْورْ.
\p
\v 15 شُسَ نَشَ عَ قَلَ سَدْكِ نُن عَبِيَتَرِ سّرّشّدُبّيٍ بّ، «عَشِتٌقٍلِ بَرَ عَبِسَلٌمِ نُن عِسِرَيِلَ قٌرِيٍ رَ سِ مَرَ سِ ندٍ رَ، كْنْ ﭑ تَن بَرَ عٍ رَ سِ قٍ فبّتّ رَ. 
\v 16 يَكْسِ وٌ شَ شّيرَيَ عِبَ دَوُدَ بّ كٍرٍن نَ، عَ قَلَقٍ رَ، ‹عِ نَشَ لُ قِيلِ مَ فبٍنفبٍرٍنيِ سّيتِ مَ تٌ كْي رَ دٍ. عِ شَ دَنفِ نَا رَ ثٌن، عَلَكٌ مَنفّ نُن عَ شَ مِشِيٍ نَشَ سْنتْ.›»
\p
\v 17 يٌنَتَن نُن عَشِمَاسِ نُ نَ عٍن رٌفٍلِ. كٌنيِ فِنّ ندٍ نَشَ سِفَ شُسَ شَ مَسٍنيِ قَلَدٍ عٍ بّ، عَلَكٌ عٍ قَن شَ سِفَ نَ شّيرَيَ عِبَدٍ دَوُدَ بّ. عٍ نُ نَ عٍن رٌفٍلِ نّ بَرِ مَ عٍ مُ نُ سُو سَمَ لُدٍ دَرِ سَلَمُ تَا كُي. 
\v 18 كْنْ قٌنِكٍ ندٍ نَشَ عٍ تٌ، عَ سَ نَ قٍ دّنتّفّ عَبِسَلٌمِ بّ. يٌنَتَن نُن عَشِمَاسِ نَشَ عٍ شُلُن، عٍ سَ سٌ بَشُرِ مِ تَا كُي مِشِ ندٍ شْنيِ. عٍ نَشَ فٌرٌ نَ مِشِ شَ كْلْنيِ كُي، نَشَن نُ نَ عَ شَ قْشْي رَ. 
\v 19 فِنّ ندٍ نَشَ دُفِ سَ نَ كْلْنيِ دّ رَ، عَ قَ سَنسِ شْرِ دِنشِ سَ نَ دُفِ قَرِ، عَلَكٌ مِشِ نَشَ سٌفِ قٍ ندٍ مَ. 
\v 20 عَبِسَلٌمِ شَ سْورِيٍ نَشَ سٌ نَ فِنّ شَ بَنشِ كُي، عٍ نَشَ عَ مَشْرِن، «عَشِمَاسِ نُن يٌنَتَن نَ مِندٍن؟» فِنّ نَشَ عٍ يَابِ، «عٍ بَرَ شُرٍ عِفِرِ.» عَبِسَلٌمِ شَ سْورِيٍ نَشَ عٍ قٍن، كْنْ عٍ مُ عٍ تٌ. نَ تّمُي عٍ نَشَ فبِلٍن دَرِ سَلَمُ.
\p
\v 21 عٍ تٌ فبِلٍن، عَشِمَاسِ نُن يٌنَتَن نَشَ تٍ كْلْنيِ رَ، عٍ سِفَ عَ قَلَ دَوُدَ بّ، «وٌ شَ شُرٍ عِفِرِ مَقُرٍنيِ رَ. عَشِتٌقٍلِ بَرَ يِ مَرَ سِ قِ عَبِسَلٌمِ مَ وٌ شِلِ مَ.» 
\v 22 نَ كُي دَوُدَ نُن عَ شَ حَمَ نَشَ يُرُدّن عِفِرِ سُبَشّ مَ، عٍ مُ مِشِ كٍرٍن لُ عٍ شَنبِ رَ.
\p
\v 23 عَشِتٌقٍلِ تٌ عَ تٌ عَ عَبِسَلٌمِ مُ عَ شَ مَرَ سِ سُشُشِ، عَ نَشَ بَكِ عَ شَ سٌقَلٍ قَرِ، عَ فبِلٍن عَ بَرِ تَا كُي. عَ نَشَ عَ شَ قٍيٍ يَءِلَن، عَ قَ عَ يّتّ فبَكُ. عَ قَشَ نَ كِ نّ. عٍ نَشَ سَ عَ رَفَتَ عَ بَبَ شَ فَبُرِ سّيتِ مَ.
\p
\v 24 دَوُدَ نَشَ سٌ مَشَنَيِمِ. عَبِسَلٌمِ نُن عَ شَ سْورِيٍ نَشَ يُرُدّن شُرٍ عِفِرِ. 
\v 25 عَبِسَلٌمِ نَشَ عَمَسَ تِ عَ شَ سْورِيٍ يَرٍرَتِ رَ، يٌوَبَ حْشْي رَ. عَمَسَ قِندِ يٍتٍرِ شَ دِ نَن نَ، نَشَن نَشَسَ شَ دِ فِنّ عَبِفَيِلِ دْشْ. عَبِفَيِلِ قِندِ يٌوَبَ نفَ سٍرُيَ شُنيَ نَن نَ. 
\v 26 عَبِسَلٌمِ نُن عَ شَ حَمَ نَشَ يٌنكِن فَلَدِ بْشِ مَ.
\p
\v 27 دَوُدَ تٌ سٌ مَشَنَيِمِ تَا كُي، نَشَسَ شَ دِ سٌوبِ، نَشَن كٍلِشِ رَبَ تَا كُي عَمٌنِكَيٍ شَ بْشِ مَ، عَ نُن عَمِيّلِ شَ دِ مَكِرِ، نَشَن كٍلِشِ لٌدٍبَرَ، عَ نُن بَرَ سِلَيِ، نَشَن كٍلِشِ رٌفٍلِمِ تَا كُي فَلَدِ بْشِ مَ، 
\v 28 نٍيٍ نَشَ قَ يِ سٍ بِرِن نَ دَوُدَ شَ مِشِيٍ بّ؛ سَدٍيٍ، ثِلٍتِيٍ، قّحّيٍ، قُندٍنيِ مَنِيّ، مّنفِ مَنِيّ، قَرِن، سَنسِ شْرِ فَنشِيٍ، تٌفٍ مْولِ قِرِن، 
\v 29 كُمِ، يّشّي نُن نِنفٍ شِحّ. عٍ نَشَ قَ نَ بِرِن نَ دَوُدَ نُن عَ شَ حَمَ شْن مَ، عَلَكٌ عٍ شَ عٍ دّفٍ، بَرِ مَ عٍ نُ يِ نَن قَلَمَ، «يِ حَمَ بَرَ تَفَن. كَامّ نُن يٍ شْلِ نَن عٍ سُشُشِ فبٍنفبٍرٍنيِ مَ يِ كِ.»
\c 18
\s دَوُدَ عَبِسَلٌمِ فٍرٍقٍ
\p
\v 1 دَوُدَ نَشَ عَ شَ سْورِيٍ كْنتِ، عَ مَنفّيٍ سُفَندِ فَلِ دِيٍ بّ، مِشِ وُلُ كٍرٍن نُن مِشِ كّمّ دَاشِ. 
\v 2 دَوُدَ نَشَ عَ شَ سْورِيٍ عِتَشُن دْشْ سَشَن نَ. عَ سِنفٍ شُنيِ نَشَ قِندِ يٌوَبَ رَ، عَ قِرِن ندٍ شُنيِ نَشَ قِندِ سٍرُيَ شَ دِ عَبِسَيِ رَ، يٌوَبَ شُنيَ، عَ سَشَن ندٍ شُنيِ نَشَ قِندِ عِتَيِ رَ، فَتِكَ. مَنفّ دَوُدَ نَشَ عَ قَلَ عٍ بّ، «ﭑ قَن لُمَ وٌ سّيتِ مَ يِ فٍرٍ كُي.» 
\v 3 كْنْ عَ شَ سْورِيٍ نَشَ تٌندِ، عَ قَلَقٍ رَ، «عَ مُ لَنمَ عِ قَن شَ سٌ فٍرٍ كُي. شَ مُشُ سَ مُشُ فِمَ نّ، نَ مُ قِندِ مَ قٍقٍ رَ عٍ بّ. هَلِ وٌن مَ فَلِ دِيٍ سّيتِ سَ قَشَ نّ، نَ تِدٍ مُ لُمَ عٍ بّ. كْنْ عِ تَن تِدٍ دَنفِ سْورِ وُلُ قُ رَ. عَ قَن كِ مَ، عَ لَنمَ عِ شَ لُ تَا كُي، عَلَكٌ عِ شَ نْ مِنِدٍ مُشُ مَلِدٍ شَ قٍيٍ مُ سَ سْونّيَ.» 
\v 4 مَنفّ نَشَ عٍ يَابِ، عَ نَشّ، «عَوَ، وٌ سَفٌ.» فَلِ دِيٍ نَشَ مِنِ عٍ دْشْ كِ مَ مِشِ وُلُ نُن مِشِ كّمّ دَاشِ، مَنفّ قَن نُ تِشِ تَا نَادّ رَ. 
\v 5 مَنفّ نَشَ يٌوَبَ، عَبِسَيِ، نُن عِتَيِ يَمَرِ، «وٌ نَشَ قٍ شْرْشْي رَبَ عَبِسَلٌمِ رَ ﭑ مَ قٍ شَنُنتٍيَ مَ.» حَمَ بِرِن نَشَ مَنفّ شَ يَامَرِ مّ، عَ نَشَن قَلَشِ سْورِ يَرٍرَتِيٍ بّ عَبِسَلٌمِ شَ قٍ رَ.
\p
\v 6 فَلِ دِيٍ نَشَ مِنِ تَا قَرِ مَ عِسِرَيِلَ فٍرٍدٍ. فٍرٍ نَشَ سِن يّ عٍقِرَ مِ قْتْنيِ كُي. 
\v 7 دَوُدَ شَ سْورِيٍ نَشَ شُننَكٍلِ قَنيِ سْتْ، عٍ عِسِرَيِلَكَ وُلُ مْشْحّن قَشَ نَ لْشْي كٍرٍنيِ. 
\v 8 فٍرٍ نَشَ دِن بْشِ بِرِن نَ. سْورِ فبٍفبٍ نَشَ لْي قْتْنيِ كُي دَنفِ عَ قَشَشِيٍ رَ سَنتِدّفّمَ رَ.
\p
\v 9 دَوُدَ شَ سْورِيٍ نَشَ عَبِسَلٌمِ لِ قْتْنيِ كُي. عَ شَ سٌقَلٍ تِشِ وُرِ شُنفبٍ ندٍ بُن مَ، عَبِسَلٌمِ شُنسّشّ كُيٍ كَنكَنشِ وُرِ سَلٌنيِيٍ مَ، عَ قَ سِنفَن كُيٍ مَ. عَ شَ سٌقَلٍ نَشَ عَ فِ. 
\v 10 سْورِ ندٍ تٌ نَ تٌ، عَ نَشَ سَ عَ قَلَ يٌوَبَ بّ، عَ نَشّ، «ﭑ بَرَ عَبِسَلٌمِ تٌ، عَ فبَكُشِ وُرِ شُنفبٍ ندٍ رَ.» 
\v 11 يٌوَبَ نَشَ عَ يَابِ، «عِ تٌ عَ تٌ، مُنقٍ رَ عِ مُ عَ قَشَ كٍرٍن نَ؟ شَ عِ نَ رَبَ نُ، ﭑ فبٍتِ كٌلٍ قُ نُن بّلّتِ كٍرٍن نَن قِمَ عِ مَ نَ قٍ رَبَشِ سَرٍ رَ.» 
