\id REV - Sranan Tongo NT -Suriname 2002 (DBL -2013) 
\h Kon na Krin 
\toc1 Den sani san Yesus tyari kon na krin 
\toc2 Kon na Krin 
\toc3 Kon na Krin 
\mt2 Den sani san 
\mt1 Yesus tyari kon na krin 
\imt1 Wan wortu na fesi 
\ip A buku disi na a laste buku fu a Bijbel. Furu sma e bribi tak' a e taki fu den sani di sa psa te Masra Yesus o kon baka. A skrifiman na Yohanes. Den Romeinisma di ben e rigeri a pisten dati, ben poti Yohanes na strafu tapu a eilanti Patmos. Drape Masra Yesus sori en den sani san musu psa. Wan bigi krutu sa de. Gado o wini a ogriwan. A buku disi skrifi leki wan warskow gi den bribisma èn fu gi den dek'ati. 
\iot San de ini a buku disi: 
\io1 Kristus sori ensrefi na Yohanes (1:1-20) 
\io1 Den brifi gi den seibi gemeente (2:1 – 3:22) 
\io1 Den seibi lenti (4:1 – 8:5) 
\io1 Den seibi tutu (8:6 – 11:19) 
\io1 A feti fu a bigi kaiman (12:1 – 14:20) 
\io1 Den seibi strafu èn a kba fu Babilon (15:1 – 19:5) 
\io1 A trow-oso fu a Lam, a nyun heimel nanga a nyun grontapu (19:6 – 22:21) 
\c 1  
\s1 San Yesus sori Yohanes èn san A taigi en 
\p  
\v 1 Gado sori Yesus Kristus den kibrisani san musu psa her'esi, fu A kan tyari den sani disi kon na krin gi den knekti fu En. Dan Yesus seni En engel fu go sori En knekti Yohanes den sani disi.  
\v 2 Yohanes skrifi ala sani san a si, a boskopu san kmopo fu Gado, nanga ala sani san Yesus Kristus taki.  
\v 3 Blesi de tapu a sma di e leisi a boskopu disi fu Gado gi trawan. Blesi de tapu den sma tu di e yere a boskopu èn di e hori densrefi na san skrifi. Bika a ten de krosbei. 
\p  
\v 4 Mi Yohanes e skrifi den seibi gemeente na ini a distrikti Asia. 
\q1 Mi e winsi unu a bun-ati 
\q2 nanga a freide 
\q1 fu Gado di de, di ben de, 
\q2 èn di sa kon, 
\q1 èn fu den seibi Yeye 
\q2 di de na fesi En kownusturu, \x * \xo 1:4 \xt Ex 3:14; Kon na Krin 4:5\x* 
\q1  
\v 5 èn fu Yesus Kristus: 
\q2 a kotoigi di no e lei, 
\q2 a fosi wan di opo baka na dede, 
\q2 nanga a Basi fu ala kownu 
\q2 na grontapu. 
\b  
\q1 A lobi wi, 
\q2 èn A ferlusu wi puru 
\q2 na ini wi sondu nanga En brudu. \x * \xo 1:5 \xt Ps 89:28; Jes 55:4\x* 
\q1  
\v 6 A meki wi tron wan folku 
\q2 di abi Gado leki den Kownu, 
\q1 èn A meki wi tron priester 
\q2 fu Gado En P'pa. 
\q1 Na En mus kisi grani nanga makti 
\q2 fu têgo èn ala ten! Amen.\f + \fr 1:6 \ft “Amen” wani taki: “Na so a de.”\f*\x * \xo 1:6 \xt Ex 19:6; Kon na Krin 5:10\x* 
\b  
\q1  
\v 7 Luku, A e kon nanga den wolku, 
\q2 èn ala sma sa si En, 
\q1 srefi den wan di ben dyuku En 
\q2 na En seibere. 
\q1 Èn ala folku na grontapu 
\q2 sa bari krei te den si En. 
\q1 Iya, amen! \x * \xo 1:7 \xt Dan 7:13; Zach 12:10; Mat 24:30; Mrk 13:26; Luk 21:27; Yoh 19:34,37; 1Tes 4:17\x* 
\p  
\v 8 “Mi na a Alfa nanga a Omega.”\f + \fr 1:8 \ft Dati wani taki: “Mi na a Bigin nanga a Kba.”\f* Na so Masra Gado e taki, di de, di ben de, èn di sa kon. Na En abi ala makti. \x * \xo 1:8 \xt Kon na Krin 22:13\x* 
\s1 San Yohanes si na Patmos 
\p  
\v 9 Mi, Yohanes, na wan bribisma leki unu, èn sma e pina mi leki fa den e pina unu. Mi srefi abi Gado leki mi Kownu, èn mi e hori doro leki unu, fu di un de wan ini Yesus. Den ben poti mi tapu a eilanti Patmos fu di mi ben tyari a wortu fu Gado, èn fu di mi ben kotoigi fu Yesus.  
\v 10 Tapu a dei fu Masra, a Yeye fu Gado ben de na mi tapu. Dan mi yere wan tranga sten na mi baka, leki a babari fu wan tutu.  
\v 11 A sten taki: “Skrifi san yu e si na ini wan buku, dan yu seni en go na den seibi gemeente di de ini den foto Efese, Smirna, Pergamum, Tiatira, Sardes, Filadelfia, nanga Laodisea.” 
\p  
\v 12 Di mi drai luku fu si suma e taki nanga mi, mi si seibi gowtu kandratiki.  
\v 13 Na mindri den kandratiki mi si wan Sma. A ben gersi wan mansma. A ben weri wan langa krosi te na En futu, èn A ben tai wan gowtu banti na En borsu. \x * \xo 1:13 \xt Dan 7:13; 10:5\x* 
\v 14 En edewiwiri ben weti leki katun, a ben weti srefsrefi. Den ai fu En ben de leki faya. \x * \xo 1:14 \xt Dan 7:9; 10:6\x* 
\v 15 En futu ben e brenki leki kopro di sma e faya na ini wan onfu, èn En sten ben de leki a babari fu wan bigi sula. \x * \xo 1:15 \xt Ezec 1:24; 43:2\x* 
\v 16 A ben abi seibi stari ini En let'anu, èn wan owru san ben srapu na ala tu sei ben e kmopo na ini En mofo. A fesi fu En ben e brenki leki a son na mindri dei. 
\p  
\v 17 Di mi si En, mi trowe misrefi na gron na En futu, dan mi tan didon leki mi dede. Ma A poti En let'anu na mi tapu dan A taki: “No frede. Mi na a Fosiwan nanga a Kriboiwan. \x * \xo 1:17 \xt Jes 44:6; 48:12; Kon na Krin 2:8; 22:13\x* 
\v 18 Mi na a Wan di e libi. Mi ben dede, ma luku, now Mi e libi fu têgo. Mi abi den sroto fu Dede nanga Dedekondre.\f + \fr 1:18 \ft Dati wani taki: “Mi abi makti abra Dede nanga Dedekondre.”\f* 
\v 19 Yu mus skrifi den sani san yu ben si, den sani san e psa nownow, nanga den sani san o psa bakaten.  
\v 20 Mi o taigi yu san den kibritori wani taki: a wan fu den seibi stari san yu si na ini Mi let'anu, nanga a wan fu den seibi gowtu kandratiki. Den seibi stari na den seibi engel fu den seibi gemeente. Den seibi kandratiki na den seibi gemeente.” 
\c 2  
\s1 A boskopu gi Efese 
\p  
\v 1 “Skrifi a engel fu a gemeente na Efese taki: Disi na san a Wan e taki di e hori den seibi stari na ini En let'anu, èn di e waka na mindri fu den seibi kandratiki:  
\v 2 Mi sabi den sani san un e du, a muiti san un e meki, nanga a fasi fa un e hori doro. Mi sabi tak' un no e koti nanga den sma di e du ogri. Un ben tesi den sma di e kari densrefi boskopuman fu Mi, ma un kon si tak' den e lei. Den a no boskopuman fu Mi.  
\v 3 Fu Mi ede un hori doro èn teki ala sortu pina, ma un no lasi ati.  
\v 4 Ma san Mi no feni bun fu unu, na tak' un lasi a fosi lobi san un ben abi gi Mi.  
\v 5 Un mus prakseri o fara un ben de fosi un fadon. Dat' meki un mus drai un libi èn du den sani baka san un ben du fosi. Ma efu un no du dati, efu un no drai un libi, dan Mi o kon puru a kandratiki fu unu na en presi.  
\v 6 San Mi feni bun fu unu, na tak' neleki Mi, un no lobi den sani kwet'kweti san den sma e du di e hori na a leri fu Nikolaus.  
\v 7 Suma abi yesi, meki a yere san a Yeye e taigi den gemeente. A sma di e wini, Mi sa gi en fu nyan fu a bon san e gi libi di de na ini a paradeis fu Gado.” \x * \xo 2:7 \xt Gen 2:9; Kon na Krin 22:2\x* 
\s1 A boskopu gi Smirna 
\p  
\v 8 “Skrifi a engel fu a gemeente na Smirna taki: Disi na san a Wan e taki, di de a Fosiwan nanga a Kriboiwan, a Wan di ben dede èn di kon baka na libi: \x * \xo 2:8 \xt Jes 44:6; 48:12; Kon na Krin 1:17; 22:13\x* 
\v 9 Mi sabi fa sma e pina unu. Mi sabi fa un pôti, ma un gudu. Mi sabi fa den wan di e kari densrefi Dyu, e taki takru fu unu. Ma den a no Dyu, den na sma fu Satan.  
\v 10 Un no mus frede fu a pina san un mus nyan. Luku, didibri sa poti sonwan fu unu na ini straf'oso fu tesi unu. Tin dei langa den o pina unu. Ma un mus tan bribi te na dede, dan Mi sa gi un a libi fu têgo, leki a grani fu di un wini.  
\v 11 Suma abi yesi, meki a yere san a Yeye e taigi den gemeente. A sma di e wini no sa si dede fu a di fu tu leisi.” \x * \xo 2:11 \xt Kon na Krin 20:14; 21:8\x* 
\s1 A boskopu gi Pergamum 
\p  
\v 12 “Skrifi a engel fu a gemeente na Pergamum taki: Disi na san a Wan e taki di abi a owru di srapu na ala tu sei:  
\v 13 Mi sabi tak' un e libi na ini a foto pe didibri e rigeri, ma un tan hori na Mi. Un no drai un baka gi a bribi san un abi na ini Mi, aladi den ben kiri Antipas, a trutru kotoigi fu Mi ini a foto fu unu pe Satan e rigeri.  
\v 14 Ma san Mi no feni bun fu unu na disi: Wantu sma de na un mindri di e hori densrefi na a leri fu Bileam, di ben leri Balak fa fu kori den sma fu Israel fu den nyan afkodrei nyanyan, èn fu den gi densrefi abra na takru lostu. \x * \xo 2:14 \xt Num 22:5-7; 25:1-3; 31:16; Deut 23:4\x* 
\v 15 Wantu sma de na un mindri tu di e hori densrefi na a leri fu Nikolaus.  
\v 16 Un mus drai un libi. Ma efu un no wani, dan Mi sa kon her'esi drape èn Mi sa feti nanga den nanga a owru san e kmopo na ini Mi mofo.  
\v 17 Suma abi yesi, meki a yere san a Yeye e taigi den gemeente. A sma di e wini, Mi sa gi en fu nyan fu a mana\f + \fr 2:17 \ft “Mana” na a nyanyan san Gado ben gi den sma fu Israel fu nyan di den ben e waka lontu ini a dreisabana.\f* san kibri. Èn Mi sa gi en wan weti ston nanga wan nyun nen na en tapu, san no wan sma sabi boiti a sma di kisi en.” \x * \xo 2:17 \xt Ex 16:14-15; 16:33-34; Yoh 6:48-51; Jes 62:2; 65:15\x* 
\s1 A boskopu gi Tiatira 
\p  
\v 18 “Skrifi a engel fu a gemeente na Tiatira taki: Disi na san a Manpikin fu Gado e taki, di abi ai san de leki faya, nanga futu san e brenki leki kopro:  
\v 19 Mi sabi san un e du. Mi sabi a lobi nanga a bribi fu unu, èn Mi sabi fa un e yepi trawan. Mi sabi tu fa un e hori doro, èn Mi sabi tak' san un e du now bigi moro den sani san un ben du fosi.  
\v 20 Ma san Mi no feni bun fu unu, na tak' un e meki a uma Isebel du san a wani. A e kari ensrefi wan profeiti, ma a e leri èn kori den knekti fu Mi fu den gi densrefi abra na takru lostu èn fu den nyan afkodrei nyanyan. \x * \xo 2:20 \xt 1Kon 16:31; 2Kon 9:22,30\x* 
\v 21 Mi ben gi en ten fu drai en libi, ma a no wani libi den takru lostu fu en.  
\v 22 Luku, Mi o poti en didon na tapu sikibedi. Mi o meki den sma di e huru nanga en kon na ini bigi pina, efu den no e drai den libi èn libi den sani san a leri den.  
\v 23 Mi o kiri den pikin fu en, dan ala den gemeente sa si tak' na Mi e ondrosuku den prakseri nanga a ati fu wan libisma. Mi o pai ibri sma fu den sani san a du. \x * \xo 2:23 \xt Ps 7:10; 62:12; Jer 17:10\x* 
\p  
\v 24 Ma un trawan di de na ini Tiatira, un no e hori na a leri fu Isebel, èn un no sabi not'noti fu san den bakaman fu en e kari den dipidipi sani fu Satan. So Mi no o poti no wan tra sani na un tapu.  
\v 25 Ma un mus hori tranga na a leri san un abi te leki Mi kon.  
