\id LUK - Shikilagar
\ide UTF-8
\h ಲುಕ
\toc3 ಲುಕ
\toc2 ಲುಕ
\toc1 ಲುಕ ಬರ್ದಲ ಯೆಸುನಿ ಸುವಾರ್ತಾ
\mt2 ಲುಕನು ಬರೆದ ಯೆಸುವಿನ ಸುವಾರ್ತೆ
\mt1 ಲುಕ ಬರ್ದಲ ಯೆಸುನಿ ಸುವಾರ್ತಾ
\imt ವಳಕ
\ip ಲುಕಾ ಬರ್ದಲ ಸುವಾರ್ತೆ ನವಾ ವಡಂಬಡಿಕೆಮಾನು ಯೆಸು ಕ್ರಿಸ್ತನ ಜಿವನನಾ ಹುತಿ ವಿವರಣೆ ದಿವಾನು 4 ಪುಸ್ತಕಮಾನಿ 1 ಪುಸ್ತಕಥಯೊಸ ಎ ಹರಿ ಯಕ್ಕ ಪುಸ್ತಕನೆ ಸುವಾರ್ತೆ ಕೈನ ಬಲಾವಸ. ಇನು ಮತ್ಲಬ ಚೊ಼ಕಿ ವಾರ್ತಾ ತೆ ಕ್ಹಾರು ಯೆಸುನು ಮರಣ ಥಯಲ್ಪರ ಮತ್ತಾಯ, ಮಾರ್ಕ, ಲುಕ ವರಿ ಯೊಹಾನ, ಕವಾಲಾವೊನಾ ಹುತಿ ಬರ್ದಲ ವ್ಹೈ. ಲುಕ ಕ್ಹಾಲಿ ಯೆಸುನು ಜಿವನನಾ ಚರಿತ್ರೆನಾ ಹುತಿ ಯಕ್ಕಜ಼ ಬರದ್ಯೊ ನತ್ತಿ. ತೆನೈಸೊ ತೆ ಯೆಸುನಾ ಮರಣ ವರಿ ಪುನರುತ್ಥಾನ ಥಯಲ್ಪರ ತಿನು ಶಿಷ್ಯಾ ಕರ ಕ್ಹಾರು ದಕ್ಹಾ ವಿಷಯಲನಾಹುತಿ ಬರ್ದ್ಯೊಸ. ತೆ ಪುಸ್ತಕನಾ ನಾಮ ಅಪೊಸ್ತಲೊನಾ ಕಾಮೊ ಕಲಾಪೊ ಲುಕಾ ಬರ್ದಲ ಸುವಾರ್ತೆ ಎಜ಼ ಟೈಮ್ಮಾ ಬರ್ದಲ ವ್ಹೈ. ಕವಾನು ಖಚಿತ ಥೈನ ನತ್ತಿ. ವರಿಬಿ ಘನ್ನಾ ವಿದ್ವಾಂಸೊ ಕ್ರಿಸ್ತನಾ ಹುಟಲ್ಪರ ಘನ್ನಿ ತರಾ 60 ವರಕ್ಹ ಥಯಲ್ಪರ ಬರ್ದಲ ವಸೆ ಕೈನ ವಪ್ಪಿಲಿವಸ.
\ip ಬರ್ದಾಲೊ ಲುಕಾ ಕವಾಲೊ ಯಕ್ಕ ಡಾಕ್ಟರ ವ್ಹತ್ತೊ. ತಿನು ಬರ್ದಾನು ತರಿಕೊ ವರಿ ಶಿಕ್ಕಲವಾಲೊ ಮನಕ್ಹ ವ್ಹತ್ತೊ. ಕವಾನು ದೆಕಾಡಿನ ದಿವಸ. ಲುಕಾ ಯೆಸುನು ಜಿವಣಾ ಹುತಿ ನಿಖರಚತಾಕ್ಹು ವಿವರಣೆ ಕವಾನೆ ಮನಸ ಕರ‍್ಯೊ. ತೆ ಕ್ಹಾರು ಘಟಣೆ ತೆ ಕ್ಹಾರು ಥಯಲ ತಿಮ್ಮಜ಼ ಕದ್ಯೊ. ಇಮ್ಮ ಒದಾಲಾವೊನೆ ಇನಾಹುತಿ ಫೈದೊ ಥಾವಾ ವರಕ್ಹು ಕರ‍್ಯೊ. \xt ಲುಕ 1—3\xt* ತೆ ಯಹುದ್ದಿ ನ್ಹೊತೊ ಕೊಲೆಸ್ಸ 4:10-14 ವರಿ ಯಹುದ್ದಿಯೊ ನೈಸೊ ಮನ್ಕಹೊಬಿ ಕಳೈಲ್ಯು ಕೈನ ಕವಾನು ಮಯಾಮಾ ತೆ ಬರದ್ಯೊ ಎ ತೆ ಯಹುದ್ದಿಯೊನಾ ಪದ್ದತಿಯೊನಾ ಹುತಿ ತಿನಾಕ್ಹು ತೆಜ಼ ವಿವರಣೆ ದಿವಾನು ದೆಕ್ಯಾಮ ಅಪೊನೆ ಗ್ವತ್ತ ಥೈನ ಆವಸ. \xt ಲುಕ 1—8\xt*
\ip ಲುಕಾ ಬರ್ದಲ ಸುವಾರ್ತೆಯು ಮತ್ತಾಯ ವರಿ ಮಾರ್ಕ ಬರ್ದಲ ಸುರ್ತೆ ಲಿಂಗತಜ಼ ಛೆ. ಕಾಕದ್ಯಾಮ ತೆ ಕ್ಹಾರಿಯೊ ಯಕ್ಕ ಥರಾನಿ ವಿಷಯಯಮಾ ಕವಸ. ಎ ತನ್ನ ಪುಸ್ತಕೊಮಾ ಲುಕಾ ಬಾಪ್ತಿಸ್ಮಾ ದಿಲಾವಾಲೊ ಥಯಲ ಯೊಹಾನ ಹುಟ್ಟಲನಾ ಹುತಿ ಘನ್ನು ವಿವರದಿವಸ ಲುಕಾ ಮಾಫಿನಾ ಹುತಿ ಕವಸ. (ಲುಕ 3 ಅದ್ಯಾಯ 3 ವಾ ವಚನ 11:4, 17:3-4 23:34; 24:47; ವರಿ ಪ್ರಾಥನಾನಾ ಹುತಿ ಕವಸ. (ಲುಕ 3:21, 5:16, 6:12, 11:1-12, 22:32)
\iot ಪಿಠಿಕೆ
\io1 1. ಲುಕ ತಿನು ಸುವಾರ್ತೆನಿ ವಳಕ ದಿವಸ ವರಿ ತೆ ಕಾ ಬರ್ದಾಡ್ಯೊಸ. ಕೈನ ವಿವರಣೆ ಕವಸ. \ior 1:1-4\ior*
\io1 2. ತೆ ಥಯಲ್ಪರ ತೆ ಯೆಸುನು ಹುಟ್ಟಲ ವರಿ ತೆ ಸೆವೆನಾ ಹುತಿ ಕಿಮ್ಮ ತಯ್ಯಾರ ಥಯೊ ಕವಾನು ಕವಸ. \ior 1:5—4:13\ior*
\io1 3. ಬಿಜಿಯೊ ರ‍್ಹಯಲ ಸುವಾರ್ತೆಮಾ ಎ ಘನ್ನುಮ್ಹೊಟಿ ರ‍್ಹಯಲ ಭಾಗ ವ್ಹೈ. ಲಕ್ಕಾ ಲುಕ ಯೆಸು ಕರಲ ಕಾಮೊನಾ ಹುತಿ ಕವಸ ಖಾಸ ಕರಿನ ತೆ ಕರಲ ಅದ್ಭುತನಾ ಹುತಿ ವರಿ ತಿನು ಭೊದನೆನಾ ಹುತಿ ಕವಸ. \ior 4:14—21:38\ior*
\io1 4. ಲಾಸ್ಟಮಾ ಬೆ ಅದ್ಯಾಯಮಾ ಅದ್ಯಾಯ ತೆ ಯೆಸು ಕಿಮ್ಮ ಮರ‍್ಯೊ ಕಿಮ್ಮ ಸಮಾದಿ ಕರ‍್ಯಾ ವರಿ ಮರಣಮಾತೊ ಕಿಮ್ಮ ಉಟ್ಯೊ ಕವಾನು ಕವಸ. \ior 22—24\ior*
\c 1
\s ಯೆಸುನಾ ಜಿವನ್ನಾ ಹುತಿ ಲುಕಾ ಬರ್ದಲ
\p
\v 1 ಸನ್ಮಾನ್ಯ ಥೆಯೊಫಿಲನ, ಹಮಾರಾ ವಚ್ಮಾ಼ ಥಯಲ ಸಂಗತಿಯೊ ವರಿ ಚರಿತ್ರೆ ತಿಳಸಾನಾಹುತಿ ಘನ್ನಾ ಜ಼ನಾ ಕೊಶಿಶ ಕರ‍್ಯಾಸ. 
\v 2 ಶುರುತಾಬಿ ತೆ ಸಂಗತಿಯೊ ಡೊಳೆ ದೆಕಲ ಕ್ಹುದಾನಿಯೊ ವಾತೊ ಕದಲವಾಲಾವೊನಾ ಮ್ಹೊಡೆ ಹಮೆ ಐಕಲ ಸಂಗತಿಯೊ ತ್ಯುನೆ ಬರ್ದ್ಯಾಸ. 
\v 3 ತಿನಾಹುತಿ ಹರಿಯಕ್ಕ ಸಂಗತಿಯೊ ಶುರುತಿಬಿ ಮಿಜ಼ ಮ್ಹೈನತ ಕರಿನ ಒದಿ ಬರ್ದಿನ ತಿಳದಿಲಿದಲ ಹುತಿ ತ್ಯುನೆ ಎ ಕ್ಹಾರು ತುನೆ ಯಕ್ಕ ಲೆವಲ (ಸಂವಾ) ತಿಳಸಾನಾ ಹುತಿ ಪುಸ್ತಕನಾ ರುಪಮಾ ಬರ್ದಿನ ಮ್ಹೆಲ್ಯೊಸ. 
\v 4 ತುನೆ ಕದಲ ಉಪದೆಶ ಕ್ಹರಿನಿಯೊ ವ್ಹೈ ಕೈನ ಇನಾಹುತಿ ಕ್ಕಲಿಯರ ರ‍್ಹವಾದೆ.
\s1 ಬಾಪ್ತಿಸ್ಮಾ ದಿಲಾವಾಲೊ ಥಯಲ ಯೊಹಾನ ಹುಟ್ಟಾನಾ ಹುತಿ ಕದಲ
\p
\v 5 ಯುದಾಯನೊ ರಾಜೊ಼ ಥಯಲ ಹೆರೊದನಾ\f + \fr 1:5 \fr*\ft ಹೆರೊದನು ನಾಮ 5 ವಚನಮಾ ನ್ಹ್ಯಾ ಮಹಾ ಹೆರೊದ ವರಿ ಹೆರೊದನ ದಿಕ್ರಾನಾ ಟೈಮಾ ಯೆಸು ಕ್ರಿಸ್ತನೆ ಶಿಲುಬುಪರ ಘಾಲ್ತಾಮಾ ತೆ ಟೈಮ್ಮಾ ವ್ಹತ್ತೊ. \ft*\f* ಕಾಲಮಾ ಅಭಿಯನ್ನಾ ಆರೊನನಿ ಒಸಮಾ ಮಳಲ ಜಕರಿಯಾ ಕವಾಲೊ ಯಕ್ಕ ಯಾಜಕ ವ್ಹತ್ತೊ. \f + \fr 1:5 \fr*\ft ಯಾಜಕ ಕದ್ಯಾಮ ಕ್ಹುದಾನಿ ಸನ್ನಿದಿಮಾ ಬಲಿ ದಿವಾಲಗಾಡಾಲೊ ವರಿ ಪದ್ದತ ಕರಾಲೊ \ft*\f*ತಿನಿ ಬೈಕೊ ಯಾಜಕೊನಿ ಒಸವಾಲಿ ವ್ಹತ್ತಿ. ತಿನು ನಾಮ ಎಲಿಸಬೆತ ವ್ಹತ್ತು. 
\v 6 ತ್ಯುನೆ ಕ್ಹರಿಮಾಜ಼ ಕ್ಹುದಾನಿ ನಜ಼ರಮಾ ಚೊ಼ಕಾ ಥೈನ ವ್ಹತ್ತಾ. ಭಂಬಿಜ಼ನಾ ಕರ್ತಾನಿಯೊ ಕ್ಹಾರಿಯೊ ಆಗನ್ಯಾ ವರಿ ನಿಯಮೊ ನಿಶ್ಠೆ ಕಾಯ್ದಿಲಿನ ತಪ್ಪ ನೈಸೊ ಕರಾಲಾ ರ‍್ಹೈನ ವ್ಹತ್ತಾ. 
\v 7 ತೆನೈಸೊ ಎಲಿಸಬೆತನೆ ವರಿ ಜಕರಿಯಾನೆ ಬಚ್ಚಾ಼ನ್ಹೊತಾ; ಕಾಕದ್ಯಾಮ ಎಲಿಸಬೆತ ಗ್ವಡ್ಡ ವ್ಹತ್ತಿ. ಎನೈಸೊ ತ್ಯುನೊನೆ ಘನ್ನಿ ವೈಸ್ ಥೈತಿ.
\p
\v 8 ಯಕ್ಕ ದಿನ್ನ ಜಕರಿಯಾನಿ ಒಸನಿ ಪಾಳಿ ಆತಾಮಾ, ತೆ ಕ್ಹುದಾನಿ ಸನ್ನಿಧಿಮಾ ಯಾಜಕ ಥೈನ ಸೆವೆ ಕರಾಡೊತೊ. 
\v 9 ಕ್ಹುದಾನಿ ಸನ್ನಿಧಿಮಾ ಯಾಜಕೊ ಉದನೊ ಧವಾಂಡೊ ದಿವಾಹುತಿ ತಿವ್ನಿ ಪದ್ದತಿಲಿಂಗತ ಚಿಟಿಯೊ\f + \fr 1:9 \fr*\ft ಚಿಟಿಯೊ ಘಾಲಾನು ಕದ್ಯಾಮ ಮನಕ್ಹೊ ಕಯೊಬಿ ಫೈಸಲೊ ಲ್ಯುಕದ್ಯಾಮ ಚಿಟಿಯೊ ಘಾಲ್ತಾತಾ. ವರಿ ತೆ ಚಿಟಿಯೊ ಘಾಲ್ತಾಮಾ ತ್ಯುನೆ ಕಯು ಸಾಮನ ಲೆತಾತಾ ಕವಾನು ಗ್ವತ್ತ ನತ್ತಿ. ತ್ಯುನೆ ಲಿವಾನು ಸಾಮನ ತ್ಯುನಾ-ತ್ಯುನಾ ನಾಮೊ ಬರದತಾತಾ. ತೆ ಚಿಟಿಯೊಮಾನು ಯಕ್ಕ ಕಾಡಿನ ದೆಕ್ತಾತಾ. \ft*\f* ಘಾಲ್ತಾಮಾ ತಿಮಾ ಜಕರಿಯಾನು ನಾಮ ಐಯು. 
\v 10 ತಿನಾಹುತಿ ಜಕರಿಯಾ ಕ್ಹುದಾನಿ ಸನ್ನಿದಿಮಾ ಗೈನ ಉದನೊ ಧವಾಂಡೊ ದೆತಾ ಟೈಮಾ ಮನಕ್ಹೊನು ಗುಂಪ ಭಾರಾಜ಼ ರ‍್ಹೈನ ಕ್ಹುದಾನೆ ಪ್ರಾಥನಾ ಕ\f + \fr 1:10 \fr*\ft ಯಾಜಕ ಧರಮನೆ ಸಂಭಂದ ರ‍್ಹಯಲ ನಾಯಕ ವ್ಹೈ. ಇನು ಕಾಮ ಸು ವ್ಹೈ ಕದ್ಯಾಮ ಕ್ಹುದಾನೆ ಬಲಿಯೊ ದಿವಾಲೊ ವ್ಹೈ. ಹೆರೊದನಿ\ft*\f*ರಾಡ್ಯಾತಾ.
\p
\v 11 ತೆಳಾಮಾ ಕ್ಹುದಾನೆ ಉದನೊ ಧವಾಂಡೊ ದಿವಾನಿ ಜ಼ಗಾನಾ ಸಿದಾ ಬಗಲ ಜಕರಿಯಾನೆ ದೆವದುತ\f + \fr 1:11 \fr*\ft ಗ್ರಿಕ ಪುಸ್ತಕಮಾ ದೆವದುತನೆ ಕ್ಹುದಾನಿ ವಾತ ಕವಾಲೊ ವ್ಹೈ. ದೆವದುತ ಆತ್ಮಾ ವ್ಹೈ ವರಿ ಕ್ಹುದಾನೊ ಸೆವಕ ವ್ಹೈ. ಕೆಳಾಮಾಬಿ ಯಕ್ಕೆಬ ಮನಕ್ಹೊನೆ ಕ್ಹುದಾನಿ ವಾತ ಕವಾನೆ ವಳಾವಸ. \ft*\f* ಹುಬ್ರಯಲ ದಿಕ್ಹ್ಯು. 
\v 12 ಜಕರಿಯಾ ತಿನೆ ದೆಕಿನ ಘಾಬ್ರೊಥೈನ ಭುಚ್ಕ್ಕಯೊ. 
\v 13 ವರಿ ತೆ ದುತ ತಿನೆ ಜಕರಿಯಾ, ಭುಚ್ಕು಼ನಕೊ; ತಾರಿ ಪ್ರಾಥನಾ ಕ್ಹುದಾ ಐಕ್ಯೊಸ; ತಾರಿ ಬೈಕೊ ಎಲಿಸಬೆತ ಯಕ್ಕ ಪಟ್ಟೊ ಜ಼ನ್ನಿನ ತುನೆ ದಿವಸ. ತು ತಿನೆ ಯೊಹಾನ ಕೈನ ನಾಮ ಮ್ಹೆಲು. 
\v 14 ತೆ ಹುಟ್ಟಲಹುತಿ ತುಮೊನೆ ಘನ್ನಿ ಖುಶಿ ಮಳಸ; ವರಿ ತೆ ಹುಟ್ಟಲಹುತಿ ಘನ್ನಾ ಮನಕ್ಹೊಮಾ ಖುಶಿ ಥಾವಸ. 
\v 15 ಯೊಹಾನ ಕರ್ತಾನಿ ನಜ಼ರಮಾ ಮ್ಹೊಟೊ ಮನಕ್ಹ ಥಾವಸ; ತೆ ದ್ರಾಕ್ಷಿಯೊನು ರಕ್ಹ ರ‍್ಹವಾದೆ ವರಿ ಕಯುಬಿ ನಶಾನು ರಕ್ಹ ರ‍್ಹವಾದೆ ತೆ ಪಿತೊಜ಼ ನೈ; ಯೊಹಾನ ಹುಟ್ಟಲ ದಿನತೊಬಿ ತಿಮಾ ಪವಿತ್ರ ಆತ್ಮಾ\f + \fr 1:15 \fr*\ft ಪವಿತ್ರ ಆತ್ಮಾ ಕದ್ಯಾಮ ಕ್ಹುದಾನಿ ಆತ್ಮಾ ವ್ಹೈ. ಪವಿತ್ರ ಆತ್ಮಾ ಬಾ ಥಯಲ ಕ್ಹುದಾನಾ ಕ್ಹಾತೆ ರ‍್ಹಯಲ ವಾಲೊ ವರಿ ತಿನಾ ದಿಕ್ರಾನಾ ಕ್ಹಾತೆ ರ‍್ಹಯಲವಾಲೊ ವ್ಹೈ ತೆ ಜ಼ಲಮ ರ‍್ಹಯಲ ಆತ್ಮಾ ವ್ಹೈ. ತಿನೆ ಅಂಗ ಕವಾನು ನತ್ತಿ ತೆ ಪರಿಶುದ್ಧ ವ್ಹೈ ತಿಮಾ ಪಾಪ ನತ್ತಿ. \ft*\f* ರ‍್ಹವಸ. 
\v 16 ತೆ ಇಸ್ರಾಯಲನಾ ಘನ್ನಾ ಮನಕ್ಹೊನೆ ತ್ಯುನೊ ಕ್ಹುದಾ ಥಯಲ ಕರ್ತಾಕನ ಲಾವಸ. 
\v 17 ವರಿ ತೆ ಕ್ಹುದಾನೊ ದುತ ಥೈನ ಅಗೊ ಜಾ಼ವಸ. ತಿನೆ ಪ್ರವಾದಿ ಥಯಲ ಎಲಿಯಾನಿಯೊ ಚ್ಯಾಳಿಯೊ ವರಿ ಶಕ್ತಿಯೊ ಯೊಹಾನನೆ ಮಳಸ; ಬಾಪೊನೆ ದಿಕ್ರಾವೊನಾ ವಚ಼ಮಾ ಸಮಾದಾನ ದಿಲಾವಸ; ನಿತಿನೈಸೊ ವಾಲಾವೊನೆ ನಿತಿವಂತನು ಗ್ಯಾನ ಸಿಕ್ಕಲಾವಸ್; ವರಿ ಮನಕ್ಹೊನೆ ಕ್ಹುದಾನಾ ಹುತಿ ತಯ್ಯಾರ ಕರಸ" ಕದ್ಯೊ.
\p
\v 18 ಜಕರಿಯಾ ತೆ ಕ್ಹುದಾನಾ ದುತನೆ"ತು ಕವಾನು ಕ್ಹರಿ ವ್ಹೈ ಕೈನ ಸು ವಳಕ ಛೆ? ಮಿ ಗಡಿಯೊ ಥೈಗಯೊಸ ವರಿ ಮಾರಿ ಬೈಕೊನೆ ಬಿ ವೈಸ ಥೈಗೈಸ "ಕದ್ಯೊ.
\p
\v 19 ತೆಳಾಮಾ ತೆ ದೆವದುತ "ಮಾರು ನಾಮ ಗಬ್ರಿಯೆಲ ವ್ಹೈ. ಮಿ ಕ್ಹುದಾ ಕನ ರ‍್ಹವಾಲೊ ವ್ಹೈ. ವರಿ ಮಿ ಕ್ಹುದಾನಿಯೊ ವಾತೊ (ಸಂದೆಶ) ಮನಕ್ಹೊಕನ ಕವಾಲೊ ವ್ಹೈ, ವರಿ ಎ ಚೊ಼ಕಿ ವಾತ ಕವಾನಾ ಹುತಿ ಕ್ಹುದಾ ಮನೆ ತುಕನ ಮೊಕ್ಕಲ್ಯೊಸ. 
\v 20 ಎ ಮಾರಿಯೊ ವಾತೊ ಕರೆಟ್ಟ ಟೈಮಾ ಪುರಾ ಥಾವಸ; ಎನೈಸೊ ತು ಎ ನೈ ನಂಬಲಕ್ಹು ಎಕ್ಹಾರು ಪುರಾಥಾವಾನು ದಿನ್ನಲಕ್ಕಾ ಕಿಕನಜ಼ ಸು ಕದ್ಯಾವಾಚಿ ಮುಕೊ ಥೈನ ರ‍್ಹಶಿ ಕದ್ಯೊ.
\p
\v 21 ವರಿ ಜಕರಿಯಾನಾ ಹುತಿ ಭಾರಾ ಕೈದತಾ ಹುಬ್ರಯಲ ಮನಕ್ಹೊ ದೆವಾಲಯಮಾ\f + \fr 1:21 \fr*\ft ದೆವಾಲಯ ಕದ್ಯಾಮ ಯೆರುಸೆಲೆಮ್ಮಾ ರ‍್ಹಯಲ ದೆವಾಲಯ ವ್ಹೈ ನೈತೊ ಮ್ಹೊಟು ಭಾಂದಲ ದೆಕಾಡಸ ದೆವಾಲಯಮಾ ಯಹುದ್ಯೊ ಆರಾಧನೆ ಕರಸ ನವು ವಡಂಬಡಿಕೆ ಕಾಲ್ಮಾ ಯೆರುಸೆಲೆಮನು ದೆವಾಲಯ ಮ್ಹೊಟಿಯೊ ಗೊಡಿಯೊಕ್ಹು ಭಾಂದ್ಯಾಸ. \ft*\f* ತೆ ವಕ್ಹತ ಕರಲಹುತಿ ಮನಕ್ಹೊ ಘಾಬ್ರಾಥಯಾ. 
\v 22 ತೆಕ್ಲಾಮಾಜ಼಼ ಜಕರಿಯಾ ದೆವಾಲಯಮಾತೊ ಭಾರೊ ಆತಾಮಾ ಮನಕ್ಹೊನಾ ಕ್ಹಾತೆ ಸುಜ಼ ಬೊಲ್ಯಾವಾಚಿ ರ‍್ಹತಾಮಾ ಮನಕ್ಹೊ ಇನೆ ದೆವಾಲಯಮಾ ಕ್ಹುದಾ ಕಯೊಬಿ ಯಕ್ಕ ದರ್ಶನ ದಿದ್ಯೊಸ. ಕೈನ ಮನಕ್ಹೊ ತಿಳದಿಲಿನ. ತೆಳಾಮಾತೊಜ಼ ಜಕರಿಯಾ\f + \fr 1:22 \fr*\ft ದರ್ಶನ ಕದ್ಯಾಮ ಕಯೊಬಿ ಯಕ್ಕ\ft*\f* ಮನಕ್ಹೊನೆ ಹತಕ್ಹು ಇಶಾರೊ ಕರತೊ ಮುಕೊಥೈನೆಜ಼ ವ್ಹತ್ತೊ.
\p
\v 23 ಜಕರಿಯಾ ಯಾಜಕನಿ ಸೆವೆನಾ ದಿನೊ ಮುಗ್ದಲಪರ ತೆ ತಿನಾ ಘರೆ ಗೈಪಡ್ಯೊ. 
\v 24 ತೆ ದಿನೊ ಥಯಲಪರ ಜಕರಿಯಾನಿ ಬೈಕೊ ಎಲಿಸಬೆತ ಪಾಂಚ಼ ಮ್ಹ್ಯೆನಾ ಪೆಟೆ ರ‍್ಹ್ಯೆನ ಪಾಂಚ಼ ಮ್ಹ್ಯೆನಾ ಲಕ್ಕಾ ಘರಮಾತಿ ಭಾರಿ ಐ ನೈ. 
\v 25 ಎಲಿಸಬೆತ, ದೆಕೊ ಕರತಾ ಮಾರಾಹುತಿ ಹವು ಮ್ಹೊಟು ಕಾಮ ಕರ‍್ಯೊಸ "ಮಾರಾ ಮನಕ್ಹೊನಾ ವಚ಼ಮಾ ಮಪರ ರ‍್ಹಯಲ ಯಕ್ಕ ಕೆಟ್ಟ ನಾಮ ಕ್ಹು ವಚಾ಼ಡ್ಯೊಸ" ಕದಿ.
\s ಯೆಸು ಕ್ರಿಸ್ತ ಹುಟ್ಟಾನಾ ಹುತಿ ಕದಲ
\p
\v 26 ಎಲಿಸಬೆತ ಛೆ ಮ್ಹ್ಯೆನಾ ಪೆಟೆ ರ‍್ಹತಾಮಾ ಕ್ಹುದಾ ತಿನಾ ಗಬ್ರಿಯೆಲ ಕವಾನಾ ದುತನೆ ಗಲಿಲಾಯ ಕವಾನಾ ಪ್ರಾಂತ್ಯಮಾ ರ‍್ಹಯಲ ನಜ಼ರೆತೆ ಕವಾನಾ ಗಾಮ್ಮಾ ರ‍್ಹಯಲ ಜಾಂಜಿಮಾನ ಚೊ಼ಕ್ರಿಕನ ವಳಾಯೊ. ತಿನೆ ಕಯಾಜ಼ ದಾಣಗಾನಾ ಕ್ಹಾತೆ ಸಂಬದ ನ್ಹೊತು. 
\v 27 ತಿನೆ ದಾವಿದನಾ ಖಾಂದಾನವಾಲೊ ಥಯಲ ಯೊಸೆಫನಾ ಕ್ಹಾತೆ ನಾತ್ರು ಥೈತು. ತಿನು ನಾಮ ಮರಿಯಳ ವ್ಹತ್ತು. 
\v 28 ದೆವದುತ ತಿನಾ ಕ್ಹಾಮೊ ಐನ "ಕ್ಹುದಾನೊ ಆಶಿರ್ವಾದ ವ್ಹಂದಲವಾಲಿ. ತುನೆ ಚೊ಼ಕು ಥಾವಾದೆ ಕರತಾ ತಾರಾ ಕ್ಹಾತೆ ಛೆ "ಕದ್ಯೊ.
\p
\v 29 ದೆವದುತನಾ ವಾತೊ ಐಕಿನ ಘನ್ನಿ ಗಲಿಬಿಲಿ ಥೈನ ಎ ಕೆವೊ ಆಶಿರ್ವಾದ ವ್ಹೈ ಕೈನ ವಿಚಾರ ಕರತಿ ಘಾಬ್ರಿ ಥೈ. 
\v 30 ದೆವದುತ ತಿನೆ "ಮರಿಯಳ, ಭುಚ್ಕು಼ನಕೊ. ಕ್ಹುದಾ ತುನೆ ಘನ್ನಿ ಕೃಪಾ ದಿದ್ಯೊಸ. 
\v 31 ಐಕ! ತು ಪೆಟೆ ರ‍್ಹೈನ ಯಕ್ಕ ಪಟ್ಟೊ ಜ಼ನ್ಸಿ. ತು ತಿನು ನಾಮ "ಯೆಸು "ಕೈನ ಮ್ಹೆಲು. 
\v 32 ತೆ ಮ್ಹೊಟೊ ಮನಕ್ಹ ಕೈನ ಕವೈಲಿವಸ. ಎನೈಸೊ ಕ್ಹುದಾ ಥಯಲ ಕರ್ತಾನು ದಿಕ್ರೊ ಕವೈಲಿವಸ. ವರಿ ಕ್ಹುದಾ ತಿನೆ ರಾಜೊ಼ ಥಯಲ ದಾವಿದನಾ ಲಿಂಗತ ರಾಜೊ಼ ಕರಸ. 
\v 33 ತೆ ಯಾಕೊಬನಾ ಖಾಂದಾನವಾಲಾವೊಪರ ಕೆಳಾಮಾಬಿ ಅದಿಕಾರ (ಹಕ್ಕ) ಚ಼ಲಾವಸ; ತಿನಿ ಯಕ್ಕ ರಾಜ್ಯನೆ ಅಂತ್ಯ ನತ್ತಿ. ಕದ್ಯೊ.
\p
\v 34 ಮರಿಯಳ ದೆವದುತನೆ "ಎ ಕಿಮ ಥಾವಸ? ಮಿ ಹಜು಼ನ ಹಿವಾ ನತ್ತಿ ಕರಲಿದಿತೊ" ಕೈನ ಕದಿ.
\p
\v 35 ದೆವದುತ ಮರಿಯಳನೆ ಪವಿತ್ರ ಆತ್ಮಾ ತುಪರ ಆವಸ. ಕ್ಹಾರಾವೊತಿ ಮ್ಹೊಟೊ ರ‍್ಹಯಲ ಕ್ಹುದಾನಿ ತಾಕತನಿ ಛವ್ಲಿ ತುಪರ ಆವಸ. ತಿನಾ ಹುತಿ ಹುಟ್ಟಾನು ಪವಿತ್ರ ಬಚ್ಚು಼ ಕ್ಹುದಾನೊ ದಿಕ್ರೊ "ಕವೈಲಿವಸ. 
\v 36 ಎನೈಸೊ ತಾರು ಕಳಬಳ ಥಯಲ ಎಲಿಸಬೆತ ಛೆತೊ. ತಿನೆ ವೈಸ ಥೈತಬಿ ತೆ ಯಕ್ಕ ಪಟ್ಟೊ ಜ಼ನ್ನಸ. ಬಚ್ಚಾ಼ನತ್ತಿ ಕೈನ ಮನಕ್ಹೊನಾ ಹತೆ ಕವೈಲಿದಲವಾಲಿ ತೆ ಹಮ್ನಾ ಛೆ ಮ್ಹ್ಯೆನಾ ಪೆಟೆ ಛೆ. 
\v 37 ಕಾಕದ್ಯಾಮ ಕ್ಹುದಾನಾ ಹತೆ ನೈ ಥಾವಾನು ಸುಜ಼ ನತ್ತಿ ಕದ್ಯೊ.
\p
\v 38 ತೆಳಾಮಾ ಮರಿಯಳ"ಮಿ ಪ್ರಭುನಿ ದಾಸಿ ವ್ಹೈ. ವರಿ ತು ಕದಲ ತಿಮ್ಮಜ಼ ಥಾವಾದೆ"ಕದಿ. ತೆಳಾಮಾ ದೆವದುತ ತ್ಯಾಂತೊ ಗೈ ಪಾಡ್ಯೊ.
\s ಮರಿಯಳ ಎಲಿಸಬೆತನೆ ಮಳಲ
\p
\v 39 ತೆಳಾಮಾಜ಼ ಮರಿಯಳ ಉಟಿನ ಗಡಬಡೆ ಯುದೆಯಮಾ ರ‍್ಹಯಲ ಡೊಂಗರೊನಾ ಪ್ರದೆಶಮಾ ರ‍್ಹಯಲ ಗಾಮೆ ಗೈ. 
\v 40 ತ್ಯಾ ಜಕರಿಯಾ ಕವಾಲಾನಾ ಘರಮಾ ಗೈನ ಎಲಿಸಬೆತನಾ ಗಳೆ ಮಳಿನ ಹತೊಜೊ಼ಡಿ. 
\v 41 ಎಲಿಸೆಬೆತ ಮರಿಯಳನೊ ಗಳೊ ಐಕ್ತಾಮಾ ಎಲಿಸಬೆತನಾ ಪೆಟಮಾ ರ‍್ಹಯಲ ಬಚ್ಚು಼ ಖುಶಿ ಥೈನ ವದ್ಯಾಡ್ಯು. ತೆಳಾಮಾ ಎಲಿಸಬೆತ ಪವಿತ್ರ ಆತ್ಮಾಕ್ಹು ಭರಿನ 
\v 42 ವರಿ ಜೊ಼ರ ವದ್ರಿನ ಅಮ್ಮ ಕದಿ" ಕ್ಹಾರಿಯೊ ಬಾಕ್ಡಿಯೊಮಾತಿ ಕ್ಹುದಾನೊ ಘನ್ನೊ ಆಶಿರ್ವಾದ ವ್ಹಂದಿಲಿದಲವಾಲಿ. ವರಿ ತಾರಾ ಮುಲಕ ಹುಟ್ಟಾನು ಬಚ್ಚು಼ ಕ್ಹುದಾ ಆಶಿರ್ವಾದ ದಿದಲ ವ್ಹೈ. 
\v 43 ಮಾರಾ ಪ್ರಭುನಿ ಯಾ ಥಾವಾಲಿ ಮಕನ ತು ಆಯಲ ಮನೆ ಕೆಕ್ಲೊ ಚೊ಼ಕೊ ನಸಿಬ ವ್ಹೈ! 
\v 44 ದೆಕ ತಾರೊ ಗಳೊ ಮಾರಾ ಕಾನೆ ಪಡ್ತಾಮಾಜ಼ ಮಾರಾ ಪೆಟಮಾ ರ‍್ಹಯಲ ಬಚ್ಚು಼ ಖುಶಿಕ್ಹು ವದ್ಯಾಡ್ಯು. 
\v 45 ಪ್ರಭು ತುನೆ ಕದಲ ವಾತೊ ಪುರಾ ಥಾವಸಜ಼ ಕೈನ ನಂಬಲವಾಲಿ ತು ಧನ್ಯ ವ್ಹೈ..
\s ಮರಿಯಳ ಕ್ಹುದಾನೆ ಸ್ತುತಿ ಕರಲ
\p
\v 46 ತೆಳಾಮಾ ಮರಿಯಳ,
\q1 "ಮಾರೊ ಜ಼ಲಮ ಪ್ರಭುನೆಜ಼ ಸ್ತುತಿ ಕರಸ"
\q2
\v 47 ಮಾರಿ ಆತ್ಮಾ ಮಾರೊ ರಕ್ಷಕ ಥಯಲ ಕ್ಹುದಾನಾ ಹುತಿ ಖುಶಿ ಥಯುಸ್ಸ.
\q1
\v 48 ಕ್ಹುದಾ ತಿನಿ ದಾಸಿನಿ
\q2 ದಿನಸ್ತಿತಿ ದೆಕ್ಯೊಸ. ಆಜ಼ತಾಜ಼ ಕ್ಹಾರಾ
\q1 ಮನಕ್ಹೊ ಮನೆ ಧನ್ಯ ವ್ಹೈ ಕವಸ.
\q1
\v 49 ತಿನಾಹುತಿ ಸರವಶಕ್ಕತ ಥಯಲ ಕ್ಹುದಾ ಮನೆ ಮ್ಹೊಟೊ ಉಪಕಾರ ಕರ‍್ಯೊಸ.
\q2 ತಿನು ನಾಮ ಪರಿಶುದ್ಧ ವ್ಹೈ.
\q1
\v 50 ಕ್ಹುದಾನಾ ಭೆಮಾ ವರಿ ಭಕ್ಕತಿಮಾ ರ‍್ಹಯಲವಾಲಾವೊಪರ ತಿನಿ ಮರಗಾ
\q2 ಕೆಳಾಮಾಬಿ ತ್ಯುನೊಪರ ರ‍್ಹವಸ.
\q1
\v 51 ತೆ ತಿನಿ ತಾಕತಕ್ಹು ಸ್ವಕ್ಕ ರ‍್ಹಯಲವಾಲಾವೊನಾ
\q2 ತ್ಯುನು ಸ್ವಕ್ಕ ಹಾಳ ಕರಿಪಾಡಸ.
\q1
\v 52 ಕ್ಹುದಾ, ಸ್ವಕ್ಕ ರ‍್ಹಯಲವಾಲಾ ಅದಿಪತಿಯೊನೆ ತ್ಯುನೆ ಯಕ್ಕ ಜ಼ಗಾತೊ ಉತಾರಿನ.
\q2 ತೆನೈಸೊ ಕ್ಹುದಾನೊ ಭೆ ವರಿ ಭಕ್ತಿ ರ‍್ಹಯಲ
\q2 ವಾಲಾವೊನೆ ಚೊ಼ಕಿ ಜ಼ಗಾ ಹುಬ್ರಾಡಸ.
\q1
\v 53 ತೆ ಭುಕ್ಕಾ ರ‍್ಹಯಲವಾಲಾವೊನಾ ಚೊ಼ಕು ರ‍್ಹಯಲ ಖಲೈನ,
\q2 ತೆನೈಸೊ ಆಸ್ತಿರಹೆವಾಲಾವೊನೆ ಖಾಲಿ ಹತೆ ಮೊಕ್ಲಿಪಾಡಸ.
\q1
\v 54 ಕ್ಹುದಾ ಅಪ್ನಾ ಪುರ್ವಜೊನೆ ವಾತದಿದಲ ಪುರಾ ಕರ‍್ಯೊಸ.
\q2 ಅಪ್ನೊ ಮುಲ ಪಿತಾ ಥಯಲ ಅಬ್ರಾಹಮನಾ ಖಾಂದಾನವಾಲಾವೊನೆ ಕೆಳಾಮಾಬಿ
\q1
\v 55 ಮರಗಾ ದೆಕಾಡು ಕೈನ ತಿನಾ ಸೆವಕೊ ಥಯಲ
\q2 ಅಬ್ರಹಾಮ ಇಸ್ರಾಯೆಲನಾ ಮನಕ್ಹನೆ ಹತ ಧರ‍್ಯೊಸ ಕದಿ.
\p
\v 56 ಮರಿಯಳ ಕಮ ಜಾಸ್ತ ತನ ಮ್ಹ್ಯೆನಾ ಎಲಿಸಬೆತನಾ ಕ್ಹಾತೆ ರ‍್ಹ್ಯೆನ ಮರಿಯಳ ತಿನಾ ಘರೆ ಗೈ.
\s ಬಾಪ್ತಿಸ್ಮಾ ದಿಲಾವಾಲೊ ಯೊಹಾನ ಹುಟ್ಟಲ
\p
\v 57 ಎಲಿಸಬೆತನೆ ದಿನೊ ಭರಿನ ಯಕ್ಕ ಪಟ್ಟೊ ಜ಼ನ್ನಿ. 
\v 58 ಕ್ಹುದಾ ಎಲಿಸಬೆತನೆ ಆಶಿರ್ವಾದ ದಿದಲ ಗ್ವತ್ತ ಥೈನ ತಿನಾ ಕಳಬಳ ವರಿ ಆಜು಼ ಬಾಜು಼ವಾಲಾ ತಿನಾ ಕ್ಹಾತೆ ಮಳಿನ ಘನ್ನಾ ಖುಶಿ ಥಯಾ.
\p
\v 59 ಪಟ್ಟೊ ಹುಟ್ಟಿನ ಆಟ ದಿನ್ನ ಥಾತಾಮಾ ತ್ಯುನೆ ತಿನೆ ಸುನ್ನತಿ ಕರಾಹುತಿ ಲಾಯಾ. ತ್ಯುನೆ ತೆ ಪಟ್ಟಾನು ನಾಮ ತಿನಾ ಬಾನು ನಾಮ ಜಕರಿಯಾ ಕೈನ ಮ್ಹೆಲು ಕೈನ ವ್ಹತ್ತು. 
\v 60 ತೆನೈಸೊ ತೆ ಪಟ್ಟಾನಿ ಯಾ ತೆ ನಾ\f + \fr 1:60 \fr*\f*ಮಿ "ನಕೊ! ತಿನೆ ಯೊಹಾನ ಕೈನ ನಾಮ ಮ್ಹೆಲೊ "ಕದಿ.
\p
\v 61 ತ್ಯಾ ಆಯಲವಾಲಾ ಮನಕ್ಹೊ ಎಲಿಸಬೆತನೆ "ತಾರಾ ಖಾಂದಾನಮಾ ಕಿನುಜ಼ ಎ ನಾಮ ನತ್ತಿತೊ "ಕದ್ಯಾ. 
\v 62 ಎ ಪಟ್ಟಾನೆ ಸು ನಾಮ ಮ್ಹೆಲು ಕೈನ ಸ್ವನ್ನಿ ಕರಿನ ತಿನಾ ಬಾನೆ ಪುಚ್ತಾ಼ಮಾ.
\p
\v 63 ತೆಳಾಮಾ ಜಕರಿಯಾ ಪಾಟಿ ಮಂಗೈನ "ಯೊಹಾನಜ಼ "ಮ್ಹೆಲೊ ಕೈನ ಬರ್ದಿನ ದೆಕಾಡ್ಯೊ ತಿನಾ ಹುತಿ ಕ್ಹಾರಾ ಮನಕ್ಹೊ ಘಾಬ್ರಾಥಯಾ. 
\v 64 ತೆಳಾಮಾಜ಼ ಜಕರಿಯಾನೆ ಬೊಲಾನಿ ತಾಕತ ಮಳಿ ತೆಳಾಮಾ ತೆ ಕ್ಹುದಾನಿ ಸ್ತುತಿ ಕರ‍್ಯೊ. 
\v 65 ಎ ಕ್ಹಾರು ಐಕಿನ ಆಜು಼ಬಾಜು಼ವಾಲಾ ಭುಚ್ಕ್ಕಯಾ. ವರಿ ಎ ಕ್ಹಾರಿಯೊ ವಿಚಾರೊ ಹುತಿ ಯುದಾಯಮಾನಾ ಮನಕ್ಹೊ ಬೊಲ್ಲಿವಾಡ್ಯಾತಾ. 
\v 66 ಐಕಲವಾಲಾ ಕ್ಹಾರಾ ಮನಕ್ಹೊ "ಎ ಪಟ್ಟೊ ಮ್ಹೊಟೊ ಥಯಲ್ಪರ ಕೆವೊ ಥಾವಸ ಕೈನ? ತಿಳ್ದಿನ ತ್ಯುನೆ ಮನಸ್ಸಮಾ ಮ್ಹೆಲ್ಲಿದ್ಯಾ ವರಿ ಕ್ಹುದಾನಿ ತಾಕತ ತಿಪರ ವ್ಹತ್ತಿ.
\s ಜಕಿರಿಯಾ ಪ್ರವಾದನೆ ಕರಲ
\p
\v 67 ಪಾಚಲ್ತೊ ಯೊಹಾನನೊ ಬಾ ಥಯಲ ಜಕರಿಯ ಪವಿತ್ರ ಆತ್ಮಾಕ್ಹು ಭರಿನ ಕ್ಹುದಾನಿಯೊ ವಾತೊ ಕದ್ಯೊ.
\q1
\v 68 "ಇಸ್ರಾಯಲನಾ ಮನಕ್ಹೊನೊ ಕ್ಹುದಾ ಥಯಲ ಕರ್ತಾನೆ ಸ್ತೊತ್ರಾ
\q2 ತೆ ತಿನಾ ಮನಕ್ಹೊನಾ ಹುತಿ ಆಯೊ ವರಿ ತೆ
\q1 ಮನಕ್ಹೊನೆ ಛೊಡಾವಾನೆ ಆಯೊ.
\q1
\v 69 ಕ್ಹುದಾ ತಿನೊ ಸೆವಕ ಥಯಲ ದಾವಿದನಾ ಖಾಂದಾನತೊ
\q2 ಅಪ್ನಾ ಹುತಿ ಯಕ್ಕ ಮ್ಹೊಟಾ ರಕ್ಕಷಕನೆ ಅಪೊನೆ ದಿದ್ಯೊಸ.
\q1
\v 70 ಎ ಕ್ಹಾರು ತೆ ಪುರ್ವಕಾಲನಾ ತಿನಾ ಪವಿತ್ರ ಪ್ರವಾದಿನಾ ಮ್ಹೊಡೆ ಕವಾಲಗಾಡ್ಯೊಸ.
\q1
\v 71 ಕ್ಹುದಾ ಅಪ್ನೊನೆ ಅಪ್ನಾ ದುಶ್ಮನೊಕ್ಹು ವಚಾ಼ಡ್ಯೊಸ. ವರಿ ಅಪೊನೆ ನೈ
\q2 ಶೆರಾಲಾವೊಕ್ಹು ವಚಾ಼ಡ್ಯೊಸ.
\q1
\v 72 ಕ್ಹುದಾ ಅಪೊನೆ ಮರಗಾ ದಿವಾ ಹುತಿ ಅಪ್ನೊ ಪಿತೃ
\q2 ಥಯಲ ಅಬ್ರಹಾಮನೆ ಪವಿತ್ರ ವಾತ ದಿದಲ ಶೆ ಮ್ಹೆಲ್ಯೊಸ.
\q1
\v 73 ಕ್ಹುದಾ ಅಪ್ನೊ ಪಿತೃಥಯಲ ಅಬ್ರಹಾಮನೆ ವಾತ ದಿದಲಲಿಂಗತ ಕರ‍್ಯೊಸ.
\q2
\v 74 ತೆ ಅಪೊನೆ ದುಶ್ಮನೊಕ್ಹು ವಚಾ಼ಡಾನೆ ವಾತ ದಿದ್ಯೊತೊ.
\q1 ವರಿ ತೆ ಕಯುಜ಼ ಭೆವಾಚಿ ಆರಾಧನಾ ಕರಾನೆ ವಾಟ ಕರಿನ ದಿದ್ಯೊ.
\q1
\v 75 ಇನಾಹುತಿ ಅಪೆ ತಿನಾ ಕ್ಹಾಮಾ ಅಪ್ನಿ ಜಿವ್ತಾ ರ‍್ಹಯಲ ಕ್ಹಾರಾ ದಿನೊ ತಿನಾ
\q2 ಕ್ಹಾಮಾ ಪರಿಶುದ್ಧ ವರಿ ನಿತಿವಂತೊ ಥೈನ ರ‍್ಹೌ ಕೈನ ಉದ್ದೆಶ ವ್ಹತ್ತು.
\q1
\v 76 ವರಿ ಜಕರಿಯಾ"ದಿಕ್ರಾ ತುತೊ ಮ್ಹೊಟೊ ಪ್ರವಾದಿ
\q2 ಕೈನ ಕವೈಲೆಶಿ. ತು ಕರ್ತಾನಾ ಕ್ಹಾಮೊ ಗೈನ ತೆ ಆವಾನಾ
\q2 ಟೈಮ ಲಕ್ಕಾ ತಿನಿ ವಾಟ ತಯ್ಯಾರ ಕರಶಿ.
\q2
\v 77 ಪಾಪ ಮಾಫ ಥಯಾಮ ಯಕ್ಕಜ಼ ರಕ್ಷಣೆ ಥಾವಸ ಕವಾನು ತಿನಾ ಮನಕ್ಹೊನೆ ತಿಳಸ್ಸಿ.
\q1
\v 78 ಅಪ್ನೊ ಕ್ಹುದಾ ಮರಗಾಲೊ ವ್ಹೈ ವರಿ ತೆ ಅಪ್ನೊಪರ ರಕ್ಕಷಣೆನು
\q2 ಉಜಾಲು ದಿವಾಲೊ ವ್ಹೈ.
\q1
\v 79 ವರಿ ಅಂದಾರಾಮಾ ಜಿವ್ನಾ ಕರತಾ ರ‍್ಹಯಲ ವಾಲಾವೊನೆ ಮರಾನೊ ಭೆ
\q2 ರ‍್ಹಯಲವಾಲಾ ಮನಕ್ಹೊನೆ ಕ್ಹುದಾ ಆಸ್ರೊ ಕರಸ ವರಿ ತೆ ಅಪೊನೆ ಸಮಾಧಾನ ದಿವಸ.
\p
\v 80 ತೆ ಪಟ್ಟೊ (ಯೊಹಾನ) ಮ್ಹೊಟೊ ಥೈನ ಕ್ಹುದಾನಿ ಆತ್ಮಾ ಕ್ಹು ವರಿ ಅಂಗಕ್ಹು ಬೆಳದಿನ ಇಸ್ರಾಯಲನಾ ಮನಕ್ಹೊನೆ ಕ್ಹುದಾನಿಯೊ ವಾತೊ ಚಾಲು ಕರಾನಿ ದಿನ್ನ ಲಕ್ಕಾ ಕುನ್ನಜ಼ ರ‍್ಹವಾನೆ ಥಾಯೆನೈಸೊ ಜ಼ಗಾ ವ್ಹತ್ತೊ.
\c 2
\s ಯೆಸು ಹುಟ್ಟಲ
\r (ಮತ್ತಾಯ 1:18-25)
\p
\v 1 ತೆ ದಿನೊಮಾ ಇಡಿ ರೊಮ ರಾಜ್ಯಮಾ ಮನೊಕ್ಹೊನಿ ಗಣತಿ ಥೌ ಕೈನ ಚಕ್ರವರ್ತಿ ಥಯಲ ಅಗಸ್ಟಸ ಆದೆಶ ದಿದ್ಯೊ. 
\v 2 ಕುರೆನ್ಯ ಸಿರಿಯನನೊ ಅಧಿಪತಿ ಥಯಲ ಟೈಮಾ ಎಜ಼ ಪಸ್ಟ ಸಲಾ ಮನಕ್ಹೊನಿ ಗಣತಿ ಥೈ. 
\v 3 ವರಿ ಕ್ಹಾರಾ ಮನಕ್ಹೊ ತೆಳಾಮಾ ತ್ಯುನು ನಾಮ ದಾಖಲೊ ಕರಾಹುತಿ ತ್ಯುನಾ-ತ್ಯುನಾ ಸ್ವಂತ ಗಾಮೊನೆ ಗಯಾ.
\p
\v 4 ತಿನಾ ಹುತಿ ಯೊಸೆಫ ಗಲಿಲಾಯ ಪ್ರಾಂತ್ಯಮಾ ರ‍್ಹಯಲ ನಜ಼ರೆತೆ ಕವಾನಾ ಗಾಮತಾ ಗೈನ ಯುದೆಯಮಾ ರ‍್ಹಯಲ ಬೆತ್ಲೆಹೆಮ ಕವಾನಾ ಗಾಮೆ ಗಯೊ. ಯೊಸೆಫ ದಾವಿದನೊ ಖಾಂದಾನಾವಾಲೊ ರ‍್ಹಯಲಹುತಿ ದಾವಿದನು ಗಾಮ ಥಯಲ ಬೆತ್ಲೆಹೆಮೆ ಗಯೊ. 
\v 5 ತಿನಾಕ್ಹಾತೆ ನಾತ್ರು ಥಯಲ ಮರಿಯಳನೆಬಿ ಕ್ಹಾತೆ ಲಿನಗಯೊ. (ಮರಿಯಳ ತೆ ಟೈಮಾ ಪೆಟೆ ವ್ಹತ್ತಿ) 
\v 6 ತ್ಯುನೆ ಬೆತ್ಲೆಹೆಮ್ಮಾ ರ‍್ಹತಾಮಾ ಮರಿಯಳನೆ ದಿನೊ ಭರಿನ ಜ಼ನ್ನಾನೊ ಟೈಮ ಆಯೊ. 
\v 7 ಮರಿಯಳ ತಿನು ಪೈಲಾರ ಬಚ್ಚು಼ (ಯೆಸುನೆ) ಜ಼ನ್ನಿ. ತ್ಯುನೊನೆ ರ‍್ಹವಾನೆ ಜ಼ಗಾ ನೈರ‍್ಹಯಲಹುತಿ. ಮರಿಯಳ ಪಟ್ಟಾನೆ ಫಡಕಾಮಾ ಸುತ್ತಿನ ಬೈಲೊನೆ ಹಕ್ಕಿಮಾ ಚಾ಼ರೊ ಖಾವಾನಿ ಜ಼ಗಾ ಪಟ್ಟಾನೆ ಕ್ಹುರಾಡಿ.
\s ಕ್ಹುದಾನಾ ದುತೊ ಕುರುಬುರ‍್ಯಾವೊನೆ ಕದಲ ವಾತೊ
\p
\v 8 ತೆ ದಿನನಾ ರಾತೆ ಕುರಬುರ‍್ಯಾ ತೆ ಪ್ರಾಂತ್ಯನಾ ಗಾಮ್ನಾ ಬಾಜು಼ಮಾ ತ್ಯುನಾ ಬಕ್ರಾವೊನೆ ಕೈದಾಡ್ಯಾತಾ. 
\v 9 ಕ್ಹುದಾನೊ ಯಕ್ಲೊ ದುತ ತ್ಯುನೊಕನ ಆಯೊ. ತೆಳಾಮಾ ಕ್ಹುದಾನಿ ಮಹಿಮಾನು ತ್ಯುನಾ ಸುತ್ತ-ಮುತ್ತ ಉಜಾಲು ಥಯು. ತ್ಯುನೆ ಘನ್ನಾ ಭುಚ್ಕ್ಕಯಾ. 
\v 10 ತೆ ದುತ ತ್ಯುನೊನೆ "ಭುಚ಼ಕೊ ನಕೊ ಐಕೊ ಕ್ಹಾರಾ ಮನಕ್ಹೊನೆ ಮ್ಹೊಟಿ ಖುಶಿ ಕರಾನು ಚೊ಼ಕಿ ಸುದ್ದಿ ಮಿ ತುಮೊನೆ ಕೌಸ. 
\v 11 ತೆ ಸುವೈ ಕದ್ಯಾಮ ಆಜ಼ನಾ ಟೈಮಮಾ ತುಮಾರಾ ಹುತಿ ದಾವಿದನಾ ಗಾಮ್ಮಾ ಯಕ್ಲೊ ರಕ್ಷಕ ಹುಟ್ಯೊಸ. ತೆ ಕರತಾ ಥಯಲ ಕ್ರಿಸ್ತ ವ್ಹೈ. 
\v 12 ತೆ ದುತ ತುಮೊನೆ ಗ್ವತ್ತ ಥಾವಾಹುತಿ ತಿನೆ ವಳ್ಕಾನು ಕಿಮ ಕದ್ಯಾಮ ಫಡಕಾಮಾ ಸುತ್ತಲ ಯಕ್ಕ ಪಟ್ಟಾನೆ ಹಕ್ಕಿಮಾ ಕ್ಹುರಯಲ ದೆಕೊಸಿ "ಕದ್ಯೊ. 
\v 13 ಗಪಕ್ಕಕನೆ ಸ್ವರಗಲೊಕಾನಾ ದೆವದುತೊನು ಗುಂಪ ಐನ ತೆ ಪೈಲಾ ಆಯಲ ದುತನಾ ಕ್ಹಾತೆ ಮಳಿನ ತ್ಯುನೆ ಕ್ಹುದಾನೆ ಸ್ತುತಿ ಕರ‍್ಯಾ.
\q1
\v 14 ಉಪ್ಪರಲ್ಯಾ ಲೊಕಮ ಕ್ಹುದಾನಿ ಮಹಿಮಾ;
\q2 ಭುಲೊಕಮಾ ಮನಕ್ಹೊಮಾ ಸಮಾದಾನ ಕ್ಹುದಾ ತ್ಯುನೊನೆ ವಲ್ದ್ಯೊಸ
\q1 ಕೈನ ಕ್ಹುದಾನೆ ಸ್ತುತ್ತಿ ಕರತಾ ಕದ್ಯಾ.
\p
\v 15 ದೆವದುತೊ ತ್ಯುನೊ ಕಂತಾ ಸ್ವರ್ಗಲೊಕಮಾ ಗಯಲ್ಪರ ತೆ ಕುರಬುರ‍್ಯಾ "ಅಪೆ ಹಮ್ನಾ ಬೆತ್ಲೆಹೆಮೆ ಗೈನ ಕರತಾ ಅಪೊನೆ ತಿಳಸಲತಿಮ್ಮ ಎ ವಿಚಾರ ದೆಕಿಯೆ ಚಾ಼ಲೊ "ಕೈನ ತ್ಯುನೊ ತ್ಯುನೊಮಾಜ಼ ಬೊಲ್ಲಿದ್ಯಾ. 
\v 16 ಗಪಕ್ಕಕನೆ ಗೈನ ಮರಿಯಳನೆ ಯೊಸೆಫನೆ ಹಕ್ಕಕಿಮಾ ಕ್ಹುರಯಲ ಬಚ್ಚಾ಼ನೆ ದೆಕ್ಯಾ. 
\v 17 ತ್ಯುನೆ ತೆ ಬಚ್ಚಾ಼ನಾ ಹುತಿ ದೆವದುತೊ ಕದಲ ತಿಮ್ಮಜ಼ ಕುರಬುರ‍್ಯಾ ತ್ಯುನೊಕನ ದುತೊ ಕದಲ ವಾತೊ ಕದ್ಯಾ. 
\v 18 ಕುರಬುರ‍್ಯಾ ಕದಲ ಐಕಲವಾಲಾ ತೆಕ್ಕಲಾಜ಼ನಾ ಘಾಬ್ರಾಥಯಾ. 
\v 19 ವರಿ ಮರಿಯಳ ತೆ ಕ್ಹಾರಿಯೊ ವಾತೊ ತಿನಾ ಮನಸ್ಸಾಮಾ ಮ್ಹೆಲ್ಲಿನ ವಿಚಾರ ಕರಾಡಿತಿ.
\p
\v 20 ಕುರಬುರ‍್ಯಾ ದೆವದುತೊನೆ ದೆಕಲ ತ್ಯುನೆ ಕದಲ ಐಕಿನ ವರಿ ತಿನಾ ಹುತಿ ಕ್ಹುದಾನೆ ಸ್ತುತಿ ಕರತಾ ತ್ಯುನಾ ಬಕ್ರಾ ರ‍್ಹಯಲ ಜ಼ಗಾಪರ ಗಯಾ.
\s ಬಚ್ಚಾ಼ನೆ ನಾಮ ಮ್ಹೆಲಲ ವರಿ ದೆವಾಲಯಮಾ ಲಾಯಲ
\p
\v 21 ತೆ ಪಟ್ಟಾನೆ ಆಟ್ವಾ ದಿನೆ ಸುನ್ನತಿ ಥೈ ತಿನು ನಾಮ "ಯೆಸು "ಕೈನ ಮ್ಹೆಲ್ಯಾ. ಮರಿಯಳನಾ ಪೆಟಮಾ ಬೆಳದಾತಿ ಪೈಲಾ ಕ್ಹುದಾನು ದುತ ಎಜ಼ ನಾಮ ಮ್ಹೆಲ ಕೈನ ಕದ್ಯೊತೊ.
\p
\v 22 ಶುದ್ಧಿಕರಣ ಕರಾನಾ ಹುತಿ ಮೊಶೆನು ಧರಮಶಾಸ್ತ್ರಮಾ ಬರ್ದಲ ತಿಮಜ಼ ಕಾರಯೊ ಕರಾನೊ ಮರಿಯಳನೊ ವರಿ ಯೊಸೆಫನೊ ಟೈಮ ಆಯೊ. ಯೆಸುನೆ ಕ್ಹುದಾನೆ ಪ್ರತಿಷ್ಟೆನಾ ಹುತಿ ತ್ಯುನೆ ತಿನೆ ಯೆರುಸೆಲೆಮನಿ ದೆವಾಲಯಮಾ ಬಲೈ ಲಾಯಾ. 
\v 23 ಕಾಕದ್ಯಾಮ ಪೈಲಾ ಹುಟ್ಟಲ ಪಟ್ಟಾನೆ ಕ್ಹುದಾನೆ ನೆಮ್ಸಿನ ದ್ಯು ಕೈನ ಕ್ಹುದಾನಾ ಧರಮಶಾಸ್ತ್ರಮಾ ಬರ್ದ್ಯಾಸ. 
\v 24 ತಿನಾಹುತಿ "ಬೆ ಕ್ಹಬುತರೊ ನೈತೊ ಬೆ ಜಂಗ್ಲಿ ಕ್ಹಬುತರೊ ಬಲಿನಾ ಹುತಿ ದ್ಯು ಕೈನ ಕ್ಹುದಾನಿ ಧರಮಶಾಸ್ತ್ರಮಾ ಕವಸ್ತೊ. ತಿನಾಹುತಿ ತ್ಯುನೆ ಯೆರೊಸೆಲಿಮೆ ಗಯಾ.
\p
\v 25 ತೆ ಕಾಲಮಾ ಸಿಮೊನ ಕವಾಲೊ ಯಕ್ಲೊ ಯೆರೊಸೆಲಿಮಾ ವ್ಹತ್ತೊ. ತೆ ಚೊ಼ಕೊ ವರಿ ಕ್ಹುದಾನೊ ಭಕ್ಕತ ವ್ಹತ್ತೊ. ಎ ಇಸ್ರಾಯೆಲನಾ ಮನಕ್ಹೊನೆ ರಕ್ಷಣೆ ದಿವಾಲೊ ಆವಸ ಕೈನ ದೆಕಾಡ್ಯೊತೊ. ವರಿ ಪವಿತ್ರ ಆತ್ಮಾ ತಿನಾ ಕ್ಹಾತೆ ವ್ಹತ್ತಿ. 
\v 26 ಕರತಾ ಮೊಕ್ಕಲಾಯಲ ಕ್ರಿಸ್ತನೆ ದೆಕೆ ಲಕ್ಕಾ ತು ಮರ್ತೊಜ಼ ನೈ ಕೈನ ಪವಿತ್ರ ಆತ್ಮಾ ಸಿಮೊನನೆ ತಿಳಶ್ಯೊತೊ. 
\v 27 ಸಿಮೊನ ಪವಿತ್ರ ಆತ್ಮಾನಾ ಮುಲಕ ದೆವಾಲಯೆ ಆಯೊ. ಯೆಹುದಿಯೊನಿ ಧರಮಶಾಸ್ತ್ರನಿ ನಿಯಮ ಪುರಾ ಕರಾನಾಹುತಿ ತಿನಾ ಮಾ ಬಾಪ ಯೆಸು ನ್ಹಾನೊ ರ‍್ಹತಾಮಾ ದೆವಾಲಯೆ ಲಿನ ಆಯಾ. 
\v 28 ಸಿಮೊನ ಪಟ್ಟಾನೆ ಹತಮಾ ಉಚೈಲಿನ ಕ್ಹುದಾನೆ ಸ್ತೊತ್ರ ಕೈನ ಅಮ್ಮ ಕದ್ಯೊ
\q1
\v 29 "ಕ್ಹುದಾ, ತಾರಿ ವಾಗ್ದಾಲಿಂಗತ ಪುರಾ ಕರ‍್ಯೊ.
\q2 ಹಮ್ನಾ ಸಮಾದಾನಕ್ಹು ಜಾ಼ವಾನೆ ತಾರಾ ಆಳನೆ ಅಪ್ಪಣೆ ಥಾವಾದೆ.
\q1
\v 30 ಕಾಕದ್ಯಾಮ ತು ಹಮಾರಾ ಹುತಿ
\q2 ದಿದಲ ರಕ್ಷಣೆ ಮಿ ಡೊಳೆ ದೆಕ್ಯೊ.
\q1
\v 31 ತು ತಿನೆ ಕ್ಹಾರಾ ಮನಕ್ಹೊನಾ ಕ್ಹಾಮೊ ಲಾಯೊ.
\q1
\v 32 ತೆ ಯೆಹೊದ್ಯೊ ನೈ ರ‍್ಹಯಲ ಮನಕ್ಹೊನೆ ತಾರಿ ವಾಟ
\q2 ದೆಕಾಡಾನು ಉಜಾಲು ವ್ಹೈ. ತಿನಾಕ್ಹು ತಾರಾ ಮನಕ್ಹೊ ರ‍್ಹಯಲ
\q1 ಇಸ್ರಾಯೆಲರೊನೆ ಮರ್ಯಾದಿ ಮಳಸ.
\p
\v 33 ಸಿಮೊನ ಪಟ್ಟಾನಾ ಹುತಿ ಕದಲ ವಾತೊ ಐಕಿನ ತೆ ಪಟ್ಟಾನಾ ಮಾ ಬಾಪ ಘನ್ನಾ ಘಾಬ್ರಾಥಯಾ. 
\v 34 ಪಾಚಲ್ತೊ ಸಿಮೊನ ಆಶಿರ್ವಾದ ದಿನ್ನ ಮರಿಯಳನೆ "ದೆಕ ಎ ಪಟ್ಟಾನಾ ಹುತಿ ಇಸ್ರಾಯಲನಾ ಘನ್ನಾ ಜ಼ನಾ ಪಡಸ ಘನ್ನಾ ಜ಼ನಾ ಉಟಸ. ದಕ್ಹಾ ಜ಼ನಾ ತಿನೆ ನೈ ವಪ್ಪಿಲೆತಾ. ಎ ಕ್ಹುದಾಕಂತೊ ಆಯೊಸ ಕವಾನು ವಳಕ ಥಾವಸ. 
\v 35 ಇಮ್ಮ ಮನಕ್ಹೊನಾ ಮನಸ್ಸಮಾ ರ‍್ಹಯಲ ವಿಚಾರೊ ಭಾರಿಯೊ ಆವಸ. ಅಗಿಯೊ ಥಾವಾನಿಯೊ ವಾತೊ ತಾರಾ ಮನಸ್ಸನೆ ತಲ್ವಾರ ಘಾಲಲ ಲಿಂಗತ ಥಾವಾಸ "ಕದ್ಯೊ.
\p
\v 36 ದೆವಾಲಯಮಾ ಅನ್ನಳ ಕವಾಲಿ ಯಕ್ಕ ಹೆಣ ಮನಕ್ಹ ಕ್ಹುದಾನಿಯೊ ವಾತೊ ಕವಾಲಿ ವ್ಹತ್ತಿ. ತೆ ಅಶೆರನ್ನಿ ಖಾಂದಾನ್ನಿ ಫನುವೆಲನಾ ಕುಟುಂಬವಾಲಿ ವ್ಹತ್ತಿ. ತಿನೊ ಹಿವಾ ಥೈನ ಕ್ಹಾತ ವರಕ್ಹ ಥಯಲಪರ ತಿನೊ ಮಾಟಿ ಮರಿ ಗಯೊತೊ. ತೆ ಹೆಣ ಮನಕ್ಹನಿ ವೈಸ ಘನ್ನಿ ಥೈತಿ 
\v 37 ತೆ ಹೆಣ ಐಂಶಿಪರ ಚಾರ ವರಕ್ಹನಿ ವ್ಹತ್ತಿ. ತೆ ರಾಂಡಿ ವ್ಹತ್ತಿ. ವರಿ ದೆವಾಲಯ ಛೊಡಿನ ಗಯಾವಾಚಿ ಉಪಾಸ ಕರತಿತಿ. ವರಿ ದಿನ್ನ ರಾತ ಪ್ರಾಥನಾ ಕರತಿ ಕ್ಹುದಾನೆ ಸ್ತುತಿ ಕರತಿತಿ. 
\v 38 ತೆಜ಼ ಟೈಮಾ ತೆ ಬಚ್ಚಾ಼ನಾ ಮಾ ಬಾಪಕನ ಐನ, ಕ್ಹುದಾನೆ ಸ್ತೊತ್ರಾ ಕೈನ. ಕ್ಹುದಾ ಯರುಸೆಲೆಮ ಮನೆ ಮರಗಿನ ತ್ಯಾನಾ ಮನಕ್ಹೊನೆ ಛೊಡಾವಾಹುತಿ ವಾಟ ದೆಕತಾ ರ‍್ಹಯಲವಾಲಾ ಮನಕ್ಹೊನೆ ಯೆಸುನಾ ಹುತಿ ಕದಿ.
\s ಯೊಸೆಫ ವರಿ ಮರಿಯಳ ತ್ಯುನಾ ಘರೆ ಆಯಲ
\p
\v 39 ಕ್ಹುದಾನಾ ಧರಮಶಾಸ್ತ್ರಮಾ ರ‍್ಹಯಲ ನಿಯಮೊ ಪುರಾ ಕರಲ್ಪರ ಯೊಸೆಫ ವರಿ ಮರಿಯಳ ಗಲಿಲಾಯ ಪ್ರಾಂತ್ಯಮಾ ರ‍್ಹಯಲ ತಿವ್ನಾ ಸ್ವಂತ ಗಾಮ ಥಯಲ ನಜ಼ರೆತೆ ಫರಿನ ಗಯಾ. 
\v 40 ತೆ ಪಟ್ಟೊ ಬೆಳ್ದಿನ ತಾಕತ ಹೊಂದಿನ ಪುರಾ ಗ್ಯಾನಿ ಥಯೊ. ಕ್ಹುದಾನಿ ಕೃಪಾ ತಿಪರ ವ್ಹತ್ತಿ.
\s ಯೆಸು ಬಾರಾ ವರಕ್ಹನೊ ರ‍್ಹತಾಮಾ
\p
\v 41 ತಿನಾ ಮಾ ಬಾಪ ಹರಿ ಯಕ್ಕ ವರಕ್ಹೆ ಪಸ್ಕ ಸನ್ನನಾ ದಿನ್ನೆ ಯೆರೊಸೆಲಿಮೆ ಜಾ಼ತಾತಾ. 
\v 42 ಇಮ್ಮ ರ‍್ಹತಾಮಾ ತೆ ಪಟ್ಟೊ ಬಾರಾ ವರಕ್ಹನೊ ಥಯಲ್ಪರ ತ್ಯುನೆ ಪಸ್ಕ ಸನ್ನಾ ನಿಯಮನಾ ಪ್ರಕಾರ ತ್ಯಾ ಗಯಾ. 
\v 43 ಸನ್ನಾ ದಿನ್ನೊ ಮುಗ್ದಲಪರ ತ್ಯುನೆ ಗಾಮೆ ಚಾ಼ಲ್ಯಾತಾ. ತೆನೈಸೊ ಯೆಸು ಯೆರುಸೆಲೆಮಾಜ಼ ರ‍್ಹ್ಯೆ ಗಯೊ. ಎ ಕ್ಹಾರು ತಿನಾ ಮಾ ಬಾಪನೆ ಗ್ವತ್ತ ನ್ಹೊತು. ಯೆಸು ತ್ಯುನಾ ಕ್ಹಾತೆ ಆಯಲ ತ್ಯುನಾ ದೊಸ್ತೊಮಾ ವರಿ ಕಳ ಬಳನಾ ಕ್ಹಾತೆ ವಸೆ ಕೈನ ತಿಳದ್ಯಾತಾ. 
\v 44 ಯೊಸೆಫ ವರಿ ಮರಿಯಳ ಯಕ್ಕ ದಿನ್ನ ಪುರಾ ಚಾ಼ಲ್ತಾ ಯೆಸುನೆ ಧುಂಡಾನೆ ಗಯಾ. ಪಾಚಾ಼ತಾ ದಿಕ್ರೊ ನೈದಿಕ್ಹಲಕ್ಹು ತ್ಯುನಾ ಕಳಬಳಮಾ ವರಿ ತ್ಯುನಾ ದೊಸ್ತೊಮಾ ನೈ ದಿಕ್ಹಲಹುತಿ ತಿನೆ ಹುಡ್ಕಾಡ್ಯಾ. 
\v 45 ವರಿ ತೆ ತ್ಯಾ ನೈ ದಿಕ್ಹಲ ಹುತಿ ಯೆಸುನೆ ಹುಡ್ಕಾನೆ ಯೆರೊಸೆಲಿಮೆ ಫರಿನ ಗಯಾ. 
\v 46 ತನವಾ ದಿನೆ ಯೆಸು ಮರಿಯಳನೆ ವರಿ ಯೊಸೆಫನೆ ದಿಕ್ಹ್ಯೊ. ಯೆಸು ದೆವಾಲಯಮಾ ಧಾರಮಿಕ ವಾತೊ ಕವಾಲಾವೊನಾ ಕ್ಹಾತೆ ಬೈಟಿನ ತ್ಯುನಿಯೊ ವಾತೊ ಐಕ್ತೊ ವರಿ ತ್ಯುನೊನೆ ಪ್ರಶ್ನೆ ಪುಚಾ಼ಡ್ಯೊತೊ. 
\v 47 ತಿನಿಯೊ ವಾತೊ ಐಕಿನ ತಿನಿ ಗ್ಯಾನಕ್ಹು ಜ಼ವಾಬ ದಿದಲ ದೆಕಿನ ತ್ಯುನೆ ಘನ್ನಾ ಘಾಬ್ರಾಥಯಾ. 
\v 48 ಯೆಸುನಾ ಮಾ ಬಾಪ ತಿನೆ ತ್ಯಾ ದೆಕಿನ ತ್ಯುನೆ ಘಾಬ್ರಾಥಯಾ. ಮರಿಯಳ ತಿನೆ "ದಿಕ್ರಾ, ತು ಹಮೊನೆ ಅಮ್ಮ ಕಾ ಕರ‍್ಯೊ? ದೆಕ ತಾರೊ ಬಾ ವರಿ ಮಿ ತಾರಾ ಹುತಿ ಘನ್ನಾ ಚಿಂತಾಕರಾಡಾತಾ. ವರಿ ತುನೆ ಹುಡ್ಕಾಡ್ಯಾತಾ ಕದಿ. \fig ಯೆರುಸಲೆಮನು ದೆವಾಲಯ|alt="Temple in Jerusalem" src="lb00250c.tif" size="col" copy="Horace Knowles ©" ref="2:44"\fig*
\p
\v 49 ತೆಳಾಮಾ ಯೆಸು ತ್ಯುನೊನೆ"ಮನೆ ತುಮೆ ಹುಡ್ಕಾನು ಕಾ? ಮಾರಾ ಬಾನಾ ಘರಮಾ ರ‍್ಹೌಸ ಕವಾನು ತುಮೆ ತಿಳ್ದಿಲಿನ ರ‍್ಹವಾನು ವ್ಹತು. ಕದ್ಯೊ. 
\v 50 ತೆನೈಸೊ ತಿನಿಯೊ ವಾತೊ ತ್ಯುನೊನೆ ತಿಳದಿಯೊ ನೈ.
\p
\v 51 ಯೆಸು ತ್ಯುನಾ ಕ್ಹಾತೆ ನಜ಼ರೆತೆ ಐನ ತಿನಾ ಮಾ ಬಾಪನೆ ವಿಧೆಯ ಥಯೊ. ತಿನಿ ಯಾ ಎ ಕ್ಹಾರಿಯೊ ವಾತೊನಾ ಹುತಿ ವಿಚಾರ ಕರಾಡಿತಿ. 
\v 52 ಯೆಸು ಘನ್ನು ಗ್ಯಾನ ವ್ಹಂದಿನ ವರಿ ಅಂಗಮಾ ತಾಕತ ವ್ಹಂದಿನ ಬೆಳತ್ತೊ ಆಯೊ. ಕ್ಹುದಾನಿ ನಜ಼ರಮಾ ವರಿ ಮನಕ್ಹೊನೆ ನಜ಼ರಮಾ ಚೊ಼ಕೊ ಥಾತೊ ಆಯೊ.
\c 3
\s ಬಾಪ್ತಿಸ್ಮಾ ದಿಲಾವಾಲೊ ಥಯಲ ಯೊಹಾನ ಭೊದನೆ ಕರಲ
\r (ಮತ್ತಾಯ 3:1-12; ಮಾರ್ಕ 1:1-8; ಯೊಹಾನ 1:19-28)
\p
\v 1 ಚಕ್ರವರ್ತಿ ಥಯಲ ತಿಬೆರಿಯಸ ಸಿಸರನಿ ಆಡಳಿತನೆ 15 ವರಕ್ಹ ವ್ಹತು. ತೆಳಾಮಾ, ಪೊಂತ್ಯ ಪಿಲಾತನು ಯುದೆಯ ಪ್ರಾಂತ್ಯನೆ ಹೆರೊದ ಗಲಿಲಾಯನೆ ಹೆರೊದನೊ ಭೈ ಥಯಲ ಪಿಲಪ್ಪ ಇತುರೆಯ ವರಿ ತ್ರಕೊನಿತಿ ಪ್ರಾಂತ್ಯನೆ ಲುಸನ್ಯ ಅಬಿಲೆನ ಪ್ರಾಂತ್ಯನೆ ಅಧಿಪತಿ ಥಯೊತೊ. 
\v 2 ಅನ್ನನ ವರಿ ಕಾಯಫನ ಖಾಸ ಯಾಜಕೊ ವ್ಹತ್ತಾ. ತೆ ಟೈಮಾ ಜಕರಿಯಾನೊ ದಿಕ್ರೊ ಥಯಲ ಯೊಹಾನ ರಾನ್ಮಾ ರ‍್ಹಯಲ ಗಾಮ್ಮಾ ರ‍್ಹತಾಮಾ ಕ್ಹುದಾನಿಯೊ ವಾತೊ ತಿನೆ ಮಳಿಯೊ. 
\v 3 ಯೊಹಾನ ಯೊರ್ದನ ನದಿನಾ ಆಜು಼ಬಾಜು಼ ಪ್ರಾಂತ್ಯಮಾ ಫರಿನ, ಮನಕ್ಹೊನೆ "ತುಮೆ ತುಮಾರಾ ಪಾಪ ಮಾಫ ಕರಾನಾ ಹುತಿ ಕ್ಹುದಾಕನ ಫರಿನ ಬಾಪ್ತಿಸ್ಮ ಕರೈಲಿವೊ ಇನಾಹುತಿ ಕ್ಹುದಾ ತುಮಾರಾ ಪಾಪೊಕ್ಹು ಛೊಡಾವಸ" ಕೈನ ಮನಕ್ಹೊನೆ ಕದ್ಯೊ.
\q1
\v 4 ಪ್ರವಾದಿ ಥಯಲ ಯೆಶಾಯನ ಗ್ರಂಥಮಾ ಬರ್ದಲ
\q2 ಲಿಂಗತಜ಼ ಥಾವಾ ಹುತಿ ಎ ಕ್ಹಾರು ಶುರು ಥಯು.
\q1 ಕುನ್ನ ಯಕ್ಕ ವದ್ರಾಡ್ಯುಸ. ತೆ ಸುವೈ ಕದ್ಯಾಮ;
\q1 "ಕರ್ತಾನಿ ವಾಟ ತಯ್ಯಾರ ಕರೊ ತಿನಿ ವಾಟ ಸಿದಾ ಕರೊ.
