\id PHP - Shikkalgar
\ide UTF-8
\h ಫಿಲಿಪ್ಪಿ
\toc3 ಫಿಲಿಪ್ಪಿ
\toc2 ಫಿಲಿಪ್ಪಿ
\toc1 ಫಿಲಿಪ್ಪಿವಾಲಾವೊನೆ ಬರ್ದಲ ಪತ್ರ
\mt2 ಫಿಲಿಪ್ಪಿಯವರಿಗೆ ಬರೆದ ಪತ್ರಿಕೆ
\mt1 ಪಿಲಿಪ್ಪಿವಾಲಾವೊನೆ ಬರ್ದಲ ಪತ್ರ
\imt ವಳಕ
\ip ಪೌಲಾ ಕ್ರಿಸ್ತ ಹುಟ್ಟಲಪರ ಕಮ್ಸಿ ಕಮ್ಮ 61 ವರಕ್ಹಮಾ ಎ ಪತ್ರ ಫಿಲಿಪ್ಪಿ ಗಾಮನಾ ಸಬೆವಾಲಾವೊನೆ ಬರ್ದ್ಯೊ ಎ ಟೈಮ್ಮಾ ತೆ ಜೆಲ್ಮಾ ರ‍್ಹಯಲ (1 ಅದ್ಯಾಯಾ 13 ವಚನಾ). ಎ ಪತ್ರ ಫಿಲಿಪ್ಪಿ ಗಾಮ್ಮಾ ರ‍್ಹಯಲ ಸಭೆನೆ ಬರ್ದಲ ವ್ಹೈ. ಅಪೊಸ್ತಲ ಬರ್ದಲ ಪುಸ್ತಕಮಾ ಫಿಲಿಪ್ಪಿನಾ ಹುತಿ ಹಮೆ ದಕ್ಹಿಯೊ ವಿಚಾರೊ ಶಿಕ್ಕ ಸಕಿಯೆಸ. ಫಿಲಿಪ್ಪಿ ಗಾಮ ಮೆಕೆದೊನಿಯಿ ಪ್ರಾಂತ್ಯನಿ ರಾಜಧಾನಿ ಥೈತಿ. ಎ ಸಭೆ ಮೆಕೆದೊನಿಯಾಮಾಭಾಂದಲ ಪೈಲಾನಿ ಸಭೆ ಥೈತಿ ಪೌಲಾ ವರಿ ಸಿಲಾಸ ಎ ಸಭೆ ಶುರು ಕರ‍್ಯಾ ವರಿ ತ್ಯಾ ರ‍್ಹತಾಮಾ ತ್ಯುನೊನೆ ಯಕ್ಕ ರಾತ ಜೆಲ್ಮಾ ಘಾಲ್ಯಾತಾ. ಎ ಪತ್ರ ಬರ್ದಾನೆ ಪೌಲಾ ಘನಿಯೊ ಉದ್ದೆಶೊ ವಸ. ತೆ ಎ ಮೌಕೊ ಅಪೆ ಜೆಲ್ಮಾ ಛೆ ಕೈನ ಐಕಿನ ತ್ಯುನೆ ಮೊಕ್ಲಲ ಉಡುಗರೆನಾ ಹುತಿ ಧನೈವಾದ ಕವಾನು ಉಪಯೊಗ ಕರಸ. (4 ಅದ್ಯಾಯಾ 10 ತಿ 19 ವಚನಾ) ತೆ ಜೆಲ್ಮಾ ರ‍್ಹಯಲ ತ್ಯುನಿ ಪರಸ್ಥಿತಿ ಹುತಿ ಬರ್ದ ವರಿ ತಿಮೊತಿ ವರಿ ಎಪಫ್ರದಿತ ಸಭೆನು ವಳಕ ಕರಿನ ದಿವಸ (2 ಅದ್ಯಾಯಾ 19 ತಿ 30 ವಚನಾ) ಇಮ್ಮ ತ್ಯುನೊನೆ ಸ್ವಾಗತ ಕರಾನಾ ಹುತಿ ವರಿ ತ್ಯುನೆ ನಾಯಕತ್ವ ಮರ್ಯಾದಿ ದಿವಾನಾ ವರಕ್ಹು ಕರ‍್ಯೊ.
\io1 1) ಪೌಲಾ ಪಿಲಿಪ್ಪಿ ಸಭೆನೆ ವಂದನೆ ಕತೊ ಪತ್ರ ಶುರು ಕರಸ. \ior 1:1-2\ior*
\io1 2) ಪಾಚಾ಼ತೊ ತೆ ತಿನಿ ಸ್ತಿತಿನಾ ಹುತಿ ದಕ್ಹಿಯೊ ಮಹಿತಿಯೊ ವಾಟಿಲಿವಸ. ವರಿತ್ಯುನೊನೆ ರ‍್ಹಯಲ ತರಕ್ಹನಾ ಹುತಿ ವಾಟಿಲಿವಸ \ior 1:3—2:30 \ior*
\io1 3) ಪಾಚಾ಼ತೊ ತೆ ಕ್ರಿಸ್ತನಿ ಜಿವ್ನಾ ಕರಾನಾ ಹುತಿ ಘನ್ನಾ ಕಾರ್ಯ ರುಪಮಾ ವಾಟ ದೆಕಾಡಿನ ದಿವಸ \ior 3:1—4:9\ior*
\io1 4) ಪೌಲಾ ಪಿಲಿಪ್ಪಿ ಸಭೆನೆ ತ್ಯುನೆ ಮೊಕ್ಲಲ ಉಡಗರೆನಾ ಹುತಿ ಧನ್ಯವಾದ ಕೈನ ತಿನು ವಂದನೆ ಕತೊ ಪತ್ರ ಮುಕ್ತಾಯಾ ಕರಸ.\ior 4:10-23\ior*
\c 1
\p
\v 1\fig ಪಿಲಿಪ್ಪ ಗಾಮ|alt="City of Philippi" src="hk00363c.tif" size="col" copy="Horace Knowles ©" ref="1:1"\fig*ಯೆಸು ಕ್ರಿಸ್ತನೊ ಆಳ ಥಯಲ ಪೌಲಾ ತಿಮೊಥಿ ಫಿಲಿಪ್ಪಿವಾಲಾವೊನೆ ಬರ್ದಾನು ಪತ್ರ. ಯೆಸು ಕ್ರಿಸ್ತನಾ ಮುಲಕ ಕ್ಹುದಾ ಪರಿಶುದ್ಧ ರ‍್ಹಯಲ ಮನಕ್ಹೊನೆ ಕ್ಹಾರಾ ಮ್ಹೊಟಾ ಮನಕ್ಹೊನೆ ಸಭೆಮಾ ಸೆವೆ ಕರಾಲಾವೊನೆ ಹಮೆ ಎ ಪತ್ರ ಬರ್ದಾಡ್ಯಾಸ. 
\v 2 ಮಾರೊ ಬಾ ಥಯಲ ಕ್ಹುದಾಕ್ಹು ವರಿ ಯೆಸು ಕ್ರಿಸ್ತ ತುಮೊನೆ ಕೃಪಾ ವರಿ ಶಾಂತಿ ಮಳಾದೆ.
\s ಪೌಲಾನಿ ಪ್ರಾಥನಾ
\p
\v 3 ಹಮೆ ತುಮೊನೆ ಶೆ ಕರ‍್ತಾ ಟೆಮ್ಮಾ ಕ್ಹುದಾನೆ ಸೊತ್ರಾ ಕರಿಯೆಸ, 
\v 4 ಮಿ ಕ್ಹಾರಾವೊನಾಹುತಿ ಹಮೆಶಾಬಿ ಖುಶಿಕ್ಹು ಪ್ರಾಥನಾ ಕರಾವಾಲೊ ಥೌಸ. 