\v 26 A sma di e wini èn di e tan du den sani fu Mi te na a kba, Mi sa gi en makti tapu den sma di no sabi Gado. \x * \xo 2:26 \xt Ps 2:8-9\x* 
\v 27 A sa tiri den nanga wan isri tiki, èn a sa naki den broko leki wan prapi.  
\v 28 Disi na a srefi makti san Mi ben kisi fu Mi P'pa. Èn Mi sa gi a sma a mamanten-stari.  
\v 29 Suma abi yesi, meki a yere san a Yeye e taigi den gemeente.” 
\c 3  
\s1 A boskopu gi Sardes 
\p  
\v 1 “Skrifi a engel fu a gemeente na Sardes taki: Disi na san a Wan e taki di abi den seibi Yeye fu Gado nanga den seibi stari: Mi sabi den sani san un e du. Mi sabi tak' un e tyari a nen tak' un e libi, ma un dede.  
\v 2 Un mus wiki èn kraka den sani san libi ete, ma di e suku fu dede, bika Mi kon si tak' den sani san un e du, no bun nofo gi Mi Gado.  
\v 3 Dat' meki un mus memre a leri san un ben kisi nanga san un ben yere. Un mus hori unsrefi na a leri dati èn drai un libi. Ma efu un no wiki, dan Mi o kon na unu leki wan fufuruman. Un no o sabi a yuru san Mi o kon na unu. \x * \xo 3:3 \xt Mat 24:43-44; Luk 12:39-40; Kon na Krin 16:15\x* 
\v 4 Ma wantu sma fu unu drape na Sardes hori den libi krin. Den sa waka nanga Mi na ini weti krosi, bika den warti fu dati. 
\p  
\v 5 A sma di e wini sa kisi weti krosi fu weri, èn noiti Mi sa figi en nen puru na ini a buku fu libi. Mi o taki na fesi Mi P'pa nanga den engel fu En tak' a sma dati na fu Mi. \x * \xo 3:5 \xt Ex 32:32-33; Ps 69:29; Kon na Krin 20:12; Mat 10:32; Luk 12:8\x* 
\v 6 Suma abi yesi, meki a yere san a Yeye e taigi den gemeente.” 
\s1 A boskopu gi Filadelfia 
\p  
\v 7 “Skrifi a engel fu a gemeente na Filadelfia taki: Disi na san a Santa Wan e taki di de fu fertrow, a Wan di abi a sroto fu David. Te A opo wan sani, no wan sma no man sroto en, èn te A sroto wan sani, no wan sma no man opo en: \x * \xo 3:7 \xt Job 12:14; Jes 22:22\x* 
\v 8 Mi sabi den sani san un e du. Luku, Mi opo wan doro gi unu san no wan sma no man sroto. Un no abi furu krakti, ma un hori unsrefi na Mi wortu èn un no syen gi Mi nen.  
\v 9 Luku, Mi sa seni wantu sma di e kari densrefi Dyu, kon na unu. Ma na lei den e lei, den na sma fu Satan. Luku, Mi sa meki den kon saka na tapu den kindi na un futu. Dan nanga den eigi mofo den sa mus taki tak' Mi lobi unu. \x * \xo 3:9 \xt Jes 43:4; 49:23; 60:14\x* 
\v 10 Fu di un tan hori doro leki fa Mi ben taigi un fu du, dat' meki Mi o kibri unu fu a tesi di o kon na heri grontapu, fu tesi den sma di e libi na grontapu.  
\v 11 Mi e kon her'esi. Hori unsrefi na a leri san un abi, fu no wan sma no teki a grani san un o kisi fu di un wini. 
\p  
\v 12 A sma di e wini, Mi sa poti leki wan stonfutu na ini a Santa Oso fu Mi P'pa, èn noiti moro a sa kmopo drape. Mi sa skrifi a nen fu Mi Gado na en tapu, nanga a nen fu a foto fu Mi Gado, dati na a nyun Yerusalem san e saka kmopo fu Mi Gado na ini heimel. Mi o skrifi a nyun nen fu Mi na en tapu tu. \x * \xo 3:12 \xt Kon na Krin 21:2; Jes 62:2; 65:15\x* 
\v 13 Suma abi yesi, meki a yere san a Yeye e taigi den gemeente.” 
\s1 A boskopu gi Laodisea 
\p  
\v 14 “Skrifi a engel fu a gemeente na Laodisea taki: Disi na san a Wan e taki di de a Amen, a tru kotoigi di no e lei èn di yu kan fertrow, a bigin\f + \fr 3:14 \ft Un kan puru a pisi disi so tu: “a Basi fu ala sani san Gado meki.”\f* fu ala sani san Gado meki: \x * \xo 3:14 \xt Spr 8:22\x* 
\v 15 Mi sabi san un e du: Un no kowru, ma un no faya tu. Mi ben winsi tak' un ben faya noso kowru.  
\v 16 So fu di un brokokowru, Mi sa spiti un puru na ini Mi mofo. Bika un no faya, ma un no kowru tu.  
\v 17 Un e taki tak' un gudu, un gudu sote tak' un no e mankeri noti. Ma un no sabi tak' a no e go bun nanga unu. Un de fu sari, un pôti, un breni, èn un de nanga sososkin.  
\v 18 Dat' meki Mi e gi un a rai fu un kon bai gowtu na Mi, bun gowtu, fu un kan kon gudu. Un kon bai weti krosi na Mi fu weri, fu tapu a syen tak' un de nanga sososkin. Un kon bai dresi na Mi fu poti gi un ai, fu un kan si krin.  
\v 19 Mi e strafu ala den sma di Mi lobi, èn Mi e leri den fa den mus libi. Dat' meki un mus du muiti èn drai un libi. \x * \xo 3:19 \xt Spr 3:12; Heb 12:6\x* 
\v 20 Luku, Mi tnapu e naki na tapu a doro. Efu wan sma yere èn a opo a doro, Mi sa kon inisei, dan Mi nanga en sa nyan makandra. 
\p  
\v 21 A sma di e wini, Mi sa meki a rigeri makandra nanga Mi, soleki fa Mi wini èn Mi e rigeri makandra nanga Mi P'pa.  
\v 22 Suma abi yesi, meki a yere san a Yeye e taigi den gemeente.” 
\c 4  
\s1 Anbegi na ini heimel 
\p  
\v 1 Baka den sani disi, mi luku, dan mi si wan opo doro na ini heimel. Dan mi yere a fosi sten baka di gersi a babari fu wan tutu. A taigi mi taki: “Kon dya na loktu, dan mi sa sori yu san musu psa bakaten.”  
\v 2 Wantron so a Yeye fu Gado ben de na mi tapu. Ne mi si wan kownusturu na ini heimel nanga wan Sma na en tapu. \x * \xo 4:2 \xt Ezec 1:26-28; 10:1\x* 
\v 3 Di mi luku a sma di ben sidon na tapu a kownusturu, a ben brenki leki dyamanti nanga sardiyus. Lontu a kownusturu yu ben abi wan alenbo san ben brenki leki smaragd.  
\v 4 Lontu a kownusturu, yu ben abi ete tutenti-na-fo (24) tra kownusturu. Na tapu ibriwan fu den, wan fesiman ben sidon di ben weri weti krosi, èn den ben abi wan gowtu kownu-ati na tapu den ede.  
\v 5 Faya ben e koti kmopo fu a kownusturu, sten ben de fu yere, èn dondru ben e bari. Seibi frambo ben e bron na fesi a kownusturu, dati na den seibi Yeye fu Gado. \x * \xo 4:5 \xt Ex 19:16; Kon na Krin 8:5; 11:19; 16:18; Ezec 1:13; Zach 4:2; Kon na Krin 1:4\x* 
\v 6 Fesi a kownusturu wan sani leki wan se ben de. A gersi leki a ben meki fu grasi san e brenki krin leki fa kristal e brenki. \x * \xo 4:6 \xt Ezec 1:5-10,22; 10:14\x* 
\p Na mindrisei lontu a kownusturu, yu ben abi fo libilibi sani. Fu fes'sei nanga bakasei den ben lai nanga soso ai.  
\v 7 A fosiwan ben gersi wan lew. A di fu tu ben gersi wan kaw. A di fu dri ben abi wan fesi leki wan libisma, èn a di fu fo ben gersi wan gonini san e frei.  
\v 8 Ala den fo libilibi sani ben abi siksi frei, èn den heri skin ben lai nanga soso ai. Dei nanga neti den e tan taki: 
\q1 Masra Gado, 
\q2 A santa, santa, santa. 
\q1 Na En abi ala makti. 
\q1 Na En ben de, A de, èn A sa kon. \x * \xo 4:8 \xt Ezec 1:18; 10:12; Jes 6:2-3\x* 
\p  
\v 9 Ala leisi te den fo libilibi sani e gi glori, bigi nen nanga tangi na a Wan di e libi fu têgo èn ala ten, èn di e sidon na tapu a kownusturu,  
\v 10 dan den tutenti-na-fo (24) fesiman e fadon tapu den kindi na fesi a Wan di e sidon na tapu a kownusturu. Den e anbegi a Wan di e libi fu têgo èn ala ten. Den e trowe den kownu-ati gi En na fesi a kownusturu, èn den e taki: 
\q1  
\v 11 Wi Masra nanga wi Gado, 
\q2 na Yu warti fu kisi glori, 
\q2 bigi nen nanga makti. 
\q1 Bika na Yu ben meki ala sani. 
\q1 Yu meki den, fu di Yu ben wani 
\q2 tak' ala den sani disi sa de. 
\c 5  
\s1 A Lam nanga a buku san tai nanga lenti 
\p  
\v 1 Dan mi si wan buku na ini a let'anu fu a Wan di sidon na tapu a kownusturu. Inisei nanga dorosei fu a buku ben abi skrifi, èn a ben tai nanga seibi lenti. \x * \xo 5:1 \xt Ezec 2:9-10; Jes 29:11\x* 
\v 2 Dan mi si wan tranga engel e bari nanga tranga sten taki: “Suma warti fu lusu den lenti èn fu opo a buku?”  
\v 3 Ma no wan sma na ini heimel, na tapu grontapu noso na ondro gron, ben man opo a buku fu leisi en. 
\p  
\v 4 Dan mi bigin krei tranga, fu di no wan sma ben warti fu opo a buku fu leisi en.  
\v 5 Ne wan fu den fesiman taigi mi taki: “No krei. Luku, a lew di kmopo ini a lo\f + \fr 5:5 \ft A wortu “lo” wani taki: “wan bigi grupu sma di kmoto fu wan rutu.” Ini bakratongo den e kari en: “stam.”\f* fu Yuda, èn di de wan bakapikin fu David, ben wini a strei. Dat' meki A kan lusu den lenti èn opo a buku.” \x * \xo 5:5 \xt Gen 49:9; Jes 11:1,10\x* 
\p  
\v 6 Dan mi si wan Lam. A ben tnapu na mindri fu a kownusturu, den fo libilibi sani, nanga den fesiman. A ben gersi wan lam di den ben srakti. A ben abi seibi tutu nanga seibi ai. Disi na den seibi Yeye fu Gado di A ben seni go na heri grontapu. \x * \xo 5:6 \xt Jes 53:7; Zach 4:10\x* 
\v 7 Dan a Lam kon teki a buku ini a let'anu fu a Wan di sidon na tapu a kownusturu.  
\v 8 Di A teki a buku, den fo libilibi sani nanga den tutenti-na-fo (24) fesiman fadon tapu den kindi na En fesi. Den alamala ben abi wan gitara, nanga wan gowtu skarki nanga switismeri na ini. Dati na den begi fu den sma fu Gado. \x * \xo 5:8 \xt Ps 141:2\x* 
\v 9 Dan den singi wan nyun singi taki: 
\q1 Yu warti fu teki a buku, 
\q2 èn fu lusu den lenti. 
\q1 Bika na Yu den ben srakti, 
\q2 èn nanga Yu brudu 
\q1 Yu bai sma puru gi Gado 
\q2 na ini ibri lo nanga tongo 
\q2 èn na ini ala folku nanga kondre. \x * \xo 5:9 \xt Ps 33:3; 98:1; Jes 42:10\x* 
\q1  
\v 10 Dan Yu meki den tron 
\q2 wan folku gi un Gado 
\q1 di abi En leki den Kownu 
\q2 èn di e dini En leki priester. 
\q1 Den o rigeri leki kownu 
\q2 na grontapu. \x * \xo 5:10 \xt Ex 19:6; Kon na Krin 1:6\x* 
\p  
\v 11 Dan mi si èn mi yere bun furu engel. Den ben tnapu lontu a kownusturu nanga den fo libilibi sani nanga den fesiman. Na milyun-milyun engel ben de. \x * \xo 5:11 \xt Dan 7:10\x* 
\v 12 Den taki nanga tranga sten taki: 
\q1 A Lam di den srakti, 
\q2 warti fu kisi makti nanga gudu, 
\q2 sabi nanga krakti, 
\q2 bigi nen nanga glori. 
\q1 Na En nen den mus opo. 
\p  
\v 13 Dan mi yere ala libi sani di de ini heimel, na tapu grontapu, ondro gron, nanga ini a se taki: 
\q1 A Wan di sidon 
\q2 na tapu a kownusturu, 
\q1 nanga a Lam, 
\q2 na Den nen mus opo. 
\q1 Na Den mus kisi bigi nen, 
\q2 glori nanga krakti 
\q2 fu têgo èn ala ten. 
\p  
\v 14 Dan den fo libilibi sani piki taki: “Amen,” èn den fesiman fadon tapu den kindi fu anbegi En. 
