\id 1CO 
\ide UTF-8
\h كٌرِنتِ عِ
\toc1 عَلَ شَ مَسٍنيِ سِنفٍ عَننَبِ ثْلُ نَشَن سّبّ كٌرِنتِ دَنشَنِيَتْي حَمَ مَ
\toc2 كٌرِنتِ عِ
\mt عَلَ شَ مَسٍنيِ سِنفٍ
\mt عَننَبِ ثْلُ نَشَن سّبّ
\mt كٌرِنتِ دَنشَنِيَتْي حَمَ مَ
\imt مَسٍنيِ ندٍ يِ كِتَابُي شَ قٍ رَ
\ip يِ كِتَابُي قِندِشِ عَننَبِ ثْلُ شَ بَتَاشّ سِنفٍ نَن نَ دَنشَنِيَتْي حَمَ بّ، نَشَن نُ نَ كٌرِنتِ تَا كُي فِرّكِ بْشِ مَ. عَ نُ بَرَ كَوَندِ تِ نَا عَ شَ بِيَاسِ قِرِن ندٍ كُي. مِشِ فبٍفبٍ نَشَ دَنشَنِيَ عِسَ مَ، كْنْ عٍ حّرّ كِ مُ نُ فّشِ قَندٍ. ندٍيٍ مُ نُ لَنشِ عٍ بٌرٍ مَ، ندٍيٍ نُ قٍ حَاشِيٍ رَبَمَ فِنّيٍ رَ، ندٍيٍ نُ وَ مَ عٍ يّتّ عِفبٌقٍ بٌورٍ دَنشَنِيَتْييٍ يَ مَ. نَ بِرِن قِندِشِ يَافِ نَن نَ دِينّلَيٍ تَفِ.
\ip كْنْ عَننَبِ ثْلُ بَرَ عَ كٌلٌن عَ عَدَ مَدِ بِرِن نْمَ سُشُدٍ سٍنتَنّ شَ فَنتَنيِ رَ. نَ نَن عَ تٌشِ عَ مُ تٌندِ كٌرِنتِكَيٍ مَقُرُكُدٍ عَلَكٌ عٍ شَ دَنشَنِيَ شَ سَبَتِ عَلَ شَ كِرَ شْن. عَ بَرَ بَتَاشّ سّبّ عٍ مَ، نَشَن قِندِشِ مَرَ سِ قَنيِ رَ عٍ بّ. عَلَ شَشِلِ سّنِيّنشِ نُ بَرَ نَ مَسٍنيِ سٌ عَ يِ رَ.
\ip نَ نَ عَ رَ، عَننَبِ ثْلُ شَ مَسٍنيِ قِندِشِ كِتَابُي يَتِ يَتِ نَن نَ دَنشَنِيَتْي بِرِن بّ. وٌن نْمَ لْننِ فبٍفبٍ سْتْدٍ نَ سّبّلِ سَابُي رَ، نَشَن نْمَ وٌن مَلِدٍ عَلَ شَ كِرَ كٌلٌندٍ عَ قِيشّ رَ. عَلَ شَ وٌن مَلِ عَلَكٌ وٌن شَ سٌ نَ شَرَنيِ كُي، عَ قَ قِندِ وٌن مَ حّرّ كِ رَ. عَمِنَ.
\imte عَلَ شَ مَسٍنيِ سِنفٍ
\imte عَننَبِ ثْلُ نَشَن سّبّ
\imte كٌرِنتِ دَنشَنِيَتْي حَمَ مَ
\cl سٌرَ
\c 1
\s دَنشَنِيَتْييٍ شَ لَنيِ
\p
\v 1 ﭑ تَن ثْلُ، عَلَ نَشَن حَنِفٍشِ عَ شَ قِندِ عَ شَ مِشِ سُفَندِشِ عِسَ شَ شّيرَ رَ، عَ نُن سٌسِتٍنٍ، مُشُ يِ بَتَاشّ سّبّشِ وٌ تَن نَن مَ، 
\v 2 عَلَ شَ دَنشَنِيَتْي حَمَ، نَشَن نَ كٌرِنتِ. عَلَ شَ مِشِ سُفَندِشِ عِسَ بَرَ وٌ شِلِ وٌ شَ قِندِ عَلَ فبٍ رَ، وٌ شَ قِندِ سّنِيّنتْييٍ رَ. مُشُ بَرَ يِ سّبّ وٌ مَ، عَ نُن مِشِ بِرِن مَ نَشٍيٍ عٍ شَشِلِ تِمَ عَلَ شَ مِشِ سُفَندِشِ عِسَ رَ، نَشَن قِندِشِ عٍ تَن نُن وٌن تَن مَرِفِ رَ. 
\v 3 وٌن بَبَ عَلَ نُن عَ شَ مِشِ سُفَندِشِ عِسَ، نَشَن قِندِشِ وٌن مَرِفِ رَ، عٍ شَ هِننّ نُن بْحّسَ قِ وٌ مَ.
\p
\v 4 ﭑ عَلَ تَنتُمَ تّمُي بِرِن وٌ شَ قٍ رَ، عَ تٌ هِننّ وٌ رَ عَ شَ مِشِ سُفَندِشِ عِسَ سَابُي رَ. 
\v 5 عَ بَرَ وٌ شَ قٍ بِرِن نَكَمَلِ مَسٍنيِ نُن قَهَامُي كَمَلِشِ رَ. 
\v 6 عَلَ شَ مِشِ سُفَندِشِ شَ نْندِ تٌ سَبَتِشِ وٌ يَ مَ، 
\v 7 وٌ بَرَ عَلَ شَ كِ بِرِن سْتْ، وٌ هَيِ مُ نَ قٍ فبّتّ مَ سْنْن، بٍيمَنُ وٌن مَرِفِ عِسَ قَ وَشَتِ وٌ نَشَن مَمّقٍ. 
\v 8 عَ سّنبّ قِمَ نّ وٌ مَ هَن دُنِحَ رَحْنيِ، عَلَكٌ يُنُبِ يٌ نَشَ لُ وٌ مَ عَلَ شَ مِشِ سُفَندِشِ وٌن مَرِفِ عِسَ قَ تّمُي. 
\v 9 عَلَ نَ عَ شُي شَنبِ رَ، عَ تَن نَشَن وٌ شِلِشِ عَلَكٌ لَنيِ شَ لُ وٌ نُن عَ شَ دِ تَفِ، وٌن مَرِفِ عِسَ، عَلَ شَ مِشِ سُفَندِشِ.
\p
\v 10 ﭑ نفَشَكٍرٍنيِيٍ، ﭑ بَرَ وٌ رَ سِ وٌن مَرِفِ عِسَ شِلِ رَ، عَلَ شَ مِشِ سُفَندِشِ، لَنيِ شَ لُ وٌ تَفِ. وٌ نَشَ مّي وٌ بٌرٍ رَ، وٌ شَ لَن شَشِلِ نُن حَنِفٍ كٍرٍن مَ. 
\v 11 ﭑ نفَشَكٍرٍنيِيٍ، شٌلٌوٍ شَ مِشِيٍ بَرَ عَ قَلَ ﭑ بّ، عَ لَنتَرٍيَ نَ وٌ تَفِ. 
\v 12 ﭑ بَرَ عَ مّ عَ ندٍ عَ قَلَمَ، «ﭑ تَن بِرَشِ ثْلُ نَن قْشْ رَ،» ندٍ قَن عَ قَلَمَ، «ﭑ تَن بِرَشِ عَثٌلٌسِ نَن قْشْ رَ،» ندٍ عَ قَلَمَ، «ﭑ تَن بِرَشِ كٍقَسِ نَن قْشْ رَ،» عَ ندٍ قَن عَ قَلَمَ، «ﭑ تَن بِرَشِ عَلَ شَ مِشِ سُفَندِشِ نَن قْشْ رَ.» 
\v 13 عَلَ شَ مِشِ سُفَندِشِ كٍرٍن شَ مُ عَ رَ؟ ثْلُ نَن بَنبَن وُرِ مَفَلَنبُشِ مَ وٌ بّ؟ وٌ وٌ شُنشَشِ يٍ شْورَ ثْلُ شِلِ نَن نَ؟ 
\v 14 ﭑ بَرَ عَلَ تَنتُ ﭑ مُ مِشِ يٌ شُنشَشِ يٍ شْورَ وٌ يَ مَ، بَقٍ كِرِ سِثُ نُن فَيُ رَ. 
\v 15 نَ كُي، مِشِ يٌ مُ نْمَ عَ قَلَدٍ عَ شُنشَ يٍ شْورَ ﭑ شِلِ نَن نَ. 
\v 16 ﭑ بَرَ سِتٍقَنَ شَ دٍنبَيَ قَن شُنشَ يٍ شْورَ، كْنْ نَ دْنشْي، ﭑ مُ لَشِ عَ رَ شَ ﭑ بَرَ مِشِ فبّتّ شُنشَ يٍ شْورَ قَ. 
\v 17 عَلَ شَ مِشِ سُفَندِشِ مُ ﭑ شّي مِشِ شُنشَدٍ يٍ شْورَ. عَ ﭑ شّيشِ نّ ﭑ شَ عَ شَ شِبَارُ قَنيِ كَوَندِ تِ. نَ مُ رَبَمَ عَدَ مَدِ شَ لْننِ رَ دٍ، شَ نَ مُ عَ رَ عَلَ شَ مِشِ سُفَندِشِ شَ وُرِ مَفَلَنبُشِ تِدٍ يٍلٍبُمَ نّ.
\p
\v 18 عِسَ قَشَقٍ وُرِ مَفَلَنبُشِ مَ، نَ مَسٍنيِ قِندِشِ شَشِلِتَرٍحَ نَن نَ مِشِ لْيشِيٍ بّ، كْنْ عَ قِندِشِ عَلَ شَ سّنبّ نَن نَ مُشُ تَن كِسِ مِشِيٍ بّ. 
\v 19 عَ سّبّشِ كِتَابُي كُي، «ﭑ لْننِلَيٍ شَ لْننِ شُن نَكَنَمَ نّ، ﭑ شَشِلِمَيٍ شَشِلِ قِندِ قُيَن نَ.» 
\v 20 لْننِلَ فٌ؟ سّرِيّ كَرَ مْشْ فٌ؟ تٌ شَشِلِمَ فٌ؟ عَلَ بَرَ يِ دُنِحَ شَ لْننِ مَقِندِ شَشِلِتَرٍحَ رَ. 
\v 21 دُنِحَ مِشِيٍ تٌ مُ نْ عَلَ شَ لْننِ كٌلٌندٍ عٍ يّتّ شَ لْننِ سَابُي رَ، عَلَ نَشَ تِن دَنشَنِيَتْييٍ رَكِسِدٍ عَ شَ كَوَندِ سَابُي رَ، دُنِحَ مِشِيٍ نَشَن مَحْشُنمَ شَشِلِتَرٍحَ رَ. 
\v 22 يُوِقِيٍ وَ مَ تْنشُمَيٍ تٌقٍ، فِرّكِكَيٍ نَ لْننِ قٍنقٍ، 
\v 23 كْنْ مُشُ تَن عَلَ شَ مِشِ سُفَندِشِ شَ قَشّ نَن كَوَندِ مَ. يُوِقِيٍ بِرَ مَ نّ بَرِ مَ عٍ مُ لَمَ نَ رَ، سِ فبّتّيٍ قَن حْشْ عَ مَ عَ دَشُحَ نَ عَ رَ. 
\v 24 كْنْ عَلَ نَشٍيٍ شِلِشِ يُوِقِيٍ نُن سِ فبّتّيٍ يَ مَ، عٍ لَمَ نّ عَ رَ عَ عَلَ شَ مِشِ سُفَندِشِ عَلَ سّنبّ نُن عَلَ شَ لْننِ نَن مَسٍنمَ نّ. 
\v 25 عَدَ مَدِيٍ عٍ مَحْشُنشِ عَ عَلَ شَ لْننِ قِندِشِ شَشِلِتَرٍحَ نَن نَ، كْنْ عَ نْندِ كِ مَ عَ دَنفِ عَدَ مَدِيٍ شَ لْننِ رَ. عٍ مَحْشُنشِ عَ عَلَ سّنبّ مُ فبٌ، كْنْ عَ سّنبّ دَنفِ عٍ فبٍ رَ ثٌن!
\p
\v 26 ﭑ نفَشَكٍرٍنيِيٍ، وٌ شَ عَ مَتٌ عَلَ مِشِ مْولِ مُندُن شِلِشِ وٌ يَ مَ. لْننِلَ فبٍفبٍ مُ نَ، عَدَ مَدِ كِ مَ. سّنبّمَيٍ قَن مُ فبٌ. بَننَمِشِيٍ قَن مُ وُيَ. 
\v 27 كْنْ عَلَ بَرَ دُنِحَ لْننِلَيٍ رَيَافِ. عَ نَ رَبَ مِشِيٍ نَن سَابُي رَ، عٍ نَشٍيٍ قِندِشِ لْننِتَرٍيٍ رَ. عَلَ بَرَ دُنِحَ سّنبّمَيٍ رَيَافِ. عَ نَ رَبَ مِشِيٍ نَن سَابُي رَ، نَشٍيٍ لُشِ عٍ بّ عَلْ سّنبّتَرٍيٍ. 
\v 28 عَلَ بَرَ مِشِ سُفَندِ، نَشَن تِدٍ مُ فبٌ دُنِحَ مِشِيٍ بّ، نَشٍيٍ مُ شِلِ شُنفبٍ سْتْ، نَشٍيٍ مُ كٌلٌنشِ سٍسٍ رَ، عَلَكٌ نَ شَ قِندِ يَافِ رَ بٌورٍيٍ بّ. 
\v 29 نَ كُي، مِشِ يٌ مُ نْمَ عَ يّتّ مَتْشْدٍ عَلَ يَ عِ. 
\v 30 عَلَ نَن عَ نِيَشِ وٌ شَ لُ عَ شَ مِشِ سُفَندِشِ عِسَ عِ. عَلَ بَرَ عِسَ قِندِ وٌن مَ لْننِ، وٌن مَ تِنشِنيِ، وٌن مَ مَرَ سّنِيّنيِ، نُن وٌن شُنسَرٍ رَ. 
\v 31 نَ نَن نَ كِ، وٌن شَ عَ رَبَ عَلْ عَ سّبّشِ كِتَابُي كُي كِ نَشّ، «شَ مِشِ وَ مَ عَ يّتّ مَتْشْقٍ قٍ ندٍ مَ، عَ شَ عَ يّتّ مَتْشْ عَ مَرِفِ شَ قٍ نَن نَ.»
\c 2
\s عَلَ شَ لْننِ
\p
\v 1 ﭑ نفَشَكٍرٍنيِيٍ، ﭑ تٌ قَ وٌ يِرٍ، ﭑ مُ عَلَ شَ سٍيدٍحْشْيَ مَسٍنشِ وٌ بّ وْيّنيِ شُنفبٍيٍ شَ رَ، شَ نَ مُ عَ رَ عَدَ مَدِ شَ لْننِ رَ. 
\v 2 ﭑ نُ بَرَ نَتّ تٌنفٌ ﭑ شَ عَلَ شَ مِشِ سُفَندِشِ عِسَ شَ قٍ نُن عَ شَ قَشّ شَ قٍ فبَنسَن نَن مَسٍن وٌ بّ. 
\v 3 ﭑ نَشَ تِ وٌ يَ عِ سّنبّتَرٍيَ رَ. نَ تّمُي ﭑ نُ نَ سّرّنقٍ فَاشُي رَ.
\p
\v 4 ﭑ مَ مَسٍنيِ نُن ﭑ مَ كَوَندِ مُ نُ قَتَنشِ عَدَ مَدِ شَ لْننِ رَ. ﭑ مُ كَوَندِ تِشِ وْيّنيِ شُنفبٍيٍ رَ. ﭑ نَ تِ عَلَ شَشِلِ سّنبّ نَن نَ، 
\v 5 عَلَكٌ وٌ نَشَ دَنشَنِيَ عَدَ مَدِ شَ لْننِ سَابُي رَ، وٌ شَ دَنشَنِيَ عَلَ سّنبّ نَن سَابُي رَ.
\p
\v 6 مُشُ لْننِ مَسٍنمَ مِشِ كَمَلِشِيٍ بّ، كْنْ لْننِ نَشَن مُ قَتَنشِ تٌ مِشِيٍ نُن تٌ مَنفّيٍ رَ. عٍ تَن شَ قٍ شُن قَمَ نّ رَكَنَدٍ. 
\v 7 مُشُ عَلَ شَ لْننِ نَن مَسٍنمَ، عَلَ لْننِ نَشَن نْشُنشِ كَبِ دُنِحَ قْلّ، نَشَن قِندِ مَ وٌن بّ نْرّ رَ. 
\v 8 تٌ مَنفّيٍ مُ نُ قَهَامُي سْتْ نَ شَ قٍ مَ، شَ نَ مُ عَ رَ عٍ مُ مَرِفِ نْرّ كَنيِ مَبَنبَنمَ وُرِ مَفَلَنبُشِ مَ نُ. 
\v 9 نَ قٍ لُشِ عَلْ كِتَابُي عَ مَسٍنشِ كِ نَشّ،
\q «عَلَ نَشَن يَءِلَنشِ عَ شَنُنتٍنيِيٍ بّ،
\q عَدَ مَ يَ مُ عَ تٌمَ،
\q عَدَ مَ تُلِ مُ عَ مّمَ،
\q عَدَ مَ شَشِلِ مُ عَ كٌلٌنمَ.»
\m
\v 10 عَلَ بَرَ نَ مَسٍن وٌن بّ عَ يّتّ شَشِلِ سَابُي رَ. عَلَ شَشِلِ قٍ بِرِن كٌلٌن، هَلِ عَلَ يَتِ شَ قٍ تِلِنشِيٍ. عَ نٍيٍ بِرِن كٌلٌن. 
\v 11 ندٍ عَدَ مَ شَ قٍ كٌلٌن، شَ عَ يّتّ شَشِلِ مُ عَ رَ؟ عَلَ شَ قٍ قَن، مِشِ يٌ مُ عَ كٌلٌن. عَلَ شَشِلِ فبَنسَن نَن نَ قٍ مْولِ كٌلٌن.
\p
\v 12 وٌن مُ نْمَ عَلَ شَ هِننّ قَهَامُدٍ عَدَ مَدِ شَشِلِ سَابُي رَ. عَلَ، عَ شَشِلِ نَشَن قِشِ وٌن مَ، نَ نَن نْمَ نَ مَسٍندٍ وٌن بّ. 
\v 13 وٌن مُ نَ قٍ مَسٍنمَ عَدَ مَدِ شَ لْننِ رَ، وٌن نَ مَسٍنمَ عَلَ شَشِلِ نَن مَ لْننِ رَ. عَلَ شَ قٍ نَن مَسٍنمَ عَلَ شَشِلِ سَابُي رَ. 