\v 5 ಕಾಕದ್ಯಾಮ ತುಮೆ ಪೈಲಾತಾಬಿ ಹಜು಼ನ ಲಕ್ಕಾಬಿ ಸುವಾರ್ತೆ ಪ್ರಚಾರಮಾ ಮದತ ಕರಾಲಾ ಥಯಾಸ ಕೈನ ಮಾರಾ ಕ್ಹುದಾನೆ ಕೃತದನ್ಯತಾ ಸುತ್ತಿ ಕೌಸ. 
\v 6 ಎ ಚೊ಼ಕು ಕಾಮ ತುಮೊಮಾ ಶುರುಕರಲವಾಲೊ ತೆ ಚ಼ಲೈಲಿನ ಜ಼ಾವಲೊ ಯೆಸು ಕ್ರಿಸ್ತ ಆವಾನಾ ದಿನಮಾ ಪುರ್ಣತನೆ ಲಾವಸ ಕೈನ ಮನೆ ಬರೊಕ್ಹೊ ಛೆ. 
\v 7 ತುಮೊಮ್ಮಾ ರ‍್ಹಯೆಲ ಮನೆ ಗ್ವತ್ತ ತಾವಾನು ಚೊಕ್ಹು ವ್ಹೈ. ಮಿ ಭಂದನಮ್ಮಾ ರ‍್ಹತಾಮ್ಮಾಬಿ ಸುವಾರ್ತೆ ನಾಹುತಿ ವಾದ ವಿವಾದಮಾ ತುಮೆ ಕ್ಹಾರಾ ಮಾರಾ ಕ್ಹಾತೆ ಕ್ಹುದಾನಿ ಮರ್ಗಾಮಾ ವಾಟೊ ಲಿವಾಲಾ ಥಯಾಸ ತುಮೊನೆ ಮಾರಾ ಮನಸ್ಸಮ್ಮಾ ಮ್ಹೆಲ್ಯುಸ. 
\v 8 ಕ್ರಿಸ್ತ ಯೆಸು ರ‍್ಹಯಲ ಮರಗಾಕ್ಹು ತುಮಾರಾಹುತಿ ಕೆಕ್ಲೊಕೆ ಆಸ ಕರುಸ. ಇನೆ ಕ್ಹುದಾಜ಼ ಸಾಕ್ಷಿ ವ್ಹೈ. 
\v 9 ವರಿ ತಮಾರಿ ಮಯಾ ಹಜ಼ು ಘನಿ ಥಾತಿ ಕ್ಹಾರು ಗ್ಯಾನ ವಿವೆಕ ತಮೊನೆ ಮಳಾದೆ ಕೈನ ತಮಾರಾಹುತಿ ಪ್ರಾರ್ಥನಾ ಕರುಸ. 
\v 10 ಚೊಕ್ಹು ಕೆಟನು ವಳಕಾನು ಫರಕ ಹುತಿ ಚೊ಼ಕುಜ಼ ‍ರ‍್ಹಯೆಲ ಇನಿಲಿವಾಲಾ ಥೌ; ಕ್ರಿಸ್ತ ಆವಾನಾಮಾ ತುಮೆ ಪರಿಶುದ್ಧ ರ‍್ಹೈನ ಸುಜ಼ ತಪ್ಪ ನೈಸೊವಾಲಾ ಥೌ. 11 ಯೆಸು ಕ್ರಿಸ್ತ ಮುಲಕ ಥಯಲ ನಿತಿ ಕವಾನು ಫಲಕ್ಹು ಭರಲವಾಲಾ ಥೈನ ರ‍್ಹೌ ಕೈನ ಕ್ಹುದಾನೆ ಘನತೆ ವರಿ ಸ್ತೊತ್ರ ಕೌ ಕೈನ ಮಾಂಗಿಲ್ಯುಸ. 
\v 11 ಯೆಸು ಕ್ರಿಸ್ತನಾ ಮುಲಕ ರ‍್ಹಯೆಲ ನಿತಿ ಕವಾನು ಫಲ ಭರೆಯೆಲ ವಾಲಾರೊನೆ ರವಾನು ರ‍್ಹಯೆಲ ಕ್ಹುದಾನೆ ಮರ್ಯಾದಿ ಸ್ತೊತ್ರಾ ಕರ‍್ಯಾ ಕೈನ ಮಾಗಿಲಿದ್ಯಾ.
\s ಜಿವ್ನಾ ಕರಾನಾ ಹುತಿ ಕ್ರಿಸ್ತ
\p
\v 12 ಭಾಯೊ ಮಾರಾಕ್ಹಾತೆ ಥಾವಾನು ಕ್ಹಾರು ಸುವಾರ್ತೆ ಕವಾನಾಹುತಿ ಮದತ್ತ ಥೈ ಕೈನ ತುಮೆ ತಿಳ್ದಿಲ್ಯು ಕೈನ ಮಾರು ಮನಸ್ಸ ಕರುಸ. 
\v 13 ಕಿಮ ಕದ್ಯಾಮ ಮಿ ಯಕ್ಕ ಜೆಲಮ್ಮಾ ರ‍್ಹಯೆಲ ಕ್ರಿಸ್ತಾನಾಹುತಿ ‍ಹೈ ಕಯೆನ ರಾಜಾ಼ನು ಘರ ಕೈದಾಲಾ ಕ್ಹಾರಾ ಜ಼ನಾವೊನೆ ವರಿ ಬಿಜಾ಼ವೊನೆಬಿ ಗೊತ್ತ ಥೈಯು. 
\v 14 ತೆನೈಸೊ ಭಾಯೊಮ್ಮಾ ಘನ್ನಾ ಜ಼ನಾ ಮನೆ ಜೆಲಮಾತ್ತಾ ಕರ್ತಾಮ್ಮಾ ಭರೊಕ್ಹೊವಾಲಾ ಥೈನ ಕ್ಹುದಾನಿ ವಾಕ್ಯ ಭೆವಾಚಿ ಕವಾನಾಹುತಿ ಹಜ಼ು ಹೆಚಕ್ಗಿ ಧೈರ್ಯ ವ್ಹಂದಿಲಿದ್ಯಾಸ.. 
\v 15 ದಕ್ಹಾ ಜ಼ನಾ ಸಂಗಟ ಘಾಲ್ಲಿನ ಭೆದ ಭಾವ ಹುಟ್ಸೌ ಕೈನ ಮನಸ್ಸಕ್ಹು ವರಿ ಬಿಜಾ಼ ದಕ್ಹಾ ಜ಼ನಾ ಚೊ಼ಕಿ ನಡತೆಕ್ಹೊ ಕ್ರಿಸ್ತನೆ ಪ್ರಚುರ ಕರಸ. 
\v 16 ಯುನೆತಬಿ ಮಿ ಸುವಾರ್ತನಾ ವಿಷಯಮ್ಮಾ ಉತ್ತರ ದಿವಾನಾಹುತಿ ನ್ಹ್ಯಾ ಘಾಲೆಲಹುತಿ ತಿಳ್ದಿಲಿನ ಮಯಾಕ್ಹು ಪ್ರಸಿದ್ದಿ ಕರಾಡಾಸ. 
\v 17 ತೆ ಬಿಜಾ಼ ತರಾನಾ ರ‍್ಹಯೆಲ ಮನಕ್ಹೊ ಮಿ ಬೆಡಿಯೊಕ್ಹು ಭಂದಾಯಲ ರ‍್ಹತಾಮಾಬಿ ಮನೆ ತ್ರಾಸ ದ್ಯುಕೈನ ವಿಚಾರ ಕರಿನ, ಕ್ಹರಿ ನೈ ರ‍್ಹಯೆಲ ಖುದ್ದನಾ ಉದ್ದೆಶ ಕ್ಹು ಕ್ರಿಸ್ತನೆ ಪ್ರಸಿದ್ದ ಕರಸ. 
