\id 1TH  
\h 1 Tēēsālōōnikēēk 
\toc1 Barweetaab Taayta nyēē kisirchi ꞉Bāwulō Tēēsālōōnikēēk 
\toc2 1 Tēēsālōōnikēēk 
\toc3 1Tēēs. 
\mt2 Barweetaab Taayta nyēē kisirchi ꞉Bāwulō 
\mt1 Tēēsālōōnikēēk 
\is1 Taayta 
\im \bd Siriintēēt, kēnyiit nyēē /kikēēsirē āk wōlēē /kikēēsirēē\bd*: Kisirē ꞉Bāwulō barwaani kumiitē Kōōriintō ām kēnyiitaab 51 KK. Rubē ꞉barwaani nyoo bo Kalatyeek ānku akeenke ām bārōōnōōkyii chēbo taay ām Kiirootyeet nyēē Lēēl. Kitoow ꞉Bāwulō kaniseet ām ruutooynyii nyēbo āyēēng' ām Tēēsālōōnikē nyi ki kiriinkēēt nyēē wōō miisin ām Maketoonnya. Nteenee king'eetee kiriinkoonoo areet akeenke kubo wōōrōōryēēt nyēē kiing'etng'eetaat ꞉Yuutayeek (kasee Yēyuutēk 17:5-10). Yu kang'eetee Tēēsālōōnikē, kuwo ākoy Bereeya ankutas taay ākoy Aaten. Nto yityo, kōōyookto toorētiintēēnyii Tēmētēēwō kuwo Tēēsālōōnikē wokōōtitiir kaniseet ankutas taay kooneet, nteenee kiruutoochi ꞉Bāwulō Kōōriintō (kur. 3:1-3). Kiwokuyit ꞉nkinee Tēmētēēwō lētuunoo Kōōriintō ānkuchokurārchi Bāwulō wōlēē kiwuu ꞉ruutooynyii bo Tēēsālōōnikē kurubta keey āk kaniseet nyēē kiiyyoong'oot ām wōlēē mii ꞉Yēyiin ānkoo ki wōō ꞉wusiisyēēt āk kwiilateet. Kumiitē ꞉Bāwulō Kōōriintō, kusirchi kaniseet ām Tēēsālōōnikē barweet kōōkimkiimē ānkuwālchinē kāāyiimuutēk chēē kiboonto kurubta keey āk kāāyēēwunēētaab Yēēsu. 
\ip \bd Kiyēē miitē āriit\bd*: Kimāchē ꞉Bāwulō kōōtitiir kāāyēnēētaab Tēēsālōōnikēēk ām kāānēētuutēk chēē nāmē keey āk soboontaab Kiriistō āk kāroomnyēēt nyēē boonto. Mwooyē ꞉Bāwulō kule kukasee ꞉biiko wōlēē wuu ꞉soboonnyii ām wōlēē iyēnchintooy Kiriistō. Nto yityo, kuwālchi tēēbuutēkwaa. Imuuchē kikiikumēēyo ꞉biiko kereeryaanto ām wusiisyēēt nyoo kitook, kunyoo kitēēbēē keey ꞉choo kitākusobchootiin yoo imuuchē ꞉nkicheek choo kiikubēk kutas choo māchokunyōōr ꞉Yēēsu yoo iyēēwu chokuyibē biikyii. Ikiimchinē ꞉Bāwulō bichoo kule yoo kime ꞉chii kukiikōōyēnchi Kiriistō, kutāsē wōloo mii choo chokuyibē ꞉Yēēsu ānkumākuyēk mbo chēbo taay kōōwut soboontaab kibchuulyo (kur. 4:16). 
\ip \bd Kiyēē āmu\bd*: Sooysooyē ꞉barwaani ānkōōkomkoomu biikaab Kiriistō choo /kikiikēēwus. Kimwoochi kule boonto keey ꞉Yēyiin icheek ānkumākunyōōr biirtooyiisyēēt yoo iyēēwu ꞉Kiriistō chokuyibē choo cheechii. Kunyoo, māchāktōōs ꞉icheek kubāybāyiitu ānkuyēk nyikoon kumuyta nyāliluutēk ānkuminy kōōywēyē Kiriistō. 