\c 6  
\s1 A Lam lusu siksi fu den seibi lenti 
\p  
\v 1 Dan mi si a Lam lusu wan fu den seibi lenti. Ne mi yere wan fu den fo libilibi sani taki nanga wan tranga sten leki te a dondru bari taki: “Kon!”  
\v 2 Di mi luku, mi si wan weti asi kon. A sma di ben sidon na tapu a asi ben abi wan bo na ini en anu, èn a ben kisi wan kownu-ati fu weri. Dan a hari go feti leki wan winiman di bo wini. \x * \xo 6:2 \xt Zach 1:8; 6:2-3,6\x* 
\p  
\v 3 Di a Lam lusu a di fu tu lenti, mi yere a di fu tu libilibi sani taki: “Kon!”  
\v 4 Dan mi si wan tra asi kon. A asi disi ben de wan redi asi, èn a sma di ben sidon na en tapu ben kisi wan bigi owru. A ben mus sorgu tak' freide no de moro na grontapu, èn tak' den sma e kiri densrefi. 
\p  
\v 5 Di a Lam lusu a di fu dri lenti, mi yere a di fu dri libilibi sani taki: “Kon!” Di mi luku, mi si wan blaka asi kon. A sma di ben sidon na en tapu ben abi wan wegi na ini en anu.  
\v 6 Dan mi yere wan sten taki kmopo na mindri fu den fo libilibi sani taki: “Wan kan aleisi fu wan dei moni, nanga dri kan karu fu wan dei moni. Ma yu no mus pori a oli nanga a win.” 
\p  
\v 7 Di a Lam lusu a di fu fo lenti, mi yere a sten fu a di fu fo libilibi sani taki: “Kon!”  
\v 8 Di mi luku, mi si wan asi kon san ben gersi leki a lasi en kloru. A wan di ben sidon na en tapu ben nen Dede, èn Dedekondre ben e waka na en baka. Den ben kisi a makti fu kiri wan fu ala fo sma di e libi na grontapu. Den kiri den nanga owru, èn den meki den dede fu angri. Den kiri den nanga takru siki, èn den meki krasi meti kiri den tu. \x * \xo 6:8 \xt Ezec 14:21\x* 
\p  
\v 9 Di a Lam lusu a di fu feifi lenti, mi si den sili fu den sma di tra sma ben kiri fu di den ben e panya a wortu fu Gado èn fu di den ben e kotoigi fu Yesus. Den ben de na a futusei fu a altari,  
\v 10 èn den ben bari nanga tranga sten taki: “Masra, Yu di e rigeri, Yu santa èn Yu de fu fertrow. O langa un mus wakti ete, fosi Yu krutu èn strafu den sma na grontapu di kiri unu?”  
\v 11 Dan den alamala kisi wan weti krosi fu weri. Èn den kisi fu yere tak' den mus wakti ete wan syatu pisten te leki ala den tra sma di e dini Yesus doro, den brada fu den di sma bo kiri ete neleki den. 
\p  
\v 12 Di a Lam lusu a di fu siksi lenti, mi si tak' a gron bigin seki bun hebi, a son kon blaka leki krofaya, èn a munkenki kon redi leki brudu. \x * \xo 6:12 \xt Jes 13:10; Joël 2:10,31; 3:15; Mat 24:29; Mrk 13:24-25; Luk 21:25\x* 
\v 13 Den stari fadon kmopo na heimel kon na grontapu neleki te wan tranga winti e wai grun froktu puru na wan bon. \x * \xo 6:13 \xt Jes 34:4\x* 
\v 14 A loktu lolo gwe nanga baka, soleki fa yu e lolo wan sribi-papaya, èn ala den bergi nanga den eilanti kmopo na den presi. \x * \xo 6:14 \xt Kon na Krin 16:20\x* 
\v 15 Dan den kownu fu grontapu, den heihei man, den legre-edeman, den guduman, den prenspari man, den srafu nanga den fri sma, den alamala lon go kibri ini den bergi-olo nanga baka den bigi ston tapu den bergi. \x * \xo 6:15 \xt Jes 2:19-21\x* 
\v 16 Den taigi den bergi nanga den bigi ston taki: “Fadon na un tapu, èn kibri unu fu a Wan di sidon na tapu a kownusturu no si unu, èn fu a Lam no strafu unu. \x * \xo 6:16 \xt Hos 10:8; Luk 23:30\x* 
\v 17 Bika a bigi dei fu a atibron fu den doro. No wan sma o tan na libi!” \x * \xo 6:17 \xt Joël 2:11; Mal 3:2\x* 
\c 7  
\s1 Den 144.000 sma 
\p  
\v 1 Baka dati mi si fo engel tnapu na den fo uku fu grontapu. Den ben e hori a winti san ben mus wai kmopo fu den fo uku, fu no wan dropu winti wai abra grontapu, abra a se, èn a no ben mus wai den bon tu. \x * \xo 7:1 \xt Jer 49:36; Dan 7:2; Zach 6:5\x* 
\v 2 Dan mi si wan tra engel opo kon fu a sei pe a son e opo nanga a stampu fu a libilibi Gado. A bari nanga tranga sten gi den fo engel di ben kisi makti fu du ogri nanga grontapu nanga a se, taki:  
\v 3 “Un no du noti nanga grontapu, a se, noso den bon, te leki un poti a stampu fu wi Gado na tapu a fes'ede fu den knekti fu En.” \x * \xo 7:3 \xt Ezec 9:4-6\x* 
\p  
\v 4 Dan mi yere omeni sma kisi a stampu: a ben de wan hondro nanga fotenti-na-fo dusun (144.000) sma, èn den ben kmopo fu ala den lo fu a folku Israel.  
\v 5 Fu iniwan fu den twarfu lo fu Israel yu ben abi twarfu dusun sma di ben kisi a stampu. Fu a lo fu Yuda 12.000 sma, fu a lo fu Ruben 12.000 sma, fu a lo fu Gad 12.000 sma,  
\v 6 fu a lo fu Aser 12.000 sma, fu a lo fu Naftali 12.000 sma, fu a lo fu Manasa 12.000 sma,  
\v 7 fu a lo fu Simeon 12.000 sma, fu a lo fu Lefi 12.000 sma, fu a lo fu Isakar 12.000 sma,  
\v 8 fu a lo fu Sebulon 12.000 sma, fu a lo fu Yosef 12.000 sma, èn fu a lo fu Benyamin 12.000 sma. 
\s1 A bigi grupu sma 
\p  
\v 9 Baka dati mi luku, dan mi si wan bigi grupu sma di no wan sma ben kan teri, e tnapu na fesi a kownusturu nanga a Lam. Den ben kmopo fu ala kondre nanga ibri lo, èn fu ibri folku nanga tongo. Den ben weri weti krosi, èn den ben abi palmtaki na ini den anu.  
\v 10 Den bari nanga tranga sten taki: 
\q1 Na wi Gado 
\q2 di sidon tapu a kownusturu, 
\q1 nanga a Lam, 
\q2 na den ben ferlusu wi. 
\p  
\v 11 Ala den engel ben e tnapu lontu a kownusturu, nanga den fesiman nanga den fo libilibi sani. Den trowe densrefi langalanga na gron na fesi a kownusturu. Dan den anbegi Gado  
\v 12 taki: 
\q1 Amen! 
\q1 A nen fu wi Gado mus opo! 
\q1 Ala glori nanga sabi, 
\q2 tangi nanga bigi nen, 
\q2 makti nanga krakti, 
\q1 na fu wi Gado fu têgo èn ala ten! 
\q1 Amen. 
\p  
\v 13 Dan wan fu den fesiman aksi mi taki: “Yu sabi suma na den sma disi di weri weti krosi, èn fu pe den kmopo?” 
\p  
\v 14 Mi piki taki: “Masra, mi no sabi, ma yu sabi.” \x * \xo 7:14 \xt Dan 12:1; Mat 24:21; Mrk 13:19\x* 
\p Dan a fesiman piki mi taki: “Den sma disi na den sma di kmopo fu a bigi pina san kon na grontapu. Den ben wasi den krosi ini a brudu fu a Lam fu den kon weti. 
\q1  
\v 15 Dat' meki den e tnapu 
\q2 na fesi a kownusturu fu Gado. 
\q1 Dei nanga neti 
\q2 den e dini En 
\q2 na ini En Santa Presi. 
\q1 A Wan di e sidon 
\q2 na tapu a kownusturu 
\q1 sa de na den mindri, 
\q2 èn A sa kibri den. 
\q1  
\v 16 Angri nanga watra 
\q2 no sa kiri den moro, 
\q1 èn a faya son 
\q2 no o bron den. \x * \xo 7:16 \xt Ps 23:1-2; Jes 25:8; 49:10; Ezec 34:23\x* 
\q1  
\v 17 Bika a Lam 
\q2 di de na mindri 
\q2 fu a kownusturu 
\q2 sa sorgu gi den. 
\q1 A o tyari den go 
\q2 pe watra san e gi libi e lon, 
\q1 èn Gado sa drei 
\q2 ala den watra-ai.” 
\c 8  
\s1 A Lam lusu a di fu seibi lenti 
\p  
\v 1 Di a Lam lusu a di fu seibi lenti, a ben kon tiri na ini heimel wan afu yuru so.  
\v 2 Dan mi si den seibi engel di e tnapu na fesi Gado. Den alamala kisi wan tutu.  
\v 3 Dan wan tra engel kon tnapu na fesi a altari. Ini en anu a ben hori wan gowtu pan pe den ben e bron wierook. A kisi furu switismeri fu moksi nanga den begi fu ala den sma fu Gado, fu a bron gi Gado na tapu a gowtu altari san de na fesi a kownusturu. \x * \xo 8:3 \xt Ex 30:1,3; Amos 9:1\x* 
\v 4 Dan a smoko fu a switismeri moksi nanga den begi fu den sma fu Gado, kmoto fu a pan go na loktu na Gado fesi.  
\v 5 Baka dati a engel teki a pan, a lai en nanga a faya san ben de na tapu a altari, dan a fringi en go na grontapu. Dan dondru bigin bari, mi yere wan lo sten, faya bigin koti, èn a gron bigin seki. \x * \xo 8:5 \xt Ex 19:16; Lev 16:12; Ezec 10:2; Kon na Krin 11:19; 16:18\x* 
\s1 Den seibi tutu 
\p  
\v 6 Baka dati den seibi engel di ben abi den seibi tutu, bigin meki densrefi klari fu bro na den tapu. 
\p  
\v 7 Di a fosi engel bro na tapu en tutu, dan tranga pis'pisi-ijs, nanga faya moksi nanga brudu, fadon na grontapu. Efu yu e prati grontapu ini dri, dan wan fu den dri pisi fu grontapu bron. Na dati psa tu nanga den bon: wan fu ala dri bon na grontapu bron. Ala den grun wiwiri bron tu. \x * \xo 8:7 \xt Ex 9:23-25; Ezec 38:22\x* 
\p  
\v 8 Di a di fu tu engel bro na tapu en tutu, dan den fringi wan sani leki wan bigi bergi san e bron, go ini a se. Efu yu e prati a watra fu den se ini dri, dan wan fu ala den dri pisi tron brudu.  
\v 9 Wan fu ala dri sani san e libi na ini a se dede. Èn fu ala dri sipi san de na tapu a se, wan ben sungu. 
\p  
\v 10 Di a di fu dri engel bro na tapu en tutu, dan wan bigi stari san ben e bron leki wan frambo, fadon kmopo na heimel. A fadon na tapu wan fu ala dri liba san de na grontapu, èn na dati psa tu nanga den presi pe watra e kmopo ondro a gron.  
\v 11 A nen fu a stari na Bita. So ala a watra pe a ben fadon ben kon bita, èn furu sma dede bika a watra ben kon bita. \x * \xo 8:11 \xt Jer 9:15\x* 
\p  
\v 12 Dan a di fu fo engel bro na tapu en tutu. Efu yu e prati a son nanga a munkenki ini dri, dan wan fu den dri pisi fu a son nanga a munkenki ben kon dungru. Na so a psa tu nanga den stari: wan fu ala dri stari kon dungru. Dati wani taki fo yuru langa a son no ben de fu si na deiten, èn na neti a munkenki nanga den stari no ben de fu si fo yuru langa. \x * \xo 8:12 \xt Jes 13:10; Ezec 32:7; Joël 2:10,31; 3:15\x* 
\p  
\v 13 Dan mi si wan gonini e frei bun hei na loktu èn mi yere fa a e bari nanga tranga sten taki: “Ogri, ogri, ogri, o miti den sma di e libi na grontapu. Bika dri engel mus bro ete na tapu den tutu.” 
\c 9  
\s1 A di fu feifi tutu 
\p  
\v 1 Di a di fu feifi engel bro na tapu en tutu, dan mi si wan stari san ben fadon kmopo fu heimel kon na grontapu. A kisi a sroto fu a opo a mofo fu a olo san no abi gron.  
\v 2 Di a opo a olo, wan deki smoko kmopo na ini, leki te yu e bron bigi ipi drei grasi. A smoko disi ben tapu a heri loktu, tak' yu no ben kan si a son moro. \x * \xo 9:2 \xt Gen 19:28\x* 
\v 3 Dan sprenka kmopo ini a smoko kon na grontapu. Den ben kisi a makti san kruktutere abi. \x * \xo 9:3 \xt Ex 10:12-15\x* 
\v 4 Den taigi den sprenka tak' den no mus nyan a grasi na grontapu noso wan tra grun wiwiri, èn den no mus nyan den wiwiri fu den bon. Ma den mus dyuku den sma di no abi a stampu fu Gado na den fes'ede. \x * \xo 9:4 \xt Ezec 9:4\x* 
\v 5 Den ben kisi a makti fu gi den sma skin-ati feifi mun langa, ma den no ben mus kiri den. Den sma skin ben hati den neleki te kruktutere dyuku yu.  
