\id 2PE 
\ide UTF-8
\h ثِيّرِ عِِ
\toc1 عَلَ شَ مَسٍنيِ قِرِن ندٍ عَننَبِ ثِيّرِ نَشَن سّبّ
\toc2 ثِيّرِ عِِ
\mt عَلَ شَ مَسٍنيِ قِرِن ندٍ
\mt عَننَبِ ثِيّرِ نَشَن سّبّ
\imt مَسٍنيِ ندٍ يِ كِتَابُي شَ قٍ رَ
\ip عِسَ شَ شّيرَ ثِيّرِ نَشَ يِ كِتَابُي قِرِن ندٍ سّبّ دَنشَنِيَتْييٍ مَ عَلَكٌ عٍ شَ لِمَنِيَ، عٍ شَ لُ عَلَ شَ كِرَ شْن مَ. عَ نَشَ عٍ رَتُ عَ عٍ شَ دَنشَنِيَ مُ قَتَنشِ قٍ قُقَقُ شَ رَ. عَ قَتَنشِ عِسَ شَ تَرُشُي نَن نَ، نَشَن قِندِشِ نْندِ يَتِ يَتِ رَ. ثِيّرِ سٍيدٍحْشْيَ بَمَ نَ تَرُشُي شَ قٍ رَ. عَ نَشَن تٌشِ عِسَ شَ دُنِحّءِفِرِ كُي، عَ نُن عَ نَشَن كٌلٌنشِ نَمِحْنمّيٍ شَ كِتَابُييٍ كُي، نَ بِرِن بَرَ قِندِ سٍيدٍ رَ عَ نْندِ كِ مَ.
\ip ثِيّرِ تٌ فّ نَ مَسٍندٍ، عَ مَن نَشَ عَ قَلَ دَنشَنِيَتْييٍ بّ عَ مِشِيٍ نْمَ مِنِدٍ نَشٍيٍ عٍ يّتّ شِلِ قَلَمَ نَمِحْنمّ، شَ نَ مُ عَ رَ كَرَ مْشْ، كْنْ وُلٍ قَلّيٍ نَن عٍ رَ. نَ مِشِ مْولِ نَ نَ. وٌن نْمَ عٍ كٌلٌندٍ عٍ شَ وَلِ نُن عٍ شَ وْيّنيِ سَابُي نَن نَ. شَ عٍ شَ مَسٍنيِ نُن عٍ حّرّ كِ مُ لَنشِ عَلَ شَ كِتَابُي شَ سّرِيّ مَ، وُلٍ قَلّيٍ نَن عٍ رَ.
\ip عَ رَحْنيِ ثِيّرِ عَ قَلَمَ عِسَيَنكَيٍ بّ عٍ شَ عٍ تُننَبّشِ، بَرِ مَ عِسَ قَمَ نّ فبِلٍندٍ دُنِحَ مَ عٍ قْشْ رَ، عَ قَ عٍ شَنِن عَرِيَننَ. ندٍيٍ نُ وَ مَ عِسَ شِلِ كَنَقٍ، عَ قَلَقٍ رَ عَ عِسَ بَرَ دُفُندِ، عَ عَ مُ قَ عَلْ عَ لَايِدِشِ كِ نَشّ. ثِيّرِ نَشَ عَ تَفِ رَبَ عٍ بّ عَ عِسَ دُفُندِقٍ قَتَنشِ عَ شَ شَنُنتٍيَ نَن نَ، بَرِ مَ عَ وَ مَ مِشِ فبٍفبٍ شَ سٌ عَ شَ نِينِ بُن بٍينُن عَ شَ قَ كِيتِ دْنشْي سَدٍ.
\ip نَ مَسٍنيِ بِرِن قِندِشِ لِمَنِيَ نُن لْننِ نَن نَ وٌن بّ. عَلَ شَ وٌن مَلِ نَ كٌلٌنقٍ رَ. عَمِنَ.