\c 1  
\s1 Kyoorōōrchi keey ꞉Bāwulō biikaab Tēēsālōōnikē ānkumākyi bērur 
\p  
\v 1 Anii ku Bāwulō ānkāāboontē keey Siila ākoo Tēmētēēwō. Āsirwook akweek kaniseet ām Tēēsālōōnikē choo ōbooyē Baaba Yēyiin āk Mokoryoontēēt Yēēsu Kiriistō. Lēyyē, kōōbēruurook ꞉Yēyiin ānkōōnyōōru kaalyeet.\x - \xo 1:1 \xt Yēyuut. 15:22; 17:1; 1Kōōr. 4:17; 2Kōōr. 1:19; 2Tēēs. 1:1; 1Bēt. 5:12\x* 
\s1 Kisoochi ꞉Bāwulō kaniseetaab Tēēsālōōnikē ānkōōkiim 
\p  
\v 2 Kēēbirchinē Yēyiin kōōnkōy ākookoy kubo akweek tukul yoo kēēsoowook.  
\v 3 Kiisōōtook ām yiisyēēt nyoo ōyēyē ōkoosēē keey inee ānkōōboontē chamateet. Kēēbirchinē Baaba Yēyiin kōōnkōy subak, kuuyu kyōōkiimchi keey ōkēnēē keey ꞉Mokoryoontēēnyoo Yēēsu Kiriistō.  
\v 4 Mbo ng'eetaabiya, kiinkētē kule kiikukweyaak ꞉Yēyiin nyoo chāmook,  
\v 5 kuuyu yoo kikyoomwook lōkōōywēk chēē kāroomēch mēēbērē ki ng'al buch, nteenee kibo kāāmuukēy kuboonto keey Tāmirmiryēētaab Yēyiin soochamte ꞉akweek manta. Ōnkētē ꞉akweek mbo wōlēē kikiibuurtooy ꞉acheek yoo kikēēboontē keey ꞉tukul.\x - \xo 1:5 \xt Yēyuut. 19:11; Room. 1:16; 1Kōōr. 2:4; 4:20; 1Tēēs. 2:13\x* 
\v 6 Kyoocham ōyēchi Yēyiin yiisyēēt kuu acheek. Kyootaach lōkōōywēchoo ām ng'erekweekaab Tāmirmiryēētaab Yēyiin ānkoo kiyeyaak /kēēwusook.\x - \xo 1:6 \xt 1Kōōr. 4:16; Yēyuut. 13:52\x* 
\v 7 Ām yooto nanyuun ōyēku kāānēētēywoo ām wōlēē mii ꞉biiko tukul chēbo yēēmēētaab Maketoonnya ākoo Akaaya choo iyēnchinē Kāārārookiintēēt.  
\v 8 Mēēbērē kiyit ꞉lōkōōywēkwook choo bo Mokoryoontēēt yēēmēētaab Maketoonnya ākoo Akaaya baateey, nteenee kikas ꞉kōōrēēt tukul kule ōkoosēē keey Yēyiin. Kunyoo, māmii ꞉kiy nyēē tākumāchāktōōs keemwaay.\x - \xo 1:8 \xt Room. 1:8\x* 
\v 9 Ng'āloolēē ꞉bichooto tukul wōlēē kyoochamte ng'aleekyoo āk wōlēē kyootayte āynātōōs ankoorub Yēyiin nyoo bo manta.\x - \xo 1:9 \xt Yoowa. 17:3; Yēyuut. 14:15\x* 
\v 10 Nto yooto ōkānyoonu lakwanyii kōōyēēwunēē kibkōōnkōy. Nyooto ku Yēēsu nyoo kiing'ēētēē ꞉Yēyiin meet. Inee ꞉nyēē makuyeeteech /simākiing'woonchēēch. 
\c 2  
\s1 Kyoorōōr ꞉Bāwulō wōlēē kiwuu ꞉soboonnyii ām Tēēsālōōnikē 
\p  
\v 1 Mbo ng'eetaabiya, ōnkētē ꞉akweek kule mānāāwo buch ꞉ruutooyto nyoo kikēēkwoonii ꞉acheek wōlooto.  