\v 6 Ini den dei dati, den sma sa suku dede, ma dede no o de fu feni. Den sa angri fu dede, ma dede sa lon gi den. \x * \xo 9:6 \xt Job 3:21; Jer 8:3\x* 
\p  
\v 7 Den sprenka ben gersi asi san den sma ben meki klari fu go na feti. Na tapu den ede den ben weri wan sani san gersi wan gowtu kownu-ati, èn den fesi ben gersi libisma fesi. \x * \xo 9:7 \xt Joël 2:4\x* 
\v 8 Den ben abi wiwiri leki wan umasma, nanga tifi leki di fu wan tigri. \x * \xo 9:8 \xt Joël 1:6\x* 
\v 9 Den ben weri wan sani leki wan isri bosroko, èn te den e frei, a frei fu den e bari leki te wan lo asi e hari fetiwagi go na feti. \x * \xo 9:9 \xt Joël 2:5\x* 
\v 10 Den ben abi wan tere nanga wan maka neleki kruktutere. Èn den ben abi makti ini den tere fu gi sma skin-ati feifi mun langa.  
\v 11 A kownu fu den sprenka ben de a takruyeye fu a olo san no abi gron. Ini Dyutongo den e kari en Abadon,\f + \fr 9:11 \ft “Apolion” wani taki: “a wan di e figi ala sani puru.”\f* ini Grikitongo den e kari en Apolion.\f + \fr 9:11 \ft “Abadon” wani taki: “yu e figi puru.”\f* 
\p  
\v 12 A fosi ogri psa kba. Luku, ete tu ogri de fu kon! 
\s1 A di fu siksi tutu 
\p  
\v 13 Di a di fu siksi engel bro na tapu en tutu, dan mi yere wan sten taki kmopo fu den fo uku fu a gowtu altari san de na fesi Gado. \x * \xo 9:13 \xt Ex 30:1-3\x* 
\v 14 A taigi a di fu siksi engel di abi a tutu taki: “Lusu den fo engel di tai pe a bigi Eufratliba de.”  
\v 15 So a engel lusu den fo engel san ben drape e wakti a yari, a mun, a dei nanga a yuru fu den ben kan kiri wan fu ala dri libisma.  
\v 16 Dan den taigi mi omeni srudati ben rei tapu den asi: na tu hondro milyun. 
\p  
\v 17 Ini a sani san Gado meki mi si, mi si den asi nanga den wan di ben rei na den tapu. Den ben weri isri bosroko san ben redi, blaw, nanga geri. Den ede fu den asi ben gersi di fu wan tigri, èn den ben puru faya, smoko nanga kroiti na ini den mofo.  
\v 18 Den dri ogri disi: a faya, a smoko, nanga a kroiti san ben kmopo na ini den mofo, ben kiri wan fu ala dri libisma.  
\v 19 Bika a makti fu den asi de na ini den mofo nanga ini den tere. A tere fu den ben de leki wan takru sneki, èn a ben abi wan ede. Nanga den tere den ben gi den sma mankeri. 
\p  
\v 20 Ma toku den sma di no ben dede na ini ala den sani disi, no drai den baka gi den sani san den srefi meki. Den no tapu fu anbegi den takruyeye, nanga den afkodrei popki san ben meki fu gowtu, solfru, kopro, ston nanga udu. Den no tapu fu anbegi den sortu sani disi san no e si, san no e yere, èn san no e waka. \x * \xo 9:20 \xt Ps 115:4-7; 135:15-17; Dan 5:23\x* 
\v 21 Èn den no tapu fu kiri sma, fu du tofruwroko, fu gi densrefi abra na takru lostu, nanga fu fufuru. 
\c 10  
\s1 A buku san opo 
\p  
\v 1 Baka dati mi si wan tra tranga engel saka kmopo fu heimel. A ben weri wan wolku leki dyakti, èn wan alenbo ben de na tapu en ede. En fesi ben e brenki leki a son, èn a ben gersi leki en futu ben teki faya.  
\v 2 Ini en anu a ben abi wan pikin buku san ben opo. A poti en leti futu tapu a se, nanga en kruktu futu tapu a syoro.  
\v 3 Dan a bari nanga wan tranga sten leki di fu wan tigri. Di a bari, dan den seibi dondru bari tu.  
\v 4 Di den seibi dondru bari, mi ben wani skrifi san den taki. Ma mi yere wan sten taki kmopo fu heimel taki: “No skrifi san den seibi dondru taki. Meki a tan wan kibritori.” 
\p  
\v 5 Dan a engel di mi si tnapu tapu a se nanga a syoro, opo en let'anu go na loktu. \x * \xo 10:5 \xt Ex 20:11; Dan 12:7; Amos 3:7\x* 
\v 6 Dan a sweri na a Wan di e libi fu têgo èn ala ten, a Wan di meki heimel, grontapu, nanga a se, nanga ala sani san de na ini den. A sweri taki: “A ten fu wakti kba.  
\v 7 Ma te a di fu seibi engel sa bro en tutu, dan a heri kibritori fu Gado sa kon na krin, soleki fa A ben taigi den profeiti di ben wroko gi En.” 
\p  
\v 8 Dan a sten di mi ben yere taki kmopo fu heimel, bigin taki baka nanga mi. A taigi mi taki: “Go teki a buku san opo ini a anu fu a engel di e tnapu tapu a se nanga a syoro.” \x * \xo 10:8 \xt Ezec 2:8–3:3\x* 
\p  
\v 9 So mi go na a engel, èn mi aksi en fu a gi mi a pikin buku. A langa a buku gi mi, dan a taigi mi taki: “Teki a buku nyan. Ini yu bere a sa bita, ma ini yu mofo a sa switi leki oni.”  
\v 10 Ne mi teki a pikin buku di a engel langa gi mi, dan mi nyan en. Ini mi mofo a ben switi leki oni, ma di mi swari en, a ben bita ini mi bere. 
\p  
\v 11 Dan den taigi mi taki: “Taigi den sma fu den difrenti folku nanga kondre, den sma di e taki den difrenti tongo, nanga den kownu ete wan leisi san Gado gi yu fu taki.” 
\c 11  
\s1 Den tu kotoigi 
\p  
\v 1 Baka dati mi kisi wan tiki san ben gersi wan doitiki. Dan den taigi mi taki: “Opo go marki a Santa Presi nanga a altari, èn teri den sma di de na ini a Santa Presi e anbegi Gado. \x * \xo 11:1 \xt Ezec 40:3; Zach 2:1-2\x* 
\v 2 Ma yu no mus marki a opo presi na dorosei fu a Santa Presi, bika a pisi dati na gi den sma di no sabi Gado. Fotenti-na-tu (42) mun langa den o rigeri na ini a santa foto. \x * \xo 11:2 \xt Luk 21:24\x* 
\v 3 Mi o taigi den tu kotoigi fu Mi fu weri rowkrosi èn fu taki san Mi o gi den fu taki wan dusun tu hondro nanga siksitenti (1.260) dei langa.”  
\v 4 Den tu kotoigi na den tu oleifbon nanga den tu kandratiki san tnapu na fesi Masra di abi grontapu. \x * \xo 11:4 \xt Zach 4:3,11-14\x* 
\v 5 Efu wan sma wani du den ogri, dan faya o kmopo na ini den mofo, kiri den feyanti fu den. Na so den sma o dede di wani du den ogri.  
\v 6 Ini a heri pisten san den o taki san Gado gi den fu taki, den man disi o abi a makti fu tapu a alen fu a no fadon. Den o abi a makti tu fu kenki a watra tron brudu, èn fu meki ala sortu ogri kon na grontapu. Den sani disi den o man du te den wani. \x * \xo 11:6 \xt 1Kon 17:1; Ex 7:17-20\x* 
\p  
\v 7 Dan te den kba kotoigi, a krasi meti san e kmopo ini a olo san no abi gron sa feti nanga den. A sa wini den, èn a sa kiri den. \x * \xo 11:7 \xt Dan 7:7,21; Kon na Krin 13:5-7; 17:8\x* 
\v 8 A dedeskin fu den o tan didon na tapu a strati fu a bigi foto. Yeyefasi den e kari a foto disi: Sodom nanga Egipte. Na ini a foto disi den ben spikri a Masra fu den na a kroisi. \x * \xo 11:8 \xt Jes 1:9-10\x* 
\v 9 Dan sma fu ala folku nanga lo, èn fu ibri tongo nanga kondre, o si fa den dedeskin e tan didon drape dri nanga afu dei langa. Den no o wani meki den dedeskin disi beri.  
\v 10 Den sma di e libi na grontapu o breiti nanga a dede fu den, èn den o prisiri. Den o seni kado gi densrefi, bika den tu profeiti disi ben pina den sma di e libi na grontapu. 
\p  
\v 11 Ma baka den dri nanga afu dei, Gado gi den tu kotoigi libi baka. Den opo tnapu, èn ala sma di si den bigin frede srefsrefi. \x * \xo 11:11 \xt Ezec 37:10\x* 
\v 12 Dan den yere wan tranga sten taki kmopo fu heimel taki: “Un kon dya na loktu!” Ne den tu kotoigi opo go na heimel ini wan wolku, èn den feyanti fu den ben luku den. \x * \xo 11:12 \xt 2Kon 2:11\x* 
\v 13 Dan tapu a srefi momenti dati, a gron bigin seki bun hebi. Efu yu e prati a foto ini tin pisi, dan wan fu den tin pisi broko fadon. Seibi dusun sma dede. Den tra sma di tan na libi ben kon frede srefsrefi èn den gi a Gado fu heimel grani. \x * \xo 11:13 \xt Kon na Krin 6:12; 16:18\x* 
\p  
\v 14 A di fu tu ogri psa. Luku, a di fu dri e kon her'esi! 
\s1 A di fu seibi tutu 
\p  
\v 15 Di a di fu seibi engel bro na tapu en tutu, dan tranga sten taki kmopo fu heimel. Den taki: 
\q1 A Masra fu unu, 
\q2 nanga a Wan 
\q2 di A poti fu tron Kownu, 
\q1 kon rigeri now 
\q2 na grontapu leki Kownu. 
\q1 Na En sa rigeri 
\q2 fu têgo èn ala ten. \x * \xo 11:15 \xt Dan 2:44; 7:14,27\x* 
\m  
\v 16 Dan den tutenti-na-fo (24) fesiman di sidon na fesi Gado na tapu den kownusturu, trowe densrefi langalanga na gron. Den anbegi Gado  
\v 17 taki: 
\q1 Masra Gado di abi Ala Makti, 
\q2 Yu di de, èn di ben de, 
\q1 wi e taki Yu tangi, 
\q2 fu di Yu teki Yu bigi makti 
\q2 dan Yu bigin rigeri leki kownu. 
\q1  
\v 18 Den folku ati ben bron. 
\q2 Ma Yu ati e bron, 
\q1 èn a ten doro 
\q2 fu krutu den sma di dede. 
\q1 A ten doro fu gi paiman 
\q2 na den profeiti 
\q3 di ben wroko gi Yu, 
\q2 nanga den sma fu Yu, 
\q2 nanga den sma 
\q2 di abi lespeki gi Yu, 
\q3 pikinwan nanga bigiwan. 
\q1 A ten doro tu 
\q2 fu figi den sma puru 
\q2 di e pori grontapu. \x * \xo 11:18 \xt Ps 2:5; 110:5; 115:13\x* 
\m  
\v 19 Dan den opo a Santa Presi fu Gado na ini heimel èn a santa kisi fu a ferbontu ben kon fu si drape. Ne faya bigin koti èn mi yere wan lo sten. Dondru bari, grontapu seki, èn furu tranga pis'pisi-ijs fadon na grontapu. \x * \xo 11:19 \xt Kon na Krin 8:5; 16:18,21\x* 
\c 12  
\s1 A uma nanga a bun bigi kaiman 
\p  
\v 1 Dan wan bigi marki ben de fu si na heimel. A ben de wan uma di ben weri a son leki krosi, èn a munkenki ben de ondro en futu. Tapu en ede a ben abi wan kownu-ati san ben meki fu twarfu stari.  
\v 2 A uma ben abi bere, èn a ten ben kisi fu meki a pikin. A ben e bari fu a pen san a ben abi fu meki a pikin.  
\v 3 Dan wan tra marki ben de fu si na heimel. A ben de wan bun bigi kaiman san ben redi leki faya. A ben abi seibi ede nanga tin tutu. Tapu iniwan fu den seibi ede a ben weri wan kownu-ati. \x * \xo 12:3 \xt Dan 7:7\x* 
\v 4 Nanga a tere fu en a hari wan fu ala dri stari san de na heimel puru, dan a fringi den go na grontapu. \x * \xo 12:4 \xt Dan 8:10\x* 
\p Dan a bigi kaiman go tnapu fesi a frow fu a kan nyan a pikin te a gebore.  
\v 5 A frow meki wan manpikin. A manpikin disi o tiri ala sma di no sabi Gado nanga wan isri tiki. Ma a srefi momenti dati den puru a pikin disi na a frow, tyari en go na a kownusturu fu Gado. \x * \xo 12:5 \xt Ps 2:9; Jes 66:7\x* 
\v 6 Dan a frow lon go ini a dreisabana na wan presi san Gado ben meki klari gi en. Drape den bo sorgu gi en twarfu hondro nanga siksitenti (1.260) dei langa. 
