\id 1TH Rough: John Mark, Mar 02.
\ide UTF-8
\h تّسَلٌنِكِ عِ
\toc1 عَلَ شَ مَسٍنيِ سِنفٍ عَننَبِ ثْلُ نَشَن سّبّ تّسَلٌنِكِ دَنشَنِيَتْي حَمَ مَ
\toc2 تّسَلٌنِكِ عِ
\mt عَلَ شَ مَسٍنيِ سِنفٍ
\mt عَننَبِ ثْلُ نَشَن سّبّ
\mt تّسَلٌنِكِ دَنشَنِيَتْي حَمَ مَ
\imt مَسٍنيِ ندٍ يِ كِتَابُي شَ قٍ رَ
\ip يِ كِتَابُي قِندِشِ بَتَاشّ سِنفٍ نَن نَ عَلَ شَ شّيرَ ثْلُ نُن عَ وَلِبٌورٍيٍ نَشَن سّبّ دَنشَنِيَتْي حَمَ مَ نَشٍيٍ نُ سَبَتِشِ تّسَلٌنِكِ.
\ip بٍينُن عٍ شَ يِ بَتَاشّ سّبّ، ثْلُ نُن سِلِقَنُ نُ بَرَ كَوَندِ تِ تّسَلٌنِكِ. عَلَ تٌ عٍ شَ وَلِ بَرَكَ، نَا مِشِ وُيَشِ نَشَ فبِلٍن كُيٍ بَتُقٍ قْشْ رَ، عٍ دَنشَنِيَ عَلَ مَ نَشَن عَ شَ مِشِ سُفَندِشِ شّيشِ دُنِحَ رَكِسِدٍ. كْنْ ثْلُ نُن سِلِقَنُ مُ نْ بُدٍ تّسَلٌنِكِ تَا كُي، عٍ فِ كْي نَن نَ بَرِ مَ مِشِ كٌبِ ندٍيٍ نُ بَرَ حَمَ بْحّ رَتٍ عٍ شِلِ مَ. يِ قٍ بِرِن تَفِ رَبَشِ عِسَ شَ شّيرَيٍ شَ تَرُشُي كِتَابُي كُي، سٌرَ ١٧.
\ip ثْلُ نُن سِلِقَنُ تٌ عَتّن لِ، عٍ نَشَ كْنتْقِلِ تّسَلٌنِكِ دَنشَنِيَتْييٍ بّ بَرِ مَ عٍ مُ نُ عَ كٌلٌن شَ عٍ شَ دَنشَنِيَ سَبَتِشِ. نَ كُي، عٍ نَشَ تِمٌتٍ شّي عَلَكٌ عَ شَ تّسَلٌنِكِ دَنشَنِيَتْييٍ حَنِفٍ كٌلٌن، عَ شَ عٍ رَلِمَنِيَ عٍ شَ دَنشَنِيَ كُي. تِمٌتٍ تٌ فبِلٍن، عَ نَشَ دّنتّفّ سَ ثْلُ نُن سِلِقَنُ بّ. عَلَ شَشِلِ سّنِيّنشِ نَشَ مَسٍنيِ قِ عٍ مَ تّسَلٌنِكِكَيٍ بّ، عٍ نَشَ يِ بَتَاشّ سّبّ.
\ip يِ كِتَابُي تِدٍ تٌ بَرَ مِنِ تّسَلٌنِكِ دَنشَنِيَتْييٍ بّ، عَ لْننِ قِ عٍ مَ، عَ عٍ رَلِمَنِيَ، عَ تِدٍ نَ وٌن قَن بّ. عَ عَ مَسٍنمَ وٌن بّ عَ عَلَ وٌن شِلِشِ نّ وٌن شَ وٌن حّرّ سّنِيّنيِ كُي، وٌن شَ فبِلٍن سّنِيّنتَرٍحَ قْشْ رَ. عَ مَن عَ مَسٍنمَ عَ وَلِ تِدٍ فبٌ دَنشَنِيَتْي بّ. عَ لَنمَ وٌن شَ بَلٌ وٌن يِلٍنقُرٍ نَن نَ. يِ كِتَابُي مَن لِمَنِيَ قِمَ وٌن مَ بَرِ مَ عَ عَ مَسٍنمَ وٌن بّ عَ عَلَ شَ مِشِ سُفَندِشِ عِسَ قَمَ نّ عَ شَ دَنشَنِيَتْييٍ قْشْ رَ، عٍ حِحّ نُن عَ لَاشِرَشِ، عَ عٍ شَنِن عَلَ شْنيِ عٍ سَ لُمَ دّننَشّ عَبَدَن.