\imte عَلَ شَ مَسٍنيِ قِرِن ندٍ
\imte عَننَبِ ثِيّرِ نَشَن سّبّ
\cl سٌرَ
\c 1
\s شّيبُي
\p
\v 1 ﭑ تَن، سِمٌن ثِيّرِ، عَلَ شَ مِشِ سُفَندِشِ عِسَ شَ كٌنيِ نُن عَ شَ شّيرَ، ﭑ بَرَ يِ بَتَاشّ سّبّ وٌ مَ. وٌن تَن نَشٍيٍ بَرَ دَنشَنِيَ عِسَ مَ، وٌن بِرِن بَرَ دَنشَنِيَ كٍرٍن سْتْ وٌن مَرِفِ عَلَ نُن وٌن نَكِسِمَ عَلَ شَ مِشِ سُفَندِشِ عِسَ شَ تِنشِنيِ سَابُي رَ. 
\v 2 عَلَ شَ هِننّ نُن بْحّسَ فبٍفبٍ قِ وٌ مَ عَلَ نُن وٌن مَرِفِ عِسَ كٌلٌنقٍ سَابُي رَ.
\s عِسَيَنكَيٍ حّرّ كِ
\p
\v 3 وٌن تٌ بَرَ عَلَ كٌلٌن، نَشَن وٌن شِلِشِ عَ شَ نْرّ نُن عَ شَ قَنيِ سَابُي رَ، عَ بَرَ قٍ بِرِن سٌ وٌن يِ عَ سّنبّ رَ، وٌن هَيِ نَ نَشَن مَ حّرّقٍ رَ عَ وَشْنكِ. 
\v 4 عَلَ شَ نْرّ نُن عَ شَ قَنيِ بَرَ عَ نِيَ وٌن شَ قٍ لَايِدِشِ سْتْ نَشَن مَنِيّ مُ نَ، عَ قَلَقٍ رَ عَ وٌن شَ وٌن فِ قٍ حَاشِيٍ مَ دُنِحَ مَ، نَشٍيٍ قَتَنشِ مِشِ وَشْنقٍ كٌبِ رَ، وٌن قَ لُ عَلَ شَ نْرّ كُي.
\q
\v 5 نَ كُي، وٌ شَ كَتّ بِرِن نَبَ حّرّ كِ قَنيِ شَ سَ وٌ شَ دَنشَنِيَ شُن مَ،
\q عَلَ كٌلٌنقٍ شَ سَ وٌ حّرّ كِ قَنيِ شُن مَ،
\q
\v 6 وٌ شَ يّتّ سُشُي شَ سَ عَلَ كٌلٌنقٍ شُن مَ،
\q وٌ شَ تُننَبّشِ شَ سَ وٌ شَ يّتّ سُشُي شُن مَ،
\q وٌ شَ عَلَ يَرَفَاشُي شَ سَ وٌ شَ تُننَبّشِ شُن مَ،
\q
\v 7 نفَشَكٍرٍنيَ شَ سَ وٌ شَ عَلَ يَرَفَاشُي شُن مَ،
\q شَنُنتٍيَ قَن شَ سَ وٌ شَ نفَشَكٍرٍنيَ شُن مَ.
\m
\v 8 شَ نَ قٍ مْولِ شُن لُمَ مَسَ رَ وٌ بّ، نَ عَ نِيَمَ نّ وٌ شَ نْ وَلِدٍ مَرِفِ عِسَ بّ، عَلَ شَ مِشِ سُفَندِشِ، نَ مَن عَ نِيَ وٌ شَ نْ عَ كٌلٌندٍ عَ قَنيِ رَ. 
\v 9 كْنْ شَ نَ مُ عَ رَ، وٌ بَرَ نّيمُ عَلَ وٌ شَ يُنُبِ دَنفِشِيٍ شَقَرِشِ كِ نَشّ. نَ كُي، وٌ بَرَ لُ عَلْ دْنشُي نَشَن مُ سٍ عِفبّمَ عَ قَنيِ رَ.