\v 2 Ōnkētē wōlēē /kisimkēēwustēēch /ānkiintosuurtēēch ām *kiriinkēētaab Filiibi. Ānkoo /kikeekwiileech miisin, kikōōnēēch ꞉Yēyiin nkuruuk kyoomwook lōkōōywēkyii chēē kāroomēch.\x - \xo 2:2 \xt Yēyuut. 16:19-24; 17:1-9\x* 
\v 3 Okas kule kimākyoomtooy ng'al chēbo ng'wiiynan nto kikiisōōtē ng'al chēē mā kāroomēch nto kikēēbērē kule kēēkēnwook.\x - \xo 2:3 \xt 2Kōōr. 2:17\x* 
\v 4 Kichamteech ꞉Yēyiin ānkōōtōōrwēēch ꞉lōkōōywēchu kāroomēch. Kunyi, mēēbērē kyoomtooy lōkōōywēchu kule sikiing'ereech biiko, nteenee kyoomtooy kule sikiing'ereech Yēyiin nyoo inkētē kāāsōōtēywēēkyoo.\x - \xo 2:4 \xt Kala. 1:10\x* 
\v 5 Ōnkētē ꞉akweek kuchurta kule mēēbērē kikeekwaante ꞉acheek ng'aleek chēē kikiilēblēēbēēnook nto kikeekwaante ng'al chēē iyēēlē mooyēētyoontiit nyēē kēēboontē. Rōōbēēch mbo ꞉Yēyiin kurubta keey āk ng'aleechu.\x - \xo 2:5 \xt Yēyuut. 18:3\x* 
\v 6 Manaakeesyeem kule nto okaasteech ꞉akweek nto ku chii ake tukul,\x - \xo 2:6 \xt Yoowa. 5:41, 44\x* 
\v 7 ānkoo kiyemaat kēēnyikiisyook ꞉acheek kēēyēku *lēbkēēyikaab Kiriistō. Nteenee yu kikēēboontē keey akweek kikēēyibook nyēē karaam kuu wōloo yibtooy ꞉cheebyoosya nyēē ruroot ꞉moo lōkōkyii kuriibē.\x - \xo 2:7 \xt 1Kōōr. 9:12\x* 
\p  
\v 8 Kikēēmāchē miisin kiibuurtē keey āk akweek nyēē mēēbērē kikēēkōōnook lōkōōywēkaab Yēyiin baateey, nteenee kikiiboorwook ng'aleek chēē rubtooy keey āk soboonwēkyoo, kuuyu kikeechamaak miisin.\x - \xo 2:8 \xt 2Kōōr. 12:15\x* 
\v 9 Mbo ng'eetaabiya, maanii ōnkētē wōlēē kikeeyeyte yiisyēēt āk wōlēē kikyoomtooy booryēēt! Yooto kikēēyēyiisyē bēēt āk kwēēmooy. Kikēēyēyē kuu nyooto simākēēnyikisyook yoo kikyoomwook lōkōōywēchoo bo Yēyiin.\x - \xo 2:9 \xt Yēyuut. 18:3\x* 
\p  
\v 10 Yoo kikēēboontē keey akweek choo ōyēnchinē Kiriistō, kyookas ankiikukas ꞉nkinee Yēyiin kule kēēyēku ꞉acheek biich chēē kēēchurtootiin, chēbo man, āmākēēboontē lēēlis.\x - \xo 2:10 \xt 2Kōōr. 1:12\x* 