\ip تّسَلٌنِكِ دَنشَنِيَتْييٍ قِندِشِ مِسَالِ نَن نَ وٌن بّ بَرِ مَ هَلِ عٍ تٌ حَشَنكَتّ فبٍفبٍ سْتْ، عٍ شَن نّ دَنشَنِيَ كُي، عٍ عٍ شَشِلِ تِ عَلَ رَ. عَلَ شَ وٌن مَلِ وٌن مَ دَنشَنِيَ شَ تِلِن، وٌن شَ وٌن تُننَبّشِ عَلَ شَ كِرَ قَنيِ شْن مَ. عَلَ شَ وٌن نَتَنفَ سّنِيّنتَرٍحَ مَ، وٌن نَشَ قَ يَافِ مَرِفِ فبِلٍن لْشْي. عَلَ شَ وٌن مَلِ عَرِيَننَ كِرَ شْن مَ. عَمِنَ.
\imte عَلَ شَ مَسٍنيِ سِنفٍ
\imte عَننَبِ ثْلُ نَشَن سّبّ
\imte تّسَلٌنِكِ دَنشَنِيَتْي حَمَ مَ
\cl سٌرَ
\c 1
\s شّيبُي
\p
\v 1 ثْلُ، سِلِقَنُ، نُن تِمٌتٍ نَن يِ كِ، كَتَرَبِ بَبَ عَلَ نُن عَ شَ مِشِ سُفَندِشِ مَرِفِ عِسَ شَ دَنشَنِيَتْي حَمَ مَ نَشٍيٍ نَ تّسَلٌنِكِ.
\p عَلَ شَ هِننّ نُن بْحّسَ قِ وٌ مَ.
\s عَلَ تَنتُقٍ تّسَلٌنِكِكَيٍ شَ قٍ رَ
\p
\v 2 وَشَتِ بِرِن مُشُ عَلَ تَنتُمَ وٌ شَ قٍ رَ، مُشُ مَن عَ مَشَندِ مَ وٌ بّ. تّمُي بِرِن 
\v 3 مُشُ وٌ شَ قٍ قَلَمَ وٌن بَبَ عَلَ بّ. مُشُ عَ تَنتُمَ نّ وٌ شَ وَلِ مَ نَشَن كٍلِشِ وٌ شَ دَنشَنِيَ نُن وٌ شَ شَنُنتٍيَ مَ. مُشُ عَ تَنتُمَ نّ بَرِ مَ وٌ وٌ تُننَبّشِشِ وٌ شَشِلِ تِقٍ رَ عَلَ شَ مِشِ سُفَندِشِ مَرِفِ عِسَ رَ.
\p
\v 4 ﭑ نفَشَكٍرٍنيِيٍ، وٌ تَن عَلَ شَنُنتٍنيِيٍ، مُشُ عَ كٌلٌن عَ عَلَ بَرَ وٌ سُفَندِ. 
\v 5 مُشُ تٌ شِبَارُ قَنيِ مَسٍن وٌ بّ، عَ مُ قِندِ مُشُ دّ وْيّنيِ فبَنسَن شَ رَ. عَلَ شَشِلِ سّنِيّنشِ نَشَ سّنبّ قِ مُشُ شَ شِبَارُ قَنيِ كَوَندِقٍ مَ، مُشُ دَنشَنِيَشِ عَ مَ. وٌ عَ كٌلٌن يَتِ مُشُ نُ حّرّ مَ كِ نَشّ وٌ شَ قٍ رَ، مُشُ نُ نَ وٌ يَ مَ تّمُي نَشّ. 
\v 6 وٌ بَرَ قِندِ مُشُ نُن مَرِفِ قْشِ رَبَيٍ رَ. هَلِ وٌ تٌ حَشَنكَتّ فبٍفبٍ سْتْ، وٌ عَلَ شَ مَسٍنيِ سُشُ نّ حّلّشِنيِ رَ، حّلّشِنيِ نَشَن قَتَن عَلَ شَشِلِ سّنِيّنشِ رَ.
\p
\v 7 نَ كُي، وٌ بَرَ قِندِ مِسَالِ رَ دَنشَنِيَتْي بِرِن بّ نَشٍيٍ نَ مَسٍدٌن نُن عَكَيِ. 
\v 8 عَلَ شَ مَسٍنيِ بَرَ رَيٍنسٍن يّ وٌ سَابُي رَ. عَ مُ رَيٍنسٍنشِ مَسٍدٌن نُن عَكَيِ فبَنسَن شَ مَ. يِرٍ بِرِن بَرَ عَ كٌلٌن وٌ دَنشَنِيَشِ عَلَ مَ كِ نَشّ. نَ كُي، مُشُ مُ سٍسٍ قَلَمَ سْنْن نَ شَ قٍ رَ. 