\v 12 نَ شّمّ نَشَ عَ قَلَ يٌوَبَ بّ، «هَلِ عِ فبٍتِ كٌلٍ وُلُ كٍرٍن قِ ﭑ مَ، ﭑ مُ دِنمَ مَنفّ شَ دِ شّمّ رَ، بَرِ مَ مَنفّ عِ تَن نُن عَبِسَيِ يَمَرِ مُشُ بِرِن يَ شْرِ نّ، ‹وٌ نَشَ قٍ شْرْشْي رَبَ عَبِسَلٌمِ رَ ﭑ مَ قٍ شَنُنتٍيَ مَ.› 
\v 13 شَ ﭑ سَ نَ قٍ رَبَ نُ، سٍسٍ مُ نْمَ ﭑ تَنفَدٍ مَنفّ مَ، نَشَن قَمَ قٍ بِرِن كٌلٌندٍ. هَلِ عِ تَن مُ نْمَ ﭑ نَتَنفَدٍ عَ مَ.» 
\v 14 يٌوَبَ نَشَ عَ قَلَ عَ بّ، «ﭑ مُ لُمَ بٍ ﭑ دّ مَكَنَقٍ رَ عِ بّ.» عَ نَشَ تَنبّ سَشَن تٌنفٌ، عَ سَ عٍ بَنبَن عَبِسَلٌمِ سٌندٌنيِ مَ. هَن نَ وَشَتِ عَبِسَلٌمِ نُ فبَكُشِ وُرِ مَ، عَ مُ نُ قَشَشِ. 
\v 15 سّفّتَلَ قُ نَشٍيٍ نُ يٌوَبَ شَ فٍرٍ سٌسٍيٍ مَشَنِنمَ، نٍيٍ نَشَ عَبِسَلٌمِ رَبِلِن، عٍ عَ بْنبْ هَن عَ قَشَ.
\p
\v 16 نَ تّمُي يٌوَبَ نَشَ سَرَ قٍ، عَلَكٌ حَمَ شَ فبِلٍن عِسِرَيِلَكَيٍ قْشْ رَ. 
\v 17 عٍ نَشَ عَبِسَلٌمِ تٌنفٌ، عٍ عَ سَ يِلِ شُنفبٍ ندٍ كُي قْتْنيِ تَفِ، عٍ فّمّ فبٍفبٍ كٌتٌ عَ قَرِ. عِسِرَيِلَكَ بِرِن نَشَ عٍ فِ، عٍ نَشَ سِفَ عٍ شْنيِ. 
\v 18 عَبِسَلٌمِ نُ بَرَ فّمّ تْنشُمَ مَسٌلِ، عَ عَ تِ مَنفّ شَ فُلُنبَ كُي. عَ نُ بَرَ عَ قَلَ، «دِ يٌ مُ نَ ﭑ بّ نَشَن ﭑ شِلِ بِنيَمَ.» نَ كُي عَ نَشَ عَ يّتّ شِلِ سَ نَ فّمّ تْنشُمَ شُن مَ. هَن تٌ مِشِيٍ نَ شِلِمَ «عَبِسَلٌمِ شَ فّمّ تْنشُمَ.»
\p
\v 19 سَدْكِ شَ دِ عَشِمَاسِ نَشَ عَ قَلَ يٌوَبَ بّ، «عَ لُ ﭑ شَ سَ عَ مَسٍن مَنفّ بّ عَ عَلَتَلَ بَرَ عَ رَكِسِ عَ يَشُي بّلّشّ.» 
\v 20 يٌوَبَ نَشَ عَ يَابِ، «نَ مُ قِندِ مَ شِبَارُ قَنيِ شَ رَ تٌ. تّمُي فبّتّ عِ نْمَ شِبَارُ قَنيِ مَسٍندٍ مَنفّ بّ، كْنْ تٌ مُ لَنمَ بَرِ مَ مَنفّ شَ دِ بَرَ قَشَ.» 
\v 21 يٌوَبَ نَشَ عَ قَلَ كُسِكَ ندٍ بّ، «سِفَ، عِ سَ عَ دّنتّفّ مَنفّ بّ عِ نَشَن تٌشِ بٍ.» كُسِكَ تٌ فّ عَ شِنبِ سِندٍ يٌوَبَ بُن مَ، عَ نَشَ سِفَ مَقُرٍنيِ رَ.
\p
\v 22 سَدْكِ شَ دِ عَشِمَاسِ قَن نَشَ عَ قَلَ يٌوَبَ بّ، «يَندِ، عَ لُ ﭑ قَن شَ سِفَ مَنفّ يِرٍ كُسِكَ قْشْ رَ.» يٌوَبَ نَشَ عَ يَابِ، «ﭑ مَ دِ، عِ وَ مَ سِفَقٍ مُنقٍ رَ؟ يِ بِيَاسِ مُ قِندِشِ شِبَارُ قَنيِ رَ.» 
\v 23 عَشِمَاسِ نَشَ عَ قَلَ عَ بّ، «عَ قَ قِندِ قٍقٍ رَ، ﭑ تَن وَ مَ سِفَقٍ نَ مَسٍنيِ رَ.» يٌوَبَ نَشَ عَ يَابِ، «عَوَ يِرٍ، سِفَ.» عَشِمَاسِ نَشَ مِنِ يُرُدّن فُلُنبَ بِرِ رَ، عَ دَنفِ نَ كُسِكَ رَ.
\p
\v 24 دَوُدَ نُ دْشْشِ تَا نَادّ دّ رَ. تَا كَنتَمَ نَشَ تٍ تّتّ قَرِ نَادّ بِرِ رَ. عَ تٌ عَ يَ رَ سِفَ، عَ نَشَ سَ مِشِ ندٍ تٌ قَ رَ عَ كٍرٍن. 
\v 25 تَا كَنتَمَ تٌ نَ قَلَ عَ شُي عِتٍشِ رَ، مَنفّ نَشَ عَ قَلَ، «شَ مِشِ كٍرٍن نَ عَ رَ، عَ نَ قَقٍ شِبَارُ نَن نَ.» نَ شّمّ تٌ نُ نَ قَقٍ، 
\v 26 تَا كَنتَمَ نَشَ مِشِ فبّتّ تٌ، نَشَن نَ قَقٍ عَ فِ رَ. عَ نَشَ عَ قَلَ عَ شُي عِتٍشِ رَ، «مِشِ فبّتّ نَ قَقٍ عَ فِ رَ.» مَنفّ نَشَ عَ قَلَ عَ بّ، «نَ قَن قَقٍ شِبَارُ ندٍ نَن نَ.» 
\v 27 تَا كَنتَمَ نَشَ عَ قَلَ، «عَ لُشِ ﭑ بّ عَلْ سَدْكِ شَ دِ عَشِمَاسِ نَن يَرٍ. ﭑ عَ فِ كِ كٌلٌن.» مَنفّ نَشّ، «مِشِ قَنيِ نَن عَ رَ. عَ نَ قَقٍ شِبَارُ قَنيِ نَن نَ.» 
\v 28 عَشِمَاسِ تٌ مَكْرّ مَنفّ رَ، عَ نَشَ عَ قَلَ عَ شُي عِتٍشِ رَ، «فٍرٍ بَرَ سْونّيَ!» عَ نَشَ عَ يَتَفِ رَقٍلٍن بْشِ مَ، عَ قَ عَ قَلَ، «تَنتُي نَ عِ مَرِفِ عَلَتَلَ بّ، نَشَن ﭑ مَ مَنفّ يَشُييٍ رَفٌرٌ مَ عَ بُن مَ!» 
\v 29 مَنفّ نَشَ عَ مَشْرِن، «عَبِسَلٌمِ فٌ، تَنَ مُ نَ ﭑ مَ قٌنِكٍ مَ؟» عَشِمَاسِ نَشَ عَ يَابِ، «يٌوَبَ تٌ ﭑ تَن نُن مَنفّ شَ كٌنيِ ندٍ شّي، قٍ ندٍ نُ نَ، كْنْ ﭑ مُ عَ كٌلٌن قٍ نَشَن عَ رَ.» 
\v 30 مَنفّ نَشَ عَ قَلَ عَ بّ، «لُ بٍ سِندٍن.» عَشِمَاسِ نَشَ تِ عَ شَتِ مَ.
\p
\v 31 كُسِكَ تٌ سٌ، عَ نَشَ عَ قَلَ، «ﭑ مَ مَنفّ، ﭑ بَرَ قَ شِبَارُ ندٍ رَ عِ بّ. تٌ، عَلَتَلَ بَرَ عِ رَكِسِ عِ يَشُييٍ بّلّشّ تِنشِنيِ رَ.» 
\v 32 مَنفّ نَشَ عَ مَشْرِن، «عَبِسَلٌمِ فٌ، تَنَ مُ نَ ﭑ مَ قٌنِكٍ مَ؟» عَ نَشَ عَ يَابِ، «مَنفّ، مِشِ نَشٍيٍ قٍ حَاشِ رَبَمَ عِ رَ، نُن عِ يَشُييٍ بِرِن نَ، عٍ شَ قٍ شَ حْن عَلْ نَ قٌنِكٍ عَبِسَلٌمِ.»
\s دَوُدَ وَقٍ عَبِسَلٌمِ شَ قٍ رَ
\p
\v 33 نَ كُي مَنفّ نَشَ سُننُن كِ قَنيِ. عَ نَشَ تٍ عَ شَ كٌنكٌي كُي تَا نَادّ شُن مَ، عَ وَ مَ. عَ نُ عَ قَلَ عَ يّتّ مَ، «ﭑ مَ دِ عَبِسَلٌمِ، ﭑ مَ دِ عَبِسَلٌمِ، عَ نُ قِسَ ﭑ تَن شَ قَشَ عِ حْشْي رَ. عَبِسَلٌمِ، ﭑ مَ دِ. عٍٍ، ﭑ مَ دِ!»
\c 19
\p
\v 1 عٍ نَشَ نَ دّنتّفّ يٌوَبَ بّ، عٍ نَشّ، «مَنفّ نَ وَقٍ سُننُنيِ كُي عَبِسَلٌمِ شَ قٍ رَ.» 
\v 2 عٍ فٍرٍ نَشَن فٍينِشِ نَ لْشْي، نَ نَشَ قِندِ سُننُنيِ رَ بْشِ بِرِن بّ، بَرِ مَ حَمَ نُ بَرَ عَ مّ عَ مَنفّ تْورْشِ عَ شَ دِ عَبِسَلٌمِ شَ قَشّ شَ قٍ رَ. 
\v 3 سْورِيٍ نَشَ سٌ تَا كُي، عٍ شُن سِنشِ عَلْ عٍ نَ عٍ فِ فٍرٍ مَ يَافِ كُي.
\p
\v 4 مَنفّ نَشَ عَ يَتَفِ مَكٌتٌ، عَ نُ قَ فبٍلٍفبٍلٍ عَ شُي عِتٍشِ رَ، «ﭑ مَ دِ عَبِسَلٌمِ! ﭑ مَ دِ عَبِسَلٌمِ! ﭑ مَ دِ!» 
\v 5 يٌوَبَ نَشَ سٌ مَنفّ يِرٍ، عَ عَ قَلَ ءَ بّ، «تٌ عِ بَرَ عِ شَ سْورِيٍ رَيَافِ، نَشٍيٍ عِ نِي رَتَنفَشِ، عَ نُن عِ شَ دِيٍ، عِ شَ فِنّيٍ، نُن عِ شَ كٌنيِ فِنّيٍ. 
\v 6 عِ مِشِيٍ شَنُمَ، نَشٍيٍ عِ شْنشِ، عِ مِشِيٍ شْنمَ، نَشٍيٍ عِ شَنُشِ. تٌ عِ بَرَ عَ مَسٍن عَ عِ شَ سْورِيٍ نُن عٍ شَ يَرٍرَتِيٍ تِدٍ يٌ مُ نَ عِ بّ. شَ مُشُ بِرِن سَ قَشَ نُ قٌ عَبِسَلٌمِ، نَ نَن نَقَنمَ عِ مَ نُ. 
