\id REV - NT1076 Sulka - Doug Tharp 21/3/97 \h O Ngaelmir \toc1 E Yesus Ta Polger O Ngaelmir Ngang E Yoanes \toc2 O Ngaelmir \mt1 E Yesus Ta Polger O Ngaelmir Ngang E Yoanes \is1 O Rhek Ruk Ktar Kam Keknen Mang E Yoanes Ka Hor To Tittiegom Ko E Yesus Ta Polger O Ngaelmir Ngang \ip E Yoanes to tittiegom a knovvur to korlolo orom, her endo kat arhe tittiegom ka hor to enda kat. O mia ngat likim e Yoanes ngok ma nut langto ngma mon te, e Patmos he ta vle ko tok he ittiegom ka hor ta. A hor ka mten ta, nong a hor tang kat kun mnam E Nut ka meer tgus to ta vle enang ka mten ta e. Ko a hor ta, ta rere mang a venloot to enda tete ko ta re kam nop va mang a venloot to koknaik ko nera vle orom a volkha kar a mmie to a gunngar. Vanangko gi alo hor ruk mkor e Daniel va e Isikiel ngint vrua maenang enda. \ip E Yoanes ta vle ko tok ma Patmos he e Yesus ta khenam o ngaelmir ngang ko tengogo ormar. O ngaelmir ri ngta vle mang o tgoluk ngara pis koknaik. E Yoanes tittiegom karo rhek mang o ngaelmir ri kmenserpagam o mia ruk ngat kor mnam mar mang e Yesus he kmokpom kar. Ta svil kmenserpagam mar ekam ko ngma vle kun pgegom o mia ruk ngama kol a regesal mang ngar, he nang mar kam kol a pat te, her E Nut to arhe nma nho mang ngaro ngorsang mo mmie, va mang o vrong tgoluk tgus ruk ngara pis koknaik tok. Ko o ngaelmir ruk e Yoanes tengogo ormar ngat khenam ma mmok te, e Yesus ka munik ta laut kir kim o vrong serppak tgus mo mmie he en nma toot he ka nho mang ngar. \c 1 \s1 O Ngaelmir Ruk Ketasuo Mar Kam Pis E Yesus Ta Ktar Kpolgerik Ngang E Yoanes \p \v 1 O rhek ruk mang o ngaelmir ruk ketasuo mar kam pis ma mmok tete, E Nut ther elik ko maktiegom e Yesus tennik he, Endo E Nut Thim Orom Ka Msasaen. Ii, telik ko maktiegom e Yesus tok, to kle kael a ngaeha langto ko maktiegom e Yesus kat, endo kam kle kpolger o ngaelmir ruk endruk ma mmok ngang kalngunes ruk ngam kaeha ngang. \p Ekam tok, mnam a kolkha langto, e Yesus tmeng ka engyel langto ngang kalkayie to e Yoanes kam polger o ngaelmir ruk endruk ngang ko e Yoanes tengogo ormar. Ii, a engyel tpolgerik ngang e Yoanes tok kam khenam mar ma mmok. \v 2 E Yoanes tengogo orom mar knop, to kle sim kut kaelha kam rere lmien mang o ngaelmir ruk endruk tgus, gi enang ko tvokong ngar tok. Va o ngaelmir ruk Yoanes tengogo ormar, her o ngaelmir ruk E Nut ta ktar rere mang ngar ko ta ktar el karo rhek mang ngar ko maktiegom e Yesus To E Nut Thim Orom Ka Msasaen arhe. Ko E Nut ta ktar elik ko maktiegom en tok, to e Yesus ta kle krere lmien ormar kam polgerik ngang e Yoanes vgum a engyel to endo enang tok. \v 3 He ekam tok, ani mhel to nak him E Nut karo rhek ri ko ktar kpavap orom mar mo ko ko katittiegom mar kun mnam kua hor ta, va her a mhel to ta lgekol arhe. Va ani mhel to E Nut karo rhek ruk endri ngak kael rengmat kun mnam ka vrek ko tnganik, va her a mhel to kat arhe ta lgekol kat ge, ko ketasuo o ngaelmir ruk endri kam pagis ma mmok he. \s1 E Yoanes Ta Ngarkie Mang E Yesus Kakro Ngaomevek Ruk Aktiek Hori Orom Alomin \p \v 4-6 Dok e Yoanes. \p Ko kaittiegom kua hor ta ngang nguk tgus ruk e Yesus kakro ngaomevek ruk aktiek hori orom alomin ko mnam a mhe to e Esia. Ko kaittiek ngang nguk te: \p E Nut, En a plong vleir tennik, tete va ngnik gi enang tok ge. Va E Nunu A Totur\f + \fr 1:4-6 \ft O rhek ruk lsir ngata vle te, “O nunu ruk aktiek hori orom alomin.” Va endruk ngaro papat akuruk laol ngama pat te, o rhek ri nga pun ngta rere mang E Nunu A Totur.\f* to nam kaeha ko kim E Nut to kuon mang ka ngorsang, en ka tavgo nma vle kuo mang e Yesus kakro ngaomevek ruk endruk ko mar aktiek hori orom alomin. Va e Yesus, en her Endo E Nut Thim Orom Ka Msasaen arhe. Va en aktarang kam hop petgim ka nnak mnam endruk tgus ruk ngara hop petgim ngaro nnak kat. Va karo rhek ri ta rere lmien ormar ko tpolgerik ngang dok tok, ngaro kleim kat, mor kam kpom mar te, nop, mar o mi rhek ruk o minar kat. Ii, va e Yesus, en a taven to ka tavgo ta vle kuo mang o taven tgus ruk ngma vle mo mmie. He ekam tok, kua ngarkie ngang ngar ruk korlotge tgus, mar kam ring ya mang nguk va mar kmeharom mularo vurkul kmongeik kat. \p Mor ruk o mia ngruak kanprim yindo e Yesus mang ila mmok va ila serppak mekam mekam. Ko her yindo arhe im kaelongtok mang ngor he khong ngor pum nguaro kerkeknen pet mar petgim mor orom ila gidiel ko ta ksuk mang ngor. Ii, ye eharom mor tok, he enang tok, E Nut tlo kat kais kam kta mon mor ormar kat e. Ii, va ye her eharom mor kam vle te, ilaro ngaomevek mruo ruk ngota vle ku meorom E Nut ka tavgo. Va yeharom mor tgus kat kam vle kat te, E Nut karo pris ruk mor, he nang mor kam totu pum E Nut to yin mruo ima totu pum En kat. lmien! \s1 E Yoanes Ta Kni Pum E Yesus \q2 \v 7 Mu vokom na! Ner kat kaeknik orom o varhek he o mia tgus ngara vokom. Va si endruk ngat krong orom o ot, va mar kat ngara vokom kat. O mia tgus ruk mo mmie ngara vokom to ngar le kosnok to kvor pa ngaor he ktolpum o ngoven he kaee kvulhi ku mmie mang ngar mruo vgum En. Ii, ngara vle tok arhe. Mi lmien! \p \v 8 Ngoldaip to E Nut ther havae mang En mruo te, “La Ho Mi Kut Ngaurar Hak to dok, dok to ngma mon dok te, E Alpa va E Omega, dok to Ko Ktar Vle va dok to Ngora Vle Knaek Hak. Ko dok A Plong Vleir tennik, tete va ngnik ngnik kat ge.” \s1 A Mhel To Ta Vle Enang A Mhel To Nkong Man Ma Volkha \p \v 9 Dok mu nopia to e Yoanes. Kom mi ktua vle gi enang nguk, kam kaum kmatnge vgum o vnek, nang lua kaeloong mnam o vnek ruk endruk mor tgus ngoma lol, mar kam marer kam nop kat. Va koma vle ku meorom E Nut ka tavgo gi enang nguk tok kat. Ii, ngota kaum ka vle tok, ekam ko ngot kor mnam mor mang e Yesus he mokpom kar. Ii, her mu nopia to dok ta arhe, dok to o mia ngat likim dok kmenpasiker dok kun ma hengor mo mnam a nut to ngma mon te, e Patmos ekam ko koma hahavae lmien orom E Nut karo rhek ruk mang e Yesus. \v 10 Ii, ngat likim dok mo mPatmos, to mnam a kolkha langto ko ngma totu pum Ngoldaip mnam, kua vle va E Nunu A Totur ta khenam o ngaelmir ngang dok ko ko kaengogo orom mar. Ii, o rhek ngat kaur kun mnam dok ko ko ngan a mhel ka ktui ko ta rere klik ko pekam dok. A mhel to endo ka ktui tkaeti klik enang a nglung ko tkaeti. \v 11 Thavae te, “Ngiak kaittiegom a hor langto kam keknen mang o tgoluk tgus ruk ya re kvokong ngar. To ngiak meng a hor to endo ngang langto langto mnam kuakro ngaomevek ruk aktiek hori orom alomin, endruk endri te: endo ko mEpeses, endo ko mSmerna, endo ko mPegamam, endo ko mTaitaira, endo ko mSardis, endo ko mPiladelpia, va endo ko mLaodesia.” \p \v 12 Kua ngan a mhel to endo ka ktui ko ta rere pekam dok tok, to ko re khortgi knaek kvokom va ko vokom o krie ruk aktiek hori orom alomin, endruk orom o mmok ruk aktiek hori orom alomin. O krie ruk endruk o mia ngat eharom mar orom a kre to a gol. \v 13 Ii, va ko vokom kat ko a mhel to ta nho enang A Mhel To Nkong Man Ma Volkha ta ngongae kun pgegom o krie ruk endruk. A mhel to endo ta sring va karo sreng ngata hok kngae krarip is ku mang karo smigi ku mang kalo nhar. Va ta kleng ka vgon orom a yet ka kae ko vgum ka ngaengtek. Va a yet ka kae to endo, ngat eharom orom a kre to a gol kat. \v 14 Karo ssil kuon malpgem ngat ngae gia kas hak enang a sipsip karo ir, i o enang o varhek ruk ngat vua kas hak. Va kalo keik msim nginta nho enang a paei to ta vurvur klik mnam min. \v 15 Kalo nhar nginta nho enang a kre to ngma mon te, a bras, ko ngint kael enang a kre to a bras ko ngat kael kun mnam a paei kam mamat. Va karo rhek nga muktim tkaeti enang a ye ka maen ko tsovet kmottek. \v 16 Ii, va a mhel to endo ta kpom o ketor ruk aktiek hori orom alomin kun mnam ka miktiek. Va a kom ka raen ta vle kun mnam ka gu, nang ka pun to orom kalo ngaiting ruk nginta kha tkottek ogu mnok. Va ka lo keik nginta nho enang a kolkha to ta nan klik he kvaller o tgoluk tgus. \p \v 17 Ii, ko re khortgi kvokom a mhel to endo tok, to ko her gi harpeet kbut ku mmie ka vham orom kua vrek ku mmie, ku penharom. Kua vle gi enang a mhel to tyor he kharpeet kbut ku mmie tok. Kua vle ko tok, to a mhel to endo ta taat kngam ka miktiek kuon mang dok to hera re ngang dok te, “Ngior kam gor. Ko her dok to Ko Ktar Vle va dok to Ngora Vle Knaek hak. \v 18 Ko dok, A Plong Vleir. Tennik ko her yor he. Vanang, vokom dok tete na, ko tete koma vle he, he ngora vle ngnik ngnik kat ge. Va her dok ta kat arhe, koma kpom a ngaegot to mkor a mhe to ogu mLol he kaikkiem kua svil mruo kmoregot kim o mia ruk ngat yor. \p \v 19 Ekam tok, ngiak kaittiegom o rhek ruk mang o ngaelmir ruk ye her vokom mar tesgun he, va o tgoluk ruk ngta pis tete, va o tgoluk ruk ngara pis koknaik kat. \v 20 Mare, ko tete, ye her vokom o tgoluk akuruk ngta tvok kim in tesgun ngola? Ii, ko ye her vokom dok ko ko kpom o ketor ruk aktiek hori orom alomin va o krie ruk aktiek hori orom alomin, endruk orom o mmok ruk aktiek hori orom alomin kat. Yu! Va tete ngora polger o ketor va o krie ngaro pneik ngang in ti te: O ketor ruk endruk, mar o engyel ruk ngat kol langto langto mnam kuaro ngaomevek ruk aktiek hori orom alomin ka gu. Va o krie ruk aktiek hori orom alomin, endruk orom o mmok ruk aktiek hori orom alomin, mar kuakro ngaomevek ruk aktiek hori orom alomin kat arhe.” \c 2 \s1 A Hor To Ngang E Yesus Ka Ngaomevek To Ko mEpeses \p \v 1 “Ngiak kaittiek ngang a engyel to tkol kua ngaomevek to ko mEpeses ka gu kam havaeng ngar tgus te: \q3 Dok to kua kpom o ketor ruk aktiek hori orom alomin kun mnam kua miktiek he kngongae kun pgegom o krie ruk aktiek hori orom alomin, endruk orom o mmok ruk aktiek hori orom alomin, kua havaeng nguk orom kuaro rhek ri te, \v 2 Kua kanprim muk mang mularo reha ko muma prongyek ka psek kmeha kmegegom o mia ruk ngam mrua kansgum mar mruo he kmon mar mruo te, mar o mi aposel. Ii, kua mnor mang mularo reha kat te, muma matnge vgum a ngaeha to tok kmegegom mar kmommen mar ma mmok kmel o mia ma hor mang ngar te, nong mar o aposel ruk o minar e. Va mum lo kaennegiang ngar kam vle kun pgegom muk orom ngaro kerkeknen kat e. \v 3 Ii, mum lo korim a ngaeha to kmegom mar e. Nove, mum kle va her gia matnge vgum o vnek ruk ngma pagis kim muk ekam dok, he lua kapngan kmeharom a ngaeha to endo. \q3 \v 4 Mum pua vle tok, vanangko mut kle her en a vnek langto ngang dok ge te, mut her orim dok to muta ktar elongtok mang dok. Ii, va mum lo kat kaelongtok mang o mia kat e. \v 5 Mut lua pat gi, te, tesgun muma sovet hak kmelongtok mang dok va o mia kat? Vanangko tete, mut her orim dok kar mar hak. He ekam tok, kua havaeng nguk te, mguak kaitgung a keknen to endo, to kle kaeharom o keknen ruk mum kaeharom mar ngang ngor tesgun. Va enangthe mup lo kaitgung a keknen to endo, va ngora pis ko kmuk he kol a krie to orom o mmok ruk aktiek hori orom alomin, he kpet kun pgegom muk petgim muk. \v 6 Vanangko ta mien te, kua sirei mang nguk ko mum lua svil hak mang e Nikolas karo mia ngaro kerkeknen. O kerkeknen ruk endruk kom lua svil hak mang ngar kat e. \q3 \v 7 Ii, he muk ruk mut her lol E Nunu A Totur karo rhek ri ta rere ngang E Nut kakro ngaomevek ormar, mgua sim kael rela ekam karo rhek ri kam sim kut kaikkiem mar. He o mia ruk ngat matnge vgum o vnek kir kim mar he kor mnam mar mang E Nut kam kmokpom kar ge, her o mia ruk arhe ngora tting orom mar, mar kmemik mnam a ho to tkais kmen a ktalhok to kam plong vle ko kim E Nut ngnik ngnik, ko a ho to endo nma vle kun mnam E Nut Ka Loot To La Vu Yar Hak kuon ma volkha.” \s1 A Hor To Ngang E Yesus Ka Ngaomevek To Ko mSmerna \p \v 8 “Va ngiak kaittiek ngang a engyel to tkol kua ngaomevek to ko mSmerna ka gu kam havaeng ngar tgus kat te: \q3 Va her dok to Ko Ktar Vle va dok to Ngora Vle Knaek hak. Va her dok ta kat arhe, tennik ko her yor to le khop kam kta vle kat. Kua havaeng nguk orom kuaro rhek ri te, \v 9 Kua mnor mang mularo vnek ruk muma lol vgum o Yuda ruk ngma koskalil ormuk. Va kua mnor mang nguk ko muma tu kmo tgoluk tgus kat. Mum sia tu kmo tgoluk tgus, vanangko E Nut thera klang nguk orom a gol ka pun he, endo a ktalhok to kam plong vle ko kim En ngnik ngnik. Ii, kua mnor mang o Yuda ruk endruk, ko ngma kerrereng nguk kat. O Yuda ruk endruk ngam lo kaikkiem nguaro keknen e. Nove ngam kle va gi kor mnam mar mang nguaro keknen kuon mang ngaro gi pkor. Her o mia ruk ngta vle te, mar e Seten ka ngaomevek langto msim arhe. \v 10 He ekam tok, mu or kam gorang o vnek ruk mut re kam ker kolkol vgum mar ko ngat re kmelik kuon mang nguk. Ko kua havaeng nguk te, e Seten ner kaeha ko maktiegom mar he ngat re kmelel akuruk mnam muk kun mo hengor kmegom muk. Va mularo pkor ngar ho mi kut ker kolkol vgum o nganngannes hak ko tok kam ngae kais mang o kolkhek ruk loktiek ko o mia ruk endruk ngara koskalil orom muk kun mnam mar. Mgua matnge vgum mar he kor mnam muk mang E Nut kam kmokpom kar ge, kam ngae kais ko o mia nga si kaim muk kngam muk o yoror. He enangthe mup kaeharom tok, va dok ngora him muk orom a msasaen to orom a ktalhok to endo. \q3 \v 11 He muk ruk mut her lol E Nunu A Totur karo rhek ri ta rere ngang E Nut kakro ngaomevek ormar mgua sim kael rela ekam karo rhek ri kam sim kut kaikkiem mar. He o mia ruk ngat matnge vgum o vnek ruk endruk kir kim mar he kor mnam mar mang E Nut kam mokpom kar ge, her o mia ruk arhe ngar lua yor hak mnam a kolkha to ngua monik kim a yor ngang o mia kun mnam a kolkha to ngak kol a ngannes to ko kim a paei, endo ta vle te, a yor to alomin orom.” \s1 A Hor To Ngang E Yesus Ka Ngaomevek To Ko mPegamam \p \v 12 “Va ngiak kaittiek ngang a engyel to tkol kua ngaomevek to ko mPegamam ka gu kam havaeng ngar tgus te: \q3 Dok to ko kpom a kom to kalo ngaiting tgus nginta kha kua havaeng nguk orom kuaro rhek ri te: \v 13 Kua mnor mang mula rengmat ko ta vle enang e Seten ka rengmat ka pun, ko ka tavgo ta vle kuo mang o mia kavurgem ko tok, ko ngma sovet kam totu pum o taven ruk ngam korsang kuon mang ngaro ngorsang, enangthe o taven ruk endruk ngta vle te, E Nut msim. Ii, mum sia vle kun pgegom o mia kavurgem ruk enang tok, vanangko muk, mum kle kor mnam muk mang dok ge. Ii, va a mhel to e Antipas, karo rhek ruk mang e Yesus ko ta rere lmien ormar, ngaro kleim kat, mor kam kpom mar te, nop, mar o mi rhek ruk o minar kat. En nam sia rere lmien orom karo rhek ruk tok, vanangko o mia ngat im kngam en a yoror ko tok mnam mula rengmat to orom o mia kavurgem ruk ngat mokpom kre Seten. Si kun mnam o kolkhek ruk ko ngat im e Antipas tok, vanangko muk, mut lo ksir petgim dok e. \q3 \v 14 Pu lmien te, mut lo ksir petgim dok, vanangko mut her en o vnek akuruk ngang dok ge. Ko o mia akuruk kun mnam muk ngam kaikkiem o keknen ruk mkor e Balam vop. E Balam en a mhel to tesgun ta keknen ngang e Balak kmit o Israel, mar kmeharom a kerkeknen to kmem o vothol ruk o mia ngta ktar elik te, o nngiar ngang o kool. Va e Balak tit lIsrael kat, mar kmeharom a kerkeknen to kam mo vret mar kat. \v 15 Ii, va gi enang endruk ngam kaikkiem e Balam karo keknen, o mia akuruk yok kun mnam muk ngam kaikkiem e Nikolas karo mia ngaro kerkeknen kat ge. \v 16 He ekam tok, mguak kaitgung mula kerkeknen to kmennegiang ngar kam vle kun pgegom muk, matok ngora pis ko kmuk he kaus kar mar orom kuaro rhek ruk ngma vle enang a kom to kalo ngaiting nginta kha tgus. \q3 \v 17 Muk ruk mut her lol E Nunu A Totur karo rhek ri ta rere ngang E Nut kakro ngaomevek ormar, mgua sim kael rela ekam karo rhek ri kam sim kut kaikkiem mar. He o mia ruk ngat matnge vgum o vnek kir kim mar he kor mnam mar mang E Nut kam kmokpom kar ge, her o mia ruk arhe ngor mur kaen dok mruo to a bret to a mana, endo koma tuvgom kim o mia ngaro kerok, ngang langto langto mnam mar. Va ngor mur kaen a kre to ta kas ngang langto langto mnam mar kat. Va kuon mang a kre langto langto ngora kaittiegom langto langto ka munik to a gunngar, endo langto langto nak kol. Vanang gi endo tuk to tkol ka kre to endo, en tuk nera mnor mang ka munik to a gunngar to endo.” \s1 A Hor To Ngang E Yesus Ka Ngaomevek To Ko mTaitaira \p \v 18 “Va ngiak kaittiek ngang a engyel to tkol kua ngaomevek to ko mTaitaira ka gu kam havaeng ngar tgus te: \q3 E Nut Khal to dok orom kualo keik ruk nginta vle enang a paei to ta vurvur klik mnam min va kualo nhar ruk nginta nho enang a kre to ngma mon te, a bras, ko ngint kael enang a kre to a bras ko ngat kael kun mnam a paei kam mamat. \v 19 Kua mnor mang mula ngaeha to kmelongtok mang o mia, va endo kmeha ngang ngar, va endo kam matnge vgum o vnek, va endo kmor mnam muk mang E Nut kat he kmokpom kar. Ii, va kua mnor mang nguk kat te, muma sovet kmeharom o reha ruk endruk tete, kir kim tesgun ko muta ktar elha pmar. \q3 \v 20 Ii, mum sia vle enang tok tete, vanangko mut her en a vnek langto ngang dok ge. Ko mum kaennegiang a vlom to e Yesebel, endo nam mrua kansgum en mruo kam mrua mon en mruo te, en a propet langto kam vle kun pgegom muk. Ii, mum kaennegiang e Yesebel kam vle kun pgegom muk tok, he ka mnang en kam gi vrong keknen ngang kuaro mia mruo ruk muk orom karo vrong kerpapat he ka vraik orom mularo papat, kmit mar kmeharom alo kerkeknen ruk kam mo vret mar va kmem o vothol ruk o mia ngta ktar elik te, o nngiar ngang o kool. \v 21 Vanangko dok, ko her el a venloot langto ngang a vlom to endo he, en kmitgung karo kerkeknen ruk kam vret klenar, vanangko ta kees. \v 22 He enang tok, mu vokom na, ekam ko e Yesebel ta kees kmitgung karo kerkeknen ruk kmonit kar o mia kam mo vret mar, va ngora monik kim a kapnes to kmonit kun mnam a vokngnes ngang en tok kat, vgum karo kerkeknen ruk endruk. Va endruk ngam kaikkiem ngalkheng to endo kngam mar mruo ekam karo kerkeknen ruk endruk, kua havaeng ngar te, ngak kaitgung ngaro kerkeknen ruk endruk, matok ngora monik kim a kapnes to kmonit kun mnam a vokngnes to klalaut hak ngang ngar. \v 23 Ii, ngora monik kim a yor ngang e Yesebel kalngunes ruk endruk kam rum kim mar hak. He vgum a kapnes to endo tok, kuakro ngaomevek tgus ngara mnor mang dok te, her dok ta arhe, dok to kom kommen o mia tgus kam mnor mang ngaro vurkul va ngaro papat. Ii, va ngor koripang ngang langto langto mnam muk kmikkiem ka ngaeha langto langto gi enang tok arhe. \q3 \v 24 Vanangko kua ngaomevek ruk muk, muk o mia akuruk ko mTaitaira, muk ruk mut lo kaikkiem e Yesebel karo papat vop, he lo lol o papat mang o kerkeknen ruk o mia ngma mon mar te, mar e Seten karo keknen ruk lvankue, endruk e Seten nma tuvgom mar kim o mia ngaro kerok, kua havaeng nguk te, klo is kam kta vanker muk orom a pos tang kat e. \v 25 Gi a pos to enda tuk ngor kael kuon mang nguk te, o rhek ruk muta ktar lol mang dok, mguaka kpom mar klik he smia tar mar kam ngae kais ko nguak kat kaeknik. \q3 \v 26 Va endruk ngta matnge vgum o vnek kir kim mar he kor mnam mar mang E Nut kam kmokpom kar ge, ko ngam kaeharom kuaro reha kam ngae kais ko nguak kat kaeknik, her mar ruk arhe ngor mur kaen a serppak ngang ngar, he nang nga tavgo kam vle kuo mang o vrong rhek tgus mo mmie. Ii, nera vle ngang ngar gi enang ko nera vle ngang Endo E Nut Thim Orom Ka Msasaen tok kat kmikkiem E Nut karo rhek ko ngat havae mang te, \q3 \v 27 ‘Nera kir kim mar he ktoot mang ngar orom ka kop to tvua serppak, endo kam khenam en ma mmok te, ka tavgo ta vle kuo mang o mia tgus lserppak hak. Ii, nera karkar mang ngar krum kim mar kam vle enang a mhel to nam kaeharom o kolhi ko nma karkar mang ngar kam kokoherik gi enang tok kat.’ \q3 Ii, ngor kaen a serppak ngang ngar enang tok, gi enang ko e Titou ta ktar en a serppak ngang dok gi enang tok kat. \v 28 Ii, va ngor mur kaen dok mruo to kua vle enang a ketor to a lesa ngang ngar kat. \v 29 He muk ruk mut her lol E Nunu A Totur karo rhek ri ta rere ngang E Nut kakro ngaomevek ormar, mgua sim kael rela ekam karo rhek ri kam sim kut kaikkiem mar.” \c 3 \s1 A Hor To Ngang E Yesus Ka Ngaomevek To Ko mSardis \p \v 1 “Va ngiak kaittiek ngang a engyel to tkol kua ngaomevek to ko mSardis ka gu kam havaeng ngar tgus te: \q3 Dok, koma kpom E Nunu A Totur\f + \fr 3:1 \ft O rhek ruk lsir ngata vle te, “O nunu ruk aktiek hori orom alomin.”\f* to ka tavgo ta vle kuo mang E Nut kakro ngaomevek ruk aktiek hori orom alomin va koma kpom o ketor ruk aktiek hori orom alomin kun mnam kua miktiek. Ii, va kua havaeng nguk orom kuaro rhek ri te, Kua mnor mang mularo reha. Va a re to mang nguk ta ngae kun mnam o rengmat kavurgem te, mut kor mnam muk mang E Nut he kmokpom kar va E Nut ner kaen a ktalhok ngang nguk. Vanangko nove, ko mum kle va ka vle enang o yoror ruk ngar lua kol a ktalhok e. \v 2 Mgua mur kael votgem muk he khop, he lo kat konit orom mularo papat ruk kmor mnam muk mang E Nut he kmokpom kar. Ko tete, mularo papat ruk kmor mnam muk mang E Nut he kmokpom kar ngat re kam nop kun mnam muk hak. Mgua kat kaenserpagam mularo papat ruk endruk ko mar ngat re kam nop kun mnam muk. Ii, muma vle enang o yoror ruk ngar lua kol a ktalhok, ekam ko ko vokom mula ngaeha to kmor mnam muk mang E Nut he kmokpom kar te, tlo vur is hak ko pum E Nut to koma totu pum ka lo keik. \v 3 He ekam tok, mgua kta pat mang E Nut karo rhek ruk mut nganik tesgun ko mut lol he. Ii, mguak ngan vgum E Nut he kaitgung mularo kerkeknen. Vanangko enangthe mgua lua svil kmitgung ngar, va ngora pis pangnaom muk gi enang a ngauruvik nma pis pangnaom o mia kmaurur ngaro tgoluk. Ii, ngora pis pangnaom muk tok mnam a kolkha to mut lua mnor mang. \q3 \v 4 Pu lmien te, kavurgem kun pgegom muk ruk ko mSardis ngta vle enang o yoror ruk ngat lo kais kam kol a ktalhok, vanangko o mia lgititge ge ngata mmok. Her endruk endri ngam lua vle enang o mia ruk ngam kaegen kar o it ruk ngta muk e. Nove, her endruk arhe koknaik ngar kaegenkar o it ruk ngata kas he kngongae kar dok ngok Im E Nut kam kol a ktalhok ko mkor. Ngara vle tok ekam ko, E Nut nma vokom mar te, ngat mi kut is tok kam kol a ktalhok to endo ko ngta mmok orom ngaro it ruk ngta mmok tok. \v 5 Va o mia ruk ngat matnge vgum o vnek kir kim mar he kor mnam mar mang E Nut kam kmokpom kar ge, her endruk arhe ngara vle enang endruk ngat kaegenkar o it ruk ngta kas kat. Ko dok klo is hak kam horang ngaro mnok ruk E Nut ta kser a ken mang ngar he ittiegom mar kun mnam ka meer to nam kaittiegom o mnok ruk mkor o mia ruk ngara kol a ktalhok. Nove, ngor kle va kaenserpagam ngaro mnok kam monik ko kim E Titou kar karo engyel. \v 6 Muk ruk mut her lol E Nunu A Totur karo rhek ri ta rere ngang E Nut kakro ngaomevek ormar, mgua sim kael rela ekam karo rhek ri kam sim kut kaikkiem mar.” \s1 A Hor To Ngang E Yesus Ka Ngaomevek To Ko mPiladelpia \p \v 7 “Va ngiak kaittiek ngang a engyel to tkol kua ngaomevek to ko mPiladelpia ka gu kam havaeng ngar tgus te: \q3 Dok to arhe dok to kuaro rhek ngta mien. Va dok to ko her pal mnam e Devit ka ngausie kat, E Nut tmur el dok petgim o vrong mia tgus he kaen a serppak langto ngang dok. He dok koma koregot kim o mia tgus ruk E Nut ka tavgo ta vle kuo mang ngar orom a serppak to endo. Va endruk kua koregot kim mar, nong a mhel tang kat to tis kam kat kaelegot kim mar kat e. Va endruk ko kaelegot kim mar, nong a mhel tang kat to tis kam kta koregot kim mar kat e. \q3 \v 8 Muk ruk o Piladelpia, kua mnor mang mularo reha he. Mu vokom na. Ko her el muk ko va ngaegot va ko her koregot kim muk he, he nong a mhel tang to tis kam kta kaelegot kim muk kat e. Ii, va kua mnor mang nguk te, si mut lo vua serppak, vanangko mum kaikkiem kuaro rhek ge, va mum lua klai mang dok kat te, mut lua mnor mang dok e. \v 9 Ekam tok, o Yuda ruk ngam gi kor mnam mar mang nguaro keknen kuon mang ngaro gi pkor he ka vle te, mar e Seten ka ngaomevek langto msim tok, ngor kaeharom mar kam tubulkek ku penharom muk kam mrua havae mang ngaro papat te, ta mien te, E Nut nam kaelongtok mang nguk. Ii, ngor kaeharom tok ngang ngar, ekam ko her mar ruk arhe ngma ppiak kam mrua hover mar mruo kam mon mar te, mar o Yuda msim, nang kle lo kaikkiem nguaro pos e. \v 10 He ekam ko muk mut her matnge vgum o vnek he lo kaeloong mnam o vnek ruk endruk, mar kam marer kam nop, nang kle sim ktua toot mang kuaro rhek he kaikkiem mar ge, va dok kat ngor smia toot mang nguk kat mang o vnek ruk endruk ko ngara pis kim o mia tgus ruk mo mmie kmegom mar. \q3 \v 11 Ketasuo dok kmeknik. He ekam tok, mularo papat ruk kmor mnam muk mang dok kam kmokpom kar dok, endruk ngat her el rengmat kun mnam muk, mgua smia toot mang ngar hak he ka kpom mar klik kam tokim o mia kam lua vret mularo msasaen mkor muk petgim muk. \v 12 Va o mia ruk ngat matnge vgum o vnek kir kim mar he kor mnam mar mang E Nut to koma totu pum kam kmokpom kar ge, her endruk arhe ngora srim mar kam vle enangthe, mar o ngtek ruk E Nut ka rek Ka Taban To A Totur nma sir malpgem mar. He o ngtek ruk endruk nga ho lo is hak kam kta lpus kat e. Va ngor kaittiegom E Nut to koma totu pum ka munik kuon mang langto langto mnam o ngtek ruk endruk. Ii, va ngor kaittiegom E Nut to koma totu pum ka rengmat ka munik kuon mang langto langto mnam o ngtek ruk tok kat. Va a rengmat to endo ko ngora srim mar ko tok, ka munik ta vle te, E Yerusalem To A Gunngar, ko E Nut nera meng a rengmat to endo kmottek kun kuon ma volkha kam grung ngte mmie. Ii, va kuon mang langto langto mnam o ngtek ruk endruk kat, ngor kaittiegom kua munik to a gunngar kat. \v 13 Muk ruk mut her lol E Nunu A Totur karo rhek ri ta rere ngang E Nut kakro ngaomevek ormar, mgua sim kael rela ekam karo rhek ri kam sim kut kaikkiem mar.” \s1 A Hor To Ngang E Yesus Ka Ngaomevek To Ko mLaodesia \p \v 14 “Va ngiak kaittiek ngang a engyel to tkol kua ngaomevek to ko mLaodesia ka gu kam havaeng ngar tgus te: \q3 La Minar to dok, va kuaro rhek ri kua rere orom mar ngaro kleim kat, o mia kam kpom mar te, nop, mar o mi rhek ruk o minar kat. Kua tavgo ta vle kuo mang o tgoluk tgus ruk E Nut tkueng ngar. \v 15 Kua mnor mang mularo reha ko muma vle enang a ye to ta mgua. Ko mularo papat ruk mang dok, ngam lua koppet va mut lua menglol kat e. Kun mnam dok koma svil mularo papat ruk mang dok kam vle te, ngma koppet, i o muk ka vle te, muma menglol. \v 16 Vanangko, ekam ko mularo papat ruk mang dok ngma vle enang a ye to ta mgua, ko re kam guspa orom muk. \v 17 Ii, ko langto langto mnam muk mum mrua kansgum muk mruo kam re te, “Ko is mang o tgoluk tgus vgum kuaro vu krek va kuaro tgoluk vang.” Muk tgus mum sia pat mang nguk tok, vanangko mum lua mmok mang nguk mruo te, mum mia kernonho hak. Mum mia vle enang o mia ruk o gi mit ko mum lo kaegenkar E Nut ka yet to ka sgan kat e. He enang tok, muma vle enang o vivisker ko mum lua svil kam vokom E Nut kat orom mularo keknen. Va mum mia vle enang endruk ngma tu kmo tgoluk ko mum lua vle orom E Nut karo papat tok kat e. O kelenar ruk muk, \v 18 ekam ko muma vle tok, kua havaeng nguk kam lol o papat ruk mang E Nut ko mkor dok, he nang muk kmis kam vle kia vul orom o papat ruk laol, gi enangthe mum kaenkim a kre to a gol ka mten to ngta mat a kre to ta movavaik kar a gol, he kyor o mi gol tuk. Kua havaeng nguk tok, he nang muk kam mmok, he nang muk kam vle kia vul orom o papat ruk laol tok kat. Va kua havaeng nguk kam lol o keknen ruk ngta mmok ko mkor dok kat, gi enangthe mum kaenkim o it ruk ngta kas. He enang tok, mguer kais kmegenkar kua yet to ka sgan kat, he nang muk kam lo kta leep kat pum mularo pkor ruk ngat gi mit. Va kua havaeng nguk kam sirsrim mularo kerok kam vokom E Nut, gi enangthe mum kaenkim a ku to kam vorang mularo kerok orom kam sirsrim mar tok kat. \q3 \v 19 Endruk kom kaelongtok mang ngar, her endruk koma palsie kim mar he ka psom mar enang ti arhe. He ekam tok, mguak kaegom mularo serppak tgus kmitgung mularo kerkeknen kmeknik ngte kim dok kam kta mokpom kar dok. \v 20 Mu vokom dok na. Kua sir ko va ngaegot he kvae ngang nguk kam kta mokpom kar dok. He endo nak ngan kua ktui he koregot kim dok, va ngora vaik kun mnam ka rek he en kar dok mora kaum kaemik. \q3 \v 21 Va o mia ruk ngta matnge vgum o vnek kir kim mar he kor mnam mar mang E Nut he kmokpom kar ge, her endruk arhe ngor kaenserpagam mar kmorsang ko kim dok kuon mang kua ngorsang to kom korsang kuon mang ko kua tavgo ta vle kuo mang o mia. Ii, ngar korsang ko kim dok tok, gi enang dok ko ko kir kim o vnek gi enang tok kat he korsang ko kim E Titou kuon mang ka ngorsang tok kat. \v 22 Muk ruk mut her lol E Nunu A Totur karo rhek ri ta rere ngang E Nut kakro ngaomevek ormar, mgua sim kael rela ekam karo rhek ri kam sim kut kaikkiem mar.” \c 4 \s1 E Yoanes Tkaengogo Orom E Nut Ka Ngorsang Kuon Ma Volkha \p \v 1 Kopekam ko ko kaengogo orom o tgoluk tgus ruk endruk knop, kua nho klangtar vop, va ko kaengogo orom a ngaegot to kuon ma volkha ko E Nut tkoregot kim dok. To a mhel to ko ngan nanga ko ta rere klik ko pekam dok, endo ka ktui tkaeti klik enang a nglung ko tkaeti, a mhel to endo ta kta rere ngang dok kam havaeng dok kat te, \p “Aol na he grap ngte, he ngora polger o rhek ruk mang o ngaelmir akuruk yok ngak pagis ma mmok ko pekam o ngaelmir ruk ye her engogo orom mar ko ngaka ktar pagis.” \v 2 A gi hi to ther gia re tok, to endo, E Nunu A Totur ther gia khenam a ngaelmir langto ngang dok ko ko kaengogo orom ngatngae ko ko vokom a ngorsang langto kuon ma volkha va a mhel langto tkorsang kuon mang. \v 3 Va Endo tkorsang kuon mang a ngorsang to endo ka vok ta nan orom a kre to a yaspa va a kre to a karnilian nginalo mmok. Va a krei to ta nan orom a kre to a emeral ka mmok tkairkleim malpgem a ngorsang to endo ma kuon kat. \v 4 Va o ngorsang ruk a mhelom hori orom korlolo ngat kairkleim a ngorsang to endo ko pgeik ko ngta vle vur hagenmok mang. Va a hipun atgiang tkorsang kuon mang langto langto mnam mar. Va a hipun langto langto tkaegenkar a yet to ta kas va langto langto mnam mar tgus ta him kta msasaen to ngat eharom orom a kre to a gol. \v 5 Ii, va a koot tgurmik ko tkottek kun mnam a ngorsang to endo ko pgeik. Va a mmie ta khi va o muktim ruk ngat kaeti enang o varhek ko ngta kullung ngat ottek ekam a ngorsang to endo kat. Va o mmok ruk aktiek hori orom alomin ngta vurvur ko kim a ngorsang to endo. O mmok ruk endruk, mar ngat kaum ka vle atgiang te, mar E Nunu A Totur to ka tavgo ta vle kuo mang e Yesus kakro ngaomevek ruk aktiek hori orom alomin enang tok.\f + \fr 4:5 \ft O rhek ruk lsir ngata vle te, “O nunu ruk aktiek hori orom alomin.”\f* \v 6 Va a ngorsang to endo ta vle kuon kia ngaenker ka las. Va a ngaenker to endo ta nho enang a kleng to tgi mmok hak gi enang a kre to a tleko. \p Kun pgegom o ngorsang ruk a mhelom hori orom korlolo lsir ko ngat kairkleim a ngorsang to endo, o tgoluk ruk korlolo E Nut tkueng ngar he ngta ktal ngta vle he kairkleim E Nut ka ngorsang to endo. Ii, va ngta nho te, ngaro kerok kavurgem ko ktar va koknaik kuon mang ngaro pkor tgus. \v 7 Atgiang mnam mar ta nho enang ngaemslang to a laion. Langto ta nho enang a bulmakau. Langto ta nho enang a mi mhel. Va langto ta nho enang a ngaining laut ko ta vo kngae. \v 8 Langto langto mnam mar ngaro ngaeho ruk aktiek hori orom agitgiang. Ii, mar tgus ngaro kerok kuon mang ngaro pkor. Si ku meorom ngaro reho, ngaro kerok ngata vle ko tok kat. Va mo kolkhek va mo rsegain tgus ngam lua tu kam kanprim E Nut ko ngma kni pum te, \q2 “E Nut To La Ho Vu Ngaurar Hak, En a plong vleir tennik, tete va ngnik ngnik. En a Totur. En a Totur. En a Totur.” \m \v 9 Ii, endruk korlolo E Nut tkueng ngar he ngta ktal, ngma hover E Nut ka munik kam kanprim tok ko En nma vle ngnik ngnik he korsang kuon mang ka ngorsang. Ngam kaeharom tok, va \v 10 o hipun ruk a mhelom hori orom korlolo, ngma knaek mang ngar kam tubulkek ku penharom ko tok ko kim ka ngorsang he ktotu pum En, ko her En A Plong Vleir to nma vle ngnik ngnik arhe. Ii, ngam sim kut kael ngaro msasaen kuon kia ngaenker ka las ko kim ka ngorsang he ka kni pum kat te, \q2 \v 11 “Nut her yindo arhe Ngoldaip to yin. Yin tuk, ye her mi kut is, o mia kam hover ila munik kam kanprim yin mang ila serppak, ko her yin arhe ye her kueng o vrong tgoluk tgus. Ii, ye her ikkiem ila svil mruo he kueng ngar. He tete ngma vle tok kmikkiem ila svil tok kat.” \c 5 \s1 E Yoanes Tkaengogo Orom A Sipsip To A Sital Ko Ta Kpom E Nut Ka Meer Ko Maktiegom \p \v 1 Kopekam ko ko kaengogo orom o tgoluk tgus ruk endruk knop, kua langtar ma kuon vop, va ko le kaengogo orom Endo tkorsang kuon mang a ngorsang to endo ko ta kpom a meer kun mnam ka miktiek. Va ngat her ittiek kuon mang a meer to endo kalo ngaiting tgus to kvat orom o vnangal ruk a ktiek hori orom alomin. \v 2 Va ko kaengogo orom a engyel to tvua serppak ko ta rere klik te, “Erieto tmi kut is kam pet o vnangal ruk endruk he klamher a meer to endo?” \v 3 Ko vokom va nong a mhel tang mo mmie va kuon ma volkha, i o kun ku meorom a mmie ka ngaesik hak ta vle ko tmi kut is kam petik he klamher a meer to endo e. Va kam gi vur nho kun mnam, va nong a mhel tang hak to tmi kut is kmeharom tok kat e. \v 4 Ko vokom tok, to ko elha kmeti. Ko eti eti eti ekam ko a engyel to endo tlo pis mang a mhel tang to tmi kut is kam pet o vnangal, i o kam gi vrong nho kun mnam kat e. \v 5 Ko eti tok kngae, to a hipun langto mnam endruk a mhelom hori orom korlolo thavaeng dok te, “Or kmeti, ekam ko, e Devit kaes, endo ta vle enang a ho ka sipngan ko ta par mnam a ngausie ka pun to mkor e Devit, ka serppak ta vle enang a ngaemslang to a laion, her Endo arhe tmi kut is kam pet o vnangal ruk aktiek hori orom alomin kam lamher a meer to endo ekam ko en ther mi kut kir kim ka imuo he.” \p \v 6 To kopekam tok, ko kaengogo orom Endo ta vle enang A Sipsip To A Sital ko ta nho enang te, o mia ngat im kngam a yoror. Ta sir kun pgegom endruk korlolo E Nut tkueng ngar he ngta ktal ko ngat kairkleim a ngorsang to endo, va o ngorsang ruk a mhelom hori orom korlolo ngat kairkleim endruk korlolo tok kat. A Sipsip To A Sital to endo karo mus ruk aktiek hori orom alomin kuon mang ka lpek. Va karo kerok ruk aktiek hori orom alomin tok kat. Karo kerok ruk endruk, mar ngat kaum ka vle atgiang te, mar E Nunu A Totur, to ka tavgo ta vle kuo mang e Yesus kakro ngaomevek ruk endruk aktiek hori orom alomin.\f + \fr 5:6 \ft O rhek ruk lsir ngata vle te, “O nunu ruk aktiek hori orom alomin.”