\v 14 كْنْ عَدَ مَ نَشَن مُ عَلَ شَشِلِ سْتْ، عَ مُ نْمَ عَلَ شَشِلِ شَ قٍ قَهَامُدٍ. نَ لُمَ نّ عَ بّ عَلْ دَشُحَ، بَرِ مَ عَ مُ نْمَ سٌدٍ عَ كُي عَلَ شَشِلِ شَنبِ. 
\v 15 عَدَ مَ نَشَن عَلَ شَشِلِ سْتْشِ، نَ كَنيِ نَن نْمَ قٍ بِرِن قَهَامُدٍ. عَ بٌورٍيٍ مُ نْمَ عَ مَكِيتِدٍ نَ قٍيٍ كُي. 
\v 16 نَ نَن عَ تٌشِ عَ سّبّشِ كِتَابُي كُي، «ندٍ مَرِفِ شَشِلِ كٌلٌن، عَ شَ مَرَ سِ ندٍ قِ عَ مَ؟» كْنْ عَلَ شَ مِشِ سُفَندِشِ شَشِلِ نَ وٌن تَن بْحّ عِ.
\c 3
\s عَلَ شَ وَلِكّيٍ
\p
\v 1 ﭑ مُ نُ نْمَ وْيّندٍ وٌ بّ عَلْ ﭑ نُ وَ مَ عَ شْن مَ كِ نَشّ، بَرِ مَ وٌ مُ لُشِ عَلْ عَلَ شَشِلِ كَنيِيٍ. وٌ لُشِ نّ عَلْ دُنِحَ مِشِيٍ، نَشٍيٍ شَ دَنشَنِيَ مُ فّشِ كَمَلِدٍ سِندٍن. 
\v 2 ﭑ نُ بَرَ وٌ شَرَن قٍ سِنفٍيٍ رَ، عَلْ دِنفّ شِحّ قِمَ عَ شَ دِيْرّ مَ كِ نَشّ. ﭑ مُ وٌ شَرَن قٍ شْرْشْي رَ، بَرِ مَ وٌ مُ نُ نْمَ نَ قَهَامُدٍ. دِنفّ قَن مُ سُبٍ قِمَ دِيْرّ مَ. هَن يَ وٌ مُ نْمَ شَرَنيِ شْرْشْي كٌلٌندٍ، بَرِ مَ وٌ نَ بِرَقٍ دُنِحَ قٍيٍ نَن قْشْ رَ. 
\v 3 تْونّ نُن لَنتَرٍيَ تٌ فبٌ وٌ يَ مَ، نَ مُ عَ مَسٍنمَ شّ عَ دُنِحَ مِشِيٍ نَن وٌ رَ، نَشٍيٍ نَ بِرَقٍ عَدَ مَدِ وَشْنقٍ قْشْ رَ؟ 
\v 4 مِشِ ندٍ تٌ عَ قَلَمَ وٌ يَ مَ، «ﭑ بِرَشِ ثْلُ نَن قْشْ رَ،» مِشِ فبّتّ قَن عَ قَلَ، «ﭑ تَن بِرَشِ عَثٌلٌسِ نَن قْشْ رَ،» نَ مُ عَ مَسٍنمَ شّ عَ وٌ لُشِ نّ عَلْ دُنِحَ مِشِيٍ؟ 
\v 5 ندٍ نَ عَثٌلٌسِ رَ؟ ندٍ نَ ثْلُ رَ؟ مُشُ قِندِشِ عَلَ شَ وَلِكّيٍ نَن تُن نَ عَلَ نَشٍيٍ شّيشِ عَلَكٌ وٌ شَ دَنشَنِيَ. عَلَ وَلِ نَشَن سٌشِ مُشُ يِ رَ، مُشُ بَرَ نَ رَبَ.
\p
\v 6 ﭑ تَن بَرَ سَنسِ شْرِ سِ، عَثٌلٌسِ بَرَ يٍ سَ عَ مَ، كْنْ عَلَ نَن عَ نِيَ عَ شَ بُلَ، عَ شَ مْ. 
\v 7 مِشِ نَشَن سَنسِ شْرِ سِمَ، عَ نُن مِشِ نَشَن يٍ سَمَ عَ مَ، عٍ تِدٍ مُ فبٌ. عَلَ نَن تِدٍ فبٌ، بَرِ مَ عَ تَن نَن عَ نِيَ سَنسِ شَ مْ. 
\v 8 نَشَن سَنسِ شْرِ سِمَ، نُن نَشَن يٍ سَمَ عَ مَ، عٍ بِرِن لَن، عٍ بِرِن قَمَ نّ عٍ شَ وَلِ سَرٍ سْتْدٍ. 
\v 9 مُشُ تَن قِندِشِ عَلَ شَ وَلِكّيٍ نَن نَ. وٌ تَن لُشِ نّ عَلْ عَلَ شَ شّ، شَ نَ مُ عَ رَ عَ شَ بَنشِ. 
\v 10 عَلَ بَرَ عَ حَنِفٍ عَ شَ هِننّ كُي، ﭑ شَ وَلِ سُشُ عَ بّ. نَ مِسَالِشِ بَنشِ تِ وَلِ نَن نَ. ﭑ بَرَ لُ عَلْ بَنشِتِ. ﭑ تَن نَن بَنشِ كْورِنمَ، بٌورٍ بِرِكِ دْشْ. كْنْ كَنكَن شَ مّينِ عَ وَلِ كِ مَ. 
\v 11 مِشِ يٌ مُ نْمَ قٍ فبّتّ قِندِدٍ نَ بَنشِ بُنيِ رَ، بَقٍ عَلَ شَ مِشِ سُفَندِشِ عِسَ رَ. 
\v 12 مِشِ نَشٍيٍ بَنشِ تِمَ نَ بُنيِ قَرِ شّيمَ رَ، شَ نَ مُ عَ رَ فبٍتِ، شَ نَ مُ عَ رَ فّمّ تٌقَنيِ، شَ نَ مُ عَ رَ وُرِ، شَ نَ مُ عَ رَ سّشّ قَنيِ، شَ نَ مُ عَ رَ سّشّ قٌرِ رَ. كَنكَن شَ وَلِ مَتٌمَ نّ. 
\v 13 كِيتِ لْشْي نَ وَلِ بِرِن مَكّنّنمَ نّ. نَ كِيتِ لُمَ نّ عَلْ تّ نَشَن قَمَ كَنكَن شَ وَلِ مَكّنّندٍ. 
\v 14 شَ بَنشِتِ شَ وَلِ سَ نَ تّ عِمِنِ، عَ قَمَ نّ وَلِ سَرٍ سْتْدٍ. 
\v 15 كْنْ شَ عَ سَ لِ عَ شَ وَلِ نَشَ فَن نَ تّ رَ، عَ تْورْ مَ نّ. عَ قَمَ نّ كِسِدٍ عَلْ مِشِ نَشَن نَتَنفَشِ تّ مَ.
\p
\v 16 وٌ مُ عَ كٌلٌن وٌ قِندِشِ عَلَ شَ هْرْ مْبَنشِ نَن نَ؟ عَلَ شَشِلِ سَبَتِشِ وٌ بْحّ عِ. 
\v 17 شَ مِشِ ندٍ عَلَ شَ هْرْ مْبَنشِ كَنَ، عَلَ نَ كَنيِ قَن كَنَمَ نّ، بَرِ مَ عَ شَ هْرْ مْبَنشِ سّنِيّن. وٌ تَن نَن قِندِشِ نَ هْرْ مْبَنشِ رَ.
\p
\v 18 وٌ نَشَ وٌ يّتّ مَدَشُ. شَ مِشِ ندٍ عَ يّتّ قِندِشِ لْننِلَ رَ دُنِحَ كِ مَ، عَ شَ عَ يّتّ مَفٌرٌ عَلَكٌ عَ شَ لْننِ يَتِ كٌلٌن. 
\v 19 يِ دُنِحَ مِشِيٍ شَ لْننِ قِندِشِ دَشُحَ نَن نَ عَلَ بّ. عَ سّبّشِ كِتَابُي كُي، «عَلَ فَنتَنيِ تٍمَ نّ لْننِلَيٍ بّ عٍ يّتّ شَ لْننِ نَن نَ.» 
\v 20 عَ مَن سّبّشِ، «مَرِفِ عَ كٌلٌن دُنِحَ مِشِيٍ شَ لْننِ قِندِشِ قٍ قُقَقُ نَن نَ.»
\p
\v 21 وٌ نَشَ وٌ شَشِلِ تِ مِشِ يٌ رَ، بَرِ مَ عٍ قِندِشِ وٌ مَلِمَ نَن نَ. 
\v 22 ثْلُ يٌ، عَثٌلٌسِ يٌ، كٍقَسِ يٌ، عٍ بِرِن قِندِشِ وٌ مَلِمَ نَن نَ. قٍ نَشَن بِرِن نَ دُنِحَ، قٍ نَشَن بِرِن نَ وٌ شَ دُنِحّءِفِرِ كُي، قٍ نَشَن بِرِن نَ نَ، عَ نُن قٍ نَشَن بِرِن سَ قَمَ، هَلِ قَشّ، نَ بِرِن نَ نَ وٌ تَن نَن مَلِقٍ رَ. 
\v 23 وٌ تَن نَ عَلَ شَ مِشِ سُفَندِشِ نَن بّ، عَلَ شَ مِشِ سُفَندِشِ قَن نَ عَلَ نَن بّ.
\c 4
\s عَلَ شَ كِيتِ
\p
\v 1 نَ نَ عَ رَ، وٌ شَ عَ كٌلٌن مُشُ تَن قِندِشِ عَلَ شَ مِشِ سُفَندِشِ شَ وَلِكّيٍ نَن نَ، عَلَ شَ فُندٌي تَشُشِ نَشٍيٍ رَ. 
\v 2 شَ قٍ ندٍ تَشُشِ مِشِ رَ، عَ لَنمَ عَ شَ نَ رَوَلِ عَ رَوَلِ كِ مَ. 
\v 3 شَ وٌ وَ مَ ﭑ مَكِيتِقٍ، شَ نَ مُ عَ رَ كِيتِسَ فبّتّ وَ مَ ﭑ مَكِيتِقٍ، قٍقٍ مُ عَ رَ. ﭑ مُ ﭑ يّتّ يَتِ مَكِيتِمَ. 
\v 4 ﭑ تَن بّ، ﭑ مُ قٍ حَاشِ يٌ رَبَشِ، كْنْ ﭑ يّتّ مَكِيتِقٍ تَن مُ قِندِشِ تِنشِنيِ رَ ﭑ بّ. ﭑ مَرِفِ نَن قِندِشِ ﭑ مَ كِيتِسَ رَ. 
\v 5 نَ كُي، وٌ نَشَ كِيتِ يٌ سَ بٍينُن مَرِفِ شَ كِيتِ وَشَتِ. عَ تَن نَن قٍ مَكّنّنمَ نَشَن نْشُنشِ دِ مِ كُي. عَ تَن نَن حَنِفٍ مَكّنّنمَ نَشَن نَ مِشِ بْحّ مَ. نَ وَشَتِ، عَلَ مِشِيٍ مَتْشْمَ عٍ شَ وَلِ بّرّ نَن نَ.
\p
\v 6 ﭑ نفَشَكٍرٍنيِيٍ، ﭑ بَرَ مِسَالِ ندٍ مَسٍن وٌ بّ ﭑ تَن نُن عَثٌلٌسِ شَ قٍ رَ، عَلَكٌ وٌ شَ يِ سّبّلِ قَهَامُ، «وٌ نَشَ يَامَرِ سّبّشِ مَتَندِ.» نَ كُي، وٌ نَشَ وٌ يّتّ عِفبٌ لُقٍ رَ مِشِ ندٍ شَنبِ رَ. 
\v 7 ندٍ عِ قِندِشِ قِسَمَنتٍ رَ؟ مُنسٍ نَ عِ يِ رَ، عِ مُ نَشَن سْتْشِ عَلَ سَابُي رَ؟ شَ وٌ نَ سْتْشِ عَلَ نَن سَابُي رَ، مُنقٍ رَ وٌ وٌ يّتّ عِفبٌمَ عَلْ عَ قَتَنشِ وٌ تَن نَن نَ؟ 
\v 8 عَ لُشِ عَلْ وٌ بَرَ وٌ وَشْنقٍ بِرِن سْتْ مُشُ شَنبِ، وٌ بَرَ بَننَ، وٌ بَرَ قِندِ مَنفّيٍ رَ. شَ عَ سَ نَ نَ كِ نّ، نَ بِرِن شَ سْونّيَ وٌ بّ، عَلَكٌ مُشُ قَن شَ لُ وٌ سّيتِ مَ مَنفّيَ كُي. 
\v 9 عَ لُشِ ﭑ بّ عَلْ عَلَ بَرَ عَ رَفِرِ مُشُ تَن شّيرَيٍ مَ، مُشُ شَ قِندِ شَنبِرَتِيٍ رَ، عَلْ مِشِيٍ عٍ نَشٍيٍ قَشَمَ دُنِحَ بِرِن يَ تٌدٍ رَ، مَلٍكّيٍ نُن عَدَ مَدِيٍ يَ شْرِ. 
\v 10 عَ لُشِ عَلْ مُشُ بَرَ دَشُ عَلَ شَ مِشِ سُفَندِشِ شَ قٍ رَ، كْنْ وٌ تَن بَرَ قِندِ شَشِلِمَيٍ رَ عَ شَ قٍ رَ. مُشُ سّنبّ بَرَ حْن، كْنْ وٌ تَن فبٍ شُن بَرَ مَسَ. مُشُ بَرَ مَيٍلٍ سْتْ، كْنْ وٌ تَن بَرَ بِنيّ سْتْ.
\p
\v 11 هَن يَ مُشُ تْورْ مَ كَامّ نُن يٍ شْلِ مَ. دُفِ مُ نَ مُشُ يِ رَ. مِشِيٍ مُشُ بْنبْمَ، عٍ بَرَ مُشُ قِندِ مِشِ رَبّحِنشِيٍ رَ. 
\v 12 مُشُ بَلٌشِ مُشُ يّتّ شَ وَلِ نَن نَ. مِشِيٍ نَ مُشُ كٌنبِ، مُشُ دُبَمَ نّ عٍ بّ. مِشِيٍ نَ مُشُ حَشَنكَتَ، مُشُ دِحّمَ نّ عٍ مَ. 
\v 13 مِشِيٍ نَ مُشُ شِلِ كَنَ، مُشُ وْيّن قَنيِ قَلَمَ نّ عٍ بّ. هَن يَ مُشُ تِدٍ مُ نَ دُنِحَ مِشِيٍ بّ، مُشُ بَرَ لُ عٍ بّ عَلْ مِشِ قُقَقُ.
\p
\v 14 ﭑ مُ وَ مَ وٌ عِقُقٍ نّ، كْنْ ﭑ وَ مَ وٌ رَ سِقٍ نّ عَلْ ﭑ مَ دِ مَشَنُشِيٍ. 
\v 15 وٌ نْمَ كَرَ مْشْ فبٍفبٍ سْتْدٍ عَلَ شَ مِشِ سُفَندِشِ شَ قٍ رَ، كْنْ ﭑ كٍرٍن ثٍتِ نَن قِندِشِ وٌ بَبَ رَ، نَشَن بَرَ عِنيِلَ عِسَ مَسٍن وٌ بّ، وٌ شَ دَنشَنِيَ عَلَ شَ مِشِ سُفَندِشِ مَ. 
\v 16 ﭑ مَ مَرَ سِ نَن يَ وٌ بّ؛ وٌ شَ بِرَ ﭑ مَ مِسَالِ نَن قْشْ رَ. 
\v 17 نَ نَ عَ رَ، ﭑ بَرَ تِمٌتٍ شّي وٌ يِرٍ، عَلَكٌ عَ شَ وٌ رَتُ ﭑ نَحّرّ كِ مَ عِسَ شَ قٍ كُي، ﭑ دَنشَنِيَتْي حَمَيٍ بِرِن شَرَنمَ نَشَن نَ يِرٍ بِرِن. ﭑ مَ دِ مَشَنُشِ تِمٌتٍ دَنشَنِيَشِ مَرِفِ كٍرٍن نَن مَ.
\p
\v 18 ندٍيٍ بَرَ عٍ يّتّ عِفبٌ وٌ يَ مَ. عٍ حْشْ عَ مَ ﭑ مُ سِفَمَ وٌ يِرٍ، 
\v 19 كْنْ، شَ عَلَ تِن، عَ فبٍ مُ لُشِ ﭑ شَ وٌ شْنيِ لِ. نَ تّمُي ﭑ قَمَ عَ كٌلٌندٍ شَ نَ يّتّ عِفبٌي شَ وْيّنيِ قَمَ قِندِدٍ نْندِ رَ. 
\v 20 عَلَ شَ مَنفّيَ مُ قِندِشِ وْيّنيِ فبَنسَن شَ رَ، عَ قِندِشِ سّنبّ يَتِ نَن نَ. 
\v 21 وٌ وَ مَ مُنسٍ شْن؟ ﭑ شَ سِفَ وٌ شْنيِ لُشُسِنيِ رَ، كَ ﭑ شَ سِفَ شَنُنتٍيَ نُن دِحّ رَ؟
\c 5
\s يُنُبِ حَاشِ بَقٍ
\p
\v 1 ﭑ بَرَ عَ مّ عَ قٍ حَاشِ مْولِ ندٍ نَ وٌ يَ مَ، نَشَن مُ تٌمَ هَلِ كَاقِرِيٍ يَ مَ. عَ شّمّ ندٍ لُمَ عَ بَبَ شَ فِنّ كٌلٌن نَ فِنّ رَ. 
\v 2 عَ نُ لَن نّ يِ قٍ شَ وٌ بْحّ تْورْ، وٌ قَ نَ كَنيِ رَ مِنِ وٌ تَفِ، كْنْ وٌ نَ وٌ يّتّ عِفبٌقٍ تُن. 
\v 3 هَلِ ﭑ تَن مُ نَ وٌ يِرٍ، ﭑ شَشِلِ تَن نَ وٌ تَفِ. ﭑ حَن بَرَ نَ كَنيِ مَكِيتِ 
\v 4 مَرِفِ عِسَ شِلِ نُن عَ سّنبّ رَ. ﭑ نَ وٌ شَنبِ رَ. 
\v 5 يِ مِشِ مْولِ شَ سٌ سٍنتَنّ يِ رَ، نَ قٍ حَاشِ شُن شَ رَكَنَ يَكْسِ، عَلَكٌ نَ كَنيِ نِي شَ كِسِ مَرِفِ شَ لْشْي.
\p
\v 6 يّتّ عِفبٌقٍ مُ قَن. وٌ مُ عَ كٌلٌن لّبِنِ سِيَدِ قَرِن فبٍفبٍ رَتٍمَ نّ؟ 
\v 7 وٌ لّبِنِ قٌرِ بَ وٌ يَ مَ، عَلَكٌ وٌ شَ لُ عَلْ قَرِن نّينّ لّبِنِ مُ سَشِ نَشّ عِ. عَ نْندِ كِ مَ وٌ نَ نَ كِ نّ. عَلَ شَ مِشِ سُفَندِشِ بَرَ قِندِ وٌن مَ سّرّشّ رَ، نَشَن مِسَالِشِ يّشّي رَ نَشَن كْن نَشَبَمَ سَيَمَلٍكّ دَنفِ سَلِ. 
