\id 1PE 
\ide UTF-8
\h ثِيّرِ عِ
\toc1 عَلَ شَ مَسٍنيِ سِنفٍ عَننَبِ ثِيّرِ نَشَن سّبّ
\toc2 ثِيّرِ عِ
\mt عَلَ شَ مَسٍنيِ سِنفٍ
\mt عَننَبِ ثِيّرِ نَشَن سّبّ
\imt مَسٍنيِ ندٍ يِ كِتَابُي شَ قٍ رَ
\ip عِسَ شَ شّيرَ ثِيّرِ نَن يِ كِتَابُي سّبّ عِسَيَنكَيٍ مَ، نَشٍيٍ نُ يٍنسٍنشِ يِرٍ وُيَشِ رْ مَ مَنفّيَ بُن مَ. نَ وَشَتِ رْ مَ نُ بَرَ نْ حَمَنّ فبٍفبٍ رَ. رْ مَ نَ حَمَنّ نّينّ مَسْتْ، عَ مُ تٌندِ مَ نَ حَمَنّ شَ عَ فبٍ دِينّ رَبَتُ، كْنْ عَ نُ وَ مَ نّ نَ حَمَنّ شَ رْ مَ شَ كُيٍيٍ قَن بَتُ. عِسَيَنكَيٍ مُ تِن نَ رَبَدٍ عَلَ شَ سّرِيّ شَ قٍ رَ. عٍ نُ عَ كٌلٌن عَلَ كٍرٍن نَن عَ رَ. نَ كُي، رْ مَ مَنفَسَنيِ نَشَ عٍ حَشَنكَتَ عَ حَاشِ رَ.
\ip ثِيّرِ يِ كِتَابُي سّبّشِ نّ، عَلَكٌ عَ شَ عِسَيَنكَيٍ رَلِمَنِيَ نَشٍيٍ نُ نَ نَ تْورّ مْولِ كُي. عَ نَشَ عَ قَلَ عٍ بّ عَ تْورّ نَشَن قَتَنشِ قٍ قَنيِ رَبَقٍ رَ، عَ نَ مُ حَاشُ، يَافِ مُ نَ عَ كُي. عَ مَن نَشَ عِسَ شَ قَشّ مَسٍن عٍ بّ مِسَالِ رَ، عَلَكٌ عٍ شَ عَ كٌلٌن عَلَتَلَ نَ عٍ سّيتِ مَ عٍ شَ تْورّ كُي، عَ مَن قَمَ نّ عٍ رَكٍلِدٍ قَشّ مَ. نَ بِرِن نْمَ قِندِدٍ لِمَنِيَ رَ عِسَيَنكَ بِرِن بّ نَشٍيٍ تْورْ مَ عٍ شَ دَنشَنِيَ شَ قٍ رَ.
\ip ثِيّرِ قٍ فبٍفبٍ مَسٍنمَ دَنشَنِيَتْييٍ بّ عٍ حّرّ كِ شَ قٍ رَ. عَ وٌن يَمَرِ مَ وٌن شَ بِرَ عَلَ شَ سّنِيّنيِ قْشْ رَ. شَ وٌن قِندِشِ عَلَ قْشِرَبِرّيٍ نَن نَ، عَ لَنمَ وٌن شَ حّرّ عَ شَ كِرَ شْن مَ. عَلَ شَ وٌن مَلِ نَ كُي. عَمِنَ.
\imte عَلَ شَ مَسٍنيِ سِنفٍ
\imte عَننَبِ ثِيّرِ نَشَن سّبّ
\cl سٌرَ
\c 1
\s شّيبُي
\p
\v 1 ﭑ تَن ثِيّرِ، عَلَ شَ مِشِ سُفَندِشِ عِسَ شَ شّيرَ، ﭑ بَرَ وٌ شّيبُ يِ سّبّلِ رَ، وٌ تَن مِشِ سُفَندِشِ نَشٍيٍ يٍنسٍنشِ حَمَنّيٍ مَ عَلْ ثٌنتُ، فَلَتِ، كَثَدٌ سٍ، عَسِ، نُن بِتِنِيَ، عٍ قِندِ شْحّيٍ رَ دّننَشّ. 
\v 2 بَبَ عَلَ نُ بَرَ وٌ سُفَندِ كَبِ عَ رَكُيَ عَلْ عَ نُ وَ مَ عَ شْن مَ كِ نَشّ. عَ شَشِلِ بَرَ وٌ رَ سّنِيّن، عَلَكٌ وٌ شَ عَلَ شَ مِشِ سُفَندِشِ عِسَ شُي رَتِنمّ، وٌ مَن شَ سّنِيّن عَ وُلِ سَابُي رَ. عَلَ شَ هِننّ نُن بْحّسَ شَ فبٌ وٌ يِ رَ.
\s عَلَ شَ كِسِ
\p
\v 3 تَنتُي نَ عَلَ بّ، وٌن مَرِفِ عِسَ عَلَ شَ مِشِ سُفَندِشِ بَبَ. عَ بَرَ كِنِكِنِ وٌن مَ، عَ عَ نِيَ وٌن شَ بَرِ عَ نّينّ رَ عِسَ شَ مَرَكٍلِ سَابُي رَ. عَ تٌ عِسَ رَكٍلِ قَشّ مَ، عَ نَشَ عَ نِيَ وٌن قَن شَ عَ كٌلٌن كِسِ نَ وٌن بّ يَرٍ. 