\f* Ii, her E Nunu A Totur arhe to E Nut tmeng, En kam ngae kun mnam o mhetor tgus mo mmie. \v 7 A Sipsip To A Sital to endo ta ngae kpis ko kim Endo tkorsang kuon mang a ngorsang he kol a meer ko mkor En kun mnam ka miktiek. \v 8 Tkol he, to endruk korlolo E Nut tkueng ngar he ngta ktal kar o hipun ruk a mhelom hori orom korlolo ngat kaum ktubulkek ku penharom A Sipsip To A Sital to endo. Ii, langto langto mnam mar tgus ta kpom a ho ka grie he kpum. Ii, va langto langto mnam mar ta kpom a kolhi to ngat eharom mar orom a kre to a gol kat. Va kun mnam o kolhi ruk endruk a paei ka ngaus to ngma mon te, a ensen nma pum ka grap ngpalmai. Va a ensen to endo ta vle te, o ngarkie ruk mkor E Nut karo mia mruo. \v 9 To mar tgus ngata kni pum A Sipsip To A Sital orom a kni to a gunngar kam kni te, \q2 “Ye ho mi kut is kam kol a meer he kpet karo vnangal kam lamher, her vgum ko o mia ngat im yin kngam yin a yoror. Ii, ye her el ekam o mia ngang E Nut orom ila gidiel mruo tok. O mia ruk ngat pal mnam o vrong valngan, o vrong usiel, o vrong rhek va endruk nkong ngar ko mnam o vrong marhok tgus va ye her el ekam mar he orom ila gidiel mruo to endo. \v 10 Ii, ye her mi kut eharom o mia ruk endruk kam mi kut vle te, ilaro pris ruk ila tavgo ta vle kuo mang ngar, he nang mar kmeha ngang E Nut to ngoma totu pum. Ii, va her mar ruk nga tavgo nera vle kuo mang a mmie ta tgus kat arhe.” \p \v 11 To ko kaengogo orom o tgoluk akuruk yok va ko ngan o engyel ngarla vurgem ngarla vurgem ngaro ktui. Ko o engyel vang o engyel vang hak ngat kairkleim endruk tgus ngat kairkleim a ngorsang to endo, endruk korlolo E Nut tkueng ngar he ngta ktal va o hipun ruk a mhelom hori orom korlolo ruk ngat kairkleim mar kat. \v 12 Mar tgus ngat kaum ka kni klik pum A Sipsip To A Sital te, \q2 “A Sipsip To A Sital, her en tmi kut is arhe kam lol o mia ngaro rhek ruk ngta kanprim he ktotu pum en ormar. Ii, tmi kut is kam lol ngaro rhek ruk ngta kanprim en ormar mang ka serppak, karo vu tgoluk, karo vu papat, ka tavgo va ka mmok kat. He en her Endo ngat im kngam a yoror kat arhe.” \p \v 13 Ngta kni tok, to ko kle kngan o tgoluk tgus ruk E Nut tkueng ngar ko ngta kni pum kat. Ii, endruk ku mmie, kuon ma volkha, kun ma a mmie ka ngaesik hak, va kun mnam a mou kat. Ngta kni pum E Nut kar A Sipsip To A Sital te, \q2 “O mia tgus ngak khover A Sipsip To A Sital kar Endo nma korsang kuon mang ka ngorsang nginalo munik he kanprim min mang mela mmok kam ngae ngnik ngnik.” \m \v 14 Ngta kni pum min tok, to endruk korlolo E Nut tkueng ngar he ngta ktal, ngta koripang ngar te, “Mi lmien.” To o hipun ruk a mhelom hori orom korlolo ngta tubulkek ku penharom min he ktotu pmin kat. \c 6 \s1 E Yoanes Tkaengogo Orom A Sipsip To A Sital Ko Ta Pet O Vnangal Kam Lamher A Meer \p \v 1 Kua ketar A Sipsip To A Sital to endo va ko vokom ko tpet a meer to endo ka vnangal to atgiang orom, nang korim endruk aktiek hori orom atgiang. Tpet to kua ngan a muktim enang a koot ko ta kullung ko tang mnam endruk korlolo E Nut tkueng ngar he ngta ktal ta rere. Tre te, “Aol!” \v 2 Tre tok, va vgum a ngaemslang to a hos orom ka vok to ta kas ko ko vokom ko tgi pis gi sir ko tok ko kim kualo keik. Va endo tkorsang kuon mang a hos ka sai, en ta kpom a tambres kun mnam ka ktiek va tkol a msasaen ko mkor endo thim orom. Va ta sap orom ka hos to endo kam ngae kmus kar o mia kam kir kim mar tgus. \p \v 3 To A Sipsip To A Sital tpet a vnangal to alomin orom to kua ngan endo alomin orom mnam endruk korlolo E Nut tkueng ngar he ngta ktal ko ta rere kat kam re te, “Aol!” \v 4 Tre tok, to ko vokom a hos langto yok orom ka vok to ta svel enang a paei karo ngaerevek ko tottek. Va endo tkorsang kuon mang a hos to endo ka sai, en ta kpom a serppak to kam kser a mokaum kun pgegom o mia, kmommen mar kmel mar te, la imuo mo kmar, mar kam mo puputum mar mruo ko tkol a kom to klalaut ko mkor endo ten ngang. \p \v 5 To A Sipsip To A Sital tpet a vnangal to a korlotge orom. Tpet he, to kua ngan endo a korlotge orom mnam endruk korlolo E Nut tkueng ngar he ngta ktal ko ta rere kat kam re te, “Aol!” Tre tok, va vgum a hos langto orom ka vok to la katvur ko ko vokom ko tgi pis gi sir ko tok ko kim kualo keik kat. Va endo tkorsang kuon mang endo la katvur ka sai, en ta kpom a ngaeha to kmel o tgoluk ngaro kerok, he nang o mia kmenkim mar kmikkiem ngaro kerok kais tok. \v 6 To kua ngan a muktim langto kat ko tkaeti enang a mi mhel ka ktui, ko langto kun mnam endruk korlolo E Nut tkueng ngar he ngta ktal ta keknen ngang endo la katvur te, “Kun mnam a venloot to yindo la katvur ya vle, o mia ngar sia khanang ngar kmenkim ke ho to a vit ngo khek kmikkiem ke kolhi to na gi vur kais mang ke lita to ke tgiang, i o ke ho to a bali ngo khek kmikkiem ke kolhi to na gi vur kais mang kero lita ruk korlotge orom a dinaris to ngat sovet kam prongyek ka psek kmeha mnam a kolkha to a gutnar tgus kmit. Vanang ngiak or kam kering o luteik ruk orom o hi ruk olip va o usiel ruk o grep e.” \p \v 7 To A Sipsip To A Sital tpet a vnangal to a korlolo orom, to kua ngan endo a korlolo orom mnam endruk korlolo E Nut tkueng ngar he ngta ktal ko ta rere kat kam re te, “Aol!” \v 8 Tre tok, va vgum a hos langto ko ko vokom ko tgi pis gi sir ko tok ko kim kualo keik. Ka vok ta les. Va a mhel to tkorsang kuon mang a hos to endo ka sai, en ka munik te, E Yoror. Va a mhe to e Mlol nama vle ko rkieng he ka knaek ekam kat. He min tgus ngint kol a serppak to kmommen o mia tgus kun mnam a mmie, mar kam vle mnam o murgun ruk korlolo, to kmim o mia tgus ruk kun mnam a murgun to atgiang kun mnam mar ruk korlolo kngam mar tgus kun mnam a murgun to endo o yoror. Ii, ngint kol a serppak to kmim mar kngam mar o yoror orom a kom, orom a vang, orom o vrong yor ngo mamten va orom o ngaemslang ruk ngma sosop po turvek mnam a mmie ta. \p \v 9 To A Sipsip To A Sital ta pet a vnangal to aktiek orom, he ko vokom o mia akuruk ngaro nunu ko o mia ngat her im mar tesgun kngam mar o yoror ekam ko ngma hahavae lmien orom E Nut karo rhek. Ii, ko vokom mar ko ngta vle ku meorom a psen to a totur, endo kmel E Nut karo nngiar kuon mang. \v 10 Ii, ngma vle ko tok he kvui klik ngang Ngoldaip kam re te, “Ngoldaip, yindo La Ho Vu Ngaurar Hak, yin A Ho Totur Hak va La Minar to yin, ngruak paneng o kolkhek aner vop, he nang yin kmekon ngang o mia ruk ngma vle mo mmie kmel a kapnes ngang ngar kam srim a vnek to mang nguaro gidiel?” \v 11 Ngat havae tok, to Ngoldaip tkaen o it ruk ngta kas ngang langto langto mnam mar to khavaeng ngar te, “Mgua gi vrua vle nong ke laut na, kam ngae kais mang ko o mia ngak kaim muornopeik akuruk ngat kor mnam mar mang E Nut he kaeha ngang kat. Ko o mia ngak kaim mar kngam mar o yoror kmikkiem gi enang ko E Nut ta ktar mur him mar te, mar aner ngak yor kais enang tok, to endo yek, ngor le ka srim mularo gidiel. Ko o mia ngak kaim mar kngam mar o yoror na, kmikkiem enang ko ngata ktar kaim muk kngam muk o yoror tok kat.” \p \v 12 To ko vokom Endo enang A Sipsip To A Sital ko ko ta le kpet a meer ka vnangal to aktiek hori orom atgiang orom kat. Tpet he, to a mmie tkaelha kam khi klik va a kolkha thortgi ka nho lkatvur hak enang a porgagat karo kmeneng. Va a kenho tgus thortgi kat ka nho la svel enang a mhel ka gidiel kat. \v 13 Va o ketor ruk kuon ma volkha, ngata rpuo ngku mmie gi enang a ho to a pik karo miel ruk ngta vol ngma rpuo ngku mmie vgum a ngausgi alautar ko tpis tkaererik. \v 14 Va ko vokom a volkha kat ko ta nho enangthe E Nut tmur llum he kaursie ngoguo, gi enang a mhel to ta llum a meer. Va a mmie ta khi, va o vlik va o nut tgus ngat kaurursie kparem ngaro ngaekmol petgim mar. \p \v 15 Ko vokom o tgoluk tok, to o mia tgus ruk mo mmie ngata ngoropok ngoguo mo vlik kam tvok kun mnam o nhotor va o krek ngaro ngnorok. Ii, a mmie karo mhetor tgus ngaro taven va ngalmialaol va ngaro ngaomevek ngalmialaol kar endruk ngaro vu krek, va endruk ngaro vu serppak, va o mia tgus ruk ngalmialaol ngam kaenen mar kmeha ngang ngar kar endruk nong ngalmialaol ngang ngar, mar tgus ngat ngoropok kam tvok tok. \v 16 Ii, ngta vle tok va kukueng o vlik, te, “Mguak kuviet kuon mang ngor he, he ktuvgom mor kim Endo kuon mang ka ngorsang va kim Endo ta vle enang A Sipsip To A Sital ko ner ho mi kut kaesik ngang ngor. \v 17 Ii, o mia ruk endruk ngar mi ktua vle enang tok, ekam ko a kolkha to E Nut kar A Sipsip To A Sital nginak khenam nginalo ngaesik ma mmok ngang ngar, ner mi kut pis lmien ngang ngar gi enang tok hak. He nong a mhel tang hak to ner kais kam sir ko pum nginalo keik tok e. Ii, ko a kolkha to endo tho mi kut laut arhe.” \c 7 \s1 E Nut Nera Lol O Israel Ruk Ngat Kais Te, 144,000 Kam Toot Mang Ngar \p \v 1 To ko pekam ko ko vokom o tgoluk ruk endruk, ko vokom o engyel ruk korlolo ko langto langto mnam mar ta sir ko va mmie ka ngaiting langto langto. Va langto langto ta tokim a ngausgi kam hagam kmovvor a mmie, va a mou, va mang o gi vrong hi tgus. \v 2 Ii, ngta tokim a ngausgi tok, ekam ko E Nut ten a serppak langto ngang ngar kam kering a mmie, a mou va o hi tok. Ngta vle tok, va ko vokom a engyel langto yok ko tottek oguo ma mhe to a kolkha nma plek mnam. Va E Nut To A Plong Vleir ka ngaelmir ta vle kuon mang a engyel to endo. Ko vokom tok, to ta vui klik ngang o engyel ruk korlolo kam havaeng ngar te, \v 3 “Mu or na. Ko mor o engyel ruk ngom kaeha ngang E Nut ngruaka ktar kael E Nut ka ngaelmir kuon mang E Nut karo mia ruk ngam kaeha ngang En ngaro leineik, yek mut kais kam kering a mmie, a mou va o hi.” \v 4 Thavaeng ngar tok, to a engyel to endo thavaeng dok mang E Nut karo mia ruk o engyel nga kael E Nut ka ngaelmir kuon mang ngar te, mar aner. Va kam pupam o mia tgus ruk mkor o Israel ngaro usiel tgus a murgun to endo, nok mar tgus ngat kais mang te, 144,000. \li1 \v 5 Ii, ngat el E Nut ka ngaelmir kuon mang akuruk mkor a ngausie to e Yuda he ngat kais te, 12,000 \li1 va akuruk mkor a ngausie to e Ruben ngat kais te, 12,000 \li1 va akuruk mkor a ngausie to e Gat ngat kais te, 12,000 \li1 \v 6 va akuruk mkor a ngausie to e Aser ngat kais te, 12,000 \li1 va akuruk mkor a ngausie to e Naptali ngat kais te, 12,000 \li1 va akuruk mkor a ngausie to e Mnasa ngat kais te, 12,000 \li1 \v 7 Va akuruk mkor a ngausie to e Simion ngat kais te, 12,000 \li1 va akuruk mkor a ngausie to e Livai ngat kais te, 12,000 \li1 va akuruk mkor a ngausie to e Isakar ngat kais te, 12,000 \li1 \v 8 va akuruk mkor a ngausie to e Sebulun ngat kais te, 12,000 \li1 va akuruk mkor a ngausie to e Yosep ngat kais te, 12,000 \li1 va akuruk mkor a ngausie to e Bensamen ngat kais te, 12,000. \s1 A Murgun To Orom O Vrong Mia Ruk Ngat Kaegenkar Ngaro It Ruk Ngta Kas \p \v 9 To ko pekam ko ko vokom o tgoluk ruk endruk tok, kua vle vop va vgum a murgun to orom o mia vang hak. A murgun to endo nong a mhel tang hak to tkais kam him mar kam mnor mang ngar te, mar aner e. Ko mar, mkor o mia tgus ruk mnam a mmie karo mhetor tgus, endruk mkor o vrong rhek tgus ruk mo mmie ngaro usiel tgus. Mar tgus ngta sisir ko kim E Nut ka ngorsang va ko kim Endo ta vle enang A Sipsip To A Sital. Ngat kaegenkar o it ruk ngta kas va ka kpom o kningol kun mnam ngaro singni. \v 10 Ii, ngta vle tok he kvui klik kam hover E Nut ka munik kam kanprim te, \q2 “E Nut to nam korsang kuon mang ka ngorsang, her gi En tuk to tis kam susulgim o mia vgum Endo ta le nang A Sipsip To A Sital.” \m \v 11 Ii, va ko tok o engyel tgus ngta sisir kairkleim endruk E Nut tkueng ngar he ngta ktal va endruk o hipun ruk a mhelom hori orom korlolo kat. Ngta ngan a murgun ko ngta kanprim E Nut tok, to ngata kaum ktubulkek ku penharom E Nut ko kim ka ngorsang to ka kru ka vham orom ngaro vurkul kam totu pum tok. \v 12 To ngata re te, \q2 “Ta mien hak te, o mia tgus ngak totu pum E Nut he khover ka munik kam kanprim En kngorom kngorom mang ka serppak, karo vu papat, ka tavgo va ka mmok. Lmien” \p \v 13 Ngata re tok, to a hipun langto mnam mar ta mnganang dok te, “Endri ngat kaegenkar ngaro it ruk ngta kas, erie mar ruk va ngat ottek tam?” \p \v 14 Va ko koripang endo te, “Kakai. Ngolaip, her indo arhe ya mnor!” \p Va thavaeng dok te, “Endri, her endruk ngnik arhe ko nga her matnge vgum o vnek ruk ngara pagis kim mar kmegom mar kun mnam a venloot to tho mi kut kernonho hak ko ngak kir kim mar. Ii, ngara kir kim o vnek ruk endruk orom nga papat to mang A Sipsip To A Sital ko ngat kor mnam mar mang te, ka yor ko ka gidiel ta ksuk tis kam momgol mar. He enang tok, ngta vle enangthe ngat her plum ngaro it orom nga papat to endo he kpis la mmok vgum tok. \v 15 He ekam ko A Sipsip To A Sital ther momgol mar enang tok, \q2 Ngma vle ko kim E Nut to nam korsang kuon mang ka ngorsang kmeha ngang mo kolkhek va mo rsegain tgus kuon ma volkha ko tok kun mnam ka maksien Ka Taban To A Totur. Ii, va E Nut to nam korsang ko tok kuon mang ka ngorsang, ka tavgo nera vle kuo mang ngar he nera vle ko kim mar kngorom kngorom he ktoot mang ngar. \v 16 Ii, va ngar lo kat kais kam kta vang, va lo kat kais kam kta katngaivie kat e. Va a kolkha tlo kat kais kam kta laem mar. Va a gi vrong manakain kat ko tvua koppet va tlo kat kais kam kta laem mar kat e. \v 17 Ii, ko Endo ta vle enang A Sipsip To A Sital, Endo nma vle ko tok kun pgegom endruk tgus ko kim E Nut ka ngorsang, En nera toot mang ngar, enang a mhel to nma toot mang karo sipsip. Ko nera ktong ngar kam kol a ktalhok to ta vle enang o itok ruk ngam gia gos ka vle. Va E Nut nera momgol ngaro kerok ngaro itok kam petik, ko ko tok o mia ngar lo kat kais kmeti kat.” \c 8 \s1 A Sipsip To A Sital Tpet A Meer Ka Vnangal To Aktiek Hori Orom Alomin Orom \p \v 1 To ko vokom ko A Sipsip To A Sital tpet a meer ka vnangal to aktiek hori orom alomin orom. Tpet he, to a volkha tngae gia vle te, a gi vatimmok kam ngae gia vle vur nong ke laut tok. \p \v 2 A vatimmok ta vle, to ko vokom o engyel ruk aktiek hori orom alomin ko ngta sisir ko kim E Nut he E Nut ten a nglung ngang langto langto mnam mar. \p \v 3 To ko vokom a engyel langto yok ko ta kpom a kolhi to ngat eharom orom a kre to a gol. Va a paei ka ngaus to ngma mon te, a ensen to nma pum ka grap ngpalmai ta vle kun mnam a kolhi to endo. A engyel ta kpom a kolhi to endo va ksir ko rkieng a psen to a totur, endo ngat eharom orom a kre to a gol, kmel E Nut karo nngiar kuon mang, to klenar ngat vu klang ka kolhi orom o ensen akuruk. To a kolhi orom a ensen to a paei ka ngaus ta pum ka grap ngpalmai. He a paei ka ngaus to endo ta movavaik kar a tomhel langto yok, endo ta vle te, E Nut karo mia mruo ngaro ngarkie ruk kun mnam ka kolkha to endo kat. Klenar ngata klang ka kolhi ma paei ka ngaus tok, he nang a engyel to endo kam le kngae ko kim E Nut ka ngorsang, va a paei ka ngaus kam pum ka grap ngpalmai kuon mang a psen to a totur kam nngiar ngang E Nut ormar tok. \v 4 A engyel to endo ta nngiar ngang E Nut, to a ensen ta pum ka grap ko maktiegom a engyel to endo ka ktiek kam ngae ko kim E Nut orom E Nut karo mia mruo ngaro ngarkie enang tok. \v 5 Teharom tok, to kle kngae ko va psen, kta lol o ensen akuruk mnam a psen to a totur to endo, kam kta klang ka kolhi orom mar, to kle kngam mar klik hak ngogu mmie. Tre kaeharom tok, to a koot tgurmik he kullung klik, va a mmie ta khi he kael ka muktim to klalaut hak. \s1 O Engyel Ngat Hupum O Ngalngeik \p \v 6 To o engyel ruk aktiek hori orom alomin, endruk ngata kpom o ngalngeik ruk aktiek hori orom alomin ngat hoverik he gia sir orom mar kam hupum mar. \p \v 7 To langto mnam mar ta ktar khupum ka nglung he, he ka nglung tkaeti. Tkaeti va ko vokom a kus to orom a ye to tvua serppak ko tvua menglol hak, va a paei ko ta movavaik kar a gidiel he kvuvuut ku mmie enang a kus ko tkaerik. Ii, tkaerik tok ko E Nut tkol a kus to va a paei ko ngat movavaik kar a gidiel he kngam mar ngogu mmie. Tngam mar ngogu mmie, to a paei tem a mmie ka mhe to enangthe ipa kommen a mmie kam vle te, o mhetor ruk korlotge, va a paei tem ka mhe to atgiang mnam mar. Va ipa kommen he kaum o hi tgus ruk mo mmie kam vle mnam o valngneik ruk korlotge, va a paei tem o hi tgus mnam a valngan to atgiang mnam mar tok kat. Va a paei tem o ngaergot tgus mo mmie kat. \p \v 8 Va endo a engyel to alomin orom ko vokom en kat ko thupum ka nglung he tkaeti kat. Tkaeti va ko vokom a tomhel to ta nho enang a vul alautar hak ko a paei tkaem tgus he kvurvur mnam vop, ko E Nut tpet he kngam ngogu mnam a mou. Tngam ngogu mnam a mou, to ipa kommen a mou kam vle te, karo mhetor ruk korlotge va a mou ka mhe to atgiang mnam mar thortgi ka nho enang a mhel ka gidiel. \v 9 Va ipa kommen he kaum o singol tgus ruk kun mnam a mou kam vle kun mnam o murgun ruk korlotge va o singol tgus kun mnam a murgun atgiang kun mnam mar ngat yor. Ii, va ipa kommen he kaum o laktok ruk ngma sap kia mou kam vle kun mnam o murgun ruk korlotge va a vul tkering o laktok tgus mnam a murgun to atgiang mnam mar kat. \p \v 10-11 To a engyel to a korlotge orom thupum ka nglung he tkaeti. Tkaeti va ko vokom a ketor alautar to ta mmok klik enang a kneng to ta vurvur klik ko ko vokom ko tvuut kun kuon ma volkha. A ketor to endo ka munik ta vle te, E Lkiet he ipa kommen he kaum o itok va o vugye ruk ma mmie kam vle kun mnam o murgun ruk korlotge va a ketor to E Lkiet tvuut kaim