\v 9 نَ مِشِ نَشٍيٍ بَرَ وٌ شَ قٍ مّ، عٍ تَن نَن قَمَ وٌ شَ قٍ قَلَدٍ، وٌ مُشُ رَ سّنّ كِ نَشّ، وٌ مَن فبِلٍن كُيٍيٍ قْشْ رَ كِ نَشّ، وٌ قَ بِرَ عَلَ حِحّ قْشْ رَ نَشَن قِندِشِ نْندِ رَ. 
\v 10 عٍ مَن وٌ شَ قٍ قَلَمَ، وٌ عَلَ شَ دِ مَمّشِ كِ نَشّ كٍلِقٍ كٌورٍ مَ. نَ نَن قِندِشِ عِسَ رَ، عَلَ نَشَن نَكٍلِ قَشّ مَ، عِسَ نَشَن وٌن نَتَنفَمَ شْنّ مَ نَشَن نَ قَقٍ.
\c 2
\s ثْلُ نُن تّسَلٌنِكِ دَنشَنِيَتْي حَمَ
\p
\v 1 ﭑ نفَشَكٍرٍنيِيٍ، وٌ تَن يَتِ عَ كٌلٌن عَ مُشُ قَقٍ وٌ يِرٍ نَ مُ قِندِشِ قٍ قُقَقُ رَ. 
\v 2 وٌ عَ كٌلٌن، مُشُ نُ بَرَ حَشَنكَتّ نُن تْورّ سْتْ قِلِثِ. كْنْ مُشُ نَشَ مُشُ شَشِلِ تِ وٌن مَرِفِ عَلَ رَ، مُشُ لِمَنِيَ عَلَكٌ مُشُ شَ وٌ كَوَندِ عَلَ شَ شِبَارُ قَنيِ رَ، هَلِ فٍرٍ مَسٌي فبٍفبٍ تٌ نُ نَا. 
\v 3 مُشُ شَ كَوَندِ مُ قَتَنشِ وُلٍ شَ رَ، عَ مُ قَتَنشِ حَنِفٍ سّنِيّنتَرٍ شَ رَ، عَ مُ قَتَنشِ يَنقَنتٍيَ شَ رَ. 
\v 4 عَلَ تٌ بَرَ مُشُ مَتٌ، عَ بَرَ عَ شَ شِبَارُ قَنيِ تَشُ مُشُ رَ. نَ كُي، مُشُ مُ وْيّنمَ شّ دٍ عَلَكٌ مُشُ شَ رَقَن مِشِيٍ مَ. مُشُ وْيّنمَ نّ عَلَكٌ مُشُ شَ عَلَ نَن كّنّن نَشَن وٌن سٌندٌنيِيٍ مَتٌمَ. 
\v 5 وٌ عَ كٌلٌن يَتِ، عَلَ قَن عَ كٌلٌن، مُشُ مُ دّءِحْشُنيِ وْيّنيِ يٌ قَلَشِ وٌ بّ. مُشُ مُ كَوَندِ تِشِ شّ عَلَكٌ مُشُ شَ سٍ ندٍ سْتْ. 
\v 6 مُشُ هَيِ مُ نَ مِشِيٍ شَ مَتْشْي مَ، عَ نَ قِندِ وٌ تَن نَ، عَ نَ قِندِ مِشِ فبّتّيٍ رَ.
\p
\v 7 عَلَ شَ مِشِ سُفَندِشِ شَ شّيرَيٍ تٌ نَ مُشُ رَ، مُشُ نُ نْمَ مُشُ شَ قٍ كٌتٍ دْشْدٍ وٌ شُن مَ، كْنْ مُشُ مُ تِن. مُشُ نَشَ مّينِ وٌ مَ، عَلْ دِنفّ مّينِمَ عَ شَ دِيٍ مَ كِ نَشّ. 
\v 8 مُشُ وٌ شَنُشِ نّ هَن مُشُ نَشَ مُشُ يّتّ يَتِ قِ وٌ مَ سَقٍ عَلَ شَ شِبَارُ قَنيِ شُن مَ مُشُ وٌ كَوَندِ نَشَن نَ. وٌ شَ قٍ نُ بَرَ شْرْشْ مُشُ مَ كِ قَنيِ. 
\v 9 ﭑ نفَشَكٍرٍنيِيٍ، وٌ شَ وٌ مَحْشُن مُشُ شَ وَلِ نُن مُشُ شَ تْورّ مَ. مُشُ وَكِلِ نّ كْي نُن يَنيِ عَلَكٌ مُشُ شَ كْنتْقِلِ نَشَ لُ وٌ سٍسٍ مَ، مُشُ نُ عَلَ شَ شِبَارُ قَنيِ كَوَندِقٍ وٌ بّ تّمُي نَشّ. 