\v 7 عِ نَشَن نَبَمَ، كٍلِ، عِ شَ وْيّن قَنيِ قَلَ عِ شَ سْورِيٍ بّ. شَ نَ مُ عَ رَ، ﭑ بَرَ ﭑ كَلِ عَلَتَلَ رَ، بٍينُ كْي شَ سٌ عِ شَ شّمّ بِرِن كٍلِمَ نّ عِ شُن مَ تٌ. نَ قٍ شْرْشْمَ عِ شَ تْورّ بِرِن بّ عِ نَشَن كٌلٌن كَبِ عِ بَرِ تّمُي.» 
\v 8 نَ تّمُي مَنفّ نَشَ مِنِ، عَ عَ مَفٌرٌ تَا نَادّ رَ. حَمَ تٌ نَ كٌلٌن، عٍ نَشَ سِفَ عَ يِرٍ.
\p عِسِرَيِلَكَ نَشٍيٍ نُ بِرَشِ عَبِسَلٌمِ قْشْ رَ، نٍيٍ نُ بَرَ عٍ فِ نَ تّمُي عٍ سِفَ عٍ شْنيِ. 
\v 9 نَ بْنسْي بِرِن نُ عَ قَلَمَ، «مَنفّ دَوُدَ بَرَ وٌن بَ وٌن يَشُييٍ بّلّشّ عِ، عَ تَن نَن وٌن بَشِ قِلِسِتَكَيٍ يِ رَ، كْنْ عَ عَ فِشِ نّ عَبِسَلٌمِ تَن يَ رَ. 
\v 10 يَكْسِ، عَبِسَلٌمِ، وٌن نَشَن قِندِ مَنفّ رَ، نَ بَرَ قَشَ فٍرٍ كُي. وٌن مُنسٍ مَمّقٍ، وٌن مُ سَ مَنفّ رَفبِلٍنمَ؟»
\p
\v 11 مَنفّ دَوُدَ تَن نَشَ عَ قَلَ سّرّشّدُبّ سَدْكِ نُن عَبِيَتَرِ بّ، «وٌ عَ قَلَ يُدَ قٌرِيٍ بّ، ‹مُنقٍ رَ وٌ مُ يَرٍرَتِ وَلِ رَبَمَ مَنفّ رَفبِلٍنقٍ رَ عَ شْنيِ؟ مَنفّ حَن بَرَ عِسِرَيِلَ وَشْنقٍ مّ. 
\v 12 ﭑ نفَشَكٍرٍنيِ نَن وٌ رَ، وٌن وُلِ كٍرٍن، قَسّ كٍرٍن. مُنقٍ رَ وٌ نَ بُقٍ مَنفّ رَفبِلٍنقٍ رَ؟› 
\v 13 وٌ شَ عَ قَلَ عَمَسَ قَن بّ، ‹وٌن وُلِ كٍرٍن، قَسّ كٍرٍن شَ مُ عَ رَ؟ ﭑ بَرَ ﭑ كَلِ عَلَ رَ، ﭑ عِ تِمَ نّ ﭑ مَ سْورِيٍ شَ مَنفّ رَ يٌوَبَ حْشْي رَ كُدّءِ.›» 
\v 14 نَ كُي دَوُدَ نَشَ عَ نِيَ يُدَكَيٍ بِرِن شَ لَن عَ فبِلٍنقٍ مَ. عٍ نَشَ شّيرَ شّي مَنفّ مَ، عَ شَ فبِلٍن، عَ تَن نُن عَ شَ مِشِ بِرِن.
\p
\v 15 مَنفّ نَشَ فبِلٍن قْلْ، عَ قَ يُرُدّن شُرٍ لِ. يُدَيَكَيٍ نَشَ سِفَ فِلِفَلِ، عٍ شَ عَ رَ سّنّ. 
\v 16 فٍرَ شَ دِ سِمٍيِ، نَشَن كٍلِشِ بُنيَمِن بْنسْي، نَشَن نُ دَوُدَ دَنكَشِ بَشُرِ مِ، عَ قَن نَشَ سِفَ مَنفّ دَوُدَ رَلَندٍ. يُدَيَكَيٍ نُن 
\v 17 بُنيَمِنكَ سْورِ مِشِ وُلُ كٍرٍن نَن نُ نَ عَ قْشْ رَ.
\p سِبَ، نَشَن نُ بَرَ وَلِ سْلُ شَ دٍنبَيَ بّ، عَ تَن نُن عَ شَ دِ قُ نُن سُولِ، عَ نُن عَ شَ كٌنيِ مْشْحّن، عٍ قَن نَشَ سِفَ يُرُدّن شُرٍ مَنفّ رَلَندٍ. 
\v 18 مِشِيٍ نُ نَ مَنفّ شَ حَمَ مَلِقٍ شُرٍ عِفِرِدٍ تّمُي نَشّ، فٍرَ شَ دِ سِمٍيِ نَشَ بِرَ مَنفّ بُن مَ، 
\v 19 عَ عَ مَيَندِ، «ﭑ مَرِفِ، عِ نَشَ شْنّ رَفَتَ عِ بْحّ كُي ﭑ بّ. عِ نَشَ عِ فبٍ حْشْ ﭑ مَ قٍ حَاشِ رَ، ﭑ نَشَن نَبَشِ عِ رَ عِ مِنِ لْشْي. 
\v 20 ﭑ مَرِفِ، ﭑ بَرَ ﭑ مَ يُنُبِ كٌلٌن. نَ كُي، تٌ، ﭑ سِنفٍ نَن قَشِ عِ رَ سّنّدٍ يُسُقُ شَ مِشِيٍ يَ مَ.»
\p
\v 21 نَ تّمُي سٍرُيَ شَ دِ عَبِسَيِ نَشَ عَ قَلَ دَوُدَ بّ، «عَ مُ لَنمَ شّ سِمٍيِ شَ قَشَ، بَرِ مَ عَ بَرَ مَنفّ دَنكَ، عَلَتَلَ نَشَن سُفَندِشِ؟» 
\v 22 دَوُدَ نَشَ عَ يَابِ، «سٍرُيَ شَ دِيٍ، مُنسٍ نَ وٌن تَفِ؟ وٌ وَ مَ قِندِقٍ ﭑ يَشُييٍ نَن نَ تٌ؟ عَ لَنمَ مِشِ ندٍ شَ قَشَ تٌ عِسِرَيِلَ بْشِ مَ؟ ﭑ حَن عَ كٌلٌن ﭑ بَرَ فّ مَنفّيَ سْتْدٍ تٌ.» 
\v 23 مَنفّ نَشَ عَ قَلَ سِمٍيِ بّ، «ﭑ تَن عِسِرَيِلَ مَنفّ، ﭑ بَرَ ﭑ كَلِ، ﭑ مُ عِ قَشَمَ.»
\p
\v 24 سْلُ شَ دِ مٍقِبٌسٍتِ قَن نَشَ سِفَ مَنفّ رَلَندٍ. كَبِ مَنفّ دَوُدَ كٍلِ لْشْي دَرِ سَلَمُ، عَ مُ عَ سَنيِيٍ مَشَ، عَ مُ عَ شَ دُفِيٍ شَ، عَ مُ عَ دّ شَبٍ يَءِلَن. عَ نُ مَمّ تِقٍ نّ مَنفّ شَ فبِلٍن بْحّسَ كُي. 
\v 25 عَ تٌ قَ مَنفّ رَلَندٍ دَرِ سَلَمُ، مَنفّ نَشَ عَ مَشْرِن، «مٍقِبٌسٍتِ، ﭑ تٌ كٍلِ دَرِ سَلَمُ، مُنقٍ رَ عِ مُ بِرَ ﭑ قْشْ رَ نُ؟» 
\v 26 عَ نَشَ عَ يَابِ، «ﭑ مَ مَنفّ، ﭑ تَن مُ عَ رَ. نَ لْشْي ﭑ مَ كٌنيِ نَن ﭑ مَدَشُ. ﭑ عَ قَلَ نّ عَ بّ عَ شَ ﭑ بَكِ ﭑ مَ سٌقَلٍ قَرِ سِفَقٍ رَ مَنفّ قْشْ رَ. ﭑ نُ عَ رَبَمَ نَ كِ نّ، بَرِ مَ ﭑ سَنيِيٍ مُ قَن. 
\v 27 كْنْ ﭑ مَ كٌنيِ نَشَ سِفَ ﭑ شُن مَقَلَدٍ عِ شْن. يَكْسِ، عِ تَن نَشَن لُشِ عَلْ عَلَتَلَ شَ مَلٍكّ، عِ سَفٌي شَ رَبَ. 
\v 28 عَ سّرِيّ كِ مَ عَ نُ لَنمَ عِ شَ ﭑ بَبَ بْنسْي بِرِن قَشَ عٍ شَ قٍ كٌبِ شَ قٍ رَ عِ تَن مَبِرِ، كْنْ عِ بَرَ تِن ﭑ شَ لُ عِ شَ دٍنبَيَ يَ مَ، وٌن بِرِن شَ وٌن دّفّ يِرٍ كٍرٍن. نَ كُي ﭑ مُ نْمَ عِ مَشَندِدٍ قٍقٍ رَ قَ.»
\p
\v 29 مَنفّ نَشَ عَ قَلَ عَ بّ، «عِ نَشَ وْيّنيِ يٌ سَ نَ قَرِ. ﭑ بَرَ نَتّ تٌنفٌ سِبَ شَ بْشِيٍ شَ عِتَشُن.» 
\v 30 مٍقِبٌسٍتِ نَشَ عَ يَابِ، «ﭑ تَن بّ عَ نْمَ عَ بِرِن تٌنفٌدٍ. ﭑ حّلّشِنشِ بَرِ مَ عِ تَن مَنفّ بَرَ سٌ تٌ عِ كّندّشِ رَ.»
\p
\v 31 بَرَ سِلَيِ فَلَدِكَ نُ بَرَ مَنفّ مَتِ هَن يُرُدّن شُرٍ كٍلِ رٌفٍلِمِ. عٍ تٌ شُرٍ عِفِرِ، عَ نَشَ عَ حُنفُ مَنفّ مَ. 
\v 32 بَرَ سِلَيِ شَ سِمَيَ نُ بَرَ حّ تٌنفٌ سٌلٌمَسَشَن لِ. عَ نُ بَرَ مّينِ مَنفّ مَ عَ تٌ سِفَ مَشَنَيِمِ كٍلِقٍ دَرِ سَلَمُ. كُنتِفِ بٍلٍبٍلٍ نَن نُ عَ رَ. 
\v 33 مَنفّ نَشَ عَ قَلَ بَرَ سِلَيِ بّ، «عِ شَ لُ ﭑ قّ مَ دَرِ سَلَمُ. ﭑ نَن حْشْ سَمَ نّ عِ شْن مَ عَ قَنيِ رَ.»
\p
\v 34 بَرَ سِلَيِ نَشَ مَنفّ يَابِ، «عَ لَنمَ ﭑ شَ تٍ دَرِ سَلَمُ؟ حّ يٍرِ لُشِ ﭑ مَ سِمَيَ رَ قَ؟ 
\v 35 ﭑ بَرَ حّ تٌنفٌ سٌلٌمَسَشَن سْتْ، ﭑ بَرَ تَفَن سْنْن. هَلِ دٌنسٍ نُن مِنسٍ قَنيِ، ﭑ دّ مُ نْمَ نَ كٌلٌندٍ. ﭑ تُلِ مُ نْمَ سِفِ شُي مّدٍ. عَ مُ لَنمَ ﭑ شَ قِندِ كٌتٍ تُن نَ ﭑ مَ مَنفّ بّ. 
\v 36 ﭑ مَن عِ مَتِمَ نّ دٌندٌرٌنتِ، كْنْ عِ وَ مَ يِ هّيرِ مْولِ قِقٍ ﭑ مَ مُنقٍ رَ؟ 
\v 37 يَندِ، عِ شَ دِحّ ﭑ تَن عِ شَ كٌنيِ شَ فبِلٍن ﭑ بَرِدٍ، ﭑ شَ سَ قَشَ مّننِ، ﭑ نفَ نُن ﭑ بَبَ شَ فَبُرِ نَ دّننَشّ. كْنْ عِ نَشَن نَبَمَ ﭑ بّ، عِ شَ كِمٍهَمِ شَنِن عِ شُن مَ، عِ شَ عَ مَلِ عَلْ عِ وَ مَ عَ شْن مَ كِ نَشّ.» 