o itok va o vugye tgus mnam a murgun atgiang mnam mar he khortgem mar kam has. He o mia kavurgem ngat yor ko ngat iviem mnam o itok va o vugye ruk endruk ko ngta has tok. \p \v 12 To a engyel to a korlolo orom thupum ka nglung he tkaeti. Tkaeti va ko vokom ko E Nut tkaim o mmok ruk kuon ma volkha. Va ip kommen a kolkha kam vle te, karo mhetor ruk korlotge va a kolkha ka mhe to atgiang mnam mar tngae gi slok. Va ip kommen a kenho kam vle te, karo mhetor ruk korlotge va ka mhe to atgiang mnam mar tngae gi slok kat. Va ip kommen he kaum o ketor kam vle kun mnam o murgun ruk korlotge va o ketor tgus mnam a murgun to atgiang mnam mar ngat ngae gi slok tok kat. He ekam tok, o kolkhek va o rsegain ruk karo mhetor atgiang ruk kun mnam endruk korlotge ngat ngae gi slok vgum tok kat. \p \v 13 Kua vle keketar o tgoluk ruk endruk tgus, va ko ngan a ngaining laut ko ta vo kngae kuo kia gan he kaeti klik kam re te, “Suvrum muk ruk o mia ruk mo mmie. Suvrum muk mang o tgoluk ruk ngara pis koknaik ko o engyel ruk korlotge, endruk ngat lo hupum ngaro nglung vop, ngak hupum mar na, yek o tgoluk ruk endruk ngara pis. Suvrum muk!” \c 9 \s1 A Engyel To Aktiek Orom Thupum Ka Nglung \r A Tomhel To Atgiang Orom Kam Suvrum O Mia Vgum \p \v 1 To a engyel to aktiek orom thera hupum ka nglung he tkaeti. Tkaeti va ko vokom a ketor langto yok kuon ma volkha kat ko ther vuut ku mmie. Tvuut ku mmie to E Nut ten a serppak langto ngang a ketor to endo, he nang a ketor kmoregot va kmelegot kim endruk ngama vaik kottek kun mnam a mmie ka ho ngaesik hak. \v 2 To tpet a mmie ka ho ngaesik hak ka ngaegot, to a paei ka ngaus to tvua ppat tkottek he kpum ka grap ngpalmai. A paei ka ngaus to endo ta vle enang a paei ka ngaus to mkor a paei to klalaut hak ko ta pum ka grap ngpalmai he ktotokim a kolkha. Va a volkha tngae gi slok hak orom a mmie ka ho ngaesik ka paei ka ngaus to endo tok. \v 3 To ko vokom o horop akuruk ko ngat kottek kun mnam a paei ka ngaus to endo he ngta grung ngogu mmie. E Nut ther klang ngar ma serppak to mkor o kidot ruk mo mmie kat. \v 4 E Nut thavaeng ngar kam lua kering o ngaergot, o hi, va o vrong turvek kat, nang kle kngae gi kering o mia ruk E Nut tlo el ka ngaelmir kuon mang ngaro leineik. \v 5 Vanang E Nut tlo en a serppak ngang ngar kmim mar kngam mar o yoror e. Nove, tgi kaen a serppak ngang ngar kam gia kol a regesal mang ngar kmen a vokngnes he kering ngar tok, kam ngae kais ma venloot to orom o kenho ruk aktiek. Ii, o horop ngat kol a regesal mang o mia tok, va o mia ngma nganngannes orom a ngannes to ta vle enang endo a mhel nma kol ko mkor o kidot ko naka kner. \v 6 Ii, va kun mnam a venloot to endo, o mia ngar sia riring a ngaelaut tang kam mur kaim mar mruo, vanang ngar lo kais kam pis mang tang e. Ii, ngara svil kam yor, vanangko ngar lo kais e. \p \v 7 O horop ruk endruk ngta nho enang o hos ruk lserpgar, endruk ngat re kmus. Va ngat him o tgoluk ruk ngta nho enang o msasaen ruk ngat eharom mar orom a kre to a gol. Va ngaro kerok ngta nho enang o mia ngaro kerok kat. \v 8 O horop ngaro ir ngta nho enang a hos ka pen ko ngla hok he gi vrong valval. Va ngaro ngnorok ngta nho enang a ngaemslang to a laion karo ngnorok. \v 9 Ngata totok mang ngaro rengtek orom o gulie ruk ngta nho enang te, ngat eharom mar orom a haian. Va ngma vo orom ngaro reho, va nga muktim tkaeti enang a muktim to mkor o hos ngarlavurgem ko ngalmialaol ngat kaum mar kam sap klik orom ngaro laktok ruk o hos ngam kaitrik pekmar, nang mar kam ngae kmus he o hos ngaro nharok ngam kael muktim klik kim a mmie. \v 10 Va o horop ngaro pen ngta vle enang o kidot ngaro pen kat. Ii, ngaro serppak ngta vle kun mnam ngaro pen ruk tok, he nang mar kmen a ngannes ngang o mia tok kam ngae kais mang o kenho ruk aktiek. \v 11 Ii, va ngar taven to ka tavgo ta vle kuo mang ngar, her a engyel to ka tavgo ta vle kuo mang a mmie ka ho ngaesik hak. A engyel to endo ka munik ta vle kun mnam a re to e Hibru te, E Abadon. Va mnam a re to e Grik ta vle te, Apolion.\f + \fr 9:11 \ft Kam hortgem a engyel ka munik orom alo re ruk e Hibru va e Grik, ka pun ta vle msim te, “Endo Nma Kering O Tgoluk Hak.”\f* \p \v 12 He ekam tok, o horop ruk endruk arhe ngta vle te, a tomhel to atgiang orom kam suvrum o mia vgum. Va ther nop he. Vanangko alo tomhel ruk alomin vop kam suvrum o mia vgum min, ennginduk ngnok vop. \s1 A Engyel To Aktiek Hori Orom Atgiang Orom Thupum Ka Nglung \r A Tomhel To Alomin Orom Kam Suvrum O Mia Vgum \p \v 13 To ko vokom a engyel to aktiek hori orom agitgiang orom ko thupum ka nglung he tkaeti kat. Ka nglung tkaeti va ko ngan a mhel ka ktui ko tottek ko va psen to a totur ko kim E Nut, endo ngat eharom orom a kre to a gol. Ka ktui tottek lsir ko tok mnam a psen karo muyol ruk ngta sisir ngpalmai. \v 14 Thavaeng a engyel to aktiek hori orom atgiang orom, endo ta kpom ka nglung vop te, “Ngiak halger o engyel ruk korlolo, endruk E Nut nma totokim mar ogu va ye to klalaut to e Yupretis.” \v 15 O engyel korlolo ruk endruk, E Nut ther mi kut totokim mar kam mi ktua vle kpaneng a her gi venloot to enda msim kun mnam a kolkha to enda msim kun mnam a kenho to enda msim kun mnam a pnes to enda msim. Ii, ther mi kut totokim mar tok, he nang en kam kle khalger mar kun mnam a kolkha to enda msim, mar kam kle ksap kuon mang ngaro hos kngae kaim o mia ruk enang te, ip kommen ha kaum o mia tgus ruk mo mmie kam vle kun mnam o valngneik ruk korlotge va ngak ngae kaim o mia tgus mnam a valngan to atgiang mnam mar. \v 16 Ii, va ko kol a re to mang o mia ruk ngak sap kuon mang o hos kmim o mia ko mar aner va mar ngat kais te, o milion ruk 200. \p \v 17 Ii, o hos va endruk ngat korsang kuon mang ngar, endruk ko kaengogo orom mar ngta nho ti te: Ngaro gulie ruk ngma totok mang ngaro rengtek orom mar, ngaro mhetor ruk korlotge. Langto ta svel enang a paei, langto ta kait hak va langto tgi yong enang a vul to nma vurvur ka mmie to ngma mon te, a sulpa. O hos ngaro lpetuk ngta nho enang o ngaemslang ruk o laion ngaro lpetuk kat. Va a sulpa ta vurvur klik va karo ngaerevek kar a paei ka ngaus ngat kottek kun mnam o hos ruk endruk ngaro ngnorok. \v 18 Va ip kommen he kaum o mia tgus ruk mo mmie kam vle kun mnam o valngneik ruk korlotge va o paeyol kar a paei ka ngaus va a sulpa, endruk ngat ottek kun mnam o hos ruk endruk ngaro ngnorok ngat im o mia tgus mnam a valngan to atgiang mnam mar. Ii, o paeyol kar a paei ka ngaus va a vul to nma vurvur ka mmie to a sulpa, mar ruk korlotge ngata vle te, o yor ruk laol hak kun mnam a venloot to endo. \v 19 Ii, o hos ngaro serppak ngma vle kun mnam ngaro ngnorok tok arhe va ku mnam ngaro pen kat ko ngaro pen ngta vle enang o vimol ruk orom ngaro lpetuk ruk ngama kering o mia kmen o nganngannes ngang ngar orom mar kat. \p \v 20 Va o mia akuruk, o yor ruk endruk ngat lo si lol mar he ngat lo si yor vgum mar, vanangko ngat lo kaitgung ngaro kerkeknen ruk ngam kaeharom mar ge. Nove, ko ngam lua tu kam totu pum e Seten kalngunes ruk o kool, va ngam lua tu kam totu pum o vrong matpil ruk o mia ngam kaeharom mar orom a kre to a gol, a silva, a bras, va o gi vrong krek va o hi kat. Vanang o matpil ruk endruk ngat lo kais kam nho va kngan o rhek va kngongae kat e. \v 21 Ii, va o mia ngat lo kaitgung ngaro kerkeknen akuruk kat, endruk kam por o mia, kam paeim o mia, kam mo vret mar va kmurur o tgoluk kat e. \c 10 \p \v 1 To ko vokom a engyel langto vat. En tvua serppak he ka grung kun kuon ma volkha. Karo it ruk o varhek va a krei ta vle kuon malpgem ka lpek. Kalo keik nginta nan enang a kolkha va kalo nhar nginta vurvur enang alo ngtek ruk a paei ta vurvur mnam min. \v 2 Va ta kpom a meer to ke sie ko ta vle la vha kun mnam ka ktiek. Ko vokom a engyel to endo ko ta nho tok, to ta kle kael ka nhar to a miktiek kuon mang a mou kam kar mang tok, to kle kael ka nhar to a ksienga kuon mang a mmie kam kar mang tok kat. \v 3 Ii, a engyel to endo, ta kar mang a mmie va a mou tok, to kle kael ka ngaeti klik enang a ngaemslang to a laion. Tkaeti klik to ko ngan a ktui langto kat ko tkaeti enang o kool ruk aktiek hori orom alomin ko ngata kaum kullung kat. \v 4 Ko ngan a ktui to endo karo rhek he re kmittiegom mar kuon mang a hor, vanangko a ktui langto yok kuon ma volkha thagam dok te, “Ngior kmittiegom o rhek ruk endruk kam polgerik e. Ngia tuvgom mar na.” \p \v 5 To a engyel to ko vokom ko ta kar mang a mmie va a mou, thover ka miktiek ngpalmai ko kim E Nut to kuon ma volkha \v 6 to re kvat E Nut to A Plong Vleir ko nma plong vle ko kim ngnik ngnik, Endo tkueng a volkha kar mmie, a mou va ngaro vrong tgoluk tgus ruk ngma vle kun mnam mar. A engyel ta re kvat E Nut tok kmel ka tnangal orom E Nut ka munik. Ii, tel ka tnangal ngang o mia kam havaeng ngar te, “E Nut ner lo kta hus kat e. \v 7 Nove, vanang kun mnam a venloot to a engyel to aktiek hori orom alomin orom na re kam hupum ka nglung, E Nut ner kle va kpolger a papat to tesgun nma tuvgom, kmitom ka tnangal to endo, en kpis ma mmok, kmikkiem gi enang ko ther havaeng karo propet ruk ngam kaeha ngang.” \p \v 8 To E Nut to kuon ma volkha ta kta rere ngang dok kat te, “Ngae kol a meer to tgi vha ko mkor a engyel to ta kar kuon mang a mmie va a mou ko tgia vha kun mnam ka ktiek ko tok.” \p \v 9 Thavaeng dok tok, to ko hera ngae ngok kim a engyel to endo he ka mnganang mang a meer ke sie to endo, en kmen ngang dok. Va thavaeng dok te, “Ngiak kol he kaem va ner ho mi ktua mgae enang a llup kun mnam ila gu, vanang ngia her engnam va na her ngae ho mi ktua has hak kun mnam ila vrek.” \v 10 To ko hera kol a meer ke sie to endo ko mkor a engyel to endo ka ktiek he kaem. Ko kaem va tho mi ktua mgae hak enang a llup kun mnam kua gu, vanang ko engnam va tngae ho mi ktua has hak kun mnam kua vrek. \v 11 To E Nut ta reng dok kat te, “Ngia kta ktar kpavap orom E Nut karo rhek ri ye her lol he, ngang o mia, ko o rhek ri ngta vle mang o mia kavurgem ruk ngat pal mnam o vrong valngan, o vrong rhek, o vrong marhok tgus. Si o taven kat va E Nut karo rhek ruk endri ngta vle mang ngar kat.” \c 11 \p \v 1 To ko pekam tok, E Nut ten ke ho to enang a kop ngang dok kam kol a tong mang o tgoluk orom. Va ta havaeng dok te, “Ngiak ngae he kol a tong mang E Nut ka maksien va mang a psen to a totur kat. Va ngiak him o mia ruk ngma totu pum E Nut kam mnor mang ngar te, mar aner. \v 2 Ngiak kaeharom tok, vanangko ngior kam kol a tong mang E Nut ka maksien ka mhe to ko ma gi vle ku mnok mang Ka Taban To A Totur. Orim a mhe to endo, ekam ko E Nut ther en a mhe to endo ngang o vrong rhek. He her endruk arhe ngara pis kmus kar a rengmat to a totur he karkar mang kngongae kam ngae kais mo kenho ruk alo mhelom alomin hori orom alomin he kmemget krum kim hak. \v 3 Ii, va kun mnam a venloot to endo, ngor kaen a serppak ngang kualo mhel ruk nginak hahavae orom kuaro rhek, va nginera vor pa ngaor kam mrung o mia to kle khahavae orom kuaro rhek kngae kais ko ngak rum a venloot to endo tgus.” \v 4 Alo mhel ri, ennginduk alo ho ruk ngma mon min te, alo Olip, ennginduk a propet ta tootkinre mang ngin tennik. Va min alo krie alomin kat, ennginduk orom o mmok ruk aktiek hori orom alomin ko nginma sir ko kim E Nut to ka tavgo ta vle kuo mang a mmie tgus. \v 5 Ii, he enangthe a mhel tang na kaegom kam kering tang mnam min, va nginera rum kim ngina imuo to endo orom a paei ko ner kottek kun mnam nginalo gu he kaem krum tgus hak. Ii, ani vrong mhel to tre kam kering ngin tok, E Nut tmur el a paei to endo kam mi kut paneng en kam rum kim ekam tok kngam a yoror. \v 6 Va alo mhel ri ngina serppak, min kam vat o varhek orom, he nang a kus kam lo kat kaerik kat kun mnam a venloot to nginak hahavae mang E Nut karo rhek. Va ngina serppak kat, min kam hortgem o itok kam nho enang a mhel ka gidiel kat. Va ngint kais kmim a mmie orom o vrong yor ruk laol hak kun mnam o gi vrong kolkha kmikkiem nginalo gi svil kat. \p \v 7 Nginak hahavae lmien orom E Nut karo rhek knop, yek a ngaenkuo to naka grap kottek kun mnam a mmie ka ho ngaesik hak, na kaus kar min, kir kim min he kngam min alo yoror. \v 8 Va nginalo mnes nginer gia konit ku mmie kun mnam a rengmat to endo orom ka munik to alaut ko tok ko ngat im Nginlaip kat ko ngat krong orom o ot kvat engnang a ho kngam en a yoror tok kat. Ii, he ekam tok, ngma tootkinre orom a rengmat to endo kam mon orom a rengmat to e Sodom ka munik va a mmie ka mhe to e Isip ka munik kat. \v 9 Nginer gia vle lonit ku mmie kam ngae kais mo kolkhek ruk korlotge va ka mhe ko o mia ruk ngat pal mnam o vrong valngan, o vrong usiel, o vrong rhek ko mnam o vrong marhok tgus ngara kees kmeguyang nginalo mnes, nang kle gia vle keter min ko tok. \v 10 Ii, o mia tgus ruk mo mmie ngara kpiem min ko tok he ksirei to kle knovvur orom min. Ii, ngara sirei he kmo nngiar mo ngar ekam ko alo propet ri nginma mon o mia orom ngaro kerkeknen he kael mar tgus ma kernonhommok orom ngaro kerkeknen ruk nginma mon mar orom mar tok. \p \v 11 Vanangko ko pekam o kolkhek ruk korlotge va ka mhe ko nginaka vle lonit ku mmie tok, ko vokom ko E Nut ta kta klang ngin ma ngausgi kat he min tgus nginta kta hop ksir. Va a ho pagor hak tkomor endruk tgus ruk ngat vokom min. \v 12 Ngint hop to ngint kol a re langto ko vgum E Nut ko ta rere klik kuon ma volkha ko thavaeng ngin te, “Me aol ka grap mo kim dok.” To nginta grap kuon ma volkha kun mnam o varhek. Va nginaro imuo ngat vokom min ko nginta grap tok. \p \v 13 To ko vokom kat ko mnam a venloot to endo gi, a mmie ta khi klik hak va enangthe ipa kommen o rektor tgus ruk kun mnam a rengmat to endo kmel mar o murgun ruk loktiek va o rektor tgus mnam a murgun to atgiang mnam mar ngat vuvuut ku mmie. Va o mia kavurgem kavurgem ruk ngat kais mang te, 7,000 ngat yor vgum a mmie ko ta khi klik tok. Nang endruk ngat lo yor, ngat mia gor hak to kle khover E Nut to kuon ma volkha ka munik. \p \v 14 To a tomhel to alomin orom kam suvrum o mia vgum, ther nop kat he. Vanangko endo a korlotge orom ngnok vop, he ketasuo en kam pis. \s1 A Engyel To Aktiek Hori Orom Alomin Orom Thupum Ka Nglung \r A Tomhel To A Korlotge Orom Kam Suvrum O Mia Vgum \p \v 15 To ko pekam o tgoluk ruk endruk ko vokom a engyel to aktiek hori orom alomin orom ko thupum ka nglung kat. Thupum to o engyel ruk kuon ma volkha ngat kaelha kam kni klik te, \q2 “Ngoldaip to E Nut kar Endo Thim Orom Ka Msasaen ngint kir kim o vrong serppak tgus ruk mo mmie. He tete, nginalo serppak mruo tkomor mar tete kngorom kngorom.” \m \v 16 Va o hipun ruk a mhelom hori orom korlolo, endruk ngat korsang kuon mang ngaro ngorsang ko kim E Nut, ngat ngan ko o engyel ruk endruk ngta kni tok, to ngat mur kru ka vham ku mmie kam totu pum E Nut \v 17 kam kni pum te, \q2 “Her Ngoldaip E Nut To La Ho Vu Ngaurar Hak to yin arhe. Ngota kanprim yindo a plong vleir tennik, va tete tok kat ge. Ngota kanprim yin ekam ko ye her elha orom ila tavgo kam vle kuo mang o tgoluk tgus. \v 18 O vrong rhek ruk ngam lua totu pmin, ngat pu esik ngang in, vanangko ila ngaesik mruo ther mi pis ma mmok ge. Ko a venloot to kam momngan kar o yoror va kmen a keik ngang ilengunes ruk o propet ther pis he. Va endruk ye mur el mar kam vle ngang in mruo va endruk ngma totu pmin, endruk orom ngaro munik ruk laol va endruk nong ngaro munik ngang ngar kat, va a venloot to kmen o momgu ngang ngar tpis kat. Ii, va si o taven ruk ngat kering o mia ruk mo mmie, va a venloot to kam kering ngar ther pis tok kat he.” \p \v 19 To pekam ko o hipun ngat kanprim E Nut tok, ko vokom E Nut ka maksien Ka Taban To A Ho Totur Hak, endo kuon ma volkha ko E Nut ta pet a yet to nam kaeltom kalo taban ruk alo totur, he ko vokom a ngaelpas to ngat klang orom o tgoluk ruk E Nut ta mokpom kar o mia ormar, endo o Yuda ngma mon te, A Ngaelpas To Kam Pat Mang E Nut Ka Mokpom Kar Mar. E Nut tpet a yet knop, to a koot tkaelha kam gurmik klik kngae, he kullung klik kngae, va a mmie ta kakhi klik he kael ka muktim to klalaut hak kngae, va a kus tkaerik orom a ye to tvua serppak ko tvua menglol hak. \c 12 \s1 A Ngaelmir To Orom A Vlom Va A Vulkok To Klalaut Klalaut Hak \p \v 1 To ko vokom va ko ho mi kut sor kim a ngaelmir to a serpgar ko tpis kim dok kuon ma volkha ko ko kaengogo orom a vlom langto orom ka yet to a kolkha ko tkaegenkar. Va a kenho ta vle ku meorom kalo nhar va thim ka msasaen to orom o ketor ruk loktiek hori orom alomin. \v 2 Va ko vokom a vlom to endo ko ka vrek va ta vui klik vgum a nganngannes ko kalyie tkaimim ko tre kam kol. \p \v 3 To a ngaelmir langto yok vat oguon ma volkha tpis kim dok, ko ko kaengogo orom a vulkok to klalaut klalaut hak orom ka vok to ta svel. A vulkok to enda karo lpetuk ruk aktiek hori orom alomin orom karo msasaen ruk aktiek hori orom alomin kat. Karo muyol ruk loktiek kuon palpgem karo lpetuk kat. \v 4 Tngam ka pen kuon ma volkha he kaim o ketor ruk ip kommen mar he kaum mar kam vle kun mnam o murgun ruk korlotge va ka pen thos kim o ketor tgus mnam a murgun to atgiang mnam mar kngam mar ngogu mmie. To a vulkok to enda ta sir ko kim a vlom to tre kam kol kalyie, kam paneng a vlom kam kol, he nang en kam kle kaem a kalyie to endo krum hak her gi kun mnam ke venloot to endo gi ko a vlom nak kol. \v 5 To endo a vlom ther kol kalyie to a ngokol. A ngokol to, her Endo nera kir kim ka imuo arhe, he ktoot mang o mia orom ka kop to tvua serppak, endo nma kpom kam khenam ma mmok te, ka tavgo naka vle kuo mang o mia tgus lserppak hak. \p Ii, a vlom tkol he, vanang E Nut ther gi pis vret a kalyie to endo petgim a vulkok to kle ka grap orom ngoguon ma volkha kam vle ko kim ko vanam ka ngorsang. \v 6 To a vlom tngorpok ngoguon ma kalputmok ko tok mnam a mhe to E Nut ta ktar mi kut el ngang, he nang E Nut kam toot mang en ko tok, kam ngae kais mo kenho ruk alo mhelom alomin hori orom alomin. \s1 O Engyel Ngat Kaus Kar A Vulkok \p \v 7 To ko kaengogo orom o ngaelmir vop, va vgum a ngaus ko tpis kuon ma volkha. Ko o engyel ngalaip to e Mikael kar kalngunes ngat kaus kar a vulkok to endo kar kalngunes he kaim mar. Va a vulkok kar kalngunes ngat kaus kar mar kmoripang ngar kat. \v 8 Ngat koripang ngar, vanang ngat lo is e. E Mikael mar ngat kir kim mar klikim mar, mar kam ngae lo kta vle ko tok kuon ma volkha kat e. \v 9 Ko a vulkok to klalaut, endo tennik tmur el en a mi vim, E Mikael mar ngat kir kim he kngam ngogu mmie. Va ngma mon a vulkok to endo kat te, A Ngaenkuo To Nma Mon O Mia Orom Ngaro Kerkeknen, va ngma mon kat te, e Seten.