\id REV - Shikkalgar
\ide UTF-8
\h ಪ್ರಕಟನೆ
\toc3 ಪ್ರಕಟನೆ
\toc2 ಪ್ರಕಟನೆ
\toc1 ಯೊಹಾನ ಬರ್ದಲ ಪ್ರಕಟಣೆ
\mt2 ಯೊಹಾನನು ಬರೆದ ಪ್ರಕಟಣೆ
\mt1 ಯೊಹಾನ ಬರ್ದಲ ಪ್ರಕಟಣೆ
\imt ವ
\ip ಪ್ರಕಟಣೆ ಬುಕ್ಕ ನವಾ ವಡಂಬಡಿಕೆನೊ ಲಾಸ್ಟ ಬುಕ್ಕ ವ್ಹೈ. ಎ ಬುಕ್ಕ ಯೆಸು ಕ್ರಿಸ್ತ ಹುಟ್ಟಿನ ನೌವದಪರ ಪಾಂಚ಼ ವರಕ್ಹ ಥಯಲ್ಪರ ಎ ಬುಕ್ಕನೆ ಅಪೊಸ್ತಲ ಥಯಲ ಯೊಹಾನ ಬರ್ದ್ಯೊಸ. \xt 1:1\xt* ಯೊಹಾನ ಬರ್ದಲ ಯೊಹಾನ ಸುವಾರ್ತೆ ವರಿ ತನ್ನ ಬುಕ್ಕೊ 1 ಯೊಹಾನ, 2 ಯೊಹಾನ, 3 ಯೊಹಾನ ತೆಜ಼ ಬರ್ದ್ಯೊಸ. ಯೊಹಾನ ಯೆಸುನೆ ಘನ್ನೊ ಮಯಾ ರ‍್ಹಯಲವಾಲೊ ವ್ಹೈ. ಕೈನ ಗ್ವತ್ತ ಛೆ. ಯೊಹಾನ ಯೆಸು ಕ್ರಿಸ್ತನಿ ಸುವಾರ್ತೆನಾ ಹುತಿ ತಡಿಪಾರ ಥಯಲ್ಪರ ಪದ್ಮಸ ದ್ವಿಪಮಾ ಎ ಪ್ರಕಟಣೆ ಬುಕ್ಕ ಬರ್ದ್ಯೊಸ.
\ip ಯೊಹಾನ ಎ ಪ್ರಕಟನೆನು ಬುಕ್ಕ ಬರದಾನೆ ಖಾಸ ಗುರಿ ಸುವೈ ಕದ್ಯಾಮ, ಒದಾಲಾ ಯೆಸು ಕ್ರಿಸ್ತನೆ ಬರೊಕ್ಹಾಮಾ ರ‍್ಹವಸ ಕೈನ ಪ್ರೊತ್ಸಾಹ ವರಿ ಯೆಸು ಕ್ರಿಸ್ತ ಆವಾನಾ ಟೈಮ ನಜಿಕ ಛೆ ಕೈನ ಆಸ ದಿದ್ಯೊಸ. \xt 1:3—22:7;\xt* ತೆ ಸಾಮಾನ್ಯ ಥೈನ ಕ್ಹಾರಾ ಕ್ರೈಸ್ತೊನೆ ವರಿ ಅಕ್ಲಾಸ ಕೈನ ಕ್ಹಾತ ಸಬೆನೆ ಬರ್ದ್ಯೊಸ. \xt 2—3\xt* ಯೊಹಾನ ತಿನಾ ಸ್ವಂತ ಅಕ್ಷರೊ ಪ್ರವಾದನೆ ವ್ಹೈ ಕೈ ವಳಕ್ಯೊಸ. \xt 1—3\xt* ವರಿ ತೆ ದೆಕಲ ಕ್ಹಾರುಜ಼ ದೆಕಾಡಿನ ದಿದ್ಯೊಸ. ಎ ಬುಕ್ಕ ಜು಼ನ್ನಾ ವಡಂಬಡಿಕೆನಾ ದಕ್ಹಾ ಭಾಗೊನೆ ಸೆಮ ಛೆ. ವರಿ ಖಾಸ \xt 2:5—6:1-8\xt*ವರಿ ಕ್ಹಾತ ತುತ್ತೊರಿ, ಕ್ಹಾತ ಜ಼ತ್ರಾ ಎ ಕ್ಹಾರು ಕ್ಹುದಾ ಐಗುಪ್ತ ದೆಶನೆ ವಳಾಯಲ ಶಿಕ್ಷಾನೆ ಘನ್ನು ಹೊಲಿಕೆ ಥಯುಸ. ವಿಮೊಚನಕಾಂಡ \xt 7—9\xt* ಪ್ರಕಟಣೆನು ಬುಕ್ಕ ಲಾಸ್ಟನಾ ದಿನ್ನೊಮಾ ಯೆಸು ಕ್ರಿಸ್ತ ಝಿತ್ತಾಲೊ ವ್ಹೈ ಕೈನ ಕವಸ. ವರಿ ಕುನ ತಿಪರ ಬರೊಕ್ಹೊ ಜರಸ ತ್ಯುನೆ ಕೆಳಾಮಾಬಿ ತಿನಾ ಕ್ಹಾತೆ ರ‍್ಹವಸ. ಎ ಬುಕ್ಕ ಹುಶಾರಕಿಕ್ಹು ವರಿ ಯೆಸು ಕ್ರಿಸ್ತ ಭೆಗಿನ ಆವಾಡ್ಯೊಸ ಕೈನ ಆಸ ದಿವಾದೆ.
\iot ಪಿಠಿಕೆ
\io1 1. ಯೊಹಾನ ಮಿ ಕುನ ವ್ಹೈ ವರಿ ಕೈತರಾಮಾ ಎ ಪ್ರವಾದನೆನು ದರ್ಶನ ಥಯು ಕೈನ ಕತೊ ಶುರು ಕರ‍್ಯೊಸ. \ior 1:1—1:20\ior*
\io1 2. ಯೆಸುನಾ ಮುಕಾಂತರ ಸಿದಾ ಕ್ಹಾತ ಸಬೆವಾಲಾವೊನೆ ಸಂದೆಶ ದಿವಸ. \ior 1:1—3:22\ior*
\io1 3. ತೆ ಥಯಲ್ಪರ ಕ್ಹಾತ ಮುದ್ರೆ \ior 4:1-8\ior*
\io1 4 ವರಿ ಕ್ಹಾತ ತುತ್ತುರಿಯೊನಾ ಹುತಿ ಕದಲ ಛೆ. \ior 8:6—11:19\ior*
\io1 5. ತೆ ಥಯಲ್ಪರ ಯಕ್ಕ ಪಟ್ಟೊ ವರಿ ಕ್ಹಾತೆ ಮಾತಾ ರ‍್ಹಯಲ ಮ್ಹೊಟೊಕ್ಹಾಪರ ಥಾವಾನಿ ಯೊದ್ದನಾ ಹುತಿ ಕದಲ ಛೆ. \ior 12:1—14:20\ior*
\io1 6. ವರಿ ಕ್ಹಾತ ಶಿಟ್ಟನಿ ಜ಼ತ್ರಾವೊನಾ ಹುತಿ ಬರ್ದ್ಯೊಸ. \ior 15:1—16:18\ior*
\io1 7. ವರಿ ಕ್ಹುದಾ ಕಯಾ ತರಾಮಾ ಸ್ವರ್ಗಮಾ ಸೈತಾನಪರ ಕಿಮ ಝಿತ್ತಸ ಕವಾನು ಕೈನ ದಿವಸ. \ior 17:1 \ior*
\io1 8. ಲಾಸ್ಟನಾ ಟೈಮಾ ಆವಾನಾ ನೈ ಜಿಮಿನ ವರಿ ನವು ಸ್ವರ್ಗನಾ ಹುತಿ ಕದಲ ಛೆ. \ior 20:1—22:21\ior*
\c 1
\p
\v 1 ಎಜ಼ ಯೆಸು ಕ್ರಿಸ್ತನಿ ಪ್ರಕಟನೆ ವ್ಹೈ. ಕ್ಹುದಾ ಭೆಗಿನಜ಼ ಅಗು ಥಾವಾನು ತಿನಾ ಸೆವಕೊನೆ ದೆಕಾಡಾನಾ ಹುತಿ ಎ ಕ್ಹಾರು ಯೆಸುನೆ ದೆಕಾಡಿನ ದಿದ್ಯೊ. ಕ್ರಿಸ್ತ ತಿನೊ ಸೆವಕ ಥಯಲ ಯೊಹಾನನೆ ದೆಕಾಡಾನಾ ಹುತಿ ತಿನಾ ದುತನೆ ಮೊಕಲ್ಯೊ. 
\v 2 ಯೊಹಾನ ತೆ ದೆಕಲ ತೆಕ್ಲು ತೆ ತಿಳಶ್ಯೊ. ಎ ಕ್ಹಾರು ಕ್ರಿಸ್ತ ಕದಲ ಕ್ಹರಿಜ಼ ವ್ಹೈ. ಕ್ಹುದಾಕಂತು ಆಯಲ ಸಂದೆಶ ವ್ಹೈ. 
\v 3 ಕ್ಹುದಾಕಂತು ಆಯಲ ಎ ಸಂದೆಶನಿ ವಾಕ್ಯಾ ಒದಾಲಾ ಎ ಸಂದೆಶ ಐಕಿನ ಎ ಕ್ಹಾರು ಕೈಕೊಂಡಿಲಿನ ಚಾ಼ಲಾಲ ನಸಿಬವಾಲಾ ವ್ಹೈ. ಕಾಕದ್ಯಾಮ ಪುರಾ ಥಾವಾನು ಕಾಲ ನಜಿಕ ಆಯೊಸ.
\s ಎಶ್ಯಾಮಾ ರ‍್ಹಯಲ ಕ್ಹಾತ ಸಬೆವಾಲಾನೆ ಯೊಹಾನನು ಸಂದೆಶ
\p
\v 4 ಎಶ್ಯಾ ಪ್ರದೆಶಮಾ ರ‍್ಹಯಲ ಕ್ಹಾತ ಸಭೆನೆ ಯೊಹಾನ ಸು ಬರದಸ ಕದ್ಯಾಮ; ವರ್ತಮಾನ, ಭುತ, ಭವಿಷ್ಯತ ಕಾಲಮಾ ರ‍್ಹವಾಲಾನಾ ಹತೆ ವರಿ ತಿನಿ ಸಿಂಹಾಸನ್ನಾ ಕ್ಹಾಮೊ ಕ್ಹಾತ ಆತ್ಮಾವೊಕ್ಹು ವರಿ 
\v 5 ಯೆಸು ಕ್ರಿಸ್ತಕ್ಹು ತುಮೊನೆ ಕೃಪಾ ಶಾಂತಿ ಮಳಾದೆ. ಯೆಸು ಬರೊಕ್ಹಾನಿ ಸಾಕ್ಷಿ ಥಯೊಸ. ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ಆಯಲವಾಲಾವೊಮಾ ಎಜ಼ ಪೈಲಾ ವ್ಹೈ. ತೆ ಜಗತ್ನಾ ರಾಜಾ಼ ರ‍್ಹಯಲವಾಲಾವೊನೆ ಅಧಿಪತಿ ಥಯೊಸ. ಯೆಸು ಅಪೊನೆ ಮಯಾ ಕರಸ. ತೆ ತಿನಾ ರಗತ ಕ್ಹು ಅಪ್ನಾ ಪಾಪೊ ಧ್ವಯಿನ ಬಿಡುಗಡೆ ಕರ‍್ಯೊ; 
\v 6 ಅಪೊನೆ ಯಕ್ಕ ರಾಜ್ಯ ಕರಿನ ಅಪೊನೆ ತಿನೊ ಬಾ ಥಯಲ ಕ್ಹುದಾನೆ ಸೆವೆ ಕರಾಲಾ ಯಾಜಕೊ ಕರ‍್ಯೊ. ಯೆಸುನೆ ಹಮೆಶಾಬಿ ಮಹಿಮಾ ವರಿ ಅದಿಕಾರ ರ‍್ಹವಾದೆ! ತಿಮ್ಮ ಥಾವಾದೆ. 
\v 7 ದೆಕೊ, ಯೆಸು ಮ್ಹಾಡನಾ ಕ್ಹಾತೆ ಆವಾಡ್ಯೊಸ" ಹರಿ ಯಕ್ಲೊ ತಿನೆ ದೆಕಸ, ತಿನೆ ವಿರುದ ಕರಾಲಾ ಬಿ ದೆಕಸ" ತಿನೆ ದೆಕಿನ ದುನಿಯಾಮಾನಾ ಮನಕ್ಹೊ ಛಾತಿ ಬಡೈಲಿನ ಅಡ್ಡಸ ಹೊ, ಎ ಕ್ಹಾರು ಥಾವಸ! ತಿಮ್ಮ ಥಾವಾದೆ" 
\v 8 ಪ್ರಭು ಥಯಲ ಕ್ಹುದಾ ಸು ಕವಸ ಕದ್ಯಾಮ" ಮಿಜ಼ ಆದಿ ವರಿ ಅಂತ್ಯ ವ್ಹೈ. ಮಿ ವರತಮಾನ ಕಾಲ, ಭುತಕಾಲ ವರಿ ಭವಿಷ್ಯತ ಕಾಲಮಾ ರ‍್ಹವಾಲೊ ವ್ಹೈ. ಮಿಜ಼ ತಾಕತವರ ವ್ಹೈ.
\s ಕ್ರಿಸ್ತನು ದರ್ಶನ
\p
\v 9 ಯೊಹಾನ ಕವಾಲೊ ಮಿ ಕ್ರಿಸ್ತಮಾ ತುಮಾರೊ ಭೈ ವ್ಹೈ. ಅಪೆ ಕ್ಹಾರಾ ಮಳಿನ ಯೆಸುನಾ ಹುತಿ ತ್ರಾಸಮಾ ರಾಜ್ಯಮಾ ತಡ್ದಿಲಿವಾಮಾ ವಾಟೊಲಿವಾಲಾ ಥಯಾಸ. ಮಿ ಕ್ಹುದಾನಿ ವಾಕ್ಯಾಮಾ ಯೆಸುನಿ ಸಾಕ್ಷಿಮಾ ರ‍್ಹಯಲ ಹುತಿ ಪತ್ಮೊಸ ಕವಾನಿ ಜ಼ಗಾಮಾ ವ್ಹತ್ತೊ. 
\v 10 ಪ್ರಭುನಾ ದಿನ್ಮಾ ಪವಿತ್ರಮಾ ಆತ್ಮಾ ಮನೆ ಹತೊಟಿಮಾ ಲಿದ್ಯೊ. ತೆಳಾಮಾ ತಿನಾ ಪಾಚೊ಼ ಯಕ್ಕ ಮ್ಹೊಟಿ ಅವಾಜ಼ ಐಕ್ಯೊ. ತೆ ಅವಾಜ಼ ಬೊಂಗಾವೊನೆ ಅವಾಜ಼ ಲಿಂಗತ ವ್ಹತ್ತು. 
\v 11 ತೆ ಅವಾಜ಼"ತು ದೆಕಾನು ಕ್ಹಾರು ಯಕ್ಕ ಬುಕ್ಮಾ ಬರ್ದಿನ ಎಫೆಸೆ ಸ್ಮುರನ ಪೆರಗಮ ಥವತೈರ ಸಾರದಿಸ ಫಿಲಿದೆಲ್ಫಿಯಾ ವರಿ ಲವೊದಿಕಿಯಾ ಕವಾನಾ ಕ್ಹಾತ ಸಭೆನೆ ಮೊಕಲ" ಕೈನ ಕದ್ಯು.\fig ಎಷ್ಯಾನಾ ಕ್ಹಾತ ಸಬೆನಾ ನಕ್ಷೊ|alt="Map of seven churches in Asia" src="hk00378c.tif" size="col" copy="Horace Knowles ©" ref="1:11"\fig* 
\v 12 ಮಾರಾ ಕ್ಹಾತೆ ಕುನ ಬೊಲಾಡ್ಯುಸ ಕೈನ ದೆಕಾನೆ ಮಿ ಪಾಚೊ಼ ಫರತಾಮಾ, ಕ್ಹಾತ ಕ್ಹೊನಾನಾ ದಿವ್ವಾನಾ ಖಾಮೊ ದೆಕ್ಯೊ. 
\v 13 ತೆ ದಿವ್ವಾನಾ ಖಾಮೊನಾ ವಚ್ಮಾ಼" ಮನಕ್ಹನಾ ದಿಕ್ರಾನಾ ಲಿಂಗತ ರ‍್ಹಯಲವಾಲಾನೆ ದೆಕ್ಯೊ. ತೆ ಮ್ಹೊಟು ಅಂಗ್ಡು ಘಾಲ್ಲಿದ್ಯೊತೊ, ಕ್ಹೊನಾನಿ ಪಟ್ಟಿ ಛಾತಿನೆ ಭಾಂದಿಲಿದ್ಯೊತೊ. 
\v 14 ತಿನಾ ಮಾತಾನಾ ಬಾಲೊ ಬಕ್ರಾಲಿಂಗತ ಕಾಫುಕ ಲಿಂಗತ ಧೊಳಾ ವ್ಹತ್ತಾ, ಡೊಳಾ ಆಗನಿ ಜ್ವಾಲಾ ಲಿಂಗತ ವ್ಹತ್ತಾ. 
\v 15 ತಿನಾ ಪಗೊ ಆಗ್ಮಾ ಲಾಲ ಕರಲ ತಾಂಬಾ ಲಿಂಗತ ವ್ಹತ್ತಾ. ಗಳೊ ವೈನ ಜಾ಼ವಾನು ಪಾನಿನು ಅವಾಜ಼ ಲಿಂಗತ ವ್ಹತ್ತು. 
\v 16 ತೆ ತಿನಾ ಸಿದಾ ಹತ್ಮಾ ಕ್ಹಾತ ಚಿಕ್ಕಿಯೊ ವ್ಹತ್ತಿಯೊ. ತಿನಾ ಮ್ಹೊಡಾಮಾತು ಧಾರ ರ‍್ಹಯಲ ತಲ್ವಾರ ಭಾರು ಆವಾಡ್ಯುತು ತಿನು ಮ್ಹೊಡು ದುಪಾರನಾ ಸುರ‍್ಯಾ ಲಿಂಗತ ಮಿಂಚಾ಼ಡ್ಯುತು. 
\v 17 ಮಿ ತಿನೆ ದೆಕ್ತಾಮಾ, ತಿನಾ ಪಗೊಕನ ಮರಲವಾಲಾ ಲಿಂಗತ ಪಡಿಗಯೊ. ತೆ ತಿನೊ ಸಿದಾ ಹತ ಮಪರ ಮ್ಹೆಲಿನ"ಭುಚ಼ಕು ನಕೊ ಮಿಜ಼ ಆದಿ ವರಿ ಅಂತ್ಯ ವ್ಹೈ. 
\v 18 ಮಿಜ಼ ಜಿವ್ತೊ ರ‍್ಹವಾಲೊ ವ್ಹೈ. ಮಿ ಮರ‍್ಯೊ. ತೆನೈಸೊ ಹಮ್ನಾ ದೆಕ ಮಿ ಯುಗ ಯುಗಾಂತರಮಾ ಜಿವ್ತೊ ರ‍್ಹವಾಲೊ ಥಯೊಸ. ಮರಣ ವರಿ ಪಾತಳನಿ ಅದಿಕಾರ ಮಕನ ಛೆ" 
\v 19 "ತಿನಾಹುತಿ ತು ದೆಕಲ ಸಂಗತಿಯೊ ಬರದ ಹಮ್ನಾ ಥಾವಾನಿಯೊ ಸಂಗತಿಯೊ ವರಿ ಅಗಿಯೊ ಥಾವಾನಿ ಸಂಗತಿಯೊ ಬರದ. 
\v 20 ಮಾರಾ ಸಿದಾ ಹತ್ಮಾ ತು ದೆಕಲ ಕ್ಹಾತ ಚಿಕ್ಕಿಯೊ ವರಿ ತು ದೆಕಲ ಕ್ಹಾತ ಕ್ಹೊನಾನಾ ದಿವ್ವಾನಾ ಖಾಮೊ ದಡಿರ‍್ಹಯಲ ಅಮ್ಮ ಛೆ ಕ್ಹಾತ ಚಿಕ್ಕಿಯೊ ಕದ್ಯಾಮ ಕ್ಹಾತ ಸಭೆನಾ ದುತೊ ಕ್ಹಾತ ದಿವ್ವಾನಾ ಖಾಮೊ ಕದ್ಯಾಮ ಕ್ಹಾತ ಸಭೆ ವ್ಹೈ ಕೈನ ಕದ್ಯೊ.
\c 2
\s ಎಫೆಸಮ ರ‍್ಹಯಲ ಸಭೆನೆ ಯೆಸುನು ಸಂದೆಶ
\p
\v 1 ಎಫೆಸಮಾ ರ‍್ಹಯಲ ಸಬೆನಾ ದುತನೆ ಎ ಬರದ ತಿನಾ ಸಿದಾ ಹತ ಬಗಲ ರ‍್ಹಯಲ ಕ್ಹಾತ ಚಿಕ್ಕಿಯೊ ಧರಲಿದಲವಾಲೊ ವರಿ ಕ್ಹಾತ ದಿವ್ವಾನಾ ಖಾಮೊ ವಚ್ಮಾ಼ ಫರಾಲೊ ತುನೆ ಎ ಕ್ಹಾರು ಕವಸ. 
\v 2 "ತು ಕರವಾನು ಮನೆ ಗ್ವತ್ತ ಛೆ. ತು ತ್ರಾಸ ಖೈನ ಕಾಮ ಕರತೊ ತಡ್ದಿಲಿನ ರ‍್ಹಸಿ ತು ಕೆಟ್ಟ ಮನಕ್ಹೊನೆ ತಡ್ದಿಲೆತೊ ನೈ ಕವಾನು ಮನೆ ಗ್ವತ್ತ ಛೆ. ಅಪೊಸ್ತಲೊ ನೈ ರ‍್ಹಯಾತಬಿ ತ್ಯುನೊನೆ ಅಪೊಸ್ತಲೊ ವ್ಹೈ ಕೈನ ಕೈಲಿವಾಲಾವೊನೆ ತುಮೆ ಪರಿಕ್ಷಾ ಕರಿನ ತ್ಯುನೆ ಸುಳ್ಳ ವ್ಹೈ ಕೈನ ತು ವಳಕ್ಯೊ. 
\v 3 ತು ತಡ್ದಿಲಿನ ಹಮೆಶಾಬಿ ಕೊಶಿಶ ಕರಾಡ್ಯೊಸ. ಮಾರಾ ನಾಮನಾ ಹುತಿ ತ್ರಾಸನೆ ಧೈರ್ಯಕ್ಹು ತಡ್ದಿಲಿದ್ಯೊ. 
\v 4 "ತೆನೈಸೊ ತಾರಾ ವಿರೊದ ಥೈನ ಮಿ ಕವಾನು ಸು ವ್ಹೈ ಕದ್ಯಾಮ "ತು ಮಪರ ರ‍್ಹಯಲ ಪೈಲಾನಿ ಮಯಾ ಇಕ್ಹ್ರಿ ಪಾಡ್ಯೊಸ. 
\v 5 ತಿನಾಹುತಿ ತು ಮುಕಂತೊ ದುರ ಥೈಗಯೊಸ ಕವಾನು ಶೆ ಕರಿಲೆ ಮನಸ ಬದ್ಲಿ ಕರಲೆ ತು ಪೈಲಾ ಕರಲ ಕಾಮೊಜ಼ ಕರ ತು ಬದಲಿ ನೈ ಥಯೊಮ ಮಿ ತು ರ‍್ಹಯಲ ಜ಼ಗಾ ಐನ ತಾರು ದಿವ್ವಾನೊ ಖಾಮ ತಿನಿ ಜ಼ಗಾಂತೊ ಕಾಡಿ ಪಾಡುಸ. 
\v 6 ತೆನೈಸೊ ತು ಚೊ಼ಕು ರ‍್ಹಯಲ ಯಕತಬಿ ಕರಾಡ್ಯೊಸ ತೆ ಸು ವ್ಹೈ ಕದ್ಯಾಮ ನಿಕೊಲಾಯತ ಕವಾಲೊ ಯಕ್ಲೊ ಕರಾನಾ ಕಾಮೊನೆ ಶೆರತೊ ನೈ. ಮಿಬಿ ತ್ಯುನಾ ಕಾಮೊನೆ ಶೆರತೊ ನೈ. 
\v 7 ಪವಿತ್ರ ಆತ್ಮಾ ಸಬೆನೆ ಕತೊ ರ‍್ಹಯಲ ಎ ಸಂಗತಿಯೊ ಐಕಾಲೊ, ಧ್ಯಾನ ದಿನ್ನ ಐಕ. ಕಯೊ ಝಿತ್ತಸ ತಿನೆ ಜ಼ಲಮ ರ‍್ಹಯಲ ಝಾಡನು ಪ್ಹಲ ತಿನೆ ಖಾವಾನು ಹಕ್ಕ ದ್ಯುಸ. ಎ ಝಾಡ ಕ್ಹುದಾನಾ ಮಳಾಮಾ ಛೆ.
\s ಸ್ಮುರನಮಾ ರ‍್ಹಯಲ ಸಭೆನೆ ಸಂದೆಶ
\p
\v 8 ಸ್ಮುರನಮಾ ರ‍್ಹಯಲ ಸಬೆನಾ ದುತನೆ ಎ ಬರದ; ಆದಿಮಾ ವರಿ ಅಂತ್ಯಮಾ ರ‍್ಹಯಲವಾಲೊ ತುನೆ ಎ ಕ್ಹಾರು ಕವಾಡ್ಯೊಸ. ಮರಿನ ಜಿವ್ತೊ ಥೈನ ಉಟಿನ ಆಯಲ ವಾಲೊ ತೆಜ಼ ವ್ಹೈ. 
\v 9 ತಾರೊ ಕಷ್ಟ ಮನೆ ಗ್ವತ್ತ ಛೆ. ತು ಗರಿಬ ವ್ಹೈ ಕವಾನು ಮನೆ ಗ್ವತ್ತ ಛೆ. ವರಿಬಿ ತು ಘನ್ನೊ ಸೌಕಾರ ವ್ಹೈ. ತಾರಾ ಹುತಿ ಮನಕ್ಹೊ ಕವಾನಿಯೊ ಕೆಟ್ಟ ಸಂಗತಿಯೊ ಮನೆ ಗ್ವತ್ತ ಛೆ. ತೆ ಮನಕ್ಹೊ ತ್ಯುನಾಕ್ಹು ತ್ಯುನೊನೆ ಯೆಹುದಿಯೊ ವ್ಹೈ ಕೈನ ಕೈಲಿವಸ. ವರಿಬಿ ತ್ಯುನೆ ಕ್ಹರಿನಾ ಯೆಹುದಿಯೊ ನ್ಹೈ. ತ್ಯುನೆ ಸೈತಾನನಾ ಗುಂಪವಾಲಾ ವ್ಹೈ. 
\v 10 ತಾರಾ ಕ್ಹಾತೆ ಥಾವಾನಿಯೊ ಸಂಗತಿಯೊನಾ ಹುತಿ ತು ಭುಚ಼ಕು ನಕೊ. ಮಿ ತುನೆ ಸು ಕೌಸ ಕದ್ಯಾಮ. ಸೈತಾನ ತುಮೊಮಾ ರ‍್ಹಯಲ ದಕ್ಹಾ ಜ಼ನಾವೊನೆ ಪರಿಕ್ಷಾ ಕರಾಹುತಿ ಜೆಲ್ಮಾ ಘಾಲಾಲಗಾಡಸ. ತುಮೆ ದಕ್ಹ ದಿನ್ನ ತ್ರಾಸ ಖಾವೊಸಿ. ತು ಮರತಾಮಾಬಿ ಬರೊಕ್ಹಾಮಾ ರ‍್ಹಯೊಮ, ಮಿ ತುನೆ ಜ಼ಲಮ ಕವಾನಿ ಕಿರಿಟ ದ್ಯುಸ. 
\v 11 "ಪವಿತ್ರ ಆತ್ಮಾ ಸಬೆನೆ ಕವಾನು ಎ ಸಂಗತಿಯೊ ಐಕಾಲಾ, ಧ್ಯಾನ ದಿನ್ನ ಐಕ. ಝಿತ್ತಾಲಾನೆ ಬೆವಾ ಮರಣಕ್ಹು ಸುಜ಼ ಹಾಳ ನೈ ಥಾತು.
\s ಪೆರಗಮಾ ರ‍್ಹಯಲ ಸಭೆನೆ ಸಂದೆಶ
\p
\v 12 ಪೆರಗಮಾ ರ‍್ಹಯಲ ಸಬೆನಾ ದುತನೆ ಎ ಬರದ; "ಘನ್ನು ಚುಪ ರ‍್ಹಯಲ ತಲ್ವಾರ ರ‍್ಹಯಲವಾಲೊ ತುನೆ ಎ ಕ್ಹಾರು ಕವಸ. 
\v 13 "ತು, ಕಿಜ್ಗಾ ರ‍್ಹಸಿ ಕವಾನು ಮನೆ ಗ್ವತ್ತ ಛೆ. ಸೈತಾನನು ಸಿಂಹಾಸನ ಕಿಜ್ಗಾ ಛೆ ತು ತ್ಯಾ ಛೆ. ವರಿಬಿ ತು ಮನೆ ಬರೊಕ್ಹಾವಾಲೊ ರ‍್ಹಸಿ. ಅಂತಿಪಸ್ನಾ ಕಾಲ್ಮಾ ತು ಮಪರ ಮ್ಹೆಲಲ ಬರೊಕ್ಹೊ ಕವಾನೆ ತು ಪಾಚೊ಼ ಸರಕ್ಯೊ ನೈ. ತಾರಾ ಗಾಮ್ಮಾ ಖಲಾಸ ಥಯಲ ಅಂತಿಪನ ಮಾರಾ ಬರೊಕ್ಹೊನಾ ಸಾಕ್ಷಿ ಥಯೊ. ತು ರ‍್ಹಯಲ ಗಾಮ ಸೈತಾನನು ಗಾಮ ಥೈಯುಸ. 
\v 14 "ತೆನೈಸೊ ತಾರಾ ವಿರೊದ ಕವಾನಿಯೊ ದಕ್ಹಿಯೊ ಸಂಗತಿಯೊ ಛೆ. ತಾರಿ ಸಬೆಮಾ ಬಿಲಾಮನ್ನಿ ಕೆಟ್ಟ ಭೊದನೆ ಲಿಂಗತ ಚಾ಼ಲಿನ ಜಾ಼ವಾಲಾ ಮನಕ್ಹೊ ಛೆ. ಇಸ್ರೆಲನಾ ಮನಕ್ಹೊನೆ ಇಮ್ಮ ಪಾಪಮಾ ಪಡೆ ಲಿಂಗತ ಕರು ಕವಾನು ಬಿಲಾಮ ಬಾಲಾಕನೆ ಕೆಟ್ಟ ಭೊದನೆ ಕರ‍್ಯೊ. ತಿನಾಹುತಿ ಇಸ್ರೆಲೊ ಮೊರತಿಯೊನೆ ಚ಼ಡಾಯಲ ಅನ್ನ ಖಾವಾನಾ ಮುಕಾಂತರ ವರಿ ಕೆಟ್ಟ ಲೈಂಗಿಕನಾ ಪಾಪೊ ಕರಾನಾ ಮುಕಾಂತರ ಪಾಪ ಕರ‍್ಯಾ. 
\v 15 ತಾರಿ ಸಬೆಮಾಬಿ ಇಮ್ಮಜ಼ ಚಾ಼ಲಾಡ್ಯುಸ. ನಿಕೊಲಾಯಿತನಾ ಭೊದನೆ ಚಾ಼ಲಾಲಾ ಮನಕ್ಹೊ ತುಕನ ಛೆ. 
\v 16 ತಿನಾಹುತಿ ತಾರು ಮನಸ ಬದಲಿ ಕರಿಲೆ" ನೈತೊ, ಮಿ ಖುದ್ದ ತುಕನ ಭೆಗಿನ ಐನ, ಮಾರಾ ಮ್ಹೊಡಾತು ಭಾರಿ ಆವಾನಿ ತಲ್ವಾರ ಕ್ಹು ತೆ ಮನಕ್ಹೊ ವಿರುದ್ದ ಹೊರಾಡುಸ. 
\v 17 "ಪವಿತ್ರ ಆತ್ಮಾ ಸಬೆನೆ ಕವಾನು ಎ ಸಂಗತಿಯೊ ಐಕಾಲೊಜ಼ ಮನಸ ದಿನ್ನ ಐಕ ಝಿತ್ತಾಲಗಾಡಲ ಹರಿ ಯಕ್ಕ ಮನಕ್ಹನೆ ಮಿ ಝಾಕಿನ ಮ್ಹೆಲಲ ಮನ್ನ ದ್ಯುಸ ತಿನೆ ಮಿ ಧೊಳೊ ರ‍್ಹಯಲ ದಗ್ಡೊ ದ್ಯುಸ ತೆ ದಗ್ಡಾಪರ ನೌ ನಾಮ ಬರ್ದ್ಯಾಸ ಎ ನೌ ನಾಮ ಕಿನೆಜ಼಼ ಗ್ವತ್ತ ನತ್ತಿ ಎ ದಗ್ಡೊ ಮಳಲವಾಲೊ ಯಕ್ಕಜ಼ ನೌ ನಾಮ ವಳಕಿಲಿವಸ.
\s ಥುವತೈರಮಾ ರ‍್ಹಯಲ ಸಭೆನೆ ಯೆಸುನು ಸಂದೆಶ
\p
\v 18 "ಥುವತೈರಮಾ ರ‍್ಹಯಲ ದುತನೆ ಎ ಕ್ಹಾರು ಬರದ" ಕ್ಹುದಾನೊ ದಿಕ್ರೊ ಎ ಸಂಗತಿಯೊ ಕವಸ. ಆಗ ಲಾಗಲ ಲಿಂಗತ ಉಜಾಲು ರ‍್ಹಯಲ ಡೊಳಾ ಮಿಂಚಾ಼ನು ತಾಂಬಾ ಲಿಂಗತ ಪಗೊ ರ‍್ಹಯಲವಾಲೊ, ತುನೆ ಎ ಕ್ಹಾರು ಕವಸ. 
\v 19 "ತು ಕರಾನು ಕಾಮೊ ಮನೆ ಗ್ವತ್ತ ಛೆ. ತಾರಿ ಮಯಾ, ಬರೊಕ್ಹೊ, ಸೆವೆ ವರಿ ತಡ್ದಿಲಿವಾನು ಮನೆ ಗ್ವತ್ತ ಛೆ. ತು ಹಮ್ನಾ ಪೈಲಾತಿ ಜಾಸ್ತಿ ಕರಾನು ಗ್ವತ್ತ ಛೆ. 
\v 20 ತೆನೈಸೊ ತಾರಾ ವಿರೊದ ಎ ಕ್ಹಾರು ಕವಾನು ವ್ಹತ್ತು. ಯೆಜೆಬೆಲ ಕವಾಲಿ ಬಾಕ್ಡಿ ತಿನಾ ಮನಸ ಲಿಂಗತ ಕರಾನೆ ಮೌಕೊ ದೊದ್ಯೊಸ. ತೆ ತಿನೆ ಪ್ರವಾದಿ ವ್ಹೈ ಕೈನ ಕೈಲಿನ ತೆ ಕವಾನಿ ಭೊದನೆನೆ ಮಾರಾ ಸೆವಕೊನೆ ಮುಕಂತೊ ದುರ ಕರಾಡಿಸ. ಲೈಂಗಿಕ ಪಾಪ ಕರಾನು ವರಿ ಮೊರ್ತಿಯೊನೆ ಚ಼ಡಾಯಲ ಅನ್ನ ಖಾವಾನಾ ಹುತಿ ಮರಾ ಮನಕ್ಹೊನೆ ಸಿಕ್ಲಾವಾಡಿಸ. 