\q1
\v 5 ಹರ ಯಕ್ಕ ಖಾಡಿಯೊ ಝಕಾವಸ. ಹರ ಯಕ್ಕ
\q2 ಡೊಂಗರ ಸಂವಾ ಥಾವಸ. ವಾಕಾ ರಸ್ತಾ ಸಿದಾ ಥಾವಸ.
\q1 ಕೆಟ್ಟ ವಾಟೊ ಚೊ಼ಕಿಯೊ ಥಾವಸ.
\q1
\v 6 ಹರಿ ಯಕ್ಲೊ ಕ್ಹುದಾ ವಚಾ಼ಡಾನು ದೆಕಸ!
\q2 ಕವಾನು ವದ್ರಲ ಯಕ್ಕ ಅವಾಜ಼ ಐಕು ಆವಾಡ್ಯುಸ.
\p
\v 7 ಮನಕ್ಹೊನು ಗುಂಪ ಯೊಹಾನನಾ ಹತೆ ಬಾಪ್ತಿಸ್ಮ ಕರೈ ಲಿವಾ ಹುತಿ ಆಯಾ. ಯೊಹಾನ ತ್ಯುನೊನೆ "ಎ ಕ್ಹಾಪೊನಿ ಜಾ಼ತ ವಾಲಾವೊ! ಅಗು ದಿಕ್ಹಾನು ಕ್ಹುದಾನಿ ಸಿಟ್ಟಕ್ಹು ವಾಚಾ಼ನಾ ಹುತಿ ತುಮೊನೆ ಹುಶಾರ ರ‍್ಹವೊ ಕೈನ ಕದಲವಾಲು ಕುನ್ನ ವ್ಹೈ? 
\v 8 ತಿಮ್ಮ ಥೈಯುಮ ತುಮಾರು ಮನಸ್ಸ ಕ್ಹುದಾ ಬಗಲ ಫರ‍್ಯುಸ ಕವಾನು ತುಮೆ ಕರಾನಾ ಕಾಮೊಕ್ಹು ದೆಕಾಡಿನ ದಿವೊ. ಅಬ್ರಹಾಮ ಅಪ್ನೊ ಮುಲ ಪಿತೃ ನ್ಹವೈಸು "ಕೈನ ತುಮೊಮಾ ಕವೈಲಿವಾಲಾ ಥಾವೊನಕೊ. ಕ್ಹುದಾ ಅಬ್ರಹಾಮನೆ ಆ ದಗ್ಡಾವೊಕ್ಹುಬಿ ಬಚ್ಚಾ಼ ದೆತೊತೊ ಕೈನ ತುಮೆ ತಿಳದಿಲಿವೊ ವರಿ ಮಿ ತುಮೊನೆ ಕೌಸ. 
\v 9 ಝಾಡೊ ಕತ್ರಾನಿಯೊ ಕ್ವಡಲಿ ತಯಾರ ಥೈಸ. ಚೊ಼ಕು ಫಲಾ ನೈ ದಿವಾನು ಹರ ಯಕ್ಕ ಝಾಡ ಕತ್ರಿನ ಆಗಮಾ ಘಾಲಸ "ಕದ್ಯೊ.
\p
\v 10 ತಿನಾ ಹುತಿ ಮನಕ್ಹೊ"ಹಮ್ನಾ ಹಮೆ ಸುಕರಿಯೆ? ಕೈನ ಯೊಹಾನೆನೆ ಪುಚ್ಯಾ. 
\v 11 ಯೊಹಾನ, ತ್ಯುನೊನೆ "ತುಮೊಕನ ಬೆ ಅಂಗ್ಡಾ ರ‍್ಹಯಾಮ, ವಣ್ಣಾ ನೈಸೊ ವಾಲಾನೆ ಯಕ್ಕ ಅಂಗ್ಡು ದಿವೊ. ತುಮೊಕನ ಅನ್ನ ರ‍್ಹಯುಮ, ತೆ ಅನ್ನ ವಾಟಿನ ಖಾವೊ "ಕದ್ಯೊ.
\p
\v 12 ದಕ್ಹಾ ಮನಕ್ಹೊ ಭುಭಾಡೊ ಲಿವಾಲಾ ಬಿ ಬಾಪ್ತಿಸ್ಮ ಲಿವಾ ಹುತಿ ಯೊಹಾನಕನ ಆಯಾ. ತ್ಯುನೆ ಯೊಹಾನನೆ"ಗುರು, ಹಮೆ ಸು ಕರಿಯೆ? ಕೈನ ಪುಚ್ಯಾ. 
\v 13 ಯೊಹಾನ ತ್ಯುನೊನೆ "ತುಮೊನೆ ಕೆಕ್ಕಲು ಕದ್ಯಾಸ ತೆಕ್ಲು ಲಿವೊ ವರಿ ಹೆಚ್ಕಿ ಲಿವೊ ನಕೊ "ಕದ್ಯೊ.
\p
\v 14 ವರಿ ದಕ್ಹಾ ಸ್ಯೆನಿಕೊ ಯೊಹಾನಕನ ಐನ, ಹಮಾರಾ ಹುತಿ ಸು ಕಸಿ? ಹಮೆ ಸುಕರಿಯೆ? ಕೈನ ಪುಚ್ಯಾ. ಯೊಹಾನ ತ್ಯುನೊನೆ "ತುಮೆ ಕಿನೆಜ಼಼ ಭುಚ್ಕಾ಼ಡಿನ ದೊಕ್ಡಾ ಕಾಳ್ಳಿವೊನಕೊ, ಕಿಪರಜ಼ ಸುಳ್ಳ ಸಾಕ್ಷಿ ಕವೊ ನಕೊ. ತುಮಾರಾ ಪಗಾರಮಾ ಖುಶಿ ರಹೊ "ಕದ್ಯೊ.
\p
\v 15 ಇಮ್ಮ ರ‍್ಹತಾಮಾ ಮನಕ್ಹೊ ಆವಾನೊ ರ‍್ಹಯಲ ಕ್ರಿಸ್ತನಿ ವಾಟ ದೆಕಾಲಾ ರ‍್ಹಯಲ ಹುತಿ ತ್ಯುನೆ ಕ್ಹಾರಾ ಯೊಹಾನನಿ ವಿಷಯಮಾ "ಎಜ಼ ಕ್ರಿಸ್ತ ವಸ "ಕೈನ ತ್ಯುನಾ ಮನಸ್ಸಮಾ ವಿಚಾರ ಕರಿಲಿವಾಡ್ಯಾತಾ. 
\v 16 ಯೊಹಾನ, ತ್ಯುನೊನೆ "ಮಿತೊ ತುಮೊನೆ ಪಾನಿಕ್ಹು ಅಂಗ ಧವೌಸ. ವರಿ ಮಾರಾತಿ ಹೆಚ್ಕಿ ತಾಕತವಾಲೊ ಆವಸ. ಮಿ ತಿನಿಯೊ ಚಪ್ಲೊನಿಯೊ ದೊರಿಯೊ ಛೊಡಾನೆಬಿ ಮಿ ಯೊಗ್ಯ ನತ್ತಿ. ತೆ ತುಮೊನೆ ಪವಿತ್ರ ಆತ್ಮಾಕ್ಹು, ಆಗಕ್ಹು ಅಂಗ ಧವಾವಸ. 
\v 17 ತೆ ಜ಼ಮಾ ರ‍್ಹಯಲ ಬಿಯ್ಯಾನೆ ಶುದ್ಧ ಕರಾನೆ ಆವಸ. ತೆ ಚೊ಼ಕಾ ಬಿಯ್ಯಾವೊನೆ ಕೊಂಡಾಕ್ಹು ಜು಼ದಾ ಕರಿನ ತಿನಾ ಗುಂಪಾಮಾ ಘಾಲಸ. ತೆ ಥಯಲಪರ ಕೊಂಡೊ ನೈ ಇಜ್ಜಾ಼ವಾನಿ ಆಗ್ಮಾ ಬಾಳಿಪಡಸ "ಕದ್ಯೊ. 
\v 18 ಯೊಹಾನ ಹಜು಼ನ ಘನಿಯೊ ವಿಷಯಮಾ ಮನಕ್ಹೊನೆ ಹುಶಾರ ಕರಿನ ವರಿ ತುಮಾರಿ ಜಿವ್ನಾ ಚೊ಼ಕಿ ಕರಿಲಿವೊ ಕೈನ ತ್ಯುನೊನೆ ಕೈಲಿದ್ಯೊ ವರಿ ಸುವಾರ್ತೆ ಕವಾಡೊತೊ.
\p
\v 19 ರಾಜ್ಯಪಾಲ ಥಯಲ ಹೆರೊದ ತಿನೊ ಭೈ ಥಯಲ ಪಿಲಿಪ್ಪಿನಿ ಬೈಕೊನೆ ಹೆರೊದ್ಯ ಕವಾಲಿನೆ ಹಿವಾ ಕರಲಿದ್ಯೊತೊ. ವರಿ ಹೆರೊದ ಕರಲ ಕ್ಹಾರಾ ಕೆಟ್ಟ ಕಾಮೊಕ್ಹು ಯೊಹಾನ ತಿನೆ ಭುಚ್ಕಾಡ್ಯೊ. 
\v 20 ತಿನಾಹುತಿ ಹೆರೊದ ಯೊಹಾನನೆ ಜೆಲಮಾ ಘಲೈನ ತಿನಾ ಕೆಟ್ಟ ಕಾಮೊಮಾ ಎಬಿ ಯಕ್ಕ ಮಳೈ ಲಿದ್ಯೊ.
\s ಯೊಹಾನನಾ ಹತೆ ಯೆಸುನಿ ಬಾಪ್ತಿಸ್ಮ
\r (ಮತ್ತಾಯ 3:13-17; ಮಾರ್ಕ 1:9-11)
\p
\v 21 ಯೊಹಾನನೆ ಜೆಲಮಾ ಘಾಲಾತಿ ಅಗ್ದುರ ಮನಕ್ಹೊ ತಿನಾ ಹತೆ ಬಾಪ್ತಿಸ್ಮ ಕರೈಲಿವಾಡಾತಾ. ತೆಳಮಾ ಯೆಸು ಐನ ತಿನಾ ಹತೆ ಬಾಪ್ತಿಸ್ಮ ಕರೈಲಿದ್ಯೊ. ಯೆಸು ಪ್ರಾಥನಾ ಕರತಾಮಾ ಹಬಾಳ ಖುಲ್ಲಾ ಥೈಯು. 
\v 22 ತೆಳಾಮಾ ಪವಿತ್ರ ಆತ್ಮಾ ಕ್ಹಹಬುತರನಾ ರುಪಮಾ ತಿಪರ ಐನ ಉತರ‍್ಯು. ತೆಳಾಮಾಜ಼ ಸ್ವರ್ಗಮಾತೊ ಅವಾಜ಼ ಆಯೊ" ತು ಮಾರೊ ಮಯಾನೊ ದಿಕ್ರೊ ವ್ಹೈ, ಮಿ ತುನೆ ಮೆಚ್ಯೊಸ "ಕೈನ ಅವಾಜ಼ ಆಯು.
\s ಯೆಸುನು ಖಾಂದಾನ ಚರಿತ್ರ
\r (ಮತ್ತಾಯ 1:1-17)
\p
\v 23 ಯೆಸು ಸೆವಾ ಕರಾನು ಚಾಲು ಕರ‍್ತಾಮಾ ತಿನಿ ವೈಸ 30 ವ್ಹತ್ತಿ. ಯೆಸು ಯೊಸೆಫನೊ ದಿಕ್ರೊ ವ್ಹೈ ಕೈನ ಮನಕ್ಹೊ ತಿಳದ್ಯಾತಾ. 
\v 24 ಯೊಸೆಫ ಹೆಲಿಯಾನೊ ದಿಕ್ರೊ ವ್ಹೈ. ಹೆಲಿಯಾ ಮತ್ತಾತನೊ ದಿಕ್ರೊ ವ್ಹೈ. ಮತ್ತಾತನ ಲೆವಿನೊ ದಿಕ್ರೊ ವ್ಹೈ. ಲೆವಿ ಮಲ್ಕಿನೊ ದಿಕ್ರೊ ವ್ಹೈ. ಮೆಲ್ಕಿಯಾ ಯನ್ನಾಯನೊ ದಿಕ್ರೊ ವ್ಹೈ. ಯನ್ನಾಯನ ಯೊಸೆಫನೊ ದಿಕ್ರೊ ವ್ಹೈ. 
\v 25 ಯೊಸೆಫ ಮತ್ತಥಿಯನೊ ದಿಕ್ರೊ ವ್ಹೈ. ಮತ್ತಥಿಯಾ ಆಮೊಸನೊ ದಿಕ್ರೊ ವ್ಹೈ. ಆಮೊಸ ನಹುಮನೊ ದಿಕ್ರೊ ವ್ಹೈ. ನಹುಮನ ಎಸ್ಲಿನೊ ದಿಕ್ರೊ ವ್ಹೈ. ಎಸ್ಲಿಯಾ ನಗ್ಗಾಯಾನೊ ದಿಕ್ರೊ ವ್ಹೈ. 
\v 26 ನಗ್ಗಾಯಾ ಮಹಾಥನೊ ದಿಕ್ರೊ ವ್ಹೈ. ಮಹಾಥನ ಮತ್ತಥಿನೊ ದಿಕ್ರೊ ವ್ಹೈ. ಮತ್ತಥಿಯಾ ಶಿಮಿಯನೊ ದಿಕ್ರೊ ವ್ಹೈ. ಶಿಮಿಯನ ಯೊಸೆಖನೊ ದಿಕ್ರೊ ವ್ಹೈ. ಯೊಸೆಖ ಯುದನೊ ದಿಕ್ರೊ ವ್ಹೈ. 
\v 27 ಯುದ ಯೊನಾನನೊ ದಿಕ್ರೊ ವ್ಹೈ. ಯೊನಾನ ರೆಸನೊ ದಿಕ್ರೊ ವ್ಹೈ. ರೆಸ ಜೆರುಬಾಬೆಲನೊ ದಿಕ್ರೊ ವ್ಹೈ. ಜೆರುಬಾಬೆಲ ಸಲಥಿಯೆಲನೊ ದಿಕ್ರೊ. ವ್ಹೈ. ಸಲಥಿಯಾ ಸೆರಿಯನೊ ದಿಕ್ರೊ ವ್ಹೈ. 
\v 28 ಸೆರಿಯಾ ಮೆಲ್ಕಿಯನೊ ದಿಕ್ರೊ ವ್ಹೈ. ಮೆಲ್ಕಿಯಾ ಅದ್ದಿನೊ ದಿಕ್ರೊ ವ್ಹೈ. ಅದ್ದಿಯಾ ಕೊಸಾಮನೊ ದಿಕ್ರೊ ವ್ಹೈ. ಕೊಸಾಮನ ಎಲ್ಮದಾಮನೊ ದಿಕ್ರೊ ವ್ಹೈ. ಎಲ್ಮದಾಮನ ಎರನೊ ದಿಕ್ರೊ ವ್ಹೈ. 
\v 29 ಎರನ ಯೆಹುಷುವನೊ ದಿಕ್ರೊ ವ್ಹೈ. ಯೆಹೊಷುವಾ ಎಲಿಜೆಯೆರನೊ ದಿಕ್ರೊ ವ್ಹೈ. ಎಲಿಯೆಜರ ಯೊರೈನೊ ದಿಕ್ರೊ ವ್ಹೈ. ಯೊರೈಯ ಮತ್ತಾತನೊ ದಿಕ್ರೊ ವ್ಹೈ. ಮತ್ತಾತನ ಲೆವಿನೊ ದಿಕ್ರೊ ವ್ಹೈ. 
\v 30 ಲೆವಿಯ ಸಿಮೆಯೊನನೊ ದಿಕ್ರೊ ವ್ಹೈ. ಸಿಮೆಯೊನ ಯುದನೊ ದಿಕ್ರೊ ವ್ಹೈ. ಯುದ ಯೊಸೆಫನೊ ದಿಕ್ರೊ ವ್ಹೈ. ಯೊಸೆಫ ಯೊನಾವುನೊ ದಿಕ್ರೊ ವ್ಹೈ. ಯೊನಾವುನ ಎಲಕಿಮನೊ ದಿಕ್ರೊ ವ್ಹೈ. 
\v 31 ಎಲಿಯಕಿಮನು ಮೆಲೆಯನೊ ದಿಕ್ರೊ ವ್ಹೈ. ಮೆಲೆಯನ ಮೆನ್ನನೊ ದಿಕ್ರೊ ವ್ಹೈ. ಮೆನ್ನನ ಮತ್ತಾಥನೊ ದಿಕ್ರೊ ವ್ಹೈ. ಮತ್ತಾಥನ ನಾತಾನನೊ ದಿಕ್ರೊ ವ್ಹೈ. ನಾತಾನನ ದಾವಿದನೊ ದಿಕ್ರೊ ವ್ಹೈ. 
\v 32 ದಾವಿದ ಜೆಸ್ಸಿಯಾಯನೊ ದಿಕ್ರೊ ವ್ಹೈ. ಜೆಸ್ಸಿಯಾ ಒಬೆದನೊ ದಿಕ್ರೊ ವ್ಹೈ. ಒಬೆದನ ಬೊವಜನೊ ದಿಕ್ರೊ ವ್ಹೈ. ಬೊವಜನ ಸಲ್ಮೊನನೊ ದಿಕ್ರೊ ವ್ಹೈ. ಸಲ್ಮೊನನ ನಹಸ್ಸೊನನೊ ದಿಕ್ರೊ ವ್ಹೈ. 
\v 33 ನಹಸ್ಸೊನನ ಅಮ್ಮಿನಾದಬನೊ ದಿಕ್ರೊ ವ್ಹೈ. ಅಮ್ಮಿನಾದಾಬ ಅದ್ಮಿನನೊ ದಿಕ್ರೊ ವ್ಹೈ. ಅದ್ಮಿನನ ಅನೈರಯನೊ ದಿಕ್ರೊ ವ್ಹೈ. ಅನೈರಯ ಹೆಸ್ರೊನನೊ ದಿಕ್ರೊ ವ್ಹೈ. ಹೆಸ್ರೊನ ಪೆರೆಸನೊ ದಿಕ್ರೊ ವ್ಹೈ. ಪೆರೆಸನ ಯುದನನೊ ದಿಕ್ರೊ ವ್ಹೈ. 
\v 34 ಯುದನ ಯಾಕೊಬನೊ ದಿಕ್ರೊ ವ್ಹೈ. ಯಾಕೊಬ ಇಸಾಕನೊ ದಿಕ್ರೊ ವ್ಹೈ. ಇಸಾಕ ಅಬ್ರಹಾಮನೊ ದಿಕ್ರೊ ವ್ಹೈ. ಅಬ್ರಹಾಮ ತೆರೆಹನೊ ದಿಕ್ರೊ ವ್ಹೈ. ತೆರೆಹನ ನಹೊರನೊ ದಿಕ್ರೊ ವ್ಹೈ. 
\v 35 ನಹೊರನ ಸೆರುಗನನೊ ದಿಕ್ರೊ ವ್ಹೈ. ಸೆರುಗನ ರೆಗುವನೊ ದಿಕ್ರೊ ವ್ಹೈ. ರೆಗುವನ ಪೆಲೆಗನನೊ ದಿಕ್ರೊ ವ್ಹೈ. ಪೆಲೆಗನ ಎಬರನೊ ದಿಕ್ರೊ ವ್ಹೈ. ಎಬರನ ಸಾಲನೊ ದಿಕ್ರೊ ವ್ಹೈ. 
\v 36 ಸಾಲನ ಕಯಿನನೊ ದಿಕ್ರೊ ವ್ಹೈ. ಕಯಿನನ ಅರಪಕ್ಷದನೊ ದಿಕ್ರೊ ವ್ಹೈ. ಅರಪಕ್ಷದನ ಶೆಮನನೊ ದಿಕ್ರೊ ವ್ಹೈ. ಶೆಮನ ನೊಹಾನೊ ದಿಕ್ರೊ ವ್ಹೈ. ನೊಹಾ ಲಾಮೆಕನೊ ದಿಕ್ರೊ ವ್ಹೈ. 
\v 37 ಲಾಮೆಕನ ಮೆತುಶಲನೊ ದಿಕ್ರೊ ವ್ಹೈ. ಮೆತುಶಲ ಹನೊಕನೊ ದಿಕ್ರೊ ವ್ಹೈ. ಹನೊಕ ಯೆರೆದನೊ ದಿಕ್ರೊ ವ್ಹೈ. ಯೆರೆದನ ಮಹಲಲೆಲನ ದಿಕ್ರೊ ವ್ಹೈ. ಮಹಲಲೆಲನ ಕಯಿನಾನೊ ದಿಕ್ರೊ ವ್ಹೈ. 
\v 38 ಕಯಿನಾನ ಎನೊಶನೊ ದಿಕ್ರೊ ವ್ಹೈ. ಎನೊಶನ ಸೆಥನನೊ ದಿಕ್ರೊ ವ್ಹೈ. ಸೆಥನ ಆದಾಮನೊ ದಿಕ್ರೊ ವ್ಹೈ. ಆದಾಮ ಕ್ಹುದಾನೊ ದಿಕ್ರೊ ವ್ಹೈ.
\c 4
\s ಯೆಸುನೆ ಸೈತಾನ ಶೊಧನೆಮಾ ಪಾಡಾನೆ ಕರಲ
\r (ಮತ್ತಾಯ 4:1-11; ಮಾರ್ಕ 1:12-13)
\p
\v 1 ಯೆಸು ಯೊರ್ದನ ನದ್ದಿಕಂತೊ ಪಾಚೊ಼ ಫರಿನ ಆಯೊ. ತೆ ಪವಿತ್ರ ಆತ್ಮಾಕ್ಹು ಭರಯೊತೊ. ಪವಿತ್ರ ಆತ್ಮಾ ಯೆಸುನೆ ರಾನ್ಮಾ ಚ಼ಲೈ. 
\v 2 ತ್ಯಾ ಸೈತಾನ ತಿನೆ ಚಾ಼ಳಕ್ಹ ದಿನ್ನ ಶೊಧನೆಮಾ ಪಾಡ್ಯು. ತೆ ದಿನೊಮಾ ಯೆಸು ಸುಜ಼ ಖಾದ್ಯೊ ನ್ಹೊತೊ. ತೆ ದಿನೊ ಥಯಲ್ಪರ ಯೆಸುನೆ ಭುಕ್ಕ ಲಾಗಿ.
\p
\v 3 ತೆಳಾಮಾ ಸೈತಾನ ಯೆಸುನೆ "ತು ಕ್ಹುದಾನೊ ದಿಕ್ರೊ ರ‍್ಹಯೊಮ, ಆ ದಗಡಾನೆ ರೊಕ್ಲೊ ಥಾ ಕೈನ ಅಪ್ಪಣೆ ದೆ "ಕದ್ಯೊ. 
\v 4 ತೆ ವಾತೆ ಯೆಸು, ಸೈತಾನನೆ "ಮನಕ್ಹ ರೊಕ್ಲೊ ಖಾದ್ಯಾಮಜ಼ ವಾಚ್ತೊ಼ ನೈ. (ಧರಮೊಪದೆಶ ಕಾಂಡ 8:3) ಕೈನ ಮೊಶೆನಾ ಧರಮ ಶಾಸ್ತ್ರಮಾ ಬರ್ದಲ ಛೆತೊ "ಕೈನ ಕದ್ಯೊ. 
\v 5 ತೆ ಥಯಲ್ಪರ ಸೈತಾನ ಯೆಸುನೆ ಉಚ್ಚು಼ ರ‍್ಹಯಲ ಡೊಂಗರಪರ ಬಲೈ ನಿಂಗೈನ, ಯಕ್ಕ ಕ್ಷಣಮಾ ಭುಲೊಕ್ಪರ ರ‍್ಹಯಲ ರಾಜ್ಯ ದೆಕಾಡಿನ, 
\v 6 "ಎ ಕ್ಹಾರಿ ರಾಜ್ಯನು ಅದಿಕಾರ ತುನೆ ದ್ಯುಸ. ಎ ಕ್ಹಾರಿ ರಾಜ್ಯನಿ ಅದಿಕಾರ ಮಾರಾ ಹತ್ಮಾ ಛೆ, ವರಿ ಎ ಮಿ ಮನಸೆ ಆಯಲವಾಲಾನೆ ದ್ಯುಸ. 
\v 7 ತು ಮನೆ ಅಡ್ಡ ಪಾಡ್ಯೊಮ ಎ ಕ್ಹಾರು ಮಿ ತುನೆ ದ್ಯುಸ "ಕದ್ಯೊ. 
\v 8 ತೆ ವಾತೆ ಯೆಸು"ತಾರೊ ಕರತಾ ಥಯಲ ಕ್ಹುದಾನೆ ಎಕ್ಕಜ಼ ಸ್ತುತಿ ಕರು, ವರಿ ತಿನೆ ಎಕ್ಕಜ಼ ಅಡ್ಡ ಪಡು ಕೈನ ಮೊಶೆನಾ ಧರಮ ಶಾಸ್ತ್ರಮಾ ಬರ್ದಲ ಛೆತೊ! ಕದ್ಯೊ.
\p
\v 9 ಪಾಚಲ್ತೊ ಸೈತಾನ ಯೆಸುನೆ ಯೆರುಸೆಲೆಮೆ ಬಲೈ ನಿಂಗೈನ ದೆವಾಲಯನಿ ಘನ್ನಿ ಉಚ್ಚಿ಼ ರ‍್ಹಯಲ ಜ಼ಗಾಪರ ನಿಂಗೈನ ಹುಬ್ರಾಡಿನ"ತು ಕ್ಹುದಾನೊ ದಿಕ್ರೊ ರ‍್ಹಯೊಮ, ನ್ಹ್ಯಾಂತೊ ಹೆಟೊ ಉಡ! ಕದ್ಯೊ. 
\v 10 "ಕ್ಹುದಾ ತುನೆ ವಚಾ಼ಡಾನೆ ತಿನಾ ದುತೊನೆ ಅಪ್ಪಣೆ ದಿವಸ. (ಕಿರ್ತನೆ 91:1) 
\v 11 ತಾರಾ ಪಗೊನೆ ಮಂಗಾಳಾ ಲಾಗೆ ನೈಸೊ ತ್ಯುನೆ ತುನೆ ತ್ಯುನಾ ಹತೊಮಾ ಉಚೈಲಿವಸ ಕೈನ ಮೊಶೆನಾ ಧರಮ ಶಾಸ್ತ್ರಮಾ ಬರ್ದಲ ಛೆತೊ! ಕದ್ಯೊ. (ಕಿರ್ತನೆ. 91:1) 
\v 12 ತೆ ವಾತೆ ಯೆಸು ತಾರೊ ಕರ್ತಾ ಥಯಲ ಕ್ಹುದಾನೆ ಪರಿಕ್ಷಾ ಕರು ನೈ ಕವಾನು ಮೊಶೆನಾ ಧರಮ ಶಾಸ್ತ್ರಮಾ ಬರ್ದಲ ಛೆತೊ ಕದ್ಯೊ. (ಧರಮೊಪದೆಶ ಕಾಂಡ 6:16)
\p
\v 13 ಸೈತಾನ ಯೆಸುನೆ ಎ ಕ್ಹಾರಿ ಪರಿಕ್ಷಾ ಲಿನ ಪಾಚಲ್ತೊ ಯೆಸುನೆ ದಕ್ಹೊ ಟೈಮ ಲಕ್ಕಾ ತ್ಯಾಂತೊ ಛೊಡಿನ ಗಯೊ.
\s ಯೆಸು ಮನಕ್ಹೊನೆ ಉಪದೆಶ
\r (ಮತ್ತಾಯ 4:12-17; ಮಾರ್ಕ 1:14-15)
\p
\v 14 ಯೆಸು ಪವಿತ್ರ ಆತ್ಮಾನಿ ತಾಕತ ಕ್ಹು ಭರಿನ ಗಲಿಲಾಯನೆ ಫರಿನ ಗಯೊ. ಯೆಸುನಿ ಸುದ್ದಿ ಗಲಿಲಾಯ ಪ್ರಾಂತ್ಯನಾ ಮನಕ್ಹೊಮಾ ಗ್ವತ್ತ ಥೈ. 
\v 15 ಯೆಸು ಸಭಾಮಂದಿರಮಾ ಕ್ಹುದಾನಿಯೊ ವಾತೊ ಕವಾನು ಶುರು ಕರ‍್ಯೊ. ತೆ ಐಕಲ ವಾಲಾ ಕ್ಹಾರಾ ಮನಕ್ಹೊ ಘನ್ನಾ ನೆಣಶ್ಯಾ.
\s ಯೆಸು ತಿನಾ ಸ್ವಂತ ಗಾಮ್ಮಾ ತಿರಸ್ಕಾರ
\r (ಮತ್ತಾಯ 13:53-58; ಮಾರ್ಕ 6:1-6)
\p
\v 16 ಯೆಸು ತೆ ಮ್ಹೊಟೊ ಥಯಲ ನಜ಼ರೆತೆ ಕವಾನಾ ಗಾಮೆ ಐನ ಸಬ್ಬತ ದಿನಮಾ ಸಭಾಮಂದಿರಮಾ ಗೈನ. ತ್ಯುನಿಯೊ ಪದ್ದತಿ ಲಿಂಗತ ಯೆಸು ಒದಾನಾ ಹುತಿ ಉಟಿನ ಹುಬ್ರಯೊ. 
\v 17 ಪ್ರವಾದಿ ಥಯಲ ಯೆಶಾಯಾ ಬರ್ದಲ ಪುಸ್ತಕ ಯೆಸುನೆ ಒದಾನೆ ದಿದ್ಯಾತಾ. ಯೆಸು ತೆ ಬುಕ್ಕಕಮಾನು ಒದ್ಯೊ. 
\v 18 "ಕ್ಹುದಾನಿ ಆತ್ಮಾ ಮಪರ ಛೆ. ಗರಿಬ ಮನಕ್ಹೊನೆ ಚೊ಼ಕಿ ಸುದ್ದಿ ಕವಾ ಹುತಿ. ಕ್ಹುದಾ ಮನೆ ಅಭಿಶೆಕ ಕರ‍್ಯೊಸ. ಪಾಪ ಕವಾನಿ ಯಕ್ಕ ಜೆಲಮಾ ರ‍್ಹಯಲವಾಲಾವೊನಾ ಮನಕ್ಹೊನೆ ಛೊ಼ಡಾವಾನೆ ವರಿ ಕುಡ್ಡಾವೊನೆ, ಡೊಳಾ ದಿವಾನೆ ವರಿ ತ್ಯುನೊನೆ ಚೊ಼ಕಿ ಸ್ತಿತಿನಾ ಹುತಿ ಮನಸ ಭಗೈ ಗಯಲವಾಲಾವೊನಾ ಹುತಿ ತ್ಯುನು ಮನಸ ಚೊ಼ಕು ಕರಾಹುತಿ. ಮನೆ ಕ್ಹುದಾ ಮೊಕ್ಕಲ್ಯೊಸ" 
\v 19 ಕ್ಹುದಾ ತಿನಾ ಮನಕ್ಹೊನೆ ವಚಾ಼ಡಾನೆ ನೆಮಿಸಲ ಚೊ಼ಕೊ ವರಕ್ಹ ಲಾವಾನಾ ಹುತಿ ಮನೆ ವಳಾಯೊಸ" \fig ಸುರುಳಿಯೊ|alt="Scroll" src="hk00150c.tif" size="col" copy="Horace Knowles ©" ref="4:16"\fig*
\p
\v 20 ತೆ ಒದಲ್ಪರ ಯೆಸು ತೆ ಯೆಶಾಯನು ಗ್ರಂಥ ಸುತ್ತಿನ ಸಬಾಮಂದಿರನಾ ಆಳನಾ ಹತ್ಮಾ ದಿನ್ನ ತ್ಯಾ ಬೈಟ್ಯೊ. ಸಬಾಮಂದಿರಮಾ ರ‍್ಹಯಲವಾಲಾ ಮನಕ್ಹೊ ಯೆಸುನೆ ಯಕ್ಕ ಸಂವಾ ದೆಕಾಡಾತಾ. 
\v 21 ತೆಳಾಮಾ ಯೆಸು, ತ್ಯುನೊನೆ "ಮಿ ಹಮ್ನಾ ಒದಲ ವಾಕ್ಯಾ ಆಜ಼ ಕ್ಹರಿಮಾಜ಼ ಎ ಪುರಾ ಥಯ್ಯು"ಕದ್ಯೊ. 
\v 22 ಕ್ಹಾರಾ ಮನಕ್ಹೊ ತಿನೆ ಘನ್ನೊ ಚೊ಼ಕೊ ವ್ಹೈಕದ್ಯಾ. ತ್ಯುನೆ ತಿನಿಯೊ ಚೊ಼ಕಿಯೊ ವಾತೊ ಐಕಿನ ಘಾಬ್ರಾಥೈನ"ಎ ಇಮ್ಮ ಕಿಮ ಬೊಲಾನೆ ಸಾದ್ಯ ಛೆ? ಎ ಯೊಸೆಫನೊ ದಿಕ್ರೊ ನ್ಹ ವ್ಹೈ ಸು? ಕೈನ ಬೊಲ್ಲಿವಾಡ್ಯಾತಾ.
\p
\v 23 ಯೆಸು ತ್ಯುನೊನೆ"ತುತೊ ಡಾಕ್ಟರ ವ್ಹೈ, ಪೈಲಾ ತುನೆ ಅರಾಮ ಕರಲೆ "ಪೈಲಾನಿ ಗಾದೆ ಮನೆ ಕವೊಸಿ ಕವಾನು ಮನೆ ಗೊತ್ತ ಛೆ" ತು ಕಪೆರನೌರ್ಮಿಮಾ ಕರಲ ದಕ್ಹಾ ಕಾಮೊ ತಾರಾ ಹುತಿ ಐಕ್ಯಾಸ. ತೆಜ಼ ಕಾಮೊ ತಾರಾ ಸ್ವಂತ ಗಾಮ್ಮಾ ಕರ" ಕೈನ ಕವಾಡ್ಯಾಸ. 
\v 24 ಯೆಸು ತ್ಯುನೊನೆ ಕದ್ಯೊ. ಮಿ ತುಮೊನೆ ಕ್ಹರಿಜ಼ ಕೌಸ ಪ್ರವಾದಿನೆ ತಿನಾ ಸ್ವಂತ ಗಾಮ್ಮಾ ನೈ ಮಳೈಲೆತಾ. 
\v 25 ಐಕೊ ಎಲಿಯಾನಾ ಕಾಲಮಾ ಕ್ಹಡಾತನ ವರಕ್ಹ ಇಸ್ರಾಯೆಲ ದೆಶಮಾ ಪಾನಿ ಐಯು ನ್ಹೊತು. ತೆಜ಼ ದೆಶಮಾ ಬರಗಾಲ ವ್ಹತ್ತು. ತೆ ಟೈಮಾ ಇಸ್ರಾಯೆಲಮಾ ರಾಂಡಿ ಬಾಕಡಿಯೊ ಘನ್ನಿಯೊ ವ್ಹತ್ತಿಯೊ ಕವಾನು ಕ್ಹರಿ ವ್ಹೈ. 
\v 26 ತೆನೈಸೊ ಎಲಿಯಾನೆ ಬಿಜಿ಼ಯೊ ರಾಂಡಿ ಹೆಣ ಮನಕ್ಹೊಕನ ಮೊಕ್ಕಲ್ಯಾ ವಾಚಿ ಸಿದೊನ ದೆಶನೆ ಮಳಲ ಸೆರೆಪ್ತ ಗಾಮ್ಮಾ ರ‍್ಹಯಲ ಯಕ್ಕ ರಾಂಡಿ ಹೆಣ ಮನಕ್ಹಕನ ಕ್ಹುದಾ ಎಲಿಯಾನೆ ಮೊಕಲ್ಯೊ. 
\v 27 ಪ್ರವಾದಿ ಥಯಲ ಎಲಿಶಾನಾ ಕಾಲ್ಮಾ ಘನ್ನಾ ಕುಸ್ಟರೊಗಿಯೊ ಇಸ್ರಾಯೆಲಮಾ ವ್ಹತ್ತಾ. ತೆನೈಸೊ ತ್ಯುನೊಮಾನಾ ಕಿನೆಜ಼಼ ಅರಾಮ ಥಯಾವಾಚಿ ಸಿರಿಯಾ ದೆಶವಾಲೊ ಥಯಲ ನಾಮಾನನೆ ಯಕ್ಕಜ಼ ಅರಾಮ ಥಯ್ಯು ಕೈನ ಕದ್ಯೊ. 
\v 28 ಸಬಾಮಂದಿರಮಾ ರ‍್ಹಯಲ ಕ್ಹಾರಾ ಮನಕ್ಹೊ ಎ ವಾತೊ ಐಕಿನ ಘನ್ನಾ ಶಿಟ್ಟಥಯಾ. 
\v 29 ಯೆಸುನೆ ಗಾಮ್ತಾ ಭಾರಾ ಘಾಲ್ಯಾ. ತೆ ಗಾಮ ಯಕ್ಕ ಡೊಂಗರಪರ ವ್ಹತ್ತು. ತ್ಯುನೆ ಯೆಸುನೆ ತ್ಯಾಂತಾ ಬಲೈನಿಂಗೈನ ಡೊಂಗರಪರತಾ ಢಕ್ಲಿಪಾಡಿಯೆ ಕೈನ ಕೈಲಿವಾಡ್ಯಾತಾ. 
\v 30 ತೆನೈಸೊ ಯೆಸು ತ್ಯುನಾ ವಚ್ಮಾ಼ತೊ ಗೈಪಡ್ಯೊ.
\s ಕೆಟ್ಟ ಆತ್ಮಾ ರ‍್ಹಯಲ ವಾಲಾನೆ ಅರಾಮ ಕರಲ
\r (ಮಾರ್ಕ 1:21-28)
\p
\v 31 ತ್ಯಾಂತೊ ಯೆಸು ಗಲಿಲಾಯನಾ ಕಪೆನೌರ್ಮಿ ಕವಾನಾ ಗಾಮೆ ಗಯೊ. ತ್ಯಾ ಸಬ್ಬತ ದಿನಮಾ ತ್ಯುನೊನೆ ಉಪದೆಶ ಕರಾನು ಶುರು ಕರ‍್ಯೊ. 
\v 32 ತಿನೆ ಕ್ಹಾರು ಅದಿಕಾರ ರಹೆವಾಲಾ ಲಿಂಗತ ಕವಾಡೊತೊ. ತ್ಯುನೆ ತೆ ವಾತೆ ಘನ್ನಾ ಘಾಬ್ರಾಥಯಾ. 
\v 33 ತೆ ಸಬಾಮಂದಿರಮಾ ಕೆಟ್ಟ ಆತ್ಮಾ ಧರಲ ಯಕ್ಕ ದಾಣಗೊ ವ್ಹತ್ತೊ. 
\v 34 ತೆ ಯೆಸುನೆ ದೆಕಿನ ಜೊ಼ರ ವದ್ರಿನ ನಜ಼ರೆತನಾ ಯೆಸು! ಮಾರಿ ಉಸಾಬರಿ ತುನೆ ಕಾ? ಹಮೊನೆ ನಾಶಕರಾನೆ ಆಯೊಸು? ತುನೆ ವಳಕ್ಯೊಸ. ತು ಕ್ಹುದಾ ವಳಾಯಲ ಪರಿಶುದ್ಧ ವ್ಹೈ ಕದ್ಯು. 
\v 35 ವರಿ ಯೆಸು ತೆ ಕೆಟ್ಟ ಆತ್ಮಾನೆ "ಗಪ ರ‍್ಹೆ! ಇನೆ ಛೊಡಿನ ಭಾರು ಆ" ಕೈನ ಅಪ್ಪಣೆ ದಿದ್ಯೊ. ತೆ ಕೆಟ್ಟ ಆತ್ಮಾ ತೆ ದಾಣಗಾನಾ ಹೆಟು ಪಾಡಿನ ಸುಜ಼ ತರಾಸ ಕರ‍್ಯಾ ವಾಚಿ ತಿನೆ ಛೊಡಿನ ಗೈಪಡಿ. 
\v 36 ತೆ ದೆಕಲ ಕ್ಹಾರಾ ಮನಕ್ಹೊ"ಎ ಕೆಯ್ಯೊ ವಾತೊ ವ್ಹಸೆ! ತೆ ಅದಿಕಾರಕ್ಹು ವರಿ ತಾಕತಕ್ಹು ಕೆಟ್ಟ ಆತ್ಮಾವೊನೆ ಅಪ್ಪಣೆ ದೆತಾಮಾ, ತೆ ಗೈ ಪಡಸ್ತೊ "ತ್ಯುನೊಮಾ ಕೈನ ಬೊಲ್ಲಿದ್ಯಾ. 
\v 37 ವರಿ ತಿಮ್ಮ ಥೈನ ಯೆಸುನಿ ಸುದ್ದಿ ತೆ ಪ್ರಾಂತ್ಯಮಾ ಘನ್ನಿ ಜ಼ಗಾ ಗ್ವತ್ತ ಥೈ.
\s ಯೆಸು ಘನ್ನಾ ಮನಕ್ಹೊನೆ ಅರಾಮ ಕರಲ
\r (ಮತ್ತಾಯ 8:14-17; ಮಾರ್ಕ 1:29-34)
\p
\v 38 ಯೆಸು ಸಬಾಮಂದಿರಮಾತೊ ಗೈನ ಸಿಮೊನನಾ (ಪೆತ್ರಾ) ಘರೆ ಆಯೊ. ತ್ಯಾ ಶಿಮೊನನಿ ಫ್ಯೆ ತೌ ಐನ ಕ್ಹುರೈತಿ ತಿನೆ ಅರಾಮ ಕರ ಕೈನ ಯೆಸುಕನ ತ್ಯಾ ರ‍್ಹಯಲವಾಲಾ ಮಾಂಗಿಲಿದ್ಯಾ. 
\v 39 ಯೆಸು ತಿಕನ ಗೈನ ತಿನಾ ಜಡ್ಡನೆ ಭುಚ್ಕಾ಼ಡ್ಯೊ ತೆಳಾಮಾ ಸಿಮೊನನಿ ಫ್ಯೆ ಅರಾಮ ಥೈ. ತಿನಾ ಹುತಿ ತೆ ಉಟಿನ ತ್ಯುನೊನೆ ಸೆವಾ ಕರಿ.
\p
\v 40 ಸುರ‍್ಯೊ ಡುಬಲ್ಪರ, ಕಿನಾ-ಕಿನಾ ಘರಮಾ ತರಾ ತರಾನಾ ರೊಗ ರ‍್ಹಯಲವಾಲಾವೊನಾ ಯೆಸುಕನ ಲಾಯಾ. ತೆ ರೊಗಿಯೊಪರ ಯೆಸು ತಿನೊ ಹತ್ತ ಮ್ಹೆಲಿನ ಅರಾಮ ಕರ‍್ಯೊ. 
\v 41 ಘನ್ನಾ ಮನಕ್ಹೊನಾ ಅಂಗಮಾತಾ ಕೆಟ್ಟ ಆತ್ಮಾ ತು ಕ್ಹುದಾನೊ ದಿಕ್ರೊ ವ್ಹೈ ಕೈನ ಜೊ಼ರ ವದ್ರಿನ ತ್ಯುನಾ ಅಂಗಮಾತಾ ಭಾರಾ ಆಯಾ ಯೆಸು ತ್ಯುನೊನೆ ಬೊಲೊ ನಕೊ ಕೈನ ಕದ್ಯೊ. ಕಾಕದ್ಯಾಮ ತೆ ಕೆಟ್ಟ ಆತ್ಮಾವೊನೆ ಯೆಸುಜ಼ ಕ್ರಿಸ್ತ ವ್ಹೈ ಕೈನ ಗೊತ್ತ ವ್ಹತ್ತು.
\s ಯೆಸು ಕ್ರಿಸ್ತ ಸಬಾಮಂದಿರಮಾ ಉಪದೆಶ ಕದಲ
\r (ಮಾರ್ಕ 1:35-39)
\p
\v 42 ಮರ್ನಾ ದಿನ್ನೆ ಪಾಟೆ ಯೆಸು ಕುನ್ನಜ಼ ನೈಸೊ ರ‍್ಹಯಲ ಜ಼ಗಾ ಯೆಸು ಗಯೊ. ಮನಕ್ಹೊ ಗುಂಪ-ಗುಂಪ ಥೈನ ತಿನೆ ಹುಡಕ್ತಾ ತೆ ರ‍್ಹಯಲ ಜ಼ಗಾ ಐನ ತು ಹಮೊನೆ ಛೊಡಿನ ಜೌ಼ ನಕೊ ಕೈನ ತಿನಾ ಸುತ್ತೆ ಹುಬ್ರಯಾ. 
\v 43 ವರಿ ಯೆಸು ತ್ಯುನೊನೆ"ಮಿ ಕ್ಹುದಾನಿ ರಾಜ್ಯನಿ ಸುವಾರ್ತೆ ಬಿಜಾ಼ ಗಾಮೊಮಾಬಿ ಕೌ ಇನಾ ಹುತಿಜ಼ ಮಿ ಆಯೊಸ ಕದ್ಯೊ. 
\v 44 ತೆ ಥಯಲ್ಪರ ಯೆಸು ಯುದಾಯ ದೆಶನಾ ಸಬಾಮಂದಿರೊಮಾ ಕ್ಹುದಾನಿಯೊ ವಾತೊ ಕವಾಡೊತೊ.
\c 5
\s ಯೆಸುನಾ ಪಾಚಾ಼ ಆಯಲ ಪೆತ್ರಾ, ಯಾಕೊಬ, ಯೊಹಾನ
\r (ಮತ್ತಾಯ 4:18-22; ಮಾರ್ಕ 1:16-20)
\p
\v 1 ಯಕ್ಕ ದಿನ್ನ ಯೆಸು ಗೆನೆಜರೆತ ಕವಾನಾ (ಗಲಿಲಾಯ) ನದಿನಾ ದಂಡಿಕನ ಹುಬ್ರೈಲ ಟೈಮಾ, ಮನಕ್ಹೊ ಯಕ್ಕಪರ ಯಕ್ಕ ಢಕಲ್ತಾ ತ್ಯಾ ಯೆಸುನಾ ಸುತ್ತೆ ಐನ ಕ್ಹುದಾನಿಯೊ ವಾತೊ ಐಕಾಡ್ಯಾತಾ. 
\v 2 ಯೆಸು ನದಿನಾ ದಂಡಿಕನ ಬೆ ಹಡಗಾ ದೆಕ್ಯೊ. ಹಡಗಾಮಾ ರ‍್ಹಯಲ ಮಚ್ಲಿ಼ಯೊ ಧರಾಲಾ ಭಾರಾ ಐನ ತ್ಯುನಿಯೊ ಬಲಿಯೊ ಧವಾಡ್ಯತಾ. 
\v 3 ಯೆಸು ಸಿಮೊನನೊ ಹಡ್ಗೊ ಚ಼ಡಿನ ಬೈಟ್ಯೊ ವರಿ ಹಡಗಾನೆ ದಂಡಿತೊ ನಕ್ಕರ ದುರ ಢಕಲ ಕೈನ ಯೆಸು ಸಿಮೊನನೆ ಕದ್ಯೊ. ವರಿ ಯೆಸು ಹಡಗಾಪರ ಬೈಟಿನ ಮನಕ್ಹೊನೆ ಉಪದೆಶ ಕರಾಡೊತೊ.
\p
\v 4 ಉಪದೆಶ ಕರಲ್ಪರ ಯೆಸು ಸಿಮೊನನೆ ಹಡಗಾನೆ "ಉಂಡು ರ‍್ಹಯಲ ಜ಼ಗಾ ನಿಂಗೈನ. ಮಚ್ಲಿ಼ಯೊ ಧರಾಹುತಿ ತುಮಾರಿಯೊ ಬಲಿಯೊ ಪಾನಿಮಾ ಘಾಲೊ "ಕದ್ಯೊ. \fig ಮಚ್ಲಿಯೊ ಧರಾಲಾ ಹಡಗಾಮಾ ಹುಬ್ರೈನ ಮಚ್ಲಿಯೊ ಧರಾನು|alt="Fishermen in boat and catch fish" src="hk00208c.tif" size="col" copy="Horace Knowles ©" ref="5:4"\fig*
\p
\v 5 ತೆಳಾಮಾ ಸಿಮೊನ, ಯೆಸುನೆ "ಗುರು, ಹಮೆ ಕ್ಹಾರಿ ರಾತ ಕಷ್ಟಪಡದ್ಯಾತಬಿ ಯಕ್ಕ ಮಚ್ಲಿ಼ಬಿ ಮಳಿ ನೈ. ವರಿ ತು ಕದಲ ಹುತಿ ಹಮೆ ಬಲಿ ಪಾನಿಮಾ ಘಾಲಾಡ್ಯಾಸ "ಕದ್ಯೊ. 
\v 6 ತ್ಯುನೆ ತ್ಯುನಿಯೊ ಬಲಿಯೊ ಪಾನಿಮಾ ಘಾಲ್ತಾಮಾ ತ್ಯುನಿಯೊ ಬಲಿಯೊ ಫಾಟಿ ಜಾ಼ವಾಯಕ್ಲಿಯೊ ಮಚ್ಲಿ಼ಯೊ ಢಿಗ ಗಟ್ಳೆ ಮಳಿಯೊ. 
\v 7 ತೆಳಾಮಾ ತ್ಯುನೆ ಬಿಜೆಕ ಹಡಗಾಮಾ ರ‍್ಹಯಲ ತ್ಯುನಾ ದೊಸ್ತೊನೆ ಹತೊಕ್ಹು ಸ್ವನ್ನಿ ಕರಿನ ಬಲಾಯಾ ತ್ಯುನಾಬಿ ಬೆ ಹಡಗಾ ಮಚ್ಲಿ಼ಯೊ ಭರಿನ ಡುಬಾವರಖಾ ಥಯಾ. 
\v 8 ಸಿಮೊನ ಯೆಸುನಾ ಖಾಮೊ ಉಂದಾಗುಡ್ಗಾ ಘಾಲ್ಲಿನ ಪಗೆ ಪಡಿನ "ಸ್ವಾಮಿ, ಮಿ ಪಾಪಿ ವ್ಹೈ. ಮನೆ ಛೊಡಿನ ಜಾ಼ "ಕೈನ ಮಾಂಗಿಲಿದ್ಯೊ.
\p
\v 9 ಕ್ಹಾರಾ ಮಚ್ಲಿ಼ಯೊ ಧರಾಲಾ ಘಾಬ್ರಾಥಯಾ. (ಇವ್ನೆ ಭಂಬಿಜ಼ನಾ ಸಿಮೊನನಾ ಕ್ಹಾತೆ ವಾಟೊಲಿವಾಲಾ ವ್ಹತ್ತಾ) 
\v 10 ಎ ದೆಕಿನ ಜೆಬೆದಾಯನಾ ದಿಕ್ರಾ ಥಯಲ ಯಾಕೊಬ ವರಿ ಯೊಹಾನ ಘಾಬ್ರಾಥಯಾ. ಯೆಸು ಸಿಮೊನನೆ"ಭುಚ಼ಕುನಕೊ. ಆಜ಼ತೊಜ಼ ತು ಮಚ್ಲ್ಯೊ಼ ಧರಾಲೊ ನ್ಹವೈ. ವರಿ ಮನಕ್ಹೊನೆ ಕ್ಹುದಾಕನ ಲಾವಾಲೊ ಥಾಸಿ "ಕದ್ಯೊ. 
\v 11 ತ್ಯುನೆ ತ್ಯುನಾ ಹಡಗಾ ದಂಡಿಯೆ ಲೈನ ಭಾಂದಿನ. ಕ್ಹಾರು ಛೊಡಿನ ಯೆಸುನಾ ಪಾಚಾ಼ ಗಯಾ.
\s ಯೆಸು ಕುಷ್ಠ ರೊಗಿನೆ ಅರಾಮ ಕರಲ
\r (ಮತ್ತಾಯ 8:1-4; ಮಾರ್ಕ 1:40-45)
\p
\v 12 ಯಕ್ಕ ದಿನ್ನ ಯೆಸು ಯಕ್ಕ ಗಾಮ್ಮಾ ರ‍್ಹತಾಮಾ ಯಕ್ಕ ಕುಷ್ಟರೊಗಿ ಯೆಸುನೆ ದೆಕಿನ ತಿನಾ ಕ್ಹಾಮೊ ಉಂದಾ ಗುಡ್ಗಾ ಘಾಲ್ಲಿನ ಅಡ್ಡಪಡಿನ "ಪ್ರಭು, ತು ಮನಸ್ಸ ಕರ‍್ಯೊಮ ಮನೆ ಅರಾಮ ಕರಶಿ ಕೈನ ಮನೆ ಗ್ವತ್ತ ಛೆ ಕೈನ ಮಾಂಗಿಲಿದ್ಯೊ.
\p
\v 13 ಯೆಸು"ತಿನೆ ತುನೆ ಅರಾಮ ಕರಾನೆ ಮನೆ ಮನಸ್ಸೆ ಛೆ ತುನೆ ಅರಾಮ ಥಾವಾದೆ" ಕೈನ ತಿನೆ ಮುಟ್ಯೊ ತೆಳಾಮಾಜ಼ ತಿನೆ ಅರಾಮ ಥಯ್ಯು. 
\v 14 ಯೆಸು ತಿನೆ, ಎ ಕ್ಹಾರು ತಾರಾ ಖಾಮು ಥಯಲ ಅದ್ಭುತ ಕಿಕನಜ಼ ಕೌ ನಕೊ, ತೆನೈಸೊ ತು ಗೈನ ಸಾಕ್ಷಿ ಥಾವಾನಾ ಹುತಿ ಯಾಜಕನೆ ತಾರು ಅಂಗ ದೆಕಾಡಿನ ಮೊಶೆ ನಿಯಮ ಕರಲ ಶುದ್ಧವಿಚಾರೊ ಪುರಾಕರ ಕೈನ"ಅಪ್ಪಣೆ ದಿದ್ಯೊ.
\p
\v 15 ಗಾಮ್ಮಾ ಯೆಸುನಿ ಸುದ್ದಿ ಘನ್ನಿ ಫೈಲಿ ಗೈ. ಘನ್ನಾ ಮನಕ್ಹೊ ತಿನಿಯೊ ವಾತೊ ಐಕು ಕೈನ ತ್ಯುನಾ ರೊಗೊ ಗೈನ ಅರಾಮ ಥಾವು ಕೈನ ತಿಕನ ಆಯಾ. 
\v 16 ತೆಳಾಮಾ ಯೆಸು ಯಕ್ಕಲೊಜ಼ ಕುನ್ನಜ಼ ನೈಸೊ ರ‍್ಹವಾನ ಜ಼ಗಾ ಗೈನ ಪ್ರಾಥನಾ ಕರ‍್ಯೊ.
\s ಯೆಸು ಯಕ್ಕ ಲಕ್ವೊ ಮಾರಲವಾಲಾನೆ ಅರಾಮ ಕರಲ
\r (ಮತ್ತಾಯ 9:1-8; ಮಾರ್ಕ 2:1-12)
\p
\v 17 ಯಕ್ಕ ದಿನ್ನ ಯೆಸು ಮನಕ್ಹೊನೆ ಭೊದನೆ ಕರಾಡೊತೊ. ತ್ಯಾಜ಼ ಗಲಿಲಾಯ ಪ್ರಾಂತ್ಯತಾ ವರಿ ಯುದೆಯ ಯೆರುಸೆಲಿಮತಾ ಆಯಲ ಫರಿಸಾಯರೊ ವರಿ ನಿಯಮೊನಾ ಶಾಸ್ತ್ರಿಯೊ ತ್ಯಾ ವ್ಹತ್ತಾ. ರೊಗೊ ಅರಾಮ ಕರಾನಿ ಕರ್ತಾನಿ ತಾಕತ ಯೆಸುಮಾ ವ್ಹತ್ತಿ.
\p
\v 18 ಇಮ್ಮ ರ‍್ಹತಾಮಾ ಯಕ್ಕ ಲಕ್ವೊ ಮಾರಲವಾಲಾ ರೊಗಿನೆ ದಕ್ಹಾ ಜ಼ನಾ ವಚ್ಚಾ಼ನಾ ಕ್ಹಮಾತಾಜ಼ ಉಚೈನ ಯೆಸು ರ‍್ಹಯಲ ಜ಼ಗಾ ಲಾವಾನೆ ಕೊಶಿಶ ಕರ‍್ಯಾ. 
\v 19 ವರಿ ತ್ಯಾ ಘನ್ನಾ ಮನಕ್ಹೊನು ಕುಡಿನ ಯೆಸುನಾ ಸುತ್ತೆ ರ‍್ಹಯಲ ಹುತಿ ತ್ಯುನೊನೆ ತೆ ಲಕ್ವೊ ಮಾರಲವಾಲಾನೆ ಯೆಸುಕನ ನಿಂಜಾ಼ವಾನೆ ನೈ ಥಯಲ ಹುತಿ ತ್ಯುನೆ ಘರಪರ ನಿಂಗೈನ ಘರಪರಲ್ಯು ಛತ್ತ ಕಾಡಿನ ತೆ ರೊಗಿನೆ ವಚ್ಚಾ಼ನಾ ಕ್ಹಮಾತಾಜ಼ ಯೆಸುನಾ ಕ್ಹಾಮಾ ಉತಾರ‍್ಯಾ.
\p
\v 20 ಯೆಸು ತಿವ್ನೊ ಬರೊಕ್ಹೊ ದೆಕಿನ ತೆ ರೊಗಿನೆ, ಮಾರಾ "ದೊಸ್ತ ತಾರು ಪಾಪ ಮಾಫ ಥಯುಸ "ಕೈನ ಕದ್ಯೊ.
\p
\v 21 ತ್ಯಾ ರ‍್ಹಯಲವಾಲಾ ಶಾಸ್ತ್ರಿಯೊ ಫರಿಸಾಯರೊ. ತೆ ಐಕಿನ "ಎ ಕ್ಹುದಾನಾ ವಿರುದ್ದ ಬೊಲಾಲೊ ಕುನ್ನ ವ್ಹೈ? ಕ್ಹುದಾನೆ ಯಕ್ಲಾನೆಜ಼ ಪಾಪ ಮಾಫ ಕರಾನೆ ಥಾವಸ "ಕೈನ ತ್ಯುನೊ ತ್ಯುನೊಮಾಜ಼ ವಿಚಾರ ಕರಲಿವಾಡ್ಯಾತಾ.
\p
\v 22 ವರಿ ಯೆಸು ತ್ಯುನಿಯೊ ವಿಚಾರೊ ತಿಳದಿಲಿನ ತ್ಯುನೊನೆ"ತುಮೆ ತಮಾರಾ ಮನಸ್ಮಾ ಇಮ್ಮ ಕಾ ವಿಚಾರ ಕರಲಿವಾಡ್ಯಾಸ? 
\v 23 ಕಯು ಆಸಾನ ವ್ಹೈ? ತಾರು ಪಾಪ ಮಾಫ ಥಯುಸ, ಕೈನ ತೆ ಲಕ್ವೊ ಮಾರಲವಾಲಾನೆ ಕವಾನು? ನೈತೊ ಉಟಿನ ಜಾ಼ ಕವಾನು? 
\v 24 ತೆನೈಸೊ ಮನಕ್ಹನಾ ದಿಕ್ರಾನೆ ಭುಲೊಕ್ಪರ ಪಾಪ ಮಾಫ ಕರಾನೆ ಅದಿಕಾರ ಛೆ ಕವಾನು ತುಮೊನೆ ಗ್ವತ್ತ ರ‍್ಹೌ ಕೈನ "ತೆ ಲಕ್ವೊ ಮಾರಲವಾನೆ ದೆಕಿನ"ಉಟ! ತಾರು ವಚ್ಚಾ಼ನು ಲಿನ ಘರೆ ಜಾ಼"ಕದ್ಯೊ. 
\v 25 ತೆಳಾಮಾಜ಼ ತೆ ಲಕ್ವೊ ಮಾರಲವಾಲೊ ಕ್ಹಾರಾವೊನಾ ಕ್ಹಾಮೊ ಉಟಿನ ಹುಬ್ರಯೆನ, ತಿನು ವಚ್ಚಾ಼ನು ಲಿನ ಕ್ಹುದಾನೆ ಸ್ತುತಿ ಕರತೊ ತಿನಾ ಘರೆ ಗಯೊ. 
\v 26 ತೆಳಾಮಾ ಕ್ಹಾರಾ ಮನಕ್ಹೊ ಘನ್ನಾ ಘಾಬ್ರಾ ಥೈನ ಕ್ಹುದಾನೆ ಸ್ತುತಿ ಕರತಾ ವರಿ ಭುಚ಼ಕ್ಕತಾ"ಆಜಾ಼ನಾ ದಿನಮಾ ಹಮೆ ಯಕ್ಕ ಅದ್ಭುತ ದೆಕ್ಯಾ"ಕದ್ಯಾ.
\s ಯೆಸುನಾ ಪಾಚೊ಼ ಆಯಲ ಲೆವಿ
\r (ಮತ್ತಾಯ 9:9-13; ಮಾರ್ಕ 2:13-17)
\p
\v 27 ಪಾಚಲ್ತೊ, ಯೆಸು ತ್ಯಾಂತೊ ಜಾ಼ತಾಮಾ, ಭುಭಾಡೊಲಿವಾಲೊ ಕಟ್ಟಾಪರ ಬೈಟಲವಾಲೊ ಲೆವಿನೆ ದೆಕಿನ "ತು ಮಾರಾ ಪಾಚೊ಼ ಆ"ಕದ್ಯೊ. 
\v 28 ಲೆವಿ ಉಟಿನ ಕ್ಹಾರು ತ್ಯಾಜ಼ ಛೊಡಿನ ಯೆಸುನಾ ಪಾಚೊ಼ ಗಯೊ.
\p
\v 29 ಪಾಚಲ್ತೊ ಲೆವಿ ಯೆಸುನಾ ಹುತಿ ತಿನಾ ಘರಮಾ ಖಾವಾನೆ ಮ್ಹೊಟು ಫಂಕ್ಷನ ಕರಾಯೊ ತೆಳಾಮಾ ಭುಭಾಡೊಲಿವಾಲಾ ಘನ್ನಾ ಜ಼ನಾ ವರಿ ಘನ್ನಾ ಮನಕ್ಹೊ ವ್ಹತ್ತಾ. 
\v 30 ತೆಳಾಮ ಫರಿಸಾಯರೊ ವರಿ ಶಾಸ್ತ್ರಿಯೊ ಯೆಸುನಾ ಶಿಷ್ಯಾವೊನೆ "ತುಮೆ ಭುಭಾಡೊಲಿವಾಲಾವೊನಾ ಕ್ಹಾತೆ ವರಿ ಪಾಪಿಯೊನಾ ಕ್ಹಾತೆ ಕಾ ಅನ್ನ ಖಾವಾಡ್ಯಾಸ ವರಿ ಪಿವಾಡ್ಯಾಸ? ಕೈನ ಪುಚ್ಯಾ.
\p
\v 31 ತೆಳಾಮಾ ಯೆಸು ತೆ ಐಕಿನ ಅರಾಮ ನೈಸೊವಾಲಾನೆ ಡಾಕ್ಟರನಿ ಜ಼ರುರತ ಛೆ ಅರಾಮ ರ‍್ಹಯಲವಾಲಾವೊನಾ ನ್ಹವೈ. 
\v 32 ತುಮಾರಾ ಪಾಪನೆ ಪಶ್ಚಾತಾಪ ಪಡಿನ ಕ್ಹುದಾಬಗಲ ಫರೊ ಕೈನ ನಿತಿವಂತಕ್ಹು ರ‍್ಹಯಲವಾಲಾವೊನಾ ಮಿ ಬಲಾವಾನೆ ನತ್ತಿ ಆಯೊ. ಪಾಪಿಯೊನಾ ಹುತಿ ಆಯೊಸ" ಕದ್ಯೊ.
\s ಉಪಾಸ ರ‍್ಹವಾನಾ ಹುತಿ ಯೆಸು ಕದಲ
\r (ಮತ್ತಾಯ 9:14-17; ಮಾರ್ಕ 2:18-22)
\p
\v 33 ದಕ್ಹಾ ಮನಕ್ಹೊ ಯೆಸುನೆ"ಫರಿಸಾಯರೊನಾ ಶಿಷ್ಯಾ ವರಿ ಯೊಹಾನನಾ ಶಿಷ್ಯಾ ಹಗ್ಲೆಲ್ಲಾ ಉಪಾಸ ವರಿ ಪ್ರಾಥನಾ ಕರಸ; ವರಿ ತಾರಾ ಶಿಷ್ಯಾ ಖಾವಾಡ್ಯಾಸ ಪಿವಾಡ್ಯಾಸ ಕೈನ ಕತಾಮಾ 
\v 34 ಯೆಸು ತ್ಯುನೊನೆ "ನೌರೊ ಹಿವಾನಾ ಮನಕ್ಹೊನಾ ಕ್ಹಾತೆ ರ‍್ಹಯೆಲಕ್ಕಾ ತ್ಯುನೆ ಭುಕ್ಕಾ ಜಾ಼ವಸು? 
\v 35 ವರಿ ನೌರಾನೆ ತ್ಯುನೊಕಂತೊ ನಿಂಜಾ಼ವೊನೊ ಟೈಮ ಆವಸ ತೆಳಾಮಾ ತ್ಯುನೆ ವಂದತ ಕರಸ" ಕದ್ಯೊ.
\p
\v 36 ಪಾಚಲ್ತೊ ಯೆಸು ತ್ಯುನೊನೆ ಯಕ್ಕ ಸಾಮ್ಯ ಕದ್ಯೊ. ತೆ ಸುವೈ ಕದ್ಯಾಮ "ಕುನ್ನಬಿ ಜು಼ನ್ನಾ ಅಂಗ್ಡಾನೆ ಥಿಗ್ಡು ಲಗಾಡಾ ಹುತಿ ನವಾ ಅಂಗ್ಡಾನೆ ಪ್ಹಾಡ್ತಾ ನೈ. 
\v 37 ತಿನಾಲಿಂಗತಜ಼ ನೌ (ನವು) ದ್ರಾಕ್ಷಿಯೊನೊ ರಕ್ಹ ಜು಼ನ್ನಿಯೊ ದ್ರಾಕ್ಷಿಯೊನಿ ರಕ್ಹನಿಯೊ ಚಾ಼ಮ್ಡಾನಿ ಕೈಚಿಲಾವೊಮಾ ಭರಿನ ಮುಕ್ಕತಾ ನೈ. ವರಿ ಭರಿನ ಮ್ಹೆಲ್ಯಾಮ ನೌ ದ್ರಾಕ್ಷಿಯೊನು ರಕ್ಹ ತೆ ಜು಼ನ್ನಿಯೊ ಚಾ಼ಮ್ಡಾನಿ ಕೈ ಚಿಲಾವೊನೆ ಫಾಡಿನ ಹೆಟು ಪಡಿನ ಕೆಟ್ಟಿ ಜಾ಼ವಸ, ವರಿ ಕೈಚಿಲಾ ಹಾಳ ಥೈ ಜಾ಼ವಸ. 
\v 38 ಮನಕ್ಹೊ ನೌ ದ್ರಾಕ್ಷಿಯೊನು ರಕ್ಹ ನೈಯೊ ಚ಼ಾಮ್ಡಾವೊನಿ ಕೈಚಿಲಾವೊಮಾ ಭರಿನ ಮ್ಹೆಲಸ. 
\v 39 ಜು಼ನ್ನು ದ್ರಾಕ್ಷಿಯೊನು ರಕ್ಹ ಪಿದಲವಾಲೊ ನೌ ದ್ರಾಕ್ಷಿಯೊನು ರಕ್ಹನಿ ಸ್ವಾದ ಗೊತ್ತ ಥಾತು ನೈ. ತೆ ಮನಕ್ಹ ಜು಼ನ್ನು ದ್ರಾಕ್ಷಿಯೊನು ರಕ್ಹ ನೆಜ಼ ಪಸಂದ ಕರಸ"
\c 6
\s ಸಬ್ಬತ ದಿನ್ಪರ‍ ಮಾಲಕ ವ್ಹೈ
\r (ಮತ್ತಾಯ 12:1-8; ಮಾರ್ಕ 2:23-28)
\p
\v 1 ಯಕ್ಕ ಸಬ್ಬತ ದಿನಮಾ ಯೆಸು ಖೆತ್ರೊಮಾತೊ ಜಾ಼ತಾ ಟೈಮಾ ತಿನಾ ಶಿಷ್ಯಾ ಖೆತ್ರೊಮಾನಾ ಬುಟ್ಟಾ ಭಾಗಿಲಿನ ಹತೊಕ್ಹು ತಿಕ್ಕಿನ ಖಾತಾ ಚಾ಼ಲ್ಯಾತಾ. 
\v 2 ತೆಳಾಮಾ ಪರಿಸಾಯರೊ ಯೆಸುನೆ"ತುಮೆ ಸಬ್ಬತ ದಿನಮಾ ನೈಸೊ ಕರಾನು ಕಾಮ ಕರಾಡಾಸ್ತೊ? ಎ ಮೊಶೆನಾ ಧರಮಶಾಸ್ತ್ರನಾ ವಿರುದ್ದ ವ್ಹೈ "ಕದ್ಯಾ. 
\v 3 ತೆ ವಾತೆ ಯೆಸು, ಫರಿಸಾಯರೊನೆ "ದಾವಿದ ತಿನಾ ಕ್ಹಾತೆ ರ‍್ಹಯೆಲವಾಲಾವೊನೆ ಭುಕ್ಕಕಲಾಗಲ ಟೈಮಾ ತೆ ಸುಕರ‍್ಯೊ ಕೈನ ತುಮೆ ಒದ್ಯಾ ನತ್ತಿಸು? 
\v 4 ದಾವಿದ ಕ್ಹುದಾನಿ ಸನ್ನಿದಿಮಾ ಗೈನ ಕ್ಹುದಾನೆ ಚ಼ಡಾಯಲ ರೊಕ್ಲೊ ಯಾಜಕನೆ ಛೊಡಿನ ಬಿಜು಼ ಕುನ್ನಜ಼ ನೈಸೊ ಖಾವಾನೊ ರೊಕ್ಲೊ ದಾವಿದ ಖೈನ ವರಿ ತಿನಾ ಕ್ಹಾತೆ ರ‍್ಹಯಲವಾಲಾವೊನಾ ಖಲಾಯೊಸ್ತೊ? ಕದ್ಯೊ. 
\v 5 ಮನಕ್ಹನೊ ದಿಕ್ರೊ ಸಬ್ಬತ ದಿನ್ಪರ‍ ಮಾಲಕ ಥಯೊಸ "ಕೈನ ಯೆಸು ಕದ್ಯೊ.
\s ಸಬ್ಬತ ದಿನಮಾ ಹತ ಅರಾಮ ಥಯಲ ಮನಕ್ಹ
\r (ಮತ್ತಾಯ 12:9-14; ಮಾರ್ಕ 3:1-6)
\p
\v 6 ವರಿ ಯಕ್ಕ ಸಬ್ಬತ್ ದಿನಮಾ ಯೆಸು ಸಬಾಮಂದಿರಮಾ ಗೈನ ಉಪದೆಶ ಕರ‍್ತಾಮಾ ತ್ಯಾ ಯಕ್ಲೊ ದಾಣಗೊ ಸಿದಾ ಹತ ಕುಕ್ಹೈ ಗಯಲವಾಲೊ ತ್ಯಾ ವ್ಹತ್ತೊ. 
\v 7 ಯೆಸು ತಿನೆ ಸಬ್ಬತ್ ದಿನಮಾ ಅರಾಮ ಕರ‍್ಯೊಮ ತಿಪರ ತಪ್ಪ ಘಾಲಿಯೆ ಕೈನ ಫರಿಸಾಯರೊ ವರಿ ಶಾಸ್ತ್ರಿಯೊ ಟೈಮ ದೆಕಾಡಾತಾ. 
\v 8 ವರಿ ತ್ಯುನಿ ವಿಚಾರ ಯೆಸುನೆ ತಿಳದಿತಿ. ಯೆಸು ಹತ ಕುಕ್ಹೈ ಗಯಲವಾಲಾನೆ"ತು ಐನ ನ್ಹಾ ಹುಬ್ರೆ "ಕದ್ಯೊ. ತೆ ಉಟಿನ ಐನ ಹುಬ್ರಯೊ. 
\v 9 ತೆಳಾಮಾ ಯೆಸು ತ್ಯುನೊನೆ"ಸಬ್ಬತ ದಿನಮಾ ಕಯು ಕಾಮ ಕರಾನು ಚೊ಼ಕು ವ್ಹೈ? ಚೊ಼ಕು ಕಾಮ ಕರಾನು ಸು ಕೆಟ್ಟಕಾಮ ಕರಾನು ಚೊ಼ಕು ವ್ಹೈ? ಜ಼ಲಮ ವಚಾ಼ಡಾನು ಸು? ಜ಼ಲಮ ಕಾಡಾನು? ಕೈನ ಪುಚ್ಯೊ. 
\v 10 ಯೆಸು ತಿನಾ ಸುತ್ತೆ ಹುಬ್ರಯಲವಾಲಾವೊನೆ ದೆಕಿನ, ತೆ ಮನಕ್ಹನೆ, ಯೆಸು "ತಾರೊ ಹತ ಅಗೊ ಕರ" ಕದ್ಯೊ. ತೆ ತಿನೊ ಹತ ಅಗೊ ಕರ‍್ಯೊ. ತೆಳಾಮಾಜ಼ ತಿನೊ ಹತ ಅರಾಮ ಥಯೊ.
\p
\v 11 ಫರಿಸಾಯರೊ ವರಿ ಶಾಸ್ತ್ರಿಯೊ ಘನ್ನಾ ಶಿಟ್ಟ ಥೈನ. ತ್ಯುನೆ "ಅಪೆ ಕೈ ಉಪಾಯಕ್ಹು ಯೆಸುನೆ ಸು ಕರಿಯೆ? ಕೈನ ತ್ಯುನೊ ತ್ಯುನೊಮಾಜ಼ ಬೊಲ್ಲಿವಾಡ್ಯಾತಾ. (ಪ್ಯ್ಲಾನ ಕರಾಡಾತಾ)
\s ಯೆಸುನಾ ಬಾರಾ ಅಪೊಸ್ತಲೊ
\r (ಮತ್ತಾಯ 10:1-4; ಮಾರ್ಕ 3:13-19)
\p
\v 12 ಯಕ್ಕ ದಿನ್ನ ಪ್ರಾಥನಾ ಕರಾ ಹುತಿ ಯೆಸು ಡೊಂಗರಪರ ಗೈನ ಕ್ಹಾರಿ ರಾತ ಪ್ರಾಥನಾ ಕರ‍್ಯೊ. 
\v 13 ಮರ್ನಾ ದಿನ್ನೆ ಪಾಟೆ ಯೆಸು ತಿನಾ ಶಿಷ್ಯಾವೊನೆ ಬಲೈನ ತ್ಯುನೊಮಾನಾ ಬಾರಾ ಶಿಷ್ಯಾವೊನೆ ಇನಿಲಿನ ತ್ಯುನೊನೆ ಅಪೊಸ್ತಲೊ ಕೈನ ನಾಮ ಮ್ಹೆಲ್ಯೊ. 
\v 14 ತ್ಯುನೆ ಕುನ್ನ ವ್ಹೈ ಕದ್ಯಾಮ ಸಿಮೊನನೆ (ಯೆಸು ಪೆತ್ರಾ ಕೈನ ನಾಮ ಮ್ಹೆಲ್ಯೊ) ವರಿ ತಿನೊ ಭೈ ಥಯಲ ಅಂದ್ರೆಯ, ಯಾಕೊಬ, ವರಿ ಯೊಹಾನ, ಫಿಲಿಪ್ಪ ವರಿ ಬಾರ್ತೊಲೊಮಾಯ, 
\v 15 ಮತ್ತಾಯ ತೊಮ, ಯಾಕೊಬ (ಅಲ್ಫಾಯನೊ ದಿಕ್ರೊ) ವರಿ (ದೆಶಪರ ಮಯಾ ರ‍್ಹಯಲ ವಾಲೊ) ಸಿಮೊನ, 
\v 16 ಯುದ ಯಾಕೊಬನೊ ದಿಕ್ರೊ ವರಿ ಇಸ್ಕರಿಯುತ ಯುದ (ಯೆಸುನೆ ಧರೈನ ದಿದಲ ವಾಲೊ)
\p
\v 17 ಯೆಸು ವರಿ ಅಪೊಸ್ತಲೊ ಡೊಂಗರಪರತಾ ಉತ್ರಿನ ಸಿದಾ ರ‍್ಹಯಲ ಜಿಮಿನ್ಪರ ಹುಬ್ರಯಾ. ತ್ಯಾ ತಿನಾ ಪಾಚಾ಼ ಆಯಲ ಶಿಷ್ಯಾವೊನು ಮ್ಹೊಟು ಗುಂಪ ವರಿ ಯುದಾಯತಾ ಯೆರುಸೆಲೆಮ್ತಾ ತುರ ಸಿದೊನ ಗಾಮ್ತಾ ವರಿ ಸಮುಂದರನಿ ಆಜು಼ಬಾಜು಼ಮಾ ರ‍್ಹಯಲ ಮನಕ್ಹೊನು ಮ್ಹೊಟು ಗುಂಪ ತ್ಯಾ ವ್ಹತ್ತು. 
\v 18 ತ್ಯುನೆ ಕ್ಹಾರಾ ಯೆಸುನಿಯೊ ವಾತೊ ಐಕು ಕೈನ ವರಿ ತೆ ಮನಕ್ಹೊಮಾ ರ‍್ಹಯಲ ರೊಗೊ ಕ್ಹೊ ಅರಾಮ ಥೌ ಕೈನ ತಿಕನ ಆಯಾತಾ. ವರಿ ತ್ಯುನಾಮಾ ದಕ್ಹಾ ಮನಕ್ಹೊಮಾ ಕೆಟ್ಟ ಆತ್ಮಾ ವ್ಹತ್ತಿಯೊ. ತ್ಯುನೆ ಕ್ಹಾರಾ ಅರಾಮ ಥಯಾ. 
\v 19 ಕ್ಹಾರಾ ಮನಕ್ಹೊ ಯೆಸುನೆ ಮುಟ್ಟಾನಾ ಹುತಿ ಕೊಶಿಶ ಕರಾಡಾತಾ. ಕಾಕದ್ಯಾಮ ಯೆಸುಮಾತಿ ತಾಕತ ಭಾರಿ ಐನ ಕ್ಹಾರಾ ಮನಕ್ಹೊನೆ ಅರಾಮ ಕರಾಡಿತಿ!
\p
\v 20 ಯೆಸು ತಿನಾ ಶಿಷ್ಯಾವೊನೆ ದೆಕಿನ ಸು ಕದ್ಯೊ ಕದ್ಯಾಮ,
\q1 "ಗರಿಬೊ ರ‍್ಹಯಲವಾಲಾ ತುಮೆ ಧನೈ ವ್ಹೈ;
\q2 ಕ್ಹುದಾನಿ ರಾಜ್ಯ ತುಮಾರಿ ವ್ಹೈ.
\q1
\v 21 ಭುಕ್ಕಾ ರ‍್ಹಯಲವಾಲಾ ತುಮೆ ಧನ್ಯ ವ್ಹೈ.
\q2 ತುಮೆ ತೃಪ್ತ ಥಾವೊಸಿ. ವರಿ ತುಮೆ ಹಮ್ನಾ
\q1 ರವಾಲಾ ತುಮೆ ಧನ್ಯ ವ್ಹೈ;
\q2 ಪಾಚಾ಼ತಾ ತುಮೆ ಅಕ್ಹೊಸಿ.
\p
\v 22 ಮನಕ್ಹನಾ ದಿಕ್ರಾನಾ ಹುತಿ ಮನಕ್ಹೊ ತುಮೊಪರ ಸಿಟ್ಟ ಮ್ಹೆಲಸ ತುಮೊನೆ ಕೆಟ್ಟ ವ್ಹೈ ಕವಸ ವರಿ ತುಮಾರಿ ಮರ್ಯಾದಿ ಕಾಡಸ ವರಿ ಎ ಕ್ಹಾರು ತಡ್ದಿಲಿವಾಲಾ ತುಮೆ ಧನೈ ವ್ಹೈ. 