\v 11 Ōnkētē mbo kule kikēēyibook ꞉acheek kuu wōloo yibtooy ꞉booyoo lōkōkyii.\x - \xo 2:11 \xt Yēyuut. 20:31; 1Kōōr. 4:14-15; Kala. 4:19; 1Tēm. 1:2; 2Tēm. 1:2; Tiitō 1:4\x* 
\v 12 Kikiititiirook ānkiikiimchook kule ōyēyē ng'aleek chēē ing'ērēēchē Yēyiin nyoo kuurook bōōbuur ꞉tukul oyemte bāytooyiisyēēnyii ākoo wōōyinnyii.\x - \xo 2:12 \xt Room. 5:2; Filib. 1:27\x* 
\p  
\v 13 Kēēbirchinē Yēyiin kōōnkōy ākookoy, kuuyu yoo kikēēyibwook lōkōōywēkyii okas ankoocham āmēēbērē kuu lōkōōy chēbo chii buch, nteenee bo Yēyiin. Man, yēyiisyē ꞉ng'ālyoontoonooto ām āriing'woong' akweek choo ōyēnchinē Kiriistō.\x - \xo 2:13 \xt Kala. 1:11-12; 1Tēēs. 1:5\x* 
\v 14 Kyōōnyōōru ꞉akweek, mbo ng'eetaabiya ng'aleek chēē kerkeey ākoo choo kinyōōru ꞉biikaab Kiriistō choo mii Yuuteeya. Kiinyaliilaak ꞉biikwook kuu yoo kiinyāliilē icheek ꞉Yuutayeek\x - \xo 2:14 \xt Yēyuut. 17:5\x* 
\v 15 choo kibākāchē Mokoryoontēēt Yēēsu ākoo *wōōrkooyikaab Yēyiin ankukweteech acheek. ‑Mēēng'ērēēchē ꞉bichoo Yēyiin ānkukwiilē chii ake tukul.\x - \xo 2:15 \xt Mat. 5:12; Yēyuut. 2:23; 14:19; Room. 11:28; 2Kōōr. 11:23-29\x* 
\v 16 Kisyeem mbo kule nto kerekteech kyoomchi lōkōōywēk biiko choo mā Yuutayeek, lōkōōy chēē kimakuyey /kiiraraach bichoo. Nteenee mii kutāsyinē ꞉Yuutayeechaa ng'ōōkiswookik alak ām chooto boonto. Kunyoo, kōōkōōng'woonchi icheek ꞉Yēyiin.\x - \xo 2:16 \xt Mat. 23:31-32\x* 
\s1 Kyoomchi Bāwulō ꞉yēēmootēēt kuruutoochi Tēēsālōōnikēēk 
\p  
\v 17 Mbo ng'eetaabiya, ānkoo kookuyeyeech ꞉biiko keebakaakte keey kisich ām bōōrwēk, kiisōōtook ākookoy ām tāmirmiryēēt. Kaakwaameech ꞉yēēmootēēt miisin keekasaak subak.\x - \xo 2:17 \xt 1Tēēs. 3:10\x* 
\v 18 Kiyooto ꞉nyēē kiyeyeech keemach kiiyēēwu wōloo ōmiitē. Kyaasyeem ꞉anii Bāwulō kunyil areet chēē chaang' kule nto āyēēwu wōloo ōmiitē nteenee kikerekteech ꞉Kibrōkōsyoontēēt.  
\v 19 Mbo ng'oo ꞉chēē kiikēnēē keey ꞉acheek ānku ng'oo ꞉chēē kēēng'ērēchēē, nto ku ng'oo ꞉chēē kēēng'āsēē keey yoo +/mākēētuwēnēēch ām taayeetaab Mokoryoontēēnyoo Yēēsu bēsyoonoo iyēēwu? Mā akweek?  