\v 21 ತಿನು ಮನಸ ಬದಲಿ ಕರಲಿನ ಪಾಪೊಕ್ಹು ದುರ ಸರಕಾನೆ ಮಿ ತಿನೆ ಟೈಮ ದಿದ್ಯೊ ತಬಿ ಬದಲಿ ಥಾವಾನೆ ತಿನೆ ಮನಸ ನತ್ತಿ. 
\v 22 "ತಿನಾ ಹುತಿ ತೆ ಘನ್ನಿ ತ್ರಾಸ ಖಾತಿ ವಚ್ಚಾ಼ನಾಮಾ ಪಡಾನಾ ಲಿಂಗತ ಕರುಸ. ತಿನಾ ಕ್ಹಾತೆ ಲೈಂಗಿಕ ಪಾಪ ಕರಾಲಾ ಮನಕ್ಹೊ ಘನ್ನು ತ್ರಾಸ ಖಾವಸ. ತೆ ಕರಾನು ಕಾಮೊನೆ ತ್ಯುನೆ ಮ್ಹೊಡು ನೈ ಪ್ಹರ‍್ಯಾಮ. ಮಿ ಎ ಹಮ್ನಾಜ಼ ಕರುಸ. 
\v 23 ಯಕ್ಲಾನೆ ತ್ಯುನಾ ತ್ಯುನಾ ಕಾಮೊನೆ ತಕ್ಕ ಪ್ರತಿಫಲ ದ್ಯುಸ. 
\v 24 "ತೆನೈಸೊ ಥುವತೈರಮಾ ರ‍್ಹಯಲ ಬಿಜಾ಼ವೊನೆ ಮಿ ಕವಾನು ಸುವೈ ಕದ್ಯಾಮ ತುಮೆ ತಿನಿ ಭೊದನೆ ಲಿಂಗತ ಚಾ಼ಲ್ಯಾ ನೈ. ಸೈತಾನನು ಘನ್ನಿ ರಹಸ್ಯ ರ‍್ಹಯಲ’ ಕೈನ ತ್ಯುನೆ ಕವಾನಿಯೊ ಸಂಗತಿಯೊ ತುಮೆ ಸಿಕ್ಯಾ ನೈ. ತಿನಾಹುತಿ ಮಿ ಬಿಜಿ ಯಕ್ಕ ವಜ್ಜು಼ ತುಮೊಪರ ಘಾಲ್ತೊ ನೈ. 
\v 25 ಮಿ ಆಯೆಲಕ್ಕಾ ಹಮ್ನಾ ತುಮೆ ರ‍್ಹಯಲ ಲಿಂಗತಜ಼ ರ‍್ಹವೊ. 
\v 26 "ಜಿತ್ತಾಲಾನೆ ವರಿ ಮಿ ಆಸ ಕರಾನು ಲಾಸ್ಟ ಲಕ್ಕಾ ಕರಾಲಾನೆ ಮನಕ್ಹೊನಾ ಉಪ್ಪರ ಅದಿಕಾರ ದ್ಯುಸ" 
\v 27 ‘ತೆ ಲ್ಹೊಡಾನಿ ಲಾಕ್ಡಿಕ್ಹು ತ್ಯುನೊಪರ ರಾಜ಼ ಕರಸ. ಮಾತಿನಿ ಗಾಡ್ಗಿಯೊನೆ ಲಿಂಗತ ತ್ಯುನೊನೆ ಪುಡಿ-ಪುಡಿ ಕರಸ. 
\v 28 ಮಿ ಮಾರಾ ಬಾ ಕ್ಹು ಪಡ್ದಲಿದಲ ತಾಕತ ಛೆ. ಮಿ ತಿನೆ ಸುರ‍್ಯೊ ಲಿಂಗತ ಉಜಾಲು ದಿವಾನಿ ಚಿಕ್ಕಿ ದ್ಯುಸ. 
\v 29 ಪವಿತ್ರ ಆತ್ಮಾ ಸಬೆನೆ ಕವಾನು ಎ ಸಂಗತಿಯೊ ಐಕಾಲೊ ಧ್ಯಾನ ದಿನ್ನ ಐಕ.
\c 3
\s ಸಾರಧಿಸಮಾ ರ‍್ಹಯಲ ಸಭೆನೆ ಸಂದೆಶ
\p
\v 1 ಸಾರದಿಸಮಾ ರ‍್ಹಯಲ ಸಬೆನಾ ದುತನೆ ಆ ಬರದ; ಕ್ಹುದಾ ಕ್ಹಾತ ಆತ್ಮಾ ವರಿ ಕ್ಹಾತ ಚಿಕ್ಕಿಯೊ ಹೊಂದಿಲಿದಲವಾಲೊ ಕವಾನು ಸು ವ್ಹೈ ಕದ್ಯಾಮ;ತು ಕರಾನು ಮನೆ ಗ್ವತ್ತ ಛೆ. ತು ಜಿವ್ತೊ ರ‍್ಹಯಲವಾಲೊ ವ್ಹೈ ಕೈನ ಮನಕ್ಹೊ ಕವಸ. ತೆನೈಸೊ ತು ಕ್ಹರಿಮಾಜ಼ ಮರಿ ಗಯೊಸ. 
\v 2 ಉಟ! ಮರವಾನಿ ಸ್ತಿಥಿಮಾ ರ‍್ಹಯಲವಾಲಾವೊನೆ ತಾಕತ ದೆ. ತು ಕರಲ ಕಾಮೊಮಾ ಮಾರಾ ಕ್ಹುದಾನಾ ಕ್ಹಾಮು ಸುಜ಼ ತಪ್ಪ ನೈಸೊ ಮಿ ದೆಕ್ಯೊ ನೈ. 
\v 3 ತಿನಾಹುತಿ ತು ವಪ್ಪಿಲಿನ ವರಿ ಐಕಲ ಉಪದೆಶ ಇಕ್ಹರ‍್ಯಾವಾಚಿ ತಿನೆ ವಿಧೆಯ ಥೈನ ರ‍್ಹೆ. ತಾರಿ ಜಿವ್ನಾ ವರಿ ತಾರು ಮನಸ ಬದಲಿ ಕರಲೆ! ಹುಶಾರ ಥಾ! ನೈತೊ, ಮಿ ಚ಼್ವಟ್ಟಾ ಲಿಂಗತ ತುಕನ ಐನ ಘಾಬ್ರೊ ಕರಿಪಾಡುಸ. ಮಿ ಕೆಳಾಮಾ ಔಸ ಕವಾನು ತುನೆ ಗ್ವತ್ತ ಥಾತು ನೈ. 
\v 4 ತೆನೈಸೊ "ತಾರಿ ಸಬೆಮಾ ರ‍್ಹಯಲ ಸಾರದಿಸನಾ ದಕ್ಹಾಜ಼಼ನಾ ಹಜು಼ನ ಪರಿಶುದ್ಧ ಥಯಾಸ. ತ್ಯುನಾ ವಣ್ಣಾ ರಾಡಿ ಕರಲಿದ್ಯಾ ನೈ. ತ್ಯುನೆ ಮಾರಾ ಕ್ಹಾತೆ ಚಾ಼ಲಸ ತ್ಯುನೆ ಚೊ಼ಕಾ ರ‍್ಹಯಲ ಹುತಿ ತ್ಯುನೆ ಧೊಳಾ ವಣ್ಣಾ ಘಾಲ್ಲಿವಸ. 
\v 5 ಝಿತ್ತಾಲಾ ಹರಿ ಯಕ್ಕ ಮನಕ್ಹನೆ ಆ ಮನಕ್ಹೊ ಲಿಂಗತ ಧೊಳಾ ವಣ್ಣಾ ಘಾಲ್ಲಿವಸ. ತೆ ಮನಕ್ಹನು ನಾಮ ಮಿ ಜಿವಬಾದೆ ಬುಕ್ಕಮಾತೊ ಕಾಡಿ ಪಾಡ್ತೊ ನೈ. ತೆ ಮಾರೊ ವ್ಹೈ ಕೈನ ಮಾರಾ ಬಾನಾ ಕ್ಹಾಮೊ ವರಿ ತಿನಾ ದುತೊನಾ ಕ್ಹಾಮೊ ಕೌಸ. 
\v 6 ಪವಿತ್ರಆತ್ಮಾ ಸಬೆನೆ ಕವಾನಿಯೊ ಸಂಗತಿಯೊ ಐಕಾಲೊ, ಕಳೈಲೆ.
\s ಫಿಲದೆಲ್ಫಿಮಾ ರ‍್ಹಯಲ ಸಭೆನೆ ಸಂದೆಶ
\p
\v 7 ಫಿಲಿದೆಲ್ಫಿಮಾ ರ‍್ಹಯಲ ಸಬೆನಾ ದುತನೆ ಎ ಕ್ಹಾರು ಬರದ "ಪವಿತ್ರ ವರಿ ಕ್ಹರಿಕ್ಹು ರ‍್ಹಯಲವಾಲೊ ದಿವಾನೊ ಎ ಸಂದೆಶ ವ್ಹೈ. ದಾವಿದನಾ ಘರದಾನಾನಿ ಚಾವಿ ಮಕನ ಛೆ. ಮಿ ಕಾಡಲ ಬಾಕಲ ಕುನ್ನಜ಼ ಝಾಕ್ಕತು ನೈ. ವರಿ ಮಿ ಬಾಕಲ ಝಾಕಲ ಕುನ್ನಜ಼ ಕಾಡ್ತು ನೈ. 
\v 8 ತು ಕರಾನಾ ಕಾಮೊ ಮನೆ ಗ್ವತ್ತ ಛೆ. ತಾರಾ ಕ್ಹಾಮೊ ಬಾಕಲ ಖುಲ್ಲಾಜ಼ ಕರಿನ ಮುಕ್ಕಯೊಸ. ತೆ ಕುನ್ನಜ಼ ಝಾಕ್ಕತುಜ಼಼ ನೈ. ತು ಕಮ್ಜೊ಼ರ ಮನಕ್ಹ ವ್ಹೈ ಕೈನ ಮನೆ ಗ್ವತ್ತ ಛೆ. ವರಿಬಿ ತು ಮಿ ಕದಲ ಭೊದನೆ ಲಿಂಗತ ಚಾ಼ಲ್ಯೊ. ತು ಮಾರು ನಾಮ ಲಿವಾನೆ ಭುಚ಼ಕ್ಕಯೊ ನೈ. 
\v 9 ಧ್ಯಾನ ದೆ! ತ್ಯಾ ಸೈತಾನನಾ ಗುಂಪವಾಲಾ ಛೆ. ತೆ ತ್ಯುತಾಕ್ಹು ತ್ಯುನೆ ಯೆಹುದಿಯೊ ವ್ಹೈ ಕೈನ ಕೈಲಿವಸ. ವರಿ ಬಿ ತ್ಯೊನೆ ಕೈಲಿವಾನು ಸುಳ್ಳ ವ್ಹೈ. ತ್ಯುನೆ ಕ್ಹರಿನಾ ಯೆಹುದಿಯೊ ನ್ಹವೈ. ತೆವಾ ಮನಕ್ಹೊ ತಾರಾ ಕ್ಹಾಮಾ ತಾರಾ ಪಗೆ ಪಡಾ ವರಕ್ಹು ಕರುಸ. ಮಿ ಮಯಾ ಕರಾನಾ ಮನಕ್ಹೊ ತುಮೆಜ಼ ವ್ಹೈ ಕೈನ ತ್ಯುನೆ ತೆಳಾಮಾ ವಳಕಸ. 
\v 10 ತು ಮಾರಿ ಆಗನ್ಯಾ ಸಮಾದಾನಕ್ಹು ವರಿ ತಡ್ದಿಲಿನ ಚಾ಼ಲ್ಯೊ. ತಿನಾಹುತಿ ಆ ಜಗತ್ನೆ ಆವಾನಿ ಸಂಕಟಕ್ಹು ಮಿ ತುನೆ ವಚಾ಼ಡುಸ. ಜಿಮಿನಪರ ರ‍್ಹಯಲ ಮನಕ್ಹೊ ಕ್ಹಾರಾ ಎ ಶೊದನೆಮಾ ಪಡಸ. 
\v 11 "ಮಿ ಭೆಗಿನ ಔಸ. ಹಮ್ನಾ ತು ಕಿಮಛೆ ತಿಮ್ಮಜ಼ ರ‍್ಹೆ ತೆಳಾಮಾ ತಾರು ಕಿರಿಟ ಕುನ್ನಜ಼ ಕಾಳ್ಳೆತು ನೈ. 
\v 12 ಝಿತ್ತಲ ಮನಕ್ಹನೆ ಮಿ ಮಾರಾ ಕ್ಹುದಾನಿ ಆಲಯಮಾ ಆಧಾರಸ್ತಂಭ ಕರುಸ. ತೆ ಕ್ಹುದಾನಿ ಆಲಯ ಕೆಳಾಮಾಜ಼ ಛೊಡಿನ ಜಾ಼ವಾನಿ ಜ಼ರುರತ್ತ ನತ್ತಿ. ಮಾರಾ ಕ್ಹುದಾನು ನಾಮ ವರಿ ಮಾರಾ ಕ್ಹುದಾನು ಗಾಮನು ನಾಮ ತಿಪರ ಬರದುಸ. ನವು ಯರುಸೆಲಿಮಜ಼ ತೆ ಗಾಮನು ನಾಮ ವ್ಹೈ. ತೆ ಗಾಮ ಮಾರಾ ಕ್ಹುದಾಕಂತು ಸ್ವರಗತು ಉತ್ರಿನ ಆವಸ. ಮಾರು ನವು ನಾಮ ತಿಪರ ಬರದುಸ. 
\v 13 ಪವಿತ್ರ ಆತ್ಮಾ ಸಬೆನೆ ಕವಾನು ಎ ಕ್ಹಾರಿಯೊ ಸಂಗತಿಯೊ ಐಕಾಲೊ ಧ್ಯಾನ ದಿನ್ನ ಐಕ.
\s ಲವೊದಿಕಿಯಮಾ ರ‍್ಹಯಲ ಸಭೆನೆ ಯೆಸುನು ಸಂದೆಶ
\p
\v 14 ಲವೊದಿಕಿಯಾ ಸಬೆನಾ ದುತನೆ ಆ ಪತ್ರ ಬರದ; "ಆಮೆನ ಕವಾಲೊ ಕದ್ಯಾಮ ಬರೊಕ್ಹಾವಾಲೊ ಕ್ಹರಿನಿ ಸಾಕ್ಷಿ ಕ್ಹುದಾನಿ ಸೃಷ್ಟಿನೆ ಅದಿಪತಿ ಥಯಲವಾಲೊ ಕವಾನು ಸು ವ್ಹೈ ಕದ್ಯಾಮ; 
\v 15 "ತು ಕರಾನು ಕ್ಹಾರು ಮನೆ ಗ್ವತ್ತ ಛೆ. ತು ಉನ್ನೊಬಿ ನತ್ತಿ ವರಿ, ಥಂಡೊಬಿ ನತ್ತಿ! ತು ಉನ್ನೊತಬಿ ರ‍್ಹವಾನು ವ್ಹತ್ತು ನೈತೊ ಥಂಡೊತಬಿ ರ‍್ಹವಾನ ವ್ಹತ್ತು! 
\v 16 ತೆನೈಸೊ ತು ಉನ್ನೊಬಿ ನತ್ತಿ ವರಿ ಥಂಡೊಬಿ ನತ್ತಿ ದಕ್ಹೊಜ಼ ಉನ್ನೊ ರ‍್ಹಯಲ ಹುತಿ ಮಿ ತುನೆ ಮ್ಹೊಡಾಮಾತೊ ಥುಕ್ಕಕಿ ಪಾಡುಸ. 
\v 17 ತಾರಿಕ್ಹು ತುನೆ ಸೌಕಾರ ವ್ಹೈ ಕೈನ ಕೈಲಿವಾಡ್ಯೊಸ. ತು ಸೌಕಾರ ರ‍್ಹಯಲ ಹುತಿ ತುನೆ ಸುಜ಼ ಕಮಿ ಥಾತು ನೈ ಕೈನ ತು ವಿಚಾರ ಕರಿಲಿದ್ಯೊಸ. ತೆನೈಸೊ ಕ್ಹರಿಮಾಜ಼ ತು ಕೆಟ್ಟ ಪರಿಸ್ತಿತಿಮಾ ಪಡಲವಾಲೊ ಥಯೊಸ. ಕೆಟ್ಟ ನಸಿಬ ವಾಲೊ ವರಿ ದಲಿದ್ದರ ಥಯೊಸ, ಕುಡ್ಡೊ ಥಯೊಸ ವರಿ ಭೊಂಗಳೊ ಥಯೊಸ. ವರಿಬಿ ಎ ಕ್ಹಾರು ತುನೆ ಗ್ವತ್ತ ನತ್ತಿ. 
\v 18 ಆಗ್ಮಾ ಘಾಲಿನ ಹಸಾ ಕರಲ ಕ್ಹೊನಾ ಲಿಂಗತ ಥೌ ಕೈನ ಮಾರಾಕ್ಹು ತುನೆ ಗ್ವತ್ತ ಥಾವಾದೆ ಕೈನ ತಿಳಸೈನ ದ್ಯುಸ. ತೆಳಾಮಾ ತು ಕ್ಹರಿಮಾಜ಼ ಸೌಕಾರ ಥಾಸಿ. ಮಿ ತುನೆ ಕವಾನು ಸು ವ್ಹೈ ಕದ್ಯಾಮ; ಧೊಳಾ ವಣ್ಣಾ ಇಕ್ಕಾತೊ ಲೆ. ತೆಳಾಮಾ ತು ಹಸೈಲಾಗಾನು ತಾರು ಭೊಗಳು ಅಂಗ ಝಾಕಿಲಿವಾನೆ ಥಾವಸ. ತು ತಾರಾ ಡೊಳಾನೆ ಲಗಾಡಾನೆ ವಕ್ಹಡ ಇಕ್ಕಾತೊ ಲ್ಯು ಕೈನ ಮಿ ತುನೆ ಕೌಸ. ತೆಳಾಮಾ ತುನೆ ಕ್ಹರಿನಾ ಡೊಳಾ ದಿಕ್ಹಸ. 
\v 19 "ಮಿ ಮಯಾ ಕರಾನಾ ಮನಕ್ಹೊನೆಜ಼ ಮಿ ತಿದ್ದುಸ ವರಿ ಶಿಕ್ಷಾ ದ್ಯುಸ. ತಿನಾಹುತಿ ತುಮೆ ಆಸಕ್ಕತಿಮಾ ರ‍್ಹವೊ! ಕ್ಹುದಾ ಬಗಲ ಫ್ಹರೊ. 
\v 20 ದೆಕೊ, ಮಿ ತುಮಾರಾ ಬಾಕಲಕನ ಹುಬ್ರೈನ ವಜಾ಼ಡ್ಯಾಡ್ಯೊಸ. ಕಯೊಬಿ ಮಾರೊ ಗಳೊ ಐಕಿನ ಬಾಕಲ ಕಾಡ್ಯೊಮ, ಮಿ ಮ್ಹೈ ಐನ ತಿನಾ ಕ್ಹಾತೆ ಖಾವಾನೆ ಬೈಟುಸ ವರಿ ತೆ ಮಾರಾ ಕ್ಹಾತೆ ಖಾವಸ. 
\v 21 "ಮಿ ಝಿತ್ತಿನ ಮಾರಾ ಬಾನಾ ಕ್ಹಾತೆ ತಿನಾ ಸಿಂಹಾಸನ್ಪರ ಬೈಟ್ಯೊಸ. ತಿನಾ ಲಿಂಗತಜ಼ ಝಿತ್ತಲ ಹರಿ ಯಕ್ಲೊ ಮಾರಾ ಕ್ಹಾತೆ ಸಿಂಹಾಸನ್ಪರ ಬೈಟಾನಾ ಲಿಂಗತ ಹಕ್ಕ ದ್ಯುಸ. 
\v 22 ಪವಿತ್ರ ಆತ್ಮಾ ಸಬೆನೆ ಕವಾನಿಯೊ ಎ ಸಂಗತಿಯೊ ಐಕಾಲೊ, ಧ್ಯಾನ ದಿನ್ನ ಐಕ"
\c 4
\s ಸ್ವರ್ಗಮಾ ಆರಾಧನಾ
\p
\v 1 ಪಾಚಲ್ತೊ ಮಿ ದೆಕ್ತಾಮಾ ಮಾರಾ ಕ್ಹಾಮೊ ಸ್ವರ್ಗನು ಬಾಕಲ ಖುಲ್ಲಾ ಥಯಲ ಮಿ ದೆಕ್ಯೊ. ಮಾರಾ ಕ್ಹಾತೆ ಪೈಲಾ ಬೊಲಲ ಆವಾಜ಼ಜ಼ ವರಿ ಮಾರಾ ಕ್ಹಾತೆ ಬೊಲ್ಯು. ತೆ ಅವಾಜ಼ ತುತ್ತುರಿನಿ ಅವಾಜ಼ ಲಿಂಗತ ವ್ಹತ್ತು" ತೆ ಅವಾಜ಼ಮಾ ಉಪ್ಪರ ಚ಼ಡಿನ ನ್ಹ್ಯಾ ಆ. ಅಗು ಥಾವಾನು ಮಿ ತುನೆ ದೆಕಾಡಿನ ದ್ಯುಸ "ಕೈನ ಕದ್ಯು. 
\v 2 ತೆಳಾಮಾಜ಼ ಮಿ ಪವಿತ್ರ ಆತ್ಮಾನಾ ವಶ್ಮಾ ಥಯೊ. ಸ್ವರ್ಗಮಾ ಮಾರಾ ಕ್ಹಾಮುಜ಼ ಯಕ್ಕ ಸಿಂಹಾಸನ ವ್ಹತ್ತು. ಕುನ ಯಕ್ಕ ತೆ ಸಿಂಹಾಸನ ಪರ ಬೈಟಲ ದೆಕ್ಯೊ. 
\v 3 ಸಿಂಹಾಸನ ಪರ ಬೈಟಲವಾಲಾನು ಮ್ಹೊಡು ಸುರ‍್ಯಕಾಂತ ಪದ್ಮರಾಗ ದಗ್ಡಾವೊ ಲಿಂಗತ ಮಿಂಚಾ಼ಡೊತೊ, ಸಿಂಹಾಸನ್ನಾ ಸುತ್ತೆ ಹಸರ ರಂಗ ದಿಕ್ಹಾನು ಕಾಮನ ಬಿಲ್ಲ ವ್ಹತ್ತು. 
\v 4 ತೆ ಸಿಂಹಾಸನ್ನಾ ಸುತ್ತೆ ಇಕ್ಹಪರ ಚಾರ ಶಾನಾ ಮನಕ್ಹೊ ಬೈಟ್ಯಾತಾ. ತ್ಯುನೆ ಧೊಳಾ ವಣ್ಣಾ ಘಾಲ್ಲಿದ್ಯಾತಾ. ತ್ಯುನಾ ಮಾತಾಪರ ಕ್ಹೊನಾನಾ ಕಿರಿಟೊ ವ್ಹತ್ತಾ. ಎ 
\v 5 ತೆ ಸಿಂಹಾಸನಮಾತಿ ಬಿಜ಼ಲಿ ಗಡ ಗಡಾನಿ ಅವಾಜ಼ ವರಿ ಬಿಜಿಯೊ ಬಿಜೊಯೊ ಆವಾಡ್ಯುತು. ತೆ ಸಿಂಹಾಸನಾ ಕ್ಹಾಮಾ ಕ್ಹಾತ ದಿವ್ವಾ ಲಾಗಲ ವ್ಹತ್ತಾ. ತೆ ದಿವ್ವಾ ಕ್ಹುದಾನಿಯೊ ಕ್ಹಾತ ಆತ್ಮಾ ವ್ಹತ್ತಿಯೊ. 
\v 6 ಎನೈಸೊ ಸಿಂಹಾಸನಾ ಕ್ಹಾಮು ಕಾಂಚ಼ನು ಸಮುಂದರ ಲಿಂಗತ ದಿಕ್ಹಾನು ಸುಯ್ಯಕ ಸಾಮನ ವ್ಹತ್ತು. ತೆ ಘನ್ನು ಹಸಾ ವ್ಹತ್ತು. ತೆ ಸಿಂಹಾಸನಾ ಕ್ಹಾಮು ವರಿ ತಿನಾ ಹರಿ ಯಕ್ಕ ಬಗಲ ಚಾರ ಜಿವಿಯೊ ವ್ಹತ್ತಿಯೊ. ತೆ ಜಿವಿನಾ ಪಾಚಾ಼ ವರಿ ತಿನಾ ಕ್ಹಾಮಾ ಡೊಳಾ ಭರಿ ಗಯಾತಾ. 
\v 7 ಪಸ್ಟಲಿ ಜಿವಿ ಶಿಂಯ್ಯಾ ಲಿಂಗತ ವ್ಹತ್ತು. ಬೆವಾ ಜಿವಿ ಗೈ ಲಿಂಗತ ವ್ಹತ್ತಿ. ತನ್ವಾ ಜಿವಿ ಮನಕ್ಹನಾ ಮ್ಹೊಡಾ ಲಿಂಗತ ವ್ಹತ್ತು. ಚಾರವಾ ಜಿವಿ ಗರುಡ ಪಕ್ಕಷಿ ಲಿಂಗತ ವ್ಹತ್ತಿ. 
\v 8 ಹರಿ ಯಕ್ಕ ಜಿವಿನೆ ಛೆ ರೆಕ್ಕಯಾ ವ್ಹತ್ತಾ. ತೆ ಜಿವಿನಾ ಭಾರಲ್ಯಾ ಭಾಗ ವರಿ ಮ್ಹೈನಾ ಭಾಗನೆ ಡೊಳಾ ವ್ಹತ್ತಾ. ಎ ಚಾರೆ ಜಿವಿಯೊ ದಿನ್ನ ರಾತ ಛೊಡೆ ನೈಸೊ ಅಮ್ಮ ಕತ್ಯೊತ್ಯೊ"ಕ್ಹುದಾ ಥಯಲ ಪ್ರಭು, ಪರಿಶುದ್ಧ ವ್ಹೈ ಪರಿಶುದ್ಧ ವ್ಹೈ ಪರಿಶುದ್ಧ ವ್ಹೈ. ತೆ ಮ್ಹೊಟಿ ತಾಕತ ವಾಲೊ ವ್ಹೈ. ತೆ ಭುತಕಾಲಮಾ ರ‍್ಹಯಲವಾಲೊ ವರತಮಾನ ಕಾಲಮಾ ರ‍್ಹಯಲವಾಲೊ ವ್ಹೈ. ವರಿ ಆವಾಲೊ ವ್ಹೈ. 
\v 9 ಎ ಜಿವಿಯೊ, ಸಿಂಹಾಸನ ಪರ ಬೈಟಲ ವಾಲಾನೆ ಪ್ರಭಾವ ವರಿ ಮರ್ಯಾದಿ ವರಿ ಕೃತಜ್ಞತೆ ಕವಾಡಿಯೊತ್ಯೊ. ಯುಗ ಯುಗಮಾ ಜಿವ್ತೊ ರ‍್ಹವಾಲೊ ತೆಜ಼ ವ್ಹೈ. 
\v 10 ಇಕ್ಹಪರ ಚಾರ ಮ್ಹೊಟಾ ಶಾನಾ ಮನಕ್ಹೊ ತ್ಯುನೆ ಘಾಲ್ಲಿದಲ ಕಿರಿಟೊ ಕಾಡಿನ ಬಾಜು಼ಮಾ ಮ್ಹೆಲಿನ, ಸಿಂಹಾಸನ ಪರ ಬೈಟಲವಾಲಾನೆ ಉಂದಾಗುಡಗಾ ಘಾಲ್ಲಿನ ಪಗೆಪಡಿನ, ಯುಗ ಯುಗಮಾ ಜಿವ್ತೊ ರ‍್ಹವಾಲೊ ತಿನೆ ಆರಾಧನಾ ಕರತಾ ಅಮ್ಮ ಕದ್ಯಾ; 
\v 11 "ಹಮಾರಾ ಪ್ರಭು, ಹಮಾರಾ ಕ್ಹುದಾ! ತು ಪ್ರಭಾವ, ಮರ್ಯಾದಿ, ಹರಿ ಯಕ್ಕನೆ ಯೊರಗ್ಯ ವ್ಹೈ. ಕ್ಹಾರು ತಯ್ಯಾರ ಕರಲವಾಲೊ ತುಜ಼಼ ವ್ಹೈ. ತಾರಿ ಮರ್ಜಿ ಲಿಂಗತ ಎ ಕ್ಹಾರು ವ್ಹತ್ತು; ವರಿ ಕ್ಹಾರು ತಯ್ಯಾರ ಥಯು"
\c 5
\s ಸುರಳಿ ವರಿ ಬಕ್ರಾನು ಬಚ್ಚು಼
\p
\v 1 ಸಿಂಹಾಸನ ಪರ ಬೈಟಲವಾಲಾನಾ ಸಿದಾ ಹತ್ಮಾ ಯಕ್ಕ ಸುರುಳಿ ದೆಕ್ಯೊ. ತಿನಾ ಭಂಬಿ ಬಗಲ ಬರ್ದಲ ವ್ಹತ್ತು. ತೆ ಕ್ಹಾತ ಮುದ್ರೆಕ್ಹು ಕರ‍ಲ ವ್ಹತ್ತು. 
\v 2 ತಾಕತವರ ಥಯಲ ದೆವದುತ ಜೊ಼ರ ಆವಾಜ಼ಕ್ಹು"ಎ ಶುರುಳಿನಾ ಮುದ್ರೆ ಕಾಡಾನೆ ಯೊಗ್ಯ ಥಯಲವಾಲೊ ಕುನ ವ್ಹೈ? ಕೈನ ಪ್ರಕಟನೆ ಕರ‍್ಯೊ. 
\v 3 ತೆನೈಸೊ ಸ್ವರ್ಗಮಾ ರ‍್ಹೈನೆಕಾ ಭುಲೊಕಮಾ ರ‍್ಹೈನೆಕಾ ಪಾತಾಳಮಾ ರ‍್ಹೈನೆಕಾ ಎ ಶುರುಳಿನೆ ಕಾಡಿನ ದೆಕಾಲಾ ಕುನ್ನಜ಼ ನ್ಹೊತು. 
\v 4 ತೆ ಸುರಳಿ ಖುಲ್ಲಾ ಕರಾನೆ ವರಿ ದೆಕಾನೆ ಯೊಗ್ಯ ಯಕ್ಲೊಬಿ ನತ್ತಿ ಕಕೈನ ಮಿ ಘನ್ನೊ ರ‍್ವಯೊ. 
\v 5 ತೆನೈಸೊ ಮ್ಹೊಟಾವೊಮಾನೊ ಯಕ್ಲೊ ಮನೆ"ರೌ ನಕೊ ದೆಕ! ಯುದನಾ ಘರದಾನಾನೊ ಸಿಂಯೊ ಥಯಲವಾಲೊ ಜಿ಼ತ್ಯೊಸ. ತೆ ದಾವಿದನಾ ಘರದಾನೊ ವ್ಹೈ. ತೆ ಶುರುಳಿನೆ ವರಿ ತಿನಾ ಕ್ಹಾತ ಮುದ್ರೆನೆ ಕಾಡಾನೆ ಯೊಗ್ಯ ವ್ಹೈ "ಕೈನ ಕದ್ಯೊ. 
\v 6 ಪಾಚಲ್ತೊ ಸಿಂಹಾಸನನಾ ವರಿ ಚಾರ ಜಿವಿಮೊ ವಚ್ಮಾ ಯಕ್ಕ ಬಕ್ರಾನಾ ಬಚ್ಚಾ಼ನೆ ಮಿ ದೆಕ್ಯೊ. ಮ್ಹೊಟಾಬಿ ತೆ ಬಕ್ರಾನಾ ಬಚ್ಚಾ಼ನಾ ಆಗಪಾಚಾ಼ ವ್ಹತ್ತಾ. ತೆ ಬಕ್ರಾನು ಬಚ್ಚು಼ ಖಲಾಸ ಕರಲ ಲಿಂಗತ ವ್ಹತ್ತು. ತಿನೆ ಕ್ಹಾತ ಶಿಂಗಡಾ ಕ್ಹಾತ ಡೊಳಾ ವ್ಹತ್ತಾ. ತೆ ಎ ದುನಿಯಾನೆ ವಳಾಯಲ ಕ್ಹುದಾನಾ ಕ್ಹಾತ ಆತ್ಮಾ ವ್ಹತ್ತಾ. 
\v 7 ತೆ ಬಕ್ರಾನು ಬಚ್ಚು಼ ಐನ ಸಿಂಹಾಸನನಾ ಉಪ್ಪರ ಬೈಟಲವಾಲಾನಾ ಸಿದಾ ಹತ್ತಮಾನಿ ಸುರುಳಿ ಲಿದ್ಯುತು. 
\v 8 ತೆಳಾಮಾ ಚಾರ ಜಿವಿಯೊ ವರಿ ಇಖ್ಪರ ಚಾರ ಮ್ಹೊಟಾ ಮನಕ್ಹೊ ತೆ ಬಕ್ರಾನಾ ಬಚ್ಚಾ಼ನಾ ಕ್ಹಾಮಾ ಉಂದಾ ಗುಡ್ಗಾ ಘಾಲಿನ ಪಗೆ ಪಡ್ಯಾ. ಹರಯಕ್ಕಲಾನಾ ಹತ್ಮಾ ಯಕ್ಕ ಯಕ್ಕ ತಂಬುರಿ ವ್ಹತ್ತಿ. ಧವಾಂಡೊ ಭರಲ ಕ್ಹೊನಾನಾ ಸಾಮನೊ ತ್ಯುನೆ ಧರಿಲಿದ್ಯಾತಾ. ಸಾಮನೊ ಕ್ಹುದಾನಿ ಪರಿಶುದ್ಧ ಮನಕ್ಹೊನಾ ಪ್ರಾಥನಾ ಥಯಾತಾ. 
\v 9 ತ್ಯುನೆ ಕ್ಹಾರಾ ಬಕ್ರಾನಾ ಬಚ್ಚಾ಼ನಾ ಹುತಿ ಯಕ್ಕ ನೌ ಗಿದ್ದ ಕದ್ಯಾ; ತು ಖಲಾಸ ಬಲಿ ಥಯಲ ಹುತಿ, ಸುರುಳಿ ಲಿನ, ತಿನಾ ಮುದ್ರೆನೆ ತೊಡಾನೆ ಯೊಗ್ಯ ಛೆ. ತು ತಾರಾ ರಗತಕ್ಹು ಘನ್ನಾ ಕುಲ, ಭಾಷಾ, ದೆಶೊ ಬಿಜಯೊ ಬಿಜಿಯೊ ಜಾ಼ತೊನಾ ಮನಕ್ಹೊನೆ ಕ್ಹುದಾನಾ ಹುತಿ ಕಿಮ್ಮತ ದಿನ ಲಿದ್ಯೊಸ. 
\v 10 ತ್ಯುನೊನೆ ಯಕ್ಕ ರಾಜ್ಯ ಲಿಂಗತ ಕರ‍್ಯೊ; ಕ್ಹುದಾನಾ ಹುತಿ ಯಾಜಕೊ ಕರ‍್ಯೊ; ತ್ಯುನೆ ದುನಿಯಾಮಾ ಆಳಸ" 
\v 11 ಪಾಚಲ್ತೊ ಮಿ ದೆಕಲ ಪರ, ಘನ್ನಾ ದೆವದುತೊನಿ ಆವಾಜ಼ ಐಕ್ಯೊ. ಎ ದೆವದುತೊ ಸಿಂಹಾಸನನಾ, ಚಾರ ಜಿವಿಯೊ ವರಿ ಮ್ಹೊಟಾ ಮನಕ್ಹೊ ಕ್ಹಾರಾ ಸುತ್ತೆ ವ್ಹತ್ತಾ. ತ್ಯುನಿ ಸಂಕ್ಯಾ ಹಜಾ಼ರೊಸಿ ಲಾಕೊಶಿ ಕರೊಡ ವ್ಹತ್ತಿ. 