\v 10 مُشُ حّرّشِ سّنِيّنيِ نُن تِنشِنيِ نَن نَ وٌ شَ قٍ رَ، مَرَكْرْ سِ يٌ مُ نَ مُشُ مَ. وٌ بَرَ قِندِ نَ قٍ سٍيدٍيٍ رَ، وٌ نُن عَلَ. 
\v 11 وٌ عَ كٌلٌن يَتِ، عَ مُشُ نَ وٌ بِرِن بّ، عَلْ بَبّ نُن عَ شَ دِيٍ نَ كِ نَشّ. 
\v 12 مُشُ بَرَ وٌ رَلِمَنِيَ، مُشُ بَرَ وٌ مَقُرُكُ، مُشُ بَرَ وٌ مَيَندِ عَلَكٌ وٌ حّرّ كِ شَ عَلَ كّنّن، نَشَن وٌ شِلِشِ وٌ شَ لُ عَ شَ مَنفّيَ نِينِ بُن مَ، وٌ شَ عَ شَ نْرّ كٌلٌن.
\p
\v 13 نَ نَن عَ تٌشِ مُشُ عَلَ نُوَلِ سَمَ تّمُي بِرِن بَرِ مَ مُشُ تٌ وٌ كَوَندِ عَلَ شَ مَسٍنيِ رَ، وٌ مُ عَ سُشُشِ شّ عَلْ مِشِ وْيّن شُي. وٌ عَ كٌلٌن نّ عَ عَ قِندِشِ عَلَ شَ مَسٍنيِ نَن يَتِ رَ نَشَن سّنبّ نَ وَلِقٍ وٌ تَن دَنشَنِيَتْييٍ يَ مَ. 
\v 14 ﭑ نفَشَكٍرٍنيِيٍ، وٌ بَرَ مَنِيَ عَلَ شَ دَنشَنِيَتْي حَمَيٍ رَ نَشٍيٍ دَنشَنِيَشِ عَ شَ مِشِ سُفَندِشِ عِسَ مَ يُدَيَ بْشِ مَ. وٌ بَرِبٌورٍيٍ وٌ تْورْ كِ نَشّ، يُوِقِيٍ قَن يُدَيَ دَنشَنِيَتْي حَمَيٍ تْورْ نَ كِ نّ. 
\v 15 عٍ تَن يُوِقِيٍ نَن مَرِفِ عِسَ نُن نَمِحْنمّيٍ قَشَ، عٍ مُشُ قَن حَشَنكَتَ. عٍ شَ قٍ مُ عَلَ كّنّنشِ. عٍ تٌ مُشُ تْورْ مَ مُشُ شَ كَوَندِ وَلِ كُي، عٍ حَاشُمَ مِشِ بِرِن نَ. 
\v 16 عٍ مُ وَ مَ مُشُ شَ سِ فبّتّيٍ كَوَندِ عَلَكٌ نٍيٍ شَ كِسِ. نَ كُي، عٍ نَ عٍ شَ يُنُبِ نَن تُن شُن مَسَقٍ. كْنْ عَلَ شَ شْنّ بَرَ عٍ سُشُ.
\p
\v 17 ﭑ نفَشَكٍرٍنيِيٍ، مُشُ بَرَ مَكُيَ وٌ يَ تٌدٍ رَ وَشَتِ ندٍ بُن، كْنْ مُشُ بْحّ تَن مُ مَكُيَشِ وٌ رَ. وٌ شْلِ مُشُ سُشُمَ كِ قَنيِ رَ. مُشُ بَرَ قٍ بِرِن نَبَ عَلَكٌ مُشُ مَن شَ وٌ تٌ. 
\v 18 مُشُ نُ بَرَ وَ فبِلٍنقٍ وٌ يِرٍ. ﭑ تَن ثْلُ وَ نّ ﭑ شَ وٌ يِرٍ لِ سَنمَيَ وُيَشِ، كْنْ سٍنتَنّ نَن مُشُ مَتْورْ. 
\v 19 مَرِفِ عِسَ فبِلٍن لْشْي، مُشُ حْشْ تِمَ عَلَ رَ ندٍ شَ قٍ رَ؟ مُشُ حّلّشِنمَ ندٍ شَ قٍ رَ؟ مُشُ مَتْشْي سْتْمَ ندٍ شَ قٍ رَ؟ وٌ تَن شَ مُ عَ رَ؟ 
\v 20 عِيٌ، وٌ تَن نَن قِندِشِ مُشُ شَ شُننَكٍلِ نُن مُشُ شَ سّيوّ رَ.