\v 4 نَ كِسِ قِندِشِ كّ سّنِيّنشِ نَن نَ نَشَن مُ حْنمَ، نَشَن مُ كَنَمَ، نَشَن نَفَتَشِ وٌن بّ عَرِيَننَ كُي. 
\v 5 وٌ تٌ دَنشَنِيَشِ عَلَ مَ، عَ وٌ مَكَنتَمَ نّ عَ سّنبّ رَ، عَلَكٌ وٌ شَ كِسِ سْتْ، عَ قَمَ نَشَن نَمِنِدٍ وٌ مَ وَشَتِ دْنشْي.
\p
\v 6 نَ كُي، سّيوّ نَ وٌ بّ، هَلِ وٌ تٌ نَ تْورّ مْولِ بِرِن كُي يِ سَشَنيِ. 
\v 7 نَ قٍ شْرْشْييٍ عَ نِيَمَ نّ قٍ حَاشِ بِرِن شَ بَ وٌ شَ دَنشَنِيَ كُي، عَ شَ قِندِ دَنشَنِيَ سَبَتِشِ رَ. عَ مَنِيَشِ شّيمَ نَن نَ نَشَن فبِ بَمَ تّ رَ. وٌ شَ دَنشَنِيَ تِدٍ فبٌ شّيمَ بّ. عَلَ شَ مِشِ سُفَندِشِ عِسَ نَ قَ، عَ وٌ مَتْشْمَ نّ، عَ وٌ شُن نَكٍلِمَ نّ، عَ وٌ بِنيَمَ نّ وٌ شَ دَنشَنِيَ شَ قٍ رَ. 
\v 8 وٌ بَرَ عِسَ شَنُ، هَلِ وٌ تٌ مُ عَ تٌشِ. هَلِ وٌ تٌ مُ عَ تٌشِ قَ، وٌ لَمَ عَ رَ. سّيوّ شُنفبٍ نَشَن تَفِ مُ نْمَ رَبَدٍ، عَ بَرَ فبٌ يّ وٌ يِ، 
\v 9 بَرِ مَ وٌ بَرَ كِسِ سْتْ، وٌ شَ دَنشَنِيَ نُ وَ مَ نَشَن شْن.
\s نَمِحْنمّيٍ شَ مَسٍنيِ
\p
\v 10 نَمِحْنمّيٍ يَتِ نُ كَتَمَ كِ قَنيِ رَ نَ كِسِ شَ قٍ كٌلٌنقٍ وٌ نَشَن سْتْشِ عَلَ شَ هِننّ سَابُي رَ. 
\v 11 عٍ نُ وَ مَ نَ كِسِ قَ تّمُي نُن عَ قَ كِ كٌلٌنقٍ عَلَ شَ مِشِ سُفَندِشِ شَشِلِ نَشَن شَ قٍيٍ مَسٍن عٍ بّ. نَ شَشِلِ نَشَن نُ سَبَتِشِ عٍ عِ، عَ نَشَ عَلَ شَ مِشِ سُفَندِشِ شَ تْورّ نُن عَ شَ شُننَكٍلِ مَسٍن عٍ بّ بٍينُن نٍيٍ شَ رَبَ. 
\v 12 عَلَ عَ مَسٍن نّ نَمِحْنمّيٍ بّ، عَ عٍ مُ نُ نَ شّيرَ عِبَقٍ عٍ شَ وَشَتِ مِشِيٍ شَ بّ. عٍ نُ نَ عَ عِبَقٍ وٌ تَن نَن بّ. عٍ شّيرَ نَشَن عِبَشِ، مِشِ فبّتّيٍ بَرَ نَ شِبَارُ قَنيِ تِ وٌ بّ عَلَ شَشِلِ سّنِيّنشِ سَابُي رَ، نَشَن كٍلِشِ كٌورٍ مَ. هَلِ مَلٍكّيٍ يَتِ وَ مَ نَ مَسٍنيِ كٌلٌنقٍ.
\s دَنشَنِيَتْي شَ سّنِيّنيِ
\p
\v 13 نَ نَن عَ رَ، عَ لَن وٌ شَ وٌ شَشِلِ يَءِلَن قٍ مَ وٌ نَشَن نَبَمَ، وٌ شَ وٌ حْشْ سَ وٌ يّتّ شْن مَ، وٌ شَ وٌ شَشِلِ بِرِن تِ عَلَ شَ هِننّ رَ، عَ نَشَن قِمَ وٌ مَ عَلَ شَ مِشِ سُفَندِشِ عِسَ قَ لْشْي. 
\v 14 وٌ نَشَ بِرَ وٌ وَشْنقٍ حَاشِ قْشْ رَ عَلْ وٌ نُ عَ رَبَمَ كِ نَشّ بٍينُن وٌ شَ عِسَ كٌلٌن. وٌ شَ وٌ بَبَ عَلَ شُي رَبَتُ. 
\v 15 وٌ حّرّ كِ شَ سّنِيّن عَلْ عَلَ نَشَن وٌ شِلِشِ عَ سّنِيّنشِ كِ نَشّ. 
\v 16 عَ سّبّشِ كِتَابُي كُي، «وٌ شَ سّنِيّن، بَرِ مَ ﭑ تَن سّنِيّن.» 