\v 18 ಕಿಮ್ಮೆಬಿ ಥಯುತಬಿ ಸು? ಕಿಮ್ಮೆಬಿ ರ‍್ಹೈನಕಾ ಕಯಾ ತರಿಕಾ ಕ್ಹುಬಿ ರ‍್ಹೈನಕಾ ಮಶಕರಿಮಾ ರ‍್ಹೈನಕಾ ಕ್ಹರಿಕ್ಹು ರ‍್ಹೈನಕಾ ಕಿಮ್ಮೆಬಿ ಕ್ರಿಸ್ತನಾ ವಿಷಯ ಕ್ಹಾರಿ ಜ಼ಗಾ ಗೊತ್ತ ಥಯಾರೆ ಅನಾಹುತಿ ಮಿ ಖುಶಿ ಥೌಸ ಆಗೊಬಿ ಖುಶಿ ಥೌಸ. 
\v 19 ತುಮೆ ಮಾರಾಹುತಿ ಪ್ರಾಥನಾ ಕರಾಡಾಸ ವರಿ ಯೆಸು ಕ್ರಿಸ್ತನಿ ಆತ್ಮಾಮನೆ ಮದತ ಕರಾಡಿಸ. ತಿನಾಹುತಿ ಮಾರೊ ತ್ರಾಸ ಮನೆ ರಕ್ಷಣೆ ಕರಸ ಕೈನ ಮನೆ ಗ್ವತ್ತ ಛೆ. 
\v 20 ಕಿಮ್ಮ ಕದ್ಯಾಮ ಮಿ ಕೈ ವಿಷಯಮಾಬಿ ಸರ್ವಮ್ಯಾವಾಚಿ ಹಮೆಶಾ ಲಿಂಗತ ಹಮ್ನಾಬಿ ಧೈರ್ಯಕ್ಹು ಛೆ. ಮಿ ವಾಚೊತಬಿ ಸೈ ಛೆ ಮರ್ಯೊತಬಿ ಸೈ ಛೆ ಮಾರಾ ಅಂಗನಾ ಮುಲಕ ಕ್ರಿಸ್ತನಿ ಮಹಿಮಾ ಥೌ ಕೈನ ಮಾರಿ ಆಸ ವ್ಹೈ. 
\v 21 ಮನೆತೊ ವಾಚ಼ು ಕೈನ ಕವಾನು ಕ್ರಿಸಜ಼ ವ್ಹೈ. ಮರ‍್ಯೊತುಬಿ ಪೈದೊಜ಼ ಛ್ಹೈ. 
\v 22 ಮಿ ಜಿವ್ತೊ ರ‍್ಹಯಾತಬಿ ಫಲದಿವಾನು ಕಾಮ ಮನೆ ರ‍್ಹವಸ. ತೆನೈಸೊ ಮಿ ಮರುಸ? ನೈತೊ ವಾಚು಼ಸು? ಸು ಇನಿಲ್ಯು ಕೈನ ಮನೆ ತಿಳ್ದಾಡು ನತ್ತಿ. 
\v 23 ಎ ಬೆಮಾ ಸು ಇನಿಲ್ಯು ಕವಾನು ಕಠಿನ ಛೆ. ಯ್ಹಾತ್ತಾ ಗೈನ ಕ್ರಿಸ್ತನಾ ಕ್ಹಾತೆ ರ‍್ಹೌ ಕೈನ ಮಾರಿ ಆಸ ವ್ಹೈ, ತೆ ಘನು ಚೊಕ್ಹು ವ್ಹೈ. 
\v 24 ತೆನೈಸೊ ಮಿ ತೊ ಅಂಗಮಾ ಅರಾಮ ಥಯಲವಾಲಾ ತ್ಯುಮಾರಾಹುತಿ ತುಮೊನೆ ಘನು ಅವಶ್ಯಕ ಛೆ. 
\v 25 ತಿನಾಹುತಿ ತುಮೊನೆ ಕ್ರಿಸ್ತನೊ ಭರ‍ೊಕ್ಹೊ ಅಗು ಭಡಾನು ವರಿ ಕ್ಹುಶಿ ಥಾವಾನಾ ಹುತಿ ಮಿ ಜಿವ್ತೊ ಥೈನ ತುಮಾರಾ ಕ್ಹಾತೆ ರ‍್ಹೌಸ ಕೈನ ಘಟ್ಟ ಮನಸ್ಸಕ್ಹು ನಂಬ್ಯೊಸ. 
\v 26 ಇಮ್ಮ ಮಿ ಫರಿನ ತುಮೊಕನ ಆವಾನಾ ಹುತಿ ತುಮೆ ಯೆಸು ಕ್ರಿಸ್ತನಾ ವಿಷಯಮಾ ಕ್ಹುಶಿ ಕರಾನೆ ಮಕ್ಹು ಘನು ಮದ್ದತ್ತ ರ‍್ಹವಸ. 
\v 27 ಇಮ್ಮ ಕ್ರಿಸ್ತನಾ ಸುವಾತೆಮಾ ಯೊಗ್ಯ ಥಯೆನ ಚ್ಯಾಲಿ ಜಾ಼ವೊ. ತೆಲಾಮಾ ಮಿ ಅಯೆನ ತುಮೊನೆ ದೆಕ್ಕಯವಾಲಾ ಕ್ಹರಿಜ಼ ವೆ. 
\v 28 ತಮೆ ತಿಮ್ಮ ರಹೆಲಕ್ಹು ದುಶ್ಮನೊ ಹಾಳಥಾವಾನೆ, ತಮಾರಾ ರಕ್ಷಣೆನಾ ಹುತಿ ಯಕ್ಕ ವಳಕ ಛೆ. ತೆ ಕ್ಹುದಾಕ್ಹು ಥಯಲ ಪೈಲಾಜ ವಳಕ ಥೈಸ. 
\v 29 ಕ್ರಿಸ್ತನಾ ಉಪ್ಪರ ಭರೊಕ್ಹೊ ಮ್ಹೆಲಾನು ಯಕ್ಕ ನ್ಹೈವೈ ತಿನಾಹುತಿ ದುಖ ಕ್ಹಾವಾನಾ ಹುತಿ ತಮನೊನೆ ವರಾ ಥೈನ ಮಳಿಸ. 
\v 30 ಇಮ್ಮ ತಮೆ ಮಾರಾಮ್ಮಾ ದಿಕ್ಹೆಲ ವರಿ ಮಾರಾ ಹುತಿ ಪುಚಾನು ತೆ ಹೊರಾಟ ತಮನೊನೆ ಬಿ ಥಾವಾಸ.
\c 2
\p
\v 1 ಕ್ರಿಸ್ತಕ್ಹು ಪ್ರೊತ್ಸಾಹ, ಮಯಾ,ಸಮಾಧಾನ,ಪವಿತ್ರತ್ಮಾನಿ ಅನ್ಯುನತೆ, ಮರಗಾ ಹುಟಸ. 
\v 2 ತಮ್ಮೆ ಕ್ಹಾರಾ ಯಕ್ಕ ಮನಸಕ್ಹು, ಯಕ್ಕ ಮಯಾಕ್ಹು, ಅನ್ಯೊನ್ಯತೆ ಥಯಲ ವಾಲಾ ವರಿ ಯಕ್ಕ ಗುರಿಕ್ಹು ಮಾರಾ ಕ್ಹುಶಿನೆ ಪುರಾ ಕರೊ. 