\v 23 ತೆ ಟೈಮಾ ಖುಶಿ ರ‍್ಹವೊ. ಕಾಕದ್ಯಾಮ ಸ್ವರ್ಗಮಾ ತುಮೊನೆ ಘನ್ನು ಫಲ ಮಳಸ. ಎ ಮನಕ್ಹೊ ತುಮೊನೆ ಕರಲ ತಿಮ್ಮಜ಼ ತ್ಯುನಾ ಪಿತ್ರೊಬಿ ಪ್ರವಾದಿಯೊನಾ ಕ್ಹಾತೆ ಕರ‍್ಯಾಸ.
\q1
\v 24 ವರಿ ಸೌಕಾರ ರ‍್ಹಯಲವಾಲಾ ತುಮಾರಿ ಯಕ್ಕ ಪರಸ್ತಿ ಮಿ ಸು ಕೌ!
\q2 ತುಮಾರಿ ಸುಖಾನಿ ಜಿವ್ನಾ ತುಮೊನೆ ಮಳಿಸ.
\q1
\v 25 ಹಮ್ನಾ ಪೆಟ ಭರಲವಾಲಾ ಮನಕ್ಹೊ, ತುಮಾರಿ ಗತಿ ಮಿ ಸು ಕೌ!
\q2 ತುಮೆ ಭುಕ್ಕಾ ಥಾವೊಸಿ. ಹಮ್ನಾ ಅಕ್ಹಾಲಾ ಮನಕ್ಹೊ,
\q1 ತುಮಾರಿ ಗತಿ ಮಿ ಸು ಕೌ! ತುಮೆ ದುಖಿ ಥೈನ ರವೊಸಿ.
\p
\v 26 "ಮನಕ್ಹೊನಾ ಮ್ಹೊಡೆ ಕೆಳಾಮಾಬಿ ಚೊ಼ಕೊ ಛೆ ಕವೈಲಿವಾಲಾ ತುಮಾರಿ ಗತಿ ಸು ಕೌ! ತ್ಯುನಾ ಪಿತ್ರೊ ಸುಳ್ಳ ಪ್ರವಾದಿಯೊನೆ ಚೊ಼ಕಾ ಛೆ ಕತಾತಾ.
\s ತುಮಾರಾ ದುಶ್ಮನೊನೆ ಮಯಾ ಕರೊ
\r (ಮತ್ತಾಯ 5:38-48; 7:12)
\p
\v 27 "ಮಾರಿಯೊ ವಾತೊ ಐಕಾಲಾವೊ ತುಮೊನೆ ಮಿ ಸು ಕೌಸ ಕದ್ಯಾಮ; ತುಮಾರಾ ದುಶ್ಮನೊನೆ ಮಯಾ ಕರೊ. ತುಮೊನೆ ಕದ್ರಾವಾಲಾವೊನೆ ತುಮೆ ಚೊ಼ಕು ಕರೊ. 
\v 28 ತುಮೊನೆ ಕ್ಹರಾಪಾಲಾವೊನೆ ತುಮೆ ಆಶಿರ್ವಾದ ಕರೊ, ತುಮೊನೆ ಕೆಟ್ಟ ಕರಾಲಾವೊನಾ ಹುತಿ ಪ್ರಾಥನಾ ಕರೊ. 
\v 29 ಯಕ್ಲೊ ತುಮೊನೆ ಯಕ್ಕ ಗಾಲ್ಪರ ಮಾರಯೊಮ, ತಿನೆ ಬಿಜೆಕ ಗಾಲ ಮಾರಾನೆ ದಿವೊ. ಯಕ್ಲೊ ತಮಾರಾ ಅಂಗಪರ ಉಪ್ಪರಲ್ಯೊ ಅಂಗ್ಡು ಕಾಳ್ಳಿದ್ಯೊಮ, ತುಮೆ ತಿನೆ ಮ್ಹೈನು ಅಂಗ್ಡು ದಿವೊ. 
\v 30 ತುಮೊಕನ ಮಾಂಗಾಲಾವೊನೆ ಹರಿ ಯಕ್ಲಾನೆ ದಿವೊ. ಯಕ್ಲೊ ತುಮೊಕನ್ನು ಸುಬಿ ಕಾಳ್ಳಿದಲ ರ‍್ಹಯೊಮ ತೆ ವಾಪಾಸ ಮಾಂಗಿಲಿವೊ ನಕೊ. 
\v 31 ಬಿಜಾ಼ ಮನಕ್ಹೊ ತುಮಾರಾ ಕ್ಹಾತೆ ಸು ಕರು ಕೈನ ಆಸ ಛೆ ತೆಜ಼ ತುಮೆ ತೆ ಮನಕ್ಹೊನಾ ಕ್ಹಾತೆ ಕರೊ.
\p
\v 32 ತುಮೊನೆ ಮಯಾಕರಾಲಾನೆಜ಼ ತುಮೆ ಮಯಾ ಕರ‍್ಯಾಮ ತೆ ಸು ಉಪಯೊಗ ಛೆ? ಕಾಕದ್ಯಾಮ ಪಾಪಿಯೊಬಿ ತ್ಯುನೊನೆ ಮಯಾ ಕರಾಲಾನೆಜ಼ ಮಾಯಾ ಕರಸ್ತೊ! 
\v 33 ತುಮೊನೆ ಚೊ಼ಕು ಕರಾಲಾವೊನೆ ತುಮೆ ಚೊ಼ಕು ಕರ‍್ಯಮ ತುಮೊನೆ ಸು ಚೊ಼ಕು ವ್ಹೈ? ಪಾಪಿಯೊಬಿ ತಿಮ್ಮಜ಼ ಕರಸ್ತೊ! 
\v 34 ತುಮೆ ಕಿನೆಬಿ ಸಾಲಾ ದಿದ್ಯಾಮ, ತುಮೊನೆ ಫರಿನ ದಿವಾಲಾವೊನೆ ಸಾಲಾ ದಿದ್ಯಾಮ ತುಮೊನೆ ಸು ಉಪಯೊಗ ವ್ಹೈ? ಪಾಪಿಯೊಬಿ ಬಿಜಾ಼ ಪಾಪಿಯೊನೆ ಸಾಲಾ ದಿದಲ ತೆಕ್ಲು ದಿದಲ ಮಳಸ ಕೈನ ದಿವಸ್ತೊ!
\p
\v 35 "ತಿನಾಹುತಿ ತುಮಾರಾ ದುಶ್ಮನೊನೆ ಮಯಾಕರೊ, ತ್ಯುನೊನೆ ಚೊ಼ಕು ಕರೊ, ತುಮೆ ತ್ಯುನೊನೆ ಸಾಲಾ ದೆತಾಮಾ ವರಿ ಫರಿನ ದಿವಸ ಕವಾನು ಆಸ ಮ್ಹೆಲೊ ನಕೊ. ತೆಳಾಮಾ ತುಮೊನೆ ಮ್ಹೊಟು ಪ್ರತಿಫಲ ರ‍್ಹಯಲ ರ‍್ಹವಸ, ವರಿ ಪರಾತ್ಪರ ಕ್ಹುದಾನಾ ದಿಕ್ರಾ ಥಾವೊಸಿ. ಕಾಕದ್ಯಾಮ ಕ್ಹುದಾ ಪಾಪಿಯೊನೆ, ಕೆಟ್ಟ ಮನಕ್ಹೊ ರ‍್ಹಯಲ ವಾಲಾವೊನೆ ಚೊ಼ಕೊ ವ್ಹೈ. 
\v 36 ತುಮಾರೊ ಸ್ವರಗನೊ ಬಾ ಥಯಲ ಕ್ಹುದಾ ಮರಗಾಲೊ ರ‍್ಹಯಲ ಲಿಂಗತಜ಼ ತುಮೆಬಿ ಮರಗಾಲಾ ರ‍್ಹವೊ.
\s ಬಿಜಾ಼ವೊನೆ ಫೈಸಲೊ ಕರೊ ನಕೊ
\r (ಮತ್ತಾಯ 7:1-5)
\p
\v 37 "ಬಿಜಾ಼ವೊನೆ ತಿರಪ ಕರೊ ನಕೊ, ತೆಳಾಮಾ ತುಮೊನೆಬಿ ತಿರಪ ಥಾತು ನೈ. ಅಪರಾದಿ (ಕೆಟ್ಟ ಕರಲವಾಲೊ) ವ್ಹೈ ಕೈನ ಫೈಸಲೊ ಕರೊ ನಕೊ, ತೆಳಾಮಾ ತುಮೆಬಿ ಅಪರಾದಿ ವ್ಹೈ ಕೈನ ಫೈಸಲೊ ಥಾತೊನೈ. ಬಿಜಾ಼ವೊನೆ ತುಮೆ ಮಾಫ ಕರೊ ತುಮೊನೆಬಿ ಮಾಫಿ ಮಳಸ. 
\v 38 ಬಿಜಾ಼ವೊನೆ ದಿವೊ, ಕ್ಹುದಾ ತೆಳಾಮಾ ತುಮೊನೆ ಬಿ ದಿವಸ. ಚೊ಼ಕಿ ಅಳತಿ ಕರಿನ ದಾಬಿನ ಹಲೈನ ಪಡೆಲಿಂಗತ ತುಮಾರಾ ಖೊಳಾಮಾ ಘಾಲಸ ತುಮೆ ಅಳತಿ ಕರಾನಿ ಅಳತಿಕ್ಹುಜ಼ ಕ್ಹುದಾ ತುಮೊನೆಬಿ ಅಳತಿ ಕರಿನ ದಿವಸ ಕದ್ಯೊ. 
\v 39 ಎನೈಸೊ ಯೆಸು ತ್ಯುನೊನೆ ಯಕ್ಕ ಸಾಮ್ಯ ಕದ್ಯೊ. ತೆ ಸುವೈ ಕದ್ಯಾಮ ಯಕ್ಕ ಕುಡ್ಡೊ ಬಿಜೆಕ್ಕಲಾ ಕುಡ್ಡಾನೆ ವಾಟ ದೆಕಾಡಸ್ಸು? ತಿಮ್ಮ ಥಯುಮ ತ್ಯುನೆ ಭಂಬಿಜ಼ನಾ ಖಾಡಿಮಾ ಪಡಿ ಜಾ಼ವಸ್ತೊ. 
\v 40 ಗುರುತಿ ಶಿಷ್ಯೊ ಮ್ಹೊಟೊ ನ್ಹವೈ, ಶಿಷ್ಯೊ ಪುರಾ ಶಿಕ್ಕಕಲ್ಪರ ಹರಿ ಯಕ್ಲೊ ತಿನಾ ಗುರು ಲಿಂಗತ ಥಾವಸ. 
\v 41 ಎನೈಸೊ ತು ತಾರಾ ಡೊಳಾಮಾ ರ‍್ಹಯಲ ವ್ಹಲಸ ದೆಕ್ಯಾವಾಚಿ ಬಿಜೆ಼ಕ್ಲಾನೆ ಹಸಾಕರಲೆ ಕಾ ಕಸಿ. 
\v 42 ಪೈಲಾ ತು ಹಸಾ ಥಾ ತುನೆ ದೆಕಾಲೊ ತುನೆ ದೆಕಿನ ಸುದ್ರಸ.
\s ಝಾಡ ವರಿ ಫಲ
\r (ಮತ್ತಾಯ 7:17-20; 12:34-35)
\p
\v 43 ಚೊ಼ಕು ಝಾಡ ಕೆಟ್ಟ ಫಲ ದೆತು ನೈ, ತಿನಾಲಿಂಗತಜ಼ ಕೆಟ್ಟ ಝಾಡ ಚೊ಼ಕು ಫಲ ದೆತು ನೈ. 
\v 44 ಹರಿ ಯಕ್ಕ ಝಾಡ ತೆ ದಿವಾನಾ ಫಲಕ್ಹು ತಿನೆ ವಳಕಸ, ಮನಕ್ಹೊ ಕಾಟಾವೊನಾ ಝಾಡಮಾ ಉಂಬ್ರೊನು ಫಲ ನೈತೊ ದ್ರಾಕ್ಷಿಯೊ ಹುಟ್ಟತ್ಯೊ ನೈ. 
\v 45 ಚೊ಼ಕು ಮನಸ ರ‍್ಹಯಲವಾಲಾನಾ ಚೊ಼ಕಿಯೊ ಸಂಗತಿಯೊ ಲಾವಸ. ಮನಸ್ಮಾ ಚೊ಼ಕು ರ‍್ಹಯಲಜ಼ ಮ್ಹೊಡಾತು ಆವಸ. ವರಿ ಕೆಟ್ಟ ರ‍್ಹಯಲ ಮನಕ್ಹನಾ ಮನಸ್ಮಾ ರ‍್ಹಯಲಜ಼ ಮ್ಹೊಡಾತು ಕೆಟ್ಟ ಆವಸ.
\s ಬೆ ಜ಼ನಾ ಘರ ಭಾಂದಾಲಾ
\r (ಮತ್ತಾಯ 7:24-27)
\p
\v 46 ಎನೈಸೊ ತುಮೆ ಮನೆ ಸ್ವಾಮಿ-ಸ್ವಾಮಿ, ಕೈನ ಬಲೈನ ಮಿ ಕವಾನು ಕಾ ನೈ ಕರತಾ? 
\v 47 ಮಕನ ಐನ ಮಾರಿಯೊ ವಾತೊ ಐಕಿನ, ತಿನಾ ಲಿಂಗತ ಚಾ಼ಲಾಲೊ ತೆ ಕೆವೊ ವ್ಹೈ ಕೈನ ಮಿ ತುಮೊನೆ ಕೌಸ. 
\v 48 ತೆ ಘರ ಭಾಂದಾಲಾ ಲಿಂಗತ ಛೆ. ತೆ ಘನ್ನಿ ಉಂಡಿ ಖಾಡಿ ಖಂದಿನ ಫಾಯಾ ಘಾಲಿನ ದಗಡಾಪರ ಘರ ಭಾಂದಲ ಲಿಂಗತ ತೆ ಮನಕ್ಹ ರ‍್ಹವಸ. ಕೆಕ್ಕಲು ಜೊ಼ರ ನದಿನು ಪಾನಿ ಐನ ತೆ ಘರನೆ ಪಾನಿ ಲಾಗ್ಯು ತಬಿ ತಿನೆ ಸುಜ಼ ಥಯುನೈ. ಕಾಕದ್ಯಾಮ ತೆ ಘರ ದಗ್ಡಾಪರ ಭಾಂದಲ ವ್ಹೈ. 
\v 49 ತೆನೈಸೊ ಮಾರಿಯೊ ವಾತೊ ಐಕಿನ ತಿನಾಲಿಂಗತ ನೈ ಚಾ಼ಲಾಲೊ ಉಂಡಿ ಫಾಯಾ ನೈ ರ‍್ಹಯಲ ಲಿಂಗತ ಕ್ಹಾಲಿ ಜಿಮಿನ್ಪರ ಭಾಂದಲವಾಲಾ ಲಿಂಗತ ರ‍್ಹವಸ, ತೆ ನದಿನು ಪಾನಿ ತೆ ಘರನೆ ಲಾಗ್ಯುಮ ತೆ ಘರ ಭೆಗಿನ ಪಡಿಜಾ಼ವಸ"
\c 7
\s ಯೆಸು ಶತಾದಿಪತಿನಾ ಆಳನೆ ಅರಾಮ ಕರಲ
\r (ಮತ್ತಾಯ 8:5-13; ಯೊಹಾನ 4:43-54)
\p
\v 1 ಯೆಸು ಮನಕ್ಹೊನೆ ಎ ಕ್ಹಾರಿಯೊ ವಾತೊ ಕೈನ ಮುಗ್ಸಲ್ಪರ ಕಪೆನೌರ್ಮಿಯೆ ಕವಾನಾ ಗಾಮೆ ಆಯೊ. 
\v 2 ತ್ಯಾ ಯಕ್ಲೊ ರೊಮನ್ನೊ ಸೆನಾದಿಪತಿ ವ್ಹತ್ತೊ. ಸೆನಾದಿಪತಿ ಮಯಾ ರ‍್ಹಯಲವಾಲೊ ಯಕ್ಲೊ ಆಳ ಅರಾಮ ನೈಸೊ ಮರವಾನಿ ಸ್ತಿತಿಮಾ ವ್ಹತ್ತೊ. 
\v 3 ತೆ ಶೆತಾದಿಪತಿ ಯೆಸುನಿ ಸುದ್ದಿ ಐಕಿನ, ತಿಕನ ರ‍್ಹಯಲ ಯಹುದ್ಯೊನಾ ನಾಯಕೊನೆ ಯೆಸುಕನ ಮೊಕ್ಲಿನ ತಿನಾ ಸೆವಕನೆ ಅರಾಮ ಕರ ಕೈನ ಮಾಂಗಿಲಿದ್ಯೊ. 
\v 4 ತೆ ಯಹುದ್ಯೊನಾ ನಾಯಕೊ ಯೆಸುಕನ ಐನ "ಎ ತಾರೊ ಆಶಿರ್ವಾದ ಹೊಂದಾನೆ ಎ ಸೆನಾದಿಪತಿ ಯೊಗ್ಯ ಛೆ" 
\v 5 ಕಾಕದ್ಯಾಮ ತೆ ಅಪ್ನಾ ಮನಕ್ಹೊನೆ ಮಯಾ ಕರಸ ವರಿ ಹಮಾರಾ ಹುತಿ ಸಭಾಮಂದಿರ ಭಾಂದಿನ ದಿದ್ಯೊಸ "ಕೈನ ಘನ್ನಾ ಮಾಂಗಿಲಿದ್ಯಾ. 
\v 6 ತಿನಾಹುತಿ ಯೆಸು ತಿವ್ನಾ ಕ್ಹಾತೆ ಚಾ಼ಲ್ಯೊ. ಯೆಸು ಘರಕನ್ನಾ ನಜಿಕ ಆತಾಮಾ, ತೆ ಅದಿಕಾರಿ ತಿನಾ ಸೆವಕನೆ ಮೊಕ್ಲಿನ ಯೆಸುನೆ "ಸ್ವಾಮಿ ತು ಮಾರಾ ಘರೆ ಆವಾಯಕ್ಲಿ ಮಾರಿ ಯೊಗ್ಯತೆ ನತ್ತಿ. 
\v 7 ತುಕನ ಆವಾನಿ ಯಕ್ಲಿಬಿ ಮನೆ ಯೊಗ್ಯತೆ ನತ್ತಿ. ತು ನ್ಹ್ಯಾಂತೊಜ಼ ಯಕ್ಕ ಅಪ್ಪಣೆ ದಿದ್ಯೊಮ ಬಸ, ಮಾರೊ ಯಕ್ಕ ಸೆವಕ ಅರಾಮ ಥಾವಸ. 
\v 8 ತಾರೊ ಯಕ್ಕ ಅದಿಕಾರ ಮಿ ತಿಳದಿಲಿದ್ಯೊಸ. ಮಿಬಿ ಬಿಜೆ಼ಕ್ಲಾನಾ ಅದಿಕಾರಿನಾ ಹತ್ಮಾ ಛೆ, ಮಾರಾ ಹತಮಾ ಸೈನಿಕೊ ಛೆ, ಮಿಬಿ ಯಕ್ಕ ಸೈನಿಕನೆ ಜಾ಼ ಕದ್ಯಾಮ ತೆ ಜಾ಼ವಸ, ವರಿ ಯಕ್ಲಾನೆ ಆ ಕದ್ಯಾಮ ತೆ ಆವಸ. ಮಾರಾ ಆಳನೆ, ಆ ಕರ ಕದ್ಯಾಮ ಮನೆ ತೆ ವಿಧೆಯ ಥಾವಸ "ಕೈನ ಯೆಸುಕನ ಕೆ ಕೈನ ತಿನಾ ಆಳನೆ ಮೊಕಲ್ಯೊ.
\p
\v 9 ಯೆಸು ಎ ವಾತೊ ಐಕಿನ ಘಾಬ್ರೊ ಥೈನ ತಿನಾ ಪಾಚಾ಼ ಆಯಲ ಮನಕ್ಹೊನೆ ದೆಕಿನ"ಅಕ್ಲೊ ಮ್ಹೊಟೊ ಬರೊಕ್ಹೊ ರ‍್ಹಯಲ ಮನಕ್ಹನೆ ಮಿ ಇಸ್ರಾಯಲನಾ ಮನಕ್ಹೊಮಾಬಿ ದೆಕ್ಯೊ ನತ್ತಿ "ಕದ್ಯೊ.
\p
\v 10 ತೆ ಮೊಕ್ಕಲಲ ಮನಕ್ಹೊ ಯೆಸು ಕಂತಾ ಫರಿನ ಜಾ಼ತಾಮಾ ತಿನಾ ಆಳನೆ ಅರಾಮ ಥಯಲ ದೆಕ್ಯಾ.
\s ಯೆಸು ರಾಂಡಿನಾ ದಿಕ್ರಾನೆ ಜ಼ಲಮ ದಿದಲ
\p
\v 11 ಮರ್ನಾ ದಿನ್ನೆ ಯೆಸು ನಾಯಿನ ಕವಾನಾ ಗಾಮೆ ಚಾ಼ಲ್ಯಾತಾ, ಯೆಸುನಾ ಶಿಷ್ಯಾ ವರಿ ಮನಕ್ಹೊನು ಗುಂಪಬಿ ಚಾ಼ಲ್ಯಾತಾ. 
\v 12 ಯೆಸು ತೆ ಗಾಮ್ನಾ ನಜಿಕ ಆತಾಮಾ, ಮರಿಗಯಲ ಯಕ್ಲಾನೆ ಮಜಾ಼ರಮಾ ಮ್ಹೆಲಾನೆ ತಿನೆ ಉಚೈಲಿನ ಚಾ಼ಲ್ಯಾತಾ,ವರಿ ತೆ ರಾಂಡಿ ಬಾಕಡಿನೆ ಯಕ್ಲೊಜ಼ ದಿಕ್ರೊ ವ್ಹತ್ತೊ. ತ್ಯುನಾ ಪಾಚು಼ ಮನಕ್ಹೊನು ಮ್ಹೊಟು ಗುಂಪಬಿ ವ್ಹತ್ತು. 
\v 13 ಯೆಸು ತೆ ರಾಂಡಿ ಬಾಕಡಿನೆ ದೆಕಿನ ತಿನೆ ಮರಗಿನ"ರೌ ನಕೊ "ಕದ್ಯೊ. 
\v 14 ಯೆಸು ಮ್ಹಾಡಕನ ನಜಿಕ ಗೈನ ತೆ ಮ್ಹಾಡನೆ ಮುಟ್ತಾಮಾ ತೆ ಮ್ಹಾಡನೆ ಉಚೈಲಿದಲವಾಲಾ ಹುಬ್ರಯಾ. ತೆಳಾಮಾ ಯೆಸು ಮರವಾಲಾನೆ ಎ ಜಾಂಜಿಮಾನ ಪಟ್ಟಾ ಉಟ್ಟ ಮಿ ತುನೆ ಕೌಸ. ಕದ್ಯೊ. 
\v 15 ಕದಲ ಬರೊಬ್ಬರ ಮರಲವಾಲೊ ಉಟಿನ ಬೈಟ್ಯೊ ವರಿ ಬೊಲಾನೆ ಚಾಲು ಕರ‍್ಯೊ ಯೆಸು ತೆ ಪಟ್ಟಾನೆ ತಿನಿ ಮಾ ಕನ ವಪ್ಶ್ಯೊ.
\p
\v 16 ಕ್ಹಾರಾ ಮನಕ್ಹೊ ಭುಚ್ಕಾ಼ವರಕ್ಹಾ ಥೈನ ಕ್ಹುದಾನೆ ಸ್ತುತಿ ಕರತಾ, ಮ್ಹೊಟೊ ಪ್ರವಾದಿ ಅಪೊಕನ ಆಯೊಸ! ಕ್ಹುದಾ ತಿನಾ ಮನಕ್ಹೊನೆ ವಚಾ಼ಡಾನಾ ಹುತಿ ಆಯೊಸ.
\p
\v 17 ಯೆಸು ಎ ಕ್ಹಾರು ಕರಲ ಸುದ್ದಿ ಯುದಾಯಮಾಬಿ ವರಿ ಸುತ್ತೆ ರ‍್ಹಯಲ ಕ್ಹಾರಾ ಗಾಮೊಮಾ ಪ್ಹೈಲಿ ಗೈ.
\s ಯೆಸು ವರಿ ಬಾಪ್ತಿಸ್ಮಾ ದಿಲಾವಾಲೊ ಥಯಲ ಯೊಹಾನ
\r (ಮತ್ತಾಯ 11:2-19)
\p
\v 18 ಯೊಹಾನನಾ ಶಿಷ್ಯಾ ಯೆಸುನಿ ಎ ಕ್ಹಾರಿ ಸುದ್ದಿ ಯೊಹಾನನೆ ಕದ್ಯಾ. 
\v 19 ಯೊಹಾನ ತಿನಾ ಶಿಷ್ಯಾವೊಮಾನಾ ಬೆ ಜ಼ನಾವೊನೆ ಬಲೈನ "ಆವಾನೊ ರ‍್ಹಯಲ ಮಸಿಹಾ ತುಜ಼಼ ವ್ಹೆಸು ನೈತೊ ಬಿಜ಼ೊ ವ್ಹೈ ಸು ತೆ ಆವಾನಾ ಹುತಿ ಹಮೆ ಕೈದಿಸು? ಕೈನ ಪುಚ್ಚಾ಼ಹುತಿ ಯೆಸುಕನ ತಿನಾ ಶಿಷ್ಯಾವೊನೆ ಮೊಕಲ್ಯೊ.
\p
\v 20 ತಿನಾ ಹುತಿ ಯೊಹಾನನಾ ಶಿಷ್ಯಾ ಯೆಸುಕನ ಐನ "ಆವಾನೊ ರ‍್ಹಯಲ ಮಸಿಹಾ ತುಜ಼಼ ವ್ಹೈಸು ಸು ಬಿಜಾ಼ನೆ ಹಮೆ ಕೈದಿಯೆ? ಕೈನ ಬಾಪ್ತಿಸ್ಮ ದಿಲಾವಾಲೊ ಯೊಹಾನ ತುನೆ ಪುಚ಼ ಕೈನ ಹಮೊನೆ ತುಕನ ಮೊಕ್ಕಲ್ಯೊಸ"
\p
\v 21 ತೆಜ಼ ಟೈಮಾ ಯೆಸು ಘನ್ನಾ ಜ಼ನಾವೊನೆ ರೊಗ ರ‍್ಹಯಲವಾಲಾವೊನಾ ಕೆಟ್ಟ ಆತ್ಮಾ ರ‍್ಹಯಲವಾಲಾವೊನಾ ಛೊಡೈನ ಅರಾಮ ಕರ‍್ಯೊ ವರಿ ಘನ್ನಾ ಮನಕ್ಹೊನೆ ಕುಡ್ಡಾವೊನೆ ದಿಕ್ಹಾ ವರಕ್ಹು ಕರ‍್ಯೊ. 
\v 22 ಇಮ್ಮ ರ‍್ಹತಾಮಾ ಯೆಸು ಯೊಹಾನನಾ ಶಿಷ್ಯಾವೊನೆ ತಿಳಸಾ ಹುತಿ "ತುಮೆ ಗೈನ ದೆಕಲ ಎಕ್ಹಾರು ಯೊಹಾನನೆ ಕವೊ. ಕುಡ್ಡಾವೊನೆ ಡೊಳಾ ಆವಸ ಲಂಗ್ಡಾ ರ‍್ಹಯಲ ವಾಲಾ ಚಾ಼ಲಸ ಕುಷ್ಠ ರೊಗಿಯೊ ಚೊ಼ಕಾ ಥಾವಸ. ಕ್ಯುಡಾ ರ‍್ಹಯಲ ವಾಲಾ ಐಕಸ. ಮರಲವಾಲಾ ವಾಚ಼ಸ. ಗರಿಬೊನೆ ಸುವಾರ್ತೆ ಕವಸ. 
\v 23 ವರಿ ಮಾರಾ ಹುತಿ ಸಂಶೊ ನೈ ಕರಲವಾಲೊ ಧನೈ ವ್ಹೈ" ಕೈನ ಮೊಕಲ್ಯೊ.
\p
\v 24 ಯೊಹಾನನಾ ಶಿಷ್ಯಾ ಗಯಲ್ಪರ, ಯೆಸು ಮನಕ್ಹೊನೆ ಯೊಹಾನನಾ ಹುತಿ ಕವಾನು ಚಾಲು ಕರ‍್ಯೊ"ಸು ತುಮೆ ದೆಕಾನೆ ರಾನ್ಮಾ ಗಯಾತಾ? ವಾರಾ ಕ್ಹು ಹಲ್ಲಾನೊ ಧಾಂಡೊಸು? 
\v 25 ತುಮೆ ಭಾರಾ ಸು ದೆಕಾನೆ ಗಯಾತಾ? ನರಮ ವಣ್ಣಾ ಘಾಲ್ಲಿನ ಹುಬ್ರಯಲ ಮನಕ್ಹನೆ ಸು? ನೈ ನರಮ ವರಿ ಚೊ಼ಕಾ ವಣ್ಣಾ ಘಾಲ್ಲಿದಲ ವಾಲಾ ಮ್ಹೊಟಾ-ಮ್ಹೊಟಾ ಘರೊಮಾ ರ‍್ಹವಸ. 
\v 26 ಮನೆ ಕವೊ, ತುಮೆ ಭಾರಾ ಸು ದೆಕಾನೆ ಗಯಾತಾ? ಪ್ರವಾದಿನೆ ಸು? ಹೊ ಮಿ ತುಮೊನೆ ಸು ಕೌಸ ಕದ್ಯಾಮ, ಯೊಹಾನ ಪ್ರವಾದಿ ತಿಬಿ ಮ್ಹೊಟೊ ವ್ಹೈ.
\p
\v 27 ದೆಕ! ಮಿ ಕ್ಹುದಾ ಮಾರಾ ದುತನೆ ತಾರಾ ಕ್ಹಾಮೊ ಮೊಕ್ಕಲುಸ. ತೆ ತಾರಾ ಹುತಿ ವಾಟ ತಯ್ಯಾರ ಕರಸ (ಮಲಾಕಿ 3:1) ಕೈನ ಯೊಹಾನನಾ ಹುತಿ ಬರ್ದ್ಯಾಸ. 
\v 28 ಮಿ ತುಮೊನೆ ಕೌಸ,ಎ ಜಗತ್ಮಾ ಹುಟ್ಟಲ ಮನಕ್ಹೊಮಾ ಯೊಹಾನಜ಼ ಮ್ಹೊಟೊ ವ್ಹೈ. ವರಿಬಿ ಕ್ಹುದಾನಿ ರಾಜ್ಯಮಾ ನ್ಹಾನೊಬಿ ಯೊಹಾನತೊಬಿ ಮ್ಹೊಟೊ ವ್ಹೈ "ಕದ್ಯೊ.
\p
\v 29 ಯೊಹಾನ ಉಪದೆಶ ಕರತಾಮಾ ಕ್ಹುದಾನಿಯೊ ವಾತೊ ಮನಕ್ಹೊ ಸ್ವಿಕಾರ ಕರ‍್ಯಾ. ಭು ಭಾಡೊಲಿವಾಲಾ ಸ್ವಿಕಾರ ಕರ‍್ಯಾ. ಇವ್ನೆ ಕ್ಹಾರಾ ಯೊಹಾನನಾ ಹತೆ ಬಾಪ್ತಿಸ್ಮ ಕರೈಲಿದ್ಯಾ. 
\v 30 ವರಿ ಫರಿಸಾಯರೊ ಶಾಸ್ತ್ರಿಯೊ ತಿನಾ ಹತೆ ಬಾಪ್ತಿಸ್ಮ ಕರೈಲಿದ್ಯಾ ವಾಚಿ ತ್ಯುನಿ ವಿಚಾರಮಾ ಕ್ಹುದಾನಿ ನಿಯಮನೆ ಇನ್ಕಾರ‍್ಯಾ.
\p
\v 31 ಇಮ್ಮ ರ‍್ಹತಾಮಾ ಯೆಸು ಎ ಕಾಲನಾ ಮನಕ್ಹೊ ಕಿನೆ ಹೊಲ್ಸು? ತ್ಯುನೆ ಕಿನೆ ಹೊಂದಾಣಕಿ ಥಾವಸ? 
\v 32 ತ್ಯುನೆ ಬಾಜ಼ರೊಮಾ ಬೈಟಲ ಬಚ್ಚಾ ಲಿಂಗತ ತಮಾರಾ ಹುತಿ ಪಿಂಗಿ ವಜಾ಼ಡ್ಯಾ ತುಮೆ ನ್ಹಾಚ್ಯಾ ನೈ ಮರಲ ಗಿದ್ದ ಕದ್ಯಾ ತುಮೆ ರೊಯಾ ನೈ, 
\v 33 ಬಾಪ್ತಿಸ್ಮ ದಿಲಾವಾಲೊ ಯೊಹಾನ ಆಯೊ. ತೆ ಬಿಜಾ಼ವೊಲಿಂಗತ ಅನ್ನ ಖಾದ್ಯೊ ನೈ ವರಿ ದ್ರಾಕ್ಷಿಯೊನು ರಕ್ಹ ಪಿದ್ಯೊ ನೈ. ತುಮೆ-ತಿನೆ ಕೆಟ್ಟ ಆತ್ಮಾ ಧರಿಸ ಕೈನ ಕವೊಸಿ. 
\v 34 ಮನಕ್ಹನೊ ದಿಕ್ರೊ ಆಯೊಸ ವರಿ ತೆ ಅನ್ನ ಖಾವಸ, ದ್ರಾಕ್ಷಿಯೊನು ರಕ್ಹ ಪಿವಸ. ತುಮೆ ಕದ್ಯಾ, ದೆಕೊ! ಆ ಘನ್ನು ಖಾವಸ,ವರಿ ಪಿದೊಡೊ ವ್ಹೈ ದೊಕಡಾ ಲಿವಾಲಾ ವರಿ ಪಾಪಿಯೊನೊ ದೊಸ್ತೊ ವ್ಹೈ ಕೈನ ಕವೊಸಿ. 
\v 35 ಕ್ಹುದಾನಿ ಗ್ಯಾನನೆ ವಪ್ಪಿಲಿದಲವಾಲಾ ಬಚ್ಚಾ಼ವೊಕ್ಹು ಕ್ಹರಿ ಕೈನ ದಿಕ್ಹಸ.
\s ಫರಿಸಾಯರ ಥಯಲ ಸಿಮೊನನ ಘರಮಾ ಯೆಸು.
\p
\v 36 ಪರಿಸಾಯರಮಾನೊ ಯಕ್ಕ ಮನ್ಹಖ ಯೆಸುನೆ ಖಾವಾನೆ ಬಲಾಯೊ ಯೆಸು ತಿನಾ ಘರೆ ಗೈನ ಖಾವಾನೆ ಬೈಟ್ಯೊ. 
\v 37 ತೆಳಾಮ ತೆ ಗಾಮಮಾ ರ‍್ಹಯಲ ಯಕ್ಕ ವ್ಯಬಿಚಾರ ಕರಾಲಿ ಹೆಣ ಮನ್ಹಖ ಯೆಸು ಫರಿಸಾಯರನಾ ಘರಮಾ ಅನ್ನ ಖಾವಾಡ್ಯೊಸ ಕೈನ ತಿನೆ ಗ್ವತ್ತ ಥಯು. ತಿನಾಹುತಿ ತೆ ಹೆಣ ಮನಕ್ಹ ಭರಣಿಮಾ ಬಾಸುನು ತೆಲ ಲೈ. 
\v 38 ತೆ ಹೆಣ ಮನಕ್ಹ ಯೆಸು ಕನ ಐನ ತಿನಾ ಪಗೊಕನ ಬೈಟಿನ ರೊತಿ ತಿನಾ ಡೊಳಾಮಾನು ಪಾನಿ ಯೆಸುನಾ ಪಗೊ ಭಿಂಜೈನ ವರಿ ತಿನಾ ಮಾತಾನಾ ಬಾಲೊಕ್ಹು ಯೆಸುನಾ ಪಗೊ ನುಚ್ಚಿನ ವರಿ ತೆ ಹೆಣ ಮನಕ್ಹ ತಿನಾ ಪಗೊನೆ ಮಟ್ಟಿಲಿನ ತೆಲ ಪಗೊಮಾ ರಿಚೈ ಪಾಡಿ. 
\v 39 ಯೆಸುನೆ ತಿನಾ ಘರೆ ಖಾವಾನೆ ಬಲಾಯಲ ಫರಿಸಾಯರ ಎ ಕ್ಹಾರು ದೆಕಿನ ತಿನಾ ಮನಸ್ಮಾ"ಯೆಸು ಪ್ರವಾದಿ ರ‍್ಹಯಲ ರ‍್ಹಯೊಮ, ತಿನೆ ಮುಟ್ಟಾಲಿ ತೆ ಹೆಣ ಮನಕ್ಹನೆ ಪಾಪಿ ವ್ಹೈ ಕೈನ ತಿಳದಿಲೆತೊತೊ "ಕೈನ ಕೈಲಿದ್ಯೊ.
\p
\v 40 ತೆ ವಾತೆ ಯೆಸು ಫರಿಸಾಯರನೆ"ಸಿಮೊನ ಮಿ ತುನೆ ಯಕ್ಕ ವಾತ ಕೌ ಕೈನ ಛೆ ಕದ್ಯೊ. ತೆಳಾಮಾ ಸಿಮೊನ ಯೆಸುನೆ "ಗುರು ಕೆ "ಕದ್ಯೊ. 
\v 41 ತೆಳಾಮಾ ಯೆಸು ಕದ್ಯೊ, ಬೆ ಜ಼ನಾ ಮನಕ್ಹೊ ವ್ಹತ್ತಾ. ತ್ಯುನೆ ಯಕ್ಕಜ಼ ಸೌಕಾರಕನ ಸಾಲಾ ಲಿದ್ಯಾತಾ, ತಿಮಾನೊ ಯಕ್ಲೊ ಪಾಂಚ಼ ಕ್ಹೊ ರುಪ್ಪಾನಾ ಬಿಲ್ಲಾ ಲಿದ್ಯೊತೊ ವರಿ ಯಕ್ಲೊ ಐವತ್ತ ರುಪ್ಪಾನಾ ಬಿಲ್ಲಾ ಲಿದ್ಯೊತೊ. 
\v 42 ತ್ಯುನೊಕನ ಸಾಲಾ ವಾಪಸ ದಿವಾನೆ ಸುಜ಼ ನ್ಹೊತಾ. ತೆಳಾಮಾ ತ್ಯುನೊನೆ ಸಾಲಾ ದಿದಲ ವಾಲೊ ಸೌಕಾರ ತ್ಯುನೊನೆ ಕದ್ಯೊ, ತುಮೆ ಸಾಲಾ ವಾಪಸ ದಿವೊನಕೊ ಕದ್ಯೊ. ತೆಳಾಮಾ ಯೆಸು ಸಿಮೊನನೆ ಪುಚ್ಯೊ ತೆ ಬೆ ಜ಼ನಾವೊಮಾ ಕುನ್ನ ಸೌಕಾರನೆ ಹೆಚ್ಕಿ ಮಯಾ ಕರಸ ಕೈನ ಪುಚ್ಯೊ. 
\v 43 ಸಿಮೊನ ಯೆಸುನೆ "ಹೆಚ್ಕಿ ಸಾಲಾ ಲಿದಲವಾಲೊ "ಕೈನ ಕದ್ಯೊ. ಯೆಸು ಸಿಮೊನನೆ "ತು ಕರೆಟ್ಟ ಕದ್ಯೊ "ಕೈನ ಕವಸ. 
\v 44 ತೆ ಥಯಲ್ಪರ ಯೆಸು ತೆ ಬಾಕಡಿಕನ ದೆಕಿನ ಸಿಮೊನನೆ"ಆ ಬಾಕ್ಡಿ ದಿಕ್ಹಾಡಿಸು? ಮಿ ತಾರಾ ಘರಮಾ ಆತಾಮಾ ತು ಮಾರಾ ಪಗೊ ಧವಾನೆ ಪಾನಿ ದಿದ್ಯೊ ನೈ. ಆ ಬಾಕಡಿತೊ ರೊಯಿನ ತಿನಾ ಡೊಲಾಮಾನು ಪಾನಿಕ್ಹು ಮಾರಾ ಪಗೊ ಧ್ವಯಿನ ತಿನಾ ಮಾತಾನಾ ಬಾಲೊಕ್ಹು ಮರಾ ಪಗೊ ನುಚ್ಚಿಸ. 
\v 45 ತು ಮನೆ ಯಕ್ಕಬಿ ಮಟ್ಟಿಲಿದ್ಯೊ ನೈ. ಆ ತೊ ಮಾರಾ ಪಗೊನೆ ಮಟ್ಟಿಲಿವಾನು ಛೊಡಿ ನೈ. 
\v 46 ತುತೊ ಮಾರಾ ಮಾತೆ ತೆಲ ಲಗಾಡ್ಯೊ ನೈ. ಆ ತೊ ಮಾರಾ ಪಗೊನೆ ಬಾಸನು ತೆಲ ಲಗಾಡಿಸ. 
\v 47 ತಿನಾ ಹುತಿ ಮಿ ತುಮೊನೆ ಕೌಸ, ಆ ದೆಕಾಡಲ ಘನ್ನಿ ಮಯಾಕ್ಹು ಅನಾ ಪುರಾ ಪಾಪೊ ಮಾಫ ಥಯಾ. ಕಾಕದ್ಯಾಮ ಆ ಘನ್ನು ಮಯಾ ದೆಕಾಡಿಸ. ಕೈನ ಕದ್ಯೊ. 
\v 48 ತೆ ಥಯಲ್ಪರ ಯೆಸು ತೆ ಬಾಕಡಿನೆ "ತಾರಾ ಪಾಪೊ ಮಾಫ ಥಯಾಸ "ಕೈನ ಕದ್ಯೊ. 
\v 49 ಖಾವಾನೆ ಬೈಟಲವಾಲಾ ಮನ್ಹಖೊ "ಆ ತಿನೆ ತೆ ಸು ಕೈನ ತಿಳದಿಲಿದ್ಯೊಸ? ಪಾಪೊನೆ ಮಾಫ ಕರಾನೆ ಅಕನ ಕಿಮ ಸಾಧ್ಯ ಛೆ? ಕೈನ ತಿವ್ನಾ ತಿವ್ನಾಮಾಜ಼ ಬೊಲ್ಲಿವಾಡ್ಯಾತಾ. 
\v 50 ಯೆಸು ತೆ ಬಾಕಡಿನೆ "ತಾರೊ ಬರೊಕ್ಹೊಜ಼ ತುನೆ ರಕ್ಷಣೆ ಮಳ್ಯುಸ ಸಮಾಧಾನ ಕ್ಹು ಜಾ಼.
\c 8
\s ಯೆಸುನೆ ಸೆವೆ ಕರಲ
\p
\v 1 ಎ ಥಯಲಪರ, ಯೆಸು ಭೊದನೆ ವರಿ ಕ್ಹುದಾನಿ ರಾಜ್ಯನ ಹುತಿ ಮನಕ್ಹೊನೆ ತಿಳಸಾತೊ ಖೆಡಾವೊಪರ ಗಾಮೊಪರ ಗಯೊ ವರಿ ತಿನಾ ಕ್ಹಾತೆ 12 ಶಿಷ್ಯಾ ವ್ಹತ್ತಾ. 
\v 2 ದಕ್ಹಿಯೊ ಹೆಣ ಮನಕ್ಹೊ ಯೆಸುನಾ ಕ್ಹಾತೆ ವ್ಹತ್ತಿಯೊ. ತೆ ಹೆಣ ಮನಕ್ಹೊಮಾ ರ‍್ಹಯಲ ರೊಗೊಕ್ಹೊ ಅರಾಮ ಕರ‍್ಯೊತೊ ವರಿ ದಕ್ಹಿಯೊ ಹೆಣ ಮನಕ್ಹೊನೆ ತಿವ್ನೊಮಾ ರ‍್ಹಯಲ ಕೆಟ್ಟ ಆತ್ಮಾಕ್ಹು ಛೊ಼ಡಾಯೊತೊ. ಎ ಹೆಣ ಮನಕ್ಹೊಮಾನಿ ಯಕ್ಲಿನು ನಾಮ ಮರಿಯಳ ವ್ಹತ್ತು. ತೆ ಮಗ್ದಲ ಗಾಮ ವಾಲಿ ವ್ಹತ್ತಿ. ಯೆಸು ತಿನಾ ಅಂಗಮಾತೊ ಕ್ಹಾತ ಕೆಟ್ಟ ಆತ್ಮಾ ಛೊಡಾಯೊತೊ. 
\v 3 ತೆನೈಸೊ ಹೆರೊದನಾ ರಾಜ್ಯಮಾ ಅದಿಕಾರಿ ಥಯಲ ಕುಜ಼ನನಿ ಬೈಕೊ ಯೊಹಾನಳ, ಸುಸನ್ನಳ ವರಿ ಬಿಜಿ಼ಯೊ ಘನಿಯೊ ಹೆಣ ಮನಕ್ಹೊ ವ್ಹತ್ತಿಯೊ ವರಿ ತೆ ಹೆಣ ಮನಕ್ಹೊ ತಿವ್ನಾ ಸ್ವಂತ ದೊಕಡಾಕ್ಹು ಯೆಸುನೆ ವರಿ ತಿನಾ ಶಿಷ್ಯಾವೊನೆ ಸಹಾಯಾ ಕರತಿಯೊ.
\s ಬಿಯ್ಯಾ ಬಿತ್ತಾಲಾನಿ ಸಾಮ್ಯ
\r (ಮತ್ತಾಯ 13:1-17; ಮಾರ್ಕ 4:1-12)
\p
\v 4 ಬಿಜಾ಼-ಬಿಜಾ಼ ಗಾಮ್ತಾ ಘನ್ನಾ ಮನಕ್ಹೊ ಯೆಸುಕನ ಗುಂಪ ಥೈನ ಆತಾಮಾ ತೆ ತ್ಯುನೊನೆ ಯಕ್ಕ ಸಾಮ್ಯ ಕದ್ಯೊ. 
\v 5 "ಯಕ್ಲೊ ರೈತ ಬಿಯ್ಯಾ ಬಿತ್ತಾನಾ ಹುತಿ ತಿನಾ ಖೆರತೆಗಯೊ ತೆ ಬಿಯ್ಯಾ ಖೆತರಮಾ ನಾಕ್ಕತಾಮಾ ದಕ್ಹಾ ಬಿಯ್ಯಾ ಮನಕ್ಹೊ ಫರಾನಿ ವಾಟ್ಮಾ ಪಡ್ಯಾ ತೆ ಬಿಯ್ಯಾವೊನೆ ಮನಕ್ಹೊ ಖುಂದಿಪಾಡ್ಯಾ. ವರಿ ಹಬಾಳಮಾ ಉಡಾನಿಯೊ ಪಕ್ಷಿಯೊ ಐನ ತೆ ಬಿಯ್ಯಾ ಖೈಪಾಡಿಯೊ. 
\v 6 ಬಿಜಾ಼ ದಕ್ಹಾ ಬಿಯ್ಯಾ ಮಾತಿ ಕಮ ರ‍್ಹಯಲ ದಗ್ಡಾವೊಪರ ಪಡ್ಯಾ, ತೆ ಬಿಯ್ಯಾ ಬೆಳದ್ಯಾ ವರಿ ಪಾನಿ ನೈಸೊಕ್ಹು ಕುಕ್ಹೈ ಗಯಾ. 
\v 7 ವರಿ ದಕ್ಹಾ ಬಿಯ್ಯಾ ಕಾಟಾವೊನಿಯೊ ಕಂಟಿಯೊನಾ ಝಾಡೊಮಾ ಪಡ್ಯಾ ತೆ ಬಿಯ್ಯಾವೊನಾ ಕ್ಹಾತೆ ಕಾಟಾವೊನಾ ಝಾಡೊ ಬೆಳ್ದಿನ ತೆ ಬಿಯ್ಯಾವೊನೆ ಬೆಳ್ದಾನೆ ದಿದ್ಯಾ ನೈ. ಝಾಕಿ ಪಾಡ್ಯಾ. 
\v 8 ವರಿ ದಕ್ಹಾ ಬಿಯ್ಯಾ ಚೊ಼ಕಿ ಜಿಮಿನ್ಪರ ಪಡ್ಯಾ ತೆ ಬೆಳ್ದಿನ ಕ್ಹೊ ಯಕ್ಲಾ ಫಲ ದಿದ್ಯಾ" ಎ ವಾತೊ ಕೈನ ಯೆಸು "ಐಕಾನೆ ಕಾನೊ ರ‍್ಹಯಲ ವಾಲೊ ಐಕಾದೆ "ಕೈನ ಕದ್ಯೊ.
\p
\v 9 ಯೆಸುನಾ ಶಿಷ್ಯಾ"ಎ ಸಾಮ್ಯನು ಮತ್ಲಬ ಸುವೈ? ಕೈನ ಯೆಸುನೆ ಪುಚ್ಯಾ. 
\v 10 ಯೆಸು, ತ್ಯುನೊನೆ "ಕ್ಹುದಾನಿ ರಾಜ್ಯನಿ ಗುಟ್ಟ ತುಮೆ ತಿಳದಿಲಿವಾದೆ ಕೈನ ಗ್ಯಾನ ತುಮೊನೆ ದಿದ್ಯಾಸ. ಬಿಜಾ಼ ಮನಕ್ಹೊನೆ ಮಿ ಕಾನಿಕ್ಹು ಬೊಲುಸ, ಕಾಕದ್ಯಾಮ, ತ್ಯುನೆ ದೆಕ್ಯಾತಬಿ ದಿಕ್ಹತು ನೈ, ಐಕ್ಯಾತಬಿ ತಿಳ್ದಿಲೆತಾ ನೈ.
\s ಬಿಯ್ಯಾವೊನಾ ಹುತಿ ಯೆಸು ಕದಲ
\r (ಮತ್ತಾಯ 13:18-23; ಮಾರ್ಕ 4:13-20)
\p
\v 11 "ಎ ಸಾಮ್ಯನು ಮತ್ಲಬ ಅಮ ಛೆ. ಬಿಯ್ಯಾ ಕವಾನು ಕ್ಹುದಾನಿ ವಾತ ವ್ಹೈ. 
\v 12 ವಾಟ್ಮಾ ಪಡಲ ಬಿಯ್ಯಾ ಕದ್ಯಾಮ? ಕ್ಹುದಾನಿಯೊ ವಾತೊ ಕುನ್ನ ಐಕಸ. ವರಿ ಸೈತಾನ ಐನ ತ್ಯುನಾ ಮನಸೊಮಾ ರ‍್ಹಯಲ ಕ್ಹುದಾನಿ ವಾತೊ ಕಾಳ್ಳಿನ ಗೈ ಪಾಡ್ಯೊ. ತ್ಯುನೆ ಕ್ಹುದಾನಿಯೊ ವಾತೊಪರ ಬರೊಕ್ಹೊ ನೈ ರ‍್ಹಯಲ ಹುತಿ ತ್ಯುನೊನೆ ರಕ್ಷಣೆ ಥಾತಿ ನೈ. 
\v 13 ಕಮ ಮಾತಿ ದಗ್ಡಾಪರ ಪಡಲ ಬಿಯ್ಯಾ ಕದ್ಯಾಮ ಕುನ್ನ-ಕುನ್ನ ಕ್ಹುದಾನಿಯೊ ವಾತೊ ಖುಶಿಕ್ಹು ಐಕಿನ ತ್ಯುನೊಮಾ ಬರೊಕ್ಹೊ ಕಮ ರ‍್ಹಯಲ ಹುತಿ ತ್ಯುನೊನೆ ತರಾಸ ಆಯೊಮ ತ್ಯುನೆ ಕ್ಹುದಾತಿ ದುರ ಜಾ಼ವಸ. 
\v 14 ಕಾಟಾವೊನಿಯೊ ಕಂಟಿಯೊಮಾ ಪಡಲ ಬಿಯ್ಯಾ ಕದ್ಯಾಮ. ತ್ಯುನೆ ತ್ಯವಾ ಮನಕ್ಹೊ ವ್ಹೈ. ದಕ್ಹಾ ಮನಕ್ಹೊ ಕ್ಹುದಾನಿಯೊ ವಾತೊ ಐಕಿಸ ವರಿ ಇವ್ನೆ ಜಗತಿನಿ ಸುಖಮಾ ವರಿ ಚಿಂತಾಮಾ, ಸೌಕಾರನಿ ಆಸಮಾ ಆಸ್ತಿನಾ ಹುತಿ ತ್ಯುನೆ ತಿನೆಜ಼ ಹೆಚ್ಕಿ ಟೈಮ ದಿನ್ನ ತ್ಯುನೆ ಬೆಳತ್ತಾ ನೈ; ತ್ಯುನೆ ಚೊ಼ಕು ಫಲ ದೆತಾ ನೈ. 
\v 15 ತೆನೈಸೊ ಚೊ಼ಕಿ ಜಿಮಿನ್ಪರ ಪಡಲ ಬಿಯ್ಯಾ ಕದ್ಯಾಮ, ವರಿ ದಕ್ಹಾ ಜ಼ನಾ ಕ್ಹುದಾನಿಯೊ ವಾತೊ ಐಕಿನ ಚೊ಼ಕಾ ಮನಸ್ಮಾ ಮುಕ್ಕಕಿಲಿನ ತಡ್ದಿಲಿನ ಫಲ ದಿವಸ.
\s ಪಲಂಗನಾ ಹೆಟೊ ಮ್ಹೆಲಲ ದಿವ್ವೊ
\r (ಮಾರ್ಕ 4:21-25)
\p
\v 16 "ಕಯೊಜ಼ ಮನಕ್ಹ ದಿವ್ವೊ ಲಗಾಡಿನ ಸಾಮನಕ್ಹು ಝಾಕ್ಕತಾನೈ ನೈತೊ ಪಲಂಗನಾ ಹೆಟೊ ಝಾಕಿನ ಮ್ಹೆಲ್ತಾನೈ. ಘರಮಾ ಆವಾಲಾವೊನೆ ದಿಕ್ಹಾ ಹುತಿ ಉಜಾಲು ಪಡಾನ ಜ಼ಗಾಜ಼ ಮ್ಹೆಲಸ್ತೊ. 
\v 17 ಉಜಾಲಾಮಾ ಆವಾನು ಸುಜ಼ ಗುಟ್ಟ ನತ್ತಿ, ವರಿ ಸುಬಿ ಝಾಕಿನ ಮ್ಹೆಲಾಮ ತೆ ಭಾರು ಆವಸ, ತುಮೆ ಸುಬಿ ಝಾಕಿನ ಮ್ಹೆಲಲ ರ‍್ಹಯಾಮ ತೆ ತುಮೊನೆ ಮಳಸ. 
\v 18 ತಿನಾಹುತಿ ತುಮೆ ಕಿಮ ಕಾನ ದ್ಯು ದೆಕಿಲಿವೊ ಕಾಕದ್ಯಾಮ ರ‍್ಹಯಲ ವಾಲಾನೆ ದಿವಾಲಗಾಡಸ ನೈ ರ‍್ಹಯಲವಾಲಾಕಂತು ತೆ ತಿನು ವ್ಹೈ ಕೈನ ಕವೈಲಿವಾನು ಕಾಳ್ಳಿವಾ ಲಗಾಡಸ.
\s ಯೆಸುನಿ ಯಾ ವರಿ ಭಾಯೊ
\r (ಮತ್ತಾಯ 12:46-50; ಮಾರ್ಕ 3:31-35)
\p
\v 19 ಯೆಸುನಿ ಮಾ ವರಿ ಭಾಯೊ ತೆ ರ‍್ಹಯಲ ಜ಼ಗಾ ಐನ ಮನಕ್ಹೊನು ಗುಂಪನಾ ಹುತಿ ಯೆಸುಕನ ಜಾ಼ವಾನೆ ಥಯು ನೈ. 
\v 20 ತ್ಯಾ ರ‍್ಹಯಲ ಯಕ್ಲೊ ತಿನೆ "ತಾರಿ ಮಾ ತಾರಾ ಭಾಯೊ ತುನೆ ದೆಕು ಕೈನ, ಭಾರಾ ಹುಬ್ರಯಾಸ "ಕದ್ಯೊ. 
\v 21 ಕತಾಮಾ ಯೆಸು ತ್ಯಾ ರ‍್ಹಯಲ ಕ್ಹಾರಾವೊನೆ "ಕುನ್ನ ಕ್ಹುದಾನಿಯೊ ವಾತೊ ಐಕಿನ ತಿನಾಲಿಂಗತ ಚಾ಼ಲಸ ತ್ಯುನೆಜ಼ ಮನೆ ಮಾ ವರಿ ಭಾಯೊ ವ್ಹೈ "ಕದ್ಯೊ.
\s ಯೆಸು ತುಫಾನನೆ ಶಾಂತ ಕರಲ
\r (ಮತ್ತಾಯ 8:23-27; ಮಾರ್ಕ 4:35-41)
\p
\v 22 ಯಕ್ಕ ದಿನ್ನ ಯೆಸು ತಿನಾ ಶಿಷ್ಯಾವೊನಾ ಕ್ಹಾತೆ ಹಡ್ಗೊ ಚ಼ಡಿನ "ಅಪೆ ಸಮುಂದರನಿ ಬಿಜಿ ದಂಡಿಯೆ ಗೈಯೆ "ಕೈನ ಕದ್ಯೊ. ಕತಾಮಾ ತ್ಯುನೆ ಹಡ್ಗೊ ಚ಼ಡಿನ ಗಯಾ. 
\v 23 ತ್ಯುನೆ ಸಮುಂದರಪರತಾ ಜಾ಼ತಾಮಾ ಯೆಸುನೆ ನಿಂದರ ಲಾಗಿತಿ. ತೆಕ್ಲಾಮಾಜ಼಼ ಜೊ಼ರ ವಾರೊ ಸಮುಂದರಪರ ಚು಼ಟ್ಯು. ಹಡಗಾಮಾ ಪಾನಿ ಭರಾನು ಚಾಲು ಥಯು. ತಿಮ್ಮ ಥಯಲ ಹುತಿ ತ್ಯುನೆ ಭುಚಿ಼ಕಿನ ತ್ರಾಸಮಾ ಪಡ್ಯಾ.
\p
\v 24 ತಿಮ್ಮ ಥಾತಾಮಾ ಯೆಸುನಾ ಶಿಷ್ಯಾ ತ್ಯುನೆ ತಿಕನ ಐನ "ಗುರು! ಗುರು! ಅಪೆ ಡುಬಿ ಚಾ಼ಲ್ಯಾಸ" ಕೈನ ತಿನೆ ಉಟಾಡ್ಯಾ, ಯೆಸು ತೆಳಾಮಾ ಉಟಿನ ವಾರಾನೆ ಪಾನಿನಾ ಧಡಕಿಯೊನೆ ಭುಚ್ಕಾಡ್ಯೊ, ತೆ ಕ್ಹಾರು ಶಾಂತ ಥಯು. 
\v 25 ತೆಳಾಮಾ ಯೆಸು"ತುಮಾರೊ ಬರೊಕ್ಹೊ ಕಿಜಾ಼ ಛೆ? ಕೈನ ತ್ಯುನೊನೆ ಪುಚ್ಯೊ.
\p ತೆಳಾಮಾ ಕ್ಹಾರಾ ಶಿಷ್ಯಾ ಭುಚ್ಕಿನ ಘಾಬ್ರಾಥಯಾ"ಎ ಕುನ್ನ ವಸ? ಪಾನಿನೆ ವಾರಾನೆ ಅಪ್ಪಣೆ ದಿವಸ, ಎ ಕ್ಹಾರು ಯೆಸು ಕದಲ ತಿಮ್ಮಜ಼ ಐಕಸ್ತೊ"ತ್ಯುನೊಮಾ ತ್ಯುನೊಮಾಜ಼ ಬೊಲ್ಲಿನ ಘನ್ನಾ ಘಾಬ್ರಾ ಥಯಾ;
\s ಕೆಟ್ಟ ಆತ್ಮಾವೊ ರ‍್ಹಯಲ ಮನಕ್ಹನೆ ಯೆಸು ಅರಾಮ ಕರಲ
\r (ಮತ್ತಾಯ 8:28-34; ಮಾರ್ಕ 5:1-20)
\p
\v 26 ಯೆಸು ತಿನಾ ಶಿಷ್ಯಾ ಗಲಿಲಾಯತಾ ಸಮುಂದರ ದಾಟಿನ ಗೆರೆಸಿನೆರ ಕವಾನಾ ಗಾಮೆ ಆಯಾ. 
\v 27 ಯೆಸು ಹಡಗಾಮಾತೊ ಉತರತಾಮಾ ತೆ ಗಾಮ್ನೊ ಯಕ್ಕ ಮನಕ್ಹ ಯೆಸುಕನ ಐನ ಎ ದಾಣಗಾಮಾ ಕೆಟ್ಟ ಆತ್ಮಾ ವ್ಹತ್ತಿಯೊ. ಘನ್ನಾ ದಿನತೊ ತೆ ವಣ್ಣಾಜ಼ ಘಾಲ್ಲಿದ್ಯೊ ನ್ಹೊತೊ. ತೆ ಮಜಾ಼ರೊನಿಯೊ ಗವಿಯೊಮಾ ರ‍್ಹತೊತೊ. 
\v 28 ತೆ ದಾಣಗೊ ಯೆಸುನೆ ದೆಕಿನ ತಿನಾ ಕ್ಹಾಮೊ ಉಂದಾಗುಡ್ಗಾ ಘಾಲ್ಲಿನ ಜೊ಼ರ ಅವಾಜಕ್ಹು ಯೆಸು ಪರಾತ್ಪರನಾ ದಿಕ್ರಾ ಮಾರಾಕ್ಹು ತುನೆ ಸು ಥಾವಾನು ಛೆ ಮನೆ ಮರಗಿನ ಶಿಕ್ಕಷಾದಿವು ನಕೊ" ಕೈನ ವದ್ರಯು. 
\v 29 ಕಾಕದ್ಯಾಮ ಯೆಸು ತೆ ಕೆಟ್ಟ ಆತ್ಮಾನೆ ತಿನೆ ಛೊಡಿನ ಜಾ಼ ಕೈನ ಕದ್ಯೊ. ತೆ ಕೆಟ್ಟ ಆತ್ಮಾ ಹಗ್ಲೆಲ್ಲಾ ತೆ ದಾಣಗಾನೆ ತಿನೆ ವಶ್ಮಾ ಲೆತಿತಿ ತೆ ದಾಣಗಾನೆ ಜೆಲ್ಮಾಘಾಲಿನ ಹತೊ ಪಗೊ ಬೆಡಿಯೊಕ್ಹು ಭಾಂದ್ಯಾತಬಿ ತೆ ದಾಣಗೊ ತೆ ಕ್ಹಾರು ತೊಡಿಲಿನ ನಾಕಿಪಾಡತೊತೊ. ತಿಮಾ ರ‍್ಹಯಲ ಕೆಟ್ಟ ಆತ್ಮಾ ತಿನೆ ಮನಕ್ಹೊ ನೈಸೊ ಜ಼ಗಾ ಜಬರದಸ್ತಿಕ್ಹು ನಿಂಜಾ಼ತುತು. 
\v 30 ಯೆಸು ತಿನೆ "ತಾರು ನಾಮ ಸುವೈ? ಕೈನ ಪುಚ್ಯೊ. ತೆ "ಹಮಾರು ನಾಮ ಗುಂಪ ವ್ಹೈ "ಕದ್ಯೊ. ಕಾಕದ್ಯಾಮ ತೆ ಮನಕ್ಹನಾ ಅಂಗಮಾ ಘನಿಯೊ ಕೆಟ್ಟ ಆತ್ಮಾ ವ್ಹತ್ತಿಯೊ. 
\v 31 ವರಿ ತೆ ಪುರಾ ಕೆಟ್ಟ ಆತ್ಮಾ "ಹಮೊನೆ ಪಾತಾಳಮಾ ನಕೊ ಮೊಕ್ಕಲು ಕೈನ "ಯೆಸುಕನ ಮಾಂಗಿಲಿದ್ಯಾ. 
\v 32 ತ್ಯಾ ರ‍್ಹಯಲ ಯಕ್ಕ ಡೊಂಗರಪರ ಢುಕ್ಕಕುರೊನು ಮ್ಹೊಟು ಗುಂಪ ಚ಼ರಾಡುತು" ಆ ಢುಕ್ಕಕುರೊನಾ ಅಂಗಮಾ ಜಾ಼ವಾನೆ ಹಮೊನೆ ಆಗನ್ಯಾ "ದೆ ಕೈನ ತೆ ಕೆಟ್ಟ ಆತ್ಮಾವೊನು ಗುಂಪ ಮಾಂಗಿಲಿದ್ಯು. ಯೆಸು ತೆ ಕೆಟ್ಟ ಆತ್ಮಾನಾ ಗುಂಪನೆ ಆಗನ್ಯಾದಿದ್ಯೊ. 
\v 33 ತೆಳಾಮ ತೆ ಕೆಟ್ಟ ಆತ್ಮಾನು ಗುಂಪ ತೆ ಡುಕ್ಕಕುರೊಮಾ ವ್ಹಕ್ಕಯಾ. ತೆಳಾಮಾಜ಼ ತೆ ಢುಕ್ಕುರೊನು ಗುಂಪ ತ್ಯಾ ರ‍್ಹಯಲ ಯಕ್ಕ ತಳಾಮಾ ಡುಬಿನ ಮರಿಗಯಾ.
\p
\v 34 ಡುಕ್ಕಕುರೊ ಚ಼ರಾವಾಲಾ ಆ ಕ್ಹಾರು ಥಯಲ ದೆಕಿನ ಪುರಾ ಗಾಮವಾಲಾವೊನೆ ಕದ್ಯಾ. 
\v 35 ತೆ ಗಾಮನಾ ಮನ್ಹಖೊ ಯೆಸುನೆ ದೆಕಾನೆ ಆಯಾ. ತೆ ಕೆಟ್ಟ ಆತ್ಮಾ ಧರಲ ಮನ್ಹಖ ಯೆಸುನಾ ಪಗೊಕನ ಬೈಟಲ ದೆಕ್ಯಾ. ತೆ ವಣ್ಣಾ ಘಾಲಿನ, ಅರಾಮ ಥೈನ ವರಿ ಶಾಣ್ಯೊ ಥೈನ,ಕೆಟ್ಟ ಆತ್ಮಾ ತಿನೆ ಛೊಡಿನ ಗಯಾತಾ. ಆ ದೆಕಿನ ಮನ್ಹಖೊನೆ ಭುಚ್ಕ ವಾಟ್ಯು. 
\v 36 ಯೆಸು ತೆ ಮನ್ಹಖನೆ ಅರಾಮ ಕರಲ ತರಿಕೊ ದೆಕಲವಾಲಾ ಗಾಮನಾ ಮನ್ಹಖೊನೆ ಕದ್ಯಾ. 
\v 37 ತೆ ಗಾಮನಾ ಮನ್ಹಖೊ ಯೆಸುನೆ"ತು ಆ ಗಾಮ ಛೊಡಿನ ಜಾ಼ "ಕೈನ ಮಾಂಗಿಲಿದ್ಯಾ. ಕಾಕದ್ಯಾಮ ತ್ಯುನೆ ಘನ್ನಾ ಭುಚ್ಕ್ಕಯಾತಾ. ತಿನಾ ಹುತಿ ಯೆಸು ಹಡ್ಗೊ ಚ಼ಡಿನ ಜಾ಼ತಾಮಾ. 
\v 38 ಕೆಟ್ಟ ಆತ್ಮಾ ಛೊಡಿನ ಗಯಲ ಮನ್ಹಖ ಐನ ಯೆಸುನೆ "ಮನೆಬಿ ತಾರಾ ಕ್ಹಾತೆ ನಿಂಜಾ಼" ಕೈನ ಮಾಂಗಿಲಿದ್ಯೊ. 
\v 39 ತಿನೆ ಯೆಸು"ತಾರಾ ಘರೆ ಫರಿನ ಜಾ಼. ಕ್ಹುದಾ ತುನೆ ಕರಲ ಉಪಕಾರ ಮನಕ್ಹೊಕನ ಕೆ ಜಾ಼ "ಕೈನ ತಿನೆ ತ್ಯಾಂತೊ ಮೊಕ್ಲಿಪಾಡ್ಯೊ. ತಿನಾ ಹುತಿ ತೆ ಮನಕ್ಹ ತ್ಯಾಂತೊ ಗೈನ ಯೆಸು ತಿನೆ ಕರಲ ಉಪಕಾರ ಪುರಾ ಗಾಮ್ಮಾ ಕದ್ಯೊ.
\s ಮರಲವಾಲಿ ಛೊಕ್ರಿನೆ ಜ಼ಲಮ
\r (ಮತ್ತಾಯ 9:18,26; ಮಾರ್ಕ 5:21-43)
\p
\v 40 ಯೆಸು ಬಿಜೆಕ ದಂಡಿಯೆ ಆತಾಮಾ ಮನ್ಹಖೊ ತಿನೆ ಮರಯ್ಯಾದಿಕ್ಹು ಬಲೈಲಿದ್ಯಾ. ಹರಯಕ್ಲಾ ತೆ ಆವಾನಾ ಹುತಿ ಕೈದಾಡ್ಯಾತಾ. 
\v 41 ಯಾಯಿರ ಕವಾಲೊ ಯಕ್ಕ ಮನ್ಹಖ ಯೆಸುಕನ ಆಯೊ. ತೆ ಯಾಯಿರ ಸಭಾಮಂದಿರನೊ ಅದಿಕಾರಿ ವ್ಹತ್ತೊ. ಯಾಯಿರ ಯೆಸುನಾ ಪಗೊಮಾ ಪಡಿನ ಮಾರಾ ಘರೆ ಆ ಕೈನ ಮಾಂಗಿಲಿದ್ಯೊ. 
\v 42 ಕಾಕದ್ಯಾಮ ತಿನೆ ಯಕ್ಕಲಿಜ಼ ದಿಕ್ರಿ ವ್ಹತ್ತಿ. ತೆ ಬಾರಾ ವರಕ್ಹನಿ ವ್ಹತ್ತಿ. ತೆ ಮರಾನಿ ಹಾಲತಮಾ ವ್ಹತ್ತಿ. ಯೆಸು ಯಾಯಿರನಾ ಘರೆ ಜಾ಼ತಾಮಾ ಮನ್ಹಖೊ ತಿನಾ ಸುತ್ತೆಬಿ ಆಯಾ. 
\v 43 ತೆ ಮನಕ್ಹೊನಾ ಗುಂಪಮಾ ಬಾರಾ ವರಕ್ಹತಿಬಿ ಅಂಗಮಾನು ರಗತ ಜಾ಼ವಾಲಿ ತ್ಯಾ ಯಕ್ಕ ಹೆಣ ಮನ್ಹಖ ವ್ಹತ್ತಿ. ತಿಕನ ರ‍್ಹಯಲ ಕ್ಹಾರಾ ದೊಕಡಾ ಡಾಕ್ಕಟರನೆ ಘಾಲಿತಿ. ತೆ ತೆಕ್ಲಾ ದೊಕಡಾ ಘಾಲಿತೊಬಿ ಕಯೊಜ಼ ಡಾಕ್ಕಟರನೆ ತಿನೆ ಅರಾಮ ಕರಾನೆ ಥಯುನೈ. 
\v 44 ತೆಳಾಮಾ ತೆ ಹೆಣ ಮನ್ಹಖ ಯೆಸುನಾ ಪಾಚಿ಼ ಐನ ಯೆಸುನು ಅಂಗ್ಡು ಮುಟ್ಟಿ. ತೆ ಹೆಣ ಮನ್ಹಖ ಯೆಸುನು ಅಂಗ್ಡು ಧರಲ ಬರೊಬ್ಬರ ತಿನೆ ಅರಾಮ ಥಯು. 
\v 45 ತೆಳಾಮಾ ಯೆಸು "ಮನೆ ಧರಲವಾಲು ಕುನ್ನ ವ್ಹೈ? ಕೈನ ಪುಚ್ಯೊ. ಕ್ಹಾರಾ ಮನ್ಹಖೊ ಹಮೆ ನತ್ತಿ ಧರ‍್ಯಾ ಕದ್ಯಾ. ತೆಳಾಮಾ ಪೆತ್ರಾ"ಗುರು,ಅಕ್ಲಾ ಮನ್ಹಖೊ ತುಪರ ಪಡಿನ ಢಕ್ಕಲಾಡಾಸ್ತೊ "ಕದ್ಯೊ. 
\v 46 ತೆನೈಸೊ ಯೆಸು ತಿನೆ ಕುನ್ನ ಯಕ್ಕ ಮನೆ ಧರಯು! ಮಾರಾಮಾತಿ ತಾಕತ ಚಾ಼ಲಿಸ ಕವಾನು ಮನೆ ಗ್ವತ್ತ ಥಯು ಕೈನ ಕದ್ಯೊ. 
\v 47 ಹಮ್ನಾ ಮಿ ದಡಿ ರ‍್ಹವಾನು ಚೊ಼ಕು ನ್ಹವೈ ಕೈನ ತಿಳ್ದಿನ ತೆ ಹೆಣ ಮನಕ್ಹ ಯೆಸುನಾ ಕ್ಹಾಮಿ ಐನ ತಿನಾ ಪಗೊಮಾ ಪಡಿನ ತೆ ಯೆಸುನೆ ಶಾನಾ ಹುತಿ ಮುಟ್ಟಿಕವಾನು ವರಿ ಯೆಸುನೆ ಮುಟ್ಟಲ ಬರೊಬ್ಬರ ತಿನೆ ಅರಾಮ ಥಯು ಕೈನ ಕ್ಹಾರಾವೊನಾ ಕ್ಹಾಮಿ ಕದಿ. 
\v 48 ತೆಳಾಮಾ ಯೆಸು ತಿನೆ"ದಿಕ್ರಿ, ತಾರೊ ಬರೊಕ್ಹೊ ತುನೆ ಅರಾಮ ಕರ‍್ಯೊಸ. ತು ಸಮಾದಾನ ಕ್ಹು ಜಾ಼" ಕೈನ ಕದ್ಯೊ.
\p
\v 49 ಯೆಸು ಹಜು಼ನ ಬೊಲ್ತೊ ರ‍್ಹತಾಮಾ ಸಬಾಮಂದಿರನೊ ಅದಿಕಾರಿಯೊಮಾನೊ ಯಾಯಿರ ಕವಾಲಾನಾ ಘರ್ತೊ ಐನ "ತಾರಿ ದಿಕ್ರಿ ಮರಿಗೈಸ ತು ಹಮ್ನಾ ಗುರುನೆ ಕಾ ತ್ರಾಸ ಕರಾಡ್ಯೊಸ "ಕೈನ ಕದ್ಯೊ. 
\v 50 ಯೆಸು ತೆ ಐಕಿನ ಯಾಯಿರನೆ"ಭುಚ್ಕು ನಕೊ. ಧೈರ್ಯಕ್ಹು ರ‍್ಹೆ ಬರೊಕ್ಹೊ ರ‍್ಹವಾದೆ ತಾರಿ ದಿಕ್ರಿನೆ ಅರಾಮ ಥಾವಸ "ಕೈನ ಕದ್ಯೊ. 
\v 51 ಯೆಸು ಯಾಯಿರನಾ ಘರೆ ಗಯೊ. ಪೆತ್ರಾನೆ, ಯೊಹಾನನೆ, ಯಾಕೊಬನೆ ವರಿ ಚೊ಼ಕ್ಕರಿನಾ ಮಾ ಬಾಪನೆ ತಿನಾ ಕ್ಹಾತೆ ಆವಾನೆ ಕದ್ಯೊ. ವರಿ ಬಿಜು಼ ಕುನ್ನಜ಼ ಔ ನೈ ಕದ್ಯೊ. 
\v 52 ಮರಿಗಯಲ ತೆ ಚೊ಼ಕ್ಕರಿನಾ ಹುತಿ ಕ್ಹಾರಾ ಜ಼ನಾ ರವಾಡ್ಯಾತಾ. ತೆನೈಸೊ ಯೆಸು ತ್ಯುನೊನೆ "ರವೊ ನಕೊ, ತೆ ಮರಿ ನತ್ತಿ; ಕ್ಹುರೈಸ "ಕದ್ಯೊ. 
\v 53 ತಿಮ್ಮ ಕತಾಮಾ ಮನಕ್ಹೊ ಯೆಸುನೆ ಕದ್ರಾಯಾ. ಕಾಕದ್ಯಾಮ ತೆ ಚೊ಼ಕ್ಕರಿ ಮರಿಗೈಸ ಕೈನ ತ್ಯುನೊನೆ ಗ್ವತ್ತ ವ್ಹತ್ತು. 
\v 54 ಯೆಸು ಮರಿಗಯಲ ಛೊಕ್ರಿನೊ ಹತ ಧರಿನ "ದಿಕ್ರಿ ಉಟ್ಟ"ಕದ್ಯೊ. 
\v 55 ತೆಳಾಮಾಜ಼ ತಿನೆ ಜ಼ಲಮ ಆಯೊ. ತೆ ಛೊಕ್ರಿ ಉಟಿನ ಹುಬ್ರೈ. ಯೆಸು ತಿನಾ ಮಾ ಬಾಪನೆ"ತೆ ಛೊಕ್ರಿನೆ ಕ್ಹಾವಾನೆ ಸುಬಿ ದಿವೊ "ಕೈನ ಕದ್ಯೊ. 
\v 56 ಛೊಕ್ರಿನಾ ಮಾ ಬಾಪ ಘಾಬ್ರಾ ಥಯಾ. ಎ ಥಯಲ ವಾತ ಕಿನೆಜ಼಼ ಕವೊ ನಕೊ ಕೈನ ಯೆಸು ತ್ಯುನೊನೆ ಅಪ್ಪಣೆ ದಿದ್ಯೊ.
\c 9
\s ಯೆಸು ತಿನಾ ಅಪೊಸ್ತಲೊನೆ ಸೆವೆನೆ ಮೊಕ್ಲಲ
\r (ಮತ್ತಾಯ 10:5-15; ಮಾರ್ಕ 6:7-13)
\p
\v 1 ಯೆಸು ಬಾರಾ ಅಪೊಸ್ತಲೊನೆ ಬಲೈನ, ತ್ಯುನೊನೆ ರೊಗೊನೆ ಅರಾಮ ಕರಾನಿ ತಾಕತ ದಿನ್ನ ಕೆಟ್ಟ ಆತ್ಮಾವೊಪರ ಅದಿಕಾರ ದಿದ್ಯೊ. 
\v 2 ಕ್ಹುದಾನಿ ರಾಜ್ಯನಾ ಹುತಿ ಕವಾ ಹುತಿ ವರಿ ರೊಗೊಮಾ ರ‍್ಹಯಲ ವಾಲಾವೊನೆ ಅರಾಮ ಕರಾ ಹುತಿ ಯೆಸು ಅಪೊಸ್ತಲೊನೆ ಮೊಕಲ್ಯೊ. 
\v 3 ತೆಳಾಮಾ ಯೆಸು ಅಪೊಸ್ತಲೊನೆ ಸು ಕದ್ಯೊ ಕದ್ಯಾಮ, ತುಮೆ ಗಾಮೊಯೆ ಜಾ಼ತಾಮಾ ಲಾಕ್ಡಿ ನಕೊ ಕೈಚಿಲಾ ನಕೊ ದೊಕಡಾ ನಕೊ ಭುತ್ತಿ ನಕೊ. ಬೆ ಅಂಗ್ಡಾ ನಕೊ ನಿಂಜಾ಼ವೊ. 
\v 4 ತುಮೆ ಕಯಾಬಿ ಯಕ್ಕ ಘರಮಾ ರ‍್ಹತಾಮಾ ತೆ ಗಾಮ ಛೊಡಿನ ಜಾ಼ಯೆಲಕ್ಕಾ ತ್ಯಾಜ಼ ರ‍್ಹವೊ. 