\v 38 مَنفّ نَشَ عَ قَلَ، «عَوَ، ﭑ شَ كِمٍهَمِ شَنِن ﭑ شُن مَ، ﭑ شَ عِ وَشْنقٍ بِرِن نَبَ عَ بّ.» 
\v 39 حَمَ بِرِن تٌ يُرُدّن شُرٍ فِرِ، مَنفّ نَشَ بَرَ سِلَيِ سُنبُ، عَ دُبَ عَ بّ. نَ تّمُي بَرَ سِلَيِ نَشَ فبِلٍن عَ شْنيِ، 
\v 40 مَنفّ نَشَ سِفَ فِلِفَلِ، عَ نُن كِمٍهَمِ.
\p يُدَ حَمَ نُن عِسِرَيِلَ حَمَ سّيتِ كٍرٍن نَن مَنفّ مَلِ يُرُدّن عِفِرِدٍ. 
\v 41 كْنْ عِسِرَيِلَ شّمّيٍ نَشَ عٍ مَوَ مَنفّ شْن، عَ قَلَقٍ رَ، «مُشُ نفَشَكٍرٍنيِ يُدَيَكَيٍ عِ بَشِ مُشُ يِ رَ مُنقٍ رَ؟ عٍ تَن عِ شَ حَمَ مَتِشِ مُنقٍ رَ كٍلِقٍ رَ يُرُدّن شُرٍ هَن عِ شْنيِ؟» 
\v 42 يُدَيَ شّمّيٍ نَشَ عِسِرَيِلَكَيٍ يَابِ، عٍ نَشّ، «مَنفّ كٍلِشِ مُشُ بْنسْي نّ. عَ مُ لَنمَ وٌ شَ شْنْ نَ قٍ مَ. مُشُ بَرَ مَنفّ مَكُلَ دٌنسٍ رَ؟ عَ بَرَ مُشُ بُحَ؟» 
\v 43 عِسِرَيِلَكَيٍ نَشَ عَ قَلَ عٍ بّ، «مُشُ تٌ قِندِشِ بْنسْي قُ رَ، مُشُ تِدٍ فبٌ وٌ بّ مَنفّ مَبِرِ، عَ فبٍنفبٍنيِ يِ مَنفّ دَوُدَ. وٌ وَ مَ مُشُ شُرُنقٍ مُنقٍ رَ؟ مُشُ تَن شَ سِنفٍ مُ مَنفّ فبِلٍنقٍ قَلَ؟» كْنْ يُدَيَكَيٍ نَشَ شْرْشْ دَنفِ عِسِرَيِلَكَيٍ رَ.
\c 20
\s سٍبَ مَنفّ دَوُدَ مَتَندِقٍ
\p
\v 1 مِشِ سّرِيّتَرٍ ندٍ نُ نَ، نَشَن نُ شِلِ سٍبَ، بِكِرِ شَ دِ، قَتَنقٍ بُنيَمِن بْنسْي رَ. سٍبَ نَشَ قٍرِ قٍ عِسِرَيِلَ حَمَ مَ، عَ عَ قَلَ عٍ بّ،
\q «وٌن مُ بِرَ مَ دَوُدَ قْشْ رَ.
\q وٌن نُن يِسَيِ شَ دِ مُ نَ كّ كٍرٍن.
\q عِسِرَيِلَ حَمَ شَ فبِلٍن عٍ شْنيِ!»
\m
\v 2 عِسِرَيِلَ شّمّ بِرِن نَشَ كٍلِ دَوُدَ شُن مَ، عٍ بِرَ بِكِرِ شَ دِ سٍبَ قْشْ رَ. يُدَيَ شّمّيٍ تَن نَشَ لُ عٍ شَ مَنفّ سّيتِ مَ، عٍ سَ عَ مَتِ كٍلِقٍ يُرُدّن شُرٍ مَ، هَن دَرِ سَلَمُ.
\p
\v 3 مَنفّ دَوُدَ تٌ سٌ عَ شْنيِ دَرِ سَلَمُ، عَ نَشَ عَ شَ كٌنيِ فِنّ قُ تٌنفٌ، عَ نُ بَرَ نَشٍيٍ لُ عَ شَ بَنشِ كَنتَدٍ، عَ عٍ يِفِيَ بَنشِ مَكَنتَشِ ندٍ كُي. عَ نَشَ عَ حّنفِ سَ عٍ شْن مَ، كْنْ عَ نُن عٍ تَن مُ كَقُ سْنْن. عٍ نَشَ لُ نَ بَنشِ كُي عٍ كَاحّ كِ مَ هَن عٍ قَشَ.
\p
\v 4 مَنفّ نَشَ عَ قَلَ عَمَسَ بّ، «سِفَ، سَ يُدَيَ سْورِيٍ مَلَن بٍينُن شِ سَشَن وٌ شَ بٍ لِ.» 
\v 5 عَمَسَ نَشَ سِفَ نَ رَبَدٍ، كْنْ عَ نَشَ دُفُندِ. 
\v 6 نَ شِ سَشَن تٌ دَنفِ، دَوُدَ نَشَ عَ قَلَ عَبِسَيِ بّ، «يَكْسِ بِكِرِ شَ دِ سٍبَ قَمَ وٌن تْورْدٍ دَنفِقٍ عَبِسَلٌمِ رَ. عِ شَ ﭑ مَ سْورِيٍ تٌنفٌ، وٌ شَ سِفَ عَ قٍندٍ، عَلَكٌ عَ نَشَ عَ نْشُن تَا مَكَنتَشِ ندٍ كُي، عَ قَ لْي وٌن مَ.» 
\v 7 يٌوَبَ شَ مِشِيٍ قَن نَشَ بِرَ عَبِسَيِ قْشْ رَ، عَ نُن كٍرٍتِكَيٍ نُن ثٍلٍتَكَيٍ. عٍ بِرِن نَشَ مِنِ دَرِ سَلَمُ رَ، سِفَقٍ بِكِرِ شَ دِ سٍبَ قٍندٍ.
\p
\v 8 عٍ تٌ قَنيٍ شُنفبٍ يِرٍ لِ فَبَيٌن، عَمَسَ نَشَ مِنِ عٍ يَ رَ. يٌوَبَ نُ بَرَ عَ شَ قِنّ تّي شِرِ عَ شَ فٍرٍ سٌسٍ دٌنمَ تَفِ. عَ تٌ نُ مَكْرّقٍ عَمَسَ رَ، عَ شَ قِنّ نَشَ مِنِ عَ تّي كُي عَ بِرَ. 
\v 9 يٌوَبَ نَشَ عَمَسَ شّيبُ، «عَ رَبَشِ دِ نفَشَكٍرٍنيِ؟» عَ نَشَ عَ دّشَبٍ سُشُ عَ يِرٍ قَنيِ بّلّشّ رَ شّيبُي كُي. 
\v 10 عَمَسَ مُ عَ حْشْ سَ قِنّ شْن مَ نَشَن نُ نَ يٌوَبَ كْولَ بّلّشّ عِ. يٌوَبَ نَشَ عَمَسَ قُرِ سْشْ، عَ عَ قُرِنفّيٍ رَ مِنِ كّنّ مَ، عَ نَشَ قَشَ كٍرٍن نَ.
\p نَ تّمُي يٌوَبَ نُن عَ شُنيَ عَبِسَيِ نَشَ سِفَ بِكِرِ شَ دِ سٍبَ قٍندٍ. 
\v 11 يٌوَبَ شَ مِشِ ندٍ نَشَ تِ عَمَسَ قُرٍ قّ مَ، عَ عَ قَلَ عَ شُي عِتٍشِ رَ حَمَ بّ، «نَشَن نَ يٌوَبَ نُن دَوُدَ بّ، وٌ شَ بِرَ يٌوَبَ قْشْ رَ.» 
\v 12 عَمَسَ تٌ نُ سَشِ عَ وُلِ شْورَ كِرَ تَفِ، حَمَ قَن نُ تِشِ نَا عَ مَتٌدٍ. نَ كُي يٌوَبَ شَ نَ مِشِ نَشَ عَمَسَ قُرٍ بّندُن سّشّ شْورَ، عَ دُفِ ندٍ قٍلٍن عَ مَ، عَلَكٌ حَمَ نَشَ تِ نَا عَ مَتٌدٍ. 
\v 13 عَ تٌ عَ بَ كِرَ رَ، حَمَ نَشَ بِرَ يٌوَبَ قْشْ رَ، سِفَقٍ بِكِرِ شَ دِ سٍبَ قٍندٍ.
\p
\v 14 يٌوَبَ نَشَ دَنفِ عِسِرَيِلَ بْنسْييٍ بِرِن نَ سِفَقٍ رَ تَا ندٍ نَشَن شِلِ عَبٍلِ بٍتِ مَاكَ لٌنفٌرِ رَ. بٍرِ مُكَيٍ قَن نَشَ بِرَ عَ قْشْ رَ. 
\v 15 عٍ بِرِن نَشَ عَبٍلِ بٍتِ مَاكَ رَبِلِن، سٍبَ نُ نَ نَ تَا كُي. عٍ نَشَ بّندّ مَلَن تّتّ كَنكٍ، عَلَكٌ عٍ شَ عَ رَبِرَ، عٍ شَ سٌ تَا كُي.
\p
\v 16 نَ كُي فِنّ شَشِلِمَ ندٍ نَشَ عَ قَلَ عَ شُي عِتٍشِ رَ كٍلِقٍ تّتّ كُي، عَ نَشّ، «وٌ وٌ تُلِ مَتِ! وٌ يٌوَبَ شِلِ ﭑ بّ عَ شَ قَ بٍ، مُشُ شَ وْيّن.» 
\v 17 يٌوَبَ تٌ عَ مَكْرّ، نَ فِنّ نَشَ عَ مَشْرِن، «يٌوَبَ نَن عِ رَ؟» عَ نَشَ عَ يَابِ، «عِيٌ.» عَ نَشَ عَ قَلَ عَ بّ، «عِ تُلِ مَتِ ﭑ تَن عِ شَ كٌنيِ فِنّ شُي رَ.» عَ نَشّ، «عَوَ.» 
\v 18 عَ نَشَ عَ قَلَ، «بِرِن عَ كٌلٌن كَبِ تّمُي شْنكُيٍ، يِ عَبٍلِ تَا قِندِشِ شَشِلِمَ يِرٍ نَن نَ. مِشِيٍ قَمَ بٍ نّ تّمُي بِرِن مَرَ سِ قٍندٍ. 
\v 19 عِسِرَيِلَ شَ تَا ندٍ نَن عَبٍلِ رَ نَشَن بْحّسَ كٌلٌن دَنفِ عَ بِرِن نَ. مُنقٍ رَ عِ وَ مَ تَا كَنَقٍ نَشَن قِندِشِ عَلَتَلَ فبٍ رَ؟»
\p
\v 20 يٌوَبَ نَشَ عَ يَابِ، «عَلَ شَ ﭑ نَتَنفَ نَ مَ. ﭑ مُ وَ مَ عَبٍلِ بٍتِ مَاكَ كَنَقٍ. 
\v 21 مُشُ قَشِ عٍقِرَ مِكَ ندٍ نَن قْشْ رَ، بِكِرِ شَ دِ سٍبَ. عَ بَرَ مَنفّ دَوُدَ مَتَندِ. شَ وٌ عَ سٌ مُشُ يِ، مُشُ كٍلِمَ نّ بٍ كٍرٍن نَ.» فِنّ نَشَ عَ يَابِ، «مُشُ عَ شُنيِ نَن وٌلِمَ وٌ مَ تّتّ قَرِ مَ.»