\v 12 ಎ ದೆವದುತೊ ಜೊ಼ರ ಆವಾಜ಼ಕ್ಹು ಅಮ್ಮ ಕದ್ಯಾ; "ಖಲಾಸ ಥಯಲ ಬಕ್ರಾನು ಬಚ್ಚು಼ ಅದಿಕಾರ, ಆಸ್ತಿ, ಗ್ಯಾನ, ತಾಕತ, ಮರ್ಯಾದಿ, ಪ್ರಭಾವ, ಸ್ತೊತ್ರಾ ಲಿವಾನೆ ಯೊಗ್ಯ ಛೆ! 
\v 13 ಎನೈಸೊ ಹಬಾಳ ಪರಬಿ ಜಿ಼ಮಿನ ಪರಬಿ ಜಿ಼ಮಿನನಾ ಹೆಟಾಬಿ ಸಮಂದರಮಾಬಿ ರ‍್ಹವಾನು ಹರ ಯಕ್ಕ ಜಿವ ಇಮ್ಮ ಕವಾನು ಐಕ್ಯೊ; "ಸಿಂಹಾಸನನಾ ಉಪ್ಪರ ಬೈಟಲವಾಲಾನೆಬಿ ಬಕ್ರಾನು ಬಚ್ಚು಼ ಥಯಲವಾಲಾನೆಬಿ ಮಹಿಮಾ ಸ್ತೊತ್ರ, ಮರ್ಯಾದಿ, ಪ್ರಭಾವ, ಅದಿಕಾರ ಹಮೆಶಾಬಿ ರ‍್ಹವಾದೆ! 
\v 14 ತೆ ಚಾರ ಜಿವಿಯೊ "ಇಮ್ಮಜ಼ ಥೌ" ಕೈನ ಕದ್ಯಾ. ಶಾನಾ ಮನಕ್ಹೊ ಉಂದಾ ಗುಡ್ಗಾ ಘಾಲಿನ ಆರಾಧನಾ ಕರ‍್ಯಾ.
\c 6
\s ಬಕ್ರಾನು ಬಚ್ಚು಼ ಕ್ಹಾತ ಮುದ್ರೆ ಖುಲ್ಲಾ ಕರಲ
\p
\v 1 ಪಾಚಲ್ತೊ ಬಕ್ರಾನು ಬಚ್ಚು಼ ಕ್ಹಾತ ಮುದ್ರೆಮಾ ಯಕ್ಕ ಮುದ್ರೆ ಪ್ಹೊಡತಾಮಾ ಮಿ ಧ್ಯಾನ ದಿದ್ಯೊ. ತೆ ಚಾರ ಜಿವಿಯೊಮಾ ಯಕ್ಕ ಜಿವಿ ಬಿಜ಼ಲಿ ಲಿಂಗತ ಬೊಲಾನು ಮಿ ಐಕ್ಯೊ. ತೆ "ಆ! ಕೈನ ಕದ್ಯು. 
\v 2 ಮಿ ದೆಕ್ತಾಮಾ ಮಾರಾ ಕ್ಹಾಮು ಯಕ್ಕ ಧೊಳೊ ಘೊಡೊ ಹುಬ್ರಯಲ ಮನೆ ದಿಕ್ಹ್ಯೊ. ಘೊಡಾಪರ ಬೈಟಲವಾಲಾನಾ ಹತ್ಮಾ ಬಿಲ್ಲು ಬಾಣ ವ್ಹತ್ತಿ. ತಿನೆ ಯಕ್ಕ ಕಿರಿಟ ದಿದ್ಯಾ. ತೆ ಝಿತ್ತಾನಾ ಹುತಿ ಚಾ಼ಲ್ಯೊ. 
\v 3 ತೆ ಬಕ್ರಾನು ಬಚ್ಚು಼ ಬೆವಾ ಮುದ್ರೆ ಖುಲ್ಲಾ ಕರ‍್ಯೊ. ತೆಳಾಮಾ ಬೆವಾ ಜಿವಿ"ಆ! ಕೈನ ಕದಲ ಐಕ್ಯೊ. 
\v 4 ತೆಳಾಮಾ ಬಿಜೆಕ ಘೊಡೊ ಭಾರೊ ಆಯೊ. ಎ ಲಾಲ ಘೊಡೊ ವ್ಹತ್ತೊ. ತೆ ಘೊಡಾಪರ ಬೈಟಲವಾಲಾನೆ ದುನಿಯಾಮಾ ರ‍್ಹಯಲ ಸಮಾಧಾನ ಕಾಡಿಪಾಡನೆ ವರಿ ಮನಕ್ಹೊ ಯಕ್ನಾ ಯಕ್ಕ ಖಲಾಸ ಕರಿಲಿವಾನೆ ತಿನೆ ಅದಿಕಾರ ದಿದಲ ವ್ಹತ್ತು. ಎ ಘೊಡಾಪರ ಬೈಟಲವಾಲಾನೆ ಯಕ್ಕ ಮ್ಹೊಟಿ ತಲ್ವಾರ ದಿದ್ಯಾತಾ. 
\v 5 ತೆ ಬಕ್ರಾನು ಬಚ್ಚು಼ ತನ್ವಾ ಮುದ್ರೆ ಖುಲ್ಲಾ ಕರ‍್ಯು. ತೆಳಾಮಾ ತೆ ತನ್ವಾ ಜಿವಿ "ಆ! ಕೈನ ಕದಲ ಮಿ ಐಕ್ಯೊ. ಮಿ ದೆಕ್ತಾಮಾ, ಮಾರಾ ಖಾಮೊ ಕಾಳೊ ಘೊಡೊ ಹುಬ್ರಯಲ ಮನೆ ದಿಕ್ಹ್ಯೊ. ತೆ ಘೊಡಾಪರ ಬೈಟವಾಲಾನಾ ಹತ್ಮಾ ಯಕ್ಕ ತಕ್ಕಡಿಯೊ ಧರಲಿದ್ಯೊತೊ. 
\v 6 ತೆಳಾಮಾ ಯಕ್ಕಲಾನೊ ಅವಾಜ಼ ಲಿಂಗತ ಅವಾಜ಼ ಐಕ್ಯೊ. ತೆ ಚಾರ ಜಿವಿಯೊರ‍್ಹಯಲ ಜ಼಼ಗಾತೊ ಎ ಅವಾಜ಼ ಭಾರು ಅಯು. ತೆ ಅವಾಜ಼"ಯಕ್ಕ ದಿನ್ನಾ ಕಾಮ್ನೆ ಯಕ್ಕ ಮಾಪ್ಟು ಘೌ ಯಕ್ಕ ದಿನ್ನಾ ಕಾಮನ್ಎ ತನ್ನ ಕಿಲೊ ಬಾರಲಿ. ತೆನೈಸೊ ತೆಲ ದ್ರಾಕ್ಷಿಯೊನು ರ‍ಕ್ಹ ಕೆಡ್ಸುನಕೊ ಕೈನ ಕದ್ಯು. 
\v 7 ತೆ ಬಕ್ರಾನು ಬಚ್ಚು಼ ಚಾ಼ರವಾ ಮುದ್ರೆ ಖುಲ್ಲಾ ಕರ‍್ಯು. ತೆಳಾಮಾ ಚಾರವಾ ಜಿವಿ"ಆ! ಕೈನ ಕದ್ಯು ಕೈನ ಕವಾನು ಅವಾಜ಼ ಮನೆ ಐಕು ಐಯು. 
\v 8 ಮಿ ದೆಕ್ತಾಮಾ ಮಾರಾ ಕ್ಹಾಮು ಯಕ್ಕ ಪಿಳಿಮಾತಿನೊ ಕಲರನು ಘೊಡೊ ರ‍್ಹಯಲ ಮನೆ ದಿಕ್ಹ್ಯೊ. ತೆ ಘೊಡಾಪರ ಬೈಟಲವಾಲೊ ಮೌತ ವ್ಹೈ. ತಿನಾ ಪಾಚೊ಼ ಪಾತಾಳ ಕವಾಲೊ ಆಯೊ. ತ್ಯುನೊನೆ ಜಿಮಿನ್ನಿ ಚಾರವಾ ಭಾಗಪರ ಅದಿಕಾರ ದಿದ್ಯಾ. ಚಾ಼ಕಾಕ್ಹು ಬರಗಾಲಕ್ಹು ರೊಗಕ್ಹು ವರಿ ದುನಿಯಾಮಾ ರ‍್ಹಯಲ ಪಶುವೊಕ್ಹು ಮನಕ್ಹೊನೆ ತಲ್ವಾರ ಕ್ಹು ಖಲಾಸ ಕರಾನು ಅದಿಕಾರ ತಿನೆ ದಿದ್ಯಾ. 
\v 9 ಬಕ್ರಾನು ಬಚ್ಚು಼ ಪಾಂಚ್ವಾ಼ ಮುದ್ರೆ ಖುಲ್ಲಾ ಕರ‍್ಯು. ತೆಳಾಮಾ ಯಗ್ನ್ಯಾ ದಿವಾನಾ ಕಟ್ಟಾನಾ ಹೆಟಾ ದಕ್ಹಿಯೊ ಆತ್ಮಾ ರ‍್ಹಯಲ ಮಿ ದೆಕ್ಯೊ. ಕ್ಹುದಾನು ಸಂದೆಶನೆ ತ್ಯುನೆ ವಪ್ಪಿಲಿನ ಕ್ಹರಿನೆ ಬರೊಕ್ಹಾವಾಲೊ ಥಯಲ ಹುತಿ ಖಲಾಸ ಥಯಲ ವಾಲಾವೊನಿಯೊ ಎಜ಼ ಆತ್ಮಾ ವ್ಹೈ. 
\v 10 ಎ ಆತ್ಮಾವೊ"ಪವಿತ್ರ ಥಯಲ ವರಿ ಕ್ಹರಿವಾಲೊ ರ‍್ಹಯಲ ಪ್ರಭು, ಹಮೊನೆ ಖಲಾಸ ಕರಲವಾಲೊವೊನೆ ಫೈಸಲೊ ಕರಾನೆ ವರಿ ತ್ಯುನೊನೆ ಶಿಕ್ಷಾ ದಿವಾನೆ ತು ಕೆಕ್ಲೊ ಟೈಮ ಲೆಸಿ? ಕೈನ ಜೊ಼ರ ವದ್ರಿಯೊ. 
\v 11 ತೆ ಆತ್ಮಾವೊಮಾ ಹರಿ ಯಕ್ಕ ಆತ್ಮಾವೊನೆ ಧೊಳಾ ಮ್ಹೊಟಾ ಅಂಗ್ಡಾ ದಿದ್ಯಾತಾ. ಹಜು಼ನ ದಕ್ಹಾ ಟೈಮ ಕೈದಾನೆ ತ್ಯುನೊನೆ ಕದ್ಯಾ. ತ್ಯುನಾ ಭಾಯೊ ವರಿ ಭೆನೊಮಾ ಹಜು಼ನ ದಕ್ಹಾ ಜ಼ನಾ ಸೆವೆಮಾ ಛೆ. ತ್ಯುನೆಬಿ ಖಲಾಸ ಥೌ. ಇವ್ನೆ ಕ್ಹಾರಾ ಖಲಾಸ ಥಯಲಕ್ಕಕಾ ಕೈದು ತೆ ಆತ್ಮಾವೊನೆ ಕದ್ಯಾ. 
\v 12 ತೆ ಬಕ್ರಾನು ಬಚ್ಚು಼ ಛೆವಾ ಮುದ್ರೆ ಖುಲ್ಲಾ ಕರಾನು ಮಿ ದೆಕ್ಕತೊಜ಼ ವ್ಹತ್ತೊ. ತೆಳಾಮಾ ಮ್ಹೊಟೊ ಭುಕಂಪ ಥಯು. ಸುರ‍್ಯೊ ಕಾಳಿ ಘುಂಗಡಿ ಲಿಂಗತ ಕಾಳೊ ಥೈಗಯೊ. ಚ಼ಂದಪ್ಪಾ ಲಾಲ ಲಾಲ ರಗತ ಥೈಗಯೊ. 
\v 13 ಹಬಾಳಮಾನಿಯೊ ಚಿಕ್ಕಿಯೊ ತುಫಾನನೊ ವಾರೊ ಛುಟ್ತಾಮಾ ಉಂಬ್ರೊನಾ ಝಾಡಮಾತೊ ಉಂಬ್ರೊ ಕಿಮ ಪಡಸ ತಿಮ್ಮ ಹಬಾಳಮಾತಿಯೊ ಚಿಕಿಯೊ ಪಡಿಯೊ. 
\v 14 ಹಬಾಳ ಬೆ ಭಾಗ ಥೈನ ಸುರಳಿ ಸುತ್ತಲ ಲಿಂಗತ ಸುತೈ ಗಯು. ಹರಿ ಯಕ್ಕ ಡೊಂಗರ ವರಿ ದ್ವಿಪ ತ್ಯುನೆ ರ‍್ಹಯಲ ಜ಼ಗಾತು ಬಿಜಿಬಗಲ ಸರಕ್ಕಯಾ. 
\v 15 ತೆಳಾಮಾ ದುನಿಯಾಮಾ ರ‍್ಹಯಲ ರಾಜಾ಼ ವರಿ ಅದಿಪತಿಯೊ ಸೆನಾದಿಪತಿಯೊ ಸೌಕಾರೊ ತಾಕತವಾಲಾ ಹರಿ ಯಕ್ಲೊ ಗುಲಾಮೊ ಸ್ವತಂತ್ರ ರ‍್ಹಯಲ ಮನಕ್ಹ ಗವಿಯೊಮಾ ವರಿ ಡೊಂಗ್ರೊಪರ ದಗಡಾವೊನಾ ಹೆಟಾ ದಡಿಲಿದ್ಯಾ. 
\v 16 ತೆ ಮನಕ್ಹೊ ದಗಡಾವೊನೆ ವರಿ ಡೊಂಗ್ರೊನೆ"ಹಮೊಪರ ಪಡೊ. ಸಿಂಹಾಸನ್ಪರ ಬೈಟಲವಾನಾ ನಜ಼ರಕ್ಹು ಹಮೊನೆ ಝಾಕಿಲಿವೊ. ಬಕ್ರಾನಾ ಬಚ್ಚಾ಼ನಿ ಸಿಟಕ್ಹು ಹಮೊನೆ ಝಾಕೊ, 
\v 17 ತ್ಯುನೊ ಶಿಟ್ಟ ದಿಕ್ಹಾನೊ ಮ್ಹೊಟೊ ದಿನ್ನ ಐಪಡ್ಯೊಸ. ತೆ ಶಿಟ್ಟನಾ ಕ್ಹಾಮಾ ಹುಬ್ರವಾನೆ ಕಿನೆಜ಼಼ ಥಾತು ನೈ "ಕೈನ ಕದ್ಯಾ.
\c 7
\s ಇಸ್ರೆಲನಾ ಯಕ್ಕ ಲಾಕ ಚಾ಼ಳಕ್ಹಪರ ಚಾರ ಹಜಾ಼ರ ಮನಕ್ಹೊ
\p
\v 1 ಎ ಥಯಲಪರ ಚಾರ ದೆವದುತೊ ಜಿಮಿನ್ನಾ ಚಾರೆ ಮುಲಾಮಾ ಹುಬ್ರಯಲ ಮಿ ದೆಕ್ಯೊ. ವಾರೊ ಜಿಮಿನಪರ ರ‍್ಹೈನೆಕಾ ಸುಮುದ್ರಪರ ರ‍್ಹೈನೆಕಾ ಝಾಡೊಪರ ರ‍್ಹೈನೆಕಾ ವಾರೊ ಔ ನೈಸೊ ತ್ಯುನೆ ಚಾರೆ ದಿಕ್ಕಕನಾ ವಾರಾನೆ ತಡದ್ಯಾತಾ. 
\v 2 ಪಾಚಲ್ತೊ ಬಿಜೆಕ ದೆವದುತ ಪುರ್ವ ದಿಕ್ಕತೊ ಆವಾನು ಮಿ ದೆಕ್ಯೊ. ಜ಼ಲಮ ರ‍್ಹಯಲ ಕ್ಹುದಾನು ಮುದ್ರೆ ಎ ದೆವದುತಕನ ವ್ಹತ್ತು. ಎ ದೆವದುತ ಚಾರ ದೆವದುತೊನೆ ಜೊ಼ರ ಅವಾಜ಼ ಕ್ಹು ಬಲಾಯೊ. ಜಿಮಿನ್ನಿ ವರಿ ಸಮುಂದರನೆ ಹಾಳ ಕರಾನೆ ಅದಿಕಾರ ಕ್ಹುದಾ ಎ ಚಾರ ದೆವದುತೊನೆ ದಿದ್ಯೊತೊ. 
\v 3 "ಅಪ್ನಾ ಕ್ಹುದಾನೆ ಸೆವೆ ಕರಾಲಾ ಮನಕ್ಹೊನಾ ಮಾತಾಪರ ಸಿಕೊ ಮಾರೆ ಲಕ್ಕಾ ಜಿಮಿನ್ನೆ ರ‍್ಹೈನೆಕಾ ಸಮುಂದರನೆ ರ‍್ಹೈನೆಕಾ ಝಾಡೊನೆ ರ‍್ಹೈನೆಕಾ ತ್ರಾಸ ಕರೊ ನಕೊ. ಕೈನ ಕದ್ಯೊ. 
\v 4 ಪಾಚಾ಼ತಾ, ಸಿಕ್ಕಕೊ ಮಾರಿಲಿದಲವಾಲಾವೊನೊ ಇಸಾಬ ಮನೆ ಐಕು ಐಯು. ತ್ಯುನೆ ಕೆಕ್ಲಾ ವ್ಹೈ ಕದ್ಯಾಮ ಯಕ್ಕ ಲಾಕ ಚಾ಼ಳಕ್ಹಪರ ಚಾರ ಹಜಾ಼ರ ಮನಕ್ಹೊ. ತ್ಯುನೆ ಇಸ್ರೆಲನಾ 12 ಘರದಾನಾನೆ ಮಳಲವಾಲಾ ವ್ಹೈ. 
\v 5 ಯುದನಾ ಖಾಂದಾನತಾ 12,000 ರುಬೆನ ಖಾಂದಾನತಾ 12,000 ಗಾದನ ಖಾಂದಾನತಾ 12,000 
\v 6 ಅಶೆರನಾ ಖಾಂದಾನತಾ 12,000 ನಫ್ತಾಲಿನ ಖಾಂದನತಾ 12,000 ಮನಸ್ಸೆಯ ಖಾಂದಾನತಾ 12,000 
\v 7 ಸಿಮೆಯೊನನಾ ಖಾಂದಾನತಾ 12,000 ಲೆವಿನಾ ಖಾಂದಾನತಾ 12,000 ಇಸ್ಸಾಕಾರನ ಖಾಂದಾನತಾ 12,000 
\v 8 ಜೆಬುಲೊನನಾ ಖಾಂದಾನತಾ 12,000 ಯೊಸೆಫನಾ ಖಾಂದಾನತಾ 12,000 ಬೆನ್ಯಾಮಿನ ಖಾಂದಾನತಾ 12,000
\s ಯಕ್ಕ ಘನ್ನು ಮ್ಹೊಟು ಗುಂಪ
\p
\v 9 ಪಾಚಲ್ತೊ ಮಿ ದೆಕ್ತಾಮಾ, ಮನಕ್ಹೊನು ಮ್ಹೊಟು ಗುಂಪ ದೆಕ್ಯೊ. ತ್ಯುನೆ ಮೊಜಾ಼ನೆ ಥಾಯೆ ನೈಸೊ ಯಕ್ಲಾ ಮನಕ್ಹೊ ವ್ಹತ್ತಾ. ತ್ಯುನೊಮಾ ಕ್ಹಾರಿ ಜಾ಼ತವಾಲಾ, ದುನಿಯಾಮಾ ಕ್ಹಾರಿಯೊ ವಾತೊ ಬೊಲಾಲಾ ವ್ಹತ್ತಾ. ಎ ಮನಕ್ಹೊ ಸಿಂಹಾಸನಾ ಕ್ಹಾಮಾ ವರಿ ಬಕ್ರಾನಾ ಬಚ್ಚಾ಼ನಾ ಕ್ಹಾಮಾ ಹುಬ್ರಯಾತಾ. ತ್ಯುನೆ ಕ್ಹಾರಾ ಧೊಳಾ ವಣ್ಣಾ ಘಾಲ್ಲಿನ ಹುಬ್ರಯಾತಾ ವರಿ ತ್ಯುನೆ ಖಜುರನಾ ಝಾಡೊನಿಯೊ ಠೊಂಗಿಯೊ ಧರ್ಲಿನ ಹುಬ್ರಯಾತಾ. 
\v 10 ತ್ಯುನೆ ಜೊ಼ರ ವದರತಾ"ಸಿಂಹಾಸನ್ಪರ ಬೈಟಾಲಾ ಅಪ್ನಾ ಕ್ಹುದಾನೆ ವರಿ ಬಕ್ರಾನಾ ಬಚ್ಚು಼ ಥಯಲವಾಲಾನೆ ಬಿಡುಗಡೆ ಮಳಸ "ಕೈನ ವದ್ರ್ಯಾ. 
\v 11 ಶಾನಾ ಮನಕ್ಹೊ ತ್ಯಾ ವ್ಹತ್ತಾ ವರಿ ಚಾರ ಜಿವಿಯೊ ವ್ಹತ್ತಿಯೊ. ತ್ಯುನಾ ಸುತ್ತೆ ವರಿ ಸಿಂಹಾಸನ್ನಾ ಸುತ್ತೆ ದೆವದುತೊ ಹುಬ್ರಯಾತಾ. ದೆವದುತೊ ಸಿಂಹಾಸನ್ನಾ ಕ್ಹಾಮಾ ಉಂದಾಗುಡಗಾ ಘಾಲ್ಲಿನ ಕ್ಹುದಾನೆ ಆರಾಧನೆ ಕರ್ತಾ, 
\v 12 ತ್ಯುನೆ, ಅಮ್ಮ ಕದ್ಯಾ"ಅಪ್ನಾ ಕ್ಹುದಾನೆ ಸ್ತೊತ್ರಾ ಪ್ರಭಾವ ಗ್ಯಾನ ಕೃತದನ್ಯಾ ಸ್ತುತಿ ಮರ್ಯಾದಿ ವರಿ ತಾಕತ ಹಮೆಶಾ ರ‍್ಹವಾದೆ. ಆಮೆನ್"ಕದ್ಯಾ. 
\v 13 ತೆಳಾಮಾ ಶಾವೊಮಾನೊ ಯಕ್ಲೊ"ಧೊಳಾ ವಣ್ಣಾ ಘಾಲ್ಲಿದಲವಾಲಾ ಎ ಮನಕ್ಹೊ ಕುನ ವ್ಹೈ! ತ್ಯುನೆ ಕಿಜಾ಼ಂತಾ ಆಯಾಸ? ಕೈನ ಮನೆ ಪುಚ್ಯೊ. 
\v 14 "ಸ್ವಾಮಿ, ತ್ಯುನೆ ಕುನ ವ್ಹೈ ಕವಾನು ತುನೆ ಗ್ವತ್ತ ಛೆ "ಕೈನ ಮಿ ಕದ್ಯೊ. ತೆಳಾಮಾ ತೆ ಶಾನೊ"ಎ ಮನಕ್ಹೊ ಘನ್ನೊ ತ್ರಾಸ ಖೈನ ಆಯಲವಾಲಾ ವ್ಹೈ. ತ್ಯುನೆ ಬಕ್ರಾನು ಬಚ್ಚಾ಼ನಾ ರಗತಕ್ಹು ತ್ಯುನಾ ವಣ್ಣಾ ಧ್ವಲಿದ್ಯಾಸ. ಹಮ್ನಾ ತ್ಯುನೆ ಹಸಾ ಥಯಾಸ ವರಿ ಧೊಳಾ ಥಯಾಸ. 
\v 15 ತಿನಾಹುತಿ ಎ ಮನಕ್ಹೊ ಹಮ್ನಾ ಕ್ಹುದಾನಾ ಸಿಂಹಾಸನ್ನಾ ಕ್ಹಾಮಾ ಹುಬ್ರಯಾಸ. ತ್ಯುನೆ ಕ್ಹುದಾನೆ ತಿನಿ ಆಲಯಮಾ ದಿನ್ನ ರಾತ ಆರಾಧನಾ ಕರಸ. ಸಿಂಹಾಸನ್ನಪರ ಬೈಟಲವಾಲೊ ತ್ಯುನೊನೆ ಜ಼ತ್ತನ ಕರಸ. 
\v 16 ತೆ ಮನಕ್ಹೊನೆ ಇತ್ತಿ ಉಪ್ಪರ ಭುಕ್ಕ ವರಿ ತರಕ್ಹ ಸುರ‍್ಯಾನೊ ತಡಕೊ ರ‍್ಹತೊಜ಼ ನೈ. ತ್ಯುನೊನೆ ಕಯೊಜ಼ ತಡಕೊ ಬಾಳ್ತೊ ನೈ. 
\v 17 ಸಿಂಹಾಸನ್ನಾ ವಚಾ಼ಮಾ ರ‍್ಹಯಲ ಬಕ್ರಾನು ಬಚ್ಚು಼ ಥಯಲ ತ್ಯುನೊ ಕುರಬುರ‍್ಯೊ ವ್ಹೈ. ತೆ ತ್ಯುನೊನೆ ಜ಼ಲಮ ದಿವಾನು ಪಾನಿನಿಯೊ ಹರಿಯೊಕನ ಬಲೈಲಿನ ಜಾ಼ವಸ. ತ್ಯುನಾ ಡೊಳಾ ಕ್ಹೊಪಡಾನು ಪಾನಿ ಕ್ಹುದಾ ನುಚ್ಚಿಪಾಡಸ. ಕೈನ ಕದ್ಯೊ.
\c 8
\s ಕ್ಹಾತ್ವಾ ಶಿಕ್ಕೊ
\p
\v 1 ಎ ಬಕ್ರಾನು ಬಚ್ಚು಼ ಥಯಲವಾಲೊ ಕ್ಹಾತ್ವಾ ಮುದ್ರೆ ಖುಲ್ಲಾ ಕರ‍್ಯೊ. ತೆಳಾಮಾ ಸ್ವರ್ಗಮಾ ಅರದಿ ತಾಸ ಶಾಂತ ಥೈಗಯು. 
\v 2 ಕ್ಹುದಾನಾ ಕ್ಹಾಮು ಕ್ಹಾತ ದೆವದುತ ಹುಬ್ರಯಲ ಮಿ. ದೆಕ್ಯೊ ತ್ಯುನೊ ನೆ ಕ್ಹಾತ ತುತ್ತುರಿಯು ದಿದ್ಯಾತಾ. 
\v 3 ಬಿಜೆಕ್ಲೊ ದೆವದುತ‍ ಐನ ಯಜ್ಞವೆದಿನಾ ಕ್ಹಾಮೊ ಹುಬ್ರಯೊ ಎ ದೆವದುತ ಉದನು ಧವಾಂಡೊ ‌‍ರ‍್ಹಯಲ ಕ್ಹೊನಾನಿ ಪರಾತ ಧರ್ಲಿನ ಹುಬ್ರಯೊತು ಕ್ಹುದಾನಾ ಪರಿಶುದ್ಧ ರ‍್ಹಯಲ ಮನಕ್ಹೊ ಪ್ರಾಥನಾ ‍ಕರ್ತಾ ತಿನಿ ಚ಼ಡಾವಾನೆ ತಿನೆ ಘನ್ಯು ಉದನೊ ಧವಾಂಡೊ ಎ ದೆವದುತ ಸಿಂಹಾಸನ್ನಾ ಕ್ಹಾಮೊ ಕ್ಹೊನಾನಿ ಯಜ್ಞವೆದಿಪರ ತೆ ಉದನೊ ಧವಾಂಡಾನು ಮುಕ್ಕಯೊ. 
\v 4 ಉದ ಘಾಲಲ ಧವಾಂಡೊ ದೆವದುತನಾ ಹತ್ಮಾತು ಕ್ಹುದಾನಾ ಮನಕ್ಹೊನಿ ಪ್ರಾರಥನಾನಾ ಕ್ಹಾತೆ ಕ್ಹುದಾಕನ ಗಯು. 
\v 5 ತೆಳಾಮಾ ದೆವದುತೊ ಉದನೊ ಧವಾಂಡೊ ರ‍್ಹಯಲ ಪರಾತ ಯಜ್ಞವೆದಿನೆ ಆಗಕ್ಹು ಭರಿನೆ ತಿನೆ ಜಿಮಿನಪರ ನಾಕಿಪಾಡ್ಯೊ ತೆಳಾಮಾ ಬಿಜಲಿ ಗಡಗಡಾನು ವರಿ ಮಿಂಚಾ಼ನು ಬಿಜಿಯೊ ಅವಾಜೊ಼ ಭುಕಂಪೊ ಥಯಾ.
\s ಕ್ಹಾತ ಪೊಂಗಾ
\p
\v 6 ಪಾಚಾ಼ತಾ ತೆ ಕ್ಹಾತ ಜ಼ನಾ ವರಿ ದೆವದುತೊ ಕ್ಹಾತ ತುತ್ತುರಿಲಿನ ವಜಾ಼ಡಾನೆ ತಯಾರ ಥಾವಾಡ್ಯಾತಾ. 
\v 7 ಪೈಲಾನೊ ದುತ ತಿನಿ ತುತ್ತುರಿ ವಜಾ಼ಡ್ಯೊ. ತೆಳಾಮಾ ರಗತಮಾ ಕಲಾಯಲ ಘಾರಗಿಯೊ ವರಿ ಆಗ್ನು ಪಾನಿ ಜಿಮಿನಪರ ಥಾವಾಡ್ಯುಸ ಜಿಮಿನ್ನಿ ತನ್ವಾ ಭಾಗ ವರಿ ಹಸರ ಝಾಡೊ ಬಳಿಗಯಾ. ವರಿ ಝಾಡೊಮಾ ತನ್ವಾಭಾಗ ಯಕ್ಕ ಬಳಿ ಗೈಯು. 
\v 8 ಬೆವಾ ದೆವದುತ ತಿನಿ ತುತ್ತುರಿ ವಜಾ಼ಡ್ಯೊ. ತೆಳಾಮಾ ಆಗಕ್ಹು ಮ್ಹೊಟು ಡೊಂಗರ ಲಿಂಗತ ರ‍್ಹಯಲ ಯಕ್ಕ ಸಾಮನ ಸಮುಂದರಮಾ ನಾಕ್ಕಯೊ. ತೆಳಾಮಾ ಸಮುಂದರನು ತನ್ವಾ ಯಕ್ಕ ಭಾಗ ರಗತ ಲಿಂಗತ ಥಯು. 
\v 9 ಸಮುಂದರಮಾ ರ‍್ಹಯಲ ಜಿವಿಯೊಮಾ ತನ್ವಾ ಯಕ್ಕ ಭಾಗ ಮರಿ ಗೈಯು. ವರಿ ಹಡಗಾವೊಮಾ ತನ್ವಾ ಯಕ್ಕ ಭಾಗ ಆಳ ಥೈಗಯು. 
\v 10 ತನ್ವಾ ದೆವದುತ ತಿನಿ ತುತ್ತುರಿ ವಜಾ಼ಡ್ಯೊ ತೆಳಾಮಾ ಆಗ ಲಾಗಲ ಮ್ಹೊಟಿ ಚಿಕ್ಕಕಿಲಿಂಗತ ಹಬಾಳಮಾತಿ ಉತ್ರಿನ ಪಡಿ ತೆ ಚಿಕ್ಕಕಿ ನದಿಮಾ ವರಿ ಪಾನಿನಿ ಧಡ್ಕಿಯೊಮಾ ತನ್ವಾ ಯಕ್ಕ ಭಾಗಪರ ಪಡಿ. 
\v 11 ತೆ ಚಿಕ್ಕಕಿನೆ "ಕಡು ಕವಾನು "ಝಾಡ ಪಾನಿಮಾ ತನ್ವಾ ಯಕ್ಕ ಭಾಗ ಕಡು ಥೈಗೈಯು. ತೆ ಕಡು ಪಾನಿ ಘನ್ನಾ ಮನಕ್ಹೊ ಪಿನ ಮರಿಗಯಾ. 
\v 12 ಚಾರವಾ ದೆವದುತ ತಿನಿ ತುತ್ತುರಿ ವಜಾ಼ಡ್ಯೊ. ತೆಳಾಮಾ ಸುರ್ಯಾನು ತನ್ವಾ ಭಾಗ ಚ಼ಂದಪ್ಪಾನೊ ತನ್ವಾ ಭಾಗ ವರಿ ಚಿಕ್ಕಕಿಯೊನು ತನ್ವಾ ಭಾಗ ತ್ಯುನೊಮಾನು ಯಕ್ಕ ಅಂದಾರು ಥೈಗೈಯು. ದಿನ್ಮಾಬಿ ವರಿ ರಾತ್ಮಾಬಿ ತನ್ವಾಮಾನೊ ಯಕ್ಕ ಭಾಗನೆ ಉಜಾಲು ನೈಸು ಥೈಗಯು. 
\v 13 ಮಿ ದೆಕಲಲಿಂಗತ ವಾಯುಮಂಡಲಮಾ ಘನ್ನು ಉಚ್ಚಾ಼ಪರ ಯಕ್ಕ ಗರುಡ ಪಕ್ಕಷಿ ಉಡಾನು ಮಿ ದೆಕ್ಯೊ ತೆ ಪಕ್ಕಷಿ ಝೊರ ಅವಾಜ಼ ಕ್ಹು ತ್ರಾಸ! ತ್ರಾಸ! ಜಿಮಿನಪರ ರ‍್ಹಯಲ ಮನಕ್ಹೊನೆ ತ್ರಾಸ; ಬಿಜಾ಼ ತನ್ನ ದೆವದುತೊ ತ್ಯುನಿಯೊ ತುತ್ತುರಿಯೊ ವಜಾ಼ಡ್ತಾಮಾ ತ್ರಾಸ ಆವಾನು ಶುರು ಥಾವಸ ಕೈನ ಶುರು ಥಾವಸ ಕೈನ ವದ್ರಾನು ಐಕ್ಯೊ.
\c 9
\p
\v 1 ಪಾಂಚ಼್ವಾ ದೆವ ದುತ ತಿನಿ ತುತ್ತುರಿ ವಜಾ಼ಡ್ಯೊ. ತೆಳಾಮಾ ಯಕ್ಕ ಚಿಕ್ಕಿ ಹಬಾಳಮಾತಿ ಜಿಮಿನಪರ ಪಡಾನು ಮಿ ದೆಕ್ಯೊ. ತೆ ಚಿಕ್ಕಿನೆ ಪಾತಾಳನೆ ಜಾ಼ವಾನಿ ಚಾವಿ ತಿಕನ ದಿದ್ಯಾತಾ. 
\v 2 ಪಾಚಾ಼ತಾ ತೆ ಚಿಕ್ಕಿ ಪಾತಾಳನೆ ಗೈನ ತ್ಯಾನಿ ಚಾವಿ ಖುಲ್ಲಾ ಕರಿ. ಮ್ಹೊಟಿ ಖಾಡಿಮಾತಿ ಭಟ್ಟಿಮಾನೊ ಧವಾಂಡೊ ಆವಾನಾ ಲಿಂಗತ ತೆ ಖಾಡಿಮಾತು ಧವಾಂಡೊ ಉಪ್ಪರ ಆಯೊ. ತೆ ಖಾಡಿಮಾತೊ ಆಯಲ ಧವಾಂಡಾಕ್ಹು ಸುರ‍್ಯೊಲಕ್ಕಾ ಕಾಳೊ ಥೈ ಗಯೊ. 