\s1 A bigi kaiman lasi a feti 
\p  
\v 7 Dan feti broko na ini heimel. Mikael nanga den engel fu en ben feti nanga a bigi kaiman. A bigi kaiman nanga den takruyeye fu en ben feti baka nanga en. \x * \xo 12:7 \xt Dan 10:13,21; 12:1; Yud 9\x* 
\v 8 Ma a bigi kaiman no ben man wini a feti. Dan en nanga den takruyeye fu en no ben abi primisi moro fu tan na heimel.  
\v 9 Den fringi a bun bigi kaiman puru na heimel go na grontapu. Na en na a sneki di ben de sensi fosten. Na en den e kari didibri nanga Satan. Na en e kori ala den sma na grontapu. \x * \xo 12:9 \xt Gen 3:1; Luk 10:18\x* 
\v 10 Dan mi yere wan tranga sten na ini heimel taki: 
\q1 Now wi Gado 
\q2 o ferlusu den sma fu En. 
\q1 A o teki En makti 
\q2 èn rigeri leki kownu. 
\q1 Now a Wan di A poti 
\q2 fu tron Kownu, 
\q1 o sori tak' A abi makti. 
\q1 Bika den fringi a wan 
\q2 go na grontapu 
\q1 di ben go dei nanga neti 
\q2 fu krutu den brada 
\q2 nanga sisa fu unu 
\q2 na fesi wi Gado. \x * \xo 12:10 \xt Job 1:9-11; Zach 3:1\x* 
\q1  
\v 11 Den brada nanga sisa fu unu 
\q2 wini en, 
\q1 fu di a Lam ben gi En brudu 
\q2 fu den ede, 
\q1 èn fu di den ferteri trawan 
\q2 a wortu fu Gado. 
\q1 Den no ben frede 
\q2 fu lasi den libi fu dati. 
\q1  
\v 12 Dat' meki heimel 
\q2 nanga ala sma di e libi na ini 
\q2 mus prisiri. 
\q1 Ma grontapu nanga a se 
\q2 de fu sari. 
\q1 Bika didibri kon na grontapu 
\q2 nanga bigi atibron, 
\q1 fu di a sabi 
\q2 tak' a no abi furu ten moro. 
\s1 A bigi kaiman e lon na a frow baka 
\p  
\v 13 Di a bigi kaiman si tak' den fringi en go na grontapu, a bigin fu lon baka a frow di ben meki a manpikin.  
\v 14 Ma den gi a frow den tu frei fu a bigi gonini, fu a frei go na ini a dreisabana na a presi pe a sneki no ben man fasi en. Drape den bo sorgu gi en dri nanga afu yari langa. \x * \xo 12:14 \xt Dan 7:25; 12:7\x* 
\v 15 Dan a sneki spiti watra puru ini en mofo leki wan liba fu srepi a frow gwe.  
\v 16 Ma a drei gron kon yepi a frow. A priti opo, swari a liba san a bigi kaiman ben puru ini en mofo.  
\v 17 Ne a bigi kaiman ati bron srefsrefi tapu a frow. A drai go feti nanga den tra pikin fu en, di e du san Gado taki èn di e tan hori na den sani san Yesus ben leri.  
\v 18 Dan a bigi kaiman go tnapu na a syoro fu a se. 
\c 13  
\s1 A meti san kmopo ini a se 
\p  
\v 1 Ne mi si wan meti opo kmopo ini a se. A ben abi seibi ede nanga tin tutu. Tapu iniwan fu den tutu a ben weri wan kownu-ati, èn na tapu iniwan fu den ede wan nen ben skrifi san e afrontu Gado. \x * \xo 13:1 \xt Dan 7:3-8; Kon na Krin 17:3,7-12\x* 
\v 2 A meti san mi si ben gersi wan redi tigri. Den futu fu en ben abi langa srapu nangra leki di fu wan loiri, èn en mofo ben gersi a mofo fu wan tigri. A bigi kaiman gi a krakti nanga a bigi makti di ensrefi ben abi na a meti fu a rigeri leki kownu.  
\v 3 Wan fu den ede fu a meti kisi bigi mankeri. A gersi leki a ede bo dede, ma a soro kon betre. Ala sma na grontapu ferwondru fu dati, èn den bigin waka na baka a meti.  
\v 4 Den anbegi a bigi kaiman fu di a ben gi a meti san kmopo ini a se makti. Den anbegi a meti tu taki: “No wan sma de leki a meti, èn no wan sma kan hori feti nanga en!” 
\p  
\v 5 Dan a meti kisi makti fu taki bigitaki èn fu afrontu Gado. Fotenti-na-tu (42) mun langa a kisi a makti fu du den sani disi. \x * \xo 13:5 \xt Dan 7:8,25; 11:36\x* 
\v 6 So a meti opo en mofo èn a afrontu Gado. A kosi En nen nanga a santa tanpresi fu En, èn a kosi den wan di e libi na ini heimel.  
\v 7 A meti ben kisi makti tu fu feti nanga den sma fu Gado, èn fu wini den. A kisi makti tapu den sma fu ala lo nanga folku, èn fu ibri tongo nanga kondre. \x * \xo 13:7 \xt Dan 7:21\x* 
\v 8 Ala sma na grontapu o anbegi a meti, boiti den sma di sensi bifo grontapu ben meki, den nen ben skrifi kba ini a buku fu libi fu a Lam di ben srakti. \x * \xo 13:8 \xt Ps 69:29; Kon na Krin 3:5; 20:12,15\x* 
\v 9 Suma abi yesi, meki a yere!  
\v 10 Efu a de tak' yu mus go na straf'oso, dan na straf'oso yu o go. Efu a de tak' den o kiri yu nanga owru, dan nanga owru den o kiri yu. Dat' meki den sma fu Gado mus tan hori doro, èn den mus tan bribi. \x * \xo 13:10 \xt Jer 15:2; 43:11\x* 
\s1 A meti san kmopo ondro gron 
\p  
\v 11 Dan mi si wan tra meti opo kmopo ondro gron. A ben abi tu tutu leki wan pikin skapu, ma a ben taki leki wan bigi kaiman.  
\v 12 A meti disi wroko nanga ala a makti fu a fosi meti let' na en fesi. A sorgu tak' den sma na grontapu mus anbegi a fosi meti di ben abi a soro san kon betre.  
\v 13 A meki den sma si bigi marki. A meki faya srefi kmopo na loktu kon na grontapu let' na den fesi.  
\v 14 Dan fu di a ben kisi makti fu du den marki na fesi a fosi meti, a kori den sma di e libi na grontapu nanga den sani di a du. A taigi den tak' den mus meki wan bigi popki di gersi a meti san no dede, awinsi a ben kisi bigi mankeri nanga wan owru.  
\v 15 A kisi makti fu gi a bigi popki san gersi a tra meti libibro. Dat' meki a popki ben man taki, èn a sorgu tak' den e kiri ala sma di no e anbegi en.  
\v 16 A sorgu tu tak' ala sma mus kisi wan marki na tapu den let'anu noso na tapu den fes'ede: pikinwan nanga bigiwan, guduman nanga pôtiman, den sma di de srafu nanga den fri sma.  
\v 17 Dan no wan sma kan bai noso seri wan sani efu a no abi a marki fu a nen fu a meti, noso a nomru fu en nen. 
\p  
\v 18 Gi a sani disi ferstan de fanowdu. Suma srapu, meki a puru a rai fu a nomru fu a meti. Bika a de a nomru fu wan libisma, èn a nomru na siksi hondro nanga siksitenti-na-siksi (666). 
\c 14  
\s1 A singi fu den 144.000 man 
\p  
\v 1 Baka dati mi luku, dan mi si a Lam tnapu na tapu Sionbergi makandra nanga wan hondro nanga fotenti-na-fo dusun (144.000) man. Den man disi ben abi a nen fu a Lam nanga a nen fu En P'pa na den fes'ede. \x * \xo 14:1 \xt Ezec 9:4; Kon na Krin 7:3\x* 
\v 2 Dan mi yere wan sten taki kmopo fu heimel. A ben gersi a babari fu wan bigi sula, nanga a babari fu hebi dondru. A sten di mi yere ben de leki te sma e prei na tapu den gitara.  
\v 3 Den ben e singi wan nyun singi na fesi a kownusturu, nanga den fo libilibi sani, nanga den fesiman. No wan sma ben kan leri a singi disi, boiti den wan hondro nanga fotenti-na-fo dusun man di Gado ben ferlusu puru fu grontapu.  
\v 4 Den man disi no sabi san na frow, fu di den ben hori densrefi. Bika noiti den ben sribi nanga wan frow. Den e waka baka a Lam, awinsi pe A e go. A ben bai den puru na mindri fu ala sma, fu den sa de den fosiwan di de fu Gado nanga a Lam wawan.  
\v 5 Noiti den man disi taki wan lei, èn den no meki no wan fowtu. \x * \xo 14:5 \xt Sef 3:13\x* 
\s1 Den boskopu fu den dri engel 
\p  
\v 6 Dan mi si wan tra engel. A engel disi ben e frei bun hei na loktu, èn a ben mus bari wan Bun Nyunsu san e tan fu têgo gi den sma di e libi na grontapu: sma fu ala kondre nanga lo, èn fu ibri tongo nanga folku.  
\v 7 A taki nanga tranga sten taki: “Frede Gado, èn gi En grani, bika a yuru doro fu A koti krutu! Un mus anbegi a Wan di meki heimel nanga grontapu, a se nanga ala den presi pe watra e kmopo ondro gron.” 
\p  
\v 8 Dan wan tra engel, a di fu tu, kon baka a fosi wan. A taki: “A fadon! A bigi foto Babilon fadon! Na a foto disi ben drungu ala den folku nanga a win fu den faya takru lostu fu en.” \x * \xo 14:8 \xt Jes 21:9; Jer 51:8; Kon na Krin 18:2\x* 
\p  
\v 9 Dan wan tra engel, a di fu dri, kon baka den tu fosi wan. A taki nanga tranga sten taki: “A sma di e anbegi a meti nanga a bigi popki san gersi a meti, èn di kisi a marki na tapu en anu noso en fes'ede,  
\v 10 a sma dati sa abi fu dringi a win fu a faya atibron fu Gado. Na a win disi den kanti go ini a kan fu a atibron fu Gado, sondro fu broko en nanga watra. Den o pina sowan sma nanga faya èn kroiti let' na fesi den santa engel nanga a Lam. \x * \xo 14:10 \xt Jer 25:15; Gen 19:24; Ezec 38:22\x* 
\v 11 A smoko fu a faya san o pina den sa opo go na loktu fu têgo èn ala ten. Den sma disi di e anbegi a meti nanga a bigi popki san gersi a meti, èn di teki a marki fu a nen fu a meti, den no sa abi rostu, no dei, no neti.” \x * \xo 14:11 \xt Jes 34:10\x* 
\p  
\v 12 Dat' meki den sma fu Gado di e du san Gado taki èn di e tan bribi ini Yesus, mus tan hori doro. 
\p  
\v 13 Dan mi yere wan sten taki kmopo fu heimel taki: “Skrifi a sani disi: Bigin fu now, blesi de tapu ala sma di dede nanga a bribi ini Masra.” 
\p Dan a Yeye taki: “Iya, den sa rostu fu ala den tranga wroko, bika now den e kisi san den mus kisi fu ala a wroko san den du.” 
\s1 A yuru fu koti doro 
\p  
\v 14 Baka dati mi luku, dan mi si wan weti wolku. Wan sma ben sidon tapu a wolku, a ben gersi wan mansma. A ben weri wan gowtu kownu-ati na tapu en ede, èn ini en anu a ben hori wan srapu babun-nefi. \x * \xo 14:14 \xt Dan 7:13\x* 
\v 15 Dan wan tra engel kmopo na ini a Santa Presi e bari nanga tranga sten gi a wan di sidon na tapu a wolku taki: “Go nanga yu babun-nefi go koti, bika a yuru fu koti doro. Koti, bika ala den aleisigron na grontapu lepi kba.” \x * \xo 14:15 \xt Joël 3:13\x* 
\v 16 Ne a wan di ben sidon na tapu a wolku go nanga en babun-nefi na grontapu. Dan a koti a aleisi na grontapu. 
\p  
\v 17 Dan ete wan engel kmopo na ini a Santa Presi san de na heimel. A engel dati ben abi wan srapu babun-nefi tu.  
\v 18 Dan wan tra engel di ben mus sorgu fu a faya fu a altari, kmopo na sei a altari. A bari nanga tranga sten gi a engel di abi a srapu babun-nefi taki: “Go nanga yu babun-nefi go koti den bosu fu den droifibon na grontapu, bika den droifi lepi.” 
\p  
\v 19 Ne a engel go nanga en babun-nefi na grontapu, a koti den droifi na grontapu, dan a fringi den go ini a bigi baki pe den e stampu den droifi. A baki disi na a faya atibron fu Gado  
\v 20 èn a de dorosei fu a foto. Drape den stampu den droifi, dan brudu lon leki wan liba kmopo na ini a baki. A liba disi ben langa dri hondro kilometer, èn a ben dipi wan nanga afu meter. \x * \xo 14:20 \xt Jes 63:3; Klaag 1:15; Kon na Krin 19:15\x* 
\c 15  
\s1 Den seibi laste strafu 
\p  
\v 1 Baka dati mi si wan tra bigi èn ferwondru marki na ini heimel. Mi si seibi engel di ben abi den seibi laste strafu. Bika nanga dati a faya atibron fu Gado kon kowru. 
\p  
\v 2 Dan mi si wan sani leki wan se. A ben brenki leki grasi èn a ben moksi nanga faya. Na a syoro fu a grasi se disi, den sma ben tnapu di ben wini a meti nanga a bigi popki san gersi en. Na a meti disi abi a nen san de wan nomru. Den sma ben tnapu nanga gitara san den ben kisi fu Gado.  