\v 5 ವರಿ ಕಯಾಬಿ ಗಾಮ ವಾಲಾ ತುಮೊನೆ ಮಳೈ ನೈ ಲಿದ್ಯಾಮ ತುಮೆ ತೆ ಗಾಮ ಛೊಡಿನ ಜಾ಼ತಾಮಾ ತಮಾರಾ ಪಗನೆ ಲಾಗಲ ಧುಳ್ಳ ಝಾಡ್ಸಿ ಲಿವೊ ತೆ ತ್ಯುನೊನೆ ಸಾಕ್ಷಿ ಥೈನ ರ‍್ಹವಾದೆ ಕದ್ಯೊ. 
\v 6 ತೆಳಾಮಾ ತೆ ಬಾರಾ ಜ಼ನಾ ಅಪೊಸ್ತಲೊ ಗಾಮೊಪರ ಗೈನ ತ್ಯಾ-ತ್ಯಾ ಸುವಾರ್ತೆ ಕೈನ ರೊಗಿಯೊನೆ ಅರಾಮ ಕರತಾ ಗಯಾ.
\s ಯೆಸುನಾ ಹುತಿ ಅದಿಕಾರಿ ಥಯಲ ಹೆರೊದನಿ ಗಲಿಬಿಲಿ
\r (ಮತ್ತಾಯ 14:1-12; ಮಾರ್ಕ 6:14-29)
\p
\v 7 ಯೆಸುನಾ ಹುತಿ ವರಿ ಅಪೊಸ್ತಲೊ ಕರಲ ಅದ್ಭುತ ಕಾಮೊಕ್ಹು ರಾಜ್ಯಪಾಲ ಥಯಲ ಹೆರೊದ ಘನ್ನೊ ಗಲಿಬಿಲಿ ಥಯೊ ಕಾಕದ್ಯಾಮ ಬಾಪ್ತಿಸ್ಮ ದಿಲಾವಾಲೊ ಯೊಹಾನಜ಼ ಮರಲವಾಲಾವೊಮಾತೊ ಉಟ್ಯೊಸು? ಕೈನ ದಕ್ಹಾ ಜ಼ನಾ ಕವಾಡಾತಾ. 
\v 8 ಹಜು಼ನ ದಕ್ಹಾ ಜ಼ನಾ "ಪ್ರವಾದಿ ಥಯಲ ಎಲಿಯಾ ಅಪೊಕನ ಆಯೊಸ ಕವಾಡಾತಾ. ಹಜು಼ನ ದಕ್ಹಾಜ಼಼ನಾ ಪೈಲಾ ರ‍್ಹಯಲ ಪ್ರವಾದಿಮಾನೊ ಯಕ್ಲೊ ಜಿವ್ತೊ ಥೈನ ಉಟ್ಯೊಸ" ಕವಾಡಾತಾ. 
\v 9 ತೆಳಾಮಾ ಅದಿಕಾರಿ ಹೆರೊದ "ಮಿ ಯೊಹಾನನಿ ಗರದನ ಕತ್ರಯೊಸ ವರಿ ಎ ಕ್ಹಾರು ಅದ್ಬುತ ಕರಾಲೊ ಎ ಮನಕ್ಹ ಕುನ್ನ ವ್ಹೈ? ವಿಚಾರ ಕರತೊ ಯೆಸುನೆ ದೆಕಾನೆ ಕೊಶಿಶ ಕರ‍್ಯೊ.
\s ಯೆಸು ಪಾಂಚ಼ ಹಜಾ಼ರತಿಬಿ ಜಾಸ್ತಿ ಮನಕ್ಹೊನೆ ಅನ್ನ ಖಲಾಯಲ
\r (ಮತ್ತಾಯ 14:13-21; ಮಾರ್ಕ 6:30-44; ಯೊಹಾನ 6:1-14)
\p
\v 10 ಅಪೊಸ್ತಲೊ ಸುವಾರ್ತೆ ಕೈನ ಮುಗ್ಸಿನ ಐನ ತ್ಯುನೆ ಕರಲ ಕ್ಹಾರಾ ಕಾಮೊ ಯೆಸುಕನ ಕದ್ಯಾ. ತೆಳಾಮಾ ಯೆಸು ತ್ಯುನೊನೆ ಬೆತ್ಸಾಯ ಕವಾನಾ ಗಾಮ್ನಾ ನಜಿ಼ಕ ಬಲೈ ನಿಂಗೈಯೊ. 
\v 11 ವರಿ ಯೆಸು ತ್ಯಾ ಗಯಲ ಮನಕ್ಹೊನೆ ಗೊತ್ತ ಥಯು ತೆ ಮನಕ್ಹೊ ಯೆಸುನಾ ಪಾಚಾ಼-ಪಾಚಾ಼ ಗಯಾ. ಯೆಸು ತ್ಯುನೊನೆ ಬಲೈನ ಕ್ಹುದಾನಿ ರಾಜ್ಯನಾ ಹುತಿ ತ್ಯುನೊನೆ ಕದ್ಯೊ. ರೊಗ್ಮಾ ರ‍್ಹಯಲವಾಲಾವೊನಾ ಅರಾಮ ಕರ‍್ಯೊ. 
\v 12 ತೆ ದಿನ್ನಾ ಕ್ಹಾಂಜೆ಼ ಬಾರಾ ಶಿಷ್ಯಾ ಯೆಸುಕನ ಐನ, ಎ ಜ಼ಗಾಪರ ಕುನ್ನಜ಼ ರ‍್ಹತು ನೈ ತಿನಾ ಹುತಿ ಮನಕ್ಹೊನಾ ಗುಂಪ್ನೆ ಮೊಕ್ಲಿಪಾಡ ತ್ಯುನೆ ಸುತ್ತೆ ಮುತ್ತೆ ರ‍್ಹಯಲ ಗಾಮೊಯೆ ಗೈನ ತ್ಯುನೊನೆ ಖಾವಾನ ಅನ್ನನಾ ಹುತಿ ವೆವಸ್ತಾ ಕರಲಿವಾದೆ ವರಿ ರ‍್ಹವಾನೆ ಜ಼ಗಾ ಕರಲಿವಾದೆ
\p
\v 13 ವರಿ ಯೆಸು ಶಿಷ್ಯಾವೊನೆ "ತುಮೆಜ಼ ತ್ಯುನೊನೆ ಖಾವಾನೆ ಅನ್ನ ದಿವೊತೊ "ಕದ್ಯೊ, ತೆ ವಾತೆ ಶಿಷ್ಯಾ "ಹಮೊಕನ ಖಾಲಿ ಪಾಂಚ಼ ರೊಕ್ಲಾ ವರಿ ಬೆ ಮಚ್ಲಿ಼ಯೊ ಛೆ ಹಮೆ ಗೈನ ಆ ಮನಕ್ಹೊನೆ ಖಾವಾನೆ ಅನ್ನ ಇಕ್ಕಾತು ಲಾಯ್ಯೆಸು? ಕದ್ಯಾ. 
\v 14 ತ್ಯಾ ಕಮ್ಸಿ ಕಮ ಪಾಂಚ಼ ಹಜಾ಼ರ ದಾಣ್ಗಾ ವ್ಹತ್ತಾ, ಯೆಸು ತಿನಾ ಶಿಷ್ಯಾವೊನೆ "ಇವನೊನೆ ಐವತ್ತ-ಐವತ್ತ ಜ಼ನಾವೊನೆ ಸಾಲೆ ಬೈಟಾಡೊ "ಕದ್ಯೊ, 
\v 15 ತೆಳಾಮಾ ತೆ ಕದಲತಿಮ್ಮ ತ್ಯುನೆ ಕರ‍್ಯಾ ತೆ ಕ್ಹಾರಾ ಮನಕ್ಹೊ ಬೈಟ್ಯಾ. 
\v 16 ತೆಳಾಮಾ ಯೆಸು ತೆ ಪಾಂಚ಼ ರೊಕ್ಲಾ ವರಿ ಬೆ ಮಚ್ಲಿ಼ಯೊ ಹತ್ಮಾ ಲಿನ ಸ್ವರಗನೆ ದೆಕಿನ ತೆ ಅನ್ನನಾ ಹುತಿ ಕ್ಹುದಾನೆ ಸ್ತೊತ್ರಾ ಕೈನ ಪಾಚಲ್ತೊ ಯೆಸು ತೆ ರೊಕ್ಲಾ ಭಾಗಿನ ಶಿಷ್ಯಾವೊನೆ ಮನಕ್ಹೊನೆ ವಾಟೊ ಕೈ ದಿದ್ಯೊ. 
\v 17 ಹರ ಯಕ್ಲೊ ಪೆಟ ಭರಿನ ಖೈನ ತೃಪ್ತ ಥಯಾ ಉಗ್ರಲ ತುಕ್ಡಾ ಮಳಾತಾಮಾ ಬಾರಾ ಟೊಪ್ಲಿಯೊ ಭರಿಯೊ.
\s ಪೆತ್ರಾನೊ ಬರೊಕ್ಹೊ
\r (ಮತ್ತಾಯ 16:13-19; ಮಾರ್ಕ 8:27-29)
\p
\v 18 ಯಕ್ಕದಿನ ಯೆಸು ಯಕ್ಕಲೊಜ಼ ಪ್ರಾಥನಾ ಕರತಾಮಾ, ತಿನಾ ಶಿಷ್ಯಾಮಳಿನ ತಿಕನ ಆಯಾ, ಯೆಸು ತ್ಯುನೊನೆ ಮನಕ್ಹೊ ಮನೆ ಕುನ್ನ ವ್ಹೈ ಕವಸ? ಕೈನ ಪುಚ್ಯೊ಼. 
\v 19 ತೆ ವಾತೆ ಶಿಷ್ಯಾ ದಕ್ಹಾ ಮನಕ್ಹೊ ತುನೆ ಬಾಪ್ತಿಸ್ಮ ದಿಲಾವಾಲೊ ಯೊಹಾನ ವ್ಹೈ ಕವಸ. ಹಜು಼ನ ದಕ್ಹಾ ಜ಼ನಾ ಎಲಿಯಾ ವ್ಹೈ ಕವಸ, ವರಿ ದಕ್ಹಾ ಜ಼ನಾ ಪಾಚೊ಼ ರ‍್ಹಯಲ ಪ್ರವಾದಿಯೊಮಾನೊ ಯಕ್ಲೊ ಜುತೊ ಥೈನ ಉಟಿನ ಆಯೊಸ ಕವಸ. 
\v 20 ತೆಳಾಮಾ ಯೆಸು ಶಿಷ್ಯಾವೊನೆ"ಮನೆ ತುಮೆ ಕುನ್ನ ವ್ಹೈ ಕವೊಸಿ" ಕೈನ ಪುಚ್ಯೊ ಪೆತ್ರಾ ಯೆಸುನೆ "ತು ಕ್ಹುದಾನೊ ಮಸ್ಸಿಹಾ ವ್ಹೈ" ಕದ್ಯೊ.
\s ಯೆಸು ತೆ ಮರಾನು ಅಗ್ದುರಜ಼ ಕದಲ
\r (ಮತ್ತಾಯ 16:21-28)
\p
\v 21 ಎ ವಾತ ಕಿನೆಜ಼಼ ಕವೊ ನಕೊ ಕೈನ ಯೆಸು ಶಿಷ್ಯಾವೊನೆ ಅಪ್ಪಣೆ ಕರ‍್ಯೊ. 
\v 22 ಪಾಚಲ್ತೊ ಯೆಸು ಮನಕ್ಹನೊ ದಿಕ್ರೊ ಘನ್ನೊ ತ್ರಾಸ ತಡ್ದಿಲಿನ ಯಹುದ್ಯನಾ ನಾಯಕೊನಾ ಹತೆ ಖಾಸ ಯಾಜಕೊನಾ ಹತೆ ಶಾಸ್ತ್ರಿಯೊನಾ ಹತೆ ಇನ್ಕಾರ ಥೈನ ಮರವಾನೆ ಶಿಕ್ಷಾ ದಿಲಾವಸ ವರಿ ತೆ ಮರಿನ ತನ ದಿನ್ಪರ‍ ಜುತೊ ಥೈನ ಉಟಿನ ಆವಸ "ಕದ್ಯೊ,
\p
\v 23 ಯೆಸು ತಿನಿಯೊ ವಾತೊ ಕತೊ ತೆ ಕ್ಹಾರಾವೊನೆ ಸು ಕದ್ಯೊ ಕದ್ಯಾಮ ಮಾರಾ ಪಾಚೊ಼ ಔಸ ಕವಾಲೊ ತೆ ತಿನೊ ಕ್ಹಾರು ಇಕ್ಹರಿನ ದಿನ್ನೆಬಿ ತಿನಿ ಶಿಲುಬಿ ಉಚೈಲಿನ ಮಾರಾ ಪಾಚೊ಼ ಆವಾದೆ "ಕದ್ಯೊ, 
\v 24 ಕುನ್ನ ತಿನೊ ಜ಼ಲಮ ವಚಾ಼ಡಿಲಿವುಸ್ ಕವಾಲೊ ತಿನೊ ಜ಼ಲಮ ಜ಼಼ವೈಲಿವಸ, ಮಾರಾಹುತಿ ತಿನೊ ಜ಼ಲಮ ಜ಼ವೈಲಿವಾಲೊ ತಿನೊ ಜ಼ಲಮ ವಚಾ಼ಡಿಲಿವಸ. 
\v 25 ಯಕ್ಲೊ ಜಗತಮಾನು ಕ್ಹಾರು ಗಳ್ಸಿನ ಮಕ್ಕಯೊಮ ತಿನೆ ತೆ ತಿನೊ ಜ಼ಲಮ ಜ಼ವೈಲಿದ್ಯೊಮ ತಿನಾ ಹುತಿ ತಿಕ್ಹು ಸು ತಿನೆ ಫೈದೊ ಛೆ? 
\v 26 ಕಯೊಬಿ ಮಕ್ಹು ವರಿ ಮಾರಿಯೊ ವಾತೊಕ್ಹು ಸರಮಾವಸ ಮಿ ಮಹಿಮಾನಾ ಕ್ಹಾತೆ ಬಾ ನಿ ಮಹಿಮಾನಾ ಕ್ಹಾತೆ ವರಿ ಸ್ವರಗನಾ ಪರಿಶುದ್ಧ ದುತೊನಾ ಮಹಿಮಾನಾ ಕ್ಹಾತೆ ಆತಾಮಾ ತಿನೆ ದೆಕಿನ ಮಿ ಸರಮಾವುಸ. 
\v 27 ಮಿ ಕ್ಹರಿಮಾಜ಼ ಕೌಸ ನ್ಹ್ಯಾ ರ‍್ಹಯಲ ವಾಲಾವೊಮಾನಾ ದಕ್ಹಾಜ಼಼ನಾ ಕ್ಹುದಾನಿ ರಾಜ್ಯ ದೆಕೆ ಲಕ್ಕಾ ಮರತಾಜ಼ ನೈ ಕದ್ಯೊ.
\s ಯೆಸುನೊ ರುಪ
\r (ಮತ್ತಾಯ 17:1-8; ಮಾರ್ಕ 9:2-8)
\p
\v 28 ಎಕ್ಹಾರು ಕೈನ ಆಟದಿನ ಥಯಲ್ಪರ ಯೆಸು ಪೆತ್ರಾ ಯಾಕೊಬ ವರಿ ಯೊಹಾನನೆ ಬಲೈ ನಿಂಗೈನ ಪ್ರಾಥನಾ ಕರಾ ಹುತಿ ಡೊಂಗರಪರ ಗಯೊ. 
\v 29 ಯೆಸು ಪ್ರಾಥನಾ ಕರತಾಮಾ ತಿನು ಮ್ಹೊಡು ಬದ್ಲಿ ಥಯು ಮಿಂಚಾ಼ಡ್ಯುತು, ತಿನಾ ವಣ್ಣಾ ಘನ್ನಾ ಮಿಂಚಾ಼ಡ್ಯಾತಾ, 
\v 30 ತೆಳಾಮಾಜ಼ ಬೆ ಜ಼ನಾ ಯೆಸುನಾ ಕ್ಹಾತೆ ಬೊಲಾಡ್ಯಾತಾ ತ್ಯುನೆ ಕುನ್ನ ವ್ಹೈ ಕದ್ಯಾಮ ಮೊಶೆ ವರಿ ಎಲಿಯಾ, 
\v 31 ಎ ಭಂಬಿಜ಼಼ನಾವೊನು ರುಪಬಿ ಘನ್ನು ಮಿಂಚಾ಼ಡ್ಯುತು ಕ್ಹುದಾನಿ ಚಿತ್ತ ಥಾವಾನಾ ಹುತಿ ವರಿ ಯೆರುಸೆಲಿಮಾ ಥಾವಾನು ಯೆಸು ಮರವಾನಾ ಹುತಿ ಬೊಲಾಡ್ಯಾತಾ,
\p
\v 32 ಘನ್ನಿ ನಿಂದರಮಾ ರ‍್ಹಯಲ ಪೆತ್ರಾ ವರಿ ಯಾಕೊಬ, ಯೊಹಾನ ಹುಶಾರ ಥೈನ ಉಟ್ತಾಮಾ ಯೆಸುನಿ ಮಹಿಮಾ ವರಿ ತಿನಾ ಕ್ಹಾತೆ ಬೆ ಜ಼ನಾ ಬೊಲಾನು ದೆಕ್ಯಾ, 
\v 33 ತೆ ಬೆ ಜ಼ನಾ ಯೆಸುನೆ ಚೊ಼ಡಿನ ಜಾ಼ತಾಮಾ ಪೆತ್ರಾ ಯೆಸುನೆ ಗುರು ಅಪೆ ನ್ಹ್ಯಾಜ಼ ರ‍್ಹವಾನು ಚೊ಼ಕು ವ್ಹೈ ನ್ಹ್ಯಾಜ಼ ಅಪೆ ತನ ಝುಪ್ಡಾ ಭಾಂದಿಯೆ ತುನೆ ಯಕ್ಕ ಮೊಶೆನೆ ಯಕ್ಕ ಎಲಿಯಾನೆ ಯಕ್ಕ ತುನೆ ಕದ್ಯೊ. ಪೆತ್ರಾ ಸು ಕವಾಡ್ಯೊಸ ತಿನೆಜ಼ ಗೊತ್ತ ನ್ಹೊತು. 
\v 34 ಪೆತ್ರಾ ಎಕ್ಹಾರು ಕತಾಮಾ ಮ್ಹಾಡ ಐನ ಛವ್ಲಿ ಲಿಂಗತ ತ್ಯುನಾ ಸುತ್ತೆ ಫೈಲಿ ಗಯು ತೆಳಾಮಾ ಶಿಷ್ಯಾ ಘನ್ನಾ ಭುಚ್ಕಾ಼ ವರಕ್ಹಾ ಥಯಾ, 
\v 35 ತೆಳಾಮಾಜ಼ ತೆ ಮ್ಹಾಡ ಮಾತು ಅವಾಜ಼ ಐಯು "ಎ ಮಾರೊ ಮಯಾನೊ ಥಯಲ ದಿಕ್ರೊ ವ್ಹೈ ಮಿ ಇನೆ ಇನಿಲಿದ್ಯೊಸ ಇನೆ ತುಮೆ ತಿನೆ ವಿದೆಯ (ವಿಧೆಯೆ ಕದ್ಯಾಮ ತಿನು ಕ್ಹಾರುಜ಼ ಐಕಿನ ಚಾ಼ಲಾನು) ಥಾವೊ "ಕವಾನು. 
\v 36 ಎ ವಾತ ಥಯಲಪರ ತ್ಯುನೆ ಯೆಸುನೆ ಛೊಡಿನ ಬಿಜು಼ ಸುಜ಼ ದಿಕ್ಹ್ಯು ನೈ ಶಿಷ್ಯಾ ದೆಕಲ ಕ್ಹಾರು ಯಕ್ಕಬಿ ತೆ ದಿನೊಮಾ ಕಿನೆಜ಼಼ ಕದ್ಯಾ ವಾಚಿ ಗಪ್ಪಜ಼ ವ್ಹತ್ತಾ.
\s ಕೆಟ್ಟ ಆತ್ಮಾ ರ‍್ಹಯಲ ಪಟ್ಟಾನೆ ಯೆಸು ಅರಾಮ ಕರಲ
\r (ಮತ್ತಾಯ 17:14-18; ಮಾರ್ಕ 9:14-27)
\p
\v 37 ಮರ್ನಾ ದಿನ್ನೆ ಯೆಸು, ತಿನಾ ತನ್ನೆ ಶಿಷ್ಯಾ ಡೊಂಗರಪರತಾ ಉತ್ರಿನ ಆಯಾ. ಮನಕ್ಹೊನು ಮ್ಹೊಟು ಗುಂಪ ಯೆಸುನಾ ಕ್ಹಾಮೊ ಆಯು. 
\v 38 ಗುಂಪ್ಮಾ ರ‍್ಹಯಲ ಯಕ್ಲೊ ಮನಕ್ಹ ವದ್ರಿನ "ಗುರು "ಮರಗಿನ ಮಾರಾ ದಿಕ್ರಾನೆ ದೆಕ ಮನೆ ತೆಜ಼ ಯಕ್ಲೊ ದಿಕ್ರೊ ಛೆ 
\v 39 ಯಕ್ಕ ಕೆಟ್ಟ ಆತ್ಮಾ ಮಾರಾ ದಿಕ್ರಾಪರ ಆವಸ ತೆಳಾಮಾ ತೆ ವದ್ರಾಡ್ಯಾಸ ಮ್ಹೊಡಾ ಮಾತು ಬುರುಕ ಚು಼ವಾವಸ, ಕೆಟ್ಟ ಆತ್ಮಾ ತಿನೆ ಘನ್ನೊ ತ್ರಾಸ ದಿವಸ ವರಿ ಪಾಡಿ ಪಾಡಸ. 
\v 40 ಮಾರಾ ದಿಕ್ರಾಮಾತು ತೆ ಕೆಟ್ಟ ಆತ್ಮಾ ಛೊಡಾಕೈನ ತಾರಾ ಶಿಷ್ಯಾವೊಕನ ಮಾಂಗಲಿದ್ಯೊ ತೆನೈಸೊ ತಿವ್ನಾ ಹತೆ ಥಯು ನೈ ಕೈನ ಯೆಸುಕನ ಕದ್ಯೊ. 
\v 41 ತೆಳಾಮಾ ಯೆಸು ತ್ಯುನಾ ಶಿಷ್ಯಾವೊಕನ ದೆಕಿನ ಬರೊಕ್ಹೊ ನೈಸೊ ವಾಲಾವೊನೆ ಹಜು಼ನ ಕೆಕ್ಕಲಾ ದಿನ್ನ ತುಮಾರಾ ಕ್ಹಾತೆ ಮಿ ತಡ್ದಿಲಿನ ರ‍್ಹೌ? ಕದ್ಯೊ ತೆ ಮನಕ್ಹನೆ ತಾರಾ ದಿಕ್ರಾನೆ ನ್ಹ್ಯಾ ಬಲೈಲಿನಾ ಆ ಕದ್ಯೊ. 
\v 42 ತೆ ಪಟ್ಟೊ ಆತಾಮಾ ತೆ ಕೆಟ್ಟ ಆತ್ಮಾ ತಿನೆ ಜಿಮಿನ್ಪರ ಪಾಡಿನ ಪಟ್ಟಾನೆ ವದ್ಯಾಡ್ಸಿನ ತೆಳಾಮಾ ಯೆಸು ತೆ ಕೆಟ್ಟ ಆತ್ಮಾ ನೆ ಭುಚ್ಕಾ಼ಡಿನ ತೆ ಪಟ್ಟಾನೆ ಅರಾಮ ಕರ‍್ಯೊ, ಪಾಚಲ್ತೊ ತೆ ಪಟ್ಟಾನೆ ತಿನಾ ಬಾನಾ ಹತ್ಮಾ ವಪ್ಸಿನ ದಿದ್ಯೊ. 
\v 43 ತ್ಯಾ ರ‍್ಹಯಲ ಮನಕ್ಹೊ ಕ್ಹಾರಾ ಕ್ಹುದಾನಿ ಮ್ಹೊಟಿ ತಾಕತನೆ ದೆಕಿನ ಘಾಬ್ರಾಥಯಾ. ಯೆಸು ಕರಲ ಕ್ಹಾರಾ ಕಾಮೊ ದೆಕಿನ ಮನಕ್ಹೊ ವರಿ ದಕ್ಹಾ ಘಾಬ್ರಾ ಥಯಾ. ಯೆಸು ತಿನಾ ಶಿಷ್ಯಾವೊನೆ 
\v 44 "ಮನಕ್ಹನಾ ದಿಕ್ರಾನೆ ದಕ್ಹಾ ಜ಼ನಾವೊನಾ ಅದಿಕಾರಮಾ ವಪ್ಸಸ್ ಎ ತುಮೆ ಇಕ್ಹರು ನೈ ಕದ್ಯೊ. 
\v 45 ತೆನೈಸೊ ಶಿಷ್ಯಾವೊನೆ ತಿಳದ್ಯುನೈ ಕಾಕದ್ಯಾಮ ತೆ ವಾತೊನೊ ಮತ್ಲಬ್ ಝಕಾಯಲ ವ್ಹತ್ತು ವರಿಬಿ ಯೆಸುನಾ ಶಿಷ್ಯಾ ತಿನೆ ಪುಚ್ಚಾ಼ನೆ ಭುಚ್ಕ್ಕಯಾ.
\s ಕ್ಹುದಾನಿ ರಾಜ್ಯಮಾ ಕುನ್ನ ಮ್ಹೊಟು ವ್ಹೈ.
\r (ಮತ್ತಾಯ 18:1-5; ಮಾರ್ಕ 9:33-37)
\p
\v 46 ಯೆಸುನಾ ಶಿಷ್ಯಾ ತ್ಯುನಾಮಾ ಕುನ್ನ ಮ್ಹೊಟೊ ವ್ಹೈ ಕೈನ ಬೊಲ್ಲಿವಾಡ್ಯಾತಾ, 
\v 47 ತ್ಯುನಿಯೊ ಮನಸ್ಸಮಾನಿ ವಿಚಾರ ಯೆಸುನೆ ಗೊತ್ತ ಥಯುತು, ತಿನಾಹುತಿ ಯೆಸು ಯಕ್ಕ ನ್ಹಾನಾ ಬಚ್ಚಾ಼ನೆ ಬಲೈನ ತಿಕನ ಹುಬ್ರಾಡಿ ಲಿದ್ಯೊ. 
\v 48 ಪಾಚಲ್ತೊ ಯೆಸು ತಿನಾ ಶಿಷ್ಯಾವೊನೆ "ಯಕ್ಲೊ ಮಾರಾ ನಾಮಪರ ಯಕ್ಕ ನ್ಹಾನಾ ಬಚ್ಚಾ಼ನೆ ಮಳೈ ಲಿದ್ಯೊಮ ತೆ ಮನೆ ಮಳೈಲಿದಲ ಲಿಂಗತ ವ್ಹೈ, ವರಿ ಯಕ್ಲೊ ಮನೆ ಮಳೈ ಲಿದ್ಯೊಮ ತೆ ಮನೆ ಮೊಕ್ಲಲವಾಲಾನೆ (ಕ್ಹುದಾನೆ) ಮಳೈಲಿದಲ ಲಿಂಗತ ವ್ಹೈ ಕದ್ಯೊ. ವರಿ ತುಮೊಮಾ ಕುನ್ನ ನ್ಹಾನೊ ವ್ಹೈ ತೆಜ಼ ಮ್ಹೊಟೊ ವ್ಹೈ "ಕೈನ ಕದ್ಯೊ.
\s ತುಮೊನೆ ವಿರೊಧಿ ನೈ ರ‍್ಹಯಲವಾಲೊ ತುಮಾರೊ ವ್ಹೈ
\r (ಮಾರ್ಕ 9:38-40)
\p
\v 49 ಯೊಹಾನ ಯೆಸುನೆ ಕದ್ಯೊ"ಗುರು, ತಾರಾ ನಾಮ ಪರ ಮನಕ್ಹೊಮಾ ರ‍್ಹಯಲ ಕೆಟ್ಟ ಆತ್ಮಾ ಛೊಡಾವಾನು ಹಮೆ ಯಕ್ಲಾನೆ ದೆಕ್ಯಾ. ತಿನೆ ಹಮೆ ತಡದ್ಯಾ "ಕಾಕದ್ಯಾಮ ತೆ ಹಮೊಮಾನೊ ನ್ಹವೈ. 
\v 50 ತೆ ವಾತೆ ಯೆಸು"ತಿನೆ ತರಬೊ ನಕೊ, ಕಾಕದ್ಯಾಮ ತುಮೊನೆ ವಿರೊದ ನೈ ರ‍್ಹಯಲ ವಾಲೊ ತುಮಾರೊಜ಼ ವ್ಹೈ ಕದ್ಯೊ.
\s ಸಮಾರಯಾ ಗಾಮವಾಲಾ ಯೆಸುನೆ ಇನ್ಕಾರಲ
\p
\v 51 ಯೆಸು ವರಿ ಸ್ವರಗೆ ಜಾ಼ವಾನೊ ಟೈಮ ನಜಿಕ ಆವಾಡ್ಯೊಸ, ತಿನಾಹುತಿ ಯೆರುಸೆಲೆಮೆ ಜಾ಼ವಾನಾ ಹುತಿ ಮನಸ್ಸ ಘಟ್ಟ ಕರಲಿದ್ಯೊ. 
\v 52 ಯೆಸು ತಿನಾ ಸಂದೆಶ ಕವಾಲಾವೊನೆ ತಿನಾತಿ ಅಗೊ ಮೊಕಲ್ಯೊ. ಯೆಸುನಾ ಹುತಿ ಕ್ಹಾರು ತಯ್ಯಾರ ಕರಾನೆ ತ್ಯುನೆ ಸಮರಯಾ ಗಾಮೆ ಗಯಾ. 
\v 53 ತೆನೈಸೊ ತೆ ಯೆರೊಸೆಲಿಮೆ ಜಾ಼ವಾನು ಕಾರಣ ಸು ವ್ಹೈ ಕದ್ಯಾಮ ಸಮರಯಾನಾ ಮನಕ್ಹೊ ಯೆಸುನೆ ಮರ್ಯಾದಿ ದಿದ್ಯಾ ನೈ. 
\v 54 ಯೆಸುನಾ ಶಿಷ್ಯಾ ಯಾಕೊಬ ವರಿ ಯೊಹಾನ "ಎ ದೆಕಿನ ಸ್ವಾಮಿ ಹಬಾಳಮಾತಿ ಆಗ ಪಡಿನ ಇವ್ನೊನೆ ಬಾಳಿಪಾಡಾದೆ ಕೈನ ಮಾಂಗಿಲಿಯೆಸು" ಕೈನ ಪುಚ್ಯಾ. 
\v 55 ತೆನೈಸೊ ಯೆಸು ತ್ಯುನೊನೆ ದೆಕಿನ ಭುಚ್ಕಾ಼ಡ್ಯೊ. 
\v 56 ಪಾಚಾ಼ತಾ ಯೆಸು ವರಿ ತಿನಾ ಶಿಷ್ಯಾ ಬಿಜೆಕ ಗಾಮೆ ಚಾ಼ಲ್ಯಾತಾ.
\s ಯೆಸುನಾ ಪಾಚಾ಼ ಆವಾಲಾವೊನಿ ಸ್ಥಿತಿ
\r (ಮತ್ತಾಯ 8:19-22)
\p
\v 57 ತ್ಯುನೆ ವಾಟ್ಮಾ ಜಾ಼ತಾಮಾ ಯಕ್ಲೊ ಯೆಸುನೆ "ತು ಕಿಜಾ಼ ಗಯೊತಬಿ ಮಿ ತಾರಾ ಪಾಚೊ಼ ಔಸ "ಕದ್ಯೊ. 
\v 58 ಯೆಸು ತಿನೆ ದೆಕಿನ ಕದ್ಯೊ "ನರಿಯೊನೆ ಘರೊ ಛೆ, ಪಕ್ಕಷಿಯೊನೆ ಗುಡ ಛೆ. ತೆನೈಸೊ ಮನಕ್ಹಾನಾ ದಿಕ್ರಾನೆ ಮಾತು ಮುಕ್ಕಕಾ ಯಕ್ಕಲಿ ಜ಼ಗಾ ನತ್ತಿ "ಕದ್ಯೊ. \fig ನರಿನಾ ಗುದ್ದೊ.|alt="Fox with kits in a hole" src="bk00051c.tif" size="col" copy="Horace Knowles ©" ref="9:58"\fig*
\p
\v 59 ಯೆಸು ಹಜು಼ನ ಯಕ್ಲಾನೆ "ಮಾರಾ ಪಾಚೊ಼ ಆ"ಕದ್ಯೊ. ವರಿ ತೆ ಸ್ವಾಮಿ ಮಿ ಪೈಲಾ ಗೈನ ಮಾರಾ ಬಾನು ತನ್ನ ದಿನ್ನು ಕಾರಾನೆ ಮೌಕೊ ದೆ ಕದ್ಯೊ. 
\v 60 ಯೆಸು ತಿನೆ "ಮರಲ ಮನಕ್ಹೊ ತಿವ್ನೊಮಾ ಮರಿನ ಗಯಲವಾಲಾ ತ್ಯುನೆ ತೆ ಕರಾದೆ! ತು ಗೈನ ಕ್ಹುದಾನಿ ರಾಜ್ಯನಾ ಹುತಿ ಮನಕ್ಹೊಕನ ಕೆ "ಕದ್ಯೊ.
\p
\v 61 ಬಿಜೆಕ್ಲೊ "ಸ್ವಾಮಿ, ಮಿ ತಾರಾ ಪಾಚೊ಼ ಔಸ ಪೈಲಾ ಮಾರಾ ಘರವಾಲಾವೊನೆ ಗೈನ ಮಳಿನ ಆವಾನೆ ಮೌಕೊ ದೆ "ಕದ್ಯೊ. 
\v 62 ಯೆಸು"ರ‍್ಹಂಟಿಪರ ಹತ ಘಾಲಿನ ಪಾಚೊ಼ ದೆಕಾಲೊ ತೆ ಕ್ಹುದಾನಿ ರಾಜ್ಯನೆ ಯೊಗೈ ನ್ಹವೈ "ಕದ್ಯೊ.
\c 10
\s ಯೆಸು ಸುವಾರ್ತೆ ಕವಾನೆ ಮೊಕ್ಲಲ ಸತ್ತರಪರ ಬೆ ಜ಼ನಾವೊನೆ
\p
\v 1 ತೆ ಥಯಲ್ಪರ ಯೆಸು ಸತ್ತರಪರ ಬೆ ಜ಼ನಾವೊನೆ ಇನಿಲಿನ ತೆ ಜೌ಼ ಕೈನ ವಿಚಾರ ಕರಲಿದಲ ಗಾಮೊಯೆ ತ್ಯುನೊನೆ ಬೆ-ಬೆ ಜ಼ನಾವೊನೆ ಪೈಲಾಜ಼ ಮೊಕ್ಲಿಪಾಡ್ಯೊ. 
\v 2 ಯೆಸು ತ್ಯುನೊನೆ "ಬೆಳಿ (ಮನಕ್ಹೊ) ಘನ್ನಿ ಛೆ ತೆನೈಸೊ ಕಾಮ ಕರಾಲಾ ಕಮ ಛೆ ಕ್ಹುದಾ ಬೆಳಿನೊ ಮಾಲಕ ವ್ಹೈ ವರಿ ಬೆಳಿ ಮಳಾವಾನೆ ಘನ್ನಾ ಕಾಮ ಕರಾಲಾ ಚಾ಼ಯೆ ಕೈನ ಮಾಲಕಕನ (ಕ್ಹುದಾಕನ) ಮಾಂಗಿಲಿವೊ. 
\v 3 ಹಮ್ನಾ ತುಮೆ ಜಾ಼ ಸಕೊಸಿ ವರಿ ಮಾರಿಯೊ ವಾತೊ ಐಕೊ ನರಿಯೊನಾ ವಚ್ಮಾ಼ ಬಕ್ರಾವೊನೆ ಮೊಕ್ಕಲಾಲಾಲಿಂಗತ ತುಮೊನೆ ಮೊಕ್ಕಲಾಡ್ಯೊಸ. 
\v 4 ಕೈಚಿಲಾ ರ‍್ಹೈನೆಕಾ ದೊಕ್ಡಾ ರ‍್ಹೈನೆಕಾ ಚಪ್ಲೊ ರ‍್ಹೈನೆಕಾ ನಿಂಜಾ಼ವೊನಕೊ, ವಾಟ್ಮಾ ಹುಬ್ರೈನ ಮನಕ್ಹೊನೆ ಚೊ಼ಕು ಥಾವಾದೆ ಕೈನ ಬೊಲೊನಕೊ.
\p
\v 5 ತುಮೆ ಘರಮಾ ಜಾ಼ವಾತಿ ಅಗ್ದುರಜ಼ ಆ ಘರಮಾ ಸಮಾಧಾನ ರ‍್ಹವಾದೆ ಕೈನ ತುಮೆ ಕವೊ. 
\v 6 ತೆ ಘರಲ್ಯಾ ಮನಕ್ಹೊ ಶಾಂತಿ ಸಮಾಧಾನವಾಲಾ ರ‍್ಹಯಾಮ ತುಮಾರೊ ಆಶಿರ್ವಾದ ತ್ಯುನೊಪರ ರ‍್ಹವಸ. ನೈತೊ ತೆ ಆಶಿರ್ವಾದ ತುಮೊನೆ ಫರಿನ ಆವಸ. 
\v 7 ತೆ ಘರಮಾ ರ‍್ಹೈನ ತ್ಯುನೆ ದಿವಾನು ಅನ್ನ ತುಮೆ ಖಾವೊ ವರಿ ತ್ಯುನೆ ದಿವಾನು ತುಮೆ ಪಿವೊ, ಕಾಮಕರಾಲೊ ಪಗಾರನೆ ಲಾಯಕ ವ್ಹೈ ತಿನಾಹುತಿ ತೆ ಘರ ಛೊಡಿನ ಬಿಜೆಕ ಘರಮಾ ಜಾ಼ವೊನಕೊ. 
\v 8 ತುಮೆ ಯಕ್ಕ ಗಾಮೆ ಜಾ಼ತಾಮಾ ತೆ ಗಾಮ್ನಾ ಮನಕ್ಹೊ ತುಮೊನೆ ಮಳೈ ಲಿದ್ಯಾಮ,ತ್ಯುನೆ ದಿವಾನು ಅನ್ನ ಖಾವೊ 
\v 9 ತ್ಯಾ ರ‍್ಹಯಲ ರೊಗಿಯೊನೆ ಅರಾಮ ಕರೊ, ತ್ಯಾನಾ ಮನಕ್ಹೊನೆ"ಕ್ಹುದಾನಿ ರಾಜ್ಯ ನಜಿಕ ಐಸ "ಕವೊ. 
\v 10 ತೆನೈಸೊ ತುಮೆ ಯಕ್ಕ ಗಾಮೆ ಜಾ಼ತಾಮಾ ತ್ಯಾನಾ ಮನಕ್ಹೊ ತುಮೊನೆ ನೈ ಮಳೈ ಲಿದ್ಯಾಮ ತುಮೆ ತೆ ಗಾಮ್ನಿಯೊ ಒಣಿಯೊಮಾ ಗೈನ, 
\v 11 ಅಪ್ನಾ ಪಗೊನೆ ಲಾಗಲ ಧುಳ್ಳ ತೆ ಗಾಮ್ನಾ ವಿರುದ್ದ ಝಾಡ್ಸಿಲಿಪಾಡಿಯೆಸ ಕ್ಹುದಾನಿ ರಾಜ್ಯ ನಜಿಕ ಆವಾಡಿಸ ಕವಾನು ತುಮೊನೆ ಕಳಾದೆ ಕವೊ. 
\v 12 ಮಿ ತುಮೊನೆ ಕ್ಹರಿಜ಼ ಕೌಸ. ಕ್ಹುದಾನಿ ನ್ಯಾಯ ಫೈಸಲಾನಾ ದಿನಮಾ ತೆ ಮನಕ್ಹೊನಿ ಗತಿ ಸೊದೊಮ ಗಾಮ್ನಾ ಮನಕ್ಹೊನಿ ಗತಿತಿಬಿ ಕಠಿಣ ಥಾವಸ ಕದ್ಯೊ,
\s ಬರೊಕ್ಹೊ ನೈ ರ‍್ಹಯಲ ಮನಕ್ಹೊನೆ ಯೆಸು ಯಚ್ಚರ ದಿದಲ
\r (ಮತ್ತಾಯ 11:20-24)
\p
\v 13 "ಕೊರಾಜಿನ ಬೆತ್ಸಾಯಿವಾಲಾ, ತಮಾರಿ ಗತಿ ಮಿ ಸು ಕೌ! ತುಮೊಮಾ ಮಿ ಘನ್ನಾ ಸುಚಕ ಕಾಮೊ ಕರ‍್ಯೊ ತೆಜ಼ ಸುಚಕ ಕಾಮೊ ತೊರ ವರಿ ಸಿದೊನ ಗಾಮೊಮಾ ಥಾವತ್ತೊ. ತ್ಯಾನಾ ಮನಕ್ಹೊ ಪೈಲಾಜ಼ ತ್ಯುನಾ ಪಾಪೊ ಛೊಡಿನ ಪಶ್ಚಾತಾಪ ಪಡಿನ ಕೊತ್ಳಾವೊನಾ ವಣ್ಣಾ ಘಾಲ್ಲಿನ ರಾಕ ಅಂಗೆ ಲಗಾಡಿ ಲೆತಾತಾ. 
\v 14 ವರಿ ಕ್ಹುದಾನಿ ನ್ಯಾಯ ಫೈಸಲಾನಾ ದಿನಮಾ ತಾರಿ ಸ್ತಿತಿ ತೊರ ವರಿ ಸಿದೊನ ಗತಿತಿಬಿ ಕಠಿಣ ಥಾವಸ ಕದ್ಯೊ, 
\v 15 ಕಪೆನೌರ್ಮಿ ತು ಸ್ವರ್ಗಲೊಕಮಾ ಜಾ಼ಶಿಸು! ನೈ? ತು ಪಾತಾಳಮಾ ಉತರಸಿ. 
\v 16 ತುಮಾರಿಯೊ ವಾತೊ ಐಕಾಲಾ ಮಾರಿಯೊ ವಾತೊ ಐಕಾಲೊ ಥಾವಸ. ತುಮೊನೆ ವಪ್ಪಿಲಿವಾಲಾ ಮನೆ ವಪ್ಪಿಲಿವಸ ಮನೆ ಕುನ್ನ ನೈ ವಪ್ಪಿಲಿವಾಲೊ ಮನೆ ಮೊಕ್ಕಲಲವಾಲಾನೆ (ಕ್ಹುದಾನೆ) ನೈ ವಪ್ಪಿಲೆತೊ,ಕದ್ಯೊ.
\s ಸತ್ತರಪರ ಬೆ ಜ಼ನಾ ಫರಿನ ಆಯಲ
\p
\v 17 ಸತ್ತರಪರ ಬೆ ಜ಼ನಾ ಶಿಷ್ಯಾ ಗಾಮೊಪರತಾ ಫರಿನ ಆತಾಮಾ ಘನ್ನಾ ಖುಶಿ ಕ್ಹು ವ್ಹತ್ತಾ ತ್ಯುನೆ ಯೆಸುನೆ "ಪ್ರಭು ಹಮೆ ತಾರು ನಾಮ ಕತಾಮಾ ಕೆಟ್ಟ ಆತ್ಮಾಬಿ ಹಮೊನೆ ವಿಧೆಯೆ ಥಯ್ಯೊ, ಕದ್ಯಾ. 
\v 18 ಯೆಸು ತ್ಯುನೊನೆ ಸೈತಾನ ಬಿಜ್ಲಿನಾ ರುಪಮಾ ಸ್ವರ್ಗಮಾತೊ ಹೆಟೊ ಪಡ್ವಾನು ಮಿ ದೆಕ್ಯೊ. 
\v 19 ಐಕೊ, ಕ್ಹಾಪೊ ವರಿ ಇಚ್ಚಿಯೊಪರ ಚಾ಼ಲಾನು ತುಮೊನೆ ಮಿ ಅದಿಕಾರ ದಿದ್ಯೊಸ. ವೈರಿಯೊನೆ (ಸೈತಾನ) ರ‍್ಹಯಲ ಅದಿಕಾರಿತೊಬಿ ಹೆಚ್ಕಿ ಅದಿಕಾರ ಮಿ ತುಮೊನೆ ದಿದ್ಯೊಸ ಕದ್ಯೊ. ತುಮೊನೆ ಸುಜ಼ ಕೆಡ ಕರತು ನೈ. 
\v 20 ಹೊ ಕೆಟ್ಟ ಆತ್ಮಾವೊಬಿ ತುಮೊನೆ ವಿಧೆಯ ಥಾವಸ ಎ ಅದಿಕಾರ ತುಮೊನೆ ಛೆ ರ‍್ಹಯಲ ಹುತಿ ಖುಶಿ ಥಯೆ ನೈಸೊ ತುಮಾರಾ ನಾಮೊ ಸ್ವರ್ಗಮಾ ಬರ್ದಲ ಛೆ ಕವಾನಾ ಹುತಿ ಖುಶಿ ಕ್ಹು ರ‍್ಹವೊ.
\s ಯೆಸು ಬಾನೆ ಕರಲ ಪ್ರಾಥನಾ
\r (ಮತ್ತಾಯ 11:25-27; 13:16-17)
\p
\v 21 ಪಾಚಲ್ತೊ ಯೆಸು ಪವಿತ್ರ ಆತ್ಮಾಕ್ಹು ಘನ್ನೊ ಖುಶಿ ಥೈನ ಅಮ್ಮ ಪ್ರಾಥನಾ ಕರ‍್ಯೊ ಸ್ವರಗ ಲೊಕನೊ ಭುಲೊಕನೊ ಕ್ಹುದಾ ಥಯಲ ಬಾ ಮಿ ತುನೆ ಸ್ತುತಿ ಕರುಸ ತು ಗ್ಯಾನಿಯೊನೆ ಗ್ಯಾನ ರ‍್ಹಯಲವಾಲಾವೊನಾ ಎ ಸಂಗತಿ ಝಾಕಿನ ಮುಕ್ಕಕಲ ಹುತಿ ಮಿ ತುನೆ ಸ್ತುತಿ ಕರುಸ ವರಿ ತು ನ್ಹಾನಾ ಬಚ್ಚಾ಼ವೊಲಿಂಗತ ರ‍್ಹಯಲ ಮನಕ್ಹೊನೆ ಎ ಸಂಗತಿಯೊ. ಝಾಕಿನ ಮ್ಹೆಲ್ಯಾವಾಚಿ ಕದ್ಯೊ ಹೊ ತೆಜ಼ ತಾರಿ ಆಸ ವ್ಹತ್ತಿ. 
\v 22 ಮಾರೊ ಬಾ ಮನೆ ಕ್ಹಾರುಜ಼ ದಿದ್ಯೊಸ. ದಿಕ್ರೊ ಕುನ್ನ ವ್ಹೈ ಕಿನೆಜ಼಼ ಗೊತ್ತ ನತ್ತಿ. ಬಾ ನೆ ಯಕಜ಼ ಗೊತ್ತ ಛೆ. ವರಿ ಬಾ ಕುನ್ನ ವ್ಹೈ ಕವಾನು ದಿಕ್ರಾನೆ ಯಕಜ಼ ಗೊತ ಛೆ. ದಿಕ್ರೊ ಬಾನಾ ಹುತಿ ಕಿನೆ ತಿಳ್ಸಸ ತೆ ಯಕ್ಕಲೊಜ಼ ಬಾನಾ ಹುತಿ ತಿಳದಿಲಿವಸ.
\p
\v 23 ಪಾಚಲ್ತೊ ಯೆಸು ತಿನಾ ಶಿಷ್ಯಾವೊನೆ ಫರಿನ ದೆಕ್ಯೊ. ತ್ಯಾ ತಿನಾ ಶಿಷ್ಯಾ ಯಕ್ಕ ಜ಼ ವ್ಹತ್ತಾ ಯೆಸು ತ್ಯುನೊನೆ ಹಮ್ನಾ ಥಾವಾನು ಸಂಗತಿಯೊ ದೆಕಲ ತುಮೆ ಧನೈ ವ್ಹೈ. 
\v 24 ತಿನಾ ಹುತಿ ಮಿ ತುಮೊನೆ ಕೌಸ ಘನ್ನಾ ಪ್ರವಾದಿಯೊ ರಾಜಾ಼ ಹಮ್ನಾ ತುಮೆ ದೆಕಾನು ಎ ಸಂಗತಿಯೊ ದೆಕು ಕೈನ ವರಿ ತುಮೆ ಐಕಾನು ಸಂಗತಿಯೊ ಐಕೊ ಕೈನ ಆಸ ರ‍್ಹೈತಬಿ ತೆ ತ್ಯುನೊನೆ ಸಾದ್ಯ ಥೈಯು ನೈ "ಕದ್ಯೊ.
\s ಚೊ಼ಕಾ ಸಮಾರಯಾವಾಲಾನಿ ಸಾಮ್ಯ
\p
\v 25 ತೆಳಾಮಾ ಶಾಸ್ತ್ರಿಯೊಮಾನೊ ಯಕ್ಲೊ ಯೆಸುನೆ ಪರಿಕ್ಷಾ ಲಿವೊ ಕೈನ ಉಟಿನ ಹುಬ್ರೈನ ಗುರು ಮಿ ಹಮೆಶಾನೊ ಜ಼ಲಮ ಲಿವು ಕದ್ಯಾಮ ಮಿ ಸು ಕರು ಕೈನ ಪುಚ್ಯೊ. 
\v 26 ತೆ ವಾತೆ ಯೆಸು ಧರಮ ಶಾಸ್ತ್ರಮಾ ಸು ಬರ್ದಲ ಛೆ? ಕದ್ಯೊ.
\p
\v 27 ತೆ ವಾತೆ ತೆ ತಾರೊ ಕ್ಹುದಾ ಥಯಲ ಕರ್ತಾನೆ ಪುರಾ ರ‍್ಹುದಯಾ ಕ್ಹು ಪುರಾ ಜ಼ಲಮಕ್ಹು ಪುರಾ ತಾಕತಕ್ಹು ಪುರಾ ಮನಸೆ ಮಯಾ ಕರು ವರಿ ತಾರಾಕ್ಹು ತು ಕೆಕ್ಲೊ ಮಯಾ ಕರಶಿ ತಾರಾ ಬಾಜು಼ವಾಲಾನೆ ತೆಕ್ಕಲೊ ಮಯಾ ಕರುಕೈನ ಕದ್ಯೊ.
\p
\v 28 ಯೆಸು ತಿನಿ ತು ಕದಲ ಕರೆಟ್ಟ ಛೆ ತು ತಿಮ್ಮಜ಼ ಕರ ತೆಳಾಮಾ ತುನೆ ಹಮೆಶಾನೊ ಜ಼ಲಮ ಮಳಸ "ಕದ್ಯೊ.
\p
\v 29 ತೆನೈಸೊ ತೆ ಮನಕ್ಹ ತೆ ಖರಿನೊ ವ್ಹೈ ಕವೈ ಲಿವಾ ಹುತಿ, ಯೆಸುನೆ"ಮಿ ಮಯಾ ಕರಾನು ಮಾರೊ ಬಾಜು಼ವಾಲೊ ಕುನ್ನ ವ್ಹೈ? ಕೈನ ತಿನೆ ಪುಚ್ಯೊ
\p
\v 30 ತೆಳಾಮಾ ಯೆಸು ತಿನೆ ಸು ಕದ್ಯೊ ಕದ್ಯಾಮ" ಯಕ್ಕ ಮನಕ್ಹ ಯೆರುಸೆಲಿಮಾ ಉತ್ರಿನ ಯೆರಿಕೊವೆ ಜಾ಼ವಾನಿ ವಾಟ್ಮಾ ಜಾ಼ತಾಮಾ. ದಕ್ಹಾ ಚ್ವಟ್ಟಾತಿನೆ ಗೊಲ ಘಾಲ್ಯಾ. ತ್ಯುನೆ ತಿನಾ ಘಾಲ್ಲಿದಲ ವಣ್ಣಾ ಫಾಡಿನ ತಿಕನ ರ‍್ಹಯಲ ತೆಕ್ಲು ಕಾಳ್ಳಿನ ತಿನೆ ಮಾರ‍್ಯಾ. ತಿನೆ ಉಟಾನೆ ಥಾಯೆ ನೈಸೊ ಜಿಮಿನ್ಪರ ಪಡಿಗಯೊತೊ. ಚ್ವಟ್ಟಾ ತಿನೆ ತ್ಯಾಜ಼ ಛೊಡಿನ ಗಯಾ. ತೆ ಮರವಾನಿ ಸ್ತಿತಿಮಾ ವ್ಹತ್ತೊ. 
\v 31 ತೆಜ಼ ವಾಟ್ಮಾ ಯಕ್ಲೊ ಯಾಜಕ ಚಾ಼ಲ್ಯೊತೊ ಜಾ಼ತಾಮಾ ತೆ ಪಡಲವಾಲಾನೆ ದೆಕಿನಬಿ ದೆಕೆನೈಸೊ ಗಯೊ. 
\v 32 ತಿನಾ ಲಿಂಗತಜ಼ ಯಕ್ಲೊ ಭು ಭಾಡೊ ಲಿವಾಲೊ ತೆ ಪಡಲ ವಾಲಾನೆ ದೆಕಿನಬಿ ನೈ ದೆಕಲ ಲಿಂಗತ ತ್ಯಾಂತೊ ಗೈ ಪಾಡ್ಯೊ. 
\v 33 ತೆಳಾಮಾ ಯಕ್ಲೊ ಸಮಾರಯಾವಾಲೊ ತೆಜ಼ ವಾಟ್ಮಾ ಆತಾಮಾ ತೆ ಮನಕ್ಹ ಮಾರ ಖೈನ ಪಡಲ ಜ಼ಗಾ ಐನ ತೆ ಮಾರ ಖೈನ ಪಡಲ ಮನಕ್ಹನೆ ದೆಕಿನ ಘನ್ನೊ ಮರಗ್ಯೊ. 
\v 34 ಸಮಾರಯಾವಾಲೊ ಬೆ ರುಪ್ಪಾನಾ ಬಿಲ್ಲಾ ತೆ ಸಮರಯಾವಾಲೊ ತೆ ಮನಕ್ಹನಾ ದುಕ್ಕಕೊಪರ ಒಲಿವ ತೆಲ ವರಿ ದ್ರಾಕ್ಷಿಯೊನೊ ರಕ್ಹ ಲಗಾಡಿನ ತೆ ದುಕ್ಕಕೊಪರ ಫಡಕಾ ಕ್ಹು ಭಾಂದಿನ. ಸಮಾರಯಾವಾಲೊ ಯಕ್ಕ ಗದಡಾಪರ ಆಯೊತೊ ತೆಜ಼ ಗದಡಾಪರ ತೆ ಮಾರ ಖಾದಲ ಮನಕ್ಹನೆ ಘಾಲ್ಲಿನ ದವಾಕ್ಹಾನಿಯೆ ನಿಂಗೈನ, ಅರಾಕಿ ಕರ‍್ಯೊ. ಮರ್ನಾ ದಿನ್ನೆ ತೆ ವಾಕ್ಹಾನಿ ವಾಲಾನೆ ದಿನ ಇನೆ ಅರಾಕಿ ಕರ ಕೈನ; ವರಿ ಹೆಚ್ಕಿ ಖರಚ಼ ಥಯಾತಬಿ ಮಿ ಬಿಜೆ಼ಕ್ಕೆಬ ಆತಾಮಾ ವರಿ ತುನೆ ದಿವ್ಸ ಕದ್ಯೊ. 
\v 35 ಮರ್ನಾ ದಿನೆ,ಸಮರಯಾವಾಲೊ ಬೆ ರುಪ್ಪಾನಾ
\p
\v 36 ತೆಳಾಮಾ ಯೆಸು ಶಾಸ್ತ್ರಿನೆ "ಎ ತನ ಜ಼ನಾವೊಮಾ (ಯಾಜಕ, ಭು ಭಾಡೊವಾಲೊ, ವರಿ ಸಮಾರಯಾ ವಾಲೊ) ಕುನ್ನ ಚ್ವಟ್ಟಾವೊನಾ ಹತೆ ಮಾರ ಖೈನ ಪಡಲವಾಲಾನೆ ಮನಕ್ಹನೆ ಕುನ್ನ ಮಯಾ ಕರ‍್ಯು? ಕೈನ ಪುಚ್ಯೊ.
\p
\v 37 ತೆಳಾಮಾ ಶಾಸ್ತ್ರಿ, ತೆ ಮಾರ ಖೈನ ಪಡಲವಾಲಾನೆ ಆಸ್ರೊ ಕರಲವಾಲೊ ವ್ಹೈ ಕದ್ಯೊ.
\p ತೆಳಾಮಾ ಯೆಸು ತಿನೆ ತಿಮ್ಮ ರ‍್ಹಯುಮ, ತು ಗೈನ ತಾರಾ ಬಾಜು಼ವಾಲಾನೆ ತಿಮ್ಮಜ಼ ಮಯಾ ಕರ"ಕದ್ಯೊ.
\s ಮರಿಯಳ ವರಿ ಮಾರಥಳ
\p
\v 38 ಯೆಸು ವರಿ ತಿನಾ ಶಿಷ್ಯಾ ಫರತಾ-ಫರತಾ ಯಕ್ಕ ಗಾಮೆ ಆಯಾ, ಮಾರಥಳ ಕವಾಲಿ ಯಕ್ಕ ಹೆಣ ಮನಕ್ಹ ಯೆಸುನೆ ತಿನಾ ಘರೆ ಆ ಕದಿ. 
\v 39 ತಿನೆ ಯಕ್ಕಲಿ ಮರಿಯಳ ಕವಾಲಿ ನ್ಹಾನಿ ಭೆನ ವ್ಹತ್ತಿ. ಯೆಸು ತ್ಯುನಾ ಘರೆ ಆತಾಮಾ ಮರಿಯಳ ಯೆಸುನಾ ಪಗೊಕನ ಬೈಟಿನ ತಿನು ಉಪದೆಶ ಐಕಾಡಿತಿ. 
\v 40 ಘರಮಾ ಘನ್ನು ಕಾಮ ರ‍್ಹಯಲ ಹುತಿ ಮಾರಥಳ ಘನ್ನಿ ಶಿಟ್ಟ ಥೈನ ಯೆಸುಕನ ಐನ, ಪ್ರಭು, ಮಾರಿ ಭೆನ ಘರನು ಪುರಾ ಕಾಮ ಮಪರ ಯಕ್ಕಲಿಪರಜ಼ ಛೊಡಿನ ತುಕನ ಐನ ಬೈಟಿಸ. ಇನಾಹುತಿ ತುನೆ ಚಿಂತಾ ನತ್ತಿಸು? ಮಾರಾ ಕ್ಹಾತೆ ಕಾಮ ಕರ ಕೈನ ತಿನೆ ಕೆ ಕದಿ.
\p
\v 41 ತೆನೈಸೊ ಯೆಸು ಮಾರಥಳನೆ "ಮಾರಥಳ, ಮಾರಥಳ, ತು ಘನ್ನಿಯೊ ಚಿಂತಾಮಾ ವರಿ ಗಲಿಬಿಲಿಮಾ ಛೆ. 
\v 42 ಯಕ್ಕಜ಼ ಯಕ್ಕ ಚೊ಼ಕು ರ‍್ಹಯಲ ಮರಿಯಳ ಇನಿಲಿದಿಸ. ತೆ ತಿಮಾತು ಕೆಳಾಮಾಜ಼ ಕಾಡಾನೆ ಥಾತು ನೈ "ಕದ್ಯೊ.
\c 11
\s ಪ್ರಾಥನಾನಾ ಹುತಿ ಯೆಸು ಕದಲ
\r (ಮತ್ತಾಯ 6:9-15)
\p
\v 1 ಯಕ್ಕದಿನ ಯೆಸು ಯಕ್ಕ ಜ಼ಗಾಪರ ಪ್ರಾಥನಾ ಕರಾಡೊತೊ ಪ್ರಾಥನಾ ಕರಿನ ಮುಗಸ್ತಾಮಾ, ತಿನಾ ಶಿಷ್ಯಾವೊಮಾನೊ ಯಕ್ಲೊ ಯೆಸುನೆ"ಸ್ವಾಮಿ ಯೊಹಾನ ತಿನಾ ಶಿಷ್ಯಾವೊನೆ ಪ್ರಾಥನಾ ಕರಾನು ಶಿಕ್ಲಾಯಲ ಲಿಂಗತ, ಹಮೊನೆಬಿ ಪ್ರಾಥನಾ ಕರಾನು ಶಿಕ್ಲಾ ಕದ್ಯೊ.
\q1
\v 2 ತೆ ವಾತೆ ಯೆಸು ತಿನೆ ತುಮೆ ಅಮ್ಮ ಪ್ರಾಥನಾ ಕರೊ ಬಾ,
\q2 ತಾರು ನಾಮ ಕೆಳಾಮಾಬಿ ಪರಿಶುದ್ಧ ವ್ಹೈ ಕೈನ ಕವೈಲಿವಾದೆ.
\q1 ತಾರೊ ರಾಜ್ಯ ಆವಾದೆ.
\q1
\v 3 ಹಮಾರು ದಿನ್ನೆನು ಅನ್ನ ದಿನ್ನೆಬಿ ದೆ
\q2
\v 4 ಹಮೊನೆ ತಪ್ಪ ಕರಲವಾಲಾನೆ ಹಮೆ ಮಾಫ
\q1 ಕರಲ ಲಿಂಗತ ಹಮಾರು ಪಾಪೊ ಮಾಫ ಕರ
\q2 ಹಮೊನೆ ಶೊದನೆಮಾ ಪಾಡುನಕೊ.
\s ಛೊಡ್ಯಾವಾಚಿ ಪ್ರಾಥನಾ ಕರೊ
\r (ಮತ್ತಾಯ 7:7-11)
\p
\v 5 ಯೆಸು ತ್ಯುನೊನೆ ಸು ಕದ್ಯೊ ಕದ್ಯಾಮ ತುಮೊಮಾನೊ ಯಕ್ಲಾನೆ ದೊಸ್ತ ಛೆ ಕೈನ ತಿಳದಿಲಿಯೆ. ಯಕ್ಕ ದಿನ್ನ ರಾತೆ ತಿನಾ ದೊಸ್ತನಾ ಘರೆ ಗೈನ ತಿನೆ ಮಾರು ದೊಸ್ತ ಮನೆ ಮಳಾನಾ ಹುತಿ ತೆ ಘನ್ನಾ ದುರತೊ ಮಾರಾ ಘರೆ ಆಯೊಸ. 
\v 6 ತೆನೈಸೊ ಮಾರಾ ದೊಸ್ತನೆ ಖಾವಾನೆ ಅನ್ನ ಮಕನ ನತ್ತಿ. 
\v 7 ತೆ ಘರಮಾ ರ‍್ಹಯಲ ದೊಸ್ತ ಅನ್ನ ಪುಚ್ಚಾ಼ಲಾನೆ "ತು ಗೈಪಡ! ಮನೆ ತ್ರಾಸ ದ್ಯು ನಕೊ! ಬಾಕಲ ಘಾಲ್ಲಿ ಪಾಡ್ಯೊಸ! ಮಿಬಿ ವರಿ ಮಾರಿ ದಿಕ್ರಿ ಕ್ಹುರೈ ಪಡ್ಯಾಸ, ಮಿ ಉಟಿನ ರೊಕ್ಲಾ ನೈ ದೆತೊ "ಕದ್ಯೊ. 
\v 8 ಕ್ಹಾಲಿ ತ್ಯುನಿ ದೊಸ್ತಿ ಯಕಜ಼ ತಿನೆ ಉಟಿನ ರೊಕ್ಲಾ ದಿವಾನು ವೃಕ್ಹು ಕರತು ನೈ ಕೈನ ತುಮೊನೆ ಕೌಸ. ತೆ ಹಗ್ಲೆಲ್ಲಾ ಪುಚ್ತೊ಼ ರ‍್ಹಯ್ಯೊಮ, ತೆ ಉಟಿನ ಚಾ಼ಯೆ ಥಯಲ ರೊಕ್ಲಾ ಕ್ಹರಿಮಾಜ಼ ದಿವಸ. 
\v 9 ತಿನಾಹುತಿ ಮಿ ತುಮೊನೆ ಕೌಸ, ಮಾಂಗಿಲಿವೊ ತುಮೊನೆ ಮಳಸ. ಹುಡ್ಕೊ ತೆಳಾಮಾ ತುಮೊನೆ ಕ್ಹಾಪ್ಡಸ. ವಜಾ಼ಡೊ ತೆಳಾಮಾ ತುಮಾರಾ ಹುತಿ ಬಾಕಲ ಕಾಡಸ. 
\v 10 ಹೊ ಛೊಡ್ಯಾವಾಚಿ ಮಾಂಗಾಲಾನೆ ಮಳಸ, ಹುಡ್ಕಾಲಾನೆ ಕ್ಹಾಪ್ಡಸ, ವಜಾ಼ಡಾಲಾನೆ, ತಿನಾ ಹುತಿ ಬಾಕಲ ಕಾಡಸ. 
\v 11 ತುಮೊಮಾ ಕೆಕ್ಕಲಾ ಜ಼ನಾ ಬಾ ಥಯಾಸ? ತಮಾರಾ ಬಚ್ಚಾ಼ ಮಚ್ಲಿ಼ ಮಾಂಗ್ಯಾಮ, ತುಮೆ ತಿನೆ ಕ್ಹಾಪ ದಿವೊಸಿಸು ನೈ! 
\v 12 ತುಮಾರಾ ಬಚ್ಚಾ಼ ಇಂಡು ಮಾಂಗ್ಯಾಮ ಇಚ್ಚಿ ದಿವೊಸಿಸು? ನೈ! 
\v 13 ತುಮೆ ಬಿಜಾ಼ವೊಲಿಂಗತ ಕೆಟ್ಟ ರ‍್ಹಯಾತಬಿ ತುಮಾರಾ ಬಚ್ಚಾ಼ವೊನೆ ಚೊ಼ಕೊಜ಼ ದಿವೊಸಿ, ತಿನಾಲಿಂಗತಜ಼ ಸ್ವರ್ಗಮಾ ರ‍್ಹಯಲ ತುಮಾರೊ ಬಾ ಬಿ ತುಮೆ ಮಾಂಗಿಲಿವಾನೆ ಪವಿತ್ರ ಆತ್ಮಾ ಕ್ಹರಿಮಾಜ಼ ದಿವಸ, ಕದ್ಯೊ.
\s ಯೆಸುನಿ ತಾಕತ ಕ್ಹುದಾಕಂತಿ ಆಯಲ ವ್ಹೈ
\r (ಮತ್ತಾಯ 12:22-30; ಮಾರ್ಕ 3:20-27)
\p
\v 14 ಯಕ್ಕ ಸಲಾ ಯೆಸು ಮುಕಿ ಕೆಟ್ಟ ಆತ್ಮಾ ಧರಲವಾಲಾನೆ ಛೊಡಾವಾಡ್ಯೊತೊ. ತೆ ಕೆಟ್ಟ ಆತ್ಮಾ ತೆ ಮನಕ್ಹಾನಾ ಅಂಗಮಾತೊ ಭಾರು ಆತಾಮಾ ತೆ ಮನಕ್ಹ ಬೊಲ್ಯೊ. ಎ ದೆಕಲ ಮನಕ್ಹೊ ಘಾಬ್ರಾಥಯಾ. 
\v 15 ತಿಮಾನಾ ದಕ್ಹಾ ಮನಕ್ಹೊ ಎ ಕೆಟ್ಟ ಆತ್ಮಾವೊನೊ ಅದಿಕಾರಿ ಥಯಲವಾಲೊ ಬೆಲ್ಜೆಬೊಲನಿ ತಾಕತ ಕ್ಹೊ ಛೊಡಾವಾಸ ಕದ್ಯಾ.
\p
\v 16 ಬಿಜಾ಼ ದಕ್ಹಾ ಮನಕ್ಹೊ ಯೆಸುನೆ ಪರಿಕ್ಷಾ ಲಿವಾನಾ ಹುತಿ ತು ಕ್ಹುದಾಕಂತೊ ಮಾಂಗಿಲಿನ ಯಕ್ಕ ಸುಚಕ ಕಾರಯೊ ಕರಿನ ದೆಕಾಡ ಕದ್ಯಾ. 
\v 17 ತೆನೈಸೊ ಯೆಸು ತ್ಯುನಿಯೊ ವಿಚಾರ ತಿಳ್ದಿನ ತ್ಯುನೊನೆ "ಫುಟಿ ಗಯಲ ವರಿ ತಿನಾ ವಿರುದ್ದ ತೆಜ಼ ಲಡಾಯಿ ಕರಾನು ರಾಜ್ಯ ಹಾಳ ಥೈ ಜಾ಼ವಸ, ಯಕ್ಕ ಕುಟುಂಬಮಾ ಭೆದ ಭಾವ ರ‍್ಹಯುಮ ತೆ ಕುಟುಂಬ ಉಗರತು ನೈ. 
\v 18 "ತಿನಾಲಿಂಗತಜ಼ ಸೈತಾನ ತಿನಾ ವಿರುದ್ದ ತೆಜ಼ ಲಡಾಯಿ ಕರಲಿದ್ಯುಮ, ತಿನು ಯಕ್ಕ ಅದಿಕಾರ ಕಿಮ ಉಗ್ರಸ? ಬೆಲ್ಜೆಬೊಲನಾ ತಾಕತ ಕ್ಹು ಮಿ ಕೆಟ್ಟ ಆತ್ಮಾ ಛೊಡಾವಸ ಕೈನ ತುಮೆ ಕವಾಡ್ಯಾಸ್ತೊ. 
\v 19 ಮಿ ಬೆಲ್ಜೆಬೊಲನಿ ತಾಕತಕ್ಹು ಕೆಟ್ಟ ಆತ್ಮಾವೊ ಛೊಡಾವಾನು ರ‍್ಹಯುಮ ತಮಾರಾ ಮನಕ್ಹೊ ಕೆಟ್ಟ ಆತ್ಮಾ ಕೈ ತಾಕತಕ್ಹು ಛೊ಼ಡಾವಸ? ತಮಾರಾ ಸ್ವಂತ ಮನಕ್ಹೊ ತುಮೊನೆ ತಪ್ಪ ಕರಾಲಾ ವ್ಹೈಕೈನ ಕವಸ್ತೊ. 
\v 20 ತೆನೈಸೊ ಮಿ ಕೆಟ್ಟ ಆತ್ಮಾವೊನೆ ಕ್ಹುದಾನಿ ತಾಕತ ಕ್ಹು ಛೊಡಾವಾಡ್ಯುಸ್ತೊ ಕ್ಹುದಾನಿ ರಾಜ್ಯ ತುಮಾರಾ ಕ್ಹಾಮಿ ಐಸ ಕೈನ ಎಜ಼ ಸಾಕ್ಷಿ ವ್ಹೈ.
\p
\v 21 ಯಕ್ಲೊ ತಾಕತವಾಲೊ ಲಡಾಯಿನು ಕ್ಹಾರು ಸಾಮನ ಅಂಗಪರ ಘಾಲ್ಲಿನ ತಿನು ಘರ ಕೈದತೊ ರ‍್ಹತಾಮಾ ತಿನು ಘರಮಾನು ಸಾಮನ ವಾಗಾತಿ ರ‍್ಹವಸ, 
\v 22 ತೆನೈಸೊ ತಿತ್ತಿಬಿ ತಾಕತವಾಲೊ ಐನ ತಿನೆ ಸೊಲ್ಸಿನ್ ಪಾಚಲ್ತೊ ತೆ ಪೈಲಾನೊ ಮನಕ್ಹ ಬರೊಕ್ಹೊ ಮ್ಹೆಲ್ಲಿದಲ ತೆ ಲಡಾಯಿನು ಸಾಮನ ಕಾಳ್ಳಿನ ತೆ ಚೊ಼ರಿಕರಲ ಕ್ಹಾರು ವಾಟಿನ ದಿವಸ,
\p
\v 23 ಮಾರಾ ಕ್ಹಾತೆ ನೈ ರ‍್ಹಯಲವಾಲೊ ಮನೆ ವಿರುದ್ದ ವ್ಹೈ. ಮಾರಾ ಕ್ಹಾತೆ ನೈ ಮಳಲವಾಲೊ ಜು಼ದಾ ಕರಾವಾಲೊ ವ್ಹೈ.
\s ಕೆಟ್ಟ ಆತ್ಮಾ ಫ್ಹರಿನ ಆಯಲ
\r (ಮತ್ತಾಯ 12:43-45)
\p
\v 24 "ಕೆಟ್ಟ ಆತ್ಮಾ ಯಕ್ಕ ಮನಕ್ಹಮಾತಿ ಭಾರಿ ಆಯಲ್ಪರ ಅರಾಮ ಕರಾನೆ ಜ಼ಗಾ ಹುಡ್ಕತಿ ಪಾನಿ ನೈಸೊ ಜ಼ಗಾ ಫರಸ, ತೆನೈಸೊ ತಿನೆ ಅರಾಮ ಕರಾನೆ ಜ಼ಗಾ ನೈ ಮಳ್ತಾಮಾ ತೆ ಫರಿನ ಮಿ ರ‍್ಹಯಲ ಪೈಲಾನಾ ಮನಕ್ಹನಾ ಅಂಗಮಾ ವರಿ ಜೌ಼ಸ ಕೈನ ಕೈಲಿವಸ. 
\v 25 ತೆ ಮನಕ್ಹಕನ ಫರಿನ ಆತಾಮಾ ತೆ ಘರ (ಮನಕ್ಹ) ವಾಗಾತಿ ಥಯಲ ದೆಕಿನ. 
\v 26 ತೆ ಕೆಟ್ಟ ಆತ್ಮಾ ಗೈನ ತಿತ್ತಿಬಿ ಕೆಟ್ಟ ರ‍್ಹಯಲ ಬಿಜಿ಼ಯೊ ಕ್ಹಾತ ಕೆಟ್ಟ ಆತ್ಮಾವೊನೆ ಬಲೈಲಿನ ಆವಸ. ತೆ ಕೆಟ್ಟ ಆತ್ಮಾ ತೆ ಮನಕ್ಹನಾ ಅಂಗಮಾ ಹೊಕ್ಕಕಿನ ತ್ಯಾಜ಼ ರ‍್ಹವಸ. ತೆಳಾಮಾ ತೆ ಮನಕ್ಹನೆ ಪೈಲಾತಿಬಿ ಹೆಚ್ಕಿ ತ್ರಾಸ ಥಾವಸ ಕದ್ಯೊ.
\s ಕ್ಹರಿನಿ ಖುಶಿ
\p
\v 27 ಯೆಸು ಎ ವಾತೊ ಕತೊ ರ‍್ಹತಾಮಾ ಯಕ್ಕ ಬಾಕ್ಡಿ ಯೆಸುನೆ ತುನೆ ಜ಼ನ್ನಿನ ರಾಕಲವಾಲಿ ಧನೈ ವ್ಹೈ. ಕೈನ ಕದಿ.
\p
\v 28 ಯೆಸು ತಿನೆ, ಕ್ಹುದಾನಿಯೊ ವಾತೊ ಐಕಿನ ತಿನೆ ಕರೆಟ್ಟ ಚಾ಼ಲಾಲಾ ಧನೈ ವ್ಹೈ ಕದ್ಯೊ.
\s ಹಮೊನೆ ಸಾಕ್ಷಿ ದೆ!
\r (ಮತ್ತಾಯ 12:38-42; ಮಾರ್ಕ 8:12)
\p
\v 29 ಮನಕ್ಹೊ ಗುಂಪ ಥೈನ ಆತಾಮಾ ಯೆಸು ತ್ಯುನೊನೆ ಸು ಕವಾನು ಚಾಲು ಕರ‍್ಯೊ ಕದ್ಯಾಮ ಎ ಕೆಟ್ಟ ಸಂತತಿಜ಼ ವ್ಹೈ. ಸುಚಕ ಕಾರಯೊ ದೆಕುಸ ಕವಾಡ್ಯೊಸ. ತೆನೈಸೊ ಯೊನನಿ ಜಿವಿತ್ಮಾ ದೆಕಾನೆ ಮಳಲ ಸುಚಕ ಕಾರ‍್ಯೊ ಬಿಜಾ಼ವೊನೆ ಕಿನೆಜ಼಼ ದೆಕಾನೆ ಮಳತು ನೈ, 
\v 30 ನಿನೆವಿಮಾ ರ‍್ಹಯಲ ಮನಕ್ಹೊನೆ ಯೊನ ಯಕ್ಕ ಸುಚನೆ ರ‍್ಹಯಲ ಲಿಂಗತ ಹೊತೊ. ತಿನಾ ಲಿಂಗತಜ಼ ಎ ಕಾಲ್ನಾ ಮನಕ್ಹೊನೆ ಮನಕ್ಹನೊ ದಿಕ್ರೊ ವಳಕ ಥಯೊಸ. 
\v 31 ನ್ಯಾಯ ತಿರಪನಾ ದಿನಮಾ ದಕ್ಕಷಿಣ ದೆಶನಿ ರಾಣಿ ಎ ಖಾಂದಾನ್ನಾ ಕ್ಹಾತೆ ಉಟಿನ ಹುಬ್ರೈನ ಇವ್ನೆ ಅಪರಾದಿ ವ್ಹೈ ಕೈನ ಕವಸ. ಕಾಕದ್ಯಾಮ ಘನ್ನಿ ದುರತಿ ಐನ ಸೊಲೊಮೊನನಿಯೊ ಗ್ಯಾನಿಯೊ ವಾತೊ ಐಕಿನ ವರಿ ತಿಳದಿಲಿವಾನೆ ಐ. ವರಿಬಿ ಮಿ ತುಮೊನೆ ಸು ಕೌಸ ಕದ್ಯೊ ಕದ್ಯಾಮ ಮಿ ಸೊಲೊಮೊನತಿ ಬಿ ಘನ್ನಿ ಗ್ಯಾನವಾಲೊ (ಯೆಸು) ವ್ಹೈ. 
\v 32 ನ್ಯಾಯ ತಿರಪನಾ ದಿನಮಾ ನಿನೆವೆ ಗಾಮವಾಲಾ ಎ ಸಂತ್ತತಿವಾಲಾವೊನ ಕ್ಹಾತೆ ತ್ಯುನೊನೆ ಅಪರಾದಿ ವ್ಹೈ ಕೈನ ಕವಾಲೊ ಯೊನ ಕದಲ ಕ್ಹುದಾನಿಯೊ ವಾತೊ ಐಕಿನ ತೆ ಗಾಮನಾ ಮನಕ್ಹೊ ತ್ಯುನಾ ಪಾಪನೆ ಪಶ್ಚಾತಾಪ ಪಡಿನ. ಕ್ಹುದಾ ಬಗಲ ಫರಯಾ. ತೆನೈಸೊ ಮಿ ಪ್ರವಾದಿ ಥಯಲ ಯೊನ ತಿಬಿ (ಯೆಸು) ಮ್ಹೊಟೊ ವ್ಹೈ.
\s ಜಗತ್ನೆ ಉಜಾಲು ಥೈನ ರ‍್ಹವೊ
\r (ಮತ್ತಾಯ 5:15; 6:22-23)
\p
\v 33 ಕುನ್ನಬಿ ದಿವ್ವೊ ಲಗಾಡಿ ಸಾಮನ್ಮಾ ನೈತೊ ಬಿಜಿ ಜ಼ಗಾಮಾ ಝಾಕಿನ ಮ್ಹೆಲ್ತಾ ನೈ ಮ್ಹೈ ಆವಾಲಾವೊನೆ ಉಜಾಲು ಪಡಾ ಹುತಿ ದಿವ್ವೊ ಲೈನ ಗೊಡಿಪರ ಮ್ಹೆಲಸ. 
\v 34 ತಾರಾ ಡೊಳಾ ತಾರಾ ಅಂಗನೆ ಉಜಾಲು ಥಯಾಸ. ತಾರಾ ಡೊಳಾ ಸಿದಾರ‍್ಹತಾಮಾ ತಿನಾ ಲಿಂಗತ ತಾರು ಅಂಗ ಉಜಾಲಾ ಲಿಂಗತ ರ‍್ಹವಸ. ತೆ ಕೆಟ್ಟ ರ‍್ಹಯೊಮ ತಿನಾಲಿಂಗತ ಅಂಗಬಿ ಅಂದಾರಾ ಲಿಂಗತ ರ‍್ಹವಸ. ತಿನಾ ಹುತಿ ತಾರಾಮಾ ರ‍್ಹಯಲ ಉಜಾಲು ಅಂದಾರು ಥೈಯುಸು ದೆಕ. 