\p
\v 10 ﭑ نفَشَكٍرٍنيِيٍ، عَلَ بَرَ وٌ شِلِ، عَ بَرَ وٌ سُفَندِ. وٌ كَتّ بِرِن نَبَ عَلَكٌ وٌ شَ دَنشَنِيَ شَ سَبَتِ. شَ وٌ نَ رَبَ، وٌ مُ بِرَ مَ عَبَدَن. 
\v 11 نَ كُي، عَلَ وٌ رَ سّنّمَ نّ عَ قَنيِ رَ عَ شَ مِشِ سُفَندِشِ عِسَ شَ مَنفّيَ نِينِ بُن مَ، نَشَن قِندِشِ وٌن مَرِفِ نُن وٌن نَكِسِمَ رَ.
\s عَلَ شَ مَسٍنيِ كٌلٌنقٍ
\p
\v 12 ﭑ مُ تَفَنمَ وٌ رَتُقٍ رَ نَ قٍ مَ، هَلِ وٌ تٌ نْندِ كٌلٌن، عَ مَن سَبَتِشِ وٌ بْحّ عِ. 
\v 13 قَننِ ﭑ نَ دُنِحَ، عَ لَنمَ ﭑ شَ نُ وٌ رَتُ نَ قٍيٍ رَ، 
\v 14 بَرِ مَ وٌن مَرِفِ عِسَ، عَلَ شَ مِشِ سُفَندِشِ بَرَ عَ مَسٍن ﭑ بّ ﭑ مُ بُمَ دُنِحَ مَ سْنْن. 
\v 15 كْنْ ﭑ كَتّ بِرِن نَبَمَ نّ، عَلَكٌ ﭑ نَ كٍلِ وٌ شُن مَ لْشْ نَشّ، وٌ شَ نْ رَتُدٍ نَ قٍيٍ مَ تّمُي بِرِن.
\p
\v 16 مُشُ تٌ وٌن مَرِفِ عِسَ سّنبّ نُن عَ قَ كِ مَسٍن وٌ بّ، عَ مُ قِندِشِ كِينِ مَدْشْشِ شَ رَ. مُشُ نَشَن مَسٍن وٌ بّ عِسَ شَ نْرّ شَ قٍ رَ، عَ قِندِشِ نْندِ يَتِ يَتِ نَن نَ، مُشُ نَشَن تٌشِ مُشُ يَ رَ. 
\v 17 بَبَ عَلَ نْرّ شُنفبٍ كَنيِ بَرَ عَ بِنيَ، عَ شُننَكٍلِ قِ عَ مَ يِ مَسٍنيِ رَ، «ﭑ مَ دِ شَنُشِ نَن يِ كِ، ﭑ سّيوَشِ نَشَن نَ.» 
\v 18 مُشُ نَ شُي مّ نّ، نَشَن كٍلِ كٌورٍ مَ، مُشُ تٌ نُ نَ عَ سّيتِ مَ فٍيَ سّنِيّنشِ قَرِ.
\p
\v 19 مُشُ عَ كٌلٌن نَمِحْنمّيٍ شَ مَسٍنيِيٍ قِندِشِ نْندِ يَتِ نَن نَ. وٌ لَن وٌ شَ وٌ حْشْ سَ نَ شْن مَ عَ قَنيِ رَ، عَلْ مِشِ عَ حْشْ سَمَ لَنثُي شَ يَنبّ شْن مَ كِ نَشّ كْي رَ هَن سُبَشّ. وٌ نَ نَ مَسٍنيِ قَهَامُ وٌ بْحّ كُي، نَ لُمَ نّ عَلْ لٌولٌي شَ نَءِيَلَنيِ نَشَن مَكّنّنمَ سُبَشّ مَ. 
\v 20 وٌ شَ عَ كٌلٌن عَ قَنيِ رَ عَ نَمِحْنمّ يٌ شَ سّبّلِ مُ قَتَنشِ عَ يّتّ رَ. 
\v 21 نَمِحْنمّ شَ مَسٍنيِ مُ قَتَنشِ عَدَ مَدِ حَنِفٍ شَ رَ، عَ قَتَنشِ عَلَ شَشِلِ يَتِ نَن نَ، نَشَن نَ مَسٍن نَمِحْنمّيٍ بّ.