\v 3 Den ben e singi a singi fu Moses, a knekti fu Gado, nanga a singi fu a Lam taki: 
\q1 Masra Gado di abi Ala Makti, 
\q2 den wroko san Yu e du bigi 
\q2 èn den de fu ferwondru. 
\q1 Yu di e rigeri leki kownu 
\q2 abra ala folku, 
\q1 Yu e du sani tapu wan leti fasi 
\q2 èn sondro fowtu. \x * \xo 15:3 \xt Ex 15:1\x* 
\q1  
\v 4 Masra, 
\q2 suma no sa wani lespeki Yu? 
\q2 Suma no sa wani gi Yu glori? 
\q1 Bika na Yu wawan santa. 
\q1 Ala folku sa kon boigi gi Yu 
\q2 fu anbegi Yu, 
\q1 bika now ala sma si 
\q2 tak' Yu e du sani nanga leti. \x * \xo 15:4 \xt Jer 10:7; Ps 86:9\x* 
\p  
\v 5 Baka dati mi si tak' den ben opo a Santa Presi fu a Santa Tenti fu Gado di de na heimel. \x * \xo 15:5 \xt Ex 38:21\x* 
\v 6 Dan den seibi engel di ben abi den seibi strafu kmopo na ini a Santa Presi. Den ben weri krin linnen krosi san ben brenki, èn den ben tai wan gowtu banti lontu den borsu.  
\v 7 Dan wan fu den fo libilibi sani gi iniwan fu den seibi engel wan gowtu skarki san ben furu nanga a atibron fu Gado di e libi fu têgo èn ala ten.  
\v 8 Ne a Santa Presi kon furu nanga a smoko fu a glori nanga a makti fu Gado. No wan sma ben man go na ini a Santa Presi, solanga den seibi strafu fu den seibi engel no ben klari. \x * \xo 15:8 \xt Ex 40:34-35; 1Kon 8:10-11; 2Kron 5:13-14; Jes 6:4\x* 
\c 16  
\s1 Den skarki nanga a atibron fu Gado 
\p  
\v 1 Dan mi yere wan tranga sten kmopo ini a Santa Presi taigi den seibi engel taki: “Un go kanti den seibi skarki nanga a faya atibron fu Gado na tapu grontapu.”  
\v 2 Dan a fosi engel go kanti san ben de ini en skarki na tapu grontapu. Ne wan lo takru kundukundu leki butsweri opo na den sma skin di ben abi a marki fu a meti èn di ben e anbegi a bigi popki san ben gersi a meti. \x * \xo 16:2 \xt Ex 9:10\x* 
\p  
\v 3 Baka dati a di fu tu engel kanti san ben de ini en skarki go ini a se. Ne a se tron pori brudu, èn ala sani san ben e libi ini a se dede. 
\p  
\v 4 Dan a di fu dri engel kanti san ben de ini en skarki go na ini den liba nanga den presi pe watra e kmopo ondro gron. Ne ala den watra disi tron brudu. \x * \xo 16:4 \xt Ex 7:17-21; Ps 78:44\x* 
\v 5 Dan mi yere a engel di ben abi makti abra den watra, taki: 
\q1 Santa Gado, 
\q2 Yu di de èn di ben de, 
\q1 Yu e du sani tapu wan leti fasi, 
\q2 fu di Yu koti a krutu sowan fasi. 
\q1  
\v 6 Bika den ben kiri den sma fu Yu 
\q2 nanga den profeiti, 
\q2 meki a brudu fu den lon. 
\q1 Dan now Yu gi den brudu 
\q2 fu den dringi. 
\q2 A bun gi den! 
\m  
\v 7 Dan mi yere a altari taki: 
\q1 Iya, Masra Gado di abi Ala Makti, 
\q2 den krutu san Yu e koti, 
\q3 den e koti nanga leti, 
\q3 èn Yu no e meki fowtu. 
\p  
\v 8 Dan a di fu fo engel kanti san ben de ini en skarki go na tapu a son. Ne a son kisi makti fu bron libisma nanga faya.  
\v 9 Den sma ben e losi ini a son, fu di a ben kon moro faya. Dan den bigin afrontu Gado di abi a makti abra den strafu disi, ma den no drai den libi fu gi En grani. 
\p  
\v 10 Baka dati a di fu feifi engel kanti san ben de ini en skarki go tapu a kownusturu fu a fosi meti. Ne a heri kondre pe a ben e rigeri kon dungru. Den sma bigin kaw den tifi fu a skin-ati san den ben abi. \x * \xo 16:10 \xt Ex 10:21\x* 
\v 11 Den afrontu a Gado fu heimel fu a skin-ati san den ben abi, nanga fu den takru kundukundu san ben opo na den skin. Ma den no drai den libi fu tapu nanga den wroko san den ben e du. 
\p  
\v 12 Dan a di fu siksi engel kanti san ben de ini en skarki go ini a bigi Eufratliba. Ne a heri liba kon drei, fu meki pasi klari gi den kownu san e kmopo kon fu a sei pe a son e opo. \x * \xo 16:12 \xt Jes 11:15\x* 
\v 13 Dan mi si dri takruyeye di gersi todo: wan kmopo ini a mofo fu a bigi kaiman, wan trawan kmopo ini a mofo fu a fosi meti, èn ete wan trawan kmopo ini a mofo fu a wan di e kari ensrefi a profeiti.\f + \fr 16:13 \ft Disi na a meti san ben opo kmopo na ondro gron.\f* 
\v 14 Den dri takruyeye disi na yeye fu didibri. Den e meki den sma si marki, èn den e go na den tiriman fu heri grontapu fu tyari den kon na wan, fu go feti tapu a bigi dei fu Gado di abi Ala Makti. 
\p  
\v 15 “Luku, Mi sa kon leki wan fufuruman, sondro fu un sabi. Blesi de tapu a sma di de na ai, èn di abi en krosi klar'klari fu weri. Bika na so a no sa abi fu waka nanga sososkin fu sma si en syen.” \x * \xo 16:15 \xt Mat 24:43-44; Luk 12:39-40; Kon na Krin 3:3\x* 
\p  
\v 16 Den takruyeye disi tyari den tiriman fu grontapu kon makandra na a presi san den e kari ini Dyutongo: Harmagedon. \x * \xo 16:16 \xt 2Kon 23:29; Zach 12:11\x* 
\p  
\v 17 Dan a di fu seibi engel kanti san ben de ini en skarki go ini a loktu. Ne wan tranga sten taki kmopo fu a Santa Presi, a kmopo pe a kownusturu de. A taki: “A kba!”  
\v 18 Dan faya bigin koti èn mi yere sten. Dondru bari èn a gron seki bun hebi. Fu sensi di sma e libi na grontapu, noiti bifo a gron ben seki so hebi. Na so hebi a gron ben seki. \x * \xo 16:18 \xt Kon na Krin 8:5; 11:13,19\x* 
\v 19 Dan a bigi foto Babilon broko na dri pisi, èn den foto fu den folku broko fadon. Na so Gado memre Babilon. A meki a dringi fu a kan pe a win fu a faya atibron fu Gado ben de. \x * \xo 16:19 \xt Jer 25:15\x* 
\v 20 No wan eilanti èn no wan bergi ben de fu si moro. \x * \xo 16:20 \xt Kon na Krin 6:14\x* 
\v 21 Bigi tranga pis'pisi-ijs san ben wegi fotenti kilo ben fadon kmopo fu heimel kon tapu den sma. Dan den sma bigin afrontu Gado fu a strafu disi ede, bika a strafu ben hebi srefsrefi. \x * \xo 16:21 \xt Ex 9:23; Kon na Krin 11:19\x* 
\c 17  
\s1 A bigi motyo di sidon na tapu wan meti 
\p  
\v 1 Dan wan fu den seibi engel di ben abi den seibi skarki, kon na mi. A taigi mi taki: “Kon, dan mi sa sori yu fa Gado o krutu a bigi motyo, di e sidon krosbei fu furu liba. \x * \xo 17:1 \xt Jer 51:13\x* 
\v 2 Nanga a bigi motyo disi den kownu fu grontapu ben e motyo, èn a win fu den takru lostu fu en ben drungu den sma di e libi na grontapu.” \x * \xo 17:2 \xt Jes 23:17; Jer 51:7\x* 
\p  
\v 3 Dan a Yeye fu Gado kon na mi tapu, èn a engel tyari mi go na ini wan dreisabana. Drape mi si wan uma sidon na tapu wan redi meti. A meti disi ben abi seibi ede nanga tin tutu. Tapu en heri skin sani ben skrifi san e afrontu Gado. \x * \xo 17:3 \xt Kon na Krin 13:1\x* 
\v 4 A uma ben weri dungru lila nanga redi krosi, èn a ben weri bun furu gowtusani, dir'diri ston nanga parelkrara. Ini en anu a ben hori wan gowtu kan san ben lai nanga groskin sani èn nanga a syen fu den takru lostu fu en. \x * \xo 17:4 \xt Jer 51:7\x* 
\v 5 Na en fes'ede wan nen ben skrifi san de wan kibritori. A skrifi taki: “A bigi foto Babilon. A mama fu ala motyo nanga ala groskin sani fu grontapu.”  
\v 6 Dan mi si tak' a uma ben drungu fu a brudu fu den sma fu Gado, èn fu a brudu fu den sma di kotoigi fu Yesus. 
\p Di mi si en, mi ben ferwondru srefsrefi.  
\v 7 Dan a engel aksi mi taki: “Fu sanede yu ferwondru? Mi sa taigi yu san na a kibritori fu a uma nanga a meti tapu san a e sidon, a meti nanga den seibi ede nanga den tin tutu.  
\v 8 A meti san yu si na a meti san ben libi, ma now a dede, èn a sa opo kmopo ini a olo san no abi gron fu kisi en strafu fu têgo. Den sma di e libi na grontapu sa ferwondru te den si a meti, bika a ben libi, èn a dede now, ma a o libi baka. Ala den sma di nen no skrifi ini a buku fu libi sensi bifo grontapu ben meki, na den sa ferwondru. \x * \xo 17:8 \xt Dan 7:7; Ps 69:29; Kon na Krin 11:7\x* 
\p  
\v 9 Wan sma mus abi koni fu ferstan a sani disi: Den seibi ede na seibi bergi tapu san a frow e sidon.  
\v 10 Den seibi ede na seibi kownu tu. Feifi fu den no de moro, wan fu den de kownu now, èn a trawan mus tron kownu ete. Te a kon, a sa rigeri fu wan syatu pisten nomo.  
\v 11 A meti san ben libi, ma a dede now, na wan kownu tu, a di fu aiti. A de wan nanga den seibi trawan, èn a o kisi en strafu fu têgo. 
\p  
\v 12 Den tin tutu san yu si, na den tin kownu di no e rigeri ete leki kownu. Ma den o kisi makti fu rigeri leki kownu fu wan syatu pisten makandra nanga a meti. \x * \xo 17:12 \xt Dan 7:24\x* 
\v 13 Ala den tin kownu disi abi a srefi prakseri, èn den o gi a meti a makti fu den nanga a leti san den abi fu rigeri.  
\v 14 Den o feti nanga a Lam, ma a Lam o wini den, bika En na Masra fu ala masra, nanga Kownu fu ala kownu. Den sma di e waka na En baka, na den sma di Gado ben kari èn teki gi Ensrefi, èn di e tan bribi ini En.” 
\p  
\v 15 Dan a engel taigi mi moro fara taki: “Den furu liba san yu ben si krosbei pe a motyo sidon, na den folku. Den na a bigi grupu sma di e taki ala sortu tongo ini den difrenti kondre.  
\v 16 Den tin tutu san yu si, nanga a meti, den no o man si a motyo na ai. Den o puru ala sani san a abi, èn den o poti en nanga sososkin. Den o nyan en meti, èn den o bron en nanga faya.  
\v 17 Bika Gado poti en ini den prakseri fu du san A wani. Leki wan man den o gi a makti fu den na a meti, te leki den sani san Gado ben taki kon psa. 
\p  
\v 18 A uma di yu ben si, na a bigi foto san abi makti abra ala den kownu fu grontapu.” 
\c 18  
\s1 Babilon fadon 
\p  
\v 1 Baka dati mi si wan tra engel e saka kmopo fu heimel. A engel disi ben abi bigi makti, èn a fasi fa a ben e brenki, ben krin heri grontapu.  
\v 2 A bari nanga tranga sten taki: “A fadon! A bigi foto Babilon fadon! Now a tron wan nesi fu den didibri, nanga wan kibripresi fu ala den takruyeye. A tron wan tanpresi fu tingifowru nanga ala den sortu fowru disi san sma no wani srefsrefi. \x * \xo 18:2 \xt Jes 21:9; Jer 51:8; Kon na Krin 14:8; Jes 13:21; Jer 50:39\x* 
\v 3 Bika a ben drungu ala den folku nanga a win fu den faya takru lostu fu en. Den kownu fu grontapu ben motyo nanga en, èn den bisnisman fu grontapu ben kon gudu fu di a ben gridi fu abi furu diri sani.” \x * \xo 18:3 \xt Jes 23:17; Jer 51:7\x* 
\p  
\v 4 Dan mi yere wan tra sten taki kmopo fu heimel taki: “Mi folku, un kmopo na ini Babilon, fu un no teki prati ini den sondu fu en, èn fu un no kisi den strafu fu en. \x * \xo 18:4 \xt Jes 48:20; Jer 50:8; 51:6,45\x* 
\v 5 Bika den sondu fu en kon so furu tak' den doro te na heimel, èn Gado memre den ogri sani san a du. \x * \xo 18:5 \xt Gen 18:20-21; Jer 51:9\x* 
\v 6 Du nanga en soleki fa a ben du nanga trawan. Den sani san a ben du, yu mus du tu tron moro furu nanga en. A win san de ini en kan, san a ben gi trawan fu dringi, yu mus meki en tu tron moro tranga fu a dringi. \x * \xo 18:6 \xt Ps 137:8; Jer 50:29\x* 
\v 7 Na a fasi fa a ben opo ensrefi èn libi bigi, na sowan fasi yu mus pai en baka nanga pina èn sari. Bika a e taki na ini en ati taki: ‘Mi e sidon na tapu a kownusturu e rigeri. Mi no de leki wan frow di en masra dede, èn mi no o sabi san na row.’ \x * \xo 18:7 \xt Jes 47:7-9\x* 
\v 8 Dat'ede meki ala den strafu fu en o kon tapu wán dei: siki, sari nanga angriten. Den o bron en nanga faya, bika Masra Gado di krutu en, abi bigi makti.” 