\v 35 ತಾರು ಅಂಗ ಪುರಾ ಉಜಾಲು ರ‍್ಹಯುಮ ಯಕ್ಕ ಬಗಲಬಿ ಅಂದಾರು ರ‍್ಹಯುಮ ದಿವ್ವಾನು ಉಜಾಲು ಪಡಿನ ತುನೆ ಉಜಾಲು ದಿವಾನಾ ಕಾಲಮಾ ಕಿಮ ತಿಮ್ಮಜ಼ ತೆ ಪುರಾ ಉಜಾಲು ಥೈನ ರ‍್ಹವಸ ಕದ್ಯೊ. 
\v 36 ತಾರು ಪುರಾ ಅಂಗ ಉಜಾಲು ರ‍್ಹೈಮ ತಾರಾ ಅಂಗನಾ ಕಯಾಜ಼ ಭಾಗನೆ ಅಂದಾರು ರ‍್ಹತು ನೈ. ಇನಾಹುತಿ ಕ್ಹಾರು ಉಜಾಲು ಥೈನಜ಼ ರ‍್ಹವಸ ಕಿನಾ ಲಿಂಗತ ಕದ್ಯಾಮ ದಿವ್ವೊ ಉಜಾಲು ದಿನ್ನ ಕ್ಹಾರಿ ಬಗಲ ಉಜಾಲು ಥೈನ ರ‍್ಹವಸ.
\s ಯೆಸು ಫರಿಸಾಯರೊನೆ ತಾಕಿತ ಕರಲ
\r (ಮತ್ತಾಯ 23:1-36; ಮಾರ್ಕ 12:38-40; ಲುಕ 20:45-47)
\p
\v 37 ತೆ ಬೊಲ್ತೊ ರ‍್ಹತಾಮಾ ಯಕ್ಲೊ ಫರಿಸಾಯರವಾಲೊ ಯೆಸುನೆ ಖಾವಾನೆ ಆ ಕೈನ ಮಾಂಗಿಲೆತಾಮಾ ತೆ ಮ್ಹೈ ಗೈನ ಖಾವಾನಾ ಹುತಿ ಬೈಟ್ಯೊ. 
\v 38 ಯೆಸು ತಿನಾ ಹತೊ ಧ್ವಲಿದ್ಯಾವಾಚಿ ಖಾವಾನೆ ಬೈಟಲ ದೆಕಿನ ತೆ ಫರಿಸಾಯರ ವಾಲೊ ಘಾಬ್ರೊಥಯೊ. 
\v 39 ಯೆಸು ಫರಿಸಾಯರನೆ ತುಮೆ ತಾಂಬಿಯಾ ವರಿ ವಾಟ್ಕಾ ಭಾರಾತು ಯಕ್ಕಜ಼ ಧವೊಸಿ. ತೆನೈಸೊ ತುಮಾರು ಮ್ಹೈನು ಮೊಸಕ್ಹು ಕೆಟ್ಟ ಕ್ಹು ಭರಿ ಗಯುಸ. 
\v 40 ತುಮೆ ಗ್ಯಾನ ನೈಸೊ ವಾಲಾ ವ್ಹೈ! ಮನಕ್ಹನೆ ಭಾರಾತೊಬಿ ಮ್ಹೈತೊಬಿ ಕರಲವಾಲೊ ಕ್ಹುದಾಜ಼ ವ್ಹೈ. 
\v 41 ತಿನಾ ಹುತಿ ಸಾಮನ್ಮಾ ರ‍್ಹಯಲ ಖಾವಾನು ಅನ್ನ ಗರಿಬೊನೆ ದಿವೊ ತೆಳಾಮಾ ತುಮೆ ಪುರಾ ಶುದ್ಧ ಥಾವೊಸಿ. 
\v 42 ಫರಿಸಾಯರೊ, ತುಮಾರಿ ಗತಿ ಮಿ ಸು ಕೌ! ತುಮೆ ಕ್ಹುದಾನೆ ತುಮೊಕನ ರ‍್ಹಯಲ ಹರಿ ಯಕಮಾ ಲಾಸ್ಟುನೊ ವಾಟೊ ದಿವೊಸಿ. ತುಮಾರಾ ಖೆತರಮಾ ಬೆಳ್ದಾನು ಮರುಗ, ಸದಾಪು ಹಜು಼ನ ಘನ್ನಿಯೊ ತರಕಾರಿಯೊ ಮಾ ಲಾಸ್ಟನೊ ವಾಟೊ ದಿವೊಸಿ. ವರಿ ಬಿಜಾ಼ವೊನೆ ನ್ಯಾಯ ತಿರಸಾನು ಕ್ಹುದಾನೆ ಮಯಾಕರಾನು ಇಕ್ಹರಿಪಾಡ್ಯಾಸ. ತುಮೆ ಪೈಲಾ ಕ್ಹುದಾನೆ ದಿವಾನು ಪೈಲಾ ದಿವೊ ವರಿ ಕ್ಹಾರಾವೊನೆ ಮಯಾಕರಾನು ಪೈಲಾ ಕರೊ. 
\v 43 ಫರಿಸಾಯರೊ ತುಮಾರಿ ಗತಿ ಮಿ ಸು ಕೌ,ಸಭಾಮಂದಿರಮಾ ಖಾಸ ಜ಼ಗಾವೊಪರ ವಾನಿಯಾನಿ ವರಿ ವಾಟ್ಪರ ಮನಕ್ಹೊ ತುಮೊನೆ ಪಗೆ ಪಡಾನು ತುಮೊನೆ ಘನ್ನು ಚೊ಼ಕು ವ್ಹೈ. 
\v 44 ತುಮೆ ಬುಜ್ಜೈ಼ಗಯಲ ಮಜಾ಼ರೊ ಲಿಂಗತ ವ್ಹೈ. ಮನಕ್ಹೊ ತುಮೆ ಮಜಾ಼ರೊ ನ್ಹವೈ ಕೈನ ತಿಳ್ದಿನ ತುಮೊಪರ ಚಾ಼ಲಸ.
\s ಶಾಸ್ತ್ರಿಯೊನೆ ಯೆಸು ಕದಲ
\p
\v 45 ಎ ಕ್ಹಾರು ಕದಲ ಐಕಿನ ಧರಮ ಉಪದೆಶ ಕವಾಲೊ ಯಕ್ಲೊ ಯೆಸುನೆ ಭೊದಕ ತು ಎವಾತೊ ಕವಾಕ್ಹು ಹಮಾರಾ ಮನಕ್ಹೊನೆ ಬೆಜ್ಜಾರ ಕರಲ ಲಿಂಗತ ಥಯುಸ ಕತಾಮಾ ಯೆಸು.
\p
\v 46 ಧರಮ ಉಪದೆಶ ಕರಾಲಾವೊ, ತುಮಾರಿ ಗತಿ ಮಿ ಸು ಕೌ? ತುಮೆ ಮನಕ್ಹೊ ನೈ ಪಾಲ್ಸಾನಾ ನಿಯಮೊ ತ್ಯುನೊನೆ ಪಾಲ್ಸಾನಾ ಕವೊಸಿತೊ ವರಿ ಎ ನಿಯಮೊ ಪಾಲ್ಸುಜ಼ ಕೈನ ಮನಕ್ಹೊನೆ ವತ್ತಾಯ ಕರೊಶಿತೊ. ಮತ್ರಾ ತುಮೆ ತೆ ನಿಯಮೊ ಪಾಲಸ್ತಾ ನೈ ತೊ. 
\v 47 ತುಮಾರಿ ಗತಿ ಸು ಕೌ! ತುಮೆ ಪ್ರವಾದಿಯೊನೆ ಮಜಾರೊ ಭಾಂದೊಶಿ. ತೆನೈಸೊ ಪ್ರವಾದಿನೆ ಮಾರೆಲ ವಾಲಾ ತುಮಾರಾ ಬಾಪೊಜ಼ ವ್ಹೈ! 
\v 48 ಅನಾ ಹುತಿ ತುಮಾರಾ ಬಾಪೊ ಕರಲ ಕಾಮೊ ತುಮೆ ವಪ್ಪಿಲಿದ್ಯಾಸ ಮನಕ್ಹೊನೆ ದೆಕಾಡೊಸಿ. ತ್ಯುನೆ ಪ್ರವಾದಿಯೊನೆ ಖಲಾಸ ಕರಿಪಾಡ್ಯಾ. ತುಮೆ ತೆಜ಼ ಪ್ರವಾದಿಯೊನಿಯೊ ಮಜಾ಼ರೊ ಭಾಂದೊಸಿ! 
\v 49 ತಿನಾ ಹುತಿ ಕ್ಹುದಾನು ಗ್ಯಾನ ಸು ಕವಸ ಕದ್ಯಾಮ,ಮಿ ಮಾರಾ ಪ್ರವಾದಿಯೊನೆ ವರಿ ಅಪೊಸ್ತಲೊನೆ ಮೊಕ್ಕಲುಸ. ಮಾರಾ ದಕ್ಹಾ ಪ್ರವಾದಿಯೊನೆ ವರಿ ಅಪೊಸ್ತಲೊನೆ ಕೆಟ್ಟ ಮನಕ್ಹೊನಾ ಹತ್ಮಾ ಮರಿ ಜಾ಼ವಸ ವರಿ ದಕ್ಹಾಜ಼಼ನಾ ಕಷ್ಟಮಾ ಪಡಸ. 
\v 50 ತಿನಾಹುತಿ ದುನಿಯಾ ಶುರುತಿಬಿ ಮರಲ ಕ್ಹಾರಾ ಪ್ರವಾದಿಯೊನೆ ಕಾರಣ ಥಯಲ ಎ ಕಾಲನಾ ಮನಕ್ಹೊ ತುಮೆ ಶಿಕ್ಷಾನೆ ಗುರಿ ಥಾವೊಸಿ. 
\v 51 ಹೆಬಲನೆ ಮಾರಲ ಹುತಿ ಜಕರಿಯಾನೆ ಮಾರಲಹುತಿ ತುಮೊನೆ ಶಿಕ್ಷಾ ಮಳಸ. ಜಕರಿಯಾನೆ, ಬಲಿದಿವಾನಿ ಜ಼ಗಾ ವರಿ ದೆವಾಲಯನಾ ವಚ್ಮಾ಼ ಖಲಾಸ ಕರಾಯಾ. ಹೊ ಇವ್ನೊನೆ ಮಾರಲ ಹುತಿ ತುಮೊನೆ ಶಿಕ್ಷಾ ಮಳಸ. 
\v 52 ಧರಮ ಉಪದೆಶ ಕರಾಲಾ ತುಮಾರಿ ಗತಿ ಮಿ ಸು ಕೌ! ಕ್ಹುದಾನಾ ಹುತಿ ತುಮೊನೆ ಗ್ವತ್ತ ಛೆ ವರಿಬಿ ತುಮೆ ತುಮಾರು ತುಮೆಜ಼ ಕರೊಶಿ. ಮನಕ್ಹೊಕನ ಕ್ಹುದಾನಾ ಹುತಿ ಕತಾಬಿ ನೈ ಶಿಕ್ಕಲಾತಾಬಿ ನೈ "ಕೈನ ಯೆಸು ಕದ್ಯೊ.
\p
\v 53 ಯೆಸು ತ್ಯಾಂತೊ ಜಾ಼ತಾಮಾ ಧರಮ ಕರೊ ಕವಾಲಾ ವರಿ ಫರಿಸಾಯರೊ ಯೆಸುನೆ ವರಿ ದಕ್ಹಾ ತ್ರಾಸ ಕರಾನು ಚಾಲು ಕರ‍್ಯಾ. ತ್ಯುನೆ ಯೆಸುನೆ ಘನಿಯೊ ವಾತೊಮಾ ಪ್ರಶ್ನೆ ಪುಚಾ಼ನು ಚಾಲು ಕರ‍್ಯಾ.
\p
\v 54 ಯೆಸುನೆ ವಾತೊಮಾ ಧರಿಯೆ ಕೈನ ವಿಚಾರ ಕರಲೆತಾ, ಯೆಸು ಸುಬಿ ತಪ್ಪ ಕಸ ಕೈನ ಬಿಜು಼-ಬಿಜು಼ ಕವಾಡಾತಾ.
\c 12
\s ಫರಿಸಾಯರೊ ಲಿಂಗತ ಥಾವೊ ನಕೊ
\p
\v 1 ತೆಕ್ಲಾಮಾಜ಼಼ ಹಜಾ಼ರೊಸಿ ಮನಕ್ಹೊ ಯಕ್ಲಾನಾ ಯಕ್ಲೊ ಖುಂದಾ ಯಕ್ಲಾ ಕುಡಿನ ಆಯಲ ಹುತಿ ತೆ ಪೈಲಾ ತಿನಾ ಶಿಷ್ಯಾವೊನೆ ಸು ಕದ್ಯೊ ಕದ್ಯಾಮ, ಫರಿಸಾಯರೊನಾ ಖಾಟಾ ಲೊಟ್ನಿ ವಿಷಯಮಾ ಕದ್ಯಾಮ ತಿವ್ನಿ ಕಪಟತನಾ ಹುತಿ ಹುಶಾರಕ್ಹು ರ‍್ಹವೊ. 
\v 2 ಝಕಾಯಲ ಕಯುಜ಼ ಗ್ವತ್ತ ಥಾವಸ, ದಡೈನ ಮ್ಹೆಲಲ ಕ್ಹಾರಾವೊನಾ ಕ್ಹಾಮು ಆವಸ. 
\v 3 ಇಮ್ಮ ರ‍್ಹಯಲ ಹುತಿ ತುಮೆ ಅಂದಾರಾಮಾ ಕದಲ ಉಜಾಲಾಮಾ ಐಕು ಆವಸ. ವರಿ ತುಮೆ ಖೊಲಿಮಾ ರ‍್ಹೈನ ಕಾನ್ಮಾ ಕದಲ ವಾತೊ ಮ್ಹಾಡಿನಾ ಘರಮಾ ಕವಸ.
\s ಕ್ಹುದಾಕ್ಹು ಯಕ್ಕಜ಼ ಭುಚ಼ಕೊ
\r (ಮತ್ತಾಯ 10:28-31)
\p
\v 4 "ಮಾರಾ ದೊಸ್ತೊ ಮಿ ತುಮೊನೆ ಸು ಕೌಸ ಕದ್ಯಾಮ, ತುಮಾರಾ ಅಂಗನೆ ಖಲಾಸ ಕರಾಲಾನೆ ಭುಚ಼ಕೊ ನಕೊ ತ್ಯುನೆ ವರಿ ಬಿಜು಼ ಸುಜ಼ ಕರತಾ ನೈ. 
\v 5 ತುಮೆ ಕಿನೆ ಭುಜ್ಕು಼ ಕದ್ಯಾಮ, ತುಮೊನೆ ಖಲಾಸ ಕರಿನ ನರಕಮಾ ಘಾಲಾನೆ ಅದಿಕಾರ ರ‍್ಹಯಲ ವಾಲೊ ಕ್ಹುದಾನೆ ಯಕ್ಕಜ಼ ಭುಚ಼ಕು.
\p
\v 6 "ಪಾಂಚ಼ ಚಿಮ್ಣಿಯೊನಿ ಕಿಮ್ಮತ ಬೆ ಬಿಲ್ಲಾ? ರ‍್ಹಯುತಬಿ ಕ್ಹುದಾ ತ್ಯುನೊಮಾ ಯಕ್ಕನೆಬಿ ಇಕ್ಹರತೊ ನೈ. 
\v 7 ತಿನಾಲಿಂಗತಜ಼ ತಮಾರಾ ಮಾತಾಮಾ ಕೆಕ್ಕಲಾ ಬಾಲೊ ಛೆ ಕ್ಹುದಾನೆ ಗ್ವತ್ತ ಛೆ. ತಿನಾಹುತಿ ತುಮೆ ಭುಚಕೊ಼ ನಕೊ. ತುಮೆ ಘನಿಯೊ ಚಿಮ್ಣಿಯೊತಿಬಿ ಘನ್ನಾ ಕಿಮ್ಮತ್ನಾ ವ್ಹೈ.
\s ಯೆಸುನಾ ಹುತಿ ಸರ್ಮವೊ ನಕೊ
\r (ಮತ್ತಾಯ 10:32-33; 12:32; 10:19-20)
\p
\v 8 "ಮಿ ತುಮೊನೆ ಸು ಕೌಸ ಕದ್ಯಾಮ, ಕಯೊಬಿ ಬಿಜಾ಼ ಮನಕ್ಹೊನಾ ಕ್ಹಾಮೊ ತೆ ಮನಕ್ಹ ಮಾರೊ ವ್ಹೈ ಕದ್ಯಾಮ ಮನಕ್ಹನೊ ದಿಕ್ರೊ ಬಿ ತೆ ಮನಕ್ಹನೆ ದೆವದುತೊನಾ ಕ್ಹಾಮೊ ತಿನೆ ಮಾರೊ ವ್ಹೈ ಕೌಸ. 
\v 9 ವರಿ ಕಯೊಬಿ ಬಿಜಾ಼ ಮನಕ್ಹೊನಾ ಕ್ಹಾಮೊ ತೆ ಮನಕ್ಹ ಮಾರೊ ನ್ಹವೈ ಕದ್ಯಾಮ, ಮನಕ್ಹನೊ ದಿಕ್ರೊ ತಿನೆ ದೆವದುತೊನಾ ಕ್ಹಾಮೊ, ತೆ ಮನಕ್ಹನೆ ಮಾರೊ ನ್ಹವೈ ಕೌಸ. 
\v 10 "ಕುನ್ನಬಿ ಮನಕ್ಹನಾ ದಿಕ್ರಾನಾ ವಿರುದ್ದ ಬೊಲಲ ರ‍್ಹಯೊಮ ತಿನೆ ಮಾಫ ಮಳ್ಸ. ವರಿ ಪವಿತ್ರ ಆತ್ಮಾನೆ ದೊಶ ದಿವಾಲಾನೆ ಮಾಫ ಮಳ್ತಿಜ಼ ನೈ. 
\v 11 ಮನಕ್ಹೊ ತುಮೊನೆ ಸಬಾಮಂದಿರಮಾ ಅದಿಕಾರಿಯೊನಾ ಕ್ಹಾಮಾ ನ್ಯಾಯಾದಿಪತಿಯೊನಾ ಕ್ಹಾಮಾ ಮಂತ್ರಿಯೊನಾ ಕ್ಹಾಮಾ ತುಮೊನೆ ಯಳ್ದಿನ ನಿಂಜಾ಼ತಾಮಾ ತ್ಯುನಾ ಕ್ಹಾಮೊ ಸು ಬೊಲುಕೈನ ತುಮೆ ಚಿಂತಾನಕೊ ಕರೊ. 
\v 12 ತೆ ಟೈಮಾ ತುಮೆ ಬೊಲಾನು ಪವಿತ್ರ ಆತ್ಮಾ ತುಮೆ ಸು ಕೌ ಕೈನ ತಿಳ್ಸಾವಸ"
\s ಸ್ವಾರತನಾ ಹುತಿ ಯೆಸು ಕದಲ
\p
\v 13 ನಜಿಕ್ಮಾ ರ‍್ಹಯಲವಾಲೊ ಯಕ್ಲೊ ಯೆಸುನೆ, ಭೊದಕ ಹಮಾರೊ ಬಾ ಛೊಡಿನ ಗಯಲ ಮಾರಿ ಬಾನಿ ಆಸ್ತಿಮಾ ಮನೆ ವಾಟೊ ದೆ ಕೈನ ಮಾರಾ ಮ್ಹೊಟಾ ಭೈನೆ ಕೆ ಕದ್ಯೊ.
\p
\v 14 ತೆನೈಸೊ ಯೆಸು "ಮಿ ತುಮಾರಿ ನ್ಯಾಯ ಕರಾನೆ ವರಿ ತುಮಾರಾ ಬಾನಿ ಆಸ್ತಿಮಾ ತುಮೊನೆ ಭಂಬಿಜ಼ನಾವೊನೆ ವಾಟಿನೆ ದಿವಾನೆ ಮನೆ ಕುನ್ನ ಕದ್ಯುಸ? 
\v 15 ತೆ ಥಯಲಪರ ಯೆಸು ತ್ಯಾ ರ‍್ಹಯಲ ಮನಕ್ಹೊನೆ "ಹುಶಾರ, ಕೈಬಿ ಆಸನೆ ಸ್ವಾರಥಮಾ ಪಡೆನೈಸೊ ಜಾ಼ಗಾ ರ‍್ಹವೊ. ಕಾಕದ್ಯಾಮ ಯಕ್ಲಾನೆ ಕೆಕ್ಕಲಿಬಿ ಆಸ್ತಿ ರ‍್ಹೈತಬಿ ತೆ ಆಸ್ತಿಕ್ಹು ತೆ ಮನಕ್ಹನೊ ಜ಼ಲಮ ನೈ ವಚಾ಼ಡಿಲೆತೊ "ಕದ್ಯೊ.
\p
\v 16 ಪಾಚಲ್ತೊ ಯೆಸು ಮನಕ್ಹೊನೆ ಯಕ್ಕ ಸಾಮ್ಯ (ಸಾಮ್ಯ ಕದ್ಯಾಮ ತಿನೆ ಮಳೈನ ಕವಾನು) ಕದ್ಯೊ" ಯಕ್ಲೊ ಘನ್ನೊ ಸೌಕಾರ ವ್ಹತ್ತೊ ವರಿ ತಿನೆ ಘನ್ನಿ ಜ಼ಗಾ ವ್ಹತ್ತಿ ವರಿ ಯಕ್ಕಸಲಾ ತಿನಿ ಜಿಮಿನ್ಪರ ಘನ್ನು ಅನಾಜ಼ ಉಟ್ಯುತು. 
\v 17 ತೆಳಾಮಾ ತೆ ಸೌಕಾರ ರ‍್ಹಯಲವಾಲೊ ಮಿ ಹಮ್ನಾ ಸು ಕರು? ಮಾರು ಅನಾಜ಼ ಭರಿನ ಮುಕ್ಕಕಾನೆ ಜ಼ಗಾ ನತ್ತಿ! ತಿನಾಕ್ಹು ತೆ ಕೈಲಿದ್ಯೊ. 
\v 18 ಪಾಚಲ್ತೊ ತೆ ಸೌಕಾರ, ಮಿ ಸು ಕರು ಕವಾನು ಮನೆ ಗ್ವತ್ತ ಛೆ. ಮಾರು ಅನಾಜ಼ ಮ್ಹೆಲಾನು ಘರ ಪಾಡಿನ, ಅನಾಜ಼ ಮ್ಹೆಲಾನಾ ಹುತಿ ಮಿ ಮ್ಹೊಟು ಘರ ಭಾಂದುಸ. ವರಿ ಅನಾಜ಼ ಕ್ಹಾರು ಜ಼ಮಾ ಕರಿನ ಭರಿನ ಮ್ಹೆಲಾವುಸ್, 
\v 19 ಪಾಚಲ್ತೊ ಮಿ ಮಾರಾ ಹುತಿ ಘನ್ನಾ ವರಕ್ಹ ಚಾ಼ಯೆಥಯಲ ಅನಾಜ಼ ಕುಡ್ಸಿನ ಮ್ಹೆಲ್ಯೊಸ, ಖಾ. ಪಿ. ಖುಶಿ ಕರ! ಕೈಲ್ಯುಸ, ವಿಚಾರ ಕರಲಿದ್ಯೊ. 
\v 20 ತೆನೈಸೊ ಕ್ಹುದಾ ತಿನೆ, ತು ಗ್ಯಾನ ನೈಸೊವಾಲಾ! ಆಜ಼ ರಾತೆಜ಼ ತು ಮರಸಿ! ಹಮ್ನಾ ಕೆ ತು ಕುಡ್ಸಿನ ಮ್ಹೆಲಲ ಅನಾಜ಼ ತೆ ಸು ಥಾಸ? ತೆ ಕ್ಹಾರು ಅನಾಜ಼ ಕಿನಾ ಪಾಲ ಥಾಸ? ಕೈನ ಪುಚ್ಯೊ.
\p
\v 21 "ತಿನಾಹುತಿ ಕುಡ್ಸಿನ ಮ್ಹೆಲಲ ಆಸ್ತಿ ಲಾಸ್ಟೆ ತಿನಿ ಗತಿ ಅಮ್ಮಜ಼ ಥಾವಸ. ಎ ಮನಕ್ಹ ಕ್ಹುದಾನಿ ನಜ಼ರಮಾ ಸೌಕರ ನ್ಹವೈ.
\s ಕ್ಹುದಾನಿ ರಾಜ್ಯನೆ ಪೈಲಾ ಸ್ಥಾನ
\r (ಮತ್ತಾಯ 6:25-34)
\p
\v 22 ಯೆಸು ತಿನಾ ಶಿಷ್ಯಾವೊನೆ ಅಮ್ಮ ಕದ್ಯೊ" ಎ ಕಾರಣ ಕ್ಹು ಮಿ ತುಮೊನೆ ಸು ಕೌಸ ಕದ್ಯಾಮ, ತಿನಾ ಜ಼ಲಮನಾ ಹುತಿ ಖಾವಾನು ಅನ್ನ ವರಿ ಘಾಲ್ಲಿವಾನಾ ಹುತಿ ವಣ್ಣಾವೊನಾ ಹುತಿ ಚಿಂತಾ ಕರೊ ನಕೊ. 
\v 23 ಖಾವಾನಾ ಅನ್ನತಿಬಿ ಜ಼ಲಮ ಹೆಚ್ಚಿನ ವ್ಹೈ ವಣ್ಣಾವೊತಿಬಿ ಅಂಗ ಜ಼ರುರತ ವ್ಹೈ.
\p
\v 24 ಪಕ್ಕಷಿಯೊನೆ ದೆಕೊ. ತೆ ಬಿತ್ತತಿಯೊ ನೈ, ಕಾಟ್ತಿಯೊ ನೈ ತೆ ಪಕ್ಕಷಿಯೊ ಅನಾಜ಼ ತ್ಯುನಾ ಗುಡ್ಮಾ ಕುಡ್ಸಿನ ಮ್ಹೆಲ್ತಿಯೊ ನೈ. ಕ್ಹುದಾ ತ್ಯುನೊನೆ ಜ಼ತ್ತನ ಕರಸ್ತೊ. ತುಮೆ ಪಕ್ಕಷಿಯೊತಿಬಿ ಕ್ಹುದಾನಿ ನಜ಼ರಮಾ ಘನ್ನಾ ಚೊ಼ಕಾ ವ್ಹೈ. 
\v 25 ತುಮೆ ಅನ್ನನಾ ಹುತಿ ವಣ್ಣಾವೊನಾ ಹುತಿ ಕೆಕ್ಕಲಾ ಚಿಂತಾ ಕರ‍್ಯಾತಬಿ ತುಮೆ ನಕ್ಕರಬಿ ಬೆಳತ್ತಿ ನೈ? 
\v 26 ನ್ಹಾನಾ ಕಾಮೊ ತುಮೊನೆ ನೈ ಕರಾನೆ ಥಯುತಬಿ ಮ್ಹೊಟಾ ಕಾಮೊ ಕರಾನು ಕಾ ಚಿಂತಾ ಕರೊಶಿ?
\p
\v 27 ರಾನ್ಮಾ ರ‍್ಹಯಲ ಬೆಳ್ದಾನಾ ಫುಲ್ಲೊನೆ ದೆಕೊ. ತೆ ಫುಲ್ಲೊ ರಾಬ್ತಾ ನೈ. ತ್ಯುನಾ ವಣ್ಣಾ ಶಿಲೆತಾ ನೈ. ತಿಮ್ಮ ರ‍್ಹಯೊತಬಿ ಸೊಲೊಮೊನ ರಾಜಾ಼ನಿ ಅದಿಕಾರ ರ‍್ಹತಾಮಾ ತ್ಯುನಾಮಾ ಯಕ್ಕ ಫುಲ ಲಿಂಗತಬಿ ಚೊ಼ಕಾ ವಣ್ಣಾ ಘಾಲ್ಲಿದ್ಯೊನೈ. 
\v 28 ಎ ಬರೊಕ್ಹೊ ನೈಸೊವಾಲಾವೊ ಹಮ್ನಾ ರ‍್ಹೈನ ವ್ಹಂತ್ತಾ ಬಳಿ ಜಾ಼ವಾಲಾ ರಾನ್ಮಾನಾ ಚಾ಼ರೊನೆ ದೆಕೊ. ಕ್ಹುದಾ ತ್ಯುನೊನೆ ಕೆಕ್ಲೊ ಚೊ಼ಕೊ ಕರ‍್ಯೊಸ. ತೆ ಚಾ಼ರಾತಿಬಿ ಕ್ಹುದಾ ತುಮೊಪರ ಮಯಾ ಛೆ. ತುಮೊನೆ ಕೆಕ್ಲೊ ದೆಸ.
\p
\v 29 "ತುಮೆ ಸು ಖೌ? ಸು ಪ್ಯು? ಕೈನ ಕೆಳಾಮಾಬಿ ತುಮೆ ವಿಚಾರ ಕರೊ ನಕೊ. ವರಿ ಚಿಂತಾ ಕರೊ ನಕೊ. 
\v 30 ಎ ಕ್ಹಾರು ಮಳಾದೆ ಕೈನ ಎ ಭುಲೊಕ್ನಾ ಮನಕ್ಹೊ ಪ್ರಯತ್ನ ಕರಸ. ಎಕ್ಹಾರು ತುಮೊನೆ ಚಾ಼ಯೆ ಕವಾನು ಸ್ವರ್ಗಮಾ ರ‍್ಹಯಲ ತುಮಾರಾ ಬಾನೆ (ಕ್ಹುದಾನೆ) ಗ್ವತ್ತ ಛೆ. 
\v 31 ತೆನೈಸೊ ತುಮೆ ಪೈಲಾ ಕ್ಹುದಾನಾ ರಾಜ್ಯನಾ ಹುತಿ ಟೈಮ ದಿವೊ. ಪಾಚಾ಼ತು ತುಮೊನೆ ಚಾ಼ಯೆಥಯಲ ಕ್ಹಾರುಜ಼ ದಿವಸ.
\s ದೊಕಡಾವೊಪರ ಬರೊಕ್ಹೊ ನಕೊ ಕರೊ
\p
\v 32 "ನ್ಹಾನು ಮನಕ್ಹೊನು ಗುಂಪ ಭುಚ಼ಕೊ ನಕೊ, ತುಮೊನೆ ತೆ ರಾಜ್ಯ ದಿವಾನೆ ತುಮಾರಾ ಬಾನೆ ಆಸ ಛೆ. 
\v 33 ತುಮೊಕನ ರ‍್ಹಯಲ ಆಸ್ತಿ ಇಕ್ಕಿನ,ಇಕ್ಕಿನ ಆಯಲ ದೊಕ್ಡಾ ತ್ರಾಸ್ಮಾ ರ‍್ಹಯಲ ಮನಕ್ಹೊನೆ ದಿವೊ. ಎ ಲೊಕಮಾ ಸೌಕಾರತನಾ ಹಮೆಶಾ ರ‍್ಹತಿ ನೈ. ತಿನಾಹುತಿ ಹಮೆಶಾ ರ‍್ಹವಾನುಜ಼ ಗಳ್ಸಿನ ಮ್ಹೆಲೊ. ಹಾಳ ನೈ ಥಾವಾನು ಆಸ್ತಿ ಸ್ವರ್ಗಮಾ ಗಳ್ಸೊ. ತೆ ಆಸ್ತಿನೆ ಚ್ವಟ್ಟಾ ಚೊ಼ರಿ ಕರತಾ ನೈ ವರಿ ತಿನೆ ನುಶಿಯೊ ಲಾಗ್ತಿಯೊ ನೈ. 
\v 34 ತಮಾರಿ ಆಸ್ತಿ ಕಿಜಾ಼ ರ‍್ಹವಸ ತ್ಯಾಜ಼ ತುಮಾರು ಮನಸ ರ‍್ಹವಸ.
\s ಕೆಳಾಮಾಬಿ ತಯಾರ ಥೈನ ರ‍್ಹವೊ
\r (ಮತ್ತಾಯ 24:42-44)
\p
\v 35 ತುಮೆ ವಣ್ಣಾ ಘಾಲ್ಲಿನ ತಯ್ಯಾರ ರ‍್ಹವೊ, ತುಮಾರೊ ದಿವ್ವೊ ಲಾಗಲ ರ‍್ಹವಾದೆ. 
\v 36 ತುಮೆ ತೊ ತಮಾರೊ ಮಾಲಕ ಐನ ಬಾಕಲ ವಜಾ಼ಡಲ ಬರೊಬ್ಬರ ಬಾಕಲ ಕಾಡಾಲಾ ಥಾವೊ ಹಿವಾನು ಅನ್ನ ಖೈನ ಕೆಳಾಮಾ ಆವಸ ಕವಾನು ಗೊತ್ತ ನತ್ತಿ. ತುಮೆ ಕೆಳಾಮಾಬಿ ತಯ್ಯಾರ ರ‍್ಹವೊ. 
\v 37 ಮಾಲಕ ಐನ ಕಯೊ-ಕಯೊ ಆಳ ಹುಶಾರ ಛೆ ಕೈನ ದೆಕಸ. ತೆಜ಼ ಆಳೊ ಧನೈ ವ್ಹೈ. ತೆಜ಼ ವಣ್ಣಾ ಘಾಲ್ಲಿನ ತೆಜ಼ ಆಳೊನೆ ಮಾಲಕ ತೆ ಆಳೊನೆ ಬಲೈನ ಬೈಟಾಡಿ ಅನ್ನ ಘಾಲಿನ ದಿವಸ ಕೈನ ಮಿ ತುಮೊನೆ ಕ್ಹರಿಜ಼ ಕೌಸ. 
\v 38 ವರಿ ತೆ ಆಳೊ ತ್ಯುನಾ ಮಾಲಕನಾ ಹುತಿ ರಾತ್ನಾ ಬೆ ವಾಸ್ತಾ ನೈತೊ ತನ ವಾಸ್ತಾ. ಕೈದಾನು ಮಾಲಕ ದೆಕಿನ ಹಜು಼ನ ಜಾ಼ಗಾ ಛೆ ಕೈನ ತಿಳ್ದಿನ ತೆ ಘನ್ನೊ ಖುಶಿ ಥಾವಸ. 
\v 39 ಎ ತುಮೊನೆ ಶೆ ರ‍್ಹವಾದೆ. ಚ್ವಟ್ಟೊ ಆವಾನು ಟೈಮ ಮಾಲಕನೆ ಗ್ವತ್ತ ರ‍್ಹಯುಮ, ತೆ ತಿನಾ ಘರಮಾ ಚೊ಼ರಿಕರಾನೆ ದಿವಸ್ಸು? ನೈ. 
\v 40 ತಿನಾಲಿಂಗತಜ಼ ತುಮೆ ತಯ್ಯಾರ ರ‍್ಹವೊ! ತುಮೊನೆ ಗ್ವತ್ತ ನೈರ‍್ಹಯಲ ಟೈಮಾಜ಼ ಮನಕ್ಹನೊ ದಿಕ್ರೊ ಆವಸ"
\s ಬರೊಕ್ಹೊ ರ‍್ಹಯಲವಾಲೊ ಆಳ ಕುನ್ನ ವ್ಹೈ?
\p
\v 41 ತೆಳಾಮಾ ಪೆತ್ರಾ ಯೆಸುನೆ ಗುರು ಎ ಸಾಮ್ಯ ತು ಕದಲ ಹಮಾರಾ ಹುತಿ ವ್ಹೈಸು, ಸು ಮನಕ್ಹೊನಾ ಹುತಿ ವ್ಹೈ? ಕೈನ ಪುಚ್ಯೊ.
\p
\v 42 ಯೆಸು ಅಮ್ಮ ಕದ್ಯೊ" ಗ್ಯಾನಿ ರ‍್ಹಯಲ ವರಿ ಬರೊಕ್ಹಾನೊ ಥಯಲ ಆಳ ಕುನ್ನ ವ್ಹೈ? ಟೈಮ ಟೈಮೆ ಕರೆಟ್ಟ ಕುಲಿ ಆಳೊನೆ ಅನಾಜ಼ ತುಕಾ ಕರಿನ ದಿವಾನಾ ಘರಪರ ನೆಮಿಸಲ ಆಳಜ಼ ಬರೊಕ್ಹೊ ವಾಲೊ ವ್ಹೈ. 
\v 43 ತೆ ಆಳ ತಿನು ಕಾಮ ಕ್ಹರಿ ಕ್ಹು ಕರತೊ ರ‍್ಹಯೊಮ, ಮಾಲಕ ಆತಾಮಾ ತೆ ಆಳನೆ ಘನ್ನಿ ಖುಶಿ ಥಾವಸ. 
\v 44 ಮಿ ತುಮೊನೆ ಕ್ಹರಿ ಕೌಸ. ಮಾಲಕ ಆತಾಮಾ ತಿನಿ ಆಸ್ತಿಪರ ತೆ ಆಳನೆಜ಼ ನೆಮ್ಸಸ.
\p
\v 45 ತೆನೈಸೊ ತೆ ಆಳ ಕೆಟ್ಟ ರ‍್ಹಯೊಮ ತಿನೊ ಮಾಲಕ ಭೆಗಿನ ಆತೊ ನೈ ಕೈನ, ಕೈಲಿದ್ಯೊಮ ಸು ಥಾಸ? ತೆ ಆಳ ಮಾಲಕನಾ ಬಿಜಾ಼ ಆಳೊನೆ ಮಾರಾಸ ವರಿ ಖೈನ ಪಿನ ನಶಾಮಾ ರ‍್ಹವಸ. 
\v 46 ಪಾಚಲ್ತೊ ತೆ ಮಾಲಕ ತೆ ಆಳನೆ ಗ್ವತ್ತ ನೈಸೊ ಟೈಮಾ ಐನ ತೆ ಆಳನೆ ಶಿಕ್ಷಾ ದಿನ್ನ ತೆ ಮಾಲಕ ಬರೊಕ್ಹೊ ನೈ ರ‍್ಹಯಲ ಮನಕ್ಹೊಮಾ ತಿನೆ ಢಕ್ಕಲಿ ಪಾಡಸ. 
\v 47 ತಿನೊ ಮಾಲಕ ತಿನಾಕ್ಹು ಸು ಆಸ ಮ್ಹೆಲ್ಯೊಸ ಕೈನ ತೆ ಆಳನೆ ಗೊತ್ತ ವ್ಹತ್ತು. ತೆನೈಸೊ ತೆ ಆಳ ತಯ್ಯಾರ ನ್ಹೊತೊ. ವರಿ ತಿನೊ ಮಾಲಕ ದಿದಲ ಕಾಮ ತೆ ಆಳ ಕರ‍್ಯೊ ನ್ಹೊತೊ. ತಿನಾಹುತಿ ತೆ ಆಳನೆ ಮಾಲಕ ಶಿಕ್ಷಾ ದಿವಸ! 
\v 48 ತೆನೈಸೊ ತಿನಾ ಮಾಲಕನಿ ಆಸ ನೈ ತಿಳದಿಲಿದಲ ಆಳ ತಪ್ಪ ಕರ‍್ಯೊಮ ತಿನೆ ಕಮ ಶಿಕ್ಷಾ ಮಳಸ. ವರಿ ತಿನಾ ಮಾಲಕ ಕದಲ ಕಾಮ ಛೊಡಿನ ತಪ್ಪ ಕಾಮ ಕರ‍್ಯೊಮ ತೆ ಆಳನೆ ಘನ್ನಿ ಶಿಕ್ಷಾ ಮಳಸ.
\r (ಮತ್ತಾಯ 10:34-36)
\p
\v 49 ವರಿ ಮಿ ಜಗತ್ಮಾ ಆಗ ಘಾಲಾನೆ ಆಯೊಸ! ಯಕ್ಕಲಾಮಾಜ಼ ಬಳ್ತು ರ‍್ಹೌ. 
\v 50 ವರಿ ಮಿ ಬಿಜಿ಼ ತರಾನಿ ಬಾಪ್ತಿಸ್ಮ ವ್ಹಂದು. ತೆ ವ್ಹಂದೆಲಕ್ಕಕಾ ಮಿ ಘನ್ನೊ ಕಷ್ಟಮಾ ಛೆ. 
\v 51 ಮಿ ಜಗತ್ನೆ ಸಮಾದಾನ ದಿವಾನೆ ಆಯೊಸ ಕೈನ ತುಮೆ ತಿಳದ್ಯಾಸು? ನೈ! ಮಿ ಜಗತ್ಮಾ ಮನಕ್ಹೊಮಾ ಭೆದ ಹುಟ್ಸಾನೆ ಆಯೊಸ! 
\v 52 ಆಜ಼ತೊ, ಪಾಂಚ಼ ಜ಼ನಾ ರ‍್ಹಯಲ ಕುಟುಂಬಮಾ ಭೆದ ಹುಟ್ಟಸ. ತ್ಯುನೊಮಾನಾ ತನ ಜ಼ನಾ ಬೆ ಜ಼ನಾವೊನೆ ವಿರುದ್ದ ಥಾವಸ. ಬೆ ಜ಼ನಾ ತನ ಜ಼ನಾವೊಪರ ವಿರುದ್ದ ಥಾವಸ. 
\v 53 ಬಾಪ ದಿಕ್ರಾಮಾ ಭೆದ ಹುಟ್ಟಸ. ದಿಕ್ರೊ ಬಾಪನೆ ವಿರೊದ ಥಾವಸ. ಬಾಪ ದಿಕ್ರಾನೆ ವಿರೊದ ಥಾವಸ. ಮಾ ವರಿ ದಿಕ್ರಿಮಾ ವಿರೊದ ಥಾವಸ. ದಿಕ್ರಿ ಮಾನೆ ವಿರುದ್ದ ಥಾವಸ. ಮಾ ತಿನಿ ದಿಕ್ರಿನೆ ವಿರುದ್ದ ಥಾವಸ. ಫೈ ವ್ಹವುಮಾ ಭೆದ ಹುಟ್ಟಸ. ವ್ಹವು ಫೈನಾ ವಿರುದ್ದ ಥಾವಸ. ಫೈ ವ್ಹವುನಾ ವಿರುದ್ದ ಥಾವಸ"
\s ಟೈಮ ವರಿ ದಿನೊ ತಿಳದಿಲಿವೊ
\r (ಮತ್ತಾಯ 16:2-3)
\p
\v 54 ಪಾಚಲ್ತೊ ಯೆಸು ಅಮ್ಮ ಕದ್ಯೊ "ಮ್ಹಾಡ ಪಶ್ಚಿಮ ದಿಕ್ಕಕತೊ ಮ್ಹೊಟು ಥಾವಾನು ದೆಕತಾ ರ‍್ಹತಾಮಾ ತೆ ದಿನಮಾ ಪಾನಿ ಆವಸ, ಕೈನ ಕವೊಸಿ. ತಿನಾ ಲಿಂಗತಜ಼ ಪಾನಿ ಆವಸ. 
\v 55 ದಕ್ಷಿಣ ದಿಕ್ತೊ ವಾರೊ ಚು಼ಟಸ, ಎ ದಿನೊಮಾ ಘನ್ನಿ ಝಳಾ ಥಾವಸ, ಕವೊಸಿ ತೆ ತಿಮ್ಮಜ಼ ಥಾವಸ, 
\v 56 ತುಮೆ ಕಪಟ್ಯಾ ವ್ಹೈ! ತುಮೆ ಎಕ್ಹಾರು ತಿಳದಿಲಿವೊಸಿ, ಹಮ್ನಾ ಥಾವಾನು ತುಮೆ ತಿಳದಿಲಿವಾನೆ ಥಾತು ನೈಸು?
\s ತುಮಾರೊ ತ್ರಾಸ ಮುಗಸೈ ಲಿವೊ
\r (ಮತ್ತಾಯ 5:25-26)
\p
\v 57 ತುಮೆಜ಼ ಕಾ ತಿರಪ ಕರು ನೈ? 
\v 58 ಯಕ್ಲೊ ತುಮೊಪರ ಅಪವಾದ ಘಾಲಾನೆ ಕೊರಟೆ ಜಾ಼ತಾಮಾ ತಮಾರಿ ಸಮಶ್ಯಾ ವಾಟ್ಮಾಜ಼ ಬಗೆ ಹರಸಿಲಿವೊ ತುಮೊಕನ ಥಾವಾ ಯಕ್ಲು ಬಗೆ ಹರಸಿಲಿವೊ ನೈತೊ ತುಮೊನೆ ಬಿಜಕ್ಲೊ ಜಜ್ನಾ ಕ್ಹಾಮೊ ಯಳ್ದಿನ ನಿಂಜಾ಼ವಸ. ತೆ ಜಜ್ಜ ತುಮೊನೆ ಜೆಲ್ಮಾ ಘಾಲಾ ಲಗಾಡಸ್. 
\v 59 ತಿಮ್ಮ ಥೈಯುಮ ತಮೊಕನ ರ‍್ಹಯಲ ತೆಕ್ಲಾ ದೊಕಡಾ ವರಿ ಆಸ್ತಿ ಜ಼ವೈಲಿವೊಸಿ ವರಿ ತೆಕ್ಲು ಥಯು ತಬಿ ತುಮೆ ಜೆಲ್ಮಾತಾ ಭಾರಾ ಆವಾನೆ ಥಾತುಜ಼಼ ನೈ"
\c 13
\s ಮನಸ್ಸ ಬದ್ಲಿ
\p
\v 1 ತೆ ಟೈಮಾ ತ್ಯಾ ರ‍್ಹಯಲವಾಲಾ ದಕ್ಹಾಜ಼಼ನಾ ಯೆಸುಕನ ಐನ, ಗಲಿಲಾಯಮಾ ಬಲಿ ದೆತಾವಾಲಾವೊನೆ ಪಿಲಾತನ ಖಲಾಸ ಕರಾಯಲ, ಯೆಸುಕನ ಕದ್ಯಾ. 
\v 2 ಯೆಸು ತ್ಯುನೊನೆ ಕದ್ಯೊ"ತೆ ಖಲಾಸ ಥಯಲವಾಲಾ ಮನಕ್ಹೊ ಗಲಿಲಾಯಮಾ ರ‍್ಹಯಲ ಮನಕ್ಹೊತೊಬಿ ಘನ್ನಾ ಪಾಪಿಯೊ ವ್ಹೈ ಕೈನ ತುಮೆ ತಿಳದ್ಯಾಸು? 
\v 3 ಮಿ ನ್ಹವೈ "ತ್ಯುನೆ ತೆವಾ ಪಾಪಿಯೊ ನ್ಹೊತಾ, ತೆನೈಸೊ ತುಮೆ ತಮಾರಾ ಪಾಪನೆ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ನೈ ಫರಯಾಮ ತ್ಯುನಾ ಲಿಂಗತಜ಼ ಹಾಳ ಥಾವೊಸಿ! 
\v 4 ಸಿಲೊವಾಮಾ ಗೊಪುರ ಪಡ್ತಾಮಾ,ಮರಿಗಯಲ ಅಟ್ರಾ ಜ಼ನಾವೊನಾ ಹುತಿ ತುಮಾರಿ ವಿಚಾರ ಸು ವ್ಹೈ? 
\v 5 ನ್ಹವೈ, ತ್ಯುನೆ ತೆವಾ ಪಾಪಿಯೊ ನ್ಹೊತಾ! ತುಮೆ ತಮಾರಾ ಪಾಪೊ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ನೈ ಫರಯಾಮ ತ್ಯುನಾ ಲಿಂಗತಜ಼ ತುಮೆ ಹಾಳ ಥಾವೊಸಿ"ಕದ್ಯೊ.
\s ಫಲ ನೈ ದಿವಾನು ಝಾಡ
\p
\v 6 ಪಾಚಲ್ತೊ ಯೆಸು ತ್ಯುನೊಕನ ಯಕ್ಕ ಸಾಮ್ಯ ಕದ್ಯೊ; ಯಕ್ಲೊ ತಿನಾ ದ್ರಾಕ್ಷಿಯೊನಾ ಮಳಾಮಾ ಯಕ್ಕ ಅಂಜುರನು ಝಾಡ ಲಗಾಡ್ಯೊ. ವರಿ ದಕ್ಹಾ ದಿನ್ನ ಥಯಲಪರ ತೆ ಮನಕ್ಹ ತೆ ಅಂಜುರನಾ ಝಾಡಮಾ ಫಲ ಉಟ್ಯು ವಸೆ ಕರಿನ ತ್ಯಾ ಆಯೊ. ತೆ ಝಾಡಮಾ ದೆಕ್ತಾಮಾ ಫಲ ಉಟ್ಯು ನ್ಹೊತು. 
\v 7 ತೆ ಮನಕ್ಹ ಮಳೊ ಕೈದಾನಾ ಹುತಿ, ಯಕ್ಕ ಆಳನೆ ತೆ ಮಳಾಮಾ ಮುಕ್ಯೊ. ತೆ ಮಳಾನೊ ಮಾಲಕ ತಿನಾ ಆಳನೆ ಕದ್ಯೊ ಮಿ ಆ ಝಾಡ ಘಾಲಿನ, ತನ, ವರಕ್ಹ ಥಯಾ. ಹಜು಼ನಬಿ ಫಲ ನತ್ತಿ ದಿದ್ಯು. ಎ ಝಾಡನೆ ಕತ್ರಿಪಾಡ. ಕದ್ಯೊ. ಎ ಝಾಡನಾ ಹುತಿ ಜಿಮಿನಬಿ ಗ್ವಡ್ಡ ಥೈ ಗೈಸ. ಕದ್ಯೊ. 
\v 8 ತಿಮ್ಮ ಕತಾಮಾ ಆಳ ಮಾಲಕನೆ ಕದ್ಯೊ. ಮಾಲಕ ಹಜು಼ನ ಯಕ್ಕ ವರಕ್ಹ ತು ತಡ್ದಿಲೆ ಆ ಅಂಜುರನು ಝಾಡ ಫಲ ದೆಸ,ಮಿ ತೆ ಝಾಡನಾ ಸುತ್ತೆಬಿ ಖಂದಿನ ಗ್ವಬ್ರಾ ಘಾಲುಸ, 
\v 9 ತೆಳಾಮಾ ಅಗಲ್ಯಾ ವರಕ್ಹೆ ಎ ಝಾಡ ಫಲ ದೆಸ. ವರಿ ಎ ಝಾಡ ಫಲ ನೈ ದಿದ್ಯುಮ ಮಿಜ಼ ಕತ್ರಿನ ನಾಕಿ ಪಾಡುಸ, ಕದ್ಯೊ.
\s ಯೆಸು ಕ್ಹು ಅರಾಮ ಥಯಲ ಹೆಣ ಮನಕ್ಹ
\p
\v 10 ಯೆಸು ಸಬ್ಬತ ದಿನಮಾ ಯಕ್ಕ ಸಬಾಮಂದಿರಮಾ ಉಪದೆಶ ಕರಾಡೊತೊ. 
\v 11 ತೆ ಸಬಾಮಂದಿರಮಾ ಯಕ್ಕ ಕೆಟ್ಟ ಆತ್ಮಾ ಧರಲ ಹೆಣ ಮನಕ್ಹ ತ್ಯಾ ವ್ಹತ್ತಿ, ತೆ ಹೆಣ ಮನಕ್ಹ ತೆ ಕೆಟ್ಟ ಆತ್ಮಾ ಕ್ಹು ಅಟ್ರಾ ವರಕ್ಹತಿಬಿ ಡುಗಿ ವ್ಹತ್ತಿ. 
\v 12 ಯೆಸು ತಿನೆ ದೆಕಿನ, ತಿಕನ ಬಲೈನ"ಯಾ ತುನೆ ರ‍್ಹಯಲ ರೊಗ ತುನೆ ಛೊಡಿನ ಗೈ ಪಡ್ಯುಸ" ಕದ್ಯೊ. 
\v 13 ಯೆಸು ತಿಪರ ಹತ ಮ್ಹೆಲ್ತಾಮಾ ತೆ ಹೆಣ ಮನಕ್ಹ ಸಿದಾ ಹುಬ್ರಯಿ, ತೆಳಾಮಾ ತೆ ಹೆಣ ಮನಕ್ಹ ಕ್ಹುದಾನೆ ಸ್ತುತಿ ಕರಿ.
\p
\v 14 ಯೆಸು ಸಬ್ಬತ ದಿನಮಾ ತೆ ಹೆಣ ಮನಕ್ಹನೆ ಅರಾಮ ಕರಲ ಹುತಿ ತೆ ಸಬಾಮಂದಿರನಾ ಅದಿಕಾರಿಯೊ ಶಿಟ್ಟ ಥೈನ "ಮನಕ್ಹೊನೆ ಕಾಮ ಕರಾ ಹುತಿ ಅಟ್ವಾಡಾನಾ ಛೆ ದಿನ್ನ ಛೆ ತೆ ದಿನೊಮಾ ಐನ ತುಮೆ ಅರಾಮ ಥಾಸಕೊಸಿ, ಸಬ್ಬತ ದಿನಮಾ ಅರಾಮ ಕರೈ ಲಿವೊ ನಕೊ "ಕದ್ಯಾ.
\p
\v 15 ತೆ ವಾತೆ ಯೆಸು, ತುಮೆ ಕಪಟ್ಯಾ ವ್ಹೈ ತುಮೆ ತುಮಾರಾ ಪಶು ಪಕ್ಷಿಯೊನೆ ದಿನ್ನೆಬಿ ತ್ಯುನೊನೆ ಪಾನಿ ಪಿಲಾವಾನೆ ಲಿನಜಾ಼ವೊಸಿ. ವರಿ ಸಬ್ಬತ ದಿನಮಾ ಎ ಕ್ಹಾರು ಕರೊಶಿ. 
\v 16 ಮಿ ಅರಾಮ ಕರಲ ಹೆಣ ಮನಕ್ಹ ಅಬ್ರಹಾಮನಿ ಖಾಂದಾನವಾಲಿ ವ್ಹೈ. ಸೈತಾನ ಎ ಹೆಣ ಮನಕ್ಹನೆ ಅಟ್ರಾ ವರಕ್ಹತು ಬಂದನಮಾ ಮ್ಹೆಲ್ಯುತು, ತಿನಾ ಹುತಿ ಎ ಹೆಣ ಮನಕ್ಹನೆ ಸಬ್ಬತ ದಿನಮಾ ತಿನೊ ರೊಗ ಮಿ ಅರಾಮ ಕರ‍್ಯೊ, ತಿನಾ ಹುತಿ ಕ್ಹರಿಮಾಜ಼ ಎ ತಪ್ಪ ನ್ಹವೈ"ಕದ್ಯೊ.
\p
\v 17 ಎ ವಾತೊ ಐಕಿನ ಯೆಸುನೆ ವಿರುದ್ದ ರ‍್ಹಯಲವಾಲಾ ಮನಕ್ಹೊ ಸರಮಾಯಿಗಯಾ. ವರಿ ಯೆಸು ಕರಲ ಅದ್ಭುತ ದೆಕಿನ ತ್ಯಾನಾ ಮನಕ್ಹೊ ಖುಶಿ ಥಯಾ.
\s ಕ್ಹುದಾನಿ ರಾಜ್ಯ ಕಿನಾಲಿಂಗತ ಛೆ?
\r (ಮತ್ತಾಯ 13:31-32; ಮಾರ್ಕ 4:30-32)
\p
\v 18 ಪಾಚಲ್ತೊ ಯೆಸು"ಕ್ಹುದಾನಿ ರಾಜ್ಯ ಕಿನೆ ಹೊಲ್ಸಿಯೆ? ಮಿ ತೆ ಕಿನೆ ಹೊಲ್ಸು? 
\v 19 ಕ್ಹುದಾನಿ ರಾಜ್ಯ ಸಾಸವಿ ಕಾಳ ಲಿಂಗತ ಛೆ. ಯಕ್ಲೊ ತಿನಾ ಮಳಾಮಾ ಎ ಸಾಸವಿ ಕಾಳನೊ ಬಿಯ್ಯೊ ಘಾಲಸ. ತೆ ಬೆಳ್ದಿನ ಝಾಡ ಥಾವಸ, ಪಕ್ಷಿಯೊ ತೆ ಝಾಡನಿಯೊ ಠೊಂಗಿಯೊಪರ ಘರ ಭಾಂದಿಲಿವಸ. ಕದ್ಯೊ.
\p
\v 20 ವರಿ ಅಮ್ಮ ಕದ್ಯೊ ‘ಕ್ಹುದಾನಿ ರಾಜ್ಯ ಮಿ ಕಿನೆ ಹೊಲ್ಸು? 
\v 21 ತೆ ಖಾಟಾ ಲೊಟನೆ ಹೊಲಸ್, ತೆ ಯಕ್ಕ ಹೆಣ ಮನಕ್ಹ ತೆ ಲಿನ ಲೊಟ್ಮಾ ಪಾನಿ ಘಾಲಿನ ಮಳಾತಾಮಾ ತೆ ಲೊಟ ಖಾಟೊ ಥಯೊ "ಕದ್ಯೊ.
\s ನ್ಹಾನು ಬಾಕಲ
\r (ಮತ್ತಾಯ 7:13-14)
\p
\v 22 ಯೆಸು ಕ್ಹಾರಾ ಖೆಡಾವೊಪರ ವರಿ ಗಾಮೊಪರ ಉಪದೆಶ ಕರತೊ ಯೆರೊಸೆಲಿಮೆ ಚಾ಼ಲ್ಯೊತೊ. 
\v 23 ತೆ ದಿನಮಾ ಯಕ್ಲೊ ಯೆಸುನೆ"ಸ್ವಾಮಿ ದಕ್ಹಾ ಮನಕ್ಹೊ ರಕ್ಷಣೆ ಹೊಂದಸ ಕ್ಹಾಲಿ ದಕ್ಹಾ ಮನಕ್ಹೊ ಸು? ಕೈನ ಪುಚ್ಯೊ. 
\v 24 ತೆ ವಾತೆ ಯೆಸು ಸ್ವರಗೆ ಜಾ಼ವಾನು ಅಗ್ದಿ ನ್ಹಾನಾ ಬಾಕಲಮಾತಾ ಜಾ಼ವಾನಾ ಹುತಿ ತ್ರಾಸ ಖಾವೊ! ಘನ್ನಾ ಮನಕ್ಹೊ ತ್ಯಾ ಜಾ಼ವಾನೆ ಕೊಶಿಶ ಕರಸ, ತೆನೈಸೊ ತ್ಯುನೊಕನ ಥಾತು ನೈ. 
\v 25 ಘರನೊ ಮಾಲಕ ಉಟಿನ ಬಾಕಲ ಝಾಕಲ್ಪರ, ತುಮೆ ಭಾರಾ ಹುಬ್ರೈನ ಖಾಲಿ ವಜಾ಼ಡು, ವಜಾ಼ಡ್ಯಾ ತಬಿ ತೆ ಮಾಲಕ ಬಾಕಲ ಕಾಡ್ತೊ ನೈ. ಸ್ವಾಮಿ ಹಮಾರಾಹುತಿ ಬಾಕಲ ಕಾಡ! ಕೈನ ತುಮೆ ಕವೊಸಿ. ತೆ ಮಾಲಕ ತುಮೊನೆ ತುಮೆ ಕುನ್ನ ವ್ಹೈ. ಮನೆ ಗ್ವತ್ತ ನತ್ತಿ. ತುಮೆ ಕಿಜ಼ಗಾನಾ ವ್ಹೈ? ಕೈನ ಕವಸ. 
\v 26 ತೆಳಮಾ ತುಮೆ ಹಮೆ ತಾರಾ ಕ್ಹಾತೆ ಖಾದಲವಾಲಾ ವ್ಹೈ. ವರಿ ಪಿದಲವಾಲಾ ವ್ಹೈ. ತು ಹಮೊನೆ ಉಪದೆಶ ಕರಲವಾಲೊ ವ್ಹೈ. ಕೈನ ಕವೊಸಿ. 
\v 27 ತೆಳಾಮಾ ತೆ ತುಮೊನೆ, ತುಮೆ ಕುನ್ನ ವ್ಹೈ. ಮನೆ ಗ್ವತ್ತ ನತ್ತಿ, ತುಮೆ ಕಿಜ್ಗಾ಼ನಾ ವ್ಹೈ. ನ್ಹ್ಯಾಂತ್ತಾ ಗೈಪಡೊ. ತುಮೆ ಪಾಪನು ಕಾಮ ಕರಾಲಾ ಮನಕ್ಹೊ ವ್ಹೈ. ಕೈನ ಕವಸ.
\p
\v 28 "ಅಬ್ರಹಾಮ,ಯಾಕೊಬ, ಇಸಾಕ ವರಿ ಕ್ಹಾರಾ ಪ್ರವಾದಿಯೊ ಕ್ಹುದಾನಿ ರಾಜ್ಯಮಾ ರ‍್ಹಯಲ ತುಮೆ ದೆಕೊಸಿ. ವರಿ ತುಮೊನೆ ಭಾರಾ ಘಾಲಾಲಗಾಡಸ. ತೆಳಾಮಾ ತುಮೆ ಭುಚಿ಼ಕಿನ ವರಿ ಸಿಟ್ಟಕ್ಹು ವದ್ರೊಸಿ. 
\v 29 ಮನಕ್ಹೊ ಪುರವತಾ, ಪಶ್ಚಿಮ, ಉತ್ತರ, ದಕ್ಕಷಿಣತಾ ಆವಸ. ತ್ಯುನೆ ಕ್ಹುದಾನಿ ರಾಜ್ಯಮಾ ಖಾವಾನೆ ಬೈಟಸ್. 
\v 30 ಹಮ್ನಾ, ಲಾಸ್ಟೆ ರ‍್ಹಯಲ ವಾಲಾ ದಕ್ಹಾ ಜ಼ನಾ ಪಸ್ಟ ಥಾವಸ, ಪಸ್ಟ ರ‍್ಹಯಲವಾಲಾ ಲಾಸ್ಟೆ ಥಾವಸ"
\s ಯೆರುಸಲೆಮಮಾ ಯೆಸುನು ಮರಣ
\r (ಮತ್ತಾಯ 23:37-39)
\p
\v 31 ತೆ ಟೈಮಾ ದಕ್ಹಾ ಫರಿಸಾಯರೊ ಯೆಸುಕನ ಐನ, ತು "ನ್ಹ್ಯಾಂತೊ ಗೈಪಡ! ಹೆರೊದ ತುನೆ ಖಲಾಸ ಕರುಸ ಕವಾಡ್ಯೊಸ"ಕದ್ಯಾ. 
\v 32 ಯೆಸು ತ್ಯುನೊನೆ, ತುಮೆ ಗೈನ ತೆ ನರಿನೆ (ಹೆರೊದ್ನೆ) ಆಜಾ಼ನಾ ದಿನಮಾ ವರಿ ವ್ಹಂತ್ತಾ ಮನಕ್ಹೊನೆ ಮಿ ಕೆಟ್ಟ ಆತ್ಮಾವೊಕ್ಹು ಛೊಡೌಸ. ವರಿ ರೊಗಿಯೊನೆ ಅರಾಮ ಕರಾನು ಕಾಮ ಪುರಾ ಕರುಸ, ಮರನಾದಿನ್ನೆ ಮಾರು ಕಾಮ ಪುರಾ ಖಲಾಸ ಥಾಸ ಕವೊ. 
\v 33 ಪಾಚಲ್ತೊ ಮಿ ಯೆರೊಸೆಲಿಮೆ ಜೌ಼ ಕಾಕದ್ಯಾಮ ಪ್ರವಾದಿಯೊನೆ ತ್ಯಾಜ಼ ಖಲಾಸ ಕರಸ.
\p
\v 34 "ಯೆರೊಸೆಲಿ, ಯೆರೊಸೆಲಿ ತು ಪ್ರವಾದಿಯೊನೊ ಖಲಾಸ ಕರಶಿ. ಕ್ಹುದಾ ತುಕನ ಮೊಕ್ಕಲಲ ಮನಕ್ಹೊನೆ ತು ಮಂಗಾಳಾ ಮಾರಿನ ಖಲಾಸ ಕರಶಿ. ಕುಕಡಿ ತಿನಾ ಬಚ್ಚಾವೊನೆ ತಿನಾ ರೆಕ್ಕಕ್ಕಯಾನ ಹೆಟು ಬೈಟಾಡಿ ಲಿದಲ ಲಿಂಗತ ಮಿ ತಾರಾ ಮನಕ್ಹೊನೆ ಸಹಾಯಾ ಕರಾನೆ ಕೆಕ್ಕಲಿಕಿ ಸಲಾ ಮಿ ಚಿಂತಾ ಕರ‍್ಯೊ ವರಿ ತು ಮನೆ ಮರ್ಯಾದಿ ದಿದ್ಯು ನೈ. 
\v 35 ತಾರಿ ಯಕ್ಕ ದೆವಾಲಯ ಖಾಲಿ ಥೈ ಜಾ಼ವಸ. ಕರ್ತಾನಾ ನಾಮ ಪರ ಆವಾಲಾನೆ ಆಶಿರ್ವಾದ! ಕೈನ ಕವಾನಾ ಟೈಮ ಲಕ್ಕಾ ತು ಮನೆ ದೆಕುಜ಼ ನೈ ಕೈನ ಮಿ ತುನೆ ಕೌಸ, ಕದ್ಯೊ.
\c 14
\s ಸಬ್ಬತ ದಿನಮಾ ಅರಾಮ ಕರಾನು ಚೊ಼ಕು ವ್ಹೈಸು?
\p
\v 1 ಯಕ್ಕ ಸಬ್ಬತದಿನಮಾ ಯೆಸು ಖಾಸ ಫರಿಸಾಯನಾ ಘರಮಾ ಖಾವಾನೆ ಗಯೊ. ತ್ಯಾ ರ‍್ಹಯಲ ಮನಕ್ಹೊ ಯೆಸುನೆ ಯಕ್ಕ ಸಂವಾ ದೆಕಾಡಾತಾ. 
\v 2 ತೆಳಾಮಾ ಯೆಸುನಾ ಕ್ಹಾಮಾ ಜಲೊದರ ರೊಗರ‍್ಹಯಲವಾಲಾನೆ ಲೈನ ಬೈಟಾಡ್ಯಾ. 
\v 3 ಯೆಸು ಫರಿಸಾಯರೊನೆ ಧರಮೊಪದೆಶ ಕರಾಲಾ ಶಾಸ್ತ್ರಿಯೊನೆ"ಸಬ್ಬತ್ ದಿನಮಾ ರೊಗಿಯೊನೆ ಅರಾಮ ಕರಾನು ಚೊ಼ಕು ವ್ಹೈಸು? ಸು ತಪ್ಪ ವ್ಹೈ? ಕೈನ ಪುಚ್ಯೊ.
\p
\v 4 ತ್ಯುನೆ ಸುಜ಼ ಕದ್ಯಾ ನೈ. ತೆಳಾಮಾ ಯೆಸು ರೊಗ ರ‍್ಹಯಲ ಮನಕ್ಹನೆ ಮುಟ್ಟಿನ ಅರಾಮ ಕರಿನ ತಿನೆ ಮೊಕ್ಕಲಿಪಾಡ್ಯೊ.
\p
\v 5 ಯೆಸು ಫರಿಸಾಯರೊನೆ ವರಿ ಶಾಸ್ತ್ರಿಯೊನೆ"ಸಬ್ಬತ್ ದಿನಮಾ ತುಮಾರಾ ದಿಕ್ರಾನೆ ತುಮೆ ರಾಕಲ ಪಶುವೊನೆ ಇರಮಾ ಪಡಿಗಯಾಮ, ತೆಳಾಮಾಜ಼ ತುಮೆ ತ್ಯುನೊನೆ ಇರ ಮಾತಾಭಾರಾ ಕಾಡಿನ ವಚಾ಼ಡೊಸಿ ಕವಾನು ತುಮೊನೆ ಗ್ವತ್ತ ಛೆ "ಕದ್ಯೊ. 
\v 6 ತೆ ವಾತೆ ಫರಿಸಾಯರೊ ರ‍್ಹೈನೆಕಾ ಶಾಸ್ತ್ರಿಯೊ ರ‍್ಹೈನೆಕಾ ಜವಾಬ ದಿದ್ಯಾ ನೈ.
\s ತುನೆ ಮ್ಹೊಟೊ ವ್ಹೈ ಕೈನ ಕವೈ ಲಿವು ನಕೊ
\p
\v 7 ಅತಿಥಿಯೊ ಥೈನಾಯಲ ದಕ್ಹಾ ಜ಼ನಾ ಬೈಟಾನಾ ಹುತಿ ಚೊ಼ಕಿ ಜ಼ಗಾ ಹುಡ್ಕಾನು ಯೆಸು ದೆಕಿನ ತ್ಯುನೊಕನ ಯಕ್ಕ ಸಾಮ್ಯ ಕದ್ಯೊ. 
\v 8 "ಯಕ್ಲೊ ತುನೆ ಹಿವಾಮಾ ಖಾವಾನೆ ಬಲಾಯೊಮ, ತು ಚೊ಼ಕಿ ಜ಼ಗಾ ಬೈಟು ನಕೊ. ತೆ ತುತ್ತಿ ಘನ್ನೊ ಚೊ಼ಕೊ ರ‍್ಹಯಲವಾಲಾನೆ ಬಲಾಯಲ ರ‍್ಹಸ. 
\v 9 ತು ಚೊ಼ಕಿ ಜ಼ಗಾ ಬೈಟಲ ರ‍್ಹಯೊಮ, ತುನೆ ಹಿವಾಮಾ ಬಲಾಯಲ ವಾಲೊ ತೆ ಐನ, ತುನೆ ಆ ಜ಼ಗಾ ಅನೆ ಛೊಡಿನ ದೆ ಕೈನ, ತುನೆ ಕಸ. ತೆಳಮಾ ತು ಸರಮಾಯಿನ ಲಾಸ್ಟನಿ ಜ಼ಗಾಪರ ಬೈಟೆಕ್ಹ. 
\v 10 ತಿನಾಹುತಿ ಯಕ್ಲೊ ತುನೆ ಹಿವಾನೆ ಬಲಾತಾಮಾ ಲಾಸ್ಟನಿ ಜ಼ಗಾಪರ ಗೈನ ಬೈಟ. ತೆಳಾಮಾ ತುನೆ ಹಿವಾನೆ ಬಲಾಯಲ ವಾಲೊ ಐನ. ದೊಸ್ತ ತು ಚೊ಼ಕಿ ಜ಼ಗಾ ಬೈಟ ಕವಸ!, ತೆಳಾಮಾ ಹಿವಾಮಾ ಆಯಲ ಕ್ಹಾರಾ ಮನಕ್ಹೊ ತುನೆ ಮರ್ಯಾದಿ ದಿವಸ. 
\v 11 ಕುನ್ನಬಿ ಮಿಜ಼ ಮ್ಹೊಟೊ ವ್ಹೈ ಕೈನ ಕವೈ ಲಿವಾಲೊ ನ್ಹಾನೊ ಥಾವಸ. ನ್ಹಾನೊ ಥೌಸ ಕೈನ ಕವೈಲಿವಾಲೊ ತೆ ಮ್ಹೊಟೊ ಥಾವಸ"
\s ತುಮೊನೆ ಪ್ರತಿಫಲ ಮಳಸ
\p
\v 12 ಪಾಚಲ್ತೊ ಯೆಸು ಖಾವಾನಾ ಹುತಿ ಬಲಾಯಲ ಫರಿಸಾಯರನೆ"ರಾತೆ ಖಾವಾನೆ ವರಿ ದುಪಾರೆ ಖಾವಾನೆ ತಾರಾ ದೊಸ್ತೊನೆ ಭಾಯೊನೆ ಕುಟುಂಬವಾಲಾನೆ ವರಿ ಸೌಕಾರ ರ‍್ಹಯಲ ತಾರಾ ಆಜು಼ಬಾಜು಼ ವಾಲಾನೆ ಘರೆ ಬಲಾಯೊಮ, ತ್ಯುನೆ ತುನೆಬಿ ತುನೆ ಖಾವಾನಾ ಹುತಿ ಘರೆ ಬಲಾವಸ, ತೆಳಾಮಾ ತೆಜ಼ ತುನೆ ಪ್ರತಿಫಲ ಥಾವಸ. 
\v 13 ತಿನಾ ಬದ್ಲಿ, ತು ಖಾವಾನೆ ಅನ್ನ ಕರತಾಮಾ ಗರಿಬ ಮನಕ್ಹೊನೆ, ಅಪಾಯಿಜ಼ ರ‍್ಹಯಲವಾಲಾವೊನಾ ಲಂಗ್ಡಾವೊನೆ ವರಿ ಕುಡ್ಡಾವೊನೆ ಖಾವಾನೆ ಬಲಾ. 
\v 14 ತೆಳಾಮಾ ತುನೆ ಆಶಿರ್ವಾದ ಮಳಸ, ಕಾಕದ್ಯಾಮ, ಎ ಮನಕ್ಹೊ ಖಾವಾನಾ ಹುತಿ ತುನೆ ಘರೆ ಬಲಾತಾ ನೈ. ತ್ಯುನೊಕನ ಸುಜ಼ ನತ್ತಿ. ತೆನೈಸೊ ಕ್ಹರಿನಾ ಮನಕ್ಹೊ ಜಿವ್ತಾ ಥೈನ ಉಟಿನ ಆತಾಮಾ, ತುನೆ ಪ್ರತಿಫಲ ಮಳಸ "ಕದ್ಯೊ.
\s ಕ್ಹಾವಾನೆ ದಿದಲ ಸಾಮ್ಯ
\r (ಮತ್ತಾಯ 22:1-10)
\p
\v 15 ಯೆಸುನಾ ಕ್ಹಾತೆ ಖಾವಾನಾ ಹುತಿ ಬೈಟಲವಾಲಾವೊಮಾ ಯಕ್ಲೊ ಎ ವಾತೊ ಐಕಿನ, ಯೆಸುನೆ"ಕ್ಹುದಾನಿ ರಾಜ್ಯಮಾ ಖಾವಾಲಾಜ಼ ಧನ್ಯ ವ್ಹೈ"ಕದ್ಯೊ. 
\v 16 ತೆಳಾಮಾ ಯೆಸು ತಿನೆ ಸು ಕದ್ಯೊ ಕದ್ಯಾಮ; ಯಕ್ಲೊ ಘನ್ನಾ ಮನಕ್ಹೊನೆ ಖಾವಾನಾ ಹುತಿ ಅನ್ನ ಕರಾಯಲ ಟೈಮ್ಮಾ ಘನ್ನಾ ಮನಕ್ಹೊನೆ ಬಲಾಯೊ. 
\v 17 ಖಾವಾನೊ ಟೈಮ ಆತಾಮಾ, ತೆ ತಿನಾ ಆಳೊನೆ ಮೊಕ್ಲಿನ, ಆವೊ ಅನ್ನ ತಯ್ಯಾರ ಛೆ, ಕೈನ ಖಾವಾನೆ ಆಯಲ ವಾಲಾವೊನೆ ಕದ್ಯೊ.
\p
\v 18 ತೆನೈಸೊ ತೆ ಖಾವಾನೆ ಆಯಲವಾಲಾ ಮನಕ್ಹೊ ಹಮೊನೆ ಆವಾನೆ ಥಾತು ನೈ ಕದ್ಯಾ. ಹರಿ ಯಕ್ಲೊ ಯಕೆಕ ನ್ಯವಾ ಕದ್ಯಾ ಪೈಲಾ ವಾಲೊ ಮಿ ಹಮ್ನಾ ಖೆತರ ಇಕ್ಕಾತು ಲಿದ್ಯೊಸ. ವರಿ ಮಿ ತ್ಯಾ ಗೈನ ಕೈದು, ಮನೆ ಮರಗಿನ ಮಾಫ ಕರ, ಕದ್ಯೊ. 
\v 19 ಬೆವಾವಾಲೊ, ಮಿ ಹಮ್ನಾ-ಹಮ್ನಾ ಪಾಂಚ಼ ಜೊ಼ಡಿ ಬೈಲೊ ಇಕ್ಕಾತೊ ಲಿದ್ಯೊಸ, ಮಿ ಗೈನ ತೆ ಬೈಲೊ ಚೊ಼ಕಿಯೊ ಛೆಸು ನೈ ಕೈನ ದೆಕು, ಮನೆ ಮರಗಿನ ಮಾಫ ಕರ ಕದ್ಯೊ. 
\v 20 ತನ್ವಾವಾಲೊ ಮಿ ಹಮ್ನಾ-ಹಮ್ನಾ ಹಿವಾ ಕರಲಿದ್ಯೊಸ, ಮನೆ ಆವಾನೆ ಥಾತು ನೈ ಕೈನ ಕದ್ಯೊ.
\p
\v 21 ತಿನಾ ಹುತಿ ತೆ ಆಳ ಪಾಚೊ಼ ಫರಿನ ಗೈನ ತಿನಾ ಮಾಲಕನೆ ತೆ ಕ್ಹಾರು ಕದ್ಯೊ. ತೆಳಾಮ ತೆ ಮಾಲಕ ಘನ್ನೊ ಸಿಟ್ಟ ಥೈನ ತಿನಾ ಆಳನೆ ಎ ಗಾಮ್ನಿಯೊ ಒಣಿಯೊಮಾ ವರಿ ಸಂದಿಯೊಮಾ ಭೆಗಿನ ಗೈನ ಗರಿಬೊನೆ ಅಪಾಯಿಜ಼ ರ‍್ಹಯಲವಾಲಾವೊನಾ ಕುಡ್ಡಾವೊನೆ ಲಂಗ್ಡಾವೊನೆ ನ್ಹ್ಯಾ ಬಲೈ ಲಿನ ಆ, ಕದ್ಯೊ. 
\v 22 "ತೆಳಾಮಾ ತೆ ಆಳ ಗೈನ ಐನ ಮಾಲಕ, ತು ಕದಲ ತಿಮ್ಮಜ಼ ಕರ‍್ಯೊ. ವರಿ ತೆಕ್ಲಾ ಮನಕ್ಹೊ ಆಯಾ ತಬಿ ಅಪೊಕನ ಹಜು಼ನ ಮನಕ್ಹೊನೆ ಜ಼ಗಾ ಛೆ. ಕದ್ಯೊ. 
\v 23 ತೆಳಾಮಾ ತೆ ಮಾಲಕ ತಿನಾ ಆಳನೆ ಕದ್ಯೊ. ತು ಗೈನ ರಸ್ತಾವೊಪರ ಜಾ಼ವಾಲಾ ಖೆತ್ರೊಮಾತಾ ಜಾ಼ವಾಲಾ ಮನಕ್ಹೊನೆ ವರಿ ಕುನ್ನ ಮಳಸ ತ್ಯುನೊನೆ ಬಲೈ ಲಿನಜ಼ ಆ, ಮಾರು ಘರ ಮನಕ್ಹೊಕ್ಹು ಭರಿ ಜಾ಼ವಾದೆ. 
\v 24 ಮಿ ಪೈಲಾ ಬಲಾಯಲ ಮನಕ್ಹೊಮಾ ಯಕ್ಲೊಬಿ ಮಾರಾ ಅನ್ನನು ಸವಾದ ದೆಕು ನೈ ಕದ್ಯೊ.
\s ವಿಚಾರ ಕರಾಲಾ ಥಾವೊ
\r (ಮತ್ತಾಯ 10:37-38)
\p
\v 25 ಯಕ್ಕ ಸಲಾ ಘನ್ನಾ ಮನಕ್ಹೊ ಯೆಸುನಾ ಕ್ಹಾತೆ ಗುಂಪ-ಗುಂಪ ಥೈನ ಜಾ಼ತಾಮಾ ತ್ಯುನೊನೆ ದೆಕಿನ ಅಮ್ಮ ಕದ್ಯೊ. 
\v 26 ಮಕನ ಆವಾಲೊ ಮುತ್ತಿ (ಯೆಸುತಿಬಿ) ಹೆಚ್ಕಿ ತಿನಾ ಮಾ ಬಾಪನೆ, ಬೈಕೊನೆ, ಬಚ್ಚಾ಼ವೊನೆ ತಿನಾ ಭಾಯೊ ಭೆನೊನೆ ವರಿ ತಿನಾಕ್ಹು ತೆ ಮಯಾ ಕರಾಲೊ ರ‍್ಹಯೊಮ ತೆ ಮಾರೊ ಶಿಷ್ಯೊ ಥಾವಾನೆ ಸಾದ್ಯ ನತ್ತಿ. 