\p
\v 22 نَ فِنّ نَشَ وْيّن عَ شَ مِشِيٍ رَ شَشِلِمَيَ رَ. عٍ نَشَ بِكِرِ شَ دِ سٍبَ شُنيِ بٌلٌن عَ دّ عِ، عٍ عَ وٌلِ تّتّ قَرِ مَ، يٌوَبَ نُن عَ شَ مِشِيٍ مَ. يٌوَبَ تٌ نَ تٌ، عَ نَشَ قٍرِ قٍ، عَ شَ مِشِيٍ بِرِن نَشَ فبِلٍن عٍ شْنيِ. يٌوَبَ نَشَ سِفَ مَنفّ يِرٍ دَرِ سَلَمُ.
\p
\v 23 يٌوَبَ نَن نُ نَ عِسِرَيِلَ سْورِيٍ شَ مَنفّ رَ. يٍهٌيَدَ شَ دِ بّنَيَ نَن نُ نَ كٍرٍتِكَيٍ نُن ثٍلٍتَكَيٍ شُنيِ رَ. 
\v 24 عَدٌرَ مِ نَن نُ نَ مَنفّ شَ وَلِكّيٍ شَ يَرٍرَتِ رَ. عَشِلُدُ شَ دِ يٍهٌسَقَتِ نَن نُ نَ مَنفّ شَ كّيدِ مَكَنتَدٍ شُنيِ رَ. 
\v 25 سٍوَ نَن نُ عَ شَ سّبّلِتِ رَ. سَدْكِ نُن عَبِيَتَرِ نَن نُ نَ سّرّشّدُبّيٍ شُنيِيٍ رَ. 
\v 26 عِرَ يَيِرِكَ نَن نُن نَ دَوُدَ شَ سّرّشّدُبّ رَ.
\c 21
\s سْلُ نُن عَ بْنسْي
\p
\v 1 دَوُدَ شَ وَشَتِ، كَامّ سِن نّ بْشِ مَ حّ سَشَن. دَوُدَ تٌ عَلَتَلَ مَشْرِن نَ قٍ كٍلِ قٍ نَشَن مَ، عَ نَشَ عَ يَابِ، «عَ كٍلِشِ سْلُ نُن عَ بْنسْي فَبَيٌنكَيٍ قَشَقٍ نَن مَ.» 
\v 2 مَنفّ نَشَ فَبَيٌنكَيٍ شِلِ، عٍ شَ دّ مَسَرَ. عِسِرَيِلَكَيٍ مُ نُ عٍ تَن نَ. عَمٌرِكَيٍ نَن نُ عٍ رَ، نَشٍيٍ نُ بَرَ سَاتَ عٍ نُن عِسِرَيِلَكَيٍ رَ. كْنْ سْلُ نَ سَاتّ كَنَ نّ، عَ عٍ فٍرٍ عِسِرَيِلَ نُن يُدَيَ بّ.
\p
\v 3 دَوُدَ نَشَ عَ قَلَ فَبَيٌنكَيٍ بّ، «ﭑ نْمَ مُنسٍ رَبَدٍ وٌ بّ، نَشَن نْمَ عَ نِيَدٍ وٌ شَ دِحّ عَلَتَلَ شَ حَمَ عِسِرَيِلَ مَ؟» 
\v 4 فَبَيٌنكَيٍ نَشَ عَ يَابِ، «فبٍتِ نُن شّيمَ قٍ مُ نَ مُشُ نُن سْلُ بْنسْي تَفِ. مُشُ تَن مُ نْمَ مِشِ يٌ قَشَدٍ عِسِرَيِلَ بْشِ مَ.» مَنفّ نَشَ عَ قَلَ، «وٌ نَشَن يٌ قَلَ، ﭑ نَ نَن نَبَمَ وٌ بّ.» 
\v 5 عٍ نَشَ عَ قَلَ مَنفّ بّ، «سْلُ نُ وَ مَ مُشُ سْنتْقٍ نّ، مُشُ شَ حْن عِسِرَيِلَ بْشِ مَ. 
\v 6 نَ كُي عَ بْنسْي مِشِ سٌلٌقٍرٍ شَ سَ مُشُ سَفٌي، عٍ بِنبِيٍ شَ سَ عَلَتَلَ يَ عِ عَلَ شَ مِشِ سُفَندِشِ سْلُ شَ تَا كُي، دّننَشّ شِلِ قَلَمَ فِبٍيَ.» مَنفّ دَوُدَ نَشَ عٍ يَابِ، «ﭑ عٍ سَمَ نّ وٌ سَفٌي.»
\p
\v 7 مَنفّ مُ تِن سْلُ شَ مَمَدِ مٍقِبٌسٍتِ سٌدٍ عٍ يِ رَ. يٌنَتَن شَ دِ نَن نُ نَ رَ. دَوُدَ نُ بَرَ عَ كَلِ سْلُ شَ دِ يٌنَتَن بّ عَ مُ قٍ حَاشِ يٌ رَبَمَ عَ شَ دٍنبَيَ رَ. 
\v 8 مَنفّ نَشَ عَيَ شَ دِ فِنّ رِ سِثَ، شَ دِ شّمّ قِرِن تٌنفٌ، عَ نَشٍيٍ بَرِ سْلُ بّ. نٍيٍ شِلِ نّ عَرَ مٌنِ نُن مٍقِبٌسٍتِ. عَ نَشَ سْلُ شَ دِ فِنّ مِكَلِ، شَ دِ شّمّ سُولِ قَن تٌنفٌ، عَ نَشٍيٍ بَرِ بَرَ سِلَيِ شَ دِ عَدِرِيٍلِ بّ، مٍشٌلَكَ. 
\v 9 عَ نَشَ نَ مِشِيٍ سٌ فَبَيٌنكَيٍ يِ رَ، عٍ قَ عٍ سَنفبٌن فٍيَ قَرِ عَلَتَلَ يَ عِ لْشْي كٍرٍن كُي، نَشَن قِندِشِ شّ شَبّ لْشْي سِنفٍ رَ.
\p
\v 10 عَيَ شَ دِ فِنّ رِ سِثَ نَشَ عَ شَ كَاحّ دُفِ عِتَلَ قَنيٍ قَرِ قُرٍيٍ نُ نَ دّننَشّ، عَ دْشْ عَ مَ كٍلِقٍ شّ شَبّ هَن تُنّ بِرّ. عَ مُ تِن شْنِيٍ شَ فٌرٌ قُرٍيٍ مَ يَنيِ رَ، عَ مُ تِن بُرُن سُبٍيٍ شَ عٍ دٌن كْي رَ. 
\v 11 مِشِ ندٍ نَشَ سَ نَ قٍ قَلَ دَوُدَ بّ. رِ سِثَ نَ رَبَ سْلُ نَن شَ قٍ رَ، بَرِ مَ عَ شَ كٌنيِ فِنّ نَن نُ عَ رَ. 
\v 12 نَ تّمُي دَوُدَ نَشَ سِفَ سْلُ نُن عَ شَ دِ شّمّ يٌنَتَن شْرِيٍ تٌنفٌدٍ يَبّسِ، فَلَدِ بْشِ مَ. قِلِسِتَكَيٍ تٌ عٍ قَشَ فِلِبٌوَ، عٍ عٍ قُرٍيٍ فبَكُ بٍتِ سَن تَا نَن كُي، يَبّسِكَيٍ قَن نُ بَرَ سَ عٍ قُرٍيٍ تٌنفٌ، عٍ عٍ شَنِن يَبّسِ. 
\v 13 نَ كِ، دَوُدَ نَشَ سْلُ، عَ شَ دِ، نُن نَ مِشِ سٌلٌقٍرٍ شْرِيٍ تٌنفٌ، عَ عٍ شَنِن. 
\v 14 عَ نَشَ يَامَرِ قِ، عَ سْلُ نُن عَ شَ دِ يٌنَتَن شْرِيٍ شَ رَفَتَ سٍلَ، بُنيَمِن بْنسْي شَ بْشِ مَ، سْلُ بَبَ كِسُ شَ فَبُرِ يِرٍ. عٍ تٌ فّ مَنفّ وَشْنقٍ رَبَدٍ، عَلَ نَشَ هِننّ عٍ شَ بْشِ رَ.
\p
\v 15 فٍرٍ مَن نَشَ بِرَ عَ عِ عِسِرَيِلَ نُن قِلِسِتَ تَفِ. دَوُدَ نُن عَ شَ سْورِيٍ نَشَ سِفَ قِلِسِتَكَيٍ فٍرٍدٍ. دَوُدَ نُ بَرَ تَفَن قْلْ نَ تّمُي. 
\v 16 يِسِبِ بٍنٌبِ، نَشَن قَتَن رَقَ بْنسْي رَ، نُ عَ قَلَمَ عَ عَ وَ مَ دَوُدَ قَشَقٍ. تَنبّ كُيٍ نُ نَ عَ يِ رَ نَشَن بِنيّ نُ دَنفِ كِلٌ سَشَن نَ. سَنتِدّفّمَ قَن نُ شِرِشِ عَ تَفِ. 
\v 17 عَ نُ نَ دَوُدَ فٍرٍقٍ تّمُي نَشّ، سٍرُيَ شَ دِ عَبِسَيِ نَشَ قَ دَوُدَ مَلِدٍ، عَ نَ قِلِسِتَكَ قَشَ. نَ كُي، دَوُدَ شَ مِشِيٍ نَشَ عَ رَكَلِ عَ عَ يّتّ مُ مِنِمَ فٍرٍ سٌدٍ سْنْن، عَلَكٌ مَنفّ قَنيِ نَشَ بَ عِسِرَيِلَ شُن.
\p
\v 18 نَ فٍرٍ تٌ بَ عَ رَ، فٍرٍ فبّتّ مَن نَشَ بِرَ عَ عِ فٌبٌ، قِلِسِتَكَيٍ نُن عِسِرَيِلَكَيٍ تَفِ. سِبٍكَيِ، هُسَتِكَ نَشَ سَقَ قَشَ، رَقَ بْنسْي ندٍ.
\p
\v 19 تّمُي فبّتّ، فٍرٍ نَشَ بِرَ عَ عِ فٌبٌ مَن، قِلِسِتَكَيٍ نُن عِسِرَيِلَكَيٍ تَفِ. نَ فٍرٍ كُي، يَرٍ، عٌرٍفِمُ شَ دِ عٍلٍشَنَن بّتّلّيمُكَ نَشَ فٌلِيَتِ فَتِكَ قَشَ، نَشَن شَ تَنبّ نُ شُنفبٌ عَلْ دُفِ سْشْ وُرِ.
\p
\v 20 فٍرٍ فبّتّ مَن نَشَ بِرَ عَ عِ فَتِ. رَقَ بْنسْي سّنبّمَ ندٍ نُ نَ، بّلّشّ سٌلٍ سٍننِ سٍننِ نَن نُ نَ عَ بّلّشّ قِرِنيِ مَ، سَن سٌلٍ سٍننِ سٍننِ عَ سَنيِ قِرِنيِ قَن مَ، عَ بِرِن نَلَنشِ سٌلٍ مْشْحّن نُن نَانِ. 
\v 21 عَ تٌ عِسِرَيِلَ كٌنبِ، دَوُدَ تَارَ سِمٍيَ شَ دِ يٌنَتَن نَشَ عَ قَشَ.
\p
\v 22 نَ فَتِكَ نَانِ بِرِن كٍلِشِ رَقَ بْنسْي نّ. دَوُدَ نُن عَ شَ سْورِيٍ نَن نٍيٍ بِرِن قَشَ.
\c 22
\s دَوُدَ شَ بّيتِ
\r يَبُرَ دَوُدَ ١٨‏؛١ ٬ ٥٠
\p
\v 1 عَلَتَلَ تٌ دَوُدَ رَتَنفَ سْلُ نُن عَ يَشُييٍ مَ، دَوُدَ نَشَ يِ بّيتِ بَ عَلَتَلَ بّ. 