\v 3 ಕ್ಹುದನಾ ಹುತಿ ರ‍್ಹೈನೆಕಾ, ಮಿ ವ್ಹೈ ಕೈನ ಕವೈಲಿವಾನು ಕೈಯುಜ ಕರೆವಾಚಿ ಹರ ಯಕ್ಲೊ ಚೊ಼ಕಾ ಮನಸಕ್ಹು ಬಿಜೆಕ್ಲಾನೆ ತಿತಿಬಿ ಚೊ಼ಕೊ ವ್ಹೈ ಕೈನ ಕವಾದೆ. 
\v 4 ತಮಾರಾಮ್ಮಾ ಹರಯಕ್ಲೊ ಕ್ಹುದಾಹುತಿ ದೆಕಿಲಿದೆ ವಾಚಿ ಬಿಜಾ಼ನಾಹುತಿ ಬಿ ದೆಕಾದೆ. 
\v 5 ಕ್ರಿಸ್ತ ಯೆಸಲಿಂಗತ ತಮಾರುಬಿ ಮನಸ ರ‍್ಹವಾದೆ. 
\v 6 ತೆ ಕ್ಹುದಾನಾನಿಂಗ ರ‍್ಹಯೊ ತಬಿ ವರಿಬಿ ಕ್ಹುದಾನೆ ಹೊಲಸಾನೆ ತೆ ವಿಚಾರ ಕರ‍್ಯೊನೈ. 
\v 7 ತಿನಾಕ್ಹು ತೆ ತಗಸಿಲಿನ ಆಳನಿಂಗ ರ‍್ಹೈನ ಮನಕ್ಹನೆ ಸಮಾನ ಥಯೊ. ಮನಕ್ಹನಾ ರುಪನಿಂತ ದಿಕ್ಹೊ. 
\v 8 ತೆ ತಿನಾಕ್ಹು ತಗಿಸಿಲಿನ ಮೌತನೆ ಕದ್ಯಾಮ ಶಿಲೆಬಿನಿ ಮೌತ ರ‍್ಹೈನೆಕಾ ಒಪ್ಪಿಲಿವಾನಾಕ್ಲೊ ವಿದೆ ಥಯೊ. 
\v 9 ಇನಾಹುತಿ ಕ್ಹುದಾ ತಿನೆ ಘನಿ ಮ್ಹೊಟಿ ಸ್ಥಾನ ದಿನ ಕ್ಹಾರಾ ನಾಮ್ಮತಿ ಶ್ರೆಷ್ಠನಾಮ್ಮ ತಿನೆ ದಿದ್ಯೊ. 
\v 10 ತಿನಾಹುತಿ ಸ್ವರ್ಗಮ್ಮಾ ಜಿಮಿನ ಪರ ಪಾತಾಳಮಾ ರ‍್ಹಹೆಲವಾಲಾ ಯೆಸುನಾ ನಾಮ್ಮಪರ ಉಂದಾಘುಡಗಾ ಘಾಲಿನ ಅಡ್ಡ ಪಡಿನ 
\v 11 ಬಾ ಥಯಲ ಕ್ಹುದಾನಿ ಮಹಿಮಾನಾ ಹುತಿ ಹರಯಕ್ಕ ಜಿಬಬಿ ಯೆಸು ಕ್ರಿಸ್ತನೆ ಕರ್ತಾ ವ್ಹೈ ಕೈನ ತಿಳದಿಲಿವಾನು. 
\v 12 ತಿಮ್ಮ ರ‍್ಹಯಲಕ್ಹು ಮಾರಾ ಮಯಾನಾ ತಮ್ಮೆ ಮಾರಾ ವಾತೊ ಹಮೆಶಾಬಿ ಪಾಲನೆ ಕರಲ ಲಿಂಗತ ಹಮ್ನಾಬಿ ಪಾಲನೆ ಕರೊ. ಮಿ ತಮಾರಾ ಕ್ಹಾತೆ ರ‍್ಹತ್ತಾಮ್ಮಾ ಯಕ್ಕ ನೈಸೊ, ಮಿ ನೈಸೊ ಟೆಮ್ಮಾ ಘನಿ ಭಕ್ಹು ಕಾಪಾಲಾ ಥೈನ ತಮಾರಾ ತಮಾರಾ ರಕ್ಷಣೆ ಕರಲಿಯೊ. 
\v 13 ಕಾಕದ್ಯಾಮ್ಮಾ ಕ್ಹುದಾ ದೆಕಾಡಲ ಜ ಪುರಾ ಕರು ಕೈನ ತುಮೊಮ್ಮಾ ಉದ್ದೆಶ ವರಿ ಕೊಶಿಶ ಹುಟಸಾಲೊ ಥಯೊಸ. 
\v 14 ಗುಣೆಗುಟೆವಾಚಿ ವಿವಾದ ರ‍್ಹಹೆ ವಾಚಿ ಕ್ಹಾರು ಕರೊ. 
\v 15 ಇಮ್ಮ ತುಮೆ ತಪ್ಪ ನೈಸೊವಾಲಾ ವರಿ ಯಕ್ಕಜ಼ ಮನಸ್ಸವಾಲಾ ಥೈನ ವಾಕಿ ಗ್ಯಾನ ಪಿಸಾಳಾವೊನಿ ಜಾತನಿ ವಚಮ್ಮಾ ಕ್ಹುದಾನಾ ತಪ್ಪ ನೈಸೊವಾಲಾ ಬಚ್ಚಾ ಥಾವೊಶಿ. 
\v 16 ತ್ಯುನೊಮ್ಮಾ ತಮ್ಮೆಬಿಜಾ಼ವೊನೆ ಜ಼ಲಮ್ಮ ದಿವಾನಿ ವಾಕ್ಯ ದೆಕಾಡಿನ ದಿವಾನಾಹುತಿ ದುನಿಯಾಮ್ಮಾ ಚಮ್ಮಕಾವಾಲಾ ಚುಕಿಯೊ ಥಾವೊಶಿ. ತಮ್ಮೆ ಅಮ್ಮ ಚಾಲ್ಯಾಮ್ಮ ಮಿ ಸುವಾರ್ತೆನಾ ಹುತಿ ನ್ಹಾಟಲ ಲುಕ್ಸಾನ ಥಾತುನೈ ಮಿ ಪ್ರಯಾಸ ಕರಲ ಹಾಳ ನೈ ಥಾತು ಕವಾನು ಕಲಿವಾನು ಕ್ರಿಸ್ತನಾ ದಿನೊಮ್ಮಾ ಮನೆ ಮಳಸ. 
\v 17 ತಮಾರೊ ಭರೊಕ್ಹೊ ಕವಾನು ಯಜ್ಞ ಕ್ಹುದಾನೆ ಚ಼ಡಾವಾನು ಸೆವಾಮ್ಮಾ ಮಿಜ಼ ಬಲಿಥೈನ ಅರ್ಪಿತ ಥೈವು ಕೈನ ಮನೆ ಖುಶಿ ವ್ಹೈ,ತಮಾರಾ ಕ್ಹಾತೆಬಿ ಷಿ ಕರುಸ, 
\v 18 ತಿಮ್ಮಜ಼ ತಮೆಬಿ ಖುಶಿ ಕರೊ, ಮಾರಾ ಕ್ಹಾತೆ ಖುಶಿ ಕರೊ. 
\v 19 ತಿನಾಹುತಿ ಮಿ ತಿಮೊಥಿನೆ ಜಲದಿಜ ತಮನೊಕನ ವಳೌ ಕೈನ ಕರ್ತಾ ಥಯಲ ಯೆಸುಮ್ಮಾ ಮಾಂಗಿಲ್ಯುಸ. ತಿನಾ ಮುಖಾಂತರ ತಮಾರ ಸಂಗತಿಯೊ ತಿಳ್ದಿನ ಮಿ ಆದರಣೆ ವ್ಹಂದ್ಯೊ. 
