\id ROM - Sranan Tongo NT -Suriname 2002 (DBL -2013) 
\h Roma 
\toc1 A brifi fu Paulus gi den bribisma na Roma 
\toc2 Roma 
\toc3 Rom 
\mt2 A brifi fu Paulus gi den bribisma na 
\mt1 Roma 
\imt1 Wan wortu na fesi 
\ip Paulus skrifi a brifi disi gi den bribisma na Roma fu meki den sabi na fesi san a e bribi. A gersi tak' pe Paulus ben de, a ben kba panya a Bun Nyunsu èn a ben wani go na a kondre di den e kari Spanyorokondre. Te a bo go na Spanyorokondre dan a ben wani psa na Roma tu. Ma fosi dati a ben mus tyari moni go na Yerusalem di a ben piki gi den pôtisma drape. A gemeente na Roma ben abi furu Dyusma nanga wantu sma di no de Dyu. Efu wi leisi a brifi disi, dan wi e si tak' Paulus ben denki bun fosi a skrifi. A e tyari wantu prenspari leri fu a bribi tapu wan krin fasi kon na fesi. 
\iot San de ini a buku disi: 
\io1 A bigin fu a brifi èn a prenspari leri fu en (1:1-17) 
\io1 Ala libisma na sondusma (1:18 – 3:20) 
\io1 A fasi fa Gado e ferlusu sma (3:21 – 4:25) 
\io1 A nyun libi (5:1 – 8:39) 
\io1 San Gado e du nanga Israel (9:1 – 11:36) 
\io1 A fasi fa bribisma mus libi (12:1 – 15:13) 
\io1 San Paulus wani du moro fara èn a kba fu a brifi (15:14 – 16:27) 
\c 1  
\s1 Odi 
\m  
\v 1 Gi den sma fu Gado na Roma, 
\p Disi na wan brifi fu Paulus, wan knekti fu Kristus Yesus. A ben kari mi fu de wan boskopuman fu En, èn A poti mi aparti fu panya a Bun Nyunsu fu Gado.  
\v 2 Gado ben pramisi a Bun Nyunsu disi na fesi, di A meki den profeiti fu En skrifi en ini a Santa Buku.  
\v 3 A Bun Nyunsu disi e taki fu En Manpikin, wi Masra Yesus Kristus, di kon gebore leki libisma ini a famiri fu Kownu David.  
\v 4 Ma a Yeye fu En di santa, sori un krin tak' En na a Manpikin fu Gado fu di Gado meki A opo baka na dede.\f + \fr 1:4 \ft Un kan puru a pisi disi so tu: “Ma a Santa Yeye sori tak' En na a Manpikin fu Gado nanga ala makti, fu di A opo baka na dede.”\f* 
\v 5 Kristus meki tak' Gado sori wi En bun-ati èn A meki wi tron En boskopuman. Wi mus wroko ondro ala den folku, fu den kon bribi ini Gado èn du san A taki. Na so Kristus sa kisi bigi nen.  
\v 6 Un srefi de ini a grupu sma disi, di Gado kari fu tron sma fu Yesus Kristus.  
\v 7 Dat' meki mi e skrifi unu di de na Roma, un di Gado lobi èn di A kari fu de sma fu En. Mi e winsi tak' Gado wi P'pa, nanga Masra Yesus Kristus, sa sori un bun-ati èn gi un freide. 
\s1 Paulus e angri fu go na Roma 
\p  
\v 8 Na a fosi presi mi e taki mi Gado tangi fu un alamala fu san Yesus Kristus du gi unu. Bika na heri grontapu, sma e taki fu a bribi fu unu.  
\v 9 Mi e dini Gado nanga mi heri ati fu panya a Bun Nyunsu fu En Manpikin. Na En na mi kotoigi tak' mi e tan prakseri unu ala leisi te mi e begi.  
\v 10 Mi e begi Gado tak' efu a de En wani, dan meki A gi mi wan okasi now fu kon na unu.  
\v 11 Bika mi e angri fu si unu, fu prati wan presenti fu a Santa Yeye nanga unu fu gi un krakti.  
\v 12 San mi wani taki, na tak' wi kan kraka makandra. Mi e kraka unu nanga mi bribi èn unu e kraka mi nanga a bribi fu unu. 
\p  
\v 13 Brada nanga sisa, mi wani fu un sabi tak' furu leisi mi ben prakseri fu kon na unu. Ma te leki now ala leisi wan sani ben kon na mindri. Mi wani si froktu na un mindri, leki fa mi e si en na den tra folku. \x * \xo 1:13 \xt Bosk 19:21\x* 
\v 14 Bika mi abi a frantwortu fu ferteri a Bun Nyunsu na den Grikisma nanga den sma di no de Griki. Sosrefi gi sma di kisi leri nanga sma di no kisi leri.  
\v 15 Dat' meki mi e angri fu kon na unu na Roma, fu ferteri unu a Bun Nyunsu. 
\p  
\v 16 Mi no e syen gi a Bun Nyunsu, bika a de a krakti fu Gado fu ferlusu ala sma di e bribi. A de gi den Dyu fosi, ma a de tu gi den sma di no de Dyu. \x * \xo 1:16 \xt Mrk 8:38\x* 
\v 17 A Bun Nyunsu e sori unu fa un kan kon bun ini Gado ai. A sani disi e bigin èn a e kba nanga bribi. Bika a skrifi taki: “A sma di bun ini Gado ai, sa libi fu di a bribi.”\f + \fr 1:17 \ft Un kan puru a pisi disi so tu: “A sma di bun ini Gado ai fu di a bribi, sa libi.”\f*\x * \xo 1:17 \xt Hab 2:4\x* 
\s1 Gado ati bron tapu libisma 
\p  
\v 18 A atibron fu Gado e kmoto fu heimel kon na tapu ala sma di no e teri En èn di no e libi soleki fa A wani. A fasi fa den e libi e meki tak' den tru sani fu Gado no de fu si gi tra sma.  
\v 19 Bika san den ben kan sabi fu Gado de krin fu si, bika Gado srefi tyari en kon na krin gi den.  
\v 20 A tru tak' nanga un ai un no man si a têgo makti fu Gado nanga En Gadofasi. Ma sensi di grontapu meki, un man ferstan den sani disi te un e luku den sani san A meki. Dat' meki den no man taki tak' den no ben sabi moro betre.  
\v 21 Bika nanga aladi den sabi Gado, den no gi En grani leki Gado, èn den no taki En tangi. Den abi den eigi denki fu Gado. Den no abi ferstan èn den ati kon dungru. \x * \xo 1:21 \xt Ef 4:17-18\x* 
\v 22 Den e prakseri tak' den koni, ma den don.  
\v 23 Bika prefu den dini a bigi Gado di no e dede, den go dini popki di gersi libisma di e dede gwe. Den go dini popki di gersi fowru di e frei na loktu, meti di e waka tapu fo futu, nanga meti di e kroipi. \x * \xo 1:23 \xt Deut 4:15-19\x* 
\p  
\v 24 Dat' meki Gado gi den abra na den takru lostu fu den ati, fu den du ala sortu sani di no fiti nanga makandra skin.  
\v 25 Den kenki den tru sani fu Gado gi a lei. Den e gi grani na den sani san Gado meki èn den e dini den, prefu den dini Gado di meki ala sani. Meki wi opo a nen fu Gado fu têgo! Amen.  
\v 26 Dat' meki Gado libi den meki den du den syensyen sani di den lostu fu du. Den frow no e go na bedi nanga wan man, soleki fa Gado poti en, ma den e go na bedi nanga densrefi.  
\v 27 A de a srefi nanga den mansma. Den no wani go nanga wan frow na bedi, ma den e lostu densrefi fayafaya. Mansma e go na bedi nanga mansma. Dan so den e kisi a strafu ini den skin di fiti a ogri san den e du. 
\p  
\v 28 Fu di den no feni en fanowdu fu teri Gado, meki A libi den fu den prakseri sani san no abi no wan warti, èn meki den du sani san no fiti.  
\v 29 Den lai nanga kruktudu. Den abi ogri ati, bigi-ai nanga takru fasi. Den e dyarusu, den e kiri, den e meki trobi, den e bedrigi, soso ogri de ini den, èn den e konkru sma tori.  
\v 30 Den e taki takru fu trawan èn den no wani sabi noti fu Gado. Den no abi no wan dropu lespeki, den abi bigifasi èn den lobi taki bigitaki. Den e feni nyun fasi fu du ogri, èn den no e arki den m'ma nanga den p'pa.  
\v 31 Den e du lawlaw sani, yu no kan fertrow den, èn den no abi no wan dropu lobi noso sari-ati gi trawan.  
\v 32 Den e du den sani disi aladi den sabi tak' Gado o strafu den sma di e du den sani disi. Ma a no dati wawan. Den e prisiri tu nanga tra sma di e du den tu. 
\c 2  
\s1 Gado e krutu sma nanga leti 
\p  
\v 1 Brada, yu kan krutu den sma di e du den sani disi, ma awinsi suma na yu, yu no moro betre. Bika te yu e krutu wan trawan, yu e krutu yusrefi, bika yu e du den srefi sani. \x * \xo 2:1 \xt Mat 7:1; Luk 6:37\x* 
\v 2 Wi sabi tak' Gado abi leti te A e krutu den sma di e du den sani disi.  
\v 3 Brada, yu denki tak' Gado o krutu den sma di du den sani disi, ma dan A no o krutu yu di e du den srefi sani tu?  
\v 4 Na span yu no e span tak' Gado bun so gi yu, tak' A abi langa pasensi èn tak' na wani A no wani strafu yu wantron? Na sabi yu no sabi tak' Gado bun gi yu fu di A wani tak' yu mus drai yu libi? 
\p  
\v 5 Ma fu di yu trangayesi èn yu no wani drai yu libi, yu e meki tak' a strafu fu yu o kon moro hebi tapu a dei di Gado o krutu èn strafu libisma soleki fa a fiti.  
\v 6 Bika Gado o pai ala sma fu den sani san den du. \x * \xo 2:6 \xt Ps 62:12; Spr 24:12\x* 
\v 7 A o gi a libi fu têgo na den sma di e tan hori doro fu du bun, fu di den wani meki Gado gi den grani, bigi nen nanga a libi pe dede no de.  
\v 8 Ma Gado o puru En atibron tapu den sma di e prakseri densrefi nomo, di no wani arki den tru sani, èn di e du ogri.  
\v 9 Ala libisma di e du ogri mus sabi tak' pina nanga benawtu e wakti den. A de gi den Dyu fosi, ma a de tu gi den sma di no de Dyu.  
\v 10 Ma grani, bigi nen, nanga freide e wakti ala sma di e du bun. A de gi den Dyu fosi, ma a de tu gi den sma di no de Dyu.  
\v 11 Bika ala sma na a srefi gi Gado. \x * \xo 2:11 \xt Deut 10:17\x* 
\s1 Fu hori a wèt nomo no e tyari yepi 
\p  
\v 12 Den sma di no de ondro a wèt fu Moses, o go lasi sondro a wèt te den sondu. Èn ala sma di de ondro a wèt, Gado o teki a wèt fu krutu den.  
\v 13 Bika a no den sma di e arki a wèt e kon bun ini Gado ai, ma na den sma di e du san a wèt e taki.  
\v 14 Den sma di no de Dyu no abi a wèt fu Moses. Ma efu den e du san a wèt e taki, aladi den no abi wèt, dan den de wan wèt gi densrefi.  
\v 15 Nanga dati den e sori tak' den sani san skrifi ini a wèt, de na ini den ati. Den konsensi e sori tak' na so a de, èn a e taigi den efu den e du bun noso ogri.  