\c 3
\s ثْلُ تِمٌتٍ شّيقٍ تّسَلٌنِكِ
\p
\v 1 نَ كُي، مُشُ بْحّ تٌ مُ نْشِ سَدٍ، مُشُ بَرَ عَ حَنِفٍ مُشُ تَن شَ لُ عَتّن، 
\v 2 مُشُ شَ وٌن نفَشَكٍرٍنيِ تِمٌتٍ شّي وٌ مَ. مُشُ وَلِبٌورٍ نَ عَ رَ عَلَ شَ وَلِ كُي نَشَن قِندِ عَلَ شَ مِشِ سُفَندِشِ شَ شِبَارُ قَنيِ كَوَندِلَ رَ. مُشُ عَ شّيشِ نّ عَلَكٌ عَ شَ وٌ سّنبّ سٌ، عَ شَ وٌ رَلِمَنِيَ وٌ شَ دَنشَنِيَ كُي، 
\v 3 عَلَكٌ وٌ شَ حَشَنكَتّ نَشَ وٌ هَنمّ. وٌ قَن يَتِ عَ كٌلٌن، نَ حَشَنكَتّ نَن نَفِرِشِ وٌن مَ. 
\v 4 هَلِ مُشُ نُ نَ وٌ يَ مَ تّمُي نَشّ، مُشُ نُ عَ قَلَمَ نّ وٌ بّ، عَ مِشِيٍ قَمَ وٌن حَشَنكَتَدٍ. وٌ بَرَ عَ تٌ قَ، نَ نَن قَ رَبَشِ.
\p
\v 5 نَ نَن عَ رَ، ﭑ بْحّ تٌ مُ نُ سَشِ سْنْن، ﭑ نَشَ تِمٌتٍ شّي نَا عَلَكٌ عَ شَ عَ كٌلٌن وٌ شَ دَنشَنِيَ نَ كِ نَشّ. ﭑ نُ فَاشُشِ نّ وٌ بّ سٍنتَنّ مِشِ رَتَنتَنيِ قَ وٌ رَتَنتَنقٍ، مُشُ شَ وَلِ قَ قِندِ وَلِ قُقَقُ رَ. 
\v 6 كْنْ تِمٌتٍ تٌ بَشِ فبِلٍندٍ مُشُ يِرٍ كٍلِ وٌ شْنيِ، عَ بَرَ شِبَارُ قَنيِ قَلَ مُشُ بّ وٌ شَ دَنشَنِيَ نُن وٌ شَ شَنُنتٍيَ شَ قٍ رَ. عَ نَشّ، عَ وٌ رَتُشِ مُشُ شَ قٍ رَ سّيوّ كُي، عَ مُشُ تٌ شْلِ نَ وٌ مَ، عَلْ وٌ قَن تٌ شْلِ تٌ نَ مُشُ قَن مَ. 
\v 7 نَ كُي، ﭑ نفَشَكٍرٍنيِيٍ، هَلِ مُشُ تٌ نَ تْورّ نُن حَشَنكَتّ كُي، مُشُ بَرَ رَلِمَنِيَ وٌ شَ دَنشَنِيَ شَ قٍ رَ. 
\v 8 يَكْسِ مُشُ بْحّ بَرَ سَ سْنْن، بَرِ مَ مُشُ بَرَ عَ كٌلٌن عَ وٌ شَ دَنشَنِيَ شَنشِ مَرِفِ. 
\v 9 مُشُ مُ عَ كٌلٌن سْنْن مُشُ نْمَ عَلَ تَنتُدٍ كِ نَشّ وٌ شَ قٍ رَ. دَنيِ يٌ مُ نَ مُشُ شَ سّيوّ مَ وٌ شَ قٍ رَ عَلَ شَ قٍ رَ. 
\v 10 كْي نُن يَنيِ مُشُ نَ عَ مَشَندِقٍ مُشُ نِي بِرِن نَ، مُشُ شَ نْ وٌ تٌدٍ، عَلَكٌ نَشَن لُشِ وٌ شَ دَنشَنِيَ رَ، مُشُ شَ نَ رَكَمَلِ.
\p
\v 11 عَلَ يّتّ يَتِ، وٌن بَبَ، عَ نُن وٌن مَرِفِ عِسَ شَ كِرَ بْو مُشُ بّ عَلَكٌ مُشُ شَ وٌ يِرٍ مَسْتْ. 
\v 12 شَنُنتٍيَ نَشَن نَ وٌ بّ وٌ دٌرٌ تَفِ، عَ نُن وٌ نُن مِشِ بِرِن تَفِ، عَلَ شَ نَ شُن مَسَ كِ قَنيِ رَ، عَلْ مُشُ قَن وٌ شَنُشِ كِ نَشّ. 
\v 13 عَلَ شَ وٌ سٌندٌنيِيٍ سّنبّ سٌ عَلَكٌ وٌن مَرِفِ عِسَ نَ فبِلٍن لْشْ نَشّ عَ نُن عَ شَ سّنِيّنتْييٍ رَ، وٌ شَ نْ تِدٍ وٌن بَبَ عَلَ يَ عِ سّنِيّنيِ نُن تِنشِنيِ كُي.