\v 20 ತಿನಾಲಿಂಗತ ತುಮಾರಾ ಕಾಮೊನಾ ಹುತಿ ಕ್ಹರಿಕ್ಹು ಚಿಂತಾಕರಾಲಾ ಮಾರಾ ಕ್ಹಾತೆ ಕುನಜ ನತ್ತಿ. 
\v 21 ಕ್ಹಾರಾಜ಼ನಾ ತ್ಯುನಾಕಾಮ್ಮಾ ಮನಸ ಮ್ಹೆಲಸ ಹೊರತ್ತಾಗಿ ಯೆಸು ಕ್ರಿಸ್ತನಾ ಕಾಮ್ಮಪರ ಮನಸ ನೈಮ್ಹೆಲತ್ತಾ. 
\v 22 ತಿನಾಹುತಿ ತಿಮೊಥಿನಾ ಯೊಗ್ಯತೆನೆ ತಮೆ ತಿಳದಿಲಿದ್ಯಾಸು. ದಿಕ್ರೊ ಬಾಪನೆ ಕಿಮಜ ತಮ್ಮಜ ತೆ ಮಾರಾ ಕ್ಹಾತೆ ಸುವಾರ್ತಾ ಪೈಲಾವಾನೆ ಸೆವೆ ಕರಾಡ್ಯೊಸ ಕೈನ ತಮನೊನೆ ಗೊತ್ತ ಛೆ. 
\v 23 ತಿನಾಹುತಿ ಮಾರು ವಿಚಾರ ಕಿಮಥಾವಸ ಕೈನ ತೆ ಗೊತ್ತ ಥಯಲ ಪರ ತಿನೆ ವಳಾವಾನೆ ವಿಚಾರ ಕರುಸ. 
\v 24 ತೆನೈಸೊ ಮಿಬಿ ಜಲದಿಜ ಔಸ ಕೈನ ಕರ್ತಾ ಪರ ಘನೊ ಭರೊಕ್ಹೊ ಮ್ಹೆಲೊಸ. 
\v 25 ಮಾರು ಕಮಿ ನಿಗಾನೆ ತಮ್ಮೆ ವಳಾಯೆಲ ಮಾರಾ ಭಾಯೊ ಮಾರಾ ಕ್ಹಾತೆ ರ‍್ಹಯಲ ಸೆವಕೊ ಸಹಸೆನಾನಿ ಥಯಲ ಎಪಫ್ರೊದಿತನೆ ತಮನೊ ಕನ ವಳಾವಾನು ಅವಶಕ್ಯ ವ್ಹೈ ಕೈನ ಮಿ ವಿಚಾರ ಕರ‍್ಯೊಸ. 
\v 26 ತೆ ತಮಾರಾ ಹುತಿ ಮಾಯಾ ಕರಾಡೊತೊ ವರಿ ತೆಬಿ ಅರಾಮ ನೈರ್‍ಹಯಲ ಸುದ್ದಿ ತಮೆ ಐಕೆಲಕ್ಹು ತೆ ದುಖ ಕರಲಿದ್ಯೊ. 
\v 27 ತೆ ರೊಗಮ್ಮಾ ಪಡಿನ ಮಾರಾನೊ ವ್ಹತ್ತೊಸು ಕೈನ ಕ್ಹರಿಜ ವೈಸು, ತಿನಾಹುತಿ ಕ್ಹುದಾ ತಿನೆ ಮರಿಗ್ಯೊ. ತಿನೆ ಯಕ್ಕಜ಼ ನೈ ಮನೆಬಿ ದುಖ ರೌನೈಸೊ ಮರಗ್ಯೊ. 
\v 28 ತಿನಾಹುತಿ ತಮೆ ತಿನೆ ದೆಕಿನ ಫರಿನ ಖುಶಿ ಕರು ಕೈನ ಮಾರು ದುಖ ಕಮ್ಮ ಥೌ ಕೈನ ಮಿ ತಿನೆ ಘನೊ ಗಡಬಡಕ್ಹು ವಳಾಯೊ. 
\v 29 ತಿಮ್ಮ ರ‍್ಹತ್ತಾಮ್ಮಾ ತಮೆ ಮನೆ ಕರಾನು ಕಾಳಜಿಮ್ಮಾ ಕಮಿ ಭರಾನೆ ತೆ ಜ಼ಲಮ್ಮನು ಆಸ ಛೊಡಿನ ಕ್ರಿಸ್ತನಾ ಸೆವೆನಾ ಹುತಿ ಮಾರಾನಾ ಸ್ಥಿತಿಮ್ಮಾ ರ‍್ಹತ್ತಾಮ್ಮಾ ತಮ್ಮೆ ತಿನೆ ಪುರಾ ಖುಶಿಕ್ಹು ಕರ್ತಾನಾ ಪರ ಮಳೆಲಿಯೊ ತೆವಾವೊನೆ ಮರಿಯಾದಿ ವೈವಾಲಾ ಕೈನ ಮೊಜೊ. 
\v 30 ತೆ ಕ್ರಿಸ್ತನಾ ಕಾಮನಾ ಹುತಿ
\c 3
\s ಖರಿನಿ ನಿಯತ್ತ
\p
\v 1 ಲಾಸ್ಟಮ್ಮಾ ಮಾರಾ ಭಾಯೊ ಕರ್ತಾಮ್ಮಾ ಖುಶಿ ಕರು. ಪೈಲಾ ತಿಳದೆಲ ತೆ ವಾತೊ ವತಿ ಲಿಕಾನಾಹುತಿ ಮನೆಸು ಬಾಜಾ಼ರ ನತ್ತಿ ತೆ ಅಪನೊನೆ ಘಟ್ಟ ಕರಸ. 
\v 2 ತೆ ಕುತ್ತಾರೊವೊಕ್ಹು ಹುಶಾರ ರ‍್ಹಹೊ. ಕೆಟ್ಟಕಾಮ್ಮೊ ಕರವಾಲಾಕ್ಹು ಹುಶಾರ ರ‍್ಹಹೊ. ಖತ್ನಾ ಕೈನ ಕವೈಲಿನ ಅಂಗ ಕಟೈಲಿವಾಲಾವೊ ಕ್ಹು ಹುಶಾರ ರ‍್ಹಹೊ. 
\v 3 ಕ್ಹರಿನಾಜ ಖತ್ನಾ ಕರಾವಾಲಾ ಕುವೈ ಕದ್ಯಾಮ್ಮಾ ಕ್ಹುದಾನಿ ಆತ್ಮಾಕ್ಹು ಭರಲವಾಲಾ ಆರಾಧನಾ ಕರಾವಾಲಾ ಕ್ರಿಸ್ತ ಯೆಸುಮ್ಮಾ ಖುಶಿ ಕರಾವಾಲಾ ಅಂಗನು ಸಂಬಂಧರ‍್ಹಹೆಲೊಮ್ಮಾ ಭರೊಕ್ಹೊ ನೈರ‍್ಹಹೆಲವಾಲಾ ಹಮೆಜ಼ ವ್ಹೈ. 
\v 4 ಮಿತೊ ಅಂಗನು ಸಂಬಂಧರ‍್ಹಹೆಲೊಮ್ಮಾ ಭರೊಕ್ಹೊ ಮ್ಹೆಲಾನೆ ಬಿ ಮೌಕೊಛೆ. ಬಿಜಾ಼ ಕುನಬಿ ಅಂಗನು ಸಂಬಂಧರ‍್ಹಹೆಲೊಮ್ಮಾ ಭರೊಕ್ಹೊ ಮ್ಹೆಲಾನೆ ವಿಚಾರ ಕರ‍್ಯಾಮ್ಮಾ ಮಿ ತಿನಾತಿ ಹೆಚ್ಚಗಿ ತಿಮ್ಮಜ ವಿಚಾರ ಕರಸಕಸಿ. 