\v 20 Kubooyiit man, akweek ꞉chēē kēēng'āsēē keey ānkēēng'ērēēchēē.\x - \xo 2:20 \xt Filib. 2:16; 4:1\x* 
\c 3  
\s1 /Kikiiyookto Tēmētēēwō ānkuchōōnto lōkōōy chēē kāroomēch 
\p  
\v 1 Yu kakeekas kule kimēēkiimuuchē takeemuyte, kiisoot kēēng'ētunēē *kiriinkēētaab Aaten\x - \xo 3:1 \xt Yēyuut. 17:14\x* 
\v 2 ānkiiyooku ng'eetaabiya Tēmētēēwō nyoo kēēyēchinē ꞉tukul Yēyiin yiisyēēt kyoomtooy lōkōōywēkaab Kiriistō. Kikiiyooku chokōōtitiirook ānkōōkiimook okaasee keey Kiriistō\x - \xo 3:2 \xt 1Kōōr. 4:17\x* 
\v 3 sukung'eet mēēbērē +/mākiinyēbēēt chii ām akweek kubo wusiisyooni. Ōnkētē ꞉akweek kule māchāktōōs kēēbuntēē wusiisyēēt.\x - \xo 3:3 \xt Ēfēēs. 3:13; 2Tēēs. 1:4; 2Tēm. 3:12\x* 
\v 4 Kisimkēēmwoowook oob kēēboontē keey kule +/mākēēwusēēch? Kunyi, kōōkuyēyākiis kuu nyooto, kuu yoo ōnkētē.\x - \xo 3:4 \xt Yēyuut. 14:22\x* 
\v 5 Kiyooto ꞉nyēē kiyeya āyooku Tēmētēēwō. Kimāāmuuchē taamuyte subak. Kunyoo, āyooku inee chokukas yoo tōōkoosēē keey Kiriistō. Kyāāmuy akas ām kēēlto ake kule kityemaak *꞉Kēniintēēt sukubooyiit buch ꞉yiisyoonoo kikēēyēyē.\x - \xo 3:5 \xt 1Kōōr. 15:2\x* 
\p  
\v 6 Kōōkōōyēēwunēē ꞉Tēmētēēwō wōloo ōmiitē, ānkōōkuyibwēēch lōkōōywēk chēē kāroomēch kurubta keey kaakaaseeng'woong' āk choomnyēēt nyēē ōboontē. Kōōkumwoowēēch kule ōsōōtyēēch ākookoy nyēē karaam ānkōōmāchē kule nto okaseech kuu yoo kēēmāchē ꞉nkacheek kule nto keekasaak.\x - \xo 3:6 \xt Yēyuut. 18:5\x* 
\v 7 Lēyyē, mbo ng'eetaabiya, kōkēētitir yu /kākyoomwēēch wōlēē wuu ꞉kaakaaseeng'woong' ām Kiriistō ānkoo /kiinyāliilēēch /ānkēēwusēēch.  
\v 8 Yoo kōōkiilchi ꞉akweek Mokoryoontēēt kēēng'ērēchē ꞉acheek  
\v 9 nyēē māmiitē ꞉wōlēē +mākēēbirtoochi Yēyiintēēnyoo kōōnkōy. Kēēng'ērēkootiin miisin ām taayeenyii kubo akweek.  
\v 10 Kēēsooyē inee ākookoy bēēt āk kwēēmooy kule nto keekasaak sikiititiirook ānkēēkōōnook kiyēē ‑mōōboontē kurubta keey ng'ālyoontēētaab Yēyiin.\x - \xo 3:10 \xt 1Tēēs. 2:17\x* 
\p  
\v 11 Kēēsooyē Baaba Yēyiin āk Mokoryoontēēnyoo Yēēsu kule kuyootwēēch kēēlto keekwaa bokeekasaak subak.  
\v 12 Lēyyē, kuyey ꞉Mokoryoontēēt kuwōōyiit ꞉choomnyēēt nyoo ōboontē āk chamateet nyoo ōboontēē chii ake tukul, kuu nyoo kēēboontēēnook ꞉acheek.\x - \xo 3:12 \xt Kala. 6:10\x* 
\v 13 Kōōtitiir ꞉Yēyiin kāāsōōtēywēēkwook soochurte ānkōōtililiitu ām taayeetaab Baaba Yēyiin kuboonto keey biikyii tukul, bēsyoonoo chōōnii ꞉Mokoryoontēēnyoo Yēēsu.\x - \xo 3:13 \xt Filib. 1:10\x* 
\c 4  
\s1 Soboonto nyēē ing'ērēēchē Yēyiin 
\p  
\v 1 Kunyoo ii, mbo ng'eetaabiya, ābērē kiikiineetaak wōlēē /kiibuurtooy /sikiing'ereech Yēyiin ānkuwuu nyooto ꞉wōlēē ōbuurtooy. Nanyuun, kiikāloonē kēēmwoowook ām kaayneetaab Mokoryoontēēnyoo Yēēsu kule, otas taay miisin oyey kuu nyooto.\x - \xo 4:1 \xt Kolos. 1:10\x* 
\v 2 Ōnkētē ng'aleek choo kikiiboorwook ꞉acheek kubununēē kāāmuukēywēēkaab Mokoryoontēēt Yēēsu.  