\v 17 وٌ نّ عَلَ مَشَندِ مَ، وٌ عَ قَلَمَ عَ بّ عَ وٌ بَبَ، عَلَ نَشَن مِشِ بِرِن مَكِيتِمَ عَ وَلِ رَ تِنشِنيِ رَ. نَ كُي، وَشَتِ دْنشْي نَشَن لُشِ وٌ بّ يِ دُنِحَ بّندّ قُحِ قَرِ، وٌ عَ مَسٍن وٌ حّرّ كِ مَ عَ وٌ عَ بِنيَشِ.
\p
\v 18 وٌ شُن مُ سَرَشِ سٍ رَ نَشَن كَنَمَ عَلْ شّيمَ نُن فبٍتِ. عَلَ بَرَ وٌ رَتَنفَ وٌ بَبَيٍ حّرّ كِ كٌبِ مَ. 
\v 19 وٌ شُنسَرَشِ عَلَ شَ مِشِ سُفَندِشِ وُلِ نَن نَ، نَشَن بَشِ سّرّشّ رَ، عَلْ يّشّي قَنيِ لَنيُرُ يٌ مُ نَ نَشَن مَ. 
\v 20 عَلَ نُ بَرَ عَ سُفَندِ بٍينُن دُنِحَ شَ دَا، كْنْ عَ نَشَ عَ مَسٍن دُنِحَ بّ يِ وَشَتِ دْنشْي وٌ تَن نَن شَ قٍ رَ. 
\v 21 وٌ دَنشَنِيَشِ عَلَ مَ عَ تَن نَن سَابُي رَ، عَلَ نَشَن نَكٍلِ قَشّ مَ، عَ قَ عَ شُن نَكٍلِ. نَ كُي، وٌ لَ عَلَ رَ، وٌ شَ وٌ شَشِلِ تِ عَ رَ.
\p
\v 22 وٌ تٌ بِرَ نْندِ قْشْ رَ، وٌ بَرَ سّنِيّن، شَنُنتٍيَ قِيشّ بَرَ لُ وٌ بْحّ مَ وٌ نفَشَكٍرٍنيِيٍ بّ. نَ نَ عَ رَ وٌ شَ وٌ بٌرٍ شَنُ وٌ بْحّ بِرِن نَ. 
\v 23 وٌ بَرَ بَرِ عَ نّينّ رَ عَلَ شَ مَسٍنيِ سَابُي رَ. نَ مَسٍنيِ مِسَالِشِ سَنسِ شْرِ نَن نَ، نَشَن مُ كَنَمَ عَبَدَن. عَ مُ كَنَمَ عَلْ سَنسِ شْرِ بٌورٍ نَشَن سَمَ بْشِ مَ. 
\v 24 عِبُنَدَ مَ مِسَالِشِ سَنسِ نَن نَ. عَ شَ نْرّ لُشِ عَلْ سَنسِ قُفَشِ. سَنسِ تَن لِسِمَ نّ، عَ قُفٍ قَ بِرَ، 
\v 25 كْنْ مَرِفِ شَ مَسٍنيِ تَن بُمَ عَبَدَن. نَ مَسٍنيِ نَن قِندِشِ شِبَارُ قَنيِ رَ نَشَن عِبَشِ وٌ بّ.
\c 2
\s عَلَ شَ حَمَ
\p
\v 1 وٌ شَ قٍ حَاشِ، وُلٍ، قِلَنكَقُيحَ، مِلَنتٍيَ، نُن شِلِ كَنّ بّحِن. 
\v 2 وٌ شَ بِرَ عَلَ شَ مَسٍنيِ قْشْ رَ عَلْ دِيْرّ وَ مَ شِحّ شْن كِ نَشّ. نَ نْمَ عَ نِيَدٍ وٌ شَ كِسِ شَ سَبَتِ، 
\v 3 بَرِ مَ وٌ بَرَ عَلَ شَ هِننّ كٌلٌن.
\p
\v 4 وٌ وٌ مَكْرّ عِسَ رَ نَشَن مِسَالِشِ فّمّ كّندّ رَ بَنشِ تِمَ نَشَن قَرِ. عَدَ مَدِيٍ بَرَ مّي عَ رَ، كْنْ عَلَ تَن نَ فّمّ نَن سُفَندِشِ بَرِ مَ عَ رَقَن عَ مَ كِ قَنيِ رَ. 
\v 5 وٌ قَن مِسَالِشِ فّمّ كّندّيٍ نَن نَ نَشٍيٍ تِشِ عَلَ شَشِلِ شَ بَنشِ رَ. وٌ بَرَ قِندِ سّرّشّدُبّ سّنِيّنشِيٍ رَ عَلَكٌ وٌ شَ وٌ بْحّ بَ سّرّشّ رَ عَلَ شَ مِشِ سُفَندِشِ عِسَ سَابُي رَ. نَ نَن نَقَن عَلَ مَ.
\p
\v 6 عَ سّبّشِ كِتَابُي كُي،
\q «ﭑ بَرَ فّمّ ندٍ سُفَندِ، نَشَن تِدٍ فبٌ.
\q ﭑ عَ دْشْمَ سِيٌنِ نّ، عَ قِندِ تُشُي فّمّ نَن نَ.
\q نَشَن لَمَ عَ رَ،
\q نَ كَنيِ مُ يَافِمَ.»