\v 3 ಪಾಚಲ್ತೊ ಫಿರಕಾ ಧವಾಂಡಾಮಾತಾ ಜಿಮಿನಪರ ಐನ ಉತರ‍್ಯಾ. ತ್ಯುನೊನೆ ಇಚ್ಚಿಯೊ ಲಿಂಗತ ಕಡ್ಡಾನಿ ತಾಕತ ದಿದಲ ರ‍್ಹೈ. 
\v 4 ಜಿಮಿನಪರ ಚಾ಼ರಾನೆ ರ‍್ಹೈನೆಕಾ ತರಕಾರಿನೆ ರ‍್ಹೈನೆಕಾ. ಝಾಡೊನೆ ಸುಜ಼ ಹಾಳ ಕರೆ ನೈಸೊ. ತೆ ಪ್ಹಿರಕಾವೊನೆ ಕದಲ ರ‍್ಹೈ. 
\v 5 ಮನಕ್ಹೊನೆ ಪಾಂಚ಼ ಮ್ಹೈನಾ ಲಕ್ಕಾ ತ್ರಾಸ ಕರಾನು ತಾಕತ ಪ್ಹಿರಕಾವೊನೆ ದಿದ್ಯಾ. ತೆನೈಸೊ ಮನಕ್ಹೊನೆ ಖಲಾಸ ಕರಾನಿ ತಾಕತ ಪ್ಹಿರಕಾವೊನೆ ದಿದ್ಯಾ ನೈ. ಎ ಫಿರಕಾ ಕಡ್ತಮಾ ಇಚ್ಚಿಯೊ ಕಡ್ಡಲ ಲಿಂಗತ ದುಖ ಥಾತುತು. 
\v 6 ತೆ ದಿನೊಮಾ ಮನಕ್ಹೊ ಮರಾನೆ ವಾಟ ಹುಡಕ್ಕಯಾತಬಿ ತ್ಯುನೊನೆ ಮಳ್ತಿ ನೈ. ತ್ಯುನೆ ಮರುಸ ಕದ್ಯಾತಬಿ ಮರಣ ತ್ಯುನೊಕಂತು ದುರ ನ್ಹಾಟಸ. 
\v 7 ಫಿರಕಾ ಯುದ್ದನೆ ತಯ್ಯಾರ ಕರಲ ಘೊಡಾವೊ ಲಿಂಗತ ದಿಕ್ಹಾಡ್ಯಾ. ತ್ಯುನಾ ಮಾತಪರ ಕ್ಹೊನಾನಿ ಕಿರಿಟೊ ಲಿಂಗತ ಸು ಯಕ್ಕ ವ್ಹತ್ತು. ತ್ಯುನಾ ಮ್ಹೊಡಾ ಮನಕ್ಹೊನಾ ಮ್ಹೊಡಾ ಲಿಂಗತ ವ್ಹತ್ತಾ. 
\v 8 ಮಾತಾನಾ ಬಾಲೊ ಬಾಕ್ಡಿನಾ ಬಾಲೊ ಲಿಂಗತ ವ್ಹತ್ತಾ. ದಾತೊ ಶಿಯ್ಯಾನಾ ದಾತೊ ಲಿಂಗತ ವ್ಹತ್ತಾ. 
\v 9 ಛಾ಼ತಿಯೊ ಲ್ಹೊಡಾಕ್ಹು ಕರಲ ಕವಚ ಲಿಂಗತ ವ್ಹತ್ತಾ. ರಕ್ಕಯಾವೊನಾ ಅವಾಜ಼ ಯುದ್ದಮಾ ಘಾಬ್ರಾ ಥೈನ ನ್ಹಾಟಾನಾ ಕೆಕ್ಕಲಾಕೆ ಘೊಡಾವೊಲಿಂಗತ ವರಿ ರಥನಿ ಅವಾಜ಼ ಲಿಂಗತ ವ್ಹತ್ತು. 
\v 10 ಇಚ್ಚಿಯೊ ಲಿಂಗತ ಪುಚ್ಡಿಯೊ ಕೊಂಡಿಯೊ ವ್ಹತ್ತಿಯೊ. ಮನಕ್ಹೊನೆ ಪಾಂಚ಼ ಮ್ಹೈನಾ ಲಕ್ಕಾ. ತ್ರಾಸ ದಿವಾನು ತಾಕತ ತ್ಯುನಾ ಪುಚ್ಡಿಯೊಮಾ ವ್ಹತ್ತು. 
\v 11 ಪ್ಹಿರಕಾವೊಪರ ಯಕ್ಕ ರಾಜೊ಼ ವ್ಹತ್ತೊ. ಪಾತಾಳಮಾ ರ‍್ಹವಾಲೊ ದುತ ತ್ಯುನೊ ರಾಜೊ಼ ಥಯೊತೊ. ತಿನೆ ಹಿಬ್ರುಮಾ "ಅಬದ್ದೊನ; ಕೈನ ನಾಮ ವ್ಹತ್ತೊ. ಗ್ರಿಕ್ಕಮಾ "ಅಪೊಲ್ಲ್ಯೊನ "ಕೈನ ನಾಮ ವ್ಹತ್ತು. 
\v 12 ಪೈಲಾನು ಮ್ಹೊಟಿ ತ್ರಾಸ ಗೈಪಡ್ಯು. ಹಜು಼ನ ಬೆ ಮ್ಹೊಟಿಯೊ ತ್ರಾಸೊ ಆವಾನು ವ್ಹತ್ತು. 
\v 13 ಛೆವಾ ದೆವದುತ ತುತ್ತುರಿ ವಜಾ಼ಡ್ಯೊ. ತೆಳಾಮಾ ಕ್ಹುದಾನಿ ಸನ್ನಿಧಿಮಾ ರ‍್ಹವಾಲೊ. ಕ್ಹೊನಾನಿ ಯಗ್ನೆನಿ ಚಾ಼ರೆ ಬಗಲ್ತು ಅವಾಜ಼ ಆವಾನು ಮಿ ಐಕ್ಯೊ. 
\v 14 ತೆ ಅವಾಜ಼ ತುತ್ತುರಿ ರ‍್ಹಯಲ ಛೆವಾ ದೆವದುತನೆ "ಯುಫ್ರಟಿಸ ಕವಾನಿ ಮ್ಹೊಟಿ ನದಿಕನ ಭಾಂದಿನ ಮ್ಹೆಲಲ ಚಾರ ದೆವದುತೊನೆ ಛೊಡಿಪಾಡ "ಕೈನ ಕದ್ಯೊ. 
\v 15 ಆ ಚಾರ ಮನಕ್ಹೊ ದೆವದುತೊನೆ ಎಜ಼ ವರಕ್ಹ ಎಜ಼ ಮ್ಹೈನೊ ಎಜ಼ ದಿನ್ನ ಎಜ಼ ತಾಸ್ಮಾ ತಯ್ಯಾರ ಕರಲ ರ‍್ಹೈ. ಜಿಮಿನಪರ ರ‍್ಹಯಲ ಮನಕ್ಹಹೊಮಾ ತನ್ವಾ ಯಕ್ಕ ಭಾಗ ಖಲಾಸ ಕರಾನೆ ಇವ್ನೊನೆ ಬಿಡುಗಡೆ ಕರ‍್ಯಾ. 
\v 16 ತಿವ್ನೊಮಾ ರ‍್ಹಯಲ ಅಶ್ವವದಳನಾ ಸೈನಿಕೊ 20 ಕರೊಡ ಕೈನ ಮನೆ ಐಕು ಐಯು. 
\v 17 ಮಿದರಶನಮಾ ಘೊಡಾ ಘೊಡಾವೊಪರ ರ‍್ಹಯಲವಾಲಾವೊನೆ ದೆಕ್ಯೊ. ತ್ಯುನೆ ಅಮ್ಮ ದಿಕ್ಹಾಡ್ಯಾತಾ ತ್ಯುನೆ ಆಗ ಲಿಂಗತ ಲಾಲ ಕಾಳು ನಿಲಿ ವರಿ ಗಂಧಕ ಲಿಂಗತ ಹಳ್ದಿ ಕವಚ ಹೊಂದಯಾತಾ. ಘೊಡಾವೊನಾ ಮಾತಾ ಶಿಯ್ಯಾವೊನಾ ಮಾತಾ ಲಿಂಗತ ದಿಕ್ಹಾಡ್ಯಾತಾ ಘೊಡಾವೊನಾ ಮ್ಹೊಡಾಮಾತು ಆಗ ಧವಾಂಡೊ ವರಿ ಗಂಧಕ ಆವಾಡ್ಯುತು ಸಿಂಯ್ಯಾನಾ ಲಿಂಗತ ಮಾತಾ ವ್ಹಾತಾ. 
\v 18 ಜಿಮಿನಪರ ಮನಕ್ಹೊನು ತನ್ವಾಮಾನು ಯಕ್ಕ ಭಾಗ ಘೊಡಾವೊನಾ ಮ್ಹೊಡಾಮಾತು ಭಾರು ಆಯಲ ಆಗ ವರಿ ಗಂಧಕ ತ್ರಾಸಕ್ಹು ಖಲಾಸ ಥಯಾತಾ. 
\v 19 ಘೊಡಾವೊನಿ ತಾಕತ ತಿವ್ನಾ ಮ್ಹೊಡಾಮಾ ವರಿ ಪುಚ್ಡಿಯೊ ವ್ಹತ್ತಿ. ತಿವ್ನಿಯೊ ಪುಚ್ಡಿಯೊ ಮನಕ್ಹೊನೆ ಕಡ್ಡಾನು ಹೆಡಿ ಕ್ಹಾಪ ಲಿಂಗತ ವ್ಹತ್ತು. ತಿಕ್ಹು ತೆ ತೆ ತ್ರಾಸ ದೆತುತು. 
\v 20 ಎ ತ್ರಾಸೊ ಕ್ಹು ಮರ‍್ಯಾವಾಚಿ ವಾಚ಼ಲ ಮನಕ್ಹೊ ತಿವ್ನಾ ಪಾಪೊನೆ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ಪ್ಹರ‍್ಯಾ ನೈ. ತಿವ್ನಾ ಸ್ವಂತ ಹತೊಕ್ಹು ತಯ್ಯಾರ ಕರಲ ಮೊರತಿಯೊನೆ ಛೊಡಿಪಾಡ್ಯಾ ನೈ. ತ್ಯುನೆ ಭುತ್ಡಾವೊನೆ ಪುಜಾ ಕರಾನು ಛೊಡ್ಯಾ ನೈ. ಕ್ಹೊನು, ರುಪ್ಪು, ತಾಂಬು, ಡಗ್ಡಾಕ್ಹು ವರಿ ಝಾಡೊಕ್ಹು ಕರಲ ನೈ. ಚಾ಼ಲಾನು ನೈದೆಕಾನುವರಿ ನೈ ಐಕಾನು ಮೊರತಿಯೊನೆ ಪುಜಾ ಕರಾನು ತ್ಯುನೆ ಛೊಡ್ಯಾ ನೈ. 
\v 21 ಎ ಮನಕ್ಹೊ ತಿವ್ನಾ ಮನಸೊ ವರಿ ಜಿವ್ನಾ ಬದಲಿ ಕರಲಿದ್ಯಾ ನೈ ವರಿ ಬಿಜಾ಼ವೊನೆ ಖಲಾಸ ಕರಾನು ಛೊಡ್ಯಾ ನೈ. ತ್ಯುನೆ ಕರಾನು ಮಾಟಾ ಮಂತ್ರಾ ಲೈಂಗಿಕ ಪಾಪೊ ವರಿ ಚೊ಼ರಿ ಕರಾನು ಛೊಡ್ಯಾ ನೈ.
\c 10
\s ದೆವದುತ ವರಿ ನ್ಹಾನಿ ಸುರಳಿ
\p
\v 1 ಪಾಚಾ಼ತಾ ಘನ್ನೊ ತಾಕತವರ ರ‍್ಹಯಲ ಬಿಜೆಕ್ಲೊ ದೆವದುತ ಸ್ವರಗತೊ ಉತ್ರಿನ ಆತೊ ರ‍್ಹಯಲ ಮಿ ದೆಕ್ಯೊ. ತೆ ದೆವದುತ ಮೆಘ ಘಾಲ್ಲಿಲಿದ್ಯೊತೊ. ತಿನಾ ಮಾತಾನಾ ಸುತ್ತೆಬಿ ಕಾಮನ ಬಿಲ್ಲು ವ್ಹತ್ತಾ. ತೆ ದೆವದುತನು ಮ್ಹೊಡು ಸುರ‍್ಯಾ ಲಿಂಗತ ವ್ಹತ್ತು ತಿನಾ ಬಗೊ ಆಗನಾ ಖಂಬಾವೊ ಲಿಂಗತ ವ್ಹತ್ತಾ. 
\v 2 ತೆ ದೆವದುತ ನ್ಹಾನಿ ಸುರಳಿ ಧರಿಲಿದ್ಯೊತೊ. ತಿನಾ ಹತ್ಮಾ ರ‍್ಹಯಲ ಸುರಳಿ ಖುಲ್ಲಾ ಥೈ. ತೆ ಬಿನೊ ಜ಼ಮ್ನೊ ಪಗ ಸಮುಂದರಪರ ವರಿ ತಿನು ಡಾವೊ ಪಗ ಜಿಮಿನಪರ ಮ್ಹೆಲಿನ, 
\v 3 ವರಿ ಶಿಯ್ಯೊ ಅಡ್ಡಲ ಲಿಂಗತ ಜೊ಼ರ ವದರ‍್ಯೊ. ತೆ ಥಯಲಪರ ಕ್ಹಾತ ಡೊಂಗ್ರೊ ಬೊಲ್ಯಾ. 
\v 4 ಎ ಕ್ಹಾರು ಮಿ ಬರ್ದು ಕೈನ ಕತಾಮಾ ಸ್ವರಗತೊ ಯಕ್ಕ ಅವಾಜ಼ ಮನೆ"ತೆ ಕ್ಹಾತ ಡೊಂಗ್ರೊ ಬೊಲಲ ತು ಬರ್ದು ನಕೊ. ತೆ ವಾತೊ ಝಾಕಿನ ಮ್ಹೆಲ "ಕೈನ ಕದ್ಯು. 
\v 5 ತೆ ಥಯಲಪರ ಜಿಮಿನಪರ ವರಿ ಸಮುಂದರಪರ ಐನ ಹುಬ್ರಯಲ ಯಕ್ಕ ದೆವದುತನೆ ದೆಕ್ಯೊ. ತಿನೊ ಜ಼ಮ್ನೊ ಹತ ಸ್ವರ್ಗ ಬಗಲ ಕರ‍್ಯೊತೊ. 
\v 6 ತೆ ದೆವದುತ ಯುಗ ಯುಗಮಾ ರ‍್ಹಯಲವಾಲಾನೆ ವರಿ ಹಬಾಳ ವರಿ ತಿಮಾ ರ‍್ಹಯಲ ಕ್ಹಾರುಜ಼, ಜಿಮಿನಪರ ರ‍್ಹಯಲ ಕ್ಹಾರುಜ಼, ಸಮುಂದರ ವರಿ ತಿಮಾ ರ‍್ಹಯಲ ಕ್ಹಾರುಜ಼ ತಯ್ಯಾರ ಕರಲ ವಾಲಾನಿ ತಾಕತಕ್ಹು ಅಮ್ಮ ಕದ್ಯೊ; "ಹಬ್ದಾ ಕೈದಾನಿ ಜ಼ರುರತ್ತ ನತ್ತಿ. 
\v 7 ಕ್ಹಾತ್ವಾ ದೆವದುತ ತಿನೆ ತುತ್ತುರಿ ವಾಜಾ಼ಡಾನಾ ಟೈಮ್ಮಾ ಕ್ಹುದಾನಾ ದಡಿರ‍್ಹಯಲ ವಿಚಾರೊ ಪುರಾ ಥಾವಸ. ಕ್ಹುದಾ ತಿನಾ ಸೆವಕೊ ಥಯಲ ಪ್ರವಾದಿಯೊನೆ ಕದಲ ಸುವಾರ್ತೆಜ಼ ಎ ವಿಚಾರೊ ವ್ಹೈ" 
\v 8 ಪಾಚಲ್ತೊ ಸ್ವರಗತೊ ತೆಜ಼ ಅವಾಜ಼ ಮಿ ಐಕ್ಯೊ. ತೆ ಅವಾಜ಼ ಮನೆ"ಜಾ಼, ದೆವದುತನಾ ಹತ್ಮಾತಿ ಸುರಳಿ ಖುಲ್ಲಾ ಥಯಲ ತು ಲೆ. ತೆ ದೆವದುತ ಸಮುಂದರಪರ ವರಿ ಜಿಮಿನಪರ ಹುಬ್ರಯೊಸ" ಕೈನ ಕದ್ಯು. 
\v 9 ತಿನಾ ಹುತಿ ಮಿ ದೆವದುತಕನ ಗೈನ, ತೆ ನ್ಹಾನಿ ಸುರಳಿ ದೆ ಕೈನ ಮಿ ತಿನೆ ಕದ್ಯೊ. ತೆ ದೆವದುತ ಮನೆ"ಸುರಳಿಲಿನ ತು ಖೈಪಾಡ. ತೆ ತಾರಾ ಪೆಟ್ಮಾ ಖಾಟು ರ‍್ಹವಸ, ತೆನೈಸೊ ತಾರಾ ಮ್ಹೊಡಾಮಾ ಜೆನ ಲಿಂಗತ ಗಳು ರ‍್ಹವಸ "ಕೈನ ಕದ್ಯೊ. 
\v 10 ತೆ ನ್ಹಾನಿ ಸುರಳಿ ದೆವದುತಕಂತೊ ಮಿ ಲಿನ ಮಿ ಖಾದ್ಯೊ. ತೆ ಮಾರಾ ಮ್ಹೊಡಾಮಾ ಜೆನ ಲಿಂಗತ ಗಳು ವ್ಹತ್ತು, ತೆನೈಸೊ ತೆ ಗಳಲಪರ, ತೆ ಮಾರಾ ಪೆಟ್ಮಾ ಖಾಟು ವ್ಹತ್ತು. 
\v 11 ತೆಳಾಮಾ ತೆ ಮನೆ ವರಿ ಕದ್ಯೊ"ತು ವರಿ ಘನ್ನಿಯೊ ಜ಼ನಾಂಗ್ನೆ, ಪ್ರಜಾವೊನೆ, ಜಾತನೆ ವರಿ ರಾಜಾ಼ವೊನಾಹುತಿ ಪ್ರವಾದನೆ ಕರು "ಕೈನ ಕದ್ಯೊ.
\c 11
\s ಬೆಜ಼ನಾ ಸಾಕ್ಕಷಿಯೊ
\p
\v 1 ಪಾಚಾ಼ತಾ ಧಾಂಡಾ ಲಿಂಗತ ರ‍್ಹಯಲ ಅಳ್ತಿನಿ ಯಕ್ಕ ಲಾಕಡಿ ಮನೆ ದಿನ್ನ ಅಮ್ಮ ಕವಾಯಾ; "ಜಾ಼, ಕ್ಹುದಾನಿ ಯಗ್ನೆವೆದಿ ವರಿ ತಿನಿ ಆಲಯ ಅಳತಿ ಕರ; ವರಿ ತ್ಯಾ ಆರಾಧನಾ ಕರಾಲಾ ಮನಕ್ಹೊನೆ ಮೊಜ಼. 
\v 2 ತೆನೈಸೊ ಆಲಯನಿ ಭಾರಲಿ ಅಂಗಳಾ ಅಳತಿ ಕರ‍್ಯಾವಾಚಿ ಛೊಡಿಪಾಡ. ತೆ ಯೆಹುದಿಯೊ ನೈ ರ‍್ಹಯಲ ಮನಕ್ಹೊನೆ ಛೊಡ್ಯಾಸ. ತೆ ಮನಕ್ಹೊ ಪವಿತ್ರ ಗಾಮಪರ 42 ಮ್ಹೈನಾ ಖುಂದತಾ ಚಾ಼ಲಸ.. 
\v 3 ಕೊತ್ಳಾ ಘಾಲ್ಲಿದಲ ಮಾರಿ ಬೆ ಸಾಕ್ಕಷಿಯೊನೆ ಅದಿಕಾರ ದ್ಯುಸ. ತ್ಯುನೆ ಬಾರಾಕ್ಹೊನ ಕ್ಹಾಟ ದಿನ್ನ ಪ್ರವಾದನೆ ಕರಸ" 
\v 4 ಭುಲೊಕನೊ ಪ್ರಭುನಿ ಸನ್ನಿದಾನಮಾ ಹುಬ್ರಯಲ ಬೆ ತೆಲನಾ ಝಾಡೊ ವರಿ ಬೆ ದಿವ್ವಾನಾ ಖಂಬಾ ಎ ಬೆ ಸಾಕ್ಷಿ ವ್ಹೈ. 
\v 5 ಎ ಸಾಕ್ಕಷಿನೆ ಕುನಬಿ ಕೆಟ್ಟ ಕರಾನೆ ಕೊಶಿಶ ಕರ‍್ಯಾಮ, ಸಾಕ್ಕಷಿಯೊನಾ ಮ್ಹೊಡಾಮಾತು ಆಗ ಭಾರಿ ಐನ ತ್ಯುನಾ ದುಶ್ಮನೊನೆ ಕದ್ಯಾಮ ತ್ಯುನೊನೆ ತ್ರಾಸ ಕರಾನೆ ಕೊಶಿಶ ಕರಲ ಕ್ಹಾರಾವೊನೆ ಖಲಾಸ ಕರಸ. 
\v 6 ಎ ಸಾಕ್ಕಷಿಯೊ ತ್ಯುನಾ ಪ್ರವಾದನೆನಾ ಟೈಮಮಾ ಹಬಾಳ ಪರತು ಪಡಾನು ಪಾನಿ ಹುಬ್ರಾಡಾನೆ ಪಾನಿನೆ ರಗತ ಕರಾನೆ ಜಿಮಿನ್ನೆ ಕ್ಹಾರಿ ತರಾನಾ ತ್ರಾಸೊ ದಿವಾನೆ ಅದಿಕಾರ ವ್ಹಂದಲ ರ‍್ಹವಸ. ತ್ಯುನೆ ತ್ಯುನೊನೆ ಮನಸ್ಸ ಆಯಲ ತೆಕ್ಲು ಅಮ್ಮ ಕರ ಸಕಸ. 
\v 7 ಎ ಬೆ ಸಾಕ್ಷಿಯೊ ತ್ಯುನಿ ಸಂದೆಶ ಕೈನ ಕ್ಹರಲ ಪರ ಪಾತಾಳಮಾತು ಉಪ್ಪರ ಆವಾನು ಜಾನವರ ತ್ಯುನಾ ವಿರುದ್ದ ಯುದ್ದ ಕರಸ. ಎ ಜಾನವರ ತ್ಯುನೊನೆ ಸೊಲ್ಸಿನ ಖಲಾಸ ಕರಸ. 
\v 8 ಎ ಸಾಕ್ಷಿಯೊನಾ ಬೆ ಮುರದಾ ಮ್ಹೊಟಾ ಗಾಮ್ನಾ ವಾಟಮಾ ಪಡಲ ರ‍್ಹವಸ. ಎ ಗಾಮನೆ ಸೊದೊಮ ವರಿ ಇಜಿಪ್ತ ಕೈನ ನಾಮ ಥಾವಸ. ತೆ ಗಾಮನಾ ನಾಮೊನೆ ಖಾಸ ಮತ್ಲಬ ಛೆ. ಪ್ರಭು ಎ ನಗರಮಾಜ಼ ಶಿಲುಬಿ ಪರ ಘಾಲ್ಯಾ. 
\v 9 ಕ್ಹಾರಾ ಮನಕ್ಹೊ, ಘರದಾನು, ವಾತೊ, ಜಾ಼ತವಾಲಾ ಕ್ಹಡಾ ತನ್ನ ದಿನ್ನ ಲಕ್ಕಾ ಎ ಸಾಕ್ಷಿಯೊನಾ ಮುರದಾವೊನೆ ದೆಕತಾ ರ‍್ಹವಸ. ತ್ಯುನೊನೆ ಸಮಾದಿ ಕರಾನೆ ಮನಕ್ಹೊ ವಪ್ಪಿಲೆತಾ ನೈ. 
\v 10 ಎ ಭಂಬಿಜ಼ನಾ ಮರಲ ಹುತಿ ಜಿಮಿನ ಪರ ರ‍್ಹಯಲ ಮನಕ್ಹೊ ಖುಶಿ ಥಾವಸ. ತ್ಯುನೆ ಕಾರಯೊ ಕರಿನ, ಯಕ್ಕನೆ ಯಕ್ಕ ಆಯಾರ ದಿವಸ. ಎ ಭಂಬಿ ಪ್ರವಾದಿಯೊ ಜಿಮಿನ ಪರ ರ‍್ಹಯಲ ಮನಕ್ಹೊನೆ ಘನ್ನು ತ್ರಾಸ ದಿದಲಕ್ಹು ಎ ಮನಕ್ಹೊ ಅಮ್ಮ ಕರಸ. 
\v 11 ತೆನೈಸೊ ಕ್ಹಡಾ ತನ್ನ ದಿನ್ನ ಥಯಲ್ಪರ ಕ್ಹುದಾ ತೆ ಭಂಬಿ ಪ್ರವಾದಿಯೊಮಾ ವರಿ ಜ಼ಲಮ ಆಯೆಲಿಂಗತ ಕರ‍್ಯೊ. ತೆಳಾಮಾ ತ್ಯುನೆ ತ್ಯುನಾ ಪಗೊಪರ ಹುಬ್ರಯಾ. ತ್ಯುನೊನೆ ದೆಕಲ ಕ್ಹಾರಾ ಮನಕ್ಹೊ ಭೆಕ್ಹು ಭರಿ ಗಯಾ. 
\v 12 ಪಾಚಾ಼ತಾ "ಉಪ್ಪರ ಚ಼ಡಿನ ಆವೊ" ಕೈನ ಸ್ವರಗತಿ ಮ್ಹೊಟಿ ಆವಾಜ಼ ತೆ ಪ್ರವಾದಿಯೊನೆ ಐಕೊ ಆಯು. ತೆಳಾಮಾ ತೆ ಭಂಬಿ ಪ್ರವಾದಿಯೊ ಹಬಾಳನಾ ಕ್ಹಾತೆ ಸ್ವರ್ಗನೆ ಗಯಾ. ತ್ಯುನೆ ಜಾ಼ವಾನು ತ್ಯುನಾ ದುಶ್ಮನೊ ದೆಕತಾ ವ್ಹತ್ತಾ. 
\v 13 ತೆ ಟೈಮಮಾ ಮ್ಹೊಟು ಭುಕಂಪ ಥಯು. ತೆ ಗಾಮನು ದಕ್ಹಮಾನು ಯಕ್ಕ ಭಾಗ ಹಾಳ ಥಯು. ಭುಕಂಪಮಾ ಕ್ಹಾತ ಹಜಾ಼ರ ಮನಕ್ಹೊ ಹಾಳ ಥಯಾ. ನೈ ಮರಲ ಮನಕ್ಹೊ ಘನ್ನಾ ಭೆಕ್ಹು ಸ್ವರಗಮಾನಾ ಕ್ಹುದಾನೆ ಶ್ರೆರಷ್ಠನೆ ಮಹಿಮಾ ಕರ‍್ಯಾ. 
\v 14 ಬೆಂವಾ ಮ್ಹೊಟು ಮುಸಿಬತ್ತ ಖರ‍್ಯು. ತನ್ವಾ ಮ್ಹೊಟು ಭೆಗಿನ ಆವಸ.
\s ಕ್ಹಾತ್ವಾ ಪೊಂಗೊ
\p
\v 15 ಕ್ಹಾತ್ವಾ ಕ್ಹುದಾನು ದುತ ತಿನಿ ತುತ್ತುರಿ ವಜಾ಼ಡ್ಯೊ. ತೆಳಾಮಾ ಸ್ವರ್ಗಮಾ ಮ್ಹೊಟಾ ಆವಾಜೊ಼ ಥಯಾ. ತೆ ಆವಾಜೊ಼ ಅಮ್ಮ್ ಕದ್ಯಾ; "ಎ ಲೊಕನು ರಾಜ್ಯ ಹಮ್ನಾ ಅಪ್ನಾ ಪ್ರಭುನಾ ವರಿ ತಿನೊಜ಼ ರ‍್ಹಯಲ ಕ್ರಿಸ್ತನಿ ರಾಜ್ಯ ಥೈಸ. ತೆ ಯುಗೊ ಯುಗೊಮಾಬಿ ಅದಿಕಾರ ಚ಼ಲಾವಾ ವಾಲೊ ವ್ಹೈ" 
\v 16 ಪಾಚಾ಼ತಾ ಇಖ್ಪರ ಚಾರ ಜ಼ನಾ ಶಾನಾ ಉಂದಾ ಗುಡ್ಗಾ ಘಾಲಿನ ಆರಾಧನಾ ಕರ‍್ಯಾ. ಕ್ಹುದಾನಿ ಸನ್ನಿಧಿಮಾ ತ್ಯುನಿ ಸಿಂಹಾಸನನಾ ಉಪ್ಪರ ಬೈಟಲ ಶಾನಾಜ಼ ತ್ಯುನೆ ವ್ಹೈ. 
\v 17 ತೆ ಶಾನಾ ಅಮ್ಮ್ ಕದ್ಯಾ; "ಪ್ರಭು, ಸರವಶಕ್ಕತ ರ‍್ಹಯಲ ಕ್ಹುದಾ, ಭುತಕಾಲಮಾ ರ‍್ಹಯಲವಾಲಾ, ವರತಮಾನ ಕಾಲಮಾ ರ‍್ಹವಾಲಾ, ತುನೆ ಕೃತಜ್ಞತಾಸ್ತುತಿ ಕರೆಸ. ತು ತಾರಿ ಮ್ಹೊಟಿ ಅದಿಕಾರ ಉಪಯೊಗ ಕರಿನ ತಾರಿ ಆಡಳಿತ ಶುರು ಕರಲಕ್ಹು ತುನೆ ಕೃತಜ್ಞತಾಸ್ತುತಿ ಕರೆಸ. 
\v 18 ದುನಿಯಾನಾ ಮನಕ್ಹೊ ಶಿಟ್ಟ ಥಯಾತಾ. ತೆನೈಸೊ ಎ ತಾರಾ ಶಿಟ್ಟನೊ ಟೈಮ ವ್ಹೈ. ಮರಲವಾಲಾವೊನೆ ಫೈಸಲೊ ದಿವಾನೊ ಟೈಮ ಎಜ಼ ವ್ಹೈ. ತಾರಾ ಸೆವಕೊ ರ‍್ಹಯಲ ಪ್ರವಾದಿಯೊನೆಬಿ ತಾರಾ ಪರಿಶುದ್ಧ ಮನಕ್ಹೊನೆ ತುನೆ ಮರ್ಯಾದಿ ದಿವಾಲಾ ಮ್ಹೊಟಾವೊನೆಬಿ ನ್ಹಾನಾವೊನೆಬಿ ಪ್ರತಿಫಲ ದಿವಾನೊ ಟೈಮ ಆ ವ್ಹೈ. ದುನಿಯಾ ಹಾಳ ಕರಾಲಾವೊನೆ ಹಾಳ ಕರಾನೊ ಟೈಮ ಆ ವ್ಹೈ" 
\v 19 ಪಾಚಾ಼ತು ಸ್ವರ್ಗಮಾ ರ‍್ಹಯಲ ಕ್ಹುದಾನಿ ಆಲಯ ಕ್ಹುಲ್ಯು. ಕ್ಹುದಾ ತಿನಾ ಮನಕ್ಹೊನೆ ದಿದಲ ವಡಂಬಡಿಕೆ ಮ್ಹೆಲಲ ಪೆಟ್ಟಗಿ ತಿನಾ ಆಲಯಮಾ ದಿಕ್ಹಿ. ತೆಳಾಮಾ ಬಿಜ್ಲಿಯೊ ಮಾರ‍್ಯೊ, ಆವಾಜೊ಼ ಥಯಾ, ಭುಕಂಪೊ ಥಯಾ ವರಿ ಘಾರಗಿಯೊನು ಪಾನಿ ಐಯು.
\c 12
\s ಬಾಕ್ಡಿ ವರಿ ಖತರ್ನಾಕ ಕ್ಹಾಪ
\p
\v 1 ತೆಳಾಮಾ ಸ್ವರಗಮಾತು ಯಕ್ಕ ಮ್ಹೊಟು ಅದ್ಭುತ ದಿಕ್ಹ್ಯು. ಸುರ‍್ಯಾನೆಜ಼ ವಣ್ಣಾ ಲಿಂಗತ ಘಾಲ್ಲಿನ ಯಕ್ಕ ಬಾಕ್ಡಿ ತ್ಯಾ ವ್ಹತ್ತಿ. ತಿನಾ ಪಗೊನಾ ಹೆಟೊ ಚ಼ಂದಪ್ಪಾ ವ್ಹತ್ತೊ. ತಿನಾ ಮಾತಾಪರ ಬಾರಾ ಚಿಕ್ಕಕಿಯೊನು ಯಕ್ಕ ಕಿರಿಟ ವ್ಹತ್ತು. 
\v 2 ತೆ ಪೆಟೆ ವ್ಹತ್ತಿ. ತೆ ಜ಼ನ್ನಾನಾ ತ್ರಾಸಕ್ಹು ಜೊ಼ರ ವದ್ರಿ. 
\v 3 ತೆಳಾಮಾಜ಼ ಹಬಾಳಮಾ ಬಿಜೆ಼ಕ ಅದ್ಭುತ ದಿಕ್ಹ್ಯು. ಲಾಲ ರ‍್ಹಯಲ ಯಕ್ಕ ಮ್ಹೊಟೊ ಕ್ಹಾಪ ವ್ಹತ್ತೊ. ತೆ ಕ್ಹಾಪ್ನೆ ಕ್ಹಾತ ಮಾತಾ ವ್ಹತ್ತಾ. ಹರಿ ಯಕ್ಕ ಮಾತಾಪರ ಯಕೆಕೆ ಕಿರಿಟ ವ್ಹತ್ತು. ತೆ ಕ್ಹಾಪ್ನೆ ಕ್ಹಾತ ಸಿಂಗ್ಡಾ ವ್ಹತ್ತಾ. 
\v 4 ತೆ ಕ್ಹಾಪ್ನಿ ಪುಚ಼ಡಿ ಹಬಾಳಮಾನಿಯೊ ಚಿಕ್ಕಕಿಯೊಮಾ ತನ್ವಾ ಯಕ್ಕ ಭಾಗ ಜಗ್ಗಿಲಿನ ಜಿಮಿನಪರ ನಾಕಿ ಪಾಡ್ಯು ತೆ ಕ್ಹಾಪ. ಜ಼ನ್ನಾನಿ ತ್ರಾಸಮಾ ರ‍್ಹಯಲ ಬಾಕ್ಡಿನಾ ಕ್ಹಾಮೊ ಹುಬ್ರಯೊ ತೆ ಬಾಕ್ಡಿ ಜ಼ನ್ನಾನಾ ಬಚ್ಚಾ಼ನೆ. ಗಳಾನೆ ತೆ. ಕ್ಹಾಪ ಕೈದಾಡ್ಯೊತು. 
\v 5 ತೆ ಬಾಕ್ಡಿ ತೆ ಕ್ಹಾರಿ ಜಾ಼ತೊನೆ ಲ್ಹೊಡಾನಿ ಲಾಕ್ಡಿಕ್ಹು ವರಿ ತಿನಾ ಸಿಂಹಾಸನ ಕನ ಲಿನ ಗಯು. 
\v 6 ತೆ ಬಾಕಡಿಕ್ಹು ತಿನಾಹುತಿ ಕ್ಹುದಾ ತಯ್ಯಾರ ಕರಲ ಉಸುಕನಾ ಯಕ್ಕ ಗಾಮಾ ನ್ಹಾಟಿ ಗೈ. ತೆ ಉಸುಕನಾ ಗಾಮ್ಮಾ ತಿನೆ ಬಾರಾಕ್ಹೊನ ಕ್ಹಾಟ ದಿನ್ನ ಜ಼ತ್ತನ ಕರಸ. 