\v 2 عَ نَشّ،
\q «عَلَتَلَ نَن ﭑ مَ قَنيٍ رَ،
\q عَلَتَلَ نَن ﭑ مَ يِرٍ مَكَنتَشِ رَ،
\q عَلَتَلَ نَن ﭑ نَكِسِمَ رَ.
\q
\v 3 ﭑ مَرِفِ عَلَ لُشِ عَلْ فّمّ يِرٍ
\q ﭑ لِنفِرَ سْتْمَ دّننَشّ.
\q عَ لُشِ عَلْ وُرٍ لٍقَ ﭑ بّ،
\q عَلْ سّنبّمَ نَشَن ﭑ نَكِسِمَ،
\q عَلْ تَا مَكَنتَشِ ﭑ سَبَتِمَ دّننَشّ.
\q عِ تَن، ﭑ نَكِسِمَ، عِ ﭑ نَتَنفَمَ ﭑ يَشُييٍ مَ.
\b
\q
\v 4 عَلَ تَنتُ!
\q ﭑ تٌ عِ شِلِ،
\q عِ بَرَ ﭑ نَتَنفَ ﭑ يَشُييٍ مَ.
\q
\v 5 قَشّ نُ بَرَ وَ نْقٍ ﭑ نَ،
\q عَلْ مْرْنيِيٍ نَشٍيٍ دُ سُمَ مِشِ شُن نَ.
\q ﭑ نُ بَرَ كْنتْقِلِ فبَلٌي رَ،
\q
\v 6 قَشّ لُوتِ نُ بَرَ ﭑ شِرِ،
\q قَشّ يّلّ نُ بَرَ عِتَلَ ﭑ يَ رَ.
\b
\q
\v 7 ﭑ مَ تْورّ كُي، ﭑ بَرَ عَلَتَلَ شِلِ،
\q ﭑ بَرَ ﭑ مَرِفِ عَلَ مَشَندِ.
\q عَ بَرَ ﭑ شُي مّ عَ شَ هْرْ مْلِنفِرَ كُي،
\q ﭑ وَ شُي بَرَ عَ تُلِ لِ.
\q
\v 8 عَوَ، كٌورٍ نُن بْشِ نَشَ عِمَشَ،
\q عٍ سّرّن عَلَ شَ شْنّ يَ عِ.
\q
\v 9 تُورِ نُ مِنِمَ عَ حْي عِ،
\q تّ نُ مِنِمَ عَ دّ عِ،
\q تّ وٌلٍ نُ كَسَنمَ.
\q
\v 10 عَ نَشَ كٌورٍ وَلَشّ حّنكّن،
\q عَ فٌرٌ نُشُي بِنيٍ قَرِ.
\q
\v 11 عَ نَشَ تِ مَلٍكّ قَرِ،
\q عَ عَ حّرّ كٌورٍ مَ قٌيٍ قَرِ.
\q
\v 12 نُشُي عِقْورْشِيٍ نُ نَ عَ رَبِلِنيِ،
\q عٍ رَقٍشِ يٍ رَ.
\q
\v 13 تّ وٌلٍيٍ نُ مِنِمَ عَ شَ يَنبّ يَ رَ.
\q
\v 14 عَلَتَلَ شُي نُ لُشِ عَلْ سٍ سَرِنيِ.
\q كٌورٍ مَنفّ نَشَ عَ شُي رَ مِنِ.
\q
\v 15 عَ نَشَ سٍيَمَكْنيِيٍ وٌلِ عَلْ شَلِيٍ،
\q عٍ شَ ﭑ يَشُييٍ كٍرِ.
\q
\v 16 بَا بُنيِ نَشَ مَبَ،
\q بْشِ شْرِ نَشَ مَكّنّن،
\q عَلَتَلَ حْي قٌيٍ تٌ مِنِ.
\b
\q
\v 17 عَ نَشَ عَ بّلّشّ عِتَلَ كٍلِ كٌورٍ مَ،
\q عَ ﭑ سُشُ، عَ ﭑ نَمِنِ بَا يٍ شْورَ.
\q
\v 18 عَ نَشَ ﭑ نَتَنفَ ﭑ يَشُي سّنبّمَيٍ مَ،
\q ﭑ شْننَنتٍ نَشٍيٍ سّنبّ فبٌ ﭑ بّ.
\q
\v 19 عٍ نُ ﭑ فٍرٍ مَ ﭑ شُنسِن لْشْييٍ كُي،
\q كْنْ عَلَتَلَ نُ قِندِشِ ﭑ مَلِمَ نَن نَ.
\q
\v 20 عَ نَشَ ﭑ نَمِنِ،
\q عَ نَشَ ﭑ نَكِسِ عَ شَ شَنُنتٍيَ شَ قٍ رَ.
\b
\q
\v 21 عَلَتَلَ ﭑ سُشُ ﭑ مَ تِنشِنيِ نَن مَ،
\q عَ ﭑ مَ سّنِيّنيِ سَرٍ رَفبِلٍن ﭑ مَ،
\q
\v 22 بَرِ مَ ﭑ نُ حّرّ مَ عَلَتَلَ شَ كِرَ نَن شْن،
\q ﭑ مُ ﭑ بَشِ ﭑ مَرِفِ عَلَ شَ كِرَ مَ عَلْ مِشِ حَاشِيٍ.
\q
\v 23 ﭑ بِرَ مَ عَ شَ يَامَرِيٍ قْشْ رَ،
\q ﭑ مُ فبِلٍنمَ عَ شَ سّرِيّ قْشْ رَ.
\q
\v 24 ﭑ تِنشِن نّ عَ بّ،
\q ﭑ قٍ كٌبِ بِرِن لُ نَ.
\q
\v 25 نَ كُي عَلَتَلَ نَشَ ﭑ مَ تِنشِنيِ
\q نُن ﭑ مَ سّنِيّنيِ سَرٍ رَفبِلٍن ﭑ مَ.
\b
\q
\v 26 مِشِ نَشَن تِمَ عِ سّيتِ مَ،
\q عِ قَن تِمَ نَ كَنيِ نَن سّيتِ مَ.
\q مِشِ نَشَن مُ قِندِ قِلَنكَقُي رَ عِ مَبِرِ،
\q عِ قَن مُ عِ شَ لَايِدِ كَنَمَ نَ كَنيِ بّ.
\q
\v 27 مِشِ نَشَن سّنِيّن عِ يَ شْرِ،
\q عِ قَن عِ شَ سّنِيّنيِ مَسٍنمَ نَ كَنيِ بّ.
\q مِشِ نَشَن قٍ كَنَمَ،
\q عِ قَن قَتَ نَ سَرٍ رَفبِلٍندٍ عَ مَ.
\q
\v 28 عِ مِشِ مَفٌرٌشِيٍ عِتٍمَ نّ،
\q عِ يّتّ عِفبٌييٍ مَفٌرٌ مَ نّ.
\q
\v 29 عِ تَن عَلَتَلَ نَن نَ ﭑ مَ نَءِيَلَنيِ رَ.
\q عَلَتَلَ نَن دِ مِ عِيَلَنمَ ﭑ بّ.
\q
\v 30 شَ عِ نَ ﭑ قْشْ رَ،
\q ﭑ مُ فَاشُمَ سْورِ فَلِ يَ رَ.
\q شَ ﭑ مَرِفِ عَلَ نَ ﭑ قْشْ رَ،
\q ﭑ سُو سَمَ نّ فٍرٍ رَ.
\q
\v 31 عَلَ شَ كِرَ كَمَلِشِ.
\q عَلَ شَ مَسٍنيِ سّنِيّنشِ.
\q عَ قِندِشِ مَكَنتّ نَن نَ مِشِ بّ،
\q نَشَن عَ يّتّ تَشُ عَ رَ.
\b
\q
\v 32 ندٍ نَ عَلَ رَ شَ عَلَتَلَ مُ عَ رَ؟
\q ندٍ نَ عِبُنَدَ مَ شَ قَنيٍ رَ شَ مُشُ مَرِفِ عَلَ مُ عَ رَ؟
\q
\v 33 عَلَ نَن نَ ﭑ مَ يِرٍ مَكَنتَشِ رَ،
\q نَشَن كِرَ قَنيِ يَءِلَنمَ ﭑ بّ.
\q
\v 34 عَ ﭑ مَلِمَ ﭑ مَ حّرّ كُي،
\q عَلْ عَ شٍلِ مَلِمَ كِ نَشّ عَ شَ حّرّ كُي فٍيَيٍ قَرِ.
\q
\v 35 عَ ﭑ مَلِمَ ﭑ مَ فٍرٍ كُي،
\q عَلْ سّنبّمَ نَشَن شَلِ وُرٍ فبٍيلِ دَاشِ عِتَلَمَ.
\q
\v 36 عِ قِندِشِ ﭑ مَ كَنتَمَ نَن نَ،
\q عِ ﭑ شُن نَكٍلِمَ.
\q
\v 37 عِ ﭑ نَحّرّ مَ عَ قَنيِ رَ،
\q ﭑ مَ كِرَ مُ قِندِ مَ تْورّ رَ ﭑ بّ.
\q
\v 38 ﭑ نَ ﭑ يَشُييٍ كٍرِ مَ، ﭑ عٍ سْنتْمَ.
\q ﭑ مُ فبِلٍنمَ عٍ قْشْ رَ قٌ ﭑ عٍ بِرِن قَشَ.
\q
\v 39 ﭑ عٍ قَشَمَ نّ، ﭑ عٍ بْنبْمَ نّ.
\q عٍ مُ كٍلِمَ سْنْن، عٍ لُمَ ﭑ بُن مَ عَبَدَن.
\q
\v 40 عِ سّنبّ قِمَ ﭑ مَ فٍرٍ كُي،
\q عِ ﭑ يَشُييٍ رَفٌرٌ مَ ﭑ بُن مَ.
\q
\v 41 عِ ﭑ يَشُييٍ كٍرِ مَ ﭑ يَ رَ،
\q عِ ﭑ شْننَنتٍيٍ رَلْيمَ نّ.
\q
\v 42 عٍ عٍ يَ رَفٍمَ نّ، كْنْ عٍ رَكِسِمَ مُ نَ!
\q عٍ عَلَتَلَ شِلِمَ نّ، كْنْ عَ مُ عٍ يَابِمَ!
\q
\v 43 ﭑ عٍ لُنتُنمَ نّ عٍ قِندِ شُبٍ رَ،
\q ﭑ عٍ عِبٌرٌنمَ نّ عَلْ بٌورَ.
\b
\q
\v 44 عِ بَرَ ﭑ نَتَنفَ ﭑ مَ حَمَ شَ حْشْنسْسْي مَ،
\q عِ بَرَ ﭑ قِندِ حَمَنّيٍ شَ مَنفّ رَ،
\q عِ بَرَ سِيٍ لُ ﭑ سَفٌي ﭑ مُ نَشٍيٍ كٌلٌن.
\q
\v 45 سِ فبّتّيٍ ﭑ مَتْشْمَ،
\q عٍ ﭑ مَ يَامَرِ بِرِن سُشُمَ.
\q
\v 46 سِ فبّتّيٍ مُ سُو سَمَ سْنْن،
\q عٍ مِنِمَ عٍ شَ يِرٍ مَكَنتَشِيٍ كُي فَاشُي رَ.
\b
\q
\v 47 كِسِ نَ عَلَتَلَ بّ،
\q تَنتُي نَ عَ بّ نَشَن لُشِ عَلْ قَنيٍ ﭑ بّ،
\q عَ شِلِ شَ مَتْشْ.
\q
\v 48 تَنتُي نَ عَلَ بّ،
\q نَشَن ﭑ فبٍ حْشْمَ،
\q نَشَن سِيٍ لُمَ ﭑ سَفٌي،
\q
\v 49 نَشَن ﭑ بَمَ ﭑ يَشُييٍ يِ رَ،
\q نَشَن ﭑ نَتٍمَ يَشُييٍ شُن مَ،
\q نَشَن ﭑ بَمَ مِشِ حَاشِ بّلّشّ عِ.