\p  
\v 9 Den kownu fu grontapu di ben motyo nanga en, èn di ben libi bigi nanga en, o krei. Den o dyeme fu en ede te den si a smoko fu a faya san e bron en. \x * \xo 18:9 \xt Ezec 26:16-17\x* 
\v 10 Den o tan farawe fu en, fu di den e frede fu a pina san miti en, èn den o taki: “Sari, sari gi a bigi foto Babilon! Sari gi a foto di ben abi sowan makti! Bika ini wan syatu pisten yu kisi yu strafu.” 
\p  
\v 11 Den bisnisman fu grontapu o krei èn sari fu en ede, bika sma no e bai den sani fu den moro: \x * \xo 18:11 \xt Ezec 27:25-36\x* 
\v 12 sani soleki gowtu, solfru, dir'diri ston nanga parelkrara, ala sortu moi dir'diri krosi nanga ala sortu udu san e smeri switi. Den no e bai den sani san meki fu asaw tifi nanga dir'diri udu, nanga den sani san meki fu kopro, isri nanga marmer.  
\v 13 Sma no e bai kaneri, spesrei, switismeri, mirre nanga wierook, win, oli, blon, nanga tarwe.\f + \fr 18:13 \ft “Tarwe” na wan sani nanga san den e meki blon.\f* Den no e bai buriki, skapu, asi nanga asiwagi moro. Èn den bisnisman no man seri libisma leki srafu moro.  
\v 14 Den o taki: “Babilon, yu lasi ala den bun sani san yu ben angri fu kisi. Ala den moimoi diri sani fu yu, yu lasi den, èn noiti moro yu o feni den.” 
\p  
\v 15 Den bisnisman di ben seri den sani disi èn di kon gudu fu Babilon, o tan tnapu farawe fu di den e frede a pina san miti en. Den o krei, den o sari,  
\v 16 èn den o taki: “Sari, sari gi a bigi foto! A ben de leki wan umasma di e weri moi dir'diri krosi nanga gowtusani, dir'diri ston nanga parelkrara.  
\v 17 Ma ini wan syatu pisten a bigi gudu disi lasi gwe.” \x * \xo 18:17 \xt Jes 23:14\x* 
\p Ibri kapten fu sipi, ibri matrosi, den tra sma di de na tapu den sipi, nanga den sma di e feni den deibrede na tapu se, den alamala o tan tnapu farawe.  
\v 18 Den o bari te den si a smoko fu a faya san e bron a foto, taki: “No wan foto ben bigi leki Babilon!” \x * \xo 18:18 \xt Ezec 27:32\x* 
\v 19 Dan den o bigin sari èn krei. Den o fringi santi go na tapu den ede fu sori tak' den e sari. Den o bari taki: “Sari, sari gi a bigi foto! Bika ini wan syatu pisten a foto broko. Ala den sma di ben abi sipi na tapu se ben kon gudu doro den gudu fu en.” 
\p  
\v 20 Unu di de na ini heimel, un mus prisiri, makandra nanga den sma fu Gado, den boskopuman fu Yesus, nanga den profeiti. Bika Gado strafu Babilon fu a sani san a ben du nanga unu. \x * \xo 18:20 \xt Deut 32:43; Jer 51:48\x* 
\p  
\v 21 Dan wan tranga engel teki wan bigi ston san ben gersi a ston nanga san den e mara tarwe, dan a fringi en go na ini se. A taki: “Na so den o fringi a bigi foto Babilon trowe, èn noiti moro a sa opo baka. \x * \xo 18:21 \xt Jer 51:63-64; Ezec 26:21\x* 
\v 22 Noiti moro wan sma sa yere na ini Babilon, sma di e prei gitara noso sma di e singi, sma di e prei froiti noso sma di e bro wan tutu. No wan bun wrokoman o de fu feni moro, èn no wan miri o de fu yere moro na ini Babilon. \x * \xo 18:22 \xt Jes 24:8; Jer 7:34; 25:10; Ezec 26:13\x* 
\v 23 No wan faya o leti moro na ini a foto, èn no wan trowfesa o de moro. Bika den bisnisman fu yu ben de den bigiman fu grontapu, èn yu ben kori ala folku nanga a tofruwroko di yu du.” 
\p  
\v 24 Na Babilon de frantwortu fu a dede fu den profeiti, nanga den sma fu Gado, nanga ala den tra sma di den kiri na grontapu. \x * \xo 18:24 \xt Jer 51:49\x* 
\c 19  
\s1 Wan singi fu di Babilon fadon 
\p  
\v 1 Baka dati mi yere wan heri ipi sma na ini heimel e taki: 
\q1 Haleluya!\f + \fr 19:1 \ft “Haleluya” wani taki: “prijse Masra.”\f* 
\q2 Na wi Gado ferlusu wi. 
\q1 Na En mus kisi glori. 
\q2 Na En abi makti. 
\q1  
\v 2 Bika A e koti krutu nanga leti, 
\q2 èn A no e meki fowtu. 
\q1 A strafu a bigi motyo 
\q2 di ben pori grontapu 
\q2 nanga den takru lostu fu en, 
\q1 èn A meki a pai 
\q2 fu den knekti fu En di a ben kiri. \x * \xo 19:2 \xt Deut 32:43; 2Kon 9:7\x* 
\m  
\v 3 Dan a bigi ipi sma bari ete wan leisi: 
\q1 Haleluya! 
\q1 A smoko fu a foto o de fu si 
\q2 fu têgo èn ala ten. \x * \xo 19:3 \xt Jes 34:10\x* 
\m  
\v 4 Dan den tutenti-na-fo (24) fesiman nanga den fo libilibi sani fadon tapu den kindi èn den anbegi Gado di e sidon na tapu a kownusturu. Den taki: 
\q1 Amen, haleluya! 
\m  
\v 5 Dan wan sten taki kmopo fu a kownusturu taki: 
\q1 Prijse wi Gado, 
\q2 un ala di e dini En 
\q2 nanga unu di e lespeki En, 
\q3 pikinwan nanga bigiwan! \x * \xo 19:5 \xt Ps 115:13\x* 
\s1 A trow fu a Lam 
\p  
\v 6 Dan mi yere wan sani san ben gersi a sten fu wan heri ipi sma. A ben gersi a babari fu wan bigi sula nanga a bigi babari fu dondru. A taki: 
\q1 Haleluya! 
\q1 Bika Masra wi Gado 
\q2 di abi Ala Makti, 
\q2 e rigeri now leki kownu. \x * \xo 19:6 \xt Ezec 1:24; Ps 93:1; 97:1; 99:1\x* 
\q1  
\v 7 Kon meki wi prisiri 
\q2 èn nyanprei, 
\q1 meki wi gi En glori. 
\q1 Bika a trowdei fu a Lam 
\q2 doro kba, 
\q1 èn a trowmisi fu En 
\q2 meki ensrefi klari. 
\q1  
\v 8 Den gi en weti linnen krosi 
\q2 fu weri 
\q2 san krin èn san e brenki. 
\m Bika a weti linnen krosi na den bun wroko fu den sma fu Gado. 
\p  
\v 9 Dan a engel taigi mi taki: “Skrifi a sani disi: Blesi de tapu ala den sma di kisi kari fu kon na a trowfesa fu a Lam.” A taigi mi moro fara taki: “Den tru wortu disi kmopo fu Gado.” \x * \xo 19:9 \xt Mat 22:2-3\x* 
\p  
\v 10 Dan mi fadon tapu mi kindi fesi a engel fu anbegi en. Ma a taigi mi taki: “No du a sani disi! Mi na wan knekti, neleki yu nanga den tra sma di e tan hori na den sani san Yesus taki. Na Gado yu mus anbegi! Bika ala den sani san Yesus taki, na den sani san a Yeye fu Gado ben gi den profeiti fu den taki.” 
\s1 A Wan di e sidon tapu a weti asi 
\p  
\v 11 Baka dati mi luku, dan mi si tak' heimel opo. Ne mi si wan weti asi. A Wan di sidon na tapu a asi, den e kari: “A Wan di yu kan fertrow, a Wan di no e lei.” Tapu wan leti fasi A e krutu den feyanti fu En èn A e feti nanga den. \x * \xo 19:11 \xt Ezec 1:1; Ps 96:13; Jes 11:4\x* 
\v 12 Den ai fu En ben de leki faya, èn tapu en ede A ben weri furu kownu-ati. Wan nen ben skrifi na En tapu san En wawan sabi. \x * \xo 19:12 \xt Dan 10:6\x* 
\p  
\v 13 A ben weri wan krosi san ben dopu na ini brudu, èn En nen na: “A Wortu fu Gado.”  
\v 14 Den legre san de na heimel ben rei na En baka na tapu weti asi, èn den ben weri krin weti linnen krosi.  
\v 15 Ini en mofo wan srapu owru e kmopo. Nanga dati A o wini den sma di no sabi Gado, èn A o tiri den nanga wan isri tiki. Neleki fa den e stampu droifi na ini wan baki fu meki win, na so A o stampu den folku na ini a baki fu a faya atibron fu Gado di abi Ala Makti. \x * \xo 19:15 \xt Ps 2:9; Jes 63:3; Joël 3:13; Kon na Krin 14:20\x* 
\v 16 A sani san skrifi na tapu En krosi èn na tapu En bowtu na: “Kownu fu ala kownu, nanga Masra fu ala masra.” 
\s1 A meti nanga en profeiti lasi a feti 
\p  
\v 17 Dan mi si wan engel tnapu na tapu a son. A bari nanga tranga sten gi ala den tingifowru di e frei bun hei na loktu taki: “Un kon! Un kon na a bigi fesa san Gado e gi unu. \x * \xo 19:17 \xt Ezec 39:17-20\x* 
\v 18 Un kon nyan a meti fu kownu, legre-edeman nanga srudati. Un kon nyan a meti fu asi nanga den sma di e rei na den tapu, nanga a meti fu ala den tra sma: fri sma nanga srafu, pikinwan nanga bigiwan.” 
\p  
\v 19 Dan mi si a meti san ben kmopo ini a se, nanga den kownu fu grontapu nanga den legre fu den. Den ben kon makandra fu feti nanga a Wan di sidon na tapu a asi, nanga a legre fu En.  
\v 20 Dan den kisi a meti nanga a wan di ben kari ensrefi a profeiti, di ben wroko gi a fosi meti. Nanga den wondru fu en a ben kori den sma di ben abi a marki fu a meti, èn di ben anbegi a bigi popki san gersi en. Libilibi den fringi den go ini a swampu di abi soso faya èn san e bron nanga kroiti. \x * \xo 19:20 \xt Kon na Krin 13:1-18\x* 
\v 21 Ma den trawan dede. A owru san e kmopo ini a mofo fu a Wan di sidon na tapu a asi, kiri den. Dan ala den fowru nyan den, furu den bere nanga a meti fu den. 
\c 20  
\s1 Den wan dusun yari 
\p  
\v 1 Baka dati mi si wan engel e saka kmopo fu heimel. Ini en anu a ben abi wan bigi keti nanga a sroto fu a olo san no abi gron.  
\v 2 A grabu a bigi kaiman, san de a sneki san ben de sensi fosten. Un sabi en leki didibri, leki Satan. Dan a engel tai en dusun yari langa. \x * \xo 20:2 \xt Gen 3:1\x* 
\v 3 A fringi en go ini a olo san no abi gron èn a sroto a olo. Dan a poti wan marki na en tapu tak' a no mag opo. So didibri no bo man kori den folku moro, solanga den dusun yari no ben psa. Baka dati den mus lusu en fu wan syatu pisten. 
\p  
\v 4 Dan mi si kownusturu. Den wan di ben kisi a makti fu krutu ben sidon na tapu den kownusturu disi. Owktu mi si den sili fu den sma di trawan ben koti den ede puru, fu di den ben kotoigi fu Yesus èn fu di den ben panya a wortu fu Gado. Den sma disi no ben anbegi a meti noso a bigi popki san gersi en, èn den no ben teki a marki fu en na den fes'ede noso na tapu den anu. Den kon baka na libi èn den rigeri makandra nanga Kristus dusun yari langa. \x * \xo 20:4 \xt Dan 7:9,22\x* 
\v 5 Den tra sma di ben dede no ben kon baka na libi, solanga den dusun yari no ben psa. Disi na a fosi opo baka na dede.  
\v 6 Blesi de tapu a sma di abi prati na ini a fosi opo baka na dede, bika den na den sma fu Gado. Den no o dede fu a di fu tu leisi. Ma den sa de priester fu Gado nanga fu Kristus. Dusun yari langa den sa rigeri makandra nanga En. 
\s1 Satan lasi 
\p  
\v 7 Baka te den dusun yari psa, Gado o meki den lusu Satan puru na strafu.  