\c 4
\s حّرّقٍ سّنِيّنيِ كُي
\p
\v 1 ﭑ نفَشَكٍرٍنيِيٍ، مُشُ بَرَ وٌ تِنكَن وٌ لَن وٌ شَ وٌ حّرّ كِ نَشّ عَلَ وَشْنيِ مَ. هَن يَ وٌ نَ نَ نَن شُن مَ. يَكْسِ، مُشُ وٌ مَشَندِ مَ، مُشُ وٌ مَيَندِ مَرِفِ عِسَ شِلِ رَ، وٌ شَ نُ نَ شُن مَسَ. 
\v 2 وٌ عَ كٌلٌن يَتِ مُشُ وٌ شَرَنشِ نَشَن نَ مَرِفِ عِسَ شِلِ رَ. 
\v 3 عَلَ سَفٌ نَ عَ رَ وٌ شَ سّنِيّن. وٌ نَشَ لَنفٌيحَ رَبَ. 
\v 4 كَنكَن شَ عَ يّتّ سُشُ سّنِيّنيِ نُن تِنشِنيِ كُي. 
\v 5 وٌ نَشَ بِرَ لَنفٌيحَ قْشْ رَ، عَلْ عَلَ كٌلٌنتَرٍيٍ عَ رَبَمَ كِ نَشّ. 
\v 6 مِشِ يٌ نَشَ يُنُبِ رَبَ عَ نفَشَكٍرٍنيِ رَ، عَ قُ عَ مَ نَ قٍ كُي، بَرِ مَ مَرِفِ نَ قٍ مْولِ بِرِن مَكِيتِمَ نّ. مُشُ بَرَ نَ قَلَ وٌ بّ، مُشُ مَن فبِلٍن نّ عَ قَلَ رَ وٌ بّ. 
\v 7 عَلَ وٌن شِلِشِ نّ وٌن شَ وٌن حّرّ سّنِيّنيِ كُي، وٌن شَ فبِلٍن سّنِيّنتَرٍحَ قْشْ رَ. 
\v 8 نَ كُي، مِشِ نَشَن تٌندِ مَ يِ قٍيٍ رَبَتُدٍ، عَ مُ تٌندِشِ عِبُنَدَ مَ شَ بّ، عَ تٌندِشِ عَلَ نَن بّ نَشَن عَ شَشِلِ سّنِيّنشِ قِشِ وٌ مَ.
\p
\v 9 هَلِ مُشُ مُ وٌ رَ سِ نفَشَكٍرٍنيِيٍ شَنُقٍ مَ، بَرِ مَ عَلَ نَن بَرَ وٌ تِنكَن وٌ شَ وٌ بٌرٍ شَنُ. 
\v 10 وٌ نَ نَن يَتِ رَبَقٍ نفَشَكٍرٍنيِيٍ رَ نَشٍيٍ نَ مَسٍدٌن بْشِ بِرِن كُي. كْنْ مُشُ عَ قَلَمَ نّ وٌ بّ، ﭑ نفَشَكٍرٍنيِيٍ، وٌ مَن شَ نُ نَ شُن مَسَ. 
\v 11 وٌ شَ قٍ بِرِن نَبَ عَلَكٌ وٌ شَ لُ بْحّسَ كُي. وٌ شَ مّينِ وٌ يّتّ مَ. وٌ شَ نُ وَلِ وٌ بّلّشّ رَ عَلْ مُشُ عَ مَسٍن وٌ بّ كِ نَشّ. 
\v 12 نَ كُي، وٌ حّرّ كِ قِندِ مَ عَ قَنيِ نَن نَ دَنشَنِيَتَرٍيٍ تَفِ، وٌ مَن مُ وٌ شَ قٍ كٌتٍ دْشْمَ مِشِ فبّتّ يٌ شُن مَ.
\s دَنشَنِيَتْييٍ شَ تَا مَسَرّ
\p
\v 13 ﭑ نفَشَكٍرٍنيِيٍ، مُشُ مُ وَ مَ وٌ شَ لُ قَهَامُتَرٍحَ كُي مِشِيٍ شَ قٍ رَ نَشٍيٍ بَرَ لَاشِرَ. عَ مُ لَن وٌ شَ سُننُن عَلْ مِشِ نَشٍيٍ مُ عٍ شَشِلِ تِشِ عَلَ رَ. 