\f + \fr 12:9 \ft Orom a re to lGrik va lHibru alo munik ngina pun nginta vle te, “Endo nma kerrereng o mia,” va “Endo nma mon o mia orom ngaro kerkeknen.”\f* Her endo nma ppiak ngang o mia tgus kam mas orom mar kam vraik orom ngaro papat petgim E Nut arhe. Ii, ko kaengogo orom e Mikael mar ko ngat ngam en kar kalngunes ngogu mmie tok. \p \v 10 Ko kaengogo orom e Mikael tok, to kua le kngan a ktui langto yok vat ko ta kni klik kuon ma volkha te, \q2 “Tete, E Nut ka tavgo ther mi pis he, he ka vle kuo mang o mia orom ka ngaeha to kam susulgim mar orom ka serppak. Ii, ther mi pis orom Endo E Nut Thim Orom Ka Msasaen ko E Nut ther mi kut el ka laut kuo malpgem. Ko e Seten to nma mon ngoornopeik orom ngaro kerkeknen ko kim E Nut kalo keik mo kolkhek tgus va mo rsegain tgus, e Mikael mar ngat her ngam ngogu mmie he. \v 11 Ii, ngat kir kim orom endo ta vle enang A Sipsip To A Sital ka gidiel ko ta ksuk va orom a keknen to kam hahavae lmien orom E Nut karo rhek. Ii, mar, nong endruk ngma svil mang ngaro ngorsang ruk mo mmie he kruokar kim o mia ruk ngat re kam monik kim a yor ngang ngar e. Nove. \v 12 He ekam tok, muk ruk muma vle kuon ma volkha mguak sirei. Vanang suvrum muk ruk muma vle ku mmie va endruk ku ma mou ko her ko tok arhe e Seten ther pis kim muk he. Va tho mi kut kaesik hak ekam ko en mruo ta mnor te, ka venloot to kam vle ko tok tlo vu hok, yek E Nut ner kael ka kapnes ngang.” \p \v 13 To a vulkok tre vokom ko e Mikael tngam ku mmie to tkaelha kam krus ekam a vlom to tkol kalyie to a ngokol. \v 14 Vanang E Nut ta klang a vlom to endo orom a ngaining laut to a ho alautar kalo ngaeho, he nang a vlom kam vo kpetgim a vulkok to endo to le kpis mnam a mhe to En mruo tmur el ngang ko tok ma kalputmok, he nang E Nut kam nho mang kam ngae kais mo kenho ruk alo mhelom alomin hori orom alomin nginak nop. He a vulkok tlo kais kam kpom a vlom to endo ko tok e. \v 15 A vulkok to endo tvokom a vlom ko tpis ko tok, to ta kle kaengtek orom a ye he a ye tottek klik ko mnam ka gu ka slul orom kam ngae kol a vlom to endo he kngorom. \v 16 Vanangko a mmie ta turang a vlom to endo ko tkommenik kmel a nho enang ka gu kmiviem a ye to endo. \v 17 A vulkok tvokom tok kat, to kngae ho mi kut kaesik hak ngang a vlom to endo to kle kngae kmus kar kles tgus, endruk ngam sim kut kaikkiem E Nut karo pos va kor mnam mar mang o rhek ruk e Yesus ta rere lmien ormar. \c 13 \p \v 1 Ii, ko vokom a vulkok enang tok, ko ta kta sir ko va mou tok kat ge. \s1 A Ngaenkuo To Tottek Kun Mnam A Mou \p To ko kaengogo orom a ngaenkuo langto ko ko vokom ko tottek kun mnam a mou. Karo lpetuk aktiek hori orom alomin. Va ngat ittiegom ka munik langto langto kuon mang ka lpek langto langto. Ii, ngat ittiegom ka munik langto langto orom o rhek ruk kam kerrereng E Nut orom mar. Va karo muyol ruk loktiek kat. Va thim a mus langto langto orom a msasaen langto langto tok kat. \v 2 Va a ngaenkuo to ko kaengogo orom ta nho enang a ngaemslang to ngma mon te, a lepet, vanang karo nharok ngta nho enang a ngaemslang to a bea ngaro nharok va ka gu ta nho enang a ngaemslang to a laion ka gu. Va a vulkok to klalaut ten ka serppak ngang a ngaenkuo to enda. Va ten ka ngorsang va ka tavgo to kam vle kuo mang o mia tgus ngang kat. \v 3 A ngaenkuo to endo ka lpek langto ta nho enang te, o mia ngat krong kam ngam a yoror, vanangko tlo yor e. Ngat gi kael vellik mnam. Ii, tlo yor va o mia tgus ruk mo mmie ngat sor kim vgum tok to kle kaikkiem. \v 4 Ii, va o mia ngma totu pum a vulkok to klalaut ko her endo arhe ten ka tavgo to kam vle kuo mang o mia ngang a ngaenkuo to tottek kun mnam a mou. To o mia ngat kaelha kam totu pum a ngaenkuo to endo orom ngaro rhek ko ngma mamngan te, “Erieto tis mang a ngaenkuo to enda? Va erieto tis kmus kren?” \p \v 5 To ko kaengogo orom E Nut ko ten a serppak langto ngang a ngaenkuo to endo kat, en kam rere orom ka gu, he nang en kam mrua hover en mruo kam kerrereng E Nut orom karo rhek. Ii, vanang E Nut tgi korim en, en kam vle tok, he nang a ngaenkuo to enda kam mi kut kael ka tavgo kam vle kuo mang o mia kam ngae kais mo kenho ruk alo mhelom alomin hori orom alomin. \v 6 To tkaelha kam kerrereng E Nut orom karo rhek he krere pum ka munik, va ka rengmat ka maksien ka rek Ka Taban To A Ho Totur Hak, endo E Nut mruo nma vle mnam va karo engyel ruk kuon ma volkha kat. \v 7 Va E Nut ten a serppak to kmus kar E Nut karo mia mruo ngang kam kir kim mar kat. Ii, E Nut ten a serppak langto ngang kat, endo kmel ka tavgo kam vle kuo mang o mia ruk ngat pal mnam o vrong valngan, o vrong usiel, o vrong rhek ko mnam o vrong marhok tgus mo mmie kat, he nang ka tavgo kam vle kuo mang ngar tgus. \v 8 O mia tgus mo mmie, endruk E Nut tlo lol ngaro mnok ko tlo kser a ken mang ngar he lo ittiegom mar kun mnam ka meer to nam ittiegom o mnok ruk mkor o mia ruk ngara kol a ktalhok to kam plong vle ko kim En ngnik ngnik, mar tgus ngara totu pum a ngaenkuo to endo. Ii, E Nut ta ktar mur kut el ka papat mang kmittiegom o mia ngaro mnok ruk endruk ktar mang ko tlo kueng a mmie va a volkha vop. Ii, ta ktar el ka papat tok, ekam ko mar ngta vle te, kalngunes ruk mkor endo ta vle enang A Sipsip To A Sital, Endo karo imuo ngat im kngam a yoror. \p \v 9 Muk ruk mut her lol kuaro rhek ri, mguak sim kut kaikkiem mar. \q2 \v 10 Ko o mia ruk E Nut ta ktar mur el mar ko maktiegom ngaro imuo, he nang ngaro imuo kam kleng singni mnam mar, va ngaro imuo ngar mia kleng singni mnam mar, gi enang tok arhe, kaurur mar kngorom mar ngok kmar, mar kam vle ngang ngar. Va endruk E Nut ta ktar mur el mar ko maktiegom ngaro imuo kmit mar, he nang ngaro imuo kam krong ngar orom a mus kngam mar o yoror, va ngaro imuo ngar mia krong ngar orom a mus kngam mar o yoror gi enang tok kat arhe. \m He ekam tok, muk E Nut karo mia mruo ruk muk, mguak or kam lua kaeloong mnam o vnek ruk endruk, mar kam marer kam nop e. Mguak kle va kmatnge vgum mar ha, he ka plong kor mnam muk mang e Yesus he kmokpom kar ge. \s1 A Ngaenkuo Langto Yok Vat To Tottek Ko Mnam A Mmie \p \v 11 To ko vokom a ngaenkuo langto yok vat ko tottek ko mnam a mmie. Kalo mus ruk enang a sipsip to a sital kalo mus, vanang nma rere enang endo a vulkok kat. \v 12 Va a ngaenkuo to ta ktar ottek kun mnam a mou tkaen ka serppak tgus ngang a ngaenkuo to tottek ko mnam a mmie he nang en kmel ka tavgo kam vle kuo mang o mia kat. Ii, va a ngaenkuo to tottek ko mnam a mmie nam kaeha ngang kalaip to a ngaenkuo to ta ktar kottek kun mnam a mou. Nam kaeha ngang kalaip, en kam sopong o mia tgus ruk mo mmie kam totu pum kalaip to a ngaenkuo to tottek kun mnam a mou, endo o mia ngat kaegom kmim kngam a yoror, vanang ngat gi kael vellik mnam. \v 13 Va a ngaenkuo to tottek ko mnam a mmie nam kaeharom o ngaelmir ruk laol, endruk lserpgue. Si a paei kmottek oguon ma volkha ko kim o mia tgus ngaro kerok va tkat kaeharom a ngaelmir to endo kat ge. \v 14 Ii, a ngaenkuo to endo tmi kut kauyang o mia kavurgem ko mmie vgum a serppak to endo ko kaldaip ta ktar mur en ngang, en kmeharom o ngaelmir ruk endri ngang. He ekam tok, a ngaenkuo to tottek ko mnam a mmie ta sopong o mia lserppak kam tarkiem a matpil to orom a ngaenkuo to tottek kun mnam a mou ka nunu. Ta sopong ngar tok, mar kam nho orom a ngaenkuo to tottek kun mnam a mou, endo o mia ngat kaegom kam krong kngam a yoror, vanang ngat gi kael vellik mnam. Vanangko, tlo yor e. Ta vle vop. \v 15 To ko kaengogo orom E Nut ko tkaen a serppak langto ngang a ngaenkuo to tottek ko mnam a mmie kmovvor a ngausgi kun mnam a matpil to endo, he nang a matpil kam rere he kmon a yor ngang ani vrong mhel to ta kees kam totu pum en mruo. \v 16 Va ko vokom a ngaenkuo to tottek ko mnam a mmie kat ko tsopong o mia tgus, kam kol a ngaelmir kuon mang ngaro miktiek, i o kuon mang ngaro leineik. Ii, endruk ngaro mnok ngat laut, endruk nong ngaro mnok ngang ngar, endruk ngtis kmo tgoluk, endruk o tgoluk ngma tu kmar, endruk ngalmialaol ngam kaenen mar kmeha ngang ngar, va endruk nong ngalmialaol ruk ngam kaenen mar kmeha ngang ngar, mar tgus ngat kol a ngaelmir to endo. \v 17 He ekam tok, gi endruk ngat kol a ngaelmir to endo, mar tuk ngat kais kmenkim o vrong tgoluk, va kmel ngaro tgoluk, o mia kmenkim mar mkor mar kat. Vanang o mia akuruk nop. Va a ngaelmir to endo ta vle te, a ngaenkuo to tottek kun mnam a mou ka munik, i o ka munik ka keik. \p \v 18 Mgua smia papat orom o papat ruk laol na, ko enangthe a mhel karo vu papat ngang kam mnor mang a ngaenkuo to endo ka munik tok, va nak him ka munik ko ta vle enang a mhel langto ka munik ka keik tok kat. Ii, ko ka keik tkais te, 666. \c 14 \s1 Endruk E Nut Na Kaittiegom Ka Munik Kar Endo Ta Vle Enang A Sipsip To A Sital Ka Munik Kuon Mang Ngaro Leineik \p \v 1 To ko kta kaengogo orom o ngaelmir akuruk kat, va vgum Endo ta vle enang A Sipsip To A Sital ko ta vle mo kim dok ko ta sir kuon kia vul to e Saion. Ta sir ko tok kar o mia kavurgem ruk ngat kais te, 144,000. Va E Nut to Endo ta vle enang A Sipsip To A Sital Kteit tittiegom En kar Khal nginalo munik kuon mang ngaro leineik tgus. \v 2 To kua ngan o rhek ruk ngat ottek kuon ma volkha ko endo ta rere ka ktui tkaeti enang a ye to klalaut ka muktim ko tsovet kmottek he ksap klik. Va tkaeti kat enang a koot ko ta kullung klik kngae. Va tkaeti kat enang o mia ruk ngat kaum kpum o hi ngaro grie. \v 3 Va ngata kni pum E Nut orom a kni to a gunngar ko kim E Nut ko tok kuon mang ka ngorsang va ko kim endruk korlolo E Nut tkueng ngar he ngta ktal va ko kim o hipun ruk ko tok kat. Va nong a mhel tang hak to tis kam kol a kni to endo kam mnor mang e. Gi endruk ngat kais te, 144,000, endruk A Sipsip To A Sital tel ekam mar kun mnam o mia tgus ruk mo mmie kam hong ngar pum ngaro kerkeknen, mar tuk ngat kais kam kol a kni to endo kam mnor mang. \v 4 Endruk endri her mar ruk ngat lo mur kering ngar mruo orom a yor to a sle arhe, ko mar ngma paal mang a keknen to endo, mar kam mmok kngae. Ko her mar ruk ngam kaikkiem Endo ta vle enang A Sipsip To A Sital kat arhe ko tel ekam mar kun mnam o mia tgus kam hong ngar pum ngaro kerkeknen tok, he nang mar kam kle va ka vle la totur ngang E Nut kar En mruo gi enangthe A Sipsip To A Sital ta hengrem ka loot to orom o mia tgus ormar. \v 5 Ii, ngam lua ppiak he o mia ngat lo is hak kam mon mar orom a kerkeknen tang hak. \s1 O Engyel Ruk Korlotge Ngat Kael A Re Ngang O Mia Kmengorang Ngar \r A Engyel To Thavae Mang A Re To Mang E Yesus \p \v 6 To ko vokom a engyel langto vat ko ta vo kngae kuo kia gan. Va ka ngaeha ta vle te, kam rere ngang o mia tgus ruk ngma vle ogu mmie, endruk ngat pal mnam o vrong valngan, o vrong usiel, o vrong rhek ko mnam o vrong marhok tgus mo mmie kam havaeng ngar mang a knovvur to mang e Yesus. Ko a knovvur to endo mang e Yesus na gia plong vle lmien ngnik ngnik. \v 7 Ta rere klik kam havaeng ngar te, “Mguak gorang E Nut he kanprim En mang kla mmok, ekam ko her ka venloot to kam momngan kar o mia arhe ther mi pis he. Ii, mguak totu pum E Nut to ther kueng a volkha, a mmie, a mou va o itok ruk ngma sap kat.” \s2 A Engyel To Ta Re Orom A Rengmat To A Laut To E Babilon \p \v 8 Ko kaengogo tok, to ko le kvokom a engyel to alomin orom kat ko ta pis pekam endo aktarang. Tpis he kre te, “A rengmat laut to e Babilon, tkait o vrong rhek kmikkiem karo kerkeknen ruk kam kpoot mang a lei. He enang tok, a rengmat to endo ta vle gi enang a ye to a serpgar ko nam kait o mia kmiviem kveve to le kmo vret mar, kam kpoot mang a lei enang tok kat. He ekam tok, a rengmat to endo na gia vle te, a gi ngnap ko ngat memget he.” \s2 A Engyel To Ta Re Orom O Mia Ruk Ngat Totu Pum A Ngaenkuo To Tottek Kun Mnam A Mou \p \v 9 To ko pekam tok, ko kaengogo orom a engyel to a korlotge orom ko ta pis pekam ennginduk nginta ktar kpis. Tpis he kre klik te, “Oni mia ruk ngak pat mang a ngaenkuo to tottek kun mnam a mou kam totu pum orom ka matpil va kol ka ngaelmir kuon mang ngaro leineik, i o kuon mang ngaro miktiek, \v 10 va E Nut ka ngaesik nera vle kuon mang ngar kam kering ngar vgum tok. Ko E Nut ka ngaesik ta vle gi enang a ye to a serpgar hak ko a mhel nam kaiviem he kveve va a ye to endo nam ngae kering ngar vgum tok. Ii, ko E Nut ka ngaesik, en a serpgar tok kat va ta vle kun mnam a kolhi kpaneng o mia ruk endruk kmivie mnam, he nang E Nut kam kering ngar tok kat. Ii, E Nut nera kering ngar orom a sulpa to nma vurvur klik ko ner kaem o mia ruk endruk kmen a nganngannes kuon mang ngaro pkor. Nak kaem mar ko kim E Nut karo engyel mruo ruk ngta vle ngang En mruo va ko kim Endo ta vle enang A Sipsip To A Sital kat. \v 11 Ii, a paei to endo ner kaem ngaro pkor kmen a nganngannes ngang ngar tok, va a paei ka ngaus nera pum ka grap ngpalmai orom ngaro gri kngorom kngorom. Va nong a kolkha va a segain tang kat ngang endruk ngma totu pum a ngaenkuo to endo orom ka matpil, a paei kmorim mar e. Si endruk nga kol a ngaenkuo to endo ka ngaelmir kat, va nong a kolkha va a segain tang, a paei kmorim mar kat e. Nove, ngara plong nganngannes kngorom kngorom vgum a paei to tok.” \s1 O Rhek Ruk Kmenserpagam E Nut Karo Mia Mruo \p \v 12 He ekam tok, muk ruk E Nut karo mia mruo ruk mum kaikkiem E Nut karo pos, mguak or kmeloong mnam o vnek ruk endruk, mar kam marer kam nop e. Mguak kle va kmatnge vgum mar, he ka plong kor mnam muk mang e Yesus kam mokpom kar ge. \p \v 13 Ko kaengogo orom o tgoluk ruk endruk to kua vle he kngan a ktui langto ko tottek kuon ma volkha ko thavaeng dok te, “Ngiak kaittiegom o rhek ri na te: Kmelha orom o mia ruk tete kam ngae, endruk ngat kor mnam mar mang Ngoldaip he ngaro imuo nga kaim mar kngam mar o yoror, her mar ruk arhe ngta lgekol.” \p Va E Nunu A Totur tenserpagam a papat to endo kam re kat te, “Mare, ngata lgekol ekam ko ngara yor he kpaal mang ngaro reha, nang E Nut ner kle va kvokom mar orom ngaro reha ngaro miel koknaik yek.” \s1 E Nut Ta Lluol Mnam Ka Loot To Orom O Mia Tgus \p \v 14 To ko pekam tok, ko kaengogo orom o ngaelmir akuruk kat, va vgum o varhek ruk ngta kas ko ngat gia pis gia vle ko kim dok. Va a mhel to ta nho enang A Mhel To Nkong Man Ma Volkha tkorsang kuon mang o varhek ruk endruk ko thim ka msasaen to ngat eharom orom a kre to a gol va ta kpom ka kom to tvua kha kun mnam ka ktiek. \v 15 Ko kaengogo orom en tok, to a engyel langto yok vat tottek kun mnam E Nut ka maksien, endo kuon ma volkha he kvui klik ngang Endo tkorsang kuon mang o varhek ruk endruk kam reng te, “Ngiaka kpom ila kom he ka lluol mnam a loot to orom o mia ruk ku mmie. Ko a venloot to kam lluol mnam a loot tpis he, ko a loot to orom o mia ruk ku mmie ta ttek he.” \v 16 Endo tkorsang kuon mang o varhek tkol a re to tok, to hera ngam ka kom mnam a mmie, he ka lluol mnam a loot to orom o mia ruk ko tok. \p \v 17 To ko kaengogo orom a engyel langto vat ko tottek kun mnam E Nut ka maksien, endo kuon ma volkha, va ko vokom ko en kat ta kpom ka kom to tvua kha kun mnam ka ktiek kat. \v 18 Va a engyel langto yok vat, endo nma nho mang a paei, tottek ko kim a psen to a totur to kvui klik ngang kaela to ta kpom a kom to tvua kha kam reng te, “Ngiak kol ila kom to tvua kha he putum o usiel ruk o grep ngaro kaineik ruk orom o mia ko mkor endruk ngma vle ku mmie, ekam ko ngat ttek he.” \v 19 A engyel to endo tkol a re to endo to kle kngam ka kom mnam a mmie he kputum o grep ngaro kaineik ruk orom o mia to kle kngam mar kun mnam a plo, he nang E Nut kam melesem mar orom ka ho ngaesik hak. \v 20 Tngam mar kun to E Nut tle karkar mang ngar kam melesem mar tok ku mnok mang a rengmat to endo. Tmelesem mar knop, va o mia ngaro gidiel ngat lul kottek mnam a plo to endo he kses kngae kais mang o kilomita ruk te, 300. Ii, va ngaro gidiel nga vvuo ta grap ngpalmai iser a hos kalo plangail ruk ko vgum ka gu kat. \c 