\v 8 وٌن شَ نَ سَلِ رَبَ سّنِيّنيِ كُي. وٌن شَ قٍ كٌبِ نُن قٍ حَاشِ بَ وٌن يَ مَ، عَلْ لّبِنِ قٌرِ بَمَ وٌن مَ بَنشِيٍ كُي كِ نَشّ نَ سَلِ. نْندِ نُن بْحّ قِيشّ شَ لُ وٌن يِ رَ. نَ كُي وٌن مِسَالِمَ تَامِ لّبِنِتَرٍ نَن نَ.
\p
\v 9 ﭑ بَرَ عَ سّبّ وٌ مَ بَتَاشّ كُي، وٌ نُن يّنّلَيٍ نَشَ لُ دّقَنبٌورٍيَ كُي. 
\v 10 كْنْ ﭑ مُ وَ مَ عَ قَلَقٍ شّ وٌ بّ عَ وٌ نُن يّنّلَ بِرِن نَشٍيٍ نَ دُنِحَ، عَ نُن مِلَنتٍيٍ، مُحّتِيٍ، نُن كُيٍ بَتُييٍ، وٌ نُن نٍيٍ نَشَ دّ مَسَرَ. شَ عَ سَ نَ نَ كِ نّ، عَ لِمَ نَ قَن قٌ وٌ كٍلِ دُنِحَ مَ دٍ! 
\v 11 ﭑ وَشِ عَ سّبّقٍ نّ وٌ مَ، دّقَنحَ نَشَ لُ وٌ نُن مِشِ تَفِ، نَشَن عَ يّتّ قِندِ مَ وٌ بٌورٍ دَنشَنِيَتْي رَ، كْنْ عَ قَ قِندِ يّنّلَ رَ، شَ نَ مُ عَ رَ مِلَنتٍ، كُيٍ بَتُي، كٌنبِتِ، سِيسِلَ، شَ نَ مُ عَ رَ مُحّتِ. وٌ نُن نَ مِشِ مْولِ، وٌ نَشَ وٌ دّفٍ يَتِ يِرٍ كٍرٍن. 
\v 12 ﭑ تَن مُ نْمَ مِشِيٍ مَكِيتِدٍ نَشٍيٍ مُ نَ دَنشَنِيَتْي حَمَ يَ مَ، كْنْ عَ لَنمَ وٌن شَ وٌن بٌورٍ دَنشَنِيَتْييٍ نَن مَكِيتِ. 
\v 13 نَشٍيٍ مُ نَ دَنشَنِيَتْي حَمَ يَ مَ، عَلَ نَن نٍيٍ مَكِيتِمَ، كْنْ عَ لَنمَ وٌ تَن شَ «مِشِ حَاشِ كٍرِ وٌ تَفِ.»
\c 6
\s دَنشَنِيَتْي شَ كِيتِ
\p
\v 1 قٍ ندٍ نَ مِنِ وٌ تَن دَنشَنِيَتْييٍ تَفِ، وٌ نْمَ سِفَدٍ دِ نَ كَلَمُي سَدٍ كَاقِرِيٍ شَ كِيتِ بَنشِ كُي؟ وٌ مُ سِفَمَ سّنِيّنتْييٍ شَ يِرٍ؟ 
\v 2 وٌ مُ عَ كٌلٌن سّنِيّنتْييٍ نَن قَمَ دُنِحَ بِرِن مَكِيتِدٍ؟ شَ وٌ تَن نَن دُنِحَ مَكِيتِمَ، وٌ قَ تَفَنشِ يِ كِيتِ شُنشُرِيٍ سَدٍ دِ؟ 
\v 3 وٌ مُ عَ كٌلٌن عَ وٌن قَمَ نّ مَلٍكّيٍ يَتِ مَكِيتِدٍ؟ نَ كُي، وٌن قَ تَفَنشِ يِ دُنِحَ قٍيٍ مَكِيتِدٍ مُنقٍ رَ؟ 
\v 4 شَ يِ دُنِحَ قٍ ندٍ بَرَ مِنِ وٌ تَفِ فٍرٍ رَ، هَلِ وٌ مِشِ شُرِ ندٍ تٌنفٌ دَنشَنِيَتْي حَمَ يَ مَ، نَ نْمَ نّ نَ كِيتِ سَدٍ وٌ بّ.
\p
\v 5 وٌ مُ يَافِمَ نَ رَ؟ لْننِلَ يٌ مُ نَ وٌ يَ مَ نَشَن نْمَ كِيتِ سَدٍ دَنشَنِيَتْييٍ تَفِ؟ 
\v 6 كْنْ دَنشَنِيَتْييٍ عٍ بٌورٍ كَلَمُمَ كَاقِرِ شَ كِيتِ بَنشِ كُي. 
\v 7 فٍرٍ تٌ نَ وٌ تَفِ، نَ بَرَ عَ مَسٍن عَ وٌ شُن بَرَ رَكَنَ. مُنقٍ رَ وٌ مُ دِحّمَ وٌ بٌرٍ هَاكّ مَ، هَلِ نَ قِندِشِ كَسَرّ نَن نَ وٌ بّ؟ 
\v 8 كْنْ وٌ تَن هَرِفٍ بَمَ وٌ بٌورٍ دَنشَنِيَتْييٍ يِ رَ تِنشِنتَرٍيَ رَ.
\p
\v 9 وٌ مُ عَ كٌلٌن عَ مِشِ حَاشِ مُ عَرِيَننَ سْتْمَ كّ رَ؟ وٌ نَشَ وٌ يّتّ مَدَشُ. لَنفٌي فِنّ يٌ، كُيٍ بَتُي يٌ، يّنّلَ يٌ، لَنفٌي شّمّ يٌ، شّمّ نَشَن نُن شّمّ كَقُمَ، 
\v 10 مُحّتِ، مِلَنتٍ، سِيسِلَ، كٌنبِتِ، نُن مِشِ مَدَشُي، عٍ سٍسٍ مُ عَرِيَننَ سْتْمَ كّ رَ. 
\v 11 ندٍيٍ نَ وٌ يَ مَ نَشٍيٍ نُ نَ نَ قٍ مْولِ كُي، كْنْ وٌ بَرَ رَقِيشّ، وٌ بَرَ رَ سّنِيّن، وٌ بَرَ مَتِنشِن، وٌن مَرِفِ عِسَ، عَلَ شَ مِشِ سُفَندِشِ شِلِ رَ، عَ نُن عَلَ شَشِلِ سَابُي رَ.
\p
\v 12 قٍ بِرِن نَدَشَشِ ﭑ بّ، كْنْ عَ بِرِن شَ مُ قَن ﭑ بّ. قٍ بِرِن نَدَشَشِ ﭑ بّ، كْنْ ﭑ مُ تِنمَ نَ قٍ مْولِ ندٍ شَ نْ ﭑ نَ. 
\v 13 عَلَ نَن دٌنسٍ دَاشِ عَدَ مَ شَ بَلٌي رَ، عَ عَدَ مَ دَاشِ نّ عَ شَ نَ دٌنسٍ دٌن، كْنْ عَلَ نَ بِرِن حْنمَ نّ. عَلَ مُ عَدَ مَ قَتٍ دَاشِ عَ شَ يّنّ رَبَ. عَ عَدَ مَ دَاشِ عَ مَرِفِ نَن بّ. مَرِفِ مَن مّينِمَ نّ عَدَ مَ قَتٍ مَ. 
\v 14 عَلَ نَشَن وٌن مَرِفِ رَكٍلِشِ قَشّ مَ، عَ قَمَ نّ وٌن تَن قَن نَكٍلِدٍ قَشّ مَ عَ سّنبّ رَ.
\p
\v 15 وٌ مُ عَ كٌلٌن وٌ قَتُشِ عَلَ شَ مِشِ سُفَندِشِ نَن مَ، عَلْ وٌ قَتٍ سَلٌنيِيٍ قَتُشِ عٍ بٌرٍ رَ كِ نَشّ؟ شَ مِشِ قَتُشِ عَلَ شَ مِشِ سُفَندِشِ مَ، عَ مُ لَن نَ كَنيِ نُن لَنفٌي شَ كَقُ. 
\v 16 عَستْقُلَهِ! وٌ مُ عَ كٌلٌن مِشِ نَشَن نُن لَنفٌي كَقُمَ، عَ تَن نُن نَ لَنفٌي قِندِ مَ قَتٍ كٍرٍن نَن نَ؟ عَ سّبّشِ كِتَابُي كُي، «شّمّ نُن فِنّ قِندِ مَ قَتٍ كٍرٍن نَن نَ.» 
\v 17 كْنْ مِشِ نَشَن بَرَ قَتُ مَرِفِ مَ، عٍ شَشِلِ قِندِ مَ كٍرٍن نَن نَ.
\p
\v 18 وٌ وٌ فِ لَنفٌيحَ مَ. يُنُبِ فبّتّ مُ قِندِشِ هَاكّ رَ مِشِ قَتٍ مَ، كْنْ لَنفٌيحَ تَن هَاكّ سْتْمَ مِشِ قَتٍ نَن نَ. 
\v 19 وٌ مُ عَ كٌلٌن وٌ قَتٍ قِندِشِ عَلَ شَشِلِ سّنِيّنشِ شَ هْرْ مْبَنشِ نَن نَ؟ عَلَ بَرَ عَ شَشِلِ رَ سٌ وٌ بْحّ عِ. وٌ مُ قِندِشِ وٌ يّتّ فبٍ شَ رَ سْنْن. 
\v 20 عَلَ نَن وٌ شُنسَرَشِ شُنسَرٍ شْرْشْي رَ. نَ نَن عَ تٌشِ وٌ شَ عَلَ مَتْشْ وٌ قَتٍ نُن وٌ شَشِلِ رَ، نَشٍيٍ قِندِشِ عَلَ فبٍ رَ.
\c 7
\s قُتِ سّرِيّ
\p
\v 1 ﭑ وَ مَ وٌ شَ سّبّلِ يَابِقٍ. عَ قَن شّمّ بّ عَ لُقٍ عَ مُ فِنّ دْشْ، 
\v 2 كْنْ يّنّ تٌ بَرَ فبٌ، عَ لَنمَ شّمّ تَن، كَنكَن شَ عَ فبٍ فِنّ سْتْ. فِنّ قَن، كَنكَن شَ عَ فبٍ مْرِ سْتْ. 
\v 3 شّمّ لَنمَ عَ شَ فِنّ وَشْنقٍ رَبَ قُتِ كِ مَ. فِنّ قَن لَنمَ عَ شَ عَ شَ مْرِ وَشْنقٍ رَبَ قُتِ كِ مَ. 
\v 4 فِنّ قَتٍ لُمَ عَ شَ مْرِ شَ يَامَرِ نَن بُن مَ، شّمّ قَن قَتٍ لُمَ عَ شَ فِنّ شَ يَامَرِ نَن بُن مَ. 
\v 5 وٌ نَشَ تٌندِ وٌ بٌرٍ بّ، قٌ وٌ قِرِن نَلَن عَ مَ وٌ شَ عَلَ مَشَندِ تّمُي نَشّ وَشَتِدِ ندٍ بُن مَ. نَ دَنفِ شَنبِ، وٌ مَن شَ لُ يِرٍ كٍرٍن، شَ نَ مُ عَ رَ، شَ وٌ مُ قَتَ وٌ يّتّ سُشُدٍ، سٍنتَنّ قَمَ نّ وٌ رَتَنتَندٍ. 
\v 6 ﭑ شَ مَرَ سِ ندٍ قِ وٌ مَ، كْنْ يَامَرِ مُ عَ رَ. 
\v 7 عَ شْلِ ﭑ مَ مِشِ بِرِن شَ لُ عَلْ ﭑ تَن، كْنْ عَلَ مُ مِشِ بِرِن كِمَ كّحَ كٍرٍن. عَ عَ رَفِرِشِ ندٍ شَ نْ قٍ ندٍ رَبَدٍ، بٌورٍ قَن شَ نْ قٍ فبّتّ رَبَدٍ.
\p
\v 8 ﭑ شَ عَ قَلَ شّمّيٍ بّ، نَشٍيٍ مُ نُ فِنّ دْشْ سِندٍن، شَ نَ مُ عَ رَ فِنّ نَشٍيٍ مُ نَ شّمّ تَا سِندٍن، شَ نَ مُ عَ رَ كَاحّ فِنّيٍ، شَ نَ مُ عَ رَ شّمّ نَشَن شَ فِنّ لَاشِرَيَشِ، عٍ قَن شَ بِرَ ﭑ مَ مِسَالِ قْشْ رَ. 
\v 9 كْنْ شَ وٌ مُ نْمَ وٌ يّتّ سُشُدٍ، وٌ شَ قُتِ شِرِ. قُتِ شِرِقٍ قِسَ قَتٍ وَشْنقٍ بّ.
\p
\v 10 ﭑ بَرَ شّمّ نُن عَ شَ فِنّ يَمَرِ، فِنّ نَشَ مّي عَ شَ مْرِ رَ. نَ يَامَرِ مُ قَتَنشِ ﭑ تَن نَ، عَ قَتَنشِ مَرِفِ نَن نَ. 
\v 11 شَ عَ سَ لِ فِنّ نَشَ مّي عَ شَ مْرِ رَ، عَ شَ لُ شّمّتَرٍحَ كُي، شَ نَ مُ عَ رَ عَ شَ فبِلٍن عَ شَ مْرِ شْن مَ. شّمّ قَن نَشَ مّي عَ شَ فِنّ رَ.
\p
\v 12 وٌ تَن نَشٍيٍ لُشِ، ﭑ بَرَ وٌ قَن نَسِ، مَرِفِ شَ يَامَرِ مُ عَ رَ. شَ عَ سَ لِ دَنشَنِيَتْي بَرَ فِنّ دَنشَنِيَتَرٍ دْشْ، نَ فِنّ قَ تِن لُدٍ عَ يِ رَ، نَ شّمّ نَشَ مّي عَ رَ. 
\v 13 شَ نَ مُ عَ رَ، شَ عَ سَ لِ فِنّ بَرَ دْشْ شّمّ دَنشَنِيَتَرٍ شْن، نَ شّمّ قَ تِن نَ فِنّ رَ، نَ فِنّ نَشَ مّي عَ شَ مْرِ رَ. 
\v 14 ﭑ عَ قَلَمَ قٍ نَشَن مَ، نَ فِنّ شَ مْرِ دَنشَنِيَتَرٍ نْمَ سّنِيّندٍ عَ شَ فِنّ دَنشَنِيَتْي سَابُي رَ، شَ نَ مُ عَ رَ نَ فِنّ دَنشَنِيَتَرٍ نْمَ سّنِيّندٍ عَ شَ مْرِ دَنشَنِيَتْي سَابُي رَ. شَ دَنشَنِيَتْي مّيمَ عَ شَ دٍنبَيَ رَ، عَ شَ دِيٍ مُ سّنِيّنمَ نُ، كْنْ شَ عَ لُ عَ شَ دٍنبَيَ شُن مَ، عٍ سّنِيّنمَ نّ. 
\v 15 شَ دَنشَنِيَتَرٍ بَرَ مّي عَ شَ فِنّ رَ، شَ نَ مُ عَ رَ عَ شَ مْرِ رَ، عَ شَ سِفَ. شّمّ دَنشَنِيَتْي، شَ نَ مُ عَ رَ فِنّ دَنشَنِيَتْي، عَ مُ شِرِشِ مِشِ دَنشَنِيَتَرٍ مَ. عَلَ وَ مَ نّ وٌن شَ لُ بْحّسَ كُي. 
\v 16 فِنّ، عِ عَ كٌلٌن شَ عِ نْمَ عَ نِيَدٍ عِ شَ مْرِ شَ كِسِ؟ شّمّ، عِ عَ كٌلٌن شَ عِ نْمَ عَ نِيَدٍ عِ شَ فِنّ شَ كِسِ؟
\p
\v 17 كَنكَن شَ حّرّ كِرَ شْن مَ مَرِفِ عَ تِشِ نَشَن شْن. كَنكَن شَ وَلِ رَبَ مَرِفِ بّ عَ نَشَن سٌشِ عَ يِ رَ. ﭑ نَ يَامَرِ نَن مَسٍنمَ دَنشَنِيَتْي حَمَ بِرِن بّ. 
\v 18 شَ عَلَ بَرَ مِشِ سُننَشِ شِلِ دَنشَنِيَ مَ، نَ كَنيِ شَ تِن عَ شَ سُننّ رَ. شَ عَلَ بَرَ سُننَتَرٍ شِلِ دَنشَنِيَ مَ، نَ كَنيِ شَ لُ عَ سُننَتَرٍيَ كُي. 
\v 19 سُننَقٍ نُن سُننَتَرٍيَ، قٍقٍ مُ عَ رَ. عَلَ شَ يَامَرِ رَبَتُقٍ، نَ نَن تِدٍ فبٌ. 
\v 20 كَنكَن شَ لُ عَ كّحَ، عَلْ عَلَ عَ شِلِشِ تّمُي نَشّ. 
\v 21 كٌنيِ نَن نُ نَ عِ رَ، عَلَ عِ شِلِشِ تّمُي نَشّ؟ عِ نَشَ كْنتْقِلِ. شَ عِ نْمَ شْرّيَ سْتْدٍ، نَ قَن. 
\v 22 هَلِ عِ مَرِفِ عَلَ عِ شِلِشِ كٌنيِيَ نَن كُي، لَسِرِ نَن عِ رَ عِ مَرِفِ عَلَ مَبِرِ. هَلِ عِ مَرِفِ عَلَ عِ شِلِشِ لَسِرِيَ نَن كُي، كٌنيِ نَن عِ رَ عَلَ شَ مِشِ سُفَندِشِ مَبِرِ. 
\v 23 وٌ شُنسَرَشِ سَرٍ شْرْشْي نَن نَ. وٌ نَشَ قِندِ عَدَ مَ شَ كٌنيِيٍ رَ. 
\v 24 ﭑ نفَشَكٍرٍنيِيٍ، كَنكَن شَ لُ عَ كّحَ، عَلْ عَلَ عَ شِلِشِ تّمُي نَشّ.
\p
\v 25 مَرِفِ مُ ﭑ يَمَرِشِ فِنّدِ مّدِيٍ شَ قٍ رَ، كْنْ ﭑ وَ مَ مَرَ سِ ندٍ قِقٍ وٌ مَ، ﭑ تَن، عَلَ كِنِكِنِشِ نَشَن مَ، عَ نَشَن مَتِنشِنشِ. 
\v 26 ﭑ تَن بّ، عَ قِسَ شَ فِنّدِ مّدِ مُ دْشْ شّمّ تَا سِندٍن، بَرِ مَ يِ وَشَتِ عَ شْرْشْ. 
\v 27 شَ فِنّ كَنيِ نَن عِ رَ، عِ نَشَ عَ بّحِن. شَ فِنّتَرٍ نَن عِ رَ، عِ نَشَ فِنّ قٍن. 