\p
\v 7 وٌ تَن نَشٍيٍ دَنشَنِيَشِ، نَشٍيٍ لَمَ عَ رَ عَ نَ فّمّ سُفَندِشِ تِدٍ فبٌ، شُننَكٍلِ نَ وٌ بّ. كْنْ يِ مَسٍنيِ سّبّشِ دَنشَنِيَتَرٍيٍ نَن بّ،
\q «بَنشِتِيٍ مّي فّمّ نَشَن نَ،
\q نَ نَن قِندِشِ فّمّ كّندّ رَ بَنشِ تُشُي مَ.»
\m
\v 8 عَ مَن مَسٍنشِ،
\q «مِشِيٍ عٍ سَنيِ رَدِنمَ نَ فّمّ رَ، عٍ قَ بِرَ.»
\m عٍ بِرَ مَ نّ بَرِ مَ عٍ مُ تِنمَ عَلَ شَ مَسٍنيِ رَتِنمّدٍ. عَلَ بَرَ نَ رَفِرِ عٍ مَ. 
\v 9 كْنْ عَلَ وٌ بْنسْي نَن سُفَندِشِ، عَ شَ قِندِ مَنفّ شَ سّرّشّدُبّيٍ رَ. عَ وٌ سِ رَ سّنِيّن، عَ وٌ شُنسَرَ. عَ نَشَ وٌ رَ مِنِ دِ مِ كُي، وٌ شَ لُ عَ شَ نْرّ بُن مَ. عَ نَ بِرِن نَبَ نّ عَلَكٌ وٌ شَ عَ مَتْشْ دُنِحَ مَ. 
\v 10 سِنفٍ وٌ مُ نُ قِندِشِ سِ رَ، كْنْ يَكْسِ وٌ بَرَ قِندِ عَلَ شَ حَمَ رَ. سِنفٍ عَلَ مُ نُ كِنِكِنِشِ وٌ مَ، كْنْ يَكْسِ عَ شَ كِنِكِنِ بَرَ كَمَلِ وٌ بّ.
\p
\v 11 ﭑ شَنُنتٍنيِيٍ، وٌ شَ لِمَنِيَ. وٌ نَشَ بِرَ دُنِحَ قٍيٍ قْشْ رَ، بَرِ مَ نٍيٍ وٌ بَمَ عَلَ شَ كِرَ نَن شْن مَ. بٍكَيٍ مُ نَ وٌ رَ. وٌ شْنيِ مُ نَ يِ دُنِحَ بّندّ قُحِ قَرِ شَ رَ. 
\v 12 وٌ شَ دُنِحَ مِشِيٍ شَ تْوحّفّ شُن نَكَنَ وٌ شَ وَلِ قَنيِ سَابُي رَ، عَلَكٌ عٍ قَن شَ عَلَ مَتْشْ لْشْي دْنشْي مَ.
\s مَنفَسَنيِ
\p
\v 13 وٌ وٌ يّتّ مَفٌرٌ دُنِحَ مَنفّ بِرِن بّ مَرِفِ شَ قٍ رَ. يَامَرِ سٌشِ عٍ تَن نَن يِ، عَ قِندِ مَنفّ شُنفبٍ رَ، 
\v 14 عَ قِندِ مَنفّ شَ شّيرَيٍ رَ، عَلْ فٌمِنَ. عٍ قٍ كٌبِ رَبَيٍ مَكِيتِمَ، عٍ قٍ قَنيِ رَبَيٍ مَتْشْ. 
\v 15 عَلَ وَ مَ نّ وٌ شَ شَشِلِتَرٍيٍ دّ بَلَن وٌ شَ وَلِ قَنيِ سَابُي رَ. 
\v 16 وٌ شَ حّرّ عَلْ مِشِ نَشٍيٍ بَرَ شْرّيَ سْتْ، كْنْ نَ شْرّيَ نَشَ عَ نِيَ وٌ شَ لُ قٍ حَاشِ كُي. وٌ شَ قِندِ عَلَ شَ كٌنيِيٍ رَ. 
\v 17 وٌ شَ مِشِ بِرِن بِنيَ. وٌ شَ وٌ نفَشَكٍرٍنيِيٍ شَنُ. وٌ شَ فَاشُ عَلَ يَ رَ. وٌ شَ مَنفّ شُنفبٍ بِنيَ.
\s عِسَ شَ تْورّ مِسَالِ
\p
\v 18 كٌنيِيٍ، وٌ شَ وٌ يّتّ مَفٌرٌ وٌ مَرِفِيٍ بّ بِنيّ كُي، هَلِ عٍ قِندِ مِشِ شَ قٍ مَشْرْشْشِ رَ. وٌ نَشَ مِشِ قَنيِيٍ شَ فبَنسَن شُي رَتِنمّ، 
\v 19 بَرِ مَ قٍ قَنيِ نَن عَ رَ تِنقٍ عٍ شَ عِ تْورْ تِنشِنتَرٍيَ رَ عَلَ شَ قٍ رَ. 
\v 20 شَ وٌ تْورّ ندٍ سْتْ وٌ شَ وَلِ كٌبِ شَ قٍ رَ، قٍ قَنيِ مُ عَ رَ. كْنْ شَ وٌ تْورّ ندٍ سْتْ وٌ شَ قٍ قَنيِ شَ قٍ رَ، عَلَ نَ كٌلٌنمَ نّ وٌ بّ.