15 \s1 O Engyel Ruk Aktiek Hori Orom Alomin Ngat Tarkanang E Nut Karo Reha Ruk Orom O Kernonhommok Ruk Laol Ko Mar Aktiek Hori Orom Alomin \p \v 1 To ko kaengogo orom o ngaelmir ruk kuon ma volkha vop, va ko ho mi kut sor kim a ngaelmir to a serpgar langto ko ko vokom o engyel akuruk aktiek hori orom alomin. Va langto langto tkais kio yor ruk laol ngo mamten. O yor laol ruk endri ngata pis pekam o kernonhommok tgus ekam ko ngat kaottam E Nut ka ho ngaesik hak kam tarkanang. \p \v 2 Va ko kaengogo orom a tomhel to ta nho enang a mou to te vrua vle ko a paei ta movavaik kar he nma vurvur mnam. Va ko vokom endruk ngat kir kim a ngaenkuo to tottek kun mnam a mou ko ngam lo totu pum ka matpil he lo kol ka ngaelmir to orom ka munik ka keik kat. Ii, ko vokom mar ko ngta sir ko vanam a mou to endo he ka kpom o hi ngaro grie ruk ngat lol ko mkor E Nut. \v 3 Ngta sir ko tok, he ka kni orom a kni to e Moses kar Endo ta vle enang A Sipsip To A Sital nginta kni orom ko nginta kni pum E Nut te, \q2 “Ngoldaip, yindo La Ho Mi Kut Ngaurar Hak, ilaro reha ngat ho mi kut laut hak he o mia ngma sor kmar. Yindo a Taven to ima plong vle ngnik ngnik, va ilaro keknen ngta sir hak ko ngat ho mi kut vle gi enang ko yin mruo ye her mi kut el mar kam vle tok. \v 4 O Ngoldaip, erieto tlo is kam gorang in he ktotu pmin kam hover ila munik mang ila mmok? Ko her yin tuk arhe, ye her mi kut vle te, a ho totur hak to yin tuk orom ilaro keknen ruk ngat ho mi kut mmok hak. O vrong rhek tgus ngara kaol kpis ku penharom yin he ktotu pmin ekam ko ilaro reha ruk ngat ho mi kut sir hak ngat pis ma mmok ko pum o mia ngaro kerok.” \s1 O Engyel Ruk Aktiek Hori Orom Alomin Ngata Lol O Kolhi Ruk Aktiek Hori Orom Alomin Ruk Ngat Kottep Orom A Kernonhommok Langto \p \v 5 To ko pekam tok, kua nho kuon ma volkha vop, va ko kaengogo orom E Nut ka maksien Ka Taban To A Ho Totur Hak ko tok ko E Nut ta mommen ka yet to tkaeltom kalo taban ruk alo totur he. Va ngma mon a taban to endo kat te, A Taban To E Nut Kalo Pla Nginma Vle Kun Mnam. \v 6 Tmommen a yet, to o engyel ruk aktiek hori orom alomin ngat kottek kun mnam A Taban To A Ho Totur Hak to endo ko ngat kais kio yor ruk laol ko mar aktiek hori orom alomin kat. Va ngat kaegenkar o it ruk ngta mmok, he ngta pilpil. Va langto langto mnam mar ta kleng ka vgon orom a yet ka kae ko vgum ka ngaengtek. \v 7 Ngat kottek tok, to langto mnam endruk korlolo E Nut tkueng ngar he ngta ktal ten a kolhi to ngat eharom orom a kre to a gol ngang langto langto mnam o engyel ruk endruk. Va E Nut to nma vle kngorom kngorom ka ho ngaesik hak tottep kun mnam o kolhi ruk endruk. \v 8 Ko vokom tok, to a paei ka ngaus ta pum klik kngae kun mnam E Nut ka maksien tgus he tngae ho ottep orom a paei ka ngaus to tkaelmir orom E Nut kla saen va ka serppak kat. Va a paei ka ngaus thagam o mia tgus kam vaik kun mnam ka maksien to endo kam ngae kais ko o engyel ruk aktiek hori orom alomin nga kaottam o yor ruk laol, endruk aktiek hori orom alomin kam tarkanang ngaro reha ruk orom mar na. \c 16 \s1 O Engyel Ngta Glot O Kolhi Ruk Ngat Ottep Orom E Nut Ka Ho Ngaesik \p \v 1 To ko ngan a ktui langto kun mnam E Nut ka maksien ko ta rere klik ngang o engyel ruk aktiek hori orom alomin kam havaeng ngar te, “Mguak kol o kolhi ruk aktiek hori orom alomin ruk ngat ottep orom E Nut ka ho ngaesik hak he kngae kam golotik kuon mang a mmie.” \s2 A Kolhi To Agitgiang Orom Tkaeharom O Mia Kam Kol A Yor To A Kva \p \v 2 Ngat kol a re to endo, to langto mnam mar tngae he ka glot ka kolhi kuon mang a mmie. Ta glot knop to o mia ruk ngat kol a ngaelmir to mkor a ngaenkuo to tottek kun mnam a mou va ktotu pum ka matpil, ngaro pkor ngat kael o kva ruk ngat vua nganngannes va ka ngti. \s2 A Kolhi To Alomin Orom Thortgem A Mou Kam Vle Enang A Mhel Ka Mnes Ka Gidiel \p \v 3 To ko kaengogo orom a engyel to alomin orom ko ta glot ka kolhi kuon mang a mou, he a mou thortgi he ka nho enang a gidiel to ta vle kun mnam a mhel ka mnes. Va o tgoluk tgus ruk ngma vle kun mnam a mou ngata yoyor vgum he. \s2 A Kolhi To A Korlotge Orom Thortgem O Itok Ruk Mo Mmie Mar Kam Lul Kngae Orom A Mhel Ka Gidiel \p \v 4 To ko kaengogo orom a engyel to a korlotge orom ko ta glot ka kolhi kuon mang o itok ruk ngma sap va o vugye. Va mar kat ngat hortgi ka nho enang a mhel ka gidiel tok kat. \v 5 Ko vokom tok, to ko le kngan a engyel to nma nho mang o itok ko thavae te, \q2 “Nut, Yindo a plong vleir tennik, va tete tok kat ge, va Yindo A Ho Totur Hak, ilaro papat ruk kam monik kim o vnek ruk endri ngang o mia tok ngta sir hak ekam ko her yindo yel ilaro papat ruk tok arhe. \v 6 Ii, ko ekam ko o mia ruk endruk ngtim ilaro mia mruo kar ilaro propet he ngaro gidiel ngta ksuk, ye her el nga mgu orom ngaro mur gidiel mruo kam ksuk tok kat, he nang mar kam vuvvuo kun mnam.” \m \v 7 Ngat re tok, to ko ngan endruk ku meorom E Nut ka psen to a totur ko ngat kaenserpagam a re to endo kam havae kat te, \q2 “Mi lmien, Ngoldaip To La Ho Vu Ngaurar Hak, Yindo ngoma totu pmin, ilaro papat ruk kam monik kim o vnek ruk endri ngang o mia tok ngta sir hak.” \s2 A Kolhi To A Korlolo Orom Tkaeharom A Kolkha Ka Manakain Kmim O Mia \p \v 8 To ko kaengogo orom a engyel to a korlolo orom ko ta glot ka kolhi kuon mang a kolkha. Ta glot to E Nut tho mi kut kaenserpagam a kolkha hak kam koppet he kaim o mia orom kla manakain to tkais mang a paei to ta vurvur klik hak. \v 9 Ii, ko vokom a kolkha ko tkaim mar orom ka paei ngaro ngaerevek ruk ngat ngae ho mi kut koppet hak. He o mia ngata kerrereng E Nut ka munik pum tok, ko her En arhe to tmonik kim o vnek ruk endruk ngang ngar. Ii, E Nut tsi monik kim o vnek ruk endruk ngang ngar tok, vanangko ngat lo kaitgung ngaro kerkeknen he kanprim mang ka serppak ge. \s2 A Kolhi To Aktiek Orom Tkaeharom A Slommok Kam Pis Mo Mmie \p \v 10 To ko vokom a engyel to aktiek orom ko ta glot ka kolhi kuon mang a ngorsang to mkor a ngaenkuo to tottek kun mnam a mou. Ta glot to o vrong tgoluk tgus ruk ka tavgo ta komor mar, E Nut tngam slommok kim mar tgus. To o mia ngat kaelha kam elelat ngaro naprai vgum o nganngannes ruk ngat lol vgum o vnek ruk endruk ngat pagis kim mar tok. \v 11 Va ngata kta kerrereng E Nut to kuon ma volkha vgum ngaro nganngannes ruk endruk va vgum ngaro yor ruk o kva kat. Ii, ko vokom mar ko ngat si vle tok, vanangko ngat lo kaitgung ngaro kerkeknen ge. \s2 A Kolhi To Aktiek Hori Orom Atgiang Orom Tkaeharom A Ye To E Yupretis Kam Yaneng \p \v 12 To ko vokom a engyel to aktiek hori orom atgiang orom ko ta glot ka kolhi kuon mang a ye to klalaut to e Yupretis. Ta glot to ko vokom a ye to endo ko thera yaneng kngae to her gi nop tgus hak kmeharom a ngaelaut ngang o taven ruk ngat re kmottek kun mnam a mhe to a kolkha nma plek mnam mar kam pis. \v 13 To ko vokom o nunu ruk korlotge, endruk nong lyar hak. Ko vokom mar ko ngta nho enang o piau ko atgiang tottek kun mnam a vulkok to klalaut ka gu, va a piau langto tottek kun mnam a ngaenkuo to tottek kun mnam a mou ka gu, va a piau langto tottek kun mnam a propet to la ppiagar ka gu kat. \v 14 O nunu ruk endruk, mar o kool ruk o nunu ko ngam kaeharom o ngaelmir ruk lserpgue. Va ko vokom mar ko ngma ngae ko kim o taven tgus ruk mo mmie kmit mar kam kaum kngae kaus mnam a kolkha to alaut, endo mkor E Nut To La Vu Ngaurar. \p \v 15 “Mu vokom dok na, ko ngora pis pangnaom muk gi enang a ngauruvik ko nma pis pangnaom o mia kmurur ngaro tgoluk. Ii, vanangko endo nam kaennei he kael kakro it ko rkieng, her endo ta lgekol arhe, ekam ko en tlo is kam leep ko nera hop orom kakro it ko vanam he ner lua sap kngae en a gi mit kam ngae kaus e.” \p \v 16 To ko vokom o nunu ruk korlotge ruk endruk ko ngat kaum o taven ko mnam a mhe to ngma mon lHibru te, e Amagedon. \s2 A Kolhi To Aktiek Hori Orom Alomin Orom Tkaeharom A Mmie Kam Khi Klik Hak \p \v 17 To ko vokom a engyel to aktiek hori orom alomin orom ko ta glot ka kolhi kuo kia gan. Ta glot to ko ngan E Nut ka ktui ko tottek kun mnam ka maksien ko kim ka ngorsang. Ko ta rere klik te, “Ko her tarkanang kuaro reha he!” \v 18 Ta re tok, to a koot tgi vrong gurmik kngae he kullung klik kngae, va a mmie ta khi klik kngae kat he kael ka muktim to klalaut hak. Ii, tennik ko E Nut tkueng o mia kam vle mo mmie kam ngae kais mang tete, a mmie tlo vur khi klik hak enang tok ko ko vokom ko ta khi klik tok e. \v 19 Va a rengmat laut to e Babilon tkommenik vgum a mmie ko ta khi kmel karo mhetor ruk korlotge. Va a mmie ta look orom o rengmat tgus ruk mo mmie kat. Ii, E Nut tlo kikiangae mang a rengmat laut to e Babilon karo kerkeknen ko tkaekon ngang ngar pum mar, gi enang a ye to a serpgar ko nma kaekon ngang a mhel to nam kaiviem. Ii, ko E Nut ka ngaesik, en a serpgar tok kat va tottep kun mnam ka kolhi to En tmur el kam paneng ngar kmiviem mnam. \v 20 Ii, va o nut ngat vuvuut ogu ma mou vgum a mmie ko ta khi tok, va o vlik tgus ngta kuviet he o mia ngat lo kta vokom mar kat e. \v 21 To ko vokom a kus to orom a ye to tvua serppak ko tvua menglol ko a kus tkaerik ormar. A kus to endo, langto langto mnam mar ka vnek tkais te, nok pat he o kilo ruk alo mhelom alomin hori orom loktiek vor. Va mar ngat kaum kvuvuut ku mmie kuon mang o mia he o mia ngat kerrereng E Nut vgum a kernonhommok to tel ngang ngar orom a kus to endo orom a ye to tvua serppak ko tvua menglol tok. Ngat kerrereng E Nut ko a kernonhommok to endo tngae ho mi kut kernonho hak ngang ngar. \c 17 \s1 A Vlom To Nam Mur Kaen En Mruo Ngang Lurokol Kar A Vulkok \p \v 1 To ko kaengogo orom a engyel langto kun mnam endruk aktiek hori orom alomin, endruk ngta kpom o kolhi ruk aktiek hori orom alomin ko tkaol ngte kim dok he kreng dok te, “Aol ikkiem dok na, he ngora khenam a nganngannes to E Nut ner kaen ngang a rengmat laut to ngat el ko rkieng o itok kavurgem. Ngora khenam a nganngannes ngang ngar ekam ko a rengmat to endo ta vle enang a vlom to nam vu kaeharom a kerkeknen to kam mur kaen en mruo ngang lurokol. \v 2 Ii, ko o taven ruk ku mmie ngat eharom a kerkeknen to kam kpoot mang a lei kar endruk kun ma rengmat to endo ko ta vle enang a vlom to endo. Va nam kait o vrong mia ruk ku mmie tgus kat kmeharom a kerkeknen to endo kar en tok kat. He ekam tok, a vlom to a rengmat to endo ta vle kat enang a ye to a serpgar ko nam kait o mia kmiviem kmenvevem mar tok kat.” \p \v 3 Thavaeng dok tok, to kle kol kua nunu he kngorom kam ngae kpis ko ma kalputmok. Ko tok ko vokom a vlom langto nam mur kaen en mruo ngang lurokol ko ta sir mang a rengmat to endo. Ko vokom ko tkorsang kuon mang a ngaenkuo to tottek kun mnam a mou, endo ka vok to ta svel va karo lpetuk ruk aktiek hori orom alomin va karo mus ruk loktiek kat. Va ngat ittiegom karo mnok kavurgem orom o rhek ruk kam kerrereng E Nut orom mar kuon mang ka vok tgus. \v 4 Va a vlom to endo tkaegenkar ka yet to ta svel, enang endo o taven ngma kaegenkar. Va ta srengem ka yet orom o krek ngo mamten ruk nga keik tvua grap, kar a gol va o pel kuon mang he ngta pilpil. Va ta kpom a kolhi to ngat eharom orom a kre to a gol kat. Va a kolhi to endo tottep orom karo kerkeknen ruk ngat ho mi kut kernonho hak kar o sle ruk o mia ngama rum pmar vgum ka kerkeknen to kam kpoot mang a lei to endo nam vu kaeharom. \v 5 Va karo mnok ruk korlotge, endruk tesgun ngta tvok kim o mia he tete ko re kam polgerik ngat ittiegom mar kuon mang ka lein. Atgiang ta vle te, \ms1 “E Babilon To Orom Ka Munik To Alaut” \m langto kat te, \ms1 “Endruk Ngam Kaen Mar Mruo Ngang Lurokol Ngar Nan” \m va langto te, \ms1 “Endruk Ngam Kaeharom O Kerkeknen Ruk Ngat Ho Mi Kut Kernonho Hak Ngar Nan.” \m \v 6 Ko vokom en, va vgum a vlom to endo ko tho mi kut sirei mang o gidiel ruk mkor E Nut karo mia mruo tok, endruk ngaro gidiel ngta ksuk vgum o mia ko ngtim mar kngam mar o yoror ekam ko ngam mrua khenam mar mruo ma mmok te, ngat kor mnam mar mang o rhek ruk e Yesus ta rere lmien ormar. Ii, ta sirei mang ngar tok, gi enang a mhel to nma sirei ko tivie he kveve tok kat. \p Ii, ko ho mi kut senkrip kim hak. \v 7 To a engyel to endo ta mnganang dok te, “Ya senkrip kman? Ngor le kpolger a papat to tesgun nma tvok kim o mia, endo mang a vlom to endo va mang a ngaenkuo to a vlom to endo ta sap kuon mang, endo orom karo lpetuk ruk aktiek hori orom alomin va karo mus ruk loktiek. \v 8 Ko a ngaenkuo to ye her vokom ko ta vle tok, tennik ta vle, vanang tete ther yor he, he lo kta vle kat e. Va koknaik, ner kta hop kun mnam a mmie ka ho ngaesik hak. Nera hop, to endo yek e Yesus nera rum kim ka ngmeang hak. Va o mia ruk ngma vle ku mmie ngara vokom a ngaenkuo to endo ko ner kta hop to ngar le ksor kim ko ngara vokom te, tennik ta vle, vanangko tyor he lo kta vle kat e, vanang ta kta hop kat. O mia ruk ngara sor kim tok, her endruk E Nut tlo ittiegom ngaro mnok kun mnam ka meer arhe ktar mang ko tlo kueng a mmie va a volkha vop. Ko a hor to endo E Nut nam kaittiegom o mnok ruk mkor o mia ruk ngara kol a ktalhok to kam plong vle ko kim En ngnik ngnik mnam. \p \v 9 O papat ri kua rere orom mar ngat vua koppet kam mnor mang ngaro pneik. O mia nga smia pat mang o papat ri na, ko a ngaenkuo to endo karo lpetuk ruk aktiek hori orom alomin ngta vle ti te, mar o vlik ruk aktiek hori orom alomin ruk a rengmat to a vlom to endo tkorsang kuon mang ngar. \v 10 Va ngta vle kat te, o taven ruk aktiek hori orom alomin kat ko aktiek kun mnam mar ngat yor he. Langto mnam mar ta vle vop, va langto ngnok vop, tlo pis vop. Vanangko na her pis va ka tavgo to naka vle kuo mang o mia na vrua vle lvur hok vur nong ke laut na, to nak nop. \v 11 Vanang endo a ngaenkuo to ta vle tennik, endo tyor he lo kta vle kat tete, en ta vle te, a taven to aktiek hori orom korlotge orom ko tkol o taven ruk aktiek hori orom alomin nga ngaekam. Va ner mia kerkolkol vgum o nganngannes ruk laol hak he ner mia nop ka ngmeang hak. \p \v 12 Va karo mus ruk loktiek, endruk ye her vokom mar kat, mar o taven ruk loktiek, endruk ngrok vop ko ngat lo kol a serppak vop, he ngaro tavgo ngat lo komor kim o mia vop. Vanang endri E Nut ner kaen ke venloot to tvur hok ngang ngar kam kol a serppak mnam, he ngaro tavgo kam komor o mia, he nang mar kar a ngaenkuo to endo ngaro tavgo kam kaum komor o mia tgus tok. \v 13 Ii, ngara kaum mang a papat atgiang, he gi enang tok, ngar le kael ngaro serppak va ngaro tavgo ko maktiegom a ngaenkuo to endo, he nang nga tavgo kam le kaum komor kim o mia tgus tok. \v 14 He a ngaenkuo to endo kar mar ngar kaus kar Endo ta vle enang A Sipsip To A Sital. Ii, ngar kaus kar, vanang endo ta vle enang A Sipsip To A Sital nera kir kim mar ko her en o mia ngalmialaol Ngaldaip, o taven Nga Taven to arhe. Va endruk ngara vle ko kim, her endruk ngam kaikkiem ko her mar ruk en mruo tmur vaeng ngar, endruk en mruo tmur el mar kam vle ngang en mruo, he lua tu kmor mnam mar mang en he kmokpom kar.” \p \v 15 A engyel to endo thavaeng dok tok, to kle khavaeng dok orom karo rhek akuruk kat te, “O itok kavurgem ruk ye her vokom mar ko tok ko mnam a mhe to a rengmat to e Babilon tkorsang mnam, o itok ruk endruk, mar ngat kaenang o mia vang, endruk ngat pal mnam o vrong valngan, o vrong rhek va endruk nkong ngar ko mnam o vrong marhok tgus. Va a rengmat to endo tkaenang a vlom to nam mur kaen en mruo ngang lurokol. \v 16 Kam ngae, to a ngaenkuo to endo kar o taven ruk ngta vle te, o mus ruk loktiek ngar kle kaelha kmelat a rengmat to endo ko ta vle enang a vlom to nam mur kaen en mruo ngang lurokol. He ekam tok, ngar kaelha kam kering hak, gi enang ko o mia ngma kering a vlom to enang tok kat. Ko ngma kering to le korim en la gi mit he nang o pendol kam pis kmemem karo vok tgus to koknaik kngam ka mnes oguo kia paei. Ii, ngara kering a rengmat to endo kam ngampaei pum kam rum kim tgus tok kat. \v 17 Ii, ngara kering a rengmat tok, ekam ko E Nut mruo ta ktar her mi kut el ka papat to endo gi kun mnam mar, he nang mar kam mi kut kaikkiem ka papat to endo, kmeharom ka svil tok kam pis lmien. Ii, he ekam tok, o taven loktiek ruk endruk ngat kaum kael ngaro serppak kuon malpgem a ngaenkuo to endo, he nang ka tavgo kam vle kuo mang o mia tgus. Ii, E Nut ta tting mang a ngaenkuo kam vle orom a serppak tok kam ngae kais ko na kaottam karo rhek, mar kam pis lmien ormar ko ngak kering a rengmat to endo enang tok. \v 18 Ii, a vlom to endo ye vokom, her en a rengmat laut to e Babilon arhe, endo ka tavgo nma komor o taven tgus ruk mo mmie.” \c 18 \s1 Ngara Ngampaei Pum A Rengmat To E Babilon Kam Rum Kim Ka Ngmeang Hak \p \v 1 To ko pekam tok, ko kaengogo orom a engyel langto yok vat ko ta grung kun kuon ma volkha orom kla serppak. Ta grung kun kuon va kla mmok ta valler a mmie tgus. \v 2 Va ta vui klik kam kni te, \q2 “A rengmat laut to e Babilon ta vle enang a vlom to nam mur kaen en mruo ngang lurokol, he ekam tok, ngat her memget he, he ho rum kim ka ngmeang hak. Va tete a rengmat to endo tgia vle te, a kootnou to arhe. Ii, va ta vle kat te, o vrong iningol ruk ngat kernonho nga rengmat to kat. \v 3 Ta vle tok tete, ekam ko a rengmat laut to e Babilon, tkait o vrong rhek tgus kmikkiem karo kerkeknen ruk kam kpoot mang a lei. Ii, tkait o vrong rhek tgus kmeharom o kerkeknen he ka vle gi enang a ye to a serpgar ko nam kait o mia kmiviem he kveve kat. Ii, ta vle tok, ko o taven ruk mo mmie ngat eharom a kerkeknen to kam kpoot mang a lei kar endruk kun mnam a rengmat to endo. Va o mia ruk ngam kael ngaro tgoluk, o mia kmenkim mar ko mkor mar, ngata kol a keik alaut vgum a rengmat to endo karo vu svil ruk mang o vrong tgoluk tgus.” \p \v 4 To ko ngan a ktui langto ko ta rere kuon ma volkha ko thavae te, \q2 “Muk ruk kuaro mia mruo, mguak kottek kun mnam a rengmat to endo. Mguak or kam tuur mnam karo kerkeknen ruk endruk, he nang o kernonhommok ruk ngua re kmelik ngang a rengmat to endo kam lua lol muk kat. \v 5 Ngor kaelik ngang tok, ekam ko karo kerkeknen ngarlatgep ngarlatgep ngta kaum kais enangthe ngata grap ngpalmai kuon ma volkha ko kim dok he dok klo is kam kikiangae mang ngar enang tok e.” \m \v 6 To ko ngan a ktui langto kat ko thavaeng endruk ngara rum kim a rengmat to e Babilon kam reng ngar te, \q2 “Muk gi, mguak kaekon ngang a rengmat to endo kam kering hak kmikkiem gi enang ko a rengmat to endo ta kering o mia akuruk tok kat. Va mgua ho mi ktua vanker a kapnes ngang ngar hak kir kim a kapnes to ngat en ngang o vrong rhek kmoripang ngar mang ngaro kerkeknen ruk endruk. He ekam tok, mgua ho mi ktua rum E Nut ka ho ngaesik ngang a rengmat to e Babilon to endo kam vanker a kapnes kmel kuon mang ngar he ho mi ktua rum kim mar ka ngmeang hak, kmikkiem gi enang ko tkering o vrong rhek tok kat. \v 7 Ii, mguak sovet kam vanker a kapnes ngang ngar kmekon ngang ngar orom o nganngannes va o yoror ruk mar kam mrua mrung ngar mruo vgum mar. Mguak vanker a kapnes ngang ngar tok, kmikkiem gi enang ko ngat sovet kam mrua kansgum mar mruo kmel nga munik laut ngang ngar mruo he ho mi kut rum ngaro sing mang o kerkeknen ruk ngam kaeharom mar tok kat. Ko kun mnam ngaro papat mruo, ngam mrua hover mar mruo kam mrua havaeng ngar te, ‘Mor ruk mnam a rengmat ta, mor tgus ngota vle o taven. Ngot lua vle enang te, mor o tahegi e, ko mor ngot lo is kam kta mrung nguaro yoror kat e.’ \v 8 He vgum ngaro rhek ruk endruk, a kolkha langto nera pis kim mar, va kun mnam a kolkha to endo gi, o yor laol ngara lol mar kngam mar o yoror kun mnam a kolkha to endo. Ii, o mia ngara vang, ngara yor he nglenar ngara vor pa ngaor va ktolpum o ungni he kaee mang ngar. Ko o mia ngara ngampaei pum a rengmat to endo he krum kim tgus ka ngmeang ekam ko Ngolaip to E Nut to ta ktar mi kut el ka pat to kmen a kapnes to endo ngang ngar, En tho mi kut serppak hak.” \p \v 9 Ii, to mnam a kolkha to o taven ruk mo mmie, endruk ngat tuur mnam a rengmat to endo ka kerkeknen to kam kpoot mang a lei kar mar va krum ngaro sing mang a kerkeknen to endo, mar ngara vokom a rengmat to endo ko o mia ngak rum kim. Va ngara vokom a paei ka ngaus to nak pum ka grap ngpalmai, to endo yek, ngara vor pa ngaor va ktolpum o ungni he kaee mang ngar tok. \v 10 Ii, ngara vokom tok to kle kgor hak he ksir malhagenmok mang he kaeti mang kam re te, \q2 ‘Suvrum yindo a rengmat laut! O Babilon, yindo orom ila serppak, suvrum muk ge! Ko kun mnam ke venloot to tvur hok, E Nut tpis kim muk orom ka papat to kam rum kim muk he.’ \p \v 11 Ii, va endruk ngam kael ngaro tgoluk, o mia kmenkim mar ko mkor mar, ngara vor pa ngaor va ktolpum o ungni he kaee mang ngar kat, ekam ko nong o mia akuruk ngang ngar kam kat kaenkim ngaro tgoluk ko mkor mar kat e. \v 12 Ii ngaro tgoluk ruk ngam kaeharom mar orom a kre to a gol, a kre to a silva, o krek akuruk ngaro kerok ngat vua grap, o pel, o it ruk orom ngaro vu kraen, o lot ruk ngta svel, va endruk enang o taven ngam kaegenkarik, o hi ruk o sitron ngo mamten tgus, va ngaro vrong tgoluk tgus ruk ngam kaeharom mar orom a elepan kalo mus, va orom o hi ngo mamten ruk ngaro keik ngat vua grap, va orom a kre to a bras, va orom a haian, va orom a kre to ngma mon te, a mabel. \v 13 Ii, va ngaro tgoluk ruk o sinamon, o ku ruk ngma mon mar te, o miir, o paeyol ruk ngaro ngaus la grir to ngma mon mar te, o ensen, o vursien ruk ngma mon te, o prekensen, a ye to a serpgar to a vaen, a ho to a olip karo itok, o sigla ngo ngaor, ke ho to a vit ka ngaor, o bulmakau, o sipsip, o hos kar ngaro laktok ruk ngam kaititik. Va si o mi mia kat, va ngam kael mar, o mia kmenkim mar mo kmar, he nang o mia ruk endruk kmeha ngang ngar. \p \v 14 Ii, endruk ngam kael ngaro tgoluk, o Babilon kmenkim mar mo kmar ngar kaeti mang a rengmat to e Babilon he kreng te, \q2 ‘O vrong tgoluk tgus ruk o yar ko muma svil mang ngar ngat lo kais kam kta vle ngang nguk kat e. Ko mularo vu sreng va mularo tgoluk lyar ruk ngma pilpil ngat her loloong he, he mut lo kat kais kam kta lol kat e.’ \m \v 15 Ii, endruk ngam kael ngaro tgoluk, o Babilon kmenkim mar ko mkor mar, he nang mar kam kol a keik alaut, mar ngara sir malhagenmok mang a rengmat to endo he kgor hak pum o nganngannes ruk ngara pis kim. Ii, ngara vor pa ngar va ktolpum o ungni he kaee mang \v 16 kam vui klik te, \q2 ‘Suvrum yindo a rengmat laut! O Babilon yindo orom ila serppak, suvrum muk ge! Muk ruk muma pasrengem muk orom o it ruk ngaro vu kraen ruk ngta svel va orom endruk o taven ngma kaegenkarik kat. Ii, muk muma pasrengem muk orom o tgoluk ruk ngta pilpil, endruk a kre to a gol, o krek ruk ngaro kerok ngta grap va o pel kat. \v 17 Vanang kun mnam ke venloot to tvur hok, E Nut tpis kim muk orom ka papat to kam rum kim muk he kering mularo vu tgoluk tgus hak.’ \p Ii, va endruk tgus ngma plangail mo laktok ruk kuon ma mou kar endruk tgus ruk ngma sap kun mnam o laktok, va endruk ngam kaeha mnam mar va endruk ngam kol a kre oguo mou, mar tgus ngara sir malhagenmok mang a rengmat to e Babilon. \v 18 Ko ngara vokom a rengmat to endo ko o mia ngara rum kim va ngara vokom a paei ka ngaus ko nak pum ka grap ngpalmai. Ngara vokom tok, to ngara havae te, ‘Tennik kam ngae kais mang tete, nong a rengmat tang ko ka munik ta laut enang enda e.’ \v 19 Va ngara vor pa ngaor va ktolpum o ungni he kaee mang a rengmat to endo to kvui kam re te, \q2 ‘Suvrum yindo a rengmat laut! O Babilon yindo orom ila serppak, suvrum muk he! Ko tesgun o mia ngama pis kmuk orom ngaro laktok kmel ngaro tgoluk ngang nguk, muk kmenkim mar ko mkor mar, he nang mar kam kol a keik alaut ko mkor muk ruk orom mularo vu krek ruk tok. Vanang kun mnam ke venloot to tvur hok, E Nut tpis kim muk orom ka papat to kam rum kim muk he kering mularo vu tgoluk tgus hak. \v 20 Muk o engyel ruk muma vle kuon ma volkha, mguak sirei. Va, muk E Nut karo mia mruo va muk o aposel va o propet mguak sirei kat, ekam ko E Nut tel ka papat to kam rum kim a rengmat to endo kmekon ngang ngar mang o kerkeknen ruk ngat eharom mar ngang nguk he.’” \p \v 21 To ko vokom a engyel langto tvua serppak ko thover a kre to klalaut hak he kngam ngogu mou. To ta re te, \q2 “Mu vokom a mou na, ko ta kervavle vgum a kre to ko gnua ngam kun mnam, ko a rengmat laut to e Babilon ner mia kervavle gi enang tok kat vgum ko nguak rum kim tgus. To a mhel tang ner lo kat kais kam kta vokom kat e. \v 22 Va muk o Babilon mula rengmat ner kaenanglaol he a vatimmok nera vle kim kat. Ko endruk ngama hupum o ngaesong va o nglung, va endruk ngma pum o kamop va a ho ka grie, ngar lo kat kaeharom mar kat kun mnam mula rengmat to endo kat e. Va endruk ngam kaeharom ngaro vu reha ko mnam mula rengmat va ngar lo kat kaeha kun mnam kat e. Va mguer lo kat kais kam ngan a mhel ko ta pum o sigla orom a kre to klalaut kam melesem orom ko tok kat e. \v 23 Va a mmok tang ner lo kta valler mula rengmat to endo kat e. Va mguer lo kat kais kam kol a re to mang alomevek ko ngat srim min mo kmin kam lei ko tok kat e. Ii, mula rengmat ner mia vle tok, ekam ko endruk ngam kael ngaro tgoluk ngang nguk, muk kmenkim mar mo kmar, si mar o vrong rhek ruk ngaro munik ruk laol mo mmie, vanangko mut her hem a kerker orom mar kam vraik orom ngaro papat petgim E Nut. \v 24 Ii, mguera vle tok, ekam ko mum kaim o propet kar E Nut karo mia mruo akuruk kngam mar o yoror he ngaro gidiel kam ksuk. Si o vrong mia tgus ruk ngat yor ku mmie, va ngaro gidiel ngta vle kuon mang nguk kat.” \c 19 \s1 O Engyel Ruk Kuon Ma Volkha Ngat Kaelha Kam Hover E Nut Ka Munik \p \v 1 To ko pekam tok, ko ngan a muktim to klalaut hak enang a mumu ko ngata vuvui klik kam kni pum E Nut te, \q2 “Aleluya, ngruak hover E Nut ka munik. Ngoma totu pum her Endo tkais kam susulgim o mia arhe. Va her En ta vle orom kla saen to kat arhe. Va her En tvua serppak kat. \v 2 Ii, ngruak kanprim En ekam ko karo papat ruk nam kaelik kuon mang o mia, ngat ho mi kut sir va ho mi kut mien kat. Ii, ther monik kim a yor ngang a rengmat laut to ta vle enang a vlom to nam mur kaen en mruo ngang lurokol. Ko ta kering a mmie tgus orom ka kerkeknen to kam kpoot mang a lei kar o mia tgus. Ii, va E Nut ta srim a vnek to a rengmat to endo tel kuon mang ngar mruo ko ngat im kalngunes ruk ngam kaeha ngang kngam mar o yoror he ngaro gidiel ngta ksuk.” \p \v 3 Ngta vui tok, to kle kta vui kat kam kni pum E Nut kat te, \q2 “Aleluya, ngruak hover E Nut ka munik ko a paei ka ngaus to ta pum ka grap ngpalmai kun mnam a rengmat to endo nera pum ka grap ngpalmai ko tok kngorom kngorom ge.” \p \v 4 Ngat re tok, to endruk o hipun ruk a mhelom hori orom korlolo kar endruk korlolo E Nut tkueng ngar he ngta ktal, ngat mrua ngam mar ku mmie he ktotu pum E Nut ko tok ko tkorsang kuon mang ka ngorsang. Va ngta vui ngang kat kam kni pum te, \q2 “Aleluya, Lmien te, ngruak hover E Nut ka munik!” \p \v 5 Ngat vui tok, to ko ngan a ktui langto ko tkottek kuon ma volkha ko ta re te, \q2 “Muk ruk mum kaeha ngang E Nut he kgorang, muk ruk orom mularo mnok ruk laol va muk ruk mularo mnok ruk nong laol, muk tgus mguak kaum kanprim E Nut.” \p \v 6 Thavae tok, to ko ngan a muktim langto ko tkaeti enang a mumu to klalaut ko ngta rere. Ii, karo rhek nga muktim ngat kaeti enang a ye to klalaut ka muktim ko tkottek he ksap klik. Va karo rhek ngat kaeti kat enang a koot ko ta kullung klik kngae ko a mumu to endo ngat vuvui klik kam kni pum E Nut te, \q2 “Aleluya, ngruak hover Ngoldaip E Nut To La Ho Vu Ngaurar Hak ka munik ekam ko her Endo ka tavgo na re kam vle kuo mang o mia tgus kam vle ngnik ngnik arhe. \v 7-8 He ekam tok, ngruak sirei kam sirei hak he kanprim E Nut mang ka serppak, ko endo ta vle enang A Sipsip To A Sital kar kakro ngaomevek ngata vle enang alomevek ruk ngint re kam lei, ko ngat hera srim min mo kmin he kmen ol. Va a vlom to orom e Yesus kakro ngaomevek tsim pasrengem en mruo kam paneng katngokol ko a vlom tmur pasrengem en mruo orom o it ruk lyar hak, endruk ngat vua mmok orom nglaro saen. Ii, a vlom to orom e Yesus kakro ngaomevek tsim pasrengem en mruo orom o it ruk E Nut mruo tmur enik ngang, he nang en kam ktar pasrengem mar mruo ormar tok.” \p (A vlom karo it ruk ngat vua mmok orom nglaro saen ruk endruk, tkaelmir orom mar mang E Nut karo mia mruo ngaro keknen ruk ngat vua sir hak.) \p \v 9 Ko vokom tok, to a engyel ta kta havaeng dok kat te, “Ngiak kaittiegom kuaro rhek ri na te, ‘Endruk E Nut tme mang ngar kam tuur mnam ka pnes to mang endo ta vle enang A Sipsip To A Sital ko tre kam lei, her mar ruk ngat lgekol arhe.’” Tre tok, to kle krum karo rhek kam havaeng dok te, “O rhek ruk endri, mar E Nut karo rhek ruk o minar.” \p \v 10 Ko ngan o rhek ruk endruk ko mkor a engyel to endo to kle ktubulkek ku penharom kam totu pum. Vanang thavaeng dok te, “Or kam totu pum dok tok! Ko dok E Nut ka gi kalyie to kom kaeha ngang enang yin kar ingornopeik ruk ngat kor mnam mar mang o rhek ruk e Yesus ta rere lmien ormar kat. Ngiak kle va ktubulkek ko kim E gi Nut tuk kam totu pum En tuk ha! Ii, ko o rhek ruk mang e Yesus her o rhek ruk msim E Nunu A Totur tenrhek mnam o propet ormar arhe, mar kam ktar kpavap ormar.” \s1 E Yesus Ta Sap Orom A Hos To Ta Kas \p \v 11 To ko kaengogo orom a volkha ko tkommenik he kael kalo kae alomin, va vgum a hos to ka vok ta kas ko tpis kim dok. Va endo tkorsang kuon mang ka sai, kalo munik alomin te, La Minar va Endo Nam Sim Ktua Rere Lmien Orom Karo Mur Rhek Mruo. Nma momngan kar o mia va kaus kar o mia orom karo papat ruk ngta sir hak. \v 12 Kalo keik nginta nho enang alo paei ruk nginta vurvur klik hak mnam min. Va thim karo msasaen kavurgem kuon palpgem ka lpek. Va E Nut tittiegom ka munik langto kuon mang ka vok. Vanang nong a mhel tang to ta mnor mang ka munik to endo e. Gi en tuk to ta mnor mang. \v 13 Va tkaegenkar ka yet to thum va gidiel. Va ka munik langto kat ngata mon orom te, “E Nut Ka Re.” \v 14 Ta sap orom a hos to endo, va o ngaomevek ruk kuon ma volkha ngta sap pekam orom o hos ruk ngta kas tok kat. Va ngat sim pasrengem mar mruo orom o it ruk lyar hak, endruk ngat vua mmok orom ngla mmok. \v 15 En kar mar ngat kaum ksap kngae va a kom to tvua kha tkottek kun mnam ka gu, he nang en kmim o vrong rhek orom, kmikkiem gi enang ko E Nut karo rhek ngat havae te, “He her Endo nera kir kim o mia tgus he ktoot mang ngar orom ka kop to tvua serppak, endo nma kpom kam khenam ma mmok te, ka tavgo na komor kim o mia tgus lserppak hak.” Ko her endo arhe nma melesem o grep ngaro praen ruk o mia orom E Nut To La Vu Ngaurar ka ho ngaesik hak. \v 16 Va E Nut tittiegom kalo munik ruk yok ko mang ka knau va kuon mang ka yet te: \ms1 O TAVEN NGA TAVEN va NGALMIALAOL NGALDAIP. \p \v 17 To ko vokom a engyel langto kat ko ta sir kuon mang a kolkha he kvui klik ngang o iningol ruk ngma vo kuo kia gan kam me mang ngar ko thavaeng ngar te, “Mu aol na. Mguak kaum kpis kam tuur mnam a ngaemik laut to mkor E Nut, \v 18 he nang muk kmem o taven ngaro vothol, o ngaomevek ngalmialaol ngaro vothol, o mia ruk lserpgar ngaro vothol, o hos ngaro vothol, o hos ngalmialaol ngaro vothol, va o vothol ruk mkor o mia ngo mamten tgus. Ii, va endruk tgus ngalmialaol ngam kaenen mar kmeha lkapnes ngang ngar, endruk nong ngalmialaol ngang ngar kmenen mar kmeha ngang ngar, va endruk orom ngaro mnok ruk laol va endruk ngaro mnok nong laol kat va mguer kaem ngaro vothol kat.” \p \v 19 To ko kaengogo orom a ngaenkuo to tottek kun mnam a mou va o taven ruk mkor a mmie kar ngaro ngaomevek ko ngata kaum kngae kaus kar Endo ta sap orom a hos to ta kas kar kakro ngaomevek. \v 20 Ngat kaus, vanang Endo ta sap orom a hos to ta kas kar kakro ngaomevek ngat kapom a ngaenkuo to endo kar a propet to la ppiagar, endo a ngaenkuo to endo tenserpagam kmeharom o ngaelmir ruk lserpgue ngang. Ii, a propet to la ppiagar to endo, her endo ther vraik orom o mia ngaro papat orom o ngaelmir ruk lserpgue petgim E Nut, he ka ktong ngar kam totu pum a ngaenkuo to endo ka matpil arhe. Ii, o mia ruk endruk, her endruk ngat kol a ngaelmir to mkor a ngaenkuo to endo kuon mang ngaro pkor kat arhe. Ii, ekam tok, a ngaenkuo kar a propet to la ppiagar to endo, E Nut tngam min tgus alo katlar oguo ma ngaenker to orom a sulpa, endo a paei nma vurvur klik hak mnam. \v 21 To Endo ta sap orom a hos to ta kas tim enngindi nginalo ngaomevek tgus orom ka kom to tottek kun mnam ka gu kngam mar tgus o yoror. To o iningol tgus ngat pis kaem ngaro vothol kngae ho mi kut vi kmar hak. \c 20 \s1 E Nut Nera Tokim E Seten Kun Mnam A Hengor Kam Ngae Kais Mnam O Pnes Ruk Ngat Kais Te, 1,000 \p \v 1 To ko vokom a engyel langto kat ko ta grung kun kuon ma volkha va ta kpom a ngaegot ka ki, kar a sen to klalaut kun mnam ka ktiek, alo serppak ruk kmoregot va kmelegot kim endruk ngama vaik kottek kun mnam a mmie ka ho ngaesik hak. \v 2-3 Ii, ko vokom a engyel to endo ko ta kleng singni mnam a vulkok to klalaut he kapom kserpagam, endo tennik thortgi mur el en a mi vim, endo ngma mon kat te, a koot, va e Seten. Ta kapom kserpagam to kaussiem to kle kngam ngogu mnam a mmie ka ho ngaesik hak he sim vat a mmie ka ho ngaesik ka ngaegot kim. To ta kleng o vnangal ko va ngaegot kat, en kam vle ko tok kam ngae kais mo pnes ruk 1,000, he nang en kam lo kta kauyang o vrong rhek kat. Ii, naka vle ko tok kam ngae kais mo pnes ruk 1,000 ko ngak nop na, yek E Nut ner kle khong, en kam ngae vrua vle na. \p \v 4 Va ko vokom o taven ruk ngat korsang kuon mang ngaro ngorsang kat, ko E Nut ten a serppak ngang ngar kam momngan kar o mia. O taven ri ko vokom mar, her endruk o mia ngta ptum ngaro ngoro hak ekam ko ngma hahavae lmien mang e Yesus va kor mnam mar mang E Nut karo rhek kat. Ii, endruk endri ngat lo totu pum a ngaenkuo to tottek kun mnam a mou, i o ka nunu to orom ka matpil kat e. Va ngat lo kol a ngaenkuo to endo ka ngaelmir kuon mang ngaro leineik, i o ngaro singni kat e. Ko vokom mar ko ngat hop petgim ngaro nnak he korsang kuon mang ngaro ngorsang, he nang mar kam kaum kar e Kristus kmel ngaro tavgo kam komor kim o mia he kmomngan kar mar kam ngae kais mnam o pnes ruk 1,000. \v 5 (O yoror akuruk ngat lo hop petgim ngaro nnak vop. Gi ko pekam ko o pnes ruk ngat kais te, 1,000 ngat nop, yek ko vokom mar ko ngat kle khop.) He ekam tok, ngma mon a venloot to endo te, a venloot to aktarang ko o mia ngta ktar khop petgim ngaro nnak kun mnam. \v 6 Endruk ngara ktar khop petgim ngaro nnak kun