\v 28 شَ عِ فِنّ قٍنمَ، نَ مُ قِندِ مَ يُنُبِ رَ. شَ فِنّدِ مّدِ دْشْ شّمّ تَا، نَ قَن مُ قِندِ مَ يُنُبِ رَ. كْنْ مِشِ نَشٍيٍ نَ مْولِ رَبَمَ، عٍ قَمَ تْورْدٍ يِ دُنِحّءِفِرِ كُي. ﭑ وَ مَ عٍ رَتَنفَقٍ نَ تْورّ نَن مَ.
\p
\v 29 ﭑ نفَشَكٍرٍنيِيٍ، ﭑ وَ مَ نَشَن مَسٍنقٍ وٌ بّ، وَشَتِ فبٍفبٍ مُ لُشِ سْنْن. كٍلِ يَكْسِ مَ، فِنّ نَ نَشَن يِ، عَ شَ لُ عَلْ فِنّتَرٍ. 
\v 30 نَشَن نَ وَقٍ، عَ شَ لُ عَلْ عَ مُ وَقٍ. نَشَن سّيوَشِ، عَ شَ لُ عَلْ عَ مُ سّيوَشِ. نَشَن نَ سٍ سَرَقٍ، عَ شَ لُ عَلْ سٍ مُ عَ يِ. 
\v 31 نَشَن نَ دُنِحَ قٍ رَوَلِقٍ، عَ شَ لُ عَلْ عَ تِدٍ مُ نَ، بَرِ مَ يِ دُنِحَ نَ حْنقٍ نّ يِ كِ. 
\v 32 عَ شْلِ ﭑ مَ وٌ شَ كْنتْقِلِ بِرِن بّحِن. نَشَن مُ قُتِ شِرِشِ، عَ شَ بِرَ عَلَ شَ قٍيٍ نَن قْشْ رَ، عَلَكٌ مَرِفِ شَ حّلّشِن عَ شَ وَلِ رَ. 
\v 33 كْنْ نَشَن قُتِ شِرِشِ، عَ تَن نَن بِرَ مَ دُنِحَ قٍيٍ قْشْ رَ، عَلَكٌ عَ شَ فِنّ شَ حّلّشِن عَ شَ وَلِ رَ. 
\v 34 نَ تّمُي عَ نَ قٍ قِرِن نَن كُي نَ كِ. فِنّ قَن، نَشَن مُ نَ شّمّ تَا، عَ قِندِ فِنّدِ مّدِ رَ، عَ بِرَ مَ مَرِفِ شَ قٍيٍ نَن قْشْ رَ، عَلَكٌ عَ قَتٍ نُن عَ شَشِلِ شَ سّنِيّن. كْنْ نَشَن دْشْشِ شّمّ تَا، عَ تَن نَن بِرَ مَ دُنِحَ قٍيٍ نَن قْشْ رَ، عَلَكٌ عَ شَ مْرِ شَ حّلّشِن عَ شَ وَلِ رَ. 
\v 35 ﭑ يِ قٍ قَلَمَ وٌ شَ مُنَقَنيِ نَن شَ قٍ رَ. ﭑ مُ عَ قَلَمَ يَنقَنتٍيَ شَ مَ. عَ شْلِ ﭑ مَ وٌ شَ لُ قٍ قَنيِ نَن كُي، وٌ شَ فبَكُ مَرِفِ مَ، كْنتْقِلِ فبّتّ يٌ نَشَ لُ وٌ مَ.
\p
\v 36 مِشِ نَشَن بَرَ فِنّ قٍن قْلْ، عَ قَ عَ كٌلٌن عَ مُ نْمَ عَ يّتّ سُشُدٍ، عَ عَ مَحْشُنشِ نّ عَ عَ لَنمَ عَ شَ نَ فِنّ دْشْ، عَ لَنمَ عَ شَ نَ رَبَ. عَ مُ قِندِشِ يُنُبِ رَ. فِنّقٍنيِيٍ شَ قُتِ شِرِ عٍ نُن عَ شَ فِنّ تَفِ. 
\v 37 كْنْ فِنّقٍنيِ نَشَن نْمَ عَ يّتّ سُشُدٍ، نَشَن بَرَ نَتّ تٌنفٌ عَ يّتّ رَ عَ نَشَ فِنّ دْشْ، نَ كَنيِ بَرَ قٍ قَنيِ رَبَ. 
\v 38 نَ كُي، نَشَن فِنّدِ مّدِ قٍنشِ دْشْمَ، نَ بَرَ قٍ قَنيِ رَبَ، كْنْ نَشَن مُ عَ دْشْمَ، نَ بَرَ قٍ قَنيِ رَبَ دَنفِقٍ بٌورٍ رَ.
\p
\v 39 فِنّ نُن عَ شَ مْرِ لُمَ عَ رَ هَن عَ شَ سِمَيَ دَنيِ نّ. كْنْ شَ عَ شَ مْرِ قَشَ، عَ نْمَ دْشْدٍ شّمّ فبّتّ شْن مَ. عَ نْمَ دْشْدٍ شّمّ شْن عَ نُ وَ نَشَن يٌ شْن، كْنْ عَ شَ قِندِ عَلَ شَ مِشِ نَن نَ. 
\v 40 كْنْ ﭑ تَن بّ، عَ شَ سّيوّ شُن مَسَمَ نّ شَ عَ سَ لُ كَاحّ كُي. ﭑ لَشِ عَ رَ عَ عَلَ شَشِلِ نَ ﭑ بْحّ عِ.
\c 8
\s سّرّشّ دٌنقٍ نَشَن بَشِ كُيٍ بّ
\p
\v 1 وٌن بِرِن بَرَ قَهَامُي سْتْ سّرّشّ سُبٍ شَ قٍ مَ نَشَن بَشِ كُيٍيٍ بّ. قَهَامُي نْمَ قِندِدٍ يّتّ عِفبٌحَ رَ، كْنْ شَنُنتٍيَ نَن مِشِيٍ رَلِمَنِيَمَ. 
\v 2 مِشِ نَشَن حْشْ عَ مَ عَ بَرَ فّ قَهَامُي سْتْدٍ، ندٍ لُشِ عَ شَ قَهَامُي رَ. 
\v 3 كْنْ مِشِ نَشَن عَلَ شَنُمَ، عَلَ بَرَ نَ كَنيِ كٌلٌن.
\p
\v 4 ﭑ شَ قٍ ندٍ مَسٍن وٌ بّ سّرّشّ سُبٍ دٌنقٍ مَ نَشَن بَشِ كُيٍيٍ بّ. وٌن عَ كٌلٌن كُيٍ يٌ مُ نَ دُنِحَ نَشَن قِندِشِ عَلَ رَ. عَلَ كٍرٍن ثٍتِ نَن نَ. 
\v 5 دُنِحَ مِشِيٍ قٍ فبٍفبٍ قِندِ مَ عَلَيٍ رَ كٌورٍ نُن بْشِ مَ. عٍ عٍ شِلِمَ «عَلَيٍ،» عٍ عٍ شِلِمَ «مَرِفِيٍ.» 
\v 6 كْنْ وٌن تَن بّ عَلَ كٍرٍن ثٍتِ نَن نَ، بَبَ عَلَ نَشَن سٍ بِرِن دَاشِ، وٌن قِندِشِ نَشَن فبٍ رَ. مَرِفِ كٍرٍن ثٍتِ نَن نَ، نَشَن قِندِشِ عَلَ شَ مِشِ سُفَندِشِ عِسَ رَ، سٍ بِرِن دَاشِ نَشَن سَابُي رَ، وٌن قَن حّنفِمَ نَشَن سَابُي رَ.
\p
\v 7 كْنْ مِشِ بِرِن مُ فّشِ قَهَامُي سْتْدٍ نَ قٍ مَ. مِشِ نَشٍيٍ نُ بَرَ دَرِ كُيٍ قٍيٍ رَ، هَن يَكْسِ عٍ نّ سّرّشّ سُبٍ دٌنمَ، عٍ تَن بّ عَ بَشِ كُيٍ نَن بّ. عٍ شَشِلِ تٌ مُ فّشِ قٍيٍ قَهَامُدٍ سِندٍن، عٍ يُنُبِ سْتْمَ نَ سُبٍ دٌنقٍ كُي. 
\v 8 دٌنسٍ مُ مِشِ مَكْرّ مَ عَلَ رَ. شَ وٌن بَرَ عَ دٌن، شَ وٌن بَرَ عَ لُ نَ، عَ بِرِن كٍرٍن. 
\v 9 وٌ شَ عَ مَتٌ عَ قَنيِ رَ، عَلَكٌ وٌ شَ شْرّيَ نَشَ عَ نِيَ قَهَامُتَرٍ شَ يُنُبِ سْتْ. 
\v 10 شَ قَهَامُتَرٍ ندٍ بَرَ وٌ تَن قَهَامُي كَنيِ تٌ، وٌ دْشْشِ تٍيبِلِ رَ كُيٍيٍ بَنشِ كُي، نَ نْمَ عَ نِيَدٍ قَهَامُتَرٍ قَن شَ كُيٍ سّرّشّ سُبٍ دٌن. 
\v 11 نَ كُي، قَهَامُتَرٍ، عَلَ شَ مِشِ سُفَندِشِ قَشَ نَشَن بّ، عَ قَمَ لْيدٍ عِ تَن نَن مَ قَهَامُي سَابُي رَ. 
\v 12 نَ كُي، وٌ بَرَ يُنُبِ رَبَ وٌ نفَشَكٍرٍنيِ قَهَامُتَرٍيٍ رَ، وٌ مَن بَرَ يُنُبِ رَبَ عَلَ شَ مِشِ سُفَندِشِ رَ. 
\v 13 نَ نَن عَ تٌشِ، شَ دٌنسٍ ندٍ عَ نِيَمَ ﭑ نفَشَكٍرٍنيِ شَ يُنُبِ تٌنفٌ، ﭑ تَن بَرَ دِحّ نَ دٌنسٍ مَ، عَلَكٌ ﭑ نَشَ ﭑ نفَشَكٍرٍنيِ رَبِرَ.
\c 9
\s كَوَندِتِ شَ وَلِ
\p
\v 1 لَسِرِ شَ مُ نَ ﭑ نَ؟ شّيرَ شَ مُ نَ ﭑ نَ؟ ﭑ مُ وٌن مَرِفِ عِسَ تٌشِ شّ؟ مَرِفِ مُ ﭑ شّيشِ وٌ يِرٍ شّ، عَلَكٌ وٌ شَ دَنشَنِيَ؟ 
\v 2 تّمُندٍ بٌورٍيٍ مُ ﭑ كٌلٌن شّيرَ رَ، كْنْ وٌ تَن ﭑ كٌلٌن، بَرِ مَ وٌ شَ دَنشَنِيَ قِندِشِ ﭑ مَ شّيرَيَ تْنشُمَ نَن نَ مَرِفِ شَ قٍ رَ. 
\v 3 ﭑ مَ شُنمَقَلّ نَن نَ كِ مِشِيٍ بّ نَشٍيٍ وَ مَ ﭑ مَكِيتِقٍ.
\p
\v 4 عَ مُ دَشَ مُشُ شَ مُشُ دّفٍ، مُشُ شَ مُشُ مِن؟ 
\v 5 عَ مُ دَشَ مُشُ شَ فِنّ دَنشَنِيَشِ دْشْ، نَشَن لُمَ مُشُ سّيتِ مَ مُشُ شَ حّرّ كُي، عَلْ شّيرَ بٌورٍيٍ عَ رَبَمَ كِ نَشّ، عَ نُن مَرِفِ نفَشَكٍرٍنيِيٍ نُن كٍقَسِ؟ 
\v 6 كَ ﭑ تَن نُن بَرَنَبَسِ فبَنسَن نَن لَن مُشُ شَ وَلِ مُشُ شَ بَلٌي شَ قٍ رَ؟ 
\v 7 سْورِ مُندُن عَ يّتّ رَبَلٌمَ؟ بْشِ رَوَلِ مُندُن مُ عَ شَ سَنسِ بٌفِ دٌنمَ؟ شُرُ سٍ دّ مَدٌنيِ مُندُن مُ عَ شَ شُرُ سٍ شِحّ مِنمَ؟ 
\v 8 عَدَ مَ شَشِلِ فبَنسَن نَن نَ كِ؟ عَلَ شَ سّرِيّ قَن مُ نَ مْولِ مَسٍنمَ شّ؟
\p
\v 9 عَ سّبّشِ تَوُرٍتَ مُنسَ كُي، «نِنفٍ نّ مّنفِ لُشُتَمَ، وٌ مُ لَن وٌ شَ عَ دّ شِرِ.» نَ كُي، عَلَ وَ مَ مّينِقٍ نِنفٍيٍ نَن فبَنسَن مَ، 
\v 10 كَ عَ نَ قَلَ وٌن تَن نَن قَن مَ قٍ رَ؟ عِيٌ، عَ نَ سّبّ وٌن تَن نَن مَ قٍ رَ. وَلِكّ وَلِمَ قٍ ندٍ نَن مَ. مِشِ مَالٍ بٌرٌنمَ نّ عَلَكٌ عَ شَ بَلٌي سْتْ. 
\v 11 شَ مُشُ بَرَ وَكِلِ وٌ بّ عَلَكٌ وٌ شَ عَلَ كٌلٌن، عَ مُ لَنمَ شّ مُشُ شَ سٍ سْتْ وٌ يِ رَ؟ 
\v 12 شَ مِشِ فبّتّيٍ نَ مْولِ سْتْمَ وٌ رَ، عَ مُ لَنمَ شّ مُشُ سِنفٍ شَ نَ سْتْ؟ كْنْ مُشُ مُ نَ قِندِشِ تٍكُ رَ وٌ مَبِرِ. مُشُ بَرَ دِحّ نَ بِرِن مَ، عَلَكٌ عَلَ شَ مِشِ سُفَندِشِ شَ شِبَارُ قَنيِ كَوَندِقٍ نَشَ مَتْورْ.
\p
\v 13 وٌ مُ عَ كٌلٌن سّرّشّدُبّيٍ قَن بَلٌمَ سّرّشّيٍ نَن نَ نَشٍيٍ بَشِ عَلَ شَ هْرْ مْبَنشِ بّ؟ سّرّشّدُبّ نَشٍيٍ سّرّشّ سَمَ سّرّشّبَدٍ، عٍ شَ بَلٌي مِنِمَ نَ سّرّشّيٍ نَن كُي. 
\v 14 نَ كِ مَرِفِ بَرَ يَامَرِ قِ عَ عَلَ شَ شِبَارُ قَنيِ كَوَندِتِيٍ شَ بَلٌ عٍ شَ كَوَندِ تِ كُي.
\p
\v 15 ﭑ تَن مُ نَ قِندِشِ تٍكُ رَ قٍقٍ مَ. ﭑ مَن مُ يِ بَتَاشّ سّبّشِ شّ عَلَكٌ وٌ شَ ﭑ كِ. كَوَندِ تِقٍ كْبِرِ شَنبِ عَ بَرَ قِندِ حّلّشِنيِ رَ ﭑ بّ. ﭑ مُ تِن مِشِ يٌ شَ نَ حّلّشِنيِ بَ ﭑ يِ رَ، هَلِ نَ قِندِ قَشّ نَن نَ ﭑ بّ. 
\v 16 ﭑ مُ نْمَ ﭑ يّتّ عِفبٌدٍ ﭑ مَ كَوَندِ وَلِ شَ قٍ رَ. كَوَندِ تِقٍ قِندِشِ عَلَ شَ يَامَرِ نَن نَ ﭑ بّ. حَشَنكَتّ نَ ﭑ بّ، شَ ﭑ مُ عَلَ شَ شِبَارُ قَنيِ كَوَندِ. 
\v 17 شَ ﭑ كٍرٍن نَن عَ حَنِفٍشِ نُ، عَ لَنمَ ﭑ شَ سَرٍ سْتْ. كْنْ شَ عَ مُ قَتَنشِ ﭑ يّتّ حَنِفٍ شَ رَ، ﭑ نَ شّيرَيَ نَن نَبَقٍ تُن، نَشَن تَشُشِ ﭑ نَ. 
\v 18 نَ كُي، ﭑ سَرٍ قِندِ مَ مُنسٍ رَ؟ ﭑ سَرٍ قِندِ مَ نَ حّلّشِنيِ نَن نَ، نَشَن قَتَنشِ عَلَ شَ شِبَارُ قَنيِ كَوَندِقٍ رَ سَرٍ شَنبِ ﭑ نُ نْمَ نَشَن مَشْرِندٍ.
\p
\v 19 هَلِ لَسِرِ نَن ﭑ نَ، ﭑ نَن ﭑ يّتّ قِندِ مَ مِشِ بِرِن شَ كٌنيِ نَن نَ عَلَكٌ ﭑ شَ مِشِ فبٍفبٍ سْتْ عَلَ بّ. 
\v 20 ﭑ نَن حّرّ مَ يُوِقِ كِ نَن مَ يُوِقِيٍ يَ مَ عَلَكٌ ﭑ شَ عٍ سْتْ عَلَ بّ. ﭑ نَن حّرّ مَ مُنسَ شَ سّرِيّ كِ نَن مَ، هَلِ ﭑ مُ نَ نَ يَامَرِ بُن مَ، عَلَكٌ ﭑ شَ مِشِيٍ سْتْ عَلَ بّ نَشٍيٍ نَ نَ سّرِيّ بُن مَ. 
\v 21 شَ ﭑ نَ مِشِيٍ يَ مَ نَشٍيٍ مُ نَ مُنسَ شَ سّرِيّ بُن مَ، ﭑ قَن لُمَ عٍ فبٍ كِ نّ، عَلَكٌ ﭑ شَ نَ مِشِ مْولِ سْتْ عَلَ بّ. ﭑ نَن حّرّ مَ نَ كِ نّ هَلِ ﭑ تَن تٌ نَ عَلَ شَ سّرِيّ بُن مَ. ﭑ نَ عَ شَ مِشِ سُفَندِشِ شَ يَامَرِ نَن بُن مَ. 
\v 22 ﭑ بَرَ حّرّ قَهَامُتَرٍحَ كِ مَ قَهَامُتَرٍيٍ يَ مَ، عَلَكٌ ﭑ شَ عٍ قَن سْتْ عَلَ بّ. ﭑ بَرَ قٍ مْولِ بِرِن نَبَ، ﭑ بَرَ حّرّ مِشِ مْولِ بِرِن فبٍ كِ مَ، عَلَكٌ ﭑ شَ مِشِ ندٍيٍ سْتْ عَلَ بّ. 
\v 23 ﭑ قٍ بِرِن نَبَمَ عَلَكٌ عَلَ شَ شِبَارُ قَنيِ شَ كَوَندِ، ﭑ قَن شَ لُ نَ نّمّ كُي.
\p
\v 24 وٌ مُ عَ كٌلٌن فِ مِشِ نَشٍيٍ فبَتَمَ حَمَ يَ شْرِ، مِشِ كٍرٍن فبَنسَن نَن فٍينِمَ، عَ سَرٍ سْتْ؟ وٌ قَن شَ حّرّ عَ قَنيِ رَ وٌ شَ دُنِحّءِفِرِ كُي، عَلَكٌ وٌ شَ سَرٍ سْتْ عَلَ رَ. 