\v 3 Mākyook ꞉Yēyiin ōtililiitu ‑āmōōmārtootē.\x - \xo 4:3 \xt 1Kōōr. 6:13\x* 
\v 4 Kuyibē ꞉murēno ake tukul koorkēēnyii ām kēēlto nyēē tiliil ānkubo koonyit.  
\v 5 ‑Mookany kutwaaraak ꞉muchastaab bōōrwoonikwook kuu bichoo ‑mēēnkētē Yēyiin.  
\v 6 Ām ng'ālyoo nyēē wuu nyiitēnyi, mā-ālāk ꞉chii ng'eetaabkaamet. Kisimkiisōōwook kule mākōōng'woonchi ꞉Yēyiin biiko choo yēyē rōkōsiitēnyi.  
\v 7 Kimākuurēēch ꞉Yēyiin kule subokēēmārtootē, nteenee māchē kule kiibuur kāāburto nyēē tiliil.\x - \xo 4:7 \xt Filib. 1:27; 1Bēt. 1:15-16\x* 
\v 8 Kunyoo, yoo ōtāyē kāānēētēywēēchu mēēbērē kootay chii, nteenee kootay Yēyiin nyoo kōōnook Tāmirmiryēēnyii.\x - \xo 4:8 \xt 1Kōōr. 6:19-20\x* 
\p  
\v 9 Nto nanyuun ng'ālyoo kurubta keey āk chamateetaab mbo ng'eetaabiya, māmāchāktōōs kēēsirwook kiy, kuuyu kiikooneetaak ꞉Yēyiin ōchoomtōōsii.\x - \xo 4:9 \xt Cherem. 31:33-34; Yoowa. 6:45; 1Yoowa. 2:20, 27\x* 
\v 10 Kyōōbuur ꞉nkakweek kuu nyooto ōchāmē mbo ng'eetaabiya tukul choo mii yēēmēētaab Maketoonnya. Kunyoo ii, mbo ng'eetaabiya, kēēsoomook kule ōchoomtōōsii miisin.  
\v 11 Okas kule ōbuurē ām kaalyeet ānkōōyēyē yiisyēēng'woong' nkit ō-āmē kiyēē kōōbirtēē nkuruukwook kuu yoo kisimkēēmwoowook.\x - \xo 4:11 \xt Ēfēēs. 4:28; 1Tēēs. 2:9; 2Tēēs. 3:10, 12\x* 
\v 12 Yoo kōōbuur kuu nyiitēnyi, mākukoonyitook mbo ꞉biiko choo mēēbērē iyēnchinē Mokoryoontēēnyoo āmāmii ꞉kiy nyēē mākubotwook.\x - \xo 4:12 \xt Kolos. 4:5\x* 
\s1 Chōōnēētaab Mokoryoontēēt 
\p  
\v 13 Mbo ng'eetaabiya, kēēmāchē ōnkēt manta kurubta keey āk biiko choo kiikubēk simōōmēēsyē kuu biiko choo māboonto kiyēē ikēnēē keey.\x - \xo 4:13 \xt 1Kōōr. 15:19; Ēfēēs. 2:12\x* 
\v 14 Kēēchāmtooy kule kime ꞉Yēēsu ankung'eetee meet. Kunyoo, kēēchāmchiintōōsii kule makoong'eetee ꞉Yēyiin meet biiko choo kiikubēk kuu yoo kiing'ēētēē Yēēsu.\x - \xo 4:14 \xt Room. 14:8-9; 1Kōōr. 15:3-4, 12, 20\x* 
\p  
\v 15 Kāānēētēywēēkaab Mokoryoontēēt ꞉chu chēē kēēmwoowook: ‑Mākiintōōyē ꞉acheek choo kēēsobchootiin ām choo kiikubēk bēsyoonoo chōōnii ꞉Mokoryoontēēt.  