\v 16 Na so a o de tapu a dei di Gado o meki Kristus Yesus krutu ala kibrisani fu libisma. Disi e agri nanga a Bun Nyunsu san mi e preiki. 
\s1 Den Dyusma nanga a wèt fu Moses 
\p  
\v 17 Ma fa fu unu di e kari unsrefi Dyu? Un e bribi tak' Gado o ferlusu unu fu di un e hori a wèt, èn un e meki bigi tak' un de fu Gado.  
\v 18 Un sabi san Gado wani, èn un sabi san na a moro bun sani fu du fu di un kisi leri kmopo fu a wèt.  
\v 19 Un e bribi tak' un na sma di mus sori breniwan a pasi fu Gado, èn tak' un de leki wan faya gi den sma di de na dungru.  
\v 20 Un e bribi tak' ini a wèt un e feni sabi nanga sani san de tru. Dat' meki un e si unsrefi leki sma di mus leri trawan di no abi ferstan èn leki sma di mus skoro pikin.  
\v 21 Ma fa a kan tak' un e leri trawan, ma un no e leri unsrefi? Un e taigi sma tak' den no mus fufuru, ma un srefi e fufuru.  
\v 22 Un e taigi sma tak' den no mus huru, ma un srefi e du en. Unu nanga kruktu gado no e koti, ma un e go fufuru sani ini den tempel fu den.  
\v 23 Un e meki bigi tak' un abi a wèt, ma un e gi Gado syen fu di un no e hori a wèt.  
\v 24 A skrifi taki: “Na unu e meki tak' sma di no de Dyu e afrontu Gado.” \x * \xo 2:24 \xt Jes 52:5\x* 
\p  
\v 25 Meki mi taigi unu wan sani. A besnei di un besnei, abi warti soso efu un e hori a wèt. Ma efu un no e du san a wèt e taki, dan un leki Dyu di besnei, de a srefi leki sma di no de Dyu, di no besnei.  
\v 26 Ma efu wan sma di no besnei e libi leki fa a wèt e taki, dan Gado e si sowan sma leki wan sma di besnei.  
\v 27 Dat' meki den sma di no besnei, ma di e du san a wèt e taki, o krutu unu. Bika awinsi un besnei èn un abi a wèt na tapu papira, toku un e sondu.  
\v 28 A no te yu gebore leki Dyu, noso fu di yu besnei, e meki tak' yu na wan trutru Dyu.  
\v 29 Fu besnei trutru a no te den e koti yu skin nomo, ma te yu ati kenki. Na dati e meki tak' yu na wan trutru Dyu. A no a wèt e du dati, ma na a Yeye fu Gado. Dan a no libisma o gi yu grani, ma na Gado. \x * \xo 2:29 \xt Deut 30:6\x* 
\c 3  
\p  
\v 1 Sortu wini un abi dan fu di un na Dyu, èn sortu warti a abi fu besnei?  
\v 2 A abi bun furu warti. Ini a fosi presi Gado ben gi den Dyu a boskopu fu En.  
\v 3 Ma efu wantu sma no ben du san Gado taki, dan yu wani taigi mi tak' Gado no o du san En e taki?  
\v 4 Kwet'kweti! Awinsi ala sma e lei, Gado no e lei. A de soleki fa a skrifi taki: 
\q1 A o de fu si tak' Yu abi leti, 
\q2 èn Yu o wini te den e krutu Yu. \x * \xo 3:4 \xt Ps 51:6\x* 
\p  
\v 5 Ma efu a sondufasi fu wi e meki sma si moro krin tak' Gado abi leti, san un sa taki dan? Leki libisma un kan taki tak' Gado no e du sani nanga leti fu puru En atibron na un tapu. Ma un kan taki dati?  
\v 6 Kwet'kweti! Bika efu Gado no e du sani nanga leti, dan fa A sa man krutu grontapu dan?  
\v 7 Èn efu a leifasi fu mi e tyari kon na krin tak' Gado de fu fertrow, èn tak' sowan fasi A e kisi moro grani, dan fu sanede Gado e strafu mi leki wan sondusma?  
\v 8 Dan betre yu taki: “We, efu wan ogri e tyari wan bun, kon un du ogri dan!” Son sma e gi wi a pori nen tak' na dati wi e leri. Ma a strafu san den o kisi, fiti den. 
\s1 Ala sma na sondusma 
\p  
\v 9 Fa a sani de dan? A tru tak' wi leki Dyu betre moro den tra sma? Kwet'kweti! Bika wi ben sori kba tak' ala sma sondu, Dyusma nanga sma di no de Dyu.  
\v 10 A de soleki fa a skrifi taki: 
\q1 No wan sma no bun ini Gado ai, 
\q2 no wan enkri sma srefi. \x * \xo 3:10 \xt Ps 14:1-3; Ps 53:2-4\x* 
\q1  
\v 11 No wan sma abi ferstan, 
\q2 èn no wan sma e suku Gado. 
\q1  
\v 12 Den alamala go waka 
\q2 den eigi pasi, 
\q1 èn no wan fu den no bun 
\q2 fu noti moro. 
\q1 No wan no de di e du bun, 
\q2 no wan enkri wan. 
\q1  
\v 13 Den gorogoro 
\q2 de leki wan opo grebi, 
\q1 èn den tongo 
\q2 e taki soso lei. 
\q1 Den mofobuba e kiri yu 
\q2 leki te wan takru sneki beti yu. \x * \xo 3:13 \xt Ps 5:10; Ps 140:4\x* 
\q1  
\v 14 Den mofo furu nanga fluku 
\q2 èn nanga hati sani. \x * \xo 3:14 \xt Ps 10:7\x* 
\q1  
\v 15 Den futu e lon es'esi 
\q2 fu go kiri, \x * \xo 3:15 \xt Jes 59:7-8\x* 
\q1  
\v 16 èn ala pe den e go 
\q2 den e pori sani 
\q2 èn den e libi sari na baka. 
\q1  
\v 17 Den no sabi san na freide, 
\q2  
\v 18 èn den no abi lespeki 
\q2 gi Gado srefsrefi. \x * \xo 3:18 \xt Ps 36:2\x* 
\p  
\v 19 Wi sabi tak' ala sani san a wèt e taki, de gi den sma di ben libi ondro a wèt. Dan no wan sma o man abi wan sani fu taki, èn heri grontapu sa kon ondro a krutu fu Gado.  
\v 20 Dat' meki no wan sma e kon bun ini Gado ai nomo fu di a du san a wèt e taki. Bika a wèt e meki wi kon sabi tak' wi sondu. \x * \xo 3:20 \xt Ps 143:2; Gal 2:16\x* 
\s1 Bribi e meki wi kon bun nanga Gado 
\p  
\v 21 Ma now, Gado meki un kon si tak' A e meki sma kon bun ini En ai sondro a wèt. A Wèt nanga den Profeiti ben taki fu a sani disi.  
\v 22 Wi e kon bun ini Gado ai te wi bribi ini Yesus Kristus. Disi e teri gi ala sma di e bribi. A no abi trobi suma yu de. \x * \xo 3:22 \xt Gal 2:16\x* 
\v 23 Bika ala sma sondu èn den no abi a fosi glori fu Gado moro.  
\v 24 Ma di Kristus Yesus ferlusu wi, A meki wi kon bun ini Gado ai. Na En bun-ati meki A du dati. Wi no ben abi fu du noti.  
\v 25 Gado seni Yesus kon fu meki wi kon bun baka nanga En, te wi bribi tak' Yesus pai fu wi sondu nanga En brudu. Na so Gado sori tak' A e du sani tapu wan leti fasi. Bika A no e luku den sondu fu a ten di de na un baka, ma A ben hori langa pasensi.  
\v 26 Ini a ten disi A e sori un baka tak' A e du sani nanga leti. So A e sori wi tak' A bun, èn tak' A e meki den sma kon bun ini En ai di e bribi ini Yesus.  
\v 27 Dat' meki un no man meki bigi srefsrefi. Fu san ede? Fu di wi du san a wèt e taki? Nono, ma na fu di un bribi.  
\v 28 Bika wi e bribi tak' wan sma no e kon bun ini Gado ai fu di a e du san a wèt e taki, ma fu di a e bribi.  
\v 29 San un e prakseri? Un prakseri tak' Gado na a Gado fu den Dyu wawan, èn tak' A no de a Gado fu den tra folku tu? Meki mi taigi yu tak' Gado na a Gado fu den tra folku tu.  
\v 30 Bika na wan Gado nomo de di e meki Dyu nanga sma di no de Dyu kon bun ini En ai te den bribi. \x * \xo 3:30 \xt Deut 6:4; Gal 3:20\x* 
\v 31 Yu denki tak' a bribi disi e meki tak' a wèt no e teri moro? Kwet'kweti! Bika soso te yu e bribi, yu o man hori a wèt. 
\c 4  
\s1 Abraham na wan eksempre gi wi 
\p  
\v 1 San wi leki Dyu mus taki fu wi afo Abraham dan?  
\v 2 Efu Abraham ben du wan sani fu kon bun ini Gado ai, dan a ben kan meki bigi. Ma na Gado a no ben abi no wan sani fu a ben kan meki bigi.  
\v 3 Bika a skrifi ini a Santa Buku taki: “Fu di Abraham bribi Gado, meki Gado si en leki wan sma di bun ini En ai.” \x * \xo 4:3 \xt Gen 15:6; Gal 3:6\x* 
\p  
\v 4 Wan sma di wroko e kisi pai fu di a wroko fu en. Den no e pai en fu di den wani sori en den bun-ati.  
\v 5 Ma efu wan sma poti en fertrow tapu Gado di e meki sondusma kon bun nanga En, dan Gado e si sowan sma leki wan sma di bun ini En ai. Bika a sma dati no du noti nanga en eigi krakti.  
\v 6 David ben taki a srefi sani. A taki tak' blesi de tapu a sma di Gado e si leki wan sma di bun ini En ai, sondro fu a du wan sani.  
\v 7 A skrifi taki: 
\q1 Blesi de tapu den sma 
\q2 di kisi pardon 
\q2 fu den ogri di den du, 
\q1 nanga den sma di Gado no e luku 
\q2 den sondu fu den moro. \x * \xo 4:7 \xt Ps 32:1-2\x* 
\q1  
\v 8 Blesi de tapu a sma 
\q2 di Masra no e teri 
\q2 den sondu fu en moro. 
\p  
\v 9 Un taigi mi now: Gi suma a blesi disi de? Soso gi den sma di besnei, noso gi den sma di no besnei tu? Bika wi e taki fu Abraham tak' fu di a bribi meki Gado si en leki wan sma di bun ini En ai.  
\v 10 Ma oten a sani disi psa? Fosi Abraham besnei, noso bakaten? A psa fosi a ben besnei.  
\v 11 Abraham ben kisi a kotimarki disi bakaten leki wan stampu tak' a kon bun ini Gado ai, fu di a ben bribi Gado di a no ben abi a kotimarki ete. Tapu a fasi disi Abraham tron a afo fu ala sma di e bribi, awinsi den no besnei. Dan Gado e si den leki sma di bun ini En ai. \x * \xo 4:11 \xt Gen 17:10\x* 
\v 12 Abraham tron a afo tu fu ala sma di besnei. Ma den no mus besnei wawan, den mus abi a srefi bribi tu di wi afo Abraham ben abi fosi a ben besnei. 