\v 25 فِ مِشِ نَشٍيٍ فبَتَ رَبَمَ، عٍ قٍ شْرْشْي مْولِ بِرِن نَبَمَ، عَلَكٌ عٍ شَ فٍينِ، هَلِ نَ سَرٍ مُ بُ. وٌن تَن نَن سَرٍ ندٍ سْتْمَ نَشَن بُمَ عَبَدَن. 
\v 26 نَ نَن عَ تٌشِ ﭑ لُمَ ﭑ حّرّ كِ مَتٌ رَ عَ قَنيِ رَ، ﭑ مُ بْنبْمَ قٍ قُقَقُ رَ. 
\v 27 ﭑ نَن ﭑ يّتّ سُشُمَ نّ سّنبّ رَ، عَلَكٌ ﭑ تَن كَوَندِتِ قَن نَشَ قَ عَلَ شَ مَسٍنيِ مَتَندِ، ﭑ شَ لْي.
\c 10
\s عِسِرَيِلَ شَ مِسَالِ
\p
\v 1 ﭑ نفَشَكٍرٍنيِيٍ، ﭑ مُ وَ مَ وٌ شَ نّيمُ عَ مَ وٌن بَبَيٍ نَشَن نَبَشِ. عٍ نَشَ حّرّ نُشُي بُن مَ، عٍ نَشَ بَا عِفِرِ. 
\v 2 عٍ نُن عَننَبِ مُنسَ، عٍ بِرِن نَشَ قٍ كٍرٍن عِدَنفِ نُشُي كُي عَ نُن بَا عِفِرِ كُي. 
\v 3 عٍ بِرِن نَشَ دٌنسٍ دٌن نَشَن قَتَنشِ عَلَ رَ. 
\v 4 عٍ بِرِن نَشَ مِنسٍ مِن، عَلَ نَشَن نَمِنِ قَنيٍ مَ. نَ قَنيٍ، عَلَ شَ مِشِ سُفَندِشِ نَن عَ رَ، نَشَن نُ بِرَشِ عٍ قْشْ رَ. 
\v 5 كْنْ مِشِ فبٍفبٍ نُ نَ عٍ يَ مَ، نَشٍيٍ مُ نُ فّشِ رَقَندٍ عَلَ مَ، نَ نَن عَ تٌ عٍ نَشَ قَشَ فبٍنفبٍرٍنيِ مَ.
\p
\v 6 عٍ شَ حّرّ بِرِن قِندِشِ مِسَالِ نَن نَ وٌن بّ، عَلَكٌ وٌن نَشَ بِرَ قٍ حَاشِ قْشْ رَ عَلْ عٍ عَ رَبَشِ كِ نَشّ. 
\v 7 وٌ نَشَ كُيٍيٍ بَتُ، عَلْ ندٍيٍ عَ رَبَ كِ نَشّ عٍ تَفِ. عَ سّبّشِ كِتَابُي كُي، «حَمَ نَشَ دْشْ عٍ دّفٍدٍ، عٍ نَشَ عٍ مِن، عٍ قَ كٍلِ يّنّ رَبَدٍ.» 
\v 8 وٌن نَشَ بِرَ يّنّ قْشْ رَ عَلْ ندٍيٍ عَ رَبَ كِ نَشّ عٍ يَ مَ. نَ كُي، مِشِ وُلُ مْشْحّن مِشِ وُلُ سَشَن نَشَ سْنتْ لْشْي كٍرٍن كُي. 
\v 9 وٌن نَشَ مَرِفِ مَتٌ عَلْ ندٍيٍ عَ مَتٌ كِ نَشّ عٍ يَ مَ، بْشِمَسٍيٍ نَشٍيٍ قَشَ. 
\v 10 وٌ نَشَ وٌ مَوَ، عَلْ ندٍيٍ عٍ مَوَ كِ نَشّ عٍ يَ مَ، سَيَمَلٍكّ قَ عٍ قَشَ. 
\v 11 نَ قٍ مْولِ عٍ لِشِ نّ، عَ شَ قِندِ مِسَالِ رَ وٌن تَن مِشِيٍ بّ نَشٍيٍ نَ وَشَتِ دْنشْي. عَ بِرِن سّبّشِ نَ نَن مَ.
\p
\v 12 نَ كُي، نَشَن لَشِ عَ رَ عَ تِشِ، عَ شَ مّينِ عَ يّتّ مَ عَلَكٌ عَ نَشَ بِرَ. 
\v 13 مَرَتَنتَنيِ يٌ مُ وٌ لِشِ، عَدَ مَدِ مُ نْمَ نَشَن نَ. عَلَ نَ عَ شُي شَنبِ رَ. عَ مُ عَ لُمَ مَرَتَنتَنيِ يٌ شَ وٌ لِ، نَشَن نْمَ وٌ رَ. مَرَتَنتَنيِ نَ وٌ لِ، عَلَ قّيرّ ندٍ قِمَ نّ وٌ مَ، عَلَكٌ وٌ شَ نْ مِنِدٍ عَ كُي، وٌ شَ نْ عَ رَ.
\p
\v 14 نَ كُي، ﭑ شَنُنتٍنيِيٍ، وٌ شَ فبِلٍن كُيٍ بَتُقٍ قْشْ رَ. 
\v 15 ﭑ نَ وْيّنقٍ شَشِلِمَيٍ نَن بّ، وٌ شَ وٌ تُلِ مَتِ ﭑ مَ مَسٍنيِ رَ. 
\v 16 وٌن عَلَ تَنتُمَ مِنسٍ نَشَن مَ، نَ مِنسٍ مُ عَ مَسٍنمَ شّ وٌن نُن عَلَ شَ مِشِ سُفَندِشِ وُلِ نَ عَ رَ؟ وٌن تَامِ نَشَن عِتَشُنمَ وٌن بٌرٍ مَ، نَ تَامِ مُ عَ مَسٍنمَ شّ وٌن نُن عَلَ شَ مِشِ سُفَندِشِ قَتٍ نَ عَ رَ؟ 
\v 17 تَامِ كٍرٍن نَن عَ رَ. وٌن قَن، هَلِ وٌن وُيَ، وٌن بَرَ بٌنِ وٌن بٌرٍ رَ، وٌن بَرَ قِندِ مِشِ كٍرٍن نَ، بَرِ مَ وٌن بِرِن تَامِ كٍرٍن نَن دٌنمَ.
\p
\v 18 وٌ عِسِرَيِلَكَيٍ يَتِ مَتٌ. نَشٍيٍ سّرّشّ سُبٍ دٌنمَ، عٍ مُ لَمَ شّ نَ وَلِ رَ نَشَن نَبَمَ سّرّشّبَدٍ؟ 
\v 19 ﭑ وَ مَ مُنسٍ مَسٍنقٍ نَ كُي؟ سّرّشّ سُبٍ نَشَن قِشِ كُيٍ مَ عَ تِدٍ فبٌ؟ شَ نَ مُ عَ رَ نَ كُيٍ تِدٍ فبٌ؟ عَستْقُلَهِ. 
\v 20 ﭑ شَ عَ قَلَ وٌ بّ، كُيٍ بَتُييٍ سّرّشّ بَمَ حِننّيٍ نَن بّ، عٍ مُ عَ بَمَ عَلَ شَ بّ. ﭑ تَن مُ تِنمَ وٌ نُن حِننّيٍ شَ لُ قٍ كٍرٍن. 
\v 21 وٌ مُ نْمَ مِنسٍ مِندٍ مَرِفِ شِلِ رَ، وٌ مَن شَ مِنسٍ مِن حِننّيٍ شِلِ قَن نَ. وٌ مُ نْمَ تَامِ دٌندٍ مَرِفِ شِلِ رَ، وٌ مَن شَ تَامِ دٌن حِننّيٍ شِلِ رَ. 
\v 22 وٌ وَ مَ مَرِفِ رَشْنْقٍ نّ، نَشَن مُ وَ مَ عَ قِرِن ندٍ شْن؟ وٌ حْشْ عَ مَ وٌن سّنبّ دَنفِ عَ فبٍ رَ؟
\p
\v 23 عَ بِرِن دَشَ، كْنْ عَ بِرِن مُ قٍ قَنيِ رَ مِنِمَ. عَ بِرِن دَشَ، كْنْ عَ بِرِن مُ قِندِ مَ مُنَقَنيِ رَ. 
\v 24 مِشِ نَشَ عَ يّتّ كَن شَ مُنَقَنيِ فبَنسَن شَ قٍن، عَ شَ عَ بٌورٍ شَ مُنَقَنيِ قَن قٍن. 
\v 25 وٌ نْمَ سُبٍ مْولِ بِرِن دٌندٍ نَشَن مَتِمَ مَكِيتِ. هَلِ وٌ مُ فَاشُ، نَ سٍسٍ مُ قِندِشِ يُنُبِ رَ، 
\v 26 بَرِ مَ «عَلَتَلَ نَن فبٍ نَ بْشِ نُن عَ عِسٍ بِرِن نَ.»
\p
\v 27 شَ دَنشَنِيَتَرٍ ندٍ وٌ شِلِ وٌ شَ وٌ دّفٍ يِرٍ كٍرٍن، شَ وٌ وَ مَ سِفَقٍ، وٌ شَ سِفَ، وٌ شَ دٌنسٍ مْولِ بِرِن دٌن عَ نَشَن قِمَ وٌ مَ. نَ سٍسٍ مُ قِندِ مَ يُنُبِ رَ. 
\v 28 كْنْ شَ عَ سَ لِ مِشِ ندٍ قَ عَ قَلَ وٌ بّ، «يِ دٌنسٍ بَشِ سّرّشّ نَن نَ،» وٌ نَشَ نَ دٌن نَ كَنيِ شَ قٍ رَ، بَرِ مَ يُنُبِ نَن عَ رَ عَ بّ عَ شَشِلِ كِ مَ. 
\v 29 يُنُبِ قٍ مُ عَ رَ عِ تَن بّ عِ شَشِلِ كِ مَ، كْنْ عَ مُ لَنمَ عِ نَشَن نَبَمَ عِ شَ يّتّرَلُ كُي، عِ بٌورٍ شَ نَ مَحْشُن عِ بّ يُنُبِ رَ. 
\v 30 عَ مُ لَنمَ مِشِ شَ قٍ حَاشِ مَحْشُن ﭑ مَ دٌنسٍ شَ قٍ رَ، ﭑ عَلَ تَنتُمَ نَشَن مَ قٍ رَ.
\p
\v 31 نَ نَن نَ كِ، وٌ نَشَن يٌ دٌنمَ، وٌ نَشَن يٌ مِنمَ، وٌ نَشَن يٌ رَبَمَ، وٌ شَ نَ بِرِن نَبَ عَلَكٌ عَلَ شَ مَتْشْي سْتْ. 
\v 32 وٌ نَشَ مِشِ يٌ رَتَنتَن، فِرّكِ يٌ، يُوِقِ يٌ، عَلَ شَ دَنشَنِيَتْي يٌ. 
\v 33 ﭑ قَن حّرّ مَ نَ كِ نّ، عَلَكٌ ﭑ مَ قٍ بِرِن شَ رَقَن مِشِ بِرِن مَ. ﭑ مُ نَ ﭑ يّتّ شَ مُنَقَنيِ شَ قٍنقٍ. ﭑ نَ مِشِ فبٍفبٍ شَ مُنَقَنيِ نَن قٍنقٍ، عَلَكٌ عٍ شَ كِسِ.
\c 11
\s دَنشَنِيَتْييٍ شَ مَلَنيِ رَبَ كِ
\p
\v 1 وٌ شَ بِرَ ﭑ مَ مِسَالِ قْشْ رَ، عَلْ ﭑ قَن بِرَشِ عَلَ شَ مِشِ سُفَندِشِ شَ مِسَالِ قْشْ رَ كِ نَشّ. 
\v 2 ﭑ بَرَ وٌ مَتْشْ بَرِ مَ وٌ رَتُمَ ﭑ مَ قٍ مَ تّمُي بِرِن، وٌ مَن ﭑ مَ يَامَرِيٍ رَبَتُمَ.
\p
\v 3 عَ شْلِ ﭑ مَ وٌ شَ عَ كٌلٌن شّمّ بِرِن نَ عَلَ شَ مِشِ سُفَندِشِ شَ يَامَرِ نَن بُن مَ، فِنّ بِرِن نَ شّمّ شَ يَامَرِ نَن بُن مَ، عَ نُن عَلَ شَ مِشِ سُفَندِشِ قَن نَ عَلَ شَ يَامَرِ نَن بُن مَ. 
\v 4 شّمّ نَشَن بِرِن سَلِمَ، شَ نَ مُ عَ رَ عَ وْيّنمَ عَلَ شِلِ رَ، عَ شُنيِ مَكٌتٌشِ، عَ بَرَ عَ مَرِفِ يٍلٍبُ. 
\v 5 فِنّ نَشَن بِرِن سَلِمَ، شَ نَ مُ عَ رَ عَ وْيّنمَ عَلَ شِلِ رَ، عَ شُنيِ مُ مَكٌتٌشِ، عَ بَرَ عَ شَ مَنفّ يٍلٍبُ. عَ لُشِ نّ عَلْ عَ شُنيِ بَرَ بِ.
\p
\v 6 فِنّ نَشَن مُ عَ شُنيِ مَكٌتٌمَ، هَلِ عَ شُنيِ بِ. فِنّ شُنيِ بِقٍ تٌ قِندِشِ يَافِ رَ، شَ نَ مُ عَ رَ عَ شُنسّشّ مَشَبَقٍ، عَ لَنمَ نّ عَ شَ عَ شُنيِ مَكٌتٌ. 
\v 7 شّمّ تَن مُ لَنمَ عَ شَ عَ شُنيِ مَكٌتٌ، بَرِ مَ عَ قِندِشِ عَلَ مِسَالِ نُن عَ نْرّ نَن نَ، كْنْ فِنّ تَن قِندِشِ شّمّ شَ نْرّ نَن نَ. 
\v 8 شّمّ شَ مُ مِنِشِ فِنّ عِ. فِنّ نَن مِنِشِ شّمّ عِ. 
\v 9 شّمّ شَ مُ دَاشِ فِنّ شَ قٍ رَ. فِنّ نَن دَاشِ شّمّ شَ قٍ رَ. 
\v 10 نَ نَن عَ تٌشِ فِنّ لَنمَ عَ شَ عَ شُنيِ مَكٌتٌ مَلٍكّيٍ شَ قٍ رَ. عَ شُنيِ مَكٌتٌقٍ قِندِشِ تْنشُمَ نَن نَ عَ عَ نَ شّمّ شَ يَامَرِ نَن بُن مَ.
\p
\v 11 كْنْ مَرِفِ شَ قٍ كُي، فِنّ هَيِ نَ شّمّ مَ، شّمّ قَن هَيِ نَ فِنّ مَ. 
\v 12 فِنّ مِنِشِ شّمّ عِ كِ نَشّ، شّمّ قَن بَرِ مَ فِنّ نَن سَابُي رَ. نَ بِرِن كٍلِشِ عَلَ نَن مَ. 
\v 13 وٌ شَ نَ كِيتِ سَ وٌ يّتّ رَ. عَ دَشَ فِنّ شَ سَلِ عَ شُنيِ مُ مَكٌتٌشِ؟ 
\v 14 وٌ دَا كِ يّتّ يَتِ عَ مَسٍنشِ وٌ بّ عَ شّمّ شُنسّشّ نَ كُيَ عَ قِندِشِ يَافِ نَن نَ عَ بّ، 
\v 15 كْنْ فِنّ تَن شُنسّشّ نَ كُيَ، نَ قِندِشِ عَ بّ نْرّ نَن نَ. شُنسّشّ كُيٍ قِشِ فِنّ مَ عَ شُنيِ مَكٌتٌسٍ نَن نَ. 
\v 16 شَ مِشِ ندٍ وَ مَ نَ قٍ مَتَندِقٍ، عَ شَ عَ كٌلٌن مُشُ نُن عَلَ شَ دَنشَنِيَتْي حَمَيٍ بِرَ مَ نَ سّرِيّ نَن قْشْ رَ.
\p
\v 17 كْنْ قٍ ندٍ نَ نَ وٌ نَشَن نَبَمَ وٌ شَ مَلَنيِيٍ كُي، ﭑ مُ نْمَ نَشَن مَتْشْدٍ. نَ ندٍ بَمَ وٌ شَ قٍ قَنيِ نَن نَ، عَ قِندِ قٍ حَاشِ رَ وٌ بّ. 
\v 18 عَ قْلّ، ﭑ بَرَ عَ مّ عَ وٌ مُ لَنمَ وٌ بٌرٍ مَ وٌ وٌ مَلَنمَ تّمُي نَشّ. ﭑ لَشِ عَ رَ نْندِ ندٍ نَ نَ كُي. 
\v 19 لَنتَرٍيَ نَ مِنِ وٌ تَفِ، نَ نْمَ نّ عَ مَسٍندٍ نْندِ نَ نَشٍيٍ بّ وٌ يَ مَ.
\p
\v 20 وٌ نَ وٌ مَلَن، وٌ نَشَن دٌنمَ عَ مُ قِندِشِ مَرِفِ شَ سّرّشّ تْنشُمَ شَ رَ، 
\v 21 بَرِ مَ ندٍيٍ عٍ دّفٍمَ عٍ بٌورٍيٍ شَنبِ. دٌنسٍ نُن مِنسٍ لُمَ ندٍيٍ يِ رَ، كْنْ عٍ بٌورٍيٍ تَن لُمَ كَامّ رَ. 
\v 22 بَنشِيٍ مُ نَ وٌ يِ رَ وٌ وٌ دّفٍمَ عَ نُن وٌ وٌ مِنمَ دّننَشّ؟ مُنقٍ رَ وٌ يٌمَ عَلَ شَ دَنشَنِيَتْي حَمَ مَ، وٌ قَ سٍتَرٍيٍ رَيَافِ؟ ﭑ شَ مُنسٍ قَلَ وٌ بّ؟ ﭑ شَ وٌ مَتْشْ؟ ﭑ مُ وٌ مَتْشْمَ نَ شَ قٍ رَ.
\p
\v 23 مَرِفِ نَشَن مَسٍنشِ ﭑ بّ، ﭑ بَرَ نَ دّنتّفّ وٌ بّ. عٍ مَرِفِ عِسَ يَنقَ كْي نَشَن نَ، عَ نَشَ تَامِ تٌنفٌ، 
\v 24 عَ نَشَ تَنتُي رَ سِفَ عَلَ مَ، عَ قَ تَامِ عِفِرَ، عَ عَ سٌ عَ قْشِرَبِرّيٍ يِ رَ عَ قَلَقٍ رَ، «وٌ ﭑ كٌ، وٌ عَ دٌن. يِ قِندِشِ ﭑ قَتٍ نَن نَ، نَشَن قِشِ وٌ بّ. وٌ شَ رَتُ ﭑ مَ يِ سَابُي رَ.» 