\v 27 ಮಾರಾ ಪಾಚೊ಼ ಆವಾಲೊ ತಿನಿ ಶಿಲುವಿ ತೆಜ಼ ಉಚೈಲಿನ ಜಾ಼ವಾಲೊ ಮಾರೊ ಶಿಷ್ಯೊ ಥಾವಾನೆ ಸಾದ್ಯ ಛೆ ಕದ್ಯೊ.
\p
\v 28 "ತು ಯಕ್ಕ ಘರ ಭಾಂದು ಕದ್ಯಾಮ ಪೈಲಾ ಬೈಟಿನ ತಿನೆ ಕೆಕ್ಲಾ ಖರಚ಼ ಥಾಸ ಕೈನ ತಿಳದಿಲಿವ. ತೆ ಘರ ಭಾಂದಾನೆ ತುಕನ ಘನ್ನಾ ದೊಕ್ಡಾ ಛೆಸು ಕೈನ ಲೆಕ್ಕೊ ಘಾಲಿನ ದೆಕ, 
\v 29 ನೈತೊ, ತು ಘರ ಭಾಂದಾನು ಕಾಮ ಚಾಲು ಕರ‍್ಯೊಮ ತೆ ಘರ ಭಾಂದಾನೆ ನೈಥಯುಮ, 
\v 30 ಮನಕ್ಹೊ ತುನೆ ದೆಕಿನ ಆ ಮನಕ್ಹ ಘರ ಭಾಂದಾನು ಕಾಮ ಚಾಲು ಕರ‍್ಯೊ ವರಿ ತಿನಾ ಹತೆ ಥಯು ನೈ ಕೈನ ತುನೆ ಕದ್ರಾವಸ,
\p
\v 31 ಯಕ್ಲೊ ರಾಜೊ಼ ಬಿಜೆಕ್ಲಾ ರಾಜಾ಼ನಾ ವಿರುದ್ದ ಯುದ್ದನೆ ಜಾ಼ತಾಮಾ, ಪೈಲಾ ತೆ ರಾಜೊ಼ ಬೈಟಿನ ವಿಚಾರ ಕರಲಿವಸ, ತಿಕನ ದಕ್ಹ ಹಜಾ಼ರ ಸೈನಿಕೊ ರ‍್ಹಯಾಮ. ಇಕ್ಹ ಹಜಾ಼ರ ಸೈನಿಕೊ ರ‍್ಹಯಲ ಹಜು಼ನ ಯಕ್ಲಾ ರಾಜಾ಼ನೆ ಸೊಲ್ಸಾನೆ ಸಾದ್ಯ ನತ್ತಿ. ಕೈನ ತೆ ರಾಜೊ಼ ವಿಚಾರ ಕರಲಿವಸ. 
\v 32 ತೆ ಬಿಜೆಕ್ಲಾ ರಾಜಾ಼ನೆ ನೈ ಸೊಲ್ಸಾನೆ ಥಯುಮ, ತ್ಯುನಾ ಮನಕ್ಹೊನೆ ಮೊಕ್ಲಿನ ಶಾಂತಿ ಸಮಾದಾನೆ ಬೊಲ್ಲಿನ ಫೈಸಲೊ ಕರಲಿವಸ. 
\v 33 ತಿನಾ ಲಿಂಗತಜ಼ ತುಮೆ ವಿಚಾರ ಕರು. ತುಮೆ ಮಾರಾ ಪಾಚಾ಼ ಔಸ ಕದ್ಯಾಮ ತುಮೊಮಾ ರ‍್ಹಯಲ ಮಾರಾ ಶಿಷ್ಯಾ ಥಾವಾನೆ ಸಾದ್ಯ ನತ್ತಿ!
\s ಸವಾದ ನೈಸೊ ಮಿಟ್ಟು
\r (ಮತ್ತಾಯ 5:13; ಮಾರ್ಕ 9:50)
\p
\v 34 ಮಿಟ್ಟು ಚೊ಼ಕು ವ್ಹೈ, ವರಿ ಮಿಟ್ಟುಜ಼ ತಿನು ಸವಾದ ಜ಼ವೈ ಲಿದ್ಯುಮ ತೆ ಮಿಟ್ಟಾನೆ ಶಾಕ್ಹುಜ಼ ಸ್ವಾದ ಕರಾನೆ ಸಾದ್ಯ ನತ್ತಿ. 
\v 35 ತಿನಾಹುತಿ ಮಾತಿನೆ ರ‍್ಹೈನೆಕಾ ಗೊಬ್ರಾನೆ ರ‍್ಹೈನೆಕಾ ಉಪಯೊಗ ನತ್ತಿ, ಮನಕ್ಹೊ ತಿನೆ ಭಾರಾ ನಾಕಿ ಪಾಡಸ. ಕಾನೊ ರ‍್ಹಯಲವಾಲಾ ಮಾರಿಯೊ ವಾತೊ ಐಕೊ!
\c 15
\s ಜ಼ವೈ ಗಯಲ ಬಕ್ರು
\r (ಮತ್ತಾಯ 18:12-14)
\p
\v 1 ಯಕ್ಕ ದಿನ್ನ ಘನ್ನಾ ಭು ಭಾಡೊಲಿವಾಲಾ ವರಿ ಪಾಪಿಯೊ ಯೆಸು ಕವಾನು ಉಪದೆಶ ಐಕು ಕೈನ ಆಯಾತಾ. 
\v 2 ತೆಳಾಮಾ ಫರಿಸಾಯರೊ ವರಿ ಶಾಸ್ತ್ರಿಯೊ"ದೆಕೊ! ಎ ಮನಕ್ಹ (ಯೆಸು) ಪಾಪಿಯೊನೆ ಬಲೈನ ತ್ಯುನಾ ಕ್ಹಾತೆ ಮಳಿನ ಅನ್ನ ಖಾವಾಡ್ಯೊಸ"ಕತಾ ಯೆಸುಪರ ಗುಣ ಗುಟ್ಟಾಡ್ಯಾತಾ.
\p
\v 3 ತೆಳಾಮಾ ಯೆಸು ತ್ಯುನೊನೆ ಯಕ್ಕ ಸಾಮ್ಯ ಕದ್ಯೊ. 
\v 4 ತುಮೊಮಾನಾ ಯಕ್ಲಾಕನ ಕ್ಹೊ ಬಕ್ರಾ‌ ಛೆ ಕೈನ ತಿಳದಿಲಿಯೆ ತೆ ಕ್ಹೊ ಬಕ್ರಾವೊಮಾನು ಯಕ್ಕ ಬಕ್ರು ಜ಼ವೈ ಗಯುಮ, ತೆ ಮನಕ್ಹ ನವ್ವದಪರ ನೌ ಬಕ್ರಾ ತ್ಯಾಜ಼ ಛೊಡಿನ ಜ಼ವೈಗಯಲ ಯಕ್ಕ ಬಕ್ರಾನೆ ಹುಡ್ಕತೊ ಜಾ಼ವಸ. ತೆ ಬಕ್ರು ಮಳೆ ಲಕ್ಕಾ ತೆ ಹುಡ್ಕತೊಜ಼ ರ‍್ಹವಸ. 
\v 5 ತೆ ಮನಕ್ಹನೆ ಜ಼ವೈಗಯಲ ಬಕ್ರು ಮಳ್ತಮಾ ಘನ್ನೊ ಖುಶಿ ಥಾವಸ. ತೆ ಬಕ್ರಾನೆ ಖಾಂದಾಪರ ಉಚೈಲಿನ ತಿನಾ 
\v 6 ಘರೆ ಆವಸ ತೆ ತಿನಾ ದೊಸ್ತೊನೆ ವರಿ ಆಜು಼ಬಾಜು಼ವಾಲಾನೆ ಬಲೈನ ಮಾರಾ ಕ್ಹಾತೆ ಖುಶಿ ಕರೊ, ಮಾರು ಜ಼ವೈಗಯಲ ಬಕ್ರು ಮಳ್ಯುಸ ಕವಸ.
\p
\v 7 ತಿನಾ ಲಿಂಗತಜ಼, ಯಕ್ಕ ಪಾಪಿ ತಿನು ಮನಸ. ಕ್ಹುದಾ ಬಗಲ ಫರಯೊಮ ಸ್ವರಗಾಮಾ ಘನ್ನಾ ಖುಶಿ ಥಾವಸ ಕೈನ ಮಿ ತುಮೊನೆ ಕೌಸ. ನೌವ್ವದಪರ ನೌ ಮನಕ್ಹೊ ಕ್ಹುದಾಬಗಲ ಫರಲ ವಾಲಾತಿಬಿ ಯಕ್ಕ ಪಾಪಿ ಕ್ಹುದಾ ಬಗಲ ಫರಯೊಮ ತಿನಾ ವಾಸ್ತರ ಘನ್ನಾ ಖುಶಿ ಥಾವಸ.
\p
\v 8 ನೈತೊ "ಯಕ್ಕ ಹೆಣ ಮನಕ್ಹಕನ ದಕ್ಹ ರುಪ್ಪಾನಾ ಬಿಲ್ಲಾ ಛೆ ಕೈನ ತಿಳದಿಲಿಯೆ. ತೆ ಹೆಣ ಮನಕ್ಹ ತಿಮಾನೊ ಯಕ್ಕ ರುಪ್ಪಾನೊ ಬಿಲ್ಲೊ ಜ಼ವೈ ಲಿಪಾಡಸ್. ತೆ ದಿವ್ವೊ ಲೈನ ತಿನು ಘರ ಝಾಡಸ. ತೆ ರುಪ್ಪಾನೊ ಬಿಲ್ಲೊ ಮಳೆ ಲಕ್ಕಾ ಹುಡ್ಕಸ, 
\v 9 ಜ಼ವೈ ಗಯಲ ರುಪ್ಪಾನೊ ಬಿಲ್ಲೊ ಮಳಲ್ಪರ ತೆ ತಿನಾ ದೊಸ್ತನಾ ಕ್ಹಾತೆ ಆಜು಼ಬಾಜು಼ವಾಲಾವೊನೆ ಬಲೈನ, ಮಾರಾ ಕ್ಹಾತೆ ಖುಶಿ ಕರೊ ಜ಼ವೈ ಗಯಲ ರುಪ್ಪಾನೊ ಬಿಲ್ಲೊ ಮಳ್ಯೊಸ, ಕವಸ.
\p
\v 10 ತಿನಾ ಲಿಂಗತಜ಼ ಯಕ್ಕ ಪಾಪಿ ತಿನಾ ಪಾಪನೆ ಪಶ್ಚಾತಾಪ ಪಡಿನ ಕ್ಹುದಾಬಗಲ ಫರಯೊಮ ಸ್ವರ್ಗಮಾ ರ‍್ಹಯಲ ದೆವದುತೊ ಘನ್ನಾ ಖುಶಿ ಥಾವಸ.
\s ಘರ ಛೊಡಿನ ಗಯಲ ದಿಕ್ರೊ
\p
\v 11 ಪಾಚಲ್ತೊ ಯೆಸು ಅಮ್ಮ ಕದ್ಯೊ" ಯಕ್ಕ ಮನಕ್ಹನೆ ಬೆ ದಿಕ್ರಾ ವ್ಹತ್ತಾ. 
\v 12 ತಿಮಾನೊ ನ್ಹಾನೊ ದಿಕ್ರೊ, ತಿನಾ ಬಾನೆ "ತಾರಿ ಆಸ್ತಿಮಾನೊ ಮಾರೊ ವಾಟೊ ದೆ ಕೈನ ಕದ್ಯೊ. ತಿನಾಹುತಿ ತಿನೊ ಬಾ ತಿನಿ ಆಸ್ತಿಮಾನೊ ವಾಟೊ, ತಿನಾ ನ್ಹಾನಾ ದಿಕ್ರಾನೆ ವಾಟಿನ ದಿದ್ಯೊ.
\p
\v 13 "ತೆಳಾಮಾ ತಿನೊ ನ್ಹಾನೊ ದಿಕ್ರೊ ತಿನೊ ವಾಟೊ ಲಿನ ಭಾರಲ್ಯಾ ದೆಶೆ ಗೈಪಡ್ಯೊ. ತ್ಯಾ ತೆ ಕೆಟ್ಟ ಚಟಾ ಸಿಕ್ಕಕಿನ ಪುರಾ ಆಸ್ತಿ ಹಾಳ ಕರಲಿ ಪಾಡ್ಯೊ. 
\v 14 ದಕ್ಹಾ ದಿನ್ಪರ‍ ತೆ ರ‍್ಹಯಲ ದೆಶಮಾ ಬರಗಾಲ ಐಯು. ತೆಳಾಮಾ ತೆ ದೆಶಮಾ ಸು ನ್ಹೊತು, ತೆ ಪಟ್ಟಾನೆ ಘನ್ನಿ ಭುಕ್ಕ ಲಾಗಿತಿ ತಿನಾ ಹುತಿ ತಿನೆ ದೊಕಡಾನಿ ಜ಼ರುರತ ವ್ಹತ್ತಿ. 
\v 15 ತಿನಾ ಹುತಿ ತೆ ದೆಶಮಾ ರ‍್ಹಯಲ ಯಕ್ಲಾಕನ ಕುಲಿ ಕರಾನೆ ತಿಕನ ವ್ಹತ್ತೊ. ತೆ ಮನಕ್ಹ ತೆ ಪಟ್ಟಾನೆ ಢುಕ್ಕಕುರೊ ಚ಼ರಾವಾನಾ ಹುತಿ ತಿನೆ ಖೆರತೆ ಮೊಕಲ್ಯೊ. 
\v 16 ತೆಳಾಮಾ ತೆ ಪಟ್ಟಾನೆ ಘನ್ನಿ ಭುಕ್ಕ ಲಾಗಿತಿ ತಿನಾಹುತಿ ಢುಕ್ಕಕುರೊ ಖಾವಾನಿ ತರಕಾರಿ ಖೌಕೈನ ತೆ ಪಟ್ಟೊ ಕೈಲಿದ್ಯೊ. ತಿಮ್ಮ ರ‍್ಹಯುತಬಿ ತಿನೆ ತೆ ಖಾವಾನೆ ದಿದ್ಯೊ ನೈ.
\p
\v 17 ತೆಳಾಮಾ ತೆ ಪಟ್ಟೊ ಗ್ಯಾನ ಐಯು ತೆ ಕಾಮ ಕರಲ ತಿನೆ ತಿಳದ್ಯು. ವರಿ ತಿನಾ ಮನಸ್ಮಾ ಕೈಲಿದ್ಯೊ. ಮಾರಾ ಬಾನಾ ಘರಮಾ ರ‍್ಹಯಲ ಆಳೊನೆ ಘನ್ನು ಅನ್ನ ರ‍್ಹವಸ ಮಿ ತೊ ನ್ಹ್ಯಾ ಭುಕ್ಕೊ ಮರಾಡ್ಯೊಸ. 
\v 18 ಮಿ ನ್ಹ್ಯಾಂತೊ ಗೈ ಪಡಸು. ವರಿ ಮಿ ಮಾರಾ ಬಾಕನ ಗೈನ ಬಾ ಮಿ ತಾರಾ ವಿರೊದ ವರಿ ಕ್ಹುದಾನಾ ವಿರೊದ ಪಾಪ ಕರ‍್ಯೊಸ, 
\v 19 ತಾರೊ ದಿಕ್ರೊ ವ್ಹೈ ಕೈನ ಕವೈಲಿವಾನೆ ಯೊಗ್ಯ ನತ್ತಿ. ಮನೆ ತಾರಾ ಘರನಾ ಆಳೊಮಾ ಮಿಬಿ ಯಕ್ಲೊ ವ್ಹೈ ಕೈನ ತಿಳದಿಲೆ ಕೈನ ಕೈಲಿದ್ಯೊ. 
\v 20 ತಿನಾ ಲಿಂಗತಜ಼ ತೆ ತಿನಾ ಬಾಕನ ಚಾ಼ಲ್ಯೊತೊ" ತಿನೊ ನ್ಹಾನೊ ದಿಕ್ರೊ ದುರತೊ ಆವಾನು ವಳ್ಕಿನ ತಿನೆ ಮರಗಿನ ತಿಕನ ನ್ಹಾಟತೊ ಐನ ತಿನಾ ಗಳೆ ಮಳಿನ ದಿಕ್ರಾನೆ ಮಟ್ಟಿ ಲಿದ್ಯೊ.
\p
\v 21 ದಿಕ್ರೊ ತಿನಾ ಬಾಪನೆ, ಬಾ, ಮಿ ಕ್ಹುದಾ ವಿರೊದ ಥೈನ ತುನೆ ವಿರೊದ ಥೈನ ಪಾಪ ಕರ‍್ಯೊಸ. ತಾರೊ ದಿಕ್ರೊ ವ್ಹೈ ಕೈನ ಕವೈಲಿವಾನೆ ಮಿ ಯೊಗ್ಯ ನತ್ತಿ. 
\v 22 ತೆನೈಸೊ ಬಾಪ ತಿನಾ ಸೆವಕೊನೆ, ಐಕೊ! ಚೊ಼ಕಾ ವಣ್ಣಾ ಲೈನ ಅನೆ ಘಾಲೊ. ತಿನಾ ಬೊಟೊನೆ ಇಟ್ಟಿಯೊ ಘಾಲೊ. ಪಗೊನೆ ಚೊ಼ಕಾ ಚಪ್ಲೊ ಘಾಲೊ. 
\v 23 ಘಟ್ಟಮುಟ್ಟ ರ‍್ಹಯಲ ಹೊರಿನೆ ಕಾಟಿನ ಖುಶಿ ಕರಿಯೆ. 
\v 24 ಮಾರೊ ದಿಕ್ರೊ ಜ಼ವೈ ಗಯೊತೊ,
\p ಎ ತಪ್ಪಿನ ಗಯೊತೊ. ಹಮ್ನಾ ವರಿ ಮಳ್ಯೊಸ" ಕದ್ಯೊ. ತೆನೈಸೊ ತ್ಯುನೆ ಖುಶಿ ಕರಾಡಾತಾ. 
\v 25 ತೆಳಾಮಾ ಮ್ಹೊಟೊ ದಿಕ್ರೊ ಖೆತರಮಾ ವ್ಹತ್ತೊ. ತೆ ಘರೆ ಆತಾಮಾ ಗಿದ್ದೊ ಕವಾನು ನ್ಹಾಚಾ಼ನು ಅವಾಜ಼ ಐಕ್ಯೊ. 
\v 26 ತಿನಾಹುತಿ ತೆ ತ್ಯುನಾ ಆಳಮಾನಾ ಯಕ್ಲಾನೆ ಬಲೈನ ಆ ಸು ಕರಾಡಾಸ? ತಿನೆ ಪುಚ್ಯೊ. 
\v 27 ತೆಳಾಮಾ ತೆ ಆಳ ಕದ್ಯೊ. ತಾರೊ ಜ಼ವೈಗಯಲ ಭೈ ಫರಿನ ಆಯೊಸ. ತಿನಾ ಹುತಿ ತಾರೊ ಬಾ ಘಟ್ಟ ಮುಟ್ಟ ರ‍್ಹಯಲ ಹೊರಿ ಕಾಟಾ ಲಗಾಡ್ಯೊಸ್. ವರಿ ತಾರೊ ಬಾ ಘನ್ನೊ ಖುಶಿಮಾ ಛೆ! ಕದ್ಯೊ ಕಾಕದ್ಯಾಮ ತಾರೊ ಭೈ ಫರಿನ ಆಯೊಸ. 
\v 28 ತೆಳಾಮಾ ತಿನೊ ಮ್ಹೊಟೊ ದಿಕ್ರೊ ಶಿಟ್ಟ ಥೈನ ತೆ ಘರಮಾ ಗಯೊ ನೈ. ತೆಳಾಮಾ ತಿನೊ ಬಾ ಭಾರೊ ಐನ ತಿನೆ ಮ್ಹೈ ಆ ಕೈನ ಮಾಂಗಿಲಿದ್ಯೊ. 
\v 29 ತೆಳಾಮಾ ತಿನೊ ಮ್ಹೊಟೊ ದಿಕ್ರೊ ತಿನಾ ಬಾನೆ ಮಿ ತಾರೊ ಆಳ ಥೈನ ಘನ್ನಾ ವರಘತೊ ಸೆವಾ ಕರ‍್ಯೊಸ! ವರಿ ತು ಕದಲ ತಿಮ್ಮಜ಼ ಮಿ ಐಕ್ಯೊಸ. ವರಿಬಿ ತು ಮಾರಾಹುತಿ ಮಾರಾ ದೊಸ್ತೊನಾ ಹುತಿ ಯಕ್ಕ ಬಕ್ಕರುಬಿ ಕಾಟ್ಯೊ ನತ್ತಿ. ವರಿ ತು ಮಾರಾಹುತಿ ಮಾರಾ ದೊಸ್ತೊನೆ ಖಾವಾನೆ ಅನ್ನ ಕರಾಯೊ ನತ್ತಿ. 
\v 30 ತೆನೈಸೊ ತಾರೊ ನ್ಹಾನೊ ದಿಕ್ರೊ ತಾರಾ ಕ್ಹಾರಾ ದೊಕ್ಡಾ ಸುಳಿಯೊನಾ ಹುತಿ ಜ಼಼ವೈ ಲಿದ್ಯೊ. ವರಿ ತೆ ಘರೆ ಫರಿನೆ ಆತಾಮಾ ತಿನಾಹುತಿ ತು ಹೊರಿ ಕಾಟಾಲಗಾಡ್ಯೊ. ಕೈನ ಕದ್ಯೊ.
\p
\v 31 ತಿಮ್ಮ ಕತಾಮಾ ತಿನೊ ಬಾ ಕದ್ಯೊ ದಿಕ್ರಾ, ತುತೊ ಮಾರಾ ಕ್ಹಾತೆ ಕೆಳಾಮಾಬಿ ರ‍್ಹಸಿ. ಮಕನ ರ‍್ಹಯಲ ಕ್ಹಾರುಜ಼ ತಾರು ವ್ಹೈ. 
\v 32 ಅಪೆ ಖುಶಿ ಕರು ಕಾಕದ್ಯಾಮ ತಾರೊ ಭೈ ತೊ ಜ಼಼ವೈ ಗಯೊತೊ. ತೆ ಮರಿಗಯೊತೊ ಜಿವ್ತೊ ಥಯೊಸ ವರಿ ಅಪೊಕನ ಫರಿನ ಆಯೊಸ.
\c 16
\s ಕ್ಹರಿನಿ ಆಸ್ತಿ
\p
\v 1 ಯೆಸು ತಿನಾ ಶಿಷ್ಯಾವೊನೆ ಸು ಕದ್ಯೊ ಕದ್ಯಾಮ. ಯಕ್ಕ ಕಾಲ್ಮಾ ಯಕ್ಕ ಸೌಕಾರ ವ್ಹತ್ತೊ. ತೆ ಸೌಕರ, ತೆ ಕರಾನೊ ವ್ಯಾಪಾರ ದೆಕಿಲಿವಾಹುತಿ ಯಕ್ಕ ಆಳನೆ ಮ್ಹೆಲ್ಯೊತೊ. ದಕ್ಹಾದಿನ್ನ ಥಯಲ್ಪರ, ತೆ ಆಳ ಸೌಕಾರನೆ ಮೊಸ ಕರಾಡ್ಯೊಸ ಕವಾನು ಸೌಕಾರನೆ ಗ್ವತ್ತ ಥಯು. 
\v 2 ತಿನಾಹುತಿ ತೆ ಸೌಕಾರ ತಿನಾ ಆಳನೆ ಬಲೈನ, ತಾರಾ ಹುತಿ ಮನೆ ಸುದ್ದಿ ಐಸ. ಕದ್ಯೊ. ಮಾರಾ ದೊಕ್ಡಾ ತು ಶಾನಾ ಹುತಿ ಖರಚ್ಯೊ ಕರ‍್ಯೊಸ ಕೈನ? ತು ಮನೆ ಲೆಕ್ಕೊ ದೆ ತು ಕೆ. ಇತ್ತಿ ಉಪ್ಪರ ಮಿ ಕರಾನು ವ್ಯಾಪಾರ ತು ನಕೊ ದೆಕಿಲಿವ, ಕದ್ಯೊ
\p
\v 3 ತೆಳಾಮಾ ತೆ ಆಳ ತಿನಾ ಮನಸ್ಮಾ ಮಿ ಸು ಕರು ಕೈನ? ವಿಚಾರ ಕರಲಿದ್ಯೊ. ಮಾರೊ ಮಾಲಕ ಮನೆ ಕಾಮ ಪರತೊ ಕಾಡಿ ಪಾಡಸ! ಖಾಡಿಯೊ ಖಂದಾನೆ ಮನೆ ತಾಕತ ನತ್ತಿ. ಭಿಕ ಮಾಂಗಾನೆ ಮನೆ ಸರಮ ವಾಟಸ. 
\v 4 ಮಿ ಹಮ್ನಾ ಸು ಕರು ಕವಾನು ಮನೆ ಗ್ವತ್ತ ಛೆ! ಮಿ ಕಾಮ ಜ಼ವೈ ಲಿದಲ್ಪರ, ಮಿ ಬಿಜಾ಼ ಮನಕ್ಹೊನೆ ದೊಸ್ತಿ ಕರಲ್ಯು ಕಾಮಪರ ಲಿವಾ ವರಕ್ಹು ಮಿ ಹಮ್ನಾ ಕಯುಬಿ ಚೊ಼ಕು ಕಾಮ ಕರಿನ ದೆಕಾಡು. ಕೈನ ಕೈಲಿದ್ಯೊ. 
\v 5 ಪಾಚಲ್ತೊ ತೆ ಆಳ ತಿನಾ ಸೌಕಾರಕನ ಸಾಲಾ ಲಿದಲವಾಲಾವೊನೆ ತೆಕ್ಲಾವೊನೆ ಬಲೈನ. ತಿಮಾನಾ ಯಕ್ಲಾನೆ ಬಲೈನ, ತು ಮಾರಾ ಸೌಕರನಿ ಸಾಲಾ ಕೆಕ್ಕಲಿ ದಿವ್. ಕೈನ ಪುಚ್ಯೊ. 
\v 6 ತೆಳಾಮಾ ತೆ ಮನಕ್ಹ ಕದ್ಯೊ ಮಿ ಕ್ಹೊ ಬ್ಯಾರಲೊ ಒಲಿವ ತೆಲ ದ್ಯು ಕದ್ಯೊ. ವರಿ ತೆ ಆಳ ಸಾಲಾವಾಲಾನೆ ಕದ್ಯೊ, ತಾರೊ ಲೆಕ್ಕೊ ನ್ಹ್ಯಾಛೆ. ಬೈಟ ಭೆಗಿನ ಆ ಲೆಕ್ಕಕಾಮಾ ಛೆ ಕಿಲೊ ವ್ಹೈ ಕೈನ ಐವತ್ತ ಅಮಾ ಬರದ, ಕದ್ಯೊ. 
\v 7 ಪಾಚಲ್ತೊ ತೆ ಆಳ ಬಿಜೆ಼ಕ್ಲಾನೆ ಬಲೈನ ತು ಮಾರಾ ಸೌಕರನೆ ಕೆಕ್ಲಿ ಸಾಲಾ ದ್ಯು. ಕೈನ ತಿನೆ ಪುಚ್ಯೊ. ಹಜಾ಼ರ ಕೊತಳಾ ಘೌ ದ್ಯು ಕದ್ಯೊ. ತೆಳಾಮಾ ತೆ ಆಳ ತೆ ಸಾಲಾವಾಲಾನೆ ಕದ್ಯೊ ತಾರೊ ಲೆಕ್ಕೊ ನ್ಹ್ಯಾಜ಼ ಛೆ ಆ ಲೆಕ್ಕಕಮಾ ಕಮ ಬರದ. ಆಟ ಕ್ಹೊ ಕೊತಳಾ ಕೈನ ಬರದ, ಕದ್ಯೊ. 
\v 8 ಪಾಚಲ್ತೊ ತೆ ಸೌಕಾರ ತಿನೊ ಮೊಸ ಕರಲ ಆಳನೆ ಬಲೈನ. ತು ಕೆಕ್ಲಿ ಶಾಣೆತನಾ ಕರ‍್ಯೊಸ, ಕದ್ಯೊ. ಹೊ ಲೊಕ್ಮಾನಾ ಮನಕ್ಹೊ ಘನ್ನಾ ಶಾಣ್ಯಾ ವ್ಹೈ.
\p
\v 9 ಮೊಸ ಕರಿನ ರಾಬೆಲ ಆಸ್ತಿಕ್ಹು ದೊಸ್ತ ಕರಲಿವೊ ತೆ ಆಸ್ತಿ ತುಮೊನೆ ಛೊಡಿನ ಜಾ಼ತಾಮಾ ತ್ಯುನೆ ತುಮೊನೆ ಹಮೆಶಾ ರ‍್ಹವಾನ ಜ಼ಗಾ ಬಲೈಲಿವಸ.
\p
\v 10 ದಕ್ಹಾಮಾಜ಼ ಬರೊಕ್ಹೊ ರ‍್ಹಯಲವಾಲೊ ಘನ್ನು ರ‍್ಹಯಲ ಟೈಮಾಬಿ ಬರೊಕ್ಹಾವಾಲಾಲಿಂಗತ ರ‍್ಹವಸ. ದಕ್ಹಾಮಾಜ಼ ಅನ್ಯಾಯಮಾ ರ‍್ಹಯಲವಾಲೊ ಘನ್ನು ರ‍್ಹಯಲ ಟೈಮಾಬಿ ಅನ್ಯಾಯವಾಲೊ ರ‍್ಹವಸ. 
\v 11 ತಿನಾಹುತಿ ತುಮೆ ಮೊಸ ಕರಿನ ಆಸ್ತಿ ದಿದಲಮಾಜ಼ ಬರೊಕ್ಹೊ ನೈಸೊ ರ‍್ಹಯಾಮ ಮ್ಹೈನತ ಕರಲ ಕ್ಹರಿನಿ ಆಸ್ತಿ ತುಮೊನೆ ಕುನ್ನ ದಿಸವ? 
\v 12 ಬಿಜೆ಼ಕ್ಕಲಾನಿ ಆಸ್ತಿಪರ ಬರೊಕ್ಹೊ ನೈ ಮ್ಹೆಲಲ ರ‍್ಹಯಾಮ ತುಮಾತು ಸ್ವಂತ ರ‍್ಹಯಲ ಸಾಮನಜ಼ ತುಮೊನೆ ಕುನ್ನ ದೆತು ನೈ.
\p
\v 13 ಕಯೊ ಸೆವಕ ಯಕಜ಼ ಟೈಮಾ ಬೆ ಮಾಲಕೊನೆ ಸೆವಾ ನೈ ಕರತೊ. ಯಕ್ಕನೆ ಮಯಾ ಕರಿನ ಯಕ್ಲಾನೆ ದುರ ಕರಸ, ತುಮೆ ಯಕಜ಼ ಟೈಮಾ ಕ್ಹುದಾನೆಬಿ ವರಿ ದೊಕಡಾವೊನೆ ಸೆವೆ ನೈ ಕರತಾ"
\s ಯೆಸು ಕದಲ ವಾತೊ
\r (ಮತ್ತಾಯ 11:12-13)
\p
\v 14 ತೆಳಾಮಾ ಫರಿಸಾಯರೊ ಎ ಕ್ಹಾರು ಐಕಾಡ್ಯಾತಾ. ಫರಿಸಾಯರೊ ದೊಕಡಾವೊಪರ ಆಸ ರ‍್ಹಯಲ ವಾಲಾ ವ್ಹತ್ತಾ ತಿನಾಹುತಿ ತ್ಯುನೆ ಯೆಸುನೆ ಕದ್ರಾಯಾ. 
\v 15 ವರಿ ಯೆಸು ಫರಿಸಾಯರೊನೆ ಕದ್ಯೊ, ಮನಕ್ಹೊನಾ ಕ್ಹಾಮಾ ತುಮೆ ಚೊ಼ಕಾ ವ್ಹೈ ಕೈನ ಕವೈಲಿವೊಶಿ. ವರಿ ಕ್ಹರಿಮಾಜ಼ ತುಮಾರು ಮನಸ್ಮಾ ರ‍್ಹಯಲ ಕ್ಹುದಾನೆ ಗ್ವತ್ತ ಛೆ. ಮನಕ್ಹೊನಾ ನಜ಼ರಮಾ ಚೊ಼ಕು ರ‍್ಹಯಲ ಕ್ಹುದಾನಿ ನಜ಼ರಮಾ ಕೆಟ್ಟ ವ್ಹೈ.
\p
\v 16 "ಮನಕ್ಹೊ ಮೊಶೆ ಬರ್ದಲ ಧರಮಶಾಸ್ತ್ರ ಪ್ರಕಾರ ಪ್ರವಾದಿಯೊ ಕದಲಜ಼ ತಿಮ್ಮಜ಼ ಮನಕ್ಹೊ ಜಿವ್ನಾ ಕರು ಕವಾನಿ ಕ್ಹುದಾನಿ ಆಸ ವ್ಹತ್ತಿ. ದಿಕ್ಕಷಾಸ್ನಾನ ದಿಲಾವಾಲೊ ಯೊಹಾನನಾ ಆಯಲ ಕಾಲ್ಮಾ ಕ್ಹುದಾನಿ ರಾಜ್ಯನಾ ಹುತಿ ತಿಳ್ಸಸ, ಘನ್ನಾ ಮನಕ್ಹೊ ಕ್ಹುದಾನಿ ರಾಜ್ಯಮಾ ಜಾ಼ವಾನಾ ಹುತಿ ಘನ್ನಾ ಕಷ್ಟ ಪಡಾಡ್ಯಾಸ. 
\v 17 ಹಬಾಳ ಜಿಮಿನ ನೈಸೊ ಥಾವಸ ತೆನೈಸೊ ಧರಮಶಾಸ್ತ್ರಮಾ ರ‍್ಹಯಲ ಯಕ್ಕಬಿ ವಾತ ಕಾಡಾನೆ ಥಾತು ನೈ.
\p
\v 18 ಯಕ್ಲೊ ತಿನಿ ಬೈಕೊನೆ ಛೊಡಿನ ಬಿಜೆ಼ಕ್ಲಿನೆ ಹಿವಾ ಕರಲಿದ್ಯೊಮ ತೆ ವೈಬಿಚಾರ ಕರಾಲೊ ಲಿಂಗತ ಥಾವಸ. ಯಕ್ಕ ಹೆಣ ಮನಕ್ಹ ಮಾಟಿನೆ ಛೊಡಿನ ಬಿಜೆ಼ಕ್ಲಾನೆ ಹಿವಾ ಕರಲಿದಿಮ ತೆ ವ್ಯಭಿಚಾರ ಕರಾಲಿ ಲಿಂಗತ ರ‍್ಹವಸ.
\s ಸೌಕಾರ ವರಿ ಲಾಜರ
\p
\v 19 ವರಿ ಯೆಸು ತ್ಯುನೊಕನ ಅಮ್ಮ ಕದ್ಯೊ" ಯಕ್ಲೊ ಸೌಕಾರ ವ್ಹತ್ತೊ, ತೆ ಸೌಕಾರ ಘನ್ನಾ ಚೊ಼ಕಾ ವಣ್ಣಾ ಘಾಲ್ಲೆತೊತೊ. ತೆ ಘನ್ನೊ ಸೌಕಾರ ರ‍್ಹಯಲ ಹುತಿ ತೆ ದಿನ್ನೆಬಿ ಚೊ಼ಕು ಚೊ಼ಕೊಜ಼ ಅನ್ನ ಖಾತೊ ಖುಶಿ ಕರ್ತೊತೊ. 
\v 20 ತ್ಯಾ ಲಾಜ಼ರ ಕವಾಲೊ ಯಕ್ಲೊ ಗರಿಬ ಮನಕ್ಹ ವ್ಹತ್ತೊ. ತಿನೆ ಅಂಗ ಭರಿನ ಘುಮ್ಡಾ ವ್ಹತ್ತಾ ತೆ ಲಾಜ಼ರ ಸೌಕಾರನಾ ಘರನಾ ಕ್ಹಾಮೊ ಪಡಲ ರ‍್ಹತೊತೊ. 
\v 21 ವರಿ ಸೌಕಾರ ಖೈನ ಉಗ್ರಲ ಭಾರು ನಾಕಲ ಅಟ್ಟು ಅನ್ನ ಖಾತೊತೊ. ಕುತ್ರಾ ಐನ ಲಾಜ಼ರನಾ ಘುಮ್ಡಾ ಚಾ಼ಟ್ತಾತಾ.
\p
\v 22 "ದಕ್ಹಾ ದಿನ್ನ ಥಯಲಪರ ಲಾಜ಼ರ ಮರಯೊ. ಸ್ವರಗನಾ ದುತೊ ಐನ ತೆ ಲಾಜ಼ರನೆ ಅಬ್ರಹಾಮಕನ ಲಿನಗಯಾ, ಯಕ್ಕ ದಿನ್ನ ತೆ ಸೌಕಾರಬಿ ಮರಯೊ. ತಿನೆ ಮಜಾ಼ರಮಾ ಬುಜ್ಜಾ಼. 
\v 23 ತೆನೈಸೊ ತೆ ಸೌಕಾರ ನರಕಮಾ ತ್ರಾಸ ಖಾತೊ ಘನ್ನೊ ದುರ ರ‍್ಹಯಲ ಅಬ್ರಹಾಮನಾ ಕ್ಹಾತೆ ಲಾಜ಼ರನೆ ದೆಕಿನ,
\p
\v 24 ಹಮಾರೊ ಬಾ ಅಬ್ರಹಾಮ, ಮನೆ ಮರಗಿನ ಲಾಜ಼ರನೆ ಮಕನ ಮೊಕಲ. ತೆ ತಿನೊ ಬೊಟ ಪಾನಿಮಾ ಡುಬೈನ ಮಾರಿ ಜಿಬ್ಬ ಥಂಡಿ ಥಾವಾ ವರಕ್ಹಿ ಕರ, ಮಿ ಆಗಮಾ ಬಳವಾಡ್ಯೊಸ! ಕದ್ಯೊ.
\p
\v 25 ತೆ ವಾತೆ ಅಬ್ರಹಾಮ ತಿನೆ ದಿಕ್ರಾ ತಾರಿ ಜಿವಿತಮಾ ತು ಸು ಕರ‍್ಯೊ ತುನೆ ಗ್ವತ್ತ ನತ್ತಿಸು? ತ್ಯಾ ತುನೆ ಕ್ಹಾರಿ ಸುಕಾ ವ್ಹತ್ತಿ. ತೆನೈಸೊ ಲಾಜ಼ರತೊ ತಿನಿ ಜಿವಿತ ಪುರಾ ಕಷ್ಟ ವರಿ ತ್ರಾಸ ಖಾದ್ಯೊಸ. ತಿನಾ ಹುತಿ ತೆ ಸ್ವರ್ಗಮಾ ತಿನೆ ಸುಖಾ ಛೆ. ತು ಕಷ್ಟ ಖಾವಡ್ಯೊಸ. 
\v 26 ತೆನೈಸೊ ತಾರಾಮಾ ಹಮಾರಾಮಾ ಘನ್ನು ಮ್ಹೊಟು ಫರಕ ಛೆ ತ್ಯಾ ಐನ ತುನೆ ಮದತ ಕರಾನೆ ಕಿನೆಜ಼಼ ಸಾದ್ಯ ನತ್ತಿ. ತೆನೈಸೊ ತು ರ‍್ಹಯಲ ಜ಼ಗಾತೊ ಹಮೆ ರ‍್ಹಯಲ ಜ಼ಗಾ ಕಿನೆಜ಼಼ ಆವಾನೆ ಸಾದ್ಯ ನತ್ತಿ.
\p
\v 27 ತೆಳಾಮಾ ಸೌಕಾರ ಕದ್ಯೊ ತಿಮ್ಮ ರ‍್ಹಯುಮ ಲಾಜ಼ರನೆ ಭುಲೊಕಪರ ರ‍್ಹಯಲ ಮಾರಾ ಬಾನಾ ಘರೆ ಮೊಕಲ! 
\v 28 ಮಾರಾ ಪಾಂಚ಼ ಭಾಯೊ ಛೆ ತ್ಯುನೆ ಮಿ ತ್ರಾಸ ಖಾವಾನ ಜ಼ಗಾ ಆವಾನು ನಕೊ, ಕೈನ ತ್ಯುನೊನೆ ಹುಶಾರ ಕರಾದೆ ಕದ್ಯೊ.
\p
\v 29 ತೆ ವಾತೆ ಅಬ್ರಹಾಮ, ಮೊಶೆ ಬರ್ದಲ ಧರಮ ಶಾಸ್ತ್ರ ವರಿ ಪ್ರವಾದಿಯೊನಾ ಬುಕ್ಕೊ ತ್ಯುನೊಕನ ಛೆ ತ್ಯುನೆ ತ್ಯುನಿಯೊ ವಾತೊ ಐಕಾದೆ ಕದ್ಯೊ.
\p
\v 30 ತೆ ವಾತೆ ಸೌಕಾರ, ಬಾ ಅಬ್ರಹಾಮ ತಿಮ್ಮ ಕೌ ನಕೊ ಕುನ್ನಬಿ ಮರಲವಾಲಾವೊಮಾನೊ ಯಕ್ಲೊ ಜಿವ್ತೊ ಥೈನ ಉಟಿನ ಗೈನ ತ್ಯುನೊಕನ ಕವಾದೆ ತೆಳಾಮಾ ತ್ಯುನೆ ಚೊ಼ಕಾ ಥಾಸ ಕದ್ಯೊ.
\p
\v 31 ತೆ ವಾತೆ ಅಬ್ರಹಾಮ ತಿನೆ, ನೈ! ತಾರಾ ಭಾಯೊ ಮೊಶೆನು ಧರಮ ಶಾಸ್ತ್ರ ವರಿ ಪ್ರವಾದಿಯೊ ಕದಲ ವಾತೊ ನೈ ಐಕ್ಯಾಮ, ಮರಲವಾಲಾವೊಮಾನಾ ಮನಕ್ಹೊಮಾ ಜಿವ್ತಾ ಥೈನ ಉಟಲ ವಾಲಾವೊನಿಯೊ ವಾತೊ ನೈ ಐಕ್ತಾ"ಕದ್ಯೊ.
\c 17
\s ಪಾಪ
\r (ಮಾರ್ಕ 9:42)
\p
\v 1 ಯೆಸು ತಿನಾ ಶಿಷ್ಯಾವೊನೆ"ಮನಕ್ಹೊನೆ ಪಾಪಮಾ ಚ಼ಲಾವಾನಿಯೊ ಸಂಗತಿಯೊ ಖರಿಮಾಜ ಆವಸ. ವರಿ ತೆ ಕಿಕ್ಹು ಆವಸ ತೆ ಮನಕ್ಹನಿ ಗತಿ ಮಿ ಸು ಕೌ! 
\v 2 ತಾಕತ ಕಮ ರ‍್ಹಯಲವಾಲಾವೊನ, ಪಾಪ ಕರಾನೆ ಸಿಕ್ಕಲಾವಾಲೊ ತಿನಾ ಗರದನೆ ವಾಟ ದೆಕಾಡಾನೊ ಮ್ಹೊಟೊ ದಗ್ಡೊ ಭಾಂದಿಲಿನ ಸಮುಂದರಮಾ ಪಡಾನು ಚೊ಼ಕು ವ್ಹೈ. 
\v 3 ತಿನಾಹುತಿ ತುಮೆ ಹುಶಾರ ರಹೊ"ತಾರೊ ಭೈ ಪಾಪ ಕರಲ ರ‍್ಹಯೊಮ, ತಿನೆ ಭುಚ್ಕಾ಼ಡ. ವರಿ ತಾರೊ ಭೈ ಕರಲ ಪಾಪನೆ ಪಶ್ಚಾತಾಪ ಪಾಡ್ಯೊಮ ತಿನೆ ಮಾಫ ಕರ ಕದ್ಯೊ.
\p
\v 4 ತಾರೊ ಭೈ ತಾರಾ ವಿರುದ್ದ ಯಕ್ಕ ದಿನಮಾ ಕ್ಹಾತ ಸಲಾ ಪಾಪ ಕರಿನ ತೆ ಕ್ಹಾತ ಸಲಾಬಿ, ತುನೆ ಮಾಫಕರ ಕೈನ ಕದ್ಯಾಮ, ತು ತಿನೆ ಮಾಫ ಕರು "ಕೈನ ಕದ್ಯೊ.
\s ತುಮಾರೊ ಬರೊಕ್ಹೊ ಕೆಕ್ಲೊ ಮ್ಹೊಟೊ ವ್ಹೈ?
\p
\v 5 ಅಪೊಸ್ತಲೊ ಯೆಸುನೆ "ಹಮಾರೊ ಬರೊಕ್ಹೊ ಹೆಚ್ಕಿ ಥಾವಾ ವರಕ್ಹು ಹಮೊನೆ ಆಶಿರ್ವಾದ ದೆ" ಕದ್ಯಾ. 
\v 6 ಯೆಸು ತ್ಯುನೊನೆ ಅಮ್ಮ ಕದ್ಯೊ, "ತುಮಾರೊ ಬರೊಕ್ಹೊ ಸಾಸಿವೆ ಕಾಳ ಯಕ್ಲೊ ಮ್ಹೊಟೊ ಬರೊಕ್ಹೊ ರ‍್ಹಯೊಮ, ತುಮೆ ಉಂಬ್ರೊನಾ ಝಾಡನೆ ತು ಕಿತೈನ ಸಮುಂದರಮಾ ಗೈನ ಪಡ ಕದ್ಯಾಮ ತುಮೆ ಕದಲ ತಿಮ್ಮಜ಼ ಥಾವಸ.
\s ಚೊ಼ಕಾ ಸೆವಕ ಥೈನ ರ‍್ಹವೊ
\p
\v 7 "ತುಮೊಮಾ ಯಕ್ಲಾನಾ ಖೆತರಮಾ ಕಾಮ ಕರಾಹುತಿ ಯಕ್ಕ ಆಳ ಛೆ ಕೈನ ತಿಳದಿಲಿಯೆ. ತೆ ಆಳ ಖೆತರನಿ ಜಿಮಿನ್ಪರ ಹೆರಗತೊ ರ‍್ಹವಸ, ನೈತೊ ತೆ ಆಳ ಬಕ್ರಾ ಚ಼ರಾತೊ ರ‍್ಹವಸ. ತೆ ಆಳ ಖೆತರನು ಕಾಮ ಮುಗ್ಸಿನ ಘರೆ ಆತಾಮಾ ತು ತಿನೆ ಸು ಕಸಿ? ಮ್ಹೈ ಆ ತು ಖಾವಾನೆ ಬೈಟ ಕೈನ ಕಸಿಸು? 
\v 8 ನೈ! ತು ತಿನೆ, ಮಾರಾ ಹುತಿ ಖಾವಾನೆ ಅನ್ನ ಕರ. ಪಾಚಲ್ತೊ ತು ಚೊ಼ಕಾ ವಣ್ಣಾ ಘಾಲ್ಲಿನ ಮನೆ ಖಾವಾನೆ ಅನ್ನ ಘಾಲಿನ ದೆ. ಮಿ ಖೈನ ಪಿದಲಪರ ತು ಖಾ ಕೈನ ತಿನೆ ಕಸಿ. 
\v 9 ತಾರೊ ಆಳ ತಿನೊ ಕಾಮ ಕರಲ ಹುತಿ, ತು ತಿನೆ ಘನ್ನಿ ಮರ್ಯಾದಿ ದಿವಾನೆ ಜಾ಼ವುನಕೊ. ಆಳ ರ‍್ಹಯಲಜ಼ ಮಾಲಕನಿ ವಾತ ಐಕಾ ಹುತಿ ವ್ಹೈ. 
\v 10 ಎಜ಼ ನಿಯಮೊ ತುಮೊನೆಬಿ ಲಾಗು ಥಾವಸ. ತುಮೊನೆ ದಿದಲ ಕಾಮೊ ತುಮೆ ಪುರಾ ಕರಲ್ಪರ"ಹಮೆ ಆಳೊ ವ್ಹೈ, ಹಮೆ ಕಾರಾನು ಕರ್ತವ್ಯ ಹಮೆ ಕರ‍್ಯಾಸ "ಕೈನ ಕೌ"
\s ನೆಣಸಾಲಾ ಥಾವೊ
\p
\v 11 ಯೆಸು ಯೆರೊಸೆಲಿಮ ಫರತೊ ಗಲಿಲಾಯನೆ ಗಯೊ.
\p
\v 12 ತ್ಯಾ ತೆ ಯಕ್ಕ ಖೆಡೆ ಆಯೊ. ತ್ಯಾ ತಿನೆ ದಕ್ಹ ಜ಼ನಾ ದೆಕ್ಯಾ ತ್ಯುನೆ ಯೆಸುನಾ ಕ್ಹಾಮಾ ಆಯಾ ನೈ. ಕಾಕದ್ಯಾಮ ತ್ಯುನೆ ಕ್ಹಾರಾಜ಼ನಾ ಕುಷ್ಠ ರೊಗಿಯೊ ವ್ಹತ್ತಾ. 
\v 13 ತೆನೈಸೊ ತ್ಯುನೆ ಯೆಸುನೆ ದೆಕಿನ "ಯೆಸು! ಗುರು! ಮರಗಿನ ಮನೆ ಸಹಾಯಾ ಕರ ಕೈನ ಜೊ಼ರ ವದ್ರ್ಯಾ.
\p
\v 14 ಯೆಸು ತ್ಯುನೊನೆ ದೆಕಿನ"ಜಾ಼ವೊ ತುಮಾರು ಅಂಗ ಯಾಜೊ಼ಕೊನೆ ದೆಕಾಡೊ ಕೈನ "ತ್ಯುನೊನೆ ಕದ್ಯೊ. ತ್ಯುನೆ ಯಾಜಕೊನೆ ತ್ಯುನು ಅಂಗ ದೆಕಾಡಾನೆ ಜಾ಼ತಾಮಾಜ಼ ತ್ಯುನೊ ಕುಷ್ಟರೊಗ ರ‍್ಹಯಲ ಗೈಪಡ್ಯುತು. 
\v 15 ತ್ಯುನೊಮಾನೊ ಯಕ್ಲೊ ತೆ ಅರಾಮ ಥಯಲ ದೆಕಿಲಿನ ಫರಿನ ಯೆಸುಕನ ಐನ ಜೊ಼ರ ವದ್ರಿನ ಕ್ಹುದಾನೆ ಸ್ತುತಿ ಕರ‍್ಯೊ. 
\v 16 ತೆ ಯೆಸುನಾ ಪಗೊಮಾ ಪಡಿನ ಸ್ತುತಿ ಕರ‍್ಯೊ. ತೆ ಸಮಾರಯಾ ವಾಲೊ ವ್ಹತ್ತೊ.
\p
\v 17 ಯೆಸು ತಿನೆ ಪುಚ್ಯೊ, ತುಮೊನೆ ದಕ್ಹೆ ಜ಼ನಾವೊನೆ ಅರಾಮ ಥೈಸ್ತೊ? ಬಾಕಿನಾ ನೌ ಜ಼ನಾ ಕಿಜಾ಼ ಛೆ? 
\v 18 ಕ್ಹುದಾನೆ ಸ್ತುತಿ ಕರಾನೆ ಎ ಸಮಾರಯಾವಾಲನೆ ಛೊಡಿನ ಭಿಜಾ಼ ಕುನ್ನಜ಼ ಐಯುನತ್ತಿಸು? ಕೈನ ಪುಚ್ಯೊ಼.
\p
\v 19 ಪಾಚಲ್ತೊ ಯೆಸು ತಿನೆ"ಉಟ್ಟ! ಹಮ್ನಾ ತು ಘರೆ ಜಾ಼! ತು ಬರೊಕ್ಹೊ ಕರಲ ಹುತಿಜ಼ ತುನೆ ಅರಾಮ ಥಯೊಸ "ಕದ್ಯೊ.
\s ಕ್ಹುದಾನಿ ರಾಜ್ಯ ಆವಾನು ಛೆ
\r (ಮತ್ತಾಯ 24:23-28,37-41)
\p
\v 20 ಫರಿಸಾಯರೊಮಾನಾ ದಕ್ಹಾ ಜ಼ನಾ ಯೆಸುನೆ, ಕ್ಹುದಾನಿ ರಾಜ್ಯ ಕೆಳಾಮಾ ಆವಸ? ಕೈನ ಪುಚ್ಯಾ. ಯೆಸು ತ್ಯುನೊನೆ "ಕ್ಹುದಾನಿ ರಾಜ್ಯ ಆವಾಡಿಸ, ತೆನೈಸೊ ತುಮಾರಾ ಡೊಳೆ ದಿಕ್ಹೆಲಿಂಗತ ಆತು ನೈ. 
\v 21 "ದೆಕೊ, ಕ್ಹುದಾನಿ ರಾಜ್ಯ ನ್ಹ್ಯಾ ಛೆ" ದೆಕೊ ಐಜ್ಗಾ಼ ಛೆ" ಕೈನ ಮನಕ್ಹೊ ಕಯೆಲಿಂಗತ ನತ್ತಿ. ಕ್ಹುದಾನಿ ರಾಜ್ಯ ತುಮೊಮಾ ಛೆ "ಕದ್ಯೊ.
\p
\v 22 ಪಾಚಲ್ತೊ ಯೆಸು ತಿನಾ ಶಿಷ್ಯಾವೊನೆ ಕದ್ಯೊ"ಮನಕ್ಹನಾ ದಿಕ್ರಾನೆ ತುಮೆ ಆಸ ಮ್ಹೆಲಲ ದಿನ್ನ ಆವಸ, ವರಿ ತುಮೆ ತೆ ದಿನ್ನ ದೆಕತಾ ನೈ.
\p
\v 23 ಮನಕ್ಹೊ ತುಮೊನೆ, ಐಲೊ ಐಜ್ಗಾ಼ ಛೆ! ಕವಸ. ತುಮೆ ರ‍್ಹಯಲ ಜ಼ಗಾಜ಼ ರ‍್ಹವೊ. ತಿವ್ನಾ ವಾತೊ ಐಕೊ ನಕೊ. ವರಿ ಹುಡ್ಕೊ ನಕೊ. 
\v 24 ಕಾಕದ್ಯಾಮ ಮನಕ್ಹನೊ ದಿಕ್ರೊ ಥಯಲ ಮಿ, ಆತಾಮಾ ತುಮೊನೆ ಗ್ವತ್ತ ಥಾವಸ. ಹಬಾಳಮಾತೊ ಉಜಾಲಾನ ವರಿ ಬಿಜ್ಲಿನಾ ರುಪಮಾ ತೆ ಆವಸ.
\p
\v 25 ತೆನೈಸೊ ಪೈಲಾ ಮನಕ್ಹನೊ ದಿಕ್ರೊ ಘನ್ನು ಕಷ್ಟ ಖೈನ ಎ ಕಾಲನಾ ಮನಕ್ಹೊ ತಿನೆ ಠುಕ್ಕರಾವಸ.
\p
\v 26 ಮನಕ್ಹನೊ ದಿಕ್ರೊ ಫರಿನ ಆವಾನಾ ಟೈಮ್ಮಾ ಎ ಜಗತ್ನಿ ಸ್ತಿತಿ ನೊಹಾನಾ ಕಾಲ್ಮಾ ಥಯಲ ಸ್ತಿತಿ ಥಾವಸ. 
\v 27 ನೊಹಾನಾ ಕಾಲ್ಮಾ ಹರಿ ಯಕ್ಲೊ ಖಾತಾ ಪಿತಾ, ಹಿವಾ ಕರಲೆತಾ ಹಿವಾ ಕರಾತಾ ವ್ಹಾತಾ. ನೊಹಾ ಹಡಗಾಮಾ ಗಯಲ ಟೈಮ್ಮಾ ತೆ ಮನಕ್ಹೊ ತಿಮ್ಮಜ಼ ಕರತಾತಾ. ತೆಳಾಮಾ ಘನ್ನು ಪಾನಿ ಥೈನ ಕ್ಹಾರಾ ಮನಕ್ಹೊ ಮರಿಗಯಾ.
\p
\v 28 ಲೊಟಾನಾ ಕಾಲ್ಮಾ ಕ್ಹುದಾ ಸೊದೊಮನ ದೆಶ ಕಿಮ ನಾಶ ಥೈಯುತು ತಿಮ್ಮಜ಼ ಥಾವಸ. ತೆ ಮನಕ್ಹೊ ಖಾತಾ, ಪಿತಾ, ವ್ಯಾಪಾರ ಕರತಾ ವರಿ ತ್ಯುನೆ ರ‍್ಹವಾ ಹುತಿ ಮ್ಹೊಟಾ-ಮ್ಹೊಟಾ ಘರೊ ಭಾಂದಿಲೆತಾ ವ್ಹತ್ತಾ.
\p
\v 29 ಲೊಟಾ, ಸದೊಮ ಗಾಮ ಛೊಡಿನ ಜಾ಼ತಾಮಾ ತ್ಯಾನಾ ಮನಕ್ಹೊ ತಿಮ್ಮಜ಼ ಕರಾಡಾತಾ. ತೆಳಾಮಾ ಹಬಾಳಮಾತಾ ಆಗನಾ ಮಂಗಾಳಾ ಪಡಿನ ತ್ಯುನೆ ಕ್ಹಾರಾ ಮರಿಗಯಾ.
\p
\v 30 ಮನಕ್ಹನೊ ದಿಕ್ರೊ ಫರಿನ ಆತಾಮಾ ಜಗತ್ನಿ ಸ್ತಿತಿ ಇಮ್ಮಜ಼ ಥಾವಸ.
\p
\v 31 ತೆ ದಿನೊಮಾ ಅಂಟಾಪರ ರ‍್ಹಯಲವಾಲೊ ಹೆಟೊ ಉತ್ರಿನ ತಿನಾ ಘರಮಾನು ಲಾವಾನೆ ಜೌ಼ ನೈಸೊ ನ್ಹಾಟಿ ಜಾ಼ವಾದೆ 
\v 32 ಲೊಟಾನಿ ಬೈಕೊನಾ ಕ್ಹಾತೆ ಥಯಲ ಶೆ ಛೆಸು.
\p
\v 33 ತಿನೊ ಜ಼ಲಮ ವಚಾ಼ಡಿಲಿವಾಲೊ ತಿನೊ ಜ಼ಲಮ ಜ಼ವೈಲಿವಸ, ವರಿ ತಿನೊ ಜ಼ಲಮ ದಿವಾಲೊ ತಿನೊ ಜ಼ಲಮ ವಚಾ಼ಡಿಲಿವಸ.
\p
\v 34 ಮಿ ಆತಾಮಾ ಯಕ್ಕ ಘರಮಾ ಬೆ ಜ಼ನಾ ಕ್ಹುರಯಲ ರ‍್ಹಯಾಮ ಯಕ್ಲಾನೆ ಲಿನಂಜಾ಼ವುಸ ಯಕ್ಲಾನೆ ಛೊಡಿನ ಜೌ಼ಸ. 
\v 35 ಬೆಜ಼ನಿಯೊ ಹೆಣ ಮನಕ್ಹೊ ಕಾಮ ಕರತಿಯೊ ರ‍್ಹತಾಮ ಯಕ್ಕಲಿನ ಲಿನಂಜಾ಼ವುಸ ಯಕ್ಕಲಿನ ಛೊಡಿನ ಜೌ಼ಸ. 
\v 36 \f + \fr 17:36 \fr*\ft 36 ವಚನ ಮಳಾಯಾಸ; ಬೆ ದಾಣ್ಗಾ ಯಕ್ಕಜ಼ ಖೆತರಮಾ ರ‍್ಹವಸ. ಯಕ್ಲಾನೆ ನಿಂಜಾ಼ವಸ ಯಕ್ಲಾನೆ ಛೊಡಸ. \ft*\f*
\p
\v 37 ಶಿಷ್ಯಾ ಯೆಸುನೆ "ಪ್ರಭು, ಎ ಕ್ಹಾರು ಕಿಜಾ಼ ಥಾವಸ? ಕೈನ ಪುಚ್ಯಾ.
\p ಯೆಸು ತ್ಯುನೊನೆ, ಹದ್ದೊ ಮಳಿನ ಕಿ ಆಯಲ ರ‍್ಹವಸ ತ್ಯಾ ಮುರದಾ ರ‍್ಹಯಲ ರ‍್ಹವಸಜ಼ ಕೈನ ಮನಕ್ಹೊ ತಿಳದಿಲಿವಸ "ಕದ್ಯೊ.
\c 18
\s ತಿನಾ ಮನಕ್ಹೊನೆ ಕ್ಹುದಾ ಕದಲ
\p
\v 1 ನಿರಾಶ ಥಯಾವಾಚಿ ಕೆಳಾಮಾಬಿ ಪ್ರಾಥನಾ ಕರು ಕೈನ ಯೆಸು ತಿನಾ ಶಿಷ್ಯಾವೊನೆ ಯಕ್ಕ ಸಾಮ್ಯ ಲಿನ ಕದ್ಯೊ. 
\v 2 ಯಕ್ಕ ಗಾಮಾ ಯಕ್ಕ ನ್ಯಾಯಾ ಕರಾಲೊ ವ್ಹತ್ತೊ. ತಿನೆ ಕ್ಹುದಾನೊ ಭೆ ನ್ಹೊತೊ ವರಿ ಮನಕ್ಹೊ ತಿನಾ ಹುತಿ ಸು ಬೊಲಸ ಕೈನ ತೆ ವಿಚಾರ ಕರತೊ ನ್ಹೊತೊ 
\v 3 ತೆಜ಼ ಗಾಮ್ಮಾ ಯಕ್ಕ ರಾಂಡಿ ಬಾಕ್ಡಿ ವ್ಹತ್ತಿ, ತೆ ಬಾಕ್ಡಿ ಘನ್ನಿ ಸಲಾ ನ್ಯಾಯಾ ಕರಾಲಾಕನ ಐನ, ನ್ಹ್ಯಾ ಯಕ್ಲೊ ಮನೆ ಘನ್ನೊ ತರಾಸ ಕರಸ. ತು ಮನೆ ಮರಗಿನ ನ್ಯಾಯ ದಿಲಾ! ಕೈನ ಮಾಂಗಿಲಿದಿ. 
\v 4 ತೆನೈಸೊ ತೆ ನ್ಯಾಯಾ ಕರಾಲೊ ತೆ ಬಾಕಡಿನೆ ಧ್ಯಾನ ದಿದ್ಯೊ ನೈ. ವರಿ ದಕ್ಹಾ ದಿನ್ಪರ‍ ತೆ ನ್ಯಾಯಾ ಕರಾಲೊ ತಿನಾ ಮನಸ್ಮಾ ವಿಚಾರ ಕರಲಿದ್ಯೊ ಮಿ ಕ್ಹುದಾಕ್ಹು ಬಿ ಭುಚ್ಕೊತೊ ನೈ ವರಿ ಮನಕ್ಹೊನೆ ದಾದ ನೈ ಕರತೊ. 
\v 5 ವರಿ ಆ ಬಾಕ್ಡಿ ಐನ ಮನೆ ಘನ್ನಿ ಕಿರಿ-ಕಿರಿ ಲಗಾಡಿಸ. ಇನು ಫೈಸಲೊ ಮಿ ಕರಿಪಾಡುಸ, ವರಿ ಎ ಬಾಕ್ಡಿ ಮನೆ ಕಿರಿ-ಕಿರಿ ನೈ ಕರತಿ, ನೈತೊ ಎ ಬಾಕ್ಡಿ ಮನೆ ಘನ್ನಿ ಕಿರಿ-ಕಿರಿ ಕರತಿಜ಼ ರ‍್ಹವಸ "ಕೈನ ಕೈಲಿದ್ಯೊ.
\p
\v 6 ಯೆಸು ಎ ಸಾಮ್ಯ ಕದಲ್ಪರ ತಿನಾ ಶಿಷ್ಯಾವೊನೆ ಕದ್ಯೊ. ಐಕೊ ತೆ ಅನ್ಯಾಯಾ ಕರಾಲೊ ನ್ಯಾಯಾದಿಪತಿ ಕದಲ ವಾತಮಾ ಮತ್ಲಬ್ ಛೆ.
\p
\v 7 ಕ್ಹುದಾನಾ ಮನಕ್ಹೊ ಕ್ಹುದಾನೆ ದಿನ್ನ ರಾತ ಪ್ರಾಥನಾ ಕರು. ಕ್ಹುದಾ ತಿನಾ ಮನಕ್ಹೊನೆ ಚೊ಼ಕು ರ‍್ಹಯಲಜ಼ ಕೆಳಾಮಾಬಿ ದಿವಸ, ಕ್ಹುದಾ ತಿನಾ ಮನಕ್ಹೊನಿ ಪ್ರಾಥನಾನೆ ಭೆಗಿನಜ಼ ಜವಾಬ ದಿವಸ. 
\v 8 ಕ್ಹುದಾ ತಿನಾ ಮನಕ್ಹೊನೆ ಭೆಗಿನಜ಼ ಆಸ್ರೊ ಕರಸ. ಕೈನ ತುಮೊನೆ ಕೌಸ. ತೆನೈಸೊ ಮನಕ್ಹನೊ ದಿಕ್ರೊ ಆತಾಮಾ ಜಗತ್ನಾ ಮನಕ್ಹೊಮಾ ಬರೊಕ್ಹೊ ದೆಕಸ್ಸು? ಕದ್ಯೊ.
\s ಫರಿಸಾಯರೊ ವರಿ ಭು ಭಾಡೊಲಿವಾಲಾವೊನಿ ಸಾಮ್ಯ
\p
\v 9 ತೆಜ಼ ಟೈಮ್ಮಾ ತ್ಯಾನಾ ಮನಕ್ಹೊ ಹಮೆಜ಼ ಚೊ಼ಕಾವೈ ಕೈನ ತಿಳದಿಲಿದ್ಯಾತಬಿ ವರಿ ಎ ಮನಕ್ಹೊ ಹಮೆ ಬಿಜಾ಼ವೊತಿಬಿ ಚೊ಼ಕಾ ವ್ಹೈ ಕೈನ
\p
\v 10 ಯಕ್ಕ ಸಲಾ ಫರಿಸಾಯರವಾಲೊ ವರಿ ಭುಭಾಡೊಲಿವಾಲೊ ಪ್ರಾಥನಾ ಕರಾ ಹುತಿ ದೆವಾಲಯೆ ಗಯಾ.
\p
\v 11 ತೆಳಾಮಾ ಫರಿಸಾಯರವಾಲೊ ಭು ಭಾಡೊಲಿವಾಲಾನೆ ದೆಕಿನ ದುರ ಹುಬ್ರೈನ ಅಮ್ಮ ಪ್ರಾಥನಾ ಕರ‍್ಯೊ. ಕ್ಹುದಾ, ಮಿ ಬಿಜಾ಼ವೊ ಲಿಂಗತ ಭು ಭಾಡೊಲಿವಾಲೊ ನ್ಹವೈ.
\p ಮೊಸ ಕರಾಲೊ ನ್ಹವೈ, ವೈಭಿಚಾರ ಕರಾಲೊ ನ್ಹವೈ. ತಿನಾ ಹುತಿ ಮಿ ತುನೆ ಸ್ತೊತ್ರಾ ಕೌಸ,
\p
\v 12 ಮಿತೊ ಹಪ್ತಾಮಾ ಬೆಸಲಾ ಉಪಾಸ ಕರುಸ. ಮಿ ರಾಬಲಮಾ ದಕ್ಹ್ವಾಮಾನೊ ಯಕ್ಕ ಭಾಗ ಮಿ ತುನೆ ದ್ಯುಸ! ಕೈನ ಕದ್ಯೊ.
\p
\v 13 ಭುಭಾಡೊ ಲಿವಾಲೊ ಯಕ್ಕಲೊಜ಼ ಹುಬ್ರೈನ. ಹಬಾಳನೆ ಡೊಳಾ ಉಚೈನ ದೆಕ್ಯಾವಾಚಿ ಛಾತಿ ಬಡೈಲೆತೊ, ಕ್ಹುದಾನಾ ಕ್ಹಾಮೊ ಡ್ವಗ್ಗಿನ, ಕ್ಹುದಾ ಮನೆ ಮರಗ ಮಿ ಪಾಪಿ ವ್ಹೈ. ಕೈನ ಪ್ರಾಥನಾ ಕರ‍್ಯೊ.
\p
\v 14 ತೆ ಪ್ರಾಥನಾ ಕರಲಪರ ತೆ ಕ್ಹರಿನೊ ವ್ಹೈ ಕೈನ ಫೈಸಲೊ ಥಯಲಪರ ತೆ ಘರೆ ಗಯೊ ಕೈನ ಮಿ ತುಮೊನೆ ಕೌಸ. ವರಿ ತೆ ಫರಿಸಾಯರ ಕ್ಹರಿನೊ ನ್ಹವೈ ಕೈನ ಫೈಸಲೊ ಥಯೊ. ಮಿ ವ್ಹೈಕೈನ ಕವೈಲಿವಾಲೊ ಹರಿ ಯಕ್ಲೊ ತಗ್ಗಿನ ರ‍್ಹವಾಲೊ ಥಾವಸ. ವರಿ ತಗ್ಗಿನ ರ‍್ಹವಾಲೊ ಹರಿ ಯಕ್ಲೊ ತೆ ಮಿ ವ್ಹೈ ಕೈನ ಕವೈಲಿವಸ.
\s ಯೆಸು ನ್ಹಾನಾ ಬಚ್ಚಾ಼ವೊನೆ ಆಶಿರ್ವಾದ ಕರ‍ಲ
\r (ಮತ್ತಾಯ 19:13-15; ಮಾರ್ಕ 10:13-16)
\p
\v 15 ದಕ್ಹಾ ಮನಕ್ಹೊ ತಿವ್ನಾ ನ್ಹಾನಾ ಬಚ್ಚಾ಼ವೊನೆ ಯೆಸುನಾ ಹತೆ ಮುಟೌಕೈನ ತಿಕನ ಲಾಯಾ, ತೆ ತಿನಾ ಶಿಷ್ಯಾ ಐಕಿನ, ಬಚ್ಚಾ಼ವೊನೆ ಯೆಸುಕನ ಲಾವೊನಕೊ ಕೈನ ಮನಕ್ಹೊನೆ ಕದ್ಯಾ.
\p
\v 16 ಯೆಸು ತೆ ದೆಕಿನ ನ್ಹಾನಾ ಬಚ್ಚಾ಼ವೊನೆ ತಿಕನ ಬಲೈನ ತಿನಾ ಶಿಷ್ಯಾವೊನೆ ಕದ್ಯೊ, ನ್ಹಾನಾ ಬಚ್ಚಾ಼ವೊನೆ ಮಕನ ಆವಾನೆ ದಿವೊ, ತ್ಯುನೊನೆ ತರಬೊ ನಕೊ. ಕಾಕದ್ಯಾಮ ಕ್ಹುದಾನು ರಾಜ್ಯ ನ್ಹಾನಾ ಬಚ್ಚಾ಼ವೊಲಿಂಗತ ರ‍್ಹಯಲ ವಾಲಾವೊನು ವ್ಹೈ.
\p
\v 17 ಮಿ ತುಮೊನೆ ಕ್ಹರಿಜ಼ ಕೌಸ. ಬಚ್ಚಾ಼ವೊನಾ ಮನಸ ಲಿಂಗತ ವಪ್ಪಿಲಿವು. ನೈತೊ, ತುಮೆ ಕ್ಹುದಾನಿ ರಾಜ್ಯಮಾ ಜಾ಼ತಾ ನೈ. ಕದ್ಯೊ.
\s ಸೌಕಾರ ಮನಕ್ಹ
\r (ಮತ್ತಾಯ 19:16-30; ಮಾರ್ಕ 10:17-31)
\p
\v 18 ಯಕ್ಲೊ ಯಹುದ್ಯೊನೊ ನಾಯಕ ಯೆಸುನೆ "ಚೊ಼ಕಿಯೊ ವಾತೊ ಕವಾಲಾ, ಹಮೆಶಾನೊ ಜ಼ಲಮ ಮಳು ಕದ್ಯಾಮ ಮಿ ಸು ಕರು? ಕೈನ ಪುಚ್ಯೊ.
\p
\v 19 ಯೆಸು ತಿನೆ"ಮನೆ ಚೊ಼ಕೊ ವ್ಹೈ ಕೈನ ಕಾ ಕವಾಡ್ಯೊಸ? ಕ್ಹುದಾ ಯಕ್ಕಲೊಜ಼ ಚೊ಼ಕೊ ವ್ಹೈ. 
\v 20 ಕ್ಹುದಾನಿಯೊ ಆಗನ್ಯಾ ತುನೆ ಗ್ವತ್ತ ಛೆ ಸು; ತು ವ್ಯಭಿಚಾರ ಕರು ನೈ, ಕಿನೆಬಿ ಖಲಾಸ ಕರು ನೈ, ಸುಜ಼ ಚೊ಼ರಿ ಕರು ನೈ, ಬಿಜಾ಼ ಮನಕ್ಹೊನಾ ಹುತಿ ಸುಳ್ಳ ಕೌ ನೈ, ತಾರಾ ಮಾ ಬಾಪನೆ ಮರ್ಯಾದಿ ದ್ಯು. ಕೈನ ಕದ್ಯೊ.
\p
\v 21 ತಿಮ್ಮ ಕತಾಮಾ ತೆ ಮನಕ್ಹ ಮಿ ನ್ಹಾನ್ಪಂತೊ ಎ ಕ್ಹಾರು ಕರತೊ ಆಯೊಸ, ಕೈನ ಕದ್ಯೊ. 
\v 22 ತೆಳಾಮಾ ಯೆಸು ತಿನೆ"ತು ಕರಾನು ಕಾಮ ಬಿಜೆಕ ಛೆ. ತಾರಿ ಆಸ್ತಿ ಇಕ್ಕಿನ ಆಯಲ ದೊಕ್ಡಾ ಗರಿಬೊನೆ ದೆ. ತೆಳಾಮಾ ತುನೆ ಸ್ವರ್ಗಮಾ ಇನೊ ಪ್ರತಿಫಲ ಮಳಸ. ತು ಮಾರಾ ಪಾಚೊ಼ ಆ"
\p
\v 23 ಯೆಸುನಿಯೊ ವಾತೊ ತೆ ಮನಕ್ಹ ಐಕ್ತಾಮಾ ಘನ್ನೊ ಬೆಜ್ಯಾರ ಥಯೊ ಕಾಕದ್ಯಾಮ ತೆ ಮನಕ್ಹ ಘನ್ನೊ ಸೌಕಾರ ವ್ಹತ್ತೊ.
\p
\v 24 ತೆಳಾಮಾ ಯೆಸು ತಿನೆಜ಼ ದೆಕಿನ, ಸೌಕಾರ ರ‍್ಹಯಲವಾಲಾ ಕ್ಹುದಾನಿ ರಾಜ್ಯಮಾ ಜಾ಼ವಾನು ಘನ್ನು ಕಷ್ಟ ಛೆ! 
\v 25 ಸೌಕರ ರ‍್ಹಯಲವಾಲೊ ಕ್ಹುದಾನಿ ರಾಜ್ಯಮಾ ಜಾ಼ವಾನು ಕೆಕ್ಲು ಕಷ್ಟ ಛೆ ಕದ್ಯಾಮ ಕ್ಹ್ವಯಿನಾ ಡೊಳಾಮಾತು ಹುಂಟ ಜಾ಼ವಾನು ಆಸಾನ ವ್ಹೈ"ಕದ್ಯೊ.
\p
\v 26 ಮನಕ್ಹೊ ಯೆಸುನಾ ವಾತೊ ಐಕಿನ"ತಿಮ್ಮ ಕದ್ಯಾಮ ರಕ್ಷಣೆ ಕಿನೆ ಥಾವಸ? ಕೈನ ಪುಚ್ಯಾ.
\p
\v 27 ಯೆಸು ತ್ಯುನೊನೆ"ಮನಕ್ಹನೆ ನೈ ಥಾವಾನಾ ಕಾಮೊ ಕ್ಹುದಾ ಕರಸ" ಕೈನ ಜವಾಬ ದಿದ್ಯೊ.
\p
\v 28 ಪೆತ್ರಾ"ದೆಕ ಹಮೆ ಹಮಾರಾ ಘರೊನೆ ಛೊಡಿನ ತಾರ ಪಾಚಾ಼ ಆಯಾಸತೊ" ಕೈನ ಕದ್ಯೊ.
\p
\v 29 ತೆ ವಾತೆ ಯೆಸು"ಮಿ ತುಮೊನೆ ಕ್ಹರಿಜ಼ ಕೌಸ. ಕ್ಹುದಾನಾ ರಾಜ್ಯನಾ ಹುತಿ ಕುನ್ನ ತಿನು ಘರ, ಬೈಕೊ, ಬಚ್ಚಾ, ಭಾಯೊ-ಭೆನೊ ವರಿ ತಿನಾ ಯಾ ಬಾ ನೆ ಛೊಡಲವಾಲೊ ತೆ ಛೊಡ್ಯಲತಿಬಿ ತಿನೆ ಜಾಸ್ತ ಮಳಸ. ಅಗಾ ಆವಾನಾ ದಿನ್ನೊಮಾ ಹಮೆಶಾನು ಜ಼ಲಮ ಮಳಸ. 
\v 30 ತೆ ತಿನಾ ಜಿಂದಗಿಮಾ ತಿತಿಬಿ ತಿನೆ ಹೆಚ್ಕಿ ಮಳಸ ವರಿ ತಿನಾ ಅಗ್ಲಿ ದುನಿಯಾಮಾ ಕ್ಹುದಾನಾ ಕ್ಹಾತೆ ಹಮೆಶಾ ಜಿವ್ತೊ ರ‍್ಹವಸ" ಕೈನ ಕದ್ಯೊ.
\p
\v 31 ತೆ ಥಯಲ್ಪರ ಯೆಸು ತಿನಾ ಬಾರಾ ಜ಼ನಾ ಅಪೊಸ್ತಲೊನೆ ಬಲೈನ ತ್ಯುನೊನೆ ಕದ್ಯೊ. ಐಕೊ! ಮಿ ಹಮ್ನಾ ಯೆರುಸಲೆಮೆ ಚಾ಼ಲ್ಯೊಸ. ಕ್ಹುದಾ ತಿನಾ ಪ್ರವಾದಿ ಕಂತೊ ಮನಕ್ಹನಾ ದಿಕ್ರಾನಾ ಹುತಿ ಬರದಾಯಲ ಹರಿಯಕ್ಕ ಸಂಗತಿ ಪುರಾ ಥಾವಸ!
\p
\v 32 ತೆ ಮನಕ್ಹ ತಿನಾ ವಿರುದ್ಧ ಉಟಿನ ಯೆಹುದಿ ನೈ ರ‍್ಹಯಲ ವಾಲಾವೊಕನ ಕ್ಹಾಪ್ಡಸ. ತ್ಯುನೆ ತಿನೆ ಕದರೈನ, ತಿನಾ ಮ್ಹೊಡಪರ ಥುಕ್ಕಕಸ, ತಿನೆ ಅಸಯ್ಯ ಕರಸ.
\p
\v 33 ತ್ಯುನೆ ತಿನೆ ಬಾರಕೊಲ ಕ್ಹು ಮಾರಸ ವರಿ ತಿನೆ ಖಲಾಸ ಕರಿಪಾಡಸ! ತೆನೈಸೊ ತೆ ತನ್ನ ದಿನ್ನ ಥಯಲ್ಪರ ವರಿ ಉಟಿನ ಆವಸ" ಕದ್ಯೊ.
\p
\v 34 ಅಪೊಸ್ತಲೊ ಆ ವಾತ ತಿಳದಿಲಿವಾನೆ ಕೊಶಿಶ ಕರ‍್ಯಾ ತಬಿ ತಿವ್ನೊಕನ ಥೈಯು ನೈ, ಕಾಕದ್ಯಾಮ ತಿನು ಮತ್ಲಬ ತ್ಯುನೊನೆ ಗ್ವತ್ತ ನ್ಹೊತು.