\c 2
\s كَرَ مْشْ كٌبِيٍ
\p
\v 1 مِشِ ندٍيٍ نُ نَ عِسِرَيِلَ حَمَ يَ مَ، نَشٍيٍ نُ عَ قَلَمَ عٍ يّتّ بّ، عَ نَمِحْنمّيٍ، كْنْ وُلٍ قَلّيٍ نَن نُ نٍيٍ رَ. كَرَ مْشْ وُلٍ قَلّيٍ قَمَ لُدٍ وٌ قَن يَ مَ، نَشٍيٍ شَ شَرَنيِ مِشِ رَلْيمَ. نَ كُي، نَ وُلٍ قَلّيٍ بَرَ عٍ مَرِفِ رَبٌلٌ، نَشَن عٍ شُنسَرَشِ. نَ قٍ بَرَ عٍ شُن نَكَنَ. 
\v 2 مِشِ فبٍفبٍ بِرَ مَ نّ عٍ قْشْ رَ عٍ شَ قٍ حَاشِ كُي. عَلَ شَ نْندِ مَبٍرٍ مَ نّ عٍ تَن شَ قٍ رَ. 
\v 3 عٍ وٌ مَدَشُمَ وُلٍيٍ رَ عٍ شَ مِلَنتٍيَ شَ قٍ رَ، كْنْ كِيتِ دْشْشِ عٍ يَ رَ عَ رَكُيَ. عٍ شَ شُننَكَنّ مُ كَنَمَ.
\p
\v 4 مَلٍكّيٍ تٌ يُنُبِ رَبَ، عَلَ مُ دِحّ عٍ مَ دٍ! عَ نَشَ عٍ وٌلِ يَهَننَمَ، عَ يْلْنشْنيِيٍ سَ عٍ مَ نَ دِ مِ كُي بٍينُن كِيتِ لْشْي شَ عَ لِ. 
\v 5 عَلَ مُ دِحّ دُنِحَ مَ عَننَبِ نُهَ شَ وَشَتِ، عَ كَاقِرِيٍ سْنتْ نّ بَنبَرَنيِ رَ. كْنْ عَ نَشَ نُهَ رَكِسِ، نَشَن نُ تِنشِنيِ كَوَندِ مَ، عَ نُن عَ شَ مِشِ سٌلٌقٍرٍ.
\p
\v 6 عَلَ سٌدٌ مَ نُن فٌمٌرَ رَتْن نّ، عَ عٍ بِرِن فَن، عٍ شَ قِندِ مِسَالِ رَ مِشِ كٌبِيٍ بّ. 
\v 7 كْنْ عَ نَشَ لٌتِ رَتَنفَ نَ فبَلٌي مَ. لٌتِ قِندِشِ تِنشِنتْي نَن نَ، نَشَن بْحّ نُ بَرَ رَحَاشُ عَ مَ نَ مِشِ حَاشِيٍ شَ وَلِ كٌبِيٍ شَ قٍ رَ. 
\v 8 يِ مِشِ تِنشِنشِ نُ سَبَتِشِ عٍ تَفِ، عَ بْحّ رَحَاشُشِ عَ مَ تّمُي بِرِن عٍ شَ حَاشُحَ شَ قٍ رَ.
\p
\v 9 نَ نَن عَ مَسٍنشِ، عَ وٌن مَرِفِ قَتَ مِشِ قَنيِ قُلُندٍ قٍ شْرْشْي كُي، عَ مَن قَتَ تِنشِنتَرٍيٍ رَفَتَدٍ هَن كِيتِ لْشْي نَ قَ تّمُي نَشّ. 
\v 10 عَ فبٍنفبٍنيِ، عَ يِ رَبَمَ مِشِيٍ نَن نَ نَشٍيٍ بِرَشِ عٍ وَشْنقٍ حَاشِ تُن قْشْ رَ، عٍ قَ مَرِفِ شَ مَنفّيَ مَتَندِ.
\p نٍيٍ عٍ يّتّ عِفبٌمَ. عٍ سُو سَ عَرِيَننَكَيٍ رَ سْتْدٍ. 