\v 5 ಹುಟ್ಟಿನ ಆಟವಾ ದಿನಮ್ಮಾ ಮನೆ ಖತ್ನಾ ಥೈವು,ಮಿ ಇಸ್ರಾಯೆಲ ಖಾಂದಾನೊವೈ, ಬೆನ್ಯಾಮಿನನ ಜಾತನೊ ವ್ಹೈ,ಇಬ್ರಿಯಮ್ಮಾತೊ ಹುಟೆಲ ಇಬ್ರಿವಾಲೊ ವ್ಹೈ, ಧರಮಶಾಸ್ತ್ರನಾ ನಜರಮ್ಮಾ ದೆಕ್ಯಾಮ್ಮಾ ಮಿ ಫರಿಸಾಯನೊ ವ್ಹೈ, 
\v 6 ಆಸಕ್ತಿ ದೆಕ್ಯಾಮ್ಮಾ ಮಿ ಕ್ರಿಸ್ತನಾ ಸಭೆನೆ ತರಾಸ ಕರಲವಾಲೊ ವ್ಹೈ, ಧರಮಶಾಸ್ತ್ರನಾ ನಿಯಮನಾ ಪ್ರಕಾರ ದೆಕ್ಯಾಮ್ಮಾ ಮಿ ತಪ್ಪ ನೈಸೊ ವ್ಹೈ. 
\v 7 ತೆನೈಸೊ ಮನೆ ಫೈದೊರ‍್ಹಹೆಲಮ್ಮಾ ಕ್ರಿಸ್ತನಾ ಹುತಿ ಲುಕ್ಸಾನ ಮೊಜೊ. 
\v 8 ತೆಕ್ಲುಜ ನೈಸೊ ಮಾರಾಕರ್ತಾ ಥಯಲ ಯೆಸು ಕ್ರಿಸ್ತನಾನಿಂತ ಚಾ಼ಲಾನು ಘನು ಚೊ಼ಕು ವ್ಹೈ ಕೈನ ವಳಕಿನ ಯೆ ಕ್ಹಾರು ಮಿ ಹಾಳ ಥಾವಾ ವ್ಹೈಕೈನ ಕೈಲಿದ್ಯೊಸ. ತಿನಾಹುತಿ ಮಿ ಕ್ಹಾರು ಜವೈಲಿನ ತೆ ಕ್ಹಾರಾನೆಜ ಮಿ ಕಸ ವ್ಹೈ ಕೈನ ಕಲಿದ್ಯೊ. 
\v 9 ಇಮಾ ವಿಚಾರ ಸುವೈ ಕದ್ಯಾಮ್ಮಾ, ಮಿ ಕ್ರಿಸ್ತನೆ ಕಮೈಲಿನ ಧರಮಶಾಸ್ತ್ರನೆ ಫಲ ಥೈನ ರ‍್ಹಯಲ ಕ್ಹುದನಿ ನಿತಿ ನ್ಹವೈ,ಕ್ರಿಸ್ತ ಪರ ಭರೊಕ್ಹೊ ಕರ‍್ಯಾಮ್ಮ ಕದ್ಯಾಮ್ಮಾ ಕ್ರಿಸ್ತಪರ ಫೆಲಾನಾ ಭರೊಕ್ಹೊ ಫೆಲಾನಾ ಹುತಿ ಕ್ಹುದಾ ದಿವಾನಿ ನಿತಿ ಹೊಂದಿಲಿನ ಕ್ರಿಸ್ತಮ್ಮಾ ರ‍್ಹವಾಲೊ ವ್ಹೈಜ಼. 
\v 10 ತಿನೆ ತಿನಾ ಪುನರುತ್ಥಾನಮಾ ರ‍್ಹಯಲ ತಾಕತನೆ, ತಿನಾ ತರಾಸಮ್ಮಾ ವಾಟೊ ಲಿವಾಲೊ ತಿನಿ ಯಕ್ಕ ಪದವಿ ವ್ಹೈ ಕೈನ ತಿಳದಿಲಿನ ತಿನಾ ಮೌತನಾ ಹುತಿ ತಿನಾನಿಂತ ಜ ರುಪ ಲಿವಾಲೊ ಕೈನ ಮಾರಿ ಆಸ ಥೈಸ. 
\v 11 ಇಮ್ಮ ರ‍್ಹೈಮ್ಮ ಮರಲವಾಲಾ ದಕ್ಹಾಜ಼಼ನಾವೊನೆ ಥಾವಾನು ಪುನರುತಾನು ಅನುಭವ ಮನೆ ಬಿ ಥಾಸ.
\s ಲಕ್ಷ ಮುಟ್ಟಾನಾ ಹುತಿ ನ್ಹಾಟಾನು
\p
\v 12 ಅಕ್ಲಾಮ್ಮಾಜ ಮಿ ಯೆ ಕ್ಹಾರು ಪಡದಿಲಿನ ಪುರಾ ಥಾವಾನಾ ಹುತಿ ಆಯೆಲವಾಲೊ ವ್ಹೈ ಕೈನ ಕತೊನೈ. ತೆನೈಸೊ ಮಿ ಸು ಹೊಂದೊಲಿವಾನಾ ಹುತಿ ಯೆಸು ಕ್ರಿಸ್ತಜ ಮನೆ ಧರಲಿದ್ಯೊ ತೆ ಹೊಂದಿಲಿವಾನಾ ಹುತಿ ಕೊಶಿಶ ಕರಾಡ್ಯೊಸ. 
\v 13 ಭಾಯೊ ಮಿ ಪಡದಿಲಿವಾಲೊ ವ್ಹೈ ಕೈನ ಮಿ ಹಜು಼ನ ಲಕ್ಕಾ ಕೈಲೆತೊ ನೈ. ತೆನೈಸೊ ಯಕ್ಕ ಮಿ ಪಾಚ ಥಯಲ ಕ್ಹಾರು ಇಕ್ಹರಿನ ಅಗ್ಲು ಥಾವಾನು ಕರಾನಾ ಹುತಿ ಮಿ ತಗ್ಗಲವಾಲೊ ಥೈನ, 
\v 14 ಕ್ಹುದಾ ಕ್ರಿಸ್ತನಾ ಮುಲಕ ಅಪ್ನೊ ಉಪ್ಪರ ಬಲೈನ ಅಪ್ನಾ ಕ್ಹಾಮೊ ಮುಕಲ ಬಿರುದ ಹೊಂದಾನಿ ವಾಟ ಮಳಾದೆ ಕೈನ ನ್ಹಾಟಡೊಸ. 
\v 15 ಅಪ್ನಾಮ್ಮಾ ಶಾಣ್ಯಾಥಯಲವಾಲಾ ಕ್ಹಾರಾ ಯೆ ವಿಷಯಮ್ಮಾ ಯೆಜ ವಿಚಾರವಾಲಾ ಥೈನ ರ‍್ಹೈ ವರಿ ಯಕ್ಕ ಕೈಬಿ ವಿಷಯಮ್ಮಾ ತುಮೆ ಬಿಜಿ ವಿಚಾರವಾಲಾ ಥಯಲ ರ‍್ಹೈಯಾಮ್ಮಾ ತೆ ಕ್ಹುದಾ ತುಮೊನೆ ದೆಕಾಡಿನ ದಿವಸ. 
\v 16 ತೆತೊ, ಅಪೆ ಕಯೊ ತರಿಕಾನಿಂತ ಚಾ಼ಲಿನ ನ್ಹ್ಯಾಲಕ್ಕಾಬಿ ಆಯಾ ತಿನಾನಿಂತಜ ಚಾ಼ಲಿನ ಗಯೆ. 