\s1 Abraham kisi Gado pramisi fu di a bribi 
\p  
\v 13 A no fu di Abraham ben hori a wèt meki Gado pramisi en nanga den bakapikin fu en tak' den o kisi a grontapu disi. Ma fu di a ben bribi meki Gado si en leki wan sma di bun ini En ai. \x * \xo 4:13 \xt Gen 17:4-6; 22:17-18; Gal 3:29\x* 
\v 14 Bika efu wi kan kisi wan sani fu Gado nomo fu di wi e hori a wèt, dan bribi no abi warti, èn dan a pramisi na wan soso sani. \x * \xo 4:14 \xt Gal 3:18\x* 
\v 15 Bika a wèt e tyari a atibron fu Gado kon. Ma pe wèt no de, un no kan broko en tu. 
\p  
\v 16 Dat' meki fu di wi e bribi, meki Gado gi wi a pramisi fu sori wi En bun-ati, èn a pramisi e teri gi ala den bakapikin tu. A no de gi den sma wawan di e hori a wèt, ma a de gi den sma tu di e bribi leki fa Abraham ben e bribi. Bika Abraham na a p'pa fu wi alamala. \x * \xo 4:16 \xt Gal 3:7\x* 
\v 17 Bika a skrifi taki: “Mi meki yu tron a p'pa fu furu folku.” Ini a ai fu Gado, Abraham de dati tu, èn ini a Gado disi a ben e bribi. Gado na a Wan di e meki dedewan kon baka na libi, èn na En e meki san no ben de, kon de. \x * \xo 4:17 \xt Gen 17:5\x* 
\v 18 Gado ben taigi Abraham tak' a bo kisi furu bakapikin, èn aladi ala sani ben e sori kba tak' a no bo man tron a p'pa fu furu folku, a tan bribi èn a no lasi howpu. \x * \xo 4:18 \xt Gen 15:5\x* 
\v 19 Abraham ben si tak' a owru tumsi fu kisi wan pikin, bika a ben e suku fu tapu wan hondro yari kba. Sara srefi no bo man kisi pikin moro. Ma Abraham no ben kon swaki na ini en bribi. \x * \xo 4:19 \xt Gen 17:17\x* 
\v 20 Noiti a lasi bribi ini a pramisi fu Gado, èn a bribi fu en ben kon moro tranga. Nanga dati a ben gi Gado grani.  
\v 21 A ben sabi krinkrin tak' Gado abi a makti fu du san A ben pramisi.  
\v 22 Na a bribi dati meki tak' Gado si en leki wan sma di bun ini En ai. 
\p  
\v 23 A skrifi tak' Gado si Abraham leki wan sma di bun ini En ai. Ma un mus sabi tak' a sani disi no e teri gi Abraham wawan.  
\v 24 A e teri gi wi tu, te wi poti wi bribi na ini Gado di meki Yesus, wi Masra, opo baka na dede.  
\v 25 Yesus ben dede fu wi sondu ede, èn A opo baka fu wi kan kon bun nanga Gado. \x * \xo 4:25 \xt Jes 53:5\x* 
\c 5  
\s1 Wi kon bun ini Gado ai 
\p  
\v 1 Wi di kon bun ini Gado ai fu di wi bribi, abi freide nanga En, tangi fu wi Masra Yesus Kristus.  
\v 2 San Yesus du meki tak' Gado sori wi En bun-ati fu di wi bribi. A bun-ati disi e meki wi tnapu tranga, èn wi e meki bigi fu di wi abi a howpu tak' Gado o meki wi teki prati ini En glori.  
\v 3 Ma a no dati wawan. Wi e meki bigi tu fu di wi e nyan pina. Bika wi sabi tak' te wi e nyan pina, dan a e leri wi fu hori doro.  
\v 4 Te wi e hori doro, dan dati e meki wi kon tranga, èn a tranga san wi e kon tranga, e meki tak' wi abi howpu.  
\v 5 Èn a howpu san wi abi no o meki wi kon na syen, bika Gado poti En lobi ini wi ati di A gi wi En Santa Yeye. 
\p  
\v 6 Di wi no ben man yepi wisrefi, dan Kristus dede gi den sma di no e dini Gado, tapu a ten di Gado poti.  
\v 7 Na wan tranga sani fu dede gi wan sma di bun ini Gado ai. Ma kande yu o man feni wan sma ete di abi a dek'ati fu dede gi wan bun sma.  
\v 8 Ma Gado e sori wi fa A lobi wi. Bika di wi ben de sondusma ete, Kristus dede ini wi presi.  
\v 9 Now di wi kon bun ini Gado ai fu di Kristus brudu lon gi wi, dan wi kan sabi krinkrin tak' A o ferlusu wi fu a atibron fu Gado.  
\v 10 Gado meki En Manpikin dede gi wi, fu wi kan kon bun nanga En aladi wi ben de En feyanti. Dat' meki wi kan sabi trutru tak' now di wi kon bun nanga En, A o ferlusu wi fu di Kristus e libi.  
\v 11 Ma dati a no ala. Wi e meki bigi ini Gado fu di wi kon bun baka nanga En tangi fu wi Masra Yesus Kristus. 
\s1 Adam nanga Kristus 
\p  
\v 12 A de so tak' na wan enkri sma nomo meki sondu kon na grontapu, dan sondu tyari dede kon. Èn fu di ala sma sondu, meki ala sma e dede tu. \x * \xo 5:12 \xt Gen 3:2-7\x* 
\v 13 Bika sondu ben de kba na grontapu fosi Gado ben gi a wèt. Ma efu wèt no de, dan yu no man kisi strafu fu sondu.  
\v 14 Wi e si tak' ala sma dede ini a ten fu Adam kon miti Moses, aladi den no du a srefi sondu san Adam du di a psa Gado mofo. Adam na wan prentyi fu a Wan di ben mus kon. 
\p  
\v 15 Ma a sondu fu Adam no de leki a presenti san Gado gi wi ini En bun-ati. Bika a sondu fu wan libisma ben tyari dede kon gi furu sma. Ma a bun-ati san Gado sori wi nanga a presenti di A gi wi, warti furu moro dati gi furu sma. Èn san Yesus Kristus du leki libisma ini En bun-ati, meki tak' dati psa.  
\v 16 A presenti san Gado gi wi, no de leki a sondu fu Adam. Bika a wan enkri sondu ben tyari strafu kon. Ma aladi wi du someni sondu, Gado gi wi a presenti san meki tak' wi kon bun ini En ai.  
\v 17 A sondu fu a wan man ben meki tak' dede tron basi fu libisma. Ma ala sma di Gado e sori En bun-ati èn di A meki kon bun baka nanga En fu soso, o libi èn rigeri leki kownu, tangi fu Yesus Kristus. 
\p  
\v 18 Fu di Adam psa Gado mofo, a sani dati tyari strafu kon gi ala sma. Na so tu, fu di Yesus du san Gado wani, ala sma kon bun ini Gado ai èn den kisi a libi.  
\v 19 A trangayesi fu Adam ben meki bun furu sma tron sondusma. Na so a de tu tak' fu di Yesus arki Gado, meki bun furu sma sa kon bun ini Gado ai. 
\p  
\v 20 A wèt kon bakaten, fu a sondu ben kon moro furu. Ma o moro sma ben e sondu, o moro Gado ben e sori En bun-ati moro ete.  
\v 21 Soleki fa sondu ben meki dede tron basi fu libisma, na so a bun-ati e tiri libisma now fu di den kon bun ini Gado ai. Disi e meki den kisi a libi fu têgo, tangi fu wi Masra Yesus Kristus. 
\c 6  
\s1 Wi dede gi sondu, ma wi e libi gi Gado 
\p  
\v 1 San un sa taki dan? Un sa tan sondu fu Gado sori un En bun-ati moro nanga moro?  
\v 2 Kwet'kweti! Un dede gi sondu. Fa un kan tan libi na ini sondu ete dan?  
\v 3 Na sabi un no sabi tak' wi alamala di dopu na ini Kristus Yesus, ben dopu na ini a dede fu En?  
\v 4 Di wi dopu, wi dede èn wi beri makandra nanga En. Dan soleki fa a P'pa meki Kristus opo baka na dede nanga a bigi makti fu En, na so wi o libi wan nyun libi tu. \x * \xo 6:4 \xt Kol 2:12\x* 
\p  
\v 5 Bika efu wi tron wan nanga Kristus fu di wi dede leki En, dan so wi sa opo baka na dede neleki En.  
\v 6 Wan sani wi sabi: Di den spikri Yesus na a kroisi, dan a owru fasi fu wi ben spikri makandra nanga En. Dati psa fu tyari wan kba kon na a sondu fasi fu wi, èn fu a sondu no man basi wi moro langa.  
\v 7 Bika sondu no abi makti moro tapu wan sma di dede. 
\p  
\v 8 So, efu wi dede makandra nanga Kristus, dan wi e bribi tak' wi sa libi makandra nanga En tu.  
\v 9 Bika wi sabi tak' fu di Kristus opo baka na dede, A no o dede moro. Dede no abi makti moro na En tapu.  
\v 10 Di Kristus dede, A dede wan leisi nomo fu broko a makti fu sondu, èn noiti A sa abi fu dede moro. Ma now di A e libi, A e libi gi Gado.  
\v 11 Na so un mus si en tu, tak' un dede gi sondu, ma un e libi gi Gado fu di un de wan nanga Kristus Yesus. 
\p  
\v 12 Un abi wan skin di o dede, ma un no mus meki sondu rigeri leki basi na ini a skin disi, fu du san a lostu.  
\v 13 No gi no wan pisi fu yu skin na a sondu fu du den ogri sani fu en. Ma poti yusrefi fu wroko gi Gado leki sma di ben dede, ma di e libi now. Poti ala pisi fu yu skin fu du wroko san bun ini Gado ai.  
\v 14 Dan sondu no o basi un moro. Bika un no de ondro a wèt, fu di Gado sori un En bun-ati. 
\s1 Wi mus poti wisrefi fu du bun 
\p  
\v 15 San un sa du dan? Wi kan tan du sondu fu di wi no de moro ondro a wèt, ma fu di Gado sori wi En bun-ati? Kwet'kweti!  
\v 16 Un sabi tak' te yu e poti yusrefi leki srafu gi wan sma, dan a sma dati na yu basi èn yu mus fu du san a taki. Efu yu de wan srafu fu sondu, dan yu o dede. Ma efu yu e du san Gado wani, dan yu o de wan bun sma ini En ai.  
\v 17 Ma mi e taki Gado tangi! Bika fos'fosi un ben de srafu fu sondu, ma now un gi yesi nanga un heri ati na a leri di un kisi.  
\v 18 Now un kon fri fu sondu, èn un tron srafu fu Gado fu du san bun ini Gado ai.  
\v 19 Mi e taki a sani disi libisma fasi fu un kan ferstan san mi e taki. Fos'fosi un ben poti unsrefi leki srafu fu libi wan doti libi, èn un ben e broko a wan wèt baka a trawan. Ma now un mus poti ala pisi fu un skin fu du san bun ini Gado ai. Disi o meki un kon santa. 
\p  
\v 20 Di un ben de srafu fu a sondu ete, dan un no ben man du san bun ini Gado ai.  
\v 21 Ma sortu wini un ben abi? Now un e syen fu den sani san un ben e du, bika a kba fu den sani dati na dede.  
\v 22 Ma now un kon fri fu sondu èn un tron srafu fu Gado. A wini san un abi na tak' un kon santa, èn a kba fu a sani disi na a libi fu têgo.  
\v 23 Bika a paiman fu sondu na dede. Ma a presenti san Gado gi wi, na a libi fu têgo na ini Kristus Yesus, wi Masra. 
\c 7  
\s1 A wèt no e teri gi sma di dede 
\p  
\v 1 Brada nanga sisa, solanga wan sma de na libi, dan a wèt e taigi a sma san a mus du. Un sabi dati, bika mi e taki nanga sma di sabi a wèt.  