\v 7 ಪಾಚ಼ಾತಾ ಸ್ವರ್ಗಮಾ ಯಕ್ಕ ಯುದ್ದ ಥೈ ಮಿಕಾಯೆಲ ವರಿ ತಿನಾ ಕ್ಹಾತೆ‍‍ ರ‍್ಹಯಲ ದುತೊ ತೆ ಕ್ಹಾಪನಾ ತಿನಾ ದುತೊನಿ ವಿರುದ್ದ ತ್ಯುನೆ ಯುದ್ದ ಕರಾ. 
\v 8 ತೆನೈಸೊ ತೆ ಮ್ಹೊಟೊ ಕ್ಹಾಪ ವರಿ ತಿನಾ ದುತೊ ಸೊಲಿನ ಸ್ವರಗಮಾ‍‍ ರಹೆಲ ತ್ಯುನಿ ಜ಼ಗಾ ಜ಼ವೈಲಿದ್ಯಾ. 
\v 9 ತೆ ಮ್ಹೊಟಾ ಕ್ಹಾಪನೆ ಸ್ವರಗತೊ ತೆ ಮ್ಹೊಟಾ ಕ್ಹಾಪನೆ ಸೈತಾನ ಕೈನ. ವರಿ ರಾಕ್ಷೆತ ಕೈನ ನಾಮ ವ್ಹೈ ತೆ. ಜಗತ್ಯೆ ಕೆಟ ಟವಾಟ್ಮಾ ಚ಼ಲಾವಸ) ತಿನಾ ದುತೊನೆ ಲಿಮಿನಪರ ನಾಕ್ಯಾತಾ. 
\v 10 ತೆಳಾಮಾ ಜಗತ್ಮಾ ಯಕ್ಕ ಮ್ಹೊಟು ಅವಾಜ಼ ಮಿ ಐಕ್ಯೊ; ಹಮಾರಾ ಕ್ಹುದಾನೆ ಜ಼ಯ ಮಳಿ, ತಾಕತ ವರಿ ಆದಿಕಾರ ಕ್ರಿಸ್ತನೊ ವ್ಹೈ. ಅಪ್ನಾ ಭಾಯೊನೆ ವರಿ ಭೆನೊನೆ ತಪ್ಪ ಘಾಲಾಲಾನೆ ಭಾರಾ ನಾಕಲ ಹುತಿ ಎ ಕ್ಹಾರು ಆಯೊಸ. ಅದ್ಯಾ ಕ್ಹುದಾನ ಕ್ಹಾಮಾ ದಿನ್ನರಾತ ಅಪ್ನಾ ಭಾಯೊನಾ ಹುತಿ ತೆ. ದುರ ಕದ್ಯೊ 
\v 11 ತ್ಯುನೆ ಜ಼ಲಂಪರಲಿ ಮಯಾ ಛೊಡಿನ ಬಕ್ರಾನು ಬಚ್ಚು಼ ಥಯಲವಾಲಾನಾ ರಗತಕ್ಹು ತ್ಯುನು ಕ್ಹರಿನು ಭೊದನೆ ಕ್ಹು ವರಿ ಸಾಕ್ಕಷಿಕ್ಹು ಝಿತ್ತ್ಯಾ. 
\v 12 ತಿನಾಹುತಿ ವರಿ ಸ್ವರ್ಗ ತಿಮಾ ರ‍್ಹವಾಲಾ ಖುಶಿ ಥಾವಾದೆ! ತೆನೈಸೊ ಜಿಮಿನ, ಸಮುಂದರ, ಸೈತಾನ ತುಮೊಕನ ಆಯಲ ಹುತಿ ಕೆಟ್ಟ ಪರಿಸ್ಥಿತಿ ಆವಸ! ಸಿಟ್ಟ ಕವಾನು ಸೈತಾನ್ಮಾ ಭರಿ ಗೈಯುಸ. ತಿನೆ ರ‍್ಹಯಲ ದಕ್ಹೊಜ಼ ಟೈಮ ವ್ಹೈ ಕವಾನು ತಿನೆ ಗ್ವತ್ತ ಛೆ. 
\v 13 ತೆ ಮ್ಹೊಟಾ ಕ್ಹಾಪ್ನೆ ಜಿಮಿನಪರ ಡಕ್ಕಲಲ ತಿನೆ ಗ್ವತ್ತ ಛೆ. ತಿನಾಹುತಿ ತೆ ಕ್ಹಾಪ ಪಟ್ಟೊ ಜ಼ನ್ನಲಿ ಬಾಕ್ಡಿನೆ ತ್ರಾಸ ದಿವಾನಾ ಹುತಿ ಪಿಟ್ಟಲಾಗ್ಯೊ. 
\v 14 ತೆನೈಸೊ ತೆ ಬಾಕ್ಡಿನೆ ಬೆ ಮ್ಹೊಟಿ ಹದ್ದೊನಾ ರಕ್ಕಯಾ ದಿದಲ ಹುತಿ, ತೆ ಬಾಕ್ಡಿನೆ ಉಸುಕನಾ ಗಾಮ್ಮಾ ತಯ್ಯಾರ ಕರಲ ಜ಼ಗಾ ಉಡಿನೆ ಜಾ಼ವಾನೆ ಥಯೊ. ತ್ಯಾ ತೆ ಬಾಕ್ಡಿ ಕ್ಹಡಾ ತನ್ನ ವರಕ್ಹ ಖತರ್ನಾಕ ಕ್ಹಾಪ್ನೆ ದಿಕ್ಹ್ಯಾವಾಚಿ ಜ಼ತ್ತನ ಥೈ. 
\v 15 ತೆಳಾಮಾ ಕ್ಹಾಪ ತಿನಾ ಮ್ಹೊಡಾಮಾತು ನದಿನಾ ಲಿಂಗತ ಪಾನಿ ಭಾರು ಕಾಡ್ಯು. ತೆ ಪಾನಿನಿ ತಾಕತಕ್ಹು ತೆ ಬಾಕ್ಡಿನೆ ವೈನ ಜಾ಼ವಾದೆ ಕೈನ ತೆ ಕ್ಹಾಪ್ನು ಮನಸ ವ್ಹತ್ತು. 
\v 16 ತೆನೈಸೊ ಜಿಮಿನ ತೆ ಬಾಕ್ಡಿನೆ ಮದದ ಕರು ಕೈನ ತಿನು ಮ್ಹೊಡು ಖುಲ್ಲಾ ಕರಿನ, ತೆ ಕ್ಹಾಪ್ನಾ ಮ್ಹೊಡಾಮಾತು ಭಾರು ಆಯಲ ಪಾನಿನೆ ಪಿಪಾಡಿ. 
\v 17 ತೆಳಾಮಾ ಕ್ಹಾಪ ತೆ ಬಾಕ್ಕಡಿಪರ ಘನ್ನೊ ಶಿಟ್ಟ ಥೈನ ತಿನಾ ತಿನಾ ಬಚ್ಚಾ಼ವೊನೆ ಕದ್ಯಾಮ ಕ್ಹುದಾನಿ ಆಗನ್ಯಾಲಿಂಗತ ಚಾಲ್ಲಿನ ಜಾ಼ವಾಲಾವೊನೆ ವರಿ ಯೆಸುನಾಹುತಿ ಸಾಕ್ಷಿ ಕವಾಲಾವೊಪರ ಯುದ್ದ ಕರಾನೆ ಶುರು ಕರ‍್ಯೊ. 
\v 18 ತೆ ಮ್ಹೊಟೊ ಕ್ಹಾಪ ಸಮುಂದರನಿ ದಂಡಿಪರ ಹುಬ್ರಯೊತೊ.
\c 13
\s ಬೆ ಜಾನ್ವರೊ
\p
\v 1 ಪಾಚಾ಼ತು ಸಮುಂದರಮಾತು ಯಕ್ಕ ಜಾನ್ವರ ಭಾರು ಆವಾನಿ ಮಿ ದೆಕ್ಯೊ. ತಿನೆ ದಕ್ಹ ಮಾತಾ ದಕ್ಹ ಶಿಂಗ್ಡಾ ವ್ಹತ್ತಾ. ತಿನಾ ಹರಿ ಯಕ್ಕ ಮಾತಾಪರ ಯಕೆಕ ಕಿರಿಟ ವ್ಹತ್ತು. ತಿನಾ ಹರಿ ಯಕ್ಕ ಮಾತಾಪರ ಕ್ಹುದಾನಿ ಮರ್ಯಾದಿ ಕಾಡಾಲವಾಲೊ ವ್ಹೈ ಕೈನ ಬರ್ದಲ ವ್ಹತ್ತು. 
\v 2 ತೆ ಜಾನ್ವರ ದೆಕಾನೆ ಚಿರತೆ ಲಿಂಗತ ವ್ಹತ್ತಿ. ತಿನಾ ಪಗೊ ರಸುಲನಾ ಪಗೊ ಲಿಂಗತ ವ್ಹತ್ತಾ. ತಿನು ಮ್ಹೊಡು ಸಿಂಯ್ಯಾ ಲಿಂಗತ‍ ವ್ಹತ್ತು. ತೆ ಜಾನ್ವರನೆ ಮ್ಹೊಟೊ ಕ್ಹಾಪ ತಿನಿ ತಾಕತ ವರಿ ತಿನಿ ಸಿಂಹಾಸನ ವರಿ ತಿನೊ ಅದಿಕಾರ ದಿದ್ಯು. 
\v 3 ಜಾನ್ವರನಾ ಯಕ್ಕ ಮಾತಾಪರ ದುಖ ಥೈನ ಮರಲ ಲಿಂಗತ ದಿಕ್ಹಾಡಿತಿ. ತೆ ಮರಾನಾ ವರಕ್ಹು ದುಖ ಅರಾಮ ಕರ‍್ಯೊ. ಎ ದುನಿಯಾಮಾ ರ‍್ಹಯಲ ಮನಕ್ಹೊ ತೆ ಕ್ಹಾರು ದೆಕಿನ ಘಾಬ್ರಾ ಥೈನ ತಿನಾ ಪಾಚಾ಼ ಗಯಾ. 
\v 4 ತೆ ಮ್ಹೊಟೊ ಕ್ಹಾಪ ತಿನಿ ಕ್ಹಾರಿ ತಾಕತ ತೆ ಜಾನ್ವರನೆ ದಿದಲ ಹುತಿ ಕ್ಹಾರಾ ಮನಕ್ಹೊ ತೆ ಜಾನ್ವರನೆ ವರಿ ತೆ ಮ್ಹೊಟಾ ಕ್ಹಾಪ್ನೆ ಆರಾಧನಾ ಕರ‍್ಯಾ"ಜಾನ್ವರ ತಿಬಿ ಬಿಜು಼ ಕುನ್ ತಾಕತ ವರ ಛೆ? ತಿನಾ ವಿರುದ್ದ ಕುನ್ ಯುದ್ದ ಕರಸ? ಕೈನ ಕವಾಡಾತಾ. 
\v 5 ತೆ ಜಾನ್ವರನೆ ಗ್ವಡ್ಡ ವಾತ ವರಿ ದುಶಣೆನಿಯೊ ವಾತೊ ಕವಾನೆ ಮೌಕೊ ದಿದ್ಯಾ. ತೆ ಜಾನ್ವರನೆ ತಿನಿ ತಾಕತ ಉಪಯೊಗ ಕರಾನೆ ಚಾ಼ಳಕ್ಹಪರ ಬೆ ಮ್ಹೈನಾ ದಿದ್ಯಾ. 
\v 6 ತೆ ಜಾನ್ವರ ಕ್ಹುದಾನಿ ಮರ್ಯಾದಿ ಕಾಡಾನೆ ತಿನು ಮ್ಹೊಡು ಖುಲ್ಲಾ ಕರ‍್ಯು. ತೆನೈಸೊ ಕ್ಹುದಾನಾ ನಾಮನಾ ವಿರುದ್ದ ವರಿ ಕ್ಹುದಾ ರ‍್ಹಯಲ ಜ಼ಗಾನಾ ವಿರುದ್ದ ಸ್ವರ್ಗಮಾ ರ‍್ಹಯಲ ಮನಕ್ಹೊನಾ ವಿರುದ್ದ ದುಶಣೆ ಕರ‍್ಯು. 
\v 7 ಕ್ಹುದಾನಾ ಮನಕ್ಹೊ ಕ್ಹು ಯುದ್ದ ಕರಿನ, ತ್ಯುನೊನೆ ಸೊಲ್ಸಾನೆ ತಿನೆ ತಾಕತ ದಿದ್ಯುತು. ಕ್ಹಾರಾ ದೆಶೆ ಕ್ಹಾರಿ ಜಾ಼ತ, ಕ್ಹಾರಾ ಮನಕ್ಹೊ, ವರಿ ಕ್ಹಾರಾವೊನಾ ಘರದಾನಾವೊಪರ ಹಕ್ಕಕ ಚ಼ಲಾವಾನೆ ತೆ ಜಾನ್ವರನೆ ಅದಿಕಾರ ದಿದ್ಯುತು. 
\v 8 ದುನಿಯಾಮಾ ರ‍್ಹಯಲ ಕ್ಹಾರಾ ಮನಕ್ಹೊ ತೆ ಖತರ್ನಾಕ ಜಾನ್ವರನೆ ಆರಾಧನಾ ಕರಸ. ದುನಿಯಾ ಶುರುತಿಬಿ ಖಲಾಸ ಥಯಲ ಬಕ್ರಾನಾ ಬಚ್ಚು಼ ಥಯಲ ಜಿವಭಾದ್ಯ ಪುಸ್ತಕಮಾ ಕಿನು ನಾಮ ಬರ್ದಲ ನತ್ತಿ ತೆಜ಼ ಎ ಮನಕ್ಹೊ ವ್ಹೈ. 
\v 9 ಎ ಕ್ಹಾರು ಐಕಾಲೊ ಧ್ಯಾನ ದಿನ್ನ ಐಕಾದೆ. 
\v 10 ಜೆಲ್ಮಾ ನಿಂಜಾ಼ವಾಲೊ ತಿನೆಜ಼ ಜೆಲ್ಮಾ ನಿಂಜಾ಼ವಸ ತಲ್ವಾರಕ್ಹು ಖಲಾಸ ಖಲಾಸ ಕರಾಲೊ ತಲ್ವಾರ ಕ್ಹು ಖಲಾಸ ಥಾವಸ. ತಿನಾಹುತಿ ಕ್ಹುದಾನಾ ಮನಕ್ಹೊ ತಡ್ದಿಲಿನ ಬರೊಕ್ಹಾಮಾ ರ‍್ಹೌ. 
\v 11 ತೆ ಥಯಲಪರ ಜಿಮಿನಮಾತು ಆವಾನಿ ವರಿ ಯಕ್ಕ ಜಾನ್ವರ ದೆಕ್ಯೊ. ತಿನೆ ಟಗರ ಲಿಂಗತ ಬೆ ಸಿಂಗ್ಡಾ ವ್ಹತ್ತಾ. ತೆ ಮ್ಹೊಟಾ ಕ್ಹಾಪ ಲಿಂಗತ ಬೊಲಾಡ್ಯುತು. 
\v 12 ಎ ಜಾನ್ವರ ಪೈಲಾನಿ ಜಾನ್ವರನಿ ಅದಿಕಾರ ಉಪಯೊಗ ಕರಾಡಿತಿ. ಜಿಮಿನಪರ ರ‍್ಹಯಲ ಮನಕ್ಹೊ ಪೈಲಾನಿ ಜಾನ್ವರನೆ ಆರಾಧನಾ ಕರಲ ಲಿಂಗತ ಇನೆಬಿ ಆರಾಧನಾ ಕರು ಕೈನ ತೆ ತಿನಿ ತಾಕತ ಉಪಯೊಗ ಕರಾಡ್ಯುತು. ಮರವಾನಿ ಸ್ಥಿತಿಮಾತೊ ಅರಾಮ ಥಯಲಜ಼ ಪೈಲಾನಿ ಜಾನ್ವರ ವ್ಹೈ. 
\v 13 ಎ ಬೆವಾ ಜಾನ್ವರ ಮ್ಹೊಟು ಅದ್ಭುತ ಕರಾಡ್ಯುತು. ತೆ ಮನಕ್ಹನಾ ಕ್ಹಾಮು ಹಬಾಳಮಾತು ಆಗ ಜಿಮಿನಪರ ಲಾವಾಡ್ಯುತು. 
\v 14 ಎ ಬೆವಾ ಜಾನ್ವರ ಅದ್ಭುತ ಕರಾನೆ ತಿನೆ ದಿದಲ ತಾಕತ ಕ್ಹು ಜಿಮಿನಪರ ರ‍್ಹಯಲ ಮನಕ್ಹೊನೆ ಮಳ್ಳ ಕರಸ. ಪೈಲಾನಿ ಜಾನ್ವರ ಮನಕ್ಹೊ ತಿನಿ ಸೆವೆ ಕರು ಕೈನ ಮ್ಹೊಟು ಅದ್ಭುತ ಕರಸ. ತಲ್ವಾರ ಕ್ಹು ದುಖ ಕರಲಿದಲ ಮರಾನಿ ಕ್ಹು ವಾಚ಼ಲ ಜಾನ್ವರನೆ ಮರ್ಯಾದಿ ದೆಕಾಡಾನಾ ಹುತಿ ಮೊರತಿಯೊ ತಯ್ಯಾರ ಕರಾನಾ ಹುತಿ ಮನಕ್ಹೊನೆ ಕದ್ಯು. 
\v 15 ಪೈಲಾನಿ ಜಾನ್ವರನಿ ಮೊರತಿನೆ ಜ಼ಲಮ ದಿವಾನಾ ಹುತಿ ತಿಮಾ ಉಸುಲ ಭರ‍್ಯೊ. ಬೆವಾ ಜಾನ್ವರನೆ ದಿದ್ಯು. ತೆಳಾಮಾ ತೆ ಮೊರತಿನೆ ಬೊಲಾನಿ ತಾಕತ ಐ. ತೆಳಾಮಾ ತಿನೆ ಪುಜಾ ಕರಾಲಾವೊನೆ ಖಲಾಸ ಕರು ಕೈನ ಆಗನ್ಯಾ ದಿದ್ಯು. 
\v 16 ಬೆವಾ ಜಾನ್ವರಬಿ ಕ್ಹಾರಾವೊನೆ ಕದ್ಯಾಮ ನ್ಹಾನಾವೊನೆ, ಮ್ಹೊಟಾವೊನೆ, ಸೌಕಾರೊನೆ, ಗರಿಬೊನೆ, ಗುಲಾಮೊನೆ ವರಿ ಸ್ವತಂತ್ರನೊ ತ್ಯುನಾ ಸಿದಾ ಹತೊಪರ ರ‍್ಹೈನೆಕಾ ನೈತೊ ತ್ಯುನಾ ಕಪ್ಪಾಳಪರ ವಳಕ ಘಲೈ ಲ್ಯು ಕೈನ ಜ಼ಬರದಸ್ತಿ ಕರ‍್ಯು. 
\v 17 ಎ ವಳಕ ರ‍್ಹಯಲವಾಲವೊನೆ ಕುನ್ನಜ ಇಕ್ಕುಬಿ ನೈ. ಖರುದಿ ಕರುಬಿ ನೈ. ಎ ವಳಕ ಸು ವ್ಹೈ ಕದ್ಯಾಮ ತೆ ಜಾನ್ವರನು ನಾಮ ನೈತೊ ತಿನು ನಂಬರ ವ್ಹೈ. 
\v 18 ಗ್ಯಾನ ರ‍್ಹಯಲ ಮನಕ್ಹ ಜಾನ್ವರನು ನಾಮ ರ‍್ಹೈನೆಕಾ ತಿನು ನಂಬರ ರ‍್ಹೈನೆಕಾ ತಿನೊ ಮತ್ಲಬ ವರಿ ತೆ ಶಾನ ಹುತಿ ವ್ಹೈ. ಕವಾನು ತೆ ತಿಳದಿ ಲಿವಸ. ನ್ಹ್ಯಾ ಗ್ಯಾನ ಕವಾನು ಚಾ಼ಯೆ. ಎ ನಂಬರ ಮನಕ್ಹನು ನಂಬರ ವ್ಹೈ. ತಿನು ನಂಬರ 666.
\c 14
\s ಬಕ್ರಾನು ಬಚ್ಚು಼ ವರಿ ತಿನಾ ಮನಕ್ಹೊ
\p
\v 1 ತೆ ಥಯಲಪರ ಮಿ ದೆಕ್ತಾಮಾ, ಬಕ್ರಾನು ಬಚ್ಚು಼ ಥಯಲವಾಲೊ ಮಾರಾ ಕ್ಹಾಮೊಜ಼ ವ್ಹತ್ತೊ. ತೆ ಚಿಯೊನ ಕವಾನಾ ಡೊಂಗರಪರ ಹುಬ್ರಯೊತೊ. ತಿನಾ ಕ್ಹಾತೆಯಕ್ಕ ಲಾಕ ಚಾ಼ಳಕ್ಹಪರ ಚಾರ ಹಜಾ಼ರ ಮನಕ್ಹೊ ವ್ಹತ್ತಾ. ತಿವ್ನಾ ಕಪ್ಪಾಳೊಪರ ತಿನು ನಾಮ ವರಿ ತಿನಾ ಬಾನು ನಾಮ ಬರ್ದಲ ವ್ಹತ್ತು. 
\v 2 ಮಿ ಸ್ವರ್ಗಮಾತೊ ಯಕ್ಕ ಅವಾಜ಼ ಐಕ್ಯೊ. ತೆ ಅವಾಜ಼ ಪಾನಿನಿಯೊ ಧಡ್ಕಿಯೊನೊ ಅವಾಜ಼ ಲಿಂಗತ ವರಿ ಬಿಜ್ಲಿನೊ ಅವಾಜ಼ ಲಿಂಗತ ವ್ಹತ್ತು. ಮನಕ್ಹೊ ವಜಾ಼ಡಾನು ಅವಾಜ಼ ಲಿಂಗತ ತೆ ಅವಾಜ಼ ಮನೆ ಐಕು ಆವಾಡ್ಯುತು. 
\v 3 ಮನಕ್ಹೊ ಸಿಂಹಾಸನ್ನಾ, ಚಾರ ಜಿವಿಯೊನಾ ವರಿ ಶಾನಾವೊನಿ ಸನ್ನಿದಿಮಾ ನೌ ರಿಕಾಡ ಕದ್ಯಾ. ಎ ದುನಿಯಾಮಾತಾ ಬಿಡುಗಡೆ ಥಯಲ ಯಕ್ಕ ಲಾಕ ಚಾ಼ಳಕ್ಹಪರ ಚಾರ ಹಜಾ಼ರ ಮನಕ್ಹೊ ಯಕ್ಕಜ಼ ಎ ಗಿದ್ದ ಶಿಕ್ಕಾನೆ ಶಕ್ತ ಛೆ. ಎ ಗಿದ್ದ ಬಿಜು಼ ಕುನ್ನಜ಼ ಶಿಕ್ಕತು ನೈ. 
\v 4 ಇವ್ನೆ ಬಾಕ್ಕಡಿನಿ ಸಹವಾಸ ಕರಿನ ಹೊಲಸ ಥಯಾವಾಚಿ ಜಾಂಜಿಮಾನ ಥೈನ ವ್ಹತ್ತಾ. ಬಕ್ರಾನು ಬಚ್ಚು಼ ಕಿಜ್ಗಾ ಗೈಯುತಬಿ ತಿನಾ ಪಾಚಾ಼-ಪಾಚಾ಼ ಜಾ಼ವಸ. ಎ ದುನಿಯಾಮಾತಾ ಬಿಡುಗಡೆ ಥಯಲ ಯಕ್ಕ ಲಾಕ ಚಾ಼ಳಕ್ಹಪರ ಚಾರ ಹಜಾ಼ರ ಮನಕ್ಹೊ ವ್ಹೈ. ಕ್ಹುದಾನೆ ಬಕ್ರಾನು ಬಚ್ಚಾ಼ನೆ ಅರಪಿತ ಥಯಲವಾಲಾವೊಮಾ ಇವ್ನೆಜ಼ ಪೈಲಾರ ವ್ಹೈ. 
\v 5 ಎ ಮನಕ್ಹೊ ಸುಳ್ಳ ಕವಾಲಾ ನ್ಹೊತಾ. ಇವ್ನೆ ದೊಶ ನೈಸೊವಾಲಾ ವ್ಹತ್ತಾ.
\s ತನ್ನ ದೆವದುತೊ
\p
\v 6 ಪಾಚಾ಼ತಾ ವರಿಯಕ್ಕ ಕ್ಹುದಾನು ದುತ ವಾರಾಮಾ ಘನ್ನು ಉಪ್ಪರ ಉಡಾನು ಮಿ ದೆಕ್ಯೊ. ಜಿಮಿನ ಪರ ರ‍್ಹವಾನು ಹರಯಕ್ಕ ಜನಾಂಗ, ಘರದಾನು, ಮನಕ್ಹೊ, ಭಾಷಾನಾ ಕ್ಹಾರಾ ಮನಕ್ಹೊನೆ ಬೊಧನೆ ಕರಾನೆ ಹಮೆಶಾನು ಸುವಾರ್ತೆ ತೆ ಕ್ಹುದಾನಾ ದುತ ಕನ ವ್ಹತ್ತು. 
\v 7 ತೆ ಕ್ಹುದಾನೊ ದುತ ಜೊ಼ರ ಆವಾಜ಼ಕ್ಹು"ಕ್ಹುದಾನೆ ಭುಚ಼ಕೊ. ತಿನಿ ಸ್ತುತಿ ಕರೊ. ಕ್ಹಾರಾ ಮನಕ್ಹೊನೆ ಕ್ಹುದಾ ಫೈಸಲೊ ದಿವಾನೊ ಟೈಮ ನಜಿ಼ಕ ಆಯೊಸ. ಕ್ಹುದಾನೆ ಆರಾಧನಾ ಕರೊ. ಸ್ವರ್ಗನೆ ಜಿಮಿನನೆ ಸಮುಂದರನೆ ಪಾನಿನಾ ಧಡ್ಕಿಯೊನೆ ಸೃಷ್ಟಿ ಕರಲವಾಲೊ ತೆಜ಼ ವ್ಹೈ "ಕೈನ ಕದ್ಯೊ. 
\v 8 ಪಾಚಾ಼ತಾ ಬೆವಾ ಕ್ಹುದಾನೊ ದುತ ಯಕ್ವಾ ಕ್ಹುದಾನಾ ದುತನಾ ಪಾಚ಼ೊ ಜಾ಼ತೊ"ತೆ ಹಾಳ ಥೈ! ಬಾಬಿಲೊನ ಪಡಿ ಗಯು! ತೆ ಘನ್ನಾ ಜನಾಂಗೊನೆ ತಿನಿ ಜಾರತ್ವ ಕ್ಹು ವರಿ ಕ್ಹುದಾನಿ ಶಿಟ್ಟ ಕವಾನಿ ದ್ರಾಕ್ಷಿಯೊನು ರಕ್ಹ ಪಿಲಾಯಲವಾಲಿ ವ್ಹೈ "ಕೈನ ಕದ್ಯೊ. 
\v 9 ಕ್ಹುದಾನು ತನ್ವಾ ದುತ ಪೈಲಾ ಬೆ ಕ್ಹುದಾನಾ ದುತೊನಾ ಪಾಚೊ಼ ಗಯೊ. ಎ ತನ್ವಾ ಕ್ಹುದಾನೊ ದುತ ಜೊ಼ರ ಆವಾಜ಼ಕ್ಹು ಅಮ್ಮ ಕದ್ಯೊ; "ಕೆಟ್ಟ ಜಾನ್ವರನೆ ಜಾನ್ವರನಿ ಮುರತಿನೆ ಆರಾಧನಾ ಕರಾಲಾವೊನೆ ವರಿ ಜಾನ್ವರನಿ ಚಿತ್ರಾ ಹಣಿ ಪರ ರ‍್ಹವಾದೆ ತಿನಾ ಹತ್ತ ಪರ ರ‍್ಹವಾದೆ ಘಾಲಲಾವೊನೆ ಕೆಟ್ಟ ಥಾವಸ. 
\v 10 ತೆ ಕ್ಹುದಾನಿ ಶಿಟ್ಟ ಕವಾನಿ ದ್ರಾಕ್ಷಿಯೊನು ರಕ್ಹ ಪಿವಸ. ಕ್ಹುದಾನಿ ಶಿಟ್ಟ ಕವಾನಾ ಕುಂಡಾಮಾ ಎ ದ್ರಾಕ್ಷಿಯೊನು ರಕ್ಹ ತಿನಿ ಪುರಾ ತಾಕತಕ್ಹು ತಯ್ಯಾರ ಕರ‍್ಯಾಸ. ತಿನೆ ಪರಿಶುದ್ಧ ರ‍್ಹಯಲ ಕ್ಹುದಾನಾ ದುತೊನಾ ವರಿ ಬಕ್ರಾನು ಬಚ್ಚು಼ ರ‍್ಹಯಲವಾಲಾನಾ ಕ್ಹಾಮಾ ಆಗನಾ ಲಾಲ ಕೆಂಡಾವೊಕ್ಹು ತ್ರಾಸ ದಿವಸ. 
\v 11 ತ್ಯುನಿ ತ್ರಾಸನೊ ಧವಾಂಡೊ ಕೆಳಾಮಾಬಿ ಆತೊಜ಼ ರ‍್ಹವಸ. ಕೆಟ್ಟ ಜಾನ್ವರನೆ ವರಿ ತಿನಿ ಮುರತಿನೆ ಆರಾಧನಾ ಕರಾಲಾ ವರಿ ತ್ಯುನು ನಾಮ ಗೊಂದನ ಘಾಲಿವಾಲಾ ಮನಕ್ಹೊನೆ ಪಾಟೆಬಿ ರಾತೆಬಿ ಅರಾಮ ಕವಾನು ನತ್ತಿಜ಼ ನತ್ತಿ" 
\v 12 ಎ ಪರಸ್ಥಿಮಾ, ಕ್ಹುದಾನಾ ಪರಿಶುದ್ಧ ಮನಕ್ಹೊ ತಾಳ್ಮೆಕ್ಹು ರ‍್ಹೌ. ತ್ಯುನೆ ಕ್ಹುದಾನಿ ಆಗನ್ಯಾವೊನೆ ವಿಧೆಯ ಥೈನ ರ‍್ಹೌ ವರಿ ಯೆಸು ಪರ ಬರೊಕ್ಹೊ ಮ್ಹೆಲಲ ರ‍್ಹೌ. 
\v 13 ಪಾಚಲ್ತೊ ಮಿ ಸ್ವರಗತೊ ಯಕ್ಕ ಆವಾಜ಼ ಐಕ್ಯೊ. ತೆ ಆವಾಜ಼ ಅಮ್ಮ ವ್ಹತ್ತು; "ಎ ಬರದ; ಆಜ಼ತಾ ಪ್ರಭುನಾ ಭಕ್ಕತೊ ಥೈನ ಮರಾಲಾ ಮನಕ್ಹೊ ಧನ್ಯ ವ್ಹೈ" ಹೊ ಎ ಕ್ಹರಿ ವ್ಹೈ. ತೆ ಮನಕ್ಹೊ ತ್ಯುನಾ ಕಷ್ಟನಾ ಕಾಮೊ ಕ್ಹರೈನ ಅರಾಮ ಕರಸ. ತ್ಯುನೆ ಕರಲ ಕ್ಹಾರು ತ್ಯುನಾ ಕ್ಹಾತೆ ರ‍್ಹವಸ" ಕೈನ ಪವಿತ್ರ ಆತ್ಮಾ ಕವಸ.
\s ಭುಲೊಕನೊ ಸುಗ್ಗಿನೊ ದಿನ್ನ
\p
\v 14 ಮಿ ದೆಕ್ತಾಮಾ ಮಾರಾ ಕ್ಹಾಮೊ ಮನಕ್ಹನೊ ದಿಕ್ರೊ ಲಿಂಗತ ದಿಕ್ಹಾಲೊ ತೆ ಧೊಳಾ ಮ್ಹಾಡ ಪರ ಬೈಟ್ಯಲ ವ್ಹತ್ತೊ. ತಿನಾ ಮಾತಾನಾ ಉಪ್ಪರ ಕ್ಹೊನಾನು ಕಿರಿಟ ವ್ಹತ್ತು ವರಿ ತಿನಾ ಹತ್ಮಾ ಧಾರ ರ‍್ಹಯಲ ಯಕ್ಕ ದಾತಡು ವ್ಹತ್ತು. 
\v 15 ತೆಳಾಮಾ ವರಿ ಯಕ್ಕ ಕ್ಹುದಾನೊ ದುತ ಆಲಯಮಾತೊ ಭಾರೊ ಆಯೊ. ಎ ಕ್ಹುದಾನೊ ದುತ ಮ್ಹಾಡನಾ ಉಪ್ಪರ ಬೈಟಲವಾಲಾನೆ"ತಾರು ಕುಡುಗೊಲ ಲಿನ ಜಿಮಿನನಾ ಉಪ್ಪರ ರ‍್ಹಯಲ ಫಸಲ ಮಳಾ. ಕಾಕದ್ಯಾಮ ಸುಗ್ಗಿಕಾಲ ಆಯೊಸ. ಜಿಮಿನನಾ ಉಪ್ಪರ ರ‍್ಹಯಲ ಫಸಲ ತಯ್ಯಾರ ಥೈಯುಸ "ಕೈನ ಕದ್ಯೊ. 
\v 16 ತಿನಾಹುತಿ ಮ್ಹಾಡಪರ ಬೈಟಲವಾಲ ಇನಾ ಹತ್ಮಾ ರ‍್ಹಯಲ ದಾತಡು ಜಿಮಿನಪರ ನಾಕ್ಕಯೊ. ತೆಳಾಮಾ ಜಿಮಿನಪರ ರ‍್ಹಯಲ ಪೈರ ಕಾಟ್ಯಾ. 
\v 17 ಪಾಚ಼ತಾ ಬಿಜೆಕ ದೆವದುತ ಸ್ವರ್ಗನೊ ಅಲಯಮಾತೊ ಭಾರೊ ಆಯೊ. ತೆ ದುತಕನಬಿ ಧಾರ ರ‍್ಹಯಲ ದಾತಡು ವ್ಹತ್ತು. 
\v 18 ಪಾಚಲ್ತೊ ಬಿಜರಕ್ಕಲೊ ದೆವದುತ ಯಜ್ಞವೆದಿಕೆಮಾತೊ ಆಯೊ. ತಿನೆ ಆಗಪರ ಅದಿಕಾರ ವ್ಹತ್ತು. ತೆ ದೆವದುತ ದಾತಡು ರ‍್ಹಯಲ ದೆವದುತನೆ ಬಲೈನ, ತುಕನ ರ‍್ಹಯಲ ಧಾರ ದಾತಡು ಲಿನ, ಜಿಮಿನಪರ ರ‍್ಹಯಲ. ದ್ರಾಕ್ಷಿಯೊನಾ ಮಳಾಮಾತೊ ದ್ರಾಕ್ಕಷಯೊನಾ ಗೊಂಚ್ಲಾ಼ ಮಳಾ. ಜಿಮಿನಪರ ದ್ರಾಕ್ಷಿಯೊ ಪಾಕಿಗೈಯೊಸ. ಕದ್ಯೊ. 
\v 19 ತೆ ದೆವದುತ ತಿಕನ ರ‍್ಹಯಲ ದಾತಡು ಜಿಮಿನಪರ ನಾಕ್ಕಯೊ, ಕ್ಹಾರಿಯೊ ದ್ರಾಕ್ಷಿಯೊ ಮಳೈನ, ಕ್ಹುದಾನಿ ಶಿಟ್ಟ ಕವಾನು ದ್ರಾಕ್ಷಿಯೊನಾ ಮಳಾಪರ ನಾಕ್ಕಯೊ. 