\p
\v 21 وٌ شِلِشِ نَ نَن مَ، بَرِ مَ عِسَ قَن تْورْ نّ وٌ بّ، نَ قَ قِندِ مِسَالِ رَ وٌ بّ وٌ بِرَ مَ نَشَن قْشْ رَ. 
\v 22 «عَ مُ يُنُبِ رَبَ، عَ مُ وُلٍ قَلَ.» 
\v 23 عٍ تٌ عَ كٌنبِ، عَ مُ عَ فبٍحْشْ. عٍ تٌ عَ تْورْ، عَ مُ وْيّن شْرْشْي قَلَ. عَ نَشَ كِيتِ سٌ كِيتِسَ تِنشِنشِ يِ رَ. 
\v 24 عَ نَشَ قَشَ وُرِ مَفَلَنبُشِ مَ وٌن مَ يُنُبِيٍ شَ قٍ رَ، عَلَكٌ وٌن شَ قٍ حَاشِ لُ نَ، وٌن شَ حّرّ تِنشِنيِ كُي. عَ شَ قِيٍ نَن وٌ رَيَلَنشِ. 
\v 25 وٌ نُ لُشِ نّ عَلْ شُرُ سٍ رَبّحِنشِيٍ، كْنْ يَكْسِ وٌ بَرَ فبِلٍن وٌ كَنتَمَ مَ، نَشَن عَ حْشْ سَشِ وٌ نِي شْن مَ.
\c 3
\s قُتِ شِرِ
\p
\v 1 وٌ تَن فِنّيٍ، وٌ قَن شَ وٌ يّتّ مَفٌرٌ وٌ شَ مْرِيٍ بّ، عَلَكٌ وٌ شَ مْرِ دَنشَنِيَتَرٍيٍ شَ نْ دَنشَنِيَدٍ وٌ تَن عٍ شَ فِنّيٍ وَلِ كِ سَابُي رَ، هَلِ وٌ مُ سٍسٍ قَلَ عٍ بّ، 
\v 2 عٍ شَ وٌ شَ مَرَ سّنِيّنيِ نُن يَرَفَاشُي فبَنسَن تٌ.
\p
\v 3 فِنّيٍ، وٌ نَشَ كَتَ وٌ يّتّ رَيَبُدٍ شُنمَسٍيٍ رَ، عَلْ شُن دّنبّ، تُلِرَ سٌي شّيمَ دَاشِ، شَ نَ مُ دُفِ تٌقَنيِيٍ. 
\v 4 فِنّيٍ شَ تٌقَنيِ شَ قِندِ بْحّ قَنيِ نَن نَ. تٌقَنيِ نَن نَ كِ نَشَن مُ كَنَمَ. نَ نَن تِدٍ فبٌ عَلَ بّ. 
\v 5 سِنفٍ رَ فِنّ سّنِيّنشِيٍ نُ نَ كِ نّ. عٍ شَشِلِ نُ تِشِ عَلَ رَ، عٍ عٍ يّتّ مَفٌرٌشِ عٍ شَ مْرِيٍ بّ، 
\v 6 عَلْ سَرَ نَشَن نُ عِبُرَهِمَ شُي رَبَتُمَ، عَ نُ قَ عَ شِلِ «ن مَرِفِ». وٌ قِندِشِ عَ تَن نَن بْنسْي رَ، شَ وٌ قٍ قَنيِ رَبَ، وٌ مُ تِن فَاشُي يٌ شَ وٌ شَشِلِ يَ عِسٌ.
\p
\v 7 وٌ تَن قَن، شّمّيٍ، وٌ نُن وٌ شَ فِنّيٍ، وٌ شَ لُ لَنيِ كُي. وٌ شَ وٌ بٌرٍ قَهَامُ. شّمّ شَ عَ كٌلٌن عَ عَ سّنبّ فبٌ عَ شَ فِنّ بّ. شّمّيٍ شَ فِنّيٍ بِنيَ بَرِ مَ وٌ بِرِن نَن كّ كٍرٍن تٌنفٌمَ، نَشَن قِندِ كِسِ رَ، عَلَ نَشَن قِمَ عَ شَ قٌنِسِرٍيَ كُي. وٌ شَ وٌ شَ فِنّيٍ بِنيَ، عَلَكٌ عَلَ شَ وٌ شَ مَشَندِ سُشُ.
\s شَنُنتٍيَ
\p
\v 8 وٌ شَ لَن وٌ بٌرٍ مَ، وٌ شَ وٌ بٌرٍ قَهَامُ. نفَشَكٍرٍنيَ شَنُنتٍيَ شَ لُ وٌ تَفِ. وٌ كِنِكِنِ وٌ بٌرٍ مَ، وٌ مَن شَ وٌ يّتّ مَفٌرٌ وٌ بٌرٍ بّ. 
\v 9 وٌ نَشَ قٍ حَاشِ حْشْ قٍ حَاشِ رَ، وٌ نَشَ كٌنبِ حْشْ كٌنبِ رَ. وٌ لَن نّ وٌ شَ دُبَ وٌ بٌرٍ بّ، بَرِ مَ وٌ شِلِشِ نَ نَن مَ، عَلَكٌ وٌ شَ دُبّ سْتْ كّ رَ. عَ سّبّشِ كِتَابُي كُي،
\q
\v 10 «نَشَن وَ مَ سِمَيَ حْشُنمّ شْن مَ،
\q هّيرِ فبٌ نَشَن كُي،
\q نَ كَنيِ نَشَ قٍ كٌبِ قَلَ،
\q وُلٍ نَشَ مِنِ عَ دّ كُي.