\v 16 Mākuwookyi *꞉malayikeet nyēē wōō barak /ankeekuut aryeembuutaab Yēyiin. Yooto nanyuun mākuchōōnēē ꞉Mokoryoontēēt Kaab Yēyiin. /Makiing'eetee meet kurook ꞉biikaab Kiriistō choo kiikubēk.\x - \xo 4:16 \xt Māārkō 13:26; 1Kōōr. 15:51-52\x* 
\v 17 Nto yityo, /kiiruruuchēēch acheek choo tākēēsobchootiin kēētuuyē āk bichooto keebeete keey wōliin bo boolik bokēēyēmē barak āk Mokoryoontēēt. Kuchakee yooto nanyuun, +mākiibuurtē keey Mokoryoontēēt ākookoy.\x - \xo 4:17 \xt Yoowa. 12:26; Room. 5:17; Filib. 1:23\x* 
\v 18 Kunyoo ii, lēyyē, ōtitiirēē keey ng'aleechu. 
\c 5  
\s1 Ōchōb keey kubo chōōnēētaab Mokoryoontēēt 
\p  
\v 1-2 Mbo ng'eetaabiya, māmāchāktōōs kēēsirwook kurubta keey bēsyēēt nyēē chōōnēē ꞉Mokoryoontēēt, kuuyu ōnkētē ꞉nkakweek kule mākumuung' kuu chōōriin nyoo chōōnii kwēēmooy.\x - \xo 5:1-2 \xt Māārkō 13:32; Mat. 24:27, 43\x* 
\v 3 Bēsyēēt nyoo mwooyē ꞉biiko kule kaalya ꞉kōōro /ānkēēriibootiin, ku yooto ꞉yēē +/makiiserweetee bichoo. Māchililē ꞉chii. Mākumuunkyi bichoo ꞉ng'aleechaa kuu ng'woonin nyoo nyōōru ꞉koorko nyoo māchē kōōtuusyo.\x - \xo 5:3 \xt Cherem. 6:14-15; Mat. 24:39\x* 
\v 4 Nteenee ‑mōōmiitē ꞉akweek mbo ng'eetaabiya mēēnān nyēē imuuchē kunyōōrwook ꞉bēsyoonoo ‑kumōōchōbootiin.  
\v 5 Ōbooyē ꞉akweek tukul lēbkēēyyēēt ānkōōbooyē bēētuut. ‑Mākēēbooyē kwēēmowuut ‑āmākēēbooyē mēēnānēēt.  
\v 6 Kunyoo, māmāchāksē kēēruuyē kuu biiko alak, nteenee māchāksē kēēyēku biich chēē kāsunootiin ānkēēriibē keey.  
\v 7 Bo ꞉rwoonik kwēēmooy ānku kwēēmooy yēē bōōkiitōōs ꞉biiko.  
\v 8 Nteenee kēēbooyē ꞉acheek bēētuut, kunyi māchāksē kēēriibē keey. Māchāktōōs kiiluumee keey kaakaaseet āk chamateet kuyēk kariikaab booryēēt choo /kiilookyinē teket, ankiilaach nkinee kāākēnēēt nyēbo kaararaacheet kuu kuutwēētaab booryēēt nyoo /kiilookyinē mēt.\x - \xo 5:8 \xt Room. 13:11-12; Ēfēēs. 5:8-9\x*\x - \xo 5:8 \xt 2Kōōr. 10:4\x* 
\v 9 Manaakweyeech ꞉Yēyiin sukōōng'woonchēēch, nteenee māchē sukooraraacheech kubununēē ꞉Mokoryoontēēt Yēēsu Kiriistō.\x - \xo 5:9 \xt 1Tēēs. 1:10\x* 
\v 10 Kime ꞉Kiriistō kubo acheek kule subokēēminy āk inee ānku yoo tākēēsobtōōsii ee, nto kukiikēēbēku.\x - \xo 5:10 \xt Room. 14:8-9; 1Tēēs. 4:14\x* 
\v 11 Kunyoo, māchāktōōs ōtitiirē keey ānkōōsooysooyē keey kuu yoo ōmiitē ōyēyē kuunyiitēnyi. 