\v 20 ತೆ ದ್ರಾಕ್ಕಷಿಯೊನೆ ಗಾಮ್ನಾ ಭಾರೊ ರ‍್ಹಯಲ ದ್ರಾಕ್ಕಷಿಯೊನೆ ಆಲೆನೆ ಚಿಕ್ಕಲಿ ಪಾಡ್ಯಾ. ತೆ ದ್ರಾಕ್ಕಷಿಯಮಾತೊ ರಗತ ಭಾರು ಆಯು. ತೆ ರಗತ ಘೊಡಾವೊನಾ ಲಗಾಮ ಯಕ್ಲಾ ಉಪ್ಪರ ಉಡ್ಯು ಪಾಂಚ಼ ವರಿ ಬೆಕ್ಹೊ ಮೈಲ ದುರ ವೈನ ಗಯು.
\c 15
\s ದೆವದುತ ದಿವಾನಾ ಲಾಸ್ಟ ತ್ರಾಸೊ
\p
\v 1 ಪಾಚಲ್ತೊ ಸ್ವರ್ಗಮಾತೊ ಬಿಜೆಕ ಅದ್ಭುತ ಮಿ ದೆಕ್ಯೊ. ತೆ ಘನ್ನು ಘಾಬ್ರು ಥಾವಾ ವರಘು ವ್ಹತ್ತು. ಕ್ಹಾತ ತ್ರಾಸ ಲಾವಾನು ಕ್ಹಾತ ದೆವದುತೊ ತ್ಯಾ ವ್ಹತ್ತಾ. ಕ್ಹುದಾನಿ ಶಿಟ್ಟ ತ್ರಾಸೊ ಕ್ಹು ಖಲಾಸ ಥಾತು ರ‍್ಹತಾಮಾ ತೆ ಲಾಸ್ಟನಾ ತ್ರಾಸೊ ವ್ಹತ್ತಾ. 
\v 2 ಆಗ ಮಳಾಯಲ ಅರಕ್ಹಾ ಲಿಂಗತ ದಿಕ್ಹಾನು ಸಮುಂದರ ಲಿಂಗತ ಮನೆ ದಿಕ್ಹಾಡ್ಯುತು. ಜಾನ್ವರನೆ, ತಿನಿ ಮೊರತಿನೆ ವರಿ ತಿನು ನಾಮನು ಅಕ್ಷರನೆ ಸೊಲ್ಸಿನೆ ಝಿತ್ತಲ ಕ್ಹಾರಾ ಜ಼ನಾ ಸಮುಂದರನಿ ದಂಡಿಪರ ಹುಬ್ರಯಾತಾ. ಕ್ಹುದಾ ದಿದಲ ವಜಾ಼ಡಾನು ಸಾಮನೊ ತ್ಯುನೊಕನ ವ್ಹತ್ತು. 
\v 3 ತ್ಯುನೆ ಕ್ಹುದಾನೊ ಸೆವಕ ಥಯಲ ಮೊಶೆನು ಗಿದ್ದ ವರಿ ಬಕ್ರಾನು ಬಚ್ಚು಼ ಥಯಲವಾಲಾನು ಗಿದ್ದ ಕದ್ಯಾ. ‘ಪ್ರಭು, ವರಿ ಕ್ಹಾರಾವೊತಿ ತಾಕತವರ ಥಯಲವಾಲಾ ಕ್ಹುದಾ,ತು ಮ್ಹೊಟಾಲಾ ಕಾಮೊ ವರಿ ಘಾಬ್ರಾಥಾವಾನಾ ಕಾಮೊ ಕರಶಿ,ಕ್ಹಾರಿ ಜಾ಼ತಾವಾಲಾವೊನಾ ರಾಜಾ಼, ತಾರಿ ಯಕ್ಕ ವಾಟೊ ವರಿ ಫೈಸಲೊ ಕ್ಹರಿನೊ ವ್ಹೈ. 
\v 4 ಪ್ರಭು ಮಾರಾ ಮನಕ್ಹೊ ತುಕ್ಹು ಭುಚ಼್ಕಸ; ಕ್ಹಾರಾ ಮನಕ್ಹೊ ತಾರಾ ನಾಮನೆ ಸ್ತುತಿ ಕರಸ. ತುಜ಼಼ ಯಕ್ಲೊ ಪರಿಶುದ್ಧ ವ್ಹೈ. ತು ನ್ಯಾಯಕ್ಹು ಕಾಮೊ ಕರಾಲೊ ವ್ಹೈ ಕೈ ದೆಕಾಡಿನ ದೆಶಿ. ಮನಕ್ಹೊ ಕ್ಹಾರಾ ತಾರಿ ಸನ್ನಿದಿಮಾ ಐನ ತುನೆ ಅರಾಧಾನಾ ಕರಸ" 
\v 5 ಎ ಥಯಲ್ಪರ ಮಿ ದೆಕ್ತಾಮಾ ಸ್ವರ್ಗನು ಬಾಕಲ ಖುಲ್ಲಾ ಥಯು. ತ್ಯಾ ಪವಿತ್ರ ಝೊಪ್ಡಿ ವ್ಹತ್ತಿ, 
\v 6 ಕ್ಹಾತ ತ್ರಾಸೊ ಲಾವಾಲಾ ಕ್ಹಾತ ದೆವದುತೊ ಆಲಯಮಾತಾ ಭಾರಾ ಆಯಾ. ತ್ಯುನೆ ಧೊಳಾ ವರಿ ಮಿಂಚಾ಼ನಾ ಮಡಿ ಕರಲ ವಣ್ಣಾ ಘಾಲ್ಲಿದ್ಯಾತಾ. ವರಿ ತ್ಯುನಿಯೊ ಪಿಟ್ಟೊನೆ ಕ್ಹೊನಾನಿಯೊ ಪಟ್ಟಿಯೊ ಭಾಂದಿಲಿದ್ಯಾತಾ. 
\v 7 ಚಾರ ಜಿವಿಯೊನಾ ಯಕ್ಕ ಜಿವಿ ಎ ಕ್ಹಾತ ದೆವದುತೊನೆ ಕ್ಹಾತ ಕ್ಹೊನಾನಿಯೊ ಪರಾತೊ ದಿದಿ. ಎ ಪರಾತೊಮಾ ಹಮೆಶಾಬಿ ಜಿವ್ನಾ ಕರಾಲೊ ಕ್ಹುದಾನಿ ಶಿಟ್ಟ ಭರಿತಿ. 
\v 8 ಕ್ಹುದಾನಿ ವೈಭವ ವರಿ ತಾಕತನೊ ಧವಾಂಡೊ ಆಲಯಮಾ ಭರಿ ಗೈತು. ಕ್ಹಾತ ದೆವದುತೊ ಕ್ಹಾತ ತ್ರಾಸೊ ಮುಗ್ದೆಲಕ್ಕಕಾ ಆಲಯಮಾ ಮ್ಹೈ ಜಾ಼ವಾನೆ ಥಾತು ನ್ಹೊತು.
\c 16
\s ಕ್ಹುದಾನಾ ಶಿಟ್ಟಕ್ಹು ಭರಲ ಸಾಮ್ನೊ
\p
\v 1 ಪಾಚಾ಼ತು ಆಲಯಮಾತು ಯಕ್ಕ ಮ್ಹೊಟು ಆವಾಜ಼ ಮನೆ ಐಕು ಐಯು. ತೆ ಆವಾಜ಼ ಕ್ಹಾತ ಕ್ಹುದಾನಾ ದುತೊನೆ"ತುಮೆ ಗೈನ ಕ್ಹಾತ ಸಾಮನೊಮಾ ರ‍್ಹಯಲ ಕ್ಹುದಾನಿ ಶಿಟ್ಟನೆ ದುನಿಯಾಪರ ರಿಚಾ಼ವೊ "ಕೈನ ಕದ್ಯು. 
\v 2 ಕ್ಹುದಾನೊ ಪಸ್ಟ ದುತ ಚಾ಼ಲ್ಯೊ. ತೆ ತಿನಾ ಸಾಮನಮಾ ರ‍್ಹಯಲ ದುನಿಯಾಪರ ರಿಚಾ಼ಯೊ. ತೆಳಾಮಾ ಕೆಟ್ಟ ಜಾನ್ವರನು ಗುರುತ ವ್ಹಂದಲ ವರಿ ತಿನಿ ಮುರತಿನೆ ಆರಾಧನಾ ಕರಾಲಾ ಮನಕ್ಹೊ ಕ್ಹಾರಾವೊನೆ ಅಸಯ್ಯ ವರಿ ದುಖನಾ ಘುಮ್ಡಾ ಥಯಾ. 
\v 3 ಬೆಂವಾ ಕ್ಹುದಾನೊ ದುತ ತಿನಾ ಸಾಮನಮಾ ರ‍್ಹಯಲ ಸಮುಂದರನಾ ಉಪ್ಪರ ರಿಚಾ಼ಯೊ. ತೆಳಾಮಾ ಸಮುಂದರ ಪಾನಿ ಮರಲ ಮನಕ್ಹೊನು ರಗತ ಲಿಂಗತ ಥಯು. ಸಮುಂದರಮಾ ರ‍್ಹಯಲ ಹರಯಕ್ಕ ಜಿವ ಪುರಾ ಮರಿ ಗಯೊ. 
\v 4 ತನ್ವಾ ಕ್ಹುದಾನು ದುತ ತಿನಾ ಸಾಮನಮಾ ರ‍್ಹಯಲ ನದಿನಾ ವರಿ ಪಾನಿನಾ ತಳಾ ಪರ ರಿಚಾ಼ಯೊ. ತೆಳಾಮಾ ನದಿಯೊ ವರಿ ಪಾನಿನಾ ತಳಾ ಕ್ಹಾರಾ ರಗತ ಥೈಗಯಾ. 
\v 5 ತೆಳಾಮಾ ಪಾನಿನೊ ಅಧಿಪತಿ ಥಯಲ ದುತ ಕ್ಹುದಾನೆ ಕದಲ ಮನೆ ಐಕು ಐಯು; "ತುಜ಼಼ ಕೆಳಾಮಾಬಿ ರ‍್ಹಯಲವಾಲೊ ವ್ಹೈ. ತು ಯಕ್ಕಲೊಜ಼ ಪರಿಶುದ್ಧ ವ್ಹೈ. ತು ದಿದಲ ಎ ಕ್ಹಾರಾ ಫೈಸಲಾ ತು ನ್ಯಾಯವಂತ ಥಯೊಸ. 
\v 6 ತೆ ಮನಕ್ಹೊ ತಾರಾ ಕ್ಹುಪಾನಾ ಮನಕ್ಹೊ ವರಿ ತಾರಾ ಪ್ರವಾದಿಯೊ ರಗತ ಚು಼ವಾಡ್ಯಾ. ತ್ಯುನೆ ಇನೆ ಲಾಯಕ ಛೆ. 
\v 7 ಯಜ್ಞವೆದಿತಾ ಅಮ್ಮ್ ಕದಲ ಐಕ್ಯೊ; "ಹೊ, ಕ್ಹುದಾ ಥಯಲ ಪ್ರಭು, ಸರವಶಕ್ಕತ, ತಾರಾ ಫೈಸಲಾ ಕ್ಹಾರಾ ಕ್ಹರಿನಾ ವ್ಹೈ ವರಿ ನ್ಯಾಯನಾ ವ್ಹೈ" 
\v 8 ಚಾರ‍್ವಾ ಕ್ಹುದಾನೊ ದುತ ತಿನಾ ಸಾಮನಮಾ ರ‍್ಹಯಲ ಸುರ‍್ಯಾನಾ ಉಪ್ಪರ ರಿಚಾ಼ಯೊ. ಮನಕ್ಹೊನೆ ಘನ್ನಾ ತಡಕಾಕ್ಹು ಬಪಾವಾನಿ ತಾಕತ ದಿದ್ಯೊ. 
\v 9 ಮನಕ್ಹೊ ಆಗ ಲಿಂಗತ ರ‍್ಹಯಲ ತಡಕಾಕ್ಹು ಬಪೈ ಗೈನ ಕ್ಹುದಾನಾ ನಾಮನೆ ಕ್ಹರಾಪ್ಯಾ. ಎ ತ್ರಾಸೊನೆ ಕ್ಹುದಾ ಯಕ್ಕಲೊಜ಼ ಹತೊಟಿಮಾ ಲಿವಾಲೊ ವ್ಹೈ. ತೆನೈಸೊ ಮನಕ್ಹೊ ತ್ಯುನಾ ಮನಸೊ ಜಿವಿತ ಬದ್ಲಿ ಕರಿಲಿದ್ಯಾ ನೈ. ಕ್ಹುದಾನಿ ಮಹಿಮಾ ಕರಾನೆ ವಪ್ಪಿಲಿದ್ಯಾ ನೈ. 
\v 10 ಪಾಂಚ಼ವಾ ಕ್ಹುದಾನೊ ದುತ ತಿನಾ ಸಾಮನಮಾ ರ‍್ಹಯಲ ತೆ ಕೆಟ್ಟ ಜಾನ್ವರನಾ ಸಿಂಹಾಸನನಾ ಉಪ್ಪರ ರಿಚಾ಼ಯೊ. ತೆ ಕೆಟ್ಟ ಜಾನ್ವರನಾ ರಾಜ್ಯಮಾ ಅಂದಾರು ಭರಿ ಗಯು. ಮನಕ್ಹೊ ದುಖಕ್ಹು ತ್ಯುನಾ ಜಿಬ್ಬೊ ಕಡ್ಡಿ ಲಿದ್ಯಾ. 
\v 11 ಮನಕ್ಹೊ ತ್ಯುನೊನೆ ಥಯಲ ಅರಯಾವೊಕ್ಹೊ ವರಿ ದುಖಕ್ಹು ಸ್ವರ್ಗಮಾ ರ‍್ಹಯಲ ಖರಾಪ್ಯಾ. ತೆ ತ್ಯುನೆ ಕರಾನಾ ಕೆಟ್ಟಕಾಮೊ ಛೊಡಿನ ತ್ಯುನಾ ಮನಸೊ ಬದಲಿ ಕರಾನೆ ವಪ್ಯಾ ನೈ. 
\v 12 ಛೆವಾ ದೆವದುತ ತಿಕನ ರ‍್ಹಯಲ ಸಾಮನ್ಮಾನು ಯುಫ್ರಟಿಸ ಮ್ಹೊಟಿ ನದಿಮಾ ನಾಕಿಪಾಡ್ಯೊ. ನದಿಮಾ ರ‍್ಹಯಲ ಪಾನಿ ಕ್ಹಾರುಜ಼ ವರೈ ಗಯು. ಇನಾ ಹುತಿ ಪುರ್ವ ದಿಕ್ಕಕಮಾ ರ‍್ಹಯಲ ರಾಜಾ಼ವೊನೆ ಆವಾನೆ ವಾಟ ಥೈ. 
\v 13 ತೆಳಾಮಾ ಬೆಂಡಕಾ ಲಿಂಗತ ರ‍್ಹಯಲ ತನ್ನ ಕೆಟ್ಟ ಆತ್ಮಾವೊನೆ ಮಿ ದೆಕ್ಯೊ. ತೆ ಬೆಂಡಕಿಯೊ ಮ್ಹೊಟಾ ಕ್ಹಾಪ್ನಾ ಮ್ಹೊಡಾಮಾತಿಯೊ, ಜಾನ್ವರನಾ ಮ್ಹೊಡಾಮಾತಿಯೊ ವರಿ ಸುಳ್ಳ ಪ್ರವಾದಿಯೊನಾ ಮ್ಹೊಡಾಮಾತಿಯೊ ಭಾರಿಯೊ ಐಯ್ಯೊ. 
\v 14 ತೆ ಕೆಟ್ಟ ಆತ್ಮಾವೊ ಸೈತಾನಿನಿಯೊ ಆತ್ಮಾವೊ ವ್ಹತ್ತಿಯೊ. ತ್ಯುನೊನೆ ಮ್ಹೊಟು ಅದ್ಭುತ ಕಾರಾನಿ ತಾಕತ ಛೆ. ಎ ಅಶುದ್ಧ ಆತ್ಮಾವೊ ಕ್ಹಾರವೊತಿ ತಾಕವರ ರ‍್ಹಯಲ ಕ್ಹುದಾನಾ ಮ್ಹೊಟಾ ದಿನ್ನಾ ದಿನೆ ಥಾವಾನು ಯುದ್ದೊನೆ ಕ್ಕಹಾರಿ ದುನಿಯಾಮಾ ರ‍್ಹಯಲ ರಾಜಾ಼ವೊನೆ ಮಳಾವಾನೆ ಭಾರಿಯೊ ಜಾ಼ವಸ. 
\v 15 "ಐಕೊ, ಮಿ ಚ್ವಟ್ಟ ಲಿಂಗತ ಔಸ. ಹುಷಾರ ರ‍್ಹೈನ ತಿನಾ ವಣ್ಣಾ ವಚಾ಼ಡಿಲಿವಾಲೊ ನಶಿಬವಾಲೊ ವ್ಹೈ. ತೆ ತೆಳಾಮಾ ವಣ್ಣಾ ಔಯಸೊ ಭಾರೊ ಗೈನ ಸರಮಾಯೆ ನೈಸೊ ಕರಲೆತೊ ನೈ" 
\v 16 ತೆ ಥಯಲಪರ ಕೆಟ್ಟ ಆತ್ಮಾವೊ ರಾಜಾ಼ವೊನೆ ಹಿಬ್ರೊ ಜಾ಼ತ್ಮಾ ಹರ್ಮೆಗೊದನ ಕವಾನು ನಾಮ ರ‍್ಹಯಲ ಜ಼ಗಾಪರ ಮಳಾಯಾ. 
\v 17 ಕ್ಹಾತ್ವಾ ದೆವದುತ ತಿಕನ ರ‍್ಹಯಲ ಸಾಮನಮಾನು ವಾರಾಮಾ ರಿಚಾ಼ಯೊ. ತೆಳಾಮಾ ಯಕ್ಕ ಮ್ಹೊಟಿ ಅವಾಜ಼ಮಾ ಕ್ಹುದಾನಿ ಆಲಯಮಾ ರ‍್ಹಯಲ ಸಿಂಹಾಸನಕಂತಿ ಆಲಯ ಲಕ್ಕಾ ಐ. ತೆ ಅವಾಜ಼ "ಖಲಾಸ ಥೈಗಯೊ" ಕೈನ ಕದ್ಯು. 
\v 18 ತೆಳಾಮಾ ಬಿಜ್ಲಿಯೊ ಅವಾಜ಼ೊ ಗುಡಗುಡಾನು ಶುರು ಥಯು ವರಿ ಭುಕಂಪ ಥಯು. ಮನಕ್ಹೊ ಜಿಮಿನಪರ ರ‍್ಹಯವಾನು ಶುರು ಕರಲ ಹುತಿ ತೆವು ಮ್ಹೊಟು ಭುಕಂಪ ಕೆಳಾಮಾಜ಼ ಥಯು ನ್ಹೊತು. 
\v 19 ತೆ ಮ್ಹೊಟು ಗಾಮ ಫುಟಿನ ತನ್ನ ಭಾಗ ಥಯಾ. ಜನಾಂಗೊನಾ ಗಾಮೊ ಹಾಳ ಥೈ ಗಯಾ. ಮ್ಹೊಟು ಗಾಮ ಥಯಲ ಬಾಬೆಲೊನನೆ ಕ್ಹುದಾ ಶಿಕ್ಷಾ ದಿದ್ಯಾವಾಚಿ ರ‍್ಹಯೊ ನೈ. ತೆ ತಿನಾ ಘನ್ನಿ ಶಿಟ್ಟ ಕವಾನಿ ದ್ರಾಕ್ಷಿಯೊನು ರ‍ಕ್ಹ ಕ್ಹು ಭರಲ ಸಾಮನ ತೆ ಗಾಮನೆ ಪಿವಾನೆ ದಿದ್ಯೊ. 
\v 20 ಕ್ಹಾರಿಯೊಜ಼ ದಿಪ ದಡಿ ಗಯ್ಯೊ ವರಿ ಡೊಂಗ್ರೊಜ಼ ನೈಸೊ ಥೈ ಗಯಾ. 
\v 21 ಹಬಾಳಮಾತು ಮನಕ್ಹೊಪರ ಮ್ಹೊಟಿಯೊ ಘಾರಗಿಯೊ ಪಡಿಯೊ. ತೆ ಘಾರಗಿಯೊ ಕಮ್ಮ ಜಾಸ್ತಿ 50 ಕಿಲೊ ಯಕ್ಲಾ ವಜ್ಜಿಯೊ ವ್ಹತ್ತಿಯೊ. ಎ ತ್ರಾಸೊಕ್ಹು ಮನಕ್ಹೊ ಕ್ಹುದಾನೆ ದ್ವೆಷ ಕರ‍್ಯಾ. ಎ ತ್ರಾಸೊ ಘನ್ನಿಯೊ ಮ್ಹೊಟಿಯೊ ವ್ಹತ್ತಿಯೊ.
\c 17
\s ಕ್ಹಾರಾವೊನೆ ಗ್ವತ್ತ ರ‍್ಹಯಲ ವ್ಯಬಿಚಾರ ಕರಾಲಿ ಬಾಕ್ಡಿ
\p
\v 1 ಕ್ಹಾತ ದೆವದುತೊಮಾನೊ ಯಕ್ಲೊ ಮಾರಾ ಕ್ಹಾತೆ ಬೊಲ್ಯೊ. ಕ್ಹಾತ ಸಾಮನೊ ವ್ಹಂದಲ ವಾಲಾವೊಮಾನೊ ಎಬಿ ಯಕ್ಲೊ ವ್ಹತ್ತೊ. ತೆ ದೆವದುತ"ಆ, ಘನ್ನಿ ಪ್ರಚಾರ ಥಯಲ ಯಕ್ಕ ಧಂದೊ ಕರಾಲಿ ಬಾಕ್ಡಿನೆ ದಿವಾನಿ ಶಿಕ್ಷಾ ಮಿ ತುನೆ ದೆಕಾಡುಸ. ಘನ್ನಾ ಪಾನಿಪರ ಬೈಟಲವಾಲಿ ತೆಜ಼ ವ್ಹೈ. 
\v 2 ದುನಿಯಾಮಾ ರ‍್ಹಯಲ ರಾಜಾ಼ ತಿನಾ ಕ್ಹಾತೆ ಮಳಿನ ಲೈಂಗಿಕ ಪಾಪ ಕರ‍್ಯಾ. ದುನಿಯಾಮಾ ರ‍್ಹಯಲ ಮನಕ್ಹೊ ತಿನು ಲೈಂಗಿಕ ಪಾಪ ಕವಾನು ದಾರು ಪಿನ ನಿಶಾ ಕರ‍್ಯಾ "ಕೈನ ಕದ್ಯೊ. 
\v 3 ತೆ ಥಯಲ್ಪರ ದೆವದುತ ಪವಿತ್ರ ಆತ್ಮಾಮಾ ರ‍್ಹಯಲವಾಲಾನೆ ಮನೆ ಉಚೈನ ಉಸುಕ ರ‍್ಹಯಲ ಜಿಮಿನಪರ ಲಿಂಗಯೊ. ತ್ಯಾ ಯಕ್ಕ ಬಾಕ್ಡಿ ಲಾಲ ರ‍್ಹಯಲ ಯಕ್ಕ ಜಾ಼ನವರಪರ ಬೈಟಲ ಮಿ ದೆಕ್ಯೊ. ತೆ ಜಾನ್ವರನಾ ಅಂಗಪರ ದೆವದುಶಣೆನಾ ನಾಮೊ ಬರ್ದಲ ವ್ಹತ್ತು. ತಿನೆ ಕ್ಹಾತ ಮಾತಾ ದಕ್ಹ ಶಿಂಗ್ಡಾ ವ್ಹತ್ತಾ. 
\v 4 ತೆ ಧೂಮ್ರ ವರಣ ವರಿ ಲಾಲ ಕಲರ‍್ನಾ ವಣ್ಣಾ ಘಾಲ್ಲಿದಿದತಿ. ತೆ ಘಾಲ್ಲಿದಲ ಕ್ಹೊನು ರತ್ನ, ಮುತ್ತ, ವರಿ ಘನ್ನಾ ಸಾಮ್ನೊ ಕ್ಹು ಉಟಿನ ದಿಕ್ಹಾಡಿತಿ. ತಿನಾ ಹತ್ಮಾ ಕ್ಹೊನಾನಿ ವಾಟಕಾ ಧರಲಿದಿತಿ. ತೆ ವಾಟ್ಕಾಮಾ ಹಸೈ ಕ್ಹು ವರಿ ತೆ ಕರಾನಾ ಲೈಂಗಿಕ ಪಾಪೊ ಕ್ಹು ಅಶುದ್ಧ ಕ್ಹು ಭರಿ ಗೈತು. 
\v 5 ತಿನಾ ಮಾತಾಪರ ಬರ್ದಲ ರ‍್ಹೈ. ತೆ ಬರ್ದಲನೆ ಗುಡಾರಥ ರ‍್ಹೈ. ತ್ಯಾ ಬರ್ದಲ ಅಮ್ಮ ರ‍್ಹೈ;
\p "ಬಾಬಿಲೊನ ಕವಾನು, ಮ್ಹೊಟು ಗಾಮ ಜಿಮಿನ್ಪರ ರ‍್ಹಯಲ ಕೆಟ್ಟ ಕಾಮೊನೆ ವರಿ ವೈಬಿಚಾರ ಕರಾಲಿಯೊನಿಯೊ ಯಾ" 
\v 6 ತೆ ಬಾಕ್ಡಿ ಪಿನ ನಿಶಾಮಾ ರ‍್ಹಯಲ ಮಿ ದೆಕ್ಯೊ. ತೆ ಕ್ಹುದಾನಾ ಪರಶುದ್ಧ ರ‍್ಹಯಲ ಮನಕ್ಹೊನು ರಗತ ಪಿನ ನಿಶಾಮಾ ವ್ಹತ್ತಿ. ಯೆಸುಮಾ ತ್ಯುನೊನೆ ರ‍್ಹಯಲ ಬರೊಕ್ಹೊನಾ ಹುತಿ ಕದಲ ಮನಕ್ಹೊನು ರಗತ ತೆ ಪಿನ ನಿಶಾಮಾ ವ್ಹತ್ತಿ. ತೆ ಬಾಕ್ಡಿನೆ ಮಿ ದೆಕ್ತಾಮಾ ಮಿ ಘನ್ನೊ ಘಾಬ್ರೊ ಥಯೊ. 
\v 7 ತೆಳಾಮಾ ದೆವದುತ ಮನೆ"ತು ಕಾ ಘಾಬ್ರೊ ಥಯೊ? ಎ ಬಾಕ್ಕಡಿನು ಗುಡಾರಥ ವರಿ ಎ ಚ಼ಡಿನ ಜಾ಼ವಾನು ಕ್ಹಾತ ಮಾತಾ ವರಿ ದಕ್ಹ ಶಿಂಗ್ಡಾ ರ‍್ಹಯಲ ಜಾನ್ವರನು ಗುಡಾರಥ ಮಿ ತುನೆ ಕೌಸ. 
\v 8 ತು ದೆಕಲ ಎ ಜಾನ್ವರ ಯಕ್ಕ ಟೈಮ್ಮಾ ಜಿವ್ತು ವ್ಹತ್ತು, ಹಮ್ನಾ ನತ್ತಿ. ತೆನೈಸೊ ತೆ ಜಾನ್ವರ ಪಾತಾಳಮಾತು ಜಿ಼ವ್ತು ಥೈನ ಉಪ್ಪರ ಉಟಿನ ಆಯಲ್ಪರ ಹಾಳ ಥಾವಸ. ದುನಿಯಾಮ ಜಿವ್ನಾ ಕರಾಲಾ ಮನಕ್ಹೊ ತೆ ಜಾನ್ವರನೆ ದೆಕಿನ, ತೆ ಯಕ್ಕ ಕಾಲ್ಮಾ ಜಿವ್ತು ವ್ಹತ್ತು, ಹಮ್ನಾ ನತ್ತಿ. ತೆನೈಸೊ ವರಿ ತೆ ಆವಸ ಕೈನ ಘಾಬ್ರಾ ಥಾವಸ. ದುನಿಯಾ ತಯ್ಯಾರ ಥಾವಾತಿ ಅಗ್ದುರತುಜ಼಼ ಜಿವಭಾದೆ ಬುಕ್ಮಾ ಎ ಮನಕ್ಹೊನು ನಾಮ ಬರ್ದಲ ನತ್ತಿಜ಼. 
\v 9 ಇನೊ ಮತ್ಲಬ ಕಳೈಲಿವಾನೆ ಗ್ಯಾನ ಚಾ಼ಯೆ. ತೆ ಜಾನ್ವರನಾ ಕ್ಹಾತ ಮಾತಾ ತೆ ಬಾಕ್ಡಿ ಬೈಟಾನಾ ಕ್ಹಾತ ಡೊಂಗ್ರೊ ವ್ಹೈ. ತೆ ಕ್ಹಾತ ರಾಜಾ಼ ವ್ಹೈ. 
\v 10 ಪಾಂಚ಼ ರಾಜಾ಼ ತ್ಯುನು ರಾಜ್ಯ ಥೈ ಗಯುಸು. ಯಕ್ಕಲೊಜ಼ ರಾಜೊ಼ ಹಮ್ನಾ ಜಿವ್ತೊ ಛೆ. ಲಾಸ್ಟನೊ ರಾಜೊ಼ ಆವಸ. ತೆ ಐನ ದಕ್ಹೊಜ಼ ಟೈಮ ರ‍್ಹವಸ. 
\v 11 ಯಕ್ಕ ಕಾಲ್ಮಾ ಜಿವ್ತೊ ರ‍್ಹಯಲ, ಹಮ್ನಾ ತೆ ಜಿವ್ತೊ ನೈ ರ‍್ಹಯಲ ಎ ಜಾನ್ವರ ಆಟ್ವಾ ರಾಜೊ಼ ವ್ಹೈ. ಎ ಆಟ್ವಾ ರಾಜೊ಼ ಕ್ಹಾತ ರಾಜಾ಼ವೊನಾ ಕ್ಹಾತೆ ರ‍್ಹಯಲ ವಾಲೊ ವ್ಹೈ. ತೆ ಹಾಳ ಥಾವಸ. 
\v 12 "ತು ದೆಕಲ ದಕ್ಹ ರಾಜಾ಼ವೊನೆ ತೆಜ಼ ದಕ್ಹ ಶಿಂಗ್ಡಾ ವ್ಹೈ. ಹಜು಼ನ ತ್ಯುನಾ ರಾಜ್ಯ ಪಡ್ದಿಲಿದ್ಯಾ ನತ್ತಿ. ತೆನೈಸೊ ತ್ಯುನೆ ರಾಜ಼ ಕರಾನೊ ಅದಿಕಾರ ಜಾನ್ವರಾನಾ ಕ್ಹಾತೆ ಯಕ್ಕ ತಾಸ ಪಡ್ದಿಲಿವಸ. 
\v 13 ದಕ್ಹೆ ರಾಜಾ಼ವೊನು ವಿಚಾರ ಯಕ್ಕಜ಼ ರ‍್ಹವಸ. ತ್ಯುನೆ ತ್ಯುನೊ ಅದಿಕಾರ ವರಿ ತಾಕತ ತೆ ಜಾನ್ವರನೆ ದಿವಸ. 
\v 14 ತ್ಯುನೆ ಕ್ಹಾರಾ ಬಕ್ರಾನು ಬಚ್ಚು಼ ಥಯಲ ಕ್ಹಾದ್ದ ಕರಸ. ತೆನೈಸೊ ಬಕ್ರಾನು ಥಯಲ ವಾಲೊ ಪ್ರಭುವೊನೊ ಪ್ರಭು ರ‍್ಹಯಲ ಹುತಿ ರಾಜಾ಼ವೊನಪರ ರಾಜೊ಼ ರ‍್ಹಯಲ ಹುತಿ ತ್ಯುನೊನೆ ಸೊಲ್ಸಾವಸ. ತಿನಾ ಕ್ಹಾತೆ ತೆ ಬಲಾಯಲ ಮನಕ್ಹೊ ವರಿ ತಿನೆ ಬರೊಕ್ಹೊ ಕರಿನ ತಿನಾ ಪಾಚಾ಼ ಆಯಲ ಮನಕ್ಹೊ ವರಿ ತೆ ಇನಿಲಿದಲ ಮನಕ್ಹೊ ಬಿ ವ್ಹತ್ತಾ "ಕೈನ ಕದ್ಯೊ" 
\v 15 ತೆ ಥಯಲ್ಪರ ದೆವದುತ ಮನೆ ಅಮ್ಮ ಕದ್ಯೊ; "ತೆ ಧಂದೊ ಕರಾಲಿ ಬೈಟಲ ಪಾನಿನೆ ತು ದೆಕ್ಯೊ. ಎ ಪಾನಿನು ವಳಕ ಸು ವ್ಹೈ ಕದ್ಯಾಮ ದುನಿಯಾಮಾ ರ‍್ಹಯಲ ಮನಕ್ಹೊ ಕ್ಹಾರಾ ಖಾಂದಾನಾನಾ ವರಿ ಘನ್ನಿ ತರಾನಿ ಜಾ಼ತಜ಼ ವಳಕ ವ್ಹೈ. 
\v 16 ತು ದೆಕಲ ತೆ ಜಾನ್ವರ ವರಿ ದಕ್ಹ ಸಿಂಗ್ಡಾ ತೆ ಧಂದೊ ಕರಾಲಿನೆ ದ್ವೆಶ ಕರಸ. ತಿಕನ ರ‍್ಹಯಲ ಕ್ಹಾರುಜ಼ ಕಿತ್ತಿಲಿನ, ತಿನೆ ಭೊಗ್ಳಿ ಕರಿನ ಛೊಡಸ. ತ್ಯುನೆ ತಿನು ಖೈನ, ತಿನೆ ಆಗ್ಮಾ ಬಾಳಿ ಪಾಡಸ. 
\v 17 ತಿನು ಕಾಮ ಕರು ಕೈನ ಆಸ ಕ್ಹು ಕ್ಹುದಾ ತೆ ರಾಜಾ಼ವೊನೆ ತಯ್ಯಾರ ಕರ‍ಲ ಹುತಿ ತ್ಯುನೆ ರಾಜ಼ ಕರಾನೆ ರ‍್ಹಯಲ ಅದಿಕಾರ ಜಾ಼ನ್ವರನೆ ದಿವಾನೆ ಮನಸ ಕರ‍್ಯಾ. ಕ್ಹುದಾ ಕದಲ ಕ್ಹಾರುಜ಼ ಪುರಾ ಥಾಯೆಲಕ್ಕಾ ತ್ಯುನೆ ರಾಜ಼ ಕರಸ. 
\v 18 ತು ದೆಕಲ ಬಾಕ್ಡಿ ದುನಿಯಾಮಾ ರ‍್ಹಯಲ ರಾಜಾ಼ವೊನೆ ಆಲಾನಿ ಮ್ಹೊಟು ಗಾಮ ವ್ಹೈ.