\q
\v 11 عَ شَ فبِلٍن قٍ حَاشِ قْشْ رَ.
\q عَ حّرّ كِ شَ قَن.
\q عَ شَ بِرَ بْحّسَ قْشْ رَ تُننَبّشِ كُي،
\q
\v 12 بَرِ مَ مَرِفِ يَ تِشِ تِنشِنتْييٍ نَن نَ،
\q عَ تُلِ مَتِشِ عٍ شَ مَشَندِ رَ.
\q كْنْ، عَ عَ كٌبٍ رَ سٌشِ نّ قٍ كٌبِ رَبَيٍ تَن نَ.»
\s كَوَندِ تِقٍ
\p
\v 13 ندٍ نْمَ وٌ تْورْدٍ شَ قٍ قَنيِ رَبَقٍ بَرَ وٌ بْحّ سُشُ؟ 
\v 14 هَلِ وٌ تْورْ تِنشِنيِ شَ قٍ رَ، وٌ هّيرِ نَن سْتْمَ. وٌ نَشَ فَاشُ قٍ يَ رَ دُنِحَ مِشِيٍ فَاشُمَ نَشَن يَ رَ، وٌ بْحّ نَشَ عِقُ. 
\v 15 كْنْ وٌ شَ عَلَ شَ مِشِ سُفَندِشِ قِندِ وٌ مَرِفِ رَ وٌ بْحّ كُي. وٌ شَ قَتَ عَ شَ قٍ تَفِ رَبَدٍ مِشِيٍ بّ وٌ لَشِ وٌ شَ كِسِ رَ قٍ نَشَن مَ، 
\v 16 كْنْ وٌ شَ نَ مَسٍنيِ تِ دْيِندْيِن بِنيّ كُي. وٌ شَ نَ رَبَ بْحّ قِيشّ رَ عَلَكٌ وٌ يَشُي نَشٍيٍ وٌ تْوحّفّمَ عَلَ شَ مِشِ سُفَندِشِ شَ قٍ رَ، عٍ شَ لُ يَافِ كُي. 
\v 17 شَ عَلَ عَ رَفِرِ مَ، عَ قِسَ عِ شَ تْورْ قٍ قَنيِ شَ قٍ رَ، دِنّ عِ شَ تْورْ قٍ حَاشِ شَ قٍ رَ.
\p
\v 18 عِسَ تِنشِنتْي قَن قَشَ نّ كٍرٍنيِ رَ تِنشِنتَرٍيٍ شَ يُنُبِيٍ شَ قٍ رَ، عَلَكٌ عَ شَ وٌ مَسٌ عَلَ رَ. عٍ نَشَ عَ قَتٍ قَشَ، كْنْ عَلَ شَشِلِ نَشَ عَ نِي رَفبِلٍن عَ مَ. 
\v 19 عَلَ شَشِلِ سِفَ نّ كَوَندِ تِدٍ مِشِيٍ بّ نَشٍيٍ نُ نَ فٍيلِ كُي لَاشِرَ، نَشٍيٍ سِنفٍ نُ بَرَ تٌندِ عَلَ شُي رَتِنمّدٍ. 
\v 20 عَلَ نُ نَ عٍ مَمّقٍ عَننَبِ نُهَ نُ كُنكُي بَنبَنمَ تّمُي نَشّ. مِشِ سٌلٌمَسَشَن فبَنسَن نَن كِسِ كُنكُي كُي يٍ مَ. 
\v 21 نَ قٍ بَرَ قِندِ مِسَالِ رَ دَنشَنِيَتْي شُنشَ قٍ رَ، نَشَن مِشِ رَكِسِمَ يِ وَشَتِ عَلَ شَ مِشِ سُفَندِشِ عِسَ شَ مَرَكٍلِ سَابُي رَ. نَ شُنشَقٍ يٍ شْورَ، عَ مُ نْشْي بَمَ مِشِ قَتٍ، كْنْ عَ قِندِ مَ نَتّ تٌنفٌي نَن نَ عَلَ مَبِرِ. 
\v 22 عِسَ بَرَ تٍ عَلَ يِرٍقَنيِ مَ عَرِيَننَ. مَلٍكّيٍ، حِننّيٍ، نُن سّنبّمَيٍ بِرِن نَ عَ شَ يَامَرِ بُن مَ.
\c 4
\s كّحَ مَسَرَقٍ
\p
\v 1 عِسَ شَ تْورّ دُنِحَ بّندّ قُحِ قَرِ، عَ شَ قِندِ مِسَالِ رَ وٌ بّ، نَشَن عَ نِيَمَ وٌ شَ لِمَنِيَ. دَنشَنِيَتْي نَشَن قَتٍ حَشَنكَتَمَ، نَ بَرَ يُنُبِ قٍ لُ نَ. 
\v 2 نَ كُي، عَ بَرَ دُنِحَ وَشْنقٍ لُ نَ، عَ شَ بِرَ عَلَ وَشْنقٍ قْشْ رَ عَ شَ سِمَيَ كُي نَشَن لُشِ. 