\v 25 عٍ تٌ فّ عٍ دّفٍدٍ، عِسَ مَن نَشَ تْنبِلِ تٌنفٌ، عَ عَ قَلَ، «ﭑ وُلِ نَن يَ، سَاتّ وُلِ نَشَن بَشِ مِشِ فبٍفبٍ بّ. وٌ نَ عَ مِن تّمُي يٌ تّمُي، وٌ شَ رَتُ ﭑ مَ يِ سَابُي رَ. 
\v 26 تّمُي يٌ تّمُي، وٌ نّ نَ تَامِ دٌنمَ، وٌ نّ نَ مِنسٍ مِنمَ، وٌ لُمَ مَرِفِ شَ قَشّ نَن مَسٍن نَ هَن عَ فبِلٍن وَشَتِ.»
\p
\v 27 نَ نَ عَ رَ، مِشِ يٌ نَشَن نَ تَامِ دٌن، عَ نَ مِنسٍ مِن بِنيّتَرٍحَ كُي، عَ بَرَ يُنُبِ سْتْ مَرِفِ قَتٍ نُن عَ وُلِ رَ. 
\v 28 بٍينُن مِشِ شَ نَ تَامِ دٌن، بٍينُن مِشِ شَ نَ مِنسٍ مِن، عَ لَنمَ عَ شَ عَ يّتّ مَتٌ، 
\v 29 بَرِ مَ نَشَن نَ تَامِ دٌن، عَ نَ مِنسٍ مِن، عَ مُ عَ كٌلٌن مَرِفِ قَتٍ نَن عَ رَ، عَ بَرَ كِيتِ حَاشِ سْتْ.
\p
\v 30 نَ نَن عَ تٌشِ قُرٍ مَيٍ نُن سّنبّتَرٍيٍ وُيَشِ وٌ يَ مَ. ندٍيٍ حَن بَرَ بّلّ. 
\v 31 شَ وٌن لُمَ وٌن يّتّ مَتٌ رَ، وٌن مُ قَمَ كِيتِ حَاشِ سْتْدٍ. 
\v 32 مَرِفِ وٌن مَكِيتِمَ نّ، عَلَكٌ عَ شَ وٌن مَتِنشِن، وٌن نَشَ كِيتِ حَاشِ سْتْ عَلْ دُنِحَ مِشِيٍ. 
\v 33 ﭑ نفَشَكٍرٍنيِيٍ، نَ كُي، وٌ شَ وٌ بٌرٍ مَمّ، وٌ وٌ مَلَنمَ تّمُي نَشّ مَرِفِ شَ سّرّشّ تْنشُمَ دٌندٍ. 
\v 34 شَ كَامّ نَ مِشِ مَ، عَ شَ عَ دّفٍ عَ شْنيِ، عَلَكٌ عَ نَشَ قِندِ كِيتِ حَاشِ رَ وٌ شَ مَلَنيِ كُي. ﭑ نَ قَ، ﭑ قَمَ نَ قٍ فبّتّيٍ يَءِلَندٍ نَشٍيٍ كَنَشِ وٌ تَفِ.
\c 12
\s عَلَ شَشِلِ دَنشَنِيَتْييٍ مَلِقٍ
\p
\v 1 ﭑ نفَشَكٍرٍنيِيٍ، عَ شْلِ ﭑ مَ وٌ شَ قَهَامُي سْتْ قٍيٍ رَ عَلَ شَشِلِ سّنِيّنشِ وٌ كِمَ نَشٍيٍ رَ. 
\v 2 وٌ تٌ نُ نَ كَاقِرِحَ كُي، قٍ ندٍ نَشَ عَ نِيَ وٌ شَ بِرَ كُيٍ دُندُشِيٍ قْشْ رَ. 
\v 3 نَ نَ عَ رَ، ﭑ شَ عَ قَلَ وٌ بّ، مِشِ نَشَن وْيّنمَ عَلَ شَشِلِ سّنِيّنشِ سَابُي رَ، عَ مُ نْمَ عَ قَلَدٍ، «عِسَ دَنكَشِ.» مِشِ يٌ قَن مُ نْمَ عَ قَلَدٍ، «عِسَ قِندِشِ مَرِفِ نَن نَ،» شَ عَلَ شَشِلِ سّنِيّنشِ سَابُي شَ مُ عَ رَ.
\p
\v 4 عَلَ شَ كِ دْشْي وُيَ، كْنْ عَ بِرِن قَتَنشِ عَلَ شَشِلِ كٍرٍن نَن نَ. 
\v 5 عَلَ شَ وَلِ دْشْي وُيَ، كْنْ عَ بِرِن قَتَنشِ مَرِفِ كٍرٍن نَن نَ. 
\v 6 عَلَ شَ قٍ رَبَشِ دْشْي وُيَ، كْنْ عَ بِرِن قَتَنشِ عَلَ كٍرٍن نَن نَ. عَلَ كٍرٍن نَن عَ رَفِرِ مَ وٌ شَ نْ نَ قٍيٍ رَبَدٍ.
\p
\v 7 عَلَ شَشِلِ عَ يّتّ مَسٍنمَ كَنكَن بّ حَمَ شَ مُنَقَنيِ شَ قٍ رَ. 
\v 8 عَلَ شَشِلِ ندٍيٍ كِمَ شَشِلِمَيَ مَسٍنيِ رَ، عَ ندٍيٍ كِمَ قٍ كٌلٌنيِ مَسٍنيِ رَ، 
\v 9 عَ ندٍيٍ كِمَ سّنبّ رَ نَشَن قَتَنشِ دَنشَنِيَ رَ، عَ ندٍيٍ كِمَ سّنبّ رَ نَشَن عَ نِيَمَ عٍ شَ نْ مِشِ رَيَلَندٍ، 
\v 10 عَ ندٍيٍ كِمَ سّنبّ رَ نَشَن قِندِ مَ كَابَنَكٌي رَبَقٍ رَ، عَ ندٍيٍ كِمَ مَسٍنيِ رَ عٍ شَ وْيّن عَلَ شِلِ رَ، عَ ندٍيٍ كِمَ كٌلٌنيِ رَ عَلَكٌ عٍ شَ قَتَ عَلَ شَ قٍ نُن سٍنتَنّ شَ قٍ تَفِ رَ سَدٍ، عَ ندٍيٍ كِمَ سّنبّ رَ عٍ شَ نْ شُي فبّتّيٍ قَلَدٍ، عَ ندٍيٍ كِمَ نَ شُييٍ مَدَنفِقٍ رَ. 
\v 11 عَلَ شَشِلِ كٍرٍن نَن نَ وَلِ مْولِ بِرِن نَبَمَ. عَ كَنكَن كِمَ عَلْ عَ عَ حَنِفٍشِ كِ نَشّ.
\p
\v 12 مِشِ سَلٌنسٍيٍ وُيَ، كْنْ عٍ قِندِشِ قَتٍ فُندِ كٍرٍن نَن نَ. عٍ بِرِن نَدْشْشِ عٍ بٌرٍ رَ، عٍ قِندِ كٍرٍن نَ. وٌن نُن عَلَ شَ مِشِ سُفَندِشِ نَ نَ كِ نّ. 
\v 13 وٌن تَن دَنشَنِيَتْي بِرِن بَرَ عَلَ شَشِلِ كٍرٍنيِ سْتْ. وٌن بِرِن بَرَ قِندِ قَتٍ كٍرٍن نَ. يُوِقِ يٌ، فِرّكِ يٌ، كٌنيِ يٌ، لَسِرِ يٌ، وٌن بِرِن بَلٌمَ شَشِلِ كٍرٍن نَن سَابُي رَ.
\p
\v 14 قَتٍ مُ قِندِشِ سَلٌنسٍ كٍرٍن فبَنسَن شَ رَ، عٍ وُيَ. 
\v 15 شَ عَ سَ لِ عِ سَنيِ عَ قَلَ، «ﭑ مُ نَ عِ قَتٍ مَ، بَرِ مَ ﭑ مُ قِندِشِ بّلّشّ رَ،» نَ مُ عَ نِيَمَ عَ شَ بَ عِ قَتٍ مَ. 
\v 16 شَ عَ سَ لِ عِ تُلِ عَ قَلَ، «ﭑ مُ نَ عِ قَتٍ مَ، بَرِ مَ ﭑ مُ قِندِشِ يَ رَ،» نَ مُ عَ نِيَمَ عَ شَ بَ عِ قَتٍ مَ. 
\v 17 شَ قَتٍ بِرِن سَ قِندِشِ يَ نَن نَ، مِشِ قٍ مّمَ دِ؟ شَ قَتٍ بِرِن سَ قِندِشِ تُلِ نَن نَ، مِشِ سٍ شِرِ مّمَ دِ؟
\p
\v 18 عَلَ بَرَ سَلٌنسٍ بِرِن دْشْ مِشِ قَتٍ مَ، عَلْ عَ وَ مَ عَ شْن مَ كِ نَشّ. 
\v 19 شَ نَ بِرِن قِندِ سَلٌنسٍ كٍرٍن نَ، قَتٍ قَ قِندِ مَ عَ رَ دِ؟ 
\v 20 سَلٌنسٍيٍ وُيَ، كْنْ قَتٍ فُندِ كٍرٍن نَ عَ رَ. 
\v 21 عِ يَ مُ نْمَ عَ قَلَدٍ عِ بّلّشّ بّ، «ﭑ هَيِ مُ نَ عِ مَ.» عِ شُنيِ مُ نْمَ عَ قَلَدٍ عِ سَنيِ بّ، «ﭑ هَيِ مُ نَ عِ مَ.»
\p
\v 22 نَ مُ نْمَ رَبَدٍ قٍوٌ! هَلِ قَتٍ سَلٌنسٍ نَشٍيٍ سّنبّ مُ فبٌ، قَتٍ هَيِ نَ عٍ مَ. 
\v 23 وٌن وٌن قَتٍ سَلٌنسٍ نَشٍيٍ مَحْشُنشِ عَ عٍ تِدٍ شُرُن، وٌن مّينِشِ نٍيٍ مَ دَنفِ بٌورٍيٍ رَ. وٌن وٌن قَتٍ سَلٌنسٍ نَشٍيٍ سُتُرَشِ، وٌن مّينِشِ نٍيٍ مَ دَنفِ بٌورٍيٍ رَ. 
\v 24 سَلٌنسٍ نَشٍيٍ مُ سُتُرَشِ، عٍ هَيِ مُ نَ عَ مَ مِشِ شَ مّننِ عٍ مَ عَ فبٍ رَ. عَلَ نَشَ مِشِ قَتٍ يَءِلَن عَلَكٌ سَلٌنسٍ نَشٍيٍ مَحْشُنشِ عَ عٍ تِدٍ شُرُن، عٍ تِدٍ شَ دَنفِ بٌورٍيٍ رَ. 
\v 25 عَ مُ وَ مَ وٌن شَ قَتٍ سَلٌنسٍ ندٍ رَقِسَ عَ بٌورٍ بّ. عَ وَ مَ نّ وٌن شَ مّينِ عٍ بِرِن مَ. 
\v 26 شَ عَ سَ لِ سَلٌنسٍ كٍرٍن تْورْ، سَلٌنسٍ بٌورٍيٍ قَن تْورْ مَ نّ. شَ عَ سَ لِ سَلٌنسٍ كٍرٍن بَرَ تِدٍ سْتْ، سَلٌنسٍ بِرِن سّيوَ مَ نّ نَ كُي.
\p
\v 27 وٌ قِندِشِ عَلَ شَ مِشِ سُفَندِشِ قَتٍ نَن نَ. وٌ بِرِن بَرَ قِندِ سَلٌنسٍيٍ رَ نَ قَتٍ كٍرٍنيِ مَ. كَنكَن شَ وَلِ نَ نَ. 
\v 28 عَ قْلّ، عَلَ بَرَ ندٍيٍ تِ عِسَ شَ شّيرَيٍ رَ دَنشَنِيَتْي حَمَ يَ مَ. نَ دَنفِ شَنبِ، عَ بَرَ ندٍيٍ تِ نَمِحْنمّيٍ رَ. عَ سَشَن ندٍ، عَ بَرَ ندٍيٍ تِ كَرَ مْشْيٍ رَ. عَ مَن بَرَ عَ نِيَ ندٍيٍ شَ نْ كَابَنَكٌ رَبَدٍ، ندٍيٍ شَ نْ مِشِ رَيَلَندٍ، ندٍيٍ شَ نْ عٍ بٌورٍيٍ مَلِدٍ كِ فبّتّ. عَ بَرَ ندٍيٍ تِ يَرٍرَتِيٍ رَ، عَ بَرَ ندٍيٍ كِ عَلَكٌ عٍ شَ نْ شُي فبّتّيٍ قَلَدٍ. 
\v 29 نٍيٍ بِرِن قِندِشِ شّيرَيٍ نَن نَ؟ نٍيٍ بِرِن قِندِشِ نَمِحْنمّيٍ نَن نَ؟ نٍيٍ بِرِن قِندِشِ كَرَ مْشْيٍ نَن نَ؟ نٍيٍ بِرِن نْمَ كَابَنَكٌ رَبَدٍ؟ 
\v 30 نٍيٍ بِرِن قَتَ مِشِ رَيَلَندٍ؟ نٍيٍ بِرِن نْمَ شُي فبّتّيٍ قَلَدٍ؟ نٍيٍ بِرِن نْمَ نَ شُييٍ مَدَنفِدٍ عٍ بٌورٍيٍ بّ؟ 
\v 31 وٌ شَ قٍ بِرِن نَبَ عَلَكٌ عَلَ شَ وٌ كِ قٍيٍ رَ نَشٍيٍ دَنفِ قٍ بِرِن نَ. يَكْسِ ﭑ شَ كِرَ قِسَمَنتٍ مَسٍن وٌ بّ.
\c 13
\s شَنُنتٍيَ
\p
\v 1 هَلِ ﭑ نْمَ عَدَ مَيٍ نُن مَلٍكّيٍ شُي قَلَدٍ، شَ شَنُنتٍيَ مُ نَ ﭑ بْحّ كُي، ﭑ شُي لُمَ نّ عَلْ ثَانِ نُن تْلْنيِ بْنبْ شُي. 
\v 2 هَلِ ﭑ مَسٍنيِ تِ عَلَ شِلِ رَ، ﭑ فُندٌ بِرِن كٌلٌن، ﭑ مَن قٍ تِلِنشِ بِرِن قَهَامُ، شَ شَنُنتٍيَ مُ نَ ﭑ بْحّ كُي، مِشِ قُقَقُ نَن ﭑ نَ. هَلِ ﭑ مَ دَنشَنِيَ فبٌ هَن ﭑ قَ نْ فٍيَ تٌنفٌدٍ عَ تِدٍ، شَ شَنُنتٍيَ مُ نَ ﭑ بْحّ كُي، ﭑ تِدٍ يٌ مُ نَ. 
\v 3 هَلِ ﭑ نَن ﭑ هَرِفٍ بِرِن عِتَشُن سٍتَرٍيٍ بَلٌقٍ رَ، هَلِ ﭑ قَشَ تّ شْورَ عَلَ شَ قٍ رَ، شَ شَنُنتٍيَ مُ نَ ﭑ بْحّ كُي، نَ مُ قِندِ مَ فٍينِ يٌ رَ ﭑ بّ.
\p
\v 4 شَنُنتٍيَ عَ نِيَمَ نّ مِشِ شَ قِندِ مِشِ دِحّشِ رَ، عَ قِندِ مِشِ مَلِمَ رَ. عَ مُ مِلَمَ، عَ مُ عَ يّتّ مَتْشْمَ، عَ مُ عَ يّتّ عِفبٌمَ، 
\v 5 عَ مُ شُرُتَرٍحَ رَبَمَ، عَ مُ عَ يّتّ شَ فٍينِ قٍنمَ، عَ مُ شْنْمَ. فبّسّنشْننّيَ مُ لُمَ عَ بْحّ كُي، 
\v 6 عَ مُ حّلّشِنمَ وُلٍ رَ، عَ حّلّشِنمَ نْندِ نَن نَ. 
\v 7 شَنُنتٍيَ نَ نَشَن بّ، عَ دِحّمَ قٍ بِرِن مَ، عَ مُ تّفّ قٍقٍ، عَ عَ شَشِلِ تِمَ قٍ قَنيِ رَ تّمُي بِرِن، عَ تُننَبّشِ قٍ بِرِن مَ.
\p
\v 8 شَنُنتٍيَ مُ حْنمَ عَبَدَن. وْيّنقٍ عَلَ شِلِ رَ عَ حْنمَ نّ، شُي فبّتّيٍ قَلَقٍ دَنمَ نّ، كٌلٌنيِ قَن حْنمَ نّ. 
\v 9 وٌن مُ قٍ بِرِن كٌلٌن، وٌن مُ فّمَ نَمِحْنمّ مَسٍنيِ بِرِن قَلَدٍ، 
\v 10 كْنْ قٍ كَمَلِشِ نَ عَ لِ، قٍ كَمَلِتَرٍ حْنمَ نّ. 
\v 11 ﭑ دِ مّدِ تّمُي، ﭑ مَ وْيّنيِ يٌ، ﭑ مَ مَحْشُنيِ يٌ، ﭑ شَشِلِ يٌ، عَ بِرِن نُ قِندِشِ دِ مّدِحَ نَن نَ. كْنْ ﭑ تٌ مْ، ﭑ بَرَ دِ مّدِ قٍيٍ لُ نَ. 
\v 12 تٌ وٌن مُ قٍيٍ عِفبّمَ عَ قَنيِ رَ. عَ لُشِ عَلْ وٌن نَ وٌن يّتّ مَتٌقٍ كِكٍ مَ نَشَن مُ عِفبّمَ عَ قَنيِ رَ. كْنْ وَشَتِ نَ قَقٍ، وٌن قٍيٍ عِفبّمَ نّ عَ قَنيِ رَ، عَ لُمَ نّ عَلْ وٌن نُن نَ قٍيٍ نَ تِ يِرٍ كٍرٍن. تٌ ﭑ مُ قٍ بِرِن كٌلٌن، كْنْ وَشَتِ نَ قَقٍ، ﭑ مَ قَهَامُي قَمَ كَمَلِدٍ، ﭑ قَ قٍ كٌلٌن عَلْ عَلَ ﭑ كٌلٌنشِ كِ نَشّ.
\p
\v 13 قٍ سَشَن نَن بُمَ؛ دَنشَنِيَ، شَشِلِ تِدٍ، نُن شَنُنتٍيَ. كْنْ شَنُنتٍيَ نَن دَنفِ نٍيٍ بِرِن نَ.
\c 14
\s شُي فبّتّيٍ قَلَقٍ نُن وْيّنقٍ عَلَ شِلِ رَ
\p
\v 1 شَنُنتٍيَ شَ لُ وٌ بْحّ كُي. وٌ كَتَ وٌ شَ عَلَ شَ كِيٍ سْتْ عَ شَشِلِ سّنِيّنشِ سَابُي رَ. وْيّنقٍ عَلَ شِلِ رَ، وٌ شَ نَ نَن سِنفٍ قٍن. 