\c 18
\s ಬಾಬಿಲೊನ ಹಾಳ ಥಯು
\p
\v 1 ಪಾಚಲ್ತೊ ಬಿಜೆಕ ದೆವದುತ ಸ್ವರಗತೊ ಆವಾನು ಮಿ ದೆಕ್ಯೊ. ಎ ದೆವದುತನೆ ಮ್ಹೊಟಿ ಅದಿಕಾರ ವ್ಹತ್ತಿ. ಎ ದೆವದುತ ಜಿಮಿನ್ಪರ ಮಹಿಮಾನಿ ಉಜಾಲು ಲಾಯು. ದೆವದುತ ತಿನಿ ತಾಕತ ನಿ ಅವಾಜ಼ ಕ್ಹು ಜೊ಼ರ ವದರ‍್ಯೊ; 
\v 2 "ತೆ ಹಾಳ ಥೈ! ಬಾಬಿಲೊನ ಕವಾನು ಮ್ಹೊಟು ಗಾಮ ಹಾಳ ಥಯು! ತೆ ಭುತ್ಡಾ ರ‍್ಹವಾನಿ ಜ಼ಗಾ ಥೈ ಗೈ, ಕ್ಹಾರಿ ಅಶುದ್ಧ ಆತ್ಮಾ ತ್ಯಾಜ಼ ರ‍್ಹೈ ಗೈಯೊ. ಹಸೈ ವರಿ ಅಶುದ್ಧ ರ‍್ಹಯಲ ಪಕ್ಕಷಿಯೊನೆ ಆಸ್ರೊ ಥೈ" 
\v 3 ಕ್ಹುದಾನಿ ಶಿಟ್ಟ ಕವಾನು ವರಿ ತಿನು ಲೈಂಗಿಕ ಪಾಪ ಕವಾನು ದ್ರಾಕ್ಷಾರಸ ಕವಾನು ದುನಿಯಾಮಾನಾ ಮನಕ್ಹೊ ಪಿನ ನಿಶಾ ಕರಲಿದ್ಯಾ. ಜಿಮಿನಪರ ರ‍್ಹಯಲ ರಾಜಾ಼ ಕ್ಹಾರಾ ತಿನಾ ಕ್ಹಾತೆ ವೈಭಿಚಾರ ಕರ‍್ಯಾಸ. ತಿನೆ ಸಾತ ದಿದಲವಾಲಾ ದುನಿಯಾಮಾನಾ ಘನ್ನಾ ಮನಕ್ಹೊ ತಿನಿ ಘನ್ನಿ ಸುಕಾಕ್ಹು ಸೌಕಾರ ಥಯಾ. 
\v 4 ಪಾಚಾ಼ತು ಸ್ವಗ್ರಮಾ ಬಿಜೆಕ ಅವಾಜ಼ ಅಮ್ಮ ಕವಾನು ಮಿ ಐಕ್ಯೊ" ಮಾರಾ ಮನಕ್ಹೊ, ತುಮೆ ತೆ ಗಾಮ್ಮಾತಾ ಭಾರಾ ಐಪಡೊ. ತೆಳಾಮಾ ತುಮೆ ಘನ್ನಾ ಪಾಪ ಕರಾಲಾ ಥಾತಾ ನೈ; ತಿನೆ ಥಾವಾನು ತ್ರಾಸ ತುಮಾರಾ ಕ್ಹಾತೆ ಥಾತು ನೈ. 
\v 5 ತೆ ಗಾಮ್ನಾ ಪಾಪೊ ಸ್ವರ್ಗನೆ ಮುಟ್ಟಾ ಯಕ್ಲಾ ಬೆಳ್ದಿನ ಹುಬ್ರಯಾಸ. ತೆ ಕರಲ ಕೆಟ್ಟ ಕಾಮೊ ಕ್ಹುದಾ ಇಕ್ಹರ‍್ಯೊ ನತ್ತಿ. 
\v 6 ತೆ ಗಾಮ ಬಿಜಾ಼ವೊನೆ ದಿದಲ ಲಿಂಗತಜ಼ ತುಮೆ ತಿನೆ ದಿವೊ. ತೆ ಕರಲನೆ ತಿನೆ ಬೆ ಯಕ್ಲು ಜಾಸ್ತಿ ತಿನೆ ದಿವೊ. ತೆ ಬಿಜಾ಼ವೊನೆ ದಿದಲ ದ್ರಾಕ್ಕಷಾರಸತಿಬಿ ತುಮೆ ತಿನೆ ಬೆ ಯಕ್ಲು ಜಾಸ್ತಿ ಘಟ್ಟ್ಟ ರ‍್ಹಯಲ ದ್ರಾಕ್ಕಷಾರಸ ತಿನೆ ತಯ್ಯಾರ ಕರಿನ ದಿವೊ. 
\v 7 ತೆ ತಿನೆ ಘನ್ನಿ ವೈಭವಕ್ಹು ಜಿವ್ನಾ ಕರಿ. ತಿನಾಹುತಿ ತಿನೆ ತಿನಾ ತಕ್ಕ ತಿನೆ ತ್ರಾಸ ವರಿ ಸುಖಾ ಆವಾನಾ ವರಕ್ಹು ಕರೊ. ‘ಮಿ ಸಿಂಹಾಸನ್ಪರ ಬೈಟಲ ರಾಣಿ ವ್ಹೈ. ಮಿ ರಾಂಡಿ ನ್ಹವೈ, ಮಿ ಕೆಳಾಮಾಜ಼ ರೊತಿ ರ‍್ಹತಿ ನೈ’ ಕೈನ ತಿನಾಕ್ಹು ತೆಜ಼ ಕೈಲಿವಸ. 
\v 8 ತಿನಾಹುತಿ ತಿನೆ ಮರಣ, ರವಾನು, ಘನ್ನೊ ರೊಗೊ ಕವಾನಾತ್ರಾಸೊ ಯಕ್ಕಜ಼ ದಿನ್ಮಾ ಆವಸ. ತಿನೆ ಫೈಸಲೊ ಕರಲ ಕ್ಹುದಾ ಥಯಲ ಪ್ರಭು ಘನ್ನೊ ತಾಕತವಾಲೊ ರ‍್ಹಯಲ ಹುತಿ ತೆ ಆಗಕ್ಹು ಹಾಳ ಥೈಜಾ಼ವಸ. 
\v 9 "ತಿನಾಕ್ಹಾತೆ ಲೈಂಗಿಕ ಪಾಪ ಕರಿನ ತಿನಿ ಆಸ್ತಿಮಾ ವಾಟಾಮಾ ರ‍್ಹಯಲ ವಾಲಾ ದುನಿಯಾಮಾ ರ‍್ಹಯಲ ರಾಜಾ಼ ತೆ ಬಳಿನ ರಾಕಮಾತೊ ಆವಾನೊ ಧವಾಂಡೊ ದೆಕಿನ ತೆ ರಾಜಾ಼ ಘನ್ನಾ ರ‍್ಹವಸ ವರಿ ದುಖ ಪಡಸ. 
\v 10 ತಿನು ಥಾವಾನಾ ತ್ರಾಸ ದೆಕಿನ ರಾಜಾ಼ ಭುಚಿ಼ಕಿನ ದುರ ಹುಬ್ರೈನ ಅಮ್ಮ ಕವಸ ಅಯ್ಯೊ-ಅಯ್ಯೊ ಮ್ಹೊಟು ಗಾಮ ಘನ್ನು ತಾಕತ ವರ ಥಯಲ ಬಾಬಿಲೊನ ಗಾಮ ಯಕ್ಕಜ಼ ತಾಸ್ಮಾ ತುನೆ ದಂಡನೆ ಥೈಗೈತೊ! 
\v 11 "ಭುಲೊಕ್ಮಾ ರ‍್ಹಯಲ ಮನಕ್ಹೊ ಬಾಬಿಲೊನಾ ಹುತಿ ರ‍್ಹವಸ ವರಿ ದುಖಿ ಥಾವಸ. ತ್ಯುನೆ ಇಕ್ಕಕಾನು ಸಾಮನ ಲಿವಾನಾ ಹುತಿ ಕುನ್ನಜ಼ ನೈ ರ‍್ಹಯಲ ಹುತಿ ತ್ಯುನೆ ದುಖಿ ಥಾವಾಸ. 
\v 12 ತ್ಯುನೆ ಕ್ಹೊನು, ರುಪ್ಪು, ರತ್ನ, ಮುತ್ತೊ, ಘನ್ನು ನರಮ ರ‍್ಹಯಲ ನಾರುಮಡಿ, ಧೂಮ್ರ ವರಣನಾ ಫಡಕಾ, ರೆಷಮಾ, ರಕ್ಕತಾಂಬರ, ಕ್ಹಾರಾ ತರಾನು ಮೊಗಾನು ಝಾಡಕ್ಹು, ತಾಂಬಾಕ್ಹು, ಲ್ಹೊಡಾಕ್ಹು ವರಿ ಚಂದ್ರಕಾಂತ ಶಿಲೆ ಎ ಕ್ಹಾರು ಇಕ್ಕಸ. 
\v 13 ತೆ ವ್ಯಾಪರ ಕರಾಲಾ ದಾಲ್ಚಿನಿ, ಸಾಂಬರನೊ ಮಸಾಲೊ ಉದ, ಬಾಸ್ನು ತೆಲ, ಸಾಂಬ್ರಾಣಿ, ದ್ರಾಕ್ಕಷಾರಸ ವರಿ ಓಲಿವ ತೆಲ, ನರಮ ಲೊಟ, ಘೌ, ಢೊರೊ ಗೈಯ್ಯೊ, ಬಕ್ರಾ, ಘೊಡಾ, ರಥಾ, ಮನಕ್ಹೊನೆ ಗುಲಾಮೊ ಕರಿ ಇಕ್ಕಸ. ಇಕ್ಕಾಲಾ ಇಮ್ಮ ಕವಸ; 
\v 14 ಬಾಬೆಲೊನಿ ತು ಆಸ ಕರಲ ಪ್ಹಲ ತುಕ್ಹು ದುರ ಥಯು. ತಾರು ಕ್ಹಾರು ವೈಭವ ತುಕನ ರ‍್ಹಯಲ ಸೌಕಾರತನಾ ವರಿ ತಯ್ಯಾರ ಕರಾನು ಸಾಮನ ದಡಿ ರ‍್ಹೈ ಗಯುಸ. ತೆ ಕ್ಹಾರು ತು ವರಿ ಕೆಳಾಮಾಜ಼ ಪಡತ್ತು ನೈ. 
\v 15 "ತೆ ವ್ಯಾಪಾರಿಯೊ ತಿನೊ ತ್ರಾಸ ದೆಕಿನ ಭುಚಿ಼ಕಿನ ತಿಕಂತಾ ಘನ್ನಾ ದುರ ಗೈನ ಹುಬ್ರವಸ. ತೆ ಕ್ಹಾರು ಸಾಮನ ತಿನಿ ಇಕ್ಕಿನ ಸೌಕಾರ ಥಯಲವಾಲೊ ಇವ್ನೆಜ಼ ವ್ಹೈ. 
\v 16 ತ್ಯುನೆ ದುಖ ಕ್ಹು ಉಳ್ಯಾಡತಾ ಅಮ್ಮ ಕವಸ ಅಯ್ಯೊ, ಅಯ್ಯೊ, ಮ್ಹೊಟು ಗಾಮ"ತೆ ನರಮ ರ‍್ಹಯಲ ವಣ್ಣಾ, ಧುಮ್ರವರಣನಾ ವಣ್ಣಾನಾ ವರಿ ರಕ್ಕತಾಂಭರನಾ ಸಾಮನೊಕ್ಹು ತಯ್ಯಾತ ಥೈತಿ. ತೆ ಕ್ಹೊನು, ರತ್ನ, ಮುತ್ತೊಕ್ಹು ಚೊ಼ಕಿ ದಿಕ್ಹಾಡಿತಿ! 
\v 17 ಎ ಕ್ಹಾರಿ ಸೌಕಾರತನಾ ಯಕ್ಕಜ಼ ತಾಸ್ಮಾ ಹಾಳ ಥೈತೊ"ಹಡಗಾನಾ ಮಾಲಕೊ ಹಡಗಾಮಾ ಜಾ಼ವಾಲಾ ಕ್ಹಾರಾ ಮನಕ್ಹೊ ಹಡಗಾ ಚ಼ಲಾವಾಲಾ ಸಮುಂದರಕ್ಹು ದೊಕಡಾ ಕಮಾವಾಲ ಮನಕ್ಹೊ ದುರ ಹುಬ್ರೈನ. 
\v 18 ಬಾಬಿಲೊನನಾ ಬಳಾನಿಕ್ಹು ಆವಾನೊ ಧವಾಂಡೊ ದೆಕಿನ ತ್ಯುನೆ ಝೊರ ಅವಾಜ಼ ಕ್ಹು, ತೆ ಗಾಮೊ ಲಿಂಗತ ರ‍್ಹಯಲ ಮ್ಹೊಟಾ ಗಾಮೊ ವ್ಟಜ಼ ನ್ಹೊತು. ಕೈನ ಕದ್ಯಾ. 
\v 19 ತ್ಯುನೆ ತ್ಯುನಾ ಮಾತಾವೊಪರ ಧುಳ್ಳ ರಿಚೈ಼ಲಿನ, ದುಖಕ್ಹು ರೊತಾ ಅಮ್ಮ ಕದ್ಯಾ; ಅಯ್ಯೊ!, ಅಯ್ಯೊ!, ಎ ಮ್ಹೊಟಾ ಗಾಮ್ನೆ ಕೈ ಗತ್ತಿ ಥೈ! ಸಮುಂದರ ಪರಲ್ಯಾ ಹಡಗಾವೊನಾ ಮಾಲಕೊ. ತಿನಿಕ್ಹು ಸೌಕಾರ ಥಯಾ! ತೆನೈಸೊ ಯಕ್ಕಜ಼ ತಾಸ್ಮಾ ಹಾಳ ಥೈಗೈ! 
\v 20 ಸ್ವರ್ಗ, ಇನಾಹುತಿ ತು ಖುಶಿ ಥಾ! ಕ್ಹುದಾನಾ ಪರಿಶುದ್ಧ ಮನಕ್ಹೊ, ಅಪೊಸ್ತಲೊ, ಪ್ರವಾದಿಯೊ, ತುಮೆ ಖುಶ ಕರೊ! ತೆ ತುಮೊನೆ ಕರಲ ಕೆಟ್ಟಕ್ಹು ಕ್ಹುದಾ ತಿನೆ ಶಿಕ್ಷಾ ದಿದ್ಯೊ" 
\v 21 ಪಾಚಲ್ತೊ ಘನ್ನೊ ತಾಕತವರ ಥಯಲ ಬಿಜೆಕ ದೆವದುತ ಯಕ್ಕ ಮ್ಹೊಟೊ ದಗ್ಡೊ ಉಚೈನ. ತೆ ದಗ್ಡೊ ದೆವದುತ ತೆ ದಗ್ಡೊ ಸಮುಂದರಮಾ ನಾಕಿನ ಅಮ್ಮ ಕದ್ಯೊ; "ಮ್ಹೊಟು ಗಾಮ ಥಯಲ ಬಾಬಿಲೊನ ಇನಾಲಿಂಗತಜ಼ ನಕೈ ಜಾ಼ವಸ. ಎ ಗಾಮ ಕೆಳಾಮಾಜ಼ ದಿಕ್ಹತು ನೈ. 
\v 22 ಹಾರಪ ವರಿ ಘನ್ನಾ ವಜಾ಼ಡಾನಾ ಮನಕ್ಹೊ ಮೆಜಿಕ, ಪಾಂಯೊ ವರಿ ಪಿಂಗಿಯೊ ವಜಾ಼ಡಾಲಾ ಮನಕ್ಹೊ ಮೆಜಿಕ ತುಕಂತು ಕೆಳಾಮಾಜ಼ ಐಕು ಆತು ನೈ. ಬಡಗ್ಯಾನು ಕಾಮ ಕರಾಲಾ ತುಕನ ಕೆಳಾಮಾಜ಼ ಮಳತಾ ನೈ. ದಳಾನು ಅವಾಜ಼ ತುಕಂತು ಕೆಳಾಮಾಜ಼ ಐಕು ಆತು ನೈ. 
\v 23 ದಿವ್ವೊ ತುನೆ ಕೆಳಾಮಾಜ಼ ಉಜಾಲು ದೆತೊ ನೈ. ನೌರಾ ನೌರಿನು ಅವಾಜ಼ ಕೆಳಾಮಾಜ಼ ತುಕಂತು ಐಕು ಆತು ನೈ. ತಾರಾ ವ್ಯಾಪಾರಿಯೊ ದುನಿಯಾಮಾ ಮ್ಹೊಟಾ ಮನಕ್ಹೊ ಥಯಾ. ತು ಕರಾನು ಮಾಟಾ ಮಂತ್ರಾಕ್ಹು ತಾರಾ ಕ್ಹಾರಾ ಜಾ಼ತನಾ ಮನಕ್ಹೊ ಮಳ್ಳ ಥಯಾ. 
\v 24 ತೆ‍ ಪ್ರವಾದಿಯೊನೆ, ಕ್ಹುದಾನಾ ಪರಿಶುದ್ಧ ಮನಕ್ಹೊ ವರಿ ಜಿಮಿನಪರ ಖಲಾಸ ಥಯಲ ಕ್ಹಾರಾ ರಗತ ಚು಼ವೈನ ಅಪರಾದಿ ಥೈ.
\c 19
\s ಸ್ವರ್ಗಮಾ ರ‍್ಹಯಲ ಕ್ಹುದಾನೆ ಸ್ತೊತ್ರಾ
\p
\v 1 ಎ ಥಯಲ್ಪರ, ಸ್ವರ್ಗಮಾ ಘನ್ನಾ ಮನಕ್ಹೊನು ಘನ್ನು ಝೊರ ವದ್ರಾನು ಅವಾಜ಼ ರ‍್ಹಯಲ ಲಿಂಗತ ಅವಾಜ಼ ಐಕ್ಯೊ. ತೆ ಮನಕ್ಹೊ ಅಮ್ಮ ಕವಾಡ್ಯಾತಾ" ಹಲ್ಲೆಲುಯಾ, ಪ್ರಭಾವ ಅದಿಕಾರ ಹಮಾರಾ ಕ್ಹುದಾನೆಜ಼ ವ್ಹೈ. 
\v 2 ತೆ ಕರಾನಾ ಫೈಸ್ಲಾ ಕ್ಹರಿಕ್ಹು ವರಿ ನ್ಯಾಯ ಕ್ಹು ವ್ಹೈ. ಅಪ್ನೊ ಕ್ಹುದಾ ಧಂದೊ ಕರಾಲಿನೆ ಶಿಕ್ಷಾ ದಿದ್ಯೊ. ತೆ ಕರಾನಾ ಲೈಂಗಿಕ ಪಾಪೊಕ್ಹುಜ಼ ದುನಿಯಾ ಕೆಟ್ಟಿ ಗೈ. ತೆ ತಿನಾ ಸೆವಕೊನು ರಗತನಾ ಪ್ರತಿ ತೆ ಶಿಕ್ಷಾ ತೆ ಧಂದೊ ಕರಾಲಿನೆ ಶಿಕ್ಷಾ ದಿದ್ಯೊ" 
\v 3 ಎನೈಸೊ ಸ್ವರ್ಗಮಾ ತೆ ಸು ಕದ್ಯಾ ಕದ್ಯಾಮ" ಹಲ್ಲೆಲುಯಾ! 
\v 4 ತೆಳಾಮಾ 24 ಮನಕ್ಹೊ ಮ್ಹಹೊಟಾ ಮನಕ್ಹೊ ಚಾರ ಜಿವಿಯೊ ಸಿಂಹಾಸನ್ಪರ ಬೈಟಲಾವಾಲಾ ಕ್ಹುದಾನೆ ಅಡ್ಡ ಪಡಿ ನಮಸ್ಕಾರ ಕರ‍್ಯಾ. ಆರಾಧನಾ ಹಲ್ಲೆಲುಯಾ ಕರ‍್ಯಾ.
\s ಬಕ್ರಾನಾ ಬಚ್ಚಾನು ಹಿವಾನು ಅನ್ನ
\p
\v 5 ತೆ ಥಯಲ್ಪರ ಸಿಂಹಾಸನ ಕಂತಾ ಆಯಲ ಯಕ್ಕ ಅವಾಜ಼ ಕ್ಹುದಾನಾ ಕ್ಹಾರಾ ಆಳೊ ತ್ಯುನೊಮಾ ಭೆ ರ‍್ಹಯಲ ಮ್ಹೊಟಾ ನ್ಹಾನಾ ಅಪ್ನಾ ಕ್ಹುದಾನೆ ಕೊಂಡಾಡೊ ಕೈನ ಕದ್ಯು. 
\v 6 ತೆ ಥಯಲ್ಪರ ಮನೆ ಬಿಜೆ ಅವಾಜ಼ ಐಕು ಐಯು. ತೆ ಘನ್ನಾ ಮನಕ್ಹೊನಾ ಗುಂಪನಿ ಅವಾಜ಼ ಲಿಂಗತ ಜಲಪ್ರವಾಹ ಲಿಂಗತ ಅವಾಜ಼ ವ್ಹತ್ತು. ಬಿಜಿಲಿನಾ ಲಿಂಗತ ಅವಾಜ಼ ವ್ಹತ್ತು. ತೆ ಅಮ್ಮ ಕದ್ಯು. ಹಲ್ಲೆಲುಯಾ ಅಪ್ನೊ ಕ್ಹುದಾ ಥಯಲ ಪ್ರಭು ಆಳಾನೆ ಚಾಲು ಕರ‍್ಯೊ. ತೆ ಕ್ಹರಿಕ್ಹು ತಾಕತ ವಾಲೊ ವ್ಹೈ. 
\v 7 ಅಪೆ ಕ್ಹಾರಾ ಖುಶಿ ಕರಿಯೆ! ಕ್ಹುದಾನಿ ಮಹಿಮಾ ಕರಿಯೆ. ಬಕ್ರಾನು ಬಚ್ಚು಼ ಥಯಲವಾಲೊ ಹಿವಾನಾ ದಿನೊ ಆವಾಡೊಸ ಕೈನ ಕ್ಹುದಾನೆ ಮಹಿಮಾ ಕರ‍್ಯಾ. 
\v 8 ನರಮ ರ‍್ಹಯಲ ಚೊ಼ಕಾ ವಣ್ಣಾ ನೌರಾನೆ ಘಾಲ್ಲಿವಾನೆ ದಿದ್ಯಾ. ತೆ ಚೊ಼ಕಾ ವಣ್ಣಾ ಉಜಾಲ ಲಿಂಗತ ವ್ಹತ್ತಾ. ವರಿ ಘನ್ನಾ ಹಸಾ ವ್ಹತ್ತಾ. 
\v 9 ತೆಳಾಮಾ ದೆವದುತ ಮನೆ ಅಮ್ಮ ಕದ್ಯೊ. "ಅಮ್ಮ ಬರದ; ಬಲಿನೆ ಬಕ್ರಾನು ಬಚ್ಚು಼ ಥಯಲವಾಲಾನಾ ಹಿವಾಮಾಬ ಬಲಾಯಲ ಮನಕ್ಹೊ ಧನ್ಯ ವ್ಹೈ" ತೆ ಥಯಲ್ಪರ ದೆವದುತ"ಎ ಕ್ಹಾರಿಯೊ ವಾತೊ ಕ್ಹರಿನಿಯೊ ವ್ಹೈ ಕೈನ ಕದ್ಯೊ. 
\v 10 ತೆಳಾಮಾ ಮಿ ದೆವಧೂತನೆ ಆರಾಧನಾ ಕರಾನಾ ಹುತಿ ತಿನಾ ಪಗೊ ಕ್ಹಾಮೊ ಅಡ್ಡ ಪಾಡ್ಯೊ. ತೆನೈಸೊ ದೆವದುತ ಮನೆ "ಮನೆ ಆರಾಧನಾ ಕರು ನಕೊ. ಯೆಸುನು ಕ್ಹರಿ ವಳಕಲವಾಲೊ ತರಾ ಲಿಂಗತ ವರಿ ತಾರಾ ಭಾಯೊ ಲಿಂಗತ ಮಿಬಿ ಯಕ್ಕ ಸೆವಕ ವ್ಹೈ. ತಿನಾ ಹುತಿ ಕ್ಹುದಾನೆ ಆರಾಧನಾ ಕರ! ಕಾಕದ್ಯಾಮ ಯೆಸು ಕ್ಹರಿ ವ್ಹೈ ಕೈನ ಪ್ರವಾದನೆಜ಼ ಸಾಕ್ಷಿ ವ್ಹೈ" ಕದ್ಯೊ.
\s ಧೊಳಾ ಘೊಡಾಪರ ಬೈಟಲವಾಲೊ
\p
\v 11 ಪಾಚಲ್ತೊ ಸ್ವರ್ಗ ಖುಲ್ಲಾಥಾವಾನು ಮಿ ದೆಕ್ಯೊ. ಮಾರಾ ಕ್ಹಾಮೊ ಯಕ್ಕ ಧೊಳೊ ಘೊಡೊ ವ್ಹತ್ತೊ. ತೆ ಘೊಡಾಪರ ಬೈಟಲವಾಲಾನು ನಮ ಬರೊಕ್ಹಾವಾಲೊ ವರಿ ಕ್ಹರಿನೊ ವ್ಹೈ. ತಿನಾ ಫೈಸ್ಲಾಮಾ ವರಿ ಯುದ್ದಮಾ ಕ್ಹರಿಕ್ಹು ಫೈಸಲೊ ರ‍್ಹವಸ. 
\v 12 ತಿನಾ ಡೊಳಾ ಆಗ್ನಿ ಕಂಡಾಲಿಂಗತ ವ್ಹತ್ತಾ. ತಿನಾ ಮಾತಾಪರ ಘನ್ನಾ ಕಿರಿಟೊ ವ್ಹತ್ತಾ. ತಿಪರ ಯಕ್ಕ ನಾಮ ಬರ್ದಲ ವ್ಹತ್ತು, ತೆನೈಸೊ ತೆ ನಾಮನೊ ಮತ್ಲಬ ತಿನೆ ಯಕ್ಕಜ಼ ವ್ಹರತಾಗಿ ಬಿಜಾ಼ ಕಿನೆಜ಼಼ ಗ್ವತ್ತ ನಹೊತು. 
\v 13 ತೆ ರಗತಮಾ ಭರಿಗಯಲ ಮ್ಹೊಟು ಅಂಗ್ಡು ಘಾಲ್ಲಿದ್ಯೊತೊ. ತಿನು ನಾಮ "ಕ್ಹುದಾನಿ ವಾಕ್ಯಾ ವ್ಹೈ" 
\v 14 ಸ್ವರ್ಗಮಾ ರ‍್ಹಯಲ ಸೈನಿಕೊ ಧೊಳಾ ಘೊಡಾವೊಪರ ಬೈಟಿನ ತಿನಾ ಪಾಚಾ಼ ಆವಡ್ಯಾತಾ. ತ್ಯುನೆ ಧೊಳಾ ವರಿ ನರಮ ರ‍್ಹಯಲ ವಣ್ಣಾ ಘಾಲ್ಲಿದ್ಯಾತಾ. 
\v 15 ಘೊಡಾಪರ ಬೈಟಲವಾಲಾನಾ ಮ್ಹೊಡಾಮಾ ಧಾರ ರ‍್ಹಯಲ ಯಕ್ಕ ತಲ್ವಾರ ಭಾರಿ ಆವಾಡಿತಿ. ತೆ ಲ್ಹೊಡಾನಿ ಬಾರ ಕ್ಹು ಜನಾಂಗೊನೆ ಆಳಸ. ತೆ ಕ್ಹಾರಾವೊತಿ ತಾಕತವರ ಥಯಲ ಕ್ಹುದಾನಿ ಶಿಟ್ಟ ದ್ರಾಕ್ಕಷಿಯೊನೆ ಚಿಕ್ಕಲಲ ಲಿಂಗತ ಚಿಕ್ಕಲಿ ಪಾಡಸ. 
\v 16 ತಿನಾ ಮ್ಹಟಾ ಅಂಗ್ಡಾಪರ "ರಾಜಾ಼ವೊನೊ ರಾಜ಼ೊ ವರಿ ಪ್ರಭುವೊನೊ ಪ್ರಭು" ಕೈನ ಬರ್ದಲ ರ‍್ಹೈ. 
\v 17 ತೆ ಥಯಲ್ಪರ ಯಕ್ಕ ದೆವದುತ ಸುರ್ಯಾಪರ ಹುಬ್ರಯಲ ಮಿ ದೆಕ್ಯೊ. ತೆ ದೆವದುತ ಹಬಾಳಮಾ ಉಡಾನಿಯೊ ಪಕ್ಕಷಿಯೊನೆ ಅಮ್ಮ ಕವಾಡೊತೊ"ಕ್ಹುದಾ ಘಾಲಾನು ಮ್ಹೊಟು ಖೌನೆ ಮಳಿನ ಆವೊ. 
\v 18 ತುಮೆ ರಾಜಾ಼ವೊನು ವರಿ ಸಹಸ್ರಾದಿಪತಿಯೊನೆ ವರಿ ಪ್ರಸದ್ದಿ ಥಯಲ ಮನಕ್ಹೊನಾ ಖಾವಾನೆ ಮಳಿನ ಆವೊ. ಘೊಡಾವೊನೊ ಘೊಡವೊಪರ ಬೈಟಲವಾಲೊವೊನೆ ಸ್ವತಂತ್ರ ಥಯಲ, ಗುಲಾಮೊನೆ, ನ್ಹಾನವೊನೆ ಮ್ಹೊಟಾವೊನಾ ಅಂಗ ಖಾವಾನೆ ಆವೊ" 
\v 19 ಪಾಚಲ್ತೊ ಮಿ ದುನಿಯಾಮಾ ರ‍್ಹಯಲ ಮನಕ್ಹೊನೆ ವರಿ ಜಾನ್ವರೊನೆ ದೆಕ್ಯೊ. ತ್ಯುನೆ ಘೊಡಾಪರ ಬೈಟಲವಾಲಾನಾ ವರಿ ತಿನಾ ಸೈನಿಕೊಪರ ಯುದ್ದ ಕರಾನಾ ಹುತಿ ತ್ಯುನಾ ಸೈನಿಕೊನೆ ಮಳಾಯಾ. 
\v 20 ತೆನೈಸೊ ತೆ ಜಾನ್ವರನೆ ಸುಳ್ಳ ಪ್ರವಾದಿಯೊನೆ ಧರ‍್ಯಾ. ಎಜ಼ ಸುಳ್ಳ ಪ್ರವಾದಿ ಜಾನ್ವರನಾ ಹುತಿ ಅದ್ಭುತ ಕರಲವಾಲೊ. ಎ ಸುಳ್ಳ ಪ್ರವಾದಿ ಜಾನ್ವರನಿ ವಳಕ ಘಲೈಲಿದಲವಾಲೊ ವರಿ ತಿನಾ ಮೊರತಿಯೊನೆ ಆರಾಧನಾ ಕರಲ ಮನಕ್ಹೊನೆ ಮಳ್ಳ ಕರಾನಾಹುತಿ ಎ ಅದ್ಭುತ ಕರ‍್ಯೊ. ಎ ಸುಳ್ಳ ಪ್ರವಾದಿನೆ ಜಾನ್ವರನೆ, ಆಗನಿ ಇರಮಾ ಜಿವ್ತಾವೊನೆ ನಾಕಿಪಾಡ್ಯಾ. 
\v 21 ತ್ಯುನಿ ಸೈನ್ಯಾ ಘೊಡಡಪರ ಬೈಟಲವಾಲಾನಾ ಮ್ಹೊಡಾಮಾತಿ ಆಯಲ ತಲ್ವಾರಕ್ಹು ಖಲಾಸ ಥಯಾ. ತ್ಯುನಾ ಅಂಗೊನೆ ಪಕ್ಕಷಿಯೊ ಪೆಟ ಭರಿನ ಖೈ ಪಾಡಿಯೊ.
\c 20
\s ಯಕ್ಕ ಹಜಾ಼ರ ವರಕ್ಹ
\p
\v 1 ತೆಳಾಮಾ ಸ್ವರ್ಗಮಾತೊ ದೆವದುತ ಹೆಟೊ ಆವಾನು ಮಿ ದೆಕ್ಯೊ. ತೆ ದೆವದುತ ಪಾತಾಳನಿ ಚಾವಿಜ಼ ತಿಕನ ವ್ಹತ್ತಿ ವರಿ ಮ್ಹೊಟಿ ಬೆಡಿಯೊ ತಿನಾ ಹತ್ಮಾ ವತಿ. 
\v 2 ತೆ ಜು಼ನ್ನೊ ಮ್ಹೊಟೊ ಕ್ಹಾಪನೆ ಧರ‍್ಯೊ. ತೆಜ಼ ಮ್ಹೊಟೊ ಕ್ಹಾಪಜ಼ ಸೈತಾನ ವ್ಹೈ. ದೆವದುತ ಸೈತಾನನೆ ಬೆಡಿಯೊಕ್ಹು ಭಾಂದಿನ ಯಕ್ಕ ಹಜಾ಼ರ ವರಕ್ಹ ಬಂದನಮಾ ಮ್ಹೆಲ್ಯೊ. 
\v 3 ತೆ ದೆವದುತ ತೆ ಮ್ಹೊಟಾ ಕ್ಹಾಪನೆ ಪಾತಾಳಮಾ ಢಕ್ಕಲಿನ ಬಾಕಲ ಘಾಲಿನ ಚಾವಿ ಘಾಲ್ಯೊ, ತೆ ಮ್ಹೊಟೊ ಕ್ಹಾಪ ಹಜಾ಼ರ ವರಕ್ಹ ಥಾಯೆಲಕ್ಕಾ ದುನಿಯಾಮಾ ರ‍್ಹಯಲ ಮನಕ್ಹೊನೆ ಮಳ್ಳ ಕರಲ ಹುತಿ ತೆ ದೆವದುತ ಇಮ್ಮ ಕರ‍್ಯೊ. ಯಕ್ಕ ಹಜಾ಼ರ ವರಕ್ಹ ಥಯಲ್ಪರ ತೆ ಮ್ಹೊಟಾ ಕ್ಹಾಪನೆ ದಕ್ಹಾದಿನ್ನ ಬಿಡುಗಡೆ ಕರಸ. 
\v 4 ತೆ ಥಯಲ್ಪರ ಮಿ ದಕ್ಹಾ ಸಿಂಹಾಸನೊ ವರಿ ತ್ಯುನೊಪರ ಬೈಟಲ ಮನಕ್ಹೊನೆ ದೆಕ್ಯೊ. ತ್ಯುನೊನೆ ಮನಕ್ಹೊನೆ ಫೈಸಲೊ ಕಾರಾನೊ ಅದಿಕಾರ ವ್ಹಂದಿಲಿದ್ಯಾತಾ. ಯೆಸುನಾ ಕ್ಹರಿನೆ ವರಿ ಕ್ಹುದಾನಾ ಸಂದೆಶನೆ ಬರೊಕ್ಹೊ ಕರಲವಾಲಾಮ ರ‍್ಹೈನ ತಿನಾಹುತಿ ಖಲಾಸ ಥಯಲವಾಲಾ ಜ಼ಲಮನಿ ಆತ್ಮಾವೊನೆ ಮಿ ದೆಕ್ಯೊ. ತೆ ಮನಕ್ಹೊ ಜಾನ್ವರನೆ ರ‍್ಹೈನೆ ಕಾ ವರಿ ತಿನಿ ಮೊರತಿನೆ ರ‍್ಹೈನೆಕಾ ಆರಾಧನಾ ಕರ‍್ಯಾನ್ಹೊತಾ. ತ್ಯುನೆ ತಿವ್ನಾ ಮಾತಾಪರ ನೈತೊ ಹತೊಪರ ರ‍್ಹೈನೆಕಾ ತೆ ಜಾನ್ವರನೊ ಸಿಕ್ಕಕೊ ಘಲೈ ಲಿದ್ಯಾ ನ್ಹೊತಾ. ತೆ ಮನಕ್ಹೊ ವರಿ ಜಿವ್ತಾ ಥೈನ ಕ್ರಿಸ್ತನಾ ಕ್ಹಾತೆ ಯಕ್ಕ ಹಜಾ಼ರ ವರಕ್ಹ ರಾಜ಼ ಕರಸ. 
\v 5 ಮರಿ ಗಯಲ ಬಿಜಾ಼ ಮನಕ್ಹೊ ಯಕ್ಕ ಹಜಾ಼ರ ವರಕ್ಹ ಪುರಾ ಥಯಲಕ್ಕಕಾ ಜಿವ್ತಾ ನ್ಹೊತಾ. ಎಜ಼ ಪೈಲಾನು ಪುನುಥಾನ ವ್ಹೈ. 