\b
\q
\v 50 نَ نَن عَ رَ، ﭑ عِ مَتْشْمَ سِيٍ تَفِ، عَلَتَلَ!
\q ﭑ بّيتِ بَمَ عِ شِلِ رَ.
\q
\v 51 عَ بَرَ عَ شَ مَنفّ سُفَندِشِ رَكِسِ،
\q عَ مُ فبِلٍن نَ مَنفّ قْشْ رَ،
\q نَشَن قِندِشِ دَوُدَ نُن عَ بْنسْي رَ عَبَدَن.»
\c 23
\s دَوُدَ شَ مَسٍنيِ دْنشْي
\p
\v 1 دَوُدَ شَ مَسٍنيِ دْنشْي نَن يَ؛
\b
\q يِسَيِ شَ دِ دَوُدَ شَ مَسٍنيِ نَن يَ،
\q كُنتِفِ شُنفبٍ،
\q يَشُبَ مَرِفِ عَلَ نَشَن سُفَندِشِ مَنفّ رَ،
\q بّيتِبَ نَشَن مَنِيّ مُ نَ عِسِرَيِلَ بْشِ مَ.
\b
\q
\v 2 «عَلَتَلَ شَشِلِ بَرَ سٌ ﭑ دّ عِ،
\q عَ شَ مَسٍنيِ نَن يَ.
\q
\v 3 عِسِرَيِلَ مَرِفِ عَلَ بَرَ وْيّن،
\q عِسِرَيِلَ شَ قَنيٍ بَرَ عَ قَلَ ﭑ بّ،
\q ‹نَشَن نَ مَنفّيَ شَنِنقٍ تِنشِنيِ رَ،
\q نَشَن نَ مَنفّيَ شَنِنقٍ عَلَ شَ يَرَفَاشُي كُي،
\q
\v 4 نَ كَنيِ لُشِ نّ عَلْ فّيسّفّ،
\q سٌفٍ تٍ تّمُي نُشُي يٌ مُ عَ يَ مَ.
\q عَ لُشِ عَلْ يَنبّ نُن تُنّ نَشَن سَنسِ رَ مِنِمَ بْشِ مَ.
\q
\v 5 ﭑ مَ دٍنبَيَ نَ نَ كِ نّ عَلَ بّ،
\q بَرِ مَ مُشُ شَ سَاتّ مُ كَنَمَ عَبَدَن،
\q عَ مَبَنبَنشِ عَ قَنيِ رَ.
\q عَ قَمَ ﭑ مَ كِسِ رَكَمَلِدٍ،
\q عَ هِننّمَ ﭑ نَ قٍ قَنيِ بِرِن نَ.›»
\b
\q
\v 6 «كْنْ مِشِ سّرِيّتَرٍ لُشِ نّ
\q عَلْ سَنسِ تُنبٍ دَاشِ نَشَن شُن نَكَنَمَ،
\q نَشَن مُ مَتٌنفٌمَ بّلّشّ رَ،
\q
\v 7 نَشَن شَبَمَ دّفّمَ نُن كٍرِ رَ،
\q نَشَن فَنمَ تّ رَ عَ بُلَشِ دّننَشّ.»
\s دَوُدَ شَ سّنبّمَيٍ
\r يُدَيَ مَنفّيٍ عِ ١١‏؛١٠ ٬ ٤٧
\p
\v 8 دَوُدَ شَ سْورِيٍ شُنيِيٍ نَن يَ؛ شَكِمٌنِ شَ دِ يَسٌبٍيَمِ، نَشَن قِندِ عٍ شُنيِ رَ. عَ تَن نَشَن مَن نُ شِلِ عَدِنٌ عٍسِنِكَ، نَن مِشِ كّمّ سٌلٌمَسَشَن قَشَ تَنبّ رَ فٍرٍ كٍرٍن كُي.
\p
\v 9 عَ قِرِن ندٍ قِندِ دٌدَيِ شَ دِ عٍلٍيَسَرِ نَن نَ، عَشٌوَكَ. عَ نُ نَ دَوُدَ شَ سّنبّمَ سَشَنيِيٍ يَ مَ، نَشٍيٍ دَوُدَ مَلِ قِلِسِتَكَيٍ فٍرٍدٍ، عِسِرَيِلَكَيٍ تٌ عٍ فِ عٍ مَ عٍ سِفَ فٍيَ قَرِ. 
\v 10 عَ تَن نَن قِلِسِتَكَيٍ فٍرٍ، هَن عَ بّلّشّ كَنكَن عَ شَ سَنتِدّفّمَ مَ. عَلَتَلَ نَشَ شُن نَكٍلِ قَنيِ قِ عٍ مَ نَ لْشْي. حَمَ مُ فبِلٍن عٍلٍيَسَرِ يِرٍ قٌ فٍرٍ تٌ حْن. عٍ نَشَ مِشِ قَشَشِيٍ هَرِفٍ تٌنفٌ.
\p
\v 11 عَ سَشَن ندٍ قِندِ عَفٍ شَ دِ سَنمَ نَن نَ، هَرَرَكَ. قِلِسِتَكَيٍ نُ عٍ مَلَنشِ لٍشِ تّمُي نَشّ. بْشِ ندٍ نُ نَ مّننِ، تٌفٍ نُ سِشِ نَشَن مَ. عِسِرَيِلَكَيٍ نُ بَرَ عٍ فِ قِلِسِتَكَيٍ مَ، 
\v 12 كْنْ سَنمَ نَشَ تِ نَ تٌفٍ شّ تَفِ قِلِسِتَكَيٍ فٍرٍدٍ. عَلَتَلَ نَشَ شُننَكٍلِ قَنيِ قِ عٍ مَ نَ لْشْي.
\p
\v 13 يَرٍرَتِ سَشَن، دَوُدَ شَ يَرٍرَتِ تٌنفٌ سَشَنيِيٍ يَ مَ، نَشَ سِفَ دَوُدَ يِرٍ عَدُلَمَ قْنمّ رَ. قِلِسِتَكَيٍ نُ تِشِ رٍقَ فُلُنبَ كُي. 
\v 14 نَ وَشَتِ دَوُدَ نُ نَ عَ شَ يِرٍ مَكَنتَشِ كُي، قِلِسِتَكَيٍ قَن نُ نَ بّتّلّيمُ.
\p
\v 15 دَوُدَ نَشَ عَ سَفٌ ندٍ قَلَ، «عَ شْلِ ﭑ مَ ﭑ شَ بّتّلّيمُ كْلْنيِ يٍ مِن.» 
\v 16 نَ سْورِ يَرٍرَتِ سَشَنيِيٍ نَشَ قِلِسِتَ نَانِنيِ عِفِرِ، عٍ سَ يٍ بَ كْلْنيِ رَ نَشَن نَ بّتّلّيمُ نَادّ رَ. عٍ تٌ قَ نَ رَ دَوُدَ بّ، عَ نَشَ تٌندِ نَ مِندٍ. عَ نَشَ عَ عِقِلِ بْشِ مَ سّرّشّ رَ عَلَتَلَ بّ. 
\v 17 عَ نَشَ عَ قَلَ، «عَلَ شَ ﭑ نَتَنفَ نَ مَ. ﭑ مُ نْمَ يِ يٍ مِندٍ، ﭑ مَ شّمّيٍ نَشَن سْتْشِ ﭑ بّ عٍ نِي سَرٍ رَ. نَ لُمَ عَلْ عٍ نِي تِدٍ مُ فبٌ ﭑ بّ.» نَ كُي عَ نَشَ تٌندِ يٍ مِندٍ عَ شَ سّنبّمَ سَشَنيِيٍ نَشَن سْتْ عَ بّ.
\p
\v 18 يٌوَبَ نفَشَكٍرٍنيِ عَبِسَيِ نَن نُ قِندِشِ نَ سّنبّمَ سَشَنيِيٍ شُنيِ رَ. عَ نُ بَرَ شّمّ كّمّ سَشَن قَشَ عَ شَ تَنبّ رَ. عَ شِلِ نُ فبٌ عَلْ نَ شّمّ سَشَنيِيٍ. 
\v 19 عَ نَشَ بِنيّ سْتْ دَنفِ عٍ تَن نَ، كْنْ عَ مُ نُ نَ عٍ يَ مَ هَلِ عَ تٌ نُ قِندِشِ عٍ شَ مَنفّ رَ.
\p
\v 20 يٍهٌيَدَ شَ دِ بّنَيَ كَبَسٍيلِ قِندِ سّنبّمَ ندٍ شَ دِ نَن نَ. عَ نُ بَرَ قٍ شُنفبٍ فبٍفبٍ رَبَ، عَلْ عَرِيّلِ مٌوَبَكَ قِرِنيِيٍ قَشَقٍ. عَ مَن نَشَ يّتّ ندٍ قَشَ كْلْنيِ كُي بَلَبَلَنيِ تّمُي. 
\v 21 لْشْي ندٍ عَ نَشَ مِسِرَكَ فبَنفبَلَنيِ ندٍ قَشَ. تَنبّ بٍلٍبٍلٍ نُ نَ مِسِرَكَ يِ رَ. بّنَيَ نَشَ نَ بَ عَ يِ رَ وُرِ دِ رَ، عَ عَ قَشَ عَ يّتّ شَ تَنبّ رَ. 
\v 22 يٍهٌيَدَ شَ دِ بّنَيَ شَ قٍ شُنفبٍ نَن نَ كِ. عَ شِلِ فبٌ نَ سّنبّمَ سَشَنيِ يَ مَ. 
\v 23 عَ نَشَ بِنيّ سْتْ دَنفِ نَ شّمّ تٌنفٌ سَشَن نَ، كْنْ عَ سّنبّ مُ فبٌ نَ سّنبّمَ سَشَنيِ بّ. دَوُدَ شَ فُندٌ سْورِ نَن نُ عَ رَ.
\p
\v 24 سّنبّمَ فبّتّيٍ نَن يَ؛
\q يٌوَبَ شُنيَ عَسَهّلِ،
\q نَشَن نُ نَ نَ مِشِ تٌنفٌ سَشَنيِيٍ يَ مَ،
\q دٌدٌ شَ دِ عٍلٍشَنَن بّتّلّيمُكَ،
\q
\v 25 سَمٌتِ هَرٌرِكَ، عٍلِكَ شَرٌدِكَ،
\q
\v 26 شّلّسِ ثٍلٌنكَ، عِكٍسِ شَ دِ عِرَ تٍكٌوَكَ،
\q
\v 27 عَبِيٍسٍرِ عَنَتْتِكَ، مٍبُننَيِ هُسَتِكَ،
\q
\v 28 سَلَمٌن عَهٌشِكَ، مَهَرَيِ نٍتٌقَكَ،
\q
\v 29 بَاننَ شَ دِ شٍلٍدَ نٍتٌقَكَ، رِبَيِ شَ دِ عِتَيِ،
\q نَشَن كٍلِ فِبِيَ بُنيَمِن بْنسْي شَ بْشِ مَ،
\q
\v 30 بّنَيَ ثِرَتٌنكَ، شُرَيِ فَاسِكَ،
\q
\v 31 عَبِيّلِ عَرَبَكَ، عَسَمَقٍتِ بَشُرِ مِكَ،
\q
\v 32 عٍلِيَبَ سَالَبٌنكَ، هَسٍمِ شَ دِ، يٌنَتَن،
\q
\v 33 سَامَ هَرَرَكَ، سَكَرَ شَ دِ عَشِيَمَ هَرَرَكَ،
\q
\v 34 مَاكَكَ شَ دِ عَشَسَبَيِ شَ دِ عٍلِقٍلٍتِ،
\q عَشِتٌقٍلِ فِلٌنكَ شَ دِ عٍلِيَمِ،
\q
\v 35 شٍسٍرٌ كَرٍ مٍلٍكَ، ثَارَيِ عَرِبِكَ،
\q
\v 36 نَتَن نفَشَكٍرٍنيِ يِفَلِ سٌبَكَ، بَنِ فَدِكَ،
\q
\v 37 سّلّكِ عَمٌنِكَ، سٍرُيَ شَ دِ نَشَرَيِ بٍرٌتِكَ،
\q نَشَن نُ يٌوَبَ شَ فٍرٍ سٌسٍيٍ شَنِنمَ،
\q
\v 38 عِرَ نُن فَرٍبٍ يَتِرِكَيٍ،
\q عَ نُن 
\v 39 عُرِيَ شِتِكَ.