\v 2 مِشِ نَشَن شُي فبّتّيٍ قَلَمَ، عَ مُ وْيّنقٍ عَدَ مَ شَ بّ، عَ وْيّنمَ عَلَ نَن بّ، بَرِ مَ عَدَ مَدِ مُ نَ شُي مْولِ مّمَ. نَ شُي نَشَن قِندِ مَ فُندٌ رَ، عَلَ شَشِلِ نَ نَن قَلَمَ. 
\v 3 مِشِ نَشَن وْيّنمَ عَلَ شِلِ رَ، عَ تَن قٍ نَن قَلَمَ عَدَ مَدِيٍ بّ نَشَن نْمَ عٍ شَ دَنشَنِيَ رَ سَبَتِدٍ، عَ عٍ رَلِمَنِيَ، عَ سُننُنيِ بَ عٍ مَ. 
\v 4 كْنْ مِشِ نَشَن وْيّنمَ شُي فبّتّيٍ رَ، عَ عَ يّتّ فبَنسَن نَن مَلِمَ. نَشَن وْيّنمَ عَلَ شِلِ رَ، عَ دَنشَنِيَتْي حَمَ نَن مَلِمَ.
\p
\v 5 عَ شْلِ ﭑ مَ وٌ بِرِن شَ شُي فبّتّيٍ قَلَ، كْنْ ﭑ وَ مَ نَشَن شْن دَنفِقٍ نَ رَ، وٌ شَ نْ وْيّندٍ عَلَ شِلِ رَ. نَ نَن تِدٍ فبٌ دَنفِقٍ شُي فبّتّيٍ قَلَقٍ رَ، قٌ نَ شُي فبّتّيٍ شَ مَدَنفِ دَنشَنِيَتْي حَمَ بّ، عَلَكٌ عٍ شَ دَنشَنِيَ شَ سَبَتِ. 
\v 6 يَكْسِ، ﭑ نفَشَكٍرٍنيِيٍ، شَ عَ سَ لِ ﭑ نَشَ قَ وٌ يِرٍ ﭑ شُي فبّتّيٍ قَلَقٍ رَ وٌ مُ نَشٍيٍ مّمَ، نَ وٌ مَلِمَ دِ؟ كْنْ شَ ﭑ قَ لَامَتُنيِ، كٌلٌنيِ، عَلَ شَ مَسٍنيِ، نُن شَرَنيِ مَسٍندٍ وٌ بّ، نَ نَن قِندِ مَ مُنَقَنيِ رَ وٌ بّ.
\p
\v 7 هَلِ شُلٍ نُن كْرَ، سٍ نَشٍيٍ مُ حّنفِمَ، شَ عٍ سِفِ سَ شُي مُ قِيشّ، مِشِ مُ نْمَ عَ كٌلٌندٍ. 
\v 8 شَ سَرَ شُي مُ قِيشّ، سْورِ فَلِ مُ نْمَ عَ كٌلٌندٍ فٍرٍ وَشَتِ بَرَ عَ لِ. 
\v 9 وٌ تَن قَن، شَ وٌ شُي قَلَ مِشِيٍ مُ نَشَن كٌلٌن، عٍ قَ قَهَامُي سْتْمَ نَ مَ دِ؟ وٌ وْيّنمَ قُقَقُ.
\p
\v 10 شُي وُيَشِ نَن نَ دُنِحَ، كْنْ عٍ بِرِن مَسٍنيِ ندٍ نَن تِمَ. 
\v 11 شَ مِشِ وْيّن ﭑ بّ شُي ندٍ رَ ﭑ مُ نَشَن كٌلٌن، مُشُ بِرِن بَرَ قِندِ شْحّ رَ مُشُ بٌرٍ بّ. 
\v 12 نَ كُي، وٌ تَن نَشٍيٍ وَ مَ عَلَ شَ وٌ كِ، وٌ شَ كَتَ عَ شَ وٌ كِ كِ رَ نَشَن دَنشَنِيَتْي حَمَ رَ سَبَتِمَ. 
\v 13 نَشَن شُي فبّتّيٍ قَلَمَ، عَ شَ عَلَ مَشَندِ عَلَكٌ عَ مَن شَ قَتَ نَ شُي مَدَنفِدٍ عَ بٌورٍيٍ بّ. 
\v 14 شَ ﭑ سَلِمَ شُي فبّتّيٍ رَ، ﭑ بْحّ سَلِمَ، كْنْ ﭑ سَلِمَ قَهَامُتَرٍحَ نَن كُي. 
\v 15 عَ لَنمَ ﭑ شَ مُنسٍ رَبَ؟ عَ لَنمَ ﭑ شَ سَلِ ﭑ بْحّ رَ، ﭑ مَن شَ سَلِ قَهَامُي رَ. ﭑ شَ بّيتِ بَ ﭑ بْحّ رَ، ﭑ مَن شَ بّيتِ بَ قَهَامُي رَ. 
\v 16 شَ نَ مُ عَ رَ، عِ نَ عَلَ تَنتُ عِ بْحّ رَ، مِشِ نَشَن دْشْشِ عِ سّيتِ مَ، عَ مُ نْمَ «عَمِنَ» رَتِندٍ، بَرِ مَ عَ مُ عِ شَ شُي قَهَامُمَ. 
\v 17 عِ تَنتُي قَنيِ رَ سِفَمَ عَلَ نَن مَ، كْنْ بٌورٍ شَ دَنشَنِيَ مُ نْمَ سَبَتِدٍ نَ سَابُي رَ. 
\v 18 ﭑ بَرَ عَلَ تَنتُ، بَرِ مَ ﭑ شُي فبّتّيٍ قَلَمَ دَنفِقٍ وٌ بِرِن نَ، 
\v 19 كْنْ مِشِ وْيّن سُولِ نَشَن قَهَامُمَ، عٍ تِدٍ فبٌ شَرَنيِ كِ مَ دَنفِقٍ وْيّن وُلُ رَ، نَشٍيٍ قَلَشِ شُي فبّتّيٍ دَنشَنِيَتْي حَمَ مُ نَشٍيٍ كٌلٌن.
\p
\v 20 ﭑ نفَشَكٍرٍنيِيٍ، وٌ نَشَ وَلِ عَلْ دِ مّدِيٍ، وٌ شَ وَلِ نّ عَلْ كُنتِفِيٍ. قٍ حَاشِ مَ، وٌ شَ لُ عَلْ دِيْرّ فبٍيلِ. كْنْ شَشِلِ مَ، وٌ شَ لُ عَلْ مِشِ مْشِ. 
\v 21 عَ سّبّشِ كِتَابُي كُي،
\q «مَرِفِ نَشَ عَ مَسٍن،
\q ‹ﭑ قَمَ وْيّندٍ يِ حَمَ بّ
\q شُي فبّتّ رَ نَشَن قَتَنشِ شْحّيٍ رَ،
\q كْنْ هَلِ ﭑ وْيّن نَ كِ،
\q عٍ مُ ﭑ شُي سُشُمَ.›»
\p
\v 22 نَ نَن عَ تٌشِ، شُي فبّتّيٍ قَلَقٍ قِندِشِ تْنشُمَ رَ دَنشَنِيَتَرٍيٍ نَن بّ، دَنشَنِيَتْييٍ شَ مُ عَ رَ. كْنْ وْيّنقٍ عَلَ شِلِ رَ، نَ نَن قِندِشِ تْنشُمَ رَ دَنشَنِيَتْييٍ بّ، دَنشَنِيَتَرٍيٍ شَ مُ عَ رَ. 
\v 23 شَ عَ سَ لِ دَنشَنِيَتْي حَمَ بِرِن نَ يِرٍ كٍرٍن شُي فبّتّيٍ قَلَقٍ رَ، دَنشَنِيَتَرٍ ندٍيٍ نَ سٌ، شَ نَ مُ عَ رَ مِشِ فبّتّ نَشٍيٍ وَ مَ وٌ شَ قٍ رَ مّقٍ، عٍ مُ عَ قَلَمَ شّ عَ وٌ بَرَ دَشُ؟ 
\v 24 كْنْ شَ وٌ بِرِن نَ وْيّنقٍ عَلَ شِلِ رَ، دَنشَنِيَتَرٍ ندٍ نَ سٌ، شَ نَ مُ عَ رَ مِشِ فبّتّ نَشَن وَ مَ وٌ شَ قٍ رَ مّقٍ، عَ عَ يّتّ كٌلٌنمَ نّ يُنُبِتْي رَ، عَ وٌ شَ مَسٍنيِ كٌلٌن نْندِ رَ، 
\v 25 عَ فُندٌ بِرِن مَكّنّن. نَ كُي، عَ عَ يّتّ عِفٌرٌ بْشِ، عَ عَلَ بَتُ، عَ عَ قَلَ، «عَلَ يَتِ نَ وٌ يَ مَ.»
\p
\v 26 ﭑ نفَشَكٍرٍنيِيٍ، عَ لَنمَ وٌن شَ مُنسٍ رَبَ؟ وٌ نَ وٌ مَلَن، ندٍيٍ شَ بّيتِ بَ، ندٍيٍ شَ مِشِيٍ شَرَن، ندٍيٍ شَ لَامَتُنيِ مَسٍن، ندٍيٍ شَ وْيّن شُي فبّتّ رَ، ندٍيٍ شَ نَ شُي فبّتّ مَدَنفِ. نَ بِرِن شَ رَبَ عَلَكٌ دَنشَنِيَتْي حَمَ شَ سَبَتِ. 
\v 27 شَ مِشِيٍ شُي فبّتّيٍ قَلَمَ، عٍ نَشَ دَنفِ مِشِ قِرِن نَ، شَ نَ مُ عَ رَ مِشِ سَشَن. كَنكَن شَ وْيّن عَ وْيّن تّمُي، كَنكَن شَ مِشِ سْتْ نَشَن نَ شُي مَدَنفِمَ بٌورٍيٍ بّ. 
\v 28 شَ مِشِ مُ نَ نَشَن نَ شُي مَدَنفِمَ، نَ كَنيِ شَ عَ سَبَرِ مَلَنيِ كُي، عَ شَ وْيّنيِ شَ لُ عَ تَن نُن عَلَ فبَنسَن تَفِ.
\p
\v 29 شَ مِشِيٍ وْيّنمَ عَلَ شِلِ رَ، عٍ قَن نَشَ دَنفِ مِشِ قِرِن نَ، شَ نَ مُ عَ رَ مِشِ سَشَن. بٌورٍيٍ شَ نَ مَسٍنيِيٍ مَتٌ عَ قَنيِ رَ. 
\v 30 شَ عَلَ مَسٍنيِ قِ مِشِ ندٍ مَ عَ شِلِ رَ، بٌورٍ نَ وْيّنقٍ تّمُي نَشّ، نَشَن نَ وْيّنقٍ عَ لَنمَ عَ شَ دُندُ سِندٍن. 
\v 31 كَنكَن نْمَ وْيّندٍ عَلَ شِلِ رَ عَ شَ وَشَتِ، عَلَكٌ بِرِن شَ شَرَنيِ نُن لِمَنِيَ سْتْ. 
\v 32 نَمِحْنمّ تَن، عَ مَسٍنيِ تِمَ عَ حَنِفٍ نَن نَ. 
\v 33 عَلَ مُ وَ مَ شُرُتَرٍحَ شْن، عَ وَ مَ نّ قٍ بِرِن شَ رَبَ عَ رَبَ كِ مَ بْحّسَ كُي.
\p سّنِيّنتْي حَمَ بِرِن بَرَ لَن عَ مَ، 
\v 34 عَ فِنّيٍ شَ عٍ سَبَرِ مَلَنيِيٍ كُي. عٍ مُ لَن عٍ شَ وْيّن، عٍ شَ لُ مَفٌرٍ كُي عَلْ عَلَ شَ سّرِيّ عَ مَسٍنشِ كِ نَشّ. 
\v 35 شَ عٍ وَ مَ مَشْرِنيِ تِقٍ، عٍ شَ عٍ شَ مْرِ مَشْرِن بَنشِ، بَرِ مَ عَ مُ دَشَ فِنّ شَ وْيّن مَلَنيِ كُي.
\p
\v 36 عَلَ شَ مَسٍنيِ قَتَنشِ وٌ تَن نَن نَ؟ عَ مَسٍنشِ وٌ تَن نَن فبَنسَن بّ؟ 
\v 37 شَ مِشِ ندٍ عَ مَحْشُن عَ نَمِحْنمّ نَ عَ رَ، شَ مِشِ ندٍ عَ مَحْشُن عَ عَلَ بَرَ عَ كِ، عَ شَ ﭑ مَ سّبّلِ كٌلٌن مَرِفِ شَ يَامَرِ رَ. 
\v 38 شَ عَ مُ نَ كٌلٌن نْندِ رَ، عَلَ قَن مُ نَ كَنيِ كٌلٌنمَ عَ شَ مِشِ رَ.
\p
\v 39 نَ كُي، ﭑ نفَشَكٍرٍنيِيٍ، وْيّنقٍ عَلَ شِلِ رَ عَ شَ رَقَن وٌ مَ. وٌ نَشَ تْنيِ دْشْ شُي فبّتّيٍ قَلَقٍ رَ، 
\v 40 كْنْ وٌ شَ نَ رَبَ عَ رَبَ كِ مَ سّرِيّ رَ.
\c 15
\s مَرَكٍلِ
\p
\v 1 ﭑ نفَشَكٍرٍنيِيٍ، ﭑ بَرَ وٌ رَتُ عَلَ شَ شِبَارُ قَنيِ رَ، ﭑ نَشَن مَسٍنشِ وٌ بّ، وٌ دَنشَنِيَشِ نَشَن مَ، وٌ بِرَشِ نَشَن قْشْ رَ. 
\v 2 شَ وٌ لُ نَ قْشْ رَ عَلْ ﭑ عَ مَسٍنشِ وٌ بّ كِ نَشّ، وٌ قَمَ نّ كِسِدٍ نَ سَابُي رَ. شَ وٌ مُ لُ نَ قْشْ رَ، وٌ شَ دَنشَنِيَ بَرَ قِندِ قٍ قُقَقُ رَ وٌ بّ.
\p
\v 3 ﭑ نُ بَرَ مَسٍنيِ هَفِفّ تِ وٌ بّ، ﭑ نَشَن سْتْ. عَ تَن نَن يَ. عَلَ شَ مِشِ سُفَندِشِ نَشَ قَشَ وٌن مَ يُنُبِيٍ شَقَرِ قٍ رَ، عَلْ عَ نُ سّبّشِ كِ نَشّ. 
\v 4 عَ نَشَ رَفَتَ فَبُرِ كُي، عَ مَن نَشَ كٍلِ قَشّ مَ عَ شِ سَشَن ندٍ، عَلْ عَ نُ سّبّشِ كِ نَشّ. 
\v 5 عَ نَشَ مِنِ كٍقَسِ نُن عِسَ شَ شّيرَ قُ نُن قِرِنيِيٍ مَ. 
\v 6 نَ دَنفِ شَنبِ، عَ نَشَ مِنِ دَنشَنِيَتْي كّمّ سُولِ مَ تّمُي كٍرٍن. هَن يَ نَ دَنشَنِيَتْي فبٍفبٍ بَلٌشِ، كْنْ ندٍيٍ بَرَ لَاشِرَ. 
\v 7 نَ دَنفِ شَنبِ، عَ نَشَ مِنِ يَكِ مَ، عَ مَن نَشَ مِنِ عَ شَ شّيرَ بِرِن مَ.
\p
\v 8 عَ دْنشْي رَ، عَ نَشَ مِنِ ﭑ قَن مَ. ﭑ مُ نُ قِندِشِ عَ شَ شّيرَ رَ، عَ بٌورٍيٍ سُفَندِشِ تّمُي نَشّ. 
\v 9 ﭑ تِدٍ مُ نُ فبٌ عَلْ شّيرَ بٌورٍيٍ. شّيرَ شِلِ مُ لَنمَ عَ شَ قَلَ ﭑ شُن، بَرِ مَ ﭑ نُ بَرَ عَلَ شَ دَنشَنِيَتْي حَمَ حَشَنكَتَ. 
\v 10 كْنْ ﭑ بَرَ قِندِ عِسَ شَ شّيرَ رَ عَلَ شَ هِننّ سَابُي رَ. نَ هِننّ مُ قِندِشِ قٍ قُقَقُ رَ ﭑ بّ. ﭑ بَرَ وَلِ دَنفِقٍ شّيرَ بِرِن نَ، كْنْ ﭑ تَن مُ عَ رَ. عَلَ شَ هِننّ نَن وَلِشِ ﭑ بّ ﭑ مَ دُنِحّءِفِرِ كُي. 
\v 11 شَ ﭑ تَن نَن نَ كَوَندِ تِشِ بَ، شَ عٍ تَن نَن نَ كَوَندِ تِشِ بَ، نَ نَن كَوَندِشِ وٌ بّ. وٌ بَرَ فّ دَنشَنِيَدٍ نَ نَن مَ.
\p
\v 12 شَ كَوَندِ سَ تِقٍ عَ عَلَ شَ مِشِ سُفَندِشِ بَرَ كٍلِ قَشّ مَ، مُنقٍ رَ ندٍيٍ عَ قَلَمَ وٌ يَ مَ عَ مِشِ مُ كٍلِمَ قَشّ مَ؟ 
\v 13 شَ مِشِ مُ كٍلِمَ قَشّ مَ نُ، عَلَ شَ مِشِ سُفَندِشِ قَن مُ كٍلِشِ قَشّ مَ. 
\v 14 شَ عَلَ شَ مِشِ سُفَندِشِ مُ كٍلِشِ قَشّ مَ نُ، مُشُ شَ كَوَندِ نُن وٌ شَ دَنشَنِيَ قِندِشِ قٍ قُقَقُ نَن نَ. 
\v 15 نَ كُي، مُشُ بَرَ قِندِ سٍيدٍ وُلٍ قَلّيٍ رَ عَلَ بّ، بَرِ مَ مُشُ بَرَ سٍيدٍحْشْيَ رَبَ عَ عَلَ بَرَ عَ شَ مِشِ سُفَندِشِ رَكٍلِ قَشّ مَ. كْنْ شَ نْندِ نَ عَ رَ مِشِيٍ مُ كٍلِمَ قَشّ مَ نُ، عَلَ قَن مُ عَ رَكٍلِمَ نُ. 
\v 16 شَ مِشِيٍ مُ كٍلِمَ قَشّ مَ نُ، عَلَ شَ مِشِ سُفَندِشِ قَن مُ كٍلِشِ قَشّ مَ. 
\v 17 شَ عَلَ شَ مِشِ سُفَندِشِ مُ كٍلِشِ قَشّ مَ نُ، وٌ شَ دَنشَنِيَ قِندِشِ قٍ قُقَقُ نَن نَ، وٌ شَ يُنُبِيٍ مَن نَ وٌ مَ، 
\v 18 عَ نُن عِسَ شَ دَنشَنِيَتْي لَاشِرَشِيٍ قَن بَرَ لْي. 