\v 3 وٌ تّمُي نَشَن نَبَشِ دُنِحَ وَشْنقٍ قْشْ رَ، نَ بَرَ وَ سَكّ. وٌ بَرَ بُ دُنِحَ قٍ كٌبِ كُي عَلْ يّنّ رَبَقٍ، سِيسِقٍ، شُلُنيِ حَاشِ، بٍيرٍ مِنقٍ، نُن كُيٍ بَتُقٍ، نَشَن قِندِشِ قٍ حَاشِ رَ. 
\v 4 دُنِحَ مِشِيٍ دّ بَرَ عِشَرَ، بَرِ مَ وٌ مُ بِرَ مَ عٍ قْشْ رَ سْنْن نَ دُنِحَ قٍيٍ رَبَدٍ. نَ كُي، عٍ وٌ شِلِ كَنَمَ، 
\v 5 كْنْ عٍ دّنتّفّ سَمَ نّ كِيتِسَ بّ، نَشَن قَمَ مِشِ بَلٌشِيٍ نُن قَشَمِشِيٍ مَكِيتِدٍ. 
\v 6 نَ نَن عَ رَ، عَلَ شَ شِبَارُ قَنيِ نَشَ عِبَ قَشَمِشِيٍ قَن بّ، عَلَكٌ عَلَ شَ عٍ نِي رَكِسِ، هَلِ مِشِيٍ تٌ بَرَ فّ عٍ قَتٍ تَن مَكِيتِدٍ.
\s وٌ بٌرٍ مَلِقٍ
\p
\v 7 لْشْ دْنشْي بَرَ مَكْرّ. وٌ شَ وٌ شَشِلِ رَشَرَ، وٌ شَ وٌ يّتّ سُشُ، عَلَكٌ وٌ شَ نْ عَلَ مَشَندِدٍ. 
\v 8 عَ فبٍنفبٍنيِ وٌ شَ وٌ بٌرٍ شَنُ عَ قَنيِ رَ، بَرِ مَ شَنُنتٍيَ يُنُبِ فبٍفبٍ نَن مَكٌتٌمَ. 
\v 9 وٌ شَ وٌ بٌرٍ رَ سّنّ بْحّ قَنيِ رَ، هَلِ وٌ مُ عَ قِندِ وْيّن شُنشُرِ رَ. 
\v 10 عَلَ هِننّشِ وٌ رَ كِ نَشّ، وٌ قَن شَ هِننّ وٌ بٌرٍ رَ نَ كِ نّ، عَلَكٌ وٌ شَ قِندِ عَلَ شَ وَلِكّ قَنيِيٍ رَ، نَشٍيٍ عَ شَ هِننّ عِتَشُنمَ. 
\v 11 شَ مِشِ وَ مَ مَسٍنيِ ندٍ تِقٍ، عَ شَ عَلَ شَ مَسٍنيِ تِ. شَ مِشِ وَ مَ عَ بٌورٍ مَلِقٍ، عَ شَ نَ رَبَ عَلَ سّنبّ رَ، عَلَكٌ عَلَ شَ مَتْشْي سْتْ عَ شَ مِشِ سُفَندِشِ عِسَ سَابُي رَ. مَتْشْي نُن سّنبّ نَ عَ بّ عَبَدَن. عَمِنَ.
\s عِسَيَنكَيٍ شَ تْورّ
\p
\v 12 ﭑ شَنُنتٍنيِيٍ، نَ حَشَنكَتّ نَشَ وٌ تّرّننَ، وٌ نَشَن تٌقٍ. قٍ نّينّ مُ عَ رَ. 
\v 13 تْورْقٍ عَلْ عَلَ شَ مِشِ سُفَندِشِ تْورْ كِ نَشّ، نَ شَ قِندِ سّيوّ رَ وٌ بّ، عَلَكٌ وٌ مَن شَ حّلّشِن عَ شَ نْرّ مَسٍن لْشْي. 
\v 14 شَ عٍ وٌ كٌنبِ عَلَ شَ مِشِ سُفَندِشِ شِلِ شَ قٍ رَ، هّيرِ نَ وٌ بّ، بَرِ مَ عَلَ شَشِلِ نْرْشِ نَ وٌ مَ. 
\v 15 وٌ نَشَ حَشَنكَتّ سْتْ نِي بَقٍ مَ، مُحّ تِقٍ مَ، قٍ كٌبِ رَبَقٍ مَ، شَ نَ مُ عَ رَ نَاقِشِيَ مَ. 
\v 16 كْنْ شَ وٌ حَشَنكَتّ سْتْ بَرِ مَ عِسَيَنكَيٍ نَن وٌ رَ، وٌ نَشَ يَافِ، وٌ شَ عَلَ مَتْشْ عِسَيَنكَ شِلِ شَ قٍ رَ.
\p
\v 17 حَشَنكَتّ وَشَتِ بَرَ وَ قْلْقٍ عَلَ شَ حَمَ مَ. شَ عَ قْلْ وٌن تَن مَ، عَ رَحْنمَ دَنشَنِيَتَرٍيٍ مَ دِ؟ 
\v 18 «شَ تِنشِنتْي كِسِقٍ شْرْشْ، عَلَ كٌلٌنتَرٍ نُن يُنُبِتْي تَن لُمَ دِ؟» 
\v 19 مِشِ نَشٍيٍ حَشَنكَتَمَ، بَرِ مَ عٍ نَ عَلَ وَشْنقٍ رَبَقٍ، عٍ شَ عٍ شَشِلِ تِ عٍ دَالِ مَنفّ رَ نَشَن شَ لَنلَنتٍيَ مُ كَنَمَ.