\v 2 Fu gi wan eksempre: Te wan uma trow, dan a wèt e tai en fasi na en masra solanga a man e libi. Ma te en masra dede, dan a wèt di ben tai en na en masra, no e teri gi en moro.  
\v 3 So efu a frow teki wan tra man, aladi en masra de na libi ete, dan sma abi leti fu taki tak' a huru. Ma efu en masra dede, dan a wèt no e teri moro gi en. So a no e huru, awinsi a teki wan tra man. 
\p  
\v 4 Brada nanga sisa, na so a de nanga unu tu. Bika di Kristus dede, un kmopo ondro a makti fu a wèt. Dan now un de fu a Wan di kon baka na libi, fu wi kan du bun wroko gi Gado.  
\v 5 Di wi ben meki a sondufasi fu wi tiri wi, dan den sondu lostu di a wèt ben e wiki na ini wi, ben e basi wi fu wi du den wroko di e tyari dede kon.  
\v 6 Ma now a wèt no e teri gi wi moro, bika wi dede gi a sani di ben tai wi hori. Now wi no e dini Gado moro tapu a owru fasi fu a wèt, ma wi e dini En tapu a nyun fasi fu a Yeye. 
\p  
\v 7 San un sa taki dan? Tak' a wèt na sondu? Kwet'kweti! Ma na a wèt ben leri mi san na sondu. Mi no bo sabi san na bigi-ai efu a wèt no ben taki: “Yu no mus abi bigi-ai.” \x * \xo 7:7 \xt Ex 20:17; Deut 5:21\x* 
\v 8 Ma a sondu teki a wèt disi fu wiki ala sortu bigi-ai na ini mi. Efu a wèt no ben de, dan sondu no bo abi a makti disi.  
\v 9 Fos'fosi mi ben libi sondro wèt. Ma di a wèt kon, a sondu kisi makti  
\v 10 èn mi dede. So mi kon si tak' a wèt di ben mus tyari libi kon, tyari dede kon gi mi.  
\v 11 Bika a sondu teki a wèt disi fu kori mi, èn fu kiri mi. \x * \xo 7:11 \xt Gen 3:13\x* 
\v 12 Ma a wèt santa, sosrefi den sani san a wèt e taki. Den de leki fa Gado wani, èn den bun. 
\s1 Mi wani du bun, ma mi no man 
\p  
\v 13 Un sa man taki dan tak' wan bun sani tyari dede kon gi mi? Kwet'kweti! Na a sondu du dati. A teki a bun sani fu tyari dede gi mi. Na so sondu sori san a de trutru, èn a wèt sori tak' sondu takru psa marki. 
\p  
\v 14 Wi sabi tak' a wèt kmopo fu a Yeye fu Gado, ma mi na wan libisma di de leki wan srafu fu sondu.  
\v 15 Mi srefi no man ferstan den sani san mi e du. Bika mi no e du den sani san mi e angri fu du. Ma den sani san mi no lobi srefsrefi, na dati mi e du. \x * \xo 7:15 \xt Gal 5:17\x* 
\v 16 Fu di mi e du san mi no wani du, dan dati e sori mi tak' mi e agri nanga a wèt, èn tak' mi e feni en bun.  
\v 17 Ma a no mi e du den sani moro, ma na a sondu di e libi na ini mi.  
\v 18 Mi sabi tak' no wan bun no de na ini mi, sobun na ini a sondufasi fu mi. Bika mi e angri fu du san bun, ma mi no man.  
\v 19 Mi no e du a bun san mi wani du. Ma a ogri san mi no wani du, na dati mi e du.  
\v 20 So efu mi e du a sani san mi no wani fu du, dan a no mi e du en moro, ma na a sondu di e libi na ini mi. 
\p  
\v 21 So mi kon si wan sani ini a libi. Dati na tak' te mi wani du bun, a ogri de leti drape.  
\v 22 Dipi ini mi ati mi lobi a wèt fu Gado,  
\v 23 ma mi e si tak' wan heri tra wèt e wroko na ini mi skin. Mi agri nanga a wèt fu Gado ini mi ferstan. Ma a tra wèt e feti nanga a wèt fu Gado, èn a e meki mi tron wan srafu fu a wèt fu sondu di de na ini mi.  
\v 24 Ai, mi de fu sari fu tru! Suma sa ferlusu mi puru ini a skin disi di o meki mi dede?  
\v 25 Mi e taki Gado grantangi tak' na Yesus Kristus, wi Masra, e du dati! 
\p So mi e si tak' nanga mi ferstan mi e du san Gado wèt e taki, ma nanga a sondufasi fu mi, mi e du san a wèt fu sondu e taki. 
\c 8  
\s1 Libi ini a krakti fu a Yeye 
\p  
\v 1 Ma now Gado no e krutu den sma moro di de wan nanga Kristus Yesus.  
\v 2 Bika a wèt fu a Yeye, di e tyari libi kon fu di wi de wan nanga Kristus Yesus, meki wi kon fri fu a wèt di e tyari sondu nanga dede kon.  
\v 3 Gado du san a wèt no ben man du fu di a sondufasi fu wi meki a wèt kon swaki. A seni En eigi Manpikin kon ini wan skin leki san wi leki sondusma abi, fu de wan offer gi sondu. Na so A krutu a sondu ini wan libisma skin.  
\v 4 Now wi kan du san a wèt e taigi wi fu du, bika wi no e libi moro leki fa a sondufasi fu wi wani, ma wi e libi leki fa a Yeye wani. 
\p  
\v 5 Bika den sma di e meki a sondufasi fu den tiri den, e poti den prakseri fu du san a sondu wani. Ma den sma di e meki a Yeye tiri den, e poti den prakseri fu du san a Yeye wani.  
\v 6 Fu poti yu prakseri tapu san a sondufasi fu yu wani, e tyari dede kon. Ma fu poti yu prakseri tapu san a Yeye wani, e tyari libi nanga freide kon.  
\v 7 Dat' meki a sma di e poti en prakseri tapu san a sondufasi fu en wani, na wan feyanti fu Gado. A no e du san a wèt fu Gado e taki, èn a no man du en tu.  
\v 8 Den sma di e meki a sondufasi fu den tiri den, no man gi Gado prisiri. 
\p  
\v 9 Ma un dati no e meki a sondufasi fu unu e tiri unu. Un e du san a Yeye wani, dati na efu a Yeye fu Gado e libi na ini unu. Ma a sma di no abi a Yeye fu Kristus, no de wan sma fu En.  
\v 10 Efu Kristus de na ini unu, dan a skin o dede fu di a sondu. Ma a yeye o libi fu di Kristus meki un kon bun ini Gado ai.  
\v 11 Gado ben meki Yesus opo baka na dede. So efu a Yeye fu Gado e libi na ini unu, dan En di ben meki Kristus Yesus opo baka na dede, sa meki un skin di o dede, kon baka na libi tu, nanga a krakti fu En Yeye di e libi na ini unu. \x * \xo 8:11 \xt 1Kor 3:16\x* 
\p  
\v 12 Brada nanga sisa, wi abi wan plekti. Ma a no fu wi du san a sondufasi fu wi e taigi wi fu du.  
\v 13 Bika efu un e libi leki fa a sondufasi fu un wani, dan a o tyari dede gi unu. Ma efu nanga a krakti fu a Yeye, un tapu fu du san a sondufasi fu un wani, dan un o libi. 
\p  
\v 14 Ala sma di a Yeye fu Gado e tiri, na pikin fu Gado.  
\v 15 Bika a Yeye di Gado gi unu, no e meki un tron srafu fu un frede baka. Ma a Yeye meki un tron pikin fu Gado, èn A e meki wi taki: “Abba, wi Papa!”\f + \fr 8:15 \ft “Abba” wani taki “Papa” ini Arameestongo.\f* 
\v 16 A Yeye disi srefi e taki makandra nanga wi yeye tak' wi na pikin fu Gado.  
\v 17 So efu wi na pikin fu Gado, dan wi abi prati na ini den gudu. Wi abi prati na ini den gudu fu Gado makandra nanga Kristus. Bika efu wi e nyan pina makandra nanga En, dan wi o teki prati na ini En glori tu. 
\s1 A howpu di wi abi leki pikin fu Gado 
\p  
\v 18 A de krin gi mi tak' a glori san wi o kisi bakaten, bigi moro a pina san wi e nyan nownow.  
\v 19 Bika ala den sani san Gado meki, e wakti nanga wan bigi angri fu Gado tyari kon na krin suma na den pikin fu En.  
\v 20 Bika ala sani san Gado meki kon lasi en warti, no fu di den srefi ben wani, ma fu di Gado meki dati psa. Ma howpu de. \x * \xo 8:20 \xt Gen 3:17-19\x* 
\v 21 Nownow den sani san Gado meki e pori gwe. Ma den o kon fri fu a katibo disi, èn den o abi prati na ini a glori san den pikin fu Gado o kisi.  
\v 22 Bika wi sabi tak' te leki now, ala den sani san Gado meki e soktu leki wan uma di mus kisi wan pikin.  
\v 23 Ma a no den wawan, wi srefi e soktu tu. Wi ben kisi a Yeye leki a fosi sani fu Gado. Ma now wi e wakti fu Gado teki wi leki trutru pikin fu En, dati na te A meki wi skin kon fri. \x * \xo 8:23 \xt 2Kor 5:2-5\x* 
\v 24 Fu di wi ben abi a howpu disi meki Gado ferlusu wi. Ma efu yu e howpu fu kisi wan sani di yu abi kba, dan dati a no howpu. Suma e howpu fu kisi wan sani san a abi kba?  
\v 25 Ma efu wi e howpu fu kisi wan sani san un no abi ete, dan wi e wakti nanga pasensi te leki wi kisi en. 
\p  
\v 26 Na so a Yeye e yepi wi tu nanga wi swakifasi. Bika wi no sabi gi san wi mus begi èn fa wi mus du en. Ma a Yeye srefi e begi gi wi nanga dyeme di yu no man poti na ini wortu.  
\v 27 Èn Gado, di sabi ala ati, sabi san a Yeye wani taki. Bika a Yeye e begi gi den sma fu Gado soleki fa Gado wani. 
\p  
\v 28 Èn wi sabi tak' Gado e tyari ala sani kon na wan bun kba gi den sma di lobi En, sobun den sma di A ben kari soleki fa A ben abi na ini En prakseri.  
\v 29 Bika Gado ben sabi kba na fesi suma na den sma dati. Èn A ben poti kba na fesi tak' den mus kon de leki En Manpikin. Tapu a fasi dati a Manpikin na a fosiwan fu wan bigi grupu brada nanga sisa.  
\v 30 Den sma di A ben poti kba na fesi, na den dati A kari. Èn den sma di A kari, na den dati A meki kon bun ini En ai. Den sma di A meki kon bun ini En ai, na den dati A o meki teki prati na ini En glori. 
\s1 Noti no man prati wi fu a lobi fu Gado 
\p  
\v 31 San un mus taki fu den sani disi dan? Efu Gado de nanga wi, dan suma o man du wi wan sani?  
\v 32 Gado no ben hori En Manpikin gi Ensrefi, ma A gi En abra fu wi alamala ede. Efu Gado gi wi En Manpikin, dan fa A no sa gi wi ala tra sani dan?  
\v 33 Suma sa man kragi den sma di Gado ben teki gi Ensrefi? Na Gado meki wi kon bun ini En ai.  
\v 34 Suma sa man krutu wi? No wan sma, bika Kristus Yesus dede gi wi. Ma a no dati wawan. Gado meki A opo baka na dede, èn now A de na a let'anu sei fu Gado pe A e begi gi wi.  