\p
\v 35 ಯೆಸು ಯೆರಿಕೊ ಗಾಮನಾ ಕ್ಹಾಮೊ ಜಾ಼ತಾಮಾ, ತೆ ವಾಟೆ ಯಕ್ಕ ಕುಡ್ಡೊ ಭಿಕ ಮಾಂಗತೊ ಬೈಟ್ಯೊತೊ.
\p
\v 36 ತೆ ವಾಟಮಾ ಮನಕ್ಹೊನಿ ಘನ್ನಿ ಆವಾಜ಼ ಐಕಿನ ತೆ ಕುಡ್ಡೊ"ನ್ಹ್ಯಾ ಸು ಥಾವಾಡ್ಯುಸ? ಕೈನ ಪುಚ್ಚೊ಼.
\p
\v 37 ಮನಕ್ಹೊ ತಿನೆ "ನಜ಼ರೆತನೊ ಯೆಸು ಆವಾಡ್ಯೊಸ" ಕೈನ ತಿಳಶ್ಯಾ. 
\v 38 ತೆ ಕುಡ್ಡೊ ಜೊ಼ರ ಆವಾಜ಼ ಕ್ಹು"ಯೆಸು, ದಾವಿದನಾ ದಿಕ್ರಾ ಮರಗಿನ ಮನೆ ಮದದ ಕರ! ಕೈನ ವದರ‍್ಯೊ. 
\v 39 ಮನಕ್ಹೊನು ಗುಂಪ ತೆ ಕುಡ್ಡಾನೆ ಭುಚ್ಕಾಡ್ಯಾ. ತಿನೆ ಬೊಲು ನಕೊ ಕೈನ ಕದ್ಯಾ. ತೆನೈಸೊ ತೆ ಕುಡ್ಡೊ ವರಿ ಜೊ಼ರ ಆವಾಜ಼ ಕ್ಹು "ದಾವಿದನಾ ದಿಕ್ರಾ, ಮರಗಿನ ಮನೆ ಮದದ ಕರ" ಕೈನ ಅಡ್ಡ್ಯೊ.
\p
\v 40 ಯೆಸು ತ್ಯಾಜ ಹುಬ್ರೈನ"ತೆ ಕುಡ್ಡಾನೆ ಮಕನ ಬಲೈನ ಲಾವೊ" ಕೈನ ಕದ್ಯೊ. ತೆ ಕುಡ್ಡೊ ಕ್ಹಾಮೊ ಆಯೊ, ಯೆಸು ತಿನೆ "ಮಿ ತುನೆ ಸು ಕರು ಕೈನ ತು ಕಶಿ? ಕೈನ ಕದ್ಯೊ. 
\v 41 ತೆಳಾಮಾ ತೆ ಕುಡ್ಡೊ "ಪ್ರಭು, ಮಾರಾ ಡೊಲಾ ವರಿ ದಿಕ್ಹಾ ವರಕ್ಹಾ ಕರ ಬಾ" ಕದ್ಯೊ.
\p
\v 42 ಯೆಸು ತಿನೆ"ತು ನಂಬಲಕ್ಹು ತುನೆ ಅರಾಮ ಥೈಯುಸ" ಕೈನ ಕದ್ಯೊ. 
\v 43 ತೆಳಾಮಾಜ಼ ತೆ ಕುಡ್ಡಾನೆ ಪುರಾ ದಿಕ್ಹಾಡು. ತೆ ಕುಡ್ಡೊ ಕ್ಹುದಾನೆ ಸೊತ್ರಾ ಕತೊ ಯೆಸುನಾ ಪಾಚೊ಼ ಗಯೊ. ಆ ಕ್ಹಾರು ದೆಕಿನ ಮನಕ್ಹೊ ಕ್ಹುದಾನೆ ಸೊತ್ರಾ ಕರ‍್ಯಾ.
\c 19
\s ಯೆಸು ವರಿ ಜಕ್ಕಕಾಯಾ
\p
\v 1 ಯೆಸು ಯೆರಿಕೊ ಗಾಮ ಕಂತೊ ಚಾ಼ಲ್ಯೊತೊ. 
\v 2 ತೆ ಗಾಮ್ಮಾ ಜಕ್ಕಾಯಾ ಕವಾಲೊ ಯಕ್ಕ ಮನಕ್ಹ ವ್ಹತ್ತೊ. ತೆ ಮನಕ್ಹ ಸೌಕಾರ ವ್ಹತ್ತೊ. ವರಿ ತೆ ಭು ಭಾಡೊ ಲಿವಾಲೊ ವ್ಹತ್ತೊ. 
\v 3 ತೆ ಯೆಸುನೆ ದೆಕು ಕೈನ ಘನ್ನು ಮನಸ ವ್ಹತ್ತು. ವರಿ ತ್ಯಾ ಯೆಸುನೆ ದೆಕು ಕೈನ ಘನ್ನಾ ಮನಕ್ಹೊ ವ್ಹತ್ತಾ. ಜಕ್ಕಕಾಯಾ ಘನ್ನೊ ಗಿಡ್ಡೊ ವ್ಹತ್ತೊ ತಿನಾ ಹುತಿ ಮನಕ್ಹೊ ಯೆಸುನಾ ಸುತ್ತೆ ಹುಬ್ರಯಲ ಹುತಿ. ಜಕ್ಕಾಯಾನೆ ಯೆಸುನೆ ದೆಕಾನೆ ಥಯು ನೈ. 
\v 4 ತಿನಾಹುತಿ ಜಕ್ಕಾಯಾ ಯೆಸು ಬಿಜಿ ಜ಼ಗಾ ಜಾ಼ವಾನು ಐಕಿನ ತೆ ಜ಼ಗಾಪರ ತಿತ್ತಿ ಅಗ್ದುರಜ಼ ಯಕ್ಕ ಪಿಪ್ಳಾನಾ ಝಾಡಪರ ಚ಼ಡಿನ ಬೈಟ್ಯೊ. 
\v 5 ಯೆಸು ತೆ ಜ಼ಗಾಪರ ಆತಾಮಾ ಝಾಡಪರ ಚ಼ಡಿನ ಬೈಟಲ ಜಕ್ಕಕಾಯಾನೆ ದೆಕಿನ ಕದ್ಯೊ. ಜಕ್ಕಕಾಯಾ ತು ಭೆಗಿನ ಹೆಟೊ ಉತ್ರಿನ ಆ"ಆಜ಼ನಾ ದಿನ್ನೆ ತಾರಾ ಘರೆ ಔಸ ಕದ್ಯೊ.
\p
\v 6 ತೆಳಾಮಾ ಜಕ್ಕಾಯಾ ಝಾಡಪರತೊ ಹೆಟೊ ಉತ್ರಿನ ಐನ ಯೆಸುನೆ ಖುಶಿಕ್ಹು ಘರೆ ಬಲೈಲಾಯೊ. 
\v 7 ಮನಕ್ಹೊ ಎ ಕ್ಹಾರು ದೆಕಿನ ಯೆಸು ಜಕ್ಕಕಾಯಾ ಯಕ್ಕ ಪಾಪಿ ವ್ಹೈ ತೆ ತಿನಾ ಘರೆ ಕಾ ಜಾ಼ತೊ ವಸೆ ಕೈನ ಕವಾಡಾತಾ.
\p
\v 8 ತೆಳಾಮಾ ಜಕ್ಕಾಯಾ ಉಟಿನ ಹುಬ್ರೈನ ಯೆಸುನೆ ಪ್ರಭು ಮಿ ಮಾರಿ ಆಸ್ತಿಮಾನೊ ಹೆಚ್ಕಿ ವಾಟೊ ಗರಿಬೊನೆ ದ್ಯುಸ. ವರಿ ಕಿಕಂತು ಬಿ ಮೊಸ ಕ್ಹು ಲಿದಲ ರ‍್ಹಯೊಮ ತಿನೆ ಚಾರ ಯಕ್ಲು ಹೆಚ್ಕಿ ದ್ಯುಸ. ಕದ್ಯೊ.
\p
\v 9 ಯೆಸು ಕದ್ಯೊ ಆಜ಼ ಆ ಘರ ಉದ್ದಾರ ಥಯು, ಕಾಕದ್ಯಾಮ ಎ ಮನಕ್ಹ ಬಿ ಅಬ್ರಹಾಮನಾ ಖಾಂದಾನ ವಾಲೊ ವ್ಹೈ. 
\v 10 ತಿನಾಹುತಿ ಮನಕ್ಹನೊ ದಿಕ್ರೊ ಜ಼ವೈ ಗಯಲ ಮನಕ್ಹೊನೆ ಹುಡಕಿನ ರಕ್ಷಣೆ ದಿವಾನೆ ಆಯೊಸ,
\s ಕ್ಹುದಾ ದಿವಾನಾ ವರಾ ಉಪಯೊಗ ಕರೊ
\r (ಮತ್ತಾಯ 25:14-30)
\p
\v 11 ಯೆಸು ಯೆರುಸಲೆಮಿನಾ ನಜಿಕ ಆಯೊ. ದಕ್ಹಾ ಮನಕ್ಹೊ ಕ್ಹುದಾನಿ ರಾಜ್ಯ ನಜಿಕ ಐಸ ಕೈನ ತಿಳದಿಲಿದ್ಯಾತಾ. ಎ ವಿಚಾರ ಯೆಸುನೆ ಗ್ವತ್ತ ಥಯುತು. ತಿನಾ ಹುತಿ ತ್ಯುನೊಕನ ಯಕ್ಕ ಸಾಮ್ಯ ಕದ್ಯೊ. 
\v 12 ಯಕ್ಲೊ ಚಾ಼ಯೆ ಥಯಲ ವಾಲೊ ಘನ್ನೊ ರಾಜ್ಯಾಧಿಕಾರ ಮಳಾನಾ ಹುತಿ ಬಿಜಾ಼ ದೆಶೆ ಗಯೊ. ವರಿ ರಾಜ್ಯಾಧಿಕಾರ ಮಳಲಪರ ಫರಿನ ಐನ ತಿನಾ ಮನಕ್ಹೊಪರ ಆಳು ಕೈನ ತಿನಿ ಆಸ ವ್ಹತ್ತಿ. 
\v 13 ತಿನಾಹುತಿ ತಿನಾ ದಕ್ಹ ಆಳೊನೆ ಬಲೈನ ತ್ಯುನೊಮಾನಾ ಹರ ಯಕ್ಲಾನೆ ಕ್ಹೊನಾನಾ ಹಜಾ಼ರ-ಹಜಾ಼ರ ಬಿಲ್ಲಾ ದಿನ್ನ, ಮಿ ಫರಿನ ಆಯೆಲಕ್ಕಾ ಯೆ ದೊಕ್ಡಾ ಕ್ಹು ಸುಬಿ ವ್ಯಾಪಾರ ಕರೊ ಕೈನ ಕದ್ಯೊ. 
\v 14 ತೆನೈಸೊ ತಿನಾ ಸ್ವಂತ ದೆಶನಾ ಮನಕ್ಹೊ ತಿಪರ ಶಿಟ್ಟ ರ‍್ಹಯಲ ಹುತಿ, ಮನಕ್ಹೊನು ಯಕ್ಕ ಗುಂಪನೆ ತಿನಾ ಪಾಚಾ಼ ಮೊಕ್ಕಲ್ಯಾ. ತೆ ಗುಂಪನಾ ಮನಕ್ಹೊ ಭಾರಲ್ಯಾ ದೆಶಮಾ ಎ ಮನಕ್ಹ ಹಮೊಪರ ರಾಜೊ಼ ಥಾವಾನೆ ಹಮೊನೆ ಮನಸ ನತ್ತಿ. ಕದ್ಯಾ.
\p
\v 15 ತಿಮ್ಮ ರ‍್ಹಯು ತಬಿ ತೆ ಮನಕ್ಹ ರಾಜೊ಼ ಥಯೊ. ವರಿ ತೆ ತಿನಾ ದೆಶೆ ಫರಿನ ಆತಾಮಾ, ತಿನಾ ಕ್ಹೊನಾನಾ ಬಿಲ್ಲಾ ಲಿದಲ ವಾಲಾವೊನೆ ಬಲೈನ ತ್ಯುನೆ ತೆ ದೊಕ್ಡಾ ಕ್ಹು ಕೆಕ್ಕಲಾ ರಾಬ್ಯಾಸ ಕೈನ ಮಿ ದೆಕು ಕೈನ ಕದ್ಯೊ. 
\v 16 ತಿಮಾನೊ ಯಕ್ಲೊ ಆಳ ಐನ ಸ್ವಾಮಿ ತಾರಾ ಯಕ್ಕ ಹಜಾ಼ರ ರುಪ್ಯಾಯಾ ಕ್ಹು ದಕ್ಹ ಹಜಾ಼ರ ರಾಬ್ಯೊಸ"ಕದ್ಯೊ. 
\v 17 ರಾಜೊ಼ ತೆ ಆಳನೆ ತು ಚೊ಼ಕು ಕಾಮ ಕರ‍್ಯೊಸ ಶಬಾಶ ಕದ್ಯೊ. ಎ ನ್ಹಾನು ಕಾಮ ದಿದಲ ತು ಚೊ಼ಕಿ ತರಾ ಕರ‍್ಯೊಸ ತಿನಾ ಹುತಿ ಮಿ ತುಪರ ಬರೊಕ್ಹೊ ಮ್ಹೆಲುಸ ಕದ್ಯೊ. ಮಿ ತುನೆ ದಕ್ಹ ಗಾಮೊ ಪರ ಅದಿಕಾರಿ ಕರುಸ ಕದ್ಯೊ.
\p
\v 18 "ಬೆವಾ ಆಳ ಐನ ಸ್ವಾಮಿ, ತು ದಿದಲ ಯಕ್ಕ ಹಜಾ಼ರ ರುಪಿಯ್ಯಾ ಕ್ಹು ಪಾಂಚ಼ ಹಜಾ಼ರ ಕಮಾಯೊಸ. ಕದ್ಯೊ.
\p
\v 19 ರಾಜೊ಼ ತೆ ಆಳನೆ ಕದ್ಯೊ. ತುನೆ ಪಾಂಚ಼ ಗಾಮೊಪರ ಅದಿಕಾರ ದ್ಯುಸ. ಕೈನ ಕದ್ಯೊ.
\p
\v 20 ಪಾಚಲ್ತೊ ಬಿಜೆಕ್ಲೊ ಆಳ ಐನ ರಾಜಾ಼ನೆ ಕದ್ಯೊ. ಎ ಸ್ವಾಮಿ ತು ದಿದಲ ಯಕ್ಕ ಹಜಾ಼ರ ರುಪಿಯಾ ನ್ಹ್ಯಾಜ಼ ಛೆ 
\v 21 ಕಾಕದ್ಯಾಮ ತು ಘನ್ನೊ ಶಿಟ್ಟನೊ ಮನಕ್ಹ ವ್ಹೈ ತಿನಾ ಹುತಿ ಮಿ ಭುಚ಼ಕ್ಕಯೊ. ತು ತಾರು ನೈರ‍್ಹಯುತಬಿ ತು ಕಾಡಿಲೆಸಿ ವರಿ ತು ನೈ ಬಿತ್ತಲ ರ‍್ಹಯುತಬಿ ತು ತೆ ಬೆಳಿ ಕಾಟಿಲೆಸಿ ಕೈನ ಕದ್ಯೊ.
\p
\v 22 ತೆಳಾಮಾ ತೆ ರಾಜೊ಼ ತೆ ಆಳನೆ, ಕದ್ಯೊ ತು ಕೆಟ್ಟ ಆಳ ವ್ಹೈ! ತು ಕದಲ ವಾತೊ ಕ್ಹುಜ಼ ತಾರಿ ಫೈಸಲೊ ಕರುಸ, ಮನೆ ತು ಘನ್ನೊ ಶಿಟ್ಟನೊ ಮನಕ್ಹ ವ್ಹೈ ಕದ್ಯೊ 
\v 23 ತೆ ಕ್ಹರಿ ರ‍್ಹಯು ಕದ್ಯಾಮ, ತು ಮಾರಾ ರುಪಿಯಾ ಬಡ್ಡಿಕ್ಹು ದಿವಾನು ವ್ಹತ್ತು. ಮಿ ಫರಿನ ಆತಾಮಾ ಮನೆ ದಕ್ಹಿ ಬಡ್ಡಿತಬಿ ಮಳ್ತಿತಿ ತೊ ಕೈನ ಕದ್ಯೊ.
\p
\v 24 ತೆಳಾಮಾ ರಾಜೊ಼ ತ್ಯಾ ಹುಬ್ರಯಲ ಮನಕ್ಹೊನೆ ಕದ್ಯೊ ಆ ಆಳಕನ್ನಾ ಹಜಾ಼ರ ರುಪಿಯಾ ಕಾಳ್ಳಿನ ದಕ್ಹ ಹಜಾ಼ರ ರುಪಿಯಾ ಕಮಾಯಲ ವಾಲಾನೆ ದಿವೊ, ಕೈನ ಕದ್ಯೊ. 
\v 25 ತೆ ಮನಕ್ಹೊ ರಾಜಾ಼ನೆ ಕದ್ಯಾ, ಸ್ವಾಮಿ ತೆ ಆಳಕನ ಹಮ್ನಾಜ಼ ದಕ್ಹ ಹಜಾ಼ರ ರುಪಿಯಾ ಛೆತೊ ಕದ್ಯಾ. 
\v 26 ರಾಜೊ಼ ಕದ್ಯೊ, ಮಿ ತುಮೊನೆ ಕೌಸ ಹರಿ ಯಕ್ಕ ಮನಕ್ಹ ಕನ ದಕ್ಹು ರ‍್ಹಯಲ ವಾಲಾಕಂತು ಹಜು಼ನ ದಿವಸ ನೈರ‍್ಹಯಲವಾಲಾ ಕಂತು ರ‍್ಹಯಲ ಬಿ ಕಾಳ್ಳಿ ಪಾಡಸ. 
\v 27 ವರಿ ಮಾರಾ ದುಶ್ಮನೊ ಮಿ ರ‍್ಹವಾನು ತ್ಯುನೊನೆ ಮನಸೆ ನತ್ತಿ ವರಿ ತ್ಯುನೊನೆ ಧರ್ಲಿನ ಆವೊ ಮಾರಾ ಕ್ಹಾಮಾ ತ್ಯುನೊನೆ ಖಲಾಸ ಕರಿ ಪಾಡೊ"
\s ಯೆರುಸಲೆಮೆ ಯೆಸು ಆಯಲ
\r (ಮತ್ತಾಯ 21:1-11; ಮಾರ್ಕ 11:1-11; ಯೊಹಾನ 12:12-19)
\p
\v 28 ಯೆಸು ಎ ಕ್ಹಾರು ಕದಲ್ಪರ ಯೆರುಸೆಲೆಮೆ ಚಾ಼ಲ್ಯೊ. 
\v 29 ಯೆಸು ಬೆತ್ಪೆ ವರಿ ಬೆಥಾನಿಯಾ ಕವಾನಾ ಗಾಮೊನಾ ನಜಿ಼ಕ ಆಯೊ. ತೆ ಗಾಮೊಮಾ ತೆಲನಾ ಝಾಡೊನು ಡೊಂಗರ ವ್ಹತ್ತು. ಯೆಸು ತಿನಾ ಶಿಷ್ಯಾವೊಮಾನಾ ಬೆ ಜ಼ನಾವೊನ ಬಲೈನ ತ್ಯುನೊನೆ, 
\v 30 ಐಜ್ಗಾ಼ ದಿಕ್ಹಾನಾ ಗಾಮೆ ಜಾ಼ವೊ. ತುಮೆ ಗಾಮ್ಮಾ ಜಾ಼ತಾಮಾ ತ್ಯಾ ಯಕ್ಕ ಗದಡು ಭಾಂದಲ ದೆಕೊಸಿ ತಿಪರ ಹಜು಼ನ ಲಕ್ಕಾಬಿ ಕುನ್ನಜ಼ ಬೈಟ್ಯು ನತ್ತಿ, ತೆ ಗದಡಾನೆ ಛೊಡಿನ ಮಕನ ಲಿನ ಆವೊ. 
\v 31 ಕಯಾಬಿ ಮನಕ್ಹೊ ತುಮೊನೆ ಆ ಗದಡಾನೆ ಛೊಡಿಲಿನ ಕಿಜ್ಗಾ಼ ಲಿನಚಾ಼ಲ್ಯಾಸ ಕೈನ ಪುಚ್ಯಾ಼ಮ ಗುರುನೆ ಆ ಗದಡು ಚಾ಼ಯೆ ಥಯುಸ ಕೈನ ಕವೊ. ಕದ್ಯೊ.
\p
\v 32 ತೆಳಾಮಾ ತೆ ಶಿಷ್ಯಾ ಗಾಮ್ಮಾ ಗೈನ ಯೆಸು ಕದಲ ತಿಮ್ಮಜ಼ ತ್ಯುನೆ ಗದಡಾನೆ ದೆಕಿನ ತಿನೆ ಛೊಡ್ಯಾ. 
\v 33 ತೆಳಾಮಾ ಗದಡಾನೊ ಮಾಲಕ ಐನ ತೆ ಶಿಷ್ಯಾವೊನೆ ತುಮೆ ಅಮ್ಮ ಕಾ ಕರಾಡಾಸ? ಕೈನ ಪುಚ್ಯೊ. 
\v 34 ಶಿಷ್ಯಾ ತಿನೆ ಆ ಗುರುನೆ ಚಾ಼ಯೆ ಥಯುಸ ಕದ್ಯಾ. 
\v 35 ಶಿಷ್ಯಾ ತೆ ಗದಡಾನಾ ಬಚ್ಚಾ಼ನೆ ಯೆಸುನಾ ಕ್ಹಾಮಾ ಲಾಯಾ. ಶಿಷ್ಯಾ ತಿವ್ನಾ ವಣ್ಣಾ ಕಾಡಿನ ಗದಡಾಪರ ಘಾಲ್ಯಾ. ವರಿ ಯೆಸುನೆ ತಿಪರ ಬೈಟಾಡ್ಯಾ. 
\v 36 ತೆಳಾಮಾ ಯೆಸು ಯೆರುಸೆಲೆಮೆ ಚಾ಼ಲ್ಯೊ. ತ್ಯಾನಾ ಮನಕ್ಹೊ ತಿವ್ನಾ ವಣ್ಣಾ ಯೆಸು ಜಾ಼ವಾನಿ ವಾಟ್ಪರ ವಚ್ಚಾ಼ಯಾ. \fig ಯೆರುಸಲೆಮಮಾ ಯೆಸು ಸ್ವಾಮಿ ಗದ್ಡಾಪರ ಬೈಟಿನ ಆಯಲ|alt="Jesus’ Triumphant entry to Jerusalem" src="lb00315c.tif" size="col" copy="Horace Knowles ©" ref="19:36"\fig*
\p
\v 37 ಯೆಸು ಯೆರುಸೆಲೆಮನಾ ನಜಿ಼ಕ ಐನ ತೆಲನಾ ಝಾಡನಾ ಡೊಂಗರಕನ ಆಯಾ. ತಿನಾ ಪಾಚಾ಼ ಶಿಷ್ಯಾಬಿ ಆಯಾ ವರಿ ಘನ್ನಾ ಮನಕ್ಹೊಬಿ ವ್ಹತ್ತಾ. ವರಿ ತ್ಯುನೆ ಕ್ಹಾರಾ ಕ್ಹುದಾ ಕರಲ ಕ್ಹಾರಾ ಅಧ್ಭುತ ದೆಕಿನ ಖುಶಿ ಕರತಾ ವರಿ ಸ್ತೊತ್ರಾ ಕತಾ ಆಯಾ. 
\v 38 ಕ್ಹುದಾನಾ ನಾಮಪರ ಆವಾಲಾ ರಾಜಾ಼ನೆ ಆಶಿರ್ವಾದ ಥಾವಾದೆ ಸ್ವರ್ಗಮಾ ಸಮಾಧಾನ ಥಾವಾದೆ ಕ್ಹುದಾನಿ ಮಹಿಮಾ ಥಾವಾದೆ "ಕೈನ ವದ್ರ್ಯಾ.
\p
\v 39 ಫರಿಸಾಯರೊಮಾನಾ ದಕ್ಹಾಜ಼಼ನಾ, ಯೆಸುನೆ ಭೊದಕ, ಇಮ್ಮ ಕ್ಹಾರು ಕೌ ನಕೊ ಕೈನ ತಾರಾ ಶಿಷ್ಯಾವೊನೆ ಕೆ ಕದ್ಯಾ.
\p
\v 40 ವರಿ ತೆ ವಾತೆ ಯೆಸು ತ್ಯುನೊನೆ "ಇವ್ನೆ ಎ ಕ್ಹಾರು ಕೌಜ಼ ಇವ್ನೆ ನೈ ಕದ್ಯಾಮ, ತಿವ್ನಾ ಬದಲ ಆ ಮಂಗಾಳಾ ಬೊಲಸ ಕದ್ಯೊ.
\s ಯೆರುಸಲೆಮನಾ ಹುತಿ ಯೆಸು ರ‍್ಯೊಯೊ
\p
\v 41 ಯೆಸು ಯೆರುಸೆಲೆಮಕನ ಆತಾಮಾ ತೆ ಗಾಮನೆ ದೆಕಿನ ರೊಯೊ 
\v 42 ವರಿ ಅಮ್ಮ ಕದ್ಯೊ "ಯೆರುಸಲೆಮ ತುನೆ ಶಾಕ್ಹು ಸಮಾಧಾನ ಥಾವಸ ಕೈನ ತು ತಿಳದಿಲಿವತ್ತೊ ಕೆಕ್ಕಲು ಕೆ ಚೊ಼ಕು ವ್ಹತ್ತು! ವರಿ ತು ತಿಳದಿಲಿದ್ಯೊ ನೈ ಕಾಕದ್ಯಾಮ ಹಮ್ನಾ ತೆ ಝಕೈ ಗಯುಸ. 
\v 43 ಕಾಕದ್ಯಾಮ ಯಕ್ಕ ಟೈಮ ಆವಸ ತಾರಾ ದುಶ್ಮನೊ ತಾರಾ ಸುತ್ತೆ ಗೊಡಿಯೊ ಭಾಂದಿನ ವರಿ ತಾರಾ ಸುತ್ತೆ ಬಿ ಚಾವಿಯೊ ಘಾಲಿ ಪಾಡ್ಯಾಸ. 
\v 44 ತುನೆ ಬಿ ತಾರಾ ಮನಕ್ಹೊನೆ ಬಿ ನಾಶ ಕರಸ ನ್ಯ್ಹಾ ದಗ್ಡಾಪರ ದಗ್ಡೊ ನೈ ಹುಬ್ರಾಡತಾ, ಕ್ಹುದಾ ತುನೆ ವಚಾ಼ಡಾನೆ ಆಯಲ ಟೈಮಾ ತು ನೈ ತಿಳದಿ ಲಿದ್ಯೊಮ ಎ ಕ್ಹಾರು ಥಾವಸ ಕದ್ಯೊ.
\s ದೆವಾಲಯಮಾ ಯೆಸು ಗಯಲ
\r (ಮತ್ತಾಯ 21:12-17; ಮಾರ್ಕ 11:15-19; ಯೊಹಾನ 2:13-22)
\p
\v 45 ಯೆಸು ದೆವಾಲಯಮಾ ಗೈನ, ತ್ಯಾ ಇಕ್ಕಾನೆ ಬೈಟಲ ವಾಲಾವೊನೆ ಭಾರೊ ಘಾಲಿ ಪಾಡಾಡ್ಯೊ. 
\v 46 ತ್ಯುನೊನೆ, ಯೆಸು ಕ್ಹುದಾ ಕವಸ "ಮಾರು ಯಕ್ಕ ಘರ ಪ್ರಾಥನಾನು ಘರ ಕವೈ ಲಿವಸ ಕೈನ ಪವಿತ್ರ ಗ್ರಂಥಮಾ ಬರ್ದಲ ಛೆತೊ. ತುಮೆ ತಿನೆ ಚ್ವಟ್ಟಾವೊನು ಘರ ಕರಿಪಾಡ್ಯಾಸ.
\p
\v 47 ಯೆಸು ದಿನ್ನೆ ಬಿ ಮಂದಿರಮಾ ಉಪದೆಶ ಕರಾನು ಚಾಲು ಕರ‍್ಯೊ ತಿನಾಹುತಿ ತ್ಯಾನಾ ಯಾಜಕೊ ಶಾಸ್ತ್ರಿಯೊ ವರಿ ಮನಕ್ಹೊಪರ ಮ್ಹೊಟಾ ರ‍್ಹಯಲ ವಾಲಾ ಯೆಸುನೆ ಖಲಾಸ ಕರು ಕೈನ ಟೈಮ ದೆಕಾಡಾತಾ. 
\v 48 ತೆನೈಸೊ ಯೆಸುನಿಯೊ ವಾತೊ ಯಕ್ಕ ಛೊಡ್ಯಾವಾಚಿ ಘನ್ನಿ ಧ್ಯಾನ ದಿನ್ನ ಮನಕ್ಹೊ ಐಕಾಡ್ಯಾತಾ. ವರಿ ತಿನಾ ಲಿಂಗತಜ಼ ಚಾ಼ಲಾಡ್ಯಾತಾ ತಿನಾ ಹುತಿ ಯಾಜಕೊ ವರಿ ಶಾಸ್ತ್ರಿಯೊ ಮ್ಹೊಟಾ ಮನಕ್ಹೊ ಯೆಸುನೆ ಕಿಮ ಖಲಾಸ ಕರಿಯೆ ಕೈನ ಟೈಮ ದೆಕಾಡಾತಾ.
\c 20
\s ಯೆಹುದಿನಾ ನಾಯಕೊ ಯೆಸುನೆ ಪುಚ಼್ಚಲ ವಾತ
\r (ಮತ್ತಾಯ 21:23-27; ಮಾರ್ಕ 11:27-33)
\p
\v 1 ಯಕ್ಕ ದಿನ್ನ ಯೆಸು ದೆವಾಲಯಮಾ ವ್ಹತ್ತೊ. ತೆ ಮನಕ್ಹೊನೆ ಉಪದೆಶ ಕರಿನ ಸುವಾರ್ತೆ ಕವಾಡೊತೊ, ಖಾಸ ಯಾಜಕೊ ಶಾಸ್ತ್ರಿಯೊ ವರಿ ಯೆಹುದಿಯೊಮಾನಾ ಮ್ಹೊಟಾ ಮನಕ್ಹೊ ಯೆಸುಕನ ಆಯಾ. 
\v 2 ತುನೆ ಎ ಕ್ಹಾರು ಕರಾನು ಅದಿಕಾರ ಕುನ್ನ ದಿದ್ಯುಸ? ವರಿ ಎ ಕ್ಹಾರು ಕಯು ಅದಿಕಾರಕ್ಹು ಕರಾಡ್ಯೊಸ? ಹಮೊನೆ ಕೆ ಕದ್ಯಾ. 
\v 3 ತೆಳಾಮಾ ಯೆಸು ತ್ಯುನೊನೆ ಕದ್ಯೊ, ಮಿ ತುಮೊನೆ ಯಕ್ಕ ಪ್ರಶ್ನೆ ಪುಚ್ಚು಼ಸ. ತುಮೆ ಮನೆ ಕವೊ, 
\v 4 ಮನಕ್ಹೊನೆ ಬಾಪ್ತಿಸ್ಮ ಕರಾವಾನೊ ಅದಿಕಾರ ಯೊಹಾನನೆ ಕ್ಹುದಾ ಕಂತೊ ಆಯೊಸ ಸು ಮನಕ್ಹೊ ಕಂತೊ ಆಯೊಸ? ಮನೆ ಕವೊ ಕೈನ ಕದ್ಯೊ.
\p
\v 5 ತ್ಯುನೆ ಯಕ್ಲಾನಾ ಕ್ಹಾತೆ ಯಕ್ಲೊ ಬೊಲ್ಲಿನ ಬಾಪ್ತಿಸ್ಮ ಕರಾವಾನೊ ಯೊಹಾನನೆ ಕ್ಹುದಾ ಕಂತೊ ಆಯೊಸ ಕದ್ಯಾಮ ತುಮೆ ತಿಪರ ಕಾ ಬರೊಕ್ಹೊ ಕರ‍್ಯಾ ನೈ ಕೈನ ತೆ (ಯೆಸು) ಪುಚ್ಚಿ಼ ಪಾಡಸ್ತೊ? 
\v 6 ನೈ ತೊ ಮನಕ್ಹೊತಿ ಎ ಅದಿಕಾರ ಆಯೊಸ ಕದ್ಯಾಮ ಮನಕ್ಹೊ ಅಪೊನೆ ಸುಕರಸ ಕೈನ ತ್ಯುನೆ ಭುಚ಼ಕ್ಯಾ. ಕಾಕದ್ಯಾಮ ಯೊಹಾನ ಯಕ್ಕ ಪ್ರವಾದಿ ವ್ಹೈ ಕೈನ ಬರೊಕ್ಹೊ ಕರ‍್ಯಾಸ ಕೈನ ಕೈಲಿದ್ಯಾ. 
\v 7 ತಿನಾಹುತಿ ತ್ಯುನೆ ಹಮೊನೆ ಗ್ವತ್ತ ನತ್ತಿ ಕೈನ ಯೆಸುನೆ ಕದ್ಯಾ.
\p
\v 8 ತೆಳಾಮಾ ತ್ಯುನೊನೆ ಯೆಸು ಮಿ ಕೈ ಅದಿಕಾರಕ್ಹು ಎ ಕ್ಹಾರು ಕರಾಡ್ಯೊಸ ಕೈನ ತುಮೊನೆ ಕತೊ ನೈ "ಕದ್ಯೊ.
\s ದ್ರಾಕ್ಷಿಯೊನೊ ಮಳಾನಿ ಸಾಮ್ಯ
\r (ಮತ್ತಾಯ 21:33-46; ಮಾರ್ಕ 12:1-12)
\p
\v 9 ಪಾಚಲ್ತೊ ಯೆಸು ಮನಕ್ಹೊಕನ ಯಕ್ಕ ಸಾಮ್ಯ ಕದ್ಯೊ. ಯಕ್ಕ ಮನಕ್ಹ ಯಕ್ಕ ದ್ರಾಕ್ಷಿಯೊನೊ ಮಳೊ ಕರಿನ ತೆ ರೈತರೊನೆ ಗುತ್ತಿಗೆಯೆ ದಿನ್ನ ತೆ ತ್ಯಾಂತೊ ಬಿಜಾ಼ ಗಾಮೆ ಗಯೊ. ವರಿ ತ್ಯಾ ಘನ್ನಾ ದಿನ್ನ ವ್ಹತ್ತೊ. 
\v 10 ದ್ರಾಕ್ಷಿಯೊ ಕಾಟಿನ ಇಕ್ಕಾನೊ ಟೈಮ ಆತಾಮಾ ತೆ ಮಳಾನೊ ಮಾಲಕ ತಿನೊ ವಾಟೊ ಪುಚ್ಚಾ಼ನೆ ತಿನಾ ಯಕ್ಕ ಆಳನೆ ರೈತರೊಕನ ಮೊಕಲ್ಯೊ. ತೆನೈಸೊ ತೆ ರೈತರೊ ತೆ ಆಳನೆ ಮಾರಿನ ಕ್ಹಾಲಿ ಹತೆ ಮೊಕಲ್ಯಾ. 
\v 11 ತಿನಾ ಹುತಿ ತೆ ಮಾಲಕ ವರಿ ಯಕ್ಲಾ ಆಳನೆ ತ್ಯುನೊಕನ ಮೊಕಲ್ಯೊ ತಿನೆ ಬಿ ತೆ ರೈತರೊಬಿ ಮಾರಿನ ಮರಿಯಾದಿ ಕಾಡಿನ ಖಾಲಿ ಹತೆ ಮೊಕ್ಕಲಿ ಪಾಡ್ಯಾ. 
\v 12 ವರಿಬಿ ತೆ ಮಾಲಕ ತನವಾ ಸಲಾ ತಿನಾ ಬಿಜಕ್ಕಲಾ ಆಳನೆ ಮೊಕಲ್ಯೊ, ವರಿಬಿ ರೈತರೊ ತೆ ಆಳನೆ ಘನ್ನಾ ಮಾರಿನ ತಿನೆಬಿ ಮೊಕ್ಕಲಿ ಪಾಡ್ಯಾ. 
\v 13 ತೆಳಾಮಾ ತೆ ದ್ರಾಕ್ಷಿನೊ ಮಳಾನೊ ಮಾಲಕ ಮಿ ಸುಕರು ಕೈನ ಕೈಲಿದ್ಯೊ? ಮಾರಾ ಮಯಾನಾ ದಿಕ್ರಾನೆ ತಬಿ ತ್ಯುನೊಕನ ಮೊಕ್ಕಲುಸ ಕೈಲಿದ್ಯೊ. 
\v 14 ತೆ ರೈತರೊ ತೆ ಮಾಲಕನಾ ದಿಕ್ರಾನೆ ದೆಕಿನ ತ್ಯುನೆ-ತ್ಯುನೆ ಬೊಲ್ಲಿನ ಇನೆಜ಼ ಅಪೆ ಮಳಿನ ಖಲಾಸ ಕರಿ ಪಾಡ್ಯಾಮ ಎ ಮಳೊ ಅಪೊನೆ ಥೈಜಾ಼ವಸ ಕೈನ ಬೊಲ್ಲಿದ್ಯಾ. 
\v 15 ತೆ ಮಾಲಕನಾ ದಿಕ್ರಾನೆ ದ್ರಾಕ್ಷಿನಾ ಮಳಾಮಾತಾ ಭಾರಾ ನಿಂಗೈನ ಖಲಾಸ ಕರಿನ ನಾಕಿಪಾಡ್ಯಾ. ತಿಮ್ಮ ಥಯುಮ ತೆ ಮಳಾನೊ ಮಾಲಕ ತ್ಯುನೊನೆ ಸು ಕರಸ? ಕೈನ ಯೆಸು ಪುಚ್ಚೊ಼.
\q1
\v 16 ತೆಳಾಮಾ ತೆ ಮಾಲಕ ಐನ ತೆ
\q2 ರೈತರೊನೆ ಖಲಾಸ ಕರಿನ ತೆ ದ್ರಾಕ್ಷಿನೊ ಮಳೊ ಬಿಜಾ಼ವೊನೆ ವಪ್ಸಸ"
\q1 ಮನಕ್ಹೊ ಎ ಐಕಿನ ಇಮ್ಮ ಕೆಳಾಮಾಜ಼ ಥಾವು ನೈ! ಕದ್ಯಾ.
\q1
\v 17 ವರಿ ಯೆಸು ತ್ಯುನೊನೆ ದೆಕಿನ ತಿಮ್ಮ ರ‍್ಹಯುಮ,
\q2 ಘರ ಭಾಂದಾಲಾವೊನೆ ನೈ ಚಾ಼ಯೆ ಥಯಲ ಭಿರಕೈ
\q1 ಪಾಡಲ ದಗ್ಡೊ ಮೆನ ಮುಲಾನೊ ದಗ್ಡೊ ಥಯೊ.
\q2 ಎ ವಚನೊ ಮತ್ಲಬ ಸುವೈ?
\p
\v 18 ತೆ ದಗಡಾಪರ ಪಡಾಲೊ ಹರಿ ಯಕ್ಲೊ ತುಕಡಾ-ತುಕಡಾ ಥೈಜಾ಼ವಸ. ವರಿ ತೆ ದಗ್ಡೊ ತುಮೊಪರ ಪಾಡ್ಯೊಮ ತೆ ತುಮೊನೆ ಛೆಟಿ ಪಾಡಸ! ಕದ್ಯೊ.
\s ಯಹುದ್ಯೊ ಯೆಸುನೆ ಮೊಸ ಕರಾನೆ ದೆಕಲ
\r (ಮತ್ತಾಯ 22:15-22; ಮಾರ್ಕ 12:13-17)
\p
\v 19 ಯೆಸು ಎ ಕ್ಹಾರು ಕತಾಮಾ ಯೆಹುದಿಯೊನಾ ನಾಯಕೊ ಶಾಸ್ತ್ರಿಯೊ ಖಾಸ ಯಾಜಕೊ. ಐಕಿನ ಯೆಸುನೆ ಕೈ ಉಪಾಯಕ್ಹು ಧರಿಯೆ ಕೈನ ಟೈಮ ದೆಕಾಡಾತಾ. ವರಿ ಮನಕ್ಹೊನಾ ಭೆಕ್ಹು ಯೆಸುನೆ ಚೊ಼ಡಿನ ಗಯಾ. 
\v 20 ತಿನಾಹುತಿ ಶಾಸ್ತ್ರಿಯೊ ಯಾಜಕೊ ಯೆಸುನೆ ರೊಮ ಅದಿಕಾರಿಯೊನಾ ಹತ್ಮಾ ಧರಿನ ದ್ಯು ಕೈನ ಟೈಮ ದೆಕಾಡಾತಾ. ತ್ಯುನೆ ದಕ್ಹಾ ಮನಕ್ಹೊನೆ ಯೆಸುನೆ ಶಕ್ಕಕ ಥಾವು ನೈಸೊ ಶಿಕಲೈನ ಯೆಸುಕನ ಮೊಕಲ್ಯಾತಾ. ವರಿ ತ್ಯುನೆ ಯೆಸುನೆ ತಪ್ಪಮಾ ಧರಿಯೆ ಕೈನ ದೆಕಾಡಾತಾ. 
\v 21 ತಿನಾ ಹುತಿ ಯಾಜಕೊ ವರಿ ಶಾಸ್ತ್ರಿಯೊ ಶಿಕಲೈನ ಮೊಕ್ಕಲಲ ಮನಕ್ಹೊ ಯೆಸುನೆ ಉಪದೆಶ ಕರಾಲಾ ಗುರು ತು ಕ್ಹರಿನೊಜ಼ ವ್ಹೈ ತು ಮ್ಹೊಡು ದೆಕಿನ ಬೊಲಾಲೊ ನ್ಹವೈ ತು ಕ್ಹುದಾನಿ ಕ್ಹರಿನಿ ವಾಟಮಾ ಚ಼ಲಾವಾಲೊ ವ್ಹೈ! 
\v 22 ಹಮ್ನಾ ಹಮೊನೆ ಕೆ ಹಮೆ ರೊಮನ ಚಕ್ರವರ್ತಿನೆ ಭು ಭಾಡೊ ದಿವಾನು ಚೊ಼ಕು ವ್ಹೈಸು ಕೆಟ್ಟ ವ್ಹೈ. ಕೈನ ಪುಚ್ಯಾ. 
\v 23 ಯೆಸು ಎ ಮನಕ್ಹೊ ಮನೆ ಮೊಸ ಕರಾನೆ ಆಯಾಸ ಕೈನ ಗ್ವತ್ತ ವ್ಹತ್ತು. 
\v 24 ತಿನಾ ಹುತಿ ಯೆಸು ತಿವನೊನೆ ಯಕ್ಕ ರುಪ್ಪಾನೊ ಬಿಲ್ಲೊ ಲೈನ ಮನೆ ದೆಕಾಡೊ ತ್ಯುನೆ ಲೈನ ದೆಕಾಡ್ಯಾ ಯೆಸು ತೆ ಬಿಲ್ಲೊ ಲಿನ ಎ ಬಿಲ್ಲಾಪರ ಕಿನೊ ಸಿಕ್ಕಕೊ ಛೆ? ವರಿ ಕಿನೊ ನಾಮ ಛೆ? ಕೈನ ಪುಚ್ಯೊ಼. ತ್ಯುನೆ ಸಿಸರನೊ ವ್ಹೈ ಕದ್ಯಾ.
\p
\v 25 ತೆಳಾಮಾ ಯೆಸು ತ್ಯುನೊನೆ ಸಿಸರನೊ ರ‍್ಹಯಲ ಸಿಸರನೆ ದಿವೊ ವರಿ ಕ್ಹುದಾನು ರ‍್ಹಯಲ ಕ್ಹುದಾನೆ ದಿವೊ, ಕದ್ಯೊ. 
\v 26 ತೆ ಮನಕ್ಹೊ ಯೆಸು ತಿನಿ ಗ್ಯಾನಕ್ಹು ಜ಼ವಾಬ ದಿದಲ ಐಕಿನ ಘಾಬ್ರಾ ಥೈನ ಯೆಸುನೆ ಬಿಜೆ಼ಕ ಸಲಾ ಪುಚ್ಚಾ಼ನೆ ಮನಕ್ಹೊಕ್ಹು ಥಯು ನೈ.
\s ಸದ್ದುಕಾಯರೊ ಯೆಸುನೆ ಮೊಸ ಕರಾನು ದೆಕಲ
\r (ಮತ್ತಾಯ 22:23-33; ಮಾರ್ಕ 12:18-27)
\p
\v 27 ತೆಳಾಮಾ ಮರಿನ ಪುನರುತ್ಥಾನ ನೈ ಥಾತಾ ಕವಾಲಾ ದಕ್ಹಾ ಸದ್ದು ಕಾಯರೊ ಮನಕ್ಹೊ ಯೆಸುಕನ ಆಯಾ. 
\v 28 ತ್ಯುನೆ ಯೆಸುನೆ ದೆಕಿನ ಗುರು, ಯಕ್ಲೊ ಹಿವಾ ಕರಲಿನ ಬಚ್ಚಾ಼ ನೈಸೊ ಬೈ ಕೊನೆ ಚೊ಼ಡಿನ ಮರಿ ಗಯೊಮ. ತಿನೊ ನ್ಹಾನೊ ಭೈ ತೆ ಬಾಕಡಿನೆ ಹಿವಾ ಕರಲಿನ ತಿನಾ ಮ್ಹೊಟಾ ಭಾಯೊನಾ ನಾಮಪರ ಬಚ್ಚಾ಼ ಹುಟ್ಸು ಕೈನ ಮೊಶೆ ಬರ್ದಲ ಛೆತೊ.
\p
\v 29 ಯಕ್ಕ ಕಾಲ್ಮಾ ಕ್ಹಾತ ಭಾಯೊ ವ್ಹತ್ತಾ. ಪಸ್ಟಲ್ಯೊ ಭೈ ಹಿವಾ ಕರಲಿನ, ಪಾಚಲ್ತೊ ಬಚ್ಚಾ಼ ನೈಸೊ ಮರಿಗಯೊ. 
\v 30 ತೆಳಾಮಾ ಬೆವಾ ಭೈ ತೆ ಮಾಟಿ ಮರಲವಾಲಿ ಬಾಕಡಿನೆ ಹಿವಾ ಕರಲಿನ ತೆಬಿ ಬಚ್ಚಾ ನೈಸೊ ಮರಿಗಯೊ. 
\v 31 ತೆಳಾಮಾ ತನ್ವಾವಾಲೊ ತೆಜ಼ ಮಾಟಿ ಮರಲವಾಲಿ ಬಾಕಡಿನೆ ಹಿವಾ ಕರಲಿನ ತೆಬಿ ತಿಮ್ಮಜ಼ ಮರಿಗಯೊ. ತಿನಾ ಲಿಂಗತಜ಼ ಕ್ಹಾತೆ ಜ಼ನಾ ಬಚ್ಚಾ಼ ನೈಸೊ ಮರಿಗಯಾ. 
\v 32 ಲಾಸ್ಟಮಾ ತೆ ಬಾಕಡಿಬಿ ಮರಿ ಗೈ 
\v 33 ವರಿ ಮರಿನ ಪುನರುತ್ಥಾನ ಥೈನ ಉಟ್ತಾಮಾ ತೆ ಬಾಕ್ಡಿ ಕಿನಿ ಬೈಕೊ ಥೈನ ರ‍್ಹವಸ? ಕೈನ ಪುಚ್ಯಾ 
\v 34 ಯೆಸು ಸದ್ದುಕಾಯರೊನೆ ಕದ್ಯೊ. ದುನಿಯಾಮಾ ದಾಣ್ಗಾ ವರಿ ಹೆಣ ಮನಕ್ಹೊ ಹಿವಾ ಕರಿಲಿವಸ. 
\v 35 ಪುನರುತ್ಥಾನನೆ ಯೊಗ್ಯ ರ‍್ಹಯಲ ದಕ್ಹಾ ಮನಕ್ಹೊ ಜಿವ್ತಾ ಥೈನ ಉಟಿನ ಆಯಲಪರ ವರಿ ಜಿವ್ತಾ ರ‍್ಹವಸ. ತ್ಯುನೆ ನವೊ ಜ಼ಲಮ ಮಳಲ ಟೈಮ್ಮಾ ಹಿವಾಕರಲೆತಾ ನೈ. 
\v 36 ತೆ ಜ಼ಲಮ್ಮಾ ದೆವದುತೊ ಲಿಂಗತ ರ‍್ಹವಸ. ತ್ಯುನೊನೆ ಮರಣ ಆತೊ ನೈ. ತ್ಯುನೆ ಕ್ಹುದಾನಾ ದಿಕ್ರಾ ಥೈನ ರ‍್ಹವಸ. 
\v 37 ಮರಲವಾಲಾ ಪುನರುತ್ಥಾನ ಥಾವಸ ಕೈನ ಮೊಶೆ ದೆಕಾಡ್ಯೊಸ. ಆಗ ಲಾಗಲ ಝಾಡನಾ ಹುತಿ ಮೊಶೆ ಬರದತಾ ಟೈಮ್ಮಾ ಪ್ರಭು ಥಯಲ ಕ್ಹುದಾಜ಼ ಅಬ್ರಹಾಮನೊ ಕ್ಹುದಾ, ಇಸಾಕನೊ ಕ್ಹುದಾಜ಼, ವರಿ ಯಾಕೊಬನೊ ಕ್ಹುದಾಜ಼ ವ್ಹೈ ಕೈನ ಕದ್ಯೊಸ. 
\v 38 ಕ್ಹುದಾಜ಼ ತಿವ್ನೊ ಕ್ಹುದಾ ಥಯಲ ಹುತಿ ತ್ಯುನೆ ಕ್ಹಾರಾ ಕ್ಹರಿಮಾಜ಼ ಮರ‍್ಯಾ ನತ್ತಿ. ಕಾಕದ್ಯಾಮ ಜಿವ್ತಾ ರ‍್ಹಯಲವಾಲಾವೊನೊ ಕ್ಹುದಾ ವ್ಹೈ. ಕ್ಹುದಾಮಾ ರ‍್ಹಯಲ ಕ್ಹಾರಾ ಮನಕ್ಹೊ ಜಿವ್ತಾ ರ‍್ಹಯಲ ಲಿಂಗತ ವ್ಹೈ.
\p
\v 39 ಶಾಸ್ತ್ರಿಯೊಮಾನಾ ದಕ್ಹಾ ಜ಼ನಾ "ಕ್ಹುದಾನಿಯೊ ವಾತೊ ಕವಾಲಾ ತು ಚೊ಼ಕು ಜವಾಬ ದಿದ್ಯೊಸ"ಕೈನ ಕದ್ಯಾ. 
\v 40 ಬಿಜೆ಼ಕ ಸಲಾ ಯೆಸುನೆ ಪುಚ್ಚಾ಼ನೆ ಕಿನೆ ಧೈರಯ ಥೈ ನೈ.
\s ಯೆಸು ದಾವಿದನೊ ದಿಕ್ರೊ ವ್ಹೈಸು?
\r (ಮತ್ತಾಯ 22:41-46; ಮಾರ್ಕ 12:35-37)
\p
\v 41 ಯೆಸು ತ್ಯುನೊನೆ ಕದ್ಯೊ, ಕ್ರಿಸ್ತನೆ ದಾವಿದನೊ ದಿಕ್ರೊ ವ್ಹೈ ಕೈನ ಮನಕ್ಹೊ ಕವಸ್ತೊ ಎ ಕಿಮ? 
\v 42 ಕಿರ್ತನೆ ಬುಕ್ಮಾ ರ‍್ಹಯಲ ದಾವಿದಜ಼ ಕದ್ಯೊಸ್ತೊ. ಪ್ರಭು (ಕ್ಹುದಾ) ಮಾರಾ ಪ್ರಭುನೆ (ಕ್ರಿಸ್ತನೆ) ಸು ಕದ್ಯೊಸ ಕದ್ಯಾಮ, 
\v 43 ಮಿ ತಾರಾ ದುಶ್ಮನೊನೆ ತಾರಾ ಪಗೊಮಾ ಘಾಲೆಲಕ್ಕಕಾ ಮಾರಾ ಸಿದಾ ಬಗಲ ಬೈಟ,
\p
\v 44 ದಾವಿದಜ಼ ಕ್ರಿಸ್ತನೆ ಪ್ರಭು ವ್ಹೈ ಕೈನ ಕದಲ್ಪರ ತೆ ದಾವಿದನೊ ದಿಕ್ರೊ ಕಿಮ ಥಾವಸ? ಕೈನ ಕದ್ಯೊ.
\s ಶಾಸ್ತ್ರಿಯೊನಾ ಹುತಿ ಹುಷಾರ
\r (ಮತ್ತಾಯ 23:1-36; ಮಾರ್ಕ 12:38-40)
\p
\v 45 ತ್ಯಾನಾ ಮನಕ್ಹೊ ಯೆಸುನಿಯೊ ವಾತೊ ಐಕಾಡ್ಯಾತಾ. 
\v 46 ಯೆಸು ತಿನಾ ಶಿಷ್ಯಾವೊನೆ ಶಾಸ್ತ್ರಿಯೊನಾ ಹುತಿ ಹುಶಾರ ರ‍್ಹವೊ, ತ್ಯುನೆ ಚೊ಼ಕಾ-ಚೊ಼ಕಾ ವಣ್ಣಾ ಘಾಲ್ಲಿನ ಫರಸ ವರಿ ಬಾಜ಼ರೊಮಾ ಮನಕ್ಹೊನಾ ಹತೆ ನಮಸ್ಕಾರ ಕರೈಲೆ ಲಿವು ಕೈನ ಸಭಾಮಂದಿರಮಾ ವರಿ ಖಾವಾನೆ ಘಾಲಾನಿ ಜ಼ಗಾ ಚೊ಼ಕಿ ಜ಼ಗಾ ಬೈಟಾಡು ಕೈನ ತಿವ್ನಿ ಆಸ ರ‍್ಹವಸ. 
\v 47 ತ್ಯುನೆ ರಾಂಡಿ ಹೆಣ ಮನಕ್ಹೊನೆ ಮೊಸ ಕರಿನ ತ್ಯುನಾ ಘರೊ ವರಿ ತಿವ್ನಿ ಆಸ್ತಿ ಕಾಳ್ಳೆತಾ ಕ್ಹುದಾಕನ ಮ್ಹೊಟಿ-ಮ್ಹೊಟಿ ಪ್ರಾಥನಾ ಕರತಾ ತ್ಯುನೆ ಚೊ಼ಕಾ ವ್ಹೈ ಕೈನ ದೆಕಾಡಿಲಿವಸ. ಇವ್ನೊನೆ ಮ್ಹೊಟಿ ಶಿಕಶ್ಯಾ ದಿವಸ" ಕೈನ ಕದ್ಯೊ.
\c 21
\s ರಾಂಡಿ ಬಾಕಡಿನಿ ಕಾಣಿಕೆ
\r (ಮಾರ್ಕ 12:41-44)
\p
\v 1 ಸೌಕಾರ ರಹೆಲವಾಲಾ ಮನಕ್ಹೊ ದೆವಾಲಯಮಾ ಕಾಣಿಕೆನಿ ಪೆಟಗಿಮಾ ದೊಕಡಾ ಘಾಲಾನು ಯೆಸು ದೆಕಾಡ್ಯೊತೊ. 
\v 2 ತೆಕ್ಲಾಮಾಜ಼಼ ಯಕ್ಕ ರಾಂಡಿ ಬಾಕ್ಡಿ ಐನ ಬೆ ತಾಂಬಾನಾ ಬಿಲ್ಲಾ ಕಾಣಿಕಿನಿ ಪೆಟಗಿಮಾ ಘಾಲಿ. 
\v 3 ಯೆಸು ತೆ ದೆಕಿನ ತುಮೊನೆ ಕ್ಹರಿಮಾಜ಼ ಕೌಸ. ಕ್ಹಾರಾವೊನಿ ಕಾಣಕಿತಿಬಿ ಎ ಬಾಕ್ಡಿ ಘಾಲಲ ಕಾಣಕಿ ಘನ್ನಿ ವ್ಹೈ. 
\v 4 ಸೌಕಾರ ರ‍್ಹಯಲ ವಾಲಾ ತ್ಯುನೊನೆ ಚಾ಼ಯೆಥಯಲ ತ್ಯುನೆ ಮುಕ್ಕಕಿಲಿನ ಉಗ್ರಲ ಕಾಣಿಕೆ ದಿದ್ಯಾ. ಆ ಬಾಕ್ಡಿ ಜಿವ್ನಾ ಕರಾನೆ ಚಾ಼ಯೆ ಥಯಲ ಕ್ಹಾರಾ ದೊಕಡಾ ಕಾಣಿಕೆ ಘಾಲಿಪಾಡಿ. ಕೈನ ಕದ್ಯೊ.
\s ದೆವಾಲಯ ಹಾಳ
\r (ಮತ್ತಾಯ 24:1-14; ಮಾರ್ಕ 13:1-13)
\p
\v 5 ಶಿಷ್ಯಾವೊಮಾನಾ ದಕ್ಹಾಜ಼಼ನಾ ದೆವಾಲಯನಾ ಹುತಿ ಬೊಲ್ತಾ, ಎ ಕೆಕ್ಕಲಾ ಚೊ಼ಕಾ ಮಂಗಾಳಾ ಕ್ಹು ಭಾಂದ್ಯಾಸ. ವರಿ ಮನಕ್ಹೊ ಕೈಲಿದಲ ಹರಕೆ ಕ್ಹು ಸಾಮನಕ್ಹು ಕೆಕ್ಕಲು ಚೊ಼ಕು ದಿಕ್ಹಾಡುಸ. 
\v 6 ಇಮ್ಮ ಕತಾಮಾ ಯೆಸು ಶಿಷ್ಯಾವೊನೆ ಕದ್ಯೊ. ತುಮೆ ನ್ಹ್ಯಾ ದೆಕಾನು ಪುರಾ ನಾಶ ಥಾವಾನೊ ಟೈಮ ಆವಸ. ವರಿ ನ್ಹ್ಯಾ ದಗಡಾಪರ ದಗ್ಡೊ ನೈ ಹುಬ್ರೆತೊ ಪಾಡಾ ಲಗಾಡಿಪಾಡಸ.
\p
\v 7 ತೆಳಾಮಾ ಶಿಷ್ಯಾ ಯೆಸುನೆ ಕದ್ಯಾ "ಗುರು, ಎಕ್ಹಾರು ಥಾವಾನು ಕೆಳಾಮಾ ವ್ಹೈ ವರಿ ಎ ಥಾವಾನು ವಳಕ ಸು ವ್ಹೈ, ಕೈನ ಪುಚ್ಯಾ. 
\v 8 ಯೆಸು ತ್ಯುನೊನೆ ತುಮೆ ಹುಶಾರ ರಹೊ ಮೊಸಮಾ ಪಡೊನಕೊ ಮಾರು ನಾಮ ಕೈನ ಘನ್ನಾ ಜ಼ನಾ ಆವಸ. ತ್ಯುನೆ ಐನ ಮಿಜ಼ ಕ್ರಿಸ್ತ (ಯೆಸು) ವ್ಹೈ ಕವಸ. ತುಮೆ ತಿವ್ನೊಪರ ಬರೊಕ್ಹೊ ಕರೊ ನಕೊ. 
\v 9 ಯುದ್ದೊನಾ ಹುತಿ ದಂಗಾವೊನಾ ಹುತಿ ಸುದ್ದಿಯೊ ಐಕೊಸಿ ವರಿಬಿ ತುಮೆ ಭುಚ಼ಕೊ ನಕೊ. ಎ ಕ್ಹಾರು ಪೈಲಾ ಥಾವು ತಿಮ್ಮ ಥಯಲ್ಪರಬಿ ತೆ ಅಂತ್ಯ ನ್ಹವೈ "ಕೈನ ಕದ್ಯೊ. 
\v 10 ವರಿ ಯೆಸು ತ್ಯುನೊನೆ ದೆಶನಾ ವಿರುದ್ದ ದೆಶ ಉಟಸ. 
\v 11 ಭುಕಂಪೊ ಥಾವಸ ಬರಗಾಲ ಪಡಸ ಮನಕ್ಹೊನೆ ಘನ್ನೊ ತ್ರಾಸ ಥಾವಸ, ಹಬಾಳಮಾ ನೈಸೊ ಥಾವಾನು ಅದ್ಭುತ ಥಾವಸ. 
\v 12 ವರಿ ಎ ಕ್ಹಾರು ಥಾವಾತಿ ಅಗ್ದುರ ಮನಕ್ಹೊ ತುಮೊನೆ ಧರಿಲಿನಗೈನ ತ್ರಾಸ ಕರಸ ವರಿ ತುಮೊನೆ ಸಭಾಮಂದಿರಮಾ ಲಿನಜಾ಼ವಸ, ತುಮೊನೆ ಫೈಸಲೊ ಕರಿನ ಜೆಲಮಾ ಘಾಲಾಲಗಾಡಸ. ವರಿ ರಾಜಾ಼ವೊನಾ ಕ್ಹಾಮಾ ಹುಬ್ರಾಡಸ, ತುಮೊಪರ ಅಪವಾದ ಘಾಲಸ. ತುಮೆ ಮಾರಾ ಪಾಚಾ಼ ಆವಾಕ್ಹು ಮನಕ್ಹೊ ತುಮೊನೆ ಎ ಕ್ಹಾರು ಕರಸ. 
\v 13 ಇನಾಹುತಿ ತುಮಾರಾ ಬರೊಕ್ಹಾನಾ ಹುತಿ ಸಾಕ್ಷಿ ಕವಾನೆ ಚೊ಼ಕೊ ಟೈಮ ವ್ಹೈ. 
\v 14 ತೆಳಾಮಾ ತುಮೆ ತ್ಯುನೊಕನ ಸು ಕೌ ಕೈನ ಚಿಂತಾ ಕರೊ ನಕೊ. 
\v 15 ಕಾಕದ್ಯಾಮ ಮಿಜ಼ ತುಮೊನೆ ಬೊಲಾನು ಗ್ಯಾನ ದ್ಯುಸ. ತಿನಾಹುತಿ ತುಮಾರಾ ದುಶ್ಮನೊ ತುಮೆ ಪುಚ಼್ಚಲ ವಾತನೆ ಜ಼ವಾಬ ದೆತಾ ನೈ. 
\v 16 ತುಮೊನೆ ತಮಾರಾ ಮಾ ಬಾಪ ವರಿ ಭಾಯೊ ತುಮಾರಾ ದೊಸ್ತೊ ತಮಾರಾ ವಿರುದ್ದ ಥಾವಸ. ತುಮೊಮಾನಾ ದಕ್ಹಾ ಜ಼ನಾವೊನೆ ತ್ಯುನೆ ಖಲಾಸ ಕರೈಪಾಡಸ. 
\v 17 ವರಿ ತುಮೆ ಮಾರಾ (ಯೆಸುನಾ) ಪಾಚಾ಼ ಆವಾಕ್ಹು ಮನಕ್ಹೊ ತುಮಾರಾ ದುಶ್ಮನೊ ಥಾವಸ. 
\v 18 ತಿಮ್ಮ ಥಯುತಬಿ ತುಮಾರಾ ಮಾತಾನಾ ಬಾಲನೆಬಿ ಧೊಕೊ ಥಾತೊ ನೈ. 
\v 19 ತುಮೆ ತಮಾರಾ ಬರೊಕ್ಹಾಪರ ಘಟ್ಟ ರ‍್ಹಯಾಮ ತಮಾರಾಕ್ಹು ತುಮೆ ವಚಾ಼ಡಿ ಲಿವೊಸಿ.
\s ಯೆರುಸೆಲೆಮನು ನಾಶ
\r (ಮತ್ತಾಯ 24:15-21; ಮಾರ್ಕ 13:14-19)
\p
\v 20 ಯೆರುಸೆಲೆಮಾನಾ ಸುತ್ತೆ ಸೈನಿಕೊ ಬೆಲಿ ಘಾಲಾನು ತುಮೆ ದೆಕೊಸಿ ತೆಳಾಮಾ ಯೆರುಸೆಲೆಮ ಹಾಳ ಥಾವಾನು ನಜಿಕ ಆಯುಸ ಕೈನ ತುಮೆ ತಿಳದಿಲಿವೊ. 
\v 21 ತೆಳಾಮಾ ಯುದಾಯಮಾ ರ‍್ಹಯಲ ವಾಲಾ ಮನಕ್ಹೊ ಡೊಂಗರಪರ ನ್ಹಾಟಿ ಜಾ಼ವಾದೆ ಗಾಮ್ಮಾ ರ‍್ಹಯಲ ವಾಲಾ ಭಾರಾ ನ್ಹಾಟಿ ಜಾ಼ವಾದೆ ವರಿ ಖೆಡಾಮಾ ರ‍್ಹಯಲ ವಾಲಾ ಗಾಮ್ಮಾ ಔ ನೈಸೊ ತ್ಯಾಜ಼ ರ‍್ಹವಾದೆ. 
\v 22 ತೆ ದಿನೊ ಕ್ಹುದಾ ತಿನಾ ಮನಕ್ಹೊನೆ ಶಿಕ್ಷಾ ದಿವಾನಾ ಟೈಮ ವ್ಹೈ ಪ್ರವಾದಿಯೊ ಬರ್ದಲ ಪುರಾ ಥಾವಸ. 
\v 23 ತೆ ದಿನೊಮಾ ಪೆಟೆ ರ‍್ಹಯಲ ಬಾಕಡಿಯೊನೆ ವರಿ ನ್ಹಾನಾ ಬಚ್ಚಾ಼ ರ‍್ಹಯಲಲಿಯೊನೆ ಘನ್ನು ತ್ರಾಸ ಥಾವಸ. ಕಾಕದ್ಯಾಮ ಆ ಜ಼ಗಾಮಾ ರ‍್ಹಯಲ ಮನಕ್ಹೊಪರ ತ್ರಾಸ ಆವಸ. 
\v 24 ಎ ಮನಕ್ಹೊಮಾ ದಕ್ಹಾ ಜ಼ನಾವೊನೆ ಸೈನಿಕೊ ಖಲಾಸ ಕರಿಪಾಡಸ ದಕ್ಹಾ ಜ಼ನಾವೊನೆ ಧರಿಲಿನಗೈನ ಬಿಜಾ಼ ದೆಶೆ ಲಿನಜಾ಼ವಸ. ವರಿ ಬಿಜಾ಼ ದೆಶವಾಲಾ ತಿವ್ನೊ ದಿನ್ನ ಥಾಯೆಲಕ್ಕಾ ಯೆರುಸೆಲೆಮಾ ರ‍್ಹವಸ.
\s ಮನಕ್ಹನೊ ದಿಕ್ರೊ ಆವಾನು
\r (ಮತ್ತಾಯ 24:29-31; ಮಾರ್ಕ 13:24-27)
\p
\v 25 ಸುರ‍್ಯೊ, ಚ಼ಂದಪ್ಪಾ ವರಿ ಚಿಕ್ಕಿಯೊ ಬಿಜಿ ತರಾಜ಼ ದಿಕ್ಹಸ ವರಿ ಜಿಮಿನ್ಪರ ರ‍್ಹಯಲ ಮನಕ್ಹೊಮಾ ಅಲ್ಲೊಲ ಕಲ್ಲೊಲ ಥಾವಸ. 
\v 26 ಹಬಾಳಮಾ ರ‍್ಹಯಲ ಶಕ್ತಿಯೊ ಹಲ್ಲಾಕ್ಹು ಜಿಮಿನಪರ ಸು-ಸು ಥಾಸ ಕೈನ ಮನಕ್ಹೊ ಭುಚ಼ಕಸ. 
\v 27 ತೆಳಾಮಾ ಮನಕ್ಹನೊ ದಿಕ್ರೊ (ಯೆಸು) ಮ್ಹೊಟಿ ತಾಕತಕ್ಹು ಮಹಿಮಾನಾ ಪ್ರಭಾವಕ್ಹು ಹಬಾಳಮಾತೊ ಆವಾನು ಮನಕ್ಹೊ ದೆಕಸ. 
\v 28 ಎ ಕ್ಹಾರು ಥಾತಾಮಾ ಉಪ್ಪರ ದೆಕೊ ಕಾಕದ್ಯಾಮ ತುಮೊನೆ ಬಿಡಗಡೆನೊ ದಿನ್ನ ಆಯೊಸ.
\s ಯೆಸುನಿ ವಾತೊ ಕೆಳಾಮಾಜ಼ ನುಚಾ಼ತ್ಯೊ ನೈ
\r (ಮತ್ತಾಯ 24:32-35; ಮಾರ್ಕ 13:28-31)
\p
\v 29 ಪಾಚಲ್ತೊ ಯೆಸು ಆ ಸಾಮ್ಯ ಕದ್ಯೊ. ಕ್ಹಾರಾ ಝಾಡೊಮಾತಿಬಿ ಅಂಜುರನು ಝಾಡನಿ ಚೊ಼ಕಿ ಉದಾಹರಣ ವ್ಹೈ. 
\v 30 ತೆ ಚಿಗರತಾಮಾಜ಼ ತಡಕಾನೊ ದಿನ್ನ ಆಯೊಸ ಕೈನ ತಿಳದಿಲಿವೊಸಿ. 
\v 31 ತಿನಾ ಲಿಂಗತಜ಼ ಎ ಕ್ಹಾರು ಥಾತಾಮಾ ಕ್ಹುದಾನಿ ರಾಜ್ಯ ಭೆಗಿನ ಆವಸ ಕೈನ ತಿಳದಿಲಿವೊ.
\p
\v 32 ಮಿ ತುಮೊನೆ ಕ್ಹರಿಜ಼ ಕೌಸ. ಎ ಕಾಲನಾ ಮನಕ್ಹೊ ಹಜು಼ನ ಜಿವ್ತಾ ರ‍್ಹತಾಮಾಜ಼ ಎ ಕ್ಹಾರು ಥಾವಸ. 
\v 33 ಹಬಾಳ ಜಿಮಿನ ಹಾಳ ಥಾವಸ ಮಿ ಕದಲ ವಾತೊ ಕೆಳಮಾಜ಼ ಹಾಳ ಥಾತಿಯೊ ನೈ!
\s ಕ್ಹಾರಾ ಟೈಮಮಾ ತಯಾರ ರ‍್ಹವೊ
\p
\v 34 "ತುಮೆ ಹುಶಾರ ರ‍್ಹವೊ! ಖಾವಾಮಾ ಪಿನ ನಶಾಮಾ ದುನಿಯಾನಿ ಚಿಂತಾಮಾ ಡುಬಿಜಾ಼ವೊನಕೊ ತುಮೆ ತುಮಾರು ಮನಸ ಘಟ್ಟ ಕರಲಿದಲ ಟೈಮಾಜ಼ ಲಾಸ್ಟನೊ ದಿನ್ನ ಭೆಗಿನ ಐ ಜಾ಼ವಸ. 
\v 35 ತೆ ದಿನ್ನ ಜಿಮಿನಪರ ರ‍್ಹಯಲ ಮನಕ್ಹೊನೆ ಘಾಬ್ರೊ ಕರಿ ಪಾಡ್ಸ. 
\v 36 ತಿನಾ ಹುತಿ ಕ್ಹಾರಾಜ಼ ಟೈಮ್ಮಾ ತಯ್ಯಾರ ಥೈನ ರಹೊ. ಹಮ್ನಾ ಥಾವಾನಿ ವಿಚಾರೊಕ್ಹು ವಾಚಿನ ವರಿ ಮನಕ್ಹನಾ ದಿಕ್ರಾನಾ ಕ್ಹಾಮಾ ಹುಬ್ರವಾನೆ ತಯ್ಯಾರ ರಹೊ. ವರಿ ಪ್ರಾಥನಾ ಕರೊ.
\p
\v 37 ಯೆಸು ತೆ ದಿನೊಮಾ ದಿನ್ನ ಕ್ಹಾರಿ ದೆವಾಲಯಮಾ ಮನಕ್ಹೊನೆ ಉಪದೆಶ ಕತೊತೊ. ವರಿ ರಾತ ಕ್ಹಾರಿ ಒಲಿವ ತೆಲನಾ ಝಾಡನಾ ಡೊಂಗರಪರ ರ‍್ಹತೊತೊ. 
\v 38 ದಿನ್ನೆ ಪಾಟೆ, ಮನಕ್ಹೊ ಭೆಗಿನ ಉಟಿನ ಗೈನ ದೆವಾಲಯಮಾ ಯೆಸುನು ಉಪದೆಶ ಐಕಾನೆ ಜಾ಼ತಾತಾ.
\c 22
\s ಯೆಸುನೆ ಖಲಾಸ ಕರಾನೆ ದೆಕಲ ಯಹುದ್ಯೊ.
\r (ಮಾರ್ಕ 14:1-2,10-11; ಯೊಹಾನ 11:45-53)
\p
\v 1 ಖಾಟೊ ನೈಸೊ ರೊಕ್ಲಾನೊ ಸನ್ನ ಕದ್ಯಾಮ ಫಸ್ಕ ಸನ್ನ ನಜಿಕ ಆಯೊತೊ. 
\v 2 ಖಾಸ ಯಾಜಕೊ ವರಿ ಶಾಸ್ತ್ರಿಯೊ. ಯೆಸುನೆ ಕಿನೆಜ಼಼ ಗ್ವತ್ತವಾಚಿ಼ ಖಲಾಸ ಕರಿಯೆ ಕೈನ ಟೈಮ ದೆಕಾಡಾತಾ.
\s ಯೆಸುನಾ ವಿರುದ್ದ ಯುದ ಮೊಸ ಕರಲ
\p
\v 3 ಯೆಸುನಾ ಬಾರಾ ಶಿಷ್ಯಾವೊನಾ ಇಸ್ಕರಿಯುತ ಯುದ ಕವಾಲೊ ಶಿಷ್ಯೊ ಬಿ ವ್ಹತ್ತೊ. ಸೈತಾನ ತಿಮಾ ಐನ ಯಕ್ಕ ಕೆಟ್ಟ ಕಾಮ ಕರಾನೆ ಸಹಾಯತಾ ಕರ‍್ಯು. 
\v 4 ಯುದ ಖಾಸ ಯಾಜಕಕೊಕನ ವರಿ ದೆವಾಲಯನಾ ಅದಿಕಾರಿಯೊಕನ ಐನ, ಯೆಸುನೆ ಧರಿನ ದ್ಯುಸ ಕೈನ ತ್ಯುನೊಕನ ಕದ್ಯೊ. 
\v 5 ತೆಳಾಮ ತೆ ವಾತ ಐಕಿನ ಯಾಜಕೊನೆ ಘನ್ನಿ ಖುಶಿ ಥೈ. ತು ಯೆಸುನೆ ಧರೈನ ದಿದ್ಯೊಮ ಹಮೆ ತುನೆ ದೊಕಡಾ ದಿಯೆಸ ಕೈನ ವಾತ ದಿದ್ಯಾ. 
\v 6 ಯುದ ತೆ ವಾತೆ ಒಪ್ಪಿಲಿದ್ಯೊ. ಪಾಚಲ್ತೊ ಯುದ ಯೆಸುನೆ ಧರೈನ ದಿವಾನೆ ಟೈಮ ದೆಕಾಡ್ಯೊತೊ.
\s ಪಸ್ಕನು ಖಾವಾ ಹುತಿ ತಯ್ಯಾರ
\r (ಮತ್ತಾಯ 26:17-25; ಮಾರ್ಕ 14:12-21; ಯೊಹಾನ 13:21-30)
\p
\v 7 ಖಾಟೊ ನೈಸೊ ರೊಕ್ಲೊ ಖಾವಾನೊ ದಿನ್ನ ಆಯೊ. ಯೆಹುದಿಯೊನಾ ಮನಕ್ಹೊ ಪಸ್ಕ, ತೆ ದಿನಮಾ ಬಕ್ರಾನಾ ಬಚ್ಚಾ಼ವೊನೆ ಕಾಟತಾತಾ. 
\v 8 ತೆಳಾಮಾ ಯೆಸು, ಪೆತ್ರಾ ವರಿ ಯೊಹಾನನೆ, ತುಮೆ ಗೈನ ಪಸ್ಕ ಸನ್ನನು ಅನ್ನ ಖಾವಾನಾ ಹುತಿ ಅಪೊನೆ ತಯ್ಯಾರ ಕರೊ ಕೈನ ಕದ್ಯೊ. 
\v 9 ತ್ಯುನೆ ಅನ್ನ ಖಾವಾನಾ ಹುತಿ ಹಮೆ ಕಿಜ್ಗಾ಼ ತಯ್ಯಾರ ಕರಿಯೆ? ಕೈನ ಯೆಸುನೆ ಪುಚ್ಯಾ. 
\v 10 ಯೆಸು ತ್ಯುನೊನೆ ಐಕೊ ತುಮೆ ಯೆರುಸಲೆಮ ಗಾಮ್ಮಾ ಗೈನ ತ್ಯಾ ಯಕ್ಲೊ ಭರಲ ಪಾನಿನೊ ಘಡೊ ಲಿನ ಜಾ಼ವಾಲಾನೆ ತುಮೆ ದೆಕೊಸಿ. ತುಮೆ ತಿನಾ ಪಾಚಾ಼ ಜಾ಼ವೊ ತೆ ಯಕ್ಕ ಘರಮಾ ಜಾ಼ವಸ. ತುಮೆ ತೆ ಘರಮಾ ಜಾ಼ವೊ. 
\v 11 ತೆ ಘರನಾ ಮಾಲಕನೆ, ಗುರು ತಿನಾ ಶಿಷ್ಯಾವೊನಾ ಕ್ಹಾತೆ ಕೈ ಖೊಲಿಮಾ ಪಸ್ಕ ಸನ್ನನು ಅನ್ನ ಖಾವಾನೆ ಬೈಟಾನೆ. ಕೈನ ಪುಚೊ಼. 
\v 12 ತೆಳಾಮಾ ಘರನೊ ಮಾಲಕ ಮ್ಹಾಡಿಪರ ರ‍್ಹಯಲ ಯಕ್ಕ ಮ್ಹೊಟಿ ಖೊಲಿ ದೆಕಾಡಸ. ತೆ ಖೊಲಿಮಾ ಅಪೊನೆ ಪಸ್ಕನು ಅನ್ನ ಖಾವಾನಾ ಹುತಿ ತ್ಯಾ ತಯ್ಯಾರ ಕರೊ. ಕೈನ ಕದ್ಯೊ. 
\v 13 ತಿನಾ ಹುತಿ ತ್ಯುನೆ ಗಯಾ. ವರಿ ಯೆಸು ಕದಲ ತೆ ಪುರಾ ಥಯು. ತ್ಯುನೆ ತ್ಯಾ ಪಸ್ಕನು ಅನ್ನ ತಯ್ಯಾರ ಕರ‍್ಯಾ.
\s ಪ್ರಭು ಖಾದಲ
\r (ಮತ್ತಾಯ 26:26-30; ಮಾರ್ಕ 14:22-26)
\p
\v 14 ಪಸ್ಕನಾ ಅನ್ನ ಖಾವಾನೊ ಟೈಮ ಆಯೊ. ಯೆಸು ವರಿ ತಿನಾ ಬಾರಾ ಶಿಷ್ಯಾ ಅನ್ನ ಖಾವಾನಾ ಹುತಿ ಬೈಟ್ಯಾ. 
\v 15 ತೆಳಾಮ ಯೆಸು ತ್ಯುನೊನೆ ಕದ್ಯೊ ಮಿ ಕಷ್ಟಮಾ ಪಡಾತಿ ಅಗ್ದುರ ಮಿ ತುಮಾರಾ ಕ್ಹಾತೆ ಪಸ್ಕನು ಅನ್ನ ಖೌ ಕೈನ ಮಾರಿ ಘನ್ನಿ ಆಸ ವ್ಹತ್ತಿ. 
\v 16 ಇನೊ ಮತ್ಲಬ ವ್ಹೈ ಕ್ಹುದಾನಿ ರಾಜ್ಯ ಪುರಾ ಆಯೆಲಕ್ಕಾ ಮಿ ಬಿಜೆಕ ಪಸ್ಕನು ಅನ್ನ ಖಾತೊಜ಼ ನೈ ಕೈನ ಕದ್ಯೊ. 