\v 17 ಭಾಯೊ ವರಿ ಭೆನೊ, ತುಮೆ ಮಾರಾಕ್ಹಾತೆ ಮಳಿನ ಮಾರಾ ಕ್ಹಾತೆ ಚಾಲಾವಾಲಾ ಥಾವೊ ಹಮೆ ದೆಕಾಡಾನಾ ತರಿಕಾಮ್ಮಾಜ ಚಾಲಾವಾಲಾವೊನೆ ಧ್ಯಾನ ಲಿವೊ. 
\v 18 ಕಾಕದ್ಯಾಮ್ಮ ಘನಾಜ಼ನಾ ಕ್ರಿಸ್ತನಾ ಶಿಲೆಬೆನಾ ವಿರೊದ್ದ ಥೈನ ಚಾಲಸ. ತ್ಯುನಿ ವಿಷಯಮ್ಮಾ ತುಮೊನೆ ಕೆಕ್ಲಿಸಲ ಕದ್ಯೊ, ಹಮ್ನಾ ಬಿ ರೊತೊ ಕೌಸ. 
\v 19 ಹಾಳಥವಾನುಜ ತ್ಯುನಿ ಲಾಸ್ಟನಿ ಪರಿಸ್ಥಿ ವ್ಹೈ, ಪೆಟಜ ತ್ಯುನು ಕ್ಹುದಾವೈ, ಸರಾಮಾವುನಜ ಕಾಮ್ಮ ತ್ಯುನೊನೆ ಚುಕು ವ್ಹೈ ತ್ಯುನೆ ದುನಿಯಾಮ್ಮಾ ರ‍್ಹಯಲ ಕಾಮೊನೆ ಚಿಂತಾ ಕರಸ. 
\v 20 ಅಪೆತೊ ಸ್ವರ್ಗನಾ ಪ್ರಜೆ ವ್ಹೈ ಕರ್ತಾ ಥಯಲ ಯೆಸು ಕ್ರಿಸ್ತ ತ್ಯಾತೊಜ ರಕ್ಷಕ ಥೈನ ಆವಾನೊ ದೆಕಾತ್ತಾ ಛೆ. 
\v 21 ತೆ ಕ್ಹಾರುಜ ತಿನಾ ಅದಿನಮ್ಮಾ ಕರಲಿವಾನು ಕ್ಹಾರಾವೊ ಪರ ಅದಿಕಾರ ವ್ಹಂದಲವಾಲೊ ಥೈನ ದಿನ್ನ ಸ್ವಭಾವಾಲೊ ಥೈನ ಅಪನು ಅಂಗ ಘನು ತಾಕತವರ ಥೈನ ತಿನಾ ಅಂಗ ಲಿಂಗತ ರುಪಾಂತರ ಕರಸ.
\c 4
\s ಸುಚನೆ
\p
\v 1 ಮಾರಾ ಭಾಯೊ ಭೆನೊ ಮಿ ತುಮೊನೆ ಮಯಾ ಕರುಸ ವರಿ ತುಮೊನೆ ದೆಕಾನೆ ಆಸ ಕರುಸ ಮನೆ ತುಮೆ ಕ್ಹುಶಿ ಕರೊ ಮಿ ತಮಾರಾ ಹುತಿ ಹೆಮೆ ಪಡಾನಿನಿಂತ ಕರ‍್ಯಾಸ. ಮಿ ಕದಲನಿಂತ ತುಮೆ ಪ್ರಭುನಿ ವಾಟಪರ ಚಾ಼ಲೊ. 
\v 2 ಪ್ರಭುಮ್ಮಾ ಯಕ್ಕಜ಼ ಮನಸವಾಲಾ ರ‍್ಹೈಕೈನ ಮಿ ಯೆಹುದಿಳನೆ ವರಿ ಸಂತುಕೆನೆ ಸಮಾಧಾನಕ್ಹು ಮಾಂಗಿಲಿಸ. 
\v 3 ಮಾರಾ ದೊಸ್ತ, ತು ಮಾರಾ ಕ್ಹಾತೆ ಕಾಮ್ಮಕರಾವಾಲೊ ಥೈನ ಸೆವೆ ಕರೊತೊ ರ‍್ಹೈಹುತಿ ಯೆ ಬಾಕಡಿನೆ ಬಿ ಮದತ ಕರು ಕೈನ ತುಕನ ಮಾಂಗಿಲ್ಯುಸ. ಯೆ ಬಾಕಡಿಯೊ ಮಾರಾ ಕ್ಹಾತೆ ಸುವಾರ್ತೆನಾ ಹುತಿ ಸೆವೆ ಕರಿಯೊಸ. ಮಾರಾ ಕ್ಹಾತೆ ಸೆವೆ ಕರಾತ್ತಾ ರ‍್ಹಯಲ ಕ್ಲೆಮನ್ಸ ವರಿ ಬಿಜಾ಼ ಸೆವಕೊನೆ ಕ್ಹಾತೆ ಯೆ ಬಾಕಡಿಯೊ ಸೆವೆ ಕರಿಯೊಸ. ಯೆ ಬಾಕಡಿಯೊನು ನಾಮ ಜಿವಭಾದ್ಯ ಬುಕ್ಕಮ್ಮಾ ಬರ್ದಲ ಛೆ. 
\v 4 ಹಮೆಶಾಬಿ ಪ್ರಭುಮ್ಮಾ ಖುಶಿ ಕರೊ;ಖುಶಿ ಕರೊ ಕೈನ ವರಿ ಕೌಸ. 
\v 5 ತುಮಾರು ಮೃದು ಸ್ವಭಾವ ಮರಗಾ ಮನಕ್ಹೊ ದೆಕಾವಾಲಾನಿಂತ ಥಾವಾದೆ. ಪ್ರಭು ಭೆಗಿನ ಆವಸ. 
\v 6 ಶಾನಾಹುತಿ ಚಿಂತಾ ಕರು ನಕೊ. ತೆನೈಸೊ ಪ್ರಾರ್ಥನಾ ಕರತ್ತಾ ತುಮೊನೆ ಚಾ಼ಯೆ ಥಯಲ ಕ್ಹುದಾಕನ ಮಾಂಗಿಲಿವೊ. ತುಮೆ ಪ್ರಾರ್ಥನಾ ಕರತಾಮ್ಮಾ ಕ್ಹುದಾನೆ ಕೃತ್ತಜ್ಞತ್ತಾ ಸ್ತುತಿ ಕರೊ. 
\v 7 ಕ್ಹುದಾನಿ ಶಾಂತಿ ಕ್ರಿಸ್ತಯೆಸುಮ್ಮಾ ತುಮಾರಾ ಮನಸೊನೆ ಕಾಯಿದಸ. ಕ್ಹುದಾ ದಿವಾನಿ ಯೆ ಶಾಂತಿ ಅಪೆ ನೈ ತಿಳದಿಲಿವಾನಾಕ್ಲು ಘನಿ ಮ್ಹೊಟಿಶೆ. 
\v 8 ಮಿ ತುಮೊನೆ ಲಾಸ್ಟಮಾ ಸು ಕೌಸ ಕದ್ಯಾಮ ಭಾಯೊ ಭೆನೊ ಕಯು ಕ್ಹರಿ ವ್ಹೈ ಕಯು ಚೊ಼ಕು ವ್ಹೈ ನ್ಯಾಯ ವ್ಹೈ,ಶುದ್ಧ ವ್ಹೈ ಮಯಾನಾ ಕಾಬಿಲ ವ್ಹೈ ಕಯು ಚೊ಼ಕು ದಿಕ್ಹಸ ಕಯಾ ಚೊ಼ಕಿಯೊ ಚಾಳಿಯೊ ವ್ಹೈ ವರಿ ಕಯು ಮರ್ಯಾದಿನೆ ಕಾಬಿಲ ವ್ಹೈ, ತೆ ಕ್ಹಾರಾವೊಪರ ತುಮಾರೊ ಧ್ಯಾನ ರ‍್ಹೈನಕಾ. 