\v 35 Suma sa man prati wi fu a lobi fu Kristus? Awinsi wi e pina noso wi de ini nowtu, awinsi sma de na wi baka fu du wi ogri, awinsi wi no abi noti fu nyan noso fu weri, èn awinsi wi e suku fu dede noso sma wani fu kiri wi, no wan fu den sani disi o man prati wi nanga a lobi fu Kristus.  
\v 36 A de soleki fa a skrifi taki: 
\q1 Fu Yu ede meki ala yuru 
\q2 den wani kiri wi. 
\q1 Den teki wi leki skapu 
\q2 di den e tyari fu go srakti. \x * \xo 8:36 \xt Ps 44:23\x* 
\m  
\v 37 Ma a sani san Yesus du fu di A lobi wi, meki tak' wi de moro leki winiman na ini ala den sani disi.  
\v 38 Bika mi sabi krinkrin tak' noti sa man prati wi fu a lobi fu Gado: no dede, no libi, no wan engel, no wan yeye di abi makti, sosrefi noti di o psa tide noso tamara, èn no wan yeye di abi krakti.  
\v 39 No wan sani tu di de na loktu noso ondrogron, èn no wan tra sani di Gado meki, sa man prati wi fu a lobi fu Gado di de na ini Kristus Yesus, wi Masra. 
\c 9  
\s1 Gado nanga Israel 
\p  
\v 1 Mi na fu Kristus èn den sani san mi e taki tru. Mi no e lei. A Santa Yeye e tiri mi konsensi, èn mi konsensi e taigi mi tak' mi no e lei.  
\v 2 Mi ati broko èn mi abi wan dipi sari.  
\v 3 Mi ben e winsi tak' a fluku fu Gado ben de na mi tapu èn tak' mi ben prati nanga Kristus, efu dati ben sa yepi den sma fu mi, mi eigi folku.  
\v 4 Den na den sma fu Israel. Gado ben teki den leki En pikin, èn A sori den En glori. A ben meki ferbontu nanga den èn A gi den a wèt. Na den na den sma di Gado ben sori fa fu dini En trutru, èn A ben gi den pramisi. \x * \xo 9:4 \xt Ex 4:22\x* 
\v 5 Den na den bakapikin fu den afo, èn di Kristus kon leki libisma, A gebore leki wan fu den. Na En na Gado di hei moro ala sani, èn meki wi opo En nen fu têgo. Amen.\f + \fr 9:5 \ft Un kan puru a pisi disi so tu: “Meki wi opo a nen fu Gado, di hei moro ala sani, fu têgo. Amen.”\f* 
\p  
\v 6 Mi no e taki tak' Gado no du san A taki. Bika a no ala sma di gebore leki Dyu na trutru Dyu.  
\v 7 A no ala bakapikin fu Abraham na trutru bakapikin fu en tu. Bika a skrifi taki: “Isak sa de a rutu fu yu pipel.” \x * \xo 9:7 \xt Gen 21:12\x* 
\v 8 Dati wani taki tak' a no den pikin di meki libisma fasi na pikin fu Gado. Ma Gado e si leki pikin fu Abraham, soso den pikin di kon gebore tapu gron fu san A ben pramisi.  
\v 9 Bika Gado ben pramisi Abraham taki: “Tra yari a srefi ten disi, Mi sa drai kon dyaso baka, dan Sara sa abi wan manpikin.” \x * \xo 9:9 \xt Gen 18:10\x* 
\p  
\v 10 Ma a no dati wawan. Rebeka ben hori bere tu fu wan man nomo. Wi afo Isak.  
\v 11 Den pikin no ben gebore ete, èn den no ben du no wan bun noso ogri ete. Ma Gado ben wani sori tak' a didon na En fu teki suma A wani.  
\v 12 A no didon na san wan sma e du, ma a didon na Gado di e kari suma A wani. Dat' meki A taigi Rebeka taki: “A bigiwan sa kon ondro a makti fu a pikinwan.” \x * \xo 9:12 \xt Gen 25:23\x* 
\v 13 A de soleki fa a skrifi taki: “Yakob Mi ben lobi, ma Mi no ben man si Esau na ai.” \x * \xo 9:13 \xt Mal 1:2-3\x* 
\p  
\v 14 San un mus taki dan? Un sa man taki tak' Gado no e du sani tapu wan leti fasi? Kwet'kweti!  
\v 15 Bika Gado ben taigi Moses taki: “Mi e sari suma Mi wani sari, èn Mi e sori sari-ati na suma Mi wani sori sari-ati.” \x * \xo 9:15 \xt Ex 33:19\x* 
\v 16 So a no didon na san wan sma wani, efu noso omeni muiti a e meki. Ma a didon na a sari-ati fu Gado.  
\v 17 Bika a skrifi ini a Santa Buku tak' Gado taigi Farao taki: “Mi poti yu leki Farao nomo fu Mi kan teki yu fu sori Mi makti, èn fu Mi nen panya na heri grontapu.” \x * \xo 9:17 \xt Ex 9:16\x* 
\v 18 So yu e si tak' Gado e sari suma A wani, èn A e tranga a ati fu suma a wani. 
\p  
\v 19 Dan son sma o wani taigi mi taki: “Efu na so a de, dan fa Gado kan feni tak' un fowtu? Bika no wan sma o man tapu En fu A du san A wani.”  
\v 20 Ma suma na yu leki libisma fu taigi Gado tak' san A e du no bun? Wan kroiki no kan aksi a sma di meki en taki: “Fu sanede yu meki mi so?” \x * \xo 9:20 \xt Jes 29:16; 45:9\x* 
\v 21 A man di e meki kroiki kan du nanga a kleidoti san a wani. Fu a srefi kleidoti a kan meki wan kroiki gi spesrutu momenti, nanga wan trawan gi aladei sani. \fig A man kan teki kleidoti meki san a wani|src="HK00140B.TIF" size="col" copy="Horace Knowles ©The British & Foreign Bible Society, 1954, 1967, 1972, 1995." ref="Rom 9.21" \fig* 
\p  
\v 22 We, Gado e du a srefi sani. A wani sori En atibron nanga En makti, dat' meki A hori langa pasensi nanga den sma di meki En ati bron èn di meki fu go lasi.  
\v 23 A du dati fu meki den wan di A sori sari-ati, si o bigi En glori de. Langaten na fesi A ben seti en so fu den teki prati ini En glori.  
\v 24 Èn wi na den sma di A ben kari fu teki prati ini En glori. A no den Dyu wawan, ma sosrefi den sma di no de Dyu.  
\v 25 A de soleki fa a skrifi ini a buku fu Hosea: 
\q1 Den sma di no ben de Mi folku, 
\q2 Mi sa kari Mi folku. 
\q1 A wan di Mi no ben lobi, 
\q2 sa de a wan di Mi lobi. \x * \xo 9:25 \xt Hos 2:22\x* 
\q1  
\v 26 Èn na a presi 
\q2 pe den ben yere taki: 
\q2 “Un no de Mi pipel,” 
\q1 drape den sa kari den: 
\q2 “Pikin fu a libilibi Gado.” \x * \xo 9:26 \xt Hos 1:10\x* 
\m  
\v 27 Yesaya srefi ben taki fu Israel taki: 
\q1 Awinsi a folku fu Israel 
\q2 furu leki santi fu a se, 
\q1 na wan pikin grupu nomo 
\q2 o feni yepi. \x * \xo 9:27 \xt Jes 10:22-23\x* 
\q1  
\v 28 Bika Masra o du san A taki 
\q2 tak' A o du na grontapu. 
\q1 A o du ala sani 
\q2 èn A o du en es'esi. 
\m  
\v 29 Èn soleki fa Yesaya ben taki kba na fesi: 
\q1 Efu Masra Sebaot\f + \fr 9:29 \ft “Masra Sebaot” wani taki: “Masra di abi Ala Makti.”\f* no ben libi 
\q2 wantu bakapikin fu unu na libi, 
\q1 dan un bo kon de leki Sodom 
\q2 èn un bo de leki Gomora. \x * \xo 9:29 \xt Jes 1:9\x* 
\s1 Den sma fu Israel no wani bribi 
\p  
\v 30 San un mus taki dan? Un kan taki disi: Den sma di no de Dyu, no ben e suku fu tron sma di bun ini Gado ai. Ma now na den sma dati Gado meki kon bun ini En ai, èn a psa fu di den bribi.  
\v 31 Ma den Dyu ben suku fu tron sma di bun ini Gado ai fu di den hori a wèt. Ma dati no psa.  
\v 32 Yu sabi fu sanede? Bika gi den Dyu, a sani no ben go nanga bribi, ma nanga san yu e du. Den stotu den futu na a ston pe sma e aka den futu.  
\v 33 A de soleki fa a skrifi taki: 
\q1 Mi e poti wan ston na ini Sion, 
\q2 pe sma o aka den futu, 
\q2 wan ston di o meki sma fadon. 
\q1 Ma a sma di poti en bribi 
\q2 na en tapu, 
\q2 no sa kon na syen. \x * \xo 9:33 \xt Jes 8:14; 28:16\x* 
\c 10  
\p  
\v 1 Brada nanga sisa, nanga mi heri ati mi e winsi èn mi e begi Gado fu A ferlusu den Dyu.  
\v 2 Bika mi kan taigi un tak' den e meki ala muiti fu dini Gado, ma den no sabi fa Gado wani tak' den mus du dati.  
\v 3 Den no sabi fa Gado e meki sma kon bun ini En ai. Dat' meki den e suku fu du en tapu den eigi fasi. Den no e suku en tapu a fasi fa Gado wani.  
\v 4 Bika Kristus tyari a wèt kon na wan kba. Now ala sma di e bribi, e kon bun ini Gado ai. 
\p  
\v 5 Moses skrifi fu den sma di e suku fu tron sma di bun ini Gado ai tapu gron fu a wèt taki: “A sma di e du den sani disi, sa feni libi.” \x * \xo 10:5 \xt Lev 18:5\x* 
\v 6 Ma fu kon bun ini Gado ai tapu gron fu bribi, a skrifi taki: “No taki na ini yu ati taki: Suma sa go na heimel?” sobun fu meki Kristus saka kon, \x * \xo 10:6 \xt Deut 30:12-14\x* 
\v 7 “noso: Suma sa saka go na ini a olo san no abi gron?” sobun fu puru Kristus mindri den dedewan.  
\v 8 Ma a skrifi taki: “A boskopu de krosbei na yu. A de ini yu mofo nanga ini yu ati.” Dati na a boskopu fu a bribi san wi e preiki.  
\v 9 Efu yu taki nanga yu mofo tak' Yesus na Masra, èn efu yu bribi nanga yu ati tak' Gado meki A opo baka na dede, dan Gado o ferlusu yu.  
\v 10 Bika te yu bribi nanga yu ati, dan yu e kon bun ini Gado ai. Èn te yu taki dati nanga yu mofo, dan Gado e ferlusu yu.  
\v 11 A skrifi ini a Santa Buku taki: “Ala sma di e poti den bribi na En tapu, no sa kon na syen.” \x * \xo 10:11 \xt Jes 28:16\x* 
\v 12 Bika a no e teri efu yu na wan Dyu efu no. Wi alamala abi a srefi Masra, èn ala sma di e kari En nen, A e blesi bogobogo.  
\v 13 Bika a skrifi taki: “Masra o ferlusu ala sma di e kari En nen.” \x * \xo 10:13 \xt Joël 2:32\x* 
\p  
\v 14 Ma fa den sa kari En nen, efu den no e bribi ini En? Èn fa den sa bribi ini En, efu noiti den no yere fu En? Èn fa den sa yere fu En, efu no wan sma go preiki gi den?  