\v 17 ಪಾಚಲ್ತೊ ಯೆಸು ದ್ರಾಕ್ಷಿಯೊನು ರಕ್ಹನೊ ತಾಂಬಿಯೊ ಲಿನ ಕ್ಹುದಾನೆ ಸ್ತೊತ್ರ ಕೈನ. ತೆ ಶಿಷ್ಯಾವೊನೆ ದಿನ್ನ ತುಮೆ ವಾಟಿನ ಪಿವೊ ಕದ್ಯೊ. 
\v 18 ಆಜ಼ತೊ ಮಿ ಕ್ಹುದಾನಿ ರಾಜ್ಯ ಆಯೆಲಕ್ಕಾ ಫರಿನ ದ್ರಾಕ್ಷಿಯೊನೊ ರಕ್ಹ ಪಿತೊಜ಼ ನೈ ಕದ್ಯೊ.
\p
\v 19 ವರಿ ಯೆಸು ದಕ್ಹೊ ರೊಕ್ಲೊ ಲಿನ ಕ್ಹುದಾನೆ ಸ್ತೊತ್ರಾ ಕೈನ ತೆ ಭಾಗಿನ ತಿನಾ ಶಿಷ್ಯಾವೊನೆ ದಿದ್ಯೊ. ಪಾಚಲ್ತೊ ಯೆಸು, ಮಿ ತುಮಾರಾ ಹುತಿ ದಿವಾನು ಮಾರು ಅಂಗ ವ್ಹೈ. ಮಾರಿ ಶೆನಾ ಹುತಿ ತುಮೆ ಇಮ್ಮ ಕರೊ. 
\v 20 ವರಿ ತ್ಯುನು ಖಾವಾನು ಥಯಲಪರ, ಯೆಸು ದ್ರಾಕ್ಷಿಯೊನು ರಕ್ಹನೊ ತಾಂಬಿಯೊ ಲಿನ, ಕ್ಹುದಾ ತಿನಾ ಮನಕ್ಹೊನೆ ವಾತ ದಿದಲ ನಯ್ಯೊ ವಾತೊನಾ ಹುತಿ ವಳಕ ರ‍್ಹವಾದೆ ಮಿ ತುಮಾರಾ ಹುತಿ ದಿವಾನು ರಗತ ಎ ನೈಯೊ ವಾತೊ ಶುರು ಥಾವಸ. ಕದ್ಯೊ.
\p
\v 21 ಯೆಸು, ಮನೆ ಮೊಸ ಕರಾಲೊ ಮಾರಾಜ಼ ಕ್ಹಾತೆ ಅನ್ನ ಖಾವಾನೆ ಬೈಟ್ಯೊಸ. 
\v 22 ಮನಕ್ಹನೊ ದಿಕ್ರೊ ಕ್ಹುದಾನಿ ಮರ್ಜಿ ಲಿಂಗತ ಮರಸ, ತೆನೈಸೊ ಮನಕ್ಹನಾ ದಿಕ್ರಾನೆ ಮರಾನಾ ಹುತಿ ವಪ್ಸಿನ ದಿವಾಲಾ ಮನಕ್ಹನೆ ಘನ್ನು ಕೆಟ್ಟ ಥಾವಸ. ಕೈನ ಕದ್ಯೊ.
\p
\v 23 ತೆಳಾಮಾ ಶಿಷ್ಯಾ, ಅಪೊಮಾ ಎ ಕೆಟ್ಟ ಕುನ್ನ ಕರಸ? ಕೈನ ಯಕ್ನಾ ಯಕ್ಕ ಬೊಲ್ಲಿದ್ಯಾ.
\s ಕುನ್ನ ಮ್ಹೊಟು ವ್ಹೈ
\p
\v 24 ಪಾಚಲ್ತೊ ಶಿಷ್ಯಾವೊನಾ ತಿವ್ನೊಮಾ ಕುನ್ನ ಮ್ಹೊಟು ವ್ಹೈ ಕೈನ ಬೊಲ್ಲಿವಾಡ್ಯಾತಾ. 
\v 25 ತೆಳಾಮಾ ಯೆಸು ತ್ಯುನೊನೆ, ಎ ಲೊಕನಾ ರಾಜಾ಼ ತಿವ್ನಾ ಮನಕ್ಹೊಪರ ರಾಜ಼ ಚ಼ಲಾವಸ. ಮನಕ್ಹೊಪರ ಅದಿಕಾರ ಕರಾಲಾವೊನೆ ಕೆಟ್ಟ ಮನಕ್ಹೊ ವ್ಹೈ ಕೈನ ಕವಸ. 
\v 26 ತೆನೈಸೊ ತುಮೆ ತಿಮ್ಮ ಥೌ ನೈ. ಮ್ಹೊಟೊ ಮನಕ್ಹ ನ್ಹಾನೊ ಮನಕ್ಹ ಥೈನ ರ‍್ಹೌ. ನಾಯಕ ಸೆವಕ ಥೈನ ರ‍್ಹೌ.
\p
\v 27 ಚೊ಼ಕೊ ಕುನ್ನ ವ್ಹೈ? ಖಾವಾನೆ ಬೈಟಲವಾಲೊ? ನೈತೊ ತಿನೆ ಸೆವಾ ಕರಾಲೊ ಸು? ಅನ್ನ ಖಾವಾನೆ ಬೈಟಲವಾಲೊ ಚೊ಼ಕು ವ್ಹೈ ಕೈನ ತುಮೆ ತಿಳದಿಲಿದ್ಯಾಸು? ಮಿ ತುಮೊಮಾ ಸೆವಕ ಲಿಂಗತ ಛೆ!
\p
\v 28 ತುಮೆ ಮನೆ ಕಷ್ಟ ಆಯಲ ಟೈಮ್ಮಾ ಮಾರಾ ಕ್ಹಾತೆ ರ‍್ಹಯಲ ವಾಲಾ ವ್ಹೈ. 
\v 29 ಮಾರೊ ಬಾ (ಕ್ಹುದಾ) ಮನೆ ಅದಿಕಾರ ದಿದ್ಯೊಸ. ಮಾರಾ ಕ್ಹಾತೆ ರ‍್ಹಯಲವಾಲಾ ತುಮೊನೆ ಮಿಬಿ ತೆಜ಼ ಅದಿಕಾರ ದ್ಯುಸ. 
\v 30 ಮಾರಾ ರಾಜ್ಯಮಾ ತುಮೆಬಿ ಮಾರಾ ಕ್ಹಾತೆ ಅನ್ನ ಖಾವೊಸಿ ವರಿ ಪಿವೊಸಿ. ಸಿಂಹಾಸನ್ಪರ ಬೈಟಿನ ಇಸ್ರಾಯಲನಾ ಬಾರಾ ಜಾ಼ತವಾಲಾವೊನೆ ಫೈಸಲೊ ಕರೊಶಿ.
\s ಯೆಸುನೆ ಪೆತ್ರಾ ವಳಕ ನತ್ತಿ ಕದಲ
\r (ಮತ್ತಾಯ 26:31-35; ಮಾರ್ಕ 14:27-31; ಯೊಹಾನ 13:36-38)
\p
\v 31 ಯಕ್ಕ ರೈತ ತಿನು ಘೌ ತುರಾನಾ ಲಿಂಗತ ಸೈತಾನ ತುಮೊನೆ ಪರಿಕ್ಕಷಾಲಿವಾನೆ ಮಾಂಗಿಲಿದ್ಯೊ. ಸಿಮೊನ, ಸಿಮೊನ (ಪೆತ್ರಾ) 
\v 32 ತಾರೊ ಬರೊಕ್ಹೊ ಕಮ ಥೌನೈ ಕೈನ ಮಿ ಪ್ರಾಥನಾ ಕರ‍್ಯೊ! ತು ಫರಿನ ಆಯಲ್ಪರ ತಾರಾ ಭಾಯೊನೆ ತು ತಾಕತ ಥೌ. ಕದ್ಯೊ.
\p
\v 33 ತೆ ವಾತೆ ಪೆತ್ರಾ ಯೆಸುನೆ "ಪ್ರಭು, ತಾರಾ ಕ್ಹಾತೆ ಜೆಲೆ ಜಾ಼ವಾನೆಬಿ ವರಿ ಮರಾನೆಬಿ ಮಿ ತಯ್ಯಾರ ಛೆ "ಕೈನ ಕದ್ಯೊ. 
\v 34 ತೆ ವಾತೆ ಯೆಸು, ಪೆತ್ರಾ, ವ್ಹಂತಾ ಪಾಟೆ ಕುಕಡೊ ಬಾಂಗ ದಿವಾತಿ ಅಗ್ದುರ ತು ಮಾರಿ ವಿಷಯಮಾ ಮನೆ ಗ್ವತ್ತ ನತ್ತಿ ಕೈನ ತನ ಸಲಾ ಕಸಿ. ಕದ್ಯೊ.
\s ತ್ರಾಸ ತಡ್ದಿಲಿವಾನೆ ತಯ್ಯಾರ ರ‍್ಹವೊ
\p
\v 35 ಪಾಚಲ್ತೊ ಯೆಸು ಶಿಷ್ಯಾವೊನೆ, ಮಿ ತುಮೊನೆ ಭೊದನೆ ಕವಾನಾ ಹುತಿ ಮೊಕಲ್ತಾಮಾ ದೊಕಡಾವೊನೆ ಕೈಚಿಲಾ ವರಿ ಗಾಮೆ ನಿಂಜಾ಼ವಾನಿ ಕೈಚಿಲಾ ನೈಸೊಜ಼, ಚಪ್ಲೊ ನೈಸೊ ಮೊಕಲ್ಯೊ, ವರಿಬಿ ತುಮೊನೆ ಸುಬಿ ಕಮ ಥೈಸು? ಕೈನ ಪುಚ್ಯೊ. ತೆಳಾಮ ಶಿಷ್ಯಾ ಸುಜ಼ ಕಮ ಥೈಯು ನೈ ಕದ್ಯಾ. 
\v 36 ಯೆಸು ತ್ಯುನೊನೆ"ಹಮ್ನಾ ತುಮೊಕನ ದೊಕಡಾ ರ‍್ಹಯಾಮ ಕೈಚಿಲಾ ರ‍್ಹೈಮ ತೆ ಲಿನ ಜಾ಼ವೊ ತುಮೊಕನ ತಲ್ವಾರ ನೈ ರ‍್ಹಯುಮ ತುಮಾರು ಉಪ್ಪರಲ್ಯು ಅಂಗ್ಡು ಇಕ್ಕಿನ ತೆ ದೊಕಡಾಕ್ಹು ಯಕ್ಕ ತಲ್ವಾರ ನಿಂಜಾ಼ವೊ. 
\v 37 ತೆ ಅಪರಾದಿಮಾನೊ ಯಕ್ಲೊ ವ್ಹೈ ಕೈನ ಕವೈಲಿದ್ಯೊ. ಕೈನ ಪ್ರವಾದಿಯೊನಾ ಗ್ರಂಥಮಾ ಬರ್ದಲ ಛೆ. ಮಾರಾ ಹುತಿ ಬರ್ದಲ ಪುರಾ ಥೌ ವರಿ ತೆ ಹಮ್ನಾ ಪುರಾ ಥಾವಸ "ಕೈನ ಕದ್ಯೊ. 
\v 38 ತೆಳಾಮ ಶಿಷ್ಯಾ ತಿನೆ, ಪ್ರಭು, ನ್ಹ್ಯಾ ದೆಕ ಬೆ ತಲ್ವಾರ ಛೆ "ಕದ್ಯಾ. ಯೆಸು "ತೆಕ್ಲು ಬಸ್ಸ "ಕದ್ಯೊ.
\s ಯೆಸು ಒಲಿವ ತೆಲನಾ ಝಾಡೊನಾ ಡೊಂಗರಪರ ಪ್ರಾಥನಾ ಕರಲ
\r (ಮತ್ತಾಯ 26:36-46; ಮಾರ್ಕ 14:32-42)
\p
\v 39 ಯೆಸು ಯೆರುಸೆಲೆಮ ಗಾಮ್ಮಾತೊ ಒಲಿವ ತೆಲನಾ ಝಾಡೊನಾ ಡೊಂಗರಪರ ಗಯೊ. ತಿನಾ ಶಿಷ್ಯಾಬಿ ತಿನಾ ಕ್ಹಾತೆ ಗಯಾ. 
\v 40 ಯೆಸು ತಿನಾ ಶಿಷ್ಯಾವೊನೆ"ತುಮೆ ಶೊದನೆಮಾ ಪಡೆ ನೈಸೊ ಪ್ರಾಥನಾ ಕರೊ "ಕೈನ ಕದ್ಯೊ. 
\v 41 ಪಾಚಲ್ತೊ ಯೆಸು ತ್ಯುನೊತಿ ದಗ್ಡೊ ಭಿರಕಾವಾನಾ ಯಕ್ಲೊ ದುರ ಗೈನ ತೆ ಉಂದಾ ಗುಡ್ಗಾ ಘಾಲ್ಲಿನ, 
\v 42 ಬಾ, ತುನೆ ಮನಸ ರ‍್ಹಯುಮ, ಆ ತ್ರಾಸನೊ ತಾಂಬಿಯೊ ಮಕ್ಹು ದುರ ಕರ ವರಿಬಿ ಮಾರಿ ಚಿತ್ತ ಲಿಂಗತ ನೈಸೊ ತಾರಿ ಚಿತ್ತ ಲಿಂಗತ ಕರ ಕೈನ ಪ್ರಾಥನಾ ಕರ‍್ಯೊ. 
\v 43 ತೆಳಾಮಾ ಸ್ವರಗತೊ ಯಕ್ಕ ದೆವದುತ ಐನ. ಯೆಸುನೆ ತಾಕತ ಭರ‍್ಯೊ. 
\v 44 ಯೆಸುನೆ ಘನ್ನು ತ್ರಾಸ ಥಯು. ತೆ ಪ್ರಾಥನಾಮಾ ಘನ್ನೊ ಕಷ್ಟ ಖಾದ್ಯೊ. ತಿನೊ ಘಾಮ ರಗತ ಲಿಂಗತ ಚಾ಼ಲ್ಯು. 
\v 45 ಯೆಸು ಪ್ರಾಥನಾ ಕರಲ್ಪರ ತಿನಾ ಶಿಷ್ಯಾವೊಕನ ಗಯೊ. ತ್ಯುನೆ ಕ್ಹುರೈ ಪಡ್ಯಾತಾ. 
\v 46 ಯೆಸು ತ್ಯುನೊನೆ ತುಮೆ ಕಾ ಕ್ಹುರೈ ಪಡ್ಯಾಸು? ಉಟೊ! ಶೊದನೆಮಾ ಪಡೆ ನೈಸೊ ಪ್ರಾಥನಾ ಕರೊ "ಕೈನ ಕದ್ಯೊ.
\s ಯೆಸುನೆ ಧರಲ
\r (ಮತ್ತಾಯ 26:47-56; ಮಾರ್ಕ 14:43-50; ಯೊಹಾನ 18:3-11)
\p
\v 47 ಯೆಸು ಬೊಲ್ತೊ ರ‍್ಹತಾಮಾಜ಼, ಮನಕ್ಹೊನು ಮ್ಹೊಟು ಗುಂಪ ತ್ಯಾ ಐಯು. ಬಾರಾ ಅಪೊಸ್ತಲೊಮಾ ಯಕ್ಲೊ ತೆ ಗುಂಪನಾ ಕ್ಹಾತೆ ಆವಾಡ್ಯೊತೊ. ತೆಜ಼ ಯುದ ವ್ಹೈ. ತೆ ಯೆಸುನಾ ಕ್ಹಾಮೊ ಐನ ಮಟ್ಟಿ ದಿದ್ಯೊ. 
\v 48 ಯೆಸು ತಿನೆ ಯುದ ಯಕ್ಕ ಮಟ್ಟಿಲಿನ ಮನಕ್ಹನಾ ದಿಕ್ರಾನೆ ಧರೈನ ದಿವಾನೆ ಆಯೊಸು? ಕೈನ ಕದ್ಯೊ. 
\v 49 ಯೆಸುನಾ ಶಿಷ್ಯಾಬಿ ತ್ಯಾ ವ್ಹತ್ತಾ. ತ್ಯಾ ಥಾವಾನು ತ್ಯುನೆ ದೆಕಾಡಾತಾ. ಶಿಷ್ಯಾ ಯೆಸುನೆ, ಪ್ರಭು, ಹಮೆ ಹಮಾರಾ ತಲ್ವಾರೊ ಉಪಯೊಗ ಕರಿಯೆಸು? ಕೈನ ಪುಚ್ಯಾ. 
\v 50 ಶಿಷ್ಯಾವೊಮನೊ ಯಕ್ಲೊ ತಿನು ತಲ್ವಾರ ಕಾಡಿನ ಮಹಾಯಾಜಕನಾ ಆಳನೊ ಸಿದಾ ಬಗಲನೊ ಕಾನ ಕತ್ರಿ ಪಾಡ್ಯೊ. 
\v 51 ಯೆಸು ತಿನೆ "ಹುಬ್ರೆ" ಕದ್ಯೊ. ತೆ ಆಳನಾ ಕಾನೆ ಮುಟ್ಟಿನ ಅರಾಮ ಕರ‍್ಯೊ. 
\v 52 ಯೆಸುನೆ ಧರಾ ಹುತಿ ಖಾಸ ಯಾಜಕೊ, ಯಹುದ್ಯೊನಾ ಮ್ಹೊಟಾ ಮನಕ್ಹೊ. ವರಿ ಸೈನಿಕೊ ಆಯಾತಾ. ತುಮೆ ಚಾಕಾ ಛುರಿಯೊ ಲಿನ ನ್ಹ್ಯಾ ಕಾ ಆಯಾಸ? ಮಿ ಅಪರಾದಿ ವ್ಹೈ ಕೈನ ತುಮೆ ತಿಳದ್ಯಾಸು? 
\v 53 ದಿನ್ನೆ ಬಿ ತುಮಾರಾ ಕ್ಹಾತೆ ದೆವಾಲಯಮಾ ವ್ಹತ್ತೊ. ತುಮೆ ಮನೆ ತ್ಯಾ ಕಾ ಧರ‍್ಯಾ ನೈ? ತೆನೈಸೊ ಆಜ಼ ತಮಾರೊ ದಿನ್ನ ವ್ಹೈ. ಎ ಅಂದಕಾರನೊ ರಾಜ್ಯ ವ್ಹೈ. ಕದ್ಯೊ.
\s ಪೆತ್ರಾ ಮೊಸ ಕರಲ
\r (ಮತ್ತಾಯ 26:57,58,69-75; ಮಾರ್ಕ 14:53,54,66-72; ಯೊಹಾನ 18:12-18,25-27)
\p
\v 54 ತ್ಯುನೆ ಯೆಸುನೆ ಭಾಂದಿನ ಮಹಾಯಾಜ಼ಕನಾ ಘರೆ ಬಲೈ ಲಾಯಾ. ಪೆತ್ರಾ ತ್ಯುನಾ ಪಾಚೊ಼-ಪಾಚೊ಼ ಆಯೊ. ವರಿ ತೆ ಯೆಸುನಾ ನಜಿ಼ಕ ಆಯೊ ನೈ. 
\v 55 ಸೈನಿಕೊ ಖಾಸ ಯಾಜಕನಾ ಅಂಗಳಾಮಾ ಆಗ ಲಗಾಡಿನ ಅಂಗ ಶೆಕಿಲೆತಾ ಬೈಟ್ಯಾತಾ. ಪೆತ್ರಾ ಬಿ ತ್ಯುನಾ ಕ್ಹಾತೆ ಬೈಟ್ಯೊ. 
\v 56 ಪೆತ್ರಾ ತ್ಯಾ ಬೈಟಲ ಖಾಸ ಯಾಜಕನಿ ಆಳನಿ ದೆಕಿನ. ಆಗನಾ ಉಜಾಲಾಕ್ಹು ತೆ ಪೆತ್ರಾನೆ ವಳಕಿ. ತೆ ಆಳನಿ ಪೆತ್ರಾನೆ ಆ ಮನಕ್ಹ ಯೆಸುನಾ ಕ್ಹಾತೆ ರ‍್ಹಯಲ ವಾಲೊ ವ್ಹೈ ಕೈನ ಕದಿ. 
\v 57 ತೆಳಾಮಾ ಪೆತ್ರಾ. ಎ ಕ್ಹರಿ ನ್ಹವೈ ಕದ್ಯೊ. ತೆ ತಿನೆ ಯಾ ಮನೆ ತೆ ಗ್ವತ್ತ ನತ್ತಿ "ಕದ್ಯೊ. 
\v 58 ದಕ್ಹಿಯಳ್ಪರ ಬಿಜೆಕ್ಲೊ ಪೆತ್ರಾನೆ ದೆಕಿನ, ತುಬಿ ಯೆಸುನಾ ಕ್ಹಾತೆ ರ‍್ಹಯಲ ವಾಲಾವೊಮಾನೊ ಯಕ್ಲೊ ವ್ಹೈ"ಕದ್ಯೊ. ತೆಳಾಮಾ ಪೆತ್ರಾ ಎ ಮನಕ್ಹ "ತ್ಯುನೊಮಾನೊ ಮಿ ನ್ಹವೈ ಕದ್ಯೊ" 
\v 59 ವರಿ ಯಕ್ಕ ತಾಸಪರ ಬಿಜೆಕ್ಲೊ ಐನ ಪೆತ್ರಾನೆ ಆ ಮನಕ್ಹ ಕ್ಹರಿಜ಼ ಯೆಸುನಾ ಕ್ಹಾತೆ ರ‍್ಹಯಲ ವಾಲೊ ವ್ಹೈ ವರಿ ಆ ಗಲಿಲಾಯವಾಲೊಜ಼ ವ್ಹೈ "ಕದ್ಯೊ. 
\v 60 ತೆಳಾಮಾ ಪೆತ್ರಾ, ಎ ಮನಕ್ಹ "ತು ಸು ಕವಾಡ್ಯೊಸ ಮನೆ ಗ್ವತ್ತ ನತ್ತಿ "ಕದ್ಯೊ. ಪೆತ್ರಾ ಹಜು಼ನ ಬೊಲ್ತೊ ರ‍್ಹತಾಮಾಜ಼ ಕುಕಡೊ ಬಾಂಗ ದಿದ್ಯೊ. 
\v 61 ತೆಳಾಮಾ ಯೆಸು ಪೆತ್ರಾನೆ ಪಾಚ಼ೊ ಫರಿನ ದೆಕ್ಯೊ. ಪಾಟೆ ಕುಕಡೊ ಬಾಂಗ ದಿವಾತಿ ಅಗ್ದುರಜ಼ ಮಾರಿ ವಿಚಾರಮಾ ತು ತನ ಸಲಾ ಮನೆ ವಳಕ ನತ್ತಿ ಕೈನ ಕಸಿ ಕೈನ ಯೆಸು ಕದಲ ಶೆ ಕರಲಿದಿಯೊ. 
\v 62 ಪಾಚಲ್ತೊ ಪೆತ್ರಾ ಭಾರೊ ಗೈನ ಘನ್ನೊ ರೊಯ್ಯೊ.
\s ಯೆಸುನೆ ಮನಕ್ಹೊ ಕದ್ರಾಯಲ ವರಿ ಮಾರಲ
\r (ಮತ್ತಾಯ 26:67-68; ಮಾರ್ಕ 14:65)
\p
\v 63 ಯೆಸುನೆ ಕೈದಾಲಾ ಸೈನಿಕೊ ತ್ಯುನೆ ಯೆಸು ಮ್ಹೊಡು ಝಾಕಿನ, ತಿನೆ ಮಾರಿನ, 
\v 64 "ತುನೆ ಕುನ್ನ ಮಾರಯು? ಕೆ ಕೈನ ಕದ್ರಾಯಾ. 
\v 65 ತ್ಯುನೆ ಯೆಸುನೆ ಘನ್ನಾ ಕದ್ರೈನ ತಿಪರ ದೊಶ ಘಾಲ್ಯಾ.
\s ಯೆಹುದಿಯೊನಾ ಮ್ಹೊಟಾ ಮನಕ್ಹೊನಾ ಕ್ಹಾಮೊ ಯೆಸು
\r (ಮತ್ತಾಯ 26:59-66; ಮಾರ್ಕ 14:55-64; ಯೊಹಾನ 18:19-24)
\p
\v 66 ಮರ್ನಾ ದಿನ್ನೆ ಮ್ಹೊಟಾ ಮನಕ್ಹೊ ಖಾಸ ಯಾಜಕೊ ವರಿ ಶಾಸ್ತ್ರಿಯೊ ಕ್ಹಾರಾ ಮಳಿನ, ಯೆಸುನೆ ಫೈಸಲೊ ಕರಾನೆ ಬಲೈ ಲಿನಗಯಾ. 
\v 67 ತ್ಯುನೆ ಯೆಸುನೆ ತು "ಕ್ರಿಸ್ತ ರ‍್ಹಯೊಮ ಹಮೊನೆ ಕೆ "ಕದ್ಯಾ. ಯೆಸು ತ್ಯುನೊನೆ, ಮಿ ಕ್ರಿಸ್ತ ವ್ಹೈ ಕೈನ ಕದ್ಯೊತಬಿ ತುಮೆ ಬರೊಕ್ಹೊ ಕರತಾ ನೈ, ಕದ್ಯೊ. 
\v 68 ಮಿ ತುಮೊನೆ ಪುಚ್ಯೊ಼ತಬಿ ತುಮೆ ಮನೆ ಜ಼ವಾಬ ದೆತಾ ನೈ. 
\v 69 ತಿನಾ ಹುತಿ ಆಜ಼ತೊಜ಼ ಮನಕ್ಹನೊ ದಿಕ್ರೊ ಕ್ಹುದಾನಾ ಬಾಜು಼ಮಾ ಬೈಟಸ "ಕೈನ ಕದ್ಯೊ. 
\v 70 ತ್ಯುನೆ ಕ್ಹಾರಾ ಜ಼ನಾ "ತಿಮ್ಮ ರ‍್ಹಯುಮ ತು ಕ್ಹುದಾನೊ ದಿಕ್ರೊ ವ್ಹೈಸು? ಕೈನ ಪುಚ್ಯಾ. ಯೆಸು ತ್ಯುನೊನೆ, ಮಿಜ಼ ತೆ ವ್ಹೈ ತುಮೆಜ಼ ಕವಾಡ್ಯಾಸ್ತೊ "ಕದ್ಯೊ.
\p
\v 71 ತೆಳಾಮ ತ್ಯುನೆ ಹಮ್ನಾ ಅಪೊನೆ ಕಾ ಸಾಕ್ಷಿ ಚಾ಼ಯೆ? ತೆ ತಿಮ್ಮ ಕವಾನು ಅಪೆ ಐಕ್ಯಾತೊ "ಕದ್ಯಾ.
\c 23
\s ಯೆಸುನೆ ಪಿಲಾತನಕನ ನಿಂಗೈಯಲ
\r (ಮತ್ತಾಯ 27:1,2,11-14; ಮಾರ್ಕ 15:1-5; ಯೊಹಾನ 18:28-38)
\p
\v 1 ವರಿ ತ್ಯಾ ಪಂಚ್ಯಾತಿನಾ ಹುತಿ ಕುಡಿನ ಆಯಲ ವಾಲಾ ಯೆಸುನೆ ಪಿಲಾತನಕನ ಬಲೈ ಲಿನಗಯಾ. 
\v 2 ತ್ಯುನೆ ಯೆಸುಪರ ದೊಷ ಘಾಲಾನೆ ಶುರು ಕರ‍್ಯಾ ಆ ಮನಕ್ಹ ಹಮಾರಾ ಮನಕ್ಹೊನೆ ತಪ್ಪ ವಾಟಮಾ ನಿಂಜಾ಼ವಾನೆ ಕವಾಡ್ಯೊಸ. ಹಮೆ ಸಿಸರನೆ ಭುಭಾಡೊ ದಿವೊನಕೊ ಕೈನ ಎ ಕವಾಡ್ಯೊಸ. ತೆನೈಸೊ ಇನಾಕ್ಹು ಎಜ಼ ಕ್ರಿಸ್ತ ವ್ಹೈ ಕೈನ ಕೈಲಿವಾಡ್ಯೊಸ. ಇನಾಹುತಿ ಹಮೆ ಇನೆ ಧರಿನ ಲಾಯಾಸ. 
\v 3 ತೆಳಾಮಾ ಪಿಲಾತನ ಯೆಸುನೆ "ತು ಯಹುದ್ಯೊನೊ ರಾಜೊ಼ ವ್ಹೈಸು? ಕೈನ ಪುಚ್ಯೊ. ತೆಳಾಮಾ ಯೆಸು ತುಜ಼಼ ಕವಾಡ್ಯೊಸ್ತೊ ಕೈನ ಕದ್ಯೊ.
\p
\v 4 ಪಿಲಾತನ, ಖಾಸ ಯಾಜಕೊನೆ ವರಿ ಮನಕ್ಹೊನೆ"ಮನೆ ಆ ಮನಕ್ಹಮಾ ಕಯೊಜ಼ ತಪ್ಪ ದಿಕ್ಹಾಡ್ಯು ನತ್ತಿ "ಕದ್ಯೊ.
\p
\v 5 ತೆ ವಾತೆ ತ್ಯುನೆ"ಎ ಮನಕ್ಹ ಯುದಾಯಾ ಗಾಮ್ಮಾ ಉಪದೆಶ ಕರಿನ ಮನಕ್ಹೊನೆ ಭಡ್ಕಾಯೊಸ. ಗಲಿಲಾಯಮಾ ಶುರು ಕರಿನ ಎ ಹಮ್ನಾ ನ್ಹ್ಯಾ ಆಯೊಸ" ಕೈನ ಹಗ್ಲೆಲ್ಲಾ ಕದ್ಯಾ.
\s ಹೆರೊದನಾ ಕ್ಹಾಮೊ ಯೆಸು
\p
\v 6 ಪಿಲಾತನ ಎ ಐಕಿನ, ಎ ಮನಕ್ಹ ಗಲಿಲಾಯ ವಾಲೊ ವ್ಹೈಸು? ಕೈನ ಪುಚ್ಯೊ. 
\v 7 ಯೆಸು ಹೆರೊದನಾ ಅದಿಕಾರಮಾ ರ‍್ಹಯಲ ಗಾಮ ವಾಲೊ ವ್ಹೈ ಕೈನ ತಿಳದಿಲಿನ. ತೆ ಟೈಮ್ಮಾ ಹೆರೊದ ಯೆರುಸೆಲೆಮ್ಮಾ ವ್ಹತ್ತೊ. ತಿನಾಹುತಿ ಯೆಸುನೆ ಹೆರೊದಕನ ಮೊಕಲ್ಯೊ. 
\v 8 ಹೆರೊದ ಯೆಸುನೆ ದೆಕ್ತಾಮಾ ಘನ್ನೊ ಖುಶಿ ಥಯೊ, ಕಾಕದ್ಯಾಮ ತೆ ಯೆಸುನಾ ಹುತಿ ಕ್ಹಾರುಜ಼ ಐಕ್ಯೊತೊ ವರಿ ಯೆಸು ಕರಾನು ಅದ್ಭುತ ದೆಕು ಕೈನ ವ್ಹತ್ತೊ. 
\v 9 ಹೆರೊದ ಯೆಸುನೆ ಘನ್ನಾ ಪ್ರಶ್ನೆ ಪುಚ್ಯೊ. ತೆಳಾಮಾ ಯೆಸು ಯಕ್ಕಬಿ ಜ಼ವಾಬ ದಿದ್ಯೊ ನೈ. 
\v 10 ಖಾಸ ಯಾಜಕೊ ವರಿ ಶಾಸ್ತ್ರಿಯೊ. ತ್ಯಾಜ಼ ಹುಬ್ರಯಾತಾ. ತ್ಯುನೆ ಯೆಸುನಾ ವಿರುದ್ದ ವದ್ರಾಡ್ಯಾತಾ. 
\v 11 ತೆಳಾಮಾ ಹೆರೊದ ವರಿ ಸೈನಿಕೊ ಯೆಸುನೆ ಕದ್ರಾಯಾ ತ್ಯುನೆ ಯೆಸುನೆ ರಾಜಾ಼ವೊನಾ ವಣ್ಣಾ ಘಾಲಿನ ಹಿನಾಯಾ. ಪಾಚಾ಼ತಾ ಹೆರೊದ ಯೆಸುನೆ ಪಿಲಾತನಕನ ಮೊಕ್ಕಲಿ ಪಾಡ್ಯೊ. 
\v 12 ಪೈಲಾ ಪಿಲಾತನ ವರಿ ಹೆರೊದ ದುಶ್ಮನೊ ವ್ಹತ್ತಾ. ವರಿ ತೆ ದಿನತಾ ತ್ಯುನೆ ಭಂಬಿಜ಼ನಾ ದೊಸ್ತೊ ಥಯಾ.
\s ಯೆಸುನೆ ಮರಾನಿ ಶಿಕ್ಕಶಾ ದಿದಲ
\r (ಮತ್ತಾಯ 27:15-26; ಮಾರ್ಕ 15:6-15; ಯೊಹಾನ 18:39—19:16)
\p
\v 13 ಪಿಲಾತನ ಖಾಸ ಯಾಜಕೊನೆ ಯೆಹುದಿನಾ ಮ್ಹೊಟಾ ಮನಕ್ಹೊನೆ ಕ್ಹಾರಾ ಜ಼ನಾವೊನೆ ಬಲೈನ, 
\v 14 ತ್ಯುನೊನೆ"ತುಮೆ ಆ ಮನಕ್ಹನೆ ಮಕನ ಬಲೈ ಲಾಯಾಸ. ಎ ಮನಕ್ಹೊನೆ ತಪ್ಪ ವಾಟಪರ ಚ಼ಲಾವಾಡ್ಯೊಸ ಕೈನ ಕದ್ಯಾ. ವರಿ ಮಿ ತಮಾರಾ ಕ್ಹಾಮೊ ಇನೆ ವಿಚಾರ ಕರ‍್ಯೊ, ಇಮಾ ಮಿ ಸುಜ಼ ತಪ್ಪ ದಿಕ್ಹ್ಯು ನೈ. ತುಮೆ ಇಪರ ಘಾಲಾನು ದೊಶ ಹೊಂದಾಡ್ಯು ನತ್ತಿ. 
\v 15 ಎನೈಸೊ ಹೆರೊದನೆಬಿ ಎ ಮನಕ್ಹಮಾ ಸುಜ಼ ತಪ್ಪ ದಿಕ್ಹ್ಯು ನೈ. ಹೆರೊದ ಯೆಸುನೆ ಹಮೊಕನ ವರಿ ಮೊಕಲ್ಯೊಸ, ದೆಕೊ ಯೆಸುಮಾ ಸುಜ಼ ತಪ್ಪ ನತ್ತಿ ಕರ‍್ಯೊ. ತಿನೆ ಮರವಾನಿ ಶಿಕ್ಷಾ ಥೌ ನೈ. 
\v 16 ತಿನಾಹುತಿ ಮಿ ಇನೆ ನ್ಹಾನಿ ಶಿಕ್ಷಾದಿನ ಛೊಡಿಪಾಡುಸ" ಕೈನ ಕದ್ಯೊ. 
\v 17 ಹರಿ ಯಕ್ಕ ಫಸ್ಕಾನಾ ಸನ್ಮಾ ರಾಜ್ಯಪಾಲ ಥಯಲ ಪಿಲಾತನ ಮನಕ್ಹೊ ಮಾಂಗಲ ತೆ ಕೈದಿನೆ ಛೊಡಾನಿ ಪದ್ದತ ವ್ಹತ್ತಿ. \f + \fr 23:17. \fr*\ft ದಕ್ಹಾ ಗ್ರಿಕ ಪುಸ್ತಕೊಮಾ 17 ವಚನ ಮಳಾಯಾಸ. ತಿಮಾ ಹರಿಯಕ್ಕ ವರಕ್ಹನಾ ಪಸ್ಕ ಸನ್ನನಾ ಟೈಮ್ಮಾ ಪಿಲಾತನ ಮನಕ್ಹೊನಾ ಹುತಿ ಯಕ್ಕ ಕೈದಿನೆ ಛೊಡಾನಿ ಪದ್ದತ ವ್ಹತ್ತಿ. ಕೈನ ಬರ್ದಲ ಛೆ. \ft*\f*
\p
\v 18 ತೆನೈಸೊ ಮನಕ್ಹೊ ಯೆಸುನೆ ಜೊ಼ರ ವದ್ರಿನ ಮರವಾನಿ ಶಿಕ್ಷಾ ದೆ ಕೈನ ಕವಾಡಾತಾ. ವರಿ ಬರಬ್ಬನೆ ಛೊಡ ಕೈನ ಕವಾಡಾತಾ. 
\v 19 (ತೆ ಜೆಲಮಾ ವ್ಹತ್ತೊ ತೆ ದಕ್ಹಾ ಮನಕ್ಹೊನೆ ಖಲಾಸ ಕರ‍್ಯೊತೊ)
\p
\v 20 ಪಿಲಾತನ ಯೆಸುನೆ ಛೊಡಿಪಾಡು ಕೈನ ವ್ಹತ್ತೊ. ತಿನಾಹುತಿ ಯೆಸುನೆ ಛೊಡಿಪಾಡು ಕೈನ ಮನಕ್ಹೊನೆ ಕದ್ಯೊ. 
\v 21 ತೆ ನೈಸು ತ್ಯುನೆ ವರಿ ತಿನೆ ಮರವಾನಿ ಶಿಕ್ಷಾ ದೆಕಿನ ವರಿ ಜೊ಼ರ ವದ್ರ್ಯಾ. ವರಿ ತಿನೆ ಶಿಲುವಿಪರ ಚ಼ಡಾ ಶಿಲುವಿಪರ ಚ಼ಡಾ"ಕದ್ಯಾ.
\p
\v 22 ತನ್ವಾ ಸಲಾ ಪಿಲಾತನ ಮನಕ್ಹೊನೆ, ಕಾ? ತೆ ಸು ತಪ್ಪ ಕರ‍್ಯೊಸ? ತೆ ತಪ್ಪ ಕರಲವಾಲೊ ನ್ಹವೈ. ತಿನೆ ಮರವಾನಿ ಶಿಕ್ಷಾ ದಿವಾನೆ ತಿಮಾ ಸುಜ಼ ತಪ್ಪ ದಿಕ್ಹಾಡು ನತ್ತಿ. ತಿನಾ ಹುತಿ ತಿನೆ ನ್ಹಾನಿ ಶಿಕ್ಷಾ ದಿನ್ನ ಛೊಡಿ ಪಾಡುಸ "ಕದ್ಯೊ.
\p
\v 23 ವರಿ ಮನಕ್ಹೊ ವದ್ರಾನು ದೆಕಿನ ಪಿಲಾತನ ಯೆಸುನೆ ಶಿಲುವಿಪರ ಚ಼ಡೈನ ಮರವಾನಿ ಶಿಕ್ಷಾ ದಿದ್ಯೊ. 
\v 24 ಪಿಲಾತನ ತ್ಯುನೆ ಮಾಂಗಲ ತೆ ಪುರಾ ಕರಾನೆ ಒಪ್ಪಿಲಿದ್ಯೊ. 
\v 25 ಪಿಲಾತನ, ಬರಬ್ಬನೆ ಛೊಡಿನ ಯೆಸುನೆ ಶಿಲುವಿಪರ ಘಾಲಾಹುತಿ ಮನಕ್ಹೊನಾ ಹತಮಾ ದಿದ್ಯೊ.
\s ಯೆಸುನೆ ಶಿಲಬಿಪರ ಚ಼ಡಾಯಾ
\r (ಮತ್ತಾಯ 27:32-44; ಮಾರ್ಕ 15:21-32; ಯೊಹಾನ 19:17-19)
\p
\v 26 ಸೈನಿಕೊ ಯೆಸುನೆ ಶಿಲುವಿಪರ ಚ಼ಡಾವಾನೆ ನಿಂಜಾ಼ತಾಮಾ ಖೆತರಮಾತೊ ಗಾಮ್ಮಾ ಆತೊ ರ‍್ಹಯಲ ಸಿಮೊನ ಕವಾಲಾನೆ ದೆಕ್ಯಾ. ಸಿಮೊನ ಕವಾಲೊ ಸಿರೆನ ಗಾಮವಾಲೊ ವ್ಹತ್ತೊ. ಯೆಸುನಿ ಶಿಲುವಿ ಉಚೈಲಿನ ಯೆಸುನಾ ಪಾಚೊ಼-ಪಾಚೊ಼ ಆ ಕೈನ ವತ್ತಾಯ ಕರ‍್ಯಾ. 
\v 27 ಘನ್ನಾ ಮನಕ್ಹೊ ಯೆಸುನಾ ಪಾಚಾ಼-ಪಾಚಾ಼ ಆವಾಡಾತಾ. ಮ್ಹೊಟು ಗುಂಪ ಥೈನ ಮಳಲ ಹೆಣ ಮನಕ್ಹೊ ಘನ್ನಿಯೊ ರವಾಡಿಯ್ಯುತೊ. 
\v 28 ಯೆಸು ತೆ ಹೆಣ ಮನಕ್ಹೊನೆ "ಯೆರೊಸೆಲಿಮಿನಿಯೊ ಹೆಣ ಮನಕ್ಹೊ, ಮಾರಾ ಹುತಿ ರವೊ ನಕೊ ತಮಾರಾ ಹುತಿ ತಮಾರಾ ಬಚ್ಚಾ಼ವೊನಾ ಹುತಿ ರವೊ" 
\v 29 ಬಚ್ಚಾ಼ ನೈಸೊ ವಾಲಿಯೊ ಚೊ಼ಕಿಯೊ ವ್ಹೈ ಬಚ್ಚಾ಼ವೊನೆ ಛಾತಿನು ದುದ್ದ ನೈ ಪಿಲಾಯಲ ವಾಲಿಯೊ ಚೊ಼ಕಿಯೊ ವ್ಹೈ. ಕೈನ ಮನಕ್ಹೊ ಕವಾನು ಟೈಮ ಆವಸ. 
\v 30 ತೆಳಾಮಾ ಮನಕ್ಹೊ ಡೊಂಗರನೆ ಮಪರ ಪಡ! ಕೈನ ಡೊಂಗರೊ ಹಮೊನೆ ಝಾಕಿ ಪಾಡಾದೆ ಕೈನ ವದ್ರಸ. 
\v 31 ಮನಕ್ಹೊ ಝಾಡ ಚೊ಼ಕು ರ‍್ಹತಾಮಾ ಇಮ್ಮ ಕರಸ. ವರಿ ಕುಕ್ಹಾಯಲ ಟೈಮ್ಮಾ ಕಿಮ ರ‍್ಹಸ? ಕೈನ ಕದ್ಯೊ. 
\v 32 ಯೆಸುನಾ ಕ್ಹಾತೆ ಬೆ ಚ್ವಟ್ಟಾವೊನೆ ಮರವಾನಿ ಶಿಕ್ಕಶಯಾ ದಿದ್ಯಾತಾ. 
\v 33 ಯೆಸುನೆ ವರಿ ಬೆ ಚ್ವಟ್ಟಾವೊನೆ ತ್ಯುನೊನೆ "ಕಪಾಲ "ಕವಾನಿ ಜ಼ಗಾಪರ ಬಲೈ ಲಿನಗಯಾ. ತ್ಯಾ ಯೆಸುನೆ ಶಿಲುವಿಪರ ಚ಼ಡಾಯಾ ಬೆ ಚ್ವಟ್ಟಾವೊಮಾ ಯಕ್ಲಾನೆ ಯೆಸುನಾ ಶಿದಾಬಗಲ ಯಕ್ಲಾನೆ ಡಾವಾ ಬಗಲ ಚ಼ಡಾಯಾ, 
\v 34 ತೆಳಾಮ ಯೆಸು, ಬಾ, ಅವ್ನೊನೆ ಮಾಫ ಕರ. ಅವನೆ ಸು ಕರಾಡಾಸ ತಿಳದ್ಯಾ ನತ್ತಿ "ಕೈನ ಪ್ರಾಥನಾ ಕರ‍್ಯೊ. ಸೈನಿಕೊ ಚಿಟಿಯೊ ಘಾಲಿನ ಯೆಸುನಾ ವಣ್ಣಾ ಕಿನೆ-ಕಿನೆ ವಾಟಿಲಿದ್ಯಾ.
\p
\v 35 ಮನಕ್ಹೊ ದೆಕತಾ ತ್ಯಾ ಹುಬ್ರಯಾತಾ. ಯೆಹುದಿಯೊನಾ ಮ್ಹೊಟಾ ಮನಕ್ಹೊ ಯೆಸುನೆ ಕದ್ರಾಯಾ. ತ್ಯುನೆ ಯೆಸುನೆ ತು ಕ್ಹುದಾ ಇನಿಲಿದಲ ಕ್ರಿಸ್ತ ರ‍್ಹಯೊಮ ತಿನಾಕ್ಹು ತೆ ವಚಾ಼ಡಿಲಿವಾದೆ. ಎ ಬಿಜಾ಼ವೊನೆ ವಚಾ಼ಡಲ ವಾಲೊ ನ್ಹವೈಸು? ಕದ್ಯಾ. 
\v 36 ಸೈನಿಕೊ ಯೆಸುನೆ ಕದ್ರಾಯಾ. ತ್ಯುನೆ ಯೆಸುಕನ ಐನ. ದಕ್ಹು ಖಾಟು ದ್ರಾಕ್ಷಿಯೊನು ರಕ್ಹ ಪಿವಾನೆ ದಿದ್ಯಾ. 
\v 37 ವರಿ ಯಹುದ್ಯನೊ ರಾಜೊ಼ ರ‍್ಹಯೊಮ, ತಾರಾ ಕ್ಹು ತು ವಚಾ಼ಡಿಲೆ "ಕದ್ಯಾ. 
\v 38 (ಶಿಲುಬಿನಾ ಉಪ್ಪರ, ಎ ಯಹುದ್ಯೊನೊ ರಾಜೊ಼ ವ್ಹೈ ಕೈನ, ಕೈನ ಬರದ್ಯಾತಾ)
\p
\v 39 ತ್ಯಾ ಚ಼ಡಾಯಲ ಬೆ ಚ್ವಟ್ಟಾವೊಮಾನೊ ಯಕ್ಲೊ ಯೆಸುನೆ "ತು ಕ್ರಿಸ್ತ ನ್ಹ ವ್ಹೈಸು? ತಿಮ್ಮ ರ‍್ಹಯುಮ ತಾರಾಕ್ಹು ತು ವಚಾ಼ಡಿ ಲೆ! ವರಿ ಹಮೊನೆಬಿ ವಚಾ಼ಡ"ಕದ್ಯೊ.
\p
\v 40 ತೆನೈಸೊ ತೆ ಬಿಜೆಕ್ಲೊ ಚ್ವಟ್ಟೊ. ತಿನೆ ಭುಚ಼್ಕಾಡ್ಯೊ. ತು ಕ್ಹುದಾ ಕ್ಹು ಭುಚ಼ಕ್ತಾ ನೈಸು? ತುನೆ ಬಿ ಎಜ಼ ಶಿಕ್ಷಾ ಥೈಸ! 
\v 41 ತುಬಿ ಮಿ ಪಾಪಿಯೊ ವ್ಹೈ. ಅಪೊನೆ ಅಪ್ನಾ ಪಾಪನಾ ಹುತಿ ಶಿಕ್ಷಾ ದಿದ್ಯಾಸ. ವರಿ ಎ ಮನಕ್ಹ (ಯೆಸು) ಕಯುಜ಼ ತಪ್ಪ ಕರ‍್ಯೊ ನತ್ತಿ. ಕದ್ಯೊ. 
\v 42 ಪಾಚಲ್ತೊ ತೆ ಚ್ವಟ್ಟೊ ಯೆಸುನೆ ತಾರೊ ರಾಜ್ಯ ಆತಾಮಾ ಮನೆ ಶೆ ಕರಿಲೆ"ಕದ್ಯೊ.
\p
\v 43 ತೆಳಾಮಾ ಯೆಸು ತಿನೆ ಐಕ! ಮಿ ಕ್ಹರಿಜ಼ ಕೌಸ. ಆಜಾ಼ನಾ ದಿನ್ನೆಜ಼ ತು ಮಾರಾ ಕ್ಹಾತೆ ಸ್ವರ್ಗಮಾ ರ‍್ಹಸಿ. ಕೈನ ಕದ್ಯೊ.
\s ಯೆಸು ಮರಲ
\r (ಮತ್ತಾಯ 27:45-56; ಮಾರ್ಕ 15:33-41; ಯೊಹಾನ 19:28-30)
\p
\v 44 ತೆಕ್ಲಾಮಾಜ಼಼ ದುಪಾರ ಥೈಗೈತಿ ವರಿ ಇಡಿ ಭುಲೊಕ್ಪರ ಅಂದಾರು ಥೈಗೈಯುತು. ತೆ ಅಂದಾರು ದುಪಾರನಾ ಬಾರಾ ವಾಸ್ತಾತು ತನ, ವಾಜೆ ಲಕ್ಕಾ ವ್ಹತ್ತು. 
\v 45 ಸುರ್ಯಾನು ಉಜಾಲುಜ಼ ನ್ಹೊತು! ದೆವಾಲಯನೊ ಪಡದೊ ಫಾಟಿನ ಬೆ ಭಾಗ ಥಯೊತೊ. 
\v 46 ಪಾಚಲ್ತೊ ಯೆಸು"ಬಾ, ಮಾರಿ ಆತ್ಮಾ ತಾರಾ ಹತೊಮಾ ವಪ್ಸುಸ, ಕೈನ ಝೊರ ವದ್ರಿನ ಜ಼ಲಮ ಛೊ಼ಡ್ಯೊ.
\p
\v 47 ತ್ಯಾ ರ‍್ಹಯಲ ಸೈನಿಕೊನೊ ಅದಿಕಾರಿ ತಿಮ್ಮ ಥಯಲ ದೆಕಿನ"ಎ ಮನಕ್ಹ ಕ್ಹರಿನೊಜ಼ ವ್ಹೈ ಕೈನ ಮನೆ ಗ್ವತ್ತ ವ್ಹತ್ತು" ಕೈನ ಕ್ಹುದಾನಿ ಸ್ತುತಿ ಕರ‍್ಯೊ. 
\v 48 ಎ ಕ್ಹಾರು ದೆಕಾನೆ ಗಾಮತಾ ಘನ್ನಾ ಮನಕ್ಹೊ ಆಯಾತಾ. ವರಿ ಎ ಕ್ಹಾರು ದೆಕಿನ ಘನ್ನಾ ದುಕಿ ಥೈನ ಫರಿನ ತ್ಯುನಾ ಗಾಮೆ ಗಯಾ. 
\v 49 ಯೆಸುನಾ ದೊಸ್ತೊ ಬಿ ತ್ಯಾ ವ್ಹತ್ತಾ. ಗಲಿಲಾಯತಿಯೊ ಯೆಸುನಾ ಪಾಚಿ಼ಯೊ ಆಯಲ ಹೆಣ ಮನಕ್ಹೊಬಿ ತ್ಯಾ ವ್ಹತ್ತಿಯೊ. ತ್ಯುನೆ ದುರತಿಯೊಜ಼ ಎ ಕ್ಹಾರು ದೆಕಾಡಿಯೊತ್ಯೊ.
\s ಯೆಸುನಿ ಮಜಾ಼ರ
\r (ಮತ್ತಾಯ 27:57-61; ಮಾರ್ಕ 15:42-47; ಯೊಹಾನ 19:38-42)
\p
\v 50 ಅರಿಮಥಾಯ ಕವಾನು ಯೆಹುದಿಯೊನು ಯಕ್ಕ ಗಾಮ ವ್ಹತ್ತು. ಯೊಸೆಫ ಎಜ಼ ಗಾಮವಾಲೊ ಚೊ಼ಕೊ ವ್ಹತ್ತೊ. ಎ ಕ್ಹುದಾನಾ ಹುತಿ ಕ್ಹಾರು ತಿಳದಿಲಿದ್ಯೊತೊ. ವರಿ ಕ್ಹುದಾನು ರಾಜ್ಯ ಆವಸ ಕವಾನು ಇನೆ ಗ್ವತ್ತ ವ್ಹತ್ತು. 
\v 51 ಯೊಸೆಫ ಯಹುದ್ಯೊನೊ ಮನಕ್ಹೊಪರ ಮ್ಹೊಟೊ ವ್ಹತ್ತೊ. ವರಿ ಯೆಹುದಿಯೊನಾ ಮನಕ್ಹೊ ಯೆಸುನೆ ಖಲಾಸ ಕರಿಯೆ ಕೈನ ಕತಾಮಾ ತೆ ವಾತೆ ವಪ್ಯೊನ್ಹೊತೊ. 
\v 52 ಯೆಸುನೊ ಮರಲ ಅಂಗ ದಿಲಾ ಕೈನ ಯೊಸೆಫ ಪಿಲಾತನಕನ ಮಾಂಗ್ಯೊ. 
\v 53 ಪಾಚಲ್ತೊ ಯೊಸೆಫ ಯೆಸುನು ಅಂಗ ಶಿಲುವಿಪರತೊ ಹೆಟೊ ಉತಾರಿನ ನರಮ ಪ್ಹಡಕಾಮಾ ಯೆಸುನೆ ಸುತ್ತಿನ ದಗಡಾಮಾ ಕಾಡಲ ಮಜಾ಼ರಮಾ ಮ್ಹೆಲ್ಯೊ. ತೆ ಮಜಾ಼ರಮಾ ಬಿಜಾ಼ ಕಿನೆಜ಼಼ ಘಾಲ್ಯಾ ನ್ಹೊತಾ. 
\v 54 ವರಿ ತೆ ದಿನ್ನ ಸಬ್ಬತನೊ ತಯ್ಯಾರನೊ ದಿನ್ನ ವ್ಹತ್ತೊ.
\p
\v 55 ಗಲಿಲಾಯತಾ ಯೆಸುನಾ ಕ್ಹಾತೆ ಆಯಲ ಹೆಣ ಮನಕ್ಹೊ ಯೊಸೆಫನಾ ಪಾಚಿ಼ಯೊ ಗಯ್ಯೊ. ತ್ಯುನೆ ಯೆಸುನೆ ಮುಕ್ಕಕಲ ಮಜಾ಼ರ ದೆಕಿಯೊ. 
\v 56 ಪಾಚಾ಼ತಿಯೊ ತೆ ಹೆಣ ಮನಕ್ಹೊ ಯೆಸುನಾ ಅಂಗೆ ಲಗಾಡಾನಾ ಹುತಿ ಬಾಸನು ತೆಲ ಲಾವಾನಾ ಹುತಿ ಗಯ್ಯೊ. ಸಬ್ಬತ ದಿನಮಾ ತ್ಯುನೆ ಅರಾಮ ಕರಿಯೊ. ಮೊಶೆನು ಧರಮ ಶಾಸ್ತ್ರನಾ ಪ್ರಕಾರ ಸಬ್ಬತನಾ ದಿನಮಾ ಮನಕ್ಹೊ ಅರಾಮ ಕರಾನು ವ್ಹತ್ತು.
\c 24
\s ಯೆಸು ಮರಿನ ಜಿವ್ತೊ ಥಯಲ
\r (ಮತ್ತಾಯ 28:1-10; ಮಾರ್ಕ 16:1-8; ಯೊಹಾನ 20:1-10)
\p
\v 1 ಐತ್ವಾರನಾ ಪಾಟೆ ಹಜ಼ುನ ಮಬ್ಬ ರ‍್ಹತಾಮಾ ಯೆಸುನೆ ಮ್ಹೆಲಲ ಮಜಾ಼ರಕನ ಹೆಣ ಮನಕ್ಹೊ ಯೆಸುನಾ ಅಂಗೆ ಲಗಾಡಾನೆ ಬಾಸನು ತೆಲ ತಯ್ಯಾರ ಕರಿನ ಲಯ್ಯೊ. 
\v 2 ಮಜಾ಼ರನೆ ಝಾಕಲ ದಗ್ಡೊ ಸರಕಾಯಲ ದೆಕಿನ ತ್ಯುನೆ ಮ್ಹೈ ಆಯ್ಯೊ. 
\v 3 ವರಿ ತ್ಯುನೊನೆ ಯೆಸುನು ಮರಲ ಅಂಗ ದಿಕ್ಹ್ಯು ನೈ. 
\v 4 ತೆ ಹೆಣ ಮನಕ್ಹೊ ಘಾಬ್ರಿಯೊ ಥಯ್ಯೊ. ವರಿ ಘನ್ನಾ ಮಿಂಚಾ಼ನಾ ವಣ್ಣಾ ಘಾಲ್ಲಿನ ಬೆ ಜ಼ನಾ ತ್ಯುನೊಕನ ಹುಬ್ರಯಾ. 
\v 5 ತೆ ಹೆಣ ಮನಕ್ಹೊ ಘನ್ನಿಯೊ ಭುಚಕಿನ ತ್ಯುನಾ ಮ್ಹೊಡಾ ಹೆಟಾ ಘಾಲ್ಲಿನ ಹುಬ್ರಯ್ಯೊ. ತೆ ದುತೊ, ಜಿವ್ತಾ ರ‍್ಹಯಲ ವಾಲಾನೆ ತುಮೆ ನ್ಹ್ಯಾ ಕಾ ಹುಡಕಾಡಿಯೊಸ? ಎ ಮರಲ ವಾಲಾವೊನೆ ಮುಕ್ಕಕಾನಿ ಜ಼ಗಾ ವ್ಹೈ! 
\v 6 ಯೆಸು ನ್ಹ್ಯಾ ನತ್ತಿ. ತೆ ಜಿವ್ತೊ ಥೈನ ಉಟ್ಯೊಸ! ತೆ ಗಲಿಲಾಯಮಾ ರ‍್ಹತಾಮಾ ಕದಲ ವಾತ ತುಮೊನೆ ಶೆ ನತ್ತಿ ಸು? 
\v 7 ಮನಕ್ಹನಾ ದಿಕ್ರಾನೆ ಕೆಟ್ಟ ಮನಕ್ಹೊನಾ ಹತಮಾ ವಪ್ಸಿನ; ಶಿಲುವಿಪರ ಚ಼ಡಾಯಿನ ಖಲಾಸ ಕರಿನ ತನ ದಿನ್ಪರ‍ ಜಿವ್ತೊ ಥೈನ ಉಟಿನ ಆವಸ. ಕೈನ ಯೆಸು ಕದ್ಯೊ ನತ್ತಿ ಸು" ಕೈನ ಕದ್ಯಾ. 
\v 8 ತೆಳಾಮಾ ತೆ ಹೆಣ ಮನಕ್ಹೊ ಯೆಸು ಕದಲ ವಾತ ಶೆ ಕರಲಿದಿಯೊ.
\p
\v 9 ತೆ ಹೆಣ ಮನಕ್ಹೊ ಮಜಾ಼ರಮಾತಿಯೊ ಗೈನ ಯೆಸುನಾ ಗ್ಯಾರಾ ಶಿಷ್ಯಾವೊಕನ ಗಯ್ಯೊ, ತೆ ಹೆಣ ಮನಕ್ಹೊ ಮಜಾ಼ರಮಾ ಥಯಲ ಪುರಾ ತಿನಾ ಅಪೊಸ್ತಲೊಕನ ಕದಿಯೊ. 
\v 10 ತೆ ಹೆಣ ಮನಕ್ಹೊ ಕುನ್ನ ವ್ಹೈ ಕದ್ಯಾಮ; ಮಗ್ದಲನಿ ಮರಿಯಳ, ಯೊಹಾನನಿ, ಯಾಕೊಬನಿ ಯಾ ಥಯಲ ಮರಿಯಳ ವರಿ ಬಿಜಿ಼ಯೊ ಹೆಣ ಮನಕ್ಹೊ. ಅಪೊಸ್ತಲೊಕನ ತ್ಯುನೆ ಕ್ಹಾರು ಕದಿಯೊ. 
\v 11 ತೆನೈಸೊ ತಿನಾ ಅಪೊಸ್ತಲೊ ತೆ ವಾತೆ ಬರೊಕ್ಹೊ ಕರ‍್ಯಾ ನೈ. ತಿವ್ನಿವಾತೊ ಮಸ್ಕಿರಿ ಲಿಂಗತ ಲಾಗಿಯೊ. 
\v 12 ಪೆತ್ರಾ, ತ್ಯುನಿಯೊ ವಾತೊ ಕ್ಹರಿ ವ್ಹೈಸು ಕೈನ ದೆಕಾಹುತಿ ಯೆಸುನಿ ಮಾಜಾ಼ರ ಕನ ನ್ಹಾಟ್ಯೊ. ತೆ ಮಜಾ಼ರಕನ ಗೈನ ಮ್ಹೈ ಗೈನ ದೆಕ್ತಾಮಾ ಯೆಸುನೆ ಸುತ್ತಲ ವಣ್ಣಾ ಯಕ್ಕಜ಼ ವ್ಹತ್ತಾ. ತೆ ದೆಕಿನ ಪೆತ್ರಾ ಘಾಬ್ರೊ ಥೈನ ಗೈ ಪಾಡ್ಯೊ.
\s ಎಮ್ಮಾಹುನಿ ವಾಟಮಾ
\r (ಮಾರ್ಕ 16:12-13)
\p
\v 13 ತೆ ದಿನಮಾಜ಼ ಯೆಸುನಾ ಶಿಷ್ಯಾವೊಮಾನಾ ಬೆ ಜ಼ನಾ ಎಮ್ಮಾಹು ಕವಾನಾ ಗಾಮೆ ಚಾ಼ಲ್ಯಾತಾ. ತೆ ಗಾಮಾ ಯೆರುಸೆಲಿಮತು ಕ್ಹಾತ ಮೈಲ ದುರ ವ್ಹತ್ತು. 
\v 14 ತ್ಯುನೆ ಥಯಲ ಕ್ಹಾರು ಬೊಲ್ಲೆತಾ ಚಾ಼ಲ್ಯಾತಾ. 
\v 15 ತೆಳಾಮಾ ಯೆಸು ತ್ಯುನೊಕನ ಐನ, ತ್ಯುನಾ ಕ್ಹಾತೆ ಗಯೊ. 
\v 16 (ತ್ಯುನೊನೆ ಯೆಸು ವ್ಹೈ ಕವಾನು ಗ್ವತ್ತ ನ್ಹೊತು) 
\v 17 ಯೆಸು ತ್ಯುನೊನೆ"ತುಮೆ ಕೈ ವಿಷಯಮಾ ಬೊಲ್ಲಿವಾಡ್ಯಾಸ? ಕೈನ ಪುಚ್ಯೊ. ತಿಮ್ಮಕತಾ ತ್ಯುನೆ ತ್ಯಾಜ಼ ಹುಬ್ರಯಾ. ತ್ಯುನಾ ಮ್ಹೊಡಾ ದುಖ ಕ್ಹು ಭರಿಗಯಾತಾ. 
\v 18 ತ್ಯುನೊಮಾ ಕ್ಕಲೆಯೊಫಾ ಕವಾಲೊ"ತೆ ಯೆರುಸೆಲೆಮಾ ಥಯಲ ಕ್ಹಾರು ನೈ ತಿಳದಲವಾಲೊ ತು ಯಕ್ಲೊ ವ್ಹೈಸು" ಕೈನ ಕದ್ಯೊ.
\p
\v 19 ಯೆಸು ತ್ಯುನೊನೆ"ತುಮೆ ಶಾನಾ ಹುತಿ ಬೊಲ್ಲಿವಾಡ್ಯಾಸ? ಕೈನ ಪುಚ್ಯೊ. ತ್ಯುನೆ ತಿನೆ, ಹಮೆ ನಜ಼ರೆತನಾ ಯೆಸುನಾ ಹುತಿ ಬೊಲ್ಲಿವಾಡ್ಯಾಸ. ತೆ ಕ್ಹುದಾನಾ ಕಂತೊ. ವರಿ ಮನಕ್ಹೊನಾ ನಜ಼ರಮಾ ಮ್ಹೊಟೊ ಪ್ರವಾದಿ ಹೊತೊ. ತೆ ಘನಿಯೊ ಸಂಗತಿಯೊ ವರಿ ಘನ್ನಾ ಅದ್ಭುತೊನಾ ಕಾಮೊ ಕರ‍್ಯೊಸ. 
\v 20 ಹಮಾರಾ ಯೆಹುದಿಯೊನಾ ನಾಯಕೊ ವರಿ ಪ್ರದಾನ ಯಾಜಕೊ. ತಿನೆ ಮರವಾನಿ ಶಿಕ್ಷಾ ದಿಲಾಯಾ ವರಿ ತಿನೆ ಶಿಲುವಿಪರ ಘಾಲ್ಯಾ. 
\v 21 ಯೆಸು ಇಸ್ರಾಯಲನಾ ಮನಕ್ಹೊ ಬಂದನಮಾತೊ ಛೊಡಾತೊತೊ ಹಮೆ ಕೈಲೆತಾತಾ. ತೆಕ್ಲಾಮಾಜ಼಼ ಎಕ್ಹಾರು ಥೈಗಯು. ಯಕ್ಲಾಮಜ಼ ವರಿ ಯಕ್ಕ ಸಂಗತಿ ಥೈಗೈಸ. ತೆ ಮರಿನ ತನ ದಿನ್ನ ಥೈ ಗಯಾಸ. 
\v 22 ಆಜ಼ ಹಮಾರಾ ಕ್ಹಾತೆ ರ‍್ಹಯಲ ಹೆಣ ಮನಕ್ಹೊ ಘಾಬ್ರು ಥಾವಾನಿಯೊ ವಾತೊ ಕದಿಯೊ. ಪಾಟೆ ನಸಕೆ ತೆ ಹೆಣ ಮನಕ್ಹೊ. ಯೆಸುನೆ ಮ್ಹೆಲಲ ಮಜಾ಼ರಕನ ಗಯ್ಯೊತ್ಯೊ. 
\v 23 ತ್ಯಾ ತ್ಯುನೆ ಯೆಸುನು ಅಂಗ ದಿಕ್ಹ್ಯು ನೈ. ತ್ಯುನೆ ಫರಿನೆ ಐನ ಹಮೊನೆ ದೆವದುತೊ ದಿಕ್ಹ್ಯಾ ವರಿ ತೆ ದೆವದುತೊ ಯೆಸು ಮರಯೊ ನತ್ತಿ ಕೈನ ಹಮೊನೆ ಕದ್ಯಾ ಕೈನ ಕದಿಯೊ. 
\v 24 ತಿನಾಹುತಿ ಹಮೊಮಾನಾ ದಕ್ಹಾಜ಼಼ನಾ ಯೆಸುನಿ ಮಜಾ಼ರಕನ ಗಯಾ. ತೆ ಹೆಣ ಮನಕ್ಹೊ ಕದಲ ಲಿಂಗತಜ಼ ತೆ ಮಜಾ಼ರ ಕ್ಹಾಲಿ ವ್ಹತ್ತಿ. ತ್ಯುನೆ ಸುತ್ತೆ ಮುತ್ತೆ ದೆಕ್ಯಾ. ವರಿ ತ್ಯುನೊಮಾ ತೆ (ಯೆಸು) ಕಿನೆಜ಼಼ ದಿಕ್ಹ್ಯೊ ನೈ. ಕೈನ ಕದ್ಯಾ.
\p
\v 25 ತೆಳಾಮ ಯೆಸು ತ್ಯುನೊನೆ ಕದ್ಯೊ. ತುಮೆ ಗ್ಯಾನ ನೈಸೊವಾಲಾ ವ್ಹೈ. ವರಿ ಕ್ಹರಿ ತುಮೊನೆ ವಳಕಾನೆ ಥಾತು ನೈ. ಪ್ರವಾದಿಯೊ ಕವಾನು ಕ್ಹಾರು ತುಮೆ ನಂಬು. 
\v 26 ಕ್ರಿಸ್ತ ತಿನಿ ಮಹಿಮಾ ದೆಕಾಡಾತಿ ಅಗ್ದುರ ಹವಾ ತ್ರಾಸೊ ಅನುಭವಿಸು ಕೈನ ಪ್ರವಾದಿಯೊ ಕದ್ಯಾಸ "ಕದ್ಯೊ. 
\v 27 ಪಾಚಲ್ತೊ ಯೆಸು ತಿನಾ ಹುತಿ ಮೊಶೆನಾ ಗ್ರಂಥಮಾ ಬರ್ದಲ ಹರಿ ಯಕ್ಕ ಕದ್ಯೊ. ಯೆಸು ಮೊಶೆನು ಗ್ರಂಥತೊ. ಶುರು ಕರಿನ ತಿನಾ ಹುತಿ ಪ್ರವಾದಿಯೊ ಕದಲ ಕ್ಹಾರು ಕದ್ಯೊ.
\p
\v 28 ತ್ಯುನೆ ಹಮ್ಮಾಹು ಕವಾನಾ ಗಾಮನಾ ನಜಿ಼ಕ ಆತಾಮಾ. ತೆ ಅಗೊ ಗಯಲಲಿಂಗತ ಕರ‍್ಯೊ. 
\v 29 ತೆನೈಸೊ ತ್ಯುನೆ ಯೆಸುನೆ ಬಲೈನ ಹಮ್ನಾ, ರಾತ ಥೈಗೈಸ ಹಮಾರಾ ಕ್ಹಾತೆ ನ್ಹ್ಯಾಜ಼ ರ‍್ಹೆ ಕೈನ ತಿನೆ ಕೈಲಿದ್ಯಾ. ತಿನಾ ಹುತಿ ತೆ ತ್ಯುನಾ ಕ್ಹಾತೆ ತೆ ಗಾಮ್ಮಾ ಗಯೊ. 
\v 30 ಯೆಸು ತಿವ್ನಾ ಕ್ಹಾತೆ ರೊಕ್ಲೊ ಖಾವಾನೆ ಬೈಟ್ಯೊ. ತೆ ರೊಕ್ಲೊ ಲಿನ ಕ್ಹುದಾನೆ ಸ್ತೊತ್ರಾ ಕೈನ ತೆ ಭಾಗಿನ ತ್ಯುನೊನೆ ದಿದ್ಯೊ. 
\v 31 ತೆಳಾಮಾ ತ್ಯುನೆ ಯೆಸುನೆ ವಳಕ್ಯಾ. ತೆನೈಸೊ ತ್ಯುನೆ ವಳಕ್ಕತಾಮಾ ಯೆಸುನೆ ಗ್ವತ್ತ ಥೈನ ತ್ಯುನಾ ಡೊಳೆ ದಿಕ್ಹೆ ನೈಸೊ ಮಾಯಾ ಥಯೊ. 
\v 32 ತ್ಯುನೆ ಭಂಬಿಜ಼ನಾ"ತೆ ಅಪ್ನಾ ಕ್ಹಾತೆ ಬೊಲ್ತಾಮಾ ಅಪೊಮಾ ಆಗ ಲಾಗಲ ಲಿಂಗತ ಥೈನೈ? ಪವಿತ್ರ ಗ್ರಂಥಮಾ ರ‍್ಹಯಲ ಕ್ಹರಿಮಾನು ಮತ್ಲಬ್ ತೆ ಕತಾಮಾ ಘನ್ನು ಚೊ಼ಕು ಲಾಗ್ಯುನೈ?
\p
\v 33 ತೆಳಾಮಾಜ಼ ತ್ಯುನೆ ಉಟಿನ ಯೆರೊಸೆಲಿಮೆ ಗಯಾ. ಯೆರುಸೆಲೆಮಾ ತಿನಾ ಕ್ಹಾರಾ ಶಿಷ್ಯಾ ಮಳಿನ ಆಯಾ. ಗ್ಯಾರಾ ಶಿಷ್ಯಾ ವರಿ ತ್ಯುನಾ ಕ್ಹಾತೆ ರ‍್ಹಯಲ ಮನಕ್ಹೊ. 
\v 34 ಪ್ರಭು (ಯೆಸು) ಮರಲ ವಾಲಾವೊಮಾತೊ ಕ್ಹರಿಮಾಜ಼ ಜಿವ್ತೊ ಥೈನ ಉಟ್ಯೊಸ! ತೆ ಪೆತ್ರಾನೆ ದಿಕ್ಹ್ಯೊಸ ಕೈನ ಕದ್ಯಾ. 
\v 35 ತೆಳಾಮಾ ವಾಟ್ಮಾ ಜಾ಼ವಾಲಾ ತ್ಯುನಾ ಕ್ಹಾತೆ ಥಯಲ ತ್ಯುನೆ ತ್ಯುನೊಕನ ಕದ್ಯಾ. ವರಿ ಹಮೆ ತೆ ರೊಕ್ಲೊ ಭಾಗತಾಮಾ ತಿನೆ ವಳಕ್ಯಾ ಕೈನ ಕದ್ಯಾ.
\s ಯೆಸು ತಿನಾ ಶಿಷ್ಯಾವೊನೆ ದಿಕ್ಹಲ
\r (ಮತ್ತಾಯ 28:16-20; ಮಾರ್ಕ 16:14-18; ಯೊಹಾನ 20:19-23)
\p
\v 36 ತ್ಯುನೆ ಭಂಬಿಜ಼಼ನಾ ತೆ ಕ್ಹಾರು ಕತಾಮಾ, ತ್ಯುನಾ ವಚ಼ಮಾ ಯೆಸು ಐನ ತುಮೊನೆ ಚೊ಼ಕು ಥಾವಾದೆ ಕದ್ಯೊ. 
\v 37 ತೆಳಾಮಾ ಶಿಷ್ಯಾ. ತ್ಯುನೊನೆ ಭೆ ವಾಟ್ಯೊ. ಎ ಕೆಟ್ಟ ಆತ್ಮಾ ವಸೆ ಕೈನ ತಿಳದಿಲಿದ್ಯಾ. 
\v 38 ವರಿ ಯೆಸು, ತ್ಯುನೊನೆ ತುಮೆ ಗಲಿ ಬಿಲಿ ಥಯಾಸ? ತುಮೆ ಡೊಳೆ ದೆಕಿನಬಿ ಕಾ ಸಂಶ್ಯೊಕರೊಶಿ? 
\v 39 ಮಾರಾ ಹತೊ ವರಿ ಮಾರಾ ಪಗೊ ದೆಕೊ. ಮಿಜ಼ ವ್ಹೈ! ಮನೆ ಮುಟ್ಟೊ. ಮಾರು ಜಿವ್ತು ಅಂಗ ದೆಕೊ. ಕೆಟ್ಟ ಆತ್ಮಾನೆ ಇಮ್ಮ ಅಂಗ ರ‍್ಹತು ನೈ "ಕದ್ಯೊ.
\p
\v 40 ಯೆಸು ಎ ಕದಲ್ಪರ, ಹತೊಮಾ ಪಗೊಮಾ ರ‍್ಹಯಲ ದುಕ್ಕಕೊ ದೆಕಾಡ್ಯೊ. 
\v 41 ತೆಳಾಮಾ ತಿನಾ ಶಿಷ್ಯಾ ಘಾಬ್ರಾಥಯಾ ವರಿ ತ್ಯುನೆ ಜಿವ್ತೊ ಥಯಲ ದೆಕಿನ ಘನ್ನಾ ಖುಶಿ ಥಯಾ. ವರಿಬಿ ತ್ಯುನೆ ಬರೊಕ್ಹೊ ಕರಾನೆ ಥಯು ನೈ. ಯೆಸು ತ್ಯುನೊನೆ ತುಮೊಕನ ಖಾವಾನೆ ಸುಬಿ ಅನ್ನ ಛೆಸು? ರ‍್ಹಯುಮ ಮನೆ ದಿವೊ ಕೈನ ಕದ್ಯೊ. 
\v 42 ತ್ಯುನೆ ಬಳಲ ಮಚ್ಲಿ಼ ತಿನೆ ದಿದ್ಯಾ. 
\v 43 ಶಿಷ್ಯಾವೊನಾ ಡೊಳಾ ಕ್ಹಾಮೊ ಯೆಸು ತೆ ಮಚ಼ಲಿ ಲಿನ ಖಾದ್ಯೊ.
\p
\v 44 ಯೆಸು ತ್ಯುನೊನೆ ಮಿ ತುಮಾರಾ ಕ್ಹಾತೆ ರ‍್ಹಯಲ ಶೆಕರಿಲಿವೊ. ಮಾರಿ ವಿಷಯಮಾ ಮೊಶೆನು ಧರಮಶಾಸ್ತ್ರಮಾ ಪ್ರವಾದಿಯೊನಾ ಗ್ರಂಥಮಾ, ಕಿರತನೆಮಾ ಬರ್ದಲ ಹರಿ ಯಕ್ಕ ಸಂಗತಿಯೊ ಪುರಾ ಥೌ ಕೈನ ಮಿ "ಕದ್ಯೊ. 
\v 45 ಪಾಚಲ್ತೊ ಯೆಸು ಪವಿತ್ರ ಗ್ರಂಥಮಾ ರ‍್ಹಯಲ ತಿನಾ ಹುತಿ ಬರ್ದಲ ಶಿಷ್ಯಾವೊನೆ ತಿಳಶ್ಯೊ. 
\v 46 ಪಾಚಲ್ತೊ, ಯೆಸು ತ್ಯುನೊನೆ "ಕ್ರಿಸ್ತ ಮರಿನ ತನ ದಿನ್ಪರ‍ ತೆ ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ಆವಸ ಕೈನ ಬರ್ದಲ ಛೆ. 
\v 47 ಎಕ್ಹಾರು ಪುರಾ ಥಾವಾನು ತುಮೆ ದೆಕ್ಯಾಸ. ತುಮೆಜ಼ ಇನೆ ಸಾಕ್ಷಿ ವ್ಹೈ. 
\v 48 ತುಮೆ ಮನಕ್ಹೊಕನ ಜಾ಼ವೊ, ತ್ಯುನಾ ಪಾಪೊನೆ ಪಶ್ಚಾತಾಪ ಪಡಿನ ಕ್ಹುದಾಬಗಲ ಫರಾಲಾವೊನೆ ಪಾಪ ಮಾಫ ಥಾವಸ ಕೈನ ಕವೊ. ತುಮೆ ಸುವಾರ್ತೆ ಯೆರುಸೆಲೆಮಾ ಶುರುಕರಿನ ಜಗತ್ನಾ ಮನಕ್ಹೊಮಾ ಮಾರಾ ನಾಮಪರ ತಿಳಸೊ. 
\v 49 ಐಕೊ! ಮಾರೊ, ಬಾ, ಕದಲಜ಼ ಮಿ ತುಮೊನೆ ತಿಳಸುಸ. ವರಿ ತುಮೆ ಸ್ವರಗನೆ ಶಕ್ತಿ ಮಳೆಲಕ್ಕಾ ಯೆರುಸೆಲೆಮಾಜ಼ ಕೈದಿನ ರ‍್ಹವೊ "ಕದ್ಯೊ.
\s ಯೆಸು ಸ್ವರ್ಗಮಾ ಗಯಲ
\r (ಮಾರ್ಕ 16:19-20)
\p
\v 50 ಯೆಸು ತಿನಾ ಶಿಷ್ಯಾವೊನೆ ಯೆರುಸೆಲೆಮ್ನಾ ಭಾರೊ ಬೆಥಾನಿನಾ ನಜಿ಼ಕ ಬಲೈ ಲಿನಗಯೊ. ಯೆಸು ತಿನಾ ಹತೊ ಉಚೈನ ತಿನಾ ಶಿಷ್ಯಾವೊನೆ ಆಶಿರ್ವಾದ ದಿದ್ಯೊ. 
\v 51 ತೆಳಾಮಾಜ಼ ಯೆಸು ತಿನಾ ಶಿಷ್ಯಾವೊಕಂತೊ ಸ್ವರಗೆ ಗೈ ಪಾಡ್ಯೊ. 
\v 52 ಶಿಷ್ಯಾ ಯೆಸುನೆ ತ್ಯಾ ಸ್ತುತಿ ಕರ‍್ಯಾ. ಪಾಚಾ಼ತಾ ತ್ಯುನೆ ಫರಿನ ಗಾಮ್ಮಾ ಗಯಾ. ತ್ಯುನೆ ಘನ್ನಾ ಖುಶಿಮಾ ವ್ಹತ್ತಾ. 
\v 53 ತ್ಯುನೆ ಹಮೆಶಾಬಿ ದೆವಾಲಯಮಾ ಕ್ಹುದಾನಿ ಸ್ತುತಿ ಕರತಾತಾ.