\v 9 ತುಮೆ ಮಾರಾಕ್ಹು ಶಿಕಲ ಕ್ಹಾರು. ಹೊಂದಿಲಿದೆಲ ಕ್ಹಾರು ಐಕಲ ವರಿ ಡೊಳೆ ದೆಕೆಲ ಕರೊ. ತೆಳಾಮಾ ಶಾಂತಿ ದಿವಾಲೊ ಕ್ಹುದಾ ತಮಾರಾ ಕ್ಹಾತೆ ರ‍್ಹವಸ. 
\v 10 ಮಪರ ರ‍್ಹಯಲ ತುಮಾರಿ ಚಿಂತಾವರಿ ತುಮೆ ದೆಕಡಿನೆದಿದಲ ಹುತಿ ಮಿ ಪ್ರಭುಮಾ ಘನ್ನು ಖುಶಿ ಕರುಸ. ತುಮೆ ಮಾರಾ ಹುತಿ ಚಿಂತಾ ಕರ್ತಾಛೆ. ತೆನೈಸೊ ತೆ ದೆಕಾಡಾನೆ ಮೌಕೊಜ಼ ನ್ಹೊತೊ. 
\v 11 ಮಿ ಎ ವಾತೊ ಕವಾನು ಮಾರಾಮಾರ‍್ಹಯಲ ಕಮಿಕ್ಹು ನ್ಹವೈ. ಮಾರಾಮಾ ರ‍್ಹಯಲ ಕ್ಹಾರಾಮಾ ವರಿ ಮನೆ ಥಾವಾನು ಕ್ಹಾರಾವೊಮಾ ತೃಪ್ತಥಾವಾನೆ ಮಿ ಶಿಕ್ಯೊಸ. 
\v 12 ಭುಕ್ಕೊ ರ‍್ಹತಾಮಾ ಸಮೃದ್ದಿ ರ‍್ಹತಾಮಾ ಕಿಮ ಜಿವ್ನಾ ಕರು ಕವಾನು ಮನೆ ಗ್ವತ್ತ ಥಯುಸ. ಕಯಾ ಟೈಮ್ಮಾಬಿ ಕೈಯಿ ಸ್ಥಿಮಾ ರ‍್ಹೈನೆಕಾ ಖುಶಿ ಮನೆ ಗ್ವತ್ತ ಛೆ. ಖಾವಾನೆ ಚಾ಼ಯೆ ಥಯಲ ತೆಕ್ಲು ನೈ ರ‍್ಹತಾಮಾಬಿ ಮನೆ ಚಾ಼ಯೆ ಥಯಲ ತೆಕ್ಲು ವ್ಹಂದತಾಮಾ ನೈ ವ್ಹಂದಟೈಮ್ಮಾ ಶಿಕ್ಕಿಲಿದ್ಯೊಸ. 
\v 13 ಕ್ರಿಸ್ತನಾ ಮುಲಕ ಕ್ಹಾರಾ ಕಾಮೊ ಕರ ಸಕುಸ. ಕಾಕದ್ಯಾಮ ತೆ ಮನೆ ತಾಕತ ದಿವಸ. 
\v 14 ವರಿಬಿ ಮಿ ತ್ರಾಸಮಾ ರ‍್ಹತಾಮಾ ತುಮೆ ಮನೆ ಮದದತ ಕರಲ ಚೊ಼ಕು ಥಯು. 
\v 15 ಎನೈಸೊ ಪಿಲಿಪ್ಪಿ ಗಾಮಾ ವಾಲಾ ಮಿ ಪೈಲಾ ತುಮೊಮಾ ಸುವಾರ್ತೆ ಕೈನ ಮೆಕೆದೊನಿಯೆ ಜಾ಼ತಾಮಾ ತುಮಾರಿ ಸಭೆ ಮನೆ ಮದತಕರಿಸ ಕೈನ ಮನೆ ಗ್ವತ್ತ ಛೆ. 
\v 16 ಮಿ ಥಸಲೊನೊಕಮಾ ರ‍್ಹತಾಮಾ ಮನೆ ಛಾಯೆ ಥಯಲ ತುಮೆ ಬೆ ತನ್ನ ಸಲಾ ದಿದ್ಯಾಸ. 
\v 17 ಕ್ಹರಿಮಾ ತುಮೊಕ್ಹು ಕೊಡಗೆ ಲಿವು ಕೈನ ಮಾರಿ ಆಸ ನ್ಹವೈ. ತೆ ದಿವಾನಾ ಮುಲಕ ಅಗೊ ಹೆಚ್ಕಿ ದಿವಾನಾ ಹುತಿ ಆರ್ಶವಾದೊ ತುಮೆ ವ್ಹಂದಿ ಲ್ಯು ಕೈನ ಮಾರಿ ಆಸ ವ್ಹೈ. 
\v 18 ಎಪೆಫ್ರೊದಿತ ತುಮೆ ದಿದಲ ಮನೆ ಲೈನ ದಿದಲ ಹುತಿ ಚಾ಼ಯೆ ಥಯಲಮ ತೆಕ್ಲು ಘನ್ನು ಛೆ. ತುಮೆ ದಿದಲ ಕ್ಹಾರು ಕ್ಹುದಾನೆ ಛಡಾಯಲ ಪರಿಮಳ ರ‍್ಹಯಲ ಬಲಿ ಥೈಸ. ಎ ಕ್ಹುದಾನೆ ಪಸಂದ ಥೈಸ. 
\v 19 ಮಾರೊ ಕ್ಹುದಾ ಯೆಸುನಾ ಮುಲಕ ತಿನಿ ಪ್ರಭಾವನೆ ಸೌಕಾರ್ತಾನೆ ಕ್ಹು ತುಮೊನೆ ಚಾ಼ಯೆ ಥಯಲ ತೆಕ್ಲು ದಿವಸ. 
\v 20 ಅಪ್ನೊ ಬಾ ಥಯಲ ಕ್ಹುದಾನೆ ಹಮೆಶಾಬಿ "ಮಹಿಮಾ "ಥಾವಾದೆ ಆಮೆನ. 
\v 21 ಕ್ಹುದಾನಾ ಕ್ಹಾರಾಮನಕ್ಹೊನೆ ಕ್ರಿಸ್ತಮಾ ಮಾರಿ ನಮಸ್ಕಾರ ಕೈನ ಮಾರಾ ಕ್ಹಾತೆ ಭಾಯೊ ಭೆನೊ, ತುಮೊನೆ ನಮಸ್ಕಾರ ಕರ‍್ಯಾಸ. 
\v 22 ಕ್ಹಾರಾ ಕ್ಹುದಾ ಬಚ್ಚಾ಼ ತುಮೊನೆ ನಮಸ್ಕಾರ ಕರ‍್ಯಾಸ. ಸಿಸರ ರಾಜಾ಼ನಾ ಘರ್ಮಾ ರ‍್ಹಯಲ ಬರೊಕ್ಹಾಲಾಬಿ ತುಮೊನೆ ನಮಸ್ಕಾರ ಕರ‍್ಯಾಸ. 
\v 23 ಪ್ರಭು ಯೆಸು ಕ್ರಿಸ್ತನಿ ಮರ್ಗಾ ತುಮಾರಾ ಕ್ಹಾತೆ ರ‍್ಹವಾದೆ.