\v 11 هَلِ مَلٍكّيٍ، نَشٍيٍ سّنبّ فبٌ عٍ بّ، نٍيٍ مُ سُو سَ عَدَ مَدِيٍ رَ سْتْدٍ مَرِفِ يَ شْرِ. 
\v 12 نَ شُرُتَرٍيٍ لُشِ عَلْ وُلَ سُبٍ نَشٍيٍ شَشِلِ مُ نَ، نَشٍيٍ سُشُمَ، عٍ قَشَ. عٍ كٌنبِ تِمَ قٍيٍ مَ، عٍ مُ نَشٍيٍ كٌلٌن. عٍ شَ قٍ رَحْنمَ نّ عَلْ نَ وُلَ سُبٍ نَشٍيٍ شَشِلِ مُ نَ. 
\v 13 عٍ تِنشِنتَرٍيَ سَرٍ نَن سْتْمَ. عٍ حّلّشِنمَ وَندُيَ رَبَقٍ رَ يَنيِ شَرٍ رَ. عٍ لُمَ نّ وٌ شَ شُلُنيِيٍ يَ مَ عَلْ نْشْي نَ سَ سٍ سّنِيّنشِ مَ. عٍ حّلّشِنمَ نّ وٌ رَتَنتَنقٍ رَ. 
\v 14 عٍ يّنّ رَبَمَ تّمُي بِرِن. عٍ مُ تَفَنمَ يُنُبِ رَبَدٍ. عٍ مِشِيٍ مَدَشُمَ نَشٍيٍ شَ دَنشَنِيَ مُ سَبَتِشِ. مِلَنتٍيَ نَ عٍ بْحّ كُي. عٍ بِرِن دَنكَشِ. 
\v 15 عٍ بَرَ كِرَ تِنشِنشِ بّحِن، عٍ قَ بِرَ بٍيٌرِ شَ دِ بَلَمِ شَ كِرَ قْشْ رَ، نَشَن نُ وَ مَ وَلِ تِنشِنتَرٍ سَرٍ شْن مَ. 
\v 16 عَلَ نَشَ عَ شَ يُنُبِ مَسٍن عَ بّ عَ شَ سٌقَلٍ سَابُي رَ نَشَن وْيّن عَدَ مَدِ شُي رَ، عَ قَ عَننَبِ بَلَمِ شَ دَشُحَ عِتِ.
\p
\v 17 نَ مِشِيٍ لُشِ نّ عَلْ تِفِيٍ يٍ مُ نَ نَشٍيٍ كُي. عٍ لُشِ نّ عَلْ نُشُييٍ، تُرُننَادّ نَشٍيٍ تُتُنمَ. دِ مِ نَن دْشْشِ عٍ يَ رَ. 
\v 18 عٍ وْيّن شُنفبٍ نَن قَلَمَ نَشَن تِدٍ يٌ مُ نَ، عٍ عٍ يّتّ عِفبٌمَ، عٍ مِشِيٍ مَدَشُمَ قٍ سّنِيّنتَرٍيٍ رَ، مِشِ نَشٍيٍ بَشِ بَدٍ يُنُبِتْييٍ يَ مَ. 
\v 19 عٍ شْرّيَ لَايِدِ مِشِيٍ بّ، كْنْ عٍ يّتّ كَن قِندِشِ دُنِحَ شَ كٌنيِيٍ رَ، بَرِ مَ عٍ مُ نْمَ عٍ يّتّ بَدٍ عٍ وَشْنقٍ حَاشِيٍ يِ رَ نَشٍيٍ قَمَ عٍ شُن نَكَنَدٍ. مِشِ نَشَن بِرِن لُمَ عَ وَشْنقٍ حَاشِ شَ نْي بُن مَ، عَ بَرَ قِندِ عَ وَشْنقٍ حَاشِ شَ كٌنيِ رَ.