\v 19 شَ وٌن وٌن شَشِلِ تِمَ عَلَ شَ مِشِ سُفَندِشِ رَ يِ دُنِحّءِفِرِ فبَنسَن نَن مَ قٍ رَ، عَ لِمَ نُ وٌن مَ قٍ بَرَ مَكِنِكِنِ دَنفِ عَدَ مَدِ بِرِن نَ.
\p
\v 20 كْنْ ﭑ شَ عَ قَلَ وٌ بّ، عَلَ شَ مِشِ سُفَندِشِ نَن كٍلِشِ قَشّ مَ. عَ بَرَ قِندِ مِشِ سِنفٍ رَ نَشَن كٍلِشِ قَشَمِشِيٍ يَ مَ. 
\v 21 قَشّ تٌ سٌ دُنِحَ عَدَ مَ سَابُي رَ، مَرَكٍلِ قَن سٌشِ عَدَ مَ ندٍ نَن سَابُي رَ. 
\v 22 مِشِ بِرِن قَشَمَ بٍنبَ عَدَ مَ نَن شَ قٍ رَ. مِشِ بِرِن مَن كٍلِمَ قَشّ مَ عَلَ شَ مِشِ سُفَندِشِ نَن مَ قٍ سَابُي رَ. 
\v 23 كْنْ كَنكَن كٍلِمَ عَ وَشَتِ نّ. عَلَ شَ مِشِ سُفَندِشِ سِنفٍ نَن كٍلِ. عَ نَ قَ تّمُي نَشّ، عَ شَ مِشِيٍ قَن كٍلِمَ نّ. 
\v 24 عَ نَ مَنفّيَ رَفبِلٍن بَبَ عَلَ مَ، عَ نَ فّ نْدٍ مَنفّيَ نُن سّنبّ بِرِن نَ، دُنِحَ حْنمَ نّ نَ وَشَتِ. 
\v 25 عَلَ شَ مِشِ سُفَندِشِ شَ تِ مَنفّ رَ، هَن عَلَ شَ عَ سَنيِ تِ عَ يَشُي بِرِن مَ. 
\v 26 عَ يَشُي دْنشْي عَ نَشَن عِبُتُشُنمَ، نَ قِندِشِ قَشّ نَن نَ. 
\v 27 عَلَ نَن نَ بِرِن سَشِ عَ شَ يَامَرِ بُن مَ. عَ تٌ عَ قَلَ عَ بِرِن سَشِ عَ شَ يَامَرِ بُن مَ، عَ كٌلٌنشِ عَ عَلَ نَشَن بِرِن سَشِ عَ شَ مِشِ سُفَندِشِ شَ يَامَرِ بُن مَ، عَلَ تَن مُ نَ نَ يَامَرِ بُن مَ. 
\v 28 عَلَ شَ مِشِ سُفَندِشِ نَ نَ بِرِن نَفبِلٍن عَلَ مَ، عَ تَن قَن قَمَ لُدٍ عَلَ شَ يَامَرِ نَن بُن مَ، نَشَن سِنفٍ نُ بَرَ يَامَرِ سٌ عَ يِ رَ. عَلَ قَمَ يَامَرِ رَبَدٍ نَ تّمُي قٍ بِرِن شُن مَ.
\p
\v 29 شَ مَرَكٍلِ مُ نَ نُ، مُنقٍ رَ ندٍيٍ قَ عٍ شُنشَمَ يٍ شْورَ قَشَمِشِيٍ بّ؟ شَ قَشَمِشِيٍ مُ كٍلِمَ قَشّ مَ نُ، مُنقٍ رَ ندٍيٍ عٍ شُنشَمَ يٍ شْورَ عٍ بّ؟ 
\v 30 مُنقٍ رَ مُشُ تَن بَرَ تِن لُدٍ قٍ شْرْشْي كُي تّمُي بِرِن؟ 
\v 31 ﭑ نفَشَكٍرٍنيِيٍ، ﭑ شَ عَ قَلَ وٌ بّ عَ نْندِ كِ مَ، لْشْ يٌ لْشْ ﭑ نَ قَشّ نَن دّ مَ. ﭑ عَ قَلَمَ وٌ تَن بّ، ﭑ سّيوَشِ وٌ تَن نَشٍيٍ شَ قٍ رَ، بَرِ مَ وٌ دَنشَنِيَشِ عَلَ شَ مِشِ سُفَندِشِ عِسَ نَن مَ، نَشَن قِندِشِ وٌن مَرِفِ رَ. 
\v 32 مُنَقَنيِ مُندُن نَ ﭑ بّ عَدَ مَ كِ مَ، شَ ﭑ بَرَ سُبٍ شَاحّشِيٍ فٍرٍ عٍقّسّ؟ شَ قَشَمِشِيٍ مُ كٍلِمَ قَشّ مَ نُ، «وٌن شَ وٌن دّفٍ، وٌن شَ وٌن مِن، بَرِ مَ تِنَ وٌن قَشَمَ نّ.»
\p
\v 33 وٌ نَشَ تَنتَن. حّرّبٌورٍ كٌبِيٍ نَن يُفٍ قَنيِ مَسَرَ مَ. 
\v 34 وٌ شَ سْوبّ سُشُ، وٌ شَ يُنُبِ لُ نَ. ندٍيٍ وٌ يَ مَ عٍ مُ عَلَ كٌلٌن. ﭑ شَ عَ قَلَ وٌ بّ، نَ بَرَ قِندِ يَافِ رَ وٌ بّ.
\p
\v 35 ندٍ نْمَ عَ يّتّ مَشْرِندٍ، عَ نَشّ، «مِشِ قَشَشِيٍ كٍلِمَ دِ؟ قَتٍ مْولِ مُندُن لُمَ عٍ مَ؟» 
\v 36 شَشِلِتَرٍيٍ، وٌ مُ عَ كٌلٌن سَنسِ شْرِ مُ نْمَ قِندِدٍ سَنسِ رَ، قٌ عَ قَشَ سِندٍن؟ 
\v 37 سَنسِ شْرِ نَشَن سِمَ بْشِ، عَ نُن عَ سٌلِ نَشَن تٍمَ، عٍ كٍرٍن مُ عَ رَ. سَنسِ شْرِ تَن، عَ شْرِ فبَنسَن نَ عَ رَ، تّمُندٍ مَالٍ شّيتَ، شَ نَ مُ عَ رَ سَنسِ شْرِ فبّتّ. 
\v 38 عَلَ سَنسِ شْرِ بِرِن قِندِ مَ سَنسِ رَ عَلْ عَ وَ مَ عَ شْن مَ كِ نَشّ. سَنسِ شْرِ مْولِ بِرِن عَ سٌلِ نَن نَمِنِمَ.
\p
\v 39 نِمَسٍ قَتٍ بِرِن مُ لُمَ كِ كٍرٍن. مِشِ قَتٍ نَ كِ كٍرٍن. سُبٍ قَتٍ نَ كِ فبّتّ. شْنِ قَتٍ نُن يّشّ قَتٍ قَن نَ عٍ شَتِ مَ. 
\v 40 سٍ نَشٍيٍ نَ بْشِ مَ، عَ نُن سٍ فبّتّ نَشٍيٍ نَ كٌورٍ مَ، عٍ تَفِ رَ سَ. عٍ بِرِن دَاشِ عٍ فبٍ كِ نّ. 
\v 41 سٌفٍ يَنبَمَ كِ نَشّ، عَ نُن كِكٍ يَنبَمَ كِ نَشّ، عَ نُن تُنبُييٍ يَنبَمَ كِ نَشّ، عٍ بِرِن كٍرٍن مُ عَ رَ. هَلِ تُنبُييٍ نَ عَ رَ عٍ مُ يَنبَمَ كِ كٍرٍن.
\p
\v 42 قَشَمِشِ رَكٍلِشِيٍ لُمَ نَ كِ نّ. مِشِ نَ دُنِحَ تّمُي نَشّ، عَ قَتٍ نْمَ كَنَدٍ، كْنْ عَ نَ كٍلِ قَشّ مَ، عَ قَتٍ مُ نْمَ كَنَدٍ سْنْن. 
\v 43 مِشِ رَفَتَشِ فَبُرِ كُي تّمُي نَشّ، عَ بْرْ مَ نّ، عَ سّنبّ حْن، كْنْ عَ كٍلِمَ قَشّ مَ سّنبّ نُن نْرّ نَن نَ. 
\v 44 مِشِ نَ رَفَتَ عَ قَتٍ نَ دُنِحَ كِ نَن مَ، كْنْ عَ كٍلِمَ عَ لَاشِرَ كِ نَن مَ. دُنِحَ قَتٍ نَ نَ، لَاشِرَ قَتٍ قَن نَ.
\p
\v 45 نَ نَن عَ تٌشِ عَ سّبّشِ، «عَدَ مَ سِنفٍ قِندِشِ نِمَسٍ نَن نَ.» عَدَ مَ دْنشْي قِندِشِ شَشِلِ نَن نَ نَشَن مِشِ رَكِسِمَ. 
\v 46 عَدَ مَ سِنفٍ قِندِشِ دُنِحَ مِشِ نَن نَ، كٌورٍ مَ دَاشِ مُ عَ رَ. كٌورٍ مَ دَاشِ نَن قَمَ دُنِحَ مَ دَاشِ شَنبِ رَ. 
\v 47 عَدَ مَ سِنفٍ قَتَنشِ دُنِحَ بّندّ قُحِ نَن نَ. عَدَ مَ قِرِن ندٍ قَتَنشِ كٌورٍ نَن نَ. 
\v 48 عَدَ مَدِيٍ مَنِيَشِ وٌن بٍنبَ عَدَ مَ نَن نَ، نَشَن دَاشِ بّندّ رَ. مِشِ نَشٍيٍ تٍمَ كٌورٍ، عٍ مَسَرَ مَ نّ، عٍ قَ لُ عَلْ نَ عَدَ مَ نَشَن كٍلِشِ كٌورٍ. 
\v 49 وٌن تٌ مَنِيَ وٌن بٍنبَ عَدَ مَ رَ دُنِحَ، وٌن مَن قَمَ مَنِيَدٍ نَ عَدَ مَ نَن نَ نَشَن كٍلِشِ كٌورٍ مَ.
\p
\v 50 ﭑ نفَشَكٍرٍنيِيٍ، ﭑ شَ عَ قَلَ وٌ بّ، دُنِحَ قَتٍ مُ نْمَ عَلَ شَ عَرِيَننَ سْتْدٍ كّ رَ. نِمَسٍيٍ قَتٍ مُ نْمَ عَرِيَننَ سْتْدٍ كّ رَ. عٍ قَتٍ بْرْ مَ نّ، كْنْ قَتٍ بْرْشِ مُ نْمَ سٌدٍ عَرِيَننَ. 
\v 51 ﭑ شَ فُندٌ قَلَ وٌ بّ. وٌن بِرِن مُ قَشَمَ، كْنْ وٌن بِرِن مَسَرَ مَ نّ 
\v 52 مَقُرٍن مَقُرٍن سَرَ دْنشْي شُي مَ. نَ سَرَ نَ قٍ، قَشَمِشِيٍ كٍلِمَ نّ قَشّ مَ قَتٍ نّينّيٍ رَ عٍ مَ نَشٍيٍ مُ بْرْ مَ سْنْن. وٌن قَمَ نّ مَسَرَدٍ. 
\v 53 نَشَن لَن عَ شَ بْرْ، نَ مُ بْرْ مَ سْنْن. نَشَن لَن عَ شَ قَشَ، نَ مُ قَشَمَ سْنْن.
\p
\v 54 قَتٍ بْرْشِ نَ قِندِ قَتٍ بْرْتَرٍ رَ، قَتٍ قَشَشِ نَ قِندِ قَتٍ قَشَتَرٍ رَ، يِ سّبّلِ قَمَ كَمَلِدٍ نَ تّمُي نّ؛
\q «وٌ بَرَ شُننَكٍلِ سْتْ قَشّ مَ.
\q
\v 55 قَشّ شَ شُننَكٍلِ نَ مِندٍن؟
\q قَشّ شَ تْورّ نَ مِندٍن؟»
\m
\v 56 يُنُبِ قِندِشِ تْورّ نَن نَ نَشَن بَرَ مِشِ قَشَ. يَامَرِ قِندِشِ يُنُبِ شَ سّنبّ نَن نَ. 
\v 57 عَلَ تَنتُ، نَشَن بَرَ وٌن شُن نَكٍلِ وٌن مَرِفِ عِسَ عَلَ شَ مِشِ سُفَندِشِ سَابُي رَ. 
\v 58 نَ كُي، ﭑ نفَشَكٍرٍنيِيٍ، وٌ شَ دَنشَنِيَ شَ سَبَتِ. وٌ نَشَ عَ لُ لِمَنِيَ شَ بَ وٌ يِ رَ. وٌ شَ وَكِلِ مَرِفِ بّ تّمُي بِرِن، بَرِ مَ وٌ عَ كٌلٌن عَ وٌ نَشَن نَبَمَ عَ بّ قٍ قُقَقُ شَ مُ عَ رَ.
\c 16
\s ثْلُ شَ حُنفُي
\p
\v 1 وٌ شَ كْبِرِ مَلَن سّنِيّنتْييٍ بّ، عَلْ ﭑ فَلَتِ بْشِ دَنشَنِيَتْي حَمَيٍ يَمَرِشِ كِ نَشّ. 
\v 2 كَنكَن شَ كْبِرِ ندٍ سَ عَ شَتِ مَ عَ هَرِفٍ بّرّ رَ سَندٍ لْشْي بِرِن، عَلَكٌ كْبِرِ شَ فّ مَلَندٍ بٍينُن ﭑ قَ تّمُي. 
\v 3 ﭑ نَ قَ، ﭑ بَتَاشّ سٌمَ مِشِيٍ يِ رَ وٌ نَشٍيٍ سُفَندِ مَ كْبِرِ شَنِنقٍ رَ دَرِ سَلَمُ. 
\v 4 شَ عَ لَنمَ ﭑ قَن شَ سِفَ، مُشُ بِرِن نَ عَ رَ.
\p
\v 5 ﭑ نَ دَنفِ مَسٍدٌن بْشِ رَ، عَلْ ﭑ وَ مَ عَ شْن مَ كِ نَشّ، ﭑ قَمَ نّ وٌ يِرٍ. 
\v 6 تّمُندٍ ﭑ سَشَنيِ رَبَ وٌ شْنيِ، شَ نَ مُ عَ رَ ﭑ حّمّ رَدَنفِ نَا، عَلَكٌ وٌ شَ نْ ﭑ مَلِدٍ ﭑ مَ بِيَاسِ كُي. 
\v 7 شَ عَلَ تِن، ﭑ مُ قِندِ مَ دَنفِمِشِ تُن نَ. عَ شْلِ ﭑ مَ ﭑ شَ لُ وٌ يِرٍ دٌندٌرٌنتِ. 
\v 8 كْنْ ﭑ شَ لُ بٍ عٍقّسّ هَن شّ شَبّ سَلِ شَ بَ عَ رَ، 
\v 9 بَرِ مَ ﭑ مَ وَلِ نَ سْونّيَقٍ، هَلِ ﭑ يَشُييٍ تٌ وُيَشِ ﭑ بّ.
\p
\v 10 شَ تِمٌتٍ قَ وٌ يِرٍ، وٌ عَ رَ سّنّ عَلَكٌ عَ نَشَ قَ فَاشُ وٌ يَ رَ، بَرِ مَ عَ وَلِمَ مَرِفِ نَن بّ عَلْ ﭑ تَن. 
\v 11 مِشِ يٌ نَشَ يٌ عَ مَ. وٌ شَ عَ مَلِ عَ شَ بِيَاسِ كُي عَلَكٌ عَ شَ ﭑ لِ بْحّسَ كُي. ﭑ تَن نُن ﭑ نفَشَكٍرٍنيِيٍ نَ عَ مَمّقٍ.
\p
\v 12 وٌ شَ عَ كٌلٌن ﭑ بَرَ وٌن نفَشَكٍرٍنيِ عَثٌلٌسِ كَرَشَن عَ شَ سِفَ وٌ يِرٍ عَ نُن دَنشَنِيَتْي ندٍيٍ. عَ سِنفٍ عَ مُ نُ تِنشِ، كْنْ يَكْسِ عَ بَرَ نَتّ تٌنفٌ عَ شَ سِفَ عَ نَ قّيرّ سْتْ تّمُي نَشّ.
\p
\v 13 وٌ شَ وٌ يّتّ مَتٌ، وٌ شَ وٌ شَ دَنشَنِيَ رَ سَبَتِ، وٌ شَ لِمَنِيَ، وٌ شَ وٌ سّنبّ سٌ. 
\v 14 وٌ شَ قٍ بِرِن نَبَ شَنُنتٍيَ رَ. 
\v 15 ﭑ نفَشَكٍرٍنيِيٍ، ﭑ شَ مَرَ سِ ندٍ سَ نَ شُن مَ. وٌ عَ كٌلٌن عَ سِتٍقَنَ شَ دٍنبَيَ نَن سِنفٍ دَنشَنِيَ عَكَيِ بْشِ مَ. عٍ بَرَ وَلِ سّنِيّنتْييٍ بّ كِ قَنيِ رَ. 
\v 16 وٌ شَ لُ نَ مِشِ مْولِ شَ يَامَرِ بُن مَ، عَ نُن مِشِ نَشَن بِرِن عَلَ شَ وَلِ رَبَمَ.
\p
\v 17 ﭑ بَرَ حّلّشِن سِتٍقَنَ، قٌرٌتُنَتُ، نُن عَشَيِكُسُ قَقٍ رَ، بَرِ مَ عٍ بَرَ ﭑ مَلِ وٌ شَنبِ. 
\v 18 عٍ بَرَ لِمَنِيَ قِ وٌن بِرِن مَ. وٌ شَ نَ كٌلٌن عٍ بّ.
\p
\v 19 دَنشَنِيَتْي حَمَ نَشٍيٍ نَ عَسِ بْشِ مَ عٍ بَرَ وٌ شّيبُ. عَكِلَ، ثِرِ سِلَ، نُن دَنشَنِيَتْي حَمَ نَشَن عٍ مَلَنمَ عٍ شْنيِ، عٍ قَن بَرَ وٌ شّيبُ مَرِفِ شِلِ رَ. 
\v 20 نفَشَكٍرٍنيِ نَشٍيٍ نَ بٍ، عٍ بِرِن وٌ شّيبُ. وٌ شَ وٌ بٌرٍ شّيبُ دَنشَنِيَتْييٍ شَ شَنُنتٍيَ كُي.
\p
\v 21 ﭑ تَن ثْلُ بَرَ يِ شّيبُي سّبّ ﭑ يّتّ بّلّشّ رَ. 
\v 22 حَشَنكَتّ شَ لُ مِشِ بّ نَشَن مُ مَرِفِ شَنُمَ. وٌن مَرِفِ شَ قَ. 
\v 23 مَرِفِ عِسَ شَ هِننّ وٌ رَ. 
\v 24 ﭑ بَرَ وٌ شَنُ عَلَ شَ مِشِ سُفَندِشِ عِسَ شِلِ رَ. عَمِنَ.