\v 15 Èn fa sma kan go preiki gi den, efu wan sma no seni den? A de soleki fa a skrifi taki: “A switi fu yere te sma e waka kon di e tyari bun nyunsu.” \x * \xo 10:15 \xt Jes 52:7\x* 
\v 16 Ma a no ala sma bribi a Bun Nyunsu, bika Yesaya taki: “Masra, suma bribi a boskopu san wi ben tyari kon?” \x * \xo 10:16 \xt Jes 53:1\x* 
\v 17 Na so bribi e kon te un e yere a boskopu, èn a boskopu na a wortu fu Kristus. 
\p  
\v 18 Ma mi wani aksi wan sani: Na yere den Dyu no yere a boskopu? Fu tru den yere a boskopu. Bika a skrifi taki: 
\q1 A boskopu fu den 
\q2 panya na heri grontapu, 
\q1 èn ala sei fu grontapu 
\q2 den wortu fu den de fu yere. \x * \xo 10:18 \xt Ps 19:5\x* 
\m  
\v 19 Dan mi wani aksi ete wani sani: Na ferstan den sma fu Israel no ferstan a boskopu? Na a fosi presi Moses taki: 
\q1 Mi o meki un dyarusu 
\q2 tapu den sma 
\q2 di yu no man kari wan folku, 
\q1 èn Mi o meki un ati bron 
\q2 tapu wan folku 
\q2 di no abi ferstan. \x * \xo 10:19 \xt Deut 32:21\x* 
\m  
\v 20 Èn Yesaya ben abi a dek'ati fu taki: 
\q1 Mi meki sma di no ben suku Mi, 
\q2 feni Mi. 
\q1 Èn Mi sori Misrefi na sma 
\q2 di no ben aksi fu Mi. 
\m  
\v 21 Ma fu Israel a taki: 
\q1 Heri dei Mi e langa Mi anu 
\q2 gi wan folku di trangayesi 
\q2 èn di lobi fu hari taki. \x * \xo 10:21 \xt Jes 65:1-2\x* 
\c 11  
\s1 Gado no poti Israel na wan sei 
\p  
\v 1 Now mi wani aksi: Na poti Gado poti En folku na wan sei? Kwet'kweti! Bika mi srefi na wan sma fu Israel. Mi na wan bakapikin fu Abraham, èn mi na fu a lo fu Benyamin. \x * \xo 11:1 \xt Fil 3:5\x* 
\v 2 Gado no poti En folku di A ben sabi na fesi kba, na wan sei. Un sabi a tori fu Elia ini a Santa Buku. Elia ben krutu den sma fu Israel na Gado taki:  
\v 3 “Masra, den kiri den profeiti fu Yu, èn den naki den altari fu Yu broko. Mi wawan tan abra, èn den wani kiri mi tu.” \x * \xo 11:3 \xt 1Kon 19:10,14\x* 
\v 4 Ma san Gado piki en? Gado taigi en taki: “Mi meki seibi dusun man tan na libi, di no boigi den kindi gi Baal.” \x * \xo 11:4 \xt 1Kon 19:18\x* 
\v 5 A de a srefi ini a ten disi. Wan pikin grupu de di Gado teki gi Ensrefi fu sori En bun-ati.  
\v 6 A teki den fu di A ben wani sori En bun-ati, ma no fu di wan sma du wan sani fu en. Bika efu na fu di wan sma du wan sani fu en, dan a bun-ati san Gado sori, no bo de trutru bun-ati. 
\p  
\v 7 Dan fa dan? Israel leki folku no feni a sani san a e suku. A pikin grupu wawan di Gado ben teki, feni en. Ma Gado ben meki den trawan tranga den ati.  
\v 8 A de soleki fa a skrifi taki: 
\q1 Gado meki den go 
\q2 ini wan dipi sribi. 
\q1 A gi den ai di no man si 
\q2 nanga yesi di no man yere 
\q2 te leki a dei fu tide. \x * \xo 11:8 \xt Deut 29:4; Jes 29:10\x* 
\m  
\v 9 Èn David taki: 
\q1 Meki den fesa tron wan krafana 
\q2 fu kisi den, 
\q1 meki den fadon 
\q2 èn kisi strafu. \x * \xo 11:9 \xt Ps 69:23-24\x* 
\q1  
\v 10 Dungru den ai 
\q2 fu den no si, 
\q1 èn meki den bokru den baka 
\q2 fu têgo. 
\p  
\v 11 Now mi wani aksi taki: Na fadon den Dyu fadon fu no opo moro? Kwet'kweti! Ma fu di den psa Gado mofo, meki Gado ferlusu den sma di no de Dyu. Dati psa fu meki den Dyu dyarusu na den tapu.  
\v 12 Efu a psa di den psa Gado mofo tyari bigi blesi gi grontapu, èn efu a lasi san den lasi meki tak' den sma di no de Dyu kon gudu, dan a blesi o moro bigi te ala den Dyu drai kon baka na Gado. 
\s1 Gado ferlusu den sma di no de Dyu 
\p  
\v 13 Now mi abi wan sani fu taigi unu di no de Dyu. Sensi a de so tak' mi na wan boskopuman gi den sma di no de Dyu, meki mi e suku fu du mi wroko so bun leki mi man.  
\v 14 Kande tapu a fasi disi mi kan meki den Dyu leki misrefi kon dyarusu na un tapu, fu Gado kan ferlusu wantu fu den.  
\v 15 Di Gado poti den na wan sei, A ben meki den tra sma fu grontapu kon bun baka nanga En. Fa a sa de dan te Gado teki den baka? A o de leki wan dede di kon baka na libi. 
\p  
\v 16 Arki, efu yu gi Gado a fosi pisi fu a blon, dan a heri blon santa. Èn efu a rutu fu wan bon santa, dan ala den taki santa tu.  
\v 17 Gado broko wantu fu den taki fu a oleifbon puru, dan A teki unu di de leki taki fu wan werder oleifbon, poti na ini den presi. So un e feni tu fu a bun nyanyan san a rutu e gi a bon.  
\v 18 Ma dati no mus meki yu firi yusrefi moro hei leki den taki di kmopo. Bika efu yu e firi yusrefi moro hei, dan yu mus memre taki: A no yu e tyari a rutu, ma na a rutu e tyari yu. 
\p  
\v 19 Dan yu o wani taigi mi taki: “Iya, ma Gado broko den taki puru, fu A ben kan poti mi na ini den presi.”  
\v 20 Dati tru. Ma Gado puru den fu di den no ben e bribi, èn A poti yu fu di yu e bribi. Luku bun tak' yu no kisi heimemre. A moro betre yu frede.  
\v 21 Bika efu Gado no ben sari den trutru taki, A no o sari yu tu. 
\p  
\v 22 Dat' meki yu no mus luku nomo o bun Gado de, ma yu mus luku tu tak' A no e meki spotu. A no meki spotu nanga den wan di fadon, ma A bun gi yu, solanga yu e tan fertrow ini En bunfasi. Efu yu no du dati, A o kapu yu puru tu.  
\v 23 Ma efu den Dyu bigin bribi, dan Gado o fasi den baka na a bon, bika Gado abi a makti fu du dati.  
\v 24 Soleki fa yu de, dan yu na fu wan werder oleifbon. Ma Gado ben koti yu puru dan A fasi yu na a bun oleifbon, aladi yu a no fu a bon dati. So a sa moro makriki gi En fu poti den taki baka di ben de fu a bon srefi. 
\s1 Gado o ferlusu den Dyu 
\p  
\v 25 Brada nanga sisa, fu di mi no wani meki un koni na ini un eigi ai, meki mi o ferteri unu a kibritori disi: Afu fu den sma fu Israel tranga den ati fu wan pisten, te leki ala den sma di no de Dyu èn di ben mus kon na Gado, kon na En.  
\v 26 Na so Gado o ferlusu heri Israel, soleki fa a skrifi taki: 
\q1 A Ferlusuman sa kmopo fu Sion. 
\q1 A sa puru ala den sondu 
\q2 fu den bakapikin fu Yakob. \x * \xo 11:26 \xt Jes 59:20\x* 
\q1  
\v 27 Èn disi na a ferbontu 
\q2 san Mi o meki nanga den 
\q2 te Mi puru den sondu. \x * \xo 11:27 \xt Jes 27:9; Jer 31:33-34\x* 
\m  
\v 28 Den Dyu na feyanti fu Gado fu di den no wani bribi a Bun Nyunsu, èn dati tron un wini. Ma Gado lobi den fu di A ben teki den gi Ensrefi. Na so a ben pramisi den afo fu den.  
\v 29 Bika a no e hati Gado te A gi wan sma wan presenti, noso te A kari wan sma.  
\v 30 Fosi un ben tranga un yesi gi Gado. Ma now A sori unu sari-ati, fu di den Dyu tranga den yesi.  
\v 31 A de a srefi nanga den. A trangayesi fu den sa meki Gado sori den a srefi sari-ati san A sori unu.  
\v 32 Bika Gado gi ala sma abra na a trangayesi fu den, fu A kan sori ala sma En sari-ati. 
\p  
\v 33 A gudu, a koni nanga a sabi fu Gado no de fu marki! Un no man ferstan den besroiti fu En! Un no man sabi fa A e du sani! \x * \xo 11:33 \xt Jes 55:8\x* 
\q1  
\v 34 Bika suma sabi den prakseri 
\q2 fu Masra? 
\q1 Suma kan gi En rai? \x * \xo 11:34 \xt Jes 40:13\x* 
\q1  
\v 35 Suma gi Gado wan sani 
\q2 tak' Gado mus pai en baka? \x * \xo 11:35 \xt Job 41:2\x* 
\m  
\v 36 Bika ala sani e kmopo fu Gado. Na En meki ala sani, èn ala sani de gi En. Na En mus kisi grani fu têgo! Amen. \x * \xo 11:36 \xt 1Kor 8:6\x* 
\c 12  
\s1 Wi e libi fu dini Gado 
\p  
\v 1 Brada nanga sisa, fu di Gado sari wi so, meki mi e begi un tangitangi fu un gi unsrefi na Gado leki wan santa nanga libilibi offer, san e gi Gado prisiri. Dáti na a trutru fasi fu dini Gado.  
\v 2 Un no mus de leki den sma fu grontapu, ma un mus meki Gado kenki un denki fu un kan de tra fasi. Dan un o sabi san na a wani fu Gado, di bun, di e gi Gado prisiri, èn di no mankeri noti. 
\p  
\v 3 Tapu gron fu a bun-ati di Gado sori mi, meki mi e taigi un alamala fu un no si unsrefi moro hei leki san un de. Ma un mus de na un krin ferstan. A bribi san Gado gi ibriwan fu unu mus de a marki fa un e si unsrefi.  
\v 4 Bika soleki fa a skin fu wi abi furu pisi, èn ala pisi abi wan tra wroko, \x * \xo 12:4 \xt 1Kor 12:12\x* 
\v 5 na so wi na wan enkri skin na ini Kristus, awinsi wi de nanga furu sma. Èn leki pisi fu a skin dati, wi de wan nanga makandra.  
\v 6 Gado ini En bun-ati, gi wi alamala difrenti sortu presenti. Efu A gi un wan sani fu taki, dan un mus taki a sani dati nanga a bribi san A gi unu. \x * \xo 12:6 \xt 1Kor 12:4-11\x* 
\v 7 Efu un kan yepi trawan, dan un mus yepi den. Efu un kan gi trawan leri, dan un mus leri den.  
\v 8 Efu un kan gi trawan dek'ati, dan un mus du en. A sma di abi wan sani fu prati nanga wan trawan, mus du dati nanga en heri ati. A sma di e tiri trawan, mus du dati nanga ala muiti. A sma di e sori sari-ati, mus du en nanga prisiri. 