\m عٍ بِرِن نَلَنشِ، مِشِ تٌنفٌ سَشَن نُن سٌلٌقٍرٍ.
\c 24
\s عِسِرَيِلَ حَمَ كْنتِقٍ
\r يُدَيَ مَنفّيٍ عِ ٢١‏؛١ ٬ ٢٦
\p
\v 1 نَ تّمُي عَلَتَلَ نَشَ شْنْ عِسِرَيِلَ مَ عَ سَنيَ قِرِن ندٍ. عَ نَشَ مَحْشُنيِ ندٍ رَ سٌ دَوُدَ بْحّ عٍ شِلِ مَ، عَ عَ قَلَ عَ بّ، «سِفَ عِسِرَيِلَ نُن يُدَيَ مِشِيٍ كْنتِ.» 
\v 2 نَ كُي مَنفّ دَوُدَ نَشَ عَ قَلَ عَ شَ سْورِيٍ شَ مَنفّ يٌوَبَ بّ، عَ نَشّ، «سِفَ عِسِرَيِلَ بْنسْي بِرِن شْنيِ، كٍلِقٍ دَنَ مَ هَن بٍرِ سٍيبَ. عِ شَ نَ حَمَ كْنتِ عَلَكٌ ﭑ شَ مِشِ شَسَبِ كٌلٌن.» 
\v 3 يٌوَبَ نَشَ مَنفّ يَابِ، «عِ مَرِفِ عَلَ شَ حَمَ رَوُيَ دْشْ كّمّ عِ يَ شْرِ، كْنْ مَنفّ، مُنقٍ رَ عِ وَ مَ يِ رَبَقٍ؟»
\p
\v 4 مَنفّ نَشَ عَ يَابِ عَ شْرْشْي رَ. يٌوَبَ نُن سْورِ مَنفّيٍ نَشَ كٍلِ مَنفّ شُن، عٍ سِفَ عِسِرَيِلَ حَمَ كْنتِدٍ. 
\v 5 عٍ نَشَ يُرُدّن شُرٍ عِفِرِ، عٍ يٌنكِن عَرٌوٍرِ يِرٍقَنيِ مَ. نَ تَا نَ فُلُنبَ نَن كُي فَدِ، يَاسّرِ بِرِ. 
\v 6 عٍ نَشَ سِفَ فَلَدِ بْشِ مَ، تَتِمِ شٌدٌ سِ، دَنَ يَان، نُن سِدْن بِرِ. 
\v 7 عٍ نَشَ سِفَ تِرٍ يِرٍ مَكَنتَشِ، عَ نُن تَا بِرِن نَشٍيٍ نُ نَ هِوِكَيٍ نُن كَنَانكَيٍ شَ بْشِ مَ. عَ رَحْنيِ، عٍ نَشَ سِفَ هَن بٍرِ سٍيبَ، نَشَن نَ يُدَيَ بْشِ يِرٍقَنيِ بِرِ.
\p
\v 8 عٍ تٌ فّ بْشِ بِرِن عِسَدٍ كِكٍ سٌلٌمَنَانِ شِ مْشْحّن بُن مَ، عٍ نَشَ سٌ دَرِ سَلَمُ. 
\v 9 يٌوَبَ نَشَ حَمَ شَسَبِ دّنتّفّ مَنفّ بّ. شّمّ مِشِ وُلُ كّمّ سٌلٌمَسَشَن نَن نُ نَ عِسِرَيِلَ، نَشٍيٍ نُ نْمَ قِندِدٍ سْورِيٍ رَ. شّمّ مِشِ وُلُ كّمّ سُولِ نَن نُ نَ يُدَيَ قَن، نَشٍيٍ نُ نْمَ قِندِدٍ سْورِيٍ رَ.
\p
\v 10 دَوُدَ تٌ فّ حَمَ كْنتِدٍ، عَ بْحّ نَشَ مَحَاشُ، عَ قَ عَ قَلَ عَلَتَلَ بّ، «ﭑ تٌ يِ رَبَشِ، ﭑ بَرَ يُنُبِ بٍلٍبٍلٍ رَبَ. يَكْسِ ﭑ بَرَ عِ مَيَندِ عِ شَ دِحّ عِ شَ كٌنيِ شَ يُنُبِ مَ. نَ بَرَ قِندِ ﭑ مَ دَشُحَ رَ.» 
\v 11 دَوُدَ تٌ كٍلِ فّيسّفّ، عَ لِشِ عَلَتَلَ نُ بَرَ مَسٍنيِ تِ عَ شَ نَمِحْنمّ فَدِ بّ، دَوُدَ شَ وَلِيُ، عَ نَشّ، 
\v 12 «عِ شَ عَ قَلَ دَوُدَ بّ، عَلَتَلَ يِ نَن مَسٍنشِ عِ بّ، ‹ﭑ بَرَ قٍ سَشَن مَسٍن عِ بّ، عِ شَ كٍرٍن سُفَندِ عِ وَ مَ ﭑ شَ نَشَن نَبَ عِ رَ.›» 
\v 13 فَدِ نَشَ سِفَ دَوُدَ يِرٍ، عَ عَ قَلَ عَ بّ، «عَلَتَلَ يِ نَن مَسٍنشِ عِ بّ، ‹عِ بَرَ تِن حَشَنكَتّ مُندُن نَ؛ كَامّ شَ سِن بْشِ حّ سٌلٌقٍرٍ، شَ نَ مُ عِ يَشُييٍ شَ نْ وٌ رَ عٍ شَ سَنتِدّفّمَ رَ كِكٍ سَشَن، شَ نَ مُ قُرٍ حَاشِ شَ دِن عِسِرَيِلَ حَمَ مَ شِ سَشَن بُن مَ. يَكْسِ عِ شَ عَ مَتٌ ﭑ لَن ﭑ شَ نَشَن قَلَ ﭑ شّيمَ بّ.›» 
\v 14 دَوُدَ نَشَ فَدِ يَابِ، «ﭑ بْحّ بَرَ مَحَاشُ عَ شْرْشْي رَ. عَ لَن ﭑ شَ ﭑ سَ عَلَتَلَ نَن بّلّشّ عِ، نَشَن شَ كِنِكِنِ فبٌ. نَ قِسَ عَدَ مَدِيٍ بّلّشّيٍ بّ.»
\p
\v 15 عَلَتَلَ نَشَ قُرٍ حَاشِ رَدِن عِسِرَيِلَ مَ، كٍلِقٍ فّيسّفّ هَن عَ وَشَتِ نَشَن قَلَ. نَ كُي، كٍلِقٍ دَنَ هَن عَ سَ دْشْ بٍرِ سٍيبَ رَ، شّمّ وُلُ تٌنفٌ سٌلٌقٍرٍ نَن قَشَ عِسِرَيِلَ بْشِ مَ. 
\v 16 عَلَ شَ مَلٍكّ تٌ دَرِ سَلَمُ كَنَ قْلْ، عَلَتَلَ نَشَ نِمِسَ نَ تْورّ شَ قٍ رَ. عَ نَشَ عَ مَسٍن مَلٍكّ بّ نَشَن نُ نَ حَمَ يَ مَ، «نَ لَن. عٍ لُ نَ سِندٍن.» عَلَتَلَ شَ مَلٍكّ نُ تِشِ عَرَوُنَ يٍبُسُكَ شَ لٌنيِ مَ.
\p
\v 17 دَوُدَ تٌ مَلٍكّ تٌ قَشّ تِ رَ حَمَ تَفِ، عَ نَشَ عَ قَلَ عَلَتَلَ بّ، «ﭑ تَن نَن يُنُبِ رَبَشِ، ﭑ تَن نَن يِ قٍ كٌبِ نِيَشِ. يِ حَمَ مُنسٍ رَبَشِ؟ ﭑ مَرِفِ عَلَتَلَ، عِ شَ ﭑ تَن نُن ﭑ مَ دٍنبَيَ هَلَكِ، عِ شَ عِ شَ حَمَ لُ نَ.»
\p
\v 18 نَ تّمُي عَننَبِ فَدِ نَشَ سِفَ دَوُدَ يِرٍ، عَ عَ قَلَ عَ بّ «كٍلِ، عِ شَ سَ سّرّشّبَدٍ تِ عَلَتَلَ بّ عَرَوُنَ يٍبُسُكَ شَ لٌنيِ مَ.» 
\v 19 دَوُدَ نَشَ تٍ نَا عَلْ فَدِ عَ قَلَ عَ بّ عَلَتَلَ شِلِ رَ كِ نَشّ.
\p
\v 20 كٍلِ يِرٍ عِتٍشِ ندٍ مَ، عَرَوُنَ نَشَ مَنفّ نُن عَ شَ مِشِيٍ تٌ قَ رَ عَ يِرٍ. عَ نَشَ كٍلِ كٍرٍن نَ، عَ سَ عٍ رَلَن، عَ عَ قٍلٍن بْشِ مَ مَنفّ بُن مَ. 
\v 21 عَرَوُنَ نَشَ عَ مَشْرِن، «مَنفّ قَشِ مُنسٍ قٍندٍ عَ شَ كٌنيِ يِرٍ؟» دَوُدَ نَشَ عَ يَابِ، «ﭑ وَ مَ يِ لٌنيِ نَن سَرَقٍ عِ مَ عَلَكٌ ﭑ شَ سّرّشّبَدٍ تِ عَلَتَلَ بّ. نَ كِ قُرٍ حَاشِ شَ حْن حَمَ مَ.» 
\v 22 عَرَوُنَ نَشَ دَوُدَ يَابِ، «مَنفّ، عَ تٌنفٌ. ﭑ مَرِفِ شَ عَ وَشْنقٍ رَبَ عَ رَ. ﭑ بَرَ يِ نِنفٍيٍ قَن سٌ عِ يِ رَ، عٍ شَ قِندِ سّرّشّ فَن دَاشِ رَ. يِ سَرّتِيٍ نْمَ فَندٍ يٍفٍ رَ، يِ مّنفِ قَن شَ قِندِ سّرّشّ رَ. 
\v 23 ﭑ بَرَ يِ بِرِن قِ عِ مَ.» عَرَوُنَ مَن نَشَ عَ قَلَ مَنفّ بّ، «عِ مَرِفِ عَلَتَلَ شَ عِ شَ سّرّشّ رَ سُشُ.»
\p
\v 24 كْنْ مَنفّ دَوُدَ نَشَ عَ قَلَ عَرَوُنَ بّ، «عَدٍ، ﭑ وَ مَ عَ سَرَقٍ نّ كْبِرِ رَ نَشَن لَنمَ سّرِيّ كِ مَ. ﭑ مُ سٍ بَمَ سّرّشّ رَ عَلَتَلَ بّ، نَشَن مُ كٍلِمَ ﭑ يّتّ هَرِفٍ مَ. ﭑ مُ نْمَ سّرّشّ فَن دَاشِ بَدٍ ﭑ مُ نَشَن سَرٍ بَشِ.» نَ كُي دَوُدَ نَشَ عَرَوُنَ شَ لٌنيِ نُن عَ شَ نِنفٍيٍ سَرَ فبٍتِ كِلٌ تٌنفٌ سُولِ رَ. 
\v 25 دَوُدَ نَشَ سّرّشّبَدٍ تِ مّننِ عَلَتَلَ بّ، عَ قَ سّرّشّ فَن دَاشِ نُن شَنُنتٍيَ سّرّشّ بَ. عَلَتَلَ نَشَ نَ سّرّشّيٍ سُشُ عِسِرَيِلَ بّ، قُرٍ حَاشِ دَن نَ كِ نّ.