mnam a venloot to aktarang to endo, her endruk ngat lgekol arhe. Her endruk E Nut mruo ta ktar mur el mar kam vle ngang En mruo te, karo mia mruo. He mar kam kta yor kat kngam nglomin va ngat lo is kam kta yor kat e. Vanang ngar kle va ka vle mekam mekam ngang E Nut kar Endo E Nut Thim Orom Ka Msasaen te, mar nginaro pris. He ngara kaum kar min kmel ngaro tavgo kam kaum ka vle kuo mang o mia he kaum kmomngan kar mar kam ngae kais mnam o pnes ruk 1,000. \s1 E Nut Nera Rum Kim E Seten \p \v 7 To o pnes ruk 1,000 nga nop na, yek E Nut nera hong e Seten kun mnam ka hengor, en kam ngae. \v 8 To e Seten nera kottek kam ngae kam kat kaelha kauyang o vrong rhek tgus kun mnam a mmie tgus, kam kaum mar tgus kmus. Endruk nera kaum mar, ngara mon mar tgus te, e Gok to ko mMagok. Mar ngarlavurgem ngarlavurgem enang o vui ku va mou. \v 9 Va ko vokom mar ko ngata ngongae paat kam ngae korreik ekam a mmie ka vgon kam ngae to kpis mang E Nut karo mia mruo he kairkleim nga rengmat to E Nut nam kaelongtok mang. Ngat kairkleim, vanang E Nut tngam a paei kun kuon ma volkha va a paei tkaem mar krum kim mar tgus ka ngmeang. \v 10 Ii, va E Nut tngam a ngaenkuo to tkauyang o vrong rhek oguo ma ngaenker to orom a sulpa, endo a paei nma vurvur klik hak mnam. Ii, tngam e Seten ko tok, ngok mnam a mhe to ta ktar ngam a ngaenkuo to tottek kun mnam a muo kar a propet to la ppiagar kat. Va ko tok ngara kol a nganngannes to klalaut mo kolkhek va mo rsegain tgus kngorom kngorom. \s1 E Nut Nera Ktar Orom Endruk Ngat Lo Kor Mnam Mar Mang En Kam Momngan Kar Mar \p \v 11 To ko kaengogo orom E Nut ko tkorsang kuon mang ka ngorsang to klalaut ko ta kas. Ko vokom tok, va ko kle kvokom a mmie va a volkha kat ko ngint her gia loloong he o mia ngat lo kta vokom min kat e. \v 12 To ko vokom o yoror ruk ngat hop petgim ngaro nnak ko ngta sir ko kim E Nut ka ngorsang. Endruk endri ngaro mnok ruk laol va akuruk ngaro mnok ruk nong laol. Ngta sir ko tok, va ko vokom E Nut ko ta pepet o meer ngaro hor, endruk E Nut tittiegom o mia ngaro reha kun mnam mar. Va tpepet a meer langto kat, endo orom o mnok ruk mkor o mia ruk ngara kol a ktalhok. Vanang E Nut tkaelha orom o yoror kam ktar kmomngan kar mar kmikkiem ngaro reha ruk E Nut tittiegom mar kun mnam karo meer ruk endruk. \v 13 To endruk ngat yoyor kun mnam a mou, ngata ktar khohop petgim a mou, va o yoror ruk ogu mLol ngata ktar khohop petgim a mhe to endo kat. O yoror tgus ruk tok ko ngata ktar khohop E Nut ta momngan kar langto langto mnam mar kmikkiem ngartaro reha mruo. \v 14 To o yoror ruk ngat ottek kun mnam a mhe to ogu mLol kar a mhe to endo, e Lol msim kat, E Nut tkaum o mia ruk endruk kar a mhe to endo he kaum kngam mar kun ma ngaenker to orom a sulpa, endo a paei nma vurvur klik hak mnam. Vanang a ngaenker to orom a sulpa, endo a paei nma vurvur mnam he kaim o mia kngam mar o yoror, ngma mon te, a yor to alomin orom. \v 15 Ii, ko vokom E Nut kat ko a mhel ka munik to E Nut tlo pis mang kun mnam ka hor to orom o mnok ruk mkor endruk ngara kol a ktalhok to kam plong vle ko kim En ngnik ngnik, va E Nut tngam a mhel to endo kun ma ngaenker to orom a sulpa, endo a paei nma vurvur klik hak mnam. \c 21 \s1 E Nut Ner Kaeharom A Rengmat To E Yerusalem To A Gunngar \p \v 1 To ko vokom vop, va ko vokom a volkha to a gunngar va a mmie to a gunngar kat, ko a mmie va a volkha ruk E Nut ta ktar kueng ngin ngint loloong. Va a mou ther loloong kat. \v 2 Va ko vokom A Rengmat To A Totur, endo a rengmat to a gunngar to e Yerusalem ko tottek ko mkor E Nut he ka grung kun kuon ma volkha. Ii, va E Nut tsim pasrengem he ka vle enang a vlom to tsim pasrengem en mruo kam paneng katngokol to tre kam lei orom. \v 3 To ko ngan a ktui langto vat ko tottek ko vanam E Nut ka ngorsang ko ta rere klik te, “Mu vokom na, E Nut tel rengmat kun pgegom o mia ruk ko mmie he En mruo nera vle ko kmar. Va mar, ngara vle ngang En te, karo mia mruo, he nang mar kam totu pum En. \v 4 Va E Nut nera mgol ngaro kerok ngaro itok kam petik ko o mia ngar lo kat kais kam kta kaeti kat e. Va ko tok o mia ngar lo kat kais kam kta yor kat e. He o mia ngar lo kat kais kam kta vor pa ngaor he ktolpum o ungni kmaee kat e. Va ngaro pkor ngar lo kat kais kam kol a nganngannes ko tok kat. Ko vokom mar ko ngara vle tok, ekam ko o tgoluk ruk o sangneik nga her loloong he.” \p \v 5 To E Nut to tkorsang kuon mang ka ngorsang thavae te, “Ko her eha he, he kaeharom o tgoluk tgus o gunngae.” Thavae tok, to kle kreng dok te, “Ngiak kaittiegom kuaro rhek ri na ko mar o rhek ruk o minar he o mia ngat kais kmor mnam mar mang ngar.” \p \v 6 To thavaeng dok orom karo rhek te, “Yu! Her dok to Aktarang va Dok to A Knaegiang kat, Endo ngma mon dok kat te, e Alpa va e Omega. Endo na katngaivie, ngora klang ma ye to nma gos ko pa vugye to a ktalhok, he nang en kmivie mnam. He en tlois kmenkim ko mkor dok kat e, ko ko gi nngiar ngang orom. \v 7 Ii, endruk ngak kir kim a ngaenkuo, her endruk ngar mia kol a ktalhok to endo arhe kam plong vle ko kim E Nut ngnik ngnik, ekam ko ngara vle ngang dok te, koles msim, va dok ngora vle ngang ngar kat te, Endo ngara totu pum dok. \v 8 Vanang o mia ruk ngat kernonho, endruk ngma ruokar kim a ngaenkuo to endo he lo kor mnam mar mang dok, nang kle kaeharom o kerkeknen ruk kam por mia, kam mo vret mar, kam totu pum o matpil, kam paeim o tgoluk, E Nut ner kael mar kam yor kun mnam a ngaenker to orom a sulpa, endo a paei nma vurvur klik hak mnam. Ko a ngaenker to endo nera vle te, nga rengmat ka pun msim. Ii, E Nut ner kaeharom tok ngang ngar kar endruk tgus ngma ppiak. Vanang a yor to endo tok, o mia ngma mon te, a yor to alomin orom.” \s1 A Rengmat To E Yerusalem To A Gunngar Karo Vu Kraen \p \v 9 To ko vokom a engyel langto kun mnam endruk aktiek hori orom alomin, endruk ngta kpom o kolhi ruk aktiek hori orom alomin. Va E Nut ka ho ngaesik hak to ta vle enang a yor to klalaut tottep kun mnam o kolhi ruk endruk. Vanang o yor ruk endruk, her endruk E Nut ner kaenik ngang a mmie koknaik pekam o yor tgus arhe. Ko vokom a engyel tok, ko tpis kim dok he kreng dok te, “Aol ikkiem dok he ngora khenam akro ngaomevek to mkor Endo ta vle enang A Sipsip To A Sital ngang in, ko kakro ngaomevek ngta vle enang a vlom to En tre kam lei orom.” \v 10 To a engyel ta vaeng E Nunu A Totur kam kol kua nunu he kngorom kam ngae ka grap kuon kim la vul to klalaut va tvua grap. Tel dok ko tok kuon kim ka keik kuo plut hak he ka khenam A Rengmat To A Totur to e Yerusalem ngang dok. Ta khenam a rengmat to endo ko tottek kun kuon ma volkha kim E Nut he ka grung. \v 11 Tmi ktua mmok hak orom E Nut kla saen, gi enang a kre to ka keik tvua grap ko tnan orom ka mmok tok kat. Enang a kre to ngma mon te, a yaspa ko tngae gi pilpil enang a tleko. \v 12-13 Va E Nut totokim a rengmat to endo he urkleim orom ka hengor kat to tmi ktua grap va klalaut. Karo ngaegot ngat is mang loktiek hori orom alomin ko a korlotge ngta vle ko mnam ka hengor ka ngaiting langto langto. O ngaegot ruk korlotge ngata vle ngkunku mou, va ngogun pgeik a korlotge kat, va kunku pgeik a korlotge kat, va kunkuon pgeik a korlotge kat. Va a engyel langto ta sir ko engnang a ngaegot langto langto kat. Va E Nut tittiegom o Israel ngaro usiel ruk loktiek hori orom alomin ngaro mnok ko engnang o gudor ruk loktiek hori orom alomin tok kat. A ngausie ka munik langto langto ko engnang a gudor langto langto tok. \v 14 Va E Nut teharom a rengmat ta ka hengor kuon mang o ngtek ruk loktiek hori orom alomin kat. Va o aposel ruk mkor Endo ta vle enang A Sipsip To A Sital E Nut tittiegom ngaro mnok kuon mang ngar. A aposel ka munik langto langto kuon mang a ngtek langto langto tok kat. \p \v 15 A engyel to ta rere kar dok ko tok, ta kpom a kop to kam kol a tong mang a rengmat to endo orom. Ngat eharom a kop to endo orom a kre to a gol. Va tre kam kol a tong mang a rengmat to endo tgus va karo ngaegot, va ka hengor kat. \v 16 E Nut tel ka rengmat karo ngaitngol ruk korlolo tgus kam vle te, ngat gi mo enang ngar. Va ka vha va ka hok ngat mo is kat. A engyel to endo tkol a tong mang a rengmat karo ngaitngol tgus va tpis mang ka hok ko tkais mang o kilomita ruk te, 2,200. Va ka vha ta vle tok kat, va ka grap tok kat. \v 17 To tkol a rengmat ka hennek ka tong kat he kpis mang ka ppat ko tkais mang te, o mita ruk te, 60. Ii, a engyel tikkiem o mia ngaro tong kam kol o tong ruk endruk kat. \v 18 A hengor to endo E Nut teharom orom a kre to a yaspa. Va teharom a rengmat tgus orom a kre to a gol to tgi mmok hak ko nong a tomhel tang kat tmovavaik kar. Ko a kre to endo, o mia ngat gia nho kpa mnam. \v 19 Va tpasrengem a hengor karo ngtek orom o krek ngo mamten ruk ngaro kerok ngat vua grap kat. Ii, ko a ngtek to ngata ktar ngam ku mmie ngat eharom orom a kre to a yaspa, va endo alomin orom ngat eharom orom a kre to a sapaia, va endo a korlotge orom, orom a kalsidoni, va endo a korlolo orom, orom a emeral, \v 20 va endo aktiek orom, orom a sardonis, va endo aktiek hori orom atgiang orom, orom a karnilian, va endo aktiek hori orom alomin orom, orom a krisolait, va endo aktiek hori orom korlotge orom, orom a berel, va endo aktiek hori orom korlolo orom, orom a topas, va endo loktiek orom, orom a krisopes, va endo loktiek hori orom atgiang orom, orom a yasin, va endo loktiek hori orom alomin orom, orom a ametis. \v 21 Ii, va a rengmat to endo karo ngaegot ruk loktiek hori orom alomin, mar o kirpik ruk o pel loktiek hori orom alomin ko E Nut teharom langto langto mnam mar orom a pel langto langto kat. Va E Nut teharom a rengmat ka ngaelaut orom a kre to a gol to tgi mmok hak ko nong a tomhel tang kat tmovavaik kar, he o mia ngat gia nho kpa mnam. \p \v 22 Klo vokom E Nut ka maksien kun mnam a rengmat ta e, ekam ko E Nut ka maksien tmur vle te, En mruo to Ngoldaip E Nut To A Vu Ngaurar va Endo ta vle enang A Sipsip To A Sital he. Ii, min tgus nginta vle te, E Nut ka maksien ko tok. \v 23 Va a rengmat tlo kta mtom a kolkha he a kenho kam mmok mang kat e, ekam ko a rengmat ka mmok tmur vle te, Endo ta vle enang A Sipsip To A Sital va nma valler a rengmat to endo orom E Nut kla mmok. \v 24 He enang tok, o vrong rhek, ngara ngongae ekam a rengmat to endo ka mmok. Si ngaro taven ruk mo mmie ngar kaol orom ngaro gol tgus he kaenik ngogun mnam a rengmat to endo kat. \v 25 Va E Nut ner lua vat a rengmat karo ngaegot kun mnam a kolkha tang hak, ekam ko nong a segain kam kta pis ko tok kam ngam a slommok kim kat e. \v 26 He enang tok, o gi vrong mia ngar kaol orom ngaro gol tgus he kaenik ngogun mnam kat. \v 27 Vanang nong a tomhel tang hak ko tkernonho ner kais hak kam vaik kun mnam e. Va endruk ngam kaeharom o kerkeknen ruk kam leep pum mar kar endruk ngama kauyang o mia, va mar kat, ngar ho lo kais hak kam vaik kun mnam kat e. Gi endruk E Nut ther ittiegom ngaro mnok kun mnam Endo ta vle enang A Sipsip To A Sital ka meer to orom o mnok ruk mkor endruk ngara kol a ktalhok to kam plong vle ko kim E Nut ngnik ngnik, mar tuk, ngar kais kam vaik kun mnam. \c 22 \s1 A Ye To Kam Kol A Ktalhok To Kam Plong Vle Ko Kim E Nut Ngnik Ngnik Vgum \p \v 1 To a engyel ta khenam a ye to kam kol a ktalhok to kam plong vle ko kim E Nut ngnik ngnik vgum ngang dok. Ko vokom ko ta nho te, tmi ktua mmok gi enang a kre to a tleko. Va ko vokom ko ta sap klik ko tkottek ekam a ngorsang to mkor E Nut kar Endo ta vle enang A Sipsip To A Sital. \v 2 Ii, ta lul he ksap mi kut kun pgegom a ngaelaut msim to ta vle mi kut kun pgegom a rengmat laut to endo. Va o hi ruk kam kol a ktalhok to kam plong vle kim E Nut ngnik ngnik vgum mar ngta vle ko tok ko mnam a ye kalo ngaiting tgus. O hi ruk endruk ngam kaehi orom ngaro miel kun mnam o kenho tgus mnam a pnes to atgiang. Va ngaro im ngma vle mang o vrong rhek te, mar kam kta ya vgum mar. \v 3 Va mnam a rengmat to endo nong a tomhel tang to E Nut ta re orom en kam yor, tkais kam vle ko tok. Gi a ngorsang to mkor E Nut kar Endo ta vle enang A Sipsip To A Sital nera vle ko tok kun mnam a rengmat to endo. Va E Nut karo mia mruo ngara vle ko kim kmeha ngang kat. \v 4 Mar tgus ngara vokom kalo keik va ka munik nera vle kuon mang ngaro leineik kat. \v 5 Ko tok nong a segain kam kta pis kam ngam a slommok kim mar kat e. Ii, ner lo kta mtom a kolkha va a kriar kam mmok mang ngar kat e, ekam ko a rengmat ka mmok tmur vle te, Ngoldaip to E Nut mruo, ko nera valler mar. He her o mia ruk ko tok arhe ngaro tavgo ngara komor kim o tgoluk tgus ruk kun mnam a mmie tgus kngorom kngorom. \p \v 6 To a engyel thavaeng dok te, “O rhek ruk endri, mar o minar he o mia ngat kais kmor mnam mar mang ngar. Ko Ngoldaip to ten o rhek mnam o propet, her Endo tmeng ka engyel langto ngok kim kalngunes kam khenam o tgoluk ri, ketasuo mar kam pagis ma mmok ngang ngar kat arhe.” \s1 E Yesus Thavae Te, Ketasuo En Kmeknik Ngte Mmie \p \v 7 “Mu vokom na, nong ke laut dok kmeknik! He enang tok, oni mia ruk ngam kaikkiem o rhek tgus ruk ngta vle kun mnam a meer ta, her o mia ruk ngata lgekol arhe.” \s1 E Yoanes To Tittiegom Ka Hor Ta \p \v 8 Dok ta e Yoanes, dok to ko ittiegom o rhek ri. Va her dok msim to arhe ko her engogo orom o ngaelmir ruk endruk he kngan o rhek ruk endruk ko vgum a engyel lsir. Ii, ko engogo orom mar va kngan o rhek to re ktubulkek ku penharom a engyel to endo kam totu pum ko ta khenam o tgoluk ruk endruk ngang dok. \v 9 Ko re ktubulkek ku penharom kam totu pum, vanang ta hagam dok te, “Or kam totu pum dok tok! Ko dok E Nut ka gi kalyie to kom kaeha ngang, gi enang yin kar ingornopeik ruk o propet ruk ngat kor mnam mar mang E Nut he kmokpom kar va enang endruk tgus ngam kaikkiem o rhek tgus ruk ngta vle kun mnam kua meer ta. Ngiak kle va ktubulkek ku penharom E Nut kam totu pun En ha!” \p \v 10 To tle khavaeng dok kat te, “Ngior kam vat a hor ta kam tuvgom o rhek ruk endruk yittiegom mar kam ktar kpavap ormar. Ngior tok, ekam ko a venloot to o tgoluk ruk endruk kam pis lmien, ketasuo en kam pis he. \v 11 He ekam tok, muk ruk mum kaeharom o kerkeknen, va muk ruk o kerkeknen ngtel rengmat kun mnam muk, va muk ge, mgua ktua vle enang tok ge. Va muk ruk mum kaeharom o keknen ruk ngta sir, va muk ruk mut mur en muk mruo ngang E Nut va muk kat ge, muk ge, mgua ktua vle enang tok kat ge.” \s1 E Yesus Ta Kta Havae Te, Ketasuo En Kmeknik \p \v 12-13 “Dok to ngma mon dok te, e Alpa va e Omega va dok to Ko Ktar Vle va dok to Ngora Vle Knaek Hak, va Dok to Aktarang va Dok to Knaegiang kat, kua havaeng nguk te, mu vokom na, ketasuo dok kmeknik! Va kua kpom a mhel langto langto ka keik he nguak kaeknik va ngua kaenik ngang o mia tgus kmikkiem ngaro reha ruk ngat eharom mar. \p \v 14 Oni mia ruk ngata plum ngaro it ruk orom ngaro kerkeknen, her endruk ngata lgekol arhe, ekam ko her mar ruk kam kol a serppak to kam vaik ko vgum a ngaegot to kam vaik kun mnam a rengmat to endo he kaemik mnam a ho to kam kol a ktalhok to kam plong vle ko kim E Nut ngnik ngnik vgum. \v 15 Vanang laro pendol ruk ngma paeim o tgoluk, va endruk ngma mo vret mar, va endruk o pormia, va endruk ngma totu pum o matpil, kar endruk tgus ruk ngma svil mang o kerkeknen ruk kam kauyang o mia kam mas ormar, mar ngar gia vle ku mnok. \p \v 16 Dok to e Yesus, ko her meng kua engyel langto ngang in kar ingornopeik ruk o propet akuruk kat, he nang en kmengogong yin orom o ngaelmir ruk endri tgus. Ii, tkaen o rhek ruk endri ngang in, he nang in kam hahavae lmien ormar ngang kuakro ngaomevek. Her e Devit Kaes to dok, dok to ngma mon dok kat te, Endo ta vle enang A Ho Ka Sipngan ko ta par mnam E Devit ka ngausie ka pun va A Ketor To E Lesa to nma nan klik.” \s1 E Yesus Kakro Ngaomevek Ngta Mnganang En Kam Kat Kaeknik \p \v 17 E Nunu A Totur kar e Yesus kakro ngaomevek ruk ngta vle enang a vlom to tre kam lei orom En, ngta reng e Yesus te, “Aol ngte!” Va ani mhel to tlol o rhek ruk endri va en kat na kta reng te, “Aol ngte” kat. He ani mhel to nak katngaivie, nak kaol kmivie mnam a ye to kam kol a ktalhok ko mkor. Tlo is kmenkim a ye to e, ko En ner gi nngiar ngang orom. \s1 E Yoanes Tkaengorang Endruk Ngat Ngan Karo Rhek Ruk Kun Mnam Ka Hor Ta \p \v 18 Ko kaengorang o mia tgus ruk ngat ngan kuaro rhek ruk kun mnam kua hor ta, endruk ko ktar kpavap ormar. Enangthe a mhel tang nak soloum kta papat mruo mang o rhek ruk endri, va E Nut ner ho ksovet kam soloum kta papat mruo tok kat mang a papat to kam monik kim o yor ruk laol ngang. O yor ruk endruk ko her keknen mang ngar kun mnam kua hor ta. \v 19 Va enangthe a mhel tang na pet o rhek akuruk kun mnam kua hor ta, endruk ko hera ktar kpavap orom mar, va E Nut nera pet en petgim En mruo tok kat, he nang a mhel to endo kam lo kat kais kmemik mnam a ho to kam kol a ktalhok vgum. Va ner pet ka ngaekam to kun mnam A Rengmat To A Totur kat, en kam lo kat kol kat e. Ii, a ho to endo va a rengmat to endo, ko hera keknen mang ngin kun mnam kua meer ta kat he. \p \v 20 Ii, Endo ten o rhek ruk endri ngang dok thavae te, “Mare, ketasuo dok kmeknik!” \p Lmien, Ngoldaip e Yesus, ngiak aol ngte! \p \v 21 Yu! Ngoldaip e Yesus nak ring ya mang E Nut karo mia tgus! Lmien!