\v 14 وٌن لَشِ عَ رَ عَ عِسَ بَرَ قَشَ، عَ مَن قَ كٍلِ قَشّ مَ. نَ كُي، وٌن مَن لَشِ عَ رَ عَ عَلَ قَمَ قَشَمِشِيٍ قَن نَكٍلِدٍ نَشٍيٍ نُ دَنشَنِيَشِ عِسَ مَ، عَ عٍ رَتٍ عٍ نُن عِسَ. 
\v 15 مَرِفِ شَ مَسٍنيِ نَن يَ، مُشُ نَشَن قَلَمَ وٌ بّ؛ وٌن تَن نَشٍيٍ حِحّ عَ رَ، مَرِفِ قَ تّمُي نَشٍيٍ لِمَ دُنِحَ مَ، وٌن سِنفٍ شَ مُ تٍمَ مِشِ قَشَشِيٍ بّ. 
\v 16 مَرِفِ يّتّ يَتِ نَن قَمَ فٌرٌدٍ كٍلِ كٌورٍ مَ. يَامَرِ قِمَ نّ شُي عِتٍشِ رَ. مَلٍكّ كُنتِفِ قَمَ نّ عَ شُي عِتٍدٍ. عَلَ شَ سَرَ شُي مِنِمَ نّ. عِسَ شَ دَنشَنِيَتْي نَشٍيٍ بَرَ قَشَ، نٍيٍ نَن سِنفٍ كٍلِمَ. 
\v 17 نَ دَنفِ شَنبِ، وٌن تَن نَشٍيٍ حِحّ لُشِ دُنِحَ، وٌن قَن تٍمَ نّ، وٌن نٍيٍ لِ نُشُي كُي، وٌن بِرِن سَ نَرَلَن مَرِفِ يِرٍ كُيٍ مَ. وٌن لُمَ نّ مَرِفِ سّيتِ مَ سْنْن عَبَدَن. 
\v 18 نَ كُي، وٌ شَ وٌ بٌرٍ رَلِمَنِيَ نَ مَسٍنيِ رَ.
\c 5
\s مَرِفِ قَ لْشْي
\p
\v 1 ﭑ نفَشَكٍرٍنيِيٍ، هَلِ ﭑ مُ سٍسٍ قَلَ وٌ بّ وَشَتِ نُن لْشْييٍ شَ قٍ رَ يِ قٍيٍ سَ رَبَمَ تّمُي نَشّ. 
\v 2 وٌ قَن يَتِ عَ كٌلٌن عَ قَنيِ رَ، عَ مَرِفِ شَ لْشْي قَمَ نّ عَلْ مُحّتِ قَمَ كْي رَ كِ نَشّ. 
\v 3 مِشِيٍ نّ لَنيِ نُن بْحّسَ شَ قٍ قَلَمَ تّمُي نَشّ، فبَلٌي دُ سُمَ عٍ شُن مَ نَ تّمُي نّ، عَلْ قُرُفِنّ دِقُرِ نَ كٍلِ عَ رَ. عٍ مُ تَنفَمَ عَ مَ مُكُ.
\p
\v 4 كْنْ وٌ تَن، نفَشَكٍرٍنيِيٍ، وٌ مُ نَ دِ مِ شَ كُي. نَ لْشْي مُ لَنمَ عَ شَ وٌ تّرّننَ عَلْ مُحّتِ. 
\v 5 وٌ بِرِن قِندِشِ نَءِيَلَنيِ نُن يَنيِ دِيٍ نَن نَ. كْي نُن دِ مِ دِيٍ شَ مُ وٌن نَ. 
\v 6 نَ كُي، وٌن نَشَ شِ عَلْ بٌورٍيٍ. وٌن شَ قٍيٍ رَ سَشَ عَ قَنيِ رَ، وٌن نَشَ يَنقَ. 
\v 7 نَشٍيٍ شِمَ، عٍ شِمَ كْي نَن نَ. نَشٍيٍ سِيسِمَ، عٍ سِيسِمَ كْي نَن نَ. 
\v 8 وٌن تَن نَشٍيٍ قِندِشِ يَنيِ مِشِيٍ رَ، وٌن شَ مّينِ وٌن يّتّ مَ. وٌن شَ دَنشَنِيَ نُن شَنُنتٍيَ رَ سَبَتِ، وٌن شَ وٌن شَشِلِ تِ كِسِ رَ. نٍيٍ تِدٍ لُمَ نّ وٌن بّ عَلْ كَنكٍ مَكَنتَسٍ نُن شُن مَكَنتَسٍ تِدٍ لُمَ فٍرٍ سٌي بّ كِ نَشّ. 