\s1 Kāā-āmiisēēt 
\p  
\v 12 Mbo ng'eetaabiya, kēēsoomook ōkoonyit bichoo kiikukwey ꞉Yēyiin choo āmē booryēēt kōōntōōwook ānkōōtitiirook ām Mokoryoontēēt.\x - \xo 5:12 \xt 1Kōōr. 16:15-18; 1Tēm. 5:17\x* 
\v 13 Ōkoonyitē bichoo miisin ānkōōchāmē ām yiisyēēt nyēē yēyē. Nto akweek, ōbuurtē kaalyeet.\x - \xo 5:13 \xt Māārkō 9:50\x* 
\p  
\v 14 Kiikāloonwook akweek mbo ng'eetaabiya kule ōchuulē biiko choo tinyē kēwēynātēēt, ōtitiir choo nyōkōōrēch, ōyēētyēēchinē choo kuskusēch ānkōōmuytoochinē chii ake tukul.\x - \xo 5:14 \xt 2Tēēs. 3:6, 11-12, 15\x* 
\v 15 Okas kule māmii ꞉chii nyēē kākētyi ake miyootyēēt, nteenee ōsyēēmē ākookoy ōboorchinē karaamateet biiko tukul.\x - \xo 5:15 \xt Room. 12:17\x* 
\p  
\v 16 Ōng'ērēchē ākookoy,\x - \xo 5:16 \xt Filib. 2:18\x* 
\v 17 ōsooyē āsiiswēk tukul,\x - \xo 5:17 \xt Luuka 18:1\x* 
\v 18 ōbirchinē Yēyiin kōōnkōy ām yēēt ake tukul. Ng'ālyoo ꞉nyi nyēē mākyook ꞉Yēyiin ōyēyē ām Kāārārookiintēēt Yēēsu. 
\p  
\v 19 ‑Mōōmiis Tāmirmiryēētaab Yēyiin.  
\v 20 ‑Mōōchuur ng'aleekaab *wōōrkooyik.\x - \xo 5:20 \xt 1Kōōr. 14:39\x* 
\v 21 Ōrōōtootē tukuuk tukul ānkōōnāmē choo kāroomēch\x - \xo 5:21 \xt 1Kōōr. 14:29; Ēfēēs. 5:10; 1Yoowa. 4:1\x* 
\v 22 ankootayee keey kiy ake tukul nyēbo rōkōs. 
\p  
\v 23 Kuyeyaak ꞉Yēyiin nyoo kōōnu kaalyeet ōtililiitu ām keel ake tukul. Kuriibākoy ꞉tāmirmiryēētaab chii ake tukul, soboonnyii āk bōōrnyii nyēē māmii ꞉lēēlis ākoy yoo iyēēwu ꞉Mokoryoontēēnyoo Yēēsu Kiriistō.\x - \xo 5:23 \xt 2Kōōr. 13:11; Filib. 1:10\x* 
\p  
\v 24 Māwēēchwēēchē keey ꞉nyoo kikwēyook ānku makuyey kuu nyooto.\x - \xo 5:24 \xt 1Kōōr. 1:8-9; Filib. 1:6; 2Tēēs. 1:11; 3:3\x* 
\v 25 Mbo ng'eetaabiya, ōsoowēēch acheek.\x - \xo 5:25 \xt Room. 15:30\x* 
\v 26 Ōsuboowoo mbo ng'eetaabiya alak tukul nyēē ōng'ērēkyinē.\x - \xo 5:26 \xt Room. 16:16\x* 
\v 27 Āmwoowook ām kāāmuukēywēēkaab Mokoryoontēēt kule ōsumānchi barwaani mbo ng'eetaabiya tukul.\x - \xo 5:27 \xt Kolos. 4:16\x* 
\v 28 Kōōbēruurook ꞉Mokoryoontēēt Yēēsu Kiriistō.