\p
\v 20 شَ مِشِ بَرَ بَ دُنِحَ قٍ كٌبِيٍ يَ مَ عَلَ شَ مِشِ سُفَندِشِ عِسَ كٌلٌنقٍ سَابُي رَ، وٌن نَكِسِمَ نُن وٌن مَرِفِ، عٍ مَن فبِلٍن نَ قٍيٍ مَ، هَن نٍيٍ مَن نْ عٍ رَ، عَوَ عٍ شَ تْورّ دَنفِمَ عَ سِنفٍ رَ. 
\v 21 عٍ لُقٍ عٍ مُ تِنشِنيِ كِرَ كٌلٌن، نَ قِسَ عٍ بّ، دِنّ عٍ شَ نَ كِرَ كٌلٌن، عٍ قَ عٍ كٌبٍ سٌ سّرِيّ سّنِيّنشِ رَ، نَشَن نُ بَرَ قِ عٍ مَ. 
\v 22 يِ تَالِ عٍ شَ قٍ مَسٍنمَ عَ قَنيِ رَ؛ «بَرٍ بَرَ عَ شَ بْشُنيِ دٌن. شْسّ مَشَشِ، عَ مَن بَرَ عَ يّتّ مَنْشْ.»
\c 3
\s عِسَ فبِلٍنقٍ دُنِحَ مَ
\p
\v 1 ﭑ شَنُنتٍنيِيٍ، ﭑ مَ بَتَاشّ قِرِن ندٍ نَن يِ كِ، ﭑ نَشَن سّبّ وٌ مَ. ﭑ بَرَ وَ شَشِلِ قَنيِ قِقٍ وٌ مَ يِ بَتَاشّيٍ سَابُي رَ، نَشٍيٍ وٌ رَتُمَ نَ شَرَنيِ رَ وٌ نَشَن سْتْشِ تّمُي دَنفِشِ. 
\v 2 ﭑ مَن بَرَ وَ وٌ رَتُقٍ نَمِحْنمّ سّنِيّنشِ سِنفٍيٍ شَ مَسٍنيِ مَ، عَ نُن وٌن مَرِفِ نُن وٌن نَكِسِمَ شَ يَامَرِ مَ، عَ شَ شّيرَيٍ نَشَن نَدَنفِشِ وٌ مَ. 
\v 3 كْنْ عَ فبٍنفبٍنيِ، وٌ شَ عَ كٌلٌن عَ مِشِيٍ قَمَ نّ دُنِحَ رَحْنيِ، نَشٍيٍ يٌمَ مِشِيٍ مَ، عٍ بِرَ عٍ يّتّ وَشْنقٍ قْشْ رَ. 
\v 4 عٍ عَ قَلَمَ نّ، «عِسَ بَرَ عَ شَ لَايِدِ كَنَ، بَرِ مَ هَن يَ عَ مُ فبِلٍن دُنِحَ مَ عَلْ عَ عَ قَلَ كِ نَشّ. كَقِ وٌن بٍنبَيٍ قَشَ، دُنِحَ لُشِ عَلْ عَ قْلّ.»
\p
\v 5 نَ مِشِيٍ بَرَ نّيمُ عَ عَلَ كٌورٍ نُن بْشِ دَاشِ عَ شَ مَسٍنيِ نَن نَ. عَ قْلّ رَ، عَلَ شَ مَسٍنيِ نَن عَ رَفِرِ بْشِ شَ مَبَ يٍ شْورَ. 
\v 6 عَلَ شَ مَسٍنيِ مَن نَشَ عَ رَفِرِ يٍ شَ دِن دُنِحَ مَ عَننَبِ نُهَ شَ وَشَتِ. 
\v 7 نَ مَسٍنيِ كٍرٍنيِ مَن قَمَ نّ عَ رَفِرِدٍ كٌورٍ نُن بْشِ شَ فَن كِيتِ لْشْي، تِنشِنتَرٍيٍ حَشَنكَتَمَ تّمُي نَشّ.
\p
\v 8 كْنْ، ﭑ شَنُنتٍنيِيٍ، وٌ نَشَ نّيمُ قٍ كٍرٍن مَ؛ وٌن مَرِفِ تَن بّ، لْشْي كٍرٍن لُشِ نّ عَلْ حّ وُلُ كٍرٍن، حّ وُلُ كٍرٍن قَن لُشِ نّ عَلْ لْشْي كٍرٍن. 