\s1 Fa bribisma mus tyari densrefi 
\p  
\v 9 A lobi san un e sori trawan mus de trutru lobi. Un no mus lobi ogri srefsrefi, ma un mus hori na ala sani san bun.  
\v 10 Un mus lobi makandra leki brada nanga sisa, èn un mus sori trawan lespeki. De wan eksempre ini dati gi makandra.  
\v 11 Wroko tranga, no lesi. Dini Masra nanga un heri ati.  
\v 12 Un mus prisiri ini a howpu di un abi. Un mus hori doro awinsi sma e pina unu, èn un mus tan begi.  
\v 13 Yepi den sma fu Gado na ini den nowtu. Un doro mus opo gi tra sma. 
\p  
\v 14 Blesi den sma di de na un baka fu du un ogri. No fluku den, ma blesi den. \x * \xo 12:14 \xt Mat 5:44; Luk 6:28\x* 
\v 15 Prisiri nanga den sma di e prisiri, èn krei nanga den sma di e krei.  
\v 16 Un alamala mus abi a srefi prakseri. Un no mus abi heimemre, ma meki mati nanga den sma di trawan e si leki noti.\f + \fr 12:16 \ft Un kan puru a pisi disi so tu: “Un no mus abi heimemre, ma un mus du den sani di trawan e si leki noti.”\f* No du leki yu sabi ala sani. \x * \xo 12:16 \xt Spr 3:7\x* 
\p  
\v 17 No pai ogri nanga ogri, ma suku fu du san bun ini ala sma ai.  
\v 18 Efu a de na unu, dan un mus libi na ini freide nanga ala sma. 
\p  
\v 19 Lobiwan, no puru atibron tapu sma, ma meki Gado koti a krutu. Bika a skrifi taki: 
\q1 Na so Masra taki: 
\q1 Mi na a wan di o strafu. 
\q2 Na Mi o pai baka. \x * \xo 12:19 \xt Deut 32:35\x* 
\m  
\v 20 So efu angri e kiri yu feyanti, yu mus gi en nyanyan. Efu watra e kiri en, yu mus gi en fu a dringi. Bika na sowan fasi yu e meki a kon na syen. \x * \xo 12:20 \xt Spr 25:21-22\x* 
\v 21 No meki ogri wini yu. Ma du bun, dan so yu e wini a ogri. 
\c 13  
\s1 Un mus saka unsrefi gi lanti 
\p  
\v 1 Ala sma mus saka densrefi gi lanti. Bika efu Gado no ben wani, dan lanti no bo de. Èn den wan di de, na Gado poti den.  
\v 2 So efu wan sma no e du san lanti taki, dan a e feti wan sani san Gado poti. Èn den sma di e du dati, e suku strafu gi densrefi.  
\v 3 Efu wan sma e du bun, dan a no abi fu frede lanti. Ma efu a e du ogri, dan a abi fu frede. So, efu yu wani libi sondro frede gi lanti, dan yu mus du bun, dan lanti o gi yu grani.  
\v 4 Gado poti lanti leki wan dinari gi yu eigi bun. Ma efu yu e du sani san no bun, dan yu mus frede. Bika a no fu soso lanti abi a makti fu gi strafu. Gado poti lanti fu strafu den sma di e du ogri.  
\v 5 Dat' meki a de fanowdu fu yu saka yusrefi. Yu no mus du en soso fu no kisi strafu, ma fu yu abi wan krin konsensi tu.  
\v 6 Na fu dat'ede yu e pai edemoni tu. Bika den man fu lanti e dini Gado te den e du san den mus du. \x * \xo 13:6 \xt Mat 22:21; Mrk 12:17; Luk 20:25\x* 
\v 7 So yu mus pai ala sma san den mus kisi. Pai edemoni na a sma di mus kisi en, èn efu yu mus pai fu di yu tyari wan sani kmoto fu tra kondre, dan yu mus pai en. Sori lespeki na a sma di mus kisi lespeki, èn gi bigi nen na a sma di mus kisi bigi nen. 
\s1 Tyari yusrefi soleki fa a fiti 
\p  
\v 8 Un sorgu tak' un no abi no wan paiman. A wan enkri paiman san un mus abi, na fu lobi makandra. Bika a sma di lobi trawan e du ala sani san a wèt taki.  
\v 9 Bika ala den wèt soleki: “Yu no mus huru, yu no mus kiri, yu no mus fufuru, èn yu no mus abi bigi-ai,” nanga awinsi sortu tra wèt moro, yu kan tyari den alamala kon poti ondro a wan wèt di e taki: “Yu mus lobi tra sma soleki fa yu lobi yusrefi.” \x * \xo 13:9 \xt Ex 20:14; Deut 5:18; Ex 20:13; Deut 5:17; Ex 20:15; Deut 5:19; Ex 20:17; Deut 5:21; Lev 19:18\x* 
\v 10 A sma di lobi trawan, no e du trawan ogri. Dat' meki efu yu lobi trawan, dan yu e du san a wèt taki. 
\p  
\v 11 Un mus du disi bika un e ferstan sortu yuru un de. A ten doro fu un wiki, bika a yuru fu Gado ferlusu wi de moro krosbei now leki di wi ben kon na bribi.  
\v 12 A neti gwe moi fara kba. Dei e broko now. So, meki un poti den wroko fu a dungru na wan sei, èn meki un weri den fetisani fu a leti.  
\v 13 Meki un tyari unsrefi soleki fa a fiti. Un mus du leki a dei broko kba. Un no mus nyan psa marki èn dringi te un drungu. Un no mus gi unsrefi abra na takru lostu èn libi leki no wan wèt no de. Un no mus e meki trobi tu, èn un no mus dyarusu tapu makandra.  
\v 14 Ma un mus weri Masra Yesus Kristus leki un fetisani, èn un no mus poti prakseri tapu a sondufasi san de ini unu, bika dati kan wiki ala sortu takru lostu. 
\c 14  
\s1 No krutu makandra 
\p  
\v 1 Son sma swaki ete na ini a bribi, ma un mus teki den fa den de. No go hari taki nanga den abra fa den e si sani. \x * \xo 14:1 \xt Kol 2:16\x* 
\v 2 A wan sma e bribi tak' a kan nyan ala sani, ma a wan di swaki ete ini a bribi, e nyan soso sani di prani.  
\v 3 A sma di e nyan ala sani, no mus si a trawan di no e du dati leki noti. Èn a sma di e nyan soso sani di prani, no mus krutu a sma di e nyan ala sani, bika Gado teki en tu.  
\v 4 Suma na yu fu krutu a wrokoman fu wan tra masra? Na en basi wawan abi a leti fu taki efu a fowtu efu no. Èn a o du en wroko bun, bika Masra kan gi en a krakti fu du san a mus du. 
\p  
\v 5 Yu abi sma di e si a wan dei moro prenspari moro a tra dei. Ma gi tra sma ala dei na a srefi. Ala sma mus sabi bun gi ensrefi fu sanede a e du dati.  
\v 6 A sma di e si a wan dei moro prenspari moro a trawan, e du dati fu Masra ede. A sma di e nyan ala sani, e du en fu Masra ede tu, bika a e taki Gado tangi fu a nyanyan. A sma di no e nyan ala sani, e du dati fu Masra ede, èn a e taki Gado tangi tu.  
\v 7 Bika no wan fu wi e libi gi ensrefi, èn no wan fu wi e dede gi ensrefi.  
\v 8 Efu wi e libi, wi e libi gi Masra, èn efu wi e dede, wi e dede gi Masra. So, awinsi wi e libi noso wi dede, wi na fu Masra.  
\v 9 Bika na fu a sani disi Kristus dede èn A kon baka na libi: fu A kan de Masra fu den libiwan nanga den dedewan. 
\p  
\v 10 Fu sanede yu e krutu yu brada dan? Èn fu sanede yu e si yu brada leki noti? Bika wi alamala sa tnapu fesi a krutusturu fu Gado. \x * \xo 14:10 \xt 2Kor 5:10\x* 
\v 11 Bika a skrifi taki: 
\q1 Na so Masra e taki: 
\q1 Soleki fa a tru tak' Mi e libi, 
\q2 na so ala kindi sa boigi gi Mi, 
\q1 èn ala tongo sa taki 
\q2 tak' Mi na Gado. \x * \xo 14:11 \xt Jes 45:23\x* 
\m  
\v 12 Na so ibriwan fu wi sa abi fu gi frantwortu fu ensrefi na Gado. 
\s1 No de leki wan ston na pasi 
\p  
\v 13 So, meki wi no krutu makandra moro. Ma kon meki un teki a besroiti fu no de leki wan ston na pasi gi un brada.  
\v 14 Mi sabi krinkrin tak' na ini Masra Yesus, noti no takru fu ensrefi. Ma efu wan sma e bribi tak' wan sani no bun, dan a no bun gi a sma dati.  
\v 15 Efu yu e du yu brada wan hati sani nanga san yu e nyan, dan yu no e sori lobi moro. Yu no mus meki a sani san yu e nyan meki yu brada go lasi, bika Kristus dede gi en.  
\v 16 Èn no gi sma okasi fu taki ogri fu a sani san yu e feni bun.  
\v 17 Bika a tiri san Gado e tiri unu, no abi noti fu du nanga nyanyan noso dringi. Ma a abi fu du nanga san bun ini Gado ai, nanga freide èn nanga prisiri san a Santa Yeye e gi wi.  
\v 18 Gado lobi te sma e dini Kristus tapu sowan fasi, èn sma e taki bun fu den tu. 
\p  
\v 19 So, meki wi poti wisrefi fu du sani di e tyari freide èn di kan yepi wi fu yepi makandra fu kon moro tranga ini bribi.  
\v 20 No pori a wroko san Gado du fu nyanyan ede. Ala sani bun fu nyan, ma a no bun te a sani san yu e nyan e meki tak' yu de wan ston na pasi gi trawan.  
\v 21 Efu yu brada abi problema nanga a meti san yu e nyan, a win san yu e dringi, noso wan tra sani san yu e du, dan moro betre yu no du en.  
\v 22 San yu e bribi fu a sani disi, dati na wan sani fu yu nanga Gado. Blesi de tapu a sma di no e krutu ensrefi fu den sani san a e feni bun.  
\v 23 Ma efu wan sma nyan nanga tu ati, dan Gado krutu en kba, bika a no nyan nanga bribi. Ala sani san yu e du sondro bribi, na sondu. 
\c 15  
\s1 Den bribisma mus teki a eksempre fu Kristus 
\p  
\v 1 Wi di tranga mus abi pasensi nanga den swakifasi fu den swakiwan. Wi no mus luku nomo na san wi srefi wani du.  
\v 2 Ma ibriwan fu wi mus suku fu du san bun gi a trawan, fu meki a kon tranga.  
\v 3 Bika Kristus srefi no ben e suku En eigi bun. Ma a de soleki fa a skrifi taki: “A kos'kosi fu den sma di e kosi yu, ben kon na mi tapu.” \x * \xo 15:3 \xt Ps 69:10\x* 
\v 4 Ala den sani san ben skrifi na fesi kba, skrifi fu wi teki leri fu den. Den e leri wi fu hori doro èn a Santa Buku e gi wi dek'ati. Dan so wi e tan abi howpu.  
\v 5 Mi e winsi tak' Gado, di e yepi wi fu hori doro èn di e gi wi dek'ati, sa meki tak' wi alamala sa abi wan enkri fasi nomo fu prakseri, soleki fa Kristus Yesus ben gi un a eksempre.  
\v 6 Dan nanga wán ati èn leki wán man wi o man gi grani na Gado, a P'pa fu wi Masra Yesus Kristus. 