\v 6 ಪೈಲಾನಾ ಪುನರುತ್ಥಾನಮಾ ಮಳಾಲಾ ಪವಿತ್ರ ವರಿ ಧನೈ ಥಯಾಸ. ಎ ಮನಕ್ಹೊಪರ ಬೆವಾ ಮರಣನೊ ಅದಿಕಾರ ನತ್ತಿ. ತೆ ಮನಕ್ಹೊ ಕ್ಹುದಾನೆ ವರಿ ಕ್ರಿಸ್ತನೆ ಯಾಜಕೊ ಥೈನ ರ‍್ಹವಸ. ತ್ಯುನೆ ತ್ಯುನಾ ಕ್ಹಾತೆ ಹಜಾ಼ರ ವರಕ್ಹ ರಾಜ಼ ಕರಸ.
\s ಸೈತಾನ ಹಾರಿಗಯಲ
\p
\v 7 ಯಕ್ಕ ಹಜಾ಼ರ ವರಕ್ಹ ಥಯಲ್ಪ, ಸೈತಾನನೆ ಭಾಂದಿನ ಘಾಲಲಮಾತಾ ಛೊ಼ಡಸ. 
\v 8 ಸೈತಾ ಗೊಗ ವರಿ ಮಾಗೊಗ ಜಾ಼ತವಲಾವೊನೆ ಮೊಸ ಕರಾನೆ ಬೊಲೊಕ್ಕಮಾ ಗೈನ ತೆ ಮನಕ್ಹೊನೆ ಯುದ್ದಕರಾನಾ ಹುತಿ ಮಳಾವಸ. ತ್ಯುನೆ ಕ್ಹಾರಾ ಸಮುಂದರನಿ ದಂಡಿಮಾ ರ‍್ಹಯಲ ಉಸುಕ ಲಿಂಗತ ಮೊಜಾ಼ನೆ ಔ ನೈಸೊ ಯಕ್ಲಾ ರ‍್ಹವಸ. 
\v 9 ಸೈತಾನನಿ ಸೆನಾ ಕ್ಹಾರಿ ಜಿಮಿನ್ಪರ ಶಿಸ್ತಕ್ಹು ಚಾ಼ಲಿನ ಕ್ಹುದಾನಾ ಮನಕ್ಹೊನಾ ಗುಂಪನಾ ಸುತ್ತೆ ಕ್ಹುದಾನು ಮಯಾನಾ ಗಾಮ್ನಾ ಸುತ್ತೆ ಮಳ್ಯಾ. ತೆನೈಸೊ ಸ್ವರಗಮಾತಿ ಉತ್ತರಿನ ಆಯಲ ಆಗ ತ್ಯುನೊನೆ ಹಾಳ ಕರಿಪಾಡಿ 
\v 10 ಸೈತಾನನೆ ಬಳತಿ ರ‍್ಹಯಲ ಆಗನಿ ಇರಮಾ ನಕೈ ಗಯೊ. ತ್ಯಾ ಜಾನ್ವರಬಿ ವ್ಹತ್ತಿ, ಸುಳ್ಳ ಪ್ರವಾದಿಯೊಬಿ ವ್ಹತ್ತಾ. ತ್ಯಾ ತ್ಯುನೆ ಹಮೆಶಾಬಿ ದಿನ್ನ ರಾತ ತ್ರಾಸ ಖಾವಸ.
\s ಲಾಸ್ಟನೊ ಫೈಸಲೊ
\p
\v 11 ತೆ ಥಯಲ್ಪರ ಮಿ ಬಿಜೆಕ ಮ್ಹೊಟಿ ಸಿಂಹಾಸನ ತೆ ಸಿಂಹಾಸನ್ಪರ ಬೈಟಲವಾಲಾನೆ ದೆಕ್ಯೊ. ತಿನಾ ಕ್ಹಾಮಾತಿ ಜಿಮಿನ ವರಿ ಹಬಾಳ ಗೈನ ದಡಿರ‍್ಹೈಗಯು. 
\v 12 ಮರಿಗೈಲವಾಲಾವೊಮಾ ನ್ಹಾನಾ ಮ್ಹೊಟಾ ಮನಕ್ಹೊ ತೆ ಸಿಂಹಾಸನ್ನಾ ಕ್ಹಾಮಾ ಹುಬ್ರಾಯಾತಾ. ತೆಳಾಮಾ ಜಿವಭಾದ್ಯ ಪುಸ್ತಕ ಖಲ್ಲಾ ಕರ‍್ಯಾ. ಬಿಜಾ಼ ಪುಸ್ತಕೊಬಿ ಖುಲ್ಲಾ ಕರಿನ ಮುಕ್ಕಯಾತಾ. ಮರಿಗಯಲ ಮನಕ್ಹೊ ವರಿ ತ್ಯುನೆ ಕರಲ ಕ್ಹಾರಾ ಕಾಮೊನೆ ದೆಕಿನ ತ್ಯುನೊ ಫೈಸಲೊ ಕರ‍್ಯಾ. ಎ ಕ್ಹಾರು ಪುಸ್ತಕೊಮಾ ಬರ್ದಲ ಛೆ. 
\v 13 ಸುಮುದ್ರಮಾ ಪಡಿನ ಮರಲ ಮನಕ್ಹೊನೆ ತೆ ಸಮುಂದರ ವಪ್ಸಿನ ದಿದ್ಯು. ಮೃತ್ಯು ಪಾತಾಳಮಾ ರ‍್ಹಯಲ ಮನಕ್ಹೊನೆ ವಪ್ಸಿನ ದಿದ್ಯು. ಹರಿ ಯಕ್ಕ ಮನಕ್ಹೊನೆ ತ್ಯುನಾ ಕಾಮೊನಾ ತಕ್ಕ ಫಸ್ಲೊ ಥಯೊ. 
\v 14 ಪಾಚಾ಼ತಾ ಮೃತ್ಯುನೆ ವರಿ ಪಾತಳನೆ ಆಗನಿ ಇರಮಾ ನಾಕಾ ಲಗಾಡ್ಯಾ. ಎ ಆಗನಿ ಇರ ಬೆವಾ ಮರಣ ವ್ಹೈ. 
\v 15 ಜಿವ ಭಾದ್ಯ ಪುಸ್ತಕ್ಕಮಾ ಕಿನೊ ನಾಮ ಬರ್ದಲ ನತ್ತಿ ತೆ ಮನಕ್ಹನೆ ತೆ ಆಗನಿ ಇರಮಾ ನಾಕಾಲಗಡಸ.
\c 21
\s ನವು ಹಬಾಳ ವರಿ ನವು ಜಿಮಿನ
\p
\v 1 ತೆ ಥಯಲ್ಪರ ನೌ ಸ್ವರಗಲೊಕ ವರಿ ನೈ ಜಿಮಿನ ಮಿ ದೆಕ್ಯೊ. ಪೈಲಾನು ಸ್ವರಗಲೊಕ ವರಿ ಪೈಲಾನಿ ಜಿಮಿನ ದಡಿ ರ‍್ಹೈ ಗಯುತು ತ್ಯಾ ಸಮುಂದರ ನ್ಹೊತು. 
\v 2 ಪರಿಶುದ್ಧ ಗಾಮ ಸ್ವರಗತು ಕ್ಹುದಾಕಂತು ಉತ್ರಿನ ಅವಾನು ಮಿ ದೆಕ್ಯೊ. ತೆ ಪರಿಶುದ್ಧ ಗಾಮಜ಼ ನೌ ಯೆರುಸೆಲೆಮ ವ್ಹೈ. ನೌರಿ ತಿನಿ ನೌರಾನಾ ಹುತಿ ತೆ ತಯ್ಯಾರ ಥಯಲ ಲಿಂಗತ ತಿನೆ ತಯ್ಯಾರ ಕರ‍್ಯಾತಾ. 
\v 3 ಸಿಂಹಾಸನಕಂತು ಯಕ್ಕ ಝೊರ ಅವಾಜ಼ ಮಿ ಐಕ್ಯೊ. ತೆ ಅವಾಜ಼ ಕ್ಹುದಾನು ಘರ ಮನಕ್ಹೊನಾ ಕ್ಹಾತೆ ಛೆ. ತೆ ತ್ಯುನಾ ಕ್ಹಾತೆ ರ‍್ಹವಸ. ತ್ಯುನೆ ತಿನಾ ಥೈನ ರ‍್ಹವಸ. ಕ್ಹುದಾಜ಼ ತ್ಯುನಾ ಕ್ಹಾತೆ ರ‍್ಹವಸ. ವರಿ ತ್ಯುನೊ ಕ್ಹುದಾ ಥೈನ ರ‍್ಹವಸ. 
\v 4 ಕ್ಹುದಾ ತ್ಯುನಾ ಡೊಳಾಮಾನು ಪಾನಿ ನುಚ್ಚಿ ಪಾಡಸ. ತ್ಯಾ ಮರಣ ಕವಾನುಜ಼ ರ‍್ಹತು ನೈ, ದುಖ ರ‍್ಹತು ನೈ, ರವಾನು ರ‍್ಹತು ನೈ ವರಿ ಜುನ್ನಿಯೊ ವಾಟೊಜ಼ ಗೈಪಡಿಯೊ "ಕೈನ ಕದ್ಯು. 
\v 5 ಸಿಂಹಾಸನ್ಪರ ಬೈಟಲವಾಲೊ"ದೆಕ ಮಿ ನೌ ತರಾನು ಕ್ಹಾರುಜ ತಯ್ಯಾರ ಕರುಸ" ಕೈನ ಕದ್ಯೊ. ತೆ ಥಯಲ್ಪರ ಎ "ಕ್ಹಾರಿಯೊ ವಾಕ್ಯಾ ಕ್ಹರಿನಿಯೊ ವ್ಹೈ ಕೈನ ನಂಬಾನಾ ಹುತಿ ಎ ಕ್ಹಾರುಜ಼ ಬರದ" ಕೈನ ಕದ್ಯೊ. 
\v 6 ಸಿಂಹಾಸನ್ಪರ ಬೈಟಲವಾಲೊ ಮನೆ ಅಮ್ಮ ಕದ್ಯೊ; "ಕ್ಹಾರುಜ಼ ಪುರಾ ಥಯು! ಮಿಜ಼ ಆದಿ ವ್ಹೈ ಮಿಜ಼ ಅಂತ್ಯ ವ್ಹೈ. ಮಿಜ಼ ಶುರು ವ್ಹೈ ಮಿಜ಼ ಸಮಾಪ್ತಿ ವ್ಹೈ. ಪಾನಿನಿ ತರಕ್ಹ ರ‍್ಹಯಲವಾಲಾವೊನೆ ಮಿ ಜ಼ಲಮ್ನು ಘನ್ನು ಪಾನಿ ಪುಶಕ್ಕಯಾಟಿ ದ್ಯುಸ. 
\v 7 ಝಿತ್ತಾಲಾನೆ ಎ ಕ್ಹಾರು ಮಳಸ. ಮಿತಿನೊ ಕ್ಹುದಾ ಥೈನ ರ‍್ಹೌಸ, ತೆ ಮಾರೊ ದಿಕ್ರೊ ಥೈನ ರ‍್ಹವಸ. 
\v 8 ತೆನೈಸೊ ಭುಚ್ಕವಾವೊಲನೆ ಬರೊಕ್ಹೊ ನೈಸೊ ವಾಲಾವೊನೆ, ವ್ಹಲಸ ಕಾಮೊ ಕರಾಲಾವೊನೆ, ಮನಕ್ಹೊನೆ ಖಲಾಸ ಕರಾಲಾವೊನೆ, ಲೈಂಗಿಕ ಪಾಪೊ ಕರಾಲಾವೊನೆ, ಮಾಟಾ ಮಂತ್ರಾ ಕರಾಲಾವೊನೆ, ಮೊರತಿಯೊನೆ ಆರಾಧನಾ ಕರಾಲಾವೊನೆ, ಸುಳ್ಳ ಕವಾಲಾವೊನೆ ಮಳಾನಿ ಜ಼ಗಾ ಆಗ ರ‍್ಹಯಲ ಇರಜ಼ ವ್ಹೈ ಎ ಭೆವಾ ಮರಣ ವ್ಹೈ.
\s ನವು ಯೆರುಸಲೆಮ
\p
\v 9 ಲಾಸ್ಟನಾ ಕ್ಹಾತ ತ್ರಾಸಸೊ ತ್ಯುನಾ ಸಾಮ್ನೊಮಾ ಭರಲಿದಲ ಕ್ಹಾತ ದೆವದುತೊಮಾ ಯಕ್ಲೊ ಮಕನ ಐನ ಮಾರಾ ಕ್ಹಾತೆ ಬಕ್ರಾನು ಬಚ್ಚು಼ ಥಯಲವಾಲಾನಿ ಬೈಕೊನ ಥಾವಾಲಿನ ನೌರಿನೆ ಮಿ ತುನೆ ದೆಕಾಡುಸ" ಕೈನ ಕದ್ಯೊ. 
\v 10 ತೆ ದೆವದುತ ಪವಿತ್ರ ಆತ್ಮಾಮಾ ರ‍್ಹಯಲವಾಲಾ ಮನೆ ಘನ್ನು ಮ್ಹೊಟು ರ‍್ಹಯಲ ಡೊಂಗರಪರ ಮನೆ ಬಲೈನಿಂಗಯೊ. ದೆವದುತ ಪವಿತ್ರ ರ‍್ಹಯಲ ಯೆರುಸೆಲೆಮ ಗಾನ್ಮೆ ದೆಕಾಡ್ಯೊ. ತೆ ಗಾಮ ಸ್ವರಗಮಾತು ಕ್ಹುದಾಕಂತು ಉತ್ರಿನ ಆವಾಡ್ಯುತು. 
\v 11 ತೆ ಗಾಮ ಕ್ಹುದಾನಿ ಮಹಿಮಾಕ್ಹು ಮಿಂಚಾ಼ಡ್ಯುತು. ತೆ ಘನ್ನು ಮೊಗು ವಜ್ರಾಲಿಂಗತ ಮಿಂಚಾ಼ಡ್ಯುತು. ಮೊಗಾನು ರತ್ನ ಲಿಂಗತ ಮಿಂಚಾ಼ಡ್ಯುತು. 
\v 12 ತೆ ಗಾಮ್ನೆ ಬಾರಾ ಬಾಕ್ಲೊ ರ‍್ಹಯಲ ಯಕ್ಕ ಮ್ಹೊಟಿ ಗೊಡಿ ವ್ಹತ್ತಿ. ತೆ ಬಾಕ್ಕಲೊನಾ ಕ್ಹಾಮೊ ಬಾರಾ ದೆವದುತೊ ವ್ಹತ್ತಾ. ಹರಿ ಯಕ್ಕ ಬಾಕಲಪರ ಎಸ್ರೆಲನಾ ಬಾರಾ ಜಾ಼ತವಾಲಾವೊನಾಮಾ ಯಕ್ಕಜ಼ ಜಾ಼ತನು ನಾಮ ಬರ್ದಲ ವ್ಹತ್ತು. 
\v 13 ಪುರವದಿಕ್ಕಕಮಾ ತನ್ನ ಬಾಕ್ಲೊ, ದಕ್ಕಷಿಣ ದಿಕ್ಕಕಮಾ ತನ್ನ ಬಾಕ್ಲೊ, ವರಿ ಪಶ್ಚಿಮ ದಿಕ್ಕಕಮಾ ತನ್ನ ಬಾಕ್ಲೊ ವ್ಹತ್ತಾ. 
\v 14 ತೆ ಗಾಮ್ನಿಯೊ ಗೊಡಿಯೊ ಬಾರಾ ಫಾಯಾ ದಗ್ಡಾವೊಪರ ಭಾಂದ್ಯಾತಾ. ತೆ ಫಾಯಾನಾ ದಗ್ಡಾವೊಪರ ಬಕ್ರಾನು ಬಚ್ಚು಼ ಥಯಲವಾಲಾವೊನಾ ಬಾರಾ ಅಪೊಸ್ತಲೊನಾ ನಾಮೊ ಬರದ್ಯಾತಾ. 
\v 15 ಮಾರಾ ಕ್ಹಾತೆ ಬೊಲಲ ದೆವದುತಕನ ಕ್ಹೊನಾನಿ ಅಳತಿ ಕರಾನಿ ಪಟ್ಟಿ ರ‍್ಹೈ. ತೆ ಗಾಮನೆ ವರಿ ತಿನಾ ಬಾಕ್ಕಲೊನೆ ವರಿ ಗೊಡಿಯೊನೆ ತೆ ಕ್ಹೊನಾನಿ ಪಟ್ಟಿಕ್ಹು ಅಳತಿ ಕರಾಡೊತೊ. 
\v 16 ತೆ ಗಾಮ ಚೌಕ ಆಕಾರಮಾ ಕರಲ ರ‍್ಹೈ. ತೆಕೆಕ್ಕಲು ಉಚ್ಚು಼ ವ್ಹತ್ತು ತೆಕ್ಲುಜ಼ ಲಾಂಬು ರ‍್ಹೈ. ದೆವದುತ ತೆ ಪಟ್ಟಿಕ್ಹು ತೆ ಗಾಮನೆ ಅಳತಿ ಕರ‍್ಯೊ. ತೆ ಗಾಮ 1,500 ಮೈಲ ಲಾಂಬಾಮಾ 1,500 ಚೌಕಮಾ ರ‍್ಹೈ ವರಿ 1,500 ಉಚ್ಚು಼ ರ‍್ಹೈ. 
\v 17 ದೆವದುತ ಗೊಡಿಯೊ ಅಳತಿ ಕರ‍್ಯೊ. ತೆ ಮನಕ್ಹೊನಾ ಮೊಳಾಮಾ 216 ಪುಟ ರ‍್ಹೈ. ದೆವದುತ ಉಪಯೊಗ ಅಳತಿ ಕರಲಜ಼ ಎಜ಼ ವ್ಹೈ. 
\v 18 ಗೊಡಿಯೊ ಸುರ‍್ಯಕಾಂತ ಶಿಲೆ ಕ್ಹು ತಯ್ಯಾರ ಕರ‍್ಯಾತಾ. ಗಾಮ ಕಾಂಚ಼ನಾ ಲಿಂಗತ ಕ್ಹೊನಾಮಾ ತಯ್ಯಾರ ಕರ‍್ಯಾತಾ. 
\v 19 ಗಾಮನಿಯೊ ಗೊಡಿಯೊ ಪ್ಹಾಯಾನಾ ದಗ್ಡಾವೊಮಾ ಕ್ಹಾರಾ ತರಾನಾ ಮೊಗಾನಾ ರತ್ನೊ ವ್ಹತ್ತಾ. ಪೈಲಾನೊ ಮುಲಾನೊ ದಗ್ಡೊ ವಜ್ರಾನೊ, ಬೆವಾ ವೈಢುರ‍್ಯಾ, ತನ್ವಾ ಪಚ್ಚೆ, 
\v 20 ಚಾರವಾನು ಪದ್ಮರಾಗ ಪಾಂಚ಼ವಾ ಗೊಮೆದಿಕ, ಛೆವಾ ಮಾಣಿಕ್ಕಯ, ಕ್ಹಾತ್ವಾ ಪಿತರತ್ನ, ಆಟ್ವಾ ಬೆರುಲ್ಲ, ನೌವಾ ಪುಷ್ಯರಾಗ ದಕ್ಹವಾ ಗರುಡಪಚ್ಚೆ, ಗ್ಯಾರವಾ ಇಂದ್ರನಿಲ ವರಿ ಬಾರವಾ ನಿಲಸ್ಫಟಿಕ. 
\v 21 ಬಾರಾ ಬಾಕ್ಲೊ ಬಾರಾ ಮುತ್ತೊ ಥಯಾತಾ. ಹರಿಯಕ್ಕ ಬಾಕಲ ಯಕೆಕ ಮುತ್ತ ಲಿಂಗತ ವ್ಹತ್ತಾ. ತೆ ಗಾಮ್ನಿ ಒಣಿಯೊ ಅರಕ್ಹಾ ಲಿಂಗತ ಶುದ್ಧ ವ್ಹತ್ತಿಯೊ ವರಿ ತೆ ಕ್ಹೊನಾಕ್ಹು ಕರಲ ರ‍್ಹೈ. 
\v 22 ಮಿ ಗಾಮ್ಮಾ ಯಕ್ಕ ಆಲಯಬಿ ದೆಕ್ಯೊ ನೈ. ಕ್ಕಹಾರಾವೊಕ್ಹು ತಾಕತ ವರ ರ‍್ಹಯಲ ಕ್ಹುದಾ ಪ್ರಭು ವರಿ ವರಿ ಬಕ್ರಾನು ಬಚ್ಚು಼ ಥಯಲ ತೆ ಗಾಮ್ನು ಆಲಯ ಥಯಾಸ. 
\v 23 ತೆ ಗಾಮಪರ ಸುರ‍್ಯೊ ರ‍್ಹೈನೆಕಾ ಚ಼ಂದಪ್ಪಾ ರ‍್ಹೈನೆಕಾ ಉಜಾಲು ದಿವಾ ವರಕ್ಹು ನ್ಹೊತು. ಕ್ಹುದಾನಿ ತಾಕತಜ಼ ತೆ ಗಾಮನೆ ಉಜಾಲು ದಿವಾಡ್ಯುತು. ಬಕ್ರಾನು ಬಚ್ಚು಼ ಥಯಲವಾಲೊ ತೆ ಗಾಮನೆ ಲೈಟ ಥಯೊಸ. 
\v 24 ಬಕ್ರಾನು ಬಚ್ಚು಼ ಥಯಲವಾಲು ದಿವಾನಾ ಉಜಾಲಾಕ್ಹುಜ಼ ದುನಿಯಾಮಾ ರ‍್ಹಯಲ ಮನಕ್ಹೊ ಚಾ಼ಲಸ. ದುನಿಯಾಮಾ ರ‍್ಹಯಲ ರಾಜಾ಼ ತ್ಯುನಿ ಕ್ಹಾರಿ ಆಸ್ತಿ. ತೆ ಗಾಮನೆ ಲಾವಸ. 
\v 25 ತೆ ಗಾಮನು ಬಾಕಲ ಕೆಳಾಮಾಜ಼ ಝಾಕಲ ರ‍್ಹತುನೈ. ಕಾಕದ್ಯಾಮ ತ್ಯಾ ರಾತ ಕವಾನುಜ಼ ನತ್ತಿ. 
\v 26 ಜಾ಼ತೊನೆ ರ‍್ಹಯಲ ಮರ್ಯಾದಿ ವರಿ ವೈಭವ ತೆ ಗಾಮನೆ ಆವಸ. 
\v 27 ಪರಿಶುದ್ಧ ನೈ ರ‍್ಹಯಲ ಗಾಮೊ ತೆ ಗಾಮ್ಮಾ ಆತುಜ಼಼ ನೈ. ಮರ್ಯಾದಿ ಕಾಡಾನಾ ಕಾಮೊ ಕರಾಲೊ ರ‍್ಹೈನೆಕಾ ಸುಳ್ಳ ಬೊಲಾಲೊ ರ‍್ಹೈನೆಕಾ ತೆ ಗಾಮ್ಮಾ ಕೆಳಾಮಾಜ಼ ಆತೊಜ಼ ನೈ. ಬಕ್ರಾನು ಬಚ್ಚು಼ ಥಯಲವಾಲೊ ಜಿವಭಾದ್ಯ ಪುಸ್ತಕಮಾ ಕಿನು ನಾಮ ಬರ್ದ್ಯೊಸ ತ್ಯುನೆ ಯಕ್ಕಜ಼ ತೆ ಗಾಮ್ಮಾ ಆ ಸಕಸ.
\c 22
\p
\v 1 ತೆಳಾಮಾ ದೆವದುತ ಜಿವ ಜಲನಿ ನದಿ ಮನೆ ದೆಕಾಡ್ಯೊ. ತೆ ನದಿ ಘನ್ನಿ ಮಿಂಚಾ಼ಡಿತಿ. ತೆ ನದಿ ಕ್ಹುದಾ ವರಿ ಬಕ್ರಾನಾ ಬಚ್ಚಾ಼ನಿ ಸಿಂಹಾಸನಕನಕಂತಿ ವೈನ, 
\v 2 ತೆ ಗಾಮನಿ ಒಣಿನಾ ವಚ್ಮಾ ವೈನ ಆವಾಡಿತಿ. ತೆ ನದಿನಾ ಬೆ ಬಿ ದಂಡಿಯೊಪರ ಜ಼ಲನಾ ಝಾಡೊ ವ್ಹತ್ತಾ. ತೆ ಝಾಡೊ ಹರಿಯಕ್ಕ ಮ್ಹೈನಾಮಾ ಫಲ ದಿತು ವರಕ್ಹನಾ ಬಾರಾ ತರಾನಾ ಫಲ ದಿವಸ. ತೆ ಝಾಡನಾ ಪಾಲೊ ಜಾ಼ತವಾಲಾವೊನೆ ಅರಾಮ ಕರಸ. 
\v 3 ಕ್ಹುದಾಕ್ಹು ಕ್ಹರಾಪ ಲಿದಲ ಕಯುಜ಼ ಗಾಮ ತೆ ಗಾಮ್ಮಾ ರ‍್ಹತು ನೈ. ಕ್ಹುದಾನು ವರಿ ಬಕ್ರಾನು ಬಚ್ಚು಼ ಥಯಲವಾಲಾನು ಸಿಂಹಾಸನ್ನ ತೆ ಗಾಮ್ಮಾ ರ‍್ಹವಸ. ಕ್ಹುದಾನಾ ಸೆವಕೊ ತ್ಯುನೊನೆ ಆರಾಧನಾ ಕರಸ. 
\v 4 ತ್ಯುನೆ ತಿನು ಮ್ಹೊಡು ದೆಕಸ. ಕ್ಹುದಾನು ನಾಮ ತ್ಯುನಾ ಮಾತಾಪರ ಬರದಸ. 
\v 5 ತ್ಯಾ ರಾತ ಕವಾನುಜ಼ ರ‍್ಹತು ನೈ. ಮನಕ್ಹೊನೆ ಲೈಟನು ಉಜಾಲು ರ‍್ಹೈನೆಕಾ ಸುರಯಾನು ಉಜಾಲು ಚಾ಼ಯೆ ಥಾತು ನೈ. ಪ್ರಭು ಥಯಲ ಕ್ಹುದಾಜ಼ ತ್ಯುನೊನೆ ಉಜಾಲು ದಿವಸ. ತ್ಯುನೆ ಹಮೆಶಾಬಿ ರಾಜಾ಼ವೊಲಿಂಗತ ರಾಜ಼ ಕರಸ.
\s ಯೆಸು ಕ್ರಿಸ್ತ ಫರಿನ ಆವಾನು
\p
\v 6 ತೆ ದೆವದುತ ಮನೆ, ‘ಎ ವಾಕ್ಯಾ ಕ್ಹರಿನಿಯೊ ವ್ಹೈ. ವರಿ ಬರೊಕ್ಹೊ ಕರಾನಿಯಯೊ ವ್ಹೈ. ಪ್ರವಾದಿಯೊನಿ ಆತ್ಮಾವೊನೆ ಪ್ರಭುಜ಼ ಕ್ಹುದಾ ಥಯೊಸ. ಭೆಗಿನೆಜ಼ ಥಾವಾನಿಯೊ ಸಂಗತಿಯೊನೆ ತಿನಾ ಸೆವಕೊನೆ ದೆಕಾಡಾನ ಹುತಿ ಕ್ಹುದಾ ತಿನಾ ದುತನೆ ಮೊಕಲ್ಯೊಸ. 
\v 7 ಮಿಜ಼ ಯೊಹಾನ. ಮಿ ಎ ಕ್ಹಾರು ಐಕ್ಯೊ ವರಿ ದೆಕ್ಯೊ. ಮಿ ಎ ಕ್ಹಾರು 
\v 8 ಐಕಿನ ದೆಕ್ತಾಮಾ, ಮಿ ದೆಕಾಡಲ ದೆವದುತ ಆರಾಧನಾ ಕರಾನಾ ಹುತಿ ತಿನಾ ಪಗೊಮಾ ಅಡ್ಡ ಪಾಡ್ಯೊ. 
\v 9 ತೆನೈಸೊ ತೆ ದೆವದುತ ಮನೆ, ‘ಆರಾಧನಾ ಕರು ನಕೊ! ಮಿಬಿ ತಾರಾ ಲಿಂಗತಜ಼, ಎ ಪುಸ್ತಕಮಾ ರ‍್ಹಯಲ ವಾಕ್ಯಾನೆ ವಿಧೆಯಥಯಲ ಕ್ಹಾರಾ ಮನಕ್ಹೊ ಲಿಂಗತ ವರಿ ತಾರಾ ಭಾಯೊ ಥಯಲ ಪ್ರವಾದಿಯೊ ಲಿಂಗತ ಯಕ್ಕ ಸೆವಕ ಲಿಂಗತ ಮಿಬಿ ವ್ಹೈ. ತು ಕ್ಹುದಾನೆ ಅರಾಧನಾ ಕರು! ಕೈನ ಕದ್ಯೊ. 
\v 10 ಪಾಚಲ್ತೊ ತೆ ದೆವದುತ ಮನೆ"ಎ ಪುಸ್ತಕಮಾ ರ‍್ಹಯಲ ಪ್ರವಾದನೆ ವಾಕ್ಯಾ ದಡೈನ ಮ್ಹೆಲು ನಕೊ. ಎ ಕ್ಹಾರು ಪುರಾ ಥಾವಾನು ದಿನ್ನ ನಜಿಕ ಆಯೊಸ. 
\v 11 ತಪ್ಪ ಕರತೊ ರ‍್ಹಯಲವಾಲೊ ತಪ್ಪ ಕರತೊಜ಼ ರ‍್ಹವಾನೆ ಛೊಡಿಪಾಡ. ಕೆಟ್ಟ ರ‍್ಹಯಲವಾಲೊ ಕೆಟ್ಟ ಕರಾನೆಜ಼ ಛೊಡಿ ಪಾಡ. ಚೊ಼ಕು ಕರತೊ ರ‍್ಹಯಲವಾಲಾನೆ ಚೊ಼ಕು ಕರಾನೆ ಛೊಡಿಪಾಡ. ಪರಿಶುದ್ಧ ರ‍್ಹಯಲವಾಲೊ ಪರಿಶುದ್ಧ ರ‍್ಹೈನೆಕಾ" ಕೈನ ಕದ್ಯೊ. 
\v 12 ‘ಐಕ ಮಿ ಭೆಗಿನೆಜ಼ ಔಸ! ಮಾರಾ ಕ್ಹಾತೆ ಪ್ರತಿ ಫಲ ಲೌಸ. ಹರಿ ಯಕ್ಕ ಮನಕ್ಹನೆ ತ್ಯುನೆ ಕರಲ ಕಾಮೊನಾ ತಕ್ಕ ಪ್ರತಿಫಲ ದ್ಯುಸ. 
\v 13 ಮಿ ಆದಿ ಅಂತ್ಯ ಪೈಲಾನೊ ವರಿ ಲಾಸ್ಟ ಶುರು ವರಿ ಖಲಾಸ ವ್ಹೈ. 
\v 14 ತ್ಯುನು ಮ್ಹೊಟು ಅಂಗ್ಡು ರ‍್ಹಯಲವಾಲಾ ಧ್ವಲಿದವಾಲಾ ಧನ್ಯ ವ್ಹೈ. ತ್ಯುನೆ ಜ಼ಲಮ ದಿವಾನು ಝಾಡನು ಫಲ ಖಾವಾನೆ ತ್ಯುನೊನೆ ಹಕ್ಕಕ ರ‍್ಹವಸ. ತ್ಯುನೆ ಬಾಕಲನಾ ಮುಕಾಂತರ ತೆ ಗಾಮ್ಮಾ ಜಾ಼ವಾಸ. 
\v 15 ಗಾಮ್ನಾ ಭಾರಾ ಮನಕ್ಹೊನೆ ಭಟ್ಕಾವಾಲಾ ಛೆ. ಮಾಟಾ ಕರಾಲಾ ಛೆ, ಲೈಂಗಿಕ ಪಾಪೊ ಕರಾಲಾ ಮನಕ್ಹೊ ಛೆ, ಮನಕ್ಹೊನೆ ಖಲಾಸ ಕರಾಲಾ ಛೆ, ಮೊರತಿಯೊನೆ ಆರಾಧನಾ ಕರಾಲಾ ಮನಕ್ಹೊಬಿ ಛೆ ವರಿ ಸುಳ್ಳನೆ ಮಯಾ ಕರಾಲಾ ವರಿ ಕವಾಲಾ ಮನಕ್ಹೊ ಛೆ. 
\v 16 ‘ಯೆಸು ಕವಾಲೊ ಮಿಜ಼, ಮಾರಿ ಸಭೆನೆ ಉಪಯೊಗ ಥಾವಾನು ಎ ಸಂಗತಿಯಯೊನಾ ಹುತಿ ಸಾಕ್ಷಿ ಕವಾನಾ ಹುತಿ ಮಾರಾ ದುತನೆ ಮೊಕಲ್ಯೊ. ದಾವಿದನಾ ಘರ್ದಾನಾಮಾ ಹುಟ್ಟಲವಾಲೊ ಉಜಾಲು ಥೈನ ರ‍್ಹಯೊಸ" 
\v 17 ಪವಿತ್ರ ಆತ್ಮಾ ಹಿವಾನಿ ನೌರಿ"ಆ" ಕವಸ ಎ ಐಕಾಲೊ ಹರಿ ಯಕ್ಕ ಮನಕ್ಹ"ಆ" ಕೈನ ಕೌ. ತರಕ್ಹ ಲಾಗಲವಾಲೊ ಮಕನ ಆವಾದೆ; ತಿನೆ ಮನಸ ರ‍್ಹಯುಮ ಜಿವಜಲ ಪುಶಕ್ಕಯಾಟಿಲಿವಾದೆ.
\s ಎಚ್ಚರಕಿ
\p
\v 18 ಎ ಪುಸ್ತಕಮಾ ರ‍್ಹಯಲ ಪ್ರವಾದನನೆನಿ ವಾಕ್ಯಾ ಐಕಲ ಹರಿ ಯಕ್ಲಾನೆ ಮಿ ಹುಷಾರಕಿ ಕೌಸ; ಎ ವಾಕ್ಯಾನೆ ಕುನಬಿ ಸುಬಿ ಮಳೈಯುಮ, ಕ್ಹುದಾ ಎ ಪುಸ್ತಕಮಾ ಬರ್ದಲ ತ್ರಾಸೊ ತಿನೆ ದ್ಯುಸ. 
\v 19 ಪ್ರವಾದನೆ ಪುಸ್ತಕಮಾನು ಕುನಬಿ ಕುನಬಿ ಸುಬಿ ಕಾಡ್ಯಾಮ, ಕ್ಹುದಾ ಪುಸ್ತಕಮಾ ಬರ್ದಲ ಪವಿತ್ರ ಗಾಮ್ಮಾ ವರಿ ಜ಼ಲಮನು ಝಾಡಮಾ ರ‍್ಹಯಲ ತ್ಯುನೊನೆ ರ‍್ಹಯಲ ವಾಟೊ ಕಾಡಿ ಪಾಡಸ. 
\v 20 ಎ ಕ್ಹಾರುಜ಼ ಕ್ಹರಿ ವ್ಹೈ ಕೈ ಕವಾಲೊ ಯೆಸುಜ಼ ವ್ಹೈ" ಹೊ "ಮಿ ಭೆಗಿನಜ಼ ಔಸ" ಕೈನ ಕವಸ. ಆಮೆನ! ಪ್ರಭು ಯೆಸು, ಆ! 
\v 21 ಪ್ರಭು ಯೆಸುನಿ ಮರಗಾ ಕ್ಹಾರಾ ಮನಕ್ಹೊನೆ ರ‍್ಹವಾದೆ.