\c 5
\s مَرَ سِيٍ
\p
\v 1 دَنشَنِيَتْي كُنتِفِيٍ، ﭑ بَرَ وٌ رَلِمَنِيَ. كُنتِفِ نَن ﭑ قَن نَ عَلْ وٌ تَن. ﭑ سٍيدٍحْشْيَ بَمَ عِسَ شَ تْورّ شَ قٍ رَ. عِسَ نَ قَ عَ شَ نْرّ مَسٍندٍ دُنِحَ بّ، ﭑ قَن عَ سْتْمَ نّ. 
\v 2 وٌ شَ وٌ حّنفِ سَ عَلَ شَ حَمَ شْن مَ نَشَن نَ وٌ شَ كَنتَرِ بُن مَ، عَلْ شُرُ سٍ كَنتّ مّينِمَ عَ شَ فْورّ مَ كِ نَشّ. وٌ شَ دَنشَنِيَتْييٍ دَنشُن وٌ حَنِفٍ رَ عَلْ عَلَ وَ مَ عَ شْن مَ كِ نَشّ. وٌ نَشَ نَ رَبَ عَلْ عٍ نَ وٌ كَرَشَن. وٌ نَشَ عَ رَبَ كْبِرِ فٍينِ شَ قٍ رَ، وٌ شَ عَ رَبَ وٌ بْحّ بِرِن نَ. 
\v 3 وٌ نَشَ دَنشَنِيَتْييٍ يَمَرِ عَ شْرْشْي رَ، نَشٍيٍ بَرَ تَشُ وٌ رَ. وٌ شَ قِندِ مِسَالِ رَ عٍ بّ. 
\v 4 شُرُ سٍ كَنتَمَ شُنفبٍ نَ قَ، عَ وٌ بِنيَمَ نْرّ رَ نَشَن مُ مَسَرَ مَ.
\p
\v 5 قٌنِكٍيٍ، وٌ قَن شَ وٌ يّتّ مَفٌرٌ قٌرِيٍ بّ. وٌ شَ وٌ يّتّ مَفٌرٌ وٌ بٌرٍ بّ، بَرِ مَ عَ سّبّشِ،
\q «عَلَ يّتّ عِفبٌي فٍرٍ مَ نّ،
\q كْنْ عَ هِننّمَ يّتّ مَفٌرٍيٍ رَ.»
\p
\v 6 وٌ شَ وٌ يّتّ مَفٌرٌ عَلَ سّنبّ بُن مَ، عَلَكٌ عَ شَ وٌ شَ قٍ عِتٍ عَ وَشَتِ.
\p
\v 7 وٌ شَ وٌ شَ كْنتْقِلِ بِرِن سٌ عَ يِ رَ، بَرِ مَ عَ حّنفِ سَمَ وٌ شْن مَ. 
\v 8 وٌ وٌ حْشْ سَ وٌ يّتّ شْن مَ. وٌ نَشَ يَنقَ. وٌ يَشُي عِبُلِسَ نَ قٍ بِرِن نَبَقٍ عَلَكٌ عَ شَ وٌ شَ قٍ كَنَ. عَ لُشِ عَلْ يّتّ نَشَن مِشِ قٍنقٍ عَ شَ عَ دٌن. 
\v 9 وٌ تِ عَ كَنكٍ عِ وٌ سَبَتِشِ رَ وٌ شَ دَنشَنِيَ كُي. وٌ عَ كٌلٌن عَ سٍنتَنّ دَنشَنِيَتْي بِرِن تْورْقٍ نَ كِ نّ دُنِحَ كُي. 
\v 10 وٌ نَ فّ تْورْدٍ دٌندٌرٌنتِ، عَلَ هِننّنتٍ قَمَ وٌ شَ قٍ يَءِلَندٍ، عَ وٌ رَلِمَنِيَ، عَ سّنبّ سٌ وٌ يِ نَشَن مُ كَنَمَ. عَلَ وٌ شِلِشِ نّ عَ شَ مِشِ سُفَندِشِ عِسَ سَابُي رَ وٌ شَ لُ عَ شَ نْرّ بُن مَ عَبَدَن.
\p
\v 11 سّنبّ نَ عَلَ نَن بّ عَبَدَن. عَمِنَ.
\s حُنفُي
\p
\v 12 ﭑ بَرَ يِ بَتَاشّ سّبّ وٌ مَ، ﭑ نفَشَكٍرٍنيِ دُلُشْتْشِ سِلَسِ سَابُي رَ، عَلَكٌ ﭑ شَ وٌ رَلِمَنِيَ، ﭑ شَ سٍيدٍحْشْيَ بَ عَ وٌ نَ عَلَ شَ هِننّ يَتِ نَن بُن مَ. 
\v 13 عِسَيَنكَ نَشٍيٍ نَ بَبِلْن، عَلَ نَشٍيٍ سُفَندِشِ عَلْ وٌ تَن، نٍيٍ بَرَ وٌ شّيبُ، عَ نُن ﭑ مَ دِ مَرَكِ. 
\v 14 وٌ وٌ بٌرٍ شّيبُ شَنُنتٍيَ سُنبُي رَ. عَلَ شَ وٌ بْحّ سَ، وٌ تَن نَشٍيٍ نَ عِسَ قْشْ رَ.