\v 9 مَرِفِ مُ دُفُندِ مَ عَ شَ لَايِدِ رَكَمَلِدٍ، عَلْ مِشِ ندٍيٍ عَ مَحْشُنمَ كِ نَشّ. عَ شَ دِحّ فبٌ وٌ مَبِرِ، بَرِ مَ عَ مُ وَ مَ مِشِ كٍرٍن شَ لْي. عَ وَ مَ نّ دُنِحَ مِشِ بِرِن شَ تُوبِ.
\p
\v 10 مَرِفِ قَ لْشْي قِندِ مَ تّرّننَ نَن نَ مِشِيٍ بّ. نَ لْشْي كٌورٍ لْيمَ نّ شُي مَفَاشُشِ رَ، دُنِحَ بِرِن فَنمَ نّ، عَدَ مَدِيٍ شَ وَلِ نَن تُن لُمَ عَلَ يَ عِ. 
\v 11 وٌ تٌ عَ كٌلٌن دُنِحَ حْنمَ نَ كِ نّ، عَ لَنمَ وٌ شَ حّرّ عَلَ وَشْنيِ رَ سّنِيّنيِ كُي. 
\v 12 وٌ مَمّ تِمَ كِ نَشّ، عَ شَ عَ نِيَ نَ لْشْي شَ قَ سِننَنيِ مَ. نَ لْشْي كٌورٍ نُن بْشِ فَنمَ نّ تّ رَ، عٍ قَ شُنُ. 
\v 13 وٌن كٌورٍ نّينّ نُن بْشِ نّينّ نَن مَمّقٍ، تِنشِنيِ سَبَتِمَ دّننَشّ، عَلْ عَ لَايِدِشِ وٌن بّ كِ نَشّ.
\p
\v 14 ﭑ شَنُنتٍنيِيٍ، وٌ شَ كَتّ بِرِن نَبَ نَ مَمّ تِ كُي، عَلَكٌ نَ لْشْي شَ وٌ لِ بْحّسَ كُي، عَ نَشَ وٌ لِ قٍ حَاشِ كُي. 
\v 15 وٌ شَ عَ كٌلٌن عَ وٌن مَرِفِ شَ دِحّ قِندِشِ كِسِ نَن نَ وٌ بّ، عَلْ وٌن شَنُنتٍنيِ ثْلُ قَن عَ سّبّشِ وٌ مَ كِ نَشّ. عَلَ يَتِ نَن نَ لْننِ قِشِ عَ مَ. 
\v 16 عَ نَ نَن مَسٍنمَ عَ شَ بَتَاشّ بِرِن كُي. عَ شَ سّبّلِ ندٍيٍ قَهَامُ شْنْ. شَشِلِتَرٍيٍ، نَشٍيٍ شَ دَنشَنِيَ مُ رَشَرَشِ، عٍ نَ سّبّلِيٍ مَقِندِ مَ عٍ وَشْنكِ. عٍ نَ مْولِ رَبَمَ كِتَابُي فبّتّيٍ رَ، كْنْ نَ قٍ قَمَ عٍ رَلْيدٍ.
\p
\v 17 ﭑ شَنُنتٍنيِيٍ، وٌ تٌ بَرَ نَ بِرِن كٌلٌن، وٌ شَ وٌ حْشْ سَ وٌ يّتّ شْن مَ، عَلَكٌ كَاقِرِيٍ نَشَ وٌ بَ وٌ شَ دَنشَنِيَ سَبَتِشِ كُي. 
\v 18 وٌ شَ سّنبّ سْتْ وٌن مَرِفِ نُن وٌن نَكِسِمَ عِسَ شَ هِننّ نُن عَ كٌلٌنقٍ سَابُي رَ. تَنتُي نَ عَلَ شَ مِشِ سُفَندِشِ عِسَ بّ عَبَدَن. عَمِنَ.