\s1 A boskopu de gi ala sma 
\p  
\v 7 Dat' meki un mus teki makandra leki fa un de, soleki fa Kristus ben teki unu leki fa un de. Dan so Gado o kisi glori.  
\v 8 Disi na san mi wani taki: Kristus kon dini den Dyusma fu sori tak' Gado e hori En wortu, èn fu meki den pramisi kon tru di Gado ben meki nanga den afo fu den.  
\v 9 Ma a kon tu fu meki tak' den sma di no de Dyu kan gi Gado grani fu di A abi sari-ati nanga den. Soleki fa a skrifi taki: 
\q1 Fu dat'ede mi sa prijse Yu 
\q2 na mindri fu den sma 
\q2 di no de Dyu, 
\q1 èn mi sa singi prijse Yu nen. \x * \xo 15:9 \xt 2Sam 22:50; Ps 18:50\x* 
\m  
\v 10 A skrifi wan tra presi tu taki: 
\q1 Un sma di no de Dyu, 
\q2 un prisiri makandra 
\q2 nanga a folku fu En. \x * \xo 15:10 \xt Deut 32:43\x* 
\m  
\v 11 Ete wan tra presi a skrifi taki: 
\q1 Un ala di no de Dyu, 
\q2 un prijse Masra. 
\q1 Ala folku mus prijse En. \x * \xo 15:11 \xt Ps 117:1\x* 
\m  
\v 12 Yesaya ben taki tu taki: 
\q1 Isai o kisi wan bakapikin 
\q2 di Gado o poti fu tiri den sma 
\q2 di no de Dyu. 
\q1 Èn den o poti den howpu 
\q2 na en tapu. \x * \xo 15:12 \xt Jes 11:10\x* 
\p  
\v 13 Mi e winsi tak' Gado di e gi howpu, sa furu un ati nanga ala prisiri nanga freide fu di un e bribi. Dan so nanga a krakti fu a Santa Yeye, a howpu san un abi o kon bigi moro nanga moro. 
\s1 A wroko fu Paulus 
\p  
\v 14 Brada nanga sisa, mi sabi tak' un abi bunfasi, tak' un sabi ala sani, èn tak' un man sori makandra san bun nanga san no bun.  
\v 15 Ma mi teki a dek'ati fu skrifi unu wantu sani san mi ben wani memre unu tapu gron fu a bun-ati san Gado sori mi.  
\v 16 A ben meki mi tron wan dinari fu Kristus Yesus. Leki wan priester, mi mus ferteri den sma di no de Dyu, a Bun Nyunsu fu Gado. Dan so mi kan tyari den kon na En fesi leki wan offer di A feni bun, fu di a Santa Yeye ben meki den kon santa. 
\p  
\v 17 Fu dat'ede mi kan meki bigi na ini Kristus Yesus fu a wroko san mi e du gi Gado.  
\v 18 Bika mi no sa prefuru fu taki fu wan tra sani, dan soso fu den sani di Kristus meki mi du fu meki den sma di no de Dyu bigin du Gado wani. A meki mi du disi nanga den sani san mi ben taki, èn nanga san mi ben du,  
\v 19 nanga a krakti fu marki nanga wondru, èn nanga a krakti fu a Santa Yeye. Na so mi tyari a Bun Nyunsu fu Kristus na ala presi, bigin fu Yerusalem go te na a Iliria.  
\v 20 Mi ben si en leki wan grani fu tyari a Bun Nyunsu go na den presi pe no wan sma ben ferteri fu Kristus ete. Tapu sowan fasi mi no e bow tapu a fundamenti fu wan trawan.  
\v 21 Mi e hori misrefi na a wortu di taki so: 
\q1 Den sma 
\q2 di den no ben ferteri fu En, 
\q2 o si En. 
\q1 Èn den sma di no ben yere, 
\q2 o kon sabi En. \x * \xo 15:21 \xt Jes 52:15\x* 
\s1 Paulus wani go luku den sma na Roma 
\p  
\v 22 A sani dati ben tapu mi someni leisi fu kon na unu.  
\v 23 Ma now di mi no abi presi fu wroko moro ini den kontren disi, èn fu di yari langa kba mi ben angri fu kon na unu, \x * \xo 15:23 \xt Rom 1:13\x* 
\v 24 meki mi o du en te mi e go na Spanyorokondre. Mi howpu tak' mi sa miti nanga unu, èn tak' un sa yepi mi fu go moro fara, baka te mi psa wan switi ten nanga unu. 
\p  
\v 25 Ma now mi de na pasi fu go na Yerusalem fu tyari wan sani gi den sma fu Gado drape. \x * \xo 15:25 \xt 1Kor 16:1-4\x* 
\v 26 Bika den bribisma fu Masedonia nanga Akaya ben feni en bun fu seni moni gi den pôtiwan na mindri fu den sma fu Gado na Yerusalem.  
\v 27 Den ben feni en bun fu du dati, ma na den plekti tu. Bika den sma di no de Dyu kon teki prati na ini den gudu di den Dyusma abi yeyefasi. Fu dat'ede, na den plekti fu yepi den Dyu nanga grontapu gudu. \x * \xo 15:27 \xt 1Kor 9:11\x* 
\v 28 So, te mi kba nanga a wroko disi, èn mi sorgu tak' den sma kisi a sani, dan mi o psa kon na unu te mi e go na Spanyorokondre.  
\v 29 Èn mi sabi tak' te mi kon na unu, mi o kon nanga ala den blesi di de fu Kristus. 
\p  
\v 30 Brada nanga sisa, mi e begi unu ini a nen fu wi Masra Yesus Kristus, èn ini a lobi fu a Santa Yeye, fu un feti makandra nanga mi te un e begi Gado gi mi.  
\v 31 Begi fu Gado kibri mi fu den trangayesi sma na Yudea, èn tak' a sani san mi e tyari go na Yerusalem sa tyari prisiri gi den sma fu Gado drape.  
\v 32 Dan nanga Gado wani mi sa man kon nanga prisiri na unu, èn mi sa feni rostu na un mindri.  
\v 33 Meki Gado di e gi freide, de nanga un alamala. Amen. 
\c 16  
\s1 Paulus e seni taki sma odi 
\p  
\v 1 Mi wani du wan bun wortu gi wi sisa Febe, di de wan dinari ini a gemeente na Kenkrea.  
\v 2 Un teki en na un mindri leki wan sma fu Masra, tapu wan fasi di fiti sma fu Gado. Un mus yepi en tu nanga san a abi fanowdu, awinsi san a de. Bika fu en sei a yepi furu sma, èn a yepi mi tu. 
\p  
\v 3 Taki Priska nanga Akwila odi gi mi. Den e wroko makandra nanga mi gi Kristus Yesus. \x * \xo 16:3 \xt Bosk 18:2\x* 
\v 4 Den sma disi ben kan lasi den libi fu di den yepi mi. Ma a no mi wawan e taki den tangi, ala den gemeente fu den sma di no de Dyu, e taki den tangi tu.  
\v 5 Un mus taki a gemeente di e kon makandra ini den oso odi tu. 
\p Un taki mi lobi brada Epenetus odi gi mi. A de a fosi sma fu a distrikti Asia di teki bribi ini Kristus. 
\p  
\v 6 Un taki Maria odi tu, di ben wroko so tranga gi unu. 
\p  
\v 7 Un taki Andronikus nanga Yunias odi gi mi tu. Den na mi kondreman di ben de na straf'oso makandra nanga mi. Den man disi na prenspari man na mindri den boskopuman fu Yesus, èn den ben e bribi na ini Kristus fosi mi tron wan bribisma. 
\p  
\v 8 Taki Ampliatus odi. Mi lobi en fu di a e bribi ini Masra. 
\p  
\v 9 Taki Urbanus odi gi mi. Neleki wi, a e wroko gi Kristus. Un taki mi lobi mati Stakis odi tu.  
\v 10 Taki Apeles odi. A de krin tak' en na wan trutru sma fu Kristus. 
\p Un taki den ososma fu Aristobulus odi tu. 
\p  
\v 11 Taki Herodion, a kondreman fu mi, odi. 
\p Un taki den ososma fu Narsisus odi di de fu Masra. 
\p  
\v 12 Taki den sisa Trifena nanga Trifosa odi. Den e wroko tranga gi Masra. 
\p Un taki mi lobi mati Persis odi tu. A wroko bun tranga gi Masra. 
\p  
\v 13 Taki Rufus odi. Masra ben teki en gi Ensrefi. Un taki en mama odi, di de leki wan mama gi mi tu. \x * \xo 16:13 \xt Mrk 15:21\x* 
\p  
\v 14 Un mus taki Asinkritus, Flegon, Hermes, Patrobas, Hermas nanga den tra brada di de nanga den, odi tu. 
\p  
\v 15 Un taki Filologus nanga Yulia, Nereus nanga en sisa, nanga Olimpas nanga ala den sma fu Gado di de na den, odi tu. 
\p  
\v 16 Un taki makandra odi nanga wan santa bosi. Ala den gemeente fu Kristus seni taki un odi. 
\s1 Paulus e warskow gi kruktu leriman 
\p  
\v 17 Brada nanga sisa, mi e begi un tangitangi fu un luku bun nanga den sma di e tyari prati kon na un mindri, èn di e meki trawan bribi sani san no e agri srefsrefi nanga a tru leri san un kisi. Un no mus bemui nanga den.  
\v 18 Bika den sortu sma disi no e dini Kristus, wi Masra. Na densrefi den e dini. Nanga den moi wortu, èn nanga a switi taki fu den, den e bedrigi den sma di no e si tak' den e pruberi fu puru den na a pasi fu Masra.  
\v 19 Ala bribisma kon sabi now tak' un e du Gado wani. Dat' meki mi abi prisiri nanga unu. Ma mi wani fu un sabi heri bun san na bun, èn fu un hori unsrefi fara fu den sani san no bun.  
\v 20 Gado di e gi freide, sa broko a makti fu Satan her'esi na ondro un futu. 
\p Meki a bun-ati fu wi Masra Yesus de nanga unu. 
\s1 Wantu tra bribisma e seni taki sma odi 
\p  
\v 21 Timoteus, di e wroko makandra nanga mi, e seni taki un odi. Lusius, Yason nanga Sosipater, den kondreman fu mi, e seni taki un odi tu. \x * \xo 16:21 \xt Bosk 16:1-3\x* 
\p  
\v 22 Mi Tertius, di poti a brifi disi na tapu papira, e taki un odi ini a nen fu Masra. 
\p  
\v 23 Gayus, seni taki un odi tu. Mi e libi na en oso, pe a gemeente e kon makandra. \x * \xo 16:23 \xt Bosk 19:29; 1Kor 1:14; Bosk 19:22; 2Tim 4:20\x* 
\p Erastus, a man di e luku den moni tori fu a foto, nanga wi brada Kwartus, e seni taki un odi.  
\v 24 Meki a bun-ati fu wi Masra Yesus Kristus de nanga un alamala. Amen.\f + \fr 16:24 \ft Wantu manuscript no abi vers 24.\f* 
\s1 Gado mus kisi grani! 
\p  
\v 25 Gado abi makti fu meki un kon tranga. Disi na a Bun Nyunsu fu Yesus Kristus di mi e ferteri unu. Na wan kibritori di ten na ten sma no ben sabi.  
\v 26 Ma now Gado di e libi fu têgo, taki tak' a mus kon na krin. A ben meki den profeiti skrifi en fu ala folku kan teki bribi èn du a wani fu Gado.  
\v 27 Na Gado wawan, di abi ala koni, mus kisi grani fu têgo fu di A seni Yesus Kristus kon. Amen.