\v 9 عَلَ مُ عَ رَفِرِشِ وٌن مَ، عَ شَ شْنّ شَ وٌن لِ. عَ عَ رَفِرِشِ نّ وٌن تَن شَ كِسِ نَن سْتْ مَرِفِ عِسَ سَابُي رَ، عَلَ شَ مِشِ سُفَندِشِ 
\v 10 نَشَن قَشَ وٌن مَ قٍ رَ. نَ نَن عَ تٌشِ، شَ مُشُ حِحّ نَن عَ رَ، شَ مُشُ قَشَشِ نَن عَ رَ، مُشُ قَمَ نّ سَبَتِدٍ عَ عِ. 
\v 11 نَ كُي، وٌ شَ وٌ بٌرٍ رَلِمَنِيَ، وٌ شَ وٌ بٌرٍ سّنبّ سٌ عَلْ وٌ دَرِشِ عَ رَبَ رَ كِ نَشّ.
\s مَرَ سِ نُن شّيبُي دْنشْي
\p
\v 12 ﭑ نفَشَكٍرٍنيِيٍ، مُشُ بَرَ وٌ مَيَندِ وٌ شَ مِشِيٍ بِنيَ نَشٍيٍ نَ وَلِقٍ وٌ تَفِ، وٌ رَ سِقٍ نُن وٌ رَحّرّقٍ رَ مَرِفِ شَ قٍ كُي. 
\v 13 وٌ شَ عٍ بِنيَ عَ قَنيِ رَ شَنُنتٍيَ كُي عٍ شَ وَلِ شَ قٍ رَ.
\p لَنيِ نَن شَ لُ وٌ شَ دَنشَنِيَتْي حَمَ تَفِ.
\p
\v 14 ﭑ نفَشَكٍرٍنيِيٍ، مُشُ مَن بَرَ وٌ مَشَندِ، وٌ شَ تُننَشْنّيٍ رَ سِ، وٌ شَ لِمَنِيَتَرٍيٍ رَلِمَنِيَ، وٌ شَ سّنبّتَرٍيٍ مَلِ، وٌ دِحّ مِشِ بِرِن بّ.
\p
\v 15 وٌ شَ عَ مَتٌ عَ قَنيِ رَ مِشِ يٌ نَشَ قٍ كٌبِ حْشْ قٍ كٌبِ رَ. وٌ شَ نُ قٍ قَنيِ نَن تُن نَبَ وٌ بٌرٍ بّ، عَ نُن مِشِ بِرِن بّ.
\q
\v 16 وٌ شَ سّيوَ تّمُي بِرِن.
\q
\v 17 وٌ شَ عَلَ مَشَندِ وَشَتِ بِرِن.
\q
\v 18 وٌ شَ عَلَ تَنتُ قٍ بِرِن كُي. نَ قِندِشِ عَلَ سَفٌ نَن نَ وٌ بّ، وٌ تَن نَشٍيٍ دَنشَنِيَشِ عَ شَ مِشِ سُفَندِشِ عِسَ مَ.
\q
\v 19 وٌ نَشَ عَلَ شَشِلِ سّنِيّنشِ شْلْن نَفٌرٌ.
\q
\v 20 وٌ نَشَ وٌ تُلِ شْرْشْ نَمِحْنمّيٍ شَ مَسٍنيِيٍ مَ،
\q
\v 21 كْنْ وٌ شَ قٍ بِرِن مَتٌ عَ قَنيِ رَ.
\q شَ قٍقٍ قَن، وٌ شَ نَ سُشُ فبٍن.
\q
\v 22 شَ قٍقٍ كٌبِ، وٌ شَ وٌ مَكُيَ نَ رَ ثٌن!
\p
\v 23 عَلَ شَ وٌ رَ سّنِيّن عَ كِ نُن عَ كّحَ مَ، عَ تَن عَلَ نَشَن بْحّسَ قِمَ. عَلَ شَ وٌ شَشِلِ نُن وٌ نِي نُن وٌ قَتٍ رَتَنفَ، مَرَكْرْ سِ يٌ نَشَ لُ وٌ مَ وٌن مَرِفِ عِسَ قَ تّمُي. 
\v 24 نَشَن وٌ شِلِشِ، عَ نَ عَ شُي شَنبِ رَ، عَ قَمَ نّ عَ رَبَدٍ.
\p
\v 25 ﭑ نفَشَكٍرٍنيِيٍ، وٌ عَلَ مَشَندِ مُشُ بّ. 
\v 26 وٌ شَ نفَشَكٍرٍنيِيٍ بِرِن شّيبُ سُنبُي سّنِيّنشِ رَ. 
\v 27 ﭑ بَرَ وٌ يَمَرِ مَرِفِ شِلِ رَ وٌ شَ يِ بَتَاشّ شَرَن نفَشَكٍرٍنيِيٍ بِرِن بّ.
\p
\v 28 عَلَ شَ هِننّ قِ وٌ مَ وٌن مَرِفِ عِسَ سَابُي رَ، عَ شَ مِشِ سُفَندِشِ.