\v 8 Dan a o kon fu kori den folku na heri grontapu, fu kon makandra fu go feti. Den folku disi den e kari Gog nanga Magog, èn den lai leki pesi. \x * \xo 20:8 \xt Ezec 38:2,9,15\x* 
\v 9 Den kmopo na ala sei fu grontapu, dan den lontu a foto san Gado lobi, a foto pe den sma fu Gado e libi. Ma faya kmopo fu heimel èn a kiri den.  
\v 10 Dan den fringi didibri di ben kori den sma, go na ini a swampu di abi soso faya èn san e bron nanga kroiti. Na drape den ben fringi a meti nanga a wan di ben kari ensrefi a profeiti. Na drape den o pina dei nanga neti, fu têgo èn ala ten. 
\s1 A bigi weti kownusturu 
\p  
\v 11 Baka dati mi si wan bigi weti kownusturu nanga a Wan di sidon na en tapu. Heimel nanga grontapu lon gwe gi En, èn den no ben de fu si noiti moro. \x * \xo 20:11 \xt Dan 7:9-10\x* 
\v 12 Mi si den dedesma tu, pikinwan nanga bigiwan. Den ben tnapu na fesi a kownusturu. Dan mi si tak' buku opo. Den opo wan tra buku tu, sobun a buku fu libi. Dan soleki fa den sani ben skrifi san den dedesma disi ben du, na so den kisi strafu.  
\v 13 A se lusu den sma di ben dede na ini en, èn Dede nanga Dedekondre ben lusu den dede di ben de na ini den. Den alamala kisi strafu na fa den wroko fu den ben de.  
\v 14 Dan den fringi Dede nanga Dedekondre go ini a swampu di abi soso faya. A swampu disi di abi soso faya, na a di fu tu dede.  
\v 15 Suma nen no ben skrifi ini a buku fu libi, den ben fringi go ini a swampu di abi soso faya. 
\c 21  
\s1 A nyun heimel nanga a nyun grontapu 
\p  
\v 1 Baka dati mi si wan nyun heimel nanga wan nyun grontapu, bika den fosiwan no ben de moro, èn a se no ben de moro tu. \x * \xo 21:1 \xt Jes 65:17; 66:22; 2Pe 3:13\x* 
\v 2 Dan mi si a santa foto, wan nyun Yerusalem, e saka kmopo na heimel pe Gado de. A foto ben moi leki wan trowmisi di weri ala en sani fu go miti nanga a trowmasra. \x * \xo 21:2 \xt Jes 52:1; 61:10; Kon na Krin 3:12\x* 
\v 3 Dan mi yere wan tranga sten taki kmopo fu a kownusturu taki: “Luku, a tanpresi fu Gado de pe libisma de. Gado o de na den mindri, èn den o de En folku, èn En o de a Gado fu den. \x * \xo 21:3 \xt Lev 26:11-12; Ezec 37:27\x* 
\v 4 A sa drei ala den watra-ai. Dede, row, krei nanga pen no sa de moro, bika den owru sani disi no de moro.” \x * \xo 21:4 \xt Jes 25:8; 35:10; 65:19\x* 
\p  
\v 5 Dan a Wan di sidon na tapu a kownusturu taki: “Luku, Mi e meki ala sani kon nyun.” A taigi mi taki: “Skrifi. Yu kan fertrow den sani san Mi taki. Mi no e lei.”  
\v 6 A taigi mi taki: “Ala sani psa kba! Mi na a Alfa nanga a Omega, a Bigin nanga a Kba. Mi o gi a sma di watra e kiri, fu a dringi fu soso fu a presi pe watra san e gi libi e lon. \x * \xo 21:6 \xt Jes 55:1\x* 
\v 7 A sma di e wini sa kisi den sani disi. Dan Mi o de en Gado, èn en o de Mi pikin. \x * \xo 21:7 \xt 2Sam 7:14; Ps 89:27-28\x* 
\v 8 Ma den sma di den o fringi go ini a swampu di abi soso faya èn san e bron nanga kroiti, na den sma di ben frede fu tan hori a bribi, den sma di no ben wani bribi, nanga den sma di ben du ala sortu ogri. Na den kiriman, den sma di ben gi densrefi abra na takru lostu, den sma di ben du tofruwroko, den sma di ben dini kruktu gado, nanga ala den leiman. Disi na a di fu tu dede.” 
\s1 A nyun Yerusalem 
\p  
\v 9 Dan wan engel kon na mi. A ben de wan fu den seibi engel di ben abi den seibi skarki san ben furu nanga den seibi strafu. A taki: “Kon. Mi o sori yu a trowmisi, a frow fu a Lam.”  
\v 10 Dan a Yeye fu Gado kon na mi tapu, èn a engel tyari mi go na tapu wan bigi hei bergi. Dan a sori mi a santa foto Yerusalem di ben e saka kmopo na heimel pe Gado de. \x * \xo 21:10 \xt Ezec 40:2\x* 
\v 11 A glori fu Gado ben de ini en, èn a ben brenki leki wan bun diri ston, neleki wan dyamanti san e koti faya.  
\v 12 A foto ben abi wan bun hei skotu lontu en. A skotu ben abi twarfu doro, èn na fesi iniwan fu den doro wan engel ben tnapu. Na tapu iniwan fu den doro, a nen fu wan fu den twarfu lo fu a folku Israel ben skrifi. \x * \xo 21:12 \xt Ezec 48:30-35\x* 
\v 13 Na a oostsei dri doro ben de, sosrefi na a noordsei, a zuidsei nanga a westsei fu a skotu.  
\v 14 A skotu fu a foto ben bow na tapu twarfu fundamenti. Na tapu iniwan fu den fundamenti, a nen fu wan fu den twarfu boskopuman fu a Lam ben skrifi. 
\p  
\v 15 A engel di ben taki nanga mi, ben abi wan gowtu doitiki fu marki a foto, nanga a skotu, nanga den doro fu en. \x * \xo 21:15 \xt Ezec 40:3\x* 
\v 16 A foto ben fokanti. Ala den fo sei ben langa a srefi. Dan a engel marki a foto nanga a doitiki. Iniwan sei fu a foto ben langa tu dusun nanga fo hondro (2.400) kilometer. A foto ben langa, bradi, èn hei a srefi.  
\v 17 Baka dati a engel marki o hei a skotu de. A marki en soleki fa libisma e marki sani. A skotu ben hei siksitenti-na-siksi (66) meter.  
\v 18 A skotu ben meki fu dyamanti, èn ala sani fu a foto ben meki fu lala gowtu san ben krin leki grasi. \x * \xo 21:18 \xt Jes 54:11-12\x* 
\v 19 Den ben moimoi den fundamenti fu a skotu nanga ala sortu dir'diri ston: a fosi wan nanga dyamanti, a di fu tu nanga lasurston, a di fu dri nanga robijn, a di fu fo nanga smaragd,  
\v 20 a di fu feifi nanga sardoniks, a di fu siksi nanga sardiyus, a di fu seibi nanga topas, a di fu aiti nanga beril, a di fu neigi nanga krisolit, a di fu tin nanga krisopas, a di fu erfu nanga safir, èn a di fu twarfu nanga ametist.  
\v 21 Den twarfu doro ben de twarfu parelkrara. Iniwan fu den doro ben meki fu wan enkri parelkrara. Den strati fu a foto ben meki fu lala gowtu san ben krin leki grasi tak' yu ben kan luku psa ini en. 
\p  
\v 22 Mi no ben si wan kerki ini a foto, bika Masra Gado di abi Ala Makti, nanga a Lam, den na a Santa Presi fu en.  
\v 23 A foto no abi a faya fu son nanga munkenki fanowdu, bika a glori fu Gado e krin a heri foto, èn a lampu fu a foto na a Lam. \x * \xo 21:23 \xt Jes 60:19-20\x* 
\v 24 Ala den folku o libi na ini a faya san e brenki kmopo fu a foto, èn ala den kownu fu grontapu sa tyari den gudu fu den go ini a foto. \x * \xo 21:24 \xt Jes 60:3\x* 
\v 25 Fu di neti no o de moro, den doro fu a foto o tan opo a heri dei. \x * \xo 21:25 \xt Jes 60:11\x* 
\v 26 Den o tyari ala den moi sani nanga den gudu fu den folku go ini a foto.  
\v 27 Ma noti san no santa o go ini a foto. Sosrefi tu den sma di e du ala sortu groskin sani èn di e lei, no o go ini a foto. Soso den sma di nen skrifi na ini a buku fu libi fu a Lam, o go na ini. \x * \xo 21:27 \xt Jes 52:1; Ezec 44:9\x* 
\c 22  
\s1 A watra san e gi libi 
\p  
\v 1 Baka dati a engel sori mi a liba di abi watra san e gi libi. A ben lon kmopo fu a kownusturu fu Gado nanga di fu a Lam, èn a ben brenki leki fa kristal e brenki. \x * \xo 22:1 \xt Ezec 47:1; Zach 14:8\x* 
\v 2 A ben lon psa mindri a bigi strati fu a foto. Na ala tu sei fu a liba, yu ben abi bon san e gi libi. Twarfu leisi wan yari den bon disi ben gi froktu, ala mun wan leisi. Den wiwiri fu den ben de fu dresi den folku. \x * \xo 22:2 \xt Gen 2:9\x* 
\v 3 Noti san Gado fluku o de moro. A kownusturu fu Gado nanga di fu a Lam sa de ini a foto, èn den knekti fu En sa anbegi En. \x * \xo 22:3 \xt Gen 3:17; Zach 14:11\x* 
\v 4 Den sa si Gado ai na ai, èn En nen o skrifi na tapu den fes'ede.  
\v 5 Neti no o de moro, èn den no o abi a faya fu lampu noso a leti fu a son fanowdu moro, bika Masra Gado o de a faya fu den. Èn den o rigeri leki kownu fu têgo èn ala ten. \x * \xo 22:5 \xt Jes 60:19; Dan 7:18\x* 
\s1 A konbaka fu Kristus 
\p  
\v 6 Dan A taigi mi taki: “Yu kan fertrow den sani san Mi taki. Mi no e lei. Masra, a Gado di e tiri a yeye fu den profeiti, seni En engel fu sori den knekti fu En den sani san musu psa her'esi.” 
\p  
\v 7 “Luku, Mi e kon her'esi. Blesi de tapu a sma di e hori ensrefi na a boskopu san Gado gi unu ini a buku disi.” 
\p  
\v 8 Na mi, Yohanes, ben yere èn si den sani disi. Di mi yere èn si den sani disi, mi fadon tapu mi kindi na a futusei fu a engel di sori mi den sani, fu anbegi en.  
\v 9 Ma a taigi mi taki: “No du a sani disi! Mi na wan knekti neleki yu nanga den tra brada fu yu, den profeiti nanga den sma di e hori densrefi na den wortu fu a buku disi. Na Gado yu mus anbegi!” 
\p  
\v 10 Dan a taigi mi taki: “Yu no mus kibri a boskopu san Gado gi unu ini a buku disi, bika a ten de krosbei.  
\v 11 A sma di e du kruktu, meki a tan du kruktu, èn a sma di doti, meki a kon moro doti. A sma di e du bun, meki a tan du bun, èn a sma di santa, meki a kon moro santa.” \x * \xo 22:11 \xt Dan 12:10\x* 
\p  
\v 12 “Luku, Mi e kon her'esi, èn Mi e kon fu gi ala sma den paiman na a fasi fa den wroko fu den ben de. \x * \xo 22:12 \xt Ps 28:4; Jes 40:10; 62:11; Jer 17:10\x* 
\v 13 Mi na a Alfa nanga a Omega, a Fosiwan nanga a Kriboiwan, a Bigin nanga a Kba. \x * \xo 22:13 \xt Jes 44:6; 48:12; Kon na Krin 1:8,17; 2:8\x* 
\v 14 Blesi de tapu den sma di e wasi den krosi krin, dan so den sa abi a leti fu nyan den froktu fu a bon san e gi libi, èn fu psa den doro go ini a foto. \x * \xo 22:14 \xt Gen 2:9; 3:22\x* 
\v 15 Na dorosei fu a foto yu abi den dagu: sobun den tofruman nanga den sma di e gi densrefi abra na takru lostu, den sma di e kiri trawan, nanga den sma di e dini kruktu gado, nanga ala den sma di lobi fu lei.” 
\p  
\v 16 “Na mi, Yesus, seni Mi engel fu taigi unu den sani disi, fu un taigi den gemeente. Mi na a rutu nanga a bakapikin fu David. Mi na a mamanten-stari.” \x * \xo 22:16 \xt Jes 11:1,10\x* 
\p  
\v 17 A Yeye nanga a trowmisi e taki: “Kon!” \x * \xo 22:17 \xt Jes 55:1\x* 
\p Ala sma di yere a sani disi mus taki: “Kon!” Meki ala sma kon di watra e kiri, èn meki den sma di wani, dringi fu soso fu a watra san e gi libi. 
\p  
\v 18 Mi e warskow ala sma di e yere a boskopu san Gado gi unu ini a buku disi taki: Efu wan sma poti wan sani moro tapu san skrifi dya, Gado o strafu en nanga den strafu san skrifi ini a buku disi. \x * \xo 22:18 \xt Deut 4:2; 12:32\x* 
\v 19 Efu wan sma puru wan sani fu a boskopu san Gado gi unu ini a buku disi, Gado o puru a leti san a abi fu nyan fu den froktu fu a bon san e gi libi èn fu go ini a santa foto soleki fa a skrifi ini a buku disi. 
\p  
\v 20 A Wan di e taigi yu den sani disi e taki: “Iya, Mi e kon her'esi!” 
\p Amen! Kon Masra Yesus, kon! 
\p  
\v 21 Meki a bun-ati fu Masra Yesus de nanga un ala.